ਕृष੍ਣ ਯਜੁਰ੍ਵੇਦੀਯ ਤੈਤ੍ਤਿਰੀਯ ਬ੍ਰਾਹ੍ਮਣੇ ਤृਤੀਯਾष੍ਟਕੇ ਦ੍ਵਿਤੀਯਃ ਪ੍ਰਪਾਠਕਃ - ਦਸ਼ਪੂਰ੍ਣਮਾਸੇष੍ਟਿਬ੍ਰਾਹ੍ਮਣਮ੍
ਓ-ਨ੍ਨਮਃ ਪਰਮਾਤ੍ਮਨੇ, ਸ਼੍ਰੀ ਮਹਾਗਣਪਤਯੇ ਨਮਃ,
ਸ਼੍ਰੀ ਗੁਰੁਭ੍ਯੋ ਨਮਃ । ਹ॒ਰਿਃ॒ ਓਮ੍ ॥
ਅਨੁਵਾਕਂ 1 - ਵਥ੍ਸਾਪਾਕਰਣਮ੍
ਤृ॒ਤੀਯੑਸ੍ਯਾਮਿ॒ਤੋ ਦਿ॒ਵਿ ਸੋਮੑ ਆਸੀਤ੍ । ਤ-ਙ੍ਗਾੑਯ॒ਤ੍ਰ੍ਯਾਹੑਰਤ੍ ।
ਤਸ੍ਯੑ ਪ॒ਰ੍ਣਮੑਚ੍ਛਿਦ੍ਯਤ । ਤ-ਤ੍ਪ॒ਰ੍ਣੋੑ-ऽਭਵਤ੍ । ਤ-ਤ੍ਪ॒ਰ੍ਣਸ੍ਯੑ ਪਰ੍ਣ॒ਤ੍ਵਮ੍ । ਬ੍ਰਹ੍ਮ॒ ਵੈ ਪ॒ਰ੍ਣਃ । ਯ-ਤ੍ਪੑਰ੍ਣਸ਼ਾ॒ਖਯਾੑ ਵ॒ਥ੍ਸਾਨੑਪਾਕ॒ਰੋਤਿੑ ।
ਬ੍ਰਹ੍ਮੑਣੈ॒ਵੈਨਾੑਨ॒ਪਾਕੑਰੋਤਿ ॥ ਗਾ॒ਯ॒ਤ੍ਰੋ ਵੈ ਪ॒ਰ੍ਣਃ । ਗਾ॒ਯ॒ਤ੍ਰਾਃ ਪ॒ਸ਼ਵਃੑ ॥ 1 ॥
ਤਸ੍ਮਾ॒-ਤ੍ਤ੍ਰੀਣਿੑਤ੍ਰੀਣਿ ਪ॒ਰ੍ਣਸ੍ਯੑ ਪਲਾ॒ਸ਼ਾਨਿੑ । ਤ੍ਰਿ॒ਪਦਾੑ ਗਾਯ॒ਤ੍ਰੀ । ਯ-ਤ੍ਪੑਰ੍ਣਸ਼॒ਖਯਾ॒ ਗਾਃ ਪ੍ਰਾ॒ਰ੍ਪਯੑਤਿ । ਸ੍ਵਯੈ॒ਵੈਨਾੑ ਦੇ॒ਵਤੑਯਾ॒ ਪ੍ਰਾਰ੍ਪੑਯਤਿ । ਯ-ਙ੍ਕਾ॒ਮਯੇੑਤਾ ਪ॒ਸ਼ੁ-ਸ੍ਸ੍ਯਾ॒ਦਿਤਿੑ । ਅ॒ਪ॒ਰ੍ਣਾ-ਨ੍ਤਸ੍ਮੈ॒ ਸ਼ੁष੍ਕਾ᳚ਗ੍ਰਾ॒ਮਾਹੑਰੇਤ੍ ।
ਅ॒ਪ॒ਸ਼ੁਰੇ॒ਵ ਭੑਵਤਿ । ਯ-ਙ੍ਕਾ॒ਮਯੇੑਤ ਪਸ਼ੁ॒ਮਾਨ੍-ਥ੍ਸ੍ਯਾ॒ਦਿਤਿੑ । ਬ॒ਹੁ॒ਪ॒ਰ੍ਣਾ-ਨ੍ਤਸ੍ਮੈੑ ਬਹੁਸ਼ਾ॒ਖਾਮਾਹੑਰੇਤ੍ । ਪ॒ਸ਼ੁ॒ਮਨ੍ਤੑ-ਮੇ॒ਵੈਨੑ-ਙ੍ਕਰੋਤਿ ॥ 2 ॥
ਯ-ਤ੍ਪ੍ਰਾਚੀੑਮਾ॒ਹਰੇ᳚ਤ੍ । ਦੇ॒ਵ॒ਲੋ॒ਕ-ਮ॒ਭਿਜੑਯੇਤ੍ । ਯਦੁਦੀੑਚੀ-ਮ੍ਮਨੁष੍ਯਲੋ॒ਕਮ੍ । ਪ੍ਰਾਚੀ॒ਮੁਦੀੑਚੀ॒ਮਾਹੑਰਤਿ । ਉ॒ਭਯੋ᳚-ਰ੍ਲੋ॒ਕਯੋੑ-ਰ॒ਭਿਜਿੑਤ੍ਯੈ ॥ ਇ॒षੇ ਤ੍ਵੋ॒ਰ੍ਜੇ ਤ੍ਵੇਤ੍ਯਾੑਹ । ਇषੑਮੇ॒ਵੋਰ੍ਜਂ॒-ਯਁਜੑਮਾਨੇ ਦਧਾਤਿ ॥
ਵਾ॒ਯਵ॒-ਸ੍ਸ੍ਥੇਤ੍ਯਾੑਹ । ਵਾ॒ਯੁਰ੍ਵਾ ਅ॒ਨ੍ਤਰਿੑਕ੍ष॒-ਸ੍ਯਾਦ੍ਧ੍ਯੑਕ੍षਾਃ ।
ਅ॒ਨ੍ਤ॒ਰਿ॒ਕ੍ष॒ਦੇ॒ਵ॒ਤ੍ਯਾਃ᳚ ਖਲੁ॒ ਵੈ ਪ॒ਸ਼ਵਃੑ ॥ 3 ॥
ਵਾ॒ਯਵੑ ਏ॒ਵੈਨਾ॒-ਨ੍ਪਰਿੑ ਦਦਾਤਿ । ਪ੍ਰ ਵਾ ਏੑਨਾਨੇ॒ਤਦਾ-ਕੑਰੋਤਿ । ਯਦਾਹੑ । ਵਾ॒ਯਵ॒-ਸ੍ਸ੍ਥੇਤ੍ਯੁੑਪਾ॒ਯਵਃ॒
ਸ੍ਥੇਤ੍ਯਾੑਹ । ਯਜੑਮਾਨਾਯੈ॒ਵ ਪ॒ਸ਼ੂਨੁਪੑਹ੍ਵਯਤੇ ॥
ਦੇ॒ਵੋ ਵਃੑ ਸਵਿ॒ਤਾ ਪ੍ਰਾਰ੍ਪੑਯ॒ਤ੍ਵਿਤ੍ਯਾੑਹ॒ ਪ੍ਰਸੂ᳚ਤ੍ਯੈ ॥ ਸ਼੍ਰੇष੍ਠੑਤਮਾਯ॒ ਕਰ੍ਮੑਣ॒ ਇਤ੍ਯਾੑਹ ।
ਯ॒ਜ੍ਞੋ ਹਿ ਸ਼੍ਰੇष੍ਠੑਤਮ॒-ਙ੍ਕਰ੍ਮੑ । ਤਸ੍ਮਾੑਦੇ॒ਵਮਾੑਹ ॥
ਆਪ੍ਯਾੑਯਦ੍ਧ੍ਵਮਘ੍ਨਿਯਾ ਦੇਵਭਾ॒ਗਮਿਤ੍ਯਾੑਹ ॥ 4 ॥
ਵ॒ਥ੍ਸੇਭ੍ਯੑਸ਼੍ਚ॒ ਵਾ ਏ॒ਤਾਃ ਪੁ॒ਰਾ ਮੑਨੁ॒ष੍ਯੇ᳚ਭ੍ਯ॒-ਸ਼੍ਚਾਪ੍ਯਾੑਯਨ੍ਤ । ਦੇ॒ਵੇਭ੍ਯੑ ਏ॒ਵੈਨਾ॒ ਇਨ੍ਦ੍ਰਾ॒ਯਾਪ੍ਯਾੑਯਤਿ ॥ ਊਰ੍ਜੑਸ੍ਵਤੀਃ॒ ਪਯੑਸ੍ਵਤੀ॒ਰਿਤ੍ਯਾੑਹ । ਊਰ੍ਜ॒ਗ੍ਂ ॒ਹਿ ਪਯਃੑ ਸ॒ਮ੍ਭਰੑਨ੍ਤਿ ॥ ਪ੍ਰ॒ਜਾਵੑਤੀ-ਰਨਮੀ॒ਵਾ ਅੑਯ॒ਕ੍ष੍ਮਾ ਇਤ੍ਯਾੑਹ॒ ਪ੍ਰਜਾ᳚ਤ੍ਯੈ । ਮਾਵਃੑ ਸ੍ਤੇ॒ਨ ਈੑਸ਼ਤ॒ ਮਾ-ऽਘਸ਼ਗ੍ਂੑਸ॒ ਇਤ੍ਯਾੑਹ॒ ਗੁਪ੍ਤ੍ਯੈ᳚ ॥ ਰੁ॒ਦ੍ਰਸ੍ਯੑ ਹੇ॒ਤਿਃ ਪਰਿੑ ਵੋ ਵृਣ॒ਕ੍ਤ੍ਵਿਤ੍ਯਾੑਹ । ਰੁ॒ਦ੍ਰਾ ਦੇ॒ਵੈਨਾ᳚-ਸ੍ਤ੍ਰਾਯਤੇ ॥
ਧ੍ਰੁ॒ਵਾ ਅ॒ਸ੍ਮਿ-ਨ੍ਗੋਪੑਤੌ ਸ੍ਯਾਤ ਬ॒ਹ੍ਵੀਰਿਤ੍ਯਾੑਹ ।
ਧ੍ਰੁ॒ਵਾ ਏ॒ਵਾਸ੍ਮਿੑ-ਨ੍ਬ॒ਹ੍ਵੀਃ ਕੑਰੋਤਿ ॥ 5 ॥
ਯਜੑਮਾਨਸ੍ਯ ਪ॒ਸ਼ੂ-ਨ੍ਪਾ॒ਹੀਤ੍ਯਾੑਹ । ਪ॒ਸ਼ੁ॒ਨਾ-ਙ੍ਗੋੑਪੀ॒ਥਾਯੑ । ਤਸ੍ਮਾ᳚ਥ੍ਸਾ॒ਯ-ਮ੍ਪ॒ਸ਼ਵ॒ ਉਪੑ ਸ॒ਮਾਵੑਰ੍ਤਨ੍ਤੇ ॥ ਅਨੑਧ-ਸ੍ਸਾਦਯਤਿ । ਗਰ੍ਭਾੑਣਾ॒-ਨ੍ਧृਤ੍ਯਾ॒ ਅਪ੍ਰੑਪਾਦਾਯ । ਤਸ੍ਮਾ॒ਦ੍ਗਰ੍ਭਾਃ᳚ ਪ੍ਰ॒ਜਾਨਾ॒ਮਪ੍ਰੑਪਾਦੁਕਾਃ ।
ਉ॒ਪਰੀੑਵ॒ ਨਿਦੑਧਾਤਿ । ਉ॒ਪਰੀੑਵ॒ ਹਿ ਸੁੑਵ॒ਰ੍ਗੋ ਲੋ॒ਕਃ ।
ਸੁ॒ਵ॒ਰ੍ਗਸ੍ਯੑ ਲੋ॒ਕਸ੍ਯ॒ ਸਮੑष੍ਟ੍ਯੈ ॥ 6 ॥
(ਪ॒ਸ਼ਵਃੑ - ਕਰੋਤਿ - ਪ॒ਸ਼ਵੋੑ - ਦੇਵਭਾ॒ਗਮਿਤ੍ਯਾੑਹ - ਕਰੋਤਿ॒ - +ਨਵੑ ਚ) (ਅ. 1)
ਅਨੁਵਾਕਂ 2 - ਬਰ੍ਹਿਰਾਹਰਣਮ੍
ਦੇ॒ਵਸ੍ਯੑ ਤ੍ਵਾ ਸਵਿ॒ਤੁਃ ਪ੍ਰੑਸ॒ਵ ਇਤ੍ਯੑਸ਼੍ਵਪ॒ਰ੍॒ਸ਼ੁਮਾਦੑਤ੍ਤੇ॒ ਪ੍ਰਸੂ᳚ਤ੍ਯੈ ।
ਅ॒ਸ਼੍ਵਿਨੋ᳚-ਰ੍ਬਾ॒ਹੁਭ੍ਯਾ॒ਮਿਤ੍ਯਾੑਹ ।
ਅ॒ਸ਼੍ਵਿਨੌ॒ ਹਿ ਦੇ॒ਵਾਨਾੑਮਦ੍ਧ੍ਵ॒ਰ੍ਯੂ ਆਸ੍ਤਾ᳚ਮ੍ ।
ਪੂ॒ष੍ਣੋ ਹਸ੍ਤਾ᳚ਭ੍ਯਾ॒ਮਿਤ੍ਯਾੑਹ॒ ਯਤ੍ਯੈ᳚ ॥ ਯੋ ਵਾ ਓषੑਧੀਃ ਪਰ੍ਵ॒ਸ਼ੋ ਵੇਦੑ । ਨੈਨਾ॒-ਸ੍ਸ ਹਿੑਨਸ੍ਤਿ । ਪ੍ਰ॒ਜਾਪੑਤਿ॒ਰ੍ਵਾ ਓषੑਧੀਃ ਪਰ੍ਵ॒ਸ਼ੋ ਵੇੑਦ । ਸ ਏੑਨਾ॒ ਨ ਹਿੑਨਸ੍ਤਿ । ਅ॒ਸ਼੍ਵ॒ਪ॒ਰ੍ਸ਼੍ਵਾ ਬ॒ਰ੍॒ਹਿਰਚ੍ਛੈੑਤਿ ।
ਪ੍ਰਾ॒ਜਾ॒ਪ॒ਤ੍ਯੋ ਵਾ ਅਸ਼੍ਵਃੑ ਸਯੋਨਿ॒ਤ੍ਵਾਯੑ ॥ 7 ॥
ਓषੑਧੀਨਾ॒ਮਹਿਗ੍ਂੑਸਾਯੈ ॥
ਯ॒ਜ੍ਞਸ੍ਯੑ ਘੋ॒षਦ॒ਸੀਤ੍ਯਾੑਹ ।
ਯਜੑਮਾਨ ਏ॒ਵ ਰ॒ਯਿ-ਨ੍ਦੑਧਾਤਿ । ਪ੍ਰਤ੍ਯੁੑष੍ਟ॒ਗ੍ਂ॒ ਰਕ੍षਃ॒ ਪ੍ਰਤ੍ਯੁੑष੍ਟਾ॒ ਅਰਾੑਤਯ॒ ਇਤ੍ਯਾੑਹ ।
ਰਕ੍षੑਸਾ॒-ਮਪੑਹਤ੍ਯੈ ॥ ਪ੍ਰੇਯਮੑਗਾਦ੍ਧਿ॒षਣਾੑ ਬ॒ਰ੍॒ਹਿਰਚ੍ਛੇਤ੍ਯਾੑਹ । ਵਿ॒ਦ੍ਯਾ ਵੈ ਧਿ॒षਣਾ᳚ । ਵਿ॒ਦ੍ਯਯੈ॒ਵੈਨ॒ਦਚ੍ਛੈੑਤਿ ॥ ਮਨੁੑਨਾ ਕृ॒ਤਾ ਸ੍ਵ॒ਧਯਾ॒ ਵਿਤ॒ष੍ਟੇਤ੍ਯਾੑਹ । ਮਾ॒ਨ॒ਵੀ ਹਿ ਪਰ੍ਸ਼ੁਃੑ ਸ੍ਵ॒ਧਾਕृੑਤਾ ॥ 8 ॥
ਤ ਆਵੑਹਨ੍ਤਿ ਕ॒ਵਯਃੑ ਪੁ॒ਰਸ੍ਤਾ॒ਦਿਤ੍ਯਾੑਹ । ਸ਼ੁ॒ਸ਼੍ਰੁ॒ਵਾਗ੍ਂਸੋ॒ ਵੈ ਕ॒ਵਯਃੑ । ਯ॒ਜ੍ਞਃ ਪੁ॒ਰਸ੍ਤਾ᳚ਤ੍ । ਮੁ॒ਖ॒ਤ ਏ॒ਵ ਯ॒ਜ੍ਞਮਾਰੑਭਤੇ । ਅਥੋ॒ ਯਦੇ॒ਤਦੁ॒ਕ੍ਤ੍ਵਾ ਯਤਃ॒ ਕੁਤੑਸ਼੍ਚਾ॒ਹਰੑਤਿ । ਤ-ਤ੍ਪ੍ਰਾਚ੍ਯਾੑ ਏ॒ਵ ਦਿ॒ਸ਼ੋ ਭੑਵਤਿ ॥
ਦੇ॒ਵੇਭ੍ਯੋ॒ ਜੁष੍ਟੑਮਿ॒ਹ ਬ॒ਰ੍॒ਹਿਰਾ॒ਸਦ॒ ਇਤ੍ਯਾੑਹ । ਬ॒ਰ੍॒ਹਿष॒-ਸ੍ਸਮृੑਦ੍ਧ੍ਯੈ । ਕਰ੍ਮ॒ਣੋ-ऽਨੑਪਰਾਧਾਯ ॥ ਦੇ॒ਵਾਨਾ᳚-ਮ੍ਪਰਿषੂ॒ਤਮ॒ਸੀਤ੍ਯਾੑਹ ॥ 9 ॥
ਯਦ੍ਵਾ ਇ॒ਦ-ਙ੍ਕਿ-ਞ੍ਚੑ । ਤ-ਦ੍ਦੇ॒ਵਾਨਾ᳚-ਮ੍ਪਰਿषੂ॒ਤਮ੍ ।
ਅਥੋ॒ ਯਥਾ॒ ਵਸ੍ਯੑਸੇ ਪ੍ਰਤਿ॒ ਪ੍ਰੋਚ੍ਯਾਹੇ॒ਦ-ਙ੍ਕੑਰਿष੍ਯਾ॒ਮੀਤਿੑ । ਏ॒ਵਮੇ॒ਵ ਤਦੑਦ੍ਧ੍ਵ॒ਰ੍ਯੁ-ਰ੍ਦੇ॒ਵੇਭ੍ਯਃੑ ਪ੍ਰਤਿ॒ ਪ੍ਰੋਚ੍ਯੑ ਬ॒ਰ੍॒ਹਿਰ੍ਦਾੑਤਿ । ਆ॒ਤ੍ਮਨੋ-ऽਹਿਗ੍ਂੑਸਾਯੈ ॥ ਯਾਵੑਤ-ਸ੍ਸ੍ਤ॒ਮ੍ਬਾ-ਨ੍ਪੑਰਿ ਦਿ॒ਸ਼ੇਤ੍ । ਯਤ੍ਤੇषਾੑ-ਮੁਚ੍ਛਿ॒ਗ੍ਗ੍॒ष੍ਯਾਤ੍ । ਅਤਿ॒ ਤ-ਦ੍ਯ॒ਜ੍ਞਸ੍ਯੑ ਰੇਚਯੇਤ੍ । ਏਕਗ੍ਗ੍ੑ ਸ੍ਤ॒ਮ੍ਬ-ਮ੍ਪਰਿੑਦਿਸ਼ੇਤ੍ ।
ਤਗ੍ਂ ਸਰ੍ਵੑ-ਨ੍ਦਾਯਾਤ੍ ॥ 10 ॥
ਯ॒ਜ੍ਞਸ੍ਯਾਨੑਤਿਰੇਕਾਯ ॥ ਵ॒ਰ੍॒षਵृੑਦ੍ਧ-ਮ॒ਸੀਤ੍ਯਾੑਹ ।
ਵ॒ਰ੍॒ष ਵृੑਦ੍ਧਾ॒ ਵਾ ਓषੑਧਯਃ ॥
ਦੇਵੑ ਬਰ੍ਹਿ॒ਰਿਤ੍ਯਾੑਹ । ਦੇ॒ਵੇਭ੍ਯੑ ਏ॒ਵੈਨੑ-ਤ੍ਕਰੋਤਿ ।
ਮਾ ਤ੍ਵਾ॒-ऽਨ੍ਵਮ੍ਮਾ ਤਿ॒ਰ੍ਯਗਿਤ੍ਯਾ॒ਹਾ ਹਿਗ੍ਂੑਸਾਯੈ ।
ਪਰ੍ਵੑ ਤੇ ਰਾਦ੍ਧ੍ਯਾਸ॒ਮਿਤ੍ਯਾ॒-ਹਰ੍ਧ੍ਯੈ᳚ ॥
ਆ॒ਚ੍ਛੇ॒ਤ੍ਤਾ ਤੇ॒ ਮਾ ਰਿੑष॒ਮਿਤ੍ਯਾੑਹ । ਨਾਸ੍ਯਾ॒ਤ੍ਮਨੋੑ ਮੀਯਤੇ ।
ਯ ਏ॒ਵਂ-ਵੇਁਦੑ ॥ 11 ॥
ਦੇਵੑਬਰ੍ਹਿ-ਸ਼੍ਸ਼॒ਤਵੑਲ੍ਸ਼ਂ॒-ਵਿਁਰੋ॒ਹੇਤ੍ਯਾੑਹ । ਪ੍ਰ॒ਜਾ ਵੈ ਬ॒ਰ੍॒ਹਿਃ । ਪ੍ਰ॒ਜਾਨਾ᳚-ਮ੍ਪ੍ਰ॒ਜਨੑਨਾਯ ॥ ਸ॒ਹਸ੍ਰੑਵਲ੍ਸ਼ਾ॒ ਵਿ ਵ॒ਯਗ੍ਂ ਰੁੑਹੇ॒ਮੇਤ੍ਯਾੑਹ । ਆ॒ਸ਼ਿषੑਮੇ॒ਵੈਤਾਮਾਸ਼ਾ᳚ਸ੍ਤੇ ॥ ਪृ॒ਥਿ॒ਵ੍ਯਾ-ਸ੍ਸ॒ਪृਞ੍ਚਃੑ ਪਾ॒ਹੀਤ੍ਯਾੑਹ॒ ਪ੍ਰਤਿੑष੍ਠਿਤ੍ਯੈ ॥
ਅਯੁੑਙ੍ਗਾਯੁਙ੍ਗਾ-ਨ੍ਮੁ॒ष੍ਟੀਨ੍ ਁਲੁੑਨੋਤਿ । ਮਿ॒ਥੁ॒ਨ॒ਤ੍ਵਾਯ॒ ਪ੍ਰਜਾ᳚ਤ੍ਯੈ ॥ ਸੁ॒ਸ॒ਭृਨ੍ਤਾ᳚ ਤ੍ਵਾ॒ ਸਮ੍ਭੑਰਾ॒ਮੀਤ੍ਯਾੑਹ । ਬ੍ਰਹ੍ਮੑਣੈ॒ਵੈਨ॒ਥ੍- ਸਮ੍ਭੑਰਤਿ ॥ 12 ॥
ਅਦਿੑਤ੍ਯੈ॒ ਰਾਸ੍ਨਾ॒-ऽਸੀਤ੍ਯਾੑਹ । ਇ॒ਯਂ-ਵਾਁ ਅਦਿੑਤਿਃ ।
ਅ॒ਸ੍ਯਾ ਏ॒ਵੈਨ॒-ਦ੍ਰਾਸ੍ਨਾ᳚-ਙ੍ਕਰੋਤਿ ॥ ਇ॒ਨ੍ਦ੍ਰਾ॒ਣ੍ਯੈ ਸ॒ਨਂਹੑਨ॒ਮਿਤ੍ਯਾੑਹ । ਇ॒ਨ੍ਦ੍ਰਾ॒ਣੀ ਵਾ ਅਗ੍ਰੇੑ ਦੇ॒ਵਤਾੑਨਾ॒ਗ੍ਂ॒ ਸਮੑਨਹ੍ਯਤ । ਸਾ ऽऽਰ੍ਧ੍ਨੋ᳚ਤ੍ ।
ऋਦ੍ਧ੍ਯੈ॒ ਸਨ੍ਨੑਹ੍ਯਤਿ । ਪ੍ਰ॒ਜਾ ਵੈ ਬ॒ਰ੍॒ਹਿਃ ।
ਪ੍ਰ॒ਜਾਨਾ॒ਮਪੑਰਾਵਾਪਾਯ ।
ਤਸ੍ਮਾ॒-ਥ੍ਸ੍ਨਾਵੑਸਨ੍ਤਤਾਃ ਪ੍ਰ॒ਜਾ ਜਾੑਯਨ੍ਤੇ ॥ 13 ॥
ਪੂ॒षਾ ਤੇ᳚ ਗ੍ਰ॒ਨ੍ਥਿ-ਙ੍ਗ੍ਰੑਥ੍ਨਾ॒ਤ੍ਵਿਤ੍ਯਾੑਹ ।
ਪੁष੍ਟਿੑਮੇ॒ਵ ਯਜੑਮਾਨੇ ਦਧਾਤਿ ॥ ਸ ਤੇ॒ ਮਾ-ऽऽ ਸ੍ਥਾ॒ਦਿਤ੍ਯਾ॒ਹਾਹਿਗ੍ਂੑਸਾਯੈ ॥ ਪ॒ਸ਼੍ਚਾ-ਤ੍ਪ੍ਰਾਞ੍ਚ॒ਮੁਪੑਗੂਹਤਿ ।
ਪ॒ਸ਼੍ਚਾ-ਦ੍ਵੈ ਪ੍ਰਾ॒ਚੀਨ॒ਗ੍ਂ॒ ਰੇਤੋੑ ਧੀਯਤੇ ।
ਪ॒ਸ਼੍ਚਾਦੇ॒ਵਾਸ੍ਮੈ᳚ ਪ੍ਰਾ॒ਚੀਨ॒ਗ੍ਂ॒ ਰੇਤੋੑ ਦਧਾਤਿ ॥
ਇਨ੍ਦ੍ਰੑਸ੍ਯ ਤ੍ਵਾ ਬਾ॒ਹੁਭ੍ਯਾ॒-ਮੁਦ੍ਯੑਚ੍ਛ॒ ਇਤ੍ਯਾੑਹ । ਇ॒ਨ੍ਦ੍ਰਿ॒ਯਮੇ॒ਵ ਯਜੑਮਾਨੇ ਦਧਾਤਿ ॥
ਬृਹ॒ਸ੍ਪਤੇ᳚ਰ੍ਮੂ॒ਰ੍ਧ੍ਨਾ ਹੑਰਾ॒ਮੀਤ੍ਯਾੑਹ ।
ਬ੍ਰਹ੍ਮ॒ ਵੈ ਦੇ॒ਵਾਨਾ॒-ਮ੍ਬृਹ॒ਸ੍ਪਤਿਃੑ ॥ 14 ॥
ਬ੍ਰਹ੍ਮੑਣੈ॒ਵੈਨੑਦ੍ਧਰਤਿ ॥ ਉ॒ਰ੍ਵੑਨ੍ਤਰਿੑਕ੍ष॒-ਮਨ੍ਵਿ॒ਹੀਤ੍ਯਾੑਹ॒ ਗਤ੍ਯੈ᳚ ॥ ਦੇ॒ਵ॒ਗ॒ਮ੍ਮਮ॒ਸੀਤ੍ਯਾੑਹ । ਦੇ॒ਵਾਨੇ॒ਵੈਨੑਦ੍ਗਮਯਤਿ ॥ ਅਨੑਧ-ਸ੍ਸਾਦਯਤਿ ।
ਗਰ੍ਭਾੑਣਾ॒-ਨ੍ਧृਤ੍ਯਾ॒ ਅਪ੍ਰੑਪਾਦਾਯ । ਤਸ੍ਮਾ॒-ਦ੍ਗਰ੍ਭਾਃ᳚ ਪ੍ਰ॒ਜਾਨਾ॒ਮਪ੍ਰੑਪਾਦੁਕਾਃ । ਉ॒ਪਰੀੑਵ॒ ਨਿਦੑਧਾਤਿ । ਉ॒ਪਰੀੑਵ॒ ਹਿ ਸੁੑਵ॒ਰ੍ਗੋ ਲੋ॒ਕਃ ।
ਸੁ॒ਵ॒ਰ੍ਗਸ੍ਯੑ ਲੋ॒ਕਸ੍ਯ॒ ਸਮੑष੍ਟ੍ਯੈ ॥ 15 ॥
(ਸ॒ਯੋ॒ਨਿ॒ਤ੍ਵਾਯੑ - ਸ੍ਵ॒ਧਾਕृੑਤਾ॒ - ऽਸੀਤ੍ਯਾੑਹ - ਦਾਯਾ॒-ਦ੍- ਵੇਦੑ - ਭਰਤਿ - ਜਾਯਨ੍ਤੇ॒ - ਬृਹ॒ਸ੍ਪਤਿਃ॒ - ਸਮੑष੍ਟ੍ਯੈ) (ਅ. 2)
ਅਨੁਵਾਕਂ 3 - ਦੋਹਨਮ੍
ਪੂ॒ਰ੍ਵੇ॒ਦ੍ਯੁਰਿ॒ਦ੍ਧ੍ਮਾ ਬ॒ਰ੍॒ਹਿਃ ਕੑਰੋਤਿ । ਯ॒ਜ੍ਞਮੇ॒ਵਾਰਭ੍ਯੑ ਗृਹੀ॒ਤ੍ਵੋਪੑਵਸਤਿ ॥ ਪ੍ਰ॒ਜਾਪੑਤਿ-ਰ੍ਯ॒ਜ੍ਞਮੑਸृਜਤ । ਤਸ੍ਯੋ॒ਖੇ ਅੑਸ੍ਰਗ੍ਂਸੇਤਾਮ੍ । ਯ॒ਜ੍ਞੋ ਵੈ ਪ੍ਰ॒ਜਾਪੑਤਿਃ ।
ਯ-ਥ੍ਸਾ᳚ਨ੍ਨਾਯ੍ਯੋ॒ਖੇ ਭਵੑਤਃ ।
ਯ॒ਜ੍ਞਸ੍ਯੈ॒ਵ ਤਦੁ॒ਖੇ ਉਪੑਦਧਾ॒ਤ੍ਯ-ਪ੍ਰੑਸ੍ਰਗ੍ਂਸਾਯ ॥
ਸ਼ੁਨ੍ਧੑਦ੍ਧ੍ਵ॒-ਨ੍ਦੈਵ੍ਯਾੑਯ॒ ਕਰ੍ਮੑਣੇ ਦੇਵਯ॒ਜ੍ਯਾਯਾ॒ ਇਤ੍ਯਾੑਹ । ਦੇ॒ਵ॒ਯ॒ਜ੍ਯਾਯਾੑ ਏ॒ਵੈਨਾੑਨਿ ਸ਼ੁਨ੍ਧਤਿ ॥ ਮਾ॒ਤ॒ਰਿਸ਼੍ਵੑਨੋ ਘ॒ਰ੍ਮੋੑ-ऽਸੀਤ੍ਯਾੑਹ ॥ 16 ॥
ਅ॒ਨ੍ਤਰਿੑਕ੍षਂ॒-ਵੈਁ ਮਾੑਤ॒ਰਿਸ਼੍ਵੑਨੋ ਘ॒ਰ੍ਮਃ ।
ਏ॒षਾਂ-ਲੋਁ॒ਕਾਨਾਂ॒-ਵਿਁਧृੑਤ੍ਯੈ ॥
ਦ੍ਯੌਰੑਸਿ ਪृਥਿ॒ਵ੍ਯੑਸੀਤ੍ਯਾੑਹ । ਦਿ॒ਵਸ਼੍ਚ॒ ਹ੍ਯੇੑषਾ ਪृੑਥਿ॒ਵ੍ਯਾਸ਼੍ਚ॒ ਸਮ੍ਭृੑਤਾ । ਯਦੁ॒ਖਾ ।
ਤਸ੍ਮਾੑਦੇ॒ਵਮਾੑਹ ॥ ਵਿ॒ਸ਼੍ਵਧਾੑਯਾ ਅਸਿ ਪਰ॒ਮੇਣ॒ ਧਾਮ੍ਨੇਤ੍ਯਾੑਹ । ਵृष੍ਟਿ॒ਰ੍ਵੈ ਵਿ॒ਸ਼੍ਵਧਾੑਯਾਃ । ਵृष੍ਟਿੑਮੇ॒ਵਾਵੑਰੁਨ੍ਧੇ । ਦृਗ੍ਂਹੑਸ੍ਵ॒ ਮਾ ਹ੍ਵਾ॒ਰਿਤ੍ਯਾੑਹ॒ ਧृਤ੍ਯੈ᳚ ॥ 17 ॥
ਵਸੂੑਨਾ-ਮ੍ਪ॒ਵਿਤ੍ਰੑਮ॒ਸੀਤ੍ਯਾੑਹ । ਪ੍ਰਾ॒ਣਾ ਵੈ ਵਸੑਵਃ ।
ਤੇषਾਂ॒-ਵਾਁ ਏ॒ਤ-ਦ੍ਭਾੑਗ॒ਧੇਯ᳚ਮ੍ । ਯ-ਤ੍ਪ॒ਵਿਤ੍ਰ᳚ਮ੍ । ਤੇਭ੍ਯੑ ਏ॒ਵੈਨੑ-ਤ੍ਕਰੋਤਿ ॥ ਸ਼॒ਤਧਾੑਰਗ੍ਂ ਸ॒ਹਸ੍ਰੑਧਾਰ॒ਮਿਤ੍ਯਾੑਹ । ਪ੍ਰਾ॒ਣੇष੍ਵੇ॒ਵਾਯੁੑ-ਰ੍ਦਧਾਤਿ ਸਰ੍ਵ॒ਤ੍ਵਾਯੑ ॥ ਤ੍ਰਿ॒ਵृ-ਤ੍ਪੑਲਾਸ਼ਸ਼ਾ॒ਖਾਯਾ᳚-ਨ੍ਦਰ੍ਭ॒ਮਯੑ-ਮ੍ਭਵਤਿ । ਤ੍ਰਿ॒ਵृਦ੍ਵੈ ਪ੍ਰਾ॒ਣਃ । ਤ੍ਰਿ॒ਵृਤੑਮੇ॒ਵ ਪ੍ਰਾ॒ਣ-ਮ੍ਮੑਦ੍ਧ੍ਯ॒ਤੋ ਯਜੑਮਾਨੇ ਦਧਾਤਿ ॥ 18 ॥
ਸੌ॒ਮ੍ਯਃ ਪ॒ਰ੍ਣ-ਸ੍ਸੑਯੋਨਿ॒ਤ੍ਵਾਯੑ । ਸਾ॒ਕ੍षਾ-ਤ੍ਪ॒ਵਿਤ੍ਰੑ-ਨ੍ਦ॒ਰ੍ਭਾਃ । ਪ੍ਰਾਖ੍ਸਾ॒ਯਮਧਿ॒ ਨਿਦੑਧਾਤਿ । ਤ-ਤ੍ਪ੍ਰਾੑਣਾਪਾ॒ਨਯੋੑ ਰੂ॒ਪਮ੍ । ਤਿ॒ਰ੍ਯਕ੍ਪ੍ਰਾ॒ਤਃ । ਤ-ਦ੍ਦਰ੍ਸ਼ੑਸ੍ਯ ਰੂ॒ਪਮ੍ । ਦਾ॒ਰ੍ਸ਼੍ਯਗ੍ਗ੍ ਹ੍ਯੇੑਤਦਹਃੑ । ਅਨ੍ਨਂ॒-ਵੈਁ ਚ॒ਨ੍ਦ੍ਰਮਾਃ᳚ ।
ਅਨ੍ਨੑ-ਮ੍ਪ੍ਰਾ॒ਣਾਃ । ਉ॒ਭਯੑਮੇ॒ਵੋਪੈ॒ਤ੍ਯਜਾੑਮਿਤ੍ਵਾਯ ॥ 19 ॥
ਤਸ੍ਮਾੑਦ॒ਯਗ੍ਂ ਸ॒ਰ੍ਵਤਃੑ ਪਵਤੇ ॥ ਹੁ॒ਤ-ਸ੍ਸ੍ਤੋ॒ਕੋ ਹੁ॒ਤੋ ਦ੍ਰ॒ਫ੍ਸ ਇਤ੍ਯਾੑਹ॒ ਪ੍ਰਤਿੑष੍ਠਿਤ੍ਯੈ । ਹ॒ਵਿषੋ-ऽਸ੍ਕੑਨ੍ਦਾਯ ।
ਨ ਹਿ ਹੁ॒ਤਗ੍ਗ੍ ਸ੍ਵਾਹਾੑਕृਤ॒ਗ੍ਗ੍॒ ਸ੍ਕਨ੍ਦੑਤਿ ।
ਦਿ॒ਵਿ ਨਾਕੋ॒ ਨਾਮਾ॒ਗ੍ਨਿਃ । ਤਸ੍ਯੑ ਵਿ॒ਪ੍ਰੁषੋੑ ਭਾਗ॒ਧੇਯ᳚ਮ੍ ।
ਅ॒ਗ੍ਨਯੇੑ ਬृਹ॒ਤੇ ਨਾਕਾ॒ਯੇਤ੍ਯਾੑਹ ।
ਨਾਕੑਮੇ॒ਵਾਗ੍ਨਿ-ਮ੍ਭਾੑਗ॒ਧੇਯੇੑਨ॒ ਸਮੑਰ੍ਧਯਤਿ ।
ਸ੍ਵਾਹਾ॒ ਦ੍ਯਾਵਾੑਪृਥਿ॒ਵੀਭ੍ਯਾ॒ਮਿਤ੍ਯਾੑਹ ।
ਦ੍ਯਾਵਾੑਪृਥਿ॒ਵ੍ਯੋਰੇ॒ਵੈਨ॒ਤ੍-ਪ੍ਰਤਿੑष੍ਠਾਪਯਤਿ ॥ 20 ॥
ਪ॒ਵਿਤ੍ਰੑਵ॒ਤ੍ਯਾਨੑਯਤਿ । ਅ॒ਪਾ-ਞ੍ਚੈ॒ਵੌषੑਧੀਨਾ-ਞ੍ਚ॒ ਰਸ॒ਗ੍ਂ॒ ਸਗ੍ਂਸृੑਜਤਿ । ਅਥੋ॒ ਓषੑਧੀष੍ਵੇ॒ਵ ਪ॒ਸ਼ੂ-ਨ੍ਪ੍ਰਤਿੑष੍ਠਾਪਯਤਿ ॥ ਅ॒ਨ੍ਵਾ॒ਰਭ੍ਯ॒ ਵਾਚਂੑ-ਯਁਚ੍ਛਤਿ ।
ਯ॒ਜ੍ਞਸ੍ਯ॒ ਧृਤ੍ਯੈ᳚ । ਧਾ॒ਰਯੑਨ੍ਨਾਸ੍ਤੇ । ਧਾ॒ਰਯੑਨ੍ਤ ਇਵ॒ ਹਿ ਦੁ॒ਹਨ੍ਤਿੑ । ਕਾਮੑਧੁਕ੍ष॒ ਇਤ੍ਯਾ॒ਹਾਤृ॒ਤੀਯੑਸ੍ਯੈ । ਤ੍ਰਯੑ ਇ॒ਮੇ ਲੋ॒ਕਾਃ । ਇ॒ਮਾਨੇ॒ਵ ਲੋ॒ਕਾਨ੍. ਯਜੑਮਾਨੋ ਦੁਹੇ ॥ 21 ॥
ਅ॒ਮੂਮਿਤਿ॒ ਨਾਮੑ ਗृਹ੍ਣਾਤਿ । ਭ॒ਦ੍ਰਮੇ॒ਵਾਸਾ॒-ਙ੍ਕਰ੍ਮਾ॒ਵਿष੍ਕੑਰੋਤਿ ॥ ਸਾ ਵਿ॒ਸ਼੍ਵਾਯੁ॒-ਸ੍ਸਾ ਵਿ॒ਸ਼੍ਵਵ੍ਯੑਚਾ॒-ਸ੍ਸਾ ਵਿ॒ਸ਼੍ਵਕ॒ਰ੍ਮੇਤ੍ਯਾੑਹ । ਇ॒ਯਂ-ਵੈਁ ਵਿ॒ਸ਼੍ਵਾਯੁਃੑ ।
ਅ॒ਨ੍ਤਰਿੑਕ੍षਂ-ਵਿਁ॒ਸ਼੍ਵਵ੍ਯੑਚਾਃ । ਅ॒ਸੌ ਵਿ॒ਸ਼੍ਵਕੑਰ੍ਮਾ ।
ਇ॒ਮਾਨੇ॒ਵੈਤਾਭਿੑਰ੍ਲੋ॒ਕਾਨ੍. ਯੑਥਾਪੂ॒ਰ੍ਵ-ਨ੍ਦੁੑਹੇ ।
ਅਥੋ॒ ਯਥਾ᳚ ਪ੍ਰਦਾ॒ਤ੍ਰੇ ਪੁਣ੍ਯੑਮਾ॒ਸ਼ਾਸ੍ਤੇ᳚ । ਏ॒ਵਮੇ॒ਵੈਨਾੑ ਏ॒ਤਦੁਪੑਸ੍ਤੌਤਿ । ਤਸ੍ਮਾ॒ਤ੍-ਪ੍ਰਾਦਾ॒ਦਿਤ੍ਯੁ॒ਨ੍ਨੀਯ॒ ਵਨ੍ਦੑਮਾਨਾ ਉਪਸ੍ਤੁ॒ਵਨ੍ਤਃੑ ਪ॒ਸ਼ੂ-ਨ੍ਦੁੑਹਨ੍ਤਿ ॥ 22 ॥
ਬ॒ਹੁ ਦੁ॒ਗ੍ਧੀਨ੍ਦ੍ਰਾੑਯ ਦੇ॒ਵੇਭ੍ਯੋੑ ਹ॒ਵਿਰਿਤਿ॒ ਵਾਚਂ॒-ਵਿਁਸृੑਜਤੇ । ਯ॒ਥਾ॒ ਦੇ॒ਵ॒ਤਮੇ॒ਵ ਪ੍ਰਸੌੑਤਿ ।
ਦੈਵ੍ਯੑਸ੍ਯ ਚ ਮਾਨੁ॒षਸ੍ਯੑ ਚ॒ ਵ੍ਯਾਵृੑਤ੍ਤ੍ਯੈ ।
ਤ੍ਰਿਰਾੑਹ । ਤ੍ਰਿषੑਤ੍ਯਾ॒ ਹਿ ਦੇ॒ਵਾਃ । ਅਵਾੑਚਂ-ਯਁ॒ਮੋ-ऽਨੑਨ੍ਵਾ-ਰ॒ਭ੍ਯੋਤ੍ਤੑਰਾਃ । ਅਪੑਰਿਮਿਤਮੇ॒ਵਾਵੑਰੁਨ੍ਧੇ ॥
ਨ ਦਾੑਰੁਪਾ॒ਤ੍ਰੇਣੑ ਦੁਹ੍ਯਾਤ੍ । ਅ॒ਗ੍ਨਿ॒ਵਦ੍ਵੈ ਦਾੑਰੁਪਾ॒ਤ੍ਰਮ੍ ।
ਯ-ਦ੍ਦਾੑਰੁਪਾ॒ਤ੍ਰੇਣੑ ਦੁ॒ਹ੍ਯਾਤ੍ ॥ 23 ॥
ਯਾ॒ਤਯਾ᳚ਮ੍ਨਾ ਹ॒ਵਿषਾੑ ਯਜੇਤ । ਅਥੋ॒ ਖਲ੍ਵਾੑਹੁਃ ।
ਪੁ॒ਰੋ॒ਡਾਸ਼ੑਮੁਖਾਨਿ॒ ਵੈ ਹ॒ਵੀਗ੍ਂषਿੑ । ਨੇਤ ਇੑਤਃ ਪੁਰੋ॒ਡਾਸ਼ਗ੍ਂੑ ਹ॒ਵਿषੋ॒ ਯਾਮੋ॒-ऽਸ੍ਤੀਤਿੑ ।
ਕਾਮੑਮੇ॒ਵ ਦਾੑਰੁਪਾ॒ਤ੍ਰੇਣੑ ਦੁਹ੍ਯਾਤ੍ ॥ ਸ਼ੂ॒ਦ੍ਰ ਏ॒ਵ ਨ ਦੁੑਹ੍ਯਾਤ੍ । ਅਸੑਤੋ॒ ਵਾ ਏ॒ष ਸਮ੍ਭੂੑਤਃ । ਯਚ੍ਛੂ॒ਦ੍ਰਃ । ਅਹੑਵਿਰੇ॒ਵ ਤਦਿਤ੍ਯਾੑਹੁਃ । ਯਚ੍ਛੂ॒ਦ੍ਰੋ ਦੋਗ੍ਧੀਤਿੑ ॥ 24 ॥
ਅ॒ਗ੍ਨਿ॒ਹੋ॒ਤ੍ਰਮੇ॒ਵਨ ਦੁੑਹ੍ਯਾਚ੍ਛੂ॒ਦ੍ਰਃ । ਤਦ੍ਧਿ ਨੋਤ੍-ਪੁ॒ਨਨ੍ਤਿੑ । ਯ॒ਦਾ ਖਲੁ॒ ਵੈ ਪ॒ਵਿਤ੍ਰੑਮ॒ਤ੍ਯੇਤਿੑ । ਅਥ॒ ਤਦ੍ਧ॒ਵਿਰਿਤਿੑ ॥
ਸਮ੍ਪृੑਚ੍ਯਦ੍ਧ੍ਵ-ਮृਤਾਵਰੀ॒ਰਿਤ੍ਯਾੑਹ । ਅ॒ਪਾ-ਞ੍ਚੈ॒ਵੌषੑਧੀਨਾ-ਞ੍ਚ॒ ਰਸ॒ਗ੍ਂ॒ ਸਗ੍ਂਸृੑਜਤਿ ।
ਤਸ੍ਮਾੑਦ॒ਪਾ-ਞ੍ਚੌषੑਧੀਨਾ-ਞ੍ਚ॒ ਰਸ॒ਮੁਪੑ ਜੀਵਾਮਃ ।
ਮ॒ਨ੍ਦ੍ਰਾ ਧਨੑਸ੍ਯ ਸਾ॒ਤਯ॒ ਇਤ੍ਯਾੑਹ । ਪੁष੍ਟਿੑਮੇ॒ਵ ਯਜੑਮਾਨੇ ਦਧਾਤਿ ॥ ਸੋਮੇੑਨ॒ ਤ੍ਵਾ-ऽऽਤੑਨ॒ਚ੍ਮੀਨ੍ਦ੍ਰਾੑਯ॒ ਦਧੀਤ੍ਯਾੑਹ ॥ 25 ॥
ਸੋਮੑਮੇ॒ਵੈਨੑ-ਤ੍ਕਰੋਤਿ । ਯੋ ਵੈ ਸੋਮੑ-ਮ੍ਭਕ੍षਯਿ॒ਤ੍ਵਾ ।
ਸਂ॒ਵਁ॒ਥ੍ਸ॒ਰਗ੍ਂ ਸੋਮ॒-ਨ੍ਨ ਪਿਬੑਤਿ । ਪੁ॒ਨ॒ਰ੍ਭਕ੍ष੍ਯੋ᳚-ऽਸ੍ਯ ਸੋਮਪੀ॒ਥੋ ਭੑਵਤਿ ॥
ਸੋਮਃ॒ ਖਲੁ॒ ਵੈ ਸਾ᳚ਨਾਂ॒ਯ੍ਯਮ੍ । ਯ ਏ॒ਵਂ-ਵਿਁ॒ਦ੍ਵਾਨ੍-ਥ੍ਸਾ᳚ਨਾਂ॒ਯ੍ਯ-ਮ੍ਪਿਬੑਤਿ । ਅ॒ਪੁ॒ਨ॒ਰ੍ਭਕ੍ष੍ਯੋ᳚-ऽਸ੍ਯ ਸੋਮਪੀ॒ਥੋ ਭੑਵਤਿ । ਨ ਮृ॒ਨ੍ਮਯੇ॒ਨਾਪਿੑਦਦ੍ਧ੍ਯਾਤ੍ ।
ਯ-ਨ੍ਮृ॒ਨ੍ਮਯੇੑਨਾਪਿਦ॒ਦ੍ਧ੍ਯਾਤ੍ ।
ਪਿ॒ਤृ॒ਦੇ॒ਵ॒ਤ੍ਯਗ੍ਗ੍ੑ ਸ੍ਯਾਤ੍ ॥ 26 ॥
ਅ॒ਯ॒ਸ੍ਪਾ॒ਤ੍ਰੇਣੑ ਵਾ ਦਾਰੁਪਾ॒ਤ੍ਰੇਣ॒ ਵਾ-ऽਪਿੑਦਧਾਤਿ ।
ਤਦ੍ਧਿ ਸਦੇੑਵਮ੍ ॥ ਉ॒ਦ॒ਨ੍ਵਦ੍- ਭੑਵਤਿ । ਆਪੋ॒ ਵੈ ਰੑਕ੍षੋ॒ਘ੍ਨੀਃ । ਰਕ੍षੑਸਾ॒-ਮਪੑਹਤ੍ਯੈ ॥
ਅਦੑਸ੍ਤਮਸਿ॒ ਵਿष੍ਣੑਵੇ॒ ਤ੍ਵੇਤ੍ਯਾੑਹ । ਯ॒ਜ੍ਞੋ ਵੈ ਵਿष੍ਣੁਃੑ ।
ਯ॒ਜ੍ਞਾਯੈ॒ਵੈਨ॒ਦਦੑਸ੍ਤ-ਙ੍ਕਰੋਤਿ । ਵਿष੍ਣੋੑ ਹ॒ਵ੍ਯਗ੍ਂ ਰੑਕ੍ष॒ਸ੍ਵੇਤ੍ਯਾੑਹ॒ ਗੁਪ੍ਤ੍ਯੈ᳚ ॥ ਅਨੑਧ-ਸ੍ਸਾਦਯਤਿ । ਗਰ੍ਭਾੑਣਾ॒-ਨ੍ਧृਤ੍ਯਾ॒ ਅਪ੍ਰੑਪਾਦਾਯ ।
ਤਸ੍ਮਾ॒-ਦ੍ਗਰ੍ਭਾਃ᳚ ਪ੍ਰ॒ਜਾਨਾ॒ਮ ਪ੍ਰੑਪਾਦੁਕਾਃ । ਉ॒ਪਰੀੑਵ॒ ਨਿਦੑਧਾਤਿ । ਉ॒ਪਰੀੑਵ॒ ਹਿ ਸੁੑਵ॒ਰ੍ਗੋ ਲੋ॒ਕਃ । ਸੁ॒ਵ॒ਰ੍ਗਸ੍ਯੑ ਲੋ॒ਕਸ੍ਯ॒ ਸਮੑष੍ਟ੍ਯੈ ॥ 27 ॥
(ਅ॒ਸੀਤ੍ਯਾੑਹ॒ - ਧृਤ੍ਯੈ॒ - ਯਜੑਮਾਨੇ ਦਧਾ॒ - ਤ੍ਯਜਾੑਮਿਤ੍ਵਾਯ - ਸ੍ਥਾਪਯਤਿ - ਦੁਹੇ - ਦੁਹਨ੍ਤਿ - ਦੁ॒ਹ੍ਯਾ-ਦ੍- ਦੋਗ੍ਧੀਤਿ॒ - ਦਧੀਤ੍ਯਾੑਹ - ਸ੍ਯਾਥ੍ - ਸਾਦਯਤਿ॒ ਪਞ੍ਚੑ ਚ) (ਅ. 3)
ਅਨੁਵਾਕਂ 4 - ਹਵਿਰ੍ਨਿਰ੍ਵਾਪਃ
ਕਰ੍ਮੑਣੇ ਵਾ-ਨ੍ਦੇ॒ਵੇਭ੍ਯਃੑ ਸ਼ਕੇਯ॒ਮਿਤ੍ਯਾੑਹ॒ ਸ਼ਕ੍ਤ੍ਯੈ᳚ ।
ਯ॒ਜ੍ਞਸ੍ਯ॒ ਵੈ ਸਨ੍ਤੑਤਿ॒ਮਨੁੑ ਪ੍ਰ॒ਜਾਃ ਪ॒ਸ਼ਵੋ॒ ਯਜੑਮਾਨਸ੍ਯ॒ ਸਨ੍ਤਾੑਯਨ੍ਤੇ । ਯ॒ਜ੍ਞਸ੍ਯ॒ ਵਿਚ੍ਛਿੑਤ੍ਤਿ॒ਮਨੁੑ ਪ੍ਰ॒ਜਾਃ ਪ॒ਸ਼ਵੋ॒ ਯਜੑਮਾਨਸ੍ਯ॒ ਵਿਚ੍ਛਿੑਦ੍ਯਨ੍ਤੇ ।
ਯ॒ਜ੍ਞਸ੍ਯ॒ ਸਨ੍ਤੑਤਿਰਸਿ ਯ॒ਜ੍ਞਸ੍ਯੑ ਤ੍ਵਾ॒ ਸਨ੍ਤੑਤ੍ਯੈ ਸ੍ਤृਣਾਮਿ॒ ਸਨ੍ਤੑਤ੍ਯੈ ਤ੍ਵਾ ਯ॒ਜ੍ਞਸ੍ਯੇਤ੍ਯਾਹੑਵ॒ਨੀਯਾ॒-ਥ੍ਸਨ੍ਤੑਨੋਤਿ । ਯਜੑਮਾਨਸ੍ਯ ਪ੍ਰ॒ਜਾਯੈੑ ਪਸ਼ੂ॒ਨਾਗ੍ਂ ਸਨ੍ਤੑਤ੍ਯੈ ॥ ਅ॒ਪਃ ਪ੍ਰਣੑਯਤਿ । ਸ਼੍ਰ॒ਦ੍ਧਾ ਵਾ ਆਪਃੑ । ਸ਼੍ਰ॒ਦ੍ਧਾਮੇ॒ਵਾਰਭ੍ਯੑ ਪ੍ਰ॒ਣੀਯ॒ ਪ੍ਰਚੑਰਤਿ । ਅ॒ਪਃ ਪ੍ਰਣੑਯਤਿ । ਯ॒ਜ੍ਞੋ ਵਾ ਆਪਃੑ ॥ 28 ॥
ਯ॒ਜ੍ਞਮੇ॒ਵਾਰਭ੍ਯੑ ਪ੍ਰ॒ਣੀਯ॒ ਪ੍ਰਚੑਰਤਿ । ਅ॒ਪਃ ਪ੍ਰਣੑਯਤਿ । ਵਜ੍ਰੋ॒ ਵਾ ਆਪਃੑ । ਵਜ੍ਰੑਮੇ॒ਵ ਭ੍ਰਾਤृੑਵ੍ਯੇਭ੍ਯਃ ਪ੍ਰ॒ਹृਤ੍ਯੑ ਪ੍ਰ॒ਣੀਯ॒ ਪ੍ਰਚੑਰਤਿ । ਅ॒ਪਃ ਪ੍ਰਣੑਯਤਿ ।
ਆਪੋ॒ ਵੈ ਰੑਕ੍षੋ॒ਘ੍ਨੀਃ । ਰਕ੍षੑਸਾ॒-ਮਪੑਹਤ੍ਯੈ । ਅ॒ਪਃ ਪ੍ਰਣੑਯਤਿ । ਆਪੋ॒ ਵੈ ਦੇ॒ਵਾਨਾ᳚-ਮ੍ਪ੍ਰਿ॒ਯ-ਨ੍ਧਾਮੑ ।
ਦੇ॒ਵਾਨਾੑਮੇ॒ਵ ਪ੍ਰਿ॒ਯ-ਨ੍ਧਾਮੑ ਪ੍ਰ॒ਣੀਯ॒ ਪ੍ਰਚੑਰਤਿ ॥ 29 ॥
ਅ॒ਪਃ ਪ੍ਰਣੑਯਤਿ । ਆਪੋ॒ ਵੈ ਸਰ੍ਵਾੑ ਦੇ॒ਵਤਾਃ᳚ ।
ਦੇ॒ਵਤਾੑ ਏ॒ਵਾਰਭ੍ਯੑ ਪ੍ਰ॒ਣੀਯ॒ ਪ੍ਰਚੑਰਤਿ ॥ ਵੇषਾੑਯ॒ ਤ੍ਵੇਤ੍ਯਾੑਹ । ਵੇषਾੑਯ॒ ਹ੍ਯੇੑਨਦਾਦ॒ਤ੍ਤੇ ॥ ਪ੍ਰਤ੍ਯੁੑष੍ਟ॒ਗ੍ਂ॒ ਰਕ੍षਃ॒ ਪ੍ਰਤ੍ਯੁੑष੍ਟਾ॒ ਅਰਾੑਤਯ॒ ਇਤ੍ਯਾੑਹ ।
ਰਕ੍षੑਸਾ॒-ਮਪੑਹਤ੍ਯੈ ॥ ਧੂਰ॒ਸੀਤ੍ਯਾੑਹ । ਏ॒ष ਵੈ ਧੁਰ੍ਯੋ॒-ऽਗ੍ਨਿਃ । ਤਂ-ਯਁਦਨੁੑਪਸ੍ਪृਸ਼੍ਯਾਤੀ॒ਯਾਤ੍ ॥ 30 ॥
ਅ॒ਦ੍ਧ੍ਵ॒ਰ੍ਯੁ-ਞ੍ਚ॒ ਯਜੑਮਾਨ-ਞ੍ਚ॒ ਪ੍ਰਦੑਹੇਤ੍ । ਉ॒ਪ॒ਸ੍ਪृਸ਼੍ਯਾਤ੍ਯੇੑਤਿ । ਅ॒ਦ੍ਧ੍ਵ॒ਰ੍ਯੋਸ਼੍ਚ॒ ਯਜੑਮਾਨਸ੍ਯ॒ ਚਾਪ੍ਰੑਦਾਹਾਯ ॥ ਧੂਰ੍ਵ॒ ਤਂਯੋਁ᳚-ऽਸ੍ਮਾ-ਨ੍ਧੂਰ੍ਵੑਤਿ॒ ਤ-ਨ੍ਧੂ᳚ਰ੍ਵ॒ ਯਂ-ਵਁ॒ਯ-ਨ੍ਧੂਰ੍ਵਾੑਮ॒ ਇਤ੍ਯਾੑਹ ।
ਦ੍ਵੌ ਵਾਵ ਪੁਰੁੑषੌ । ਯ-ਞ੍ਚੈ॒ਵ ਧੂਰ੍ਵੑਤਿ । ਯਸ਼੍ਚੈੑਨ॒-ਨ੍ਧੂਰ੍ਵੑਤਿ । ਤਾਵੁ॒ਭੌ ਸ਼ੁ॒ਚਾ-ऽਰ੍ਪੑਯਤਿ ॥ ਤ੍ਵ-ਨ੍ਦੇ॒ਵਾਨਾੑਮਸਿ॒ ਸਸ੍ਨਿੑਤਮ॒-ਮ੍ਪਪ੍ਰਿੑਤਮ॒-ਞ੍ਜੁष੍ਟੑਤਮਂ॒-ਵਁਹ੍ਨਿੑਤਮ-ਨ੍ਦੇਵ॒ਹੂਤੑਮ॒ਮਿਤ੍ਯਾੑਹ । ਯ॒ਥਾ॒ ਯ॒ਜੁਰੇ॒ਵੈ ਤਤ੍ ॥ 31 ॥
ਅਹ੍ਰੁੑਤਮਸਿ ਹਵਿ॒ਰ੍ਧਾਨ॒-ਮਿਤ੍ਯਾ॒ਹਾਨਾ᳚ਰ੍ਤ੍ਯੈ ।
ਦृਗ੍ਂਹੑਸ੍ਵ॒ ਮਾ ਹ੍ਵਾ॒ਰਿਤ੍ਯਾੑਹ॒ ਧृਤ੍ਯੈ᳚ ॥
ਮਿ॒ਤ੍ਰਸ੍ਯੑ ਤ੍ਵਾ॒ ਚਕ੍षੁੑषਾ॒ ਪ੍ਰੇਕ੍ष॒ ਇਤ੍ਯਾੑਹ ਮਿਤ੍ਰ॒ਤ੍ਵਾਯੑ ।
ਮਾ ਭੇਰ੍ਮਾ ਸਂਵਿਁੑਕ੍ਥਾ॒ ਮਾ ਤ੍ਵਾੑ ਹਿਗ੍ਂਸਿष॒-ਮਿਤ੍ਯਾ॒ਹਾਹਿਗ੍ਂੑਸਾਯੈ । ਯਦ੍ਵੈ ਕਿ-ਞ੍ਚ॒ ਵਾਤੋ॒ ਨਾਭਿ॒ਵਾਤਿੑ ।
ਤ-ਥ੍ਸਰ੍ਵਂੑ-ਵਁਰੁਣਦੇਵ॒ਤ੍ਯ᳚ਮ੍ ॥ ਉ॒ਰੁ ਵਾਤਾ॒ਯੇਤ੍ਯਾੑਹ । ਅਵਾੑਰੁਣਮੇ॒ਵੈਨੑ-ਤ੍ਕਰੋਤਿ ॥ ਦੇ॒ਵਸ੍ਯੑ ਤ੍ਵਾ ਸਵਿ॒ਤੁਃ
ਪ੍ਰੑਸ॒ਵ ਇਤ੍ਯਾੑਹ॒ ਪ੍ਰਸੂ᳚ਤ੍ਯੈ ।
ਅ॒ਸ਼੍ਵਿਨੋ᳚-ਰ੍ਬਾ॒ਹੁਭ੍ਯਾ॒ਮਿਤ੍ਯਾੑਹ ॥ 32 ॥
ਅ॒ਸ਼੍ਵਿਨੌ॒ ਹਿ ਦੇ॒ਵਾਨਾੑਮਦ੍ਧ੍ਵ॒ਰ੍ਯੂ ਆਸ੍ਤਾ᳚ਮ੍ ।
ਪੂ॒ष੍ਣੋ ਹਸ੍ਤਾ᳚ਭ੍ਯਾ॒ਮਿਤ੍ਯਾੑਹ॒ ਯਤ੍ਯੈ᳚ । ਅ॒ਗ੍ਨਯੇ॒ ਜੁष੍ਟ॒-ਨ੍ਨਿਰ੍ਵੑਪਾ॒ਮੀਤ੍ਯਾੑਹ । ਅ॒ਗ੍ਨਯੑ ਏ॒ਵੈਨਾ॒ਞ੍ਜੁष੍ਟਂ॒
ਨਿਰ੍ਵੑਪਤਿ । ਤ੍ਰਿਰ੍ਯਜੁੑषਾ । ਤ੍ਰਯੑ ਇ॒ਮੇ ਲੋ॒ਕਾਃ ।
ਏ॒षਾਂ-ਲੋਁ॒ਕਾਨਾ॒ਮਾਪ੍ਤ੍ਯੈ᳚ । ਤੂ॒ष੍ਣੀ-ਞ੍ਚੑਤੁ॒ਰ੍ਥਮ੍ ।
ਅਪੑਰਿਮਿਤਮੇ॒ਵਾਵੑਰੁਨ੍ਧੇ । ਸ ਏ॒ਵਮੇ॒ਵਾਨੁੑਪੂ॒ਰ੍ਵਗ੍ਂ ਹ॒ਵੀਗ੍ਂषਿ॒ ਨਿਰ੍ਵੑਪਤਿ ॥ 33 ॥
ਇ॒ਦ-ਨ੍ਦੇ॒ਵਾਨਾੑਮਿ॒ਦਮੁੑ ਨ-ਸ੍ਸ॒ਹੇਤ੍ਯਾੑਹ॒ ਵ੍ਯਾਵृੑਤ੍ਤ੍ਯੈ ॥
ਸ੍ਫਾ॒ਤ੍ਯੈ ਤ੍ਵਾ॒ ਨਾਰਾ᳚ਤ੍ਯਾ॒ ਇਤ੍ਯਾੑਹ॒ ਗੁਪ੍ਤ੍ਯੈ᳚ । ਤਮੑਸੀਵ॒ ਵਾ ਏ॒षੋ᳚-ऽਨ੍ਤਸ਼੍ਚੑਰਤਿ । ਯਃ ਪੑਰੀ॒ਣਹਿੑ ॥ ਸੁਵੑਰ॒ਭਿ ਵਿਖ੍ਯੇੑषਂ-ਵੈਁਸ਼੍ਵਾਨ॒ਰ-ਞ੍ਜ੍ਯੋਤਿ॒ਰਿਤ੍ਯਾੑਹ ।
ਸੁਵੑਰੇ॒ਵਾਭਿ ਵਿ ਪੑਸ਼੍ਯਤਿ ਵੈਸ਼੍ਵਾਨ॒ਰ-ਞ੍ਜ੍ਯੋਤਿਃੑ ।
ਦ੍ਯਾਵਾੑਪृਥਿ॒ਵੀ ਹ॒ਵਿषਿੑ ਗृਹੀ॒ਤ ਉਦੑਵੇਪੇਤਾਮ੍ ॥
ਦृਗ੍ਂਹੑਨ੍ਤਾ॒-ਨ੍ਦੁਰ੍ਯਾ॒ ਦ੍ਯਾਵਾੑਪृਥਿ॒ਵ੍ਯੋਰਿਤ੍ਯਾੑਹ ।
ਗृ॒ਹਾਣਾ॒-ਨ੍ਦ੍ਯਾਵਾੑਪृਥਿ॒ਵ੍ਯੋ-ਰ੍ਧृਤ੍ਯੈ᳚ ॥
ਉ॒ਰ੍ਵੑਨ੍ਤਰਿੑਕ੍ष॒-ਮਨ੍ਵਿ॒ਹੀਤ੍ਯਾੑਹ॒ ਗਤ੍ਯੈ᳚ ॥
ਅਦਿੑਤ੍ਯਾਸ੍ਤ੍ਵੋ॒ਪਸ੍ਥੇੑ ਸਾਦਯਾ॒ਮੀਤ੍ਯਾੑਹ । ਇ॒ਯਂ-ਵਾਁ ਅਦਿੑਤਿਃ । ਅ॒ਸ੍ਯਾ ਏ॒ਵੈਨੑਦੁ॒ਪਸ੍ਥੇੑ ਸਾਦਯਤਿ ॥
ਅਗ੍ਨੇੑ ਹ॒ਵ੍ਯਗ੍ਂ ਰੑਕ੍ष॒ਸ੍ਵੇਤ੍ਯਾੑਹ॒ ਗੁਪ੍ਤ੍ਯੈ᳚ ॥ 34 ॥
(ਯ॒ਜ੍ਞੋ ਵਾ ਆਪੋ॒ - ਧਾਮੑ ਪ੍ਰ॒ਣੀਯ॒ ਪ੍ਰਚੑਰ - ਤ੍ਯਤੀ॒ਯਾ - ਦੇ॒ਤ-ਦ੍- ਬਾ॒ਹੁਭ੍ਯਾ॒ਮਿਤ੍ਯਾੑਹ - ਹ॒ਵਿਗ੍ਂषਿ॒ ਨਿਰ੍ਵੑਪਤਿ॒ - ਗਤ੍ਯੈੑ ਚ॒ਤ੍ਵਾਰਿੑ ਚ) (ਅ. 4)
ਅਨੁਵਾਕਂ 5 - ਵ੍ਰੀਹ੍ਯਵਘਾਤਃ
ਇਨ੍ਦ੍ਰੋੑ ਵृ॒ਤ੍ਰਮੑਹਨ੍ਨ੍ । ਸੋੑ-ऽਪਃ । ਅ॒ਭ੍ਯੑਮ੍ਰਿਯਤ ।
ਤਾਸਾਂ॒-ਯਁਨ੍ਮੇਦ੍ਧ੍ਯਂੑ-ਯਁ॒ਜ੍ਞਿਯ॒ਗ੍ਂ॒ ਸਦੇੑਵ॒ਮਾਸੀ᳚ਤ੍ । ਤਦਪੋਦੑਕ੍ਰਾਮਤ੍ । ਤੇ ਦ॒ਰ੍ਭਾ ਅੑਭਵਨ੍ਨ੍ । ਯ-ਦ੍ਦ॒ਰ੍ਭੈਰ॒ਪ ਉੑਤ੍ਪੁ॒ਨਾਤਿੑ । ਯਾ ਏ॒ਵ ਮੇਦ੍ਧ੍ਯਾੑ ਯ॒ਜ੍ਞਿਯਾ॒-ਸ੍ਸਦੇੑਵਾ॒ ਆਪਃੑ । ਤਾਭਿੑਰੇ॒ਵੈਨਾ॒ ਉਤ੍ਪੁੑਨਾਤਿ । ਦ੍ਵਾਭ੍ਯਾ॒ਮੁਤ੍ਪੁੑਨਾਤਿ ॥ 35 ॥
ਦ੍ਵਿ॒ਪਾ-ਦ੍ਯਜੑਮਾਨਃ॒ ਪ੍ਰਤਿੑष੍ਠਿਤ੍ਯੈ ॥ ਦੇ॒ਵੋ ਵਃੑ ਸਵਿ॒ਤੋਤ੍-ਪੁੑਨਾ॒ਤ੍ਵਿਤ੍ਯਾੑਹ । ਸ॒ਵਿ॒ਤृਪ੍ਰੑਸੂਤ ਏ॒ਵੈਨਾ॒ ਉਤ੍ਪੁੑਨਾਤਿ । ਅਚ੍ਛਿੑਦ੍ਰੇਣ ਪ॒ਵਿਤ੍ਰੇ॒ਣੇਤ੍ਯਾੑਹ । ਅ॒ਸੌ ਵਾ ਆੑਦਿ॒ਤ੍ਯੋ-ऽਚ੍ਛਿੑਦ੍ਰ-ਮ੍ਪ॒ਵਿਤ੍ਰ᳚ਮ੍ । ਤੇਨੈ॒ਵੈਨਾ॒ ਉਤ੍ਪੁੑਨਾਤਿ । ਵਸੋ॒-ਸ੍ਸੂਰ੍ਯੑਸ੍ਯ ਰ॒ਸ਼੍ਮਿਭਿ॒ਰਿਤ੍ਯਾੑਹ । ਪ੍ਰਾ॒ਣਾ ਵਾ ਆਪਃੑ । ਪ੍ਰਾ॒ਣਾ ਵਸੑਵਃ । ਪ੍ਰਾ॒ਣਾ ਰ॒ਸ਼੍ਮਯਃੑ ॥ 36 ॥
ਪ੍ਰਾ॒ਣੈਰੇ॒ਵ ਪ੍ਰਾ॒ਣਾਨ੍-ਥ੍ਸਮ੍ਪृੑਣਕ੍ਤਿ । ਸਾ॒ਵਿ॒ਤ੍ਰਿ॒ਯਰ੍ਚਾ ।
ਸ॒ਵਿ॒ਤृਪ੍ਰੑਸੂਤ-ਮ੍ਮੇ॒ ਕਰ੍ਮਾੑਸ॒ਦਿਤਿੑ ।
ਸ॒ਵਿ॒ਤृਪ੍ਰੑਸੂਤਮੇ॒ਵਾਸ੍ਯ॒ ਕਰ੍ਮੑ ਭਵਤਿ ।
ਪ॒ਚ੍ਛੋ ਗਾੑਯਤ੍ਰਿ॒ਯਾ ਤ੍ਰਿੑष੍षਮृਦ੍ਧ॒ਤ੍ਵਾਯੑ ॥
ਆਪੋੑ ਦੇਵੀਰਗ੍ਰੇਪੁਵੋ ਅਗ੍ਰੇਗੁਵ॒ ਇਤ੍ਯਾੑਹ ।
ਰੂ॒ਪ-ਮੇ॒ਵਾਸਾੑਮੇ॒ਤ-ਨ੍ਮੑਹਿ॒ਮਾਨਂ॒-ਵ੍ਯਾਁਚੑष੍ਟੇ ।
ਅਗ੍ਰੑ ਇ॒ਮਂ-ਯਁ॒ਜ੍ਞ-ਨ੍ਨੑਯ॒ਤਾਗ੍ਰੇੑ
ਯ॒ਜ੍ਞਪੑਤਿ॒ਮਿਤ੍ਯਾੑਹ । ਅਗ੍ਰੇੑ ਏ॒ਵ ਯ॒ਜ੍ਞ-ਨ੍ਨੑਯਨ੍ਤਿ ।
ਅਗ੍ਰੇੑ ਯ॒ਜ੍ਞਪੑਤਿਮ੍ ॥ 37 ॥
ਯੁ॒ष੍ਮਾਨਿਨ੍ਦ੍ਰੋੑ ऽਵृਣੀਤ ਵृਤ੍ਰ॒ਤੂਯੇੑ ਯੂ॒ਯਮਿਨ੍ਦ੍ਰੑਮਵृਣੀਦ੍ਧ੍ਵਂ-ਵृਁਤ੍ਰ॒ਤੂਰ੍ਯ॒ ਇਤ੍ਯਾੑਹ ।
ਵृ॒ਤ੍ਰਗ੍ਂ ਹੑ ਹਨਿ॒ष੍ਯਨ੍ਨਿਨ੍ਦ੍ਰ॒ ਆਪੋੑ ਵਵ੍ਰੇ ।
ਆਪੋ॒ ਹੇਨ੍ਦ੍ਰਂੑ-ਵਁਵ੍ਰਿਰੇ । ਸ॒ਜ੍ਞਾਂ-ਮੇ॒ਵਾਸਾੑਮੇ॒ਤ-ਥ੍ਸਾਮਾੑਨਂ॒-ਵ੍ਯਾਁਚੑष੍ਟੇ ॥ ਪ੍ਰੋਕ੍षਿੑਤਾ॒-ਸ੍ਸ੍ਥੇਤ੍ਯਾੑਹ । ਤੇਨਾਪਃ॒ ਪ੍ਰੋਕ੍षਿੑਤਾਃ ॥ ਅ॒ਗ੍ਨਯੇੑ ਵੋ॒ ਜੁष੍ਟ॒-ਮ੍ਪ੍ਰੋਕ੍षਾ᳚-ਮ੍ਯ॒ਗ੍ਨੀषੋਮਾ᳚ਭ੍ਯਾ॒-ਮਿਤ੍ਯਾੑਹ ।
ਯ॒ਥਾ॒ ਦੇ॒ਵ॒ਤਮੇ॒ਵੈਨਾ॒-ਨ੍ਪ੍ਰੋਕ੍षੑਤਿ । ਤ੍ਰਿਃ ਪ੍ਰੋਕ੍षੑਤਿ । ਤ੍ਰ੍ਯਾੑਵृ॒ਦ੍ਧਿ ਯ॒ਜ੍ਞਃ ॥ 38 ॥
ਅਥੋ॒ ਰਕ੍षੑਸਾ॒ਮਪੑਹਤ੍ਯੈ । ਸ਼ੁਨ੍ਧੑਦ੍ਧ੍ਵਂ॒
ਦੈਵ੍ਯਾੑਯ॒ ਕਰ੍ਮੑਣੇ ਦੇਵਯ॒ਜ੍ਯਾਯਾ॒ ਇਤ੍ਯਾੑਹ ।
ਦੇ॒ਵ॒ਯ॒ਜ੍ਯਾਯਾੑ ਏ॒ਵੈਨਾੑਨਿ ਸ਼ੁਨ੍ਧਤਿ । ਤ੍ਰਿਃ ਪ੍ਰੋਕ੍षੑਤਿ । ਤ੍ਰ੍ਯਾੑਵृ॒ਦ੍ਧਿ ਯ॒ਜ੍ਞਃ । ਅਥੋੑ ਮੇਦ੍ਧ੍ਯ॒ਤ੍ਵਾਯੑ । ਅਵੑਧੂਤ॒ਗ੍ਂ॒ ਰਕ੍षੋ-ऽਵੑਧੂਤਾ॒ ਅਰਾੑਤਯ॒ ਇਤ੍ਯਾੑਹ ।
ਰਕ੍षੑਸਾ॒-ਮਪੑਹਤ੍ਯੈ । ਅਦਿੑਤ੍ਯਾ॒ਸ੍ਤ੍ਵਗ॒ਸੀਤ੍ਯਾੑਹ । ਇ॒ਯਂ-ਵਾਁ ਅਦਿੑਤਿਃ ॥ 39 ॥
ਅ॒ਸ੍ਯਾ ਏ॒ਵੈਨ॒-ਤ੍ਤ੍ਵਚੑ-ਙ੍ਕਰੋਤਿ । ਪ੍ਰਤਿੑ ਤ੍ਵਾ ਪृਥਿ॒ਵੀ ਵੇ॒ਤ੍ਤ੍ਵਿਤ੍ਯਾੑਹ॒ ਪ੍ਰਤਿੑष੍ਠਿਤ੍ਯੈ ॥ ਪੁ॒ਰਸ੍ਤਾ᳚-ਤ੍ਪ੍ਰਤੀ॒ਚੀਨੑਗ੍ਰੀਵ॒-ਮੁਤ੍ਤੑਰਲੋ॒ਮੋਪੑਸ੍ਤृਣਾਤਿ ਮੇਦ੍ਧ੍ਯ॒ਤ੍ਵਾਯੑ ।
ਤਸ੍ਮਾ᳚-ਤ੍ਪੁ॒ਰਸ੍ਤਾ᳚-ਤ੍ਪ੍ਰ॒ਤ੍ਯਞ੍ਚਃੑ ਪ॒ਸ਼ਵੋ॒ ਮੇਧ॒ਮੁਪੑਤਿष੍ਠਨ੍ਤੇ । ਤਸ੍ਮਾ᳚-ਤ੍ਪ੍ਰ॒ਜਾ ਮृ॒ਗ-ਙ੍ਗ੍ਰਾਹੁੑਕਾਃ । ਯ॒ਜ੍ਞੋ ਦੇ॒ਵੇਭ੍ਯੋ॒ ਨਿਲਾੑਯਤ ।
ਕृष੍ਣੋੑ ਰੂ॒ਪ-ਙ੍ਕृ॒ਤ੍ਵਾ । ਯ-ਤ੍ਕृੑष੍ਣਾਜਿ॒ਨੇ ਹ॒ਵਿਰੑਦ੍ਧ੍ਯਵ॒ਹਨ੍ਤਿੑ । ਯ॒ਜ੍ਞਾਦੇ॒ਵ-ਤ-ਦ੍ਯ॒ਜ੍ਞ-ਮ੍ਪ੍ਰਯੁੑਙ੍ਕ੍ਤੇ । ਹ॒ਵਿषੋ-ऽਸ੍ਕੑਨ੍ਦਾਯ ॥ 40 ॥
ਅ॒ਧਿ॒षਵੑਣਮਸਿ ਵਾਨਸ੍ਪ॒ਤ੍ਯਮਿਤ੍ਯਾੑਹ । ਅ॒ਧਿ॒षਵੑਣ-ਮੇ॒ਵੈਨੑ-ਤ੍ਕਰੋਤਿ । ਪ੍ਰਤਿ॒ ਤ੍ਵਾ-ऽਦਿੑਤ੍ਯਾ॒ਸ੍ਤ੍ਵਗ੍ਵੇ॒ਤ੍ਤ੍ਵਿਤ੍ਯਾੑਹ ਸਯ॒ਤ੍ਵਾਯੑ ॥
ਅ॒ਗ੍ਨੇਸ੍ਤ॒ਨੂ-ਰ॒ਸੀਤ੍ਯਾੑਹ । ਅ॒ਗ੍ਨੇਰ੍ਵਾ ਏ॒षਾ ਤ॒ਨੂਃ ।
ਯਦੋषੑਧਯਃ । ਵਾ॒ਚੋ ਵਿ॒ਸਰ੍ਜੑਨ॒ਮਿਤ੍ਯਾੑਹ ।
ਯ॒ਦਾ ਹਿ ਪ੍ਰ॒ਜਾ ਓषੑਧੀਨਾ-ਮ॒ਸ਼੍ਨਨ੍ਤਿੑ । ਅਥ॒ ਵਾਚਂ॒-ਵਿਁਸृੑਜਨ੍ਤੇ । ਦੇ॒ਵਵੀੑਤਯੇ ਤ੍ਵਾ ਗृਹ੍ਣਾ॒ਮੀਤ੍ਯਾੑਹ ॥ 41 ॥
ਦੇ॒ਵਤਾੑਭਿਰੇ॒ਵੈਨ॒-ਥ੍ਸਮੑਰ੍ਧਯਤਿ ॥
ਅਦ੍ਰਿੑਰਸਿ ਵਾਨਸ੍ਪ॒ਤ੍ਯ ਇਤ੍ਯਾੑਹ । ਗ੍ਰਾਵਾੑਣ-ਮੇ॒ਵੈਨੑ-ਤ੍ਕਰੋਤਿ ।
ਸ ਇ॒ਦ-ਨ੍ਦੇ॒ਵੇਭ੍ਯੋੑ ਹ॒ਵ੍ਯਗ੍ਂ ਸੁ॒ਸ਼ਮਿੑ ਸ਼ਮਿ॒ष੍ਵੇਤ੍ਯਾੑਹ॒ ਸ਼ਾਨ੍ਤ੍ਯੈ᳚ ॥ ਹਵਿੑष੍ਕृ॒ਦੇਹੀਤ੍ਯਾੑਹ ।
ਯ ਏ॒ਵ ਦੇ॒ਵਾਨਾਗ੍ਂੑ ਹਵਿ॒ष੍ਕृਤਃੑ । ਤਾਨ੍. ਹ੍ਵੑਯਤਿ ।
ਤ੍ਰਿਰ੍ਹ੍ਵੑਯਤਿ । ਤ੍ਰਿषੑਤ੍ਯਾ॒ ਹਿ ਦੇ॒ਵਾਃ ॥ ਇष॒ਮਾ ਵ॒ਦੋਰ੍ਜ॒ਮਾ ਵ॒ਦੇਤ੍ਯਾੑਹ ॥ 42 ॥
ਇषੑਮੇ॒ਵੋਰ੍ਜਂ॒-ਯਁਜੑਮਾਨੇ ਦਧਾਤਿ ।
ਦ੍ਯੁ॒ਮਦ੍ਵੑਦਤ ਵ॒ਯਗ੍ਂ ਸੑਘਾ॒ਨ੍ਤ-ਞ੍ਜੇ॒ष੍ਮੇਤ੍ਯਾੑਹ॒ ਭ੍ਰਾਤृੑਵ੍ਯਾਭਿਭੂਤ੍ਯੈ ॥ ਮਨੋ᳚-ਸ਼੍ਸ਼੍ਰ॒ਦ੍ਧਾਦੇੑਵਸ੍ਯ॒ ਯਜੑਮਾਨਸ੍ਯਾਸੁਰ॒ਘ੍ਨੀ ਵਾਕ੍ । ਯ॒ਜ੍ਞਾ॒ਯੁ॒ਧੇषੁ॒ ਪ੍ਰਵਿੑष੍ਟਾ-ऽऽਸੀਤ੍ । ਤੇ-ऽਸੁੑਰਾ॒ ਯਾਵੑਨ੍ਤੋ ਯਜ੍ਞਾਯੁ॒ਧਾਨਾੑਮੁ॒ਦ੍ਵਦੑਤਾ-ਮੁ॒ਪਾਸ਼ृੑਣ੍ਵਨ੍ਨ੍ ।
ਤੇ ਪਰਾੑ-ऽਭਵਨ੍ਨ੍ । ਤਸ੍ਮਾ॒-ਥ੍ਸ੍ਵਾਨਾ॒-ਮ੍ਮਦ੍ਧ੍ਯੇੑ-ऽਵ॒ਸਾਯੑ ਯਜੇਤ । ਯਾਵੑਨ੍ਤੋ-ऽਸ੍ਯ॒ ਭ੍ਰਾਤृੑਵ੍ਯਾ ਯਜ੍ਞਾਯੁ॒ਧਾਨਾੑ-ਮੁ॒ਦ੍ਵਦੑਤਾ-ਮੁਪਸ਼ृ॒ਣ੍ਵਨ੍ਤਿੑ । ਤੇ ਪਰਾੑ ਭਵਨ੍ਤਿ ।
ਉ॒ਚ੍ਚੈ-ਸ੍ਸ॒ਮਾਹੑਨ੍ਤ॒ਵਾ ਆੑਹ॒ ਵਿਜਿੑਤ੍ਯੈ ॥ 43 ॥
ਵृ॒ਙ੍ਕ੍ਤ ਏੑषਾਮਿਨ੍ਦ੍ਰਿ॒ਯਂ-ਵੀਁ॒ਰ੍ਯ᳚ਮ੍ । ਸ਼੍ਰੇष੍ਠੑ ਏषਾ-ਮ੍ਭਵਤਿ ॥ ਵ॒ਰ੍॒ष ਵृੑਦ੍ਧਮਸਿ॒ ਪ੍ਰਤਿੑ ਤ੍ਵਾ ਵ॒ਰ੍॒षਵृੑਦ੍ਧਂ-ਵੇਁ॒ਤ੍ਤ੍ਵਿਤ੍ਯਾੑਹ ।
ਵ॒ਰ੍॒षਵृੑਦ੍ਧਾ॒ ਵਾ ਓषੑਧਯਃ ।
ਵ॒ਰ੍॒षਵृੑਦ੍ਧਾ ਇ॒षੀਕਾ॒-ਸ੍ਸਮृੑਦ੍ਧ੍ਯੈ ।
