𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌤𑌤𑍋𑌨𑌿𑌵𑌿𑌷𑍍𑌟𑌾𑌨𑍍𑌧𑍍𑌵𑌜𑌿𑌨𑍀𑌂𑌸𑍁𑌗𑍍𑌰𑍀𑌵𑍇𑌣𑌾𑌭𑌿𑌪𑌾𑌲𑌿𑌤𑌾𑌮𑍍 ।
𑌦𑌦𑌰𑍍𑌶𑌰𑌾𑌕𑍍𑌷𑌸𑍋𑌽𑌭𑍍𑌯𑍇𑌤𑍍𑌯𑌶𑌾𑌰𑍍𑌦𑍂𑌲𑍋𑌨𑌾𑌮𑌵𑍀𑌰𑍍𑌯𑌵𑌾𑌨𑍍 ॥ 1 ॥
𑌚𑌾𑌰𑍋𑌰𑌾𑌕𑍍𑌷𑌸𑌰𑌾𑌜𑌸𑍍𑌯𑌰𑌾𑌵𑌣𑌸𑍍𑌯𑌦𑍁𑌰𑌾𑌤𑍍𑌮𑌨𑌃 ।
𑌤𑌾𑌨𑍍𑌦𑍃𑌷𑍍𑌟𑍍𑌵𑌾𑌸𑌰𑍍𑌵𑌤𑍋𑌵𑍍𑌯𑌗𑍍𑌰𑌮𑍍𑌪𑍍𑌰𑌤𑌿𑌗𑌮𑍍𑌯𑌸𑌰𑌾𑌕𑍍𑌷𑌸𑌃 ॥ 2 ॥
𑌆𑌵𑌿𑌶𑍍𑌯 𑌲𑌙𑍍𑌕𑌾𑌂 𑌵𑍇𑌗𑍇𑌨 𑌰𑌾𑌜𑌾𑌨𑌮𑌿𑌦𑌮𑌬𑍍𑌰𑌵𑍀𑌤𑍍 ।
𑌏𑌷 𑌵𑍈 𑌵𑌾𑌨𑌰𑌰𑍍𑌕𑍍𑌷𑌘𑍋 𑌲𑌙𑍍𑌕𑌾𑌂 𑌸𑌮𑌭𑌿𑌵𑌰𑍍𑌤𑌤𑍇 ॥ 3 ॥
𑌪𑍁𑌤𑍍𑌰𑍗𑌦𑌶𑌰𑌥𑌸𑍍𑌯𑍇𑌮𑍗𑌭𑍍𑌰𑌾𑌤𑌰𑍗𑌰𑌾𑌮𑌲𑌕𑍍𑌷𑍍𑌮𑌣𑍗 ॥ 4 ॥
𑌉𑌤𑍍𑌤𑌮𑍗𑌰𑍂𑌪𑌸𑌮𑍍𑌪𑌨𑍍𑌨𑍗𑌸𑍀𑌤𑌾𑌯𑌾𑌃𑌪𑌦𑌮𑌾𑌗𑌤𑍗 ।
𑌏𑌤𑍗𑌸𑌾𑌗𑌰𑌮𑌾𑌸𑌾𑌦𑍍𑌯𑌸𑌨𑍍𑌨𑌿𑌵𑌿𑌷𑍍𑌟𑍗𑌮𑌹𑌾𑌦𑍍𑌯𑍁𑌤𑍀 ॥ 5 ॥
𑌬𑌲𑌞𑍍𑌚𑌾𑌮𑌾𑌕𑌾𑌶𑌮𑌾𑌵𑍃𑌤𑍍𑌯𑌸𑌰𑍍𑌵𑌤𑍋𑌦𑌶𑌯𑍋𑌜𑌨𑌮𑍍 ।
𑌤𑌤𑍍𑌤𑍍𑌵𑌭𑍂𑌤𑌮𑍍𑌮𑌹𑌾𑌰𑌾𑌜 𑌕𑍍𑌷𑌿𑌪𑍍𑌰𑌂𑌵𑍇𑌦𑌿𑌤𑍁𑌮𑌰𑍍𑌹𑌸𑌿 ॥ 6 ॥
𑌤𑌵𑌦𑍂𑌤𑌾𑌮𑌹𑌾𑌰𑌾𑌜𑌕𑍍𑌷𑌿𑌪𑍍𑌰𑌮𑌰𑍍𑌹𑌨𑍍𑌤𑍍𑌯𑌵𑍇𑌕𑍍𑌷𑌿𑌤𑍁𑌮𑍍 ।
𑌉𑌪𑌪𑍍𑌰𑌦𑌾𑌨𑌂𑌸𑌾𑌨𑍍𑌤𑍍𑌵𑌂𑌵𑌾𑌭𑍇𑌦𑍋𑌵𑌾𑌤𑍍𑌰𑌪𑍍𑌰𑌯𑍁𑌜𑍍𑌯𑌤𑌾𑌮𑍍 ॥ 7 ॥
𑌶𑌾𑌰𑍍𑌦𑍂𑌲𑌸𑍍𑌯𑌵𑌚𑌶𑍍𑌶𑍍𑌰𑍁𑌤𑍍𑌵𑌾𑌰𑌾𑌵𑌣𑍋𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌉𑌵𑌾𑌚𑌸𑌹𑌸𑌾𑌵𑍍𑌯𑌗𑍍𑌰𑌸𑍍𑌸𑌮𑍍𑌪𑍍𑌰𑌧𑌾𑌰𑍍𑌯𑌾𑌰𑍍𑌥𑌮𑌾𑌤𑍍𑌮𑌨𑌃 ॥ 8 ॥
𑌶𑍁𑌕𑌨𑍍𑌨𑌾𑌮𑌤𑌦𑌾𑌰𑌕𑍍𑌷𑍋𑌵𑌾𑌕𑍍𑌯𑌮𑌰𑍍𑌥𑌵𑌿𑌦𑌾𑌂𑌵𑌰𑌮𑍍 ।
𑌸𑍁𑌗𑍍𑌰𑍀𑌵𑌮𑍍𑌬𑍍𑌰𑍂𑌹𑌿𑌗𑌤𑍍𑌵𑌾𑌶𑍁𑌰𑌾𑌜𑌾𑌨𑌂𑌵𑌚𑌨𑌾𑌨𑍍𑌮𑌮 ।
𑌯𑌥𑌾𑌸𑌨𑍍𑌦𑍇𑌶𑌮𑌕𑍍𑌲𑍀𑌬𑌂𑌶𑍍𑌲𑌕𑍍𑌷𑍍𑌣𑌯𑌾𑌪𑌰𑌯𑌾𑌗𑌿𑌰𑌾 ॥ 9 ॥
𑌤𑍍𑌵𑌂𑌵𑍈𑌮𑌹𑌾𑌰𑌾𑌜𑌕𑍁𑌲𑌪𑍍𑌰𑌸𑍂𑌤𑍋𑌮𑌹𑌾𑌬𑌲𑌶𑍍𑌚𑌰𑍍 𑌕𑍍𑌷𑌰𑌜𑌸𑍍𑌸𑍁𑌤𑌶𑍍𑌚 ।
𑌨𑌕𑌶𑍍𑌚𑌿𑌦𑌾𑌰𑍍𑌥𑌸𑍍𑌤𑌵𑌨𑌾𑌸𑍍𑌤𑍍𑌯𑌨𑌰𑍍𑌥𑌸𑍍𑌤𑌥𑌾𑌹𑌿𑌮𑍇𑌭𑍍𑌰𑌾𑌤𑍃𑌸𑌮𑍋𑌹𑌰𑍀𑌶 ॥ 10 ॥
𑌅𑌹𑌂𑌯𑌦𑍍𑌯𑌹𑌰𑌮𑍍𑌭𑌾𑌰𑍍𑌯𑌾𑌂𑌰𑌾𑌜𑌪𑍁𑌤𑍍𑌰𑌸𑍍𑌯𑌧𑍀𑌮𑌤𑌃 ।
𑌕𑌿𑌨𑍍𑌤𑌤𑍍𑌰𑌤𑌵𑌸𑍁𑌗𑍍𑌰𑍀𑌵𑌃 𑌕𑌿𑌷𑍍𑌕𑌿𑌨𑍍𑌧𑌾𑌮𑍍𑌪𑍍𑌰𑌤𑌿𑌗𑌮𑍍𑌯𑌤𑌾𑌮𑍍 ॥ 11 ॥
𑌨𑌹𑍀𑌯𑌂𑌹𑌰𑌿𑌭𑌿𑌰𑍍𑌲𑌙𑍍𑌕𑌾𑌶𑌕𑍍𑌯𑌾𑌪𑍍𑌰𑌾𑌪𑍍𑌤𑍁𑌙𑍍𑌕𑌥𑌞𑍍𑌚𑌨 ।
𑌦𑍇𑌵𑍈𑌰𑌪𑌿𑌸𑌗𑌨𑍍𑌧𑌰𑍍𑌵𑍈𑌃𑌕𑌿𑌮𑍍𑌪𑍁𑌨𑌰𑍍𑌨𑌰𑌵𑌾𑌨𑌰𑍈𑌃 ॥ 12 ॥
𑌸𑌤𑌥𑌾𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑍇𑌣𑌸𑌨𑍍𑌦𑌿𑌷𑍍𑌟𑍋𑌰𑌜𑌨𑍀𑌚𑌰𑌃 ।
𑌶𑍁𑌕𑍋𑌵𑌿𑌹𑌙𑍍𑌗𑌮𑍋𑌭𑍂𑌤𑍍𑌵𑌾𑌤𑍂𑌰𑍍𑌣𑌮𑌾𑌪𑍍𑌲𑍁𑌤𑍍𑌯𑌚𑌾𑌮𑍍𑌬𑌰𑌮𑍍 ॥ 13 ॥
𑌸𑌗𑌤𑍍𑌵𑌾𑌦𑍂𑌰𑌮𑌧𑍍𑌵𑌾𑌨𑌮𑍁𑌪𑌰𑍍𑌯𑍁𑌪𑌰𑌿𑌸𑌾𑌗𑌰𑌮𑍍 ।
𑌸𑌂𑌸𑍍𑌥𑌿𑌤𑍋𑌹𑍍𑌯𑌮𑍍𑌬𑌰𑍇𑌵𑌾𑌕𑍍𑌯𑌂𑌸𑍁𑌗𑍍𑌰𑍀𑌵𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 14 ॥
𑌸𑌰𑍍𑌵𑌮𑍁𑌕𑍍𑌤𑌂𑌯𑌥𑌾𑌦𑌿𑌷𑍍𑌟𑌂𑌰𑌾𑌵𑌣𑍇𑌨𑌦𑍁𑌰𑌾𑌤𑍍𑌮𑌨𑌾 ।
𑌤𑌮𑍍𑌪𑍍𑌰𑌾𑌪𑌯𑌨𑍍𑌤𑌂𑌵𑌚𑌨𑌨𑍍𑌤𑍂𑌰𑍍𑌣𑌮𑌾𑌪𑍍𑌲𑍁𑌤𑍍𑌯𑌵𑌾𑌨𑌰𑌾𑌃 ॥ 15 ॥
𑌪𑍍𑌰𑌾𑌪𑌦𑍍𑌯𑌨𑍍𑌤𑌦𑌿𑌵𑌙𑍍𑌕𑍍𑌷𑌿𑌪𑍍𑌰𑌂𑌲𑍋𑌪𑍍𑌤𑍁𑌂𑌹𑌨𑍍𑌤𑍁𑌞𑍍𑌚𑌮𑍁𑌷𑍍𑌟𑌿𑌭𑌿𑌃 ।
𑌸𑌤𑍈𑌃𑌪𑍍𑌲𑌵𑌙𑍍𑌗𑍈𑌃𑌪𑍍𑌰𑌸𑌭𑌨𑍍𑌨𑌿𑌗𑍃𑌹𑍀𑌤𑍋𑌨𑌿𑌶𑌾𑌚𑌰𑌃 ।
𑌗𑌗𑌨𑌾𑌦𑍍𑌭𑍂𑌤𑌲𑍇𑌚𑌾𑌶𑍁𑌪𑌰𑌿𑌗𑍃𑌹𑍍𑌯𑌨𑌿𑌪𑌾𑌤𑌿𑌤𑌃 ॥ 16 ॥
𑌵𑌾𑌨𑌰𑍈𑌃𑌪𑍀𑌡𑍍𑌯𑌮𑌾𑌨𑌸𑍍𑌤𑍁𑌶𑍁𑌕𑍋𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌨𑌦𑍂𑌤𑌾𑌨𑍍𑌘𑍍𑌨𑌨𑍍𑌤𑌿𑌕𑌾𑌕𑍁𑌤𑍍𑌸𑍍𑌥 𑌵𑌾𑌰𑍍𑌯𑌨𑍍𑌤𑌾𑌂𑌸𑌾𑌧𑍁𑌵𑌾𑌨𑌰𑌾𑌃 ॥ 17 ॥
𑌯𑌸𑍍𑌤𑍁𑌹𑌿𑌤𑍍𑌵𑌾𑌮𑌤𑌮𑍍𑌭𑌰𑍍𑌤𑍁𑌸𑍍𑌸𑍍𑌵𑌮𑌤𑌂𑌸𑌮𑍍𑌪𑍍𑌰𑌭𑌾𑌷𑌤𑍇 ।
𑌅𑌨𑍁𑌕𑍍𑌤𑌵𑌾𑌦𑍀𑌦𑍂𑌤𑌸𑍍𑌸𑌨𑍍 𑌸𑌦𑍂𑌤𑍋𑌵𑌧𑌮𑌰𑍍𑌹𑌤𑌿 ॥ 18 ॥
