ਦੇਯਾਸੁਰ੍ਮੂਰ੍ਧ੍ਨਿ ਰਾਜਤ੍ਸਰਸਸੁਰਸਰਿਤ੍ਪਾਰਪਰ੍ਯਨ੍ਤਨਿਰ੍ਯ-
-ਤ੍ਪ੍ਰਾਂਸ਼ੁਸ੍ਤਮ੍ਬਾਃ ਪਿਸ਼ਙ੍ਗਾਸ੍ਤੁਲਿਤਪਰਿਣਤਾਰਕ੍ਤਸ਼ਾਲੀਲਤਾ ਵਃ ।
ਦੁਰ੍ਵਾਰਾਪਤ੍ਤਿਗਰ੍ਤਸ਼੍ਰਿਤਨਿਖਿਲਜਨੋਤ੍ਤਾਰਣੇ ਰਜ੍ਜੁਭੂਤਾ
ਘੋਰਾਘੋਰ੍ਵੀਰੁਹਾਲੀਦਹਨਸ਼ਿਖਿਸ਼ਿਖਾਃ ਸ਼ਰ੍ਮ ਸ਼ਾਰ੍ਵਾਃ ਕਪਰ੍ਦਾਃ ॥ 1 ॥
ਕੁਰ੍ਵਨ੍ਨਿਰ੍ਵਾਣਮਾਰ੍ਗਪ੍ਰਗਮਪਰਿਲਸਦ੍ਰੂਪ੍ਯਸੋਪਾਨਸ਼ਙ੍ਕਾਂ
ਸ਼ਕ੍ਰਾਰੀਣਾਂ ਪੁਰਾਣਾਂ ਤ੍ਰਯਵਿਜਯਕृਤਸ੍ਪष੍ਟਰੇਖਾਯਮਾਣਮ੍ ।
ਅਵ੍ਯਾਦਵ੍ਯਾਜਮੁਚ੍ਚੈਰਲਿਕਹਿਮਧਰਾਧਿਤ੍ਯਕਾਨ੍ਤਸ੍ਤ੍ਰਿਧੋਦ੍ਯ-
-ਜ੍ਜਾਹ੍ਨਵ੍ਯਾਭਂ ਮृਡਾਨੀਕਮਿਤੁਰੁਡੁਪਰੁਕ੍ਪਾਣ੍ਡਰਂ ਵਸ੍ਤ੍ਰਿਪੁਣ੍ਡ੍ਰਮ੍ ॥ 2 ॥
ਕ੍ਰੁਧ੍ਯਦ੍ਗੌਰੀਪ੍ਰਸਾਦਾਨਤਿਸਮਯਪਦਾਙ੍ਗੁष੍ਠਸਙ੍ਕ੍ਰਾਨ੍ਤਲਾਕ੍षਾ-
-ਬਿਨ੍ਦੁਸ੍ਪਰ੍ਧਿ ਸ੍ਮਰਾਰੇਃ ਸ੍ਫਟਿਕਮਣਿਦृषਨ੍ਮਗ੍ਨਮਾਣਿਕ੍ਯਸ਼ੋਭਮ੍ ।
ਮੂਰ੍ਧ੍ਨ੍ਯੁਦ੍ਯਦ੍ਦਿਵ੍ਯਸਿਨ੍ਧੋਃ ਪਤਿਤਸ਼ਫਰਿਕਾਕਾਰਿ ਵੋ ਮਸ੍ਤਕਂ ਸ੍ਤਾ-
-ਦਸ੍ਤੋਕਾਪਤ੍ਤਿਕृਤ੍ਯੈ ਹੁਤਵਹਕਣਿਕਾਮੋਕ੍षਰੂਕ੍षਂ ਸਦਾਕ੍षਿ ॥ 3 ॥
ਭੂਤ੍ਯੈ ਦृਗ੍ਭੂਤਯੋਃ ਸ੍ਯਾਦ੍ਯਦਹਿਮਹਿਮਰੁਗ੍ਬਿਮ੍ਬਯੋਃ ਸ੍ਨਿਗ੍ਧਵਰ੍ਣੋ
ਦੈਤ੍ਯੌਘਧ੍ਵਂਸਸ਼ਂਸੀ ਸ੍ਫੁਟ ਇਵ ਪਰਿਵੇषਾਵਸ਼ੇषੋ ਵਿਭਾਤਿ ।
ਸਰ੍ਗਸ੍ਥਿਤ੍ਯਨ੍ਤਵृਤ੍ਤਿਰ੍ਮਯਿ ਸਮੁਪਗਤੇਤੀਵ ਨਿਰ੍ਵृਤ੍ਤਗਰ੍ਵਂ
ਸ਼ਰ੍ਵਾਣੀਭਰ੍ਤੁਰੁਚ੍ਚੈਰ੍ਯੁਗਲਮਥ ਦਧਦ੍ਵਿਭ੍ਰਮਂ ਤਦ੍ਭ੍ਰੁਵੋਰ੍ਵਃ ॥ 4 ॥
ਯੁਗ੍ਮੇ ਰੁਕ੍ਮਾਬ੍ਜਪਿਙ੍ਗੇ ਗ੍ਰਹ ਇਵ ਪਿਹਿਤੇ ਦ੍ਰਾਗ੍ਯਯੋਃ ਪ੍ਰਾਗ੍ਦੁਹਿਤ੍ਰਾ
ਸ਼ੈਲਸ੍ਯ ਧ੍ਵਾਨ੍ਤਨੀਲਾਮ੍ਬਰਰਚਿਤਬृਹਤ੍ਕਞ੍ਚੁਕੋऽਭੂਤ੍ਪ੍ਰਪਞ੍ਚਃ ।
ਤੇ ਤ੍ਰੈਨੇਤ੍ਰੇ ਪਵਿਤ੍ਰੇ ਤ੍ਰਿਦਸ਼ਵਰਘਟਾਮਿਤ੍ਰਜੈਤ੍ਰੋਗ੍ਰਸ਼ਸ੍ਤ੍ਰੇ
ਨੇਤ੍ਰੇ ਨੇਤ੍ਰੇ ਭਵੇਤਾਂ ਦ੍ਰੁਤਮਿਹ ਭਵਤਾਮਿਨ੍ਦ੍ਰਿਯਾਸ਼੍ਵਾਨ੍ਵਿਯਨ੍ਤੁਮ੍ ॥ 5 ॥
ਚਣ੍ਡੀਵਕ੍ਤ੍ਰਾਰ੍ਪਣੇਚ੍ਛੋਸ੍ਤਦਨੁ ਭਗਵਤਃ ਪਾਣ੍ਡੁਰੁਕ੍ਪਾਣ੍ਡੁਗਣ੍ਡ-
-ਪ੍ਰੋਦ੍ਯਤ੍ਕਣ੍ਡੂਂ ਵਿਨੇਤੁਂ ਵਿਤਨੁਤ ਇਵ ਯੇ ਰਤ੍ਨਕੋਣੈਰ੍ਵਿਘृष੍ਟਿਮ੍ ।
ਚਣ੍ਡਾਰ੍ਚਿਰ੍ਮਣ੍ਡਲਾਭੇ ਸਤਤਨਤਜਨਧ੍ਵਾਨ੍ਤਖਣ੍ਡਾਤਿਸ਼ੌਣ੍ਡੇ
ਚਾਣ੍ਡੀਸ਼ੇ ਤੇ ਸ਼੍ਰਿਯੇਸ੍ਤਾਮਧਿਕਮਵਨਤਾਖਣ੍ਡਲੇ ਕੁਣ੍ਡਲੇ ਵਃ ॥ 6 ॥
ਖਟ੍ਵਾਙ੍ਗੋਦਗ੍ਰਪਾਣੇਃ ਸ੍ਫੁਟਵਿਕਟਪੁਟੋ ਵਕ੍ਤ੍ਰਰਨ੍ਧ੍ਰਪ੍ਰਵੇਸ਼-
-ਪ੍ਰੇਪ੍ਸੂਦਞ੍ਚਤ੍ਫਣੋਰੁਸ਼੍ਵਸਦਤਿਧਵਲਾਹੀਨ੍ਦ੍ਰਸ਼ਙ੍ਕਾਂ ਦਧਾਨਃ ।
ਯੁष੍ਮਾਕਂ ਕ੍ਰਮਵਕ੍ਤ੍ਰਾਮ੍ਬੁਰੁਹਪਰਿਲਸਤ੍ਕਰ੍ਣਿਕਾਕਾਰਸ਼ੋਭਃ
ਸ਼ਸ਼੍ਵਤ੍ਤ੍ਰਾਣਾਯ ਭੂਯਾਦਲਮਤਿਵਿਮਲੋਤ੍ਤੁਙ੍ਗਕੋਣਃ ਸ ਘੋਣਃ ॥ 7 ॥
ਕ੍ਰੁਧ੍ਯਤ੍ਯਦ੍ਧਾ ਯਯੋਃ ਸ੍ਵਾਂ ਤਨੁਮਤਿਲਸਤੋਰ੍ਬਿਮ੍ਬਿਤਾਂ ਲਕ੍षਯਨ੍ਤੀ
ਭਰ੍ਤ੍ਰੇ ਸ੍ਪਰ੍ਧਾਤਿਨਿਘ੍ਨਾ ਮੁਹੁਰਿਤਰਵਧੂਸ਼ਙ੍ਕਯਾ ਸ਼ੈਲਕਨ੍ਯਾ ।
ਯੁष੍ਮਾਂਸ੍ਤੌ ਸ਼ਸ਼੍ਵਦੁਚ੍ਚੈਰਬਹੁਲਦਸ਼ਮੀਸ਼ਰ੍ਵਰੀਸ਼ਾਤਿਸ਼ੁਭ੍ਰਾ-
-ਵਵ੍ਯਾਸ੍ਤਾਂ ਦਿਵ੍ਯਸਿਨ੍ਧੋਃ ਕਮਿਤੁਰਵਨਮਲ੍ਲੋਕਪਾਲੌ ਕਪੋਲੌ ॥ 8 ॥
ਯੋ ਭਾਸਾ ਭਾਤ੍ਯੁਪਾਨ੍ਤਸ੍ਥਿਤ ਇਵ ਨਿਭृਤਂ ਕੌਸ੍ਤੁਭੋ ਦ੍ਰष੍ਟੁਮਿਚ੍ਛ-
-ਨ੍ਸੋਤ੍ਥਸ੍ਨੇਹਾਨ੍ਨਿਤਾਨ੍ਤਂ ਗਲਗਤਗਰਲਂ ਪਤ੍ਯੁਰੁਚ੍ਚੈਃ ਪਸ਼ੂਨਾਮ੍ ।
ਪ੍ਰੋਦ੍ਯਤ੍ਪ੍ਰੇਮ੍ਣਾ ਯਮਾਰ੍ਦ੍ਰਾ ਪਿਬਤਿ ਗਿਰਿਸੁਤਾ ਸਮ੍ਪਦਃ ਸਾਤਿਰੇਕਾ
ਲੋਕਾਃ ਸ਼ੋਣੀਕृਤਾਨ੍ਤਾ ਯਦਧਰਮਹਸਾ ਸੋऽਧਰੋ ਵੋ ਵਿਧਤ੍ਤਾਮ੍ ॥ 9 ॥
ਅਤ੍ਯਰ੍ਥਂ ਰਾਜਤੇ ਯਾ ਵਦਨਸ਼ਸ਼ਧਰਾਦੁਦ੍ਗਲਚ੍ਚਾਰੁਵਾਣੀ-
-ਪੀਯੂषਾਮ੍ਭਃਪ੍ਰਵਾਹਪ੍ਰਸਰਪਰਿਲਸਤ੍ਫੇਨਬਿਨ੍ਦ੍ਵਾਵਲੀਵ ।
ਦੇਯਾਤ੍ਸਾ ਦਨ੍ਤਪਙ੍ਕ੍ਤਿਸ਼੍ਚਿਰਮਿਹ ਦਨੁਦਾਯਾਦਦੌਵਾਰਿਕਸ੍ਯ
ਦ੍ਯੁਤ੍ਯਾ ਦੀਪ੍ਤੇਨ੍ਦੁਕੁਨ੍ਦਚ੍ਛਵਿਰਮਲਤਰਪ੍ਰੋਨ੍ਨਤਾਗ੍ਰਾ ਮੁਦਂ ਵਃ ॥ 10 ॥
ਨ੍ਯਕ੍ਕੁਰ੍ਵਨ੍ਨੁਰ੍ਵਰਾਭृਨ੍ਨਿਭਘਨਸਮਯੋਦ੍ਧੁष੍ਟਮੇਘੌਘਘੋषਂ
ਸ੍ਫੂਰ੍ਜਦ੍ਵਾਰ੍ਧ੍ਯੁਤ੍ਥਿਤੋਰੁਧ੍ਵਨਿਤਮਪਿ ਪਰਬ੍ਰਹ੍ਮਭੂਤੋ ਗਭੀਰਃ ।
ਸੁਵ੍ਯਕ੍ਤੋ ਵ੍ਯਕ੍ਤਮੂਰ੍ਤੇਃ ਪ੍ਰਕਟਿਤਕਰਣਃ ਪ੍ਰਾਣਨਾਥਸ੍ਯ ਸਤ੍ਯਾਃ
ਪ੍ਰੀਤ੍ਯਾ ਵਃ ਸਂਵਿਦਧ੍ਯਾਤ੍ਫਲਵਿਕਲਮਲਂ ਜਨ੍ਮ ਨਾਦਃ ਸ ਨਾਦਃ ॥ 11 ॥
ਭਾਸਾ ਯਸ੍ਯ ਤ੍ਰਿਲੋਕੀ ਲਸਤਿ ਪਰਿਲਸਤ੍ਫੇਨਬਿਨ੍ਦ੍ਵਰ੍ਣਵਾਨ੍ਤ-
-ਰ੍ਵ੍ਯਾਮਗ੍ਨੇਵਾਤਿਗੌਰਸ੍ਤੁਲਿਤਸੁਰਸਰਿਦ੍ਵਾਰਿਪੂਰਪ੍ਰਸਾਰਃ ।
ਪੀਨਾਤ੍ਮਾ ਦਨ੍ਤਭਾਭਿਰ੍ਭृਸ਼ਮਹਹਹਕਾਰਾਤਿਭੀਮਃ ਸਦੇष੍ਟਾਂ
ਪੁष੍ਟਾਂ ਤੁष੍ਟਿਂ ਕृषੀष੍ਟ ਸ੍ਫੁਟਮਿਹ ਭਵਤਾਮਟ੍ਟਹਾਸੋऽष੍ਟਮੂਰ੍ਤੇਃ ॥ 12 ॥
ਸਦ੍ਯੋਜਾਤਾਖ੍ਯਮਾਪ੍ਯਂ ਯਦੁਵਿਮਲਮੁਦਗ੍ਵਰ੍ਤਿ ਯਦ੍ਵਾਮਦੇਵਂ
ਨਾਮ੍ਨਾ ਹੇਮ੍ਨਾ ਸਦृਕ੍षਂ ਜਲਦਨਿਭਮਘੋਰਾਹ੍ਵਯਂ ਦਕ੍षਿਣਂ ਯਤ੍ ।
ਯਦ੍ਬਾਲਾਰ੍ਕਪ੍ਰਭਂ ਤਤ੍ਪੁਰੁषਨਿਗਦਿਤਂ ਪੂਰ੍ਵਮੀਸ਼ਾਨਸਞ੍ਜ੍ਞਂ
ਯਦ੍ਦਿਵ੍ਯਂ ਤਾਨਿ ਸ਼ਮ੍ਭੋਰ੍ਭਵਦਭਿਲषਿਤਂ ਪਞ੍ਚ ਦਦ੍ਯੁਰ੍ਮੁਖਾਨਿ ॥ 13 ॥
ਆਤ੍ਮਪ੍ਰੇਮ੍ਣੋ ਭਵਾਨ੍ਯਾ ਸ੍ਵਯਮਿਵ ਰਚਿਤਾਃ ਸਾਦਰਂ ਸਾਂਵਨਨ੍ਯਾ
ਮष੍ਯਾ ਤਿਸ੍ਰਃਸੁਨੀਲਾਞ੍ਜਨਨਿਭਗਰਰੇਖਾਃ ਸਮਾਭਾਨ੍ਤਿ ਯਸ੍ਯਾਮ੍ ।
ਅਕਲ੍ਪਾਨਲ੍ਪਭਾਸਾ ਭृਸ਼ਰੁਚਿਰਤਰਾ ਕਮ੍ਬੁਕਲ੍ਪਾਮ੍ਬਿਕਾਯਾਃ
ਪਤ੍ਯੁਃ ਸਾਤ੍ਯਨ੍ਤਮਨ੍ਤਰ੍ਵਿਲਸਤੁ ਸਤਤਂ ਮਨ੍ਥਰਾ ਕਨ੍ਧਰਾ ਵਃ ॥ 14 ॥
ਵਕ੍ਤ੍ਰੇਨ੍ਦੋਰ੍ਦਨ੍ਤਲਕ੍ष੍ਮ੍ਯਾਸ਼੍ਚਿਰਮਧਰਮਹਾਕੌਸ੍ਤੁਭਸ੍ਯਾਪ੍ਯੁਪਾਨ੍ਤੇ
ਸੋਤ੍ਥਾਨਾਂ ਪ੍ਰਾਰ੍ਥਯਨ੍ਯਃ ਸ੍ਥਿਤਿਮਚਲਭੁਵੇ ਵਾਰਯਨ੍ਤ੍ਯੈ ਨਿਵੇਸ਼ਮ੍ ।
ਪ੍ਰਾਯੁਙ੍ਕ੍ਤੇਵਾਸ਼ਿषੋ ਯਃ ਪ੍ਰਤਿਪਦਮਮृਤਤ੍ਵੇ ਸ੍ਥਿਤਃ ਕਾਲਸ਼ਤ੍ਰੋਃ
ਕਾਲਂ ਕੁਰ੍ਵਨ੍ਗਲਂ ਵੋ ਹृਦਯਮਯਮਲਂ ਕ੍षਾਲਯੇਤ੍ਕਾਲਕੂਟਃ ॥ 15 ॥
ਪ੍ਰੌਢਪ੍ਰੇਮਾਕੁਲਾਯਾ ਦृਢਤਰਪਰਿਰਮ੍ਭੇषੁ ਪਰ੍ਵੇਨ੍ਦੁਮੁਖ੍ਯਾਃ