ਯ॒ਜ੍ਞਗ੍ਂ ਰਕ੍षਾ॒ਗ੍॒ਸ੍ਯਨੁ॒ ਪ੍ਰਾਵਿੑਸ਼ਨ੍ਨ੍ ।
ਤਾਨ੍ਯ॒ਸ੍ਨਾ ਪ॒ਸ਼ੁਭ੍ਯੋੑ ਨਿ॒ਰਵਾੑਦਯਨ੍ਤ ।
ਤੁषੈ॒ਰੋषੑਧੀਭ੍ਯਃ ॥ ਪਰਾੑਪੂਤ॒ਗ੍ਂ॒ ਰਕ੍षਃ॒ ਪਰਾੑਪੂਤਾ॒ ਅਰਾੑਤਯ॒ ਇਤ੍ਯਾੑਹ ।
ਰਕ੍षੑਸਾ॒ਮਪੑਹਤ੍ਯੈ ॥ 44 ॥
ਰਕ੍षੑਸਾ-ਮ੍ਭਾ॒ਗੋੑ-ऽਸੀਤ੍ਯਾੑਹ । ਤੁषੈੑਰੇ॒ਵ ਰਕ੍षਾਗ੍ਂੑਸਿ ਨਿ॒ਰਵੑਦਯਤੇ । ਅ॒ਪ ਉਪੑਸ੍ਪृਸ਼ਤਿ ਮੇਦ੍ਧ੍ਯ॒ਤ੍ਵਾਯੑ । ਵਾ॒ਯੁਰ੍ਵੋ॒ ਵਿ ਵਿੑਨ॒ਕ੍ਤ੍ਵਿਤ੍ਯਾੑਹ । ਪ॒ਵਿਤ੍ਰਂ॒-ਵੈਁ ਵਾ॒ਯੁਃ । ਪੁ॒ਨਾਤ੍ਯੇ॒ਵੈਨਾਨ੍ੑ । ਅ॒ਨ੍ਤਰਿੑਕ੍षਾਦਿਵ॒ ਵਾ ਏ॒ਤੇ ਪ੍ਰਸ੍ਕੑਨ੍ਦਨ੍ਤਿ । ਯੇ ਸ਼ੂਰ੍ਪਾ᳚ਤ੍ । ਦੇ॒ਵੋ ਵਃੑ ਸਵਿ॒ਤਾ ਹਿਰੑਣ੍ਯਪਾਣਿਃ॒ ਪ੍ਰਤਿੑਗृਹ੍ਣਾ॒ਤ੍ਵਿਤ੍ਯਾੑਹ॒ ਪ੍ਰਤਿੑष੍ਠਿਤ੍ਯੈ ।
ਹ॒ਵਿषੋ-ऽਸ੍ਕੑਨ੍ਦਾਯ । ਤ੍ਰਿष੍ਫ॒ਲੀਕੑਰ੍ਤ॒ਵਾ ਆੑਹ । ਤ੍ਰ੍ਯਾੑਵृ॒ਦ੍ਧਿ ਯ॒ਜ੍ਞਃ । ਅਥੋੑ ਮੇਦ੍ਧ੍ਯ॒ਤ੍ਵਾਯੑ ॥ 45 ॥
(ਦ੍ਵਾਭ੍ਯਾ॒ਮੁ-ਤ੍ਪੁੑਨਾਤਿ - ਰ॒ਸ਼੍ਮਯੋੑ - ਨਯ॒ਨ੍ਤ੍ਯਗ੍ਰੇੑ ਯ॒ਜ੍ਞਪੑਤਿਂ - ਁਯ॒ਜ੍ਞੋ - ऽਦਿੑਤਿ॒ - ਰਸ੍ਕੑਨ੍ਦਾਯ - ਗृਹ੍ਣਾ॒ਮੀਤ੍ਯਾੑਹ - ਵ॒ਦੇਤ੍ਯਾੑਹ॒ - ਵਿਜਿੑਤ੍ਯਾ॒ - ਅਪੑਹਤ੍ਯਾ॒ - ਅਸ੍ਕੑਨ੍ਦਾਯ॒ ਤ੍ਰੀਣਿੑ ਚ) (ਅ. 5)
ਅਨੁਵਾਕਂ 6 - ਤਣ੍ਡੁਲਪੇषਣਮ੍
ਅਵੑਧੂਤ॒ਗ੍ਂ॒ ਰਕ੍षੋ-ऽਵੑਧੂਤਾ॒ ਅਰਾੑਤਯ॒ ਇਤ੍ਯਾੑਹ । ਰਕ੍षੑਸਾ॒ਮਪੑਹਤ੍ਯੈ । ਅਦਿੑਤ੍ਯਾ॒ਸ੍ਤ੍ਵਗ॒ਸੀਤ੍ਯਾੑਹ । ਇ॒ਯਂ-ਵਾਁ ਅਦਿੑਤਿਃ । ਅ॒ਸ੍ਯਾ ਏ॒ਵੈਨ॒-ਤ੍ਤ੍ਵਚੑ-ਙ੍ਕਰੋਤਿ । ਪ੍ਰਤਿੑ ਤ੍ਵਾ ਪृਥਿ॒ਵੀ ਵੇ॒ਤ੍ਤ੍ਵਿਤ੍ਯਾੑਹ॒ ਪ੍ਰਤਿੑष੍ਠਿਤ੍ਯੈ ।
ਪੁ॒ਰਸ੍ਤਾ᳚-ਤ੍ਪ੍ਰਤੀ॒ਚੀਨੑਗ੍ਰੀਵ॒-ਮੁਤ੍ਤੑਰਲੋ॒ਮੋਪੑਸ੍ਤृਣਾਤਿ ਮੇਦ੍ਧ੍ਯ॒ਤ੍ਵਾਯੑ । ਤਸ੍ਮਾ᳚-ਤ੍ਪੁ॒ਰਸ੍ਤਾ᳚-ਤ੍ਪ੍ਰ॒ਤ੍ਯਞ੍ਚਃੑ ਪ॒ਸ਼ਵੋ॒ ਮੇਧ॒ਮੁਪੑਤਿष੍ਠਨ੍ਤੇ । ਤਸ੍ਮਾ᳚-ਤ੍ਪ੍ਰ॒ਜਾ ਮृ॒ਗ-ਙ੍ਗ੍ਰਾਹੁੑਕਾਃ । ਯ॒ਜ੍ਞੋ ਦੇ॒ਵੇਭ੍ਯੋ॒ ਨਿਲਾੑਯਤ ॥ 46 ॥
ਕृष੍ਣੋੑ ਰੂ॒ਪ-ਙ੍ਕृ॒ਤ੍ਵਾ । ਯ-ਤ੍ਕृੑष੍ਣਾਜਿ॒ਨੇ ਹ॒ਵਿਰੑਧਿਪਿ॒ਨष੍ਟਿੑ । ਯ॒ਜ੍ਞਾਦੇ॒ਵ ਤ-ਦ੍ਯ॒ਜ੍ਞ-ਮ੍ਪ੍ਰਯੁੑਙ੍ਕ੍ਤੇ । ਹ॒ਵਿषੋ-ऽਸ੍ਕੑਨ੍ਦਾਯ ॥ ਦ੍ਯਾਵਾੑਪृਥਿ॒ਵੀ ਸ॒ਹਾਸ੍ਤਾ᳚ਮ੍ । ਤੇ ਸ਼ੑਮ੍ਯਾਮਾ॒ਤ੍ਰਮੇਕ॒ਮਹ॒ਰ੍ਵ੍ਯੈਤਾਗ੍ਂੑ ਸ਼ਮ੍ਯਾਮਾ॒ਤ੍ਰਮੇਕ॒ਮਹਃੑ ॥ ਦਿ॒ਵ-ਸ੍ਸ੍ਕੑਮ੍ਭ॒ਨਿਰੑਸਿ॒ ਪ੍ਰਤਿ॒ ਤ੍ਵਾ ऽਦਿੑਤ੍ਯਾ॒ਸ੍ਤ੍ਵਗ੍ਵੇ॒ਤ੍ਤ੍ਵਿਤ੍ਯਾੑਹ ।
ਦ੍ਯਾਵਾੑਪृਥਿ॒ਵ੍ਯੋ-ਰ੍ਵੀਤ੍ਯੈ᳚ । ਧਿ॒षਣਾੑ-ऽਸਿ ਪਰ੍ਵ॒ਤ੍ਯਾ
ਪ੍ਰਤਿੑ ਤ੍ਵਾ ਦਿ॒ਵ-ਸ੍ਸ੍ਕੑਮ੍ਭ॒ਨਿਰ੍ਵੇ॒ਤ੍ਤ੍ਵਿਤ੍ਯਾੑਹ ।
ਦ੍ਯਾਵਾੑਪृਥਿ॒ਵ੍ਯੋ-ਰ੍ਵਿਧृੑਤ੍ਯੈ ॥ 47 ॥
ਧਿ॒षਣਾੑ-ऽਸਿ ਪਾਰ੍ਵਤੇ॒ਯੀ ਪ੍ਰਤਿੑ ਤ੍ਵਾ ਪਰ੍ਵ॒ਤਿਰ੍ਵੇ॒ਤ੍ਤ੍ਵਿਤ੍ਯਾੑਹ । ਦ੍ਯਾਵਾੑਪृਥਿ॒ਵ੍ਯੋਰ੍ਧृਤ੍ਯੈ᳚ ॥ ਦੇ॒ਵਸ੍ਯੑ ਤ੍ਵਾ ਸਵਿ॒ਤੁਃ ਪ੍ਰੑਸ॒ਵ ਇਤ੍ਯਾੑਹ॒ ਪ੍ਰਸੂ᳚ਤ੍ਯੈ । ਅ॒ਸ਼੍ਵਿਨੋ᳚-ਰ੍ਬਾ॒ਹੁਭ੍ਯਾ॒ਮਿਤ੍ਯਾੑਹ । ਅ॒ਸ਼੍ਵਿਨੌ॒ ਹਿ ਦੇ॒ਵਾਨਾੑਮਦ੍ਧ੍ਵ॒ਰ੍ਯੂ ਆਸ੍ਤਾ᳚ਮ੍ । ਪੂ॒ष੍ਣੋ ਹਸ੍ਤਾ᳚ਭ੍ਯਾ॒ਮਿਤ੍ਯਾੑਹ॒ ਯਤ੍ਯੈ᳚ ।
ਅਧਿੑਵਪਾ॒ਮੀਤ੍ਯਾੑਹ । ਯ॒ਥਾ॒ਦੇ॒ਵ॒ਤ-ਮੇ॒ਵੈਨਾ॒ਨਧਿੑ ਵਪਤਿ ॥ ਧਾ॒ਨ੍ਯੑਮਸਿ ਧਿਨੁ॒ਹਿ ਦੇ॒ਵਾਨਿਤ੍ਯਾੑਹ । ਏ॒ਤਸ੍ਯ॒ ਯਜੁੑषੋ ਵੀ॒ਰ੍ਯੇੑਣ ॥ 48 ॥
ਯਾਵ॒ਦੇਕਾੑ ਦੇ॒ਵਤਾੑ ਕਾ॒ਮਯੑਤੇ॒ ਯਾਵ॒ਦੇਕਾ᳚ । ਤਾਵ॒ਦਾਹੁੑਤਿਃ ਪ੍ਰਥਤੇ । ਨ ਹਿ ਤਦਸ੍ਤਿੑ । ਯਤ੍ਤਾਵੑਦੇ॒ਵ ਸ੍ਯਾਤ੍ । ਯਾਵੑਜ੍ਜੁ॒ਹੋਤਿੑ ॥ ਪ੍ਰਾ॒ਣਾਯੑ ਤ੍ਵਾ-ऽਪਾ॒ਨਾਯ॒ ਤ੍ਵੇਤ੍ਯਾੑਹ । ਪ੍ਰਾ॒ਣਾਨੇ॒ਵ ਯਜੑਮਾਨੇ ਦਧਾਤਿ । ਦੀ॒ਰ੍ਘਾਮਨੁ॒ ਪ੍ਰਸਿੑਤਿ॒ਮਾਯੁੑषੇ ਧਾ॒ਮਿਤ੍ਯਾੑਹ । ਆਯੁੑਰੇ॒ਵਾਸ੍ਮਿੑ-ਨ੍ਦਧਾਤਿ ।
ਅ॒ਨ੍ਤਰਿੑਕ੍षਾਦਿਵ॒ ਵਾ ਏ॒ਤਾਨਿ॒ ਪ੍ਰਸ੍ਕੑਨ੍ਦਨ੍ਤਿ । ਯਾਨਿੑ ਦृ॒षਦਃੑ । ਦੇ॒ਵੋ ਵਃੑ ਸਵਿ॒ਤਾ ਹਿਰੑਣ੍ਯਪਾਣਿਃ॒ ਪ੍ਰਤਿੑ ਗृਹ੍ਣਾ॒ਤ੍ਵਿਤ੍ਯਾੑਹ॒ ਪ੍ਰਤਿੑष੍ਠਿਤ੍ਯੈ । ਹ॒ਵਿषੋ-ऽਸ੍ਕੑਨ੍ਦਾਯ ॥
ਅਸਂੑਵਁਪਨ੍ਤੀ ਪਿਗ੍ਂੑषਾ॒ਣੂਨਿੑ ਕੁਰੁਤਾ॒ਦਿਤ੍ਯਾੑਹ ਮੇਦ੍ਧ੍ਯ॒ਤ੍ਵਾਯੑ ॥ 49 ॥
(ਨਿਲਾੑਯਤ॒ - ਵਿਧृੑਤ੍ਯੈ - ਵੀ॒ਰ੍ਯੇੑਣ - ਸ੍ਕਨ੍ਦਨ੍ਤਿ ਚ॒ਤ੍ਵਾਰਿੑ ਚ ) (ਅ. 6)
ਅਨੁਵਾਕਂ 7 - ਕਪਾਲੋਪਧਾਨਮ੍
ਧृष੍ਟਿੑਰਸਿ॒ ਬ੍ਰਹ੍ਮੑ ਯ॒ਚ੍ਛੇਤ੍ਯਾੑਹ॒ ਧृਤ੍ਯੈ᳚ ॥
ਅਪਾ᳚ਗ੍ਨੇ॒ ऽਗ੍ਨਿਮਾ॒ਮਾਦੑ-ਞ੍ਜਹਿ॒ ਨਿष੍ਕ੍ਰ॒ਵ੍ਯਾਦਗ੍ਂੑ
ਸੇ॒ਧਾ ਦੇੑਵ॒ਯਜਂੑ-ਵਁ॒ਹੇਤ੍ਯਾੑਹ ।
ਯ ਏ॒ਵਾਮਾਤ੍ਕ੍ਰ॒ਵ੍ਯਾਤ੍ । ਤਮੑਪ॒ਹਤ੍ਯੑ । ਮੇਦ੍ਧ੍ਯੇ॒-ऽਗ੍ਨੌ ਕ॒ਪਾਲ॒ਮੁਪੑਦਧਾਤਿ ॥ ਨਿਰ੍ਦੑਗ੍ਧ॒ਗ੍ਂ॒ ਰਕ੍षੋ॒ ਨਿਰ੍ਦੑਗ੍ਧਾ॒ ਅਰਾੑਤਯ॒ ਇਤ੍ਯਾੑਹ । ਰਕ੍षਾਗ੍ੑਸ੍ਯੇ॒ਵ
ਨਿਰ੍ਦੑਹਤਿ । ਅ॒ਗ੍ਨਿ॒ਵਤ੍ਯੁਪੑਦਧਾਤਿ । ਅ॒ਸ੍ਮਿਨ੍ਨੇ॒ਵ ਲੋ॒ਕੇ ਜ੍ਯੋਤਿੑਰ੍ਧਤ੍ਤੇ । ਅਙ੍ਗਾੑਰ॒ਮਧਿੑ-ਵਰ੍ਤਯਤਿ ॥ 50 ॥
ਅ॒ਨ੍ਤਰਿੑਕ੍ष ਏ॒ਵ ਜ੍ਯੋਤਿੑਰ੍ਧਤ੍ਤੇ ।
ਆ॒ਦਿ॒ਤ੍ਯਮੇ॒ਵਾਮੁष੍ਮਿੑਨ੍ ਁਲੋ॒ਕੇ ਜ੍ਯੋਤਿੑਰ੍ਧਤ੍ਤੇ ।
ਜ੍ਯੋਤਿੑष੍ਮਨ੍ਤੋ-ऽਸ੍ਮਾ ਇ॒ਮੇ ਲੋ॒ਕਾ ਭੑਵਨ੍ਤਿ ।
ਯ ਏ॒ਵਂ-ਵੇਁਦੑ ॥ ਧ੍ਰੁ॒ਵਮੑਸਿ ਪृਥਿ॒ਵੀ-ਨ੍ਦृ॒ਗ੍ਂ॒ਹੇਤ੍ਯਾੑਹ । ਪृ॒ਥਿ॒ਵੀਮੇ॒ਵੈਤੇਨੑ ਦृਗ੍ਂਹਤਿ ।
ਧ॒ਰ੍ਤ੍ਰਮੑਸ੍ਯ॒ਨ੍ਤਰਿੑਕ੍ष-ਨ੍ਦृ॒ਗ੍ਂ॒ਹੇਤ੍ਯਾੑਹ । ਅ॒ਨ੍ਤਰਿੑਕ੍षਮੇ॒ਵੈਤੇਨੑ ਦृਗ੍ਂਹਤਿ ।
ਧ॒ਰੁਣੑਮਸਿ॒ ਦਿਵੑ-ਨ੍ਦृ॒ਗ੍ਂ॒ਹੇਤ੍ਯਾੑਹ । ਦਿਵੑਮੇ॒ਵੈਤੇਨੑ ਦृਗ੍ਂਹਤਿ ॥ 51 ॥
ਧਰ੍ਮਾੑਸਿ॒ ਦਿਸ਼ੋੑ ਦृ॒ਗ੍ਂ॒ਹੇਤ੍ਯਾੑਹ ।
ਦਿਸ਼ੑ ਏ॒ਵੈਤੇਨੑ ਦृਗ੍ਂਹਤਿ । ਇ॒ਮਾਨੇ॒ਵੈਤੈ-ਰ੍ਲੋ॒ਕਾ-ਨ੍ਦृਗ੍ਂੑਹਤਿ । ਦृਗ੍ਂ ਹੑਨ੍ਤੇ-ऽਸ੍ਮਾ ਇ॒ਮੇ ਲੋ॒ਕਾਃ ਪ੍ਰ॒ਜਯਾੑ ਪ॒ਸ਼ੁਭਿਃੑ । ਯ ਏ॒ਵਂ-ਵੇਁਦੑ ॥ ਤ੍ਰੀਣ੍ਯਗ੍ਰੇੑ ਕ॒ਪਾਲਾ॒ਨ੍ਯੁਪੑਦਧਾਤਿ । ਤ੍ਰਯੑ ਇ॒ਮੇ ਲੋ॒ਕਾਃ ।
ਏ॒षਾਂ-ਲੋਁ॒ਕਾਨਾ॒ਮਾਪ੍ਤ੍ਯੈ᳚ ।
ਏਕ॒ਮਗ੍ਰੇੑ ਕ॒ਪਾਲ॒ਮੁਪੑਦਧਾਤਿ ।
ਏਕਂ॒-ਵਾਁ ਅਗ੍ਰੇੑ ਕ॒ਪਾਲ॒-ਮ੍ਪੁਰੁੑषਸ੍ਯ ਸ॒ਭਂਵਁੑਤਿ ॥ 52 ॥
ਅਥ॒ ਦ੍ਵੇ । ਅਥ॒ ਤ੍ਰੀਣਿੑ । ਅਥੑ ਚ॒ਤ੍ਵਾਰਿੑ । ਅਥਾ॒ष੍ਟੌ ।
ਤਸ੍ਮਾੑਦ॒ष੍ਟਾਕੑਪਾਲ॒-ਮ੍ਪੁਰੁੑषਸ੍ਯ॒ ਸ਼ਿਰਃੑ ।
ਯਦੇ॒ਵ-ਙ੍ਕ॒ਪਾਲਾ᳚ਨ੍ਯੁਪ॒ ਦਧਾੑਤਿ । ਯ॒ਜ੍ਞੋ ਵੈ ਪ੍ਰ॒ਜਾਪੑਤਿਃ । ਯ॒ਜ੍ਞਮੇ॒ਵ ਪ੍ਰ॒ਜਾਪੑਤਿ॒ਗ੍ਂ॒ ਸਗ੍ਗ੍ਸ੍ਕੑਰੋਤਿ ।
ਆ॒ਤ੍ਮਾਨੑਮੇ॒ਵ ਤ-ਥ੍ਸਗ੍ਗ੍ਸ੍ਕੑਰੋਤਿ । ਤਗ੍ਂ ਸਗ੍ਗ੍ਸ੍ਕृੑਤਮਾ॒ਤ੍ਮਾਨ᳚ਮ੍ ॥ 53 ॥
ਅ॒ਮੁष੍ਮਿੑਨ੍ ਁਲੋ॒ਕੇ-ऽਨੁ॒ਪਰੈੑਤਿ ॥ ਯਦ॒ष੍ਟਾਵੁੑਪ॒ ਦਧਾੑਤਿ । ਗਾ॒ਯ॒ਤ੍ਰਿ॒ਯਾ ਤ-ਥ੍ਸਮ੍ਮਿੑਤਮ੍ । ਯਨ੍ਨਵੑ । ਤ੍ਰਿ॒ਵृਤਾ॒ ਤਤ੍ । ਯ-ਦ੍ਦਸ਼ੑ । ਵਿ॒ਰਾਜਾ॒ ਤਤ੍ । ਯਦੇਕਾੑਦਸ਼ । ਤ੍ਰਿ॒ष੍ਟੁਭਾ॒ ਤਤ੍ । ਯਦ੍ਦ੍ਵਾਦੑਸ਼ ॥ 54 ॥
ਜਗੑਤ੍ਯਾ॒ ਤਤ੍ । ਛਨ੍ਦਃੑ ਸਮ੍ਮਿਤਾਨਿ॒ ਸ ਉੑਪ॒ਦਧੑ-ਤ੍ਕ॒ਪਾਲਾੑਨਿ । ਇ॒ਮਾਨ੍ ਁਲੋ॒ਕਾਨੑਨੁਪੂ॒ਰ੍ਵ-ਨ੍ਦਿਸ਼ੋ॒ ਵਿਧृੑਤ੍ਯੈ ਦृਗ੍ਂਹਤਿ । ਅਥਾਯੁਃੑ ਪ੍ਰਾ॒ਣਾ-ਨ੍ਪ੍ਰ॒ਜਾ-ਮ੍ਪ॒ਸ਼ੂਨ੍. ਯਜੑਮਾਨੇ ਦਧਾਤਿ । ਸ॒ਜਾ॒ਤਾਨੑਸ੍ਮਾ ਅ॒ਭਿਤੋੑ ਬਹੁ॒ਲਾਨ੍ ਕੑਰੋਤਿ ॥
ਚਿਤ॒-ਸ੍ਸ੍ਥੇਤ੍ਯਾੑਹ । ਯ॒ਥਾ॒ ਯ॒ਜੁਰੇ॒ਵੈਤਤ੍ ॥
ਭृਗੂੑਣਾ॒ਮਙ੍ਗਿੑਰਸਾ॒-ਨ੍ਤਪੑਸਾ ਤਪ੍ਯਦ੍ਧ੍ਵ॒ਮਿਤ੍ਯਾੑਹ ।
ਦੇ॒ਵਤਾੑਨਾ-ਮੇ॒ਵੈਨਾੑਨਿ॒ ਤਪੑਸਾ ਤਪਤਿ । ਤਾਨਿ॒ ਤਤ॒-ਸ੍ਸਗ੍ਗ੍ਸ੍ਥਿੑਤੇ । ਯਾਨਿੑ ਘ॒ਰ੍ਮੇ ਕ॒ਪਾਲਾ᳚ਨ੍ ਯੁਪਚਿ॒ਨ੍ਵਨ੍ਤਿੑ ਵੇ॒ਧਸ॒ ਇਤਿ॒ ਚਤੁੑष੍ਪਦਯ॒ਰ੍ਚਾ ਵਿਮੁੑਞ੍ਚਤਿ । ਚਤੁੑष੍ਪਾਦਃ ਪ॒ਸ਼ਵਃੑ । ਪ॒ਸ਼ੁष੍ਵੇ॒ਵੋਪਰਿੑष੍ਟਾ॒-ਤ੍ਪ੍ਰਤਿੑਤਿष੍ਠਤਿ ॥ 55 ॥
(ਵ॒ਰ੍ਤ॒ਯ॒ਤਿ॒ - ਦਿਵੑਮੇ॒ਵੈਤੇਨੑ ਦृਗ੍ਂਹਤਿ - ਸ॒ਮ੍ਭਵੑਤਿ॒ - ਤਗ੍ਂ ਸਗ੍ਗ੍ਸ੍ਕृੑਤਮਾ॒ਤ੍ਮਾਨਂ॒ - ਦ੍ਵਾਦੑਸ਼॒ - ਸਗ੍ਗ੍ਸ੍ਥਿੑਤੇ॒ ਤ੍ਰੀਣਿੑ ਚ) (ਅ. 7)
ਅਨੁਵਾਕਂ 8 - ਪੁਰੋਡਾਸ਼ਾਨਿष੍ਪਾਦਨਮ੍
ਦੇ॒ਵਸ੍ਯੑ ਤ੍ਵਾ ਸਵਿ॒ਤੁਃ ਪ੍ਰੑਸ॒ਵ ਇਤ੍ਯਾੑਹ॒ ਪ੍ਰਸੂ᳚ਤ੍ਯੈ । ਅ॒ਸ਼੍ਵਿਨੋ᳚-ਰ੍ਬਾ॒ਹੁਭ੍ਯਾ॒ਮਿਤ੍ਯਾੑਹ ।
ਅ॒ਸ਼੍ਵਿਨੌ॒ ਹਿ ਦੇ॒ਵਾਨਾੑਮਦ੍ਧ੍ਵ॒ਰ੍ਯੂ ਆਸ੍ਤਾ᳚ਮ੍ ।
ਪੂ॒ष੍ਣੋ ਹਸ੍ਤਾ᳚ਭ੍ਯਾ॒ਮਿਤ੍ਯਾੑਹ॒ ਯਤ੍ਯੈ᳚ ।
ਸਂਵਁੑਪਾ॒ਮੀਤ੍ਯਾੑਹ । ਯ॒ਥਾ॒ ਦੇ॒ਵ॒ਤਮੇ॒ਵੈਨਾੑਨਿ॒ ਸਂਵਁੑਪਤਿ ॥ ਸਮਾਪੋੑ ਅ॒ਦ੍ਭਿਰੑਗ੍ਮਤ॒ ਸਮੋषੑਧਯੋ॒ ਰਸੇ॒ਨੇਤ੍ਯਾੑਹ । ਆਪੋ॒ ਵਾ ਓषੑਧੀ-ਰ੍ਜਿਨ੍ਵਨ੍ਤਿ । ਓषੑਧਯੋ॒-ऽਪੋ ਜਿੑਨ੍ਵਨ੍ਤਿ ।
ਅ॒ਨ੍ਯਾ ਵਾ ਏ॒ਤਾਸਾੑਮ॒ਨ੍ਯਾ ਜਿੑਨ੍ਵਨ੍ਤਿ ॥ 56 ॥
ਤਸ੍ਮਾੑਦੇ॒ਵਮਾੑਹ । ਸਗ੍ਂ ਰੇ॒ਵਤੀ॒-ਰ੍ਜਗੑਤੀਭਿ॒-ਰ੍ਮਧੁੑਮਤੀ॒-ਰ੍ਮਧੁੑਮਤੀਭਿ-ਸ੍ਸृਜ੍ਯਦ੍ਧ੍ਵ॒ਮਿਤ੍ਯਾੑਹ ।
ਆਪੋ॒ ਵੈ ਰੇ॒ਵਤੀਃ᳚ । ਪ॒ਸ਼ਵੋ॒ ਜਗੑਤੀਃ । ਓषੑਧਯੋ॒ ਮਧੁੑਮਤੀਃ । ਆਪ॒ ਓषੑਧੀਃ ਪ॒ਸ਼ੂਨ੍ । ਤਾਨੇ॒ਵਾਸ੍ਮਾੑ ਏਕ॒ਧਾ ਸ॒ਗ੍ਂ॒ਸृਜ੍ਯੑ । ਮਧੁੑਮਤਃ ਕਰੋਤਿ ।
ਅ॒ਦ੍ਭ੍ਯਃ ਪਰਿ॒ ਪ੍ਰਜਾੑਤਾ-ਸ੍ਸ੍ਥ॒ ਸਮ॒ਦ੍ਭਿਃ ਪृੑਚ੍ਯਦ੍ਧ੍ਵ॒ਮਿਤਿੑ ਪ॒ਰ੍ਯਾਪ੍ਲਾੑਵਯਤਿ ।
ਯਥਾ॒ ਸੁਵृੑष੍ਟ ਇ॒ਮਾਮੑਨੁ ਵਿ॒ਸृਤ੍ਯੑ ॥ 57 ॥
ਆਪ॒ ਓषੑਧੀਰ੍ਮ॒ਹਯੑਨ੍ਤਿ । ਤਾ॒ਦृਗੇ॒ਵ ਤਤ੍ ॥
ਜਨੑਯਤ੍ਯੈ ਤ੍ਵਾ॒ ਸਂਯੌਁ॒ਮੀਤ੍ਯਾੑਹ । ਪ੍ਰ॒ਜਾ ਏ॒ਵੈਤੇਨੑ ਦਾਧਾਰ । ਅ॒ਗ੍ਨਯੇ᳚ ਤ੍ਵਾ॒-ऽਗ੍ਨੀषੋਮਾ᳚ਭ੍ਯਾ॒ਮਿਤ੍ਯਾੑਹ॒ ਵ੍ਯਾਵृੑਤ੍ਤ੍ਯੈ । ਮ॒ਖਸ੍ਯ॒ ਸ਼ਿਰੋ॒-ऽਸੀਤ੍ਯਾੑਹ ।
ਯ॒ਜ੍ਞੋ ਵੈ ਮ॒ਖਃ । ਤਸ੍ਯੈ॒ਤਚ੍ਛਿਰਃੑ । ਯ-ਤ੍ਪੁੑਰੋ॒ਡਾਸ਼ਃੑ । ਤਸ੍ਮਾੑਦੇ॒ਵਮਾੑਹ ॥ 58 ॥
ਘ॒ਰ੍ਮੋੑ-ऽਸਿ ਵਿ॒ਸ਼੍ਵਾਯੁ॒ਰਿਤ੍ਯਾੑਹ । ਵਿਸ਼੍ਵੑਮੇ॒ਵਾਯੁ॒-ਰ੍ਯਜੑਮਾਨੇ ਦਧਾਤਿ । ਉ॒ਰੁ ਪ੍ਰੑਥਸ੍ਵੋ॒ਰੁ ਤੇੑ ਯ॒ਜ੍ਞਪੑਤਿਃ ਪ੍ਰਥਤਾ॒ਮਿਤ੍ਯਾੑਹ । ਯਜੑਮਾਨਮੇ॒ਵ ਪ੍ਰ॒ਜਯਾੑ ਪ॒ਸ਼ੁਭਿਃੑ ਪ੍ਰਥਯਤਿ । ਤ੍ਵਚੑ-ਙ੍ਗृਹ੍ਣੀ॒ष੍ਵੇਤ੍ਯਾੑਹ ।
ਸਰ੍ਵੑਮੇ॒ਵੈਨ॒ਗ੍ਂ॒ ਸਤੑਨੁ-ਙ੍ਕਰੋਤਿ । ਅਥਾ॒ਪ ਆ॒ਨੀਯ॒ ਪਰਿੑ ਮਾਰ੍ष੍ਟਿ । ਮਾ॒ਗ੍ਂ॒ਸ ਏ॒ਵ ਤ-ਤ੍ਤ੍ਵਚੑ-ਨ੍ਦਧਾਤਿ । ਤਸ੍ਮਾ᳚-ਤ੍ਤ੍ਵ॒ਚਾ ਮਾ॒ਗ੍ਂ॒ਸ-ਞ੍ਛ॒ਨ੍ਨਮ੍ ॥
ਘ॒ਰ੍ਮੋ ਵਾ ਏ॒षੋ-ऽਸ਼ਾ᳚ਨ੍ਤਃ ॥ 59 ॥
ਅ॒ਰ੍ਧ॒ਮਾ॒ਸੇ᳚-ऽਰ੍ਧਮਾਸੇ॒ ਪ੍ਰਵृੑਜ੍ਯਤੇ । ਯ-ਤ੍ਪੁੑਰੋ॒ਡਾਸ਼ਃੑ । ਸ ਈ᳚ਸ਼੍ਵ॒ਰੋ ਯਜੑਮਾਨਗ੍ਂ ਸ਼ੁ॒ਚਾ ਪ੍ਰ॒ਦਹਃੑ । ਪਰ੍ਯੑਗ੍ਨਿ ਕਰੋਤਿ । ਪ॒ਸ਼ੁਮੇ॒ਵੈਨੑਮਕਃ । ਸ਼ਾਨ੍ਤ੍ਯਾ॒ ਅਪ੍ਰੑਦਾਹਾਯ । ਤ੍ਰਿਃ ਪਰ੍ਯੑਗ੍ਨਿ ਕਰੋਤਿ ।
ਤ੍ਰ੍ਯਾੑਵृ॒ਦ੍ਧਿ ਯ॒ਜ੍ਞਃ । ਅਥੋ॒ ਰਕ੍षੑਸਾ॒ਮਪੑਹਤ੍ਯੈ ॥
ਅ॒ਨ੍ਤਰਿੑਤ॒ਗ੍ਂ॒ ਰਕ੍षੋ॒-ऽਨ੍ਤਰਿੑਤਾ॒ ਅਰਾੑਤਯ॒ ਇਤ੍ਯਾੑਹ ॥ 60 ॥
ਰਕ੍षੑਸਾ-ਮ॒ਨ੍ਤਰ੍ਹਿੑਤ੍ਯੈ । ਪੁ॒ਰੋ॒ਡਾਸ਼ਂ॒-ਵਾਁ ਅਧਿੑਸ਼੍ਰਿਤ॒ਗ੍ਂ॒ ਰਕ੍षਾਗ੍ੑਸ੍ਯਜਿਘਾਗ੍ਂਸਨ੍ਨ੍ ।
ਦਿ॒ਵਿ ਨਾਕੋ॒ ਨਾਮਾ॒ਗ੍ਨੀ ਰੑਕ੍षੋ॒ਹਾ । ਸ ਏ॒ਵਾਸ੍ਮਾ॒-ਦ੍ਰਕ੍षਾ॒ਗ੍॒ਸ੍ਯਪਾੑਹਨ੍ਨ੍ । ਦੇ॒ਵਸ੍ਤ੍ਵਾੑ ਸਵਿ॒ਤਾ ਸ਼੍ਰੑਪਯ॒ਤ੍ਵਿਤ੍ਯਾੑਹ । ਸ॒ਵਿ॒ਤृਪ੍ਰੑਸੂਤ ਏ॒ਵੈਨਗ੍ਗ੍ੑ ਸ਼੍ਰਪਯਤਿ । ਵਰ੍षਿੑष੍ਠੇ॒ ਅਧਿ॒ ਨਾਕ॒ ਇਤ੍ਯਾੑਹ । ਰਕ੍षੑਸਾ॒ਮਪੑਹਤ੍ਯੈ । ਅ॒ਗ੍ਨਿਸ੍ਤੇੑ ਤ॒ਨੁਵ॒-ਮ੍ਮਾ-ऽਤਿੑ ਧਾ॒ਗਿਤ੍ਯਾ॒ਹਾਨੑਤਿਦਾਹਾਯ । ਅਗ੍ਨੇੑ ਹ॒ਵ੍ਯਗ੍ਂ ਰੑਕ੍ष॒ਸ੍ਵੇਤ੍ਯਾੑਹ॒ ਗੁਪ੍ਤ੍ਯੈ᳚ ॥ 61 ॥
ਅਵਿੑਦਹਨ੍ਤ-ਸ਼੍ਸ਼੍ਰਪਯ॒ਤੇਤਿ॒ ਵਾਚਂ॒-ਵਿਁਸृੑਜਤੇ ।
ਯ॒ਜ੍ਞਮੇ॒ਵ ਹ॒ਵੀਗ੍ष੍ਯੑਭਿ-ਵ੍ਯਾ॒ਹृਤ੍ਯ॒ ਪ੍ਰਤੑਨੁਤੇ ।
ਪੁ॒ਰੋ॒ਰੁਚ॒ਮਵਿੑਦਾਹਾਯ॒ ਸ਼ृਤ੍ਯੈੑ ਕਰੋਤਿ ॥ ਮ॒ਸ੍ਤਿष੍ਕੋ॒ ਵੈ ਪੁੑਰੋ॒ਡਾਸ਼ਃੑ । ਤਂ-ਯਁਨ੍ਨਾਭਿੑਵਾ॒ਸਯੇ᳚ਤ੍ । ਆ॒ਵਿਰ੍ਮ॒ਸ੍ਤਿष੍ਕਃੑ ਸ੍ਯਾਤ੍ । ਅ॒ਭਿਵਾੑਸਯਤਿ ।
ਤਸ੍ਮਾ॒-ਦ੍ਗੁਹਾੑ ਮ॒ਸ੍ਤਿष੍ਕਃੑ । ਭਸ੍ਮੑਨਾ॒-ऽਭਿ ਵਾੑਸਯਤਿ ।
ਤਸ੍ਮਾ᳚-ਨ੍ਮਾ॒ਗ੍ਂ॒ਸੇਨਾਸ੍ਥਿੑ ਛ॒ਨ੍ਨਮ੍ ॥ 62 ॥
ਵੇ॒ਦੇਨਾ॒ਭਿ ਵਾੑਸਯਤਿ । ਤਸ੍ਮਾ॒-ਤ੍ਕੇਸ਼ੈ॒-ਸ਼੍ਸ਼ਿਰਃੑ ਛ॒ਨ੍ਨਮ੍ ।
ਅਖੑਲਤਿਭਾਵੁਕੋ ਭਵਤਿ । ਯ ਏ॒ਵਂ-ਵੇਁਦੑ ॥ ਪ॒ਸ਼ੋਰ੍ਵੈ ਪ੍ਰੑਤਿ॒ਮਾ ਪੁੑਰੋ॒ਡਾਸ਼ਃੑ । ਸ ਨਾਯ॒ਜੁष੍ਕੑ-ਮਭਿ॒ਵਾਸ੍ਯਃੑ । ਵृਥੇੑਵ ਸ੍ਯਾਤ੍ । ਈ॒ਸ਼੍ਵ॒ਰਾ ਯਜੑਮਾਨਸ੍ਯ ਪ॒ਸ਼ਵਃ॒ ਪ੍ਰਮੇੑਤੋਃ ॥ ਸ-ਮ੍ਬ੍ਰਹ੍ਮੑਣਾ ਪृਚ੍ਯ॒ਸ੍ਵੇਤ੍ਯਾੑਹ । ਪ੍ਰਾ॒ਣਾ ਵੈ ਬ੍ਰਹ੍ਮੑ ॥ 63 ॥
ਪ੍ਰਾ॒ਣਾਃ ਪ॒ਸ਼ਵਃੑ । ਪ੍ਰਾ॒ਣੈਰੇ॒ਵ ਪ॒ਸ਼ੂਨ੍ਥ੍
ਸਮ੍ਪृੑਣਕ੍ਤਿ । ਨ ਪ੍ਰ॒ਮਾਯੁੑਕਾ ਭਵਨ੍ਤਿ । ਯਜੑਮਾਨੋ॒ ਵੈ ਪੁੑਰੋ॒ਡਾਸ਼ਃੑ । ਪ੍ਰ॒ਜਾ ਪ॒ਸ਼ਵਃ॒ ਪੁਰੀੑषਮ੍ ।
ਯਦੇ॒ਵਮੑਭਿ ਵਾ॒ਸਯੑਤਿ । ਯਜੑਮਾਨਮੇ॒ਵ ਪ੍ਰ॒ਜਯਾੑ ਪ॒ਸ਼ੁਭਿ॒-ਸ੍ਸਮੑਰ੍ਧਯਤਿ ॥ ਦੇ॒ਵਾ ਵੈ ਹ॒ਵਿ-ਰ੍ਭृ॒ਤ੍ਵਾ-ऽਬ੍ਰੁੑਵਨ੍ਨ੍ । ਕਸ੍ਮਿੑਨ੍ਨਿ॒ਦ-ਮ੍ਮ੍ਰੑਕ੍ष੍ਯਾਮਹ॒ ਇਤਿੑ ।
ਸੋ᳚-ऽਗ੍ਨਿਰੑਬ੍ਰਵੀਤ੍ ॥ 64 ॥
ਮਯਿੑ ਤ॒ਨੂ-ਸ੍ਸਨ੍ਨਿਧੑਦ੍ਧ੍ਵਮ੍ । ਅ॒ਹਂ-ਵਁ॒ਸ੍ਤ-ਞ੍ਜੑਨਯਿष੍ਯਾਮਿ । ਯਸ੍ਮਿੑ-ਨ੍ਮ੍ਰ॒ਕ੍ष੍ਯਦ੍ਧ੍ਵ॒ ਇਤਿੑ । ਤੇ ਦੇ॒ਵਾ ਅ॒ਗ੍ਨੌ ਤ॒ਨੂ-ਸ੍ਸ-ਨ੍ਨ੍ਯੑਦਧਤ । ਤਸ੍ਮਾੑਦਾਹੁਃ ।
ਅ॒ਗ੍ਨਿ-ਸ੍ਸਰ੍ਵਾੑ ਦੇ॒ਵਤਾ॒ ਇਤਿੑ । ਸੋ-ऽਙ੍ਗਾੑਰੇਣਾ॒ਪਃ ।
ਅ॒ਭ੍ਯੑਪਾਤਯਤ੍ । ਤਤੑ ਏਕ॒ਤੋੑ-ऽਜਾਯਤ ।
ਸ ਦ੍ਵਿ॒ਤੀਯੑਮ॒ਭ੍ਯੑਪਾਤਯਤ੍ ॥ 65 ॥
ਤਤੋ᳚ ਦ੍ਵਿ॒ਤੋੑ-ऽਜਾਯਤ । ਸ ਤृ॒ਤੀਯੑ-ਮ॒ਭ੍ਯੑਪਾਤਯਤ੍ ।
ਤਤੑ-ਸ੍ਤ੍ਰਿ॒ਤੋੑ-ऽਜਾਯਤ । ਯਦ॒ਦ੍ਭ੍ਯੋ-ऽਜਾੑਯਨ੍ਤ । ਤਦਾ॒ਪ੍ਯਾਨਾੑਮਾਪ੍ਯ॒ਤ੍ਵਮ੍ । ਯਦਾ॒ਤ੍ਮਭ੍ਯੋ ऽਜਾੑਯਨ੍ਤ ।
ਤਦਾ॒ਤ੍ਮ੍ਯਾਨਾੑ-ਮਾਤ੍ਮ੍ਯ॒ਤ੍ਵਮ੍ ॥ ਤੇ ਦੇ॒ਵਾ ਆ॒ਪ੍ਯੇष੍ਵੑਮृਜਤ । ਆ॒ਪ੍ਯਾ ਅੑਮृਜਤ॒ ਸੂਰ੍ਯਾ᳚ਭ੍ਯੁਦਿਤੇ । ਸੂਰ੍ਯਾ᳚ਭ੍ਯੁਦਿਤ॒-ਸ੍ਸੂਰ੍ਯਾੑਭਿਨਿਮ੍ਰੁਕ੍ਤੇ ॥ 66 ॥
ਸੂਰ੍ਯਾੑਭਿਨਿਮ੍ਰੁਕ੍ਤਃ ਕੁਨ॒ਖਿਨਿੑ । ਕੁ॒ਨ॒ਖੀ ਸ਼੍ਯਾ॒ਵਦੑਤਿ । ਸ਼੍ਯਾ॒ਵਦੑਨ੍ਨਗ੍ਰਦਿਧਿ॒षੌ । ਅ॒ਗ੍ਰ॒ਦਿ॒ਧਿ॒षੁਃ ਪੑਰਿਵਿ॒ਤ੍ਤੇ । ਪ॒ਰਿ॒ਵਿ॒ਤ੍ਤੋ ਵੀੑਰ॒ਹਣਿੑ । ਵੀ॒ਰ॒ਹਾ ਬ੍ਰੑਹ੍ਮ॒ਹਣਿੑ ।
ਤਦ੍ਬ੍ਰੑਹ੍ਮ॒ਹਣ॒-ਨ੍ਨਾਤ੍ਯੑਚ੍ਯਵਤ । ਅ॒ਨ੍ਤ॒ਰ੍ਵੇ॒ਦਿ ਨਿਨੑਯ॒ਤ੍ਯਵੑਰੁਦ੍ਧ੍ਯੈ । ਉਲ੍ਮੁੑਕੇਨਾ॒ਭਿ ਗृੑਹ੍ਣਾਤਿ ਸ਼ृਤ॒ਤ੍ਵਾਯੑ । ਸ਼ृ॒ਤਕਾੑਮਾ ਇਵ॒ ਹਿ ਦੇ॒ਵਾਃ ॥ 67 ॥
(ਅ॒ਨ੍ਯਾ ਜਿੑਨ੍ਵਨ੍-ਤ੍ਯਨੁਵਿ॒ਸृਤ੍ਯੈ॒-ਵਮਾ॒-ਹਾਸ਼ਾ᳚ਨ੍ਤ-ਆਹ॒-ਗੁਪ੍ਤ੍ਯੈੑ-ਛ॒ਨ੍ਨਂ - ਬ੍ਰਹ੍ਮਾ᳚-ਬ੍ਰਵੀ-ਦ੍ਦ੍ਵਿ॒ਤੀਯੑਮ॒ਭ੍ਯੑਪਾਤਯ॒-ਥ੍ਸੂਰ੍ਯਾੑਭਿਨਿਮ੍ਰੁਕ੍ਤੇ-ਦੇ॒ਵਾਃ) (ਅ. 8)
ਅਨੁਵਾਕਂ 9 - ਵੇਦਿਕਰਣਮ੍
ਦੇ॒ਵਸ੍ਯੑ ਤ੍ਵਾ ਸਵਿ॒ਤੁਃ ਪ੍ਰੑਸ॒ਵ ਇਤਿ॒ ਸ੍ਫ੍ਯਮਾਦੑਤ੍ਤੇ॒ ਪ੍ਰਸੂ᳚ਤ੍ਯੈ । ਅ॒ਸ਼੍ਵਿਨੋ᳚-ਰ੍ਬਾ॒ਹੁਭ੍ਯਾ॒ਮਿਤ੍ਯਾੑਹ । ਅ॒ਸ਼੍ਵਿਨੌ॒ ਹਿ ਦੇ॒ਵਾਨਾੑਮਦ੍ਧ੍ਵ॒ਰ੍ਯੂ ਆਸ੍ਤਾ᳚ਮ੍ । ਪੂ॒ष੍ਣੋ ਹਸ੍ਤਾ᳚ਭ੍ਯਾ॒ਮਿਤ੍ਯਾੑਹ॒ ਯਤ੍ਯੈ᳚ ॥ ਆਦੑਦ॒ ਇਨ੍ਦ੍ਰੑਸ੍ਯ ਬਾ॒ਹੁਰੑਸਿ॒ ਦਕ੍षਿੑਣ॒ ਇਤ੍ਯਾੑਹ । ਇ॒ਨ੍ਦ੍ਰਿ॒ਯਮੇ॒ਵ ਯਜੑਮਾਨੇ ਦਧਾਤਿ । ਸ॒ਹਸ੍ਰੑਭृष੍ਟਿ-ਸ਼੍ਸ਼॒ਤਤੇੑਜਾ॒ ਇਤ੍ਯਾੑਹ ।
ਰੂ॒ਪਮੇ॒ਵਾਸ੍ਯੈ॒ਤ-ਨ੍ਮੑਹਿ॒ਮਾਨਂ॒-ਵ੍ਯਾਁਚੑष੍ਟੇ ॥
ਵਾ॒ਯੁਰੑਸਿ ਤਿ॒ਗ੍ਮਤੇੑਜਾ॒ ਇਤ੍ਯਾੑਹ । ਤੇਜੋ॒ ਵੈ ਵਾ॒ਯੁਃ ॥ 68 ॥
ਤੇਜੑ ਏ॒ਵਾਸ੍ਮਿੑ-ਨ੍ਦਧਾਤਿ ॥ ਵਿ॒षਾਦ੍ਵੈ ਨਾਮਾੑਸੁ॒ਰ ਆੑਸੀਤ੍ । ਸੋੑ-ऽਬਿਭੇਤ੍ । ਯ॒ਜ੍ਞੇਨੑ ਮਾ ਦੇ॒ਵਾ ਅ॒ਭਿਭੑਵਿष੍ਯ॒ਨ੍ਤੀਤਿੑ । ਸ ਪृੑਥਿ॒ਵੀਮ॒ਭ੍ਯੑਵਮੀਤ੍ । ਸਾ ऽਮੇ॒ਦ੍ਧ੍ਯਾ ऽਭੑਵਤ੍ । ਅਥੋ॒ ਯਦਿਨ੍ਦ੍ਰੋੑ ਵृ॒ਤ੍ਰਮਹਨ੍ਨ੍ੑ । ਤਸ੍ਯ॒ ਲੋਹਿੑਤ-ਮ੍ਪृਥਿ॒ਵੀਮਨੁ॒ ਵ੍ਯੑਧਾਵਤ੍ । ਸਾ ऽਮੇ॒ਦ੍ਧ੍ਯਾ ऽਭੑਵਤ੍ ।
ਪृਥਿੑਵਿ ਦੇਵਯਜ॒ਨੀਤ੍ਯਾੑਹ ॥ 69 ॥
ਮੇਦ੍ਧ੍ਯਾੑਮੇ॒ਵੈਨਾ᳚-ਨ੍ਦੇਵ॒ਯਜੑਨੀ-ਙ੍ਕਰੋਤਿ ।
ਓषੑਦ੍ਧ੍ਯਾਸ੍ਤੇ॒ ਮੂਲ॒-ਮ੍ਮਾ ਹਿਗ੍ਂੑਸਿष॒ਮਿਤ੍ਯਾੑਹ । ਓषੑਧੀਨਾ॒-ਮਹਿਗ੍ਂੑਸਾਯੈ ॥ ਵ੍ਰ॒ਜ-ਙ੍ਗੑਚ੍ਛ ਗੋ॒ਸ੍ਥਾਨ॒ਮਿਤ੍ਯਾੑਹ । ਛਨ੍ਦਾਗ੍ਂੑਸਿ॒ ਵੈ ਵ੍ਰ॒ਜੋ ਗੋ॒ਸ੍ਥਾਨਃੑ । ਛਨ੍ਦਾਗ੍ੑਸ੍ਯੇ॒ਵਾਸ੍ਮੈ᳚ ਵ੍ਰ॒ਜ-ਙ੍ਗੋ॒ਸ੍ਥਾਨੑ-ਙ੍ਕਰੋਤਿ ॥ ਵਰ੍षੑਤੁ ਤੇ॒ ਦ੍ਯੌਰਿਤ੍ਯਾੑਹ ।
ਵृष੍ਟਿ॒ਰ੍ਵੈ ਦ੍ਯੌਃ । ਵृष੍ਟਿੑਮੇ॒ਵਾਵੑਰੁਨ੍ਧੇ ॥
ਬ॒ਧਾ॒ਨ ਦੇੑਵ ਸਵਿਤਃ ਪਰ॒ਮਸ੍ਯਾ᳚-ਮ੍ਪਰਾ॒ਵਤੀਤ੍ਯਾੑਹ ॥ 70 ॥
ਦ੍ਵੌ ਵਾਵ ਪੁਰੁੑषੌ । ਯ-ਞ੍ਚੈ॒ਵ ਦ੍ਵੇष੍ਟਿੑ । ਯਸ਼੍ਚੈੑਨ॒-ਨ੍ਦ੍ਵੇष੍ਟਿੑ । ਤਾਵੁ॒ਭੌ ਬੑਦ੍ਧ੍ਨਾਤਿ ਪਰ॒ਮਸ੍ਯਾ᳚-ਮ੍ਪਰਾ॒ਵਤਿੑ ਸ਼॒ਤੇਨ॒ ਪਾਸ਼ੈਃ᳚ । ਯੋ᳚-ऽਸ੍ਮਾ-ਨ੍ਦ੍ਵੇष੍ਟਿ॒ ਯ-ਞ੍ਚੑ ਵ॒ਯ-ਨ੍ਦ੍ਵਿ॒ष੍ਮਸ੍ਤਮਤੋ॒ ਮਾ ਮੌ॒ਗਿਤ੍ਯਾ॒ਹਾਨਿੑਮ੍ਰੁਕ੍ਤ੍ਯੈ ॥
ਅ॒ਰਰੁ॒ਰ੍ਵੈ ਨਾਮਾੑਸੁ॒ਰ ਆੑਸੀਤ੍ ।
ਸ ਪृੑਥਿ॒ਵ੍ਯਾਮੁਪੑਮ੍ਲੁਪ੍ਤੋ-ऽਸ਼ਯਤ੍ ।
ਤ-ਨ੍ਦੇ॒ਵਾ ਅਪੑਹਤੋ॒-ऽਰਰੁਃੑ ਪृਥਿ॒ਵ੍ਯਾ ਇਤਿੑ ਪृਥਿ॒ਵ੍ਯਾ ਅਪਾ᳚ਘ੍ਨਨ੍ਨ੍ । ਭ੍ਰਾਤृੑਵ੍ਯੋ॒ ਵਾ ਅ॒ਰਰੁਃੑ । ਅਪੑਹਤੋ॒-ऽਰਰੁਃੑ ਪृਥਿ॒ਵ੍ਯਾ ਇਤਿ॒ ਯਦਾਹੑ ॥ 71 ॥
ਭ੍ਰਾਤृੑਵ੍ਯਮੇ॒ਵ ਪृੑਥਿ॒ਵ੍ਯਾ ਅਪੑਹਨ੍ਤਿ । ਤੇੑ-ऽਮਨ੍ਯਨ੍ਤ ।
ਦਿਵਂ॒-ਵਾਁ ਅ॒ਯਮਿ॒ਤਃ ਪੑਤਿष੍ਯ॒ਤੀਤਿੑ ।
ਤਮ॒ਰਰੁੑਸ੍ਤੇ॒ ਦਿਵ॒-ਮ੍ਮਾ ਸ੍ਕਾ॒ਨਿਤਿੑ ਦਿ॒ਵਃ ਪਰ੍ਯੑਬਾਧਨ੍ਤ । ਭ੍ਰਾਤृੑਵ੍ਯੋ॒ ਵਾ ਅ॒ਰਰੁਃੑ । ਅ॒ਰਰੁੑਸ੍ਤੇ॒ ਦਿਵ॒-ਮ੍ਮਾ ਸ੍ਕਾ॒ਨਿਤਿ॒ ਯਦਾਹੑ । ਭ੍ਰਾਤृੑਵ੍ਯਮੇ॒ਵ ਦਿ॒ਵਃ ਪਰਿੑਬਾਧਤੇ ।
ਸ੍ਤ॒ਮ੍ਬ॒ ਯ॒ਜੁਰ੍-ਹੑਰਤਿ । ਪृ॒ਥਿ॒ਵ੍ਯਾ ਏ॒ਵ ਭ੍ਰਾਤृੑਵ੍ਯ॒-ਮਪੑਹਨ੍ਤਿ । ਦ੍ਵਿ॒ਤੀਯਗ੍ਂੑ ਹਰਤਿ ॥ 72 ॥
ਅ॒ਨ੍ਤਰਿੑਕ੍षਾਦੇ॒ਵੈਨ॒-ਮਪੑਹਨ੍ਤਿ । ਤृ॒ਤੀਯਗ੍ਂੑ ਹਰਤਿ । ਦਿ॒ਵ ਏ॒ਵੈਨ॒-ਮਪੑਹਨ੍ਤਿ । ਤੂ॒ष੍ਣੀ-ਞ੍ਚੑਤੁ॒ਰ੍ਥਗ੍ਂ ਹੑਰਤਿ । ਅਪੑਰਿਮਿਤਾਦੇ॒ਵੈਨ॒-ਮਪੑਹਨ੍ਤਿ ॥ ਅਸੁੑਰਾਣਾਂ॒-ਵਾਁ ਇ॒ਯਮਗ੍ਰੑ ਆਸੀਤ੍ । ਯਾਵ॒ਦਾਸੀੑਨਃ ਪਰਾ॒ ਪਸ਼੍ਯੑਤਿ ।
ਤਾਵੑ-ਦ੍ਦੇ॒ਵਾਨਾ᳚ਮ੍ । ਤੇ ਦੇ॒ਵਾ ਅੑਬ੍ਰੁਵਨ੍ਨ੍ ।
ਅਸ੍ਤ੍ਵੇ॒ਵ ਨੋ॒-ऽਸ੍ਯਾਮਪੀਤਿੑ ॥ 73 ॥
ਕ੍ਯੑਨ੍ਨੋ ਦਾਸ੍ਯ॒ਥੇਤਿੑ । ਯਾਵੑਥ੍ਸ੍ਵ॒ਯ-ਮ੍ਪੑਰਿਗृਹ੍ਣੀ॒ਥੇਤਿੑ ।
ਤੇ ਵਸੑਵ॒ਸ੍ਤ੍ਵੇਤਿੑ ਦਕ੍षਿਣ॒ਤਃ ਪਰ੍ਯੑਗृਹ੍ਣਨ੍ਨ੍ । ਰੁ॒ਦ੍ਰਾਸ੍ਤ੍ਵੇਤਿੑ ਪ॒ਸ਼੍ਚਾਤ੍ । ਆ॒ਦਿ॒ਤ੍ਯਾ-ਸ੍ਤ੍ਵੇਤ੍ਯੁੑਤ੍ਤਰ॒ਤਃ । ਤੇ᳚-ऽਗ੍ਨਿਨਾ॒ ਪ੍ਰਾਞ੍ਚੋੑ-ऽਜਯਨ੍ਨ੍ । ਵਸੁੑਭਿ-ਰ੍ਦਕ੍षਿ॒ਣਾ ।
ਰੁ॒ਦ੍ਰੈਃ ਪ੍ਰ॒ਤ੍ਯਞ੍ਚਃੑ । ਆ॒ਦਿ॒ਤ੍ਯੈਰੁਦੑਞ੍ਚਃ ।
ਯਸ੍ਯੈ॒ਵਂ-ਵਿਁ॒ਦੁषੋ॒ ਵੇਦਿੑ-ਮ੍ਪਰਿ ਗृ॒ਹ੍ਣਨ੍ਤਿੑ ॥ 74 ॥
ਭਵੑਤ੍ਯਾ॒ਤ੍ਮਨਾ᳚ । ਪਰਾ᳚-ऽਸ੍ਯ॒ ਭ੍ਰਾਤृੑਵ੍ਯੋ ਭਵਤਿ ॥
ਦੇ॒ਵਸ੍ਯੑ ਸਵਿ॒ਤੁ-ਸ੍ਸ॒ਵ ਇਤ੍ਯਾੑਹ॒ ਪ੍ਰਸੂ᳚ਤ੍ਯੈ ।
ਕਰ੍ਮੑ ਕृਣ੍ਵਨ੍ਤਿ ਵੇ॒ਧਸ॒ ਇਤ੍ਯਾੑਹ । ਇ॒षਿ॒ਤਗ੍ਂ ਹਿ ਕਰ੍ਮੑ ਕ੍ਰਿ॒ਯਤੇ᳚ । ਪृ॒ਥਿ॒ਵ੍ਯੈ ਮੇਦ੍ਧ੍ਯੑ-ਞ੍ਚਾਮੇ॒ਦ੍ਧ੍ਯ-ਞ੍ਚ॒ ਵ੍ਯੁਦੑਕ੍ਰਾਮਤਾਮ੍ । ਪ੍ਰਾ॒ਚੀਨੑ-ਮੁਦੀ॒ਚੀਨ॒-ਮ੍ਮੇਦ੍ਧ੍ਯ᳚ਮ੍ । ਪ੍ਰ॒ਤੀ॒ਚੀਨੑ-ਨ੍ਦਕ੍षਿ॒ਣਾ ऽਮੇ॒ਦ੍ਧ੍ਯਮ੍ ।
ਪ੍ਰਾਚੀ॒ਮੁਦੀੑਚੀ-ਮ੍ਪ੍ਰਵ॒ਣਾ-ਙ੍ਕੑਰੋਤਿ ।
ਮੇਦ੍ਧ੍ਯਾੑਮੇ॒ਵੈਨਾ᳚-ਨ੍ਦੇਵ॒ਯਜੑਨੀ-ਙ੍ਕਰੋਤਿ ॥ 75 ॥
ਪ੍ਰਾਞ੍ਚੌੑ ਵੇਦ੍ਯ॒ਗ੍ਂ॒ ਸਾਵੁਨ੍ਨੑਯਤਿ । ਆ॒ਹ॒ਵ॒ਨੀਯੑਸ੍ਯ॒ ਪਰਿੑਗृਹੀਤ੍ਯੈ । ਪ੍ਰ॒ਤੀਚੀ॒ ਸ਼੍ਰੋਣੀ᳚ । ਗਾਰ੍ਹੑਪਤ੍ਯਸ੍ਯ॒ ਪਰਿੑਗृਹੀਤ੍ਯੈ । ਅਥੋੑ ਮਿਥੁਨ॒ਤ੍ਵਾਯੑ । ਉਦ੍ਧੑਨ੍ਤਿ । ਯਦੇ॒ਵਾਸ੍ਯਾੑ ਅਮੇ॒ਦ੍ਧ੍ਯਮ੍ । ਤਦਪੑਹਨ੍ਤਿ । ਉਦ੍ਧੑਨ੍ਤਿ ।
ਤਸ੍ਮਾ॒ਦੋषੑਧਯਃ॒ ਪਰਾੑਭਵਨ੍ਤਿ ॥ 76 ॥
ਮੂਲੑ-ਞ੍ਛਿਨਤ੍ਤਿ । ਭ੍ਰਾਤृੑਵ੍ਯਸ੍ਯੈ॒ਵ ਮੂਲੑ-ਞ੍ਛਿਨਤ੍ਤਿ ।
ਮੂਲਂ॒-ਵਾਁ ਅੑਤਿ॒ਤਿष੍ਠ॒-ਦ੍ਰਕ੍षਾ॒ਗ੍॒ਸ੍ਯਨੂ-ਤ੍ਪਿੑਪਤੇ । ਯਦ੍ਧਸ੍ਤੇੑਨ ਛਿ॒ਨ੍ਦ੍ਯਾਤ੍ । ਕੁ॒ਨ॒ਖਿਨੀਃ᳚ ਪ੍ਰ॒ਜਾ-ਸ੍ਸ੍ਯੁਃੑ । ਸ੍ਫ੍ਯੇਨੑ ਛਿਨਤ੍ਤਿ । ਵਜ੍ਰੋ॒ ਵੈ ਸ੍ਫ੍ਯਃ ।
ਵਜ੍ਰੇੑਣੈ॒ਵ ਯ॒ਜ੍ਞਾ-ਦ੍ਰਕ੍षਾ॒ਗ੍॒ਸ੍ਯਪੑਹਨ੍ਤਿ । ਪਿ॒ਤृ॒ਦੇ॒ਵ॒ਤ੍ਯਾ ऽਤਿੑਖਾਤਾ । ਇਯੑਤੀ-ਙ੍ਖਨਤਿ ॥ 77 ॥
ਪ੍ਰ॒ਜਾਪੑਤਿਨਾ ਯਜ੍ਞਮੁ॒ਖੇਨ॒ ਸਮ੍ਮਿੑਤਾਮ੍ ॥ ਵੇਦਿੑਰ੍ਦੇ॒ਵੇਭ੍ਯੋ॒ ਨਿਲਾੑਯਤ । ਤਾ-ਞ੍ਚੑਤੁਰਙ੍ਗੁ॒ਲੇ ऽਨ੍ਵੑਵਿਨ੍ਦਨ੍ਨ੍ । ਤਸ੍ਮਾ᳚ਚ੍ਚਤੁਰਙ੍ਗੁ॒ਲ-ਙ੍ਖੇਯਾ᳚ ।
ਚ॒ਤੁ॒ਰਙ੍ਗੁ॒ਲ-ਙ੍ਖੑਨਤਿ । ਚ॒ਤੁ॒ਰ॒ਙ੍ਗੁ॒ਲੇ ਹ੍ਯੋषੑਧਯਃ ਪ੍ਰਤਿ॒ਤਿष੍ਠੑਨ੍ਤਿ ।
ਆਪ੍ਰੑਤਿ॒ष੍ਠਾਯੈੑ ਖਨਤਿ । ਯਜੑਮਾਨਮੇ॒ਵ ਪ੍ਰੑਤਿ॒ष੍ਠਾ-ਙ੍ਗੑਮਯਤਿ । ਦ॒ਕ੍षਿ॒ਣ॒ਤੋ ਵਰ੍षੀੑਯਸੀ-ਙ੍ਕਰੋਤਿ ।
ਦੇ॒ਵ॒ਯਜੑਨਸ੍ਯੈ॒ਵ ਰੂ॒ਪਮੑਕਃ ॥ 78 ॥
ਪੁਰੀੑषਵਤੀ-ਙ੍ਕਰੋਤਿ । ਪ੍ਰ॒ਜਾ ਵੈ ਪ॒ਸ਼ਵਃ॒ ਪੁਰੀੑषਮ੍ ।
ਪ੍ਰ॒ਜਯੈ॒ਵੈਨੑ-ਮ੍ਪ॒ਸ਼ੁਭਿਃ॒ ਪੁਰੀੑषਵਨ੍ਤ-ਙ੍ਕਰੋਤਿ । ਉਤ੍ਤੑਰ-ਮ੍ਪਰਿਗ੍ਰਾ॒ਹ-ਮ੍ਪਰਿੑਗृਹ੍ਣਾਤਿ । ਏ॒ਤਾਵੑਤੀ॒ ਵੈ ਪृੑਥਿ॒ਵੀ । ਯਾਵੑਤੀ॒ ਵੇਦਿਃੑ । ਤਸ੍ਯਾੑ ਏ॒ਤਾਵੑਤ ਏ॒ਵ ਭ੍ਰਾਤृੑਵ੍ਯ-ਨ੍ਨਿ॒ਰ੍ਭਜ੍ਯੑ । ਆ॒ਤ੍ਮਨ॒ ਉਤ੍ਤੑਰ-ਮ੍ਪਰਿਗ੍ਰਾ॒ਹ-ਮ੍ਪਰਿੑਗृਹ੍ਣਾਤਿ ।
ऋ॒ਤ-ਮੑਸ੍ਯृਤ॒ਸਦੑਨ-ਮਸ੍ਯृਤ॒ਸ਼੍ਰੀਰ॒ਸੀਤ੍ਯਾੑਹ । ਯ॒ਥਾ॒ ਯ॒ਜੁਰੇ॒ਵੈ ਤਤ੍ ॥ 79 ॥
ਕ੍ਰੂ॒ਰਮਿੑਵ॒ ਵਾ ਏ॒ਤ-ਤ੍ਕੑਰੋਤਿ । ਯਦ੍ਵੇਦਿੑ-ਙ੍ਕ॒ਰੋਤਿੑ ।
ਧਾ ਅੑਸਿ ਸ੍ਵ॒ਧਾ ਅ॒ਸੀਤਿੑ ਯੋਯੁਪ੍ਯਤੇ॒ ਸ਼ਾਨ੍ਤ੍ਯੈ᳚ ।
ਉ॒ਰ੍ਵੀ ਚਾਸਿ॒ ਵਸ੍ਵੀੑ ਚਾ॒ਸੀਤ੍ਯਾੑਹ ।
ਉ॒ਰ੍ਵੀਮੇ॒ਵੈਨਾਂ॒-ਵਁਸ੍ਵੀ᳚-ਙ੍ਕਰੋਤਿ ।
ਪੁ॒ਰਾ ਕ੍ਰੂ॒ਰਸ੍ਯੑ ਵਿ॒ਸृਪੋੑ ਵਿਰਫ੍ਸ਼ਿ॒ਨ੍ਨਿਤ੍ਯਾੑਹ ਮੇਦ੍ਧ੍ਯ॒ਤ੍ਵਾਯੑ । ਉ॒ਦਾ॒ਦਾਯੑ ਪृਥਿ॒ਵੀ-ਞ੍ਜੀ॒ਰਦਾੑਨੁ॒ਰ੍ਯਾਮੈਰੑਯ-ਞ੍ਚ॒ਨ੍ਦ੍ਰਮੑਸਿ ਸ੍ਵ॒ਧਾਭਿ॒ਰਿਤ੍ਯਾੑਹ ।
ਯਦੇ॒ਵਾਸ੍ਯਾੑ ਅਮੇ॒ਦ੍ਧ੍ਯਮ੍ । ਤਦੑਪ॒ਹਤ੍ਯੑ ।
ਮੇਦ੍ਧ੍ਯਾ᳚-ਨ੍ਦੇਵ॒ਯਜੑਨੀ-ਙ੍ਕृ॒ਤ੍ਵਾ ॥ 80 ॥
ਯਦ॒ਦਸ਼੍ਚ॒ਨ੍ਦ੍ਰਮੑਸਿ॒ ਮੇਦ੍ਧ੍ਯ᳚ਮ੍ । ਤਦ॒ਸ੍ਯਾਮੇਰੑਯਤਿ ।
ਤਾ-ਨ੍ਧੀਰਾੑਸੋ ਅਨੁ॒ਦृਸ਼੍ਯੑ ਯਜਨ੍ਤ॒ ਇਤ੍ਯਾ॒ਹਾਨੁੑਖ੍ਯਾਤ੍ਯੈ ॥ ਪ੍ਰੋਕ੍षੑਣੀ॒ਰਾਸਾੑਦਯ । ਇ॒ਦ੍ਧ੍ਮਾਬ॒ਰ੍॒ਹਿ-ਰੁਪੑਸਾਦਯ । ਸ੍ਰੁ॒ਵ-ਞ੍ਚ॒ ਸ੍ਰੁਚੑਸ਼੍ਚ॒ ਸਮ੍ਮृੑਡ੍ਢਿ । ਪਤ੍ਨੀ॒ਗ੍ਂ॒ ਸਨ੍ਨੑਹ੍ਯ । ਆਜ੍ਯੇੑਨੋ॒ਦੇਹੀਤ੍ਯਾੑਹਾਨੁਪੂ॒ਰ੍ਵਤਾੑਯੈ । ਪ੍ਰੋਕ੍षੑਣੀ॒ਰਾਸਾੑਦਯਤਿ । ਆਪੋ॒ ਵੈ ਰੑਕ੍षੋ॒ਘ੍ਨੀਃ ॥ 81 ॥
ਰਕ੍षੑਸਾ॒ਮਪੑਹਤ੍ਯੈ । ਸ੍ਫ੍ਯਸ੍ਯ॒ ਵਰ੍ਤ੍ਮਨ੍᳚-ਥ੍ਸਾਦਯਤਿ । ਯ॒ਜ੍ਞਸ੍ਯ॒ ਸਨ੍ਤੑਤ੍ਯੈ । ਉ॒ਵਾਚ॒ ਹਾਸਿੑਤੋ ਦੈਵ॒ਲਃ । ਏ॒ਤਾਵੑਤੀ॒ਰ੍ਵਾ ਅ॒ਮੁष੍ਮਿੑਨ੍ ਁਲੋ॒ਕ ਆਪੑ ਆਸਨ੍ਨ੍ ।
ਯਾਵੑਤੀਃ॒ ਪ੍ਰੋਕ੍षੑਣੀ॒ਰਿਤਿੑ । ਤਸ੍ਮਾ᳚-ਦ੍ਬ॒ਹ੍ਵੀਰਾ॒ਸਾਦ੍ਯਾਃ᳚ । ਸ੍ਫ੍ਯਮੁ॒ਦਸ੍ਯਨ੍ਨ੍ੑ । ਯ-ਨ੍ਦ੍ਵਿ॒ष੍ਯਾਤ੍ਤ-ਨ੍ਧ੍ਯਾੑਯੇਤ੍ । ਸ਼ੁ॒ਚੈਵੈਨੑ-ਮਰ੍ਪਯਤਿ ॥ 82 ॥
(ਵੈ ਵਾ॒ਯੁ - ਰਾੑਹ - ਪਰਾ॒ਵਤੀਤ੍ਯਾ॒ਹਾ - ਹੑ - ਦ੍ਵਿ॒ਤੀਯਗ੍ਂੑ ਹਰ॒ - ਤੀਤਿੑ - ਪਰਿਗृ॒ਹ੍ਣਨ੍ਤਿੑ - ਦੇਵ॒ਯਜੑਨੀ-ਙ੍ਕਰੋਤਿ - ਭਵਨ੍ਤਿ - ਖਨਤ੍ਯ - ਕ - ਰੇ॒ਤਤ੍ - ਕृ॒ਤ੍ਵਾ - ਰੑਕ੍षੋ॒ਘ੍ਨੀ - ਰੑਰ੍ਪਯਤਿ) (ਅ. 9)
ਅਨੁਵਾਕਂ 10 - ਇਧ੍ਮਾਬਰ੍ਹਿ-ਸ੍ਸਾਦਨਮ੍
ਵਜ੍ਰੋ॒ ਵੈ ਸ੍ਫ੍ਯਃ । ਯਦ॒ਨ੍ਵਞ੍ਚੑ-ਨ੍ਧਾ॒ਰਯੇ᳚ਤ੍ । ਵਜ੍ਰੇ᳚-ऽਦ੍ਧ੍ਵ॒ਰ੍ਯੁਃ, ਕ੍षੑਣ੍ਵੀਤ । ਪੁ॒ਰਸ੍ਤਾ᳚-ਤ੍ਤਿ॒ਰ੍ਯਞ੍ਚੑ-ਨ੍ਧਾਰਯਤਿ । ਵਜ੍ਰੋ॒ ਵੈ ਸ੍ਫ੍ਯਃ । ਵਜ੍ਰੇੑਣੈ॒ਵ ਯ॒ਜ੍ਞਸ੍ਯੑ ਦਕ੍षਿਣ॒ਤੋ ਰਕ੍षਾ॒ਗ੍॒ਸ੍ਯਪੑਹਨ੍ਤਿ ।
ਅ॒ਗ੍ਨਿਭ੍ਯਾ॒-ਮ੍ਪ੍ਰਾਚੑਸ਼੍ਚ ਪ੍ਰ॒ਤੀਚੑਸ਼੍ਚ । ਸ੍ਫ੍ਯੇਨੋਦੀੑਚਸ਼੍ਚਾ-ਧ॒ਰਾਚੑਸ਼੍ਚ । ਸ੍ਫ੍ਯੇਨ॒ ਵਾ ਏ॒ष ਵਜ੍ਰੇੑਣਾ॒ਸ੍ਯੈ ਪਾ॒ਪ੍ਮਾਨ॒-ਮ੍ਭ੍ਰਾਤृੑਵ੍ਯ-ਮਪ॒ਹਤ੍ਯੑ ।
ਉ॒ਤ੍ਕ॒ਰੇ-ऽਧਿ॒ ਪ੍ਰਵृੑਸ਼੍ਚਤਿ ॥ 83 ॥
ਯਥੋੑਪ॒ਧਾਯੑ ਵृ॒ਸ਼੍ਚਨ੍ਤ੍ਯ॒ਵਮ੍ । ਹਸ੍ਤਾ॒ਵਵੑ ਨੇਨਿਕ੍ਤੇ । ਆ॒ਤ੍ਮਾਨੑਮੇ॒ਵ ਪੑਵਯਤੇ । ਸ੍ਫ੍ਯ-ਮ੍ਪ੍ਰਕ੍षਾੑਲਯਤਿ ਮੇਦ੍ਧ੍ਯ॒ਤ੍ਵਾਯੑ । ਅਥੋੑ ਪਾ॒ਪ੍ਮਨੑ ਏ॒ਵ ਭ੍ਰਾਤृੑਵ੍ਯਸ੍ਯ ਨ੍ਯ॒ਙ੍ਗ-ਞ੍ਛਿੑਨਤ੍ਤਿ ॥ ਇ॒ਦ੍ਧ੍ਮਾ-ਬ॒ਰ੍॒ਹਿ-ਰੁਪੑਸਾਦਯਤਿ॒ ਯੁਕ੍ਤ੍ਯੈ᳚ । ਯ॒ਜ੍ਞਸ੍ਯੑ ਮਿਥੁਨ॒ਤ੍ਵਾਯੑ ।
ਅਥੋੑ ਪੁਰੋ॒ਰੁਚੑਮੇ॒ਵੈਤਾ-ਨ੍ਦੑਧਾਤਿ ।
ਉਤ੍ਤੑਰਸ੍ਯ॒ ਕਰ੍ਮ॒ਣੋ-ऽਨੁੑਖ੍ਯਾਤ੍ਯੈ ।
ਨ ਪੁ॒ਰਸ੍ਤਾ᳚-ਤ੍ਪ੍ਰ॒ਤ੍ਯਗੁਪੑਸਾਦਯੇਤ੍ ॥ 84 ॥
ਯ-ਤ੍ਪੁ॒ਰਸ੍ਤਾ᳚-ਤ੍ਪ੍ਰ॒ਤ੍ਯ-ਗੁੑਪਸਾ॒ਦਯੇ᳚ਤ੍ ।
ਅ॒ਨ੍ਯਤ੍ਰਾੑਹੁਤਿਪ॒ਥਾਦਿ॒ਦ੍ਧ੍ਮ-ਮ੍ਪ੍ਰਤਿੑਪਾਦਯੇਤ੍ । ਪ੍ਰ॒ਜਾ ਵੈ ਬ॒ਰ੍॒ਹਿਃ । ਅਪੑਰਾਦ੍ਧ੍ਨੁਯਾ-ਦ੍ਬ॒ਰ੍॒ਹਿषਾ᳚ ਪ੍ਰ॒ਜਾਨਾ᳚-ਮ੍ਪ੍ਰ॒ਜਨੑਨਮ੍ । ਪ॒ਸ਼੍ਚਾਤ੍-ਪ੍ਰਾਗੁਪੑਸਾਦਯਤਿ । ਆ॒ਹੁ॒ਤਿ॒ਪ॒ਥੇਨੇ॒ਦ੍ਧ੍ਮ-ਮ੍ਪ੍ਰਤਿੑਪਾਦਯਤਿ ।
ਸ॒ਪ੍ਰ॒ਨ੍ਤ੍ਯੇੑਵ ਬ॒ਰ੍॒ਹਿषਾ᳚ ਪ੍ਰ॒ਜਾਨਾ᳚-ਮ੍ਪ੍ਰ॒ਜਨੑਨ॒ਮੁਪੈੑਤਿ । ਦਕ੍षਿੑਣਮਿ॒ਦ੍ਧ੍ਮਮ੍ ।
ਉਤ੍ਤੑਰ-ਮ੍ਬ॒ਰ॒ਃਇਃ । ਆ॒ਤ੍ਮਾ ਵਾ ਇ॒ਦ੍ਧ੍ਮਃ ।
ਪ੍ਰ॒ਜਾ ਬ॒ਰ੍॒ਹਿਃ । ਪ੍ਰ॒ਜਾ ਹ੍ਯਾ᳚ਤ੍ਮਨ॒ ਉਤ੍ਤੑਰਤਰਾ ਤੀ॒ਰ੍ਥੇ ।
ਤਤੋ॒ ਮੇਧੑਮੁਪ॒ਨੀਯੑ । ਯ॒ਥਾ॒ ਦੇ॒ਵ॒ਤਮੇ॒ਵੈਨ॒ਤ੍-ਪ੍ਰਤਿੑष੍ਠਾਪਯਤਿ । ਪ੍ਰਤਿੑਤਿष੍ਠਤਿ ਪ੍ਰ॒ਜਯਾੑ ਪ॒ਸ਼ੁਭਿ॒-ਰ੍ਯਜੑਮਾਨਃ ॥ 85 ॥
(ਵृ॒ਸ਼੍ਚ॒ਤਿ॒ - ਸਾ॒ਦ॒ਯੇ॒ - ਦਿ॒ਦ੍ਧ੍ਮਃ ਪਞ੍ਚੑ ਚ) (ਅ. 10)
(ਤृਤੀਯੑਸ੍ਯਾਂ - ਦੇ॒ਵਸ੍ਯਾ᳚ਸ਼੍ਵਪ॒ਰ੍॒ਸ਼ੁਂ-ਯੋਁ ਵੈ - ਪੂ᳚ਰ੍ਵੇ॒ਦ੍ਯੁਃ - ਕਰ੍ਮੑਣੇ ਵਾ॒ - ਮਿਨ੍ਦ੍ਰੋੑ ਵृ॒ਤ੍ਰਮੑਹ॒ਨ੍-ਥ੍ਸੋੑ-ऽਪੋ - ऽਵੑਧੂਤਂ॒ - ਧृष੍ਟਿੑ--ਰ੍ ਦੇ॒ਵਸ੍ਯੇਤ੍ਯਾੑਹ॒ ਸਂਵਁੑਪਾਮਿ - ਦੇ॒ਵਸ੍ਯ॒ ਸ੍ਫ੍ਯਮਾਦੑਦੇ॒ - ਵਜ੍ਰੋ॒ ਵੈ ਸ੍ਫ੍ਯੋ ਦਸ਼ੑ)
(ਤृ॒ਤੀਯੑਸ੍ਯਾਂ - ਁਯ॒ਜ੍ਞਸ੍ਯਾਨੑਤਿਰੇਕਾਯ - ਪ॒ਵਿਤ੍ਰੑਵਤ੍ਯ - ਧ੍ਵ॒ਰ੍ਯੁ-ਞ੍ਚਾੑ - ਧਿ॒षਵੑਣਮਸ੍ਯ॒ - ਨ੍ਤਰਿੑਕ੍ष ਏ॒ਵ - ਰਕ੍षੑਸਾਮ॒ਨ੍ਤਰ੍ਹਿੑਤ੍ਯੈ॒ - ਦ੍ਵੌ ਵਾਵ ਪੁਰੁੑषੋ॒ - ਯਦ॒ਦਸ਼੍ਚ॒ਨ੍ਦ੍ਰਮੑਸਿ॒ ਮੇਦ੍ਧ੍ਯ॒-ਮ੍ਪਞ੍ਚਾਸ਼ੀੑਤਿਃ)
(ਤृ॒ਤੀਯੑਸ੍ਯਾਂ॒ - ਁਯਜੑਮਾਨਃ)
॥ ਹਰਿਃੑ ਓਮ੍ ॥
॥ ਕृष੍ਣ ਯਜੁਰ੍ਵੇਦੀਯ ਤੈਤ੍ਤਿਰੀਯ ਬ੍ਰਾਹ੍ਮਣੇ ਤृਤੀਯਾष੍ਟਕੇ ਦ੍ਵਿਤੀਯਃ ਪ੍ਰਪਾਠਕ-ਸ੍ਸਮਾਪ੍ਤਃ ॥
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhakaḥ - daśapūrṇamāseṣṭibrāhmaṇam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - vathsāpākaraṇam
tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat |
tasya̭ pa॒rṇama̭cchidyata | ta-tpa॒rṇo̭-'bhavat | ta-tpa॒rṇasya̭ parṇa॒tvam | brahma॒ vai pa॒rṇaḥ | ya-tpa̭rṇaśā॒khayā̭ va॒thsāna̭pāka॒roti̭ |
