𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌏𑌕𑍋𑌨𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ।
𑌘𑍋𑌰𑍇𑌣𑌶𑌰𑌬𑌨𑍍𑌧𑍇𑌨𑌬𑌦𑍍𑌧𑍗𑌦𑌶𑌰𑌥𑌾𑌤𑍍𑌮𑌜𑍗 ।
𑌨𑌿𑌃𑌶𑍍𑌵𑌸𑌨𑍍𑌤𑍗𑌯𑌥𑌾𑌨𑌾𑌗𑍗𑌶𑌯𑌾𑌨𑍗𑌰𑍁𑌧𑌿𑌰𑍋𑌕𑍍𑌷𑌿𑌤𑍗 ॥ 1 ॥
𑌸𑌰𑍍𑌵𑍇𑌤𑍇𑌵𑌾𑌨𑌰𑌶𑍍𑌰𑍇𑌷𑍍𑌠𑌾𑌸𑍍𑌸𑌸𑍁𑌗𑍍𑌰𑍀𑌵𑌾𑌮𑌹𑌾𑌬𑌲𑌾𑌃 ।
𑌪𑌰𑌿𑌵𑌾𑌰𑍍𑌯𑌮𑌹𑌾𑌤𑍍𑌮𑌾𑌨𑍗𑌤𑌸𑍍𑌥𑍁𑌶𑍍𑌶𑍋𑌕𑌪𑌰𑌿𑌪𑍍𑌲𑍁𑌤𑌾𑌃 ॥ 2 ॥
𑌏𑌤𑌸𑍍𑌮𑌿𑌨𑍍𑌨𑌨𑍍𑌤𑌰𑍇𑌰𑌾𑌮𑌃𑌪𑍍𑌰𑌤𑍍𑌯𑌬𑍁𑌧𑍍𑌯𑌤𑌵𑍀𑌰𑍍𑌯𑌵𑌾𑌨𑍍 ।
𑌸𑍍𑌥𑌿𑌰𑌤𑍍𑌵𑌾𑌤𑍍𑌸𑌤𑍍𑌤𑍍𑌵𑌯𑍋𑌗𑌾𑌚𑍍𑌚𑌶𑌰𑍈𑌸𑍍𑌸𑌨𑍍𑌦𑌾𑌨𑌿𑌤𑍋𑌽𑌪𑌿𑌸𑌨𑍍 ॥ 3 ॥
𑌤𑌤𑍋𑌦𑍃𑌷𑍍𑌟𑌵𑌾𑌸𑌰𑍁𑌧𑌿𑌰𑌨𑍍𑌨𑌿𑌷𑌣𑍍𑌣𑌙𑍍𑌗𑌾𑌢𑌮𑌰𑍍𑌪𑌿𑌤𑌮𑍍 ।
𑌭𑍍𑌰𑌾𑌤𑌰𑌨𑍍𑌦𑍀𑌨𑌵𑌦𑌨𑌮𑍍𑌪𑌰𑍍𑌯𑌦𑍇𑌵𑌯𑌦𑌾𑌤𑍁𑌰𑌃 ॥ 4 ॥
𑌕𑌿𑌨𑍍𑌨𑍁𑌮𑍇𑌸𑍀𑌤𑌯𑌾𑌕𑌾𑌰𑍍𑌯𑌙𑍍𑌕𑌿𑌙𑍍𑌕𑌾𑌰𑍍𑌯𑌞𑍍𑌜𑍀𑌵𑌿𑌤𑍇𑌨𑌵𑌾 ।
𑌶𑌯𑌾𑌨𑌂𑌯𑍋𑌽𑌦𑍍𑌯𑌪𑌶𑍍𑌯𑌾𑌮𑌿𑌭𑍍𑌰𑌾𑌤𑌰𑌂𑌯𑍁𑌧𑌿𑌨𑌿𑌰𑍍𑌜𑌿𑌤𑌮𑍍 ॥ 5 ॥
𑌶𑌕𑍍𑌯𑌾𑌸𑍀𑌤𑌾𑌸𑌮𑌾𑌨𑌾𑌰𑍀𑌮𑌰𑍍𑌤𑍍𑌯𑌲𑍋𑌕𑍇𑌵𑌿𑌚𑌿𑌨𑍍𑌵𑌤𑌾 ।
𑌨𑌲𑌕𑍍𑌷𑍍𑌮𑌣𑌸𑌮𑍋𑌭𑍍𑌰𑌾𑌤𑌾𑌸𑌚𑌿𑌵𑌸𑍍𑌸𑌾𑌮𑍍𑌪𑌪𑌰𑌾𑌯𑌿𑌕𑌃 ॥ 6 ॥
𑌪𑌰𑌿𑌤𑍍𑌯𑌕𑍍𑌷𑌾𑌮𑍍𑌯𑌹𑌮𑍍𑌪𑍍𑌰𑌾𑌣𑌾𑌨𑍍𑌵𑌾𑌨𑌰𑌾𑌣𑌾𑌨𑍍𑌤𑍁𑌪𑌶𑍍𑌯𑌾𑌤𑌾𑌮𑍍 ।
𑌯𑌦𑌿𑌪𑌞𑍍𑌚𑌤𑍍𑌵𑌮𑌾𑌪𑌨𑍍𑌨𑌸𑍍𑌸𑍁𑌮𑌿𑌤𑍍𑌰𑌾𑌨𑌨𑍍𑌦𑌵𑌰𑍍𑌧𑌨𑌃 ॥ 7 ॥
𑌕𑌿𑌨𑍍𑌨𑍁𑌵𑌕𑍍𑌷𑍍𑌯𑌾𑌮𑌿𑌕𑍗𑌸𑌲𑍍𑌯𑌾𑌮𑍍𑌮𑌾𑌤𑌰𑌙𑍍𑌕𑌿𑌨𑍍𑌨𑍁𑌕𑍈𑌕𑌯𑍀𑌮𑍍 ।
𑌕𑌥𑌮𑌮𑍍𑌬𑌾𑌂𑌸𑍁𑌮𑌿𑌤𑍍𑌰𑌾𑌞𑍍𑌚𑌪𑍁𑌤𑍍𑌰𑌦𑌰𑍍𑌶𑌨𑌲𑌾𑌲𑌸𑌾𑌮𑍍 ॥ 8 ॥
𑌵𑌿𑌵𑌤𑍍𑌸𑌾𑌂𑌵𑍇𑌪𑌮𑌾𑌨𑌾𑌞𑍍𑌚𑌕𑍍𑌰𑍋𑌶𑌨𑍍𑌤𑍀𑌙𑍍𑌕𑍁𑌰𑌰𑍀𑌮𑌿𑌵 ।
𑌕𑌥𑌮𑌾𑌶𑍍𑌵𑌾𑌸𑌯𑌿𑌷𑍍𑌯𑌾𑌮𑌿𑌯𑌦𑌿𑌯𑌾𑌸𑍍𑌯𑌾𑌮𑌿𑌤𑌂𑌵𑌿𑌨𑌾 ॥ 9 ॥
𑌕𑌥𑌂𑌵𑌕𑍍𑌷𑍍𑌯𑌾𑌮𑌿𑌶𑌤𑍍𑌰𑍁𑌘𑍍𑌨𑌮𑍍𑌭𑌰𑌤𑌞𑍍𑌚𑌯𑌶𑌸𑍍𑌵𑌿𑌨𑌮𑍍 ।
𑌮𑌯𑌾𑌸𑌹𑌵𑌨𑌂𑌯𑌾𑌤𑍋𑌵𑌿𑌨𑌾𑌤𑍇𑌨𑌾𑌪𑍁𑌨𑌮𑌾𑌗𑌤𑌃 ॥ 10 ॥
𑌉𑌪𑌾𑌲𑌮𑍍𑌬𑌨𑍍𑌨𑌶𑌕𑍍𑌷𑍍𑌯𑌾𑌮𑌿𑌸𑍋𑌢𑍁𑌮𑍍𑌬𑌤𑌸𑍁𑌮𑌿𑌤𑍍𑌰𑌯𑌾 ।
𑌇𑌹𑍈𑌵𑌦𑍇𑌹𑌨𑍍𑌤𑍍𑌯𑌕𑍍𑌷𑍍𑌯𑌾𑌮𑌿𑌨𑌹𑌿𑌜𑍀𑌵𑌿𑌤𑍁𑌮𑍁𑌤𑍍𑌸𑌹𑍇 ॥ 11 ॥
𑌧𑌿𑌙𑍍𑌮𑌾𑌨𑍍𑌦𑍁𑌷𑍍𑌕𑍃𑌤𑌕𑌰𑍍𑌮𑌾𑌣𑌮𑌨𑌾𑌰𑍍𑌯𑌮𑍍𑌮𑌤𑍍𑌕𑍃𑌤𑍇𑌹𑍍𑌯𑌸𑍗 ।
𑌲𑌕𑍍𑌷𑍍𑌮𑌣𑌃𑌪𑌤𑌿𑌤𑌶𑍍𑌶𑍇𑌤𑍇𑌶𑌰𑌤𑌲𑍍𑌪𑍇𑌗𑌤𑌾𑌸𑍁𑌵𑌤𑍍 ॥ 12 ॥
𑌤𑍍𑌵𑌨𑍍𑌨𑌿𑌤𑍍𑌯𑌂𑌸𑍁𑌵𑌿𑌷𑌣𑍍𑌣𑌮𑍍𑌮𑌾𑌮𑌾𑌶𑍍𑌵𑌾𑌸𑌯𑌸𑌿𑌲𑌕𑍍𑌷𑍍𑌮𑌣 ।
𑌗𑌤𑌾𑌸𑍁𑌰𑍍𑌨𑌾𑌦𑍍𑌯𑌶𑌕𑍍𑌤𑍋𑌽𑌸𑌿𑌮𑌾𑌮𑌾𑌰𑍍𑌤𑌮𑌭𑌿𑌭𑌾𑌷𑌿𑌤𑍁𑌮𑍍 ॥ 13 ॥
𑌯𑍇𑌨𑌾𑌦𑍍𑌯𑌬𑌹𑌵𑍋𑌯𑍁𑌦𑍍𑌧𑍇𑌨𑌿𑌹𑌤𑌾𑌰𑌾𑌕𑍍𑌷𑌸𑌾𑌵𑌿𑌨𑌿𑌪𑌾𑌤𑌿𑌤𑌾𑌃 ।
𑌤𑌸𑍍𑌯𑌾𑌮𑍇𑌵𑌾𑌦𑍍𑌯𑌶𑍂𑌰𑌸𑍍𑌤𑍍𑌵𑌂𑌶𑍇𑌷𑍇𑌵𑌿𑌨𑌿𑌹𑌤𑌃𑌪𑌰𑍈𑌃 ॥ 14 ॥
𑌶𑌯𑌾𑌨𑌃𑌶𑌰𑌤𑌲𑍍𑌪𑍇𑌽𑌸𑍍𑌮𑌿𑌨𑍍 𑌸𑌶𑍋𑌣𑌿𑌤𑌪𑌰𑌿𑌪𑍍𑌲𑍁𑌤𑌃 ।
𑌶𑌰𑌜𑌾𑌲𑍈𑌚𑌶𑌿𑌤𑍋𑌭𑌾𑌸𑌿𑌭𑌾𑌸𑍍𑌕𑌰𑍋𑌽𑌸𑍍𑌤𑌮𑌿𑌵𑌵𑍍𑌰𑌜𑌨𑍍 ॥ 15 ॥
𑌬𑌾𑌣𑌾𑌭𑌿𑌹𑌤𑌮𑌰𑍍𑌮𑌤𑍍𑌵𑌾𑌨𑍍𑌨𑌶𑌕𑍍𑌨𑍋𑌤𑍍𑌯𑌭𑌿𑌭𑌾𑌷𑌿𑌤𑍁𑌮𑍍 ।
𑌰𑍁𑌜𑌾𑌚𑌾𑌬𑍍𑌰𑍁𑌵𑌤𑍋𑌽𑌪𑍍𑌯𑌸𑍍𑌯𑌦𑍃𑌷𑍍𑌟𑌿𑌰𑌾𑌗𑍇𑌣𑌸𑍂𑌚𑍍𑌯𑌤𑍇 ॥ 16 ॥
𑌯𑌥𑍈𑌵𑌮𑌾𑌂𑌵𑌨𑌂𑌯𑌾𑌨𑍍𑌤𑌮𑌨𑍁𑌯𑌾𑌤𑍋𑌮𑌹𑌾𑌦𑍍𑌯𑍁𑌤𑌿𑌃 ।
