Shri Krishna Sahasra Nama Stotram — Sinhala Script

ඕං අස්ය ශ්රීකෘෂ්ණසහස්රනාමස්තෝත්රමන්ත්රස්ය පරාශර ඍෂිඃ, අනුෂ්ටුප් ඡන්දඃ, ශ්රීකෘෂ්ණඃ පරමාත්මා දේවතා, ශ්රීකෘෂ්ණේති බීජම්, ශ්රීවල්ලභේති ශක්තිඃ, ශාර්ඞ්ගීති කීලකං, ශ්රීකෘෂ්ණප්රීත්යර්ථේ ජපේ විනියෝගඃ ..

න්යාසඃ

පරාශරාය ඍෂයේ නමඃ ඉති ශිරසි,

අනුෂ්ටුප් ඡන්දසේ නමඃ ඉති මුඛේ,

ගෝපාලකෘෂ්ණදේවතායෛ නමඃ ඉති හෘදයේ,

ශ්රීකෘෂ්ණාය බීජාය නමඃ ඉති ගුහ්යේ,

ශ්රීවල්ලභාය ශක්ත්යෛ නමඃ ඉති පාදයෝඃ,

ශාර්ඞ්ගධරාය කීලකාය නමඃ ඉති සර්වාඞ්ගේ ..

කරන්යාසඃ

ශ්රීකෘෂ්ණ ඉත්යාරභ්ය ශූරවංශෛකධීරිත්යන්තානි අඞ්ගුෂ්ඨාභ්යාං නමඃ .

ශෞරිරිත්යාරභ්ය ස්වභාසෝද්භාසිතව්රජ ඉත්යන්තානි තර්ජනීභ්යාං නමඃ .

කෘතාත්මවිද්යාවින්යාස ඉත්යාරභ්ය ප්රස්ථානශකටාරූඪ ඉති මධ්යමාභ්යාං නමඃ,

බෘන්දාවනකෘතාලය ඉත්යාරභ්ය මධුරාජනවීක්ෂිත ඉත්යනාමිකාභ්යාං නමඃ,

රජකප්රතිඝාතක ඉත්යාරභ්ය ද්වාරකාපුරකල්පන ඉති කනිෂ්ඨිකාභ්යාං නමඃ

ද්වාරකානිලය ඉත්යාරභ්ය පරාශර ඉති කරතලකරපෘෂ්ඨාභ්යාං නමඃ,

ඒවං හෘදයාදින්යාසඃ ..

ධ්යානම්

කේෂාඤ්චිත්ප්රේමපුංසාං විගලිතමනසාං බාලලීලාවිලාසං

කේෂාං ගෝපාලලීලාඞ්කිතරසිකතනුර්වේණුවාද්යේන දේවම් .

කේෂාං වාමාසමාජේ ජනිතමනසිජෝ දෛත්යදර්පාපහෛවං

ජ්ඤාත්වා භින්නාභිලාෂං ස ජයති ජගතාමීශ්වරස්තාදෘශෝ(අ)භූත් .. 1 ..

ක්ෂීරාබ්ධෞ කෘතසංස්තවස්සුරගණෛර්බ්රහ්මාදිභිඃ පණ්ඩිතෛඃ

ප්රෝද්භූතෝ වසුදේවසද්මනි මුදා චික්රීඩ යෝ ගෝකුලේ .

කංසධ්වංසකෘතේ ජගාම මධුරාං සාරාමසද්වාරකාං

ගෝපාලෝ(අ)ඛිලගෝපිකාජනසඛඃ පායාදපායාත් ස නඃ .. 2 ..

ඵුල්ලේන්දීවරකාන්තිමින්දුවදනං බර්හාවතංසප්රියං

ශ්රීවත්සාඞ්කමුදාරකෞස්තුභධරං පීතාම්බරං සුන්දරම් .

ගෝපීනාං නයනෝත්පලාර්චිතතනුං ගෝගෝපසඞ්ඝාවෘතං

ගෝවින්දං කලවේණුවාදනරතං දිව්යාඞ්ගභූෂං භජේ .. 3 ..

ඕම් .

කෘෂ්ණඃ ශ්රීවල්ලභඃ ශාර්ඞ්ගී විෂ්වක්සේනඃ ස්වසිද්ධිදඃ .

ක්ෂීරෝදධාමා ව්යූහේශඃ ශේෂශායී ජගන්මයඃ .. 1 ..

භක්තිගම්යස්ත්රයීමූර්තිර්භාරාර්තවසුධාස්තුතඃ .

දේවදේවෝ දයාසින්ධුර්දේවදේවශිඛාමණිඃ .. 2 ..

සුඛභාවස්සුඛාධාරෝ මුකුන්දෝ මුදිතාශයඃ .

අවික්රියඃ ක්රියාමූර්තිරධ්යාත්මස්වස්වරූපවාන් .. 3 ..

ශිෂ්ටාභිලක්ෂ්යෝ භූතාත්මා ධර්මත්රාණාර්ථචේෂ්ටිතඃ .

අන්තර්යාමී කලාරූපඃ කාලාවයවසාක්ෂිකඃ .. 4 ..

වසුධායාසහරණෝ නාරදප්රේරණෝන්මුඛඃ .

ප්රභූෂ්ණුර්නාරදෝද්ගීතෝ ලෝකරක්ෂාපරායණඃ .. 5 ..

රෞහිණේයකෘතානන්දෝ යෝගජ්ඤානනියෝජකඃ .

මහාගුහාන්තර්නික්ෂිප්තඃ පුරාණවපුරාත්මවාන් .. 6 ..

ශූරවංශෛකධීශ්ශෞරිඃ කංසශඞ්කාවිෂාදකෘත් .

වසුදේවෝල්ලසච්ඡක්තිර්දේවක්යෂ්ටමගර්භගඃ .. 7 ..

වසුදේවසුතඃ ශ්රීමාන්දේවකීනන්දනෝ හරිඃ .

ආශ්චර්යබාලඃ ශ්රීවත්සලක්ෂ්මවක්ෂාශ්චතුර්භුජඃ .. 8 ..

ස්වභාවෝත්කෘෂ්ටසද්භාවඃ කෘෂ්ණාෂ්ටම්යන්තසම්භවඃ .

ප්රාජාපත්යර්ක්ෂසම්භූතෝ නිශීථසමයෝදිතඃ .. 9 ..

ශඞ්ඛචක්රගදාපද්මපාණිඃ පද්මනිභේක්ෂණඃ .

කිරීටී කෞස්තුභෝරස්කඃ ස්ඵුරන්මකරකුණ්ඩලඃ .. 10 ..

පීතවාසා ඝනශ්යාමඃ කුඤ්චිතාඤ්චිතකුන්තලඃ .

සුව්යක්තව්යක්තාභරණඃ සූතිකාගෘහභූෂණඃ .. 11 ..

කාරාගාරාන්ධකාරඝ්නඃ පිතෘප්රාග්ජන්මසූචකඃ .

වසුදේවස්තුතඃ ස්තෝත්රං තාපත්රයනිවාරණඃ .. 12 ..

නිරවද්යඃ ක්රියාමූර්තිර්න්යායවාක්යනියෝජකඃ .

අදෘෂ්ටචේෂ්ටඃ කූටස්ථෝ ධෘතලෞකිකවිග්රහඃ .. 13 ..

මහර්ෂිමානසෝල්ලාසෝ මහීමඞ්ගලදායකඃ .

සන්තෝෂිතසුරව්රාතඃ සාධුචිත්තප්රසාදකඃ .. 14 ..

ජනකෝපායනිර්දේෂ්ටා දේවකීනයනෝත්සවඃ .

පිතෘපාණිපරිෂ්කාරෝ මෝහිතාගාරරක්ෂකඃ .. 15 ..

ස්වශක්ත්යුද්ධාටිතාශේෂකපාටඃ පිතෘවාහකඃ .

ශේෂෝරගඵණාච්ඡත්රශ්ශේෂෝක්තාඛ්යාසහස්රකඃ .. 16 ..

යමුනාපූරවිධ්වංසී ස්වභාසෝද්භාසිතව්රජඃ .

කෘතාත්මවිද්යාවින්යාසෝ යෝගමායාග්රසම්භවඃ .. 17 ..

දුර්ගානිවේදිතෝද්භාවෝ යශෝදාතල්පශායකඃ .

නන්දගෝපෝත්සවස්ඵූර්තිර්ව්රජානන්දකරෝදයඃ .. 18 ..

සුජාතජාතකර්ම ශ්රීර්ගෝපීභද්රෝක්තිනිර්වෘතඃ .

අලීකනිද්රෝපගමඃ පූතනාස්තනපීඩනඃ .. 19 ..

ස්තන්යාත්තපූතනාප්රාණඃ පූතනාක්රෝශකාරකඃ .

වින්යස්තරක්ෂාගෝධූලිර්යශෝදාකරලාලිතඃ .. 20 ..

නන්දාඝ්රාතශිරෝමධ්යඃ පූතනාසුගතිප්රදඃ .

බාලඃ පර්යඞ්කනිද්රාලුර්මුඛාර්පිතපදාඞ්ගුලිඃ .. 21 ..

අඤ්ජනස්නිග්ධනයනඃ පර්යායාඞ්කුරිතස්මිතඃ .

ලීලාක්ෂස්තරලාලෝකශ්ශකටාසුරභඤ්ජනඃ .. 22 ..

ද්විජෝදිතස්වස්ත්යයනෝ මන්ත්රපූතජලාප්ලුතඃ .

යශෝදෝත්සඞ්ගපර්යඞ්කෝ යශෝදාමුඛවීක්ෂකඃ .. 23 ..

යශෝදාස්තන්යමුදිතස්තෘණාවර්තාදිදුස්සහඃ .

තෘණාවර්තාසුරධ්වංසී මාතෘවිස්මයකාරකඃ .. 24 ..

ප්රශස්තනාමකරණෝ ජානුචඞ්ක්රමණෝත්සුකඃ .

ව්යාලම්බිචූලිකාරත්නෝ ඝෝෂගෝපප්රහර්ෂණඃ .. 25 ..

ස්වමුඛප්රතිබිම්බාර්ථී ග්රීවාව්යාඝ්රනඛෝජ්ජ්වලඃ .

පඞ්කානුලේපරුචිරෝ මාංසලෝරුකටීතටඃ .. 26 ..

ඝෘෂ්ටජානුකරද්වන්ද්වඃ ප්රතිබිම්බානුකාරකෘත් .

අව්යක්තවර්ණවාග්වෘත්තිඃ ස්මිතලක්ෂ්යරදෝද්ගමඃ .. 27 ..

ධාත්රීකරසමාලම්බී ප්රස්ඛලච්චිත්රචඞ්ක්රමඃ .

අනුරූපවයස්යාඪ්යශ්චාරුකෞමාරචාපලඃ .. 28 ..

වත්සපුච්ඡසමාකෘෂ්ටෝ වත්සපුච්ඡවිකර්ෂණඃ .

විස්මාරිතාන්යව්යාපාරෝ ගෝපගෝපීමුදාවහඃ .. 29 ..

අකාලවත්සනිර්මෝක්තා ව්රජව්යාක්රෝශසුස්මිතඃ .

නවනීතමහාචෝරෝ දාරකාහාරදායකඃ .. 30 ..

පීඨෝලූඛලසෝපානඃ ක්ෂීරභාණ්ඩවිභේදනඃ .

ශික්යභාණ්ඩසමාකර්ෂී ධ්වාන්තාගාරප්රවේශකෘත් .. 31 ..

භූෂාරත්නප්රකාශාඪ්යෝ ගෝප්යුපාලම්භභර්ත්සිතඃ .

පරාගධූසරාකාරෝ මෘද්භක්ෂණකෘතේක්ෂණඃ .. 32 ..

බාලෝක්තමෘත්කථාරම්භෝ මිත්රාන්තර්ගූඪවිග්රහඃ .

කෘතසන්ත්රාසලෝලාක්ෂෝ ජනනීප්රත්යයාවහඃ .. 33..

මාතෘදෘශ්යාත්තවදනෝ වක්ත්රලක්ෂ්යචරාචරඃ .

යශෝදාලාලිතස්වාත්මා ස්වයං ස්වාච්ඡන්ද්යමෝහනඃ .. 34 ..

සවිත්රීස්නේහසංශ්ලිෂ්ටඃ සවිත්රීස්තනලෝලුපඃ .

නවනීතාර්ථනාප්රහ්වෝ නවනීතමහාශනඃ .. 35 ..

මෘෂාකෝපප්රකම්පෝෂ්ඨෝ ගෝෂ්ඨාඞ්ගණවිලෝකනඃ .

දධිමන්ථඝටීභේත්තා කිඞ්කිණීක්වාණසූචිතඃ .. 36 ..

හෛයඞ්ගවීනරසිකෝ මෘෂාශ්රුශ්චෞර්යශඞ්කිතඃ .

ජනනීශ්රමවිජ්ඤාතා දාමබන්ධනියන්ත්රිතඃ .. 37 ..

දාමාකල්පශ්චලාපාඞ්ගෝ ගාඪෝලූඛලබන්ධනඃ .

ආකෘෂ්ටෝලූඛලෝ(අ)නන්තඃ කුබේරසුතශාපවිත් .. . 38 ..

නාරදෝක්තිපරාමර්ශී යමලාර්ජුනභඤ්ජනඃ .

ධනදාත්මජසඞ්ඝුෂ්ටෝ නන්දමෝචිතබන්ධනඃ .. 39 ..

බාලකෝද්ගීතනිරතෝ බාහුක්ෂේපෝදිතප්රියඃ .

ආත්මජ්ඤෝ මිත්රවශගෝ ගෝපීගීතගුණෝදයඃ .. 40 ..

ප්රස්ථානශකටාරූඪෝ බෘන්දාවනකෘතාලයඃ .

ගෝවත්සපාලනෛකාග්රෝ නානාක්රීඩාපරිච්ඡදඃ .. 41 ..

ක්ෂේපණීක්ෂේපණප්රීතෝ වේණුවාද්යවිශාරදඃ .

වෘෂවත්සානුකරණෝ වෘෂධ්වානවිඩම්බනඃ .. 42 ..

නියුද්ධලීලාසංහෘෂ්ටඃ කූජානුකෘතකෝකිලඃ .

උපාත්තහංසගමනස්සර්වජන්තුරුතානුකෘත් .. 43 ..

භෘඞ්ගානුකාරී දධ්යන්නචෝරෝ වත්සපුරස්සරඃ .

බලී බකාසුරග්රාහී බකතාලුප්රදාහකඃ .. 44 ..

භීතගෝපාර්භකාහූතෝ බකචඤ්චුවිදාරණඃ .

බකාසුරාරිර්ගෝපාලෝ බාලෝ බාලාද්භුතාවහඃ .. 45 ..

බලභද්රසමාශ්ලිෂ්ටඃ කෘතක්රීඩානිලායනඃ .

ක්රීඩාසේතුනිධානජ්ඤඃ ප්ලවඞ්ගෝත්ප්ලවනෝ(අ)ද්භුතඃ .. 46 ..

කන්දුකක්රීඩනෝ ලුප්තනන්දාදිභවවේදනඃ .

සුමනෝ(අ)ලඞ්කෘතශිරාඃ ස්වාදුස්නිග්ධාන්නශික්යභෘත් .. 47 ..

ගුඤ්ජාප්රාලම්බනච්ඡන්නඃ පිඤ්ඡෛරලකවේෂකෘත් .

වන්යාශනප්රියඃ ශෘඞ්ගරවාකාරිතවත්සකඃ .. 48 ..

මනෝජ්ඤපල්ලවෝත්තංසපුෂ්පස්වේච්ඡාත්තෂට්පදඃ .

මඤ්ජුශිඤ්ජිතමඤ්ජීරචරණඃ කරකඞ්කණඃ .. 49 ..

අන්යෝන්යශාසනඃ ක්රීඩාපටුඃ පරමකෛතවඃ .

ප්රතිධ්වානප්රමුදිතඃ ශාඛාචතුරචඞ්ක්රමඃ .. 50 ..

අඝදානවසංහර්තා ව්රජවිඝ්නවිනාශනඃ .

ව්රජසඤ්ජීවනඃ ශ්රේයෝනිධිර්දානවමුක්තිදඃ .. 51 ..

කාලින්දීපුලිනාසීනස්සහභුක්තව්රජාර්භකඃ .

කක්ෂාජඨරවින්යස්තවේණුර්වල්ලවචේෂ්ටිතඃ .. 52 ..

භුජසන්ධ්යන්තරන්යස්තශෘඞ්ගවේත්රඃ ශුචිස්මිතඃ .

වාමපාණිස්ථදධ්යන්නකබලඃ කලභාෂණඃ .. 53 ..

අඞ්ගුල්යන්තරවින්යස්තඵලඃ පරමපාවනඃ .

අදෘශ්යතර්ණකාන්වේෂී වල්ලවාර්භකභීතිහා .. 54 ..

අදෘෂ්ටවත්සපව්රාතෝ බ්රහ්මවිජ්ඤාතවෛභවඃ .

ගෝවත්සවත්සපාන්වේෂී විරාට්-පුරුෂවිග්රහඃ .. 55 ..

ස්වසඞ්කල්පානුරූපාර්ථෝ වත්සවත්සපරූපධෘක් .

