Chitraketu Stutih (ananta Stotram Bhagavata Purana) — Sinhala Script

(ශ්රීමද්භාගවතං 6.16.34-48)

චිත්රකේතුරුවාච .

අජිත ජිතඃ සමමතිභිඃ සාධුභි-

ර්භවාන් ජිතාත්මභිර්භවතා .

විජිතාස්තේ(අ)පි ච භජතාමකාමාත්මනාං

ය ආත්මදෝ(අ)තිකරුණඃ .. 34 ..

තව විභවඃ ඛලු භගවන්

ජගදුදයස්ථිතිලයාදීනි .

විශ්වසෘජස්තේං(අ)ශාංශාස්තත්ර

මෘෂා ස්පර්ධන්තේ පෘථගභිමත්යා .. 35 ..

පරමාණුපරමමහතෝස්ත්ව-

මාද්යන්තාන්තරවර්තී ත්රයවිධුරඃ .

ආදාවන්තේ(අ)පි ච සත්ත්වානාං

යද්ධ්රුවං තදේවාන්තරාලේ(අ)පි .. 36 ..

ක්ෂිත්යාදිභිරේෂ කිලාවෘතඃ

සප්තභිර්දශගුණෝත්තරෛරණ්ඩකෝශඃ .

යත්ර පතත්යණුකල්පඃ

සහාණ්ඩකෝටිකෝටිභිස්තදනන්තඃ .. 37 ..

විෂයතෘෂෝ නරපශවෝ

ය උපාසතේ විභූතීර්න පරං ත්වාම් .

තේෂාමාශිෂ ඊශ තදනු

විනශ්යන්ති යථා රාජකුලම් .. 38 ..

කාමධියස්ත්වයි රචිතා

න පරම රෝහන්ති යථා කරම්භබීජානි .

ජ්ඤානාත්මන්යගුණමයේ

ගුණගණතෝ(අ)ස්ය ද්වන්ද්වජාලානි .. 39 ..

ජිතමජිත තදා භවතා

යදාහ භාගවතං ධර්මමනවද්යම් .

නිෂ්කිඤ්චනා යේ මුනය ආත්මාරාමා

යමුපාසතේ(අ)පවර්ගාය .. 40 ..

විෂමමතිර්න යත්ර නෘණාං

ත්වමහමිති මම තවේති ච යදන්යත්ර .

විෂමධියා රචිතෝ යඃ

ස හ්යවිශුද්ධඃ ක්ෂයිෂ්ණුරධර්මබහුලඃ .. 41 ..

කඃ ක්ෂේමෝ නිජපරයෝඃ

කියානර්ථඃ ස්වපරද්රුහා ධර්මේණ .

ස්වද්රෝහාත්තව කෝපඃ

පරසම්පීඩයා ච තථාධර්මඃ .. 42 ..

න ව්යභිචරති තවේක්ෂා යයා

හ්යභිහිතෝ භාගවතෝ ධර්මඃ .

ස්ථිරචරසත්ත්වකදම්බේෂ්වපෘථග්ධියෝ

යමුපාසතේ ත්වාර්යාඃ .. 43 ..

න හි භගවන්නඝටිතමිදං

ත්වද්දර්ශනාන්නෘණාමඛිලපාපක්ෂයඃ .

යන්නාම සකෘච්ඡ්රවණාත්පුල්කසකෝ(අ)පි

විමුච්යතේ සංසාරාත් .. 44 ..

අථ භගවන් වයමධුනා

ත්වදවලෝකපරිමෘෂ්ටාශයමලාඃ .

සුරඍෂිණා යදුදිතං තාවකේන

කථමන්යථා භවති .. 45 ..

විදිතමනන්ත සමස්තං තව

ජගදාත්මනෝ ජනෛරිහාචරිතම් .

විජ්ඤාප්යං පරමගුරෝඃ කියදිව

සවිතුරිව ඛද්යෝතෛඃ .. 46 ..

නමස්තුභ්යං භගවතේ සකලජග-

ත්ස්ථිතිලයෝදයේශාය .

දුරවසිතාත්මගතයේ

කුයෝගිනාං භිදා පරමහංසාය .. 47 ..

