Shrimadbhagavadgita Parayana - Gita Saram — Grantha Script

𑌪𑌲𑍍𑌲𑌵𑌿 (𑌕𑍀𑌰𑌵𑌾𑌣𑌿)

𑌗𑍀𑌤𑌾𑌸𑌾𑌰𑌂 𑌶𑍃𑌣𑍁𑌤 𑌸𑌦𑌾

𑌮𑌨𑌸𑌿 𑌵𑌿𑌕𑌾𑌸𑌂 𑌵𑌹𑌤𑌮𑍁𑌦𑌾

𑌕𑌾𑌮𑌂 𑌕𑍍𑌰𑍋𑌧𑌂 𑌤𑍍𑌯𑌜𑌤 𑌹𑍃𑌦𑌾

𑌭𑍂𑌯𑌾𑌤𑍍 𑌸𑌂𑌵𑌿𑌤𑍍 𑌪𑌰𑌸𑍁𑌖𑌦𑌾

𑌚𑌰𑌣𑌂

𑌵𑌿𑌷𑌾𑌦 𑌯𑍋𑌗𑌾𑌤𑍍 𑌪𑌾𑌰𑍍𑌥𑍇𑌨

𑌭𑌣𑌿𑌤𑌂 𑌕𑌿𑌞𑍍𑌚𑌿𑌨𑍍𑌮𑍋𑌹 𑌧𑌿𑌯𑌾

𑌤𑌂 𑌸𑌨𑍍𑌦𑌿𑌗𑍍𑌧𑌂 𑌮𑍋𑌚𑌯𑌿𑌤𑍁𑌂

𑌗𑍀𑌤𑌾𑌶𑌾𑌸𑍍𑌤𑍍𑌰𑌂 𑌗𑍀𑌤𑌮𑌿𑌦𑌂 ॥ 1 ॥

𑌸𑌾𑌙𑍍𑌖𑍍𑌯𑌂 𑌜𑍍𑌞𑌾𑌨𑌂 𑌜𑌾𑌨𑍀𑌹𑌿

𑌶𑌰𑌣𑌾𑌗𑌤𑌿 𑌪𑌥 𑌮𑌵𑌾𑌪𑍍𑌨𑍁𑌹𑌿

𑌆𑌤𑍍𑌮 𑌨𑌿𑌤𑍍𑌯 𑌸𑍍𑌸𑌰𑍍𑌵𑌗𑌤𑍋

𑌨𑍈𑌨𑌂 𑌕𑌿𑌞𑍍𑌚𑌿𑌤𑍍 𑌕𑍍𑌲𑍇𑌦𑌯𑌤𑌿 ॥ 2 ॥

(𑌮𑍋𑌹𑌨)

𑌫𑌲𑍇𑌷𑍁 𑌸𑌕𑍍𑌤𑌿𑌂 𑌮𑍈𑌵 𑌕𑍁𑌰𑍁

𑌕𑌾𑌰𑍍𑌯𑌂 𑌕𑌰𑍍𑌮 𑌤𑍁 𑌸𑌮𑌾𑌚𑌰

𑌕𑌰𑍍𑌮𑌾𑌬𑌦𑍍𑌧𑌃 𑌪𑌰𑌮𑍇𑌤𑌿

𑌕𑌰𑍍𑌮𑌣𑌿 𑌸𑌙𑍍𑌗𑌃 𑌪𑌾𑌤𑌯𑌤𑌿 ॥ 3 ॥

𑌕𑌰𑍍𑌮𑌾𑌕𑌰𑍍𑌮 𑌵𑌿𑌕𑌰𑍍𑌮𑌤𑍍𑌵𑌂

𑌚𑌿𑌨𑍍𑌤𑌯 𑌚𑌾𑌤𑍍𑌮𑌨𑌿 𑌕𑌰𑍍𑌮𑌗𑌤𑌿𑌂

𑌨𑌾𑌸𑍍𑌤𑌿 𑌜𑍍𑌞𑌾𑌨𑌸𑌮𑌂 𑌲𑍋𑌕𑍇

𑌤𑍍𑌯𑌜 𑌚𑌾𑌹𑌙𑍍𑌕𑍃𑌤𑌿 𑌮𑌿𑌹 𑌦𑍇𑌹𑍇 ॥ 4 ॥

(𑌕𑌾𑌪𑌿)

