த்வத்தீரே மணிகர்ணிகே ஹரிஹரௌ ஸாயுஜ்யமுக்திப்ரதௌ
வாதந்தௌ குருதஃ பரஸ்பரமுபௌ ஜந்தோஃ ப்ரயாணோத்ஸவே ।
மத்ரூபோ மநுஜோऽயமஸ்து ஹரிணா ப்ரோக்தஃ ஶிவஸ்தத்க்ஷணா-
த்தந்மத்யாத்ப்ரு'குலாஞ்சநோ கருடகஃ பீதாம்பரோ நிர்கதஃ ॥ 1 ॥
இந்த்ராத்யாஸ்த்ரிதஶாஃ பதந்தி நியதம் போகக்ஷயே யே புந-
ர்ஜாயந்தே மநுஜாஸ்ததோபி பஶவஃ கீடாஃ பதங்காதயஃ ।
யே மாதர்மணிகர்ணிகே தவ ஜலே மஜ்ஜந்தி நிஷ்கல்மஷாஃ
ஸாயுஜ்யேऽபி கிரீடகௌஸ்துபதரா நாராயணாஃ ஸ்யுர்நராஃ ॥ 2 ॥
காஶீ தந்யதமா விமுக்தநகரீ ஸாலங்க்ரு'தா கங்கயா
தத்ரேயம் மணிகர்ணிகா ஸுககரீ முக்திர்ஹி தத்கிங்கரீ ।
ஸ்வர்லோகஸ்துலிதஃ ஸஹைவ விபுதைஃ காஶ்யா ஸமம் ப்ரஹ்மணா
காஶீ க்ஷோணிதலே ஸ்திதா குருதரா ஸ்வர்கோ லகுத்வம் கதஃ ॥ 3 ॥
கங்காதீரமநுத்தமம் ஹி ஸகலம் தத்ராபி காஶ்யுத்தமா
தஸ்யாம் ஸா மணிகர்ணிகோத்தமதமா யேத்ரேஶ்வரோ முக்திதஃ ।
தேவாநாமபி துர்லபம் ஸ்தலமிதம் பாபௌகநாஶக்ஷமம்
பூர்வோபார்ஜிதபுண்யபுஞ்ஜகமகம் புண்யைர்ஜநைஃ ப்ராப்யதே ॥ 4 ॥
துஃகாம்போதிகதோ ஹி ஜந்துநிவஹஸ்தேஷாம் கதம் நிஷ்க்ரு'திஃ
ஜ்ஞாத்வா தத்தி விரிஞ்சிநா விரசிதா வாராணஸீ ஶர்மதா ।
லோகாஃஸ்வர்கஸுகாஸ்ததோऽபி லகவோ போகாந்தபாதப்ரதாஃ
காஶீ முக்திபுரீ ஸதா ஶிவகரீ தர்மார்தமோக்ஷப்ரதா ॥ 5 ॥
ஏகோ வேணுதரோ தராதரதரஃ ஶ்ரீவத்ஸபூஷாதரஃ
யோऽப்யேகஃ கில ஶங்கரோ விஷதரோ கங்காதரோ மாதவஃ ।
யே மாதர்மணிகர்ணிகே தவ ஜலே மஜ்ஜந்தி தே மாநவாஃ
ருத்ரா வா ஹரயோ பவந்தி பஹவஸ்தேஷாம் பஹுத்வம் கதம் ॥ 6 ॥
த்வத்தீரே மரணம் து மங்கலகரம் தேவைரபி ஶ்லாக்யதே
ஶக்ரஸ்தம் மநுஜம் ஸஹஸ்ரநயநைர்த்ரஷ்டும் ஸதா தத்பரஃ ।
ஆயாந்தம் ஸவிதா ஸஹஸ்ரகிரணைஃ ப்ரத்யுத்கதோऽபூத்ஸதா
புண்யோऽஸௌ வ்ரு'ஷகோऽதவா கருடகஃ கிம் மந்திரம் யாஸ்யதி ॥ 7 ॥
மத்யாஹ்நே மணிகர்ணிகாஸ்நபநஜம் புண்யம் ந வக்தும் க்ஷமஃ
ஸ்வீயைரப்தஶதைஶ்சதுர்முகதரோ வேதார்ததீக்ஷாகுருஃ ।
யோகாப்யாஸபலேந சந்த்ரஶிகரஸ்தத்புண்யபாரங்கத-
ஸ்த்வத்தீரே ப்ரகரோதி ஸுப்தபுருஷம் நாராயணம் வா ஶிவம் ॥ 8 ॥
க்ரு'ச்ச்ரை கோடிஶதைஃ ஸ்வபாபநிதநம் யச்சாஶ்வமேதைஃ பலம்
தத்ஸர்வே மணிகர்ணிகாஸ்நபநஜே புண்யே ப்ரவிஷ்டம் பவேத் ।
ஸ்நாத்வா ஸ்தோத்ரமிதம் நரஃ படதி சேத்ஸம்ஸாரபாதோநிதிம்
தீர்த்வா பல்வலவத்ப்ரயாதி ஸதநம் தேஜோமயம் ப்ரஹ்மணஃ ॥ 9 ॥
Roman (IAST) Transliteration
tvattīre maṇikarṇike hariharau sāyujyamuktipradau
