க்ரு'ஷ்ண யஜுர்வேதீய தைத்திரீய ஆரண்யகே ஷஷ்டஃ ப்ரபாடகஃ - பித்ரு'மேதமந்த்ராஃ
ஓ-ந்நமஃ பரமாத்மநே, ஶ்ரீ மஹாகணபதயே நமஃ,
ஶ்ரீ குருப்யோ நமஃ । ஹ॒ரிஃ॒ ஓம் ॥
அநுவாகம் 1
ப॒ரே॒யு॒வாக்ம்ஸ॑-ம்ப்ர॒வதோ॑ ம॒ஹீரநு॑ ப॒ஹுப்யஃ॒ பந்தா॑மநபஸ்பஶா॒நம் । வை॒வ॒ஸ்வ॒தக்ம் ஸ॒ங்கம॑ந॒-ஞ்ஜநா॑நாம் ँய॒மக்ம் ராஜா॑நக்ம் ஹ॒விஷா॑ துவஸ்யத ॥ இ॒த-ந்த்வா॒ வஸ்த்ர॑-ம்ப்ரத॒ம-ந்ந்வாக॒ந்நபை॒ததூ॑ஹ॒ யதி॒ஹாபி॑பஃ பு॒ரா ।
இ॒ஷ்டா॒பூ॒ர்தமநு॒ ஸம்ப॑ஶ்ய॒ தக்ஷி॑ணா॒ம் ँயதா॑ தே த॒த்த-ம்ப॑ஹு॒தா வி ப॑ந்துஷு ॥
இ॒மௌ யு॑நஜ்மி தே வ॒ஹ்நீ அஸு॑நீதாய வோ॒டவே᳚ ।
யாப்யா᳚ம் ँய॒மஸ்ய॒ ஸாத॑நக்ம் ஸு॒க்ரு'தா॒-ஞ்சாபி॑ கச்சதாத் ॥ பூ॒ஷா த்வே॒தஶ்ச்யா॑வயது॒ ப்ரவி॒த்வா-நந॑ஷ்டபஶு॒-ர்புவ॑நஸ்ய கோ॒பாஃ ।
ஸ த்வை॒தேப்யஃ॒ பரி॑ததா-த்பி॒த்ரு'ப்யோ॒-ऽக்நிர்தே॒வேப்யஃ॑ ஸுவி॒தத்ரே᳚ப்யஃ ॥ பூ॒ஷேமா ஆஶா॒ அநு॑வேத॒ ஸர்வா॒-ஸ்ஸோ அ॒ஸ்மாக்ம் அப॑யதமேந நேஷத் ।
ஸ்வ॒ஸ்தி॒தா அக்ரு'॑ணி॒-ஸ்ஸர்வ॑வீ॒ரோ-ऽப்ர॑யுச்சந்பு॒ர ஏ॑து॒ ப்ரவி॒த்வாந் ॥ 1 ॥
ஆயு॑-ர்வி॒ஶ்வாயுஃ॒ பரி॑பாஸதி த்வா பூ॒ஷா த்வா॑ பாது॒ ப்ரப॑தே பு॒ரஸ்தா᳚த் । யத்ராஸ॑தே ஸு॒க்ரு'தோ॒ யத்ர॒ தே ய॒யுஸ்தத்ர॑ த்வா தே॒வ-ஸ்ஸ॑வி॒தா த॑தாது ॥
புவ॑நஸ்ய பத இ॒தக்ம் ஹ॒விஃ ॥ அ॒க்நயே॑ ரயி॒மதே॒ ஸ்வாஹா᳚ ॥ புரு॑ஷஸ்ய ஸயாவ॒ர்யபேத॒காநி॑ ம்ரு'ஜ்மஹே ।
யதா॑ நோ॒ அத்ர॒ நாப॑ரஃ பு॒ரா ஜ॒ரஸ॒ ஆய॑தி ॥
புரு॑ஷஸ்ய ஸயாவரி॒ வி தே᳚ ப்ரா॒ணம॑ஸி ஸ்ரஸம் ।
ஶரீ॑ரேண ம॒ஹீமிஹி॑ ஸ்வ॒தயேஹி॑ பி॒த்ரூ'நுப॑ ப்ர॒ஜயா॒-ऽஸ்மாநி॒ஹாவ॑ஹ ॥ மைவ॑-ம்மா॒க்॒ஸ்தா ப்ரி॑யே॒-ऽஹ-ந்தே॒வீ ஸ॒தீ பி॑த்ரு'லோ॒கம் ँயதைஷி॑ ।
வி॒ஶ்வவா॑ரா॒ நப॑ஸா॒ ஸம்வ்யँ॑யந்த்யு॒பௌ நோ॑ லோ॒கௌ
பய॑ஸா॒-ऽப்யாவ॑வ்ரு'த்ஸ்வ ॥ 2 ॥
இ॒ய-ந்நாரீ॑ பதிலோ॒கம் ँவ்ரு'॑ணா॒நா நிப॑த்யத॒ உப॑ த்வா மர்த்ய॒ ப்ரேத᳚ம் । விஶ்வ॑-ம்புரா॒ணமநு॑ பா॒லய॑ந்தீ॒ தஸ்யை᳚ ப்ர॒ஜா-ந்த்ரவி॑ண-ஞ்சே॒ஹ தே॑ஹி ॥ உதீ᳚ர்ஷ்வ நார்ய॒பி ஜீ॑வலோ॒கமி॒தாஸு॑மே॒தமுப॑ஶேஷ॒ ஏஹி॑ ।
ஹ॒ஸ்த॒க்ரா॒பஸ்ய॑ திதி॒ஷோஸ்த்வமே॒த-த்பத்யு॑ர்ஜநி॒த்வம॒பி ஸம்ப॑பூவ ॥
ஸு॒வர்ண॒க்ம்॒ ஹஸ்தா॑தா॒ததா॑நா ம்ரு'॒தஸ்ய॑ ஶ்ரி॒யை ப்ரஹ்ம॑ணே॒ தேஜ॑ஸே॒ பலா॑ய । அத்ரை॒வ த்வமி॒ஹ வ॒யக்ம் ஸு॒ஶேவா॒ விஶ்வா॒-ஸ்ஸ்ப்ரு'தோ॑ அ॒பிமா॑தீர்ஜயேம ॥
தநு॒ர்॒ ஹஸ்தா॑தா॒ததா॑நா ம்ரு'॒தஸ்ய॑ ஶ்ரி॒யை க்ஷ॒த்ராயௌஜ॑ஸே॒ பலா॑ய । அத்ரை॒வ த்வமி॒ஹ வ॒யக்ம் ஸு॒ஶேவா॒ விஶ்வா॒-ஸ்ஸ்ப்ரு'தோ॑ அ॒பிமா॑தீர்ஜயேம ।
மணி॒க்ம்॒ ஹஸ்தா॑தா॒ததா॑நா ம்ரு'॒தஸ்ய॑ ஶ்ரி॒யை வி॒ஶே புஷ்ட்யை॒ பலா॑ய । அத்ரை॒வ த்வமி॒ஹ வ॒யக்ம் ஸு॒ஶேவா॒ விஶ்வா॒-ஸ்ஸ்ப்ரு'தோ॑ அ॒பிமா॑தீர்ஜயேம ॥ 3 ॥
இ॒மம॑க்நே சம॒ஸ-ம்மா விஜீ᳚ஹ்வரஃ ப்ரி॒யோ தே॒வாநா॑மு॒த ஸோ॒ம்யாநா᳚ம் । ஏ॒ஷ யஶ்ச॑ம॒ஸோ தே॑வ॒பாந॒ஸ்தஸ்மி॑-ந்தே॒வா அ॒ம்ரு'தா॑ மாதயந்தாம் ॥
அ॒க்நேர்வர்ம॒ பரி॒ கோபி॑ர்வ்யயஸ்வ॒ ஸம்ப்ரோர்ணு॑ஷ்வ॒ மேத॑ஸா॒ பீவ॑ஸா ச । நேத்த்வா॑ த்ரு'॒ஷ்ணுர்-ஹர॑ஸா॒ ஜர்ஹ்ரு'॑ஷாணோ॒ தத॑-த்வித॒க்ஷ்யந்-பர்ய॒ங்கயா॑தை ॥
மைந॑மக்நே॒ வித॑ஹோ॒ மா-ऽபிஶோ॑சோ॒ மா-ऽஸ்ய॒ த்வச॑-ஞ்சிக்ஷிபோ॒ மா ஶரீ॑ரம் । ய॒தா ஶ்ரு'॒த-ங்க॒ரவோ॑ ஜாதவே॒தோ-ऽதே॑மேந॒-ம்ப்ரஹி॑ணுதா-த்பி॒த்ரு'ப்யஃ॑ ॥
ஶ்ரு'॒தம் ँய॒தா க॒ரஸி॑ ஜாதவே॒தோ-ऽதே॑மேந॒-ம்பரி॑தத்தா-த்பி॒த்ரு'ப்யஃ॑ । ய॒தா கச்சா॒த்யஸு॑நீதிமே॒தாமதா॑ தே॒வாநா᳚ம் ँவஶ॒நீர்ப॑வாதி ॥ ஸூர்ய॑-ந்தே॒ சக்ஷு॑-ர்கச்சது॒ வாத॑மா॒த்மா த்யா-ஞ்ச॒ கச்ச॑ ப்ரு'தி॒வீ-ஞ்ச॒ தர்ம॑ணா ।
அ॒போ வா॑ கச்ச॒ யதி॒ தத்ர॑ தே ஹி॒தமோஷ॑தீஷு॒ ப்ரதி॑திஷ்டா॒ ஶரீ॑ரைஃ ॥ அ॒ஜோ பா॒கஸ்தப॑ஸா॒ த-ந்த॑பஸ்வ॒ த-ந்தே॑ ஶோ॒சிஸ்த॑பது॒ த-ந்தே॑ அ॒ர்சிஃ ।
யாஸ்தே॑ ஶி॒வாஸ்த॒நுவோ॑ ஜாதவேத॒ஸ்தாபி॑-ர்வஹே॒மக்ம் ஸு॒க்ரு'தா॒ம் ँயத்ர॑ லோ॒காஃ ॥ அ॒யம் ँவை த்வம॒ஸ்மாததி॒ த்வமே॒தத॒யம் ँவை தத॑ஸ்ய॒ யோநி॑ரஸி । வை॒ஶ்வா॒ந॒ரஃ பு॒த்ரஃ பி॒த்ரே லோ॑க॒க்ரு'-ஜ்ஜா॑தவேதோ॒ வஹே॑மக்ம் ஸு॒க்ரு'தா॒ம் ँயத்ர॑ லோ॒காஃ ॥ 4 ॥
(வி॒த்வா-ந॒ப்யாவ॑வ்ரு'த்ஸ்வா॒ - பிமா॑தீர்ஜயேம॒ - ஶரீ᳚ரைஶ்ச॒த்வாரி॑ ச ) (அ. 1)
அநுவாகம் 2
ய ஏ॒தஸ்ய॑ ப॒தோ கோ॒ப்தார॒ஸ்தேப்ய॒-ஸ்ஸ்வாஹா॒ ய ஏ॒தஸ்ய॑ ப॒தோ ர॑க்ஷி॒தார॒ஸ்தேப்ய॒-ஸ்ஸ்வாஹா॒ ய ஏ॒தஸ்ய॑ ப॒தோ॑-ऽபிர॑க்ஷி॒தார॒ஸ்தேப்ய॒-ஸ்ஸ்வாஹா᳚-ऽऽக்யா॒த்ரே ஸ்வாஹா॑-ऽபாக்யா॒த்ரே ஸ்வாஹா॑-ऽபி॒லால॑பதே॒ ஸ்வாஹா॑-ऽப॒லால॑பதே॒ ஸ்வாஹா॒-ऽக்நயே॑ கர்ம॒க்ரு'தே॒ ஸ்வாஹா॒ யமத்ர॒ நாதீ॒மஸ்தஸ்மை॒ ஸ்வாஹா᳚ ॥
யஸ்த॑ இ॒த்த்ம-ஞ்ஜ॒பர॑-த்ஸிஷ்விதா॒நோ மூ॒ர்தாந॑ம் ँவா த॒தப॑தே த்வா॒யா । திவோ॒ விஶ்வ॑ஸ்மா-த்ஸீமகாய॒த உ॑ருஷ்யஃ ॥ அ॒ஸ்மாத்த்வமதி॑ ஜா॒தோ॑-ऽஸி॒ த்வத॒ய-ஞ்ஜா॑யதா॒-ம்புநஃ॑ । அ॒க்நயே॑ வைஶ்வாந॒ராய॑ ஸுவ॒ர்காய॑ லோ॒காய॒ ஸ்வாஹா᳚ ॥ 5 ॥
(ய ஏ॒தஸ்ய॒ த்வ-த்பஞ்ச॑ ) (அ. 2)
அநுவாகம் 3
ப்ர கே॒துநா॑ ப்ரு'ஹ॒தா பா᳚த்ய॒க்நிரா॒வி-ர்விஶ்வா॑நி வ்ரு'ஷ॒போ ரோ॑ரவீதி । தி॒வஶ்சி॒தந்தா॒துப॒ மாமு॒தாந॑ட॒பாமு॒பஸ்தே॑ மஹி॒ஷோ வ॑வர்த ॥
இ॒தந்த॒ ஏக॑-ம்ப॒ர ஊ॑த॒ ஏக॑-ந்த்ரு'॒தீயே॑ந॒ ஜ்யோதி॑ஷா॒ ஸம்விँ॑ஶஸ்வ । ஸம்॒வேँஶ॑நஸ்த॒நுவை॒ சாரு॑ரேதி ப்ரி॒யோ தே॒வாநா᳚-ம்பர॒மே ஸ॒தஸ்தே᳚ ॥
நாகே॑ ஸுப॒ர்ணமுப॒ ய-த்பத॑ந்தக்ம் ஹ்ரு'॒தா வேந॑ந்தோ அ॒ப்யச॑க்ஷத த்வா । ஹிர॑ண்யபக்ஷ॒ம் ँவரு॑ணஸ்ய தூ॒தம் ँய॒மஸ்ய॒ யோநௌ॑ ஶகு॒ந-ம்பு॑ர॒ண்யும் ॥
அதி॑த்ரவ ஸாரமே॒யௌ ஶ்வாநௌ॑ சதுர॒க்ஷௌ ஶ॒பலௌ॑ ஸா॒துநா॑ ப॒தா । அதா॑ பி॒த்ரூ'ந்-த்ஸு॑வி॒தத்ரா॒க்ம்॒ அபீ॑ஹி ய॒மேந॒ யே ஸ॑த॒மாத॒-ம்மத॑ந்தி ॥
யௌ தே॒ ஶ்வாநௌ॑ யம ரக்ஷி॒தாரௌ॑ சதுர॒க்ஷௌ ப॑தி॒ரக்ஷீ॑ ந்ரு'॒சக்ஷ॑ஸா ।
தாப்யாக்ம்॑ ராஜ॒-ந்பரி॑ தேஹ்யேநக்க் ஸ்வ॒ஸ்தி சா᳚ஸ்மா அநமீ॒வ-ஞ்ச॑ தேஹி ॥ 6 ॥
உ॒ரு॒ண॒ஸா-வ॑ஸு॒த்ரு'பா॑-வுலும்ப॒லௌ ய॒மஸ்ய॑ தூ॒தௌ ச॑ரதோ॒ வஶா॒க்ம்॒ அநு॑ । தாவ॒ஸ்மப்ய॑-ந்த்ரு'॒ஶயே॒ ஸூர்யா॑ய॒ புந॑ர்த-த்தா॒வஸு॑ம॒த்யேஹ ப॒த்ரம் ॥
ஸோம॒ ஏகே᳚ப்யஃ பவதே க்ரு'॒தமேக॒ உபா॑ஸதே ।
யேப்யோ॒ மது॑ ப்ர॒தாவ॑தி॒ தாக்-ஶ்சி॑தே॒வாபி॑கச்சதாத் ॥
யே யுத்த்ய॑ந்தே ப்ர॒தநே॑ஷு॒ ஶூரா॑ஸோ॒ யே த॑நு॒த்யஜஃ॑ । யே வா॑ ஸ॒ஹஸ்ர॑தக்ஷிணா॒ஸ்தாக் ஶ்சி॑தே॒வாபி॑கச்சதாத் ॥
தப॑ஸா॒ யே அ॑நாத்ரு'॒ஷ்யா-ஸ்தப॑ஸா॒ யே ஸுவ॑ர்க॒தாஃ ।
தபோ॒ யே ச॑க்ரி॒ரே ம॒ஹ-த்தாக்-ஶ்சி॑தே॒வாபி॑கச்சதாத் ॥
அஶ்ம॑ந்வதீ ரேவதீ॒-ஸ்ஸக்ம்ர॑பத்த்வ॒-முத்தி॑ஷ்டத॒ ப்ரத॑ரதா ஸகாயஃ । அத்ரா॑ ஜஹாம॒ யே அஸ॒ந்நஶே॑வா-ஶ்ஶி॒வாந். வ॒யம॒பி வாஜா॒நுத்த॑ரேம ॥ 7 ॥
யத்வை தே॒வஸ்ய॑ ஸவி॒துஃ ப॒வித்ரக்ம்॑ ஸ॒ஹஸ்ர॑தார॒ம் ँவித॑தம॒ந்தரி॑க்ஷே । யேநாபு॑நா॒திந்த்ர॒மநா᳚ர்த॒-மார்த்யை॒ தேநா॒ஹ-ம்மாக்ம் ஸ॒ர்வத॑நு-ம்புநாமி ॥
யா ரா॒ஷ்ட்ரா-த்ப॒ந்நாதப॒ யந்தி॒ ஶாகா॑ அ॒பிம்ரு'॑தா ந்ரு'॒பதி॑மி॒ச்சமா॑நாஃ । தா॒துஸ்தா-ஸ்ஸர்வாஃ॒ பவ॑நேந பூ॒தாஃ ப்ர॒ஜயா॒-ऽஸ்மாந்-ர॒ய்யா வர்ச॑ஸா॒ ஸக்ம்ஸ்ரு'॑ஜாத ॥
உத்வ॒ய-ந்தம॑ஸ॒ஸ்பரி॒ பஶ்ய॑ந்தோ॒ ஜ்யோதி॒ருத்த॑ரம் ।
தே॒வ-ந்தே॑வ॒த்ரா ஸூர்ய॒மக॑ந்ம॒ ஜ்யோதி॑ருத்த॒மம் ॥
தா॒தா பு॑நாது ஸவி॒தா பு॑நாது । அ॒க்நேஸ்தேஜ॑ஸா॒ ஸூர்ய॑ஸ்ய॒ வர்ச॑ஸா ॥ 8 ॥
(தே॒ - ஹ்யுத்த॑ரே - மா॒ஷ்டௌ ச॑) (அ. 3)
அநுவாகம் 4
ய-ந்தே॑ அ॒க்நிமம॑ந்தாம வ்ரு'ஷ॒பாயே॑வ॒ பக்த॑வே ।
இ॒ம-ந்தக்ம் ஶ॑மயாமஸி க்ஷீ॒ரேண॑ சோத॒கேந॑ ச ॥
யந்த்வம॑க்நே ஸ॒மத॑ஹ॒ஸ்த்வமு॒ நிர்வா॑பயா॒ புநஃ॑ ।
க்யா॒ம்பூரத்ர॑ ஜாயதா-ம்பாகதூ॒ர்வா வ்ய॑ல்கஶா ॥
ஶீதி॑கே॒ ஶீதி॑காவதி॒ ஹ்லாது॑கே॒ ஹ்லாது॑காவதி ।
ம॒ண்டூ॒க்யா॑ ஸுஸங்க॒மயே॒மக்க் ஸ்வ॑க்நிக்ம் ஶ॒மய॑ ॥ ஶ-ந்தே॑ தந்வ॒ந்யா ஆப॒-ஶ்ஶமு॑ தே ஸந்த்வநூ॒க்யாஃ᳚ । ஶ-ந்தே॑ ஸமு॒த்ரியா॒ ஆப॒-ஶ்ஶமு॑ தே ஸந்து॒ வர்ஷ்யாஃ᳚ ॥
ஶ-ந்தே॒ ஸ்ரவ॑ந்தீ-ஸ்த॒நுவே॒ ஶமு॑ தே ஸந்து॒ கூப்யாஃ᳚ ।
ஶ-ந்தே॑ நீஹா॒ரோ வ॑ர்ஷது॒ ஶமு॒ ப்ரு'ஷ்வா-ऽவ॑ஶீயதாம் ॥ 9 ॥
அவ॑ ஸ்ரு'ஜ॒ புந॑ரக்நே பி॒த்ரு'ப்யோ॒ யஸ்த॒ ஆஹு॑த॒ஶ்சர॑தி ஸ்வ॒தாபிஃ॑ । ஆயு॒ர்வஸா॑ந॒ உப॑ யாது॒ ஶேஷ॒க்ம்॒ ஸங்க॑ச்சதா-ந்த॒நுவா॑ ஜாதவேதஃ ॥
ஸங்க॑ச்சஸ்வ பி॒த்ரு'பி॒-ஸ்ஸக்க் ஸ்வ॒தாபி॒-ஸ்ஸமி॑ஷ்டாபூ॒ர்தேந॑ பர॒மே வ்யோ॑மந்ந் ।
யத்ர॒ பூம்யை॑ வ்ரு'॒ணஸே॒ தத்ர॑ கச்ச॒ தத்ர॑ த்வா தே॒வ-ஸ்ஸ॑வி॒தா த॑தாது ॥ யத்தே॑ க்ரு'॒ஷ்ண-ஶ்ஶ॑கு॒ந ஆ॑து॒தோத॑ பிபீ॒ல-ஸ்ஸ॒ர்ப உ॒த வா॒ ஶ்வாப॑தஃ ।
அ॒க்நிஷ்ட-த்விஶ்வா॑தந்ரு'॒ண-ங்க்ரு'॑ணோது॒ ஸோம॑ஶ்ச॒ யோ ப்ரா᳚ஹ்ம॒ணமா॑வி॒வேஶ॑ ॥ உத்தி॒ஷ்டாத॑-ஸ்த॒நுவ॒க்ம்॒ ஸம்ப॑ரஸ்வ॒ மேஹ காத்ர॒மவ॑ஹா॒ மா ஶரீ॑ரம் ।
யத்ர॒ பூம்யை॑ வ்ரு'॒ணஸே॒ தத்ர॑ கச்ச॒ தத்ர॑ த்வா தே॒வ-ஸ்ஸ॑வி॒தா த॑தாது ॥ இ॒த-ந்த॒ ஏக॑-ம்ப॒ர ஊ॑த॒ ஏக॑-ந்த்ரு'॒தீயே॑ந॒ ஜ்யோதி॑ஷா॒ ஸம்விँ॑ஶஸ்வ ।
ஸம்॒வேँஶ॑ந-ஸ்த॒நுவை॒ சாரு॑ரேதி ப்ரி॒யோ தே॒வாநா᳚-ம்பர॒மே ஸ॒தஸ்தே᳚ ॥ உத்தி॑ஷ்ட॒ ப்ரேஹி॒ ப்ரத்ர॒வௌகஃ॑ க்ரு'ணுஷ்வ பர॒மே வ்யோ॑மந்ந் । ய॒மேந॒ த்வம் ँய॒ம்யா॑ ஸம்விँதா॒நோத்-த॒ம-ந்நாக॒மதி॑ ரோஹே॒மம் ॥
அஶ்ம॑ந்வதீ ரேவதீ॒-ஸ்ஸக்ம் ர॑பத்த்வ॒ முத்தி॑ஷ்டத॒ ப்ரத॑ரதா ஸகாயஃ । அத்ரா॑ ஜஹாம॒ யே அஸ॒ந்நஶே॑வா-ஶ்ஶி॒வாந் வ॒யம॒பி வாஜா॒நுத்த॑ரேம ॥ யத்வை தே॒வஸ்ய॑ ஸவி॒துஃ ப॒வித்ரக்ம்॑ ஸ॒ஹஸ்ர॑தார॒ம் ँவித॑தம॒ந்தரி॑க்ஷே । யேநாபு॑நா॒திந்த்ர॒மநா॑ர்த॒-மார்த்யை॒ தேநா॒ஹ-ம்மாக்ம் ஸ॒ர்வத॑நு-ம்புநாமி ॥ யா ரா॒ஷ்ட்ரா-த்ப॒ந்நாதப॒ யந்தி॒ ஶாகா॑ அ॒பிம்ரு'॑தா ந்ரு'॒பதி॑மி॒ச்சமா॑நாஃ । தா॒துஸ்தா-ஸ்ஸர்வாஃ॒ பவ॑நேந பூ॒தாஃ ப்ர॒ஜயா॒-ऽஸ்மாந்-ர॒ய்யா வர்ச॑ஸா॒ ஸக்ம்ஸ்ரு'॑ஜாத ॥ யா ரா॒ஷ்ட்ரா-த்ப॒ந்நாதப॒ யந்தி॒ ஶாகா॑ அ॒பிம்ரு'॑தா ந்ரு'॒பதி॑மி॒ச்சமா॑நாஃ । தா॒துஸ்தா-ஸ்ஸர்வாஃ॒ பவ॑நேந பூ॒தாஃ ப்ர॒ஜயா॒-ऽஸ்மாந்-ர॒ய்யா வர்ச॑ஸா॒ ஸக்ம்ஸ்ரு'॑ஜாத ॥ தா॒தா பு॑நாது ஸவி॒தா பு॑நாது । அ॒க்நேஸ்தேஜ॑ஸா॒ ஸூர்ய॑ஸ்ய॒ வர்ச॑ஸா ॥
அ॒ஸ்மாத்த்வமதி॑ ஜா॒தோ᳚-ऽஸ்ய॒ய-ந்த்வததி॑ஜாயதாம் ।
அ॒க்நயே॑ வைஶ்வாந॒ராய॑ ஸுவ॒ர்காய॑ லோ॒காய॒ ஸ்வாஹா᳚ ॥ 10 ॥
(அவ॑ஶீயதாக்ம் - ஸ॒தஸ்தே॒ பஞ்ச॑ ச) (அ. 4)
அநுவாகம் 5
ஆயா॑து தே॒வ-ஸ்ஸு॒மநா॑பி-ரூ॒திபி॑-ர்ய॒மோ ஹ॑வே॒ஹ ப்ரய॑தாபிர॒க்தா । ஆஸீ॑ததாக்ம் ஸுப்ர॒யதே॑ஹ ப॒ர்॒ஹிஷ்யூர்ஜா॑ய ஜா॒த்யை மம॑ ஶத்ரு॒ஹத்யை᳚ ॥
ய॒மே இ॑வ॒ யத॑மாநே॒ யதைத॒-ம்ப்ரவா᳚ம்பர॒-ந்மாநு॑ஷா தேவ॒யந்தஃ॑ । ஆஸீ॑தத॒க்க்॒ ஸ்வமு॑ லோ॒கம் ँவிதா॑நே ஸ்வாஸ॒ஸ்தே ப॑வத॒மிந்த॑வே நஃ ॥
ய॒மாய॒ ஸோமக்ம்॑ ஸுநுத ய॒மாய॑ ஜுஹுதா ஹ॒விஃ ।
ய॒மக்ம் ஹ॑ ய॒ஜ்ஞோ க॑ச்சத்ய॒க்நிதூ॑தோ॒ அர॑ங்க்ரு'தஃ ॥
ய॒மாய॑ க்ரு'॒தவ॑த்த॒விர்ஜு॒ஹோத॒ ப்ர ச॑ திஷ்டத ।
ஸ நோ॑ தே॒வேஷ்வாய॑ம-த்தீ॒ர்கமாயுஃ॒ ப்ர ஜீ॒வஸே᳚ ॥
ய॒மாய॒ மது॑மத்தம॒க்ம்॒ ராஜ்ஞே॑ ஹ॒வ்ய-ஞ்ஜு॑ஹோதந । இ॒த-ந்நம॒ ரு'ஷி॑ப்யஃ பூர்வ॒ஜேப்யஃ॒ பூர்வே᳚ப்யஃ பதி॒க்ரு'த்ப்யஃ॑ ॥ 11 ॥
யோ-ऽஸ்ய॒ கௌஷ்ட்ய॒ ஜக॑தஃ॒ பார்தி॑வ॒ஸ்யைக॑ இத்வ॒ஶீ ।
ய॒ம-ம்ப॑ங்க்யஶ்ர॒வோ கா॑ய॒ யோ ராஜா॑-ऽநப॒ரோத்த்யஃ॑ ॥ ய॒ம-ங்காய॑ பங்க்ய॒ஶ்ரவோ॒ யோ ராஜா॑-ऽநப॒ரோத்த்யஃ॑ । யேநா॒போ ந॒த்யோ॑ தந்வா॑நி॒ யேந॒ த்யௌஃ ப்ரு'॑தி॒வீ த்ரு'॒டா ॥ ஹி॒ர॒ண்ய॒க॒க்ஷ்யாந்-த்ஸு॒துராந்॑. ஹிரண்யா॒க்ஷா-ந॑யஶ்ஶ॒பாந் । அஶ்வா॑-ந॒நஶ்ய॑தோ தா॒ந॒ம் ँய॒மோ ரா॑ஜா-ऽபி॒திஷ்ட॑தி ॥ ய॒மோ தா॑தார ப்ரு'தி॒வீம்-யँ॒மோ விஶ்வ॑மி॒த-ஞ்ஜக॑த் । ய॒மாய॒ ஸர்வ॒மித்ர॑ஸ்தே॒ ய-த்ப்ரா॒ண-த்வா॒யுர॑க்ஷி॒தம் ॥ யதா॒ பஞ்ச॒ யதா॒ ஷட் ய॒தா பஞ்ச॑ த॒ஶர்ஷ॑யஃ । ய॒மம் ँயோ வி॑த்யா॒த்ஸ ப்ரூ॑யாத்ய॒தைக ரு'ஷி॑ர்விஜாந॒தே ॥ 12 ॥
த்ரிக॑த்ருகேபிஃ॒ பத॑தி॒ ஷடு॒ர்வீ-ரேக॒மி-த்ப்ரு'॒ஹத் ।
கா॒ய॒த்ரீ த்ரி॒ஷ்டுப்சந்தாக்ம்॑ஸி॒ ஸர்வா॒ தா ய॒ம ஆஹி॑தா ॥
அஹ॑ரஹ॒ர்நய॑மாநோ॒ காமஶ்வ॒-ம்புரு॑ஷ॒-ஞ்ஜக॑த் ।
வைவ॑ஸ்வதோ॒ ந த்ரு'॑ப்யதி॒ பஞ்ச॑பி॒ர்மாந॑வைர்ய॒மஃ ॥
வைவ॑ஸ்வதே॒ விவி॑ச்யந்தே॒ யமே॒ ராஜ॑நி தே ஜ॒நாஃ ।
யே சே॒ஹ ஸ॒த்யேநேச்ச॑ந்தே॒ ய உ॒ சாந்ரு'॑தவாதி॒நஃ ॥
தே ரா॑ஜந்நி॒ஹ விவி॑ச்யந்தே॒-ऽதா ய॑ந்தி த்வா॒முப॑ ।
தே॒வாக்ஶ்ச॒ யே ந॑ம॒ஸ்யந்தி॒ ப்ராஹ்ம॑ணாக்ஶ்சாப॒சித்ய॑தி ॥
யஸ்மி॑ந் வ்ரு'॒க்ஷே ஸு॑பலா॒ஶே தே॒வை-ஸ்ஸ॒பிம்ப॑தே ய॒மஃ ।
அத்ரா॑ நோ வி॒ஶ்பதிஃ॑ பி॒தா பு॑ரா॒ணா அநு॑வேநதி ॥ 13 ॥
(ப॒தி॒க்ரு'த்ப்யோ॑ - விஜாந॒தே - ऽநு॑வேநதி) (அ. 5)
அநுவாகம் 6
வை॒ஶ்வா॒ந॒ரே ஹ॒விரி॒த-ஞ்ஜு॑ஹோமி ஸாஹ॒ஸ்ர-முத்ஸக்ம்॑ ஶ॒ததா॑ரமே॒தம் । தஸ்மி॑ந்நே॒ஷ பி॒தர॑-ம்பிதாம॒ஹ-ம்ப்ரபி॑தாமஹ-ம்பிபர॒-த்பிந்வ॑மாநே ॥
த்ர॒ப்ஸஶ்ச॑ஸ்கந்த ப்ரு'தி॒வீமநு॒ த்யாமி॒மஞ்ச॒ யோநி॒மநு॒ யஶ்ச॒ பூர்வஃ॑ ।
த்ரு'॒தீய॒ம் ँயோநி॒மநு॑ ஸ॒ஞ்சர॑ந்த-ந்த்ர॒ப்ஸ-ஞ்ஜு॑ஹோ॒ம்யநு॑ ஸ॒ப்த ஹோத்ராஃ᳚ ॥
இ॒மக்ம் ஸ॑மு॒த்ரக்ம் ஶ॒ததா॑ர॒முத்ஸ॑ம் ँவ்ய॒ச்யமா॑ந॒-ம்புவ॑நஸ்ய॒ மத்த்யே᳚ ।
க்ரு'॒த-ந்துஹா॑நா॒மதி॑தி॒-ஞ்ஜநா॒யாக்நே॒ மா ஹிக்ம்॑ஸீஃ பர॒மே வ்யோ॑மந்ந் ॥ அபே॑த॒ வீத॒ வி ச॑ ஸர்ப॒தாதோ॒ யே-ऽத்ர॒ ஸ்த பு॑ரா॒ணா யே ச॒ நூத॑நாஃ ।
அஹோ॑பிர॒த்பி-ர॒க்துபி॒-ர்வ்ய॑க்தம் ँய॒மோ த॑தா-த்வவ॒ஸாந॑மஸ்மை ॥ ஸ॒வி॒தைதாநி॒ ஶரீ॑ராணி ப்ரு'தி॒வ்யை மா॒துரு॒பஸ்த॒ ஆத॑தே ।
தேபி॑-ர்யுஜ்யந்தா-மக்நி॒யாஃ ॥ 14 ॥
ஶு॒நம் ँவா॒ஹா-ஶ்ஶு॒ந-ந்நா॒ரா-ஶ்ஶு॒ந-ங்க்ரு'॑ஷது॒ லாங்க॑லம் ।
ஶு॒நம் ँவ॑ர॒த்ரா ப॑த்த்யந்தாக்ம் ஶு॒ந-மஷ்ட்ரா॒-முதி॑ங்கய॒ ஶுநா॑ஸீரா ஶு॒நம॒ஸ்மாஸு॑ தத்தம் ॥
ஶுநா॑ஸீராவி॒மாம் ँவாச॒ம் ँய-த்தி॒வி ச॑க்ர॒துஃ பயஃ॑ । தேநே॒மா-முப॑ஸிஞ்சதம் ॥