𑌶𑍁𑌕𑌸𑍍𑌯𑌵𑌚𑌨𑌂𑌶𑍍𑌰𑍁𑌤𑍍𑌵𑌾𑌰𑌾𑌮𑌸𑍍𑌤𑍁𑌪𑌰𑌿𑌦𑍇𑌵𑌿𑌤𑌮𑍍 ।
𑌉𑌵𑌾𑌚𑌮𑌾𑌵𑌧𑌿𑌷𑍍𑌟𑍇𑌤𑌿𑌘𑍍𑌨𑌤𑌶𑍍𑌶𑌾𑌖𑌾𑌮𑍃𑌗𑌰𑍍𑌷𑌭𑌾𑌨𑍍 ॥ 19 ॥
𑌸𑌚𑌪𑌤𑍍𑌰𑌲𑌘𑍁𑌰𑍍𑌭𑍂𑌤𑍍𑌵𑌾𑌹𑌰𑌿𑌭𑌿𑌰𑍍𑌦𑌰𑍍𑌶𑌿𑌤𑍇𑌭𑌯𑍇 ।
𑌅𑌨𑍍𑌤𑌰𑌿𑌕𑍍𑌷𑍇𑌸𑍍𑌥𑌿𑌤𑍋𑌭𑍂𑌤𑍍𑌵𑌾𑌪𑍁𑌨𑌰𑍍𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 20 ॥
𑌸𑍁𑌗𑍍𑌰𑍀𑌵𑌃𑌸 𑌤𑍍𑌤𑍍𑌵𑌸𑌮𑍍𑌪𑌨𑍍𑌨𑌃 𑌮𑌹𑌾𑌬𑌲𑌪𑌰𑌾𑌕𑍍𑌰𑌮𑌃 ।
𑌕𑌿𑌮𑍍𑌮𑌯𑌾𑌖𑌲𑍁𑌵𑌕𑍍𑌤𑌵𑍍𑌯𑍋𑌰𑌾𑌵𑌣𑍋𑌲𑍋𑌕𑌰𑌾𑌵𑌣𑌃 ॥ 21 ॥
𑌸𑌏𑌵𑌮𑍁𑌕𑍍𑌤𑌃𑌪𑍍𑌲𑌵𑌗𑌾𑌧𑌿𑌪𑌸𑍍𑌤𑌦𑌾𑌪𑍍𑌲𑌵𑌙𑍍𑌗𑌮𑌾𑌨𑌾𑌮𑍃𑌷𑌭𑍋𑌮𑌹𑌾𑌬𑌲𑌃 ।
𑌉𑌵𑌾𑌚𑌵𑌾𑌕𑍍𑌯𑌂𑌰𑌜𑌨𑍀𑌚𑌰𑌸𑍍𑌯𑌚𑌾𑌰𑌂𑌶𑍁𑌕𑌨𑍍𑌤𑍂𑌰𑍍𑌣𑌮𑌦𑍀𑌨𑌸𑌤𑍍𑌤𑍍𑌵𑌃 ॥ 22 ॥
𑌨𑌮𑍇𑌽𑌸𑌿𑌮𑌿𑌤𑍍𑌰𑌨𑍍𑌨𑌤𑌥𑌾𑌨𑍁𑌕𑌮𑍍𑌪𑍍𑌯𑍋𑌨𑌚𑍋𑌪𑌕𑌰𑍍𑌤𑌾𑌪𑌿𑌨𑌮𑍇𑌪𑍍𑌰𑌿𑌯𑍋𑌽𑌸𑌿 ।
𑌅𑌰𑌿𑌶𑍍𑌚𑌰𑌾𑌮𑌸𑍍𑌯𑌸𑌹𑌾𑌨𑍁𑌬𑌨𑍍𑌧𑌸𑍍𑌤𑌤𑍋𑌽𑌸𑌿𑌵𑌾𑌲𑍀𑌵𑌵𑌧𑌾𑌰𑍍𑌹𑌵𑌧𑍍𑌯𑌃 ॥ 23 ॥
𑌨𑌿𑌹𑍍𑌨𑌨𑍍𑌮𑍍𑌯𑌹𑌨𑍍𑌤𑍍𑌵𑌾𑌂𑌸𑌸𑍁𑌤𑌂𑌸𑌬𑌨𑍍𑌧𑍁𑌂𑌸𑌜𑍍𑌞𑌾𑌤𑌿𑌵𑌰𑍍𑌗𑌰𑌜𑌨𑍀𑌚𑌰𑍇𑌶 ।
𑌲𑌙𑍍𑌕𑌾𑌞𑍍𑌚𑌸𑌰𑍍𑌵𑌾𑌮𑍍𑌮𑌹𑌤𑌾𑌬𑌲𑍇𑌨𑌕𑍍𑌷𑌿𑌪𑍍𑌰𑌙𑍍𑌕𑌰𑌿𑌷𑍍𑌯𑌾𑌮𑌿𑌸𑌮𑍇𑌤𑍍𑌯𑌭𑌸𑍍𑌮 ॥ 24 ॥
𑌨𑌮𑍋𑌕𑍍𑌷𑌯𑌸𑍇𑌰𑌾𑌵𑌣𑌃 𑌰𑌾𑌘𑌵𑌸𑍍𑌯𑌸𑍁𑌰𑍈𑌸𑍍𑌸𑌹𑍇𑌨𑍍𑌦𑍍𑌰𑍈𑌦𑌪𑌿𑌮𑍂𑌢𑌗𑍁𑌪𑍍𑌤𑌃 ।
𑌅𑌨𑍍𑌤𑌰𑍍𑌹𑌿𑌤𑌸𑍍𑌸𑍂𑌰𑍍𑌯𑌪𑌥𑌙𑍍𑌗𑌤𑍋𑌽𑌵𑌾 ।
𑌤𑌥𑍈𑌵𑌪𑌾𑌤𑌾𑌲𑌮𑌨𑍁𑌪𑍍𑌰𑌵𑌿𑌷𑍍𑌟𑌃 ॥ 25 ॥
𑌗𑌿𑌰𑍀𑌶𑌪𑌾𑌦𑌮𑍍𑌬𑍁𑌜𑌸𑌙𑍍𑌗𑌤𑍋𑌵𑌾𑌹𑌤𑍋𑌽𑌸𑌿𑌰𑌾𑌮𑍇𑌣𑌸𑌹𑌾𑌨𑍁𑌜𑌸𑍍𑌤𑍍𑌵𑌮𑍍 ॥ 26 ॥
𑌤𑌸𑍍𑌯𑌤𑍇𑌤𑍍𑌰𑌿𑌷𑍁𑌲𑍋𑌕𑍇𑌷𑍁𑌨𑌪𑌿𑌶𑌾𑌚𑌨𑍍𑌨𑌰𑌾𑌕𑍍𑌷𑌸𑌮𑍍 ।
𑌤𑍍𑌰𑌾𑌤𑌾𑌰𑌮𑌨𑍁𑌪𑌶𑍍𑌯𑌾𑌮𑌿𑌨𑌗𑌨𑍍𑌧𑌰𑍍𑌵𑌨𑍍𑌨𑌚𑌾𑌸𑍁𑌰𑌮𑍍 ॥ 27 ॥
𑌅𑌵𑌧𑍀𑌰𑍍𑌯𑌜𑌰𑌾𑌵𑍃𑌦𑍍𑌦𑌙𑍍𑌗𑍃𑌧𑍍𑌰𑌰𑌾𑌜𑌞𑍍𑌜𑌟𑌾𑌯𑍁𑌷𑌮𑍍 ।
𑌕𑌿𑌨𑍍𑌨𑍁𑌤𑍇𑌰𑌾𑌮𑌸𑌾𑌨𑍍𑌨𑌿𑌧𑍍𑌯𑍇𑌸𑌕𑌾𑌶𑍇𑌲𑌕𑍍𑌷𑍍𑌮𑌣𑌸𑍍𑌯𑌵𑌾 ॥ 28 ॥
𑌹𑍃𑌤𑌾𑌸𑍀𑌤𑌾𑌵𑌿𑌶𑌾𑌲𑌾𑌕𑍍𑌷𑍀𑌯𑌾𑌨𑍍𑌤𑍍𑌵𑌙𑍍𑌗𑍃𑌹𑍍𑌯𑌨𑌬𑍁𑌧𑍍𑌯𑌸𑍇 ।
𑌮𑌹𑌾𑌬𑌲𑌮𑍍𑌮𑌹𑌾𑌤𑍍𑌮𑌾𑌨𑌨𑍍𑌦𑍁𑌰𑍍𑌧𑌰𑍍𑌷𑌮𑌮𑌰𑍈𑌰𑌪𑌿 ।
𑌨𑌬𑍁𑌧𑍍𑌯𑌸𑍇𑌰𑌘𑍁𑌶𑍍𑌰𑍇𑌷𑍍𑌠𑌂𑌯𑌸𑍍𑌤𑍇𑌪𑍍𑌰𑌾𑌣𑌾𑌨𑍍𑌹𑌰𑌿𑌷𑍍𑌯𑌤𑌿 ॥ 29 ॥
𑌤𑌤𑍋𑌽𑌬𑍍𑌰𑌵𑍀𑌦𑍍𑌵𑌾𑌲𑌿𑌸𑍁𑌤𑌸𑍍𑌤𑍍𑌵𑌙𑍍𑌗𑌦𑍋𑌹𑌰𑌿𑌸𑌤𑍍𑌤𑌮𑌃 ।
𑌨𑌾𑌯𑌨𑍍𑌦𑍂𑌤𑍋𑌮𑌹𑌾𑌰𑌾𑌜𑌚𑌾𑌰𑌿𑌕𑌃𑌪𑍍𑌰𑌤𑌿𑌭𑌾𑌤𑌿𑌮𑍇 ॥ 30 ॥
𑌤𑍁𑌲𑌿𑌤𑌂𑌹𑌿𑌬𑌲𑌂𑌸𑌰𑍍𑌵𑌮𑌨𑍇𑌨𑌾𑌤𑍍𑌰𑍈𑌵𑌤𑌿𑌷𑍍𑌠𑌤𑌾 ।
𑌗𑍃𑌹𑍍𑌯𑌤𑌾𑌮𑍍𑌮𑌾𑌗𑌮𑌲𑍍𑌲𑌙𑍍𑌕𑌾𑌮𑍇𑌤𑌦𑍍𑌦𑌿𑌮𑌮𑌰𑍋𑌚𑌤𑍇 ॥ 31 ॥
𑌤𑌤𑍋𑌰𑌾𑌜𑍍𑌞𑌾𑌸𑌮𑌾𑌦𑌿𑌷𑍍𑌟𑌾𑌸𑍍𑌸𑌮𑍁𑌤𑍍𑌪𑌤𑍍𑌯𑌵𑌲𑍀𑌮𑍁𑌖𑌾𑌃 ।
𑌜𑌗𑍃𑌹𑍁𑌶𑍍𑌚𑌬𑌬𑌨𑍍𑌧𑍁𑌶𑍍𑌚𑌵𑌿𑌲𑌪𑌨𑍍𑌤𑌮𑌨𑌾𑌥𑌵𑌤𑍍 ॥ 32 ॥
𑌶𑍁𑌕𑌸𑍍𑌤𑍁𑌵𑌾𑌨𑌰𑍈𑌶𑍍𑌚𑌣𑍍𑌡𑍈𑌸𑍍𑌤𑌤𑍍𑌰𑌤𑍈𑌸𑍍𑌸𑌮𑍍𑌪𑍍𑌰𑌪𑍀𑌡𑌿𑌤𑌃 ।
𑌵𑍍𑌯𑌾𑌚𑍁𑌕𑍍𑌰𑍋𑌶𑌮𑌹𑌾𑌤𑍍𑌮𑌾𑌨𑌂𑌰𑌾𑌮𑌨𑍍𑌦𑌶𑌰𑌥𑌾𑌤𑍍𑌮𑌜𑌮𑍍 ॥ 33 ॥
𑌲𑍁𑌪𑍍𑌯𑍇𑌤𑍇𑌮𑍇𑌬𑌲𑌾𑌤𑍍𑌪𑌕𑍍𑌷𑍗𑌭𑌿𑌦𑍍𑌯𑍇𑌤𑍇𑌮𑍇𑌤𑌥𑌾𑌽𑌕𑍍𑌷𑌿𑌣𑍀 ॥ 34 ॥
𑌯𑌾𑌞𑍍𑌚𑌰𑌾𑌤𑍍𑌰𑌿𑌮𑍍𑌮𑌰𑌿𑌷𑍍𑌯𑌾𑌮𑌿𑌜𑌾𑌯𑍇𑌰𑌾𑌤𑍍𑌰𑌿𑌞𑍍𑌚𑌯𑌾𑌮𑌹𑌮𑍍 ।
𑌏𑌤𑌸𑍍𑌮𑌿𑌨𑍍𑌨𑌨𑍍𑌤𑌰𑍇𑌕𑌾𑌲𑍇𑌯𑌨𑍍𑌮𑌯𑌾𑌹𑍍𑌯𑌶𑍁𑌭𑌙𑍍𑌕𑍃𑌤𑌮𑍍 ॥ 35 ॥
𑌸𑌰𑍍𑌵𑌨𑍍𑌤𑍍𑌵𑌮𑍁𑌪𑌪𑌦𑍍𑌯𑍇𑌧𑌾𑌜𑌹𑍍𑌯𑌾𑌞𑍍𑌚𑍇𑌦𑍍𑌯𑌦𑌿𑌜𑍀𑌵𑌿𑌤𑌮𑍍 ।
𑌨𑌾𑌘𑌾𑌤𑌯𑌤𑍍𑌤𑌦𑌾𑌰𑌾𑌮𑌶𑍍𑌶𑍍𑌰𑍁𑌤𑍍𑌵𑌾𑌤𑌤𑍍𑌪𑌰𑌿𑌦𑍇𑌵𑌨𑌮𑍍 ।
𑌵𑌾𑌨𑌰𑌾𑌨𑌬𑍍𑌰𑌵𑍀𑌦𑍍𑌰𑌾𑌮𑍋𑌮𑍁𑌚𑍍𑌯𑌤𑌾𑌨𑍍𑌦𑍂𑌤𑌆𑌗𑌤𑌃 ॥ 36 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌵𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha viṃśassargaḥ |
