Gopala Sahasra Nama Stotram — Sinhala Script

කෛලාසශිඛරේ රම්යේ ගෞරී පප්රච්ඡ ශඞ්කරම් .

බ්රහ්මාණ්ඩාඛිලනාථස්ත්වං සෘෂ්ටිසංහාරකාරකඃ .. 1 ..

ත්වමේව පූජ්යසේ ලෝකෛර්බ්රහ්මවිෂ්ණුසුරාදිභිඃ .

නිත්යං පඨසි දේවේශ කස්ය ස්තෝත්රං මහේශ්වර .. 2 ..

ආශ්චර්යමිදමත්යන්තං ජායතේ මම ශඞ්කර .

තත්ප්රාණේශ මහාප්රාජ්ඤ සංශයං ඡින්ධි මේ ප්රභෝ .. 3 ..

ශ්රීමහාදේව උවාච-

ධන්යාසි කෘතපුණ්යාසි පාර්වති ප්රාණවල්ලභේ .

රහස්යාතිරහස්යං ච යත්පෘච්ඡසි වරානනේ .. 4 ..

ස්ත්රීස්වභාවාන්මහාදේවි පුනස්ත්වං පරිපෘච්ඡසි .

ගෝපනීයං ගෝපනීයං ගෝපනීයං ප්රයත්නතඃ .. 5 ..

දත්තේ ච සිද්ධිහානිඃ ස්යාත්තස්මාද්යත්නේන ගෝපයේත් .

ඉදං රහස්යං පරමං පුරුෂාර්ථප්රදායකම් .. 6 ..

ධනරත්නෞඝමාණික්යං තුරඞ්ගං ච ගජාදිකම් .

දදාති ස්මරණාදේව මහාමෝක්ෂප්රදායකම් .. 7 ..

තත්තේ(අ)හං සම්ප්රවක්ෂ්යාමි ශෘණුෂ්වාවහිතා ප්රියේ .

යෝ(අ)සෞ නිරඤ්ජනෝ දේවශ්චිත්ස්වරූපී ජනාර්දනඃ .. 8 ..

සංසාරසාගරෝත්තාරකාරණාය නෘණාං සදා .

ශ්රීරඞ්ගාදිකරූපේණ ත්රෛලෝක්යං ව්යාප්ය තිෂ්ඨති .. 9 ..

තතෝ ලෝකා මහාමූඪා විෂ්ණුභක්තිවිවර්ජිතාඃ .

නිශ්චයං නාධිගච්ඡන්ති පුනර්නාරායණෝ හරිඃ .. 10 ..

නිරඤ්ජනෝ නිරාකාරෝ භක්තානාං ප්රීතිකාමදඃ .

බෘන්දාවනවිහාරාය ගෝපාලං රූපමුද්වහන් .. 11 ..

මුරලීවාදනාධාරී රාධායෛ ප්රීතිමාවහන් .

අංශාංශේභ්යඃ සමුන්මීල්ය පූර්ණරූපකලායුතඃ .. 12 ..

ශ්රීකෘෂ්ණචන්ද්රෝ භගවාන් නන්දගෝපවරෝද්යතඃ .

ධරණීරූපිණී මාතා යශෝදා නන්දගේහිනී .. 13 ..

ද්වාභ්යාං ප්රයාචිතෝ නාථෝ දේවක්යාං වසුදේවතඃ .

බ්රහ්මණා(අ)භ්යර්ථිතෝ දේවෝ දේවෛරපි සුරේශ්වරඃ .. 14 ..

ජාතෝ(අ)වන්යාං ච මුදිතෝ මුරලීවාචනේච්ඡයා .

ශ්රියා සාර්ධං වචඃ කෘත්වා තතෝ ජාතෝ මහීතලේ .. 15 ..

සංසාරසාරසර්වස්වං ශ්යාමලං මහදුජ්ජ්වලම් .

ඒතජ්ජ්යෝතිරහං වන්ද්යං චින්තයාමි සනාතනම් .. 16 ..

ගෞරතේජෝ විනා යස්තු ශ්යාමතේජස්සමර්චයේත් .

ජපේද්වා ධ්යායතේ වාපි ස භවේත්පාතකී ශිවේ .. 17 ..

ස බ්රහ්මහා සුරාපී ච ස්වර්ණස්තේයී ච පඤ්චමඃ .

ඒතෛර්දෝෂෛර්විලිප්යේත තේජෝභේදාන්මහීශ්වරි .. 18 ..

තස්මාජ්ජ්යෝතිරභූද්ද්වේධා රාධාමාධවරූපකම් .

තස්මාදිදං මහාදේවි ගෝපාලේනෛව භාෂිතම් .. 19 ..

දුර්වාසසෝ මුනේර්මෝහේ කාර්තික්යාං රාසමණ්ඩලේ .

තතඃ පෘෂ්ටවතී රාධා සන්දේහං භේදමාත්මනඃ .. 20 ..

නිරඤ්ජනාත්සමුත්පන්නං මායාතීතං ජගන්මයම් .

ශ්රීකෘෂ්ණේන තතඃ ප්රෝක්තං රාධායෛ නාරදාය ච .. 21 ..

තතෝ නාරදතස්සර්වං විරලා වෛෂ්ණවාස්තථා .

කලෞ ජානන්ති දේවේශි ගෝපනීයං ප්රයත්නතඃ .. 22 ..

ශඨාය කෘපණායාථ ඩාම්භිකාය සුරේශ්වරි .

බ්රහ්මහත්යාමවාප්නෝති තස්මාද්යත්නේන ගෝපයේත් .. 23 ..

ඕං අස්ය ශ්රීගෝපාලසහස්රනාමස්තෝත්ර මහාමන්ත්රස්ය ශ්රීනාරද ඍෂිඃ, අනුෂ්ටුප් ඡන්දඃ, ශ්රීගෝපාලෝ දේවතා, කාමෝ බීජං, මායා ශක්තිඃ, චන්ද්රඃ කීලකං, ශ්රීකෘෂ්ණචන්ද්ර භක්තිරූපඵලප්රාප්තයේ ශ්රීගෝපාලසහස්රනාමස්තෝත්රජපේ විනියෝගඃ .

ඕං ඓං ක්ලීං බීජං, ශ්රීං හ්රීං ශක්තිඃ, ශ්රී බෘන්දාවනනිවාසඃ කීලකං, ශ්රීරාධාප්රියං පරං බ්රහ්මේති මන්ත්රඃ, ධර්මාදි චතුර්විධ පුරුෂාර්ථසිද්ධ්යර්ථේ ජපේ විනියෝගඃ .

න්යාසඃ .

ඕං නාරද ඍෂයේ නමඃ ශිරසි .

අනුෂ්ටුප් ඡන්දසේ නමඃ මුඛේ .

ශ්රීගෝපාලදේවතායෛ නමඃ හෘදයේ .

ක්ලීං කීලකාය නමඃ නාභෞ .

හ්රීං ශක්තයේ නමඃ ගුහ්යේ .

ශ්රීං කීලකාය නමඃ ඵාලයෝඃ .

ඕං ක්ලීං කෘෂ්ණාය ගෝවින්දාය ගෝපීජනවල්ලභාය ස්වාහා ඉති මූලමන්ත්රඃ .

කරන්යාසඃ .

ඕං ක්ලාං අඞ්ගුෂ්ඨාභ්යාං නමඃ .

ඕං ක්ලීං තර්ජනීභ්යාං නමඃ .

ඕං ක්ලූං මධ්යමාභ්යාං නමඃ .

ඕං ක්ලෛං අනාමිකාභ්යාං නමඃ .

ඕං ක්ලෞං කනිෂ්ඨිකාභ්යාං නමඃ .

ඕං ක්ලඃ කරතලකරපෘෂ්ඨාභ්යාං නමඃ .

හෘදයාදින්යාසඃ .

ඕං ක්ලාං හෘදයාය නමඃ .

ඕං ක්ලීං ශිරසේ ස්වාහා .

ඕං ක්ලූං ශිඛායෛ වෂට් .

ඕං ක්ලෛං කවචාය හුම් .

ඕං ක්ලෞං නේත්රත්රයාය වෞෂට් .

ඕං ක්ලඃ අස්ත්රාය ඵට් .

මූලමන්ත්රන්යාසඃ .

ක්ලීං අඞ්ගුෂ්ඨාභ්යාං නමඃ .

කෘෂ්ණාය තර්ජනීභ්යාං නමඃ .

ගෝවින්දාය මධ්යමාභ්යාං නමඃ .

ගෝපීජන අනාමිකාභ්යාං නමඃ .

වල්ලභාය කනිෂ්ඨිකාභ්යාං නමඃ .

ස්වාහා කරතලකරපෘෂ්ඨාභ්යාං නමඃ .

ක්ලීං හෘදයාය නමඃ .

කෘෂ්ණාය ශිරසේ ස්වාහා .

ගෝවින්දාය ශිඛායෛ වෂට් .

ගෝපීජන කවචාය හුම් .

වල්ලභාය නේත්රත්රයාය වෞෂට් .

ස්වාහා අස්ත්රාය ඵට් .

ධ්යානම් .

ඵුල්ලේන්දීවරකාන්තිමින්දුවදනං බර්හාවතංසප්රියං

ශ්රීවත්සාඞ්කමුදාරකෞස්තුභධරං පීතාම්බරං සුන්දරම් .

ගෝපීනාං නයනෝත්පලාර්චිතතනුං ගෝගෝපසඞ්ඝාවෘතං

ගෝවින්දං කලවේණුවාදනපරං දිව්යාඞ්ගභූෂං භජේ .. 1 ..

කස්තූරීතිලකං ලලාටඵලකේ වක්ෂස්ස්ථලේ කෞස්තුභං

නාසාග්රේ වරමෞක්තිකං කරතලේ වේණුං කරේ කඞ්කණම් .

සර්වාඞ්ගේ හරිචන්දනං ච කලයන් කණ්ඨේ ච මුක්තාවලිං

ගෝපස්ත්රීපරිවේෂ්ටිතෝ විජයතේ ගෝපාලචූඩාමණිඃ .. 2 ..

ඕං ක්ලීං දේවඃ කාමදේවඃ කාමබීජශිරෝමණිඃ .

ශ්රීගෝපාලෝ මහීපාලෝ වේදවේදාඞ්ගපාරගඃ .. 1 ..

කෘෂ්ණඃ කමලපත්රාක්ෂඃ පුණ්ඩරීකඃ සනාතනඃ .

ගෝපතිර්භූපතිඃ ශාස්තා ප්රහර්තා විශ්වතෝමුඛඃ .. 2 ..

ආදිකර්තා මහාකර්තා මහාකාලඃ ප්රතාපවාන් .

ජගජ්ජීවෝ ජගද්ධාතා ජගද්භර්තා ජගද්වසුඃ .. 3 ..

මත්ස්යෝ භීමඃ කුහූභර්තා හර්තා වාරාහමූර්තිමාන් .

නාරායණෝ හෘෂීකේශෝ ගෝවින්දෝ ගරුඩධ්වජඃ .. 4 ..

ගෝකුලේශෝ මහාචන්ද්රඃ ශර්වරීප්රියකාරකඃ .

කමලාමුඛලෝලාක්ෂඃ පුණ්ඩරීකඃ ශුභාවහඃ .. 5 ..

දුර්වාසාඃ කපිලෝ භෞමඃ සින්ධුසාගරසඞ්ගමඃ .

ගෝවින්දෝ ගෝපතිර්ගෝත්රඃ කාලින්දීප්රේමපූරකඃ .. 6 ..

ගෝපස්වාමී ගෝකුලේන්ද්රඃ ගෝවර්ධනවරප්රදඃ .

නන්දාදිගෝකුලත්රාතා දාතා දාරිද්ර්යභඤ්ජනඃ .. 7 ..

සර්වමඞ්ගලදාතා ච සර්වකාමවරප්රදඃ .

ආදිකර්තා මහීභර්තා සර්වසාගරසින්ධුජඃ .. 8 ..

ගජගාමී ගජෝද්ධාරී කාමී කාමකලානිධිඃ .

කලඞ්කරහිතශ්චන්ද්රෝ බිම්බාස්යෝ බිම්බසත්තමඃ .. 9 ..

මාලාකාරඃ කෘපාකාරඃ කෝකිලස්වරභූෂණඃ .

රාමෝ නීලාම්බරෝ දේහී හලී ද්විවිදමර්දනඃ .. 10 ..

සහස්රාක්ෂපුරීභේත්තා මහාමාරීවිනාශනඃ .

ශිවඃ ශිවතමෝ භේත්තා බලාරාතිප්රපූජකඃ .. 11 ..

කුමාරීවරදායී ච වරේණ්යෝ මීනකේතනඃ .

නරෝ නාරායණෝ ධීරෝ ධරාපතිරුදාරධීඃ .. 12 ..

ශ්රීපතිඃ ශ්රීනිධිඃ ශ්රීමාන් මාපතිඃ ප්රතිරාජහා .

බෘන්දාපතිඃ කුලං ග්රාමී ධාම බ්රහ්මසනාතනඃ .. 13 ..

රේවතීරමණෝ රාමඃ ප්රියශ්චඤ්චලලෝචනඃ .

රාමායණශරීරශ්ච රාමෝ රාමඃ ශ්රියඃපතිඃ .. 14 ..

ශර්වරඃ ශර්වරී ශර්වඃ සර්වත්ර ශුභදායකඃ .

රාධාරාධයිතාරාධී රාධාචිත්තප්රමෝදකඃ .. 15 ..

රාධාරතිසුඛෝපේතෝ රාධාමෝහනතත්පරඃ .

රාධාවශීකරෝ රාධාහෘදයාම්භෝජෂට්පදඃ .. 16 ..

රාධාලිඞ්ගනසම්මෝදෝ රාධානර්තනකෞතුකඃ .

රාධාසඤ්ජාතසම්ප්රීතෝ රාධාකාමඵලප්රදඃ .. 17 ..

බෘන්දාපතිඃ කෝකනිධිඃ කෝකශෝකවිනාශනඃ .

චන්ද්රාපතිශ්චන්ද්රපතිශ්චණ්ඩකෝදණ්ඩභඤ්ජනඃ .. 18 ..

රාමෝ දාශරථී රාමෝ භෘගුවංශසමුද්භවඃ .

ආත්මාරාමෝ ජිතක්රෝධෝ මෝහෝ මෝහාන්ධභඤ්ජනඃ .. 19 ..

වෘෂභානුභවෝ භාවී කාශ්යපිඃ කරුණානිධිඃ .

කෝලාහලෝ හලෝ හාලී හලී හලධරප්රියඃ .. 20 ..

රාධාමුඛාබ්ජමාර්තාණ්ඩෝ භාස්කරෝ රවිජෝ විධුඃ .

විධිර්විධාතා වරුණෝ වාරුණෝ වාරුණීප්රියඃ .. 21 ..

රෝහිණීහෘදයානන්දී වසුදේවාත්මජෝ බලිඃ .

නීලාම්බරෝ රෞහිණේයෝ ජරාසන්ධවධෝ(අ)මලඃ .. 22 ..

නාගෝ ජවාම්භෝ විරුදෝ වීරහා වරදෝ බලී .

ගෝපදෝ විජයී විද්වාන් ශිපිවිෂ්ටඃ සනාතනඃ .. 23 ..

පරශුරාමවචෝග්රාහී වරග්රාහී සෘගාලහා .

දමඝෝෂෝපදේෂ්ටා ච රථග්රාහී සුදර්ශනඃ .. 24 ..

වීරපත්නීයශස්ත්රාතා ජරාව්යාධිවිඝාතකඃ .

ද්වාරකාවාසතත්ත්වජ්ඤෝ හුතාශනවරප්රදඃ .. 25 ..

