ଶ୍ରୀମାନ୍ ଯସ୍ଯାଃ ପ୍ରିଯସ୍ସନ୍ ସକଲମପି ଜଗଜ୍ଜଙ୍ଗମସ୍ଥାଵରାଦ୍ଯଂ
ସ୍ଵର୍ଭୂପାତାଲଭେଦଂ ଵିଵିଧଵିଧମହାଶିଲ୍ପସାମର୍ଥ୍ଯସିଦ୍ଧମ୍ ।
ରଞ୍ଜନ୍ ବ୍ରହ୍ମାମରେନ୍ଦ୍ରୈସ୍ତ୍ରିଭୁଵନଜନକଃ ସ୍ତୂଯତେ ଭୂରିଶୋ ଯଃ
ସା ଵିଷ୍ଣୋରେକପତ୍ନୀ ତ୍ରିଭୁଵନଜନନୀ ପାତୁ ପଦ୍ମାଵତୀ ନଃ ॥ 1 ॥
ଶ୍ରୀଶୃଙ୍ଗାରୈକଦେଵୀଂ ଵିଧିମୁଖସୁମନଃକୋଟିକୋଟୀରଜାଗ୍ର-
ଦ୍ରତ୍ନଜ୍ଯୋତ୍ସ୍ନାପ୍ରସାରପ୍ରକଟିତଚରଣାମ୍ଭୋଜନୀରାଜିତାର୍ଚାମ୍ ।
ଗୀର୍ଵାଣସ୍ତ୍ରୈଣଵାଣୀପରିଫଣିତମହାକୀର୍ତିସୌଭାଗ୍ଯଭାଗ୍ଯାଂ
ହେଲାନିର୍ଦଗ୍ଧଦୈନ୍ଯଶ୍ରମଵିଷମମହାରଣ୍ଯଗଣ୍ଯାଂ ନମାମି ॥ 2 ॥
ଵିଦ୍ଯୁତ୍କୋଟିପ୍ରକାଶାଂ ଵିଵିଧମଣିଗଣୋନ୍ନିଦ୍ରସୁସ୍ନିଗ୍ଧଶୋଭା-
ସମ୍ପତ୍ସମ୍ପୂର୍ଣହାରାଦ୍ଯଭିନଵଵିଭଵାଲଙ୍କ୍ରିଯୋଲ୍ଲାସିକଣ୍ଠାମ୍ ।
ଆଦ୍ଯାଂ ଵିଦ୍ଯୋତମାନସ୍ମିତରୁଚିରଚିତାନଲ୍ପଚନ୍ଦ୍ରପ୍ରକାଶାଂ
ପଦ୍ମାଂ ପଦ୍ମାଯତାକ୍ଷୀଂ ପଦନଲିନନମତ୍ପଦ୍ମସଦ୍ମାଂ ନମାମି ॥ 3 ॥
ଶଶ୍ଵତ୍ତସ୍ଯାଃ ଶ୍ରଯେଽହଂ ଚରଣସରସିଜଂ ଶାର୍ଙ୍ଗପାଣେଃ ପୁରନ୍ଧ୍ର୍ଯାଃ
ସ୍ତୋକଂ ଯସ୍ଯାଃ ପ୍ରସାଦଃ ପ୍ରସରତି ମନୁଜେ କ୍ରୂରଦାରିଦ୍ର୍ଯଦଗ୍ଧେ ।
ସୋଽଯଂ ସଦ୍ଯୋଽନଵଦ୍ଯସ୍ଥିରତରରୁଚିରଶ୍ରେଷ୍ଠଭୂଯିଷ୍ଠନଵ୍ଯ-
ସ୍ତଵ୍ଯପ୍ରାସାଦପଙ୍କ୍ତିପ୍ରସିତବହୁଵିଧପ୍ରାଭଵୋ ବୋଭଵୀତି ॥ 4 ॥
ସୌନ୍ଦର୍ଯୋଦ୍ଵେଲହେମାମ୍ବୁଜମହିତମହାସିଂହପୀଠାଶ୍ରଯାଢ୍ଯାଂ
ପୁଷ୍ଯନ୍ନୀଲାରଵିନ୍ଦପ୍ରତିମଵରକୃପାପୂରସମ୍ପୂର୍ଣନେତ୍ରାମ୍ ।
ଜ୍ଯୋତ୍ସ୍ନାପୀଯୂଷଧାରାଵହନଵସୁଷମକ୍ଷୌମଧାମୋଜ୍ଜ୍ଵଲାଙ୍ଗୀଂ
ଵନ୍ଦେ ସିଦ୍ଧେଶଚେତସ୍ସରସିଜନିଲଯାଂ ଚକ୍ରିସୌଭାଗ୍ଯଋଦ୍ଧିମ୍ ॥ 5 ॥
ସଂସାରକ୍ଲେଶହନ୍ତ୍ରୀଂ ସ୍ମିତରୁଚିରମୁଖୀଂ ସାରଶୃଙ୍ଗାରଶୋଭାଂ
ସର୍ଵୈଶ୍ଵର୍ଯପ୍ରଦାତ୍ରୀଂ ସରସିଜନଯନାଂ ସଂସ୍ତୁତାଂ ସାଧୁବୃନ୍ଦୈଃ ।
ସଂସିଦ୍ଧସ୍ନିଗ୍ଧଭାଵାଂ ସୁରହିତଚରିତାଂ ସିନ୍ଧୁରାଜାତ୍ମଭୂତାଂ
ସେଵେ ସମ୍ଭାଵନୀଯାନୁପମିତମହିମାଂ ସଚ୍ଚିଦାନନ୍ଦରୂପାମ୍ ॥ 6 ॥
ସିଦ୍ଧସ୍ଵର୍ଣୋପମାନଦ୍ଯୁତିଲସିତତନୁଂ ସ୍ନିଗ୍ଧସମ୍ପୂର୍ଣଚନ୍ଦ୍ର-
ଵ୍ରୀଡାସମ୍ପାଦିଵକ୍ତ୍ରାଂ ତିଲସୁମଵିଜଯୋଦ୍ଯୋଗନିର୍ନିଦ୍ରନାସାମ୍ ।
ତାଦାତ୍ଵୋତ୍ଫୁଲ୍ଲନୀଲାମ୍ବୁଜହସନଚଣାତ୍ମୀଯଚକ୍ଷୁଃ ପ୍ରକାଶାଂ
ବାଲଶ୍ରୀଲପ୍ରଵାଲପ୍ରିଯସଖଚରଣଦ୍ଵନ୍ଦ୍ଵରମ୍ଯାଂ ଭଜେଽହମ୍ ॥ 7 ॥
ଯାଂ ଦେଵୀଂ ମୌନିଵର୍ଯାଃ ଶ୍ରଯଦମରଵଧୂମୌଲିମାଲ୍ଯାର୍ଚିତାଙ୍ଘ୍ରିଂ
ସଂସାରାସାରଵାରାନ୍ନିଧିତରତରଣେ ସର୍ଵଦା ଭାଵଯନ୍ତେ ।
ଶ୍ରୀକାରୋତ୍ତୁଙ୍ଗରତ୍ନପ୍ରଚୁରିତକନକସ୍ନିଗ୍ଧଶୁଦ୍ଧାନ୍ତଲୀଲାଂ
ତାଂ ଶଶ୍ଵତ୍ପାଦପଦ୍ମଶ୍ରଯଦଖିଲହୃଦାହ୍ଲାଦିନୀଂ ହ୍ଲାଦଯେଽହମ୍ ॥ 8 ॥