tatoniviṣṭāndhvajinīṃsugrīveṇābhipālitām |
dadarśarākṣaso'bhyetyaśārdūlonāmavīryavān || 1 ||
cārorākṣasarājasyarāvaṇasyadurātmanaḥ |
tāndṛṣṭvāsarvatovyagrampratigamyasarākṣasaḥ || 2 ||
āviśya laṅkāṃ vegena rājānamidamabravīt |
eṣa vai vānararkṣagho laṅkāṃ samabhivartate || 3 ||
putraudaśarathasyemaubhrātaraurāmalakṣmaṇau || 4 ||
uttamaurūpasampannausītāyāḥpadamāgatau |
etausāgaramāsādyasanniviṣṭaumahādyutī || 5 ||
balañcāmākāśamāvṛtyasarvatodaśayojanam |
tattvabhūtammahārāja kṣipraṃveditumarhasi || 6 ||
tavadūtāmahārājakṣipramarhantyavekṣitum |
upapradānaṃsāntvaṃvābhedovātraprayujyatām || 7 ||
śārdūlasyavacaśśrutvārāvaṇorākṣaseśvaraḥ |
uvācasahasāvyagrassampradhāryārthamātmanaḥ || 8 ||
śukannāmatadārakṣovākyamarthavidāṃvaram |
sugrīvambrūhigatvāśurājānaṃvacanānmama |
yathāsandeśamaklībaṃślakṣṇayāparayāgirā || 9 ||
tvaṃvaimahārājakulaprasūtomahābalaścar kṣarajassutaśca |
nakaścidārthastavanāstyanarthastathāhimebhrātṛsamoharīśa || 10 ||
ahaṃyadyaharambhāryāṃrājaputrasyadhīmataḥ |
kintatratavasugrīvaḥ kiṣkindhāmpratigamyatām || 11 ||
nahīyaṃharibhirlaṅkāśakyāprāptuṅkathañcana |
devairapisagandharvaiḥkimpunarnaravānaraiḥ || 12 ||
satathārākṣasendreṇasandiṣṭorajanīcaraḥ |
śukovihaṅgamobhūtvātūrṇamāplutyacāmbaram || 13 ||
sagatvādūramadhvānamuparyuparisāgaram |
saṃsthitohyambarevākyaṃsugrīvamidamabravīt || 14 ||
sarvamuktaṃyathādiṣṭaṃrāvaṇenadurātmanā |
tamprāpayantaṃvacanantūrṇamāplutyavānarāḥ || 15 ||
prāpadyantadivaṅkṣipraṃloptuṃhantuñcamuṣṭibhiḥ |
sataiḥplavaṅgaiḥprasabhannigṛhītoniśācaraḥ |
gaganādbhūtalecāśuparigṛhyanipātitaḥ || 16 ||
vānaraiḥpīḍyamānastuśukovacanamabravīt |
nadūtānghnantikākutstha vāryantāṃsādhuvānarāḥ || 17 ||
yastuhitvāmatambhartussvamataṃsamprabhāṣate |
anuktavādīdūtassan sadūtovadhamarhati || 18 ||