යං වෛ ශ්වසන්තමනු විශ්වසෘජඃ ශ්වසන්ති

යං චේකිතානමනු චිත්තය උච්චකන්ති .

භූමණ්ඩලං සර්ෂපායති යස්ය මූර්ධ්නි

තස්මෛ නමෝ භගවතේ(අ)ස්තු සහස්රමූර්ධ්නේ .. 48 ..

.. ඉති ශ්රීමද්භාගවතමහාපුරාණේ ෂෂ්ඨස්කන්ධේ ෂෝඩශාධ්යායාන්තර්ගතං චිත්රකේතුකෘතං අනන්තස්තෝත්රම් ..

Roman (IAST) Transliteration

(śrīmadbhāgavataṃ 6.16.34-48)

citraketuruvāca |

ajita jitaḥ samamatibhiḥ sādhubhi-

rbhavān jitātmabhirbhavatā |

vijitāste'pi ca bhajatāmakāmātmanāṃ

ya ātmado'tikaruṇaḥ || 34 ||

tava vibhavaḥ khalu bhagavan

jagadudayasthitilayādīni |

viśvasṛjasteṃ'śāṃśāstatra

mṛṣā spardhante pṛthagabhimatyā || 35 ||

paramāṇuparamamahatostva-

mādyantāntaravartī trayavidhuraḥ |

ādāvante'pi ca sattvānāṃ

yaddhruvaṃ tadevāntarāle'pi || 36 ||

kṣityādibhireṣa kilāvṛtaḥ

saptabhirdaśaguṇottarairaṇḍakośaḥ |

yatra patatyaṇukalpaḥ

sahāṇḍakoṭikoṭibhistadanantaḥ || 37 ||

viṣayatṛṣo narapaśavo

ya upāsate vibhūtīrna paraṃ tvām |

teṣāmāśiṣa īśa tadanu

vinaśyanti yathā rājakulam || 38 ||

kāmadhiyastvayi racitā

na parama rohanti yathā karambhabījāni |

jñānātmanyaguṇamaye

guṇagaṇato'sya dvandvajālāni || 39 ||

jitamajita tadā bhavatā

yadāha bhāgavataṃ dharmamanavadyam |

niṣkiñcanā ye munaya ātmārāmā

yamupāsate'pavargāya || 40 ||

viṣamamatirna yatra nṛṇāṃ

tvamahamiti mama taveti ca yadanyatra |

viṣamadhiyā racito yaḥ

sa hyaviśuddhaḥ kṣayiṣṇuradharmabahulaḥ || 41 ||

kaḥ kṣemo nijaparayoḥ

kiyānarthaḥ svaparadruhā dharmeṇa |

svadrohāttava kopaḥ

parasampīḍayā ca tathādharmaḥ || 42 ||

na vyabhicarati tavekṣā yayā

hyabhihito bhāgavato dharmaḥ |

sthiracarasattvakadambeṣvapṛthagdhiyo

yamupāsate tvāryāḥ || 43 ||

na hi bhagavannaghaṭitamidaṃ

tvaddarśanānnṛṇāmakhilapāpakṣayaḥ |

yannāma sakṛcchravaṇātpulkasako'pi

vimucyate saṃsārāt || 44 ||

atha bhagavan vayamadhunā

tvadavalokaparimṛṣṭāśayamalāḥ |

suraṛṣiṇā yaduditaṃ tāvakena

kathamanyathā bhavati || 45 ||

viditamananta samastaṃ tava

jagadātmano janairihācaritam |

vijñāpyaṃ paramaguroḥ kiyadiva

savituriva khadyotaiḥ || 46 ||

namastubhyaṃ bhagavate sakalajaga-

tsthitilayodayeśāya |

duravasitātmagataye

kuyogināṃ bhidā paramahaṃsāya || 47 ||

yaṃ vai śvasantamanu viśvasṛjaḥ śvasanti

yaṃ cekitānamanu cittaya uccakanti |

bhūmaṇḍalaṃ sarṣapāyati yasya mūrdhni

tasmai namo bhagavate'stu sahasramūrdhne || 48 ||

|| iti śrīmadbhāgavatamahāpurāṇe ṣaṣṭhaskandhe ṣoḍaśādhyāyāntargataṃ citraketukṛtaṃ anantastotram ||