යමුනාවේගසංහාරී නීලාම්බරධරඃ ප්රභුඃ .

විභුඃ ශරාසනෝ ධන්වී ගණේශෝ ගණනායකඃ .. 26 ..

ලක්ෂ්මණෝ ලක්ෂණෝ ලක්ෂ්යෝ රක්ෂෝවංශවිනාශකඃ .

වාමනෝ වාමනීභූතෝ වමනෝ වමනාරුහඃ .. 27 ..

යශෝදානන්දනඃ කර්තා යමලාර්ජුනමුක්තිදඃ .

උලූඛලී මහාමානෝ දාමබද්ධාහ්වයී ශමී .. 28 ..

භක්තානුකාරී භගවාන් කේශවෝ(අ)චලධාරකඃ .

කේශිහා මධුහා මෝහී වෘෂාසුරවිඝාතකඃ .. 29 ..

අඝාසුරවිඝාතී ච පූතනාමෝක්ෂදායකඃ .

කුබ්ජාවිනෝදී භගවාන් කංසමෘත්යුර්මහාමුඛී .. 30 ..

අශ්වමේධෝ වාජපේයෝ ගෝමේධෝ නරමේධවාන් .

කන්දර්පකෝටිලාවණ්යශ්චන්ද්රකෝටිසුශීතලඃ .. 31 ..

රවිකෝටිප්රතීකාශෝ වායුකෝටිමහාබලඃ .

බ්රහ්මා බ්රහ්මාණ්ඩකර්තා ච කමලාවාඤ්ඡිතප්රදඃ .. 32 ..

කමලී කමලාක්ෂශ්ච කමලාමුඛලෝලුපඃ .

කමලාව්රතධාරී ච කමලාභඃ පුරන්දරඃ .. 33 ..

සෞභාග්යාධිකචිත්තශ්ච මහාමායී මදෝත්කටඃ .

තාටකාරිඃ සුරත්රාතා මාරීචක්ෂෝභකාරකඃ .. 34 ..

විශ්වාමිත්රප්රියෝ දාන්තෝ රාමෝ රාජීවලෝචනඃ .

ලඞ්කාධිපකුලධ්වංසී විභීෂණවරප්රදඃ .. 35 ..

සීතානන්දකරෝ රාමෝ වීරෝ වාරිධිබන්ධනඃ .

ඛරදූෂණසංහාරී සාකේතපුරවාසවාන් .. 36 ..

චන්ද්රාවලිපතිඃ කූලඃ කේශිකංසවධෝ(අ)මරඃ .

මාධවෝ මධුහා මාධ්වී මාධ්වීකෝ මාධවී විභුඃ .. 37 ..

මුඤ්ජාටවීගාහමානෝ ධේනුකාරිර්දශාත්මජඃ .

වංශීවටවිහාරී ච ගෝවර්ධනවනාශ්රයඃ .. 38 ..

තථා තාලවනෝද්දේශී භාණ්ඩීරවනශඞ්කරඃ .

තෘණාවර්තකෘපාකාරී වෘෂභානුසුතාපතිඃ .. 39 ..

රාධාප්රාණසමෝ රාධාවදනාබ්ජමධූත්කටඃ .

ගෝපීරඤ්ජනදෛවජ්ඤඃ ලීලාකමලපූජිතඃ .. 40 ..

ක්රීඩාකමලසන්දෝහෝ ගෝපිකාප්රීතිරඤ්ජනඃ .

රඤ්ජකෝ රඤ්ජනෝ රඞ්ගෝ රඞ්ගී රඞ්ගමහීරුහඃ .. 41 ..

කාමඃ කාමාරිභක්තශ්ච පුරාණපුරුෂඃ කවිඃ .

නාරදෝ දේවලෝ භීමෝ බාලෝ බාලමුඛාම්බුජඃ .. 42 ..

අම්බුජෝ බ්රහ්මසාක්ෂී ච යෝගී දත්තවරෝ මුනිඃ .

ඍෂභඃ පර්වතෝ ග්රාමෝ නදීපවනවල්ලභඃ .. 43 ..

පද්මනාභඃ සුරජ්යේෂ්ඨෝ බ්රහ්මා රුද්රෝ(අ)හිභූෂිතඃ .

ගණානාං ත්රාණකර්තා ච ගණේශෝ ග්රහිලෝ ග්රහිඃ .. 44 ..

ගණාශ්රයෝ ගණාධ්යක්ෂෝ ක්රෝඩීකෘතජගත්ත්රයඃ .

යාදවේන්ද්රෝ ද්වාරකේන්ද්රෝ මථුරාවල්ලභෝ ධුරී .. 45 ..

භ්රමරඃ කුන්තලී කුන්තීසුතරක්ෂී මහාමනාඃ .

යමුනාවරදාතා ච කාශ්යපස්ය වරප්රදඃ .. 46 ..

ශඞ්ඛචූඩවධෝද්දාමෝ ගෝපීරක්ෂණතත්පරඃ .

පාඤ්චජන්යකරෝ රාමී ත්රිරාමී වනජෝ ජයඃ .. 47 ..

ඵාල්ගුණඃ ඵල්ගුනසඛෝ විරාධවධකාරකඃ .

රුක්මිණීප්රාණනාථශ්ච සත්යභාමාප්රියඞ්කරඃ .. 48 ..

කල්පවෘක්ෂෝ මහාවෘක්ෂෝ දානවෘක්ෂෝ මහාඵලඃ .

අඞ්කුශෝ භූසුරෝ භාවෝ භාමකෝ භ්රාමකෝ හරිඃ .. 49 ..

සරලඃ ශාශ්වතෝ වීරෝ යදුවංශශිවාත්මකඃ .

ප්රද්යුම්නෝ බලකර්තා ච ප්රහර්තා දෛත්යහා ප්රභුඃ .. 50 ..

මහාධනෝ මහාවීරෝ වනමාලාවිභූෂණඃ .

තුලසීදාමශෝභාඪ්යෝ ජාලන්ධරවිනාශනඃ .. 51 ..

සූරඃ සූර්යෝ මෘකණ්ඩුශ්ච භාස්වරෝ විශ්වපූජිතඃ .

රවිස්තමෝහා වහ්නිශ්ච බාඩබෝ බඩබානලඃ .. 52 ..

දෛත්යදර්පවිනාශී ච ගරුඩෝ ගරුඩාග්රජඃ .

ගෝපීනාථෝ මහීනාථෝ බෘන්දානාථෝ(අ)වරෝධකඃ .. 53 ..

ප්රපඤ්චී පඤ්චරූපශ්ච ලතාගුල්මශ්ච ගෝමතිඃ .

ගඞ්ගා ච යමුනාරූපෝ ගෝදා වේත්රවතී තථා .. 54 ..

කාවේරී නර්මදා තාපී ගණ්ඩකී සරයූ රජඃ .

රාජසස්තාමසස්සත්ත්වී සර්වාඞ්ගී සර්වලෝචනඃ .. 55 ..

සුධාමයෝ(අ)මෘතමයෝ යෝගිනාං වල්ලභඃ ශිවඃ .

බුද්ධෝ බුද්ධිමතාං ශ්රේෂ්ඨෝ විෂ්ණුර්ජිෂ්ණුඃ ශචීපතිඃ .. 56 ..

වංශී වංශධරෝ ලෝකෝ විලෝකෝ මෝහනාශනඃ .

රවරාවෝ රවෝ රාවෝ වලෝ වාලෝ වලාහකඃ .. 57 ..

ශිවෝ රුද්රෝ නලෝ නීලෝ ලාඞ්ගලී ලාඞ්ගලාශ්රයඃ .

පාරදඃ පාවනෝ හංසෝ හංසාරූඪෝ ජගත්පතිඃ .. 58 ..

මෝහිනීමෝහනෝ මායී මහාමායෝ මහාසුඛී .

වෘෂෝ වෘෂාකපිඃ කාලඃ කාලීදමනකාරකඃ .. 59 ..

කුබ්ජාභාග්යප්රදෝ වීරෝ රජකක්ෂයකාරකඃ .

කෝමලෝ වාරුණී රාජා ජලජෝ ජලධාරකඃ .. 60 ..

හාරකඃ සර්වපාපඝ්නඃ පරමේෂ්ඨී පිතාමහඃ .

ඛඩ්ගධාරී කෘපාකාරී රාධාරමණසුන්දරඃ .. 61 ..

ද්වාදශාරණ්යසම්භෝගී ශේෂනාගඵණාලයඃ .

කාමඃ ශ්යාමඃ සුඛශ්රීදඃ ශ්රීපතිඃ ශ්රීනිධිඃ කෘතිඃ .. 62 ..

හරිර්හරෝ නරෝ නාරෝ නරෝත්තම ඉෂුප්රියඃ .

ගෝපාලචිත්තහර්තා ච කර්තා සංසාරතාරකඃ .. 63 ..

ආදිදේවෝ මහාදේවෝ ගෞරීගුරුරනාශ්රයඃ .

සාධුර්මධුර්විධුර්ධාතා ත්රාතා(අ)ක්රූරපරායණඃ .. 64 ..

රෝලම්බී ච හයග්රීවෝ වානරාරිර්වනාශ්රයඃ .

වනං වනී වනාධ්යක්ෂෝ මහාවන්ද්යෝ මහාමුනිඃ .. 65 ..

ස්යමන්තකමණිප්රාජ්ඤඃ විජ්ඤෝ විඝ්නවිඝාතකඃ .

ගෝවර්ධනෝ වර්ධනීයෝ වර්ධනී වර්ධනප්රියඃ .. 66 ..

වාර්ධන්යෝ වර්ධනෝ වර්ධී වර්ධිෂ්ණස්තු සුඛප්රියඃ .

වර්ධිතෝ වර්ධකෝ වෘද්ධෝ බෘන්දාරකජනප්රියඃ .. 67 ..

ගෝපාලරමණීභර්තා සාම්බකුෂ්ඨවිනාශනඃ .

රුක්මිණීහරණප්රේමා ප්රේමී චන්ද්රාවලීපතිඃ .. 68 ..

ශ්රීකර්තා විශ්වභර්තා ච නාරායණ නරෝ බලී .

ගණෝ ගණපතිශ්චෛව දත්තාත්රේයෝ මහාමුනිඃ .. 69 ..

ව්යාසෝ නාරායණෝ දිව්යෝ භව්යෝ භාවුකධාරකඃ .

ශ්වඃශ්රේයසං ශිවං භද්රං භාවුකං භවුකං ශුභම් .. 70 ..

ශුභාත්මකඃ ශුභඃ ශාස්තා ප්රශස්තෝ මේඝනාදහා .

බ්රහ්මණ්යදේවෝ දීනානාමුද්ධාරකරණක්ෂමඃ .. 71 ..

කෘෂ්ණඃ කමලපත්රාක්ෂඃ කෘෂ්ණඃ කමලලෝචනඃ .

කෘෂ්ණඃ කාමී සදා කෘෂ්ණඃ සමස්තප්රියකාරකඃ .. 72 ..

නන්දෝ නන්දී මහානන්දී මාදී මාදනකඃ කිලී .

මීලී හිලී ගිලී ගෝලී ගෝලෝ ගෝලාලයෝ ගුලී .. 73 ..

ගුග්ගුලී මාරකී ශාඛී වටඃ පිප්පලකඃ කෘතී .

ම්ලේච්ඡහා කාලහර්තා ච යශෝදා යශ ඒව ච .. 74 ..

අච්යුතඃ කේශවෝ විෂ්ණුඃ හරිඃ සත්යෝ ජනාර්දනඃ .

හංසෝ නාරායණෝ නීලෝ ලීනෝ භක්තිපරායණඃ .. 75 ..

ජානකීවල්ලභෝ රාමෝ විරාමෝ විෂනාශනඃ .

සිංහභානුර්මහාභානු-ර්වීරභානුර්මහෝදධිඃ .. 76 ..

සමුද්රෝ(අ)බ්ධිරකූපාරඃ පාරාවාරඃ සරිත්පතිඃ .

ගෝකුලානන්දකාරී ච ප්රතිජ්ඤාපරිපාලකඃ .. 77 ..

සදාරාමඃ කෘපාරාමෝ මහාරාමෝ ධනුර්ධරඃ .

පර්වතඃ පර්වතාකාරෝ ගයෝ ගේයෝ ද්විජප්රියඃ .. 78 ..

කමලාශ්වතරෝ රාමෝ රාමායණප්රවර්තකඃ .

ද්යෞර්දිවෝ දිවසෝ දිව්යෝ භව්යෝ භාගී භයාපහඃ .. 79 ..

පාර්වතීභාග්යසහිතෝ භර්තා ලක්ෂ්මීසහායවාන් . [විලාසවාන්]

විලාසී සාහසී සර්වී ගර්වී ගර්විතලෝචනඃ .. 80 ..

සුරාරිර්ලෝකධර්මජ්ඤෝ ජීවනෝ ජීවනාන්තකඃ .

යමෝ යමාරිර්යමනෝ යමී යාමවිඝාතකඃ .. 81 ..

වංශුලී පාංශුලී පාංසුඃ පාණ්ඩුරර්ජුනවල්ලභඃ .

ලලිතා චන්ද්රිකාමාලා මාලී මාලාම්බුජාශ්රයඃ .. 82 ..

අම්බුජාක්ෂෝ මහායක්ෂෝ දක්ෂශ්චින්තාමණිප්රභුඃ .

මණිර්දිනමණිශ්චෛව කේදාරෝ බදරීශ්රයඃ .. 83 ..

බදරීවනසම්ප්රීතෝ ව්යාසඃ සත්යවතීසුතඃ .

අමරාරිනිහන්තා ච සුධාසින්ධුවිධූදයඃ .. 84 ..

චන්ද්රෝ රවිඃ ශිවඃ ශූලී චක්රී චෛව ගදාධරඃ .

ශ්රීකර්තා ශ්රීපතිඃ ශ්රීදඃ ශ්රීදේවෝ දේවකීසුතඃ .. 85 ..

ශ්රීපතිඃ පුණ්ඩරීකාක්ෂඃ පද්මනාභෝ ජගත්පතිඃ .

වාසුදේවෝ(අ)ප්රමේයාත්මා කේශවෝ ගරුඩධ්වජඃ .. 86 ..

නාරායණඃ පරං ධාම දේවදේවෝ මහේශ්වරඃ .

චක්රපාණිඃ කලාපූර්ණෝ වේදවේද්යෝ දයානිධිඃ .. 87 ..

භගවාන් සර්වභූතේශෝ ගෝපාලඃ සර්වපාලකඃ .

අනන්තෝ නිර්ගුණෝ නිත්යෝ නිර්විකල්පෝ නිරඤ්ජනඃ .. 88 ..

නිරාධාරෝ නිරාකාරෝ නිරාභාසෝ නිරාශ්රයඃ .

පුරුෂඃ ප්රණවාතීතෝ මුකුන්දඃ පරමේශ්වරඃ .. 89 ..

ක්ෂණාවනිඃ සාර්වභෞමෝ වෛකුණ්ඨෝ භක්තවත්සලඃ .

විෂ්ණුර්දාමෝදරඃ කෘෂ්ණෝ මාධවෝ මථුරාපතිඃ .. 90 ..

දේවකීගර්භසම්භූතෝ යශෝදාවත්සලෝ හරිඃ .

ශිවඃ සඞ්කර්ෂණඃ ශම්භුර්භූතනාථෝ දිවස්පතිඃ .. 91 ..

අව්යයඃ සර්වධර්මජ්ඤෝ නිර්මලෝ නිරුපද්රවඃ .

නිර්වාණනායකෝ නිත්යෝ නීලජීමූතසන්නිභඃ .. 92 ..

