க்ரு'ஷ்ண யஜுர்வேதீய தைத்திரீய ப்ராஹ்மணே த்ரு'தீயாஷ்டகே ப்ரதமஃ ப்ரபாடகஃ - நக்ஷத்ரேஷ்டீநாம்-யாँஜ்யா-ऽநுவாக்யா ப்ராஹ்மணாநி
ஓ-ந்நமஃ பரமாத்மநே, ஶ்ரீ மஹாகணபதயே நமஃ,
ஶ்ரீ குருப்யோ நமஃ । ஹ॒ரிஃ॒ ஓம் ॥
அநுவாகம் 1 - தேவநக்ஷத்ராணாம்-யாँஜ்யாநுவாக்யாஃ
அ॒க்நிர்நஃ॑ பாது॒ க்ரு'த்தி॑காஃ । நக்ஷ॑த்ர-ந்தே॒வமி॑ந்த்ரி॒யம் । இ॒தமா॑ஸாம்-விँசக்ஷ॒ணம் । ஹ॒விரா॒ஸ-ஞ்ஜு॑ஹோதந ॥ யஸ்ய॒ பாந்தி॑ ர॒ஶ்மயோ॒ யஸ்ய॑ கே॒தவஃ॑ । யஸ்யே॒மா விஶ்வா॒ புவ॑நாநி॒ ஸர்வா᳚ ।
ஸ க்ரு'த்தி॑காபிர॒பி ஸம்॒வँஸா॑நஃ । அ॒க்நிர்நோ॑ தே॒வ-ஸ்ஸு॑வி॒தே த॑தாது ॥ ப்ர॒ஜாப॑தே ரோஹி॒ணீ வே॑து॒ பத்நீ᳚ ।
வி॒ஶ்வரூ॑பா ப்ரு'ஹ॒தீ சி॒த்ரபா॑நுஃ ॥ 1 ॥
ஸா நோ॑ ய॒ஜ்ஞஸ்ய॑ ஸுவி॒தே த॑தாது । யதா॒ ஜீவே॑ம ஶ॒ரத॒-ஸ்ஸவீ॑ராஃ ॥ ரோ॒ஹி॒ணீ தே॒வ்யுத॑கா-த்பு॒ரஸ்தா᳚த் । விஶ்வா॑ ரூ॒பாணி॑ ப்ரதி॒மோத॑மாநா । ப்ர॒ஜாப॑திக்ம் ஹ॒விஷா॑ வ॒ர்தய॑ந்தீ । ப்ரி॒யா தே॒வாநா॒-முப॑யாது ய॒ஜ்ஞம் ॥ ஸோமோ॒ ராஜா॑ ம்ரு'கஶீ॒ர॒.ஷேண॒ ஆகந்ந்॑ । ஶி॒வ-ந்நக்ஷ॑த்ர-ம்ப்ரி॒யம॑ஸ்ய॒ தாம॑ ।
ஆ॒ப்யாய॑மாநோ பஹு॒தா ஜநே॑ஷு ।
ரேதஃ॑ ப்ர॒ஜாம்-யँஜ॑மாநே ததாது ॥ 2 ॥
ய-த்தே॒ நக்ஷ॑த்ர-ம்ம்ரு'கஶீ॒ர॒.ஷமஸ்தி॑ ।
ப்ரி॒யக்ம் ரா॑ஜ-ந்ப்ரி॒யத॑ம-ம்ப்ரி॒யாணா᳚ம் ।
தஸ்மை॑ தே ஸோம ஹ॒விஷா॑ விதேம ।
ஶந்ந॑ ஏதி த்வி॒பதே॒ ஶ-ஞ்சது॑ஷ்பதே ॥
ஆ॒ர்த்ரயா॑ ரு॒த்ரஃ ப்ரத॑மாந ஏதி । ஶ்ரேஷ்டோ॑ தே॒வாநா॒-ம்பதி॑ரக்நி॒யாநா᳚ம் । நக்ஷ॑த்ரமஸ்ய ஹ॒விஷா॑ விதேம । மா நஃ॑ ப்ர॒ஜாக்ம் ரீ॑ரிஷ॒-ந்மோத வீ॒ராந் ॥
ஹே॒தீ ரு॒த்ரஸ்ய॒ பரி॑ணோ வ்ரு'ணக்து । ஆ॒ர்த்ரா நக்ஷ॑த்ர-ஞ்ஜுஷதாக்ம் ஹ॒விர்நஃ॑ ॥ 3 ॥
ப்ர॒மு॒ஞ்சமா॑நௌ துரி॒தாநி॒ விஶ்வா᳚ । அபா॒கஶக்ம்॑ ஸ-ந்நுததா॒மரா॑திம் ॥ புந॑ர்நோ தே॒வ்யதி॑தி-ஸ்ஸ்ப்ரு'ணோது । புந॑ர்வஸூ நஃ॒ புந॒ரேதாம்᳚-யँ॒ஜ்ஞம் ।
புந॑ர்நோ தே॒வா அ॒பிய॑ந்து॒ ஸர்வே᳚ । புநஃ॑ புநர்வோ ஹ॒விஷா॑ யஜாமஃ ॥ ஏ॒வா ந தே॒வ்யதி॑திரந॒ர்வா । விஶ்வ॑ஸ்ய ப॒ர்த்ரீ ஜக॑தஃ ப்ரதி॒ஷ்டா । புந॑ர்வஸூ ஹ॒விஷா॑ வ॒ர்தய॑ந்தீ । ப்ரி॒ய-ந்தே॒வாநா॒-மப்யே॑து॒ பாதஃ॑ ॥ 4 ॥
ப்ரு'ஹ॒ஸ்பதிஃ॑ ப்ரத॒ம-ஞ்ஜாய॑மாநஃ । தி॒ஷ்ய॑-ந்நக்ஷ॑த்ரம॒பி ஸம்ப॑பூவ । ஶ்ரேஷ்டோ॑ தே॒வாநா॒-ம்ப்ரு'த॑நாஸு ஜி॒ஷ்ணுஃ । திஶோ-ऽநு॒ ஸர்வா॒ அப॑யந்நோ அஸ்து ॥
தி॒ஷ்யஃ॑ பு॒ரஸ்தா॑து॒த ம॑த்த்ய॒தோ நஃ॑ । ப்ரு'ஹ॒ஸ்பதி॑ ர்நஃ॒ பரி॑பாது ப॒ஶ்சாத் । பாதே॑தா॒-ந்த்வேஷோ॒ அப॑ய-ங்க்ரு'ணுதாம் । ஸு॒வீர்ய॑ஸ்ய॒ பத॑ய-ஸ்ஸ்யாம ॥
இ॒தக்ம் ஸ॒ர்பேப்யோ॑ ஹ॒விர॑ஸ்து॒ ஜுஷ்ட᳚ம் ।
ஆ॒ஶ்ரே॒ஷா யேஷா॑-மநு॒யந்தி॒ சேதஃ॑ ॥ 5 ॥
யே அ॒ந்தரி॑க்ஷ-ம்ப்ரு'தி॒வீ-ங்க்ஷி॒யந்தி॑ । தேநஃ॑ ஸ॒ர்பாஸோ॒ ஹவ॒மாக॑மிஷ்டாஃ ॥ யே ரோ॑ச॒நே ஸூர்ய॒ஸ்யாபி॑
ஸ॒ர்பாஃ । யே திவ॑-ந்தே॒வீமநு॑ ஸ॒ஞ்சர॑ந்தி ।
யேஷா॑மாஶ்ரே॒ஷா அ॑நு॒யந்தி॒ காம᳚ம் ।
தேப்யஃ॑ ஸ॒ர்பேப்யோ॒ மது॑மஜ்ஜுஹோமி ॥
உப॑ஹூதாஃ பி॒தரோ॒ யே ம॒காஸு॑ । மநோ॑ஜவஸ-ஸ்ஸு॒க்ரு'தஃ॑ ஸுக்ரு'॒த்யாஃ । தே நோ॒ நக்ஷ॑த்ரே॒ ஹவ॒மாக॑மிஷ்டாஃ । ஸ்வ॒தாபி॑ ர்ய॒ஜ்ஞ-ம்ப்ரய॑த-ஞ்ஜுஷந்தாம் ॥ 6 ॥
யே அ॑க்நித॒க்தா யே-ऽந॑க்நி-தக்தாஃ । யே॑-ऽமும்-லோँ॒க-ம்பி॒தரஃ॑ க்ஷி॒யந்தி॑ । யாக்ஶ்ச॑ வி॒த்மயாக்ம் உ॑ ச॒ ந ப்ர॑வி॒த்ம । ம॒காஸு॑ ய॒ஜ்ஞக்ம் ஸுக்ரு'॑த-ஞ்ஜுஷந்தாம் ॥
கவா॒-ம்பதிஃ॒ பல்கு॑நீநாமஸி॒ த்வம் । தத॑ர்யமந் வருண மித்ர॒ சாரு॑ । த-ந்த்வா॑ வ॒யக்ம் ஸ॑நி॒தாரக்ம்॑ ஸநீ॒நாம் । ஜீ॒வா ஜீவ॑ந்த॒முப॒ ஸம்விँ॑ஶேம ॥
யேநே॒மா விஶ்வா॒ புவ॑நாநி॒ ஸஞ்ஜி॑தா ।
யஸ்ய॑ தே॒வா அ॑நு ஸம்॒யँந்தி॒ சேதஃ॑ ॥ 7 ॥
அ॒ர்ய॒மா ராஜா॒-ऽஜர॒ஸ்துவி॑ஷ்மாந் । பல்கு॑நீநா-ம்ரு'ஷ॒போ ரோ॑ரவீதி ॥ ஶ்ரேஷ்டோ॑ தே॒வாநா᳚-ம்பகவோ பகாஸி । தத்த்வா॑ விதுஃ॒ பல்கு॑நீ॒ஸ்தஸ்ய॑ வித்தாத் । அ॒ஸ்மப்ய॑-ங்க்ஷ॒த்ரம॒ஜரக்ம்॑ ஸு॒வீர்ய᳚ம் । கோம॒தஶ்வ॑-வ॒துப॒-ஸந்நு॑தே॒ஹ ॥ பகோ॑ ஹ தா॒தா பக॒ இ-த்ப்ர॑தா॒தா । பகோ॑ தே॒வீஃ பல்கு॑நீ॒ராவி॑வேஶ । பக॒ஸ்யேத்த-ம்ப்ர॑ஸ॒வ-ங்க॑மேம । யத்ர॑ தே॒வை-ஸ்ஸ॑த॒மாத॑-ம்மதேம ॥ 8 ॥
ஆயா॑து தே॒வ-ஸ்ஸ॑வி॒தோப॑யாது । ஹி॒ர॒ண்யயே॑ந ஸு॒வ்ரு'தா॒ ரதே॑ந । வஹ॒ந்॒. ஹஸ்தக்ம்॑ ஸு॒பகம்॑-விँத்ம॒நாப॑ஸம் । ப்ர॒யச்ச॑ந்த॒-ம்பபு॑ரி॒-ம்புண்ய॒மச்ச॑ ॥
ஹஸ்தஃ॒ ப்ரய॑ச்ச த்வ॒ம்ரு'தம்॒-வँஸீ॑யஃ ।
தக்ஷி॑ணேந॒ ப்ரதி॑க்ரு'ப்ணீம ஏநத் ।
தா॒தார॑ம॒த்ய ஸ॑வி॒தா வி॑தேய ।
யோ நோ॒ ஹஸ்தா॑ய ப்ரஸு॒வாதி॑ ய॒ஜ்ஞம் ॥
த்வஷ்டா॒ நக்ஷ॑த்ரம॒ப்யே॑தி சி॒த்ராம் ।
ஸு॒பக்ம் ஸ॑ஸம்-யுँவ॒திக்ம் ரோச॑மாநாம் ॥ 9 ॥
நி॒வே॒ஶய॑-ந்ந॒ம்ரு'தா॒-ந்மர்த்யாக்॑ஶ்ச ।
ரூ॒பாணி॑ பி॒க்ம்॒ஶ-ந்புவ॑நாநி॒ விஶ்வா᳚ ॥
தந்ந॒ஸ்த்வஷ்டா॒ தது॑ சி॒த்ரா விச॑ஷ்டாம் ।
தந்நக்ஷ॑த்ர-ம்பூரி॒தா அ॑ஸ்து॒ மஹ்ய᳚ம் ।
தந்நஃ॑ ப்ர॒ஜாம்-வீँ॒ரவ॑தீக்ம் ஸநோது ।
கோபி॑ர்நோ॒ அஶ்வை॒-ஸ்ஸம॑நக்து ய॒ஜ்ஞம் ॥
வா॒யுர்நக்ஷ॑த்ர-ம॒ப்யே॑தி॒ நிஷ்ட்யா᳚ம் ।
தி॒க்மஶ்ரு'॑ங்கோ வ்ரு'ஷ॒போ ரோரு॑வாணஃ ।
ஸ॒மீ॒ரய॒-ந்புவ॑நா மாத॒ரிஶ்வா᳚ ।
அப॒ த்வேஷாக்ம்॑ஸி நுததா॒மரா॑தீஃ ॥ 10 ॥
தந்நோ॑ வா॒யஸ்தது॒ நிஷ்ட்யா॑ ஶ்ரு'ணோது ।
தந்நக்ஷ॑த்ர-ம்பூரி॒தா அ॑ஸ்து॒ மஹ்ய᳚ம் ।
தந்நோ॑ தே॒வாஸோ॒ அநு॑ ஜாநந்து॒ காம᳚ம் । யதா॒ தரே॑ம துரி॒தாநி॒ விஶ்வா᳚ ॥ தூ॒ரம॒ஸ்மச்சத்ர॑வோ யந்து பீ॒தாஃ । ததி॑ந்த்ரா॒க்நீ க்ரு'॑ணுதா॒-ந்த-த்விஶா॑கே ।
தந்நோ॑ தே॒வா அநு॑மதந்து ய॒ஜ்ஞம் । ப॒ஶ்சா-த்பு॒ரஸ்தா॒-தப॑யந்நோ அஸ்து ॥ நக்ஷ॑த்ராணா॒-மதி॑பத்நீ॒ விஶா॑கே ।
ஶ்ரேஷ்டா॑விந்த்ரா॒க்நீ புவ॑நஸ்ய கோ॒பௌ ॥ 11 ॥
விஷூ॑ச॒-ஶ்ஶத்ரூ॑-நப॒பாத॑மாநௌ । அப॒ க்ஷுத॑-ந்நுததா॒மரா॑திம் ॥ பூ॒ர்ணா ப॒ஶ்சாது॒த பூ॒ர்ணா பு॒ரஸ்தா᳚த் । உந்ம॑த்த்ய॒தஃ பௌ᳚ர்ணமா॒ஸீ ஜி॑காய ।
தஸ்யா᳚-ந்தே॒வா அதி॑ ஸம்॒வँஸ॑ந்தஃ ।
உ॒த்த॒மே நாக॑ இ॒ஹ மா॑தயந்தாம் ॥
ப்ரு'॒த்வீ ஸு॒வர்சா॑ யுவ॒தி-ஸ்ஸ॒ஜோஷாஃ᳚ । பௌ॒ர்ண॒மா॒ஸ்யுத॑கா॒-ச்சோப॑மாநா ।
ஆ॒ப்யா॒யய॑ந்தீ துரி॒தாநி॒ விஶ்வா᳚ ।
உ॒ரு-ந்துஹாம்॒-யँஜ॑மாநாய ய॒ஜ்ஞம் ॥ 12 ॥
(சி॒த்ரபா॑நு॒-ர் யஜ॑மாநே ததாது - ஹ॒விர்நஃ॒ - பாத॒ - ஶ்சேதோ॑ - ஜுஷந்தாம்॒ - சேதோ॑ - மதேம॒ - ரோச॑மாநா॒ - மரா॑தீ--ர் கோ॒பௌ - ய॒ஜ்ஞம்) (அ. 1)
அநுவாகம் 2 - யமநக்ஷத்ராணாம்-யாँஜ்யாநுவாக்யாஃ
ரு'॒த்த்யாஸ்ம॑ ஹ॒வ்யை-ர்நம॑ஸோப॒ ஸத்ய॑ ।
மி॒த்ர-ந்தே॒வ-ம்மி॑த்ர॒தேய॑ந்நோ அஸ்து । அ॒நூ॒ரா॒தாந். ஹ॒விஷா॑ வ॒ர்தய॑ந்தஃ । ஶ॒த-ஞ்ஜீ॑வேம ஶ॒ரத॒-ஸ்ஸவீ॑ராஃ ॥ சி॒த்ர-ந்நக்ஷ॑த்ர॒-முத॑கா-த்பு॒ரஸ்தா᳚த் । அ॒நூ॒ரா॒தாஸ॒ இதி॒ ய-த்வத॑ந்தி । தந்மி॒த்ர ஏ॑தி ப॒திபி॑ ர்தேவ॒யாநைஃ᳚ । ஹி॒ர॒ண்யயை॒ ர்வித॑தை-ர॒ந்தரி॑க்ஷே ॥
இந்த்ரோ᳚ ஜ்யே॒ஷ்டாமநு॒ நக்ஷ॑த்ரமேதி । யஸ்மி॑ந் வ்ரு'॒த்ரம்-வ்ரு'ँ॑த்ர॒ தூர்யே॑ த॒தார॑ ॥ 13 ॥
தஸ்மி॑ந் வ॒யம॒ம்ரு'த॒-ந்துஹா॑நாஃ । க்ஷுத॑-ந்தரேம॒ துரி॑தி॒-ந்துரி॑ஷ்டிம் ॥ பு॒ர॒ந்த॒ராய॑ வ்ரு'ஷ॒பாய॑ த்ரு'॒ஷ்ணவே᳚ । அஷா॑டாய॒ ஸஹ॑மாநாய மீ॒டுஷே᳚ ।
இந்த்ரா॑ய ஜ்யே॒ஷ்டா மது॑ம॒-த்துஹா॑நா ।
உ॒ரு-ங்க்ரு'॑ணோது॒ யஜ॑மாநாய லோ॒கம் ॥
மூல॑-ம்ப்ர॒ஜாம்-வீँ॒ரவ॑தீம்-விँதேய । பரா᳚ச்யேது॒ நிர்-ரு'॑திஃ பரா॒சா । கோபி॒ ர்நக்ஷ॑த்ர-ம்ப॒ஶுபி॒-ஸ்ஸம॑க்தம் । அஹ॑ர்பூயா॒-த்யஜ॑மாநாய॒ மஹ்ய᳚ம் ॥ 14 ॥
அஹ॑ர்நோ அ॒த்ய ஸு॑வி॒தே த॑தாது । மூல॒-ந்நக்ஷ॑த்ர॒மிதி॒ ய-த்வத॑ந்தி । பரா॑சீம்-வாँ॒சா நிர்-ரு'॑தி-ந்நுதாமி ।
ஶி॒வ-ம்ப்ர॒ஜாயை॑ ஶி॒வம॑ஸ்து॒ மஹ்ய᳚ம் ॥
யா தி॒வ்யா ஆபஃ॒ பய॑ஸா ஸ-ம்பபூ॒வுஃ । யா அ॒ந்தரி॑க்ஷ உ॒த பார்தி॑வீ॒ர்யாஃ । யாஸா॑மஷா॒டா அ॑நு॒யந்தி॒
காம᳚ம் । தா ந॒ ஆப॒-ஶ்ஶக்க் ஸ்யோ॒நா ப॑வந்து ॥
யாஶ்ச॒ கூப்யா॒ யாஶ்ச॑ நா॒த்யா᳚-ஸ்ஸமு॒த்ரியாஃ᳚ ।
யாஶ்ச॑ வைஶ॒ந்தீரு॒த ப்ரா॑ஸ॒சீர்யாஃ ॥ 15 ॥
யாஸா॑மஷா॒டா மது॑ ப॒க்ஷய॑ந்தி । தா ந॒ ஆப॒-ஶ்ஶக்க் ஸ்யோ॒நா ப॑வந்து ॥ தந்நோ॒ விஶ்வே॒ உப॑ ஶ்ரு'ண்வந்து தே॒வாஃ । தத॑ஷா॒டா அ॒பி ஸம்யँ॑ந்து ய॒ஜ்ஞம் ।
தந்நக்ஷ॑த்ர-ம்ப்ரததா-ம்ப॒ஶுப்யஃ॑ ।
க்ரு'॒ஷி-ர்வ்ரு'॒ஷ்டி-ர்யஜ॑மாநாய கல்பதாம் ॥
ஶு॒ப்ராஃ க॒ந்யா॑ யுவ॒தயஃ॑ ஸு॒பேஶ॑ஸஃ । க॒ர்ம॒க்ரு'தஃ॑ ஸு॒க்ரு'தோ॑ வீ॒ர்யா॑வதீஃ ।
விஶ்வா᳚-ந்தே॒வாந். ஹ॒விஷா॑ வ॒ர்தய॑ந்தீஃ ।
அ॒ஷா॒டாஃ காம॒முப॑யாந்து ய॒ஜ்ஞம் ॥ 16 ॥
யஸ்மி॒-ந்ப்ரஹ்மா॒-ऽப்யஜ॑ய॒-த்ஸர்வ॑மே॒தத் ।
அ॒முஞ்ச॑ லோ॒க மி॒தமூ॑ச॒ ஸர்வ᳚ம் ।
தந்நோ॒ நக்ஷ॑த்ரமபி॒ஜி-த்வி॒ஜித்ய॑ । ஶ்ரிய॑-ந்ததா॒-த்வஹ்ரு'॑ணீயமாநம் ॥ உ॒பௌ லோ॒கௌ ப்ரஹ்ம॑ணா॒ ஸஞ்ஜி॑தே॒மௌ । தந்நோ॒ நக்ஷ॑த்ரமபி॒ஜி-த்விச॑ஷ்டாம் ।
தஸ்மி॑ந் வ॒ய-ம்ப்ரு'த॑நா॒-ஸ்ஸ-ஞ்ஜ॑யேம ।
தந்நோ॑ தே॒வாஸோ॒ அநு॑ஜாநந்து॒ காம᳚ம் ॥
ஶ்ரு'॒ண்வந்தி॑ ஶ்ரோ॒ணா-ம॒ம்ரு'த॑ஸ்ய கோ॒பாம் ।
புண்யா॑மஸ்யா॒ உப॑ஶ்ரு'ணோமி॒ வாச᳚ம் ॥ 17 ॥
ம॒ஹீ-ந்தே॒வீம்-விँஷ்ணு॑பத்நீ-மஜூ॒ர்யாம் । ப்ர॒தீசீ॑மேநாக்ம் ஹ॒விஷா॑ யஜாமஃ ॥
த்ரே॒தா விஷ்ணு॑-ருருகா॒யோ விச॑க்ரமே ।
ம॒ஹீ-ந்திவ॑-ம்ப்ரு'தி॒வீ-ம॒ந்தரி॑க்ஷம் ।
தச்ச்ரோ॒ணைதி॒ ஶ்ரவ॑ இ॒ச்சமா॑நா ।
புண்ய॒க்க்॒ ஶ்லோகம்॒-யँஜ॑மாநாய க்ரு'ண்வ॒தீ ॥
அ॒ஷ்டௌ தே॒வா வஸ॑வ-ஸ்ஸோ॒ம்யாஸஃ॑ ।
சத॑ஸ்ரோ தே॒வீ ர॒ஜரா॒-ஶ்ஶ்ரவி॑ஷ்டாஃ ।
தே ய॒ஜ்ஞ-ம்பா᳚ந்து॒ ரஜ॑ஸஃ ப॒ரஸ்தா᳚த் ।
ஸம்॒வँ॒த்ஸ॒ரீண॑-ம॒ம்ரு'தக்க்॑ ஸ்வ॒ஸ்தி ॥ 18 ॥
ய॒ஜ்ஞ-ந்நஃ॑ பாந்து॒ வஸ॑வஃ பு॒ரஸ்தா᳚த் । த॒க்ஷி॒ண॒தோ॑-ऽபிய॑ந்து॒ ஶ்ரவி॑ஷ்டாஃ । புண்ய॒-ந்நக்ஷ॑த்ரம॒பி ஸம்விँ॑ஶாம । மா நோ॒ அரா॑தி-ர॒கஶ॒க்ம்॒ஸா கந்ந்॑ ॥
க்ஷ॒த்ரஸ்ய॒ ராஜா॒ வரு॑ணோ-ऽதிரா॒ஜஃ । நக்ஷ॑த்ராணாக்ம் ஶ॒தபி॑ஷ॒க் வஸி॑ஷ்டஃ । தௌ தே॒வேப்யஃ॑ க்ரு'ணுதோ தீ॒ர்கமாயுஃ॑ । ஶ॒தக்ம் ஸ॒ஹஸ்ரா॑ பேஷ॒ஜாநி॑ தத்தஃ ॥
ய॒ஜ்ஞந்நோ॒ ராஜா॒ வரு॑ண॒ உப॑யாது । தந்நோ॒ விஶ்வே॑ அ॒பி ஸம்யँ॑ந்து தே॒வாஃ ॥ 19 ॥
தந்நோ॒ நக்ஷ॑த்ரக்ம் ஶ॒தபி॑ஷக் ஜுஷா॒ணம் । தீ॒ர்கமாயுஃ॒ ப்ரதி॑ர-த்பேஷ॒ஜாநி॑ ॥ அ॒ஜ ஏக॑பா॒துத॑கா-த்பு॒ரஸ்தா᳚த் । விஶ்வா॑ பூ॒தாநி॑ ப்ரதி॒மோத॑மாநஃ । தஸ்ய॑ தே॒வாஃ ப்ர॑ஸ॒வம்-யँ॑ந்தி॒ ஸர்வே᳚ । ப்ரோ॒ஷ்ட॒ப॒தாஸோ॑ அ॒ம்ரு'த॑ஸ்ய கோ॒பாஃ ॥
வி॒ப்ராஜ॑மாந-ஸ்ஸமிதா॒ந உ॒க்ரஃ । ஆ-ऽந்தரி॑க்ஷ-மருஹ॒த-க॒ந்த்யாம் । தக்ம் ஸூர்ய॑-ந்தே॒வ-ம॒ஜமேக॑பாதம் । ப்ரோ॒ஷ்ட॒ப॒தாஸோ॒ அநு॑யந்தி॒ ஸர்வே᳚ ॥ 20 ॥
அஹி॑-ர்பு॒த்த்நியஃ॒ ப்ரத॑மாந ஏதி । ஶ்ரேஷ்டோ॑ தே॒வாநா॑மு॒த மாநு॑ஷாணாம் । த-ம்ப்ரா᳚ஹ்ம॒ணா-ஸ்ஸோ॑ம॒பா-ஸ்ஸோ॒ம்யாஸஃ॑ ।
ப்ரோ॒ஷ்ட॒ப॒தாஸோ॑ அ॒பி ர॑க்ஷந்தி॒ ஸர்வே᳚ ॥
ச॒த்வார॒ ஏக॑ம॒பி கர்ம॑ தே॒வாஃ ।
ப்ரோ॒ஷ்ட॒ப॒தாஸ॒ இதி॒ யாந். வத॑ந்தி ।
தே பு॒த்தநிய॑-ம்பரி॒ஷத்யக்க்॑ ஸ்து॒வந்தஃ॑ ।
அஹிக்ம்॑ ரக்ஷந்தி॒ நம॑ஸோப॒ஸத்ய॑ ॥
பூ॒ஷா ரே॒வத்யந்வே॑தி॒ பந்தா᳚ம் । பு॒ஷ்டி॒பதீ॑ பஶு॒பா வாஜ॑பஸ்த்யௌ ॥ 21 ॥
இ॒மாநி॑ ஹ॒வ்யா ப்ரய॑தா ஜுஷா॒ணா ।
ஸு॒கைர்நோ॒ யாநை॒ருப॑யாதாம்-யँ॒ஜ்ஞம் ॥
க்ஷு॒த்ரா-ந்ப॒ஶூ-ந்ர॑க்ஷது ரே॒வதீ॑ நஃ ।
காவோ॑ நோ॒ அஶ்வா॒க்ம்॒ அந்வே॑து பூ॒ஷா ।
அந்ந॒க்ம்॒ ரக்ஷ॑ந்தௌ பஹு॒தா விரூ॑பம் ।
வாஜக்ம்॑ ஸநுதாம்॒-யँஜ॑மாநாய ய॒ஜ்ஞம் ॥
தத॒ஶ்விநா॑-வஶ்வ॒யுஜோப॑யாதாம் ।
ஶுப॒-ங்கமி॑ஷ்டௌ ஸு॒யமே॑பி॒ரஶ்வைஃ᳚ ।
ஸ்வ-ந்நக்ஷ॑த்ரக்ம் ஹ॒விஷா॒ யஜ॑ந்தௌ ।
மத்த்வா॒ ஸம்ப்ரு'॑க்தௌ॒ யஜு॑ஷா॒ ஸம॑க்தௌ ॥ 22 ॥
யௌ தே॒வாநா᳚-ம்பி॒ஷஜௌ॑ ஹவ்யவா॒ஹௌ । விஶ்வ॑ஸ்ய தூ॒தா-வ॒ம்ரு'த॑ஸ்ய கோ॒பௌ । தௌ நக்ஷ॑த்ர-ஞ்ஜுஜுஷா॒ணோ-ப॑யாதாம் । நமோ॒-ऽஶ்விப்யா᳚-ங்க்ரு'ணுமோ-ऽஶ்வ॒யுக்ப்யா᳚ம் ॥
அப॑ பா॒ப்மாந॒-ம்பர॑ணீர்பரந்து । த-த்ய॒மோ ராஜா॒ பக॑வா॒ந்॒. விச॑ஷ்டாம் । லோ॒கஸ்ய॒ ராஜா॑ மஹ॒தோ ம॒ஹாந். ஹி । ஸு॒க-ந்நஃ॒ பந்தா॒மப॑ய-ங்க்ரு'ணோது ॥
யஸ்மி॒-ந்நக்ஷ॑த்ரே ய॒ம ஏதி॒ ராஜா᳚ ।
யஸ்மி॑-ந்நேநம॒ப்யஷி॑சந்ந்த தே॒வாஃ ।
தத॑ஸ்ய சி॒த்ரக்ம் ஹ॒விஷா॑ யஜாம ।
அப॑ பா॒ப்மாந॒-ம்பர॑ணீ-ர்பரந்து ॥
நி॒வேஶ॑நீ ஸ॒ங்கம॑நீ॒ வஸூ॑நாம்॒-விँஶ்வா॑ ரூ॒பாணி॒ வஸூ᳚ந்யாவே॒ஶய॑ந்தீ । ஸ॒ஹ॒ஸ்ர॒போ॒ஷக்ம் ஸு॒பகா॒ ரரா॑ணா॒ ஸா ந॒ ஆக॒ந் வர்ச॑ஸா ஸம்விँதா॒நா ॥ யத்தே॑ தே॒வா அத॑து-ர்பாக॒தேய॒மமா॑வாஸ்யே ஸம்॒வँஸ॑ந்தோ மஹி॒த்வா । ஸாநோ॑ ய॒ஜ்ஞ-ம்பி॑ப்ரு'ஹி விஶ்வவாரே ர॒யி-ந்நோ॑ தேஹி ஸுபகே ஸு॒வீர᳚ம் ॥ ॥ 23 ॥
(த॒தார॒ - மஹ்யம்॑ - ப்ராஸ॒சீர்யா - யா᳚ந்து ய॒ஜ்ஞம் - ँவாசக்க்॑ - ஸ்வ॒ஸ்தி - தே॒வா-அநு॑ யந்தி॒ ஸர்வே॒-வாஜ॑பஸ்த்யௌ॒-ஸம॑க்தௌ-தே॒வா ஸ்த்ரீணி॑ ச) (அ. 2)
அநுவாகம் 3 - சாந்த்ரமஸாதீநாம் ஸப்தநாமிஷ்டீநாம்-யாँஜ்யாநுவாக்யாஃ
நவோ॑நவோ பவதி॒ ஜாய॑மா॒நோ-ऽஹ்நா᳚-ங்கே॒துரு॒ஷஸா॑ மே॒த்யக்ரே᳚ । பா॒க-ந்தே॒வேப்யோ॒ வித॑தாத்யா॒ய-ந்ப்ரச॒ந்த்ரமா᳚ஸ்திரதி தீ॒ர்கமாயுஃ॑ ॥ யமா॑தி॒த்யா
அ॒க்ம்॒ஶுமா᳚ப்யா॒யய॑ந்தி யமா॑தி॒த்யா அ॒க்ம்॒ஶுமா᳚ப்யா॒யய॑ந்தி॒ யமக்ஷி॑த॒-மக்ஷி॑தயஃ॒ பிப॑ந்தி । தேந॑ நோ॒ ராஜா॒ வரு॑ணோ॒ ப்ரு'ஹ॒ஸ்பதி॒ரா ப்யா॑யயந்து॒ புவ॑நஸ்ய கோ॒பாஃ ॥॥ யே விரூ॑பே॒ ஸம॑நஸா ஸம்॒வ்யँய॑ந்தீ । ஸ॒மா॒ந-ந்தந்து॑-ம்பரி தாத॒நாதே᳚ । வி॒பூ ப்ர॒பூ அ॑நு॒பூ வி॒ஶ்வதோ॑ ஹுவே ।
தே நோ॒ நக்ஷ॑த்ரே॒ ஹவ॒மாக॑மேதம் ॥
வ॒ய-ந்தே॒வீ ப்ரஹ்ம॑ணா ஸம்விँதா॒நாஃ ।
ஸு॒ரத்நா॑ஸோ தே॒வவீ॑தி॒-ந்ததா॑நாஃ ।
அ॒ஹோ॒ரா॒த்ரே ஹ॒விஷா॑ வ॒ர்தய॑ந்தஃ ।
அதி॑ பா॒ப்மாந॒-மதி॑முக்த்யா கமேம ॥ ப்ரத்யு॑வத்ரு'ஶ்யாய॒தீ ॥ 24 ॥
வ்யு॒ச்சந்தீ॑ துஹி॒தா தி॒வஃ । அ॒போ ம॒ஹீ வ்ரு'॑ணுதே॒ சக்ஷு॑ஷா ॥ தமோ॒ ஜ்யோதி॑ஷ்க்ரு'ணோதி ஸூ॒நரீ᳚ । உது॒ஸ்த்ரியா᳚-ஸ்ஸசதே॒ ஸூர்யஃ॑ । ஸ சா॑ உ॒த்யந்நக்ஷ॑த்ர-மர்சி॒மத் । தவேது॑ஷோ॒ வ்யுஷி॒ ஸூர்ய॑ஸ்ய ச ॥
ஸ-ம்ப॒க்தேந॑ கமேமஹி । தந்நோ॒ நக்ஷ॑த்ர-மர்சி॒மத் । பா॒நு॒மத்தேஜ॑ உ॒ச்சர॑த் । உப॑ ய॒ஜ்ஞ-மி॒ஹாக॑மத் ॥ 25 ॥
ப்ர நக்ஷ॑த்ராய தே॒வாய॑ । இந்த்ரா॒யேந்துக்ம்॑ ஹவாமஹே ।
ஸ நஃ॑ ஸவி॒தா ஸு॑வ-த்ஸ॒நிம் । பு॒ஷ்டி॒தாம்-வீँ॒ரவ॑த்தமம் ॥ உது॒ த்ய-ஞ்ஜா॒தவே॑தஸ-ந்தே॒வம்-வँ॑ஹந்தி கே॒தவஃ॑ । த்ரு'॒ஶே விஶ்வா॑ய॒ ஸூர்ய᳚ம் ॥ சி॒த்ர-ந்தே॒வாநா॒-முத॑கா॒தநீ॑க॒-ஞ்சக்ஷு॑-ர்மி॒த்ரஸ்ய॒ வரு॑ணஸ்யா॒-ऽக்நேஃ । ஆ-ऽ ப்ரா॒ த்யாவா॑ப்ரு'தி॒வீ அ॒ந்தரி॑க்ஷ॒க்ம்॒ ஸூர்ய॑ ஆ॒த்மா ஜக॑தஸ்த॒ஸ்துஷ॑ஶ்ச ॥॥
அதி॑திர்ந உருஷ்ய॒த்வதி॑தி॒-ஶ்ஶர்ம॑ யச்சது । அதி॑திஃ பா॒த்வக்ம் ஹ॑ஸஃ ॥ ம॒ஹீமூ॒ஷு மா॒தரக்ம்॑ ஸுவ்ர॒தாநா॑ம்ரு'॒தஸ்ய॒ பத்நீ॒மவ॑ஸே ஹுவேம । து॒வி॒க்ஷ॒த்ராம॒ஜர॑ந்தீமுரூ॒சீக்ம் ஸு॒ஶர்மா॑ண॒மதி॑திக்ம் ஸு॒ப்ரணீ॑திம் ॥ ॥
இ॒தம்-விँஷ்ணு॒-ர்விச॑க்ரமே த்ரே॒தா நி த॑தே ப॒தம் । ஸ மூ॑டமஸ்ய பாக்ம் ஸு॒ரே ॥ ப்ரத-த்விஷ்ணுஃ॑ ஸ்தவதே வீ॒ர்யா॑ய । ம்ரு'॒கோ ந பீ॒மஃ கு॑ச॒ரோ கி॑ரி॒ஷ்டாஃ । யஸ்யோ॒ருஷு॑ த்ரி॒ஷு வி॒க்ரம॑ணேஷு । அதி॑க்ஷி॒யந்தி॒ புவ॑நாநி॒ விஶ்வா᳚ ॥ ॥
அ॒க்நிர்மூ॒ர்தா தி॒வஃ க॒கு-த்பதிஃ॑ ப்ரு'தி॒வ்யா அ॒யம் । அ॒பாக்ம் ரேதாக்ம்॑ஸி ஜிந்வதி ॥ புவோ॑ ய॒ஜ்ஞஸ்ய॒ ரஜ॑ஸஶ்ச நே॒தா யத்ரா॑ நி॒யுத்பி॒-ஸ்ஸச॑ஸே ஶி॒வாபிஃ॑ । தி॒வி மூ॒ர்தாந॑-ந்ததிஷே ஸுவ॒ர்॒ஷா-ஞ்ஜி॒ஹ்வாம॑க்நே சக்ரு'ஷே ஹவ்ய॒வாஹ᳚ம் ॥ ॥
அநு॑ நோ॒-ऽத்யா-ऽநு॑மதி-ர்ய॒ஜ்ஞ-ந்தே॒வேஷு॑ மந்யதாம் । அ॒க்நிஶ்ச॑ ஹவ்ய॒வாஹ॑நோ॒ பவ॑தா-ந்தா॒ஶுஷே॒ மயஃ॑ ॥ அந்வித॑நுமதே॒ த்வ-ம்மந்யா॑ஸை॒ ஶஞ்ச॑நஃ க்ரு'தி । க்ரத்வே॒ தக்ஷா॑ய நோ ஹிநு॒ ப்ரண॒ ஆயூக்ம்॑ஷி தாரிஷஃ ॥ ॥
ஹ॒வ்ய॒வாஹ॑-மபிமாதி॒ஷா-ऽஹ᳚ம் । ர॒க்ஷோ॒ஹண॒-ம்ப்ரு'த॑நாஸு ஜி॒ஷ்ணும் । ஜ்யோதி॑ஷ்மந்த॒-ந்தீத்ய॑த॒-ம்புர॑ந்திம் । அ॒க்நிக்க் ஸ்வி॑ஷ்ட॒க்ரு'த॒மா ஹு॑வேம ॥ ஸ்வி॑ஷ்டமக்நே அ॒பி த-த்ப்ரு'॑ணாஹி । விஶ்வா॑ தேவ॒ ப்ரு'த॑நா அ॒பிஷ்ய । உ॒ரு-ந்நஃ॒ பந்தா᳚-ம்ப்ரதி॒ஶந்வி பா॑ஹி । ஜ்யோதி॑ஷ்மத்தேஹ்ய॒ஜர॑-ந்ந॒ ஆயுஃ॑ ॥ ॥ 26 ॥
(ஆ॒ய॒த்ய॑ - கம॒த் - ஸ்வி॑ஷ்டம்) (அ. 3)
அநுவாகம் 4 - தேவ நக்ஷத்ரேஷ்டிப்ராஹ்மணம்
அ॒க்நிர்வா அ॑காமயத । அ॒ந்நா॒தோ தே॒வாநாக்॑ ஸ்யா॒மிதி॑ ।
ஸ ஏ॒தம॒க்நயே॒ க்ரு'த்தி॑காப்யஃ புரோ॒டாஶ॑-ம॒ஷ்டாக॑பால॒-ந்நிர॑வபத் । ததோ॒ வை ஸோ᳚-ऽந்நா॒தோ தே॒வாநா॑மபவத் । அ॒க்நிர்வை தே॒வாநா॑மந்நா॒தஃ ॥
யதா॑ ஹ॒ வா அ॒க்நி-ர்தே॒வநா॑-மந்நா॒தஃ ।
ஏ॒வக்ம் ஹ॒ வா ஏ॒ஷ ம॑நு॒ஷ்யா॑ணா-ம்பவதி ।
ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ ॥ ஸோ-ऽத்ர॑ ஜுஹோதி । அ॒க்நயே॒ ஸ்வாஹா॒ க்ரு'த்தி॑காப்ய॒-ஸ்ஸ்வாஹா᳚ । அ॒ம்பாயை॒ ஸ்வாஹா॑ து॒லாயை॒ ஸ்வாஹா᳚ । நி॒த॒த்ந்யை ஸ்வாஹா॒ ऽப்ரய॑ந்த்யை॒ ஸ்வாஹா᳚ । மே॒கய॑ந்த்யை॒ ஸ்வாஹா॑ வ॒ர॒.ஷய॑ந்த்யை॒ ஸ்வாஹா᳚ । சு॒பு॒ணீகா॑யை॒ ஸ்வாஹேதி॑ ॥ 27 ॥
ப்ர॒ஜாப॑திஃ ப்ர॒ஜா அ॑ஸ்ரு'ஜத । தா அ॑ஸ்மா-த்ஸ்ரு'॒ஷ்டாஃ பரா॑சீராயந்ந் । தாஸாக்ம்॑ ரோஹி॒ணீ-ம॒ப்ய॑த்த்யாயத் । ஸோ॑-ऽகாமயத । உப॒ மா-ऽऽவ॑ர்தேத । ஸமே॑நயா கச்சே॒யேதி॑ । ஸ ஏ॒த-ம்ப்ர॒ஜாப॑தயே ரோஹி॒ண்யை ச॒ரு-ந்நிர॑வபத் । ததோ॒ வை ஸா தமு॒பாவ॑ர்தத । ஸமே॑நயா ऽகச்சத ॥ உப॑ ஹ॒ வா ஏ॑ந-ம்ப்ரி॒யமாவ॑ர்ததே ।
ஸ-ம்ப்ரி॒யேண॑ கச்சதே । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ ॥ ஸோ-ऽத்ர॑ ஜுஹோதி ।
ப்ர॒ஜாப॑தயே॒ ஸ்வாஹா॑ ரோஹி॒ண்யை ஸ்வாஹா᳚ ।
ரோச॑மாநாயை॒ ஸ்வாஹா᳚ ப்ர॒ஜாப்ய॒-ஸ்ஸ்வாஹேதி॑ ॥ 28 ॥
ஸோமோ॒ வா அ॑காமயத । ஓஷ॑தீநாக்ம் ரா॒ஜ்ய-ம॒பிஜ॑யேய॒மிதி॑ । ஸ ஏ॒தக்ம் ஸோமா॑ய ம்ரு'கஶீ॒ர॒.ஷாய॑ ஶ்யாமா॒க-ஞ்ச॒ரு-ம்பய॑ஸி॒ நிர॑வபத் । ததோ॒ வை ஸ ஓஷ॑தீநாக்ம்
ரா॒ஜ்யம॒ப்ய॑ஜயத் । ஸ॒மா॒நாநாக்ம்॑ ஹ॒ வை ரா॒ஜ்யம॒பிஜ॑யதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ஸோமா॑ய॒ ஸ்வாஹா॑ ம்ரு'கஶீ॒ர॒.ஷாய॒ ஸ்வாஹா᳚ ।
இ॒ந்வ॒காப்ய॒-ஸ்ஸ்வாஹௌஷ॑தீப்ய॒-ஸ்ஸ்வாஹா᳚ ।
ரா॒ஜ்யாய॒ ஸ்வாஹா॒ ऽபிஜி॑த்யை॒ ஸ்வாஹேதி॑ ॥ 29 ॥