ஸீதே॒ வந்தா॑மஹே த்வா॒-ऽர்வாசீ॑ ஸுபகே பவ ।
யதா॑ ந-ஸ்ஸு॒பகா ஸ॑ஸி॒ யதா॑ ந-ஸ்ஸு॒பலா ஸ॑ஸி ॥
ஸ॒வி॒தைதாநி॒ ஶரீ॑ராணி ப்ரு'தி॒வ்யை மா॒துரு॒பஸ்த॒ ஆத॑தே । தேபி॑ரதிதே॒ ஶ-ம்ப॑வ ॥
விமு॑ச்யத்த்வ-மக்நி॒யா தே॑வ॒யாநா॒ அதா॑ரிஷ்ம॒ தம॑ஸஸ்பா॒ரம॒ஸ்ய ।
ஜ்யோதி॑ராபாம॒ ஸுவ॑ரகந்ம ॥ 15 ॥
ப்ர வாதா॒ வாந்தி॑ ப॒தய॑ந்தி வி॒த்யுத॒ உதோஷ॑தீர்ஜிஹதே॒ பிந்வ॑தே॒ ஸுவஃ॑ । இரா॒ விஶ்வ॑ஸ்மை॒ புவ॑நாய ஜாயதே॒ ய-த்ப॒ர்ஜந்யஃ॑ ப்ரு'தி॒வீக்ம் ரேத॒ஸா-ऽவ॑தி ॥
யதா॑ ய॒மாய॑ ஹா॒ர்ம்ய-மவ॑ப॒-ந்பஞ்ச॑மாந॒வாஃ ।
ஏ॒வம் ँவ॑பாமி ஹா॒ர்ம்யம் ँயதா-ऽஸா॑ம ஜீவலோ॒கே பூர॑யஃ ॥ சிதஃ॑ ஸ்த பரி॒சித॑ ஊர்த்வ॒சிதஃ॑ ஶ்ரயத்த்வ-ம்பி॒தரோ॑ தே॒வதா᳚ ।
ப்ர॒ஜாப॑திர்வ-ஸ்ஸாதயது॒ தயா॑ தே॒வத॑யா ॥
ஆ ப்யா॑யஸ்வ॒ ஸமெ॑து தே வி॒ஶ்வதஃ॑ ஸோம॒ வ்ரு'ஷ்ணி॑யம் । பவா॒ வாஜ॑ஸ்ய ஸங்க॒தே ॥ ஸ-ந்தே॒ பயாக்ம்॑ஸி॒ ஸமு॑ யந்து॒ வாஜா॒-ஸ்ஸம்-வ்ரு'ँஷ்ணி॑யா-ந்யபிமாதி॒ஷாஹஃ॑ । ஆ॒ப்யாய॑மாநோ அ॒ம்ரு'தா॑ய ஸோம தி॒வி ஶ்ரவாக்॑ஸ்யுத்த॒மாநி॑ திஷ்வ ॥ 16 ॥
(அ॒க்நி॒யா - அ॑கந்ம - +ஸ॒ப்த ச॑) (அ. 6)
அநுவாகம் 7
உத்தே॑ தப்நோமி ப்ரு'தி॒வீ-ந்த்வத்பரீ॒மம் ँலோ॒க-ந்நி॒தத॒ந்மோ அ॒ஹக்ம் ரி॑ஷம் । ஏ॒தாக் ஸ்தூணா᳚-ம்பி॒தரோ॑ தாரயந்து॒ தே-ऽத்ரா॑ ய॒ம-ஸ்ஸாத॑நாத்தே மிநோது ॥
உப॑ஸர்ப மா॒தர॒-ம்பூமி॑மே॒தா-மு॑ரு॒வ்யச॑ஸ-ம்ப்ரு'தி॒வீக்ம் ஸு॒ஶேவா᳚ம் । ஊர்ண॑ம்ரதா யுவ॒தி-ர்தக்ஷி॑ணாவத்யே॒ஷா த்வா॑ பாது॒ நிர்-ரு'॑த்யா உ॒பஸ்தே᳚ ॥
உச்ச்ம॑ஞ்சஸ்வ ப்ரு'திவி॒ மா விபா॑திதா-ஸ்ஸூபாய॒நா-ऽஸ்மை॑ பவ ஸூபவஞ்ச॒நா । மா॒தா பு॒த்ரம் ँயதா॑ ஸி॒சா-ऽப்யே॑ந-ம்பூமி வ்ரு'ணு ॥ உ॒ச்ச்மஞ்ச॑மாநா ப்ரு'தி॒வீ ஹி திஷ்ட॑ஸி ஸ॒ஹஸ்ர॒ம்மித॒ உப॒ ஹி ஶ்ரய॑ந்தாம் ।
தே க்ரு'॒ஹாஸோ॑ மது॒ஶ்சுதோ॒ விஶ்வாஹா᳚ஸ்மை ஶர॒ணா-ஸ்ஸ॒ந்த்வத்ர॑ ॥ ஏணீ᳚ர்தா॒நா ஹரி॑ணீ॒ரர்ஜு॑நீ-ஸ்ஸந்து தே॒நவஃ॑ । தில॑வத்ஸா॒ ஊர்ஜ॑மஸ்மை॒ துஹா॑நா॒ விஶ்வாஹா॑ ஸ॒ந்த்வந॑பஸ்புரந்தீஃ ॥ 17 ॥
ஏ॒ஷா தே॑ யம॒ஸாத॑நே ஸ்வ॒தா நிதீ॑யதே க்ரு'॒ஹே । அக்ஷி॑தி॒ர்நாம॑ தே அஸௌ ॥ இ॒த-ம்பி॒த்ரு'ப்யஃ॒ ப்ரப॑ரேம ப॒ர்॒ஹி-ர்தே॒வேப்யோ॒ ஜீவ॑ந்த॒ உத்த॑ர-ம்பரேம ।
தத்த்வ॑மாரோ॒ஹாஸோ॒ மேக்யோ॒ பவ॑ம் ँய॒மேந॒ த்வம் ँய॒ம்யா॑ ஸம்விँதா॒நஃ ॥ மா த்வா॑ வ்ரு'॒க்ஷௌ ஸம்பா॑திஷ்டா॒-ம்மா மா॒தா ப்ரு'॑திவி॒ த்வம் ।
பி॒த்ரூ'ந். ஹி யத்ர॒ கச்சா॒ஸ்யேதா॑ஸம் ँயம॒ராஜ்யே᳚ ॥
மா த்வா॑ வ்ரு'॒க்ஷௌ ஸம்பா॑தேதா॒-ம்மா மா॒தா ப்ரு'॑தி॒வீ ம॒ஹீ । வை॒வ॒ஸ்வ॒தக்ம் ஹி கச்சா॑ஸி யம॒ராஜ்யே॒ விரா॑ஜஸி ॥
ந॒ல-ம்ப்ல॒வமாரோ॑ஹை॒த-ந்ந॒லேந॑ ப॒தோ-ऽந்வி॑ஹி ।
ஸ த்வ॑-ந்ந॒லப்ல॑வோ பூ॒த்வா॒ ஸந்த॑ர॒ ப்ரத॒ரோத்த॑ர ॥ 18 ॥
ஸ॒வி॒தைதாநி॒ ஶரீ॑ராணி ப்ரு'தி॒வ்யை மா॒துரு॒பஸ்த॒ ஆத॑தே । தேப்யஃ॑ ப்ரு'திவி॒ ஶ-ம்ப॑வ ॥
ஷட்டோ॑தா॒ ஸூர்ய॑-ந்தே॒ சக்ஷு॑-ர்கச்சது॒ வாத॑மா॒த்மா த்யா-ஞ்ச॒ கச்ச॑ ப்ரு'தி॒வீ-ஞ்ச॒ தர்ம॑ணா ।
அ॒போ வா॑ கச்ச॒ யதி॒ தத்ர॑ தே ஹி॒தமோஷ॑தீஷு॒ ப்ரதி॑திஷ்டா॒ ஶரீ॑ரைஃ ॥ பர॑-ம்ம்ரு'த்யோ॒ அநு॒ பரே॑ஹி॒ பந்தா॒ம் ँயஸ்தே॒ ஸ்வ இத॑ரோ தேவ॒யாநா᳚த் ।
சக்ஷு॑ஷ்மதே ஶ்ரு'ண்வ॒தே தே᳚ ப்ரவீமி॒ மா நஃ॑ ப்ர॒ஜாக்ம் ரீ॑ரிஷோ॒ மோத வீ॒ராந் ॥
ஶம் ँவாத॒-ஶ்ஶக்ம் ஹி தே॒ க்ரு'ணி॒-ஶ்ஶமு॑ தே ஸ॒ந்த்வோஷ॑தீஃ । கல்ப॑ந்தா-ம்மே॒ திஶஃ॑ ஶ॒க்மாஃ ॥
ப்ரு'॒தி॒வ்யாஸ்த்வா॑ லோ॒கே ஸா॑தயாம்ய॒முஷ்ய॒ ஶர்மா॑ஸி பி॒தரோ॑ தே॒வாதா᳚ । ப்ர॒ஜாப॑திஸ்த்வா ஸாதயது॒ தயா॑ தே॒வத॑யா ॥ அ॒ந்தரி॑க்ஷஸ்ய த்வா தி॒வஸ்த்வா॑ தி॒ஶா-ந்த்வா॒ நாக॑ஸ்ய த்வா ப்ரு'॒ஷ்டே ப்ர॒த்த்நஸ்ய॑ த்வா வி॒ஷ்டபே॑ ஸாதயாம்ய॒முஷ்ய॒ ஶர்மா॑ஸி பி॒தரோ॑ தே॒வதா᳚ ।
ப்ர॒ஜாப॑திஸ்த்வா ஸாதயது॒ தயா॑ தே॒வத॑யா ॥ 19 ॥
(அந॑பஸ்புரந்தீ॒ - ருத்த॑ர - தே॒வத॑யா॒ த்வே ச॑) (அ. 7)
அநுவாகம் 8
அ॒பூ॒பவா᳚-ந்க்ரு'॒தவாக்॑ஶ்ச॒ருரேஹ ஸீ॑ததூத்தப்நு॒வ-ந்ப்ரு'॑தி॒வீ-ந்த்யாமு॒தோபரி॑ । யோ॒நி॒க்ரு'தஃ॑ பதி॒க்ரு'தஃ॑ ஸபர்யத॒ யே தே॒வாநா᳚-ங்க்ரு'॒தபா॑கா இ॒ஹ ஸ்த ।
ஏ॒ஷா தே யம॒ஸாத॑நே ஸ்வ॒தா நிதீ॑யதே க்ரு'॒ஹே॑-ऽஸௌ ।
தஶா᳚க்ஷரா॒ தாக்ம் ர॑க்ஷஸ்வ॒ தா-ங்கோ॑பாயஸ்வ॒ தா-ந்தே॒ பரி॑ ததாமி॒ தஸ்யா᳚-ந்த்வா॒ மா த॑ப-ந்பி॒தரோ॑ தே॒வதா᳚ ।
ப்ர॒ஜாப॑திஸ்த்வா ஸாதயது॒ தயா॑ தே॒வத॑யா ॥
அ॒பூ॒பவா᳚-ஞ்ச்ரு'॒தவா᳚ந்-க்ஷீ॒ரவா॒ந்-ததி॑வா॒-ந்மது॑மாக்-ஶ்ச॒ருரேஹ ஸீ॑ததூத்தப்நு॒வந்-ப்ரு'॑தி॒வீ-ந்த்யாமு॒தோபரி॑ । யோ॒நி॒க்ரு'தஃ॑ பதி॒க்ரு'தஃ॑ ஸபர்யத॒ யே தே॒வாநாக்ம்॑ ஶ்ரு'॒தபா॑காஃ, க்ஷீ॒ரபா॑கா॒ ததி॑பாகா॒ மது॑பாகா இ॒ஹ ஸ்த । ஏ॒ஷா தே॑ யம॒ஸாத॑நே ஸ்வ॒தா நிதீ॑யதே க்ரு'॒ஹே॑-ऽஸௌ । ஶ॒தாக்ஷ॑ரா ஸ॒ஹஸ்ரா᳚க்ஷரா॒-ऽயுதா᳚க்ஷ॒ரா-ऽச்யு॑தாக்ஷரா॒ தாக்ம் ர॑க்ஷஸ்வ॒ தா-ங்கோ॑பாயஸ்வ॒ தா-ந்தே॒ பரி॑ததாமி॒ தஸ்யா᳚-ந்த்வா॒ மா த॑ப-ந்பி॒தரோ॑ தே॒வதா᳚ । ப்ர॒ஜாப॑திஸ்த்வா ஸாதயது॒ தயா॑ தே॒வத॑யா ॥ 20 ॥
(அ॒பூ॒பவா॑நஸௌ॒ தஶ॑) (அ. 8)
அநுவாகம் 9
ஏ॒தாஸ்தே᳚ ஸ்வ॒தா அ॒ம்ரு'தாஃ᳚ கரோமி॒ யாஸ்தே॑ தா॒நாஃ ப॑ரி॒கிரா॒ம்யத்ர॑ । தாஸ்தே॑ ய॒மஃ பி॒த்ரு'பிஃ॑ ஸம்விँதா॒நோ-ऽத்ர॑ தே॒நூஃ கா॑ம॒துகாஃ᳚ கரோது ॥
த்வாமர்ஜு॒நௌஷ॑தீநா॒-ம்பயோ᳚ ப்ர॒ஹ்மாண॒ இத்வி॑துஃ ।
தாஸா᳚-ந்த்வா॒ மத்த்யா॒தாத॑தே ச॒ருப்யோ॒ அபி॑தாதவே ॥
தூ॒ர்வாணாக்॑ ஸ்த॒ம்பமாஹ॑ரை॒தா-ம்ப்ரி॒யத॑மா॒-ம்மம॑ । இ॒மா-ந்திஶ॑-ம்மநு॒ஷ்யா॑ணா॒-ம்பூயி॒ஷ்டா-ऽநு॒ வி ரோ॑ஹது ॥ காஶா॑நாக் ஸ்த॒ம்பமாஹ॑ர॒ ரக்ஷ॑ஸா॒மப॑ஹத்யை ।
ய ஏ॒தஸ்யை॑ தி॒ஶஃ ப॒ராப॑வந்நகா॒யவோ॒ யதா॒ தே நாப॑வா॒-ந்புநஃ॑ ॥ த॒ர்பாணாக்॑ ஸ்த॒ம்பமாஹ॑ர பித்ரு'॒ணாமோஷ॑தீ-ம்ப்ரி॒யாம் । அந்வஸ்யை॒ மூல॑-ஞ்ஜீவா॒தநு॒ காண்ட॒மதோ॒ பல᳚ம் ॥ 21 ॥
லோ॒க-ம்ப்ரு'॑ண சி॒த்ர-ம்ப்ரு'॒ணாதோ॑ ஸீத ஶி॒வா த்வம் । இ॒ந்த்ரா॒க்நீ த்வா॒ ப்ரு'ஹ॒ஸ்பதி॑ர॒ஸ்மிந் யோநா॑வஸீஷ॒தந்ந் ॥ தா அ॑ஸ்ய॒ ஸூத॑தோஹஸ॒-ஸ்ஸோமக்க்॑ ஶ்ரீணந்தி॒ ப்ரு'ஶ்ந॑யஃ । ஜந்ம॑-ந்தே॒வாநாம்॒-விँஶ॑ஸ்த்ரி॒ஷ்வா ரோ॑ச॒நே தி॒வஃ ॥
ஶம் ँவாத॒-ஶ்ஶக்ம்ஹி தே॒ க்ரு'ணி॒-ஶ்ஶமு॑ தே ஸ॒ந்த்வோஷ॑தீஃ । கல்ப॑ந்தா-ந்தே॒ திஶ॒-ஸ்ஸர்வாஃ᳚ ॥ இ॒தமே॒வ மேதோ-ऽப॑ரா॒மார்தி॑மாராம॒ காஞ்ச॒ந ।
ததா॒ தத॒ஶ்விப்யா᳚-ங்க்ரு'॒த-ம்மி॒த்ரேண॒ வரு॑ணேந ச ॥
வ॒ர॒ணோ வா॑ரயாதி॒த-ந்தே॒வோ வந॒ஸ்பதிஃ॑ ।
ஆர்த்யை॒ நிர்-ரு'॑த்யை॒ த்வேஷா᳚ச்ச॒ வந॒ஸ்பதிஃ॑ ॥
வித்ரு'॑திரஸி॒ விதா॑ரயா॒ஸ்மத॒கா த்வேஷாக்ம்॑ஸி ஶ॒மி ஶ॒மயா॒ஸ்மத॒கா த்வேஷாக்ம்॑ஸி ய॒வ ய॒வயா॒ஸ்மத॒கா த்வேஷாக்ம்॑ஸி ॥
ப்ரு'॒தி॒வீ-ங்க॑ச்சா॒ந்தரி॑க்ஷ-ங்கச்ச॒ திவ॑-ங்கச்ச॒ திஶோ॑ கச்ச॒ ஸுவ॑ர்கச்ச॒ ஸுவ॑ர்கச்ச॒ திஶோ॑ கச்ச॒ திவ॑-ங்கச்சா॒ந்தரி॑க்ஷ-ங்கச்ச ப்ரு'தி॒வீ-ங்க॑ச்சா॒போ வா॑ கச்ச॒ யதி॒ தத்ர॑ தே ஹி॒தமோஷ॑தீஷு॒ ப்ரதி॑திஷ்டா॒ ஶரீ॑ரைஃ ॥ லோ॒க-ம்ப்ரு'॑ண சி॒த்ர-ம்ப்ரு'॒ணாதோ॑ ஸீத ஶி॒வா த்வம் । இ॒ந்த்ரா॒க்நீ த்வா॒ ப்ரு'ஹ॒ஸ்பதி॑ர॒ஸ்மிந் யோநா॑வஸீஷ॒தந்ந் ॥ தா அ॑ஸ்ய॒ ஸூத॑தோஹஸ॒-ஸ்ஸோமக்க்॑ ஶ்ரீணந்தி॒ ப்ரு'ஶ்ந॑யஃ । ஜந்ம॑-ந்தே॒வாநாம்॒-விँஶ॑ஸ்த்ரி॒ஷ்வா ரோ॑ச॒நே தி॒வஃ ॥
அஶ்ம॑ந்வதீ ரேவதீ॒-ஸ்ஸக்ம் ர॑பத்த்வ॒ முத்தி॑ஷ்டத॒ ப்ரத॑ரதா ஸகாயஃ । அத்ரா॑ ஜஹாம॒ யே அஸ॒ந்நஶே॑வா-ஶ்ஶி॒வாந் வ॒யம॒பி வாஜா॒நுத்த॑ரேம ॥ யத்வை தே॒வஸ்ய॑ ஸவி॒துஃ ப॒வித்ரக்ம்॑ ஸ॒ஹஸ்ர॑தார॒ம் ँவித॑தம॒ந்தரி॑க்ஷே । யேநாபு॑நா॒திந்த்ர॒மநா॑ர்த॒-மார்த்யை॒ தேநா॒ஹ-ம்மாக்ம் ஸ॒ர்வத॑நு-ம்புநாமி ॥
தா॒தா யா ரா॒ஷ்ட்ரா-த்ப॒ந்நாதப॒ யந்தி॒ ஶாகா॑ அ॒பிம்ரு'॑தா ந்ரு'॒பதி॑மி॒ச்சமா॑நாஃ । தா॒துஸ்தா-ஸ்ஸர்வாஃ॒ பவ॑நேந பூ॒தாஃ ப்ர॒ஜயா॒-ऽஸ்மாந்-ர॒ய்யா வர்ச॑ஸா॒ ஸக்ம்ஸ்ரு'॑ஜாத ॥( ) ॥ 22 ॥
(அதோ॒ பல॑ம் - தா॒தா பு॑நாது) (அ. 9)
அநுவாகம் 10
ஆரோ॑ஹ॒தாயு॑-ர்ஜ॒ரஸ॑-ங்க்ரு'ணா॒நா அ॑நுபூ॒ர்வம் ँயத॑மாநா॒ யதி॒ஷ்ட । இ॒ஹ த்வஷ்டா॑ ஸு॒ஜநி॑மா ஸு॒ரத்நோ॑ தீ॒ர்கமாயுஃ॑ கரது ஜீ॒வஸே॑ வஃ ॥
யதா-ऽஹா᳚ந்யநுபூ॒ர்வ-ம்பவ॑ந்தி॒ யத॒ர்தவ॑ ரு'॒துபி॒-ர்யந்தி॑ க்ல்ரு'॒ப்தாஃ । யதா॒ ந பூர்வ॒மப॑ரோ॒ ஜஹா᳚த்யே॒வா தா॑த॒ராயூக்ம்॑ஷி கல்பயைஷாம் ॥
ந ஹி॑ தே அக்நே த॒நுவை᳚ க்ரூ॒ர-ஞ்ச॒கார॒ மர்த்யஃ॑ ।
க॒பி-ர்ப॑பஸ்தி॒ தேஜ॑ந॒-ம்புந॑ர்ஜ॒ராயு॒ கௌரி॑வ ।
அப॑ ந॒-ஶ்ஶோஶு॑சத॒கமக்நே॑ ஶுஶு॒த்த்யா ர॒யிம் ।
அப॑ ந॒-ஶ்ஶோஶு॑சத॒க-ம்ம்ரு'॒த்யவே॒ ஸ்வாஹா᳚ ॥
அ॒ந॒ட்வாஹ॑-ம॒ந்வார॑பாமஹே ஸ்வ॒ஸ்தயே᳚ ।
ஸ ந॒ இந்த்ர॑ இவ தே॒வேப்யோ॒ வஹ்நிஃ॑ ஸ॒பாம்ர॑ணோ பவ ॥ 23 ॥
இ॒மே ஜீ॒வா வி॑ம்ரு'॒தைராவ॑வ-ர்தி॒ந்நபூ᳚-த்ப॒த்ரா தே॒வஹூ॑தி-ந்நோ அ॒த்ய । ப்ராஞ்ஜோ॑-ऽகாமா ந்ரு'॒தயே॒ ஹஸா॑ய॒ த்ராகீ॑ய॒ ஆயுஃ॑ ப்ரத॒ரா-ந்ததா॑நாஃ ॥
ம்ரு'॒த்யோஃ ப॒தம் ँயோபய॑ந்தோ॒ யதைம॒ த்ராகீ॑ய॒ ஆயுஃ॑ ப்ரத॒ரா-ந்ததா॑நாஃ । ஆ॒ப்யாய॑மாநாஃ ப்ர॒ஜயா॒ தநே॑ந ஶு॒த்தாஃ பூ॒தா ப॑வத யஜ்ஞியாஸஃ ॥
இ॒ம-ஞ்ஜீ॒வேப்யஃ॑ பரி॒தி-ந்த॑தாமி॒ மா நோ நு॑ கா॒தப॑ரோ॒ அர்த॑மே॒தம் ।
ஶ॒த-ஞ்ஜீ॑வந்து ஶ॒ரதஃ॑ புரூ॒சீஸ்தி॒ரோ ம்ரு'॒த்யு-ந்த॑த்மஹே॒ பர்வ॑தேந ॥ இ॒மா நாரீ॑ரவித॒வா-ஸ்ஸு॒பத்நீ॒ராஞ்ஜ॑நேந ஸ॒ர்பிஷா॒ ஸம்ம்ரு'॑ஶந்தாம் ।
அ॒ந॒ஶ்ரவோ॑ அநமீ॒வா-ஸ்ஸு॒ஶேவா॒ ஆரோ॑ஹந்து॒ ஜந॑யோ॒ யோநி॒மக்ரே᳚ ॥ யதாஞ்ஜ॑ந-ந்த்ரைககு॒த-ஞ்ஜா॒தக்ம் ஹி॒மவ॑த॒ஸ்பரி॑ ।
தேநா॒ம்ரு'த॑ஸ்ய॒ மூலே॒நாரா॑தீ-ர்ஜம்பயாமஸி ॥
யதா॒ த்வ-மு॑த்பி॒ந-த்ஸ்யோ॑ஷதே ப்ரு'தி॒வ்யா அதி॑ ।
ஏ॒வமி॒ம உத்பி॑ந்தந்து கீ॒ர்த்யா யஶ॑ஸா ப்ரஹ்மவர்ச॒ஸேந॑ ॥ அ॒ஜோ᳚-ऽஸ்யஜா॒ஸ்மத॒கா த்வேஷாக்ம்॑ஸி ய॒வோ॑-ऽஸி ய॒வயா॒ஸ்மத॒கா த்வேஷாக்ம்॑ஸி ॥ 24 ॥
(ப॒வ॒ - ஜ॒ம்ப॒யா॒ம॒ஸி॒ த்ரீணி॑ ச) (அ. 10)
அநுவாகம் 11
அப॑ ந॒-ஶ்ஶோஶு॑சத॒கமக்நே॑ ஶுஶு॒த்த்யா ர॒யிம் । அப॑ ந॒-ஶ்ஶோஶு॑சத॒கம் ॥ ஸு॒க்ஷே॒த்ரி॒யா ஸு॑காது॒யா வ॑ஸூ॒யா ச॑ யஜாமஹே । அப॑ ந॒-ஶ்ஶோஶு॑சத॒கம் ॥
ப்ர ய-த்பந்தி॑ஷ்ட ஏஷா॒-ம்ப்ராஸ்மாகா॑ஸஶ்ச ஸூ॒ரயஃ॑ । அப॑ ந॒-ஶ்ஶோஶு॑சத॒கம் ॥ ப்ரயத॒க்நே-ஸ்ஸஹ॑ஸ்வதோ வி॒ஶ்வதோ॒ யந்தி॑ ஸூ॒ரயஃ॑ । அப॑ ந॒-ஶ்ஶோஶு॑சத॒கம் ॥
ப்ரயத்தே॑ அக்நே ஸூ॒ரயோ॒ ஜாயே॑மஹி॒ ப்ர தே॑ வ॒யம் ।
அப॑ ந॒-ஶ்ஶோஶு॑சத॒கம் ॥ 25 ॥
த்வக்ம் ஹி வி॑ஶ்வதோமுக வி॒ஶ்வதஃ॑ பரி॒பூரஸி॑ । அப॑ ந॒-ஶ்ஶோஶு॑சத॒கம் ॥ த்விஷோ॑ நோ விஶ்வதோமு॒காதி॑ நா॒வேவ॑ பாரய । அப॑ ந॒-ஶ்ஶோஶு॑சத॒கம் ॥ ஸ ந॒-ஸ்ஸிந்து॑மிவ நா॒வயா-ऽதி॑ பர்ஷா ஸ்வ॒ஸ்தயே᳚ । அப॑ ந॒-ஶ்ஶோஶு॑சத॒கம் ॥ ஆபஃ॑ ப்ரவ॒ணாதி॑வ ய॒தீ-ரபா॒ஸ்ம-த்ஸ்ய॑ந்ததாம॒கம் । அப॑ ந॒-ஶ்ஶோஶு॑சத॒கம் ॥ உ॒த்வ॒நா-து॑த॒காநீ॒வாபா॒ஸ்ம-த்ஸ்ய॑ந்ததாம॒கம் ।
அப॑ ந॒-ஶ்ஶோஶு॑சத॒கம் ॥ ஆ॒ந॒ந்தாய॑ ப்ரமோ॒தாய॒ புந॒ராகா॒க்॒ ஸ்வாந்க்ரு'॒ஹாந் । அப॑ ந॒-ஶ்ஶோஶு॑சத॒கம் ॥ ந வை தத்ர॒ ப்ரமீ॑யதே॒ கௌரஶ்வஃ॒ புரு॑ஷஃ ப॒ஶுஃ ।
யத்ரே॒த-ம்ப்ரஹ்ம॑ க்ரி॒யதே॑ பரி॒திர்ஜீவ॑நாய॒ கமப॑ ந॒-ஶ்ஶோஶு॑சத॒கம் ॥ 26 ॥
(அ॒க - ம॒க-ஞ்ச॒த்வாரி॑ ச) (அ. 11)
அநுவாகம் 12
அப॑ஶ்யாம யுவ॒தி-மா॒சர॑ந்தீ-ம்ம்ரு'॒தாய॑ ஜீ॒வா-ம்ப॑ரிணீ॒யமா॑நாம் । அ॒ந்தேந॒ யா தம॑ஸா॒ ப்ராவ்ரு'॑தா-ऽஸி॒ ப்ராசீ॒மவா॑சீ॒-மவ॒ய-ந்நரி॑ஷ்ட்யை ॥
மயை॒தா-ம்மா॒க்॒ஸ்தா-ம்ப்ரி॒யமா॑ணா தே॒வீ ஸ॒தீ பி॑த்ரு'லோ॒கம் ँயதைஷி॑ । வி॒ஶ்வவா॑ரா॒ நப॑ஸா॒ ஸம்வ்யँ॑யந்த்யு॒பௌ நோ॑ லோ॒கௌ பய॒ஸா-ऽऽவ்ரு'॑ணீஹி ॥
ரயி॑ஷ்டாம॒க்நி-ம்மது॑மந்தமூ॒ர்மிண॒மூர்ஜஃ॑ ஸந்த-ந்த்வா॒ பய॒ஸோப॒ ஸக்ம்ஸ॑தேம ।
ஸக்ம் ர॒ய்யா ஸமு॒ வர்ச॑ஸா॒ ஸச॑ஸ்வா ந-ஸ்ஸ்வ॒ஸ்தயே᳚ ॥
யே ஜீ॒வா யே ச॑ ம்ரு'॒தா யே ஜா॒தா யே ச॒ ஜந்த்யாஃ᳚ ।
தேப்யோ॑ க்ரு'॒தஸ்ய॑ தாரயிது॒-ம்மது॑தாரா வ்யுந்த॒தீ ॥
மா॒தா ரு॒த்ராணா᳚-ந்துஹி॒தா வஸூ॑நா॒க்॒ ஸ்வஸா॑-ऽऽதி॒த்யாநா॑ம॒-ம்ரு'த॑ஸ்ய॒ நாபிஃ॑ ।
ப்ரணு॒வோச॑-ஞ்சிகி॒துஷே॒ ஜநா॑ய॒ மா காமநா॑கா॒மதி॑திம் ँவதிஷ்ட ॥
பிப॑தூத॒க-ந்த்ரு'ணா᳚ந்யத்து । ஓமு-த்ஸ்ரு'॒ஜத ॥ 27 ॥
(வ॒தி॒ஷ்ட॒ த்வே ச॑) (அ. 12)
(ப॒ரே॒யு॒வாக்ம்ஸ॒-ம்ப்ர வி॒த்வா-ந்புவ॑நஸ்யா॒ப்யாவ॑ வ்ரு'த்ஸ்வா॒ ஜோ பா॒கோ॑-ऽயம் ँவை சதுஶ்சத்வாரிக்ம்ஶத் ।
ய ஏ॒தஸ்ய॒ த்வ-த்பஞ்ச॑ । ப்ரகே॒துநே॒தந்தே॒ நாகே॑ ஸுப॒ர்ணம் ँயௌ தே॒ யே யுத்த்ய॑ந்தே॒ தப॒ஸா-ऽஶ்ம॑ந்வதீ ரேவதீ॒-ஸ்ஸக்ம்ர॑பத்த்வம॒ஷ்டாவிக்ம்॑ஶதிஃ । ய-ந்தே॒ யத்த॒ உத்திஷ்டா॒த॑ இ॒தந்த॒ உத்தி॑ஷ்ட॒
ப்ரேஹ்யஶ்ம॒ந்॒. யத்வா உத்வ॒யம॒ய-ம்பஞ்ச॑விக்ம்ஶதிஃ । ஆயா॑து த்ரி॒க்ம்॒ஶத் । வை॒ஶ்வா॒ந॒ரே தஸ்மி॑-ந்த்ர॒ப்ஸ இ॒மமபே॒தாஹோ॑பி-ர்யுஜ்யந்தாமக்நி॒யா அ॑திதே பா॒ரம் ँவ॒ ஆ ப்யா॑யஸ்வ ஸ॒ப்தவிக்ம்॑ஶதிஃ । உத்தே॑ க்ரு'ஹே-ऽகாஷி॑தி॒ஸ்தேப்யஃ॑ ப்ரு'॑தி॒வ்யா அ॒ந்தரி॑க்ஷஸ்ய॒ த்வாத்ரிக்ம்॑ஶத் । அ॒பூ॒பவா॑நஸௌ॒ தஶ॑ ஶ॒த த॑ஶ । ஏ॒தாஸ்தே॑ தே॒ திஶ॒-ஸ்ஸர்வா॑ இ॒தமஶ்ம॑ந் விக்ம்ஶ॒திஃ । ஓ॑ரோஹத த॒நுவை᳚ க்ரூ॒ர-ஞ்ச॒கார॒ புந॑ர்ம்ரு'॒த்யவே॒ மா நோ நு॑ கா-த்தத்மஹ இ॒மா நாரீஃ॒ பரி॒ த்ரயோ॑விக்ம்ஶதிஃ ।
அப॑ ந-ஸ்ஸுக்ஷேத்ரி॒யா ப்ர யத்ப-ந்தி॑ஷ்டஃ॒ ப்ர யத॒க்நேஃ ப்ர யத்தே॑ அக்நே॒ த்வக்ம் ஹி த்விஷ॒-ஸ்ஸ ந॒-ஸ்ஸிந்து॒மாபஃ॑ ப்ரவ॒ணாது॑-த்வ॒நாதா॑ந॒ந்தாய॒ ந வை தத்ர॒ யத்ரே॒த-ஞ்சது॑ர்விக்ம்ஶதிஃ॒ । அப॑ஶ்யா॒மாவ்ரு'॑ணீஹி॒ த்வாத॑ஶ த்வாதஶ ।)
(ப॒ரே॒யு॒வாக்ம்ஸ॒ - மாயா᳚ - த்வே॒தாஸ்தே॑ ஸ॒ப்தவிக்ம்॑ஶதிஃ )
(ப॒ரே॒யு॒வாக்ம்ஸ॒ - மோமுத்ஸ்ரு'॒ஜத )
॥ ஹரிஃ॑ ஓம் ॥
॥ க்ரு'ஷ்ண யஜுர்வேதீய தைத்திரீய ஆரண்யகே ஷஷ்டஃ ப்ரபாடக-ஸ்ஸமாப்தஃ ॥