𑌅𑌹𑌮𑌪𑍍𑌯𑌨𑍁𑌯𑌾𑌸𑍍𑌯𑌾𑌮𑌿𑌤𑌥𑍈𑌵𑍈𑌨𑌂𑌯𑌮𑌕𑍍𑌷𑍍𑌯𑌮𑍍 ॥ 17 ॥
𑌇𑌷𑍍𑌟𑌬𑌨𑍍𑌧𑍁𑌜𑌨𑍋𑌨𑌿𑌤𑍍𑌯𑌮𑍍𑌮𑌾𑌞𑍍𑌚𑌨𑌿𑌤𑍍𑌯𑌮𑌨𑍁𑌵𑍍𑌰𑌤𑌃 ।
𑌇𑌮𑌾𑌮𑌦𑍍𑌯𑌗𑌤𑍋𑌽𑌵𑌸𑍍𑌥𑌾𑌮𑍍𑌮𑌮𑌾𑌨𑌾𑌰𑍍𑌯𑌸𑍍𑌯𑌦𑍁𑌰𑍍𑌨𑌯𑍈𑌃 ॥ 18 ॥
𑌸𑍁𑌰𑍁𑌷𑍍𑌟𑍇𑌨𑌾𑌪𑌿𑌵𑍀𑌰𑍇𑌣𑌲𑌕𑍍𑌷𑍍𑌮𑌣𑍇𑌨𑌨𑌸𑌂𑌸𑍍𑌮𑌰𑍇 ।
𑌪𑌰𑍁𑌷𑌂𑌵𑌿𑌪𑍍𑌰𑌿𑌯𑌂𑌵𑌾𑌪𑌿𑌶𑍍𑌰𑌾𑌵𑌿𑌤𑌨𑍍𑌨𑌕𑌦𑌾𑌚𑌨 ॥ 19 ॥
𑌵𑌿𑌸𑌸𑌰𑍍𑌜𑍈𑌕𑌵𑍇𑌗𑍇𑌨𑌪𑌞𑍍𑌚𑌬𑌾𑌣𑌶𑌤𑌾𑌨𑌿𑌯𑌃 ।
𑌇𑌷𑍍𑌵𑌸𑍍𑌤𑍍𑌰𑌷𑍍𑌵𑌧𑌿𑌕𑌸𑍍𑌤𑌸𑍍𑌮𑌾𑌤𑍍𑌕𑌾𑌰𑍍𑌤𑌵𑍀𑌰𑍍𑌯𑌾𑌚𑍍𑌚𑌲𑌕𑍍𑌷𑍍𑌮𑌣𑌃 ॥ 20 ॥
𑌅𑌸𑍍𑌸𑍍𑌰𑍈𑌰𑌸𑍍𑌤𑍍𑌰𑌾𑌣𑌿𑌯𑍋𑌹𑌨𑍍𑌯𑌾𑌚𑍍𑌛𑌕𑍍𑌰𑌸𑍍𑌯𑌾𑌪𑌿𑌮𑌹𑌾𑌤𑍍𑌮𑌨𑌃 ।
𑌸𑍋𑌽𑌯𑌮𑍁𑌰𑍍𑌵𑍍𑌯𑌾𑌂𑌹𑌤𑌶𑍍𑌶𑍇𑌤𑍇𑌮𑌹𑌾𑌰𑍍𑌹𑌶𑌯𑌨𑍋𑌚𑌿𑌤𑌃 ॥ 21 ॥
𑌤𑌚𑍍𑌚𑌮𑌿𑌥𑍍𑌯𑌾𑌪𑍍𑌰𑌲𑌪𑍍𑌤𑌮𑍍𑌮𑌾𑌮𑍍𑌪𑍍𑌰𑌧𑌕𑍍𑌷𑍍𑌯𑌤𑌿𑌨𑌸𑌂𑌶𑌯𑌃 ।
𑌯𑌨𑍍𑌮𑌯𑌾𑌨𑌕𑍃𑌤𑍋𑌰𑌾𑌜𑌾𑌰𑌾𑌕𑍍𑌷𑌸𑌾𑌨𑌾𑌂𑌵𑌿𑌭𑍀𑌷𑌣𑌃 ॥ 22 ॥
𑌅𑌸𑍍𑌮𑌿𑌨𑍍𑌮𑍁𑌹𑍂𑌰𑍍𑌤𑍇𑌸𑍁𑌗𑍍𑌰𑍀𑌵 𑌪𑍍𑌰𑌤𑌿𑌯𑌾𑌤𑍁𑌮𑌿𑌤𑍋𑌽𑌰𑍍𑌹𑌸𑌿 ।
𑌮𑌤𑍍𑌵𑌾𑌹𑍀𑌨𑌂𑌰𑌾𑌜𑌨𑍍 𑌰𑌾𑌵𑌣𑍋𑌽𑌭𑌿𑌦𑍍𑌰𑌵𑍇𑌦𑍍𑌬𑌲𑍀 ॥ 23 ॥
𑌅𑌙𑍍𑌗𑌦𑌨𑍍𑌤𑍁𑌪𑍁𑌰𑌸𑍍𑌕𑌤𑍍𑌯𑌸𑌸𑍈𑌨𑍍𑌯𑌸𑍍𑌸𑌪𑌰𑌿𑌚𑍍𑌛𑌦𑌮𑍍 ।
𑌸𑌾𑌗𑌰𑌨𑍍𑌤𑌰𑌸𑍁𑌗𑍍𑌰𑍀𑌵 𑌨𑍀𑌲𑍇𑌨𑌚𑌨𑌲𑍇𑌨𑌚 ॥ 24 ॥
𑌕𑍃𑌤𑌂𑌹𑌨𑍁𑌮𑌤𑌾𑌕𑌾𑌰𑍍𑌯𑌂𑌯𑌦𑌨𑍍𑌯𑍈𑌰𑍍𑌦𑍁𑌷𑍍𑌕𑌰𑌂𑌰𑌣𑍇 ।
𑌋𑌕𑍍𑌷𑌰𑌾𑌜𑍇𑌨𑌤𑍁𑌷𑍍𑌯𑌾𑌮𑌿𑌗𑍋𑌲𑌾𑌙𑍍𑌗𑍂𑌲𑌾𑌧𑌿𑌪𑍇𑌨𑌚 ॥ 25 ॥
𑌅𑌙𑍍𑌗𑌦𑍇𑌨𑌕𑍃𑌤𑌙𑍍𑌕𑌰𑍍𑌮𑌮𑍈𑌨𑍍𑌦𑍇𑌨𑌦𑍍𑌵𑌿𑌵𑌿𑌦𑍇𑌨𑌚 ।
𑌯𑍁𑌦𑍍𑌧𑌙𑍍𑌕𑍇𑌸𑌰𑌿𑌣𑌾𑌸𑌙𑍍 𑌖𑍍𑌯𑍇𑌘𑍋𑌰𑌂𑌸𑌮𑍍𑌪𑌾𑌤𑌿𑌨𑌾𑌕𑍃𑌤𑌮𑍍 ॥ 26 ॥
𑌗𑌵𑌯𑍇𑌨𑌗𑌵𑌾𑌕𑍍𑌷𑍇𑌣𑌶𑌰𑌭𑍇𑌣𑌗𑌜𑍇𑌨𑌚 ।
𑌅𑌨𑍍𑌯𑍈𑌶𑍍𑌚𑌹𑌰𑌿𑌭𑌿𑌰𑍍𑌯𑍁𑌦𑍍𑌧𑌮𑍍𑌮𑌦𑌰𑍍𑌥𑍇𑌤𑍍𑌯𑌕𑍍𑌤𑌜𑍀𑌵𑌿𑌤𑍈𑌃 ॥ 27 ॥
𑌨𑌚𑌾𑌤𑌿𑌕𑍍𑌰𑌮𑌿𑌤𑍁𑌂𑌶𑌕𑍍𑌯𑌨𑍍𑌦𑍈𑌵𑌂𑌸𑍁𑌗𑍍𑌰𑍀𑌵 𑌮𑌾𑌨𑍁𑌷𑍈𑌃 ।
𑌯𑌤𑍍𑌤𑍁𑌶𑌕𑍍𑌯𑌂𑌵𑌯𑌸𑍍𑌯𑍇𑌨𑌸𑍁𑌹𑍃𑌦𑌾𑌚𑌪𑌰𑌨𑍍𑌤𑌪 ॥ 28 ॥
𑌕𑍃𑌤𑌂𑌸𑍁𑌗𑍍𑌰𑍀𑌵 𑌤𑌤𑍍𑌸𑌰𑍍𑌵𑌮𑍍𑌭𑌵𑌤𑌾𑌧𑌰𑍍𑌮𑌭𑍀𑌰𑍁𑌣𑌾 ।
𑌮𑌿𑌤𑍍𑌰𑌕𑌾𑌰𑍍𑌯𑌙𑍍𑌕𑍃𑌤𑌮𑌿𑌦𑌮𑍍𑌭𑌵𑌦𑍍𑌭𑌿𑌰𑍍𑌵𑌾𑌨𑌰𑌰𑍍𑌷𑌭𑌾𑌃 ॥ 29 ॥
𑌅𑌨𑍁𑌜𑍍𑌞𑌾𑌤𑌾𑌮𑌯𑌾𑌸𑌰𑍍𑌵𑍇𑌯𑌥𑍇𑌷𑍍𑌟𑌙𑍍𑌗𑌨𑍍𑌤𑍁𑌮𑌰𑍍𑌹𑌥 ।
𑌶𑍁𑌶𑍍𑌰𑍁𑌵𑍁𑌸𑍍𑌤𑌸𑍍𑌯𑌤𑍇𑌸𑌰𑍍𑌵𑍇𑌵𑌾𑌨𑌰𑌾𑌃𑌪𑌰𑌿𑌦𑍇𑌵𑌨𑌮𑍍 ॥ 30 ॥
𑌵𑌰𑍍𑌤𑌯𑌾𑌞𑍍𑌚𑌕𑍍𑌰𑍂𑌰𑌶𑍍𑌰𑍂𑌣𑌿𑌨𑍇𑌤𑍍𑌰𑍈𑌃𑌕𑍃𑌷𑍍𑌣𑍇𑌤𑌰𑍇𑌕𑍍𑌷𑌣𑌾𑌃 ।
𑌤𑌤𑌸𑍍𑌸𑌰𑍍𑌵𑌾𑌣𑍍𑌯𑌨𑍀𑌕𑌾𑌨𑌿𑌸𑍍𑌥𑌾𑌪𑌯𑌿𑌤𑍍𑌵𑌾𑌵𑌿𑌭𑍀𑌷𑌣𑌃 ॥ 31 ॥
𑌆𑌜𑌗𑌾𑌮𑌗𑌦𑌾𑌪𑌾𑌣𑌿𑌸𑍍𑌤𑍍𑌵𑌰𑌿𑌤𑌂𑌯𑌤𑍍𑌰𑌰𑌾𑌘𑌵𑌃 ।
𑌤𑌨𑍍𑌦𑍃𑌷𑍍𑌟𑌵𑌾𑌤𑍍𑌵𑌰𑌿𑌤𑌂𑌯𑌾𑌨𑍍𑌤𑌨𑍍𑌨𑍀𑌲𑌾𑌞𑍍𑌜𑌨𑌚𑌯𑍋𑌪𑌮𑌮𑍍 ॥ 32 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌏𑌕𑍋𑌨𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ekonapañcāśassargaḥ |
ghoreṇaśarabandhenabaddhaudaśarathātmajau |