𑌵𑌹 𑌸𑌮𑌬𑍁𑌦𑍍𑌧𑌿𑌂 𑌸𑌰𑍍𑌵𑌤𑍍𑌰

𑌭𑌵 𑌸𑌮𑌦𑌰𑍍𑌶𑍀 𑌤𑍍𑌵𑌂 𑌹𑌿 𑌸𑌖𑍇

𑌯𑍋𑌨𑌨𑍁𑌰𑌕𑍍𑌤𑍋 𑌨 𑌦𑍍𑌵𑍇𑌷𑍍𑌟𑌿

𑌯𑍋𑌗𑍀 𑌯𑍋𑌗𑌂 𑌜𑌾𑌨𑌾𑌤𑌿 ॥ 5 ॥

𑌮𑌿𑌤𑍍𑌰𑌂 𑌤𑌵 𑌤𑍇 𑌶𑌤𑍍𑌰𑍁𑌰𑌪𑌿

𑌤𑍍𑌵𑌮𑍇𑌵 𑌨𑌾𑌨𑍍𑌯𑍋 𑌜𑌨𑍍𑌤𑍁𑌰𑌯𑌿!

𑌯𑍁𑌕𑍍𑌤𑌸𑍍𑌤𑍍𑌵𑌂 𑌭𑌵 𑌚𑍇𑌷𑍍𑌟𑌾𑌸𑍁

𑌆𑌹𑌾𑌰𑌾𑌦𑌿𑌷𑍁 𑌵𑌿𑌵𑌿𑌧𑌾𑌸𑍁 ॥ 6 ॥

(𑌕𑌲𑍍𑌯𑌾𑌣𑌿)

𑌅𑌨𑌾𑌤𑍍𑌮𑌰𑍂𑌪𑌾 𑌮𑌷𑍍𑌟𑌵𑌿𑌧𑌾𑌂

𑌪𑍍𑌰𑌕𑍃𑌤𑌿 𑌮𑌵𑌿𑌦𑍍𑌯𑌾𑌂 𑌜𑌾𑌨𑍀𑌹𑌿

𑌜𑍀𑌵 𑌸𑍍𑌸𑍈𑌵 𑌹𑌿 𑌪𑌰𑌮𑌾𑌤𑍍𑌮𑌾

𑌯𑌸𑍍𑌮𑌿𑌨𑍍 𑌪𑍍𑌰𑍋𑌤𑌂 𑌸𑌰𑍍𑌵𑌮𑌿𑌦𑌂 ॥ 7 ॥

𑌅𑌕𑍍𑌷𑌰 𑌪𑌰 𑌵𑌰 𑌪𑍁𑌰𑍁𑌷𑌂 𑌤𑌂

𑌧𑍍𑌯𑌾𑌯𑌨𑍍 𑌪𑍍𑌰𑍇𑌤𑍋 𑌯𑌾𑌤𑌿 𑌪𑌰𑌂

𑌤𑌤 𑌸𑍍𑌤𑌮𑍇𑌵 𑌧𑍍𑌯𑌾𑌯𑌨𑍍 𑌤𑍍𑌵𑌂

𑌕𑌾𑌲𑌂 𑌯𑌾𑌪𑌯 𑌨𑌶𑍍𑌯𑌨𑍍𑌤𑌂 ॥ 8 ॥

(𑌹𑌿𑌨𑍍𑌦𑍋𑌲)