brahma̭ṇai॒vainā̭na॒pāka̭roti || gā॒ya॒tro vai pa॒rṇaḥ | gā॒ya॒trāḥ pa॒śavaḥ̭ || 1 ||
tasmā॒-ttrīṇi̭trīṇi pa॒rṇasya̭ palā॒śāni̭ | tri॒padā̭ gāya॒trī | ya-tpa̭rṇaśa॒khayā॒ gāḥ prā॒rpaya̭ti | svayai॒vainā̭ de॒vata̭yā॒ prārpa̭yati | ya-ṅkā॒mayḙtā pa॒śu-ssyā॒diti̭ | a॒pa॒rṇā-ntasmai॒ śuṣkā᳚grā॒māha̭ret |
a॒pa॒śure॒va bha̭vati | ya-ṅkā॒mayḙta paśu॒mān-thsyā॒diti̭ | ba॒hu॒pa॒rṇā-ntasmai̭ bahuśā॒khāmāha̭ret | pa॒śu॒manta̭-me॒vaina̭-ṅkaroti || 2 ||
ya-tprācī̭mā॒hare᳚t | de॒va॒lo॒ka-ma॒bhija̭yet | yadudī̭cī-mmanuṣyalo॒kam | prācī॒mudī̭cī॒māha̭rati | u॒bhayo᳚-rlo॒kayo̭-ra॒bhiji̭tyai || i॒ṣe tvo॒rje tvetyā̭ha | iṣa̭me॒vorjaṃ॒-ya~ja̭māne dadhāti ||
vā॒yava॒-ssthetyā̭ha | vā॒yurvā a॒ntari̭kṣa॒-syāddhya̭kṣāḥ |
a॒nta॒ri॒kṣa॒de॒va॒tyāḥ᳚ khalu॒ vai pa॒śavaḥ̭ || 3 ||
vā॒yava̭ e॒vainā॒-npari̭ dadāti | pra vā ḙnāne॒tadā-ka̭roti | yadāha̭ | vā॒yava॒-ssthetyṷpā॒yavaḥ॒
sthetyā̭ha | yaja̭mānāyai॒va pa॒śūnupa̭hvayate ||
de॒vo vaḥ̭ savi॒tā prārpa̭ya॒tvityā̭ha॒ prasū᳚tyai || śreṣṭha̭tamāya॒ karma̭ṇa॒ ityā̭ha |
ya॒jño hi śreṣṭha̭tama॒-ṅkarma̭ | tasmā̭de॒vamā̭ha ||
āpyā̭yaddhvamaghniyā devabhā॒gamityā̭ha || 4 ||
va॒thsebhya̭śca॒ vā e॒tāḥ pu॒rā ma̭nu॒ṣye᳚bhya॒-ścāpyā̭yanta | de॒vebhya̭ e॒vainā॒ indrā॒yāpyā̭yati || ūrja̭svatīḥ॒ paya̭svatī॒rityā̭ha | ūrja॒gṃ ॒hi payaḥ̭ sa॒mbhara̭nti || pra॒jāva̭tī-ranamī॒vā a̭ya॒kṣmā ityā̭ha॒ prajā᳚tyai | māvaḥ̭ ste॒na ī̭śata॒ mā-'ghaśagṃ̭sa॒ ityā̭ha॒ guptyai᳚ || ru॒drasya̭ he॒tiḥ pari̭ vo vṛṇa॒ktvityā̭ha | ru॒drā de॒vainā᳚-strāyate ||
dhru॒vā a॒smi-ngopa̭tau syāta ba॒hvīrityā̭ha |
dhru॒vā e॒vāsmi̭-nba॒hvīḥ ka̭roti || 5 ||
yaja̭mānasya pa॒śū-npā॒hītyā̭ha | pa॒śu॒nā-ṅgo̭pī॒thāya̭ | tasmā᳚thsā॒ya-mpa॒śava॒ upa̭ sa॒māva̭rtante || ana̭dha-ssādayati | garbhā̭ṇā॒-ndhṛtyā॒ apra̭pādāya | tasmā॒dgarbhāḥ᳚ pra॒jānā॒mapra̭pādukāḥ |
u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 6 ||
(pa॒śavaḥ̭ - karoti - pa॒śavo̭ - devabhā॒gamityā̭ha - karoti॒ - +nava̭ ca) (a. 1)
anuvākaṃ 2 - barhirāharaṇam
de॒vasya̭ tvā savi॒tuḥ pra̭sa॒va itya̭śvapa॒r॒śumāda̭tte॒ prasū᳚tyai |
a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ || yo vā oṣa̭dhīḥ parva॒śo veda̭ | nainā॒-ssa hi̭nasti | pra॒jāpa̭ti॒rvā oṣa̭dhīḥ parva॒śo vḙda | sa ḙnā॒ na hi̭nasti | a॒śva॒pa॒rśvā ba॒r॒hiracchai̭ti |
prā॒jā॒pa॒tyo vā aśvaḥ̭ sayoni॒tvāya̭ || 7 ||
oṣa̭dhīnā॒mahigṃ̭sāyai ||
ya॒jñasya̭ gho॒ṣada॒sītyā̭ha |
yaja̭māna e॒va ra॒yi-nda̭dhāti | pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || preyama̭gāddhi॒ṣaṇā̭ ba॒r॒hiracchetyā̭ha | vi॒dyā vai dhi॒ṣaṇā᳚ | vi॒dyayai॒vaina॒dacchai̭ti || manṷnā kṛ॒tā sva॒dhayā॒ vita॒ṣṭetyā̭ha | mā॒na॒vī hi parśuḥ̭ sva॒dhākṛ̭tā || 8 ||
ta āva̭hanti ka॒vayaḥ̭ pu॒rastā॒dityā̭ha | śu॒śru॒vāgṃso॒ vai ka॒vayaḥ̭ | ya॒jñaḥ pu॒rastā᳚t | mu॒kha॒ta e॒va ya॒jñamāra̭bhate | atho॒ yade॒tadu॒ktvā yataḥ॒ kuta̭ścā॒hara̭ti | ta-tprācyā̭ e॒va di॒śo bha̭vati ||
de॒vebhyo॒ juṣṭa̭mi॒ha ba॒r॒hirā॒sada॒ ityā̭ha | ba॒r॒hiṣa॒-ssamṛ̭ddhyai | karma॒ṇo-'na̭parādhāya || de॒vānā᳚-mpariṣū॒tama॒sītyā̭ha || 9 ||
yadvā i॒da-ṅki-ñca̭ | ta-dde॒vānā᳚-mpariṣū॒tam |
atho॒ yathā॒ vasya̭se prati॒ procyāhe॒da-ṅka̭riṣyā॒mīti̭ | e॒vame॒va tada̭ddhva॒ryu-rde॒vebhyaḥ̭ prati॒ procya̭ ba॒r॒hirdā̭ti | ā॒tmano-'higṃ̭sāyai || yāva̭ta-ssta॒mbā-npa̭ri di॒śet | yatteṣā̭-mucchi॒gg॒ṣyāt | ati॒ ta-dya॒jñasya̭ recayet | ekagg̭ sta॒mba-mpari̭diśet |
tagṃ sarva̭-ndāyāt || 10 ||
ya॒jñasyāna̭tirekāya || va॒r॒ṣavṛ̭ddha-ma॒sītyā̭ha |
va॒r॒ṣa vṛ̭ddhā॒ vā oṣa̭dhayaḥ ||
deva̭ barhi॒rityā̭ha | de॒vebhya̭ e॒vaina̭-tkaroti |
mā tvā॒-'nvammā ti॒ryagityā॒hā higṃ̭sāyai |
parva̭ te rāddhyāsa॒mityā॒-hardhyai᳚ ||
ā॒cche॒ttā te॒ mā ri̭ṣa॒mityā̭ha | nāsyā॒tmano̭ mīyate |
ya e॒vaṃ-ve~da̭ || 11 ||
deva̭barhi-śśa॒tava̭lśaṃ॒-vi~ro॒hetyā̭ha | pra॒jā vai ba॒r॒hiḥ | pra॒jānā᳚-mpra॒jana̭nāya || sa॒hasra̭valśā॒ vi va॒yagṃ rṷhe॒metyā̭ha | ā॒śiṣa̭me॒vaitāmāśā᳚ste || pṛ॒thi॒vyā-ssa॒pṛñcaḥ̭ pā॒hītyā̭ha॒ prati̭ṣṭhityai ||
ayṷṅgāyuṅgā-nmu॒ṣṭīn ~lṷnoti | mi॒thu॒na॒tvāya॒ prajā᳚tyai || su॒sa॒bhṛntā᳚ tvā॒ sambha̭rā॒mītyā̭ha | brahma̭ṇai॒vaina॒th- sambha̭rati || 12 ||
adi̭tyai॒ rāsnā॒-'sītyā̭ha | i॒yaṃ-vā~ adi̭tiḥ |
a॒syā e॒vaina॒-drāsnā᳚-ṅkaroti || i॒ndrā॒ṇyai sa॒naṃha̭na॒mityā̭ha | i॒ndrā॒ṇī vā agrḙ de॒vatā̭nā॒gṃ॒ sama̭nahyata | sā ''rdhno᳚t |
ṛddhyai॒ sanna̭hyati | pra॒jā vai ba॒r॒hiḥ |
pra॒jānā॒mapa̭rāvāpāya |
tasmā॒-thsnāva̭santatāḥ pra॒jā jā̭yante || 13 ||
pū॒ṣā te᳚ gra॒nthi-ṅgra̭thnā॒tvityā̭ha |
puṣṭi̭me॒va yaja̭māne dadhāti || sa te॒ mā-'' sthā॒dityā॒hāhigṃ̭sāyai || pa॒ścā-tprāñca॒mupa̭gūhati |
pa॒ścā-dvai prā॒cīna॒gṃ॒ reto̭ dhīyate |
pa॒ścāde॒vāsmai᳚ prā॒cīna॒gṃ॒ reto̭ dadhāti ||
indra̭sya tvā bā॒hubhyā॒-mudya̭ccha॒ ityā̭ha | i॒ndri॒yame॒va yaja̭māne dadhāti ||
bṛha॒spate᳚rmū॒rdhnā ha̭rā॒mītyā̭ha |
brahma॒ vai de॒vānā॒-mbṛha॒spatiḥ̭ || 14 ||
brahma̭ṇai॒vaina̭ddharati || u॒rva̭ntari̭kṣa॒-manvi॒hītyā̭ha॒ gatyai᳚ || de॒va॒ga॒mmama॒sītyā̭ha | de॒vāne॒vaina̭dgamayati || ana̭dha-ssādayati |
garbhā̭ṇā॒-ndhṛtyā॒ apra̭pādāya | tasmā॒-dgarbhāḥ᳚ pra॒jānā॒mapra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 15 ||
(sa॒yo॒ni॒tvāya̭ - sva॒dhākṛ̭tā॒ - 'sītyā̭ha - dāyā॒-d- veda̭ - bharati - jāyante॒ - bṛha॒spatiḥ॒ - sama̭ṣṭyai) (a. 2)
anuvākaṃ 3 - dohanam
pū॒rve॒dyuri॒ddhmā ba॒r॒hiḥ ka̭roti | ya॒jñame॒vārabhya̭ gṛhī॒tvopa̭vasati || pra॒jāpa̭ti-rya॒jñama̭sṛjata | tasyo॒khe a̭sragṃsetām | ya॒jño vai pra॒jāpa̭tiḥ |
ya-thsā᳚nnāyyo॒khe bhava̭taḥ |
ya॒jñasyai॒va tadu॒khe upa̭dadhā॒tya-pra̭sragṃsāya ||
śundha̭ddhva॒-ndaivyā̭ya॒ karma̭ṇe devaya॒jyāyā॒ ityā̭ha | de॒va॒ya॒jyāyā̭ e॒vainā̭ni śundhati || mā॒ta॒riśva̭no gha॒rmo̭-'sītyā̭ha || 16 ||
a॒ntari̭kṣaṃ॒-vai~ mā̭ta॒riśva̭no gha॒rmaḥ |
e॒ṣāṃ-lo~॒kānāṃ॒-vi~dhṛ̭tyai ||
dyaura̭si pṛthi॒vya̭sītyā̭ha | di॒vaśca॒ hyḙṣā pṛ̭thi॒vyāśca॒ sambhṛ̭tā | yadu॒khā |
tasmā̭de॒vamā̭ha || vi॒śvadhā̭yā asi para॒meṇa॒ dhāmnetyā̭ha | vṛṣṭi॒rvai vi॒śvadhā̭yāḥ | vṛṣṭi̭me॒vāva̭rundhe | dṛgṃha̭sva॒ mā hvā॒rityā̭ha॒ dhṛtyai᳚ || 17 ||
vasṷ̄nā-mpa॒vitra̭ma॒sītyā̭ha | prā॒ṇā vai vasa̭vaḥ |
teṣāṃ॒-vā~ e॒ta-dbhā̭ga॒dheya᳚m | ya-tpa॒vitra᳚m | tebhya̭ e॒vaina̭-tkaroti || śa॒tadhā̭ragṃ sa॒hasra̭dhāra॒mityā̭ha | prā॒ṇeṣve॒vāyṷ-rdadhāti sarva॒tvāya̭ || tri॒vṛ-tpa̭lāśaśā॒khāyā᳚-ndarbha॒maya̭-mbhavati | tri॒vṛdvai prā॒ṇaḥ | tri॒vṛta̭me॒va prā॒ṇa-mma̭ddhya॒to yaja̭māne dadhāti || 18 ||
sau॒myaḥ pa॒rṇa-ssa̭yoni॒tvāya̭ | sā॒kṣā-tpa॒vitra̭-nda॒rbhāḥ | prākhsā॒yamadhi॒ nida̭dhāti | ta-tprā̭ṇāpā॒nayo̭ rū॒pam | ti॒ryakprā॒taḥ | ta-ddarśa̭sya rū॒pam | dā॒rśyagg hyḙtadahaḥ̭ | annaṃ॒-vai~ ca॒ndramāḥ᳚ |
anna̭-mprā॒ṇāḥ | u॒bhaya̭me॒vopai॒tyajā̭mitvāya || 19 ||
tasmā̭da॒yagṃ sa॒rvataḥ̭ pavate || hu॒ta-ssto॒ko hu॒to dra॒phsa ityā̭ha॒ prati̭ṣṭhityai | ha॒viṣo-'ska̭ndāya |
na hi hu॒tagg svāhā̭kṛta॒gg॒ skanda̭ti |
di॒vi nāko॒ nāmā॒gniḥ | tasya̭ vi॒pruṣo̭ bhāga॒dheya᳚m |
a॒gnayḙ bṛha॒te nākā॒yetyā̭ha |
nāka̭me॒vāgni-mbhā̭ga॒dheyḙna॒ sama̭rdhayati |
svāhā॒ dyāvā̭pṛthi॒vībhyā॒mityā̭ha |
dyāvā̭pṛthi॒vyore॒vaina॒t-prati̭ṣṭhāpayati || 20 ||
pa॒vitra̭va॒tyāna̭yati | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati | atho॒ oṣa̭dhīṣve॒va pa॒śū-nprati̭ṣṭhāpayati || a॒nvā॒rabhya॒ vācaṃ̭-ya~cchati |
ya॒jñasya॒ dhṛtyai᳚ | dhā॒raya̭nnāste | dhā॒raya̭nta iva॒ hi du॒hanti̭ | kāma̭dhukṣa॒ ityā॒hātṛ॒tīya̭syai | traya̭ i॒me lo॒kāḥ | i॒māne॒va lo॒kān. yaja̭māno duhe || 21 ||
a॒mūmiti॒ nāma̭ gṛhṇāti | bha॒drame॒vāsā॒-ṅkarmā॒viṣka̭roti || sā vi॒śvāyu॒-ssā vi॒śvavya̭cā॒-ssā vi॒śvaka॒rmetyā̭ha | i॒yaṃ-vai~ vi॒śvāyuḥ̭ |
a॒ntari̭kṣaṃ-vi~॒śvavya̭cāḥ | a॒sau vi॒śvaka̭rmā |
i॒māne॒vaitābhi̭rlo॒kān. ya̭thāpū॒rva-ndṷhe |
atho॒ yathā᳚ pradā॒tre puṇya̭mā॒śāste᳚ | e॒vame॒vainā̭ e॒tadupa̭stauti | tasmā॒t-prādā॒dityu॒nnīya॒ vanda̭mānā upastu॒vantaḥ̭ pa॒śū-ndṷhanti || 22 ||
ba॒hu du॒gdhīndrā̭ya de॒vebhyo̭ ha॒viriti॒ vācaṃ॒-vi~sṛ̭jate | ya॒thā॒ de॒va॒tame॒va prasaṷti |
daivya̭sya ca mānu॒ṣasya̭ ca॒ vyāvṛ̭ttyai |
trirā̭ha | triṣa̭tyā॒ hi de॒vāḥ | avā̭caṃ-ya~॒mo-'na̭nvā-ra॒bhyotta̭rāḥ | apa̭rimitame॒vāva̭rundhe ||
na dā̭rupā॒treṇa̭ duhyāt | a॒gni॒vadvai dā̭rupā॒tram |
ya-ddā̭rupā॒treṇa̭ du॒hyāt || 23 ||
yā॒tayā᳚mnā ha॒viṣā̭ yajeta | atho॒ khalvā̭huḥ |
pu॒ro॒ḍāśa̭mukhāni॒ vai ha॒vīgṃṣi̭ | neta i̭taḥ puro॒ḍāśagṃ̭ ha॒viṣo॒ yāmo॒-'stīti̭ |
kāma̭me॒va dā̭rupā॒treṇa̭ duhyāt || śū॒dra e॒va na dṷhyāt | asa̭to॒ vā e॒ṣa sambhṷ̄taḥ | yacchū॒draḥ | aha̭vire॒va tadityā̭huḥ | yacchū॒dro dogdhīti̭ || 24 ||
a॒gni॒ho॒trame॒vana dṷhyācchū॒draḥ | taddhi not-pu॒nanti̭ | ya॒dā khalu॒ vai pa॒vitra̭ma॒tyeti̭ | atha॒ taddha॒viriti̭ ||
sampṛ̭cyaddhva-mṛtāvarī॒rityā̭ha | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati |
tasmā̭da॒pā-ñcauṣa̭dhīnā-ñca॒ rasa॒mupa̭ jīvāmaḥ |
ma॒ndrā dhana̭sya sā॒taya॒ ityā̭ha | puṣṭi̭me॒va yaja̭māne dadhāti || somḙna॒ tvā-''ta̭na॒cmīndrā̭ya॒ dadhītyā̭ha || 25 ||
soma̭me॒vaina̭-tkaroti | yo vai soma̭-mbhakṣayi॒tvā |
saṃ॒va~॒thsa॒ragṃ soma॒-nna piba̭ti | pu॒na॒rbhakṣyo᳚-'sya somapī॒tho bha̭vati ||
somaḥ॒ khalu॒ vai sā᳚nāṃ॒yyam | ya e॒vaṃ-vi~॒dvān-thsā᳚nāṃ॒yya-mpiba̭ti | a॒pu॒na॒rbhakṣyo᳚-'sya somapī॒tho bha̭vati | na mṛ॒nmaye॒nāpi̭daddhyāt |
ya-nmṛ॒nmayḙnāpida॒ddhyāt |
pi॒tṛ॒de॒va॒tyagg̭ syāt || 26 ||
a॒ya॒spā॒treṇa̭ vā dārupā॒treṇa॒ vā-'pi̭dadhāti |
taddhi sadḙvam || u॒da॒nvad- bha̭vati | āpo॒ vai ra̭kṣo॒ghnīḥ | rakṣa̭sā॒-mapa̭hatyai ||
ada̭stamasi॒ viṣṇa̭ve॒ tvetyā̭ha | ya॒jño vai viṣṇuḥ̭ |
ya॒jñāyai॒vaina॒dada̭sta-ṅkaroti | viṣṇo̭ ha॒vyagṃ ra̭kṣa॒svetyā̭ha॒ guptyai᳚ || ana̭dha-ssādayati | garbhā̭ṇā॒-ndhṛtyā॒ apra̭pādāya |
tasmā॒-dgarbhāḥ᳚ pra॒jānā॒ma pra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ | su॒va॒rgasya̭ lo॒kasya॒ sama̭ṣṭyai || 27 ||
(a॒sītyā̭ha॒ - dhṛtyai॒ - yaja̭māne dadhā॒ - tyajā̭mitvāya - sthāpayati - duhe - duhanti - du॒hyā-d- dogdhīti॒ - dadhītyā̭ha - syāth - sādayati॒ pañca̭ ca) (a. 3)
anuvākaṃ 4 - havirnirvāpaḥ
karma̭ṇe vā-nde॒vebhyaḥ̭ śakeya॒mityā̭ha॒ śaktyai᳚ |
ya॒jñasya॒ vai santa̭ti॒manṷ pra॒jāḥ pa॒śavo॒ yaja̭mānasya॒ santā̭yante | ya॒jñasya॒ vicchi̭tti॒manṷ pra॒jāḥ pa॒śavo॒ yaja̭mānasya॒ vicchi̭dyante |
ya॒jñasya॒ santa̭tirasi ya॒jñasya̭ tvā॒ santa̭tyai stṛṇāmi॒ santa̭tyai tvā ya॒jñasyetyāha̭va॒nīyā॒-thsanta̭noti | yaja̭mānasya pra॒jāyai̭ paśū॒nāgṃ santa̭tyai || a॒paḥ praṇa̭yati | śra॒ddhā vā āpaḥ̭ | śra॒ddhāme॒vārabhya̭ pra॒ṇīya॒ praca̭rati | a॒paḥ praṇa̭yati | ya॒jño vā āpaḥ̭ || 28 ||
ya॒jñame॒vārabhya̭ pra॒ṇīya॒ praca̭rati | a॒paḥ praṇa̭yati | vajro॒ vā āpaḥ̭ | vajra̭me॒va bhrātṛ̭vyebhyaḥ pra॒hṛtya̭ pra॒ṇīya॒ praca̭rati | a॒paḥ praṇa̭yati |
āpo॒ vai ra̭kṣo॒ghnīḥ | rakṣa̭sā॒-mapa̭hatyai | a॒paḥ praṇa̭yati | āpo॒ vai de॒vānā᳚-mpri॒ya-ndhāma̭ |
de॒vānā̭me॒va pri॒ya-ndhāma̭ pra॒ṇīya॒ praca̭rati || 29 ||
a॒paḥ praṇa̭yati | āpo॒ vai sarvā̭ de॒vatāḥ᳚ |
de॒vatā̭ e॒vārabhya̭ pra॒ṇīya॒ praca̭rati || veṣā̭ya॒ tvetyā̭ha | veṣā̭ya॒ hyḙnadāda॒tte || pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || dhūra॒sītyā̭ha | e॒ṣa vai dhuryo॒-'gniḥ | taṃ-ya~danṷpaspṛśyātī॒yāt || 30 ||
a॒ddhva॒ryu-ñca॒ yaja̭māna-ñca॒ prada̭het | u॒pa॒spṛśyātyḙti | a॒ddhva॒ryośca॒ yaja̭mānasya॒ cāpra̭dāhāya || dhūrva॒ taṃyo~᳚-'smā-ndhūrva̭ti॒ ta-ndhū᳚rva॒ yaṃ-va~॒ya-ndhūrvā̭ma॒ ityā̭ha |
dvau vāva purṷṣau | ya-ñcai॒va dhūrva̭ti | yaścai̭na॒-ndhūrva̭ti | tāvu॒bhau śu॒cā-'rpa̭yati || tva-nde॒vānā̭masi॒ sasni̭tama॒-mpapri̭tama॒-ñjuṣṭa̭tamaṃ॒-va~hni̭tama-ndeva॒hūta̭ma॒mityā̭ha | ya॒thā॒ ya॒jure॒vai tat || 31 ||
ahrṷtamasi havi॒rdhāna॒-mityā॒hānā᳚rtyai |
dṛgṃha̭sva॒ mā hvā॒rityā̭ha॒ dhṛtyai᳚ ||
mi॒trasya̭ tvā॒ cakṣṷṣā॒ prekṣa॒ ityā̭ha mitra॒tvāya̭ |
mā bhermā saṃvi~̭kthā॒ mā tvā̭ higṃsiṣa॒-mityā॒hāhigṃ̭sāyai | yadvai ki-ñca॒ vāto॒ nābhi॒vāti̭ |
ta-thsarvaṃ̭-va~ruṇadeva॒tya᳚m || u॒ru vātā॒yetyā̭ha | avā̭ruṇame॒vaina̭-tkaroti || de॒vasya̭ tvā savi॒tuḥ
pra̭sa॒va ityā̭ha॒ prasū᳚tyai |
a॒śvino᳚-rbā॒hubhyā॒mityā̭ha || 32 ||
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ | a॒gnaye॒ juṣṭa॒-nnirva̭pā॒mītyā̭ha | a॒gnaya̭ e॒vainā॒ñjuṣṭaṃ॒
nirva̭pati | triryajṷṣā | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ | tū॒ṣṇī-ñca̭tu॒rtham |
apa̭rimitame॒vāva̭rundhe | sa e॒vame॒vānṷpū॒rvagṃ ha॒vīgṃṣi॒ nirva̭pati || 33 ||
i॒da-nde॒vānā̭mi॒damṷ na-ssa॒hetyā̭ha॒ vyāvṛ̭ttyai ||
sphā॒tyai tvā॒ nārā᳚tyā॒ ityā̭ha॒ guptyai᳚ | tama̭sīva॒ vā e॒ṣo᳚-'ntaśca̭rati | yaḥ pa̭rī॒ṇahi̭ || suva̭ra॒bhi vikhyḙṣaṃ-vai~śvāna॒ra-ñjyoti॒rityā̭ha |
suva̭re॒vābhi vi pa̭śyati vaiśvāna॒ra-ñjyotiḥ̭ |
dyāvā̭pṛthi॒vī ha॒viṣi̭ gṛhī॒ta uda̭vepetām ||
dṛgṃha̭ntā॒-nduryā॒ dyāvā̭pṛthi॒vyorityā̭ha |
gṛ॒hāṇā॒-ndyāvā̭pṛthi॒vyo-rdhṛtyai᳚ ||
u॒rva̭ntari̭kṣa॒-manvi॒hītyā̭ha॒ gatyai᳚ ||
adi̭tyāstvo॒pasthḙ sādayā॒mītyā̭ha | i॒yaṃ-vā~ adi̭tiḥ | a॒syā e॒vaina̭du॒pasthḙ sādayati ||
agnḙ ha॒vyagṃ ra̭kṣa॒svetyā̭ha॒ guptyai᳚ || 34 ||
(ya॒jño vā āpo॒ - dhāma̭ pra॒ṇīya॒ praca̭ra - tyatī॒yā - de॒ta-d- bā॒hubhyā॒mityā̭ha - ha॒vigṃṣi॒ nirva̭pati॒ - gatyai̭ ca॒tvāri̭ ca) (a. 4)
anuvākaṃ 5 - vrīhyavaghātaḥ
indro̭ vṛ॒trama̭hann | so̭-'paḥ | a॒bhya̭mriyata |
tāsāṃ॒-ya~nmeddhyaṃ̭-ya~॒jñiya॒gṃ॒ sadḙva॒māsī᳚t | tadapoda̭krāmat | te da॒rbhā a̭bhavann | ya-dda॒rbhaira॒pa ṷtpu॒nāti̭ | yā e॒va meddhyā̭ ya॒jñiyā॒-ssadḙvā॒ āpaḥ̭ | tābhi̭re॒vainā॒ utpṷnāti | dvābhyā॒mutpṷnāti || 35 ||
dvi॒pā-dyaja̭mānaḥ॒ prati̭ṣṭhityai || de॒vo vaḥ̭ savi॒tot-pṷnā॒tvityā̭ha | sa॒vi॒tṛpra̭sūta e॒vainā॒ utpṷnāti | acchi̭dreṇa pa॒vitre॒ṇetyā̭ha | a॒sau vā ā̭di॒tyo-'cchi̭dra-mpa॒vitra᳚m | tenai॒vainā॒ utpṷnāti | vaso॒-ssūrya̭sya ra॒śmibhi॒rityā̭ha | prā॒ṇā vā āpaḥ̭ | prā॒ṇā vasa̭vaḥ | prā॒ṇā ra॒śmayaḥ̭ || 36 ||
prā॒ṇaire॒va prā॒ṇān-thsampṛ̭ṇakti | sā॒vi॒tri॒yarcā |
sa॒vi॒tṛpra̭sūta-mme॒ karmā̭sa॒diti̭ |
sa॒vi॒tṛpra̭sūtame॒vāsya॒ karma̭ bhavati |
pa॒ccho gā̭yatri॒yā tri̭ṣṣamṛddha॒tvāya̭ ||
āpo̭ devīragrepuvo agreguva॒ ityā̭ha |
rū॒pa-me॒vāsā̭me॒ta-nma̭hi॒mānaṃ॒-vyā~ca̭ṣṭe |
agra̭ i॒maṃ-ya~॒jña-nna̭ya॒tāgrḙ
ya॒jñapa̭ti॒mityā̭ha | agrḙ e॒va ya॒jña-nna̭yanti |
agrḙ ya॒jñapa̭tim || 37 ||
yu॒ṣmānindro̭ 'vṛṇīta vṛtra॒tūyḙ yū॒yamindra̭mavṛṇīddhvaṃ-vṛ~tra॒tūrya॒ ityā̭ha |
vṛ॒tragṃ ha̭ hani॒ṣyannindra॒ āpo̭ vavre |
āpo॒ hendraṃ̭-va~vrire | sa॒jñāṃ-me॒vāsā̭me॒ta-thsāmā̭naṃ॒-vyā~ca̭ṣṭe || prokṣi̭tā॒-ssthetyā̭ha | tenāpaḥ॒ prokṣi̭tāḥ || a॒gnayḙ vo॒ juṣṭa॒-mprokṣā᳚-mya॒gnīṣomā᳚bhyā॒-mityā̭ha |
ya॒thā॒ de॒va॒tame॒vainā॒-nprokṣa̭ti | triḥ prokṣa̭ti | tryā̭vṛ॒ddhi ya॒jñaḥ || 38 ||
atho॒ rakṣa̭sā॒mapa̭hatyai | śundha̭ddhvaṃ॒
daivyā̭ya॒ karma̭ṇe devaya॒jyāyā॒ ityā̭ha |
de॒va॒ya॒jyāyā̭ e॒vainā̭ni śundhati | triḥ prokṣa̭ti | tryā̭vṛ॒ddhi ya॒jñaḥ | atho̭ meddhya॒tvāya̭ | ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha |
rakṣa̭sā॒-mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ || 39 ||
a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai || pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ |
tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata |
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭ddhyava॒hanti̭ | ya॒jñāde॒va-ta-dya॒jña-mprayṷṅkte | ha॒viṣo-'ska̭ndāya || 40 ||
a॒dhi॒ṣava̭ṇamasi vānaspa॒tyamityā̭ha | a॒dhi॒ṣava̭ṇa-me॒vaina̭-tkaroti | prati॒ tvā-'di̭tyā॒stvagve॒ttvityā̭ha saya॒tvāya̭ ||
a॒gnesta॒nū-ra॒sītyā̭ha | a॒gnervā e॒ṣā ta॒nūḥ |
yadoṣa̭dhayaḥ | vā॒co vi॒sarja̭na॒mityā̭ha |
ya॒dā hi pra॒jā oṣa̭dhīnā-ma॒śnanti̭ | atha॒ vācaṃ॒-vi~sṛ̭jante | de॒vavī̭taye tvā gṛhṇā॒mītyā̭ha || 41 ||
de॒vatā̭bhire॒vaina॒-thsama̭rdhayati ||
adri̭rasi vānaspa॒tya ityā̭ha | grāvā̭ṇa-me॒vaina̭-tkaroti |
sa i॒da-nde॒vebhyo̭ ha॒vyagṃ su॒śami̭ śami॒ṣvetyā̭ha॒ śāntyai᳚ || havi̭ṣkṛ॒dehītyā̭ha |
ya e॒va de॒vānāgṃ̭ havi॒ṣkṛtaḥ̭ | tān. hva̭yati |
trirhva̭yati | triṣa̭tyā॒ hi de॒vāḥ || iṣa॒mā va॒dorja॒mā va॒detyā̭ha || 42 ||
iṣa̭me॒vorjaṃ॒-ya~ja̭māne dadhāti |
dyu॒madva̭data va॒yagṃ sa̭ghā॒nta-ñje॒ṣmetyā̭ha॒ bhrātṛ̭vyābhibhūtyai || mano᳚-śśra॒ddhādḙvasya॒ yaja̭mānasyāsura॒ghnī vāk | ya॒jñā॒yu॒dheṣu॒ pravi̭ṣṭā-''sīt | te-'sṷrā॒ yāva̭nto yajñāyu॒dhānā̭mu॒dvada̭tā-mu॒pāśṛ̭ṇvann |
te parā̭-'bhavann | tasmā॒-thsvānā॒-mmaddhyḙ-'va॒sāya̭ yajeta | yāva̭nto-'sya॒ bhrātṛ̭vyā yajñāyu॒dhānā̭-mu॒dvada̭tā-mupaśṛ॒ṇvanti̭ | te parā̭ bhavanti |
u॒ccai-ssa॒māha̭nta॒vā ā̭ha॒ viji̭tyai || 43 ||