niḥśvasantauyathānāgauśayānaurudhirokṣitau || 1 ||
sarvetevānaraśreṣṭhāssasugrīvāmahābalāḥ |
parivāryamahātmānautasthuśśokapariplutāḥ || 2 ||
etasminnantarerāmaḥpratyabudhyatavīryavān |
sthiratvātsattvayogāccaśaraissandānito'pisan || 3 ||
tatodṛṣṭavāsarudhiranniṣaṇṇaṅgāḍhamarpitam |
bhrātarandīnavadanamparyadevayadāturaḥ || 4 ||
kinnumesītayākāryaṅkiṅkāryañjīvitenavā |
śayānaṃyo'dyapaśyāmibhrātaraṃyudhinirjitam || 5 ||
śakyāsītāsamānārīmartyalokevicinvatā |
nalakṣmaṇasamobhrātāsacivassāmpaparāyikaḥ || 6 ||
parityakṣāmyahamprāṇānvānarāṇāntupaśyātām |
yadipañcatvamāpannassumitrānandavardhanaḥ || 7 ||
kinnuvakṣyāmikausalyāmmātaraṅkinnukaikayīm |
kathamambāṃsumitrāñcaputradarśanalālasām || 8 ||
vivatsāṃvepamānāñcakrośantīṅkurarīmiva |
kathamāśvāsayiṣyāmiyadiyāsyāmitaṃvinā || 9 ||
kathaṃvakṣyāmiśatrughnambharatañcayaśasvinam |
mayāsahavanaṃyātovinātenāpunamāgataḥ || 10 ||
upālambannaśakṣyāmisoḍhumbatasumitrayā |
ihaivadehantyakṣyāminahijīvitumutsahe || 11 ||
dhiṅmānduṣkṛtakarmāṇamanāryammatkṛtehyasau |
lakṣmaṇaḥpatitaśśeteśaratalpegatāsuvat || 12 ||
tvannityaṃsuviṣaṇṇammāmāśvāsayasilakṣmaṇa |
gatāsurnādyaśakto'simāmārtamabhibhāṣitum || 13 ||
yenādyabahavoyuddhenihatārākṣasāvinipātitāḥ |
tasyāmevādyaśūrastvaṃśeṣevinihataḥparaiḥ || 14 ||
śayānaḥśaratalpe'smin saśoṇitapariplutaḥ |
śarajālaicaśitobhāsibhāskaro'stamivavrajan || 15 ||
bāṇābhihatamarmatvānnaśaknotyabhibhāṣitum |
rujācābruvato'pyasyadṛṣṭirāgeṇasūcyate || 16 ||
yathaivamāṃvanaṃyāntamanuyātomahādyutiḥ |
