𑌤𑍍𑌵𑌤𑍍𑌤𑍀𑌰𑍇 𑌮𑌣𑌿𑌕𑌰𑍍𑌣𑌿𑌕𑍇 𑌹𑌰𑌿𑌹𑌰𑍗 𑌸𑌾𑌯𑍁𑌜𑍍𑌯𑌮𑍁𑌕𑍍𑌤𑌿𑌪𑍍𑌰𑌦𑍗
𑌵𑌾𑌦𑌨𑍍𑌤𑍗 𑌕𑍁𑌰𑍁𑌤𑌃 𑌪𑌰𑌸𑍍𑌪𑌰𑌮𑍁𑌭𑍗 𑌜𑌨𑍍𑌤𑍋𑌃 𑌪𑍍𑌰𑌯𑌾𑌣𑍋𑌤𑍍𑌸𑌵𑍇 ।
𑌮𑌦𑍍𑌰𑍂𑌪𑍋 𑌮𑌨𑍁𑌜𑍋𑌽𑌯𑌮𑌸𑍍𑌤𑍁 𑌹𑌰𑌿𑌣𑌾 𑌪𑍍𑌰𑍋𑌕𑍍𑌤𑌃 𑌶𑌿𑌵𑌸𑍍𑌤𑌤𑍍𑌕𑍍𑌷𑌣𑌾-
𑌤𑍍𑌤𑌨𑍍𑌮𑌧𑍍𑌯𑌾𑌦𑍍𑌭𑍃𑌗𑍁𑌲𑌾𑌞𑍍𑌛𑌨𑍋 𑌗𑌰𑍁𑌡𑌗𑌃 𑌪𑍀𑌤𑌾𑌮𑍍𑌬𑌰𑍋 𑌨𑌿𑌰𑍍𑌗𑌤𑌃 ॥ 1 ॥
𑌇𑌨𑍍𑌦𑍍𑌰𑌾𑌦𑍍𑌯𑌾𑌸𑍍𑌤𑍍𑌰𑌿𑌦𑌶𑌾𑌃 𑌪𑌤𑌨𑍍𑌤𑌿 𑌨𑌿𑌯𑌤𑌂 𑌭𑍋𑌗𑌕𑍍𑌷𑌯𑍇 𑌯𑍇 𑌪𑍁𑌨-
𑌰𑍍𑌜𑌾𑌯𑌨𑍍𑌤𑍇 𑌮𑌨𑍁𑌜𑌾𑌸𑍍𑌤𑌤𑍋𑌪𑌿 𑌪𑌶𑌵𑌃 𑌕𑍀𑌟𑌾𑌃 𑌪𑌤𑌙𑍍𑌗𑌾𑌦𑌯𑌃 ।
𑌯𑍇 𑌮𑌾𑌤𑌰𑍍𑌮𑌣𑌿𑌕𑌰𑍍𑌣𑌿𑌕𑍇 𑌤𑌵 𑌜𑌲𑍇 𑌮𑌜𑍍𑌜𑌨𑍍𑌤𑌿 𑌨𑌿𑌷𑍍𑌕𑌲𑍍𑌮𑌷𑌾𑌃
𑌸𑌾𑌯𑍁𑌜𑍍𑌯𑍇𑌽𑌪𑌿 𑌕𑌿𑌰𑍀𑌟𑌕𑍗𑌸𑍍𑌤𑍁𑌭𑌧𑌰𑌾 𑌨𑌾𑌰𑌾𑌯𑌣𑌾𑌃 𑌸𑍍𑌯𑍁𑌰𑍍𑌨𑌰𑌾𑌃 ॥ 2 ॥
𑌕𑌾𑌶𑍀 𑌧𑌨𑍍𑌯𑌤𑌮𑌾 𑌵𑌿𑌮𑍁𑌕𑍍𑌤𑌨𑌗𑌰𑍀 𑌸𑌾𑌲𑌙𑍍𑌕𑍃𑌤𑌾 𑌗𑌙𑍍𑌗𑌯𑌾
𑌤𑌤𑍍𑌰𑍇𑌯𑌂 𑌮𑌣𑌿𑌕𑌰𑍍𑌣𑌿𑌕𑌾 𑌸𑍁𑌖𑌕𑌰𑍀 𑌮𑍁𑌕𑍍𑌤𑌿𑌰𑍍𑌹𑌿 𑌤𑌤𑍍𑌕𑌿𑌙𑍍𑌕𑌰𑍀 ।
𑌸𑍍𑌵𑌰𑍍𑌲𑍋𑌕𑌸𑍍𑌤𑍁𑌲𑌿𑌤𑌃 𑌸𑌹𑍈𑌵 𑌵𑌿𑌬𑍁𑌧𑍈𑌃 𑌕𑌾𑌶𑍍𑌯𑌾 𑌸𑌮𑌂 𑌬𑍍𑌰𑌹𑍍𑌮𑌣𑌾
𑌕𑌾𑌶𑍀 𑌕𑍍𑌷𑍋𑌣𑌿𑌤𑌲𑍇 𑌸𑍍𑌥𑌿𑌤𑌾 𑌗𑍁𑌰𑍁𑌤𑌰𑌾 𑌸𑍍𑌵𑌰𑍍𑌗𑍋 𑌲𑌘𑍁𑌤𑍍𑌵𑌂 𑌗𑌤𑌃 ॥ 3 ॥
𑌗𑌙𑍍𑌗𑌾𑌤𑍀𑌰𑌮𑌨𑍁𑌤𑍍𑌤𑌮𑌂 𑌹𑌿 𑌸𑌕𑌲𑌂 𑌤𑌤𑍍𑌰𑌾𑌪𑌿 𑌕𑌾𑌶𑍍𑌯𑍁𑌤𑍍𑌤𑌮𑌾
𑌤𑌸𑍍𑌯𑌾𑌂 𑌸𑌾 𑌮𑌣𑌿𑌕𑌰𑍍𑌣𑌿𑌕𑍋𑌤𑍍𑌤𑌮𑌤𑌮𑌾 𑌯𑍇𑌤𑍍𑌰𑍇𑌶𑍍𑌵𑌰𑍋 𑌮𑍁𑌕𑍍𑌤𑌿𑌦𑌃 ।
𑌦𑍇𑌵𑌾𑌨𑌾𑌮𑌪𑌿 𑌦𑍁𑌰𑍍𑌲𑌭𑌂 𑌸𑍍𑌥𑌲𑌮𑌿𑌦𑌂 𑌪𑌾𑌪𑍗𑌘𑌨𑌾𑌶𑌕𑍍𑌷𑌮𑌂
𑌪𑍂𑌰𑍍𑌵𑍋𑌪𑌾𑌰𑍍𑌜𑌿𑌤𑌪𑍁𑌣𑍍𑌯𑌪𑍁𑌞𑍍𑌜𑌗𑌮𑌕𑌂 𑌪𑍁𑌣𑍍𑌯𑍈𑌰𑍍𑌜𑌨𑍈𑌃 𑌪𑍍𑌰𑌾𑌪𑍍𑌯𑌤𑍇 ॥ 4 ॥
𑌦𑍁𑌃𑌖𑌾𑌮𑍍𑌭𑍋𑌧𑌿𑌗𑌤𑍋 𑌹𑌿 𑌜𑌨𑍍𑌤𑍁𑌨𑌿𑌵𑌹𑌸𑍍𑌤𑍇𑌷𑌾𑌂 𑌕𑌥𑌂 𑌨𑌿𑌷𑍍𑌕𑍃𑌤𑌿𑌃
𑌜𑍍𑌞𑌾𑌤𑍍𑌵𑌾 𑌤𑌦𑍍𑌧𑌿 𑌵𑌿𑌰𑌿𑌞𑍍𑌚𑌿𑌨𑌾 𑌵𑌿𑌰𑌚𑌿𑌤𑌾 𑌵𑌾𑌰𑌾𑌣𑌸𑍀 𑌶𑌰𑍍𑌮𑌦𑌾 ।
𑌲𑍋𑌕𑌾𑌃𑌸𑍍𑌵𑌰𑍍𑌗𑌸𑍁𑌖𑌾𑌸𑍍𑌤𑌤𑍋𑌽𑌪𑌿 𑌲𑌘𑌵𑍋 𑌭𑍋𑌗𑌾𑌨𑍍𑌤𑌪𑌾𑌤𑌪𑍍𑌰𑌦𑌾𑌃
𑌕𑌾𑌶𑍀 𑌮𑍁𑌕𑍍𑌤𑌿𑌪𑍁𑌰𑍀 𑌸𑌦𑌾 𑌶𑌿𑌵𑌕𑌰𑍀 𑌧𑌰𑍍𑌮𑌾𑌰𑍍𑌥𑌮𑍋𑌕𑍍𑌷𑌪𑍍𑌰𑌦𑌾 ॥ 5 ॥
𑌏𑌕𑍋 𑌵𑍇𑌣𑍁𑌧𑌰𑍋 𑌧𑌰𑌾𑌧𑌰𑌧𑌰𑌃 𑌶𑍍𑌰𑍀𑌵𑌤𑍍𑌸𑌭𑍂𑌷𑌾𑌧𑌰𑌃
𑌯𑍋𑌽𑌪𑍍𑌯𑍇𑌕𑌃 𑌕𑌿𑌲 𑌶𑌙𑍍𑌕𑌰𑍋 𑌵𑌿𑌷𑌧𑌰𑍋 𑌗𑌙𑍍𑌗𑌾𑌧𑌰𑍋 𑌮𑌾𑌧𑌵𑌃 ।
