കൃഷ്ണ യജുര്വേദീയ തൈത്തിരീയ ബ്രാഹ്മണേ തൃതീയാഷ്ടകേ ദ്വിതീയഃ പ്രപാഠകഃ - ദശപൂര്ണമാസേഷ്ടിബ്രാഹ്മണമ്
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
അനുവാകം 1 - വഥ്സാപാകരണമ്
തൃ॒തീയ॑സ്യാമി॒തോ ദി॒വി സോമ॑ ആസീത് । ത-ങ്ഗാ॑യ॒ത്ര്യാഹ॑രത് ।
തസ്യ॑ പ॒ര്ണമ॑ച്ഛിദ്യത । ത-ത്പ॒ര്ണോ॑-ഽഭവത് । ത-ത്പ॒ര്ണസ്യ॑ പര്ണ॒ത്വമ് । ബ്രഹ്മ॒ വൈ പ॒ര്ണഃ । യ-ത്പ॑ര്ണശാ॒ഖയാ॑ വ॒ഥ്സാന॑പാക॒രോതി॑ ।
ബ്രഹ്മ॑ണൈ॒വൈനാ॑ന॒പാക॑രോതി ॥ ഗാ॒യ॒ത്രോ വൈ പ॒ര്ണഃ । ഗാ॒യ॒ത്രാഃ പ॒ശവഃ॑ ॥ 1 ॥
തസ്മാ॒-ത്ത്രീണി॑ത്രീണി പ॒ര്ണസ്യ॑ പലാ॒ശാനി॑ । ത്രി॒പദാ॑ ഗായ॒ത്രീ । യ-ത്പ॑ര്ണശ॒ഖയാ॒ ഗാഃ പ്രാ॒ര്പയ॑തി । സ്വയൈ॒വൈനാ॑ ദേ॒വത॑യാ॒ പ്രാര്പ॑യതി । യ-ങ്കാ॒മയേ॑താ പ॒ശു-സ്സ്യാ॒ദിതി॑ । അ॒പ॒ര്ണാ-ന്തസ്മൈ॒ ശുഷ്കാ᳚ഗ്രാ॒മാഹ॑രേത് ।
അ॒പ॒ശുരേ॒വ ഭ॑വതി । യ-ങ്കാ॒മയേ॑ത പശു॒മാന്-ഥ്സ്യാ॒ദിതി॑ । ബ॒ഹു॒പ॒ര്ണാ-ന്തസ്മൈ॑ ബഹുശാ॒ഖാമാഹ॑രേത് । പ॒ശു॒മന്ത॑-മേ॒വൈന॑-ങ്കരോതി ॥ 2 ॥
യ-ത്പ്രാചീ॑മാ॒ഹരേ᳚ത് । ദേ॒വ॒ലോ॒ക-മ॒ഭിജ॑യേത് । യദുദീ॑ചീ-മ്മനുഷ്യലോ॒കമ് । പ്രാചീ॒മുദീ॑ചീ॒മാഹ॑രതി । ഉ॒ഭയോ᳚-ര്ലോ॒കയോ॑-ര॒ഭിജി॑ത്യൈ ॥ ഇ॒ഷേ ത്വോ॒ര്ജേ ത്വേത്യാ॑ഹ । ഇഷ॑മേ॒വോര്ജം॒-യഁജ॑മാനേ ദധാതി ॥
വാ॒യവ॒-സ്സ്ഥേത്യാ॑ഹ । വാ॒യുര്വാ അ॒ന്തരി॑ക്ഷ॒-സ്യാദ്ധ്യ॑ക്ഷാഃ ।
അ॒ന്ത॒രി॒ക്ഷ॒ദേ॒വ॒ത്യാഃ᳚ ഖലു॒ വൈ പ॒ശവഃ॑ ॥ 3 ॥
വാ॒യവ॑ ഏ॒വൈനാ॒-ന്പരി॑ ദദാതി । പ്ര വാ ഏ॑നാനേ॒തദാ-ക॑രോതി । യദാഹ॑ । വാ॒യവ॒-സ്സ്ഥേത്യു॑പാ॒യവഃ॒
സ്ഥേത്യാ॑ഹ । യജ॑മാനായൈ॒വ പ॒ശൂനുപ॑ഹ്വയതേ ॥
ദേ॒വോ വഃ॑ സവി॒താ പ്രാര്പ॑യ॒ത്വിത്യാ॑ഹ॒ പ്രസൂ᳚ത്യൈ ॥ ശ്രേഷ്ഠ॑തമായ॒ കര്മ॑ണ॒ ഇത്യാ॑ഹ ।
യ॒ജ്ഞോ ഹി ശ്രേഷ്ഠ॑തമ॒-ങ്കര്മ॑ । തസ്മാ॑ദേ॒വമാ॑ഹ ॥
ആപ്യാ॑യദ്ധ്വമഘ്നിയാ ദേവഭാ॒ഗമിത്യാ॑ഹ ॥ 4 ॥
വ॒ഥ്സേഭ്യ॑ശ്ച॒ വാ ഏ॒താഃ പു॒രാ മ॑നു॒ഷ്യേ᳚ഭ്യ॒-ശ്ചാപ്യാ॑യന്ത । ദേ॒വേഭ്യ॑ ഏ॒വൈനാ॒ ഇന്ദ്രാ॒യാപ്യാ॑യതി ॥ ഊര്ജ॑സ്വതീഃ॒ പയ॑സ്വതീ॒രിത്യാ॑ഹ । ഊര്ജ॒ഗ്ം ॒ഹി പയഃ॑ സ॒മ്ഭര॑ന്തി ॥ പ്ര॒ജാവ॑തീ-രനമീ॒വാ അ॑യ॒ക്ഷ്മാ ഇത്യാ॑ഹ॒ പ്രജാ᳚ത്യൈ । മാവഃ॑ സ്തേ॒ന ഈ॑ശത॒ മാ-ഽഘശഗ്ം॑സ॒ ഇത്യാ॑ഹ॒ ഗുപ്ത്യൈ᳚ ॥ രു॒ദ്രസ്യ॑ ഹേ॒തിഃ പരി॑ വോ വൃണ॒ക്ത്വിത്യാ॑ഹ । രു॒ദ്രാ ദേ॒വൈനാ᳚-സ്ത്രായതേ ॥
ധ്രു॒വാ അ॒സ്മി-ന്ഗോപ॑തൌ സ്യാത ബ॒ഹ്വീരിത്യാ॑ഹ ।
ധ്രു॒വാ ഏ॒വാസ്മി॑-ന്ബ॒ഹ്വീഃ ക॑രോതി ॥ 5 ॥
യജ॑മാനസ്യ പ॒ശൂ-ന്പാ॒ഹീത്യാ॑ഹ । പ॒ശു॒നാ-ങ്ഗോ॑പീ॒ഥായ॑ । തസ്മാ᳚ഥ്സാ॒യ-മ്പ॒ശവ॒ ഉപ॑ സ॒മാവ॑ര്തന്തേ ॥ അന॑ധ-സ്സാദയതി । ഗര്ഭാ॑ണാ॒-ന്ധൃത്യാ॒ അപ്ര॑പാദായ । തസ്മാ॒ദ്ഗര്ഭാഃ᳚ പ്ര॒ജാനാ॒മപ്ര॑പാദുകാഃ ।
ഉ॒പരീ॑വ॒ നിദ॑ധാതി । ഉ॒പരീ॑വ॒ ഹി സു॑വ॒ര്ഗോ ലോ॒കഃ ।
സു॒വ॒ര്ഗസ്യ॑ ലോ॒കസ്യ॒ സമ॑ഷ്ട്യൈ ॥ 6 ॥
(പ॒ശവഃ॑ - കരോതി - പ॒ശവോ॑ - ദേവഭാ॒ഗമിത്യാ॑ഹ - കരോതി॒ - +നവ॑ ച) (അ. 1)
അനുവാകം 2 - ബര്ഹിരാഹരണമ്
ദേ॒വസ്യ॑ ത്വാ സവി॒തുഃ പ്ര॑സ॒വ ഇത്യ॑ശ്വപ॒ര്॒ശുമാദ॑ത്തേ॒ പ്രസൂ᳚ത്യൈ ।
അ॒ശ്വിനോ᳚-ര്ബാ॒ഹുഭ്യാ॒മിത്യാ॑ഹ ।
അ॒ശ്വിനൌ॒ ഹി ദേ॒വാനാ॑മദ്ധ്വ॒ര്യൂ ആസ്താ᳚മ് ।
പൂ॒ഷ്ണോ ഹസ്താ᳚ഭ്യാ॒മിത്യാ॑ഹ॒ യത്യൈ᳚ ॥ യോ വാ ഓഷ॑ധീഃ പര്വ॒ശോ വേദ॑ । നൈനാ॒-സ്സ ഹി॑നസ്തി । പ്ര॒ജാപ॑തി॒ര്വാ ഓഷ॑ധീഃ പര്വ॒ശോ വേ॑ദ । സ ഏ॑നാ॒ ന ഹി॑നസ്തി । അ॒ശ്വ॒പ॒ര്ശ്വാ ബ॒ര്॒ഹിരച്ഛൈ॑തി ।
പ്രാ॒ജാ॒പ॒ത്യോ വാ അശ്വഃ॑ സയോനി॒ത്വായ॑ ॥ 7 ॥
ഓഷ॑ധീനാ॒മഹിഗ്ം॑സായൈ ॥
യ॒ജ്ഞസ്യ॑ ഘോ॒ഷദ॒സീത്യാ॑ഹ ।
യജ॑മാന ഏ॒വ ര॒യി-ന്ദ॑ധാതി । പ്രത്യു॑ഷ്ട॒ഗ്ം॒ രക്ഷഃ॒ പ്രത്യു॑ഷ്ടാ॒ അരാ॑തയ॒ ഇത്യാ॑ഹ ।
രക്ഷ॑സാ॒-മപ॑ഹത്യൈ ॥ പ്രേയമ॑ഗാദ്ധി॒ഷണാ॑ ബ॒ര്॒ഹിരച്ഛേത്യാ॑ഹ । വി॒ദ്യാ വൈ ധി॒ഷണാ᳚ । വി॒ദ്യയൈ॒വൈന॒ദച്ഛൈ॑തി ॥ മനു॑നാ കൃ॒താ സ്വ॒ധയാ॒ വിത॒ഷ്ടേത്യാ॑ഹ । മാ॒ന॒വീ ഹി പര്ശുഃ॑ സ്വ॒ധാകൃ॑താ ॥ 8 ॥
ത ആവ॑ഹന്തി ക॒വയഃ॑ പു॒രസ്താ॒ദിത്യാ॑ഹ । ശു॒ശ്രു॒വാഗ്ംസോ॒ വൈ ക॒വയഃ॑ । യ॒ജ്ഞഃ പു॒രസ്താ᳚ത് । മു॒ഖ॒ത ഏ॒വ യ॒ജ്ഞമാര॑ഭതേ । അഥോ॒ യദേ॒തദു॒ക്ത്വാ യതഃ॒ കുത॑ശ്ചാ॒ഹര॑തി । ത-ത്പ്രാച്യാ॑ ഏ॒വ ദി॒ശോ ഭ॑വതി ॥
ദേ॒വേഭ്യോ॒ ജുഷ്ട॑മി॒ഹ ബ॒ര്॒ഹിരാ॒സദ॒ ഇത്യാ॑ഹ । ബ॒ര്॒ഹിഷ॒-സ്സമൃ॑ദ്ധ്യൈ । കര്മ॒ണോ-ഽന॑പരാധായ ॥ ദേ॒വാനാ᳚-മ്പരിഷൂ॒തമ॒സീത്യാ॑ഹ ॥ 9 ॥
യദ്വാ ഇ॒ദ-ങ്കി-ഞ്ച॑ । ത-ദ്ദേ॒വാനാ᳚-മ്പരിഷൂ॒തമ് ।
അഥോ॒ യഥാ॒ വസ്യ॑സേ പ്രതി॒ പ്രോച്യാഹേ॒ദ-ങ്ക॑രിഷ്യാ॒മീതി॑ । ഏ॒വമേ॒വ തദ॑ദ്ധ്വ॒ര്യു-ര്ദേ॒വേഭ്യഃ॑ പ്രതി॒ പ്രോച്യ॑ ബ॒ര്॒ഹിര്ദാ॑തി । ആ॒ത്മനോ-ഽഹിഗ്ം॑സായൈ ॥ യാവ॑ത-സ്സ്ത॒മ്ബാ-ന്പ॑രി ദി॒ശേത് । യത്തേഷാ॑-മുച്ഛി॒ഗ്ഗ്॒ഷ്യാത് । അതി॒ ത-ദ്യ॒ജ്ഞസ്യ॑ രേചയേത് । ഏകഗ്ഗ്॑ സ്ത॒മ്ബ-മ്പരി॑ദിശേത് ।
തഗ്ം സര്വ॑-ന്ദായാത് ॥ 10 ॥
യ॒ജ്ഞസ്യാന॑തിരേകായ ॥ വ॒ര്॒ഷവൃ॑ദ്ധ-മ॒സീത്യാ॑ഹ ।
വ॒ര്॒ഷ വൃ॑ദ്ധാ॒ വാ ഓഷ॑ധയഃ ॥
ദേവ॑ ബര്ഹി॒രിത്യാ॑ഹ । ദേ॒വേഭ്യ॑ ഏ॒വൈന॑-ത്കരോതി ।
മാ ത്വാ॒-ഽന്വമ്മാ തി॒ര്യഗിത്യാ॒ഹാ ഹിഗ്ം॑സായൈ ।
പര്വ॑ തേ രാദ്ധ്യാസ॒മിത്യാ॒-ഹര്ധ്യൈ᳚ ॥
ആ॒ച്ഛേ॒ത്താ തേ॒ മാ രി॑ഷ॒മിത്യാ॑ഹ । നാസ്യാ॒ത്മനോ॑ മീയതേ ।
യ ഏ॒വം-വേഁദ॑ ॥ 11 ॥
ദേവ॑ബര്ഹി-ശ്ശ॒തവ॑ല്ശം॒-വിഁരോ॒ഹേത്യാ॑ഹ । പ്ര॒ജാ വൈ ബ॒ര്॒ഹിഃ । പ്ര॒ജാനാ᳚-മ്പ്ര॒ജന॑നായ ॥ സ॒ഹസ്ര॑വല്ശാ॒ വി വ॒യഗ്ം രു॑ഹേ॒മേത്യാ॑ഹ । ആ॒ശിഷ॑മേ॒വൈതാമാശാ᳚സ്തേ ॥ പൃ॒ഥി॒വ്യാ-സ്സ॒പൃഞ്ചഃ॑ പാ॒ഹീത്യാ॑ഹ॒ പ്രതി॑ഷ്ഠിത്യൈ ॥
അയു॑ങ്ഗായുങ്ഗാ-ന്മു॒ഷ്ടീന് ഁലു॑നോതി । മി॒ഥു॒ന॒ത്വായ॒ പ്രജാ᳚ത്യൈ ॥ സു॒സ॒ഭൃന്താ᳚ ത്വാ॒ സമ്ഭ॑രാ॒മീത്യാ॑ഹ । ബ്രഹ്മ॑ണൈ॒വൈന॒ഥ്- സമ്ഭ॑രതി ॥ 12 ॥
അദി॑ത്യൈ॒ രാസ്നാ॒-ഽസീത്യാ॑ഹ । ഇ॒യം-വാഁ അദി॑തിഃ ।
അ॒സ്യാ ഏ॒വൈന॒-ദ്രാസ്നാ᳚-ങ്കരോതി ॥ ഇ॒ന്ദ്രാ॒ണ്യൈ സ॒നംഹ॑ന॒മിത്യാ॑ഹ । ഇ॒ന്ദ്രാ॒ണീ വാ അഗ്രേ॑ ദേ॒വതാ॑നാ॒ഗ്ം॒ സമ॑നഹ്യത । സാ ഽഽര്ധ്നോ᳚ത് ।
ഋദ്ധ്യൈ॒ സന്ന॑ഹ്യതി । പ്ര॒ജാ വൈ ബ॒ര്॒ഹിഃ ।
പ്ര॒ജാനാ॒മപ॑രാവാപായ ।
തസ്മാ॒-ഥ്സ്നാവ॑സന്തതാഃ പ്ര॒ജാ ജാ॑യന്തേ ॥ 13 ॥
പൂ॒ഷാ തേ᳚ ഗ്ര॒ന്ഥി-ങ്ഗ്ര॑ഥ്നാ॒ത്വിത്യാ॑ഹ ।
പുഷ്ടി॑മേ॒വ യജ॑മാനേ ദധാതി ॥ സ തേ॒ മാ-ഽഽ സ്ഥാ॒ദിത്യാ॒ഹാഹിഗ്ം॑സായൈ ॥ പ॒ശ്ചാ-ത്പ്രാഞ്ച॒മുപ॑ഗൂഹതി ।
പ॒ശ്ചാ-ദ്വൈ പ്രാ॒ചീന॒ഗ്ം॒ രേതോ॑ ധീയതേ ।
പ॒ശ്ചാദേ॒വാസ്മൈ᳚ പ്രാ॒ചീന॒ഗ്ം॒ രേതോ॑ ദധാതി ॥
ഇന്ദ്ര॑സ്യ ത്വാ ബാ॒ഹുഭ്യാ॒-മുദ്യ॑ച്ഛ॒ ഇത്യാ॑ഹ । ഇ॒ന്ദ്രി॒യമേ॒വ യജ॑മാനേ ദധാതി ॥
ബൃഹ॒സ്പതേ᳚ര്മൂ॒ര്ധ്നാ ഹ॑രാ॒മീത്യാ॑ഹ ।
ബ്രഹ്മ॒ വൈ ദേ॒വാനാ॒-മ്ബൃഹ॒സ്പതിഃ॑ ॥ 14 ॥
ബ്രഹ്മ॑ണൈ॒വൈന॑ദ്ധരതി ॥ ഉ॒ര്വ॑ന്തരി॑ക്ഷ॒-മന്വി॒ഹീത്യാ॑ഹ॒ ഗത്യൈ᳚ ॥ ദേ॒വ॒ഗ॒മ്മമ॒സീത്യാ॑ഹ । ദേ॒വാനേ॒വൈന॑ദ്ഗമയതി ॥ അന॑ധ-സ്സാദയതി ।
ഗര്ഭാ॑ണാ॒-ന്ധൃത്യാ॒ അപ്ര॑പാദായ । തസ്മാ॒-ദ്ഗര്ഭാഃ᳚ പ്ര॒ജാനാ॒മപ്ര॑പാദുകാഃ । ഉ॒പരീ॑വ॒ നിദ॑ധാതി । ഉ॒പരീ॑വ॒ ഹി സു॑വ॒ര്ഗോ ലോ॒കഃ ।
സു॒വ॒ര്ഗസ്യ॑ ലോ॒കസ്യ॒ സമ॑ഷ്ട്യൈ ॥ 15 ॥
(സ॒യോ॒നി॒ത്വായ॑ - സ്വ॒ധാകൃ॑താ॒ - ഽസീത്യാ॑ഹ - ദായാ॒-ദ്- വേദ॑ - ഭരതി - ജായന്തേ॒ - ബൃഹ॒സ്പതിഃ॒ - സമ॑ഷ്ട്യൈ) (അ. 2)
അനുവാകം 3 - ദോഹനമ്
പൂ॒ര്വേ॒ദ്യുരി॒ദ്ധ്മാ ബ॒ര്॒ഹിഃ ക॑രോതി । യ॒ജ്ഞമേ॒വാരഭ്യ॑ ഗൃഹീ॒ത്വോപ॑വസതി ॥ പ്ര॒ജാപ॑തി-ര്യ॒ജ്ഞമ॑സൃജത । തസ്യോ॒ഖേ അ॑സ്രഗ്ംസേതാമ് । യ॒ജ്ഞോ വൈ പ്ര॒ജാപ॑തിഃ ।
യ-ഥ്സാ᳚ന്നായ്യോ॒ഖേ ഭവ॑തഃ ।
യ॒ജ്ഞസ്യൈ॒വ തദു॒ഖേ ഉപ॑ദധാ॒ത്യ-പ്ര॑സ്രഗ്ംസായ ॥
ശുന്ധ॑ദ്ധ്വ॒-ന്ദൈവ്യാ॑യ॒ കര്മ॑ണേ ദേവയ॒ജ്യായാ॒ ഇത്യാ॑ഹ । ദേ॒വ॒യ॒ജ്യായാ॑ ഏ॒വൈനാ॑നി ശുന്ധതി ॥ മാ॒ത॒രിശ്വ॑നോ ഘ॒ര്മോ॑-ഽസീത്യാ॑ഹ ॥ 16 ॥
അ॒ന്തരി॑ക്ഷം॒-വൈഁ മാ॑ത॒രിശ്വ॑നോ ഘ॒ര്മഃ ।
ഏ॒ഷാം-ലോഁ॒കാനാം॒-വിഁധൃ॑ത്യൈ ॥
ദ്യൌര॑സി പൃഥി॒വ്യ॑സീത്യാ॑ഹ । ദി॒വശ്ച॒ ഹ്യേ॑ഷാ പൃ॑ഥി॒വ്യാശ്ച॒ സമ്ഭൃ॑താ । യദു॒ഖാ ।
തസ്മാ॑ദേ॒വമാ॑ഹ ॥ വി॒ശ്വധാ॑യാ അസി പര॒മേണ॒ ധാമ്നേത്യാ॑ഹ । വൃഷ്ടി॒ര്വൈ വി॒ശ്വധാ॑യാഃ । വൃഷ്ടി॑മേ॒വാവ॑രുന്ധേ । ദൃഗ്ംഹ॑സ്വ॒ മാ ഹ്വാ॒രിത്യാ॑ഹ॒ ധൃത്യൈ᳚ ॥ 17 ॥
വസൂ॑നാ-മ്പ॒വിത്ര॑മ॒സീത്യാ॑ഹ । പ്രാ॒ണാ വൈ വസ॑വഃ ।
തേഷാം॒-വാഁ ഏ॒ത-ദ്ഭാ॑ഗ॒ധേയ᳚മ് । യ-ത്പ॒വിത്ര᳚മ് । തേഭ്യ॑ ഏ॒വൈന॑-ത്കരോതി ॥ ശ॒തധാ॑രഗ്ം സ॒ഹസ്ര॑ധാര॒മിത്യാ॑ഹ । പ്രാ॒ണേഷ്വേ॒വായു॑-ര്ദധാതി സര്വ॒ത്വായ॑ ॥ ത്രി॒വൃ-ത്പ॑ലാശശാ॒ഖായാ᳚-ന്ദര്ഭ॒മയ॑-മ്ഭവതി । ത്രി॒വൃദ്വൈ പ്രാ॒ണഃ । ത്രി॒വൃത॑മേ॒വ പ്രാ॒ണ-മ്മ॑ദ്ധ്യ॒തോ യജ॑മാനേ ദധാതി ॥ 18 ॥
സൌ॒മ്യഃ പ॒ര്ണ-സ്സ॑യോനി॒ത്വായ॑ । സാ॒ക്ഷാ-ത്പ॒വിത്ര॑-ന്ദ॒ര്ഭാഃ । പ്രാഖ്സാ॒യമധി॒ നിദ॑ധാതി । ത-ത്പ്രാ॑ണാപാ॒നയോ॑ രൂ॒പമ് । തി॒ര്യക്പ്രാ॒തഃ । ത-ദ്ദര്ശ॑സ്യ രൂ॒പമ് । ദാ॒ര്ശ്യഗ്ഗ് ഹ്യേ॑തദഹഃ॑ । അന്നം॒-വൈഁ ച॒ന്ദ്രമാഃ᳚ ।
അന്ന॑-മ്പ്രാ॒ണാഃ । ഉ॒ഭയ॑മേ॒വോപൈ॒ത്യജാ॑മിത്വായ ॥ 19 ॥
തസ്മാ॑ദ॒യഗ്ം സ॒ര്വതഃ॑ പവതേ ॥ ഹു॒ത-സ്സ്തോ॒കോ ഹു॒തോ ദ്ര॒ഫ്സ ഇത്യാ॑ഹ॒ പ്രതി॑ഷ്ഠിത്യൈ । ഹ॒വിഷോ-ഽസ്ക॑ന്ദായ ।
ന ഹി ഹു॒തഗ്ഗ് സ്വാഹാ॑കൃത॒ഗ്ഗ്॒ സ്കന്ദ॑തി ।
ദി॒വി നാകോ॒ നാമാ॒ഗ്നിഃ । തസ്യ॑ വി॒പ്രുഷോ॑ ഭാഗ॒ധേയ᳚മ് ।
അ॒ഗ്നയേ॑ ബൃഹ॒തേ നാകാ॒യേത്യാ॑ഹ ।
നാക॑മേ॒വാഗ്നി-മ്ഭാ॑ഗ॒ധേയേ॑ന॒ സമ॑ര്ധയതി ।
സ്വാഹാ॒ ദ്യാവാ॑പൃഥി॒വീഭ്യാ॒മിത്യാ॑ഹ ।
ദ്യാവാ॑പൃഥി॒വ്യോരേ॒വൈന॒ത്-പ്രതി॑ഷ്ഠാപയതി ॥ 20 ॥
പ॒വിത്ര॑വ॒ത്യാന॑യതി । അ॒പാ-ഞ്ചൈ॒വൌഷ॑ധീനാ-ഞ്ച॒ രസ॒ഗ്ം॒ സഗ്ംസൃ॑ജതി । അഥോ॒ ഓഷ॑ധീഷ്വേ॒വ പ॒ശൂ-ന്പ്രതി॑ഷ്ഠാപയതി ॥ അ॒ന്വാ॒രഭ്യ॒ വാചം॑-യഁച്ഛതി ।
യ॒ജ്ഞസ്യ॒ ധൃത്യൈ᳚ । ധാ॒രയ॑ന്നാസ്തേ । ധാ॒രയ॑ന്ത ഇവ॒ ഹി ദു॒ഹന്തി॑ । കാമ॑ധുക്ഷ॒ ഇത്യാ॒ഹാതൃ॒തീയ॑സ്യൈ । ത്രയ॑ ഇ॒മേ ലോ॒കാഃ । ഇ॒മാനേ॒വ ലോ॒കാന്. യജ॑മാനോ ദുഹേ ॥ 21 ॥
അ॒മൂമിതി॒ നാമ॑ ഗൃഹ്ണാതി । ഭ॒ദ്രമേ॒വാസാ॒-ങ്കര്മാ॒വിഷ്ക॑രോതി ॥ സാ വി॒ശ്വായു॒-സ്സാ വി॒ശ്വവ്യ॑ചാ॒-സ്സാ വി॒ശ്വക॒ര്മേത്യാ॑ഹ । ഇ॒യം-വൈഁ വി॒ശ്വായുഃ॑ ।
അ॒ന്തരി॑ക്ഷം-വിഁ॒ശ്വവ്യ॑ചാഃ । അ॒സൌ വി॒ശ്വക॑ര്മാ ।
ഇ॒മാനേ॒വൈതാഭി॑ര്ലോ॒കാന്. യ॑ഥാപൂ॒ര്വ-ന്ദു॑ഹേ ।
അഥോ॒ യഥാ᳚ പ്രദാ॒ത്രേ പുണ്യ॑മാ॒ശാസ്തേ᳚ । ഏ॒വമേ॒വൈനാ॑ ഏ॒തദുപ॑സ്തൌതി । തസ്മാ॒ത്-പ്രാദാ॒ദിത്യു॒ന്നീയ॒ വന്ദ॑മാനാ ഉപസ്തു॒വന്തഃ॑ പ॒ശൂ-ന്ദു॑ഹന്തി ॥ 22 ॥
ബ॒ഹു ദു॒ഗ്ധീന്ദ്രാ॑യ ദേ॒വേഭ്യോ॑ ഹ॒വിരിതി॒ വാചം॒-വിഁസൃ॑ജതേ । യ॒ഥാ॒ ദേ॒വ॒തമേ॒വ പ്രസൌ॑തി ।
ദൈവ്യ॑സ്യ ച മാനു॒ഷസ്യ॑ ച॒ വ്യാവൃ॑ത്ത്യൈ ।
ത്രിരാ॑ഹ । ത്രിഷ॑ത്യാ॒ ഹി ദേ॒വാഃ । അവാ॑ചം-യഁ॒മോ-ഽന॑ന്വാ-ര॒ഭ്യോത്ത॑രാഃ । അപ॑രിമിതമേ॒വാവ॑രുന്ധേ ॥
ന ദാ॑രുപാ॒ത്രേണ॑ ദുഹ്യാത് । അ॒ഗ്നി॒വദ്വൈ ദാ॑രുപാ॒ത്രമ് ।
യ-ദ്ദാ॑രുപാ॒ത്രേണ॑ ദു॒ഹ്യാത് ॥ 23 ॥
യാ॒തയാ᳚മ്നാ ഹ॒വിഷാ॑ യജേത । അഥോ॒ ഖല്വാ॑ഹുഃ ।
പു॒രോ॒ഡാശ॑മുഖാനി॒ വൈ ഹ॒വീഗ്ംഷി॑ । നേത ഇ॑തഃ പുരോ॒ഡാശഗ്ം॑ ഹ॒വിഷോ॒ യാമോ॒-ഽസ്തീതി॑ ।
കാമ॑മേ॒വ ദാ॑രുപാ॒ത്രേണ॑ ദുഹ്യാത് ॥ ശൂ॒ദ്ര ഏ॒വ ന ദു॑ഹ്യാത് । അസ॑തോ॒ വാ ഏ॒ഷ സമ്ഭൂ॑തഃ । യച്ഛൂ॒ദ്രഃ । അഹ॑വിരേ॒വ തദിത്യാ॑ഹുഃ । യച്ഛൂ॒ദ്രോ ദോഗ്ധീതി॑ ॥ 24 ॥
അ॒ഗ്നി॒ഹോ॒ത്രമേ॒വന ദു॑ഹ്യാച്ഛൂ॒ദ്രഃ । തദ്ധി നോത്-പു॒നന്തി॑ । യ॒ദാ ഖലു॒ വൈ പ॒വിത്ര॑മ॒ത്യേതി॑ । അഥ॒ തദ്ധ॒വിരിതി॑ ॥
സമ്പൃ॑ച്യദ്ധ്വ-മൃതാവരീ॒രിത്യാ॑ഹ । അ॒പാ-ഞ്ചൈ॒വൌഷ॑ധീനാ-ഞ്ച॒ രസ॒ഗ്ം॒ സഗ്ംസൃ॑ജതി ।
തസ്മാ॑ദ॒പാ-ഞ്ചൌഷ॑ധീനാ-ഞ്ച॒ രസ॒മുപ॑ ജീവാമഃ ।
മ॒ന്ദ്രാ ധന॑സ്യ സാ॒തയ॒ ഇത്യാ॑ഹ । പുഷ്ടി॑മേ॒വ യജ॑മാനേ ദധാതി ॥ സോമേ॑ന॒ ത്വാ-ഽഽത॑ന॒ച്മീന്ദ്രാ॑യ॒ ദധീത്യാ॑ഹ ॥ 25 ॥
സോമ॑മേ॒വൈന॑-ത്കരോതി । യോ വൈ സോമ॑-മ്ഭക്ഷയി॒ത്വാ ।
സം॒വഁ॒ഥ്സ॒രഗ്ം സോമ॒-ന്ന പിബ॑തി । പു॒ന॒ര്ഭക്ഷ്യോ᳚-ഽസ്യ സോമപീ॒ഥോ ഭ॑വതി ॥
സോമഃ॒ ഖലു॒ വൈ സാ᳚നാം॒യ്യമ് । യ ഏ॒വം-വിഁ॒ദ്വാന്-ഥ്സാ᳚നാം॒യ്യ-മ്പിബ॑തി । അ॒പു॒ന॒ര്ഭക്ഷ്യോ᳚-ഽസ്യ സോമപീ॒ഥോ ഭ॑വതി । ന മൃ॒ന്മയേ॒നാപി॑ദദ്ധ്യാത് ।
യ-ന്മൃ॒ന്മയേ॑നാപിദ॒ദ്ധ്യാത് ।
പി॒തൃ॒ദേ॒വ॒ത്യഗ്ഗ്॑ സ്യാത് ॥ 26 ॥
അ॒യ॒സ്പാ॒ത്രേണ॑ വാ ദാരുപാ॒ത്രേണ॒ വാ-ഽപി॑ദധാതി ।
തദ്ധി സദേ॑വമ് ॥ ഉ॒ദ॒ന്വദ്- ഭ॑വതി । ആപോ॒ വൈ ര॑ക്ഷോ॒ഘ്നീഃ । രക്ഷ॑സാ॒-മപ॑ഹത്യൈ ॥
അദ॑സ്തമസി॒ വിഷ്ണ॑വേ॒ ത്വേത്യാ॑ഹ । യ॒ജ്ഞോ വൈ വിഷ്ണുഃ॑ ।
യ॒ജ്ഞായൈ॒വൈന॒ദദ॑സ്ത-ങ്കരോതി । വിഷ്ണോ॑ ഹ॒വ്യഗ്ം ര॑ക്ഷ॒സ്വേത്യാ॑ഹ॒ ഗുപ്ത്യൈ᳚ ॥ അന॑ധ-സ്സാദയതി । ഗര്ഭാ॑ണാ॒-ന്ധൃത്യാ॒ അപ്ര॑പാദായ ।
തസ്മാ॒-ദ്ഗര്ഭാഃ᳚ പ്ര॒ജാനാ॒മ പ്ര॑പാദുകാഃ । ഉ॒പരീ॑വ॒ നിദ॑ധാതി । ഉ॒പരീ॑വ॒ ഹി സു॑വ॒ര്ഗോ ലോ॒കഃ । സു॒വ॒ര്ഗസ്യ॑ ലോ॒കസ്യ॒ സമ॑ഷ്ട്യൈ ॥ 27 ॥
(അ॒സീത്യാ॑ഹ॒ - ധൃത്യൈ॒ - യജ॑മാനേ ദധാ॒ - ത്യജാ॑മിത്വായ - സ്ഥാപയതി - ദുഹേ - ദുഹന്തി - ദു॒ഹ്യാ-ദ്- ദോഗ്ധീതി॒ - ദധീത്യാ॑ഹ - സ്യാഥ് - സാദയതി॒ പഞ്ച॑ ച) (അ. 3)
അനുവാകം 4 - ഹവിര്നിര്വാപഃ
കര്മ॑ണേ വാ-ന്ദേ॒വേഭ്യഃ॑ ശകേയ॒മിത്യാ॑ഹ॒ ശക്ത്യൈ᳚ ।
യ॒ജ്ഞസ്യ॒ വൈ സന്ത॑തി॒മനു॑ പ്ര॒ജാഃ പ॒ശവോ॒ യജ॑മാനസ്യ॒ സന്താ॑യന്തേ । യ॒ജ്ഞസ്യ॒ വിച്ഛി॑ത്തി॒മനു॑ പ്ര॒ജാഃ പ॒ശവോ॒ യജ॑മാനസ്യ॒ വിച്ഛി॑ദ്യന്തേ ।
യ॒ജ്ഞസ്യ॒ സന്ത॑തിരസി യ॒ജ്ഞസ്യ॑ ത്വാ॒ സന്ത॑ത്യൈ സ്തൃണാമി॒ സന്ത॑ത്യൈ ത്വാ യ॒ജ്ഞസ്യേത്യാഹ॑വ॒നീയാ॒-ഥ്സന്ത॑നോതി । യജ॑മാനസ്യ പ്ര॒ജായൈ॑ പശൂ॒നാഗ്ം സന്ത॑ത്യൈ ॥ അ॒പഃ പ്രണ॑യതി । ശ്ര॒ദ്ധാ വാ ആപഃ॑ । ശ്ര॒ദ്ധാമേ॒വാരഭ്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । യ॒ജ്ഞോ വാ ആപഃ॑ ॥ 28 ॥
യ॒ജ്ഞമേ॒വാരഭ്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । വജ്രോ॒ വാ ആപഃ॑ । വജ്ര॑മേ॒വ ഭ്രാതൃ॑വ്യേഭ്യഃ പ്ര॒ഹൃത്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി ।
ആപോ॒ വൈ ര॑ക്ഷോ॒ഘ്നീഃ । രക്ഷ॑സാ॒-മപ॑ഹത്യൈ । അ॒പഃ പ്രണ॑യതി । ആപോ॒ വൈ ദേ॒വാനാ᳚-മ്പ്രി॒യ-ന്ധാമ॑ ।
ദേ॒വാനാ॑മേ॒വ പ്രി॒യ-ന്ധാമ॑ പ്ര॒ണീയ॒ പ്രച॑രതി ॥ 29 ॥
അ॒പഃ പ്രണ॑യതി । ആപോ॒ വൈ സര്വാ॑ ദേ॒വതാഃ᳚ ।
ദേ॒വതാ॑ ഏ॒വാരഭ്യ॑ പ്ര॒ണീയ॒ പ്രച॑രതി ॥ വേഷാ॑യ॒ ത്വേത്യാ॑ഹ । വേഷാ॑യ॒ ഹ്യേ॑നദാദ॒ത്തേ ॥ പ്രത്യു॑ഷ്ട॒ഗ്ം॒ രക്ഷഃ॒ പ്രത്യു॑ഷ്ടാ॒ അരാ॑തയ॒ ഇത്യാ॑ഹ ।
രക്ഷ॑സാ॒-മപ॑ഹത്യൈ ॥ ധൂര॒സീത്യാ॑ഹ । ഏ॒ഷ വൈ ധുര്യോ॒-ഽഗ്നിഃ । തം-യഁദനു॑പസ്പൃശ്യാതീ॒യാത് ॥ 30 ॥
അ॒ദ്ധ്വ॒ര്യു-ഞ്ച॒ യജ॑മാന-ഞ്ച॒ പ്രദ॑ഹേത് । ഉ॒പ॒സ്പൃശ്യാത്യേ॑തി । അ॒ദ്ധ്വ॒ര്യോശ്ച॒ യജ॑മാനസ്യ॒ ചാപ്ര॑ദാഹായ ॥ ധൂര്വ॒ തംയോഁ᳚-ഽസ്മാ-ന്ധൂര്വ॑തി॒ ത-ന്ധൂ᳚ര്വ॒ യം-വഁ॒യ-ന്ധൂര്വാ॑മ॒ ഇത്യാ॑ഹ ।
ദ്വൌ വാവ പുരു॑ഷൌ । യ-ഞ്ചൈ॒വ ധൂര്വ॑തി । യശ്ചൈ॑ന॒-ന്ധൂര്വ॑തി । താവു॒ഭൌ ശു॒ചാ-ഽര്പ॑യതി ॥ ത്വ-ന്ദേ॒വാനാ॑മസി॒ സസ്നി॑തമ॒-മ്പപ്രി॑തമ॒-ഞ്ജുഷ്ട॑തമം॒-വഁഹ്നി॑തമ-ന്ദേവ॒ഹൂത॑മ॒മിത്യാ॑ഹ । യ॒ഥാ॒ യ॒ജുരേ॒വൈ തത് ॥ 31 ॥
അഹ്രു॑തമസി ഹവി॒ര്ധാന॒-മിത്യാ॒ഹാനാ᳚ര്ത്യൈ ।
ദൃഗ്ംഹ॑സ്വ॒ മാ ഹ്വാ॒രിത്യാ॑ഹ॒ ധൃത്യൈ᳚ ॥
മി॒ത്രസ്യ॑ ത്വാ॒ ചക്ഷു॑ഷാ॒ പ്രേക്ഷ॒ ഇത്യാ॑ഹ മിത്ര॒ത്വായ॑ ।
മാ ഭേര്മാ സംവിഁ॑ക്ഥാ॒ മാ ത്വാ॑ ഹിഗ്ംസിഷ॒-മിത്യാ॒ഹാഹിഗ്ം॑സായൈ । യദ്വൈ കി-ഞ്ച॒ വാതോ॒ നാഭി॒വാതി॑ ।
ത-ഥ്സര്വം॑-വഁരുണദേവ॒ത്യ᳚മ് ॥ ഉ॒രു വാതാ॒യേത്യാ॑ഹ । അവാ॑രുണമേ॒വൈന॑-ത്കരോതി ॥ ദേ॒വസ്യ॑ ത്വാ സവി॒തുഃ
പ്ര॑സ॒വ ഇത്യാ॑ഹ॒ പ്രസൂ᳚ത്യൈ ।
അ॒ശ്വിനോ᳚-ര്ബാ॒ഹുഭ്യാ॒മിത്യാ॑ഹ ॥ 32 ॥
അ॒ശ്വിനൌ॒ ഹി ദേ॒വാനാ॑മദ്ധ്വ॒ര്യൂ ആസ്താ᳚മ് ।
പൂ॒ഷ്ണോ ഹസ്താ᳚ഭ്യാ॒മിത്യാ॑ഹ॒ യത്യൈ᳚ । അ॒ഗ്നയേ॒ ജുഷ്ട॒-ന്നിര്വ॑പാ॒മീത്യാ॑ഹ । അ॒ഗ്നയ॑ ഏ॒വൈനാ॒ഞ്ജുഷ്ടം॒
നിര്വ॑പതി । ത്രിര്യജു॑ഷാ । ത്രയ॑ ഇ॒മേ ലോ॒കാഃ ।
ഏ॒ഷാം-ലോഁ॒കാനാ॒മാപ്ത്യൈ᳚ । തൂ॒ഷ്ണീ-ഞ്ച॑തു॒ര്ഥമ് ।
അപ॑രിമിതമേ॒വാവ॑രുന്ധേ । സ ഏ॒വമേ॒വാനു॑പൂ॒ര്വഗ്ം ഹ॒വീഗ്ംഷി॒ നിര്വ॑പതി ॥ 33 ॥
ഇ॒ദ-ന്ദേ॒വാനാ॑മി॒ദമു॑ ന-സ്സ॒ഹേത്യാ॑ഹ॒ വ്യാവൃ॑ത്ത്യൈ ॥
സ്ഫാ॒ത്യൈ ത്വാ॒ നാരാ᳚ത്യാ॒ ഇത്യാ॑ഹ॒ ഗുപ്ത്യൈ᳚ । തമ॑സീവ॒ വാ ഏ॒ഷോ᳚-ഽന്തശ്ച॑രതി । യഃ പ॑രീ॒ണഹി॑ ॥ സുവ॑ര॒ഭി വിഖ്യേ॑ഷം-വൈഁശ്വാന॒ര-ഞ്ജ്യോതി॒രിത്യാ॑ഹ ।
സുവ॑രേ॒വാഭി വി പ॑ശ്യതി വൈശ്വാന॒ര-ഞ്ജ്യോതിഃ॑ ।
ദ്യാവാ॑പൃഥി॒വീ ഹ॒വിഷി॑ ഗൃഹീ॒ത ഉദ॑വേപേതാമ് ॥
ദൃഗ്ംഹ॑ന്താ॒-ന്ദുര്യാ॒ ദ്യാവാ॑പൃഥി॒വ്യോരിത്യാ॑ഹ ।
ഗൃ॒ഹാണാ॒-ന്ദ്യാവാ॑പൃഥി॒വ്യോ-ര്ധൃത്യൈ᳚ ॥
ഉ॒ര്വ॑ന്തരി॑ക്ഷ॒-മന്വി॒ഹീത്യാ॑ഹ॒ ഗത്യൈ᳚ ॥
അദി॑ത്യാസ്ത്വോ॒പസ്ഥേ॑ സാദയാ॒മീത്യാ॑ഹ । ഇ॒യം-വാഁ അദി॑തിഃ । അ॒സ്യാ ഏ॒വൈന॑ദു॒പസ്ഥേ॑ സാദയതി ॥
അഗ്നേ॑ ഹ॒വ്യഗ്ം ര॑ക്ഷ॒സ്വേത്യാ॑ഹ॒ ഗുപ്ത്യൈ᳚ ॥ 34 ॥
(യ॒ജ്ഞോ വാ ആപോ॒ - ധാമ॑ പ്ര॒ണീയ॒ പ്രച॑ര - ത്യതീ॒യാ - ദേ॒ത-ദ്- ബാ॒ഹുഭ്യാ॒മിത്യാ॑ഹ - ഹ॒വിഗ്ംഷി॒ നിര്വ॑പതി॒ - ഗത്യൈ॑ ച॒ത്വാരി॑ ച) (അ. 4)
അനുവാകം 5 - വ്രീഹ്യവഘാതഃ
ഇന്ദ്രോ॑ വൃ॒ത്രമ॑ഹന്ന് । സോ॑-ഽപഃ । അ॒ഭ്യ॑മ്രിയത ।
താസാം॒-യഁന്മേദ്ധ്യം॑-യഁ॒ജ്ഞിയ॒ഗ്ം॒ സദേ॑വ॒മാസീ᳚ത് । തദപോദ॑ക്രാമത് । തേ ദ॒ര്ഭാ അ॑ഭവന്ന് । യ-ദ്ദ॒ര്ഭൈര॒പ ഉ॑ത്പു॒നാതി॑ । യാ ഏ॒വ മേദ്ധ്യാ॑ യ॒ജ്ഞിയാ॒-സ്സദേ॑വാ॒ ആപഃ॑ । താഭി॑രേ॒വൈനാ॒ ഉത്പു॑നാതി । ദ്വാഭ്യാ॒മുത്പു॑നാതി ॥ 35 ॥
ദ്വി॒പാ-ദ്യജ॑മാനഃ॒ പ്രതി॑ഷ്ഠിത്യൈ ॥ ദേ॒വോ വഃ॑ സവി॒തോത്-പു॑നാ॒ത്വിത്യാ॑ഹ । സ॒വി॒തൃപ്ര॑സൂത ഏ॒വൈനാ॒ ഉത്പു॑നാതി । അച്ഛി॑ദ്രേണ പ॒വിത്രേ॒ണേത്യാ॑ഹ । അ॒സൌ വാ ആ॑ദി॒ത്യോ-ഽച്ഛി॑ദ്ര-മ്പ॒വിത്ര᳚മ് । തേനൈ॒വൈനാ॒ ഉത്പു॑നാതി । വസോ॒-സ്സൂര്യ॑സ്യ ര॒ശ്മിഭി॒രിത്യാ॑ഹ । പ്രാ॒ണാ വാ ആപഃ॑ । പ്രാ॒ണാ വസ॑വഃ । പ്രാ॒ണാ ര॒ശ്മയഃ॑ ॥ 36 ॥
പ്രാ॒ണൈരേ॒വ പ്രാ॒ണാന്-ഥ്സമ്പൃ॑ണക്തി । സാ॒വി॒ത്രി॒യര്ചാ ।
സ॒വി॒തൃപ്ര॑സൂത-മ്മേ॒ കര്മാ॑സ॒ദിതി॑ ।
സ॒വി॒തൃപ്ര॑സൂതമേ॒വാസ്യ॒ കര്മ॑ ഭവതി ।
പ॒ച്ഛോ ഗാ॑യത്രി॒യാ ത്രി॑ഷ്ഷമൃദ്ധ॒ത്വായ॑ ॥
ആപോ॑ ദേവീരഗ്രേപുവോ അഗ്രേഗുവ॒ ഇത്യാ॑ഹ ।
രൂ॒പ-മേ॒വാസാ॑മേ॒ത-ന്മ॑ഹി॒മാനം॒-വ്യാഁച॑ഷ്ടേ ।
അഗ്ര॑ ഇ॒മം-യഁ॒ജ്ഞ-ന്ന॑യ॒താഗ്രേ॑
യ॒ജ്ഞപ॑തി॒മിത്യാ॑ഹ । അഗ്രേ॑ ഏ॒വ യ॒ജ്ഞ-ന്ന॑യന്തി ।
അഗ്രേ॑ യ॒ജ്ഞപ॑തിമ് ॥ 37 ॥
യു॒ഷ്മാനിന്ദ്രോ॑ ഽവൃണീത വൃത്ര॒തൂയേ॑ യൂ॒യമിന്ദ്ര॑മവൃണീദ്ധ്വം-വൃഁത്ര॒തൂര്യ॒ ഇത്യാ॑ഹ ।
വൃ॒ത്രഗ്ം ഹ॑ ഹനി॒ഷ്യന്നിന്ദ്ര॒ ആപോ॑ വവ്രേ ।
ആപോ॒ ഹേന്ദ്രം॑-വഁവ്രിരേ । സ॒ജ്ഞാം-മേ॒വാസാ॑മേ॒ത-ഥ്സാമാ॑നം॒-വ്യാഁച॑ഷ്ടേ ॥ പ്രോക്ഷി॑താ॒-സ്സ്ഥേത്യാ॑ഹ । തേനാപഃ॒ പ്രോക്ഷി॑താഃ ॥ അ॒ഗ്നയേ॑ വോ॒ ജുഷ്ട॒-മ്പ്രോക്ഷാ᳚-മ്യ॒ഗ്നീഷോമാ᳚ഭ്യാ॒-മിത്യാ॑ഹ ।