කලාක්ෂයශ්ච සර්වජ්ඤඃ කමලාරූපතත්පරඃ .

හෘෂීකේශඃ පීතවාසා වසුදේවප්රියාත්මජඃ .. 93 ..

නන්දගෝපකුමාරාර්යෝ නවනීතාශනෝ විභුඃ .

පුරාණඃ පුරුෂශ්රේෂ්ඨඃ ශඞ්ඛපාණිඃ සුවික්රමඃ .. 94 ..

අනිරුද්ධශ්චක්රධරඃ ශාර්ඞ්ගපාණිශ්චතුර්භුජඃ .

ගදාධරඃ සුරාර්තිඝ්නෝ ගෝවින්දෝ නන්දකායුධඃ .. 95 ..

බෘන්දාවනචරඃ ශෞරිර්වේණුවාද්යවිශාරදඃ .

තෘණාවර්තාන්තකෝ භීමසාහසෝ බහුවික්රමඃ .. 96 ..

ශකටාසුරසංහාරී බකාසුරවිනාශනඃ .

ධේනුකාසුරසංහාරී පූතනාරිර්නෘකේසරී .. 97 ..

පිතාමහෝ ගුරුස්සාක්ෂී ප්රත්යගාත්මා සදාශිවඃ .

අප්රමේයඃ ප්රභුඃ ප්රාජ්ඤෝ(අ)ප්රතර්ක්යඃ ස්වප්නවර්ධනඃ .. 98 ..

ධන්යෝ මාන්යෝ භවෝ භාවෝ ධීරඃ ශාන්තෝ ජගද්ගුරුඃ .

අන්තර්යාමීශ්වරෝ දිව්යෝ දෛවජ්ඤෝ දේවසංස්තුතඃ .. 99 ..

ක්ෂීරාබ්ධිශයනෝ ධාතා ලක්ෂ්මීවාන් ලක්ෂ්මණාග්රජඃ .

ධාත්රීපතිරමේයාත්මා චන්ද්රශේඛරපූජිතඃ .. 100 ..

ලෝකසාක්ෂී ජගච්චක්ෂුඃ පුණ්යචාරිත්රකීර්තනඃ .

කෝටිමන්මථසෞන්දර්යෝ ජගන්මෝහනවිග්රහඃ .. 101 ..

මන්දස්මිතතනුර්ගෝපගෝපිකාපරිවේෂ්ටිතඃ .

ඵුල්ලාරවින්දනයනශ්චාණූරාන්ධ්රනිෂූදනඃ .. 102 ..

ඉන්දීවරදලශ්යාමෝ බර්හිබර්හාවතංසකඃ .

මුරලීනිනදාහ්ලාදෝ දිව්යමාලාම්බරාවෘතඃ .. 103 ..

සුකපෝලයුගඃ සුභ්රූයුගලඃ සුලලාටකම් .

කම්බුග්රීවෝ විශාලාක්ෂෝ ලක්ෂ්මීවාඤ්ඡුභලක්ෂණඃ .. 104 ..

පීනවක්ෂාශ්චතුර්බාහුශ්චතුර්මූර්තිස්ත්රිවික්රමඃ .

කලඞ්කරහිතඃ ශුද්ධෝ දුෂ්ටශත්රුනිබර්හණඃ .. 105 ..

කිරීටකුණ්ඩලධරඃ කටකාඞ්ගදමණ්ඩිතඃ .

මුද්රිකාභරණෝපේතඃ කටිසූත්රවිරාජිතඃ .. 106 ..

මඤ්ජීරරඤ්ජිතපදඃ සර්වාභරණභූෂිතඃ .

වින්යස්තපාදයුගලෝ දිව්යමඞ්ගලවිග්රහඃ .. 107 ..

ගෝපිකානයනානන්දඃ පූර්ණචන්ද්රනිභානනඃ .

සමස්තජගදානන්දඃ සුන්දරෝ ලෝකනන්දනඃ .. 108 ..

යමුනාතීරසඤ්චාරී රාධාමන්මථවෛභවඃ .

ගෝපනාරීප්රියෝ දාන්තෝ ගෝපීවස්ත්රාපහාරකඃ .. 109 ..

ශෘඞ්ගාරමූර්තිඃ ශ්රීධාමා තාරකෝ මූලකාරණම් .

සෘෂ්ටිසංරක්ෂණෝපායඃ ක්රූරාසුරවිභඤ්ජනඃ .. 110 ..

නරකාසුරසංහාරී මුරාරිර්වෛරිමර්දනඃ .

ආදිතේයප්රියෝ දෛත්යභීකරෝ යදුශේඛරඃ .. 111 ..

ජරාසන්ධකුලධ්වංසී කංසාරාතිඃ සුවික්රමඃ .

පුණ්යශ්ලෝකඃ කීර්තනීයෝ යාදවේන්ද්රෝ ජගන්නුතඃ .. 112 ..

රුක්මිණීරමණඃ සත්යභාමාජාම්බවතීප්රියඃ .

මිත්රවින්දානාග්නජිතීලක්ෂ්මණාසමුපාසිතඃ .. 113 ..

සුධාකරකුලේ ජාතෝ(අ)නන්තඃ ප්රබලවික්රමඃ .

සර්වසෞභාග්යසම්පන්නෝ ද්වාරකාපට්ටණස්ථිතඃ .. 114 ..

භද්රාසූර්යසුතානාථෝ ලීලාමානුෂවිග්රහඃ .

සහස්රෂෝඩශස්ත්රීශෝ භෝගමෝක්ෂෛකදායකඃ .. 115 ..

වේදාන්තවේද්යඃ සංවේද්යෝ වෛද්යෝ බ්රහ්මාණ්ඩනායකඃ .

ගෝවර්ධනධරෝ නාථඃ සර්වජීවදයාපරඃ .. 116 ..

මූර්තිමාන් සර්වභූතාත්මා ආර්තත්රාණපරායණඃ .

සර්වජ්ඤඃ සර්වසුලභඃ සර්වශාස්ත්රවිශාරදඃ .. 117 ..

ෂඩ්ගුණෛශ්වර්යසම්පන්නඃ පූර්ණකාමෝ ධුරන්ධරඃ .

මහානුභාවඃ කෛවල්යදායකෝ ලෝකනායකඃ .. 118 ..

ආදිමධ්යාන්තරහිතඃ ශුද්ධසාත්ත්විකවිග්රහඃ .

අසමානඃ සමස්තාත්මා ශරණාගතවත්සලඃ .. 119 ..

උත්පත්තිස්ථිතිසංහාරකාරණං සර්වකාරණම් .

ගම්භීරඃ සර්වභාවජ්ඤඃ සච්චිදානන්දවිග්රහඃ .. 120 ..

විෂ්වක්සේනඃ සත්යසන්ධඃ සත්යවාක් සත්යවික්රමඃ .

සත්යව්රතඃ සත්යරතඃ සත්යධර්මපරායණඃ .. 121 ..

ආපන්නාර්තිප්රශමනඃ ද්රෞපදීමානරක්ෂකඃ .

කන්දර්පජනකඃ ප්රාජ්ඤෝ ජගන්නාටකවෛභවඃ .. 122 ..

භක්තිවශ්යෝ ගුණාතීතඃ සර්වෛශ්වර්යප්රදායකඃ .

දමඝෝෂසුතද්වේෂී බාණබාහුවිඛණ්ඩනඃ .. 123 ..

භීෂ්මභක්තිප්රදෝ දිව්යඃ කෞරවාන්වයනාශනඃ .

කෞන්තේයප්රියබන්ධුශ්ච පාර්ථස්යන්දනසාරථිඃ .. 124 ..

නාරසිංහෝ මහාවීරඃ ස්තම්භජාතෝ මහාබලඃ .

ප්රහ්ලාදවරදඃ සත්යෝ දේවපූජ්යෝ(අ)භයඞ්කරඃ .. 125 ..

උපේන්ද්ර ඉන්ද්රාවරජෝ වාමනෝ බලිබන්ධනඃ .

ගජේන්ද්රවරදඃ ස්වාමී සර්වදේවනමස්කෘතඃ .. 126 ..

ශේෂපර්යඞ්කශයනෝ වෛනතේයරථෝ ජයී .

අව්යාහතබලෛශ්වර්යසම්පන්නඃ පූර්ණමානසඃ .. 127 ..

යෝගීශ්වරේශ්වරඃ සාක්ෂී ක්ෂේත්රජ්ඤෝ ජ්ඤානදායකඃ .

යෝගිහෘත්පඞ්කජාවාසෝ යෝගමායාසමන්විතඃ .. 128 ..

නාදබින්දුකලාතීතශ්චතුර්වර්ගඵලප්රදඃ .

සුෂුම්නාමාර්ගසඤ්චාරී දේහස්යාන්තරසංස්ථිතඃ .. 129 ..

දේහේන්ද්රියමනඃප්රාණසාක්ෂී චේතඃප්රසාදකඃ .

සූක්ෂ්මඃ සර්වගතෝ දේහී ජ්ඤානදර්පණගෝචරඃ .. 130 ..

තත්ත්වත්රයාත්මකෝ(අ)ව්යක්තඃ කුණ්ඩලී සමුපාශ්රිතඃ .

බ්රහ්මණ්යඃ සර්වධර්මජ්ඤඃ ශාන්තෝ දාන්තෝ ගතක්ලමඃ .. 131 ..

ශ්රීනිවාසඃ සදානන්දෝ විශ්වමූර්තිර්මහාප්රභුඃ .

සහස්රශීර්ෂා පුරුෂඃ සහස්රාක්ෂඃ සහස්රපාත් .. 132 ..

සමස්තභුවනාධාරඃ සමස්තප්රාණරක්ෂකඃ .

සමස්තස්සර්වභාවජ්ඤෝ ගෝපිකාප්රාණවල්ලභඃ .. 133 ..

නිත්යෝත්සවෝ නිත්යසෞඛ්යෝ නිත්යශ්රීර්නිත්යමඞ්ගලම් .

ව්යූහාර්චිතෝ ජගන්නාථඃ ශ්රීවෛකුණ්ඨපුරාධිපඃ .. 134 ..

පූර්ණානන්දඝනීභූතෝ ගෝපවේෂධරෝ හරිඃ .

කලාපකුසුමශ්යාමඃ කෝමලඃ ශාන්තවිග්රහඃ .. 135 ..

ගෝපාඞ්ගනාවෘතෝ(අ)නන්තෝ බෘන්දාවනසමාශ්රයඃ .

වේණුනාදරතඃ ශ්රේෂ්ඨෝ දේවානාං හිතකාරකඃ .. 136 ..

ජලක්රීඩාසමාසක්තෝ නවනීතස්ය තස්කරඃ .

ගෝපාලකාමිනීජාරශ්චෝරජාරශිඛාමණිඃ .. 137 ..

පරඤ්ජ්යෝතිඃ පරාකාශඃ පරාවාසඃ පරිස්ඵුටඃ .

අෂ්ටාදශාක්ෂරෝ මන්ත්රෝ ව්යාපකෝ ලෝකපාවනඃ .. 138 ..

සප්තකෝටිමහාමන්ත්රශේඛරෝ දේවශේඛරඃ .

විජ්ඤානජ්ඤානසන්ධානස්තේජෝරාශිර්ජගත්පතිඃ .. 139 ..

භක්තලෝකප්රසන්නාත්මා භක්තමන්දාරවිග්රහඃ .

භක්තදාරිද්ර්යශමනෝ භක්තානාං ප්රීතිදායකඃ .. 140 ..

භක්තාධීනමනාඃ පූජ්යෝ භක්තලෝකශිවඞ්කරඃ .

භක්තාභීෂ්ටප්රදඃ සර්වභක්තාඝෞඝනිකෘන්තකඃ .. 141 ..

අපාරකරුණාසින්ධුර්භගවාන් භක්තතත්පරඃ .. 142 ..

[ඉති ශ්රීරාධිකානාථ නාම්නාං සාහස්රමීරිතම් . ]

ස්මරණාත්පාපරාශීනාං ඛණ්ඩනං මෘත්යුනාශනම් .. 1 ..

වෛෂ්ණවානාං ප්රියකරං මහාදාරිද්ර්යනාශනම් .

බ්රහ්මහත්යාසුරාපානං පරස්ත්රීගමනං තථා .. 2 ..

පරද්රව්යාපහරණං පරද්වේෂසමන්විතම් .

මානසං වාචිකං කායං යත්පාපං පාපසම්භවම් .. 3 ..

සහස්රනාමපඨනාත්සර්වේ නශ්යන්ති තත්ක්ෂණාත් .

මහාදාරිද්ර්යයුක්තෝ වෛ වෛෂ්ණවෝ විෂ්ණුභක්තිමාන් .. 4 ..

කාර්තික්යාං යඃ පඨේද්රාත්රෞ ශතමෂ්ටෝත්තරං ක්රමාත් .

පීතාම්බරධරෝ ධීමාන් සුගන්ධී පුෂ්පචන්දනෛඃ .. 5 ..

පුස්තකං පූජයිත්වා ච නෛවේද්යාදිභිරේව ච .

රාධාධ්යානාඞ්කිතෝ ධීරෝ වනමාලාවිභූෂිතඃ .. 6 ..

ශතමෂ්ටෝත්තරං දේවි පඨේන්නාමසහස්රකම් .

චෛත්රේ කෘෂ්ණේ ච ශුක්ලේ ච කුහූසඞ්ක්රාන්තිවාසරේ .. 7 ..

පඨිතව්යං ප්රයත්නේන ත්රෛලෝක්යං මෝහයේත් ක්ෂණාත් .

තුලසීමාලයා යුක්තෝ වෛෂ්ණවෝ භක්තිතත්පරඃ .. 8 ..

රවිවාරේ ච ශුක්රේ ච ද්වාදශ්යාං ශ්රාද්ධවාසරේ .

බ්රාහ්මණං පූජයිත්වා ච භෝජයිත්වා විධානතඃ .. 9 ..

පඨේන්නාමසහස්රං ච තතඃ සිද්ධිඃ ප්රජායතේ .

මහානිශායාං සතතං වෛෂ්ණවෝ යඃ පඨේත්සදා .. 10 ..

දේශාන්තරගතා ලක්ෂ්මීඃ සමායාති න සංශයඃ .

ත්රෛලෝක්යේ තු මහාදේවි සුන්දර්යඃ කාමමෝහිතාඃ .. 11 ..

මුග්ධාඃ ස්වයං සමායාන්ති වෛෂ්ණවං ච භජන්ති තාඃ .

රෝගී රෝගාත්ප්රමුච්යේත බද්ධෝ මුච්යේත බන්ධනාත් .. 12 ..

ගර්භිණී ජනයේත්පුත්රං කන්යා වින්දති සත්පතිම් .

රාජානෝ වශතාං යාන්ති කිං පුනඃ ක්ෂුද්රමානුෂාඃ .. 13 ..

සහස්රනාමශ්රවණාත් පඨනාත් පූජනාත් ප්රියේ .

ධාරණාත් සර්වමාප්නෝති වෛෂ්ණවෝ නාත්ර සංශයඃ .. 14 ..

වංශීවටේ චාන්යවටේ තථා පිප්පලකේ(අ)ථ වා .

කදම්බපාදපතලේ ශ්රීගෝපාලස්ය සන්නිධෞ .. 15 ..

යඃ පඨේද්වෛෂ්ණවෝ නිත්යං ස යාති හරිමන්දිරම් .

කෘෂ්ණේනෝක්තං රාධිකායෛ තයා ප්රෝක්තං පුරා ශිවේ .. 16 ..

නාරදාය මයා ප්රෝක්තං නාරදේන ප්රකාශිතම් .

මයා තව වරාරෝහේ ප්රෝක්තමේතත්සුදුර්ලභම් .. 17 ..