𑌯𑍇 𑌮𑌾𑌤𑌰𑍍𑌮𑌣𑌿𑌕𑌰𑍍𑌣𑌿𑌕𑍇 𑌤𑌵 𑌜𑌲𑍇 𑌮𑌜𑍍𑌜𑌨𑍍𑌤𑌿 𑌤𑍇 𑌮𑌾𑌨𑌵𑌾𑌃
𑌰𑍁𑌦𑍍𑌰𑌾 𑌵𑌾 𑌹𑌰𑌯𑍋 𑌭𑌵𑌨𑍍𑌤𑌿 𑌬𑌹𑌵𑌸𑍍𑌤𑍇𑌷𑌾𑌂 𑌬𑌹𑍁𑌤𑍍𑌵𑌂 𑌕𑌥𑌮𑍍 ॥ 6 ॥
𑌤𑍍𑌵𑌤𑍍𑌤𑍀𑌰𑍇 𑌮𑌰𑌣𑌂 𑌤𑍁 𑌮𑌙𑍍𑌗𑌲𑌕𑌰𑌂 𑌦𑍇𑌵𑍈𑌰𑌪𑌿 𑌶𑍍𑌲𑌾𑌘𑍍𑌯𑌤𑍇
𑌶𑌕𑍍𑌰𑌸𑍍𑌤𑌂 𑌮𑌨𑍁𑌜𑌂 𑌸𑌹𑌸𑍍𑌰𑌨𑌯𑌨𑍈𑌰𑍍𑌦𑍍𑌰𑌷𑍍𑌟𑍁𑌂 𑌸𑌦𑌾 𑌤𑌤𑍍𑌪𑌰𑌃 ।
𑌆𑌯𑌾𑌨𑍍𑌤𑌂 𑌸𑌵𑌿𑌤𑌾 𑌸𑌹𑌸𑍍𑌰𑌕𑌿𑌰𑌣𑍈𑌃 𑌪𑍍𑌰𑌤𑍍𑌯𑍁𑌦𑍍𑌗𑌤𑍋𑌽𑌭𑍂𑌤𑍍𑌸𑌦𑌾
𑌪𑍁𑌣𑍍𑌯𑍋𑌽𑌸𑍗 𑌵𑍃𑌷𑌗𑍋𑌽𑌥𑌵𑌾 𑌗𑌰𑍁𑌡𑌗𑌃 𑌕𑌿𑌂 𑌮𑌨𑍍𑌦𑌿𑌰𑌂 𑌯𑌾𑌸𑍍𑌯𑌤𑌿 ॥ 7 ॥
𑌮𑌧𑍍𑌯𑌾𑌹𑍍𑌨𑍇 𑌮𑌣𑌿𑌕𑌰𑍍𑌣𑌿𑌕𑌾𑌸𑍍𑌨𑌪𑌨𑌜𑌂 𑌪𑍁𑌣𑍍𑌯𑌂 𑌨 𑌵𑌕𑍍𑌤𑍁𑌂 𑌕𑍍𑌷𑌮𑌃
𑌸𑍍𑌵𑍀𑌯𑍈𑌰𑌬𑍍𑌧𑌶𑌤𑍈𑌶𑍍𑌚𑌤𑍁𑌰𑍍𑌮𑍁𑌖𑌧𑌰𑍋 𑌵𑍇𑌦𑌾𑌰𑍍𑌥𑌦𑍀𑌕𑍍𑌷𑌾𑌗𑍁𑌰𑍁𑌃 ।
𑌯𑍋𑌗𑌾𑌭𑍍𑌯𑌾𑌸𑌬𑌲𑍇𑌨 𑌚𑌨𑍍𑌦𑍍𑌰𑌶𑌿𑌖𑌰𑌸𑍍𑌤𑌤𑍍𑌪𑍁𑌣𑍍𑌯𑌪𑌾𑌰𑌙𑍍𑌗𑌤-
𑌸𑍍𑌤𑍍𑌵𑌤𑍍𑌤𑍀𑌰𑍇 𑌪𑍍𑌰𑌕𑌰𑍋𑌤𑌿 𑌸𑍁𑌪𑍍𑌤𑌪𑍁𑌰𑍁𑌷𑌂 𑌨𑌾𑌰𑌾𑌯𑌣𑌂 𑌵𑌾 𑌶𑌿𑌵𑌮𑍍 ॥ 8 ॥
𑌕𑍃𑌚𑍍𑌛𑍍𑌰𑍈 𑌕𑍋𑌟𑌿𑌶𑌤𑍈𑌃 𑌸𑍍𑌵𑌪𑌾𑌪𑌨𑌿𑌧𑌨𑌂 𑌯𑌚𑍍𑌚𑌾𑌶𑍍𑌵𑌮𑍇𑌧𑍈𑌃 𑌫𑌲𑌂
𑌤𑌤𑍍𑌸𑌰𑍍𑌵𑍇 𑌮𑌣𑌿𑌕𑌰𑍍𑌣𑌿𑌕𑌾𑌸𑍍𑌨𑌪𑌨𑌜𑍇 𑌪𑍁𑌣𑍍𑌯𑍇 𑌪𑍍𑌰𑌵𑌿𑌷𑍍𑌟𑌂 𑌭𑌵𑍇𑌤𑍍 ।
𑌸𑍍𑌨𑌾𑌤𑍍𑌵𑌾 𑌸𑍍𑌤𑍋𑌤𑍍𑌰𑌮𑌿𑌦𑌂 𑌨𑌰𑌃 𑌪𑌠𑌤𑌿 𑌚𑍇𑌤𑍍𑌸𑌂𑌸𑌾𑌰𑌪𑌾𑌥𑍋𑌨𑌿𑌧𑌿𑌂
𑌤𑍀𑌰𑍍𑌤𑍍𑌵𑌾 𑌪𑌲𑍍𑌵𑌲𑌵𑌤𑍍𑌪𑍍𑌰𑌯𑌾𑌤𑌿 𑌸𑌦𑌨𑌂 𑌤𑍇𑌜𑍋𑌮𑌯𑌂 𑌬𑍍𑌰𑌹𑍍𑌮𑌣𑌃 ॥ 9 ॥
Roman (IAST) Transliteration
tvattīre maṇikarṇike hariharau sāyujyamuktipradau
vādantau kurutaḥ parasparamubhau jantoḥ prayāṇotsave |
madrūpo manujo'yamastu hariṇā proktaḥ śivastatkṣaṇā-
ttanmadhyādbhṛgulāñchano garuḍagaḥ pītāmbaro nirgataḥ || 1 ||
indrādyāstridaśāḥ patanti niyataṃ bhogakṣaye ye puna-
rjāyante manujāstatopi paśavaḥ kīṭāḥ pataṅgādayaḥ |
ye mātarmaṇikarṇike tava jale majjanti niṣkalmaṣāḥ