vṛ॒ṅkta ḙṣāmindri॒yaṃ-vī~॒rya᳚m | śreṣṭha̭ eṣā-mbhavati || va॒r॒ṣa vṛ̭ddhamasi॒ prati̭ tvā va॒r॒ṣavṛ̭ddhaṃ-ve~॒ttvityā̭ha |
va॒r॒ṣavṛ̭ddhā॒ vā oṣa̭dhayaḥ |
va॒r॒ṣavṛ̭ddhā i॒ṣīkā॒-ssamṛ̭ddhyai |
ya॒jñagṃ rakṣā॒g॒syanu॒ prāvi̭śann |
tānya॒snā pa॒śubhyo̭ ni॒ravā̭dayanta |
tuṣai॒roṣa̭dhībhyaḥ || parā̭pūta॒gṃ॒ rakṣaḥ॒ parā̭pūtā॒ arā̭taya॒ ityā̭ha |
rakṣa̭sā॒mapa̭hatyai || 44 ||
rakṣa̭sā-mbhā॒go̭-'sītyā̭ha | tuṣai̭re॒va rakṣāgṃ̭si ni॒rava̭dayate | a॒pa upa̭spṛśati meddhya॒tvāya̭ | vā॒yurvo॒ vi vi̭na॒ktvityā̭ha | pa॒vitraṃ॒-vai~ vā॒yuḥ | pu॒nātye॒vaināṋ | a॒ntari̭kṣādiva॒ vā e॒te praska̭ndanti | ye śūrpā᳚t | de॒vo vaḥ̭ savi॒tā hira̭ṇyapāṇiḥ॒ prati̭gṛhṇā॒tvityā̭ha॒ prati̭ṣṭhityai |
ha॒viṣo-'ska̭ndāya | triṣpha॒līka̭rta॒vā ā̭ha | tryā̭vṛ॒ddhi ya॒jñaḥ | atho̭ meddhya॒tvāya̭ || 45 ||
(dvābhyā॒mu-tpṷnāti - ra॒śmayo̭ - naya॒ntyagrḙ ya॒jñapa̭tiṃ - ~ya॒jño - 'di̭ti॒ - raska̭ndāya - gṛhṇā॒mītyā̭ha - va॒detyā̭ha॒ - viji̭tyā॒ - apa̭hatyā॒ - aska̭ndāya॒ trīṇi̭ ca) (a. 5)
anuvākaṃ 6 - taṇḍulapeṣaṇam
ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha | rakṣa̭sā॒mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ | a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai |
pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ | tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata || 46 ||
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭dhipi॒naṣṭi̭ | ya॒jñāde॒va ta-dya॒jña-mprayṷṅkte | ha॒viṣo-'ska̭ndāya || dyāvā̭pṛthi॒vī sa॒hāstā᳚m | te śa̭myāmā॒trameka॒maha॒rvyaitāgṃ̭ śamyāmā॒trameka॒mahaḥ̭ || di॒va-sska̭mbha॒nira̭si॒ prati॒ tvā 'di̭tyā॒stvagve॒ttvityā̭ha |
dyāvā̭pṛthi॒vyo-rvītyai᳚ | dhi॒ṣaṇā̭-'si parva॒tyā
prati̭ tvā di॒va-sska̭mbha॒nirve॒ttvityā̭ha |
dyāvā̭pṛthi॒vyo-rvidhṛ̭tyai || 47 ||
dhi॒ṣaṇā̭-'si pārvate॒yī prati̭ tvā parva॒tirve॒ttvityā̭ha | dyāvā̭pṛthi॒vyordhṛtyai᳚ || de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ |
adhi̭vapā॒mītyā̭ha | ya॒thā॒de॒va॒ta-me॒vainā॒nadhi̭ vapati || dhā॒nya̭masi dhinu॒hi de॒vānityā̭ha | e॒tasya॒ yajṷṣo vī॒ryḙṇa || 48 ||
yāva॒dekā̭ de॒vatā̭ kā॒maya̭te॒ yāva॒dekā᳚ | tāva॒dāhṷtiḥ prathate | na hi tadasti̭ | yattāva̭de॒va syāt | yāva̭jju॒hoti̭ || prā॒ṇāya̭ tvā-'pā॒nāya॒ tvetyā̭ha | prā॒ṇāne॒va yaja̭māne dadhāti | dī॒rghāmanu॒ prasi̭ti॒māyṷṣe dhā॒mityā̭ha | āyṷre॒vāsmi̭-ndadhāti |
a॒ntari̭kṣādiva॒ vā e॒tāni॒ praska̭ndanti | yāni̭ dṛ॒ṣadaḥ̭ | de॒vo vaḥ̭ savi॒tā hira̭ṇyapāṇiḥ॒ prati̭ gṛhṇā॒tvityā̭ha॒ prati̭ṣṭhityai | ha॒viṣo-'ska̭ndāya ||
asaṃ̭va~pantī pigṃ̭ṣā॒ṇūni̭ kurutā॒dityā̭ha meddhya॒tvāya̭ || 49 ||
(nilā̭yata॒ - vidhṛ̭tyai - vī॒ryḙṇa - skandanti ca॒tvāri̭ ca ) (a. 6)
anuvākaṃ 7 - kapālopadhānam
dhṛṣṭi̭rasi॒ brahma̭ ya॒cchetyā̭ha॒ dhṛtyai᳚ ||
apā᳚gne॒ 'gnimā॒māda̭-ñjahi॒ niṣkra॒vyādagṃ̭
se॒dhā dḙva॒yajaṃ̭-va~॒hetyā̭ha |
ya e॒vāmātkra॒vyāt | tama̭pa॒hatya̭ | meddhye॒-'gnau ka॒pāla॒mupa̭dadhāti || nirda̭gdha॒gṃ॒ rakṣo॒ nirda̭gdhā॒ arā̭taya॒ ityā̭ha | rakṣāg̭sye॒va
nirda̭hati | a॒gni॒vatyupa̭dadhāti | a॒sminne॒va lo॒ke jyoti̭rdhatte | aṅgā̭ra॒madhi̭-vartayati || 50 ||
a॒ntari̭kṣa e॒va jyoti̭rdhatte |
ā॒di॒tyame॒vāmuṣmi̭n ~lo॒ke jyoti̭rdhatte |
jyoti̭ṣmanto-'smā i॒me lo॒kā bha̭vanti |
ya e॒vaṃ-ve~da̭ || dhru॒vama̭si pṛthi॒vī-ndṛ॒gṃ॒hetyā̭ha | pṛ॒thi॒vīme॒vaitena̭ dṛgṃhati |
dha॒rtrama̭sya॒ntari̭kṣa-ndṛ॒gṃ॒hetyā̭ha | a॒ntari̭kṣame॒vaitena̭ dṛgṃhati |
dha॒ruṇa̭masi॒ diva̭-ndṛ॒gṃ॒hetyā̭ha | diva̭me॒vaitena̭ dṛgṃhati || 51 ||
dharmā̭si॒ diśo̭ dṛ॒gṃ॒hetyā̭ha |
diśa̭ e॒vaitena̭ dṛgṃhati | i॒māne॒vaitai-rlo॒kā-ndṛgṃ̭hati | dṛgṃ ha̭nte-'smā i॒me lo॒kāḥ pra॒jayā̭ pa॒śubhiḥ̭ | ya e॒vaṃ-ve~da̭ || trīṇyagrḙ ka॒pālā॒nyupa̭dadhāti | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ |
eka॒magrḙ ka॒pāla॒mupa̭dadhāti |
ekaṃ॒-vā~ agrḙ ka॒pāla॒-mpurṷṣasya sa॒bhaṃva~̭ti || 52 ||
atha॒ dve | atha॒ trīṇi̭ | atha̭ ca॒tvāri̭ | athā॒ṣṭau |
tasmā̭da॒ṣṭāka̭pāla॒-mpurṷṣasya॒ śiraḥ̭ |
yade॒va-ṅka॒pālā᳚nyupa॒ dadhā̭ti | ya॒jño vai pra॒jāpa̭tiḥ | ya॒jñame॒va pra॒jāpa̭ti॒gṃ॒ saggska̭roti |
ā॒tmāna̭me॒va ta-thsaggska̭roti | tagṃ saggskṛ̭tamā॒tmāna᳚m || 53 ||
a॒muṣmi̭n ~lo॒ke-'nu॒parai̭ti || yada॒ṣṭāvṷpa॒ dadhā̭ti | gā॒ya॒tri॒yā ta-thsammi̭tam | yannava̭ | tri॒vṛtā॒ tat | ya-ddaśa̭ | vi॒rājā॒ tat | yadekā̭daśa | tri॒ṣṭubhā॒ tat | yaddvāda̭śa || 54 ||
jaga̭tyā॒ tat | chandaḥ̭ sammitāni॒ sa ṷpa॒dadha̭-tka॒pālā̭ni | i॒mān ~lo॒kāna̭nupū॒rva-ndiśo॒ vidhṛ̭tyai dṛgṃhati | athāyuḥ̭ prā॒ṇā-npra॒jā-mpa॒śūn. yaja̭māne dadhāti | sa॒jā॒tāna̭smā a॒bhito̭ bahu॒lān ka̭roti ||
cita॒-ssthetyā̭ha | ya॒thā॒ ya॒jure॒vaitat ||
bhṛgṷ̄ṇā॒maṅgi̭rasā॒-ntapa̭sā tapyaddhva॒mityā̭ha |
de॒vatā̭nā-me॒vainā̭ni॒ tapa̭sā tapati | tāni॒ tata॒-ssaggsthi̭te | yāni̭ gha॒rme ka॒pālā᳚n yupaci॒nvanti̭ ve॒dhasa॒ iti॒ catṷṣpadaya॒rcā vimṷñcati | catṷṣpādaḥ pa॒śavaḥ̭ | pa॒śuṣve॒vopari̭ṣṭā॒-tprati̭tiṣṭhati || 55 ||
(va॒rta॒ya॒ti॒ - diva̭me॒vaitena̭ dṛgṃhati - sa॒mbhava̭ti॒ - tagṃ saggskṛ̭tamā॒tmānaṃ॒ - dvāda̭śa॒ - saggsthi̭te॒ trīṇi̭ ca) (a. 7)
anuvākaṃ 8 - puroḍāśāniṣpādanam
de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ |
saṃva~̭pā॒mītyā̭ha | ya॒thā॒ de॒va॒tame॒vainā̭ni॒ saṃva~̭pati || samāpo̭ a॒dbhira̭gmata॒ samoṣa̭dhayo॒ rase॒netyā̭ha | āpo॒ vā oṣa̭dhī-rjinvanti | oṣa̭dhayo॒-'po ji̭nvanti |
a॒nyā vā e॒tāsā̭ma॒nyā ji̭nvanti || 56 ||
tasmā̭de॒vamā̭ha | sagṃ re॒vatī॒-rjaga̭tībhi॒-rmadhṷmatī॒-rmadhṷmatībhi-ssṛjyaddhva॒mityā̭ha |
āpo॒ vai re॒vatīḥ᳚ | pa॒śavo॒ jaga̭tīḥ | oṣa̭dhayo॒ madhṷmatīḥ | āpa॒ oṣa̭dhīḥ pa॒śūn | tāne॒vāsmā̭ eka॒dhā sa॒gṃ॒sṛjya̭ | madhṷmataḥ karoti |
a॒dbhyaḥ pari॒ prajā̭tā-sstha॒ sama॒dbhiḥ pṛ̭cyaddhva॒miti̭ pa॒ryāplā̭vayati |
yathā॒ suvṛ̭ṣṭa i॒māma̭nu vi॒sṛtya̭ || 57 ||
āpa॒ oṣa̭dhīrma॒haya̭nti | tā॒dṛge॒va tat ||
jana̭yatyai tvā॒ saṃyau~॒mītyā̭ha | pra॒jā e॒vaitena̭ dādhāra | a॒gnaye᳚ tvā॒-'gnīṣomā᳚bhyā॒mityā̭ha॒ vyāvṛ̭ttyai | ma॒khasya॒ śiro॒-'sītyā̭ha |
ya॒jño vai ma॒khaḥ | tasyai॒tacchiraḥ̭ | ya-tpṷro॒ḍāśaḥ̭ | tasmā̭de॒vamā̭ha || 58 ||
gha॒rmo̭-'si vi॒śvāyu॒rityā̭ha | viśva̭me॒vāyu॒-ryaja̭māne dadhāti | u॒ru pra̭thasvo॒ru tḙ ya॒jñapa̭tiḥ prathatā॒mityā̭ha | yaja̭māname॒va pra॒jayā̭ pa॒śubhiḥ̭ prathayati | tvaca̭-ṅgṛhṇī॒ṣvetyā̭ha |
sarva̭me॒vaina॒gṃ॒ sata̭nu-ṅkaroti | athā॒pa ā॒nīya॒ pari̭ mārṣṭi | mā॒gṃ॒sa e॒va ta-ttvaca̭-ndadhāti | tasmā᳚-ttva॒cā mā॒gṃ॒sa-ñcha॒nnam ||
gha॒rmo vā e॒ṣo-'śā᳚ntaḥ || 59 ||
a॒rdha॒mā॒se᳚-'rdhamāse॒ pravṛ̭jyate | ya-tpṷro॒ḍāśaḥ̭ | sa ī᳚śva॒ro yaja̭mānagṃ śu॒cā pra॒dahaḥ̭ | parya̭gni karoti | pa॒śume॒vaina̭makaḥ | śāntyā॒ apra̭dāhāya | triḥ parya̭gni karoti |
tryā̭vṛ॒ddhi ya॒jñaḥ | atho॒ rakṣa̭sā॒mapa̭hatyai ||
a॒ntari̭ta॒gṃ॒ rakṣo॒-'ntari̭tā॒ arā̭taya॒ ityā̭ha || 60 ||
rakṣa̭sā-ma॒ntarhi̭tyai | pu॒ro॒ḍāśaṃ॒-vā~ adhi̭śrita॒gṃ॒ rakṣāg̭syajighāgṃsann |
di॒vi nāko॒ nāmā॒gnī ra̭kṣo॒hā | sa e॒vāsmā॒-drakṣā॒g॒syapā̭hann | de॒vastvā̭ savi॒tā śra̭paya॒tvityā̭ha | sa॒vi॒tṛpra̭sūta e॒vainagg̭ śrapayati | varṣi̭ṣṭhe॒ adhi॒ nāka॒ ityā̭ha | rakṣa̭sā॒mapa̭hatyai | a॒gnistḙ ta॒nuva॒-mmā-'ti̭ dhā॒gityā॒hāna̭tidāhāya | agnḙ ha॒vyagṃ ra̭kṣa॒svetyā̭ha॒ guptyai᳚ || 61 ||
avi̭dahanta-śśrapaya॒teti॒ vācaṃ॒-vi~sṛ̭jate |
ya॒jñame॒va ha॒vīgṣya̭bhi-vyā॒hṛtya॒ prata̭nute |
pu॒ro॒ruca॒mavi̭dāhāya॒ śṛtyai̭ karoti || ma॒stiṣko॒ vai pṷro॒ḍāśaḥ̭ | taṃ-ya~nnābhi̭vā॒saye᳚t | ā॒virma॒stiṣkaḥ̭ syāt | a॒bhivā̭sayati |
tasmā॒-dguhā̭ ma॒stiṣkaḥ̭ | bhasma̭nā॒-'bhi vā̭sayati |
tasmā᳚-nmā॒gṃ॒senāsthi̭ cha॒nnam || 62 ||
ve॒denā॒bhi vā̭sayati | tasmā॒-tkeśai॒-śśiraḥ̭ cha॒nnam |
akha̭latibhāvuko bhavati | ya e॒vaṃ-ve~da̭ || pa॒śorvai pra̭ti॒mā pṷro॒ḍāśaḥ̭ | sa nāya॒juṣka̭-mabhi॒vāsyaḥ̭ | vṛthḙva syāt | ī॒śva॒rā yaja̭mānasya pa॒śavaḥ॒ pramḙtoḥ || sa-mbrahma̭ṇā pṛcya॒svetyā̭ha | prā॒ṇā vai brahma̭ || 63 ||
prā॒ṇāḥ pa॒śavaḥ̭ | prā॒ṇaire॒va pa॒śūnth
sampṛ̭ṇakti | na pra॒māyṷkā bhavanti | yaja̭māno॒ vai pṷro॒ḍāśaḥ̭ | pra॒jā pa॒śavaḥ॒ purī̭ṣam |
yade॒vama̭bhi vā॒saya̭ti | yaja̭māname॒va pra॒jayā̭ pa॒śubhi॒-ssama̭rdhayati || de॒vā vai ha॒vi-rbhṛ॒tvā-'brṷvann | kasmi̭nni॒da-mmra̭kṣyāmaha॒ iti̭ |
so᳚-'gnira̭bravīt || 64 ||
mayi̭ ta॒nū-ssannidha̭ddhvam | a॒haṃ-va~॒sta-ñja̭nayiṣyāmi | yasmi̭-nmra॒kṣyaddhva॒ iti̭ | te de॒vā a॒gnau ta॒nū-ssa-nnya̭dadhata | tasmā̭dāhuḥ |
a॒gni-ssarvā̭ de॒vatā॒ iti̭ | so-'ṅgā̭reṇā॒paḥ |
a॒bhya̭pātayat | tata̭ eka॒to̭-'jāyata |
sa dvi॒tīya̭ma॒bhya̭pātayat || 65 ||
tato᳚ dvi॒to̭-'jāyata | sa tṛ॒tīya̭-ma॒bhya̭pātayat |
tata̭-stri॒to̭-'jāyata | yada॒dbhyo-'jā̭yanta | tadā॒pyānā̭māpya॒tvam | yadā॒tmabhyo 'jā̭yanta |
tadā॒tmyānā̭-mātmya॒tvam || te de॒vā ā॒pyeṣva̭mṛjata | ā॒pyā a̭mṛjata॒ sūryā᳚bhyudite | sūryā᳚bhyudita॒-ssūryā̭bhinimrukte || 66 ||
sūryā̭bhinimruktaḥ kuna॒khini̭ | ku॒na॒khī śyā॒vada̭ti | śyā॒vada̭nnagradidhi॒ṣau | a॒gra॒di॒dhi॒ṣuḥ pa̭rivi॒tte | pa॒ri॒vi॒tto vī̭ra॒haṇi̭ | vī॒ra॒hā bra̭hma॒haṇi̭ |
tadbra̭hma॒haṇa॒-nnātya̭cyavata | a॒nta॒rve॒di nina̭ya॒tyava̭ruddhyai | ulmṷkenā॒bhi gṛ̭hṇāti śṛta॒tvāya̭ | śṛ॒takā̭mā iva॒ hi de॒vāḥ || 67 ||
(a॒nyā ji̭nvan-tyanuvi॒sṛtyai॒-vamā॒-hāśā᳚nta-āha॒-guptyai̭-cha॒nnaṃ - brahmā᳚-bravī-ddvi॒tīya̭ma॒bhya̭pātaya॒-thsūryā̭bhinimrukte-de॒vāḥ) (a. 8)
anuvākaṃ 9 - vedikaraṇam
de॒vasya̭ tvā savi॒tuḥ pra̭sa॒va iti॒ sphyamāda̭tte॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ || āda̭da॒ indra̭sya bā॒hura̭si॒ dakṣi̭ṇa॒ ityā̭ha | i॒ndri॒yame॒va yaja̭māne dadhāti | sa॒hasra̭bhṛṣṭi-śśa॒tatḙjā॒ ityā̭ha |
rū॒pame॒vāsyai॒ta-nma̭hi॒mānaṃ॒-vyā~ca̭ṣṭe ||
vā॒yura̭si ti॒gmatḙjā॒ ityā̭ha | tejo॒ vai vā॒yuḥ || 68 ||
teja̭ e॒vāsmi̭-ndadhāti || vi॒ṣādvai nāmā̭su॒ra ā̭sīt | so̭-'bibhet | ya॒jñena̭ mā de॒vā a॒bhibha̭viṣya॒ntīti̭ | sa pṛ̭thi॒vīma॒bhya̭vamīt | sā 'me॒ddhyā 'bha̭vat | atho॒ yadindro̭ vṛ॒tramahanṋ | tasya॒ lohi̭ta-mpṛthi॒vīmanu॒ vya̭dhāvat | sā 'me॒ddhyā 'bha̭vat |
pṛthi̭vi devayaja॒nītyā̭ha || 69 ||
meddhyā̭me॒vainā᳚-ndeva॒yaja̭nī-ṅkaroti |
oṣa̭ddhyāste॒ mūla॒-mmā higṃ̭siṣa॒mityā̭ha | oṣa̭dhīnā॒-mahigṃ̭sāyai || vra॒ja-ṅga̭ccha go॒sthāna॒mityā̭ha | chandāgṃ̭si॒ vai vra॒jo go॒sthānaḥ̭ | chandāg̭sye॒vāsmai᳚ vra॒ja-ṅgo॒sthāna̭-ṅkaroti || varṣa̭tu te॒ dyaurityā̭ha |
vṛṣṭi॒rvai dyauḥ | vṛṣṭi̭me॒vāva̭rundhe ||
ba॒dhā॒na dḙva savitaḥ para॒masyā᳚-mparā॒vatītyā̭ha || 70 ||
dvau vāva purṷṣau | ya-ñcai॒va dveṣṭi̭ | yaścai̭na॒-ndveṣṭi̭ | tāvu॒bhau ba̭ddhnāti para॒masyā᳚-mparā॒vati̭ śa॒tena॒ pāśaiḥ᳚ | yo᳚-'smā-ndveṣṭi॒ ya-ñca̭ va॒ya-ndvi॒ṣmastamato॒ mā mau॒gityā॒hāni̭mruktyai ||
a॒raru॒rvai nāmā̭su॒ra ā̭sīt |
sa pṛ̭thi॒vyāmupa̭mlupto-'śayat |
ta-nde॒vā apa̭hato॒-'raruḥ̭ pṛthi॒vyā iti̭ pṛthi॒vyā apā᳚ghnann | bhrātṛ̭vyo॒ vā a॒raruḥ̭ | apa̭hato॒-'raruḥ̭ pṛthi॒vyā iti॒ yadāha̭ || 71 ||
bhrātṛ̭vyame॒va pṛ̭thi॒vyā apa̭hanti | tḙ-'manyanta |
divaṃ॒-vā~ a॒yami॒taḥ pa̭tiṣya॒tīti̭ |
tama॒rarṷste॒ diva॒-mmā skā॒niti̭ di॒vaḥ parya̭bādhanta | bhrātṛ̭vyo॒ vā a॒raruḥ̭ | a॒rarṷste॒ diva॒-mmā skā॒niti॒ yadāha̭ | bhrātṛ̭vyame॒va di॒vaḥ pari̭bādhate |
sta॒mba॒ ya॒jur-ha̭rati | pṛ॒thi॒vyā e॒va bhrātṛ̭vya॒-mapa̭hanti | dvi॒tīyagṃ̭ harati || 72 ||
a॒ntari̭kṣāde॒vaina॒-mapa̭hanti | tṛ॒tīyagṃ̭ harati | di॒va e॒vaina॒-mapa̭hanti | tū॒ṣṇī-ñca̭tu॒rthagṃ ha̭rati | apa̭rimitāde॒vaina॒-mapa̭hanti || asṷrāṇāṃ॒-vā~ i॒yamagra̭ āsīt | yāva॒dāsī̭naḥ parā॒ paśya̭ti |
tāva̭-dde॒vānā᳚m | te de॒vā a̭bruvann |
astve॒va no॒-'syāmapīti̭ || 73 ||
kya̭nno dāsya॒theti̭ | yāva̭thsva॒ya-mpa̭rigṛhṇī॒theti̭ |
te vasa̭va॒stveti̭ dakṣiṇa॒taḥ parya̭gṛhṇann | ru॒drāstveti̭ pa॒ścāt | ā॒di॒tyā-stvetyṷttara॒taḥ | te᳚-'gninā॒ prāñco̭-'jayann | vasṷbhi-rdakṣi॒ṇā |
ru॒draiḥ pra॒tyañcaḥ̭ | ā॒di॒tyairuda̭ñcaḥ |
yasyai॒vaṃ-vi~॒duṣo॒ vedi̭-mpari gṛ॒hṇanti̭ || 74 ||
bhava̭tyā॒tmanā᳚ | parā᳚-'sya॒ bhrātṛ̭vyo bhavati ||
de॒vasya̭ savi॒tu-ssa॒va ityā̭ha॒ prasū᳚tyai |
karma̭ kṛṇvanti ve॒dhasa॒ ityā̭ha | i॒ṣi॒tagṃ hi karma̭ kri॒yate᳚ | pṛ॒thi॒vyai meddhya̭-ñcāme॒ddhya-ñca॒ vyuda̭krāmatām | prā॒cīna̭-mudī॒cīna॒-mmeddhya᳚m | pra॒tī॒cīna̭-ndakṣi॒ṇā 'me॒ddhyam |
prācī॒mudī̭cī-mprava॒ṇā-ṅka̭roti |
meddhyā̭me॒vainā᳚-ndeva॒yaja̭nī-ṅkaroti || 75 ||
prāñcaṷ vedya॒gṃ॒ sāvunna̭yati | ā॒ha॒va॒nīya̭sya॒ pari̭gṛhītyai | pra॒tīcī॒ śroṇī᳚ | gārha̭patyasya॒ pari̭gṛhītyai | atho̭ mithuna॒tvāya̭ | uddha̭nti | yade॒vāsyā̭ ame॒ddhyam | tadapa̭hanti | uddha̭nti |
tasmā॒doṣa̭dhayaḥ॒ parā̭bhavanti || 76 ||
mūla̭-ñchinatti | bhrātṛ̭vyasyai॒va mūla̭-ñchinatti |
mūlaṃ॒-vā~ a̭ti॒tiṣṭha॒-drakṣā॒g॒syanū-tpi̭pate | yaddhastḙna chi॒ndyāt | ku॒na॒khinīḥ᳚ pra॒jā-ssyuḥ̭ | sphyena̭ chinatti | vajro॒ vai sphyaḥ |
vajrḙṇai॒va ya॒jñā-drakṣā॒g॒syapa̭hanti | pi॒tṛ॒de॒va॒tyā 'ti̭khātā | iya̭tī-ṅkhanati || 77 ||
pra॒jāpa̭tinā yajñamu॒khena॒ sammi̭tām || vedi̭rde॒vebhyo॒ nilā̭yata | tā-ñca̭turaṅgu॒le 'nva̭vindann | tasmā᳚ccaturaṅgu॒la-ṅkheyā᳚ |
ca॒tu॒raṅgu॒la-ṅkha̭nati | ca॒tu॒ra॒ṅgu॒le hyoṣa̭dhayaḥ prati॒tiṣṭha̭nti |
āpra̭ti॒ṣṭhāyai̭ khanati | yaja̭māname॒va pra̭ti॒ṣṭhā-ṅga̭mayati | da॒kṣi॒ṇa॒to varṣī̭yasī-ṅkaroti |
de॒va॒yaja̭nasyai॒va rū॒pama̭kaḥ || 78 ||
purī̭ṣavatī-ṅkaroti | pra॒jā vai pa॒śavaḥ॒ purī̭ṣam |
pra॒jayai॒vaina̭-mpa॒śubhiḥ॒ purī̭ṣavanta-ṅkaroti | utta̭ra-mparigrā॒ha-mpari̭gṛhṇāti | e॒tāva̭tī॒ vai pṛ̭thi॒vī | yāva̭tī॒ vediḥ̭ | tasyā̭ e॒tāva̭ta e॒va bhrātṛ̭vya-nni॒rbhajya̭ | ā॒tmana॒ utta̭ra-mparigrā॒ha-mpari̭gṛhṇāti |
ṛ॒ta-ma̭syṛta॒sada̭na-masyṛta॒śrīra॒sītyā̭ha | ya॒thā॒ ya॒jure॒vai tat || 79 ||
krū॒rami̭va॒ vā e॒ta-tka̭roti | yadvedi̭-ṅka॒roti̭ |
dhā a̭si sva॒dhā a॒sīti̭ yoyupyate॒ śāntyai᳚ |
u॒rvī cāsi॒ vasvī̭ cā॒sītyā̭ha |
u॒rvīme॒vaināṃ॒-va~svī᳚-ṅkaroti |
pu॒rā krū॒rasya̭ vi॒sṛpo̭ viraphśi॒nnityā̭ha meddhya॒tvāya̭ | u॒dā॒dāya̭ pṛthi॒vī-ñjī॒radā̭nu॒ryāmaira̭ya-ñca॒ndrama̭si sva॒dhābhi॒rityā̭ha |
yade॒vāsyā̭ ame॒ddhyam | tada̭pa॒hatya̭ |
meddhyā᳚-ndeva॒yaja̭nī-ṅkṛ॒tvā || 80 ||
yada॒daśca॒ndrama̭si॒ meddhya᳚m | tada॒syāmera̭yati |
tā-ndhīrā̭so anu॒dṛśya̭ yajanta॒ ityā॒hānṷkhyātyai || prokṣa̭ṇī॒rāsā̭daya | i॒ddhmāba॒r॒hi-rupa̭sādaya | sru॒va-ñca॒ sruca̭śca॒ sammṛ̭ḍḍhi | patnī॒gṃ॒ sanna̭hya | ājyḙno॒dehītyā̭hānupū॒rvatā̭yai | prokṣa̭ṇī॒rāsā̭dayati | āpo॒ vai ra̭kṣo॒ghnīḥ || 81 ||
rakṣa̭sā॒mapa̭hatyai | sphyasya॒ vartman᳚-thsādayati | ya॒jñasya॒ santa̭tyai | u॒vāca॒ hāsi̭to daiva॒laḥ | e॒tāva̭tī॒rvā a॒muṣmi̭n ~lo॒ka āpa̭ āsann |
yāva̭tīḥ॒ prokṣa̭ṇī॒riti̭ | tasmā᳚-dba॒hvīrā॒sādyāḥ᳚ | sphyamu॒dasyanṋ | ya-ndvi॒ṣyātta-ndhyā̭yet | śu॒caivaina̭-marpayati || 82 ||
(vai vā॒yu - rā̭ha - parā॒vatītyā॒hā - ha̭ - dvi॒tīyagṃ̭ hara॒ - tīti̭ - parigṛ॒hṇanti̭ - deva॒yaja̭nī-ṅkaroti - bhavanti - khanatya - ka - re॒tat - kṛ॒tvā - ra̭kṣo॒ghnī - ra̭rpayati) (a. 9)
anuvākaṃ 10 - idhmābarhi-ssādanam
vajro॒ vai sphyaḥ | yada॒nvañca̭-ndhā॒raye᳚t | vajre᳚-'ddhva॒ryuḥ, kṣa̭ṇvīta | pu॒rastā᳚-tti॒ryañca̭-ndhārayati | vajro॒ vai sphyaḥ | vajrḙṇai॒va ya॒jñasya̭ dakṣiṇa॒to rakṣā॒g॒syapa̭hanti |
a॒gnibhyā॒-mprāca̭śca pra॒tīca̭śca | sphyenodī̭caścā-dha॒rāca̭śca | sphyena॒ vā e॒ṣa vajrḙṇā॒syai pā॒pmāna॒-mbhrātṛ̭vya-mapa॒hatya̭ |
u॒tka॒re-'dhi॒ pravṛ̭ścati || 83 ||
yatho̭pa॒dhāya̭ vṛ॒ścantya॒vam | hastā॒vava̭ nenikte | ā॒tmāna̭me॒va pa̭vayate | sphya-mprakṣā̭layati meddhya॒tvāya̭ | atho̭ pā॒pmana̭ e॒va bhrātṛ̭vyasya nya॒ṅga-ñchi̭natti || i॒ddhmā-ba॒r॒hi-rupa̭sādayati॒ yuktyai᳚ | ya॒jñasya̭ mithuna॒tvāya̭ |
atho̭ puro॒ruca̭me॒vaitā-nda̭dhāti |
utta̭rasya॒ karma॒ṇo-'nṷkhyātyai |
na pu॒rastā᳚-tpra॒tyagupa̭sādayet || 84 ||
ya-tpu॒rastā᳚-tpra॒tya-gṷpasā॒daye᳚t |
a॒nyatrā̭hutipa॒thādi॒ddhma-mprati̭pādayet | pra॒jā vai ba॒r॒hiḥ | apa̭rāddhnuyā-dba॒r॒hiṣā᳚ pra॒jānā᳚-mpra॒jana̭nam | pa॒ścāt-prāgupa̭sādayati | ā॒hu॒ti॒pa॒thene॒ddhma-mprati̭pādayati |
sa॒pra॒ntyḙva ba॒r॒hiṣā᳚ pra॒jānā᳚-mpra॒jana̭na॒mupai̭ti | dakṣi̭ṇami॒ddhmam |
utta̭ra-mba॒ra॒ḥiḥ | ā॒tmā vā i॒ddhmaḥ |
pra॒jā ba॒r॒hiḥ | pra॒jā hyā᳚tmana॒ utta̭ratarā tī॒rthe |
tato॒ medha̭mupa॒nīya̭ | ya॒thā॒ de॒va॒tame॒vaina॒t-prati̭ṣṭhāpayati | prati̭tiṣṭhati pra॒jayā̭ pa॒śubhi॒-ryaja̭mānaḥ || 85 ||
(vṛ॒śca॒ti॒ - sā॒da॒ye॒ - di॒ddhmaḥ pañca̭ ca) (a. 10)
(tṛtīya̭syāṃ - de॒vasyā᳚śvapa॒r॒śuṃ-yo~ vai - pū᳚rve॒dyuḥ - karma̭ṇe vā॒ - mindro̭ vṛ॒trama̭ha॒n-thso̭-'po - 'va̭dhūtaṃ॒ - dhṛṣṭi̭--r de॒vasyetyā̭ha॒ saṃva~̭pāmi - de॒vasya॒ sphyamāda̭de॒ - vajro॒ vai sphyo daśa̭)
(tṛ॒tīya̭syāṃ - ~ya॒jñasyāna̭tirekāya - pa॒vitra̭vatya - dhva॒ryu-ñcā̭ - dhi॒ṣava̭ṇamasya॒ - ntari̭kṣa e॒va - rakṣa̭sāma॒ntarhi̭tyai॒ - dvau vāva purṷṣo॒ - yada॒daśca॒ndrama̭si॒ meddhya॒-mpañcāśī̭tiḥ)