ahamapyanuyāsyāmitathaivainaṃyamakṣyam || 17 ||
iṣṭabandhujanonityammāñcanityamanuvrataḥ |
imāmadyagato'vasthāmmamānāryasyadurnayaiḥ || 18 ||
suruṣṭenāpivīreṇalakṣmaṇenanasaṃsmare |
paruṣaṃvipriyaṃvāpiśrāvitannakadācana || 19 ||
visasarjaikavegenapañcabāṇaśatāniyaḥ |
iṣvastraṣvadhikastasmātkārtavīryāccalakṣmaṇaḥ || 20 ||
assrairastrāṇiyohanyācchakrasyāpimahātmanaḥ |
so'yamurvyāṃhataśśetemahārhaśayanocitaḥ || 21 ||
taccamithyāpralaptammāmpradhakṣyatinasaṃśayaḥ |
yanmayānakṛtorājārākṣasānāṃvibhīṣaṇaḥ || 22 ||
asminmuhūrtesugrīva pratiyātumito'rhasi |
matvāhīnaṃrājan rāvaṇo'bhidravedbalī || 23 ||
aṅgadantupuraskatyasasainyassaparicchadam |
sāgarantarasugrīva nīlenacanalenaca || 24 ||
kṛtaṃhanumatākāryaṃyadanyairduṣkaraṃraṇe |
ṛkṣarājenatuṣyāmigolāṅgūlādhipenaca || 25 ||
aṅgadenakṛtaṅkarmamaindenadvividenaca |
yuddhaṅkesariṇāsaṅ khyeghoraṃsampātinākṛtam || 26 ||
gavayenagavākṣeṇaśarabheṇagajenaca |
anyaiścaharibhiryuddhammadarthetyaktajīvitaiḥ || 27 ||
nacātikramituṃśakyandaivaṃsugrīva mānuṣaiḥ |
yattuśakyaṃvayasyenasuhṛdācaparantapa || 28 ||
kṛtaṃsugrīva tatsarvambhavatādharmabhīruṇā |
mitrakāryaṅkṛtamidambhavadbhirvānararṣabhāḥ || 29 ||
anujñātāmayāsarveyatheṣṭaṅgantumarhatha |
śuśruvustasyatesarvevānarāḥparidevanam || 30 ||
vartayāñcakrūraśrūṇinetraiḥkṛṣṇetarekṣaṇāḥ |
tatassarvāṇyanīkānisthāpayitvāvibhīṣaṇaḥ || 31 ||
ājagāmagadāpāṇistvaritaṃyatrarāghavaḥ |
tandṛṣṭavātvaritaṃyāntannīlāñjanacayopamam || 32 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekonapañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ एकोनपञ्चाशस्सर्गः ।
