ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ ਦ੍ਵਿਚਤ੍ਵਾਰਿਂਸ਼ਸ੍ਸਰ੍ਗਃ ।
ਕਾਲਧਰ੍ਮਂ ਗਤੇ ਰਾਮ ਸਗਰੇ ਪ੍ਰਕृਤੀਜਨਾਃ ।
ਰਾਜਾਨਂ ਰੋਚਯਾਮਾਸੁਰਂਸ਼ੁਮਨ੍ਤਂ ਸੁਧਾਰ੍ਮਿਕਮ੍ ॥ 1 ॥
ਸ ਰਾਜਾ ਸੁਮਹਾਨਾਸੀਦਂਸ਼ੁਮਾਨ੍ ਰਘੁਨਨ੍ਦਨ ।
ਤਸ੍ਯ ਪੁਤ੍ਰੋ ਮਹਾਨਾਸੀਦ੍ਦਿਲੀਪ ਇਤਿ ਵਿਸ਼੍ਰੁਤਃ ॥ 2 ॥
ਤਸ੍ਮਿਨ੍ ਰਾਜ੍ਯਂ ਸਮਾਵੇਸ਼੍ਯ ਦਿਲੀਪੇ ਰਘੁਨਨ੍ਦਨ ।
ਹਿਮਵਚ੍ਛਿਖਰੇ ਪੁਣ੍ਯੇ ਤਪਸ੍ਤੇਪੇ ਸੁਦਾਰੁਣਮ੍ ॥ 3 ॥
ਦ੍ਵਾਤ੍ਰਿਂਸ਼ਚ੍ਚ ਸਹਸ੍ਰਾਣਿ ਵਰ੍षਾਣਿ ਸੁਮਹਾਯਸ਼ਾਃ ।
ਤਪੋਵਨਂ ਗਤੋ ਰਾਮ ਸ੍ਵਰ੍ਗਂ ਲੇਭੇ ਤਪੋਧਨਃ ॥ 4 ॥
ਦਿਲੀਪਸ੍ਤੁ ਮਹਾਤੇਜਾਸ਼੍ਸ਼੍ਰੁਤ੍ਵਾ ਪੈਤਾਮਹਂ ਵਧਮ੍ ।
ਦੁਃਖੋਪਹਤਯਾ ਬੁਦ੍ਧ੍ਯਾ ਨਿਸ਼੍ਚਯਂ ਨਾਧ੍ਯਗਚ੍ਛਤ ॥ 5 ॥
ਕਥਂ ਗਙ੍ਗਾਵਤਰਣਂ ਕਥਂ ਤੇषਾਂ ਜਲਕ੍ਰਿਯਾ ।
ਤਾਰਯੇਯਂ ਕਥਂ ਚੈਤਾਨਿਤਿ ਚਿਨ੍ਤਾਪਰੋऽਭਵਤ੍ ॥ 6 ॥
ਤਸ੍ਯ ਚਿਨ੍ਤਯਤੋ ਨਿਤ੍ਯਂ ਧਰ੍ਮੇਣ ਵਿਦਿਤਾਤ੍ਮਨਃ ।
ਪੁਤ੍ਰੋ ਭਗੀਰਥੋ ਨਾਮ ਜਜ੍ਞੇ ਪਰਮਧਾਰ੍ਮਿਕਃ ॥ 7 ॥
ਦਿਲੀਪਸ੍ਤੁ ਮਹਾਤੇਜਾ ਯਜ੍ਞੈਰ੍ਬਹੁਭਿਰਿष੍ਟਵਾਨ੍ ।
ਤ੍ਰਿਂਸ਼ਦ੍ਵਰ੍षਸਹਸ੍ਰਾਣਿ ਰਾਜਾ ਰਾਜ੍ਯਮਕਾਰਯਤ੍ ॥ 8 ॥
ਅਗਤ੍ਵਾ ਨਿਸ਼੍ਚਯਂ ਰਾਜਾ ਤੇषਾਮੁਦ੍ਧਰਣਂ ਪ੍ਰਤਿ ।
ਵ੍ਯਾਧਿਨਾ ਨਰਸ਼ਾਰ੍ਦੂਲ ਕਾਲਧਰ੍ਮਮੁਪੇਯਿਵਾਨ੍ ॥ 9 ॥
ਇਨ੍ਦ੍ਰਲੋਕਂ ਗਤੋ ਰਾਜਾ ਸ੍ਵਾਰ੍ਜਿਤੇਨੈਵ ਕਰ੍ਮਣਾ ।
ਰਾਜ੍ਯੇ ਭਗੀਰਥਂ ਪੁਤ੍ਰਮਭਿषਿਚ੍ਯ ਨਰਰ੍षਭਃ ॥ 10 ॥
ਭਗੀਰਥਸ੍ਤੁ ਰਾਜਰ੍षਿਰ੍ਧਾਰ੍ਮਿਕੋ ਰਘੁਨਨ੍ਦਨ ।
ਅਨਪਤ੍ਯੋ ਮਹਾਤੇਜਾਃ ਪ੍ਰਜਾਕਾਮਸ੍ਸ ਚਾਪ੍ਰਜਃ ॥ 11 ॥
ਮਨ੍ਤ੍ਰਿष੍ਵਾਧਾਯ ਤਦ੍ਰਾਜ੍ਯਂ ਗਙ੍ਗਾਵਤਰਣੇ ਰਤਃ ।
ਸ ਤਪੋ ਦੀਰ੍ਘਮਾਤਿष੍ਠਦ੍ਗੋਕਰ੍ਣੇ ਰਘੁਨਨ੍ਦਨ ॥ 12 ॥
ਊਰ੍ਧ੍ਵਬਾਹੁਃ ਪਞ੍ਚਤਪਾ ਮਾਸਾਹਾਰੋ ਜਿਤੇਨ੍ਦ੍ਰਿਯਃ ।
ਤਸ੍ਯ ਵਰ੍षਸਹਸ੍ਰਾਣਿ ਘੋਰੇ ਤਪਸਿ ਤਿष੍ਠਤਃ ॥ 13 ॥
ਅਤੀਤਾਨਿ ਮਹਾਬਾਹੋ ਤਸ੍ਯ ਰਾਜ੍ਞੋ ਮਹਾਤ੍ਮਨਃ ।
ਸੁਪ੍ਰੀਤੋ ਭਗਵਾਨ੍ ਬ੍ਰਹ੍ਮਾ ਪ੍ਰਜਾਨਾਂ ਪਤਿਰੀਸ਼੍ਵਰਃ ॥ 14 ॥
ਤਤਸ੍ਸੁਰਗਣੈਸ੍ਸਾਰ੍ਧਮੁਪਾਗਮ੍ਯ ਪਿਤਾਮਹਃ ।
ਭਗੀਰਥਂ ਮਹਾਤ੍ਮਾਨਂ ਤਪ੍ਯਮਾਨਮਥਾਬ੍ਰਵੀਤ੍ ॥ 15 ॥
ਭਗੀਰਥ ਮਹਾਭਾਗ ਪ੍ਰੀਤਸ੍ਤੇऽਹਂ ਜਨੇਸ਼੍ਵਰ ।
ਤਪਸਾ ਚ ਸੁਤਪ੍ਤੇਨ ਵਰਂ ਵਰਯ ਸੁਵ੍ਰਤ ॥ 16 ॥
ਤਮੁਵਾਚ ਮਹਾਤੇਜਾਃ ਸਰ੍ਵਲੋਕਪਿਤਾਮਹਮ੍ ।
ਭਗੀਰਥੋ ਮਹਾਭਾਗਃ ਕृਤਾਞ੍ਜਲਿਰੁਪਸ੍ਥਿਤਃ ॥ 17 ॥
ਯਦਿ ਮੇ ਭਗਵਨ੍ ਪ੍ਰੀਤੋ ਯਦ੍ਯਸ੍ਤਿ ਤਪਸਃ ਫਲਮ੍ ।
ਸਗਰਸ੍ਯਾਤ੍ਮਜਾਸ੍ਸਰ੍ਵੇ ਮਤ੍ਤਸ੍ਸਲਿਲਮਾਪ੍ਨੁਯੁਃ ॥ 18 ॥
ਗਙ੍ਗਾਯਾਸ੍ਸਲਿਲਕ੍ਲਿਨ੍ਨੇ ਭਸ੍ਮਨ੍ਯੇषਾਂ ਮਹਾਤ੍ਮਨਾਮ੍ ।
