𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌬𑌾𑌲𑌕𑌾𑌣𑍍𑌡𑌮𑍍 ।
𑌅𑌥 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।
𑌦𑍇𑌵𑌦𑍇𑌵𑍇 𑌗𑌤𑍇 𑌤𑌸𑍍𑌮𑌿𑌨𑍍 𑌸𑍋𑌽𑌙𑍍𑌗𑍁𑌷𑍍𑌠𑌾𑌗𑍍𑌰𑌨𑌿𑌪𑍀𑌡𑌿𑌤𑌾𑌮𑍍 ।
𑌕𑍃𑌤𑍍𑌵𑌾 𑌵𑌸𑍁𑌮𑌤𑍀𑌂 𑌰𑌾𑌮 𑌸𑌂𑌵𑌤𑍍𑌸𑌰𑌮𑍁𑌪𑌾𑌸𑌤 ॥ 1 ॥
𑌅𑌥 𑌸𑌂𑌵𑌤𑍍𑌸𑌰𑍇 𑌪𑍂𑌰𑍍𑌣𑍇 𑌸𑌰𑍍𑌵𑌲𑍋𑌕𑌨𑌮𑌸𑍍𑌕𑍃𑌤𑌃 ।
𑌉𑌮𑌾𑌪𑌤𑌿𑌃 𑌪𑌶𑍁𑌪𑌤𑍀 𑌰𑌾𑌜𑌾𑌨𑌮𑌿𑌦𑌮𑌬𑍍𑌰𑌵𑍀𑌤𑍍 ॥ 2 ॥
𑌪𑍍𑌰𑍀𑌤𑌸𑍍𑌤𑍇𑌽𑌹𑌂 𑌨𑌰𑌶𑍍𑌰𑍇𑌷𑍍𑌠 𑌕𑌰𑌿𑌷𑍍𑌯𑌾𑌮𑌿 𑌤𑌵 𑌪𑍍𑌰𑌿𑌯𑌮𑍍 ।
𑌶𑌿𑌰𑌸𑌾 𑌧𑌾𑌰𑌯𑌿𑌷𑍍𑌯𑌾𑌮𑌿 𑌶𑍈𑌲𑌰𑌾𑌜𑌸𑍁𑌤𑌾𑌮𑌹𑌮𑍍 ॥ 3 ॥
𑌤𑌤𑍋 𑌹𑍈𑌮𑌵𑌤𑍀 𑌜𑍍𑌯𑍇𑌷𑍍𑌠𑌾 𑌸𑌰𑍍𑌵𑌲𑍋𑌕𑌨𑌮𑌸𑍍𑌕𑍃𑌤𑌾 ।
𑌤𑌦𑌾 𑌸𑌾𑌤𑌿𑌮𑌹𑌦𑍍𑌰𑍂𑌪𑌂 𑌕𑍃𑌤𑍍𑌵𑌾 𑌵𑍇𑌗𑌂 𑌚 𑌦𑍁𑌸𑍍𑌸𑌹𑌮𑍍 ॥ 4 ॥
𑌆𑌕𑌾𑌶𑌾𑌦𑌪𑌤𑌦𑍍𑌰𑌾𑌮 𑌶𑌿𑌵𑍇 𑌶𑌿𑌵𑌶𑌿𑌰𑌸𑍍𑌯𑍁𑌤 ।
𑌅𑌚𑌿𑌨𑍍𑌤𑌯𑌚𑍍𑌚 𑌸𑌾 𑌦𑍇𑌵𑍀 𑌗𑌙𑍍𑌗𑌾 𑌪𑌰𑌮𑌦𑍁𑌰𑍍𑌧𑌰𑌾 ॥ 5 ॥
𑌵𑌿𑌶𑌾𑌮𑍍𑌯𑌹𑌂 𑌹𑌿 𑌪𑌾𑌤𑌾𑌲𑌂 𑌸𑍍𑌰𑍋𑌤𑌸𑌾 𑌗𑍃𑌹𑍍𑌯 𑌶𑌙𑍍𑌕𑌰𑌮𑍍 ।
𑌤𑌸𑍍𑌯𑌾𑌵𑌲𑍇𑌪𑌨𑌂 𑌜𑍍𑌞𑌾𑌤𑍍𑌵𑌾 𑌕𑍍𑌰𑍁𑌦𑍍𑌧𑌸𑍍𑌤𑍁 𑌭𑌗𑌵𑌾𑌨𑍍 𑌹𑌰𑌃 ॥ 6 ॥
𑌤𑌿𑌰𑍋𑌭𑌾𑌵𑌯𑌿𑌤𑍁𑌂 𑌬𑍁𑌦𑍍𑌧𑌿𑌂 𑌚𑌕𑍍𑌰𑍇 𑌤𑍍𑌰𑌿𑌨𑌯𑌨𑌸𑍍𑌤𑌦𑌾 ।
𑌸𑌾 𑌤𑌸𑍍𑌮𑌿𑌨𑍍 𑌪𑌤𑌿𑌤𑌾 𑌪𑍁𑌣𑍍𑌯𑌾 𑌪𑍁𑌣𑍍𑌯𑍇 𑌰𑍁𑌦𑍍𑌰𑌸𑍍𑌯 𑌮𑍂𑌰𑍍𑌧𑌨𑌿 ॥ 7 ॥
𑌹𑌿𑌮𑌵𑌤𑍍𑌪𑍍𑌰𑌤𑌿𑌮𑍇 𑌰𑌾𑌮 𑌜𑌟𑌾𑌮𑌣𑍍𑌡𑌲𑌗𑌹𑍍𑌵𑌰𑍇 ।
𑌸𑌾 𑌕𑌥𑌞𑍍𑌚𑌿𑌨𑍍𑌮𑌹𑍀𑌂 𑌗𑌨𑍍𑌤𑍁𑌂 𑌨𑌾𑌶𑌕𑍍𑌨𑍋𑌦𑍍𑌯𑌤𑍍𑌨𑌮𑌾𑌸𑍍𑌥𑌿𑌤𑌾 ॥ 8 ॥
𑌨𑍈𑌵 𑌨𑌿𑌰𑍍𑌗𑌮𑌨𑌂 𑌲𑍇𑌭𑍇 𑌜𑌟𑌾𑌮𑌣𑍍𑌡𑌲𑌮𑍋𑌹𑌿𑌤𑌾 ।
𑌤𑌤𑍍𑌰𑍈𑌵𑌾𑌬𑌮𑍍𑌭𑍍𑌰𑌮𑌦𑍍𑌦𑍇𑌵𑍀 𑌸𑌂𑌵𑌤𑍍𑌸𑌰𑌗𑌣𑌾𑌨𑍍 𑌬𑌹𑍂𑌨𑍍 ॥ 9 ॥
𑌤𑌾𑌮𑌪𑌶𑍍𑌯𑌨𑍍𑌪𑍁𑌨𑌸𑍍𑌤𑌤𑍍𑌰 𑌤𑌪𑌃 𑌪𑌰𑌮𑌮𑌾𑌸𑍍𑌥𑌿𑌤𑌃 ।
𑌅𑌨𑍇𑌨 𑌤𑍋𑌷𑌿𑌤𑌶𑍍𑌚𑌾𑌭𑍂𑌦𑌤𑍍𑌯𑌰𑍍𑌥𑌂 𑌰𑌘𑍁𑌨𑌨𑍍𑌦𑌨 ॥ 10 ॥
𑌵𑌿𑌸𑌸𑌰𑍍𑌜 𑌤𑌤𑍋 𑌗𑌙𑍍𑌗𑌾𑌂 𑌹𑌰𑍋 𑌬𑌿𑌨𑍍𑌦𑍁𑌸𑌰𑌃 𑌪𑍍𑌰𑌤𑌿 ।
𑌤𑌸𑍍𑌯𑌾𑌂 𑌵𑌿𑌸𑍃𑌜𑍍𑌯𑌮𑌾𑌨𑌾𑌯𑌾𑌂 𑌸𑌪𑍍𑌤𑌸𑍍𑌰𑍋𑌤𑌾𑌂𑌸𑌿 𑌜𑌜𑍍𑌞𑌿𑌰𑍇 ॥ 11 ॥
𑌹𑍍𑌲𑌾𑌦𑌿𑌨𑍀 𑌪𑌾𑌵𑌨𑍀 𑌚𑍈𑌵 𑌨𑌲𑌿𑌨𑍀 𑌚 𑌤𑌥𑌾𑌽𑌪𑌰𑌾 ।
𑌤𑌿𑌸𑍍𑌰𑌃 𑌪𑍍𑌰𑌾𑌚𑍀𑌂 𑌦𑌿𑌶𑌂 𑌜𑌗𑍍𑌮𑍁𑌃 𑌗𑌙𑍍𑌗𑌾𑌶𑍍𑌶𑌿𑌵𑌜𑌲𑌾𑌶𑍍𑌶𑍁𑌭𑌾𑌃 ॥ 12 ॥
𑌸𑍁𑌚𑌕𑍍𑌷𑍁𑌶𑍍𑌚𑍈𑌵 𑌸𑍀𑌤𑌾 𑌚 𑌸𑌿𑌨𑍍𑌧𑍁𑌶𑍍𑌚𑍈𑌵 𑌮𑌹𑌾𑌨𑌦𑍀 ।
𑌤𑌿𑌸𑍍𑌰𑌸𑍍𑌤𑍍𑌵𑍇𑌤𑌾 𑌦𑌿𑌶𑌂 𑌜𑌗𑍍𑌮𑍁𑌃 𑌪𑍍𑌰𑌤𑍀𑌚𑍀𑌂 𑌤𑍁 𑌶𑍁𑌭𑍋𑌦𑌕𑌾𑌃 ॥ 13 ॥
𑌸𑌪𑍍𑌤𑌮𑍀 𑌚𑌾𑌨𑍍𑌵𑌗𑌾𑌤𑍍𑌤𑌾𑌸𑌾𑌂 𑌭𑌗𑍀𑌰𑌥𑌮𑌥𑍋 𑌨𑍃𑌪𑌮𑍍 ।
𑌭𑌗𑍀𑌰𑌥𑍋𑌽𑌪𑌿 𑌰𑌾𑌜𑌰𑍍𑌷𑌿𑌰𑍍𑌦𑌿𑌵𑍍𑌯𑌂 𑌸𑍍𑌯𑌨𑍍𑌦𑌨𑌮𑌾𑌸𑍍𑌥𑌿𑌤𑌃 ॥ 14 ॥
𑌪𑍍𑌰𑌾𑌯𑌾𑌦𑌗𑍍𑌰𑍇 𑌮𑌹𑌾𑌤𑍇𑌜𑌾 𑌗𑌙𑍍𑌗𑌾 𑌤𑌂 𑌚𑌾𑌪𑍍𑌯𑌨𑍁𑌵𑍍𑌰𑌜𑌤𑍍 ।
𑌗𑌗𑌨𑌾𑌚𑍍𑌛𑌙𑍍𑌕𑌰𑌶𑌿𑌰𑌸𑍍𑌤𑌤𑍋 𑌧𑌰𑌣𑌿𑌮𑌾𑌶𑍍𑌰𑌿𑌤𑌾 ॥ 15 ॥
𑌵𑍍𑌯𑌸𑌰𑍍𑌪𑌤 𑌜𑌲𑌂 𑌤𑌤𑍍𑌰 𑌤𑍀𑌵𑍍𑌰𑌶𑌬𑍍𑌦𑌪𑍁𑌰𑌸𑍍𑌕𑍃𑌤𑌮𑍍 ।
𑌮𑌤𑍍𑌸𑍍𑌯𑌕𑌚𑍍𑌛𑌪𑌸𑌙𑍍𑌘𑍈𑌶𑍍𑌚 𑌶𑌿𑌂𑌶𑍁𑌮𑌾𑌰𑌗𑌣𑍈𑌸𑍍𑌤𑌦𑌾 ॥ 16 ॥
𑌪𑌤𑌦𑍍𑌭𑌿𑌃 𑌪𑌤𑌿𑌤𑍈𑌶𑍍𑌚𑌾𑌨𑍍𑌯𑍈𑌰𑍍𑌵𑍍𑌯𑌰𑍋𑌚𑌤 𑌵𑌸𑍁𑌨𑍍𑌧𑌰𑌾 ।
𑌤𑌤𑍋 𑌦𑍇𑌵𑌰𑍍𑌷𑌿𑌗𑌨𑍍𑌧𑌰𑍍𑌵𑌾 𑌯𑌕𑍍𑌷𑌸𑌿𑌦𑍍𑌧𑌗𑌣𑌾𑌸𑍍𑌤𑌦𑌾 ॥ 17 ॥
𑌵𑍍𑌯𑌲𑍋𑌕𑌯𑌨𑍍𑌤 𑌤𑍇 𑌤𑌤𑍍𑌰 𑌗𑌗𑌨𑌾𑌦𑍍𑌗𑌾𑌂 𑌗𑌤𑌾𑌂 𑌤𑌥𑌾 ।
𑌵𑌿𑌮𑌾𑌨𑍈𑌰𑍍𑌨𑌗𑌰𑌾𑌕𑌾𑌰𑍈𑌰𑍍𑌹𑌯𑍈𑌰𑍍𑌗𑌜𑌵𑌰𑍈𑌸𑍍𑌤𑌦𑌾 ॥ 18 ॥
𑌪𑌾𑌰𑌿𑌪𑍍𑌲𑌵𑌗𑌤𑍈𑌶𑍍𑌚𑌾𑌪𑌿 𑌦𑍇𑌵𑌤𑌾𑌸𑍍𑌤𑌤𑍍𑌰 𑌵𑌿𑌷𑍍𑌠𑌿𑌤𑌾𑌃 ।
𑌤𑌦𑌦𑍍𑌭𑍁𑌤𑌤𑌮𑌂 𑌲𑍋𑌕𑍇 𑌗𑌙𑍍𑌗𑌾𑌪𑌤𑌨𑌮𑍁𑌤𑍍𑌤𑌮𑌮𑍍 ॥ 19 ॥
𑌦𑌿𑌦𑍃𑌕𑍍𑌷𑌵𑍋 𑌦𑍇𑌵𑌗𑌣𑌾𑌃 𑌸𑌮𑍀𑌯𑍁𑌰𑌮𑌿𑌤𑍗𑌜𑌸𑌃 ।
𑌸𑌮𑍍𑌪𑌤𑌦𑍍𑌭𑌿𑌸𑍍𑌸𑍁𑌰𑌗𑌣𑍈𑌸𑍍𑌤𑍇𑌷𑌾𑌂 𑌚𑌾𑌭𑌰𑌣𑍗𑌜𑌸𑌾 ॥ 20 ॥
𑌶𑌤𑌾𑌦𑌿𑌤𑍍𑌯𑌮𑌿𑌵𑌾𑌭𑌾𑌤𑌿 𑌗𑌗𑌨𑌂 𑌗𑌤𑌤𑍋𑌯𑌦𑌮𑍍 ।
𑌶𑌿𑌂𑌶𑍁𑌮𑌾𑌰𑍋𑌰𑌗𑌗𑌣𑍈𑌰𑍍𑌮𑍀𑌨𑍈𑌰𑌪𑌿 𑌚 𑌚𑌞𑍍𑌚𑌲𑍈𑌃 ॥ 21 ॥
𑌵𑌿𑌦𑍍𑌯𑍁𑌦𑍍𑌭𑌿𑌰𑌿𑌵 𑌵𑌿𑌕𑍍𑌷𑌿𑌪𑍍𑌤𑌮𑌾𑌕𑌾𑌶𑌮𑌭𑌵𑌤𑍍𑌤𑌦𑌾 ।
𑌪𑌾𑌣𑍍𑌡𑌰𑍈𑌸𑍍𑌸𑌲𑌿𑌲𑍋𑌤𑍍𑌪𑍀𑌡𑍈𑌃 𑌕𑍀𑌰𑍍𑌯𑌮𑌾𑌣𑍈𑌸𑍍𑌸𑌹𑌸𑍍𑌰𑌧𑌾 ॥ 22 ॥