യ॒ഥാ॒ ദേ॒വ॒തമേ॒വൈനാ॒-ന്പ്രോക്ഷ॑തി । ത്രിഃ പ്രോക്ഷ॑തി । ത്ര്യാ॑വൃ॒ദ്ധി യ॒ജ്ഞഃ ॥ 38 ॥
അഥോ॒ രക്ഷ॑സാ॒മപ॑ഹത്യൈ । ശുന്ധ॑ദ്ധ്വം॒
ദൈവ്യാ॑യ॒ കര്മ॑ണേ ദേവയ॒ജ്യായാ॒ ഇത്യാ॑ഹ ।
ദേ॒വ॒യ॒ജ്യായാ॑ ഏ॒വൈനാ॑നി ശുന്ധതി । ത്രിഃ പ്രോക്ഷ॑തി । ത്ര്യാ॑വൃ॒ദ്ധി യ॒ജ്ഞഃ । അഥോ॑ മേദ്ധ്യ॒ത്വായ॑ । അവ॑ധൂത॒ഗ്ം॒ രക്ഷോ-ഽവ॑ധൂതാ॒ അരാ॑തയ॒ ഇത്യാ॑ഹ ।
രക്ഷ॑സാ॒-മപ॑ഹത്യൈ । അദി॑ത്യാ॒സ്ത്വഗ॒സീത്യാ॑ഹ । ഇ॒യം-വാഁ അദി॑തിഃ ॥ 39 ॥
അ॒സ്യാ ഏ॒വൈന॒-ത്ത്വച॑-ങ്കരോതി । പ്രതി॑ ത്വാ പൃഥി॒വീ വേ॒ത്ത്വിത്യാ॑ഹ॒ പ്രതി॑ഷ്ഠിത്യൈ ॥ പു॒രസ്താ᳚-ത്പ്രതീ॒ചീന॑ഗ്രീവ॒-മുത്ത॑രലോ॒മോപ॑സ്തൃണാതി മേദ്ധ്യ॒ത്വായ॑ ।
തസ്മാ᳚-ത്പു॒രസ്താ᳚-ത്പ്ര॒ത്യഞ്ചഃ॑ പ॒ശവോ॒ മേധ॒മുപ॑തിഷ്ഠന്തേ । തസ്മാ᳚-ത്പ്ര॒ജാ മൃ॒ഗ-ങ്ഗ്രാഹു॑കാഃ । യ॒ജ്ഞോ ദേ॒വേഭ്യോ॒ നിലാ॑യത ।
കൃഷ്ണോ॑ രൂ॒പ-ങ്കൃ॒ത്വാ । യ-ത്കൃ॑ഷ്ണാജി॒നേ ഹ॒വിര॑ദ്ധ്യവ॒ഹന്തി॑ । യ॒ജ്ഞാദേ॒വ-ത-ദ്യ॒ജ്ഞ-മ്പ്രയു॑ങ്ക്തേ । ഹ॒വിഷോ-ഽസ്ക॑ന്ദായ ॥ 40 ॥
അ॒ധി॒ഷവ॑ണമസി വാനസ്പ॒ത്യമിത്യാ॑ഹ । അ॒ധി॒ഷവ॑ണ-മേ॒വൈന॑-ത്കരോതി । പ്രതി॒ ത്വാ-ഽദി॑ത്യാ॒സ്ത്വഗ്വേ॒ത്ത്വിത്യാ॑ഹ സയ॒ത്വായ॑ ॥
അ॒ഗ്നേസ്ത॒നൂ-ര॒സീത്യാ॑ഹ । അ॒ഗ്നേര്വാ ഏ॒ഷാ ത॒നൂഃ ।
യദോഷ॑ധയഃ । വാ॒ചോ വി॒സര്ജ॑ന॒മിത്യാ॑ഹ ।
യ॒ദാ ഹി പ്ര॒ജാ ഓഷ॑ധീനാ-മ॒ശ്നന്തി॑ । അഥ॒ വാചം॒-വിഁസൃ॑ജന്തേ । ദേ॒വവീ॑തയേ ത്വാ ഗൃഹ്ണാ॒മീത്യാ॑ഹ ॥ 41 ॥
ദേ॒വതാ॑ഭിരേ॒വൈന॒-ഥ്സമ॑ര്ധയതി ॥
അദ്രി॑രസി വാനസ്പ॒ത്യ ഇത്യാ॑ഹ । ഗ്രാവാ॑ണ-മേ॒വൈന॑-ത്കരോതി ।
സ ഇ॒ദ-ന്ദേ॒വേഭ്യോ॑ ഹ॒വ്യഗ്ം സു॒ശമി॑ ശമി॒ഷ്വേത്യാ॑ഹ॒ ശാന്ത്യൈ᳚ ॥ ഹവി॑ഷ്കൃ॒ദേഹീത്യാ॑ഹ ।
യ ഏ॒വ ദേ॒വാനാഗ്ം॑ ഹവി॒ഷ്കൃതഃ॑ । താന്. ഹ്വ॑യതി ।
ത്രിര്ഹ്വ॑യതി । ത്രിഷ॑ത്യാ॒ ഹി ദേ॒വാഃ ॥ ഇഷ॒മാ വ॒ദോര്ജ॒മാ വ॒ദേത്യാ॑ഹ ॥ 42 ॥
ഇഷ॑മേ॒വോര്ജം॒-യഁജ॑മാനേ ദധാതി ।
ദ്യു॒മദ്വ॑ദത വ॒യഗ്ം സ॑ഘാ॒ന്ത-ഞ്ജേ॒ഷ്മേത്യാ॑ഹ॒ ഭ്രാതൃ॑വ്യാഭിഭൂത്യൈ ॥ മനോ᳚-ശ്ശ്ര॒ദ്ധാദേ॑വസ്യ॒ യജ॑മാനസ്യാസുര॒ഘ്നീ വാക് । യ॒ജ്ഞാ॒യു॒ധേഷു॒ പ്രവി॑ഷ്ടാ-ഽഽസീത് । തേ-ഽസു॑രാ॒ യാവ॑ന്തോ യജ്ഞായു॒ധാനാ॑മു॒ദ്വദ॑താ-മു॒പാശൃ॑ണ്വന്ന് ।
തേ പരാ॑-ഽഭവന്ന് । തസ്മാ॒-ഥ്സ്വാനാ॒-മ്മദ്ധ്യേ॑-ഽവ॒സായ॑ യജേത । യാവ॑ന്തോ-ഽസ്യ॒ ഭ്രാതൃ॑വ്യാ യജ്ഞായു॒ധാനാ॑-മു॒ദ്വദ॑താ-മുപശൃ॒ണ്വന്തി॑ । തേ പരാ॑ ഭവന്തി ।
ഉ॒ച്ചൈ-സ്സ॒മാഹ॑ന്ത॒വാ ആ॑ഹ॒ വിജി॑ത്യൈ ॥ 43 ॥
വൃ॒ങ്ക്ത ഏ॑ഷാമിന്ദ്രി॒യം-വീഁ॒ര്യ᳚മ് । ശ്രേഷ്ഠ॑ ഏഷാ-മ്ഭവതി ॥ വ॒ര്॒ഷ വൃ॑ദ്ധമസി॒ പ്രതി॑ ത്വാ വ॒ര്॒ഷവൃ॑ദ്ധം-വേഁ॒ത്ത്വിത്യാ॑ഹ ।
വ॒ര്॒ഷവൃ॑ദ്ധാ॒ വാ ഓഷ॑ധയഃ ।
വ॒ര്॒ഷവൃ॑ദ്ധാ ഇ॒ഷീകാ॒-സ്സമൃ॑ദ്ധ്യൈ ।
യ॒ജ്ഞഗ്ം രക്ഷാ॒ഗ്॒സ്യനു॒ പ്രാവി॑ശന്ന് ।
താന്യ॒സ്നാ പ॒ശുഭ്യോ॑ നി॒രവാ॑ദയന്ത ।
തുഷൈ॒രോഷ॑ധീഭ്യഃ ॥ പരാ॑പൂത॒ഗ്ം॒ രക്ഷഃ॒ പരാ॑പൂതാ॒ അരാ॑തയ॒ ഇത്യാ॑ഹ ।
രക്ഷ॑സാ॒മപ॑ഹത്യൈ ॥ 44 ॥
രക്ഷ॑സാ-മ്ഭാ॒ഗോ॑-ഽസീത്യാ॑ഹ । തുഷൈ॑രേ॒വ രക്ഷാഗ്ം॑സി നി॒രവ॑ദയതേ । അ॒പ ഉപ॑സ്പൃശതി മേദ്ധ്യ॒ത്വായ॑ । വാ॒യുര്വോ॒ വി വി॑ന॒ക്ത്വിത്യാ॑ഹ । പ॒വിത്രം॒-വൈഁ വാ॒യുഃ । പു॒നാത്യേ॒വൈനാന്॑ । അ॒ന്തരി॑ക്ഷാദിവ॒ വാ ഏ॒തേ പ്രസ്ക॑ന്ദന്തി । യേ ശൂര്പാ᳚ത് । ദേ॒വോ വഃ॑ സവി॒താ ഹിര॑ണ്യപാണിഃ॒ പ്രതി॑ഗൃഹ്ണാ॒ത്വിത്യാ॑ഹ॒ പ്രതി॑ഷ്ഠിത്യൈ ।
ഹ॒വിഷോ-ഽസ്ക॑ന്ദായ । ത്രിഷ്ഫ॒ലീക॑ര്ത॒വാ ആ॑ഹ । ത്ര്യാ॑വൃ॒ദ്ധി യ॒ജ്ഞഃ । അഥോ॑ മേദ്ധ്യ॒ത്വായ॑ ॥ 45 ॥
(ദ്വാഭ്യാ॒മു-ത്പു॑നാതി - ര॒ശ്മയോ॑ - നയ॒ന്ത്യഗ്രേ॑ യ॒ജ്ഞപ॑തിം - ഁയ॒ജ്ഞോ - ഽദി॑തി॒ - രസ്ക॑ന്ദായ - ഗൃഹ്ണാ॒മീത്യാ॑ഹ - വ॒ദേത്യാ॑ഹ॒ - വിജി॑ത്യാ॒ - അപ॑ഹത്യാ॒ - അസ്ക॑ന്ദായ॒ ത്രീണി॑ ച) (അ. 5)
അനുവാകം 6 - തണ്ഡുലപേഷണമ്
അവ॑ധൂത॒ഗ്ം॒ രക്ഷോ-ഽവ॑ധൂതാ॒ അരാ॑തയ॒ ഇത്യാ॑ഹ । രക്ഷ॑സാ॒മപ॑ഹത്യൈ । അദി॑ത്യാ॒സ്ത്വഗ॒സീത്യാ॑ഹ । ഇ॒യം-വാഁ അദി॑തിഃ । അ॒സ്യാ ഏ॒വൈന॒-ത്ത്വച॑-ങ്കരോതി । പ്രതി॑ ത്വാ പൃഥി॒വീ വേ॒ത്ത്വിത്യാ॑ഹ॒ പ്രതി॑ഷ്ഠിത്യൈ ।
പു॒രസ്താ᳚-ത്പ്രതീ॒ചീന॑ഗ്രീവ॒-മുത്ത॑രലോ॒മോപ॑സ്തൃണാതി മേദ്ധ്യ॒ത്വായ॑ । തസ്മാ᳚-ത്പു॒രസ്താ᳚-ത്പ്ര॒ത്യഞ്ചഃ॑ പ॒ശവോ॒ മേധ॒മുപ॑തിഷ്ഠന്തേ । തസ്മാ᳚-ത്പ്ര॒ജാ മൃ॒ഗ-ങ്ഗ്രാഹു॑കാഃ । യ॒ജ്ഞോ ദേ॒വേഭ്യോ॒ നിലാ॑യത ॥ 46 ॥
കൃഷ്ണോ॑ രൂ॒പ-ങ്കൃ॒ത്വാ । യ-ത്കൃ॑ഷ്ണാജി॒നേ ഹ॒വിര॑ധിപി॒നഷ്ടി॑ । യ॒ജ്ഞാദേ॒വ ത-ദ്യ॒ജ്ഞ-മ്പ്രയു॑ങ്ക്തേ । ഹ॒വിഷോ-ഽസ്ക॑ന്ദായ ॥ ദ്യാവാ॑പൃഥി॒വീ സ॒ഹാസ്താ᳚മ് । തേ ശ॑മ്യാമാ॒ത്രമേക॒മഹ॒ര്വ്യൈതാഗ്ം॑ ശമ്യാമാ॒ത്രമേക॒മഹഃ॑ ॥ ദി॒വ-സ്സ്ക॑മ്ഭ॒നിര॑സി॒ പ്രതി॒ ത്വാ ഽദി॑ത്യാ॒സ്ത്വഗ്വേ॒ത്ത്വിത്യാ॑ഹ ।
ദ്യാവാ॑പൃഥി॒വ്യോ-ര്വീത്യൈ᳚ । ധി॒ഷണാ॑-ഽസി പര്വ॒ത്യാ
പ്രതി॑ ത്വാ ദി॒വ-സ്സ്ക॑മ്ഭ॒നിര്വേ॒ത്ത്വിത്യാ॑ഹ ।
ദ്യാവാ॑പൃഥി॒വ്യോ-ര്വിധൃ॑ത്യൈ ॥ 47 ॥
ധി॒ഷണാ॑-ഽസി പാര്വതേ॒യീ പ്രതി॑ ത്വാ പര്വ॒തിര്വേ॒ത്ത്വിത്യാ॑ഹ । ദ്യാവാ॑പൃഥി॒വ്യോര്ധൃത്യൈ᳚ ॥ ദേ॒വസ്യ॑ ത്വാ സവി॒തുഃ പ്ര॑സ॒വ ഇത്യാ॑ഹ॒ പ്രസൂ᳚ത്യൈ । അ॒ശ്വിനോ᳚-ര്ബാ॒ഹുഭ്യാ॒മിത്യാ॑ഹ । അ॒ശ്വിനൌ॒ ഹി ദേ॒വാനാ॑മദ്ധ്വ॒ര്യൂ ആസ്താ᳚മ് । പൂ॒ഷ്ണോ ഹസ്താ᳚ഭ്യാ॒മിത്യാ॑ഹ॒ യത്യൈ᳚ ।
അധി॑വപാ॒മീത്യാ॑ഹ । യ॒ഥാ॒ദേ॒വ॒ത-മേ॒വൈനാ॒നധി॑ വപതി ॥ ധാ॒ന്യ॑മസി ധിനു॒ഹി ദേ॒വാനിത്യാ॑ഹ । ഏ॒തസ്യ॒ യജു॑ഷോ വീ॒ര്യേ॑ണ ॥ 48 ॥
യാവ॒ദേകാ॑ ദേ॒വതാ॑ കാ॒മയ॑തേ॒ യാവ॒ദേകാ᳚ । താവ॒ദാഹു॑തിഃ പ്രഥതേ । ന ഹി തദസ്തി॑ । യത്താവ॑ദേ॒വ സ്യാത് । യാവ॑ജ്ജു॒ഹോതി॑ ॥ പ്രാ॒ണായ॑ ത്വാ-ഽപാ॒നായ॒ ത്വേത്യാ॑ഹ । പ്രാ॒ണാനേ॒വ യജ॑മാനേ ദധാതി । ദീ॒ര്ഘാമനു॒ പ്രസി॑തി॒മായു॑ഷേ ധാ॒മിത്യാ॑ഹ । ആയു॑രേ॒വാസ്മി॑-ന്ദധാതി ।
അ॒ന്തരി॑ക്ഷാദിവ॒ വാ ഏ॒താനി॒ പ്രസ്ക॑ന്ദന്തി । യാനി॑ ദൃ॒ഷദഃ॑ । ദേ॒വോ വഃ॑ സവി॒താ ഹിര॑ണ്യപാണിഃ॒ പ്രതി॑ ഗൃഹ്ണാ॒ത്വിത്യാ॑ഹ॒ പ്രതി॑ഷ്ഠിത്യൈ । ഹ॒വിഷോ-ഽസ്ക॑ന്ദായ ॥
അസം॑വഁപന്തീ പിഗ്ം॑ഷാ॒ണൂനി॑ കുരുതാ॒ദിത്യാ॑ഹ മേദ്ധ്യ॒ത്വായ॑ ॥ 49 ॥
(നിലാ॑യത॒ - വിധൃ॑ത്യൈ - വീ॒ര്യേ॑ണ - സ്കന്ദന്തി ച॒ത്വാരി॑ ച ) (അ. 6)
അനുവാകം 7 - കപാലോപധാനമ്
ധൃഷ്ടി॑രസി॒ ബ്രഹ്മ॑ യ॒ച്ഛേത്യാ॑ഹ॒ ധൃത്യൈ᳚ ॥
അപാ᳚ഗ്നേ॒ ഽഗ്നിമാ॒മാദ॑-ഞ്ജഹി॒ നിഷ്ക്ര॒വ്യാദഗ്ം॑
സേ॒ധാ ദേ॑വ॒യജം॑-വഁ॒ഹേത്യാ॑ഹ ।
യ ഏ॒വാമാത്ക്ര॒വ്യാത് । തമ॑പ॒ഹത്യ॑ । മേദ്ധ്യേ॒-ഽഗ്നൌ ക॒പാല॒മുപ॑ദധാതി ॥ നിര്ദ॑ഗ്ധ॒ഗ്ം॒ രക്ഷോ॒ നിര്ദ॑ഗ്ധാ॒ അരാ॑തയ॒ ഇത്യാ॑ഹ । രക്ഷാഗ്॑സ്യേ॒വ
നിര്ദ॑ഹതി । അ॒ഗ്നി॒വത്യുപ॑ദധാതി । അ॒സ്മിന്നേ॒വ ലോ॒കേ ജ്യോതി॑ര്ധത്തേ । അങ്ഗാ॑ര॒മധി॑-വര്തയതി ॥ 50 ॥
അ॒ന്തരി॑ക്ഷ ഏ॒വ ജ്യോതി॑ര്ധത്തേ ।
ആ॒ദി॒ത്യമേ॒വാമുഷ്മി॑ന് ഁലോ॒കേ ജ്യോതി॑ര്ധത്തേ ।
ജ്യോതി॑ഷ്മന്തോ-ഽസ്മാ ഇ॒മേ ലോ॒കാ ഭ॑വന്തി ।
യ ഏ॒വം-വേഁദ॑ ॥ ധ്രു॒വമ॑സി പൃഥി॒വീ-ന്ദൃ॒ഗ്ം॒ഹേത്യാ॑ഹ । പൃ॒ഥി॒വീമേ॒വൈതേന॑ ദൃഗ്ംഹതി ।
ധ॒ര്ത്രമ॑സ്യ॒ന്തരി॑ക്ഷ-ന്ദൃ॒ഗ്ം॒ഹേത്യാ॑ഹ । അ॒ന്തരി॑ക്ഷമേ॒വൈതേന॑ ദൃഗ്ംഹതി ।
ധ॒രുണ॑മസി॒ ദിവ॑-ന്ദൃ॒ഗ്ം॒ഹേത്യാ॑ഹ । ദിവ॑മേ॒വൈതേന॑ ദൃഗ്ംഹതി ॥ 51 ॥
ധര്മാ॑സി॒ ദിശോ॑ ദൃ॒ഗ്ം॒ഹേത്യാ॑ഹ ।
ദിശ॑ ഏ॒വൈതേന॑ ദൃഗ്ംഹതി । ഇ॒മാനേ॒വൈതൈ-ര്ലോ॒കാ-ന്ദൃഗ്ം॑ഹതി । ദൃഗ്ം ഹ॑ന്തേ-ഽസ്മാ ഇ॒മേ ലോ॒കാഃ പ്ര॒ജയാ॑ പ॒ശുഭിഃ॑ । യ ഏ॒വം-വേഁദ॑ ॥ ത്രീണ്യഗ്രേ॑ ക॒പാലാ॒ന്യുപ॑ദധാതി । ത്രയ॑ ഇ॒മേ ലോ॒കാഃ ।
ഏ॒ഷാം-ലോഁ॒കാനാ॒മാപ്ത്യൈ᳚ ।
ഏക॒മഗ്രേ॑ ക॒പാല॒മുപ॑ദധാതി ।
ഏകം॒-വാഁ അഗ്രേ॑ ക॒പാല॒-മ്പുരു॑ഷസ്യ സ॒ഭംവഁ॑തി ॥ 52 ॥
അഥ॒ ദ്വേ । അഥ॒ ത്രീണി॑ । അഥ॑ ച॒ത്വാരി॑ । അഥാ॒ഷ്ടൌ ।
തസ്മാ॑ദ॒ഷ്ടാക॑പാല॒-മ്പുരു॑ഷസ്യ॒ ശിരഃ॑ ।
യദേ॒വ-ങ്ക॒പാലാ᳚ന്യുപ॒ ദധാ॑തി । യ॒ജ്ഞോ വൈ പ്ര॒ജാപ॑തിഃ । യ॒ജ്ഞമേ॒വ പ്ര॒ജാപ॑തി॒ഗ്ം॒ സഗ്ഗ്സ്ക॑രോതി ।
ആ॒ത്മാന॑മേ॒വ ത-ഥ്സഗ്ഗ്സ്ക॑രോതി । തഗ്ം സഗ്ഗ്സ്കൃ॑തമാ॒ത്മാന᳚മ് ॥ 53 ॥
അ॒മുഷ്മി॑ന് ഁലോ॒കേ-ഽനു॒പരൈ॑തി ॥ യദ॒ഷ്ടാവു॑പ॒ ദധാ॑തി । ഗാ॒യ॒ത്രി॒യാ ത-ഥ്സമ്മി॑തമ് । യന്നവ॑ । ത്രി॒വൃതാ॒ തത് । യ-ദ്ദശ॑ । വി॒രാജാ॒ തത് । യദേകാ॑ദശ । ത്രി॒ഷ്ടുഭാ॒ തത് । യദ്ദ്വാദ॑ശ ॥ 54 ॥
ജഗ॑ത്യാ॒ തത് । ഛന്ദഃ॑ സമ്മിതാനി॒ സ ഉ॑പ॒ദധ॑-ത്ക॒പാലാ॑നി । ഇ॒മാന് ഁലോ॒കാന॑നുപൂ॒ര്വ-ന്ദിശോ॒ വിധൃ॑ത്യൈ ദൃഗ്ംഹതി । അഥായുഃ॑ പ്രാ॒ണാ-ന്പ്ര॒ജാ-മ്പ॒ശൂന്. യജ॑മാനേ ദധാതി । സ॒ജാ॒താന॑സ്മാ അ॒ഭിതോ॑ ബഹു॒ലാന് ക॑രോതി ॥
ചിത॒-സ്സ്ഥേത്യാ॑ഹ । യ॒ഥാ॒ യ॒ജുരേ॒വൈതത് ॥
ഭൃഗൂ॑ണാ॒മങ്ഗി॑രസാ॒-ന്തപ॑സാ തപ്യദ്ധ്വ॒മിത്യാ॑ഹ ।
ദേ॒വതാ॑നാ-മേ॒വൈനാ॑നി॒ തപ॑സാ തപതി । താനി॒ തത॒-സ്സഗ്ഗ്സ്ഥി॑തേ । യാനി॑ ഘ॒ര്മേ ക॒പാലാ᳚ന് യുപചി॒ന്വന്തി॑ വേ॒ധസ॒ ഇതി॒ ചതു॑ഷ്പദയ॒ര്ചാ വിമു॑ഞ്ചതി । ചതു॑ഷ്പാദഃ പ॒ശവഃ॑ । പ॒ശുഷ്വേ॒വോപരി॑ഷ്ടാ॒-ത്പ്രതി॑തിഷ്ഠതി ॥ 55 ॥
(വ॒ര്ത॒യ॒തി॒ - ദിവ॑മേ॒വൈതേന॑ ദൃഗ്ംഹതി - സ॒മ്ഭവ॑തി॒ - തഗ്ം സഗ്ഗ്സ്കൃ॑തമാ॒ത്മാനം॒ - ദ്വാദ॑ശ॒ - സഗ്ഗ്സ്ഥി॑തേ॒ ത്രീണി॑ ച) (അ. 7)
അനുവാകം 8 - പുരോഡാശാനിഷ്പാദനമ്
ദേ॒വസ്യ॑ ത്വാ സവി॒തുഃ പ്ര॑സ॒വ ഇത്യാ॑ഹ॒ പ്രസൂ᳚ത്യൈ । അ॒ശ്വിനോ᳚-ര്ബാ॒ഹുഭ്യാ॒മിത്യാ॑ഹ ।
അ॒ശ്വിനൌ॒ ഹി ദേ॒വാനാ॑മദ്ധ്വ॒ര്യൂ ആസ്താ᳚മ് ।
പൂ॒ഷ്ണോ ഹസ്താ᳚ഭ്യാ॒മിത്യാ॑ഹ॒ യത്യൈ᳚ ।
സംവഁ॑പാ॒മീത്യാ॑ഹ । യ॒ഥാ॒ ദേ॒വ॒തമേ॒വൈനാ॑നി॒ സംവഁ॑പതി ॥ സമാപോ॑ അ॒ദ്ഭിര॑ഗ്മത॒ സമോഷ॑ധയോ॒ രസേ॒നേത്യാ॑ഹ । ആപോ॒ വാ ഓഷ॑ധീ-ര്ജിന്വന്തി । ഓഷ॑ധയോ॒-ഽപോ ജി॑ന്വന്തി ।
അ॒ന്യാ വാ ഏ॒താസാ॑മ॒ന്യാ ജി॑ന്വന്തി ॥ 56 ॥
തസ്മാ॑ദേ॒വമാ॑ഹ । സഗ്ം രേ॒വതീ॒-ര്ജഗ॑തീഭി॒-ര്മധു॑മതീ॒-ര്മധു॑മതീഭി-സ്സൃജ്യദ്ധ്വ॒മിത്യാ॑ഹ ।
ആപോ॒ വൈ രേ॒വതീഃ᳚ । പ॒ശവോ॒ ജഗ॑തീഃ । ഓഷ॑ധയോ॒ മധു॑മതീഃ । ആപ॒ ഓഷ॑ധീഃ പ॒ശൂന് । താനേ॒വാസ്മാ॑ ഏക॒ധാ സ॒ഗ്ം॒സൃജ്യ॑ । മധു॑മതഃ കരോതി ।
അ॒ദ്ഭ്യഃ പരി॒ പ്രജാ॑താ-സ്സ്ഥ॒ സമ॒ദ്ഭിഃ പൃ॑ച്യദ്ധ്വ॒മിതി॑ പ॒ര്യാപ്ലാ॑വയതി ।
യഥാ॒ സുവൃ॑ഷ്ട ഇ॒മാമ॑നു വി॒സൃത്യ॑ ॥ 57 ॥
ആപ॒ ഓഷ॑ധീര്മ॒ഹയ॑ന്തി । താ॒ദൃഗേ॒വ തത് ॥
ജന॑യത്യൈ ത്വാ॒ സംയൌഁ॒മീത്യാ॑ഹ । പ്ര॒ജാ ഏ॒വൈതേന॑ ദാധാര । അ॒ഗ്നയേ᳚ ത്വാ॒-ഽഗ്നീഷോമാ᳚ഭ്യാ॒മിത്യാ॑ഹ॒ വ്യാവൃ॑ത്ത്യൈ । മ॒ഖസ്യ॒ ശിരോ॒-ഽസീത്യാ॑ഹ ।
യ॒ജ്ഞോ വൈ മ॒ഖഃ । തസ്യൈ॒തച്ഛിരഃ॑ । യ-ത്പു॑രോ॒ഡാശഃ॑ । തസ്മാ॑ദേ॒വമാ॑ഹ ॥ 58 ॥
ഘ॒ര്മോ॑-ഽസി വി॒ശ്വായു॒രിത്യാ॑ഹ । വിശ്വ॑മേ॒വായു॒-ര്യജ॑മാനേ ദധാതി । ഉ॒രു പ്ര॑ഥസ്വോ॒രു തേ॑ യ॒ജ്ഞപ॑തിഃ പ്രഥതാ॒മിത്യാ॑ഹ । യജ॑മാനമേ॒വ പ്ര॒ജയാ॑ പ॒ശുഭിഃ॑ പ്രഥയതി । ത്വച॑-ങ്ഗൃഹ്ണീ॒ഷ്വേത്യാ॑ഹ ।
സര്വ॑മേ॒വൈന॒ഗ്ം॒ സത॑നു-ങ്കരോതി । അഥാ॒പ ആ॒നീയ॒ പരി॑ മാര്ഷ്ടി । മാ॒ഗ്ം॒സ ഏ॒വ ത-ത്ത്വച॑-ന്ദധാതി । തസ്മാ᳚-ത്ത്വ॒ചാ മാ॒ഗ്ം॒സ-ഞ്ഛ॒ന്നമ് ॥
ഘ॒ര്മോ വാ ഏ॒ഷോ-ഽശാ᳚ന്തഃ ॥ 59 ॥
അ॒ര്ധ॒മാ॒സേ᳚-ഽര്ധമാസേ॒ പ്രവൃ॑ജ്യതേ । യ-ത്പു॑രോ॒ഡാശഃ॑ । സ ഈ᳚ശ്വ॒രോ യജ॑മാനഗ്ം ശു॒ചാ പ്ര॒ദഹഃ॑ । പര്യ॑ഗ്നി കരോതി । പ॒ശുമേ॒വൈന॑മകഃ । ശാന്ത്യാ॒ അപ്ര॑ദാഹായ । ത്രിഃ പര്യ॑ഗ്നി കരോതി ।
ത്ര്യാ॑വൃ॒ദ്ധി യ॒ജ്ഞഃ । അഥോ॒ രക്ഷ॑സാ॒മപ॑ഹത്യൈ ॥
അ॒ന്തരി॑ത॒ഗ്ം॒ രക്ഷോ॒-ഽന്തരി॑താ॒ അരാ॑തയ॒ ഇത്യാ॑ഹ ॥ 60 ॥
രക്ഷ॑സാ-മ॒ന്തര്ഹി॑ത്യൈ । പു॒രോ॒ഡാശം॒-വാഁ അധി॑ശ്രിത॒ഗ്ം॒ രക്ഷാഗ്॑സ്യജിഘാഗ്ംസന്ന് ।
ദി॒വി നാകോ॒ നാമാ॒ഗ്നീ ര॑ക്ഷോ॒ഹാ । സ ഏ॒വാസ്മാ॒-ദ്രക്ഷാ॒ഗ്॒സ്യപാ॑ഹന്ന് । ദേ॒വസ്ത്വാ॑ സവി॒താ ശ്ര॑പയ॒ത്വിത്യാ॑ഹ । സ॒വി॒തൃപ്ര॑സൂത ഏ॒വൈനഗ്ഗ്॑ ശ്രപയതി । വര്ഷി॑ഷ്ഠേ॒ അധി॒ നാക॒ ഇത്യാ॑ഹ । രക്ഷ॑സാ॒മപ॑ഹത്യൈ । അ॒ഗ്നിസ്തേ॑ ത॒നുവ॒-മ്മാ-ഽതി॑ ധാ॒ഗിത്യാ॒ഹാന॑തിദാഹായ । അഗ്നേ॑ ഹ॒വ്യഗ്ം ര॑ക്ഷ॒സ്വേത്യാ॑ഹ॒ ഗുപ്ത്യൈ᳚ ॥ 61 ॥
അവി॑ദഹന്ത-ശ്ശ്രപയ॒തേതി॒ വാചം॒-വിഁസൃ॑ജതേ ।
യ॒ജ്ഞമേ॒വ ഹ॒വീഗ്ഷ്യ॑ഭി-വ്യാ॒ഹൃത്യ॒ പ്രത॑നുതേ ।
പു॒രോ॒രുച॒മവി॑ദാഹായ॒ ശൃത്യൈ॑ കരോതി ॥ മ॒സ്തിഷ്കോ॒ വൈ പു॑രോ॒ഡാശഃ॑ । തം-യഁന്നാഭി॑വാ॒സയേ᳚ത് । ആ॒വിര്മ॒സ്തിഷ്കഃ॑ സ്യാത് । അ॒ഭിവാ॑സയതി ।
തസ്മാ॒-ദ്ഗുഹാ॑ മ॒സ്തിഷ്കഃ॑ । ഭസ്മ॑നാ॒-ഽഭി വാ॑സയതി ।
തസ്മാ᳚-ന്മാ॒ഗ്ം॒സേനാസ്ഥി॑ ഛ॒ന്നമ് ॥ 62 ॥
വേ॒ദേനാ॒ഭി വാ॑സയതി । തസ്മാ॒-ത്കേശൈ॒-ശ്ശിരഃ॑ ഛ॒ന്നമ് ।
അഖ॑ലതിഭാവുകോ ഭവതി । യ ഏ॒വം-വേഁദ॑ ॥ പ॒ശോര്വൈ പ്ര॑തി॒മാ പു॑രോ॒ഡാശഃ॑ । സ നായ॒ജുഷ്ക॑-മഭി॒വാസ്യഃ॑ । വൃഥേ॑വ സ്യാത് । ഈ॒ശ്വ॒രാ യജ॑മാനസ്യ പ॒ശവഃ॒ പ്രമേ॑തോഃ ॥ സ-മ്ബ്രഹ്മ॑ണാ പൃച്യ॒സ്വേത്യാ॑ഹ । പ്രാ॒ണാ വൈ ബ്രഹ്മ॑ ॥ 63 ॥
പ്രാ॒ണാഃ പ॒ശവഃ॑ । പ്രാ॒ണൈരേ॒വ പ॒ശൂന്ഥ്
സമ്പൃ॑ണക്തി । ന പ്ര॒മായു॑കാ ഭവന്തി । യജ॑മാനോ॒ വൈ പു॑രോ॒ഡാശഃ॑ । പ്ര॒ജാ പ॒ശവഃ॒ പുരീ॑ഷമ് ।
യദേ॒വമ॑ഭി വാ॒സയ॑തി । യജ॑മാനമേ॒വ പ്ര॒ജയാ॑ പ॒ശുഭി॒-സ്സമ॑ര്ധയതി ॥ ദേ॒വാ വൈ ഹ॒വി-ര്ഭൃ॒ത്വാ-ഽബ്രു॑വന്ന് । കസ്മി॑ന്നി॒ദ-മ്മ്ര॑ക്ഷ്യാമഹ॒ ഇതി॑ ।
സോ᳚-ഽഗ്നിര॑ബ്രവീത് ॥ 64 ॥
മയി॑ ത॒നൂ-സ്സന്നിധ॑ദ്ധ്വമ് । അ॒ഹം-വഁ॒സ്ത-ഞ്ജ॑നയിഷ്യാമി । യസ്മി॑-ന്മ്ര॒ക്ഷ്യദ്ധ്വ॒ ഇതി॑ । തേ ദേ॒വാ അ॒ഗ്നൌ ത॒നൂ-സ്സ-ന്ന്യ॑ദധത । തസ്മാ॑ദാഹുഃ ।
അ॒ഗ്നി-സ്സര്വാ॑ ദേ॒വതാ॒ ഇതി॑ । സോ-ഽങ്ഗാ॑രേണാ॒പഃ ।
അ॒ഭ്യ॑പാതയത് । തത॑ ഏക॒തോ॑-ഽജായത ।
സ ദ്വി॒തീയ॑മ॒ഭ്യ॑പാതയത് ॥ 65 ॥
തതോ᳚ ദ്വി॒തോ॑-ഽജായത । സ തൃ॒തീയ॑-മ॒ഭ്യ॑പാതയത് ।
തത॑-സ്ത്രി॒തോ॑-ഽജായത । യദ॒ദ്ഭ്യോ-ഽജാ॑യന്ത । തദാ॒പ്യാനാ॑മാപ്യ॒ത്വമ് । യദാ॒ത്മഭ്യോ ഽജാ॑യന്ത ।
തദാ॒ത്മ്യാനാ॑-മാത്മ്യ॒ത്വമ് ॥ തേ ദേ॒വാ ആ॒പ്യേഷ്വ॑മൃജത । ആ॒പ്യാ അ॑മൃജത॒ സൂര്യാ᳚ഭ്യുദിതേ । സൂര്യാ᳚ഭ്യുദിത॒-സ്സൂര്യാ॑ഭിനിമ്രുക്തേ ॥ 66 ॥
സൂര്യാ॑ഭിനിമ്രുക്തഃ കുന॒ഖിനി॑ । കു॒ന॒ഖീ ശ്യാ॒വദ॑തി । ശ്യാ॒വദ॑ന്നഗ്രദിധി॒ഷൌ । അ॒ഗ്ര॒ദി॒ധി॒ഷുഃ പ॑രിവി॒ത്തേ । പ॒രി॒വി॒ത്തോ വീ॑ര॒ഹണി॑ । വീ॒ര॒ഹാ ബ്ര॑ഹ്മ॒ഹണി॑ ।
തദ്ബ്ര॑ഹ്മ॒ഹണ॒-ന്നാത്യ॑ച്യവത । അ॒ന്ത॒ര്വേ॒ദി നിന॑യ॒ത്യവ॑രുദ്ധ്യൈ । ഉല്മു॑കേനാ॒ഭി ഗൃ॑ഹ്ണാതി ശൃത॒ത്വായ॑ । ശൃ॒തകാ॑മാ ഇവ॒ ഹി ദേ॒വാഃ ॥ 67 ॥
(അ॒ന്യാ ജി॑ന്വന്-ത്യനുവി॒സൃത്യൈ॒-വമാ॒-ഹാശാ᳚ന്ത-ആഹ॒-ഗുപ്ത്യൈ॑-ഛ॒ന്നം - ബ്രഹ്മാ᳚-ബ്രവീ-ദ്ദ്വി॒തീയ॑മ॒ഭ്യ॑പാതയ॒-ഥ്സൂര്യാ॑ഭിനിമ്രുക്തേ-ദേ॒വാഃ) (അ. 8)
അനുവാകം 9 - വേദികരണമ്
ദേ॒വസ്യ॑ ത്വാ സവി॒തുഃ പ്ര॑സ॒വ ഇതി॒ സ്ഫ്യമാദ॑ത്തേ॒ പ്രസൂ᳚ത്യൈ । അ॒ശ്വിനോ᳚-ര്ബാ॒ഹുഭ്യാ॒മിത്യാ॑ഹ । അ॒ശ്വിനൌ॒ ഹി ദേ॒വാനാ॑മദ്ധ്വ॒ര്യൂ ആസ്താ᳚മ് । പൂ॒ഷ്ണോ ഹസ്താ᳚ഭ്യാ॒മിത്യാ॑ഹ॒ യത്യൈ᳚ ॥ ആദ॑ദ॒ ഇന്ദ്ര॑സ്യ ബാ॒ഹുര॑സി॒ ദക്ഷി॑ണ॒ ഇത്യാ॑ഹ । ഇ॒ന്ദ്രി॒യമേ॒വ യജ॑മാനേ ദധാതി । സ॒ഹസ്ര॑ഭൃഷ്ടി-ശ്ശ॒തതേ॑ജാ॒ ഇത്യാ॑ഹ ।
രൂ॒പമേ॒വാസ്യൈ॒ത-ന്മ॑ഹി॒മാനം॒-വ്യാഁച॑ഷ്ടേ ॥
വാ॒യുര॑സി തി॒ഗ്മതേ॑ജാ॒ ഇത്യാ॑ഹ । തേജോ॒ വൈ വാ॒യുഃ ॥ 68 ॥
തേജ॑ ഏ॒വാസ്മി॑-ന്ദധാതി ॥ വി॒ഷാദ്വൈ നാമാ॑സു॒ര ആ॑സീത് । സോ॑-ഽബിഭേത് । യ॒ജ്ഞേന॑ മാ ദേ॒വാ അ॒ഭിഭ॑വിഷ്യ॒ന്തീതി॑ । സ പൃ॑ഥി॒വീമ॒ഭ്യ॑വമീത് । സാ ഽമേ॒ദ്ധ്യാ ഽഭ॑വത് । അഥോ॒ യദിന്ദ്രോ॑ വൃ॒ത്രമഹന്ന്॑ । തസ്യ॒ ലോഹി॑ത-മ്പൃഥി॒വീമനു॒ വ്യ॑ധാവത് । സാ ഽമേ॒ദ്ധ്യാ ഽഭ॑വത് ।
പൃഥി॑വി ദേവയജ॒നീത്യാ॑ഹ ॥ 69 ॥
മേദ്ധ്യാ॑മേ॒വൈനാ᳚-ന്ദേവ॒യജ॑നീ-ങ്കരോതി ।
ഓഷ॑ദ്ധ്യാസ്തേ॒ മൂല॒-മ്മാ ഹിഗ്ം॑സിഷ॒മിത്യാ॑ഹ । ഓഷ॑ധീനാ॒-മഹിഗ്ം॑സായൈ ॥ വ്ര॒ജ-ങ്ഗ॑ച്ഛ ഗോ॒സ്ഥാന॒മിത്യാ॑ഹ । ഛന്ദാഗ്ം॑സി॒ വൈ വ്ര॒ജോ ഗോ॒സ്ഥാനഃ॑ । ഛന്ദാഗ്॑സ്യേ॒വാസ്മൈ᳚ വ്ര॒ജ-ങ്ഗോ॒സ്ഥാന॑-ങ്കരോതി ॥ വര്ഷ॑തു തേ॒ ദ്യൌരിത്യാ॑ഹ ।
വൃഷ്ടി॒ര്വൈ ദ്യൌഃ । വൃഷ്ടി॑മേ॒വാവ॑രുന്ധേ ॥
ബ॒ധാ॒ന ദേ॑വ സവിതഃ പര॒മസ്യാ᳚-മ്പരാ॒വതീത്യാ॑ഹ ॥ 70 ॥
ദ്വൌ വാവ പുരു॑ഷൌ । യ-ഞ്ചൈ॒വ ദ്വേഷ്ടി॑ । യശ്ചൈ॑ന॒-ന്ദ്വേഷ്ടി॑ । താവു॒ഭൌ ബ॑ദ്ധ്നാതി പര॒മസ്യാ᳚-മ്പരാ॒വതി॑ ശ॒തേന॒ പാശൈഃ᳚ । യോ᳚-ഽസ്മാ-ന്ദ്വേഷ്ടി॒ യ-ഞ്ച॑ വ॒യ-ന്ദ്വി॒ഷ്മസ്തമതോ॒ മാ മൌ॒ഗിത്യാ॒ഹാനി॑മ്രുക്ത്യൈ ॥
അ॒രരു॒ര്വൈ നാമാ॑സു॒ര ആ॑സീത് ।
സ പൃ॑ഥി॒വ്യാമുപ॑മ്ലുപ്തോ-ഽശയത് ।
ത-ന്ദേ॒വാ അപ॑ഹതോ॒-ഽരരുഃ॑ പൃഥി॒വ്യാ ഇതി॑ പൃഥി॒വ്യാ അപാ᳚ഘ്നന്ന് । ഭ്രാതൃ॑വ്യോ॒ വാ അ॒രരുഃ॑ । അപ॑ഹതോ॒-ഽരരുഃ॑ പൃഥി॒വ്യാ ഇതി॒ യദാഹ॑ ॥ 71 ॥
ഭ്രാതൃ॑വ്യമേ॒വ പൃ॑ഥി॒വ്യാ അപ॑ഹന്തി । തേ॑-ഽമന്യന്ത ।
ദിവം॒-വാഁ അ॒യമി॒തഃ പ॑തിഷ്യ॒തീതി॑ ।
തമ॒രരു॑സ്തേ॒ ദിവ॒-മ്മാ സ്കാ॒നിതി॑ ദി॒വഃ പര്യ॑ബാധന്ത । ഭ്രാതൃ॑വ്യോ॒ വാ അ॒രരുഃ॑ । അ॒രരു॑സ്തേ॒ ദിവ॒-മ്മാ സ്കാ॒നിതി॒ യദാഹ॑ । ഭ്രാതൃ॑വ്യമേ॒വ ദി॒വഃ പരി॑ബാധതേ ।
സ്ത॒മ്ബ॒ യ॒ജുര്-ഹ॑രതി । പൃ॒ഥി॒വ്യാ ഏ॒വ ഭ്രാതൃ॑വ്യ॒-മപ॑ഹന്തി । ദ്വി॒തീയഗ്ം॑ ഹരതി ॥ 72 ॥
അ॒ന്തരി॑ക്ഷാദേ॒വൈന॒-മപ॑ഹന്തി । തൃ॒തീയഗ്ം॑ ഹരതി । ദി॒വ ഏ॒വൈന॒-മപ॑ഹന്തി । തൂ॒ഷ്ണീ-ഞ്ച॑തു॒ര്ഥഗ്ം ഹ॑രതി । അപ॑രിമിതാദേ॒വൈന॒-മപ॑ഹന്തി ॥ അസു॑രാണാം॒-വാഁ ഇ॒യമഗ്ര॑ ആസീത് । യാവ॒ദാസീ॑നഃ പരാ॒ പശ്യ॑തി ।
താവ॑-ദ്ദേ॒വാനാ᳚മ് । തേ ദേ॒വാ അ॑ബ്രുവന്ന് ।
അസ്ത്വേ॒വ നോ॒-ഽസ്യാമപീതി॑ ॥ 73 ॥
ക്യ॑ന്നോ ദാസ്യ॒ഥേതി॑ । യാവ॑ഥ്സ്വ॒യ-മ്പ॑രിഗൃഹ്ണീ॒ഥേതി॑ ।
തേ വസ॑വ॒സ്ത്വേതി॑ ദക്ഷിണ॒തഃ പര്യ॑ഗൃഹ്ണന്ന് । രു॒ദ്രാസ്ത്വേതി॑ പ॒ശ്ചാത് । ആ॒ദി॒ത്യാ-സ്ത്വേത്യു॑ത്തര॒തഃ । തേ᳚-ഽഗ്നിനാ॒ പ്രാഞ്ചോ॑-ഽജയന്ന് । വസു॑ഭി-ര്ദക്ഷി॒ണാ ।
രു॒ദ്രൈഃ പ്ര॒ത്യഞ്ചഃ॑ । ആ॒ദി॒ത്യൈരുദ॑ഞ്ചഃ ।
യസ്യൈ॒വം-വിഁ॒ദുഷോ॒ വേദി॑-മ്പരി ഗൃ॒ഹ്ണന്തി॑ ॥ 74 ॥
ഭവ॑ത്യാ॒ത്മനാ᳚ । പരാ᳚-ഽസ്യ॒ ഭ്രാതൃ॑വ്യോ ഭവതി ॥
ദേ॒വസ്യ॑ സവി॒തു-സ്സ॒വ ഇത്യാ॑ഹ॒ പ്രസൂ᳚ത്യൈ ।
കര്മ॑ കൃണ്വന്തി വേ॒ധസ॒ ഇത്യാ॑ഹ । ഇ॒ഷി॒തഗ്ം ഹി കര്മ॑ ക്രി॒യതേ᳚ । പൃ॒ഥി॒വ്യൈ മേദ്ധ്യ॑-ഞ്ചാമേ॒ദ്ധ്യ-ഞ്ച॒ വ്യുദ॑ക്രാമതാമ് । പ്രാ॒ചീന॑-മുദീ॒ചീന॒-മ്മേദ്ധ്യ᳚മ് । പ്ര॒തീ॒ചീന॑-ന്ദക്ഷി॒ണാ ഽമേ॒ദ്ധ്യമ് ।
പ്രാചീ॒മുദീ॑ചീ-മ്പ്രവ॒ണാ-ങ്ക॑രോതി ।
മേദ്ധ്യാ॑മേ॒വൈനാ᳚-ന്ദേവ॒യജ॑നീ-ങ്കരോതി ॥ 75 ॥
പ്രാഞ്ചൌ॑ വേദ്യ॒ഗ്ം॒ സാവുന്ന॑യതി । ആ॒ഹ॒വ॒നീയ॑സ്യ॒ പരി॑ഗൃഹീത്യൈ । പ്ര॒തീചീ॒ ശ്രോണീ᳚ । ഗാര്ഹ॑പത്യസ്യ॒ പരി॑ഗൃഹീത്യൈ । അഥോ॑ മിഥുന॒ത്വായ॑ । ഉദ്ധ॑ന്തി । യദേ॒വാസ്യാ॑ അമേ॒ദ്ധ്യമ് । തദപ॑ഹന്തി । ഉദ്ധ॑ന്തി ।
തസ്മാ॒ദോഷ॑ധയഃ॒ പരാ॑ഭവന്തി ॥ 76 ॥
മൂല॑-ഞ്ഛിനത്തി । ഭ്രാതൃ॑വ്യസ്യൈ॒വ മൂല॑-ഞ്ഛിനത്തി ।
മൂലം॒-വാഁ അ॑തി॒തിഷ്ഠ॒-ദ്രക്ഷാ॒ഗ്॒സ്യനൂ-ത്പി॑പതേ । യദ്ധസ്തേ॑ന ഛി॒ന്ദ്യാത് । കു॒ന॒ഖിനീഃ᳚ പ്ര॒ജാ-സ്സ്യുഃ॑ । സ്ഫ്യേന॑ ഛിനത്തി । വജ്രോ॒ വൈ സ്ഫ്യഃ ।
