ධ්යානම් .
ත්රිනේත්රං ගජාස්යං චතුර්බාහුධාරං
පරශ්වාදිශස්ත්රෛර්යුතං භාලචන්ද්රම් .
නරාකාරදේහං සදා යෝගශාන්තං
ගණේශං භජේ සර්වවන්ද්යං පරේශම් .. 1 ..
බින්දුරූපෝ වක්රතුණ්ඩෝ රක්ෂතු මේ හෘදි ස්ථිතඃ .
දේහාංශ්චතුර්විධාංස්තත්ත්වාංස්තත්ත්වාධාරඃ සනාතනඃ .. 2 ..
දේහමෝහයුතං හ්යේකදන්තඃ සෝ(අ)හං ස්වරූපධෘක් .
දේහිනං මාං විශේෂේණ රක්ෂතු භ්රමනාශකඃ .. 3 ..
මහෝදරස්තථා දේවෝ නානාබෝධාන් ප්රතාපවාන් .
සදා රක්ෂතු මේ බෝධානන්දසංස්ථෝ හ්යහර්නිශම් .. 4 ..
සාඞ්ඛ්යාන් රක්ෂතු සාඞ්ඛ්යේශෝ ගජානනඃ සුසිද්ධිදඃ .
අසත්යේෂු ස්ථිතං මාං ස ලම්බෝදරශ්ච රක්ෂතු .. 5 ..
සත්සු ස්ථිතං සුමෝහේන විකටෝ මාං පරාත්පරඃ .
රක්ෂතු භක්තවාත්සල්යාත් සදෛකාමෘතධාරකඃ .. 6 ..
ආනන්දේෂු ස්ථිතං නිත්යං මාං රක්ෂතු සමාත්මකඃ .
විඝ්නරාජෝ මහාවිඝ්නෛර්නානාඛේලකරඃ ප්රභුඃ .. 7 ..
අව්යක්තේෂු ස්ථිතං නිත්යං ධූම්රවර්ණඃ ස්වරූපධෘක් .
මාං රක්ෂතු සුඛාකාරඃ සහජඃ සර්වපූජිතඃ .. 8 ..
ස්වසංවේද්යේෂු සංස්ථං මාං ගණේශඃ ස්වස්වරූපධෘක් .
රක්ෂතු යෝගභාවේන සංස්ථිතෝ භවනායකඃ .. 9 ..
අයෝගේෂු ස්ථිතං නිත්යං මාං රක්ෂතු ගණේශ්වරඃ .
නිවෘත්තිරූපධෘක් සාක්ෂාදසමාධිසුඛේ රතඃ .. 10 ..
යෝගශාන්තිධරෝ මාං තු රක්ෂතු යෝගසංස්ථිතම් .
ගණාධීශඃ ප්රසන්නාත්මා සිද්ධිබුද්ධිසමන්විතඃ .. 11 ..
පුරෝ මාං ගජකර්ණශ්ච රක්ෂතු විඝ්නහාරකඃ .
වාහ්න්යාං යාම්යාං ච නෛරෘත්යාං චින්තාමණිර්වරප්රදඃ .. 12 ..
රක්ෂතු පශ්චිමේ ඪුණ්ඪිර්හේරම්බෝ වායුදික් ස්ථිතම් .
විනායකශ්චෝත්තරේ තු ප්රමෝදශ්චේශදික් ස්ථිතම් .. 13 ..
ඌර්ධ්වං සිද්ධිපතිඃ පාතු බුද්ධීශෝ(අ)ධඃ ස්ථිතං සදා .
සර්වාඞ්ගේෂු මයූරේශඃ පාතු මාං භක්තිලාලසඃ .. 14 ..
යත්ර තත්ර ස්ථිතං මාං තු සදා රක්ෂතු යෝගපඃ .
පුරශුපාශසංයුක්තෝ වරදාභයධාරකඃ .. 15 ..
ඉදං ගණපතේඃ ප්රෝක්තං වජ්රපඤ්ජරකං පරම් .
ධාරයස්ව මහාදේව විජයී ත්වං භවිෂ්යසි .. 16 ..
ය ඉදං පඤ්ජරං ධෘත්වා යත්ර කුත්ර ස්ථිතෝ භවේත් .
න තස්ය ජායතේ ක්වාපි භයං නානාස්වභාවජම් .. 17 ..
යඃ පඨේත් පඤ්ජරං නිත්යං ස ඊප්සිතමවාප්නුයාත් .