𑌶𑌾𑌰𑌦𑌾𑌭𑍍𑌰𑍈𑌰𑌿𑌵𑌾𑌕𑍀𑌰𑍍𑌣𑌂 𑌗𑌗𑌨𑌂 𑌹𑌂𑌸𑌸𑌮𑍍𑌪𑍍𑌲𑌵𑍈𑌃 ।
𑌕𑍍𑌵𑌚𑌿𑌦𑍍𑌦𑍍𑌰𑍁𑌤𑌤𑌰𑌂 𑌯𑌾𑌤𑌿 𑌕𑍁𑌟𑌿𑌲𑌂 𑌕𑍍𑌵𑌚𑌿𑌦𑌾𑌯𑌤𑌮𑍍 ॥ 23 ॥
𑌵𑌿𑌨𑌤𑌂 𑌕𑍍𑌵𑌚𑌿𑌦𑍁𑌦𑍍𑌧𑍂𑌤𑌂 𑌕𑍍𑌵𑌚𑌿𑌦𑍍𑌯𑌾𑌤𑌿 𑌶𑌨𑍈𑌶𑍍𑌶𑌨𑍈𑌃 ।
𑌸𑌲𑌿𑌲𑍇𑌨𑍈𑌵 𑌸𑌲𑌿𑌲𑌂 𑌕𑍍𑌵𑌚𑌿𑌦𑌭𑍍𑌯𑌾𑌹𑌤𑌂 𑌪𑍁𑌨𑌃 ॥ 24 ॥
𑌮𑍁𑌹𑍁𑌰𑍂𑌰𑍍𑌧𑍍𑌵𑌮𑍁𑌖𑌂 𑌗𑌤𑍍𑌵𑌾 𑌪𑌪𑌾𑌤 𑌵𑌸𑍁𑌧𑌾𑌤𑌲𑌮𑍍 ।
𑌤𑌚𑍍𑌛𑌙𑍍𑌕𑌰𑌶𑌿𑌰𑍋𑌭𑍍𑌰𑌷𑍍𑌟𑌂 𑌭𑍍𑌰𑌷𑍍𑌟𑌂 𑌭𑍂𑌮𑌿𑌤𑌲𑍇 𑌪𑍁𑌨𑌃 ॥ 25 ॥
𑌵𑍍𑌯𑌰𑍋𑌚𑌤 𑌤𑌦𑌾 𑌤𑍋𑌯𑌂 𑌨𑌿𑌰𑍍𑌮𑌲𑌂 𑌗𑌤𑌕𑌲𑍍𑌮𑌷𑌮𑍍 ।
𑌤𑌤𑍍𑌰 𑌦𑍇𑌵𑌰𑍍𑌷𑌿𑌗𑌨𑍍𑌧𑌰𑍍𑌵𑌾 𑌵𑌸𑍁𑌧𑌾𑌤𑌲𑌵𑌾𑌸𑌿𑌨𑌃 ॥ 26 ॥
𑌭𑌵𑌾𑌙𑍍𑌗𑌪𑌤𑌿𑌤𑌂 𑌤𑍋𑌯𑌂 𑌪𑌵𑌿𑌤𑍍𑌰𑌮𑌿𑌤𑌿 𑌪𑌸𑍍𑌪𑍃𑌶𑍁𑌃 ।
𑌶𑌾𑌪𑌾𑌤𑍍𑌪𑍍𑌰𑌪𑌤𑌿𑌤𑌾 𑌯𑍇 𑌚 𑌗𑌗𑌨𑌾𑌦𑍍𑌵𑌸𑍁𑌧𑌾𑌤𑌲𑌮𑍍 ॥ 27 ॥
𑌕𑍃𑌤𑍍𑌵𑌾 𑌤𑌤𑍍𑌰𑌾𑌭𑌿𑌷𑍇𑌕𑌂 𑌤𑍇 𑌬𑌭𑍂𑌵𑍁𑌰𑍍𑌗𑌤𑌕𑌲𑍍𑌮𑌷𑌾𑌃 ।
𑌧𑍂𑌤𑌪𑌾𑌪𑌾𑌃 𑌪𑍁𑌨𑌸𑍍𑌤𑍇𑌨 𑌤𑍋𑌯𑍇𑌨𑌾𑌥 𑌸𑍁𑌭𑌾𑌸𑍍𑌵𑌤𑌾 ॥ 28 ॥
𑌪𑍁𑌨𑌰𑌾𑌕𑌾𑌶𑌮𑌾𑌵𑌿𑌶𑍍𑌯 𑌸𑍍𑌵𑌾𑌨𑍍 𑌲𑍋𑌕𑌾𑌨𑍍 𑌪𑍍𑌰𑌤𑌿𑌪𑍇𑌦𑌿𑌰𑍇 ।
𑌮𑍁𑌮𑍁𑌦𑍇 𑌮𑍁𑌦𑌿𑌤𑍋 𑌲𑍋𑌕𑌸𑍍𑌤𑍇𑌨 𑌤𑍋𑌯𑍇𑌨 𑌭𑌾𑌸𑍍𑌵𑌤𑌾 ॥ 29 ॥
𑌕𑍃𑌤𑌾𑌭𑌿𑌷𑍇𑌕𑍋 𑌗𑌙𑍍𑌗𑌾𑌯𑌾𑌂 𑌬𑌭𑍂𑌵 𑌵𑌿𑌗𑌤𑌕𑍍𑌲𑌮𑌃 ।
𑌭𑌗𑍀𑌰𑌥𑍋𑌽𑌪𑌿 𑌰𑌾𑌜𑌾𑌰𑍍𑌷𑌿𑌰𑍍𑌦𑌿𑌵𑍍𑌯𑌂 𑌸𑍍𑌯𑌨𑍍𑌦𑌨𑌮𑌾𑌸𑍍𑌥𑌿𑌤𑌃 ।
𑌪𑍍𑌰𑌾𑌯𑌾𑌦𑌗𑍍𑌰𑍇 𑌮𑌹𑌾𑌤𑍇𑌜𑌾𑌸𑍍𑌤𑌂 𑌗𑌙𑍍𑌗𑌾 𑌪𑍃𑌷𑍍𑌠𑌤𑍋𑌽𑌨𑍍𑌵𑌗𑌾𑌤𑍍 ॥ 30 ॥
𑌦𑍇𑌵𑌾𑌸𑍍𑌸𑌰𑍍𑌷𑌿𑌗𑌣𑌾𑌃 𑌸𑌰𑍍𑌵𑍇 𑌦𑍈𑌤𑍍𑌯𑌦𑌾𑌨𑌵𑌰𑌾𑌕𑍍𑌷𑌸𑌾𑌃 ॥ 31 ॥
𑌗𑌨𑍍𑌧𑌰𑍍𑌵𑌯𑌕𑍍𑌷𑌪𑍍𑌰𑌵𑌰𑌾𑌸𑍍𑌸𑌕𑌿𑌨𑍍𑌨𑌰𑌮𑌹𑍋𑌰𑌗𑌾𑌃 ।
𑌸𑌰𑍍𑌵𑌾𑌶𑍍𑌚𑌾𑌪𑍍𑌸𑌰𑌸𑍋 𑌰𑌾𑌮 𑌭𑌗𑍀𑌰𑌥𑌰𑌥𑌾𑌨𑍁𑌗𑌾𑌮𑍍 ॥ 32 ॥
𑌗𑌙𑍍𑌗𑌾𑌮𑌨𑍍𑌵𑌗𑌮𑌨𑍍 𑌪𑍍𑌰𑍀𑌤𑌾𑌸𑍍𑌸𑌰𑍍𑌵𑍇 𑌜𑌲𑌚𑌰𑌾𑌶𑍍𑌚 𑌯𑍇 ।
𑌯𑌤𑍋 𑌭𑌗𑍀𑌰𑌥𑍋 𑌰𑌾𑌜𑌾 𑌤𑌤𑍋 𑌗𑌙𑍍𑌗𑌾𑌯𑌶𑌸𑍍𑌵𑌿𑌨𑍀 ॥ 33 ॥
𑌜𑌗𑌾𑌮 𑌸𑌰𑌿𑌤𑌾𑌂 𑌶𑍍𑌰𑍇𑌷𑍍𑌠𑌾 𑌸𑌰𑍍𑌵𑌪𑌾𑌪𑌪𑍍𑌰𑌣𑌾𑌶𑌿𑌨𑍀 ।
𑌤𑌤𑍋 𑌹𑌿 𑌯𑌜𑌮𑌾𑌨𑌸𑍍𑌯 𑌜𑌹𑍍𑌨𑍋𑌰𑌦𑍍𑌭𑍁𑌤𑌕𑌰𑍍𑌮𑌣𑌃 ॥ 34 ॥
𑌗𑌙𑍍𑌗𑌾 𑌸𑌮𑍍𑌪𑍍𑌲𑌾𑌵𑌯𑌾𑌮𑌾𑌸 𑌯𑌜𑍍𑌞𑌵𑌾𑌟𑌂 𑌮𑌹𑌾𑌤𑍍𑌮𑌨𑌃 ।
𑌤𑌸𑍍𑌯𑌾𑌵𑌲𑍇𑌪𑌨𑌂 𑌜𑍍𑌞𑌾𑌤𑍍𑌵𑌾 𑌕𑍍𑌰𑍁𑌦𑍍𑌧𑍋 𑌯𑌜𑍍𑌵𑌾 𑌤𑍁 𑌰𑌾𑌘𑌵 ॥ 35 ॥
𑌅𑌪𑌿𑌬𑌚𑍍𑌚 𑌜𑌲𑌂 𑌸𑌰𑍍𑌵𑌂 𑌗𑌙𑍍𑌗𑌾𑌯𑌾𑌃 𑌪𑌰𑌮𑌾𑌦𑍍𑌭𑍁𑌤𑌮𑍍 ।
𑌤𑌤𑍋 𑌦𑍇𑌵𑌾𑌸𑍍𑌸𑌗𑌨𑍍𑌧𑌰𑍍𑌵𑌾 𑌋𑌷𑌯𑌶𑍍𑌚 𑌸𑍁𑌵𑌿𑌸𑍍𑌮𑌿𑌤𑌾𑌃 ॥ 36 ॥
𑌪𑍂𑌜𑌯𑌨𑍍𑌤𑌿 𑌮𑌹𑌾𑌤𑍍𑌮𑌾𑌨𑌂 𑌜𑌹𑍍𑌨𑍁𑌂 𑌪𑍁𑌰𑍁𑌷𑌸𑌤𑍍𑌤𑌮𑌮𑍍 ।
𑌗𑌙𑍍𑌗𑌾𑌂 𑌚𑌾𑌪𑌿 𑌨𑌯𑌨𑍍𑌤𑌿 𑌸𑍍𑌮 𑌦𑍁𑌹𑌿𑌤𑍃𑌤𑍍𑌵𑍇 𑌮𑌹𑌾𑌤𑍍𑌮𑌨𑌃 ॥ 37 ॥
𑌤𑌤𑌸𑍍𑌤𑍁𑌷𑍍𑌟𑍋 𑌮𑌹𑌾𑌤𑍇𑌜𑌾𑌶𑍍𑌶𑍍𑌰𑍋𑌤𑍍𑌰𑌾𑌭𑍍𑌯𑌾𑌮𑌸𑍃𑌜𑌤𑍍 𑌪𑍁𑌨𑌃 ॥ 38 ॥
𑌤𑌸𑍍𑌮𑌾𑌜𑍍𑌜𑌹𑍍𑌨𑍁𑌸𑍁𑌤𑌾 𑌗𑌙𑍍𑌗𑌾 𑌪𑍍𑌰𑍋𑌚𑍍𑌯𑌤𑍇 𑌜𑌾𑌹𑍍𑌨𑌵𑍀𑌤𑌿𑌚 ।
𑌜𑌗𑌾𑌮 𑌚 𑌪𑍁𑌨𑌰𑍍𑌗𑌙𑍍𑌗𑌾 𑌭𑌗𑍀𑌰𑌥𑌰𑌥𑌾𑌨𑍁𑌗𑌾 ।
𑌸𑌾𑌗𑌰𑌂 𑌚𑌾𑌪𑌿 𑌸𑌮𑍍𑌪𑍍𑌰𑌾𑌪𑍍𑌤𑌾 𑌸𑌾 𑌸𑌰𑌿𑌤𑍍𑌪𑍍𑌰𑌵𑌰𑌾 𑌤𑌦𑌾 ॥ 39 ॥
𑌰𑌸𑌾𑌤𑌲𑌮𑍁𑌪𑌾𑌗𑌚𑍍𑌛𑌤𑍍𑌸𑌿𑌦𑍍𑌧𑍍𑌯𑌰𑍍𑌥𑌂 𑌤𑌸𑍍𑌯 𑌕𑌰𑍍𑌮𑌣𑌃 ।
𑌭𑌗𑍀𑌰𑌥𑍋𑌽𑌪𑌿 𑌰𑌾𑌜𑌰𑍍𑌷𑌿𑌃 𑌗𑌙𑍍𑌗𑌾𑌮𑌾𑌦𑌾𑌯 𑌯𑌤𑍍𑌨𑌤𑌃 ।
𑌪𑌿𑌤𑌾𑌮𑌹𑌾𑌨𑍍 𑌭𑌸𑍍𑌮𑌕𑍃𑌤𑌾𑌨𑌪𑌶𑍍𑌯𑌦𑍍𑌦𑍀𑌨𑌚𑍇𑌤𑌨𑌃 ॥ 40 ॥
𑌅𑌥 𑌤𑌦𑍍𑌭𑌸𑍍𑌮𑌨𑌾𑌂 𑌰𑌾𑌶𑌿𑌂 𑌗𑌙𑍍𑌗𑌾𑌸𑌲𑌿𑌲𑌮𑍁𑌤𑍍𑌤𑌮𑌮𑍍 ।
𑌪𑍍𑌲𑌾𑌵𑌯𑌦𑍍𑌧𑍂𑌤𑌪𑌾𑌪𑍍𑌮𑌾𑌨𑌸𑍍𑌸𑍍𑌵𑌰𑍍𑌗𑌂 𑌪𑍍𑌰𑌾𑌪𑍍𑌤𑌾 𑌰𑌘𑍂𑌤𑍍𑌤𑌮 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌬𑌾𑌲𑌕𑌾𑌣𑍍𑌡𑍇 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha tricatvāriṃśassargaḥ |
devadeve gate tasmin so'ṅguṣṭhāgranipīḍitām |
kṛtvā vasumatīṃ rāma saṃvatsaramupāsata || 1 ||
atha saṃvatsare pūrṇe sarvalokanamaskṛtaḥ |