vādantau kurutaḥ parasparamubhau jantoḥ prayāṇotsave |
madrūpo manujo'yamastu hariṇā proktaḥ śivastatkṣaṇā-
ttanmadhyādbhṛgulāñchano garuḍagaḥ pītāmbaro nirgataḥ || 1 ||
indrādyāstridaśāḥ patanti niyataṃ bhogakṣaye ye puna-
rjāyante manujāstatopi paśavaḥ kīṭāḥ pataṅgādayaḥ |
ye mātarmaṇikarṇike tava jale majjanti niṣkalmaṣāḥ
sāyujye'pi kirīṭakaustubhadharā nārāyaṇāḥ syurnarāḥ || 2 ||
kāśī dhanyatamā vimuktanagarī sālaṅkṛtā gaṅgayā
tatreyaṃ maṇikarṇikā sukhakarī muktirhi tatkiṅkarī |
svarlokastulitaḥ sahaiva vibudhaiḥ kāśyā samaṃ brahmaṇā
kāśī kṣoṇitale sthitā gurutarā svargo laghutvaṃ gataḥ || 3 ||
gaṅgātīramanuttamaṃ hi sakalaṃ tatrāpi kāśyuttamā
tasyāṃ sā maṇikarṇikottamatamā yetreśvaro muktidaḥ |
devānāmapi durlabhaṃ sthalamidaṃ pāpaughanāśakṣamaṃ
pūrvopārjitapuṇyapuñjagamakaṃ puṇyairjanaiḥ prāpyate || 4 ||
duḥkhāmbhodhigato hi jantunivahasteṣāṃ kathaṃ niṣkṛtiḥ
jñātvā taddhi viriñcinā viracitā vārāṇasī śarmadā |
lokāḥsvargasukhāstato'pi laghavo bhogāntapātapradāḥ
kāśī muktipurī sadā śivakarī dharmārthamokṣapradā || 5 ||
eko veṇudharo dharādharadharaḥ śrīvatsabhūṣādharaḥ
yo'pyekaḥ kila śaṅkaro viṣadharo gaṅgādharo mādhavaḥ |
ye mātarmaṇikarṇike tava jale majjanti te mānavāḥ
rudrā vā harayo bhavanti bahavasteṣāṃ bahutvaṃ katham || 6 ||
tvattīre maraṇaṃ tu maṅgalakaraṃ devairapi ślāghyate
śakrastaṃ manujaṃ sahasranayanairdraṣṭuṃ sadā tatparaḥ |
āyāntaṃ savitā sahasrakiraṇaiḥ pratyudgato'bhūtsadā
puṇyo'sau vṛṣago'thavā garuḍagaḥ kiṃ mandiraṃ yāsyati || 7 ||
madhyāhne maṇikarṇikāsnapanajaṃ puṇyaṃ na vaktuṃ kṣamaḥ
svīyairabdhaśataiścaturmukhadharo vedārthadīkṣāguruḥ |
yogābhyāsabalena candraśikharastatpuṇyapāraṅgata-
stvattīre prakaroti suptapuruṣaṃ nārāyaṇaṃ vā śivam || 8 ||
kṛcchrai koṭiśataiḥ svapāpanidhanaṃ yaccāśvamedhaiḥ phalaṃ
tatsarve maṇikarṇikāsnapanaje puṇye praviṣṭaṃ bhavet |
snātvā stotramidaṃ naraḥ paṭhati cetsaṃsārapāthonidhiṃ
tīrtvā palvalavatprayāti sadanaṃ tejomayaṃ brahmaṇaḥ || 9 ||