ଆକାଶାଧୀଶପୁତ୍ରୀଂ ଶ୍ରିତଜନନିଵହାଧୀନଚେତଃପ୍ରଵୃତ୍ତିଂ
ଵନ୍ଦେ ଶ୍ରୀଵେଙ୍କଟେଶପ୍ରଭୁଵରମହିଷୀଂ ଦୀନଚିତ୍ତପ୍ରତୋଷାମ୍ ।
ପୁଷ୍ଯତ୍ପାଦାରଵିନ୍ଦପ୍ରସୃମରସୁମହଶ୍ଶାମିତସ୍ଵାଶ୍ରିତାନ୍ତ-
ସ୍ତାମିସ୍ରାଂ ତତ୍ତ୍ଵରୂପାଂ ଶୁକପୁରନିଲଯାଂ ସର୍ଵସୌଭାଗ୍ଯଦାତ୍ରୀମ୍ ॥ 9 ॥
ଶ୍ରୀଶେଷଶର୍ମାଭିନଵୋପକ୍ଲୁପ୍ତା
ପ୍ରିଯେଣ ଭକ୍ତ୍ଯା ଚ ସମର୍ପିତେଯମ୍ ।
ପଦ୍ମାଵତୀମଙ୍ଗଲକଣ୍ଠଭୂଷା
ଵିରାଜତାଂ ଶ୍ରୀନଵରତ୍ନମାଲା ॥ 10 ॥
ଇତି ଶ୍ରୀ ପଦ୍ମାଵତୀ ନଵରତ୍ନମାଲିକା ସ୍ତୁତିଃ ।
Roman (IAST) Transliteration
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhedaṃ vividhavidhamahāśilpasāmarthyasiddham |
rañjan brahmāmarendraistribhuvanajanakaḥ stūyate bhūriśo yaḥ
sā viṣṇorekapatnī tribhuvanajananī pātu padmāvatī naḥ || 1 ||
śrīśṛṅgāraikadevīṃ vidhimukhasumanaḥkoṭikoṭīrajāgra-
dratnajyotsnāprasāraprakaṭitacaraṇāmbhojanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṃ
helānirdagdhadainyaśramaviṣamamahāraṇyagaṇyāṃ namāmi || 2 ||
vidyutkoṭiprakāśāṃ vividhamaṇigaṇonnidrasusnigdhaśobhā-
sampatsampūrṇahārādyabhinavavibhavālaṅkriyollāsikaṇṭhām |
ādyāṃ vidyotamānasmitaruciracitānalpacandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi || 3 ||
śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ
stokaṃ yasyāḥ prasādaḥ prasarati manuje krūradāridryadagdhe |
so'yaṃ sadyo'navadyasthiratararuciraśreṣṭhabhūyiṣṭhanavya-
stavyaprāsādapaṅktiprasitabahuvidhaprābhavo bobhavīti || 4 ||
saundaryodvelahemāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanetrām |
jyotsnāpīyūṣadhārāvahanavasuṣamakṣaumadhāmojjvalāṅgīṃ
vande siddheśacetassarasijanilayāṃ cakrisaubhāgyaṛddhim || 5 ||
saṃsārakleśahantrīṃ smitaruciramukhīṃ sāraśṛṅgāraśobhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |
saṃsiddhasnigdhabhāvāṃ surahitacaritāṃ sindhurājātmabhūtāṃ
seve sambhāvanīyānupamitamahimāṃ saccidānandarūpām || 6 ||
