ਯਾਮਾਮਨਨ੍ਤਿ ਮੁਨਯਃ ਪ੍ਰਕृਤਿਂ ਪੁਰਾਣੀਂ
ਵਿਦ੍ਯੇਤਿ ਯਾਂ ਸ਼੍ਰੁਤਿਰਹਸ੍ਯਵਿਦੋ ਵਦਨ੍ਤਿ ।
ਤਾਮਰ੍ਧਪਲ੍ਲਵਿਤਸ਼ਙ੍ਕਰਰੂਪਮੁਦ੍ਰਾਂ
ਦੇਵੀਮਨਨ੍ਯਸ਼ਰਣਃ ਸ਼ਰਣਂ ਪ੍ਰਪਦ੍ਯੇ ॥ 1 ॥
ਅਮ੍ਬ ਸ੍ਤਵੇषੁ ਤਵ ਤਾਵਦਕਰ੍ਤृਕਾਣਿ
ਕੁਣ੍ਠੀਭਵਨ੍ਤਿ ਵਚਸਾਮਪਿ ਗੁਮ੍ਭਨਾਨਿ ।
ਡਿਮ੍ਭਸ੍ਯ ਮੇ ਸ੍ਤੁਤਿਰਸਾਵਸਮਞ੍ਜਸਾਪਿ
ਵਾਤ੍ਸਲ੍ਯਨਿਘ੍ਨਹृਦਯਾਂ ਭਵਤੀਂ ਧਿਨੋਤੁ ॥ 2 ॥
ਵ੍ਯੋਮੇਤਿ ਬਿਨ੍ਦੁਰਿਤਿ ਨਾਦ ਇਤੀਨ੍ਦੁਲੇਖਾ-
-ਰੂਪੇਤਿ ਵਾਗ੍ਭਵਤਨੂਰਿਤਿ ਮਾਤृਕੇਤਿ ।
ਨਿਃਸ੍ਯਨ੍ਦਮਾਨਸੁਖਬੋਧਸੁਧਾਸ੍ਵਰੂਪਾ
ਵਿਦ੍ਯੋਤਸੇ ਮਨਸਿ ਭਾਗ੍ਯਵਤਾਂ ਜਨਾਨਾਮ੍ ॥ 3 ॥
ਆਵਿਰ੍ਭਵਤ੍ਪੁਲਕਸਨ੍ਤਤਿਭਿਃ ਸ਼ਰੀਰੈ-
-ਰ੍ਨਿਃਸ੍ਯਨ੍ਦਮਾਨਸਲਿਲੈਰ੍ਨਯਨੈਸ਼੍ਚ ਨਿਤ੍ਯਮ੍ ।
ਵਾਗ੍ਭਿਸ਼੍ਚ ਗਦ੍ਗਦਪਦਾਭਿਰੁਪਾਸਤੇ ਯੇ
ਪਾਦੌ ਤਵਾਮ੍ਬ ਭੁਵਨੇषੁ ਤ ਏਵ ਧਨ੍ਯਾਃ ॥ 4 ॥
ਵਕ੍ਤ੍ਰਂ ਯਦੁਦ੍ਯਤਮਭਿष੍ਟੁਤਯੇ ਭਵਤ੍ਯਾ-
-ਸ੍ਤੁਭ੍ਯਂ ਨਮੋ ਯਦਪਿ ਦੇਵਿ ਸ਼ਿਰਃ ਕਰੋਤਿ ।
ਚੇਤਸ਼੍ਚ ਯਤ੍ਤ੍ਵਯਿ ਪਰਾਯਣਮਮ੍ਬ ਤਾਨਿ
ਕਸ੍ਯਾਪਿ ਕੈਰਪਿ ਭਵਨ੍ਤਿ ਤਪੋਵਿਸ਼ੇषੈਃ ॥ 5 ॥
ਮੂਲਾਲਵਾਲਕੁਹਰਾਦੁਦਿਤਾ ਭਵਾਨਿ
ਨਿਰ੍ਭਿਦ੍ਯ षਟ੍ਸਰਸਿਜਾਨਿ ਤਟਿਲ੍ਲਤੇਵ ।
ਭੂਯੋऽਪਿ ਤਤ੍ਰ ਵਿਸ਼ਸਿ ਧ੍ਰੁਵਮਣ੍ਡਲੇਨ੍ਦੁ-
-ਨਿਃਸ੍ਯਨ੍ਦਮਾਨਪਰਮਾਮृਤਤੋਯਰੂਪਾ ॥ 6 ॥
ਦਗ੍ਧਂ ਯਦਾ ਮਦਨਮੇਕਮਨੇਕਧਾ ਤੇ
ਮੁਗ੍ਧਃ ਕਟਾਕ੍षਵਿਧਿਰਙ੍ਕੁਰਯਾਞ੍ਚਕਾਰ ।
ਧਤ੍ਤੇ ਤਦਾਪ੍ਰਭृਤਿ ਦੇਵਿ ਲਲਾਟਨੇਤ੍ਰਂ
ਸਤ੍ਯਂ ਹ੍ਰਿਯੈਵ ਮੁਕੁਲੀਕृਤਮਿਨ੍ਦੁਮੌਲੇਃ ॥ 7 ॥
ਅਜ੍ਞਾਤਸਮ੍ਭਵਮਨਾਕਲਿਤਾਨ੍ਵਵਾਯਂ
ਭਿਕ੍षੁਂ ਕਪਾਲਿਨਮਵਾਸਸਮਦ੍ਵਿਤੀਯਮ੍ ।
ਪੂਰ੍ਵਂ ਕਰਗ੍ਰਹਣਮਙ੍ਗਲਤੋ ਭਵਤ੍ਯਾਃ
ਸ਼ਮ੍ਭੁਂ ਕ ਏਵ ਬੁਬੁਧੇ ਗਿਰਿਰਾਜਕਨ੍ਯੇ ॥ 8 ॥
ਚਰ੍ਮਾਮ੍ਬਰਂ ਚ ਸ਼ਵਭਸ੍ਮਵਿਲੇਪਨਂ ਚ
ਭਿਕ੍षਾਟਨਂ ਚ ਨਟਨਂ ਚ ਪਰੇਤਭੂਮੌ ।
ਵੇਤਾਲਸਂਹਤਿਪਰਿਗ੍ਰਹਤਾ ਚ ਸ਼ਮ੍ਭੋਃ
ਸ਼ੋਭਾਂ ਬਿਭਰ੍ਤਿ ਗਿਰਿਜੇ ਤਵ ਸਾਹਚਰ੍ਯਾਤ੍ ॥ 9 ॥
ਕਲ੍ਪੋਪਸਂਹਰਣਕੇਲਿषੁ ਪਣ੍ਡਿਤਾਨਿ
ਚਣ੍ਡਾਨਿ ਖਣ੍ਡਪਰਸ਼ੋਰਪਿ ਤਾਣ੍ਡਵਾਨਿ ।
ਆਲੋਕਨੇਨ ਤਵ ਕੋਮਲਿਤਾਨਿ ਮਾਤ-
-ਰ੍ਲਾਸ੍ਯਾਤ੍ਮਨਾ ਪਰਿਣਮਨ੍ਤਿ ਜਗਦ੍ਵਿਭੂਤ੍ਯੈ ॥ 10 ॥
ਜਨ੍ਤੋਰਪਸ਼੍ਚਿਮਤਨੋਃ ਸਤਿ ਕਰ੍ਮਸਾਮ੍ਯੇ
ਨਿਃਸ਼ੇषਪਾਸ਼ਪਟਲਚ੍ਛਿਦੁਰਾ ਨਿਮੇषਾਤ੍ ।
ਕਲ੍ਯਾਣਿ ਦੇਸ਼ਿਕਕਟਾਕ੍षਸਮਾਸ਼੍ਰਯੇਣ
ਕਾਰੁਣ੍ਯਤੋ ਭਵਤਿ ਸ਼ਾਮ੍ਭਵਵੇਦਦੀਕ੍षਾ ॥ 11 ॥
ਮੁਕ੍ਤਾਵਿਭੂषਣਵਤੀ ਨਵਵਿਦ੍ਰੁਮਾਭਾ
ਯਚ੍ਚੇਤਸਿ ਸ੍ਫੁਰਸਿ ਤਾਰਕਿਤੇਵ ਸਨ੍ਧ੍ਯਾ ।
ਏਕਃ ਸ ਏਵ ਭੁਵਨਤ੍ਰਯਸੁਨ੍ਦਰੀਣਾਂ
ਕਨ੍ਦਰ੍ਪਤਾਂ ਵ੍ਰਜਤਿ ਪਞ੍ਚਸ਼ਰੀਂ ਵਿਨਾਪਿ ॥ 12 ॥
ਯੇ ਭਾਵਯਨ੍ਤ੍ਯਮृਤਵਾਹਿਭਿਰਂਸ਼ੁਜਾਲੈ-
-ਰਾਪ੍ਯਾਯਮਾਨਭੁਵਨਾਮਮृਤੇਸ਼੍ਵਰੀਂ ਤ੍ਵਾਮ੍ ।
ਤੇ ਲਙ੍ਘਯਨ੍ਤਿ ਨਨੁ ਮਾਤਰਲਙ੍ਘਨੀਯਾਂ
ਬ੍ਰਹ੍ਮਾਦਿਭਿਃ ਸੁਰਵਰੈਰਪਿ ਕਾਲਕਕ੍षਾਮ੍ ॥ 13 ॥
ਯਃ ਸ੍ਫਾਟਿਕਾਕ੍षਗੁਣਪੁਸ੍ਤਕਕੁਣ੍ਡਿਕਾਢ੍ਯਾਂ
ਵ੍ਯਾਖ੍ਯਾਸਮੁਦ੍ਯਤਕਰਾਂ ਸ਼ਰਦਿਨ੍ਦੁਸ਼ੁਭ੍ਰਾਮ੍ ।
ਪਦ੍ਮਾਸਨਾਂ ਚ ਹृਦਯੇ ਭਵਤੀਮੁਪਾਸ੍ਤੇ
ਮਾਤਃ ਸ ਵਿਸ਼੍ਵਕਵਿਤਾਰ੍ਕਿਕਚਕ੍ਰਵਰ੍ਤੀ ॥ 14 ॥
ਬਰ੍ਹਾਵਤਂਸਯੁਤਬਰ੍ਬਰਕੇਸ਼ਪਾਸ਼ਾਂ
ਗੁਞ੍ਜਾਵਲੀਕृਤਘਨਸ੍ਤਨਹਾਰਸ਼ੋਭਾਮ੍ ।
ਸ਼੍ਯਾਮਾਂ ਪ੍ਰਵਾਲਵਦਨਾਂ ਸੁਕੁਮਾਰਹਸ੍ਤਾਂ
ਤ੍ਵਾਮੇਵ ਨੌਮਿ ਸ਼ਬਰੀਂ ਸ਼ਬਰਸ੍ਯ ਜਾਯਾਮ੍ ॥ 15 ॥
ਅਰ੍ਧੇਨ ਕਿਂ ਨਵਲਤਾਲਲਿਤੇਨ ਮੁਗ੍ਧੇ
ਕ੍ਰੀਤਂ ਵਿਭੋਃ ਪਰੁषਮਰ੍ਧਮਿਦਂ ਤ੍ਵਯੇਤਿ ।
ਆਲੀਜਨਸ੍ਯ ਪਰਿਹਾਸਵਚਾਂਸਿ ਮਨ੍ਯੇ
ਮਨ੍ਦਸ੍ਮਿਤੇਨ ਤਵ ਦੇਵਿ ਜਡੀ ਭਵਨ੍ਤਿ ॥ 16 ॥
ਬ੍ਰਹ੍ਮਾਣ੍ਡ ਬੁਦ੍ਬੁਦਕਦਮ੍ਬਕਸਙ੍ਕੁਲੋऽਯਂ
ਮਾਯੋਦਧਿਰ੍ਵਿਵਿਧਦੁਃਖਤਰਙ੍ਗਮਾਲਃ ।
ਆਸ਼੍ਚਰ੍ਯਮਮ੍ਬ ਝਟਿਤਿ ਪ੍ਰਲਯਂ ਪ੍ਰਯਾਤਿ
ਤ੍ਵਦ੍ਧ੍ਯਾਨਸਨ੍ਤਤਿਮਹਾਬਡਬਾਮੁਖਾਗ੍ਨੌ ॥ 17 ॥
ਦਾਕ੍षਾਯਣੀਤਿ ਕੁਟਿਲੇਤਿ ਕੁਹਾਰਿਣੀਤਿ
ਕਾਤ੍ਯਾਯਨੀਤਿ ਕਮਲੇਤਿ ਕਲਾਵਤੀਤਿ ।
ਏਕਾ ਸਤੀ ਭਗਵਤੀ ਪਰਮਾਰ੍ਥਤੋऽਪਿ