ਪਾਰ੍ਵਤ੍ਯਾਸ਼੍ਚਾਰੁਚਾਮੀਕਰਵਲਯਪਦੈਰਙ੍ਕਿਤਂ ਕਾਨ੍ਤਿਸ਼ਾਲਿ ।
ਰਙ੍ਗਨ੍ਨਾਗਾਙ੍ਗਦਾਢ੍ਯਂ ਸਤਤਮਵਿਹਿਤਂ ਕਰ੍ਮ ਨਿਰ੍ਮੂਲਯੇਤ੍ਤ-
-ਦ੍ਦੋਰ੍ਮੂਲਂ ਨਿਰ੍ਮਲਂ ਯਦ੍ਧृਦਿ ਦੁਰਿਤਮਪਾਸ੍ਯਾਰ੍ਜਿਤਂ ਧੂਰ੍ਜਟੇਰ੍ਵਃ ॥ 16 ॥
ਕਣ੍ਠਾਸ਼੍ਲੇषਾਰ੍ਥਮਾਪ੍ਤਾ ਦਿਵ ਇਵ ਕਮਿਤੁਃ ਸ੍ਵਰ੍ਗਸਿਨ੍ਧੋਃ ਪ੍ਰਵਾਹਾਃ
ਕ੍ਰਾਨ੍ਤ੍ਯੈ ਸਂਸਾਰਸਿਨ੍ਧੋਃ ਸ੍ਫਟਿਕਮਣਿਮਹਾਸਙ੍ਕ੍ਰਮਾਕਾਰਦੀਰ੍ਘਾਃ ।
ਤਿਰ੍ਯਗ੍ਵਿष੍ਕਮ੍ਭਭੂਤਾਸ੍ਤ੍ਰਿਭੁਵਨਵਸਤੇਰ੍ਭਿਨ੍ਨਦੈਤ੍ਯੇਭਦੇਹਾ
ਬਾਹਾ ਵਸ੍ਤਾ ਹਰਸ੍ਯ ਦ੍ਰੁਤਮਿਹ ਨਿਵਹਾਨਂਹਸਾਂ ਸਂਹਰਨ੍ਤੁ ॥ 17 ॥
ਵਕ੍षੋ ਦਕ੍षਦ੍ਵਿषੋऽਲਂ ਸ੍ਮਰਭਰਵਿਨਮਦ੍ਦਕ੍षਜਾਕ੍षੀਣਵਕ੍षੋ-
-ਜਾਨ੍ਤਰ੍ਨਿਕ੍षਿਪ੍ਤਸ਼ੁਮ੍ਭਨ੍ਮਲਯਜਮਿਲਿਤੋਦ੍ਭਾਸਿ ਭਸ੍ਮੋਕ੍षਿਤਂ ਯਤ੍ ।
ਕ੍षਿਪ੍ਰਂ ਤਦ੍ਰੂਕ੍षਚਕ੍षੁਃ ਸ਼੍ਰੁਤਿਗਣਫਣਰਤ੍ਨੌਘਭਾਭੀਕ੍ष੍ਣਸ਼ੋਭਂ
ਯੁष੍ਮਾਕਂ ਸ਼ਸ਼੍ਵਦੇਨਃ ਸ੍ਫਟਿਕਮਣਿਸ਼ਿਲਾਮਣ੍ਡਲਾਭਂ ਕ੍षਿਣੋਤੁ ॥ 18 ॥
ਮੁਕ੍ਤਾਮੁਕ੍ਤੇ ਵਿਚਿਤ੍ਰਾਕੁਲਵਲਿਲਹਰੀਜਾਲਸ਼ਾਲਿਨ੍ਯਵਾਞ੍ਚ-
-ਨ੍ਨਾਭ੍ਯਾਵਰ੍ਤੇ ਵਿਲੋਲਦ੍ਭੁਜਗਵਰਯੁਤੇ ਕਾਲਸ਼ਤ੍ਰੋਰ੍ਵਿਸ਼ਾਲੇ ।
ਯੁष੍ਮਚ੍ਚਿਤ੍ਤਤ੍ਰਿਧਾਮਾ ਪ੍ਰਤਿਨਵਰੁਚਿਰੇ ਮਨ੍ਦਿਰੇ ਕਾਨ੍ਤਿਲਕ੍ष੍ਮ੍ਯਾਃ
ਸ਼ੇਤਾਂ ਸ਼ੀਤਾਂਸ਼ੁਗੌਰੇ ਚਿਰਤਰਮੁਦਰਕ੍षੀਰਸਿਨ੍ਧੌ ਸਲੀਲਮ੍ ॥ 19 ॥
ਵੈਯਾਘ੍ਰੀ ਯਤ੍ਰ ਕृਤ੍ਤਿਃ ਸ੍ਫੁਰਤਿ ਹਿਮਗਿਰੇਰ੍ਵਿਸ੍ਤृਤੋਪਤ੍ਯਕਾਨ੍ਤਃ
ਸਾਨ੍ਦ੍ਰਾਵਸ਼੍ਯਾਯਮਿਸ਼੍ਰਾ ਪਰਿਤ ਇਵ ਵृਤਾ ਨੀਲਜੀਮੂਤਮਾਲਾ ।
ਆਬਦ੍ਧਾਹੀਨ੍ਦ੍ਰਕਾਞ੍ਚੀਗੁਣਮਤਿਪृਥੁਲਂ ਸ਼ੈਲਜਾਕ੍ਰੀਡਭੂਮਿ-
-ਸ੍ਤਦ੍ਵੋ ਨਿਃਸ਼੍ਰੇਯਸੇ ਸ੍ਯਾਜ੍ਜਘਨਮਤਿਘਨਂ ਬਾਲਸ਼ੀਤਾਂਸ਼ੁਮੌਲੇਃ ॥ 20 ॥
ਪੁष੍ਟਾਵष੍ਟਮ੍ਭਭੂਤੌ ਪृਥੁਤਰਜਘਨਸ੍ਯਾਪਿ ਨਿਤ੍ਯਂ ਤ੍ਰਿਲੋਕ੍ਯਾਃ
ਸਮ੍ਯਗ੍ਵृਤ੍ਤੌ ਸੁਰੇਨ੍ਦ੍ਰਦ੍ਵਿਰਦਵਰਕਰੋਦਾਰਕਾਨ੍ਤਿਂ ਦਧਾਨੌ ।
ਸਾਰਾਵੂਰੂ ਪੁਰਾਰੇਃ ਪ੍ਰਸਭਮਰਿਘਟਾਘਸ੍ਮਰੌ ਭਸ੍ਮਸ਼ੁਭ੍ਰੌ
ਭਕ੍ਤੈਰਤ੍ਯਾਰ੍ਦ੍ਰਚਿਤ੍ਤੈਰਧਿਕਮਵਨਤੌ ਵਾਞ੍ਛਿਤਂ ਵੋ ਵਿਧਤ੍ਤਾਮ੍ ॥ 21 ॥
ਆਨਨ੍ਦਾਯੇਨ੍ਦੁਕਾਨ੍ਤੋਪਲਰਚਿਤਸਮੁਦ੍ਗਾਯਿਤੇ ਯੇ ਮੁਨੀਨਾਂ
ਚਿਤ੍ਤਾਦਰ੍ਸ਼ਂ ਨਿਧਾਤੁਂ ਵਿਦਧਤਿ ਚਰਣੇ ਤਾਣ੍ਡਵਾਕੁਞ੍ਚਨਾਨਿ ।
ਕਾਞ੍ਚੀਭੋਗੀਨ੍ਦ੍ਰਮੂਰ੍ਧ੍ਨਾਂ ਪ੍ਰਤਿਮੁਹੁਰੁਪਧਾਨਾਯਮਾਨੇ ਕ੍षਣਂ ਤੇ
ਕਾਨ੍ਤੇ ਸ੍ਤਾਮਨ੍ਤਕਾਰੇਰ੍ਦ੍ਯੁਤਿਵਿਜਿਤਸੁਧਾਭਾਨੁਨੀ ਜਾਨੁਨੀ ਵਃ ॥ 22 ॥
ਮਞ੍ਜੀਰੀਭੂਤਭੋਗਿਪ੍ਰਵਰਗਣਫਣਾਮਣ੍ਡਲਾਨ੍ਤਰ੍ਨਿਤਾਨ੍ਤ-
-ਵ੍ਯਾਦੀਰ੍ਘਾਨਰ੍ਘਰਤ੍ਨਦ੍ਯੁਤਿਕਿਸਲਯਤੇ ਸ੍ਤੂਯਮਾਨੇ ਦ੍ਯੁਸਦ੍ਭਿਃ ।
ਬਿਭ੍ਰਤ੍ਯੌ ਵਿਭ੍ਰਮਂ ਵਃ ਸ੍ਫਟਿਕਮਣਿਬृਹਦ੍ਦਣ੍ਡਵਦ੍ਭਾਸਿਤੇ ਯੇ
ਜਙ੍ਘੇ ਸ਼ਙ੍ਖੇਨ੍ਦੁਸ਼ੁਭ੍ਰੇ ਭृਸ਼ਮਿਹ ਭਵਤਾਂ ਮਾਨਸੇ ਸ਼ੂਲਪਾਣੇਃ ॥ 23 ॥
ਅਸ੍ਤੋਕਸ੍ਤੋਮਸ਼ਸ੍ਤ੍ਰੈਰਪਚਿਤਿਮਮਲਾਂ ਭੂਰਿਭਾਵੋਪਹਾਰੈਃ
ਕੁਰ੍ਵਦ੍ਭਿਃ ਸਰ੍ਵਦੋਚ੍ਚੈਃ ਸਤਤਮਭਿਵृਤੌ ਬ੍ਰਹ੍ਮਵਿਦ੍ਦੇਵਲਾਦ੍ਯੈਃ ।
ਸਮ੍ਯਕ੍ਸਮ੍ਪੂਜ੍ਯਮਾਨਾਵਿਹ ਹृਦਿ ਸਰਸੀਵਾਨਿਸ਼ਂ ਯੁष੍ਮਦੀਯੇ
ਸ਼ਰ੍ਵਸ੍ਯ ਕ੍ਰੀਡਤਾਂ ਤੌ ਪ੍ਰਪਦਵਰਬृਹਤ੍ਕਚ੍ਛਪਾਵਚ੍ਛਭਾਸੌ ॥ 24 ॥
ਯਾਃ ਸ੍ਵਸ੍ਯੈਕਾਂਸ਼ਪਾਤਾਦਤਿਬਹਲਗਲਦ੍ਰਕ੍ਤਵਕ੍ਤ੍ਰਂ ਪ੍ਰਣੁਨ੍ਨ-
-ਪ੍ਰਾਣਂ ਪ੍ਰਾਕ੍ਰੋਸ਼ਯਨ੍ਪ੍ਰਾਙ੍ਨਿਜਮਚਲਵਰਂ ਚਾਲਯਨ੍ਤਂ ਦਸ਼ਾਸ੍ਯਮ੍ ।
ਪਾਦਾਙ੍ਗੁਲ੍ਯੋ ਦਿਸ਼ਨ੍ਤੁ ਦ੍ਰੁਤਮਯੁਗਦृਸ਼ਃ ਕਲ੍ਮषਪ੍ਲੋषਕਲ੍ਯਾਃ
ਕਲ੍ਯਾਣਂ ਫੁਲ੍ਲਮਾਲ੍ਯਪ੍ਰਕਰਵਿਲਸਿਤਾ ਵਃ ਪ੍ਰਣਦ੍ਧਾਹਿਵਲ੍ਲ੍ਯਃ ॥ 25 ॥
ਪ੍ਰਹ੍ਵਪ੍ਰਾਚੀਨਬਰ੍ਹਿਃਪ੍ਰਮੁਖਸੁਰਵਰਪ੍ਰਸ੍ਫੁਰਨ੍ਮੌਲਿਸਕ੍ਤ-
-ਜ੍ਯਾਯੋਰਤ੍ਨੋਤ੍ਕਰੋਸ੍ਰੈਰਵਿਰਤਮਮਲਾ ਭੂਰਿਨੀਰਾਜਿਤਾ ਯਾ ।
ਪ੍ਰੋਦਗ੍ਰਾਗ੍ਰਾ ਪ੍ਰਦੇਯਾਤ੍ਤਤਿਰਿਵ ਰੁਚਿਰਾ ਤਾਰਕਾਣਾਂ ਨਿਤਾਨ੍ਤਂ
ਨੀਲਗ੍ਰੀਵਸ੍ਯ ਪਾਦਾਮ੍ਬੁਰੁਹਵਿਲਸਿਤਾ ਸਾ ਨਖਾਲੀ ਸੁਖਂ ਵਃ ॥ 26 ॥
ਸਤ੍ਯਾਃ ਸਤ੍ਯਾਨਨੇਨ੍ਦਾਵਪਿ ਸਵਿਧਗਤੇ ਯੇ ਵਿਕਾਸਂ ਦਧਾਤੇ
ਸ੍ਵਾਨ੍ਤੇ ਸ੍ਵਾਂ ਤੇ ਲਭਨ੍ਤੇ ਸ਼੍ਰਿਯਮਿਹ ਸਰਸੀਵਾਮਰਾ ਯੇ ਦਧਾਨਾਃ ।
ਲੋਲਂ ਲੋਲਮ੍ਬਕਾਨਾਂ ਕੁਲਮਿਵ ਸੁਧਿਯਾਂ ਸੇਵਤੇ ਯੇ ਸਦਾ ਸ੍ਤਾਂ
ਭੂਤ੍ਯੈ ਭੂਤ੍ਯੈਣਪਾਣੇਰ੍ਵਿਮਲਤਰਰੁਚਸ੍ਤੇ ਪਦਾਮ੍ਭੋਰੁਹੇ ਵਃ ॥ 27 ॥
ਯੇषਾਂ ਰਾਗਾਦਿਦੋषਾਕ੍षਤਮਤਿ ਯਤਯੋ ਯਾਨ੍ਤਿ ਮੁਕ੍ਤਿਂ ਪ੍ਰਸਾਦਾ-
-ਦ੍ਯੇ ਵਾ ਨਮ੍ਰਾਤ੍ਮਮੂਰ੍ਤਿਦ੍ਯੁਸਦृषਿਪਰਿषਨ੍ਮੂਰ੍ਧ੍ਨਿ ਸ਼ੇषਾਯਮਾਣਾਃ ।
ਸ਼੍ਰੀਕਣ੍ਠਸ੍ਯਾਰੁਣੋਦ੍ਯਚ੍ਚਰਣਸਰਸਿਜਪ੍ਰੋਤ੍ਥਿਤਾਸ੍ਤੇ ਭਾਵਾਖ੍ਯਾ-
-ਤ੍ਪਾਰਾਵਾਰਾਚ੍ਚਿਰਂ ਵੋ ਦੁਰਿਤਹਤਿਕृਤਸ੍ਤਾਰਯੇਯੁਃ ਪਰਾਗਾਃ ॥ 28 ॥
ਭੂਮ੍ਨਾ ਯਸ੍ਯਾਸ੍ਤਸੀਮ੍ਨਾ ਭੁਵਨਮਨੁਸृਤਂ ਯਤ੍ਪਰਂ ਧਾਮ ਧਾਮ੍ਨਾਂ
ਸਾਮ੍ਨਾਮਾਮ੍ਨਾਯਤਤ੍ਤ੍ਵਂ ਯਦਪਿ ਚ ਪਰਮਂ ਯਦ੍ਗੁਣਾਤੀਤਮਾਦ੍ਯਮ੍ ।
ਯਚ੍ਚਾਂਹੋਹਨ੍ਨਿਰੀਹਂ ਗਹਨਮਿਤਿ ਮੁਹੁਃ ਪ੍ਰਾਹੁਰੁਚ੍ਚੈਰ੍ਮਹਾਨ੍ਤੋ
ਮਾਹੇਸ਼ਂ ਤਨ੍ਮਹੋ ਮੇ ਮਹਿਤਮਹਰਹਰ੍ਮੋਹਰੋਹਂ ਨਿਹਨ੍ਤੁ ॥ 29 ॥
ਇਤਿ ਸ਼੍ਰੀਮਤ੍ਪਰਮਹਂਸਪਰਿਵ੍ਰਾਜਕਾਚਾਰ੍ਯਸ੍ਯ ਸ਼੍ਰੀਗੋਵਿਨ੍ਦਭਗਵਤ੍ਪੂਜ੍ਯਪਾਦਸ਼ਿष੍ਯਸ੍ਯ ਸ਼੍ਰੀਮਚ੍ਛਙ੍ਕਰਭਗਵਤਃ ਕृਤੌ ਸ਼੍ਰੀ ਸ਼ਿਵ ਕੇਸ਼ਾਦਿਪਾਦਾਨ੍ਤਵਰ੍ਣਨ ਸ੍ਤੋਤ੍ਰਮ੍ ॥
Roman (IAST) Transliteration
deyāsurmūrdhni rājatsarasasurasaritpāraparyantanirya-
-tprāṃśustambāḥ piśaṅgāstulitapariṇatāraktaśālīlatā vaḥ |
durvārāpattigartaśritanikhilajanottāraṇe rajjubhūtā
ghorāghorvīruhālīdahanaśikhiśikhāḥ śarma śārvāḥ kapardāḥ || 1 ||