ரு॒த்ரோ வா அ॑காமயத । ப॒ஶு॒மாந்-த்ஸ்யா॒மிதி॑ ।
ஸ ஏ॒தக்ம் ரு॒த்ராயா॒ர்த்ராயை॒ ப்ரைய॑ங்கவ-ஞ்ச॒ரு-ம்பய॑ஸி॒ நிர॑வபத் । ததோ॒ வை ஸ ப॑ஶு॒மாந॑பவத் । ப॒ஶு॒மாந். ஹ॒ வை ப॑வதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । ரு॒த்ராய॒ ஸ்வாஹா॒ ऽऽர்த்ராயை॒ ஸ்வாஹா᳚ । பிந்வ॑மாநாயை॒ ஸ்வாஹா॑ ப॒ஶுப்ய॒-ஸ்ஸ்வாஹேதி॑ ॥ 30 ॥
ரு'॒க்ஷா வா இ॒யம॑லோ॒மகா॑-ऽऽஸீத் । ஸா-ऽகா॑மயத ।
ஓஷ॑தீபி॒-ர்வந॒ஸ்பதி॑பிஃ॒ ப்ரஜா॑யே॒யேதி॑ ।
ஸைதமதி॑த்யை॒ புந॑ர்வஸுப்யா-ஞ்ச॒ரு-ந்நிர॑வபத் ।
ததோ॒ வா இ॒யமோஷ॑தீபி॒-ர்வந॒ஸ்பதி॑பிஃ॒ ப்ராஜா॑யத ।
ப்ரஜா॑யதே ஹ॒ வை ப்ர॒ஜயா॑ ப॒ஶுபிஃ॑ । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ ।
ஸோ-ऽத்ர॑ ஜுஹோதி । அதி॑த்யை॒ ஸ்வாஹா॒ புந॑ர்வஸுப்யாம் ।
ஸ்வாஹா-ऽऽபூ᳚த்யை॒ ஸ்வாஹா॒ ப்ரஜா᳚த்யை॒ ஸ்வாஹேதி॑ ॥ 31 ॥
ப்ரு'ஹ॒ஸ்பதி॒ர்வா அ॑காமயத । ப்ர॒ஹ்ம॒வ॒ர்ச॒ஸீ ஸ்யா॒மிதி॑ ।
ஸ ஏ॒த-ம்ப்ரு'ஹ॒ஸ்பத॑யே தி॒ஷ்யா॑ய நைவா॒ர-ஞ்ச॒ரு-ம்பய॑ஸி॒ நிர॑வபத் । ததோ॒ வை ஸ ப்ர॑ஹ்மவர்ச॒ஸ்ய॑பவத் । ப்ர॒ஹ்ம॒வ॒ர்ச॒ஸீ ஹ॒ வை ப॑வதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ப்ரு'ஹ॒ஸ்பத॑யே॒ ஸ்வாஹா॑ தி॒ஷ்யா॑ய॒ ஸ்வாஹா᳚ । ப்ர॒ஹ்ம॒வ॒ர்ச॒ஸாய॒ ஸ்வாஹேதி॑ ॥ 32 ॥
தே॒வா॒ஸு॒ரா-ஸ்ஸம்யँ॑த்தா ஆஸந்ந் । தே தே॒வா-ஸ்ஸ॒ர்பேப்ய॑ ஆஶ்ரே॒ஷாப்ய॒ ஆஜ்யே॑ கர॒ம்ப-ந்நிர॑வபந்ந் ।
தாநே॒தாபி॑ரே॒வ தே॒வதா॑-பி॒ருபா॑நயந்ந் ।
ஏ॒தாபி॑ர்ஹ॒ வை தே॒வதா॑பி-ர்த்வி॒ஷந்த॒-ம்ப்ராத்ரு'॑வ்ய॒-முப॑நயதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ஸ॒ர்பேப்ய॒-ஸ்ஸ்வாஹா᳚-ऽऽஶ்ரே॒ஷாப்ய॒-ஸ்ஸ்வாஹா᳚ । த॒ந்த॒ஶூகே᳚ப்ய॒-ஸ்ஸ்வாஹேதி॑ ॥ 33 ॥
பி॒தரோ॒ வா அ॑காமயந்த । பி॒த்ரு'॒லோ॒க ரு'॑த்த்நுயா॒மேதி॑ ।
த ஏ॒த-ம்பி॒த்ரு'ப்யோ॑ ம॒காப்யஃ॑ புரோ॒டாஶ॒க்ம்॒ ஷட்க॑பால॒-ந்நிர॑வபந்ந் । ததோ॒ வை தே பி॑த்ரு'லோ॒க ஆ᳚ர்த்நுவந்ந் । பி॒த்ரு'॒லோ॒கே ஹ॒ வா ரு'॑த்நோதி ।
ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । பி॒த்ரு'ப்ய॒-ஸ்ஸ்வாஹா॑ ம॒காப்யஃ॑ ।
ஸ்வாஹா॑ ऽந॒காப்ய॒-ஸ்ஸ்வாஹா॑ ऽக॒தாப்யஃ॑ ।
ஸ்வாஹா॑ ऽருந்த॒தீப்ய॒-ஸ்ஸ்வாஹேதி॑ ॥ 34 ॥
அ॒ர்ய॒மா வா அ॑காமயத । ப॒ஶு॒மாந்-த்ஸ்யா॒மிதி॑ ।
ஸ ஏ॒தம॑ர்ய॒ம்ணே பல்கு॑நீப்யா-ஞ்ச॒ரு-ந்நிர॑வபத் ।
ததோ॒ வை ஸ ப॑ஶு॒மாந॑பவத் ।
ப॒ஶு॒மாந். ஹ॒ வை ப॑வதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । அ॒ர்ய॒ம்ணே ஸ்வாஹா॒ பல்கு॑நீப்யா॒க்॒ ஸ்வாஹா᳚ ।
ப॒ஶுப்ய॒-ஸ்ஸ்வாஹேதி॑ ॥ 35 ॥
பகோ॒ வா அ॑காமயத । ப॒கீ ஶ்ரே॒ஷ்டீ தே॒வாநாக்॑ ஸ்யா॒மிதி॑ । ஸ ஏ॒த-ம்பகா॑ய॒ பல்கு॑நீப்யா-ஞ்ச॒ரு-ந்நிர॑வபத் । ததோ॒ வை ஸ ப॒கீ ஶ்ரே॒ஷ்டீ தே॒வாநா॑மபவத் ।
ப॒கீ ஹ॒ வை ஶ்ரே॒ஷ்டீ ஸ॑மா॒நாநா᳚-ம்பவதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । பகா॑ய॒ ஸ்வாஹா॒ பல்கு॑நீப்யா॒க்॒ ஸ்வாஹா᳚ । ஶ்ரைஷ்ட்யா॑ய॒ ஸ்வாஹேதி॑ ॥ 36 ॥
ஸ॒வி॒தா வா அ॑காமயத । ஶ்ரந்மே॑ தே॒வா ததீ॑ரந்ந் । ஸ॒வி॒தா ஸ்யா॒மிதி॑ । ஸ ஏ॒தக்ம் ஸ॑வி॒த்ரே ஹஸ்தா॑ய புரோ॒டாஶ॒-ந்த்வாத॑ஶகபால॒-ந்நிர॑வபதாஶூ॒நாம்
ँவ்ரீ॑ஹீ॒ணாம் । ததோ॒ வை தஸ்மை॒ ஶ்ரத்தே॒வா அத॑தத । ஸ॒வி॒தா-ऽப॑வத் । ஶ்ரத்த॒ வா அ॑ஸ்மை மநு॒ஷ்யா॑ தததே । ஸ॒வி॒தா ஸ॑மா॒நாநா᳚-ம்பவதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ஸ॒வி॒த்ரே ஸ்வாஹா॒ ஹஸ்தா॑ய । ஸ்வாஹா॑ தத॒தே ஸ்வாஹா॑ ப்ரு'ண॒தே । ஸ்வாஹா᳚ ப்ர॒யச்ச॑தே॒ ஸ்வாஹா᳚ ப்ரதிக்ரு'ப்ண॒தே ஸ்வாஹேதி॑ ॥ 37 ॥
த்வஷ்டா॒ வா அ॑காமயத । சி॒த்ர-ம்ப்ர॒ஜாம்-விँ॑ந்தே॒யேதி॑ ।
ஸ ஏ॒த-ந்த்வஷ்ட்ரே॑ சி॒த்ராயை॑ புரோ॒டாஶ॑ம॒ஷ்டா-க॑பால॒-ந்நிர॑வபத் । ததோ॒ வை ஸ சி॒த்ர-ம்ப்ர॒ஜாம॑விந்தத । சி॒த்ரக்ம் ஹ॒ வை ப்ர॒ஜாம்-விँ॑ந்ததே ।
ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
த்வஷ்ட்ரே॒ ஸ்வாஹா॑ சி॒த்ராயை॒ ஸ்வாஹா᳚ ।
சைத்ரா॑ய॒ ஸ்வாஹா᳚ ப்ர॒ஜாயை॒ ஸ்வாஹேதி॑ ॥ 38 ॥
வா॒யுர்வா அ॑காமயத । கா॒ம॒சார॑மே॒ஷு லோ॒கேஷ்வ॒பிஜ॑யேய॒மிதி॑ । ஸ ஏ॒த-த்வா॒யவே॒ நிஷ்ட்யா॑யை க்ரு'॒ஷ்ட்யை து॒க்த-ம்பயோ॒ நிர॑வபத் ।
ததோ॒ வை ஸ கா॑ம॒சார॑மே॒ஷு லோ॒கேஷ்வ॒ப்ய॑ஜயத் ।
கா॒ம॒சாரக்ம்॑ ஹ॒ வா ஏ॒ஷு லோ॒கேஷ்வ॒பிஜ॑யதி ।
ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । வா॒யவே॒ ஸ்வாஹா॒ நிஷ்ட்யா॑யை॒ ஸ்வாஹா᳚ ।
கா॒ம॒சாரா॑ய॒ ஸ்வாஹா॒-ऽபிஜி॑த்யை॒ ஸ்வாஹேதி॑ ॥ 39 ॥
இ॒ந்த்ரா॒க்நீ வா அ॑காமயேதாம் । ஶ்ரைஷ்ட்ய॑-ந்தே॒வாநா॑-ம॒பிஜ॑யே॒வேதி॑ । தாவே॒தமி॑ந்த்ரா॒க்நிப்யாம்॒-விँஶா॑காப்யா-ம்புரோ॒டாஶ॒-மேகா॑தஶகபால॒-ந்நிர॑வபதாம் । ததோ॒ வை தௌ ஶ்ரைஷ்ட்ய॑-ந்தே॒வாநா॑-ம॒ப்ய॑ஜயதாம் । ஶ்ரைஷ்ட்யக்ம்॑ ஹ॒ வை ஸ॑மா॒நாநா॑ம॒பிஜ॑யதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
இ॒ந்த்ரா॒க்நிப்யா॒க்॒ ஸ்வாஹா॒ விஶா॑காப்யா॒க்॒ ஸ்வாஹா᳚ ।
ஶ்ரைஷ்ட்யா॑ய॒ ஸ்வாஹா॒ ऽபிஜி॑த்யை॒ ஸ்வாஹேதி॑ ॥ 40 ॥
அதை॒தத்-பௌ᳚ர்ணமா॒ஸ்யா ஆஜ்ய॒-ந்நிர்வ॑பதி । காமோ॒ வை பௌ᳚ர்ணமா॒ஸீ । காம॒ ஆஜ்ய᳚ம் । காமே॑நை॒வ காம॒க்ம்॒ ஸம॑ர்தயதி । க்ஷி॒ப்ரமே॑ந॒க்ம்॒ ஸ காம॒ உப॑நமதி । யேந॒ காமே॑ந॒ யஜ॑தே । ஸோ-ऽத்ர॑ ஜுஹோதி ।
பௌ॒ர்ண॒மா॒ஸ்யை ஸ்வாஹா॒ காமா॑ய॒ ஸ்வாஹா-ऽऽக॑த்யை॒ ஸ்வாஹேதி॑ ॥ 41 ॥
அநுவாகம் 5 - யமநக்ஷத்ரேஷ்டிப்ராஹ்மணம்
மி॒த்ரோ வா அ॑காமயத । மி॒த்ர॒தேய॑மே॒ஷு லோ॒கேஷ்வ॒பி ஜ॑யேய॒மிதி॑ । ஸ ஏ॒த-ம்மி॒த்ராயா॑நூரா॒தேப்ய॑ஶ்ச॒ரு-ந்நிர॑வபத் । ததோ॒ வை ஸ மி॑த்ர॒தேய॑மே॒ஷு லோ॒கேஷ்வ॒ப்ய॑ஜயத் । மி॒த்ர॒தேயக்ம்॑ ஹ॒ வா ஏ॒ஷு லோ॒கேஷ்வ॒பிஜ॑யதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
மி॒த்ராய॒ ஸ்வாஹா॑ ऽநூரா॒தேப்ய॒-ஸ்ஸ்வாஹா᳚ ।
மி॒த்ர॒தேயா॑ய॒ ஸ்வாஹா॒ ऽபிஜி॑த்யை॒ ஸ்வாஹேதி॑ ॥ 42 ॥
இந்த்ரோ॒ வா அ॑காமயத । ஜ்யைஷ்ட்ய॑-ந்தே॒வாநா॑-ம॒பிஜ॑யேய॒மிதி॑ । ஸ ஏ॒தமிந்த்ரா॑ய ஜ்யே॒ஷ்டாயை॑ புரோ॒டாஶ॒-மேகா॑தஶகபால॒-ந்நிர॑வப-ந்ம॒ஹாவ்ரீ॑ஹீணாம் । ததோ॒ வை ஸ ஜ்யைஷ்ட்ய॑-ந்தே॒வாநா॑ம॒ப்ய॑ஜயத் । ஜ்யைஷ்ட்யக்ம்॑ ஹ॒ வை ஸ॑மா॒நாநா॑-ம॒பிஜ॑யதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । இந்த்ரா॑ய॒ ஸ்வாஹா᳚ ஜ்யே॒ஷ்டாயை॒ ஸ்வாஹா᳚ ।
ஜ்யைஷ்ட்யா॑ய॒ ஸ்வாஹா॒ ऽபிஜி॑த்யை॒ ஸ்வாஹேதி॑ ॥ 43 ॥
ப்ர॒ஜாப॑தி॒ர்வா அ॑காமயத । மூல॑-ம்ப்ர॒ஜாம்-விँ॑ந்தே॒யேதி॑ । ஸ ஏ॒த-ம்ப்ர॒ஜாப॑தயே॒ மூலா॑ய ச॒ரு-ந்நிர॑வபத் । ததோ॒ வை ஸ மூல॑-ம்ப்ர॒ஜாம॑விந்தத । மூலக்ம்॑ ஹ॒ வை ப்ர॒ஜாம்-விँ॑ந்ததே । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । ப்ர॒ஜாப॑தயே॒ ஸ்வாஹா॒ மூலா॑ய॒ ஸ்வாஹா᳚ । ப்ர॒ஜாயை॒ ஸ்வாஹேதி॑ ॥ 44 ॥
ஆபோ॒ வா அ॑காமயந்த । ஸ॒மு॒த்ர-ங்காம॑ம॒ பிஜ॑யே॒மேதி॑ । தா ஏ॒தம॒த்ப்யோ॑-ऽஷா॒டாப்ய॑ஶ்ச॒ரு-ந்நிர॑வபந்ந் । ததோ॒ வை தா-ஸ்ஸ॑மு॒த்ர-ங்காம॑ம॒ப்ய॑ஜயந்ந் । ஸ॒மு॒த்ரக்ம் ஹ॒ வை காம॑ம॒பிஜ॑யதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
அ॒த்ப்ய-ஸ்ஸ்வாஹா॑ ऽஷா॒டாப்ய॒-ஸ்ஸ்வாஹா᳚ । ஸ॒மு॒த்ராய॒ ஸ்வாஹா॒ காமா॑ய॒ ஸ்வாஹா᳚ । அ॒பிஜி॑த்யை॒ ஸ்வாஹேதி॑ ॥ 45 ॥
விஶ்வே॒ வை தே॒வா அ॑காமயந்த । அ॒ந॒ப॒ஜ॒ய்ய-ஞ்ஜ॑யே॒மேதி॑ । த ஏ॒தம்-விँஶ்வே᳚ப்யோ தே॒வேப்யோ॑-ऽஷா॒டாப்ய॑ஶ்ச॒ரு-ந்நிர॑வபந்ந் ।
ததோ॒ வை தே॑-ऽநபஜ॒ய்ய-ம॑ஜயந்ந் । அ॒ந॒ப॒ஜ॒ய்யக்ம் ஹ॒ வை ஜ॑யதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
விஶ்வே᳚ப்யோ தே॒வேப்ய॒-ஸ்ஸ்வாஹா॑ ऽஷா॒டாப்ய॒-ஸ்ஸ்வாஹா᳚ ।
அ॒ந॒ப॒ஜ॒ய்யாய॒ ஸ்வாஹா॒ ஜித்யை॒ ஸ்வாஹேதி॑ ॥ 46 ॥
ப்ரஹ்ம॒ வா அ॑காமயத । ப்ர॒ஹ்ம॒லோ॒கம॒பிஜ॑யேய॒மிதி॑ ।
ததே॒த-ம்ப்ரஹ்ம॑ணே-ऽபி॒ஜிதே॑ ச॒ரு-ந்நிர॑வபத் ।
ததோ॒ வை தத்ப்ர॑ஹ்மலோ॒கம॒ப்ய॑ஜயத் । ப்ர॒ஹ்ம॒லோ॒கக்ம் ஹ॒ வா அ॒பிஜ॑யதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । ப்ரஹ்ம॑ணே॒ ஸ்வாஹா॑ ऽபி॒ஜிதே॒ ஸ்வாஹா᳚ । ப்ர॒ஹ்ம॒லோ॒காய॒ ஸ்வாஹா॒ ऽபிஜி॑த்யை॒ ஸ்வாஹேதி॑ ॥ 47 ॥
விஷ்ணு॒ர்வா அ॑காமயத । புண்ய॒க்க்॒ ஶ்லோகக்ம்॑ ஶ்ரு'ண்வீய ।
ந மா॑ பா॒பீ கீ॒ர்திராக॑ச்சே॒திதி॑ । ஸ ஏ॒தம்-விँஷ்ண॑வே ஶ்ரோ॒ணாயை॑ புரோ॒டாஶ॑-ந்த்ரிகபா॒ல-ந்நிர॑வபத் ।
ததோ॒ வை ஸ புண்ய॒க்க்॒ ஶ்லோக॑ம ஶ்ரு'ணுத । நைந॑-ம்பா॒பீ கீ॒ர்திரா- க॑ச்சத் । புண்யக்ம்॑ ஹ॒ வை ஶ்லோகக்ம்॑ ஶ்ரு'ணுதே । நைந॑-ம்பா॒பீ கீ॒ர்திராக॑ச்சதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
விஷ்ண॑வே॒ ஸ்வாஹா᳚ ஶ்ரோ॒ணாயை॒ ஸ்வாஹா᳚ ।
ஶ்லோகா॑ய॒ ஸ்வாஹா᳚ ஶ்ரு॒தாய॒ ஸ்வாஹேதி॑ ॥ 48 ॥
வஸ॑வோ॒ வா அ॑காமயந்த । அக்ர॑-ந்தே॒வதா॑நா॒-ம்பரீ॑யா॒மேதி॑ । த ஏ॒தம்-வँஸு॑ப்ய॒-ஶ்ஶ்ரவி॑ஷ்டாப்யஃ புரோ॒டாஶ॑ம॒ஷ்டாக॑பால॒-ந்நிர॑வபந்ந் ।
ததோ॒ வை தே-ऽக்ர॑-ந்தே॒வதா॑நா॒-ம்பர்யா॑யந்ந் ।
அக்ரக்ம்॑ ஹ॒ வை ஸ॑மா॒நாநா॒-ம்பர்யே॑தி ।
ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । வஸு॑ப்ய॒-ஸ்ஸ்வாஹா॒ ஶ்ரவி॑ஷ்டாப்ய॒-ஸ்ஸ்வாஹா᳚ । அக்ரா॑ய॒ ஸ்வாஹா॒ பரீ᳚த்யை॒ ஸ்வாஹேதி॑ ॥ 49 ॥
இந்த்ரோ॒ வா அ॑காமயத । த்ரு'॒டோ ऽஶி॑தில-ஸ்ஸ்யா॒மிதி॑ ।
ஸ ஏ॒தம்-வँரு॑ணாய ஶ॒தபி॑ஷஜே பேஷ॒ஜேப்யஃ॑ புரோ॒டாஶ॒-ந்தஶ॑கபால॒-ந்நிர॑வபத்-க்ரு'॒ஷ்ணாநாம்᳚-வ்ரீँஹீ॒ணாம் । ததோ॒ வை ஸ த்ரு'॒டோ-ऽஶி॑திலோ-ऽபவத் ।
த்ரு'॒டோ ஹ॒ வா அஶி॑திலோ பவதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
வரு॑ணாய॒ ஸ்வாஹா॑ ஶ॒தபி॑ஷஜே॒ ஸ்வாஹா᳚ ।
பே॒ஷ॒ஜேப்ய॒-ஸ்ஸ்வாஹேதி॑ ॥ 50 ॥
அ॒ஜோ வா ஏக॑பாதகாமயத । தே॒ஜ॒ஸ்வீ ப்ர॑ஹ்மவர்ச॒ஸீ ஸ்யா॒மிதி॑ । ஸ ஏ॒தம॒ஜாயைக॑பதே ப்ரோஷ்டப॒தேப்ய॑-ஶ்ச॒ரு-ந்நிர॑வபத் । ததோ॒ வை ஸ தே॑ஜ॒ஸ்வீ ப்ர॑ஹ்மவர்ச॒ஸ்ய॑பவத் । தே॒ஜ॒ஸ்வீ ஹ॒ வை ப்ர॑ஹ்மவர்ச॒ஸீ ப॑வதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
அ॒ஜாயைக॑பதே॒ ஸ்வாஹா᳚ ப்ரோஷ்டப॒தேப்ய॒-ஸ்ஸ்வாஹா᳚ ।
தேஜ॑ஸே॒ ஸ்வாஹா᳚ ப்ரஹ்மவர்ச॒ஸாய॒ ஸ்வாஹேதி॑ ॥ 51 ॥
அஹி॒ர்வை பு॒த்த்நியோ॑-ऽகாமயத । இ॒மா-ம்ப்ர॑தி॒ஷ்டாம்-விँ॑ந்தே॒யேதி॑ । ஸ ஏ॒தமஹ॑யே பு॒த்த்நியா॑ய ப்ரோஷ்டப॒தேப்யஃ॑ புரோ॒டாஶ॒-ம்பூமி॑கபால॒-ந்நிர॑வபத் । ததோ॒ வை ஸ இ॒மா-ம்ப்ர॑தி॒ஷ்டா-ம॑விந்தத । இ॒மாக்ம் ஹ॒ வை ப்ர॑தி॒ஷ்டாம்-விँ॑ந்ததே ।
ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । அஹ॑யே பு॒த்த்நியா॑ய॒ ஸ்வாஹா᳚ ப்ரோஷ்டப॒தேப்ய॒-ஸ்ஸ்வாஹா᳚ ।
ப்ர॒தி॒ஷ்டாயை॒ ஸ்வாஹேதி॑ ॥ 52 ॥
பூ॒ஷா வா அ॑காமயத । ப॒ஶு॒மாந்-த்ஸ்யா॒மிதி॑ ।
ஸ ஏ॒த-ம்பூ॒ஷ்ணே ரே॒வத்யை॑ ச॒ரு-ந்நிர॑வபத் ।
ததோ॒ வை ஸ ப॑ஶு॒மாந॑பவத் ।
ப॒ஶு॒மாந். ஹ॒ வை ப॑வதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ ।
ஸோ-ऽத்ர॑ ஜுஹோதி । பூ॒ஷ்ணே ஸ்வாஹா॑ ரே॒வத்யை॒ ஸ்வாஹா᳚ ।
ப॒ஶுப்ய॒-ஸ்ஸ்வாஹேதி॑ ॥ 53 ॥
அ॒ஶ்விநௌ॒ வா அ॑காமயேதாம் । ஶ்ரோ॒த்ர॒ஸ்விநா॒வப॑திரௌ ஸ்யா॒வேதி॑ । தாவே॒தம॒ஶ்விப்யா॑-மஶ்வ॒யுக்ப்யா᳚-ம்புரோ॒டாஶ॑-ந்த்விகபா॒ல-ந்நிர॑வபதாம் ।
ததோ॒ வை தௌ ஶ்ரோ᳚த்ர॒ஸ்விநா॒வப॑திரா-வபவதாம் ।
ஶ்ரோ॒த்ர॒ஸ்வீ ஹ॒ வா அப॑திரோ பவதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
அ॒ஶ்விப்யா॒க்॒ ஸ்வாஹா᳚-ऽஶ்வ॒யுக்ப்யா॒க்॒ ஸ்வாஹா᳚ ।
ஶ்ரோத்ரா॑ய॒ ஸ்வாஹா॒ ஶ்ருத்யை॒ ஸ்வாஹேதி॑ ॥ 54 ॥
ய॒மோ வா அ॑காமயத ।
பி॒த்ரு'॒ணாக்ம் ரா॒ஜ்ய-ம॒பிஜ॑யேய॒மிதி॑ ।
ஸ ஏ॒தம்-யँ॒மாயா॑ப॒பர॑ணீப்யஶ்ச॒ரு-ந்நிர॑வபத் ।
ததோ॒ வை ஸ பி॑த்ரு'॒ணாக்ம் ரா॒ஜ்யம॒ப்ய॑ஜயத் ।
ஸ॒மா॒நாநாக்ம்॑ ஹ॒ வை ரா॒ஜ்யம॒பிஜ॑யதி ।
ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ய॒மாய॒ ஸ்வாஹா॑ ऽப॒பர॑ணீப்ய॒-ஸ்ஸ்வாஹா᳚ ।
ரா॒ஜ்யாய॒ ஸ்வாஹா॒ ऽபிஜி॑த்யை ஸ்வாஹேதி॑ ॥ 55 ॥
அதை॒தத॑-மா॒வாஸ்யா॑யா॒ ஆஜ்ய॒-ந்நிர்வ॑பதி ।
காமோ॒ வா அ॑மாவா॒ஸ்யா᳚ । காம॒ ஆஜ்ய᳚ம் । காமே॑நை॒வ காம॒க்ம்॒ ஸம॑ர்தயதி । க்ஷி॒ப்ரமே॑ந॒க்ம்॒ ஸ காம॒ உப॑நமதி । யேந॒ காமே॑ந॒ யஜ॑தே । ஸோ-ऽத்ர॑ ஜுஹோதி । அ॒மா॒வா॒ஸ்யா॑யை॒ ஸ்வாஹா॒ காமா॑ய॒ ஸ்வாஹா ऽऽக॑த்யை॒ ஸ்வாஹேதி॑ ॥ 56 ॥
பு॒த்த்நியஃ॑ - பு॒ஷா - ऽஶ்விநௌ॑ - ய॒மோ தஶ॑த॒ஶா - தை॒தத॑ - மாவா॒ஸ்யா॑யா அ॒ஷ்டௌ பஞ்ச॑தஶ ) (அ. 5)
அநுவாகம் 6 - சாந்த்ரமஸாதீஷ்டிப்ராஹ்மணம்
ச॒ந்த்ரமா॒ வா அ॑காமயத । அ॒ஹோ॒ரா॒த்ரா-ந॑ர்தமா॒ஸா-ந்மாஸா॑-ந்ரு'॒தூந்த்- ஸம்॑வँத்ஸ॒ர-மா॒ப்த்வா । ச॒ந்த்ரம॑ஸ॒-ஸ்ஸாயு॑ஜ்யக்ம் ஸலோ॒கதா॑-மாப்நுயா॒மிதி॑ । ஸ ஏ॒த-ஞ்ச॒ந்த்ரம॑ஸே ப்ரதீ॒த்ரு'ஶ்யா॑யை புரோ॒டாஶ॒-ம்பஞ்ச॑தஶகபால॒-ந்நிர॑வபத் ।
ததோ॒ வை ஸோ॑-ऽஹோரா॒த்ரா-ந॑ர்தமா॒ஸா-ந்மாஸா॑-ந்ரு'॒தூந்-த்ஸம்॑வँத்ஸ॒ர-மா॒ப்த்வா ।
ச॒ந்த்ரம॑ஸ॒-ஸ்ஸாயு॑ஜ்யக்ம் ஸலோ॒கதா॑மாப்நோத் ।
அ॒ஹோ॒ரா॒த்ராந். ஹ॒ வா அ॑ர்தமா॒ஸா-ந்மாஸா॑ந்-ரு'॒தூந்-த்ஸம்॑வँத்ஸ॒ர-மா॒ப்த்வா । ச॒ந்த்ரம॑ஸ॒-ஸ்ஸாயு॑ஜ்யக்ம் ஸலோ॒கதா॑மாப்நோதி । ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ச॒ந்த்ரம॑ஸே॒ ஸ்வாஹா᳚ ப்ரதீ॒த்ரு'ஶ்யா॑யை॒ ஸ்வாஹா᳚ ।
அ॒ஹோ॒ரா॒த்ரேப்ய॒-ஸ்ஸ்வாஹா᳚ ऽர்தமா॒ஸேப்ய॒-ஸ்ஸ்வாஹா᳚ ।
மாஸே᳚ப்ய॒-ஸ்ஸ்வாஹ॒ர்துப்ய॒-ஸ்ஸ்வாஹா᳚ । ஸம்॒வँ॒த்ஸ॒ராய॒ ஸ்வாஹேதி॑ ॥ 57 ॥
அ॒ஹோ॒ரா॒த்ரே வா அ॑காமயேதாம் । அத்ய॑ஹோரா॒த்ரே மு॑ச்யேவஹி ।
ந நா॑வஹோரா॒த்ரே ஆ᳚ப்நுயாதா॒மிதி॑ । தே ஏ॒தம॑ஹோ-ரா॒த்ராப்யா᳚-ஞ்ச॒ரு-ந்நிர॑வபதாம் । த்வ॒யாநாம்᳚-வ்ரீँஹீ॒ணாம் । ஶு॒க்லாநா᳚-ஞ்ச க்ரு'॒ஷ்ணாநா᳚-ஞ்ச । ஸ॒வா॒த்யோர்து॒க்தே । ஶ்வே॒தாயை॑ ச க்ரு'॒ஷ்ணாயை॑ ச ।
ததோ॒ வை தே அத்ய॑ஹோரா॒த்ரே அ॑முச்யேதே ।
நைநே॑ அஹோரா॒த்ரே ஆ᳚ப்நுதாம் । அதி॑ ஹ॒ வா அ॑ஹோரா॒த்ரே மு॑ச்யதே । நைந॑மஹோரா॒த்ரே ஆ᳚ப்நுதஃ । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்வேँத॑ ।
ஸோ-ऽத்ர॑ ஜுஹோதி । அஹ்நே॒ ஸ்வாஹா॒ ராத்ரி॑யை॒ ஸ்வாஹா᳚ ।
அதி॑முக்த்யை॒ ஸ்வாஹேதி॑ ॥ 58 ॥
உ॒ஷா வா அ॑காமயத । ப்ரி॒யா ऽऽதி॒த்யஸ்ய॑ ஸு॒பகா᳚ ஸ்யா॒மிதி॑ । ஸைதமு॒ஷஸே॑ ச॒ரு-ந்நிர॑வபத் ।
ததோ॒ வை ஸா ப்ரி॒யா ऽऽதி॒த்யஸ்ய॑ ஸு॒பகா॑ ऽபவத் ।
ப்ரி॒யோ ஹ॒ வை ஸ॑மா॒நாநாக்ம்॑ ஸு॒பகோ॑ பவதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । உ॒ஷஸே॒ ஸ்வாஹா॒ வ்யு॑ஷ்ட்யை॒ ஸ்வாஹா᳚ ।
வ்யூ॒ஷுஷ்யை॒ ஸ்வாஹா᳚ வ்யு॒ச்சந்த்யை॒ ஸ்வாஹா᳚ । வ்யு॑ஷ்டாயை॒ ஸ்வாஹேதி॑ ॥ 59 ॥
அதை॒தஸ்மை॒ நக்ஷ॑த்ராய ச॒ரு-ந்நிர்வ॑பதி । யதா॒ த்வ-ந்தே॒வாநா॒மஸி॑ । ஏ॒வம॒ஹ-ம்ம॑நு॒ஷ்யா॑ணா-ம்பூயாஸ॒மிதி॑ । யதா॑ ஹ॒ வா ஏ॒த-த்தே॒வாநா᳚ம் ।
ஏ॒வக்ம் ஹ॒ வா ஏ॒ஷ ம॑நு॒ஷ்யா॑ணா-ம்பவதி । ய ஏ॒தேந॑ ஹ॒விஷா॒ யஜ॑தே । ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி । நக்ஷ॑த்ராய॒ ஸ்வாஹோ॑தேஷ்ய॒தே ஸ்வாஹா᳚ ।
உ॒த்ய॒தே ஸ்வாஹோதி॑தாய॒ ஸ்வாஹா᳚ । ஹர॑ஸே॒ ஸ்வாஹா॒ பர॑ஸே॒ ஸ்வாஹா᳚ । ப்ராஜ॑ஸே॒ ஸ்வாஹா॒ தேஜ॑ஸே॒ ஸ்வாஹா᳚ ।
தப॑ஸே॒ ஸ்வாஹா᳚ ப்ரஹ்மவர்ச॒ஸாய॒ ஸ்வாஹேதி॑ ॥ 60 ॥
ஸூர்யோ॒ வா அ॑காமயத । நக்ஷ॑த்ராணா-ம்ப்ரதி॒ஷ்டா ஸ்யா॒மிதி॑ । ஸ ஏ॒தக்ம் ஸூர்யா॑ய॒ நக்ஷ॑த்ரேப்யஶ்ச॒ரு-ந்நிர॑வபத் ।
ததோ॒ வை ஸ நக்ஷ॑த்ராணா-ம்ப்ரதி॒ஷ்டா ऽப॑வத் ।
ப்ர॒தி॒ஷ்டா ஹ॒ வை ஸ॑மா॒நாநா᳚-ம்பவதி ।
ய ஏ॒தேந॑ ஹ॒விஷா॒ யஜ॑தே ।
ய உ॑ சைநதே॒வம்-வேँத॑ । ஸோ-ऽத்ர॑ ஜுஹோதி ।
ஸூர்யா॑ய॒ ஸ்வாஹா॒ நக்ஷ॑த்ரேப்ய॒-ஸ்ஸ்வாஹா᳚ । ப்ர॒தி॒ஷ்டாயை॒ ஸ்வாஹேதி॑ ॥ 61 ॥
அதை॒தமதி॑த்யை ச॒ரு-ந்நிர்வ॑பதி । இ॒யம்-வாँ அதி॑திஃ ।
அ॒ஸ்யாமே॒வ ப்ரதி॑ திஷ்டதி । ஸோ-ऽத்ர॑ ஜுஹோதி ।
அதி॑த்யை॒ ஸ்வாஹா᳚ ப்ரதி॒ஷ்டாயை॒ ஸ்வாஹேதி॑ ॥ 62 ॥
அதை॒தம்-விँஷ்ண॑வே ச॒ரு-ந்நிர்வ॑பதி । ய॒ஜ்ஞோ வை விஷ்ணுஃ॑ । ய॒ஜ்ஞ ஏ॒வாந்த॒தஃ ப்ரதி॑ திஷ்டதி । ஸோ-ऽத்ர॑ ஜுஹோதி । விஷ்ண॑வே॒ ஸ்வாஹா॑ ய॒ஜ்ஞாய॒ ஸ்வாஹா᳚ । ப்ர॒தி॒ஷ்டாயை॒ ஸ்வாஹேதி॑ ॥ 63 ॥
(ச॒ந்த்ரமாஃ॒ பஞ்ச॑தஶா - ஹோரா॒த்ரே ஸ॒ப்தத॑ - ஶோ॒ஷா ஏகா॑த॒ஶா - தை॒தஸ்மை॒ நக்ஷ॑த்தாய॒ த்ரயோ॑தஶ॒ - ஸூர்யோ॒ தஶா - தை॒தமதி॑த்யை॒ பஞ்சா - தை॒தம்-விँஷ்ண॑வே॒ ஷட்-த்ஸ॒ப்த) (அ. 6)
[ஸ॒வி॒தா-ऽऽஶூ॒நாம்-வ்ரீँ॑ஹீ॒ணாமிந்த்ரோ॑ ம॒ஹாவ்ரீ॑ஹீணா॒மிந்த்ரஃ॑ க்ரு'॒ஷ்ணாநோம்᳚
ँவ்ரீஹீ॒ணாம॑ஹோரா॒த்ரே த்வ॒யாநாம்᳚-வ்ரீँஹீ॒ணாம் । பி॒தர॒-ஷ்ஷட்க॑பாலக்ம் ஸவி॒தா த்வாத॑ஶகபாலமிந்த்ரா॒க்நீ ஏகா॑தஶகபால॒மிந்த்ர॒ ஏகா॑தஶகபால॒மிந்த்ரோ॒ தஶ॑கபாலம்॒-விँஷ்ணு॑ஸ்த்ரிகபா॒லமஹி॒-ர்பூமி॑கபாலம॒ஶ்விநௌ᳚ த்விகபா॒ல-ஞ்ச॒ந்த்ரமாஃ॒ பஞ்ச॑தஶகபால-ம॒க்நிரத்வஷ்டா॒ வஸ॑வோ॒-ऽஷ்டாக॑பாலம॒ந்யத்ர॑ ச॒ரும் । ரு॒த்ரோ᳚-ऽர்ய॒மா பூ॒ஷா ப॑ஶு॒மாந்-த்ஸ்யா॒க்ம்॒ ஸோமோ॑ ரு॒த்ரோ ப்ரு'ஹ॒ஸ்பதிஃ॒ பய॑ஸி வா॒யுஃ பய॒-ஸ்ஸோமோ॑ வா॒யுரி॑ந்த்ரா॒க்நீ மி॒த்ர இந்த்ர॒ ஆபோ॒ ப்ரஹ்ம॑ ய॒மோ॑-ऽபிஜி॑த்யை॒ த்வஷ்டா᳚ ப்ர॒ஜாப॑திஃ ப்ர॒ஜாயை॑ பௌர்ணமா॒ஸ்யா அ॑மாவா॒ஸ்யா॑யா॒ ஆக॑த்யை॒ விஶ்வே॒ ஜித்யா॑
அ॒ஶ்விநௌ॒ ஶ்ருத்யை᳚ । ப்ரஹ்ம॒ ததே॒தம்-விँஷ்ணு॒-ஸ்ஸ ஏ॒தம்-வாँ॒யு-ஸ்ஸ ஏ॒ததாப॒ஸ்தாஃ । பி॒தரோ॒ விஶ்வே॒ வஸ॑வோ-ऽகாமயந்த॒மேதி॒ த ஏ॒த-ந்நிர॑வபந்ந் । ஆபோ॑-ऽகாமயந்த॒ மேதி॒ தா ஏ॒த-ந்நிர॑வபந்ந் । இ॒ந்த்ரா॒க்நீ அ॒ஶ்விநா॑வகாமயேதாம்॒-வேँதி॒ தாவே॒த-ந்நிர॑வபதாம் । அ॒ஹோ॒ரா॒த்ரே வா அ॑காமயேதா॒மிதி॒ தே ஏ॒த-ந்நிர॑வபதாம் ।
அ॒ந்யத்ரா॑காமயத॒மிதி॒ ஸ ஏ॒த-ந்நிர॑வபத் । இ॒ந்த்ரா॒க்நீ ஶ்ரைஷ்ட்ய॒மிந்த்ரோ॒ ஜ்யைஷ்ட்ய॒மிந்த்ரோ॑ த்ரு'॒டஃ ।
ஆஹி॒-ஸ்ஸூர்யோ-ऽதி॑த்யை॒ விஷ்ண॑வே ப்ரதி॒ஷ்டாயை᳚ ।
ஸோமோ॑ ய॒ம-ஸ்ஸ॑மா॒நாநா᳚ம் । அ॒க்நிர்நோ॑ ரீரிஷத॒ந்யத்ர॑ ரீரிஷஃ]
[வி॒துஷோ॑ ஹ॒விஷா॒ ய உ॑ சைநதே॒வம்-வேँத॑ । இஷ்டி॑பி॒ர்ய உ॑ சைநா ஏ॒வம்-வேँத॑ ।
அ॒ந்யத்ர॑ ப்ராஹ்ம॒ணே ய உ॑ சைநமே॒வம்-வேँத॑ ]