ਸਨ੍ਦृਸ਼੍ਯਸੇ ਬਹੁਵਿਧਾ ਨਨੁ ਨਰ੍ਤਕੀਵ ॥ 18 ॥
ਆਨਨ੍ਦਲਕ੍षਣਮਨਾਹਤਨਾਮ੍ਨਿ ਦੇਸ਼ੇ
ਨਾਦਾਤ੍ਮਨਾ ਪਰਿਣਤਂ ਤਵ ਰੂਪਮੀਸ਼ੇ ।
ਪ੍ਰਤ੍ਯਙ੍ਮੁਖੇਨ ਮਨਸਾ ਪਰਿਚੀਯਮਾਨਂ
ਸ਼ਂਸਨ੍ਤਿ ਨੇਤ੍ਰਸਲਿਲੈਃ ਪੁਲਕੈਸ਼੍ਚ ਧਨ੍ਯਾਃ ॥ 19 ॥
ਤ੍ਵਂ ਚਨ੍ਦ੍ਰਿਕਾ ਸ਼ਸ਼ਿਨਿ ਤਿਗ੍ਮਰੁਚੌ ਰੁਚਿਸ੍ਤ੍ਵਂ
ਤ੍ਵਂ ਚੇਤਨਾਸਿ ਪੁਰੁषੇ ਪਵਨੇ ਬਲਂ ਤ੍ਵਮ੍ ।
ਤ੍ਵਂ ਸ੍ਵਾਦੁਤਾਸਿ ਸਲਿਲੇ ਸ਼ਿਖਿਨਿ ਤ੍ਵਮੂष੍ਮਾ
ਨਿਃਸਾਰਮੇਵ ਨਿਖਿਲਂ ਤ੍ਵਦृਤੇ ਯਦਿ ਸ੍ਯਾਤ੍ ॥ 20 ॥
ਜ੍ਯੋਤੀਂषਿ ਯਦ੍ਦਿਵਿ ਚਰਨ੍ਤਿ ਯਦਨ੍ਤਰਿਕ੍षਂ
ਸੂਤੇ ਪਯਾਂਸਿ ਯਦਹਿਰ੍ਧਰਣੀਂ ਚ ਧਤ੍ਤੇ ।
ਯਦ੍ਵਾਤਿ ਵਾਯੁਰਨਲੋ ਯਦੁਦਰ੍ਚਿਰਾਸ੍ਤੇ
ਤਤ੍ਸਰ੍ਵਮਮ੍ਬ ਤਵ ਕੇਵਲਮਾਜ੍ਞਯੈਵ ॥ 21 ॥
ਸਙ੍ਕੋਚਮਿਚ੍ਛਸਿ ਯਦਾ ਗਿਰਿਜੇ ਤਦਾਨੀਂ
ਵਾਕ੍ਤਰ੍ਕਯੋਸ੍ਤ੍ਵਮਸਿ ਭੂਮਿਰਨਾਮਰੂਪਾ ।
ਯਦ੍ਵਾ ਵਿਕਾਸਮੁਪਯਾਸਿ ਯਦਾ ਤਦਾਨੀਂ
ਤ੍ਵਨ੍ਨਾਮਰੂਪਗਣਨਾਃ ਸੁਕਰਾ ਭਵਨ੍ਤਿ ॥ 22 ॥
ਭੋਗਾਯ ਦੇਵਿ ਭਵਤੀਂ ਕृਤਿਨਃ ਪ੍ਰਣਮ੍ਯ
ਭ੍ਰੂਕਿਙ੍ਕਰੀਕृਤਸਰੋਜਗृਹਾਃ ਸਹਸ੍ਰਮ੍ ।
ਚਿਨ੍ਤਾਮਣਿਪ੍ਰਚਯਕਲ੍ਪਿਤਕੇਲਿਸ਼ੈਲੇ
ਕਲ੍ਪਦ੍ਰੁਮੋਪਵਨ ਏਵ ਚਿਰਂ ਰਮਨ੍ਤੇ ॥ 23 ॥
ਹਰ੍ਤੁਂ ਤ੍ਵਮੇਵ ਭਵਸਿ ਤ੍ਵਦਧੀਨਮੀਸ਼ੇ
ਸਂਸਾਰਤਾਪਮਖਿਲਂ ਦਯਯਾ ਪਸ਼ੂਨਾਮ੍ ।
ਵੈਕਰ੍ਤਨੀ ਕਿਰਣਸਂਹਤਿਰੇਵ ਸ਼ਕ੍ਤਾ
ਧਰ੍ਮਂ ਨਿਜਂ ਸ਼ਮਯਿਤੁਂ ਨਿਜਯੈਵ ਵृष੍ਟ੍ਯਾ ॥ 24 ॥
ਸ਼ਕ੍ਤਿਃ ਸ਼ਰੀਰਮਧਿਦੈਵਤਮਨ੍ਤਰਾਤ੍ਮਾ
ਜ੍ਞਾਨਂ ਕ੍ਰਿਯਾ ਕਰਣਮਾਸਨਜਾਲਮਿਚ੍ਛਾ ।
ਐਸ਼੍ਵਰ੍ਯਮਾਯਤਨਮਾਵਰਣਾਨਿ ਚ ਤ੍ਵਂ
ਕਿਂ ਤਨ੍ਨ ਯਦ੍ਭਵਸਿ ਦੇਵਿ ਸ਼ਸ਼ਾਙ੍ਕਮੌਲੇਃ ॥ 25 ॥
ਭੂਮੌ ਨਿਵृਤ੍ਤਿਰੁਦਿਤਾ ਪਯਸਿ ਪ੍ਰਤਿष੍ਠਾ
ਵਿਦ੍ਯਾऽਨਲੇ ਮਰੁਤਿ ਸ਼ਾਨ੍ਤਿਰਤੀਵਕਾਨ੍ਤਿਃ ।
ਵ੍ਯੋਮ੍ਨੀਤਿ ਯਾਃ ਕਿਲ ਕਲਾਃ ਕਲਯਨ੍ਤਿ ਵਿਸ਼੍ਵਂ
ਤਾਸਾਂ ਹਿ ਦੂਰਤਰਮਮ੍ਬ ਪਦਂ ਤ੍ਵਦੀਯਮ੍ ॥ 26 ॥
ਯਾਵਤ੍ਪਦਂ ਪਦਸਰੋਜਯੁਗਂ ਤ੍ਵਦੀਯਂ
ਨਾਙ੍ਗੀਕਰੋਤਿ ਹृਦਯੇषੁ ਜਗਚ੍ਛਰਣ੍ਯੇ ।
ਤਾਵਦ੍ਵਿਕਲ੍ਪਜਟਿਲਾਃ ਕੁਟਿਲਪ੍ਰਕਾਰਾ-
-ਸ੍ਤਰ੍ਕਗ੍ਰਹਾਃ ਸਮਯਿਨਾਂ ਪ੍ਰਲਯਂ ਨ ਯਾਨ੍ਤਿ ॥ 27 ॥
ਨਿਰ੍ਦੇਵਯਾਨਪਿਤृਯਾਨਵਿਹਾਰਮੇਕੇ
ਕृਤ੍ਵਾ ਮਨਃ ਕਰਣਮਣ੍ਡਲਸਾਰ੍ਵਭੌਮਮ੍ ।
ਧ੍ਯਾਨੇ ਨਿਵੇਸ਼੍ਯ ਤਵ ਕਾਰਣਪਞ੍ਚਕਸ੍ਯ
ਪਰ੍ਵਾਣਿ ਪਾਰ੍ਵਤਿ ਨਯਨ੍ਤਿ ਨਿਜਾਸਨਤ੍ਵਮ੍ ॥ 28 ॥
ਸ੍ਥੂਲਾਸੁ ਮੂਰ੍ਤਿषੁ ਮਹੀਪ੍ਰਮੁਖਾਸੁ ਮੂਰ੍ਤੇਃ
ਕਸ੍ਯਾਸ਼੍ਚਨਾਪਿ ਤਵ ਵੈਭਵਮਮ੍ਬ ਯਸ੍ਯਾਃ ।
ਪਤ੍ਯਾ ਗਿਰਾਮਪਿ ਨ ਸ਼ਕ੍ਯਤ ਏਵ ਵਕ੍ਤੁਂ
ਸਾਪਿ ਸ੍ਤੁਤਾ ਕਿਲ ਮਯੇਤਿ ਤਿਤਿਕ੍षਿਤਵ੍ਯਮ੍ ॥ 29 ॥
ਕਾਲਾਗ੍ਨਿਕੋਟਿਰੁਚਿਮਮ੍ਬ षਡਧ੍ਵਸ਼ੁਦ੍ਧੌ
ਆਪ੍ਲਾਵਨੇषੁ ਭਵਤੀਮਮृਤੌਘਵृष੍ਟਿਮ੍ ।
ਸ਼੍ਯਾਮਾਂ ਘਨਸ੍ਤਨਤਟਾਂ ਸ਼ਕਲੀਕृਤਾਘਾਂ
ਧ੍ਯਾਯਨ੍ਤ ਏਵ ਜਗਤਾਂ ਗੁਰਵੋ ਭਵਨ੍ਤਿ ॥ 30 ॥
ਵਿਦ੍ਯਾਂ ਪਰਾਂ ਕਤਿਚਿਦਮ੍ਬਰਮਮ੍ਬ ਕੇਚਿ-
-ਦਾਨਨ੍ਦਮੇਵ ਕਤਿਚਿਤ੍ਕਤਿਚਿਚ੍ਚ ਮਾਯਾਮ੍ ।
ਤ੍ਵਾਂ ਵਿਸ਼੍ਵਮਾਹੁਰਪਰੇ ਵਯਮਾਮਨਾਮਃ
ਸਾਕ੍षਾਦਪਾਰਕਰੁਣਾਂ ਗੁਰੁਮੂਰ੍ਤਿਮੇਵ ॥ 31 ॥
ਕੁਵਲਯਦਲਨੀਲਂ ਬਰ੍ਬਰਸ੍ਨਿਗ੍ਧਕੇਸ਼ਂ
ਪृਥੁਤਰਕੁਚਭਾਰਾਕ੍ਰਾਨ੍ਤਕਾਨ੍ਤਾਵਲਗ੍ਨਮ੍ ।
ਕਿਮਿਹ ਬਹੁਭਿਰੁਕ੍ਤੈਸ੍ਤ੍ਵਤ੍ਸ੍ਵਰੂਪਂ ਪਰਂ ਨਃ
ਸਕਲਜਨਨਿ ਮਾਤਃ ਸਨ੍ਤਤਂ ਸਨ੍ਨਿਧਤ੍ਤਾਮ੍ ॥ 32 ॥
ਇਤਿ ਸ਼੍ਰੀਕਾਲਿਦਾਸ ਵਿਰਚਿਤ ਪਞ੍ਚਸ੍ਤਵ੍ਯਾਂ ਚਤੁਰ੍ਥਃ ਅਮ੍ਬਾਸ੍ਤਵਃ ।
Roman (IAST) Transliteration
yāmāmananti munayaḥ prakṛtiṃ purāṇīṃ
vidyeti yāṃ śrutirahasyavido vadanti |
tāmardhapallavitaśaṅkararūpamudrāṃ
devīmananyaśaraṇaḥ śaraṇaṃ prapadye || 1 ||
amba staveṣu tava tāvadakartṛkāṇi
kuṇṭhībhavanti vacasāmapi gumbhanāni |
ḍimbhasya me stutirasāvasamañjasāpi
vātsalyanighnahṛdayāṃ bhavatīṃ dhinotu || 2 ||