kurvannirvāṇamārgapragamaparilasadrūpyasopānaśaṅkāṃ
śakrārīṇāṃ purāṇāṃ trayavijayakṛtaspaṣṭarekhāyamāṇam |
avyādavyājamuccairalikahimadharādhityakāntastridhodya-
-jjāhnavyābhaṃ mṛḍānīkamituruḍuparukpāṇḍaraṃ vastripuṇḍram || 2 ||
krudhyadgaurīprasādānatisamayapadāṅguṣṭhasaṅkrāntalākṣā-
-binduspardhi smarāreḥ sphaṭikamaṇidṛṣanmagnamāṇikyaśobham |
mūrdhnyudyaddivyasindhoḥ patitaśapharikākāri vo mastakaṃ stā-
-dastokāpattikṛtyai hutavahakaṇikāmokṣarūkṣaṃ sadākṣi || 3 ||
bhūtyai dṛgbhūtayoḥ syādyadahimahimarugbimbayoḥ snigdhavarṇo
daityaughadhvaṃsaśaṃsī sphuṭa iva pariveṣāvaśeṣo vibhāti |
sargasthityantavṛttirmayi samupagatetīva nirvṛttagarvaṃ
śarvāṇībharturuccairyugalamatha dadhadvibhramaṃ tadbhruvorvaḥ || 4 ||
yugme rukmābjapiṅge graha iva pihite drāgyayoḥ prāgduhitrā
śailasya dhvāntanīlāmbararacitabṛhatkañcuko'bhūtprapañcaḥ |
te trainetre pavitre tridaśavaraghaṭāmitrajaitrograśastre
netre netre bhavetāṃ drutamiha bhavatāmindriyāśvānviyantum || 5 ||
caṇḍīvaktrārpaṇecchostadanu bhagavataḥ pāṇḍurukpāṇḍugaṇḍa-
-prodyatkaṇḍūṃ vinetuṃ vitanuta iva ye ratnakoṇairvighṛṣṭim |
caṇḍārcirmaṇḍalābhe satatanatajanadhvāntakhaṇḍātiśauṇḍe
cāṇḍīśe te śriyestāmadhikamavanatākhaṇḍale kuṇḍale vaḥ || 6 ||
khaṭvāṅgodagrapāṇeḥ sphuṭavikaṭapuṭo vaktrarandhrapraveśa-
-prepsūdañcatphaṇoruśvasadatidhavalāhīndraśaṅkāṃ dadhānaḥ |
yuṣmākaṃ kramavaktrāmburuhaparilasatkarṇikākāraśobhaḥ
śaśvattrāṇāya bhūyādalamativimalottuṅgakoṇaḥ sa ghoṇaḥ || 7 ||
krudhyatyaddhā yayoḥ svāṃ tanumatilasatorbimbitāṃ lakṣayantī
bhartre spardhātinighnā muhuritaravadhūśaṅkayā śailakanyā |
yuṣmāṃstau śaśvaduccairabahuladaśamīśarvarīśātiśubhrā-
-vavyāstāṃ divyasindhoḥ kamituravanamallokapālau kapolau || 8 ||
yo bhāsā bhātyupāntasthita iva nibhṛtaṃ kaustubho draṣṭumiccha-
-nsotthasnehānnitāntaṃ galagatagaralaṃ patyuruccaiḥ paśūnām |
prodyatpremṇā yamārdrā pibati girisutā sampadaḥ sātirekā
lokāḥ śoṇīkṛtāntā yadadharamahasā so'dharo vo vidhattām || 9 ||
atyarthaṃ rājate yā vadanaśaśadharādudgalaccāruvāṇī-
-pīyūṣāmbhaḥpravāhaprasaraparilasatphenabindvāvalīva |
deyātsā dantapaṅktiściramiha danudāyādadauvārikasya
dyutyā dīptendukundacchaviramalatarapronnatāgrā mudaṃ vaḥ || 10 ||
nyakkurvannurvarābhṛnnibhaghanasamayoddhuṣṭameghaughaghoṣaṃ
sphūrjadvārdhyutthitorudhvanitamapi parabrahmabhūto gabhīraḥ |
suvyakto vyaktamūrteḥ prakaṭitakaraṇaḥ prāṇanāthasya satyāḥ
prītyā vaḥ saṃvidadhyātphalavikalamalaṃ janma nādaḥ sa nādaḥ || 11 ||
bhāsā yasya trilokī lasati parilasatphenabindvarṇavānta-
-rvyāmagnevātigaurastulitasurasaridvāripūraprasāraḥ |
pīnātmā dantabhābhirbhṛśamahahahakārātibhīmaḥ sadeṣṭāṃ
puṣṭāṃ tuṣṭiṃ kṛṣīṣṭa sphuṭamiha bhavatāmaṭṭahāso'ṣṭamūrteḥ || 12 ||
sadyojātākhyamāpyaṃ yaduvimalamudagvarti yadvāmadevaṃ
nāmnā hemnā sadṛkṣaṃ jaladanibhamaghorāhvayaṃ dakṣiṇaṃ yat |
yadbālārkaprabhaṃ tatpuruṣanigaditaṃ pūrvamīśānasañjñaṃ
yaddivyaṃ tāni śambhorbhavadabhilaṣitaṃ pañca dadyurmukhāni || 13 ||
ātmapremṇo bhavānyā svayamiva racitāḥ sādaraṃ sāṃvananyā
maṣyā tisraḥsunīlāñjananibhagararekhāḥ samābhānti yasyām |
akalpānalpabhāsā bhṛśaruciratarā kambukalpāmbikāyāḥ
patyuḥ sātyantamantarvilasatu satataṃ mantharā kandharā vaḥ || 14 ||
vaktrendordantalakṣmyāściramadharamahākaustubhasyāpyupānte
sotthānāṃ prārthayanyaḥ sthitimacalabhuve vārayantyai niveśam |
prāyuṅktevāśiṣo yaḥ pratipadamamṛtatve sthitaḥ kālaśatroḥ
kālaṃ kurvangalaṃ vo hṛdayamayamalaṃ kṣālayetkālakūṭaḥ || 15 ||