വജ്രേ॑ണൈ॒വ യ॒ജ്ഞാ-ദ്രക്ഷാ॒ഗ്॒സ്യപ॑ഹന്തി । പി॒തൃ॒ദേ॒വ॒ത്യാ ഽതി॑ഖാതാ । ഇയ॑തീ-ങ്ഖനതി ॥ 77 ॥
പ്ര॒ജാപ॑തിനാ യജ്ഞമു॒ഖേന॒ സമ്മി॑താമ് ॥ വേദി॑ര്ദേ॒വേഭ്യോ॒ നിലാ॑യത । താ-ഞ്ച॑തുരങ്ഗു॒ലേ ഽന്വ॑വിന്ദന്ന് । തസ്മാ᳚ച്ചതുരങ്ഗു॒ല-ങ്ഖേയാ᳚ ।
ച॒തു॒രങ്ഗു॒ല-ങ്ഖ॑നതി । ച॒തു॒ര॒ങ്ഗു॒ലേ ഹ്യോഷ॑ധയഃ പ്രതി॒തിഷ്ഠ॑ന്തി ।
ആപ്ര॑തി॒ഷ്ഠായൈ॑ ഖനതി । യജ॑മാനമേ॒വ പ്ര॑തി॒ഷ്ഠാ-ങ്ഗ॑മയതി । ദ॒ക്ഷി॒ണ॒തോ വര്ഷീ॑യസീ-ങ്കരോതി ।
ദേ॒വ॒യജ॑നസ്യൈ॒വ രൂ॒പമ॑കഃ ॥ 78 ॥
പുരീ॑ഷവതീ-ങ്കരോതി । പ്ര॒ജാ വൈ പ॒ശവഃ॒ പുരീ॑ഷമ് ।
പ്ര॒ജയൈ॒വൈന॑-മ്പ॒ശുഭിഃ॒ പുരീ॑ഷവന്ത-ങ്കരോതി । ഉത്ത॑ര-മ്പരിഗ്രാ॒ഹ-മ്പരി॑ഗൃഹ്ണാതി । ഏ॒താവ॑തീ॒ വൈ പൃ॑ഥി॒വീ । യാവ॑തീ॒ വേദിഃ॑ । തസ്യാ॑ ഏ॒താവ॑ത ഏ॒വ ഭ്രാതൃ॑വ്യ-ന്നി॒ര്ഭജ്യ॑ । ആ॒ത്മന॒ ഉത്ത॑ര-മ്പരിഗ്രാ॒ഹ-മ്പരി॑ഗൃഹ്ണാതി ।
ഋ॒ത-മ॑സ്യൃത॒സദ॑ന-മസ്യൃത॒ശ്രീര॒സീത്യാ॑ഹ । യ॒ഥാ॒ യ॒ജുരേ॒വൈ തത് ॥ 79 ॥
ക്രൂ॒രമി॑വ॒ വാ ഏ॒ത-ത്ക॑രോതി । യദ്വേദി॑-ങ്ക॒രോതി॑ ।
ധാ അ॑സി സ്വ॒ധാ അ॒സീതി॑ യോയുപ്യതേ॒ ശാന്ത്യൈ᳚ ।
ഉ॒ര്വീ ചാസി॒ വസ്വീ॑ ചാ॒സീത്യാ॑ഹ ।
ഉ॒ര്വീമേ॒വൈനാം॒-വഁസ്വീ᳚-ങ്കരോതി ।
പു॒രാ ക്രൂ॒രസ്യ॑ വി॒സൃപോ॑ വിരഫ്ശി॒ന്നിത്യാ॑ഹ മേദ്ധ്യ॒ത്വായ॑ । ഉ॒ദാ॒ദായ॑ പൃഥി॒വീ-ഞ്ജീ॒രദാ॑നു॒ര്യാമൈര॑യ-ഞ്ച॒ന്ദ്രമ॑സി സ്വ॒ധാഭി॒രിത്യാ॑ഹ ।
യദേ॒വാസ്യാ॑ അമേ॒ദ്ധ്യമ് । തദ॑പ॒ഹത്യ॑ ।
മേദ്ധ്യാ᳚-ന്ദേവ॒യജ॑നീ-ങ്കൃ॒ത്വാ ॥ 80 ॥
യദ॒ദശ്ച॒ന്ദ്രമ॑സി॒ മേദ്ധ്യ᳚മ് । തദ॒സ്യാമേര॑യതി ।
താ-ന്ധീരാ॑സോ അനു॒ദൃശ്യ॑ യജന്ത॒ ഇത്യാ॒ഹാനു॑ഖ്യാത്യൈ ॥ പ്രോക്ഷ॑ണീ॒രാസാ॑ദയ । ഇ॒ദ്ധ്മാബ॒ര്॒ഹി-രുപ॑സാദയ । സ്രു॒വ-ഞ്ച॒ സ്രുച॑ശ്ച॒ സമ്മൃ॑ഡ്ഢി । പത്നീ॒ഗ്ം॒ സന്ന॑ഹ്യ । ആജ്യേ॑നോ॒ദേഹീത്യാ॑ഹാനുപൂ॒ര്വതാ॑യൈ । പ്രോക്ഷ॑ണീ॒രാസാ॑ദയതി । ആപോ॒ വൈ ര॑ക്ഷോ॒ഘ്നീഃ ॥ 81 ॥
രക്ഷ॑സാ॒മപ॑ഹത്യൈ । സ്ഫ്യസ്യ॒ വര്ത്മന്᳚-ഥ്സാദയതി । യ॒ജ്ഞസ്യ॒ സന്ത॑ത്യൈ । ഉ॒വാച॒ ഹാസി॑തോ ദൈവ॒ലഃ । ഏ॒താവ॑തീ॒ര്വാ അ॒മുഷ്മി॑ന് ഁലോ॒ക ആപ॑ ആസന്ന് ।
യാവ॑തീഃ॒ പ്രോക്ഷ॑ണീ॒രിതി॑ । തസ്മാ᳚-ദ്ബ॒ഹ്വീരാ॒സാദ്യാഃ᳚ । സ്ഫ്യമു॒ദസ്യന്ന്॑ । യ-ന്ദ്വി॒ഷ്യാത്ത-ന്ധ്യാ॑യേത് । ശു॒ചൈവൈന॑-മര്പയതി ॥ 82 ॥
(വൈ വാ॒യു - രാ॑ഹ - പരാ॒വതീത്യാ॒ഹാ - ഹ॑ - ദ്വി॒തീയഗ്ം॑ ഹര॒ - തീതി॑ - പരിഗൃ॒ഹ്ണന്തി॑ - ദേവ॒യജ॑നീ-ങ്കരോതി - ഭവന്തി - ഖനത്യ - ക - രേ॒തത് - കൃ॒ത്വാ - ര॑ക്ഷോ॒ഘ്നീ - ര॑ര്പയതി) (അ. 9)
അനുവാകം 10 - ഇധ്മാബര്ഹി-സ്സാദനമ്
വജ്രോ॒ വൈ സ്ഫ്യഃ । യദ॒ന്വഞ്ച॑-ന്ധാ॒രയേ᳚ത് । വജ്രേ᳚-ഽദ്ധ്വ॒ര്യുഃ, ക്ഷ॑ണ്വീത । പു॒രസ്താ᳚-ത്തി॒ര്യഞ്ച॑-ന്ധാരയതി । വജ്രോ॒ വൈ സ്ഫ്യഃ । വജ്രേ॑ണൈ॒വ യ॒ജ്ഞസ്യ॑ ദക്ഷിണ॒തോ രക്ഷാ॒ഗ്॒സ്യപ॑ഹന്തി ।
അ॒ഗ്നിഭ്യാ॒-മ്പ്രാച॑ശ്ച പ്ര॒തീച॑ശ്ച । സ്ഫ്യേനോദീ॑ചശ്ചാ-ധ॒രാച॑ശ്ച । സ്ഫ്യേന॒ വാ ഏ॒ഷ വജ്രേ॑ണാ॒സ്യൈ പാ॒പ്മാന॒-മ്ഭ്രാതൃ॑വ്യ-മപ॒ഹത്യ॑ ।
ഉ॒ത്ക॒രേ-ഽധി॒ പ്രവൃ॑ശ്ചതി ॥ 83 ॥
യഥോ॑പ॒ധായ॑ വൃ॒ശ്ചന്ത്യ॒വമ് । ഹസ്താ॒വവ॑ നേനിക്തേ । ആ॒ത്മാന॑മേ॒വ പ॑വയതേ । സ്ഫ്യ-മ്പ്രക്ഷാ॑ലയതി മേദ്ധ്യ॒ത്വായ॑ । അഥോ॑ പാ॒പ്മന॑ ഏ॒വ ഭ്രാതൃ॑വ്യസ്യ ന്യ॒ങ്ഗ-ഞ്ഛി॑നത്തി ॥ ഇ॒ദ്ധ്മാ-ബ॒ര്॒ഹി-രുപ॑സാദയതി॒ യുക്ത്യൈ᳚ । യ॒ജ്ഞസ്യ॑ മിഥുന॒ത്വായ॑ ।
അഥോ॑ പുരോ॒രുച॑മേ॒വൈതാ-ന്ദ॑ധാതി ।
ഉത്ത॑രസ്യ॒ കര്മ॒ണോ-ഽനു॑ഖ്യാത്യൈ ।
ന പു॒രസ്താ᳚-ത്പ്ര॒ത്യഗുപ॑സാദയേത് ॥ 84 ॥
യ-ത്പു॒രസ്താ᳚-ത്പ്ര॒ത്യ-ഗു॑പസാ॒ദയേ᳚ത് ।
അ॒ന്യത്രാ॑ഹുതിപ॒ഥാദി॒ദ്ധ്മ-മ്പ്രതി॑പാദയേത് । പ്ര॒ജാ വൈ ബ॒ര്॒ഹിഃ । അപ॑രാദ്ധ്നുയാ-ദ്ബ॒ര്॒ഹിഷാ᳚ പ്ര॒ജാനാ᳚-മ്പ്ര॒ജന॑നമ് । പ॒ശ്ചാത്-പ്രാഗുപ॑സാദയതി । ആ॒ഹു॒തി॒പ॒ഥേനേ॒ദ്ധ്മ-മ്പ്രതി॑പാദയതി ।
സ॒പ്ര॒ന്ത്യേ॑വ ബ॒ര്॒ഹിഷാ᳚ പ്ര॒ജാനാ᳚-മ്പ്ര॒ജന॑ന॒മുപൈ॑തി । ദക്ഷി॑ണമി॒ദ്ധ്മമ് ।
ഉത്ത॑ര-മ്ബ॒ര॒ഃഇഃ । ആ॒ത്മാ വാ ഇ॒ദ്ധ്മഃ ।
പ്ര॒ജാ ബ॒ര്॒ഹിഃ । പ്ര॒ജാ ഹ്യാ᳚ത്മന॒ ഉത്ത॑രതരാ തീ॒ര്ഥേ ।
തതോ॒ മേധ॑മുപ॒നീയ॑ । യ॒ഥാ॒ ദേ॒വ॒തമേ॒വൈന॒ത്-പ്രതി॑ഷ്ഠാപയതി । പ്രതി॑തിഷ്ഠതി പ്ര॒ജയാ॑ പ॒ശുഭി॒-ര്യജ॑മാനഃ ॥ 85 ॥
(വൃ॒ശ്ച॒തി॒ - സാ॒ദ॒യേ॒ - ദി॒ദ്ധ്മഃ പഞ്ച॑ ച) (അ. 10)
(തൃതീയ॑സ്യാം - ദേ॒വസ്യാ᳚ശ്വപ॒ര്॒ശും-യോഁ വൈ - പൂ᳚ര്വേ॒ദ്യുഃ - കര്മ॑ണേ വാ॒ - മിന്ദ്രോ॑ വൃ॒ത്രമ॑ഹ॒ന്-ഥ്സോ॑-ഽപോ - ഽവ॑ധൂതം॒ - ധൃഷ്ടി॑--ര് ദേ॒വസ്യേത്യാ॑ഹ॒ സംവഁ॑പാമി - ദേ॒വസ്യ॒ സ്ഫ്യമാദ॑ദേ॒ - വജ്രോ॒ വൈ സ്ഫ്യോ ദശ॑)
(തൃ॒തീയ॑സ്യാം - ഁയ॒ജ്ഞസ്യാന॑തിരേകായ - പ॒വിത്ര॑വത്യ - ധ്വ॒ര്യു-ഞ്ചാ॑ - ധി॒ഷവ॑ണമസ്യ॒ - ന്തരി॑ക്ഷ ഏ॒വ - രക്ഷ॑സാമ॒ന്തര്ഹി॑ത്യൈ॒ - ദ്വൌ വാവ പുരു॑ഷോ॒ - യദ॒ദശ്ച॒ന്ദ്രമ॑സി॒ മേദ്ധ്യ॒-മ്പഞ്ചാശീ॑തിഃ)
(തൃ॒തീയ॑സ്യാം॒ - ഁയജ॑മാനഃ)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ ബ്രാഹ്മണേ തൃതീയാഷ്ടകേ ദ്വിതീയഃ പ്രപാഠക-സ്സമാപ്തഃ ॥
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhakaḥ - daśapūrṇamāseṣṭibrāhmaṇam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - vathsāpākaraṇam
tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat |
tasya̭ pa॒rṇama̭cchidyata | ta-tpa॒rṇo̭-'bhavat | ta-tpa॒rṇasya̭ parṇa॒tvam | brahma॒ vai pa॒rṇaḥ | ya-tpa̭rṇaśā॒khayā̭ va॒thsāna̭pāka॒roti̭ |
brahma̭ṇai॒vainā̭na॒pāka̭roti || gā॒ya॒tro vai pa॒rṇaḥ | gā॒ya॒trāḥ pa॒śavaḥ̭ || 1 ||
tasmā॒-ttrīṇi̭trīṇi pa॒rṇasya̭ palā॒śāni̭ | tri॒padā̭ gāya॒trī | ya-tpa̭rṇaśa॒khayā॒ gāḥ prā॒rpaya̭ti | svayai॒vainā̭ de॒vata̭yā॒ prārpa̭yati | ya-ṅkā॒mayḙtā pa॒śu-ssyā॒diti̭ | a॒pa॒rṇā-ntasmai॒ śuṣkā᳚grā॒māha̭ret |
a॒pa॒śure॒va bha̭vati | ya-ṅkā॒mayḙta paśu॒mān-thsyā॒diti̭ | ba॒hu॒pa॒rṇā-ntasmai̭ bahuśā॒khāmāha̭ret | pa॒śu॒manta̭-me॒vaina̭-ṅkaroti || 2 ||
ya-tprācī̭mā॒hare᳚t | de॒va॒lo॒ka-ma॒bhija̭yet | yadudī̭cī-mmanuṣyalo॒kam | prācī॒mudī̭cī॒māha̭rati | u॒bhayo᳚-rlo॒kayo̭-ra॒bhiji̭tyai || i॒ṣe tvo॒rje tvetyā̭ha | iṣa̭me॒vorjaṃ॒-ya~ja̭māne dadhāti ||
vā॒yava॒-ssthetyā̭ha | vā॒yurvā a॒ntari̭kṣa॒-syāddhya̭kṣāḥ |
a॒nta॒ri॒kṣa॒de॒va॒tyāḥ᳚ khalu॒ vai pa॒śavaḥ̭ || 3 ||
vā॒yava̭ e॒vainā॒-npari̭ dadāti | pra vā ḙnāne॒tadā-ka̭roti | yadāha̭ | vā॒yava॒-ssthetyṷpā॒yavaḥ॒
sthetyā̭ha | yaja̭mānāyai॒va pa॒śūnupa̭hvayate ||
de॒vo vaḥ̭ savi॒tā prārpa̭ya॒tvityā̭ha॒ prasū᳚tyai || śreṣṭha̭tamāya॒ karma̭ṇa॒ ityā̭ha |
ya॒jño hi śreṣṭha̭tama॒-ṅkarma̭ | tasmā̭de॒vamā̭ha ||
āpyā̭yaddhvamaghniyā devabhā॒gamityā̭ha || 4 ||
va॒thsebhya̭śca॒ vā e॒tāḥ pu॒rā ma̭nu॒ṣye᳚bhya॒-ścāpyā̭yanta | de॒vebhya̭ e॒vainā॒ indrā॒yāpyā̭yati || ūrja̭svatīḥ॒ paya̭svatī॒rityā̭ha | ūrja॒gṃ ॒hi payaḥ̭ sa॒mbhara̭nti || pra॒jāva̭tī-ranamī॒vā a̭ya॒kṣmā ityā̭ha॒ prajā᳚tyai | māvaḥ̭ ste॒na ī̭śata॒ mā-'ghaśagṃ̭sa॒ ityā̭ha॒ guptyai᳚ || ru॒drasya̭ he॒tiḥ pari̭ vo vṛṇa॒ktvityā̭ha | ru॒drā de॒vainā᳚-strāyate ||
dhru॒vā a॒smi-ngopa̭tau syāta ba॒hvīrityā̭ha |
dhru॒vā e॒vāsmi̭-nba॒hvīḥ ka̭roti || 5 ||
yaja̭mānasya pa॒śū-npā॒hītyā̭ha | pa॒śu॒nā-ṅgo̭pī॒thāya̭ | tasmā᳚thsā॒ya-mpa॒śava॒ upa̭ sa॒māva̭rtante || ana̭dha-ssādayati | garbhā̭ṇā॒-ndhṛtyā॒ apra̭pādāya | tasmā॒dgarbhāḥ᳚ pra॒jānā॒mapra̭pādukāḥ |
u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 6 ||
(pa॒śavaḥ̭ - karoti - pa॒śavo̭ - devabhā॒gamityā̭ha - karoti॒ - +nava̭ ca) (a. 1)
anuvākaṃ 2 - barhirāharaṇam
de॒vasya̭ tvā savi॒tuḥ pra̭sa॒va itya̭śvapa॒r॒śumāda̭tte॒ prasū᳚tyai |
a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ || yo vā oṣa̭dhīḥ parva॒śo veda̭ | nainā॒-ssa hi̭nasti | pra॒jāpa̭ti॒rvā oṣa̭dhīḥ parva॒śo vḙda | sa ḙnā॒ na hi̭nasti | a॒śva॒pa॒rśvā ba॒r॒hiracchai̭ti |
prā॒jā॒pa॒tyo vā aśvaḥ̭ sayoni॒tvāya̭ || 7 ||
oṣa̭dhīnā॒mahigṃ̭sāyai ||
ya॒jñasya̭ gho॒ṣada॒sītyā̭ha |
yaja̭māna e॒va ra॒yi-nda̭dhāti | pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || preyama̭gāddhi॒ṣaṇā̭ ba॒r॒hiracchetyā̭ha | vi॒dyā vai dhi॒ṣaṇā᳚ | vi॒dyayai॒vaina॒dacchai̭ti || manṷnā kṛ॒tā sva॒dhayā॒ vita॒ṣṭetyā̭ha | mā॒na॒vī hi parśuḥ̭ sva॒dhākṛ̭tā || 8 ||
ta āva̭hanti ka॒vayaḥ̭ pu॒rastā॒dityā̭ha | śu॒śru॒vāgṃso॒ vai ka॒vayaḥ̭ | ya॒jñaḥ pu॒rastā᳚t | mu॒kha॒ta e॒va ya॒jñamāra̭bhate | atho॒ yade॒tadu॒ktvā yataḥ॒ kuta̭ścā॒hara̭ti | ta-tprācyā̭ e॒va di॒śo bha̭vati ||
de॒vebhyo॒ juṣṭa̭mi॒ha ba॒r॒hirā॒sada॒ ityā̭ha | ba॒r॒hiṣa॒-ssamṛ̭ddhyai | karma॒ṇo-'na̭parādhāya || de॒vānā᳚-mpariṣū॒tama॒sītyā̭ha || 9 ||
yadvā i॒da-ṅki-ñca̭ | ta-dde॒vānā᳚-mpariṣū॒tam |
atho॒ yathā॒ vasya̭se prati॒ procyāhe॒da-ṅka̭riṣyā॒mīti̭ | e॒vame॒va tada̭ddhva॒ryu-rde॒vebhyaḥ̭ prati॒ procya̭ ba॒r॒hirdā̭ti | ā॒tmano-'higṃ̭sāyai || yāva̭ta-ssta॒mbā-npa̭ri di॒śet | yatteṣā̭-mucchi॒gg॒ṣyāt | ati॒ ta-dya॒jñasya̭ recayet | ekagg̭ sta॒mba-mpari̭diśet |
tagṃ sarva̭-ndāyāt || 10 ||
ya॒jñasyāna̭tirekāya || va॒r॒ṣavṛ̭ddha-ma॒sītyā̭ha |
va॒r॒ṣa vṛ̭ddhā॒ vā oṣa̭dhayaḥ ||
deva̭ barhi॒rityā̭ha | de॒vebhya̭ e॒vaina̭-tkaroti |
mā tvā॒-'nvammā ti॒ryagityā॒hā higṃ̭sāyai |
parva̭ te rāddhyāsa॒mityā॒-hardhyai᳚ ||
ā॒cche॒ttā te॒ mā ri̭ṣa॒mityā̭ha | nāsyā॒tmano̭ mīyate |
ya e॒vaṃ-ve~da̭ || 11 ||
deva̭barhi-śśa॒tava̭lśaṃ॒-vi~ro॒hetyā̭ha | pra॒jā vai ba॒r॒hiḥ | pra॒jānā᳚-mpra॒jana̭nāya || sa॒hasra̭valśā॒ vi va॒yagṃ rṷhe॒metyā̭ha | ā॒śiṣa̭me॒vaitāmāśā᳚ste || pṛ॒thi॒vyā-ssa॒pṛñcaḥ̭ pā॒hītyā̭ha॒ prati̭ṣṭhityai ||
ayṷṅgāyuṅgā-nmu॒ṣṭīn ~lṷnoti | mi॒thu॒na॒tvāya॒ prajā᳚tyai || su॒sa॒bhṛntā᳚ tvā॒ sambha̭rā॒mītyā̭ha | brahma̭ṇai॒vaina॒th- sambha̭rati || 12 ||
adi̭tyai॒ rāsnā॒-'sītyā̭ha | i॒yaṃ-vā~ adi̭tiḥ |
a॒syā e॒vaina॒-drāsnā᳚-ṅkaroti || i॒ndrā॒ṇyai sa॒naṃha̭na॒mityā̭ha | i॒ndrā॒ṇī vā agrḙ de॒vatā̭nā॒gṃ॒ sama̭nahyata | sā ''rdhno᳚t |
ṛddhyai॒ sanna̭hyati | pra॒jā vai ba॒r॒hiḥ |
pra॒jānā॒mapa̭rāvāpāya |
tasmā॒-thsnāva̭santatāḥ pra॒jā jā̭yante || 13 ||
pū॒ṣā te᳚ gra॒nthi-ṅgra̭thnā॒tvityā̭ha |
puṣṭi̭me॒va yaja̭māne dadhāti || sa te॒ mā-'' sthā॒dityā॒hāhigṃ̭sāyai || pa॒ścā-tprāñca॒mupa̭gūhati |
pa॒ścā-dvai prā॒cīna॒gṃ॒ reto̭ dhīyate |
pa॒ścāde॒vāsmai᳚ prā॒cīna॒gṃ॒ reto̭ dadhāti ||
indra̭sya tvā bā॒hubhyā॒-mudya̭ccha॒ ityā̭ha | i॒ndri॒yame॒va yaja̭māne dadhāti ||
bṛha॒spate᳚rmū॒rdhnā ha̭rā॒mītyā̭ha |
brahma॒ vai de॒vānā॒-mbṛha॒spatiḥ̭ || 14 ||
brahma̭ṇai॒vaina̭ddharati || u॒rva̭ntari̭kṣa॒-manvi॒hītyā̭ha॒ gatyai᳚ || de॒va॒ga॒mmama॒sītyā̭ha | de॒vāne॒vaina̭dgamayati || ana̭dha-ssādayati |
garbhā̭ṇā॒-ndhṛtyā॒ apra̭pādāya | tasmā॒-dgarbhāḥ᳚ pra॒jānā॒mapra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 15 ||
(sa॒yo॒ni॒tvāya̭ - sva॒dhākṛ̭tā॒ - 'sītyā̭ha - dāyā॒-d- veda̭ - bharati - jāyante॒ - bṛha॒spatiḥ॒ - sama̭ṣṭyai) (a. 2)
anuvākaṃ 3 - dohanam
pū॒rve॒dyuri॒ddhmā ba॒r॒hiḥ ka̭roti | ya॒jñame॒vārabhya̭ gṛhī॒tvopa̭vasati || pra॒jāpa̭ti-rya॒jñama̭sṛjata | tasyo॒khe a̭sragṃsetām | ya॒jño vai pra॒jāpa̭tiḥ |
ya-thsā᳚nnāyyo॒khe bhava̭taḥ |
ya॒jñasyai॒va tadu॒khe upa̭dadhā॒tya-pra̭sragṃsāya ||
śundha̭ddhva॒-ndaivyā̭ya॒ karma̭ṇe devaya॒jyāyā॒ ityā̭ha | de॒va॒ya॒jyāyā̭ e॒vainā̭ni śundhati || mā॒ta॒riśva̭no gha॒rmo̭-'sītyā̭ha || 16 ||
a॒ntari̭kṣaṃ॒-vai~ mā̭ta॒riśva̭no gha॒rmaḥ |
e॒ṣāṃ-lo~॒kānāṃ॒-vi~dhṛ̭tyai ||
dyaura̭si pṛthi॒vya̭sītyā̭ha | di॒vaśca॒ hyḙṣā pṛ̭thi॒vyāśca॒ sambhṛ̭tā | yadu॒khā |
tasmā̭de॒vamā̭ha || vi॒śvadhā̭yā asi para॒meṇa॒ dhāmnetyā̭ha | vṛṣṭi॒rvai vi॒śvadhā̭yāḥ | vṛṣṭi̭me॒vāva̭rundhe | dṛgṃha̭sva॒ mā hvā॒rityā̭ha॒ dhṛtyai᳚ || 17 ||
vasṷ̄nā-mpa॒vitra̭ma॒sītyā̭ha | prā॒ṇā vai vasa̭vaḥ |
teṣāṃ॒-vā~ e॒ta-dbhā̭ga॒dheya᳚m | ya-tpa॒vitra᳚m | tebhya̭ e॒vaina̭-tkaroti || śa॒tadhā̭ragṃ sa॒hasra̭dhāra॒mityā̭ha | prā॒ṇeṣve॒vāyṷ-rdadhāti sarva॒tvāya̭ || tri॒vṛ-tpa̭lāśaśā॒khāyā᳚-ndarbha॒maya̭-mbhavati | tri॒vṛdvai prā॒ṇaḥ | tri॒vṛta̭me॒va prā॒ṇa-mma̭ddhya॒to yaja̭māne dadhāti || 18 ||
sau॒myaḥ pa॒rṇa-ssa̭yoni॒tvāya̭ | sā॒kṣā-tpa॒vitra̭-nda॒rbhāḥ | prākhsā॒yamadhi॒ nida̭dhāti | ta-tprā̭ṇāpā॒nayo̭ rū॒pam | ti॒ryakprā॒taḥ | ta-ddarśa̭sya rū॒pam | dā॒rśyagg hyḙtadahaḥ̭ | annaṃ॒-vai~ ca॒ndramāḥ᳚ |
anna̭-mprā॒ṇāḥ | u॒bhaya̭me॒vopai॒tyajā̭mitvāya || 19 ||
tasmā̭da॒yagṃ sa॒rvataḥ̭ pavate || hu॒ta-ssto॒ko hu॒to dra॒phsa ityā̭ha॒ prati̭ṣṭhityai | ha॒viṣo-'ska̭ndāya |
na hi hu॒tagg svāhā̭kṛta॒gg॒ skanda̭ti |
di॒vi nāko॒ nāmā॒gniḥ | tasya̭ vi॒pruṣo̭ bhāga॒dheya᳚m |
a॒gnayḙ bṛha॒te nākā॒yetyā̭ha |
nāka̭me॒vāgni-mbhā̭ga॒dheyḙna॒ sama̭rdhayati |
svāhā॒ dyāvā̭pṛthi॒vībhyā॒mityā̭ha |
dyāvā̭pṛthi॒vyore॒vaina॒t-prati̭ṣṭhāpayati || 20 ||
pa॒vitra̭va॒tyāna̭yati | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati | atho॒ oṣa̭dhīṣve॒va pa॒śū-nprati̭ṣṭhāpayati || a॒nvā॒rabhya॒ vācaṃ̭-ya~cchati |
ya॒jñasya॒ dhṛtyai᳚ | dhā॒raya̭nnāste | dhā॒raya̭nta iva॒ hi du॒hanti̭ | kāma̭dhukṣa॒ ityā॒hātṛ॒tīya̭syai | traya̭ i॒me lo॒kāḥ | i॒māne॒va lo॒kān. yaja̭māno duhe || 21 ||
a॒mūmiti॒ nāma̭ gṛhṇāti | bha॒drame॒vāsā॒-ṅkarmā॒viṣka̭roti || sā vi॒śvāyu॒-ssā vi॒śvavya̭cā॒-ssā vi॒śvaka॒rmetyā̭ha | i॒yaṃ-vai~ vi॒śvāyuḥ̭ |
a॒ntari̭kṣaṃ-vi~॒śvavya̭cāḥ | a॒sau vi॒śvaka̭rmā |
i॒māne॒vaitābhi̭rlo॒kān. ya̭thāpū॒rva-ndṷhe |
atho॒ yathā᳚ pradā॒tre puṇya̭mā॒śāste᳚ | e॒vame॒vainā̭ e॒tadupa̭stauti | tasmā॒t-prādā॒dityu॒nnīya॒ vanda̭mānā upastu॒vantaḥ̭ pa॒śū-ndṷhanti || 22 ||
ba॒hu du॒gdhīndrā̭ya de॒vebhyo̭ ha॒viriti॒ vācaṃ॒-vi~sṛ̭jate | ya॒thā॒ de॒va॒tame॒va prasaṷti |
daivya̭sya ca mānu॒ṣasya̭ ca॒ vyāvṛ̭ttyai |
trirā̭ha | triṣa̭tyā॒ hi de॒vāḥ | avā̭caṃ-ya~॒mo-'na̭nvā-ra॒bhyotta̭rāḥ | apa̭rimitame॒vāva̭rundhe ||
na dā̭rupā॒treṇa̭ duhyāt | a॒gni॒vadvai dā̭rupā॒tram |
ya-ddā̭rupā॒treṇa̭ du॒hyāt || 23 ||
yā॒tayā᳚mnā ha॒viṣā̭ yajeta | atho॒ khalvā̭huḥ |
pu॒ro॒ḍāśa̭mukhāni॒ vai ha॒vīgṃṣi̭ | neta i̭taḥ puro॒ḍāśagṃ̭ ha॒viṣo॒ yāmo॒-'stīti̭ |
kāma̭me॒va dā̭rupā॒treṇa̭ duhyāt || śū॒dra e॒va na dṷhyāt | asa̭to॒ vā e॒ṣa sambhṷ̄taḥ | yacchū॒draḥ | aha̭vire॒va tadityā̭huḥ | yacchū॒dro dogdhīti̭ || 24 ||
a॒gni॒ho॒trame॒vana dṷhyācchū॒draḥ | taddhi not-pu॒nanti̭ | ya॒dā khalu॒ vai pa॒vitra̭ma॒tyeti̭ | atha॒ taddha॒viriti̭ ||
sampṛ̭cyaddhva-mṛtāvarī॒rityā̭ha | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati |
tasmā̭da॒pā-ñcauṣa̭dhīnā-ñca॒ rasa॒mupa̭ jīvāmaḥ |
ma॒ndrā dhana̭sya sā॒taya॒ ityā̭ha | puṣṭi̭me॒va yaja̭māne dadhāti || somḙna॒ tvā-''ta̭na॒cmīndrā̭ya॒ dadhītyā̭ha || 25 ||
soma̭me॒vaina̭-tkaroti | yo vai soma̭-mbhakṣayi॒tvā |
saṃ॒va~॒thsa॒ragṃ soma॒-nna piba̭ti | pu॒na॒rbhakṣyo᳚-'sya somapī॒tho bha̭vati ||
somaḥ॒ khalu॒ vai sā᳚nāṃ॒yyam | ya e॒vaṃ-vi~॒dvān-thsā᳚nāṃ॒yya-mpiba̭ti | a॒pu॒na॒rbhakṣyo᳚-'sya somapī॒tho bha̭vati | na mṛ॒nmaye॒nāpi̭daddhyāt |
ya-nmṛ॒nmayḙnāpida॒ddhyāt |
pi॒tṛ॒de॒va॒tyagg̭ syāt || 26 ||
a॒ya॒spā॒treṇa̭ vā dārupā॒treṇa॒ vā-'pi̭dadhāti |
taddhi sadḙvam || u॒da॒nvad- bha̭vati | āpo॒ vai ra̭kṣo॒ghnīḥ | rakṣa̭sā॒-mapa̭hatyai ||
ada̭stamasi॒ viṣṇa̭ve॒ tvetyā̭ha | ya॒jño vai viṣṇuḥ̭ |
ya॒jñāyai॒vaina॒dada̭sta-ṅkaroti | viṣṇo̭ ha॒vyagṃ ra̭kṣa॒svetyā̭ha॒ guptyai᳚ || ana̭dha-ssādayati | garbhā̭ṇā॒-ndhṛtyā॒ apra̭pādāya |
tasmā॒-dgarbhāḥ᳚ pra॒jānā॒ma pra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ | su॒va॒rgasya̭ lo॒kasya॒ sama̭ṣṭyai || 27 ||
(a॒sītyā̭ha॒ - dhṛtyai॒ - yaja̭māne dadhā॒ - tyajā̭mitvāya - sthāpayati - duhe - duhanti - du॒hyā-d- dogdhīti॒ - dadhītyā̭ha - syāth - sādayati॒ pañca̭ ca) (a. 3)
anuvākaṃ 4 - havirnirvāpaḥ
karma̭ṇe vā-nde॒vebhyaḥ̭ śakeya॒mityā̭ha॒ śaktyai᳚ |
