කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ ප්රථමඃ ප්රපාඨකඃ - නක්ෂත්රේෂ්ටීනාං-යාँජ්යා-(අ)නුවාක්යා බ්රාහ්මණානි
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ . හ॒රිඃ॒ ඕම් ..
අනුවාකං 1 - දේවනක්ෂත්රාණාං-යාँජ්යානුවාක්යාඃ
අ॒ග්නිර්නඃ॑ පාතු॒ කෘත්ති॑කාඃ . නක්ෂ॑ත්ර-න්දේ॒වමි॑න්ද්රි॒යම් . ඉ॒දමා॑සාං-විँචක්ෂ॒ණම් . හ॒විරා॒ස-ඤ්ජු॑හෝතන .. යස්ය॒ භාන්ති॑ ර॒ශ්මයෝ॒ යස්ය॑ කේ॒තවඃ॑ . යස්යේ॒මා විශ්වා॒ භුව॑නානි॒ සර්වා᳚ .
ස කෘත්ති॑කාභිර॒භි සං॒වँසා॑නඃ . අ॒ග්නිර්නෝ॑ දේ॒ව-ස්සු॑වි॒තේ ද॑ධාතු .. ප්ර॒ජාප॑තේ රෝහි॒ණී වේ॑තු॒ පත්නී᳚ .
වි॒ශ්වරූ॑පා බෘහ॒තී චි॒ත්රභා॑නුඃ .. 1 ..
සා නෝ॑ ය॒ජ්ඤස්ය॑ සුවි॒තේ ද॑ධාතු . යථා॒ ජීවේ॑ම ශ॒රද॒-ස්සවී॑රාඃ .. රෝ॒හි॒ණී දේ॒ව්යුද॑ගා-ත්පු॒රස්තා᳚ත් . විශ්වා॑ රූ॒පාණි॑ ප්රති॒මෝද॑මානා . ප්ර॒ජාප॑තිග්ං හ॒විෂා॑ ව॒ර්ධය॑න්තී . ප්රි॒යා දේ॒වානා॒-මුප॑යාතු ය॒ජ්ඤම් .. සෝමෝ॒ රාජා॑ මෘගශී॒ර॒.ෂේණ॒ ආගන්න්॑ . ශි॒ව-න්නක්ෂ॑ත්ර-ම්ප්රි॒යම॑ස්ය॒ ධාම॑ .
ආ॒ප්යාය॑මානෝ බහු॒ධා ජනේ॑ෂු .
රේතඃ॑ ප්ර॒ජාං-යँජ॑මානේ දධාතු .. 2 ..
ය-ත්තේ॒ නක්ෂ॑ත්ර-ම්මෘගශී॒ර॒.ෂමස්ති॑ .
ප්රි॒යග්ං රා॑ජ-න්ප්රි॒යත॑ම-ම්ප්රි॒යාණා᳚ම් .
තස්මෛ॑ තේ සෝම හ॒විෂා॑ විධේම .
ශන්න॑ ඒධි ද්වි॒පදේ॒ ශ-ඤ්චතු॑ෂ්පදේ ..
ආ॒ර්ද්රයා॑ රු॒ද්රඃ ප්රථ॑මාන ඒති . ශ්රේෂ්ඨෝ॑ දේ॒වානා॒-ම්පති॑රඝ්නි॒යානා᳚ම් . නක්ෂ॑ත්රමස්ය හ॒විෂා॑ විධේම . මා නඃ॑ ප්ර॒ජාග්ං රී॑රිෂ॒-න්මෝත වී॒රාන් ..
හේ॒තී රු॒ද්රස්ය॒ පරි॑ණෝ වෘණක්තු . ආ॒ර්ද්රා නක්ෂ॑ත්ර-ඤ්ජුෂතාග්ං හ॒විර්නඃ॑ .. 3 ..
ප්ර॒මු॒ඤ්චමා॑නෞ දුරි॒තානි॒ විශ්වා᳚ . අපා॒ඝශග්ං॑ ස-න්නුදතා॒මරා॑තිම් .. පුන॑ර්නෝ දේ॒ව්යදි॑ති-ස්ස්පෘණෝතු . පුන॑ර්වසූ නඃ॒ පුන॒රේතාං᳚-යँ॒ජ්ඤම් .
පුන॑ර්නෝ දේ॒වා අ॒භිය॑න්තු॒ සර්වේ᳚ . පුනඃ॑ පුනර්වෝ හ॒විෂා॑ යජාමඃ .. ඒ॒වා න දේ॒ව්යදි॑තිරන॒ර්වා . විශ්ව॑ස්ය භ॒ර්ත්රී ජග॑තඃ ප්රති॒ෂ්ඨා . පුන॑ර්වසූ හ॒විෂා॑ ව॒ර්ධය॑න්තී . ප්රි॒ය-න්දේ॒වානා॒-මප්යේ॑තු॒ පාථඃ॑ .. 4 ..
බෘහ॒ස්පතිඃ॑ ප්රථ॒ම-ඤ්ජාය॑මානඃ . ති॒ෂ්ය॑-න්නක්ෂ॑ත්රම॒භි සම්බ॑භූව . ශ්රේෂ්ඨෝ॑ දේ॒වානා॒-ම්පෘත॑නාසු ජි॒ෂ්ණුඃ . දිශෝ-(අ)නු॒ සර්වා॒ අභ॑යන්නෝ අස්තු ..
ති॒ෂ්යඃ॑ පු॒රස්තා॑දු॒ත ම॑ද්ධ්ය॒තෝ නඃ॑ . බෘහ॒ස්පති॑ ර්නඃ॒ පරි॑පාතු ප॒ශ්චාත් . බාධේ॑තා॒-න්ද්වේෂෝ॒ අභ॑ය-ඞ්කෘණුතාම් . සු॒වීර්ය॑ස්ය॒ පත॑ය-ස්ස්යාම ..
ඉ॒දග්ං ස॒ර්පේභ්යෝ॑ හ॒විර॑ස්තු॒ ජුෂ්ට᳚ම් .
ආ॒ශ්රේ॒ෂා යේෂා॑-මනු॒යන්ති॒ චේතඃ॑ .. 5 ..
යේ අ॒න්තරි॑ක්ෂ-ම්පෘථි॒වී-ඞ්ක්ෂි॒යන්ති॑ . තේනඃ॑ ස॒ර්පාසෝ॒ හව॒මාග॑මිෂ්ඨාඃ .. යේ රෝ॑ච॒නේ සූර්ය॒ස්යාපි॑
ස॒ර්පාඃ . යේ දිව॑-න්දේ॒වීමනු॑ ස॒ඤ්චර॑න්ති .
යේෂා॑මාශ්රේ॒ෂා අ॑නු॒යන්ති॒ කාම᳚ම් .
තේභ්යඃ॑ ස॒ර්පේභ්යෝ॒ මධු॑මජ්ජුහෝමි ..
උප॑හූතාඃ පි॒තරෝ॒ යේ ම॒ඝාසු॑ . මනෝ॑ජවස-ස්සු॒කෘතඃ॑ සුකෘ॒ත්යාඃ . තේ නෝ॒ නක්ෂ॑ත්රේ॒ හව॒මාග॑මිෂ්ඨාඃ . ස්ව॒ධාභි॑ ර්ය॒ජ්ඤ-ම්ප්රය॑ත-ඤ්ජුෂන්තාම් .. 6 ..
යේ අ॑ග්නිද॒ග්ධා යේ-(අ)න॑ග්නි-දග්ධාඃ . යේ॑-(අ)මුං-ලෝँ॒ක-ම්පි॒තරඃ॑ ක්ෂි॒යන්ති॑ . යාග්ශ්ච॑ වි॒ද්මයාග්ං උ॑ ච॒ න ප්ර॑වි॒ද්ම . ම॒ඝාසු॑ ය॒ජ්ඤග්ං සුකෘ॑ත-ඤ්ජුෂන්තාම් ..
ගවා॒-ම්පතිඃ॒ ඵල්ගු॑නීනාමසි॒ ත්වම් . තද॑ර්යමන් වරුණ මිත්ර॒ චාරු॑ . ත-න්ත්වා॑ ව॒යග්ං ස॑නි॒තාරග්ං॑ සනී॒නාම් . ජී॒වා ජීව॑න්ත॒මුප॒ සංවිँ॑ශේම ..
යේනේ॒මා විශ්වා॒ භුව॑නානි॒ සඤ්ජි॑තා .
යස්ය॑ දේ॒වා අ॑නු සං॒යँන්ති॒ චේතඃ॑ .. 7 ..
අ॒ර්ය॒මා රාජා॒-(අ)ජර॒ස්තුවි॑ෂ්මාන් . ඵල්ගු॑නීනා-මෘෂ॒භෝ රෝ॑රවීති .. ශ්රේෂ්ඨෝ॑ දේ॒වානා᳚-ම්භගවෝ භගාසි . තත්ත්වා॑ විදුඃ॒ ඵල්ගු॑නී॒ස්තස්ය॑ විත්තාත් . අ॒ස්මභ්ය॑-ඞ්ක්ෂ॒ත්රම॒ජරග්ං॑ සු॒වීර්ය᳚ම් . ගෝම॒දශ්ව॑-ව॒දුප॒-සන්නු॑දේ॒හ .. භගෝ॑ හ දා॒තා භග॒ ඉ-ත්ප්ර॑දා॒තා . භගෝ॑ දේ॒වීඃ ඵල්ගු॑නී॒රාවි॑වේශ . භග॒ස්යේත්ත-ම්ප්ර॑ස॒ව-ඞ්ග॑මේම . යත්ර॑ දේ॒වෛ-ස්ස॑ධ॒මාද॑-ම්මදේම .. 8 ..
ආයා॑තු දේ॒ව-ස්ස॑වි॒තෝප॑යාතු . හි॒ර॒ණ්යයේ॑න සු॒වෘතා॒ රථේ॑න . වහ॒න්॒. හස්තග්ං॑ සු॒භගං॑-විँද්ම॒නාප॑සම් . ප්ර॒යච්ඡ॑න්ත॒-ම්පපු॑රි॒-ම්පුණ්ය॒මච්ඡ॑ ..
හස්තඃ॒ ප්රය॑ච්ඡ ත්ව॒මෘතං॒-වँසී॑යඃ .
දක්ෂි॑ණේන॒ ප්රති॑ගෘභ්ණීම ඒනත් .
දා॒තාර॑ම॒ද්ය ස॑වි॒තා වි॑දේය .
යෝ නෝ॒ හස්තා॑ය ප්රසු॒වාති॑ ය॒ජ්ඤම් ..
ත්වෂ්ටා॒ නක්ෂ॑ත්රම॒භ්යේ॑ති චි॒ත්රාම් .
සු॒භග්ං ස॑සං-යුँව॒තිග්ං රෝච॑මානාම් .. 9 ..
නි॒වේ॒ශය॑-න්න॒මෘතා॒-න්මර්ත්යාග්॑ශ්ච .
රූ॒පාණි॑ පි॒ග්ං॒ශ-න්භුව॑නානි॒ විශ්වා᳚ ..
තන්න॒ස්ත්වෂ්ටා॒ තදු॑ චි॒ත්රා විච॑ෂ්ටාම් .
තන්නක්ෂ॑ත්ර-ම්භූරි॒දා අ॑ස්තු॒ මහ්ය᳚ම් .
තන්නඃ॑ ප්ර॒ජාං-වීँ॒රව॑තීග්ං සනෝතු .
ගෝභි॑ර්නෝ॒ අශ්වෛ॒-ස්සම॑නක්තු ය॒ජ්ඤම් ..
වා॒යුර්නක්ෂ॑ත්ර-ම॒භ්යේ॑ති॒ නිෂ්ට්යා᳚ම් .
ති॒ග්මශෘ॑ඞ්ගෝ වෘෂ॒භෝ රෝරු॑වාණඃ .
ස॒මී॒රය॒-න්භුව॑නා මාත॒රිශ්වා᳚ .
අප॒ ද්වේෂාග්ං॑සි නුදතා॒මරා॑තීඃ .. 10 ..
තන්නෝ॑ වා॒යස්තදු॒ නිෂ්ට්යා॑ ශෘණෝතු .
තන්නක්ෂ॑ත්ර-ම්භූරි॒දා අ॑ස්තු॒ මහ්ය᳚ම් .
තන්නෝ॑ දේ॒වාසෝ॒ අනු॑ ජානන්තු॒ කාම᳚ම් . යථා॒ තරේ॑ම දුරි॒තානි॒ විශ්වා᳚ .. දූ॒රම॒ස්මච්ඡත්ර॑වෝ යන්තු භී॒තාඃ . තදි॑න්ද්රා॒ග්නී කෘ॑ණුතා॒-න්ත-ද්විශා॑ඛේ .
තන්නෝ॑ දේ॒වා අනු॑මදන්තු ය॒ජ්ඤම් . ප॒ශ්චා-ත්පු॒රස්තා॒-දභ॑යන්නෝ අස්තු .. නක්ෂ॑ත්රාණා॒-මධි॑පත්නී॒ විශා॑ඛේ .
ශ්රේෂ්ඨා॑වින්ද්රා॒ග්නී භුව॑නස්ය ගෝ॒පෞ .. 11 ..
විෂූ॑ච॒-ශ්ශත්රූ॑-නප॒බාධ॑මානෞ . අප॒ ක්ෂුධ॑-න්නුදතා॒මරා॑තිම් .. පූ॒ර්ණා ප॒ශ්චාදු॒ත පූ॒ර්ණා පු॒රස්තා᳚ත් . උන්ම॑ද්ධ්ය॒තඃ පෞ᳚ර්ණමා॒සී ජි॑ගාය .
තස්යා᳚-න්දේ॒වා අධි॑ සං॒වँස॑න්තඃ .
උ॒ත්ත॒මේ නාක॑ ඉ॒හ මා॑දයන්තාම් ..
පෘ॒ථ්වී සු॒වර්චා॑ යුව॒ති-ස්ස॒ජෝෂාඃ᳚ . පෞ॒ර්ණ॒මා॒ස්යුද॑ගා॒-ච්ඡෝභ॑මානා .
ආ॒ප්යා॒යය॑න්තී දුරි॒තානි॒ විශ්වා᳚ .
උ॒රු-න්දුහාං॒-යँජ॑මානාය ය॒ජ්ඤම් .. 12 ..
(චි॒ත්රභා॑නු॒-ර් යජ॑මානේ දධාතු - හ॒විර්නඃ॒ - පාථ॒ - ශ්චේතෝ॑ - ජුෂන්තාං॒ - චේතෝ॑ - මදේම॒ - රෝච॑මානා॒ - මරා॑තී--ර් ගෝ॒පෞ - ය॒ජ්ඤං) (අ. 1)
අනුවාකං 2 - යමනක්ෂත්රාණාං-යාँජ්යානුවාක්යාඃ
ඍ॒ද්ධ්යාස්ම॑ හ॒ව්යෛ-ර්නම॑සෝප॒ සද්ය॑ .
මි॒ත්ර-න්දේ॒ව-ම්මි॑ත්ර॒ධේය॑න්නෝ අස්තු . අ॒නූ॒රා॒ධාන්. හ॒විෂා॑ ව॒ර්ධය॑න්තඃ . ශ॒ත-ඤ්ජී॑වේම ශ॒රද॒-ස්සවී॑රාඃ .. චි॒ත්ර-න්නක්ෂ॑ත්ර॒-මුද॑ගා-ත්පු॒රස්තා᳚ත් . අ॒නූ॒රා॒ධාස॒ ඉති॒ ය-ද්වද॑න්ති . තන්මි॒ත්ර ඒ॑ති ප॒ථිභි॑ ර්දේව॒යානෛඃ᳚ . හි॒ර॒ණ්යයෛ॒ ර්විත॑තෛ-ර॒න්තරි॑ක්ෂේ ..
ඉන්ද්රෝ᳚ ජ්යේ॒ෂ්ඨාමනු॒ නක්ෂ॑ත්රමේති . යස්මි॑න් වෘ॒ත්රං-වෘँ॑ත්ර॒ තූර්යේ॑ ත॒තාර॑ .. 13 ..
තස්මි॑න් ව॒යම॒මෘත॒-න්දුහා॑නාඃ . ක්ෂුධ॑-න්තරේම॒ දුරි॑ති॒-න්දුරි॑ෂ්ටිම් .. පු॒ර॒න්ද॒රාය॑ වෘෂ॒භාය॑ ධෘ॒ෂ්ණවේ᳚ . අෂා॑ඪාය॒ සහ॑මානාය මී॒ඪුෂේ᳚ .
ඉන්ද්රා॑ය ජ්යේ॒ෂ්ඨා මධු॑ම॒-ද්දුහා॑නා .
උ॒රු-ඞ්කෘ॑ණෝතු॒ යජ॑මානාය ලෝ॒කම් ..
මූල॑-ම්ප්ර॒ජාං-වීँ॒රව॑තීං-විँදේය . පරා᳚ච්යේතු॒ නිර්-ඍ॑තිඃ පරා॒චා . ගෝභි॒ ර්නක්ෂ॑ත්ර-ම්ප॒ශුභි॒-ස්සම॑ක්තම් . අහ॑ර්භූයා॒-ද්යජ॑මානාය॒ මහ්ය᳚ම් .. 14 ..
අහ॑ර්නෝ අ॒ද්ය සු॑වි॒තේ ද॑ධාතු . මූල॒-න්නක්ෂ॑ත්ර॒මිති॒ ය-ද්වද॑න්ති . පරා॑චීං-වාँ॒චා නිර්-ඍ॑ති-න්නුදාමි .
ශි॒ව-ම්ප්ර॒ජායෛ॑ ශි॒වම॑ස්තු॒ මහ්ය᳚ම් ..
යා දි॒ව්යා ආපඃ॒ පය॑සා ස-ම්බභූ॒වුඃ . යා අ॒න්තරි॑ක්ෂ උ॒ත පාර්ථි॑වී॒ර්යාඃ . යාසා॑මෂා॒ඪා අ॑නු॒යන්ති॒
කාම᳚ම් . තා න॒ ආප॒-ශ්ශග්ග් ස්යෝ॒නා භ॑වන්තු ..
යාශ්ච॒ කූප්යා॒ යාශ්ච॑ නා॒ද්යා᳚-ස්සමු॒ද්රියාඃ᳚ .
යාශ්ච॑ වෛශ॒න්තීරු॒ත ප්රා॑ස॒චීර්යාඃ .. 15 ..
යාසා॑මෂා॒ඪා මධු॑ භ॒ක්ෂය॑න්ති . තා න॒ ආප॒-ශ්ශග්ග් ස්යෝ॒නා භ॑වන්තු .. තන්නෝ॒ විශ්වේ॒ උප॑ ශෘණ්වන්තු දේ॒වාඃ . තද॑ෂා॒ඪා අ॒භි සංයँ॑න්තු ය॒ජ්ඤම් .
තන්නක්ෂ॑ත්ර-ම්ප්රථතා-ම්ප॒ශුභ්යඃ॑ .
කෘ॒ෂි-ර්වෘ॒ෂ්ටි-ර්යජ॑මානාය කල්පතාම් ..
ශු॒භ්රාඃ ක॒න්යා॑ යුව॒තයඃ॑ සු॒පේශ॑සඃ . ක॒ර්ම॒කෘතඃ॑ සු॒කෘතෝ॑ වී॒ර්යා॑වතීඃ .
විශ්වා᳚-න්දේ॒වාන්. හ॒විෂා॑ ව॒ර්ධය॑න්තීඃ .
අ॒ෂා॒ඪාඃ කාම॒මුප॑යාන්තු ය॒ජ්ඤම් .. 16 ..
යස්මි॒-න්බ්රහ්මා॒-(අ)භ්යජ॑ය॒-ථ්සර්ව॑මේ॒තත් .
අ॒මුඤ්ච॑ ලෝ॒ක මි॒දමූ॑ච॒ සර්ව᳚ම් .
තන්නෝ॒ නක්ෂ॑ත්රමභි॒ජි-ද්වි॒ජිත්ය॑ . ශ්රිය॑-න්දධා॒-ත්වහෘ॑ණීයමානම් .. උ॒භෞ ලෝ॒කෞ බ්රහ්ම॑ණා॒ සඤ්ජි॑තේ॒මෞ . තන්නෝ॒ නක්ෂ॑ත්රමභි॒ජි-ද්විච॑ෂ්ටාම් .
තස්මි॑න් ව॒ය-ම්පෘත॑නා॒-ස්ස-ඤ්ජ॑යේම .
තන්නෝ॑ දේ॒වාසෝ॒ අනු॑ජානන්තු॒ කාම᳚ම් ..
ශෘ॒ණ්වන්ති॑ ශ්රෝ॒ණා-ම॒මෘත॑ස්ය ගෝ॒පාම් .
පුණ්යා॑මස්යා॒ උප॑ශෘණෝමි॒ වාච᳚ම් .. 17 ..
ම॒හී-න්දේ॒වීං-විँෂ්ණු॑පත්නී-මජූ॒ර්යාම් . ප්ර॒තීචී॑මේනාග්ං හ॒විෂා॑ යජාමඃ ..
ත්රේ॒ධා විෂ්ණු॑-රුරුගා॒යෝ විච॑ක්රමේ .
ම॒හී-න්දිව॑-ම්පෘථි॒වී-ම॒න්තරි॑ක්ෂම් .
තච්ඡ්රෝ॒ණෛති॒ ශ්රව॑ ඉ॒ච්ඡමා॑නා .
පුණ්ය॒ග්ග්॒ ශ්ලෝකං॒-යँජ॑මානාය කෘණ්ව॒තී ..
අ॒ෂ්ටෞ දේ॒වා වස॑ව-ස්සෝ॒ම්යාසඃ॑ .
චත॑ස්රෝ දේ॒වී ර॒ජරා॒-ශ්ශ්රවි॑ෂ්ඨාඃ .
තේ ය॒ජ්ඤ-ම්පා᳚න්තු॒ රජ॑සඃ ප॒රස්තා᳚ත් .
සං॒වँ॒ථ්ස॒රීණ॑-ම॒මෘතග්ග්॑ ස්ව॒ස්ති .. 18 ..
ය॒ජ්ඤ-න්නඃ॑ පාන්තු॒ වස॑වඃ පු॒රස්තා᳚ත් . ද॒ක්ෂි॒ණ॒තෝ॑-(අ)භිය॑න්තු॒ ශ්රවි॑ෂ්ඨාඃ . පුණ්ය॒-න්නක්ෂ॑ත්රම॒භි සංවිँ॑ශාම . මා නෝ॒ අරා॑ති-ර॒ඝශ॒ග්ං॒සා ගන්න්॑ ..
ක්ෂ॒ත්රස්ය॒ රාජා॒ වරු॑ණෝ-(අ)ධිරා॒ජඃ . නක්ෂ॑ත්රාණාග්ං ශ॒තභි॑ෂ॒ග් වසි॑ෂ්ඨඃ . තෞ දේ॒වේභ්යඃ॑ කෘණුතෝ දී॒ර්ඝමායුඃ॑ . ශ॒තග්ං ස॒හස්රා॑ භේෂ॒ජානි॑ ධත්තඃ ..
ය॒ජ්ඤන්නෝ॒ රාජා॒ වරු॑ණ॒ උප॑යාතු . තන්නෝ॒ විශ්වේ॑ අ॒භි සංයँ॑න්තු දේ॒වාඃ .. 19 ..
තන්නෝ॒ නක්ෂ॑ත්රග්ං ශ॒තභි॑ෂග් ජුෂා॒ණම් . දී॒ර්ඝමායුඃ॒ ප්රති॑ර-ද්භේෂ॒ජානි॑ .. අ॒ජ ඒක॑පා॒දුද॑ගා-ත්පු॒රස්තා᳚ත් . විශ්වා॑ භූ॒තානි॑ ප්රති॒මෝද॑මානඃ . තස්ය॑ දේ॒වාඃ ප්ර॑ස॒වං-යँ॑න්ති॒ සර්වේ᳚ . ප්රෝ॒ෂ්ඨ॒ප॒දාසෝ॑ අ॒මෘත॑ස්ය ගෝ॒පාඃ ..
වි॒භ්රාජ॑මාන-ස්සමිධා॒න උ॒ග්රඃ . ආ-(අ)න්තරි॑ක්ෂ-මරුහ॒ද-ග॒න්ද්යාම් . තග්ං සූර්ය॑-න්දේ॒ව-ම॒ජමේක॑පාදම් . ප්රෝ॒ෂ්ඨ॒ප॒දාසෝ॒ අනු॑යන්ති॒ සර්වේ᳚ .. 20 ..
අහි॑-ර්බු॒ද්ධ්නියඃ॒ ප්රථ॑මාන ඒති . ශ්රේෂ්ඨෝ॑ දේ॒වානා॑මු॒ත මානු॑ෂාණාම් . ත-ම්බ්රා᳚හ්ම॒ණා-ස්සෝ॑ම॒පා-ස්සෝ॒ම්යාසඃ॑ .
ප්රෝ॒ෂ්ඨ॒ප॒දාසෝ॑ අ॒භි ර॑ක්ෂන්ති॒ සර්වේ᳚ ..
ච॒ත්වාර॒ ඒක॑ම॒භි කර්ම॑ දේ॒වාඃ .
ප්රෝ॒ෂ්ඨ॒ප॒දාස॒ ඉති॒ යාන්. වද॑න්ති .
තේ බු॒ද්ධනිය॑-ම්පරි॒ෂද්යග්ග්॑ ස්තු॒වන්තඃ॑ .
අහිග්ං॑ රක්ෂන්ති॒ නම॑සෝප॒සද්ය॑ ..
පූ॒ෂා රේ॒වත්යන්වේ॑ති॒ පන්ථා᳚ම් . පු॒ෂ්ටි॒පතී॑ පශු॒පා වාජ॑බස්ත්යෞ .. 21 ..
ඉ॒මානි॑ හ॒ව්යා ප්රය॑තා ජුෂා॒ණා .
සු॒ගෛර්නෝ॒ යානෛ॒රුප॑යාතාං-යँ॒ජ්ඤම් ..
ක්ෂු॒ද්රා-න්ප॒ශූ-න්ර॑ක්ෂතු රේ॒වතී॑ නඃ .
ගාවෝ॑ නෝ॒ අශ්වා॒ග්ං॒ අන්වේ॑තු පූ॒ෂා .
අන්න॒ග්ං॒ රක්ෂ॑න්තෞ බහු॒ධා විරූ॑පම් .
වාජග්ං॑ සනුතාං॒-යँජ॑මානාය ය॒ජ්ඤම් ..
තද॒ශ්විනා॑-වශ්ව॒යුජෝප॑යාතාම් .
ශුභ॒-ඞ්ගමි॑ෂ්ඨෞ සු॒යමේ॑භි॒රශ්වෛඃ᳚ .
ස්ව-න්නක්ෂ॑ත්රග්ං හ॒විෂා॒ යජ॑න්තෞ .
මද්ධ්වා॒ සම්පෘ॑ක්තෞ॒ යජු॑ෂා॒ සම॑ක්තෞ .. 22 ..
යෞ දේ॒වානා᳚-ම්භි॒ෂජෞ॑ හව්යවා॒හෞ . විශ්ව॑ස්ය දූ॒තා-ව॒මෘත॑ස්ය ගෝ॒පෞ . තෞ නක්ෂ॑ත්ර-ඤ්ජුජුෂා॒ණෝ-ප॑යාතාම් . නමෝ॒-(අ)ශ්විභ්යා᳚-ඞ්කෘණුමෝ-(අ)ශ්ව॒යුග්භ්යා᳚ම් ..
අප॑ පා॒ප්මාන॒-ම්භර॑ණීර්භරන්තු . ත-ද්ය॒මෝ රාජා॒ භග॑වා॒න්॒. විච॑ෂ්ටාම් . ලෝ॒කස්ය॒ රාජා॑ මහ॒තෝ ම॒හාන්. හි . සු॒ග-න්නඃ॒ පන්ථා॒මභ॑ය-ඞ්කෘණෝතු ..
යස්මි॒-න්නක්ෂ॑ත්රේ ය॒ම ඒති॒ රාජා᳚ .
යස්මි॑-න්නේනම॒භ්යෂි॑චන්න්ත දේ॒වාඃ .
තද॑ස්ය චි॒ත්රග්ං හ॒විෂා॑ යජාම .
අප॑ පා॒ප්මාන॒-ම්භර॑ණී-ර්භරන්තු ..
නි॒වේශ॑නී ස॒ඞ්ගම॑නී॒ වසූ॑නාං॒-විँශ්වා॑ රූ॒පාණි॒ වසූ᳚න්යාවේ॒ශය॑න්තී . ස॒හ॒ස්ර॒පෝ॒ෂග්ං සු॒භගා॒ රරා॑ණා॒ සා න॒ ආග॒න් වර්ච॑සා සංවිँදා॒නා .. යත්තේ॑ දේ॒වා අද॑ධු-ර්භාග॒ධේය॒මමා॑වාස්යේ සං॒වँස॑න්තෝ මහි॒ත්වා . සානෝ॑ ය॒ජ්ඤ-ම්පි॑පෘහි විශ්වවාරේ ර॒යි-න්නෝ॑ ධේහි සුභගේ සු॒වීර᳚ම් .. .. 23 ..
(ත॒තාර॒ - මහ්යං॑ - ප්රාස॒චීර්යා - යා᳚න්තු ය॒ජ්ඤං - ँවාචග්ග්॑ - ස්ව॒ස්ති - දේ॒වා-අනු॑ යන්ති॒ සර්වේ॒-වාජ॑බස්ත්යෞ॒-සම॑ක්තෞ-දේ॒වා ස්ත්රීණි॑ ච) (අ. 2)
අනුවාකං 3 - චාන්ද්රමසාදීනාං සප්තනාමිෂ්ටීනාං-යාँජ්යානුවාක්යාඃ
නවෝ॑නවෝ භවති॒ ජාය॑මා॒නෝ-(අ)හ්නා᳚-ඞ්කේ॒තුරු॒ෂසා॑ මේ॒ත්යග්රේ᳚ . භා॒ග-න්දේ॒වේභ්යෝ॒ විද॑ධාත්යා॒ය-න්ප්රච॒න්ද්රමා᳚ස්තිරති දී॒ර්ඝමායුඃ॑ .. යමා॑දි॒ත්යා
අ॒ග්ං॒ශුමා᳚ප්යා॒යය॑න්ති යමා॑දි॒ත්යා අ॒ග්ං॒ශුමා᳚ප්යා॒යය॑න්ති॒ යමක්ෂි॑ත॒-මක්ෂි॑තයඃ॒ පිබ॑න්ති . තේන॑ නෝ॒ රාජා॒ වරු॑ණෝ॒ බෘහ॒ස්පති॒රා ප්යා॑යයන්තු॒ භුව॑නස්ය ගෝ॒පාඃ .... යේ විරූ॑පේ॒ සම॑නසා සං॒ව්යँය॑න්තී . ස॒මා॒න-න්තන්තු॑-ම්පරි තාත॒නාතේ᳚ . වි॒භූ ප්ර॒භූ අ॑නු॒භූ වි॒ශ්වතෝ॑ හුවේ .
තේ නෝ॒ නක්ෂ॑ත්රේ॒ හව॒මාග॑මේතම් ..
ව॒ය-න්දේ॒වී බ්රහ්ම॑ණා සංවිँදා॒නාඃ .
සු॒රත්නා॑සෝ දේ॒වවී॑ති॒-න්දධා॑නාඃ .
අ॒හෝ॒රා॒ත්රේ හ॒විෂා॑ ව॒ර්ධය॑න්තඃ .
අති॑ පා॒ප්මාන॒-මති॑මුක්ත්යා ගමේම .. ප්රත්යු॑වදෘශ්යාය॒තී .. 24 ..
ව්යු॒ච්ඡන්තී॑ දුහි॒තා දි॒වඃ . අ॒පෝ ම॒හී වෘ॑ණුතේ॒ චක්ෂු॑ෂා .. තමෝ॒ ජ්යෝති॑ෂ්කෘණෝති සූ॒නරී᳚ . උදු॒ස්ත්රියා᳚-ස්සචතේ॒ සූර්යඃ॑ . ස චා॑ උ॒ද්යන්නක්ෂ॑ත්ර-මර්චි॒මත් . තවේදු॑ෂෝ॒ ව්යුෂි॒ සූර්ය॑ස්ය ච ..
ස-ම්භ॒ක්තේන॑ ගමේමහි . තන්නෝ॒ නක්ෂ॑ත්ර-මර්චි॒මත් . භා॒නු॒මත්තේජ॑ උ॒ච්චර॑ත් . උප॑ ය॒ජ්ඤ-මි॒හාග॑මත් .. 25 ..
ප්ර නක්ෂ॑ත්රාය දේ॒වාය॑ . ඉන්ද්රා॒යේන්දුග්ං॑ හවාමහේ .
ස නඃ॑ සවි॒තා සු॑ව-ථ්ස॒නිම් . පු॒ෂ්ටි॒දාං-වීँ॒රව॑ත්තමම් .. උදු॒ ත්ය-ඤ්ජා॒තවේ॑දස-න්දේ॒වං-වँ॑හන්ති කේ॒තවඃ॑ . දෘ॒ශේ විශ්වා॑ය॒ සූර්ය᳚ම් .. චි॒ත්ර-න්දේ॒වානා॒-මුද॑ගා॒දනී॑ක॒-ඤ්චක්ෂු॑-ර්මි॒ත්රස්ය॒ වරු॑ණස්යා॒-(අ)ග්නේඃ . ආ-(අ) ප්රා॒ ද්යාවා॑පෘථි॒වී අ॒න්තරි॑ක්ෂ॒ග්ං॒ සූර්ය॑ ආ॒ත්මා ජග॑තස්ත॒ස්ථුෂ॑ශ්ච ....