śukasyavacanaṃśrutvārāmastuparidevitam |
uvācamāvadhiṣṭetighnataśśākhāmṛgarṣabhān || 19 ||
sacapatralaghurbhūtvāharibhirdarśitebhaye |
antarikṣesthitobhūtvāpunarvacanamabravīt || 20 ||
sugrīvaḥsa ttvasampannaḥ mahābalaparākramaḥ |
kimmayākhaluvaktavyorāvaṇolokarāvaṇaḥ || 21 ||
saevamuktaḥplavagādhipastadāplavaṅgamānāmṛṣabhomahābalaḥ |
uvācavākyaṃrajanīcarasyacāraṃśukantūrṇamadīnasattvaḥ || 22 ||
name'simitrannatathānukampyonacopakartāpinamepriyo'si |
ariścarāmasyasahānubandhastato'sivālīvavadhārhavadhyaḥ || 23 ||
nihnanmyahantvāṃsasutaṃsabandhuṃsajñātivargarajanīcareśa |
laṅkāñcasarvāmmahatābalenakṣipraṅkariṣyāmisametyabhasma || 24 ||
namokṣayaserāvaṇaḥ rāghavasyasuraissahendraidapimūḍhaguptaḥ |
antarhitassūryapathaṅgato'vā |
tathaivapātālamanupraviṣṭaḥ || 25 ||
girīśapādambujasaṅgatovāhato'sirāmeṇasahānujastvam || 26 ||
tasyatetriṣulokeṣunapiśācannarākṣasam |
trātāramanupaśyāminagandharvannacāsuram || 27 ||
avadhīryajarāvṛddaṅgṛdhrarājañjaṭāyuṣam |
kinnuterāmasānnidhyesakāśelakṣmaṇasyavā || 28 ||
hṛtāsītāviśālākṣīyāntvaṅgṛhyanabudhyase |
mahābalammahātmānandurdharṣamamarairapi |
nabudhyaseraghuśreṣṭhaṃyasteprāṇānhariṣyati || 29 ||
tato'bravīdvālisutastvaṅgadoharisattamaḥ |
nāyandūtomahārājacārikaḥpratibhātime || 30 ||
tulitaṃhibalaṃsarvamanenātraivatiṣṭhatā |
gṛhyatāmmāgamallaṅkāmetaddimamarocate || 31 ||
tatorājñāsamādiṣṭāssamutpatyavalīmukhāḥ |
jagṛhuścababandhuścavilapantamanāthavat || 32 ||
śukastuvānaraiścaṇḍaistatrataissamprapīḍitaḥ |
vyācukrośamahātmānaṃrāmandaśarathātmajam || 33 ||
lupyetemebalātpakṣaubhidyetemetathā'kṣiṇī || 34 ||
yāñcarātrimmariṣyāmijāyerātriñcayāmaham |
etasminnantarekāleyanmayāhyaśubhaṅkṛtam || 35 ||
sarvantvamupapadyedhājahyāñcedyadijīvitam |
nāghātayattadārāmaśśrutvātatparidevanam |
vānarānabravīdrāmomucyatāndūtaāgataḥ || 36 ||