ப்ரபாதக கோர்வை வி-த்ஸ்தர்திந்க் பதம்ஸ் ஒf 1 தொ 6 ஆநுவாகம்ஸ் ஃ-
(அ॒க்நிர்ந॑-ரு'॒த்த்யாஸ்ம॒-நவோ॑நவோ॒-ऽக்நி-ர்மி॒த்ர - ஶ்ச॒ந்த்ரமா॒-ஷ்ஷட்)
(அ॒க்நிர்ந॒ - ஸ்தந்நோ॑ வா॒யு - ரஹி॑ர்பூ॒த்த்நிய॑ - ரு'॒க்ஷா வா இ॒ய - மதை॒த-த்பௌ᳚ர்ணமா॒ஸ்யா - அ॒ஜோ வா ஏக॑பா॒த் - ஸூர்ய॒ ஸ்த்ரிஷ॑ஷ்டிஃ)
(அ॒க்நிர்நஃ॑ - பாது ப்ரதி॒ஷ்டாயை॒ ஸ்வாஹேதி॑ )
॥ ஹரிஃ॑ ஓம் ॥
॥ க்ரு'ஷ்ண யஜுர்வேதீய தைத்திரீய ப்ராஹ்மணே த்ரு'தீயாஷ்டகே ப்ரதமஃ ப்ரபாடக-ஸ்ஸமாப்தஃ ॥
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhakaḥ - nakṣatreṣṭīnāṃ-yā~jyā-'nuvākyā brāhmaṇāni
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - devanakṣatrāṇāṃ-yā~jyānuvākyāḥ
a॒gnirnaḥ̭ pātu॒ kṛtti̭kāḥ | nakṣa̭tra-nde॒vami̭ndri॒yam | i॒damā̭sāṃ-vi~cakṣa॒ṇam | ha॒virā॒sa-ñjṷhotana || yasya॒ bhānti̭ ra॒śmayo॒ yasya̭ ke॒tavaḥ̭ | yasye॒mā viśvā॒ bhuva̭nāni॒ sarvā᳚ |
sa kṛtti̭kābhira॒bhi saṃ॒va~sā̭naḥ | a॒gnirno̭ de॒va-ssṷvi॒te da̭dhātu || pra॒jāpa̭te rohi॒ṇī vḙtu॒ patnī᳚ |
vi॒śvarṷ̄pā bṛha॒tī ci॒trabhā̭nuḥ || 1 ||
sā no̭ ya॒jñasya̭ suvi॒te da̭dhātu | yathā॒ jīvḙma śa॒rada॒-ssavī̭rāḥ || ro॒hi॒ṇī de॒vyuda̭gā-tpu॒rastā᳚t | viśvā̭ rū॒pāṇi̭ prati॒moda̭mānā | pra॒jāpa̭tigṃ ha॒viṣā̭ va॒rdhaya̭ntī | pri॒yā de॒vānā॒-mupa̭yātu ya॒jñam || somo॒ rājā̭ mṛgaśī॒ra॒.ṣeṇa॒ āganṋ | śi॒va-nnakṣa̭tra-mpri॒yama̭sya॒ dhāma̭ |
ā॒pyāya̭māno bahu॒dhā janḙṣu |
retaḥ̭ pra॒jāṃ-ya~ja̭māne dadhātu || 2 ||
ya-tte॒ nakṣa̭tra-mmṛgaśī॒ra॒.ṣamasti̭ |
pri॒yagṃ rā̭ja-npri॒yata̭ma-mpri॒yāṇā᳚m |
tasmai̭ te soma ha॒viṣā̭ vidhema |
śanna̭ edhi dvi॒pade॒ śa-ñcatṷṣpade ||
ā॒rdrayā̭ ru॒draḥ pratha̭māna eti | śreṣṭho̭ de॒vānā॒-mpati̭raghni॒yānā᳚m | nakṣa̭tramasya ha॒viṣā̭ vidhema | mā naḥ̭ pra॒jāgṃ rī̭riṣa॒-nmota vī॒rān ||
he॒tī ru॒drasya॒ pari̭ṇo vṛṇaktu | ā॒rdrā nakṣa̭tra-ñjuṣatāgṃ ha॒virnaḥ̭ || 3 ||
pra॒mu॒ñcamā̭nau duri॒tāni॒ viśvā᳚ | apā॒ghaśagṃ̭ sa-nnudatā॒marā̭tim || puna̭rno de॒vyadi̭ti-sspṛṇotu | puna̭rvasū naḥ॒ puna॒retāṃ᳚-ya~॒jñam |
puna̭rno de॒vā a॒bhiya̭ntu॒ sarve᳚ | punaḥ̭ punarvo ha॒viṣā̭ yajāmaḥ || e॒vā na de॒vyadi̭tirana॒rvā | viśva̭sya bha॒rtrī jaga̭taḥ prati॒ṣṭhā | puna̭rvasū ha॒viṣā̭ va॒rdhaya̭ntī | pri॒ya-nde॒vānā॒-mapyḙtu॒ pāthaḥ̭ || 4 ||
bṛha॒spatiḥ̭ pratha॒ma-ñjāya̭mānaḥ | ti॒ṣya̭-nnakṣa̭trama॒bhi samba̭bhūva | śreṣṭho̭ de॒vānā॒-mpṛta̭nāsu ji॒ṣṇuḥ | diśo-'nu॒ sarvā॒ abha̭yanno astu ||
ti॒ṣyaḥ̭ pu॒rastā̭du॒ta ma̭ddhya॒to naḥ̭ | bṛha॒spati̭ rnaḥ॒ pari̭pātu pa॒ścāt | bādhḙtā॒-ndveṣo॒ abha̭ya-ṅkṛṇutām | su॒vīrya̭sya॒ pata̭ya-ssyāma ||
i॒dagṃ sa॒rpebhyo̭ ha॒vira̭stu॒ juṣṭa᳚m |
ā॒śre॒ṣā yeṣā̭-manu॒yanti॒ cetaḥ̭ || 5 ||
ye a॒ntari̭kṣa-mpṛthi॒vī-ṅkṣi॒yanti̭ | tenaḥ̭ sa॒rpāso॒ hava॒māga̭miṣṭhāḥ || ye ro̭ca॒ne sūrya॒syāpi̭
sa॒rpāḥ | ye diva̭-nde॒vīmanṷ sa॒ñcara̭nti |
yeṣā̭māśre॒ṣā a̭nu॒yanti॒ kāma᳚m |
tebhyaḥ̭ sa॒rpebhyo॒ madhṷmajjuhomi ||
upa̭hūtāḥ pi॒taro॒ ye ma॒ghāsṷ | mano̭javasa-ssu॒kṛtaḥ̭ sukṛ॒tyāḥ | te no॒ nakṣa̭tre॒ hava॒māga̭miṣṭhāḥ | sva॒dhābhi̭ rya॒jña-mpraya̭ta-ñjuṣantām || 6 ||
ye a̭gnida॒gdhā ye-'na̭gni-dagdhāḥ | yḙ-'muṃ-lo~॒ka-mpi॒taraḥ̭ kṣi॒yanti̭ | yāgśca̭ vi॒dmayāgṃ ṷ ca॒ na pra̭vi॒dma | ma॒ghāsṷ ya॒jñagṃ sukṛ̭ta-ñjuṣantām ||
gavā॒-mpatiḥ॒ phalgṷnīnāmasi॒ tvam | tada̭ryaman varuṇa mitra॒ cārṷ | ta-ntvā̭ va॒yagṃ sa̭ni॒tāragṃ̭ sanī॒nām | jī॒vā jīva̭nta॒mupa॒ saṃvi~̭śema ||
yene॒mā viśvā॒ bhuva̭nāni॒ sañji̭tā |
yasya̭ de॒vā a̭nu saṃ॒ya~nti॒ cetaḥ̭ || 7 ||
a॒rya॒mā rājā॒-'jara॒stuvi̭ṣmān | phalgṷnīnā-mṛṣa॒bho ro̭ravīti || śreṣṭho̭ de॒vānā᳚-mbhagavo bhagāsi | tattvā̭ viduḥ॒ phalgṷnī॒stasya̭ vittāt | a॒smabhya̭-ṅkṣa॒trama॒jaragṃ̭ su॒vīrya᳚m | goma॒daśva̭-va॒dupa॒-sannṷde॒ha || bhago̭ ha dā॒tā bhaga॒ i-tpra̭dā॒tā | bhago̭ de॒vīḥ phalgṷnī॒rāvi̭veśa | bhaga॒syetta-mpra̭sa॒va-ṅga̭mema | yatra̭ de॒vai-ssa̭dha॒māda̭-mmadema || 8 ||
āyā̭tu de॒va-ssa̭vi॒topa̭yātu | hi॒ra॒ṇyayḙna su॒vṛtā॒ rathḙna | vaha॒n॒. hastagṃ̭ su॒bhagaṃ̭-vi~dma॒nāpa̭sam | pra॒yaccha̭nta॒-mpapṷri॒-mpuṇya॒maccha̭ ||
hastaḥ॒ praya̭ccha tva॒mṛtaṃ॒-va~sī̭yaḥ |
dakṣi̭ṇena॒ prati̭gṛbhṇīma enat |
dā॒tāra̭ma॒dya sa̭vi॒tā vi̭deya |
yo no॒ hastā̭ya prasu॒vāti̭ ya॒jñam ||
tvaṣṭā॒ nakṣa̭trama॒bhyḙti ci॒trām |
su॒bhagṃ sa̭saṃ-yu~va॒tigṃ roca̭mānām || 9 ||
ni॒ve॒śaya̭-nna॒mṛtā॒-nmartyāg̭śca |
rū॒pāṇi̭ pi॒gṃ॒śa-nbhuva̭nāni॒ viśvā᳚ ||
tanna॒stvaṣṭā॒ tadṷ ci॒trā vica̭ṣṭām |
tannakṣa̭tra-mbhūri॒dā a̭stu॒ mahya᳚m |
tannaḥ̭ pra॒jāṃ-vī~॒rava̭tīgṃ sanotu |
gobhi̭rno॒ aśvai॒-ssama̭naktu ya॒jñam ||
vā॒yurnakṣa̭tra-ma॒bhyḙti॒ niṣṭyā᳚m |
ti॒gmaśṛ̭ṅgo vṛṣa॒bho rorṷvāṇaḥ |
sa॒mī॒raya॒-nbhuva̭nā māta॒riśvā᳚ |
apa॒ dveṣāgṃ̭si nudatā॒marā̭tīḥ || 10 ||
tanno̭ vā॒yastadu॒ niṣṭyā̭ śṛṇotu |
tannakṣa̭tra-mbhūri॒dā a̭stu॒ mahya᳚m |
tanno̭ de॒vāso॒ anṷ jānantu॒ kāma᳚m | yathā॒ tarḙma duri॒tāni॒ viśvā᳚ || dū॒rama॒smacchatra̭vo yantu bhī॒tāḥ | tadi̭ndrā॒gnī kṛ̭ṇutā॒-nta-dviśā̭khe |
tanno̭ de॒vā anṷmadantu ya॒jñam | pa॒ścā-tpu॒rastā॒-dabha̭yanno astu || nakṣa̭trāṇā॒-madhi̭patnī॒ viśā̭khe |
śreṣṭhā̭vindrā॒gnī bhuva̭nasya go॒pau || 11 ||
viṣṷ̄ca॒-śśatrṷ̄-napa॒bādha̭mānau | apa॒ kṣudha̭-nnudatā॒marā̭tim || pū॒rṇā pa॒ścādu॒ta pū॒rṇā pu॒rastā᳚t | unma̭ddhya॒taḥ pau᳚rṇamā॒sī ji̭gāya |
tasyā᳚-nde॒vā adhi̭ saṃ॒va~sa̭ntaḥ |
u॒tta॒me nāka̭ i॒ha mā̭dayantām ||
pṛ॒thvī su॒varcā̭ yuva॒ti-ssa॒joṣāḥ᳚ | pau॒rṇa॒mā॒syuda̭gā॒-cchobha̭mānā |
ā॒pyā॒yaya̭ntī duri॒tāni॒ viśvā᳚ |
u॒ru-nduhāṃ॒-ya~ja̭mānāya ya॒jñam || 12 ||
(ci॒trabhā̭nu॒-r yaja̭māne dadhātu - ha॒virnaḥ॒ - pātha॒ - śceto̭ - juṣantāṃ॒ - ceto̭ - madema॒ - roca̭mānā॒ - marā̭tī--r go॒pau - ya॒jñaṃ) (a. 1)
anuvākaṃ 2 - yamanakṣatrāṇāṃ-yā~jyānuvākyāḥ
ṛ॒ddhyāsma̭ ha॒vyai-rnama̭sopa॒ sadya̭ |
mi॒tra-nde॒va-mmi̭tra॒dheya̭nno astu | a॒nū॒rā॒dhān. ha॒viṣā̭ va॒rdhaya̭ntaḥ | śa॒ta-ñjī̭vema śa॒rada॒-ssavī̭rāḥ || ci॒tra-nnakṣa̭tra॒-muda̭gā-tpu॒rastā᳚t | a॒nū॒rā॒dhāsa॒ iti॒ ya-dvada̭nti | tanmi॒tra ḙti pa॒thibhi̭ rdeva॒yānaiḥ᳚ | hi॒ra॒ṇyayai॒ rvita̭tai-ra॒ntari̭kṣe ||
indro᳚ jye॒ṣṭhāmanu॒ nakṣa̭trameti | yasmi̭n vṛ॒traṃ-vṛ~̭tra॒ tūryḙ ta॒tāra̭ || 13 ||
tasmi̭n va॒yama॒mṛta॒-nduhā̭nāḥ | kṣudha̭-ntarema॒ duri̭ti॒-nduri̭ṣṭim || pu॒ra॒nda॒rāya̭ vṛṣa॒bhāya̭ dhṛ॒ṣṇave᳚ | aṣā̭ḍhāya॒ saha̭mānāya mī॒ḍhuṣe᳚ |
indrā̭ya jye॒ṣṭhā madhṷma॒-dduhā̭nā |
u॒ru-ṅkṛ̭ṇotu॒ yaja̭mānāya lo॒kam ||
mūla̭-mpra॒jāṃ-vī~॒rava̭tīṃ-vi~deya | parā᳚cyetu॒ nir-ṛ̭tiḥ parā॒cā | gobhi॒ rnakṣa̭tra-mpa॒śubhi॒-ssama̭ktam | aha̭rbhūyā॒-dyaja̭mānāya॒ mahya᳚m || 14 ||
aha̭rno a॒dya sṷvi॒te da̭dhātu | mūla॒-nnakṣa̭tra॒miti॒ ya-dvada̭nti | parā̭cīṃ-vā~॒cā nir-ṛ̭ti-nnudāmi |
śi॒va-mpra॒jāyai̭ śi॒vama̭stu॒ mahya᳚m ||
yā di॒vyā āpaḥ॒ paya̭sā sa-mbabhū॒vuḥ | yā a॒ntari̭kṣa u॒ta pārthi̭vī॒ryāḥ | yāsā̭maṣā॒ḍhā a̭nu॒yanti॒
kāma᳚m | tā na॒ āpa॒-śśagg syo॒nā bha̭vantu ||
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ |
yāśca̭ vaiśa॒ntīru॒ta prā̭sa॒cīryāḥ || 15 ||
yāsā̭maṣā॒ḍhā madhṷ bha॒kṣaya̭nti | tā na॒ āpa॒-śśagg syo॒nā bha̭vantu || tanno॒ viśve॒ upa̭ śṛṇvantu de॒vāḥ | tada̭ṣā॒ḍhā a॒bhi saṃya~̭ntu ya॒jñam |
tannakṣa̭tra-mprathatā-mpa॒śubhyaḥ̭ |
kṛ॒ṣi-rvṛ॒ṣṭi-ryaja̭mānāya kalpatām ||
śu॒bhrāḥ ka॒nyā̭ yuva॒tayaḥ̭ su॒peśa̭saḥ | ka॒rma॒kṛtaḥ̭ su॒kṛto̭ vī॒ryā̭vatīḥ |
viśvā᳚-nde॒vān. ha॒viṣā̭ va॒rdhaya̭ntīḥ |
a॒ṣā॒ḍhāḥ kāma॒mupa̭yāntu ya॒jñam || 16 ||
yasmi॒-nbrahmā॒-'bhyaja̭ya॒-thsarva̭me॒tat |
a॒muñca̭ lo॒ka mi॒damṷ̄ca॒ sarva᳚m |
tanno॒ nakṣa̭tramabhi॒ji-dvi॒jitya̭ | śriya̭-ndadhā॒-tvahṛ̭ṇīyamānam || u॒bhau lo॒kau brahma̭ṇā॒ sañji̭te॒mau | tanno॒ nakṣa̭tramabhi॒ji-dvica̭ṣṭām |
tasmi̭n va॒ya-mpṛta̭nā॒-ssa-ñja̭yema |
tanno̭ de॒vāso॒ anṷjānantu॒ kāma᳚m ||
śṛ॒ṇvanti̭ śro॒ṇā-ma॒mṛta̭sya go॒pām |
puṇyā̭masyā॒ upa̭śṛṇomi॒ vāca᳚m || 17 ||
ma॒hī-nde॒vīṃ-vi~ṣṇṷpatnī-majū॒ryām | pra॒tīcī̭menāgṃ ha॒viṣā̭ yajāmaḥ ||
tre॒dhā viṣṇṷ-rurugā॒yo vica̭krame |
ma॒hī-ndiva̭-mpṛthi॒vī-ma॒ntari̭kṣam |
tacchro॒ṇaiti॒ śrava̭ i॒cchamā̭nā |
puṇya॒gg॒ ślokaṃ॒-ya~ja̭mānāya kṛṇva॒tī ||
a॒ṣṭau de॒vā vasa̭va-sso॒myāsaḥ̭ |
cata̭sro de॒vī ra॒jarā॒-śśravi̭ṣṭhāḥ |
te ya॒jña-mpā᳚ntu॒ raja̭saḥ pa॒rastā᳚t |
saṃ॒va~॒thsa॒rīṇa̭-ma॒mṛtagg̭ sva॒sti || 18 ||
ya॒jña-nnaḥ̭ pāntu॒ vasa̭vaḥ pu॒rastā᳚t | da॒kṣi॒ṇa॒to̭-'bhiya̭ntu॒ śravi̭ṣṭhāḥ | puṇya॒-nnakṣa̭trama॒bhi saṃvi~̭śāma | mā no॒ arā̭ti-ra॒ghaśa॒gṃ॒sā ganṋ ||
kṣa॒trasya॒ rājā॒ varṷṇo-'dhirā॒jaḥ | nakṣa̭trāṇāgṃ śa॒tabhi̭ṣa॒g vasi̭ṣṭhaḥ | tau de॒vebhyaḥ̭ kṛṇuto dī॒rghamāyuḥ̭ | śa॒tagṃ sa॒hasrā̭ bheṣa॒jāni̭ dhattaḥ ||
ya॒jñanno॒ rājā॒ varṷṇa॒ upa̭yātu | tanno॒ viśvḙ a॒bhi saṃya~̭ntu de॒vāḥ || 19 ||
tanno॒ nakṣa̭tragṃ śa॒tabhi̭ṣag juṣā॒ṇam | dī॒rghamāyuḥ॒ prati̭ra-dbheṣa॒jāni̭ || a॒ja eka̭pā॒duda̭gā-tpu॒rastā᳚t | viśvā̭ bhū॒tāni̭ prati॒moda̭mānaḥ | tasya̭ de॒vāḥ pra̭sa॒vaṃ-ya~̭nti॒ sarve᳚ | pro॒ṣṭha॒pa॒dāso̭ a॒mṛta̭sya go॒pāḥ ||
vi॒bhrāja̭māna-ssamidhā॒na u॒graḥ | ā-'ntari̭kṣa-maruha॒da-ga॒ndyām | tagṃ sūrya̭-nde॒va-ma॒jameka̭pādam | pro॒ṣṭha॒pa॒dāso॒ anṷyanti॒ sarve᳚ || 20 ||
ahi̭-rbu॒ddhniyaḥ॒ pratha̭māna eti | śreṣṭho̭ de॒vānā̭mu॒ta mānṷṣāṇām | ta-mbrā᳚hma॒ṇā-sso̭ma॒pā-sso॒myāsaḥ̭ |
pro॒ṣṭha॒pa॒dāso̭ a॒bhi ra̭kṣanti॒ sarve᳚ ||
ca॒tvāra॒ eka̭ma॒bhi karma̭ de॒vāḥ |
pro॒ṣṭha॒pa॒dāsa॒ iti॒ yān. vada̭nti |
te bu॒ddhaniya̭-mpari॒ṣadyagg̭ stu॒vantaḥ̭ |
ahigṃ̭ rakṣanti॒ nama̭sopa॒sadya̭ ||
pū॒ṣā re॒vatyanvḙti॒ panthā᳚m | pu॒ṣṭi॒patī̭ paśu॒pā vāja̭bastyau || 21 ||
i॒māni̭ ha॒vyā praya̭tā juṣā॒ṇā |
su॒gairno॒ yānai॒rupa̭yātāṃ-ya~॒jñam ||
kṣu॒drā-npa॒śū-nra̭kṣatu re॒vatī̭ naḥ |
gāvo̭ no॒ aśvā॒gṃ॒ anvḙtu pū॒ṣā |
anna॒gṃ॒ rakṣa̭ntau bahu॒dhā virṷ̄pam |
vājagṃ̭ sanutāṃ॒-ya~ja̭mānāya ya॒jñam ||
tada॒śvinā̭-vaśva॒yujopa̭yātām |
śubha॒-ṅgami̭ṣṭhau su॒yamḙbhi॒raśvaiḥ᳚ |
sva-nnakṣa̭tragṃ ha॒viṣā॒ yaja̭ntau |
maddhvā॒ sampṛ̭ktau॒ yajṷṣā॒ sama̭ktau || 22 ||
yau de॒vānā᳚-mbhi॒ṣajaṷ havyavā॒hau | viśva̭sya dū॒tā-va॒mṛta̭sya go॒pau | tau nakṣa̭tra-ñjujuṣā॒ṇo-pa̭yātām | namo॒-'śvibhyā᳚-ṅkṛṇumo-'śva॒yugbhyā᳚m ||
apa̭ pā॒pmāna॒-mbhara̭ṇīrbharantu | ta-dya॒mo rājā॒ bhaga̭vā॒n॒. vica̭ṣṭām | lo॒kasya॒ rājā̭ maha॒to ma॒hān. hi | su॒ga-nnaḥ॒ panthā॒mabha̭ya-ṅkṛṇotu ||
yasmi॒-nnakṣa̭tre ya॒ma eti॒ rājā᳚ |
yasmi̭-nnenama॒bhyaṣi̭cannta de॒vāḥ |
tada̭sya ci॒tragṃ ha॒viṣā̭ yajāma |
apa̭ pā॒pmāna॒-mbhara̭ṇī-rbharantu ||
ni॒veśa̭nī sa॒ṅgama̭nī॒ vasṷ̄nāṃ॒-vi~śvā̭ rū॒pāṇi॒ vasū᳚nyāve॒śaya̭ntī | sa॒ha॒sra॒po॒ṣagṃ su॒bhagā॒ rarā̭ṇā॒ sā na॒ āga॒n varca̭sā saṃvi~dā॒nā || yattḙ de॒vā ada̭dhu-rbhāga॒dheya॒mamā̭vāsye saṃ॒va~sa̭nto mahi॒tvā | sāno̭ ya॒jña-mpi̭pṛhi viśvavāre ra॒yi-nno̭ dhehi subhage su॒vīra᳚m || || 23 ||
(ta॒tāra॒ - mahyaṃ̭ - prāsa॒cīryā - yā᳚ntu ya॒jñaṃ - ~vācagg̭ - sva॒sti - de॒vā-anṷ yanti॒ sarve॒-vāja̭bastyau॒-sama̭ktau-de॒vā strīṇi̭ ca) (a. 2)
anuvākaṃ 3 - cāndramasādīnāṃ saptanāmiṣṭīnāṃ-yā~jyānuvākyāḥ
navo̭navo bhavati॒ jāya̭mā॒no-'hnā᳚-ṅke॒turu॒ṣasā̭ me॒tyagre᳚ | bhā॒ga-nde॒vebhyo॒ vida̭dhātyā॒ya-npraca॒ndramā᳚stirati dī॒rghamāyuḥ̭ || yamā̭di॒tyā
a॒gṃ॒śumā᳚pyā॒yaya̭nti yamā̭di॒tyā a॒gṃ॒śumā᳚pyā॒yaya̭nti॒ yamakṣi̭ta॒-makṣi̭tayaḥ॒ piba̭nti | tena̭ no॒ rājā॒ varṷṇo॒ bṛha॒spati॒rā pyā̭yayantu॒ bhuva̭nasya go॒pāḥ |||| ye virṷ̄pe॒ sama̭nasā saṃ॒vya~ya̭ntī | sa॒mā॒na-ntantṷ-mpari tāta॒nāte᳚ | vi॒bhū pra॒bhū a̭nu॒bhū vi॒śvato̭ huve |
te no॒ nakṣa̭tre॒ hava॒māga̭metam ||
va॒ya-nde॒vī brahma̭ṇā saṃvi~dā॒nāḥ |
su॒ratnā̭so de॒vavī̭ti॒-ndadhā̭nāḥ |
a॒ho॒rā॒tre ha॒viṣā̭ va॒rdhaya̭ntaḥ |
ati̭ pā॒pmāna॒-mati̭muktyā gamema || pratyṷvadṛśyāya॒tī || 24 ||
vyu॒cchantī̭ duhi॒tā di॒vaḥ | a॒po ma॒hī vṛ̭ṇute॒ cakṣṷṣā || tamo॒ jyoti̭ṣkṛṇoti sū॒narī᳚ | udu॒striyā᳚-ssacate॒ sūryaḥ̭ | sa cā̭ u॒dyannakṣa̭tra-marci॒mat | tavedṷṣo॒ vyuṣi॒ sūrya̭sya ca ||
sa-mbha॒ktena̭ gamemahi | tanno॒ nakṣa̭tra-marci॒mat | bhā॒nu॒matteja̭ u॒ccara̭t | upa̭ ya॒jña-mi॒hāga̭mat || 25 ||
pra nakṣa̭trāya de॒vāya̭ | indrā॒yendugṃ̭ havāmahe |
sa naḥ̭ savi॒tā sṷva-thsa॒nim | pu॒ṣṭi॒dāṃ-vī~॒rava̭ttamam || udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m || ci॒tra-nde॒vānā॒-muda̭gā॒danī̭ka॒-ñcakṣṷ-rmi॒trasya॒ varṷṇasyā॒-'gneḥ | ā-' prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca ||||
adi̭tirna uruṣya॒tvadi̭ti॒-śśarma̭ yacchatu | adi̭tiḥ pā॒tvagṃ ha̭saḥ || ma॒hīmū॒ṣu mā॒taragṃ̭ suvra॒tānā̭mṛ॒tasya॒ patnī॒mava̭se huvema | tu॒vi॒kṣa॒trāma॒jara̭ntīmurū॒cīgṃ su॒śarmā̭ṇa॒madi̭tigṃ su॒praṇī̭tim || ||
i॒daṃ-vi~ṣṇu॒-rvica̭krame tre॒dhā ni da̭dhe pa॒dam | sa mṷ̄ḍhamasya pāgṃ su॒re || prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || ||
a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||
anṷ no॒-'dyā-'nṷmati-rya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || ||
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 26 ||
(ā॒ya॒tya̭ - gama॒th - svi̭ṣṭam) (a. 3)
anuvākaṃ 4 - deva nakṣatreṣṭibrāhmaṇam
a॒gnirvā a̭kāmayata | a॒nnā॒do de॒vānāg̭ syā॒miti̭ |
sa e॒tama॒gnaye॒ kṛtti̭kābhyaḥ puro॒ḍāśa̭-ma॒ṣṭāka̭pāla॒-nnira̭vapat | tato॒ vai so᳚-'nnā॒do de॒vānā̭mabhavat | a॒gnirvai de॒vānā̭mannā॒daḥ ||
yathā̭ ha॒ vā a॒gni-rde॒vanā̭-mannā॒daḥ |
e॒vagṃ ha॒ vā e॒ṣa ma̭nu॒ṣyā̭ṇā-mbhavati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ svāhā॒ kṛtti̭kābhya॒-ssvāhā᳚ | a॒mbāyai॒ svāhā̭ du॒lāyai॒ svāhā᳚ | ni॒ta॒tnyai svāhā॒ 'bhraya̭ntyai॒ svāhā᳚ | me॒ghaya̭ntyai॒ svāhā̭ va॒ra॒.ṣaya̭ntyai॒ svāhā᳚ | cu॒pu॒ṇīkā̭yai॒ svāheti̭ || 27 ||
pra॒jāpa̭tiḥ pra॒jā a̭sṛjata | tā a̭smā-thsṛ॒ṣṭāḥ parā̭cīrāyann | tāsāgṃ̭ rohi॒ṇī-ma॒bhya̭ddhyāyat | so̭-'kāmayata | upa॒ mā-''va̭rteta | samḙnayā gacche॒yeti̭ | sa e॒ta-mpra॒jāpa̭taye rohi॒ṇyai ca॒ru-nnira̭vapat | tato॒ vai sā tamu॒pāva̭rtata | samḙnayā 'gacchata || upa̭ ha॒ vā ḙna-mpri॒yamāva̭rtate |
sa-mpri॒yeṇa̭ gacchate | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ || so-'tra̭ juhoti |
pra॒jāpa̭taye॒ svāhā̭ rohi॒ṇyai svāhā᳚ |
roca̭mānāyai॒ svāhā᳚ pra॒jābhya॒-ssvāheti̭ || 28 ||
somo॒ vā a̭kāmayata | oṣa̭dhīnāgṃ rā॒jya-ma॒bhija̭yeya॒miti̭ | sa e॒tagṃ somā̭ya mṛgaśī॒ra॒.ṣāya̭ śyāmā॒ka-ñca॒ru-mpaya̭si॒ nira̭vapat | tato॒ vai sa oṣa̭dhīnāgṃ
rā॒jyama॒bhya̭jayat | sa॒mā॒nānāgṃ̭ ha॒ vai rā॒jyama॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
somā̭ya॒ svāhā̭ mṛgaśī॒ra॒.ṣāya॒ svāhā᳚ |