(tṛ॒tīya̭syāṃ॒ - ~yaja̭mānaḥ)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके द्वितीयः प्रपाठकः - दशपूर्णमासेष्टिब्राह्मणम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - वथ्सापाकरणम्
तृ॒तीय॑स्यामि॒तो दि॒वि सोम॑ आसीत् । त-ङ्गा॑य॒त्र्याह॑रत् ।
तस्य॑ प॒र्णम॑च्छिद्यत । त-त्प॒र्णो॑-ऽभवत् । त-त्प॒र्णस्य॑ पर्ण॒त्वम् । ब्रह्म॒ वै प॒र्णः । य-त्प॑र्णशा॒खया॑ व॒थ्सान॑पाक॒रोति॑ ।
ब्रह्म॑णै॒वैना॑न॒पाक॑रोति ॥ गा॒य॒त्रो वै प॒र्णः । गा॒य॒त्राः प॒शवः॑ ॥ 1 ॥
तस्मा॒-त्त्रीणि॑त्रीणि प॒र्णस्य॑ पला॒शानि॑ । त्रि॒पदा॑ गाय॒त्री । य-त्प॑र्णश॒खया॒ गाः प्रा॒र्पय॑ति । स्वयै॒वैना॑ दे॒वत॑या॒ प्रार्प॑यति । य-ङ्का॒मये॑ता प॒शु-स्स्या॒दिति॑ । अ॒प॒र्णा-न्तस्मै॒ शुष्का᳚ग्रा॒माह॑रेत् ।
अ॒प॒शुरे॒व भ॑वति । य-ङ्का॒मये॑त पशु॒मान्-थ्स्या॒दिति॑ । ब॒हु॒प॒र्णा-न्तस्मै॑ बहुशा॒खामाह॑रेत् । प॒शु॒मन्त॑-मे॒वैन॑-ङ्करोति ॥ 2 ॥
य-त्प्राची॑मा॒हरे᳚त् । दे॒व॒लो॒क-म॒भिज॑येत् । यदुदी॑ची-म्मनुष्यलो॒कम् । प्राची॒मुदी॑ची॒माह॑रति । उ॒भयो᳚-र्लो॒कयो॑-र॒भिजि॑त्यै ॥ इ॒षे त्वो॒र्जे त्वेत्या॑ह । इष॑मे॒वोर्जं॒-यँज॑माने दधाति ॥
वा॒यव॒-स्स्थेत्या॑ह । वा॒युर्वा अ॒न्तरि॑क्ष॒-स्याद्ध्य॑क्षाः ।
अ॒न्त॒रि॒क्ष॒दे॒व॒त्याः᳚ खलु॒ वै प॒शवः॑ ॥ 3 ॥
वा॒यव॑ ए॒वैना॒-न्परि॑ ददाति । प्र वा ए॑नाने॒तदा-क॑रोति । यदाह॑ । वा॒यव॒-स्स्थेत्यु॑पा॒यवः॒
स्थेत्या॑ह । यज॑मानायै॒व प॒शूनुप॑ह्वयते ॥
दे॒वो वः॑ सवि॒ता प्रार्प॑य॒त्वित्या॑ह॒ प्रसू᳚त्यै ॥ श्रेष्ठ॑तमाय॒ कर्म॑ण॒ इत्या॑ह ।
य॒ज्ञो हि श्रेष्ठ॑तम॒-ङ्कर्म॑ । तस्मा॑दे॒वमा॑ह ॥
आप्या॑यद्ध्वमघ्निया देवभा॒गमित्या॑ह ॥ 4 ॥
व॒थ्सेभ्य॑श्च॒ वा ए॒ताः पु॒रा म॑नु॒ष्ये᳚भ्य॒-श्चाप्या॑यन्त । दे॒वेभ्य॑ ए॒वैना॒ इन्द्रा॒याप्या॑यति ॥ ऊर्ज॑स्वतीः॒ पय॑स्वती॒रित्या॑ह । ऊर्ज॒ग्ं ॒हि पयः॑ स॒म्भर॑न्ति ॥ प्र॒जाव॑ती-रनमी॒वा अ॑य॒क्ष्मा इत्या॑ह॒ प्रजा᳚त्यै । मावः॑ स्ते॒न ई॑शत॒ मा-ऽघशग्ं॑स॒ इत्या॑ह॒ गुप्त्यै᳚ ॥ रु॒द्रस्य॑ हे॒तिः परि॑ वो वृण॒क्त्वित्या॑ह । रु॒द्रा दे॒वैना᳚-स्त्रायते ॥
ध्रु॒वा अ॒स्मि-न्गोप॑तौ स्यात ब॒ह्वीरित्या॑ह ।
ध्रु॒वा ए॒वास्मि॑-न्ब॒ह्वीः क॑रोति ॥ 5 ॥
यज॑मानस्य प॒शू-न्पा॒हीत्या॑ह । प॒शु॒ना-ङ्गो॑पी॒थाय॑ । तस्मा᳚थ्सा॒य-म्प॒शव॒ उप॑ स॒माव॑र्तन्ते ॥ अन॑ध-स्सादयति । गर्भा॑णा॒-न्धृत्या॒ अप्र॑पादाय । तस्मा॒द्गर्भाः᳚ प्र॒जाना॒मप्र॑पादुकाः ।
उ॒परी॑व॒ निद॑धाति । उ॒परी॑व॒ हि सु॑व॒र्गो लो॒कः ।
सु॒व॒र्गस्य॑ लो॒कस्य॒ सम॑ष्ट्यै ॥ 6 ॥
(प॒शवः॑ - करोति - प॒शवो॑ - देवभा॒गमित्या॑ह - करोति॒ - +नव॑ च) (अ. 1)
अनुवाकं 2 - बर्हिराहरणम्
दे॒वस्य॑ त्वा सवि॒तुः प्र॑स॒व इत्य॑श्वप॒र्॒शुमाद॑त्ते॒ प्रसू᳚त्यै ।
अ॒श्विनो᳚-र्बा॒हुभ्या॒मित्या॑ह ।
अ॒श्विनौ॒ हि दे॒वाना॑मद्ध्व॒र्यू आस्ता᳚म् ।
पू॒ष्णो हस्ता᳚भ्या॒मित्या॑ह॒ यत्यै᳚ ॥ यो वा ओष॑धीः पर्व॒शो वेद॑ । नैना॒-स्स हि॑नस्ति । प्र॒जाप॑ति॒र्वा ओष॑धीः पर्व॒शो वे॑द । स ए॑ना॒ न हि॑नस्ति । अ॒श्व॒प॒र्श्वा ब॒र्॒हिरच्छै॑ति ।
प्रा॒जा॒प॒त्यो वा अश्वः॑ सयोनि॒त्वाय॑ ॥ 7 ॥
ओष॑धीना॒महिग्ं॑सायै ॥
य॒ज्ञस्य॑ घो॒षद॒सीत्या॑ह ।
यज॑मान ए॒व र॒यि-न्द॑धाति । प्रत्यु॑ष्ट॒ग्ं॒ रक्षः॒ प्रत्यु॑ष्टा॒ अरा॑तय॒ इत्या॑ह ।
रक्ष॑सा॒-मप॑हत्यै ॥ प्रेयम॑गाद्धि॒षणा॑ ब॒र्॒हिरच्छेत्या॑ह । वि॒द्या वै धि॒षणा᳚ । वि॒द्ययै॒वैन॒दच्छै॑ति ॥ मनु॑ना कृ॒ता स्व॒धया॒ वित॒ष्टेत्या॑ह । मा॒न॒वी हि पर्शुः॑ स्व॒धाकृ॑ता ॥ 8 ॥
त आव॑हन्ति क॒वयः॑ पु॒रस्ता॒दित्या॑ह । शु॒श्रु॒वाग्ंसो॒ वै क॒वयः॑ । य॒ज्ञः पु॒रस्ता᳚त् । मु॒ख॒त ए॒व य॒ज्ञमार॑भते । अथो॒ यदे॒तदु॒क्त्वा यतः॒ कुत॑श्चा॒हर॑ति । त-त्प्राच्या॑ ए॒व दि॒शो भ॑वति ॥
दे॒वेभ्यो॒ जुष्ट॑मि॒ह ब॒र्॒हिरा॒सद॒ इत्या॑ह । ब॒र्॒हिष॒-स्समृ॑द्ध्यै । कर्म॒णो-ऽन॑पराधाय ॥ दे॒वाना᳚-म्परिषू॒तम॒सीत्या॑ह ॥ 9 ॥
यद्वा इ॒द-ङ्कि-ञ्च॑ । त-द्दे॒वाना᳚-म्परिषू॒तम् ।
अथो॒ यथा॒ वस्य॑से प्रति॒ प्रोच्याहे॒द-ङ्क॑रिष्या॒मीति॑ । ए॒वमे॒व तद॑द्ध्व॒र्यु-र्दे॒वेभ्यः॑ प्रति॒ प्रोच्य॑ ब॒र्॒हिर्दा॑ति । आ॒त्मनो-ऽहिग्ं॑सायै ॥ याव॑त-स्स्त॒म्बा-न्प॑रि दि॒शेत् । यत्तेषा॑-मुच्छि॒ग्ग्॒ष्यात् । अति॒ त-द्य॒ज्ञस्य॑ रेचयेत् । एकग्ग्॑ स्त॒म्ब-म्परि॑दिशेत् ।
तग्ं सर्व॑-न्दायात् ॥ 10 ॥
य॒ज्ञस्यान॑तिरेकाय ॥ व॒र्॒षवृ॑द्ध-म॒सीत्या॑ह ।
व॒र्॒ष वृ॑द्धा॒ वा ओष॑धयः ॥
देव॑ बर्हि॒रित्या॑ह । दे॒वेभ्य॑ ए॒वैन॑-त्करोति ।
मा त्वा॒-ऽन्वम्मा ति॒र्यगित्या॒हा हिग्ं॑सायै ।
पर्व॑ ते राद्ध्यास॒मित्या॒-हर्ध्यै᳚ ॥
आ॒च्छे॒त्ता ते॒ मा रि॑ष॒मित्या॑ह । नास्या॒त्मनो॑ मीयते ।
य ए॒वं-वेँद॑ ॥ 11 ॥
देव॑बर्हि-श्श॒तव॑ल्शं॒-विँरो॒हेत्या॑ह । प्र॒जा वै ब॒र्॒हिः । प्र॒जाना᳚-म्प्र॒जन॑नाय ॥ स॒हस्र॑वल्शा॒ वि व॒यग्ं रु॑हे॒मेत्या॑ह । आ॒शिष॑मे॒वैतामाशा᳚स्ते ॥ पृ॒थि॒व्या-स्स॒पृञ्चः॑ पा॒हीत्या॑ह॒ प्रति॑ष्ठित्यै ॥
अयु॑ङ्गायुङ्गा-न्मु॒ष्टीन् ँलु॑नोति । मि॒थु॒न॒त्वाय॒ प्रजा᳚त्यै ॥ सु॒स॒भृन्ता᳚ त्वा॒ सम्भ॑रा॒मीत्या॑ह । ब्रह्म॑णै॒वैन॒थ्- सम्भ॑रति ॥ 12 ॥
अदि॑त्यै॒ रास्ना॒-ऽसीत्या॑ह । इ॒यं-वाँ अदि॑तिः ।
अ॒स्या ए॒वैन॒-द्रास्ना᳚-ङ्करोति ॥ इ॒न्द्रा॒ण्यै स॒नंह॑न॒मित्या॑ह । इ॒न्द्रा॒णी वा अग्रे॑ दे॒वता॑ना॒ग्ं॒ सम॑नह्यत । सा ऽऽर्ध्नो᳚त् ।
ऋद्ध्यै॒ सन्न॑ह्यति । प्र॒जा वै ब॒र्॒हिः ।
प्र॒जाना॒मप॑रावापाय ।
तस्मा॒-थ्स्नाव॑सन्तताः प्र॒जा जा॑यन्ते ॥ 13 ॥
पू॒षा ते᳚ ग्र॒न्थि-ङ्ग्र॑थ्ना॒त्वित्या॑ह ।
पुष्टि॑मे॒व यज॑माने दधाति ॥ स ते॒ मा-ऽऽ स्था॒दित्या॒हाहिग्ं॑सायै ॥ प॒श्चा-त्प्राञ्च॒मुप॑गूहति ।
प॒श्चा-द्वै प्रा॒चीन॒ग्ं॒ रेतो॑ धीयते ।
प॒श्चादे॒वास्मै᳚ प्रा॒चीन॒ग्ं॒ रेतो॑ दधाति ॥
इन्द्र॑स्य त्वा बा॒हुभ्या॒-मुद्य॑च्छ॒ इत्या॑ह । इ॒न्द्रि॒यमे॒व यज॑माने दधाति ॥
बृह॒स्पते᳚र्मू॒र्ध्ना ह॑रा॒मीत्या॑ह ।
ब्रह्म॒ वै दे॒वाना॒-म्बृह॒स्पतिः॑ ॥ 14 ॥
ब्रह्म॑णै॒वैन॑द्धरति ॥ उ॒र्व॑न्तरि॑क्ष॒-मन्वि॒हीत्या॑ह॒ गत्यै᳚ ॥ दे॒व॒ग॒म्मम॒सीत्या॑ह । दे॒वाने॒वैन॑द्गमयति ॥ अन॑ध-स्सादयति ।
गर्भा॑णा॒-न्धृत्या॒ अप्र॑पादाय । तस्मा॒-द्गर्भाः᳚ प्र॒जाना॒मप्र॑पादुकाः । उ॒परी॑व॒ निद॑धाति । उ॒परी॑व॒ हि सु॑व॒र्गो लो॒कः ।
सु॒व॒र्गस्य॑ लो॒कस्य॒ सम॑ष्ट्यै ॥ 15 ॥
(स॒यो॒नि॒त्वाय॑ - स्व॒धाकृ॑ता॒ - ऽसीत्या॑ह - दाया॒-द्- वेद॑ - भरति - जायन्ते॒ - बृह॒स्पतिः॒ - सम॑ष्ट्यै) (अ. 2)
अनुवाकं 3 - दोहनम्
पू॒र्वे॒द्युरि॒द्ध्मा ब॒र्॒हिः क॑रोति । य॒ज्ञमे॒वारभ्य॑ गृही॒त्वोप॑वसति ॥ प्र॒जाप॑ति-र्य॒ज्ञम॑सृजत । तस्यो॒खे अ॑स्रग्ंसेताम् । य॒ज्ञो वै प्र॒जाप॑तिः ।
य-थ्सा᳚न्नाय्यो॒खे भव॑तः ।
य॒ज्ञस्यै॒व तदु॒खे उप॑दधा॒त्य-प्र॑स्रग्ंसाय ॥
शुन्ध॑द्ध्व॒-न्दैव्या॑य॒ कर्म॑णे देवय॒ज्याया॒ इत्या॑ह । दे॒व॒य॒ज्याया॑ ए॒वैना॑नि शुन्धति ॥ मा॒त॒रिश्व॑नो घ॒र्मो॑-ऽसीत्या॑ह ॥ 16 ॥
अ॒न्तरि॑क्षं॒-वैँ मा॑त॒रिश्व॑नो घ॒र्मः ।
ए॒षां-लोँ॒कानां॒-विँधृ॑त्यै ॥
द्यौर॑सि पृथि॒व्य॑सीत्या॑ह । दि॒वश्च॒ ह्ये॑षा पृ॑थि॒व्याश्च॒ सम्भृ॑ता । यदु॒खा ।
तस्मा॑दे॒वमा॑ह ॥ वि॒श्वधा॑या असि पर॒मेण॒ धाम्नेत्या॑ह । वृष्टि॒र्वै वि॒श्वधा॑याः । वृष्टि॑मे॒वाव॑रुन्धे । दृग्ंह॑स्व॒ मा ह्वा॒रित्या॑ह॒ धृत्यै᳚ ॥ 17 ॥
वसू॑ना-म्प॒वित्र॑म॒सीत्या॑ह । प्रा॒णा वै वस॑वः ।
तेषां॒-वाँ ए॒त-द्भा॑ग॒धेय᳚म् । य-त्प॒वित्र᳚म् । तेभ्य॑ ए॒वैन॑-त्करोति ॥ श॒तधा॑रग्ं स॒हस्र॑धार॒मित्या॑ह । प्रा॒णेष्वे॒वायु॑-र्दधाति सर्व॒त्वाय॑ ॥ त्रि॒वृ-त्प॑लाशशा॒खाया᳚-न्दर्भ॒मय॑-म्भवति । त्रि॒वृद्वै प्रा॒णः । त्रि॒वृत॑मे॒व प्रा॒ण-म्म॑द्ध्य॒तो यज॑माने दधाति ॥ 18 ॥
सौ॒म्यः प॒र्ण-स्स॑योनि॒त्वाय॑ । सा॒क्षा-त्प॒वित्र॑-न्द॒र्भाः । प्राख्सा॒यमधि॒ निद॑धाति । त-त्प्रा॑णापा॒नयो॑ रू॒पम् । ति॒र्यक्प्रा॒तः । त-द्दर्श॑स्य रू॒पम् । दा॒र्श्यग्ग् ह्ये॑तदहः॑ । अन्नं॒-वैँ च॒न्द्रमाः᳚ ।
अन्न॑-म्प्रा॒णाः । उ॒भय॑मे॒वोपै॒त्यजा॑मित्वाय ॥ 19 ॥
तस्मा॑द॒यग्ं स॒र्वतः॑ पवते ॥ हु॒त-स्स्तो॒को हु॒तो द्र॒फ्स इत्या॑ह॒ प्रति॑ष्ठित्यै । ह॒विषो-ऽस्क॑न्दाय ।
न हि हु॒तग्ग् स्वाहा॑कृत॒ग्ग्॒ स्कन्द॑ति ।
दि॒वि नाको॒ नामा॒ग्निः । तस्य॑ वि॒प्रुषो॑ भाग॒धेय᳚म् ।
अ॒ग्नये॑ बृह॒ते नाका॒येत्या॑ह ।
नाक॑मे॒वाग्नि-म्भा॑ग॒धेये॑न॒ सम॑र्धयति ।
स्वाहा॒ द्यावा॑पृथि॒वीभ्या॒मित्या॑ह ।
द्यावा॑पृथि॒व्योरे॒वैन॒त्-प्रति॑ष्ठापयति ॥ 20 ॥
प॒वित्र॑व॒त्यान॑यति । अ॒पा-ञ्चै॒वौष॑धीना-ञ्च॒ रस॒ग्ं॒ सग्ंसृ॑जति । अथो॒ ओष॑धीष्वे॒व प॒शू-न्प्रति॑ष्ठापयति ॥ अ॒न्वा॒रभ्य॒ वाचं॑-यँच्छति ।
य॒ज्ञस्य॒ धृत्यै᳚ । धा॒रय॑न्नास्ते । धा॒रय॑न्त इव॒ हि दु॒हन्ति॑ । काम॑धुक्ष॒ इत्या॒हातृ॒तीय॑स्यै । त्रय॑ इ॒मे लो॒काः । इ॒माने॒व लो॒कान्. यज॑मानो दुहे ॥ 21 ॥
अ॒मूमिति॒ नाम॑ गृह्णाति । भ॒द्रमे॒वासा॒-ङ्कर्मा॒विष्क॑रोति ॥ सा वि॒श्वायु॒-स्सा वि॒श्वव्य॑चा॒-स्सा वि॒श्वक॒र्मेत्या॑ह । इ॒यं-वैँ वि॒श्वायुः॑ ।
अ॒न्तरि॑क्षं-विँ॒श्वव्य॑चाः । अ॒सौ वि॒श्वक॑र्मा ।
इ॒माने॒वैताभि॑र्लो॒कान्. य॑थापू॒र्व-न्दु॑हे ।
अथो॒ यथा᳚ प्रदा॒त्रे पुण्य॑मा॒शास्ते᳚ । ए॒वमे॒वैना॑ ए॒तदुप॑स्तौति । तस्मा॒त्-प्रादा॒दित्यु॒न्नीय॒ वन्द॑माना उपस्तु॒वन्तः॑ प॒शू-न्दु॑हन्ति ॥ 22 ॥
ब॒हु दु॒ग्धीन्द्रा॑य दे॒वेभ्यो॑ ह॒विरिति॒ वाचं॒-विँसृ॑जते । य॒था॒ दे॒व॒तमे॒व प्रसौ॑ति ।
दैव्य॑स्य च मानु॒षस्य॑ च॒ व्यावृ॑त्त्यै ।
त्रिरा॑ह । त्रिष॑त्या॒ हि दे॒वाः । अवा॑चं-यँ॒मो-ऽन॑न्वा-र॒भ्योत्त॑राः । अप॑रिमितमे॒वाव॑रुन्धे ॥
न दा॑रुपा॒त्रेण॑ दुह्यात् । अ॒ग्नि॒वद्वै दा॑रुपा॒त्रम् ।
य-द्दा॑रुपा॒त्रेण॑ दु॒ह्यात् ॥ 23 ॥
या॒तया᳚म्ना ह॒विषा॑ यजेत । अथो॒ खल्वा॑हुः ।
पु॒रो॒डाश॑मुखानि॒ वै ह॒वीग्ंषि॑ । नेत इ॑तः पुरो॒डाशग्ं॑ ह॒विषो॒ यामो॒-ऽस्तीति॑ ।
काम॑मे॒व दा॑रुपा॒त्रेण॑ दुह्यात् ॥ शू॒द्र ए॒व न दु॑ह्यात् । अस॑तो॒ वा ए॒ष सम्भू॑तः । यच्छू॒द्रः । अह॑विरे॒व तदित्या॑हुः । यच्छू॒द्रो दोग्धीति॑ ॥ 24 ॥
अ॒ग्नि॒हो॒त्रमे॒वन दु॑ह्याच्छू॒द्रः । तद्धि नोत्-पु॒नन्ति॑ । य॒दा खलु॒ वै प॒वित्र॑म॒त्येति॑ । अथ॒ तद्ध॒विरिति॑ ॥
सम्पृ॑च्यद्ध्व-मृतावरी॒रित्या॑ह । अ॒पा-ञ्चै॒वौष॑धीना-ञ्च॒ रस॒ग्ं॒ सग्ंसृ॑जति ।
तस्मा॑द॒पा-ञ्चौष॑धीना-ञ्च॒ रस॒मुप॑ जीवामः ।
म॒न्द्रा धन॑स्य सा॒तय॒ इत्या॑ह । पुष्टि॑मे॒व यज॑माने दधाति ॥ सोमे॑न॒ त्वा-ऽऽत॑न॒च्मीन्द्रा॑य॒ दधीत्या॑ह ॥ 25 ॥
सोम॑मे॒वैन॑-त्करोति । यो वै सोम॑-म्भक्षयि॒त्वा ।
सं॒वँ॒थ्स॒रग्ं सोम॒-न्न पिब॑ति । पु॒न॒र्भक्ष्यो᳚-ऽस्य सोमपी॒थो भ॑वति ॥
सोमः॒ खलु॒ वै सा᳚नां॒य्यम् । य ए॒वं-विँ॒द्वान्-थ्सा᳚नां॒य्य-म्पिब॑ति । अ॒पु॒न॒र्भक्ष्यो᳚-ऽस्य सोमपी॒थो भ॑वति । न मृ॒न्मये॒नापि॑दद्ध्यात् ।
य-न्मृ॒न्मये॑नापिद॒द्ध्यात् ।
पि॒तृ॒दे॒व॒त्यग्ग्॑ स्यात् ॥ 26 ॥
अ॒य॒स्पा॒त्रेण॑ वा दारुपा॒त्रेण॒ वा-ऽपि॑दधाति ।
तद्धि सदे॑वम् ॥ उ॒द॒न्वद्- भ॑वति । आपो॒ वै र॑क्षो॒घ्नीः । रक्ष॑सा॒-मप॑हत्यै ॥
अद॑स्तमसि॒ विष्ण॑वे॒ त्वेत्या॑ह । य॒ज्ञो वै विष्णुः॑ ।
य॒ज्ञायै॒वैन॒दद॑स्त-ङ्करोति । विष्णो॑ ह॒व्यग्ं र॑क्ष॒स्वेत्या॑ह॒ गुप्त्यै᳚ ॥ अन॑ध-स्सादयति । गर्भा॑णा॒-न्धृत्या॒ अप्र॑पादाय ।
तस्मा॒-द्गर्भाः᳚ प्र॒जाना॒म प्र॑पादुकाः । उ॒परी॑व॒ निद॑धाति । उ॒परी॑व॒ हि सु॑व॒र्गो लो॒कः । सु॒व॒र्गस्य॑ लो॒कस्य॒ सम॑ष्ट्यै ॥ 27 ॥
(अ॒सीत्या॑ह॒ - धृत्यै॒ - यज॑माने दधा॒ - त्यजा॑मित्वाय - स्थापयति - दुहे - दुहन्ति - दु॒ह्या-द्- दोग्धीति॒ - दधीत्या॑ह - स्याथ् - सादयति॒ पञ्च॑ च) (अ. 3)
अनुवाकं 4 - हविर्निर्वापः
कर्म॑णे वा-न्दे॒वेभ्यः॑ शकेय॒मित्या॑ह॒ शक्त्यै᳚ ।
य॒ज्ञस्य॒ वै सन्त॑ति॒मनु॑ प्र॒जाः प॒शवो॒ यज॑मानस्य॒ सन्ता॑यन्ते । य॒ज्ञस्य॒ विच्छि॑त्ति॒मनु॑ प्र॒जाः प॒शवो॒ यज॑मानस्य॒ विच्छि॑द्यन्ते ।
य॒ज्ञस्य॒ सन्त॑तिरसि य॒ज्ञस्य॑ त्वा॒ सन्त॑त्यै स्तृणामि॒ सन्त॑त्यै त्वा य॒ज्ञस्येत्याह॑व॒नीया॒-थ्सन्त॑नोति । यज॑मानस्य प्र॒जायै॑ पशू॒नाग्ं सन्त॑त्यै ॥ अ॒पः प्रण॑यति । श्र॒द्धा वा आपः॑ । श्र॒द्धामे॒वारभ्य॑ प्र॒णीय॒ प्रच॑रति । अ॒पः प्रण॑यति । य॒ज्ञो वा आपः॑ ॥ 28 ॥
य॒ज्ञमे॒वारभ्य॑ प्र॒णीय॒ प्रच॑रति । अ॒पः प्रण॑यति । वज्रो॒ वा आपः॑ । वज्र॑मे॒व भ्रातृ॑व्येभ्यः प्र॒हृत्य॑ प्र॒णीय॒ प्रच॑रति । अ॒पः प्रण॑यति ।
आपो॒ वै र॑क्षो॒घ्नीः । रक्ष॑सा॒-मप॑हत्यै । अ॒पः प्रण॑यति । आपो॒ वै दे॒वाना᳚-म्प्रि॒य-न्धाम॑ ।
दे॒वाना॑मे॒व प्रि॒य-न्धाम॑ प्र॒णीय॒ प्रच॑रति ॥ 29 ॥
अ॒पः प्रण॑यति । आपो॒ वै सर्वा॑ दे॒वताः᳚ ।
दे॒वता॑ ए॒वारभ्य॑ प्र॒णीय॒ प्रच॑रति ॥ वेषा॑य॒ त्वेत्या॑ह । वेषा॑य॒ ह्ये॑नदाद॒त्ते ॥ प्रत्यु॑ष्ट॒ग्ं॒ रक्षः॒ प्रत्यु॑ष्टा॒ अरा॑तय॒ इत्या॑ह ।
रक्ष॑सा॒-मप॑हत्यै ॥ धूर॒सीत्या॑ह । ए॒ष वै धुर्यो॒-ऽग्निः । तं-यँदनु॑पस्पृश्याती॒यात् ॥ 30 ॥
अ॒द्ध्व॒र्यु-ञ्च॒ यज॑मान-ञ्च॒ प्रद॑हेत् । उ॒प॒स्पृश्यात्ये॑ति । अ॒द्ध्व॒र्योश्च॒ यज॑मानस्य॒ चाप्र॑दाहाय ॥ धूर्व॒ तंयोँ᳚-ऽस्मा-न्धूर्व॑ति॒ त-न्धू᳚र्व॒ यं-वँ॒य-न्धूर्वा॑म॒ इत्या॑ह ।
द्वौ वाव पुरु॑षौ । य-ञ्चै॒व धूर्व॑ति । यश्चै॑न॒-न्धूर्व॑ति । तावु॒भौ शु॒चा-ऽर्प॑यति ॥ त्व-न्दे॒वाना॑मसि॒ सस्नि॑तम॒-म्पप्रि॑तम॒-ञ्जुष्ट॑तमं॒-वँह्नि॑तम-न्देव॒हूत॑म॒मित्या॑ह । य॒था॒ य॒जुरे॒वै तत् ॥ 31 ॥
अह्रु॑तमसि हवि॒र्धान॒-मित्या॒हाना᳚र्त्यै ।
दृग्ंह॑स्व॒ मा ह्वा॒रित्या॑ह॒ धृत्यै᳚ ॥
मि॒त्रस्य॑ त्वा॒ चक्षु॑षा॒ प्रेक्ष॒ इत्या॑ह मित्र॒त्वाय॑ ।
मा भेर्मा संविँ॑क्था॒ मा त्वा॑ हिग्ंसिष॒-मित्या॒हाहिग्ं॑सायै । यद्वै कि-ञ्च॒ वातो॒ नाभि॒वाति॑ ।
त-थ्सर्वं॑-वँरुणदेव॒त्य᳚म् ॥ उ॒रु वाता॒येत्या॑ह । अवा॑रुणमे॒वैन॑-त्करोति ॥ दे॒वस्य॑ त्वा सवि॒तुः
प्र॑स॒व इत्या॑ह॒ प्रसू᳚त्यै ।
अ॒श्विनो᳚-र्बा॒हुभ्या॒मित्या॑ह ॥ 32 ॥
अ॒श्विनौ॒ हि दे॒वाना॑मद्ध्व॒र्यू आस्ता᳚म् ।
पू॒ष्णो हस्ता᳚भ्या॒मित्या॑ह॒ यत्यै᳚ । अ॒ग्नये॒ जुष्ट॒-न्निर्व॑पा॒मीत्या॑ह । अ॒ग्नय॑ ए॒वैना॒ञ्जुष्टं॒
निर्व॑पति । त्रिर्यजु॑षा । त्रय॑ इ॒मे लो॒काः ।
ए॒षां-लोँ॒काना॒माप्त्यै᳚ । तू॒ष्णी-ञ्च॑तु॒र्थम् ।
अप॑रिमितमे॒वाव॑रुन्धे । स ए॒वमे॒वानु॑पू॒र्वग्ं ह॒वीग्ंषि॒ निर्व॑पति ॥ 33 ॥
इ॒द-न्दे॒वाना॑मि॒दमु॑ न-स्स॒हेत्या॑ह॒ व्यावृ॑त्त्यै ॥
स्फा॒त्यै त्वा॒ नारा᳚त्या॒ इत्या॑ह॒ गुप्त्यै᳚ । तम॑सीव॒ वा ए॒षो᳚-ऽन्तश्च॑रति । यः प॑री॒णहि॑ ॥ सुव॑र॒भि विख्ये॑षं-वैँश्वान॒र-ञ्ज्योति॒रित्या॑ह ।
सुव॑रे॒वाभि वि प॑श्यति वैश्वान॒र-ञ्ज्योतिः॑ ।
द्यावा॑पृथि॒वी ह॒विषि॑ गृही॒त उद॑वेपेताम् ॥
दृग्ंह॑न्ता॒-न्दुर्या॒ द्यावा॑पृथि॒व्योरित्या॑ह ।
गृ॒हाणा॒-न्द्यावा॑पृथि॒व्यो-र्धृत्यै᳚ ॥
उ॒र्व॑न्तरि॑क्ष॒-मन्वि॒हीत्या॑ह॒ गत्यै᳚ ॥
अदि॑त्यास्त्वो॒पस्थे॑ सादया॒मीत्या॑ह । इ॒यं-वाँ अदि॑तिः । अ॒स्या ए॒वैन॑दु॒पस्थे॑ सादयति ॥
अग्ने॑ ह॒व्यग्ं र॑क्ष॒स्वेत्या॑ह॒ गुप्त्यै᳚ ॥ 34 ॥
(य॒ज्ञो वा आपो॒ - धाम॑ प्र॒णीय॒ प्रच॑र - त्यती॒या - दे॒त-द्- बा॒हुभ्या॒मित्या॑ह - ह॒विग्ंषि॒ निर्व॑पति॒ - गत्यै॑ च॒त्वारि॑ च) (अ. 4)
अनुवाकं 5 - व्रीह्यवघातः
इन्द्रो॑ वृ॒त्रम॑हन्न् । सो॑-ऽपः । अ॒भ्य॑म्रियत ।
तासां॒-यँन्मेद्ध्यं॑-यँ॒ज्ञिय॒ग्ं॒ सदे॑व॒मासी᳚त् । तदपोद॑क्रामत् । ते द॒र्भा अ॑भवन्न् । य-द्द॒र्भैर॒प उ॑त्पु॒नाति॑ । या ए॒व मेद्ध्या॑ य॒ज्ञिया॒-स्सदे॑वा॒ आपः॑ । ताभि॑रे॒वैना॒ उत्पु॑नाति । द्वाभ्या॒मुत्पु॑नाति ॥ 35 ॥
द्वि॒पा-द्यज॑मानः॒ प्रति॑ष्ठित्यै ॥ दे॒वो वः॑ सवि॒तोत्-पु॑ना॒त्वित्या॑ह । स॒वि॒तृप्र॑सूत ए॒वैना॒ उत्पु॑नाति । अच्छि॑द्रेण प॒वित्रे॒णेत्या॑ह । अ॒सौ वा आ॑दि॒त्यो-ऽच्छि॑द्र-म्प॒वित्र᳚म् । तेनै॒वैना॒ उत्पु॑नाति । वसो॒-स्सूर्य॑स्य र॒श्मिभि॒रित्या॑ह । प्रा॒णा वा आपः॑ । प्रा॒णा वस॑वः । प्रा॒णा र॒श्मयः॑ ॥ 36 ॥
प्रा॒णैरे॒व प्रा॒णान्-थ्सम्पृ॑णक्ति । सा॒वि॒त्रि॒यर्चा ।
स॒वि॒तृप्र॑सूत-म्मे॒ कर्मा॑स॒दिति॑ ।
स॒वि॒तृप्र॑सूतमे॒वास्य॒ कर्म॑ भवति ।
प॒च्छो गा॑यत्रि॒या त्रि॑ष्षमृद्ध॒त्वाय॑ ॥
आपो॑ देवीरग्रेपुवो अग्रेगुव॒ इत्या॑ह ।
रू॒प-मे॒वासा॑मे॒त-न्म॑हि॒मानं॒-व्याँच॑ष्टे ।
अग्र॑ इ॒मं-यँ॒ज्ञ-न्न॑य॒ताग्रे॑
य॒ज्ञप॑ति॒मित्या॑ह । अग्रे॑ ए॒व य॒ज्ञ-न्न॑यन्ति ।
अग्रे॑ य॒ज्ञप॑तिम् ॥ 37 ॥
यु॒ष्मानिन्द्रो॑ ऽवृणीत वृत्र॒तूये॑ यू॒यमिन्द्र॑मवृणीद्ध्वं-वृँत्र॒तूर्य॒ इत्या॑ह ।
वृ॒त्रग्ं ह॑ हनि॒ष्यन्निन्द्र॒ आपो॑ वव्रे ।
आपो॒ हेन्द्रं॑-वँव्रिरे । स॒ज्ञां-मे॒वासा॑मे॒त-थ्सामा॑नं॒-व्याँच॑ष्टे ॥ प्रोक्षि॑ता॒-स्स्थेत्या॑ह । तेनापः॒ प्रोक्षि॑ताः ॥ अ॒ग्नये॑ वो॒ जुष्ट॒-म्प्रोक्षा᳚-म्य॒ग्नीषोमा᳚भ्या॒-मित्या॑ह ।
य॒था॒ दे॒व॒तमे॒वैना॒-न्प्रोक्ष॑ति । त्रिः प्रोक्ष॑ति । त्र्या॑वृ॒द्धि य॒ज्ञः ॥ 38 ॥
अथो॒ रक्ष॑सा॒मप॑हत्यै । शुन्ध॑द्ध्वं॒
दैव्या॑य॒ कर्म॑णे देवय॒ज्याया॒ इत्या॑ह ।
दे॒व॒य॒ज्याया॑ ए॒वैना॑नि शुन्धति । त्रिः प्रोक्ष॑ति । त्र्या॑वृ॒द्धि य॒ज्ञः । अथो॑ मेद्ध्य॒त्वाय॑ । अव॑धूत॒ग्ं॒ रक्षो-ऽव॑धूता॒ अरा॑तय॒ इत्या॑ह ।
रक्ष॑सा॒-मप॑हत्यै । अदि॑त्या॒स्त्वग॒सीत्या॑ह । इ॒यं-वाँ अदि॑तिः ॥ 39 ॥
अ॒स्या ए॒वैन॒-त्त्वच॑-ङ्करोति । प्रति॑ त्वा पृथि॒वी वे॒त्त्वित्या॑ह॒ प्रति॑ष्ठित्यै ॥ पु॒रस्ता᳚-त्प्रती॒चीन॑ग्रीव॒-मुत्त॑रलो॒मोप॑स्तृणाति मेद्ध्य॒त्वाय॑ ।
तस्मा᳚-त्पु॒रस्ता᳚-त्प्र॒त्यञ्चः॑ प॒शवो॒ मेध॒मुप॑तिष्ठन्ते । तस्मा᳚-त्प्र॒जा मृ॒ग-ङ्ग्राहु॑काः । य॒ज्ञो दे॒वेभ्यो॒ निला॑यत ।
कृष्णो॑ रू॒प-ङ्कृ॒त्वा । य-त्कृ॑ष्णाजि॒ने ह॒विर॑द्ध्यव॒हन्ति॑ । य॒ज्ञादे॒व-त-द्य॒ज्ञ-म्प्रयु॑ङ्क्ते । ह॒विषो-ऽस्क॑न्दाय ॥ 40 ॥
अ॒धि॒षव॑णमसि वानस्प॒त्यमित्या॑ह । अ॒धि॒षव॑ण-मे॒वैन॑-त्करोति । प्रति॒ त्वा-ऽदि॑त्या॒स्त्वग्वे॒त्त्वित्या॑ह सय॒त्वाय॑ ॥
अ॒ग्नेस्त॒नू-र॒सीत्या॑ह । अ॒ग्नेर्वा ए॒षा त॒नूः ।
यदोष॑धयः । वा॒चो वि॒सर्ज॑न॒मित्या॑ह ।
य॒दा हि प्र॒जा ओष॑धीना-म॒श्नन्ति॑ । अथ॒ वाचं॒-विँसृ॑जन्ते । दे॒ववी॑तये त्वा गृह्णा॒मीत्या॑ह ॥ 41 ॥
दे॒वता॑भिरे॒वैन॒-थ्सम॑र्धयति ॥
अद्रि॑रसि वानस्प॒त्य इत्या॑ह । ग्रावा॑ण-मे॒वैन॑-त्करोति ।
स इ॒द-न्दे॒वेभ्यो॑ ह॒व्यग्ं सु॒शमि॑ शमि॒ष्वेत्या॑ह॒ शान्त्यै᳚ ॥ हवि॑ष्कृ॒देहीत्या॑ह ।
य ए॒व दे॒वानाग्ं॑ हवि॒ष्कृतः॑ । तान्. ह्व॑यति ।
त्रिर्ह्व॑यति । त्रिष॑त्या॒ हि दे॒वाः ॥ इष॒मा व॒दोर्ज॒मा व॒देत्या॑ह ॥ 42 ॥
इष॑मे॒वोर्जं॒-यँज॑माने दधाति ।
द्यु॒मद्व॑दत व॒यग्ं स॑घा॒न्त-ञ्जे॒ष्मेत्या॑ह॒ भ्रातृ॑व्याभिभूत्यै ॥ मनो᳚-श्श्र॒द्धादे॑वस्य॒ यज॑मानस्यासुर॒घ्नी वाक् । य॒ज्ञा॒यु॒धेषु॒ प्रवि॑ष्टा-ऽऽसीत् । ते-ऽसु॑रा॒ याव॑न्तो यज्ञायु॒धाना॑मु॒द्वद॑ता-मु॒पाशृ॑ण्वन्न् ।
ते परा॑-ऽभवन्न् । तस्मा॒-थ्स्वाना॒-म्मद्ध्ये॑-ऽव॒साय॑ यजेत । याव॑न्तो-ऽस्य॒ भ्रातृ॑व्या यज्ञायु॒धाना॑-मु॒द्वद॑ता-मुपशृ॒ण्वन्ति॑ । ते परा॑ भवन्ति ।
उ॒च्चै-स्स॒माह॑न्त॒वा आ॑ह॒ विजि॑त्यै ॥ 43 ॥
वृ॒ङ्क्त ए॑षामिन्द्रि॒यं-वीँ॒र्य᳚म् । श्रेष्ठ॑ एषा-म्भवति ॥ व॒र्॒ष वृ॑द्धमसि॒ प्रति॑ त्वा व॒र्॒षवृ॑द्धं-वेँ॒त्त्वित्या॑ह ।
व॒र्॒षवृ॑द्धा॒ वा ओष॑धयः ।
व॒र्॒षवृ॑द्धा इ॒षीका॒-स्समृ॑द्ध्यै ।
य॒ज्ञग्ं रक्षा॒ग्॒स्यनु॒ प्रावि॑शन्न् ।
तान्य॒स्ना प॒शुभ्यो॑ नि॒रवा॑दयन्त ।