ගෝපනීයං ප්රයත්නේන න ප්රකාශ්යං කදාචන .

ශඨාය පාපිනේ චෛව ලම්පටාය විශේෂතඃ .. 18 ..

න දාතව්යං න දාතව්යං න දාතව්යං කදාචන .

දේයං ශාන්තාය ශිෂ්යාය විෂ්ණුභක්තිරතාය ච .. 19 ..

ගෝදානබ්රහ්මයජ්ඤාදේර්වාජපේයශතස්ය ච .

අශ්වමේධසහස්රස්ය ඵලං පාඨේ භවේද්ධ්රුවම් .. 20 ..

මෝහනං ස්තම්භනං චෛව මාරණෝච්චාටනාදිකම් .

යද්යද්වාඤ්ඡති චිත්තේන තත්තත්ප්රාප්නෝති වෛෂ්ණවඃ .. 21 ..

ඒකාදශ්යාං නරඃ ස්නාත්වා සුගන්ධද්රව්යතෛලකෛඃ .

ආහාරං බ්රාහ්මණේ දත්ත්වා දක්ෂිණාං ස්වර්ණභූෂණම් .. 22 ..

තතඃ ප්රාරම්භකර්තාසෞ සර්වං ප්රාප්නෝති මානවඃ .

ශතාවෘත්ත සහස්රං ච යඃ පඨේද්වෛෂ්ණවෝ ජනඃ .. 23 ..

ශ්රීබෘන්දාවනචන්ද්රස්ය ප්රසාදාත්සර්වමාප්නුයාත් .

යද්ගෘහේ පුස්තකං දේවි පූජිතං චෛව තිෂ්ඨති .. 24 ..

න මාරී න ච දුර්භික්ෂං නෝපසර්ගභයං ක්වචිත් .

සර්පාදිභූතයක්ෂාද්යා නශ්යන්තේ නාත්ර සංශයඃ .. 25 ..

ශ්රීගෝපාලෝ මහාදේවි වසේත්තස්ය ගෘහේ සදා .

යද්ගෘහේ ච සහස්රං ච නාම්නාං තිෂ්ඨති පූජිතම් .. 26 ..

ඉති ශ්රීසම්මෝහනතන්ත්රේ හරගෞරීසංවාදේ ශ්රීගෝපාල සහස්රනාමස්තෝත්රම් .

Roman (IAST) Transliteration

kailāsaśikhare ramye gaurī papraccha śaṅkaram |

brahmāṇḍākhilanāthastvaṃ sṛṣṭisaṃhārakārakaḥ || 1 ||

tvameva pūjyase lokairbrahmaviṣṇusurādibhiḥ |

nityaṃ paṭhasi deveśa kasya stotraṃ maheśvara || 2 ||

āścaryamidamatyantaṃ jāyate mama śaṅkara |

tatprāṇeśa mahāprājña saṃśayaṃ chindhi me prabho || 3 ||

śrīmahādeva uvāca-

dhanyāsi kṛtapuṇyāsi pārvati prāṇavallabhe |

rahasyātirahasyaṃ ca yatpṛcchasi varānane || 4 ||

strīsvabhāvānmahādevi punastvaṃ paripṛcchasi |

gopanīyaṃ gopanīyaṃ gopanīyaṃ prayatnataḥ || 5 ||

datte ca siddhihāniḥ syāttasmādyatnena gopayet |

idaṃ rahasyaṃ paramaṃ puruṣārthapradāyakam || 6 ||

dhanaratnaughamāṇikyaṃ turaṅgaṃ ca gajādikam |

dadāti smaraṇādeva mahāmokṣapradāyakam || 7 ||

tatte'haṃ sampravakṣyāmi śṛṇuṣvāvahitā priye |

yo'sau nirañjano devaścitsvarūpī janārdanaḥ || 8 ||

saṃsārasāgarottārakāraṇāya nṛṇāṃ sadā |

śrīraṅgādikarūpeṇa trailokyaṃ vyāpya tiṣṭhati || 9 ||

tato lokā mahāmūḍhā viṣṇubhaktivivarjitāḥ |

niścayaṃ nādhigacchanti punarnārāyaṇo hariḥ || 10 ||

nirañjano nirākāro bhaktānāṃ prītikāmadaḥ |

bṛndāvanavihārāya gopālaṃ rūpamudvahan || 11 ||

muralīvādanādhārī rādhāyai prītimāvahan |

aṃśāṃśebhyaḥ samunmīlya pūrṇarūpakalāyutaḥ || 12 ||

śrīkṛṣṇacandro bhagavān nandagopavarodyataḥ |

dharaṇīrūpiṇī mātā yaśodā nandagehinī || 13 ||

dvābhyāṃ prayācito nātho devakyāṃ vasudevataḥ |

brahmaṇā'bhyarthito devo devairapi sureśvaraḥ || 14 ||

jāto'vanyāṃ ca mudito muralīvācanecchayā |

śriyā sārdhaṃ vacaḥ kṛtvā tato jāto mahītale || 15 ||

saṃsārasārasarvasvaṃ śyāmalaṃ mahadujjvalam |

etajjyotirahaṃ vandyaṃ cintayāmi sanātanam || 16 ||

gauratejo vinā yastu śyāmatejassamarcayet |

japedvā dhyāyate vāpi sa bhavetpātakī śive || 17 ||

sa brahmahā surāpī ca svarṇasteyī ca pañcamaḥ |

etairdoṣairvilipyeta tejobhedānmahīśvari || 18 ||

tasmājjyotirabhūddvedhā rādhāmādhavarūpakam |

tasmādidaṃ mahādevi gopālenaiva bhāṣitam || 19 ||

durvāsaso munermohe kārtikyāṃ rāsamaṇḍale |

tataḥ pṛṣṭavatī rādhā sandehaṃ bhedamātmanaḥ || 20 ||

nirañjanātsamutpannaṃ māyātītaṃ jaganmayam |

śrīkṛṣṇena tataḥ proktaṃ rādhāyai nāradāya ca || 21 ||

tato nāradatassarvaṃ viralā vaiṣṇavāstathā |

kalau jānanti deveśi gopanīyaṃ prayatnataḥ || 22 ||

śaṭhāya kṛpaṇāyātha ḍāmbhikāya sureśvari |

brahmahatyāmavāpnoti tasmādyatnena gopayet || 23 ||

oṃ asya śrīgopālasahasranāmastotra mahāmantrasya śrīnārada ṛṣiḥ, anuṣṭup chandaḥ, śrīgopālo devatā, kāmo bījaṃ, māyā śaktiḥ, candraḥ kīlakaṃ, śrīkṛṣṇacandra bhaktirūpaphalaprāptaye śrīgopālasahasranāmastotrajape viniyogaḥ |

oṃ aiṃ klīṃ bījaṃ, śrīṃ hrīṃ śaktiḥ, śrī bṛndāvananivāsaḥ kīlakaṃ, śrīrādhāpriyaṃ paraṃ brahmeti mantraḥ, dharmādi caturvidha puruṣārthasiddhyarthe jape viniyogaḥ |