වජ්රසාරතනුර්භූත්වා චරේත්සර්වත්ර මානවඃ .. 18 ..
ත්රිකාලං යඃ පඨේන්නිත්යං ස ගණේශ ඉවාපරඃ .
නිර්විඝ්නඃ සර්වකාර්යේෂු බ්රහ්මභූතෝ භවේන්නරඃ .. 19 ..
යඃ ශෘණෝති ගණේශස්ය පඤ්ජරං වජ්රසඤ්ජ්ඤකම් .
ආරෝග්යාදිසමායුක්තෝ භවතේ ගණපප්රියඃ .. 20 ..
ධනං ධාන්යං පශූන් විද්යාමායුෂ්යං පුත්රපෞත්රකම් .
සර්වසම්පත්සමායුක්තමෛශ්වර්යං පඨනාල්ලභේත් .. 21 ..
න භයං තස්ය වජ්රාත්තු චක්රාච්ඡූලාද්භවේත් කදා .
ශඞ්කරාදේර්මහාදේව පඨනාදස්ය නිත්යශඃ .. 22 ..
යං යං චින්තයතේ මර්ත්යස්තං තං ප්රාප්නෝති ශාශ්වතම් .
පඨනාදස්ය විඝ්නේශ පඤ්ජරස්ය නිරන්තරම් .. 23 ..
ලක්ෂාවෘත්තිභිරේවං ස සිද්ධපඤ්ජරකෝ භවේත් .
ස්තම්භයේදපි සූර්යං තු බ්රහ්මාණ්ඩං වශමානයේත් .. 24 ..
ඒවමුක්ත්වා ගණේශානෝ(අ)න්තර්දධේ මුනිසත්තම .
ශිවෝ දේවාදිභිර්යුක්තෝ හර්ෂිතඃ සම්බභූව හ .. 25 ..
ඉති ශ්රීමන්මුද්ගලේ මහාපුරාණේ ධූම්රවර්ණචරිතේ වජ්රපඤ්ජරකථනං නාම ත්රයෝවිංශෝ(අ)ධ්යායඃ .
Roman (IAST) Transliteration
dhyānam |
trinetraṃ gajāsyaṃ caturbāhudhāraṃ
paraśvādiśastrairyutaṃ bhālacandram |
narākāradehaṃ sadā yogaśāntaṃ
gaṇeśaṃ bhaje sarvavandyaṃ pareśam || 1 ||
bindurūpo vakratuṇḍo rakṣatu me hṛdi sthitaḥ |
dehāṃścaturvidhāṃstattvāṃstattvādhāraḥ sanātanaḥ || 2 ||
dehamohayutaṃ hyekadantaḥ so'haṃ svarūpadhṛk |
dehinaṃ māṃ viśeṣeṇa rakṣatu bhramanāśakaḥ || 3 ||
mahodarastathā devo nānābodhān pratāpavān |
sadā rakṣatu me bodhānandasaṃstho hyaharniśam || 4 ||
sāṅkhyān rakṣatu sāṅkhyeśo gajānanaḥ susiddhidaḥ |
asatyeṣu sthitaṃ māṃ sa lambodaraśca rakṣatu || 5 ||
satsu sthitaṃ sumohena vikaṭo māṃ parātparaḥ |
rakṣatu bhaktavātsalyāt sadaikāmṛtadhārakaḥ || 6 ||
ānandeṣu sthitaṃ nityaṃ māṃ rakṣatu samātmakaḥ |
vighnarājo mahāvighnairnānākhelakaraḥ prabhuḥ || 7 ||
avyakteṣu sthitaṃ nityaṃ dhūmravarṇaḥ svarūpadhṛk |
māṃ rakṣatu sukhākāraḥ sahajaḥ sarvapūjitaḥ || 8 ||
svasaṃvedyeṣu saṃsthaṃ māṃ gaṇeśaḥ svasvarūpadhṛk |
rakṣatu yogabhāvena saṃsthito bhavanāyakaḥ || 9 ||
ayogeṣu sthitaṃ nityaṃ māṃ rakṣatu gaṇeśvaraḥ |
nivṛttirūpadhṛk sākṣādasamādhisukhe rataḥ || 10 ||
yogaśāntidharo māṃ tu rakṣatu yogasaṃsthitam |
gaṇādhīśaḥ prasannātmā siddhibuddhisamanvitaḥ || 11 ||
puro māṃ gajakarṇaśca rakṣatu vighnahārakaḥ |
vāhnyāṃ yāmyāṃ ca nairṛtyāṃ cintāmaṇirvarapradaḥ || 12 ||
rakṣatu paścime ḍhuṇḍhirherambo vāyudik sthitam |
vināyakaścottare tu pramodaśceśadik sthitam || 13 ||