घोरेणशरबन्धेनबद्धौदशरथात्मजौ ।
निःश्वसन्तौयथानागौशयानौरुधिरोक्षितौ ॥ 1 ॥
सर्वेतेवानरश्रेष्ठास्ससुग्रीवामहाबलाः ।
परिवार्यमहात्मानौतस्थुश्शोकपरिप्लुताः ॥ 2 ॥
एतस्मिन्नन्तरेरामःप्रत्यबुध्यतवीर्यवान् ।
स्थिरत्वात्सत्त्वयोगाच्चशरैस्सन्दानितोऽपिसन् ॥ 3 ॥
ततोदृष्टवासरुधिरन्निषण्णङ्गाढमर्पितम् ।
भ्रातरन्दीनवदनम्पर्यदेवयदातुरः ॥ 4 ॥
किन्नुमेसीतयाकार्यङ्किङ्कार्यञ्जीवितेनवा ।
शयानंयोऽद्यपश्यामिभ्रातरंयुधिनिर्जितम् ॥ 5 ॥
शक्यासीतासमानारीमर्त्यलोकेविचिन्वता ।
नलक्ष्मणसमोभ्रातासचिवस्साम्पपरायिकः ॥ 6 ॥
परित्यक्षाम्यहम्प्राणान्वानराणान्तुपश्याताम् ।
यदिपञ्चत्वमापन्नस्सुमित्रानन्दवर्धनः ॥ 7 ॥
किन्नुवक्ष्यामिकौसल्याम्मातरङ्किन्नुकैकयीम् ।
कथमम्बांसुमित्राञ्चपुत्रदर्शनलालसाम् ॥ 8 ॥
विवत्सांवेपमानाञ्चक्रोशन्तीङ्कुररीमिव ।
कथमाश्वासयिष्यामियदियास्यामितंविना ॥ 9 ॥
कथंवक्ष्यामिशत्रुघ्नम्भरतञ्चयशस्विनम् ।
मयासहवनंयातोविनातेनापुनमागतः ॥ 10 ॥
उपालम्बन्नशक्ष्यामिसोढुम्बतसुमित्रया ।
इहैवदेहन्त्यक्ष्यामिनहिजीवितुमुत्सहे ॥ 11 ॥
धिङ्मान्दुष्कृतकर्माणमनार्यम्मत्कृतेह्यसौ ।
लक्ष्मणःपतितश्शेतेशरतल्पेगतासुवत् ॥ 12 ॥
त्वन्नित्यंसुविषण्णम्मामाश्वासयसिलक्ष्मण ।
गतासुर्नाद्यशक्तोऽसिमामार्तमभिभाषितुम् ॥ 13 ॥
येनाद्यबहवोयुद्धेनिहताराक्षसाविनिपातिताः ।
तस्यामेवाद्यशूरस्त्वंशेषेविनिहतःपरैः ॥ 14 ॥
शयानःशरतल्पेऽस्मिन् सशोणितपरिप्लुतः ।
शरजालैचशितोभासिभास्करोऽस्तमिवव्रजन् ॥ 15 ॥
बाणाभिहतमर्मत्वान्नशक्नोत्यभिभाषितुम् ।
रुजाचाब्रुवतोऽप्यस्यदृष्टिरागेणसूच्यते ॥ 16 ॥
यथैवमांवनंयान्तमनुयातोमहाद्युतिः ।
अहमप्यनुयास्यामितथैवैनंयमक्ष्यम् ॥ 17 ॥