nyāsaḥ |

oṃ nārada ṛṣaye namaḥ śirasi |

anuṣṭup chandase namaḥ mukhe |

śrīgopāladevatāyai namaḥ hṛdaye |

klīṃ kīlakāya namaḥ nābhau |

hrīṃ śaktaye namaḥ guhye |

śrīṃ kīlakāya namaḥ phālayoḥ |

oṃ klīṃ kṛṣṇāya govindāya gopījanavallabhāya svāhā iti mūlamantraḥ |

karanyāsaḥ |

oṃ klāṃ aṅguṣṭhābhyāṃ namaḥ |

oṃ klīṃ tarjanībhyāṃ namaḥ |

oṃ klūṃ madhyamābhyāṃ namaḥ |

oṃ klaiṃ anāmikābhyāṃ namaḥ |

oṃ klauṃ kaniṣṭhikābhyāṃ namaḥ |

oṃ klaḥ karatalakarapṛṣṭhābhyāṃ namaḥ |

hṛdayādinyāsaḥ |

oṃ klāṃ hṛdayāya namaḥ |

oṃ klīṃ śirase svāhā |

oṃ klūṃ śikhāyai vaṣaṭ |

oṃ klaiṃ kavacāya hum |

oṃ klauṃ netratrayāya vauṣaṭ |

oṃ klaḥ astrāya phaṭ |

mūlamantranyāsaḥ |

klīṃ aṅguṣṭhābhyāṃ namaḥ |

kṛṣṇāya tarjanībhyāṃ namaḥ |

govindāya madhyamābhyāṃ namaḥ |

gopījana anāmikābhyāṃ namaḥ |

vallabhāya kaniṣṭhikābhyāṃ namaḥ |

svāhā karatalakarapṛṣṭhābhyāṃ namaḥ |

klīṃ hṛdayāya namaḥ |

kṛṣṇāya śirase svāhā |

govindāya śikhāyai vaṣaṭ |

gopījana kavacāya hum |

vallabhāya netratrayāya vauṣaṭ |

svāhā astrāya phaṭ |

dhyānam |

phullendīvarakāntiminduvadanaṃ barhāvataṃsapriyaṃ

śrīvatsāṅkamudārakaustubhadharaṃ pītāmbaraṃ sundaram |

gopīnāṃ nayanotpalārcitatanuṃ gogopasaṅghāvṛtaṃ

govindaṃ kalaveṇuvādanaparaṃ divyāṅgabhūṣaṃ bhaje || 1 ||

kastūrītilakaṃ lalāṭaphalake vakṣassthale kaustubhaṃ

nāsāgre varamauktikaṃ karatale veṇuṃ kare kaṅkaṇam |

sarvāṅge haricandanaṃ ca kalayan kaṇṭhe ca muktāvaliṃ

gopastrīpariveṣṭito vijayate gopālacūḍāmaṇiḥ || 2 ||

oṃ klīṃ devaḥ kāmadevaḥ kāmabījaśiromaṇiḥ |

śrīgopālo mahīpālo vedavedāṅgapāragaḥ || 1 ||

kṛṣṇaḥ kamalapatrākṣaḥ puṇḍarīkaḥ sanātanaḥ |

gopatirbhūpatiḥ śāstā prahartā viśvatomukhaḥ || 2 ||

ādikartā mahākartā mahākālaḥ pratāpavān |

jagajjīvo jagaddhātā jagadbhartā jagadvasuḥ || 3 ||

matsyo bhīmaḥ kuhūbhartā hartā vārāhamūrtimān |

nārāyaṇo hṛṣīkeśo govindo garuḍadhvajaḥ || 4 ||

gokuleśo mahācandraḥ śarvarīpriyakārakaḥ |

kamalāmukhalolākṣaḥ puṇḍarīkaḥ śubhāvahaḥ || 5 ||

durvāsāḥ kapilo bhaumaḥ sindhusāgarasaṅgamaḥ |

govindo gopatirgotraḥ kālindīpremapūrakaḥ || 6 ||

gopasvāmī gokulendraḥ govardhanavarapradaḥ |

nandādigokulatrātā dātā dāridryabhañjanaḥ || 7 ||

sarvamaṅgaladātā ca sarvakāmavarapradaḥ |

ādikartā mahībhartā sarvasāgarasindhujaḥ || 8 ||

gajagāmī gajoddhārī kāmī kāmakalānidhiḥ |

kalaṅkarahitaścandro bimbāsyo bimbasattamaḥ || 9 ||

mālākāraḥ kṛpākāraḥ kokilasvarabhūṣaṇaḥ |

rāmo nīlāmbaro dehī halī dvividamardanaḥ || 10 ||

sahasrākṣapurībhettā mahāmārīvināśanaḥ |

śivaḥ śivatamo bhettā balārātiprapūjakaḥ || 11 ||

kumārīvaradāyī ca vareṇyo mīnaketanaḥ |

naro nārāyaṇo dhīro dharāpatirudāradhīḥ || 12 ||

śrīpatiḥ śrīnidhiḥ śrīmān māpatiḥ pratirājahā |

bṛndāpatiḥ kulaṃ grāmī dhāma brahmasanātanaḥ || 13 ||

revatīramaṇo rāmaḥ priyaścañcalalocanaḥ |

rāmāyaṇaśarīraśca rāmo rāmaḥ śriyaḥpatiḥ || 14 ||

śarvaraḥ śarvarī śarvaḥ sarvatra śubhadāyakaḥ |

rādhārādhayitārādhī rādhācittapramodakaḥ || 15 ||

rādhāratisukhopeto rādhāmohanatatparaḥ |

rādhāvaśīkaro rādhāhṛdayāmbhojaṣaṭpadaḥ || 16 ||

rādhāliṅganasammodo rādhānartanakautukaḥ |

rādhāsañjātasamprīto rādhākāmaphalapradaḥ || 17 ||

bṛndāpatiḥ kokanidhiḥ kokaśokavināśanaḥ |

candrāpatiścandrapatiścaṇḍakodaṇḍabhañjanaḥ || 18 ||

rāmo dāśarathī rāmo bhṛguvaṃśasamudbhavaḥ |

ātmārāmo jitakrodho moho mohāndhabhañjanaḥ || 19 ||

vṛṣabhānubhavo bhāvī kāśyapiḥ karuṇānidhiḥ |

kolāhalo halo hālī halī haladharapriyaḥ || 20 ||

rādhāmukhābjamārtāṇḍo bhāskaro ravijo vidhuḥ |

vidhirvidhātā varuṇo vāruṇo vāruṇīpriyaḥ || 21 ||

rohiṇīhṛdayānandī vasudevātmajo baliḥ |

nīlāmbaro rauhiṇeyo jarāsandhavadho'malaḥ || 22 ||

nāgo javāmbho virudo vīrahā varado balī |

gopado vijayī vidvān śipiviṣṭaḥ sanātanaḥ || 23 ||

paraśurāmavacogrāhī varagrāhī sṛgālahā |

damaghoṣopadeṣṭā ca rathagrāhī sudarśanaḥ || 24 ||

vīrapatnīyaśastrātā jarāvyādhivighātakaḥ |

dvārakāvāsatattvajño hutāśanavarapradaḥ || 25 ||

yamunāvegasaṃhārī nīlāmbaradharaḥ prabhuḥ |

vibhuḥ śarāsano dhanvī gaṇeśo gaṇanāyakaḥ || 26 ||

lakṣmaṇo lakṣaṇo lakṣyo rakṣovaṃśavināśakaḥ |

vāmano vāmanībhūto vamano vamanāruhaḥ || 27 ||

yaśodānandanaḥ kartā yamalārjunamuktidaḥ |

ulūkhalī mahāmāno dāmabaddhāhvayī śamī || 28 ||

bhaktānukārī bhagavān keśavo'caladhārakaḥ |

keśihā madhuhā mohī vṛṣāsuravighātakaḥ || 29 ||

aghāsuravighātī ca pūtanāmokṣadāyakaḥ |

kubjāvinodī bhagavān kaṃsamṛtyurmahāmukhī || 30 ||

aśvamedho vājapeyo gomedho naramedhavān |

kandarpakoṭilāvaṇyaścandrakoṭisuśītalaḥ || 31 ||

ravikoṭipratīkāśo vāyukoṭimahābalaḥ |

brahmā brahmāṇḍakartā ca kamalāvāñchitapradaḥ || 32 ||

kamalī kamalākṣaśca kamalāmukhalolupaḥ |

kamalāvratadhārī ca kamalābhaḥ purandaraḥ || 33 ||

saubhāgyādhikacittaśca mahāmāyī madotkaṭaḥ |

tāṭakāriḥ suratrātā mārīcakṣobhakārakaḥ || 34 ||

viśvāmitrapriyo dānto rāmo rājīvalocanaḥ |

laṅkādhipakuladhvaṃsī vibhīṣaṇavarapradaḥ || 35 ||

sītānandakaro rāmo vīro vāridhibandhanaḥ |

kharadūṣaṇasaṃhārī sāketapuravāsavān || 36 ||

candrāvalipatiḥ kūlaḥ keśikaṃsavadho'maraḥ |

mādhavo madhuhā mādhvī mādhvīko mādhavī vibhuḥ || 37 ||

muñjāṭavīgāhamāno dhenukārirdaśātmajaḥ |

vaṃśīvaṭavihārī ca govardhanavanāśrayaḥ || 38 ||

tathā tālavanoddeśī bhāṇḍīravanaśaṅkaraḥ |

tṛṇāvartakṛpākārī vṛṣabhānusutāpatiḥ || 39 ||

rādhāprāṇasamo rādhāvadanābjamadhūtkaṭaḥ |

gopīrañjanadaivajñaḥ līlākamalapūjitaḥ || 40 ||

krīḍākamalasandoho gopikāprītirañjanaḥ |

rañjako rañjano raṅgo raṅgī raṅgamahīruhaḥ || 41 ||

kāmaḥ kāmāribhaktaśca purāṇapuruṣaḥ kaviḥ |

nārado devalo bhīmo bālo bālamukhāmbujaḥ || 42 ||

ambujo brahmasākṣī ca yogī dattavaro muniḥ |

ṛṣabhaḥ parvato grāmo nadīpavanavallabhaḥ || 43 ||

padmanābhaḥ surajyeṣṭho brahmā rudro'hibhūṣitaḥ |

gaṇānāṃ trāṇakartā ca gaṇeśo grahilo grahiḥ || 44 ||

gaṇāśrayo gaṇādhyakṣo kroḍīkṛtajagattrayaḥ |

yādavendro dvārakendro mathurāvallabho dhurī || 45 ||

bhramaraḥ kuntalī kuntīsutarakṣī mahāmanāḥ |

yamunāvaradātā ca kāśyapasya varapradaḥ || 46 ||

śaṅkhacūḍavadhoddāmo gopīrakṣaṇatatparaḥ |

pāñcajanyakaro rāmī trirāmī vanajo jayaḥ || 47 ||

phālguṇaḥ phalgunasakho virādhavadhakārakaḥ |

rukmiṇīprāṇanāthaśca satyabhāmāpriyaṅkaraḥ || 48 ||

kalpavṛkṣo mahāvṛkṣo dānavṛkṣo mahāphalaḥ |

aṅkuśo bhūsuro bhāvo bhāmako bhrāmako hariḥ || 49 ||

saralaḥ śāśvato vīro yaduvaṃśaśivātmakaḥ |

pradyumno balakartā ca prahartā daityahā prabhuḥ || 50 ||

mahādhano mahāvīro vanamālāvibhūṣaṇaḥ |

tulasīdāmaśobhāḍhyo jālandharavināśanaḥ || 51 ||

sūraḥ sūryo mṛkaṇḍuśca bhāsvaro viśvapūjitaḥ |

ravistamohā vahniśca bāḍabo baḍabānalaḥ || 52 ||

daityadarpavināśī ca garuḍo garuḍāgrajaḥ |

gopīnātho mahīnātho bṛndānātho'varodhakaḥ || 53 ||

prapañcī pañcarūpaśca latāgulmaśca gomatiḥ |

gaṅgā ca yamunārūpo godā vetravatī tathā || 54 ||

kāverī narmadā tāpī gaṇḍakī sarayū rajaḥ |

rājasastāmasassattvī sarvāṅgī sarvalocanaḥ || 55 ||

sudhāmayo'mṛtamayo yogināṃ vallabhaḥ śivaḥ |

buddho buddhimatāṃ śreṣṭho viṣṇurjiṣṇuḥ śacīpatiḥ || 56 ||

vaṃśī vaṃśadharo loko viloko mohanāśanaḥ |

ravarāvo ravo rāvo valo vālo valāhakaḥ || 57 ||

śivo rudro nalo nīlo lāṅgalī lāṅgalāśrayaḥ |

pāradaḥ pāvano haṃso haṃsārūḍho jagatpatiḥ || 58 ||

mohinīmohano māyī mahāmāyo mahāsukhī |

vṛṣo vṛṣākapiḥ kālaḥ kālīdamanakārakaḥ || 59 ||

kubjābhāgyaprado vīro rajakakṣayakārakaḥ |

komalo vāruṇī rājā jalajo jaladhārakaḥ || 60 ||

hārakaḥ sarvapāpaghnaḥ parameṣṭhī pitāmahaḥ |

khaḍgadhārī kṛpākārī rādhāramaṇasundaraḥ || 61 ||

dvādaśāraṇyasambhogī śeṣanāgaphaṇālayaḥ |

kāmaḥ śyāmaḥ sukhaśrīdaḥ śrīpatiḥ śrīnidhiḥ kṛtiḥ || 62 ||

harirharo naro nāro narottama iṣupriyaḥ |

gopālacittahartā ca kartā saṃsāratārakaḥ || 63 ||

ādidevo mahādevo gaurīgururanāśrayaḥ |

sādhurmadhurvidhurdhātā trātā'krūraparāyaṇaḥ || 64 ||

rolambī ca hayagrīvo vānarārirvanāśrayaḥ |

vanaṃ vanī vanādhyakṣo mahāvandyo mahāmuniḥ || 65 ||

syamantakamaṇiprājñaḥ vijño vighnavighātakaḥ |

govardhano vardhanīyo vardhanī vardhanapriyaḥ || 66 ||

vārdhanyo vardhano vardhī vardhiṣṇastu sukhapriyaḥ |

vardhito vardhako vṛddho bṛndārakajanapriyaḥ || 67 ||

gopālaramaṇībhartā sāmbakuṣṭhavināśanaḥ |

rukmiṇīharaṇapremā premī candrāvalīpatiḥ || 68 ||

śrīkartā viśvabhartā ca nārāyaṇa naro balī |

gaṇo gaṇapatiścaiva dattātreyo mahāmuniḥ || 69 ||

vyāso nārāyaṇo divyo bhavyo bhāvukadhārakaḥ |

śvaḥśreyasaṃ śivaṃ bhadraṃ bhāvukaṃ bhavukaṃ śubham || 70 ||

śubhātmakaḥ śubhaḥ śāstā praśasto meghanādahā |

brahmaṇyadevo dīnānāmuddhārakaraṇakṣamaḥ || 71 ||

kṛṣṇaḥ kamalapatrākṣaḥ kṛṣṇaḥ kamalalocanaḥ |

kṛṣṇaḥ kāmī sadā kṛṣṇaḥ samastapriyakārakaḥ || 72 ||

nando nandī mahānandī mādī mādanakaḥ kilī |

mīlī hilī gilī golī golo golālayo gulī || 73 ||

guggulī mārakī śākhī vaṭaḥ pippalakaḥ kṛtī |

mlecchahā kālahartā ca yaśodā yaśa eva ca || 74 ||

acyutaḥ keśavo viṣṇuḥ hariḥ satyo janārdanaḥ |

haṃso nārāyaṇo nīlo līno bhaktiparāyaṇaḥ || 75 ||

jānakīvallabho rāmo virāmo viṣanāśanaḥ |

siṃhabhānurmahābhānu-rvīrabhānurmahodadhiḥ || 76 ||

samudro'bdhirakūpāraḥ pārāvāraḥ saritpatiḥ |

gokulānandakārī ca pratijñāparipālakaḥ || 77 ||

sadārāmaḥ kṛpārāmo mahārāmo dhanurdharaḥ |

parvataḥ parvatākāro gayo geyo dvijapriyaḥ || 78 ||

kamalāśvataro rāmo rāmāyaṇapravartakaḥ |

dyaurdivo divaso divyo bhavyo bhāgī bhayāpahaḥ || 79 ||

pārvatībhāgyasahito bhartā lakṣmīsahāyavān | [vilāsavān]