तुषै॒रोष॑धीभ्यः ॥ परा॑पूत॒ग्ं॒ रक्षः॒ परा॑पूता॒ अरा॑तय॒ इत्या॑ह ।
रक्ष॑सा॒मप॑हत्यै ॥ 44 ॥
रक्ष॑सा-म्भा॒गो॑-ऽसीत्या॑ह । तुषै॑रे॒व रक्षाग्ं॑सि नि॒रव॑दयते । अ॒प उप॑स्पृशति मेद्ध्य॒त्वाय॑ । वा॒युर्वो॒ वि वि॑न॒क्त्वित्या॑ह । प॒वित्रं॒-वैँ वा॒युः । पु॒नात्ये॒वैनान्॑ । अ॒न्तरि॑क्षादिव॒ वा ए॒ते प्रस्क॑न्दन्ति । ये शूर्पा᳚त् । दे॒वो वः॑ सवि॒ता हिर॑ण्यपाणिः॒ प्रति॑गृह्णा॒त्वित्या॑ह॒ प्रति॑ष्ठित्यै ।
ह॒विषो-ऽस्क॑न्दाय । त्रिष्फ॒लीक॑र्त॒वा आ॑ह । त्र्या॑वृ॒द्धि य॒ज्ञः । अथो॑ मेद्ध्य॒त्वाय॑ ॥ 45 ॥
(द्वाभ्या॒मु-त्पु॑नाति - र॒श्मयो॑ - नय॒न्त्यग्रे॑ य॒ज्ञप॑तिं - ँय॒ज्ञो - ऽदि॑ति॒ - रस्क॑न्दाय - गृह्णा॒मीत्या॑ह - व॒देत्या॑ह॒ - विजि॑त्या॒ - अप॑हत्या॒ - अस्क॑न्दाय॒ त्रीणि॑ च) (अ. 5)
अनुवाकं 6 - तण्डुलपेषणम्
अव॑धूत॒ग्ं॒ रक्षो-ऽव॑धूता॒ अरा॑तय॒ इत्या॑ह । रक्ष॑सा॒मप॑हत्यै । अदि॑त्या॒स्त्वग॒सीत्या॑ह । इ॒यं-वाँ अदि॑तिः । अ॒स्या ए॒वैन॒-त्त्वच॑-ङ्करोति । प्रति॑ त्वा पृथि॒वी वे॒त्त्वित्या॑ह॒ प्रति॑ष्ठित्यै ।
पु॒रस्ता᳚-त्प्रती॒चीन॑ग्रीव॒-मुत्त॑रलो॒मोप॑स्तृणाति मेद्ध्य॒त्वाय॑ । तस्मा᳚-त्पु॒रस्ता᳚-त्प्र॒त्यञ्चः॑ प॒शवो॒ मेध॒मुप॑तिष्ठन्ते । तस्मा᳚-त्प्र॒जा मृ॒ग-ङ्ग्राहु॑काः । य॒ज्ञो दे॒वेभ्यो॒ निला॑यत ॥ 46 ॥
कृष्णो॑ रू॒प-ङ्कृ॒त्वा । य-त्कृ॑ष्णाजि॒ने ह॒विर॑धिपि॒नष्टि॑ । य॒ज्ञादे॒व त-द्य॒ज्ञ-म्प्रयु॑ङ्क्ते । ह॒विषो-ऽस्क॑न्दाय ॥ द्यावा॑पृथि॒वी स॒हास्ता᳚म् । ते श॑म्यामा॒त्रमेक॒मह॒र्व्यैताग्ं॑ शम्यामा॒त्रमेक॒महः॑ ॥ दि॒व-स्स्क॑म्भ॒निर॑सि॒ प्रति॒ त्वा ऽदि॑त्या॒स्त्वग्वे॒त्त्वित्या॑ह ।
द्यावा॑पृथि॒व्यो-र्वीत्यै᳚ । धि॒षणा॑-ऽसि पर्व॒त्या
प्रति॑ त्वा दि॒व-स्स्क॑म्भ॒निर्वे॒त्त्वित्या॑ह ।
द्यावा॑पृथि॒व्यो-र्विधृ॑त्यै ॥ 47 ॥
धि॒षणा॑-ऽसि पार्वते॒यी प्रति॑ त्वा पर्व॒तिर्वे॒त्त्वित्या॑ह । द्यावा॑पृथि॒व्योर्धृत्यै᳚ ॥ दे॒वस्य॑ त्वा सवि॒तुः प्र॑स॒व इत्या॑ह॒ प्रसू᳚त्यै । अ॒श्विनो᳚-र्बा॒हुभ्या॒मित्या॑ह । अ॒श्विनौ॒ हि दे॒वाना॑मद्ध्व॒र्यू आस्ता᳚म् । पू॒ष्णो हस्ता᳚भ्या॒मित्या॑ह॒ यत्यै᳚ ।
अधि॑वपा॒मीत्या॑ह । य॒था॒दे॒व॒त-मे॒वैना॒नधि॑ वपति ॥ धा॒न्य॑मसि धिनु॒हि दे॒वानित्या॑ह । ए॒तस्य॒ यजु॑षो वी॒र्ये॑ण ॥ 48 ॥
याव॒देका॑ दे॒वता॑ का॒मय॑ते॒ याव॒देका᳚ । ताव॒दाहु॑तिः प्रथते । न हि तदस्ति॑ । यत्ताव॑दे॒व स्यात् । याव॑ज्जु॒होति॑ ॥ प्रा॒णाय॑ त्वा-ऽपा॒नाय॒ त्वेत्या॑ह । प्रा॒णाने॒व यज॑माने दधाति । दी॒र्घामनु॒ प्रसि॑ति॒मायु॑षे धा॒मित्या॑ह । आयु॑रे॒वास्मि॑-न्दधाति ।
अ॒न्तरि॑क्षादिव॒ वा ए॒तानि॒ प्रस्क॑न्दन्ति । यानि॑ दृ॒षदः॑ । दे॒वो वः॑ सवि॒ता हिर॑ण्यपाणिः॒ प्रति॑ गृह्णा॒त्वित्या॑ह॒ प्रति॑ष्ठित्यै । ह॒विषो-ऽस्क॑न्दाय ॥
असं॑वँपन्ती पिग्ं॑षा॒णूनि॑ कुरुता॒दित्या॑ह मेद्ध्य॒त्वाय॑ ॥ 49 ॥
(निला॑यत॒ - विधृ॑त्यै - वी॒र्ये॑ण - स्कन्दन्ति च॒त्वारि॑ च ) (अ. 6)
अनुवाकं 7 - कपालोपधानम्
धृष्टि॑रसि॒ ब्रह्म॑ य॒च्छेत्या॑ह॒ धृत्यै᳚ ॥
अपा᳚ग्ने॒ ऽग्निमा॒माद॑-ञ्जहि॒ निष्क्र॒व्यादग्ं॑
से॒धा दे॑व॒यजं॑-वँ॒हेत्या॑ह ।
य ए॒वामात्क्र॒व्यात् । तम॑प॒हत्य॑ । मेद्ध्ये॒-ऽग्नौ क॒पाल॒मुप॑दधाति ॥ निर्द॑ग्ध॒ग्ं॒ रक्षो॒ निर्द॑ग्धा॒ अरा॑तय॒ इत्या॑ह । रक्षाग्॑स्ये॒व
निर्द॑हति । अ॒ग्नि॒वत्युप॑दधाति । अ॒स्मिन्ने॒व लो॒के ज्योति॑र्धत्ते । अङ्गा॑र॒मधि॑-वर्तयति ॥ 50 ॥
अ॒न्तरि॑क्ष ए॒व ज्योति॑र्धत्ते ।
आ॒दि॒त्यमे॒वामुष्मि॑न् ँलो॒के ज्योति॑र्धत्ते ।
ज्योति॑ष्मन्तो-ऽस्मा इ॒मे लो॒का भ॑वन्ति ।
य ए॒वं-वेँद॑ ॥ ध्रु॒वम॑सि पृथि॒वी-न्दृ॒ग्ं॒हेत्या॑ह । पृ॒थि॒वीमे॒वैतेन॑ दृग्ंहति ।
ध॒र्त्रम॑स्य॒न्तरि॑क्ष-न्दृ॒ग्ं॒हेत्या॑ह । अ॒न्तरि॑क्षमे॒वैतेन॑ दृग्ंहति ।
ध॒रुण॑मसि॒ दिव॑-न्दृ॒ग्ं॒हेत्या॑ह । दिव॑मे॒वैतेन॑ दृग्ंहति ॥ 51 ॥
धर्मा॑सि॒ दिशो॑ दृ॒ग्ं॒हेत्या॑ह ।
दिश॑ ए॒वैतेन॑ दृग्ंहति । इ॒माने॒वैतै-र्लो॒का-न्दृग्ं॑हति । दृग्ं ह॑न्ते-ऽस्मा इ॒मे लो॒काः प्र॒जया॑ प॒शुभिः॑ । य ए॒वं-वेँद॑ ॥ त्रीण्यग्रे॑ क॒पाला॒न्युप॑दधाति । त्रय॑ इ॒मे लो॒काः ।
ए॒षां-लोँ॒काना॒माप्त्यै᳚ ।
एक॒मग्रे॑ क॒पाल॒मुप॑दधाति ।
एकं॒-वाँ अग्रे॑ क॒पाल॒-म्पुरु॑षस्य स॒भंवँ॑ति ॥ 52 ॥
अथ॒ द्वे । अथ॒ त्रीणि॑ । अथ॑ च॒त्वारि॑ । अथा॒ष्टौ ।
तस्मा॑द॒ष्टाक॑पाल॒-म्पुरु॑षस्य॒ शिरः॑ ।
यदे॒व-ङ्क॒पाला᳚न्युप॒ दधा॑ति । य॒ज्ञो वै प्र॒जाप॑तिः । य॒ज्ञमे॒व प्र॒जाप॑ति॒ग्ं॒ सग्ग्स्क॑रोति ।
आ॒त्मान॑मे॒व त-थ्सग्ग्स्क॑रोति । तग्ं सग्ग्स्कृ॑तमा॒त्मान᳚म् ॥ 53 ॥
अ॒मुष्मि॑न् ँलो॒के-ऽनु॒परै॑ति ॥ यद॒ष्टावु॑प॒ दधा॑ति । गा॒य॒त्रि॒या त-थ्सम्मि॑तम् । यन्नव॑ । त्रि॒वृता॒ तत् । य-द्दश॑ । वि॒राजा॒ तत् । यदेका॑दश । त्रि॒ष्टुभा॒ तत् । यद्द्वाद॑श ॥ 54 ॥
जग॑त्या॒ तत् । छन्दः॑ सम्मितानि॒ स उ॑प॒दध॑-त्क॒पाला॑नि । इ॒मान् ँलो॒कान॑नुपू॒र्व-न्दिशो॒ विधृ॑त्यै दृग्ंहति । अथायुः॑ प्रा॒णा-न्प्र॒जा-म्प॒शून्. यज॑माने दधाति । स॒जा॒तान॑स्मा अ॒भितो॑ बहु॒लान् क॑रोति ॥
चित॒-स्स्थेत्या॑ह । य॒था॒ य॒जुरे॒वैतत् ॥
भृगू॑णा॒मङ्गि॑रसा॒-न्तप॑सा तप्यद्ध्व॒मित्या॑ह ।
दे॒वता॑ना-मे॒वैना॑नि॒ तप॑सा तपति । तानि॒ तत॒-स्सग्ग्स्थि॑ते । यानि॑ घ॒र्मे क॒पाला᳚न् युपचि॒न्वन्ति॑ वे॒धस॒ इति॒ चतु॑ष्पदय॒र्चा विमु॑ञ्चति । चतु॑ष्पादः प॒शवः॑ । प॒शुष्वे॒वोपरि॑ष्टा॒-त्प्रति॑तिष्ठति ॥ 55 ॥
(व॒र्त॒य॒ति॒ - दिव॑मे॒वैतेन॑ दृग्ंहति - स॒म्भव॑ति॒ - तग्ं सग्ग्स्कृ॑तमा॒त्मानं॒ - द्वाद॑श॒ - सग्ग्स्थि॑ते॒ त्रीणि॑ च) (अ. 7)
अनुवाकं 8 - पुरोडाशानिष्पादनम्
दे॒वस्य॑ त्वा सवि॒तुः प्र॑स॒व इत्या॑ह॒ प्रसू᳚त्यै । अ॒श्विनो᳚-र्बा॒हुभ्या॒मित्या॑ह ।
अ॒श्विनौ॒ हि दे॒वाना॑मद्ध्व॒र्यू आस्ता᳚म् ।
पू॒ष्णो हस्ता᳚भ्या॒मित्या॑ह॒ यत्यै᳚ ।
संवँ॑पा॒मीत्या॑ह । य॒था॒ दे॒व॒तमे॒वैना॑नि॒ संवँ॑पति ॥ समापो॑ अ॒द्भिर॑ग्मत॒ समोष॑धयो॒ रसे॒नेत्या॑ह । आपो॒ वा ओष॑धी-र्जिन्वन्ति । ओष॑धयो॒-ऽपो जि॑न्वन्ति ।
अ॒न्या वा ए॒तासा॑म॒न्या जि॑न्वन्ति ॥ 56 ॥
तस्मा॑दे॒वमा॑ह । सग्ं रे॒वती॒-र्जग॑तीभि॒-र्मधु॑मती॒-र्मधु॑मतीभि-स्सृज्यद्ध्व॒मित्या॑ह ।
आपो॒ वै रे॒वतीः᳚ । प॒शवो॒ जग॑तीः । ओष॑धयो॒ मधु॑मतीः । आप॒ ओष॑धीः प॒शून् । ताने॒वास्मा॑ एक॒धा स॒ग्ं॒सृज्य॑ । मधु॑मतः करोति ।
अ॒द्भ्यः परि॒ प्रजा॑ता-स्स्थ॒ सम॒द्भिः पृ॑च्यद्ध्व॒मिति॑ प॒र्याप्ला॑वयति ।
यथा॒ सुवृ॑ष्ट इ॒माम॑नु वि॒सृत्य॑ ॥ 57 ॥
आप॒ ओष॑धीर्म॒हय॑न्ति । ता॒दृगे॒व तत् ॥
जन॑यत्यै त्वा॒ संयौँ॒मीत्या॑ह । प्र॒जा ए॒वैतेन॑ दाधार । अ॒ग्नये᳚ त्वा॒-ऽग्नीषोमा᳚भ्या॒मित्या॑ह॒ व्यावृ॑त्त्यै । म॒खस्य॒ शिरो॒-ऽसीत्या॑ह ।
य॒ज्ञो वै म॒खः । तस्यै॒तच्छिरः॑ । य-त्पु॑रो॒डाशः॑ । तस्मा॑दे॒वमा॑ह ॥ 58 ॥
घ॒र्मो॑-ऽसि वि॒श्वायु॒रित्या॑ह । विश्व॑मे॒वायु॒-र्यज॑माने दधाति । उ॒रु प्र॑थस्वो॒रु ते॑ य॒ज्ञप॑तिः प्रथता॒मित्या॑ह । यज॑मानमे॒व प्र॒जया॑ प॒शुभिः॑ प्रथयति । त्वच॑-ङ्गृह्णी॒ष्वेत्या॑ह ।
सर्व॑मे॒वैन॒ग्ं॒ सत॑नु-ङ्करोति । अथा॒प आ॒नीय॒ परि॑ मार्ष्टि । मा॒ग्ं॒स ए॒व त-त्त्वच॑-न्दधाति । तस्मा᳚-त्त्व॒चा मा॒ग्ं॒स-ञ्छ॒न्नम् ॥
घ॒र्मो वा ए॒षो-ऽशा᳚न्तः ॥ 59 ॥
अ॒र्ध॒मा॒से᳚-ऽर्धमासे॒ प्रवृ॑ज्यते । य-त्पु॑रो॒डाशः॑ । स ई᳚श्व॒रो यज॑मानग्ं शु॒चा प्र॒दहः॑ । पर्य॑ग्नि करोति । प॒शुमे॒वैन॑मकः । शान्त्या॒ अप्र॑दाहाय । त्रिः पर्य॑ग्नि करोति ।
त्र्या॑वृ॒द्धि य॒ज्ञः । अथो॒ रक्ष॑सा॒मप॑हत्यै ॥
अ॒न्तरि॑त॒ग्ं॒ रक्षो॒-ऽन्तरि॑ता॒ अरा॑तय॒ इत्या॑ह ॥ 60 ॥
रक्ष॑सा-म॒न्तर्हि॑त्यै । पु॒रो॒डाशं॒-वाँ अधि॑श्रित॒ग्ं॒ रक्षाग्॑स्यजिघाग्ंसन्न् ।
दि॒वि नाको॒ नामा॒ग्नी र॑क्षो॒हा । स ए॒वास्मा॒-द्रक्षा॒ग्॒स्यपा॑हन्न् । दे॒वस्त्वा॑ सवि॒ता श्र॑पय॒त्वित्या॑ह । स॒वि॒तृप्र॑सूत ए॒वैनग्ग्॑ श्रपयति । वर्षि॑ष्ठे॒ अधि॒ नाक॒ इत्या॑ह । रक्ष॑सा॒मप॑हत्यै । अ॒ग्निस्ते॑ त॒नुव॒-म्मा-ऽति॑ धा॒गित्या॒हान॑तिदाहाय । अग्ने॑ ह॒व्यग्ं र॑क्ष॒स्वेत्या॑ह॒ गुप्त्यै᳚ ॥ 61 ॥
अवि॑दहन्त-श्श्रपय॒तेति॒ वाचं॒-विँसृ॑जते ।
य॒ज्ञमे॒व ह॒वीग्ष्य॑भि-व्या॒हृत्य॒ प्रत॑नुते ।
पु॒रो॒रुच॒मवि॑दाहाय॒ शृत्यै॑ करोति ॥ म॒स्तिष्को॒ वै पु॑रो॒डाशः॑ । तं-यँन्नाभि॑वा॒सये᳚त् । आ॒विर्म॒स्तिष्कः॑ स्यात् । अ॒भिवा॑सयति ।
तस्मा॒-द्गुहा॑ म॒स्तिष्कः॑ । भस्म॑ना॒-ऽभि वा॑सयति ।
तस्मा᳚-न्मा॒ग्ं॒सेनास्थि॑ छ॒न्नम् ॥ 62 ॥
वे॒देना॒भि वा॑सयति । तस्मा॒-त्केशै॒-श्शिरः॑ छ॒न्नम् ।
अख॑लतिभावुको भवति । य ए॒वं-वेँद॑ ॥ प॒शोर्वै प्र॑ति॒मा पु॑रो॒डाशः॑ । स नाय॒जुष्क॑-मभि॒वास्यः॑ । वृथे॑व स्यात् । ई॒श्व॒रा यज॑मानस्य प॒शवः॒ प्रमे॑तोः ॥ स-म्ब्रह्म॑णा पृच्य॒स्वेत्या॑ह । प्रा॒णा वै ब्रह्म॑ ॥ 63 ॥
प्रा॒णाः प॒शवः॑ । प्रा॒णैरे॒व प॒शून्थ्
सम्पृ॑णक्ति । न प्र॒मायु॑का भवन्ति । यज॑मानो॒ वै पु॑रो॒डाशः॑ । प्र॒जा प॒शवः॒ पुरी॑षम् ।
यदे॒वम॑भि वा॒सय॑ति । यज॑मानमे॒व प्र॒जया॑ प॒शुभि॒-स्सम॑र्धयति ॥ दे॒वा वै ह॒वि-र्भृ॒त्वा-ऽब्रु॑वन्न् । कस्मि॑न्नि॒द-म्म्र॑क्ष्यामह॒ इति॑ ।
सो᳚-ऽग्निर॑ब्रवीत् ॥ 64 ॥
मयि॑ त॒नू-स्सन्निध॑द्ध्वम् । अ॒हं-वँ॒स्त-ञ्ज॑नयिष्यामि । यस्मि॑-न्म्र॒क्ष्यद्ध्व॒ इति॑ । ते दे॒वा अ॒ग्नौ त॒नू-स्स-न्न्य॑दधत । तस्मा॑दाहुः ।
अ॒ग्नि-स्सर्वा॑ दे॒वता॒ इति॑ । सो-ऽङ्गा॑रेणा॒पः ।
अ॒भ्य॑पातयत् । तत॑ एक॒तो॑-ऽजायत ।
स द्वि॒तीय॑म॒भ्य॑पातयत् ॥ 65 ॥
ततो᳚ द्वि॒तो॑-ऽजायत । स तृ॒तीय॑-म॒भ्य॑पातयत् ।
तत॑-स्त्रि॒तो॑-ऽजायत । यद॒द्भ्यो-ऽजा॑यन्त । तदा॒प्याना॑माप्य॒त्वम् । यदा॒त्मभ्यो ऽजा॑यन्त ।
तदा॒त्म्याना॑-मात्म्य॒त्वम् ॥ ते दे॒वा आ॒प्येष्व॑मृजत । आ॒प्या अ॑मृजत॒ सूर्या᳚भ्युदिते । सूर्या᳚भ्युदित॒-स्सूर्या॑भिनिम्रुक्ते ॥ 66 ॥
सूर्या॑भिनिम्रुक्तः कुन॒खिनि॑ । कु॒न॒खी श्या॒वद॑ति । श्या॒वद॑न्नग्रदिधि॒षौ । अ॒ग्र॒दि॒धि॒षुः प॑रिवि॒त्ते । प॒रि॒वि॒त्तो वी॑र॒हणि॑ । वी॒र॒हा ब्र॑ह्म॒हणि॑ ।
तद्ब्र॑ह्म॒हण॒-न्नात्य॑च्यवत । अ॒न्त॒र्वे॒दि निन॑य॒त्यव॑रुद्ध्यै । उल्मु॑केना॒भि गृ॑ह्णाति शृत॒त्वाय॑ । शृ॒तका॑मा इव॒ हि दे॒वाः ॥ 67 ॥
(अ॒न्या जि॑न्वन्-त्यनुवि॒सृत्यै॒-वमा॒-हाशा᳚न्त-आह॒-गुप्त्यै॑-छ॒न्नं - ब्रह्मा᳚-ब्रवी-द्द्वि॒तीय॑म॒भ्य॑पातय॒-थ्सूर्या॑भिनिम्रुक्ते-दे॒वाः) (अ. 8)
अनुवाकं 9 - वेदिकरणम्
दे॒वस्य॑ त्वा सवि॒तुः प्र॑स॒व इति॒ स्फ्यमाद॑त्ते॒ प्रसू᳚त्यै । अ॒श्विनो᳚-र्बा॒हुभ्या॒मित्या॑ह । अ॒श्विनौ॒ हि दे॒वाना॑मद्ध्व॒र्यू आस्ता᳚म् । पू॒ष्णो हस्ता᳚भ्या॒मित्या॑ह॒ यत्यै᳚ ॥ आद॑द॒ इन्द्र॑स्य बा॒हुर॑सि॒ दक्षि॑ण॒ इत्या॑ह । इ॒न्द्रि॒यमे॒व यज॑माने दधाति । स॒हस्र॑भृष्टि-श्श॒तते॑जा॒ इत्या॑ह ।
रू॒पमे॒वास्यै॒त-न्म॑हि॒मानं॒-व्याँच॑ष्टे ॥
वा॒युर॑सि ति॒ग्मते॑जा॒ इत्या॑ह । तेजो॒ वै वा॒युः ॥ 68 ॥
तेज॑ ए॒वास्मि॑-न्दधाति ॥ वि॒षाद्वै नामा॑सु॒र आ॑सीत् । सो॑-ऽबिभेत् । य॒ज्ञेन॑ मा दे॒वा अ॒भिभ॑विष्य॒न्तीति॑ । स पृ॑थि॒वीम॒भ्य॑वमीत् । सा ऽमे॒द्ध्या ऽभ॑वत् । अथो॒ यदिन्द्रो॑ वृ॒त्रमहन्न्॑ । तस्य॒ लोहि॑त-म्पृथि॒वीमनु॒ व्य॑धावत् । सा ऽमे॒द्ध्या ऽभ॑वत् ।
पृथि॑वि देवयज॒नीत्या॑ह ॥ 69 ॥
मेद्ध्या॑मे॒वैना᳚-न्देव॒यज॑नी-ङ्करोति ।
ओष॑द्ध्यास्ते॒ मूल॒-म्मा हिग्ं॑सिष॒मित्या॑ह । ओष॑धीना॒-महिग्ं॑सायै ॥ व्र॒ज-ङ्ग॑च्छ गो॒स्थान॒मित्या॑ह । छन्दाग्ं॑सि॒ वै व्र॒जो गो॒स्थानः॑ । छन्दाग्॑स्ये॒वास्मै᳚ व्र॒ज-ङ्गो॒स्थान॑-ङ्करोति ॥ वर्ष॑तु ते॒ द्यौरित्या॑ह ।
वृष्टि॒र्वै द्यौः । वृष्टि॑मे॒वाव॑रुन्धे ॥
ब॒धा॒न दे॑व सवितः पर॒मस्या᳚-म्परा॒वतीत्या॑ह ॥ 70 ॥
द्वौ वाव पुरु॑षौ । य-ञ्चै॒व द्वेष्टि॑ । यश्चै॑न॒-न्द्वेष्टि॑ । तावु॒भौ ब॑द्ध्नाति पर॒मस्या᳚-म्परा॒वति॑ श॒तेन॒ पाशैः᳚ । यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्मस्तमतो॒ मा मौ॒गित्या॒हानि॑म्रुक्त्यै ॥
अ॒ररु॒र्वै नामा॑सु॒र आ॑सीत् ।
स पृ॑थि॒व्यामुप॑म्लुप्तो-ऽशयत् ।
त-न्दे॒वा अप॑हतो॒-ऽररुः॑ पृथि॒व्या इति॑ पृथि॒व्या अपा᳚घ्नन्न् । भ्रातृ॑व्यो॒ वा अ॒ररुः॑ । अप॑हतो॒-ऽररुः॑ पृथि॒व्या इति॒ यदाह॑ ॥ 71 ॥
भ्रातृ॑व्यमे॒व पृ॑थि॒व्या अप॑हन्ति । ते॑-ऽमन्यन्त ।
दिवं॒-वाँ अ॒यमि॒तः प॑तिष्य॒तीति॑ ।
तम॒ररु॑स्ते॒ दिव॒-म्मा स्का॒निति॑ दि॒वः पर्य॑बाधन्त । भ्रातृ॑व्यो॒ वा अ॒ररुः॑ । अ॒ररु॑स्ते॒ दिव॒-म्मा स्का॒निति॒ यदाह॑ । भ्रातृ॑व्यमे॒व दि॒वः परि॑बाधते ।
स्त॒म्ब॒ य॒जुर्-ह॑रति । पृ॒थि॒व्या ए॒व भ्रातृ॑व्य॒-मप॑हन्ति । द्वि॒तीयग्ं॑ हरति ॥ 72 ॥
अ॒न्तरि॑क्षादे॒वैन॒-मप॑हन्ति । तृ॒तीयग्ं॑ हरति । दि॒व ए॒वैन॒-मप॑हन्ति । तू॒ष्णी-ञ्च॑तु॒र्थग्ं ह॑रति । अप॑रिमितादे॒वैन॒-मप॑हन्ति ॥ असु॑राणां॒-वाँ इ॒यमग्र॑ आसीत् । याव॒दासी॑नः परा॒ पश्य॑ति ।
ताव॑-द्दे॒वाना᳚म् । ते दे॒वा अ॑ब्रुवन्न् ।
अस्त्वे॒व नो॒-ऽस्यामपीति॑ ॥ 73 ॥
क्य॑न्नो दास्य॒थेति॑ । याव॑थ्स्व॒य-म्प॑रिगृह्णी॒थेति॑ ।
ते वस॑व॒स्त्वेति॑ दक्षिण॒तः पर्य॑गृह्णन्न् । रु॒द्रास्त्वेति॑ प॒श्चात् । आ॒दि॒त्या-स्त्वेत्यु॑त्तर॒तः । ते᳚-ऽग्निना॒ प्राञ्चो॑-ऽजयन्न् । वसु॑भि-र्दक्षि॒णा ।
रु॒द्रैः प्र॒त्यञ्चः॑ । आ॒दि॒त्यैरुद॑ञ्चः ।
यस्यै॒वं-विँ॒दुषो॒ वेदि॑-म्परि गृ॒ह्णन्ति॑ ॥ 74 ॥
भव॑त्या॒त्मना᳚ । परा᳚-ऽस्य॒ भ्रातृ॑व्यो भवति ॥
दे॒वस्य॑ सवि॒तु-स्स॒व इत्या॑ह॒ प्रसू᳚त्यै ।
कर्म॑ कृण्वन्ति वे॒धस॒ इत्या॑ह । इ॒षि॒तग्ं हि कर्म॑ क्रि॒यते᳚ । पृ॒थि॒व्यै मेद्ध्य॑-ञ्चामे॒द्ध्य-ञ्च॒ व्युद॑क्रामताम् । प्रा॒चीन॑-मुदी॒चीन॒-म्मेद्ध्य᳚म् । प्र॒ती॒चीन॑-न्दक्षि॒णा ऽमे॒द्ध्यम् ।
प्राची॒मुदी॑ची-म्प्रव॒णा-ङ्क॑रोति ।
मेद्ध्या॑मे॒वैना᳚-न्देव॒यज॑नी-ङ्करोति ॥ 75 ॥
प्राञ्चौ॑ वेद्य॒ग्ं॒ सावुन्न॑यति । आ॒ह॒व॒नीय॑स्य॒ परि॑गृहीत्यै । प्र॒तीची॒ श्रोणी᳚ । गार्ह॑पत्यस्य॒ परि॑गृहीत्यै । अथो॑ मिथुन॒त्वाय॑ । उद्ध॑न्ति । यदे॒वास्या॑ अमे॒द्ध्यम् । तदप॑हन्ति । उद्ध॑न्ति ।
तस्मा॒दोष॑धयः॒ परा॑भवन्ति ॥ 76 ॥
मूल॑-ञ्छिनत्ति । भ्रातृ॑व्यस्यै॒व मूल॑-ञ्छिनत्ति ।
मूलं॒-वाँ अ॑ति॒तिष्ठ॒-द्रक्षा॒ग्॒स्यनू-त्पि॑पते । यद्धस्ते॑न छि॒न्द्यात् । कु॒न॒खिनीः᳚ प्र॒जा-स्स्युः॑ । स्फ्येन॑ छिनत्ति । वज्रो॒ वै स्फ्यः ।
वज्रे॑णै॒व य॒ज्ञा-द्रक्षा॒ग्॒स्यप॑हन्ति । पि॒तृ॒दे॒व॒त्या ऽति॑खाता । इय॑ती-ङ्खनति ॥ 77 ॥
प्र॒जाप॑तिना यज्ञमु॒खेन॒ सम्मि॑ताम् ॥ वेदि॑र्दे॒वेभ्यो॒ निला॑यत । ता-ञ्च॑तुरङ्गु॒ले ऽन्व॑विन्दन्न् । तस्मा᳚च्चतुरङ्गु॒ल-ङ्खेया᳚ ।
च॒तु॒रङ्गु॒ल-ङ्ख॑नति । च॒तु॒र॒ङ्गु॒ले ह्योष॑धयः प्रति॒तिष्ठ॑न्ति ।
आप्र॑ति॒ष्ठायै॑ खनति । यज॑मानमे॒व प्र॑ति॒ष्ठा-ङ्ग॑मयति । द॒क्षि॒ण॒तो वर्षी॑यसी-ङ्करोति ।
दे॒व॒यज॑नस्यै॒व रू॒पम॑कः ॥ 78 ॥
पुरी॑षवती-ङ्करोति । प्र॒जा वै प॒शवः॒ पुरी॑षम् ।
प्र॒जयै॒वैन॑-म्प॒शुभिः॒ पुरी॑षवन्त-ङ्करोति । उत्त॑र-म्परिग्रा॒ह-म्परि॑गृह्णाति । ए॒ताव॑ती॒ वै पृ॑थि॒वी । याव॑ती॒ वेदिः॑ । तस्या॑ ए॒ताव॑त ए॒व भ्रातृ॑व्य-न्नि॒र्भज्य॑ । आ॒त्मन॒ उत्त॑र-म्परिग्रा॒ह-म्परि॑गृह्णाति ।
ऋ॒त-म॑स्यृत॒सद॑न-मस्यृत॒श्रीर॒सीत्या॑ह । य॒था॒ य॒जुरे॒वै तत् ॥ 79 ॥
क्रू॒रमि॑व॒ वा ए॒त-त्क॑रोति । यद्वेदि॑-ङ्क॒रोति॑ ।
धा अ॑सि स्व॒धा अ॒सीति॑ योयुप्यते॒ शान्त्यै᳚ ।
उ॒र्वी चासि॒ वस्वी॑ चा॒सीत्या॑ह ।
उ॒र्वीमे॒वैनां॒-वँस्वी᳚-ङ्करोति ।
पु॒रा क्रू॒रस्य॑ वि॒सृपो॑ विरफ्शि॒न्नित्या॑ह मेद्ध्य॒त्वाय॑ । उ॒दा॒दाय॑ पृथि॒वी-ञ्जी॒रदा॑नु॒र्यामैर॑य-ञ्च॒न्द्रम॑सि स्व॒धाभि॒रित्या॑ह ।
यदे॒वास्या॑ अमे॒द्ध्यम् । तद॑प॒हत्य॑ ।
मेद्ध्या᳚-न्देव॒यज॑नी-ङ्कृ॒त्वा ॥ 80 ॥
यद॒दश्च॒न्द्रम॑सि॒ मेद्ध्य᳚म् । तद॒स्यामेर॑यति ।
ता-न्धीरा॑सो अनु॒दृश्य॑ यजन्त॒ इत्या॒हानु॑ख्यात्यै ॥ प्रोक्ष॑णी॒रासा॑दय । इ॒द्ध्माब॒र्॒हि-रुप॑सादय । स्रु॒व-ञ्च॒ स्रुच॑श्च॒ सम्मृ॑ड्ढि । पत्नी॒ग्ं॒ सन्न॑ह्य । आज्ये॑नो॒देहीत्या॑हानुपू॒र्वता॑यै । प्रोक्ष॑णी॒रासा॑दयति । आपो॒ वै र॑क्षो॒घ्नीः ॥ 81 ॥
रक्ष॑सा॒मप॑हत्यै । स्फ्यस्य॒ वर्त्मन्᳚-थ्सादयति । य॒ज्ञस्य॒ सन्त॑त्यै । उ॒वाच॒ हासि॑तो दैव॒लः । ए॒ताव॑ती॒र्वा अ॒मुष्मि॑न् ँलो॒क आप॑ आसन्न् ।
याव॑तीः॒ प्रोक्ष॑णी॒रिति॑ । तस्मा᳚-द्ब॒ह्वीरा॒साद्याः᳚ । स्फ्यमु॒दस्यन्न्॑ । य-न्द्वि॒ष्यात्त-न्ध्या॑येत् । शु॒चैवैन॑-मर्पयति ॥ 82 ॥
(वै वा॒यु - रा॑ह - परा॒वतीत्या॒हा - ह॑ - द्वि॒तीयग्ं॑ हर॒ - तीति॑ - परिगृ॒ह्णन्ति॑ - देव॒यज॑नी-ङ्करोति - भवन्ति - खनत्य - क - रे॒तत् - कृ॒त्वा - र॑क्षो॒घ्नी - र॑र्पयति) (अ. 9)
अनुवाकं 10 - इध्माबर्हि-स्सादनम्
वज्रो॒ वै स्फ्यः । यद॒न्वञ्च॑-न्धा॒रये᳚त् । वज्रे᳚-ऽद्ध्व॒र्युः, क्ष॑ण्वीत । पु॒रस्ता᳚-त्ति॒र्यञ्च॑-न्धारयति । वज्रो॒ वै स्फ्यः । वज्रे॑णै॒व य॒ज्ञस्य॑ दक्षिण॒तो रक्षा॒ग्॒स्यप॑हन्ति ।
अ॒ग्निभ्या॒-म्प्राच॑श्च प्र॒तीच॑श्च । स्फ्येनोदी॑चश्चा-ध॒राच॑श्च । स्फ्येन॒ वा ए॒ष वज्रे॑णा॒स्यै पा॒प्मान॒-म्भ्रातृ॑व्य-मप॒हत्य॑ ।
उ॒त्क॒रे-ऽधि॒ प्रवृ॑श्चति ॥ 83 ॥
यथो॑प॒धाय॑ वृ॒श्चन्त्य॒वम् । हस्ता॒वव॑ नेनिक्ते । आ॒त्मान॑मे॒व प॑वयते । स्फ्य-म्प्रक्षा॑लयति मेद्ध्य॒त्वाय॑ । अथो॑ पा॒प्मन॑ ए॒व भ्रातृ॑व्यस्य न्य॒ङ्ग-ञ्छि॑नत्ति ॥ इ॒द्ध्मा-ब॒र्॒हि-रुप॑सादयति॒ युक्त्यै᳚ । य॒ज्ञस्य॑ मिथुन॒त्वाय॑ ।
अथो॑ पुरो॒रुच॑मे॒वैता-न्द॑धाति ।
उत्त॑रस्य॒ कर्म॒णो-ऽनु॑ख्यात्यै ।
न पु॒रस्ता᳚-त्प्र॒त्यगुप॑सादयेत् ॥ 84 ॥
य-त्पु॒रस्ता᳚-त्प्र॒त्य-गु॑पसा॒दये᳚त् ।
अ॒न्यत्रा॑हुतिप॒थादि॒द्ध्म-म्प्रति॑पादयेत् । प्र॒जा वै ब॒र्॒हिः । अप॑राद्ध्नुया-द्ब॒र्॒हिषा᳚ प्र॒जाना᳚-म्प्र॒जन॑नम् । प॒श्चात्-प्रागुप॑सादयति । आ॒हु॒ति॒प॒थेने॒द्ध्म-म्प्रति॑पादयति ।
स॒प्र॒न्त्ये॑व ब॒र्॒हिषा᳚ प्र॒जाना᳚-म्प्र॒जन॑न॒मुपै॑ति । दक्षि॑णमि॒द्ध्मम् ।
उत्त॑र-म्ब॒र॒ःइः । आ॒त्मा वा इ॒द्ध्मः ।
प्र॒जा ब॒र्॒हिः । प्र॒जा ह्या᳚त्मन॒ उत्त॑रतरा ती॒र्थे ।
ततो॒ मेध॑मुप॒नीय॑ । य॒था॒ दे॒व॒तमे॒वैन॒त्-प्रति॑ष्ठापयति । प्रति॑तिष्ठति प्र॒जया॑ प॒शुभि॒-र्यज॑मानः ॥ 85 ॥
(वृ॒श्च॒ति॒ - सा॒द॒ये॒ - दि॒द्ध्मः पञ्च॑ च) (अ. 10)
(तृतीय॑स्यां - दे॒वस्या᳚श्वप॒र्॒शुं-योँ वै - पू᳚र्वे॒द्युः - कर्म॑णे वा॒ - मिन्द्रो॑ वृ॒त्रम॑ह॒न्-थ्सो॑-ऽपो - ऽव॑धूतं॒ - धृष्टि॑--र् दे॒वस्येत्या॑ह॒ संवँ॑पामि - दे॒वस्य॒ स्फ्यमाद॑दे॒ - वज्रो॒ वै स्फ्यो दश॑)
(तृ॒तीय॑स्यां - ँय॒ज्ञस्यान॑तिरेकाय - प॒वित्र॑वत्य - ध्व॒र्यु-ञ्चा॑ - धि॒षव॑णमस्य॒ - न्तरि॑क्ष ए॒व - रक्ष॑साम॒न्तर्हि॑त्यै॒ - द्वौ वाव पुरु॑षो॒ - यद॒दश्च॒न्द्रम॑सि॒ मेद्ध्य॒-म्पञ्चाशी॑तिः)
(तृ॒तीय॑स्यां॒ - ँयज॑मानः)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके द्वितीयः प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhakaḥ - daśapūrṇamāseṣṭibrāhmaṇam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - vathsāpākaraṇam
tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat |
tasya̭ pa॒rṇama̭cchidyata | ta-tpa॒rṇo̭-'bhavat | ta-tpa॒rṇasya̭ parṇa॒tvam | brahma॒ vai pa॒rṇaḥ | ya-tpa̭rṇaśā॒khayā̭ va॒thsāna̭pāka॒roti̭ |
brahma̭ṇai॒vainā̭na॒pāka̭roti || gā॒ya॒tro vai pa॒rṇaḥ | gā॒ya॒trāḥ pa॒śavaḥ̭ || 1 ||