vyometi binduriti nāda itīndulekhā-
-rūpeti vāgbhavatanūriti mātṛketi |
niḥsyandamānasukhabodhasudhāsvarūpā
vidyotase manasi bhāgyavatāṃ janānām || 3 ||
āvirbhavatpulakasantatibhiḥ śarīrai-
-rniḥsyandamānasalilairnayanaiśca nityam |
vāgbhiśca gadgadapadābhirupāsate ye
pādau tavāmba bhuvaneṣu ta eva dhanyāḥ || 4 ||
vaktraṃ yadudyatamabhiṣṭutaye bhavatyā-
-stubhyaṃ namo yadapi devi śiraḥ karoti |
cetaśca yattvayi parāyaṇamamba tāni
kasyāpi kairapi bhavanti tapoviśeṣaiḥ || 5 ||
mūlālavālakuharāduditā bhavāni
nirbhidya ṣaṭsarasijāni taṭillateva |
bhūyo'pi tatra viśasi dhruvamaṇḍalendu-
-niḥsyandamānaparamāmṛtatoyarūpā || 6 ||
dagdhaṃ yadā madanamekamanekadhā te
mugdhaḥ kaṭākṣavidhiraṅkurayāñcakāra |
dhatte tadāprabhṛti devi lalāṭanetraṃ
satyaṃ hriyaiva mukulīkṛtamindumauleḥ || 7 ||
ajñātasambhavamanākalitānvavāyaṃ
bhikṣuṃ kapālinamavāsasamadvitīyam |
pūrvaṃ karagrahaṇamaṅgalato bhavatyāḥ
śambhuṃ ka eva bubudhe girirājakanye || 8 ||
carmāmbaraṃ ca śavabhasmavilepanaṃ ca
bhikṣāṭanaṃ ca naṭanaṃ ca paretabhūmau |
vetālasaṃhatiparigrahatā ca śambhoḥ
śobhāṃ bibharti girije tava sāhacaryāt || 9 ||
kalpopasaṃharaṇakeliṣu paṇḍitāni
caṇḍāni khaṇḍaparaśorapi tāṇḍavāni |
ālokanena tava komalitāni māta-
-rlāsyātmanā pariṇamanti jagadvibhūtyai || 10 ||
jantorapaścimatanoḥ sati karmasāmye
niḥśeṣapāśapaṭalacchidurā nimeṣāt |
kalyāṇi deśikakaṭākṣasamāśrayeṇa
kāruṇyato bhavati śāmbhavavedadīkṣā || 11 ||
muktāvibhūṣaṇavatī navavidrumābhā
yaccetasi sphurasi tārakiteva sandhyā |
ekaḥ sa eva bhuvanatrayasundarīṇāṃ
kandarpatāṃ vrajati pañcaśarīṃ vināpi || 12 ||
ye bhāvayantyamṛtavāhibhiraṃśujālai-
-rāpyāyamānabhuvanāmamṛteśvarīṃ tvām |
te laṅghayanti nanu mātaralaṅghanīyāṃ
brahmādibhiḥ suravarairapi kālakakṣām || 13 ||
yaḥ sphāṭikākṣaguṇapustakakuṇḍikāḍhyāṃ
vyākhyāsamudyatakarāṃ śaradinduśubhrām |
padmāsanāṃ ca hṛdaye bhavatīmupāste
mātaḥ sa viśvakavitārkikacakravartī || 14 ||
barhāvataṃsayutabarbarakeśapāśāṃ
guñjāvalīkṛtaghanastanahāraśobhām |
śyāmāṃ pravālavadanāṃ sukumārahastāṃ
tvāmeva naumi śabarīṃ śabarasya jāyām || 15 ||
ardhena kiṃ navalatālalitena mugdhe
krītaṃ vibhoḥ paruṣamardhamidaṃ tvayeti |
ālījanasya parihāsavacāṃsi manye
mandasmitena tava devi jaḍī bhavanti || 16 ||
brahmāṇḍa budbudakadambakasaṅkulo'yaṃ
māyodadhirvividhaduḥkhataraṅgamālaḥ |
āścaryamamba jhaṭiti pralayaṃ prayāti
tvaddhyānasantatimahābaḍabāmukhāgnau || 17 ||
dākṣāyaṇīti kuṭileti kuhāriṇīti