𑌸𑌰𑍍𑌵𑌂 𑌬𑍍𑌰𑌹𑍍𑌮𑌾𑌰𑍍𑌪𑌣 𑌬𑍁𑌦𑍍𑌧𑍍𑌯𑌾

𑌕𑌰𑍍𑌮 𑌕𑍍𑌰𑌿𑌯𑌤𑌾𑌂 𑌸𑌮𑌬𑍁𑌦𑍍𑌧𑍍𑌯𑌾

𑌭𑌕𑍍𑌤𑍍𑌯𑌾 𑌦𑌤𑍍𑌤𑌂 𑌪𑌤𑍍𑌰𑌮𑌪𑌿

𑌫𑌲𑌮𑌪𑌿 𑌤𑍇𑌨 𑌸𑍍𑌵𑍀𑌕𑍍𑌰𑌿𑌯𑌤𑍇 ॥ 9 ॥

𑌯𑌤𑍍𑌰 𑌵𑌿𑌭𑍂𑌤𑌿 𑌶𑍍𑌶𑍍𑌰𑍀 𑌯𑍁𑌕𑍍𑌤𑌾

𑌯𑌤𑍍𑌰 𑌵𑌿𑌭𑍂𑌤𑌿 𑌸𑍍𑌸𑌤𑍍𑌤𑍍𑌵𑌯𑍁𑌤𑌾

𑌤𑌤𑍍𑌰 𑌤𑌮𑍀𑌶𑌂 𑌪𑌶𑍍𑌯𑌨𑍍𑌤𑌂

𑌨𑍇𑌰𑍍𑌷𑍍𑌯𑌾 𑌦𑍍𑌵𑍇𑌷𑍗 𑌸𑌜𑍍𑌜𑍇𑌤𑍇 ॥ 10 ॥

(𑌅𑌮𑍃𑌤𑌵𑌰𑍍𑌷𑌿𑌣𑌿)

𑌕𑌾𑌲𑌸𑍍𑌤𑌸𑍍𑌯 𑌮𑌹𑌾𑌨𑍍 𑌰𑍂𑌪𑍋

𑌲𑍋𑌕𑌾𑌨𑍍 𑌸𑌰𑍍𑌵𑌾𑌨𑍍 𑌸𑌙𑍍𑌗𑍍𑌰𑌸𑌤𑌿

𑌭𑌕𑍍𑌤𑍍𑌯𑌾 𑌭𑌗𑌵𑌦𑍍𑌰𑍂𑌪𑌂 𑌤𑌂

𑌪𑍍𑌰𑌭𑌵𑌤𑌿 𑌲𑍋𑌕 𑌸𑍍𑌸𑌨𑍍𑌦𑍍𑌰𑌷𑍍𑌟𑍁𑌂 ॥ 11 ॥

𑌭𑌕𑍍𑌤𑌿 𑌸𑍍𑌤𑌸𑍍𑌮𑌿𑌨𑍍 𑌰𑌤𑌿𑌰𑍂𑌪𑌾

𑌸𑍈𑌵 𑌹𑌿 𑌭𑌕𑍍𑌤𑍋𑌦𑍍𑌧𑌰𑌣𑌚𑌣𑌾

𑌭𑌾𑌵𑌂 𑌤𑌸𑍍𑌯𑌾 𑌮𑌾𑌧𑌾𑌯

𑌬𑍁𑌦𑍍𑌧𑌿𑌂 𑌤𑌸𑍍𑌮𑌿 𑌨𑍍𑌨𑌿𑌵𑍇𑌶𑌯 ॥ 12 ॥

(𑌚𑌾𑌰𑍁𑌕𑍇𑌶𑌿)

𑌕𑍍𑌷𑍇𑌤𑍍𑌰𑌂 𑌤𑌦𑍍‍𑌜𑍍𑌞𑌂 𑌜𑌾𑌨𑍀𑌹𑌿

𑌕𑍍𑌷𑍇𑌤𑍍𑌰𑍇 𑌮𑌮𑌤𑌾𑌂 𑌮𑌾 𑌕𑍁𑌰𑍁 𑌚

𑌆𑌤𑍍𑌮𑌾𑌨𑌂 𑌯𑍋 𑌜𑌾𑌨𑌾𑌤𑌿

𑌆𑌤𑍍𑌮𑌨𑌿 𑌸𑍋𑌯𑌂 𑌨𑌨𑍁 𑌰𑌮𑌤𑍇 ॥ 13 ॥

𑌸𑌾𑌤𑍍𑌤𑍍𑌵𑌿𑌕 𑌰𑌾𑌜𑌸 𑌤𑌾𑌮𑌸𑌿𑌕𑌾

𑌬𑌨𑍍𑌧𑌨 𑌹𑍇𑌤𑌵 𑌅𑌥𑌵𑌰𑍍𑌜𑍍𑌯𑌃

𑌤𑍍𑌰𑌯𑌂 𑌗𑍁𑌣𑌾𑌨𑌾𑌂 𑌯𑍋𑌤𑍀𑌤-

𑌸𑍍𑌸𑍈𑌵 𑌬𑍍𑌰𑌾𑌹𑍍𑌮𑌂 𑌸𑍁𑌖𑌮𑍇𑌤𑌿 ॥ 14 ॥

(𑌹𑌂𑌸𑌾𑌨𑌨𑍍𑌦𑌿)