tasmā॒-ttrīṇi̭trīṇi pa॒rṇasya̭ palā॒śāni̭ | tri॒padā̭ gāya॒trī | ya-tpa̭rṇaśa॒khayā॒ gāḥ prā॒rpaya̭ti | svayai॒vainā̭ de॒vata̭yā॒ prārpa̭yati | ya-ṅkā॒mayḙtā pa॒śu-ssyā॒diti̭ | a॒pa॒rṇā-ntasmai॒ śuṣkā᳚grā॒māha̭ret |
a॒pa॒śure॒va bha̭vati | ya-ṅkā॒mayḙta paśu॒mān-thsyā॒diti̭ | ba॒hu॒pa॒rṇā-ntasmai̭ bahuśā॒khāmāha̭ret | pa॒śu॒manta̭-me॒vaina̭-ṅkaroti || 2 ||
ya-tprācī̭mā॒hare᳚t | de॒va॒lo॒ka-ma॒bhija̭yet | yadudī̭cī-mmanuṣyalo॒kam | prācī॒mudī̭cī॒māha̭rati | u॒bhayo᳚-rlo॒kayo̭-ra॒bhiji̭tyai || i॒ṣe tvo॒rje tvetyā̭ha | iṣa̭me॒vorjaṃ॒-ya~ja̭māne dadhāti ||
vā॒yava॒-ssthetyā̭ha | vā॒yurvā a॒ntari̭kṣa॒-syāddhya̭kṣāḥ |
a॒nta॒ri॒kṣa॒de॒va॒tyāḥ᳚ khalu॒ vai pa॒śavaḥ̭ || 3 ||
vā॒yava̭ e॒vainā॒-npari̭ dadāti | pra vā ḙnāne॒tadā-ka̭roti | yadāha̭ | vā॒yava॒-ssthetyṷpā॒yavaḥ॒
sthetyā̭ha | yaja̭mānāyai॒va pa॒śūnupa̭hvayate ||
de॒vo vaḥ̭ savi॒tā prārpa̭ya॒tvityā̭ha॒ prasū᳚tyai || śreṣṭha̭tamāya॒ karma̭ṇa॒ ityā̭ha |
ya॒jño hi śreṣṭha̭tama॒-ṅkarma̭ | tasmā̭de॒vamā̭ha ||
āpyā̭yaddhvamaghniyā devabhā॒gamityā̭ha || 4 ||
va॒thsebhya̭śca॒ vā e॒tāḥ pu॒rā ma̭nu॒ṣye᳚bhya॒-ścāpyā̭yanta | de॒vebhya̭ e॒vainā॒ indrā॒yāpyā̭yati || ūrja̭svatīḥ॒ paya̭svatī॒rityā̭ha | ūrja॒gṃ ॒hi payaḥ̭ sa॒mbhara̭nti || pra॒jāva̭tī-ranamī॒vā a̭ya॒kṣmā ityā̭ha॒ prajā᳚tyai | māvaḥ̭ ste॒na ī̭śata॒ mā-'ghaśagṃ̭sa॒ ityā̭ha॒ guptyai᳚ || ru॒drasya̭ he॒tiḥ pari̭ vo vṛṇa॒ktvityā̭ha | ru॒drā de॒vainā᳚-strāyate ||
dhru॒vā a॒smi-ngopa̭tau syāta ba॒hvīrityā̭ha |
dhru॒vā e॒vāsmi̭-nba॒hvīḥ ka̭roti || 5 ||
yaja̭mānasya pa॒śū-npā॒hītyā̭ha | pa॒śu॒nā-ṅgo̭pī॒thāya̭ | tasmā᳚thsā॒ya-mpa॒śava॒ upa̭ sa॒māva̭rtante || ana̭dha-ssādayati | garbhā̭ṇā॒-ndhṛtyā॒ apra̭pādāya | tasmā॒dgarbhāḥ᳚ pra॒jānā॒mapra̭pādukāḥ |
u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 6 ||
(pa॒śavaḥ̭ - karoti - pa॒śavo̭ - devabhā॒gamityā̭ha - karoti॒ - +nava̭ ca) (a. 1)
anuvākaṃ 2 - barhirāharaṇam
de॒vasya̭ tvā savi॒tuḥ pra̭sa॒va itya̭śvapa॒r॒śumāda̭tte॒ prasū᳚tyai |
a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ || yo vā oṣa̭dhīḥ parva॒śo veda̭ | nainā॒-ssa hi̭nasti | pra॒jāpa̭ti॒rvā oṣa̭dhīḥ parva॒śo vḙda | sa ḙnā॒ na hi̭nasti | a॒śva॒pa॒rśvā ba॒r॒hiracchai̭ti |
prā॒jā॒pa॒tyo vā aśvaḥ̭ sayoni॒tvāya̭ || 7 ||
oṣa̭dhīnā॒mahigṃ̭sāyai ||
ya॒jñasya̭ gho॒ṣada॒sītyā̭ha |
yaja̭māna e॒va ra॒yi-nda̭dhāti | pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || preyama̭gāddhi॒ṣaṇā̭ ba॒r॒hiracchetyā̭ha | vi॒dyā vai dhi॒ṣaṇā᳚ | vi॒dyayai॒vaina॒dacchai̭ti || manṷnā kṛ॒tā sva॒dhayā॒ vita॒ṣṭetyā̭ha | mā॒na॒vī hi parśuḥ̭ sva॒dhākṛ̭tā || 8 ||
ta āva̭hanti ka॒vayaḥ̭ pu॒rastā॒dityā̭ha | śu॒śru॒vāgṃso॒ vai ka॒vayaḥ̭ | ya॒jñaḥ pu॒rastā᳚t | mu॒kha॒ta e॒va ya॒jñamāra̭bhate | atho॒ yade॒tadu॒ktvā yataḥ॒ kuta̭ścā॒hara̭ti | ta-tprācyā̭ e॒va di॒śo bha̭vati ||
de॒vebhyo॒ juṣṭa̭mi॒ha ba॒r॒hirā॒sada॒ ityā̭ha | ba॒r॒hiṣa॒-ssamṛ̭ddhyai | karma॒ṇo-'na̭parādhāya || de॒vānā᳚-mpariṣū॒tama॒sītyā̭ha || 9 ||
yadvā i॒da-ṅki-ñca̭ | ta-dde॒vānā᳚-mpariṣū॒tam |
atho॒ yathā॒ vasya̭se prati॒ procyāhe॒da-ṅka̭riṣyā॒mīti̭ | e॒vame॒va tada̭ddhva॒ryu-rde॒vebhyaḥ̭ prati॒ procya̭ ba॒r॒hirdā̭ti | ā॒tmano-'higṃ̭sāyai || yāva̭ta-ssta॒mbā-npa̭ri di॒śet | yatteṣā̭-mucchi॒gg॒ṣyāt | ati॒ ta-dya॒jñasya̭ recayet | ekagg̭ sta॒mba-mpari̭diśet |
tagṃ sarva̭-ndāyāt || 10 ||
ya॒jñasyāna̭tirekāya || va॒r॒ṣavṛ̭ddha-ma॒sītyā̭ha |
va॒r॒ṣa vṛ̭ddhā॒ vā oṣa̭dhayaḥ ||
deva̭ barhi॒rityā̭ha | de॒vebhya̭ e॒vaina̭-tkaroti |
mā tvā॒-'nvammā ti॒ryagityā॒hā higṃ̭sāyai |
parva̭ te rāddhyāsa॒mityā॒-hardhyai᳚ ||
ā॒cche॒ttā te॒ mā ri̭ṣa॒mityā̭ha | nāsyā॒tmano̭ mīyate |
ya e॒vaṃ-ve~da̭ || 11 ||
deva̭barhi-śśa॒tava̭lśaṃ॒-vi~ro॒hetyā̭ha | pra॒jā vai ba॒r॒hiḥ | pra॒jānā᳚-mpra॒jana̭nāya || sa॒hasra̭valśā॒ vi va॒yagṃ rṷhe॒metyā̭ha | ā॒śiṣa̭me॒vaitāmāśā᳚ste || pṛ॒thi॒vyā-ssa॒pṛñcaḥ̭ pā॒hītyā̭ha॒ prati̭ṣṭhityai ||
ayṷṅgāyuṅgā-nmu॒ṣṭīn ~lṷnoti | mi॒thu॒na॒tvāya॒ prajā᳚tyai || su॒sa॒bhṛntā᳚ tvā॒ sambha̭rā॒mītyā̭ha | brahma̭ṇai॒vaina॒th- sambha̭rati || 12 ||
adi̭tyai॒ rāsnā॒-'sītyā̭ha | i॒yaṃ-vā~ adi̭tiḥ |
a॒syā e॒vaina॒-drāsnā᳚-ṅkaroti || i॒ndrā॒ṇyai sa॒naṃha̭na॒mityā̭ha | i॒ndrā॒ṇī vā agrḙ de॒vatā̭nā॒gṃ॒ sama̭nahyata | sā ''rdhno᳚t |
ṛddhyai॒ sanna̭hyati | pra॒jā vai ba॒r॒hiḥ |
pra॒jānā॒mapa̭rāvāpāya |
tasmā॒-thsnāva̭santatāḥ pra॒jā jā̭yante || 13 ||
pū॒ṣā te᳚ gra॒nthi-ṅgra̭thnā॒tvityā̭ha |
puṣṭi̭me॒va yaja̭māne dadhāti || sa te॒ mā-'' sthā॒dityā॒hāhigṃ̭sāyai || pa॒ścā-tprāñca॒mupa̭gūhati |
pa॒ścā-dvai prā॒cīna॒gṃ॒ reto̭ dhīyate |
pa॒ścāde॒vāsmai᳚ prā॒cīna॒gṃ॒ reto̭ dadhāti ||
indra̭sya tvā bā॒hubhyā॒-mudya̭ccha॒ ityā̭ha | i॒ndri॒yame॒va yaja̭māne dadhāti ||
bṛha॒spate᳚rmū॒rdhnā ha̭rā॒mītyā̭ha |
brahma॒ vai de॒vānā॒-mbṛha॒spatiḥ̭ || 14 ||
brahma̭ṇai॒vaina̭ddharati || u॒rva̭ntari̭kṣa॒-manvi॒hītyā̭ha॒ gatyai᳚ || de॒va॒ga॒mmama॒sītyā̭ha | de॒vāne॒vaina̭dgamayati || ana̭dha-ssādayati |
garbhā̭ṇā॒-ndhṛtyā॒ apra̭pādāya | tasmā॒-dgarbhāḥ᳚ pra॒jānā॒mapra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 15 ||
(sa॒yo॒ni॒tvāya̭ - sva॒dhākṛ̭tā॒ - 'sītyā̭ha - dāyā॒-d- veda̭ - bharati - jāyante॒ - bṛha॒spatiḥ॒ - sama̭ṣṭyai) (a. 2)
anuvākaṃ 3 - dohanam
pū॒rve॒dyuri॒ddhmā ba॒r॒hiḥ ka̭roti | ya॒jñame॒vārabhya̭ gṛhī॒tvopa̭vasati || pra॒jāpa̭ti-rya॒jñama̭sṛjata | tasyo॒khe a̭sragṃsetām | ya॒jño vai pra॒jāpa̭tiḥ |
ya-thsā᳚nnāyyo॒khe bhava̭taḥ |
ya॒jñasyai॒va tadu॒khe upa̭dadhā॒tya-pra̭sragṃsāya ||
śundha̭ddhva॒-ndaivyā̭ya॒ karma̭ṇe devaya॒jyāyā॒ ityā̭ha | de॒va॒ya॒jyāyā̭ e॒vainā̭ni śundhati || mā॒ta॒riśva̭no gha॒rmo̭-'sītyā̭ha || 16 ||
a॒ntari̭kṣaṃ॒-vai~ mā̭ta॒riśva̭no gha॒rmaḥ |
e॒ṣāṃ-lo~॒kānāṃ॒-vi~dhṛ̭tyai ||
dyaura̭si pṛthi॒vya̭sītyā̭ha | di॒vaśca॒ hyḙṣā pṛ̭thi॒vyāśca॒ sambhṛ̭tā | yadu॒khā |
tasmā̭de॒vamā̭ha || vi॒śvadhā̭yā asi para॒meṇa॒ dhāmnetyā̭ha | vṛṣṭi॒rvai vi॒śvadhā̭yāḥ | vṛṣṭi̭me॒vāva̭rundhe | dṛgṃha̭sva॒ mā hvā॒rityā̭ha॒ dhṛtyai᳚ || 17 ||
vasṷ̄nā-mpa॒vitra̭ma॒sītyā̭ha | prā॒ṇā vai vasa̭vaḥ |
teṣāṃ॒-vā~ e॒ta-dbhā̭ga॒dheya᳚m | ya-tpa॒vitra᳚m | tebhya̭ e॒vaina̭-tkaroti || śa॒tadhā̭ragṃ sa॒hasra̭dhāra॒mityā̭ha | prā॒ṇeṣve॒vāyṷ-rdadhāti sarva॒tvāya̭ || tri॒vṛ-tpa̭lāśaśā॒khāyā᳚-ndarbha॒maya̭-mbhavati | tri॒vṛdvai prā॒ṇaḥ | tri॒vṛta̭me॒va prā॒ṇa-mma̭ddhya॒to yaja̭māne dadhāti || 18 ||
sau॒myaḥ pa॒rṇa-ssa̭yoni॒tvāya̭ | sā॒kṣā-tpa॒vitra̭-nda॒rbhāḥ | prākhsā॒yamadhi॒ nida̭dhāti | ta-tprā̭ṇāpā॒nayo̭ rū॒pam | ti॒ryakprā॒taḥ | ta-ddarśa̭sya rū॒pam | dā॒rśyagg hyḙtadahaḥ̭ | annaṃ॒-vai~ ca॒ndramāḥ᳚ |
anna̭-mprā॒ṇāḥ | u॒bhaya̭me॒vopai॒tyajā̭mitvāya || 19 ||
tasmā̭da॒yagṃ sa॒rvataḥ̭ pavate || hu॒ta-ssto॒ko hu॒to dra॒phsa ityā̭ha॒ prati̭ṣṭhityai | ha॒viṣo-'ska̭ndāya |
na hi hu॒tagg svāhā̭kṛta॒gg॒ skanda̭ti |
di॒vi nāko॒ nāmā॒gniḥ | tasya̭ vi॒pruṣo̭ bhāga॒dheya᳚m |
a॒gnayḙ bṛha॒te nākā॒yetyā̭ha |
nāka̭me॒vāgni-mbhā̭ga॒dheyḙna॒ sama̭rdhayati |
svāhā॒ dyāvā̭pṛthi॒vībhyā॒mityā̭ha |
dyāvā̭pṛthi॒vyore॒vaina॒t-prati̭ṣṭhāpayati || 20 ||
pa॒vitra̭va॒tyāna̭yati | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati | atho॒ oṣa̭dhīṣve॒va pa॒śū-nprati̭ṣṭhāpayati || a॒nvā॒rabhya॒ vācaṃ̭-ya~cchati |
ya॒jñasya॒ dhṛtyai᳚ | dhā॒raya̭nnāste | dhā॒raya̭nta iva॒ hi du॒hanti̭ | kāma̭dhukṣa॒ ityā॒hātṛ॒tīya̭syai | traya̭ i॒me lo॒kāḥ | i॒māne॒va lo॒kān. yaja̭māno duhe || 21 ||
a॒mūmiti॒ nāma̭ gṛhṇāti | bha॒drame॒vāsā॒-ṅkarmā॒viṣka̭roti || sā vi॒śvāyu॒-ssā vi॒śvavya̭cā॒-ssā vi॒śvaka॒rmetyā̭ha | i॒yaṃ-vai~ vi॒śvāyuḥ̭ |
a॒ntari̭kṣaṃ-vi~॒śvavya̭cāḥ | a॒sau vi॒śvaka̭rmā |
i॒māne॒vaitābhi̭rlo॒kān. ya̭thāpū॒rva-ndṷhe |
atho॒ yathā᳚ pradā॒tre puṇya̭mā॒śāste᳚ | e॒vame॒vainā̭ e॒tadupa̭stauti | tasmā॒t-prādā॒dityu॒nnīya॒ vanda̭mānā upastu॒vantaḥ̭ pa॒śū-ndṷhanti || 22 ||
ba॒hu du॒gdhīndrā̭ya de॒vebhyo̭ ha॒viriti॒ vācaṃ॒-vi~sṛ̭jate | ya॒thā॒ de॒va॒tame॒va prasaṷti |
daivya̭sya ca mānu॒ṣasya̭ ca॒ vyāvṛ̭ttyai |
trirā̭ha | triṣa̭tyā॒ hi de॒vāḥ | avā̭caṃ-ya~॒mo-'na̭nvā-ra॒bhyotta̭rāḥ | apa̭rimitame॒vāva̭rundhe ||
na dā̭rupā॒treṇa̭ duhyāt | a॒gni॒vadvai dā̭rupā॒tram |
ya-ddā̭rupā॒treṇa̭ du॒hyāt || 23 ||
yā॒tayā᳚mnā ha॒viṣā̭ yajeta | atho॒ khalvā̭huḥ |
pu॒ro॒ḍāśa̭mukhāni॒ vai ha॒vīgṃṣi̭ | neta i̭taḥ puro॒ḍāśagṃ̭ ha॒viṣo॒ yāmo॒-'stīti̭ |
kāma̭me॒va dā̭rupā॒treṇa̭ duhyāt || śū॒dra e॒va na dṷhyāt | asa̭to॒ vā e॒ṣa sambhṷ̄taḥ | yacchū॒draḥ | aha̭vire॒va tadityā̭huḥ | yacchū॒dro dogdhīti̭ || 24 ||
a॒gni॒ho॒trame॒vana dṷhyācchū॒draḥ | taddhi not-pu॒nanti̭ | ya॒dā khalu॒ vai pa॒vitra̭ma॒tyeti̭ | atha॒ taddha॒viriti̭ ||
sampṛ̭cyaddhva-mṛtāvarī॒rityā̭ha | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati |
tasmā̭da॒pā-ñcauṣa̭dhīnā-ñca॒ rasa॒mupa̭ jīvāmaḥ |
ma॒ndrā dhana̭sya sā॒taya॒ ityā̭ha | puṣṭi̭me॒va yaja̭māne dadhāti || somḙna॒ tvā-''ta̭na॒cmīndrā̭ya॒ dadhītyā̭ha || 25 ||
soma̭me॒vaina̭-tkaroti | yo vai soma̭-mbhakṣayi॒tvā |
saṃ॒va~॒thsa॒ragṃ soma॒-nna piba̭ti | pu॒na॒rbhakṣyo᳚-'sya somapī॒tho bha̭vati ||
somaḥ॒ khalu॒ vai sā᳚nāṃ॒yyam | ya e॒vaṃ-vi~॒dvān-thsā᳚nāṃ॒yya-mpiba̭ti | a॒pu॒na॒rbhakṣyo᳚-'sya somapī॒tho bha̭vati | na mṛ॒nmaye॒nāpi̭daddhyāt |
ya-nmṛ॒nmayḙnāpida॒ddhyāt |
pi॒tṛ॒de॒va॒tyagg̭ syāt || 26 ||
a॒ya॒spā॒treṇa̭ vā dārupā॒treṇa॒ vā-'pi̭dadhāti |
taddhi sadḙvam || u॒da॒nvad- bha̭vati | āpo॒ vai ra̭kṣo॒ghnīḥ | rakṣa̭sā॒-mapa̭hatyai ||
ada̭stamasi॒ viṣṇa̭ve॒ tvetyā̭ha | ya॒jño vai viṣṇuḥ̭ |
ya॒jñāyai॒vaina॒dada̭sta-ṅkaroti | viṣṇo̭ ha॒vyagṃ ra̭kṣa॒svetyā̭ha॒ guptyai᳚ || ana̭dha-ssādayati | garbhā̭ṇā॒-ndhṛtyā॒ apra̭pādāya |
tasmā॒-dgarbhāḥ᳚ pra॒jānā॒ma pra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ | su॒va॒rgasya̭ lo॒kasya॒ sama̭ṣṭyai || 27 ||
(a॒sītyā̭ha॒ - dhṛtyai॒ - yaja̭māne dadhā॒ - tyajā̭mitvāya - sthāpayati - duhe - duhanti - du॒hyā-d- dogdhīti॒ - dadhītyā̭ha - syāth - sādayati॒ pañca̭ ca) (a. 3)
anuvākaṃ 4 - havirnirvāpaḥ
karma̭ṇe vā-nde॒vebhyaḥ̭ śakeya॒mityā̭ha॒ śaktyai᳚ |
ya॒jñasya॒ vai santa̭ti॒manṷ pra॒jāḥ pa॒śavo॒ yaja̭mānasya॒ santā̭yante | ya॒jñasya॒ vicchi̭tti॒manṷ pra॒jāḥ pa॒śavo॒ yaja̭mānasya॒ vicchi̭dyante |
ya॒jñasya॒ santa̭tirasi ya॒jñasya̭ tvā॒ santa̭tyai stṛṇāmi॒ santa̭tyai tvā ya॒jñasyetyāha̭va॒nīyā॒-thsanta̭noti | yaja̭mānasya pra॒jāyai̭ paśū॒nāgṃ santa̭tyai || a॒paḥ praṇa̭yati | śra॒ddhā vā āpaḥ̭ | śra॒ddhāme॒vārabhya̭ pra॒ṇīya॒ praca̭rati | a॒paḥ praṇa̭yati | ya॒jño vā āpaḥ̭ || 28 ||
ya॒jñame॒vārabhya̭ pra॒ṇīya॒ praca̭rati | a॒paḥ praṇa̭yati | vajro॒ vā āpaḥ̭ | vajra̭me॒va bhrātṛ̭vyebhyaḥ pra॒hṛtya̭ pra॒ṇīya॒ praca̭rati | a॒paḥ praṇa̭yati |
āpo॒ vai ra̭kṣo॒ghnīḥ | rakṣa̭sā॒-mapa̭hatyai | a॒paḥ praṇa̭yati | āpo॒ vai de॒vānā᳚-mpri॒ya-ndhāma̭ |
de॒vānā̭me॒va pri॒ya-ndhāma̭ pra॒ṇīya॒ praca̭rati || 29 ||
a॒paḥ praṇa̭yati | āpo॒ vai sarvā̭ de॒vatāḥ᳚ |
de॒vatā̭ e॒vārabhya̭ pra॒ṇīya॒ praca̭rati || veṣā̭ya॒ tvetyā̭ha | veṣā̭ya॒ hyḙnadāda॒tte || pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || dhūra॒sītyā̭ha | e॒ṣa vai dhuryo॒-'gniḥ | taṃ-ya~danṷpaspṛśyātī॒yāt || 30 ||
a॒ddhva॒ryu-ñca॒ yaja̭māna-ñca॒ prada̭het | u॒pa॒spṛśyātyḙti | a॒ddhva॒ryośca॒ yaja̭mānasya॒ cāpra̭dāhāya || dhūrva॒ taṃyo~᳚-'smā-ndhūrva̭ti॒ ta-ndhū᳚rva॒ yaṃ-va~॒ya-ndhūrvā̭ma॒ ityā̭ha |
dvau vāva purṷṣau | ya-ñcai॒va dhūrva̭ti | yaścai̭na॒-ndhūrva̭ti | tāvu॒bhau śu॒cā-'rpa̭yati || tva-nde॒vānā̭masi॒ sasni̭tama॒-mpapri̭tama॒-ñjuṣṭa̭tamaṃ॒-va~hni̭tama-ndeva॒hūta̭ma॒mityā̭ha | ya॒thā॒ ya॒jure॒vai tat || 31 ||
ahrṷtamasi havi॒rdhāna॒-mityā॒hānā᳚rtyai |
dṛgṃha̭sva॒ mā hvā॒rityā̭ha॒ dhṛtyai᳚ ||
mi॒trasya̭ tvā॒ cakṣṷṣā॒ prekṣa॒ ityā̭ha mitra॒tvāya̭ |
mā bhermā saṃvi~̭kthā॒ mā tvā̭ higṃsiṣa॒-mityā॒hāhigṃ̭sāyai | yadvai ki-ñca॒ vāto॒ nābhi॒vāti̭ |
ta-thsarvaṃ̭-va~ruṇadeva॒tya᳚m || u॒ru vātā॒yetyā̭ha | avā̭ruṇame॒vaina̭-tkaroti || de॒vasya̭ tvā savi॒tuḥ
pra̭sa॒va ityā̭ha॒ prasū᳚tyai |
a॒śvino᳚-rbā॒hubhyā॒mityā̭ha || 32 ||
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ | a॒gnaye॒ juṣṭa॒-nnirva̭pā॒mītyā̭ha | a॒gnaya̭ e॒vainā॒ñjuṣṭaṃ॒
nirva̭pati | triryajṷṣā | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ | tū॒ṣṇī-ñca̭tu॒rtham |
apa̭rimitame॒vāva̭rundhe | sa e॒vame॒vānṷpū॒rvagṃ ha॒vīgṃṣi॒ nirva̭pati || 33 ||
i॒da-nde॒vānā̭mi॒damṷ na-ssa॒hetyā̭ha॒ vyāvṛ̭ttyai ||
sphā॒tyai tvā॒ nārā᳚tyā॒ ityā̭ha॒ guptyai᳚ | tama̭sīva॒ vā e॒ṣo᳚-'ntaśca̭rati | yaḥ pa̭rī॒ṇahi̭ || suva̭ra॒bhi vikhyḙṣaṃ-vai~śvāna॒ra-ñjyoti॒rityā̭ha |
suva̭re॒vābhi vi pa̭śyati vaiśvāna॒ra-ñjyotiḥ̭ |
dyāvā̭pṛthi॒vī ha॒viṣi̭ gṛhī॒ta uda̭vepetām ||
dṛgṃha̭ntā॒-nduryā॒ dyāvā̭pṛthi॒vyorityā̭ha |
gṛ॒hāṇā॒-ndyāvā̭pṛthi॒vyo-rdhṛtyai᳚ ||
u॒rva̭ntari̭kṣa॒-manvi॒hītyā̭ha॒ gatyai᳚ ||
adi̭tyāstvo॒pasthḙ sādayā॒mītyā̭ha | i॒yaṃ-vā~ adi̭tiḥ | a॒syā e॒vaina̭du॒pasthḙ sādayati ||
agnḙ ha॒vyagṃ ra̭kṣa॒svetyā̭ha॒ guptyai᳚ || 34 ||
(ya॒jño vā āpo॒ - dhāma̭ pra॒ṇīya॒ praca̭ra - tyatī॒yā - de॒ta-d- bā॒hubhyā॒mityā̭ha - ha॒vigṃṣi॒ nirva̭pati॒ - gatyai̭ ca॒tvāri̭ ca) (a. 4)
anuvākaṃ 5 - vrīhyavaghātaḥ
indro̭ vṛ॒trama̭hann | so̭-'paḥ | a॒bhya̭mriyata |
tāsāṃ॒-ya~nmeddhyaṃ̭-ya~॒jñiya॒gṃ॒ sadḙva॒māsī᳚t | tadapoda̭krāmat | te da॒rbhā a̭bhavann | ya-dda॒rbhaira॒pa ṷtpu॒nāti̭ | yā e॒va meddhyā̭ ya॒jñiyā॒-ssadḙvā॒ āpaḥ̭ | tābhi̭re॒vainā॒ utpṷnāti | dvābhyā॒mutpṷnāti || 35 ||
dvi॒pā-dyaja̭mānaḥ॒ prati̭ṣṭhityai || de॒vo vaḥ̭ savi॒tot-pṷnā॒tvityā̭ha | sa॒vi॒tṛpra̭sūta e॒vainā॒ utpṷnāti | acchi̭dreṇa pa॒vitre॒ṇetyā̭ha | a॒sau vā ā̭di॒tyo-'cchi̭dra-mpa॒vitra᳚m | tenai॒vainā॒ utpṷnāti | vaso॒-ssūrya̭sya ra॒śmibhi॒rityā̭ha | prā॒ṇā vā āpaḥ̭ | prā॒ṇā vasa̭vaḥ | prā॒ṇā ra॒śmayaḥ̭ || 36 ||
prā॒ṇaire॒va prā॒ṇān-thsampṛ̭ṇakti | sā॒vi॒tri॒yarcā |
sa॒vi॒tṛpra̭sūta-mme॒ karmā̭sa॒diti̭ |
sa॒vi॒tṛpra̭sūtame॒vāsya॒ karma̭ bhavati |
pa॒ccho gā̭yatri॒yā tri̭ṣṣamṛddha॒tvāya̭ ||
āpo̭ devīragrepuvo agreguva॒ ityā̭ha |
rū॒pa-me॒vāsā̭me॒ta-nma̭hi॒mānaṃ॒-vyā~ca̭ṣṭe |
agra̭ i॒maṃ-ya~॒jña-nna̭ya॒tāgrḙ
ya॒jñapa̭ti॒mityā̭ha | agrḙ e॒va ya॒jña-nna̭yanti |
agrḙ ya॒jñapa̭tim || 37 ||
yu॒ṣmānindro̭ 'vṛṇīta vṛtra॒tūyḙ yū॒yamindra̭mavṛṇīddhvaṃ-vṛ~tra॒tūrya॒ ityā̭ha |
vṛ॒tragṃ ha̭ hani॒ṣyannindra॒ āpo̭ vavre |
āpo॒ hendraṃ̭-va~vrire | sa॒jñāṃ-me॒vāsā̭me॒ta-thsāmā̭naṃ॒-vyā~ca̭ṣṭe || prokṣi̭tā॒-ssthetyā̭ha | tenāpaḥ॒ prokṣi̭tāḥ || a॒gnayḙ vo॒ juṣṭa॒-mprokṣā᳚-mya॒gnīṣomā᳚bhyā॒-mityā̭ha |
ya॒thā॒ de॒va॒tame॒vainā॒-nprokṣa̭ti | triḥ prokṣa̭ti | tryā̭vṛ॒ddhi ya॒jñaḥ || 38 ||
atho॒ rakṣa̭sā॒mapa̭hatyai | śundha̭ddhvaṃ॒
daivyā̭ya॒ karma̭ṇe devaya॒jyāyā॒ ityā̭ha |
de॒va॒ya॒jyāyā̭ e॒vainā̭ni śundhati | triḥ prokṣa̭ti | tryā̭vṛ॒ddhi ya॒jñaḥ | atho̭ meddhya॒tvāya̭ | ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha |
rakṣa̭sā॒-mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ || 39 ||
a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai || pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ |
tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata |
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭ddhyava॒hanti̭ | ya॒jñāde॒va-ta-dya॒jña-mprayṷṅkte | ha॒viṣo-'ska̭ndāya || 40 ||
a॒dhi॒ṣava̭ṇamasi vānaspa॒tyamityā̭ha | a॒dhi॒ṣava̭ṇa-me॒vaina̭-tkaroti | prati॒ tvā-'di̭tyā॒stvagve॒ttvityā̭ha saya॒tvāya̭ ||
a॒gnesta॒nū-ra॒sītyā̭ha | a॒gnervā e॒ṣā ta॒nūḥ |
yadoṣa̭dhayaḥ | vā॒co vi॒sarja̭na॒mityā̭ha |
ya॒dā hi pra॒jā oṣa̭dhīnā-ma॒śnanti̭ | atha॒ vācaṃ॒-vi~sṛ̭jante | de॒vavī̭taye tvā gṛhṇā॒mītyā̭ha || 41 ||
de॒vatā̭bhire॒vaina॒-thsama̭rdhayati ||
adri̭rasi vānaspa॒tya ityā̭ha | grāvā̭ṇa-me॒vaina̭-tkaroti |
sa i॒da-nde॒vebhyo̭ ha॒vyagṃ su॒śami̭ śami॒ṣvetyā̭ha॒ śāntyai᳚ || havi̭ṣkṛ॒dehītyā̭ha |
ya e॒va de॒vānāgṃ̭ havi॒ṣkṛtaḥ̭ | tān. hva̭yati |
trirhva̭yati | triṣa̭tyā॒ hi de॒vāḥ || iṣa॒mā va॒dorja॒mā va॒detyā̭ha || 42 ||
iṣa̭me॒vorjaṃ॒-ya~ja̭māne dadhāti |
dyu॒madva̭data va॒yagṃ sa̭ghā॒nta-ñje॒ṣmetyā̭ha॒ bhrātṛ̭vyābhibhūtyai || mano᳚-śśra॒ddhādḙvasya॒ yaja̭mānasyāsura॒ghnī vāk | ya॒jñā॒yu॒dheṣu॒ pravi̭ṣṭā-''sīt | te-'sṷrā॒ yāva̭nto yajñāyu॒dhānā̭mu॒dvada̭tā-mu॒pāśṛ̭ṇvann |
te parā̭-'bhavann | tasmā॒-thsvānā॒-mmaddhyḙ-'va॒sāya̭ yajeta | yāva̭nto-'sya॒ bhrātṛ̭vyā yajñāyu॒dhānā̭-mu॒dvada̭tā-mupaśṛ॒ṇvanti̭ | te parā̭ bhavanti |
u॒ccai-ssa॒māha̭nta॒vā ā̭ha॒ viji̭tyai || 43 ||
vṛ॒ṅkta ḙṣāmindri॒yaṃ-vī~॒rya᳚m | śreṣṭha̭ eṣā-mbhavati || va॒r॒ṣa vṛ̭ddhamasi॒ prati̭ tvā va॒r॒ṣavṛ̭ddhaṃ-ve~॒ttvityā̭ha |
va॒r॒ṣavṛ̭ddhā॒ vā oṣa̭dhayaḥ |
va॒r॒ṣavṛ̭ddhā i॒ṣīkā॒-ssamṛ̭ddhyai |
ya॒jñagṃ rakṣā॒g॒syanu॒ prāvi̭śann |