ityārṣe śrīmadrāmāyaṇe vālmīkīya ādikāvye yuddhakāṇḍe viṃśassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ विंशस्सर्गः ।
ततोनिविष्टान्ध्वजिनींसुग्रीवेणाभिपालिताम् ।
ददर्शराक्षसोऽभ्येत्यशार्दूलोनामवीर्यवान् ॥ 1 ॥
चारोराक्षसराजस्यरावणस्यदुरात्मनः ।
तान्दृष्ट्वासर्वतोव्यग्रम्प्रतिगम्यसराक्षसः ॥ 2 ॥
आविश्य लङ्कां वेगेन राजानमिदमब्रवीत् ।
एष वै वानरर्क्षघो लङ्कां समभिवर्तते ॥ 3 ॥
पुत्रौदशरथस्येमौभ्रातरौरामलक्ष्मणौ ॥ 4 ॥
उत्तमौरूपसम्पन्नौसीतायाःपदमागतौ ।
एतौसागरमासाद्यसन्निविष्टौमहाद्युती ॥ 5 ॥
बलञ्चामाकाशमावृत्यसर्वतोदशयोजनम् ।
तत्त्वभूतम्महाराज क्षिप्रंवेदितुमर्हसि ॥ 6 ॥
तवदूतामहाराजक्षिप्रमर्हन्त्यवेक्षितुम् ।
उपप्रदानंसान्त्वंवाभेदोवात्रप्रयुज्यताम् ॥ 7 ॥
शार्दूलस्यवचश्श्रुत्वारावणोराक्षसेश्वरः ।
उवाचसहसाव्यग्रस्सम्प्रधार्यार्थमात्मनः ॥ 8 ॥
शुकन्नामतदारक्षोवाक्यमर्थविदांवरम् ।
सुग्रीवम्ब्रूहिगत्वाशुराजानंवचनान्मम ।
यथासन्देशमक्लीबंश्लक्ष्णयापरयागिरा ॥ 9 ॥
त्वंवैमहाराजकुलप्रसूतोमहाबलश्चर् क्षरजस्सुतश्च ।
नकश्चिदार्थस्तवनास्त्यनर्थस्तथाहिमेभ्रातृसमोहरीश ॥ 10 ॥
अहंयद्यहरम्भार्यांराजपुत्रस्यधीमतः ।
किन्तत्रतवसुग्रीवः किष्किन्धाम्प्रतिगम्यताम् ॥ 11 ॥
नहीयंहरिभिर्लङ्काशक्याप्राप्तुङ्कथञ्चन ।
देवैरपिसगन्धर्वैःकिम्पुनर्नरवानरैः ॥ 12 ॥
सतथाराक्षसेन्द्रेणसन्दिष्टोरजनीचरः ।
शुकोविहङ्गमोभूत्वातूर्णमाप्लुत्यचाम्बरम् ॥ 13 ॥
सगत्वादूरमध्वानमुपर्युपरिसागरम् ।
संस्थितोह्यम्बरेवाक्यंसुग्रीवमिदमब्रवीत् ॥ 14 ॥
सर्वमुक्तंयथादिष्टंरावणेनदुरात्मना ।
तम्प्रापयन्तंवचनन्तूर्णमाप्लुत्यवानराः ॥ 15 ॥
प्रापद्यन्तदिवङ्क्षिप्रंलोप्तुंहन्तुञ्चमुष्टिभिः ।
सतैःप्लवङ्गैःप्रसभन्निगृहीतोनिशाचरः ।
गगनाद्भूतलेचाशुपरिगृह्यनिपातितः ॥ 16 ॥
वानरैःपीड्यमानस्तुशुकोवचनमब्रवीत् ।
नदूतान्घ्नन्तिकाकुत्स्थ वार्यन्तांसाधुवानराः ॥ 17 ॥
यस्तुहित्वामतम्भर्तुस्स्वमतंसम्प्रभाषते ।
अनुक्तवादीदूतस्सन् सदूतोवधमर्हति ॥ 18 ॥
शुकस्यवचनंश्रुत्वारामस्तुपरिदेवितम् ।
उवाचमावधिष्टेतिघ्नतश्शाखामृगर्षभान् ॥ 19 ॥