umāpatiḥ paśupatī rājānamidamabravīt || 2 ||
prītaste'haṃ naraśreṣṭha kariṣyāmi tava priyam |
śirasā dhārayiṣyāmi śailarājasutāmaham || 3 ||
tato haimavatī jyeṣṭhā sarvalokanamaskṛtā |
tadā sātimahadrūpaṃ kṛtvā vegaṃ ca dussaham || 4 ||
ākāśādapatadrāma śive śivaśirasyuta |
acintayacca sā devī gaṅgā paramadurdharā || 5 ||
viśāmyahaṃ hi pātālaṃ srotasā gṛhya śaṅkaram |
tasyāvalepanaṃ jñātvā kruddhastu bhagavān haraḥ || 6 ||
tirobhāvayituṃ buddhiṃ cakre trinayanastadā |
sā tasmin patitā puṇyā puṇye rudrasya mūrdhani || 7 ||
himavatpratime rāma jaṭāmaṇḍalagahvare |
sā kathañcinmahīṃ gantuṃ nāśaknodyatnamāsthitā || 8 ||
naiva nirgamanaṃ lebhe jaṭāmaṇḍalamohitā |
tatraivābambhramaddevī saṃvatsaragaṇān bahūn || 9 ||
tāmapaśyanpunastatra tapaḥ paramamāsthitaḥ |
anena toṣitaścābhūdatyarthaṃ raghunandana || 10 ||
visasarja tato gaṅgāṃ haro bindusaraḥ prati |
tasyāṃ visṛjyamānāyāṃ saptasrotāṃsi jajñire || 11 ||
hlādinī pāvanī caiva nalinī ca tathā'parā |
tisraḥ prācīṃ diśaṃ jagmuḥ gaṅgāśśivajalāśśubhāḥ || 12 ||
sucakṣuścaiva sītā ca sindhuścaiva mahānadī |
tisrastvetā diśaṃ jagmuḥ pratīcīṃ tu śubhodakāḥ || 13 ||
saptamī cānvagāttāsāṃ bhagīrathamatho nṛpam |
bhagīratho'pi rājarṣirdivyaṃ syandanamāsthitaḥ || 14 ||
prāyādagre mahātejā gaṅgā taṃ cāpyanuvrajat |
gaganācchaṅkaraśirastato dharaṇimāśritā || 15 ||
vyasarpata jalaṃ tatra tīvraśabdapuraskṛtam |
matsyakacchapasaṅghaiśca śiṃśumāragaṇaistadā || 16 ||
patadbhiḥ patitaiścānyairvyarocata vasundharā |
tato devarṣigandharvā yakṣasiddhagaṇāstadā || 17 ||
vyalokayanta te tatra gaganādgāṃ gatāṃ tathā |
vimānairnagarākārairhayairgajavaraistadā || 18 ||
pāriplavagataiścāpi devatāstatra viṣṭhitāḥ |
tadadbhutatamaṃ loke gaṅgāpatanamuttamam || 19 ||
didṛkṣavo devagaṇāḥ samīyuramitaujasaḥ |
sampatadbhissuragaṇaisteṣāṃ cābharaṇaujasā || 20 ||
śatādityamivābhāti gaganaṃ gatatoyadam |
śiṃśumāroragagaṇairmīnairapi ca cañcalaiḥ || 21 ||
vidyudbhiriva vikṣiptamākāśamabhavattadā |
pāṇḍaraissalilotpīḍaiḥ kīryamāṇaissahasradhā || 22 ||