Roman (IAST) Transliteration
kṛṣṇa yajurvedīya taittirīya āraṇyake ṣaṣṭhaḥ prapāṭhakaḥ - pitṛmedhamantrāḥ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1
pa॒re॒yu॒vāgṃsa̭-mpra॒vato̭ ma॒hīranṷ ba॒hubhyaḥ॒ panthā̭manapaspaśā॒nam | vai॒va॒sva॒tagṃ sa॒ṅgama̭na॒-ñjanā̭nām ~ya॒magṃ rājā̭nagṃ ha॒viṣā̭ duvasyata || i॒da-ntvā॒ vastra̭-mpratha॒ma-nnvāga॒nnapai॒tadṷ̄ha॒ yadi॒hābi̭bhaḥ pu॒rā |
i॒ṣṭā॒pū॒rtamanu॒ sampa̭śya॒ dakṣi̭ṇā॒m ~yathā̭ te da॒tta-mba̭hu॒dhā vi ba̭ndhuṣu ||
i॒mau yṷnajmi te va॒hnī asṷnīthāya vo॒ḍhave᳚ |
yābhyā᳚m ~ya॒masya॒ sāda̭nagṃ su॒kṛtā॒-ñcāpi̭ gacchatāt || pū॒ṣā tve॒taścyā̭vayatu॒ pravi॒dvā-nana̭ṣṭapaśu॒-rbhuva̭nasya go॒pāḥ |
sa tvai॒tebhyaḥ॒ pari̭dadā-tpi॒tṛbhyo॒-'gnirde॒vebhyaḥ̭ suvi॒datre᳚bhyaḥ || pū॒ṣemā āśā॒ anṷveda॒ sarvā॒-sso a॒smāgṃ abha̭yatamena neṣat |
sva॒sti॒dā aghṛ̭ṇi॒-ssarva̭vī॒ro-'pra̭yucchanpu॒ra ḙtu॒ pravi॒dvān || 1 ||
āyṷ-rvi॒śvāyuḥ॒ pari̭pāsati tvā pū॒ṣā tvā̭ pātu॒ prapa̭the pu॒rastā᳚t | yatrāsa̭te su॒kṛto॒ yatra॒ te ya॒yustatra̭ tvā de॒va-ssa̭vi॒tā da̭dhātu ||
bhuva̭nasya pata i॒dagṃ ha॒viḥ || a॒gnayḙ rayi॒mate॒ svāhā᳚ || purṷṣasya sayāva॒ryapeda॒ghāni̭ mṛjmahe |
yathā̭ no॒ atra॒ nāpa̭raḥ pu॒rā ja॒rasa॒ āya̭ti ||
purṷṣasya sayāvari॒ vi te᳚ prā॒ṇama̭si srasam |
śarī̭reṇa ma॒hīmihi̭ sva॒dhayehi̭ pi॒tṝnupa̭ pra॒jayā॒-'smāni॒hāva̭ha || maiva̭-mmā॒g॒stā pri̭ye॒-'ha-nde॒vī sa॒tī pi̭tṛlo॒kam ~yadaiṣi̭ |
vi॒śvavā̭rā॒ nabha̭sā॒ saṃvya~̭yantyu॒bhau no̭ lo॒kau
paya̭sā॒-'bhyāva̭vṛthsva || 2 ||
i॒ya-nnārī̭ patilo॒kam ~vṛ̭ṇā॒nā nipa̭dyata॒ upa̭ tvā martya॒ preta᳚m | viśva̭-mpurā॒ṇamanṷ pā॒laya̭ntī॒ tasyai᳚ pra॒jā-ndravi̭ṇa-ñce॒ha dhḙhi || udī᳚rṣva nārya॒bhi jī̭valo॒kami॒tāsṷme॒tamupa̭śeṣa॒ ehi̭ |
ha॒sta॒grā॒bhasya̭ didhi॒ṣostvame॒ta-tpatyṷrjani॒tvama॒bhi samba̭bhūva ||
su॒varṇa॒gṃ॒ hastā̭dā॒dadā̭nā mṛ॒tasya̭ śri॒yai brahma̭ṇe॒ teja̭se॒ balā̭ya | atrai॒va tvami॒ha va॒yagṃ su॒śevā॒ viśvā॒-sspṛdho̭ a॒bhimā̭tīrjayema ||
dhanu॒r॒ hastā̭dā॒dadā̭nā mṛ॒tasya̭ śri॒yai kṣa॒trāyauja̭se॒ balā̭ya | atrai॒va tvami॒ha va॒yagṃ su॒śevā॒ viśvā॒-sspṛdho̭ a॒bhimā̭tīrjayema |
maṇi॒gṃ॒ hastā̭dā॒dadā̭nā mṛ॒tasya̭ śri॒yai vi॒śe puṣṭyai॒ balā̭ya | atrai॒va tvami॒ha va॒yagṃ su॒śevā॒ viśvā॒-sspṛdho̭ a॒bhimā̭tīrjayema || 3 ||
i॒mama̭gne cama॒sa-mmā vijī᳚hvaraḥ pri॒yo de॒vānā̭mu॒ta so॒myānā᳚m | e॒ṣa yaśca̭ma॒so dḙva॒pāna॒stasmi̭-nde॒vā a॒mṛtā̭ mādayantām ||
a॒gnervarma॒ pari॒ gobhi̭rvyayasva॒ samprorṇṷṣva॒ meda̭sā॒ pīva̭sā ca | nettvā̭ dhṛ॒ṣṇur-hara̭sā॒ jarhṛ̭ṣāṇo॒ dadha̭-dvidha॒kṣyan-parya॒ṅkhayā̭tai ||
maina̭magne॒ vida̭ho॒ mā-'bhiśo̭co॒ mā-'sya॒ tvaca̭-ñcikṣipo॒ mā śarī̭ram | ya॒dā śṛ॒ta-ṅka॒ravo̭ jātave॒do-'thḙmena॒-mprahi̭ṇutā-tpi॒tṛbhyaḥ̭ ||
śṛ॒tam ~ya॒dā ka॒rasi̭ jātave॒do-'thḙmena॒-mpari̭dattā-tpi॒tṛbhyaḥ̭ | ya॒dā gacchā॒tyasṷnītime॒tāmathā̭ de॒vānā᳚m ~vaśa॒nīrbha̭vāti || sūrya̭-nte॒ cakṣṷ-rgacchatu॒ vāta̭mā॒tmā dyā-ñca॒ gaccha̭ pṛthi॒vī-ñca॒ dharma̭ṇā |
a॒po vā̭ gaccha॒ yadi॒ tatra̭ te hi॒tamoṣa̭dhīṣu॒ prati̭tiṣṭhā॒ śarī̭raiḥ || a॒jo bhā॒gastapa̭sā॒ ta-nta̭pasva॒ ta-ntḙ śo॒cista̭patu॒ ta-ntḙ a॒rciḥ |
yāstḙ śi॒vāsta॒nuvo̭ jātaveda॒stābhi̭-rvahe॒magṃ su॒kṛtā॒m ~yatra̭ lo॒kāḥ || a॒yam ~vai tvama॒smādadhi॒ tvame॒tada॒yam ~vai tada̭sya॒ yoni̭rasi | vai॒śvā॒na॒raḥ pu॒traḥ pi॒tre lo̭ka॒kṛ-jjā̭tavedo॒ vahḙmagṃ su॒kṛtā॒m ~yatra̭ lo॒kāḥ || 4 ||
(vi॒dvā-na॒bhyāva̭vṛthsvā॒ - bhimā̭tīrjayema॒ - śarī᳚raiśca॒tvāri̭ ca ) (a. 1)
anuvākaṃ 2
ya e॒tasya̭ pa॒tho go॒ptāra॒stebhya॒-ssvāhā॒ ya e॒tasya̭ pa॒tho ra̭kṣi॒tāra॒stebhya॒-ssvāhā॒ ya e॒tasya̭ pa॒tho̭-'bhira̭kṣi॒tāra॒stebhya॒-ssvāhā᳚-''khyā॒tre svāhā̭-'pākhyā॒tre svāhā̭-'bhi॒lāla̭pate॒ svāhā̭-'pa॒lāla̭pate॒ svāhā॒-'gnayḙ karma॒kṛte॒ svāhā॒ yamatra॒ nādhī॒mastasmai॒ svāhā᳚ ||
yasta̭ i॒ddhma-ñja॒bhara̭-thsiṣvidā॒no mū॒rdhāna̭m ~vā ta॒tapa̭te tvā॒yā | divo॒ viśva̭smā-thsīmaghāya॒ta ṷruṣyaḥ || a॒smāttvamadhi̭ jā॒to̭-'si॒ tvada॒ya-ñjā̭yatā॒-mpunaḥ̭ | a॒gnayḙ vaiśvāna॒rāya̭ suva॒rgāya̭ lo॒kāya॒ svāhā᳚ || 5 ||
(ya e॒tasya॒ tva-tpañca̭ ) (a. 2)
anuvākaṃ 3
pra ke॒tunā̭ bṛha॒tā bhā᳚tya॒gnirā॒vi-rviśvā̭ni vṛṣa॒bho ro̭ravīti | di॒vaści॒dantā॒dupa॒ māmu॒dāna̭ḍa॒pāmu॒pasthḙ mahi॒ṣo va̭vardha ||
i॒danta॒ eka̭-mpa॒ra ṷ̄ta॒ eka̭-ntṛ॒tīyḙna॒ jyoti̭ṣā॒ saṃvi~̭śasva | saṃ॒ve~śa̭nasta॒nuvai॒ cārṷredhi pri॒yo de॒vānā᳚-mpara॒me sa॒dhasthe᳚ ||
nākḙ supa॒rṇamupa॒ ya-tpata̭ntagṃ hṛ॒dā vena̭nto a॒bhyaca̭kṣata tvā | hira̭ṇyapakṣa॒m ~varṷṇasya dū॒tam ~ya॒masya॒ yonaṷ śaku॒na-mbhṷra॒ṇyum ||
ati̭drava sārame॒yau śvānaṷ catura॒kṣau śa॒balaṷ sā॒dhunā̭ pa॒thā | athā̭ pi॒tṝn-thsṷvi॒datrā॒gṃ॒ apī̭hi ya॒mena॒ ye sa̭dha॒māda॒-mmada̭nti ||
yau te॒ śvānaṷ yama rakṣi॒tāraṷ catura॒kṣau pa̭thi॒rakṣī̭ nṛ॒cakṣa̭sā |
tābhyāgṃ̭ rāja॒-npari̭ dehyenagg sva॒sti cā᳚smā anamī॒va-ñca̭ dhehi || 6 ||
u॒ru॒ṇa॒sā-va̭su॒tṛpā̭-vulumba॒lau ya॒masya̭ dū॒tau ca̭rato॒ vaśā॒gṃ॒ anṷ | tāva॒smabhya̭-ndṛ॒śaye॒ sūryā̭ya॒ puna̭rda-ttā॒vasṷma॒dyeha bha॒dram ||
soma॒ eke᳚bhyaḥ pavate ghṛ॒tameka॒ upā̭sate |
yebhyo॒ madhṷ pra॒dhāva̭ti॒ tāg-ści̭de॒vāpi̭gacchatāt ||
ye yuddhya̭nte pra॒dhanḙṣu॒ śūrā̭so॒ ye ta̭nu॒tyajaḥ̭ | ye vā̭ sa॒hasra̭dakṣiṇā॒stāg ści̭de॒vāpi̭gacchatāt ||
tapa̭sā॒ ye a̭nādhṛ॒ṣyā-stapa̭sā॒ ye suva̭rga॒tāḥ |
tapo॒ ye ca̭kri॒re ma॒ha-ttāg-ści̭de॒vāpi̭gacchatāt ||
aśma̭nvatī revatī॒-ssagṃra̭bhaddhva॒-mutti̭ṣṭhata॒ prata̭ratā sakhāyaḥ | atrā̭ jahāma॒ ye asa॒nnaśḙvā-śśi॒vān. va॒yama॒bhi vājā॒nutta̭rema || 7 ||
yadvai de॒vasya̭ savi॒tuḥ pa॒vitragṃ̭ sa॒hasra̭dhāra॒m ~vita̭tama॒ntari̭kṣe | yenāpṷnā॒dindra॒manā᳚rta॒-mārtyai॒ tenā॒ha-mmāgṃ sa॒rvata̭nu-mpunāmi ||
yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha ||
udva॒ya-ntama̭sa॒spari॒ paśya̭nto॒ jyoti॒rutta̭ram |
de॒va-ndḙva॒trā sūrya॒maga̭nma॒ jyoti̭rutta॒mam ||
dhā॒tā pṷnātu savi॒tā pṷnātu | a॒gnesteja̭sā॒ sūrya̭sya॒ varca̭sā || 8 ||
(dhe॒ - hyutta̭re - mā॒ṣṭau ca̭) (a. 3)
anuvākaṃ 4
ya-ntḙ a॒gnimama̭nthāma vṛṣa॒bhāyḙva॒ pakta̭ve |
i॒ma-ntagṃ śa̭mayāmasi kṣī॒reṇa̭ coda॒kena̭ ca ||
yantvama̭gne sa॒mada̭ha॒stvamu॒ nirvā̭payā॒ punaḥ̭ |
kyā॒mbūratra̭ jāyatā-mpākadū॒rvā vya̭lkaśā ||
śīti̭ke॒ śīti̭kāvati॒ hlādṷke॒ hlādṷkāvati |
ma॒ṇḍū॒kyā̭ susaṅga॒maye॒magg sva̭gnigṃ śa॒maya̭ || śa-ntḙ dhanva॒nyā āpa॒-śśamṷ te santvanū॒kyāḥ᳚ | śa-ntḙ samu॒driyā॒ āpa॒-śśamṷ te santu॒ varṣyāḥ᳚ ||
śa-nte॒ srava̭ntī-sta॒nuve॒ śamṷ te santu॒ kūpyāḥ᳚ |
śa-ntḙ nīhā॒ro va̭rṣatu॒ śamu॒ pṛṣvā-'va̭śīyatām || 9 ||
ava̭ sṛja॒ puna̭ragne pi॒tṛbhyo॒ yasta॒ āhṷta॒ścara̭ti sva॒dhābhiḥ̭ | āyu॒rvasā̭na॒ upa̭ yātu॒ śeṣa॒gṃ॒ saṅga̭cchatā-nta॒nuvā̭ jātavedaḥ ||
saṅga̭cchasva pi॒tṛbhi॒-ssagg sva॒dhābhi॒-ssami̭ṣṭāpū॒rtena̭ para॒me vyo̭mann |
yatra॒ bhūmyai̭ vṛ॒ṇase॒ tatra̭ gaccha॒ tatra̭ tvā de॒va-ssa̭vi॒tā da̭dhātu || yattḙ kṛ॒ṣṇa-śśa̭ku॒na ā̭tu॒toda̭ pipī॒la-ssa॒rpa u॒ta vā॒ śvāpa̭daḥ |
a॒gniṣṭa-dviśvā̭danṛ॒ṇa-ṅkṛ̭ṇotu॒ soma̭śca॒ yo brā᳚hma॒ṇamā̭vi॒veśa̭ || utti॒ṣṭhāta̭-sta॒nuva॒gṃ॒ sambha̭rasva॒ meha gātra॒mava̭hā॒ mā śarī̭ram |
yatra॒ bhūmyai̭ vṛ॒ṇase॒ tatra̭ gaccha॒ tatra̭ tvā de॒va-ssa̭vi॒tā da̭dhātu || i॒da-nta॒ eka̭-mpa॒ra ṷ̄ta॒ eka̭-ntṛ॒tīyḙna॒ jyoti̭ṣā॒ saṃvi~̭śasva |
saṃ॒ve~śa̭na-sta॒nuvai॒ cārṷredhi pri॒yo de॒vānā᳚-mpara॒me sa॒dhasthe᳚ || utti̭ṣṭha॒ prehi॒ pradra॒vaukaḥ̭ kṛṇuṣva para॒me vyo̭mann | ya॒mena॒ tvam ~ya॒myā̭ saṃvi~dā॒not-ta॒ma-nnāka॒madhi̭ rohe॒mam ||
aśma̭nvatī revatī॒-ssagṃ ra̭bhaddhva॒ mutti̭ṣṭhata॒ prata̭ratā sakhāyaḥ | atrā̭ jahāma॒ ye asa॒nnaśḙvā-śśi॒vān va॒yama॒bhi vājā॒nutta̭rema || yadvai de॒vasya̭ savi॒tuḥ pa॒vitragṃ̭ sa॒hasra̭dhāra॒m ~vita̭tama॒ntari̭kṣe | yenāpṷnā॒dindra॒manā̭rta॒-mārtyai॒ tenā॒ha-mmāgṃ sa॒rvata̭nu-mpunāmi || yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha || yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha || dhā॒tā pṷnātu savi॒tā pṷnātu | a॒gnesteja̭sā॒ sūrya̭sya॒ varca̭sā ||
a॒smāttvamadhi̭ jā॒to᳚-'sya॒ya-ntvadadhi̭jāyatām |
a॒gnayḙ vaiśvāna॒rāya̭ suva॒rgāya̭ lo॒kāya॒ svāhā᳚ || 10 ||
(ava̭śīyatāgṃ - sa॒dhasthe॒ pañca̭ ca) (a. 4)
anuvākaṃ 5
āyā̭tu de॒va-ssu॒manā̭bhi-rū॒tibhi̭-rya॒mo ha̭ve॒ha praya̭tābhira॒ktā | āsī̭datāgṃ supra॒yatḙha ba॒r॒hiṣyūrjā̭ya jā॒tyai mama̭ śatru॒hatyai᳚ ||
ya॒me i̭va॒ yata̭māne॒ yadaita॒-mpravā᳚mbhara॒-nmānṷṣā deva॒yantaḥ̭ | āsī̭data॒gg॒ svamṷ lo॒kam ~vidā̭ne svāsa॒sthe bha̭vata॒minda̭ve naḥ ||
ya॒māya॒ somagṃ̭ sunuta ya॒māya̭ juhutā ha॒viḥ |
ya॒magṃ ha̭ ya॒jño ga̭cchatya॒gnidṷ̄to॒ ara̭ṅkṛtaḥ ||
ya॒māya̭ ghṛ॒tava̭ddha॒virju॒hota॒ pra ca̭ tiṣṭhata |
sa no̭ de॒veṣvāya̭ma-ddī॒rghamāyuḥ॒ pra jī॒vase᳚ ||
ya॒māya॒ madhṷmattama॒gṃ॒ rājñḙ ha॒vya-ñjṷhotana | i॒da-nnama॒ ṛṣi̭bhyaḥ pūrva॒jebhyaḥ॒ pūrve᳚bhyaḥ pathi॒kṛdbhyaḥ̭ || 11 ||
yo-'sya॒ kauṣṭhya॒ jaga̭taḥ॒ pārthi̭va॒syaika̭ idva॒śī |
ya॒ma-mbha̭ṅgyaśra॒vo gā̭ya॒ yo rājā̭-'napa॒roddhyaḥ̭ || ya॒ma-ṅgāya̭ bhaṅgya॒śravo॒ yo rājā̭-'napa॒roddhyaḥ̭ | yenā॒po na॒dyo̭ dhanvā̭ni॒ yena॒ dyauḥ pṛ̭thi॒vī dṛ॒ḍhā || hi॒ra॒ṇya॒ka॒kṣyān-thsu॒dhurāṋ. hiraṇyā॒kṣā-na̭yaśśa॒phān | aśvā̭-na॒naśya̭to dā॒na॒m ~ya॒mo rā̭jā-'bhi॒tiṣṭha̭ti || ya॒mo dā̭dhāra pṛthi॒vīṃ-ya~॒mo viśva̭mi॒da-ñjaga̭t | ya॒māya॒ sarva॒mitra̭sthe॒ ya-tprā॒ṇa-dvā॒yura̭kṣi॒tam || yathā॒ pañca॒ yathā॒ ṣaḍ ya॒thā pañca̭ da॒śarṣa̭yaḥ | ya॒mam ~yo vi̭dyā॒thsa brṷ̄yādya॒thaika ṛṣi̭rvijāna॒te || 12 ||
trika̭drukebhiḥ॒ pata̭ti॒ ṣaḍu॒rvī-reka॒mi-dbṛ॒hat |
gā॒ya॒trī tri॒ṣṭupchandāgṃ̭si॒ sarvā॒ tā ya॒ma āhi̭tā ||
aha̭raha॒rnaya̭māno॒ gāmaśva॒-mpurṷṣa॒-ñjaga̭t |
vaiva̭svato॒ na tṛ̭pyati॒ pañca̭bhi॒rmāna̭vairya॒maḥ ||
vaiva̭svate॒ vivi̭cyante॒ yame॒ rāja̭ni te ja॒nāḥ |
ye ce॒ha sa॒tyeneccha̭nte॒ ya u॒ cānṛ̭tavādi॒naḥ ||
te rā̭janni॒ha vivi̭cyante॒-'thā ya̭nti tvā॒mupa̭ |
de॒vāgśca॒ ye na̭ma॒syanti॒ brāhma̭ṇāgścāpa॒citya̭ti ||
yasmi̭n vṛ॒kṣe sṷpalā॒śe de॒vai-ssa॒pimba̭te ya॒maḥ |
atrā̭ no vi॒śpatiḥ̭ pi॒tā pṷrā॒ṇā anṷvenati || 13 ||
(pa॒thi॒kṛdbhyo̭ - vijāna॒te - 'nṷvenati) (a. 5)
anuvākaṃ 6
vai॒śvā॒na॒re ha॒viri॒da-ñjṷhomi sāha॒sra-muthsagṃ̭ śa॒tadhā̭rame॒tam | tasmi̭nne॒ṣa pi॒tara̭-mpitāma॒ha-mprapi̭tāmaha-mbibhara॒-tpinva̭māne ||
dra॒phsaśca̭skanda pṛthi॒vīmanu॒ dyāmi॒mañca॒ yoni॒manu॒ yaśca॒ pūrvaḥ̭ |
tṛ॒tīya॒m ~yoni॒manṷ sa॒ñcara̭nta-ndra॒phsa-ñjṷho॒myanṷ sa॒pta hotrāḥ᳚ ||
i॒magṃ sa̭mu॒dragṃ śa॒tadhā̭ra॒muthsa̭m ~vya॒cyamā̭na॒-mbhuva̭nasya॒ maddhye᳚ |
ghṛ॒ta-nduhā̭nā॒madi̭ti॒-ñjanā॒yāgne॒ mā higṃ̭sīḥ para॒me vyo̭mann || apḙta॒ vīta॒ vi ca̭ sarpa॒tāto॒ ye-'tra॒ stha pṷrā॒ṇā ye ca॒ nūta̭nāḥ |
aho̭bhira॒dbhi-ra॒ktubhi॒-rvya̭ktam ~ya॒mo da̭dā-tvava॒sāna̭masmai || sa॒vi॒taitāni॒ śarī̭rāṇi pṛthi॒vyai mā॒turu॒pastha॒ āda̭dhe |
tebhi̭-ryujyantā-maghni॒yāḥ || 14 ||
śu॒nam ~vā॒hā-śśu॒na-nnā॒rā-śśu॒na-ṅkṛ̭ṣatu॒ lāṅga̭lam |
śu॒nam ~va̭ra॒trā ba̭ddhyantāgṃ śu॒na-maṣṭrā॒-mudi̭ṅgaya॒ śunā̭sīrā śu॒nama॒smāsṷ dhattam ||