Sanskrit — Devanagari (original)
त्वत्तीरे मणिकर्णिके हरिहरौ सायुज्यमुक्तिप्रदौ
वादन्तौ कुरुतः परस्परमुभौ जन्तोः प्रयाणोत्सवे ।
मद्रूपो मनुजोऽयमस्तु हरिणा प्रोक्तः शिवस्तत्क्षणा-
त्तन्मध्याद्भृगुलाञ्छनो गरुडगः पीताम्बरो निर्गतः ॥ 1 ॥
इन्द्राद्यास्त्रिदशाः पतन्ति नियतं भोगक्षये ये पुन-
र्जायन्ते मनुजास्ततोपि पशवः कीटाः पतङ्गादयः ।
ये मातर्मणिकर्णिके तव जले मज्जन्ति निष्कल्मषाः
सायुज्येऽपि किरीटकौस्तुभधरा नारायणाः स्युर्नराः ॥ 2 ॥
काशी धन्यतमा विमुक्तनगरी सालङ्कृता गङ्गया
तत्रेयं मणिकर्णिका सुखकरी मुक्तिर्हि तत्किङ्करी ।
स्वर्लोकस्तुलितः सहैव विबुधैः काश्या समं ब्रह्मणा
काशी क्षोणितले स्थिता गुरुतरा स्वर्गो लघुत्वं गतः ॥ 3 ॥
गङ्गातीरमनुत्तमं हि सकलं तत्रापि काश्युत्तमा
तस्यां सा मणिकर्णिकोत्तमतमा येत्रेश्वरो मुक्तिदः ।
देवानामपि दुर्लभं स्थलमिदं पापौघनाशक्षमं
पूर्वोपार्जितपुण्यपुञ्जगमकं पुण्यैर्जनैः प्राप्यते ॥ 4 ॥
दुःखाम्भोधिगतो हि जन्तुनिवहस्तेषां कथं निष्कृतिः
ज्ञात्वा तद्धि विरिञ्चिना विरचिता वाराणसी शर्मदा ।
लोकाःस्वर्गसुखास्ततोऽपि लघवो भोगान्तपातप्रदाः
काशी मुक्तिपुरी सदा शिवकरी धर्मार्थमोक्षप्रदा ॥ 5 ॥
एको वेणुधरो धराधरधरः श्रीवत्सभूषाधरः
योऽप्येकः किल शङ्करो विषधरो गङ्गाधरो माधवः ।
ये मातर्मणिकर्णिके तव जले मज्जन्ति ते मानवाः
रुद्रा वा हरयो भवन्ति बहवस्तेषां बहुत्वं कथम् ॥ 6 ॥
त्वत्तीरे मरणं तु मङ्गलकरं देवैरपि श्लाघ्यते
शक्रस्तं मनुजं सहस्रनयनैर्द्रष्टुं सदा तत्परः ।
आयान्तं सविता सहस्रकिरणैः प्रत्युद्गतोऽभूत्सदा
पुण्योऽसौ वृषगोऽथवा गरुडगः किं मन्दिरं यास्यति ॥ 7 ॥
मध्याह्ने मणिकर्णिकास्नपनजं पुण्यं न वक्तुं क्षमः
स्वीयैरब्धशतैश्चतुर्मुखधरो वेदार्थदीक्षागुरुः ।
योगाभ्यासबलेन चन्द्रशिखरस्तत्पुण्यपारङ्गत-
स्त्वत्तीरे प्रकरोति सुप्तपुरुषं नारायणं वा शिवम् ॥ 8 ॥
कृच्छ्रै कोटिशतैः स्वपापनिधनं यच्चाश्वमेधैः फलं
तत्सर्वे मणिकर्णिकास्नपनजे पुण्ये प्रविष्टं भवेत् ।
स्नात्वा स्तोत्रमिदं नरः पठति चेत्संसारपाथोनिधिं
तीर्त्वा पल्वलवत्प्रयाति सदनं तेजोमयं ब्रह्मणः ॥ 9 ॥
tvattīre maṇikarṇike hariharau sāyujyamuktipradau
vādantau kurutaḥ parasparamubhau jantoḥ prayāṇotsave |