śāradābhrairivākīrṇaṃ gaganaṃ haṃsasamplavaiḥ |
kvaciddrutataraṃ yāti kuṭilaṃ kvacidāyatam || 23 ||
vinataṃ kvaciduddhūtaṃ kvacidyāti śanaiśśanaiḥ |
salilenaiva salilaṃ kvacidabhyāhataṃ punaḥ || 24 ||
muhurūrdhvamukhaṃ gatvā papāta vasudhātalam |
tacchaṅkaraśirobhraṣṭaṃ bhraṣṭaṃ bhūmitale punaḥ || 25 ||
vyarocata tadā toyaṃ nirmalaṃ gatakalmaṣam |
tatra devarṣigandharvā vasudhātalavāsinaḥ || 26 ||
bhavāṅgapatitaṃ toyaṃ pavitramiti paspṛśuḥ |
śāpātprapatitā ye ca gaganādvasudhātalam || 27 ||
kṛtvā tatrābhiṣekaṃ te babhūvurgatakalmaṣāḥ |
dhūtapāpāḥ punastena toyenātha subhāsvatā || 28 ||
punarākāśamāviśya svān lokān pratipedire |
mumude mudito lokastena toyena bhāsvatā || 29 ||
kṛtābhiṣeko gaṅgāyāṃ babhūva vigataklamaḥ |
bhagīratho'pi rājārṣirdivyaṃ syandanamāsthitaḥ |
prāyādagre mahātejāstaṃ gaṅgā pṛṣṭhato'nvagāt || 30 ||
devāssarṣigaṇāḥ sarve daityadānavarākṣasāḥ || 31 ||
gandharvayakṣapravarāssakinnaramahoragāḥ |
sarvāścāpsaraso rāma bhagīratharathānugām || 32 ||
gaṅgāmanvagaman prītāssarve jalacarāśca ye |
yato bhagīratho rājā tato gaṅgāyaśasvinī || 33 ||
jagāma saritāṃ śreṣṭhā sarvapāpapraṇāśinī |
tato hi yajamānasya jahnoradbhutakarmaṇaḥ || 34 ||
gaṅgā samplāvayāmāsa yajñavāṭaṃ mahātmanaḥ |
tasyāvalepanaṃ jñātvā kruddho yajvā tu rāghava || 35 ||
apibacca jalaṃ sarvaṃ gaṅgāyāḥ paramādbhutam |
tato devāssagandharvā ṛṣayaśca suvismitāḥ || 36 ||
pūjayanti mahātmānaṃ jahnuṃ puruṣasattamam |
gaṅgāṃ cāpi nayanti sma duhitṛtve mahātmanaḥ || 37 ||
tatastuṣṭo mahātejāśśrotrābhyāmasṛjat punaḥ || 38 ||
tasmājjahnusutā gaṅgā procyate jāhnavītica |
jagāma ca punargaṅgā bhagīratharathānugā |
sāgaraṃ cāpi samprāptā sā saritpravarā tadā || 39 ||
rasātalamupāgacchatsiddhyarthaṃ tasya karmaṇaḥ |
bhagīratho'pi rājarṣiḥ gaṅgāmādāya yatnataḥ |
pitāmahān bhasmakṛtānapaśyaddīnacetanaḥ || 40 ||
atha tadbhasmanāṃ rāśiṃ gaṅgāsalilamuttamam |
plāvayaddhūtapāpmānassvargaṃ prāptā raghūttama || 41 ||