śunā̭sīrāvi॒mām ~vāca॒m ~ya-ddi॒vi ca̭kra॒thuḥ payaḥ̭ | tene॒mā-mupa̭siñcatam ||
sīte॒ vandā̭mahe tvā॒-'rvācī̭ subhage bhava |
yathā̭ na-ssu॒bhagā sa̭si॒ yathā̭ na-ssu॒phalā sa̭si ||
sa॒vi॒taitāni॒ śarī̭rāṇi pṛthi॒vyai mā॒turu॒pastha॒ āda̭dhe | tebhi̭radite॒ śa-mbha̭va ||
vimṷcyaddhva-maghni॒yā dḙva॒yānā॒ atā̭riṣma॒ tama̭saspā॒rama॒sya |
jyoti̭rāpāma॒ suva̭raganma || 15 ||
pra vātā॒ vānti̭ pa॒taya̭nti vi॒dyuta॒ udoṣa̭dhīrjihate॒ pinva̭te॒ suvaḥ̭ | irā॒ viśva̭smai॒ bhuva̭nāya jāyate॒ ya-tpa॒rjanyaḥ̭ pṛthi॒vīgṃ reta॒sā-'va̭ti ||
yathā̭ ya॒māya̭ hā॒rmya-mava̭pa॒-npañca̭māna॒vāḥ |
e॒vam ~va̭pāmi hā॒rmyam ~yathā-'sā̭ma jīvalo॒ke bhūra̭yaḥ || citaḥ̭ stha pari॒cita̭ ūrdhva॒citaḥ̭ śrayaddhva-mpi॒taro̭ de॒vatā᳚ |
pra॒jāpa̭tirva-ssādayatu॒ tayā̭ de॒vata̭yā ||
ā pyā̭yasva॒ samḙ̀tu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || 16 ||
(a॒ghni॒yā - a̭ganma - +sa॒pta ca̭) (a. 6)
anuvākaṃ 7
uttḙ tabhnomi pṛthi॒vī-ntvatparī॒mam ~lo॒ka-nni॒dadha॒nmo a॒hagṃ ri̭ṣam | e॒tāg sthūṇā᳚-mpi॒taro̭ dhārayantu॒ te-'trā̭ ya॒ma-ssāda̭nātte minotu ||
upa̭sarpa mā॒tara॒-mbhūmi̭me॒tā-mṷru॒vyaca̭sa-mpṛthi॒vīgṃ su॒śevā᳚m | ūrṇa̭mradā yuva॒ti-rdakṣi̭ṇāvatye॒ṣā tvā̭ pātu॒ nir-ṛ̭tyā u॒pasthe᳚ ||
ucchma̭ñcasva pṛthivi॒ mā vibā̭dhithā-ssūpāya॒nā-'smai̭ bhava sūpavañca॒nā | mā॒tā pu॒tram ~yathā̭ si॒cā-'bhyḙna-mbhūmi vṛṇu || u॒cchmañca̭mānā pṛthi॒vī hi tiṣṭha̭si sa॒hasra॒mmita॒ upa॒ hi śraya̭ntām |
te gṛ॒hāso̭ madhu॒ścuto॒ viśvāhā᳚smai śara॒ṇā-ssa॒ntvatra̭ || eṇī᳚rdhā॒nā hari̭ṇī॒rarjṷnī-ssantu dhe॒navaḥ̭ | tila̭vathsā॒ ūrja̭masmai॒ duhā̭nā॒ viśvāhā̭ sa॒ntvana̭pasphurantīḥ || 17 ||
e॒ṣā tḙ yama॒sāda̭ne sva॒dhā nidhī̭yate gṛ॒he | akṣi̭ti॒rnāma̭ te asau || i॒da-mpi॒tṛbhyaḥ॒ prabha̭rema ba॒r॒hi-rde॒vebhyo॒ jīva̭nta॒ utta̭ra-mbharema |
tattva̭māro॒hāso॒ meghyo॒ bhava̭m ~ya॒mena॒ tvam ~ya॒myā̭ saṃvi~dā॒naḥ || mā tvā̭ vṛ॒kṣau sambā̭dhiṣṭā॒-mmā mā॒tā pṛ̭thivi॒ tvam |
pi॒tṝn. hi yatra॒ gacchā॒syedhā̭sam ~yama॒rājye᳚ ||
mā tvā̭ vṛ॒kṣau sambā̭dhethā॒-mmā mā॒tā pṛ̭thi॒vī ma॒hī | vai॒va॒sva॒tagṃ hi gacchā̭si yama॒rājye॒ virā̭jasi ||
na॒la-mpla॒vamāro̭hai॒ta-nna॒lena̭ pa॒tho-'nvi̭hi |
sa tva̭-nna॒lapla̭vo bhū॒tvā॒ santa̭ra॒ prata॒rotta̭ra || 18 ||
sa॒vi॒taitāni॒ śarī̭rāṇi pṛthi॒vyai mā॒turu॒pastha॒ āda̭dhe | tebhyaḥ̭ pṛthivi॒ śa-mbha̭va ||
ṣaḍḍho̭tā॒ sūrya̭-nte॒ cakṣṷ-rgacchatu॒ vāta̭mā॒tmā dyā-ñca॒ gaccha̭ pṛthi॒vī-ñca॒ dharma̭ṇā |
a॒po vā̭ gaccha॒ yadi॒ tatra̭ te hi॒tamoṣa̭dhīṣu॒ prati̭tiṣṭhā॒ śarī̭raiḥ || para̭-mmṛtyo॒ anu॒ parḙhi॒ panthā॒m ~yaste॒ sva ita̭ro deva॒yānā᳚t |
cakṣṷṣmate śṛṇva॒te te᳚ bravīmi॒ mā naḥ̭ pra॒jāgṃ rī̭riṣo॒ mota vī॒rān ||
śam ~vāta॒-śśagṃ hi te॒ ghṛṇi॒-śśamṷ te sa॒ntvoṣa̭dhīḥ | kalpa̭ntā-mme॒ diśaḥ̭ śa॒gmāḥ ||
pṛ॒thi॒vyāstvā̭ lo॒ke sā̭dayāmya॒muṣya॒ śarmā̭si pi॒taro̭ de॒vātā᳚ | pra॒jāpa̭tistvā sādayatu॒ tayā̭ de॒vata̭yā || a॒ntari̭kṣasya tvā di॒vastvā̭ di॒śā-ntvā॒ nāka̭sya tvā pṛ॒ṣṭhe bra॒ddhnasya̭ tvā vi॒ṣṭapḙ sādayāmya॒muṣya॒ śarmā̭si pi॒taro̭ de॒vatā᳚ |
pra॒jāpa̭tistvā sādayatu॒ tayā̭ de॒vata̭yā || 19 ||
(ana̭pasphurantī॒ - rutta̭ra - de॒vata̭yā॒ dve ca̭) (a. 7)
anuvākaṃ 8
a॒pū॒pavā᳚-nghṛ॒tavāg̭śca॒rureha sī̭datūttabhnu॒va-npṛ̭thi॒vī-ndyāmu॒topari̭ | yo॒ni॒kṛtaḥ̭ pathi॒kṛtaḥ̭ saparyata॒ ye de॒vānā᳚-ṅghṛ॒tabhā̭gā i॒ha stha |
e॒ṣā te yama॒sāda̭ne sva॒dhā nidhī̭yate gṛ॒hḙ-'sau |
daśā᳚kṣarā॒ tāgṃ ra̭kṣasva॒ tā-ṅgo̭pāyasva॒ tā-nte॒ pari̭ dadāmi॒ tasyā᳚-ntvā॒ mā da̭bha-npi॒taro̭ de॒vatā᳚ |
pra॒jāpa̭tistvā sādayatu॒ tayā̭ de॒vata̭yā ||
a॒pū॒pavā᳚-ñchṛ॒tavā᳚n-kṣī॒ravā॒n-dadhi̭vā॒-nmadhṷmāg-śca॒rureha sī̭datūttabhnu॒van-pṛ̭thi॒vī-ndyāmu॒topari̭ | yo॒ni॒kṛtaḥ̭ pathi॒kṛtaḥ̭ saparyata॒ ye de॒vānāgṃ̭ śṛ॒tabhā̭gāḥ, kṣī॒rabhā̭gā॒ dadhi̭bhāgā॒ madhṷbhāgā i॒ha stha | e॒ṣā tḙ yama॒sāda̭ne sva॒dhā nidhī̭yate gṛ॒hḙ-'sau | śa॒tākṣa̭rā sa॒hasrā᳚kṣarā॒-'yutā᳚kṣa॒rā-'cyṷtākṣarā॒ tāgṃ ra̭kṣasva॒ tā-ṅgo̭pāyasva॒ tā-nte॒ pari̭dadāmi॒ tasyā᳚-ntvā॒ mā da̭bha-npi॒taro̭ de॒vatā᳚ | pra॒jāpa̭tistvā sādayatu॒ tayā̭ de॒vata̭yā || 20 ||
(a॒pū॒pavā̭nasau॒ daśa̭) (a. 8)
anuvākaṃ 9
e॒tāste᳚ sva॒dhā a॒mṛtāḥ᳚ karomi॒ yāstḙ dhā॒nāḥ pa̭ri॒kirā॒myatra̭ | tāstḙ ya॒maḥ pi॒tṛbhiḥ̭ saṃvi~dā॒no-'tra̭ dhe॒nūḥ kā̭ma॒dughāḥ᳚ karotu ||
tvāmarju॒nauṣa̭dhīnā॒-mpayo᳚ bra॒hmāṇa॒ idvi̭duḥ |
tāsā᳚-ntvā॒ maddhyā॒dāda̭de ca॒rubhyo॒ api̭dhātave ||
dū॒rvāṇāg̭ sta॒mbamāha̭rai॒tā-mpri॒yata̭mā॒-mmama̭ | i॒mā-ndiśa̭-mmanu॒ṣyā̭ṇā॒-mbhūyi॒ṣṭhā-'nu॒ vi ro̭hatu || kāśā̭nāg sta॒mbamāha̭ra॒ rakṣa̭sā॒mapa̭hatyai |
ya e॒tasyai̭ di॒śaḥ pa॒rābha̭vannaghā॒yavo॒ yathā॒ te nābha̭vā॒-npunaḥ̭ || da॒rbhāṇāg̭ sta॒mbamāha̭ra pitṛ॒ṇāmoṣa̭dhī-mpri॒yām | anvasyai॒ mūla̭-ñjīvā॒danu॒ kāṇḍa॒matho॒ phala᳚m || 21 ||
lo॒ka-mpṛ̭ṇa chi॒dra-mpṛ॒ṇātho̭ sīda śi॒vā tvam | i॒ndrā॒gnī tvā॒ bṛha॒spati̭ra॒smin yonā̭vasīṣa॒dann || tā a̭sya॒ sūda̭dohasa॒-ssomagg̭ śrīṇanti॒ pṛśna̭yaḥ | janma̭-nde॒vānāṃ॒-vi~śa̭stri॒ṣvā ro̭ca॒ne di॒vaḥ ||
śam ~vāta॒-śśagṃhi te॒ ghṛṇi॒-śśamṷ te sa॒ntvoṣa̭dhīḥ | kalpa̭ntā-nte॒ diśa॒-ssarvāḥ᳚ || i॒dame॒va meto-'pa̭rā॒mārti̭mārāma॒ kāñca॒na |
tathā॒ tada॒śvibhyā᳚-ṅkṛ॒ta-mmi॒treṇa॒ varṷṇena ca ||
va॒ra॒ṇo vā̭rayādi॒da-nde॒vo vana॒spatiḥ̭ |
ārtyai॒ nir-ṛ̭tyai॒ dveṣā᳚cca॒ vana॒spatiḥ̭ ||
vidhṛ̭tirasi॒ vidhā̭rayā॒smada॒ghā dveṣāgṃ̭si śa॒mi śa॒mayā॒smada॒ghā dveṣāgṃ̭si ya॒va ya॒vayā॒smada॒ghā dveṣāgṃ̭si ||
pṛ॒thi॒vī-ṅga̭cchā॒ntari̭kṣa-ṅgaccha॒ diva̭-ṅgaccha॒ diśo̭ gaccha॒ suva̭rgaccha॒ suva̭rgaccha॒ diśo̭ gaccha॒ diva̭-ṅgacchā॒ntari̭kṣa-ṅgaccha pṛthi॒vī-ṅga̭cchā॒po vā̭ gaccha॒ yadi॒ tatra̭ te hi॒tamoṣa̭dhīṣu॒ prati̭tiṣṭhā॒ śarī̭raiḥ || lo॒ka-mpṛ̭ṇa chi॒dra-mpṛ॒ṇātho̭ sīda śi॒vā tvam | i॒ndrā॒gnī tvā॒ bṛha॒spati̭ra॒smin yonā̭vasīṣa॒dann || tā a̭sya॒ sūda̭dohasa॒-ssomagg̭ śrīṇanti॒ pṛśna̭yaḥ | janma̭-nde॒vānāṃ॒-vi~śa̭stri॒ṣvā ro̭ca॒ne di॒vaḥ ||
aśma̭nvatī revatī॒-ssagṃ ra̭bhaddhva॒ mutti̭ṣṭhata॒ prata̭ratā sakhāyaḥ | atrā̭ jahāma॒ ye asa॒nnaśḙvā-śśi॒vān va॒yama॒bhi vājā॒nutta̭rema || yadvai de॒vasya̭ savi॒tuḥ pa॒vitragṃ̭ sa॒hasra̭dhāra॒m ~vita̭tama॒ntari̭kṣe | yenāpṷnā॒dindra॒manā̭rta॒-mārtyai॒ tenā॒ha-mmāgṃ sa॒rvata̭nu-mpunāmi ||
dhā॒tā yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha ||( ) || 22 ||
(atho॒ phala̭m - dhā॒tā pṷnātu) (a. 9)
anuvākaṃ 10
āro̭ha॒tāyṷ-rja॒rasa̭-ṅgṛṇā॒nā a̭nupū॒rvam ~yata̭mānā॒ yati॒ṣṭa | i॒ha tvaṣṭā̭ su॒jani̭mā su॒ratno̭ dī॒rghamāyuḥ̭ karatu jī॒vasḙ vaḥ ||
yathā-'hā᳚nyanupū॒rva-mbhava̭nti॒ yatha॒rtava̭ ṛ॒tubhi॒-ryanti̭ klṛ॒ptāḥ | yathā॒ na pūrva॒mapa̭ro॒ jahā᳚tye॒vā dhā̭ta॒rāyūgṃ̭ṣi kalpayaiṣām ||
na hi̭ te agne ta॒nuvai᳚ krū॒ra-ñca॒kāra॒ martyaḥ̭ |
ka॒pi-rba̭bhasti॒ teja̭na॒-mpuna̭rja॒rāyu॒ gauri̭va |
apa̭ na॒-śśośṷcada॒ghamagnḙ śuśu॒ddhyā ra॒yim |
apa̭ na॒-śśośṷcada॒gha-mmṛ॒tyave॒ svāhā᳚ ||
a॒na॒ḍvāha̭-ma॒nvāra̭bhāmahe sva॒staye᳚ |
sa na॒ indra̭ iva de॒vebhyo॒ vahniḥ̭ sa॒pāṃra̭ṇo bhava || 23 ||
i॒me jī॒vā vi̭mṛ॒tairāva̭va-rti॒nnabhū᳚-dbha॒drā de॒vahṷ̄ti-nno a॒dya | prāñjo̭-'gāmā nṛ॒taye॒ hasā̭ya॒ drāghī̭ya॒ āyuḥ̭ prata॒rā-ndadhā̭nāḥ ||
mṛ॒tyoḥ pa॒dam ~yopaya̭nto॒ yadaima॒ drāghī̭ya॒ āyuḥ̭ prata॒rā-ndadhā̭nāḥ | ā॒pyāya̭mānāḥ pra॒jayā॒ dhanḙna śu॒ddhāḥ pū॒tā bha̭vatha yajñiyāsaḥ ||
i॒ma-ñjī॒vebhyaḥ̭ pari॒dhi-nda̭dhāmi॒ mā no nṷ gā॒dapa̭ro॒ ardha̭me॒tam |
śa॒ta-ñjī̭vantu śa॒radaḥ̭ purū॒cīsti॒ro mṛ॒tyu-nda̭dmahe॒ parva̭tena || i॒mā nārī̭ravidha॒vā-ssu॒patnī॒rāñja̭nena sa॒rpiṣā॒ sammṛ̭śantām |
a॒na॒śravo̭ anamī॒vā-ssu॒śevā॒ āro̭hantu॒ jana̭yo॒ yoni॒magre᳚ || yadāñja̭na-ntraikaku॒da-ñjā॒tagṃ hi॒mava̭ta॒spari̭ |
tenā॒mṛta̭sya॒ mūle॒nārā̭tī-rjambhayāmasi ||
yathā॒ tva-mṷdbhi॒na-thsyo̭ṣadhe pṛthi॒vyā adhi̭ |
e॒vami॒ma udbhi̭ndantu kī॒rtyā yaśa̭sā brahmavarca॒sena̭ || a॒jo᳚-'syajā॒smada॒ghā dveṣāgṃ̭si ya॒vo̭-'si ya॒vayā॒smada॒ghā dveṣāgṃ̭si || 24 ||
(bha॒va॒ - ja॒mbha॒yā॒ma॒si॒ trīṇi̭ ca) (a. 10)
anuvākaṃ 11
apa̭ na॒-śśośṷcada॒ghamagnḙ śuśu॒ddhyā ra॒yim | apa̭ na॒-śśośṷcada॒gham || su॒kṣe॒tri॒yā sṷgātu॒yā va̭sū॒yā ca̭ yajāmahe | apa̭ na॒-śśośṷcada॒gham ||
pra ya-dbhandi̭ṣṭha eṣā॒-mprāsmākā̭saśca sū॒rayaḥ̭ | apa̭ na॒-śśośṷcada॒gham || prayada॒gne-ssaha̭svato vi॒śvato॒ yanti̭ sū॒rayaḥ̭ | apa̭ na॒-śśośṷcada॒gham ||
prayattḙ agne sū॒rayo॒ jāyḙmahi॒ pra tḙ va॒yam |
apa̭ na॒-śśośṷcada॒gham || 25 ||
tvagṃ hi vi̭śvatomukha vi॒śvataḥ̭ pari॒bhūrasi̭ | apa̭ na॒-śśośṷcada॒gham || dviṣo̭ no viśvatomu॒khāti̭ nā॒veva̭ pāraya | apa̭ na॒-śśośṷcada॒gham || sa na॒-ssindhṷmiva nā॒vayā-'ti̭ parṣā sva॒staye᳚ | apa̭ na॒-śśośṷcada॒gham || āpaḥ̭ prava॒ṇādi̭va ya॒tī-rapā॒sma-thsya̭ndatāma॒gham | apa̭ na॒-śśośṷcada॒gham || u॒dva॒nā-dṷda॒kānī॒vāpā॒sma-thsya̭ndatāma॒gham |
apa̭ na॒-śśośṷcada॒gham || ā॒na॒ndāya̭ pramo॒dāya॒ puna॒rāgā॒g॒ svāngṛ॒hān | apa̭ na॒-śśośṷcada॒gham || na vai tatra॒ pramī̭yate॒ gauraśvaḥ॒ purṷṣaḥ pa॒śuḥ |
yatre॒da-mbrahma̭ kri॒yatḙ pari॒dhirjīva̭nāya॒ kamapa̭ na॒-śśośṷcada॒gham || 26 ||
(a॒gha - ma॒gha-ñca॒tvāri̭ ca) (a. 11)
anuvākaṃ 12
apa̭śyāma yuva॒ti-mā॒cara̭ntī-mmṛ॒tāya̭ jī॒vā-mpa̭riṇī॒yamā̭nām | a॒ndhena॒ yā tama̭sā॒ prāvṛ̭tā-'si॒ prācī॒mavā̭cī॒-mava॒ya-nnari̭ṣṭyai ||
mayai॒tā-mmā॒g॒stā-mbhri॒yamā̭ṇā de॒vī sa॒tī pi̭tṛlo॒kam ~yadaiṣi̭ | vi॒śvavā̭rā॒ nabha̭sā॒ saṃvya~̭yantyu॒bhau no̭ lo॒kau paya॒sā-''vṛ̭ṇīhi ||
rayi̭ṣṭhāma॒gni-mmadhṷmantamū॒rmiṇa॒mūrjaḥ̭ santa-ntvā॒ paya॒sopa॒ sagṃsa̭dema |
sagṃ ra॒yyā samu॒ varca̭sā॒ saca̭svā na-ssva॒staye᳚ ||
ye jī॒vā ye ca̭ mṛ॒tā ye jā॒tā ye ca॒ jantyāḥ᳚ |
tebhyo̭ ghṛ॒tasya̭ dhārayitu॒-mmadhṷdhārā vyunda॒tī ||
mā॒tā ru॒drāṇā᳚-nduhi॒tā vasṷ̄nā॒g॒ svasā̭-''di॒tyānā̭ma॒-mṛta̭sya॒ nābhiḥ̭ |
praṇu॒voca̭-ñciki॒tuṣe॒ janā̭ya॒ mā gāmanā̭gā॒madi̭tim ~vadhiṣṭa ||
piba̭tūda॒ka-ntṛṇā᳚nyattu | omu-thsṛ॒jata || 27 ||
(va॒dhi॒ṣṭa॒ dve ca̭) (a. 12)
(pa॒re॒yu॒vāgṃsa॒-mpra vi॒dvā-nbhuva̭nasyā॒bhyāva̭ vṛthsvā॒ jo bhā॒go̭-'yam ~vai catuścatvārigṃśat |
ya e॒tasya॒ tva-tpañca̭ | prake॒tune॒dante॒ nākḙ supa॒rṇam ~yau te॒ ye yuddhya̭nte॒ tapa॒sā-'śma̭nvatī revatī॒-ssagṃra̭bhaddhvama॒ṣṭāvigṃ̭śatiḥ | ya-nte॒ yatta॒ uttiṣṭhā॒ta̭ i॒danta॒ utti̭ṣṭha॒
prehyaśma॒n॒. yadvā udva॒yama॒ya-mpañca̭vigṃśatiḥ | āyā̭tu tri॒gṃ॒śat | vai॒śvā॒na॒re tasmi̭-ndra॒phsa i॒mamape॒tāho̭bhi-ryujyantāmaghni॒yā a̭dite pā॒ram ~va॒ ā pyā̭yasva sa॒ptavigṃ̭śatiḥ | uttḙ gṛhe-'khāṣi̭ti॒stebhyaḥ̭ pṛ̭thi॒vyā a॒ntari̭kṣasya॒ dvātrigṃ̭śat | a॒pū॒pavā̭nasau॒ daśa̭ śa॒ta da̭śa | e॒tāstḙ te॒ diśa॒-ssarvā̭ i॒damaśma̭n vigṃśa॒tiḥ | o̭rohata ta॒nuvai᳚ krū॒ra-ñca॒kāra॒ puna̭rmṛ॒tyave॒ mā no nṷ gā-ddadmaha i॒mā nārīḥ॒ pari॒ trayo̭vigṃśatiḥ |
apa̭ na-ssukṣetri॒yā pra yadbha-ndi̭ṣṭhaḥ॒ pra yada॒gneḥ pra yattḙ agne॒ tvagṃ hi dviṣa॒-ssa na॒-ssindhu॒māpaḥ̭ prava॒ṇādṷ-dva॒nādā̭na॒ndāya॒ na vai tatra॒ yatre॒da-ñcatṷrvigṃśatiḥ॒ | apa̭śyā॒māvṛ̭ṇīhi॒ dvāda̭śa dvādaśa |)