sāyujye'pi kirīṭakaustubhadharā nārāyaṇāḥ syurnarāḥ || 2 ||
kāśī dhanyatamā vimuktanagarī sālaṅkṛtā gaṅgayā
tatreyaṃ maṇikarṇikā sukhakarī muktirhi tatkiṅkarī |
svarlokastulitaḥ sahaiva vibudhaiḥ kāśyā samaṃ brahmaṇā
kāśī kṣoṇitale sthitā gurutarā svargo laghutvaṃ gataḥ || 3 ||
gaṅgātīramanuttamaṃ hi sakalaṃ tatrāpi kāśyuttamā
tasyāṃ sā maṇikarṇikottamatamā yetreśvaro muktidaḥ |
devānāmapi durlabhaṃ sthalamidaṃ pāpaughanāśakṣamaṃ
pūrvopārjitapuṇyapuñjagamakaṃ puṇyairjanaiḥ prāpyate || 4 ||
duḥkhāmbhodhigato hi jantunivahasteṣāṃ kathaṃ niṣkṛtiḥ
jñātvā taddhi viriñcinā viracitā vārāṇasī śarmadā |
lokāḥsvargasukhāstato'pi laghavo bhogāntapātapradāḥ
kāśī muktipurī sadā śivakarī dharmārthamokṣapradā || 5 ||
eko veṇudharo dharādharadharaḥ śrīvatsabhūṣādharaḥ
yo'pyekaḥ kila śaṅkaro viṣadharo gaṅgādharo mādhavaḥ |
ye mātarmaṇikarṇike tava jale majjanti te mānavāḥ
rudrā vā harayo bhavanti bahavasteṣāṃ bahutvaṃ katham || 6 ||
tvattīre maraṇaṃ tu maṅgalakaraṃ devairapi ślāghyate
śakrastaṃ manujaṃ sahasranayanairdraṣṭuṃ sadā tatparaḥ |
āyāntaṃ savitā sahasrakiraṇaiḥ pratyudgato'bhūtsadā