kātyāyanīti kamaleti kalāvatīti |
ekā satī bhagavatī paramārthato'pi
sandṛśyase bahuvidhā nanu nartakīva || 18 ||
ānandalakṣaṇamanāhatanāmni deśe
nādātmanā pariṇataṃ tava rūpamīśe |
pratyaṅmukhena manasā paricīyamānaṃ
śaṃsanti netrasalilaiḥ pulakaiśca dhanyāḥ || 19 ||
tvaṃ candrikā śaśini tigmarucau rucistvaṃ
tvaṃ cetanāsi puruṣe pavane balaṃ tvam |
tvaṃ svādutāsi salile śikhini tvamūṣmā
niḥsārameva nikhilaṃ tvadṛte yadi syāt || 20 ||
jyotīṃṣi yaddivi caranti yadantarikṣaṃ
sūte payāṃsi yadahirdharaṇīṃ ca dhatte |
yadvāti vāyuranalo yadudarcirāste
tatsarvamamba tava kevalamājñayaiva || 21 ||
saṅkocamicchasi yadā girije tadānīṃ
vāktarkayostvamasi bhūmiranāmarūpā |
yadvā vikāsamupayāsi yadā tadānīṃ
tvannāmarūpagaṇanāḥ sukarā bhavanti || 22 ||
bhogāya devi bhavatīṃ kṛtinaḥ praṇamya
bhrūkiṅkarīkṛtasarojagṛhāḥ sahasram |
cintāmaṇipracayakalpitakeliśaile
kalpadrumopavana eva ciraṃ ramante || 23 ||
hartuṃ tvameva bhavasi tvadadhīnamīśe
saṃsāratāpamakhilaṃ dayayā paśūnām |
vaikartanī kiraṇasaṃhatireva śaktā
dharmaṃ nijaṃ śamayituṃ nijayaiva vṛṣṭyā || 24 ||
śaktiḥ śarīramadhidaivatamantarātmā
jñānaṃ kriyā karaṇamāsanajālamicchā |
aiśvaryamāyatanamāvaraṇāni ca tvaṃ
kiṃ tanna yadbhavasi devi śaśāṅkamauleḥ || 25 ||
bhūmau nivṛttiruditā payasi pratiṣṭhā
vidyā'nale maruti śāntiratīvakāntiḥ |
vyomnīti yāḥ kila kalāḥ kalayanti viśvaṃ
tāsāṃ hi dūrataramamba padaṃ tvadīyam || 26 ||
yāvatpadaṃ padasarojayugaṃ tvadīyaṃ
nāṅgīkaroti hṛdayeṣu jagaccharaṇye |
tāvadvikalpajaṭilāḥ kuṭilaprakārā-
-starkagrahāḥ samayināṃ pralayaṃ na yānti || 27 ||
nirdevayānapitṛyānavihārameke
kṛtvā manaḥ karaṇamaṇḍalasārvabhaumam |
dhyāne niveśya tava kāraṇapañcakasya
parvāṇi pārvati nayanti nijāsanatvam || 28 ||
sthūlāsu mūrtiṣu mahīpramukhāsu mūrteḥ
kasyāścanāpi tava vaibhavamamba yasyāḥ |
patyā girāmapi na śakyata eva vaktuṃ
sāpi stutā kila mayeti titikṣitavyam || 29 ||
kālāgnikoṭirucimamba ṣaḍadhvaśuddhau
āplāvaneṣu bhavatīmamṛtaughavṛṣṭim |
śyāmāṃ ghanastanataṭāṃ śakalīkṛtāghāṃ
dhyāyanta eva jagatāṃ guravo bhavanti || 30 ||
vidyāṃ parāṃ katicidambaramamba keci-
-dānandameva katicitkaticicca māyām |
tvāṃ viśvamāhurapare vayamāmanāmaḥ
sākṣādapārakaruṇāṃ gurumūrtimeva || 31 ||
kuvalayadalanīlaṃ barbarasnigdhakeśaṃ
pṛthutarakucabhārākrāntakāntāvalagnam |
kimiha bahubhiruktaistvatsvarūpaṃ paraṃ naḥ
sakalajanani mātaḥ santataṃ sannidhattām || 32 ||
iti śrīkālidāsa viracita pañcastavyāṃ caturthaḥ ambāstavaḥ |