ūrdhvaṃ siddhipatiḥ pātu buddhīśo'dhaḥ sthitaṃ sadā |
sarvāṅgeṣu mayūreśaḥ pātu māṃ bhaktilālasaḥ || 14 ||
yatra tatra sthitaṃ māṃ tu sadā rakṣatu yogapaḥ |
puraśupāśasaṃyukto varadābhayadhārakaḥ || 15 ||
idaṃ gaṇapateḥ proktaṃ vajrapañjarakaṃ param |
dhārayasva mahādeva vijayī tvaṃ bhaviṣyasi || 16 ||
ya idaṃ pañjaraṃ dhṛtvā yatra kutra sthito bhavet |
na tasya jāyate kvāpi bhayaṃ nānāsvabhāvajam || 17 ||
yaḥ paṭhet pañjaraṃ nityaṃ sa īpsitamavāpnuyāt |
vajrasāratanurbhūtvā caretsarvatra mānavaḥ || 18 ||
trikālaṃ yaḥ paṭhennityaṃ sa gaṇeśa ivāparaḥ |
nirvighnaḥ sarvakāryeṣu brahmabhūto bhavennaraḥ || 19 ||
yaḥ śṛṇoti gaṇeśasya pañjaraṃ vajrasañjñakam |
ārogyādisamāyukto bhavate gaṇapapriyaḥ || 20 ||
dhanaṃ dhānyaṃ paśūn vidyāmāyuṣyaṃ putrapautrakam |
sarvasampatsamāyuktamaiśvaryaṃ paṭhanāllabhet || 21 ||
na bhayaṃ tasya vajrāttu cakrācchūlādbhavet kadā |
śaṅkarādermahādeva paṭhanādasya nityaśaḥ || 22 ||
yaṃ yaṃ cintayate martyastaṃ taṃ prāpnoti śāśvatam |
paṭhanādasya vighneśa pañjarasya nirantaram || 23 ||
lakṣāvṛttibhirevaṃ sa siddhapañjarako bhavet |
stambhayedapi sūryaṃ tu brahmāṇḍaṃ vaśamānayet || 24 ||
evamuktvā gaṇeśāno'ntardadhe munisattama |
śivo devādibhiryukto harṣitaḥ sambabhūva ha || 25 ||
iti śrīmanmudgale mahāpurāṇe dhūmravarṇacarite vajrapañjarakathanaṃ nāma trayoviṃśo'dhyāyaḥ |
Sanskrit — Devanagari (original)
ध्यानम् ।
त्रिनेत्रं गजास्यं चतुर्बाहुधारं
परश्वादिशस्त्रैर्युतं भालचन्द्रम् ।
नराकारदेहं सदा योगशान्तं
गणेशं भजे सर्ववन्द्यं परेशम् ॥ 1 ॥
बिन्दुरूपो वक्रतुण्डो रक्षतु मे हृदि स्थितः ।
देहांश्चतुर्विधांस्तत्त्वांस्तत्त्वाधारः सनातनः ॥ 2 ॥
देहमोहयुतं ह्येकदन्तः सोऽहं स्वरूपधृक् ।
देहिनं मां विशेषेण रक्षतु भ्रमनाशकः ॥ 3 ॥
महोदरस्तथा देवो नानाबोधान् प्रतापवान् ।
सदा रक्षतु मे बोधानन्दसंस्थो ह्यहर्निशम् ॥ 4 ॥
साङ्ख्यान् रक्षतु साङ्ख्येशो गजाननः सुसिद्धिदः ।
असत्येषु स्थितं मां स लम्बोदरश्च रक्षतु ॥ 5 ॥
सत्सु स्थितं सुमोहेन विकटो मां परात्परः ।
रक्षतु भक्तवात्सल्यात् सदैकामृतधारकः ॥ 6 ॥
आनन्देषु स्थितं नित्यं मां रक्षतु समात्मकः ।
विघ्नराजो महाविघ्नैर्नानाखेलकरः प्रभुः ॥ 7 ॥
अव्यक्तेषु स्थितं नित्यं धूम्रवर्णः स्वरूपधृक् ।
मां रक्षतु सुखाकारः सहजः सर्वपूजितः ॥ 8 ॥
स्वसंवेद्येषु संस्थं मां गणेशः स्वस्वरूपधृक् ।