इष्टबन्धुजनोनित्यम्माञ्चनित्यमनुव्रतः ।
इमामद्यगतोऽवस्थाम्ममानार्यस्यदुर्नयैः ॥ 18 ॥
सुरुष्टेनापिवीरेणलक्ष्मणेननसंस्मरे ।
परुषंविप्रियंवापिश्रावितन्नकदाचन ॥ 19 ॥
विससर्जैकवेगेनपञ्चबाणशतानियः ।
इष्वस्त्रष्वधिकस्तस्मात्कार्तवीर्याच्चलक्ष्मणः ॥ 20 ॥
अस्स्रैरस्त्राणियोहन्याच्छक्रस्यापिमहात्मनः ।
सोऽयमुर्व्यांहतश्शेतेमहार्हशयनोचितः ॥ 21 ॥
तच्चमिथ्याप्रलप्तम्माम्प्रधक्ष्यतिनसंशयः ।
यन्मयानकृतोराजाराक्षसानांविभीषणः ॥ 22 ॥
अस्मिन्मुहूर्तेसुग्रीव प्रतियातुमितोऽर्हसि ।
मत्वाहीनंराजन् रावणोऽभिद्रवेद्बली ॥ 23 ॥
अङ्गदन्तुपुरस्कत्यससैन्यस्सपरिच्छदम् ।
सागरन्तरसुग्रीव नीलेनचनलेनच ॥ 24 ॥
कृतंहनुमताकार्यंयदन्यैर्दुष्करंरणे ।
ऋक्षराजेनतुष्यामिगोलाङ्गूलाधिपेनच ॥ 25 ॥
अङ्गदेनकृतङ्कर्ममैन्देनद्विविदेनच ।
युद्धङ्केसरिणासङ् ख्येघोरंसम्पातिनाकृतम् ॥ 26 ॥
गवयेनगवाक्षेणशरभेणगजेनच ।
अन्यैश्चहरिभिर्युद्धम्मदर्थेत्यक्तजीवितैः ॥ 27 ॥
नचातिक्रमितुंशक्यन्दैवंसुग्रीव मानुषैः ।
यत्तुशक्यंवयस्येनसुहृदाचपरन्तप ॥ 28 ॥
कृतंसुग्रीव तत्सर्वम्भवताधर्मभीरुणा ।
मित्रकार्यङ्कृतमिदम्भवद्भिर्वानरर्षभाः ॥ 29 ॥
अनुज्ञातामयासर्वेयथेष्टङ्गन्तुमर्हथ ।
शुश्रुवुस्तस्यतेसर्वेवानराःपरिदेवनम् ॥ 30 ॥
वर्तयाञ्चक्रूरश्रूणिनेत्रैःकृष्णेतरेक्षणाः ।
ततस्सर्वाण्यनीकानिस्थापयित्वाविभीषणः ॥ 31 ॥
आजगामगदापाणिस्त्वरितंयत्रराघवः ।
तन्दृष्टवात्वरितंयान्तन्नीलाञ्जनचयोपमम् ॥ 32 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे एकोनपञ्चाशस्सर्गः ॥
śrīmadvālmīkīya rāmāyaṇe yuddhakāṇḍam |
atha ekonapañcāśassargaḥ |
ghoreṇaśarabandhenabaddhaudaśarathātmajau |
niḥśvasantauyathānāgauśayānaurudhirokṣitau || 1 ||