prauḍhapremākulāyā dṛḍhataraparirambheṣu parvendumukhyāḥ
pārvatyāścārucāmīkaravalayapadairaṅkitaṃ kāntiśāli |
raṅgannāgāṅgadāḍhyaṃ satatamavihitaṃ karma nirmūlayetta-
-ddormūlaṃ nirmalaṃ yaddhṛdi duritamapāsyārjitaṃ dhūrjaṭervaḥ || 16 ||
kaṇṭhāśleṣārthamāptā diva iva kamituḥ svargasindhoḥ pravāhāḥ
krāntyai saṃsārasindhoḥ sphaṭikamaṇimahāsaṅkramākāradīrghāḥ |
tiryagviṣkambhabhūtāstribhuvanavasaterbhinnadaityebhadehā
bāhā vastā harasya drutamiha nivahānaṃhasāṃ saṃharantu || 17 ||
vakṣo dakṣadviṣo'laṃ smarabharavinamaddakṣajākṣīṇavakṣo-
-jāntarnikṣiptaśumbhanmalayajamilitodbhāsi bhasmokṣitaṃ yat |
kṣipraṃ tadrūkṣacakṣuḥ śrutigaṇaphaṇaratnaughabhābhīkṣṇaśobhaṃ
yuṣmākaṃ śaśvadenaḥ sphaṭikamaṇiśilāmaṇḍalābhaṃ kṣiṇotu || 18 ||
muktāmukte vicitrākulavalilaharījālaśālinyavāñca-
-nnābhyāvarte viloladbhujagavarayute kālaśatrorviśāle |
yuṣmaccittatridhāmā pratinavarucire mandire kāntilakṣmyāḥ
śetāṃ śītāṃśugaure cirataramudarakṣīrasindhau salīlam || 19 ||
vaiyāghrī yatra kṛttiḥ sphurati himagirervistṛtopatyakāntaḥ
sāndrāvaśyāyamiśrā parita iva vṛtā nīlajīmūtamālā |
ābaddhāhīndrakāñcīguṇamatipṛthulaṃ śailajākrīḍabhūmi-
-stadvo niḥśreyase syājjaghanamatighanaṃ bālaśītāṃśumauleḥ || 20 ||
puṣṭāvaṣṭambhabhūtau pṛthutarajaghanasyāpi nityaṃ trilokyāḥ
samyagvṛttau surendradviradavarakarodārakāntiṃ dadhānau |
sārāvūrū purāreḥ prasabhamarighaṭāghasmarau bhasmaśubhrau
bhaktairatyārdracittairadhikamavanatau vāñchitaṃ vo vidhattām || 21 ||
ānandāyendukāntopalaracitasamudgāyite ye munīnāṃ
cittādarśaṃ nidhātuṃ vidadhati caraṇe tāṇḍavākuñcanāni |
kāñcībhogīndramūrdhnāṃ pratimuhurupadhānāyamāne kṣaṇaṃ te
kānte stāmantakārerdyutivijitasudhābhānunī jānunī vaḥ || 22 ||
mañjīrībhūtabhogipravaragaṇaphaṇāmaṇḍalāntarnitānta-
-vyādīrghānargharatnadyutikisalayate stūyamāne dyusadbhiḥ |
bibhratyau vibhramaṃ vaḥ sphaṭikamaṇibṛhaddaṇḍavadbhāsite ye
jaṅghe śaṅkhenduśubhre bhṛśamiha bhavatāṃ mānase śūlapāṇeḥ || 23 ||
astokastomaśastrairapacitimamalāṃ bhūribhāvopahāraiḥ
kurvadbhiḥ sarvadoccaiḥ satatamabhivṛtau brahmaviddevalādyaiḥ |
samyaksampūjyamānāviha hṛdi sarasīvāniśaṃ yuṣmadīye
śarvasya krīḍatāṃ tau prapadavarabṛhatkacchapāvacchabhāsau || 24 ||
yāḥ svasyaikāṃśapātādatibahalagaladraktavaktraṃ praṇunna-
-prāṇaṃ prākrośayanprāṅnijamacalavaraṃ cālayantaṃ daśāsyam |
pādāṅgulyo diśantu drutamayugadṛśaḥ kalmaṣaploṣakalyāḥ
kalyāṇaṃ phullamālyaprakaravilasitā vaḥ praṇaddhāhivallyaḥ || 25 ||
prahvaprācīnabarhiḥpramukhasuravaraprasphuranmaulisakta-
-jyāyoratnotkarosrairaviratamamalā bhūrinīrājitā yā |
prodagrāgrā pradeyāttatiriva rucirā tārakāṇāṃ nitāntaṃ
nīlagrīvasya pādāmburuhavilasitā sā nakhālī sukhaṃ vaḥ || 26 ||
satyāḥ satyānanendāvapi savidhagate ye vikāsaṃ dadhāte
svānte svāṃ te labhante śriyamiha sarasīvāmarā ye dadhānāḥ |
lolaṃ lolambakānāṃ kulamiva sudhiyāṃ sevate ye sadā stāṃ
bhūtyai bhūtyaiṇapāṇervimalatararucaste padāmbhoruhe vaḥ || 27 ||
yeṣāṃ rāgādidoṣākṣatamati yatayo yānti muktiṃ prasādā-
-dye vā namrātmamūrtidyusadṛṣipariṣanmūrdhni śeṣāyamāṇāḥ |
śrīkaṇṭhasyāruṇodyaccaraṇasarasijaprotthitāste bhāvākhyā-
-tpārāvārācciraṃ vo duritahatikṛtastārayeyuḥ parāgāḥ || 28 ||
bhūmnā yasyāstasīmnā bhuvanamanusṛtaṃ yatparaṃ dhāma dhāmnāṃ
sāmnāmāmnāyatattvaṃ yadapi ca paramaṃ yadguṇātītamādyam |
yaccāṃhohannirīhaṃ gahanamiti muhuḥ prāhuruccairmahānto
māheśaṃ tanmaho me mahitamaharaharmoharohaṃ nihantu || 29 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī śiva keśādipādāntavarṇana stotram ||