අදි॑තිර්න උරුෂ්ය॒ත්වදි॑ති॒-ශ්ශර්ම॑ යච්ඡතු . අදි॑තිඃ පා॒ත්වග්ං හ॑සඃ .. ම॒හීමූ॒ෂු මා॒තරග්ං॑ සුව්ර॒තානා॑මෘ॒තස්ය॒ පත්නී॒මව॑සේ හුවේම . තු॒වි॒ක්ෂ॒ත්රාම॒ජර॑න්තීමුරූ॒චීග්ං සු॒ශර්මා॑ණ॒මදි॑තිග්ං සු॒ප්රණී॑තිම් .. ..
ඉ॒දං-විँෂ්ණු॒-ර්විච॑ක්රමේ ත්රේ॒ධා නි ද॑ධේ ප॒දම් . ස මූ॑ඪමස්ය පාග්ං සු॒රේ .. ප්රත-ද්විෂ්ණුඃ॑ ස්තවතේ වී॒ර්යා॑ය . මෘ॒ගෝ න භී॒මඃ කු॑ච॒රෝ ගි॑රි॒ෂ්ඨාඃ . යස්යෝ॒රුෂු॑ ත්රි॒ෂු වි॒ක්රම॑ණේෂු . අධි॑ක්ෂි॒යන්ති॒ භුව॑නානි॒ විශ්වා᳚ .. ..
අ॒ග්නිර්මූ॒ර්ධා දි॒වඃ ක॒කු-ත්පතිඃ॑ පෘථි॒ව්යා අ॒යම් . අ॒පාග්ං රේතාග්ං॑සි ජින්වති .. භුවෝ॑ ය॒ජ්ඤස්ය॒ රජ॑සශ්ච නේ॒තා යත්රා॑ නි॒යුද්භි॒-ස්සච॑සේ ශි॒වාභිඃ॑ . දි॒වි මූ॒ර්ධාන॑-න්දධිෂේ සුව॒ර්॒ෂා-ඤ්ජි॒හ්වාම॑ග්නේ චකෘෂේ හව්ය॒වාහ᳚ම් .. ..
අනු॑ නෝ॒-(අ)ද්යා-(අ)නු॑මති-ර්ය॒ජ්ඤ-න්දේ॒වේෂු॑ මන්යතාම් . අ॒ග්නිශ්ච॑ හව්ය॒වාහ॑නෝ॒ භව॑තා-න්දා॒ශුෂේ॒ මයඃ॑ .. අන්විද॑නුමතේ॒ ත්ව-ම්මන්යා॑සෛ॒ ශඤ්ච॑නඃ කෘධි . ක්රත්වේ॒ දක්ෂා॑ය නෝ හිනු॒ ප්රණ॒ ආයූග්ං॑ෂි තාරිෂඃ .. ..
හ॒ව්ය॒වාහ॑-මභිමාති॒ෂා-(අ)හ᳚ම් . ර॒ක්ෂෝ॒හණ॒-ම්පෘත॑නාසු ජි॒ෂ්ණුම් . ජ්යෝති॑ෂ්මන්ත॒-න්දීද්ය॑ත॒-ම්පුර॑න්ධිම් . අ॒ග්නිග්ග් ස්වි॑ෂ්ට॒කෘත॒මා හු॑වේම .. ස්වි॑ෂ්ටමග්නේ අ॒භි ත-ත්පෘ॑ණාහි . විශ්වා॑ දේව॒ පෘත॑නා අ॒භිෂ්ය . උ॒රු-න්නඃ॒ පන්ථා᳚-ම්ප්රදි॒ශන්වි භා॑හි . ජ්යෝති॑ෂ්මද්ධේහ්ය॒ජර॑-න්න॒ ආයුඃ॑ .. .. 26 ..
(ආ॒ය॒ත්ය॑ - ගම॒ථ් - ස්වි॑ෂ්ටම්) (අ. 3)
අනුවාකං 4 - දේව නක්ෂත්රේෂ්ටිබ්රාහ්මණම්
අ॒ග්නිර්වා අ॑කාමයත . අ॒න්නා॒දෝ දේ॒වානාග්॑ ස්යා॒මිති॑ .
ස ඒ॒තම॒ග්නයේ॒ කෘත්ති॑කාභ්යඃ පුරෝ॒ඩාශ॑-ම॒ෂ්ටාක॑පාල॒-න්නිර॑වපත් . තතෝ॒ වෛ සෝ᳚-(අ)න්නා॒දෝ දේ॒වානා॑මභවත් . අ॒ග්නිර්වෛ දේ॒වානා॑මන්නා॒දඃ ..
යථා॑ හ॒ වා අ॒ග්නි-ර්දේ॒වනා॑-මන්නා॒දඃ .
ඒ॒වග්ං හ॒ වා ඒ॒ෂ ම॑නු॒ෂ්යා॑ණා-ම්භවති .
ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ .. සෝ-(අ)ත්ර॑ ජුහෝති . අ॒ග්නයේ॒ ස්වාහා॒ කෘත්ති॑කාභ්ය॒-ස්ස්වාහා᳚ . අ॒ම්බායෛ॒ ස්වාහා॑ දු॒ලායෛ॒ ස්වාහා᳚ . නි॒ත॒ත්න්යෛ ස්වාහා॒ (අ)භ්රය॑න්ත්යෛ॒ ස්වාහා᳚ . මේ॒ඝය॑න්ත්යෛ॒ ස්වාහා॑ ව॒ර॒.ෂය॑න්ත්යෛ॒ ස්වාහා᳚ . චු॒පු॒ණීකා॑යෛ॒ ස්වාහේති॑ .. 27 ..
ප්ර॒ජාප॑තිඃ ප්ර॒ජා අ॑සෘජත . තා අ॑ස්මා-ථ්සෘ॒ෂ්ටාඃ පරා॑චීරායන්න් . තාසාග්ං॑ රෝහි॒ණී-ම॒භ්ය॑ද්ධ්යායත් . සෝ॑-(අ)කාමයත . උප॒ මා-(අ)(අ)ව॑ර්තේත . සමේ॑නයා ගච්ඡේ॒යේති॑ . ස ඒ॒ත-ම්ප්ර॒ජාප॑තයේ රෝහි॒ණ්යෛ ච॒රු-න්නිර॑වපත් . තතෝ॒ වෛ සා තමු॒පාව॑ර්තත . සමේ॑නයා (අ)ගච්ඡත .. උප॑ හ॒ වා ඒ॑න-ම්ප්රි॒යමාව॑ර්තතේ .
ස-ම්ප්රි॒යේණ॑ ගච්ඡතේ . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ .. සෝ-(අ)ත්ර॑ ජුහෝති .
ප්ර॒ජාප॑තයේ॒ ස්වාහා॑ රෝහි॒ණ්යෛ ස්වාහා᳚ .
රෝච॑මානායෛ॒ ස්වාහා᳚ ප්ර॒ජාභ්ය॒-ස්ස්වාහේති॑ .. 28 ..
සෝමෝ॒ වා අ॑කාමයත . ඕෂ॑ධීනාග්ං රා॒ජ්ය-ම॒භිජ॑යේය॒මිති॑ . ස ඒ॒තග්ං සෝමා॑ය මෘගශී॒ර॒.ෂාය॑ ශ්යාමා॒ක-ඤ්ච॒රු-ම්පය॑සි॒ නිර॑වපත් . තතෝ॒ වෛ ස ඕෂ॑ධීනාග්ං
රා॒ජ්යම॒භ්ය॑ජයත් . ස॒මා॒නානාග්ං॑ හ॒ වෛ රා॒ජ්යම॒භිජ॑යති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
සෝමා॑ය॒ ස්වාහා॑ මෘගශී॒ර॒.ෂාය॒ ස්වාහා᳚ .
ඉ॒න්ව॒කාභ්ය॒-ස්ස්වාහෞෂ॑ධීභ්ය॒-ස්ස්වාහා᳚ .
රා॒ජ්යාය॒ ස්වාහා॒ (අ)භිජි॑ත්යෛ॒ ස්වාහේති॑ .. 29 ..
රු॒ද්රෝ වා අ॑කාමයත . ප॒ශු॒මාන්-ථ්ස්යා॒මිති॑ .
ස ඒ॒තග්ං රු॒ද්රායා॒ර්ද්රායෛ॒ ප්රෛය॑ඞ්ගව-ඤ්ච॒රු-ම්පය॑සි॒ නිර॑වපත් . තතෝ॒ වෛ ස ප॑ශු॒මාන॑භවත් . ප॒ශු॒මාන්. හ॒ වෛ භ॑වති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . රු॒ද්රාය॒ ස්වාහා॒ (අ)(අ)ර්ද්රායෛ॒ ස්වාහා᳚ . පින්ව॑මානායෛ॒ ස්වාහා॑ ප॒ශුභ්ය॒-ස්ස්වාහේති॑ .. 30 ..
ඍ॒ක්ෂා වා ඉ॒යම॑ලෝ॒මකා॑-(අ)(අ)සීත් . සා-(අ)කා॑මයත .
ඕෂ॑ධීභි॒-ර්වන॒ස්පති॑භිඃ॒ ප්රජා॑යේ॒යේති॑ .
සෛතමදි॑ත්යෛ॒ පුන॑ර්වසුභ්යා-ඤ්ච॒රු-න්නිර॑වපත් .
තතෝ॒ වා ඉ॒යමෝෂ॑ධීභි॒-ර්වන॒ස්පති॑භිඃ॒ ප්රාජා॑යත .
ප්රජා॑යතේ හ॒ වෛ ප්ර॒ජයා॑ ප॒ශුභිඃ॑ . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ .
සෝ-(අ)ත්ර॑ ජුහෝති . අදි॑ත්යෛ॒ ස්වාහා॒ පුන॑ර්වසුභ්යාම් .
ස්වාහා-(අ)(අ)භූ᳚ත්යෛ॒ ස්වාහා॒ ප්රජා᳚ත්යෛ॒ ස්වාහේති॑ .. 31 ..
බෘහ॒ස්පති॒ර්වා අ॑කාමයත . බ්ර॒හ්ම॒ව॒ර්ච॒සී ස්යා॒මිති॑ .
ස ඒ॒ත-ම්බෘහ॒ස්පත॑යේ ති॒ෂ්යා॑ය නෛවා॒ර-ඤ්ච॒රු-ම්පය॑සි॒ නිර॑වපත් . තතෝ॒ වෛ ස බ්ර॑හ්මවර්ච॒ස්ය॑භවත් . බ්ර॒හ්ම॒ව॒ර්ච॒සී හ॒ වෛ භ॑වති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
බෘහ॒ස්පත॑යේ॒ ස්වාහා॑ ති॒ෂ්යා॑ය॒ ස්වාහා᳚ . බ්ර॒හ්ම॒ව॒ර්ච॒සාය॒ ස්වාහේති॑ .. 32 ..
දේ॒වා॒සු॒රා-ස්සංයँ॑ත්තා ආසන්න් . තේ දේ॒වා-ස්ස॒ර්පේභ්ය॑ ආශ්රේ॒ෂාභ්ය॒ ආජ්යේ॑ කර॒ම්භ-න්නිර॑වපන්න් .
තානේ॒තාභි॑රේ॒ව දේ॒වතා॑-භි॒රුපා॑නයන්න් .
ඒ॒තාභි॑ර්හ॒ වෛ දේ॒වතා॑භි-ර්ද්වි॒ෂන්ත॒-ම්භ්රාතෘ॑ව්ය॒-මුප॑නයති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
ස॒ර්පේභ්ය॒-ස්ස්වාහා᳚-(අ)(අ)ශ්රේ॒ෂාභ්ය॒-ස්ස්වාහා᳚ . ද॒න්ද॒ශූකේ᳚භ්ය॒-ස්ස්වාහේති॑ .. 33 ..
පි॒තරෝ॒ වා අ॑කාමයන්ත . පි॒තෘ॒ලෝ॒ක ඍ॑ද්ධ්නුයා॒මේති॑ .
ත ඒ॒ත-ම්පි॒තෘභ්යෝ॑ ම॒ඝාභ්යඃ॑ පුරෝ॒ඩාශ॒ග්ං॒ ෂට්ක॑පාල॒-න්නිර॑වපන්න් . තතෝ॒ වෛ තේ පි॑තෘලෝ॒ක ආ᳚ර්ධ්නුවන්න් . පි॒තෘ॒ලෝ॒කේ හ॒ වා ඍ॑ධ්නෝති .
ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . පි॒තෘභ්ය॒-ස්ස්වාහා॑ ම॒ඝාභ්යඃ॑ .
ස්වාහා॑ (අ)න॒ඝාභ්ය॒-ස්ස්වාහා॑ (අ)ග॒දාභ්යඃ॑ .
ස්වාහා॑ (අ)රුන්ධ॒තීභ්ය॒-ස්ස්වාහේති॑ .. 34 ..
අ॒ර්ය॒මා වා අ॑කාමයත . ප॒ශු॒මාන්-ථ්ස්යා॒මිති॑ .
ස ඒ॒තම॑ර්ය॒ම්ණේ ඵල්ගු॑නීභ්යා-ඤ්ච॒රු-න්නිර॑වපත් .
තතෝ॒ වෛ ස ප॑ශු॒මාන॑භවත් .
ප॒ශු॒මාන්. හ॒ වෛ භ॑වති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . අ॒ර්ය॒ම්ණේ ස්වාහා॒ ඵල්ගු॑නීභ්යා॒ග්॒ ස්වාහා᳚ .
ප॒ශුභ්ය॒-ස්ස්වාහේති॑ .. 35 ..
භගෝ॒ වා අ॑කාමයත . භ॒ගී ශ්රේ॒ෂ්ඨී දේ॒වානාග්॑ ස්යා॒මිති॑ . ස ඒ॒ත-ම්භගා॑ය॒ ඵල්ගු॑නීභ්යා-ඤ්ච॒රු-න්නිර॑වපත් . තතෝ॒ වෛ ස භ॒ගී ශ්රේ॒ෂ්ඨී දේ॒වානා॑මභවත් .
භ॒ගී හ॒ වෛ ශ්රේ॒ෂ්ඨී ස॑මා॒නානා᳚-ම්භවති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . භගා॑ය॒ ස්වාහා॒ ඵල්ගු॑නීභ්යා॒ග්॒ ස්වාහා᳚ . ශ්රෛෂ්ඨ්යා॑ය॒ ස්වාහේති॑ .. 36 ..
ස॒වි॒තා වා අ॑කාමයත . ශ්රන්මේ॑ දේ॒වා දධී॑රන්න් . ස॒වි॒තා ස්යා॒මිති॑ . ස ඒ॒තග්ං ස॑වි॒ත්රේ හස්තා॑ය පුරෝ॒ඩාශ॒-න්ද්වාද॑ශකපාල॒-න්නිර॑වපදාශූ॒නාං
ँව්රී॑හී॒ණාම් . තතෝ॒ වෛ තස්මෛ॒ ශ්රද්දේ॒වා අද॑ධත . ස॒වි॒තා-(අ)භ॑වත් . ශ්රද්ධ॒ වා අ॑ස්මෛ මනු॒ෂ්යා॑ දධතේ . ස॒වි॒තා ස॑මා॒නානා᳚-ම්භවති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
ස॒වි॒ත්රේ ස්වාහා॒ හස්තා॑ය . ස්වාහා॑ දද॒තේ ස්වාහා॑ පෘණ॒තේ . ස්වාහා᳚ ප්ර॒යච්ඡ॑තේ॒ ස්වාහා᳚ ප්රතිගෘභ්ණ॒තේ ස්වාහේති॑ .. 37 ..
ත්වෂ්ටා॒ වා අ॑කාමයත . චි॒ත්ර-ම්ප්ර॒ජාං-විँ॑න්දේ॒යේති॑ .
ස ඒ॒ත-න්ත්වෂ්ට්රේ॑ චි॒ත්රායෛ॑ පුරෝ॒ඩාශ॑ම॒ෂ්ටා-ක॑පාල॒-න්නිර॑වපත් . තතෝ॒ වෛ ස චි॒ත්ර-ම්ප්ර॒ජාම॑වින්දත . චි॒ත්රග්ං හ॒ වෛ ප්ර॒ජාං-විँ॑න්දතේ .
ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
ත්වෂ්ට්රේ॒ ස්වාහා॑ චි॒ත්රායෛ॒ ස්වාහා᳚ .
චෛත්රා॑ය॒ ස්වාහා᳚ ප්ර॒ජායෛ॒ ස්වාහේති॑ .. 38 ..
වා॒යුර්වා අ॑කාමයත . කා॒ම॒චාර॑මේ॒ෂු ලෝ॒කේෂ්ව॒භිජ॑යේය॒මිති॑ . ස ඒ॒ත-ද්වා॒යවේ॒ නිෂ්ට්යා॑යෛ ගෘ॒ෂ්ට්යෛ දු॒ග්ධ-ම්පයෝ॒ නිර॑වපත් .
තතෝ॒ වෛ ස කා॑ම॒චාර॑මේ॒ෂු ලෝ॒කේෂ්ව॒භ්ය॑ජයත් .
කා॒ම॒චාරග්ං॑ හ॒ වා ඒ॒ෂු ලෝ॒කේෂ්ව॒භිජ॑යති .
ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . වා॒යවේ॒ ස්වාහා॒ නිෂ්ට්යා॑යෛ॒ ස්වාහා᳚ .
කා॒ම॒චාරා॑ය॒ ස්වාහා॒-(අ)භිජි॑ත්යෛ॒ ස්වාහේති॑ .. 39 ..
ඉ॒න්ද්රා॒ග්නී වා අ॑කාමයේතාම් . ශ්රෛෂ්ඨ්ය॑-න්දේ॒වානා॑-ම॒භිජ॑යේ॒වේති॑ . තාවේ॒තමි॑න්ද්රා॒ග්නිභ්යාං॒-විँශා॑ඛාභ්යා-ම්පුරෝ॒ඩාශ॒-මේකා॑දශකපාල॒-න්නිර॑වපතාම් . තතෝ॒ වෛ තෞ ශ්රෛෂ්ඨ්ය॑-න්දේ॒වානා॑-ම॒භ්ය॑ජයතාම් . ශ්රෛෂ්ඨ්යග්ං॑ හ॒ වෛ ස॑මා॒නානා॑ම॒භිජ॑යති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
ඉ॒න්ද්රා॒ග්නිභ්යා॒ග්॒ ස්වාහා॒ විශා॑ඛාභ්යා॒ග්॒ ස්වාහා᳚ .
ශ්රෛෂ්ඨ්යා॑ය॒ ස්වාහා॒ (අ)භිජි॑ත්යෛ॒ ස්වාහේති॑ .. 40 ..
අථෛ॒තත්-පෞ᳚ර්ණමා॒ස්යා ආජ්ය॒-න්නිර්ව॑පති . කාමෝ॒ වෛ පෞ᳚ර්ණමා॒සී . කාම॒ ආජ්ය᳚ම් . කාමේ॑නෛ॒ව කාම॒ග්ං॒ සම॑ර්ධයති . ක්ෂි॒ප්රමේ॑න॒ග්ං॒ ස කාම॒ උප॑නමති . යේන॒ කාමේ॑න॒ යජ॑තේ . සෝ-(අ)ත්ර॑ ජුහෝති .
පෞ॒ර්ණ॒මා॒ස්යෛ ස්වාහා॒ කාමා॑ය॒ ස්වාහා-(අ)(අ)ග॑ත්යෛ॒ ස්වාහේති॑ .. 41 ..
අනුවාකං 5 - යමනක්ෂත්රේෂ්ටිබ්රාහ්මණම්
මි॒ත්රෝ වා අ॑කාමයත . මි॒ත්ර॒ධේය॑මේ॒ෂු ලෝ॒කේෂ්ව॒භි ජ॑යේය॒මිති॑ . ස ඒ॒ත-ම්මි॒ත්රායා॑නූරා॒ධේභ්ය॑ශ්ච॒රු-න්නිර॑වපත් . තතෝ॒ වෛ ස මි॑ත්ර॒ධේය॑මේ॒ෂු ලෝ॒කේෂ්ව॒භ්ය॑ජයත් . මි॒ත්ර॒ධේයග්ං॑ හ॒ වා ඒ॒ෂු ලෝ॒කේෂ්ව॒භිජ॑යති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
මි॒ත්රාය॒ ස්වාහා॑ (අ)නූරා॒ධේභ්ය॒-ස්ස්වාහා᳚ .
මි॒ත්ර॒ධේයා॑ය॒ ස්වාහා॒ (අ)භිජි॑ත්යෛ॒ ස්වාහේති॑ .. 42 ..
ඉන්ද්රෝ॒ වා අ॑කාමයත . ජ්යෛෂ්ඨ්ය॑-න්දේ॒වානා॑-ම॒භිජ॑යේය॒මිති॑ . ස ඒ॒තමින්ද්රා॑ය ජ්යේ॒ෂ්ඨායෛ॑ පුරෝ॒ඩාශ॒-මේකා॑දශකපාල॒-න්නිර॑වප-න්ම॒හාව්රී॑හීණාම් . තතෝ॒ වෛ ස ජ්යෛෂ්ඨ්ය॑-න්දේ॒වානා॑ම॒භ්ය॑ජයත් . ජ්යෛෂ්ඨ්යග්ං॑ හ॒ වෛ ස॑මා॒නානා॑-ම॒භිජ॑යති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . ඉන්ද්රා॑ය॒ ස්වාහා᳚ ජ්යේ॒ෂ්ඨායෛ॒ ස්වාහා᳚ .
ජ්යෛෂ්ඨ්යා॑ය॒ ස්වාහා॒ (අ)භිජි॑ත්යෛ॒ ස්වාහේති॑ .. 43 ..
ප්ර॒ජාප॑ති॒ර්වා අ॑කාමයත . මූල॑-ම්ප්ර॒ජාං-විँ॑න්දේ॒යේති॑ . ස ඒ॒ත-ම්ප්ර॒ජාප॑තයේ॒ මූලා॑ය ච॒රු-න්නිර॑වපත් . තතෝ॒ වෛ ස මූල॑-ම්ප්ර॒ජාම॑වින්දත . මූලග්ං॑ හ॒ වෛ ප්ර॒ජාං-විँ॑න්දතේ . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . ප්ර॒ජාප॑තයේ॒ ස්වාහා॒ මූලා॑ය॒ ස්වාහා᳚ . ප්ර॒ජායෛ॒ ස්වාහේති॑ .. 44 ..
ආපෝ॒ වා අ॑කාමයන්ත . ස॒මු॒ද්ර-ඞ්කාම॑ම॒ භිජ॑යේ॒මේති॑ . තා ඒ॒තම॒ද්භ්යෝ॑-(අ)ෂා॒ඪාභ්ය॑ශ්ච॒රු-න්නිර॑වපන්න් . තතෝ॒ වෛ තා-ස්ස॑මු॒ද්ර-ඞ්කාම॑ම॒භ්ය॑ජයන්න් . ස॒මු॒ද්රග්ං හ॒ වෛ කාම॑ම॒භිජ॑යති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ද්භ්ය-ස්ස්වාහා॑ (අ)ෂා॒ඪාභ්ය॒-ස්ස්වාහා᳚ . ස॒මු॒ද්රාය॒ ස්වාහා॒ කාමා॑ය॒ ස්වාහා᳚ . අ॒භිජි॑ත්යෛ॒ ස්වාහේති॑ .. 45 ..
විශ්වේ॒ වෛ දේ॒වා අ॑කාමයන්ත . අ॒න॒ප॒ජ॒ය්ය-ඤ්ජ॑යේ॒මේති॑ . ත ඒ॒තං-විँශ්වේ᳚භ්යෝ දේ॒වේභ්යෝ॑-(අ)ෂා॒ඪාභ්ය॑ශ්ච॒රු-න්නිර॑වපන්න් .
තතෝ॒ වෛ තේ॑-(අ)නපජ॒ය්ය-ම॑ජයන්න් . අ॒න॒ප॒ජ॒ය්යග්ං හ॒ වෛ ජ॑යති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
විශ්වේ᳚භ්යෝ දේ॒වේභ්ය॒-ස්ස්වාහා॑ (අ)ෂා॒ඪාභ්ය॒-ස්ස්වාහා᳚ .
අ॒න॒ප॒ජ॒ය්යාය॒ ස්වාහා॒ ජිත්යෛ॒ ස්වාහේති॑ .. 46 ..
බ්රහ්ම॒ වා අ॑කාමයත . බ්ර॒හ්ම॒ලෝ॒කම॒භිජ॑යේය॒මිති॑ .
තදේ॒ත-ම්බ්රහ්ම॑ණේ-(අ)භි॒ජිතේ॑ ච॒රු-න්නිර॑වපත් .
තතෝ॒ වෛ තද්බ්ර॑හ්මලෝ॒කම॒භ්ය॑ජයත් . බ්ර॒හ්ම॒ලෝ॒කග්ං හ॒ වා අ॒භිජ॑යති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . බ්රහ්ම॑ණේ॒ ස්වාහා॑ (අ)භි॒ජිතේ॒ ස්වාහා᳚ . බ්ර॒හ්ම॒ලෝ॒කාය॒ ස්වාහා॒ (අ)භිජි॑ත්යෛ॒ ස්වාහේති॑ .. 47 ..
විෂ්ණු॒ර්වා අ॑කාමයත . පුණ්ය॒ග්ග්॒ ශ්ලෝකග්ං॑ ශෘණ්වීය .
න මා॑ පා॒පී කී॒ර්තිරාග॑ච්ඡේ॒දිති॑ . ස ඒ॒තං-විँෂ්ණ॑වේ ශ්රෝ॒ණායෛ॑ පුරෝ॒ඩාශ॑-න්ත්රිකපා॒ල-න්නිර॑වපත් .
තතෝ॒ වෛ ස පුණ්ය॒ග්ග්॒ ශ්ලෝක॑ම ශෘණුත . නෛන॑-ම්පා॒පී කී॒ර්තිරා- ග॑ච්ඡත් . පුණ්යග්ං॑ හ॒ වෛ ශ්ලෝකග්ං॑ ශෘණුතේ . නෛන॑-ම්පා॒පී කී॒ර්තිරාග॑ච්ඡති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
විෂ්ණ॑වේ॒ ස්වාහා᳚ ශ්රෝ॒ණායෛ॒ ස්වාහා᳚ .
ශ්ලෝකා॑ය॒ ස්වාහා᳚ ශ්රු॒තාය॒ ස්වාහේති॑ .. 48 ..
වස॑වෝ॒ වා අ॑කාමයන්ත . අග්ර॑-න්දේ॒වතා॑නා॒-ම්පරී॑යා॒මේති॑ . ත ඒ॒තං-වँසු॑භ්ය॒-ශ්ශ්රවි॑ෂ්ඨාභ්යඃ පුරෝ॒ඩාශ॑ම॒ෂ්ටාක॑පාල॒-න්නිර॑වපන්න් .
තතෝ॒ වෛ තේ-(අ)ග්ර॑-න්දේ॒වතා॑නා॒-ම්පර්යා॑යන්න් .
අග්රග්ං॑ හ॒ වෛ ස॑මා॒නානා॒-ම්පර්යේ॑ති .
ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . වසු॑භ්ය॒-ස්ස්වාහා॒ ශ්රවි॑ෂ්ඨාභ්ය॒-ස්ස්වාහා᳚ . අග්රා॑ය॒ ස්වාහා॒ පරී᳚ත්යෛ॒ ස්වාහේති॑ .. 49 ..
ඉන්ද්රෝ॒ වා අ॑කාමයත . දෘ॒ඪෝ (අ)ශි॑ථිල-ස්ස්යා॒මිති॑ .
ස ඒ॒තං-වँරු॑ණාය ශ॒තභි॑ෂජේ භේෂ॒ජේභ්යඃ॑ පුරෝ॒ඩාශ॒-න්දශ॑කපාල॒-න්නිර॑වපත්-කෘ॒ෂ්ණානාං᳚-ව්රීँහී॒ණාම් . තතෝ॒ වෛ ස දෘ॒ඪෝ-(අ)ශි॑ථිලෝ-(අ)භවත් .
දෘ॒ඪෝ හ॒ වා අශි॑ථිලෝ භවති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
වරු॑ණාය॒ ස්වාහා॑ ශ॒තභි॑ෂජේ॒ ස්වාහා᳚ .
භේ॒ෂ॒ජේභ්ය॒-ස්ස්වාහේති॑ .. 50 ..
අ॒ජෝ වා ඒක॑පාදකාමයත . තේ॒ජ॒ස්වී බ්ර॑හ්මවර්ච॒සී ස්යා॒මිති॑ . ස ඒ॒තම॒ජායෛක॑පදේ ප්රෝෂ්ඨප॒දේභ්ය॑-ශ්ච॒රු-න්නිර॑වපත් . තතෝ॒ වෛ ස තේ॑ජ॒ස්වී බ්ර॑හ්මවර්ච॒ස්ය॑භවත් . තේ॒ජ॒ස්වී හ॒ වෛ බ්ර॑හ්මවර්ච॒සී භ॑වති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ජායෛක॑පදේ॒ ස්වාහා᳚ ප්රෝෂ්ඨප॒දේභ්ය॒-ස්ස්වාහා᳚ .
තේජ॑සේ॒ ස්වාහා᳚ බ්රහ්මවර්ච॒සාය॒ ස්වාහේති॑ .. 51 ..
අහි॒ර්වෛ බු॒ද්ධ්නියෝ॑-(අ)කාමයත . ඉ॒මා-ම්ප්ර॑ති॒ෂ්ඨාං-විँ॑න්දේ॒යේති॑ . ස ඒ॒තමහ॑යේ බු॒ද්ධ්නියා॑ය ප්රෝෂ්ඨප॒දේභ්යඃ॑ පුරෝ॒ඩාශ॒-ම්භූමි॑කපාල॒-න්නිර॑වපත් . තතෝ॒ වෛ ස ඉ॒මා-ම්ප්ර॑ති॒ෂ්ඨා-ම॑වින්දත . ඉ॒මාග්ං හ॒ වෛ ප්ර॑ති॒ෂ්ඨාං-විँ॑න්දතේ .
ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . අහ॑යේ බු॒ද්ධ්නියා॑ය॒ ස්වාහා᳚ ප්රෝෂ්ඨප॒දේභ්ය॒-ස්ස්වාහා᳚ .
ප්ර॒ති॒ෂ්ඨායෛ॒ ස්වාහේති॑ .. 52 ..
පූ॒ෂා වා අ॑කාමයත . ප॒ශු॒මාන්-ථ්ස්යා॒මිති॑ .
ස ඒ॒ත-ම්පූ॒ෂ්ණේ රේ॒වත්යෛ॑ ච॒රු-න්නිර॑වපත් .
තතෝ॒ වෛ ස ප॑ශු॒මාන॑භවත් .
ප॒ශු॒මාන්. හ॒ වෛ භ॑වති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ .
සෝ-(අ)ත්ර॑ ජුහෝති . පූ॒ෂ්ණේ ස්වාහා॑ රේ॒වත්යෛ॒ ස්වාහා᳚ .
ප॒ශුභ්ය॒-ස්ස්වාහේති॑ .. 53 ..
අ॒ශ්විනෞ॒ වා අ॑කාමයේතාම් . ශ්රෝ॒ත්ර॒ස්විනා॒වබ॑ධිරෞ ස්යා॒වේති॑ . තාවේ॒තම॒ශ්විභ්යා॑-මශ්ව॒යුග්භ්යා᳚-ම්පුරෝ॒ඩාශ॑-න්ද්විකපා॒ල-න්නිර॑වපතාම් .
තතෝ॒ වෛ තෞ ශ්රෝ᳚ත්ර॒ස්විනා॒වබ॑ධිරා-වභවතාම් .
ශ්රෝ॒ත්ර॒ස්වී හ॒ වා අබ॑ධිරෝ භවති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
අ॒ශ්විභ්යා॒ග්॒ ස්වාහා᳚-(අ)ශ්ව॒යුග්භ්යා॒ග්॒ ස්වාහා᳚ .
ශ්රෝත්රා॑ය॒ ස්වාහා॒ ශ්රුත්යෛ॒ ස්වාහේති॑ .. 54 ..
ය॒මෝ වා අ॑කාමයත .
පි॒තෘ॒ණාග්ං රා॒ජ්ය-ම॒භිජ॑යේය॒මිති॑ .
ස ඒ॒තං-යँ॒මායා॑ප॒භර॑ණීභ්යශ්ච॒රු-න්නිර॑වපත් .
තතෝ॒ වෛ ස පි॑තෘ॒ණාග්ං රා॒ජ්යම॒භ්ය॑ජයත් .
ස॒මා॒නානාග්ං॑ හ॒ වෛ රා॒ජ්යම॒භිජ॑යති .
ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
ය॒මාය॒ ස්වාහා॑ (අ)ප॒භර॑ණීභ්ය॒-ස්ස්වාහා᳚ .