i॒nva॒kābhya॒-ssvāhauṣa̭dhībhya॒-ssvāhā᳚ |
rā॒jyāya॒ svāhā॒ 'bhiji̭tyai॒ svāheti̭ || 29 ||
ru॒dro vā a̭kāmayata | pa॒śu॒mān-thsyā॒miti̭ |
sa e॒tagṃ ru॒drāyā॒rdrāyai॒ praiya̭ṅgava-ñca॒ru-mpaya̭si॒ nira̭vapat | tato॒ vai sa pa̭śu॒māna̭bhavat | pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | ru॒drāya॒ svāhā॒ ''rdrāyai॒ svāhā᳚ | pinva̭mānāyai॒ svāhā̭ pa॒śubhya॒-ssvāheti̭ || 30 ||
ṛ॒kṣā vā i॒yama̭lo॒makā̭-''sīt | sā-'kā̭mayata |
oṣa̭dhībhi॒-rvana॒spati̭bhiḥ॒ prajā̭ye॒yeti̭ |
saitamadi̭tyai॒ puna̭rvasubhyā-ñca॒ru-nnira̭vapat |
tato॒ vā i॒yamoṣa̭dhībhi॒-rvana॒spati̭bhiḥ॒ prājā̭yata |
prajā̭yate ha॒ vai pra॒jayā̭ pa॒śubhiḥ̭ | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | adi̭tyai॒ svāhā॒ puna̭rvasubhyām |
svāhā-''bhū᳚tyai॒ svāhā॒ prajā᳚tyai॒ svāheti̭ || 31 ||
bṛha॒spati॒rvā a̭kāmayata | bra॒hma॒va॒rca॒sī syā॒miti̭ |
sa e॒ta-mbṛha॒spata̭ye ti॒ṣyā̭ya naivā॒ra-ñca॒ru-mpaya̭si॒ nira̭vapat | tato॒ vai sa bra̭hmavarca॒sya̭bhavat | bra॒hma॒va॒rca॒sī ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
bṛha॒spata̭ye॒ svāhā̭ ti॒ṣyā̭ya॒ svāhā᳚ | bra॒hma॒va॒rca॒sāya॒ svāheti̭ || 32 ||
de॒vā॒su॒rā-ssaṃya~̭ttā āsann | te de॒vā-ssa॒rpebhya̭ āśre॒ṣābhya॒ ājyḙ kara॒mbha-nnira̭vapann |
tāne॒tābhi̭re॒va de॒vatā̭-bhi॒rupā̭nayann |
e॒tābhi̭rha॒ vai de॒vatā̭bhi-rdvi॒ṣanta॒-mbhrātṛ̭vya॒-mupa̭nayati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sa॒rpebhya॒-ssvāhā᳚-''śre॒ṣābhya॒-ssvāhā᳚ | da॒nda॒śūke᳚bhya॒-ssvāheti̭ || 33 ||
pi॒taro॒ vā a̭kāmayanta | pi॒tṛ॒lo॒ka ṛ̭ddhnuyā॒meti̭ |
ta e॒ta-mpi॒tṛbhyo̭ ma॒ghābhyaḥ̭ puro॒ḍāśa॒gṃ॒ ṣaṭka̭pāla॒-nnira̭vapann | tato॒ vai te pi̭tṛlo॒ka ā᳚rdhnuvann | pi॒tṛ॒lo॒ke ha॒ vā ṛ̭dhnoti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pi॒tṛbhya॒-ssvāhā̭ ma॒ghābhyaḥ̭ |
svāhā̭ 'na॒ghābhya॒-ssvāhā̭ 'ga॒dābhyaḥ̭ |
svāhā̭ 'rundha॒tībhya॒-ssvāheti̭ || 34 ||
a॒rya॒mā vā a̭kāmayata | pa॒śu॒mān-thsyā॒miti̭ |
sa e॒tama̭rya॒mṇe phalgṷnībhyā-ñca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒rya॒mṇe svāhā॒ phalgṷnībhyā॒g॒ svāhā᳚ |
pa॒śubhya॒-ssvāheti̭ || 35 ||
bhago॒ vā a̭kāmayata | bha॒gī śre॒ṣṭhī de॒vānāg̭ syā॒miti̭ | sa e॒ta-mbhagā̭ya॒ phalgṷnībhyā-ñca॒ru-nnira̭vapat | tato॒ vai sa bha॒gī śre॒ṣṭhī de॒vānā̭mabhavat |
bha॒gī ha॒ vai śre॒ṣṭhī sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | bhagā̭ya॒ svāhā॒ phalgṷnībhyā॒g॒ svāhā᳚ | śraiṣṭhyā̭ya॒ svāheti̭ || 36 ||
sa॒vi॒tā vā a̭kāmayata | śranmḙ de॒vā dadhī̭rann | sa॒vi॒tā syā॒miti̭ | sa e॒tagṃ sa̭vi॒tre hastā̭ya puro॒ḍāśa॒-ndvāda̭śakapāla॒-nnira̭vapadāśū॒nāṃ
~vrī̭hī॒ṇām | tato॒ vai tasmai॒ śradde॒vā ada̭dhata | sa॒vi॒tā-'bha̭vat | śraddha॒ vā a̭smai manu॒ṣyā̭ dadhate | sa॒vi॒tā sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
sa॒vi॒tre svāhā॒ hastā̭ya | svāhā̭ dada॒te svāhā̭ pṛṇa॒te | svāhā᳚ pra॒yaccha̭te॒ svāhā᳚ pratigṛbhṇa॒te svāheti̭ || 37 ||
tvaṣṭā॒ vā a̭kāmayata | ci॒tra-mpra॒jāṃ-vi~̭nde॒yeti̭ |
sa e॒ta-ntvaṣṭrḙ ci॒trāyai̭ puro॒ḍāśa̭ma॒ṣṭā-ka̭pāla॒-nnira̭vapat | tato॒ vai sa ci॒tra-mpra॒jāma̭vindata | ci॒tragṃ ha॒ vai pra॒jāṃ-vi~̭ndate |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
tvaṣṭre॒ svāhā̭ ci॒trāyai॒ svāhā᳚ |
caitrā̭ya॒ svāhā᳚ pra॒jāyai॒ svāheti̭ || 38 ||
vā॒yurvā a̭kāmayata | kā॒ma॒cāra̭me॒ṣu lo॒keṣva॒bhija̭yeya॒miti̭ | sa e॒ta-dvā॒yave॒ niṣṭyā̭yai gṛ॒ṣṭyai du॒gdha-mpayo॒ nira̭vapat |
tato॒ vai sa kā̭ma॒cāra̭me॒ṣu lo॒keṣva॒bhya̭jayat |
kā॒ma॒cāragṃ̭ ha॒ vā e॒ṣu lo॒keṣva॒bhija̭yati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vā॒yave॒ svāhā॒ niṣṭyā̭yai॒ svāhā᳚ |
kā॒ma॒cārā̭ya॒ svāhā॒-'bhiji̭tyai॒ svāheti̭ || 39 ||
i॒ndrā॒gnī vā a̭kāmayetām | śraiṣṭhya̭-nde॒vānā̭-ma॒bhija̭ye॒veti̭ | tāve॒tami̭ndrā॒gnibhyāṃ॒-vi~śā̭khābhyā-mpuro॒ḍāśa॒-mekā̭daśakapāla॒-nnira̭vapatām | tato॒ vai tau śraiṣṭhya̭-nde॒vānā̭-ma॒bhya̭jayatām | śraiṣṭhyagṃ̭ ha॒ vai sa̭mā॒nānā̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
i॒ndrā॒gnibhyā॒g॒ svāhā॒ viśā̭khābhyā॒g॒ svāhā᳚ |
śraiṣṭhyā̭ya॒ svāhā॒ 'bhiji̭tyai॒ svāheti̭ || 40 ||
athai॒tat-pau᳚rṇamā॒syā ājya॒-nnirva̭pati | kāmo॒ vai pau᳚rṇamā॒sī | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti |
pau॒rṇa॒mā॒syai svāhā॒ kāmā̭ya॒ svāhā-''ga̭tyai॒ svāheti̭ || 41 ||
anuvākaṃ 5 - yamanakṣatreṣṭibrāhmaṇam
mi॒tro vā a̭kāmayata | mi॒tra॒dheya̭me॒ṣu lo॒keṣva॒bhi ja̭yeya॒miti̭ | sa e॒ta-mmi॒trāyā̭nūrā॒dhebhya̭śca॒ru-nnira̭vapat | tato॒ vai sa mi̭tra॒dheya̭me॒ṣu lo॒keṣva॒bhya̭jayat | mi॒tra॒dheyagṃ̭ ha॒ vā e॒ṣu lo॒keṣva॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
mi॒trāya॒ svāhā̭ 'nūrā॒dhebhya॒-ssvāhā᳚ |
mi॒tra॒dheyā̭ya॒ svāhā॒ 'bhiji̭tyai॒ svāheti̭ || 42 ||
indro॒ vā a̭kāmayata | jyaiṣṭhya̭-nde॒vānā̭-ma॒bhija̭yeya॒miti̭ | sa e॒tamindrā̭ya jye॒ṣṭhāyai̭ puro॒ḍāśa॒-mekā̭daśakapāla॒-nnira̭vapa-nma॒hāvrī̭hīṇām | tato॒ vai sa jyaiṣṭhya̭-nde॒vānā̭ma॒bhya̭jayat | jyaiṣṭhyagṃ̭ ha॒ vai sa̭mā॒nānā̭-ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | indrā̭ya॒ svāhā᳚ jye॒ṣṭhāyai॒ svāhā᳚ |
jyaiṣṭhyā̭ya॒ svāhā॒ 'bhiji̭tyai॒ svāheti̭ || 43 ||
pra॒jāpa̭ti॒rvā a̭kāmayata | mūla̭-mpra॒jāṃ-vi~̭nde॒yeti̭ | sa e॒ta-mpra॒jāpa̭taye॒ mūlā̭ya ca॒ru-nnira̭vapat | tato॒ vai sa mūla̭-mpra॒jāma̭vindata | mūlagṃ̭ ha॒ vai pra॒jāṃ-vi~̭ndate | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pra॒jāpa̭taye॒ svāhā॒ mūlā̭ya॒ svāhā᳚ | pra॒jāyai॒ svāheti̭ || 44 ||
āpo॒ vā a̭kāmayanta | sa॒mu॒dra-ṅkāma̭ma॒ bhija̭ye॒meti̭ | tā e॒tama॒dbhyo̭-'ṣā॒ḍhābhya̭śca॒ru-nnira̭vapann | tato॒ vai tā-ssa̭mu॒dra-ṅkāma̭ma॒bhya̭jayann | sa॒mu॒dragṃ ha॒ vai kāma̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒dbhya-ssvāhā̭ 'ṣā॒ḍhābhya॒-ssvāhā᳚ | sa॒mu॒drāya॒ svāhā॒ kāmā̭ya॒ svāhā᳚ | a॒bhiji̭tyai॒ svāheti̭ || 45 ||
viśve॒ vai de॒vā a̭kāmayanta | a॒na॒pa॒ja॒yya-ñja̭ye॒meti̭ | ta e॒taṃ-vi~śve᳚bhyo de॒vebhyo̭-'ṣā॒ḍhābhya̭śca॒ru-nnira̭vapann |
tato॒ vai tḙ-'napaja॒yya-ma̭jayann | a॒na॒pa॒ja॒yyagṃ ha॒ vai ja̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viśve᳚bhyo de॒vebhya॒-ssvāhā̭ 'ṣā॒ḍhābhya॒-ssvāhā᳚ |
a॒na॒pa॒ja॒yyāya॒ svāhā॒ jityai॒ svāheti̭ || 46 ||
brahma॒ vā a̭kāmayata | bra॒hma॒lo॒kama॒bhija̭yeya॒miti̭ |
tade॒ta-mbrahma̭ṇe-'bhi॒jitḙ ca॒ru-nnira̭vapat |
tato॒ vai tadbra̭hmalo॒kama॒bhya̭jayat | bra॒hma॒lo॒kagṃ ha॒ vā a॒bhija̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | brahma̭ṇe॒ svāhā̭ 'bhi॒jite॒ svāhā᳚ | bra॒hma॒lo॒kāya॒ svāhā॒ 'bhiji̭tyai॒ svāheti̭ || 47 ||
viṣṇu॒rvā a̭kāmayata | puṇya॒gg॒ ślokagṃ̭ śṛṇvīya |
na mā̭ pā॒pī kī॒rtirāga̭cche॒diti̭ | sa e॒taṃ-vi~ṣṇa̭ve śro॒ṇāyai̭ puro॒ḍāśa̭-ntrikapā॒la-nnira̭vapat |
tato॒ vai sa puṇya॒gg॒ śloka̭ma śṛṇuta | naina̭-mpā॒pī kī॒rtirā- ga̭cchat | puṇyagṃ̭ ha॒ vai ślokagṃ̭ śṛṇute | naina̭-mpā॒pī kī॒rtirāga̭cchati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viṣṇa̭ve॒ svāhā᳚ śro॒ṇāyai॒ svāhā᳚ |
ślokā̭ya॒ svāhā᳚ śru॒tāya॒ svāheti̭ || 48 ||
vasa̭vo॒ vā a̭kāmayanta | agra̭-nde॒vatā̭nā॒-mparī̭yā॒meti̭ | ta e॒taṃ-va~sṷbhya॒-śśravi̭ṣṭhābhyaḥ puro॒ḍāśa̭ma॒ṣṭāka̭pāla॒-nnira̭vapann |
tato॒ vai te-'gra̭-nde॒vatā̭nā॒-mparyā̭yann |
agragṃ̭ ha॒ vai sa̭mā॒nānā॒-mparyḙti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vasṷbhya॒-ssvāhā॒ śravi̭ṣṭhābhya॒-ssvāhā᳚ | agrā̭ya॒ svāhā॒ parī᳚tyai॒ svāheti̭ || 49 ||
indro॒ vā a̭kāmayata | dṛ॒ḍho 'śi̭thila-ssyā॒miti̭ |
sa e॒taṃ-va~rṷṇāya śa॒tabhi̭ṣaje bheṣa॒jebhyaḥ̭ puro॒ḍāśa॒-ndaśa̭kapāla॒-nnira̭vapat-kṛ॒ṣṇānāṃ᳚-vrī~hī॒ṇām | tato॒ vai sa dṛ॒ḍho-'śi̭thilo-'bhavat |
dṛ॒ḍho ha॒ vā aśi̭thilo bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
varṷṇāya॒ svāhā̭ śa॒tabhi̭ṣaje॒ svāhā᳚ |
bhe॒ṣa॒jebhya॒-ssvāheti̭ || 50 ||
a॒jo vā eka̭pādakāmayata | te॒ja॒svī bra̭hmavarca॒sī syā॒miti̭ | sa e॒tama॒jāyaika̭pade proṣṭhapa॒debhya̭-śca॒ru-nnira̭vapat | tato॒ vai sa tḙja॒svī bra̭hmavarca॒sya̭bhavat | te॒ja॒svī ha॒ vai bra̭hmavarca॒sī bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒jāyaika̭pade॒ svāhā᳚ proṣṭhapa॒debhya॒-ssvāhā᳚ |
teja̭se॒ svāhā᳚ brahmavarca॒sāya॒ svāheti̭ || 51 ||
ahi॒rvai bu॒ddhniyo̭-'kāmayata | i॒mā-mpra̭ti॒ṣṭhāṃ-vi~̭nde॒yeti̭ | sa e॒tamaha̭ye bu॒ddhniyā̭ya proṣṭhapa॒debhyaḥ̭ puro॒ḍāśa॒-mbhūmi̭kapāla॒-nnira̭vapat | tato॒ vai sa i॒mā-mpra̭ti॒ṣṭhā-ma̭vindata | i॒māgṃ ha॒ vai pra̭ti॒ṣṭhāṃ-vi~̭ndate |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | aha̭ye bu॒ddhniyā̭ya॒ svāhā᳚ proṣṭhapa॒debhya॒-ssvāhā᳚ |
pra॒ti॒ṣṭhāyai॒ svāheti̭ || 52 ||
pū॒ṣā vā a̭kāmayata | pa॒śu॒mān-thsyā॒miti̭ |
sa e॒ta-mpū॒ṣṇe re॒vatyai̭ ca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | pū॒ṣṇe svāhā̭ re॒vatyai॒ svāhā᳚ |
pa॒śubhya॒-ssvāheti̭ || 53 ||
a॒śvinau॒ vā a̭kāmayetām | śro॒tra॒svinā॒vaba̭dhirau syā॒veti̭ | tāve॒tama॒śvibhyā̭-maśva॒yugbhyā᳚-mpuro॒ḍāśa̭-ndvikapā॒la-nnira̭vapatām |
tato॒ vai tau śro᳚tra॒svinā॒vaba̭dhirā-vabhavatām |
śro॒tra॒svī ha॒ vā aba̭dhiro bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
a॒śvibhyā॒g॒ svāhā᳚-'śva॒yugbhyā॒g॒ svāhā᳚ |
śrotrā̭ya॒ svāhā॒ śrutyai॒ svāheti̭ || 54 ||
ya॒mo vā a̭kāmayata |
pi॒tṛ॒ṇāgṃ rā॒jya-ma॒bhija̭yeya॒miti̭ |
sa e॒taṃ-ya~॒māyā̭pa॒bhara̭ṇībhyaśca॒ru-nnira̭vapat |
tato॒ vai sa pi̭tṛ॒ṇāgṃ rā॒jyama॒bhya̭jayat |
sa॒mā॒nānāgṃ̭ ha॒ vai rā॒jyama॒bhija̭yati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ya॒māya॒ svāhā̭ 'pa॒bhara̭ṇībhya॒-ssvāhā᳚ |
rā॒jyāya॒ svāhā॒ 'bhiji̭tyai svāheti̭ || 55 ||
athai॒tada̭-mā॒vāsyā̭yā॒ ājya॒-nnirva̭pati |
kāmo॒ vā a̭māvā॒syā᳚ | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti | a॒mā॒vā॒syā̭yai॒ svāhā॒ kāmā̭ya॒ svāhā ''ga̭tyai॒ svāheti̭ || 56 ||
bu॒ddhniyaḥ̭ - pu॒ṣā - 'śvinaṷ - ya॒mo daśa̭da॒śā - thai॒tada̭ - māvā॒syā̭yā a॒ṣṭau pañca̭daśa ) (a. 5)
anuvākaṃ 6 - cāndramasādīṣṭibrāhmaṇam
ca॒ndramā॒ vā a̭kāmayata | a॒ho॒rā॒trā-na̭rdhamā॒sā-nmāsā̭-nṛ॒tūnth- saṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭-māpnuyā॒miti̭ | sa e॒ta-ñca॒ndrama̭se pratī॒dṛśyā̭yai puro॒ḍāśa॒-mpañca̭daśakapāla॒-nnira̭vapat |
tato॒ vai so̭-'horā॒trā-na̭rdhamā॒sā-nmāsā̭-nṛ॒tūn-thsaṃ̭va~thsa॒ra-mā॒ptvā |
ca॒ndrama̭sa॒-ssāyṷjyagṃ salo॒katā̭māpnot |
a॒ho॒rā॒trān. ha॒ vā a̭rdhamā॒sā-nmāsā̭n-ṛ॒tūn-thsaṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭māpnoti | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ca॒ndrama̭se॒ svāhā᳚ pratī॒dṛśyā̭yai॒ svāhā᳚ |
a॒ho॒rā॒trebhya॒-ssvāhā᳚ 'rdhamā॒sebhya॒-ssvāhā᳚ |
māse᳚bhya॒-ssvāha॒rtubhya॒-ssvāhā᳚ | saṃ॒va~॒thsa॒rāya॒ svāheti̭ || 57 ||
a॒ho॒rā॒tre vā a̭kāmayetām | atya̭horā॒tre mṷcyevahi |
na nā̭vahorā॒tre ā᳚pnuyātā॒miti̭ | te e॒tama̭ho-rā॒trābhyā᳚-ñca॒ru-nnira̭vapatām | dva॒yānāṃ᳚-vrī~hī॒ṇām | śu॒klānā᳚-ñca kṛ॒ṣṇānā᳚-ñca | sa॒vā॒tyordu॒gdhe | śve॒tāyai̭ ca kṛ॒ṣṇāyai̭ ca |
tato॒ vai te atya̭horā॒tre a̭mucyete |
nainḙ ahorā॒tre ā᳚pnutām | ati̭ ha॒ vā a̭horā॒tre mṷcyate | naina̭mahorā॒tre ā᳚pnutaḥ | ya e॒tena̭ ha॒viṣā॒ yaja̭te | ya ṷ cainade॒vaṃve~da̭ |
so-'tra̭ juhoti | ahne॒ svāhā॒ rātri̭yai॒ svāhā᳚ |
ati̭muktyai॒ svāheti̭ || 58 ||
u॒ṣā vā a̭kāmayata | pri॒yā ''di॒tyasya̭ su॒bhagā᳚ syā॒miti̭ | saitamu॒ṣasḙ ca॒ru-nnira̭vapat |
tato॒ vai sā pri॒yā ''di॒tyasya̭ su॒bhagā̭ 'bhavat |
pri॒yo ha॒ vai sa̭mā॒nānāgṃ̭ su॒bhago̭ bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | u॒ṣase॒ svāhā॒ vyṷṣṭyai॒ svāhā᳚ |
vyū॒ṣuṣyai॒ svāhā᳚ vyu॒cchantyai॒ svāhā᳚ | vyṷṣṭāyai॒ svāheti̭ || 59 ||
athai॒tasmai॒ nakṣa̭trāya ca॒ru-nnirva̭pati | yathā॒ tva-nde॒vānā॒masi̭ | e॒vama॒ha-mma̭nu॒ṣyā̭ṇā-mbhūyāsa॒miti̭ | yathā̭ ha॒ vā e॒ta-dde॒vānā᳚m |
e॒vagṃ ha॒ vā e॒ṣa ma̭nu॒ṣyā̭ṇā-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | nakṣa̭trāya॒ svāho̭deṣya॒te svāhā᳚ |
u॒dya॒te svāhodi̭tāya॒ svāhā᳚ | hara̭se॒ svāhā॒ bhara̭se॒ svāhā᳚ | bhrāja̭se॒ svāhā॒ teja̭se॒ svāhā᳚ |
tapa̭se॒ svāhā᳚ brahmavarca॒sāya॒ svāheti̭ || 60 ||
sūryo॒ vā a̭kāmayata | nakṣa̭trāṇā-mprati॒ṣṭhā syā॒miti̭ | sa e॒tagṃ sūryā̭ya॒ nakṣa̭trebhyaśca॒ru-nnira̭vapat |
tato॒ vai sa nakṣa̭trāṇā-mprati॒ṣṭhā 'bha̭vat |
pra॒ti॒ṣṭhā ha॒ vai sa̭mā॒nānā᳚-mbhavati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sūryā̭ya॒ svāhā॒ nakṣa̭trebhya॒-ssvāhā᳚ | pra॒ti॒ṣṭhāyai॒ svāheti̭ || 61 ||
athai॒tamadi̭tyai ca॒ru-nnirva̭pati | i॒yaṃ-vā~ adi̭tiḥ |
a॒syāme॒va prati̭ tiṣṭhati | so-'tra̭ juhoti |
adi̭tyai॒ svāhā᳚ prati॒ṣṭhāyai॒ svāheti̭ || 62 ||
athai॒taṃ-vi~ṣṇa̭ve ca॒ru-nnirva̭pati | ya॒jño vai viṣṇuḥ̭ | ya॒jña e॒vānta॒taḥ prati̭ tiṣṭhati | so-'tra̭ juhoti | viṣṇa̭ve॒ svāhā̭ ya॒jñāya॒ svāhā᳚ | pra॒ti॒ṣṭhāyai॒ svāheti̭ || 63 ||
(ca॒ndramāḥ॒ pañca̭daśā - horā॒tre sa॒ptada̭ - śo॒ṣā ekā̭da॒śā - thai॒tasmai॒ nakṣa̭ttāya॒ trayo̭daśa॒ - sūryo॒ daśā - thai॒tamadi̭tyai॒ pañcā - thai॒taṃ-vi~ṣṇa̭ve॒ ṣaṭ-thsa॒pta) (a. 6)
[sa॒vi॒tā-''śū॒nāṃ-vrī~̭hī॒ṇāmindro̭ ma॒hāvrī̭hīṇā॒mindraḥ̭ kṛ॒ṣṇānoṃ᳚
~vrīhī॒ṇāma̭horā॒tre dva॒yānāṃ᳚-vrī~hī॒ṇām | pi॒tara॒-ṣṣaṭka̭pālagṃ savi॒tā dvāda̭śakapālamindrā॒gnī ekā̭daśakapāla॒mindra॒ ekā̭daśakapāla॒mindro॒ daśa̭kapālaṃ॒-vi~ṣṇṷstrikapā॒lamahi॒-rbhūmi̭kapālama॒śvinau᳚ dvikapā॒la-ñca॒ndramāḥ॒ pañca̭daśakapāla-ma॒gniratvaṣṭā॒ vasa̭vo॒-'ṣṭāka̭pālama॒nyatra̭ ca॒rum | ru॒dro᳚-'rya॒mā pū॒ṣā pa̭śu॒mān-thsyā॒gṃ॒ somo̭ ru॒dro bṛha॒spatiḥ॒ paya̭si vā॒yuḥ paya॒-ssomo̭ vā॒yuri̭ndrā॒gnī mi॒tra indra॒ āpo॒ brahma̭ ya॒mo̭-'bhiji̭tyai॒ tvaṣṭā᳚ pra॒jāpa̭tiḥ pra॒jāyai̭ paurṇamā॒syā a̭māvā॒syā̭yā॒ āga̭tyai॒ viśve॒ jityā̭
a॒śvinau॒ śrutyai᳚ | brahma॒ tade॒taṃ-vi~ṣṇu॒-ssa e॒taṃ-vā~॒yu-ssa e॒tadāpa॒stāḥ | pi॒taro॒ viśve॒ vasa̭vo-'kāmayanta॒meti॒ ta e॒ta-nnira̭vapann | āpo̭-'kāmayanta॒ meti॒ tā e॒ta-nnira̭vapann | i॒ndrā॒gnī a॒śvinā̭vakāmayetāṃ॒-ve~ti॒ tāve॒ta-nnira̭vapadām | a॒ho॒rā॒tre vā a̭kāmayetā॒miti॒ te e॒ta-nnira̭vapatām |
a॒nyatrā̭kāmayata॒miti॒ sa e॒ta-nnira̭vapat | i॒ndrā॒gnī śraiṣṭhya॒mindro॒ jyaiṣṭhya॒mindro̭ dṛ॒ḍhaḥ |
āhi॒-ssūryo-'di̭tyai॒ viṣṇa̭ve prati॒ṣṭhāyai᳚ |
somo̭ ya॒ma-ssa̭mā॒nānā᳚m | a॒gnirno̭ rīriṣada॒nyatra̭ rīriṣaḥ]
[vi॒duṣo̭ ha॒viṣā॒ ya ṷ cainade॒vaṃ-ve~da̭ | iṣṭi̭bhi॒rya ṷ cainā e॒vaṃ-ve~da̭ |
a॒nyatra̭ brāhma॒ṇe ya ṷ cainame॒vaṃ-ve~da̭ ]
phrapātaka khorvai vi-thstarting phadams òf 1 tò 6 ānuvākams ḥ-