puṇyo'sau vṛṣago'thavā garuḍagaḥ kiṃ mandiraṃ yāsyati || 7 ||
madhyāhne maṇikarṇikāsnapanajaṃ puṇyaṃ na vaktuṃ kṣamaḥ
svīyairabdhaśataiścaturmukhadharo vedārthadīkṣāguruḥ |
yogābhyāsabalena candraśikharastatpuṇyapāraṅgata-
stvattīre prakaroti suptapuruṣaṃ nārāyaṇaṃ vā śivam || 8 ||
kṛcchrai koṭiśataiḥ svapāpanidhanaṃ yaccāśvamedhaiḥ phalaṃ
tatsarve maṇikarṇikāsnapanaje puṇye praviṣṭaṃ bhavet |
snātvā stotramidaṃ naraḥ paṭhati cetsaṃsārapāthonidhiṃ
tīrtvā palvalavatprayāti sadanaṃ tejomayaṃ brahmaṇaḥ || 9 ||
Sanskrit — Devanagari (original)
त्वत्तीरे मणिकर्णिके हरिहरौ सायुज्यमुक्तिप्रदौ
वादन्तौ कुरुतः परस्परमुभौ जन्तोः प्रयाणोत्सवे ।
मद्रूपो मनुजोऽयमस्तु हरिणा प्रोक्तः शिवस्तत्क्षणा-
त्तन्मध्याद्भृगुलाञ्छनो गरुडगः पीताम्बरो निर्गतः ॥ 1 ॥
इन्द्राद्यास्त्रिदशाः पतन्ति नियतं भोगक्षये ये पुन-
र्जायन्ते मनुजास्ततोपि पशवः कीटाः पतङ्गादयः ।
ये मातर्मणिकर्णिके तव जले मज्जन्ति निष्कल्मषाः
सायुज्येऽपि किरीटकौस्तुभधरा नारायणाः स्युर्नराः ॥ 2 ॥
काशी धन्यतमा विमुक्तनगरी सालङ्कृता गङ्गया
तत्रेयं मणिकर्णिका सुखकरी मुक्तिर्हि तत्किङ्करी ।
स्वर्लोकस्तुलितः सहैव विबुधैः काश्या समं ब्रह्मणा