सचपत्रलघुर्भूत्वाहरिभिर्दर्शितेभये ।
अन्तरिक्षेस्थितोभूत्वापुनर्वचनमब्रवीत् ॥ 20 ॥
सुग्रीवःस त्त्वसम्पन्नः महाबलपराक्रमः ।
किम्मयाखलुवक्तव्योरावणोलोकरावणः ॥ 21 ॥
सएवमुक्तःप्लवगाधिपस्तदाप्लवङ्गमानामृषभोमहाबलः ।
उवाचवाक्यंरजनीचरस्यचारंशुकन्तूर्णमदीनसत्त्वः ॥ 22 ॥
नमेऽसिमित्रन्नतथानुकम्प्योनचोपकर्तापिनमेप्रियोऽसि ।
अरिश्चरामस्यसहानुबन्धस्ततोऽसिवालीववधार्हवध्यः ॥ 23 ॥
निह्नन्म्यहन्त्वांससुतंसबन्धुंसज्ञातिवर्गरजनीचरेश ।
लङ्काञ्चसर्वाम्महताबलेनक्षिप्रङ्करिष्यामिसमेत्यभस्म ॥ 24 ॥
नमोक्षयसेरावणः राघवस्यसुरैस्सहेन्द्रैदपिमूढगुप्तः ।
अन्तर्हितस्सूर्यपथङ्गतोऽवा ।
तथैवपातालमनुप्रविष्टः ॥ 25 ॥
गिरीशपादम्बुजसङ्गतोवाहतोऽसिरामेणसहानुजस्त्वम् ॥ 26 ॥
तस्यतेत्रिषुलोकेषुनपिशाचन्नराक्षसम् ।
त्रातारमनुपश्यामिनगन्धर्वन्नचासुरम् ॥ 27 ॥
अवधीर्यजरावृद्दङ्गृध्रराजञ्जटायुषम् ।
किन्नुतेरामसान्निध्येसकाशेलक्ष्मणस्यवा ॥ 28 ॥
हृतासीताविशालाक्षीयान्त्वङ्गृह्यनबुध्यसे ।
महाबलम्महात्मानन्दुर्धर्षममरैरपि ।
नबुध्यसेरघुश्रेष्ठंयस्तेप्राणान्हरिष्यति ॥ 29 ॥
ततोऽब्रवीद्वालिसुतस्त्वङ्गदोहरिसत्तमः ।
नायन्दूतोमहाराजचारिकःप्रतिभातिमे ॥ 30 ॥
तुलितंहिबलंसर्वमनेनात्रैवतिष्ठता ।
गृह्यताम्मागमल्लङ्कामेतद्दिममरोचते ॥ 31 ॥
ततोराज्ञासमादिष्टास्समुत्पत्यवलीमुखाः ।
जगृहुश्चबबन्धुश्चविलपन्तमनाथवत् ॥ 32 ॥
शुकस्तुवानरैश्चण्डैस्तत्रतैस्सम्प्रपीडितः ।
व्याचुक्रोशमहात्मानंरामन्दशरथात्मजम् ॥ 33 ॥
लुप्येतेमेबलात्पक्षौभिद्येतेमेतथाऽक्षिणी ॥ 34 ॥
याञ्चरात्रिम्मरिष्यामिजायेरात्रिञ्चयामहम् ।
एतस्मिन्नन्तरेकालेयन्मयाह्यशुभङ्कृतम् ॥ 35 ॥
सर्वन्त्वमुपपद्येधाजह्याञ्चेद्यदिजीवितम् ।
नाघातयत्तदारामश्श्रुत्वातत्परिदेवनम् ।
वानरानब्रवीद्रामोमुच्यतान्दूतआगतः ॥ 36 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे विंशस्सर्गः ॥
śrīmadvālmīkīya rāmāyaṇe yuddhakāṇḍam |
atha viṃśassargaḥ |
tatoniviṣṭāndhvajinīṃsugrīveṇābhipālitām |
dadarśarākṣaso'bhyetyaśārdūlonāmavīryavān || 1 ||