රා॒ජ්යාය॒ ස්වාහා॒ (අ)භිජි॑ත්යෛ ස්වාහේති॑ .. 55 ..
අථෛ॒තද॑-මා॒වාස්යා॑යා॒ ආජ්ය॒-න්නිර්ව॑පති .
කාමෝ॒ වා අ॑මාවා॒ස්යා᳚ . කාම॒ ආජ්ය᳚ම් . කාමේ॑නෛ॒ව කාම॒ග්ං॒ සම॑ර්ධයති . ක්ෂි॒ප්රමේ॑න॒ග්ං॒ ස කාම॒ උප॑නමති . යේන॒ කාමේ॑න॒ යජ॑තේ . සෝ-(අ)ත්ර॑ ජුහෝති . අ॒මා॒වා॒ස්යා॑යෛ॒ ස්වාහා॒ කාමා॑ය॒ ස්වාහා (අ)(අ)ග॑ත්යෛ॒ ස්වාහේති॑ .. 56 ..
බු॒ද්ධ්නියඃ॑ - පු॒ෂා - (අ)ශ්විනෞ॑ - ය॒මෝ දශ॑ද॒ශා - ථෛ॒තද॑ - මාවා॒ස්යා॑යා අ॒ෂ්ටෞ පඤ්ච॑දශ ) (අ. 5)
අනුවාකං 6 - චාන්ද්රමසාදීෂ්ටිබ්රාහ්මණම්
ච॒න්ද්රමා॒ වා අ॑කාමයත . අ॒හෝ॒රා॒ත්රා-න॑ර්ධමා॒සා-න්මාසා॑-නෘ॒තූන්ථ්- සං॑වँථ්ස॒ර-මා॒ප්ත්වා . ච॒න්ද්රම॑ස॒-ස්සායු॑ජ්යග්ං සලෝ॒කතා॑-මාප්නුයා॒මිති॑ . ස ඒ॒ත-ඤ්ච॒න්ද්රම॑සේ ප්රතී॒දෘශ්යා॑යෛ පුරෝ॒ඩාශ॒-ම්පඤ්ච॑දශකපාල॒-න්නිර॑වපත් .
තතෝ॒ වෛ සෝ॑-(අ)හෝරා॒ත්රා-න॑ර්ධමා॒සා-න්මාසා॑-නෘ॒තූන්-ථ්සං॑වँථ්ස॒ර-මා॒ප්ත්වා .
ච॒න්ද්රම॑ස॒-ස්සායු॑ජ්යග්ං සලෝ॒කතා॑මාප්නෝත් .
අ॒හෝ॒රා॒ත්රාන්. හ॒ වා අ॑ර්ධමා॒සා-න්මාසා॑න්-ඍ॒තූන්-ථ්සං॑වँථ්ස॒ර-මා॒ප්ත්වා . ච॒න්ද්රම॑ස॒-ස්සායු॑ජ්යග්ං සලෝ॒කතා॑මාප්නෝති . ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
ච॒න්ද්රම॑සේ॒ ස්වාහා᳚ ප්රතී॒දෘශ්යා॑යෛ॒ ස්වාහා᳚ .
අ॒හෝ॒රා॒ත්රේභ්ය॒-ස්ස්වාහා᳚ (අ)ර්ධමා॒සේභ්ය॒-ස්ස්වාහා᳚ .
මාසේ᳚භ්ය॒-ස්ස්වාහ॒ර්තුභ්ය॒-ස්ස්වාහා᳚ . සං॒වँ॒ථ්ස॒රාය॒ ස්වාහේති॑ .. 57 ..
අ॒හෝ॒රා॒ත්රේ වා අ॑කාමයේතාම් . අත්ය॑හෝරා॒ත්රේ මු॑ච්යේවහි .
න නා॑වහෝරා॒ත්රේ ආ᳚ප්නුයාතා॒මිති॑ . තේ ඒ॒තම॑හෝ-රා॒ත්රාභ්යා᳚-ඤ්ච॒රු-න්නිර॑වපතාම් . ද්ව॒යානාං᳚-ව්රීँහී॒ණාම් . ශු॒ක්ලානා᳚-ඤ්ච කෘ॒ෂ්ණානා᳚-ඤ්ච . ස॒වා॒ත්යෝර්දු॒ග්ධේ . ශ්වේ॒තායෛ॑ ච කෘ॒ෂ්ණායෛ॑ ච .
තතෝ॒ වෛ තේ අත්ය॑හෝරා॒ත්රේ අ॑මුච්යේතේ .
නෛනේ॑ අහෝරා॒ත්රේ ආ᳚ප්නුතාම් . අති॑ හ॒ වා අ॑හෝරා॒ත්රේ මු॑ච්යතේ . නෛන॑මහෝරා॒ත්රේ ආ᳚ප්නුතඃ . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වංවේँද॑ .
සෝ-(අ)ත්ර॑ ජුහෝති . අහ්නේ॒ ස්වාහා॒ රාත්රි॑යෛ॒ ස්වාහා᳚ .
අති॑මුක්ත්යෛ॒ ස්වාහේති॑ .. 58 ..
උ॒ෂා වා අ॑කාමයත . ප්රි॒යා (අ)(අ)දි॒ත්යස්ය॑ සු॒භගා᳚ ස්යා॒මිති॑ . සෛතමු॒ෂසේ॑ ච॒රු-න්නිර॑වපත් .
තතෝ॒ වෛ සා ප්රි॒යා (අ)(අ)දි॒ත්යස්ය॑ සු॒භගා॑ (අ)භවත් .
ප්රි॒යෝ හ॒ වෛ ස॑මා॒නානාග්ං॑ සු॒භගෝ॑ භවති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . උ॒ෂසේ॒ ස්වාහා॒ ව්යු॑ෂ්ට්යෛ॒ ස්වාහා᳚ .
ව්යූ॒ෂුෂ්යෛ॒ ස්වාහා᳚ ව්යු॒ච්ඡන්ත්යෛ॒ ස්වාහා᳚ . ව්යු॑ෂ්ටායෛ॒ ස්වාහේති॑ .. 59 ..
අථෛ॒තස්මෛ॒ නක්ෂ॑ත්රාය ච॒රු-න්නිර්ව॑පති . යථා॒ ත්ව-න්දේ॒වානා॒මසි॑ . ඒ॒වම॒හ-ම්ම॑නු॒ෂ්යා॑ණා-ම්භූයාස॒මිති॑ . යථා॑ හ॒ වා ඒ॒ත-ද්දේ॒වානා᳚ම් .
ඒ॒වග්ං හ॒ වා ඒ॒ෂ ම॑නු॒ෂ්යා॑ණා-ම්භවති . ය ඒ॒තේන॑ හ॒විෂා॒ යජ॑තේ . ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති . නක්ෂ॑ත්රාය॒ ස්වාහෝ॑දේෂ්ය॒තේ ස්වාහා᳚ .
උ॒ද්ය॒තේ ස්වාහෝදි॑තාය॒ ස්වාහා᳚ . හර॑සේ॒ ස්වාහා॒ භර॑සේ॒ ස්වාහා᳚ . භ්රාජ॑සේ॒ ස්වාහා॒ තේජ॑සේ॒ ස්වාහා᳚ .
තප॑සේ॒ ස්වාහා᳚ බ්රහ්මවර්ච॒සාය॒ ස්වාහේති॑ .. 60 ..
සූර්යෝ॒ වා අ॑කාමයත . නක්ෂ॑ත්රාණා-ම්ප්රති॒ෂ්ඨා ස්යා॒මිති॑ . ස ඒ॒තග්ං සූර්යා॑ය॒ නක්ෂ॑ත්රේභ්යශ්ච॒රු-න්නිර॑වපත් .
තතෝ॒ වෛ ස නක්ෂ॑ත්රාණා-ම්ප්රති॒ෂ්ඨා (අ)භ॑වත් .
ප්ර॒ති॒ෂ්ඨා හ॒ වෛ ස॑මා॒නානා᳚-ම්භවති .
ය ඒ॒තේන॑ හ॒විෂා॒ යජ॑තේ .
ය උ॑ චෛනදේ॒වං-වේँද॑ . සෝ-(අ)ත්ර॑ ජුහෝති .
සූර්යා॑ය॒ ස්වාහා॒ නක්ෂ॑ත්රේභ්ය॒-ස්ස්වාහා᳚ . ප්ර॒ති॒ෂ්ඨායෛ॒ ස්වාහේති॑ .. 61 ..
අථෛ॒තමදි॑ත්යෛ ච॒රු-න්නිර්ව॑පති . ඉ॒යං-වාँ අදි॑තිඃ .
අ॒ස්යාමේ॒ව ප්රති॑ තිෂ්ඨති . සෝ-(අ)ත්ර॑ ජුහෝති .
අදි॑ත්යෛ॒ ස්වාහා᳚ ප්රති॒ෂ්ඨායෛ॒ ස්වාහේති॑ .. 62 ..
අථෛ॒තං-විँෂ්ණ॑වේ ච॒රු-න්නිර්ව॑පති . ය॒ජ්ඤෝ වෛ විෂ්ණුඃ॑ . ය॒ජ්ඤ ඒ॒වාන්ත॒තඃ ප්රති॑ තිෂ්ඨති . සෝ-(අ)ත්ර॑ ජුහෝති . විෂ්ණ॑වේ॒ ස්වාහා॑ ය॒ජ්ඤාය॒ ස්වාහා᳚ . ප්ර॒ති॒ෂ්ඨායෛ॒ ස්වාහේති॑ .. 63 ..
(ච॒න්ද්රමාඃ॒ පඤ්ච॑දශා - හෝරා॒ත්රේ ස॒ප්තද॑ - ශෝ॒ෂා ඒකා॑ද॒ශා - ථෛ॒තස්මෛ॒ නක්ෂ॑ත්තාය॒ ත්රයෝ॑දශ॒ - සූර්යෝ॒ දශා - ථෛ॒තමදි॑ත්යෛ॒ පඤ්චා - ථෛ॒තං-විँෂ්ණ॑වේ॒ ෂට්-ථ්ස॒ප්ත) (අ. 6)
[ස॒වි॒තා-(අ)(අ)ශූ॒නාං-ව්රීँ॑හී॒ණාමින්ද්රෝ॑ ම॒හාව්රී॑හීණා॒මින්ද්රඃ॑ කෘ॒ෂ්ණානෝං᳚
ँව්රීහී॒ණාම॑හෝරා॒ත්රේ ද්ව॒යානාං᳚-ව්රීँහී॒ණාම් . පි॒තර॒-ෂ්ෂට්ක॑පාලග්ං සවි॒තා ද්වාද॑ශකපාලමින්ද්රා॒ග්නී ඒකා॑දශකපාල॒මින්ද්ර॒ ඒකා॑දශකපාල॒මින්ද්රෝ॒ දශ॑කපාලං॒-විँෂ්ණු॑ස්ත්රිකපා॒ලමහි॒-ර්භූමි॑කපාලම॒ශ්විනෞ᳚ ද්විකපා॒ල-ඤ්ච॒න්ද්රමාඃ॒ පඤ්ච॑දශකපාල-ම॒ග්නිරත්වෂ්ටා॒ වස॑වෝ॒-(අ)ෂ්ටාක॑පාලම॒න්යත්ර॑ ච॒රුම් . රු॒ද්රෝ᳚-(අ)ර්ය॒මා පූ॒ෂා ප॑ශු॒මාන්-ථ්ස්යා॒ග්ං॒ සෝමෝ॑ රු॒ද්රෝ බෘහ॒ස්පතිඃ॒ පය॑සි වා॒යුඃ පය॒-ස්සෝමෝ॑ වා॒යුරි॑න්ද්රා॒ග්නී මි॒ත්ර ඉන්ද්ර॒ ආපෝ॒ බ්රහ්ම॑ ය॒මෝ॑-(අ)භිජි॑ත්යෛ॒ ත්වෂ්ටා᳚ ප්ර॒ජාප॑තිඃ ප්ර॒ජායෛ॑ පෞර්ණමා॒ස්යා අ॑මාවා॒ස්යා॑යා॒ ආග॑ත්යෛ॒ විශ්වේ॒ ජිත්යා॑
අ॒ශ්විනෞ॒ ශ්රුත්යෛ᳚ . බ්රහ්ම॒ තදේ॒තං-විँෂ්ණු॒-ස්ස ඒ॒තං-වාँ॒යු-ස්ස ඒ॒තදාප॒ස්තාඃ . පි॒තරෝ॒ විශ්වේ॒ වස॑වෝ-(අ)කාමයන්ත॒මේති॒ ත ඒ॒ත-න්නිර॑වපන්න් . ආපෝ॑-(අ)කාමයන්ත॒ මේති॒ තා ඒ॒ත-න්නිර॑වපන්න් . ඉ॒න්ද්රා॒ග්නී අ॒ශ්විනා॑වකාමයේතාං॒-වේँති॒ තාවේ॒ත-න්නිර॑වපදාම් . අ॒හෝ॒රා॒ත්රේ වා අ॑කාමයේතා॒මිති॒ තේ ඒ॒ත-න්නිර॑වපතාම් .
අ॒න්යත්රා॑කාමයත॒මිති॒ ස ඒ॒ත-න්නිර॑වපත් . ඉ॒න්ද්රා॒ග්නී ශ්රෛෂ්ඨ්ය॒මින්ද්රෝ॒ ජ්යෛෂ්ඨ්ය॒මින්ද්රෝ॑ දෘ॒ඪඃ .
ආහි॒-ස්සූර්යෝ-(අ)දි॑ත්යෛ॒ විෂ්ණ॑වේ ප්රති॒ෂ්ඨායෛ᳚ .
සෝමෝ॑ ය॒ම-ස්ස॑මා॒නානා᳚ම් . අ॒ග්නිර්නෝ॑ රීරිෂද॒න්යත්ර॑ රීරිෂඃ]
[වි॒දුෂෝ॑ හ॒විෂා॒ ය උ॑ චෛනදේ॒වං-වේँද॑ . ඉෂ්ටි॑භි॒ර්ය උ॑ චෛනා ඒ॒වං-වේँද॑ .
අ॒න්යත්ර॑ බ්රාහ්ම॒ණේ ය උ॑ චෛනමේ॒වං-වේँද॑ ]
ඵ්රපාතක ඛෝර්වෛ වි-ථ්ස්තර්තින්ග් ඵදම්ස් ඔf 1 තො 6 ආනුවාකම්ස් ඃ-
(අ॒ග්නිර්න॑-ඍ॒ද්ධ්යාස්ම॒-නවෝ॑නවෝ॒-(අ)ග්නි-ර්මි॒ත්ර - ශ්ච॒න්ද්රමා॒-ෂ්ෂට්)
(අ॒ග්නිර්න॒ - ස්තන්නෝ॑ වා॒යු - රහි॑ර්බූ॒ද්ධ්නිය॑ - ඍ॒ක්ෂා වා ඉ॒ය - මථෛ॒ත-ත්පෞ᳚ර්ණමා॒ස්යා - අ॒ජෝ වා ඒක॑පා॒ථ් - සූර්ය॒ ස්ත්රිෂ॑ෂ්ටිඃ)
(අ॒ග්නිර්නඃ॑ - පාතු ප්රති॒ෂ්ඨායෛ॒ ස්වාහේති॑ )
.. හරිඃ॑ ඕම් ..
.. කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ ප්රථමඃ ප්රපාඨක-ස්සමාප්තඃ ..
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhakaḥ - nakṣatreṣṭīnāṃ-yā~jyā-'nuvākyā brāhmaṇāni
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - devanakṣatrāṇāṃ-yā~jyānuvākyāḥ
a॒gnirnaḥ̭ pātu॒ kṛtti̭kāḥ | nakṣa̭tra-nde॒vami̭ndri॒yam | i॒damā̭sāṃ-vi~cakṣa॒ṇam | ha॒virā॒sa-ñjṷhotana || yasya॒ bhānti̭ ra॒śmayo॒ yasya̭ ke॒tavaḥ̭ | yasye॒mā viśvā॒ bhuva̭nāni॒ sarvā᳚ |
sa kṛtti̭kābhira॒bhi saṃ॒va~sā̭naḥ | a॒gnirno̭ de॒va-ssṷvi॒te da̭dhātu || pra॒jāpa̭te rohi॒ṇī vḙtu॒ patnī᳚ |
vi॒śvarṷ̄pā bṛha॒tī ci॒trabhā̭nuḥ || 1 ||
sā no̭ ya॒jñasya̭ suvi॒te da̭dhātu | yathā॒ jīvḙma śa॒rada॒-ssavī̭rāḥ || ro॒hi॒ṇī de॒vyuda̭gā-tpu॒rastā᳚t | viśvā̭ rū॒pāṇi̭ prati॒moda̭mānā | pra॒jāpa̭tigṃ ha॒viṣā̭ va॒rdhaya̭ntī | pri॒yā de॒vānā॒-mupa̭yātu ya॒jñam || somo॒ rājā̭ mṛgaśī॒ra॒.ṣeṇa॒ āganṋ | śi॒va-nnakṣa̭tra-mpri॒yama̭sya॒ dhāma̭ |
ā॒pyāya̭māno bahu॒dhā janḙṣu |
retaḥ̭ pra॒jāṃ-ya~ja̭māne dadhātu || 2 ||
ya-tte॒ nakṣa̭tra-mmṛgaśī॒ra॒.ṣamasti̭ |
pri॒yagṃ rā̭ja-npri॒yata̭ma-mpri॒yāṇā᳚m |
tasmai̭ te soma ha॒viṣā̭ vidhema |
śanna̭ edhi dvi॒pade॒ śa-ñcatṷṣpade ||
ā॒rdrayā̭ ru॒draḥ pratha̭māna eti | śreṣṭho̭ de॒vānā॒-mpati̭raghni॒yānā᳚m | nakṣa̭tramasya ha॒viṣā̭ vidhema | mā naḥ̭ pra॒jāgṃ rī̭riṣa॒-nmota vī॒rān ||
he॒tī ru॒drasya॒ pari̭ṇo vṛṇaktu | ā॒rdrā nakṣa̭tra-ñjuṣatāgṃ ha॒virnaḥ̭ || 3 ||
pra॒mu॒ñcamā̭nau duri॒tāni॒ viśvā᳚ | apā॒ghaśagṃ̭ sa-nnudatā॒marā̭tim || puna̭rno de॒vyadi̭ti-sspṛṇotu | puna̭rvasū naḥ॒ puna॒retāṃ᳚-ya~॒jñam |
puna̭rno de॒vā a॒bhiya̭ntu॒ sarve᳚ | punaḥ̭ punarvo ha॒viṣā̭ yajāmaḥ || e॒vā na de॒vyadi̭tirana॒rvā | viśva̭sya bha॒rtrī jaga̭taḥ prati॒ṣṭhā | puna̭rvasū ha॒viṣā̭ va॒rdhaya̭ntī | pri॒ya-nde॒vānā॒-mapyḙtu॒ pāthaḥ̭ || 4 ||
bṛha॒spatiḥ̭ pratha॒ma-ñjāya̭mānaḥ | ti॒ṣya̭-nnakṣa̭trama॒bhi samba̭bhūva | śreṣṭho̭ de॒vānā॒-mpṛta̭nāsu ji॒ṣṇuḥ | diśo-'nu॒ sarvā॒ abha̭yanno astu ||
ti॒ṣyaḥ̭ pu॒rastā̭du॒ta ma̭ddhya॒to naḥ̭ | bṛha॒spati̭ rnaḥ॒ pari̭pātu pa॒ścāt | bādhḙtā॒-ndveṣo॒ abha̭ya-ṅkṛṇutām | su॒vīrya̭sya॒ pata̭ya-ssyāma ||
i॒dagṃ sa॒rpebhyo̭ ha॒vira̭stu॒ juṣṭa᳚m |
ā॒śre॒ṣā yeṣā̭-manu॒yanti॒ cetaḥ̭ || 5 ||
ye a॒ntari̭kṣa-mpṛthi॒vī-ṅkṣi॒yanti̭ | tenaḥ̭ sa॒rpāso॒ hava॒māga̭miṣṭhāḥ || ye ro̭ca॒ne sūrya॒syāpi̭
sa॒rpāḥ | ye diva̭-nde॒vīmanṷ sa॒ñcara̭nti |
yeṣā̭māśre॒ṣā a̭nu॒yanti॒ kāma᳚m |
tebhyaḥ̭ sa॒rpebhyo॒ madhṷmajjuhomi ||
upa̭hūtāḥ pi॒taro॒ ye ma॒ghāsṷ | mano̭javasa-ssu॒kṛtaḥ̭ sukṛ॒tyāḥ | te no॒ nakṣa̭tre॒ hava॒māga̭miṣṭhāḥ | sva॒dhābhi̭ rya॒jña-mpraya̭ta-ñjuṣantām || 6 ||
ye a̭gnida॒gdhā ye-'na̭gni-dagdhāḥ | yḙ-'muṃ-lo~॒ka-mpi॒taraḥ̭ kṣi॒yanti̭ | yāgśca̭ vi॒dmayāgṃ ṷ ca॒ na pra̭vi॒dma | ma॒ghāsṷ ya॒jñagṃ sukṛ̭ta-ñjuṣantām ||
gavā॒-mpatiḥ॒ phalgṷnīnāmasi॒ tvam | tada̭ryaman varuṇa mitra॒ cārṷ | ta-ntvā̭ va॒yagṃ sa̭ni॒tāragṃ̭ sanī॒nām | jī॒vā jīva̭nta॒mupa॒ saṃvi~̭śema ||
yene॒mā viśvā॒ bhuva̭nāni॒ sañji̭tā |
yasya̭ de॒vā a̭nu saṃ॒ya~nti॒ cetaḥ̭ || 7 ||
a॒rya॒mā rājā॒-'jara॒stuvi̭ṣmān | phalgṷnīnā-mṛṣa॒bho ro̭ravīti || śreṣṭho̭ de॒vānā᳚-mbhagavo bhagāsi | tattvā̭ viduḥ॒ phalgṷnī॒stasya̭ vittāt | a॒smabhya̭-ṅkṣa॒trama॒jaragṃ̭ su॒vīrya᳚m | goma॒daśva̭-va॒dupa॒-sannṷde॒ha || bhago̭ ha dā॒tā bhaga॒ i-tpra̭dā॒tā | bhago̭ de॒vīḥ phalgṷnī॒rāvi̭veśa | bhaga॒syetta-mpra̭sa॒va-ṅga̭mema | yatra̭ de॒vai-ssa̭dha॒māda̭-mmadema || 8 ||
āyā̭tu de॒va-ssa̭vi॒topa̭yātu | hi॒ra॒ṇyayḙna su॒vṛtā॒ rathḙna | vaha॒n॒. hastagṃ̭ su॒bhagaṃ̭-vi~dma॒nāpa̭sam | pra॒yaccha̭nta॒-mpapṷri॒-mpuṇya॒maccha̭ ||
hastaḥ॒ praya̭ccha tva॒mṛtaṃ॒-va~sī̭yaḥ |
dakṣi̭ṇena॒ prati̭gṛbhṇīma enat |
dā॒tāra̭ma॒dya sa̭vi॒tā vi̭deya |
yo no॒ hastā̭ya prasu॒vāti̭ ya॒jñam ||
tvaṣṭā॒ nakṣa̭trama॒bhyḙti ci॒trām |
su॒bhagṃ sa̭saṃ-yu~va॒tigṃ roca̭mānām || 9 ||
ni॒ve॒śaya̭-nna॒mṛtā॒-nmartyāg̭śca |
rū॒pāṇi̭ pi॒gṃ॒śa-nbhuva̭nāni॒ viśvā᳚ ||
tanna॒stvaṣṭā॒ tadṷ ci॒trā vica̭ṣṭām |
tannakṣa̭tra-mbhūri॒dā a̭stu॒ mahya᳚m |
tannaḥ̭ pra॒jāṃ-vī~॒rava̭tīgṃ sanotu |
gobhi̭rno॒ aśvai॒-ssama̭naktu ya॒jñam ||
vā॒yurnakṣa̭tra-ma॒bhyḙti॒ niṣṭyā᳚m |
ti॒gmaśṛ̭ṅgo vṛṣa॒bho rorṷvāṇaḥ |
sa॒mī॒raya॒-nbhuva̭nā māta॒riśvā᳚ |
apa॒ dveṣāgṃ̭si nudatā॒marā̭tīḥ || 10 ||
tanno̭ vā॒yastadu॒ niṣṭyā̭ śṛṇotu |
tannakṣa̭tra-mbhūri॒dā a̭stu॒ mahya᳚m |
tanno̭ de॒vāso॒ anṷ jānantu॒ kāma᳚m | yathā॒ tarḙma duri॒tāni॒ viśvā᳚ || dū॒rama॒smacchatra̭vo yantu bhī॒tāḥ | tadi̭ndrā॒gnī kṛ̭ṇutā॒-nta-dviśā̭khe |
tanno̭ de॒vā anṷmadantu ya॒jñam | pa॒ścā-tpu॒rastā॒-dabha̭yanno astu || nakṣa̭trāṇā॒-madhi̭patnī॒ viśā̭khe |
śreṣṭhā̭vindrā॒gnī bhuva̭nasya go॒pau || 11 ||
viṣṷ̄ca॒-śśatrṷ̄-napa॒bādha̭mānau | apa॒ kṣudha̭-nnudatā॒marā̭tim || pū॒rṇā pa॒ścādu॒ta pū॒rṇā pu॒rastā᳚t | unma̭ddhya॒taḥ pau᳚rṇamā॒sī ji̭gāya |
tasyā᳚-nde॒vā adhi̭ saṃ॒va~sa̭ntaḥ |
u॒tta॒me nāka̭ i॒ha mā̭dayantām ||
pṛ॒thvī su॒varcā̭ yuva॒ti-ssa॒joṣāḥ᳚ | pau॒rṇa॒mā॒syuda̭gā॒-cchobha̭mānā |
ā॒pyā॒yaya̭ntī duri॒tāni॒ viśvā᳚ |
u॒ru-nduhāṃ॒-ya~ja̭mānāya ya॒jñam || 12 ||
(ci॒trabhā̭nu॒-r yaja̭māne dadhātu - ha॒virnaḥ॒ - pātha॒ - śceto̭ - juṣantāṃ॒ - ceto̭ - madema॒ - roca̭mānā॒ - marā̭tī--r go॒pau - ya॒jñaṃ) (a. 1)
anuvākaṃ 2 - yamanakṣatrāṇāṃ-yā~jyānuvākyāḥ
ṛ॒ddhyāsma̭ ha॒vyai-rnama̭sopa॒ sadya̭ |
mi॒tra-nde॒va-mmi̭tra॒dheya̭nno astu | a॒nū॒rā॒dhān. ha॒viṣā̭ va॒rdhaya̭ntaḥ | śa॒ta-ñjī̭vema śa॒rada॒-ssavī̭rāḥ || ci॒tra-nnakṣa̭tra॒-muda̭gā-tpu॒rastā᳚t | a॒nū॒rā॒dhāsa॒ iti॒ ya-dvada̭nti | tanmi॒tra ḙti pa॒thibhi̭ rdeva॒yānaiḥ᳚ | hi॒ra॒ṇyayai॒ rvita̭tai-ra॒ntari̭kṣe ||
indro᳚ jye॒ṣṭhāmanu॒ nakṣa̭trameti | yasmi̭n vṛ॒traṃ-vṛ~̭tra॒ tūryḙ ta॒tāra̭ || 13 ||
tasmi̭n va॒yama॒mṛta॒-nduhā̭nāḥ | kṣudha̭-ntarema॒ duri̭ti॒-nduri̭ṣṭim || pu॒ra॒nda॒rāya̭ vṛṣa॒bhāya̭ dhṛ॒ṣṇave᳚ | aṣā̭ḍhāya॒ saha̭mānāya mī॒ḍhuṣe᳚ |
indrā̭ya jye॒ṣṭhā madhṷma॒-dduhā̭nā |
u॒ru-ṅkṛ̭ṇotu॒ yaja̭mānāya lo॒kam ||
mūla̭-mpra॒jāṃ-vī~॒rava̭tīṃ-vi~deya | parā᳚cyetu॒ nir-ṛ̭tiḥ parā॒cā | gobhi॒ rnakṣa̭tra-mpa॒śubhi॒-ssama̭ktam | aha̭rbhūyā॒-dyaja̭mānāya॒ mahya᳚m || 14 ||
aha̭rno a॒dya sṷvi॒te da̭dhātu | mūla॒-nnakṣa̭tra॒miti॒ ya-dvada̭nti | parā̭cīṃ-vā~॒cā nir-ṛ̭ti-nnudāmi |
śi॒va-mpra॒jāyai̭ śi॒vama̭stu॒ mahya᳚m ||
yā di॒vyā āpaḥ॒ paya̭sā sa-mbabhū॒vuḥ | yā a॒ntari̭kṣa u॒ta pārthi̭vī॒ryāḥ | yāsā̭maṣā॒ḍhā a̭nu॒yanti॒
kāma᳚m | tā na॒ āpa॒-śśagg syo॒nā bha̭vantu ||
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ |
yāśca̭ vaiśa॒ntīru॒ta prā̭sa॒cīryāḥ || 15 ||
yāsā̭maṣā॒ḍhā madhṷ bha॒kṣaya̭nti | tā na॒ āpa॒-śśagg syo॒nā bha̭vantu || tanno॒ viśve॒ upa̭ śṛṇvantu de॒vāḥ | tada̭ṣā॒ḍhā a॒bhi saṃya~̭ntu ya॒jñam |
tannakṣa̭tra-mprathatā-mpa॒śubhyaḥ̭ |
kṛ॒ṣi-rvṛ॒ṣṭi-ryaja̭mānāya kalpatām ||
śu॒bhrāḥ ka॒nyā̭ yuva॒tayaḥ̭ su॒peśa̭saḥ | ka॒rma॒kṛtaḥ̭ su॒kṛto̭ vī॒ryā̭vatīḥ |
viśvā᳚-nde॒vān. ha॒viṣā̭ va॒rdhaya̭ntīḥ |
a॒ṣā॒ḍhāḥ kāma॒mupa̭yāntu ya॒jñam || 16 ||
yasmi॒-nbrahmā॒-'bhyaja̭ya॒-thsarva̭me॒tat |
a॒muñca̭ lo॒ka mi॒damṷ̄ca॒ sarva᳚m |
tanno॒ nakṣa̭tramabhi॒ji-dvi॒jitya̭ | śriya̭-ndadhā॒-tvahṛ̭ṇīyamānam || u॒bhau lo॒kau brahma̭ṇā॒ sañji̭te॒mau | tanno॒ nakṣa̭tramabhi॒ji-dvica̭ṣṭām |
tasmi̭n va॒ya-mpṛta̭nā॒-ssa-ñja̭yema |
tanno̭ de॒vāso॒ anṷjānantu॒ kāma᳚m ||
śṛ॒ṇvanti̭ śro॒ṇā-ma॒mṛta̭sya go॒pām |
puṇyā̭masyā॒ upa̭śṛṇomi॒ vāca᳚m || 17 ||
ma॒hī-nde॒vīṃ-vi~ṣṇṷpatnī-majū॒ryām | pra॒tīcī̭menāgṃ ha॒viṣā̭ yajāmaḥ ||
tre॒dhā viṣṇṷ-rurugā॒yo vica̭krame |
ma॒hī-ndiva̭-mpṛthi॒vī-ma॒ntari̭kṣam |
tacchro॒ṇaiti॒ śrava̭ i॒cchamā̭nā |
puṇya॒gg॒ ślokaṃ॒-ya~ja̭mānāya kṛṇva॒tī ||
a॒ṣṭau de॒vā vasa̭va-sso॒myāsaḥ̭ |
cata̭sro de॒vī ra॒jarā॒-śśravi̭ṣṭhāḥ |
te ya॒jña-mpā᳚ntu॒ raja̭saḥ pa॒rastā᳚t |
saṃ॒va~॒thsa॒rīṇa̭-ma॒mṛtagg̭ sva॒sti || 18 ||
ya॒jña-nnaḥ̭ pāntu॒ vasa̭vaḥ pu॒rastā᳚t | da॒kṣi॒ṇa॒to̭-'bhiya̭ntu॒ śravi̭ṣṭhāḥ | puṇya॒-nnakṣa̭trama॒bhi saṃvi~̭śāma | mā no॒ arā̭ti-ra॒ghaśa॒gṃ॒sā ganṋ ||
kṣa॒trasya॒ rājā॒ varṷṇo-'dhirā॒jaḥ | nakṣa̭trāṇāgṃ śa॒tabhi̭ṣa॒g vasi̭ṣṭhaḥ | tau de॒vebhyaḥ̭ kṛṇuto dī॒rghamāyuḥ̭ | śa॒tagṃ sa॒hasrā̭ bheṣa॒jāni̭ dhattaḥ ||
ya॒jñanno॒ rājā॒ varṷṇa॒ upa̭yātu | tanno॒ viśvḙ a॒bhi saṃya~̭ntu de॒vāḥ || 19 ||
tanno॒ nakṣa̭tragṃ śa॒tabhi̭ṣag juṣā॒ṇam | dī॒rghamāyuḥ॒ prati̭ra-dbheṣa॒jāni̭ || a॒ja eka̭pā॒duda̭gā-tpu॒rastā᳚t | viśvā̭ bhū॒tāni̭ prati॒moda̭mānaḥ | tasya̭ de॒vāḥ pra̭sa॒vaṃ-ya~̭nti॒ sarve᳚ | pro॒ṣṭha॒pa॒dāso̭ a॒mṛta̭sya go॒pāḥ ||
vi॒bhrāja̭māna-ssamidhā॒na u॒graḥ | ā-'ntari̭kṣa-maruha॒da-ga॒ndyām | tagṃ sūrya̭-nde॒va-ma॒jameka̭pādam | pro॒ṣṭha॒pa॒dāso॒ anṷyanti॒ sarve᳚ || 20 ||
ahi̭-rbu॒ddhniyaḥ॒ pratha̭māna eti | śreṣṭho̭ de॒vānā̭mu॒ta mānṷṣāṇām | ta-mbrā᳚hma॒ṇā-sso̭ma॒pā-sso॒myāsaḥ̭ |
pro॒ṣṭha॒pa॒dāso̭ a॒bhi ra̭kṣanti॒ sarve᳚ ||
ca॒tvāra॒ eka̭ma॒bhi karma̭ de॒vāḥ |
pro॒ṣṭha॒pa॒dāsa॒ iti॒ yān. vada̭nti |
te bu॒ddhaniya̭-mpari॒ṣadyagg̭ stu॒vantaḥ̭ |
ahigṃ̭ rakṣanti॒ nama̭sopa॒sadya̭ ||
pū॒ṣā re॒vatyanvḙti॒ panthā᳚m | pu॒ṣṭi॒patī̭ paśu॒pā vāja̭bastyau || 21 ||
i॒māni̭ ha॒vyā praya̭tā juṣā॒ṇā |
su॒gairno॒ yānai॒rupa̭yātāṃ-ya~॒jñam ||
kṣu॒drā-npa॒śū-nra̭kṣatu re॒vatī̭ naḥ |
gāvo̭ no॒ aśvā॒gṃ॒ anvḙtu pū॒ṣā |
anna॒gṃ॒ rakṣa̭ntau bahu॒dhā virṷ̄pam |
vājagṃ̭ sanutāṃ॒-ya~ja̭mānāya ya॒jñam ||
tada॒śvinā̭-vaśva॒yujopa̭yātām |
śubha॒-ṅgami̭ṣṭhau su॒yamḙbhi॒raśvaiḥ᳚ |
sva-nnakṣa̭tragṃ ha॒viṣā॒ yaja̭ntau |
maddhvā॒ sampṛ̭ktau॒ yajṷṣā॒ sama̭ktau || 22 ||
yau de॒vānā᳚-mbhi॒ṣajaṷ havyavā॒hau | viśva̭sya dū॒tā-va॒mṛta̭sya go॒pau | tau nakṣa̭tra-ñjujuṣā॒ṇo-pa̭yātām | namo॒-'śvibhyā᳚-ṅkṛṇumo-'śva॒yugbhyā᳚m ||
apa̭ pā॒pmāna॒-mbhara̭ṇīrbharantu | ta-dya॒mo rājā॒ bhaga̭vā॒n॒. vica̭ṣṭām | lo॒kasya॒ rājā̭ maha॒to ma॒hān. hi | su॒ga-nnaḥ॒ panthā॒mabha̭ya-ṅkṛṇotu ||
yasmi॒-nnakṣa̭tre ya॒ma eti॒ rājā᳚ |
yasmi̭-nnenama॒bhyaṣi̭cannta de॒vāḥ |
tada̭sya ci॒tragṃ ha॒viṣā̭ yajāma |
apa̭ pā॒pmāna॒-mbhara̭ṇī-rbharantu ||