siddhasvarṇopamānadyutilasitatanuṃ snigdhasampūrṇacandra-
vrīḍāsampādivaktrāṃ tilasumavijayodyoganirnidranāsām |
tādātvotphullanīlāmbujahasanacaṇātmīyacakṣuḥ prakāśāṃ
bālaśrīlapravālapriyasakhacaraṇadvandvaramyāṃ bhaje'ham || 7 ||
yāṃ devīṃ maunivaryāḥ śrayadamaravadhūmaulimālyārcitāṅghriṃ
saṃsārāsāravārānnidhitarataraṇe sarvadā bhāvayante |
śrīkārottuṅgaratnapracuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||
ākāśādhīśaputrīṃ śritajananivahādhīnacetaḥpravṛttiṃ
vande śrīveṅkaṭeśaprabhuvaramahiṣīṃ dīnacittapratoṣām |
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||
śrīśeṣaśarmābhinavopakluptā
priyeṇa bhaktyā ca samarpiteyam |
padmāvatīmaṅgalakaṇṭhabhūṣā
virājatāṃ śrīnavaratnamālā || 10 ||
iti śrī padmāvatī navaratnamālikā stutiḥ |
Sanskrit — Devanagari (original)
श्रीमान् यस्याः प्रियस्सन् सकलमपि जगज्जङ्गमस्थावराद्यं
स्वर्भूपातालभेदं विविधविधमहाशिल्पसामर्थ्यसिद्धम् ।
रञ्जन् ब्रह्मामरेन्द्रैस्त्रिभुवनजनकः स्तूयते भूरिशो यः
सा विष्णोरेकपत्नी त्रिभुवनजननी पातु पद्मावती नः ॥ 1 ॥
श्रीशृङ्गारैकदेवीं विधिमुखसुमनःकोटिकोटीरजाग्र-
द्रत्नज्योत्स्नाप्रसारप्रकटितचरणाम्भोजनीराजितार्चाम् ।
गीर्वाणस्त्रैणवाणीपरिफणितमहाकीर्तिसौभाग्यभाग्यां
हेलानिर्दग्धदैन्यश्रमविषममहारण्यगण्यां नमामि ॥ 2 ॥
विद्युत्कोटिप्रकाशां विविधमणिगणोन्निद्रसुस्निग्धशोभा-
सम्पत्सम्पूर्णहाराद्यभिनवविभवालङ्क्रियोल्लासिकण्ठाम् ।
आद्यां विद्योतमानस्मितरुचिरचितानल्पचन्द्रप्रकाशां
पद्मां पद्मायताक्षीं पदनलिननमत्पद्मसद्मां नमामि ॥ 3 ॥
शश्वत्तस्याः श्रयेऽहं चरणसरसिजं शार्ङ्गपाणेः पुरन्ध्र्याः
स्तोकं यस्याः प्रसादः प्रसरति मनुजे क्रूरदारिद्र्यदग्धे ।
सोऽयं सद्योऽनवद्यस्थिरतररुचिरश्रेष्ठभूयिष्ठनव्य-
स्तव्यप्रासादपङ्क्तिप्रसितबहुविधप्राभवो बोभवीति ॥ 4 ॥
सौन्दर्योद्वेलहेमाम्बुजमहितमहासिंहपीठाश्रयाढ्यां
पुष्यन्नीलारविन्दप्रतिमवरकृपापूरसम्पूर्णनेत्राम् ।