ਸ੍ਵਰ੍ਗਂ ਗਚ੍ਛੇਯੁਰਤ੍ਯਨ੍ਤਂ ਸਰ੍ਵੇ ਮੇ ਪ੍ਰਪਿਤਾਮਹਾਃ ॥ 19 ॥
ਦੇਯਾ ਚ ਸਨ੍ਤਤਿਰ੍ਦੇਵ ਨਾਵਸੀਦੇਤ੍ਕੁਲਂ ਚ ਨਃ ।
ਇਕ੍ष੍ਵਾਕੂਣਾਂ ਕੁਲੇ ਦੇਵ ਏष ਮੇऽਸ੍ਤੁ ਵਰਃਪਰਃ ॥ 20 ॥
ਉਕ੍ਤਵਾਕ੍ਯਂ ਤੁ ਰਾਜਾਨਂ ਸਰ੍ਵਲੋਕਪਿਤਾਮਹਃ ।
ਪ੍ਰਤ੍ਯੁਵਾਚ ਸ਼ੁਭਾਂ ਵਾਣੀਂ ਮਧੁਰਾਂ ਮਧੁਰਾਕ੍षਰਾਮ੍ ॥ 21 ॥
ਮਨੋਰਥੋ ਮਹਾਨੇष ਭਗੀਰਥ ਮਹਾਰਥ ।
ਏਵਂ ਭਵਤੁ ਭਦ੍ਰਂ ਤੇ ਇਕ੍ष੍ਵਾਕੁਕੁਲਵਰ੍ਧਨ ॥ 22 ॥
ਇਯਂ ਹੈਮਵਤੀ ਗਙ੍ਗਾ ਜ੍ਯੇष੍ਠਾ ਹਿਮਵਤਸ੍ਸੁਤਾ ।
ਤਾਂ ਵੈ ਧਾਰਯਿਤੁਂ ਸ਼ਕ੍ਤੋ ਹਰਸ੍ਤਤ੍ਰ ਨਿਯੁਜ੍ਯਤਾਮ੍ ॥ 23 ॥
ਗਙ੍ਗਾਯਾਃ ਪਤਨਂ ਰਾਜਨ੍ ਪृਥਿਵੀ ਨ ਸਹਿष੍ਯਤਿ ।
ਤਾਂ ਵੈ ਧਾਰਯਿਤੁਂ ਵੀਰ ਨਾਨ੍ਯਂ ਪਸ਼੍ਯਾਮਿ ਸ਼ੂਲਿਨਃ ॥ 24 ॥
ਤਮੇਵਮੁਕ੍ਤ੍ਵਾ ਰਾਜਾਨਂ ਗਙ੍ਗਾਂ ਚਾਭਾष੍ਯ ਲੋਕਕृਤ੍ ।
ਜਗਾਮ ਤ੍ਰਿਦਿਵਂ ਦੇਵਸ੍ਸਹਦੇਵੈਰ੍ਮਰੁਦ੍ਗਣੈਃ ॥ 25 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ ਦ੍ਵਿਚਤ੍ਵਾਰਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha dvicatvāriṃśassargaḥ |
kāladharmaṃ gate rāma sagare prakṛtījanāḥ |
rājānaṃ rocayāmāsuraṃśumantaṃ sudhārmikam || 1 ||
sa rājā sumahānāsīdaṃśumān raghunandana |
tasya putro mahānāsīddilīpa iti viśrutaḥ || 2 ||
tasmin rājyaṃ samāveśya dilīpe raghunandana |
himavacchikhare puṇye tapastepe sudāruṇam || 3 ||
dvātriṃśacca sahasrāṇi varṣāṇi sumahāyaśāḥ |
tapovanaṃ gato rāma svargaṃ lebhe tapodhanaḥ || 4 ||
dilīpastu mahātejāśśrutvā paitāmahaṃ vadham |
duḥkhopahatayā buddhyā niścayaṃ nādhyagacchata || 5 ||
kathaṃ gaṅgāvataraṇaṃ kathaṃ teṣāṃ jalakriyā |
tārayeyaṃ kathaṃ caitāniti cintāparo'bhavat || 6 ||
tasya cintayato nityaṃ dharmeṇa viditātmanaḥ |
putro bhagīratho nāma jajñe paramadhārmikaḥ || 7 ||
dilīpastu mahātejā yajñairbahubhiriṣṭavān |
triṃśadvarṣasahasrāṇi rājā rājyamakārayat || 8 ||
agatvā niścayaṃ rājā teṣāmuddharaṇaṃ prati |
vyādhinā naraśārdūla kāladharmamupeyivān || 9 ||
indralokaṃ gato rājā svārjitenaiva karmaṇā |