sarvetevānaraśreṣṭhāssasugrīvāmahābalāḥ |
parivāryamahātmānautasthuśśokapariplutāḥ || 2 ||
etasminnantarerāmaḥpratyabudhyatavīryavān |
sthiratvātsattvayogāccaśaraissandānito'pisan || 3 ||
tatodṛṣṭavāsarudhiranniṣaṇṇaṅgāḍhamarpitam |
bhrātarandīnavadanamparyadevayadāturaḥ || 4 ||
kinnumesītayākāryaṅkiṅkāryañjīvitenavā |
śayānaṃyo'dyapaśyāmibhrātaraṃyudhinirjitam || 5 ||
śakyāsītāsamānārīmartyalokevicinvatā |
nalakṣmaṇasamobhrātāsacivassāmpaparāyikaḥ || 6 ||
parityakṣāmyahamprāṇānvānarāṇāntupaśyātām |
yadipañcatvamāpannassumitrānandavardhanaḥ || 7 ||
kinnuvakṣyāmikausalyāmmātaraṅkinnukaikayīm |
kathamambāṃsumitrāñcaputradarśanalālasām || 8 ||
vivatsāṃvepamānāñcakrośantīṅkurarīmiva |
kathamāśvāsayiṣyāmiyadiyāsyāmitaṃvinā || 9 ||
kathaṃvakṣyāmiśatrughnambharatañcayaśasvinam |
mayāsahavanaṃyātovinātenāpunamāgataḥ || 10 ||
upālambannaśakṣyāmisoḍhumbatasumitrayā |
ihaivadehantyakṣyāminahijīvitumutsahe || 11 ||
dhiṅmānduṣkṛtakarmāṇamanāryammatkṛtehyasau |
lakṣmaṇaḥpatitaśśeteśaratalpegatāsuvat || 12 ||
tvannityaṃsuviṣaṇṇammāmāśvāsayasilakṣmaṇa |
gatāsurnādyaśakto'simāmārtamabhibhāṣitum || 13 ||
yenādyabahavoyuddhenihatārākṣasāvinipātitāḥ |
tasyāmevādyaśūrastvaṃśeṣevinihataḥparaiḥ || 14 ||
śayānaḥśaratalpe'smin saśoṇitapariplutaḥ |
śarajālaicaśitobhāsibhāskaro'stamivavrajan || 15 ||
bāṇābhihatamarmatvānnaśaknotyabhibhāṣitum |
rujācābruvato'pyasyadṛṣṭirāgeṇasūcyate || 16 ||
yathaivamāṃvanaṃyāntamanuyātomahādyutiḥ |
ahamapyanuyāsyāmitathaivainaṃyamakṣyam || 17 ||