vilāsī sāhasī sarvī garvī garvitalocanaḥ || 80 ||

surārirlokadharmajño jīvano jīvanāntakaḥ |

yamo yamāriryamano yamī yāmavighātakaḥ || 81 ||

vaṃśulī pāṃśulī pāṃsuḥ pāṇḍurarjunavallabhaḥ |

lalitā candrikāmālā mālī mālāmbujāśrayaḥ || 82 ||

ambujākṣo mahāyakṣo dakṣaścintāmaṇiprabhuḥ |

maṇirdinamaṇiścaiva kedāro badarīśrayaḥ || 83 ||

badarīvanasamprīto vyāsaḥ satyavatīsutaḥ |

amarārinihantā ca sudhāsindhuvidhūdayaḥ || 84 ||

candro raviḥ śivaḥ śūlī cakrī caiva gadādharaḥ |

śrīkartā śrīpatiḥ śrīdaḥ śrīdevo devakīsutaḥ || 85 ||

śrīpatiḥ puṇḍarīkākṣaḥ padmanābho jagatpatiḥ |

vāsudevo'prameyātmā keśavo garuḍadhvajaḥ || 86 ||

nārāyaṇaḥ paraṃ dhāma devadevo maheśvaraḥ |

cakrapāṇiḥ kalāpūrṇo vedavedyo dayānidhiḥ || 87 ||

bhagavān sarvabhūteśo gopālaḥ sarvapālakaḥ |

ananto nirguṇo nityo nirvikalpo nirañjanaḥ || 88 ||

nirādhāro nirākāro nirābhāso nirāśrayaḥ |

puruṣaḥ praṇavātīto mukundaḥ parameśvaraḥ || 89 ||

kṣaṇāvaniḥ sārvabhaumo vaikuṇṭho bhaktavatsalaḥ |

viṣṇurdāmodaraḥ kṛṣṇo mādhavo mathurāpatiḥ || 90 ||

devakīgarbhasambhūto yaśodāvatsalo hariḥ |

śivaḥ saṅkarṣaṇaḥ śambhurbhūtanātho divaspatiḥ || 91 ||

avyayaḥ sarvadharmajño nirmalo nirupadravaḥ |

nirvāṇanāyako nityo nīlajīmūtasannibhaḥ || 92 ||

kalākṣayaśca sarvajñaḥ kamalārūpatatparaḥ |

hṛṣīkeśaḥ pītavāsā vasudevapriyātmajaḥ || 93 ||

nandagopakumārāryo navanītāśano vibhuḥ |

purāṇaḥ puruṣaśreṣṭhaḥ śaṅkhapāṇiḥ suvikramaḥ || 94 ||

aniruddhaścakradharaḥ śārṅgapāṇiścaturbhujaḥ |

gadādharaḥ surārtighno govindo nandakāyudhaḥ || 95 ||

bṛndāvanacaraḥ śaurirveṇuvādyaviśāradaḥ |

tṛṇāvartāntako bhīmasāhaso bahuvikramaḥ || 96 ||

śakaṭāsurasaṃhārī bakāsuravināśanaḥ |

dhenukāsurasaṃhārī pūtanārirnṛkesarī || 97 ||

pitāmaho gurussākṣī pratyagātmā sadāśivaḥ |

aprameyaḥ prabhuḥ prājño'pratarkyaḥ svapnavardhanaḥ || 98 ||

dhanyo mānyo bhavo bhāvo dhīraḥ śānto jagadguruḥ |

antaryāmīśvaro divyo daivajño devasaṃstutaḥ || 99 ||

kṣīrābdhiśayano dhātā lakṣmīvān lakṣmaṇāgrajaḥ |

dhātrīpatirameyātmā candraśekharapūjitaḥ || 100 ||

lokasākṣī jagaccakṣuḥ puṇyacāritrakīrtanaḥ |

koṭimanmathasaundaryo jaganmohanavigrahaḥ || 101 ||

mandasmitatanurgopagopikāpariveṣṭitaḥ |

phullāravindanayanaścāṇūrāndhraniṣūdanaḥ || 102 ||

indīvaradalaśyāmo barhibarhāvataṃsakaḥ |

muralīninadāhlādo divyamālāmbarāvṛtaḥ || 103 ||

sukapolayugaḥ subhrūyugalaḥ sulalāṭakam |

kambugrīvo viśālākṣo lakṣmīvāñchubhalakṣaṇaḥ || 104 ||

pīnavakṣāścaturbāhuścaturmūrtistrivikramaḥ |

kalaṅkarahitaḥ śuddho duṣṭaśatrunibarhaṇaḥ || 105 ||

kirīṭakuṇḍaladharaḥ kaṭakāṅgadamaṇḍitaḥ |

mudrikābharaṇopetaḥ kaṭisūtravirājitaḥ || 106 ||

mañjīrarañjitapadaḥ sarvābharaṇabhūṣitaḥ |

vinyastapādayugalo divyamaṅgalavigrahaḥ || 107 ||

gopikānayanānandaḥ pūrṇacandranibhānanaḥ |

samastajagadānandaḥ sundaro lokanandanaḥ || 108 ||

yamunātīrasañcārī rādhāmanmathavaibhavaḥ |

gopanārīpriyo dānto gopīvastrāpahārakaḥ || 109 ||

śṛṅgāramūrtiḥ śrīdhāmā tārako mūlakāraṇam |

sṛṣṭisaṃrakṣaṇopāyaḥ krūrāsuravibhañjanaḥ || 110 ||

narakāsurasaṃhārī murārirvairimardanaḥ |

āditeyapriyo daityabhīkaro yaduśekharaḥ || 111 ||

jarāsandhakuladhvaṃsī kaṃsārātiḥ suvikramaḥ |

puṇyaślokaḥ kīrtanīyo yādavendro jagannutaḥ || 112 ||

rukmiṇīramaṇaḥ satyabhāmājāmbavatīpriyaḥ |

mitravindānāgnajitīlakṣmaṇāsamupāsitaḥ || 113 ||

sudhākarakule jāto'nantaḥ prabalavikramaḥ |

sarvasaubhāgyasampanno dvārakāpaṭṭaṇasthitaḥ || 114 ||

bhadrāsūryasutānātho līlāmānuṣavigrahaḥ |

sahasraṣoḍaśastrīśo bhogamokṣaikadāyakaḥ || 115 ||

vedāntavedyaḥ saṃvedyo vaidyo brahmāṇḍanāyakaḥ |

govardhanadharo nāthaḥ sarvajīvadayāparaḥ || 116 ||

mūrtimān sarvabhūtātmā ārtatrāṇaparāyaṇaḥ |

sarvajñaḥ sarvasulabhaḥ sarvaśāstraviśāradaḥ || 117 ||

ṣaḍguṇaiśvaryasampannaḥ pūrṇakāmo dhurandharaḥ |

mahānubhāvaḥ kaivalyadāyako lokanāyakaḥ || 118 ||

ādimadhyāntarahitaḥ śuddhasāttvikavigrahaḥ |

asamānaḥ samastātmā śaraṇāgatavatsalaḥ || 119 ||

utpattisthitisaṃhārakāraṇaṃ sarvakāraṇam |

gambhīraḥ sarvabhāvajñaḥ saccidānandavigrahaḥ || 120 ||

viṣvaksenaḥ satyasandhaḥ satyavāk satyavikramaḥ |

satyavrataḥ satyarataḥ satyadharmaparāyaṇaḥ || 121 ||

āpannārtipraśamanaḥ draupadīmānarakṣakaḥ |

kandarpajanakaḥ prājño jagannāṭakavaibhavaḥ || 122 ||

bhaktivaśyo guṇātītaḥ sarvaiśvaryapradāyakaḥ |

damaghoṣasutadveṣī bāṇabāhuvikhaṇḍanaḥ || 123 ||

bhīṣmabhaktiprado divyaḥ kauravānvayanāśanaḥ |

kaunteyapriyabandhuśca pārthasyandanasārathiḥ || 124 ||

nārasiṃho mahāvīraḥ stambhajāto mahābalaḥ |

prahlādavaradaḥ satyo devapūjyo'bhayaṅkaraḥ || 125 ||

upendra indrāvarajo vāmano balibandhanaḥ |

gajendravaradaḥ svāmī sarvadevanamaskṛtaḥ || 126 ||

śeṣaparyaṅkaśayano vainateyaratho jayī |

avyāhatabalaiśvaryasampannaḥ pūrṇamānasaḥ || 127 ||

yogīśvareśvaraḥ sākṣī kṣetrajño jñānadāyakaḥ |

yogihṛtpaṅkajāvāso yogamāyāsamanvitaḥ || 128 ||

nādabindukalātītaścaturvargaphalapradaḥ |

suṣumnāmārgasañcārī dehasyāntarasaṃsthitaḥ || 129 ||

dehendriyamanaḥprāṇasākṣī cetaḥprasādakaḥ |

sūkṣmaḥ sarvagato dehī jñānadarpaṇagocaraḥ || 130 ||

tattvatrayātmako'vyaktaḥ kuṇḍalī samupāśritaḥ |

brahmaṇyaḥ sarvadharmajñaḥ śānto dānto gataklamaḥ || 131 ||

śrīnivāsaḥ sadānando viśvamūrtirmahāprabhuḥ |

sahasraśīrṣā puruṣaḥ sahasrākṣaḥ sahasrapāt || 132 ||

samastabhuvanādhāraḥ samastaprāṇarakṣakaḥ |

samastassarvabhāvajño gopikāprāṇavallabhaḥ || 133 ||

nityotsavo nityasaukhyo nityaśrīrnityamaṅgalam |

vyūhārcito jagannāthaḥ śrīvaikuṇṭhapurādhipaḥ || 134 ||

pūrṇānandaghanībhūto gopaveṣadharo hariḥ |

kalāpakusumaśyāmaḥ komalaḥ śāntavigrahaḥ || 135 ||

gopāṅganāvṛto'nanto bṛndāvanasamāśrayaḥ |

veṇunādarataḥ śreṣṭho devānāṃ hitakārakaḥ || 136 ||

jalakrīḍāsamāsakto navanītasya taskaraḥ |

gopālakāminījāraścorajāraśikhāmaṇiḥ || 137 ||

parañjyotiḥ parākāśaḥ parāvāsaḥ parisphuṭaḥ |

aṣṭādaśākṣaro mantro vyāpako lokapāvanaḥ || 138 ||

saptakoṭimahāmantraśekharo devaśekharaḥ |

vijñānajñānasandhānastejorāśirjagatpatiḥ || 139 ||

bhaktalokaprasannātmā bhaktamandāravigrahaḥ |

bhaktadāridryaśamano bhaktānāṃ prītidāyakaḥ || 140 ||

bhaktādhīnamanāḥ pūjyo bhaktalokaśivaṅkaraḥ |

bhaktābhīṣṭapradaḥ sarvabhaktāghaughanikṛntakaḥ || 141 ||

apārakaruṇāsindhurbhagavān bhaktatatparaḥ || 142 ||

[iti śrīrādhikānātha nāmnāṃ sāhasramīritam | ]

smaraṇātpāparāśīnāṃ khaṇḍanaṃ mṛtyunāśanam || 1 ||

vaiṣṇavānāṃ priyakaraṃ mahādāridryanāśanam |

brahmahatyāsurāpānaṃ parastrīgamanaṃ tathā || 2 ||

paradravyāpaharaṇaṃ paradveṣasamanvitam |

mānasaṃ vācikaṃ kāyaṃ yatpāpaṃ pāpasambhavam || 3 ||

sahasranāmapaṭhanātsarve naśyanti tatkṣaṇāt |

mahādāridryayukto vai vaiṣṇavo viṣṇubhaktimān || 4 ||

kārtikyāṃ yaḥ paṭhedrātrau śatamaṣṭottaraṃ kramāt |

pītāmbaradharo dhīmān sugandhī puṣpacandanaiḥ || 5 ||

pustakaṃ pūjayitvā ca naivedyādibhireva ca |

rādhādhyānāṅkito dhīro vanamālāvibhūṣitaḥ || 6 ||

śatamaṣṭottaraṃ devi paṭhennāmasahasrakam |

caitre kṛṣṇe ca śukle ca kuhūsaṅkrāntivāsare || 7 ||

paṭhitavyaṃ prayatnena trailokyaṃ mohayet kṣaṇāt |

tulasīmālayā yukto vaiṣṇavo bhaktitatparaḥ || 8 ||

ravivāre ca śukre ca dvādaśyāṃ śrāddhavāsare |

brāhmaṇaṃ pūjayitvā ca bhojayitvā vidhānataḥ || 9 ||

paṭhennāmasahasraṃ ca tataḥ siddhiḥ prajāyate |

mahāniśāyāṃ satataṃ vaiṣṇavo yaḥ paṭhetsadā || 10 ||

deśāntaragatā lakṣmīḥ samāyāti na saṃśayaḥ |

trailokye tu mahādevi sundaryaḥ kāmamohitāḥ || 11 ||

mugdhāḥ svayaṃ samāyānti vaiṣṇavaṃ ca bhajanti tāḥ |

rogī rogātpramucyeta baddho mucyeta bandhanāt || 12 ||

garbhiṇī janayetputraṃ kanyā vindati satpatim |

rājāno vaśatāṃ yānti kiṃ punaḥ kṣudramānuṣāḥ || 13 ||

sahasranāmaśravaṇāt paṭhanāt pūjanāt priye |

dhāraṇāt sarvamāpnoti vaiṣṇavo nātra saṃśayaḥ || 14 ||

vaṃśīvaṭe cānyavaṭe tathā pippalake'tha vā |

kadambapādapatale śrīgopālasya sannidhau || 15 ||

yaḥ paṭhedvaiṣṇavo nityaṃ sa yāti harimandiram |

kṛṣṇenoktaṃ rādhikāyai tayā proktaṃ purā śive || 16 ||

nāradāya mayā proktaṃ nāradena prakāśitam |

mayā tava varārohe proktametatsudurlabham || 17 ||

gopanīyaṃ prayatnena na prakāśyaṃ kadācana |

śaṭhāya pāpine caiva lampaṭāya viśeṣataḥ || 18 ||

na dātavyaṃ na dātavyaṃ na dātavyaṃ kadācana |

deyaṃ śāntāya śiṣyāya viṣṇubhaktiratāya ca || 19 ||

godānabrahmayajñādervājapeyaśatasya ca |

aśvamedhasahasrasya phalaṃ pāṭhe bhaveddhruvam || 20 ||

mohanaṃ stambhanaṃ caiva māraṇoccāṭanādikam |

yadyadvāñchati cittena tattatprāpnoti vaiṣṇavaḥ || 21 ||

ekādaśyāṃ naraḥ snātvā sugandhadravyatailakaiḥ |

āhāraṃ brāhmaṇe dattvā dakṣiṇāṃ svarṇabhūṣaṇam || 22 ||

tataḥ prārambhakartāsau sarvaṃ prāpnoti mānavaḥ |

śatāvṛtta sahasraṃ ca yaḥ paṭhedvaiṣṇavo janaḥ || 23 ||

śrībṛndāvanacandrasya prasādātsarvamāpnuyāt |

yadgṛhe pustakaṃ devi pūjitaṃ caiva tiṣṭhati || 24 ||

na mārī na ca durbhikṣaṃ nopasargabhayaṃ kvacit |

sarpādibhūtayakṣādyā naśyante nātra saṃśayaḥ || 25 ||

śrīgopālo mahādevi vasettasya gṛhe sadā |

yadgṛhe ca sahasraṃ ca nāmnāṃ tiṣṭhati pūjitam || 26 ||

iti śrīsammohanatantre haragaurīsaṃvāde śrīgopāla sahasranāmastotram |

Sanskrit — Devanagari (original)

कैलासशिखरे रम्ये गौरी पप्रच्छ शङ्करम् ।

ब्रह्माण्डाखिलनाथस्त्वं सृष्टिसंहारकारकः ॥ 1 ॥

त्वमेव पूज्यसे लोकैर्ब्रह्मविष्णुसुरादिभिः ।

नित्यं पठसि देवेश कस्य स्तोत्रं महेश्वर ॥ 2 ॥

आश्चर्यमिदमत्यन्तं जायते मम शङ्कर ।

तत्प्राणेश महाप्राज्ञ संशयं छिन्धि मे प्रभो ॥ 3 ॥

श्रीमहादेव उवाच-

धन्यासि कृतपुण्यासि पार्वति प्राणवल्लभे ।

रहस्यातिरहस्यं च यत्पृच्छसि वरानने ॥ 4 ॥

स्त्रीस्वभावान्महादेवि पुनस्त्वं परिपृच्छसि ।

गोपनीयं गोपनीयं गोपनीयं प्रयत्नतः ॥ 5 ॥

दत्ते च सिद्धिहानिः स्यात्तस्माद्यत्नेन गोपयेत् ।

इदं रहस्यं परमं पुरुषार्थप्रदायकम् ॥ 6 ॥

धनरत्नौघमाणिक्यं तुरङ्गं च गजादिकम् ।

ददाति स्मरणादेव महामोक्षप्रदायकम् ॥ 7 ॥

तत्तेऽहं सम्प्रवक्ष्यामि शृणुष्वावहिता प्रिये ।

योऽसौ निरञ्जनो देवश्चित्स्वरूपी जनार्दनः ॥ 8 ॥

संसारसागरोत्तारकारणाय नृणां सदा ।

श्रीरङ्गादिकरूपेण त्रैलोक्यं व्याप्य तिष्ठति ॥ 9 ॥

ततो लोका महामूढा विष्णुभक्तिविवर्जिताः ।

निश्चयं नाधिगच्छन्ति पुनर्नारायणो हरिः ॥ 10 ॥

निरञ्जनो निराकारो भक्तानां प्रीतिकामदः ।

बृन्दावनविहाराय गोपालं रूपमुद्वहन् ॥ 11 ॥

मुरलीवादनाधारी राधायै प्रीतिमावहन् ।

अंशांशेभ्यः समुन्मील्य पूर्णरूपकलायुतः ॥ 12 ॥

श्रीकृष्णचन्द्रो भगवान् नन्दगोपवरोद्यतः ।

धरणीरूपिणी माता यशोदा नन्दगेहिनी ॥ 13 ॥

द्वाभ्यां प्रयाचितो नाथो देवक्यां वसुदेवतः ।

ब्रह्मणाऽभ्यर्थितो देवो देवैरपि सुरेश्वरः ॥ 14 ॥

जातोऽवन्यां च मुदितो मुरलीवाचनेच्छया ।

श्रिया सार्धं वचः कृत्वा ततो जातो महीतले ॥ 15 ॥

संसारसारसर्वस्वं श्यामलं महदुज्ज्वलम् ।

एतज्ज्योतिरहं वन्द्यं चिन्तयामि सनातनम् ॥ 16 ॥

गौरतेजो विना यस्तु श्यामतेजस्समर्चयेत् ।

जपेद्वा ध्यायते वापि स भवेत्पातकी शिवे ॥ 17 ॥

स ब्रह्महा सुरापी च स्वर्णस्तेयी च पञ्चमः ।

एतैर्दोषैर्विलिप्येत तेजोभेदान्महीश्वरि ॥ 18 ॥

तस्माज्ज्योतिरभूद्द्वेधा राधामाधवरूपकम् ।

तस्मादिदं महादेवि गोपालेनैव भाषितम् ॥ 19 ॥

दुर्वाससो मुनेर्मोहे कार्तिक्यां रासमण्डले ।

ततः पृष्टवती राधा सन्देहं भेदमात्मनः ॥ 20 ॥

निरञ्जनात्समुत्पन्नं मायातीतं जगन्मयम् ।

श्रीकृष्णेन ततः प्रोक्तं राधायै नारदाय च ॥ 21 ॥

ततो नारदतस्सर्वं विरला वैष्णवास्तथा ।

कलौ जानन्ति देवेशि गोपनीयं प्रयत्नतः ॥ 22 ॥

शठाय कृपणायाथ डाम्भिकाय सुरेश्वरि ।

ब्रह्महत्यामवाप्नोति तस्माद्यत्नेन गोपयेत् ॥ 23 ॥

ॐ अस्य श्रीगोपालसहस्रनामस्तोत्र महामन्त्रस्य श्रीनारद ऋषिः, अनुष्टुप् छन्दः, श्रीगोपालो देवता, कामो बीजं, माया शक्तिः, चन्द्रः कीलकं, श्रीकृष्णचन्द्र भक्तिरूपफलप्राप्तये श्रीगोपालसहस्रनामस्तोत्रजपे विनियोगः ।

ॐ ऐं क्लीं बीजं, श्रीं ह्रीं शक्तिः, श्री बृन्दावननिवासः कीलकं, श्रीराधाप्रियं परं ब्रह्मेति मन्त्रः, धर्मादि चतुर्विध पुरुषार्थसिद्ध्यर्थे जपे विनियोगः ।