Sanskrit — Devanagari (original)

(श्रीमद्भागवतं 6.16.34-48)

चित्रकेतुरुवाच ।

अजित जितः सममतिभिः साधुभि-

र्भवान् जितात्मभिर्भवता ।

विजितास्तेऽपि च भजतामकामात्मनां

य आत्मदोऽतिकरुणः ॥ 34 ॥

तव विभवः खलु भगवन्

जगदुदयस्थितिलयादीनि ।

विश्वसृजस्तेंऽशांशास्तत्र

मृषा स्पर्धन्ते पृथगभिमत्या ॥ 35 ॥

परमाणुपरममहतोस्त्व-

माद्यन्तान्तरवर्ती त्रयविधुरः ।

आदावन्तेऽपि च सत्त्वानां

यद्ध्रुवं तदेवान्तरालेऽपि ॥ 36 ॥

क्षित्यादिभिरेष किलावृतः

सप्तभिर्दशगुणोत्तरैरण्डकोशः ।

यत्र पतत्यणुकल्पः

सहाण्डकोटिकोटिभिस्तदनन्तः ॥ 37 ॥

विषयतृषो नरपशवो

य उपासते विभूतीर्न परं त्वाम् ।

तेषामाशिष ईश तदनु

विनश्यन्ति यथा राजकुलम् ॥ 38 ॥

कामधियस्त्वयि रचिता

न परम रोहन्ति यथा करम्भबीजानि ।

ज्ञानात्मन्यगुणमये

गुणगणतोऽस्य द्वन्द्वजालानि ॥ 39 ॥

जितमजित तदा भवता

यदाह भागवतं धर्ममनवद्यम् ।

निष्किञ्चना ये मुनय आत्मारामा

यमुपासतेऽपवर्गाय ॥ 40 ॥

विषममतिर्न यत्र नृणां

त्वमहमिति मम तवेति च यदन्यत्र ।

विषमधिया रचितो यः

स ह्यविशुद्धः क्षयिष्णुरधर्मबहुलः ॥ 41 ॥

कः क्षेमो निजपरयोः

कियानर्थः स्वपरद्रुहा धर्मेण ।

स्वद्रोहात्तव कोपः

परसम्पीडया च तथाधर्मः ॥ 42 ॥

न व्यभिचरति तवेक्षा यया

ह्यभिहितो भागवतो धर्मः ।

स्थिरचरसत्त्वकदम्बेष्वपृथग्धियो

यमुपासते त्वार्याः ॥ 43 ॥

न हि भगवन्नघटितमिदं

त्वद्दर्शनान्नृणामखिलपापक्षयः ।

यन्नाम सकृच्छ्रवणात्पुल्कसकोऽपि

विमुच्यते संसारात् ॥ 44 ॥

अथ भगवन् वयमधुना

त्वदवलोकपरिमृष्टाशयमलाः ।

सुरऋषिणा यदुदितं तावकेन

कथमन्यथा भवति ॥ 45 ॥

विदितमनन्त समस्तं तव

जगदात्मनो जनैरिहाचरितम् ।

विज्ञाप्यं परमगुरोः कियदिव

सवितुरिव खद्योतैः ॥ 46 ॥

नमस्तुभ्यं भगवते सकलजग-

त्स्थितिलयोदयेशाय ।

दुरवसितात्मगतये

कुयोगिनां भिदा परमहंसाय ॥ 47 ॥

यं वै श्वसन्तमनु विश्वसृजः श्वसन्ति

यं चेकितानमनु चित्तय उच्चकन्ति ।

भूमण्डलं सर्षपायति यस्य मूर्ध्नि

तस्मै नमो भगवतेऽस्तु सहस्रमूर्ध्ने ॥ 48 ॥

॥ इति श्रीमद्भागवतमहापुराणे षष्ठस्कन्धे षोडशाध्यायान्तर्गतं चित्रकेतुकृतं अनन्तस्तोत्रम् ॥