𑌛𑌿𑌤𑍍𑌵𑌾 𑌸𑌾𑌂𑌸𑌾𑌰𑌿𑌕𑌵𑍃𑌕𑍍𑌷𑌂

𑌪𑌦𑌂 𑌗𑌵𑍇𑌷𑌯 𑌮𑍁𑌨𑌿𑌲𑌕𑍍𑌷𑍍𑌯𑌂

𑌤𑌤𑍍𑌕𑌿𑌲 𑌸𑌰𑍍𑌵𑌂 𑌤𑍇𑌜𑍋 𑌯𑌤𑍍

𑌵𑍇𑌦𑍈 𑌸𑍍𑌸𑌰𑍍𑌵𑍈 𑌸𑍍𑌸𑌂𑌵𑍇𑌦𑍍𑌯𑌂 ॥ 15 ॥

𑌸𑍃𑌷𑍍𑌟𑌿 𑌰𑍍𑌦𑍈𑌵𑍀 𑌚𑌾𑌸𑍁𑌰𑌿𑌕𑌾

𑌦𑍍𑌵𑌿𑌵𑌿𑌧𑌾 𑌪𑍍𑌰𑍋𑌕𑍍𑌤𑌾 𑌲𑍋𑌕𑍇𑌸𑍍𑌮𑌿𑌨𑍍

𑌦𑍈𑌵𑍇 𑌸𑌕𑍍𑌤𑌾 𑌯𑌾𑌨𑍍𑌤𑌿 𑌪𑌰𑌂

𑌆𑌸𑍁𑌰𑌸𑌕𑍍𑌤𑌾 𑌅𑌸𑍁𑌰𑌗𑌤𑌿𑌂 ॥ 16 ॥

(𑌶𑍍𑌰𑍀)

𑌨𑌿𑌷𑍍𑌠𑌾 𑌯𑌜𑍍𑌞𑍇 𑌦𑌾𑌨𑍇 𑌚

𑌤𑌪𑌸𑌿 𑌪𑍍𑌰𑍋𑌕𑍍𑌤𑌾 𑌸𑌦𑌿𑌤𑌿 𑌪𑌰𑌾

𑌸𑌤𑍍𑌕𑌿𑌲 𑌸𑌫𑌲𑌂 𑌸𑌶𑍍𑌰𑌦𑍍𑌧𑌂

𑌤𑌤𑍍𑌕𑌿𑌲 𑌨𑌿𑌷𑍍𑌫𑌲 𑌮𑌶𑍍𑌰𑌦𑍍𑌧𑌂 ॥ 17 ॥

𑌧𑌰𑍍𑌮𑌾𑌨𑍍 𑌸𑌰𑍍𑌵𑌾𑌨𑍍 𑌤𑍍𑌯𑌕𑍍𑌤𑍍𑌵𑌾 𑌤𑍍𑌵𑌂

𑌶𑌰𑌣𑌂 𑌵𑍍𑌰𑌜 𑌪𑌰-𑌮𑌾𑌤𑍍𑌮𑌾𑌨𑌂

𑌮𑍋𑌕𑍍𑌷𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌸𑌤𑍍𑌯𑌂 𑌤𑍍𑌵𑌂

𑌸𑌨𑍍𑌤𑌤 𑌸𑌚𑍍𑌚𑌿𑌦𑌾𑌨𑌨𑍍𑌦 𑌘𑌨𑌂 ॥ 18 ॥

॥ 𑌗𑍀𑌤𑌾𑌸𑌾𑌰𑌂 𑌶𑍃𑌣𑍁𑌤 𑌸𑌦𑌾 ॥

Roman (IAST) Transliteration

pallavi (kīravāṇi)