ityārṣe śrīmadrāmāyaṇe vālmīkīya ādikāvye bālakāṇḍe tricatvāriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ त्रिचत्वारिंशस्सर्गः ।
देवदेवे गते तस्मिन् सोऽङ्गुष्ठाग्रनिपीडिताम् ।
कृत्वा वसुमतीं राम संवत्सरमुपासत ॥ 1 ॥
अथ संवत्सरे पूर्णे सर्वलोकनमस्कृतः ।
उमापतिः पशुपती राजानमिदमब्रवीत् ॥ 2 ॥
प्रीतस्तेऽहं नरश्रेष्ठ करिष्यामि तव प्रियम् ।
शिरसा धारयिष्यामि शैलराजसुतामहम् ॥ 3 ॥
ततो हैमवती ज्येष्ठा सर्वलोकनमस्कृता ।
तदा सातिमहद्रूपं कृत्वा वेगं च दुस्सहम् ॥ 4 ॥
आकाशादपतद्राम शिवे शिवशिरस्युत ।
अचिन्तयच्च सा देवी गङ्गा परमदुर्धरा ॥ 5 ॥
विशाम्यहं हि पातालं स्रोतसा गृह्य शङ्करम् ।
तस्यावलेपनं ज्ञात्वा क्रुद्धस्तु भगवान् हरः ॥ 6 ॥
तिरोभावयितुं बुद्धिं चक्रे त्रिनयनस्तदा ।
सा तस्मिन् पतिता पुण्या पुण्ये रुद्रस्य मूर्धनि ॥ 7 ॥
हिमवत्प्रतिमे राम जटामण्डलगह्वरे ।
सा कथञ्चिन्महीं गन्तुं नाशक्नोद्यत्नमास्थिता ॥ 8 ॥
नैव निर्गमनं लेभे जटामण्डलमोहिता ।
तत्रैवाबम्भ्रमद्देवी संवत्सरगणान् बहून् ॥ 9 ॥
तामपश्यन्पुनस्तत्र तपः परममास्थितः ।
अनेन तोषितश्चाभूदत्यर्थं रघुनन्दन ॥ 10 ॥
विससर्ज ततो गङ्गां हरो बिन्दुसरः प्रति ।
तस्यां विसृज्यमानायां सप्तस्रोतांसि जज्ञिरे ॥ 11 ॥
ह्लादिनी पावनी चैव नलिनी च तथाऽपरा ।
तिस्रः प्राचीं दिशं जग्मुः गङ्गाश्शिवजलाश्शुभाः ॥ 12 ॥
सुचक्षुश्चैव सीता च सिन्धुश्चैव महानदी ।
तिस्रस्त्वेता दिशं जग्मुः प्रतीचीं तु शुभोदकाः ॥ 13 ॥
सप्तमी चान्वगात्तासां भगीरथमथो नृपम् ।
भगीरथोऽपि राजर्षिर्दिव्यं स्यन्दनमास्थितः ॥ 14 ॥
प्रायादग्रे महातेजा गङ्गा तं चाप्यनुव्रजत् ।
गगनाच्छङ्करशिरस्ततो धरणिमाश्रिता ॥ 15 ॥
व्यसर्पत जलं तत्र तीव्रशब्दपुरस्कृतम् ।
मत्स्यकच्छपसङ्घैश्च शिंशुमारगणैस्तदा ॥ 16 ॥
पतद्भिः पतितैश्चान्यैर्व्यरोचत वसुन्धरा ।
ततो देवर्षिगन्धर्वा यक्षसिद्धगणास्तदा ॥ 17 ॥
व्यलोकयन्त ते तत्र गगनाद्गां गतां तथा ।
विमानैर्नगराकारैर्हयैर्गजवरैस्तदा ॥ 18 ॥
पारिप्लवगतैश्चापि देवतास्तत्र विष्ठिताः ।
तदद्भुततमं लोके गङ्गापतनमुत्तमम् ॥ 19 ॥
दिदृक्षवो देवगणाः समीयुरमितौजसः ।
सम्पतद्भिस्सुरगणैस्तेषां चाभरणौजसा ॥ 20 ॥
शतादित्यमिवाभाति गगनं गततोयदम् ।
शिंशुमारोरगगणैर्मीनैरपि च चञ्चलैः ॥ 21 ॥
विद्युद्भिरिव विक्षिप्तमाकाशमभवत्तदा ।
पाण्डरैस्सलिलोत्पीडैः कीर्यमाणैस्सहस्रधा ॥ 22 ॥
शारदाभ्रैरिवाकीर्णं गगनं हंससम्प्लवैः ।
