ஶ்ரீமாந் யஸ்யாஃ ப்ரியஸ்ஸந் ஸகலமபி ஜகஜ்ஜங்கமஸ்தாவராத்யம்
ஸ்வர்பூபாதாலபேதம் விவிதவிதமஹாஶில்பஸாமர்த்யஸித்தம் ।
ரஞ்ஜந் ப்ரஹ்மாமரேந்த்ரைஸ்த்ரிபுவநஜநகஃ ஸ்தூயதே பூரிஶோ யஃ
ஸா விஷ்ணோரேகபத்நீ த்ரிபுவநஜநநீ பாது பத்மாவதீ நஃ ॥ 1 ॥
ஶ்ரீஶ்ரு'ங்காரைகதேவீம் விதிமுகஸுமநஃகோடிகோடீரஜாக்ர-
த்ரத்நஜ்யோத்ஸ்நாப்ரஸாரப்ரகடிதசரணாம்போஜநீராஜிதார்சாம் ।
கீர்வாணஸ்த்ரைணவாணீபரிபணிதமஹாகீர்திஸௌபாக்யபாக்யாம்
ஹேலாநிர்தக்ததைந்யஶ்ரமவிஷமமஹாரண்யகண்யாம் நமாமி ॥ 2 ॥
வித்யுத்கோடிப்ரகாஶாம் விவிதமணிகணோந்நித்ரஸுஸ்நிக்தஶோபா-
ஸம்பத்ஸம்பூர்ணஹாராத்யபிநவவிபவாலங்க்ரியோல்லாஸிகண்டாம் ।
ஆத்யாம் வித்யோதமாநஸ்மிதருசிரசிதாநல்பசந்த்ரப்ரகாஶாம்
பத்மாம் பத்மாயதாக்ஷீம் பதநலிநநமத்பத்மஸத்மாம் நமாமி ॥ 3 ॥
ஶஶ்வத்தஸ்யாஃ ஶ்ரயேऽஹம் சரணஸரஸிஜம் ஶார்ங்கபாணேஃ புரந்த்ர்யாஃ
ஸ்தோகம் யஸ்யாஃ ப்ரஸாதஃ ப்ரஸரதி மநுஜே க்ரூரதாரித்ர்யதக்தே ।
ஸோऽயம் ஸத்யோऽநவத்யஸ்திரதரருசிரஶ்ரேஷ்டபூயிஷ்டநவ்ய-
ஸ்தவ்யப்ராஸாதபங்க்திப்ரஸிதபஹுவிதப்ராபவோ போபவீதி ॥ 4 ॥
ஸௌந்தர்யோத்வேலஹேமாம்புஜமஹிதமஹாஸிம்ஹபீடாஶ்ரயாட்யாம்
புஷ்யந்நீலாரவிந்தப்ரதிமவரக்ரு'பாபூரஸம்பூர்ணநேத்ராம் ।
ஜ்யோத்ஸ்நாபீயூஷதாராவஹநவஸுஷமக்ஷௌமதாமோஜ்ஜ்வலாங்கீம்
வந்தே ஸித்தேஶசேதஸ்ஸரஸிஜநிலயாம் சக்ரிஸௌபாக்யரு'த்திம் ॥ 5 ॥
ஸம்ஸாரக்லேஶஹந்த்ரீம் ஸ்மிதருசிரமுகீம் ஸாரஶ்ரு'ங்காரஶோபாம்
ஸர்வைஶ்வர்யப்ரதாத்ரீம் ஸரஸிஜநயநாம் ஸம்ஸ்துதாம் ஸாதுப்ரு'ந்தைஃ ।
ஸம்ஸித்தஸ்நிக்தபாவாம் ஸுரஹிதசரிதாம் ஸிந்துராஜாத்மபூதாம்
ஸேவே ஸம்பாவநீயாநுபமிதமஹிமாம் ஸச்சிதாநந்தரூபாம் ॥ 6 ॥
ஸித்தஸ்வர்ணோபமாநத்யுதிலஸிததநும் ஸ்நிக்தஸம்பூர்ணசந்த்ர-
வ்ரீடாஸம்பாதிவக்த்ராம் திலஸுமவிஜயோத்யோகநிர்நித்ரநாஸாம் ।
தாதாத்வோத்புல்லநீலாம்புஜஹஸநசணாத்மீயசக்ஷுஃ ப்ரகாஶாம்
பாலஶ்ரீலப்ரவாலப்ரியஸகசரணத்வந்த்வரம்யாம் பஜேऽஹம் ॥ 7 ॥
யாம் தேவீம் மௌநிவர்யாஃ ஶ்ரயதமரவதூமௌலிமால்யார்சிதாங்க்ரிம்
ஸம்ஸாராஸாரவாராந்நிதிதரதரணே ஸர்வதா பாவயந்தே ।
ஶ்ரீகாரோத்துங்கரத்நப்ரசுரிதகநகஸ்நிக்தஶுத்தாந்தலீலாம்
தாம் ஶஶ்வத்பாதபத்மஶ்ரயதகிலஹ்ரு'தாஹ்லாதிநீம் ஹ்லாதயேऽஹம் ॥ 8 ॥
ஆகாஶாதீஶபுத்ரீம் ஶ்ரிதஜநநிவஹாதீநசேதஃப்ரவ்ரு'த்திம்
வந்தே ஶ்ரீவேங்கடேஶப்ரபுவரமஹிஷீம் தீநசித்தப்ரதோஷாம் ।
புஷ்யத்பாதாரவிந்தப்ரஸ்ரு'மரஸுமஹஶ்ஶாமிதஸ்வாஶ்ரிதாந்த-
ஸ்தாமிஸ்ராம் தத்த்வரூபாம் ஶுகபுரநிலயாம் ஸர்வஸௌபாக்யதாத்ரீம் ॥ 9 ॥
ஶ்ரீஶேஷஶர்மாபிநவோபக்லுப்தா
ப்ரியேண பக்த்யா ச ஸமர்பிதேயம் ।
பத்மாவதீமங்கலகண்டபூஷா
விராஜதாம் ஶ்ரீநவரத்நமாலா ॥ 10 ॥
இதி ஶ்ரீ பத்மாவதீ நவரத்நமாலிகா ஸ்துதிஃ ।