gītāsāraṃ śṛṇuta sadā

manasi vikāsaṃ vahatamudā

kāmaṃ krodhaṃ tyajata hṛdā

bhūyāt saṃvit parasukhadā

caraṇaṃ

viṣāda yogāt pārthena

bhaṇitaṃ kiñcinmoha dhiyā

taṃ sandigdhaṃ mocayituṃ

gītāśāstraṃ gītamidaṃ || 1 ||

sāṅkhyaṃ jñānaṃ jānīhi

śaraṇāgati patha mavāpnuhi

ātma nitya ssarvagato

nainaṃ kiñcit kledayati || 2 ||

(mohana)

phaleṣu saktiṃ maiva kuru

kāryaṃ karma tu samācara

karmābaddhaḥ parameti

karmaṇi saṅgaḥ pātayati || 3 ||

karmākarma vikarmatvaṃ

cintaya cātmani karmagatiṃ

nāsti jñānasamaṃ loke

tyaja cāhaṅkṛti miha dehe || 4 ||

(kāpi)

vaha samabuddhiṃ sarvatra

bhava samadarśī tvaṃ hi sakhe

yonanurakto na dveṣṭi

yogī yogaṃ jānāti || 5 ||

mitraṃ tava te śatrurapi

tvameva nānyo janturayi!

yuktastvaṃ bhava ceṣṭāsu

āhārādiṣu vividhāsu || 6 ||

(kalyāṇi)

anātmarūpā maṣṭavidhāṃ

prakṛti mavidyāṃ jānīhi

jīva ssaiva hi paramātmā

yasmin protaṃ sarvamidaṃ || 7 ||

akṣara para vara puruṣaṃ taṃ

dhyāyan preto yāti paraṃ

tata stameva dhyāyan tvaṃ

kālaṃ yāpaya naśyantaṃ || 8 ||

(hindola)

sarvaṃ brahmārpaṇa buddhyā

karma kriyatāṃ samabuddhyā

bhaktyā dattaṃ patramapi

phalamapi tena svīkriyate || 9 ||

yatra vibhūti śśrī yuktā

yatra vibhūti ssattvayutā

tatra tamīśaṃ paśyantaṃ

nerṣyā dveṣau sajjete || 10 ||

(amṛtavarṣiṇi)

kālastasya mahān rūpo

lokān sarvān saṅgrasati

bhaktyā bhagavadrūpaṃ taṃ

prabhavati loka ssandraṣṭuṃ || 11 ||

bhakti stasmin ratirūpā

saiva hi bhaktoddharaṇacaṇā

bhāvaṃ tasyā mādhāya

buddhiṃ tasmi nniveśaya || 12 ||

(cārukeśi)

kṣetraṃ tad‍jñaṃ jānīhi

kṣetre mamatāṃ mā kuru ca

ātmānaṃ yo jānāti

ātmani soyaṃ nanu ramate || 13 ||

sāttvika rājasa tāmasikā

bandhana hetava athavarjyaḥ

trayaṃ guṇānāṃ yotīta-

ssaiva brāhmaṃ sukhameti || 14 ||

(haṃsānandi)

chitvā sāṃsārikavṛkṣaṃ

padaṃ gaveṣaya munilakṣyaṃ

tatkila sarvaṃ tejo yat

vedai ssarvai ssaṃvedyaṃ || 15 ||

sṛṣṭi rdaivī cāsurikā

dvividhā proktā lokesmin

daive saktā yānti paraṃ

āsurasaktā asuragatiṃ || 16 ||

(śrī)

niṣṭhā yajñe dāne ca

tapasi proktā saditi parā

satkila saphalaṃ saśraddhaṃ

tatkila niṣphala maśraddhaṃ || 17 ||

dharmān sarvān tyaktvā tvaṃ

śaraṇaṃ vraja para-mātmānaṃ

mokṣaṃ prāpsyasi satyaṃ tvaṃ

santata saccidānanda ghanaṃ || 18 ||

|| gītāsāraṃ śṛṇuta sadā ||

Sanskrit — Devanagari (original)

पल्लवि (कीरवाणि)