(a॒gnirna̭-ṛ॒ddhyāsma॒-navo̭navo॒-'gni-rmi॒tra - śca॒ndramā॒-ṣṣaṭ)
(a॒gnirna॒ - stanno̭ vā॒yu - rahi̭rbū॒ddhniya̭ - ṛ॒kṣā vā i॒ya - mathai॒ta-tpau᳚rṇamā॒syā - a॒jo vā eka̭pā॒th - sūrya॒ striṣa̭ṣṭiḥ)
(a॒gnirnaḥ̭ - pātu prati॒ṣṭhāyai॒ svāheti̭ )
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके प्रथमः प्रपाठकः - नक्षत्रेष्टीनां-याँज्या-ऽनुवाक्या ब्राह्मणानि
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - देवनक्षत्राणां-याँज्यानुवाक्याः
अ॒ग्निर्नः॑ पातु॒ कृत्ति॑काः । नक्ष॑त्र-न्दे॒वमि॑न्द्रि॒यम् । इ॒दमा॑सां-विँचक्ष॒णम् । ह॒विरा॒स-ञ्जु॑होतन ॥ यस्य॒ भान्ति॑ र॒श्मयो॒ यस्य॑ के॒तवः॑ । यस्ये॒मा विश्वा॒ भुव॑नानि॒ सर्वा᳚ ।
स कृत्ति॑काभिर॒भि सं॒वँसा॑नः । अ॒ग्निर्नो॑ दे॒व-स्सु॑वि॒ते द॑धातु ॥ प्र॒जाप॑ते रोहि॒णी वे॑तु॒ पत्नी᳚ ।
वि॒श्वरू॑पा बृह॒ती चि॒त्रभा॑नुः ॥ 1 ॥
सा नो॑ य॒ज्ञस्य॑ सुवि॒ते द॑धातु । यथा॒ जीवे॑म श॒रद॒-स्सवी॑राः ॥ रो॒हि॒णी दे॒व्युद॑गा-त्पु॒रस्ता᳚त् । विश्वा॑ रू॒पाणि॑ प्रति॒मोद॑माना । प्र॒जाप॑तिग्ं ह॒विषा॑ व॒र्धय॑न्ती । प्रि॒या दे॒वाना॒-मुप॑यातु य॒ज्ञम् ॥ सोमो॒ राजा॑ मृगशी॒र॒.षेण॒ आगन्न्॑ । शि॒व-न्नक्ष॑त्र-म्प्रि॒यम॑स्य॒ धाम॑ ।
आ॒प्याय॑मानो बहु॒धा जने॑षु ।
रेतः॑ प्र॒जां-यँज॑माने दधातु ॥ 2 ॥
य-त्ते॒ नक्ष॑त्र-म्मृगशी॒र॒.षमस्ति॑ ।
प्रि॒यग्ं रा॑ज-न्प्रि॒यत॑म-म्प्रि॒याणा᳚म् ।
तस्मै॑ ते सोम ह॒विषा॑ विधेम ।
शन्न॑ एधि द्वि॒पदे॒ श-ञ्चतु॑ष्पदे ॥
आ॒र्द्रया॑ रु॒द्रः प्रथ॑मान एति । श्रेष्ठो॑ दे॒वाना॒-म्पति॑रघ्नि॒याना᳚म् । नक्ष॑त्रमस्य ह॒विषा॑ विधेम । मा नः॑ प्र॒जाग्ं री॑रिष॒-न्मोत वी॒रान् ॥
हे॒ती रु॒द्रस्य॒ परि॑णो वृणक्तु । आ॒र्द्रा नक्ष॑त्र-ञ्जुषताग्ं ह॒विर्नः॑ ॥ 3 ॥
प्र॒मु॒ञ्चमा॑नौ दुरि॒तानि॒ विश्वा᳚ । अपा॒घशग्ं॑ स-न्नुदता॒मरा॑तिम् ॥ पुन॑र्नो दे॒व्यदि॑ति-स्स्पृणोतु । पुन॑र्वसू नः॒ पुन॒रेतां᳚-यँ॒ज्ञम् ।
पुन॑र्नो दे॒वा अ॒भिय॑न्तु॒ सर्वे᳚ । पुनः॑ पुनर्वो ह॒विषा॑ यजामः ॥ ए॒वा न दे॒व्यदि॑तिरन॒र्वा । विश्व॑स्य भ॒र्त्री जग॑तः प्रति॒ष्ठा । पुन॑र्वसू ह॒विषा॑ व॒र्धय॑न्ती । प्रि॒य-न्दे॒वाना॒-मप्ये॑तु॒ पाथः॑ ॥ 4 ॥
बृह॒स्पतिः॑ प्रथ॒म-ञ्जाय॑मानः । ति॒ष्य॑-न्नक्ष॑त्रम॒भि सम्ब॑भूव । श्रेष्ठो॑ दे॒वाना॒-म्पृत॑नासु जि॒ष्णुः । दिशो-ऽनु॒ सर्वा॒ अभ॑यन्नो अस्तु ॥
ति॒ष्यः॑ पु॒रस्ता॑दु॒त म॑द्ध्य॒तो नः॑ । बृह॒स्पति॑ र्नः॒ परि॑पातु प॒श्चात् । बाधे॑ता॒-न्द्वेषो॒ अभ॑य-ङ्कृणुताम् । सु॒वीर्य॑स्य॒ पत॑य-स्स्याम ॥
इ॒दग्ं स॒र्पेभ्यो॑ ह॒विर॑स्तु॒ जुष्ट᳚म् ।
आ॒श्रे॒षा येषा॑-मनु॒यन्ति॒ चेतः॑ ॥ 5 ॥
ये अ॒न्तरि॑क्ष-म्पृथि॒वी-ङ्क्षि॒यन्ति॑ । तेनः॑ स॒र्पासो॒ हव॒माग॑मिष्ठाः ॥ ये रो॑च॒ने सूर्य॒स्यापि॑
स॒र्पाः । ये दिव॑-न्दे॒वीमनु॑ स॒ञ्चर॑न्ति ।
येषा॑माश्रे॒षा अ॑नु॒यन्ति॒ काम᳚म् ।
तेभ्यः॑ स॒र्पेभ्यो॒ मधु॑मज्जुहोमि ॥
उप॑हूताः पि॒तरो॒ ये म॒घासु॑ । मनो॑जवस-स्सु॒कृतः॑ सुकृ॒त्याः । ते नो॒ नक्ष॑त्रे॒ हव॒माग॑मिष्ठाः । स्व॒धाभि॑ र्य॒ज्ञ-म्प्रय॑त-ञ्जुषन्ताम् ॥ 6 ॥
ये अ॑ग्निद॒ग्धा ये-ऽन॑ग्नि-दग्धाः । ये॑-ऽमुं-लोँ॒क-म्पि॒तरः॑ क्षि॒यन्ति॑ । याग्श्च॑ वि॒द्मयाग्ं उ॑ च॒ न प्र॑वि॒द्म । म॒घासु॑ य॒ज्ञग्ं सुकृ॑त-ञ्जुषन्ताम् ॥
गवा॒-म्पतिः॒ फल्गु॑नीनामसि॒ त्वम् । तद॑र्यमन् वरुण मित्र॒ चारु॑ । त-न्त्वा॑ व॒यग्ं स॑नि॒तारग्ं॑ सनी॒नाम् । जी॒वा जीव॑न्त॒मुप॒ संविँ॑शेम ॥
येने॒मा विश्वा॒ भुव॑नानि॒ सञ्जि॑ता ।
यस्य॑ दे॒वा अ॑नु सं॒यँन्ति॒ चेतः॑ ॥ 7 ॥
अ॒र्य॒मा राजा॒-ऽजर॒स्तुवि॑ष्मान् । फल्गु॑नीना-मृष॒भो रो॑रवीति ॥ श्रेष्ठो॑ दे॒वाना᳚-म्भगवो भगासि । तत्त्वा॑ विदुः॒ फल्गु॑नी॒स्तस्य॑ वित्तात् । अ॒स्मभ्य॑-ङ्क्ष॒त्रम॒जरग्ं॑ सु॒वीर्य᳚म् । गोम॒दश्व॑-व॒दुप॒-सन्नु॑दे॒ह ॥ भगो॑ ह दा॒ता भग॒ इ-त्प्र॑दा॒ता । भगो॑ दे॒वीः फल्गु॑नी॒रावि॑वेश । भग॒स्येत्त-म्प्र॑स॒व-ङ्ग॑मेम । यत्र॑ दे॒वै-स्स॑ध॒माद॑-म्मदेम ॥ 8 ॥
आया॑तु दे॒व-स्स॑वि॒तोप॑यातु । हि॒र॒ण्यये॑न सु॒वृता॒ रथे॑न । वह॒न्॒. हस्तग्ं॑ सु॒भगं॑-विँद्म॒नाप॑सम् । प्र॒यच्छ॑न्त॒-म्पपु॑रि॒-म्पुण्य॒मच्छ॑ ॥
हस्तः॒ प्रय॑च्छ त्व॒मृतं॒-वँसी॑यः ।
दक्षि॑णेन॒ प्रति॑गृभ्णीम एनत् ।
दा॒तार॑म॒द्य स॑वि॒ता वि॑देय ।
यो नो॒ हस्ता॑य प्रसु॒वाति॑ य॒ज्ञम् ॥
त्वष्टा॒ नक्ष॑त्रम॒भ्ये॑ति चि॒त्राम् ।
सु॒भग्ं स॑सं-युँव॒तिग्ं रोच॑मानाम् ॥ 9 ॥
नि॒वे॒शय॑-न्न॒मृता॒-न्मर्त्याग्॑श्च ।
रू॒पाणि॑ पि॒ग्ं॒श-न्भुव॑नानि॒ विश्वा᳚ ॥
तन्न॒स्त्वष्टा॒ तदु॑ चि॒त्रा विच॑ष्टाम् ।
तन्नक्ष॑त्र-म्भूरि॒दा अ॑स्तु॒ मह्य᳚म् ।
तन्नः॑ प्र॒जां-वीँ॒रव॑तीग्ं सनोतु ।
गोभि॑र्नो॒ अश्वै॒-स्सम॑नक्तु य॒ज्ञम् ॥
वा॒युर्नक्ष॑त्र-म॒भ्ये॑ति॒ निष्ट्या᳚म् ।
ति॒ग्मशृ॑ङ्गो वृष॒भो रोरु॑वाणः ।
स॒मी॒रय॒-न्भुव॑ना मात॒रिश्वा᳚ ।
अप॒ द्वेषाग्ं॑सि नुदता॒मरा॑तीः ॥ 10 ॥
तन्नो॑ वा॒यस्तदु॒ निष्ट्या॑ शृणोतु ।
तन्नक्ष॑त्र-म्भूरि॒दा अ॑स्तु॒ मह्य᳚म् ।
तन्नो॑ दे॒वासो॒ अनु॑ जानन्तु॒ काम᳚म् । यथा॒ तरे॑म दुरि॒तानि॒ विश्वा᳚ ॥ दू॒रम॒स्मच्छत्र॑वो यन्तु भी॒ताः । तदि॑न्द्रा॒ग्नी कृ॑णुता॒-न्त-द्विशा॑खे ।
तन्नो॑ दे॒वा अनु॑मदन्तु य॒ज्ञम् । प॒श्चा-त्पु॒रस्ता॒-दभ॑यन्नो अस्तु ॥ नक्ष॑त्राणा॒-मधि॑पत्नी॒ विशा॑खे ।
श्रेष्ठा॑विन्द्रा॒ग्नी भुव॑नस्य गो॒पौ ॥ 11 ॥
विषू॑च॒-श्शत्रू॑-नप॒बाध॑मानौ । अप॒ क्षुध॑-न्नुदता॒मरा॑तिम् ॥ पू॒र्णा प॒श्चादु॒त पू॒र्णा पु॒रस्ता᳚त् । उन्म॑द्ध्य॒तः पौ᳚र्णमा॒सी जि॑गाय ।
तस्या᳚-न्दे॒वा अधि॑ सं॒वँस॑न्तः ।
उ॒त्त॒मे नाक॑ इ॒ह मा॑दयन्ताम् ॥
पृ॒थ्वी सु॒वर्चा॑ युव॒ति-स्स॒जोषाः᳚ । पौ॒र्ण॒मा॒स्युद॑गा॒-च्छोभ॑माना ।
आ॒प्या॒यय॑न्ती दुरि॒तानि॒ विश्वा᳚ ।
उ॒रु-न्दुहां॒-यँज॑मानाय य॒ज्ञम् ॥ 12 ॥
(चि॒त्रभा॑नु॒-र् यज॑माने दधातु - ह॒विर्नः॒ - पाथ॒ - श्चेतो॑ - जुषन्तां॒ - चेतो॑ - मदेम॒ - रोच॑माना॒ - मरा॑ती--र् गो॒पौ - य॒ज्ञं) (अ. 1)
अनुवाकं 2 - यमनक्षत्राणां-याँज्यानुवाक्याः
ऋ॒द्ध्यास्म॑ ह॒व्यै-र्नम॑सोप॒ सद्य॑ ।
मि॒त्र-न्दे॒व-म्मि॑त्र॒धेय॑न्नो अस्तु । अ॒नू॒रा॒धान्. ह॒विषा॑ व॒र्धय॑न्तः । श॒त-ञ्जी॑वेम श॒रद॒-स्सवी॑राः ॥ चि॒त्र-न्नक्ष॑त्र॒-मुद॑गा-त्पु॒रस्ता᳚त् । अ॒नू॒रा॒धास॒ इति॒ य-द्वद॑न्ति । तन्मि॒त्र ए॑ति प॒थिभि॑ र्देव॒यानैः᳚ । हि॒र॒ण्ययै॒ र्वित॑तै-र॒न्तरि॑क्षे ॥
इन्द्रो᳚ ज्ये॒ष्ठामनु॒ नक्ष॑त्रमेति । यस्मि॑न् वृ॒त्रं-वृँ॑त्र॒ तूर्ये॑ त॒तार॑ ॥ 13 ॥
तस्मि॑न् व॒यम॒मृत॒-न्दुहा॑नाः । क्षुध॑-न्तरेम॒ दुरि॑ति॒-न्दुरि॑ष्टिम् ॥ पु॒र॒न्द॒राय॑ वृष॒भाय॑ धृ॒ष्णवे᳚ । अषा॑ढाय॒ सह॑मानाय मी॒ढुषे᳚ ।
इन्द्रा॑य ज्ये॒ष्ठा मधु॑म॒-द्दुहा॑ना ।
उ॒रु-ङ्कृ॑णोतु॒ यज॑मानाय लो॒कम् ॥
मूल॑-म्प्र॒जां-वीँ॒रव॑तीं-विँदेय । परा᳚च्येतु॒ निर्-ऋ॑तिः परा॒चा । गोभि॒ र्नक्ष॑त्र-म्प॒शुभि॒-स्सम॑क्तम् । अह॑र्भूया॒-द्यज॑मानाय॒ मह्य᳚म् ॥ 14 ॥
अह॑र्नो अ॒द्य सु॑वि॒ते द॑धातु । मूल॒-न्नक्ष॑त्र॒मिति॒ य-द्वद॑न्ति । परा॑चीं-वाँ॒चा निर्-ऋ॑ति-न्नुदामि ।
शि॒व-म्प्र॒जायै॑ शि॒वम॑स्तु॒ मह्य᳚म् ॥
या दि॒व्या आपः॒ पय॑सा स-म्बभू॒वुः । या अ॒न्तरि॑क्ष उ॒त पार्थि॑वी॒र्याः । यासा॑मषा॒ढा अ॑नु॒यन्ति॒
काम᳚म् । ता न॒ आप॒-श्शग्ग् स्यो॒ना भ॑वन्तु ॥
याश्च॒ कूप्या॒ याश्च॑ ना॒द्या᳚-स्समु॒द्रियाः᳚ ।
याश्च॑ वैश॒न्तीरु॒त प्रा॑स॒चीर्याः ॥ 15 ॥
यासा॑मषा॒ढा मधु॑ भ॒क्षय॑न्ति । ता न॒ आप॒-श्शग्ग् स्यो॒ना भ॑वन्तु ॥ तन्नो॒ विश्वे॒ उप॑ शृण्वन्तु दे॒वाः । तद॑षा॒ढा अ॒भि संयँ॑न्तु य॒ज्ञम् ।
तन्नक्ष॑त्र-म्प्रथता-म्प॒शुभ्यः॑ ।
कृ॒षि-र्वृ॒ष्टि-र्यज॑मानाय कल्पताम् ॥
शु॒भ्राः क॒न्या॑ युव॒तयः॑ सु॒पेश॑सः । क॒र्म॒कृतः॑ सु॒कृतो॑ वी॒र्या॑वतीः ।
विश्वा᳚-न्दे॒वान्. ह॒विषा॑ व॒र्धय॑न्तीः ।
अ॒षा॒ढाः काम॒मुप॑यान्तु य॒ज्ञम् ॥ 16 ॥
यस्मि॒-न्ब्रह्मा॒-ऽभ्यज॑य॒-थ्सर्व॑मे॒तत् ।
अ॒मुञ्च॑ लो॒क मि॒दमू॑च॒ सर्व᳚म् ।
तन्नो॒ नक्ष॑त्रमभि॒जि-द्वि॒जित्य॑ । श्रिय॑-न्दधा॒-त्वहृ॑णीयमानम् ॥ उ॒भौ लो॒कौ ब्रह्म॑णा॒ सञ्जि॑ते॒मौ । तन्नो॒ नक्ष॑त्रमभि॒जि-द्विच॑ष्टाम् ।
तस्मि॑न् व॒य-म्पृत॑ना॒-स्स-ञ्ज॑येम ।
तन्नो॑ दे॒वासो॒ अनु॑जानन्तु॒ काम᳚म् ॥
शृ॒ण्वन्ति॑ श्रो॒णा-म॒मृत॑स्य गो॒पाम् ।
पुण्या॑मस्या॒ उप॑शृणोमि॒ वाच᳚म् ॥ 17 ॥
म॒ही-न्दे॒वीं-विँष्णु॑पत्नी-मजू॒र्याम् । प्र॒तीची॑मेनाग्ं ह॒विषा॑ यजामः ॥
त्रे॒धा विष्णु॑-रुरुगा॒यो विच॑क्रमे ।
म॒ही-न्दिव॑-म्पृथि॒वी-म॒न्तरि॑क्षम् ।
तच्छ्रो॒णैति॒ श्रव॑ इ॒च्छमा॑ना ।
पुण्य॒ग्ग्॒ श्लोकं॒-यँज॑मानाय कृण्व॒ती ॥
अ॒ष्टौ दे॒वा वस॑व-स्सो॒म्यासः॑ ।
चत॑स्रो दे॒वी र॒जरा॒-श्श्रवि॑ष्ठाः ।
ते य॒ज्ञ-म्पा᳚न्तु॒ रज॑सः प॒रस्ता᳚त् ।
सं॒वँ॒थ्स॒रीण॑-म॒मृतग्ग्॑ स्व॒स्ति ॥ 18 ॥
य॒ज्ञ-न्नः॑ पान्तु॒ वस॑वः पु॒रस्ता᳚त् । द॒क्षि॒ण॒तो॑-ऽभिय॑न्तु॒ श्रवि॑ष्ठाः । पुण्य॒-न्नक्ष॑त्रम॒भि संविँ॑शाम । मा नो॒ अरा॑ति-र॒घश॒ग्ं॒सा गन्न्॑ ॥
क्ष॒त्रस्य॒ राजा॒ वरु॑णो-ऽधिरा॒जः । नक्ष॑त्राणाग्ं श॒तभि॑ष॒ग् वसि॑ष्ठः । तौ दे॒वेभ्यः॑ कृणुतो दी॒र्घमायुः॑ । श॒तग्ं स॒हस्रा॑ भेष॒जानि॑ धत्तः ॥
य॒ज्ञन्नो॒ राजा॒ वरु॑ण॒ उप॑यातु । तन्नो॒ विश्वे॑ अ॒भि संयँ॑न्तु दे॒वाः ॥ 19 ॥
तन्नो॒ नक्ष॑त्रग्ं श॒तभि॑षग् जुषा॒णम् । दी॒र्घमायुः॒ प्रति॑र-द्भेष॒जानि॑ ॥ अ॒ज एक॑पा॒दुद॑गा-त्पु॒रस्ता᳚त् । विश्वा॑ भू॒तानि॑ प्रति॒मोद॑मानः । तस्य॑ दे॒वाः प्र॑स॒वं-यँ॑न्ति॒ सर्वे᳚ । प्रो॒ष्ठ॒प॒दासो॑ अ॒मृत॑स्य गो॒पाः ॥
वि॒भ्राज॑मान-स्समिधा॒न उ॒ग्रः । आ-ऽन्तरि॑क्ष-मरुह॒द-ग॒न्द्याम् । तग्ं सूर्य॑-न्दे॒व-म॒जमेक॑पादम् । प्रो॒ष्ठ॒प॒दासो॒ अनु॑यन्ति॒ सर्वे᳚ ॥ 20 ॥
अहि॑-र्बु॒द्ध्नियः॒ प्रथ॑मान एति । श्रेष्ठो॑ दे॒वाना॑मु॒त मानु॑षाणाम् । त-म्ब्रा᳚ह्म॒णा-स्सो॑म॒पा-स्सो॒म्यासः॑ ।
प्रो॒ष्ठ॒प॒दासो॑ अ॒भि र॑क्षन्ति॒ सर्वे᳚ ॥
च॒त्वार॒ एक॑म॒भि कर्म॑ दे॒वाः ।
प्रो॒ष्ठ॒प॒दास॒ इति॒ यान्. वद॑न्ति ।
ते बु॒द्धनिय॑-म्परि॒षद्यग्ग्॑ स्तु॒वन्तः॑ ।
अहिग्ं॑ रक्षन्ति॒ नम॑सोप॒सद्य॑ ॥
पू॒षा रे॒वत्यन्वे॑ति॒ पन्था᳚म् । पु॒ष्टि॒पती॑ पशु॒पा वाज॑बस्त्यौ ॥ 21 ॥
इ॒मानि॑ ह॒व्या प्रय॑ता जुषा॒णा ।
सु॒गैर्नो॒ यानै॒रुप॑यातां-यँ॒ज्ञम् ॥
क्षु॒द्रा-न्प॒शू-न्र॑क्षतु रे॒वती॑ नः ।
गावो॑ नो॒ अश्वा॒ग्ं॒ अन्वे॑तु पू॒षा ।
अन्न॒ग्ं॒ रक्ष॑न्तौ बहु॒धा विरू॑पम् ।
वाजग्ं॑ सनुतां॒-यँज॑मानाय य॒ज्ञम् ॥
तद॒श्विना॑-वश्व॒युजोप॑याताम् ।
शुभ॒-ङ्गमि॑ष्ठौ सु॒यमे॑भि॒रश्वैः᳚ ।
स्व-न्नक्ष॑त्रग्ं ह॒विषा॒ यज॑न्तौ ।
मद्ध्वा॒ सम्पृ॑क्तौ॒ यजु॑षा॒ सम॑क्तौ ॥ 22 ॥
यौ दे॒वाना᳚-म्भि॒षजौ॑ हव्यवा॒हौ । विश्व॑स्य दू॒ता-व॒मृत॑स्य गो॒पौ । तौ नक्ष॑त्र-ञ्जुजुषा॒णो-प॑याताम् । नमो॒-ऽश्विभ्या᳚-ङ्कृणुमो-ऽश्व॒युग्भ्या᳚म् ॥
अप॑ पा॒प्मान॒-म्भर॑णीर्भरन्तु । त-द्य॒मो राजा॒ भग॑वा॒न्॒. विच॑ष्टाम् । लो॒कस्य॒ राजा॑ मह॒तो म॒हान्. हि । सु॒ग-न्नः॒ पन्था॒मभ॑य-ङ्कृणोतु ॥
यस्मि॒-न्नक्ष॑त्रे य॒म एति॒ राजा᳚ ।
यस्मि॑-न्नेनम॒भ्यषि॑चन्न्त दे॒वाः ।
तद॑स्य चि॒त्रग्ं ह॒विषा॑ यजाम ।
अप॑ पा॒प्मान॒-म्भर॑णी-र्भरन्तु ॥
नि॒वेश॑नी स॒ङ्गम॑नी॒ वसू॑नां॒-विँश्वा॑ रू॒पाणि॒ वसू᳚न्यावे॒शय॑न्ती । स॒ह॒स्र॒पो॒षग्ं सु॒भगा॒ ररा॑णा॒ सा न॒ आग॒न् वर्च॑सा संविँदा॒ना ॥ यत्ते॑ दे॒वा अद॑धु-र्भाग॒धेय॒ममा॑वास्ये सं॒वँस॑न्तो महि॒त्वा । सानो॑ य॒ज्ञ-म्पि॑पृहि विश्ववारे र॒यि-न्नो॑ धेहि सुभगे सु॒वीर᳚म् ॥ ॥ 23 ॥
(त॒तार॒ - मह्यं॑ - प्रास॒चीर्या - या᳚न्तु य॒ज्ञं - ँवाचग्ग्॑ - स्व॒स्ति - दे॒वा-अनु॑ यन्ति॒ सर्वे॒-वाज॑बस्त्यौ॒-सम॑क्तौ-दे॒वा स्त्रीणि॑ च) (अ. 2)
अनुवाकं 3 - चान्द्रमसादीनां सप्तनामिष्टीनां-याँज्यानुवाक्याः
नवो॑नवो भवति॒ जाय॑मा॒नो-ऽह्ना᳚-ङ्के॒तुरु॒षसा॑ मे॒त्यग्रे᳚ । भा॒ग-न्दे॒वेभ्यो॒ विद॑धात्या॒य-न्प्रच॒न्द्रमा᳚स्तिरति दी॒र्घमायुः॑ ॥ यमा॑दि॒त्या
अ॒ग्ं॒शुमा᳚प्या॒यय॑न्ति यमा॑दि॒त्या अ॒ग्ं॒शुमा᳚प्या॒यय॑न्ति॒ यमक्षि॑त॒-मक्षि॑तयः॒ पिब॑न्ति । तेन॑ नो॒ राजा॒ वरु॑णो॒ बृह॒स्पति॒रा प्या॑ययन्तु॒ भुव॑नस्य गो॒पाः ॥॥ ये विरू॑पे॒ सम॑नसा सं॒व्यँय॑न्ती । स॒मा॒न-न्तन्तु॑-म्परि तात॒नाते᳚ । वि॒भू प्र॒भू अ॑नु॒भू वि॒श्वतो॑ हुवे ।
ते नो॒ नक्ष॑त्रे॒ हव॒माग॑मेतम् ॥
व॒य-न्दे॒वी ब्रह्म॑णा संविँदा॒नाः ।
सु॒रत्ना॑सो दे॒ववी॑ति॒-न्दधा॑नाः ।
अ॒हो॒रा॒त्रे ह॒विषा॑ व॒र्धय॑न्तः ।
अति॑ पा॒प्मान॒-मति॑मुक्त्या गमेम ॥ प्रत्यु॑वदृश्याय॒ती ॥ 24 ॥
व्यु॒च्छन्ती॑ दुहि॒ता दि॒वः । अ॒पो म॒ही वृ॑णुते॒ चक्षु॑षा ॥ तमो॒ ज्योति॑ष्कृणोति सू॒नरी᳚ । उदु॒स्त्रिया᳚-स्सचते॒ सूर्यः॑ । स चा॑ उ॒द्यन्नक्ष॑त्र-मर्चि॒मत् । तवेदु॑षो॒ व्युषि॒ सूर्य॑स्य च ॥
स-म्भ॒क्तेन॑ गमेमहि । तन्नो॒ नक्ष॑त्र-मर्चि॒मत् । भा॒नु॒मत्तेज॑ उ॒च्चर॑त् । उप॑ य॒ज्ञ-मि॒हाग॑मत् ॥ 25 ॥
प्र नक्ष॑त्राय दे॒वाय॑ । इन्द्रा॒येन्दुग्ं॑ हवामहे ।
स नः॑ सवि॒ता सु॑व-थ्स॒निम् । पु॒ष्टि॒दां-वीँ॒रव॑त्तमम् ॥ उदु॒ त्य-ञ्जा॒तवे॑दस-न्दे॒वं-वँ॑हन्ति के॒तवः॑ । दृ॒शे विश्वा॑य॒ सूर्य᳚म् ॥ चि॒त्र-न्दे॒वाना॒-मुद॑गा॒दनी॑क॒-ञ्चक्षु॑-र्मि॒त्रस्य॒ वरु॑णस्या॒-ऽग्नेः । आ-ऽ प्रा॒ द्यावा॑पृथि॒वी अ॒न्तरि॑क्ष॒ग्ं॒ सूर्य॑ आ॒त्मा जग॑तस्त॒स्थुष॑श्च ॥॥
अदि॑तिर्न उरुष्य॒त्वदि॑ति॒-श्शर्म॑ यच्छतु । अदि॑तिः पा॒त्वग्ं ह॑सः ॥ म॒हीमू॒षु मा॒तरग्ं॑ सुव्र॒ताना॑मृ॒तस्य॒ पत्नी॒मव॑से हुवेम । तु॒वि॒क्ष॒त्राम॒जर॑न्तीमुरू॒चीग्ं सु॒शर्मा॑ण॒मदि॑तिग्ं सु॒प्रणी॑तिम् ॥ ॥
इ॒दं-विँष्णु॒-र्विच॑क्रमे त्रे॒धा नि द॑धे प॒दम् । स मू॑ढमस्य पाग्ं सु॒रे ॥ प्रत-द्विष्णुः॑ स्तवते वी॒र्या॑य । मृ॒गो न भी॒मः कु॑च॒रो गि॑रि॒ष्ठाः । यस्यो॒रुषु॑ त्रि॒षु वि॒क्रम॑णेषु । अधि॑क्षि॒यन्ति॒ भुव॑नानि॒ विश्वा᳚ ॥ ॥
अ॒ग्निर्मू॒र्धा दि॒वः क॒कु-त्पतिः॑ पृथि॒व्या अ॒यम् । अ॒पाग्ं रेताग्ं॑सि जिन्वति ॥ भुवो॑ य॒ज्ञस्य॒ रज॑सश्च ने॒ता यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षा-ञ्जि॒ह्वाम॑ग्ने चकृषे हव्य॒वाह᳚म् ॥ ॥
अनु॑ नो॒-ऽद्या-ऽनु॑मति-र्य॒ज्ञ-न्दे॒वेषु॑ मन्यताम् । अ॒ग्निश्च॑ हव्य॒वाह॑नो॒ भव॑ता-न्दा॒शुषे॒ मयः॑ ॥ अन्विद॑नुमते॒ त्व-म्मन्या॑सै॒ शञ्च॑नः कृधि । क्रत्वे॒ दक्षा॑य नो हिनु॒ प्रण॒ आयूग्ं॑षि तारिषः ॥ ॥
ह॒व्य॒वाह॑-मभिमाति॒षा-ऽह᳚म् । र॒क्षो॒हण॒-म्पृत॑नासु जि॒ष्णुम् । ज्योति॑ष्मन्त॒-न्दीद्य॑त॒-म्पुर॑न्धिम् । अ॒ग्निग्ग् स्वि॑ष्ट॒कृत॒मा हु॑वेम ॥ स्वि॑ष्टमग्ने अ॒भि त-त्पृ॑णाहि । विश्वा॑ देव॒ पृत॑ना अ॒भिष्य । उ॒रु-न्नः॒ पन्था᳚-म्प्रदि॒शन्वि भा॑हि । ज्योति॑ष्मद्धेह्य॒जर॑-न्न॒ आयुः॑ ॥ ॥ 26 ॥
(आ॒य॒त्य॑ - गम॒थ् - स्वि॑ष्टम्) (अ. 3)
अनुवाकं 4 - देव नक्षत्रेष्टिब्राह्मणम्
अ॒ग्निर्वा अ॑कामयत । अ॒न्ना॒दो दे॒वानाग्॑ स्या॒मिति॑ ।
स ए॒तम॒ग्नये॒ कृत्ति॑काभ्यः पुरो॒डाश॑-म॒ष्टाक॑पाल॒-न्निर॑वपत् । ततो॒ वै सो᳚-ऽन्ना॒दो दे॒वाना॑मभवत् । अ॒ग्निर्वै दे॒वाना॑मन्ना॒दः ॥
यथा॑ ह॒ वा अ॒ग्नि-र्दे॒वना॑-मन्ना॒दः ।
ए॒वग्ं ह॒ वा ए॒ष म॑नु॒ष्या॑णा-म्भवति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ॥ सो-ऽत्र॑ जुहोति । अ॒ग्नये॒ स्वाहा॒ कृत्ति॑काभ्य॒-स्स्वाहा᳚ । अ॒म्बायै॒ स्वाहा॑ दु॒लायै॒ स्वाहा᳚ । नि॒त॒त्न्यै स्वाहा॒ ऽभ्रय॑न्त्यै॒ स्वाहा᳚ । मे॒घय॑न्त्यै॒ स्वाहा॑ व॒र॒.षय॑न्त्यै॒ स्वाहा᳚ । चु॒पु॒णीका॑यै॒ स्वाहेति॑ ॥ 27 ॥
प्र॒जाप॑तिः प्र॒जा अ॑सृजत । ता अ॑स्मा-थ्सृ॒ष्टाः परा॑चीरायन्न् । तासाग्ं॑ रोहि॒णी-म॒भ्य॑द्ध्यायत् । सो॑-ऽकामयत । उप॒ मा-ऽऽव॑र्तेत । समे॑नया गच्छे॒येति॑ । स ए॒त-म्प्र॒जाप॑तये रोहि॒ण्यै च॒रु-न्निर॑वपत् । ततो॒ वै सा तमु॒पाव॑र्तत । समे॑नया ऽगच्छत ॥ उप॑ ह॒ वा ए॑न-म्प्रि॒यमाव॑र्तते ।
स-म्प्रि॒येण॑ गच्छते । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ ॥ सो-ऽत्र॑ जुहोति ।
प्र॒जाप॑तये॒ स्वाहा॑ रोहि॒ण्यै स्वाहा᳚ ।
रोच॑मानायै॒ स्वाहा᳚ प्र॒जाभ्य॒-स्स्वाहेति॑ ॥ 28 ॥
सोमो॒ वा अ॑कामयत । ओष॑धीनाग्ं रा॒ज्य-म॒भिज॑येय॒मिति॑ । स ए॒तग्ं सोमा॑य मृगशी॒र॒.षाय॑ श्यामा॒क-ञ्च॒रु-म्पय॑सि॒ निर॑वपत् । ततो॒ वै स ओष॑धीनाग्ं
रा॒ज्यम॒भ्य॑जयत् । स॒मा॒नानाग्ं॑ ह॒ वै रा॒ज्यम॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
सोमा॑य॒ स्वाहा॑ मृगशी॒र॒.षाय॒ स्वाहा᳚ ।
इ॒न्व॒काभ्य॒-स्स्वाहौष॑धीभ्य॒-स्स्वाहा᳚ ।
रा॒ज्याय॒ स्वाहा॒ ऽभिजि॑त्यै॒ स्वाहेति॑ ॥ 29 ॥
रु॒द्रो वा अ॑कामयत । प॒शु॒मान्-थ्स्या॒मिति॑ ।