Sanskrit — Devanagari (original)
देयासुर्मूर्ध्नि राजत्सरससुरसरित्पारपर्यन्तनिर्य-
-त्प्रांशुस्तम्बाः पिशङ्गास्तुलितपरिणतारक्तशालीलता वः ।
दुर्वारापत्तिगर्तश्रितनिखिलजनोत्तारणे रज्जुभूता
घोराघोर्वीरुहालीदहनशिखिशिखाः शर्म शार्वाः कपर्दाः ॥ 1 ॥
कुर्वन्निर्वाणमार्गप्रगमपरिलसद्रूप्यसोपानशङ्कां
शक्रारीणां पुराणां त्रयविजयकृतस्पष्टरेखायमाणम् ।
अव्यादव्याजमुच्चैरलिकहिमधराधित्यकान्तस्त्रिधोद्य-
-ज्जाह्नव्याभं मृडानीकमितुरुडुपरुक्पाण्डरं वस्त्रिपुण्ड्रम् ॥ 2 ॥
क्रुध्यद्गौरीप्रसादानतिसमयपदाङ्गुष्ठसङ्क्रान्तलाक्षा-
-बिन्दुस्पर्धि स्मरारेः स्फटिकमणिदृषन्मग्नमाणिक्यशोभम् ।
मूर्ध्न्युद्यद्दिव्यसिन्धोः पतितशफरिकाकारि वो मस्तकं स्ता-
-दस्तोकापत्तिकृत्यै हुतवहकणिकामोक्षरूक्षं सदाक्षि ॥ 3 ॥
भूत्यै दृग्भूतयोः स्याद्यदहिमहिमरुग्बिम्बयोः स्निग्धवर्णो
दैत्यौघध्वंसशंसी स्फुट इव परिवेषावशेषो विभाति ।
सर्गस्थित्यन्तवृत्तिर्मयि समुपगतेतीव निर्वृत्तगर्वं
शर्वाणीभर्तुरुच्चैर्युगलमथ दधद्विभ्रमं तद्भ्रुवोर्वः ॥ 4 ॥
युग्मे रुक्माब्जपिङ्गे ग्रह इव पिहिते द्राग्ययोः प्राग्दुहित्रा
शैलस्य ध्वान्तनीलाम्बररचितबृहत्कञ्चुकोऽभूत्प्रपञ्चः ।
ते त्रैनेत्रे पवित्रे त्रिदशवरघटामित्रजैत्रोग्रशस्त्रे
नेत्रे नेत्रे भवेतां द्रुतमिह भवतामिन्द्रियाश्वान्वियन्तुम् ॥ 5 ॥
चण्डीवक्त्रार्पणेच्छोस्तदनु भगवतः पाण्डुरुक्पाण्डुगण्ड-
-प्रोद्यत्कण्डूं विनेतुं वितनुत इव ये रत्नकोणैर्विघृष्टिम् ।
चण्डार्चिर्मण्डलाभे सततनतजनध्वान्तखण्डातिशौण्डे
चाण्डीशे ते श्रियेस्तामधिकमवनताखण्डले कुण्डले वः ॥ 6 ॥
खट्वाङ्गोदग्रपाणेः स्फुटविकटपुटो वक्त्ररन्ध्रप्रवेश-
-प्रेप्सूदञ्चत्फणोरुश्वसदतिधवलाहीन्द्रशङ्कां दधानः ।
युष्माकं क्रमवक्त्राम्बुरुहपरिलसत्कर्णिकाकारशोभः
शश्वत्त्राणाय भूयादलमतिविमलोत्तुङ्गकोणः स घोणः ॥ 7 ॥
क्रुध्यत्यद्धा ययोः स्वां तनुमतिलसतोर्बिम्बितां लक्षयन्ती
भर्त्रे स्पर्धातिनिघ्ना मुहुरितरवधूशङ्कया शैलकन्या ।
युष्मांस्तौ शश्वदुच्चैरबहुलदशमीशर्वरीशातिशुभ्रा-
-वव्यास्तां दिव्यसिन्धोः कमितुरवनमल्लोकपालौ कपोलौ ॥ 8 ॥
यो भासा भात्युपान्तस्थित इव निभृतं कौस्तुभो द्रष्टुमिच्छ-
-न्सोत्थस्नेहान्नितान्तं गलगतगरलं पत्युरुच्चैः पशूनाम् ।
प्रोद्यत्प्रेम्णा यमार्द्रा पिबति गिरिसुता सम्पदः सातिरेका
लोकाः शोणीकृतान्ता यदधरमहसा सोऽधरो वो विधत्ताम् ॥ 9 ॥
अत्यर्थं राजते या वदनशशधरादुद्गलच्चारुवाणी-
-पीयूषाम्भःप्रवाहप्रसरपरिलसत्फेनबिन्द्वावलीव ।
देयात्सा दन्तपङ्क्तिश्चिरमिह दनुदायाददौवारिकस्य
द्युत्या दीप्तेन्दुकुन्दच्छविरमलतरप्रोन्नताग्रा मुदं वः ॥ 10 ॥
न्यक्कुर्वन्नुर्वराभृन्निभघनसमयोद्धुष्टमेघौघघोषं
स्फूर्जद्वार्ध्युत्थितोरुध्वनितमपि परब्रह्मभूतो गभीरः ।
सुव्यक्तो व्यक्तमूर्तेः प्रकटितकरणः प्राणनाथस्य सत्याः
प्रीत्या वः संविदध्यात्फलविकलमलं जन्म नादः स नादः ॥ 11 ॥
भासा यस्य त्रिलोकी लसति परिलसत्फेनबिन्द्वर्णवान्त-
-र्व्यामग्नेवातिगौरस्तुलितसुरसरिद्वारिपूरप्रसारः ।
पीनात्मा दन्तभाभिर्भृशमहहहकारातिभीमः सदेष्टां
पुष्टां तुष्टिं कृषीष्ट स्फुटमिह भवतामट्टहासोऽष्टमूर्तेः ॥ 12 ॥
सद्योजाताख्यमाप्यं यदुविमलमुदग्वर्ति यद्वामदेवं
नाम्ना हेम्ना सदृक्षं जलदनिभमघोराह्वयं दक्षिणं यत् ।
यद्बालार्कप्रभं तत्पुरुषनिगदितं पूर्वमीशानसञ्ज्ञं
यद्दिव्यं तानि शम्भोर्भवदभिलषितं पञ्च दद्युर्मुखानि ॥ 13 ॥
आत्मप्रेम्णो भवान्या स्वयमिव रचिताः सादरं सांवनन्या
मष्या तिस्रःसुनीलाञ्जननिभगररेखाः समाभान्ति यस्याम् ।
अकल्पानल्पभासा भृशरुचिरतरा कम्बुकल्पाम्बिकायाः
पत्युः सात्यन्तमन्तर्विलसतु सततं मन्थरा कन्धरा वः ॥ 14 ॥
वक्त्रेन्दोर्दन्तलक्ष्म्याश्चिरमधरमहाकौस्तुभस्याप्युपान्ते
सोत्थानां प्रार्थयन्यः स्थितिमचलभुवे वारयन्त्यै निवेशम् ।
प्रायुङ्क्तेवाशिषो यः प्रतिपदममृतत्वे स्थितः कालशत्रोः
कालं कुर्वन्गलं वो हृदयमयमलं क्षालयेत्कालकूटः ॥ 15 ॥
प्रौढप्रेमाकुलाया दृढतरपरिरम्भेषु पर्वेन्दुमुख्याः