tānya॒snā pa॒śubhyo̭ ni॒ravā̭dayanta |
tuṣai॒roṣa̭dhībhyaḥ || parā̭pūta॒gṃ॒ rakṣaḥ॒ parā̭pūtā॒ arā̭taya॒ ityā̭ha |
rakṣa̭sā॒mapa̭hatyai || 44 ||
rakṣa̭sā-mbhā॒go̭-'sītyā̭ha | tuṣai̭re॒va rakṣāgṃ̭si ni॒rava̭dayate | a॒pa upa̭spṛśati meddhya॒tvāya̭ | vā॒yurvo॒ vi vi̭na॒ktvityā̭ha | pa॒vitraṃ॒-vai~ vā॒yuḥ | pu॒nātye॒vaināṋ | a॒ntari̭kṣādiva॒ vā e॒te praska̭ndanti | ye śūrpā᳚t | de॒vo vaḥ̭ savi॒tā hira̭ṇyapāṇiḥ॒ prati̭gṛhṇā॒tvityā̭ha॒ prati̭ṣṭhityai |
ha॒viṣo-'ska̭ndāya | triṣpha॒līka̭rta॒vā ā̭ha | tryā̭vṛ॒ddhi ya॒jñaḥ | atho̭ meddhya॒tvāya̭ || 45 ||
(dvābhyā॒mu-tpṷnāti - ra॒śmayo̭ - naya॒ntyagrḙ ya॒jñapa̭tiṃ - ~ya॒jño - 'di̭ti॒ - raska̭ndāya - gṛhṇā॒mītyā̭ha - va॒detyā̭ha॒ - viji̭tyā॒ - apa̭hatyā॒ - aska̭ndāya॒ trīṇi̭ ca) (a. 5)
anuvākaṃ 6 - taṇḍulapeṣaṇam
ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha | rakṣa̭sā॒mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ | a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai |
pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ | tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata || 46 ||
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭dhipi॒naṣṭi̭ | ya॒jñāde॒va ta-dya॒jña-mprayṷṅkte | ha॒viṣo-'ska̭ndāya || dyāvā̭pṛthi॒vī sa॒hāstā᳚m | te śa̭myāmā॒trameka॒maha॒rvyaitāgṃ̭ śamyāmā॒trameka॒mahaḥ̭ || di॒va-sska̭mbha॒nira̭si॒ prati॒ tvā 'di̭tyā॒stvagve॒ttvityā̭ha |
dyāvā̭pṛthi॒vyo-rvītyai᳚ | dhi॒ṣaṇā̭-'si parva॒tyā
prati̭ tvā di॒va-sska̭mbha॒nirve॒ttvityā̭ha |
dyāvā̭pṛthi॒vyo-rvidhṛ̭tyai || 47 ||
dhi॒ṣaṇā̭-'si pārvate॒yī prati̭ tvā parva॒tirve॒ttvityā̭ha | dyāvā̭pṛthi॒vyordhṛtyai᳚ || de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ |
adhi̭vapā॒mītyā̭ha | ya॒thā॒de॒va॒ta-me॒vainā॒nadhi̭ vapati || dhā॒nya̭masi dhinu॒hi de॒vānityā̭ha | e॒tasya॒ yajṷṣo vī॒ryḙṇa || 48 ||
yāva॒dekā̭ de॒vatā̭ kā॒maya̭te॒ yāva॒dekā᳚ | tāva॒dāhṷtiḥ prathate | na hi tadasti̭ | yattāva̭de॒va syāt | yāva̭jju॒hoti̭ || prā॒ṇāya̭ tvā-'pā॒nāya॒ tvetyā̭ha | prā॒ṇāne॒va yaja̭māne dadhāti | dī॒rghāmanu॒ prasi̭ti॒māyṷṣe dhā॒mityā̭ha | āyṷre॒vāsmi̭-ndadhāti |
a॒ntari̭kṣādiva॒ vā e॒tāni॒ praska̭ndanti | yāni̭ dṛ॒ṣadaḥ̭ | de॒vo vaḥ̭ savi॒tā hira̭ṇyapāṇiḥ॒ prati̭ gṛhṇā॒tvityā̭ha॒ prati̭ṣṭhityai | ha॒viṣo-'ska̭ndāya ||
asaṃ̭va~pantī pigṃ̭ṣā॒ṇūni̭ kurutā॒dityā̭ha meddhya॒tvāya̭ || 49 ||
(nilā̭yata॒ - vidhṛ̭tyai - vī॒ryḙṇa - skandanti ca॒tvāri̭ ca ) (a. 6)
anuvākaṃ 7 - kapālopadhānam
dhṛṣṭi̭rasi॒ brahma̭ ya॒cchetyā̭ha॒ dhṛtyai᳚ ||
apā᳚gne॒ 'gnimā॒māda̭-ñjahi॒ niṣkra॒vyādagṃ̭
se॒dhā dḙva॒yajaṃ̭-va~॒hetyā̭ha |
ya e॒vāmātkra॒vyāt | tama̭pa॒hatya̭ | meddhye॒-'gnau ka॒pāla॒mupa̭dadhāti || nirda̭gdha॒gṃ॒ rakṣo॒ nirda̭gdhā॒ arā̭taya॒ ityā̭ha | rakṣāg̭sye॒va
nirda̭hati | a॒gni॒vatyupa̭dadhāti | a॒sminne॒va lo॒ke jyoti̭rdhatte | aṅgā̭ra॒madhi̭-vartayati || 50 ||
a॒ntari̭kṣa e॒va jyoti̭rdhatte |
ā॒di॒tyame॒vāmuṣmi̭n ~lo॒ke jyoti̭rdhatte |
jyoti̭ṣmanto-'smā i॒me lo॒kā bha̭vanti |
ya e॒vaṃ-ve~da̭ || dhru॒vama̭si pṛthi॒vī-ndṛ॒gṃ॒hetyā̭ha | pṛ॒thi॒vīme॒vaitena̭ dṛgṃhati |
dha॒rtrama̭sya॒ntari̭kṣa-ndṛ॒gṃ॒hetyā̭ha | a॒ntari̭kṣame॒vaitena̭ dṛgṃhati |
dha॒ruṇa̭masi॒ diva̭-ndṛ॒gṃ॒hetyā̭ha | diva̭me॒vaitena̭ dṛgṃhati || 51 ||
dharmā̭si॒ diśo̭ dṛ॒gṃ॒hetyā̭ha |
diśa̭ e॒vaitena̭ dṛgṃhati | i॒māne॒vaitai-rlo॒kā-ndṛgṃ̭hati | dṛgṃ ha̭nte-'smā i॒me lo॒kāḥ pra॒jayā̭ pa॒śubhiḥ̭ | ya e॒vaṃ-ve~da̭ || trīṇyagrḙ ka॒pālā॒nyupa̭dadhāti | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ |
eka॒magrḙ ka॒pāla॒mupa̭dadhāti |
ekaṃ॒-vā~ agrḙ ka॒pāla॒-mpurṷṣasya sa॒bhaṃva~̭ti || 52 ||
atha॒ dve | atha॒ trīṇi̭ | atha̭ ca॒tvāri̭ | athā॒ṣṭau |
tasmā̭da॒ṣṭāka̭pāla॒-mpurṷṣasya॒ śiraḥ̭ |
yade॒va-ṅka॒pālā᳚nyupa॒ dadhā̭ti | ya॒jño vai pra॒jāpa̭tiḥ | ya॒jñame॒va pra॒jāpa̭ti॒gṃ॒ saggska̭roti |
ā॒tmāna̭me॒va ta-thsaggska̭roti | tagṃ saggskṛ̭tamā॒tmāna᳚m || 53 ||
a॒muṣmi̭n ~lo॒ke-'nu॒parai̭ti || yada॒ṣṭāvṷpa॒ dadhā̭ti | gā॒ya॒tri॒yā ta-thsammi̭tam | yannava̭ | tri॒vṛtā॒ tat | ya-ddaśa̭ | vi॒rājā॒ tat | yadekā̭daśa | tri॒ṣṭubhā॒ tat | yaddvāda̭śa || 54 ||
jaga̭tyā॒ tat | chandaḥ̭ sammitāni॒ sa ṷpa॒dadha̭-tka॒pālā̭ni | i॒mān ~lo॒kāna̭nupū॒rva-ndiśo॒ vidhṛ̭tyai dṛgṃhati | athāyuḥ̭ prā॒ṇā-npra॒jā-mpa॒śūn. yaja̭māne dadhāti | sa॒jā॒tāna̭smā a॒bhito̭ bahu॒lān ka̭roti ||
cita॒-ssthetyā̭ha | ya॒thā॒ ya॒jure॒vaitat ||
bhṛgṷ̄ṇā॒maṅgi̭rasā॒-ntapa̭sā tapyaddhva॒mityā̭ha |
de॒vatā̭nā-me॒vainā̭ni॒ tapa̭sā tapati | tāni॒ tata॒-ssaggsthi̭te | yāni̭ gha॒rme ka॒pālā᳚n yupaci॒nvanti̭ ve॒dhasa॒ iti॒ catṷṣpadaya॒rcā vimṷñcati | catṷṣpādaḥ pa॒śavaḥ̭ | pa॒śuṣve॒vopari̭ṣṭā॒-tprati̭tiṣṭhati || 55 ||
(va॒rta॒ya॒ti॒ - diva̭me॒vaitena̭ dṛgṃhati - sa॒mbhava̭ti॒ - tagṃ saggskṛ̭tamā॒tmānaṃ॒ - dvāda̭śa॒ - saggsthi̭te॒ trīṇi̭ ca) (a. 7)
anuvākaṃ 8 - puroḍāśāniṣpādanam
de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ |
saṃva~̭pā॒mītyā̭ha | ya॒thā॒ de॒va॒tame॒vainā̭ni॒ saṃva~̭pati || samāpo̭ a॒dbhira̭gmata॒ samoṣa̭dhayo॒ rase॒netyā̭ha | āpo॒ vā oṣa̭dhī-rjinvanti | oṣa̭dhayo॒-'po ji̭nvanti |
a॒nyā vā e॒tāsā̭ma॒nyā ji̭nvanti || 56 ||
tasmā̭de॒vamā̭ha | sagṃ re॒vatī॒-rjaga̭tībhi॒-rmadhṷmatī॒-rmadhṷmatībhi-ssṛjyaddhva॒mityā̭ha |
āpo॒ vai re॒vatīḥ᳚ | pa॒śavo॒ jaga̭tīḥ | oṣa̭dhayo॒ madhṷmatīḥ | āpa॒ oṣa̭dhīḥ pa॒śūn | tāne॒vāsmā̭ eka॒dhā sa॒gṃ॒sṛjya̭ | madhṷmataḥ karoti |
a॒dbhyaḥ pari॒ prajā̭tā-sstha॒ sama॒dbhiḥ pṛ̭cyaddhva॒miti̭ pa॒ryāplā̭vayati |
yathā॒ suvṛ̭ṣṭa i॒māma̭nu vi॒sṛtya̭ || 57 ||
āpa॒ oṣa̭dhīrma॒haya̭nti | tā॒dṛge॒va tat ||
jana̭yatyai tvā॒ saṃyau~॒mītyā̭ha | pra॒jā e॒vaitena̭ dādhāra | a॒gnaye᳚ tvā॒-'gnīṣomā᳚bhyā॒mityā̭ha॒ vyāvṛ̭ttyai | ma॒khasya॒ śiro॒-'sītyā̭ha |
ya॒jño vai ma॒khaḥ | tasyai॒tacchiraḥ̭ | ya-tpṷro॒ḍāśaḥ̭ | tasmā̭de॒vamā̭ha || 58 ||
gha॒rmo̭-'si vi॒śvāyu॒rityā̭ha | viśva̭me॒vāyu॒-ryaja̭māne dadhāti | u॒ru pra̭thasvo॒ru tḙ ya॒jñapa̭tiḥ prathatā॒mityā̭ha | yaja̭māname॒va pra॒jayā̭ pa॒śubhiḥ̭ prathayati | tvaca̭-ṅgṛhṇī॒ṣvetyā̭ha |
sarva̭me॒vaina॒gṃ॒ sata̭nu-ṅkaroti | athā॒pa ā॒nīya॒ pari̭ mārṣṭi | mā॒gṃ॒sa e॒va ta-ttvaca̭-ndadhāti | tasmā᳚-ttva॒cā mā॒gṃ॒sa-ñcha॒nnam ||
gha॒rmo vā e॒ṣo-'śā᳚ntaḥ || 59 ||
a॒rdha॒mā॒se᳚-'rdhamāse॒ pravṛ̭jyate | ya-tpṷro॒ḍāśaḥ̭ | sa ī᳚śva॒ro yaja̭mānagṃ śu॒cā pra॒dahaḥ̭ | parya̭gni karoti | pa॒śume॒vaina̭makaḥ | śāntyā॒ apra̭dāhāya | triḥ parya̭gni karoti |
tryā̭vṛ॒ddhi ya॒jñaḥ | atho॒ rakṣa̭sā॒mapa̭hatyai ||
a॒ntari̭ta॒gṃ॒ rakṣo॒-'ntari̭tā॒ arā̭taya॒ ityā̭ha || 60 ||
rakṣa̭sā-ma॒ntarhi̭tyai | pu॒ro॒ḍāśaṃ॒-vā~ adhi̭śrita॒gṃ॒ rakṣāg̭syajighāgṃsann |
di॒vi nāko॒ nāmā॒gnī ra̭kṣo॒hā | sa e॒vāsmā॒-drakṣā॒g॒syapā̭hann | de॒vastvā̭ savi॒tā śra̭paya॒tvityā̭ha | sa॒vi॒tṛpra̭sūta e॒vainagg̭ śrapayati | varṣi̭ṣṭhe॒ adhi॒ nāka॒ ityā̭ha | rakṣa̭sā॒mapa̭hatyai | a॒gnistḙ ta॒nuva॒-mmā-'ti̭ dhā॒gityā॒hāna̭tidāhāya | agnḙ ha॒vyagṃ ra̭kṣa॒svetyā̭ha॒ guptyai᳚ || 61 ||
avi̭dahanta-śśrapaya॒teti॒ vācaṃ॒-vi~sṛ̭jate |
ya॒jñame॒va ha॒vīgṣya̭bhi-vyā॒hṛtya॒ prata̭nute |
pu॒ro॒ruca॒mavi̭dāhāya॒ śṛtyai̭ karoti || ma॒stiṣko॒ vai pṷro॒ḍāśaḥ̭ | taṃ-ya~nnābhi̭vā॒saye᳚t | ā॒virma॒stiṣkaḥ̭ syāt | a॒bhivā̭sayati |
tasmā॒-dguhā̭ ma॒stiṣkaḥ̭ | bhasma̭nā॒-'bhi vā̭sayati |
tasmā᳚-nmā॒gṃ॒senāsthi̭ cha॒nnam || 62 ||
ve॒denā॒bhi vā̭sayati | tasmā॒-tkeśai॒-śśiraḥ̭ cha॒nnam |
akha̭latibhāvuko bhavati | ya e॒vaṃ-ve~da̭ || pa॒śorvai pra̭ti॒mā pṷro॒ḍāśaḥ̭ | sa nāya॒juṣka̭-mabhi॒vāsyaḥ̭ | vṛthḙva syāt | ī॒śva॒rā yaja̭mānasya pa॒śavaḥ॒ pramḙtoḥ || sa-mbrahma̭ṇā pṛcya॒svetyā̭ha | prā॒ṇā vai brahma̭ || 63 ||
prā॒ṇāḥ pa॒śavaḥ̭ | prā॒ṇaire॒va pa॒śūnth
sampṛ̭ṇakti | na pra॒māyṷkā bhavanti | yaja̭māno॒ vai pṷro॒ḍāśaḥ̭ | pra॒jā pa॒śavaḥ॒ purī̭ṣam |
yade॒vama̭bhi vā॒saya̭ti | yaja̭māname॒va pra॒jayā̭ pa॒śubhi॒-ssama̭rdhayati || de॒vā vai ha॒vi-rbhṛ॒tvā-'brṷvann | kasmi̭nni॒da-mmra̭kṣyāmaha॒ iti̭ |
so᳚-'gnira̭bravīt || 64 ||
mayi̭ ta॒nū-ssannidha̭ddhvam | a॒haṃ-va~॒sta-ñja̭nayiṣyāmi | yasmi̭-nmra॒kṣyaddhva॒ iti̭ | te de॒vā a॒gnau ta॒nū-ssa-nnya̭dadhata | tasmā̭dāhuḥ |
a॒gni-ssarvā̭ de॒vatā॒ iti̭ | so-'ṅgā̭reṇā॒paḥ |
a॒bhya̭pātayat | tata̭ eka॒to̭-'jāyata |
sa dvi॒tīya̭ma॒bhya̭pātayat || 65 ||
tato᳚ dvi॒to̭-'jāyata | sa tṛ॒tīya̭-ma॒bhya̭pātayat |
tata̭-stri॒to̭-'jāyata | yada॒dbhyo-'jā̭yanta | tadā॒pyānā̭māpya॒tvam | yadā॒tmabhyo 'jā̭yanta |
tadā॒tmyānā̭-mātmya॒tvam || te de॒vā ā॒pyeṣva̭mṛjata | ā॒pyā a̭mṛjata॒ sūryā᳚bhyudite | sūryā᳚bhyudita॒-ssūryā̭bhinimrukte || 66 ||
sūryā̭bhinimruktaḥ kuna॒khini̭ | ku॒na॒khī śyā॒vada̭ti | śyā॒vada̭nnagradidhi॒ṣau | a॒gra॒di॒dhi॒ṣuḥ pa̭rivi॒tte | pa॒ri॒vi॒tto vī̭ra॒haṇi̭ | vī॒ra॒hā bra̭hma॒haṇi̭ |
tadbra̭hma॒haṇa॒-nnātya̭cyavata | a॒nta॒rve॒di nina̭ya॒tyava̭ruddhyai | ulmṷkenā॒bhi gṛ̭hṇāti śṛta॒tvāya̭ | śṛ॒takā̭mā iva॒ hi de॒vāḥ || 67 ||
(a॒nyā ji̭nvan-tyanuvi॒sṛtyai॒-vamā॒-hāśā᳚nta-āha॒-guptyai̭-cha॒nnaṃ - brahmā᳚-bravī-ddvi॒tīya̭ma॒bhya̭pātaya॒-thsūryā̭bhinimrukte-de॒vāḥ) (a. 8)
anuvākaṃ 9 - vedikaraṇam
de॒vasya̭ tvā savi॒tuḥ pra̭sa॒va iti॒ sphyamāda̭tte॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ || āda̭da॒ indra̭sya bā॒hura̭si॒ dakṣi̭ṇa॒ ityā̭ha | i॒ndri॒yame॒va yaja̭māne dadhāti | sa॒hasra̭bhṛṣṭi-śśa॒tatḙjā॒ ityā̭ha |
rū॒pame॒vāsyai॒ta-nma̭hi॒mānaṃ॒-vyā~ca̭ṣṭe ||
vā॒yura̭si ti॒gmatḙjā॒ ityā̭ha | tejo॒ vai vā॒yuḥ || 68 ||
teja̭ e॒vāsmi̭-ndadhāti || vi॒ṣādvai nāmā̭su॒ra ā̭sīt | so̭-'bibhet | ya॒jñena̭ mā de॒vā a॒bhibha̭viṣya॒ntīti̭ | sa pṛ̭thi॒vīma॒bhya̭vamīt | sā 'me॒ddhyā 'bha̭vat | atho॒ yadindro̭ vṛ॒tramahanṋ | tasya॒ lohi̭ta-mpṛthi॒vīmanu॒ vya̭dhāvat | sā 'me॒ddhyā 'bha̭vat |
pṛthi̭vi devayaja॒nītyā̭ha || 69 ||
meddhyā̭me॒vainā᳚-ndeva॒yaja̭nī-ṅkaroti |
oṣa̭ddhyāste॒ mūla॒-mmā higṃ̭siṣa॒mityā̭ha | oṣa̭dhīnā॒-mahigṃ̭sāyai || vra॒ja-ṅga̭ccha go॒sthāna॒mityā̭ha | chandāgṃ̭si॒ vai vra॒jo go॒sthānaḥ̭ | chandāg̭sye॒vāsmai᳚ vra॒ja-ṅgo॒sthāna̭-ṅkaroti || varṣa̭tu te॒ dyaurityā̭ha |
vṛṣṭi॒rvai dyauḥ | vṛṣṭi̭me॒vāva̭rundhe ||
ba॒dhā॒na dḙva savitaḥ para॒masyā᳚-mparā॒vatītyā̭ha || 70 ||
dvau vāva purṷṣau | ya-ñcai॒va dveṣṭi̭ | yaścai̭na॒-ndveṣṭi̭ | tāvu॒bhau ba̭ddhnāti para॒masyā᳚-mparā॒vati̭ śa॒tena॒ pāśaiḥ᳚ | yo᳚-'smā-ndveṣṭi॒ ya-ñca̭ va॒ya-ndvi॒ṣmastamato॒ mā mau॒gityā॒hāni̭mruktyai ||
a॒raru॒rvai nāmā̭su॒ra ā̭sīt |
sa pṛ̭thi॒vyāmupa̭mlupto-'śayat |
ta-nde॒vā apa̭hato॒-'raruḥ̭ pṛthi॒vyā iti̭ pṛthi॒vyā apā᳚ghnann | bhrātṛ̭vyo॒ vā a॒raruḥ̭ | apa̭hato॒-'raruḥ̭ pṛthi॒vyā iti॒ yadāha̭ || 71 ||
bhrātṛ̭vyame॒va pṛ̭thi॒vyā apa̭hanti | tḙ-'manyanta |
divaṃ॒-vā~ a॒yami॒taḥ pa̭tiṣya॒tīti̭ |
tama॒rarṷste॒ diva॒-mmā skā॒niti̭ di॒vaḥ parya̭bādhanta | bhrātṛ̭vyo॒ vā a॒raruḥ̭ | a॒rarṷste॒ diva॒-mmā skā॒niti॒ yadāha̭ | bhrātṛ̭vyame॒va di॒vaḥ pari̭bādhate |
sta॒mba॒ ya॒jur-ha̭rati | pṛ॒thi॒vyā e॒va bhrātṛ̭vya॒-mapa̭hanti | dvi॒tīyagṃ̭ harati || 72 ||
a॒ntari̭kṣāde॒vaina॒-mapa̭hanti | tṛ॒tīyagṃ̭ harati | di॒va e॒vaina॒-mapa̭hanti | tū॒ṣṇī-ñca̭tu॒rthagṃ ha̭rati | apa̭rimitāde॒vaina॒-mapa̭hanti || asṷrāṇāṃ॒-vā~ i॒yamagra̭ āsīt | yāva॒dāsī̭naḥ parā॒ paśya̭ti |
tāva̭-dde॒vānā᳚m | te de॒vā a̭bruvann |
astve॒va no॒-'syāmapīti̭ || 73 ||
kya̭nno dāsya॒theti̭ | yāva̭thsva॒ya-mpa̭rigṛhṇī॒theti̭ |
te vasa̭va॒stveti̭ dakṣiṇa॒taḥ parya̭gṛhṇann | ru॒drāstveti̭ pa॒ścāt | ā॒di॒tyā-stvetyṷttara॒taḥ | te᳚-'gninā॒ prāñco̭-'jayann | vasṷbhi-rdakṣi॒ṇā |
ru॒draiḥ pra॒tyañcaḥ̭ | ā॒di॒tyairuda̭ñcaḥ |
yasyai॒vaṃ-vi~॒duṣo॒ vedi̭-mpari gṛ॒hṇanti̭ || 74 ||
bhava̭tyā॒tmanā᳚ | parā᳚-'sya॒ bhrātṛ̭vyo bhavati ||
de॒vasya̭ savi॒tu-ssa॒va ityā̭ha॒ prasū᳚tyai |
karma̭ kṛṇvanti ve॒dhasa॒ ityā̭ha | i॒ṣi॒tagṃ hi karma̭ kri॒yate᳚ | pṛ॒thi॒vyai meddhya̭-ñcāme॒ddhya-ñca॒ vyuda̭krāmatām | prā॒cīna̭-mudī॒cīna॒-mmeddhya᳚m | pra॒tī॒cīna̭-ndakṣi॒ṇā 'me॒ddhyam |
prācī॒mudī̭cī-mprava॒ṇā-ṅka̭roti |
meddhyā̭me॒vainā᳚-ndeva॒yaja̭nī-ṅkaroti || 75 ||
prāñcaṷ vedya॒gṃ॒ sāvunna̭yati | ā॒ha॒va॒nīya̭sya॒ pari̭gṛhītyai | pra॒tīcī॒ śroṇī᳚ | gārha̭patyasya॒ pari̭gṛhītyai | atho̭ mithuna॒tvāya̭ | uddha̭nti | yade॒vāsyā̭ ame॒ddhyam | tadapa̭hanti | uddha̭nti |
tasmā॒doṣa̭dhayaḥ॒ parā̭bhavanti || 76 ||
mūla̭-ñchinatti | bhrātṛ̭vyasyai॒va mūla̭-ñchinatti |
mūlaṃ॒-vā~ a̭ti॒tiṣṭha॒-drakṣā॒g॒syanū-tpi̭pate | yaddhastḙna chi॒ndyāt | ku॒na॒khinīḥ᳚ pra॒jā-ssyuḥ̭ | sphyena̭ chinatti | vajro॒ vai sphyaḥ |
vajrḙṇai॒va ya॒jñā-drakṣā॒g॒syapa̭hanti | pi॒tṛ॒de॒va॒tyā 'ti̭khātā | iya̭tī-ṅkhanati || 77 ||
pra॒jāpa̭tinā yajñamu॒khena॒ sammi̭tām || vedi̭rde॒vebhyo॒ nilā̭yata | tā-ñca̭turaṅgu॒le 'nva̭vindann | tasmā᳚ccaturaṅgu॒la-ṅkheyā᳚ |
ca॒tu॒raṅgu॒la-ṅkha̭nati | ca॒tu॒ra॒ṅgu॒le hyoṣa̭dhayaḥ prati॒tiṣṭha̭nti |
āpra̭ti॒ṣṭhāyai̭ khanati | yaja̭māname॒va pra̭ti॒ṣṭhā-ṅga̭mayati | da॒kṣi॒ṇa॒to varṣī̭yasī-ṅkaroti |
de॒va॒yaja̭nasyai॒va rū॒pama̭kaḥ || 78 ||
purī̭ṣavatī-ṅkaroti | pra॒jā vai pa॒śavaḥ॒ purī̭ṣam |
pra॒jayai॒vaina̭-mpa॒śubhiḥ॒ purī̭ṣavanta-ṅkaroti | utta̭ra-mparigrā॒ha-mpari̭gṛhṇāti | e॒tāva̭tī॒ vai pṛ̭thi॒vī | yāva̭tī॒ vediḥ̭ | tasyā̭ e॒tāva̭ta e॒va bhrātṛ̭vya-nni॒rbhajya̭ | ā॒tmana॒ utta̭ra-mparigrā॒ha-mpari̭gṛhṇāti |
ṛ॒ta-ma̭syṛta॒sada̭na-masyṛta॒śrīra॒sītyā̭ha | ya॒thā॒ ya॒jure॒vai tat || 79 ||
krū॒rami̭va॒ vā e॒ta-tka̭roti | yadvedi̭-ṅka॒roti̭ |
dhā a̭si sva॒dhā a॒sīti̭ yoyupyate॒ śāntyai᳚ |
u॒rvī cāsi॒ vasvī̭ cā॒sītyā̭ha |
u॒rvīme॒vaināṃ॒-va~svī᳚-ṅkaroti |
pu॒rā krū॒rasya̭ vi॒sṛpo̭ viraphśi॒nnityā̭ha meddhya॒tvāya̭ | u॒dā॒dāya̭ pṛthi॒vī-ñjī॒radā̭nu॒ryāmaira̭ya-ñca॒ndrama̭si sva॒dhābhi॒rityā̭ha |
yade॒vāsyā̭ ame॒ddhyam | tada̭pa॒hatya̭ |
meddhyā᳚-ndeva॒yaja̭nī-ṅkṛ॒tvā || 80 ||
yada॒daśca॒ndrama̭si॒ meddhya᳚m | tada॒syāmera̭yati |
tā-ndhīrā̭so anu॒dṛśya̭ yajanta॒ ityā॒hānṷkhyātyai || prokṣa̭ṇī॒rāsā̭daya | i॒ddhmāba॒r॒hi-rupa̭sādaya | sru॒va-ñca॒ sruca̭śca॒ sammṛ̭ḍḍhi | patnī॒gṃ॒ sanna̭hya | ājyḙno॒dehītyā̭hānupū॒rvatā̭yai | prokṣa̭ṇī॒rāsā̭dayati | āpo॒ vai ra̭kṣo॒ghnīḥ || 81 ||
rakṣa̭sā॒mapa̭hatyai | sphyasya॒ vartman᳚-thsādayati | ya॒jñasya॒ santa̭tyai | u॒vāca॒ hāsi̭to daiva॒laḥ | e॒tāva̭tī॒rvā a॒muṣmi̭n ~lo॒ka āpa̭ āsann |
yāva̭tīḥ॒ prokṣa̭ṇī॒riti̭ | tasmā᳚-dba॒hvīrā॒sādyāḥ᳚ | sphyamu॒dasyanṋ | ya-ndvi॒ṣyātta-ndhyā̭yet | śu॒caivaina̭-marpayati || 82 ||
(vai vā॒yu - rā̭ha - parā॒vatītyā॒hā - ha̭ - dvi॒tīyagṃ̭ hara॒ - tīti̭ - parigṛ॒hṇanti̭ - deva॒yaja̭nī-ṅkaroti - bhavanti - khanatya - ka - re॒tat - kṛ॒tvā - ra̭kṣo॒ghnī - ra̭rpayati) (a. 9)
anuvākaṃ 10 - idhmābarhi-ssādanam
vajro॒ vai sphyaḥ | yada॒nvañca̭-ndhā॒raye᳚t | vajre᳚-'ddhva॒ryuḥ, kṣa̭ṇvīta | pu॒rastā᳚-tti॒ryañca̭-ndhārayati | vajro॒ vai sphyaḥ | vajrḙṇai॒va ya॒jñasya̭ dakṣiṇa॒to rakṣā॒g॒syapa̭hanti |
a॒gnibhyā॒-mprāca̭śca pra॒tīca̭śca | sphyenodī̭caścā-dha॒rāca̭śca | sphyena॒ vā e॒ṣa vajrḙṇā॒syai pā॒pmāna॒-mbhrātṛ̭vya-mapa॒hatya̭ |
u॒tka॒re-'dhi॒ pravṛ̭ścati || 83 ||
yatho̭pa॒dhāya̭ vṛ॒ścantya॒vam | hastā॒vava̭ nenikte | ā॒tmāna̭me॒va pa̭vayate | sphya-mprakṣā̭layati meddhya॒tvāya̭ | atho̭ pā॒pmana̭ e॒va bhrātṛ̭vyasya nya॒ṅga-ñchi̭natti || i॒ddhmā-ba॒r॒hi-rupa̭sādayati॒ yuktyai᳚ | ya॒jñasya̭ mithuna॒tvāya̭ |
atho̭ puro॒ruca̭me॒vaitā-nda̭dhāti |
utta̭rasya॒ karma॒ṇo-'nṷkhyātyai |
na pu॒rastā᳚-tpra॒tyagupa̭sādayet || 84 ||
ya-tpu॒rastā᳚-tpra॒tya-gṷpasā॒daye᳚t |
a॒nyatrā̭hutipa॒thādi॒ddhma-mprati̭pādayet | pra॒jā vai ba॒r॒hiḥ | apa̭rāddhnuyā-dba॒r॒hiṣā᳚ pra॒jānā᳚-mpra॒jana̭nam | pa॒ścāt-prāgupa̭sādayati | ā॒hu॒ti॒pa॒thene॒ddhma-mprati̭pādayati |
sa॒pra॒ntyḙva ba॒r॒hiṣā᳚ pra॒jānā᳚-mpra॒jana̭na॒mupai̭ti | dakṣi̭ṇami॒ddhmam |
utta̭ra-mba॒ra॒ḥiḥ | ā॒tmā vā i॒ddhmaḥ |
pra॒jā ba॒r॒hiḥ | pra॒jā hyā᳚tmana॒ utta̭ratarā tī॒rthe |
tato॒ medha̭mupa॒nīya̭ | ya॒thā॒ de॒va॒tame॒vaina॒t-prati̭ṣṭhāpayati | prati̭tiṣṭhati pra॒jayā̭ pa॒śubhi॒-ryaja̭mānaḥ || 85 ||
(vṛ॒śca॒ti॒ - sā॒da॒ye॒ - di॒ddhmaḥ pañca̭ ca) (a. 10)
(tṛtīya̭syāṃ - de॒vasyā᳚śvapa॒r॒śuṃ-yo~ vai - pū᳚rve॒dyuḥ - karma̭ṇe vā॒ - mindro̭ vṛ॒trama̭ha॒n-thso̭-'po - 'va̭dhūtaṃ॒ - dhṛṣṭi̭--r de॒vasyetyā̭ha॒ saṃva~̭pāmi - de॒vasya॒ sphyamāda̭de॒ - vajro॒ vai sphyo daśa̭)
(tṛ॒tīya̭syāṃ - ~ya॒jñasyāna̭tirekāya - pa॒vitra̭vatya - dhva॒ryu-ñcā̭ - dhi॒ṣava̭ṇamasya॒ - ntari̭kṣa e॒va - rakṣa̭sāma॒ntarhi̭tyai॒ - dvau vāva purṷṣo॒ - yada॒daśca॒ndrama̭si॒ meddhya॒-mpañcāśī̭tiḥ)
(tṛ॒tīya̭syāṃ॒ - ~yaja̭mānaḥ)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhaka-ssamāptaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.