ni॒veśa̭nī sa॒ṅgama̭nī॒ vasṷ̄nāṃ॒-vi~śvā̭ rū॒pāṇi॒ vasū᳚nyāve॒śaya̭ntī | sa॒ha॒sra॒po॒ṣagṃ su॒bhagā॒ rarā̭ṇā॒ sā na॒ āga॒n varca̭sā saṃvi~dā॒nā || yattḙ de॒vā ada̭dhu-rbhāga॒dheya॒mamā̭vāsye saṃ॒va~sa̭nto mahi॒tvā | sāno̭ ya॒jña-mpi̭pṛhi viśvavāre ra॒yi-nno̭ dhehi subhage su॒vīra᳚m || || 23 ||
(ta॒tāra॒ - mahyaṃ̭ - prāsa॒cīryā - yā᳚ntu ya॒jñaṃ - ~vācagg̭ - sva॒sti - de॒vā-anṷ yanti॒ sarve॒-vāja̭bastyau॒-sama̭ktau-de॒vā strīṇi̭ ca) (a. 2)
anuvākaṃ 3 - cāndramasādīnāṃ saptanāmiṣṭīnāṃ-yā~jyānuvākyāḥ
navo̭navo bhavati॒ jāya̭mā॒no-'hnā᳚-ṅke॒turu॒ṣasā̭ me॒tyagre᳚ | bhā॒ga-nde॒vebhyo॒ vida̭dhātyā॒ya-npraca॒ndramā᳚stirati dī॒rghamāyuḥ̭ || yamā̭di॒tyā
a॒gṃ॒śumā᳚pyā॒yaya̭nti yamā̭di॒tyā a॒gṃ॒śumā᳚pyā॒yaya̭nti॒ yamakṣi̭ta॒-makṣi̭tayaḥ॒ piba̭nti | tena̭ no॒ rājā॒ varṷṇo॒ bṛha॒spati॒rā pyā̭yayantu॒ bhuva̭nasya go॒pāḥ |||| ye virṷ̄pe॒ sama̭nasā saṃ॒vya~ya̭ntī | sa॒mā॒na-ntantṷ-mpari tāta॒nāte᳚ | vi॒bhū pra॒bhū a̭nu॒bhū vi॒śvato̭ huve |
te no॒ nakṣa̭tre॒ hava॒māga̭metam ||
va॒ya-nde॒vī brahma̭ṇā saṃvi~dā॒nāḥ |
su॒ratnā̭so de॒vavī̭ti॒-ndadhā̭nāḥ |
a॒ho॒rā॒tre ha॒viṣā̭ va॒rdhaya̭ntaḥ |
ati̭ pā॒pmāna॒-mati̭muktyā gamema || pratyṷvadṛśyāya॒tī || 24 ||
vyu॒cchantī̭ duhi॒tā di॒vaḥ | a॒po ma॒hī vṛ̭ṇute॒ cakṣṷṣā || tamo॒ jyoti̭ṣkṛṇoti sū॒narī᳚ | udu॒striyā᳚-ssacate॒ sūryaḥ̭ | sa cā̭ u॒dyannakṣa̭tra-marci॒mat | tavedṷṣo॒ vyuṣi॒ sūrya̭sya ca ||
sa-mbha॒ktena̭ gamemahi | tanno॒ nakṣa̭tra-marci॒mat | bhā॒nu॒matteja̭ u॒ccara̭t | upa̭ ya॒jña-mi॒hāga̭mat || 25 ||
pra nakṣa̭trāya de॒vāya̭ | indrā॒yendugṃ̭ havāmahe |
sa naḥ̭ savi॒tā sṷva-thsa॒nim | pu॒ṣṭi॒dāṃ-vī~॒rava̭ttamam || udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m || ci॒tra-nde॒vānā॒-muda̭gā॒danī̭ka॒-ñcakṣṷ-rmi॒trasya॒ varṷṇasyā॒-'gneḥ | ā-' prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca ||||
adi̭tirna uruṣya॒tvadi̭ti॒-śśarma̭ yacchatu | adi̭tiḥ pā॒tvagṃ ha̭saḥ || ma॒hīmū॒ṣu mā॒taragṃ̭ suvra॒tānā̭mṛ॒tasya॒ patnī॒mava̭se huvema | tu॒vi॒kṣa॒trāma॒jara̭ntīmurū॒cīgṃ su॒śarmā̭ṇa॒madi̭tigṃ su॒praṇī̭tim || ||
i॒daṃ-vi~ṣṇu॒-rvica̭krame tre॒dhā ni da̭dhe pa॒dam | sa mṷ̄ḍhamasya pāgṃ su॒re || prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || ||
a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||
anṷ no॒-'dyā-'nṷmati-rya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || ||
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 26 ||
(ā॒ya॒tya̭ - gama॒th - svi̭ṣṭam) (a. 3)
anuvākaṃ 4 - deva nakṣatreṣṭibrāhmaṇam
a॒gnirvā a̭kāmayata | a॒nnā॒do de॒vānāg̭ syā॒miti̭ |
sa e॒tama॒gnaye॒ kṛtti̭kābhyaḥ puro॒ḍāśa̭-ma॒ṣṭāka̭pāla॒-nnira̭vapat | tato॒ vai so᳚-'nnā॒do de॒vānā̭mabhavat | a॒gnirvai de॒vānā̭mannā॒daḥ ||
yathā̭ ha॒ vā a॒gni-rde॒vanā̭-mannā॒daḥ |
e॒vagṃ ha॒ vā e॒ṣa ma̭nu॒ṣyā̭ṇā-mbhavati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ svāhā॒ kṛtti̭kābhya॒-ssvāhā᳚ | a॒mbāyai॒ svāhā̭ du॒lāyai॒ svāhā᳚ | ni॒ta॒tnyai svāhā॒ 'bhraya̭ntyai॒ svāhā᳚ | me॒ghaya̭ntyai॒ svāhā̭ va॒ra॒.ṣaya̭ntyai॒ svāhā᳚ | cu॒pu॒ṇīkā̭yai॒ svāheti̭ || 27 ||
pra॒jāpa̭tiḥ pra॒jā a̭sṛjata | tā a̭smā-thsṛ॒ṣṭāḥ parā̭cīrāyann | tāsāgṃ̭ rohi॒ṇī-ma॒bhya̭ddhyāyat | so̭-'kāmayata | upa॒ mā-''va̭rteta | samḙnayā gacche॒yeti̭ | sa e॒ta-mpra॒jāpa̭taye rohi॒ṇyai ca॒ru-nnira̭vapat | tato॒ vai sā tamu॒pāva̭rtata | samḙnayā 'gacchata || upa̭ ha॒ vā ḙna-mpri॒yamāva̭rtate |
sa-mpri॒yeṇa̭ gacchate | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ || so-'tra̭ juhoti |
pra॒jāpa̭taye॒ svāhā̭ rohi॒ṇyai svāhā᳚ |
roca̭mānāyai॒ svāhā᳚ pra॒jābhya॒-ssvāheti̭ || 28 ||
somo॒ vā a̭kāmayata | oṣa̭dhīnāgṃ rā॒jya-ma॒bhija̭yeya॒miti̭ | sa e॒tagṃ somā̭ya mṛgaśī॒ra॒.ṣāya̭ śyāmā॒ka-ñca॒ru-mpaya̭si॒ nira̭vapat | tato॒ vai sa oṣa̭dhīnāgṃ
rā॒jyama॒bhya̭jayat | sa॒mā॒nānāgṃ̭ ha॒ vai rā॒jyama॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
somā̭ya॒ svāhā̭ mṛgaśī॒ra॒.ṣāya॒ svāhā᳚ |
i॒nva॒kābhya॒-ssvāhauṣa̭dhībhya॒-ssvāhā᳚ |
rā॒jyāya॒ svāhā॒ 'bhiji̭tyai॒ svāheti̭ || 29 ||
ru॒dro vā a̭kāmayata | pa॒śu॒mān-thsyā॒miti̭ |
sa e॒tagṃ ru॒drāyā॒rdrāyai॒ praiya̭ṅgava-ñca॒ru-mpaya̭si॒ nira̭vapat | tato॒ vai sa pa̭śu॒māna̭bhavat | pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | ru॒drāya॒ svāhā॒ ''rdrāyai॒ svāhā᳚ | pinva̭mānāyai॒ svāhā̭ pa॒śubhya॒-ssvāheti̭ || 30 ||
ṛ॒kṣā vā i॒yama̭lo॒makā̭-''sīt | sā-'kā̭mayata |
oṣa̭dhībhi॒-rvana॒spati̭bhiḥ॒ prajā̭ye॒yeti̭ |
saitamadi̭tyai॒ puna̭rvasubhyā-ñca॒ru-nnira̭vapat |
tato॒ vā i॒yamoṣa̭dhībhi॒-rvana॒spati̭bhiḥ॒ prājā̭yata |
prajā̭yate ha॒ vai pra॒jayā̭ pa॒śubhiḥ̭ | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | adi̭tyai॒ svāhā॒ puna̭rvasubhyām |
svāhā-''bhū᳚tyai॒ svāhā॒ prajā᳚tyai॒ svāheti̭ || 31 ||
bṛha॒spati॒rvā a̭kāmayata | bra॒hma॒va॒rca॒sī syā॒miti̭ |
sa e॒ta-mbṛha॒spata̭ye ti॒ṣyā̭ya naivā॒ra-ñca॒ru-mpaya̭si॒ nira̭vapat | tato॒ vai sa bra̭hmavarca॒sya̭bhavat | bra॒hma॒va॒rca॒sī ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
bṛha॒spata̭ye॒ svāhā̭ ti॒ṣyā̭ya॒ svāhā᳚ | bra॒hma॒va॒rca॒sāya॒ svāheti̭ || 32 ||
de॒vā॒su॒rā-ssaṃya~̭ttā āsann | te de॒vā-ssa॒rpebhya̭ āśre॒ṣābhya॒ ājyḙ kara॒mbha-nnira̭vapann |
tāne॒tābhi̭re॒va de॒vatā̭-bhi॒rupā̭nayann |
e॒tābhi̭rha॒ vai de॒vatā̭bhi-rdvi॒ṣanta॒-mbhrātṛ̭vya॒-mupa̭nayati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sa॒rpebhya॒-ssvāhā᳚-''śre॒ṣābhya॒-ssvāhā᳚ | da॒nda॒śūke᳚bhya॒-ssvāheti̭ || 33 ||
pi॒taro॒ vā a̭kāmayanta | pi॒tṛ॒lo॒ka ṛ̭ddhnuyā॒meti̭ |
ta e॒ta-mpi॒tṛbhyo̭ ma॒ghābhyaḥ̭ puro॒ḍāśa॒gṃ॒ ṣaṭka̭pāla॒-nnira̭vapann | tato॒ vai te pi̭tṛlo॒ka ā᳚rdhnuvann | pi॒tṛ॒lo॒ke ha॒ vā ṛ̭dhnoti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pi॒tṛbhya॒-ssvāhā̭ ma॒ghābhyaḥ̭ |
svāhā̭ 'na॒ghābhya॒-ssvāhā̭ 'ga॒dābhyaḥ̭ |
svāhā̭ 'rundha॒tībhya॒-ssvāheti̭ || 34 ||
a॒rya॒mā vā a̭kāmayata | pa॒śu॒mān-thsyā॒miti̭ |
sa e॒tama̭rya॒mṇe phalgṷnībhyā-ñca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒rya॒mṇe svāhā॒ phalgṷnībhyā॒g॒ svāhā᳚ |
pa॒śubhya॒-ssvāheti̭ || 35 ||
bhago॒ vā a̭kāmayata | bha॒gī śre॒ṣṭhī de॒vānāg̭ syā॒miti̭ | sa e॒ta-mbhagā̭ya॒ phalgṷnībhyā-ñca॒ru-nnira̭vapat | tato॒ vai sa bha॒gī śre॒ṣṭhī de॒vānā̭mabhavat |
bha॒gī ha॒ vai śre॒ṣṭhī sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | bhagā̭ya॒ svāhā॒ phalgṷnībhyā॒g॒ svāhā᳚ | śraiṣṭhyā̭ya॒ svāheti̭ || 36 ||
sa॒vi॒tā vā a̭kāmayata | śranmḙ de॒vā dadhī̭rann | sa॒vi॒tā syā॒miti̭ | sa e॒tagṃ sa̭vi॒tre hastā̭ya puro॒ḍāśa॒-ndvāda̭śakapāla॒-nnira̭vapadāśū॒nāṃ
~vrī̭hī॒ṇām | tato॒ vai tasmai॒ śradde॒vā ada̭dhata | sa॒vi॒tā-'bha̭vat | śraddha॒ vā a̭smai manu॒ṣyā̭ dadhate | sa॒vi॒tā sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
sa॒vi॒tre svāhā॒ hastā̭ya | svāhā̭ dada॒te svāhā̭ pṛṇa॒te | svāhā᳚ pra॒yaccha̭te॒ svāhā᳚ pratigṛbhṇa॒te svāheti̭ || 37 ||
tvaṣṭā॒ vā a̭kāmayata | ci॒tra-mpra॒jāṃ-vi~̭nde॒yeti̭ |
sa e॒ta-ntvaṣṭrḙ ci॒trāyai̭ puro॒ḍāśa̭ma॒ṣṭā-ka̭pāla॒-nnira̭vapat | tato॒ vai sa ci॒tra-mpra॒jāma̭vindata | ci॒tragṃ ha॒ vai pra॒jāṃ-vi~̭ndate |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
tvaṣṭre॒ svāhā̭ ci॒trāyai॒ svāhā᳚ |
caitrā̭ya॒ svāhā᳚ pra॒jāyai॒ svāheti̭ || 38 ||
vā॒yurvā a̭kāmayata | kā॒ma॒cāra̭me॒ṣu lo॒keṣva॒bhija̭yeya॒miti̭ | sa e॒ta-dvā॒yave॒ niṣṭyā̭yai gṛ॒ṣṭyai du॒gdha-mpayo॒ nira̭vapat |
tato॒ vai sa kā̭ma॒cāra̭me॒ṣu lo॒keṣva॒bhya̭jayat |
kā॒ma॒cāragṃ̭ ha॒ vā e॒ṣu lo॒keṣva॒bhija̭yati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vā॒yave॒ svāhā॒ niṣṭyā̭yai॒ svāhā᳚ |
kā॒ma॒cārā̭ya॒ svāhā॒-'bhiji̭tyai॒ svāheti̭ || 39 ||
i॒ndrā॒gnī vā a̭kāmayetām | śraiṣṭhya̭-nde॒vānā̭-ma॒bhija̭ye॒veti̭ | tāve॒tami̭ndrā॒gnibhyāṃ॒-vi~śā̭khābhyā-mpuro॒ḍāśa॒-mekā̭daśakapāla॒-nnira̭vapatām | tato॒ vai tau śraiṣṭhya̭-nde॒vānā̭-ma॒bhya̭jayatām | śraiṣṭhyagṃ̭ ha॒ vai sa̭mā॒nānā̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
i॒ndrā॒gnibhyā॒g॒ svāhā॒ viśā̭khābhyā॒g॒ svāhā᳚ |
śraiṣṭhyā̭ya॒ svāhā॒ 'bhiji̭tyai॒ svāheti̭ || 40 ||
athai॒tat-pau᳚rṇamā॒syā ājya॒-nnirva̭pati | kāmo॒ vai pau᳚rṇamā॒sī | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti |
pau॒rṇa॒mā॒syai svāhā॒ kāmā̭ya॒ svāhā-''ga̭tyai॒ svāheti̭ || 41 ||
anuvākaṃ 5 - yamanakṣatreṣṭibrāhmaṇam
mi॒tro vā a̭kāmayata | mi॒tra॒dheya̭me॒ṣu lo॒keṣva॒bhi ja̭yeya॒miti̭ | sa e॒ta-mmi॒trāyā̭nūrā॒dhebhya̭śca॒ru-nnira̭vapat | tato॒ vai sa mi̭tra॒dheya̭me॒ṣu lo॒keṣva॒bhya̭jayat | mi॒tra॒dheyagṃ̭ ha॒ vā e॒ṣu lo॒keṣva॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
mi॒trāya॒ svāhā̭ 'nūrā॒dhebhya॒-ssvāhā᳚ |
mi॒tra॒dheyā̭ya॒ svāhā॒ 'bhiji̭tyai॒ svāheti̭ || 42 ||
indro॒ vā a̭kāmayata | jyaiṣṭhya̭-nde॒vānā̭-ma॒bhija̭yeya॒miti̭ | sa e॒tamindrā̭ya jye॒ṣṭhāyai̭ puro॒ḍāśa॒-mekā̭daśakapāla॒-nnira̭vapa-nma॒hāvrī̭hīṇām | tato॒ vai sa jyaiṣṭhya̭-nde॒vānā̭ma॒bhya̭jayat | jyaiṣṭhyagṃ̭ ha॒ vai sa̭mā॒nānā̭-ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | indrā̭ya॒ svāhā᳚ jye॒ṣṭhāyai॒ svāhā᳚ |
jyaiṣṭhyā̭ya॒ svāhā॒ 'bhiji̭tyai॒ svāheti̭ || 43 ||
pra॒jāpa̭ti॒rvā a̭kāmayata | mūla̭-mpra॒jāṃ-vi~̭nde॒yeti̭ | sa e॒ta-mpra॒jāpa̭taye॒ mūlā̭ya ca॒ru-nnira̭vapat | tato॒ vai sa mūla̭-mpra॒jāma̭vindata | mūlagṃ̭ ha॒ vai pra॒jāṃ-vi~̭ndate | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pra॒jāpa̭taye॒ svāhā॒ mūlā̭ya॒ svāhā᳚ | pra॒jāyai॒ svāheti̭ || 44 ||
āpo॒ vā a̭kāmayanta | sa॒mu॒dra-ṅkāma̭ma॒ bhija̭ye॒meti̭ | tā e॒tama॒dbhyo̭-'ṣā॒ḍhābhya̭śca॒ru-nnira̭vapann | tato॒ vai tā-ssa̭mu॒dra-ṅkāma̭ma॒bhya̭jayann | sa॒mu॒dragṃ ha॒ vai kāma̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒dbhya-ssvāhā̭ 'ṣā॒ḍhābhya॒-ssvāhā᳚ | sa॒mu॒drāya॒ svāhā॒ kāmā̭ya॒ svāhā᳚ | a॒bhiji̭tyai॒ svāheti̭ || 45 ||
viśve॒ vai de॒vā a̭kāmayanta | a॒na॒pa॒ja॒yya-ñja̭ye॒meti̭ | ta e॒taṃ-vi~śve᳚bhyo de॒vebhyo̭-'ṣā॒ḍhābhya̭śca॒ru-nnira̭vapann |
tato॒ vai tḙ-'napaja॒yya-ma̭jayann | a॒na॒pa॒ja॒yyagṃ ha॒ vai ja̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viśve᳚bhyo de॒vebhya॒-ssvāhā̭ 'ṣā॒ḍhābhya॒-ssvāhā᳚ |
a॒na॒pa॒ja॒yyāya॒ svāhā॒ jityai॒ svāheti̭ || 46 ||
brahma॒ vā a̭kāmayata | bra॒hma॒lo॒kama॒bhija̭yeya॒miti̭ |
tade॒ta-mbrahma̭ṇe-'bhi॒jitḙ ca॒ru-nnira̭vapat |
tato॒ vai tadbra̭hmalo॒kama॒bhya̭jayat | bra॒hma॒lo॒kagṃ ha॒ vā a॒bhija̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | brahma̭ṇe॒ svāhā̭ 'bhi॒jite॒ svāhā᳚ | bra॒hma॒lo॒kāya॒ svāhā॒ 'bhiji̭tyai॒ svāheti̭ || 47 ||
viṣṇu॒rvā a̭kāmayata | puṇya॒gg॒ ślokagṃ̭ śṛṇvīya |
na mā̭ pā॒pī kī॒rtirāga̭cche॒diti̭ | sa e॒taṃ-vi~ṣṇa̭ve śro॒ṇāyai̭ puro॒ḍāśa̭-ntrikapā॒la-nnira̭vapat |
tato॒ vai sa puṇya॒gg॒ śloka̭ma śṛṇuta | naina̭-mpā॒pī kī॒rtirā- ga̭cchat | puṇyagṃ̭ ha॒ vai ślokagṃ̭ śṛṇute | naina̭-mpā॒pī kī॒rtirāga̭cchati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viṣṇa̭ve॒ svāhā᳚ śro॒ṇāyai॒ svāhā᳚ |
ślokā̭ya॒ svāhā᳚ śru॒tāya॒ svāheti̭ || 48 ||
vasa̭vo॒ vā a̭kāmayanta | agra̭-nde॒vatā̭nā॒-mparī̭yā॒meti̭ | ta e॒taṃ-va~sṷbhya॒-śśravi̭ṣṭhābhyaḥ puro॒ḍāśa̭ma॒ṣṭāka̭pāla॒-nnira̭vapann |
tato॒ vai te-'gra̭-nde॒vatā̭nā॒-mparyā̭yann |
agragṃ̭ ha॒ vai sa̭mā॒nānā॒-mparyḙti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vasṷbhya॒-ssvāhā॒ śravi̭ṣṭhābhya॒-ssvāhā᳚ | agrā̭ya॒ svāhā॒ parī᳚tyai॒ svāheti̭ || 49 ||
indro॒ vā a̭kāmayata | dṛ॒ḍho 'śi̭thila-ssyā॒miti̭ |
sa e॒taṃ-va~rṷṇāya śa॒tabhi̭ṣaje bheṣa॒jebhyaḥ̭ puro॒ḍāśa॒-ndaśa̭kapāla॒-nnira̭vapat-kṛ॒ṣṇānāṃ᳚-vrī~hī॒ṇām | tato॒ vai sa dṛ॒ḍho-'śi̭thilo-'bhavat |
dṛ॒ḍho ha॒ vā aśi̭thilo bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
varṷṇāya॒ svāhā̭ śa॒tabhi̭ṣaje॒ svāhā᳚ |
bhe॒ṣa॒jebhya॒-ssvāheti̭ || 50 ||
a॒jo vā eka̭pādakāmayata | te॒ja॒svī bra̭hmavarca॒sī syā॒miti̭ | sa e॒tama॒jāyaika̭pade proṣṭhapa॒debhya̭-śca॒ru-nnira̭vapat | tato॒ vai sa tḙja॒svī bra̭hmavarca॒sya̭bhavat | te॒ja॒svī ha॒ vai bra̭hmavarca॒sī bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒jāyaika̭pade॒ svāhā᳚ proṣṭhapa॒debhya॒-ssvāhā᳚ |
teja̭se॒ svāhā᳚ brahmavarca॒sāya॒ svāheti̭ || 51 ||
ahi॒rvai bu॒ddhniyo̭-'kāmayata | i॒mā-mpra̭ti॒ṣṭhāṃ-vi~̭nde॒yeti̭ | sa e॒tamaha̭ye bu॒ddhniyā̭ya proṣṭhapa॒debhyaḥ̭ puro॒ḍāśa॒-mbhūmi̭kapāla॒-nnira̭vapat | tato॒ vai sa i॒mā-mpra̭ti॒ṣṭhā-ma̭vindata | i॒māgṃ ha॒ vai pra̭ti॒ṣṭhāṃ-vi~̭ndate |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | aha̭ye bu॒ddhniyā̭ya॒ svāhā᳚ proṣṭhapa॒debhya॒-ssvāhā᳚ |
pra॒ti॒ṣṭhāyai॒ svāheti̭ || 52 ||
pū॒ṣā vā a̭kāmayata | pa॒śu॒mān-thsyā॒miti̭ |
sa e॒ta-mpū॒ṣṇe re॒vatyai̭ ca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | pū॒ṣṇe svāhā̭ re॒vatyai॒ svāhā᳚ |
pa॒śubhya॒-ssvāheti̭ || 53 ||
a॒śvinau॒ vā a̭kāmayetām | śro॒tra॒svinā॒vaba̭dhirau syā॒veti̭ | tāve॒tama॒śvibhyā̭-maśva॒yugbhyā᳚-mpuro॒ḍāśa̭-ndvikapā॒la-nnira̭vapatām |
tato॒ vai tau śro᳚tra॒svinā॒vaba̭dhirā-vabhavatām |
śro॒tra॒svī ha॒ vā aba̭dhiro bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
a॒śvibhyā॒g॒ svāhā᳚-'śva॒yugbhyā॒g॒ svāhā᳚ |
śrotrā̭ya॒ svāhā॒ śrutyai॒ svāheti̭ || 54 ||
ya॒mo vā a̭kāmayata |
pi॒tṛ॒ṇāgṃ rā॒jya-ma॒bhija̭yeya॒miti̭ |
sa e॒taṃ-ya~॒māyā̭pa॒bhara̭ṇībhyaśca॒ru-nnira̭vapat |
tato॒ vai sa pi̭tṛ॒ṇāgṃ rā॒jyama॒bhya̭jayat |
sa॒mā॒nānāgṃ̭ ha॒ vai rā॒jyama॒bhija̭yati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ya॒māya॒ svāhā̭ 'pa॒bhara̭ṇībhya॒-ssvāhā᳚ |
rā॒jyāya॒ svāhā॒ 'bhiji̭tyai svāheti̭ || 55 ||
athai॒tada̭-mā॒vāsyā̭yā॒ ājya॒-nnirva̭pati |
kāmo॒ vā a̭māvā॒syā᳚ | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti | a॒mā॒vā॒syā̭yai॒ svāhā॒ kāmā̭ya॒ svāhā ''ga̭tyai॒ svāheti̭ || 56 ||
bu॒ddhniyaḥ̭ - pu॒ṣā - 'śvinaṷ - ya॒mo daśa̭da॒śā - thai॒tada̭ - māvā॒syā̭yā a॒ṣṭau pañca̭daśa ) (a. 5)
anuvākaṃ 6 - cāndramasādīṣṭibrāhmaṇam
ca॒ndramā॒ vā a̭kāmayata | a॒ho॒rā॒trā-na̭rdhamā॒sā-nmāsā̭-nṛ॒tūnth- saṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭-māpnuyā॒miti̭ | sa e॒ta-ñca॒ndrama̭se pratī॒dṛśyā̭yai puro॒ḍāśa॒-mpañca̭daśakapāla॒-nnira̭vapat |
tato॒ vai so̭-'horā॒trā-na̭rdhamā॒sā-nmāsā̭-nṛ॒tūn-thsaṃ̭va~thsa॒ra-mā॒ptvā |
ca॒ndrama̭sa॒-ssāyṷjyagṃ salo॒katā̭māpnot |
a॒ho॒rā॒trān. ha॒ vā a̭rdhamā॒sā-nmāsā̭n-ṛ॒tūn-thsaṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭māpnoti | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ca॒ndrama̭se॒ svāhā᳚ pratī॒dṛśyā̭yai॒ svāhā᳚ |
a॒ho॒rā॒trebhya॒-ssvāhā᳚ 'rdhamā॒sebhya॒-ssvāhā᳚ |
māse᳚bhya॒-ssvāha॒rtubhya॒-ssvāhā᳚ | saṃ॒va~॒thsa॒rāya॒ svāheti̭ || 57 ||
a॒ho॒rā॒tre vā a̭kāmayetām | atya̭horā॒tre mṷcyevahi |
na nā̭vahorā॒tre ā᳚pnuyātā॒miti̭ | te e॒tama̭ho-rā॒trābhyā᳚-ñca॒ru-nnira̭vapatām | dva॒yānāṃ᳚-vrī~hī॒ṇām | śu॒klānā᳚-ñca kṛ॒ṣṇānā᳚-ñca | sa॒vā॒tyordu॒gdhe | śve॒tāyai̭ ca kṛ॒ṣṇāyai̭ ca |
tato॒ vai te atya̭horā॒tre a̭mucyete |
nainḙ ahorā॒tre ā᳚pnutām | ati̭ ha॒ vā a̭horā॒tre mṷcyate | naina̭mahorā॒tre ā᳚pnutaḥ | ya e॒tena̭ ha॒viṣā॒ yaja̭te | ya ṷ cainade॒vaṃve~da̭ |
so-'tra̭ juhoti | ahne॒ svāhā॒ rātri̭yai॒ svāhā᳚ |
ati̭muktyai॒ svāheti̭ || 58 ||
u॒ṣā vā a̭kāmayata | pri॒yā ''di॒tyasya̭ su॒bhagā᳚ syā॒miti̭ | saitamu॒ṣasḙ ca॒ru-nnira̭vapat |
tato॒ vai sā pri॒yā ''di॒tyasya̭ su॒bhagā̭ 'bhavat |