स ए॒तग्ं रु॒द्राया॒र्द्रायै॒ प्रैय॑ङ्गव-ञ्च॒रु-म्पय॑सि॒ निर॑वपत् । ततो॒ वै स प॑शु॒मान॑भवत् । प॒शु॒मान्. ह॒ वै भ॑वति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । रु॒द्राय॒ स्वाहा॒ ऽऽर्द्रायै॒ स्वाहा᳚ । पिन्व॑मानायै॒ स्वाहा॑ प॒शुभ्य॒-स्स्वाहेति॑ ॥ 30 ॥
ऋ॒क्षा वा इ॒यम॑लो॒मका॑-ऽऽसीत् । सा-ऽका॑मयत ।
ओष॑धीभि॒-र्वन॒स्पति॑भिः॒ प्रजा॑ये॒येति॑ ।
सैतमदि॑त्यै॒ पुन॑र्वसुभ्या-ञ्च॒रु-न्निर॑वपत् ।
ततो॒ वा इ॒यमोष॑धीभि॒-र्वन॒स्पति॑भिः॒ प्राजा॑यत ।
प्रजा॑यते ह॒ वै प्र॒जया॑ प॒शुभिः॑ । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ।
सो-ऽत्र॑ जुहोति । अदि॑त्यै॒ स्वाहा॒ पुन॑र्वसुभ्याम् ।
स्वाहा-ऽऽभू᳚त्यै॒ स्वाहा॒ प्रजा᳚त्यै॒ स्वाहेति॑ ॥ 31 ॥
बृह॒स्पति॒र्वा अ॑कामयत । ब्र॒ह्म॒व॒र्च॒सी स्या॒मिति॑ ।
स ए॒त-म्बृह॒स्पत॑ये ति॒ष्या॑य नैवा॒र-ञ्च॒रु-म्पय॑सि॒ निर॑वपत् । ततो॒ वै स ब्र॑ह्मवर्च॒स्य॑भवत् । ब्र॒ह्म॒व॒र्च॒सी ह॒ वै भ॑वति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
बृह॒स्पत॑ये॒ स्वाहा॑ ति॒ष्या॑य॒ स्वाहा᳚ । ब्र॒ह्म॒व॒र्च॒साय॒ स्वाहेति॑ ॥ 32 ॥
दे॒वा॒सु॒रा-स्संयँ॑त्ता आसन्न् । ते दे॒वा-स्स॒र्पेभ्य॑ आश्रे॒षाभ्य॒ आज्ये॑ कर॒म्भ-न्निर॑वपन्न् ।
ताने॒ताभि॑रे॒व दे॒वता॑-भि॒रुपा॑नयन्न् ।
ए॒ताभि॑र्ह॒ वै दे॒वता॑भि-र्द्वि॒षन्त॒-म्भ्रातृ॑व्य॒-मुप॑नयति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
स॒र्पेभ्य॒-स्स्वाहा᳚-ऽऽश्रे॒षाभ्य॒-स्स्वाहा᳚ । द॒न्द॒शूके᳚भ्य॒-स्स्वाहेति॑ ॥ 33 ॥
पि॒तरो॒ वा अ॑कामयन्त । पि॒तृ॒लो॒क ऋ॑द्ध्नुया॒मेति॑ ।
त ए॒त-म्पि॒तृभ्यो॑ म॒घाभ्यः॑ पुरो॒डाश॒ग्ं॒ षट्क॑पाल॒-न्निर॑वपन्न् । ततो॒ वै ते पि॑तृलो॒क आ᳚र्ध्नुवन्न् । पि॒तृ॒लो॒के ह॒ वा ऋ॑ध्नोति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । पि॒तृभ्य॒-स्स्वाहा॑ म॒घाभ्यः॑ ।
स्वाहा॑ ऽन॒घाभ्य॒-स्स्वाहा॑ ऽग॒दाभ्यः॑ ।
स्वाहा॑ ऽरुन्ध॒तीभ्य॒-स्स्वाहेति॑ ॥ 34 ॥
अ॒र्य॒मा वा अ॑कामयत । प॒शु॒मान्-थ्स्या॒मिति॑ ।
स ए॒तम॑र्य॒म्णे फल्गु॑नीभ्या-ञ्च॒रु-न्निर॑वपत् ।
ततो॒ वै स प॑शु॒मान॑भवत् ।
प॒शु॒मान्. ह॒ वै भ॑वति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति । अ॒र्य॒म्णे स्वाहा॒ फल्गु॑नीभ्या॒ग्॒ स्वाहा᳚ ।
प॒शुभ्य॒-स्स्वाहेति॑ ॥ 35 ॥
भगो॒ वा अ॑कामयत । भ॒गी श्रे॒ष्ठी दे॒वानाग्॑ स्या॒मिति॑ । स ए॒त-म्भगा॑य॒ फल्गु॑नीभ्या-ञ्च॒रु-न्निर॑वपत् । ततो॒ वै स भ॒गी श्रे॒ष्ठी दे॒वाना॑मभवत् ।
भ॒गी ह॒ वै श्रे॒ष्ठी स॑मा॒नाना᳚-म्भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । भगा॑य॒ स्वाहा॒ फल्गु॑नीभ्या॒ग्॒ स्वाहा᳚ । श्रैष्ठ्या॑य॒ स्वाहेति॑ ॥ 36 ॥
स॒वि॒ता वा अ॑कामयत । श्रन्मे॑ दे॒वा दधी॑रन्न् । स॒वि॒ता स्या॒मिति॑ । स ए॒तग्ं स॑वि॒त्रे हस्ता॑य पुरो॒डाश॒-न्द्वाद॑शकपाल॒-न्निर॑वपदाशू॒नां
ँव्री॑ही॒णाम् । ततो॒ वै तस्मै॒ श्रद्दे॒वा अद॑धत । स॒वि॒ता-ऽभ॑वत् । श्रद्ध॒ वा अ॑स्मै मनु॒ष्या॑ दधते । स॒वि॒ता स॑मा॒नाना᳚-म्भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
स॒वि॒त्रे स्वाहा॒ हस्ता॑य । स्वाहा॑ दद॒ते स्वाहा॑ पृण॒ते । स्वाहा᳚ प्र॒यच्छ॑ते॒ स्वाहा᳚ प्रतिगृभ्ण॒ते स्वाहेति॑ ॥ 37 ॥
त्वष्टा॒ वा अ॑कामयत । चि॒त्र-म्प्र॒जां-विँ॑न्दे॒येति॑ ।
स ए॒त-न्त्वष्ट्रे॑ चि॒त्रायै॑ पुरो॒डाश॑म॒ष्टा-क॑पाल॒-न्निर॑वपत् । ततो॒ वै स चि॒त्र-म्प्र॒जाम॑विन्दत । चि॒त्रग्ं ह॒ वै प्र॒जां-विँ॑न्दते ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
त्वष्ट्रे॒ स्वाहा॑ चि॒त्रायै॒ स्वाहा᳚ ।
चैत्रा॑य॒ स्वाहा᳚ प्र॒जायै॒ स्वाहेति॑ ॥ 38 ॥
वा॒युर्वा अ॑कामयत । का॒म॒चार॑मे॒षु लो॒केष्व॒भिज॑येय॒मिति॑ । स ए॒त-द्वा॒यवे॒ निष्ट्या॑यै गृ॒ष्ट्यै दु॒ग्ध-म्पयो॒ निर॑वपत् ।
ततो॒ वै स का॑म॒चार॑मे॒षु लो॒केष्व॒भ्य॑जयत् ।
का॒म॒चारग्ं॑ ह॒ वा ए॒षु लो॒केष्व॒भिज॑यति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । वा॒यवे॒ स्वाहा॒ निष्ट्या॑यै॒ स्वाहा᳚ ।
का॒म॒चारा॑य॒ स्वाहा॒-ऽभिजि॑त्यै॒ स्वाहेति॑ ॥ 39 ॥
इ॒न्द्रा॒ग्नी वा अ॑कामयेताम् । श्रैष्ठ्य॑-न्दे॒वाना॑-म॒भिज॑ये॒वेति॑ । तावे॒तमि॑न्द्रा॒ग्निभ्यां॒-विँशा॑खाभ्या-म्पुरो॒डाश॒-मेका॑दशकपाल॒-न्निर॑वपताम् । ततो॒ वै तौ श्रैष्ठ्य॑-न्दे॒वाना॑-म॒भ्य॑जयताम् । श्रैष्ठ्यग्ं॑ ह॒ वै स॑मा॒नाना॑म॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
इ॒न्द्रा॒ग्निभ्या॒ग्॒ स्वाहा॒ विशा॑खाभ्या॒ग्॒ स्वाहा᳚ ।
श्रैष्ठ्या॑य॒ स्वाहा॒ ऽभिजि॑त्यै॒ स्वाहेति॑ ॥ 40 ॥
अथै॒तत्-पौ᳚र्णमा॒स्या आज्य॒-न्निर्व॑पति । कामो॒ वै पौ᳚र्णमा॒सी । काम॒ आज्य᳚म् । कामे॑नै॒व काम॒ग्ं॒ सम॑र्धयति । क्षि॒प्रमे॑न॒ग्ं॒ स काम॒ उप॑नमति । येन॒ कामे॑न॒ यज॑ते । सो-ऽत्र॑ जुहोति ।
पौ॒र्ण॒मा॒स्यै स्वाहा॒ कामा॑य॒ स्वाहा-ऽऽग॑त्यै॒ स्वाहेति॑ ॥ 41 ॥
अनुवाकं 5 - यमनक्षत्रेष्टिब्राह्मणम्
मि॒त्रो वा अ॑कामयत । मि॒त्र॒धेय॑मे॒षु लो॒केष्व॒भि ज॑येय॒मिति॑ । स ए॒त-म्मि॒त्राया॑नूरा॒धेभ्य॑श्च॒रु-न्निर॑वपत् । ततो॒ वै स मि॑त्र॒धेय॑मे॒षु लो॒केष्व॒भ्य॑जयत् । मि॒त्र॒धेयग्ं॑ ह॒ वा ए॒षु लो॒केष्व॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
मि॒त्राय॒ स्वाहा॑ ऽनूरा॒धेभ्य॒-स्स्वाहा᳚ ।
मि॒त्र॒धेया॑य॒ स्वाहा॒ ऽभिजि॑त्यै॒ स्वाहेति॑ ॥ 42 ॥
इन्द्रो॒ वा अ॑कामयत । ज्यैष्ठ्य॑-न्दे॒वाना॑-म॒भिज॑येय॒मिति॑ । स ए॒तमिन्द्रा॑य ज्ये॒ष्ठायै॑ पुरो॒डाश॒-मेका॑दशकपाल॒-न्निर॑वप-न्म॒हाव्री॑हीणाम् । ततो॒ वै स ज्यैष्ठ्य॑-न्दे॒वाना॑म॒भ्य॑जयत् । ज्यैष्ठ्यग्ं॑ ह॒ वै स॑मा॒नाना॑-म॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति । इन्द्रा॑य॒ स्वाहा᳚ ज्ये॒ष्ठायै॒ स्वाहा᳚ ।
ज्यैष्ठ्या॑य॒ स्वाहा॒ ऽभिजि॑त्यै॒ स्वाहेति॑ ॥ 43 ॥
प्र॒जाप॑ति॒र्वा अ॑कामयत । मूल॑-म्प्र॒जां-विँ॑न्दे॒येति॑ । स ए॒त-म्प्र॒जाप॑तये॒ मूला॑य च॒रु-न्निर॑वपत् । ततो॒ वै स मूल॑-म्प्र॒जाम॑विन्दत । मूलग्ं॑ ह॒ वै प्र॒जां-विँ॑न्दते । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । प्र॒जाप॑तये॒ स्वाहा॒ मूला॑य॒ स्वाहा᳚ । प्र॒जायै॒ स्वाहेति॑ ॥ 44 ॥
आपो॒ वा अ॑कामयन्त । स॒मु॒द्र-ङ्काम॑म॒ भिज॑ये॒मेति॑ । ता ए॒तम॒द्भ्यो॑-ऽषा॒ढाभ्य॑श्च॒रु-न्निर॑वपन्न् । ततो॒ वै ता-स्स॑मु॒द्र-ङ्काम॑म॒भ्य॑जयन्न् । स॒मु॒द्रग्ं ह॒ वै काम॑म॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
अ॒द्भ्य-स्स्वाहा॑ ऽषा॒ढाभ्य॒-स्स्वाहा᳚ । स॒मु॒द्राय॒ स्वाहा॒ कामा॑य॒ स्वाहा᳚ । अ॒भिजि॑त्यै॒ स्वाहेति॑ ॥ 45 ॥
विश्वे॒ वै दे॒वा अ॑कामयन्त । अ॒न॒प॒ज॒य्य-ञ्ज॑ये॒मेति॑ । त ए॒तं-विँश्वे᳚भ्यो दे॒वेभ्यो॑-ऽषा॒ढाभ्य॑श्च॒रु-न्निर॑वपन्न् ।
ततो॒ वै ते॑-ऽनपज॒य्य-म॑जयन्न् । अ॒न॒प॒ज॒य्यग्ं ह॒ वै ज॑यति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
विश्वे᳚भ्यो दे॒वेभ्य॒-स्स्वाहा॑ ऽषा॒ढाभ्य॒-स्स्वाहा᳚ ।
अ॒न॒प॒ज॒य्याय॒ स्वाहा॒ जित्यै॒ स्वाहेति॑ ॥ 46 ॥
ब्रह्म॒ वा अ॑कामयत । ब्र॒ह्म॒लो॒कम॒भिज॑येय॒मिति॑ ।
तदे॒त-म्ब्रह्म॑णे-ऽभि॒जिते॑ च॒रु-न्निर॑वपत् ।
ततो॒ वै तद्ब्र॑ह्मलो॒कम॒भ्य॑जयत् । ब्र॒ह्म॒लो॒कग्ं ह॒ वा अ॒भिज॑यति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । ब्रह्म॑णे॒ स्वाहा॑ ऽभि॒जिते॒ स्वाहा᳚ । ब्र॒ह्म॒लो॒काय॒ स्वाहा॒ ऽभिजि॑त्यै॒ स्वाहेति॑ ॥ 47 ॥
विष्णु॒र्वा अ॑कामयत । पुण्य॒ग्ग्॒ श्लोकग्ं॑ शृण्वीय ।
न मा॑ पा॒पी की॒र्तिराग॑च्छे॒दिति॑ । स ए॒तं-विँष्ण॑वे श्रो॒णायै॑ पुरो॒डाश॑-न्त्रिकपा॒ल-न्निर॑वपत् ।
ततो॒ वै स पुण्य॒ग्ग्॒ श्लोक॑म शृणुत । नैन॑-म्पा॒पी की॒र्तिरा- ग॑च्छत् । पुण्यग्ं॑ ह॒ वै श्लोकग्ं॑ शृणुते । नैन॑-म्पा॒पी की॒र्तिराग॑च्छति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
विष्ण॑वे॒ स्वाहा᳚ श्रो॒णायै॒ स्वाहा᳚ ।
श्लोका॑य॒ स्वाहा᳚ श्रु॒ताय॒ स्वाहेति॑ ॥ 48 ॥
वस॑वो॒ वा अ॑कामयन्त । अग्र॑-न्दे॒वता॑ना॒-म्परी॑या॒मेति॑ । त ए॒तं-वँसु॑भ्य॒-श्श्रवि॑ष्ठाभ्यः पुरो॒डाश॑म॒ष्टाक॑पाल॒-न्निर॑वपन्न् ।
ततो॒ वै ते-ऽग्र॑-न्दे॒वता॑ना॒-म्पर्या॑यन्न् ।
अग्रग्ं॑ ह॒ वै स॑मा॒नाना॒-म्पर्ये॑ति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । वसु॑भ्य॒-स्स्वाहा॒ श्रवि॑ष्ठाभ्य॒-स्स्वाहा᳚ । अग्रा॑य॒ स्वाहा॒ परी᳚त्यै॒ स्वाहेति॑ ॥ 49 ॥
इन्द्रो॒ वा अ॑कामयत । दृ॒ढो ऽशि॑थिल-स्स्या॒मिति॑ ।
स ए॒तं-वँरु॑णाय श॒तभि॑षजे भेष॒जेभ्यः॑ पुरो॒डाश॒-न्दश॑कपाल॒-न्निर॑वपत्-कृ॒ष्णानां᳚-व्रीँही॒णाम् । ततो॒ वै स दृ॒ढो-ऽशि॑थिलो-ऽभवत् ।
दृ॒ढो ह॒ वा अशि॑थिलो भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
वरु॑णाय॒ स्वाहा॑ श॒तभि॑षजे॒ स्वाहा᳚ ।
भे॒ष॒जेभ्य॒-स्स्वाहेति॑ ॥ 50 ॥
अ॒जो वा एक॑पादकामयत । ते॒ज॒स्वी ब्र॑ह्मवर्च॒सी स्या॒मिति॑ । स ए॒तम॒जायैक॑पदे प्रोष्ठप॒देभ्य॑-श्च॒रु-न्निर॑वपत् । ततो॒ वै स ते॑ज॒स्वी ब्र॑ह्मवर्च॒स्य॑भवत् । ते॒ज॒स्वी ह॒ वै ब्र॑ह्मवर्च॒सी भ॑वति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
अ॒जायैक॑पदे॒ स्वाहा᳚ प्रोष्ठप॒देभ्य॒-स्स्वाहा᳚ ।
तेज॑से॒ स्वाहा᳚ ब्रह्मवर्च॒साय॒ स्वाहेति॑ ॥ 51 ॥
अहि॒र्वै बु॒द्ध्नियो॑-ऽकामयत । इ॒मा-म्प्र॑ति॒ष्ठां-विँ॑न्दे॒येति॑ । स ए॒तमह॑ये बु॒द्ध्निया॑य प्रोष्ठप॒देभ्यः॑ पुरो॒डाश॒-म्भूमि॑कपाल॒-न्निर॑वपत् । ततो॒ वै स इ॒मा-म्प्र॑ति॒ष्ठा-म॑विन्दत । इ॒माग्ं ह॒ वै प्र॑ति॒ष्ठां-विँ॑न्दते ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । अह॑ये बु॒द्ध्निया॑य॒ स्वाहा᳚ प्रोष्ठप॒देभ्य॒-स्स्वाहा᳚ ।
प्र॒ति॒ष्ठायै॒ स्वाहेति॑ ॥ 52 ॥
पू॒षा वा अ॑कामयत । प॒शु॒मान्-थ्स्या॒मिति॑ ।
स ए॒त-म्पू॒ष्णे रे॒वत्यै॑ च॒रु-न्निर॑वपत् ।
ततो॒ वै स प॑शु॒मान॑भवत् ।
प॒शु॒मान्. ह॒ वै भ॑वति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ।
सो-ऽत्र॑ जुहोति । पू॒ष्णे स्वाहा॑ रे॒वत्यै॒ स्वाहा᳚ ।
प॒शुभ्य॒-स्स्वाहेति॑ ॥ 53 ॥
अ॒श्विनौ॒ वा अ॑कामयेताम् । श्रो॒त्र॒स्विना॒वब॑धिरौ स्या॒वेति॑ । तावे॒तम॒श्विभ्या॑-मश्व॒युग्भ्या᳚-म्पुरो॒डाश॑-न्द्विकपा॒ल-न्निर॑वपताम् ।
ततो॒ वै तौ श्रो᳚त्र॒स्विना॒वब॑धिरा-वभवताम् ।
श्रो॒त्र॒स्वी ह॒ वा अब॑धिरो भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
अ॒श्विभ्या॒ग्॒ स्वाहा᳚-ऽश्व॒युग्भ्या॒ग्॒ स्वाहा᳚ ।
श्रोत्रा॑य॒ स्वाहा॒ श्रुत्यै॒ स्वाहेति॑ ॥ 54 ॥
य॒मो वा अ॑कामयत ।
पि॒तृ॒णाग्ं रा॒ज्य-म॒भिज॑येय॒मिति॑ ।
स ए॒तं-यँ॒माया॑प॒भर॑णीभ्यश्च॒रु-न्निर॑वपत् ।
ततो॒ वै स पि॑तृ॒णाग्ं रा॒ज्यम॒भ्य॑जयत् ।
स॒मा॒नानाग्ं॑ ह॒ वै रा॒ज्यम॒भिज॑यति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
य॒माय॒ स्वाहा॑ ऽप॒भर॑णीभ्य॒-स्स्वाहा᳚ ।
रा॒ज्याय॒ स्वाहा॒ ऽभिजि॑त्यै स्वाहेति॑ ॥ 55 ॥
अथै॒तद॑-मा॒वास्या॑या॒ आज्य॒-न्निर्व॑पति ।
कामो॒ वा अ॑मावा॒स्या᳚ । काम॒ आज्य᳚म् । कामे॑नै॒व काम॒ग्ं॒ सम॑र्धयति । क्षि॒प्रमे॑न॒ग्ं॒ स काम॒ उप॑नमति । येन॒ कामे॑न॒ यज॑ते । सो-ऽत्र॑ जुहोति । अ॒मा॒वा॒स्या॑यै॒ स्वाहा॒ कामा॑य॒ स्वाहा ऽऽग॑त्यै॒ स्वाहेति॑ ॥ 56 ॥
बु॒द्ध्नियः॑ - पु॒षा - ऽश्विनौ॑ - य॒मो दश॑द॒शा - थै॒तद॑ - मावा॒स्या॑या अ॒ष्टौ पञ्च॑दश ) (अ. 5)
अनुवाकं 6 - चान्द्रमसादीष्टिब्राह्मणम्
च॒न्द्रमा॒ वा अ॑कामयत । अ॒हो॒रा॒त्रा-न॑र्धमा॒सा-न्मासा॑-नृ॒तून्थ्- सं॑वँथ्स॒र-मा॒प्त्वा । च॒न्द्रम॑स॒-स्सायु॑ज्यग्ं सलो॒कता॑-माप्नुया॒मिति॑ । स ए॒त-ञ्च॒न्द्रम॑से प्रती॒दृश्या॑यै पुरो॒डाश॒-म्पञ्च॑दशकपाल॒-न्निर॑वपत् ।
ततो॒ वै सो॑-ऽहोरा॒त्रा-न॑र्धमा॒सा-न्मासा॑-नृ॒तून्-थ्सं॑वँथ्स॒र-मा॒प्त्वा ।
च॒न्द्रम॑स॒-स्सायु॑ज्यग्ं सलो॒कता॑माप्नोत् ।
अ॒हो॒रा॒त्रान्. ह॒ वा अ॑र्धमा॒सा-न्मासा॑न्-ऋ॒तून्-थ्सं॑वँथ्स॒र-मा॒प्त्वा । च॒न्द्रम॑स॒-स्सायु॑ज्यग्ं सलो॒कता॑माप्नोति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
च॒न्द्रम॑से॒ स्वाहा᳚ प्रती॒दृश्या॑यै॒ स्वाहा᳚ ।
अ॒हो॒रा॒त्रेभ्य॒-स्स्वाहा᳚ ऽर्धमा॒सेभ्य॒-स्स्वाहा᳚ ।
मासे᳚भ्य॒-स्स्वाह॒र्तुभ्य॒-स्स्वाहा᳚ । सं॒वँ॒थ्स॒राय॒ स्वाहेति॑ ॥ 57 ॥
अ॒हो॒रा॒त्रे वा अ॑कामयेताम् । अत्य॑होरा॒त्रे मु॑च्येवहि ।
न ना॑वहोरा॒त्रे आ᳚प्नुयाता॒मिति॑ । ते ए॒तम॑हो-रा॒त्राभ्या᳚-ञ्च॒रु-न्निर॑वपताम् । द्व॒यानां᳚-व्रीँही॒णाम् । शु॒क्लाना᳚-ञ्च कृ॒ष्णाना᳚-ञ्च । स॒वा॒त्योर्दु॒ग्धे । श्वे॒तायै॑ च कृ॒ष्णायै॑ च ।
ततो॒ वै ते अत्य॑होरा॒त्रे अ॑मुच्येते ।
नैने॑ अहोरा॒त्रे आ᳚प्नुताम् । अति॑ ह॒ वा अ॑होरा॒त्रे मु॑च्यते । नैन॑महोरा॒त्रे आ᳚प्नुतः । य ए॒तेन॑ ह॒विषा॒ यज॑ते । य उ॑ चैनदे॒वंवेँद॑ ।
सो-ऽत्र॑ जुहोति । अह्ने॒ स्वाहा॒ रात्रि॑यै॒ स्वाहा᳚ ।
अति॑मुक्त्यै॒ स्वाहेति॑ ॥ 58 ॥
उ॒षा वा अ॑कामयत । प्रि॒या ऽऽदि॒त्यस्य॑ सु॒भगा᳚ स्या॒मिति॑ । सैतमु॒षसे॑ च॒रु-न्निर॑वपत् ।
ततो॒ वै सा प्रि॒या ऽऽदि॒त्यस्य॑ सु॒भगा॑ ऽभवत् ।
प्रि॒यो ह॒ वै स॑मा॒नानाग्ं॑ सु॒भगो॑ भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । उ॒षसे॒ स्वाहा॒ व्यु॑ष्ट्यै॒ स्वाहा᳚ ।
व्यू॒षुष्यै॒ स्वाहा᳚ व्यु॒च्छन्त्यै॒ स्वाहा᳚ । व्यु॑ष्टायै॒ स्वाहेति॑ ॥ 59 ॥
अथै॒तस्मै॒ नक्ष॑त्राय च॒रु-न्निर्व॑पति । यथा॒ त्व-न्दे॒वाना॒मसि॑ । ए॒वम॒ह-म्म॑नु॒ष्या॑णा-म्भूयास॒मिति॑ । यथा॑ ह॒ वा ए॒त-द्दे॒वाना᳚म् ।
ए॒वग्ं ह॒ वा ए॒ष म॑नु॒ष्या॑णा-म्भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । नक्ष॑त्राय॒ स्वाहो॑देष्य॒ते स्वाहा᳚ ।
उ॒द्य॒ते स्वाहोदि॑ताय॒ स्वाहा᳚ । हर॑से॒ स्वाहा॒ भर॑से॒ स्वाहा᳚ । भ्राज॑से॒ स्वाहा॒ तेज॑से॒ स्वाहा᳚ ।
तप॑से॒ स्वाहा᳚ ब्रह्मवर्च॒साय॒ स्वाहेति॑ ॥ 60 ॥
सूर्यो॒ वा अ॑कामयत । नक्ष॑त्राणा-म्प्रति॒ष्ठा स्या॒मिति॑ । स ए॒तग्ं सूर्या॑य॒ नक्ष॑त्रेभ्यश्च॒रु-न्निर॑वपत् ।
ततो॒ वै स नक्ष॑त्राणा-म्प्रति॒ष्ठा ऽभ॑वत् ।
प्र॒ति॒ष्ठा ह॒ वै स॑मा॒नाना᳚-म्भवति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
सूर्या॑य॒ स्वाहा॒ नक्ष॑त्रेभ्य॒-स्स्वाहा᳚ । प्र॒ति॒ष्ठायै॒ स्वाहेति॑ ॥ 61 ॥
अथै॒तमदि॑त्यै च॒रु-न्निर्व॑पति । इ॒यं-वाँ अदि॑तिः ।
अ॒स्यामे॒व प्रति॑ तिष्ठति । सो-ऽत्र॑ जुहोति ।
अदि॑त्यै॒ स्वाहा᳚ प्रति॒ष्ठायै॒ स्वाहेति॑ ॥ 62 ॥
अथै॒तं-विँष्ण॑वे च॒रु-न्निर्व॑पति । य॒ज्ञो वै विष्णुः॑ । य॒ज्ञ ए॒वान्त॒तः प्रति॑ तिष्ठति । सो-ऽत्र॑ जुहोति । विष्ण॑वे॒ स्वाहा॑ य॒ज्ञाय॒ स्वाहा᳚ । प्र॒ति॒ष्ठायै॒ स्वाहेति॑ ॥ 63 ॥
(च॒न्द्रमाः॒ पञ्च॑दशा - होरा॒त्रे स॒प्तद॑ - शो॒षा एका॑द॒शा - थै॒तस्मै॒ नक्ष॑त्ताय॒ त्रयो॑दश॒ - सूर्यो॒ दशा - थै॒तमदि॑त्यै॒ पञ्चा - थै॒तं-विँष्ण॑वे॒ षट्-थ्स॒प्त) (अ. 6)
[स॒वि॒ता-ऽऽशू॒नां-व्रीँ॑ही॒णामिन्द्रो॑ म॒हाव्री॑हीणा॒मिन्द्रः॑ कृ॒ष्णानों᳚
ँव्रीही॒णाम॑होरा॒त्रे द्व॒यानां᳚-व्रीँही॒णाम् । पि॒तर॒-ष्षट्क॑पालग्ं सवि॒ता द्वाद॑शकपालमिन्द्रा॒ग्नी एका॑दशकपाल॒मिन्द्र॒ एका॑दशकपाल॒मिन्द्रो॒ दश॑कपालं॒-विँष्णु॑स्त्रिकपा॒लमहि॒-र्भूमि॑कपालम॒श्विनौ᳚ द्विकपा॒ल-ञ्च॒न्द्रमाः॒ पञ्च॑दशकपाल-म॒ग्निरत्वष्टा॒ वस॑वो॒-ऽष्टाक॑पालम॒न्यत्र॑ च॒रुम् । रु॒द्रो᳚-ऽर्य॒मा पू॒षा प॑शु॒मान्-थ्स्या॒ग्ं॒ सोमो॑ रु॒द्रो बृह॒स्पतिः॒ पय॑सि वा॒युः पय॒-स्सोमो॑ वा॒युरि॑न्द्रा॒ग्नी मि॒त्र इन्द्र॒ आपो॒ ब्रह्म॑ य॒मो॑-ऽभिजि॑त्यै॒ त्वष्टा᳚ प्र॒जाप॑तिः प्र॒जायै॑ पौर्णमा॒स्या अ॑मावा॒स्या॑या॒ आग॑त्यै॒ विश्वे॒ जित्या॑
अ॒श्विनौ॒ श्रुत्यै᳚ । ब्रह्म॒ तदे॒तं-विँष्णु॒-स्स ए॒तं-वाँ॒यु-स्स ए॒तदाप॒स्ताः । पि॒तरो॒ विश्वे॒ वस॑वो-ऽकामयन्त॒मेति॒ त ए॒त-न्निर॑वपन्न् । आपो॑-ऽकामयन्त॒ मेति॒ ता ए॒त-न्निर॑वपन्न् । इ॒न्द्रा॒ग्नी अ॒श्विना॑वकामयेतां॒-वेँति॒ तावे॒त-न्निर॑वपदाम् । अ॒हो॒रा॒त्रे वा अ॑कामयेता॒मिति॒ ते ए॒त-न्निर॑वपताम् ।
अ॒न्यत्रा॑कामयत॒मिति॒ स ए॒त-न्निर॑वपत् । इ॒न्द्रा॒ग्नी श्रैष्ठ्य॒मिन्द्रो॒ ज्यैष्ठ्य॒मिन्द्रो॑ दृ॒ढः ।
आहि॒-स्सूर्यो-ऽदि॑त्यै॒ विष्ण॑वे प्रति॒ष्ठायै᳚ ।
सोमो॑ य॒म-स्स॑मा॒नाना᳚म् । अ॒ग्निर्नो॑ रीरिषद॒न्यत्र॑ रीरिषः]
[वि॒दुषो॑ ह॒विषा॒ य उ॑ चैनदे॒वं-वेँद॑ । इष्टि॑भि॒र्य उ॑ चैना ए॒वं-वेँद॑ ।
अ॒न्यत्र॑ ब्राह्म॒णे य उ॑ चैनमे॒वं-वेँद॑ ]
फ्रपातक खोर्वै वि-थ्स्तर्तिन्ग् फदम्स् ऒf 1 तॊ 6 आनुवाकम्स् ः-
(अ॒ग्निर्न॑-ऋ॒द्ध्यास्म॒-नवो॑नवो॒-ऽग्नि-र्मि॒त्र - श्च॒न्द्रमा॒-ष्षट्)
(अ॒ग्निर्न॒ - स्तन्नो॑ वा॒यु - रहि॑र्बू॒द्ध्निय॑ - ऋ॒क्षा वा इ॒य - मथै॒त-त्पौ᳚र्णमा॒स्या - अ॒जो वा एक॑पा॒थ् - सूर्य॒ स्त्रिष॑ष्टिः)
(अ॒ग्निर्नः॑ - पातु प्रति॒ष्ठायै॒ स्वाहेति॑ )