Sanskrit — Devanagari (original)
यामामनन्ति मुनयः प्रकृतिं पुराणीं
विद्येति यां श्रुतिरहस्यविदो वदन्ति ।
तामर्धपल्लवितशङ्कररूपमुद्रां
देवीमनन्यशरणः शरणं प्रपद्ये ॥ 1 ॥
अम्ब स्तवेषु तव तावदकर्तृकाणि
कुण्ठीभवन्ति वचसामपि गुम्भनानि ।
डिम्भस्य मे स्तुतिरसावसमञ्जसापि
वात्सल्यनिघ्नहृदयां भवतीं धिनोतु ॥ 2 ॥
व्योमेति बिन्दुरिति नाद इतीन्दुलेखा-
-रूपेति वाग्भवतनूरिति मातृकेति ।
निःस्यन्दमानसुखबोधसुधास्वरूपा
विद्योतसे मनसि भाग्यवतां जनानाम् ॥ 3 ॥
आविर्भवत्पुलकसन्ततिभिः शरीरै-
-र्निःस्यन्दमानसलिलैर्नयनैश्च नित्यम् ।
वाग्भिश्च गद्गदपदाभिरुपासते ये
पादौ तवाम्ब भुवनेषु त एव धन्याः ॥ 4 ॥
वक्त्रं यदुद्यतमभिष्टुतये भवत्या-
-स्तुभ्यं नमो यदपि देवि शिरः करोति ।
चेतश्च यत्त्वयि परायणमम्ब तानि
कस्यापि कैरपि भवन्ति तपोविशेषैः ॥ 5 ॥
मूलालवालकुहरादुदिता भवानि
निर्भिद्य षट्सरसिजानि तटिल्लतेव ।
भूयोऽपि तत्र विशसि ध्रुवमण्डलेन्दु-
-निःस्यन्दमानपरमामृततोयरूपा ॥ 6 ॥
दग्धं यदा मदनमेकमनेकधा ते
मुग्धः कटाक्षविधिरङ्कुरयाञ्चकार ।
धत्ते तदाप्रभृति देवि ललाटनेत्रं
सत्यं ह्रियैव मुकुलीकृतमिन्दुमौलेः ॥ 7 ॥
अज्ञातसम्भवमनाकलितान्ववायं
भिक्षुं कपालिनमवाससमद्वितीयम् ।
पूर्वं करग्रहणमङ्गलतो भवत्याः
शम्भुं क एव बुबुधे गिरिराजकन्ये ॥ 8 ॥
चर्माम्बरं च शवभस्मविलेपनं च
भिक्षाटनं च नटनं च परेतभूमौ ।
वेतालसंहतिपरिग्रहता च शम्भोः
शोभां बिभर्ति गिरिजे तव साहचर्यात् ॥ 9 ॥
कल्पोपसंहरणकेलिषु पण्डितानि
चण्डानि खण्डपरशोरपि ताण्डवानि ।
आलोकनेन तव कोमलितानि मात-
-र्लास्यात्मना परिणमन्ति जगद्विभूत्यै ॥ 10 ॥
जन्तोरपश्चिमतनोः सति कर्मसाम्ये
निःशेषपाशपटलच्छिदुरा निमेषात् ।
कल्याणि देशिककटाक्षसमाश्रयेण
कारुण्यतो भवति शाम्भववेददीक्षा ॥ 11 ॥
मुक्ताविभूषणवती नवविद्रुमाभा
यच्चेतसि स्फुरसि तारकितेव सन्ध्या ।
एकः स एव भुवनत्रयसुन्दरीणां
कन्दर्पतां व्रजति पञ्चशरीं विनापि ॥ 12 ॥
ये भावयन्त्यमृतवाहिभिरंशुजालै-
-राप्यायमानभुवनाममृतेश्वरीं त्वाम् ।
ते लङ्घयन्ति ननु मातरलङ्घनीयां
ब्रह्मादिभिः सुरवरैरपि कालकक्षाम् ॥ 13 ॥
यः स्फाटिकाक्षगुणपुस्तककुण्डिकाढ्यां
व्याख्यासमुद्यतकरां शरदिन्दुशुभ्राम् ।
पद्मासनां च हृदये भवतीमुपास्ते
मातः स विश्वकवितार्किकचक्रवर्ती ॥ 14 ॥
बर्हावतंसयुतबर्बरकेशपाशां
गुञ्जावलीकृतघनस्तनहारशोभाम् ।
श्यामां प्रवालवदनां सुकुमारहस्तां
त्वामेव नौमि शबरीं शबरस्य जायाम् ॥ 15 ॥
अर्धेन किं नवलताललितेन मुग्धे
क्रीतं विभोः परुषमर्धमिदं त्वयेति ।
आलीजनस्य परिहासवचांसि मन्ये
मन्दस्मितेन तव देवि जडी भवन्ति ॥ 16 ॥
ब्रह्माण्ड बुद्बुदकदम्बकसङ्कुलोऽयं
मायोदधिर्विविधदुःखतरङ्गमालः ।
आश्चर्यमम्ब झटिति प्रलयं प्रयाति
त्वद्ध्यानसन्ततिमहाबडबामुखाग्नौ ॥ 17 ॥
दाक्षायणीति कुटिलेति कुहारिणीति
कात्यायनीति कमलेति कलावतीति ।
एका सती भगवती परमार्थतोऽपि
