Shrimadbhagavadgita Parayana - Gita Saram — Telugu Script

పల్లవి (కీరవాణి)

గీతాసారం శృణుత సదా

మనసి వికాసం వహతముదా

కామం క్రోధం త్యజత హృదా

భూయాత్ సంవిత్ పరసుఖదా

చరణం

విషాద యోగాత్ పార్థేన

భణితం కిఞ్చిన్మోహ ధియా

తం సన్దిగ్ధం మోచయితుం

గీతాశాస్త్రం గీతమిదం ॥ 1 ॥

సాఙ్ఖ్యం జ్ఞానం జానీహి

శరణాగతి పథ మవాప్నుహి

ఆత్మ నిత్య స్సర్వగతో

నైనం కిఞ్చిత్ క్లేదయతి ॥ 2 ॥

(మోహన)

ఫలేషు సక్తిం మైవ కురు

కార్యం కర్మ తు సమాచర

కర్మాబద్ధః పరమేతి

కర్మణి సఙ్గః పాతయతి ॥ 3 ॥

కర్మాకర్మ వికర్మత్వం

చిన్తయ చాత్మని కర్మగతిం

నాస్తి జ్ఞానసమం లోకే

త్యజ చాహఙ్కృతి మిహ దేహే ॥ 4 ॥

(కాపి)

వహ సమబుద్ధిం సర్వత్ర

భవ సమదర్శీ త్వం హి సఖే

యోననురక్తో న ద్వేష్టి

యోగీ యోగం జానాతి ॥ 5 ॥

మిత్రం తవ తే శత్రురపి

త్వమేవ నాన్యో జన్తురయి!

యుక్తస్త్వం భవ చేష్టాసు

ఆహారాదిషు వివిధాసు ॥ 6 ॥

(కల్యాణి)

అనాత్మరూపా మష్టవిధాం

ప్రకృతి మవిద్యాం జానీహి

జీవ స్సైవ హి పరమాత్మా

యస్మిన్ ప్రోతం సర్వమిదం ॥ 7 ॥

అక్షర పర వర పురుషం తం

ధ్యాయన్ ప్రేతో యాతి పరం

తత స్తమేవ ధ్యాయన్ త్వం

కాలం యాపయ నశ్యన్తం ॥ 8 ॥

(హిన్దోల)

సర్వం బ్రహ్మార్పణ బుద్ధ్యా

కర్మ క్రియతాం సమబుద్ధ్యా

భక్త్యా దత్తం పత్రమపి

ఫలమపి తేన స్వీక్రియతే ॥ 9 ॥

యత్ర విభూతి శ్శ్రీ యుక్తా

యత్ర విభూతి స్సత్త్వయుతా

తత్ర తమీశం పశ్యన్తం

నేర్ష్యా ద్వేషౌ సజ్జేతే ॥ 10 ॥

(అమృతవర్షిణి)

కాలస్తస్య మహాన్ రూపో

లోకాన్ సర్వాన్ సఙ్గ్రసతి

భక్త్యా భగవద్రూపం తం

ప్రభవతి లోక స్సన్ద్రష్టుం ॥ 11 ॥

భక్తి స్తస్మిన్ రతిరూపా

సైవ హి భక్తోద్ధరణచణా

భావం తస్యా మాధాయ

బుద్ధిం తస్మి న్నివేశయ ॥ 12 ॥

(చారుకేశి)

క్షేత్రం తద్‍జ్ఞం జానీహి

క్షేత్రే మమతాం మా కురు చ

ఆత్మానం యో జానాతి

ఆత్మని సోయం నను రమతే ॥ 13 ॥

సాత్త్విక రాజస తామసికా

బన్ధన హేతవ అథవర్జ్యః

త్రయం గుణానాం యోతీత-

స్సైవ బ్రాహ్మం సుఖమేతి ॥ 14 ॥

(హంసానన్ది)

ఛిత్వా సాంసారికవృక్షం

పదం గవేషయ మునిలక్ష్యం

తత్కిల సర్వం తేజో యత్

వేదై స్సర్వై స్సంవేద్యం ॥ 15 ॥

సృష్టి ర్దైవీ చాసురికా

ద్వివిధా ప్రోక్తా లోకేస్మిన్

దైవే సక్తా యాన్తి పరం

ఆసురసక్తా అసురగతిం ॥ 16 ॥

(శ్రీ)

