Mridapi Cha Chandanam — Latin Script

Meaning —

mṛdapi ca candanamasmin deśe grāmo grāmaḥ siddhavanam |

yatra ca bālā devīsvarūpā bālāḥ sarve śrīrāmāḥ ||

harimandiramidamakhilaśarīraṃ
dhanaśaktī janasevāyai
yatra ca krīḍāyai vanarājaḥ
dhenurmātā paramaśivā
nityaṃ prātaḥ śivaguṇagānaṃ
dīpanutiḥ khalu śatruparā || 1 ||

Verse 2

bhāgyavidhāyi nijārjitakarma
yatra śramaḥ śriyamarjayati
tyāgadhanānāṃ taponidhīnāṃ
gāthāṃ gāyati kavivāṇī
gaṅgājalamiva nityanirmalaṃ
jñānaṃ śaṃsati yativāṇī || 2 ||

Verse 3

yatra hi naiva svadehavimohaḥ
yuddharatānāṃ vīrāṇāṃ
yatra hi kṛṣakaḥ kāryarataḥ san
paśyati jīvanasāphalyaṃ
jīvanalakṣyaṃ na hi dhanapadavī
yatra ca paraśivapadasevā || 3 ||

racana: śrī janārdana hegḍe

Sanskrit — Devanagari (original)

मृदपि च चन्दनमस्मिन् देशे ग्रामो ग्रामः सिद्धवनम् ।

यत्र च बाला देवीस्वरूपा बालाः सर्वे श्रीरामाः ॥

हरिमन्दिरमिदमखिलशरीरं

धनशक्ती जनसेवायै

यत्र च क्रीडायै वनराजः

धेनुर्माता परमशिवा

नित्यं प्रातः शिवगुणगानं

दीपनुतिः खलु शत्रुपरा ॥ 1 ॥

भाग्यविधायि निजार्जितकर्म

यत्र श्रमः श्रियमर्जयति

त्यागधनानां तपोनिधीनां

गाथां गायति कविवाणी

गङ्गाजलमिव नित्यनिर्मलं

ज्ञानं शंसति यतिवाणी ॥ 2 ॥

यत्र हि नैव स्वदेहविमोहः

युद्धरतानां वीराणां

यत्र हि कृषकः कार्यरतः सन्

पश्यति जीवनसाफल्यं

जीवनलक्ष्यं न हि धनपदवी

यत्र च परशिवपदसेवा ॥ 3 ॥

रचन: श्री जनार्दन हेग्डे