न्यासः ।

ॐ नारद ऋषये नमः शिरसि ।

अनुष्टुप् छन्दसे नमः मुखे ।

श्रीगोपालदेवतायै नमः हृदये ।

क्लीं कीलकाय नमः नाभौ ।

ह्रीं शक्तये नमः गुह्ये ।

श्रीं कीलकाय नमः फालयोः ।

ॐ क्लीं कृष्णाय गोविन्दाय गोपीजनवल्लभाय स्वाहा इति मूलमन्त्रः ।

करन्यासः ।

ॐ क्लां अङ्गुष्ठाभ्यां नमः ।

ॐ क्लीं तर्जनीभ्यां नमः ।

ॐ क्लूं मध्यमाभ्यां नमः ।

ॐ क्लैं अनामिकाभ्यां नमः ।

ॐ क्लौं कनिष्ठिकाभ्यां नमः ।

ॐ क्लः करतलकरपृष्ठाभ्यां नमः ।

हृदयादिन्यासः ।

ॐ क्लां हृदयाय नमः ।

ॐ क्लीं शिरसे स्वाहा ।

ॐ क्लूं शिखायै वषट् ।

ॐ क्लैं कवचाय हुम् ।

ॐ क्लौं नेत्रत्रयाय वौषट् ।

ॐ क्लः अस्त्राय फट् ।

मूलमन्त्रन्यासः ।

क्लीं अङ्गुष्ठाभ्यां नमः ।

कृष्णाय तर्जनीभ्यां नमः ।

गोविन्दाय मध्यमाभ्यां नमः ।

गोपीजन अनामिकाभ्यां नमः ।

वल्लभाय कनिष्ठिकाभ्यां नमः ।

स्वाहा करतलकरपृष्ठाभ्यां नमः ।

क्लीं हृदयाय नमः ।

कृष्णाय शिरसे स्वाहा ।

गोविन्दाय शिखायै वषट् ।

गोपीजन कवचाय हुम् ।

वल्लभाय नेत्रत्रयाय वौषट् ।

स्वाहा अस्त्राय फट् ।

ध्यानम् ।

फुल्लेन्दीवरकान्तिमिन्दुवदनं बर्हावतंसप्रियं

श्रीवत्साङ्कमुदारकौस्तुभधरं पीताम्बरं सुन्दरम् ।

गोपीनां नयनोत्पलार्चिततनुं गोगोपसङ्घावृतं

गोविन्दं कलवेणुवादनपरं दिव्याङ्गभूषं भजे ॥ 1 ॥

कस्तूरीतिलकं ललाटफलके वक्षस्स्थले कौस्तुभं

नासाग्रे वरमौक्तिकं करतले वेणुं करे कङ्कणम् ।

सर्वाङ्गे हरिचन्दनं च कलयन् कण्ठे च मुक्तावलिं

गोपस्त्रीपरिवेष्टितो विजयते गोपालचूडामणिः ॥ 2 ॥

ॐ क्लीं देवः कामदेवः कामबीजशिरोमणिः ।

श्रीगोपालो महीपालो वेदवेदाङ्गपारगः ॥ 1 ॥

कृष्णः कमलपत्राक्षः पुण्डरीकः सनातनः ।

गोपतिर्भूपतिः शास्ता प्रहर्ता विश्वतोमुखः ॥ 2 ॥

आदिकर्ता महाकर्ता महाकालः प्रतापवान् ।

जगज्जीवो जगद्धाता जगद्भर्ता जगद्वसुः ॥ 3 ॥

मत्स्यो भीमः कुहूभर्ता हर्ता वाराहमूर्तिमान् ।

नारायणो हृषीकेशो गोविन्दो गरुडध्वजः ॥ 4 ॥

गोकुलेशो महाचन्द्रः शर्वरीप्रियकारकः ।

कमलामुखलोलाक्षः पुण्डरीकः शुभावहः ॥ 5 ॥

दुर्वासाः कपिलो भौमः सिन्धुसागरसङ्गमः ।

गोविन्दो गोपतिर्गोत्रः कालिन्दीप्रेमपूरकः ॥ 6 ॥

गोपस्वामी गोकुलेन्द्रः गोवर्धनवरप्रदः ।

नन्दादिगोकुलत्राता दाता दारिद्र्यभञ्जनः ॥ 7 ॥

सर्वमङ्गलदाता च सर्वकामवरप्रदः ।

आदिकर्ता महीभर्ता सर्वसागरसिन्धुजः ॥ 8 ॥

गजगामी गजोद्धारी कामी कामकलानिधिः ।

कलङ्करहितश्चन्द्रो बिम्बास्यो बिम्बसत्तमः ॥ 9 ॥

मालाकारः कृपाकारः कोकिलस्वरभूषणः ।

रामो नीलाम्बरो देही हली द्विविदमर्दनः ॥ 10 ॥

सहस्राक्षपुरीभेत्ता महामारीविनाशनः ।

शिवः शिवतमो भेत्ता बलारातिप्रपूजकः ॥ 11 ॥

कुमारीवरदायी च वरेण्यो मीनकेतनः ।

नरो नारायणो धीरो धरापतिरुदारधीः ॥ 12 ॥

श्रीपतिः श्रीनिधिः श्रीमान् मापतिः प्रतिराजहा ।

बृन्दापतिः कुलं ग्रामी धाम ब्रह्मसनातनः ॥ 13 ॥

रेवतीरमणो रामः प्रियश्चञ्चललोचनः ।

रामायणशरीरश्च रामो रामः श्रियःपतिः ॥ 14 ॥

शर्वरः शर्वरी शर्वः सर्वत्र शुभदायकः ।

राधाराधयिताराधी राधाचित्तप्रमोदकः ॥ 15 ॥

राधारतिसुखोपेतो राधामोहनतत्परः ।

राधावशीकरो राधाहृदयाम्भोजषट्पदः ॥ 16 ॥

राधालिङ्गनसम्मोदो राधानर्तनकौतुकः ।

राधासञ्जातसम्प्रीतो राधाकामफलप्रदः ॥ 17 ॥

बृन्दापतिः कोकनिधिः कोकशोकविनाशनः ।

चन्द्रापतिश्चन्द्रपतिश्चण्डकोदण्डभञ्जनः ॥ 18 ॥

रामो दाशरथी रामो भृगुवंशसमुद्भवः ।

आत्मारामो जितक्रोधो मोहो मोहान्धभञ्जनः ॥ 19 ॥

वृषभानुभवो भावी काश्यपिः करुणानिधिः ।

कोलाहलो हलो हाली हली हलधरप्रियः ॥ 20 ॥

राधामुखाब्जमार्ताण्डो भास्करो रविजो विधुः ।

विधिर्विधाता वरुणो वारुणो वारुणीप्रियः ॥ 21 ॥

रोहिणीहृदयानन्दी वसुदेवात्मजो बलिः ।

नीलाम्बरो रौहिणेयो जरासन्धवधोऽमलः ॥ 22 ॥

नागो जवाम्भो विरुदो वीरहा वरदो बली ।

गोपदो विजयी विद्वान् शिपिविष्टः सनातनः ॥ 23 ॥

परशुरामवचोग्राही वरग्राही सृगालहा ।

दमघोषोपदेष्टा च रथग्राही सुदर्शनः ॥ 24 ॥

वीरपत्नीयशस्त्राता जराव्याधिविघातकः ।

द्वारकावासतत्त्वज्ञो हुताशनवरप्रदः ॥ 25 ॥

यमुनावेगसंहारी नीलाम्बरधरः प्रभुः ।

विभुः शरासनो धन्वी गणेशो गणनायकः ॥ 26 ॥

लक्ष्मणो लक्षणो लक्ष्यो रक्षोवंशविनाशकः ।

वामनो वामनीभूतो वमनो वमनारुहः ॥ 27 ॥

यशोदानन्दनः कर्ता यमलार्जुनमुक्तिदः ।

उलूखली महामानो दामबद्धाह्वयी शमी ॥ 28 ॥

भक्तानुकारी भगवान् केशवोऽचलधारकः ।

केशिहा मधुहा मोही वृषासुरविघातकः ॥ 29 ॥

अघासुरविघाती च पूतनामोक्षदायकः ।

कुब्जाविनोदी भगवान् कंसमृत्युर्महामुखी ॥ 30 ॥

अश्वमेधो वाजपेयो गोमेधो नरमेधवान् ।

कन्दर्पकोटिलावण्यश्चन्द्रकोटिसुशीतलः ॥ 31 ॥

रविकोटिप्रतीकाशो वायुकोटिमहाबलः ।

ब्रह्मा ब्रह्माण्डकर्ता च कमलावाञ्छितप्रदः ॥ 32 ॥

कमली कमलाक्षश्च कमलामुखलोलुपः ।

कमलाव्रतधारी च कमलाभः पुरन्दरः ॥ 33 ॥

सौभाग्याधिकचित्तश्च महामायी मदोत्कटः ।

ताटकारिः सुरत्राता मारीचक्षोभकारकः ॥ 34 ॥

विश्वामित्रप्रियो दान्तो रामो राजीवलोचनः ।

लङ्काधिपकुलध्वंसी विभीषणवरप्रदः ॥ 35 ॥

सीतानन्दकरो रामो वीरो वारिधिबन्धनः ।

खरदूषणसंहारी साकेतपुरवासवान् ॥ 36 ॥

चन्द्रावलिपतिः कूलः केशिकंसवधोऽमरः ।

माधवो मधुहा माध्वी माध्वीको माधवी विभुः ॥ 37 ॥

मुञ्जाटवीगाहमानो धेनुकारिर्दशात्मजः ।

वंशीवटविहारी च गोवर्धनवनाश्रयः ॥ 38 ॥

तथा तालवनोद्देशी भाण्डीरवनशङ्करः ।

तृणावर्तकृपाकारी वृषभानुसुतापतिः ॥ 39 ॥

राधाप्राणसमो राधावदनाब्जमधूत्कटः ।

गोपीरञ्जनदैवज्ञः लीलाकमलपूजितः ॥ 40 ॥

क्रीडाकमलसन्दोहो गोपिकाप्रीतिरञ्जनः ।

रञ्जको रञ्जनो रङ्गो रङ्गी रङ्गमहीरुहः ॥ 41 ॥

कामः कामारिभक्तश्च पुराणपुरुषः कविः ।

नारदो देवलो भीमो बालो बालमुखाम्बुजः ॥ 42 ॥

अम्बुजो ब्रह्मसाक्षी च योगी दत्तवरो मुनिः ।

ऋषभः पर्वतो ग्रामो नदीपवनवल्लभः ॥ 43 ॥

पद्मनाभः सुरज्येष्ठो ब्रह्मा रुद्रोऽहिभूषितः ।

गणानां त्राणकर्ता च गणेशो ग्रहिलो ग्रहिः ॥ 44 ॥

गणाश्रयो गणाध्यक्षो क्रोडीकृतजगत्त्रयः ।

यादवेन्द्रो द्वारकेन्द्रो मथुरावल्लभो धुरी ॥ 45 ॥

भ्रमरः कुन्तली कुन्तीसुतरक्षी महामनाः ।

यमुनावरदाता च काश्यपस्य वरप्रदः ॥ 46 ॥

शङ्खचूडवधोद्दामो गोपीरक्षणतत्परः ।

पाञ्चजन्यकरो रामी त्रिरामी वनजो जयः ॥ 47 ॥

फाल्गुणः फल्गुनसखो विराधवधकारकः ।

रुक्मिणीप्राणनाथश्च सत्यभामाप्रियङ्करः ॥ 48 ॥

कल्पवृक्षो महावृक्षो दानवृक्षो महाफलः ।

अङ्कुशो भूसुरो भावो भामको भ्रामको हरिः ॥ 49 ॥

सरलः शाश्वतो वीरो यदुवंशशिवात्मकः ।

प्रद्युम्नो बलकर्ता च प्रहर्ता दैत्यहा प्रभुः ॥ 50 ॥

महाधनो महावीरो वनमालाविभूषणः ।

तुलसीदामशोभाढ्यो जालन्धरविनाशनः ॥ 51 ॥

सूरः सूर्यो मृकण्डुश्च भास्वरो विश्वपूजितः ।

रविस्तमोहा वह्निश्च बाडबो बडबानलः ॥ 52 ॥

दैत्यदर्पविनाशी च गरुडो गरुडाग्रजः ।

गोपीनाथो महीनाथो बृन्दानाथोऽवरोधकः ॥ 53 ॥

प्रपञ्ची पञ्चरूपश्च लतागुल्मश्च गोमतिः ।

गङ्गा च यमुनारूपो गोदा वेत्रवती तथा ॥ 54 ॥

कावेरी नर्मदा तापी गण्डकी सरयू रजः ।

राजसस्तामसस्सत्त्वी सर्वाङ्गी सर्वलोचनः ॥ 55 ॥

सुधामयोऽमृतमयो योगिनां वल्लभः शिवः ।

बुद्धो बुद्धिमतां श्रेष्ठो विष्णुर्जिष्णुः शचीपतिः ॥ 56 ॥

वंशी वंशधरो लोको विलोको मोहनाशनः ।

रवरावो रवो रावो वलो वालो वलाहकः ॥ 57 ॥

शिवो रुद्रो नलो नीलो लाङ्गली लाङ्गलाश्रयः ।

पारदः पावनो हंसो हंसारूढो जगत्पतिः ॥ 58 ॥

मोहिनीमोहनो मायी महामायो महासुखी ।

वृषो वृषाकपिः कालः कालीदमनकारकः ॥ 59 ॥

कुब्जाभाग्यप्रदो वीरो रजकक्षयकारकः ।

कोमलो वारुणी राजा जलजो जलधारकः ॥ 60 ॥

हारकः सर्वपापघ्नः परमेष्ठी पितामहः ।

खड्गधारी कृपाकारी राधारमणसुन्दरः ॥ 61 ॥

द्वादशारण्यसम्भोगी शेषनागफणालयः ।

कामः श्यामः सुखश्रीदः श्रीपतिः श्रीनिधिः कृतिः ॥ 62 ॥

हरिर्हरो नरो नारो नरोत्तम इषुप्रियः ।

गोपालचित्तहर्ता च कर्ता संसारतारकः ॥ 63 ॥

आदिदेवो महादेवो गौरीगुरुरनाश्रयः ।

साधुर्मधुर्विधुर्धाता त्राताऽक्रूरपरायणः ॥ 64 ॥

रोलम्बी च हयग्रीवो वानरारिर्वनाश्रयः ।

वनं वनी वनाध्यक्षो महावन्द्यो महामुनिः ॥ 65 ॥

स्यमन्तकमणिप्राज्ञः विज्ञो विघ्नविघातकः ।

गोवर्धनो वर्धनीयो वर्धनी वर्धनप्रियः ॥ 66 ॥

वार्धन्यो वर्धनो वर्धी वर्धिष्णस्तु सुखप्रियः ।

वर्धितो वर्धको वृद्धो बृन्दारकजनप्रियः ॥ 67 ॥

गोपालरमणीभर्ता साम्बकुष्ठविनाशनः ।

रुक्मिणीहरणप्रेमा प्रेमी चन्द्रावलीपतिः ॥ 68 ॥

श्रीकर्ता विश्वभर्ता च नारायण नरो बली ।

गणो गणपतिश्चैव दत्तात्रेयो महामुनिः ॥ 69 ॥

व्यासो नारायणो दिव्यो भव्यो भावुकधारकः ।

श्वःश्रेयसं शिवं भद्रं भावुकं भवुकं शुभम् ॥ 70 ॥

शुभात्मकः शुभः शास्ता प्रशस्तो मेघनादहा ।

ब्रह्मण्यदेवो दीनानामुद्धारकरणक्षमः ॥ 71 ॥

कृष्णः कमलपत्राक्षः कृष्णः कमललोचनः ।

कृष्णः कामी सदा कृष्णः समस्तप्रियकारकः ॥ 72 ॥

नन्दो नन्दी महानन्दी मादी मादनकः किली ।

मीली हिली गिली गोली गोलो गोलालयो गुली ॥ 73 ॥

गुग्गुली मारकी शाखी वटः पिप्पलकः कृती ।

म्लेच्छहा कालहर्ता च यशोदा यश एव च ॥ 74 ॥

अच्युतः केशवो विष्णुः हरिः सत्यो जनार्दनः ।

हंसो नारायणो नीलो लीनो भक्तिपरायणः ॥ 75 ॥

जानकीवल्लभो रामो विरामो विषनाशनः ।

सिंहभानुर्महाभानु-र्वीरभानुर्महोदधिः ॥ 76 ॥

समुद्रोऽब्धिरकूपारः पारावारः सरित्पतिः ।

गोकुलानन्दकारी च प्रतिज्ञापरिपालकः ॥ 77 ॥

सदारामः कृपारामो महारामो धनुर्धरः ।

पर्वतः पर्वताकारो गयो गेयो द्विजप्रियः ॥ 78 ॥

कमलाश्वतरो रामो रामायणप्रवर्तकः ।

द्यौर्दिवो दिवसो दिव्यो भव्यो भागी भयापहः ॥ 79 ॥

पार्वतीभाग्यसहितो भर्ता लक्ष्मीसहायवान् । [विलासवान्]