cārorākṣasarājasyarāvaṇasyadurātmanaḥ |
tāndṛṣṭvāsarvatovyagrampratigamyasarākṣasaḥ || 2 ||
āviśya laṅkāṃ vegena rājānamidamabravīt |
eṣa vai vānararkṣagho laṅkāṃ samabhivartate || 3 ||
putraudaśarathasyemaubhrātaraurāmalakṣmaṇau || 4 ||
uttamaurūpasampannausītāyāḥpadamāgatau |
etausāgaramāsādyasanniviṣṭaumahādyutī || 5 ||
balañcāmākāśamāvṛtyasarvatodaśayojanam |
tattvabhūtammahārāja kṣipraṃveditumarhasi || 6 ||
tavadūtāmahārājakṣipramarhantyavekṣitum |
upapradānaṃsāntvaṃvābhedovātraprayujyatām || 7 ||
śārdūlasyavacaśśrutvārāvaṇorākṣaseśvaraḥ |
uvācasahasāvyagrassampradhāryārthamātmanaḥ || 8 ||
śukannāmatadārakṣovākyamarthavidāṃvaram |
sugrīvambrūhigatvāśurājānaṃvacanānmama |
yathāsandeśamaklībaṃślakṣṇayāparayāgirā || 9 ||
tvaṃvaimahārājakulaprasūtomahābalaścar kṣarajassutaśca |
nakaścidārthastavanāstyanarthastathāhimebhrātṛsamoharīśa || 10 ||
ahaṃyadyaharambhāryāṃrājaputrasyadhīmataḥ |
kintatratavasugrīvaḥ kiṣkindhāmpratigamyatām || 11 ||
nahīyaṃharibhirlaṅkāśakyāprāptuṅkathañcana |
devairapisagandharvaiḥkimpunarnaravānaraiḥ || 12 ||
satathārākṣasendreṇasandiṣṭorajanīcaraḥ |
śukovihaṅgamobhūtvātūrṇamāplutyacāmbaram || 13 ||
sagatvādūramadhvānamuparyuparisāgaram |
saṃsthitohyambarevākyaṃsugrīvamidamabravīt || 14 ||
sarvamuktaṃyathādiṣṭaṃrāvaṇenadurātmanā |
tamprāpayantaṃvacanantūrṇamāplutyavānarāḥ || 15 ||
prāpadyantadivaṅkṣipraṃloptuṃhantuñcamuṣṭibhiḥ |
sataiḥplavaṅgaiḥprasabhannigṛhītoniśācaraḥ |
gaganādbhūtalecāśuparigṛhyanipātitaḥ || 16 ||
vānaraiḥpīḍyamānastuśukovacanamabravīt |
nadūtānghnantikākutstha vāryantāṃsādhuvānarāḥ || 17 ||
yastuhitvāmatambhartussvamataṃsamprabhāṣate |
anuktavādīdūtassan sadūtovadhamarhati || 18 ||
śukasyavacanaṃśrutvārāmastuparidevitam |
uvācamāvadhiṣṭetighnataśśākhāmṛgarṣabhān || 19 ||
sacapatralaghurbhūtvāharibhirdarśitebhaye |