నిష్ఠా యజ్ఞే దానే చ

తపసి ప్రోక్తా సదితి పరా

సత్కిల సఫలం సశ్రద్ధం

తత్కిల నిష్ఫల మశ్రద్ధం ॥ 17 ॥

ధర్మాన్ సర్వాన్ త్యక్త్వా త్వం

శరణం వ్రజ పర-మాత్మానం

మోక్షం ప్రాప్స్యసి సత్యం త్వం

సన్తత సచ్చిదానన్ద ఘనం ॥ 18 ॥

॥ గీతాసారం శృణుత సదా ॥

Roman (IAST) Transliteration

pallavi (kīravāṇi)

gītāsāraṃ śṛṇuta sadā

manasi vikāsaṃ vahatamudā

kāmaṃ krodhaṃ tyajata hṛdā

bhūyāt saṃvit parasukhadā

caraṇaṃ

viṣāda yogāt pārthena

bhaṇitaṃ kiñcinmoha dhiyā

taṃ sandigdhaṃ mocayituṃ

gītāśāstraṃ gītamidaṃ || 1 ||

sāṅkhyaṃ jñānaṃ jānīhi

śaraṇāgati patha mavāpnuhi

ātma nitya ssarvagato

nainaṃ kiñcit kledayati || 2 ||

(mohana)

phaleṣu saktiṃ maiva kuru

kāryaṃ karma tu samācara

karmābaddhaḥ parameti

karmaṇi saṅgaḥ pātayati || 3 ||

karmākarma vikarmatvaṃ

cintaya cātmani karmagatiṃ

nāsti jñānasamaṃ loke

tyaja cāhaṅkṛti miha dehe || 4 ||

(kāpi)

vaha samabuddhiṃ sarvatra

bhava samadarśī tvaṃ hi sakhe

yonanurakto na dveṣṭi

yogī yogaṃ jānāti || 5 ||

mitraṃ tava te śatrurapi

tvameva nānyo janturayi!

yuktastvaṃ bhava ceṣṭāsu

āhārādiṣu vividhāsu || 6 ||

(kalyāṇi)

anātmarūpā maṣṭavidhāṃ

prakṛti mavidyāṃ jānīhi

jīva ssaiva hi paramātmā

yasmin protaṃ sarvamidaṃ || 7 ||

akṣara para vara puruṣaṃ taṃ

dhyāyan preto yāti paraṃ

tata stameva dhyāyan tvaṃ

kālaṃ yāpaya naśyantaṃ || 8 ||

(hindola)

sarvaṃ brahmārpaṇa buddhyā

karma kriyatāṃ samabuddhyā

bhaktyā dattaṃ patramapi

phalamapi tena svīkriyate || 9 ||

yatra vibhūti śśrī yuktā

yatra vibhūti ssattvayutā

tatra tamīśaṃ paśyantaṃ

nerṣyā dveṣau sajjete || 10 ||

(amṛtavarṣiṇi)

kālastasya mahān rūpo

lokān sarvān saṅgrasati

bhaktyā bhagavadrūpaṃ taṃ

prabhavati loka ssandraṣṭuṃ || 11 ||

bhakti stasmin ratirūpā

saiva hi bhaktoddharaṇacaṇā

bhāvaṃ tasyā mādhāya

buddhiṃ tasmi nniveśaya || 12 ||

(cārukeśi)

kṣetraṃ tad‍jñaṃ jānīhi

kṣetre mamatāṃ mā kuru ca

ātmānaṃ yo jānāti

ātmani soyaṃ nanu ramate || 13 ||

sāttvika rājasa tāmasikā

bandhana hetava athavarjyaḥ

trayaṃ guṇānāṃ yotīta-

ssaiva brāhmaṃ sukhameti || 14 ||

(haṃsānandi)

chitvā sāṃsārikavṛkṣaṃ

padaṃ gaveṣaya munilakṣyaṃ

tatkila sarvaṃ tejo yat

vedai ssarvai ssaṃvedyaṃ || 15 ||

sṛṣṭi rdaivī cāsurikā

dvividhā proktā lokesmin

daive saktā yānti paraṃ

āsurasaktā asuragatiṃ || 16 ||

(śrī)

niṣṭhā yajñe dāne ca

tapasi proktā saditi parā

satkila saphalaṃ saśraddhaṃ

tatkila niṣphala maśraddhaṃ || 17 ||

dharmān sarvān tyaktvā tvaṃ

śaraṇaṃ vraja para-mātmānaṃ

mokṣaṃ prāpsyasi satyaṃ tvaṃ

santata saccidānanda ghanaṃ || 18 ||

|| gītāsāraṃ śṛṇuta sadā ||

Sanskrit — Devanagari (original)