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके प्रथमः प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhakaḥ - nakṣatreṣṭīnāṃ-yā~jyā-'nuvākyā brāhmaṇāni
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - devanakṣatrāṇāṃ-yā~jyānuvākyāḥ
a॒gnirnaḥ̭ pātu॒ kṛtti̭kāḥ | nakṣa̭tra-nde॒vami̭ndri॒yam | i॒damā̭sāṃ-vi~cakṣa॒ṇam | ha॒virā॒sa-ñjṷhotana || yasya॒ bhānti̭ ra॒śmayo॒ yasya̭ ke॒tavaḥ̭ | yasye॒mā viśvā॒ bhuva̭nāni॒ sarvā᳚ |
sa kṛtti̭kābhira॒bhi saṃ॒va~sā̭naḥ | a॒gnirno̭ de॒va-ssṷvi॒te da̭dhātu || pra॒jāpa̭te rohi॒ṇī vḙtu॒ patnī᳚ |
vi॒śvarṷ̄pā bṛha॒tī ci॒trabhā̭nuḥ || 1 ||
sā no̭ ya॒jñasya̭ suvi॒te da̭dhātu | yathā॒ jīvḙma śa॒rada॒-ssavī̭rāḥ || ro॒hi॒ṇī de॒vyuda̭gā-tpu॒rastā᳚t | viśvā̭ rū॒pāṇi̭ prati॒moda̭mānā | pra॒jāpa̭tigṃ ha॒viṣā̭ va॒rdhaya̭ntī | pri॒yā de॒vānā॒-mupa̭yātu ya॒jñam || somo॒ rājā̭ mṛgaśī॒ra॒.ṣeṇa॒ āganṋ | śi॒va-nnakṣa̭tra-mpri॒yama̭sya॒ dhāma̭ |
ā॒pyāya̭māno bahu॒dhā janḙṣu |
retaḥ̭ pra॒jāṃ-ya~ja̭māne dadhātu || 2 ||
ya-tte॒ nakṣa̭tra-mmṛgaśī॒ra॒.ṣamasti̭ |
pri॒yagṃ rā̭ja-npri॒yata̭ma-mpri॒yāṇā᳚m |
tasmai̭ te soma ha॒viṣā̭ vidhema |
śanna̭ edhi dvi॒pade॒ śa-ñcatṷṣpade ||
ā॒rdrayā̭ ru॒draḥ pratha̭māna eti | śreṣṭho̭ de॒vānā॒-mpati̭raghni॒yānā᳚m | nakṣa̭tramasya ha॒viṣā̭ vidhema | mā naḥ̭ pra॒jāgṃ rī̭riṣa॒-nmota vī॒rān ||
he॒tī ru॒drasya॒ pari̭ṇo vṛṇaktu | ā॒rdrā nakṣa̭tra-ñjuṣatāgṃ ha॒virnaḥ̭ || 3 ||
pra॒mu॒ñcamā̭nau duri॒tāni॒ viśvā᳚ | apā॒ghaśagṃ̭ sa-nnudatā॒marā̭tim || puna̭rno de॒vyadi̭ti-sspṛṇotu | puna̭rvasū naḥ॒ puna॒retāṃ᳚-ya~॒jñam |
puna̭rno de॒vā a॒bhiya̭ntu॒ sarve᳚ | punaḥ̭ punarvo ha॒viṣā̭ yajāmaḥ || e॒vā na de॒vyadi̭tirana॒rvā | viśva̭sya bha॒rtrī jaga̭taḥ prati॒ṣṭhā | puna̭rvasū ha॒viṣā̭ va॒rdhaya̭ntī | pri॒ya-nde॒vānā॒-mapyḙtu॒ pāthaḥ̭ || 4 ||
bṛha॒spatiḥ̭ pratha॒ma-ñjāya̭mānaḥ | ti॒ṣya̭-nnakṣa̭trama॒bhi samba̭bhūva | śreṣṭho̭ de॒vānā॒-mpṛta̭nāsu ji॒ṣṇuḥ | diśo-'nu॒ sarvā॒ abha̭yanno astu ||
ti॒ṣyaḥ̭ pu॒rastā̭du॒ta ma̭ddhya॒to naḥ̭ | bṛha॒spati̭ rnaḥ॒ pari̭pātu pa॒ścāt | bādhḙtā॒-ndveṣo॒ abha̭ya-ṅkṛṇutām | su॒vīrya̭sya॒ pata̭ya-ssyāma ||
i॒dagṃ sa॒rpebhyo̭ ha॒vira̭stu॒ juṣṭa᳚m |
ā॒śre॒ṣā yeṣā̭-manu॒yanti॒ cetaḥ̭ || 5 ||
ye a॒ntari̭kṣa-mpṛthi॒vī-ṅkṣi॒yanti̭ | tenaḥ̭ sa॒rpāso॒ hava॒māga̭miṣṭhāḥ || ye ro̭ca॒ne sūrya॒syāpi̭
sa॒rpāḥ | ye diva̭-nde॒vīmanṷ sa॒ñcara̭nti |
yeṣā̭māśre॒ṣā a̭nu॒yanti॒ kāma᳚m |
tebhyaḥ̭ sa॒rpebhyo॒ madhṷmajjuhomi ||
upa̭hūtāḥ pi॒taro॒ ye ma॒ghāsṷ | mano̭javasa-ssu॒kṛtaḥ̭ sukṛ॒tyāḥ | te no॒ nakṣa̭tre॒ hava॒māga̭miṣṭhāḥ | sva॒dhābhi̭ rya॒jña-mpraya̭ta-ñjuṣantām || 6 ||
ye a̭gnida॒gdhā ye-'na̭gni-dagdhāḥ | yḙ-'muṃ-lo~॒ka-mpi॒taraḥ̭ kṣi॒yanti̭ | yāgśca̭ vi॒dmayāgṃ ṷ ca॒ na pra̭vi॒dma | ma॒ghāsṷ ya॒jñagṃ sukṛ̭ta-ñjuṣantām ||
gavā॒-mpatiḥ॒ phalgṷnīnāmasi॒ tvam | tada̭ryaman varuṇa mitra॒ cārṷ | ta-ntvā̭ va॒yagṃ sa̭ni॒tāragṃ̭ sanī॒nām | jī॒vā jīva̭nta॒mupa॒ saṃvi~̭śema ||
yene॒mā viśvā॒ bhuva̭nāni॒ sañji̭tā |
yasya̭ de॒vā a̭nu saṃ॒ya~nti॒ cetaḥ̭ || 7 ||
a॒rya॒mā rājā॒-'jara॒stuvi̭ṣmān | phalgṷnīnā-mṛṣa॒bho ro̭ravīti || śreṣṭho̭ de॒vānā᳚-mbhagavo bhagāsi | tattvā̭ viduḥ॒ phalgṷnī॒stasya̭ vittāt | a॒smabhya̭-ṅkṣa॒trama॒jaragṃ̭ su॒vīrya᳚m | goma॒daśva̭-va॒dupa॒-sannṷde॒ha || bhago̭ ha dā॒tā bhaga॒ i-tpra̭dā॒tā | bhago̭ de॒vīḥ phalgṷnī॒rāvi̭veśa | bhaga॒syetta-mpra̭sa॒va-ṅga̭mema | yatra̭ de॒vai-ssa̭dha॒māda̭-mmadema || 8 ||
āyā̭tu de॒va-ssa̭vi॒topa̭yātu | hi॒ra॒ṇyayḙna su॒vṛtā॒ rathḙna | vaha॒n॒. hastagṃ̭ su॒bhagaṃ̭-vi~dma॒nāpa̭sam | pra॒yaccha̭nta॒-mpapṷri॒-mpuṇya॒maccha̭ ||
hastaḥ॒ praya̭ccha tva॒mṛtaṃ॒-va~sī̭yaḥ |
dakṣi̭ṇena॒ prati̭gṛbhṇīma enat |
dā॒tāra̭ma॒dya sa̭vi॒tā vi̭deya |
yo no॒ hastā̭ya prasu॒vāti̭ ya॒jñam ||
tvaṣṭā॒ nakṣa̭trama॒bhyḙti ci॒trām |
su॒bhagṃ sa̭saṃ-yu~va॒tigṃ roca̭mānām || 9 ||
ni॒ve॒śaya̭-nna॒mṛtā॒-nmartyāg̭śca |
rū॒pāṇi̭ pi॒gṃ॒śa-nbhuva̭nāni॒ viśvā᳚ ||
tanna॒stvaṣṭā॒ tadṷ ci॒trā vica̭ṣṭām |
tannakṣa̭tra-mbhūri॒dā a̭stu॒ mahya᳚m |
tannaḥ̭ pra॒jāṃ-vī~॒rava̭tīgṃ sanotu |
gobhi̭rno॒ aśvai॒-ssama̭naktu ya॒jñam ||
vā॒yurnakṣa̭tra-ma॒bhyḙti॒ niṣṭyā᳚m |
ti॒gmaśṛ̭ṅgo vṛṣa॒bho rorṷvāṇaḥ |
sa॒mī॒raya॒-nbhuva̭nā māta॒riśvā᳚ |
apa॒ dveṣāgṃ̭si nudatā॒marā̭tīḥ || 10 ||
tanno̭ vā॒yastadu॒ niṣṭyā̭ śṛṇotu |
tannakṣa̭tra-mbhūri॒dā a̭stu॒ mahya᳚m |
tanno̭ de॒vāso॒ anṷ jānantu॒ kāma᳚m | yathā॒ tarḙma duri॒tāni॒ viśvā᳚ || dū॒rama॒smacchatra̭vo yantu bhī॒tāḥ | tadi̭ndrā॒gnī kṛ̭ṇutā॒-nta-dviśā̭khe |
tanno̭ de॒vā anṷmadantu ya॒jñam | pa॒ścā-tpu॒rastā॒-dabha̭yanno astu || nakṣa̭trāṇā॒-madhi̭patnī॒ viśā̭khe |
śreṣṭhā̭vindrā॒gnī bhuva̭nasya go॒pau || 11 ||
viṣṷ̄ca॒-śśatrṷ̄-napa॒bādha̭mānau | apa॒ kṣudha̭-nnudatā॒marā̭tim || pū॒rṇā pa॒ścādu॒ta pū॒rṇā pu॒rastā᳚t | unma̭ddhya॒taḥ pau᳚rṇamā॒sī ji̭gāya |
tasyā᳚-nde॒vā adhi̭ saṃ॒va~sa̭ntaḥ |
u॒tta॒me nāka̭ i॒ha mā̭dayantām ||
pṛ॒thvī su॒varcā̭ yuva॒ti-ssa॒joṣāḥ᳚ | pau॒rṇa॒mā॒syuda̭gā॒-cchobha̭mānā |
ā॒pyā॒yaya̭ntī duri॒tāni॒ viśvā᳚ |
u॒ru-nduhāṃ॒-ya~ja̭mānāya ya॒jñam || 12 ||
(ci॒trabhā̭nu॒-r yaja̭māne dadhātu - ha॒virnaḥ॒ - pātha॒ - śceto̭ - juṣantāṃ॒ - ceto̭ - madema॒ - roca̭mānā॒ - marā̭tī--r go॒pau - ya॒jñaṃ) (a. 1)
anuvākaṃ 2 - yamanakṣatrāṇāṃ-yā~jyānuvākyāḥ
ṛ॒ddhyāsma̭ ha॒vyai-rnama̭sopa॒ sadya̭ |
mi॒tra-nde॒va-mmi̭tra॒dheya̭nno astu | a॒nū॒rā॒dhān. ha॒viṣā̭ va॒rdhaya̭ntaḥ | śa॒ta-ñjī̭vema śa॒rada॒-ssavī̭rāḥ || ci॒tra-nnakṣa̭tra॒-muda̭gā-tpu॒rastā᳚t | a॒nū॒rā॒dhāsa॒ iti॒ ya-dvada̭nti | tanmi॒tra ḙti pa॒thibhi̭ rdeva॒yānaiḥ᳚ | hi॒ra॒ṇyayai॒ rvita̭tai-ra॒ntari̭kṣe ||
indro᳚ jye॒ṣṭhāmanu॒ nakṣa̭trameti | yasmi̭n vṛ॒traṃ-vṛ~̭tra॒ tūryḙ ta॒tāra̭ || 13 ||
tasmi̭n va॒yama॒mṛta॒-nduhā̭nāḥ | kṣudha̭-ntarema॒ duri̭ti॒-nduri̭ṣṭim || pu॒ra॒nda॒rāya̭ vṛṣa॒bhāya̭ dhṛ॒ṣṇave᳚ | aṣā̭ḍhāya॒ saha̭mānāya mī॒ḍhuṣe᳚ |
indrā̭ya jye॒ṣṭhā madhṷma॒-dduhā̭nā |
u॒ru-ṅkṛ̭ṇotu॒ yaja̭mānāya lo॒kam ||
mūla̭-mpra॒jāṃ-vī~॒rava̭tīṃ-vi~deya | parā᳚cyetu॒ nir-ṛ̭tiḥ parā॒cā | gobhi॒ rnakṣa̭tra-mpa॒śubhi॒-ssama̭ktam | aha̭rbhūyā॒-dyaja̭mānāya॒ mahya᳚m || 14 ||
aha̭rno a॒dya sṷvi॒te da̭dhātu | mūla॒-nnakṣa̭tra॒miti॒ ya-dvada̭nti | parā̭cīṃ-vā~॒cā nir-ṛ̭ti-nnudāmi |
śi॒va-mpra॒jāyai̭ śi॒vama̭stu॒ mahya᳚m ||
yā di॒vyā āpaḥ॒ paya̭sā sa-mbabhū॒vuḥ | yā a॒ntari̭kṣa u॒ta pārthi̭vī॒ryāḥ | yāsā̭maṣā॒ḍhā a̭nu॒yanti॒
kāma᳚m | tā na॒ āpa॒-śśagg syo॒nā bha̭vantu ||
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ |
yāśca̭ vaiśa॒ntīru॒ta prā̭sa॒cīryāḥ || 15 ||
yāsā̭maṣā॒ḍhā madhṷ bha॒kṣaya̭nti | tā na॒ āpa॒-śśagg syo॒nā bha̭vantu || tanno॒ viśve॒ upa̭ śṛṇvantu de॒vāḥ | tada̭ṣā॒ḍhā a॒bhi saṃya~̭ntu ya॒jñam |
tannakṣa̭tra-mprathatā-mpa॒śubhyaḥ̭ |
kṛ॒ṣi-rvṛ॒ṣṭi-ryaja̭mānāya kalpatām ||
śu॒bhrāḥ ka॒nyā̭ yuva॒tayaḥ̭ su॒peśa̭saḥ | ka॒rma॒kṛtaḥ̭ su॒kṛto̭ vī॒ryā̭vatīḥ |
viśvā᳚-nde॒vān. ha॒viṣā̭ va॒rdhaya̭ntīḥ |
a॒ṣā॒ḍhāḥ kāma॒mupa̭yāntu ya॒jñam || 16 ||
yasmi॒-nbrahmā॒-'bhyaja̭ya॒-thsarva̭me॒tat |
a॒muñca̭ lo॒ka mi॒damṷ̄ca॒ sarva᳚m |
tanno॒ nakṣa̭tramabhi॒ji-dvi॒jitya̭ | śriya̭-ndadhā॒-tvahṛ̭ṇīyamānam || u॒bhau lo॒kau brahma̭ṇā॒ sañji̭te॒mau | tanno॒ nakṣa̭tramabhi॒ji-dvica̭ṣṭām |
tasmi̭n va॒ya-mpṛta̭nā॒-ssa-ñja̭yema |
tanno̭ de॒vāso॒ anṷjānantu॒ kāma᳚m ||
śṛ॒ṇvanti̭ śro॒ṇā-ma॒mṛta̭sya go॒pām |
puṇyā̭masyā॒ upa̭śṛṇomi॒ vāca᳚m || 17 ||
ma॒hī-nde॒vīṃ-vi~ṣṇṷpatnī-majū॒ryām | pra॒tīcī̭menāgṃ ha॒viṣā̭ yajāmaḥ ||
tre॒dhā viṣṇṷ-rurugā॒yo vica̭krame |
ma॒hī-ndiva̭-mpṛthi॒vī-ma॒ntari̭kṣam |
tacchro॒ṇaiti॒ śrava̭ i॒cchamā̭nā |
puṇya॒gg॒ ślokaṃ॒-ya~ja̭mānāya kṛṇva॒tī ||
a॒ṣṭau de॒vā vasa̭va-sso॒myāsaḥ̭ |
cata̭sro de॒vī ra॒jarā॒-śśravi̭ṣṭhāḥ |
te ya॒jña-mpā᳚ntu॒ raja̭saḥ pa॒rastā᳚t |
saṃ॒va~॒thsa॒rīṇa̭-ma॒mṛtagg̭ sva॒sti || 18 ||
ya॒jña-nnaḥ̭ pāntu॒ vasa̭vaḥ pu॒rastā᳚t | da॒kṣi॒ṇa॒to̭-'bhiya̭ntu॒ śravi̭ṣṭhāḥ | puṇya॒-nnakṣa̭trama॒bhi saṃvi~̭śāma | mā no॒ arā̭ti-ra॒ghaśa॒gṃ॒sā ganṋ ||
kṣa॒trasya॒ rājā॒ varṷṇo-'dhirā॒jaḥ | nakṣa̭trāṇāgṃ śa॒tabhi̭ṣa॒g vasi̭ṣṭhaḥ | tau de॒vebhyaḥ̭ kṛṇuto dī॒rghamāyuḥ̭ | śa॒tagṃ sa॒hasrā̭ bheṣa॒jāni̭ dhattaḥ ||
ya॒jñanno॒ rājā॒ varṷṇa॒ upa̭yātu | tanno॒ viśvḙ a॒bhi saṃya~̭ntu de॒vāḥ || 19 ||
tanno॒ nakṣa̭tragṃ śa॒tabhi̭ṣag juṣā॒ṇam | dī॒rghamāyuḥ॒ prati̭ra-dbheṣa॒jāni̭ || a॒ja eka̭pā॒duda̭gā-tpu॒rastā᳚t | viśvā̭ bhū॒tāni̭ prati॒moda̭mānaḥ | tasya̭ de॒vāḥ pra̭sa॒vaṃ-ya~̭nti॒ sarve᳚ | pro॒ṣṭha॒pa॒dāso̭ a॒mṛta̭sya go॒pāḥ ||
vi॒bhrāja̭māna-ssamidhā॒na u॒graḥ | ā-'ntari̭kṣa-maruha॒da-ga॒ndyām | tagṃ sūrya̭-nde॒va-ma॒jameka̭pādam | pro॒ṣṭha॒pa॒dāso॒ anṷyanti॒ sarve᳚ || 20 ||
ahi̭-rbu॒ddhniyaḥ॒ pratha̭māna eti | śreṣṭho̭ de॒vānā̭mu॒ta mānṷṣāṇām | ta-mbrā᳚hma॒ṇā-sso̭ma॒pā-sso॒myāsaḥ̭ |
pro॒ṣṭha॒pa॒dāso̭ a॒bhi ra̭kṣanti॒ sarve᳚ ||
ca॒tvāra॒ eka̭ma॒bhi karma̭ de॒vāḥ |
pro॒ṣṭha॒pa॒dāsa॒ iti॒ yān. vada̭nti |
te bu॒ddhaniya̭-mpari॒ṣadyagg̭ stu॒vantaḥ̭ |
ahigṃ̭ rakṣanti॒ nama̭sopa॒sadya̭ ||
pū॒ṣā re॒vatyanvḙti॒ panthā᳚m | pu॒ṣṭi॒patī̭ paśu॒pā vāja̭bastyau || 21 ||
i॒māni̭ ha॒vyā praya̭tā juṣā॒ṇā |
su॒gairno॒ yānai॒rupa̭yātāṃ-ya~॒jñam ||
kṣu॒drā-npa॒śū-nra̭kṣatu re॒vatī̭ naḥ |
gāvo̭ no॒ aśvā॒gṃ॒ anvḙtu pū॒ṣā |
anna॒gṃ॒ rakṣa̭ntau bahu॒dhā virṷ̄pam |
vājagṃ̭ sanutāṃ॒-ya~ja̭mānāya ya॒jñam ||
tada॒śvinā̭-vaśva॒yujopa̭yātām |
śubha॒-ṅgami̭ṣṭhau su॒yamḙbhi॒raśvaiḥ᳚ |
sva-nnakṣa̭tragṃ ha॒viṣā॒ yaja̭ntau |
maddhvā॒ sampṛ̭ktau॒ yajṷṣā॒ sama̭ktau || 22 ||
yau de॒vānā᳚-mbhi॒ṣajaṷ havyavā॒hau | viśva̭sya dū॒tā-va॒mṛta̭sya go॒pau | tau nakṣa̭tra-ñjujuṣā॒ṇo-pa̭yātām | namo॒-'śvibhyā᳚-ṅkṛṇumo-'śva॒yugbhyā᳚m ||
apa̭ pā॒pmāna॒-mbhara̭ṇīrbharantu | ta-dya॒mo rājā॒ bhaga̭vā॒n॒. vica̭ṣṭām | lo॒kasya॒ rājā̭ maha॒to ma॒hān. hi | su॒ga-nnaḥ॒ panthā॒mabha̭ya-ṅkṛṇotu ||
yasmi॒-nnakṣa̭tre ya॒ma eti॒ rājā᳚ |
yasmi̭-nnenama॒bhyaṣi̭cannta de॒vāḥ |
tada̭sya ci॒tragṃ ha॒viṣā̭ yajāma |
apa̭ pā॒pmāna॒-mbhara̭ṇī-rbharantu ||
ni॒veśa̭nī sa॒ṅgama̭nī॒ vasṷ̄nāṃ॒-vi~śvā̭ rū॒pāṇi॒ vasū᳚nyāve॒śaya̭ntī | sa॒ha॒sra॒po॒ṣagṃ su॒bhagā॒ rarā̭ṇā॒ sā na॒ āga॒n varca̭sā saṃvi~dā॒nā || yattḙ de॒vā ada̭dhu-rbhāga॒dheya॒mamā̭vāsye saṃ॒va~sa̭nto mahi॒tvā | sāno̭ ya॒jña-mpi̭pṛhi viśvavāre ra॒yi-nno̭ dhehi subhage su॒vīra᳚m || || 23 ||
(ta॒tāra॒ - mahyaṃ̭ - prāsa॒cīryā - yā᳚ntu ya॒jñaṃ - ~vācagg̭ - sva॒sti - de॒vā-anṷ yanti॒ sarve॒-vāja̭bastyau॒-sama̭ktau-de॒vā strīṇi̭ ca) (a. 2)
anuvākaṃ 3 - cāndramasādīnāṃ saptanāmiṣṭīnāṃ-yā~jyānuvākyāḥ
navo̭navo bhavati॒ jāya̭mā॒no-'hnā᳚-ṅke॒turu॒ṣasā̭ me॒tyagre᳚ | bhā॒ga-nde॒vebhyo॒ vida̭dhātyā॒ya-npraca॒ndramā᳚stirati dī॒rghamāyuḥ̭ || yamā̭di॒tyā
a॒gṃ॒śumā᳚pyā॒yaya̭nti yamā̭di॒tyā a॒gṃ॒śumā᳚pyā॒yaya̭nti॒ yamakṣi̭ta॒-makṣi̭tayaḥ॒ piba̭nti | tena̭ no॒ rājā॒ varṷṇo॒ bṛha॒spati॒rā pyā̭yayantu॒ bhuva̭nasya go॒pāḥ |||| ye virṷ̄pe॒ sama̭nasā saṃ॒vya~ya̭ntī | sa॒mā॒na-ntantṷ-mpari tāta॒nāte᳚ | vi॒bhū pra॒bhū a̭nu॒bhū vi॒śvato̭ huve |
te no॒ nakṣa̭tre॒ hava॒māga̭metam ||
va॒ya-nde॒vī brahma̭ṇā saṃvi~dā॒nāḥ |
su॒ratnā̭so de॒vavī̭ti॒-ndadhā̭nāḥ |
a॒ho॒rā॒tre ha॒viṣā̭ va॒rdhaya̭ntaḥ |
ati̭ pā॒pmāna॒-mati̭muktyā gamema || pratyṷvadṛśyāya॒tī || 24 ||
vyu॒cchantī̭ duhi॒tā di॒vaḥ | a॒po ma॒hī vṛ̭ṇute॒ cakṣṷṣā || tamo॒ jyoti̭ṣkṛṇoti sū॒narī᳚ | udu॒striyā᳚-ssacate॒ sūryaḥ̭ | sa cā̭ u॒dyannakṣa̭tra-marci॒mat | tavedṷṣo॒ vyuṣi॒ sūrya̭sya ca ||
sa-mbha॒ktena̭ gamemahi | tanno॒ nakṣa̭tra-marci॒mat | bhā॒nu॒matteja̭ u॒ccara̭t | upa̭ ya॒jña-mi॒hāga̭mat || 25 ||
pra nakṣa̭trāya de॒vāya̭ | indrā॒yendugṃ̭ havāmahe |
sa naḥ̭ savi॒tā sṷva-thsa॒nim | pu॒ṣṭi॒dāṃ-vī~॒rava̭ttamam || udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m || ci॒tra-nde॒vānā॒-muda̭gā॒danī̭ka॒-ñcakṣṷ-rmi॒trasya॒ varṷṇasyā॒-'gneḥ | ā-' prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca ||||
adi̭tirna uruṣya॒tvadi̭ti॒-śśarma̭ yacchatu | adi̭tiḥ pā॒tvagṃ ha̭saḥ || ma॒hīmū॒ṣu mā॒taragṃ̭ suvra॒tānā̭mṛ॒tasya॒ patnī॒mava̭se huvema | tu॒vi॒kṣa॒trāma॒jara̭ntīmurū॒cīgṃ su॒śarmā̭ṇa॒madi̭tigṃ su॒praṇī̭tim || ||
i॒daṃ-vi~ṣṇu॒-rvica̭krame tre॒dhā ni da̭dhe pa॒dam | sa mṷ̄ḍhamasya pāgṃ su॒re || prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || ||
a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||
anṷ no॒-'dyā-'nṷmati-rya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || ||
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 26 ||
(ā॒ya॒tya̭ - gama॒th - svi̭ṣṭam) (a. 3)
anuvākaṃ 4 - deva nakṣatreṣṭibrāhmaṇam
a॒gnirvā a̭kāmayata | a॒nnā॒do de॒vānāg̭ syā॒miti̭ |
sa e॒tama॒gnaye॒ kṛtti̭kābhyaḥ puro॒ḍāśa̭-ma॒ṣṭāka̭pāla॒-nnira̭vapat | tato॒ vai so᳚-'nnā॒do de॒vānā̭mabhavat | a॒gnirvai de॒vānā̭mannā॒daḥ ||
yathā̭ ha॒ vā a॒gni-rde॒vanā̭-mannā॒daḥ |
e॒vagṃ ha॒ vā e॒ṣa ma̭nu॒ṣyā̭ṇā-mbhavati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ svāhā॒ kṛtti̭kābhya॒-ssvāhā᳚ | a॒mbāyai॒ svāhā̭ du॒lāyai॒ svāhā᳚ | ni॒ta॒tnyai svāhā॒ 'bhraya̭ntyai॒ svāhā᳚ | me॒ghaya̭ntyai॒ svāhā̭ va॒ra॒.ṣaya̭ntyai॒ svāhā᳚ | cu॒pu॒ṇīkā̭yai॒ svāheti̭ || 27 ||
pra॒jāpa̭tiḥ pra॒jā a̭sṛjata | tā a̭smā-thsṛ॒ṣṭāḥ parā̭cīrāyann | tāsāgṃ̭ rohi॒ṇī-ma॒bhya̭ddhyāyat | so̭-'kāmayata | upa॒ mā-''va̭rteta | samḙnayā gacche॒yeti̭ | sa e॒ta-mpra॒jāpa̭taye rohi॒ṇyai ca॒ru-nnira̭vapat | tato॒ vai sā tamu॒pāva̭rtata | samḙnayā 'gacchata || upa̭ ha॒ vā ḙna-mpri॒yamāva̭rtate |
sa-mpri॒yeṇa̭ gacchate | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ || so-'tra̭ juhoti |
pra॒jāpa̭taye॒ svāhā̭ rohi॒ṇyai svāhā᳚ |
roca̭mānāyai॒ svāhā᳚ pra॒jābhya॒-ssvāheti̭ || 28 ||
somo॒ vā a̭kāmayata | oṣa̭dhīnāgṃ rā॒jya-ma॒bhija̭yeya॒miti̭ | sa e॒tagṃ somā̭ya mṛgaśī॒ra॒.ṣāya̭ śyāmā॒ka-ñca॒ru-mpaya̭si॒ nira̭vapat | tato॒ vai sa oṣa̭dhīnāgṃ
rā॒jyama॒bhya̭jayat | sa॒mā॒nānāgṃ̭ ha॒ vai rā॒jyama॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
somā̭ya॒ svāhā̭ mṛgaśī॒ra॒.ṣāya॒ svāhā᳚ |
i॒nva॒kābhya॒-ssvāhauṣa̭dhībhya॒-ssvāhā᳚ |
rā॒jyāya॒ svāhā॒ 'bhiji̭tyai॒ svāheti̭ || 29 ||
ru॒dro vā a̭kāmayata | pa॒śu॒mān-thsyā॒miti̭ |
sa e॒tagṃ ru॒drāyā॒rdrāyai॒ praiya̭ṅgava-ñca॒ru-mpaya̭si॒ nira̭vapat | tato॒ vai sa pa̭śu॒māna̭bhavat | pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | ru॒drāya॒ svāhā॒ ''rdrāyai॒ svāhā᳚ | pinva̭mānāyai॒ svāhā̭ pa॒śubhya॒-ssvāheti̭ || 30 ||
ṛ॒kṣā vā i॒yama̭lo॒makā̭-''sīt | sā-'kā̭mayata |