ya॒jñasya॒ vai santa̭ti॒manṷ pra॒jāḥ pa॒śavo॒ yaja̭mānasya॒ santā̭yante | ya॒jñasya॒ vicchi̭tti॒manṷ pra॒jāḥ pa॒śavo॒ yaja̭mānasya॒ vicchi̭dyante |
ya॒jñasya॒ santa̭tirasi ya॒jñasya̭ tvā॒ santa̭tyai stṛṇāmi॒ santa̭tyai tvā ya॒jñasyetyāha̭va॒nīyā॒-thsanta̭noti | yaja̭mānasya pra॒jāyai̭ paśū॒nāgṃ santa̭tyai || a॒paḥ praṇa̭yati | śra॒ddhā vā āpaḥ̭ | śra॒ddhāme॒vārabhya̭ pra॒ṇīya॒ praca̭rati | a॒paḥ praṇa̭yati | ya॒jño vā āpaḥ̭ || 28 ||
ya॒jñame॒vārabhya̭ pra॒ṇīya॒ praca̭rati | a॒paḥ praṇa̭yati | vajro॒ vā āpaḥ̭ | vajra̭me॒va bhrātṛ̭vyebhyaḥ pra॒hṛtya̭ pra॒ṇīya॒ praca̭rati | a॒paḥ praṇa̭yati |
āpo॒ vai ra̭kṣo॒ghnīḥ | rakṣa̭sā॒-mapa̭hatyai | a॒paḥ praṇa̭yati | āpo॒ vai de॒vānā᳚-mpri॒ya-ndhāma̭ |
de॒vānā̭me॒va pri॒ya-ndhāma̭ pra॒ṇīya॒ praca̭rati || 29 ||
a॒paḥ praṇa̭yati | āpo॒ vai sarvā̭ de॒vatāḥ᳚ |
de॒vatā̭ e॒vārabhya̭ pra॒ṇīya॒ praca̭rati || veṣā̭ya॒ tvetyā̭ha | veṣā̭ya॒ hyḙnadāda॒tte || pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || dhūra॒sītyā̭ha | e॒ṣa vai dhuryo॒-'gniḥ | taṃ-ya~danṷpaspṛśyātī॒yāt || 30 ||
a॒ddhva॒ryu-ñca॒ yaja̭māna-ñca॒ prada̭het | u॒pa॒spṛśyātyḙti | a॒ddhva॒ryośca॒ yaja̭mānasya॒ cāpra̭dāhāya || dhūrva॒ taṃyo~᳚-'smā-ndhūrva̭ti॒ ta-ndhū᳚rva॒ yaṃ-va~॒ya-ndhūrvā̭ma॒ ityā̭ha |
dvau vāva purṷṣau | ya-ñcai॒va dhūrva̭ti | yaścai̭na॒-ndhūrva̭ti | tāvu॒bhau śu॒cā-'rpa̭yati || tva-nde॒vānā̭masi॒ sasni̭tama॒-mpapri̭tama॒-ñjuṣṭa̭tamaṃ॒-va~hni̭tama-ndeva॒hūta̭ma॒mityā̭ha | ya॒thā॒ ya॒jure॒vai tat || 31 ||
ahrṷtamasi havi॒rdhāna॒-mityā॒hānā᳚rtyai |
dṛgṃha̭sva॒ mā hvā॒rityā̭ha॒ dhṛtyai᳚ ||
mi॒trasya̭ tvā॒ cakṣṷṣā॒ prekṣa॒ ityā̭ha mitra॒tvāya̭ |
mā bhermā saṃvi~̭kthā॒ mā tvā̭ higṃsiṣa॒-mityā॒hāhigṃ̭sāyai | yadvai ki-ñca॒ vāto॒ nābhi॒vāti̭ |
ta-thsarvaṃ̭-va~ruṇadeva॒tya᳚m || u॒ru vātā॒yetyā̭ha | avā̭ruṇame॒vaina̭-tkaroti || de॒vasya̭ tvā savi॒tuḥ
pra̭sa॒va ityā̭ha॒ prasū᳚tyai |
a॒śvino᳚-rbā॒hubhyā॒mityā̭ha || 32 ||
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ | a॒gnaye॒ juṣṭa॒-nnirva̭pā॒mītyā̭ha | a॒gnaya̭ e॒vainā॒ñjuṣṭaṃ॒
nirva̭pati | triryajṷṣā | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ | tū॒ṣṇī-ñca̭tu॒rtham |
apa̭rimitame॒vāva̭rundhe | sa e॒vame॒vānṷpū॒rvagṃ ha॒vīgṃṣi॒ nirva̭pati || 33 ||
i॒da-nde॒vānā̭mi॒damṷ na-ssa॒hetyā̭ha॒ vyāvṛ̭ttyai ||
sphā॒tyai tvā॒ nārā᳚tyā॒ ityā̭ha॒ guptyai᳚ | tama̭sīva॒ vā e॒ṣo᳚-'ntaśca̭rati | yaḥ pa̭rī॒ṇahi̭ || suva̭ra॒bhi vikhyḙṣaṃ-vai~śvāna॒ra-ñjyoti॒rityā̭ha |
suva̭re॒vābhi vi pa̭śyati vaiśvāna॒ra-ñjyotiḥ̭ |
dyāvā̭pṛthi॒vī ha॒viṣi̭ gṛhī॒ta uda̭vepetām ||
dṛgṃha̭ntā॒-nduryā॒ dyāvā̭pṛthi॒vyorityā̭ha |
gṛ॒hāṇā॒-ndyāvā̭pṛthi॒vyo-rdhṛtyai᳚ ||
u॒rva̭ntari̭kṣa॒-manvi॒hītyā̭ha॒ gatyai᳚ ||
adi̭tyāstvo॒pasthḙ sādayā॒mītyā̭ha | i॒yaṃ-vā~ adi̭tiḥ | a॒syā e॒vaina̭du॒pasthḙ sādayati ||
agnḙ ha॒vyagṃ ra̭kṣa॒svetyā̭ha॒ guptyai᳚ || 34 ||
(ya॒jño vā āpo॒ - dhāma̭ pra॒ṇīya॒ praca̭ra - tyatī॒yā - de॒ta-d- bā॒hubhyā॒mityā̭ha - ha॒vigṃṣi॒ nirva̭pati॒ - gatyai̭ ca॒tvāri̭ ca) (a. 4)
anuvākaṃ 5 - vrīhyavaghātaḥ
indro̭ vṛ॒trama̭hann | so̭-'paḥ | a॒bhya̭mriyata |
tāsāṃ॒-ya~nmeddhyaṃ̭-ya~॒jñiya॒gṃ॒ sadḙva॒māsī᳚t | tadapoda̭krāmat | te da॒rbhā a̭bhavann | ya-dda॒rbhaira॒pa ṷtpu॒nāti̭ | yā e॒va meddhyā̭ ya॒jñiyā॒-ssadḙvā॒ āpaḥ̭ | tābhi̭re॒vainā॒ utpṷnāti | dvābhyā॒mutpṷnāti || 35 ||
dvi॒pā-dyaja̭mānaḥ॒ prati̭ṣṭhityai || de॒vo vaḥ̭ savi॒tot-pṷnā॒tvityā̭ha | sa॒vi॒tṛpra̭sūta e॒vainā॒ utpṷnāti | acchi̭dreṇa pa॒vitre॒ṇetyā̭ha | a॒sau vā ā̭di॒tyo-'cchi̭dra-mpa॒vitra᳚m | tenai॒vainā॒ utpṷnāti | vaso॒-ssūrya̭sya ra॒śmibhi॒rityā̭ha | prā॒ṇā vā āpaḥ̭ | prā॒ṇā vasa̭vaḥ | prā॒ṇā ra॒śmayaḥ̭ || 36 ||
prā॒ṇaire॒va prā॒ṇān-thsampṛ̭ṇakti | sā॒vi॒tri॒yarcā |
sa॒vi॒tṛpra̭sūta-mme॒ karmā̭sa॒diti̭ |
sa॒vi॒tṛpra̭sūtame॒vāsya॒ karma̭ bhavati |
pa॒ccho gā̭yatri॒yā tri̭ṣṣamṛddha॒tvāya̭ ||
āpo̭ devīragrepuvo agreguva॒ ityā̭ha |
rū॒pa-me॒vāsā̭me॒ta-nma̭hi॒mānaṃ॒-vyā~ca̭ṣṭe |
agra̭ i॒maṃ-ya~॒jña-nna̭ya॒tāgrḙ
ya॒jñapa̭ti॒mityā̭ha | agrḙ e॒va ya॒jña-nna̭yanti |
agrḙ ya॒jñapa̭tim || 37 ||
yu॒ṣmānindro̭ 'vṛṇīta vṛtra॒tūyḙ yū॒yamindra̭mavṛṇīddhvaṃ-vṛ~tra॒tūrya॒ ityā̭ha |
vṛ॒tragṃ ha̭ hani॒ṣyannindra॒ āpo̭ vavre |
āpo॒ hendraṃ̭-va~vrire | sa॒jñāṃ-me॒vāsā̭me॒ta-thsāmā̭naṃ॒-vyā~ca̭ṣṭe || prokṣi̭tā॒-ssthetyā̭ha | tenāpaḥ॒ prokṣi̭tāḥ || a॒gnayḙ vo॒ juṣṭa॒-mprokṣā᳚-mya॒gnīṣomā᳚bhyā॒-mityā̭ha |
ya॒thā॒ de॒va॒tame॒vainā॒-nprokṣa̭ti | triḥ prokṣa̭ti | tryā̭vṛ॒ddhi ya॒jñaḥ || 38 ||
atho॒ rakṣa̭sā॒mapa̭hatyai | śundha̭ddhvaṃ॒
daivyā̭ya॒ karma̭ṇe devaya॒jyāyā॒ ityā̭ha |
de॒va॒ya॒jyāyā̭ e॒vainā̭ni śundhati | triḥ prokṣa̭ti | tryā̭vṛ॒ddhi ya॒jñaḥ | atho̭ meddhya॒tvāya̭ | ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha |
rakṣa̭sā॒-mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ || 39 ||
a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai || pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ |
tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata |
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭ddhyava॒hanti̭ | ya॒jñāde॒va-ta-dya॒jña-mprayṷṅkte | ha॒viṣo-'ska̭ndāya || 40 ||
a॒dhi॒ṣava̭ṇamasi vānaspa॒tyamityā̭ha | a॒dhi॒ṣava̭ṇa-me॒vaina̭-tkaroti | prati॒ tvā-'di̭tyā॒stvagve॒ttvityā̭ha saya॒tvāya̭ ||
a॒gnesta॒nū-ra॒sītyā̭ha | a॒gnervā e॒ṣā ta॒nūḥ |
yadoṣa̭dhayaḥ | vā॒co vi॒sarja̭na॒mityā̭ha |
ya॒dā hi pra॒jā oṣa̭dhīnā-ma॒śnanti̭ | atha॒ vācaṃ॒-vi~sṛ̭jante | de॒vavī̭taye tvā gṛhṇā॒mītyā̭ha || 41 ||
de॒vatā̭bhire॒vaina॒-thsama̭rdhayati ||
adri̭rasi vānaspa॒tya ityā̭ha | grāvā̭ṇa-me॒vaina̭-tkaroti |
sa i॒da-nde॒vebhyo̭ ha॒vyagṃ su॒śami̭ śami॒ṣvetyā̭ha॒ śāntyai᳚ || havi̭ṣkṛ॒dehītyā̭ha |
ya e॒va de॒vānāgṃ̭ havi॒ṣkṛtaḥ̭ | tān. hva̭yati |
trirhva̭yati | triṣa̭tyā॒ hi de॒vāḥ || iṣa॒mā va॒dorja॒mā va॒detyā̭ha || 42 ||
iṣa̭me॒vorjaṃ॒-ya~ja̭māne dadhāti |
dyu॒madva̭data va॒yagṃ sa̭ghā॒nta-ñje॒ṣmetyā̭ha॒ bhrātṛ̭vyābhibhūtyai || mano᳚-śśra॒ddhādḙvasya॒ yaja̭mānasyāsura॒ghnī vāk | ya॒jñā॒yu॒dheṣu॒ pravi̭ṣṭā-''sīt | te-'sṷrā॒ yāva̭nto yajñāyu॒dhānā̭mu॒dvada̭tā-mu॒pāśṛ̭ṇvann |
te parā̭-'bhavann | tasmā॒-thsvānā॒-mmaddhyḙ-'va॒sāya̭ yajeta | yāva̭nto-'sya॒ bhrātṛ̭vyā yajñāyu॒dhānā̭-mu॒dvada̭tā-mupaśṛ॒ṇvanti̭ | te parā̭ bhavanti |
u॒ccai-ssa॒māha̭nta॒vā ā̭ha॒ viji̭tyai || 43 ||
vṛ॒ṅkta ḙṣāmindri॒yaṃ-vī~॒rya᳚m | śreṣṭha̭ eṣā-mbhavati || va॒r॒ṣa vṛ̭ddhamasi॒ prati̭ tvā va॒r॒ṣavṛ̭ddhaṃ-ve~॒ttvityā̭ha |
va॒r॒ṣavṛ̭ddhā॒ vā oṣa̭dhayaḥ |
va॒r॒ṣavṛ̭ddhā i॒ṣīkā॒-ssamṛ̭ddhyai |
ya॒jñagṃ rakṣā॒g॒syanu॒ prāvi̭śann |
tānya॒snā pa॒śubhyo̭ ni॒ravā̭dayanta |
tuṣai॒roṣa̭dhībhyaḥ || parā̭pūta॒gṃ॒ rakṣaḥ॒ parā̭pūtā॒ arā̭taya॒ ityā̭ha |
rakṣa̭sā॒mapa̭hatyai || 44 ||
rakṣa̭sā-mbhā॒go̭-'sītyā̭ha | tuṣai̭re॒va rakṣāgṃ̭si ni॒rava̭dayate | a॒pa upa̭spṛśati meddhya॒tvāya̭ | vā॒yurvo॒ vi vi̭na॒ktvityā̭ha | pa॒vitraṃ॒-vai~ vā॒yuḥ | pu॒nātye॒vaināṋ | a॒ntari̭kṣādiva॒ vā e॒te praska̭ndanti | ye śūrpā᳚t | de॒vo vaḥ̭ savi॒tā hira̭ṇyapāṇiḥ॒ prati̭gṛhṇā॒tvityā̭ha॒ prati̭ṣṭhityai |
ha॒viṣo-'ska̭ndāya | triṣpha॒līka̭rta॒vā ā̭ha | tryā̭vṛ॒ddhi ya॒jñaḥ | atho̭ meddhya॒tvāya̭ || 45 ||
(dvābhyā॒mu-tpṷnāti - ra॒śmayo̭ - naya॒ntyagrḙ ya॒jñapa̭tiṃ - ~ya॒jño - 'di̭ti॒ - raska̭ndāya - gṛhṇā॒mītyā̭ha - va॒detyā̭ha॒ - viji̭tyā॒ - apa̭hatyā॒ - aska̭ndāya॒ trīṇi̭ ca) (a. 5)
anuvākaṃ 6 - taṇḍulapeṣaṇam
ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha | rakṣa̭sā॒mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ | a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai |
pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ | tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata || 46 ||
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭dhipi॒naṣṭi̭ | ya॒jñāde॒va ta-dya॒jña-mprayṷṅkte | ha॒viṣo-'ska̭ndāya || dyāvā̭pṛthi॒vī sa॒hāstā᳚m | te śa̭myāmā॒trameka॒maha॒rvyaitāgṃ̭ śamyāmā॒trameka॒mahaḥ̭ || di॒va-sska̭mbha॒nira̭si॒ prati॒ tvā 'di̭tyā॒stvagve॒ttvityā̭ha |
dyāvā̭pṛthi॒vyo-rvītyai᳚ | dhi॒ṣaṇā̭-'si parva॒tyā
prati̭ tvā di॒va-sska̭mbha॒nirve॒ttvityā̭ha |
dyāvā̭pṛthi॒vyo-rvidhṛ̭tyai || 47 ||
dhi॒ṣaṇā̭-'si pārvate॒yī prati̭ tvā parva॒tirve॒ttvityā̭ha | dyāvā̭pṛthi॒vyordhṛtyai᳚ || de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ |
adhi̭vapā॒mītyā̭ha | ya॒thā॒de॒va॒ta-me॒vainā॒nadhi̭ vapati || dhā॒nya̭masi dhinu॒hi de॒vānityā̭ha | e॒tasya॒ yajṷṣo vī॒ryḙṇa || 48 ||
yāva॒dekā̭ de॒vatā̭ kā॒maya̭te॒ yāva॒dekā᳚ | tāva॒dāhṷtiḥ prathate | na hi tadasti̭ | yattāva̭de॒va syāt | yāva̭jju॒hoti̭ || prā॒ṇāya̭ tvā-'pā॒nāya॒ tvetyā̭ha | prā॒ṇāne॒va yaja̭māne dadhāti | dī॒rghāmanu॒ prasi̭ti॒māyṷṣe dhā॒mityā̭ha | āyṷre॒vāsmi̭-ndadhāti |
a॒ntari̭kṣādiva॒ vā e॒tāni॒ praska̭ndanti | yāni̭ dṛ॒ṣadaḥ̭ | de॒vo vaḥ̭ savi॒tā hira̭ṇyapāṇiḥ॒ prati̭ gṛhṇā॒tvityā̭ha॒ prati̭ṣṭhityai | ha॒viṣo-'ska̭ndāya ||
asaṃ̭va~pantī pigṃ̭ṣā॒ṇūni̭ kurutā॒dityā̭ha meddhya॒tvāya̭ || 49 ||
(nilā̭yata॒ - vidhṛ̭tyai - vī॒ryḙṇa - skandanti ca॒tvāri̭ ca ) (a. 6)
anuvākaṃ 7 - kapālopadhānam
dhṛṣṭi̭rasi॒ brahma̭ ya॒cchetyā̭ha॒ dhṛtyai᳚ ||
apā᳚gne॒ 'gnimā॒māda̭-ñjahi॒ niṣkra॒vyādagṃ̭
se॒dhā dḙva॒yajaṃ̭-va~॒hetyā̭ha |
ya e॒vāmātkra॒vyāt | tama̭pa॒hatya̭ | meddhye॒-'gnau ka॒pāla॒mupa̭dadhāti || nirda̭gdha॒gṃ॒ rakṣo॒ nirda̭gdhā॒ arā̭taya॒ ityā̭ha | rakṣāg̭sye॒va
nirda̭hati | a॒gni॒vatyupa̭dadhāti | a॒sminne॒va lo॒ke jyoti̭rdhatte | aṅgā̭ra॒madhi̭-vartayati || 50 ||
a॒ntari̭kṣa e॒va jyoti̭rdhatte |
ā॒di॒tyame॒vāmuṣmi̭n ~lo॒ke jyoti̭rdhatte |
jyoti̭ṣmanto-'smā i॒me lo॒kā bha̭vanti |
ya e॒vaṃ-ve~da̭ || dhru॒vama̭si pṛthi॒vī-ndṛ॒gṃ॒hetyā̭ha | pṛ॒thi॒vīme॒vaitena̭ dṛgṃhati |
dha॒rtrama̭sya॒ntari̭kṣa-ndṛ॒gṃ॒hetyā̭ha | a॒ntari̭kṣame॒vaitena̭ dṛgṃhati |
dha॒ruṇa̭masi॒ diva̭-ndṛ॒gṃ॒hetyā̭ha | diva̭me॒vaitena̭ dṛgṃhati || 51 ||
dharmā̭si॒ diśo̭ dṛ॒gṃ॒hetyā̭ha |
diśa̭ e॒vaitena̭ dṛgṃhati | i॒māne॒vaitai-rlo॒kā-ndṛgṃ̭hati | dṛgṃ ha̭nte-'smā i॒me lo॒kāḥ pra॒jayā̭ pa॒śubhiḥ̭ | ya e॒vaṃ-ve~da̭ || trīṇyagrḙ ka॒pālā॒nyupa̭dadhāti | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ |
eka॒magrḙ ka॒pāla॒mupa̭dadhāti |
ekaṃ॒-vā~ agrḙ ka॒pāla॒-mpurṷṣasya sa॒bhaṃva~̭ti || 52 ||
atha॒ dve | atha॒ trīṇi̭ | atha̭ ca॒tvāri̭ | athā॒ṣṭau |
tasmā̭da॒ṣṭāka̭pāla॒-mpurṷṣasya॒ śiraḥ̭ |
yade॒va-ṅka॒pālā᳚nyupa॒ dadhā̭ti | ya॒jño vai pra॒jāpa̭tiḥ | ya॒jñame॒va pra॒jāpa̭ti॒gṃ॒ saggska̭roti |
ā॒tmāna̭me॒va ta-thsaggska̭roti | tagṃ saggskṛ̭tamā॒tmāna᳚m || 53 ||
a॒muṣmi̭n ~lo॒ke-'nu॒parai̭ti || yada॒ṣṭāvṷpa॒ dadhā̭ti | gā॒ya॒tri॒yā ta-thsammi̭tam | yannava̭ | tri॒vṛtā॒ tat | ya-ddaśa̭ | vi॒rājā॒ tat | yadekā̭daśa | tri॒ṣṭubhā॒ tat | yaddvāda̭śa || 54 ||
jaga̭tyā॒ tat | chandaḥ̭ sammitāni॒ sa ṷpa॒dadha̭-tka॒pālā̭ni | i॒mān ~lo॒kāna̭nupū॒rva-ndiśo॒ vidhṛ̭tyai dṛgṃhati | athāyuḥ̭ prā॒ṇā-npra॒jā-mpa॒śūn. yaja̭māne dadhāti | sa॒jā॒tāna̭smā a॒bhito̭ bahu॒lān ka̭roti ||
cita॒-ssthetyā̭ha | ya॒thā॒ ya॒jure॒vaitat ||
bhṛgṷ̄ṇā॒maṅgi̭rasā॒-ntapa̭sā tapyaddhva॒mityā̭ha |
de॒vatā̭nā-me॒vainā̭ni॒ tapa̭sā tapati | tāni॒ tata॒-ssaggsthi̭te | yāni̭ gha॒rme ka॒pālā᳚n yupaci॒nvanti̭ ve॒dhasa॒ iti॒ catṷṣpadaya॒rcā vimṷñcati | catṷṣpādaḥ pa॒śavaḥ̭ | pa॒śuṣve॒vopari̭ṣṭā॒-tprati̭tiṣṭhati || 55 ||
(va॒rta॒ya॒ti॒ - diva̭me॒vaitena̭ dṛgṃhati - sa॒mbhava̭ti॒ - tagṃ saggskṛ̭tamā॒tmānaṃ॒ - dvāda̭śa॒ - saggsthi̭te॒ trīṇi̭ ca) (a. 7)
anuvākaṃ 8 - puroḍāśāniṣpādanam
de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ |
saṃva~̭pā॒mītyā̭ha | ya॒thā॒ de॒va॒tame॒vainā̭ni॒ saṃva~̭pati || samāpo̭ a॒dbhira̭gmata॒ samoṣa̭dhayo॒ rase॒netyā̭ha | āpo॒ vā oṣa̭dhī-rjinvanti | oṣa̭dhayo॒-'po ji̭nvanti |
a॒nyā vā e॒tāsā̭ma॒nyā ji̭nvanti || 56 ||
tasmā̭de॒vamā̭ha | sagṃ re॒vatī॒-rjaga̭tībhi॒-rmadhṷmatī॒-rmadhṷmatībhi-ssṛjyaddhva॒mityā̭ha |
āpo॒ vai re॒vatīḥ᳚ | pa॒śavo॒ jaga̭tīḥ | oṣa̭dhayo॒ madhṷmatīḥ | āpa॒ oṣa̭dhīḥ pa॒śūn | tāne॒vāsmā̭ eka॒dhā sa॒gṃ॒sṛjya̭ | madhṷmataḥ karoti |
a॒dbhyaḥ pari॒ prajā̭tā-sstha॒ sama॒dbhiḥ pṛ̭cyaddhva॒miti̭ pa॒ryāplā̭vayati |
yathā॒ suvṛ̭ṣṭa i॒māma̭nu vi॒sṛtya̭ || 57 ||
āpa॒ oṣa̭dhīrma॒haya̭nti | tā॒dṛge॒va tat ||
jana̭yatyai tvā॒ saṃyau~॒mītyā̭ha | pra॒jā e॒vaitena̭ dādhāra | a॒gnaye᳚ tvā॒-'gnīṣomā᳚bhyā॒mityā̭ha॒ vyāvṛ̭ttyai | ma॒khasya॒ śiro॒-'sītyā̭ha |
ya॒jño vai ma॒khaḥ | tasyai॒tacchiraḥ̭ | ya-tpṷro॒ḍāśaḥ̭ | tasmā̭de॒vamā̭ha || 58 ||
gha॒rmo̭-'si vi॒śvāyu॒rityā̭ha | viśva̭me॒vāyu॒-ryaja̭māne dadhāti | u॒ru pra̭thasvo॒ru tḙ ya॒jñapa̭tiḥ prathatā॒mityā̭ha | yaja̭māname॒va pra॒jayā̭ pa॒śubhiḥ̭ prathayati | tvaca̭-ṅgṛhṇī॒ṣvetyā̭ha |
sarva̭me॒vaina॒gṃ॒ sata̭nu-ṅkaroti | athā॒pa ā॒nīya॒ pari̭ mārṣṭi | mā॒gṃ॒sa e॒va ta-ttvaca̭-ndadhāti | tasmā᳚-ttva॒cā mā॒gṃ॒sa-ñcha॒nnam ||
gha॒rmo vā e॒ṣo-'śā᳚ntaḥ || 59 ||
a॒rdha॒mā॒se᳚-'rdhamāse॒ pravṛ̭jyate | ya-tpṷro॒ḍāśaḥ̭ | sa ī᳚śva॒ro yaja̭mānagṃ śu॒cā pra॒dahaḥ̭ | parya̭gni karoti | pa॒śume॒vaina̭makaḥ | śāntyā॒ apra̭dāhāya | triḥ parya̭gni karoti |
tryā̭vṛ॒ddhi ya॒jñaḥ | atho॒ rakṣa̭sā॒mapa̭hatyai ||
a॒ntari̭ta॒gṃ॒ rakṣo॒-'ntari̭tā॒ arā̭taya॒ ityā̭ha || 60 ||
rakṣa̭sā-ma॒ntarhi̭tyai | pu॒ro॒ḍāśaṃ॒-vā~ adhi̭śrita॒gṃ॒ rakṣāg̭syajighāgṃsann |
di॒vi nāko॒ nāmā॒gnī ra̭kṣo॒hā | sa e॒vāsmā॒-drakṣā॒g॒syapā̭hann | de॒vastvā̭ savi॒tā śra̭paya॒tvityā̭ha | sa॒vi॒tṛpra̭sūta e॒vainagg̭ śrapayati | varṣi̭ṣṭhe॒ adhi॒ nāka॒ ityā̭ha | rakṣa̭sā॒mapa̭hatyai | a॒gnistḙ ta॒nuva॒-mmā-'ti̭ dhā॒gityā॒hāna̭tidāhāya | agnḙ ha॒vyagṃ ra̭kṣa॒svetyā̭ha॒ guptyai᳚ || 61 ||
avi̭dahanta-śśrapaya॒teti॒ vācaṃ॒-vi~sṛ̭jate |
ya॒jñame॒va ha॒vīgṣya̭bhi-vyā॒hṛtya॒ prata̭nute |
pu॒ro॒ruca॒mavi̭dāhāya॒ śṛtyai̭ karoti || ma॒stiṣko॒ vai pṷro॒ḍāśaḥ̭ | taṃ-ya~nnābhi̭vā॒saye᳚t | ā॒virma॒stiṣkaḥ̭ syāt | a॒bhivā̭sayati |
tasmā॒-dguhā̭ ma॒stiṣkaḥ̭ | bhasma̭nā॒-'bhi vā̭sayati |
tasmā᳚-nmā॒gṃ॒senāsthi̭ cha॒nnam || 62 ||
ve॒denā॒bhi vā̭sayati | tasmā॒-tkeśai॒-śśiraḥ̭ cha॒nnam |
akha̭latibhāvuko bhavati | ya e॒vaṃ-ve~da̭ || pa॒śorvai pra̭ti॒mā pṷro॒ḍāśaḥ̭ | sa nāya॒juṣka̭-mabhi॒vāsyaḥ̭ | vṛthḙva syāt | ī॒śva॒rā yaja̭mānasya pa॒śavaḥ॒ pramḙtoḥ || sa-mbrahma̭ṇā pṛcya॒svetyā̭ha | prā॒ṇā vai brahma̭ || 63 ||
prā॒ṇāḥ pa॒śavaḥ̭ | prā॒ṇaire॒va pa॒śūnth
sampṛ̭ṇakti | na pra॒māyṷkā bhavanti | yaja̭māno॒ vai pṷro॒ḍāśaḥ̭ | pra॒jā pa॒śavaḥ॒ purī̭ṣam |