रक्षतु योगभावेन संस्थितो भवनायकः ॥ 9 ॥
अयोगेषु स्थितं नित्यं मां रक्षतु गणेश्वरः ।
निवृत्तिरूपधृक् साक्षादसमाधिसुखे रतः ॥ 10 ॥
योगशान्तिधरो मां तु रक्षतु योगसंस्थितम् ।
गणाधीशः प्रसन्नात्मा सिद्धिबुद्धिसमन्वितः ॥ 11 ॥
पुरो मां गजकर्णश्च रक्षतु विघ्नहारकः ।
वाह्न्यां याम्यां च नैरृत्यां चिन्तामणिर्वरप्रदः ॥ 12 ॥
रक्षतु पश्चिमे ढुण्ढिर्हेरम्बो वायुदिक् स्थितम् ।
विनायकश्चोत्तरे तु प्रमोदश्चेशदिक् स्थितम् ॥ 13 ॥
ऊर्ध्वं सिद्धिपतिः पातु बुद्धीशोऽधः स्थितं सदा ।
सर्वाङ्गेषु मयूरेशः पातु मां भक्तिलालसः ॥ 14 ॥
यत्र तत्र स्थितं मां तु सदा रक्षतु योगपः ।
पुरशुपाशसंयुक्तो वरदाभयधारकः ॥ 15 ॥
इदं गणपतेः प्रोक्तं वज्रपञ्जरकं परम् ।
धारयस्व महादेव विजयी त्वं भविष्यसि ॥ 16 ॥
य इदं पञ्जरं धृत्वा यत्र कुत्र स्थितो भवेत् ।
न तस्य जायते क्वापि भयं नानास्वभावजम् ॥ 17 ॥
यः पठेत् पञ्जरं नित्यं स ईप्सितमवाप्नुयात् ।
वज्रसारतनुर्भूत्वा चरेत्सर्वत्र मानवः ॥ 18 ॥
त्रिकालं यः पठेन्नित्यं स गणेश इवापरः ।
निर्विघ्नः सर्वकार्येषु ब्रह्मभूतो भवेन्नरः ॥ 19 ॥
यः शृणोति गणेशस्य पञ्जरं वज्रसञ्ज्ञकम् ।
आरोग्यादिसमायुक्तो भवते गणपप्रियः ॥ 20 ॥
धनं धान्यं पशून् विद्यामायुष्यं पुत्रपौत्रकम् ।
सर्वसम्पत्समायुक्तमैश्वर्यं पठनाल्लभेत् ॥ 21 ॥
न भयं तस्य वज्रात्तु चक्राच्छूलाद्भवेत् कदा ।
शङ्करादेर्महादेव पठनादस्य नित्यशः ॥ 22 ॥
यं यं चिन्तयते मर्त्यस्तं तं प्राप्नोति शाश्वतम् ।
पठनादस्य विघ्नेश पञ्जरस्य निरन्तरम् ॥ 23 ॥
लक्षावृत्तिभिरेवं स सिद्धपञ्जरको भवेत् ।
स्तम्भयेदपि सूर्यं तु ब्रह्माण्डं वशमानयेत् ॥ 24 ॥
एवमुक्त्वा गणेशानोऽन्तर्दधे मुनिसत्तम ।
शिवो देवादिभिर्युक्तो हर्षितः सम्बभूव ह ॥ 25 ॥
इति श्रीमन्मुद्गले महापुराणे धूम्रवर्णचरिते वज्रपञ्जरकथनं नाम त्रयोविंशोऽध्यायः ।
dhyānam |
trinetraṃ gajāsyaṃ caturbāhudhāraṃ
paraśvādiśastrairyutaṃ bhālacandram |
narākāradehaṃ sadā yogaśāntaṃ
gaṇeśaṃ bhaje sarvavandyaṃ pareśam || 1 ||
bindurūpo vakratuṇḍo rakṣatu me hṛdi sthitaḥ |
dehāṃścaturvidhāṃstattvāṃstattvādhāraḥ sanātanaḥ || 2 ||
dehamohayutaṃ hyekadantaḥ so'haṃ svarūpadhṛk |
dehinaṃ māṃ viśeṣeṇa rakṣatu bhramanāśakaḥ || 3 ||
mahodarastathā devo nānābodhān pratāpavān |
sadā rakṣatu me bodhānandasaṃstho hyaharniśam || 4 ||
sāṅkhyān rakṣatu sāṅkhyeśo gajānanaḥ susiddhidaḥ |
asatyeṣu sthitaṃ māṃ sa lambodaraśca rakṣatu || 5 ||