oṣa̭dhībhi॒-rvana॒spati̭bhiḥ॒ prajā̭ye॒yeti̭ |
saitamadi̭tyai॒ puna̭rvasubhyā-ñca॒ru-nnira̭vapat |
tato॒ vā i॒yamoṣa̭dhībhi॒-rvana॒spati̭bhiḥ॒ prājā̭yata |
prajā̭yate ha॒ vai pra॒jayā̭ pa॒śubhiḥ̭ | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | adi̭tyai॒ svāhā॒ puna̭rvasubhyām |
svāhā-''bhū᳚tyai॒ svāhā॒ prajā᳚tyai॒ svāheti̭ || 31 ||
bṛha॒spati॒rvā a̭kāmayata | bra॒hma॒va॒rca॒sī syā॒miti̭ |
sa e॒ta-mbṛha॒spata̭ye ti॒ṣyā̭ya naivā॒ra-ñca॒ru-mpaya̭si॒ nira̭vapat | tato॒ vai sa bra̭hmavarca॒sya̭bhavat | bra॒hma॒va॒rca॒sī ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
bṛha॒spata̭ye॒ svāhā̭ ti॒ṣyā̭ya॒ svāhā᳚ | bra॒hma॒va॒rca॒sāya॒ svāheti̭ || 32 ||
de॒vā॒su॒rā-ssaṃya~̭ttā āsann | te de॒vā-ssa॒rpebhya̭ āśre॒ṣābhya॒ ājyḙ kara॒mbha-nnira̭vapann |
tāne॒tābhi̭re॒va de॒vatā̭-bhi॒rupā̭nayann |
e॒tābhi̭rha॒ vai de॒vatā̭bhi-rdvi॒ṣanta॒-mbhrātṛ̭vya॒-mupa̭nayati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sa॒rpebhya॒-ssvāhā᳚-''śre॒ṣābhya॒-ssvāhā᳚ | da॒nda॒śūke᳚bhya॒-ssvāheti̭ || 33 ||
pi॒taro॒ vā a̭kāmayanta | pi॒tṛ॒lo॒ka ṛ̭ddhnuyā॒meti̭ |
ta e॒ta-mpi॒tṛbhyo̭ ma॒ghābhyaḥ̭ puro॒ḍāśa॒gṃ॒ ṣaṭka̭pāla॒-nnira̭vapann | tato॒ vai te pi̭tṛlo॒ka ā᳚rdhnuvann | pi॒tṛ॒lo॒ke ha॒ vā ṛ̭dhnoti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pi॒tṛbhya॒-ssvāhā̭ ma॒ghābhyaḥ̭ |
svāhā̭ 'na॒ghābhya॒-ssvāhā̭ 'ga॒dābhyaḥ̭ |
svāhā̭ 'rundha॒tībhya॒-ssvāheti̭ || 34 ||
a॒rya॒mā vā a̭kāmayata | pa॒śu॒mān-thsyā॒miti̭ |
sa e॒tama̭rya॒mṇe phalgṷnībhyā-ñca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒rya॒mṇe svāhā॒ phalgṷnībhyā॒g॒ svāhā᳚ |
pa॒śubhya॒-ssvāheti̭ || 35 ||
bhago॒ vā a̭kāmayata | bha॒gī śre॒ṣṭhī de॒vānāg̭ syā॒miti̭ | sa e॒ta-mbhagā̭ya॒ phalgṷnībhyā-ñca॒ru-nnira̭vapat | tato॒ vai sa bha॒gī śre॒ṣṭhī de॒vānā̭mabhavat |
bha॒gī ha॒ vai śre॒ṣṭhī sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | bhagā̭ya॒ svāhā॒ phalgṷnībhyā॒g॒ svāhā᳚ | śraiṣṭhyā̭ya॒ svāheti̭ || 36 ||
sa॒vi॒tā vā a̭kāmayata | śranmḙ de॒vā dadhī̭rann | sa॒vi॒tā syā॒miti̭ | sa e॒tagṃ sa̭vi॒tre hastā̭ya puro॒ḍāśa॒-ndvāda̭śakapāla॒-nnira̭vapadāśū॒nāṃ
~vrī̭hī॒ṇām | tato॒ vai tasmai॒ śradde॒vā ada̭dhata | sa॒vi॒tā-'bha̭vat | śraddha॒ vā a̭smai manu॒ṣyā̭ dadhate | sa॒vi॒tā sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
sa॒vi॒tre svāhā॒ hastā̭ya | svāhā̭ dada॒te svāhā̭ pṛṇa॒te | svāhā᳚ pra॒yaccha̭te॒ svāhā᳚ pratigṛbhṇa॒te svāheti̭ || 37 ||
tvaṣṭā॒ vā a̭kāmayata | ci॒tra-mpra॒jāṃ-vi~̭nde॒yeti̭ |
sa e॒ta-ntvaṣṭrḙ ci॒trāyai̭ puro॒ḍāśa̭ma॒ṣṭā-ka̭pāla॒-nnira̭vapat | tato॒ vai sa ci॒tra-mpra॒jāma̭vindata | ci॒tragṃ ha॒ vai pra॒jāṃ-vi~̭ndate |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
tvaṣṭre॒ svāhā̭ ci॒trāyai॒ svāhā᳚ |
caitrā̭ya॒ svāhā᳚ pra॒jāyai॒ svāheti̭ || 38 ||
vā॒yurvā a̭kāmayata | kā॒ma॒cāra̭me॒ṣu lo॒keṣva॒bhija̭yeya॒miti̭ | sa e॒ta-dvā॒yave॒ niṣṭyā̭yai gṛ॒ṣṭyai du॒gdha-mpayo॒ nira̭vapat |
tato॒ vai sa kā̭ma॒cāra̭me॒ṣu lo॒keṣva॒bhya̭jayat |
kā॒ma॒cāragṃ̭ ha॒ vā e॒ṣu lo॒keṣva॒bhija̭yati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vā॒yave॒ svāhā॒ niṣṭyā̭yai॒ svāhā᳚ |
kā॒ma॒cārā̭ya॒ svāhā॒-'bhiji̭tyai॒ svāheti̭ || 39 ||
i॒ndrā॒gnī vā a̭kāmayetām | śraiṣṭhya̭-nde॒vānā̭-ma॒bhija̭ye॒veti̭ | tāve॒tami̭ndrā॒gnibhyāṃ॒-vi~śā̭khābhyā-mpuro॒ḍāśa॒-mekā̭daśakapāla॒-nnira̭vapatām | tato॒ vai tau śraiṣṭhya̭-nde॒vānā̭-ma॒bhya̭jayatām | śraiṣṭhyagṃ̭ ha॒ vai sa̭mā॒nānā̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
i॒ndrā॒gnibhyā॒g॒ svāhā॒ viśā̭khābhyā॒g॒ svāhā᳚ |
śraiṣṭhyā̭ya॒ svāhā॒ 'bhiji̭tyai॒ svāheti̭ || 40 ||
athai॒tat-pau᳚rṇamā॒syā ājya॒-nnirva̭pati | kāmo॒ vai pau᳚rṇamā॒sī | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti |
pau॒rṇa॒mā॒syai svāhā॒ kāmā̭ya॒ svāhā-''ga̭tyai॒ svāheti̭ || 41 ||
anuvākaṃ 5 - yamanakṣatreṣṭibrāhmaṇam
mi॒tro vā a̭kāmayata | mi॒tra॒dheya̭me॒ṣu lo॒keṣva॒bhi ja̭yeya॒miti̭ | sa e॒ta-mmi॒trāyā̭nūrā॒dhebhya̭śca॒ru-nnira̭vapat | tato॒ vai sa mi̭tra॒dheya̭me॒ṣu lo॒keṣva॒bhya̭jayat | mi॒tra॒dheyagṃ̭ ha॒ vā e॒ṣu lo॒keṣva॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
mi॒trāya॒ svāhā̭ 'nūrā॒dhebhya॒-ssvāhā᳚ |
mi॒tra॒dheyā̭ya॒ svāhā॒ 'bhiji̭tyai॒ svāheti̭ || 42 ||
indro॒ vā a̭kāmayata | jyaiṣṭhya̭-nde॒vānā̭-ma॒bhija̭yeya॒miti̭ | sa e॒tamindrā̭ya jye॒ṣṭhāyai̭ puro॒ḍāśa॒-mekā̭daśakapāla॒-nnira̭vapa-nma॒hāvrī̭hīṇām | tato॒ vai sa jyaiṣṭhya̭-nde॒vānā̭ma॒bhya̭jayat | jyaiṣṭhyagṃ̭ ha॒ vai sa̭mā॒nānā̭-ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | indrā̭ya॒ svāhā᳚ jye॒ṣṭhāyai॒ svāhā᳚ |
jyaiṣṭhyā̭ya॒ svāhā॒ 'bhiji̭tyai॒ svāheti̭ || 43 ||
pra॒jāpa̭ti॒rvā a̭kāmayata | mūla̭-mpra॒jāṃ-vi~̭nde॒yeti̭ | sa e॒ta-mpra॒jāpa̭taye॒ mūlā̭ya ca॒ru-nnira̭vapat | tato॒ vai sa mūla̭-mpra॒jāma̭vindata | mūlagṃ̭ ha॒ vai pra॒jāṃ-vi~̭ndate | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pra॒jāpa̭taye॒ svāhā॒ mūlā̭ya॒ svāhā᳚ | pra॒jāyai॒ svāheti̭ || 44 ||
āpo॒ vā a̭kāmayanta | sa॒mu॒dra-ṅkāma̭ma॒ bhija̭ye॒meti̭ | tā e॒tama॒dbhyo̭-'ṣā॒ḍhābhya̭śca॒ru-nnira̭vapann | tato॒ vai tā-ssa̭mu॒dra-ṅkāma̭ma॒bhya̭jayann | sa॒mu॒dragṃ ha॒ vai kāma̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒dbhya-ssvāhā̭ 'ṣā॒ḍhābhya॒-ssvāhā᳚ | sa॒mu॒drāya॒ svāhā॒ kāmā̭ya॒ svāhā᳚ | a॒bhiji̭tyai॒ svāheti̭ || 45 ||
viśve॒ vai de॒vā a̭kāmayanta | a॒na॒pa॒ja॒yya-ñja̭ye॒meti̭ | ta e॒taṃ-vi~śve᳚bhyo de॒vebhyo̭-'ṣā॒ḍhābhya̭śca॒ru-nnira̭vapann |
tato॒ vai tḙ-'napaja॒yya-ma̭jayann | a॒na॒pa॒ja॒yyagṃ ha॒ vai ja̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viśve᳚bhyo de॒vebhya॒-ssvāhā̭ 'ṣā॒ḍhābhya॒-ssvāhā᳚ |
a॒na॒pa॒ja॒yyāya॒ svāhā॒ jityai॒ svāheti̭ || 46 ||
brahma॒ vā a̭kāmayata | bra॒hma॒lo॒kama॒bhija̭yeya॒miti̭ |
tade॒ta-mbrahma̭ṇe-'bhi॒jitḙ ca॒ru-nnira̭vapat |
tato॒ vai tadbra̭hmalo॒kama॒bhya̭jayat | bra॒hma॒lo॒kagṃ ha॒ vā a॒bhija̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | brahma̭ṇe॒ svāhā̭ 'bhi॒jite॒ svāhā᳚ | bra॒hma॒lo॒kāya॒ svāhā॒ 'bhiji̭tyai॒ svāheti̭ || 47 ||
viṣṇu॒rvā a̭kāmayata | puṇya॒gg॒ ślokagṃ̭ śṛṇvīya |
na mā̭ pā॒pī kī॒rtirāga̭cche॒diti̭ | sa e॒taṃ-vi~ṣṇa̭ve śro॒ṇāyai̭ puro॒ḍāśa̭-ntrikapā॒la-nnira̭vapat |
tato॒ vai sa puṇya॒gg॒ śloka̭ma śṛṇuta | naina̭-mpā॒pī kī॒rtirā- ga̭cchat | puṇyagṃ̭ ha॒ vai ślokagṃ̭ śṛṇute | naina̭-mpā॒pī kī॒rtirāga̭cchati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viṣṇa̭ve॒ svāhā᳚ śro॒ṇāyai॒ svāhā᳚ |
ślokā̭ya॒ svāhā᳚ śru॒tāya॒ svāheti̭ || 48 ||
vasa̭vo॒ vā a̭kāmayanta | agra̭-nde॒vatā̭nā॒-mparī̭yā॒meti̭ | ta e॒taṃ-va~sṷbhya॒-śśravi̭ṣṭhābhyaḥ puro॒ḍāśa̭ma॒ṣṭāka̭pāla॒-nnira̭vapann |
tato॒ vai te-'gra̭-nde॒vatā̭nā॒-mparyā̭yann |
agragṃ̭ ha॒ vai sa̭mā॒nānā॒-mparyḙti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vasṷbhya॒-ssvāhā॒ śravi̭ṣṭhābhya॒-ssvāhā᳚ | agrā̭ya॒ svāhā॒ parī᳚tyai॒ svāheti̭ || 49 ||
indro॒ vā a̭kāmayata | dṛ॒ḍho 'śi̭thila-ssyā॒miti̭ |
sa e॒taṃ-va~rṷṇāya śa॒tabhi̭ṣaje bheṣa॒jebhyaḥ̭ puro॒ḍāśa॒-ndaśa̭kapāla॒-nnira̭vapat-kṛ॒ṣṇānāṃ᳚-vrī~hī॒ṇām | tato॒ vai sa dṛ॒ḍho-'śi̭thilo-'bhavat |
dṛ॒ḍho ha॒ vā aśi̭thilo bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
varṷṇāya॒ svāhā̭ śa॒tabhi̭ṣaje॒ svāhā᳚ |
bhe॒ṣa॒jebhya॒-ssvāheti̭ || 50 ||
a॒jo vā eka̭pādakāmayata | te॒ja॒svī bra̭hmavarca॒sī syā॒miti̭ | sa e॒tama॒jāyaika̭pade proṣṭhapa॒debhya̭-śca॒ru-nnira̭vapat | tato॒ vai sa tḙja॒svī bra̭hmavarca॒sya̭bhavat | te॒ja॒svī ha॒ vai bra̭hmavarca॒sī bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒jāyaika̭pade॒ svāhā᳚ proṣṭhapa॒debhya॒-ssvāhā᳚ |
teja̭se॒ svāhā᳚ brahmavarca॒sāya॒ svāheti̭ || 51 ||
ahi॒rvai bu॒ddhniyo̭-'kāmayata | i॒mā-mpra̭ti॒ṣṭhāṃ-vi~̭nde॒yeti̭ | sa e॒tamaha̭ye bu॒ddhniyā̭ya proṣṭhapa॒debhyaḥ̭ puro॒ḍāśa॒-mbhūmi̭kapāla॒-nnira̭vapat | tato॒ vai sa i॒mā-mpra̭ti॒ṣṭhā-ma̭vindata | i॒māgṃ ha॒ vai pra̭ti॒ṣṭhāṃ-vi~̭ndate |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | aha̭ye bu॒ddhniyā̭ya॒ svāhā᳚ proṣṭhapa॒debhya॒-ssvāhā᳚ |
pra॒ti॒ṣṭhāyai॒ svāheti̭ || 52 ||
pū॒ṣā vā a̭kāmayata | pa॒śu॒mān-thsyā॒miti̭ |
sa e॒ta-mpū॒ṣṇe re॒vatyai̭ ca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | pū॒ṣṇe svāhā̭ re॒vatyai॒ svāhā᳚ |
pa॒śubhya॒-ssvāheti̭ || 53 ||
a॒śvinau॒ vā a̭kāmayetām | śro॒tra॒svinā॒vaba̭dhirau syā॒veti̭ | tāve॒tama॒śvibhyā̭-maśva॒yugbhyā᳚-mpuro॒ḍāśa̭-ndvikapā॒la-nnira̭vapatām |
tato॒ vai tau śro᳚tra॒svinā॒vaba̭dhirā-vabhavatām |
śro॒tra॒svī ha॒ vā aba̭dhiro bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
a॒śvibhyā॒g॒ svāhā᳚-'śva॒yugbhyā॒g॒ svāhā᳚ |
śrotrā̭ya॒ svāhā॒ śrutyai॒ svāheti̭ || 54 ||
ya॒mo vā a̭kāmayata |
pi॒tṛ॒ṇāgṃ rā॒jya-ma॒bhija̭yeya॒miti̭ |
sa e॒taṃ-ya~॒māyā̭pa॒bhara̭ṇībhyaśca॒ru-nnira̭vapat |
tato॒ vai sa pi̭tṛ॒ṇāgṃ rā॒jyama॒bhya̭jayat |
sa॒mā॒nānāgṃ̭ ha॒ vai rā॒jyama॒bhija̭yati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ya॒māya॒ svāhā̭ 'pa॒bhara̭ṇībhya॒-ssvāhā᳚ |
rā॒jyāya॒ svāhā॒ 'bhiji̭tyai svāheti̭ || 55 ||
athai॒tada̭-mā॒vāsyā̭yā॒ ājya॒-nnirva̭pati |
kāmo॒ vā a̭māvā॒syā᳚ | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti | a॒mā॒vā॒syā̭yai॒ svāhā॒ kāmā̭ya॒ svāhā ''ga̭tyai॒ svāheti̭ || 56 ||
bu॒ddhniyaḥ̭ - pu॒ṣā - 'śvinaṷ - ya॒mo daśa̭da॒śā - thai॒tada̭ - māvā॒syā̭yā a॒ṣṭau pañca̭daśa ) (a. 5)
anuvākaṃ 6 - cāndramasādīṣṭibrāhmaṇam
ca॒ndramā॒ vā a̭kāmayata | a॒ho॒rā॒trā-na̭rdhamā॒sā-nmāsā̭-nṛ॒tūnth- saṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭-māpnuyā॒miti̭ | sa e॒ta-ñca॒ndrama̭se pratī॒dṛśyā̭yai puro॒ḍāśa॒-mpañca̭daśakapāla॒-nnira̭vapat |
tato॒ vai so̭-'horā॒trā-na̭rdhamā॒sā-nmāsā̭-nṛ॒tūn-thsaṃ̭va~thsa॒ra-mā॒ptvā |
ca॒ndrama̭sa॒-ssāyṷjyagṃ salo॒katā̭māpnot |
a॒ho॒rā॒trān. ha॒ vā a̭rdhamā॒sā-nmāsā̭n-ṛ॒tūn-thsaṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭māpnoti | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ca॒ndrama̭se॒ svāhā᳚ pratī॒dṛśyā̭yai॒ svāhā᳚ |
a॒ho॒rā॒trebhya॒-ssvāhā᳚ 'rdhamā॒sebhya॒-ssvāhā᳚ |
māse᳚bhya॒-ssvāha॒rtubhya॒-ssvāhā᳚ | saṃ॒va~॒thsa॒rāya॒ svāheti̭ || 57 ||
a॒ho॒rā॒tre vā a̭kāmayetām | atya̭horā॒tre mṷcyevahi |
na nā̭vahorā॒tre ā᳚pnuyātā॒miti̭ | te e॒tama̭ho-rā॒trābhyā᳚-ñca॒ru-nnira̭vapatām | dva॒yānāṃ᳚-vrī~hī॒ṇām | śu॒klānā᳚-ñca kṛ॒ṣṇānā᳚-ñca | sa॒vā॒tyordu॒gdhe | śve॒tāyai̭ ca kṛ॒ṣṇāyai̭ ca |
tato॒ vai te atya̭horā॒tre a̭mucyete |
nainḙ ahorā॒tre ā᳚pnutām | ati̭ ha॒ vā a̭horā॒tre mṷcyate | naina̭mahorā॒tre ā᳚pnutaḥ | ya e॒tena̭ ha॒viṣā॒ yaja̭te | ya ṷ cainade॒vaṃve~da̭ |
so-'tra̭ juhoti | ahne॒ svāhā॒ rātri̭yai॒ svāhā᳚ |
ati̭muktyai॒ svāheti̭ || 58 ||
u॒ṣā vā a̭kāmayata | pri॒yā ''di॒tyasya̭ su॒bhagā᳚ syā॒miti̭ | saitamu॒ṣasḙ ca॒ru-nnira̭vapat |
tato॒ vai sā pri॒yā ''di॒tyasya̭ su॒bhagā̭ 'bhavat |
pri॒yo ha॒ vai sa̭mā॒nānāgṃ̭ su॒bhago̭ bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | u॒ṣase॒ svāhā॒ vyṷṣṭyai॒ svāhā᳚ |
vyū॒ṣuṣyai॒ svāhā᳚ vyu॒cchantyai॒ svāhā᳚ | vyṷṣṭāyai॒ svāheti̭ || 59 ||
athai॒tasmai॒ nakṣa̭trāya ca॒ru-nnirva̭pati | yathā॒ tva-nde॒vānā॒masi̭ | e॒vama॒ha-mma̭nu॒ṣyā̭ṇā-mbhūyāsa॒miti̭ | yathā̭ ha॒ vā e॒ta-dde॒vānā᳚m |
e॒vagṃ ha॒ vā e॒ṣa ma̭nu॒ṣyā̭ṇā-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | nakṣa̭trāya॒ svāho̭deṣya॒te svāhā᳚ |
u॒dya॒te svāhodi̭tāya॒ svāhā᳚ | hara̭se॒ svāhā॒ bhara̭se॒ svāhā᳚ | bhrāja̭se॒ svāhā॒ teja̭se॒ svāhā᳚ |
tapa̭se॒ svāhā᳚ brahmavarca॒sāya॒ svāheti̭ || 60 ||
sūryo॒ vā a̭kāmayata | nakṣa̭trāṇā-mprati॒ṣṭhā syā॒miti̭ | sa e॒tagṃ sūryā̭ya॒ nakṣa̭trebhyaśca॒ru-nnira̭vapat |
tato॒ vai sa nakṣa̭trāṇā-mprati॒ṣṭhā 'bha̭vat |
pra॒ti॒ṣṭhā ha॒ vai sa̭mā॒nānā᳚-mbhavati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sūryā̭ya॒ svāhā॒ nakṣa̭trebhya॒-ssvāhā᳚ | pra॒ti॒ṣṭhāyai॒ svāheti̭ || 61 ||
athai॒tamadi̭tyai ca॒ru-nnirva̭pati | i॒yaṃ-vā~ adi̭tiḥ |
a॒syāme॒va prati̭ tiṣṭhati | so-'tra̭ juhoti |
adi̭tyai॒ svāhā᳚ prati॒ṣṭhāyai॒ svāheti̭ || 62 ||
athai॒taṃ-vi~ṣṇa̭ve ca॒ru-nnirva̭pati | ya॒jño vai viṣṇuḥ̭ | ya॒jña e॒vānta॒taḥ prati̭ tiṣṭhati | so-'tra̭ juhoti | viṣṇa̭ve॒ svāhā̭ ya॒jñāya॒ svāhā᳚ | pra॒ti॒ṣṭhāyai॒ svāheti̭ || 63 ||
(ca॒ndramāḥ॒ pañca̭daśā - horā॒tre sa॒ptada̭ - śo॒ṣā ekā̭da॒śā - thai॒tasmai॒ nakṣa̭ttāya॒ trayo̭daśa॒ - sūryo॒ daśā - thai॒tamadi̭tyai॒ pañcā - thai॒taṃ-vi~ṣṇa̭ve॒ ṣaṭ-thsa॒pta) (a. 6)
[sa॒vi॒tā-''śū॒nāṃ-vrī~̭hī॒ṇāmindro̭ ma॒hāvrī̭hīṇā॒mindraḥ̭ kṛ॒ṣṇānoṃ᳚
~vrīhī॒ṇāma̭horā॒tre dva॒yānāṃ᳚-vrī~hī॒ṇām | pi॒tara॒-ṣṣaṭka̭pālagṃ savi॒tā dvāda̭śakapālamindrā॒gnī ekā̭daśakapāla॒mindra॒ ekā̭daśakapāla॒mindro॒ daśa̭kapālaṃ॒-vi~ṣṇṷstrikapā॒lamahi॒-rbhūmi̭kapālama॒śvinau᳚ dvikapā॒la-ñca॒ndramāḥ॒ pañca̭daśakapāla-ma॒gniratvaṣṭā॒ vasa̭vo॒-'ṣṭāka̭pālama॒nyatra̭ ca॒rum | ru॒dro᳚-'rya॒mā pū॒ṣā pa̭śu॒mān-thsyā॒gṃ॒ somo̭ ru॒dro bṛha॒spatiḥ॒ paya̭si vā॒yuḥ paya॒-ssomo̭ vā॒yuri̭ndrā॒gnī mi॒tra indra॒ āpo॒ brahma̭ ya॒mo̭-'bhiji̭tyai॒ tvaṣṭā᳚ pra॒jāpa̭tiḥ pra॒jāyai̭ paurṇamā॒syā a̭māvā॒syā̭yā॒ āga̭tyai॒ viśve॒ jityā̭
a॒śvinau॒ śrutyai᳚ | brahma॒ tade॒taṃ-vi~ṣṇu॒-ssa e॒taṃ-vā~॒yu-ssa e॒tadāpa॒stāḥ | pi॒taro॒ viśve॒ vasa̭vo-'kāmayanta॒meti॒ ta e॒ta-nnira̭vapann | āpo̭-'kāmayanta॒ meti॒ tā e॒ta-nnira̭vapann | i॒ndrā॒gnī a॒śvinā̭vakāmayetāṃ॒-ve~ti॒ tāve॒ta-nnira̭vapadām | a॒ho॒rā॒tre vā a̭kāmayetā॒miti॒ te e॒ta-nnira̭vapatām |
a॒nyatrā̭kāmayata॒miti॒ sa e॒ta-nnira̭vapat | i॒ndrā॒gnī śraiṣṭhya॒mindro॒ jyaiṣṭhya॒mindro̭ dṛ॒ḍhaḥ |
āhi॒-ssūryo-'di̭tyai॒ viṣṇa̭ve prati॒ṣṭhāyai᳚ |
somo̭ ya॒ma-ssa̭mā॒nānā᳚m | a॒gnirno̭ rīriṣada॒nyatra̭ rīriṣaḥ]
[vi॒duṣo̭ ha॒viṣā॒ ya ṷ cainade॒vaṃ-ve~da̭ | iṣṭi̭bhi॒rya ṷ cainā e॒vaṃ-ve~da̭ |
a॒nyatra̭ brāhma॒ṇe ya ṷ cainame॒vaṃ-ve~da̭ ]
phrapātaka khorvai vi-thstarting phadams òf 1 tò 6 ānuvākams ḥ-
(a॒gnirna̭-ṛ॒ddhyāsma॒-navo̭navo॒-'gni-rmi॒tra - śca॒ndramā॒-ṣṣaṭ)
(a॒gnirna॒ - stanno̭ vā॒yu - rahi̭rbū॒ddhniya̭ - ṛ॒kṣā vā i॒ya - mathai॒ta-tpau᳚rṇamā॒syā - a॒jo vā eka̭pā॒th - sūrya॒ striṣa̭ṣṭiḥ)
(a॒gnirnaḥ̭ - pātu prati॒ṣṭhāyai॒ svāheti̭ )
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhaka-ssamāptaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.