යථාවත්සක්රියාරූපෝ යථාස්ථානනිවේශනඃ .. 56 ..

යථාව්රජාර්භකාකාරෝ ගෝගෝපීස්තන්යපස්සුඛී .

චිරාද්වලෝහිතෝ දාන්තෝ බ්රහ්මවිජ්ඤාතවෛභවඃ .. 57 ..

විචිත්රශක්තිර්ව්යාලීනසෘෂ්ටගෝවත්සවත්සපඃ .

බ්රහ්මත්රපාකරෝ ධාතෘස්තුතස්සර්වාර්ථසාධකඃ .. 58 ..

බ්රහ්ම බ්රහ්මමයෝ(අ)ව්යක්තස්තේජෝරූපස්සුඛාත්මකඃ .

නිරුක්තං ව්යාකෘතිර්ව්යක්තෝ නිරාලම්බනභාවනඃ .. 59 ..

ප්රභවිෂ්ණුරතන්ත්රීකෝ දේවපක්ෂාර්ථරූපධෘක් .

අකාමස්සර්වවේදාදිරණීයස්ථූලරූපවාන් .. 60 ..

ව්යාපී ව්යාප්යඃ කෘපාකර්තා විචිත්රාචාරසම්මතඃ .

ඡන්දෝමයඃ ප්රධානාත්මා මූර්තාමූර්තිද්වයාකෘතිඃ .. 61 ..

අනේකමූර්තිරක්රෝධඃ පරඃ ප්රකෘතිරක්රමඃ .

සකලාවරණෝපේතස්සර්වදේවෝ මහේශ්වරඃ .. 62 ..

මහාප්රභාවනඃ පූර්වවත්සවත්සපදර්ශකඃ .

කෘෂ්ණයාදවගෝපාලෝ ගෝපාලෝකනහර්ෂිතඃ .. 63 ..

ස්මිතේක්ෂාහර්ෂිතබ්රහ්මා භක්තවත්සලවාක්ප්රියඃ .

බ්රහ්මානන්දාශ්රුධෞතාඞ්ඝ්රිර්ලීලාවෛචිත්ර්යකෝවිදඃ .. 64 ..

බලභද්රෛකහෘදයෝ නාමාකාරිතගෝකුලඃ .

ගෝපාලබාලකෝ භව්යෝ රජ්ජුයජ්ඤෝපවීතවාන් .. 65 ..

වෘක්ෂච්ඡායාහතාශාන්තිර්ගෝපෝත්සඞ්ගෝපබර්හණඃ .

ගෝපසංවාහිතපදෝ ගෝපව්යජනවීජිතඃ .. 66.

ගෝපගානසුඛෝන්නිද්රඃ ශ්රීදාමාර්ජිතසෞහෘදඃ .

සුනන්දසුහෘදේකාත්මා සුබලප්රාණරඤ්ජනඃ .. 67 ..

තාලීවනකෘතක්රීඩෝ බලපාතිතධේනුකඃ .

ගෝපීසෞභාග්යසම්භාව්යෝ ගෝධූලිච්ඡුරිතාලකඃ .. 68 ..

ගෝපීවිරහසන්තප්තෝ ගෝපිකාකෘතමජ්ජනඃ .

ප්රලම්බබාහුරුත්ඵුල්ලපුණ්ඩරීකාවතංසකඃ .. 69 ..

විලාසලලිතස්මේරගර්භලීලාවලෝකනඃ .

ස්රග්භූෂණානුලේපාඪ්යෝ ජනන්යුපහෘතාන්නභුක් .. 70 ..

වරශය්යාශයෝ රාධාප්රේමසල්ලාපනිර්වෘතඃ .

යමුනාතටසඤ්චාරී විෂාර්තව්රජහර්ෂදඃ .. 71 ..

කාලියක්රෝධජනකඃ වෘද්ධාහිකුලවේෂ්ටිතඃ .

කාලියාහිඵණාරඞ්ගනටඃ කාලියමර්දනඃ .. 72 ..

නාගපත්නීස්තුතිප්රීතෝ නානාවේෂසමෘද්ධිකෘත් .

අවිෂ්වක්තදෘගාත්මේශඃ ස්වදෘගාත්මස්තුතිප්රියඃ .. 73 ..

සර්වේශ්වරස්සර්වගුණඃ ප්රසිද්ධස්සර්වසාත්වතඃ .

අකුණ්ඨධාමා චන්ද්රාර්කදෘෂ්ටිරාකාශනිර්මලඃ .. 74 ..

අනිර්දේශ්යගතිර්නාගවනිතාපතිභෛක්ෂදඃ .

ස්වාඞ්ඝ්රිමුද්රාඞ්කනාගේන්ද්රමූර්ධා කාලියසංස්තුතඃ .. 75 ..

අභයෝ විශ්වතශ්චක්ෂුඃ ස්තුතෝත්තමගුණඃ ප්රභුඃ .

අහමාත්මා මරුත්ප්රාණඃ පරමාත්මා ද්යුශීර්ෂවාන් .. 76 ..

නාගෝපායනහෘෂ්ටාත්මා හ්රදෝත්සාරිතකාලියඃ .

බලභද්රසුඛාලාපෝ ගෝපාලිඞ්ගනනිර්වෘතඃ .. 77 ..

දාවාග්නිභීතගෝපාලගෝප්තා දාවාග්නිනාශනඃ .

නයනාච්ඡාදනක්රීඩාලම්පටෝ නෘපචේෂ්ටිතඃ .. 78 ..

කාකපක්ෂධරස්සෞම්යෝ බලවාහකකේලිමාන් .

බලඝාතිතදුර්ධර්ෂප්රලම්බෝ බලවත්සලඃ .. 79 ..

මුඤ්ජාටව්යග්නිශමනඃ ප්රාවෘට්කාලවිනෝදවාන් .

ශිලාන්යස්තාන්නභෘද්දෛත්යසංහර්තා ශාද්වලාසනඃ .. 80 ..

සදාප්තගෝපිකෝද්ගීතඃ කර්ණිකාරාවතංසකඃ .

නටවේෂධරඃ පද්මමාලාඞ්කෝ ගෝපිකාවෘතඃ .. 81 ..

ගෝපීමනෝහරාපාඞ්ගෝ වේණුවාදනතත්පරඃ .

වින්යස්තවදනාම්භෝජශ්චාරුශබ්දකෘතානනඃ .. 82 ..

බිම්බාධරාර්පිතෝදාරවේණුර්විශ්වවිමෝහනඃ .

ව්රජසංවර්ණිතශ්රාව්යවේණුනාදඃ ශ්රුතිප්රියඃ .. 83 ..

ගෝගෝපගෝපීජන්මේප්සුර්බ්රහ්මේන්ද්රාද්යභිවන්දිතඃ .

ගීතස්නුතිසරිත්පූරෝ නාදනර්තිතබර්හිණඃ .. 84 ..

රාගපල්ලවිතස්ථාණුර්ගීතානමිතපාදපඃ .

විස්මාරිතතෘණග්රාසමෘගෝ මෘගවිලෝභිතඃ .. 85 ..

ව්යාඝ්රාදිහිංස්රසහජවෛරහර්තා සුගායනඃ .

ගාඪෝදීරිතගෝබෘන්දප්රේමෝත්කර්ණිතතර්ණකඃ .. 86 ..

නිෂ්පන්දයානබ්රහ්මාදිවීක්ෂිතෝ විශ්වවන්දිතඃ .

ශාඛෝත්කර්ණශකුන්තෞඝශ්ඡත්රායිතබලාහකඃ .. 87 ..

ප්රසන්නඃ පරමානන්දශ්චිත්රායිතචරාචරඃ .

ගෝපිකාමදනෝ ගෝපීකුචකුඞ්කුමමුද්රිතඃ .. 88 ..

ගෝපිකන්යාජලක්රීඩාහෘෂ්ටෝ ගෝප්යංශුකාපහෘත් .

ස්කන්ධාරෝපිතගෝපස්ත්රීවාසාඃ කුන්දනිභස්මිතඃ .. 89 ..

ගෝපීනේත්රෝත්පලශශී ගෝපිකායාචිතාංශුකඃ .

ගෝපීනමස්ක්රියාදේෂ්ටා ගෝප්යේකකරවන්දිතඃ .. 90 ..

ගෝප්යඤ්ජලිවිශේෂාර්ථී ගෝපක්රීඩාවිලෝභිතඃ .

ශාන්තවාසස්ඵුරද්ගෝපීකෘතාඤ්ජලිරඝාපහඃ .. 91 ..

ගෝපීකේලිවිලාසාර්ථී ගෝපීසම්පූර්ණකාමදඃ .

ගෝපස්ත්රීවස්ත්රදෝ ගෝපීචිත්තචෝරඃ කුතූහලී .. 92 ..

බෘන්දාවනප්රියෝ ගෝපබන්ධුර්යජ්වාන්නයාචිතා .

යජ්ඤේශෝ යජ්ඤභාවජ්ඤෝ යජ්ඤපත්න්යභිවාඤ්ඡිතඃ .. 93 ..

මුනිපත්නීවිතීර්ණාන්නතෘප්තෝ මුනිවධූප්රියඃ .

ද්විජපත්න්යභිභාවජ්ඤෝ ද්විජපත්නීවරප්රදඃ .. 94 ..

ප්රතිරුද්ධසතීමෝක්ෂප්රදෝ ද්විජවිමෝහිතා .

මුනිජ්ඤානප්රදෝ යජ්වස්තුතෝ වාසවයාගවිත් .. 95 ..

පිතෘප්රෝක්තක්රියාරූපශක්රයාගනිවාරණඃ .

ශක්රා(අ)මර්ෂකරශ්ශක්රවෘෂ්ටිප්රශමනෝන්මුඛඃ .. 96 ..

ගෝවර්ධනධරෝ ගෝපගෝබෘන්දත්රාණතත්පරඃ .

ගෝවර්ධනගිරිච්ඡත්රචණ්ඩදණ්ඩභුජාර්ගලඃ .. 97 ..

සප්තාහවිධෘතාද්රීන්ද්රෝ මේඝවාහනගර්වහා .

භුජාග්රෝපරිවින්යස්තක්ෂ්මාධරක්ෂ්මාභෘදච්යුතඃ .. 98 ..

ස්වස්ථානස්ථාපිතගිරිර්ගෝපීදධ්යක්ෂතාර්චිතඃ .

සුමනස්සුමනෝවෘෂ්ටිහෘෂ්ටෝ වාසවවන්දිතඃ .. 99 ..

කාමධේනුපයඃපූරාභිෂික්තස්සුරභිස්තුතඃ .

ධරාඞ්ඝ්රිරෝෂධීරෝමා ධර්මගෝප්තා මනෝමයඃ .. 100 ..

ජ්ඤානයජ්ඤප්රියශ්ශාස්ත්රනේත්රස්සර්වාර්ථසාරථිඃ .

ඓරාවතකරානීතවියද්ගඞ්ගාප්ලුතෝ විභුඃ .. 101 ..

බ්රහ්මාභිෂික්තෝ ගෝගෝප්තා සර්වලෝකශුභඞ්කරඃ .

සර්වවේදමයෝ මග්නනන්දාන්වේෂිපිතෘප්රියඃ .. 102 ..

වරුණෝදීරිතාත්මේක්ෂාකෞතුකෝ වරුණාර්චිතඃ .

වරුණානීතජනකෝ ගෝපජ්ඤාතාත්මවෛභවඃ .. 103 ..

ස්වර්ලෝකාලෝකසංහෘෂ්ටගෝපවර්ගත්රිවර්ගදඃ .

බ්රහ්මහෘද්ගෝපිතෝ ගෝපද්රෂ්ටා බ්රහ්මපදප්රදඃ .. 104 ..

ශරච්චන්ද්රවිහාරෝත්කඃ ශ්රීපතිර්වශකෝ ක්ෂමඃ .

භයාපහෝ භර්තෘරුද්ධගෝපිකාධ්යානගෝචරඃ .. 105 ..

ගෝපිකානයනාස්වාද්යෝ ගෝපීනර්මෝක්තිනිර්වෘතඃ .

ගෝපිකාමානහරණෝ ගෝපිකාශතයූථපඃ .. 106 ..

වෛජයන්තීස්රගාකල්පෝ ගෝපිකාමානවර්ධනඃ .

ගෝපකාන්තාසුනිර්දේෂ්ටා කාන්තෝ මන්මථමන්මථඃ .. 107 ..

ස්වාත්මාස්යදත්තතාම්බූලඃ ඵලිතෝත්කෘෂ්ටයෞවනඃ .

වල්ලවීස්තනසක්තාක්ෂෝ වල්ලවීප්රේමචාලිතඃ .. 108 ..

ගෝපීචේලාඤ්චලාසීනෝ ගෝපීනේත්රාබ්ජෂට්පදඃ .

රාසක්රීඩාසමාසක්තෝ ගෝපීමණ්ඩලමණ්ඩනඃ .. 109 ..

ගෝපීහේමමණිශ්රේණිමධ්යේන්ද්රමණිරුජ්ජ්වලඃ .

විද්යාධරේන්දුශාපඝ්නශ්ශඞ්ඛචූඩශිරෝහරඃ .. 110 ..

ශඞ්ඛචූඩශිරෝරත්නසම්ප්රීණිතබලෝ(අ)නඝඃ .

අරිෂ්ටාරිෂ්ටකෘද්දුෂ්ටකේශිදෛත්යනිෂූදනඃ .. 111 ..

සරසස්සස්මිතමුඛස්සුස්ථිරෝ විරහාකුලඃ .

සඞ්කර්ෂණාර්පිතප්රීතිරක්රූරධ්යානගෝචරඃ .. 112 ..

අක්රූරසංස්තුතෝ ගූඪෝ ගුණවෘත්යුපලක්ෂිතඃ .

ප්රමාණගම්යස්තන්මාත්රා(අ)වයවී බුද්ධිතත්පරඃ .. 113 ..

සර්වප්රමාණප්රමධීස්සර්වප්රත්යයසාධකඃ .

පුරුෂශ්ච ප්රධානාත්මා විපර්යාසවිලෝචනඃ .. 114 ..

මධුරාජනසංවීක්ෂ්යෝ රජකප්රතිඝාතකඃ .

විචිත්රාම්බරසංවීතෝ මාලාකාරවරප්රදඃ .. 115 ..

කුබ්ජාවක්රත්වනිර්මෝක්තා කුබ්ජායෞවනදායකඃ .

කුබ්ජාඞ්ගරාගසුරභිඃ කංසකෝදණ්ඩඛණ්ඩනඃ .. 116 ..

ධීරඃ කුවලයාපීඩමර්දනඃ කංසභීතිකෘත් .

දන්තිදන්තායුධෝ රඞ්ගත්රාසකෝ මල්ලයුද්ධවිත් .. 117 ..

චාණූරහන්තා කංසාරිර්දේවකීහර්ෂදායකඃ .

වසුදේවපදානම්රඃ පිතෘබන්ධවිමෝචනඃ .. 118 ..

උර්වීභයාපහෝ භූප උග්රසේනාධිපත්යදඃ .

ආජ්ඤාස්ථිතශචීනාථස්සුධර්මානයනක්ෂමඃ .. 119 ..

ආද්යෝ ද්විජාතිසත්කර්තා ශිෂ්ටාචාරප්රදර්ශකඃ .

සාන්දීපනිකෘතාභ්යස්තවිද්යාභ්යාසෛකධීස්සුධීඃ .. 120 ..

ගුර්වභීෂ්ටක්රියාදක්ෂඃ පශ්චිමෝදධිපූජිතඃ .

හතපඤ්චජනප්රාප්තපාඤ්චජන්යෝ යමාර්චිතඃ .. 121 ..

ධර්මරාජජයානීතගුරුපුත්ර උරුක්රමඃ .

ගුරුපුත්රප්රදශ්ශාස්තා මධුරාජසභාසදඃ .. 122 ..

ජාමදග්න්යසමභ්යර්ච්යෝ ගෝමන්තගිරිසඤ්චරඃ .

ගෝමන්තදාවශමනෝ ගරුඩානීතභූෂණඃ .. 123 ..

චක්රාද්යායුධසංශෝභී ජරාසන්ධමදාපහඃ .

සෘගාලාවනිපාලඝ්නස්සෘගාලාත්මජරාජ්යදඃ .. 124 ..

විධ්වස්තකාලයවනෝ මුචුකුන්දවරප්රදඃ .

ආජ්ඤාපිතමහාම්භෝධිර්ද්වාරකාපුරකල්පනඃ .. 125 ..

ද්වාරකානිලයෝ රුක්මිමානහන්තා යදූද්වහඃ .

රුචිරෝ රුක්මිණීජානිඃ ප්රද්යුම්නජනකඃ ප්රභුඃ .. 126 ..

අපාකෘතත්රිලෝකාර්තිරනිරුද්ධපිතාමහඃ .

අනිරුද්ධපදාන්වේෂී චක්රී ගරුඩවාහනඃ .. 127 ..

බාණාසුරපුරීරෝද්ධා රක්ෂාජ්වලනයන්ත්රජිත් .

ධූතප්රමථසංරම්භෝ ජිතමාහේශ්වරජ්වරඃ .. 128 ..