सन्दृश्यसे बहुविधा ननु नर्तकीव ॥ 18 ॥
आनन्दलक्षणमनाहतनाम्नि देशे
नादात्मना परिणतं तव रूपमीशे ।
प्रत्यङ्मुखेन मनसा परिचीयमानं
शंसन्ति नेत्रसलिलैः पुलकैश्च धन्याः ॥ 19 ॥
त्वं चन्द्रिका शशिनि तिग्मरुचौ रुचिस्त्वं
त्वं चेतनासि पुरुषे पवने बलं त्वम् ।
त्वं स्वादुतासि सलिले शिखिनि त्वमूष्मा
निःसारमेव निखिलं त्वदृते यदि स्यात् ॥ 20 ॥
ज्योतींषि यद्दिवि चरन्ति यदन्तरिक्षं
सूते पयांसि यदहिर्धरणीं च धत्ते ।
यद्वाति वायुरनलो यदुदर्चिरास्ते
तत्सर्वमम्ब तव केवलमाज्ञयैव ॥ 21 ॥
सङ्कोचमिच्छसि यदा गिरिजे तदानीं
वाक्तर्कयोस्त्वमसि भूमिरनामरूपा ।
यद्वा विकासमुपयासि यदा तदानीं
त्वन्नामरूपगणनाः सुकरा भवन्ति ॥ 22 ॥
भोगाय देवि भवतीं कृतिनः प्रणम्य
भ्रूकिङ्करीकृतसरोजगृहाः सहस्रम् ।
चिन्तामणिप्रचयकल्पितकेलिशैले
कल्पद्रुमोपवन एव चिरं रमन्ते ॥ 23 ॥
हर्तुं त्वमेव भवसि त्वदधीनमीशे
संसारतापमखिलं दयया पशूनाम् ।
वैकर्तनी किरणसंहतिरेव शक्ता
धर्मं निजं शमयितुं निजयैव वृष्ट्या ॥ 24 ॥
शक्तिः शरीरमधिदैवतमन्तरात्मा
ज्ञानं क्रिया करणमासनजालमिच्छा ।
ऐश्वर्यमायतनमावरणानि च त्वं
किं तन्न यद्भवसि देवि शशाङ्कमौलेः ॥ 25 ॥
भूमौ निवृत्तिरुदिता पयसि प्रतिष्ठा
विद्याऽनले मरुति शान्तिरतीवकान्तिः ।
व्योम्नीति याः किल कलाः कलयन्ति विश्वं
तासां हि दूरतरमम्ब पदं त्वदीयम् ॥ 26 ॥
यावत्पदं पदसरोजयुगं त्वदीयं
नाङ्गीकरोति हृदयेषु जगच्छरण्ये ।
तावद्विकल्पजटिलाः कुटिलप्रकारा-
-स्तर्कग्रहाः समयिनां प्रलयं न यान्ति ॥ 27 ॥
निर्देवयानपितृयानविहारमेके
कृत्वा मनः करणमण्डलसार्वभौमम् ।
ध्याने निवेश्य तव कारणपञ्चकस्य
पर्वाणि पार्वति नयन्ति निजासनत्वम् ॥ 28 ॥
स्थूलासु मूर्तिषु महीप्रमुखासु मूर्तेः
कस्याश्चनापि तव वैभवमम्ब यस्याः ।
पत्या गिरामपि न शक्यत एव वक्तुं
सापि स्तुता किल मयेति तितिक्षितव्यम् ॥ 29 ॥
कालाग्निकोटिरुचिमम्ब षडध्वशुद्धौ
आप्लावनेषु भवतीममृतौघवृष्टिम् ।
श्यामां घनस्तनतटां शकलीकृताघां
ध्यायन्त एव जगतां गुरवो भवन्ति ॥ 30 ॥
विद्यां परां कतिचिदम्बरमम्ब केचि-
-दानन्दमेव कतिचित्कतिचिच्च मायाम् ।
त्वां विश्वमाहुरपरे वयमामनामः
साक्षादपारकरुणां गुरुमूर्तिमेव ॥ 31 ॥
कुवलयदलनीलं बर्बरस्निग्धकेशं
पृथुतरकुचभाराक्रान्तकान्तावलग्नम् ।
किमिह बहुभिरुक्तैस्त्वत्स्वरूपं परं नः
सकलजननि मातः सन्ततं सन्निधत्ताम् ॥ 32 ॥
इति श्रीकालिदास विरचित पञ्चस्तव्यां चतुर्थः अम्बास्तवः ।
yāmāmananti munayaḥ prakṛtiṃ purāṇīṃ
vidyeti yāṃ śrutirahasyavido vadanti |
tāmardhapallavitaśaṅkararūpamudrāṃ
devīmananyaśaraṇaḥ śaraṇaṃ prapadye || 1 ||
amba staveṣu tava tāvadakartṛkāṇi
kuṇṭhībhavanti vacasāmapi gumbhanāni |
ḍimbhasya me stutirasāvasamañjasāpi
vātsalyanighnahṛdayāṃ bhavatīṃ dhinotu || 2 ||
vyometi binduriti nāda itīndulekhā-