yade॒vama̭bhi vā॒saya̭ti | yaja̭māname॒va pra॒jayā̭ pa॒śubhi॒-ssama̭rdhayati || de॒vā vai ha॒vi-rbhṛ॒tvā-'brṷvann | kasmi̭nni॒da-mmra̭kṣyāmaha॒ iti̭ |
so᳚-'gnira̭bravīt || 64 ||
mayi̭ ta॒nū-ssannidha̭ddhvam | a॒haṃ-va~॒sta-ñja̭nayiṣyāmi | yasmi̭-nmra॒kṣyaddhva॒ iti̭ | te de॒vā a॒gnau ta॒nū-ssa-nnya̭dadhata | tasmā̭dāhuḥ |
a॒gni-ssarvā̭ de॒vatā॒ iti̭ | so-'ṅgā̭reṇā॒paḥ |
a॒bhya̭pātayat | tata̭ eka॒to̭-'jāyata |
sa dvi॒tīya̭ma॒bhya̭pātayat || 65 ||
tato᳚ dvi॒to̭-'jāyata | sa tṛ॒tīya̭-ma॒bhya̭pātayat |
tata̭-stri॒to̭-'jāyata | yada॒dbhyo-'jā̭yanta | tadā॒pyānā̭māpya॒tvam | yadā॒tmabhyo 'jā̭yanta |
tadā॒tmyānā̭-mātmya॒tvam || te de॒vā ā॒pyeṣva̭mṛjata | ā॒pyā a̭mṛjata॒ sūryā᳚bhyudite | sūryā᳚bhyudita॒-ssūryā̭bhinimrukte || 66 ||
sūryā̭bhinimruktaḥ kuna॒khini̭ | ku॒na॒khī śyā॒vada̭ti | śyā॒vada̭nnagradidhi॒ṣau | a॒gra॒di॒dhi॒ṣuḥ pa̭rivi॒tte | pa॒ri॒vi॒tto vī̭ra॒haṇi̭ | vī॒ra॒hā bra̭hma॒haṇi̭ |
tadbra̭hma॒haṇa॒-nnātya̭cyavata | a॒nta॒rve॒di nina̭ya॒tyava̭ruddhyai | ulmṷkenā॒bhi gṛ̭hṇāti śṛta॒tvāya̭ | śṛ॒takā̭mā iva॒ hi de॒vāḥ || 67 ||
(a॒nyā ji̭nvan-tyanuvi॒sṛtyai॒-vamā॒-hāśā᳚nta-āha॒-guptyai̭-cha॒nnaṃ - brahmā᳚-bravī-ddvi॒tīya̭ma॒bhya̭pātaya॒-thsūryā̭bhinimrukte-de॒vāḥ) (a. 8)
anuvākaṃ 9 - vedikaraṇam
de॒vasya̭ tvā savi॒tuḥ pra̭sa॒va iti॒ sphyamāda̭tte॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ || āda̭da॒ indra̭sya bā॒hura̭si॒ dakṣi̭ṇa॒ ityā̭ha | i॒ndri॒yame॒va yaja̭māne dadhāti | sa॒hasra̭bhṛṣṭi-śśa॒tatḙjā॒ ityā̭ha |
rū॒pame॒vāsyai॒ta-nma̭hi॒mānaṃ॒-vyā~ca̭ṣṭe ||
vā॒yura̭si ti॒gmatḙjā॒ ityā̭ha | tejo॒ vai vā॒yuḥ || 68 ||
teja̭ e॒vāsmi̭-ndadhāti || vi॒ṣādvai nāmā̭su॒ra ā̭sīt | so̭-'bibhet | ya॒jñena̭ mā de॒vā a॒bhibha̭viṣya॒ntīti̭ | sa pṛ̭thi॒vīma॒bhya̭vamīt | sā 'me॒ddhyā 'bha̭vat | atho॒ yadindro̭ vṛ॒tramahanṋ | tasya॒ lohi̭ta-mpṛthi॒vīmanu॒ vya̭dhāvat | sā 'me॒ddhyā 'bha̭vat |
pṛthi̭vi devayaja॒nītyā̭ha || 69 ||
meddhyā̭me॒vainā᳚-ndeva॒yaja̭nī-ṅkaroti |
oṣa̭ddhyāste॒ mūla॒-mmā higṃ̭siṣa॒mityā̭ha | oṣa̭dhīnā॒-mahigṃ̭sāyai || vra॒ja-ṅga̭ccha go॒sthāna॒mityā̭ha | chandāgṃ̭si॒ vai vra॒jo go॒sthānaḥ̭ | chandāg̭sye॒vāsmai᳚ vra॒ja-ṅgo॒sthāna̭-ṅkaroti || varṣa̭tu te॒ dyaurityā̭ha |
vṛṣṭi॒rvai dyauḥ | vṛṣṭi̭me॒vāva̭rundhe ||
ba॒dhā॒na dḙva savitaḥ para॒masyā᳚-mparā॒vatītyā̭ha || 70 ||
dvau vāva purṷṣau | ya-ñcai॒va dveṣṭi̭ | yaścai̭na॒-ndveṣṭi̭ | tāvu॒bhau ba̭ddhnāti para॒masyā᳚-mparā॒vati̭ śa॒tena॒ pāśaiḥ᳚ | yo᳚-'smā-ndveṣṭi॒ ya-ñca̭ va॒ya-ndvi॒ṣmastamato॒ mā mau॒gityā॒hāni̭mruktyai ||
a॒raru॒rvai nāmā̭su॒ra ā̭sīt |
sa pṛ̭thi॒vyāmupa̭mlupto-'śayat |
ta-nde॒vā apa̭hato॒-'raruḥ̭ pṛthi॒vyā iti̭ pṛthi॒vyā apā᳚ghnann | bhrātṛ̭vyo॒ vā a॒raruḥ̭ | apa̭hato॒-'raruḥ̭ pṛthi॒vyā iti॒ yadāha̭ || 71 ||
bhrātṛ̭vyame॒va pṛ̭thi॒vyā apa̭hanti | tḙ-'manyanta |
divaṃ॒-vā~ a॒yami॒taḥ pa̭tiṣya॒tīti̭ |
tama॒rarṷste॒ diva॒-mmā skā॒niti̭ di॒vaḥ parya̭bādhanta | bhrātṛ̭vyo॒ vā a॒raruḥ̭ | a॒rarṷste॒ diva॒-mmā skā॒niti॒ yadāha̭ | bhrātṛ̭vyame॒va di॒vaḥ pari̭bādhate |
sta॒mba॒ ya॒jur-ha̭rati | pṛ॒thi॒vyā e॒va bhrātṛ̭vya॒-mapa̭hanti | dvi॒tīyagṃ̭ harati || 72 ||
a॒ntari̭kṣāde॒vaina॒-mapa̭hanti | tṛ॒tīyagṃ̭ harati | di॒va e॒vaina॒-mapa̭hanti | tū॒ṣṇī-ñca̭tu॒rthagṃ ha̭rati | apa̭rimitāde॒vaina॒-mapa̭hanti || asṷrāṇāṃ॒-vā~ i॒yamagra̭ āsīt | yāva॒dāsī̭naḥ parā॒ paśya̭ti |
tāva̭-dde॒vānā᳚m | te de॒vā a̭bruvann |
astve॒va no॒-'syāmapīti̭ || 73 ||
kya̭nno dāsya॒theti̭ | yāva̭thsva॒ya-mpa̭rigṛhṇī॒theti̭ |
te vasa̭va॒stveti̭ dakṣiṇa॒taḥ parya̭gṛhṇann | ru॒drāstveti̭ pa॒ścāt | ā॒di॒tyā-stvetyṷttara॒taḥ | te᳚-'gninā॒ prāñco̭-'jayann | vasṷbhi-rdakṣi॒ṇā |
ru॒draiḥ pra॒tyañcaḥ̭ | ā॒di॒tyairuda̭ñcaḥ |
yasyai॒vaṃ-vi~॒duṣo॒ vedi̭-mpari gṛ॒hṇanti̭ || 74 ||
bhava̭tyā॒tmanā᳚ | parā᳚-'sya॒ bhrātṛ̭vyo bhavati ||
de॒vasya̭ savi॒tu-ssa॒va ityā̭ha॒ prasū᳚tyai |
karma̭ kṛṇvanti ve॒dhasa॒ ityā̭ha | i॒ṣi॒tagṃ hi karma̭ kri॒yate᳚ | pṛ॒thi॒vyai meddhya̭-ñcāme॒ddhya-ñca॒ vyuda̭krāmatām | prā॒cīna̭-mudī॒cīna॒-mmeddhya᳚m | pra॒tī॒cīna̭-ndakṣi॒ṇā 'me॒ddhyam |
prācī॒mudī̭cī-mprava॒ṇā-ṅka̭roti |
meddhyā̭me॒vainā᳚-ndeva॒yaja̭nī-ṅkaroti || 75 ||
prāñcaṷ vedya॒gṃ॒ sāvunna̭yati | ā॒ha॒va॒nīya̭sya॒ pari̭gṛhītyai | pra॒tīcī॒ śroṇī᳚ | gārha̭patyasya॒ pari̭gṛhītyai | atho̭ mithuna॒tvāya̭ | uddha̭nti | yade॒vāsyā̭ ame॒ddhyam | tadapa̭hanti | uddha̭nti |
tasmā॒doṣa̭dhayaḥ॒ parā̭bhavanti || 76 ||
mūla̭-ñchinatti | bhrātṛ̭vyasyai॒va mūla̭-ñchinatti |
mūlaṃ॒-vā~ a̭ti॒tiṣṭha॒-drakṣā॒g॒syanū-tpi̭pate | yaddhastḙna chi॒ndyāt | ku॒na॒khinīḥ᳚ pra॒jā-ssyuḥ̭ | sphyena̭ chinatti | vajro॒ vai sphyaḥ |
vajrḙṇai॒va ya॒jñā-drakṣā॒g॒syapa̭hanti | pi॒tṛ॒de॒va॒tyā 'ti̭khātā | iya̭tī-ṅkhanati || 77 ||
pra॒jāpa̭tinā yajñamu॒khena॒ sammi̭tām || vedi̭rde॒vebhyo॒ nilā̭yata | tā-ñca̭turaṅgu॒le 'nva̭vindann | tasmā᳚ccaturaṅgu॒la-ṅkheyā᳚ |
ca॒tu॒raṅgu॒la-ṅkha̭nati | ca॒tu॒ra॒ṅgu॒le hyoṣa̭dhayaḥ prati॒tiṣṭha̭nti |
āpra̭ti॒ṣṭhāyai̭ khanati | yaja̭māname॒va pra̭ti॒ṣṭhā-ṅga̭mayati | da॒kṣi॒ṇa॒to varṣī̭yasī-ṅkaroti |
de॒va॒yaja̭nasyai॒va rū॒pama̭kaḥ || 78 ||
purī̭ṣavatī-ṅkaroti | pra॒jā vai pa॒śavaḥ॒ purī̭ṣam |
pra॒jayai॒vaina̭-mpa॒śubhiḥ॒ purī̭ṣavanta-ṅkaroti | utta̭ra-mparigrā॒ha-mpari̭gṛhṇāti | e॒tāva̭tī॒ vai pṛ̭thi॒vī | yāva̭tī॒ vediḥ̭ | tasyā̭ e॒tāva̭ta e॒va bhrātṛ̭vya-nni॒rbhajya̭ | ā॒tmana॒ utta̭ra-mparigrā॒ha-mpari̭gṛhṇāti |
ṛ॒ta-ma̭syṛta॒sada̭na-masyṛta॒śrīra॒sītyā̭ha | ya॒thā॒ ya॒jure॒vai tat || 79 ||
krū॒rami̭va॒ vā e॒ta-tka̭roti | yadvedi̭-ṅka॒roti̭ |
dhā a̭si sva॒dhā a॒sīti̭ yoyupyate॒ śāntyai᳚ |
u॒rvī cāsi॒ vasvī̭ cā॒sītyā̭ha |
u॒rvīme॒vaināṃ॒-va~svī᳚-ṅkaroti |
pu॒rā krū॒rasya̭ vi॒sṛpo̭ viraphśi॒nnityā̭ha meddhya॒tvāya̭ | u॒dā॒dāya̭ pṛthi॒vī-ñjī॒radā̭nu॒ryāmaira̭ya-ñca॒ndrama̭si sva॒dhābhi॒rityā̭ha |
yade॒vāsyā̭ ame॒ddhyam | tada̭pa॒hatya̭ |
meddhyā᳚-ndeva॒yaja̭nī-ṅkṛ॒tvā || 80 ||
yada॒daśca॒ndrama̭si॒ meddhya᳚m | tada॒syāmera̭yati |
tā-ndhīrā̭so anu॒dṛśya̭ yajanta॒ ityā॒hānṷkhyātyai || prokṣa̭ṇī॒rāsā̭daya | i॒ddhmāba॒r॒hi-rupa̭sādaya | sru॒va-ñca॒ sruca̭śca॒ sammṛ̭ḍḍhi | patnī॒gṃ॒ sanna̭hya | ājyḙno॒dehītyā̭hānupū॒rvatā̭yai | prokṣa̭ṇī॒rāsā̭dayati | āpo॒ vai ra̭kṣo॒ghnīḥ || 81 ||
rakṣa̭sā॒mapa̭hatyai | sphyasya॒ vartman᳚-thsādayati | ya॒jñasya॒ santa̭tyai | u॒vāca॒ hāsi̭to daiva॒laḥ | e॒tāva̭tī॒rvā a॒muṣmi̭n ~lo॒ka āpa̭ āsann |
yāva̭tīḥ॒ prokṣa̭ṇī॒riti̭ | tasmā᳚-dba॒hvīrā॒sādyāḥ᳚ | sphyamu॒dasyanṋ | ya-ndvi॒ṣyātta-ndhyā̭yet | śu॒caivaina̭-marpayati || 82 ||
(vai vā॒yu - rā̭ha - parā॒vatītyā॒hā - ha̭ - dvi॒tīyagṃ̭ hara॒ - tīti̭ - parigṛ॒hṇanti̭ - deva॒yaja̭nī-ṅkaroti - bhavanti - khanatya - ka - re॒tat - kṛ॒tvā - ra̭kṣo॒ghnī - ra̭rpayati) (a. 9)
anuvākaṃ 10 - idhmābarhi-ssādanam
vajro॒ vai sphyaḥ | yada॒nvañca̭-ndhā॒raye᳚t | vajre᳚-'ddhva॒ryuḥ, kṣa̭ṇvīta | pu॒rastā᳚-tti॒ryañca̭-ndhārayati | vajro॒ vai sphyaḥ | vajrḙṇai॒va ya॒jñasya̭ dakṣiṇa॒to rakṣā॒g॒syapa̭hanti |
a॒gnibhyā॒-mprāca̭śca pra॒tīca̭śca | sphyenodī̭caścā-dha॒rāca̭śca | sphyena॒ vā e॒ṣa vajrḙṇā॒syai pā॒pmāna॒-mbhrātṛ̭vya-mapa॒hatya̭ |
u॒tka॒re-'dhi॒ pravṛ̭ścati || 83 ||
yatho̭pa॒dhāya̭ vṛ॒ścantya॒vam | hastā॒vava̭ nenikte | ā॒tmāna̭me॒va pa̭vayate | sphya-mprakṣā̭layati meddhya॒tvāya̭ | atho̭ pā॒pmana̭ e॒va bhrātṛ̭vyasya nya॒ṅga-ñchi̭natti || i॒ddhmā-ba॒r॒hi-rupa̭sādayati॒ yuktyai᳚ | ya॒jñasya̭ mithuna॒tvāya̭ |
atho̭ puro॒ruca̭me॒vaitā-nda̭dhāti |
utta̭rasya॒ karma॒ṇo-'nṷkhyātyai |
na pu॒rastā᳚-tpra॒tyagupa̭sādayet || 84 ||
ya-tpu॒rastā᳚-tpra॒tya-gṷpasā॒daye᳚t |
a॒nyatrā̭hutipa॒thādi॒ddhma-mprati̭pādayet | pra॒jā vai ba॒r॒hiḥ | apa̭rāddhnuyā-dba॒r॒hiṣā᳚ pra॒jānā᳚-mpra॒jana̭nam | pa॒ścāt-prāgupa̭sādayati | ā॒hu॒ti॒pa॒thene॒ddhma-mprati̭pādayati |
sa॒pra॒ntyḙva ba॒r॒hiṣā᳚ pra॒jānā᳚-mpra॒jana̭na॒mupai̭ti | dakṣi̭ṇami॒ddhmam |
utta̭ra-mba॒ra॒ḥiḥ | ā॒tmā vā i॒ddhmaḥ |
pra॒jā ba॒r॒hiḥ | pra॒jā hyā᳚tmana॒ utta̭ratarā tī॒rthe |
tato॒ medha̭mupa॒nīya̭ | ya॒thā॒ de॒va॒tame॒vaina॒t-prati̭ṣṭhāpayati | prati̭tiṣṭhati pra॒jayā̭ pa॒śubhi॒-ryaja̭mānaḥ || 85 ||
(vṛ॒śca॒ti॒ - sā॒da॒ye॒ - di॒ddhmaḥ pañca̭ ca) (a. 10)
(tṛtīya̭syāṃ - de॒vasyā᳚śvapa॒r॒śuṃ-yo~ vai - pū᳚rve॒dyuḥ - karma̭ṇe vā॒ - mindro̭ vṛ॒trama̭ha॒n-thso̭-'po - 'va̭dhūtaṃ॒ - dhṛṣṭi̭--r de॒vasyetyā̭ha॒ saṃva~̭pāmi - de॒vasya॒ sphyamāda̭de॒ - vajro॒ vai sphyo daśa̭)
(tṛ॒tīya̭syāṃ - ~ya॒jñasyāna̭tirekāya - pa॒vitra̭vatya - dhva॒ryu-ñcā̭ - dhi॒ṣava̭ṇamasya॒ - ntari̭kṣa e॒va - rakṣa̭sāma॒ntarhi̭tyai॒ - dvau vāva purṷṣo॒ - yada॒daśca॒ndrama̭si॒ meddhya॒-mpañcāśī̭tiḥ)
(tṛ॒tīya̭syāṃ॒ - ~yaja̭mānaḥ)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके द्वितीयः प्रपाठकः - दशपूर्णमासेष्टिब्राह्मणम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - वथ्सापाकरणम्
तृ॒तीय॑स्यामि॒तो दि॒वि सोम॑ आसीत् । त-ङ्गा॑य॒त्र्याह॑रत् ।
तस्य॑ प॒र्णम॑च्छिद्यत । त-त्प॒र्णो॑-ऽभवत् । त-त्प॒र्णस्य॑ पर्ण॒त्वम् । ब्रह्म॒ वै प॒र्णः । य-त्प॑र्णशा॒खया॑ व॒थ्सान॑पाक॒रोति॑ ।
ब्रह्म॑णै॒वैना॑न॒पाक॑रोति ॥ गा॒य॒त्रो वै प॒र्णः । गा॒य॒त्राः प॒शवः॑ ॥ 1 ॥
तस्मा॒-त्त्रीणि॑त्रीणि प॒र्णस्य॑ पला॒शानि॑ । त्रि॒पदा॑ गाय॒त्री । य-त्प॑र्णश॒खया॒ गाः प्रा॒र्पय॑ति । स्वयै॒वैना॑ दे॒वत॑या॒ प्रार्प॑यति । य-ङ्का॒मये॑ता प॒शु-स्स्या॒दिति॑ । अ॒प॒र्णा-न्तस्मै॒ शुष्का᳚ग्रा॒माह॑रेत् ।
अ॒प॒शुरे॒व भ॑वति । य-ङ्का॒मये॑त पशु॒मान्-थ्स्या॒दिति॑ । ब॒हु॒प॒र्णा-न्तस्मै॑ बहुशा॒खामाह॑रेत् । प॒शु॒मन्त॑-मे॒वैन॑-ङ्करोति ॥ 2 ॥
य-त्प्राची॑मा॒हरे᳚त् । दे॒व॒लो॒क-म॒भिज॑येत् । यदुदी॑ची-म्मनुष्यलो॒कम् । प्राची॒मुदी॑ची॒माह॑रति । उ॒भयो᳚-र्लो॒कयो॑-र॒भिजि॑त्यै ॥ इ॒षे त्वो॒र्जे त्वेत्या॑ह । इष॑मे॒वोर्जं॒-यँज॑माने दधाति ॥
वा॒यव॒-स्स्थेत्या॑ह । वा॒युर्वा अ॒न्तरि॑क्ष॒-स्याद्ध्य॑क्षाः ।
अ॒न्त॒रि॒क्ष॒दे॒व॒त्याः᳚ खलु॒ वै प॒शवः॑ ॥ 3 ॥
वा॒यव॑ ए॒वैना॒-न्परि॑ ददाति । प्र वा ए॑नाने॒तदा-क॑रोति । यदाह॑ । वा॒यव॒-स्स्थेत्यु॑पा॒यवः॒
स्थेत्या॑ह । यज॑मानायै॒व प॒शूनुप॑ह्वयते ॥
दे॒वो वः॑ सवि॒ता प्रार्प॑य॒त्वित्या॑ह॒ प्रसू᳚त्यै ॥ श्रेष्ठ॑तमाय॒ कर्म॑ण॒ इत्या॑ह ।
य॒ज्ञो हि श्रेष्ठ॑तम॒-ङ्कर्म॑ । तस्मा॑दे॒वमा॑ह ॥
आप्या॑यद्ध्वमघ्निया देवभा॒गमित्या॑ह ॥ 4 ॥
व॒थ्सेभ्य॑श्च॒ वा ए॒ताः पु॒रा म॑नु॒ष्ये᳚भ्य॒-श्चाप्या॑यन्त । दे॒वेभ्य॑ ए॒वैना॒ इन्द्रा॒याप्या॑यति ॥ ऊर्ज॑स्वतीः॒ पय॑स्वती॒रित्या॑ह । ऊर्ज॒ग्ं ॒हि पयः॑ स॒म्भर॑न्ति ॥ प्र॒जाव॑ती-रनमी॒वा अ॑य॒क्ष्मा इत्या॑ह॒ प्रजा᳚त्यै । मावः॑ स्ते॒न ई॑शत॒ मा-ऽघशग्ं॑स॒ इत्या॑ह॒ गुप्त्यै᳚ ॥ रु॒द्रस्य॑ हे॒तिः परि॑ वो वृण॒क्त्वित्या॑ह । रु॒द्रा दे॒वैना᳚-स्त्रायते ॥
ध्रु॒वा अ॒स्मि-न्गोप॑तौ स्यात ब॒ह्वीरित्या॑ह ।
ध्रु॒वा ए॒वास्मि॑-न्ब॒ह्वीः क॑रोति ॥ 5 ॥
यज॑मानस्य प॒शू-न्पा॒हीत्या॑ह । प॒शु॒ना-ङ्गो॑पी॒थाय॑ । तस्मा᳚थ्सा॒य-म्प॒शव॒ उप॑ स॒माव॑र्तन्ते ॥ अन॑ध-स्सादयति । गर्भा॑णा॒-न्धृत्या॒ अप्र॑पादाय । तस्मा॒द्गर्भाः᳚ प्र॒जाना॒मप्र॑पादुकाः ।
उ॒परी॑व॒ निद॑धाति । उ॒परी॑व॒ हि सु॑व॒र्गो लो॒कः ।
सु॒व॒र्गस्य॑ लो॒कस्य॒ सम॑ष्ट्यै ॥ 6 ॥
(प॒शवः॑ - करोति - प॒शवो॑ - देवभा॒गमित्या॑ह - करोति॒ - +नव॑ च) (अ. 1)
अनुवाकं 2 - बर्हिराहरणम्
दे॒वस्य॑ त्वा सवि॒तुः प्र॑स॒व इत्य॑श्वप॒र्॒शुमाद॑त्ते॒ प्रसू᳚त्यै ।
अ॒श्विनो᳚-र्बा॒हुभ्या॒मित्या॑ह ।
अ॒श्विनौ॒ हि दे॒वाना॑मद्ध्व॒र्यू आस्ता᳚म् ।
पू॒ष्णो हस्ता᳚भ्या॒मित्या॑ह॒ यत्यै᳚ ॥ यो वा ओष॑धीः पर्व॒शो वेद॑ । नैना॒-स्स हि॑नस्ति । प्र॒जाप॑ति॒र्वा ओष॑धीः पर्व॒शो वे॑द । स ए॑ना॒ न हि॑नस्ति । अ॒श्व॒प॒र्श्वा ब॒र्॒हिरच्छै॑ति ।
प्रा॒जा॒प॒त्यो वा अश्वः॑ सयोनि॒त्वाय॑ ॥ 7 ॥
ओष॑धीना॒महिग्ं॑सायै ॥
य॒ज्ञस्य॑ घो॒षद॒सीत्या॑ह ।
यज॑मान ए॒व र॒यि-न्द॑धाति । प्रत्यु॑ष्ट॒ग्ं॒ रक्षः॒ प्रत्यु॑ष्टा॒ अरा॑तय॒ इत्या॑ह ।
रक्ष॑सा॒-मप॑हत्यै ॥ प्रेयम॑गाद्धि॒षणा॑ ब॒र्॒हिरच्छेत्या॑ह । वि॒द्या वै धि॒षणा᳚ । वि॒द्ययै॒वैन॒दच्छै॑ति ॥ मनु॑ना कृ॒ता स्व॒धया॒ वित॒ष्टेत्या॑ह । मा॒न॒वी हि पर्शुः॑ स्व॒धाकृ॑ता ॥ 8 ॥
त आव॑हन्ति क॒वयः॑ पु॒रस्ता॒दित्या॑ह । शु॒श्रु॒वाग्ंसो॒ वै क॒वयः॑ । य॒ज्ञः पु॒रस्ता᳚त् । मु॒ख॒त ए॒व य॒ज्ञमार॑भते । अथो॒ यदे॒तदु॒क्त्वा यतः॒ कुत॑श्चा॒हर॑ति । त-त्प्राच्या॑ ए॒व दि॒शो भ॑वति ॥
दे॒वेभ्यो॒ जुष्ट॑मि॒ह ब॒र्॒हिरा॒सद॒ इत्या॑ह । ब॒र्॒हिष॒-स्समृ॑द्ध्यै । कर्म॒णो-ऽन॑पराधाय ॥ दे॒वाना᳚-म्परिषू॒तम॒सीत्या॑ह ॥ 9 ॥
यद्वा इ॒द-ङ्कि-ञ्च॑ । त-द्दे॒वाना᳚-म्परिषू॒तम् ।
अथो॒ यथा॒ वस्य॑से प्रति॒ प्रोच्याहे॒द-ङ्क॑रिष्या॒मीति॑ । ए॒वमे॒व तद॑द्ध्व॒र्यु-र्दे॒वेभ्यः॑ प्रति॒ प्रोच्य॑ ब॒र्॒हिर्दा॑ति । आ॒त्मनो-ऽहिग्ं॑सायै ॥ याव॑त-स्स्त॒म्बा-न्प॑रि दि॒शेत् । यत्तेषा॑-मुच्छि॒ग्ग्॒ष्यात् । अति॒ त-द्य॒ज्ञस्य॑ रेचयेत् । एकग्ग्॑ स्त॒म्ब-म्परि॑दिशेत् ।
तग्ं सर्व॑-न्दायात् ॥ 10 ॥
य॒ज्ञस्यान॑तिरेकाय ॥ व॒र्॒षवृ॑द्ध-म॒सीत्या॑ह ।
व॒र्॒ष वृ॑द्धा॒ वा ओष॑धयः ॥
देव॑ बर्हि॒रित्या॑ह । दे॒वेभ्य॑ ए॒वैन॑-त्करोति ।
मा त्वा॒-ऽन्वम्मा ति॒र्यगित्या॒हा हिग्ं॑सायै ।
पर्व॑ ते राद्ध्यास॒मित्या॒-हर्ध्यै᳚ ॥
आ॒च्छे॒त्ता ते॒ मा रि॑ष॒मित्या॑ह । नास्या॒त्मनो॑ मीयते ।
य ए॒वं-वेँद॑ ॥ 11 ॥
देव॑बर्हि-श्श॒तव॑ल्शं॒-विँरो॒हेत्या॑ह । प्र॒जा वै ब॒र्॒हिः । प्र॒जाना᳚-म्प्र॒जन॑नाय ॥ स॒हस्र॑वल्शा॒ वि व॒यग्ं रु॑हे॒मेत्या॑ह । आ॒शिष॑मे॒वैतामाशा᳚स्ते ॥ पृ॒थि॒व्या-स्स॒पृञ्चः॑ पा॒हीत्या॑ह॒ प्रति॑ष्ठित्यै ॥
अयु॑ङ्गायुङ्गा-न्मु॒ष्टीन् ँलु॑नोति । मि॒थु॒न॒त्वाय॒ प्रजा᳚त्यै ॥ सु॒स॒भृन्ता᳚ त्वा॒ सम्भ॑रा॒मीत्या॑ह । ब्रह्म॑णै॒वैन॒थ्- सम्भ॑रति ॥ 12 ॥
अदि॑त्यै॒ रास्ना॒-ऽसीत्या॑ह । इ॒यं-वाँ अदि॑तिः ।
अ॒स्या ए॒वैन॒-द्रास्ना᳚-ङ्करोति ॥ इ॒न्द्रा॒ण्यै स॒नंह॑न॒मित्या॑ह । इ॒न्द्रा॒णी वा अग्रे॑ दे॒वता॑ना॒ग्ं॒ सम॑नह्यत । सा ऽऽर्ध्नो᳚त् ।
ऋद्ध्यै॒ सन्न॑ह्यति । प्र॒जा वै ब॒र्॒हिः ।
प्र॒जाना॒मप॑रावापाय ।
तस्मा॒-थ्स्नाव॑सन्तताः प्र॒जा जा॑यन्ते ॥ 13 ॥
पू॒षा ते᳚ ग्र॒न्थि-ङ्ग्र॑थ्ना॒त्वित्या॑ह ।
पुष्टि॑मे॒व यज॑माने दधाति ॥ स ते॒ मा-ऽऽ स्था॒दित्या॒हाहिग्ं॑सायै ॥ प॒श्चा-त्प्राञ्च॒मुप॑गूहति ।
प॒श्चा-द्वै प्रा॒चीन॒ग्ं॒ रेतो॑ धीयते ।
प॒श्चादे॒वास्मै᳚ प्रा॒चीन॒ग्ं॒ रेतो॑ दधाति ॥
इन्द्र॑स्य त्वा बा॒हुभ्या॒-मुद्य॑च्छ॒ इत्या॑ह । इ॒न्द्रि॒यमे॒व यज॑माने दधाति ॥
बृह॒स्पते᳚र्मू॒र्ध्ना ह॑रा॒मीत्या॑ह ।
ब्रह्म॒ वै दे॒वाना॒-म्बृह॒स्पतिः॑ ॥ 14 ॥
ब्रह्म॑णै॒वैन॑द्धरति ॥ उ॒र्व॑न्तरि॑क्ष॒-मन्वि॒हीत्या॑ह॒ गत्यै᳚ ॥ दे॒व॒ग॒म्मम॒सीत्या॑ह । दे॒वाने॒वैन॑द्गमयति ॥ अन॑ध-स्सादयति ।
गर्भा॑णा॒-न्धृत्या॒ अप्र॑पादाय । तस्मा॒-द्गर्भाः᳚ प्र॒जाना॒मप्र॑पादुकाः । उ॒परी॑व॒ निद॑धाति । उ॒परी॑व॒ हि सु॑व॒र्गो लो॒कः ।
सु॒व॒र्गस्य॑ लो॒कस्य॒ सम॑ष्ट्यै ॥ 15 ॥
(स॒यो॒नि॒त्वाय॑ - स्व॒धाकृ॑ता॒ - ऽसीत्या॑ह - दाया॒-द्- वेद॑ - भरति - जायन्ते॒ - बृह॒स्पतिः॒ - सम॑ष्ट्यै) (अ. 2)
अनुवाकं 3 - दोहनम्
पू॒र्वे॒द्युरि॒द्ध्मा ब॒र्॒हिः क॑रोति । य॒ज्ञमे॒वारभ्य॑ गृही॒त्वोप॑वसति ॥ प्र॒जाप॑ति-र्य॒ज्ञम॑सृजत । तस्यो॒खे अ॑स्रग्ंसेताम् । य॒ज्ञो वै प्र॒जाप॑तिः ।