पार्वत्याश्चारुचामीकरवलयपदैरङ्कितं कान्तिशालि ।
रङ्गन्नागाङ्गदाढ्यं सततमविहितं कर्म निर्मूलयेत्त-
-द्दोर्मूलं निर्मलं यद्धृदि दुरितमपास्यार्जितं धूर्जटेर्वः ॥ 16 ॥
कण्ठाश्लेषार्थमाप्ता दिव इव कमितुः स्वर्गसिन्धोः प्रवाहाः
क्रान्त्यै संसारसिन्धोः स्फटिकमणिमहासङ्क्रमाकारदीर्घाः ।
तिर्यग्विष्कम्भभूतास्त्रिभुवनवसतेर्भिन्नदैत्येभदेहा
बाहा वस्ता हरस्य द्रुतमिह निवहानंहसां संहरन्तु ॥ 17 ॥
वक्षो दक्षद्विषोऽलं स्मरभरविनमद्दक्षजाक्षीणवक्षो-
-जान्तर्निक्षिप्तशुम्भन्मलयजमिलितोद्भासि भस्मोक्षितं यत् ।
क्षिप्रं तद्रूक्षचक्षुः श्रुतिगणफणरत्नौघभाभीक्ष्णशोभं
युष्माकं शश्वदेनः स्फटिकमणिशिलामण्डलाभं क्षिणोतु ॥ 18 ॥
मुक्तामुक्ते विचित्राकुलवलिलहरीजालशालिन्यवाञ्च-
-न्नाभ्यावर्ते विलोलद्भुजगवरयुते कालशत्रोर्विशाले ।
युष्मच्चित्तत्रिधामा प्रतिनवरुचिरे मन्दिरे कान्तिलक्ष्म्याः
शेतां शीतांशुगौरे चिरतरमुदरक्षीरसिन्धौ सलीलम् ॥ 19 ॥
वैयाघ्री यत्र कृत्तिः स्फुरति हिमगिरेर्विस्तृतोपत्यकान्तः
सान्द्रावश्यायमिश्रा परित इव वृता नीलजीमूतमाला ।
आबद्धाहीन्द्रकाञ्चीगुणमतिपृथुलं शैलजाक्रीडभूमि-
-स्तद्वो निःश्रेयसे स्याज्जघनमतिघनं बालशीतांशुमौलेः ॥ 20 ॥
पुष्टावष्टम्भभूतौ पृथुतरजघनस्यापि नित्यं त्रिलोक्याः
सम्यग्वृत्तौ सुरेन्द्रद्विरदवरकरोदारकान्तिं दधानौ ।
सारावूरू पुरारेः प्रसभमरिघटाघस्मरौ भस्मशुभ्रौ
भक्तैरत्यार्द्रचित्तैरधिकमवनतौ वाञ्छितं वो विधत्ताम् ॥ 21 ॥
आनन्दायेन्दुकान्तोपलरचितसमुद्गायिते ये मुनीनां
चित्तादर्शं निधातुं विदधति चरणे ताण्डवाकुञ्चनानि ।
काञ्चीभोगीन्द्रमूर्ध्नां प्रतिमुहुरुपधानायमाने क्षणं ते
कान्ते स्तामन्तकारेर्द्युतिविजितसुधाभानुनी जानुनी वः ॥ 22 ॥
मञ्जीरीभूतभोगिप्रवरगणफणामण्डलान्तर्नितान्त-
-व्यादीर्घानर्घरत्नद्युतिकिसलयते स्तूयमाने द्युसद्भिः ।
बिभ्रत्यौ विभ्रमं वः स्फटिकमणिबृहद्दण्डवद्भासिते ये
जङ्घे शङ्खेन्दुशुभ्रे भृशमिह भवतां मानसे शूलपाणेः ॥ 23 ॥
अस्तोकस्तोमशस्त्रैरपचितिममलां भूरिभावोपहारैः
कुर्वद्भिः सर्वदोच्चैः सततमभिवृतौ ब्रह्मविद्देवलाद्यैः ।
सम्यक्सम्पूज्यमानाविह हृदि सरसीवानिशं युष्मदीये
शर्वस्य क्रीडतां तौ प्रपदवरबृहत्कच्छपावच्छभासौ ॥ 24 ॥
याः स्वस्यैकांशपातादतिबहलगलद्रक्तवक्त्रं प्रणुन्न-
-प्राणं प्राक्रोशयन्प्राङ्निजमचलवरं चालयन्तं दशास्यम् ।
पादाङ्गुल्यो दिशन्तु द्रुतमयुगदृशः कल्मषप्लोषकल्याः
कल्याणं फुल्लमाल्यप्रकरविलसिता वः प्रणद्धाहिवल्ल्यः ॥ 25 ॥
प्रह्वप्राचीनबर्हिःप्रमुखसुरवरप्रस्फुरन्मौलिसक्त-
-ज्यायोरत्नोत्करोस्रैरविरतममला भूरिनीराजिता या ।
प्रोदग्राग्रा प्रदेयात्ततिरिव रुचिरा तारकाणां नितान्तं
नीलग्रीवस्य पादाम्बुरुहविलसिता सा नखाली सुखं वः ॥ 26 ॥
सत्याः सत्याननेन्दावपि सविधगते ये विकासं दधाते
स्वान्ते स्वां ते लभन्ते श्रियमिह सरसीवामरा ये दधानाः ।
लोलं लोलम्बकानां कुलमिव सुधियां सेवते ये सदा स्तां
भूत्यै भूत्यैणपाणेर्विमलतररुचस्ते पदाम्भोरुहे वः ॥ 27 ॥
येषां रागादिदोषाक्षतमति यतयो यान्ति मुक्तिं प्रसादा-
-द्ये वा नम्रात्ममूर्तिद्युसदृषिपरिषन्मूर्ध्नि शेषायमाणाः ।
श्रीकण्ठस्यारुणोद्यच्चरणसरसिजप्रोत्थितास्ते भावाख्या-
-त्पारावाराच्चिरं वो दुरितहतिकृतस्तारयेयुः परागाः ॥ 28 ॥
भूम्ना यस्यास्तसीम्ना भुवनमनुसृतं यत्परं धाम धाम्नां
साम्नामाम्नायतत्त्वं यदपि च परमं यद्गुणातीतमाद्यम् ।
यच्चांहोहन्निरीहं गहनमिति मुहुः प्राहुरुच्चैर्महान्तो
माहेशं तन्महो मे महितमहरहर्मोहरोहं निहन्तु ॥ 29 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ श्री शिव केशादिपादान्तवर्णन स्तोत्रम् ॥
deyāsurmūrdhni rājatsarasasurasaritpāraparyantanirya-
-tprāṃśustambāḥ piśaṅgāstulitapariṇatāraktaśālīlatā vaḥ |
durvārāpattigartaśritanikhilajanottāraṇe rajjubhūtā
ghorāghorvīruhālīdahanaśikhiśikhāḥ śarma śārvāḥ kapardāḥ || 1 ||
kurvannirvāṇamārgapragamaparilasadrūpyasopānaśaṅkāṃ
śakrārīṇāṃ purāṇāṃ trayavijayakṛtaspaṣṭarekhāyamāṇam |