ज्योत्स्नापीयूषधारावहनवसुषमक्षौमधामोज्ज्वलाङ्गीं
वन्दे सिद्धेशचेतस्सरसिजनिलयां चक्रिसौभाग्यऋद्धिम् ॥ 5 ॥
संसारक्लेशहन्त्रीं स्मितरुचिरमुखीं सारशृङ्गारशोभां
सर्वैश्वर्यप्रदात्रीं सरसिजनयनां संस्तुतां साधुबृन्दैः ।
संसिद्धस्निग्धभावां सुरहितचरितां सिन्धुराजात्मभूतां
सेवे सम्भावनीयानुपमितमहिमां सच्चिदानन्दरूपाम् ॥ 6 ॥
सिद्धस्वर्णोपमानद्युतिलसिततनुं स्निग्धसम्पूर्णचन्द्र-
व्रीडासम्पादिवक्त्रां तिलसुमविजयोद्योगनिर्निद्रनासाम् ।
तादात्वोत्फुल्लनीलाम्बुजहसनचणात्मीयचक्षुः प्रकाशां
बालश्रीलप्रवालप्रियसखचरणद्वन्द्वरम्यां भजेऽहम् ॥ 7 ॥
यां देवीं मौनिवर्याः श्रयदमरवधूमौलिमाल्यार्चिताङ्घ्रिं
संसारासारवारान्निधितरतरणे सर्वदा भावयन्ते ।
श्रीकारोत्तुङ्गरत्नप्रचुरितकनकस्निग्धशुद्धान्तलीलां
तां शश्वत्पादपद्मश्रयदखिलहृदाह्लादिनीं ह्लादयेऽहम् ॥ 8 ॥
आकाशाधीशपुत्रीं श्रितजननिवहाधीनचेतःप्रवृत्तिं
वन्दे श्रीवेङ्कटेशप्रभुवरमहिषीं दीनचित्तप्रतोषाम् ।
पुष्यत्पादारविन्दप्रसृमरसुमहश्शामितस्वाश्रितान्त-
स्तामिस्रां तत्त्वरूपां शुकपुरनिलयां सर्वसौभाग्यदात्रीम् ॥ 9 ॥
श्रीशेषशर्माभिनवोपक्लुप्ता
प्रियेण भक्त्या च समर्पितेयम् ।
पद्मावतीमङ्गलकण्ठभूषा
विराजतां श्रीनवरत्नमाला ॥ 10 ॥
इति श्री पद्मावती नवरत्नमालिका स्तुतिः ।
śrīmān yasyāḥ priyassan sakalamapi jagajjaṅgamasthāvarādyaṃ
svarbhūpātālabhedaṃ vividhavidhamahāśilpasāmarthyasiddham |
rañjan brahmāmarendraistribhuvanajanakaḥ stūyate bhūriśo yaḥ
sā viṣṇorekapatnī tribhuvanajananī pātu padmāvatī naḥ || 1 ||
śrīśṛṅgāraikadevīṃ vidhimukhasumanaḥkoṭikoṭīrajāgra-
dratnajyotsnāprasāraprakaṭitacaraṇāmbhojanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṃ
helānirdagdhadainyaśramaviṣamamahāraṇyagaṇyāṃ namāmi || 2 ||
vidyutkoṭiprakāśāṃ vividhamaṇigaṇonnidrasusnigdhaśobhā-
sampatsampūrṇahārādyabhinavavibhavālaṅkriyollāsikaṇṭhām |
ādyāṃ vidyotamānasmitaruciracitānalpacandraprakāśāṃ