ෂට්චක්රශක්තිනිර්ජේතා භූතවේතාලමෝහකෘත් .

ශම්භුත්රිශූලජිච්ඡම්භුජෘම්භණශ්ශම්භුසංස්තුතඃ .. 129 ..

ඉන්ද්රියාත්මේන්දුහෘදයස්සර්වයෝගේශ්වරේශ්වරඃ .

හිරණ්යගර්භහෘදයෝ මෝහාවර්තනිවර්තනඃ .. 130 ..

ආත්මජ්ඤානනිධිර්මේධා කෝශස්තන්මාත්රරූපවාන් .

ඉන්ද්රෝ(අ)ග්නිවදනඃ කාලනාභස්සර්වාගමාධ්වගඃ .. 131 ..

තුරීයසර්වධීසාක්ෂී ද්වන්ද්වාරාමාත්මදූරගඃ .

අජ්ඤාතපාරෝ වශ්යශ්රීරව්යාකෘතවිහාරවාන් .. 132 ..

ආත්මප්රදීපෝ විජ්ඤානමාත්රාත්මා ශ්රීනිකේතනඃ .

බාණබාහුවනච්ඡේත්තා මහේන්ද්රප්රීතිවර්ධනඃ .. 133 ..

අනිරුද්ධනිරෝධජ්ඤෝ ජලේශාහෘතගෝකුලඃ .

ජලේශවිජයී වීරස්සත්රාජිද්රත්නයාචකඃ .. 134 ..

ප්රසේනාන්වේෂණෝද්යුක්තෝ ජාම්බවද්ධෘතරත්නදඃ .

ජිතර්ක්ෂරාජතනයාහර්තා ජාම්බවතීප්රියඃ .. 135 ..

සත්යභාමාප්රියඃ කාමශ්ශතධන්වශිරෝහරඃ .

කාලින්දීපතිරක්රූරබන්ධුරක්රූරරත්නදඃ .. 136 ..

කෛකේයීරමණෝ භද්රාභර්තා නාග්නජිතීධවඃ .

මාද්රීමනෝහරශ්ශෛබ්යාප්රාණබන්ධුරුරුක්රමඃ .. 137 ..

සුශීලාදයිතෝ මිත්රවින්දානේත්රමහෝත්සවඃ .

ලක්ෂ්මණාවල්ලභෝ රුද්ධප්රාග්ජ්යෝතිෂමහාපුරඃ .. 138 ..

සුරපාශාවෘතිච්ඡේදී මුරාරිඃ ක්රූරයුද්ධවිත් .

හයග්රීවශිරෝහර්තා සර්වාත්මා සර්වදර්ශනඃ .. 139 ..

නරකාසුරවිච්ඡේත්තා නරකාත්මජරාජ්යදඃ.

පෘථ්වීස්තුතඃ ප්රකාශාත්මා හෘද්යෝ යජ්ඤඵලප්රදඃ .. 140 ..

ගුණග්රාහී ගුණද්රෂ්ටා ගූඪස්වාත්මා විභූතිමාන් .

කවිර්ජගදුපද්රෂ්ටා පරමාක්ෂරවිග්රහඃ .. 141 ..

ප්රපන්නපාලනෝ මාලී මහද්බ්රහ්මවිවර්ධනඃ .

වාච්යවාචකශක්ත්යර්ථස්සර්වව්යාකෘතසිද්ධිදඃ .. 142 ..

ස්වයම්ප්රභුරනිර්වේද්යස්ස්වප්රකාශශ්චිරන්තනඃ .

නාදාත්මා මන්ත්රකෝටීශෝ නානාවාදනිරෝධකඃ .. 143 ..

කන්දර්පකෝටිලාවණ්යඃ පරාර්ථෛකප්රයෝජකඃ .

අමරීකෘතදේවෞඝඃ කන්යකාබන්ධමෝචනඃ .. 144 ..

ෂෝඩශස්ත්රීසහස්රේශඃ කාන්තඃ කාන්තාමනෝභවඃ .

ක්රීඩාරත්නාචලාහර්තා වරුණච්ඡත්රශෝභිතඃ .. 145 ..

ශක්රාභිවන්දිතශ්ශක්රජනනීකුණ්ඩලප්රදඃ .

අදිතිප්රස්තුතස්තෝත්රෝ බ්රාහ්මණෝද්ඝුෂ්ටචේෂ්ටනඃ .. 146 ..

පුරාණස්සංයමී ජන්මාලිප්තඃ ෂඩ්විංශකෝ(අ)ර්ථදඃ .

යශස්යනීතිරාද්යන්තරහිතස්සත්කථාප්රියඃ .. 147 ..

බ්රහ්මබෝධඃ පරානන්දඃ පාරිජාතාපහාරකඃ .

පෞණ්ඩ්රකප්රාණහරණඃ කාශිරාජනිෂූදනඃ .. 148 ..

කෘත්යාගර්වප්රශමනෝ විචක්රවධදීක්ෂිතඃ .

කංසවිධ්වංසනස්සාම්බජනකෝ ඩිම්භකාර්දනඃ .. 149 ..

මුනිර්ගෝප්තා පිතෘවරප්රදස්සවනදීක්ෂිතඃ .

රථී සාරථ්යනිර්දේෂ්ටා ඵාල්ගුනඃ ඵාල්ගුනිප්රියඃ .. 150 ..

සප්තාබ්ධිස්තම්භනෝද්භාතෝ හරිස්සප්තාබ්ධිභේදනඃ .

ආත්මප්රකාශඃ පූර්ණශ්රීරාදිනාරායණේක්ෂිතඃ .. 151 ..

විප්රපුත්රප්රදශ්චෛව සර්වමාතෘසුතප්රදඃ .

පාර්ථවිස්මයකෘත්පාර්ථප්රණවාර්ථප්රබෝධනඃ .. 152 ..

කෛලාසයාත්රාසුමුඛෝ බදර්යාශ්රමභූෂණඃ .

ඝණ්ටාකර්ණක්රියාමෞඪ්යාත්තෝෂිතෝ භක්තවත්සලඃ .. 153 ..

මුනිබෘන්දාදිභිර්ධ්යේයෝ ඝණ්ටාකර්ණවරප්රදඃ .

තපශ්චර්යාපරශ්චීරවාසාඃ පිඞ්ගජටාධරඃ .. 154 ..

ප්රත්යක්ෂීකෘතභූතේශශ්ශිවස්තෝතා ශිවස්තුතඃ .

කෘෂ්ණාස්වයංවරාලෝකකෞතුකී සර්වසම්මතඃ .. 155 ..

බලසංරම්භශමනෝ බලදර්ශිතපාණ්ඩවඃ .

යතිවේෂාර්ජුනාභීෂ්ටදායී සර්වාත්මගෝචරඃ .. 156 ..

සුභද්රාඵාල්ගුනෝද්වාහකර්තා ප්රීණිතඵාල්ගුනඃ .

ඛාණ්ඩවප්රීණිතාර්චිෂ්මාන්මයදානවමෝචනඃ .. 157 ..

සුලභෝ රාජසූයාර්හයුධිෂ්ඨිරනියෝජකඃ .

භීමාර්දිතජරාසන්ධෝ මාගධාත්මජරාජ්යදඃ .. 158 ..

රාජබන්ධනනිර්මෝක්තා රාජසූයාග්රපූජනඃ .

චෛද්යාද්යසහනෝ භීෂ්මස්තුතස්සාත්වතපූර්වජඃ .. 159 ..

සර්වාත්මාර්ථසමාහර්තා මන්දරාචලධාරකඃ .

යජ්ඤාවතාරඃ ප්රහ්ලාදප්රතිජ්ඤාප්රතිපාලකඃ .. 160 ..

බලියජ්ඤසභාධ්වංසී දෘප්තක්ෂත්රකුලාන්තකඃ .

දශග්රීවාන්තකෝ ජේතා රේවතීප්රේමවල්ලභඃ .. 161 ..

සර්වාවතාරාධිෂ්ඨාතා වේදබාහ්යවිමෝහනඃ .

කලිදෝෂනිරාකර්තා දශනාමා දෘඪව්රතඃ .. 162 ..

අමේයාත්මා ජගත්ස්වාමී වාග්මී චෛද්යශිරෝහරඃ .

ද්රෞපදීරචිතස්තෝත්රඃ කේශවඃ පුරුෂෝත්තමඃ .. 163 ..

නාරායණෝ මධුපතිර්මාධවෝ දෝෂවර්ජිතඃ .

ගෝවින්දඃ පුණ්ඩරීකාක්ෂෝ විෂ්ණුශ්ච මධුසූදනඃ .. 164 ..

ත්රිවික්රමස්ත්රිලෝකේශෝ වාමනඃ ශ්රීධරඃ පුමාන් .

හෘෂීකේශෝ වාසුදේවඃ පද්මනාභෝ මහාහ්රදඃ .. 165 ..

දාමෝදරශ්චතුර්ව්යූහඃ පාඤ්චාලීමානරක්ෂණඃ .

සාල්වඝ්නස්සමරශ්ලාඝී දන්තවක්ත්රනිබර්හණඃ .. 166 ..

දාමෝදරප්රියසඛා පෘථුකාස්වාදනප්රියඃ ..

ඝෘණී දාමෝදරඃ ශ්රීදෝ ගෝපීපුනරවේක්ෂකඃ .. 167 ..

ගෝපිකාමුක්තිදෝ යෝගී දුර්වාසස්තෘප්තිකාරකඃ .

අවිජ්ඤාතව්රජාකීර්ණපාණ්ඩවාලෝකනෝ ජයී .. 168 ..

පාර්ථසාරථ්යනිරතඃ ප්රාජ්ඤඃ පාණ්ඩවදූත්යකෘත් .

විදුරාතිථ්යසන්තුෂ්ටඃ කුන්තීසන්තෝෂදායකඃ .. 169 ..

සුයෝධනතිරස්කර්තා දුර්යෝධනවිකාරවිත් .

විදුරාභිෂ්ඨුතෝ නිත්යෝ වාර්ෂ්ණේයෝ මඞ්ගලාත්මකඃ .. 170 ..

පඤ්චවිංශතිතත්ත්වේශශ්චතුර්විංශතිදේහභාක් .

සර්වානුග්රාහකස්සර්වදාශාර්හසතතාර්චිතඃ .. 171 ..

අචින්ත්යෝ මධුරාලාපස්සාධුදර්ශී දුරාසදඃ .

මනුෂ්යධර්මානුගතඃ කෞරවේන්ද්රක්ෂයේක්ෂිතා .. 172 ..

උපේන්ද්රෝ දානවාරාතිරුරුගීතෝ මහාද්යුතිඃ .

බ්රහ්මණ්යදේවඃ ශ්රුතිමාන් ගෝබ්රාහ්මණහිතාශයඃ .. 173 ..

වරශීලශ්ශිවාරම්භස්සුවිජ්ඤානවිමූර්තිමාන් .

ස්වභාවශුද්ධස්සන්මිත්රස්සුශරණ්යස්සුලක්ෂණඃ .. 174 ..

ධෘතරාෂ්ට්රගතෞදෘෂ්ටිප්රදඃ කර්ණවිභේදනඃ .

ප්රතෝදධෘග්විශ්වරූපවිස්මාරිතධනඤ්ජයඃ .. 175 ..

සාමගානප්රියෝ ධර්මධේනුර්වර්ණෝත්තමෝ(අ)ව්යයඃ .

චතුර්යුගක්රියාකර්තා විශ්වරූපප්රදර්ශකඃ .. 176 ..

බ්රහ්මබෝධපරිත්රාතපාර්ථෝ භීෂ්මාර්ථචක්රභෘත් .

අර්ජුනායාසවිධ්වංසී කාලදංෂ්ට්රාවිභූෂණඃ .. 177 ..

සුජාතානන්තමහිමා ස්වප්නව්යාපාරිතාර්ජුනඃ .

අකාලසන්ධ්යාඝටනශ්චක්රාන්තරිතභාස්කරඃ .. 178 ..

දුෂ්ටප්රමථනඃ පාර්ථප්රතිජ්ඤාපරිපාලකඃ .

සින්ධුරාජශිරඃපාතස්ථානවක්තා විවේකදෘක් .. 179 ..

සුභද්රාශෝකහරණෝ ද්රෝණෝත්සේකාදිවිස්මිතඃ .

පාර්ථමන්යුනිරාකර්තා පාණ්ඩවෝත්සවදායකඃ .. 180 ..

අඞ්ගුෂ්ඨාක්රාන්තකෞන්තේයරථශ්ශක්තෝ(අ)හිශීර්ෂජිත් .

කාලකෝපප්රශමනෝ භීමසේනජයප්රදඃ .. 181 ..

අශ්වත්ථාමවධායාසත්රාතපාණ්ඩුසුතඃ කෘතී .

ඉෂීකාස්ත්රප්රශමනෝ ද්රෞණිරක්ෂාවිචක්ෂණඃ .. 182 ..

පාර්ථාපහාරිතද්රෞණිචූඩාමණිරභඞ්ගුරඃ .

ධෘතරාෂ්ට්රපරාමෘෂ්ටභීමප්රතිකෘතිස්මයඃ .. 183 ..

භීෂ්මබුද්ධිප්රදශ්ශාන්තශ්ශරච්චන්ද්රනිභානනඃ .

ගදාග්රජන්මා පාඤ්චාලීප්රතිජ්ඤාපරිපාලකඃ .. 184 ..

ගාන්ධාරීකෝපදෘග්ගුප්තධර්මසූනුරනාමයඃ .

ප්රපන්නාර්තිභයච්ඡේත්තා භීෂ්මශල්යව්යධාවහඃ .. 185 ..

ශාන්තශ්ශාන්තනවෝදීර්ණසර්වධර්මසමාහිතඃ .

ස්මාරිතබ්රහ්මවිද්යාර්ථප්රීතපාර්ථෝ මහාස්ත්රවිත් .. 186 ..

ප්රසාදපරමෝදාරෝ ගාඞ්ගේයසුගතිප්රදඃ .

විපක්ෂපක්ෂක්ෂයකෘත්පරීක්ෂිත්ප්රාණරක්ෂණඃ .. 187 ..

ජගද්ගුරුර්ධර්මසූනෝර්වාජිමේධප්රවර්තකඃ .

විහිතාර්ථාප්තසත්කාරෝ මාසකාත්පරිවර්තදඃ .. 188 ..

උත්තඞ්කහර්ෂදාත්මීයදිව්යරූපප්රදර්ශකඃ .

ජනකාවගතස්වෝක්තභාරතස්සර්වභාවනඃ .. 189 ..

අසෝඪයාදවෝද්රේකෝ විහිතාප්තාදිපූජනඃ ..

සමුද්රස්ථාපිතාශ්චර්යමුසලෝ වෘෂ්ණිවාහකඃ .. 190 ..

මුනිශාපායුධඃ පද්මාසනාදිත්රිදශාර්ථිතඃ .

වෘෂ්ටිප්රත්යවහාරෝත්කස්ස්වධාමගමනෝත්සුකඃ .. 191 ..

ප්රභාසාලෝකනෝද්යුක්තෝ නානාවිධනිමිත්තකෘත් .

සර්වයාදවසංසේව්යස්සර්වෝත්කෘෂ්ටපරිච්ඡදඃ .. 192 ..

වේලාකානනසඤ්චාරී වේලානිලහෘතශ්රමඃ .

කාලාත්මා යාදවෝ(අ)නන්තස්ස්තුතිසන්තුෂ්ටමානසඃ .. 193 ..

ද්විජාලෝකනසන්තුෂ්ටඃ පුණ්යතීර්ථමහෝත්සවඃ .

සත්කාරාහ්ලාදිතාශේෂභූසුරස්සුරවල්ලභඃ .. 194 ..

පුණ්යතීර්ථාප්ලුතඃ පුණ්යඃ පුණ්යදස්තීර්ථපාවනඃ .

විප්රසාත්කෘතගෝකෝටිශ්ශතකෝටිසුවර්ණදඃ .. 195 ..

ස්වමායාමෝහිතා(අ)ශේෂවෘෂ්ණිවීරෝ විශේෂවිත් .

ජලජායුධනිර්දේෂ්ටා ස්වාත්මාවේශිතයාදවඃ .. 196 ..

දේවතාභීෂ්ටවරදඃ කෘතකෘත්යඃ ප්රසන්නධීඃ .

ස්ථිරශේෂායුතබලස්සහස්රඵණිවීක්ෂණඃ .. 197 ..

බ්රහ්මවෘක්ෂවරච්ඡායාසීනඃ පද්මාසනස්ථිතඃ .

ප්රත්යගාත්මා ස්වභාවාර්ථඃ ප්රණිධානපරායණඃ .. 198 ..

ව්යාධේෂුවිද්ධපූජ්යාඞ්ඝ්රිර්නිෂාදභයමෝචනඃ .

පුලින්දස්තුතිසන්තුෂ්ටඃ පුලින්දසුගතිප්රදඃ .. 199 ..

දාරුකාර්පිතපාර්ථාදිකරණීයෝක්තිරීශිතා .

දිව්යදුන්දුභිසංයුක්තඃ පුෂ්පවෘෂ්ටිප්රපූජිතඃ .. 200 ..