Roman (IAST) Transliteration
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhedaṃ vividhavidhamahāśilpasāmarthyasiddham |
rañjan brahmāmarendraistribhuvanajanakaḥ stūyate bhūriśo yaḥ
sā viṣṇorekapatnī tribhuvanajananī pātu padmāvatī naḥ || 1 ||
śrīśṛṅgāraikadevīṃ vidhimukhasumanaḥkoṭikoṭīrajāgra-
dratnajyotsnāprasāraprakaṭitacaraṇāmbhojanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṃ
helānirdagdhadainyaśramaviṣamamahāraṇyagaṇyāṃ namāmi || 2 ||
vidyutkoṭiprakāśāṃ vividhamaṇigaṇonnidrasusnigdhaśobhā-
sampatsampūrṇahārādyabhinavavibhavālaṅkriyollāsikaṇṭhām |
ādyāṃ vidyotamānasmitaruciracitānalpacandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi || 3 ||
śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ
stokaṃ yasyāḥ prasādaḥ prasarati manuje krūradāridryadagdhe |
so'yaṃ sadyo'navadyasthiratararuciraśreṣṭhabhūyiṣṭhanavya-
stavyaprāsādapaṅktiprasitabahuvidhaprābhavo bobhavīti || 4 ||
saundaryodvelahemāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanetrām |
jyotsnāpīyūṣadhārāvahanavasuṣamakṣaumadhāmojjvalāṅgīṃ
vande siddheśacetassarasijanilayāṃ cakrisaubhāgyaṛddhim || 5 ||
saṃsārakleśahantrīṃ smitaruciramukhīṃ sāraśṛṅgāraśobhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |
saṃsiddhasnigdhabhāvāṃ surahitacaritāṃ sindhurājātmabhūtāṃ
seve sambhāvanīyānupamitamahimāṃ saccidānandarūpām || 6 ||
siddhasvarṇopamānadyutilasitatanuṃ snigdhasampūrṇacandra-
vrīḍāsampādivaktrāṃ tilasumavijayodyoganirnidranāsām |
tādātvotphullanīlāmbujahasanacaṇātmīyacakṣuḥ prakāśāṃ
bālaśrīlapravālapriyasakhacaraṇadvandvaramyāṃ bhaje'ham || 7 ||
yāṃ devīṃ maunivaryāḥ śrayadamaravadhūmaulimālyārcitāṅghriṃ
saṃsārāsāravārānnidhitarataraṇe sarvadā bhāvayante |
śrīkārottuṅgaratnapracuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||
ākāśādhīśaputrīṃ śritajananivahādhīnacetaḥpravṛttiṃ
vande śrīveṅkaṭeśaprabhuvaramahiṣīṃ dīnacittapratoṣām |
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||
śrīśeṣaśarmābhinavopakluptā
priyeṇa bhaktyā ca samarpiteyam |
padmāvatīmaṅgalakaṇṭhabhūṣā
virājatāṃ śrīnavaratnamālā || 10 ||
iti śrī padmāvatī navaratnamālikā stutiḥ |