य-थ्सा᳚न्नाय्यो॒खे भव॑तः ।
य॒ज्ञस्यै॒व तदु॒खे उप॑दधा॒त्य-प्र॑स्रग्ंसाय ॥
शुन्ध॑द्ध्व॒-न्दैव्या॑य॒ कर्म॑णे देवय॒ज्याया॒ इत्या॑ह । दे॒व॒य॒ज्याया॑ ए॒वैना॑नि शुन्धति ॥ मा॒त॒रिश्व॑नो घ॒र्मो॑-ऽसीत्या॑ह ॥ 16 ॥
अ॒न्तरि॑क्षं॒-वैँ मा॑त॒रिश्व॑नो घ॒र्मः ।
ए॒षां-लोँ॒कानां॒-विँधृ॑त्यै ॥
द्यौर॑सि पृथि॒व्य॑सीत्या॑ह । दि॒वश्च॒ ह्ये॑षा पृ॑थि॒व्याश्च॒ सम्भृ॑ता । यदु॒खा ।
तस्मा॑दे॒वमा॑ह ॥ वि॒श्वधा॑या असि पर॒मेण॒ धाम्नेत्या॑ह । वृष्टि॒र्वै वि॒श्वधा॑याः । वृष्टि॑मे॒वाव॑रुन्धे । दृग्ंह॑स्व॒ मा ह्वा॒रित्या॑ह॒ धृत्यै᳚ ॥ 17 ॥
वसू॑ना-म्प॒वित्र॑म॒सीत्या॑ह । प्रा॒णा वै वस॑वः ।
तेषां॒-वाँ ए॒त-द्भा॑ग॒धेय᳚म् । य-त्प॒वित्र᳚म् । तेभ्य॑ ए॒वैन॑-त्करोति ॥ श॒तधा॑रग्ं स॒हस्र॑धार॒मित्या॑ह । प्रा॒णेष्वे॒वायु॑-र्दधाति सर्व॒त्वाय॑ ॥ त्रि॒वृ-त्प॑लाशशा॒खाया᳚-न्दर्भ॒मय॑-म्भवति । त्रि॒वृद्वै प्रा॒णः । त्रि॒वृत॑मे॒व प्रा॒ण-म्म॑द्ध्य॒तो यज॑माने दधाति ॥ 18 ॥
सौ॒म्यः प॒र्ण-स्स॑योनि॒त्वाय॑ । सा॒क्षा-त्प॒वित्र॑-न्द॒र्भाः । प्राख्सा॒यमधि॒ निद॑धाति । त-त्प्रा॑णापा॒नयो॑ रू॒पम् । ति॒र्यक्प्रा॒तः । त-द्दर्श॑स्य रू॒पम् । दा॒र्श्यग्ग् ह्ये॑तदहः॑ । अन्नं॒-वैँ च॒न्द्रमाः᳚ ।
अन्न॑-म्प्रा॒णाः । उ॒भय॑मे॒वोपै॒त्यजा॑मित्वाय ॥ 19 ॥
तस्मा॑द॒यग्ं स॒र्वतः॑ पवते ॥ हु॒त-स्स्तो॒को हु॒तो द्र॒फ्स इत्या॑ह॒ प्रति॑ष्ठित्यै । ह॒विषो-ऽस्क॑न्दाय ।
न हि हु॒तग्ग् स्वाहा॑कृत॒ग्ग्॒ स्कन्द॑ति ।
दि॒वि नाको॒ नामा॒ग्निः । तस्य॑ वि॒प्रुषो॑ भाग॒धेय᳚म् ।
अ॒ग्नये॑ बृह॒ते नाका॒येत्या॑ह ।
नाक॑मे॒वाग्नि-म्भा॑ग॒धेये॑न॒ सम॑र्धयति ।
स्वाहा॒ द्यावा॑पृथि॒वीभ्या॒मित्या॑ह ।
द्यावा॑पृथि॒व्योरे॒वैन॒त्-प्रति॑ष्ठापयति ॥ 20 ॥
प॒वित्र॑व॒त्यान॑यति । अ॒पा-ञ्चै॒वौष॑धीना-ञ्च॒ रस॒ग्ं॒ सग्ंसृ॑जति । अथो॒ ओष॑धीष्वे॒व प॒शू-न्प्रति॑ष्ठापयति ॥ अ॒न्वा॒रभ्य॒ वाचं॑-यँच्छति ।
य॒ज्ञस्य॒ धृत्यै᳚ । धा॒रय॑न्नास्ते । धा॒रय॑न्त इव॒ हि दु॒हन्ति॑ । काम॑धुक्ष॒ इत्या॒हातृ॒तीय॑स्यै । त्रय॑ इ॒मे लो॒काः । इ॒माने॒व लो॒कान्. यज॑मानो दुहे ॥ 21 ॥
अ॒मूमिति॒ नाम॑ गृह्णाति । भ॒द्रमे॒वासा॒-ङ्कर्मा॒विष्क॑रोति ॥ सा वि॒श्वायु॒-स्सा वि॒श्वव्य॑चा॒-स्सा वि॒श्वक॒र्मेत्या॑ह । इ॒यं-वैँ वि॒श्वायुः॑ ।
अ॒न्तरि॑क्षं-विँ॒श्वव्य॑चाः । अ॒सौ वि॒श्वक॑र्मा ।
इ॒माने॒वैताभि॑र्लो॒कान्. य॑थापू॒र्व-न्दु॑हे ।
अथो॒ यथा᳚ प्रदा॒त्रे पुण्य॑मा॒शास्ते᳚ । ए॒वमे॒वैना॑ ए॒तदुप॑स्तौति । तस्मा॒त्-प्रादा॒दित्यु॒न्नीय॒ वन्द॑माना उपस्तु॒वन्तः॑ प॒शू-न्दु॑हन्ति ॥ 22 ॥
ब॒हु दु॒ग्धीन्द्रा॑य दे॒वेभ्यो॑ ह॒विरिति॒ वाचं॒-विँसृ॑जते । य॒था॒ दे॒व॒तमे॒व प्रसौ॑ति ।
दैव्य॑स्य च मानु॒षस्य॑ च॒ व्यावृ॑त्त्यै ।
त्रिरा॑ह । त्रिष॑त्या॒ हि दे॒वाः । अवा॑चं-यँ॒मो-ऽन॑न्वा-र॒भ्योत्त॑राः । अप॑रिमितमे॒वाव॑रुन्धे ॥
न दा॑रुपा॒त्रेण॑ दुह्यात् । अ॒ग्नि॒वद्वै दा॑रुपा॒त्रम् ।
य-द्दा॑रुपा॒त्रेण॑ दु॒ह्यात् ॥ 23 ॥
या॒तया᳚म्ना ह॒विषा॑ यजेत । अथो॒ खल्वा॑हुः ।
पु॒रो॒डाश॑मुखानि॒ वै ह॒वीग्ंषि॑ । नेत इ॑तः पुरो॒डाशग्ं॑ ह॒विषो॒ यामो॒-ऽस्तीति॑ ।
काम॑मे॒व दा॑रुपा॒त्रेण॑ दुह्यात् ॥ शू॒द्र ए॒व न दु॑ह्यात् । अस॑तो॒ वा ए॒ष सम्भू॑तः । यच्छू॒द्रः । अह॑विरे॒व तदित्या॑हुः । यच्छू॒द्रो दोग्धीति॑ ॥ 24 ॥
अ॒ग्नि॒हो॒त्रमे॒वन दु॑ह्याच्छू॒द्रः । तद्धि नोत्-पु॒नन्ति॑ । य॒दा खलु॒ वै प॒वित्र॑म॒त्येति॑ । अथ॒ तद्ध॒विरिति॑ ॥
सम्पृ॑च्यद्ध्व-मृतावरी॒रित्या॑ह । अ॒पा-ञ्चै॒वौष॑धीना-ञ्च॒ रस॒ग्ं॒ सग्ंसृ॑जति ।
तस्मा॑द॒पा-ञ्चौष॑धीना-ञ्च॒ रस॒मुप॑ जीवामः ।
म॒न्द्रा धन॑स्य सा॒तय॒ इत्या॑ह । पुष्टि॑मे॒व यज॑माने दधाति ॥ सोमे॑न॒ त्वा-ऽऽत॑न॒च्मीन्द्रा॑य॒ दधीत्या॑ह ॥ 25 ॥
सोम॑मे॒वैन॑-त्करोति । यो वै सोम॑-म्भक्षयि॒त्वा ।
सं॒वँ॒थ्स॒रग्ं सोम॒-न्न पिब॑ति । पु॒न॒र्भक्ष्यो᳚-ऽस्य सोमपी॒थो भ॑वति ॥
सोमः॒ खलु॒ वै सा᳚नां॒य्यम् । य ए॒वं-विँ॒द्वान्-थ्सा᳚नां॒य्य-म्पिब॑ति । अ॒पु॒न॒र्भक्ष्यो᳚-ऽस्य सोमपी॒थो भ॑वति । न मृ॒न्मये॒नापि॑दद्ध्यात् ।
य-न्मृ॒न्मये॑नापिद॒द्ध्यात् ।
पि॒तृ॒दे॒व॒त्यग्ग्॑ स्यात् ॥ 26 ॥
अ॒य॒स्पा॒त्रेण॑ वा दारुपा॒त्रेण॒ वा-ऽपि॑दधाति ।
तद्धि सदे॑वम् ॥ उ॒द॒न्वद्- भ॑वति । आपो॒ वै र॑क्षो॒घ्नीः । रक्ष॑सा॒-मप॑हत्यै ॥
अद॑स्तमसि॒ विष्ण॑वे॒ त्वेत्या॑ह । य॒ज्ञो वै विष्णुः॑ ।
य॒ज्ञायै॒वैन॒दद॑स्त-ङ्करोति । विष्णो॑ ह॒व्यग्ं र॑क्ष॒स्वेत्या॑ह॒ गुप्त्यै᳚ ॥ अन॑ध-स्सादयति । गर्भा॑णा॒-न्धृत्या॒ अप्र॑पादाय ।
तस्मा॒-द्गर्भाः᳚ प्र॒जाना॒म प्र॑पादुकाः । उ॒परी॑व॒ निद॑धाति । उ॒परी॑व॒ हि सु॑व॒र्गो लो॒कः । सु॒व॒र्गस्य॑ लो॒कस्य॒ सम॑ष्ट्यै ॥ 27 ॥
(अ॒सीत्या॑ह॒ - धृत्यै॒ - यज॑माने दधा॒ - त्यजा॑मित्वाय - स्थापयति - दुहे - दुहन्ति - दु॒ह्या-द्- दोग्धीति॒ - दधीत्या॑ह - स्याथ् - सादयति॒ पञ्च॑ च) (अ. 3)
अनुवाकं 4 - हविर्निर्वापः
कर्म॑णे वा-न्दे॒वेभ्यः॑ शकेय॒मित्या॑ह॒ शक्त्यै᳚ ।
य॒ज्ञस्य॒ वै सन्त॑ति॒मनु॑ प्र॒जाः प॒शवो॒ यज॑मानस्य॒ सन्ता॑यन्ते । य॒ज्ञस्य॒ विच्छि॑त्ति॒मनु॑ प्र॒जाः प॒शवो॒ यज॑मानस्य॒ विच्छि॑द्यन्ते ।
य॒ज्ञस्य॒ सन्त॑तिरसि य॒ज्ञस्य॑ त्वा॒ सन्त॑त्यै स्तृणामि॒ सन्त॑त्यै त्वा य॒ज्ञस्येत्याह॑व॒नीया॒-थ्सन्त॑नोति । यज॑मानस्य प्र॒जायै॑ पशू॒नाग्ं सन्त॑त्यै ॥ अ॒पः प्रण॑यति । श्र॒द्धा वा आपः॑ । श्र॒द्धामे॒वारभ्य॑ प्र॒णीय॒ प्रच॑रति । अ॒पः प्रण॑यति । य॒ज्ञो वा आपः॑ ॥ 28 ॥
य॒ज्ञमे॒वारभ्य॑ प्र॒णीय॒ प्रच॑रति । अ॒पः प्रण॑यति । वज्रो॒ वा आपः॑ । वज्र॑मे॒व भ्रातृ॑व्येभ्यः प्र॒हृत्य॑ प्र॒णीय॒ प्रच॑रति । अ॒पः प्रण॑यति ।
आपो॒ वै र॑क्षो॒घ्नीः । रक्ष॑सा॒-मप॑हत्यै । अ॒पः प्रण॑यति । आपो॒ वै दे॒वाना᳚-म्प्रि॒य-न्धाम॑ ।
दे॒वाना॑मे॒व प्रि॒य-न्धाम॑ प्र॒णीय॒ प्रच॑रति ॥ 29 ॥
अ॒पः प्रण॑यति । आपो॒ वै सर्वा॑ दे॒वताः᳚ ।
दे॒वता॑ ए॒वारभ्य॑ प्र॒णीय॒ प्रच॑रति ॥ वेषा॑य॒ त्वेत्या॑ह । वेषा॑य॒ ह्ये॑नदाद॒त्ते ॥ प्रत्यु॑ष्ट॒ग्ं॒ रक्षः॒ प्रत्यु॑ष्टा॒ अरा॑तय॒ इत्या॑ह ।
रक्ष॑सा॒-मप॑हत्यै ॥ धूर॒सीत्या॑ह । ए॒ष वै धुर्यो॒-ऽग्निः । तं-यँदनु॑पस्पृश्याती॒यात् ॥ 30 ॥
अ॒द्ध्व॒र्यु-ञ्च॒ यज॑मान-ञ्च॒ प्रद॑हेत् । उ॒प॒स्पृश्यात्ये॑ति । अ॒द्ध्व॒र्योश्च॒ यज॑मानस्य॒ चाप्र॑दाहाय ॥ धूर्व॒ तंयोँ᳚-ऽस्मा-न्धूर्व॑ति॒ त-न्धू᳚र्व॒ यं-वँ॒य-न्धूर्वा॑म॒ इत्या॑ह ।
द्वौ वाव पुरु॑षौ । य-ञ्चै॒व धूर्व॑ति । यश्चै॑न॒-न्धूर्व॑ति । तावु॒भौ शु॒चा-ऽर्प॑यति ॥ त्व-न्दे॒वाना॑मसि॒ सस्नि॑तम॒-म्पप्रि॑तम॒-ञ्जुष्ट॑तमं॒-वँह्नि॑तम-न्देव॒हूत॑म॒मित्या॑ह । य॒था॒ य॒जुरे॒वै तत् ॥ 31 ॥
अह्रु॑तमसि हवि॒र्धान॒-मित्या॒हाना᳚र्त्यै ।
दृग्ंह॑स्व॒ मा ह्वा॒रित्या॑ह॒ धृत्यै᳚ ॥
मि॒त्रस्य॑ त्वा॒ चक्षु॑षा॒ प्रेक्ष॒ इत्या॑ह मित्र॒त्वाय॑ ।
मा भेर्मा संविँ॑क्था॒ मा त्वा॑ हिग्ंसिष॒-मित्या॒हाहिग्ं॑सायै । यद्वै कि-ञ्च॒ वातो॒ नाभि॒वाति॑ ।
त-थ्सर्वं॑-वँरुणदेव॒त्य᳚म् ॥ उ॒रु वाता॒येत्या॑ह । अवा॑रुणमे॒वैन॑-त्करोति ॥ दे॒वस्य॑ त्वा सवि॒तुः
प्र॑स॒व इत्या॑ह॒ प्रसू᳚त्यै ।
अ॒श्विनो᳚-र्बा॒हुभ्या॒मित्या॑ह ॥ 32 ॥
अ॒श्विनौ॒ हि दे॒वाना॑मद्ध्व॒र्यू आस्ता᳚म् ।
पू॒ष्णो हस्ता᳚भ्या॒मित्या॑ह॒ यत्यै᳚ । अ॒ग्नये॒ जुष्ट॒-न्निर्व॑पा॒मीत्या॑ह । अ॒ग्नय॑ ए॒वैना॒ञ्जुष्टं॒
निर्व॑पति । त्रिर्यजु॑षा । त्रय॑ इ॒मे लो॒काः ।
ए॒षां-लोँ॒काना॒माप्त्यै᳚ । तू॒ष्णी-ञ्च॑तु॒र्थम् ।
अप॑रिमितमे॒वाव॑रुन्धे । स ए॒वमे॒वानु॑पू॒र्वग्ं ह॒वीग्ंषि॒ निर्व॑पति ॥ 33 ॥
इ॒द-न्दे॒वाना॑मि॒दमु॑ न-स्स॒हेत्या॑ह॒ व्यावृ॑त्त्यै ॥
स्फा॒त्यै त्वा॒ नारा᳚त्या॒ इत्या॑ह॒ गुप्त्यै᳚ । तम॑सीव॒ वा ए॒षो᳚-ऽन्तश्च॑रति । यः प॑री॒णहि॑ ॥ सुव॑र॒भि विख्ये॑षं-वैँश्वान॒र-ञ्ज्योति॒रित्या॑ह ।
सुव॑रे॒वाभि वि प॑श्यति वैश्वान॒र-ञ्ज्योतिः॑ ।
द्यावा॑पृथि॒वी ह॒विषि॑ गृही॒त उद॑वेपेताम् ॥
दृग्ंह॑न्ता॒-न्दुर्या॒ द्यावा॑पृथि॒व्योरित्या॑ह ।
गृ॒हाणा॒-न्द्यावा॑पृथि॒व्यो-र्धृत्यै᳚ ॥
उ॒र्व॑न्तरि॑क्ष॒-मन्वि॒हीत्या॑ह॒ गत्यै᳚ ॥
अदि॑त्यास्त्वो॒पस्थे॑ सादया॒मीत्या॑ह । इ॒यं-वाँ अदि॑तिः । अ॒स्या ए॒वैन॑दु॒पस्थे॑ सादयति ॥
अग्ने॑ ह॒व्यग्ं र॑क्ष॒स्वेत्या॑ह॒ गुप्त्यै᳚ ॥ 34 ॥
(य॒ज्ञो वा आपो॒ - धाम॑ प्र॒णीय॒ प्रच॑र - त्यती॒या - दे॒त-द्- बा॒हुभ्या॒मित्या॑ह - ह॒विग्ंषि॒ निर्व॑पति॒ - गत्यै॑ च॒त्वारि॑ च) (अ. 4)
अनुवाकं 5 - व्रीह्यवघातः
इन्द्रो॑ वृ॒त्रम॑हन्न् । सो॑-ऽपः । अ॒भ्य॑म्रियत ।
तासां॒-यँन्मेद्ध्यं॑-यँ॒ज्ञिय॒ग्ं॒ सदे॑व॒मासी᳚त् । तदपोद॑क्रामत् । ते द॒र्भा अ॑भवन्न् । य-द्द॒र्भैर॒प उ॑त्पु॒नाति॑ । या ए॒व मेद्ध्या॑ य॒ज्ञिया॒-स्सदे॑वा॒ आपः॑ । ताभि॑रे॒वैना॒ उत्पु॑नाति । द्वाभ्या॒मुत्पु॑नाति ॥ 35 ॥
द्वि॒पा-द्यज॑मानः॒ प्रति॑ष्ठित्यै ॥ दे॒वो वः॑ सवि॒तोत्-पु॑ना॒त्वित्या॑ह । स॒वि॒तृप्र॑सूत ए॒वैना॒ उत्पु॑नाति । अच्छि॑द्रेण प॒वित्रे॒णेत्या॑ह । अ॒सौ वा आ॑दि॒त्यो-ऽच्छि॑द्र-म्प॒वित्र᳚म् । तेनै॒वैना॒ उत्पु॑नाति । वसो॒-स्सूर्य॑स्य र॒श्मिभि॒रित्या॑ह । प्रा॒णा वा आपः॑ । प्रा॒णा वस॑वः । प्रा॒णा र॒श्मयः॑ ॥ 36 ॥
प्रा॒णैरे॒व प्रा॒णान्-थ्सम्पृ॑णक्ति । सा॒वि॒त्रि॒यर्चा ।
स॒वि॒तृप्र॑सूत-म्मे॒ कर्मा॑स॒दिति॑ ।
स॒वि॒तृप्र॑सूतमे॒वास्य॒ कर्म॑ भवति ।
प॒च्छो गा॑यत्रि॒या त्रि॑ष्षमृद्ध॒त्वाय॑ ॥
आपो॑ देवीरग्रेपुवो अग्रेगुव॒ इत्या॑ह ।
रू॒प-मे॒वासा॑मे॒त-न्म॑हि॒मानं॒-व्याँच॑ष्टे ।
अग्र॑ इ॒मं-यँ॒ज्ञ-न्न॑य॒ताग्रे॑
य॒ज्ञप॑ति॒मित्या॑ह । अग्रे॑ ए॒व य॒ज्ञ-न्न॑यन्ति ।
अग्रे॑ य॒ज्ञप॑तिम् ॥ 37 ॥
यु॒ष्मानिन्द्रो॑ ऽवृणीत वृत्र॒तूये॑ यू॒यमिन्द्र॑मवृणीद्ध्वं-वृँत्र॒तूर्य॒ इत्या॑ह ।
वृ॒त्रग्ं ह॑ हनि॒ष्यन्निन्द्र॒ आपो॑ वव्रे ।
आपो॒ हेन्द्रं॑-वँव्रिरे । स॒ज्ञां-मे॒वासा॑मे॒त-थ्सामा॑नं॒-व्याँच॑ष्टे ॥ प्रोक्षि॑ता॒-स्स्थेत्या॑ह । तेनापः॒ प्रोक्षि॑ताः ॥ अ॒ग्नये॑ वो॒ जुष्ट॒-म्प्रोक्षा᳚-म्य॒ग्नीषोमा᳚भ्या॒-मित्या॑ह ।
य॒था॒ दे॒व॒तमे॒वैना॒-न्प्रोक्ष॑ति । त्रिः प्रोक्ष॑ति । त्र्या॑वृ॒द्धि य॒ज्ञः ॥ 38 ॥
अथो॒ रक्ष॑सा॒मप॑हत्यै । शुन्ध॑द्ध्वं॒
दैव्या॑य॒ कर्म॑णे देवय॒ज्याया॒ इत्या॑ह ।
दे॒व॒य॒ज्याया॑ ए॒वैना॑नि शुन्धति । त्रिः प्रोक्ष॑ति । त्र्या॑वृ॒द्धि य॒ज्ञः । अथो॑ मेद्ध्य॒त्वाय॑ । अव॑धूत॒ग्ं॒ रक्षो-ऽव॑धूता॒ अरा॑तय॒ इत्या॑ह ।
रक्ष॑सा॒-मप॑हत्यै । अदि॑त्या॒स्त्वग॒सीत्या॑ह । इ॒यं-वाँ अदि॑तिः ॥ 39 ॥
अ॒स्या ए॒वैन॒-त्त्वच॑-ङ्करोति । प्रति॑ त्वा पृथि॒वी वे॒त्त्वित्या॑ह॒ प्रति॑ष्ठित्यै ॥ पु॒रस्ता᳚-त्प्रती॒चीन॑ग्रीव॒-मुत्त॑रलो॒मोप॑स्तृणाति मेद्ध्य॒त्वाय॑ ।
तस्मा᳚-त्पु॒रस्ता᳚-त्प्र॒त्यञ्चः॑ प॒शवो॒ मेध॒मुप॑तिष्ठन्ते । तस्मा᳚-त्प्र॒जा मृ॒ग-ङ्ग्राहु॑काः । य॒ज्ञो दे॒वेभ्यो॒ निला॑यत ।
कृष्णो॑ रू॒प-ङ्कृ॒त्वा । य-त्कृ॑ष्णाजि॒ने ह॒विर॑द्ध्यव॒हन्ति॑ । य॒ज्ञादे॒व-त-द्य॒ज्ञ-म्प्रयु॑ङ्क्ते । ह॒विषो-ऽस्क॑न्दाय ॥ 40 ॥
अ॒धि॒षव॑णमसि वानस्प॒त्यमित्या॑ह । अ॒धि॒षव॑ण-मे॒वैन॑-त्करोति । प्रति॒ त्वा-ऽदि॑त्या॒स्त्वग्वे॒त्त्वित्या॑ह सय॒त्वाय॑ ॥
अ॒ग्नेस्त॒नू-र॒सीत्या॑ह । अ॒ग्नेर्वा ए॒षा त॒नूः ।
यदोष॑धयः । वा॒चो वि॒सर्ज॑न॒मित्या॑ह ।
य॒दा हि प्र॒जा ओष॑धीना-म॒श्नन्ति॑ । अथ॒ वाचं॒-विँसृ॑जन्ते । दे॒ववी॑तये त्वा गृह्णा॒मीत्या॑ह ॥ 41 ॥
दे॒वता॑भिरे॒वैन॒-थ्सम॑र्धयति ॥
अद्रि॑रसि वानस्प॒त्य इत्या॑ह । ग्रावा॑ण-मे॒वैन॑-त्करोति ।
स इ॒द-न्दे॒वेभ्यो॑ ह॒व्यग्ं सु॒शमि॑ शमि॒ष्वेत्या॑ह॒ शान्त्यै᳚ ॥ हवि॑ष्कृ॒देहीत्या॑ह ।
य ए॒व दे॒वानाग्ं॑ हवि॒ष्कृतः॑ । तान्. ह्व॑यति ।
त्रिर्ह्व॑यति । त्रिष॑त्या॒ हि दे॒वाः ॥ इष॒मा व॒दोर्ज॒मा व॒देत्या॑ह ॥ 42 ॥
इष॑मे॒वोर्जं॒-यँज॑माने दधाति ।
द्यु॒मद्व॑दत व॒यग्ं स॑घा॒न्त-ञ्जे॒ष्मेत्या॑ह॒ भ्रातृ॑व्याभिभूत्यै ॥ मनो᳚-श्श्र॒द्धादे॑वस्य॒ यज॑मानस्यासुर॒घ्नी वाक् । य॒ज्ञा॒यु॒धेषु॒ प्रवि॑ष्टा-ऽऽसीत् । ते-ऽसु॑रा॒ याव॑न्तो यज्ञायु॒धाना॑मु॒द्वद॑ता-मु॒पाशृ॑ण्वन्न् ।
ते परा॑-ऽभवन्न् । तस्मा॒-थ्स्वाना॒-म्मद्ध्ये॑-ऽव॒साय॑ यजेत । याव॑न्तो-ऽस्य॒ भ्रातृ॑व्या यज्ञायु॒धाना॑-मु॒द्वद॑ता-मुपशृ॒ण्वन्ति॑ । ते परा॑ भवन्ति ।
उ॒च्चै-स्स॒माह॑न्त॒वा आ॑ह॒ विजि॑त्यै ॥ 43 ॥
वृ॒ङ्क्त ए॑षामिन्द्रि॒यं-वीँ॒र्य᳚म् । श्रेष्ठ॑ एषा-म्भवति ॥ व॒र्॒ष वृ॑द्धमसि॒ प्रति॑ त्वा व॒र्॒षवृ॑द्धं-वेँ॒त्त्वित्या॑ह ।
व॒र्॒षवृ॑द्धा॒ वा ओष॑धयः ।
व॒र्॒षवृ॑द्धा इ॒षीका॒-स्समृ॑द्ध्यै ।
य॒ज्ञग्ं रक्षा॒ग्॒स्यनु॒ प्रावि॑शन्न् ।
तान्य॒स्ना प॒शुभ्यो॑ नि॒रवा॑दयन्त ।
तुषै॒रोष॑धीभ्यः ॥ परा॑पूत॒ग्ं॒ रक्षः॒ परा॑पूता॒ अरा॑तय॒ इत्या॑ह ।
रक्ष॑सा॒मप॑हत्यै ॥ 44 ॥
रक्ष॑सा-म्भा॒गो॑-ऽसीत्या॑ह । तुषै॑रे॒व रक्षाग्ं॑सि नि॒रव॑दयते । अ॒प उप॑स्पृशति मेद्ध्य॒त्वाय॑ । वा॒युर्वो॒ वि वि॑न॒क्त्वित्या॑ह । प॒वित्रं॒-वैँ वा॒युः । पु॒नात्ये॒वैनान्॑ । अ॒न्तरि॑क्षादिव॒ वा ए॒ते प्रस्क॑न्दन्ति । ये शूर्पा᳚त् । दे॒वो वः॑ सवि॒ता हिर॑ण्यपाणिः॒ प्रति॑गृह्णा॒त्वित्या॑ह॒ प्रति॑ष्ठित्यै ।
ह॒विषो-ऽस्क॑न्दाय । त्रिष्फ॒लीक॑र्त॒वा आ॑ह । त्र्या॑वृ॒द्धि य॒ज्ञः । अथो॑ मेद्ध्य॒त्वाय॑ ॥ 45 ॥
(द्वाभ्या॒मु-त्पु॑नाति - र॒श्मयो॑ - नय॒न्त्यग्रे॑ य॒ज्ञप॑तिं - ँय॒ज्ञो - ऽदि॑ति॒ - रस्क॑न्दाय - गृह्णा॒मीत्या॑ह - व॒देत्या॑ह॒ - विजि॑त्या॒ - अप॑हत्या॒ - अस्क॑न्दाय॒ त्रीणि॑ च) (अ. 5)
अनुवाकं 6 - तण्डुलपेषणम्
अव॑धूत॒ग्ं॒ रक्षो-ऽव॑धूता॒ अरा॑तय॒ इत्या॑ह । रक्ष॑सा॒मप॑हत्यै । अदि॑त्या॒स्त्वग॒सीत्या॑ह । इ॒यं-वाँ अदि॑तिः । अ॒स्या ए॒वैन॒-त्त्वच॑-ङ्करोति । प्रति॑ त्वा पृथि॒वी वे॒त्त्वित्या॑ह॒ प्रति॑ष्ठित्यै ।
पु॒रस्ता᳚-त्प्रती॒चीन॑ग्रीव॒-मुत्त॑रलो॒मोप॑स्तृणाति मेद्ध्य॒त्वाय॑ । तस्मा᳚-त्पु॒रस्ता᳚-त्प्र॒त्यञ्चः॑ प॒शवो॒ मेध॒मुप॑तिष्ठन्ते । तस्मा᳚-त्प्र॒जा मृ॒ग-ङ्ग्राहु॑काः । य॒ज्ञो दे॒वेभ्यो॒ निला॑यत ॥ 46 ॥
कृष्णो॑ रू॒प-ङ्कृ॒त्वा । य-त्कृ॑ष्णाजि॒ने ह॒विर॑धिपि॒नष्टि॑ । य॒ज्ञादे॒व त-द्य॒ज्ञ-म्प्रयु॑ङ्क्ते । ह॒विषो-ऽस्क॑न्दाय ॥ द्यावा॑पृथि॒वी स॒हास्ता᳚म् । ते श॑म्यामा॒त्रमेक॒मह॒र्व्यैताग्ं॑ शम्यामा॒त्रमेक॒महः॑ ॥ दि॒व-स्स्क॑म्भ॒निर॑सि॒ प्रति॒ त्वा ऽदि॑त्या॒स्त्वग्वे॒त्त्वित्या॑ह ।
द्यावा॑पृथि॒व्यो-र्वीत्यै᳚ । धि॒षणा॑-ऽसि पर्व॒त्या
प्रति॑ त्वा दि॒व-स्स्क॑म्भ॒निर्वे॒त्त्वित्या॑ह ।
द्यावा॑पृथि॒व्यो-र्विधृ॑त्यै ॥ 47 ॥
धि॒षणा॑-ऽसि पार्वते॒यी प्रति॑ त्वा पर्व॒तिर्वे॒त्त्वित्या॑ह । द्यावा॑पृथि॒व्योर्धृत्यै᳚ ॥ दे॒वस्य॑ त्वा सवि॒तुः प्र॑स॒व इत्या॑ह॒ प्रसू᳚त्यै । अ॒श्विनो᳚-र्बा॒हुभ्या॒मित्या॑ह । अ॒श्विनौ॒ हि दे॒वाना॑मद्ध्व॒र्यू आस्ता᳚म् । पू॒ष्णो हस्ता᳚भ्या॒मित्या॑ह॒ यत्यै᳚ ।
अधि॑वपा॒मीत्या॑ह । य॒था॒दे॒व॒त-मे॒वैना॒नधि॑ वपति ॥ धा॒न्य॑मसि धिनु॒हि दे॒वानित्या॑ह । ए॒तस्य॒ यजु॑षो वी॒र्ये॑ण ॥ 48 ॥
याव॒देका॑ दे॒वता॑ का॒मय॑ते॒ याव॒देका᳚ । ताव॒दाहु॑तिः प्रथते । न हि तदस्ति॑ । यत्ताव॑दे॒व स्यात् । याव॑ज्जु॒होति॑ ॥ प्रा॒णाय॑ त्वा-ऽपा॒नाय॒ त्वेत्या॑ह । प्रा॒णाने॒व यज॑माने दधाति । दी॒र्घामनु॒ प्रसि॑ति॒मायु॑षे धा॒मित्या॑ह । आयु॑रे॒वास्मि॑-न्दधाति ।
अ॒न्तरि॑क्षादिव॒ वा ए॒तानि॒ प्रस्क॑न्दन्ति । यानि॑ दृ॒षदः॑ । दे॒वो वः॑ सवि॒ता हिर॑ण्यपाणिः॒ प्रति॑ गृह्णा॒त्वित्या॑ह॒ प्रति॑ष्ठित्यै । ह॒विषो-ऽस्क॑न्दाय ॥
असं॑वँपन्ती पिग्ं॑षा॒णूनि॑ कुरुता॒दित्या॑ह मेद्ध्य॒त्वाय॑ ॥ 49 ॥
(निला॑यत॒ - विधृ॑त्यै - वी॒र्ये॑ण - स्कन्दन्ति च॒त्वारि॑ च ) (अ. 6)
अनुवाकं 7 - कपालोपधानम्
धृष्टि॑रसि॒ ब्रह्म॑ य॒च्छेत्या॑ह॒ धृत्यै᳚ ॥
अपा᳚ग्ने॒ ऽग्निमा॒माद॑-ञ्जहि॒ निष्क्र॒व्यादग्ं॑
से॒धा दे॑व॒यजं॑-वँ॒हेत्या॑ह ।
य ए॒वामात्क्र॒व्यात् । तम॑प॒हत्य॑ । मेद्ध्ये॒-ऽग्नौ क॒पाल॒मुप॑दधाति ॥ निर्द॑ग्ध॒ग्ं॒ रक्षो॒ निर्द॑ग्धा॒ अरा॑तय॒ इत्या॑ह । रक्षाग्॑स्ये॒व
निर्द॑हति । अ॒ग्नि॒वत्युप॑दधाति । अ॒स्मिन्ने॒व लो॒के ज्योति॑र्धत्ते । अङ्गा॑र॒मधि॑-वर्तयति ॥ 50 ॥
अ॒न्तरि॑क्ष ए॒व ज्योति॑र्धत्ते ।
आ॒दि॒त्यमे॒वामुष्मि॑न् ँलो॒के ज्योति॑र्धत्ते ।
ज्योति॑ष्मन्तो-ऽस्मा इ॒मे लो॒का भ॑वन्ति ।
य ए॒वं-वेँद॑ ॥ ध्रु॒वम॑सि पृथि॒वी-न्दृ॒ग्ं॒हेत्या॑ह । पृ॒थि॒वीमे॒वैतेन॑ दृग्ंहति ।
ध॒र्त्रम॑स्य॒न्तरि॑क्ष-न्दृ॒ग्ं॒हेत्या॑ह । अ॒न्तरि॑क्षमे॒वैतेन॑ दृग्ंहति ।
ध॒रुण॑मसि॒ दिव॑-न्दृ॒ग्ं॒हेत्या॑ह । दिव॑मे॒वैतेन॑ दृग्ंहति ॥ 51 ॥
धर्मा॑सि॒ दिशो॑ दृ॒ग्ं॒हेत्या॑ह ।
दिश॑ ए॒वैतेन॑ दृग्ंहति । इ॒माने॒वैतै-र्लो॒का-न्दृग्ं॑हति । दृग्ं ह॑न्ते-ऽस्मा इ॒मे लो॒काः प्र॒जया॑ प॒शुभिः॑ । य ए॒वं-वेँद॑ ॥ त्रीण्यग्रे॑ क॒पाला॒न्युप॑दधाति । त्रय॑ इ॒मे लो॒काः ।