madrūpo manujo'yamastu hariṇā proktaḥ śivastatkṣaṇā-
ttanmadhyādbhṛgulāñchano garuḍagaḥ pītāmbaro nirgataḥ || 1 ||
indrādyāstridaśāḥ patanti niyataṃ bhogakṣaye ye puna-
rjāyante manujāstatopi paśavaḥ kīṭāḥ pataṅgādayaḥ |
ye mātarmaṇikarṇike tava jale majjanti niṣkalmaṣāḥ
sāyujye'pi kirīṭakaustubhadharā nārāyaṇāḥ syurnarāḥ || 2 ||
kāśī dhanyatamā vimuktanagarī sālaṅkṛtā gaṅgayā
tatreyaṃ maṇikarṇikā sukhakarī muktirhi tatkiṅkarī |
svarlokastulitaḥ sahaiva vibudhaiḥ kāśyā samaṃ brahmaṇā
kāśī kṣoṇitale sthitā gurutarā svargo laghutvaṃ gataḥ || 3 ||
gaṅgātīramanuttamaṃ hi sakalaṃ tatrāpi kāśyuttamā
tasyāṃ sā maṇikarṇikottamatamā yetreśvaro muktidaḥ |
devānāmapi durlabhaṃ sthalamidaṃ pāpaughanāśakṣamaṃ
pūrvopārjitapuṇyapuñjagamakaṃ puṇyairjanaiḥ prāpyate || 4 ||
duḥkhāmbhodhigato hi jantunivahasteṣāṃ kathaṃ niṣkṛtiḥ
jñātvā taddhi viriñcinā viracitā vārāṇasī śarmadā |
lokāḥsvargasukhāstato'pi laghavo bhogāntapātapradāḥ
kāśī muktipurī sadā śivakarī dharmārthamokṣapradā || 5 ||
eko veṇudharo dharādharadharaḥ śrīvatsabhūṣādharaḥ
yo'pyekaḥ kila śaṅkaro viṣadharo gaṅgādharo mādhavaḥ |
ye mātarmaṇikarṇike tava jale majjanti te mānavāḥ
rudrā vā harayo bhavanti bahavasteṣāṃ bahutvaṃ katham || 6 ||
tvattīre maraṇaṃ tu maṅgalakaraṃ devairapi ślāghyate
śakrastaṃ manujaṃ sahasranayanairdraṣṭuṃ sadā tatparaḥ |
āyāntaṃ savitā sahasrakiraṇaiḥ pratyudgato'bhūtsadā
puṇyo'sau vṛṣago'thavā garuḍagaḥ kiṃ mandiraṃ yāsyati || 7 ||
madhyāhne maṇikarṇikāsnapanajaṃ puṇyaṃ na vaktuṃ kṣamaḥ
svīyairabdhaśataiścaturmukhadharo vedārthadīkṣāguruḥ |
yogābhyāsabalena candraśikharastatpuṇyapāraṅgata-
stvattīre prakaroti suptapuruṣaṃ nārāyaṇaṃ vā śivam || 8 ||
kṛcchrai koṭiśataiḥ svapāpanidhanaṃ yaccāśvamedhaiḥ phalaṃ
tatsarve maṇikarṇikāsnapanaje puṇye praviṣṭaṃ bhavet |
snātvā stotramidaṃ naraḥ paṭhati cetsaṃsārapāthonidhiṃ
tīrtvā palvalavatprayāti sadanaṃ tejomayaṃ brahmaṇaḥ || 9 ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.