(pa॒re॒yu॒vāgṃsa॒ - māyā᳚ - tve॒tāstḙ sa॒ptavigṃ̭śatiḥ )
(pa॒re॒yu॒vāgṃsa॒ - momuthsṛ॒jata )
|| hariḥ̭ om ||
|| kṛṣṇa yajurvedīya taittirīya āraṇyake ṣaṣṭhaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय आरण्यके षष्ठः प्रपाठकः - पितृमेधमन्त्राः
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1
प॒रे॒यु॒वाग्ंस॑-म्प्र॒वतो॑ म॒हीरनु॑ ब॒हुभ्यः॒ पन्था॑मनपस्पशा॒नम् । वै॒व॒स्व॒तग्ं स॒ङ्गम॑न॒-ञ्जना॑नाम् ँय॒मग्ं राजा॑नग्ं ह॒विषा॑ दुवस्यत ॥ इ॒द-न्त्वा॒ वस्त्र॑-म्प्रथ॒म-न्न्वाग॒न्नपै॒तदू॑ह॒ यदि॒हाबि॑भः पु॒रा ।
इ॒ष्टा॒पू॒र्तमनु॒ सम्प॑श्य॒ दक्षि॑णा॒म् ँयथा॑ ते द॒त्त-म्ब॑हु॒धा वि ब॑न्धुषु ॥
इ॒मौ यु॑नज्मि ते व॒ह्नी असु॑नीथाय वो॒ढवे᳚ ।
याभ्या᳚म् ँय॒मस्य॒ साद॑नग्ं सु॒कृता॒-ञ्चापि॑ गच्छतात् ॥ पू॒षा त्वे॒तश्च्या॑वयतु॒ प्रवि॒द्वा-नन॑ष्टपशु॒-र्भुव॑नस्य गो॒पाः ।
स त्वै॒तेभ्यः॒ परि॑ददा-त्पि॒तृभ्यो॒-ऽग्निर्दे॒वेभ्यः॑ सुवि॒दत्रे᳚भ्यः ॥ पू॒षेमा आशा॒ अनु॑वेद॒ सर्वा॒-स्सो अ॒स्माग्ं अभ॑यतमेन नेषत् ।
स्व॒स्ति॒दा अघृ॑णि॒-स्सर्व॑वी॒रो-ऽप्र॑युच्छन्पु॒र ए॑तु॒ प्रवि॒द्वान् ॥ 1 ॥
आयु॑-र्वि॒श्वायुः॒ परि॑पासति त्वा पू॒षा त्वा॑ पातु॒ प्रप॑थे पु॒रस्ता᳚त् । यत्रास॑ते सु॒कृतो॒ यत्र॒ ते य॒युस्तत्र॑ त्वा दे॒व-स्स॑वि॒ता द॑धातु ॥
भुव॑नस्य पत इ॒दग्ं ह॒विः ॥ अ॒ग्नये॑ रयि॒मते॒ स्वाहा᳚ ॥ पुरु॑षस्य सयाव॒र्यपेद॒घानि॑ मृज्महे ।
यथा॑ नो॒ अत्र॒ नाप॑रः पु॒रा ज॒रस॒ आय॑ति ॥
पुरु॑षस्य सयावरि॒ वि ते᳚ प्रा॒णम॑सि स्रसम् ।
शरी॑रेण म॒हीमिहि॑ स्व॒धयेहि॑ पि॒तॄनुप॑ प्र॒जया॒-ऽस्मानि॒हाव॑ह ॥ मैव॑-म्मा॒ग्॒स्ता प्रि॑ये॒-ऽह-न्दे॒वी स॒ती पि॑तृलो॒कम् ँयदैषि॑ ।
वि॒श्ववा॑रा॒ नभ॑सा॒ संव्यँ॑यन्त्यु॒भौ नो॑ लो॒कौ
पय॑सा॒-ऽभ्याव॑वृथ्स्व ॥ 2 ॥
इ॒य-न्नारी॑ पतिलो॒कम् ँवृ॑णा॒ना निप॑द्यत॒ उप॑ त्वा मर्त्य॒ प्रेत᳚म् । विश्व॑-म्पुरा॒णमनु॑ पा॒लय॑न्ती॒ तस्यै᳚ प्र॒जा-न्द्रवि॑ण-ञ्चे॒ह धे॑हि ॥ उदी᳚र्ष्व नार्य॒भि जी॑वलो॒कमि॒तासु॑मे॒तमुप॑शेष॒ एहि॑ ।
ह॒स्त॒ग्रा॒भस्य॑ दिधि॒षोस्त्वमे॒त-त्पत्यु॑र्जनि॒त्वम॒भि सम्ब॑भूव ॥
सु॒वर्ण॒ग्ं॒ हस्ता॑दा॒ददा॑ना मृ॒तस्य॑ श्रि॒यै ब्रह्म॑णे॒ तेज॑से॒ बला॑य । अत्रै॒व त्वमि॒ह व॒यग्ं सु॒शेवा॒ विश्वा॒-स्स्पृधो॑ अ॒भिमा॑तीर्जयेम ॥
धनु॒र्॒ हस्ता॑दा॒ददा॑ना मृ॒तस्य॑ श्रि॒यै क्ष॒त्रायौज॑से॒ बला॑य । अत्रै॒व त्वमि॒ह व॒यग्ं सु॒शेवा॒ विश्वा॒-स्स्पृधो॑ अ॒भिमा॑तीर्जयेम ।
मणि॒ग्ं॒ हस्ता॑दा॒ददा॑ना मृ॒तस्य॑ श्रि॒यै वि॒शे पुष्ट्यै॒ बला॑य । अत्रै॒व त्वमि॒ह व॒यग्ं सु॒शेवा॒ विश्वा॒-स्स्पृधो॑ अ॒भिमा॑तीर्जयेम ॥ 3 ॥
इ॒मम॑ग्ने चम॒स-म्मा विजी᳚ह्वरः प्रि॒यो दे॒वाना॑मु॒त सो॒म्याना᳚म् । ए॒ष यश्च॑म॒सो दे॑व॒पान॒स्तस्मि॑-न्दे॒वा अ॒मृता॑ मादयन्ताम् ॥
अ॒ग्नेर्वर्म॒ परि॒ गोभि॑र्व्ययस्व॒ सम्प्रोर्णु॑ष्व॒ मेद॑सा॒ पीव॑सा च । नेत्त्वा॑ धृ॒ष्णुर्-हर॑सा॒ जर्हृ॑षाणो॒ दध॑-द्विध॒क्ष्यन्-पर्य॒ङ्खया॑तै ॥
मैन॑मग्ने॒ विद॑हो॒ मा-ऽभिशो॑चो॒ मा-ऽस्य॒ त्वच॑-ञ्चिक्षिपो॒ मा शरी॑रम् । य॒दा शृ॒त-ङ्क॒रवो॑ जातवे॒दो-ऽथे॑मेन॒-म्प्रहि॑णुता-त्पि॒तृभ्यः॑ ॥
शृ॒तम् ँय॒दा क॒रसि॑ जातवे॒दो-ऽथे॑मेन॒-म्परि॑दत्ता-त्पि॒तृभ्यः॑ । य॒दा गच्छा॒त्यसु॑नीतिमे॒तामथा॑ दे॒वाना᳚म् ँवश॒नीर्भ॑वाति ॥ सूर्य॑-न्ते॒ चक्षु॑-र्गच्छतु॒ वात॑मा॒त्मा द्या-ञ्च॒ गच्छ॑ पृथि॒वी-ञ्च॒ धर्म॑णा ।
अ॒पो वा॑ गच्छ॒ यदि॒ तत्र॑ ते हि॒तमोष॑धीषु॒ प्रति॑तिष्ठा॒ शरी॑रैः ॥ अ॒जो भा॒गस्तप॑सा॒ त-न्त॑पस्व॒ त-न्ते॑ शो॒चिस्त॑पतु॒ त-न्ते॑ अ॒र्चिः ।
यास्ते॑ शि॒वास्त॒नुवो॑ जातवेद॒स्ताभि॑-र्वहे॒मग्ं सु॒कृता॒म् ँयत्र॑ लो॒काः ॥ अ॒यम् ँवै त्वम॒स्मादधि॒ त्वमे॒तद॒यम् ँवै तद॑स्य॒ योनि॑रसि । वै॒श्वा॒न॒रः पु॒त्रः पि॒त्रे लो॑क॒कृ-ज्जा॑तवेदो॒ वहे॑मग्ं सु॒कृता॒म् ँयत्र॑ लो॒काः ॥ 4 ॥
(वि॒द्वा-न॒भ्याव॑वृथ्स्वा॒ - भिमा॑तीर्जयेम॒ - शरी᳚रैश्च॒त्वारि॑ च ) (अ. 1)
अनुवाकं 2
य ए॒तस्य॑ प॒थो गो॒प्तार॒स्तेभ्य॒-स्स्वाहा॒ य ए॒तस्य॑ प॒थो र॑क्षि॒तार॒स्तेभ्य॒-स्स्वाहा॒ य ए॒तस्य॑ प॒थो॑-ऽभिर॑क्षि॒तार॒स्तेभ्य॒-स्स्वाहा᳚-ऽऽख्या॒त्रे स्वाहा॑-ऽपाख्या॒त्रे स्वाहा॑-ऽभि॒लाल॑पते॒ स्वाहा॑-ऽप॒लाल॑पते॒ स्वाहा॒-ऽग्नये॑ कर्म॒कृते॒ स्वाहा॒ यमत्र॒ नाधी॒मस्तस्मै॒ स्वाहा᳚ ॥
यस्त॑ इ॒द्ध्म-ञ्ज॒भर॑-थ्सिष्विदा॒नो मू॒र्धान॑म् ँवा त॒तप॑ते त्वा॒या । दिवो॒ विश्व॑स्मा-थ्सीमघाय॒त उ॑रुष्यः ॥ अ॒स्मात्त्वमधि॑ जा॒तो॑-ऽसि॒ त्वद॒य-ञ्जा॑यता॒-म्पुनः॑ । अ॒ग्नये॑ वैश्वान॒राय॑ सुव॒र्गाय॑ लो॒काय॒ स्वाहा᳚ ॥ 5 ॥
(य ए॒तस्य॒ त्व-त्पञ्च॑ ) (अ. 2)
अनुवाकं 3
प्र के॒तुना॑ बृह॒ता भा᳚त्य॒ग्निरा॒वि-र्विश्वा॑नि वृष॒भो रो॑रवीति । दि॒वश्चि॒दन्ता॒दुप॒ मामु॒दान॑ड॒पामु॒पस्थे॑ महि॒षो व॑वर्ध ॥
इ॒दन्त॒ एक॑-म्प॒र ऊ॑त॒ एक॑-न्तृ॒तीये॑न॒ ज्योति॑षा॒ संविँ॑शस्व । सं॒वेँश॑नस्त॒नुवै॒ चारु॑रेधि प्रि॒यो दे॒वाना᳚-म्पर॒मे स॒धस्थे᳚ ॥
नाके॑ सुप॒र्णमुप॒ य-त्पत॑न्तग्ं हृ॒दा वेन॑न्तो अ॒भ्यच॑क्षत त्वा । हिर॑ण्यपक्ष॒म् ँवरु॑णस्य दू॒तम् ँय॒मस्य॒ योनौ॑ शकु॒न-म्भु॑र॒ण्युम् ॥
अति॑द्रव सारमे॒यौ श्वानौ॑ चतुर॒क्षौ श॒बलौ॑ सा॒धुना॑ प॒था । अथा॑ पि॒तॄन्-थ्सु॑वि॒दत्रा॒ग्ं॒ अपी॑हि य॒मेन॒ ये स॑ध॒माद॒-म्मद॑न्ति ॥
यौ ते॒ श्वानौ॑ यम रक्षि॒तारौ॑ चतुर॒क्षौ प॑थि॒रक्षी॑ नृ॒चक्ष॑सा ।
ताभ्याग्ं॑ राज॒-न्परि॑ देह्येनग्ग् स्व॒स्ति चा᳚स्मा अनमी॒व-ञ्च॑ धेहि ॥ 6 ॥
उ॒रु॒ण॒सा-व॑सु॒तृपा॑-वुलुम्ब॒लौ य॒मस्य॑ दू॒तौ च॑रतो॒ वशा॒ग्ं॒ अनु॑ । ताव॒स्मभ्य॑-न्दृ॒शये॒ सूर्या॑य॒ पुन॑र्द-त्ता॒वसु॑म॒द्येह भ॒द्रम् ॥
सोम॒ एके᳚भ्यः पवते घृ॒तमेक॒ उपा॑सते ।
येभ्यो॒ मधु॑ प्र॒धाव॑ति॒ ताग्-श्चि॑दे॒वापि॑गच्छतात् ॥
ये युद्ध्य॑न्ते प्र॒धने॑षु॒ शूरा॑सो॒ ये त॑नु॒त्यजः॑ । ये वा॑ स॒हस्र॑दक्षिणा॒स्ताग् श्चि॑दे॒वापि॑गच्छतात् ॥
तप॑सा॒ ये अ॑नाधृ॒ष्या-स्तप॑सा॒ ये सुव॑र्ग॒ताः ।
तपो॒ ये च॑क्रि॒रे म॒ह-त्ताग्-श्चि॑दे॒वापि॑गच्छतात् ॥
अश्म॑न्वती रेवती॒-स्सग्ंर॑भद्ध्व॒-मुत्ति॑ष्ठत॒ प्रत॑रता सखायः । अत्रा॑ जहाम॒ ये अस॒न्नशे॑वा-श्शि॒वान्. व॒यम॒भि वाजा॒नुत्त॑रेम ॥ 7 ॥
यद्वै दे॒वस्य॑ सवि॒तुः प॒वित्रग्ं॑ स॒हस्र॑धार॒म् ँवित॑तम॒न्तरि॑क्षे । येनापु॑ना॒दिन्द्र॒मना᳚र्त॒-मार्त्यै॒ तेना॒ह-म्माग्ं स॒र्वत॑नु-म्पुनामि ॥
या रा॒ष्ट्रा-त्प॒न्नादप॒ यन्ति॒ शाखा॑ अ॒भिमृ॑ता नृ॒पति॑मि॒च्छमा॑नाः । धा॒तुस्ता-स्सर्वाः॒ पव॑नेन पू॒ताः प्र॒जया॒-ऽस्मान्-र॒य्या वर्च॑सा॒ सग्ंसृ॑जाथ ॥
उद्व॒य-न्तम॑स॒स्परि॒ पश्य॑न्तो॒ ज्योति॒रुत्त॑रम् ।
दे॒व-न्दे॑व॒त्रा सूर्य॒मग॑न्म॒ ज्योति॑रुत्त॒मम् ॥
धा॒ता पु॑नातु सवि॒ता पु॑नातु । अ॒ग्नेस्तेज॑सा॒ सूर्य॑स्य॒ वर्च॑सा ॥ 8 ॥
(धे॒ - ह्युत्त॑रे - मा॒ष्टौ च॑) (अ. 3)
अनुवाकं 4
य-न्ते॑ अ॒ग्निमम॑न्थाम वृष॒भाये॑व॒ पक्त॑वे ।
इ॒म-न्तग्ं श॑मयामसि क्षी॒रेण॑ चोद॒केन॑ च ॥
यन्त्वम॑ग्ने स॒मद॑ह॒स्त्वमु॒ निर्वा॑पया॒ पुनः॑ ।
क्या॒म्बूरत्र॑ जायता-म्पाकदू॒र्वा व्य॑ल्कशा ॥
शीति॑के॒ शीति॑कावति॒ ह्लादु॑के॒ ह्लादु॑कावति ।
म॒ण्डू॒क्या॑ सुसङ्ग॒मये॒मग्ग् स्व॑ग्निग्ं श॒मय॑ ॥ श-न्ते॑ धन्व॒न्या आप॒-श्शमु॑ ते सन्त्वनू॒क्याः᳚ । श-न्ते॑ समु॒द्रिया॒ आप॒-श्शमु॑ ते सन्तु॒ वर्ष्याः᳚ ॥
श-न्ते॒ स्रव॑न्ती-स्त॒नुवे॒ शमु॑ ते सन्तु॒ कूप्याः᳚ ।
श-न्ते॑ नीहा॒रो व॑र्षतु॒ शमु॒ पृष्वा-ऽव॑शीयताम् ॥ 9 ॥
अव॑ सृज॒ पुन॑रग्ने पि॒तृभ्यो॒ यस्त॒ आहु॑त॒श्चर॑ति स्व॒धाभिः॑ । आयु॒र्वसा॑न॒ उप॑ यातु॒ शेष॒ग्ं॒ सङ्ग॑च्छता-न्त॒नुवा॑ जातवेदः ॥
सङ्ग॑च्छस्व पि॒तृभि॒-स्सग्ग् स्व॒धाभि॒-स्समि॑ष्टापू॒र्तेन॑ पर॒मे व्यो॑मन्न् ।
यत्र॒ भूम्यै॑ वृ॒णसे॒ तत्र॑ गच्छ॒ तत्र॑ त्वा दे॒व-स्स॑वि॒ता द॑धातु ॥ यत्ते॑ कृ॒ष्ण-श्श॑कु॒न आ॑तु॒तोद॑ पिपी॒ल-स्स॒र्प उ॒त वा॒ श्वाप॑दः ।
अ॒ग्निष्ट-द्विश्वा॑दनृ॒ण-ङ्कृ॑णोतु॒ सोम॑श्च॒ यो ब्रा᳚ह्म॒णमा॑वि॒वेश॑ ॥ उत्ति॒ष्ठात॑-स्त॒नुव॒ग्ं॒ सम्भ॑रस्व॒ मेह गात्र॒मव॑हा॒ मा शरी॑रम् ।
यत्र॒ भूम्यै॑ वृ॒णसे॒ तत्र॑ गच्छ॒ तत्र॑ त्वा दे॒व-स्स॑वि॒ता द॑धातु ॥ इ॒द-न्त॒ एक॑-म्प॒र ऊ॑त॒ एक॑-न्तृ॒तीये॑न॒ ज्योति॑षा॒ संविँ॑शस्व ।
सं॒वेँश॑न-स्त॒नुवै॒ चारु॑रेधि प्रि॒यो दे॒वाना᳚-म्पर॒मे स॒धस्थे᳚ ॥ उत्ति॑ष्ठ॒ प्रेहि॒ प्रद्र॒वौकः॑ कृणुष्व पर॒मे व्यो॑मन्न् । य॒मेन॒ त्वम् ँय॒म्या॑ संविँदा॒नोत्-त॒म-न्नाक॒मधि॑ रोहे॒मम् ॥
अश्म॑न्वती रेवती॒-स्सग्ं र॑भद्ध्व॒ मुत्ति॑ष्ठत॒ प्रत॑रता सखायः । अत्रा॑ जहाम॒ ये अस॒न्नशे॑वा-श्शि॒वान् व॒यम॒भि वाजा॒नुत्त॑रेम ॥ यद्वै दे॒वस्य॑ सवि॒तुः प॒वित्रग्ं॑ स॒हस्र॑धार॒म् ँवित॑तम॒न्तरि॑क्षे । येनापु॑ना॒दिन्द्र॒मना॑र्त॒-मार्त्यै॒ तेना॒ह-म्माग्ं स॒र्वत॑नु-म्पुनामि ॥ या रा॒ष्ट्रा-त्प॒न्नादप॒ यन्ति॒ शाखा॑ अ॒भिमृ॑ता नृ॒पति॑मि॒च्छमा॑नाः । धा॒तुस्ता-स्सर्वाः॒ पव॑नेन पू॒ताः प्र॒जया॒-ऽस्मान्-र॒य्या वर्च॑सा॒ सग्ंसृ॑जाथ ॥ या रा॒ष्ट्रा-त्प॒न्नादप॒ यन्ति॒ शाखा॑ अ॒भिमृ॑ता नृ॒पति॑मि॒च्छमा॑नाः । धा॒तुस्ता-स्सर्वाः॒ पव॑नेन पू॒ताः प्र॒जया॒-ऽस्मान्-र॒य्या वर्च॑सा॒ सग्ंसृ॑जाथ ॥ धा॒ता पु॑नातु सवि॒ता पु॑नातु । अ॒ग्नेस्तेज॑सा॒ सूर्य॑स्य॒ वर्च॑सा ॥
अ॒स्मात्त्वमधि॑ जा॒तो᳚-ऽस्य॒य-न्त्वदधि॑जायताम् ।
अ॒ग्नये॑ वैश्वान॒राय॑ सुव॒र्गाय॑ लो॒काय॒ स्वाहा᳚ ॥ 10 ॥
(अव॑शीयताग्ं - स॒धस्थे॒ पञ्च॑ च) (अ. 4)
अनुवाकं 5
आया॑तु दे॒व-स्सु॒मना॑भि-रू॒तिभि॑-र्य॒मो ह॑वे॒ह प्रय॑ताभिर॒क्ता । आसी॑दताग्ं सुप्र॒यते॑ह ब॒र्॒हिष्यूर्जा॑य जा॒त्यै मम॑ शत्रु॒हत्यै᳚ ॥
य॒मे इ॑व॒ यत॑माने॒ यदैत॒-म्प्रवा᳚म्भर॒-न्मानु॑षा देव॒यन्तः॑ । आसी॑दत॒ग्ग्॒ स्वमु॑ लो॒कम् ँविदा॑ने स्वास॒स्थे भ॑वत॒मिन्द॑वे नः ॥
य॒माय॒ सोमग्ं॑ सुनुत य॒माय॑ जुहुता ह॒विः ।
य॒मग्ं ह॑ य॒ज्ञो ग॑च्छत्य॒ग्निदू॑तो॒ अर॑ङ्कृतः ॥
य॒माय॑ घृ॒तव॑द्ध॒विर्जु॒होत॒ प्र च॑ तिष्ठत ।
स नो॑ दे॒वेष्वाय॑म-द्दी॒र्घमायुः॒ प्र जी॒वसे᳚ ॥
य॒माय॒ मधु॑मत्तम॒ग्ं॒ राज्ञे॑ ह॒व्य-ञ्जु॑होतन । इ॒द-न्नम॒ ऋषि॑भ्यः पूर्व॒जेभ्यः॒ पूर्वे᳚भ्यः पथि॒कृद्भ्यः॑ ॥ 11 ॥
यो-ऽस्य॒ कौष्ठ्य॒ जग॑तः॒ पार्थि॑व॒स्यैक॑ इद्व॒शी ।
य॒म-म्भ॑ङ्ग्यश्र॒वो गा॑य॒ यो राजा॑-ऽनप॒रोद्ध्यः॑ ॥ य॒म-ङ्गाय॑ भङ्ग्य॒श्रवो॒ यो राजा॑-ऽनप॒रोद्ध्यः॑ । येना॒पो न॒द्यो॑ धन्वा॑नि॒ येन॒ द्यौः पृ॑थि॒वी दृ॒ढा ॥ हि॒र॒ण्य॒क॒क्ष्यान्-थ्सु॒धुरान्॑. हिरण्या॒क्षा-न॑यश्श॒फान् । अश्वा॑-न॒नश्य॑तो दा॒न॒म् ँय॒मो रा॑जा-ऽभि॒तिष्ठ॑ति ॥ य॒मो दा॑धार पृथि॒वीं-यँ॒मो विश्व॑मि॒द-ञ्जग॑त् । य॒माय॒ सर्व॒मित्र॑स्थे॒ य-त्प्रा॒ण-द्वा॒युर॑क्षि॒तम् ॥ यथा॒ पञ्च॒ यथा॒ षड् य॒था पञ्च॑ द॒शर्ष॑यः । य॒मम् ँयो वि॑द्या॒थ्स ब्रू॑याद्य॒थैक ऋषि॑र्विजान॒ते ॥ 12 ॥
त्रिक॑द्रुकेभिः॒ पत॑ति॒ षडु॒र्वी-रेक॒मि-द्बृ॒हत् ।
गा॒य॒त्री त्रि॒ष्टुप्छन्दाग्ं॑सि॒ सर्वा॒ ता य॒म आहि॑ता ॥
अह॑रह॒र्नय॑मानो॒ गामश्व॒-म्पुरु॑ष॒-ञ्जग॑त् ।
वैव॑स्वतो॒ न तृ॑प्यति॒ पञ्च॑भि॒र्मान॑वैर्य॒मः ॥
वैव॑स्वते॒ विवि॑च्यन्ते॒ यमे॒ राज॑नि ते ज॒नाः ।
ये चे॒ह स॒त्येनेच्छ॑न्ते॒ य उ॒ चानृ॑तवादि॒नः ॥
ते रा॑जन्नि॒ह विवि॑च्यन्ते॒-ऽथा य॑न्ति त्वा॒मुप॑ ।
दे॒वाग्श्च॒ ये न॑म॒स्यन्ति॒ ब्राह्म॑णाग्श्चाप॒चित्य॑ति ॥
यस्मि॑न् वृ॒क्षे सु॑पला॒शे दे॒वै-स्स॒पिम्ब॑ते य॒मः ।
अत्रा॑ नो वि॒श्पतिः॑ पि॒ता पु॑रा॒णा अनु॑वेनति ॥ 13 ॥
(प॒थि॒कृद्भ्यो॑ - विजान॒ते - ऽनु॑वेनति) (अ. 5)
अनुवाकं 6
वै॒श्वा॒न॒रे ह॒विरि॒द-ञ्जु॑होमि साह॒स्र-मुथ्सग्ं॑ श॒तधा॑रमे॒तम् । तस्मि॑न्ने॒ष पि॒तर॑-म्पिताम॒ह-म्प्रपि॑तामह-म्बिभर॒-त्पिन्व॑माने ॥
द्र॒फ्सश्च॑स्कन्द पृथि॒वीमनु॒ द्यामि॒मञ्च॒ योनि॒मनु॒ यश्च॒ पूर्वः॑ ।
तृ॒तीय॒म् ँयोनि॒मनु॑ स॒ञ्चर॑न्त-न्द्र॒फ्स-ञ्जु॑हो॒म्यनु॑ स॒प्त होत्राः᳚ ॥
इ॒मग्ं स॑मु॒द्रग्ं श॒तधा॑र॒मुथ्स॑म् ँव्य॒च्यमा॑न॒-म्भुव॑नस्य॒ मद्ध्ये᳚ ।
घृ॒त-न्दुहा॑ना॒मदि॑ति॒-ञ्जना॒याग्ने॒ मा हिग्ं॑सीः पर॒मे व्यो॑मन्न् ॥ अपे॑त॒ वीत॒ वि च॑ सर्प॒तातो॒ ये-ऽत्र॒ स्थ पु॑रा॒णा ये च॒ नूत॑नाः ।
अहो॑भिर॒द्भि-र॒क्तुभि॒-र्व्य॑क्तम् ँय॒मो द॑दा-त्वव॒सान॑मस्मै ॥ स॒वि॒तैतानि॒ शरी॑राणि पृथि॒व्यै मा॒तुरु॒पस्थ॒ आद॑धे ।
तेभि॑-र्युज्यन्ता-मघ्नि॒याः ॥ 14 ॥
शु॒नम् ँवा॒हा-श्शु॒न-न्ना॒रा-श्शु॒न-ङ्कृ॑षतु॒ लाङ्ग॑लम् ।
शु॒नम् ँव॑र॒त्रा ब॑द्ध्यन्ताग्ं शु॒न-मष्ट्रा॒-मुदि॑ङ्गय॒ शुना॑सीरा शु॒नम॒स्मासु॑ धत्तम् ॥
शुना॑सीरावि॒माम् ँवाच॒म् ँय-द्दि॒वि च॑क्र॒थुः पयः॑ । तेने॒मा-मुप॑सिञ्चतम् ॥
सीते॒ वन्दा॑महे त्वा॒-ऽर्वाची॑ सुभगे भव ।