विलासी साहसी सर्वी गर्वी गर्वितलोचनः ॥ 80 ॥

सुरारिर्लोकधर्मज्ञो जीवनो जीवनान्तकः ।

यमो यमारिर्यमनो यमी यामविघातकः ॥ 81 ॥

वंशुली पांशुली पांसुः पाण्डुरर्जुनवल्लभः ।

ललिता चन्द्रिकामाला माली मालाम्बुजाश्रयः ॥ 82 ॥

अम्बुजाक्षो महायक्षो दक्षश्चिन्तामणिप्रभुः ।

मणिर्दिनमणिश्चैव केदारो बदरीश्रयः ॥ 83 ॥

बदरीवनसम्प्रीतो व्यासः सत्यवतीसुतः ।

अमरारिनिहन्ता च सुधासिन्धुविधूदयः ॥ 84 ॥

चन्द्रो रविः शिवः शूली चक्री चैव गदाधरः ।

श्रीकर्ता श्रीपतिः श्रीदः श्रीदेवो देवकीसुतः ॥ 85 ॥

श्रीपतिः पुण्डरीकाक्षः पद्मनाभो जगत्पतिः ।

वासुदेवोऽप्रमेयात्मा केशवो गरुडध्वजः ॥ 86 ॥

नारायणः परं धाम देवदेवो महेश्वरः ।

चक्रपाणिः कलापूर्णो वेदवेद्यो दयानिधिः ॥ 87 ॥

भगवान् सर्वभूतेशो गोपालः सर्वपालकः ।

अनन्तो निर्गुणो नित्यो निर्विकल्पो निरञ्जनः ॥ 88 ॥

निराधारो निराकारो निराभासो निराश्रयः ।

पुरुषः प्रणवातीतो मुकुन्दः परमेश्वरः ॥ 89 ॥

क्षणावनिः सार्वभौमो वैकुण्ठो भक्तवत्सलः ।

विष्णुर्दामोदरः कृष्णो माधवो मथुरापतिः ॥ 90 ॥

देवकीगर्भसम्भूतो यशोदावत्सलो हरिः ।

शिवः सङ्कर्षणः शम्भुर्भूतनाथो दिवस्पतिः ॥ 91 ॥

अव्ययः सर्वधर्मज्ञो निर्मलो निरुपद्रवः ।

निर्वाणनायको नित्यो नीलजीमूतसन्निभः ॥ 92 ॥

कलाक्षयश्च सर्वज्ञः कमलारूपतत्परः ।

हृषीकेशः पीतवासा वसुदेवप्रियात्मजः ॥ 93 ॥

नन्दगोपकुमारार्यो नवनीताशनो विभुः ।

पुराणः पुरुषश्रेष्ठः शङ्खपाणिः सुविक्रमः ॥ 94 ॥

अनिरुद्धश्चक्रधरः शार्ङ्गपाणिश्चतुर्भुजः ।

गदाधरः सुरार्तिघ्नो गोविन्दो नन्दकायुधः ॥ 95 ॥

बृन्दावनचरः शौरिर्वेणुवाद्यविशारदः ।

तृणावर्तान्तको भीमसाहसो बहुविक्रमः ॥ 96 ॥

शकटासुरसंहारी बकासुरविनाशनः ।

धेनुकासुरसंहारी पूतनारिर्नृकेसरी ॥ 97 ॥

पितामहो गुरुस्साक्षी प्रत्यगात्मा सदाशिवः ।

अप्रमेयः प्रभुः प्राज्ञोऽप्रतर्क्यः स्वप्नवर्धनः ॥ 98 ॥

धन्यो मान्यो भवो भावो धीरः शान्तो जगद्गुरुः ।

अन्तर्यामीश्वरो दिव्यो दैवज्ञो देवसंस्तुतः ॥ 99 ॥

क्षीराब्धिशयनो धाता लक्ष्मीवान् लक्ष्मणाग्रजः ।

धात्रीपतिरमेयात्मा चन्द्रशेखरपूजितः ॥ 100 ॥

लोकसाक्षी जगच्चक्षुः पुण्यचारित्रकीर्तनः ।

कोटिमन्मथसौन्दर्यो जगन्मोहनविग्रहः ॥ 101 ॥

मन्दस्मिततनुर्गोपगोपिकापरिवेष्टितः ।

फुल्लारविन्दनयनश्चाणूरान्ध्रनिषूदनः ॥ 102 ॥

इन्दीवरदलश्यामो बर्हिबर्हावतंसकः ।

मुरलीनिनदाह्लादो दिव्यमालाम्बरावृतः ॥ 103 ॥

सुकपोलयुगः सुभ्रूयुगलः सुललाटकम् ।

कम्बुग्रीवो विशालाक्षो लक्ष्मीवाञ्छुभलक्षणः ॥ 104 ॥

पीनवक्षाश्चतुर्बाहुश्चतुर्मूर्तिस्त्रिविक्रमः ।

कलङ्करहितः शुद्धो दुष्टशत्रुनिबर्हणः ॥ 105 ॥

किरीटकुण्डलधरः कटकाङ्गदमण्डितः ।

मुद्रिकाभरणोपेतः कटिसूत्रविराजितः ॥ 106 ॥

मञ्जीररञ्जितपदः सर्वाभरणभूषितः ।

विन्यस्तपादयुगलो दिव्यमङ्गलविग्रहः ॥ 107 ॥

गोपिकानयनानन्दः पूर्णचन्द्रनिभाननः ।

समस्तजगदानन्दः सुन्दरो लोकनन्दनः ॥ 108 ॥

यमुनातीरसञ्चारी राधामन्मथवैभवः ।

गोपनारीप्रियो दान्तो गोपीवस्त्रापहारकः ॥ 109 ॥

शृङ्गारमूर्तिः श्रीधामा तारको मूलकारणम् ।

सृष्टिसंरक्षणोपायः क्रूरासुरविभञ्जनः ॥ 110 ॥

नरकासुरसंहारी मुरारिर्वैरिमर्दनः ।

आदितेयप्रियो दैत्यभीकरो यदुशेखरः ॥ 111 ॥

जरासन्धकुलध्वंसी कंसारातिः सुविक्रमः ।

पुण्यश्लोकः कीर्तनीयो यादवेन्द्रो जगन्नुतः ॥ 112 ॥

रुक्मिणीरमणः सत्यभामाजाम्बवतीप्रियः ।

मित्रविन्दानाग्नजितीलक्ष्मणासमुपासितः ॥ 113 ॥

सुधाकरकुले जातोऽनन्तः प्रबलविक्रमः ।

सर्वसौभाग्यसम्पन्नो द्वारकापट्टणस्थितः ॥ 114 ॥

भद्रासूर्यसुतानाथो लीलामानुषविग्रहः ।

सहस्रषोडशस्त्रीशो भोगमोक्षैकदायकः ॥ 115 ॥

वेदान्तवेद्यः संवेद्यो वैद्यो ब्रह्माण्डनायकः ।

गोवर्धनधरो नाथः सर्वजीवदयापरः ॥ 116 ॥

मूर्तिमान् सर्वभूतात्मा आर्तत्राणपरायणः ।

सर्वज्ञः सर्वसुलभः सर्वशास्त्रविशारदः ॥ 117 ॥

षड्गुणैश्वर्यसम्पन्नः पूर्णकामो धुरन्धरः ।

महानुभावः कैवल्यदायको लोकनायकः ॥ 118 ॥

आदिमध्यान्तरहितः शुद्धसात्त्विकविग्रहः ।

असमानः समस्तात्मा शरणागतवत्सलः ॥ 119 ॥

उत्पत्तिस्थितिसंहारकारणं सर्वकारणम् ।

गम्भीरः सर्वभावज्ञः सच्चिदानन्दविग्रहः ॥ 120 ॥

विष्वक्सेनः सत्यसन्धः सत्यवाक् सत्यविक्रमः ।

सत्यव्रतः सत्यरतः सत्यधर्मपरायणः ॥ 121 ॥

आपन्नार्तिप्रशमनः द्रौपदीमानरक्षकः ।

कन्दर्पजनकः प्राज्ञो जगन्नाटकवैभवः ॥ 122 ॥

भक्तिवश्यो गुणातीतः सर्वैश्वर्यप्रदायकः ।

दमघोषसुतद्वेषी बाणबाहुविखण्डनः ॥ 123 ॥

भीष्मभक्तिप्रदो दिव्यः कौरवान्वयनाशनः ।

कौन्तेयप्रियबन्धुश्च पार्थस्यन्दनसारथिः ॥ 124 ॥

नारसिंहो महावीरः स्तम्भजातो महाबलः ।

प्रह्लादवरदः सत्यो देवपूज्योऽभयङ्करः ॥ 125 ॥

उपेन्द्र इन्द्रावरजो वामनो बलिबन्धनः ।

गजेन्द्रवरदः स्वामी सर्वदेवनमस्कृतः ॥ 126 ॥

शेषपर्यङ्कशयनो वैनतेयरथो जयी ।

अव्याहतबलैश्वर्यसम्पन्नः पूर्णमानसः ॥ 127 ॥

योगीश्वरेश्वरः साक्षी क्षेत्रज्ञो ज्ञानदायकः ।

योगिहृत्पङ्कजावासो योगमायासमन्वितः ॥ 128 ॥

नादबिन्दुकलातीतश्चतुर्वर्गफलप्रदः ।

सुषुम्नामार्गसञ्चारी देहस्यान्तरसंस्थितः ॥ 129 ॥

देहेन्द्रियमनःप्राणसाक्षी चेतःप्रसादकः ।

सूक्ष्मः सर्वगतो देही ज्ञानदर्पणगोचरः ॥ 130 ॥

तत्त्वत्रयात्मकोऽव्यक्तः कुण्डली समुपाश्रितः ।

ब्रह्मण्यः सर्वधर्मज्ञः शान्तो दान्तो गतक्लमः ॥ 131 ॥

श्रीनिवासः सदानन्दो विश्वमूर्तिर्महाप्रभुः ।

सहस्रशीर्षा पुरुषः सहस्राक्षः सहस्रपात् ॥ 132 ॥

समस्तभुवनाधारः समस्तप्राणरक्षकः ।

समस्तस्सर्वभावज्ञो गोपिकाप्राणवल्लभः ॥ 133 ॥

नित्योत्सवो नित्यसौख्यो नित्यश्रीर्नित्यमङ्गलम् ।

व्यूहार्चितो जगन्नाथः श्रीवैकुण्ठपुराधिपः ॥ 134 ॥

पूर्णानन्दघनीभूतो गोपवेषधरो हरिः ।

कलापकुसुमश्यामः कोमलः शान्तविग्रहः ॥ 135 ॥

गोपाङ्गनावृतोऽनन्तो बृन्दावनसमाश्रयः ।

वेणुनादरतः श्रेष्ठो देवानां हितकारकः ॥ 136 ॥

जलक्रीडासमासक्तो नवनीतस्य तस्करः ।

गोपालकामिनीजारश्चोरजारशिखामणिः ॥ 137 ॥

परञ्ज्योतिः पराकाशः परावासः परिस्फुटः ।

अष्टादशाक्षरो मन्त्रो व्यापको लोकपावनः ॥ 138 ॥

सप्तकोटिमहामन्त्रशेखरो देवशेखरः ।

विज्ञानज्ञानसन्धानस्तेजोराशिर्जगत्पतिः ॥ 139 ॥

भक्तलोकप्रसन्नात्मा भक्तमन्दारविग्रहः ।

भक्तदारिद्र्यशमनो भक्तानां प्रीतिदायकः ॥ 140 ॥

भक्ताधीनमनाः पूज्यो भक्तलोकशिवङ्करः ।

भक्ताभीष्टप्रदः सर्वभक्ताघौघनिकृन्तकः ॥ 141 ॥

अपारकरुणासिन्धुर्भगवान् भक्ततत्परः ॥ 142 ॥

[इति श्रीराधिकानाथ नाम्नां साहस्रमीरितम् । ]

स्मरणात्पापराशीनां खण्डनं मृत्युनाशनम् ॥ 1 ॥

वैष्णवानां प्रियकरं महादारिद्र्यनाशनम् ।

ब्रह्महत्यासुरापानं परस्त्रीगमनं तथा ॥ 2 ॥

परद्रव्यापहरणं परद्वेषसमन्वितम् ।

मानसं वाचिकं कायं यत्पापं पापसम्भवम् ॥ 3 ॥

सहस्रनामपठनात्सर्वे नश्यन्ति तत्क्षणात् ।

महादारिद्र्ययुक्तो वै वैष्णवो विष्णुभक्तिमान् ॥ 4 ॥

कार्तिक्यां यः पठेद्रात्रौ शतमष्टोत्तरं क्रमात् ।

पीताम्बरधरो धीमान् सुगन्धी पुष्पचन्दनैः ॥ 5 ॥

पुस्तकं पूजयित्वा च नैवेद्यादिभिरेव च ।

राधाध्यानाङ्कितो धीरो वनमालाविभूषितः ॥ 6 ॥

शतमष्टोत्तरं देवि पठेन्नामसहस्रकम् ।

चैत्रे कृष्णे च शुक्ले च कुहूसङ्क्रान्तिवासरे ॥ 7 ॥

पठितव्यं प्रयत्नेन त्रैलोक्यं मोहयेत् क्षणात् ।

तुलसीमालया युक्तो वैष्णवो भक्तितत्परः ॥ 8 ॥

रविवारे च शुक्रे च द्वादश्यां श्राद्धवासरे ।

ब्राह्मणं पूजयित्वा च भोजयित्वा विधानतः ॥ 9 ॥

पठेन्नामसहस्रं च ततः सिद्धिः प्रजायते ।

महानिशायां सततं वैष्णवो यः पठेत्सदा ॥ 10 ॥

देशान्तरगता लक्ष्मीः समायाति न संशयः ।

त्रैलोक्ये तु महादेवि सुन्दर्यः काममोहिताः ॥ 11 ॥

मुग्धाः स्वयं समायान्ति वैष्णवं च भजन्ति ताः ।

रोगी रोगात्प्रमुच्येत बद्धो मुच्येत बन्धनात् ॥ 12 ॥

गर्भिणी जनयेत्पुत्रं कन्या विन्दति सत्पतिम् ।

राजानो वशतां यान्ति किं पुनः क्षुद्रमानुषाः ॥ 13 ॥

सहस्रनामश्रवणात् पठनात् पूजनात् प्रिये ।

धारणात् सर्वमाप्नोति वैष्णवो नात्र संशयः ॥ 14 ॥

वंशीवटे चान्यवटे तथा पिप्पलकेऽथ वा ।

कदम्बपादपतले श्रीगोपालस्य सन्निधौ ॥ 15 ॥

यः पठेद्वैष्णवो नित्यं स याति हरिमन्दिरम् ।

कृष्णेनोक्तं राधिकायै तया प्रोक्तं पुरा शिवे ॥ 16 ॥

नारदाय मया प्रोक्तं नारदेन प्रकाशितम् ।

मया तव वरारोहे प्रोक्तमेतत्सुदुर्लभम् ॥ 17 ॥

गोपनीयं प्रयत्नेन न प्रकाश्यं कदाचन ।

शठाय पापिने चैव लम्पटाय विशेषतः ॥ 18 ॥

न दातव्यं न दातव्यं न दातव्यं कदाचन ।

देयं शान्ताय शिष्याय विष्णुभक्तिरताय च ॥ 19 ॥

गोदानब्रह्मयज्ञादेर्वाजपेयशतस्य च ।

अश्वमेधसहस्रस्य फलं पाठे भवेद्ध्रुवम् ॥ 20 ॥

मोहनं स्तम्भनं चैव मारणोच्चाटनादिकम् ।

यद्यद्वाञ्छति चित्तेन तत्तत्प्राप्नोति वैष्णवः ॥ 21 ॥

एकादश्यां नरः स्नात्वा सुगन्धद्रव्यतैलकैः ।

आहारं ब्राह्मणे दत्त्वा दक्षिणां स्वर्णभूषणम् ॥ 22 ॥

ततः प्रारम्भकर्तासौ सर्वं प्राप्नोति मानवः ।

शतावृत्त सहस्रं च यः पठेद्वैष्णवो जनः ॥ 23 ॥

श्रीबृन्दावनचन्द्रस्य प्रसादात्सर्वमाप्नुयात् ।

यद्गृहे पुस्तकं देवि पूजितं चैव तिष्ठति ॥ 24 ॥

न मारी न च दुर्भिक्षं नोपसर्गभयं क्वचित् ।

सर्पादिभूतयक्षाद्या नश्यन्ते नात्र संशयः ॥ 25 ॥

श्रीगोपालो महादेवि वसेत्तस्य गृहे सदा ।

यद्गृहे च सहस्रं च नाम्नां तिष्ठति पूजितम् ॥ 26 ॥

इति श्रीसम्मोहनतन्त्रे हरगौरीसंवादे श्रीगोपाल सहस्रनामस्तोत्रम् ।