पल्लवि (कीरवाणि)

गीतासारं शृणुत सदा

मनसि विकासं वहतमुदा

कामं क्रोधं त्यजत हृदा

भूयात् संवित् परसुखदा

चरणं

विषाद योगात् पार्थेन

भणितं किञ्चिन्मोह धिया

तं सन्दिग्धं मोचयितुं

गीताशास्त्रं गीतमिदं ॥ 1 ॥

साङ्ख्यं ज्ञानं जानीहि

शरणागति पथ मवाप्नुहि

आत्म नित्य स्सर्वगतो

नैनं किञ्चित् क्लेदयति ॥ 2 ॥

(मोहन)

फलेषु सक्तिं मैव कुरु

कार्यं कर्म तु समाचर

कर्माबद्धः परमेति

कर्मणि सङ्गः पातयति ॥ 3 ॥

कर्माकर्म विकर्मत्वं

चिन्तय चात्मनि कर्मगतिं

नास्ति ज्ञानसमं लोके

त्यज चाहङ्कृति मिह देहे ॥ 4 ॥

(कापि)

वह समबुद्धिं सर्वत्र

भव समदर्शी त्वं हि सखे

योननुरक्तो न द्वेष्टि

योगी योगं जानाति ॥ 5 ॥

मित्रं तव ते शत्रुरपि

त्वमेव नान्यो जन्तुरयि!

युक्तस्त्वं भव चेष्टासु

आहारादिषु विविधासु ॥ 6 ॥

(कल्याणि)

अनात्मरूपा मष्टविधां

प्रकृति मविद्यां जानीहि

जीव स्सैव हि परमात्मा

यस्मिन् प्रोतं सर्वमिदं ॥ 7 ॥

अक्षर पर वर पुरुषं तं

ध्यायन् प्रेतो याति परं

तत स्तमेव ध्यायन् त्वं

कालं यापय नश्यन्तं ॥ 8 ॥

(हिन्दोल)

सर्वं ब्रह्मार्पण बुद्ध्या

कर्म क्रियतां समबुद्ध्या

भक्त्या दत्तं पत्रमपि

फलमपि तेन स्वीक्रियते ॥ 9 ॥

यत्र विभूति श्श्री युक्ता

यत्र विभूति स्सत्त्वयुता

तत्र तमीशं पश्यन्तं

नेर्ष्या द्वेषौ सज्जेते ॥ 10 ॥

(अमृतवर्षिणि)

कालस्तस्य महान् रूपो

लोकान् सर्वान् सङ्ग्रसति

भक्त्या भगवद्रूपं तं

प्रभवति लोक स्सन्द्रष्टुं ॥ 11 ॥

भक्ति स्तस्मिन् रतिरूपा

सैव हि भक्तोद्धरणचणा

भावं तस्या माधाय

बुद्धिं तस्मि न्निवेशय ॥ 12 ॥

(चारुकेशि)

क्षेत्रं तद्‍ज्ञं जानीहि

क्षेत्रे ममतां मा कुरु च

आत्मानं यो जानाति

आत्मनि सोयं ननु रमते ॥ 13 ॥

सात्त्विक राजस तामसिका

बन्धन हेतव अथवर्ज्यः

त्रयं गुणानां योतीत-

स्सैव ब्राह्मं सुखमेति ॥ 14 ॥

(हंसानन्दि)

छित्वा सांसारिकवृक्षं

पदं गवेषय मुनिलक्ष्यं

तत्किल सर्वं तेजो यत्

वेदै स्सर्वै स्संवेद्यं ॥ 15 ॥

सृष्टि र्दैवी चासुरिका

द्विविधा प्रोक्ता लोकेस्मिन्

दैवे सक्ता यान्ति परं

आसुरसक्ता असुरगतिं ॥ 16 ॥

(श्री)

निष्ठा यज्ञे दाने च

तपसि प्रोक्ता सदिति परा

सत्किल सफलं सश्रद्धं

तत्किल निष्फल मश्रद्धं ॥ 17 ॥

धर्मान् सर्वान् त्यक्त्वा त्वं

शरणं व्रज पर-मात्मानं

मोक्षं प्राप्स्यसि सत्यं त्वं

सन्तत सच्चिदानन्द घनं ॥ 18 ॥

॥ गीतासारं शृणुत सदा ॥