pri॒yo ha॒ vai sa̭mā॒nānāgṃ̭ su॒bhago̭ bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | u॒ṣase॒ svāhā॒ vyṷṣṭyai॒ svāhā᳚ |
vyū॒ṣuṣyai॒ svāhā᳚ vyu॒cchantyai॒ svāhā᳚ | vyṷṣṭāyai॒ svāheti̭ || 59 ||
athai॒tasmai॒ nakṣa̭trāya ca॒ru-nnirva̭pati | yathā॒ tva-nde॒vānā॒masi̭ | e॒vama॒ha-mma̭nu॒ṣyā̭ṇā-mbhūyāsa॒miti̭ | yathā̭ ha॒ vā e॒ta-dde॒vānā᳚m |
e॒vagṃ ha॒ vā e॒ṣa ma̭nu॒ṣyā̭ṇā-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | nakṣa̭trāya॒ svāho̭deṣya॒te svāhā᳚ |
u॒dya॒te svāhodi̭tāya॒ svāhā᳚ | hara̭se॒ svāhā॒ bhara̭se॒ svāhā᳚ | bhrāja̭se॒ svāhā॒ teja̭se॒ svāhā᳚ |
tapa̭se॒ svāhā᳚ brahmavarca॒sāya॒ svāheti̭ || 60 ||
sūryo॒ vā a̭kāmayata | nakṣa̭trāṇā-mprati॒ṣṭhā syā॒miti̭ | sa e॒tagṃ sūryā̭ya॒ nakṣa̭trebhyaśca॒ru-nnira̭vapat |
tato॒ vai sa nakṣa̭trāṇā-mprati॒ṣṭhā 'bha̭vat |
pra॒ti॒ṣṭhā ha॒ vai sa̭mā॒nānā᳚-mbhavati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sūryā̭ya॒ svāhā॒ nakṣa̭trebhya॒-ssvāhā᳚ | pra॒ti॒ṣṭhāyai॒ svāheti̭ || 61 ||
athai॒tamadi̭tyai ca॒ru-nnirva̭pati | i॒yaṃ-vā~ adi̭tiḥ |
a॒syāme॒va prati̭ tiṣṭhati | so-'tra̭ juhoti |
adi̭tyai॒ svāhā᳚ prati॒ṣṭhāyai॒ svāheti̭ || 62 ||
athai॒taṃ-vi~ṣṇa̭ve ca॒ru-nnirva̭pati | ya॒jño vai viṣṇuḥ̭ | ya॒jña e॒vānta॒taḥ prati̭ tiṣṭhati | so-'tra̭ juhoti | viṣṇa̭ve॒ svāhā̭ ya॒jñāya॒ svāhā᳚ | pra॒ti॒ṣṭhāyai॒ svāheti̭ || 63 ||
(ca॒ndramāḥ॒ pañca̭daśā - horā॒tre sa॒ptada̭ - śo॒ṣā ekā̭da॒śā - thai॒tasmai॒ nakṣa̭ttāya॒ trayo̭daśa॒ - sūryo॒ daśā - thai॒tamadi̭tyai॒ pañcā - thai॒taṃ-vi~ṣṇa̭ve॒ ṣaṭ-thsa॒pta) (a. 6)
[sa॒vi॒tā-''śū॒nāṃ-vrī~̭hī॒ṇāmindro̭ ma॒hāvrī̭hīṇā॒mindraḥ̭ kṛ॒ṣṇānoṃ᳚
~vrīhī॒ṇāma̭horā॒tre dva॒yānāṃ᳚-vrī~hī॒ṇām | pi॒tara॒-ṣṣaṭka̭pālagṃ savi॒tā dvāda̭śakapālamindrā॒gnī ekā̭daśakapāla॒mindra॒ ekā̭daśakapāla॒mindro॒ daśa̭kapālaṃ॒-vi~ṣṇṷstrikapā॒lamahi॒-rbhūmi̭kapālama॒śvinau᳚ dvikapā॒la-ñca॒ndramāḥ॒ pañca̭daśakapāla-ma॒gniratvaṣṭā॒ vasa̭vo॒-'ṣṭāka̭pālama॒nyatra̭ ca॒rum | ru॒dro᳚-'rya॒mā pū॒ṣā pa̭śu॒mān-thsyā॒gṃ॒ somo̭ ru॒dro bṛha॒spatiḥ॒ paya̭si vā॒yuḥ paya॒-ssomo̭ vā॒yuri̭ndrā॒gnī mi॒tra indra॒ āpo॒ brahma̭ ya॒mo̭-'bhiji̭tyai॒ tvaṣṭā᳚ pra॒jāpa̭tiḥ pra॒jāyai̭ paurṇamā॒syā a̭māvā॒syā̭yā॒ āga̭tyai॒ viśve॒ jityā̭
a॒śvinau॒ śrutyai᳚ | brahma॒ tade॒taṃ-vi~ṣṇu॒-ssa e॒taṃ-vā~॒yu-ssa e॒tadāpa॒stāḥ | pi॒taro॒ viśve॒ vasa̭vo-'kāmayanta॒meti॒ ta e॒ta-nnira̭vapann | āpo̭-'kāmayanta॒ meti॒ tā e॒ta-nnira̭vapann | i॒ndrā॒gnī a॒śvinā̭vakāmayetāṃ॒-ve~ti॒ tāve॒ta-nnira̭vapadām | a॒ho॒rā॒tre vā a̭kāmayetā॒miti॒ te e॒ta-nnira̭vapatām |
a॒nyatrā̭kāmayata॒miti॒ sa e॒ta-nnira̭vapat | i॒ndrā॒gnī śraiṣṭhya॒mindro॒ jyaiṣṭhya॒mindro̭ dṛ॒ḍhaḥ |
āhi॒-ssūryo-'di̭tyai॒ viṣṇa̭ve prati॒ṣṭhāyai᳚ |
somo̭ ya॒ma-ssa̭mā॒nānā᳚m | a॒gnirno̭ rīriṣada॒nyatra̭ rīriṣaḥ]
[vi॒duṣo̭ ha॒viṣā॒ ya ṷ cainade॒vaṃ-ve~da̭ | iṣṭi̭bhi॒rya ṷ cainā e॒vaṃ-ve~da̭ |
a॒nyatra̭ brāhma॒ṇe ya ṷ cainame॒vaṃ-ve~da̭ ]
phrapātaka khorvai vi-thstarting phadams òf 1 tò 6 ānuvākams ḥ-
(a॒gnirna̭-ṛ॒ddhyāsma॒-navo̭navo॒-'gni-rmi॒tra - śca॒ndramā॒-ṣṣaṭ)
(a॒gnirna॒ - stanno̭ vā॒yu - rahi̭rbū॒ddhniya̭ - ṛ॒kṣā vā i॒ya - mathai॒ta-tpau᳚rṇamā॒syā - a॒jo vā eka̭pā॒th - sūrya॒ striṣa̭ṣṭiḥ)
(a॒gnirnaḥ̭ - pātu prati॒ṣṭhāyai॒ svāheti̭ )
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके प्रथमः प्रपाठकः - नक्षत्रेष्टीनां-याँज्या-ऽनुवाक्या ब्राह्मणानि
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - देवनक्षत्राणां-याँज्यानुवाक्याः
अ॒ग्निर्नः॑ पातु॒ कृत्ति॑काः । नक्ष॑त्र-न्दे॒वमि॑न्द्रि॒यम् । इ॒दमा॑सां-विँचक्ष॒णम् । ह॒विरा॒स-ञ्जु॑होतन ॥ यस्य॒ भान्ति॑ र॒श्मयो॒ यस्य॑ के॒तवः॑ । यस्ये॒मा विश्वा॒ भुव॑नानि॒ सर्वा᳚ ।
स कृत्ति॑काभिर॒भि सं॒वँसा॑नः । अ॒ग्निर्नो॑ दे॒व-स्सु॑वि॒ते द॑धातु ॥ प्र॒जाप॑ते रोहि॒णी वे॑तु॒ पत्नी᳚ ।
वि॒श्वरू॑पा बृह॒ती चि॒त्रभा॑नुः ॥ 1 ॥
सा नो॑ य॒ज्ञस्य॑ सुवि॒ते द॑धातु । यथा॒ जीवे॑म श॒रद॒-स्सवी॑राः ॥ रो॒हि॒णी दे॒व्युद॑गा-त्पु॒रस्ता᳚त् । विश्वा॑ रू॒पाणि॑ प्रति॒मोद॑माना । प्र॒जाप॑तिग्ं ह॒विषा॑ व॒र्धय॑न्ती । प्रि॒या दे॒वाना॒-मुप॑यातु य॒ज्ञम् ॥ सोमो॒ राजा॑ मृगशी॒र॒.षेण॒ आगन्न्॑ । शि॒व-न्नक्ष॑त्र-म्प्रि॒यम॑स्य॒ धाम॑ ।
आ॒प्याय॑मानो बहु॒धा जने॑षु ।
रेतः॑ प्र॒जां-यँज॑माने दधातु ॥ 2 ॥
य-त्ते॒ नक्ष॑त्र-म्मृगशी॒र॒.षमस्ति॑ ।
प्रि॒यग्ं रा॑ज-न्प्रि॒यत॑म-म्प्रि॒याणा᳚म् ।
तस्मै॑ ते सोम ह॒विषा॑ विधेम ।
शन्न॑ एधि द्वि॒पदे॒ श-ञ्चतु॑ष्पदे ॥
आ॒र्द्रया॑ रु॒द्रः प्रथ॑मान एति । श्रेष्ठो॑ दे॒वाना॒-म्पति॑रघ्नि॒याना᳚म् । नक्ष॑त्रमस्य ह॒विषा॑ विधेम । मा नः॑ प्र॒जाग्ं री॑रिष॒-न्मोत वी॒रान् ॥
हे॒ती रु॒द्रस्य॒ परि॑णो वृणक्तु । आ॒र्द्रा नक्ष॑त्र-ञ्जुषताग्ं ह॒विर्नः॑ ॥ 3 ॥
प्र॒मु॒ञ्चमा॑नौ दुरि॒तानि॒ विश्वा᳚ । अपा॒घशग्ं॑ स-न्नुदता॒मरा॑तिम् ॥ पुन॑र्नो दे॒व्यदि॑ति-स्स्पृणोतु । पुन॑र्वसू नः॒ पुन॒रेतां᳚-यँ॒ज्ञम् ।
पुन॑र्नो दे॒वा अ॒भिय॑न्तु॒ सर्वे᳚ । पुनः॑ पुनर्वो ह॒विषा॑ यजामः ॥ ए॒वा न दे॒व्यदि॑तिरन॒र्वा । विश्व॑स्य भ॒र्त्री जग॑तः प्रति॒ष्ठा । पुन॑र्वसू ह॒विषा॑ व॒र्धय॑न्ती । प्रि॒य-न्दे॒वाना॒-मप्ये॑तु॒ पाथः॑ ॥ 4 ॥
बृह॒स्पतिः॑ प्रथ॒म-ञ्जाय॑मानः । ति॒ष्य॑-न्नक्ष॑त्रम॒भि सम्ब॑भूव । श्रेष्ठो॑ दे॒वाना॒-म्पृत॑नासु जि॒ष्णुः । दिशो-ऽनु॒ सर्वा॒ अभ॑यन्नो अस्तु ॥
ति॒ष्यः॑ पु॒रस्ता॑दु॒त म॑द्ध्य॒तो नः॑ । बृह॒स्पति॑ र्नः॒ परि॑पातु प॒श्चात् । बाधे॑ता॒-न्द्वेषो॒ अभ॑य-ङ्कृणुताम् । सु॒वीर्य॑स्य॒ पत॑य-स्स्याम ॥
इ॒दग्ं स॒र्पेभ्यो॑ ह॒विर॑स्तु॒ जुष्ट᳚म् ।
आ॒श्रे॒षा येषा॑-मनु॒यन्ति॒ चेतः॑ ॥ 5 ॥
ये अ॒न्तरि॑क्ष-म्पृथि॒वी-ङ्क्षि॒यन्ति॑ । तेनः॑ स॒र्पासो॒ हव॒माग॑मिष्ठाः ॥ ये रो॑च॒ने सूर्य॒स्यापि॑
स॒र्पाः । ये दिव॑-न्दे॒वीमनु॑ स॒ञ्चर॑न्ति ।
येषा॑माश्रे॒षा अ॑नु॒यन्ति॒ काम᳚म् ।
तेभ्यः॑ स॒र्पेभ्यो॒ मधु॑मज्जुहोमि ॥
उप॑हूताः पि॒तरो॒ ये म॒घासु॑ । मनो॑जवस-स्सु॒कृतः॑ सुकृ॒त्याः । ते नो॒ नक्ष॑त्रे॒ हव॒माग॑मिष्ठाः । स्व॒धाभि॑ र्य॒ज्ञ-म्प्रय॑त-ञ्जुषन्ताम् ॥ 6 ॥
ये अ॑ग्निद॒ग्धा ये-ऽन॑ग्नि-दग्धाः । ये॑-ऽमुं-लोँ॒क-म्पि॒तरः॑ क्षि॒यन्ति॑ । याग्श्च॑ वि॒द्मयाग्ं उ॑ च॒ न प्र॑वि॒द्म । म॒घासु॑ य॒ज्ञग्ं सुकृ॑त-ञ्जुषन्ताम् ॥
गवा॒-म्पतिः॒ फल्गु॑नीनामसि॒ त्वम् । तद॑र्यमन् वरुण मित्र॒ चारु॑ । त-न्त्वा॑ व॒यग्ं स॑नि॒तारग्ं॑ सनी॒नाम् । जी॒वा जीव॑न्त॒मुप॒ संविँ॑शेम ॥
येने॒मा विश्वा॒ भुव॑नानि॒ सञ्जि॑ता ।
यस्य॑ दे॒वा अ॑नु सं॒यँन्ति॒ चेतः॑ ॥ 7 ॥
अ॒र्य॒मा राजा॒-ऽजर॒स्तुवि॑ष्मान् । फल्गु॑नीना-मृष॒भो रो॑रवीति ॥ श्रेष्ठो॑ दे॒वाना᳚-म्भगवो भगासि । तत्त्वा॑ विदुः॒ फल्गु॑नी॒स्तस्य॑ वित्तात् । अ॒स्मभ्य॑-ङ्क्ष॒त्रम॒जरग्ं॑ सु॒वीर्य᳚म् । गोम॒दश्व॑-व॒दुप॒-सन्नु॑दे॒ह ॥ भगो॑ ह दा॒ता भग॒ इ-त्प्र॑दा॒ता । भगो॑ दे॒वीः फल्गु॑नी॒रावि॑वेश । भग॒स्येत्त-म्प्र॑स॒व-ङ्ग॑मेम । यत्र॑ दे॒वै-स्स॑ध॒माद॑-म्मदेम ॥ 8 ॥
आया॑तु दे॒व-स्स॑वि॒तोप॑यातु । हि॒र॒ण्यये॑न सु॒वृता॒ रथे॑न । वह॒न्॒. हस्तग्ं॑ सु॒भगं॑-विँद्म॒नाप॑सम् । प्र॒यच्छ॑न्त॒-म्पपु॑रि॒-म्पुण्य॒मच्छ॑ ॥
हस्तः॒ प्रय॑च्छ त्व॒मृतं॒-वँसी॑यः ।
दक्षि॑णेन॒ प्रति॑गृभ्णीम एनत् ।
दा॒तार॑म॒द्य स॑वि॒ता वि॑देय ।
यो नो॒ हस्ता॑य प्रसु॒वाति॑ य॒ज्ञम् ॥
त्वष्टा॒ नक्ष॑त्रम॒भ्ये॑ति चि॒त्राम् ।
सु॒भग्ं स॑सं-युँव॒तिग्ं रोच॑मानाम् ॥ 9 ॥
नि॒वे॒शय॑-न्न॒मृता॒-न्मर्त्याग्॑श्च ।
रू॒पाणि॑ पि॒ग्ं॒श-न्भुव॑नानि॒ विश्वा᳚ ॥
तन्न॒स्त्वष्टा॒ तदु॑ चि॒त्रा विच॑ष्टाम् ।
तन्नक्ष॑त्र-म्भूरि॒दा अ॑स्तु॒ मह्य᳚म् ।
तन्नः॑ प्र॒जां-वीँ॒रव॑तीग्ं सनोतु ।
गोभि॑र्नो॒ अश्वै॒-स्सम॑नक्तु य॒ज्ञम् ॥
वा॒युर्नक्ष॑त्र-म॒भ्ये॑ति॒ निष्ट्या᳚म् ।
ति॒ग्मशृ॑ङ्गो वृष॒भो रोरु॑वाणः ।
स॒मी॒रय॒-न्भुव॑ना मात॒रिश्वा᳚ ।
अप॒ द्वेषाग्ं॑सि नुदता॒मरा॑तीः ॥ 10 ॥
तन्नो॑ वा॒यस्तदु॒ निष्ट्या॑ शृणोतु ।
तन्नक्ष॑त्र-म्भूरि॒दा अ॑स्तु॒ मह्य᳚म् ।
तन्नो॑ दे॒वासो॒ अनु॑ जानन्तु॒ काम᳚म् । यथा॒ तरे॑म दुरि॒तानि॒ विश्वा᳚ ॥ दू॒रम॒स्मच्छत्र॑वो यन्तु भी॒ताः । तदि॑न्द्रा॒ग्नी कृ॑णुता॒-न्त-द्विशा॑खे ।
तन्नो॑ दे॒वा अनु॑मदन्तु य॒ज्ञम् । प॒श्चा-त्पु॒रस्ता॒-दभ॑यन्नो अस्तु ॥ नक्ष॑त्राणा॒-मधि॑पत्नी॒ विशा॑खे ।
श्रेष्ठा॑विन्द्रा॒ग्नी भुव॑नस्य गो॒पौ ॥ 11 ॥
विषू॑च॒-श्शत्रू॑-नप॒बाध॑मानौ । अप॒ क्षुध॑-न्नुदता॒मरा॑तिम् ॥ पू॒र्णा प॒श्चादु॒त पू॒र्णा पु॒रस्ता᳚त् । उन्म॑द्ध्य॒तः पौ᳚र्णमा॒सी जि॑गाय ।
तस्या᳚-न्दे॒वा अधि॑ सं॒वँस॑न्तः ।
उ॒त्त॒मे नाक॑ इ॒ह मा॑दयन्ताम् ॥
पृ॒थ्वी सु॒वर्चा॑ युव॒ति-स्स॒जोषाः᳚ । पौ॒र्ण॒मा॒स्युद॑गा॒-च्छोभ॑माना ।
आ॒प्या॒यय॑न्ती दुरि॒तानि॒ विश्वा᳚ ।
उ॒रु-न्दुहां॒-यँज॑मानाय य॒ज्ञम् ॥ 12 ॥
(चि॒त्रभा॑नु॒-र् यज॑माने दधातु - ह॒विर्नः॒ - पाथ॒ - श्चेतो॑ - जुषन्तां॒ - चेतो॑ - मदेम॒ - रोच॑माना॒ - मरा॑ती--र् गो॒पौ - य॒ज्ञं) (अ. 1)
अनुवाकं 2 - यमनक्षत्राणां-याँज्यानुवाक्याः
ऋ॒द्ध्यास्म॑ ह॒व्यै-र्नम॑सोप॒ सद्य॑ ।
मि॒त्र-न्दे॒व-म्मि॑त्र॒धेय॑न्नो अस्तु । अ॒नू॒रा॒धान्. ह॒विषा॑ व॒र्धय॑न्तः । श॒त-ञ्जी॑वेम श॒रद॒-स्सवी॑राः ॥ चि॒त्र-न्नक्ष॑त्र॒-मुद॑गा-त्पु॒रस्ता᳚त् । अ॒नू॒रा॒धास॒ इति॒ य-द्वद॑न्ति । तन्मि॒त्र ए॑ति प॒थिभि॑ र्देव॒यानैः᳚ । हि॒र॒ण्ययै॒ र्वित॑तै-र॒न्तरि॑क्षे ॥
इन्द्रो᳚ ज्ये॒ष्ठामनु॒ नक्ष॑त्रमेति । यस्मि॑न् वृ॒त्रं-वृँ॑त्र॒ तूर्ये॑ त॒तार॑ ॥ 13 ॥
तस्मि॑न् व॒यम॒मृत॒-न्दुहा॑नाः । क्षुध॑-न्तरेम॒ दुरि॑ति॒-न्दुरि॑ष्टिम् ॥ पु॒र॒न्द॒राय॑ वृष॒भाय॑ धृ॒ष्णवे᳚ । अषा॑ढाय॒ सह॑मानाय मी॒ढुषे᳚ ।
इन्द्रा॑य ज्ये॒ष्ठा मधु॑म॒-द्दुहा॑ना ।
उ॒रु-ङ्कृ॑णोतु॒ यज॑मानाय लो॒कम् ॥
मूल॑-म्प्र॒जां-वीँ॒रव॑तीं-विँदेय । परा᳚च्येतु॒ निर्-ऋ॑तिः परा॒चा । गोभि॒ र्नक्ष॑त्र-म्प॒शुभि॒-स्सम॑क्तम् । अह॑र्भूया॒-द्यज॑मानाय॒ मह्य᳚म् ॥ 14 ॥
अह॑र्नो अ॒द्य सु॑वि॒ते द॑धातु । मूल॒-न्नक्ष॑त्र॒मिति॒ य-द्वद॑न्ति । परा॑चीं-वाँ॒चा निर्-ऋ॑ति-न्नुदामि ।
शि॒व-म्प्र॒जायै॑ शि॒वम॑स्तु॒ मह्य᳚म् ॥
या दि॒व्या आपः॒ पय॑सा स-म्बभू॒वुः । या अ॒न्तरि॑क्ष उ॒त पार्थि॑वी॒र्याः । यासा॑मषा॒ढा अ॑नु॒यन्ति॒
काम᳚म् । ता न॒ आप॒-श्शग्ग् स्यो॒ना भ॑वन्तु ॥
याश्च॒ कूप्या॒ याश्च॑ ना॒द्या᳚-स्समु॒द्रियाः᳚ ।
याश्च॑ वैश॒न्तीरु॒त प्रा॑स॒चीर्याः ॥ 15 ॥
यासा॑मषा॒ढा मधु॑ भ॒क्षय॑न्ति । ता न॒ आप॒-श्शग्ग् स्यो॒ना भ॑वन्तु ॥ तन्नो॒ विश्वे॒ उप॑ शृण्वन्तु दे॒वाः । तद॑षा॒ढा अ॒भि संयँ॑न्तु य॒ज्ञम् ।
तन्नक्ष॑त्र-म्प्रथता-म्प॒शुभ्यः॑ ।
कृ॒षि-र्वृ॒ष्टि-र्यज॑मानाय कल्पताम् ॥
शु॒भ्राः क॒न्या॑ युव॒तयः॑ सु॒पेश॑सः । क॒र्म॒कृतः॑ सु॒कृतो॑ वी॒र्या॑वतीः ।
विश्वा᳚-न्दे॒वान्. ह॒विषा॑ व॒र्धय॑न्तीः ।
अ॒षा॒ढाः काम॒मुप॑यान्तु य॒ज्ञम् ॥ 16 ॥
यस्मि॒-न्ब्रह्मा॒-ऽभ्यज॑य॒-थ्सर्व॑मे॒तत् ।
अ॒मुञ्च॑ लो॒क मि॒दमू॑च॒ सर्व᳚म् ।
तन्नो॒ नक्ष॑त्रमभि॒जि-द्वि॒जित्य॑ । श्रिय॑-न्दधा॒-त्वहृ॑णीयमानम् ॥ उ॒भौ लो॒कौ ब्रह्म॑णा॒ सञ्जि॑ते॒मौ । तन्नो॒ नक्ष॑त्रमभि॒जि-द्विच॑ष्टाम् ।
तस्मि॑न् व॒य-म्पृत॑ना॒-स्स-ञ्ज॑येम ।
तन्नो॑ दे॒वासो॒ अनु॑जानन्तु॒ काम᳚म् ॥
शृ॒ण्वन्ति॑ श्रो॒णा-म॒मृत॑स्य गो॒पाम् ।
पुण्या॑मस्या॒ उप॑शृणोमि॒ वाच᳚म् ॥ 17 ॥
म॒ही-न्दे॒वीं-विँष्णु॑पत्नी-मजू॒र्याम् । प्र॒तीची॑मेनाग्ं ह॒विषा॑ यजामः ॥
त्रे॒धा विष्णु॑-रुरुगा॒यो विच॑क्रमे ।
म॒ही-न्दिव॑-म्पृथि॒वी-म॒न्तरि॑क्षम् ।
तच्छ्रो॒णैति॒ श्रव॑ इ॒च्छमा॑ना ।
पुण्य॒ग्ग्॒ श्लोकं॒-यँज॑मानाय कृण्व॒ती ॥
अ॒ष्टौ दे॒वा वस॑व-स्सो॒म्यासः॑ ।
चत॑स्रो दे॒वी र॒जरा॒-श्श्रवि॑ष्ठाः ।
ते य॒ज्ञ-म्पा᳚न्तु॒ रज॑सः प॒रस्ता᳚त् ।
सं॒वँ॒थ्स॒रीण॑-म॒मृतग्ग्॑ स्व॒स्ति ॥ 18 ॥
य॒ज्ञ-न्नः॑ पान्तु॒ वस॑वः पु॒रस्ता᳚त् । द॒क्षि॒ण॒तो॑-ऽभिय॑न्तु॒ श्रवि॑ष्ठाः । पुण्य॒-न्नक्ष॑त्रम॒भि संविँ॑शाम । मा नो॒ अरा॑ति-र॒घश॒ग्ं॒सा गन्न्॑ ॥
क्ष॒त्रस्य॒ राजा॒ वरु॑णो-ऽधिरा॒जः । नक्ष॑त्राणाग्ं श॒तभि॑ष॒ग् वसि॑ष्ठः । तौ दे॒वेभ्यः॑ कृणुतो दी॒र्घमायुः॑ । श॒तग्ं स॒हस्रा॑ भेष॒जानि॑ धत्तः ॥
य॒ज्ञन्नो॒ राजा॒ वरु॑ण॒ उप॑यातु । तन्नो॒ विश्वे॑ अ॒भि संयँ॑न्तु दे॒वाः ॥ 19 ॥
तन्नो॒ नक्ष॑त्रग्ं श॒तभि॑षग् जुषा॒णम् । दी॒र्घमायुः॒ प्रति॑र-द्भेष॒जानि॑ ॥ अ॒ज एक॑पा॒दुद॑गा-त्पु॒रस्ता᳚त् । विश्वा॑ भू॒तानि॑ प्रति॒मोद॑मानः । तस्य॑ दे॒वाः प्र॑स॒वं-यँ॑न्ति॒ सर्वे᳚ । प्रो॒ष्ठ॒प॒दासो॑ अ॒मृत॑स्य गो॒पाः ॥
वि॒भ्राज॑मान-स्समिधा॒न उ॒ग्रः । आ-ऽन्तरि॑क्ष-मरुह॒द-ग॒न्द्याम् । तग्ं सूर्य॑-न्दे॒व-म॒जमेक॑पादम् । प्रो॒ष्ठ॒प॒दासो॒ अनु॑यन्ति॒ सर्वे᳚ ॥ 20 ॥
अहि॑-र्बु॒द्ध्नियः॒ प्रथ॑मान एति । श्रेष्ठो॑ दे॒वाना॑मु॒त मानु॑षाणाम् । त-म्ब्रा᳚ह्म॒णा-स्सो॑म॒पा-स्सो॒म्यासः॑ ।
प्रो॒ष्ठ॒प॒दासो॑ अ॒भि र॑क्षन्ति॒ सर्वे᳚ ॥
च॒त्वार॒ एक॑म॒भि कर्म॑ दे॒वाः ।
प्रो॒ष्ठ॒प॒दास॒ इति॒ यान्. वद॑न्ति ।
ते बु॒द्धनिय॑-म्परि॒षद्यग्ग्॑ स्तु॒वन्तः॑ ।
अहिग्ं॑ रक्षन्ति॒ नम॑सोप॒सद्य॑ ॥
पू॒षा रे॒वत्यन्वे॑ति॒ पन्था᳚म् । पु॒ष्टि॒पती॑ पशु॒पा वाज॑बस्त्यौ ॥ 21 ॥
इ॒मानि॑ ह॒व्या प्रय॑ता जुषा॒णा ।
सु॒गैर्नो॒ यानै॒रुप॑यातां-यँ॒ज्ञम् ॥
क्षु॒द्रा-न्प॒शू-न्र॑क्षतु रे॒वती॑ नः ।
गावो॑ नो॒ अश्वा॒ग्ं॒ अन्वे॑तु पू॒षा ।
अन्न॒ग्ं॒ रक्ष॑न्तौ बहु॒धा विरू॑पम् ।
वाजग्ं॑ सनुतां॒-यँज॑मानाय य॒ज्ञम् ॥
तद॒श्विना॑-वश्व॒युजोप॑याताम् ।
शुभ॒-ङ्गमि॑ष्ठौ सु॒यमे॑भि॒रश्वैः᳚ ।
स्व-न्नक्ष॑त्रग्ं ह॒विषा॒ यज॑न्तौ ।
मद्ध्वा॒ सम्पृ॑क्तौ॒ यजु॑षा॒ सम॑क्तौ ॥ 22 ॥
यौ दे॒वाना᳚-म्भि॒षजौ॑ हव्यवा॒हौ । विश्व॑स्य दू॒ता-व॒मृत॑स्य गो॒पौ । तौ नक्ष॑त्र-ञ्जुजुषा॒णो-प॑याताम् । नमो॒-ऽश्विभ्या᳚-ङ्कृणुमो-ऽश्व॒युग्भ्या᳚म् ॥
अप॑ पा॒प्मान॒-म्भर॑णीर्भरन्तु । त-द्य॒मो राजा॒ भग॑वा॒न्॒. विच॑ष्टाम् । लो॒कस्य॒ राजा॑ मह॒तो म॒हान्. हि । सु॒ग-न्नः॒ पन्था॒मभ॑य-ङ्कृणोतु ॥
यस्मि॒-न्नक्ष॑त्रे य॒म एति॒ राजा᳚ ।
यस्मि॑-न्नेनम॒भ्यषि॑चन्न्त दे॒वाः ।
तद॑स्य चि॒त्रग्ं ह॒विषा॑ यजाम ।
अप॑ पा॒प्मान॒-म्भर॑णी-र्भरन्तु ॥
नि॒वेश॑नी स॒ङ्गम॑नी॒ वसू॑नां॒-विँश्वा॑ रू॒पाणि॒ वसू᳚न्यावे॒शय॑न्ती । स॒ह॒स्र॒पो॒षग्ं सु॒भगा॒ ररा॑णा॒ सा न॒ आग॒न् वर्च॑सा संविँदा॒ना ॥ यत्ते॑ दे॒वा अद॑धु-र्भाग॒धेय॒ममा॑वास्ये सं॒वँस॑न्तो महि॒त्वा । सानो॑ य॒ज्ञ-म्पि॑पृहि विश्ववारे र॒यि-न्नो॑ धेहि सुभगे सु॒वीर᳚म् ॥ ॥ 23 ॥
(त॒तार॒ - मह्यं॑ - प्रास॒चीर्या - या᳚न्तु य॒ज्ञं - ँवाचग्ग्॑ - स्व॒स्ति - दे॒वा-अनु॑ यन्ति॒ सर्वे॒-वाज॑बस्त्यौ॒-सम॑क्तौ-दे॒वा स्त्रीणि॑ च) (अ. 2)
अनुवाकं 3 - चान्द्रमसादीनां सप्तनामिष्टीनां-याँज्यानुवाक्याः
नवो॑नवो भवति॒ जाय॑मा॒नो-ऽह्ना᳚-ङ्के॒तुरु॒षसा॑ मे॒त्यग्रे᳚ । भा॒ग-न्दे॒वेभ्यो॒ विद॑धात्या॒य-न्प्रच॒न्द्रमा᳚स्तिरति दी॒र्घमायुः॑ ॥ यमा॑दि॒त्या
अ॒ग्ं॒शुमा᳚प्या॒यय॑न्ति यमा॑दि॒त्या अ॒ग्ं॒शुमा᳚प्या॒यय॑न्ति॒ यमक्षि॑त॒-मक्षि॑तयः॒ पिब॑न्ति । तेन॑ नो॒ राजा॒ वरु॑णो॒ बृह॒स्पति॒रा प्या॑ययन्तु॒ भुव॑नस्य गो॒पाः ॥॥ ये विरू॑पे॒ सम॑नसा सं॒व्यँय॑न्ती । स॒मा॒न-न्तन्तु॑-म्परि तात॒नाते᳚ । वि॒भू प्र॒भू अ॑नु॒भू वि॒श्वतो॑ हुवे ।
ते नो॒ नक्ष॑त्रे॒ हव॒माग॑मेतम् ॥
व॒य-न्दे॒वी ब्रह्म॑णा संविँदा॒नाः ।
सु॒रत्ना॑सो दे॒ववी॑ति॒-न्दधा॑नाः ।
अ॒हो॒रा॒त्रे ह॒विषा॑ व॒र्धय॑न्तः ।
अति॑ पा॒प्मान॒-मति॑मुक्त्या गमेम ॥ प्रत्यु॑वदृश्याय॒ती ॥ 24 ॥
व्यु॒च्छन्ती॑ दुहि॒ता दि॒वः । अ॒पो म॒ही वृ॑णुते॒ चक्षु॑षा ॥ तमो॒ ज्योति॑ष्कृणोति सू॒नरी᳚ । उदु॒स्त्रिया᳚-स्सचते॒ सूर्यः॑ । स चा॑ उ॒द्यन्नक्ष॑त्र-मर्चि॒मत् । तवेदु॑षो॒ व्युषि॒ सूर्य॑स्य च ॥
स-म्भ॒क्तेन॑ गमेमहि । तन्नो॒ नक्ष॑त्र-मर्चि॒मत् । भा॒नु॒मत्तेज॑ उ॒च्चर॑त् । उप॑ य॒ज्ञ-मि॒हाग॑मत् ॥ 25 ॥
प्र नक्ष॑त्राय दे॒वाय॑ । इन्द्रा॒येन्दुग्ं॑ हवामहे ।
स नः॑ सवि॒ता सु॑व-थ्स॒निम् । पु॒ष्टि॒दां-वीँ॒रव॑त्तमम् ॥ उदु॒ त्य-ञ्जा॒तवे॑दस-न्दे॒वं-वँ॑हन्ति के॒तवः॑ । दृ॒शे विश्वा॑य॒ सूर्य᳚म् ॥ चि॒त्र-न्दे॒वाना॒-मुद॑गा॒दनी॑क॒-ञ्चक्षु॑-र्मि॒त्रस्य॒ वरु॑णस्या॒-ऽग्नेः । आ-ऽ प्रा॒ द्यावा॑पृथि॒वी अ॒न्तरि॑क्ष॒ग्ं॒ सूर्य॑ आ॒त्मा जग॑तस्त॒स्थुष॑श्च ॥॥
अदि॑तिर्न उरुष्य॒त्वदि॑ति॒-श्शर्म॑ यच्छतु । अदि॑तिः पा॒त्वग्ं ह॑सः ॥ म॒हीमू॒षु मा॒तरग्ं॑ सुव्र॒ताना॑मृ॒तस्य॒ पत्नी॒मव॑से हुवेम । तु॒वि॒क्ष॒त्राम॒जर॑न्तीमुरू॒चीग्ं सु॒शर्मा॑ण॒मदि॑तिग्ं सु॒प्रणी॑तिम् ॥ ॥
इ॒दं-विँष्णु॒-र्विच॑क्रमे त्रे॒धा नि द॑धे प॒दम् । स मू॑ढमस्य पाग्ं सु॒रे ॥ प्रत-द्विष्णुः॑ स्तवते वी॒र्या॑य । मृ॒गो न भी॒मः कु॑च॒रो गि॑रि॒ष्ठाः । यस्यो॒रुषु॑ त्रि॒षु वि॒क्रम॑णेषु । अधि॑क्षि॒यन्ति॒ भुव॑नानि॒ विश्वा᳚ ॥ ॥
अ॒ग्निर्मू॒र्धा दि॒वः क॒कु-त्पतिः॑ पृथि॒व्या अ॒यम् । अ॒पाग्ं रेताग्ं॑सि जिन्वति ॥ भुवो॑ य॒ज्ञस्य॒ रज॑सश्च ने॒ता यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षा-ञ्जि॒ह्वाम॑ग्ने चकृषे हव्य॒वाह᳚म् ॥ ॥
अनु॑ नो॒-ऽद्या-ऽनु॑मति-र्य॒ज्ञ-न्दे॒वेषु॑ मन्यताम् । अ॒ग्निश्च॑ हव्य॒वाह॑नो॒ भव॑ता-न्दा॒शुषे॒ मयः॑ ॥ अन्विद॑नुमते॒ त्व-म्मन्या॑सै॒ शञ्च॑नः कृधि । क्रत्वे॒ दक्षा॑य नो हिनु॒ प्रण॒ आयूग्ं॑षि तारिषः ॥ ॥