क्वचिद्द्रुततरं याति कुटिलं क्वचिदायतम् ॥ 23 ॥
विनतं क्वचिदुद्धूतं क्वचिद्याति शनैश्शनैः ।
सलिलेनैव सलिलं क्वचिदभ्याहतं पुनः ॥ 24 ॥
मुहुरूर्ध्वमुखं गत्वा पपात वसुधातलम् ।
तच्छङ्करशिरोभ्रष्टं भ्रष्टं भूमितले पुनः ॥ 25 ॥
व्यरोचत तदा तोयं निर्मलं गतकल्मषम् ।
तत्र देवर्षिगन्धर्वा वसुधातलवासिनः ॥ 26 ॥
भवाङ्गपतितं तोयं पवित्रमिति पस्पृशुः ।
शापात्प्रपतिता ये च गगनाद्वसुधातलम् ॥ 27 ॥
कृत्वा तत्राभिषेकं ते बभूवुर्गतकल्मषाः ।
धूतपापाः पुनस्तेन तोयेनाथ सुभास्वता ॥ 28 ॥
पुनराकाशमाविश्य स्वान् लोकान् प्रतिपेदिरे ।
मुमुदे मुदितो लोकस्तेन तोयेन भास्वता ॥ 29 ॥
कृताभिषेको गङ्गायां बभूव विगतक्लमः ।
भगीरथोऽपि राजार्षिर्दिव्यं स्यन्दनमास्थितः ।
प्रायादग्रे महातेजास्तं गङ्गा पृष्ठतोऽन्वगात् ॥ 30 ॥
देवास्सर्षिगणाः सर्वे दैत्यदानवराक्षसाः ॥ 31 ॥
गन्धर्वयक्षप्रवरास्सकिन्नरमहोरगाः ।
सर्वाश्चाप्सरसो राम भगीरथरथानुगाम् ॥ 32 ॥
गङ्गामन्वगमन् प्रीतास्सर्वे जलचराश्च ये ।
यतो भगीरथो राजा ततो गङ्गायशस्विनी ॥ 33 ॥
जगाम सरितां श्रेष्ठा सर्वपापप्रणाशिनी ।
ततो हि यजमानस्य जह्नोरद्भुतकर्मणः ॥ 34 ॥
गङ्गा सम्प्लावयामास यज्ञवाटं महात्मनः ।
तस्यावलेपनं ज्ञात्वा क्रुद्धो यज्वा तु राघव ॥ 35 ॥
अपिबच्च जलं सर्वं गङ्गायाः परमाद्भुतम् ।
ततो देवास्सगन्धर्वा ऋषयश्च सुविस्मिताः ॥ 36 ॥
पूजयन्ति महात्मानं जह्नुं पुरुषसत्तमम् ।
गङ्गां चापि नयन्ति स्म दुहितृत्वे महात्मनः ॥ 37 ॥
ततस्तुष्टो महातेजाश्श्रोत्राभ्यामसृजत् पुनः ॥ 38 ॥
तस्माज्जह्नुसुता गङ्गा प्रोच्यते जाह्नवीतिच ।
जगाम च पुनर्गङ्गा भगीरथरथानुगा ।
सागरं चापि सम्प्राप्ता सा सरित्प्रवरा तदा ॥ 39 ॥
रसातलमुपागच्छत्सिद्ध्यर्थं तस्य कर्मणः ।
भगीरथोऽपि राजर्षिः गङ्गामादाय यत्नतः ।
पितामहान् भस्मकृतानपश्यद्दीनचेतनः ॥ 40 ॥
अथ तद्भस्मनां राशिं गङ्गासलिलमुत्तमम् ।
प्लावयद्धूतपाप्मानस्स्वर्गं प्राप्ता रघूत्तम ॥ 41 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे त्रिचत्वारिंशस्सर्गः ॥
śrīmadvālmīkīya rāmāyaṇe bālakāṇḍam |
atha tricatvāriṃśassargaḥ |
devadeve gate tasmin so'ṅguṣṭhāgranipīḍitām |
kṛtvā vasumatīṃ rāma saṃvatsaramupāsata || 1 ||
atha saṃvatsare pūrṇe sarvalokanamaskṛtaḥ |
umāpatiḥ paśupatī rājānamidamabravīt || 2 ||