काशी क्षोणितले स्थिता गुरुतरा स्वर्गो लघुत्वं गतः ॥ 3 ॥
गङ्गातीरमनुत्तमं हि सकलं तत्रापि काश्युत्तमा
तस्यां सा मणिकर्णिकोत्तमतमा येत्रेश्वरो मुक्तिदः ।
देवानामपि दुर्लभं स्थलमिदं पापौघनाशक्षमं
पूर्वोपार्जितपुण्यपुञ्जगमकं पुण्यैर्जनैः प्राप्यते ॥ 4 ॥
दुःखाम्भोधिगतो हि जन्तुनिवहस्तेषां कथं निष्कृतिः
ज्ञात्वा तद्धि विरिञ्चिना विरचिता वाराणसी शर्मदा ।
लोकाःस्वर्गसुखास्ततोऽपि लघवो भोगान्तपातप्रदाः
काशी मुक्तिपुरी सदा शिवकरी धर्मार्थमोक्षप्रदा ॥ 5 ॥
एको वेणुधरो धराधरधरः श्रीवत्सभूषाधरः
योऽप्येकः किल शङ्करो विषधरो गङ्गाधरो माधवः ।
ये मातर्मणिकर्णिके तव जले मज्जन्ति ते मानवाः
रुद्रा वा हरयो भवन्ति बहवस्तेषां बहुत्वं कथम् ॥ 6 ॥
त्वत्तीरे मरणं तु मङ्गलकरं देवैरपि श्लाघ्यते
शक्रस्तं मनुजं सहस्रनयनैर्द्रष्टुं सदा तत्परः ।
आयान्तं सविता सहस्रकिरणैः प्रत्युद्गतोऽभूत्सदा
पुण्योऽसौ वृषगोऽथवा गरुडगः किं मन्दिरं यास्यति ॥ 7 ॥
मध्याह्ने मणिकर्णिकास्नपनजं पुण्यं न वक्तुं क्षमः
स्वीयैरब्धशतैश्चतुर्मुखधरो वेदार्थदीक्षागुरुः ।
योगाभ्यासबलेन चन्द्रशिखरस्तत्पुण्यपारङ्गत-
स्त्वत्तीरे प्रकरोति सुप्तपुरुषं नारायणं वा शिवम् ॥ 8 ॥
कृच्छ्रै कोटिशतैः स्वपापनिधनं यच्चाश्वमेधैः फलं