ह॒व्य॒वाह॑-मभिमाति॒षा-ऽह᳚म् । र॒क्षो॒हण॒-म्पृत॑नासु जि॒ष्णुम् । ज्योति॑ष्मन्त॒-न्दीद्य॑त॒-म्पुर॑न्धिम् । अ॒ग्निग्ग् स्वि॑ष्ट॒कृत॒मा हु॑वेम ॥ स्वि॑ष्टमग्ने अ॒भि त-त्पृ॑णाहि । विश्वा॑ देव॒ पृत॑ना अ॒भिष्य । उ॒रु-न्नः॒ पन्था᳚-म्प्रदि॒शन्वि भा॑हि । ज्योति॑ष्मद्धेह्य॒जर॑-न्न॒ आयुः॑ ॥ ॥ 26 ॥
(आ॒य॒त्य॑ - गम॒थ् - स्वि॑ष्टम्) (अ. 3)
अनुवाकं 4 - देव नक्षत्रेष्टिब्राह्मणम्
अ॒ग्निर्वा अ॑कामयत । अ॒न्ना॒दो दे॒वानाग्॑ स्या॒मिति॑ ।
स ए॒तम॒ग्नये॒ कृत्ति॑काभ्यः पुरो॒डाश॑-म॒ष्टाक॑पाल॒-न्निर॑वपत् । ततो॒ वै सो᳚-ऽन्ना॒दो दे॒वाना॑मभवत् । अ॒ग्निर्वै दे॒वाना॑मन्ना॒दः ॥
यथा॑ ह॒ वा अ॒ग्नि-र्दे॒वना॑-मन्ना॒दः ।
ए॒वग्ं ह॒ वा ए॒ष म॑नु॒ष्या॑णा-म्भवति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ॥ सो-ऽत्र॑ जुहोति । अ॒ग्नये॒ स्वाहा॒ कृत्ति॑काभ्य॒-स्स्वाहा᳚ । अ॒म्बायै॒ स्वाहा॑ दु॒लायै॒ स्वाहा᳚ । नि॒त॒त्न्यै स्वाहा॒ ऽभ्रय॑न्त्यै॒ स्वाहा᳚ । मे॒घय॑न्त्यै॒ स्वाहा॑ व॒र॒.षय॑न्त्यै॒ स्वाहा᳚ । चु॒पु॒णीका॑यै॒ स्वाहेति॑ ॥ 27 ॥
प्र॒जाप॑तिः प्र॒जा अ॑सृजत । ता अ॑स्मा-थ्सृ॒ष्टाः परा॑चीरायन्न् । तासाग्ं॑ रोहि॒णी-म॒भ्य॑द्ध्यायत् । सो॑-ऽकामयत । उप॒ मा-ऽऽव॑र्तेत । समे॑नया गच्छे॒येति॑ । स ए॒त-म्प्र॒जाप॑तये रोहि॒ण्यै च॒रु-न्निर॑वपत् । ततो॒ वै सा तमु॒पाव॑र्तत । समे॑नया ऽगच्छत ॥ उप॑ ह॒ वा ए॑न-म्प्रि॒यमाव॑र्तते ।
स-म्प्रि॒येण॑ गच्छते । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ ॥ सो-ऽत्र॑ जुहोति ।
प्र॒जाप॑तये॒ स्वाहा॑ रोहि॒ण्यै स्वाहा᳚ ।
रोच॑मानायै॒ स्वाहा᳚ प्र॒जाभ्य॒-स्स्वाहेति॑ ॥ 28 ॥
सोमो॒ वा अ॑कामयत । ओष॑धीनाग्ं रा॒ज्य-म॒भिज॑येय॒मिति॑ । स ए॒तग्ं सोमा॑य मृगशी॒र॒.षाय॑ श्यामा॒क-ञ्च॒रु-म्पय॑सि॒ निर॑वपत् । ततो॒ वै स ओष॑धीनाग्ं
रा॒ज्यम॒भ्य॑जयत् । स॒मा॒नानाग्ं॑ ह॒ वै रा॒ज्यम॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
सोमा॑य॒ स्वाहा॑ मृगशी॒र॒.षाय॒ स्वाहा᳚ ।
इ॒न्व॒काभ्य॒-स्स्वाहौष॑धीभ्य॒-स्स्वाहा᳚ ।
रा॒ज्याय॒ स्वाहा॒ ऽभिजि॑त्यै॒ स्वाहेति॑ ॥ 29 ॥
रु॒द्रो वा अ॑कामयत । प॒शु॒मान्-थ्स्या॒मिति॑ ।
स ए॒तग्ं रु॒द्राया॒र्द्रायै॒ प्रैय॑ङ्गव-ञ्च॒रु-म्पय॑सि॒ निर॑वपत् । ततो॒ वै स प॑शु॒मान॑भवत् । प॒शु॒मान्. ह॒ वै भ॑वति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । रु॒द्राय॒ स्वाहा॒ ऽऽर्द्रायै॒ स्वाहा᳚ । पिन्व॑मानायै॒ स्वाहा॑ प॒शुभ्य॒-स्स्वाहेति॑ ॥ 30 ॥
ऋ॒क्षा वा इ॒यम॑लो॒मका॑-ऽऽसीत् । सा-ऽका॑मयत ।
ओष॑धीभि॒-र्वन॒स्पति॑भिः॒ प्रजा॑ये॒येति॑ ।
सैतमदि॑त्यै॒ पुन॑र्वसुभ्या-ञ्च॒रु-न्निर॑वपत् ।
ततो॒ वा इ॒यमोष॑धीभि॒-र्वन॒स्पति॑भिः॒ प्राजा॑यत ।
प्रजा॑यते ह॒ वै प्र॒जया॑ प॒शुभिः॑ । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ।
सो-ऽत्र॑ जुहोति । अदि॑त्यै॒ स्वाहा॒ पुन॑र्वसुभ्याम् ।
स्वाहा-ऽऽभू᳚त्यै॒ स्वाहा॒ प्रजा᳚त्यै॒ स्वाहेति॑ ॥ 31 ॥
बृह॒स्पति॒र्वा अ॑कामयत । ब्र॒ह्म॒व॒र्च॒सी स्या॒मिति॑ ।
स ए॒त-म्बृह॒स्पत॑ये ति॒ष्या॑य नैवा॒र-ञ्च॒रु-म्पय॑सि॒ निर॑वपत् । ततो॒ वै स ब्र॑ह्मवर्च॒स्य॑भवत् । ब्र॒ह्म॒व॒र्च॒सी ह॒ वै भ॑वति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
बृह॒स्पत॑ये॒ स्वाहा॑ ति॒ष्या॑य॒ स्वाहा᳚ । ब्र॒ह्म॒व॒र्च॒साय॒ स्वाहेति॑ ॥ 32 ॥
दे॒वा॒सु॒रा-स्संयँ॑त्ता आसन्न् । ते दे॒वा-स्स॒र्पेभ्य॑ आश्रे॒षाभ्य॒ आज्ये॑ कर॒म्भ-न्निर॑वपन्न् ।
ताने॒ताभि॑रे॒व दे॒वता॑-भि॒रुपा॑नयन्न् ।
ए॒ताभि॑र्ह॒ वै दे॒वता॑भि-र्द्वि॒षन्त॒-म्भ्रातृ॑व्य॒-मुप॑नयति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
स॒र्पेभ्य॒-स्स्वाहा᳚-ऽऽश्रे॒षाभ्य॒-स्स्वाहा᳚ । द॒न्द॒शूके᳚भ्य॒-स्स्वाहेति॑ ॥ 33 ॥
पि॒तरो॒ वा अ॑कामयन्त । पि॒तृ॒लो॒क ऋ॑द्ध्नुया॒मेति॑ ।
त ए॒त-म्पि॒तृभ्यो॑ म॒घाभ्यः॑ पुरो॒डाश॒ग्ं॒ षट्क॑पाल॒-न्निर॑वपन्न् । ततो॒ वै ते पि॑तृलो॒क आ᳚र्ध्नुवन्न् । पि॒तृ॒लो॒के ह॒ वा ऋ॑ध्नोति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । पि॒तृभ्य॒-स्स्वाहा॑ म॒घाभ्यः॑ ।
स्वाहा॑ ऽन॒घाभ्य॒-स्स्वाहा॑ ऽग॒दाभ्यः॑ ।
स्वाहा॑ ऽरुन्ध॒तीभ्य॒-स्स्वाहेति॑ ॥ 34 ॥
अ॒र्य॒मा वा अ॑कामयत । प॒शु॒मान्-थ्स्या॒मिति॑ ।
स ए॒तम॑र्य॒म्णे फल्गु॑नीभ्या-ञ्च॒रु-न्निर॑वपत् ।
ततो॒ वै स प॑शु॒मान॑भवत् ।
प॒शु॒मान्. ह॒ वै भ॑वति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति । अ॒र्य॒म्णे स्वाहा॒ फल्गु॑नीभ्या॒ग्॒ स्वाहा᳚ ।
प॒शुभ्य॒-स्स्वाहेति॑ ॥ 35 ॥
भगो॒ वा अ॑कामयत । भ॒गी श्रे॒ष्ठी दे॒वानाग्॑ स्या॒मिति॑ । स ए॒त-म्भगा॑य॒ फल्गु॑नीभ्या-ञ्च॒रु-न्निर॑वपत् । ततो॒ वै स भ॒गी श्रे॒ष्ठी दे॒वाना॑मभवत् ।
भ॒गी ह॒ वै श्रे॒ष्ठी स॑मा॒नाना᳚-म्भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । भगा॑य॒ स्वाहा॒ फल्गु॑नीभ्या॒ग्॒ स्वाहा᳚ । श्रैष्ठ्या॑य॒ स्वाहेति॑ ॥ 36 ॥
स॒वि॒ता वा अ॑कामयत । श्रन्मे॑ दे॒वा दधी॑रन्न् । स॒वि॒ता स्या॒मिति॑ । स ए॒तग्ं स॑वि॒त्रे हस्ता॑य पुरो॒डाश॒-न्द्वाद॑शकपाल॒-न्निर॑वपदाशू॒नां
ँव्री॑ही॒णाम् । ततो॒ वै तस्मै॒ श्रद्दे॒वा अद॑धत । स॒वि॒ता-ऽभ॑वत् । श्रद्ध॒ वा अ॑स्मै मनु॒ष्या॑ दधते । स॒वि॒ता स॑मा॒नाना᳚-म्भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
स॒वि॒त्रे स्वाहा॒ हस्ता॑य । स्वाहा॑ दद॒ते स्वाहा॑ पृण॒ते । स्वाहा᳚ प्र॒यच्छ॑ते॒ स्वाहा᳚ प्रतिगृभ्ण॒ते स्वाहेति॑ ॥ 37 ॥
त्वष्टा॒ वा अ॑कामयत । चि॒त्र-म्प्र॒जां-विँ॑न्दे॒येति॑ ।
स ए॒त-न्त्वष्ट्रे॑ चि॒त्रायै॑ पुरो॒डाश॑म॒ष्टा-क॑पाल॒-न्निर॑वपत् । ततो॒ वै स चि॒त्र-म्प्र॒जाम॑विन्दत । चि॒त्रग्ं ह॒ वै प्र॒जां-विँ॑न्दते ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
त्वष्ट्रे॒ स्वाहा॑ चि॒त्रायै॒ स्वाहा᳚ ।
चैत्रा॑य॒ स्वाहा᳚ प्र॒जायै॒ स्वाहेति॑ ॥ 38 ॥
वा॒युर्वा अ॑कामयत । का॒म॒चार॑मे॒षु लो॒केष्व॒भिज॑येय॒मिति॑ । स ए॒त-द्वा॒यवे॒ निष्ट्या॑यै गृ॒ष्ट्यै दु॒ग्ध-म्पयो॒ निर॑वपत् ।
ततो॒ वै स का॑म॒चार॑मे॒षु लो॒केष्व॒भ्य॑जयत् ।
का॒म॒चारग्ं॑ ह॒ वा ए॒षु लो॒केष्व॒भिज॑यति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । वा॒यवे॒ स्वाहा॒ निष्ट्या॑यै॒ स्वाहा᳚ ।
का॒म॒चारा॑य॒ स्वाहा॒-ऽभिजि॑त्यै॒ स्वाहेति॑ ॥ 39 ॥
इ॒न्द्रा॒ग्नी वा अ॑कामयेताम् । श्रैष्ठ्य॑-न्दे॒वाना॑-म॒भिज॑ये॒वेति॑ । तावे॒तमि॑न्द्रा॒ग्निभ्यां॒-विँशा॑खाभ्या-म्पुरो॒डाश॒-मेका॑दशकपाल॒-न्निर॑वपताम् । ततो॒ वै तौ श्रैष्ठ्य॑-न्दे॒वाना॑-म॒भ्य॑जयताम् । श्रैष्ठ्यग्ं॑ ह॒ वै स॑मा॒नाना॑म॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
इ॒न्द्रा॒ग्निभ्या॒ग्॒ स्वाहा॒ विशा॑खाभ्या॒ग्॒ स्वाहा᳚ ।
श्रैष्ठ्या॑य॒ स्वाहा॒ ऽभिजि॑त्यै॒ स्वाहेति॑ ॥ 40 ॥
अथै॒तत्-पौ᳚र्णमा॒स्या आज्य॒-न्निर्व॑पति । कामो॒ वै पौ᳚र्णमा॒सी । काम॒ आज्य᳚म् । कामे॑नै॒व काम॒ग्ं॒ सम॑र्धयति । क्षि॒प्रमे॑न॒ग्ं॒ स काम॒ उप॑नमति । येन॒ कामे॑न॒ यज॑ते । सो-ऽत्र॑ जुहोति ।
पौ॒र्ण॒मा॒स्यै स्वाहा॒ कामा॑य॒ स्वाहा-ऽऽग॑त्यै॒ स्वाहेति॑ ॥ 41 ॥
अनुवाकं 5 - यमनक्षत्रेष्टिब्राह्मणम्
मि॒त्रो वा अ॑कामयत । मि॒त्र॒धेय॑मे॒षु लो॒केष्व॒भि ज॑येय॒मिति॑ । स ए॒त-म्मि॒त्राया॑नूरा॒धेभ्य॑श्च॒रु-न्निर॑वपत् । ततो॒ वै स मि॑त्र॒धेय॑मे॒षु लो॒केष्व॒भ्य॑जयत् । मि॒त्र॒धेयग्ं॑ ह॒ वा ए॒षु लो॒केष्व॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
मि॒त्राय॒ स्वाहा॑ ऽनूरा॒धेभ्य॒-स्स्वाहा᳚ ।
मि॒त्र॒धेया॑य॒ स्वाहा॒ ऽभिजि॑त्यै॒ स्वाहेति॑ ॥ 42 ॥
इन्द्रो॒ वा अ॑कामयत । ज्यैष्ठ्य॑-न्दे॒वाना॑-म॒भिज॑येय॒मिति॑ । स ए॒तमिन्द्रा॑य ज्ये॒ष्ठायै॑ पुरो॒डाश॒-मेका॑दशकपाल॒-न्निर॑वप-न्म॒हाव्री॑हीणाम् । ततो॒ वै स ज्यैष्ठ्य॑-न्दे॒वाना॑म॒भ्य॑जयत् । ज्यैष्ठ्यग्ं॑ ह॒ वै स॑मा॒नाना॑-म॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति । इन्द्रा॑य॒ स्वाहा᳚ ज्ये॒ष्ठायै॒ स्वाहा᳚ ।
ज्यैष्ठ्या॑य॒ स्वाहा॒ ऽभिजि॑त्यै॒ स्वाहेति॑ ॥ 43 ॥
प्र॒जाप॑ति॒र्वा अ॑कामयत । मूल॑-म्प्र॒जां-विँ॑न्दे॒येति॑ । स ए॒त-म्प्र॒जाप॑तये॒ मूला॑य च॒रु-न्निर॑वपत् । ततो॒ वै स मूल॑-म्प्र॒जाम॑विन्दत । मूलग्ं॑ ह॒ वै प्र॒जां-विँ॑न्दते । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । प्र॒जाप॑तये॒ स्वाहा॒ मूला॑य॒ स्वाहा᳚ । प्र॒जायै॒ स्वाहेति॑ ॥ 44 ॥
आपो॒ वा अ॑कामयन्त । स॒मु॒द्र-ङ्काम॑म॒ भिज॑ये॒मेति॑ । ता ए॒तम॒द्भ्यो॑-ऽषा॒ढाभ्य॑श्च॒रु-न्निर॑वपन्न् । ततो॒ वै ता-स्स॑मु॒द्र-ङ्काम॑म॒भ्य॑जयन्न् । स॒मु॒द्रग्ं ह॒ वै काम॑म॒भिज॑यति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
अ॒द्भ्य-स्स्वाहा॑ ऽषा॒ढाभ्य॒-स्स्वाहा᳚ । स॒मु॒द्राय॒ स्वाहा॒ कामा॑य॒ स्वाहा᳚ । अ॒भिजि॑त्यै॒ स्वाहेति॑ ॥ 45 ॥
विश्वे॒ वै दे॒वा अ॑कामयन्त । अ॒न॒प॒ज॒य्य-ञ्ज॑ये॒मेति॑ । त ए॒तं-विँश्वे᳚भ्यो दे॒वेभ्यो॑-ऽषा॒ढाभ्य॑श्च॒रु-न्निर॑वपन्न् ।
ततो॒ वै ते॑-ऽनपज॒य्य-म॑जयन्न् । अ॒न॒प॒ज॒य्यग्ं ह॒ वै ज॑यति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
विश्वे᳚भ्यो दे॒वेभ्य॒-स्स्वाहा॑ ऽषा॒ढाभ्य॒-स्स्वाहा᳚ ।
अ॒न॒प॒ज॒य्याय॒ स्वाहा॒ जित्यै॒ स्वाहेति॑ ॥ 46 ॥
ब्रह्म॒ वा अ॑कामयत । ब्र॒ह्म॒लो॒कम॒भिज॑येय॒मिति॑ ।
तदे॒त-म्ब्रह्म॑णे-ऽभि॒जिते॑ च॒रु-न्निर॑वपत् ।
ततो॒ वै तद्ब्र॑ह्मलो॒कम॒भ्य॑जयत् । ब्र॒ह्म॒लो॒कग्ं ह॒ वा अ॒भिज॑यति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । ब्रह्म॑णे॒ स्वाहा॑ ऽभि॒जिते॒ स्वाहा᳚ । ब्र॒ह्म॒लो॒काय॒ स्वाहा॒ ऽभिजि॑त्यै॒ स्वाहेति॑ ॥ 47 ॥
विष्णु॒र्वा अ॑कामयत । पुण्य॒ग्ग्॒ श्लोकग्ं॑ शृण्वीय ।
न मा॑ पा॒पी की॒र्तिराग॑च्छे॒दिति॑ । स ए॒तं-विँष्ण॑वे श्रो॒णायै॑ पुरो॒डाश॑-न्त्रिकपा॒ल-न्निर॑वपत् ।
ततो॒ वै स पुण्य॒ग्ग्॒ श्लोक॑म शृणुत । नैन॑-म्पा॒पी की॒र्तिरा- ग॑च्छत् । पुण्यग्ं॑ ह॒ वै श्लोकग्ं॑ शृणुते । नैन॑-म्पा॒पी की॒र्तिराग॑च्छति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
विष्ण॑वे॒ स्वाहा᳚ श्रो॒णायै॒ स्वाहा᳚ ।
श्लोका॑य॒ स्वाहा᳚ श्रु॒ताय॒ स्वाहेति॑ ॥ 48 ॥
वस॑वो॒ वा अ॑कामयन्त । अग्र॑-न्दे॒वता॑ना॒-म्परी॑या॒मेति॑ । त ए॒तं-वँसु॑भ्य॒-श्श्रवि॑ष्ठाभ्यः पुरो॒डाश॑म॒ष्टाक॑पाल॒-न्निर॑वपन्न् ।
ततो॒ वै ते-ऽग्र॑-न्दे॒वता॑ना॒-म्पर्या॑यन्न् ।
अग्रग्ं॑ ह॒ वै स॑मा॒नाना॒-म्पर्ये॑ति ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । वसु॑भ्य॒-स्स्वाहा॒ श्रवि॑ष्ठाभ्य॒-स्स्वाहा᳚ । अग्रा॑य॒ स्वाहा॒ परी᳚त्यै॒ स्वाहेति॑ ॥ 49 ॥
इन्द्रो॒ वा अ॑कामयत । दृ॒ढो ऽशि॑थिल-स्स्या॒मिति॑ ।
स ए॒तं-वँरु॑णाय श॒तभि॑षजे भेष॒जेभ्यः॑ पुरो॒डाश॒-न्दश॑कपाल॒-न्निर॑वपत्-कृ॒ष्णानां᳚-व्रीँही॒णाम् । ततो॒ वै स दृ॒ढो-ऽशि॑थिलो-ऽभवत् ।
दृ॒ढो ह॒ वा अशि॑थिलो भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
वरु॑णाय॒ स्वाहा॑ श॒तभि॑षजे॒ स्वाहा᳚ ।
भे॒ष॒जेभ्य॒-स्स्वाहेति॑ ॥ 50 ॥
अ॒जो वा एक॑पादकामयत । ते॒ज॒स्वी ब्र॑ह्मवर्च॒सी स्या॒मिति॑ । स ए॒तम॒जायैक॑पदे प्रोष्ठप॒देभ्य॑-श्च॒रु-न्निर॑वपत् । ततो॒ वै स ते॑ज॒स्वी ब्र॑ह्मवर्च॒स्य॑भवत् । ते॒ज॒स्वी ह॒ वै ब्र॑ह्मवर्च॒सी भ॑वति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
अ॒जायैक॑पदे॒ स्वाहा᳚ प्रोष्ठप॒देभ्य॒-स्स्वाहा᳚ ।
तेज॑से॒ स्वाहा᳚ ब्रह्मवर्च॒साय॒ स्वाहेति॑ ॥ 51 ॥
अहि॒र्वै बु॒द्ध्नियो॑-ऽकामयत । इ॒मा-म्प्र॑ति॒ष्ठां-विँ॑न्दे॒येति॑ । स ए॒तमह॑ये बु॒द्ध्निया॑य प्रोष्ठप॒देभ्यः॑ पुरो॒डाश॒-म्भूमि॑कपाल॒-न्निर॑वपत् । ततो॒ वै स इ॒मा-म्प्र॑ति॒ष्ठा-म॑विन्दत । इ॒माग्ं ह॒ वै प्र॑ति॒ष्ठां-विँ॑न्दते ।
य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । अह॑ये बु॒द्ध्निया॑य॒ स्वाहा᳚ प्रोष्ठप॒देभ्य॒-स्स्वाहा᳚ ।
प्र॒ति॒ष्ठायै॒ स्वाहेति॑ ॥ 52 ॥
पू॒षा वा अ॑कामयत । प॒शु॒मान्-थ्स्या॒मिति॑ ।
स ए॒त-म्पू॒ष्णे रे॒वत्यै॑ च॒रु-न्निर॑वपत् ।
ततो॒ वै स प॑शु॒मान॑भवत् ।
प॒शु॒मान्. ह॒ वै भ॑वति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ ।
सो-ऽत्र॑ जुहोति । पू॒ष्णे स्वाहा॑ रे॒वत्यै॒ स्वाहा᳚ ।
प॒शुभ्य॒-स्स्वाहेति॑ ॥ 53 ॥
अ॒श्विनौ॒ वा अ॑कामयेताम् । श्रो॒त्र॒स्विना॒वब॑धिरौ स्या॒वेति॑ । तावे॒तम॒श्विभ्या॑-मश्व॒युग्भ्या᳚-म्पुरो॒डाश॑-न्द्विकपा॒ल-न्निर॑वपताम् ।
ततो॒ वै तौ श्रो᳚त्र॒स्विना॒वब॑धिरा-वभवताम् ।
श्रो॒त्र॒स्वी ह॒ वा अब॑धिरो भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति ।
अ॒श्विभ्या॒ग्॒ स्वाहा᳚-ऽश्व॒युग्भ्या॒ग्॒ स्वाहा᳚ ।
श्रोत्रा॑य॒ स्वाहा॒ श्रुत्यै॒ स्वाहेति॑ ॥ 54 ॥
य॒मो वा अ॑कामयत ।
पि॒तृ॒णाग्ं रा॒ज्य-म॒भिज॑येय॒मिति॑ ।
स ए॒तं-यँ॒माया॑प॒भर॑णीभ्यश्च॒रु-न्निर॑वपत् ।
ततो॒ वै स पि॑तृ॒णाग्ं रा॒ज्यम॒भ्य॑जयत् ।
स॒मा॒नानाग्ं॑ ह॒ वै रा॒ज्यम॒भिज॑यति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
य॒माय॒ स्वाहा॑ ऽप॒भर॑णीभ्य॒-स्स्वाहा᳚ ।
रा॒ज्याय॒ स्वाहा॒ ऽभिजि॑त्यै स्वाहेति॑ ॥ 55 ॥
अथै॒तद॑-मा॒वास्या॑या॒ आज्य॒-न्निर्व॑पति ।
कामो॒ वा अ॑मावा॒स्या᳚ । काम॒ आज्य᳚म् । कामे॑नै॒व काम॒ग्ं॒ सम॑र्धयति । क्षि॒प्रमे॑न॒ग्ं॒ स काम॒ उप॑नमति । येन॒ कामे॑न॒ यज॑ते । सो-ऽत्र॑ जुहोति । अ॒मा॒वा॒स्या॑यै॒ स्वाहा॒ कामा॑य॒ स्वाहा ऽऽग॑त्यै॒ स्वाहेति॑ ॥ 56 ॥
बु॒द्ध्नियः॑ - पु॒षा - ऽश्विनौ॑ - य॒मो दश॑द॒शा - थै॒तद॑ - मावा॒स्या॑या अ॒ष्टौ पञ्च॑दश ) (अ. 5)
अनुवाकं 6 - चान्द्रमसादीष्टिब्राह्मणम्
च॒न्द्रमा॒ वा अ॑कामयत । अ॒हो॒रा॒त्रा-न॑र्धमा॒सा-न्मासा॑-नृ॒तून्थ्- सं॑वँथ्स॒र-मा॒प्त्वा । च॒न्द्रम॑स॒-स्सायु॑ज्यग्ं सलो॒कता॑-माप्नुया॒मिति॑ । स ए॒त-ञ्च॒न्द्रम॑से प्रती॒दृश्या॑यै पुरो॒डाश॒-म्पञ्च॑दशकपाल॒-न्निर॑वपत् ।
ततो॒ वै सो॑-ऽहोरा॒त्रा-न॑र्धमा॒सा-न्मासा॑-नृ॒तून्-थ्सं॑वँथ्स॒र-मा॒प्त्वा ।
च॒न्द्रम॑स॒-स्सायु॑ज्यग्ं सलो॒कता॑माप्नोत् ।
अ॒हो॒रा॒त्रान्. ह॒ वा अ॑र्धमा॒सा-न्मासा॑न्-ऋ॒तून्-थ्सं॑वँथ्स॒र-मा॒प्त्वा । च॒न्द्रम॑स॒-स्सायु॑ज्यग्ं सलो॒कता॑माप्नोति । य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
च॒न्द्रम॑से॒ स्वाहा᳚ प्रती॒दृश्या॑यै॒ स्वाहा᳚ ।
अ॒हो॒रा॒त्रेभ्य॒-स्स्वाहा᳚ ऽर्धमा॒सेभ्य॒-स्स्वाहा᳚ ।
मासे᳚भ्य॒-स्स्वाह॒र्तुभ्य॒-स्स्वाहा᳚ । सं॒वँ॒थ्स॒राय॒ स्वाहेति॑ ॥ 57 ॥
अ॒हो॒रा॒त्रे वा अ॑कामयेताम् । अत्य॑होरा॒त्रे मु॑च्येवहि ।
न ना॑वहोरा॒त्रे आ᳚प्नुयाता॒मिति॑ । ते ए॒तम॑हो-रा॒त्राभ्या᳚-ञ्च॒रु-न्निर॑वपताम् । द्व॒यानां᳚-व्रीँही॒णाम् । शु॒क्लाना᳚-ञ्च कृ॒ष्णाना᳚-ञ्च । स॒वा॒त्योर्दु॒ग्धे । श्वे॒तायै॑ च कृ॒ष्णायै॑ च ।
ततो॒ वै ते अत्य॑होरा॒त्रे अ॑मुच्येते ।
नैने॑ अहोरा॒त्रे आ᳚प्नुताम् । अति॑ ह॒ वा अ॑होरा॒त्रे मु॑च्यते । नैन॑महोरा॒त्रे आ᳚प्नुतः । य ए॒तेन॑ ह॒विषा॒ यज॑ते । य उ॑ चैनदे॒वंवेँद॑ ।
सो-ऽत्र॑ जुहोति । अह्ने॒ स्वाहा॒ रात्रि॑यै॒ स्वाहा᳚ ।
अति॑मुक्त्यै॒ स्वाहेति॑ ॥ 58 ॥
उ॒षा वा अ॑कामयत । प्रि॒या ऽऽदि॒त्यस्य॑ सु॒भगा᳚ स्या॒मिति॑ । सैतमु॒षसे॑ च॒रु-न्निर॑वपत् ।
ततो॒ वै सा प्रि॒या ऽऽदि॒त्यस्य॑ सु॒भगा॑ ऽभवत् ।
प्रि॒यो ह॒ वै स॑मा॒नानाग्ं॑ सु॒भगो॑ भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । उ॒षसे॒ स्वाहा॒ व्यु॑ष्ट्यै॒ स्वाहा᳚ ।
व्यू॒षुष्यै॒ स्वाहा᳚ व्यु॒च्छन्त्यै॒ स्वाहा᳚ । व्यु॑ष्टायै॒ स्वाहेति॑ ॥ 59 ॥
अथै॒तस्मै॒ नक्ष॑त्राय च॒रु-न्निर्व॑पति । यथा॒ त्व-न्दे॒वाना॒मसि॑ । ए॒वम॒ह-म्म॑नु॒ष्या॑णा-म्भूयास॒मिति॑ । यथा॑ ह॒ वा ए॒त-द्दे॒वाना᳚म् ।
ए॒वग्ं ह॒ वा ए॒ष म॑नु॒ष्या॑णा-म्भवति । य ए॒तेन॑ ह॒विषा॒ यज॑ते । य उ॑ चैनदे॒वं-वेँद॑ । सो-ऽत्र॑ जुहोति । नक्ष॑त्राय॒ स्वाहो॑देष्य॒ते स्वाहा᳚ ।
उ॒द्य॒ते स्वाहोदि॑ताय॒ स्वाहा᳚ । हर॑से॒ स्वाहा॒ भर॑से॒ स्वाहा᳚ । भ्राज॑से॒ स्वाहा॒ तेज॑से॒ स्वाहा᳚ ।
तप॑से॒ स्वाहा᳚ ब्रह्मवर्च॒साय॒ स्वाहेति॑ ॥ 60 ॥
सूर्यो॒ वा अ॑कामयत । नक्ष॑त्राणा-म्प्रति॒ष्ठा स्या॒मिति॑ । स ए॒तग्ं सूर्या॑य॒ नक्ष॑त्रेभ्यश्च॒रु-न्निर॑वपत् ।
ततो॒ वै स नक्ष॑त्राणा-म्प्रति॒ष्ठा ऽभ॑वत् ।
प्र॒ति॒ष्ठा ह॒ वै स॑मा॒नाना᳚-म्भवति ।
य ए॒तेन॑ ह॒विषा॒ यज॑ते ।
य उ॑ चैनदे॒वं-वेँद॑ । सो-ऽत्र॑ जुहोति ।
सूर्या॑य॒ स्वाहा॒ नक्ष॑त्रेभ्य॒-स्स्वाहा᳚ । प्र॒ति॒ष्ठायै॒ स्वाहेति॑ ॥ 61 ॥
अथै॒तमदि॑त्यै च॒रु-न्निर्व॑पति । इ॒यं-वाँ अदि॑तिः ।
अ॒स्यामे॒व प्रति॑ तिष्ठति । सो-ऽत्र॑ जुहोति ।
अदि॑त्यै॒ स्वाहा᳚ प्रति॒ष्ठायै॒ स्वाहेति॑ ॥ 62 ॥
अथै॒तं-विँष्ण॑वे च॒रु-न्निर्व॑पति । य॒ज्ञो वै विष्णुः॑ । य॒ज्ञ ए॒वान्त॒तः प्रति॑ तिष्ठति । सो-ऽत्र॑ जुहोति । विष्ण॑वे॒ स्वाहा॑ य॒ज्ञाय॒ स्वाहा᳚ । प्र॒ति॒ष्ठायै॒ स्वाहेति॑ ॥ 63 ॥
(च॒न्द्रमाः॒ पञ्च॑दशा - होरा॒त्रे स॒प्तद॑ - शो॒षा एका॑द॒शा - थै॒तस्मै॒ नक्ष॑त्ताय॒ त्रयो॑दश॒ - सूर्यो॒ दशा - थै॒तमदि॑त्यै॒ पञ्चा - थै॒तं-विँष्ण॑वे॒ षट्-थ्स॒प्त) (अ. 6)
[स॒वि॒ता-ऽऽशू॒नां-व्रीँ॑ही॒णामिन्द्रो॑ म॒हाव्री॑हीणा॒मिन्द्रः॑ कृ॒ष्णानों᳚
ँव्रीही॒णाम॑होरा॒त्रे द्व॒यानां᳚-व्रीँही॒णाम् । पि॒तर॒-ष्षट्क॑पालग्ं सवि॒ता द्वाद॑शकपालमिन्द्रा॒ग्नी एका॑दशकपाल॒मिन्द्र॒ एका॑दशकपाल॒मिन्द्रो॒ दश॑कपालं॒-विँष्णु॑स्त्रिकपा॒लमहि॒-र्भूमि॑कपालम॒श्विनौ᳚ द्विकपा॒ल-ञ्च॒न्द्रमाः॒ पञ्च॑दशकपाल-म॒ग्निरत्वष्टा॒ वस॑वो॒-ऽष्टाक॑पालम॒न्यत्र॑ च॒रुम् । रु॒द्रो᳚-ऽर्य॒मा पू॒षा प॑शु॒मान्-थ्स्या॒ग्ं॒ सोमो॑ रु॒द्रो बृह॒स्पतिः॒ पय॑सि वा॒युः पय॒-स्सोमो॑ वा॒युरि॑न्द्रा॒ग्नी मि॒त्र इन्द्र॒ आपो॒ ब्रह्म॑ य॒मो॑-ऽभिजि॑त्यै॒ त्वष्टा᳚ प्र॒जाप॑तिः प्र॒जायै॑ पौर्णमा॒स्या अ॑मावा॒स्या॑या॒ आग॑त्यै॒ विश्वे॒ जित्या॑