prītaste'haṃ naraśreṣṭha kariṣyāmi tava priyam |
śirasā dhārayiṣyāmi śailarājasutāmaham || 3 ||
tato haimavatī jyeṣṭhā sarvalokanamaskṛtā |
tadā sātimahadrūpaṃ kṛtvā vegaṃ ca dussaham || 4 ||
ākāśādapatadrāma śive śivaśirasyuta |
acintayacca sā devī gaṅgā paramadurdharā || 5 ||
viśāmyahaṃ hi pātālaṃ srotasā gṛhya śaṅkaram |
tasyāvalepanaṃ jñātvā kruddhastu bhagavān haraḥ || 6 ||
tirobhāvayituṃ buddhiṃ cakre trinayanastadā |
sā tasmin patitā puṇyā puṇye rudrasya mūrdhani || 7 ||
himavatpratime rāma jaṭāmaṇḍalagahvare |
sā kathañcinmahīṃ gantuṃ nāśaknodyatnamāsthitā || 8 ||
naiva nirgamanaṃ lebhe jaṭāmaṇḍalamohitā |
tatraivābambhramaddevī saṃvatsaragaṇān bahūn || 9 ||
tāmapaśyanpunastatra tapaḥ paramamāsthitaḥ |
anena toṣitaścābhūdatyarthaṃ raghunandana || 10 ||
visasarja tato gaṅgāṃ haro bindusaraḥ prati |
tasyāṃ visṛjyamānāyāṃ saptasrotāṃsi jajñire || 11 ||
hlādinī pāvanī caiva nalinī ca tathā'parā |
tisraḥ prācīṃ diśaṃ jagmuḥ gaṅgāśśivajalāśśubhāḥ || 12 ||
sucakṣuścaiva sītā ca sindhuścaiva mahānadī |
tisrastvetā diśaṃ jagmuḥ pratīcīṃ tu śubhodakāḥ || 13 ||
saptamī cānvagāttāsāṃ bhagīrathamatho nṛpam |
bhagīratho'pi rājarṣirdivyaṃ syandanamāsthitaḥ || 14 ||
prāyādagre mahātejā gaṅgā taṃ cāpyanuvrajat |
gaganācchaṅkaraśirastato dharaṇimāśritā || 15 ||
vyasarpata jalaṃ tatra tīvraśabdapuraskṛtam |
matsyakacchapasaṅghaiśca śiṃśumāragaṇaistadā || 16 ||
patadbhiḥ patitaiścānyairvyarocata vasundharā |
tato devarṣigandharvā yakṣasiddhagaṇāstadā || 17 ||
vyalokayanta te tatra gaganādgāṃ gatāṃ tathā |
vimānairnagarākārairhayairgajavaraistadā || 18 ||
pāriplavagataiścāpi devatāstatra viṣṭhitāḥ |
tadadbhutatamaṃ loke gaṅgāpatanamuttamam || 19 ||
didṛkṣavo devagaṇāḥ samīyuramitaujasaḥ |
sampatadbhissuragaṇaisteṣāṃ cābharaṇaujasā || 20 ||
śatādityamivābhāti gaganaṃ gatatoyadam |
śiṃśumāroragagaṇairmīnairapi ca cañcalaiḥ || 21 ||
vidyudbhiriva vikṣiptamākāśamabhavattadā |
pāṇḍaraissalilotpīḍaiḥ kīryamāṇaissahasradhā || 22 ||
śāradābhrairivākīrṇaṃ gaganaṃ haṃsasamplavaiḥ |