ए॒षां-लोँ॒काना॒माप्त्यै᳚ ।
एक॒मग्रे॑ क॒पाल॒मुप॑दधाति ।
एकं॒-वाँ अग्रे॑ क॒पाल॒-म्पुरु॑षस्य स॒भंवँ॑ति ॥ 52 ॥
अथ॒ द्वे । अथ॒ त्रीणि॑ । अथ॑ च॒त्वारि॑ । अथा॒ष्टौ ।
तस्मा॑द॒ष्टाक॑पाल॒-म्पुरु॑षस्य॒ शिरः॑ ।
यदे॒व-ङ्क॒पाला᳚न्युप॒ दधा॑ति । य॒ज्ञो वै प्र॒जाप॑तिः । य॒ज्ञमे॒व प्र॒जाप॑ति॒ग्ं॒ सग्ग्स्क॑रोति ।
आ॒त्मान॑मे॒व त-थ्सग्ग्स्क॑रोति । तग्ं सग्ग्स्कृ॑तमा॒त्मान᳚म् ॥ 53 ॥
अ॒मुष्मि॑न् ँलो॒के-ऽनु॒परै॑ति ॥ यद॒ष्टावु॑प॒ दधा॑ति । गा॒य॒त्रि॒या त-थ्सम्मि॑तम् । यन्नव॑ । त्रि॒वृता॒ तत् । य-द्दश॑ । वि॒राजा॒ तत् । यदेका॑दश । त्रि॒ष्टुभा॒ तत् । यद्द्वाद॑श ॥ 54 ॥
जग॑त्या॒ तत् । छन्दः॑ सम्मितानि॒ स उ॑प॒दध॑-त्क॒पाला॑नि । इ॒मान् ँलो॒कान॑नुपू॒र्व-न्दिशो॒ विधृ॑त्यै दृग्ंहति । अथायुः॑ प्रा॒णा-न्प्र॒जा-म्प॒शून्. यज॑माने दधाति । स॒जा॒तान॑स्मा अ॒भितो॑ बहु॒लान् क॑रोति ॥
चित॒-स्स्थेत्या॑ह । य॒था॒ य॒जुरे॒वैतत् ॥
भृगू॑णा॒मङ्गि॑रसा॒-न्तप॑सा तप्यद्ध्व॒मित्या॑ह ।
दे॒वता॑ना-मे॒वैना॑नि॒ तप॑सा तपति । तानि॒ तत॒-स्सग्ग्स्थि॑ते । यानि॑ घ॒र्मे क॒पाला᳚न् युपचि॒न्वन्ति॑ वे॒धस॒ इति॒ चतु॑ष्पदय॒र्चा विमु॑ञ्चति । चतु॑ष्पादः प॒शवः॑ । प॒शुष्वे॒वोपरि॑ष्टा॒-त्प्रति॑तिष्ठति ॥ 55 ॥
(व॒र्त॒य॒ति॒ - दिव॑मे॒वैतेन॑ दृग्ंहति - स॒म्भव॑ति॒ - तग्ं सग्ग्स्कृ॑तमा॒त्मानं॒ - द्वाद॑श॒ - सग्ग्स्थि॑ते॒ त्रीणि॑ च) (अ. 7)
अनुवाकं 8 - पुरोडाशानिष्पादनम्
दे॒वस्य॑ त्वा सवि॒तुः प्र॑स॒व इत्या॑ह॒ प्रसू᳚त्यै । अ॒श्विनो᳚-र्बा॒हुभ्या॒मित्या॑ह ।
अ॒श्विनौ॒ हि दे॒वाना॑मद्ध्व॒र्यू आस्ता᳚म् ।
पू॒ष्णो हस्ता᳚भ्या॒मित्या॑ह॒ यत्यै᳚ ।
संवँ॑पा॒मीत्या॑ह । य॒था॒ दे॒व॒तमे॒वैना॑नि॒ संवँ॑पति ॥ समापो॑ अ॒द्भिर॑ग्मत॒ समोष॑धयो॒ रसे॒नेत्या॑ह । आपो॒ वा ओष॑धी-र्जिन्वन्ति । ओष॑धयो॒-ऽपो जि॑न्वन्ति ।
अ॒न्या वा ए॒तासा॑म॒न्या जि॑न्वन्ति ॥ 56 ॥
तस्मा॑दे॒वमा॑ह । सग्ं रे॒वती॒-र्जग॑तीभि॒-र्मधु॑मती॒-र्मधु॑मतीभि-स्सृज्यद्ध्व॒मित्या॑ह ।
आपो॒ वै रे॒वतीः᳚ । प॒शवो॒ जग॑तीः । ओष॑धयो॒ मधु॑मतीः । आप॒ ओष॑धीः प॒शून् । ताने॒वास्मा॑ एक॒धा स॒ग्ं॒सृज्य॑ । मधु॑मतः करोति ।
अ॒द्भ्यः परि॒ प्रजा॑ता-स्स्थ॒ सम॒द्भिः पृ॑च्यद्ध्व॒मिति॑ प॒र्याप्ला॑वयति ।
यथा॒ सुवृ॑ष्ट इ॒माम॑नु वि॒सृत्य॑ ॥ 57 ॥
आप॒ ओष॑धीर्म॒हय॑न्ति । ता॒दृगे॒व तत् ॥
जन॑यत्यै त्वा॒ संयौँ॒मीत्या॑ह । प्र॒जा ए॒वैतेन॑ दाधार । अ॒ग्नये᳚ त्वा॒-ऽग्नीषोमा᳚भ्या॒मित्या॑ह॒ व्यावृ॑त्त्यै । म॒खस्य॒ शिरो॒-ऽसीत्या॑ह ।
य॒ज्ञो वै म॒खः । तस्यै॒तच्छिरः॑ । य-त्पु॑रो॒डाशः॑ । तस्मा॑दे॒वमा॑ह ॥ 58 ॥
घ॒र्मो॑-ऽसि वि॒श्वायु॒रित्या॑ह । विश्व॑मे॒वायु॒-र्यज॑माने दधाति । उ॒रु प्र॑थस्वो॒रु ते॑ य॒ज्ञप॑तिः प्रथता॒मित्या॑ह । यज॑मानमे॒व प्र॒जया॑ प॒शुभिः॑ प्रथयति । त्वच॑-ङ्गृह्णी॒ष्वेत्या॑ह ।
सर्व॑मे॒वैन॒ग्ं॒ सत॑नु-ङ्करोति । अथा॒प आ॒नीय॒ परि॑ मार्ष्टि । मा॒ग्ं॒स ए॒व त-त्त्वच॑-न्दधाति । तस्मा᳚-त्त्व॒चा मा॒ग्ं॒स-ञ्छ॒न्नम् ॥
घ॒र्मो वा ए॒षो-ऽशा᳚न्तः ॥ 59 ॥
अ॒र्ध॒मा॒से᳚-ऽर्धमासे॒ प्रवृ॑ज्यते । य-त्पु॑रो॒डाशः॑ । स ई᳚श्व॒रो यज॑मानग्ं शु॒चा प्र॒दहः॑ । पर्य॑ग्नि करोति । प॒शुमे॒वैन॑मकः । शान्त्या॒ अप्र॑दाहाय । त्रिः पर्य॑ग्नि करोति ।
त्र्या॑वृ॒द्धि य॒ज्ञः । अथो॒ रक्ष॑सा॒मप॑हत्यै ॥
अ॒न्तरि॑त॒ग्ं॒ रक्षो॒-ऽन्तरि॑ता॒ अरा॑तय॒ इत्या॑ह ॥ 60 ॥
रक्ष॑सा-म॒न्तर्हि॑त्यै । पु॒रो॒डाशं॒-वाँ अधि॑श्रित॒ग्ं॒ रक्षाग्॑स्यजिघाग्ंसन्न् ।
दि॒वि नाको॒ नामा॒ग्नी र॑क्षो॒हा । स ए॒वास्मा॒-द्रक्षा॒ग्॒स्यपा॑हन्न् । दे॒वस्त्वा॑ सवि॒ता श्र॑पय॒त्वित्या॑ह । स॒वि॒तृप्र॑सूत ए॒वैनग्ग्॑ श्रपयति । वर्षि॑ष्ठे॒ अधि॒ नाक॒ इत्या॑ह । रक्ष॑सा॒मप॑हत्यै । अ॒ग्निस्ते॑ त॒नुव॒-म्मा-ऽति॑ धा॒गित्या॒हान॑तिदाहाय । अग्ने॑ ह॒व्यग्ं र॑क्ष॒स्वेत्या॑ह॒ गुप्त्यै᳚ ॥ 61 ॥
अवि॑दहन्त-श्श्रपय॒तेति॒ वाचं॒-विँसृ॑जते ।
य॒ज्ञमे॒व ह॒वीग्ष्य॑भि-व्या॒हृत्य॒ प्रत॑नुते ।
पु॒रो॒रुच॒मवि॑दाहाय॒ शृत्यै॑ करोति ॥ म॒स्तिष्को॒ वै पु॑रो॒डाशः॑ । तं-यँन्नाभि॑वा॒सये᳚त् । आ॒विर्म॒स्तिष्कः॑ स्यात् । अ॒भिवा॑सयति ।
तस्मा॒-द्गुहा॑ म॒स्तिष्कः॑ । भस्म॑ना॒-ऽभि वा॑सयति ।
तस्मा᳚-न्मा॒ग्ं॒सेनास्थि॑ छ॒न्नम् ॥ 62 ॥
वे॒देना॒भि वा॑सयति । तस्मा॒-त्केशै॒-श्शिरः॑ छ॒न्नम् ।
अख॑लतिभावुको भवति । य ए॒वं-वेँद॑ ॥ प॒शोर्वै प्र॑ति॒मा पु॑रो॒डाशः॑ । स नाय॒जुष्क॑-मभि॒वास्यः॑ । वृथे॑व स्यात् । ई॒श्व॒रा यज॑मानस्य प॒शवः॒ प्रमे॑तोः ॥ स-म्ब्रह्म॑णा पृच्य॒स्वेत्या॑ह । प्रा॒णा वै ब्रह्म॑ ॥ 63 ॥
प्रा॒णाः प॒शवः॑ । प्रा॒णैरे॒व प॒शून्थ्
सम्पृ॑णक्ति । न प्र॒मायु॑का भवन्ति । यज॑मानो॒ वै पु॑रो॒डाशः॑ । प्र॒जा प॒शवः॒ पुरी॑षम् ।
यदे॒वम॑भि वा॒सय॑ति । यज॑मानमे॒व प्र॒जया॑ प॒शुभि॒-स्सम॑र्धयति ॥ दे॒वा वै ह॒वि-र्भृ॒त्वा-ऽब्रु॑वन्न् । कस्मि॑न्नि॒द-म्म्र॑क्ष्यामह॒ इति॑ ।
सो᳚-ऽग्निर॑ब्रवीत् ॥ 64 ॥
मयि॑ त॒नू-स्सन्निध॑द्ध्वम् । अ॒हं-वँ॒स्त-ञ्ज॑नयिष्यामि । यस्मि॑-न्म्र॒क्ष्यद्ध्व॒ इति॑ । ते दे॒वा अ॒ग्नौ त॒नू-स्स-न्न्य॑दधत । तस्मा॑दाहुः ।
अ॒ग्नि-स्सर्वा॑ दे॒वता॒ इति॑ । सो-ऽङ्गा॑रेणा॒पः ।
अ॒भ्य॑पातयत् । तत॑ एक॒तो॑-ऽजायत ।
स द्वि॒तीय॑म॒भ्य॑पातयत् ॥ 65 ॥
ततो᳚ द्वि॒तो॑-ऽजायत । स तृ॒तीय॑-म॒भ्य॑पातयत् ।
तत॑-स्त्रि॒तो॑-ऽजायत । यद॒द्भ्यो-ऽजा॑यन्त । तदा॒प्याना॑माप्य॒त्वम् । यदा॒त्मभ्यो ऽजा॑यन्त ।
तदा॒त्म्याना॑-मात्म्य॒त्वम् ॥ ते दे॒वा आ॒प्येष्व॑मृजत । आ॒प्या अ॑मृजत॒ सूर्या᳚भ्युदिते । सूर्या᳚भ्युदित॒-स्सूर्या॑भिनिम्रुक्ते ॥ 66 ॥
सूर्या॑भिनिम्रुक्तः कुन॒खिनि॑ । कु॒न॒खी श्या॒वद॑ति । श्या॒वद॑न्नग्रदिधि॒षौ । अ॒ग्र॒दि॒धि॒षुः प॑रिवि॒त्ते । प॒रि॒वि॒त्तो वी॑र॒हणि॑ । वी॒र॒हा ब्र॑ह्म॒हणि॑ ।
तद्ब्र॑ह्म॒हण॒-न्नात्य॑च्यवत । अ॒न्त॒र्वे॒दि निन॑य॒त्यव॑रुद्ध्यै । उल्मु॑केना॒भि गृ॑ह्णाति शृत॒त्वाय॑ । शृ॒तका॑मा इव॒ हि दे॒वाः ॥ 67 ॥
(अ॒न्या जि॑न्वन्-त्यनुवि॒सृत्यै॒-वमा॒-हाशा᳚न्त-आह॒-गुप्त्यै॑-छ॒न्नं - ब्रह्मा᳚-ब्रवी-द्द्वि॒तीय॑म॒भ्य॑पातय॒-थ्सूर्या॑भिनिम्रुक्ते-दे॒वाः) (अ. 8)
अनुवाकं 9 - वेदिकरणम्
दे॒वस्य॑ त्वा सवि॒तुः प्र॑स॒व इति॒ स्फ्यमाद॑त्ते॒ प्रसू᳚त्यै । अ॒श्विनो᳚-र्बा॒हुभ्या॒मित्या॑ह । अ॒श्विनौ॒ हि दे॒वाना॑मद्ध्व॒र्यू आस्ता᳚म् । पू॒ष्णो हस्ता᳚भ्या॒मित्या॑ह॒ यत्यै᳚ ॥ आद॑द॒ इन्द्र॑स्य बा॒हुर॑सि॒ दक्षि॑ण॒ इत्या॑ह । इ॒न्द्रि॒यमे॒व यज॑माने दधाति । स॒हस्र॑भृष्टि-श्श॒तते॑जा॒ इत्या॑ह ।
रू॒पमे॒वास्यै॒त-न्म॑हि॒मानं॒-व्याँच॑ष्टे ॥
वा॒युर॑सि ति॒ग्मते॑जा॒ इत्या॑ह । तेजो॒ वै वा॒युः ॥ 68 ॥
तेज॑ ए॒वास्मि॑-न्दधाति ॥ वि॒षाद्वै नामा॑सु॒र आ॑सीत् । सो॑-ऽबिभेत् । य॒ज्ञेन॑ मा दे॒वा अ॒भिभ॑विष्य॒न्तीति॑ । स पृ॑थि॒वीम॒भ्य॑वमीत् । सा ऽमे॒द्ध्या ऽभ॑वत् । अथो॒ यदिन्द्रो॑ वृ॒त्रमहन्न्॑ । तस्य॒ लोहि॑त-म्पृथि॒वीमनु॒ व्य॑धावत् । सा ऽमे॒द्ध्या ऽभ॑वत् ।
पृथि॑वि देवयज॒नीत्या॑ह ॥ 69 ॥
मेद्ध्या॑मे॒वैना᳚-न्देव॒यज॑नी-ङ्करोति ।
ओष॑द्ध्यास्ते॒ मूल॒-म्मा हिग्ं॑सिष॒मित्या॑ह । ओष॑धीना॒-महिग्ं॑सायै ॥ व्र॒ज-ङ्ग॑च्छ गो॒स्थान॒मित्या॑ह । छन्दाग्ं॑सि॒ वै व्र॒जो गो॒स्थानः॑ । छन्दाग्॑स्ये॒वास्मै᳚ व्र॒ज-ङ्गो॒स्थान॑-ङ्करोति ॥ वर्ष॑तु ते॒ द्यौरित्या॑ह ।
वृष्टि॒र्वै द्यौः । वृष्टि॑मे॒वाव॑रुन्धे ॥
ब॒धा॒न दे॑व सवितः पर॒मस्या᳚-म्परा॒वतीत्या॑ह ॥ 70 ॥
द्वौ वाव पुरु॑षौ । य-ञ्चै॒व द्वेष्टि॑ । यश्चै॑न॒-न्द्वेष्टि॑ । तावु॒भौ ब॑द्ध्नाति पर॒मस्या᳚-म्परा॒वति॑ श॒तेन॒ पाशैः᳚ । यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्मस्तमतो॒ मा मौ॒गित्या॒हानि॑म्रुक्त्यै ॥
अ॒ररु॒र्वै नामा॑सु॒र आ॑सीत् ।
स पृ॑थि॒व्यामुप॑म्लुप्तो-ऽशयत् ।
त-न्दे॒वा अप॑हतो॒-ऽररुः॑ पृथि॒व्या इति॑ पृथि॒व्या अपा᳚घ्नन्न् । भ्रातृ॑व्यो॒ वा अ॒ररुः॑ । अप॑हतो॒-ऽररुः॑ पृथि॒व्या इति॒ यदाह॑ ॥ 71 ॥
भ्रातृ॑व्यमे॒व पृ॑थि॒व्या अप॑हन्ति । ते॑-ऽमन्यन्त ।
दिवं॒-वाँ अ॒यमि॒तः प॑तिष्य॒तीति॑ ।
तम॒ररु॑स्ते॒ दिव॒-म्मा स्का॒निति॑ दि॒वः पर्य॑बाधन्त । भ्रातृ॑व्यो॒ वा अ॒ररुः॑ । अ॒ररु॑स्ते॒ दिव॒-म्मा स्का॒निति॒ यदाह॑ । भ्रातृ॑व्यमे॒व दि॒वः परि॑बाधते ।
स्त॒म्ब॒ य॒जुर्-ह॑रति । पृ॒थि॒व्या ए॒व भ्रातृ॑व्य॒-मप॑हन्ति । द्वि॒तीयग्ं॑ हरति ॥ 72 ॥
अ॒न्तरि॑क्षादे॒वैन॒-मप॑हन्ति । तृ॒तीयग्ं॑ हरति । दि॒व ए॒वैन॒-मप॑हन्ति । तू॒ष्णी-ञ्च॑तु॒र्थग्ं ह॑रति । अप॑रिमितादे॒वैन॒-मप॑हन्ति ॥ असु॑राणां॒-वाँ इ॒यमग्र॑ आसीत् । याव॒दासी॑नः परा॒ पश्य॑ति ।
ताव॑-द्दे॒वाना᳚म् । ते दे॒वा अ॑ब्रुवन्न् ।
अस्त्वे॒व नो॒-ऽस्यामपीति॑ ॥ 73 ॥
क्य॑न्नो दास्य॒थेति॑ । याव॑थ्स्व॒य-म्प॑रिगृह्णी॒थेति॑ ।
ते वस॑व॒स्त्वेति॑ दक्षिण॒तः पर्य॑गृह्णन्न् । रु॒द्रास्त्वेति॑ प॒श्चात् । आ॒दि॒त्या-स्त्वेत्यु॑त्तर॒तः । ते᳚-ऽग्निना॒ प्राञ्चो॑-ऽजयन्न् । वसु॑भि-र्दक्षि॒णा ।
रु॒द्रैः प्र॒त्यञ्चः॑ । आ॒दि॒त्यैरुद॑ञ्चः ।
यस्यै॒वं-विँ॒दुषो॒ वेदि॑-म्परि गृ॒ह्णन्ति॑ ॥ 74 ॥
भव॑त्या॒त्मना᳚ । परा᳚-ऽस्य॒ भ्रातृ॑व्यो भवति ॥
दे॒वस्य॑ सवि॒तु-स्स॒व इत्या॑ह॒ प्रसू᳚त्यै ।
कर्म॑ कृण्वन्ति वे॒धस॒ इत्या॑ह । इ॒षि॒तग्ं हि कर्म॑ क्रि॒यते᳚ । पृ॒थि॒व्यै मेद्ध्य॑-ञ्चामे॒द्ध्य-ञ्च॒ व्युद॑क्रामताम् । प्रा॒चीन॑-मुदी॒चीन॒-म्मेद्ध्य᳚म् । प्र॒ती॒चीन॑-न्दक्षि॒णा ऽमे॒द्ध्यम् ।
प्राची॒मुदी॑ची-म्प्रव॒णा-ङ्क॑रोति ।
मेद्ध्या॑मे॒वैना᳚-न्देव॒यज॑नी-ङ्करोति ॥ 75 ॥
प्राञ्चौ॑ वेद्य॒ग्ं॒ सावुन्न॑यति । आ॒ह॒व॒नीय॑स्य॒ परि॑गृहीत्यै । प्र॒तीची॒ श्रोणी᳚ । गार्ह॑पत्यस्य॒ परि॑गृहीत्यै । अथो॑ मिथुन॒त्वाय॑ । उद्ध॑न्ति । यदे॒वास्या॑ अमे॒द्ध्यम् । तदप॑हन्ति । उद्ध॑न्ति ।
तस्मा॒दोष॑धयः॒ परा॑भवन्ति ॥ 76 ॥
मूल॑-ञ्छिनत्ति । भ्रातृ॑व्यस्यै॒व मूल॑-ञ्छिनत्ति ।
मूलं॒-वाँ अ॑ति॒तिष्ठ॒-द्रक्षा॒ग्॒स्यनू-त्पि॑पते । यद्धस्ते॑न छि॒न्द्यात् । कु॒न॒खिनीः᳚ प्र॒जा-स्स्युः॑ । स्फ्येन॑ छिनत्ति । वज्रो॒ वै स्फ्यः ।
वज्रे॑णै॒व य॒ज्ञा-द्रक्षा॒ग्॒स्यप॑हन्ति । पि॒तृ॒दे॒व॒त्या ऽति॑खाता । इय॑ती-ङ्खनति ॥ 77 ॥
प्र॒जाप॑तिना यज्ञमु॒खेन॒ सम्मि॑ताम् ॥ वेदि॑र्दे॒वेभ्यो॒ निला॑यत । ता-ञ्च॑तुरङ्गु॒ले ऽन्व॑विन्दन्न् । तस्मा᳚च्चतुरङ्गु॒ल-ङ्खेया᳚ ।
च॒तु॒रङ्गु॒ल-ङ्ख॑नति । च॒तु॒र॒ङ्गु॒ले ह्योष॑धयः प्रति॒तिष्ठ॑न्ति ।
आप्र॑ति॒ष्ठायै॑ खनति । यज॑मानमे॒व प्र॑ति॒ष्ठा-ङ्ग॑मयति । द॒क्षि॒ण॒तो वर्षी॑यसी-ङ्करोति ।
दे॒व॒यज॑नस्यै॒व रू॒पम॑कः ॥ 78 ॥
पुरी॑षवती-ङ्करोति । प्र॒जा वै प॒शवः॒ पुरी॑षम् ।
प्र॒जयै॒वैन॑-म्प॒शुभिः॒ पुरी॑षवन्त-ङ्करोति । उत्त॑र-म्परिग्रा॒ह-म्परि॑गृह्णाति । ए॒ताव॑ती॒ वै पृ॑थि॒वी । याव॑ती॒ वेदिः॑ । तस्या॑ ए॒ताव॑त ए॒व भ्रातृ॑व्य-न्नि॒र्भज्य॑ । आ॒त्मन॒ उत्त॑र-म्परिग्रा॒ह-म्परि॑गृह्णाति ।
ऋ॒त-म॑स्यृत॒सद॑न-मस्यृत॒श्रीर॒सीत्या॑ह । य॒था॒ य॒जुरे॒वै तत् ॥ 79 ॥
क्रू॒रमि॑व॒ वा ए॒त-त्क॑रोति । यद्वेदि॑-ङ्क॒रोति॑ ।
धा अ॑सि स्व॒धा अ॒सीति॑ योयुप्यते॒ शान्त्यै᳚ ।
उ॒र्वी चासि॒ वस्वी॑ चा॒सीत्या॑ह ।
उ॒र्वीमे॒वैनां॒-वँस्वी᳚-ङ्करोति ।
पु॒रा क्रू॒रस्य॑ वि॒सृपो॑ विरफ्शि॒न्नित्या॑ह मेद्ध्य॒त्वाय॑ । उ॒दा॒दाय॑ पृथि॒वी-ञ्जी॒रदा॑नु॒र्यामैर॑य-ञ्च॒न्द्रम॑सि स्व॒धाभि॒रित्या॑ह ।
यदे॒वास्या॑ अमे॒द्ध्यम् । तद॑प॒हत्य॑ ।
मेद्ध्या᳚-न्देव॒यज॑नी-ङ्कृ॒त्वा ॥ 80 ॥
यद॒दश्च॒न्द्रम॑सि॒ मेद्ध्य᳚म् । तद॒स्यामेर॑यति ।
ता-न्धीरा॑सो अनु॒दृश्य॑ यजन्त॒ इत्या॒हानु॑ख्यात्यै ॥ प्रोक्ष॑णी॒रासा॑दय । इ॒द्ध्माब॒र्॒हि-रुप॑सादय । स्रु॒व-ञ्च॒ स्रुच॑श्च॒ सम्मृ॑ड्ढि । पत्नी॒ग्ं॒ सन्न॑ह्य । आज्ये॑नो॒देहीत्या॑हानुपू॒र्वता॑यै । प्रोक्ष॑णी॒रासा॑दयति । आपो॒ वै र॑क्षो॒घ्नीः ॥ 81 ॥
रक्ष॑सा॒मप॑हत्यै । स्फ्यस्य॒ वर्त्मन्᳚-थ्सादयति । य॒ज्ञस्य॒ सन्त॑त्यै । उ॒वाच॒ हासि॑तो दैव॒लः । ए॒ताव॑ती॒र्वा अ॒मुष्मि॑न् ँलो॒क आप॑ आसन्न् ।
याव॑तीः॒ प्रोक्ष॑णी॒रिति॑ । तस्मा᳚-द्ब॒ह्वीरा॒साद्याः᳚ । स्फ्यमु॒दस्यन्न्॑ । य-न्द्वि॒ष्यात्त-न्ध्या॑येत् । शु॒चैवैन॑-मर्पयति ॥ 82 ॥
(वै वा॒यु - रा॑ह - परा॒वतीत्या॒हा - ह॑ - द्वि॒तीयग्ं॑ हर॒ - तीति॑ - परिगृ॒ह्णन्ति॑ - देव॒यज॑नी-ङ्करोति - भवन्ति - खनत्य - क - रे॒तत् - कृ॒त्वा - र॑क्षो॒घ्नी - र॑र्पयति) (अ. 9)
अनुवाकं 10 - इध्माबर्हि-स्सादनम्
वज्रो॒ वै स्फ्यः । यद॒न्वञ्च॑-न्धा॒रये᳚त् । वज्रे᳚-ऽद्ध्व॒र्युः, क्ष॑ण्वीत । पु॒रस्ता᳚-त्ति॒र्यञ्च॑-न्धारयति । वज्रो॒ वै स्फ्यः । वज्रे॑णै॒व य॒ज्ञस्य॑ दक्षिण॒तो रक्षा॒ग्॒स्यप॑हन्ति ।
अ॒ग्निभ्या॒-म्प्राच॑श्च प्र॒तीच॑श्च । स्फ्येनोदी॑चश्चा-ध॒राच॑श्च । स्फ्येन॒ वा ए॒ष वज्रे॑णा॒स्यै पा॒प्मान॒-म्भ्रातृ॑व्य-मप॒हत्य॑ ।
उ॒त्क॒रे-ऽधि॒ प्रवृ॑श्चति ॥ 83 ॥
यथो॑प॒धाय॑ वृ॒श्चन्त्य॒वम् । हस्ता॒वव॑ नेनिक्ते । आ॒त्मान॑मे॒व प॑वयते । स्फ्य-म्प्रक्षा॑लयति मेद्ध्य॒त्वाय॑ । अथो॑ पा॒प्मन॑ ए॒व भ्रातृ॑व्यस्य न्य॒ङ्ग-ञ्छि॑नत्ति ॥ इ॒द्ध्मा-ब॒र्॒हि-रुप॑सादयति॒ युक्त्यै᳚ । य॒ज्ञस्य॑ मिथुन॒त्वाय॑ ।
अथो॑ पुरो॒रुच॑मे॒वैता-न्द॑धाति ।
उत्त॑रस्य॒ कर्म॒णो-ऽनु॑ख्यात्यै ।
न पु॒रस्ता᳚-त्प्र॒त्यगुप॑सादयेत् ॥ 84 ॥
य-त्पु॒रस्ता᳚-त्प्र॒त्य-गु॑पसा॒दये᳚त् ।
अ॒न्यत्रा॑हुतिप॒थादि॒द्ध्म-म्प्रति॑पादयेत् । प्र॒जा वै ब॒र्॒हिः । अप॑राद्ध्नुया-द्ब॒र्॒हिषा᳚ प्र॒जाना᳚-म्प्र॒जन॑नम् । प॒श्चात्-प्रागुप॑सादयति । आ॒हु॒ति॒प॒थेने॒द्ध्म-म्प्रति॑पादयति ।
स॒प्र॒न्त्ये॑व ब॒र्॒हिषा᳚ प्र॒जाना᳚-म्प्र॒जन॑न॒मुपै॑ति । दक्षि॑णमि॒द्ध्मम् ।
उत्त॑र-म्ब॒र॒ःइः । आ॒त्मा वा इ॒द्ध्मः ।
प्र॒जा ब॒र्॒हिः । प्र॒जा ह्या᳚त्मन॒ उत्त॑रतरा ती॒र्थे ।
ततो॒ मेध॑मुप॒नीय॑ । य॒था॒ दे॒व॒तमे॒वैन॒त्-प्रति॑ष्ठापयति । प्रति॑तिष्ठति प्र॒जया॑ प॒शुभि॒-र्यज॑मानः ॥ 85 ॥
(वृ॒श्च॒ति॒ - सा॒द॒ये॒ - दि॒द्ध्मः पञ्च॑ च) (अ. 10)
(तृतीय॑स्यां - दे॒वस्या᳚श्वप॒र्॒शुं-योँ वै - पू᳚र्वे॒द्युः - कर्म॑णे वा॒ - मिन्द्रो॑ वृ॒त्रम॑ह॒न्-थ्सो॑-ऽपो - ऽव॑धूतं॒ - धृष्टि॑--र् दे॒वस्येत्या॑ह॒ संवँ॑पामि - दे॒वस्य॒ स्फ्यमाद॑दे॒ - वज्रो॒ वै स्फ्यो दश॑)
(तृ॒तीय॑स्यां - ँय॒ज्ञस्यान॑तिरेकाय - प॒वित्र॑वत्य - ध्व॒र्यु-ञ्चा॑ - धि॒षव॑णमस्य॒ - न्तरि॑क्ष ए॒व - रक्ष॑साम॒न्तर्हि॑त्यै॒ - द्वौ वाव पुरु॑षो॒ - यद॒दश्च॒न्द्रम॑सि॒ मेद्ध्य॒-म्पञ्चाशी॑तिः)
(तृ॒तीय॑स्यां॒ - ँयज॑मानः)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके द्वितीयः प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhakaḥ - daśapūrṇamāseṣṭibrāhmaṇam
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - vathsāpākaraṇam
tṛ॒tīya̭syāmi॒to di॒vi soma̭ āsīt | ta-ṅgā̭ya॒tryāha̭rat |
tasya̭ pa॒rṇama̭cchidyata | ta-tpa॒rṇo̭-'bhavat | ta-tpa॒rṇasya̭ parṇa॒tvam | brahma॒ vai pa॒rṇaḥ | ya-tpa̭rṇaśā॒khayā̭ va॒thsāna̭pāka॒roti̭ |
brahma̭ṇai॒vainā̭na॒pāka̭roti || gā॒ya॒tro vai pa॒rṇaḥ | gā॒ya॒trāḥ pa॒śavaḥ̭ || 1 ||
tasmā॒-ttrīṇi̭trīṇi pa॒rṇasya̭ palā॒śāni̭ | tri॒padā̭ gāya॒trī | ya-tpa̭rṇaśa॒khayā॒ gāḥ prā॒rpaya̭ti | svayai॒vainā̭ de॒vata̭yā॒ prārpa̭yati | ya-ṅkā॒mayḙtā pa॒śu-ssyā॒diti̭ | a॒pa॒rṇā-ntasmai॒ śuṣkā᳚grā॒māha̭ret |
a॒pa॒śure॒va bha̭vati | ya-ṅkā॒mayḙta paśu॒mān-thsyā॒diti̭ | ba॒hu॒pa॒rṇā-ntasmai̭ bahuśā॒khāmāha̭ret | pa॒śu॒manta̭-me॒vaina̭-ṅkaroti || 2 ||
ya-tprācī̭mā॒hare᳚t | de॒va॒lo॒ka-ma॒bhija̭yet | yadudī̭cī-mmanuṣyalo॒kam | prācī॒mudī̭cī॒māha̭rati | u॒bhayo᳚-rlo॒kayo̭-ra॒bhiji̭tyai || i॒ṣe tvo॒rje tvetyā̭ha | iṣa̭me॒vorjaṃ॒-ya~ja̭māne dadhāti ||
vā॒yava॒-ssthetyā̭ha | vā॒yurvā a॒ntari̭kṣa॒-syāddhya̭kṣāḥ |
a॒nta॒ri॒kṣa॒de॒va॒tyāḥ᳚ khalu॒ vai pa॒śavaḥ̭ || 3 ||
vā॒yava̭ e॒vainā॒-npari̭ dadāti | pra vā ḙnāne॒tadā-ka̭roti | yadāha̭ | vā॒yava॒-ssthetyṷpā॒yavaḥ॒
sthetyā̭ha | yaja̭mānāyai॒va pa॒śūnupa̭hvayate ||
de॒vo vaḥ̭ savi॒tā prārpa̭ya॒tvityā̭ha॒ prasū᳚tyai || śreṣṭha̭tamāya॒ karma̭ṇa॒ ityā̭ha |
ya॒jño hi śreṣṭha̭tama॒-ṅkarma̭ | tasmā̭de॒vamā̭ha ||
āpyā̭yaddhvamaghniyā devabhā॒gamityā̭ha || 4 ||
va॒thsebhya̭śca॒ vā e॒tāḥ pu॒rā ma̭nu॒ṣye᳚bhya॒-ścāpyā̭yanta | de॒vebhya̭ e॒vainā॒ indrā॒yāpyā̭yati || ūrja̭svatīḥ॒ paya̭svatī॒rityā̭ha | ūrja॒gṃ ॒hi payaḥ̭ sa॒mbhara̭nti || pra॒jāva̭tī-ranamī॒vā a̭ya॒kṣmā ityā̭ha॒ prajā᳚tyai | māvaḥ̭ ste॒na ī̭śata॒ mā-'ghaśagṃ̭sa॒ ityā̭ha॒ guptyai᳚ || ru॒drasya̭ he॒tiḥ pari̭ vo vṛṇa॒ktvityā̭ha | ru॒drā de॒vainā᳚-strāyate ||