-rūpeti vāgbhavatanūriti mātṛketi |
niḥsyandamānasukhabodhasudhāsvarūpā
vidyotase manasi bhāgyavatāṃ janānām || 3 ||
āvirbhavatpulakasantatibhiḥ śarīrai-
-rniḥsyandamānasalilairnayanaiśca nityam |
vāgbhiśca gadgadapadābhirupāsate ye
pādau tavāmba bhuvaneṣu ta eva dhanyāḥ || 4 ||
vaktraṃ yadudyatamabhiṣṭutaye bhavatyā-
-stubhyaṃ namo yadapi devi śiraḥ karoti |
cetaśca yattvayi parāyaṇamamba tāni
kasyāpi kairapi bhavanti tapoviśeṣaiḥ || 5 ||
mūlālavālakuharāduditā bhavāni
nirbhidya ṣaṭsarasijāni taṭillateva |
bhūyo'pi tatra viśasi dhruvamaṇḍalendu-
-niḥsyandamānaparamāmṛtatoyarūpā || 6 ||
dagdhaṃ yadā madanamekamanekadhā te
mugdhaḥ kaṭākṣavidhiraṅkurayāñcakāra |
dhatte tadāprabhṛti devi lalāṭanetraṃ
satyaṃ hriyaiva mukulīkṛtamindumauleḥ || 7 ||
ajñātasambhavamanākalitānvavāyaṃ
bhikṣuṃ kapālinamavāsasamadvitīyam |
pūrvaṃ karagrahaṇamaṅgalato bhavatyāḥ
śambhuṃ ka eva bubudhe girirājakanye || 8 ||
carmāmbaraṃ ca śavabhasmavilepanaṃ ca
bhikṣāṭanaṃ ca naṭanaṃ ca paretabhūmau |
vetālasaṃhatiparigrahatā ca śambhoḥ
śobhāṃ bibharti girije tava sāhacaryāt || 9 ||
kalpopasaṃharaṇakeliṣu paṇḍitāni
caṇḍāni khaṇḍaparaśorapi tāṇḍavāni |
ālokanena tava komalitāni māta-
-rlāsyātmanā pariṇamanti jagadvibhūtyai || 10 ||
jantorapaścimatanoḥ sati karmasāmye
niḥśeṣapāśapaṭalacchidurā nimeṣāt |
kalyāṇi deśikakaṭākṣasamāśrayeṇa
kāruṇyato bhavati śāmbhavavedadīkṣā || 11 ||
muktāvibhūṣaṇavatī navavidrumābhā
yaccetasi sphurasi tārakiteva sandhyā |
ekaḥ sa eva bhuvanatrayasundarīṇāṃ
kandarpatāṃ vrajati pañcaśarīṃ vināpi || 12 ||
ye bhāvayantyamṛtavāhibhiraṃśujālai-
-rāpyāyamānabhuvanāmamṛteśvarīṃ tvām |
te laṅghayanti nanu mātaralaṅghanīyāṃ
brahmādibhiḥ suravarairapi kālakakṣām || 13 ||
yaḥ sphāṭikākṣaguṇapustakakuṇḍikāḍhyāṃ
vyākhyāsamudyatakarāṃ śaradinduśubhrām |
padmāsanāṃ ca hṛdaye bhavatīmupāste
mātaḥ sa viśvakavitārkikacakravartī || 14 ||
barhāvataṃsayutabarbarakeśapāśāṃ
guñjāvalīkṛtaghanastanahāraśobhām |
śyāmāṃ pravālavadanāṃ sukumārahastāṃ
tvāmeva naumi śabarīṃ śabarasya jāyām || 15 ||
ardhena kiṃ navalatālalitena mugdhe
krītaṃ vibhoḥ paruṣamardhamidaṃ tvayeti |
ālījanasya parihāsavacāṃsi manye
mandasmitena tava devi jaḍī bhavanti || 16 ||
brahmāṇḍa budbudakadambakasaṅkulo'yaṃ
māyodadhirvividhaduḥkhataraṅgamālaḥ |
āścaryamamba jhaṭiti pralayaṃ prayāti
tvaddhyānasantatimahābaḍabāmukhāgnau || 17 ||
dākṣāyaṇīti kuṭileti kuhāriṇīti
kātyāyanīti kamaleti kalāvatīti |
ekā satī bhagavatī paramārthato'pi