padmāṃ padmāyatākṣīṃ padanalinanamatpadmasadmāṃ namāmi || 3 ||
śaśvattasyāḥ śraye'haṃ caraṇasarasijaṃ śārṅgapāṇeḥ purandhryāḥ
stokaṃ yasyāḥ prasādaḥ prasarati manuje krūradāridryadagdhe |
so'yaṃ sadyo'navadyasthiratararuciraśreṣṭhabhūyiṣṭhanavya-
stavyaprāsādapaṅktiprasitabahuvidhaprābhavo bobhavīti || 4 ||
saundaryodvelahemāmbujamahitamahāsiṃhapīṭhāśrayāḍhyāṃ
puṣyannīlāravindapratimavarakṛpāpūrasampūrṇanetrām |
jyotsnāpīyūṣadhārāvahanavasuṣamakṣaumadhāmojjvalāṅgīṃ
vande siddheśacetassarasijanilayāṃ cakrisaubhāgyaṛddhim || 5 ||
saṃsārakleśahantrīṃ smitaruciramukhīṃ sāraśṛṅgāraśobhāṃ
sarvaiśvaryapradātrīṃ sarasijanayanāṃ saṃstutāṃ sādhubṛndaiḥ |
saṃsiddhasnigdhabhāvāṃ surahitacaritāṃ sindhurājātmabhūtāṃ
seve sambhāvanīyānupamitamahimāṃ saccidānandarūpām || 6 ||
siddhasvarṇopamānadyutilasitatanuṃ snigdhasampūrṇacandra-
vrīḍāsampādivaktrāṃ tilasumavijayodyoganirnidranāsām |
tādātvotphullanīlāmbujahasanacaṇātmīyacakṣuḥ prakāśāṃ
bālaśrīlapravālapriyasakhacaraṇadvandvaramyāṃ bhaje'ham || 7 ||
yāṃ devīṃ maunivaryāḥ śrayadamaravadhūmaulimālyārcitāṅghriṃ
saṃsārāsāravārānnidhitarataraṇe sarvadā bhāvayante |
śrīkārottuṅgaratnapracuritakanakasnigdhaśuddhāntalīlāṃ
tāṃ śaśvatpādapadmaśrayadakhilahṛdāhlādinīṃ hlādaye'ham || 8 ||
ākāśādhīśaputrīṃ śritajananivahādhīnacetaḥpravṛttiṃ
vande śrīveṅkaṭeśaprabhuvaramahiṣīṃ dīnacittapratoṣām |
puṣyatpādāravindaprasṛmarasumahaśśāmitasvāśritānta-
stāmisrāṃ tattvarūpāṃ śukapuranilayāṃ sarvasaubhāgyadātrīm || 9 ||
śrīśeṣaśarmābhinavopakluptā
priyeṇa bhaktyā ca samarpiteyam |
padmāvatīmaṅgalakaṇṭhabhūṣā
virājatāṃ śrīnavaratnamālā || 10 ||
iti śrī padmāvatī navaratnamālikā stutiḥ |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.