iṣṭabandhujanonityammāñcanityamanuvrataḥ |
imāmadyagato'vasthāmmamānāryasyadurnayaiḥ || 18 ||
suruṣṭenāpivīreṇalakṣmaṇenanasaṃsmare |
paruṣaṃvipriyaṃvāpiśrāvitannakadācana || 19 ||
visasarjaikavegenapañcabāṇaśatāniyaḥ |
iṣvastraṣvadhikastasmātkārtavīryāccalakṣmaṇaḥ || 20 ||
assrairastrāṇiyohanyācchakrasyāpimahātmanaḥ |
so'yamurvyāṃhataśśetemahārhaśayanocitaḥ || 21 ||
taccamithyāpralaptammāmpradhakṣyatinasaṃśayaḥ |
yanmayānakṛtorājārākṣasānāṃvibhīṣaṇaḥ || 22 ||
asminmuhūrtesugrīva pratiyātumito'rhasi |
matvāhīnaṃrājan rāvaṇo'bhidravedbalī || 23 ||
aṅgadantupuraskatyasasainyassaparicchadam |
sāgarantarasugrīva nīlenacanalenaca || 24 ||
kṛtaṃhanumatākāryaṃyadanyairduṣkaraṃraṇe |
ṛkṣarājenatuṣyāmigolāṅgūlādhipenaca || 25 ||
aṅgadenakṛtaṅkarmamaindenadvividenaca |
yuddhaṅkesariṇāsaṅ khyeghoraṃsampātinākṛtam || 26 ||
gavayenagavākṣeṇaśarabheṇagajenaca |
anyaiścaharibhiryuddhammadarthetyaktajīvitaiḥ || 27 ||
nacātikramituṃśakyandaivaṃsugrīva mānuṣaiḥ |
yattuśakyaṃvayasyenasuhṛdācaparantapa || 28 ||
kṛtaṃsugrīva tatsarvambhavatādharmabhīruṇā |
mitrakāryaṅkṛtamidambhavadbhirvānararṣabhāḥ || 29 ||
anujñātāmayāsarveyatheṣṭaṅgantumarhatha |
śuśruvustasyatesarvevānarāḥparidevanam || 30 ||
vartayāñcakrūraśrūṇinetraiḥkṛṣṇetarekṣaṇāḥ |
tatassarvāṇyanīkānisthāpayitvāvibhīṣaṇaḥ || 31 ||
ājagāmagadāpāṇistvaritaṃyatrarāghavaḥ |
tandṛṣṭavātvaritaṃyāntannīlāñjanacayopamam || 32 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekonapañcāśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.