avyādavyājamuccairalikahimadharādhityakāntastridhodya-
-jjāhnavyābhaṃ mṛḍānīkamituruḍuparukpāṇḍaraṃ vastripuṇḍram || 2 ||
krudhyadgaurīprasādānatisamayapadāṅguṣṭhasaṅkrāntalākṣā-
-binduspardhi smarāreḥ sphaṭikamaṇidṛṣanmagnamāṇikyaśobham |
mūrdhnyudyaddivyasindhoḥ patitaśapharikākāri vo mastakaṃ stā-
-dastokāpattikṛtyai hutavahakaṇikāmokṣarūkṣaṃ sadākṣi || 3 ||
bhūtyai dṛgbhūtayoḥ syādyadahimahimarugbimbayoḥ snigdhavarṇo
daityaughadhvaṃsaśaṃsī sphuṭa iva pariveṣāvaśeṣo vibhāti |
sargasthityantavṛttirmayi samupagatetīva nirvṛttagarvaṃ
śarvāṇībharturuccairyugalamatha dadhadvibhramaṃ tadbhruvorvaḥ || 4 ||
yugme rukmābjapiṅge graha iva pihite drāgyayoḥ prāgduhitrā
śailasya dhvāntanīlāmbararacitabṛhatkañcuko'bhūtprapañcaḥ |
te trainetre pavitre tridaśavaraghaṭāmitrajaitrograśastre
netre netre bhavetāṃ drutamiha bhavatāmindriyāśvānviyantum || 5 ||
caṇḍīvaktrārpaṇecchostadanu bhagavataḥ pāṇḍurukpāṇḍugaṇḍa-
-prodyatkaṇḍūṃ vinetuṃ vitanuta iva ye ratnakoṇairvighṛṣṭim |
caṇḍārcirmaṇḍalābhe satatanatajanadhvāntakhaṇḍātiśauṇḍe
cāṇḍīśe te śriyestāmadhikamavanatākhaṇḍale kuṇḍale vaḥ || 6 ||
khaṭvāṅgodagrapāṇeḥ sphuṭavikaṭapuṭo vaktrarandhrapraveśa-
-prepsūdañcatphaṇoruśvasadatidhavalāhīndraśaṅkāṃ dadhānaḥ |
yuṣmākaṃ kramavaktrāmburuhaparilasatkarṇikākāraśobhaḥ
śaśvattrāṇāya bhūyādalamativimalottuṅgakoṇaḥ sa ghoṇaḥ || 7 ||
krudhyatyaddhā yayoḥ svāṃ tanumatilasatorbimbitāṃ lakṣayantī
bhartre spardhātinighnā muhuritaravadhūśaṅkayā śailakanyā |
yuṣmāṃstau śaśvaduccairabahuladaśamīśarvarīśātiśubhrā-
-vavyāstāṃ divyasindhoḥ kamituravanamallokapālau kapolau || 8 ||
yo bhāsā bhātyupāntasthita iva nibhṛtaṃ kaustubho draṣṭumiccha-
-nsotthasnehānnitāntaṃ galagatagaralaṃ patyuruccaiḥ paśūnām |
prodyatpremṇā yamārdrā pibati girisutā sampadaḥ sātirekā
lokāḥ śoṇīkṛtāntā yadadharamahasā so'dharo vo vidhattām || 9 ||
atyarthaṃ rājate yā vadanaśaśadharādudgalaccāruvāṇī-
-pīyūṣāmbhaḥpravāhaprasaraparilasatphenabindvāvalīva |
deyātsā dantapaṅktiściramiha danudāyādadauvārikasya
dyutyā dīptendukundacchaviramalatarapronnatāgrā mudaṃ vaḥ || 10 ||
nyakkurvannurvarābhṛnnibhaghanasamayoddhuṣṭameghaughaghoṣaṃ
sphūrjadvārdhyutthitorudhvanitamapi parabrahmabhūto gabhīraḥ |
suvyakto vyaktamūrteḥ prakaṭitakaraṇaḥ prāṇanāthasya satyāḥ
prītyā vaḥ saṃvidadhyātphalavikalamalaṃ janma nādaḥ sa nādaḥ || 11 ||
bhāsā yasya trilokī lasati parilasatphenabindvarṇavānta-
-rvyāmagnevātigaurastulitasurasaridvāripūraprasāraḥ |
pīnātmā dantabhābhirbhṛśamahahahakārātibhīmaḥ sadeṣṭāṃ
puṣṭāṃ tuṣṭiṃ kṛṣīṣṭa sphuṭamiha bhavatāmaṭṭahāso'ṣṭamūrteḥ || 12 ||
sadyojātākhyamāpyaṃ yaduvimalamudagvarti yadvāmadevaṃ
nāmnā hemnā sadṛkṣaṃ jaladanibhamaghorāhvayaṃ dakṣiṇaṃ yat |
yadbālārkaprabhaṃ tatpuruṣanigaditaṃ pūrvamīśānasañjñaṃ
yaddivyaṃ tāni śambhorbhavadabhilaṣitaṃ pañca dadyurmukhāni || 13 ||
ātmapremṇo bhavānyā svayamiva racitāḥ sādaraṃ sāṃvananyā
maṣyā tisraḥsunīlāñjananibhagararekhāḥ samābhānti yasyām |
akalpānalpabhāsā bhṛśaruciratarā kambukalpāmbikāyāḥ
patyuḥ sātyantamantarvilasatu satataṃ mantharā kandharā vaḥ || 14 ||
vaktrendordantalakṣmyāściramadharamahākaustubhasyāpyupānte
sotthānāṃ prārthayanyaḥ sthitimacalabhuve vārayantyai niveśam |
prāyuṅktevāśiṣo yaḥ pratipadamamṛtatve sthitaḥ kālaśatroḥ
kālaṃ kurvangalaṃ vo hṛdayamayamalaṃ kṣālayetkālakūṭaḥ || 15 ||
prauḍhapremākulāyā dṛḍhataraparirambheṣu parvendumukhyāḥ
pārvatyāścārucāmīkaravalayapadairaṅkitaṃ kāntiśāli |