satsu sthitaṃ sumohena vikaṭo māṃ parātparaḥ |
rakṣatu bhaktavātsalyāt sadaikāmṛtadhārakaḥ || 6 ||
ānandeṣu sthitaṃ nityaṃ māṃ rakṣatu samātmakaḥ |
vighnarājo mahāvighnairnānākhelakaraḥ prabhuḥ || 7 ||
avyakteṣu sthitaṃ nityaṃ dhūmravarṇaḥ svarūpadhṛk |
māṃ rakṣatu sukhākāraḥ sahajaḥ sarvapūjitaḥ || 8 ||
svasaṃvedyeṣu saṃsthaṃ māṃ gaṇeśaḥ svasvarūpadhṛk |
rakṣatu yogabhāvena saṃsthito bhavanāyakaḥ || 9 ||
ayogeṣu sthitaṃ nityaṃ māṃ rakṣatu gaṇeśvaraḥ |
nivṛttirūpadhṛk sākṣādasamādhisukhe rataḥ || 10 ||
yogaśāntidharo māṃ tu rakṣatu yogasaṃsthitam |
gaṇādhīśaḥ prasannātmā siddhibuddhisamanvitaḥ || 11 ||
puro māṃ gajakarṇaśca rakṣatu vighnahārakaḥ |
vāhnyāṃ yāmyāṃ ca nairṛtyāṃ cintāmaṇirvarapradaḥ || 12 ||
rakṣatu paścime ḍhuṇḍhirherambo vāyudik sthitam |
vināyakaścottare tu pramodaśceśadik sthitam || 13 ||
ūrdhvaṃ siddhipatiḥ pātu buddhīśo'dhaḥ sthitaṃ sadā |
sarvāṅgeṣu mayūreśaḥ pātu māṃ bhaktilālasaḥ || 14 ||
yatra tatra sthitaṃ māṃ tu sadā rakṣatu yogapaḥ |
puraśupāśasaṃyukto varadābhayadhārakaḥ || 15 ||
idaṃ gaṇapateḥ proktaṃ vajrapañjarakaṃ param |
dhārayasva mahādeva vijayī tvaṃ bhaviṣyasi || 16 ||
ya idaṃ pañjaraṃ dhṛtvā yatra kutra sthito bhavet |
na tasya jāyate kvāpi bhayaṃ nānāsvabhāvajam || 17 ||
yaḥ paṭhet pañjaraṃ nityaṃ sa īpsitamavāpnuyāt |
vajrasāratanurbhūtvā caretsarvatra mānavaḥ || 18 ||
trikālaṃ yaḥ paṭhennityaṃ sa gaṇeśa ivāparaḥ |
nirvighnaḥ sarvakāryeṣu brahmabhūto bhavennaraḥ || 19 ||
yaḥ śṛṇoti gaṇeśasya pañjaraṃ vajrasañjñakam |
ārogyādisamāyukto bhavate gaṇapapriyaḥ || 20 ||
dhanaṃ dhānyaṃ paśūn vidyāmāyuṣyaṃ putrapautrakam |
sarvasampatsamāyuktamaiśvaryaṃ paṭhanāllabhet || 21 ||
na bhayaṃ tasya vajrāttu cakrācchūlādbhavet kadā |
śaṅkarādermahādeva paṭhanādasya nityaśaḥ || 22 ||
yaṃ yaṃ cintayate martyastaṃ taṃ prāpnoti śāśvatam |
paṭhanādasya vighneśa pañjarasya nirantaram || 23 ||
lakṣāvṛttibhirevaṃ sa siddhapañjarako bhavet |
stambhayedapi sūryaṃ tu brahmāṇḍaṃ vaśamānayet || 24 ||
evamuktvā gaṇeśāno'ntardadhe munisattama |
śivo devādibhiryukto harṣitaḥ sambabhūva ha || 25 ||
iti śrīmanmudgale mahāpurāṇe dhūmravarṇacarite vajrapañjarakathanaṃ nāma trayoviṃśo'dhyāyaḥ |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.