तत्सर्वे मणिकर्णिकास्नपनजे पुण्ये प्रविष्टं भवेत् ।
स्नात्वा स्तोत्रमिदं नरः पठति चेत्संसारपाथोनिधिं
तीर्त्वा पल्वलवत्प्रयाति सदनं तेजोमयं ब्रह्मणः ॥ 9 ॥
tvattīre maṇikarṇike hariharau sāyujyamuktipradau
vādantau kurutaḥ parasparamubhau jantoḥ prayāṇotsave |
madrūpo manujo'yamastu hariṇā proktaḥ śivastatkṣaṇā-
ttanmadhyādbhṛgulāñchano garuḍagaḥ pītāmbaro nirgataḥ || 1 ||
indrādyāstridaśāḥ patanti niyataṃ bhogakṣaye ye puna-
rjāyante manujāstatopi paśavaḥ kīṭāḥ pataṅgādayaḥ |
ye mātarmaṇikarṇike tava jale majjanti niṣkalmaṣāḥ
sāyujye'pi kirīṭakaustubhadharā nārāyaṇāḥ syurnarāḥ || 2 ||
kāśī dhanyatamā vimuktanagarī sālaṅkṛtā gaṅgayā
tatreyaṃ maṇikarṇikā sukhakarī muktirhi tatkiṅkarī |
svarlokastulitaḥ sahaiva vibudhaiḥ kāśyā samaṃ brahmaṇā
kāśī kṣoṇitale sthitā gurutarā svargo laghutvaṃ gataḥ || 3 ||
gaṅgātīramanuttamaṃ hi sakalaṃ tatrāpi kāśyuttamā
tasyāṃ sā maṇikarṇikottamatamā yetreśvaro muktidaḥ |
devānāmapi durlabhaṃ sthalamidaṃ pāpaughanāśakṣamaṃ
pūrvopārjitapuṇyapuñjagamakaṃ puṇyairjanaiḥ prāpyate || 4 ||
duḥkhāmbhodhigato hi jantunivahasteṣāṃ kathaṃ niṣkṛtiḥ