පුරාණඃ පරමේශානඃ පූර්ණභූමා පරිෂ්ටුතඃ .

පතිරාද්යඃ පරං බ්රහ්ම පරමාත්මා පරාත්පරඃ .. 201 ..

ශ්රීපරමාත්මා පරාත්පරඃ ඕං නමඃ ඉති .

ඵලශ්රුතිඃ –

ඉදං සහස්රං කෘෂ්ණස්ය නාම්නාං සර්වාර්ථදායකම් .

අනන්තරූපී භගවාන් ව්යාඛ්යාතාදෞ ස්වයම්භුවේ .. 202 ..

තේන ප්රෝක්තං වසිෂ්ඨාය තතෝ ලබ්ධ්වා පරාශරඃ .

ව්යාසාය තේන සම්ප්රෝක්තං ශුකෝ ව්යාසාදවාප්තවාන් .. 203 ..

තච්ඡිෂ්යෛර්බහුභිර්භූමෞ ඛ්යාපිතං ද්වාපරේ යුගේ .

කෘෂ්ණාජ්ඤයා හරිහරඃ කලෞ ප්රඛ්යාපයද්විභුඃ .. 204 ..

ඉදං පඨති භක්ත්යා යඃ ශෘණෝති ච සමාහිතඃ .

ස්වසිද්ධ්යෛ ප්රාර්ථයන්ත්යේනං තීර්ථක්ෂේත්රාදිදේවතාඃ .. 205 ..

ප්රායශ්චිත්තාන්යශේෂාණි නාලං යානි ව්යපෝහිතුම් .

තානි පාපානි නශ්යන්ති සකෘදස්ය ප්රශංසනාත් .. 206 ..

ඍණත්රයවිමුක්තස්ය ශ්රෞතස්මාර්තානුවර්තිනඃ .

ඍෂේස්ත්රිමූර්තිරූපස්ය ඵලං වින්දේදිදං පඨන් .. 207 ..

ඉදං නාමසහස්රං යඃ පඨත්යේතච්ඡෘණෝති ච .

ශිවලිඞ්ගසහස්රස්ය ස ප්රතිෂ්ඨාඵලං ලභේත් .. 208 ..

ඉදං කිරීටී සඤ්ජප්ය ජයී පාශුපතාස්ත්රභාක් .

කෘෂ්ණස්ය ප්රාණභූතස්සන් කෘෂ්ණං සාරථිමාප්තවාන් .. 209 ..

ද්රෞපද්යා දමයන්ත්යා ච සාවිත්ර්යා ච සුශීලයා .

දුරිතානි ජිතාන්යේතජ්ජපාදාප්තං ච වාඤ්ඡිතම් .. 210 ..

කිමිදං බහුනා ශංසන්මානවෝ මෝදනිර්භරඃ .

බ්රහ්මානන්දමවාප්යාන්තේ කෘෂ්ණසායූජ්යමාප්නුයාත් .. 211 ..

Roman (IAST) Transliteration

oṃ asya śrīkṛṣṇasahasranāmastotramantrasya parāśara ṛṣiḥ, anuṣṭup chandaḥ, śrīkṛṣṇaḥ paramātmā devatā, śrīkṛṣṇeti bījam, śrīvallabheti śaktiḥ, śārṅgīti kīlakaṃ, śrīkṛṣṇaprītyarthe jape viniyogaḥ ||