antarikṣesthitobhūtvāpunarvacanamabravīt || 20 ||
sugrīvaḥsa ttvasampannaḥ mahābalaparākramaḥ |
kimmayākhaluvaktavyorāvaṇolokarāvaṇaḥ || 21 ||
saevamuktaḥplavagādhipastadāplavaṅgamānāmṛṣabhomahābalaḥ |
uvācavākyaṃrajanīcarasyacāraṃśukantūrṇamadīnasattvaḥ || 22 ||
name'simitrannatathānukampyonacopakartāpinamepriyo'si |
ariścarāmasyasahānubandhastato'sivālīvavadhārhavadhyaḥ || 23 ||
nihnanmyahantvāṃsasutaṃsabandhuṃsajñātivargarajanīcareśa |
laṅkāñcasarvāmmahatābalenakṣipraṅkariṣyāmisametyabhasma || 24 ||
namokṣayaserāvaṇaḥ rāghavasyasuraissahendraidapimūḍhaguptaḥ |
antarhitassūryapathaṅgato'vā |
tathaivapātālamanupraviṣṭaḥ || 25 ||
girīśapādambujasaṅgatovāhato'sirāmeṇasahānujastvam || 26 ||
tasyatetriṣulokeṣunapiśācannarākṣasam |
trātāramanupaśyāminagandharvannacāsuram || 27 ||
avadhīryajarāvṛddaṅgṛdhrarājañjaṭāyuṣam |
kinnuterāmasānnidhyesakāśelakṣmaṇasyavā || 28 ||
hṛtāsītāviśālākṣīyāntvaṅgṛhyanabudhyase |
mahābalammahātmānandurdharṣamamarairapi |
nabudhyaseraghuśreṣṭhaṃyasteprāṇānhariṣyati || 29 ||
tato'bravīdvālisutastvaṅgadoharisattamaḥ |
nāyandūtomahārājacārikaḥpratibhātime || 30 ||
tulitaṃhibalaṃsarvamanenātraivatiṣṭhatā |
gṛhyatāmmāgamallaṅkāmetaddimamarocate || 31 ||
tatorājñāsamādiṣṭāssamutpatyavalīmukhāḥ |
jagṛhuścababandhuścavilapantamanāthavat || 32 ||
śukastuvānaraiścaṇḍaistatrataissamprapīḍitaḥ |
vyācukrośamahātmānaṃrāmandaśarathātmajam || 33 ||
lupyetemebalātpakṣaubhidyetemetathā'kṣiṇī || 34 ||
yāñcarātrimmariṣyāmijāyerātriñcayāmaham |
etasminnantarekāleyanmayāhyaśubhaṅkṛtam || 35 ||
sarvantvamupapadyedhājahyāñcedyadijīvitam |
nāghātayattadārāmaśśrutvātatparidevanam |
vānarānabravīdrāmomucyatāndūtaāgataḥ || 36 ||
ityārṣe śrīmadrāmāyaṇe vālmīkīya ādikāvye yuddhakāṇḍe viṃśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.