यथा॑ न-स्सु॒भगा स॑सि॒ यथा॑ न-स्सु॒फला स॑सि ॥
स॒वि॒तैतानि॒ शरी॑राणि पृथि॒व्यै मा॒तुरु॒पस्थ॒ आद॑धे । तेभि॑रदिते॒ श-म्भ॑व ॥
विमु॑च्यद्ध्व-मघ्नि॒या दे॑व॒याना॒ अता॑रिष्म॒ तम॑सस्पा॒रम॒स्य ।
ज्योति॑रापाम॒ सुव॑रगन्म ॥ 15 ॥
प्र वाता॒ वान्ति॑ प॒तय॑न्ति वि॒द्युत॒ उदोष॑धीर्जिहते॒ पिन्व॑ते॒ सुवः॑ । इरा॒ विश्व॑स्मै॒ भुव॑नाय जायते॒ य-त्प॒र्जन्यः॑ पृथि॒वीग्ं रेत॒सा-ऽव॑ति ॥
यथा॑ य॒माय॑ हा॒र्म्य-मव॑प॒-न्पञ्च॑मान॒वाः ।
ए॒वम् ँव॑पामि हा॒र्म्यम् ँयथा-ऽसा॑म जीवलो॒के भूर॑यः ॥ चितः॑ स्थ परि॒चित॑ ऊर्ध्व॒चितः॑ श्रयद्ध्व-म्पि॒तरो॑ दे॒वता᳚ ।
प्र॒जाप॑तिर्व-स्सादयतु॒ तया॑ दे॒वत॑या ॥
आ प्या॑यस्व॒ समॆ॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥ स-न्ते॒ पयाग्ं॑सि॒ समु॑ यन्तु॒ वाजा॒-स्सं-वृँष्णि॑या-न्यभिमाति॒षाहः॑ । आ॒प्याय॑मानो अ॒मृता॑य सोम दि॒वि श्रवाग्॑स्युत्त॒मानि॑ धिष्व ॥ 16 ॥
(अ॒घ्नि॒या - अ॑गन्म - +स॒प्त च॑) (अ. 6)
अनुवाकं 7
उत्ते॑ तभ्नोमि पृथि॒वी-न्त्वत्परी॒मम् ँलो॒क-न्नि॒दध॒न्मो अ॒हग्ं रि॑षम् । ए॒ताग् स्थूणा᳚-म्पि॒तरो॑ धारयन्तु॒ ते-ऽत्रा॑ य॒म-स्साद॑नात्ते मिनोतु ॥
उप॑सर्प मा॒तर॒-म्भूमि॑मे॒ता-मु॑रु॒व्यच॑स-म्पृथि॒वीग्ं सु॒शेवा᳚म् । ऊर्ण॑म्रदा युव॒ति-र्दक्षि॑णावत्ये॒षा त्वा॑ पातु॒ निर्-ऋ॑त्या उ॒पस्थे᳚ ॥
उच्छ्म॑ञ्चस्व पृथिवि॒ मा विबा॑धिथा-स्सूपाय॒ना-ऽस्मै॑ भव सूपवञ्च॒ना । मा॒ता पु॒त्रम् ँयथा॑ सि॒चा-ऽभ्ये॑न-म्भूमि वृणु ॥ उ॒च्छ्मञ्च॑माना पृथि॒वी हि तिष्ठ॑सि स॒हस्र॒म्मित॒ उप॒ हि श्रय॑न्ताम् ।
ते गृ॒हासो॑ मधु॒श्चुतो॒ विश्वाहा᳚स्मै शर॒णा-स्स॒न्त्वत्र॑ ॥ एणी᳚र्धा॒ना हरि॑णी॒रर्जु॑नी-स्सन्तु धे॒नवः॑ । तिल॑वथ्सा॒ ऊर्ज॑मस्मै॒ दुहा॑ना॒ विश्वाहा॑ स॒न्त्वन॑पस्फुरन्तीः ॥ 17 ॥
ए॒षा ते॑ यम॒साद॑ने स्व॒धा निधी॑यते गृ॒हे । अक्षि॑ति॒र्नाम॑ ते असौ ॥ इ॒द-म्पि॒तृभ्यः॒ प्रभ॑रेम ब॒र्॒हि-र्दे॒वेभ्यो॒ जीव॑न्त॒ उत्त॑र-म्भरेम ।
तत्त्व॑मारो॒हासो॒ मेघ्यो॒ भव॑म् ँय॒मेन॒ त्वम् ँय॒म्या॑ संविँदा॒नः ॥ मा त्वा॑ वृ॒क्षौ सम्बा॑धिष्टा॒-म्मा मा॒ता पृ॑थिवि॒ त्वम् ।
पि॒तॄन्. हि यत्र॒ गच्छा॒स्येधा॑सम् ँयम॒राज्ये᳚ ॥
मा त्वा॑ वृ॒क्षौ सम्बा॑धेथा॒-म्मा मा॒ता पृ॑थि॒वी म॒ही । वै॒व॒स्व॒तग्ं हि गच्छा॑सि यम॒राज्ये॒ विरा॑जसि ॥
न॒ल-म्प्ल॒वमारो॑है॒त-न्न॒लेन॑ प॒थो-ऽन्वि॑हि ।
स त्व॑-न्न॒लप्ल॑वो भू॒त्वा॒ सन्त॑र॒ प्रत॒रोत्त॑र ॥ 18 ॥
स॒वि॒तैतानि॒ शरी॑राणि पृथि॒व्यै मा॒तुरु॒पस्थ॒ आद॑धे । तेभ्यः॑ पृथिवि॒ श-म्भ॑व ॥
षड्ढो॑ता॒ सूर्य॑-न्ते॒ चक्षु॑-र्गच्छतु॒ वात॑मा॒त्मा द्या-ञ्च॒ गच्छ॑ पृथि॒वी-ञ्च॒ धर्म॑णा ।
अ॒पो वा॑ गच्छ॒ यदि॒ तत्र॑ ते हि॒तमोष॑धीषु॒ प्रति॑तिष्ठा॒ शरी॑रैः ॥ पर॑-म्मृत्यो॒ अनु॒ परे॑हि॒ पन्था॒म् ँयस्ते॒ स्व इत॑रो देव॒याना᳚त् ।
चक्षु॑ष्मते शृण्व॒ते ते᳚ ब्रवीमि॒ मा नः॑ प्र॒जाग्ं री॑रिषो॒ मोत वी॒रान् ॥
शम् ँवात॒-श्शग्ं हि ते॒ घृणि॒-श्शमु॑ ते स॒न्त्वोष॑धीः । कल्प॑न्ता-म्मे॒ दिशः॑ श॒ग्माः ॥
पृ॒थि॒व्यास्त्वा॑ लो॒के सा॑दयाम्य॒मुष्य॒ शर्मा॑सि पि॒तरो॑ दे॒वाता᳚ । प्र॒जाप॑तिस्त्वा सादयतु॒ तया॑ दे॒वत॑या ॥ अ॒न्तरि॑क्षस्य त्वा दि॒वस्त्वा॑ दि॒शा-न्त्वा॒ नाक॑स्य त्वा पृ॒ष्ठे ब्र॒द्ध्नस्य॑ त्वा वि॒ष्टपे॑ सादयाम्य॒मुष्य॒ शर्मा॑सि पि॒तरो॑ दे॒वता᳚ ।
प्र॒जाप॑तिस्त्वा सादयतु॒ तया॑ दे॒वत॑या ॥ 19 ॥
(अन॑पस्फुरन्ती॒ - रुत्त॑र - दे॒वत॑या॒ द्वे च॑) (अ. 7)
अनुवाकं 8
अ॒पू॒पवा᳚-न्घृ॒तवाग्॑श्च॒रुरेह सी॑दतूत्तभ्नु॒व-न्पृ॑थि॒वी-न्द्यामु॒तोपरि॑ । यो॒नि॒कृतः॑ पथि॒कृतः॑ सपर्यत॒ ये दे॒वाना᳚-ङ्घृ॒तभा॑गा इ॒ह स्थ ।
ए॒षा ते यम॒साद॑ने स्व॒धा निधी॑यते गृ॒हे॑-ऽसौ ।
दशा᳚क्षरा॒ ताग्ं र॑क्षस्व॒ ता-ङ्गो॑पायस्व॒ ता-न्ते॒ परि॑ ददामि॒ तस्या᳚-न्त्वा॒ मा द॑भ-न्पि॒तरो॑ दे॒वता᳚ ।
प्र॒जाप॑तिस्त्वा सादयतु॒ तया॑ दे॒वत॑या ॥
अ॒पू॒पवा᳚-ञ्छृ॒तवा᳚न्-क्षी॒रवा॒न्-दधि॑वा॒-न्मधु॑माग्-श्च॒रुरेह सी॑दतूत्तभ्नु॒वन्-पृ॑थि॒वी-न्द्यामु॒तोपरि॑ । यो॒नि॒कृतः॑ पथि॒कृतः॑ सपर्यत॒ ये दे॒वानाग्ं॑ शृ॒तभा॑गाः, क्षी॒रभा॑गा॒ दधि॑भागा॒ मधु॑भागा इ॒ह स्थ । ए॒षा ते॑ यम॒साद॑ने स्व॒धा निधी॑यते गृ॒हे॑-ऽसौ । श॒ताक्ष॑रा स॒हस्रा᳚क्षरा॒-ऽयुता᳚क्ष॒रा-ऽच्यु॑ताक्षरा॒ ताग्ं र॑क्षस्व॒ ता-ङ्गो॑पायस्व॒ ता-न्ते॒ परि॑ददामि॒ तस्या᳚-न्त्वा॒ मा द॑भ-न्पि॒तरो॑ दे॒वता᳚ । प्र॒जाप॑तिस्त्वा सादयतु॒ तया॑ दे॒वत॑या ॥ 20 ॥
(अ॒पू॒पवा॑नसौ॒ दश॑) (अ. 8)
अनुवाकं 9
ए॒तास्ते᳚ स्व॒धा अ॒मृताः᳚ करोमि॒ यास्ते॑ धा॒नाः प॑रि॒किरा॒म्यत्र॑ । तास्ते॑ य॒मः पि॒तृभिः॑ संविँदा॒नो-ऽत्र॑ धे॒नूः का॑म॒दुघाः᳚ करोतु ॥
त्वामर्जु॒नौष॑धीना॒-म्पयो᳚ ब्र॒ह्माण॒ इद्वि॑दुः ।
तासा᳚-न्त्वा॒ मद्ध्या॒दाद॑दे च॒रुभ्यो॒ अपि॑धातवे ॥
दू॒र्वाणाग्॑ स्त॒म्बमाह॑रै॒ता-म्प्रि॒यत॑मा॒-म्मम॑ । इ॒मा-न्दिश॑-म्मनु॒ष्या॑णा॒-म्भूयि॒ष्ठा-ऽनु॒ वि रो॑हतु ॥ काशा॑नाग् स्त॒म्बमाह॑र॒ रक्ष॑सा॒मप॑हत्यै ।
य ए॒तस्यै॑ दि॒शः प॒राभ॑वन्नघा॒यवो॒ यथा॒ ते नाभ॑वा॒-न्पुनः॑ ॥ द॒र्भाणाग्॑ स्त॒म्बमाह॑र पितृ॒णामोष॑धी-म्प्रि॒याम् । अन्वस्यै॒ मूल॑-ञ्जीवा॒दनु॒ काण्ड॒मथो॒ फल᳚म् ॥ 21 ॥
लो॒क-म्पृ॑ण छि॒द्र-म्पृ॒णाथो॑ सीद शि॒वा त्वम् । इ॒न्द्रा॒ग्नी त्वा॒ बृह॒स्पति॑र॒स्मिन् योना॑वसीष॒दन्न् ॥ ता अ॑स्य॒ सूद॑दोहस॒-स्सोमग्ग्॑ श्रीणन्ति॒ पृश्न॑यः । जन्म॑-न्दे॒वानां॒-विँश॑स्त्रि॒ष्वा रो॑च॒ने दि॒वः ॥
शम् ँवात॒-श्शग्ंहि ते॒ घृणि॒-श्शमु॑ ते स॒न्त्वोष॑धीः । कल्प॑न्ता-न्ते॒ दिश॒-स्सर्वाः᳚ ॥ इ॒दमे॒व मेतो-ऽप॑रा॒मार्ति॑माराम॒ काञ्च॒न ।
तथा॒ तद॒श्विभ्या᳚-ङ्कृ॒त-म्मि॒त्रेण॒ वरु॑णेन च ॥
व॒र॒णो वा॑रयादि॒द-न्दे॒वो वन॒स्पतिः॑ ।
आर्त्यै॒ निर्-ऋ॑त्यै॒ द्वेषा᳚च्च॒ वन॒स्पतिः॑ ॥
विधृ॑तिरसि॒ विधा॑रया॒स्मद॒घा द्वेषाग्ं॑सि श॒मि श॒मया॒स्मद॒घा द्वेषाग्ं॑सि य॒व य॒वया॒स्मद॒घा द्वेषाग्ं॑सि ॥
पृ॒थि॒वी-ङ्ग॑च्छा॒न्तरि॑क्ष-ङ्गच्छ॒ दिव॑-ङ्गच्छ॒ दिशो॑ गच्छ॒ सुव॑र्गच्छ॒ सुव॑र्गच्छ॒ दिशो॑ गच्छ॒ दिव॑-ङ्गच्छा॒न्तरि॑क्ष-ङ्गच्छ पृथि॒वी-ङ्ग॑च्छा॒पो वा॑ गच्छ॒ यदि॒ तत्र॑ ते हि॒तमोष॑धीषु॒ प्रति॑तिष्ठा॒ शरी॑रैः ॥ लो॒क-म्पृ॑ण छि॒द्र-म्पृ॒णाथो॑ सीद शि॒वा त्वम् । इ॒न्द्रा॒ग्नी त्वा॒ बृह॒स्पति॑र॒स्मिन् योना॑वसीष॒दन्न् ॥ ता अ॑स्य॒ सूद॑दोहस॒-स्सोमग्ग्॑ श्रीणन्ति॒ पृश्न॑यः । जन्म॑-न्दे॒वानां॒-विँश॑स्त्रि॒ष्वा रो॑च॒ने दि॒वः ॥
अश्म॑न्वती रेवती॒-स्सग्ं र॑भद्ध्व॒ मुत्ति॑ष्ठत॒ प्रत॑रता सखायः । अत्रा॑ जहाम॒ ये अस॒न्नशे॑वा-श्शि॒वान् व॒यम॒भि वाजा॒नुत्त॑रेम ॥ यद्वै दे॒वस्य॑ सवि॒तुः प॒वित्रग्ं॑ स॒हस्र॑धार॒म् ँवित॑तम॒न्तरि॑क्षे । येनापु॑ना॒दिन्द्र॒मना॑र्त॒-मार्त्यै॒ तेना॒ह-म्माग्ं स॒र्वत॑नु-म्पुनामि ॥
धा॒ता या रा॒ष्ट्रा-त्प॒न्नादप॒ यन्ति॒ शाखा॑ अ॒भिमृ॑ता नृ॒पति॑मि॒च्छमा॑नाः । धा॒तुस्ता-स्सर्वाः॒ पव॑नेन पू॒ताः प्र॒जया॒-ऽस्मान्-र॒य्या वर्च॑सा॒ सग्ंसृ॑जाथ ॥( ) ॥ 22 ॥
(अथो॒ फल॑म् - धा॒ता पु॑नातु) (अ. 9)
अनुवाकं 10
आरो॑ह॒तायु॑-र्ज॒रस॑-ङ्गृणा॒ना अ॑नुपू॒र्वम् ँयत॑माना॒ यति॒ष्ट । इ॒ह त्वष्टा॑ सु॒जनि॑मा सु॒रत्नो॑ दी॒र्घमायुः॑ करतु जी॒वसे॑ वः ॥
यथा-ऽहा᳚न्यनुपू॒र्व-म्भव॑न्ति॒ यथ॒र्तव॑ ऋ॒तुभि॒-र्यन्ति॑ क्लृ॒प्ताः । यथा॒ न पूर्व॒मप॑रो॒ जहा᳚त्ये॒वा धा॑त॒रायूग्ं॑षि कल्पयैषाम् ॥
न हि॑ ते अग्ने त॒नुवै᳚ क्रू॒र-ञ्च॒कार॒ मर्त्यः॑ ।
क॒पि-र्ब॑भस्ति॒ तेज॑न॒-म्पुन॑र्ज॒रायु॒ गौरि॑व ।
अप॑ न॒-श्शोशु॑चद॒घमग्ने॑ शुशु॒द्ध्या र॒यिम् ।
अप॑ न॒-श्शोशु॑चद॒घ-म्मृ॒त्यवे॒ स्वाहा᳚ ॥
अ॒न॒ड्वाह॑-म॒न्वार॑भामहे स्व॒स्तये᳚ ।
स न॒ इन्द्र॑ इव दे॒वेभ्यो॒ वह्निः॑ स॒पांर॑णो भव ॥ 23 ॥
इ॒मे जी॒वा वि॑मृ॒तैराव॑व-र्ति॒न्नभू᳚-द्भ॒द्रा दे॒वहू॑ति-न्नो अ॒द्य । प्राञ्जो॑-ऽगामा नृ॒तये॒ हसा॑य॒ द्राघी॑य॒ आयुः॑ प्रत॒रा-न्दधा॑नाः ॥
मृ॒त्योः प॒दम् ँयोपय॑न्तो॒ यदैम॒ द्राघी॑य॒ आयुः॑ प्रत॒रा-न्दधा॑नाः । आ॒प्याय॑मानाः प्र॒जया॒ धने॑न शु॒द्धाः पू॒ता भ॑वथ यज्ञियासः ॥
इ॒म-ञ्जी॒वेभ्यः॑ परि॒धि-न्द॑धामि॒ मा नो नु॑ गा॒दप॑रो॒ अर्ध॑मे॒तम् ।
श॒त-ञ्जी॑वन्तु श॒रदः॑ पुरू॒चीस्ति॒रो मृ॒त्यु-न्द॑द्महे॒ पर्व॑तेन ॥ इ॒मा नारी॑रविध॒वा-स्सु॒पत्नी॒राञ्ज॑नेन स॒र्पिषा॒ सम्मृ॑शन्ताम् ।
अ॒न॒श्रवो॑ अनमी॒वा-स्सु॒शेवा॒ आरो॑हन्तु॒ जन॑यो॒ योनि॒मग्रे᳚ ॥ यदाञ्ज॑न-न्त्रैककु॒द-ञ्जा॒तग्ं हि॒मव॑त॒स्परि॑ ।
तेना॒मृत॑स्य॒ मूले॒नारा॑ती-र्जम्भयामसि ॥
यथा॒ त्व-मु॑द्भि॒न-थ्स्यो॑षधे पृथि॒व्या अधि॑ ।
ए॒वमि॒म उद्भि॑न्दन्तु की॒र्त्या यश॑सा ब्रह्मवर्च॒सेन॑ ॥ अ॒जो᳚-ऽस्यजा॒स्मद॒घा द्वेषाग्ं॑सि य॒वो॑-ऽसि य॒वया॒स्मद॒घा द्वेषाग्ं॑सि ॥ 24 ॥
(भ॒व॒ - ज॒म्भ॒या॒म॒सि॒ त्रीणि॑ च) (अ. 10)
अनुवाकं 11
अप॑ न॒-श्शोशु॑चद॒घमग्ने॑ शुशु॒द्ध्या र॒यिम् । अप॑ न॒-श्शोशु॑चद॒घम् ॥ सु॒क्षे॒त्रि॒या सु॑गातु॒या व॑सू॒या च॑ यजामहे । अप॑ न॒-श्शोशु॑चद॒घम् ॥
प्र य-द्भन्दि॑ष्ठ एषा॒-म्प्रास्माका॑सश्च सू॒रयः॑ । अप॑ न॒-श्शोशु॑चद॒घम् ॥ प्रयद॒ग्ने-स्सह॑स्वतो वि॒श्वतो॒ यन्ति॑ सू॒रयः॑ । अप॑ न॒-श्शोशु॑चद॒घम् ॥
प्रयत्ते॑ अग्ने सू॒रयो॒ जाये॑महि॒ प्र ते॑ व॒यम् ।
अप॑ न॒-श्शोशु॑चद॒घम् ॥ 25 ॥
त्वग्ं हि वि॑श्वतोमुख वि॒श्वतः॑ परि॒भूरसि॑ । अप॑ न॒-श्शोशु॑चद॒घम् ॥ द्विषो॑ नो विश्वतोमु॒खाति॑ ना॒वेव॑ पारय । अप॑ न॒-श्शोशु॑चद॒घम् ॥ स न॒-स्सिन्धु॑मिव ना॒वया-ऽति॑ पर्षा स्व॒स्तये᳚ । अप॑ न॒-श्शोशु॑चद॒घम् ॥ आपः॑ प्रव॒णादि॑व य॒ती-रपा॒स्म-थ्स्य॑न्दताम॒घम् । अप॑ न॒-श्शोशु॑चद॒घम् ॥ उ॒द्व॒ना-दु॑द॒कानी॒वापा॒स्म-थ्स्य॑न्दताम॒घम् ।
अप॑ न॒-श्शोशु॑चद॒घम् ॥ आ॒न॒न्दाय॑ प्रमो॒दाय॒ पुन॒रागा॒ग्॒ स्वान्गृ॒हान् । अप॑ न॒-श्शोशु॑चद॒घम् ॥ न वै तत्र॒ प्रमी॑यते॒ गौरश्वः॒ पुरु॑षः प॒शुः ।
यत्रे॒द-म्ब्रह्म॑ क्रि॒यते॑ परि॒धिर्जीव॑नाय॒ कमप॑ न॒-श्शोशु॑चद॒घम् ॥ 26 ॥
(अ॒घ - म॒घ-ञ्च॒त्वारि॑ च) (अ. 11)
अनुवाकं 12
अप॑श्याम युव॒ति-मा॒चर॑न्ती-म्मृ॒ताय॑ जी॒वा-म्प॑रिणी॒यमा॑नाम् । अ॒न्धेन॒ या तम॑सा॒ प्रावृ॑ता-ऽसि॒ प्राची॒मवा॑ची॒-मव॒य-न्नरि॑ष्ट्यै ॥
मयै॒ता-म्मा॒ग्॒स्ता-म्भ्रि॒यमा॑णा दे॒वी स॒ती पि॑तृलो॒कम् ँयदैषि॑ । वि॒श्ववा॑रा॒ नभ॑सा॒ संव्यँ॑यन्त्यु॒भौ नो॑ लो॒कौ पय॒सा-ऽऽवृ॑णीहि ॥
रयि॑ष्ठाम॒ग्नि-म्मधु॑मन्तमू॒र्मिण॒मूर्जः॑ सन्त-न्त्वा॒ पय॒सोप॒ सग्ंस॑देम ।
सग्ं र॒य्या समु॒ वर्च॑सा॒ सच॑स्वा न-स्स्व॒स्तये᳚ ॥
ये जी॒वा ये च॑ मृ॒ता ये जा॒ता ये च॒ जन्त्याः᳚ ।
तेभ्यो॑ घृ॒तस्य॑ धारयितु॒-म्मधु॑धारा व्युन्द॒ती ॥
मा॒ता रु॒द्राणा᳚-न्दुहि॒ता वसू॑ना॒ग्॒ स्वसा॑-ऽऽदि॒त्याना॑म॒-मृत॑स्य॒ नाभिः॑ ।
प्रणु॒वोच॑-ञ्चिकि॒तुषे॒ जना॑य॒ मा गामना॑गा॒मदि॑तिम् ँवधिष्ट ॥
पिब॑तूद॒क-न्तृणा᳚न्यत्तु । ओमु-थ्सृ॒जत ॥ 27 ॥
(व॒धि॒ष्ट॒ द्वे च॑) (अ. 12)
(प॒रे॒यु॒वाग्ंस॒-म्प्र वि॒द्वा-न्भुव॑नस्या॒भ्याव॑ वृथ्स्वा॒ जो भा॒गो॑-ऽयम् ँवै चतुश्चत्वारिग्ंशत् ।
य ए॒तस्य॒ त्व-त्पञ्च॑ । प्रके॒तुने॒दन्ते॒ नाके॑ सुप॒र्णम् ँयौ ते॒ ये युद्ध्य॑न्ते॒ तप॒सा-ऽश्म॑न्वती रेवती॒-स्सग्ंर॑भद्ध्वम॒ष्टाविग्ं॑शतिः । य-न्ते॒ यत्त॒ उत्तिष्ठा॒त॑ इ॒दन्त॒ उत्ति॑ष्ठ॒
प्रेह्यश्म॒न्॒. यद्वा उद्व॒यम॒य-म्पञ्च॑विग्ंशतिः । आया॑तु त्रि॒ग्ं॒शत् । वै॒श्वा॒न॒रे तस्मि॑-न्द्र॒फ्स इ॒ममपे॒ताहो॑भि-र्युज्यन्तामघ्नि॒या अ॑दिते पा॒रम् ँव॒ आ प्या॑यस्व स॒प्तविग्ं॑शतिः । उत्ते॑ गृहे-ऽखाषि॑ति॒स्तेभ्यः॑ पृ॑थि॒व्या अ॒न्तरि॑क्षस्य॒ द्वात्रिग्ं॑शत् । अ॒पू॒पवा॑नसौ॒ दश॑ श॒त द॑श । ए॒तास्ते॑ ते॒ दिश॒-स्सर्वा॑ इ॒दमश्म॑न् विग्ंश॒तिः । ओ॑रोहत त॒नुवै᳚ क्रू॒र-ञ्च॒कार॒ पुन॑र्मृ॒त्यवे॒ मा नो नु॑ गा-द्दद्मह इ॒मा नारीः॒ परि॒ त्रयो॑विग्ंशतिः ।
अप॑ न-स्सुक्षेत्रि॒या प्र यद्भ-न्दि॑ष्ठः॒ प्र यद॒ग्नेः प्र यत्ते॑ अग्ने॒ त्वग्ं हि द्विष॒-स्स न॒-स्सिन्धु॒मापः॑ प्रव॒णादु॑-द्व॒नादा॑न॒न्दाय॒ न वै तत्र॒ यत्रे॒द-ञ्चतु॑र्विग्ंशतिः॒ । अप॑श्या॒मावृ॑णीहि॒ द्वाद॑श द्वादश ।)
(प॒रे॒यु॒वाग्ंस॒ - माया᳚ - त्वे॒तास्ते॑ स॒प्तविग्ं॑शतिः )
(प॒रे॒यु॒वाग्ंस॒ - मोमुथ्सृ॒जत )
॥ हरिः॑ ओम् ॥
॥ कृष्ण यजुर्वेदीय तैत्तिरीय आरण्यके षष्ठः प्रपाठक-स्समाप्तः ॥
kṛṣṇa yajurvedīya taittirīya āraṇyake ṣaṣṭhaḥ prapāṭhakaḥ - pitṛmedhamantrāḥ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1
pa॒re॒yu॒vāgṃsa̭-mpra॒vato̭ ma॒hīranṷ ba॒hubhyaḥ॒ panthā̭manapaspaśā॒nam | vai॒va॒sva॒tagṃ sa॒ṅgama̭na॒-ñjanā̭nām ~ya॒magṃ rājā̭nagṃ ha॒viṣā̭ duvasyata || i॒da-ntvā॒ vastra̭-mpratha॒ma-nnvāga॒nnapai॒tadṷ̄ha॒ yadi॒hābi̭bhaḥ pu॒rā |