jñātvā taddhi viriñcinā viracitā vārāṇasī śarmadā |
lokāḥsvargasukhāstato'pi laghavo bhogāntapātapradāḥ
kāśī muktipurī sadā śivakarī dharmārthamokṣapradā || 5 ||
eko veṇudharo dharādharadharaḥ śrīvatsabhūṣādharaḥ
yo'pyekaḥ kila śaṅkaro viṣadharo gaṅgādharo mādhavaḥ |
ye mātarmaṇikarṇike tava jale majjanti te mānavāḥ
rudrā vā harayo bhavanti bahavasteṣāṃ bahutvaṃ katham || 6 ||
tvattīre maraṇaṃ tu maṅgalakaraṃ devairapi ślāghyate
śakrastaṃ manujaṃ sahasranayanairdraṣṭuṃ sadā tatparaḥ |
āyāntaṃ savitā sahasrakiraṇaiḥ pratyudgato'bhūtsadā
puṇyo'sau vṛṣago'thavā garuḍagaḥ kiṃ mandiraṃ yāsyati || 7 ||
madhyāhne maṇikarṇikāsnapanajaṃ puṇyaṃ na vaktuṃ kṣamaḥ
svīyairabdhaśataiścaturmukhadharo vedārthadīkṣāguruḥ |
yogābhyāsabalena candraśikharastatpuṇyapāraṅgata-
stvattīre prakaroti suptapuruṣaṃ nārāyaṇaṃ vā śivam || 8 ||
kṛcchrai koṭiśataiḥ svapāpanidhanaṃ yaccāśvamedhaiḥ phalaṃ
tatsarve maṇikarṇikāsnapanaje puṇye praviṣṭaṃ bhavet |
snātvā stotramidaṃ naraḥ paṭhati cetsaṃsārapāthonidhiṃ
tīrtvā palvalavatprayāti sadanaṃ tejomayaṃ brahmaṇaḥ || 9 ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.