rājye bhagīrathaṃ putramabhiṣicya nararṣabhaḥ || 10 ||
bhagīrathastu rājarṣirdhārmiko raghunandana |
anapatyo mahātejāḥ prajākāmassa cāprajaḥ || 11 ||
mantriṣvādhāya tadrājyaṃ gaṅgāvataraṇe rataḥ |
sa tapo dīrghamātiṣṭhadgokarṇe raghunandana || 12 ||
ūrdhvabāhuḥ pañcatapā māsāhāro jitendriyaḥ |
tasya varṣasahasrāṇi ghore tapasi tiṣṭhataḥ || 13 ||
atītāni mahābāho tasya rājño mahātmanaḥ |
suprīto bhagavān brahmā prajānāṃ patirīśvaraḥ || 14 ||
tatassuragaṇaissārdhamupāgamya pitāmahaḥ |
bhagīrathaṃ mahātmānaṃ tapyamānamathābravīt || 15 ||
bhagīratha mahābhāga prītaste'haṃ janeśvara |
tapasā ca sutaptena varaṃ varaya suvrata || 16 ||
tamuvāca mahātejāḥ sarvalokapitāmaham |
bhagīratho mahābhāgaḥ kṛtāñjalirupasthitaḥ || 17 ||
yadi me bhagavan prīto yadyasti tapasaḥ phalam |
sagarasyātmajāssarve mattassalilamāpnuyuḥ || 18 ||
gaṅgāyāssalilaklinne bhasmanyeṣāṃ mahātmanām |
svargaṃ gaccheyuratyantaṃ sarve me prapitāmahāḥ || 19 ||
deyā ca santatirdeva nāvasīdetkulaṃ ca naḥ |
ikṣvākūṇāṃ kule deva eṣa me'stu varaḥparaḥ || 20 ||
uktavākyaṃ tu rājānaṃ sarvalokapitāmahaḥ |
pratyuvāca śubhāṃ vāṇīṃ madhurāṃ madhurākṣarām || 21 ||
manoratho mahāneṣa bhagīratha mahāratha |
evaṃ bhavatu bhadraṃ te ikṣvākukulavardhana || 22 ||
iyaṃ haimavatī gaṅgā jyeṣṭhā himavatassutā |
tāṃ vai dhārayituṃ śakto harastatra niyujyatām || 23 ||
gaṅgāyāḥ patanaṃ rājan pṛthivī na sahiṣyati |
tāṃ vai dhārayituṃ vīra nānyaṃ paśyāmi śūlinaḥ || 24 ||
tamevamuktvā rājānaṃ gaṅgāṃ cābhāṣya lokakṛt |
jagāma tridivaṃ devassahadevairmarudgaṇaiḥ || 25 ||
ityārṣe śrīmadrāmāyaṇe vālmīkīya ādikāvye bālakāṇḍe dvicatvāriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ द्विचत्वारिंशस्सर्गः ।