i॒ṣṭā॒pū॒rtamanu॒ sampa̭śya॒ dakṣi̭ṇā॒m ~yathā̭ te da॒tta-mba̭hu॒dhā vi ba̭ndhuṣu ||
i॒mau yṷnajmi te va॒hnī asṷnīthāya vo॒ḍhave᳚ |
yābhyā᳚m ~ya॒masya॒ sāda̭nagṃ su॒kṛtā॒-ñcāpi̭ gacchatāt || pū॒ṣā tve॒taścyā̭vayatu॒ pravi॒dvā-nana̭ṣṭapaśu॒-rbhuva̭nasya go॒pāḥ |
sa tvai॒tebhyaḥ॒ pari̭dadā-tpi॒tṛbhyo॒-'gnirde॒vebhyaḥ̭ suvi॒datre᳚bhyaḥ || pū॒ṣemā āśā॒ anṷveda॒ sarvā॒-sso a॒smāgṃ abha̭yatamena neṣat |
sva॒sti॒dā aghṛ̭ṇi॒-ssarva̭vī॒ro-'pra̭yucchanpu॒ra ḙtu॒ pravi॒dvān || 1 ||
āyṷ-rvi॒śvāyuḥ॒ pari̭pāsati tvā pū॒ṣā tvā̭ pātu॒ prapa̭the pu॒rastā᳚t | yatrāsa̭te su॒kṛto॒ yatra॒ te ya॒yustatra̭ tvā de॒va-ssa̭vi॒tā da̭dhātu ||
bhuva̭nasya pata i॒dagṃ ha॒viḥ || a॒gnayḙ rayi॒mate॒ svāhā᳚ || purṷṣasya sayāva॒ryapeda॒ghāni̭ mṛjmahe |
yathā̭ no॒ atra॒ nāpa̭raḥ pu॒rā ja॒rasa॒ āya̭ti ||
purṷṣasya sayāvari॒ vi te᳚ prā॒ṇama̭si srasam |
śarī̭reṇa ma॒hīmihi̭ sva॒dhayehi̭ pi॒tṝnupa̭ pra॒jayā॒-'smāni॒hāva̭ha || maiva̭-mmā॒g॒stā pri̭ye॒-'ha-nde॒vī sa॒tī pi̭tṛlo॒kam ~yadaiṣi̭ |
vi॒śvavā̭rā॒ nabha̭sā॒ saṃvya~̭yantyu॒bhau no̭ lo॒kau
paya̭sā॒-'bhyāva̭vṛthsva || 2 ||
i॒ya-nnārī̭ patilo॒kam ~vṛ̭ṇā॒nā nipa̭dyata॒ upa̭ tvā martya॒ preta᳚m | viśva̭-mpurā॒ṇamanṷ pā॒laya̭ntī॒ tasyai᳚ pra॒jā-ndravi̭ṇa-ñce॒ha dhḙhi || udī᳚rṣva nārya॒bhi jī̭valo॒kami॒tāsṷme॒tamupa̭śeṣa॒ ehi̭ |
ha॒sta॒grā॒bhasya̭ didhi॒ṣostvame॒ta-tpatyṷrjani॒tvama॒bhi samba̭bhūva ||
su॒varṇa॒gṃ॒ hastā̭dā॒dadā̭nā mṛ॒tasya̭ śri॒yai brahma̭ṇe॒ teja̭se॒ balā̭ya | atrai॒va tvami॒ha va॒yagṃ su॒śevā॒ viśvā॒-sspṛdho̭ a॒bhimā̭tīrjayema ||
dhanu॒r॒ hastā̭dā॒dadā̭nā mṛ॒tasya̭ śri॒yai kṣa॒trāyauja̭se॒ balā̭ya | atrai॒va tvami॒ha va॒yagṃ su॒śevā॒ viśvā॒-sspṛdho̭ a॒bhimā̭tīrjayema |
maṇi॒gṃ॒ hastā̭dā॒dadā̭nā mṛ॒tasya̭ śri॒yai vi॒śe puṣṭyai॒ balā̭ya | atrai॒va tvami॒ha va॒yagṃ su॒śevā॒ viśvā॒-sspṛdho̭ a॒bhimā̭tīrjayema || 3 ||
i॒mama̭gne cama॒sa-mmā vijī᳚hvaraḥ pri॒yo de॒vānā̭mu॒ta so॒myānā᳚m | e॒ṣa yaśca̭ma॒so dḙva॒pāna॒stasmi̭-nde॒vā a॒mṛtā̭ mādayantām ||
a॒gnervarma॒ pari॒ gobhi̭rvyayasva॒ samprorṇṷṣva॒ meda̭sā॒ pīva̭sā ca | nettvā̭ dhṛ॒ṣṇur-hara̭sā॒ jarhṛ̭ṣāṇo॒ dadha̭-dvidha॒kṣyan-parya॒ṅkhayā̭tai ||
maina̭magne॒ vida̭ho॒ mā-'bhiśo̭co॒ mā-'sya॒ tvaca̭-ñcikṣipo॒ mā śarī̭ram | ya॒dā śṛ॒ta-ṅka॒ravo̭ jātave॒do-'thḙmena॒-mprahi̭ṇutā-tpi॒tṛbhyaḥ̭ ||
śṛ॒tam ~ya॒dā ka॒rasi̭ jātave॒do-'thḙmena॒-mpari̭dattā-tpi॒tṛbhyaḥ̭ | ya॒dā gacchā॒tyasṷnītime॒tāmathā̭ de॒vānā᳚m ~vaśa॒nīrbha̭vāti || sūrya̭-nte॒ cakṣṷ-rgacchatu॒ vāta̭mā॒tmā dyā-ñca॒ gaccha̭ pṛthi॒vī-ñca॒ dharma̭ṇā |
a॒po vā̭ gaccha॒ yadi॒ tatra̭ te hi॒tamoṣa̭dhīṣu॒ prati̭tiṣṭhā॒ śarī̭raiḥ || a॒jo bhā॒gastapa̭sā॒ ta-nta̭pasva॒ ta-ntḙ śo॒cista̭patu॒ ta-ntḙ a॒rciḥ |
yāstḙ śi॒vāsta॒nuvo̭ jātaveda॒stābhi̭-rvahe॒magṃ su॒kṛtā॒m ~yatra̭ lo॒kāḥ || a॒yam ~vai tvama॒smādadhi॒ tvame॒tada॒yam ~vai tada̭sya॒ yoni̭rasi | vai॒śvā॒na॒raḥ pu॒traḥ pi॒tre lo̭ka॒kṛ-jjā̭tavedo॒ vahḙmagṃ su॒kṛtā॒m ~yatra̭ lo॒kāḥ || 4 ||
(vi॒dvā-na॒bhyāva̭vṛthsvā॒ - bhimā̭tīrjayema॒ - śarī᳚raiśca॒tvāri̭ ca ) (a. 1)
anuvākaṃ 2
ya e॒tasya̭ pa॒tho go॒ptāra॒stebhya॒-ssvāhā॒ ya e॒tasya̭ pa॒tho ra̭kṣi॒tāra॒stebhya॒-ssvāhā॒ ya e॒tasya̭ pa॒tho̭-'bhira̭kṣi॒tāra॒stebhya॒-ssvāhā᳚-''khyā॒tre svāhā̭-'pākhyā॒tre svāhā̭-'bhi॒lāla̭pate॒ svāhā̭-'pa॒lāla̭pate॒ svāhā॒-'gnayḙ karma॒kṛte॒ svāhā॒ yamatra॒ nādhī॒mastasmai॒ svāhā᳚ ||
yasta̭ i॒ddhma-ñja॒bhara̭-thsiṣvidā॒no mū॒rdhāna̭m ~vā ta॒tapa̭te tvā॒yā | divo॒ viśva̭smā-thsīmaghāya॒ta ṷruṣyaḥ || a॒smāttvamadhi̭ jā॒to̭-'si॒ tvada॒ya-ñjā̭yatā॒-mpunaḥ̭ | a॒gnayḙ vaiśvāna॒rāya̭ suva॒rgāya̭ lo॒kāya॒ svāhā᳚ || 5 ||
(ya e॒tasya॒ tva-tpañca̭ ) (a. 2)
anuvākaṃ 3
pra ke॒tunā̭ bṛha॒tā bhā᳚tya॒gnirā॒vi-rviśvā̭ni vṛṣa॒bho ro̭ravīti | di॒vaści॒dantā॒dupa॒ māmu॒dāna̭ḍa॒pāmu॒pasthḙ mahi॒ṣo va̭vardha ||
i॒danta॒ eka̭-mpa॒ra ṷ̄ta॒ eka̭-ntṛ॒tīyḙna॒ jyoti̭ṣā॒ saṃvi~̭śasva | saṃ॒ve~śa̭nasta॒nuvai॒ cārṷredhi pri॒yo de॒vānā᳚-mpara॒me sa॒dhasthe᳚ ||
nākḙ supa॒rṇamupa॒ ya-tpata̭ntagṃ hṛ॒dā vena̭nto a॒bhyaca̭kṣata tvā | hira̭ṇyapakṣa॒m ~varṷṇasya dū॒tam ~ya॒masya॒ yonaṷ śaku॒na-mbhṷra॒ṇyum ||
ati̭drava sārame॒yau śvānaṷ catura॒kṣau śa॒balaṷ sā॒dhunā̭ pa॒thā | athā̭ pi॒tṝn-thsṷvi॒datrā॒gṃ॒ apī̭hi ya॒mena॒ ye sa̭dha॒māda॒-mmada̭nti ||
yau te॒ śvānaṷ yama rakṣi॒tāraṷ catura॒kṣau pa̭thi॒rakṣī̭ nṛ॒cakṣa̭sā |
tābhyāgṃ̭ rāja॒-npari̭ dehyenagg sva॒sti cā᳚smā anamī॒va-ñca̭ dhehi || 6 ||
u॒ru॒ṇa॒sā-va̭su॒tṛpā̭-vulumba॒lau ya॒masya̭ dū॒tau ca̭rato॒ vaśā॒gṃ॒ anṷ | tāva॒smabhya̭-ndṛ॒śaye॒ sūryā̭ya॒ puna̭rda-ttā॒vasṷma॒dyeha bha॒dram ||
soma॒ eke᳚bhyaḥ pavate ghṛ॒tameka॒ upā̭sate |
yebhyo॒ madhṷ pra॒dhāva̭ti॒ tāg-ści̭de॒vāpi̭gacchatāt ||
ye yuddhya̭nte pra॒dhanḙṣu॒ śūrā̭so॒ ye ta̭nu॒tyajaḥ̭ | ye vā̭ sa॒hasra̭dakṣiṇā॒stāg ści̭de॒vāpi̭gacchatāt ||
tapa̭sā॒ ye a̭nādhṛ॒ṣyā-stapa̭sā॒ ye suva̭rga॒tāḥ |
tapo॒ ye ca̭kri॒re ma॒ha-ttāg-ści̭de॒vāpi̭gacchatāt ||
aśma̭nvatī revatī॒-ssagṃra̭bhaddhva॒-mutti̭ṣṭhata॒ prata̭ratā sakhāyaḥ | atrā̭ jahāma॒ ye asa॒nnaśḙvā-śśi॒vān. va॒yama॒bhi vājā॒nutta̭rema || 7 ||
yadvai de॒vasya̭ savi॒tuḥ pa॒vitragṃ̭ sa॒hasra̭dhāra॒m ~vita̭tama॒ntari̭kṣe | yenāpṷnā॒dindra॒manā᳚rta॒-mārtyai॒ tenā॒ha-mmāgṃ sa॒rvata̭nu-mpunāmi ||
yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha ||
udva॒ya-ntama̭sa॒spari॒ paśya̭nto॒ jyoti॒rutta̭ram |
de॒va-ndḙva॒trā sūrya॒maga̭nma॒ jyoti̭rutta॒mam ||
dhā॒tā pṷnātu savi॒tā pṷnātu | a॒gnesteja̭sā॒ sūrya̭sya॒ varca̭sā || 8 ||
(dhe॒ - hyutta̭re - mā॒ṣṭau ca̭) (a. 3)
anuvākaṃ 4
ya-ntḙ a॒gnimama̭nthāma vṛṣa॒bhāyḙva॒ pakta̭ve |
i॒ma-ntagṃ śa̭mayāmasi kṣī॒reṇa̭ coda॒kena̭ ca ||
yantvama̭gne sa॒mada̭ha॒stvamu॒ nirvā̭payā॒ punaḥ̭ |
kyā॒mbūratra̭ jāyatā-mpākadū॒rvā vya̭lkaśā ||
śīti̭ke॒ śīti̭kāvati॒ hlādṷke॒ hlādṷkāvati |
ma॒ṇḍū॒kyā̭ susaṅga॒maye॒magg sva̭gnigṃ śa॒maya̭ || śa-ntḙ dhanva॒nyā āpa॒-śśamṷ te santvanū॒kyāḥ᳚ | śa-ntḙ samu॒driyā॒ āpa॒-śśamṷ te santu॒ varṣyāḥ᳚ ||
śa-nte॒ srava̭ntī-sta॒nuve॒ śamṷ te santu॒ kūpyāḥ᳚ |
śa-ntḙ nīhā॒ro va̭rṣatu॒ śamu॒ pṛṣvā-'va̭śīyatām || 9 ||
ava̭ sṛja॒ puna̭ragne pi॒tṛbhyo॒ yasta॒ āhṷta॒ścara̭ti sva॒dhābhiḥ̭ | āyu॒rvasā̭na॒ upa̭ yātu॒ śeṣa॒gṃ॒ saṅga̭cchatā-nta॒nuvā̭ jātavedaḥ ||
saṅga̭cchasva pi॒tṛbhi॒-ssagg sva॒dhābhi॒-ssami̭ṣṭāpū॒rtena̭ para॒me vyo̭mann |
yatra॒ bhūmyai̭ vṛ॒ṇase॒ tatra̭ gaccha॒ tatra̭ tvā de॒va-ssa̭vi॒tā da̭dhātu || yattḙ kṛ॒ṣṇa-śśa̭ku॒na ā̭tu॒toda̭ pipī॒la-ssa॒rpa u॒ta vā॒ śvāpa̭daḥ |
a॒gniṣṭa-dviśvā̭danṛ॒ṇa-ṅkṛ̭ṇotu॒ soma̭śca॒ yo brā᳚hma॒ṇamā̭vi॒veśa̭ || utti॒ṣṭhāta̭-sta॒nuva॒gṃ॒ sambha̭rasva॒ meha gātra॒mava̭hā॒ mā śarī̭ram |
yatra॒ bhūmyai̭ vṛ॒ṇase॒ tatra̭ gaccha॒ tatra̭ tvā de॒va-ssa̭vi॒tā da̭dhātu || i॒da-nta॒ eka̭-mpa॒ra ṷ̄ta॒ eka̭-ntṛ॒tīyḙna॒ jyoti̭ṣā॒ saṃvi~̭śasva |
saṃ॒ve~śa̭na-sta॒nuvai॒ cārṷredhi pri॒yo de॒vānā᳚-mpara॒me sa॒dhasthe᳚ || utti̭ṣṭha॒ prehi॒ pradra॒vaukaḥ̭ kṛṇuṣva para॒me vyo̭mann | ya॒mena॒ tvam ~ya॒myā̭ saṃvi~dā॒not-ta॒ma-nnāka॒madhi̭ rohe॒mam ||
aśma̭nvatī revatī॒-ssagṃ ra̭bhaddhva॒ mutti̭ṣṭhata॒ prata̭ratā sakhāyaḥ | atrā̭ jahāma॒ ye asa॒nnaśḙvā-śśi॒vān va॒yama॒bhi vājā॒nutta̭rema || yadvai de॒vasya̭ savi॒tuḥ pa॒vitragṃ̭ sa॒hasra̭dhāra॒m ~vita̭tama॒ntari̭kṣe | yenāpṷnā॒dindra॒manā̭rta॒-mārtyai॒ tenā॒ha-mmāgṃ sa॒rvata̭nu-mpunāmi || yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha || yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha || dhā॒tā pṷnātu savi॒tā pṷnātu | a॒gnesteja̭sā॒ sūrya̭sya॒ varca̭sā ||
a॒smāttvamadhi̭ jā॒to᳚-'sya॒ya-ntvadadhi̭jāyatām |
a॒gnayḙ vaiśvāna॒rāya̭ suva॒rgāya̭ lo॒kāya॒ svāhā᳚ || 10 ||
(ava̭śīyatāgṃ - sa॒dhasthe॒ pañca̭ ca) (a. 4)
anuvākaṃ 5
āyā̭tu de॒va-ssu॒manā̭bhi-rū॒tibhi̭-rya॒mo ha̭ve॒ha praya̭tābhira॒ktā | āsī̭datāgṃ supra॒yatḙha ba॒r॒hiṣyūrjā̭ya jā॒tyai mama̭ śatru॒hatyai᳚ ||
ya॒me i̭va॒ yata̭māne॒ yadaita॒-mpravā᳚mbhara॒-nmānṷṣā deva॒yantaḥ̭ | āsī̭data॒gg॒ svamṷ lo॒kam ~vidā̭ne svāsa॒sthe bha̭vata॒minda̭ve naḥ ||
ya॒māya॒ somagṃ̭ sunuta ya॒māya̭ juhutā ha॒viḥ |
ya॒magṃ ha̭ ya॒jño ga̭cchatya॒gnidṷ̄to॒ ara̭ṅkṛtaḥ ||
ya॒māya̭ ghṛ॒tava̭ddha॒virju॒hota॒ pra ca̭ tiṣṭhata |
sa no̭ de॒veṣvāya̭ma-ddī॒rghamāyuḥ॒ pra jī॒vase᳚ ||
ya॒māya॒ madhṷmattama॒gṃ॒ rājñḙ ha॒vya-ñjṷhotana | i॒da-nnama॒ ṛṣi̭bhyaḥ pūrva॒jebhyaḥ॒ pūrve᳚bhyaḥ pathi॒kṛdbhyaḥ̭ || 11 ||
yo-'sya॒ kauṣṭhya॒ jaga̭taḥ॒ pārthi̭va॒syaika̭ idva॒śī |
ya॒ma-mbha̭ṅgyaśra॒vo gā̭ya॒ yo rājā̭-'napa॒roddhyaḥ̭ || ya॒ma-ṅgāya̭ bhaṅgya॒śravo॒ yo rājā̭-'napa॒roddhyaḥ̭ | yenā॒po na॒dyo̭ dhanvā̭ni॒ yena॒ dyauḥ pṛ̭thi॒vī dṛ॒ḍhā || hi॒ra॒ṇya॒ka॒kṣyān-thsu॒dhurāṋ. hiraṇyā॒kṣā-na̭yaśśa॒phān | aśvā̭-na॒naśya̭to dā॒na॒m ~ya॒mo rā̭jā-'bhi॒tiṣṭha̭ti || ya॒mo dā̭dhāra pṛthi॒vīṃ-ya~॒mo viśva̭mi॒da-ñjaga̭t | ya॒māya॒ sarva॒mitra̭sthe॒ ya-tprā॒ṇa-dvā॒yura̭kṣi॒tam || yathā॒ pañca॒ yathā॒ ṣaḍ ya॒thā pañca̭ da॒śarṣa̭yaḥ | ya॒mam ~yo vi̭dyā॒thsa brṷ̄yādya॒thaika ṛṣi̭rvijāna॒te || 12 ||
trika̭drukebhiḥ॒ pata̭ti॒ ṣaḍu॒rvī-reka॒mi-dbṛ॒hat |
gā॒ya॒trī tri॒ṣṭupchandāgṃ̭si॒ sarvā॒ tā ya॒ma āhi̭tā ||
aha̭raha॒rnaya̭māno॒ gāmaśva॒-mpurṷṣa॒-ñjaga̭t |
vaiva̭svato॒ na tṛ̭pyati॒ pañca̭bhi॒rmāna̭vairya॒maḥ ||
vaiva̭svate॒ vivi̭cyante॒ yame॒ rāja̭ni te ja॒nāḥ |
ye ce॒ha sa॒tyeneccha̭nte॒ ya u॒ cānṛ̭tavādi॒naḥ ||
te rā̭janni॒ha vivi̭cyante॒-'thā ya̭nti tvā॒mupa̭ |
de॒vāgśca॒ ye na̭ma॒syanti॒ brāhma̭ṇāgścāpa॒citya̭ti ||
yasmi̭n vṛ॒kṣe sṷpalā॒śe de॒vai-ssa॒pimba̭te ya॒maḥ |
atrā̭ no vi॒śpatiḥ̭ pi॒tā pṷrā॒ṇā anṷvenati || 13 ||
(pa॒thi॒kṛdbhyo̭ - vijāna॒te - 'nṷvenati) (a. 5)
anuvākaṃ 6
vai॒śvā॒na॒re ha॒viri॒da-ñjṷhomi sāha॒sra-muthsagṃ̭ śa॒tadhā̭rame॒tam | tasmi̭nne॒ṣa pi॒tara̭-mpitāma॒ha-mprapi̭tāmaha-mbibhara॒-tpinva̭māne ||
dra॒phsaśca̭skanda pṛthi॒vīmanu॒ dyāmi॒mañca॒ yoni॒manu॒ yaśca॒ pūrvaḥ̭ |
tṛ॒tīya॒m ~yoni॒manṷ sa॒ñcara̭nta-ndra॒phsa-ñjṷho॒myanṷ sa॒pta hotrāḥ᳚ ||
i॒magṃ sa̭mu॒dragṃ śa॒tadhā̭ra॒muthsa̭m ~vya॒cyamā̭na॒-mbhuva̭nasya॒ maddhye᳚ |
ghṛ॒ta-nduhā̭nā॒madi̭ti॒-ñjanā॒yāgne॒ mā higṃ̭sīḥ para॒me vyo̭mann || apḙta॒ vīta॒ vi ca̭ sarpa॒tāto॒ ye-'tra॒ stha pṷrā॒ṇā ye ca॒ nūta̭nāḥ |
aho̭bhira॒dbhi-ra॒ktubhi॒-rvya̭ktam ~ya॒mo da̭dā-tvava॒sāna̭masmai || sa॒vi॒taitāni॒ śarī̭rāṇi pṛthi॒vyai mā॒turu॒pastha॒ āda̭dhe |
tebhi̭-ryujyantā-maghni॒yāḥ || 14 ||
śu॒nam ~vā॒hā-śśu॒na-nnā॒rā-śśu॒na-ṅkṛ̭ṣatu॒ lāṅga̭lam |
śu॒nam ~va̭ra॒trā ba̭ddhyantāgṃ śu॒na-maṣṭrā॒-mudi̭ṅgaya॒ śunā̭sīrā śu॒nama॒smāsṷ dhattam ||
śunā̭sīrāvi॒mām ~vāca॒m ~ya-ddi॒vi ca̭kra॒thuḥ payaḥ̭ | tene॒mā-mupa̭siñcatam ||
sīte॒ vandā̭mahe tvā॒-'rvācī̭ subhage bhava |
yathā̭ na-ssu॒bhagā sa̭si॒ yathā̭ na-ssu॒phalā sa̭si ||
sa॒vi॒taitāni॒ śarī̭rāṇi pṛthi॒vyai mā॒turu॒pastha॒ āda̭dhe | tebhi̭radite॒ śa-mbha̭va ||
vimṷcyaddhva-maghni॒yā dḙva॒yānā॒ atā̭riṣma॒ tama̭saspā॒rama॒sya |
jyoti̭rāpāma॒ suva̭raganma || 15 ||
