Shri Bhu Varaha Stotram — Sinhala Script

ඍෂය ඌචු .

ජිතං ජිතං තේ(අ)ජිත යජ්ඤභාවනා

ත්රයීං තනූං ස්වාං පරිධුන්වතේ නමඃ .

යද්රෝමගර්තේෂු නිලිල්යුරධ්වරාඃ

තස්මෛ නමඃ කාරණසූකරාය තේ .. 1 ..

රූපං තවෛතන්නනු දුෂ්කෘතාත්මනාං

දුර්දර්ශනං දේව යදධ්වරාත්මකම් .

ඡන්දාංසි යස්ය ත්වචි බර්හිරෝම-

ස්ස්වාජ්යං දෘශි ත්වඞ්ඝ්රිෂු චාතුර්හෝත්රම් .. 2 ..

ස්රුක්තුණ්ඩ ආසීත්ස්රුව ඊශ නාසයෝ-

රිඩෝදරේ චමසාඃ කර්ණරන්ධ්රේ .

ප්රාශිත්රමාස්යේ ග්රසනේ ග්රහාස්තු තේ

යච්චර්වණන්තේ භගවන්නග්නිහෝත්රම් .. 3 ..

දීක්ෂානුජන්මෝපසදඃ ශිරෝධරං

ත්වං ප්රායණීයෝ දයනීය දංෂ්ට්රඃ .

ජිහ්වා ප්රවර්ග්යස්තව ශීර්ෂකං ක්රතෝඃ

සභ්යාවසථ්යං චිතයෝ(අ)සවෝ හි තේ .. 4 ..

සෝමස්තු රේතඃ සවනාන්යවස්ථිතිඃ

සංස්ථාවිභේදාස්තව දේව ධාතවඃ .

සත්රාණි සර්වාණි ශරීරසන්ධි-

ස්ත්වං සර්වයජ්ඤක්රතුරිෂ්ටිබන්ධනඃ .. 5 ..

නමෝ නමස්තේ(අ)ඛිලයන්ත්රදේවතා

ද්රව්යාය සර්වක්රතවේ ක්රියාත්මනේ .

වෛරාග්ය භක්ත්යාත්මජයා(අ)නුභාවිත

ජ්ඤානාය විද්යාගුරවේ නමො නමඃ .. 6 ..

දංෂ්ට්රාග්රකෝට්යා භගවංස්ත්වයා ධෘතා

විරාජතේ භූධර භූස්සභූධරා .

යථා වනාන්නිස්සරතෝ දතා ධෘතා

මතඞ්ගජේන්ද්රස්ය ස පත්රපද්මිනී .. 7 ..

ත්රයීමයං රූපමිදං ච සෞකරං

භූමණ්ඩලේ නාථ තදා ධෘතේන තේ .

චකාස්ති ශෘඞ්ගෝඪඝනේන භූයසා

කුලාචලේන්ද්රස්ය යථෛව විභ්රමඃ .. 8 ..

සංස්ථාපයෛනාං ජගතාං සතස්ථුෂාං

ලෝකාය පත්නීමසි මාතරං පිතා .

විධේම චාස්යෛ නමසා සහ ත්වයා

යස්යාං ස්වතේජෝ(අ)ග්නිමිවාරණාවධාඃ .. 9 ..

කඃ ශ්රද්ධධීතාන්යතමස්තව ප්රභෝ

රසාං ගතායා භුව උද්විබර්හණම් .

න විස්මයෝ(අ)සෞ ත්වයි විශ්වවිස්මයේ

යෝ මායයේදං සසෘජේ(අ)ති විස්මයම් .. 10 ..

විධුන්වතා වේදමයං නිජං වපු-

ර්ජනස්තපඃ සත්යනිවාසිනෝ වයම් .

සටාශිඛෝද්ධූත ශිවාම්බුබින්දුභි-

ර්විමෘජ්යමානා භෘශමීශ පාවිතාඃ .. 11 ..

ස වෛ බත භ්රෂ්ටමතිස්තවෛෂ තේ

යඃ කර්මණාං පාරමපාරකර්මණඃ .

යද්යෝගමායා ගුණ යෝග මෝහිතං

විශ්වං සමස්තං භගවන් විධේහි ශම් .. 12 ..

ඉති ශ්රීමද්භාගවතේ මහාපුරාණේ තෘතීයස්කන්ධේ ශ්රී වරාහ ප්රාදුර්භාවෝනාම ත්රයෝදශෝධ්යායඃ .