nyāsaḥ

parāśarāya ṛṣaye namaḥ iti śirasi,

anuṣṭup chandase namaḥ iti mukhe,

gopālakṛṣṇadevatāyai namaḥ iti hṛdaye,

śrīkṛṣṇāya bījāya namaḥ iti guhye,

śrīvallabhāya śaktyai namaḥ iti pādayoḥ,

śārṅgadharāya kīlakāya namaḥ iti sarvāṅge ||

karanyāsaḥ

śrīkṛṣṇa ityārabhya śūravaṃśaikadhīrityantāni aṅguṣṭhābhyāṃ namaḥ |

śaurirityārabhya svabhāsodbhāsitavraja ityantāni tarjanībhyāṃ namaḥ |

kṛtātmavidyāvinyāsa ityārabhya prasthānaśakaṭārūḍha iti madhyamābhyāṃ namaḥ,

bṛndāvanakṛtālaya ityārabhya madhurājanavīkṣita ityanāmikābhyāṃ namaḥ,

rajakapratighātaka ityārabhya dvārakāpurakalpana iti kaniṣṭhikābhyāṃ namaḥ

dvārakānilaya ityārabhya parāśara iti karatalakarapṛṣṭhābhyāṃ namaḥ,

evaṃ hṛdayādinyāsaḥ ||

dhyānam

keṣāñcitpremapuṃsāṃ vigalitamanasāṃ bālalīlāvilāsaṃ

keṣāṃ gopālalīlāṅkitarasikatanurveṇuvādyena devam |

keṣāṃ vāmāsamāje janitamanasijo daityadarpāpahaivaṃ

jñātvā bhinnābhilāṣaṃ sa jayati jagatāmīśvarastādṛśo'bhūt || 1 ||

kṣīrābdhau kṛtasaṃstavassuragaṇairbrahmādibhiḥ paṇḍitaiḥ

prodbhūto vasudevasadmani mudā cikrīḍa yo gokule |

kaṃsadhvaṃsakṛte jagāma madhurāṃ sārāmasadvārakāṃ

gopālo'khilagopikājanasakhaḥ pāyādapāyāt sa naḥ || 2 ||

phullendīvarakāntiminduvadanaṃ barhāvataṃsapriyaṃ

śrīvatsāṅkamudārakaustubhadharaṃ pītāmbaraṃ sundaram |

gopīnāṃ nayanotpalārcitatanuṃ gogopasaṅghāvṛtaṃ

govindaṃ kalaveṇuvādanarataṃ divyāṅgabhūṣaṃ bhaje || 3 ||

om |

kṛṣṇaḥ śrīvallabhaḥ śārṅgī viṣvaksenaḥ svasiddhidaḥ |

kṣīrodadhāmā vyūheśaḥ śeṣaśāyī jaganmayaḥ || 1 ||

bhaktigamyastrayīmūrtirbhārārtavasudhāstutaḥ |

devadevo dayāsindhurdevadevaśikhāmaṇiḥ || 2 ||

sukhabhāvassukhādhāro mukundo muditāśayaḥ |

avikriyaḥ kriyāmūrtiradhyātmasvasvarūpavān || 3 ||

śiṣṭābhilakṣyo bhūtātmā dharmatrāṇārthaceṣṭitaḥ |

antaryāmī kalārūpaḥ kālāvayavasākṣikaḥ || 4 ||

vasudhāyāsaharaṇo nāradapreraṇonmukhaḥ |

prabhūṣṇurnāradodgīto lokarakṣāparāyaṇaḥ || 5 ||

rauhiṇeyakṛtānando yogajñānaniyojakaḥ |

mahāguhāntarnikṣiptaḥ purāṇavapurātmavān || 6 ||

śūravaṃśaikadhīśśauriḥ kaṃsaśaṅkāviṣādakṛt |

vasudevollasacchaktirdevakyaṣṭamagarbhagaḥ || 7 ||

vasudevasutaḥ śrīmāndevakīnandano hariḥ |

āścaryabālaḥ śrīvatsalakṣmavakṣāścaturbhujaḥ || 8 ||

svabhāvotkṛṣṭasadbhāvaḥ kṛṣṇāṣṭamyantasambhavaḥ |

prājāpatyarkṣasambhūto niśīthasamayoditaḥ || 9 ||

śaṅkhacakragadāpadmapāṇiḥ padmanibhekṣaṇaḥ |

kirīṭī kaustubhoraskaḥ sphuranmakarakuṇḍalaḥ || 10 ||

pītavāsā ghanaśyāmaḥ kuñcitāñcitakuntalaḥ |

suvyaktavyaktābharaṇaḥ sūtikāgṛhabhūṣaṇaḥ || 11 ||

kārāgārāndhakāraghnaḥ pitṛprāgjanmasūcakaḥ |

vasudevastutaḥ stotraṃ tāpatrayanivāraṇaḥ || 12 ||

niravadyaḥ kriyāmūrtirnyāyavākyaniyojakaḥ |

adṛṣṭaceṣṭaḥ kūṭastho dhṛtalaukikavigrahaḥ || 13 ||

maharṣimānasollāso mahīmaṅgaladāyakaḥ |

santoṣitasuravrātaḥ sādhucittaprasādakaḥ || 14 ||

janakopāyanirdeṣṭā devakīnayanotsavaḥ |

pitṛpāṇipariṣkāro mohitāgārarakṣakaḥ || 15 ||

svaśaktyuddhāṭitāśeṣakapāṭaḥ pitṛvāhakaḥ |

śeṣoragaphaṇācchatraśśeṣoktākhyāsahasrakaḥ || 16 ||

yamunāpūravidhvaṃsī svabhāsodbhāsitavrajaḥ |

kṛtātmavidyāvinyāso yogamāyāgrasambhavaḥ || 17 ||

durgāniveditodbhāvo yaśodātalpaśāyakaḥ |

nandagopotsavasphūrtirvrajānandakarodayaḥ || 18 ||

sujātajātakarma śrīrgopībhadroktinirvṛtaḥ |

alīkanidropagamaḥ pūtanāstanapīḍanaḥ || 19 ||

stanyāttapūtanāprāṇaḥ pūtanākrośakārakaḥ |

vinyastarakṣāgodhūliryaśodākaralālitaḥ || 20 ||

nandāghrātaśiromadhyaḥ pūtanāsugatipradaḥ |

bālaḥ paryaṅkanidrālurmukhārpitapadāṅguliḥ || 21 ||

añjanasnigdhanayanaḥ paryāyāṅkuritasmitaḥ |

līlākṣastaralālokaśśakaṭāsurabhañjanaḥ || 22 ||

dvijoditasvastyayano mantrapūtajalāplutaḥ |

yaśodotsaṅgaparyaṅko yaśodāmukhavīkṣakaḥ || 23 ||

yaśodāstanyamuditastṛṇāvartādidussahaḥ |

tṛṇāvartāsuradhvaṃsī mātṛvismayakārakaḥ || 24 ||

praśastanāmakaraṇo jānucaṅkramaṇotsukaḥ |

vyālambicūlikāratno ghoṣagopapraharṣaṇaḥ || 25 ||

svamukhapratibimbārthī grīvāvyāghranakhojjvalaḥ |

paṅkānuleparuciro māṃsalorukaṭītaṭaḥ || 26 ||

ghṛṣṭajānukaradvandvaḥ pratibimbānukārakṛt |

avyaktavarṇavāgvṛttiḥ smitalakṣyaradodgamaḥ || 27 ||

dhātrīkarasamālambī praskhalaccitracaṅkramaḥ |

anurūpavayasyāḍhyaścārukaumāracāpalaḥ || 28 ||

vatsapucchasamākṛṣṭo vatsapucchavikarṣaṇaḥ |

vismāritānyavyāpāro gopagopīmudāvahaḥ || 29 ||

akālavatsanirmoktā vrajavyākrośasusmitaḥ |

navanītamahācoro dārakāhāradāyakaḥ || 30 ||

pīṭholūkhalasopānaḥ kṣīrabhāṇḍavibhedanaḥ |

śikyabhāṇḍasamākarṣī dhvāntāgārapraveśakṛt || 31 ||

bhūṣāratnaprakāśāḍhyo gopyupālambhabhartsitaḥ |

parāgadhūsarākāro mṛdbhakṣaṇakṛtekṣaṇaḥ || 32 ||

bāloktamṛtkathārambho mitrāntargūḍhavigrahaḥ |

kṛtasantrāsalolākṣo jananīpratyayāvahaḥ || 33||

mātṛdṛśyāttavadano vaktralakṣyacarācaraḥ |

yaśodālālitasvātmā svayaṃ svācchandyamohanaḥ || 34 ||

savitrīsnehasaṃśliṣṭaḥ savitrīstanalolupaḥ |

navanītārthanāprahvo navanītamahāśanaḥ || 35 ||

mṛṣākopaprakampoṣṭho goṣṭhāṅgaṇavilokanaḥ |

dadhimanthaghaṭībhettā kiṅkiṇīkvāṇasūcitaḥ || 36 ||

haiyaṅgavīnarasiko mṛṣāśruścauryaśaṅkitaḥ |

jananīśramavijñātā dāmabandhaniyantritaḥ || 37 ||

dāmākalpaścalāpāṅgo gāḍholūkhalabandhanaḥ |

ākṛṣṭolūkhalo'nantaḥ kuberasutaśāpavit || | 38 ||

nāradoktiparāmarśī yamalārjunabhañjanaḥ |

dhanadātmajasaṅghuṣṭo nandamocitabandhanaḥ || 39 ||

bālakodgītanirato bāhukṣepoditapriyaḥ |

ātmajño mitravaśago gopīgītaguṇodayaḥ || 40 ||

prasthānaśakaṭārūḍho bṛndāvanakṛtālayaḥ |

govatsapālanaikāgro nānākrīḍāparicchadaḥ || 41 ||

kṣepaṇīkṣepaṇaprīto veṇuvādyaviśāradaḥ |

vṛṣavatsānukaraṇo vṛṣadhvānaviḍambanaḥ || 42 ||

niyuddhalīlāsaṃhṛṣṭaḥ kūjānukṛtakokilaḥ |

upāttahaṃsagamanassarvajanturutānukṛt || 43 ||

bhṛṅgānukārī dadhyannacoro vatsapurassaraḥ |

balī bakāsuragrāhī bakatālupradāhakaḥ || 44 ||

bhītagopārbhakāhūto bakacañcuvidāraṇaḥ |

bakāsurārirgopālo bālo bālādbhutāvahaḥ || 45 ||

balabhadrasamāśliṣṭaḥ kṛtakrīḍānilāyanaḥ |

krīḍāsetunidhānajñaḥ plavaṅgotplavano'dbhutaḥ || 46 ||

kandukakrīḍano luptanandādibhavavedanaḥ |

sumano'laṅkṛtaśirāḥ svādusnigdhānnaśikyabhṛt || 47 ||

guñjāprālambanacchannaḥ piñchairalakaveṣakṛt |

vanyāśanapriyaḥ śṛṅgaravākāritavatsakaḥ || 48 ||

manojñapallavottaṃsapuṣpasvecchāttaṣaṭpadaḥ |

mañjuśiñjitamañjīracaraṇaḥ karakaṅkaṇaḥ || 49 ||

anyonyaśāsanaḥ krīḍāpaṭuḥ paramakaitavaḥ |

pratidhvānapramuditaḥ śākhācaturacaṅkramaḥ || 50 ||

aghadānavasaṃhartā vrajavighnavināśanaḥ |

vrajasañjīvanaḥ śreyonidhirdānavamuktidaḥ || 51 ||

kālindīpulināsīnassahabhuktavrajārbhakaḥ |

kakṣājaṭharavinyastaveṇurvallavaceṣṭitaḥ || 52 ||

bhujasandhyantaranyastaśṛṅgavetraḥ śucismitaḥ |

vāmapāṇisthadadhyannakabalaḥ kalabhāṣaṇaḥ || 53 ||

aṅgulyantaravinyastaphalaḥ paramapāvanaḥ |

adṛśyatarṇakānveṣī vallavārbhakabhītihā || 54 ||

adṛṣṭavatsapavrāto brahmavijñātavaibhavaḥ |

govatsavatsapānveṣī virāṭ-puruṣavigrahaḥ || 55 ||

svasaṅkalpānurūpārtho vatsavatsaparūpadhṛk |

yathāvatsakriyārūpo yathāsthānaniveśanaḥ || 56 ||

yathāvrajārbhakākāro gogopīstanyapassukhī |

cirādvalohito dānto brahmavijñātavaibhavaḥ || 57 ||

vicitraśaktirvyālīnasṛṣṭagovatsavatsapaḥ |

brahmatrapākaro dhātṛstutassarvārthasādhakaḥ || 58 ||

brahma brahmamayo'vyaktastejorūpassukhātmakaḥ |

niruktaṃ vyākṛtirvyakto nirālambanabhāvanaḥ || 59 ||

prabhaviṣṇuratantrīko devapakṣārtharūpadhṛk |

akāmassarvavedādiraṇīyasthūlarūpavān || 60 ||

vyāpī vyāpyaḥ kṛpākartā vicitrācārasammataḥ |

chandomayaḥ pradhānātmā mūrtāmūrtidvayākṛtiḥ || 61 ||

anekamūrtirakrodhaḥ paraḥ prakṛtirakramaḥ |

sakalāvaraṇopetassarvadevo maheśvaraḥ || 62 ||

mahāprabhāvanaḥ pūrvavatsavatsapadarśakaḥ |

kṛṣṇayādavagopālo gopālokanaharṣitaḥ || 63 ||

smitekṣāharṣitabrahmā bhaktavatsalavākpriyaḥ |

brahmānandāśrudhautāṅghrirlīlāvaicitryakovidaḥ || 64 ||

balabhadraikahṛdayo nāmākāritagokulaḥ |

gopālabālako bhavyo rajjuyajñopavītavān || 65 ||

vṛkṣacchāyāhatāśāntirgopotsaṅgopabarhaṇaḥ |

gopasaṃvāhitapado gopavyajanavījitaḥ || 66|

gopagānasukhonnidraḥ śrīdāmārjitasauhṛdaḥ |

sunandasuhṛdekātmā subalaprāṇarañjanaḥ || 67 ||

tālīvanakṛtakrīḍo balapātitadhenukaḥ |

gopīsaubhāgyasambhāvyo godhūlicchuritālakaḥ || 68 ||

gopīvirahasantapto gopikākṛtamajjanaḥ |

pralambabāhurutphullapuṇḍarīkāvataṃsakaḥ || 69 ||

vilāsalalitasmeragarbhalīlāvalokanaḥ |

sragbhūṣaṇānulepāḍhyo jananyupahṛtānnabhuk || 70 ||

varaśayyāśayo rādhāpremasallāpanirvṛtaḥ |

yamunātaṭasañcārī viṣārtavrajaharṣadaḥ || 71 ||

kāliyakrodhajanakaḥ vṛddhāhikulaveṣṭitaḥ |

kāliyāhiphaṇāraṅganaṭaḥ kāliyamardanaḥ || 72 ||

nāgapatnīstutiprīto nānāveṣasamṛddhikṛt |

aviṣvaktadṛgātmeśaḥ svadṛgātmastutipriyaḥ || 73 ||

sarveśvarassarvaguṇaḥ prasiddhassarvasātvataḥ |

akuṇṭhadhāmā candrārkadṛṣṭirākāśanirmalaḥ || 74 ||

anirdeśyagatirnāgavanitāpatibhaikṣadaḥ |

svāṅghrimudrāṅkanāgendramūrdhā kāliyasaṃstutaḥ || 75 ||

abhayo viśvataścakṣuḥ stutottamaguṇaḥ prabhuḥ |

ahamātmā marutprāṇaḥ paramātmā dyuśīrṣavān || 76 ||

nāgopāyanahṛṣṭātmā hradotsāritakāliyaḥ |

balabhadrasukhālāpo gopāliṅgananirvṛtaḥ || 77 ||

dāvāgnibhītagopālagoptā dāvāgnināśanaḥ |

nayanācchādanakrīḍālampaṭo nṛpaceṣṭitaḥ || 78 ||

kākapakṣadharassaumyo balavāhakakelimān |

balaghātitadurdharṣapralambo balavatsalaḥ || 79 ||

muñjāṭavyagniśamanaḥ prāvṛṭkālavinodavān |

śilānyastānnabhṛddaityasaṃhartā śādvalāsanaḥ || 80 ||

sadāptagopikodgītaḥ karṇikārāvataṃsakaḥ |

naṭaveṣadharaḥ padmamālāṅko gopikāvṛtaḥ || 81 ||

gopīmanoharāpāṅgo veṇuvādanatatparaḥ |

vinyastavadanāmbhojaścāruśabdakṛtānanaḥ || 82 ||

bimbādharārpitodāraveṇurviśvavimohanaḥ |

vrajasaṃvarṇitaśrāvyaveṇunādaḥ śrutipriyaḥ || 83 ||

gogopagopījanmepsurbrahmendrādyabhivanditaḥ |

gītasnutisaritpūro nādanartitabarhiṇaḥ || 84 ||

rāgapallavitasthāṇurgītānamitapādapaḥ |

vismāritatṛṇagrāsamṛgo mṛgavilobhitaḥ || 85 ||

vyāghrādihiṃsrasahajavairahartā sugāyanaḥ |

gāḍhodīritagobṛndapremotkarṇitatarṇakaḥ || 86 ||

niṣpandayānabrahmādivīkṣito viśvavanditaḥ |

śākhotkarṇaśakuntaughaśchatrāyitabalāhakaḥ || 87 ||

prasannaḥ paramānandaścitrāyitacarācaraḥ |

gopikāmadano gopīkucakuṅkumamudritaḥ || 88 ||

gopikanyājalakrīḍāhṛṣṭo gopyaṃśukāpahṛt |

skandhāropitagopastrīvāsāḥ kundanibhasmitaḥ || 89 ||

gopīnetrotpalaśaśī gopikāyācitāṃśukaḥ |

gopīnamaskriyādeṣṭā gopyekakaravanditaḥ || 90 ||

gopyañjaliviśeṣārthī gopakrīḍāvilobhitaḥ |

śāntavāsasphuradgopīkṛtāñjaliraghāpahaḥ || 91 ||

gopīkelivilāsārthī gopīsampūrṇakāmadaḥ |

gopastrīvastrado gopīcittacoraḥ kutūhalī || 92 ||

bṛndāvanapriyo gopabandhuryajvānnayācitā |

yajñeśo yajñabhāvajño yajñapatnyabhivāñchitaḥ || 93 ||

munipatnīvitīrṇānnatṛpto munivadhūpriyaḥ |

dvijapatnyabhibhāvajño dvijapatnīvarapradaḥ || 94 ||

pratiruddhasatīmokṣaprado dvijavimohitā |

munijñānaprado yajvastuto vāsavayāgavit || 95 ||

pitṛproktakriyārūpaśakrayāganivāraṇaḥ |

śakrā'marṣakaraśśakravṛṣṭipraśamanonmukhaḥ || 96 ||

govardhanadharo gopagobṛndatrāṇatatparaḥ |

govardhanagiricchatracaṇḍadaṇḍabhujārgalaḥ || 97 ||

saptāhavidhṛtādrīndro meghavāhanagarvahā |

bhujāgroparivinyastakṣmādharakṣmābhṛdacyutaḥ || 98 ||

svasthānasthāpitagirirgopīdadhyakṣatārcitaḥ |

sumanassumanovṛṣṭihṛṣṭo vāsavavanditaḥ || 99 ||

kāmadhenupayaḥpūrābhiṣiktassurabhistutaḥ |

dharāṅghriroṣadhīromā dharmagoptā manomayaḥ || 100 ||

jñānayajñapriyaśśāstranetrassarvārthasārathiḥ |

airāvatakarānītaviyadgaṅgāpluto vibhuḥ || 101 ||