अ॒श्विनौ॒ श्रुत्यै᳚ । ब्रह्म॒ तदे॒तं-विँष्णु॒-स्स ए॒तं-वाँ॒यु-स्स ए॒तदाप॒स्ताः । पि॒तरो॒ विश्वे॒ वस॑वो-ऽकामयन्त॒मेति॒ त ए॒त-न्निर॑वपन्न् । आपो॑-ऽकामयन्त॒ मेति॒ ता ए॒त-न्निर॑वपन्न् । इ॒न्द्रा॒ग्नी अ॒श्विना॑वकामयेतां॒-वेँति॒ तावे॒त-न्निर॑वपदाम् । अ॒हो॒रा॒त्रे वा अ॑कामयेता॒मिति॒ ते ए॒त-न्निर॑वपताम् ।
अ॒न्यत्रा॑कामयत॒मिति॒ स ए॒त-न्निर॑वपत् । इ॒न्द्रा॒ग्नी श्रैष्ठ्य॒मिन्द्रो॒ ज्यैष्ठ्य॒मिन्द्रो॑ दृ॒ढः ।
आहि॒-स्सूर्यो-ऽदि॑त्यै॒ विष्ण॑वे प्रति॒ष्ठायै᳚ ।
सोमो॑ य॒म-स्स॑मा॒नाना᳚म् । अ॒ग्निर्नो॑ रीरिषद॒न्यत्र॑ रीरिषः]
[वि॒दुषो॑ ह॒विषा॒ य उ॑ चैनदे॒वं-वेँद॑ । इष्टि॑भि॒र्य उ॑ चैना ए॒वं-वेँद॑ ।
अ॒न्यत्र॑ ब्राह्म॒णे य उ॑ चैनमे॒वं-वेँद॑ ]
फ्रपातक खोर्वै वि-थ्स्तर्तिन्ग् फदम्स् ऒf 1 तॊ 6 आनुवाकम्स् ः-
(अ॒ग्निर्न॑-ऋ॒द्ध्यास्म॒-नवो॑नवो॒-ऽग्नि-र्मि॒त्र - श्च॒न्द्रमा॒-ष्षट्)
(अ॒ग्निर्न॒ - स्तन्नो॑ वा॒यु - रहि॑र्बू॒द्ध्निय॑ - ऋ॒क्षा वा इ॒य - मथै॒त-त्पौ᳚र्णमा॒स्या - अ॒जो वा एक॑पा॒थ् - सूर्य॒ स्त्रिष॑ष्टिः)
(अ॒ग्निर्नः॑ - पातु प्रति॒ष्ठायै॒ स्वाहेति॑ )
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके प्रथमः प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhakaḥ - nakṣatreṣṭīnāṃ-yā~jyā-'nuvākyā brāhmaṇāni
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - devanakṣatrāṇāṃ-yā~jyānuvākyāḥ
a॒gnirnaḥ̭ pātu॒ kṛtti̭kāḥ | nakṣa̭tra-nde॒vami̭ndri॒yam | i॒damā̭sāṃ-vi~cakṣa॒ṇam | ha॒virā॒sa-ñjṷhotana || yasya॒ bhānti̭ ra॒śmayo॒ yasya̭ ke॒tavaḥ̭ | yasye॒mā viśvā॒ bhuva̭nāni॒ sarvā᳚ |
sa kṛtti̭kābhira॒bhi saṃ॒va~sā̭naḥ | a॒gnirno̭ de॒va-ssṷvi॒te da̭dhātu || pra॒jāpa̭te rohi॒ṇī vḙtu॒ patnī᳚ |
vi॒śvarṷ̄pā bṛha॒tī ci॒trabhā̭nuḥ || 1 ||
sā no̭ ya॒jñasya̭ suvi॒te da̭dhātu | yathā॒ jīvḙma śa॒rada॒-ssavī̭rāḥ || ro॒hi॒ṇī de॒vyuda̭gā-tpu॒rastā᳚t | viśvā̭ rū॒pāṇi̭ prati॒moda̭mānā | pra॒jāpa̭tigṃ ha॒viṣā̭ va॒rdhaya̭ntī | pri॒yā de॒vānā॒-mupa̭yātu ya॒jñam || somo॒ rājā̭ mṛgaśī॒ra॒.ṣeṇa॒ āganṋ | śi॒va-nnakṣa̭tra-mpri॒yama̭sya॒ dhāma̭ |
ā॒pyāya̭māno bahu॒dhā janḙṣu |
retaḥ̭ pra॒jāṃ-ya~ja̭māne dadhātu || 2 ||
ya-tte॒ nakṣa̭tra-mmṛgaśī॒ra॒.ṣamasti̭ |
pri॒yagṃ rā̭ja-npri॒yata̭ma-mpri॒yāṇā᳚m |
tasmai̭ te soma ha॒viṣā̭ vidhema |
śanna̭ edhi dvi॒pade॒ śa-ñcatṷṣpade ||
ā॒rdrayā̭ ru॒draḥ pratha̭māna eti | śreṣṭho̭ de॒vānā॒-mpati̭raghni॒yānā᳚m | nakṣa̭tramasya ha॒viṣā̭ vidhema | mā naḥ̭ pra॒jāgṃ rī̭riṣa॒-nmota vī॒rān ||
he॒tī ru॒drasya॒ pari̭ṇo vṛṇaktu | ā॒rdrā nakṣa̭tra-ñjuṣatāgṃ ha॒virnaḥ̭ || 3 ||
pra॒mu॒ñcamā̭nau duri॒tāni॒ viśvā᳚ | apā॒ghaśagṃ̭ sa-nnudatā॒marā̭tim || puna̭rno de॒vyadi̭ti-sspṛṇotu | puna̭rvasū naḥ॒ puna॒retāṃ᳚-ya~॒jñam |
puna̭rno de॒vā a॒bhiya̭ntu॒ sarve᳚ | punaḥ̭ punarvo ha॒viṣā̭ yajāmaḥ || e॒vā na de॒vyadi̭tirana॒rvā | viśva̭sya bha॒rtrī jaga̭taḥ prati॒ṣṭhā | puna̭rvasū ha॒viṣā̭ va॒rdhaya̭ntī | pri॒ya-nde॒vānā॒-mapyḙtu॒ pāthaḥ̭ || 4 ||
bṛha॒spatiḥ̭ pratha॒ma-ñjāya̭mānaḥ | ti॒ṣya̭-nnakṣa̭trama॒bhi samba̭bhūva | śreṣṭho̭ de॒vānā॒-mpṛta̭nāsu ji॒ṣṇuḥ | diśo-'nu॒ sarvā॒ abha̭yanno astu ||
ti॒ṣyaḥ̭ pu॒rastā̭du॒ta ma̭ddhya॒to naḥ̭ | bṛha॒spati̭ rnaḥ॒ pari̭pātu pa॒ścāt | bādhḙtā॒-ndveṣo॒ abha̭ya-ṅkṛṇutām | su॒vīrya̭sya॒ pata̭ya-ssyāma ||
i॒dagṃ sa॒rpebhyo̭ ha॒vira̭stu॒ juṣṭa᳚m |
ā॒śre॒ṣā yeṣā̭-manu॒yanti॒ cetaḥ̭ || 5 ||
ye a॒ntari̭kṣa-mpṛthi॒vī-ṅkṣi॒yanti̭ | tenaḥ̭ sa॒rpāso॒ hava॒māga̭miṣṭhāḥ || ye ro̭ca॒ne sūrya॒syāpi̭
sa॒rpāḥ | ye diva̭-nde॒vīmanṷ sa॒ñcara̭nti |
yeṣā̭māśre॒ṣā a̭nu॒yanti॒ kāma᳚m |
tebhyaḥ̭ sa॒rpebhyo॒ madhṷmajjuhomi ||
upa̭hūtāḥ pi॒taro॒ ye ma॒ghāsṷ | mano̭javasa-ssu॒kṛtaḥ̭ sukṛ॒tyāḥ | te no॒ nakṣa̭tre॒ hava॒māga̭miṣṭhāḥ | sva॒dhābhi̭ rya॒jña-mpraya̭ta-ñjuṣantām || 6 ||
ye a̭gnida॒gdhā ye-'na̭gni-dagdhāḥ | yḙ-'muṃ-lo~॒ka-mpi॒taraḥ̭ kṣi॒yanti̭ | yāgśca̭ vi॒dmayāgṃ ṷ ca॒ na pra̭vi॒dma | ma॒ghāsṷ ya॒jñagṃ sukṛ̭ta-ñjuṣantām ||
gavā॒-mpatiḥ॒ phalgṷnīnāmasi॒ tvam | tada̭ryaman varuṇa mitra॒ cārṷ | ta-ntvā̭ va॒yagṃ sa̭ni॒tāragṃ̭ sanī॒nām | jī॒vā jīva̭nta॒mupa॒ saṃvi~̭śema ||
yene॒mā viśvā॒ bhuva̭nāni॒ sañji̭tā |
yasya̭ de॒vā a̭nu saṃ॒ya~nti॒ cetaḥ̭ || 7 ||
a॒rya॒mā rājā॒-'jara॒stuvi̭ṣmān | phalgṷnīnā-mṛṣa॒bho ro̭ravīti || śreṣṭho̭ de॒vānā᳚-mbhagavo bhagāsi | tattvā̭ viduḥ॒ phalgṷnī॒stasya̭ vittāt | a॒smabhya̭-ṅkṣa॒trama॒jaragṃ̭ su॒vīrya᳚m | goma॒daśva̭-va॒dupa॒-sannṷde॒ha || bhago̭ ha dā॒tā bhaga॒ i-tpra̭dā॒tā | bhago̭ de॒vīḥ phalgṷnī॒rāvi̭veśa | bhaga॒syetta-mpra̭sa॒va-ṅga̭mema | yatra̭ de॒vai-ssa̭dha॒māda̭-mmadema || 8 ||
āyā̭tu de॒va-ssa̭vi॒topa̭yātu | hi॒ra॒ṇyayḙna su॒vṛtā॒ rathḙna | vaha॒n॒. hastagṃ̭ su॒bhagaṃ̭-vi~dma॒nāpa̭sam | pra॒yaccha̭nta॒-mpapṷri॒-mpuṇya॒maccha̭ ||
hastaḥ॒ praya̭ccha tva॒mṛtaṃ॒-va~sī̭yaḥ |
dakṣi̭ṇena॒ prati̭gṛbhṇīma enat |
dā॒tāra̭ma॒dya sa̭vi॒tā vi̭deya |
yo no॒ hastā̭ya prasu॒vāti̭ ya॒jñam ||
tvaṣṭā॒ nakṣa̭trama॒bhyḙti ci॒trām |
su॒bhagṃ sa̭saṃ-yu~va॒tigṃ roca̭mānām || 9 ||
ni॒ve॒śaya̭-nna॒mṛtā॒-nmartyāg̭śca |
rū॒pāṇi̭ pi॒gṃ॒śa-nbhuva̭nāni॒ viśvā᳚ ||
tanna॒stvaṣṭā॒ tadṷ ci॒trā vica̭ṣṭām |
tannakṣa̭tra-mbhūri॒dā a̭stu॒ mahya᳚m |
tannaḥ̭ pra॒jāṃ-vī~॒rava̭tīgṃ sanotu |
gobhi̭rno॒ aśvai॒-ssama̭naktu ya॒jñam ||
vā॒yurnakṣa̭tra-ma॒bhyḙti॒ niṣṭyā᳚m |
ti॒gmaśṛ̭ṅgo vṛṣa॒bho rorṷvāṇaḥ |
sa॒mī॒raya॒-nbhuva̭nā māta॒riśvā᳚ |
apa॒ dveṣāgṃ̭si nudatā॒marā̭tīḥ || 10 ||
tanno̭ vā॒yastadu॒ niṣṭyā̭ śṛṇotu |
tannakṣa̭tra-mbhūri॒dā a̭stu॒ mahya᳚m |
tanno̭ de॒vāso॒ anṷ jānantu॒ kāma᳚m | yathā॒ tarḙma duri॒tāni॒ viśvā᳚ || dū॒rama॒smacchatra̭vo yantu bhī॒tāḥ | tadi̭ndrā॒gnī kṛ̭ṇutā॒-nta-dviśā̭khe |
tanno̭ de॒vā anṷmadantu ya॒jñam | pa॒ścā-tpu॒rastā॒-dabha̭yanno astu || nakṣa̭trāṇā॒-madhi̭patnī॒ viśā̭khe |
śreṣṭhā̭vindrā॒gnī bhuva̭nasya go॒pau || 11 ||
viṣṷ̄ca॒-śśatrṷ̄-napa॒bādha̭mānau | apa॒ kṣudha̭-nnudatā॒marā̭tim || pū॒rṇā pa॒ścādu॒ta pū॒rṇā pu॒rastā᳚t | unma̭ddhya॒taḥ pau᳚rṇamā॒sī ji̭gāya |
tasyā᳚-nde॒vā adhi̭ saṃ॒va~sa̭ntaḥ |
u॒tta॒me nāka̭ i॒ha mā̭dayantām ||
pṛ॒thvī su॒varcā̭ yuva॒ti-ssa॒joṣāḥ᳚ | pau॒rṇa॒mā॒syuda̭gā॒-cchobha̭mānā |
ā॒pyā॒yaya̭ntī duri॒tāni॒ viśvā᳚ |
u॒ru-nduhāṃ॒-ya~ja̭mānāya ya॒jñam || 12 ||
(ci॒trabhā̭nu॒-r yaja̭māne dadhātu - ha॒virnaḥ॒ - pātha॒ - śceto̭ - juṣantāṃ॒ - ceto̭ - madema॒ - roca̭mānā॒ - marā̭tī--r go॒pau - ya॒jñaṃ) (a. 1)
anuvākaṃ 2 - yamanakṣatrāṇāṃ-yā~jyānuvākyāḥ
ṛ॒ddhyāsma̭ ha॒vyai-rnama̭sopa॒ sadya̭ |
mi॒tra-nde॒va-mmi̭tra॒dheya̭nno astu | a॒nū॒rā॒dhān. ha॒viṣā̭ va॒rdhaya̭ntaḥ | śa॒ta-ñjī̭vema śa॒rada॒-ssavī̭rāḥ || ci॒tra-nnakṣa̭tra॒-muda̭gā-tpu॒rastā᳚t | a॒nū॒rā॒dhāsa॒ iti॒ ya-dvada̭nti | tanmi॒tra ḙti pa॒thibhi̭ rdeva॒yānaiḥ᳚ | hi॒ra॒ṇyayai॒ rvita̭tai-ra॒ntari̭kṣe ||
indro᳚ jye॒ṣṭhāmanu॒ nakṣa̭trameti | yasmi̭n vṛ॒traṃ-vṛ~̭tra॒ tūryḙ ta॒tāra̭ || 13 ||
tasmi̭n va॒yama॒mṛta॒-nduhā̭nāḥ | kṣudha̭-ntarema॒ duri̭ti॒-nduri̭ṣṭim || pu॒ra॒nda॒rāya̭ vṛṣa॒bhāya̭ dhṛ॒ṣṇave᳚ | aṣā̭ḍhāya॒ saha̭mānāya mī॒ḍhuṣe᳚ |
indrā̭ya jye॒ṣṭhā madhṷma॒-dduhā̭nā |
u॒ru-ṅkṛ̭ṇotu॒ yaja̭mānāya lo॒kam ||
mūla̭-mpra॒jāṃ-vī~॒rava̭tīṃ-vi~deya | parā᳚cyetu॒ nir-ṛ̭tiḥ parā॒cā | gobhi॒ rnakṣa̭tra-mpa॒śubhi॒-ssama̭ktam | aha̭rbhūyā॒-dyaja̭mānāya॒ mahya᳚m || 14 ||
aha̭rno a॒dya sṷvi॒te da̭dhātu | mūla॒-nnakṣa̭tra॒miti॒ ya-dvada̭nti | parā̭cīṃ-vā~॒cā nir-ṛ̭ti-nnudāmi |
śi॒va-mpra॒jāyai̭ śi॒vama̭stu॒ mahya᳚m ||
yā di॒vyā āpaḥ॒ paya̭sā sa-mbabhū॒vuḥ | yā a॒ntari̭kṣa u॒ta pārthi̭vī॒ryāḥ | yāsā̭maṣā॒ḍhā a̭nu॒yanti॒
kāma᳚m | tā na॒ āpa॒-śśagg syo॒nā bha̭vantu ||
yāśca॒ kūpyā॒ yāśca̭ nā॒dyā᳚-ssamu॒driyāḥ᳚ |
yāśca̭ vaiśa॒ntīru॒ta prā̭sa॒cīryāḥ || 15 ||
yāsā̭maṣā॒ḍhā madhṷ bha॒kṣaya̭nti | tā na॒ āpa॒-śśagg syo॒nā bha̭vantu || tanno॒ viśve॒ upa̭ śṛṇvantu de॒vāḥ | tada̭ṣā॒ḍhā a॒bhi saṃya~̭ntu ya॒jñam |
tannakṣa̭tra-mprathatā-mpa॒śubhyaḥ̭ |
kṛ॒ṣi-rvṛ॒ṣṭi-ryaja̭mānāya kalpatām ||
śu॒bhrāḥ ka॒nyā̭ yuva॒tayaḥ̭ su॒peśa̭saḥ | ka॒rma॒kṛtaḥ̭ su॒kṛto̭ vī॒ryā̭vatīḥ |
viśvā᳚-nde॒vān. ha॒viṣā̭ va॒rdhaya̭ntīḥ |
a॒ṣā॒ḍhāḥ kāma॒mupa̭yāntu ya॒jñam || 16 ||
yasmi॒-nbrahmā॒-'bhyaja̭ya॒-thsarva̭me॒tat |
a॒muñca̭ lo॒ka mi॒damṷ̄ca॒ sarva᳚m |
tanno॒ nakṣa̭tramabhi॒ji-dvi॒jitya̭ | śriya̭-ndadhā॒-tvahṛ̭ṇīyamānam || u॒bhau lo॒kau brahma̭ṇā॒ sañji̭te॒mau | tanno॒ nakṣa̭tramabhi॒ji-dvica̭ṣṭām |
tasmi̭n va॒ya-mpṛta̭nā॒-ssa-ñja̭yema |
tanno̭ de॒vāso॒ anṷjānantu॒ kāma᳚m ||
śṛ॒ṇvanti̭ śro॒ṇā-ma॒mṛta̭sya go॒pām |
puṇyā̭masyā॒ upa̭śṛṇomi॒ vāca᳚m || 17 ||
ma॒hī-nde॒vīṃ-vi~ṣṇṷpatnī-majū॒ryām | pra॒tīcī̭menāgṃ ha॒viṣā̭ yajāmaḥ ||
tre॒dhā viṣṇṷ-rurugā॒yo vica̭krame |
ma॒hī-ndiva̭-mpṛthi॒vī-ma॒ntari̭kṣam |
tacchro॒ṇaiti॒ śrava̭ i॒cchamā̭nā |
puṇya॒gg॒ ślokaṃ॒-ya~ja̭mānāya kṛṇva॒tī ||
a॒ṣṭau de॒vā vasa̭va-sso॒myāsaḥ̭ |
cata̭sro de॒vī ra॒jarā॒-śśravi̭ṣṭhāḥ |
te ya॒jña-mpā᳚ntu॒ raja̭saḥ pa॒rastā᳚t |
saṃ॒va~॒thsa॒rīṇa̭-ma॒mṛtagg̭ sva॒sti || 18 ||
ya॒jña-nnaḥ̭ pāntu॒ vasa̭vaḥ pu॒rastā᳚t | da॒kṣi॒ṇa॒to̭-'bhiya̭ntu॒ śravi̭ṣṭhāḥ | puṇya॒-nnakṣa̭trama॒bhi saṃvi~̭śāma | mā no॒ arā̭ti-ra॒ghaśa॒gṃ॒sā ganṋ ||
kṣa॒trasya॒ rājā॒ varṷṇo-'dhirā॒jaḥ | nakṣa̭trāṇāgṃ śa॒tabhi̭ṣa॒g vasi̭ṣṭhaḥ | tau de॒vebhyaḥ̭ kṛṇuto dī॒rghamāyuḥ̭ | śa॒tagṃ sa॒hasrā̭ bheṣa॒jāni̭ dhattaḥ ||
ya॒jñanno॒ rājā॒ varṷṇa॒ upa̭yātu | tanno॒ viśvḙ a॒bhi saṃya~̭ntu de॒vāḥ || 19 ||
tanno॒ nakṣa̭tragṃ śa॒tabhi̭ṣag juṣā॒ṇam | dī॒rghamāyuḥ॒ prati̭ra-dbheṣa॒jāni̭ || a॒ja eka̭pā॒duda̭gā-tpu॒rastā᳚t | viśvā̭ bhū॒tāni̭ prati॒moda̭mānaḥ | tasya̭ de॒vāḥ pra̭sa॒vaṃ-ya~̭nti॒ sarve᳚ | pro॒ṣṭha॒pa॒dāso̭ a॒mṛta̭sya go॒pāḥ ||
vi॒bhrāja̭māna-ssamidhā॒na u॒graḥ | ā-'ntari̭kṣa-maruha॒da-ga॒ndyām | tagṃ sūrya̭-nde॒va-ma॒jameka̭pādam | pro॒ṣṭha॒pa॒dāso॒ anṷyanti॒ sarve᳚ || 20 ||
ahi̭-rbu॒ddhniyaḥ॒ pratha̭māna eti | śreṣṭho̭ de॒vānā̭mu॒ta mānṷṣāṇām | ta-mbrā᳚hma॒ṇā-sso̭ma॒pā-sso॒myāsaḥ̭ |
pro॒ṣṭha॒pa॒dāso̭ a॒bhi ra̭kṣanti॒ sarve᳚ ||
ca॒tvāra॒ eka̭ma॒bhi karma̭ de॒vāḥ |
pro॒ṣṭha॒pa॒dāsa॒ iti॒ yān. vada̭nti |
te bu॒ddhaniya̭-mpari॒ṣadyagg̭ stu॒vantaḥ̭ |
ahigṃ̭ rakṣanti॒ nama̭sopa॒sadya̭ ||
pū॒ṣā re॒vatyanvḙti॒ panthā᳚m | pu॒ṣṭi॒patī̭ paśu॒pā vāja̭bastyau || 21 ||
i॒māni̭ ha॒vyā praya̭tā juṣā॒ṇā |
su॒gairno॒ yānai॒rupa̭yātāṃ-ya~॒jñam ||
kṣu॒drā-npa॒śū-nra̭kṣatu re॒vatī̭ naḥ |
gāvo̭ no॒ aśvā॒gṃ॒ anvḙtu pū॒ṣā |
anna॒gṃ॒ rakṣa̭ntau bahu॒dhā virṷ̄pam |
vājagṃ̭ sanutāṃ॒-ya~ja̭mānāya ya॒jñam ||
tada॒śvinā̭-vaśva॒yujopa̭yātām |
śubha॒-ṅgami̭ṣṭhau su॒yamḙbhi॒raśvaiḥ᳚ |
sva-nnakṣa̭tragṃ ha॒viṣā॒ yaja̭ntau |
maddhvā॒ sampṛ̭ktau॒ yajṷṣā॒ sama̭ktau || 22 ||
yau de॒vānā᳚-mbhi॒ṣajaṷ havyavā॒hau | viśva̭sya dū॒tā-va॒mṛta̭sya go॒pau | tau nakṣa̭tra-ñjujuṣā॒ṇo-pa̭yātām | namo॒-'śvibhyā᳚-ṅkṛṇumo-'śva॒yugbhyā᳚m ||
apa̭ pā॒pmāna॒-mbhara̭ṇīrbharantu | ta-dya॒mo rājā॒ bhaga̭vā॒n॒. vica̭ṣṭām | lo॒kasya॒ rājā̭ maha॒to ma॒hān. hi | su॒ga-nnaḥ॒ panthā॒mabha̭ya-ṅkṛṇotu ||
yasmi॒-nnakṣa̭tre ya॒ma eti॒ rājā᳚ |
yasmi̭-nnenama॒bhyaṣi̭cannta de॒vāḥ |
tada̭sya ci॒tragṃ ha॒viṣā̭ yajāma |
apa̭ pā॒pmāna॒-mbhara̭ṇī-rbharantu ||
ni॒veśa̭nī sa॒ṅgama̭nī॒ vasṷ̄nāṃ॒-vi~śvā̭ rū॒pāṇi॒ vasū᳚nyāve॒śaya̭ntī | sa॒ha॒sra॒po॒ṣagṃ su॒bhagā॒ rarā̭ṇā॒ sā na॒ āga॒n varca̭sā saṃvi~dā॒nā || yattḙ de॒vā ada̭dhu-rbhāga॒dheya॒mamā̭vāsye saṃ॒va~sa̭nto mahi॒tvā | sāno̭ ya॒jña-mpi̭pṛhi viśvavāre ra॒yi-nno̭ dhehi subhage su॒vīra᳚m || || 23 ||
(ta॒tāra॒ - mahyaṃ̭ - prāsa॒cīryā - yā᳚ntu ya॒jñaṃ - ~vācagg̭ - sva॒sti - de॒vā-anṷ yanti॒ sarve॒-vāja̭bastyau॒-sama̭ktau-de॒vā strīṇi̭ ca) (a. 2)
anuvākaṃ 3 - cāndramasādīnāṃ saptanāmiṣṭīnāṃ-yā~jyānuvākyāḥ
navo̭navo bhavati॒ jāya̭mā॒no-'hnā᳚-ṅke॒turu॒ṣasā̭ me॒tyagre᳚ | bhā॒ga-nde॒vebhyo॒ vida̭dhātyā॒ya-npraca॒ndramā᳚stirati dī॒rghamāyuḥ̭ || yamā̭di॒tyā
a॒gṃ॒śumā᳚pyā॒yaya̭nti yamā̭di॒tyā a॒gṃ॒śumā᳚pyā॒yaya̭nti॒ yamakṣi̭ta॒-makṣi̭tayaḥ॒ piba̭nti | tena̭ no॒ rājā॒ varṷṇo॒ bṛha॒spati॒rā pyā̭yayantu॒ bhuva̭nasya go॒pāḥ |||| ye virṷ̄pe॒ sama̭nasā saṃ॒vya~ya̭ntī | sa॒mā॒na-ntantṷ-mpari tāta॒nāte᳚ | vi॒bhū pra॒bhū a̭nu॒bhū vi॒śvato̭ huve |
te no॒ nakṣa̭tre॒ hava॒māga̭metam ||
va॒ya-nde॒vī brahma̭ṇā saṃvi~dā॒nāḥ |
su॒ratnā̭so de॒vavī̭ti॒-ndadhā̭nāḥ |
a॒ho॒rā॒tre ha॒viṣā̭ va॒rdhaya̭ntaḥ |
ati̭ pā॒pmāna॒-mati̭muktyā gamema || pratyṷvadṛśyāya॒tī || 24 ||
vyu॒cchantī̭ duhi॒tā di॒vaḥ | a॒po ma॒hī vṛ̭ṇute॒ cakṣṷṣā || tamo॒ jyoti̭ṣkṛṇoti sū॒narī᳚ | udu॒striyā᳚-ssacate॒ sūryaḥ̭ | sa cā̭ u॒dyannakṣa̭tra-marci॒mat | tavedṷṣo॒ vyuṣi॒ sūrya̭sya ca ||
sa-mbha॒ktena̭ gamemahi | tanno॒ nakṣa̭tra-marci॒mat | bhā॒nu॒matteja̭ u॒ccara̭t | upa̭ ya॒jña-mi॒hāga̭mat || 25 ||
pra nakṣa̭trāya de॒vāya̭ | indrā॒yendugṃ̭ havāmahe |
sa naḥ̭ savi॒tā sṷva-thsa॒nim | pu॒ṣṭi॒dāṃ-vī~॒rava̭ttamam || udu॒ tya-ñjā॒tavḙdasa-nde॒vaṃ-va~̭hanti ke॒tavaḥ̭ | dṛ॒śe viśvā̭ya॒ sūrya᳚m || ci॒tra-nde॒vānā॒-muda̭gā॒danī̭ka॒-ñcakṣṷ-rmi॒trasya॒ varṷṇasyā॒-'gneḥ | ā-' prā॒ dyāvā̭pṛthi॒vī a॒ntari̭kṣa॒gṃ॒ sūrya̭ ā॒tmā jaga̭tasta॒sthuṣa̭śca ||||
adi̭tirna uruṣya॒tvadi̭ti॒-śśarma̭ yacchatu | adi̭tiḥ pā॒tvagṃ ha̭saḥ || ma॒hīmū॒ṣu mā॒taragṃ̭ suvra॒tānā̭mṛ॒tasya॒ patnī॒mava̭se huvema | tu॒vi॒kṣa॒trāma॒jara̭ntīmurū॒cīgṃ su॒śarmā̭ṇa॒madi̭tigṃ su॒praṇī̭tim || ||
i॒daṃ-vi~ṣṇu॒-rvica̭krame tre॒dhā ni da̭dhe pa॒dam | sa mṷ̄ḍhamasya pāgṃ su॒re || prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || ||
a॒gnirmū॒rdhā di॒vaḥ ka॒ku-tpatiḥ̭ pṛthi॒vyā a॒yam | a॒pāgṃ retāgṃ̭si jinvati || bhuvo̭ ya॒jñasya॒ raja̭saśca ne॒tā yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣā-ñji॒hvāma̭gne cakṛṣe havya॒vāha᳚m || ||
anṷ no॒-'dyā-'nṷmati-rya॒jña-nde॒veṣṷ manyatām | a॒gniśca̭ havya॒vāha̭no॒ bhava̭tā-ndā॒śuṣe॒ mayaḥ̭ || anvida̭numate॒ tva-mmanyā̭sai॒ śañca̭naḥ kṛdhi | kratve॒ dakṣā̭ya no hinu॒ praṇa॒ āyūgṃ̭ṣi tāriṣaḥ || ||
ha॒vya॒vāha̭-mabhimāti॒ṣā-'ha᳚m | ra॒kṣo॒haṇa॒-mpṛta̭nāsu ji॒ṣṇum | jyoti̭ṣmanta॒-ndīdya̭ta॒-mpura̭ndhim | a॒gnigg svi̭ṣṭa॒kṛta॒mā hṷvema || svi̭ṣṭamagne a॒bhi ta-tpṛ̭ṇāhi | viśvā̭ deva॒ pṛta̭nā a॒bhiṣya | u॒ru-nnaḥ॒ panthā᳚-mpradi॒śanvi bhā̭hi | jyoti̭ṣmaddhehya॒jara̭-nna॒ āyuḥ̭ || || 26 ||
(ā॒ya॒tya̭ - gama॒th - svi̭ṣṭam) (a. 3)
anuvākaṃ 4 - deva nakṣatreṣṭibrāhmaṇam
a॒gnirvā a̭kāmayata | a॒nnā॒do de॒vānāg̭ syā॒miti̭ |
sa e॒tama॒gnaye॒ kṛtti̭kābhyaḥ puro॒ḍāśa̭-ma॒ṣṭāka̭pāla॒-nnira̭vapat | tato॒ vai so᳚-'nnā॒do de॒vānā̭mabhavat | a॒gnirvai de॒vānā̭mannā॒daḥ ||
yathā̭ ha॒ vā a॒gni-rde॒vanā̭-mannā॒daḥ |
e॒vagṃ ha॒ vā e॒ṣa ma̭nu॒ṣyā̭ṇā-mbhavati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ || so-'tra̭ juhoti | a॒gnaye॒ svāhā॒ kṛtti̭kābhya॒-ssvāhā᳚ | a॒mbāyai॒ svāhā̭ du॒lāyai॒ svāhā᳚ | ni॒ta॒tnyai svāhā॒ 'bhraya̭ntyai॒ svāhā᳚ | me॒ghaya̭ntyai॒ svāhā̭ va॒ra॒.ṣaya̭ntyai॒ svāhā᳚ | cu॒pu॒ṇīkā̭yai॒ svāheti̭ || 27 ||
pra॒jāpa̭tiḥ pra॒jā a̭sṛjata | tā a̭smā-thsṛ॒ṣṭāḥ parā̭cīrāyann | tāsāgṃ̭ rohi॒ṇī-ma॒bhya̭ddhyāyat | so̭-'kāmayata | upa॒ mā-''va̭rteta | samḙnayā gacche॒yeti̭ | sa e॒ta-mpra॒jāpa̭taye rohi॒ṇyai ca॒ru-nnira̭vapat | tato॒ vai sā tamu॒pāva̭rtata | samḙnayā 'gacchata || upa̭ ha॒ vā ḙna-mpri॒yamāva̭rtate |
sa-mpri॒yeṇa̭ gacchate | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ || so-'tra̭ juhoti |
pra॒jāpa̭taye॒ svāhā̭ rohi॒ṇyai svāhā᳚ |
roca̭mānāyai॒ svāhā᳚ pra॒jābhya॒-ssvāheti̭ || 28 ||
somo॒ vā a̭kāmayata | oṣa̭dhīnāgṃ rā॒jya-ma॒bhija̭yeya॒miti̭ | sa e॒tagṃ somā̭ya mṛgaśī॒ra॒.ṣāya̭ śyāmā॒ka-ñca॒ru-mpaya̭si॒ nira̭vapat | tato॒ vai sa oṣa̭dhīnāgṃ