Roman (IAST) Transliteration

ṛṣaya ūcu |

jitaṃ jitaṃ te'jita yajñabhāvanā

trayīṃ tanūṃ svāṃ paridhunvate namaḥ |

yadromagarteṣu nililyuradhvarāḥ

tasmai namaḥ kāraṇasūkarāya te || 1 ||

rūpaṃ tavaitannanu duṣkṛtātmanāṃ

durdarśanaṃ deva yadadhvarātmakam |

chandāṃsi yasya tvaci barhiroma-

ssvājyaṃ dṛśi tvaṅghriṣu cāturhotram || 2 ||

sruktuṇḍa āsītsruva īśa nāsayo-

riḍodare camasāḥ karṇarandhre |

prāśitramāsye grasane grahāstu te

yaccarvaṇante bhagavannagnihotram || 3 ||

dīkṣānujanmopasadaḥ śirodharaṃ

tvaṃ prāyaṇīyo dayanīya daṃṣṭraḥ |

jihvā pravargyastava śīrṣakaṃ kratoḥ

sabhyāvasathyaṃ citayo'savo hi te || 4 ||

somastu retaḥ savanānyavasthitiḥ

saṃsthāvibhedāstava deva dhātavaḥ |

satrāṇi sarvāṇi śarīrasandhi-

stvaṃ sarvayajñakraturiṣṭibandhanaḥ || 5 ||

namo namaste'khilayantradevatā

dravyāya sarvakratave kriyātmane |

vairāgya bhaktyātmajayā'nubhāvita

jñānāya vidyāgurave namò namaḥ || 6 ||

daṃṣṭrāgrakoṭyā bhagavaṃstvayā dhṛtā

virājate bhūdhara bhūssabhūdharā |

yathā vanānnissarato datā dhṛtā

mataṅgajendrasya sa patrapadminī || 7 ||

trayīmayaṃ rūpamidaṃ ca saukaraṃ

bhūmaṇḍale nātha tadā dhṛtena te |

cakāsti śṛṅgoḍhaghanena bhūyasā

kulācalendrasya yathaiva vibhramaḥ || 8 ||

saṃsthāpayaināṃ jagatāṃ satasthuṣāṃ

lokāya patnīmasi mātaraṃ pitā |

vidhema cāsyai namasā saha tvayā

yasyāṃ svatejo'gnimivāraṇāvadhāḥ || 9 ||

kaḥ śraddhadhītānyatamastava prabho

rasāṃ gatāyā bhuva udvibarhaṇam |

na vismayo'sau tvayi viśvavismaye

yo māyayedaṃ sasṛje'ti vismayam || 10 ||

vidhunvatā vedamayaṃ nijaṃ vapu-

rjanastapaḥ satyanivāsino vayam |

saṭāśikhoddhūta śivāmbubindubhi-

rvimṛjyamānā bhṛśamīśa pāvitāḥ || 11 ||

sa vai bata bhraṣṭamatistavaiṣa te

yaḥ karmaṇāṃ pāramapārakarmaṇaḥ |

yadyogamāyā guṇa yoga mohitaṃ

viśvaṃ samastaṃ bhagavan vidhehi śam || 12 ||

iti śrīmadbhāgavate mahāpurāṇe tṛtīyaskandhe śrī varāha prādurbhāvonāma trayodaśodhyāyaḥ |

Sanskrit — Devanagari (original)

ऋषय ऊचु ।

जितं जितं तेऽजित यज्ञभावना

त्रयीं तनूं स्वां परिधुन्वते नमः ।

यद्रोमगर्तेषु निलिल्युरध्वराः

तस्मै नमः कारणसूकराय ते ॥ 1 ॥

रूपं तवैतन्ननु दुष्कृतात्मनां

दुर्दर्शनं देव यदध्वरात्मकम् ।

छन्दांसि यस्य त्वचि बर्हिरोम-

स्स्वाज्यं दृशि त्वङ्घ्रिषु चातुर्होत्रम् ॥ 2 ॥

स्रुक्तुण्ड आसीत्स्रुव ईश नासयो-

रिडोदरे चमसाः कर्णरन्ध्रे ।

प्राशित्रमास्ये ग्रसने ग्रहास्तु ते

यच्चर्वणन्ते भगवन्नग्निहोत्रम् ॥ 3 ॥

दीक्षानुजन्मोपसदः शिरोधरं

त्वं प्रायणीयो दयनीय दंष्ट्रः ।

जिह्वा प्रवर्ग्यस्तव शीर्षकं क्रतोः

सभ्यावसथ्यं चितयोऽसवो हि ते ॥ 4 ॥

सोमस्तु रेतः सवनान्यवस्थितिः

संस्थाविभेदास्तव देव धातवः ।

सत्राणि सर्वाणि शरीरसन्धि-

स्त्वं सर्वयज्ञक्रतुरिष्टिबन्धनः ॥ 5 ॥

नमो नमस्तेऽखिलयन्त्रदेवता

द्रव्याय सर्वक्रतवे क्रियात्मने ।

वैराग्य भक्त्यात्मजयाऽनुभावित

ज्ञानाय विद्यागुरवे नमॊ नमः ॥ 6 ॥

दंष्ट्राग्रकोट्या भगवंस्त्वया धृता

विराजते भूधर भूस्सभूधरा ।

यथा वनान्निस्सरतो दता धृता

मतङ्गजेन्द्रस्य स पत्रपद्मिनी ॥ 7 ॥

त्रयीमयं रूपमिदं च सौकरं

भूमण्डले नाथ तदा धृतेन ते ।

चकास्ति शृङ्गोढघनेन भूयसा

कुलाचलेन्द्रस्य यथैव विभ्रमः ॥ 8 ॥

संस्थापयैनां जगतां सतस्थुषां

लोकाय पत्नीमसि मातरं पिता ।

विधेम चास्यै नमसा सह त्वया

यस्यां स्वतेजोऽग्निमिवारणावधाः ॥ 9 ॥

कः श्रद्धधीतान्यतमस्तव प्रभो

रसां गताया भुव उद्विबर्हणम् ।

न विस्मयोऽसौ त्वयि विश्वविस्मये

यो माययेदं ससृजेऽति विस्मयम् ॥ 10 ॥

विधुन्वता वेदमयं निजं वपु-

र्जनस्तपः सत्यनिवासिनो वयम् ।

सटाशिखोद्धूत शिवाम्बुबिन्दुभि-

र्विमृज्यमाना भृशमीश पाविताः ॥ 11 ॥

स वै बत भ्रष्टमतिस्तवैष ते

यः कर्मणां पारमपारकर्मणः ।

यद्योगमाया गुण योग मोहितं

विश्वं समस्तं भगवन् विधेहि शम् ॥ 12 ॥

इति श्रीमद्भागवते महापुराणे तृतीयस्कन्धे श्री वराह प्रादुर्भावोनाम त्रयोदशोध्यायः ।