brahmābhiṣikto gogoptā sarvalokaśubhaṅkaraḥ |

sarvavedamayo magnanandānveṣipitṛpriyaḥ || 102 ||

varuṇodīritātmekṣākautuko varuṇārcitaḥ |

varuṇānītajanako gopajñātātmavaibhavaḥ || 103 ||

svarlokālokasaṃhṛṣṭagopavargatrivargadaḥ |

brahmahṛdgopito gopadraṣṭā brahmapadapradaḥ || 104 ||

śaraccandravihārotkaḥ śrīpatirvaśako kṣamaḥ |

bhayāpaho bhartṛruddhagopikādhyānagocaraḥ || 105 ||

gopikānayanāsvādyo gopīnarmoktinirvṛtaḥ |

gopikāmānaharaṇo gopikāśatayūthapaḥ || 106 ||

vaijayantīsragākalpo gopikāmānavardhanaḥ |

gopakāntāsunirdeṣṭā kānto manmathamanmathaḥ || 107 ||

svātmāsyadattatāmbūlaḥ phalitotkṛṣṭayauvanaḥ |

vallavīstanasaktākṣo vallavīpremacālitaḥ || 108 ||

gopīcelāñcalāsīno gopīnetrābjaṣaṭpadaḥ |

rāsakrīḍāsamāsakto gopīmaṇḍalamaṇḍanaḥ || 109 ||

gopīhemamaṇiśreṇimadhyendramaṇirujjvalaḥ |

vidyādharenduśāpaghnaśśaṅkhacūḍaśiroharaḥ || 110 ||

śaṅkhacūḍaśiroratnasamprīṇitabalo'naghaḥ |

ariṣṭāriṣṭakṛdduṣṭakeśidaityaniṣūdanaḥ || 111 ||

sarasassasmitamukhassusthiro virahākulaḥ |

saṅkarṣaṇārpitaprītirakrūradhyānagocaraḥ || 112 ||

akrūrasaṃstuto gūḍho guṇavṛtyupalakṣitaḥ |

pramāṇagamyastanmātrā'vayavī buddhitatparaḥ || 113 ||

sarvapramāṇapramadhīssarvapratyayasādhakaḥ |

puruṣaśca pradhānātmā viparyāsavilocanaḥ || 114 ||

madhurājanasaṃvīkṣyo rajakapratighātakaḥ |

vicitrāmbarasaṃvīto mālākāravarapradaḥ || 115 ||

kubjāvakratvanirmoktā kubjāyauvanadāyakaḥ |

kubjāṅgarāgasurabhiḥ kaṃsakodaṇḍakhaṇḍanaḥ || 116 ||

dhīraḥ kuvalayāpīḍamardanaḥ kaṃsabhītikṛt |

dantidantāyudho raṅgatrāsako mallayuddhavit || 117 ||

cāṇūrahantā kaṃsārirdevakīharṣadāyakaḥ |

vasudevapadānamraḥ pitṛbandhavimocanaḥ || 118 ||

urvībhayāpaho bhūpa ugrasenādhipatyadaḥ |

ājñāsthitaśacīnāthassudharmānayanakṣamaḥ || 119 ||

ādyo dvijātisatkartā śiṣṭācārapradarśakaḥ |

sāndīpanikṛtābhyastavidyābhyāsaikadhīssudhīḥ || 120 ||

gurvabhīṣṭakriyādakṣaḥ paścimodadhipūjitaḥ |

hatapañcajanaprāptapāñcajanyo yamārcitaḥ || 121 ||

dharmarājajayānītaguruputra urukramaḥ |

guruputrapradaśśāstā madhurājasabhāsadaḥ || 122 ||

jāmadagnyasamabhyarcyo gomantagirisañcaraḥ |

gomantadāvaśamano garuḍānītabhūṣaṇaḥ || 123 ||

cakrādyāyudhasaṃśobhī jarāsandhamadāpahaḥ |

sṛgālāvanipālaghnassṛgālātmajarājyadaḥ || 124 ||

vidhvastakālayavano mucukundavarapradaḥ |

ājñāpitamahāmbhodhirdvārakāpurakalpanaḥ || 125 ||

dvārakānilayo rukmimānahantā yadūdvahaḥ |

ruciro rukmiṇījāniḥ pradyumnajanakaḥ prabhuḥ || 126 ||

apākṛtatrilokārtiraniruddhapitāmahaḥ |

aniruddhapadānveṣī cakrī garuḍavāhanaḥ || 127 ||

bāṇāsurapurīroddhā rakṣājvalanayantrajit |

dhūtapramathasaṃrambho jitamāheśvarajvaraḥ || 128 ||

ṣaṭcakraśaktinirjetā bhūtavetālamohakṛt |

śambhutriśūlajicchambhujṛmbhaṇaśśambhusaṃstutaḥ || 129 ||

indriyātmenduhṛdayassarvayogeśvareśvaraḥ |

hiraṇyagarbhahṛdayo mohāvartanivartanaḥ || 130 ||

ātmajñānanidhirmedhā kośastanmātrarūpavān |

indro'gnivadanaḥ kālanābhassarvāgamādhvagaḥ || 131 ||

turīyasarvadhīsākṣī dvandvārāmātmadūragaḥ |

ajñātapāro vaśyaśrīravyākṛtavihāravān || 132 ||

ātmapradīpo vijñānamātrātmā śrīniketanaḥ |

bāṇabāhuvanacchettā mahendraprītivardhanaḥ || 133 ||

aniruddhanirodhajño jaleśāhṛtagokulaḥ |

jaleśavijayī vīrassatrājidratnayācakaḥ || 134 ||

prasenānveṣaṇodyukto jāmbavaddhṛtaratnadaḥ |

jitarkṣarājatanayāhartā jāmbavatīpriyaḥ || 135 ||

satyabhāmāpriyaḥ kāmaśśatadhanvaśiroharaḥ |

kālindīpatirakrūrabandhurakrūraratnadaḥ || 136 ||

kaikeyīramaṇo bhadrābhartā nāgnajitīdhavaḥ |

mādrīmanoharaśśaibyāprāṇabandhururukramaḥ || 137 ||

suśīlādayito mitravindānetramahotsavaḥ |

lakṣmaṇāvallabho ruddhaprāgjyotiṣamahāpuraḥ || 138 ||

surapāśāvṛticchedī murāriḥ krūrayuddhavit |

hayagrīvaśirohartā sarvātmā sarvadarśanaḥ || 139 ||

narakāsuravicchettā narakātmajarājyadaḥ|

pṛthvīstutaḥ prakāśātmā hṛdyo yajñaphalapradaḥ || 140 ||

guṇagrāhī guṇadraṣṭā gūḍhasvātmā vibhūtimān |

kavirjagadupadraṣṭā paramākṣaravigrahaḥ || 141 ||

prapannapālano mālī mahadbrahmavivardhanaḥ |

vācyavācakaśaktyarthassarvavyākṛtasiddhidaḥ || 142 ||

svayamprabhuranirvedyassvaprakāśaścirantanaḥ |

nādātmā mantrakoṭīśo nānāvādanirodhakaḥ || 143 ||

kandarpakoṭilāvaṇyaḥ parārthaikaprayojakaḥ |

amarīkṛtadevaughaḥ kanyakābandhamocanaḥ || 144 ||

ṣoḍaśastrīsahasreśaḥ kāntaḥ kāntāmanobhavaḥ |

krīḍāratnācalāhartā varuṇacchatraśobhitaḥ || 145 ||

śakrābhivanditaśśakrajananīkuṇḍalapradaḥ |

aditiprastutastotro brāhmaṇodghuṣṭaceṣṭanaḥ || 146 ||

purāṇassaṃyamī janmāliptaḥ ṣaḍviṃśako'rthadaḥ |

yaśasyanītirādyantarahitassatkathāpriyaḥ || 147 ||

brahmabodhaḥ parānandaḥ pārijātāpahārakaḥ |

pauṇḍrakaprāṇaharaṇaḥ kāśirājaniṣūdanaḥ || 148 ||

kṛtyāgarvapraśamano vicakravadhadīkṣitaḥ |

kaṃsavidhvaṃsanassāmbajanako ḍimbhakārdanaḥ || 149 ||

munirgoptā pitṛvarapradassavanadīkṣitaḥ |

rathī sārathyanirdeṣṭā phālgunaḥ phālgunipriyaḥ || 150 ||

saptābdhistambhanodbhāto harissaptābdhibhedanaḥ |

ātmaprakāśaḥ pūrṇaśrīrādinārāyaṇekṣitaḥ || 151 ||

vipraputrapradaścaiva sarvamātṛsutapradaḥ |

pārthavismayakṛtpārthapraṇavārthaprabodhanaḥ || 152 ||

kailāsayātrāsumukho badaryāśramabhūṣaṇaḥ |

ghaṇṭākarṇakriyāmauḍhyāttoṣito bhaktavatsalaḥ || 153 ||

munibṛndādibhirdhyeyo ghaṇṭākarṇavarapradaḥ |

tapaścaryāparaścīravāsāḥ piṅgajaṭādharaḥ || 154 ||

pratyakṣīkṛtabhūteśaśśivastotā śivastutaḥ |

kṛṣṇāsvayaṃvarālokakautukī sarvasammataḥ || 155 ||

balasaṃrambhaśamano baladarśitapāṇḍavaḥ |

yativeṣārjunābhīṣṭadāyī sarvātmagocaraḥ || 156 ||

subhadrāphālgunodvāhakartā prīṇitaphālgunaḥ |

khāṇḍavaprīṇitārciṣmānmayadānavamocanaḥ || 157 ||

sulabho rājasūyārhayudhiṣṭhiraniyojakaḥ |

bhīmārditajarāsandho māgadhātmajarājyadaḥ || 158 ||

rājabandhananirmoktā rājasūyāgrapūjanaḥ |

caidyādyasahano bhīṣmastutassātvatapūrvajaḥ || 159 ||

sarvātmārthasamāhartā mandarācaladhārakaḥ |

yajñāvatāraḥ prahlādapratijñāpratipālakaḥ || 160 ||

baliyajñasabhādhvaṃsī dṛptakṣatrakulāntakaḥ |

daśagrīvāntako jetā revatīpremavallabhaḥ || 161 ||

sarvāvatārādhiṣṭhātā vedabāhyavimohanaḥ |

kalidoṣanirākartā daśanāmā dṛḍhavrataḥ || 162 ||

ameyātmā jagatsvāmī vāgmī caidyaśiroharaḥ |

draupadīracitastotraḥ keśavaḥ puruṣottamaḥ || 163 ||

nārāyaṇo madhupatirmādhavo doṣavarjitaḥ |

govindaḥ puṇḍarīkākṣo viṣṇuśca madhusūdanaḥ || 164 ||

trivikramastrilokeśo vāmanaḥ śrīdharaḥ pumān |

hṛṣīkeśo vāsudevaḥ padmanābho mahāhradaḥ || 165 ||

dāmodaraścaturvyūhaḥ pāñcālīmānarakṣaṇaḥ |

sālvaghnassamaraślāghī dantavaktranibarhaṇaḥ || 166 ||

dāmodarapriyasakhā pṛthukāsvādanapriyaḥ ||

ghṛṇī dāmodaraḥ śrīdo gopīpunaravekṣakaḥ || 167 ||

gopikāmuktido yogī durvāsastṛptikārakaḥ |

avijñātavrajākīrṇapāṇḍavālokano jayī || 168 ||

pārthasārathyanirataḥ prājñaḥ pāṇḍavadūtyakṛt |

vidurātithyasantuṣṭaḥ kuntīsantoṣadāyakaḥ || 169 ||

suyodhanatiraskartā duryodhanavikāravit |

vidurābhiṣṭhuto nityo vārṣṇeyo maṅgalātmakaḥ || 170 ||

pañcaviṃśatitattveśaścaturviṃśatidehabhāk |

sarvānugrāhakassarvadāśārhasatatārcitaḥ || 171 ||

acintyo madhurālāpassādhudarśī durāsadaḥ |

manuṣyadharmānugataḥ kauravendrakṣayekṣitā || 172 ||

upendro dānavārātirurugīto mahādyutiḥ |

brahmaṇyadevaḥ śrutimān gobrāhmaṇahitāśayaḥ || 173 ||

varaśīlaśśivārambhassuvijñānavimūrtimān |

svabhāvaśuddhassanmitrassuśaraṇyassulakṣaṇaḥ || 174 ||

dhṛtarāṣṭragataudṛṣṭipradaḥ karṇavibhedanaḥ |

pratodadhṛgviśvarūpavismāritadhanañjayaḥ || 175 ||

sāmagānapriyo dharmadhenurvarṇottamo'vyayaḥ |

caturyugakriyākartā viśvarūpapradarśakaḥ || 176 ||

brahmabodhaparitrātapārtho bhīṣmārthacakrabhṛt |

arjunāyāsavidhvaṃsī kāladaṃṣṭrāvibhūṣaṇaḥ || 177 ||

sujātānantamahimā svapnavyāpāritārjunaḥ |

akālasandhyāghaṭanaścakrāntaritabhāskaraḥ || 178 ||

duṣṭapramathanaḥ pārthapratijñāparipālakaḥ |

sindhurājaśiraḥpātasthānavaktā vivekadṛk || 179 ||

subhadrāśokaharaṇo droṇotsekādivismitaḥ |

pārthamanyunirākartā pāṇḍavotsavadāyakaḥ || 180 ||

aṅguṣṭhākrāntakaunteyarathaśśakto'hiśīrṣajit |

kālakopapraśamano bhīmasenajayapradaḥ || 181 ||

aśvatthāmavadhāyāsatrātapāṇḍusutaḥ kṛtī |

iṣīkāstrapraśamano drauṇirakṣāvicakṣaṇaḥ || 182 ||

pārthāpahāritadrauṇicūḍāmaṇirabhaṅguraḥ |

dhṛtarāṣṭraparāmṛṣṭabhīmapratikṛtismayaḥ || 183 ||

bhīṣmabuddhipradaśśāntaśśaraccandranibhānanaḥ |

gadāgrajanmā pāñcālīpratijñāparipālakaḥ || 184 ||

gāndhārīkopadṛgguptadharmasūnuranāmayaḥ |

prapannārtibhayacchettā bhīṣmaśalyavyadhāvahaḥ || 185 ||

śāntaśśāntanavodīrṇasarvadharmasamāhitaḥ |

smāritabrahmavidyārthaprītapārtho mahāstravit || 186 ||

prasādaparamodāro gāṅgeyasugatipradaḥ |

vipakṣapakṣakṣayakṛtparīkṣitprāṇarakṣaṇaḥ || 187 ||

jagadgururdharmasūnorvājimedhapravartakaḥ |

vihitārthāptasatkāro māsakātparivartadaḥ || 188 ||

uttaṅkaharṣadātmīyadivyarūpapradarśakaḥ |

janakāvagatasvoktabhāratassarvabhāvanaḥ || 189 ||

asoḍhayādavodreko vihitāptādipūjanaḥ ||

samudrasthāpitāścaryamusalo vṛṣṇivāhakaḥ || 190 ||

muniśāpāyudhaḥ padmāsanāditridaśārthitaḥ |

vṛṣṭipratyavahārotkassvadhāmagamanotsukaḥ || 191 ||

prabhāsālokanodyukto nānāvidhanimittakṛt |

sarvayādavasaṃsevyassarvotkṛṣṭaparicchadaḥ || 192 ||

velākānanasañcārī velānilahṛtaśramaḥ |

kālātmā yādavo'nantasstutisantuṣṭamānasaḥ || 193 ||

dvijālokanasantuṣṭaḥ puṇyatīrthamahotsavaḥ |

satkārāhlāditāśeṣabhūsurassuravallabhaḥ || 194 ||

puṇyatīrthāplutaḥ puṇyaḥ puṇyadastīrthapāvanaḥ |

viprasātkṛtagokoṭiśśatakoṭisuvarṇadaḥ || 195 ||

svamāyāmohitā'śeṣavṛṣṇivīro viśeṣavit |

jalajāyudhanirdeṣṭā svātmāveśitayādavaḥ || 196 ||

devatābhīṣṭavaradaḥ kṛtakṛtyaḥ prasannadhīḥ |

sthiraśeṣāyutabalassahasraphaṇivīkṣaṇaḥ || 197 ||

brahmavṛkṣavaracchāyāsīnaḥ padmāsanasthitaḥ |

pratyagātmā svabhāvārthaḥ praṇidhānaparāyaṇaḥ || 198 ||

vyādheṣuviddhapūjyāṅghrirniṣādabhayamocanaḥ |

pulindastutisantuṣṭaḥ pulindasugatipradaḥ || 199 ||

dārukārpitapārthādikaraṇīyoktirīśitā |

divyadundubhisaṃyuktaḥ puṣpavṛṣṭiprapūjitaḥ || 200 ||

purāṇaḥ parameśānaḥ pūrṇabhūmā pariṣṭutaḥ |

patirādyaḥ paraṃ brahma paramātmā parātparaḥ || 201 ||

śrīparamātmā parātparaḥ oṃ namaḥ iti |

phalaśrutiḥ –

idaṃ sahasraṃ kṛṣṇasya nāmnāṃ sarvārthadāyakam |

anantarūpī bhagavān vyākhyātādau svayambhuve || 202 ||

tena proktaṃ vasiṣṭhāya tato labdhvā parāśaraḥ |

vyāsāya tena samproktaṃ śuko vyāsādavāptavān || 203 ||

tacchiṣyairbahubhirbhūmau khyāpitaṃ dvāpare yuge |

kṛṣṇājñayā hariharaḥ kalau prakhyāpayadvibhuḥ || 204 ||

idaṃ paṭhati bhaktyā yaḥ śṛṇoti ca samāhitaḥ |

svasiddhyai prārthayantyenaṃ tīrthakṣetrādidevatāḥ || 205 ||

prāyaścittānyaśeṣāṇi nālaṃ yāni vyapohitum |

tāni pāpāni naśyanti sakṛdasya praśaṃsanāt || 206 ||

ṛṇatrayavimuktasya śrautasmārtānuvartinaḥ |

ṛṣestrimūrtirūpasya phalaṃ vindedidaṃ paṭhan || 207 ||

idaṃ nāmasahasraṃ yaḥ paṭhatyetacchṛṇoti ca |

śivaliṅgasahasrasya sa pratiṣṭhāphalaṃ labhet || 208 ||

idaṃ kirīṭī sañjapya jayī pāśupatāstrabhāk |

kṛṣṇasya prāṇabhūtassan kṛṣṇaṃ sārathimāptavān || 209 ||

draupadyā damayantyā ca sāvitryā ca suśīlayā |

duritāni jitānyetajjapādāptaṃ ca vāñchitam || 210 ||

kimidaṃ bahunā śaṃsanmānavo modanirbharaḥ |

brahmānandamavāpyānte kṛṣṇasāyūjyamāpnuyāt || 211 ||

Sanskrit — Devanagari (original)

ॐ अस्य श्रीकृष्णसहस्रनामस्तोत्रमन्त्रस्य पराशर ऋषिः, अनुष्टुप् छन्दः, श्रीकृष्णः परमात्मा देवता, श्रीकृष्णेति बीजम्, श्रीवल्लभेति शक्तिः, शार्ङ्गीति कीलकं, श्रीकृष्णप्रीत्यर्थे जपे विनियोगः ॥