raṅgannāgāṅgadāḍhyaṃ satatamavihitaṃ karma nirmūlayetta-
-ddormūlaṃ nirmalaṃ yaddhṛdi duritamapāsyārjitaṃ dhūrjaṭervaḥ || 16 ||
kaṇṭhāśleṣārthamāptā diva iva kamituḥ svargasindhoḥ pravāhāḥ
krāntyai saṃsārasindhoḥ sphaṭikamaṇimahāsaṅkramākāradīrghāḥ |
tiryagviṣkambhabhūtāstribhuvanavasaterbhinnadaityebhadehā
bāhā vastā harasya drutamiha nivahānaṃhasāṃ saṃharantu || 17 ||
vakṣo dakṣadviṣo'laṃ smarabharavinamaddakṣajākṣīṇavakṣo-
-jāntarnikṣiptaśumbhanmalayajamilitodbhāsi bhasmokṣitaṃ yat |
kṣipraṃ tadrūkṣacakṣuḥ śrutigaṇaphaṇaratnaughabhābhīkṣṇaśobhaṃ
yuṣmākaṃ śaśvadenaḥ sphaṭikamaṇiśilāmaṇḍalābhaṃ kṣiṇotu || 18 ||
muktāmukte vicitrākulavalilaharījālaśālinyavāñca-
-nnābhyāvarte viloladbhujagavarayute kālaśatrorviśāle |
yuṣmaccittatridhāmā pratinavarucire mandire kāntilakṣmyāḥ
śetāṃ śītāṃśugaure cirataramudarakṣīrasindhau salīlam || 19 ||
vaiyāghrī yatra kṛttiḥ sphurati himagirervistṛtopatyakāntaḥ
sāndrāvaśyāyamiśrā parita iva vṛtā nīlajīmūtamālā |
ābaddhāhīndrakāñcīguṇamatipṛthulaṃ śailajākrīḍabhūmi-
-stadvo niḥśreyase syājjaghanamatighanaṃ bālaśītāṃśumauleḥ || 20 ||
puṣṭāvaṣṭambhabhūtau pṛthutarajaghanasyāpi nityaṃ trilokyāḥ
samyagvṛttau surendradviradavarakarodārakāntiṃ dadhānau |
sārāvūrū purāreḥ prasabhamarighaṭāghasmarau bhasmaśubhrau
bhaktairatyārdracittairadhikamavanatau vāñchitaṃ vo vidhattām || 21 ||
ānandāyendukāntopalaracitasamudgāyite ye munīnāṃ
cittādarśaṃ nidhātuṃ vidadhati caraṇe tāṇḍavākuñcanāni |
kāñcībhogīndramūrdhnāṃ pratimuhurupadhānāyamāne kṣaṇaṃ te
kānte stāmantakārerdyutivijitasudhābhānunī jānunī vaḥ || 22 ||
mañjīrībhūtabhogipravaragaṇaphaṇāmaṇḍalāntarnitānta-
-vyādīrghānargharatnadyutikisalayate stūyamāne dyusadbhiḥ |
bibhratyau vibhramaṃ vaḥ sphaṭikamaṇibṛhaddaṇḍavadbhāsite ye
jaṅghe śaṅkhenduśubhre bhṛśamiha bhavatāṃ mānase śūlapāṇeḥ || 23 ||
astokastomaśastrairapacitimamalāṃ bhūribhāvopahāraiḥ
kurvadbhiḥ sarvadoccaiḥ satatamabhivṛtau brahmaviddevalādyaiḥ |
samyaksampūjyamānāviha hṛdi sarasīvāniśaṃ yuṣmadīye
śarvasya krīḍatāṃ tau prapadavarabṛhatkacchapāvacchabhāsau || 24 ||
yāḥ svasyaikāṃśapātādatibahalagaladraktavaktraṃ praṇunna-
-prāṇaṃ prākrośayanprāṅnijamacalavaraṃ cālayantaṃ daśāsyam |
pādāṅgulyo diśantu drutamayugadṛśaḥ kalmaṣaploṣakalyāḥ
kalyāṇaṃ phullamālyaprakaravilasitā vaḥ praṇaddhāhivallyaḥ || 25 ||
prahvaprācīnabarhiḥpramukhasuravaraprasphuranmaulisakta-
-jyāyoratnotkarosrairaviratamamalā bhūrinīrājitā yā |
prodagrāgrā pradeyāttatiriva rucirā tārakāṇāṃ nitāntaṃ
nīlagrīvasya pādāmburuhavilasitā sā nakhālī sukhaṃ vaḥ || 26 ||
satyāḥ satyānanendāvapi savidhagate ye vikāsaṃ dadhāte
svānte svāṃ te labhante śriyamiha sarasīvāmarā ye dadhānāḥ |
lolaṃ lolambakānāṃ kulamiva sudhiyāṃ sevate ye sadā stāṃ
bhūtyai bhūtyaiṇapāṇervimalatararucaste padāmbhoruhe vaḥ || 27 ||
yeṣāṃ rāgādidoṣākṣatamati yatayo yānti muktiṃ prasādā-
-dye vā namrātmamūrtidyusadṛṣipariṣanmūrdhni śeṣāyamāṇāḥ |
śrīkaṇṭhasyāruṇodyaccaraṇasarasijaprotthitāste bhāvākhyā-
-tpārāvārācciraṃ vo duritahatikṛtastārayeyuḥ parāgāḥ || 28 ||
bhūmnā yasyāstasīmnā bhuvanamanusṛtaṃ yatparaṃ dhāma dhāmnāṃ
sāmnāmāmnāyatattvaṃ yadapi ca paramaṃ yadguṇātītamādyam |
yaccāṃhohannirīhaṃ gahanamiti muhuḥ prāhuruccairmahānto
māheśaṃ tanmaho me mahitamaharaharmoharohaṃ nihantu || 29 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau śrī śiva keśādipādāntavarṇana stotram ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.