kvaciddrutataraṃ yāti kuṭilaṃ kvacidāyatam || 23 ||
vinataṃ kvaciduddhūtaṃ kvacidyāti śanaiśśanaiḥ |
salilenaiva salilaṃ kvacidabhyāhataṃ punaḥ || 24 ||
muhurūrdhvamukhaṃ gatvā papāta vasudhātalam |
tacchaṅkaraśirobhraṣṭaṃ bhraṣṭaṃ bhūmitale punaḥ || 25 ||
vyarocata tadā toyaṃ nirmalaṃ gatakalmaṣam |
tatra devarṣigandharvā vasudhātalavāsinaḥ || 26 ||
bhavāṅgapatitaṃ toyaṃ pavitramiti paspṛśuḥ |
śāpātprapatitā ye ca gaganādvasudhātalam || 27 ||
kṛtvā tatrābhiṣekaṃ te babhūvurgatakalmaṣāḥ |
dhūtapāpāḥ punastena toyenātha subhāsvatā || 28 ||
punarākāśamāviśya svān lokān pratipedire |
mumude mudito lokastena toyena bhāsvatā || 29 ||
kṛtābhiṣeko gaṅgāyāṃ babhūva vigataklamaḥ |
bhagīratho'pi rājārṣirdivyaṃ syandanamāsthitaḥ |
prāyādagre mahātejāstaṃ gaṅgā pṛṣṭhato'nvagāt || 30 ||
devāssarṣigaṇāḥ sarve daityadānavarākṣasāḥ || 31 ||
gandharvayakṣapravarāssakinnaramahoragāḥ |
sarvāścāpsaraso rāma bhagīratharathānugām || 32 ||
gaṅgāmanvagaman prītāssarve jalacarāśca ye |
yato bhagīratho rājā tato gaṅgāyaśasvinī || 33 ||
jagāma saritāṃ śreṣṭhā sarvapāpapraṇāśinī |
tato hi yajamānasya jahnoradbhutakarmaṇaḥ || 34 ||
gaṅgā samplāvayāmāsa yajñavāṭaṃ mahātmanaḥ |
tasyāvalepanaṃ jñātvā kruddho yajvā tu rāghava || 35 ||
apibacca jalaṃ sarvaṃ gaṅgāyāḥ paramādbhutam |
tato devāssagandharvā ṛṣayaśca suvismitāḥ || 36 ||
pūjayanti mahātmānaṃ jahnuṃ puruṣasattamam |
gaṅgāṃ cāpi nayanti sma duhitṛtve mahātmanaḥ || 37 ||
tatastuṣṭo mahātejāśśrotrābhyāmasṛjat punaḥ || 38 ||
tasmājjahnusutā gaṅgā procyate jāhnavītica |
jagāma ca punargaṅgā bhagīratharathānugā |
sāgaraṃ cāpi samprāptā sā saritpravarā tadā || 39 ||
rasātalamupāgacchatsiddhyarthaṃ tasya karmaṇaḥ |
bhagīratho'pi rājarṣiḥ gaṅgāmādāya yatnataḥ |
pitāmahān bhasmakṛtānapaśyaddīnacetanaḥ || 40 ||
atha tadbhasmanāṃ rāśiṃ gaṅgāsalilamuttamam |
plāvayaddhūtapāpmānassvargaṃ prāptā raghūttama || 41 ||
ityārṣe śrīmadrāmāyaṇe vālmīkīya ādikāvye bālakāṇḍe tricatvāriṃśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.