pra vātā॒ vānti̭ pa॒taya̭nti vi॒dyuta॒ udoṣa̭dhīrjihate॒ pinva̭te॒ suvaḥ̭ | irā॒ viśva̭smai॒ bhuva̭nāya jāyate॒ ya-tpa॒rjanyaḥ̭ pṛthi॒vīgṃ reta॒sā-'va̭ti ||
yathā̭ ya॒māya̭ hā॒rmya-mava̭pa॒-npañca̭māna॒vāḥ |
e॒vam ~va̭pāmi hā॒rmyam ~yathā-'sā̭ma jīvalo॒ke bhūra̭yaḥ || citaḥ̭ stha pari॒cita̭ ūrdhva॒citaḥ̭ śrayaddhva-mpi॒taro̭ de॒vatā᳚ |
pra॒jāpa̭tirva-ssādayatu॒ tayā̭ de॒vata̭yā ||
ā pyā̭yasva॒ samḙ̀tu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || 16 ||
(a॒ghni॒yā - a̭ganma - +sa॒pta ca̭) (a. 6)
anuvākaṃ 7
uttḙ tabhnomi pṛthi॒vī-ntvatparī॒mam ~lo॒ka-nni॒dadha॒nmo a॒hagṃ ri̭ṣam | e॒tāg sthūṇā᳚-mpi॒taro̭ dhārayantu॒ te-'trā̭ ya॒ma-ssāda̭nātte minotu ||
upa̭sarpa mā॒tara॒-mbhūmi̭me॒tā-mṷru॒vyaca̭sa-mpṛthi॒vīgṃ su॒śevā᳚m | ūrṇa̭mradā yuva॒ti-rdakṣi̭ṇāvatye॒ṣā tvā̭ pātu॒ nir-ṛ̭tyā u॒pasthe᳚ ||
ucchma̭ñcasva pṛthivi॒ mā vibā̭dhithā-ssūpāya॒nā-'smai̭ bhava sūpavañca॒nā | mā॒tā pu॒tram ~yathā̭ si॒cā-'bhyḙna-mbhūmi vṛṇu || u॒cchmañca̭mānā pṛthi॒vī hi tiṣṭha̭si sa॒hasra॒mmita॒ upa॒ hi śraya̭ntām |
te gṛ॒hāso̭ madhu॒ścuto॒ viśvāhā᳚smai śara॒ṇā-ssa॒ntvatra̭ || eṇī᳚rdhā॒nā hari̭ṇī॒rarjṷnī-ssantu dhe॒navaḥ̭ | tila̭vathsā॒ ūrja̭masmai॒ duhā̭nā॒ viśvāhā̭ sa॒ntvana̭pasphurantīḥ || 17 ||
e॒ṣā tḙ yama॒sāda̭ne sva॒dhā nidhī̭yate gṛ॒he | akṣi̭ti॒rnāma̭ te asau || i॒da-mpi॒tṛbhyaḥ॒ prabha̭rema ba॒r॒hi-rde॒vebhyo॒ jīva̭nta॒ utta̭ra-mbharema |
tattva̭māro॒hāso॒ meghyo॒ bhava̭m ~ya॒mena॒ tvam ~ya॒myā̭ saṃvi~dā॒naḥ || mā tvā̭ vṛ॒kṣau sambā̭dhiṣṭā॒-mmā mā॒tā pṛ̭thivi॒ tvam |
pi॒tṝn. hi yatra॒ gacchā॒syedhā̭sam ~yama॒rājye᳚ ||
mā tvā̭ vṛ॒kṣau sambā̭dhethā॒-mmā mā॒tā pṛ̭thi॒vī ma॒hī | vai॒va॒sva॒tagṃ hi gacchā̭si yama॒rājye॒ virā̭jasi ||
na॒la-mpla॒vamāro̭hai॒ta-nna॒lena̭ pa॒tho-'nvi̭hi |
sa tva̭-nna॒lapla̭vo bhū॒tvā॒ santa̭ra॒ prata॒rotta̭ra || 18 ||
sa॒vi॒taitāni॒ śarī̭rāṇi pṛthi॒vyai mā॒turu॒pastha॒ āda̭dhe | tebhyaḥ̭ pṛthivi॒ śa-mbha̭va ||
ṣaḍḍho̭tā॒ sūrya̭-nte॒ cakṣṷ-rgacchatu॒ vāta̭mā॒tmā dyā-ñca॒ gaccha̭ pṛthi॒vī-ñca॒ dharma̭ṇā |
a॒po vā̭ gaccha॒ yadi॒ tatra̭ te hi॒tamoṣa̭dhīṣu॒ prati̭tiṣṭhā॒ śarī̭raiḥ || para̭-mmṛtyo॒ anu॒ parḙhi॒ panthā॒m ~yaste॒ sva ita̭ro deva॒yānā᳚t |
cakṣṷṣmate śṛṇva॒te te᳚ bravīmi॒ mā naḥ̭ pra॒jāgṃ rī̭riṣo॒ mota vī॒rān ||
śam ~vāta॒-śśagṃ hi te॒ ghṛṇi॒-śśamṷ te sa॒ntvoṣa̭dhīḥ | kalpa̭ntā-mme॒ diśaḥ̭ śa॒gmāḥ ||
pṛ॒thi॒vyāstvā̭ lo॒ke sā̭dayāmya॒muṣya॒ śarmā̭si pi॒taro̭ de॒vātā᳚ | pra॒jāpa̭tistvā sādayatu॒ tayā̭ de॒vata̭yā || a॒ntari̭kṣasya tvā di॒vastvā̭ di॒śā-ntvā॒ nāka̭sya tvā pṛ॒ṣṭhe bra॒ddhnasya̭ tvā vi॒ṣṭapḙ sādayāmya॒muṣya॒ śarmā̭si pi॒taro̭ de॒vatā᳚ |
pra॒jāpa̭tistvā sādayatu॒ tayā̭ de॒vata̭yā || 19 ||
(ana̭pasphurantī॒ - rutta̭ra - de॒vata̭yā॒ dve ca̭) (a. 7)
anuvākaṃ 8
a॒pū॒pavā᳚-nghṛ॒tavāg̭śca॒rureha sī̭datūttabhnu॒va-npṛ̭thi॒vī-ndyāmu॒topari̭ | yo॒ni॒kṛtaḥ̭ pathi॒kṛtaḥ̭ saparyata॒ ye de॒vānā᳚-ṅghṛ॒tabhā̭gā i॒ha stha |
e॒ṣā te yama॒sāda̭ne sva॒dhā nidhī̭yate gṛ॒hḙ-'sau |
daśā᳚kṣarā॒ tāgṃ ra̭kṣasva॒ tā-ṅgo̭pāyasva॒ tā-nte॒ pari̭ dadāmi॒ tasyā᳚-ntvā॒ mā da̭bha-npi॒taro̭ de॒vatā᳚ |
pra॒jāpa̭tistvā sādayatu॒ tayā̭ de॒vata̭yā ||
a॒pū॒pavā᳚-ñchṛ॒tavā᳚n-kṣī॒ravā॒n-dadhi̭vā॒-nmadhṷmāg-śca॒rureha sī̭datūttabhnu॒van-pṛ̭thi॒vī-ndyāmu॒topari̭ | yo॒ni॒kṛtaḥ̭ pathi॒kṛtaḥ̭ saparyata॒ ye de॒vānāgṃ̭ śṛ॒tabhā̭gāḥ, kṣī॒rabhā̭gā॒ dadhi̭bhāgā॒ madhṷbhāgā i॒ha stha | e॒ṣā tḙ yama॒sāda̭ne sva॒dhā nidhī̭yate gṛ॒hḙ-'sau | śa॒tākṣa̭rā sa॒hasrā᳚kṣarā॒-'yutā᳚kṣa॒rā-'cyṷtākṣarā॒ tāgṃ ra̭kṣasva॒ tā-ṅgo̭pāyasva॒ tā-nte॒ pari̭dadāmi॒ tasyā᳚-ntvā॒ mā da̭bha-npi॒taro̭ de॒vatā᳚ | pra॒jāpa̭tistvā sādayatu॒ tayā̭ de॒vata̭yā || 20 ||
(a॒pū॒pavā̭nasau॒ daśa̭) (a. 8)
anuvākaṃ 9
e॒tāste᳚ sva॒dhā a॒mṛtāḥ᳚ karomi॒ yāstḙ dhā॒nāḥ pa̭ri॒kirā॒myatra̭ | tāstḙ ya॒maḥ pi॒tṛbhiḥ̭ saṃvi~dā॒no-'tra̭ dhe॒nūḥ kā̭ma॒dughāḥ᳚ karotu ||
tvāmarju॒nauṣa̭dhīnā॒-mpayo᳚ bra॒hmāṇa॒ idvi̭duḥ |
tāsā᳚-ntvā॒ maddhyā॒dāda̭de ca॒rubhyo॒ api̭dhātave ||
dū॒rvāṇāg̭ sta॒mbamāha̭rai॒tā-mpri॒yata̭mā॒-mmama̭ | i॒mā-ndiśa̭-mmanu॒ṣyā̭ṇā॒-mbhūyi॒ṣṭhā-'nu॒ vi ro̭hatu || kāśā̭nāg sta॒mbamāha̭ra॒ rakṣa̭sā॒mapa̭hatyai |
ya e॒tasyai̭ di॒śaḥ pa॒rābha̭vannaghā॒yavo॒ yathā॒ te nābha̭vā॒-npunaḥ̭ || da॒rbhāṇāg̭ sta॒mbamāha̭ra pitṛ॒ṇāmoṣa̭dhī-mpri॒yām | anvasyai॒ mūla̭-ñjīvā॒danu॒ kāṇḍa॒matho॒ phala᳚m || 21 ||
lo॒ka-mpṛ̭ṇa chi॒dra-mpṛ॒ṇātho̭ sīda śi॒vā tvam | i॒ndrā॒gnī tvā॒ bṛha॒spati̭ra॒smin yonā̭vasīṣa॒dann || tā a̭sya॒ sūda̭dohasa॒-ssomagg̭ śrīṇanti॒ pṛśna̭yaḥ | janma̭-nde॒vānāṃ॒-vi~śa̭stri॒ṣvā ro̭ca॒ne di॒vaḥ ||
śam ~vāta॒-śśagṃhi te॒ ghṛṇi॒-śśamṷ te sa॒ntvoṣa̭dhīḥ | kalpa̭ntā-nte॒ diśa॒-ssarvāḥ᳚ || i॒dame॒va meto-'pa̭rā॒mārti̭mārāma॒ kāñca॒na |
tathā॒ tada॒śvibhyā᳚-ṅkṛ॒ta-mmi॒treṇa॒ varṷṇena ca ||
va॒ra॒ṇo vā̭rayādi॒da-nde॒vo vana॒spatiḥ̭ |
ārtyai॒ nir-ṛ̭tyai॒ dveṣā᳚cca॒ vana॒spatiḥ̭ ||
vidhṛ̭tirasi॒ vidhā̭rayā॒smada॒ghā dveṣāgṃ̭si śa॒mi śa॒mayā॒smada॒ghā dveṣāgṃ̭si ya॒va ya॒vayā॒smada॒ghā dveṣāgṃ̭si ||
pṛ॒thi॒vī-ṅga̭cchā॒ntari̭kṣa-ṅgaccha॒ diva̭-ṅgaccha॒ diśo̭ gaccha॒ suva̭rgaccha॒ suva̭rgaccha॒ diśo̭ gaccha॒ diva̭-ṅgacchā॒ntari̭kṣa-ṅgaccha pṛthi॒vī-ṅga̭cchā॒po vā̭ gaccha॒ yadi॒ tatra̭ te hi॒tamoṣa̭dhīṣu॒ prati̭tiṣṭhā॒ śarī̭raiḥ || lo॒ka-mpṛ̭ṇa chi॒dra-mpṛ॒ṇātho̭ sīda śi॒vā tvam | i॒ndrā॒gnī tvā॒ bṛha॒spati̭ra॒smin yonā̭vasīṣa॒dann || tā a̭sya॒ sūda̭dohasa॒-ssomagg̭ śrīṇanti॒ pṛśna̭yaḥ | janma̭-nde॒vānāṃ॒-vi~śa̭stri॒ṣvā ro̭ca॒ne di॒vaḥ ||
aśma̭nvatī revatī॒-ssagṃ ra̭bhaddhva॒ mutti̭ṣṭhata॒ prata̭ratā sakhāyaḥ | atrā̭ jahāma॒ ye asa॒nnaśḙvā-śśi॒vān va॒yama॒bhi vājā॒nutta̭rema || yadvai de॒vasya̭ savi॒tuḥ pa॒vitragṃ̭ sa॒hasra̭dhāra॒m ~vita̭tama॒ntari̭kṣe | yenāpṷnā॒dindra॒manā̭rta॒-mārtyai॒ tenā॒ha-mmāgṃ sa॒rvata̭nu-mpunāmi ||
dhā॒tā yā rā॒ṣṭrā-tpa॒nnādapa॒ yanti॒ śākhā̭ a॒bhimṛ̭tā nṛ॒pati̭mi॒cchamā̭nāḥ | dhā॒tustā-ssarvāḥ॒ pava̭nena pū॒tāḥ pra॒jayā॒-'smān-ra॒yyā varca̭sā॒ sagṃsṛ̭jātha ||( ) || 22 ||
(atho॒ phala̭m - dhā॒tā pṷnātu) (a. 9)
anuvākaṃ 10
āro̭ha॒tāyṷ-rja॒rasa̭-ṅgṛṇā॒nā a̭nupū॒rvam ~yata̭mānā॒ yati॒ṣṭa | i॒ha tvaṣṭā̭ su॒jani̭mā su॒ratno̭ dī॒rghamāyuḥ̭ karatu jī॒vasḙ vaḥ ||
yathā-'hā᳚nyanupū॒rva-mbhava̭nti॒ yatha॒rtava̭ ṛ॒tubhi॒-ryanti̭ klṛ॒ptāḥ | yathā॒ na pūrva॒mapa̭ro॒ jahā᳚tye॒vā dhā̭ta॒rāyūgṃ̭ṣi kalpayaiṣām ||
na hi̭ te agne ta॒nuvai᳚ krū॒ra-ñca॒kāra॒ martyaḥ̭ |
ka॒pi-rba̭bhasti॒ teja̭na॒-mpuna̭rja॒rāyu॒ gauri̭va |
apa̭ na॒-śśośṷcada॒ghamagnḙ śuśu॒ddhyā ra॒yim |
apa̭ na॒-śśośṷcada॒gha-mmṛ॒tyave॒ svāhā᳚ ||
a॒na॒ḍvāha̭-ma॒nvāra̭bhāmahe sva॒staye᳚ |
sa na॒ indra̭ iva de॒vebhyo॒ vahniḥ̭ sa॒pāṃra̭ṇo bhava || 23 ||
i॒me jī॒vā vi̭mṛ॒tairāva̭va-rti॒nnabhū᳚-dbha॒drā de॒vahṷ̄ti-nno a॒dya | prāñjo̭-'gāmā nṛ॒taye॒ hasā̭ya॒ drāghī̭ya॒ āyuḥ̭ prata॒rā-ndadhā̭nāḥ ||
mṛ॒tyoḥ pa॒dam ~yopaya̭nto॒ yadaima॒ drāghī̭ya॒ āyuḥ̭ prata॒rā-ndadhā̭nāḥ | ā॒pyāya̭mānāḥ pra॒jayā॒ dhanḙna śu॒ddhāḥ pū॒tā bha̭vatha yajñiyāsaḥ ||
i॒ma-ñjī॒vebhyaḥ̭ pari॒dhi-nda̭dhāmi॒ mā no nṷ gā॒dapa̭ro॒ ardha̭me॒tam |
śa॒ta-ñjī̭vantu śa॒radaḥ̭ purū॒cīsti॒ro mṛ॒tyu-nda̭dmahe॒ parva̭tena || i॒mā nārī̭ravidha॒vā-ssu॒patnī॒rāñja̭nena sa॒rpiṣā॒ sammṛ̭śantām |
a॒na॒śravo̭ anamī॒vā-ssu॒śevā॒ āro̭hantu॒ jana̭yo॒ yoni॒magre᳚ || yadāñja̭na-ntraikaku॒da-ñjā॒tagṃ hi॒mava̭ta॒spari̭ |
tenā॒mṛta̭sya॒ mūle॒nārā̭tī-rjambhayāmasi ||
yathā॒ tva-mṷdbhi॒na-thsyo̭ṣadhe pṛthi॒vyā adhi̭ |
e॒vami॒ma udbhi̭ndantu kī॒rtyā yaśa̭sā brahmavarca॒sena̭ || a॒jo᳚-'syajā॒smada॒ghā dveṣāgṃ̭si ya॒vo̭-'si ya॒vayā॒smada॒ghā dveṣāgṃ̭si || 24 ||
(bha॒va॒ - ja॒mbha॒yā॒ma॒si॒ trīṇi̭ ca) (a. 10)
anuvākaṃ 11
apa̭ na॒-śśośṷcada॒ghamagnḙ śuśu॒ddhyā ra॒yim | apa̭ na॒-śśośṷcada॒gham || su॒kṣe॒tri॒yā sṷgātu॒yā va̭sū॒yā ca̭ yajāmahe | apa̭ na॒-śśośṷcada॒gham ||
pra ya-dbhandi̭ṣṭha eṣā॒-mprāsmākā̭saśca sū॒rayaḥ̭ | apa̭ na॒-śśośṷcada॒gham || prayada॒gne-ssaha̭svato vi॒śvato॒ yanti̭ sū॒rayaḥ̭ | apa̭ na॒-śśośṷcada॒gham ||
prayattḙ agne sū॒rayo॒ jāyḙmahi॒ pra tḙ va॒yam |
apa̭ na॒-śśośṷcada॒gham || 25 ||
tvagṃ hi vi̭śvatomukha vi॒śvataḥ̭ pari॒bhūrasi̭ | apa̭ na॒-śśośṷcada॒gham || dviṣo̭ no viśvatomu॒khāti̭ nā॒veva̭ pāraya | apa̭ na॒-śśośṷcada॒gham || sa na॒-ssindhṷmiva nā॒vayā-'ti̭ parṣā sva॒staye᳚ | apa̭ na॒-śśośṷcada॒gham || āpaḥ̭ prava॒ṇādi̭va ya॒tī-rapā॒sma-thsya̭ndatāma॒gham | apa̭ na॒-śśośṷcada॒gham || u॒dva॒nā-dṷda॒kānī॒vāpā॒sma-thsya̭ndatāma॒gham |
apa̭ na॒-śśośṷcada॒gham || ā॒na॒ndāya̭ pramo॒dāya॒ puna॒rāgā॒g॒ svāngṛ॒hān | apa̭ na॒-śśośṷcada॒gham || na vai tatra॒ pramī̭yate॒ gauraśvaḥ॒ purṷṣaḥ pa॒śuḥ |
yatre॒da-mbrahma̭ kri॒yatḙ pari॒dhirjīva̭nāya॒ kamapa̭ na॒-śśośṷcada॒gham || 26 ||
(a॒gha - ma॒gha-ñca॒tvāri̭ ca) (a. 11)
anuvākaṃ 12
apa̭śyāma yuva॒ti-mā॒cara̭ntī-mmṛ॒tāya̭ jī॒vā-mpa̭riṇī॒yamā̭nām | a॒ndhena॒ yā tama̭sā॒ prāvṛ̭tā-'si॒ prācī॒mavā̭cī॒-mava॒ya-nnari̭ṣṭyai ||
mayai॒tā-mmā॒g॒stā-mbhri॒yamā̭ṇā de॒vī sa॒tī pi̭tṛlo॒kam ~yadaiṣi̭ | vi॒śvavā̭rā॒ nabha̭sā॒ saṃvya~̭yantyu॒bhau no̭ lo॒kau paya॒sā-''vṛ̭ṇīhi ||
rayi̭ṣṭhāma॒gni-mmadhṷmantamū॒rmiṇa॒mūrjaḥ̭ santa-ntvā॒ paya॒sopa॒ sagṃsa̭dema |
sagṃ ra॒yyā samu॒ varca̭sā॒ saca̭svā na-ssva॒staye᳚ ||
ye jī॒vā ye ca̭ mṛ॒tā ye jā॒tā ye ca॒ jantyāḥ᳚ |
tebhyo̭ ghṛ॒tasya̭ dhārayitu॒-mmadhṷdhārā vyunda॒tī ||
mā॒tā ru॒drāṇā᳚-nduhi॒tā vasṷ̄nā॒g॒ svasā̭-''di॒tyānā̭ma॒-mṛta̭sya॒ nābhiḥ̭ |
praṇu॒voca̭-ñciki॒tuṣe॒ janā̭ya॒ mā gāmanā̭gā॒madi̭tim ~vadhiṣṭa ||
piba̭tūda॒ka-ntṛṇā᳚nyattu | omu-thsṛ॒jata || 27 ||
(va॒dhi॒ṣṭa॒ dve ca̭) (a. 12)
(pa॒re॒yu॒vāgṃsa॒-mpra vi॒dvā-nbhuva̭nasyā॒bhyāva̭ vṛthsvā॒ jo bhā॒go̭-'yam ~vai catuścatvārigṃśat |
ya e॒tasya॒ tva-tpañca̭ | prake॒tune॒dante॒ nākḙ supa॒rṇam ~yau te॒ ye yuddhya̭nte॒ tapa॒sā-'śma̭nvatī revatī॒-ssagṃra̭bhaddhvama॒ṣṭāvigṃ̭śatiḥ | ya-nte॒ yatta॒ uttiṣṭhā॒ta̭ i॒danta॒ utti̭ṣṭha॒
prehyaśma॒n॒. yadvā udva॒yama॒ya-mpañca̭vigṃśatiḥ | āyā̭tu tri॒gṃ॒śat | vai॒śvā॒na॒re tasmi̭-ndra॒phsa i॒mamape॒tāho̭bhi-ryujyantāmaghni॒yā a̭dite pā॒ram ~va॒ ā pyā̭yasva sa॒ptavigṃ̭śatiḥ | uttḙ gṛhe-'khāṣi̭ti॒stebhyaḥ̭ pṛ̭thi॒vyā a॒ntari̭kṣasya॒ dvātrigṃ̭śat | a॒pū॒pavā̭nasau॒ daśa̭ śa॒ta da̭śa | e॒tāstḙ te॒ diśa॒-ssarvā̭ i॒damaśma̭n vigṃśa॒tiḥ | o̭rohata ta॒nuvai᳚ krū॒ra-ñca॒kāra॒ puna̭rmṛ॒tyave॒ mā no nṷ gā-ddadmaha i॒mā nārīḥ॒ pari॒ trayo̭vigṃśatiḥ |
apa̭ na-ssukṣetri॒yā pra yadbha-ndi̭ṣṭhaḥ॒ pra yada॒gneḥ pra yattḙ agne॒ tvagṃ hi dviṣa॒-ssa na॒-ssindhu॒māpaḥ̭ prava॒ṇādṷ-dva॒nādā̭na॒ndāya॒ na vai tatra॒ yatre॒da-ñcatṷrvigṃśatiḥ॒ | apa̭śyā॒māvṛ̭ṇīhi॒ dvāda̭śa dvādaśa |)
(pa॒re॒yu॒vāgṃsa॒ - māyā᳚ - tve॒tāstḙ sa॒ptavigṃ̭śatiḥ )
(pa॒re॒yu॒vāgṃsa॒ - momuthsṛ॒jata )
|| hariḥ̭ om ||
|| kṛṣṇa yajurvedīya taittirīya āraṇyake ṣaṣṭhaḥ prapāṭhaka-ssamāptaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.