Sanskrit — Devanagari (original)
श्रीमान् यस्याः प्रियस्सन् सकलमपि जगज्जङ्गमस्थावराद्यं
स्वर्भूपातालभेदं विविधविधमहाशिल्पसामर्थ्यसिद्धम् ।
रञ्जन् ब्रह्मामरेन्द्रैस्त्रिभुवनजनकः स्तूयते भूरिशो यः
सा विष्णोरेकपत्नी त्रिभुवनजननी पातु पद्मावती नः ॥ 1 ॥
श्रीशृङ्गारैकदेवीं विधिमुखसुमनःकोटिकोटीरजाग्र-
द्रत्नज्योत्स्नाप्रसारप्रकटितचरणाम्भोजनीराजितार्चाम् ।
गीर्वाणस्त्रैणवाणीपरिफणितमहाकीर्तिसौभाग्यभाग्यां
हेलानिर्दग्धदैन्यश्रमविषममहारण्यगण्यां नमामि ॥ 2 ॥
विद्युत्कोटिप्रकाशां विविधमणिगणोन्निद्रसुस्निग्धशोभा-
सम्पत्सम्पूर्णहाराद्यभिनवविभवालङ्क्रियोल्लासिकण्ठाम् ।
आद्यां विद्योतमानस्मितरुचिरचितानल्पचन्द्रप्रकाशां
पद्मां पद्मायताक्षीं पदनलिननमत्पद्मसद्मां नमामि ॥ 3 ॥
शश्वत्तस्याः श्रयेऽहं चरणसरसिजं शार्ङ्गपाणेः पुरन्ध्र्याः
स्तोकं यस्याः प्रसादः प्रसरति मनुजे क्रूरदारिद्र्यदग्धे ।
सोऽयं सद्योऽनवद्यस्थिरतररुचिरश्रेष्ठभूयिष्ठनव्य-
स्तव्यप्रासादपङ्क्तिप्रसितबहुविधप्राभवो बोभवीति ॥ 4 ॥
सौन्दर्योद्वेलहेमाम्बुजमहितमहासिंहपीठाश्रयाढ्यां
पुष्यन्नीलारविन्दप्रतिमवरकृपापूरसम्पूर्णनेत्राम् ।
ज्योत्स्नापीयूषधारावहनवसुषमक्षौमधामोज्ज्वलाङ्गीं
वन्दे सिद्धेशचेतस्सरसिजनिलयां चक्रिसौभाग्यऋद्धिम् ॥ 5 ॥
संसारक्लेशहन्त्रीं स्मितरुचिरमुखीं सारशृङ्गारशोभां
सर्वैश्वर्यप्रदात्रीं सरसिजनयनां संस्तुतां साधुबृन्दैः ।
संसिद्धस्निग्धभावां सुरहितचरितां सिन्धुराजात्मभूतां
सेवे सम्भावनीयानुपमितमहिमां सच्चिदानन्दरूपाम् ॥ 6 ॥
सिद्धस्वर्णोपमानद्युतिलसिततनुं स्निग्धसम्पूर्णचन्द्र-
व्रीडासम्पादिवक्त्रां तिलसुमविजयोद्योगनिर्निद्रनासाम् ।
तादात्वोत्फुल्लनीलाम्बुजहसनचणात्मीयचक्षुः प्रकाशां
बालश्रीलप्रवालप्रियसखचरणद्वन्द्वरम्यां भजेऽहम् ॥ 7 ॥
यां देवीं मौनिवर्याः श्रयदमरवधूमौलिमाल्यार्चिताङ्घ्रिं
संसारासारवारान्निधितरतरणे सर्वदा भावयन्ते ।
श्रीकारोत्तुङ्गरत्नप्रचुरितकनकस्निग्धशुद्धान्तलीलां
तां शश्वत्पादपद्मश्रयदखिलहृदाह्लादिनीं ह्लादयेऽहम् ॥ 8 ॥
आकाशाधीशपुत्रीं श्रितजननिवहाधीनचेतःप्रवृत्तिं
वन्दे श्रीवेङ्कटेशप्रभुवरमहिषीं दीनचित्तप्रतोषाम् ।
पुष्यत्पादारविन्दप्रसृमरसुमहश्शामितस्वाश्रितान्त-
स्तामिस्रां तत्त्वरूपां शुकपुरनिलयां सर्वसौभाग्यदात्रीम् ॥ 9 ॥
श्रीशेषशर्माभिनवोपक्लुप्ता
प्रियेण भक्त्या च समर्पितेयम् ।
पद्मावतीमङ्गलकण्ठभूषा
विराजतां श्रीनवरत्नमाला ॥ 10 ॥
इति श्री पद्मावती नवरत्नमालिका स्तुतिः ।