न्यासः

पराशराय ऋषये नमः इति शिरसि,

अनुष्टुप् छन्दसे नमः इति मुखे,

गोपालकृष्णदेवतायै नमः इति हृदये,

श्रीकृष्णाय बीजाय नमः इति गुह्ये,

श्रीवल्लभाय शक्त्यै नमः इति पादयोः,

शार्ङ्गधराय कीलकाय नमः इति सर्वाङ्गे ॥

करन्यासः

श्रीकृष्ण इत्यारभ्य शूरवंशैकधीरित्यन्तानि अङ्गुष्ठाभ्यां नमः ।

शौरिरित्यारभ्य स्वभासोद्भासितव्रज इत्यन्तानि तर्जनीभ्यां नमः ।

कृतात्मविद्याविन्यास इत्यारभ्य प्रस्थानशकटारूढ इति मध्यमाभ्यां नमः,

बृन्दावनकृतालय इत्यारभ्य मधुराजनवीक्षित इत्यनामिकाभ्यां नमः,

रजकप्रतिघातक इत्यारभ्य द्वारकापुरकल्पन इति कनिष्ठिकाभ्यां नमः

द्वारकानिलय इत्यारभ्य पराशर इति करतलकरपृष्ठाभ्यां नमः,

एवं हृदयादिन्यासः ॥

ध्यानम्

केषाञ्चित्प्रेमपुंसां विगलितमनसां बाललीलाविलासं

केषां गोपाललीलाङ्कितरसिकतनुर्वेणुवाद्येन देवम् ।

केषां वामासमाजे जनितमनसिजो दैत्यदर्पापहैवं

ज्ञात्वा भिन्नाभिलाषं स जयति जगतामीश्वरस्तादृशोऽभूत् ॥ 1 ॥

क्षीराब्धौ कृतसंस्तवस्सुरगणैर्ब्रह्मादिभिः पण्डितैः

प्रोद्भूतो वसुदेवसद्मनि मुदा चिक्रीड यो गोकुले ।

कंसध्वंसकृते जगाम मधुरां सारामसद्वारकां

गोपालोऽखिलगोपिकाजनसखः पायादपायात् स नः ॥ 2 ॥

फुल्लेन्दीवरकान्तिमिन्दुवदनं बर्हावतंसप्रियं

श्रीवत्साङ्कमुदारकौस्तुभधरं पीताम्बरं सुन्दरम् ।

गोपीनां नयनोत्पलार्चिततनुं गोगोपसङ्घावृतं

गोविन्दं कलवेणुवादनरतं दिव्याङ्गभूषं भजे ॥ 3 ॥

ओम् ।

कृष्णः श्रीवल्लभः शार्ङ्गी विष्वक्सेनः स्वसिद्धिदः ।

क्षीरोदधामा व्यूहेशः शेषशायी जगन्मयः ॥ 1 ॥

भक्तिगम्यस्त्रयीमूर्तिर्भारार्तवसुधास्तुतः ।

देवदेवो दयासिन्धुर्देवदेवशिखामणिः ॥ 2 ॥

सुखभावस्सुखाधारो मुकुन्दो मुदिताशयः ।

अविक्रियः क्रियामूर्तिरध्यात्मस्वस्वरूपवान् ॥ 3 ॥

शिष्टाभिलक्ष्यो भूतात्मा धर्मत्राणार्थचेष्टितः ।

अन्तर्यामी कलारूपः कालावयवसाक्षिकः ॥ 4 ॥

वसुधायासहरणो नारदप्रेरणोन्मुखः ।

प्रभूष्णुर्नारदोद्गीतो लोकरक्षापरायणः ॥ 5 ॥

रौहिणेयकृतानन्दो योगज्ञाननियोजकः ।

महागुहान्तर्निक्षिप्तः पुराणवपुरात्मवान् ॥ 6 ॥

शूरवंशैकधीश्शौरिः कंसशङ्काविषादकृत् ।

वसुदेवोल्लसच्छक्तिर्देवक्यष्टमगर्भगः ॥ 7 ॥

वसुदेवसुतः श्रीमान्देवकीनन्दनो हरिः ।

आश्चर्यबालः श्रीवत्सलक्ष्मवक्षाश्चतुर्भुजः ॥ 8 ॥

स्वभावोत्कृष्टसद्भावः कृष्णाष्टम्यन्तसम्भवः ।

प्राजापत्यर्क्षसम्भूतो निशीथसमयोदितः ॥ 9 ॥

शङ्खचक्रगदापद्मपाणिः पद्मनिभेक्षणः ।

किरीटी कौस्तुभोरस्कः स्फुरन्मकरकुण्डलः ॥ 10 ॥

पीतवासा घनश्यामः कुञ्चिताञ्चितकुन्तलः ।

सुव्यक्तव्यक्ताभरणः सूतिकागृहभूषणः ॥ 11 ॥

कारागारान्धकारघ्नः पितृप्राग्जन्मसूचकः ।

वसुदेवस्तुतः स्तोत्रं तापत्रयनिवारणः ॥ 12 ॥

निरवद्यः क्रियामूर्तिर्न्यायवाक्यनियोजकः ।

अदृष्टचेष्टः कूटस्थो धृतलौकिकविग्रहः ॥ 13 ॥

महर्षिमानसोल्लासो महीमङ्गलदायकः ।

सन्तोषितसुरव्रातः साधुचित्तप्रसादकः ॥ 14 ॥

जनकोपायनिर्देष्टा देवकीनयनोत्सवः ।

पितृपाणिपरिष्कारो मोहितागाररक्षकः ॥ 15 ॥

स्वशक्त्युद्धाटिताशेषकपाटः पितृवाहकः ।

शेषोरगफणाच्छत्रश्शेषोक्ताख्यासहस्रकः ॥ 16 ॥

यमुनापूरविध्वंसी स्वभासोद्भासितव्रजः ।

कृतात्मविद्याविन्यासो योगमायाग्रसम्भवः ॥ 17 ॥

दुर्गानिवेदितोद्भावो यशोदातल्पशायकः ।

नन्दगोपोत्सवस्फूर्तिर्व्रजानन्दकरोदयः ॥ 18 ॥

सुजातजातकर्म श्रीर्गोपीभद्रोक्तिनिर्वृतः ।

अलीकनिद्रोपगमः पूतनास्तनपीडनः ॥ 19 ॥

स्तन्यात्तपूतनाप्राणः पूतनाक्रोशकारकः ।

विन्यस्तरक्षागोधूलिर्यशोदाकरलालितः ॥ 20 ॥

नन्दाघ्रातशिरोमध्यः पूतनासुगतिप्रदः ।

बालः पर्यङ्कनिद्रालुर्मुखार्पितपदाङ्गुलिः ॥ 21 ॥

अञ्जनस्निग्धनयनः पर्यायाङ्कुरितस्मितः ।

लीलाक्षस्तरलालोकश्शकटासुरभञ्जनः ॥ 22 ॥

द्विजोदितस्वस्त्ययनो मन्त्रपूतजलाप्लुतः ।

यशोदोत्सङ्गपर्यङ्को यशोदामुखवीक्षकः ॥ 23 ॥

यशोदास्तन्यमुदितस्तृणावर्तादिदुस्सहः ।

तृणावर्तासुरध्वंसी मातृविस्मयकारकः ॥ 24 ॥

प्रशस्तनामकरणो जानुचङ्क्रमणोत्सुकः ।

व्यालम्बिचूलिकारत्नो घोषगोपप्रहर्षणः ॥ 25 ॥

स्वमुखप्रतिबिम्बार्थी ग्रीवाव्याघ्रनखोज्ज्वलः ।

पङ्कानुलेपरुचिरो मांसलोरुकटीतटः ॥ 26 ॥

घृष्टजानुकरद्वन्द्वः प्रतिबिम्बानुकारकृत् ।

अव्यक्तवर्णवाग्वृत्तिः स्मितलक्ष्यरदोद्गमः ॥ 27 ॥

धात्रीकरसमालम्बी प्रस्खलच्चित्रचङ्क्रमः ।

अनुरूपवयस्याढ्यश्चारुकौमारचापलः ॥ 28 ॥

वत्सपुच्छसमाकृष्टो वत्सपुच्छविकर्षणः ।

विस्मारितान्यव्यापारो गोपगोपीमुदावहः ॥ 29 ॥

अकालवत्सनिर्मोक्ता व्रजव्याक्रोशसुस्मितः ।

नवनीतमहाचोरो दारकाहारदायकः ॥ 30 ॥

पीठोलूखलसोपानः क्षीरभाण्डविभेदनः ।

शिक्यभाण्डसमाकर्षी ध्वान्तागारप्रवेशकृत् ॥ 31 ॥

भूषारत्नप्रकाशाढ्यो गोप्युपालम्भभर्त्सितः ।

परागधूसराकारो मृद्भक्षणकृतेक्षणः ॥ 32 ॥

बालोक्तमृत्कथारम्भो मित्रान्तर्गूढविग्रहः ।

कृतसन्त्रासलोलाक्षो जननीप्रत्ययावहः ॥ 33॥

मातृदृश्यात्तवदनो वक्त्रलक्ष्यचराचरः ।

यशोदालालितस्वात्मा स्वयं स्वाच्छन्द्यमोहनः ॥ 34 ॥

सवित्रीस्नेहसंश्लिष्टः सवित्रीस्तनलोलुपः ।

नवनीतार्थनाप्रह्वो नवनीतमहाशनः ॥ 35 ॥

मृषाकोपप्रकम्पोष्ठो गोष्ठाङ्गणविलोकनः ।

दधिमन्थघटीभेत्ता किङ्किणीक्वाणसूचितः ॥ 36 ॥

हैयङ्गवीनरसिको मृषाश्रुश्चौर्यशङ्कितः ।

जननीश्रमविज्ञाता दामबन्धनियन्त्रितः ॥ 37 ॥

दामाकल्पश्चलापाङ्गो गाढोलूखलबन्धनः ।

आकृष्टोलूखलोऽनन्तः कुबेरसुतशापवित् ॥ । 38 ॥

नारदोक्तिपरामर्शी यमलार्जुनभञ्जनः ।

धनदात्मजसङ्घुष्टो नन्दमोचितबन्धनः ॥ 39 ॥

बालकोद्गीतनिरतो बाहुक्षेपोदितप्रियः ।

आत्मज्ञो मित्रवशगो गोपीगीतगुणोदयः ॥ 40 ॥

प्रस्थानशकटारूढो बृन्दावनकृतालयः ।

गोवत्सपालनैकाग्रो नानाक्रीडापरिच्छदः ॥ 41 ॥

क्षेपणीक्षेपणप्रीतो वेणुवाद्यविशारदः ।

वृषवत्सानुकरणो वृषध्वानविडम्बनः ॥ 42 ॥

नियुद्धलीलासंहृष्टः कूजानुकृतकोकिलः ।

उपात्तहंसगमनस्सर्वजन्तुरुतानुकृत् ॥ 43 ॥

भृङ्गानुकारी दध्यन्नचोरो वत्सपुरस्सरः ।

बली बकासुरग्राही बकतालुप्रदाहकः ॥ 44 ॥

भीतगोपार्भकाहूतो बकचञ्चुविदारणः ।

बकासुरारिर्गोपालो बालो बालाद्भुतावहः ॥ 45 ॥

बलभद्रसमाश्लिष्टः कृतक्रीडानिलायनः ।

क्रीडासेतुनिधानज्ञः प्लवङ्गोत्प्लवनोऽद्भुतः ॥ 46 ॥

कन्दुकक्रीडनो लुप्तनन्दादिभववेदनः ।

सुमनोऽलङ्कृतशिराः स्वादुस्निग्धान्नशिक्यभृत् ॥ 47 ॥

गुञ्जाप्रालम्बनच्छन्नः पिञ्छैरलकवेषकृत् ।

वन्याशनप्रियः शृङ्गरवाकारितवत्सकः ॥ 48 ॥

मनोज्ञपल्लवोत्तंसपुष्पस्वेच्छात्तषट्पदः ।

मञ्जुशिञ्जितमञ्जीरचरणः करकङ्कणः ॥ 49 ॥

अन्योन्यशासनः क्रीडापटुः परमकैतवः ।

प्रतिध्वानप्रमुदितः शाखाचतुरचङ्क्रमः ॥ 50 ॥

अघदानवसंहर्ता व्रजविघ्नविनाशनः ।

व्रजसञ्जीवनः श्रेयोनिधिर्दानवमुक्तिदः ॥ 51 ॥

कालिन्दीपुलिनासीनस्सहभुक्तव्रजार्भकः ।

कक्षाजठरविन्यस्तवेणुर्वल्लवचेष्टितः ॥ 52 ॥

भुजसन्ध्यन्तरन्यस्तशृङ्गवेत्रः शुचिस्मितः ।

वामपाणिस्थदध्यन्नकबलः कलभाषणः ॥ 53 ॥

अङ्गुल्यन्तरविन्यस्तफलः परमपावनः ।

अदृश्यतर्णकान्वेषी वल्लवार्भकभीतिहा ॥ 54 ॥

अदृष्टवत्सपव्रातो ब्रह्मविज्ञातवैभवः ।

गोवत्सवत्सपान्वेषी विराट्-पुरुषविग्रहः ॥ 55 ॥

स्वसङ्कल्पानुरूपार्थो वत्सवत्सपरूपधृक् ।

यथावत्सक्रियारूपो यथास्थाननिवेशनः ॥ 56 ॥

यथाव्रजार्भकाकारो गोगोपीस्तन्यपस्सुखी ।

चिराद्वलोहितो दान्तो ब्रह्मविज्ञातवैभवः ॥ 57 ॥

विचित्रशक्तिर्व्यालीनसृष्टगोवत्सवत्सपः ।

ब्रह्मत्रपाकरो धातृस्तुतस्सर्वार्थसाधकः ॥ 58 ॥

ब्रह्म ब्रह्ममयोऽव्यक्तस्तेजोरूपस्सुखात्मकः ।

निरुक्तं व्याकृतिर्व्यक्तो निरालम्बनभावनः ॥ 59 ॥

प्रभविष्णुरतन्त्रीको देवपक्षार्थरूपधृक् ।

अकामस्सर्ववेदादिरणीयस्थूलरूपवान् ॥ 60 ॥

व्यापी व्याप्यः कृपाकर्ता विचित्राचारसम्मतः ।

छन्दोमयः प्रधानात्मा मूर्तामूर्तिद्वयाकृतिः ॥ 61 ॥

अनेकमूर्तिरक्रोधः परः प्रकृतिरक्रमः ।

सकलावरणोपेतस्सर्वदेवो महेश्वरः ॥ 62 ॥

महाप्रभावनः पूर्ववत्सवत्सपदर्शकः ।

कृष्णयादवगोपालो गोपालोकनहर्षितः ॥ 63 ॥

स्मितेक्षाहर्षितब्रह्मा भक्तवत्सलवाक्प्रियः ।

ब्रह्मानन्दाश्रुधौताङ्घ्रिर्लीलावैचित्र्यकोविदः ॥ 64 ॥

बलभद्रैकहृदयो नामाकारितगोकुलः ।

गोपालबालको भव्यो रज्जुयज्ञोपवीतवान् ॥ 65 ॥

वृक्षच्छायाहताशान्तिर्गोपोत्सङ्गोपबर्हणः ।

गोपसंवाहितपदो गोपव्यजनवीजितः ॥ 66।

गोपगानसुखोन्निद्रः श्रीदामार्जितसौहृदः ।

सुनन्दसुहृदेकात्मा सुबलप्राणरञ्जनः ॥ 67 ॥

तालीवनकृतक्रीडो बलपातितधेनुकः ।

गोपीसौभाग्यसम्भाव्यो गोधूलिच्छुरितालकः ॥ 68 ॥

गोपीविरहसन्तप्तो गोपिकाकृतमज्जनः ।

प्रलम्बबाहुरुत्फुल्लपुण्डरीकावतंसकः ॥ 69 ॥

विलासललितस्मेरगर्भलीलावलोकनः ।

स्रग्भूषणानुलेपाढ्यो जनन्युपहृतान्नभुक् ॥ 70 ॥

वरशय्याशयो राधाप्रेमसल्लापनिर्वृतः ।

यमुनातटसञ्चारी विषार्तव्रजहर्षदः ॥ 71 ॥

कालियक्रोधजनकः वृद्धाहिकुलवेष्टितः ।

कालियाहिफणारङ्गनटः कालियमर्दनः ॥ 72 ॥

नागपत्नीस्तुतिप्रीतो नानावेषसमृद्धिकृत् ।

अविष्वक्तदृगात्मेशः स्वदृगात्मस्तुतिप्रियः ॥ 73 ॥

सर्वेश्वरस्सर्वगुणः प्रसिद्धस्सर्वसात्वतः ।

अकुण्ठधामा चन्द्रार्कदृष्टिराकाशनिर्मलः ॥ 74 ॥

अनिर्देश्यगतिर्नागवनितापतिभैक्षदः ।

स्वाङ्घ्रिमुद्राङ्कनागेन्द्रमूर्धा कालियसंस्तुतः ॥ 75 ॥

अभयो विश्वतश्चक्षुः स्तुतोत्तमगुणः प्रभुः ।

अहमात्मा मरुत्प्राणः परमात्मा द्युशीर्षवान् ॥ 76 ॥

नागोपायनहृष्टात्मा ह्रदोत्सारितकालियः ।

बलभद्रसुखालापो गोपालिङ्गननिर्वृतः ॥ 77 ॥

दावाग्निभीतगोपालगोप्ता दावाग्निनाशनः ।

नयनाच्छादनक्रीडालम्पटो नृपचेष्टितः ॥ 78 ॥

काकपक्षधरस्सौम्यो बलवाहककेलिमान् ।

बलघातितदुर्धर्षप्रलम्बो बलवत्सलः ॥ 79 ॥

मुञ्जाटव्यग्निशमनः प्रावृट्कालविनोदवान् ।

शिलान्यस्तान्नभृद्दैत्यसंहर्ता शाद्वलासनः ॥ 80 ॥

सदाप्तगोपिकोद्गीतः कर्णिकारावतंसकः ।

नटवेषधरः पद्ममालाङ्को गोपिकावृतः ॥ 81 ॥

गोपीमनोहरापाङ्गो वेणुवादनतत्परः ।

विन्यस्तवदनाम्भोजश्चारुशब्दकृताननः ॥ 82 ॥

बिम्बाधरार्पितोदारवेणुर्विश्वविमोहनः ।

व्रजसंवर्णितश्राव्यवेणुनादः श्रुतिप्रियः ॥ 83 ॥

गोगोपगोपीजन्मेप्सुर्ब्रह्मेन्द्राद्यभिवन्दितः ।

गीतस्नुतिसरित्पूरो नादनर्तितबर्हिणः ॥ 84 ॥

रागपल्लवितस्थाणुर्गीतानमितपादपः ।

विस्मारिततृणग्रासमृगो मृगविलोभितः ॥ 85 ॥

व्याघ्रादिहिंस्रसहजवैरहर्ता सुगायनः ।

गाढोदीरितगोबृन्दप्रेमोत्कर्णिततर्णकः ॥ 86 ॥

निष्पन्दयानब्रह्मादिवीक्षितो विश्ववन्दितः ।

शाखोत्कर्णशकुन्तौघश्छत्रायितबलाहकः ॥ 87 ॥

प्रसन्नः परमानन्दश्चित्रायितचराचरः ।

गोपिकामदनो गोपीकुचकुङ्कुममुद्रितः ॥ 88 ॥

गोपिकन्याजलक्रीडाहृष्टो गोप्यंशुकापहृत् ।

स्कन्धारोपितगोपस्त्रीवासाः कुन्दनिभस्मितः ॥ 89 ॥

गोपीनेत्रोत्पलशशी गोपिकायाचितांशुकः ।

गोपीनमस्क्रियादेष्टा गोप्येककरवन्दितः ॥ 90 ॥

गोप्यञ्जलिविशेषार्थी गोपक्रीडाविलोभितः ।

शान्तवासस्फुरद्गोपीकृताञ्जलिरघापहः ॥ 91 ॥

गोपीकेलिविलासार्थी गोपीसम्पूर्णकामदः ।

गोपस्त्रीवस्त्रदो गोपीचित्तचोरः कुतूहली ॥ 92 ॥

बृन्दावनप्रियो गोपबन्धुर्यज्वान्नयाचिता ।

यज्ञेशो यज्ञभावज्ञो यज्ञपत्न्यभिवाञ्छितः ॥ 93 ॥

मुनिपत्नीवितीर्णान्नतृप्तो मुनिवधूप्रियः ।

द्विजपत्न्यभिभावज्ञो द्विजपत्नीवरप्रदः ॥ 94 ॥

प्रतिरुद्धसतीमोक्षप्रदो द्विजविमोहिता ।

मुनिज्ञानप्रदो यज्वस्तुतो वासवयागवित् ॥ 95 ॥

पितृप्रोक्तक्रियारूपशक्रयागनिवारणः ।

शक्राऽमर्षकरश्शक्रवृष्टिप्रशमनोन्मुखः ॥ 96 ॥

गोवर्धनधरो गोपगोबृन्दत्राणतत्परः ।

गोवर्धनगिरिच्छत्रचण्डदण्डभुजार्गलः ॥ 97 ॥

सप्ताहविधृताद्रीन्द्रो मेघवाहनगर्वहा ।

भुजाग्रोपरिविन्यस्तक्ष्माधरक्ष्माभृदच्युतः ॥ 98 ॥

स्वस्थानस्थापितगिरिर्गोपीदध्यक्षतार्चितः ।

सुमनस्सुमनोवृष्टिहृष्टो वासववन्दितः ॥ 99 ॥

कामधेनुपयःपूराभिषिक्तस्सुरभिस्तुतः ।

धराङ्घ्रिरोषधीरोमा धर्मगोप्ता मनोमयः ॥ 100 ॥