कालधर्मं गते राम सगरे प्रकृतीजनाः ।
राजानं रोचयामासुरंशुमन्तं सुधार्मिकम् ॥ 1 ॥
स राजा सुमहानासीदंशुमान् रघुनन्दन ।
तस्य पुत्रो महानासीद्दिलीप इति विश्रुतः ॥ 2 ॥
तस्मिन् राज्यं समावेश्य दिलीपे रघुनन्दन ।
हिमवच्छिखरे पुण्ये तपस्तेपे सुदारुणम् ॥ 3 ॥
द्वात्रिंशच्च सहस्राणि वर्षाणि सुमहायशाः ।
तपोवनं गतो राम स्वर्गं लेभे तपोधनः ॥ 4 ॥
दिलीपस्तु महातेजाश्श्रुत्वा पैतामहं वधम् ।
दुःखोपहतया बुद्ध्या निश्चयं नाध्यगच्छत ॥ 5 ॥
कथं गङ्गावतरणं कथं तेषां जलक्रिया ।
तारयेयं कथं चैतानिति चिन्तापरोऽभवत् ॥ 6 ॥
तस्य चिन्तयतो नित्यं धर्मेण विदितात्मनः ।
पुत्रो भगीरथो नाम जज्ञे परमधार्मिकः ॥ 7 ॥
दिलीपस्तु महातेजा यज्ञैर्बहुभिरिष्टवान् ।
त्रिंशद्वर्षसहस्राणि राजा राज्यमकारयत् ॥ 8 ॥
अगत्वा निश्चयं राजा तेषामुद्धरणं प्रति ।
व्याधिना नरशार्दूल कालधर्ममुपेयिवान् ॥ 9 ॥
इन्द्रलोकं गतो राजा स्वार्जितेनैव कर्मणा ।
राज्ये भगीरथं पुत्रमभिषिच्य नरर्षभः ॥ 10 ॥
भगीरथस्तु राजर्षिर्धार्मिको रघुनन्दन ।
अनपत्यो महातेजाः प्रजाकामस्स चाप्रजः ॥ 11 ॥
मन्त्रिष्वाधाय तद्राज्यं गङ्गावतरणे रतः ।
स तपो दीर्घमातिष्ठद्गोकर्णे रघुनन्दन ॥ 12 ॥
ऊर्ध्वबाहुः पञ्चतपा मासाहारो जितेन्द्रियः ।
तस्य वर्षसहस्राणि घोरे तपसि तिष्ठतः ॥ 13 ॥
अतीतानि महाबाहो तस्य राज्ञो महात्मनः ।
सुप्रीतो भगवान् ब्रह्मा प्रजानां पतिरीश्वरः ॥ 14 ॥
ततस्सुरगणैस्सार्धमुपागम्य पितामहः ।
भगीरथं महात्मानं तप्यमानमथाब्रवीत् ॥ 15 ॥
भगीरथ महाभाग प्रीतस्तेऽहं जनेश्वर ।
तपसा च सुतप्तेन वरं वरय सुव्रत ॥ 16 ॥
तमुवाच महातेजाः सर्वलोकपितामहम् ।
भगीरथो महाभागः कृताञ्जलिरुपस्थितः ॥ 17 ॥
यदि मे भगवन् प्रीतो यद्यस्ति तपसः फलम् ।
सगरस्यात्मजास्सर्वे मत्तस्सलिलमाप्नुयुः ॥ 18 ॥
गङ्गायास्सलिलक्लिन्ने भस्मन्येषां महात्मनाम् ।