sandṛśyase bahuvidhā nanu nartakīva || 18 ||
ānandalakṣaṇamanāhatanāmni deśe
nādātmanā pariṇataṃ tava rūpamīśe |
pratyaṅmukhena manasā paricīyamānaṃ
śaṃsanti netrasalilaiḥ pulakaiśca dhanyāḥ || 19 ||
tvaṃ candrikā śaśini tigmarucau rucistvaṃ
tvaṃ cetanāsi puruṣe pavane balaṃ tvam |
tvaṃ svādutāsi salile śikhini tvamūṣmā
niḥsārameva nikhilaṃ tvadṛte yadi syāt || 20 ||
jyotīṃṣi yaddivi caranti yadantarikṣaṃ
sūte payāṃsi yadahirdharaṇīṃ ca dhatte |
yadvāti vāyuranalo yadudarcirāste
tatsarvamamba tava kevalamājñayaiva || 21 ||
saṅkocamicchasi yadā girije tadānīṃ
vāktarkayostvamasi bhūmiranāmarūpā |
yadvā vikāsamupayāsi yadā tadānīṃ
tvannāmarūpagaṇanāḥ sukarā bhavanti || 22 ||
bhogāya devi bhavatīṃ kṛtinaḥ praṇamya
bhrūkiṅkarīkṛtasarojagṛhāḥ sahasram |
cintāmaṇipracayakalpitakeliśaile
kalpadrumopavana eva ciraṃ ramante || 23 ||
hartuṃ tvameva bhavasi tvadadhīnamīśe
saṃsāratāpamakhilaṃ dayayā paśūnām |
vaikartanī kiraṇasaṃhatireva śaktā
dharmaṃ nijaṃ śamayituṃ nijayaiva vṛṣṭyā || 24 ||
śaktiḥ śarīramadhidaivatamantarātmā
jñānaṃ kriyā karaṇamāsanajālamicchā |
aiśvaryamāyatanamāvaraṇāni ca tvaṃ
kiṃ tanna yadbhavasi devi śaśāṅkamauleḥ || 25 ||
bhūmau nivṛttiruditā payasi pratiṣṭhā
vidyā'nale maruti śāntiratīvakāntiḥ |
vyomnīti yāḥ kila kalāḥ kalayanti viśvaṃ
tāsāṃ hi dūrataramamba padaṃ tvadīyam || 26 ||
yāvatpadaṃ padasarojayugaṃ tvadīyaṃ
nāṅgīkaroti hṛdayeṣu jagaccharaṇye |
tāvadvikalpajaṭilāḥ kuṭilaprakārā-
-starkagrahāḥ samayināṃ pralayaṃ na yānti || 27 ||
nirdevayānapitṛyānavihārameke
kṛtvā manaḥ karaṇamaṇḍalasārvabhaumam |
dhyāne niveśya tava kāraṇapañcakasya
parvāṇi pārvati nayanti nijāsanatvam || 28 ||
sthūlāsu mūrtiṣu mahīpramukhāsu mūrteḥ
kasyāścanāpi tava vaibhavamamba yasyāḥ |
patyā girāmapi na śakyata eva vaktuṃ
sāpi stutā kila mayeti titikṣitavyam || 29 ||
kālāgnikoṭirucimamba ṣaḍadhvaśuddhau
āplāvaneṣu bhavatīmamṛtaughavṛṣṭim |
śyāmāṃ ghanastanataṭāṃ śakalīkṛtāghāṃ
dhyāyanta eva jagatāṃ guravo bhavanti || 30 ||
vidyāṃ parāṃ katicidambaramamba keci-
-dānandameva katicitkaticicca māyām |
tvāṃ viśvamāhurapare vayamāmanāmaḥ
sākṣādapārakaruṇāṃ gurumūrtimeva || 31 ||
kuvalayadalanīlaṃ barbarasnigdhakeśaṃ
pṛthutarakucabhārākrāntakāntāvalagnam |
kimiha bahubhiruktaistvatsvarūpaṃ paraṃ naḥ
sakalajanani mātaḥ santataṃ sannidhattām || 32 ||
iti śrīkālidāsa viracita pañcastavyāṃ caturthaḥ ambāstavaḥ |
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.