ज्ञानयज्ञप्रियश्शास्त्रनेत्रस्सर्वार्थसारथिः ।

ऐरावतकरानीतवियद्गङ्गाप्लुतो विभुः ॥ 101 ॥

ब्रह्माभिषिक्तो गोगोप्ता सर्वलोकशुभङ्करः ।

सर्ववेदमयो मग्ननन्दान्वेषिपितृप्रियः ॥ 102 ॥

वरुणोदीरितात्मेक्षाकौतुको वरुणार्चितः ।

वरुणानीतजनको गोपज्ञातात्मवैभवः ॥ 103 ॥

स्वर्लोकालोकसंहृष्टगोपवर्गत्रिवर्गदः ।

ब्रह्महृद्गोपितो गोपद्रष्टा ब्रह्मपदप्रदः ॥ 104 ॥

शरच्चन्द्रविहारोत्कः श्रीपतिर्वशको क्षमः ।

भयापहो भर्तृरुद्धगोपिकाध्यानगोचरः ॥ 105 ॥

गोपिकानयनास्वाद्यो गोपीनर्मोक्तिनिर्वृतः ।

गोपिकामानहरणो गोपिकाशतयूथपः ॥ 106 ॥

वैजयन्तीस्रगाकल्पो गोपिकामानवर्धनः ।

गोपकान्तासुनिर्देष्टा कान्तो मन्मथमन्मथः ॥ 107 ॥

स्वात्मास्यदत्तताम्बूलः फलितोत्कृष्टयौवनः ।

वल्लवीस्तनसक्ताक्षो वल्लवीप्रेमचालितः ॥ 108 ॥

गोपीचेलाञ्चलासीनो गोपीनेत्राब्जषट्पदः ।

रासक्रीडासमासक्तो गोपीमण्डलमण्डनः ॥ 109 ॥

गोपीहेममणिश्रेणिमध्येन्द्रमणिरुज्ज्वलः ।

विद्याधरेन्दुशापघ्नश्शङ्खचूडशिरोहरः ॥ 110 ॥

शङ्खचूडशिरोरत्नसम्प्रीणितबलोऽनघः ।

अरिष्टारिष्टकृद्दुष्टकेशिदैत्यनिषूदनः ॥ 111 ॥

सरसस्सस्मितमुखस्सुस्थिरो विरहाकुलः ।

सङ्कर्षणार्पितप्रीतिरक्रूरध्यानगोचरः ॥ 112 ॥

अक्रूरसंस्तुतो गूढो गुणवृत्युपलक्षितः ।

प्रमाणगम्यस्तन्मात्राऽवयवी बुद्धितत्परः ॥ 113 ॥

सर्वप्रमाणप्रमधीस्सर्वप्रत्ययसाधकः ।

पुरुषश्च प्रधानात्मा विपर्यासविलोचनः ॥ 114 ॥

मधुराजनसंवीक्ष्यो रजकप्रतिघातकः ।

विचित्राम्बरसंवीतो मालाकारवरप्रदः ॥ 115 ॥

कुब्जावक्रत्वनिर्मोक्ता कुब्जायौवनदायकः ।

कुब्जाङ्गरागसुरभिः कंसकोदण्डखण्डनः ॥ 116 ॥

धीरः कुवलयापीडमर्दनः कंसभीतिकृत् ।

दन्तिदन्तायुधो रङ्गत्रासको मल्लयुद्धवित् ॥ 117 ॥

चाणूरहन्ता कंसारिर्देवकीहर्षदायकः ।

वसुदेवपदानम्रः पितृबन्धविमोचनः ॥ 118 ॥

उर्वीभयापहो भूप उग्रसेनाधिपत्यदः ।

आज्ञास्थितशचीनाथस्सुधर्मानयनक्षमः ॥ 119 ॥

आद्यो द्विजातिसत्कर्ता शिष्टाचारप्रदर्शकः ।

सान्दीपनिकृताभ्यस्तविद्याभ्यासैकधीस्सुधीः ॥ 120 ॥

गुर्वभीष्टक्रियादक्षः पश्चिमोदधिपूजितः ।

हतपञ्चजनप्राप्तपाञ्चजन्यो यमार्चितः ॥ 121 ॥

धर्मराजजयानीतगुरुपुत्र उरुक्रमः ।

गुरुपुत्रप्रदश्शास्ता मधुराजसभासदः ॥ 122 ॥

जामदग्न्यसमभ्यर्च्यो गोमन्तगिरिसञ्चरः ।

गोमन्तदावशमनो गरुडानीतभूषणः ॥ 123 ॥

चक्राद्यायुधसंशोभी जरासन्धमदापहः ।

सृगालावनिपालघ्नस्सृगालात्मजराज्यदः ॥ 124 ॥

विध्वस्तकालयवनो मुचुकुन्दवरप्रदः ।

आज्ञापितमहाम्भोधिर्द्वारकापुरकल्पनः ॥ 125 ॥

द्वारकानिलयो रुक्मिमानहन्ता यदूद्वहः ।

रुचिरो रुक्मिणीजानिः प्रद्युम्नजनकः प्रभुः ॥ 126 ॥

अपाकृतत्रिलोकार्तिरनिरुद्धपितामहः ।

अनिरुद्धपदान्वेषी चक्री गरुडवाहनः ॥ 127 ॥

बाणासुरपुरीरोद्धा रक्षाज्वलनयन्त्रजित् ।

धूतप्रमथसंरम्भो जितमाहेश्वरज्वरः ॥ 128 ॥

षट्चक्रशक्तिनिर्जेता भूतवेतालमोहकृत् ।

शम्भुत्रिशूलजिच्छम्भुजृम्भणश्शम्भुसंस्तुतः ॥ 129 ॥

इन्द्रियात्मेन्दुहृदयस्सर्वयोगेश्वरेश्वरः ।

हिरण्यगर्भहृदयो मोहावर्तनिवर्तनः ॥ 130 ॥

आत्मज्ञाननिधिर्मेधा कोशस्तन्मात्ररूपवान् ।

इन्द्रोऽग्निवदनः कालनाभस्सर्वागमाध्वगः ॥ 131 ॥

तुरीयसर्वधीसाक्षी द्वन्द्वारामात्मदूरगः ।

अज्ञातपारो वश्यश्रीरव्याकृतविहारवान् ॥ 132 ॥

आत्मप्रदीपो विज्ञानमात्रात्मा श्रीनिकेतनः ।

बाणबाहुवनच्छेत्ता महेन्द्रप्रीतिवर्धनः ॥ 133 ॥

अनिरुद्धनिरोधज्ञो जलेशाहृतगोकुलः ।

जलेशविजयी वीरस्सत्राजिद्रत्नयाचकः ॥ 134 ॥

प्रसेनान्वेषणोद्युक्तो जाम्बवद्धृतरत्नदः ।

जितर्क्षराजतनयाहर्ता जाम्बवतीप्रियः ॥ 135 ॥

सत्यभामाप्रियः कामश्शतधन्वशिरोहरः ।

कालिन्दीपतिरक्रूरबन्धुरक्रूररत्नदः ॥ 136 ॥

कैकेयीरमणो भद्राभर्ता नाग्नजितीधवः ।

माद्रीमनोहरश्शैब्याप्राणबन्धुरुरुक्रमः ॥ 137 ॥

सुशीलादयितो मित्रविन्दानेत्रमहोत्सवः ।

लक्ष्मणावल्लभो रुद्धप्राग्ज्योतिषमहापुरः ॥ 138 ॥

सुरपाशावृतिच्छेदी मुरारिः क्रूरयुद्धवित् ।

हयग्रीवशिरोहर्ता सर्वात्मा सर्वदर्शनः ॥ 139 ॥

नरकासुरविच्छेत्ता नरकात्मजराज्यदः।

पृथ्वीस्तुतः प्रकाशात्मा हृद्यो यज्ञफलप्रदः ॥ 140 ॥

गुणग्राही गुणद्रष्टा गूढस्वात्मा विभूतिमान् ।

कविर्जगदुपद्रष्टा परमाक्षरविग्रहः ॥ 141 ॥

प्रपन्नपालनो माली महद्ब्रह्मविवर्धनः ।

वाच्यवाचकशक्त्यर्थस्सर्वव्याकृतसिद्धिदः ॥ 142 ॥

स्वयम्प्रभुरनिर्वेद्यस्स्वप्रकाशश्चिरन्तनः ।

नादात्मा मन्त्रकोटीशो नानावादनिरोधकः ॥ 143 ॥

कन्दर्पकोटिलावण्यः परार्थैकप्रयोजकः ।

अमरीकृतदेवौघः कन्यकाबन्धमोचनः ॥ 144 ॥

षोडशस्त्रीसहस्रेशः कान्तः कान्तामनोभवः ।

क्रीडारत्नाचलाहर्ता वरुणच्छत्रशोभितः ॥ 145 ॥

शक्राभिवन्दितश्शक्रजननीकुण्डलप्रदः ।

अदितिप्रस्तुतस्तोत्रो ब्राह्मणोद्घुष्टचेष्टनः ॥ 146 ॥

पुराणस्संयमी जन्मालिप्तः षड्विंशकोऽर्थदः ।

यशस्यनीतिराद्यन्तरहितस्सत्कथाप्रियः ॥ 147 ॥

ब्रह्मबोधः परानन्दः पारिजातापहारकः ।

पौण्ड्रकप्राणहरणः काशिराजनिषूदनः ॥ 148 ॥

कृत्यागर्वप्रशमनो विचक्रवधदीक्षितः ।

कंसविध्वंसनस्साम्बजनको डिम्भकार्दनः ॥ 149 ॥

मुनिर्गोप्ता पितृवरप्रदस्सवनदीक्षितः ।

रथी सारथ्यनिर्देष्टा फाल्गुनः फाल्गुनिप्रियः ॥ 150 ॥

सप्ताब्धिस्तम्भनोद्भातो हरिस्सप्ताब्धिभेदनः ।

आत्मप्रकाशः पूर्णश्रीरादिनारायणेक्षितः ॥ 151 ॥

विप्रपुत्रप्रदश्चैव सर्वमातृसुतप्रदः ।

पार्थविस्मयकृत्पार्थप्रणवार्थप्रबोधनः ॥ 152 ॥

कैलासयात्रासुमुखो बदर्याश्रमभूषणः ।

घण्टाकर्णक्रियामौढ्यात्तोषितो भक्तवत्सलः ॥ 153 ॥

मुनिबृन्दादिभिर्ध्येयो घण्टाकर्णवरप्रदः ।

तपश्चर्यापरश्चीरवासाः पिङ्गजटाधरः ॥ 154 ॥

प्रत्यक्षीकृतभूतेशश्शिवस्तोता शिवस्तुतः ।

कृष्णास्वयंवरालोककौतुकी सर्वसम्मतः ॥ 155 ॥

बलसंरम्भशमनो बलदर्शितपाण्डवः ।

यतिवेषार्जुनाभीष्टदायी सर्वात्मगोचरः ॥ 156 ॥

सुभद्राफाल्गुनोद्वाहकर्ता प्रीणितफाल्गुनः ।

खाण्डवप्रीणितार्चिष्मान्मयदानवमोचनः ॥ 157 ॥

सुलभो राजसूयार्हयुधिष्ठिरनियोजकः ।

भीमार्दितजरासन्धो मागधात्मजराज्यदः ॥ 158 ॥

राजबन्धननिर्मोक्ता राजसूयाग्रपूजनः ।

चैद्याद्यसहनो भीष्मस्तुतस्सात्वतपूर्वजः ॥ 159 ॥

सर्वात्मार्थसमाहर्ता मन्दराचलधारकः ।

यज्ञावतारः प्रह्लादप्रतिज्ञाप्रतिपालकः ॥ 160 ॥

बलियज्ञसभाध्वंसी दृप्तक्षत्रकुलान्तकः ।

दशग्रीवान्तको जेता रेवतीप्रेमवल्लभः ॥ 161 ॥

सर्वावताराधिष्ठाता वेदबाह्यविमोहनः ।

कलिदोषनिराकर्ता दशनामा दृढव्रतः ॥ 162 ॥

अमेयात्मा जगत्स्वामी वाग्मी चैद्यशिरोहरः ।

द्रौपदीरचितस्तोत्रः केशवः पुरुषोत्तमः ॥ 163 ॥

नारायणो मधुपतिर्माधवो दोषवर्जितः ।

गोविन्दः पुण्डरीकाक्षो विष्णुश्च मधुसूदनः ॥ 164 ॥

त्रिविक्रमस्त्रिलोकेशो वामनः श्रीधरः पुमान् ।

हृषीकेशो वासुदेवः पद्मनाभो महाह्रदः ॥ 165 ॥

दामोदरश्चतुर्व्यूहः पाञ्चालीमानरक्षणः ।

साल्वघ्नस्समरश्लाघी दन्तवक्त्रनिबर्हणः ॥ 166 ॥

दामोदरप्रियसखा पृथुकास्वादनप्रियः ॥

घृणी दामोदरः श्रीदो गोपीपुनरवेक्षकः ॥ 167 ॥

गोपिकामुक्तिदो योगी दुर्वासस्तृप्तिकारकः ।

अविज्ञातव्रजाकीर्णपाण्डवालोकनो जयी ॥ 168 ॥

पार्थसारथ्यनिरतः प्राज्ञः पाण्डवदूत्यकृत् ।

विदुरातिथ्यसन्तुष्टः कुन्तीसन्तोषदायकः ॥ 169 ॥

सुयोधनतिरस्कर्ता दुर्योधनविकारवित् ।

विदुराभिष्ठुतो नित्यो वार्ष्णेयो मङ्गलात्मकः ॥ 170 ॥

पञ्चविंशतितत्त्वेशश्चतुर्विंशतिदेहभाक् ।

सर्वानुग्राहकस्सर्वदाशार्हसततार्चितः ॥ 171 ॥

अचिन्त्यो मधुरालापस्साधुदर्शी दुरासदः ।

मनुष्यधर्मानुगतः कौरवेन्द्रक्षयेक्षिता ॥ 172 ॥

उपेन्द्रो दानवारातिरुरुगीतो महाद्युतिः ।

ब्रह्मण्यदेवः श्रुतिमान् गोब्राह्मणहिताशयः ॥ 173 ॥

वरशीलश्शिवारम्भस्सुविज्ञानविमूर्तिमान् ।

स्वभावशुद्धस्सन्मित्रस्सुशरण्यस्सुलक्षणः ॥ 174 ॥

धृतराष्ट्रगतौदृष्टिप्रदः कर्णविभेदनः ।

प्रतोदधृग्विश्वरूपविस्मारितधनञ्जयः ॥ 175 ॥

सामगानप्रियो धर्मधेनुर्वर्णोत्तमोऽव्ययः ।

चतुर्युगक्रियाकर्ता विश्वरूपप्रदर्शकः ॥ 176 ॥

ब्रह्मबोधपरित्रातपार्थो भीष्मार्थचक्रभृत् ।

अर्जुनायासविध्वंसी कालदंष्ट्राविभूषणः ॥ 177 ॥

सुजातानन्तमहिमा स्वप्नव्यापारितार्जुनः ।

अकालसन्ध्याघटनश्चक्रान्तरितभास्करः ॥ 178 ॥

दुष्टप्रमथनः पार्थप्रतिज्ञापरिपालकः ।

सिन्धुराजशिरःपातस्थानवक्ता विवेकदृक् ॥ 179 ॥

सुभद्राशोकहरणो द्रोणोत्सेकादिविस्मितः ।

पार्थमन्युनिराकर्ता पाण्डवोत्सवदायकः ॥ 180 ॥

अङ्गुष्ठाक्रान्तकौन्तेयरथश्शक्तोऽहिशीर्षजित् ।

कालकोपप्रशमनो भीमसेनजयप्रदः ॥ 181 ॥

अश्वत्थामवधायासत्रातपाण्डुसुतः कृती ।

इषीकास्त्रप्रशमनो द्रौणिरक्षाविचक्षणः ॥ 182 ॥

पार्थापहारितद्रौणिचूडामणिरभङ्गुरः ।

धृतराष्ट्रपरामृष्टभीमप्रतिकृतिस्मयः ॥ 183 ॥

भीष्मबुद्धिप्रदश्शान्तश्शरच्चन्द्रनिभाननः ।

गदाग्रजन्मा पाञ्चालीप्रतिज्ञापरिपालकः ॥ 184 ॥

गान्धारीकोपदृग्गुप्तधर्मसूनुरनामयः ।

प्रपन्नार्तिभयच्छेत्ता भीष्मशल्यव्यधावहः ॥ 185 ॥

शान्तश्शान्तनवोदीर्णसर्वधर्मसमाहितः ।

स्मारितब्रह्मविद्यार्थप्रीतपार्थो महास्त्रवित् ॥ 186 ॥

प्रसादपरमोदारो गाङ्गेयसुगतिप्रदः ।

विपक्षपक्षक्षयकृत्परीक्षित्प्राणरक्षणः ॥ 187 ॥

जगद्गुरुर्धर्मसूनोर्वाजिमेधप्रवर्तकः ।

विहितार्थाप्तसत्कारो मासकात्परिवर्तदः ॥ 188 ॥

उत्तङ्कहर्षदात्मीयदिव्यरूपप्रदर्शकः ।

जनकावगतस्वोक्तभारतस्सर्वभावनः ॥ 189 ॥

असोढयादवोद्रेको विहिताप्तादिपूजनः ॥

समुद्रस्थापिताश्चर्यमुसलो वृष्णिवाहकः ॥ 190 ॥

मुनिशापायुधः पद्मासनादित्रिदशार्थितः ।

वृष्टिप्रत्यवहारोत्कस्स्वधामगमनोत्सुकः ॥ 191 ॥

प्रभासालोकनोद्युक्तो नानाविधनिमित्तकृत् ।

सर्वयादवसंसेव्यस्सर्वोत्कृष्टपरिच्छदः ॥ 192 ॥

वेलाकाननसञ्चारी वेलानिलहृतश्रमः ।

कालात्मा यादवोऽनन्तस्स्तुतिसन्तुष्टमानसः ॥ 193 ॥

द्विजालोकनसन्तुष्टः पुण्यतीर्थमहोत्सवः ।

सत्काराह्लादिताशेषभूसुरस्सुरवल्लभः ॥ 194 ॥

पुण्यतीर्थाप्लुतः पुण्यः पुण्यदस्तीर्थपावनः ।

विप्रसात्कृतगोकोटिश्शतकोटिसुवर्णदः ॥ 195 ॥

स्वमायामोहिताऽशेषवृष्णिवीरो विशेषवित् ।

जलजायुधनिर्देष्टा स्वात्मावेशितयादवः ॥ 196 ॥

देवताभीष्टवरदः कृतकृत्यः प्रसन्नधीः ।

स्थिरशेषायुतबलस्सहस्रफणिवीक्षणः ॥ 197 ॥

ब्रह्मवृक्षवरच्छायासीनः पद्मासनस्थितः ।

प्रत्यगात्मा स्वभावार्थः प्रणिधानपरायणः ॥ 198 ॥

व्याधेषुविद्धपूज्याङ्घ्रिर्निषादभयमोचनः ।

पुलिन्दस्तुतिसन्तुष्टः पुलिन्दसुगतिप्रदः ॥ 199 ॥

दारुकार्पितपार्थादिकरणीयोक्तिरीशिता ।

दिव्यदुन्दुभिसंयुक्तः पुष्पवृष्टिप्रपूजितः ॥ 200 ॥

पुराणः परमेशानः पूर्णभूमा परिष्टुतः ।

पतिराद्यः परं ब्रह्म परमात्मा परात्परः ॥ 201 ॥

श्रीपरमात्मा परात्परः ॐ नमः इति ।

फलश्रुतिः –

इदं सहस्रं कृष्णस्य नाम्नां सर्वार्थदायकम् ।

अनन्तरूपी भगवान् व्याख्यातादौ स्वयम्भुवे ॥ 202 ॥

तेन प्रोक्तं वसिष्ठाय ततो लब्ध्वा पराशरः ।

व्यासाय तेन सम्प्रोक्तं शुको व्यासादवाप्तवान् ॥ 203 ॥

तच्छिष्यैर्बहुभिर्भूमौ ख्यापितं द्वापरे युगे ।

कृष्णाज्ञया हरिहरः कलौ प्रख्यापयद्विभुः ॥ 204 ॥

इदं पठति भक्त्या यः शृणोति च समाहितः ।

स्वसिद्ध्यै प्रार्थयन्त्येनं तीर्थक्षेत्रादिदेवताः ॥ 205 ॥

प्रायश्चित्तान्यशेषाणि नालं यानि व्यपोहितुम् ।

तानि पापानि नश्यन्ति सकृदस्य प्रशंसनात् ॥ 206 ॥

ऋणत्रयविमुक्तस्य श्रौतस्मार्तानुवर्तिनः ।

ऋषेस्त्रिमूर्तिरूपस्य फलं विन्देदिदं पठन् ॥ 207 ॥

इदं नामसहस्रं यः पठत्येतच्छृणोति च ।

शिवलिङ्गसहस्रस्य स प्रतिष्ठाफलं लभेत् ॥ 208 ॥

इदं किरीटी सञ्जप्य जयी पाशुपतास्त्रभाक् ।

कृष्णस्य प्राणभूतस्सन् कृष्णं सारथिमाप्तवान् ॥ 209 ॥

द्रौपद्या दमयन्त्या च सावित्र्या च सुशीलया ।

दुरितानि जितान्येतज्जपादाप्तं च वाञ्छितम् ॥ 210 ॥

किमिदं बहुना शंसन्मानवो मोदनिर्भरः ।

ब्रह्मानन्दमवाप्यान्ते कृष्णसायूज्यमाप्नुयात् ॥ 211 ॥