स्वर्गं गच्छेयुरत्यन्तं सर्वे मे प्रपितामहाः ॥ 19 ॥
देया च सन्ततिर्देव नावसीदेत्कुलं च नः ।
इक्ष्वाकूणां कुले देव एष मेऽस्तु वरःपरः ॥ 20 ॥
उक्तवाक्यं तु राजानं सर्वलोकपितामहः ।
प्रत्युवाच शुभां वाणीं मधुरां मधुराक्षराम् ॥ 21 ॥
मनोरथो महानेष भगीरथ महारथ ।
एवं भवतु भद्रं ते इक्ष्वाकुकुलवर्धन ॥ 22 ॥
इयं हैमवती गङ्गा ज्येष्ठा हिमवतस्सुता ।
तां वै धारयितुं शक्तो हरस्तत्र नियुज्यताम् ॥ 23 ॥
गङ्गायाः पतनं राजन् पृथिवी न सहिष्यति ।
तां वै धारयितुं वीर नान्यं पश्यामि शूलिनः ॥ 24 ॥
तमेवमुक्त्वा राजानं गङ्गां चाभाष्य लोककृत् ।
जगाम त्रिदिवं देवस्सहदेवैर्मरुद्गणैः ॥ 25 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे द्विचत्वारिंशस्सर्गः ॥
śrīmadvālmīkīya rāmāyaṇe bālakāṇḍam |
atha dvicatvāriṃśassargaḥ |
kāladharmaṃ gate rāma sagare prakṛtījanāḥ |
rājānaṃ rocayāmāsuraṃśumantaṃ sudhārmikam || 1 ||
sa rājā sumahānāsīdaṃśumān raghunandana |
tasya putro mahānāsīddilīpa iti viśrutaḥ || 2 ||
tasmin rājyaṃ samāveśya dilīpe raghunandana |
himavacchikhare puṇye tapastepe sudāruṇam || 3 ||
dvātriṃśacca sahasrāṇi varṣāṇi sumahāyaśāḥ |
tapovanaṃ gato rāma svargaṃ lebhe tapodhanaḥ || 4 ||
dilīpastu mahātejāśśrutvā paitāmahaṃ vadham |
duḥkhopahatayā buddhyā niścayaṃ nādhyagacchata || 5 ||
kathaṃ gaṅgāvataraṇaṃ kathaṃ teṣāṃ jalakriyā |
tārayeyaṃ kathaṃ caitāniti cintāparo'bhavat || 6 ||
tasya cintayato nityaṃ dharmeṇa viditātmanaḥ |
putro bhagīratho nāma jajñe paramadhārmikaḥ || 7 ||
dilīpastu mahātejā yajñairbahubhiriṣṭavān |
triṃśadvarṣasahasrāṇi rājā rājyamakārayat || 8 ||
agatvā niścayaṃ rājā teṣāmuddharaṇaṃ prati |
vyādhinā naraśārdūla kāladharmamupeyivān || 9 ||
indralokaṃ gato rājā svārjitenaiva karmaṇā |