गीतासारं शृणुत सदा

मनसि विकासं वहतमुदा

कामं क्रोधं त्यजत हृदा

भूयात् संवित् परसुखदा

चरणं

विषाद योगात् पार्थेन

भणितं किञ्चिन्मोह धिया

तं सन्दिग्धं मोचयितुं

गीताशास्त्रं गीतमिदं ॥ 1 ॥

साङ्ख्यं ज्ञानं जानीहि

शरणागति पथ मवाप्नुहि

आत्म नित्य स्सर्वगतो

नैनं किञ्चित् क्लेदयति ॥ 2 ॥

(मोहन)

फलेषु सक्तिं मैव कुरु

कार्यं कर्म तु समाचर

कर्माबद्धः परमेति

कर्मणि सङ्गः पातयति ॥ 3 ॥

कर्माकर्म विकर्मत्वं

चिन्तय चात्मनि कर्मगतिं

नास्ति ज्ञानसमं लोके

त्यज चाहङ्कृति मिह देहे ॥ 4 ॥

(कापि)

वह समबुद्धिं सर्वत्र

भव समदर्शी त्वं हि सखे

योननुरक्तो न द्वेष्टि

योगी योगं जानाति ॥ 5 ॥

मित्रं तव ते शत्रुरपि

त्वमेव नान्यो जन्तुरयि!

युक्तस्त्वं भव चेष्टासु

आहारादिषु विविधासु ॥ 6 ॥

(कल्याणि)

अनात्मरूपा मष्टविधां

प्रकृति मविद्यां जानीहि

जीव स्सैव हि परमात्मा

यस्मिन् प्रोतं सर्वमिदं ॥ 7 ॥

अक्षर पर वर पुरुषं तं

ध्यायन् प्रेतो याति परं

तत स्तमेव ध्यायन् त्वं

कालं यापय नश्यन्तं ॥ 8 ॥

(हिन्दोल)

सर्वं ब्रह्मार्पण बुद्ध्या

कर्म क्रियतां समबुद्ध्या

भक्त्या दत्तं पत्रमपि

फलमपि तेन स्वीक्रियते ॥ 9 ॥

यत्र विभूति श्श्री युक्ता

यत्र विभूति स्सत्त्वयुता

तत्र तमीशं पश्यन्तं

नेर्ष्या द्वेषौ सज्जेते ॥ 10 ॥

(अमृतवर्षिणि)

कालस्तस्य महान् रूपो

लोकान् सर्वान् सङ्ग्रसति

भक्त्या भगवद्रूपं तं

प्रभवति लोक स्सन्द्रष्टुं ॥ 11 ॥

भक्ति स्तस्मिन् रतिरूपा

सैव हि भक्तोद्धरणचणा

भावं तस्या माधाय

बुद्धिं तस्मि न्निवेशय ॥ 12 ॥

(चारुकेशि)

क्षेत्रं तद्‍ज्ञं जानीहि

क्षेत्रे ममतां मा कुरु च

आत्मानं यो जानाति

आत्मनि सोयं ननु रमते ॥ 13 ॥

सात्त्विक राजस तामसिका

बन्धन हेतव अथवर्ज्यः

त्रयं गुणानां योतीत-

स्सैव ब्राह्मं सुखमेति ॥ 14 ॥

(हंसानन्दि)

छित्वा सांसारिकवृक्षं

पदं गवेषय मुनिलक्ष्यं

तत्किल सर्वं तेजो यत्

वेदै स्सर्वै स्संवेद्यं ॥ 15 ॥

सृष्टि र्दैवी चासुरिका

द्विविधा प्रोक्ता लोकेस्मिन्

दैवे सक्ता यान्ति परं

आसुरसक्ता असुरगतिं ॥ 16 ॥

(श्री)

निष्ठा यज्ञे दाने च

तपसि प्रोक्ता सदिति परा

सत्किल सफलं सश्रद्धं

तत्किल निष्फल मश्रद्धं ॥ 17 ॥

धर्मान् सर्वान् त्यक्त्वा त्वं

शरणं व्रज पर-मात्मानं

मोक्षं प्राप्स्यसि सत्यं त्वं

सन्तत सच्चिदानन्द घनं ॥ 18 ॥

॥ गीतासारं शृणुत सदा ॥