rā॒jyama॒bhya̭jayat | sa॒mā॒nānāgṃ̭ ha॒ vai rā॒jyama॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
somā̭ya॒ svāhā̭ mṛgaśī॒ra॒.ṣāya॒ svāhā᳚ |
i॒nva॒kābhya॒-ssvāhauṣa̭dhībhya॒-ssvāhā᳚ |
rā॒jyāya॒ svāhā॒ 'bhiji̭tyai॒ svāheti̭ || 29 ||
ru॒dro vā a̭kāmayata | pa॒śu॒mān-thsyā॒miti̭ |
sa e॒tagṃ ru॒drāyā॒rdrāyai॒ praiya̭ṅgava-ñca॒ru-mpaya̭si॒ nira̭vapat | tato॒ vai sa pa̭śu॒māna̭bhavat | pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | ru॒drāya॒ svāhā॒ ''rdrāyai॒ svāhā᳚ | pinva̭mānāyai॒ svāhā̭ pa॒śubhya॒-ssvāheti̭ || 30 ||
ṛ॒kṣā vā i॒yama̭lo॒makā̭-''sīt | sā-'kā̭mayata |
oṣa̭dhībhi॒-rvana॒spati̭bhiḥ॒ prajā̭ye॒yeti̭ |
saitamadi̭tyai॒ puna̭rvasubhyā-ñca॒ru-nnira̭vapat |
tato॒ vā i॒yamoṣa̭dhībhi॒-rvana॒spati̭bhiḥ॒ prājā̭yata |
prajā̭yate ha॒ vai pra॒jayā̭ pa॒śubhiḥ̭ | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | adi̭tyai॒ svāhā॒ puna̭rvasubhyām |
svāhā-''bhū᳚tyai॒ svāhā॒ prajā᳚tyai॒ svāheti̭ || 31 ||
bṛha॒spati॒rvā a̭kāmayata | bra॒hma॒va॒rca॒sī syā॒miti̭ |
sa e॒ta-mbṛha॒spata̭ye ti॒ṣyā̭ya naivā॒ra-ñca॒ru-mpaya̭si॒ nira̭vapat | tato॒ vai sa bra̭hmavarca॒sya̭bhavat | bra॒hma॒va॒rca॒sī ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
bṛha॒spata̭ye॒ svāhā̭ ti॒ṣyā̭ya॒ svāhā᳚ | bra॒hma॒va॒rca॒sāya॒ svāheti̭ || 32 ||
de॒vā॒su॒rā-ssaṃya~̭ttā āsann | te de॒vā-ssa॒rpebhya̭ āśre॒ṣābhya॒ ājyḙ kara॒mbha-nnira̭vapann |
tāne॒tābhi̭re॒va de॒vatā̭-bhi॒rupā̭nayann |
e॒tābhi̭rha॒ vai de॒vatā̭bhi-rdvi॒ṣanta॒-mbhrātṛ̭vya॒-mupa̭nayati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sa॒rpebhya॒-ssvāhā᳚-''śre॒ṣābhya॒-ssvāhā᳚ | da॒nda॒śūke᳚bhya॒-ssvāheti̭ || 33 ||
pi॒taro॒ vā a̭kāmayanta | pi॒tṛ॒lo॒ka ṛ̭ddhnuyā॒meti̭ |
ta e॒ta-mpi॒tṛbhyo̭ ma॒ghābhyaḥ̭ puro॒ḍāśa॒gṃ॒ ṣaṭka̭pāla॒-nnira̭vapann | tato॒ vai te pi̭tṛlo॒ka ā᳚rdhnuvann | pi॒tṛ॒lo॒ke ha॒ vā ṛ̭dhnoti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pi॒tṛbhya॒-ssvāhā̭ ma॒ghābhyaḥ̭ |
svāhā̭ 'na॒ghābhya॒-ssvāhā̭ 'ga॒dābhyaḥ̭ |
svāhā̭ 'rundha॒tībhya॒-ssvāheti̭ || 34 ||
a॒rya॒mā vā a̭kāmayata | pa॒śu॒mān-thsyā॒miti̭ |
sa e॒tama̭rya॒mṇe phalgṷnībhyā-ñca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | a॒rya॒mṇe svāhā॒ phalgṷnībhyā॒g॒ svāhā᳚ |
pa॒śubhya॒-ssvāheti̭ || 35 ||
bhago॒ vā a̭kāmayata | bha॒gī śre॒ṣṭhī de॒vānāg̭ syā॒miti̭ | sa e॒ta-mbhagā̭ya॒ phalgṷnībhyā-ñca॒ru-nnira̭vapat | tato॒ vai sa bha॒gī śre॒ṣṭhī de॒vānā̭mabhavat |
bha॒gī ha॒ vai śre॒ṣṭhī sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | bhagā̭ya॒ svāhā॒ phalgṷnībhyā॒g॒ svāhā᳚ | śraiṣṭhyā̭ya॒ svāheti̭ || 36 ||
sa॒vi॒tā vā a̭kāmayata | śranmḙ de॒vā dadhī̭rann | sa॒vi॒tā syā॒miti̭ | sa e॒tagṃ sa̭vi॒tre hastā̭ya puro॒ḍāśa॒-ndvāda̭śakapāla॒-nnira̭vapadāśū॒nāṃ
~vrī̭hī॒ṇām | tato॒ vai tasmai॒ śradde॒vā ada̭dhata | sa॒vi॒tā-'bha̭vat | śraddha॒ vā a̭smai manu॒ṣyā̭ dadhate | sa॒vi॒tā sa̭mā॒nānā᳚-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
sa॒vi॒tre svāhā॒ hastā̭ya | svāhā̭ dada॒te svāhā̭ pṛṇa॒te | svāhā᳚ pra॒yaccha̭te॒ svāhā᳚ pratigṛbhṇa॒te svāheti̭ || 37 ||
tvaṣṭā॒ vā a̭kāmayata | ci॒tra-mpra॒jāṃ-vi~̭nde॒yeti̭ |
sa e॒ta-ntvaṣṭrḙ ci॒trāyai̭ puro॒ḍāśa̭ma॒ṣṭā-ka̭pāla॒-nnira̭vapat | tato॒ vai sa ci॒tra-mpra॒jāma̭vindata | ci॒tragṃ ha॒ vai pra॒jāṃ-vi~̭ndate |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
tvaṣṭre॒ svāhā̭ ci॒trāyai॒ svāhā᳚ |
caitrā̭ya॒ svāhā᳚ pra॒jāyai॒ svāheti̭ || 38 ||
vā॒yurvā a̭kāmayata | kā॒ma॒cāra̭me॒ṣu lo॒keṣva॒bhija̭yeya॒miti̭ | sa e॒ta-dvā॒yave॒ niṣṭyā̭yai gṛ॒ṣṭyai du॒gdha-mpayo॒ nira̭vapat |
tato॒ vai sa kā̭ma॒cāra̭me॒ṣu lo॒keṣva॒bhya̭jayat |
kā॒ma॒cāragṃ̭ ha॒ vā e॒ṣu lo॒keṣva॒bhija̭yati |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vā॒yave॒ svāhā॒ niṣṭyā̭yai॒ svāhā᳚ |
kā॒ma॒cārā̭ya॒ svāhā॒-'bhiji̭tyai॒ svāheti̭ || 39 ||
i॒ndrā॒gnī vā a̭kāmayetām | śraiṣṭhya̭-nde॒vānā̭-ma॒bhija̭ye॒veti̭ | tāve॒tami̭ndrā॒gnibhyāṃ॒-vi~śā̭khābhyā-mpuro॒ḍāśa॒-mekā̭daśakapāla॒-nnira̭vapatām | tato॒ vai tau śraiṣṭhya̭-nde॒vānā̭-ma॒bhya̭jayatām | śraiṣṭhyagṃ̭ ha॒ vai sa̭mā॒nānā̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
i॒ndrā॒gnibhyā॒g॒ svāhā॒ viśā̭khābhyā॒g॒ svāhā᳚ |
śraiṣṭhyā̭ya॒ svāhā॒ 'bhiji̭tyai॒ svāheti̭ || 40 ||
athai॒tat-pau᳚rṇamā॒syā ājya॒-nnirva̭pati | kāmo॒ vai pau᳚rṇamā॒sī | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti |
pau॒rṇa॒mā॒syai svāhā॒ kāmā̭ya॒ svāhā-''ga̭tyai॒ svāheti̭ || 41 ||
anuvākaṃ 5 - yamanakṣatreṣṭibrāhmaṇam
mi॒tro vā a̭kāmayata | mi॒tra॒dheya̭me॒ṣu lo॒keṣva॒bhi ja̭yeya॒miti̭ | sa e॒ta-mmi॒trāyā̭nūrā॒dhebhya̭śca॒ru-nnira̭vapat | tato॒ vai sa mi̭tra॒dheya̭me॒ṣu lo॒keṣva॒bhya̭jayat | mi॒tra॒dheyagṃ̭ ha॒ vā e॒ṣu lo॒keṣva॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
mi॒trāya॒ svāhā̭ 'nūrā॒dhebhya॒-ssvāhā᳚ |
mi॒tra॒dheyā̭ya॒ svāhā॒ 'bhiji̭tyai॒ svāheti̭ || 42 ||
indro॒ vā a̭kāmayata | jyaiṣṭhya̭-nde॒vānā̭-ma॒bhija̭yeya॒miti̭ | sa e॒tamindrā̭ya jye॒ṣṭhāyai̭ puro॒ḍāśa॒-mekā̭daśakapāla॒-nnira̭vapa-nma॒hāvrī̭hīṇām | tato॒ vai sa jyaiṣṭhya̭-nde॒vānā̭ma॒bhya̭jayat | jyaiṣṭhyagṃ̭ ha॒ vai sa̭mā॒nānā̭-ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti | indrā̭ya॒ svāhā᳚ jye॒ṣṭhāyai॒ svāhā᳚ |
jyaiṣṭhyā̭ya॒ svāhā॒ 'bhiji̭tyai॒ svāheti̭ || 43 ||
pra॒jāpa̭ti॒rvā a̭kāmayata | mūla̭-mpra॒jāṃ-vi~̭nde॒yeti̭ | sa e॒ta-mpra॒jāpa̭taye॒ mūlā̭ya ca॒ru-nnira̭vapat | tato॒ vai sa mūla̭-mpra॒jāma̭vindata | mūlagṃ̭ ha॒ vai pra॒jāṃ-vi~̭ndate | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | pra॒jāpa̭taye॒ svāhā॒ mūlā̭ya॒ svāhā᳚ | pra॒jāyai॒ svāheti̭ || 44 ||
āpo॒ vā a̭kāmayanta | sa॒mu॒dra-ṅkāma̭ma॒ bhija̭ye॒meti̭ | tā e॒tama॒dbhyo̭-'ṣā॒ḍhābhya̭śca॒ru-nnira̭vapann | tato॒ vai tā-ssa̭mu॒dra-ṅkāma̭ma॒bhya̭jayann | sa॒mu॒dragṃ ha॒ vai kāma̭ma॒bhija̭yati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒dbhya-ssvāhā̭ 'ṣā॒ḍhābhya॒-ssvāhā᳚ | sa॒mu॒drāya॒ svāhā॒ kāmā̭ya॒ svāhā᳚ | a॒bhiji̭tyai॒ svāheti̭ || 45 ||
viśve॒ vai de॒vā a̭kāmayanta | a॒na॒pa॒ja॒yya-ñja̭ye॒meti̭ | ta e॒taṃ-vi~śve᳚bhyo de॒vebhyo̭-'ṣā॒ḍhābhya̭śca॒ru-nnira̭vapann |
tato॒ vai tḙ-'napaja॒yya-ma̭jayann | a॒na॒pa॒ja॒yyagṃ ha॒ vai ja̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viśve᳚bhyo de॒vebhya॒-ssvāhā̭ 'ṣā॒ḍhābhya॒-ssvāhā᳚ |
a॒na॒pa॒ja॒yyāya॒ svāhā॒ jityai॒ svāheti̭ || 46 ||
brahma॒ vā a̭kāmayata | bra॒hma॒lo॒kama॒bhija̭yeya॒miti̭ |
tade॒ta-mbrahma̭ṇe-'bhi॒jitḙ ca॒ru-nnira̭vapat |
tato॒ vai tadbra̭hmalo॒kama॒bhya̭jayat | bra॒hma॒lo॒kagṃ ha॒ vā a॒bhija̭yati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | brahma̭ṇe॒ svāhā̭ 'bhi॒jite॒ svāhā᳚ | bra॒hma॒lo॒kāya॒ svāhā॒ 'bhiji̭tyai॒ svāheti̭ || 47 ||
viṣṇu॒rvā a̭kāmayata | puṇya॒gg॒ ślokagṃ̭ śṛṇvīya |
na mā̭ pā॒pī kī॒rtirāga̭cche॒diti̭ | sa e॒taṃ-vi~ṣṇa̭ve śro॒ṇāyai̭ puro॒ḍāśa̭-ntrikapā॒la-nnira̭vapat |
tato॒ vai sa puṇya॒gg॒ śloka̭ma śṛṇuta | naina̭-mpā॒pī kī॒rtirā- ga̭cchat | puṇyagṃ̭ ha॒ vai ślokagṃ̭ śṛṇute | naina̭-mpā॒pī kī॒rtirāga̭cchati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
viṣṇa̭ve॒ svāhā᳚ śro॒ṇāyai॒ svāhā᳚ |
ślokā̭ya॒ svāhā᳚ śru॒tāya॒ svāheti̭ || 48 ||
vasa̭vo॒ vā a̭kāmayanta | agra̭-nde॒vatā̭nā॒-mparī̭yā॒meti̭ | ta e॒taṃ-va~sṷbhya॒-śśravi̭ṣṭhābhyaḥ puro॒ḍāśa̭ma॒ṣṭāka̭pāla॒-nnira̭vapann |
tato॒ vai te-'gra̭-nde॒vatā̭nā॒-mparyā̭yann |
agragṃ̭ ha॒ vai sa̭mā॒nānā॒-mparyḙti |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | vasṷbhya॒-ssvāhā॒ śravi̭ṣṭhābhya॒-ssvāhā᳚ | agrā̭ya॒ svāhā॒ parī᳚tyai॒ svāheti̭ || 49 ||
indro॒ vā a̭kāmayata | dṛ॒ḍho 'śi̭thila-ssyā॒miti̭ |
sa e॒taṃ-va~rṷṇāya śa॒tabhi̭ṣaje bheṣa॒jebhyaḥ̭ puro॒ḍāśa॒-ndaśa̭kapāla॒-nnira̭vapat-kṛ॒ṣṇānāṃ᳚-vrī~hī॒ṇām | tato॒ vai sa dṛ॒ḍho-'śi̭thilo-'bhavat |
dṛ॒ḍho ha॒ vā aśi̭thilo bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
varṷṇāya॒ svāhā̭ śa॒tabhi̭ṣaje॒ svāhā᳚ |
bhe॒ṣa॒jebhya॒-ssvāheti̭ || 50 ||
a॒jo vā eka̭pādakāmayata | te॒ja॒svī bra̭hmavarca॒sī syā॒miti̭ | sa e॒tama॒jāyaika̭pade proṣṭhapa॒debhya̭-śca॒ru-nnira̭vapat | tato॒ vai sa tḙja॒svī bra̭hmavarca॒sya̭bhavat | te॒ja॒svī ha॒ vai bra̭hmavarca॒sī bha̭vati | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
a॒jāyaika̭pade॒ svāhā᳚ proṣṭhapa॒debhya॒-ssvāhā᳚ |
teja̭se॒ svāhā᳚ brahmavarca॒sāya॒ svāheti̭ || 51 ||
ahi॒rvai bu॒ddhniyo̭-'kāmayata | i॒mā-mpra̭ti॒ṣṭhāṃ-vi~̭nde॒yeti̭ | sa e॒tamaha̭ye bu॒ddhniyā̭ya proṣṭhapa॒debhyaḥ̭ puro॒ḍāśa॒-mbhūmi̭kapāla॒-nnira̭vapat | tato॒ vai sa i॒mā-mpra̭ti॒ṣṭhā-ma̭vindata | i॒māgṃ ha॒ vai pra̭ti॒ṣṭhāṃ-vi~̭ndate |
ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | aha̭ye bu॒ddhniyā̭ya॒ svāhā᳚ proṣṭhapa॒debhya॒-ssvāhā᳚ |
pra॒ti॒ṣṭhāyai॒ svāheti̭ || 52 ||
pū॒ṣā vā a̭kāmayata | pa॒śu॒mān-thsyā॒miti̭ |
sa e॒ta-mpū॒ṣṇe re॒vatyai̭ ca॒ru-nnira̭vapat |
tato॒ vai sa pa̭śu॒māna̭bhavat |
pa॒śu॒mān. ha॒ vai bha̭vati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ |
so-'tra̭ juhoti | pū॒ṣṇe svāhā̭ re॒vatyai॒ svāhā᳚ |
pa॒śubhya॒-ssvāheti̭ || 53 ||
a॒śvinau॒ vā a̭kāmayetām | śro॒tra॒svinā॒vaba̭dhirau syā॒veti̭ | tāve॒tama॒śvibhyā̭-maśva॒yugbhyā᳚-mpuro॒ḍāśa̭-ndvikapā॒la-nnira̭vapatām |
tato॒ vai tau śro᳚tra॒svinā॒vaba̭dhirā-vabhavatām |
śro॒tra॒svī ha॒ vā aba̭dhiro bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti |
a॒śvibhyā॒g॒ svāhā᳚-'śva॒yugbhyā॒g॒ svāhā᳚ |
śrotrā̭ya॒ svāhā॒ śrutyai॒ svāheti̭ || 54 ||
ya॒mo vā a̭kāmayata |
pi॒tṛ॒ṇāgṃ rā॒jya-ma॒bhija̭yeya॒miti̭ |
sa e॒taṃ-ya~॒māyā̭pa॒bhara̭ṇībhyaśca॒ru-nnira̭vapat |
tato॒ vai sa pi̭tṛ॒ṇāgṃ rā॒jyama॒bhya̭jayat |
sa॒mā॒nānāgṃ̭ ha॒ vai rā॒jyama॒bhija̭yati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ya॒māya॒ svāhā̭ 'pa॒bhara̭ṇībhya॒-ssvāhā᳚ |
rā॒jyāya॒ svāhā॒ 'bhiji̭tyai svāheti̭ || 55 ||
athai॒tada̭-mā॒vāsyā̭yā॒ ājya॒-nnirva̭pati |
kāmo॒ vā a̭māvā॒syā᳚ | kāma॒ ājya᳚m | kāmḙnai॒va kāma॒gṃ॒ sama̭rdhayati | kṣi॒pramḙna॒gṃ॒ sa kāma॒ upa̭namati | yena॒ kāmḙna॒ yaja̭te | so-'tra̭ juhoti | a॒mā॒vā॒syā̭yai॒ svāhā॒ kāmā̭ya॒ svāhā ''ga̭tyai॒ svāheti̭ || 56 ||
bu॒ddhniyaḥ̭ - pu॒ṣā - 'śvinaṷ - ya॒mo daśa̭da॒śā - thai॒tada̭ - māvā॒syā̭yā a॒ṣṭau pañca̭daśa ) (a. 5)
anuvākaṃ 6 - cāndramasādīṣṭibrāhmaṇam
ca॒ndramā॒ vā a̭kāmayata | a॒ho॒rā॒trā-na̭rdhamā॒sā-nmāsā̭-nṛ॒tūnth- saṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭-māpnuyā॒miti̭ | sa e॒ta-ñca॒ndrama̭se pratī॒dṛśyā̭yai puro॒ḍāśa॒-mpañca̭daśakapāla॒-nnira̭vapat |
tato॒ vai so̭-'horā॒trā-na̭rdhamā॒sā-nmāsā̭-nṛ॒tūn-thsaṃ̭va~thsa॒ra-mā॒ptvā |
ca॒ndrama̭sa॒-ssāyṷjyagṃ salo॒katā̭māpnot |
a॒ho॒rā॒trān. ha॒ vā a̭rdhamā॒sā-nmāsā̭n-ṛ॒tūn-thsaṃ̭va~thsa॒ra-mā॒ptvā | ca॒ndrama̭sa॒-ssāyṷjyagṃ salo॒katā̭māpnoti | ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
ca॒ndrama̭se॒ svāhā᳚ pratī॒dṛśyā̭yai॒ svāhā᳚ |
a॒ho॒rā॒trebhya॒-ssvāhā᳚ 'rdhamā॒sebhya॒-ssvāhā᳚ |
māse᳚bhya॒-ssvāha॒rtubhya॒-ssvāhā᳚ | saṃ॒va~॒thsa॒rāya॒ svāheti̭ || 57 ||
a॒ho॒rā॒tre vā a̭kāmayetām | atya̭horā॒tre mṷcyevahi |
na nā̭vahorā॒tre ā᳚pnuyātā॒miti̭ | te e॒tama̭ho-rā॒trābhyā᳚-ñca॒ru-nnira̭vapatām | dva॒yānāṃ᳚-vrī~hī॒ṇām | śu॒klānā᳚-ñca kṛ॒ṣṇānā᳚-ñca | sa॒vā॒tyordu॒gdhe | śve॒tāyai̭ ca kṛ॒ṣṇāyai̭ ca |
tato॒ vai te atya̭horā॒tre a̭mucyete |
nainḙ ahorā॒tre ā᳚pnutām | ati̭ ha॒ vā a̭horā॒tre mṷcyate | naina̭mahorā॒tre ā᳚pnutaḥ | ya e॒tena̭ ha॒viṣā॒ yaja̭te | ya ṷ cainade॒vaṃve~da̭ |
so-'tra̭ juhoti | ahne॒ svāhā॒ rātri̭yai॒ svāhā᳚ |
ati̭muktyai॒ svāheti̭ || 58 ||
u॒ṣā vā a̭kāmayata | pri॒yā ''di॒tyasya̭ su॒bhagā᳚ syā॒miti̭ | saitamu॒ṣasḙ ca॒ru-nnira̭vapat |
tato॒ vai sā pri॒yā ''di॒tyasya̭ su॒bhagā̭ 'bhavat |
pri॒yo ha॒ vai sa̭mā॒nānāgṃ̭ su॒bhago̭ bhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | u॒ṣase॒ svāhā॒ vyṷṣṭyai॒ svāhā᳚ |
vyū॒ṣuṣyai॒ svāhā᳚ vyu॒cchantyai॒ svāhā᳚ | vyṷṣṭāyai॒ svāheti̭ || 59 ||
athai॒tasmai॒ nakṣa̭trāya ca॒ru-nnirva̭pati | yathā॒ tva-nde॒vānā॒masi̭ | e॒vama॒ha-mma̭nu॒ṣyā̭ṇā-mbhūyāsa॒miti̭ | yathā̭ ha॒ vā e॒ta-dde॒vānā᳚m |
e॒vagṃ ha॒ vā e॒ṣa ma̭nu॒ṣyā̭ṇā-mbhavati | ya e॒tena̭ ha॒viṣā॒ yaja̭te | ya ṷ cainade॒vaṃ-ve~da̭ | so-'tra̭ juhoti | nakṣa̭trāya॒ svāho̭deṣya॒te svāhā᳚ |
u॒dya॒te svāhodi̭tāya॒ svāhā᳚ | hara̭se॒ svāhā॒ bhara̭se॒ svāhā᳚ | bhrāja̭se॒ svāhā॒ teja̭se॒ svāhā᳚ |
tapa̭se॒ svāhā᳚ brahmavarca॒sāya॒ svāheti̭ || 60 ||
sūryo॒ vā a̭kāmayata | nakṣa̭trāṇā-mprati॒ṣṭhā syā॒miti̭ | sa e॒tagṃ sūryā̭ya॒ nakṣa̭trebhyaśca॒ru-nnira̭vapat |
tato॒ vai sa nakṣa̭trāṇā-mprati॒ṣṭhā 'bha̭vat |
pra॒ti॒ṣṭhā ha॒ vai sa̭mā॒nānā᳚-mbhavati |
ya e॒tena̭ ha॒viṣā॒ yaja̭te |
ya ṷ cainade॒vaṃ-ve~da̭ | so-'tra̭ juhoti |
sūryā̭ya॒ svāhā॒ nakṣa̭trebhya॒-ssvāhā᳚ | pra॒ti॒ṣṭhāyai॒ svāheti̭ || 61 ||
athai॒tamadi̭tyai ca॒ru-nnirva̭pati | i॒yaṃ-vā~ adi̭tiḥ |
a॒syāme॒va prati̭ tiṣṭhati | so-'tra̭ juhoti |
adi̭tyai॒ svāhā᳚ prati॒ṣṭhāyai॒ svāheti̭ || 62 ||
athai॒taṃ-vi~ṣṇa̭ve ca॒ru-nnirva̭pati | ya॒jño vai viṣṇuḥ̭ | ya॒jña e॒vānta॒taḥ prati̭ tiṣṭhati | so-'tra̭ juhoti | viṣṇa̭ve॒ svāhā̭ ya॒jñāya॒ svāhā᳚ | pra॒ti॒ṣṭhāyai॒ svāheti̭ || 63 ||
(ca॒ndramāḥ॒ pañca̭daśā - horā॒tre sa॒ptada̭ - śo॒ṣā ekā̭da॒śā - thai॒tasmai॒ nakṣa̭ttāya॒ trayo̭daśa॒ - sūryo॒ daśā - thai॒tamadi̭tyai॒ pañcā - thai॒taṃ-vi~ṣṇa̭ve॒ ṣaṭ-thsa॒pta) (a. 6)
[sa॒vi॒tā-''śū॒nāṃ-vrī~̭hī॒ṇāmindro̭ ma॒hāvrī̭hīṇā॒mindraḥ̭ kṛ॒ṣṇānoṃ᳚
~vrīhī॒ṇāma̭horā॒tre dva॒yānāṃ᳚-vrī~hī॒ṇām | pi॒tara॒-ṣṣaṭka̭pālagṃ savi॒tā dvāda̭śakapālamindrā॒gnī ekā̭daśakapāla॒mindra॒ ekā̭daśakapāla॒mindro॒ daśa̭kapālaṃ॒-vi~ṣṇṷstrikapā॒lamahi॒-rbhūmi̭kapālama॒śvinau᳚ dvikapā॒la-ñca॒ndramāḥ॒ pañca̭daśakapāla-ma॒gniratvaṣṭā॒ vasa̭vo॒-'ṣṭāka̭pālama॒nyatra̭ ca॒rum | ru॒dro᳚-'rya॒mā pū॒ṣā pa̭śu॒mān-thsyā॒gṃ॒ somo̭ ru॒dro bṛha॒spatiḥ॒ paya̭si vā॒yuḥ paya॒-ssomo̭ vā॒yuri̭ndrā॒gnī mi॒tra indra॒ āpo॒ brahma̭ ya॒mo̭-'bhiji̭tyai॒ tvaṣṭā᳚ pra॒jāpa̭tiḥ pra॒jāyai̭ paurṇamā॒syā a̭māvā॒syā̭yā॒ āga̭tyai॒ viśve॒ jityā̭
a॒śvinau॒ śrutyai᳚ | brahma॒ tade॒taṃ-vi~ṣṇu॒-ssa e॒taṃ-vā~॒yu-ssa e॒tadāpa॒stāḥ | pi॒taro॒ viśve॒ vasa̭vo-'kāmayanta॒meti॒ ta e॒ta-nnira̭vapann | āpo̭-'kāmayanta॒ meti॒ tā e॒ta-nnira̭vapann | i॒ndrā॒gnī a॒śvinā̭vakāmayetāṃ॒-ve~ti॒ tāve॒ta-nnira̭vapadām | a॒ho॒rā॒tre vā a̭kāmayetā॒miti॒ te e॒ta-nnira̭vapatām |
a॒nyatrā̭kāmayata॒miti॒ sa e॒ta-nnira̭vapat | i॒ndrā॒gnī śraiṣṭhya॒mindro॒ jyaiṣṭhya॒mindro̭ dṛ॒ḍhaḥ |
āhi॒-ssūryo-'di̭tyai॒ viṣṇa̭ve prati॒ṣṭhāyai᳚ |
somo̭ ya॒ma-ssa̭mā॒nānā᳚m | a॒gnirno̭ rīriṣada॒nyatra̭ rīriṣaḥ]
[vi॒duṣo̭ ha॒viṣā॒ ya ṷ cainade॒vaṃ-ve~da̭ | iṣṭi̭bhi॒rya ṷ cainā e॒vaṃ-ve~da̭ |
a॒nyatra̭ brāhma॒ṇe ya ṷ cainame॒vaṃ-ve~da̭ ]
phrapātaka khorvai vi-thstarting phadams òf 1 tò 6 ānuvākams ḥ-
(a॒gnirna̭-ṛ॒ddhyāsma॒-navo̭navo॒-'gni-rmi॒tra - śca॒ndramā॒-ṣṣaṭ)
(a॒gnirna॒ - stanno̭ vā॒yu - rahi̭rbū॒ddhniya̭ - ṛ॒kṣā vā i॒ya - mathai॒ta-tpau᳚rṇamā॒syā - a॒jo vā eka̭pā॒th - sūrya॒ striṣa̭ṣṭiḥ)
(a॒gnirnaḥ̭ - pātu prati॒ṣṭhāyai॒ svāheti̭ )
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake prathamaḥ prapāṭhaka-ssamāptaḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.