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhedaṃ vividhavidhamahāśilpasāmarthyasiddham |
rañjan brahmāmarendraistribhuvanajanakaḥ stūyate bhūriśo yaḥ
sā viṣṇorekapatnī tribhuvanajananī pātu padmāvatī naḥ || 1 ||
śrīśṛṅgāraikadevīṃ vidhimukhasumanaḥkoṭikoṭīrajāgra-
dratnajyotsnāprasāraprakaṭitacaraṇāmbhojanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṃ
helānirdagdhadainyaśramaviṣamamahāraṇyagaṇyāṃ namāmi || 2 ||
vidyutkoṭiprakāśāṃ vividhamaṇigaṇonnidrasusnigdhaśobhā-
sampatsampūrṇahārādyabhinavavibhavālaṅkriyollāsikaṇṭhām |
ādyāṃ vidyotamānasmitaruciracitānalpacandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi || 3 ||
śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ
stokaṃ yasyāḥ prasādaḥ prasarati manuje krūradāridryadagdhe |
so'yaṃ sadyo'navadyasthiratararuciraśreṣṭhabhūyiṣṭhanavya-
stavyaprāsādapaṅktiprasitabahuvidhaprābhavo bobhavīti || 4 ||
saundaryodvelahemāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanetrām |
jyotsnāpīyūṣadhārāvahanavasuṣamakṣaumadhāmojjvalāṅgīṃ
vande siddheśacetassarasijanilayāṃ cakrisaubhāgyaṛddhim || 5 ||
saṃsārakleśahantrīṃ smitaruciramukhīṃ sāraśṛṅgāraśobhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |
saṃsiddhasnigdhabhāvāṃ surahitacaritāṃ sindhurājātmabhūtāṃ
seve sambhāvanīyānupamitamahimāṃ saccidānandarūpām || 6 ||
siddhasvarṇopamānadyutilasitatanuṃ snigdhasampūrṇacandra-
vrīḍāsampādivaktrāṃ tilasumavijayodyoganirnidranāsām |
tādātvotphullanīlāmbujahasanacaṇātmīyacakṣuḥ prakāśāṃ
bālaśrīlapravālapriyasakhacaraṇadvandvaramyāṃ bhaje'ham || 7 ||
yāṃ devīṃ maunivaryāḥ śrayadamaravadhūmaulimālyārcitāṅghriṃ
saṃsārāsāravārānnidhitarataraṇe sarvadā bhāvayante |
śrīkārottuṅgaratnapracuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||
ākāśādhīśaputrīṃ śritajananivahādhīnacetaḥpravṛttiṃ
vande śrīveṅkaṭeśaprabhuvaramahiṣīṃ dīnacittapratoṣām |
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||
śrīśeṣaśarmābhinavopakluptā
priyeṇa bhaktyā ca samarpiteyam |
padmāvatīmaṅgalakaṇṭhabhūṣā
virājatāṃ śrīnavaratnamālā || 10 ||
iti śrī padmāvatī navaratnamālikā stutiḥ |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.