rājye bhagīrathaṃ putramabhiṣicya nararṣabhaḥ || 10 ||
bhagīrathastu rājarṣirdhārmiko raghunandana |
anapatyo mahātejāḥ prajākāmassa cāprajaḥ || 11 ||
mantriṣvādhāya tadrājyaṃ gaṅgāvataraṇe rataḥ |
sa tapo dīrghamātiṣṭhadgokarṇe raghunandana || 12 ||
ūrdhvabāhuḥ pañcatapā māsāhāro jitendriyaḥ |
tasya varṣasahasrāṇi ghore tapasi tiṣṭhataḥ || 13 ||
atītāni mahābāho tasya rājño mahātmanaḥ |
suprīto bhagavān brahmā prajānāṃ patirīśvaraḥ || 14 ||
tatassuragaṇaissārdhamupāgamya pitāmahaḥ |
bhagīrathaṃ mahātmānaṃ tapyamānamathābravīt || 15 ||
bhagīratha mahābhāga prītaste'haṃ janeśvara |
tapasā ca sutaptena varaṃ varaya suvrata || 16 ||
tamuvāca mahātejāḥ sarvalokapitāmaham |
bhagīratho mahābhāgaḥ kṛtāñjalirupasthitaḥ || 17 ||
yadi me bhagavan prīto yadyasti tapasaḥ phalam |
sagarasyātmajāssarve mattassalilamāpnuyuḥ || 18 ||
gaṅgāyāssalilaklinne bhasmanyeṣāṃ mahātmanām |
svargaṃ gaccheyuratyantaṃ sarve me prapitāmahāḥ || 19 ||
deyā ca santatirdeva nāvasīdetkulaṃ ca naḥ |
ikṣvākūṇāṃ kule deva eṣa me'stu varaḥparaḥ || 20 ||
uktavākyaṃ tu rājānaṃ sarvalokapitāmahaḥ |
pratyuvāca śubhāṃ vāṇīṃ madhurāṃ madhurākṣarām || 21 ||
manoratho mahāneṣa bhagīratha mahāratha |
evaṃ bhavatu bhadraṃ te ikṣvākukulavardhana || 22 ||
iyaṃ haimavatī gaṅgā jyeṣṭhā himavatassutā |
tāṃ vai dhārayituṃ śakto harastatra niyujyatām || 23 ||
gaṅgāyāḥ patanaṃ rājan pṛthivī na sahiṣyati |
tāṃ vai dhārayituṃ vīra nānyaṃ paśyāmi śūlinaḥ || 24 ||
tamevamuktvā rājānaṃ gaṅgāṃ cābhāṣya lokakṛt |
jagāma tridivaṃ devassahadevairmarudgaṇaiḥ || 25 ||
ityārṣe śrīmadrāmāyaṇe vālmīkīya ādikāvye bālakāṇḍe dvicatvāriṃśassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.