dhru॒vā a॒smi-ngopa̭tau syāta ba॒hvīrityā̭ha |
dhru॒vā e॒vāsmi̭-nba॒hvīḥ ka̭roti || 5 ||
yaja̭mānasya pa॒śū-npā॒hītyā̭ha | pa॒śu॒nā-ṅgo̭pī॒thāya̭ | tasmā᳚thsā॒ya-mpa॒śava॒ upa̭ sa॒māva̭rtante || ana̭dha-ssādayati | garbhā̭ṇā॒-ndhṛtyā॒ apra̭pādāya | tasmā॒dgarbhāḥ᳚ pra॒jānā॒mapra̭pādukāḥ |
u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 6 ||
(pa॒śavaḥ̭ - karoti - pa॒śavo̭ - devabhā॒gamityā̭ha - karoti॒ - +nava̭ ca) (a. 1)
anuvākaṃ 2 - barhirāharaṇam
de॒vasya̭ tvā savi॒tuḥ pra̭sa॒va itya̭śvapa॒r॒śumāda̭tte॒ prasū᳚tyai |
a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ || yo vā oṣa̭dhīḥ parva॒śo veda̭ | nainā॒-ssa hi̭nasti | pra॒jāpa̭ti॒rvā oṣa̭dhīḥ parva॒śo vḙda | sa ḙnā॒ na hi̭nasti | a॒śva॒pa॒rśvā ba॒r॒hiracchai̭ti |
prā॒jā॒pa॒tyo vā aśvaḥ̭ sayoni॒tvāya̭ || 7 ||
oṣa̭dhīnā॒mahigṃ̭sāyai ||
ya॒jñasya̭ gho॒ṣada॒sītyā̭ha |
yaja̭māna e॒va ra॒yi-nda̭dhāti | pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || preyama̭gāddhi॒ṣaṇā̭ ba॒r॒hiracchetyā̭ha | vi॒dyā vai dhi॒ṣaṇā᳚ | vi॒dyayai॒vaina॒dacchai̭ti || manṷnā kṛ॒tā sva॒dhayā॒ vita॒ṣṭetyā̭ha | mā॒na॒vī hi parśuḥ̭ sva॒dhākṛ̭tā || 8 ||
ta āva̭hanti ka॒vayaḥ̭ pu॒rastā॒dityā̭ha | śu॒śru॒vāgṃso॒ vai ka॒vayaḥ̭ | ya॒jñaḥ pu॒rastā᳚t | mu॒kha॒ta e॒va ya॒jñamāra̭bhate | atho॒ yade॒tadu॒ktvā yataḥ॒ kuta̭ścā॒hara̭ti | ta-tprācyā̭ e॒va di॒śo bha̭vati ||
de॒vebhyo॒ juṣṭa̭mi॒ha ba॒r॒hirā॒sada॒ ityā̭ha | ba॒r॒hiṣa॒-ssamṛ̭ddhyai | karma॒ṇo-'na̭parādhāya || de॒vānā᳚-mpariṣū॒tama॒sītyā̭ha || 9 ||
yadvā i॒da-ṅki-ñca̭ | ta-dde॒vānā᳚-mpariṣū॒tam |
atho॒ yathā॒ vasya̭se prati॒ procyāhe॒da-ṅka̭riṣyā॒mīti̭ | e॒vame॒va tada̭ddhva॒ryu-rde॒vebhyaḥ̭ prati॒ procya̭ ba॒r॒hirdā̭ti | ā॒tmano-'higṃ̭sāyai || yāva̭ta-ssta॒mbā-npa̭ri di॒śet | yatteṣā̭-mucchi॒gg॒ṣyāt | ati॒ ta-dya॒jñasya̭ recayet | ekagg̭ sta॒mba-mpari̭diśet |
tagṃ sarva̭-ndāyāt || 10 ||
ya॒jñasyāna̭tirekāya || va॒r॒ṣavṛ̭ddha-ma॒sītyā̭ha |
va॒r॒ṣa vṛ̭ddhā॒ vā oṣa̭dhayaḥ ||
deva̭ barhi॒rityā̭ha | de॒vebhya̭ e॒vaina̭-tkaroti |
mā tvā॒-'nvammā ti॒ryagityā॒hā higṃ̭sāyai |
parva̭ te rāddhyāsa॒mityā॒-hardhyai᳚ ||
ā॒cche॒ttā te॒ mā ri̭ṣa॒mityā̭ha | nāsyā॒tmano̭ mīyate |
ya e॒vaṃ-ve~da̭ || 11 ||
deva̭barhi-śśa॒tava̭lśaṃ॒-vi~ro॒hetyā̭ha | pra॒jā vai ba॒r॒hiḥ | pra॒jānā᳚-mpra॒jana̭nāya || sa॒hasra̭valśā॒ vi va॒yagṃ rṷhe॒metyā̭ha | ā॒śiṣa̭me॒vaitāmāśā᳚ste || pṛ॒thi॒vyā-ssa॒pṛñcaḥ̭ pā॒hītyā̭ha॒ prati̭ṣṭhityai ||
ayṷṅgāyuṅgā-nmu॒ṣṭīn ~lṷnoti | mi॒thu॒na॒tvāya॒ prajā᳚tyai || su॒sa॒bhṛntā᳚ tvā॒ sambha̭rā॒mītyā̭ha | brahma̭ṇai॒vaina॒th- sambha̭rati || 12 ||
adi̭tyai॒ rāsnā॒-'sītyā̭ha | i॒yaṃ-vā~ adi̭tiḥ |
a॒syā e॒vaina॒-drāsnā᳚-ṅkaroti || i॒ndrā॒ṇyai sa॒naṃha̭na॒mityā̭ha | i॒ndrā॒ṇī vā agrḙ de॒vatā̭nā॒gṃ॒ sama̭nahyata | sā ''rdhno᳚t |
ṛddhyai॒ sanna̭hyati | pra॒jā vai ba॒r॒hiḥ |
pra॒jānā॒mapa̭rāvāpāya |
tasmā॒-thsnāva̭santatāḥ pra॒jā jā̭yante || 13 ||
pū॒ṣā te᳚ gra॒nthi-ṅgra̭thnā॒tvityā̭ha |
puṣṭi̭me॒va yaja̭māne dadhāti || sa te॒ mā-'' sthā॒dityā॒hāhigṃ̭sāyai || pa॒ścā-tprāñca॒mupa̭gūhati |
pa॒ścā-dvai prā॒cīna॒gṃ॒ reto̭ dhīyate |
pa॒ścāde॒vāsmai᳚ prā॒cīna॒gṃ॒ reto̭ dadhāti ||
indra̭sya tvā bā॒hubhyā॒-mudya̭ccha॒ ityā̭ha | i॒ndri॒yame॒va yaja̭māne dadhāti ||
bṛha॒spate᳚rmū॒rdhnā ha̭rā॒mītyā̭ha |
brahma॒ vai de॒vānā॒-mbṛha॒spatiḥ̭ || 14 ||
brahma̭ṇai॒vaina̭ddharati || u॒rva̭ntari̭kṣa॒-manvi॒hītyā̭ha॒ gatyai᳚ || de॒va॒ga॒mmama॒sītyā̭ha | de॒vāne॒vaina̭dgamayati || ana̭dha-ssādayati |
garbhā̭ṇā॒-ndhṛtyā॒ apra̭pādāya | tasmā॒-dgarbhāḥ᳚ pra॒jānā॒mapra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ |
su॒va॒rgasya̭ lo॒kasya॒ sama̭ṣṭyai || 15 ||
(sa॒yo॒ni॒tvāya̭ - sva॒dhākṛ̭tā॒ - 'sītyā̭ha - dāyā॒-d- veda̭ - bharati - jāyante॒ - bṛha॒spatiḥ॒ - sama̭ṣṭyai) (a. 2)
anuvākaṃ 3 - dohanam
pū॒rve॒dyuri॒ddhmā ba॒r॒hiḥ ka̭roti | ya॒jñame॒vārabhya̭ gṛhī॒tvopa̭vasati || pra॒jāpa̭ti-rya॒jñama̭sṛjata | tasyo॒khe a̭sragṃsetām | ya॒jño vai pra॒jāpa̭tiḥ |
ya-thsā᳚nnāyyo॒khe bhava̭taḥ |
ya॒jñasyai॒va tadu॒khe upa̭dadhā॒tya-pra̭sragṃsāya ||
śundha̭ddhva॒-ndaivyā̭ya॒ karma̭ṇe devaya॒jyāyā॒ ityā̭ha | de॒va॒ya॒jyāyā̭ e॒vainā̭ni śundhati || mā॒ta॒riśva̭no gha॒rmo̭-'sītyā̭ha || 16 ||
a॒ntari̭kṣaṃ॒-vai~ mā̭ta॒riśva̭no gha॒rmaḥ |
e॒ṣāṃ-lo~॒kānāṃ॒-vi~dhṛ̭tyai ||
dyaura̭si pṛthi॒vya̭sītyā̭ha | di॒vaśca॒ hyḙṣā pṛ̭thi॒vyāśca॒ sambhṛ̭tā | yadu॒khā |
tasmā̭de॒vamā̭ha || vi॒śvadhā̭yā asi para॒meṇa॒ dhāmnetyā̭ha | vṛṣṭi॒rvai vi॒śvadhā̭yāḥ | vṛṣṭi̭me॒vāva̭rundhe | dṛgṃha̭sva॒ mā hvā॒rityā̭ha॒ dhṛtyai᳚ || 17 ||
vasṷ̄nā-mpa॒vitra̭ma॒sītyā̭ha | prā॒ṇā vai vasa̭vaḥ |
teṣāṃ॒-vā~ e॒ta-dbhā̭ga॒dheya᳚m | ya-tpa॒vitra᳚m | tebhya̭ e॒vaina̭-tkaroti || śa॒tadhā̭ragṃ sa॒hasra̭dhāra॒mityā̭ha | prā॒ṇeṣve॒vāyṷ-rdadhāti sarva॒tvāya̭ || tri॒vṛ-tpa̭lāśaśā॒khāyā᳚-ndarbha॒maya̭-mbhavati | tri॒vṛdvai prā॒ṇaḥ | tri॒vṛta̭me॒va prā॒ṇa-mma̭ddhya॒to yaja̭māne dadhāti || 18 ||
sau॒myaḥ pa॒rṇa-ssa̭yoni॒tvāya̭ | sā॒kṣā-tpa॒vitra̭-nda॒rbhāḥ | prākhsā॒yamadhi॒ nida̭dhāti | ta-tprā̭ṇāpā॒nayo̭ rū॒pam | ti॒ryakprā॒taḥ | ta-ddarśa̭sya rū॒pam | dā॒rśyagg hyḙtadahaḥ̭ | annaṃ॒-vai~ ca॒ndramāḥ᳚ |
anna̭-mprā॒ṇāḥ | u॒bhaya̭me॒vopai॒tyajā̭mitvāya || 19 ||
tasmā̭da॒yagṃ sa॒rvataḥ̭ pavate || hu॒ta-ssto॒ko hu॒to dra॒phsa ityā̭ha॒ prati̭ṣṭhityai | ha॒viṣo-'ska̭ndāya |
na hi hu॒tagg svāhā̭kṛta॒gg॒ skanda̭ti |
di॒vi nāko॒ nāmā॒gniḥ | tasya̭ vi॒pruṣo̭ bhāga॒dheya᳚m |
a॒gnayḙ bṛha॒te nākā॒yetyā̭ha |
nāka̭me॒vāgni-mbhā̭ga॒dheyḙna॒ sama̭rdhayati |
svāhā॒ dyāvā̭pṛthi॒vībhyā॒mityā̭ha |
dyāvā̭pṛthi॒vyore॒vaina॒t-prati̭ṣṭhāpayati || 20 ||
pa॒vitra̭va॒tyāna̭yati | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati | atho॒ oṣa̭dhīṣve॒va pa॒śū-nprati̭ṣṭhāpayati || a॒nvā॒rabhya॒ vācaṃ̭-ya~cchati |
ya॒jñasya॒ dhṛtyai᳚ | dhā॒raya̭nnāste | dhā॒raya̭nta iva॒ hi du॒hanti̭ | kāma̭dhukṣa॒ ityā॒hātṛ॒tīya̭syai | traya̭ i॒me lo॒kāḥ | i॒māne॒va lo॒kān. yaja̭māno duhe || 21 ||
a॒mūmiti॒ nāma̭ gṛhṇāti | bha॒drame॒vāsā॒-ṅkarmā॒viṣka̭roti || sā vi॒śvāyu॒-ssā vi॒śvavya̭cā॒-ssā vi॒śvaka॒rmetyā̭ha | i॒yaṃ-vai~ vi॒śvāyuḥ̭ |
a॒ntari̭kṣaṃ-vi~॒śvavya̭cāḥ | a॒sau vi॒śvaka̭rmā |
i॒māne॒vaitābhi̭rlo॒kān. ya̭thāpū॒rva-ndṷhe |
atho॒ yathā᳚ pradā॒tre puṇya̭mā॒śāste᳚ | e॒vame॒vainā̭ e॒tadupa̭stauti | tasmā॒t-prādā॒dityu॒nnīya॒ vanda̭mānā upastu॒vantaḥ̭ pa॒śū-ndṷhanti || 22 ||
ba॒hu du॒gdhīndrā̭ya de॒vebhyo̭ ha॒viriti॒ vācaṃ॒-vi~sṛ̭jate | ya॒thā॒ de॒va॒tame॒va prasaṷti |
daivya̭sya ca mānu॒ṣasya̭ ca॒ vyāvṛ̭ttyai |
trirā̭ha | triṣa̭tyā॒ hi de॒vāḥ | avā̭caṃ-ya~॒mo-'na̭nvā-ra॒bhyotta̭rāḥ | apa̭rimitame॒vāva̭rundhe ||
na dā̭rupā॒treṇa̭ duhyāt | a॒gni॒vadvai dā̭rupā॒tram |
ya-ddā̭rupā॒treṇa̭ du॒hyāt || 23 ||
yā॒tayā᳚mnā ha॒viṣā̭ yajeta | atho॒ khalvā̭huḥ |
pu॒ro॒ḍāśa̭mukhāni॒ vai ha॒vīgṃṣi̭ | neta i̭taḥ puro॒ḍāśagṃ̭ ha॒viṣo॒ yāmo॒-'stīti̭ |
kāma̭me॒va dā̭rupā॒treṇa̭ duhyāt || śū॒dra e॒va na dṷhyāt | asa̭to॒ vā e॒ṣa sambhṷ̄taḥ | yacchū॒draḥ | aha̭vire॒va tadityā̭huḥ | yacchū॒dro dogdhīti̭ || 24 ||
a॒gni॒ho॒trame॒vana dṷhyācchū॒draḥ | taddhi not-pu॒nanti̭ | ya॒dā khalu॒ vai pa॒vitra̭ma॒tyeti̭ | atha॒ taddha॒viriti̭ ||
sampṛ̭cyaddhva-mṛtāvarī॒rityā̭ha | a॒pā-ñcai॒vauṣa̭dhīnā-ñca॒ rasa॒gṃ॒ sagṃsṛ̭jati |
tasmā̭da॒pā-ñcauṣa̭dhīnā-ñca॒ rasa॒mupa̭ jīvāmaḥ |
ma॒ndrā dhana̭sya sā॒taya॒ ityā̭ha | puṣṭi̭me॒va yaja̭māne dadhāti || somḙna॒ tvā-''ta̭na॒cmīndrā̭ya॒ dadhītyā̭ha || 25 ||
soma̭me॒vaina̭-tkaroti | yo vai soma̭-mbhakṣayi॒tvā |
saṃ॒va~॒thsa॒ragṃ soma॒-nna piba̭ti | pu॒na॒rbhakṣyo᳚-'sya somapī॒tho bha̭vati ||
somaḥ॒ khalu॒ vai sā᳚nāṃ॒yyam | ya e॒vaṃ-vi~॒dvān-thsā᳚nāṃ॒yya-mpiba̭ti | a॒pu॒na॒rbhakṣyo᳚-'sya somapī॒tho bha̭vati | na mṛ॒nmaye॒nāpi̭daddhyāt |
ya-nmṛ॒nmayḙnāpida॒ddhyāt |
pi॒tṛ॒de॒va॒tyagg̭ syāt || 26 ||
a॒ya॒spā॒treṇa̭ vā dārupā॒treṇa॒ vā-'pi̭dadhāti |
taddhi sadḙvam || u॒da॒nvad- bha̭vati | āpo॒ vai ra̭kṣo॒ghnīḥ | rakṣa̭sā॒-mapa̭hatyai ||
ada̭stamasi॒ viṣṇa̭ve॒ tvetyā̭ha | ya॒jño vai viṣṇuḥ̭ |
ya॒jñāyai॒vaina॒dada̭sta-ṅkaroti | viṣṇo̭ ha॒vyagṃ ra̭kṣa॒svetyā̭ha॒ guptyai᳚ || ana̭dha-ssādayati | garbhā̭ṇā॒-ndhṛtyā॒ apra̭pādāya |
tasmā॒-dgarbhāḥ᳚ pra॒jānā॒ma pra̭pādukāḥ | u॒parī̭va॒ nida̭dhāti | u॒parī̭va॒ hi sṷva॒rgo lo॒kaḥ | su॒va॒rgasya̭ lo॒kasya॒ sama̭ṣṭyai || 27 ||
(a॒sītyā̭ha॒ - dhṛtyai॒ - yaja̭māne dadhā॒ - tyajā̭mitvāya - sthāpayati - duhe - duhanti - du॒hyā-d- dogdhīti॒ - dadhītyā̭ha - syāth - sādayati॒ pañca̭ ca) (a. 3)
anuvākaṃ 4 - havirnirvāpaḥ
karma̭ṇe vā-nde॒vebhyaḥ̭ śakeya॒mityā̭ha॒ śaktyai᳚ |
ya॒jñasya॒ vai santa̭ti॒manṷ pra॒jāḥ pa॒śavo॒ yaja̭mānasya॒ santā̭yante | ya॒jñasya॒ vicchi̭tti॒manṷ pra॒jāḥ pa॒śavo॒ yaja̭mānasya॒ vicchi̭dyante |
ya॒jñasya॒ santa̭tirasi ya॒jñasya̭ tvā॒ santa̭tyai stṛṇāmi॒ santa̭tyai tvā ya॒jñasyetyāha̭va॒nīyā॒-thsanta̭noti | yaja̭mānasya pra॒jāyai̭ paśū॒nāgṃ santa̭tyai || a॒paḥ praṇa̭yati | śra॒ddhā vā āpaḥ̭ | śra॒ddhāme॒vārabhya̭ pra॒ṇīya॒ praca̭rati | a॒paḥ praṇa̭yati | ya॒jño vā āpaḥ̭ || 28 ||
ya॒jñame॒vārabhya̭ pra॒ṇīya॒ praca̭rati | a॒paḥ praṇa̭yati | vajro॒ vā āpaḥ̭ | vajra̭me॒va bhrātṛ̭vyebhyaḥ pra॒hṛtya̭ pra॒ṇīya॒ praca̭rati | a॒paḥ praṇa̭yati |
āpo॒ vai ra̭kṣo॒ghnīḥ | rakṣa̭sā॒-mapa̭hatyai | a॒paḥ praṇa̭yati | āpo॒ vai de॒vānā᳚-mpri॒ya-ndhāma̭ |
de॒vānā̭me॒va pri॒ya-ndhāma̭ pra॒ṇīya॒ praca̭rati || 29 ||
a॒paḥ praṇa̭yati | āpo॒ vai sarvā̭ de॒vatāḥ᳚ |
de॒vatā̭ e॒vārabhya̭ pra॒ṇīya॒ praca̭rati || veṣā̭ya॒ tvetyā̭ha | veṣā̭ya॒ hyḙnadāda॒tte || pratyṷṣṭa॒gṃ॒ rakṣaḥ॒ pratyṷṣṭā॒ arā̭taya॒ ityā̭ha |
rakṣa̭sā॒-mapa̭hatyai || dhūra॒sītyā̭ha | e॒ṣa vai dhuryo॒-'gniḥ | taṃ-ya~danṷpaspṛśyātī॒yāt || 30 ||
a॒ddhva॒ryu-ñca॒ yaja̭māna-ñca॒ prada̭het | u॒pa॒spṛśyātyḙti | a॒ddhva॒ryośca॒ yaja̭mānasya॒ cāpra̭dāhāya || dhūrva॒ taṃyo~᳚-'smā-ndhūrva̭ti॒ ta-ndhū᳚rva॒ yaṃ-va~॒ya-ndhūrvā̭ma॒ ityā̭ha |
dvau vāva purṷṣau | ya-ñcai॒va dhūrva̭ti | yaścai̭na॒-ndhūrva̭ti | tāvu॒bhau śu॒cā-'rpa̭yati || tva-nde॒vānā̭masi॒ sasni̭tama॒-mpapri̭tama॒-ñjuṣṭa̭tamaṃ॒-va~hni̭tama-ndeva॒hūta̭ma॒mityā̭ha | ya॒thā॒ ya॒jure॒vai tat || 31 ||
ahrṷtamasi havi॒rdhāna॒-mityā॒hānā᳚rtyai |
dṛgṃha̭sva॒ mā hvā॒rityā̭ha॒ dhṛtyai᳚ ||
mi॒trasya̭ tvā॒ cakṣṷṣā॒ prekṣa॒ ityā̭ha mitra॒tvāya̭ |
mā bhermā saṃvi~̭kthā॒ mā tvā̭ higṃsiṣa॒-mityā॒hāhigṃ̭sāyai | yadvai ki-ñca॒ vāto॒ nābhi॒vāti̭ |
ta-thsarvaṃ̭-va~ruṇadeva॒tya᳚m || u॒ru vātā॒yetyā̭ha | avā̭ruṇame॒vaina̭-tkaroti || de॒vasya̭ tvā savi॒tuḥ
pra̭sa॒va ityā̭ha॒ prasū᳚tyai |
a॒śvino᳚-rbā॒hubhyā॒mityā̭ha || 32 ||
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ | a॒gnaye॒ juṣṭa॒-nnirva̭pā॒mītyā̭ha | a॒gnaya̭ e॒vainā॒ñjuṣṭaṃ॒
nirva̭pati | triryajṷṣā | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ | tū॒ṣṇī-ñca̭tu॒rtham |
apa̭rimitame॒vāva̭rundhe | sa e॒vame॒vānṷpū॒rvagṃ ha॒vīgṃṣi॒ nirva̭pati || 33 ||
i॒da-nde॒vānā̭mi॒damṷ na-ssa॒hetyā̭ha॒ vyāvṛ̭ttyai ||
sphā॒tyai tvā॒ nārā᳚tyā॒ ityā̭ha॒ guptyai᳚ | tama̭sīva॒ vā e॒ṣo᳚-'ntaśca̭rati | yaḥ pa̭rī॒ṇahi̭ || suva̭ra॒bhi vikhyḙṣaṃ-vai~śvāna॒ra-ñjyoti॒rityā̭ha |
suva̭re॒vābhi vi pa̭śyati vaiśvāna॒ra-ñjyotiḥ̭ |
dyāvā̭pṛthi॒vī ha॒viṣi̭ gṛhī॒ta uda̭vepetām ||
dṛgṃha̭ntā॒-nduryā॒ dyāvā̭pṛthi॒vyorityā̭ha |
gṛ॒hāṇā॒-ndyāvā̭pṛthi॒vyo-rdhṛtyai᳚ ||
u॒rva̭ntari̭kṣa॒-manvi॒hītyā̭ha॒ gatyai᳚ ||
adi̭tyāstvo॒pasthḙ sādayā॒mītyā̭ha | i॒yaṃ-vā~ adi̭tiḥ | a॒syā e॒vaina̭du॒pasthḙ sādayati ||
agnḙ ha॒vyagṃ ra̭kṣa॒svetyā̭ha॒ guptyai᳚ || 34 ||
(ya॒jño vā āpo॒ - dhāma̭ pra॒ṇīya॒ praca̭ra - tyatī॒yā - de॒ta-d- bā॒hubhyā॒mityā̭ha - ha॒vigṃṣi॒ nirva̭pati॒ - gatyai̭ ca॒tvāri̭ ca) (a. 4)
anuvākaṃ 5 - vrīhyavaghātaḥ
indro̭ vṛ॒trama̭hann | so̭-'paḥ | a॒bhya̭mriyata |
tāsāṃ॒-ya~nmeddhyaṃ̭-ya~॒jñiya॒gṃ॒ sadḙva॒māsī᳚t | tadapoda̭krāmat | te da॒rbhā a̭bhavann | ya-dda॒rbhaira॒pa ṷtpu॒nāti̭ | yā e॒va meddhyā̭ ya॒jñiyā॒-ssadḙvā॒ āpaḥ̭ | tābhi̭re॒vainā॒ utpṷnāti | dvābhyā॒mutpṷnāti || 35 ||
dvi॒pā-dyaja̭mānaḥ॒ prati̭ṣṭhityai || de॒vo vaḥ̭ savi॒tot-pṷnā॒tvityā̭ha | sa॒vi॒tṛpra̭sūta e॒vainā॒ utpṷnāti | acchi̭dreṇa pa॒vitre॒ṇetyā̭ha | a॒sau vā ā̭di॒tyo-'cchi̭dra-mpa॒vitra᳚m | tenai॒vainā॒ utpṷnāti | vaso॒-ssūrya̭sya ra॒śmibhi॒rityā̭ha | prā॒ṇā vā āpaḥ̭ | prā॒ṇā vasa̭vaḥ | prā॒ṇā ra॒śmayaḥ̭ || 36 ||
prā॒ṇaire॒va prā॒ṇān-thsampṛ̭ṇakti | sā॒vi॒tri॒yarcā |
sa॒vi॒tṛpra̭sūta-mme॒ karmā̭sa॒diti̭ |
sa॒vi॒tṛpra̭sūtame॒vāsya॒ karma̭ bhavati |
pa॒ccho gā̭yatri॒yā tri̭ṣṣamṛddha॒tvāya̭ ||
āpo̭ devīragrepuvo agreguva॒ ityā̭ha |
rū॒pa-me॒vāsā̭me॒ta-nma̭hi॒mānaṃ॒-vyā~ca̭ṣṭe |
agra̭ i॒maṃ-ya~॒jña-nna̭ya॒tāgrḙ
ya॒jñapa̭ti॒mityā̭ha | agrḙ e॒va ya॒jña-nna̭yanti |
agrḙ ya॒jñapa̭tim || 37 ||
yu॒ṣmānindro̭ 'vṛṇīta vṛtra॒tūyḙ yū॒yamindra̭mavṛṇīddhvaṃ-vṛ~tra॒tūrya॒ ityā̭ha |
vṛ॒tragṃ ha̭ hani॒ṣyannindra॒ āpo̭ vavre |
āpo॒ hendraṃ̭-va~vrire | sa॒jñāṃ-me॒vāsā̭me॒ta-thsāmā̭naṃ॒-vyā~ca̭ṣṭe || prokṣi̭tā॒-ssthetyā̭ha | tenāpaḥ॒ prokṣi̭tāḥ || a॒gnayḙ vo॒ juṣṭa॒-mprokṣā᳚-mya॒gnīṣomā᳚bhyā॒-mityā̭ha |
ya॒thā॒ de॒va॒tame॒vainā॒-nprokṣa̭ti | triḥ prokṣa̭ti | tryā̭vṛ॒ddhi ya॒jñaḥ || 38 ||
atho॒ rakṣa̭sā॒mapa̭hatyai | śundha̭ddhvaṃ॒
daivyā̭ya॒ karma̭ṇe devaya॒jyāyā॒ ityā̭ha |
de॒va॒ya॒jyāyā̭ e॒vainā̭ni śundhati | triḥ prokṣa̭ti | tryā̭vṛ॒ddhi ya॒jñaḥ | atho̭ meddhya॒tvāya̭ | ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha |
rakṣa̭sā॒-mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ || 39 ||
a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai || pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ |
tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata |
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭ddhyava॒hanti̭ | ya॒jñāde॒va-ta-dya॒jña-mprayṷṅkte | ha॒viṣo-'ska̭ndāya || 40 ||
a॒dhi॒ṣava̭ṇamasi vānaspa॒tyamityā̭ha | a॒dhi॒ṣava̭ṇa-me॒vaina̭-tkaroti | prati॒ tvā-'di̭tyā॒stvagve॒ttvityā̭ha saya॒tvāya̭ ||
a॒gnesta॒nū-ra॒sītyā̭ha | a॒gnervā e॒ṣā ta॒nūḥ |
yadoṣa̭dhayaḥ | vā॒co vi॒sarja̭na॒mityā̭ha |
ya॒dā hi pra॒jā oṣa̭dhīnā-ma॒śnanti̭ | atha॒ vācaṃ॒-vi~sṛ̭jante | de॒vavī̭taye tvā gṛhṇā॒mītyā̭ha || 41 ||
de॒vatā̭bhire॒vaina॒-thsama̭rdhayati ||
adri̭rasi vānaspa॒tya ityā̭ha | grāvā̭ṇa-me॒vaina̭-tkaroti |
sa i॒da-nde॒vebhyo̭ ha॒vyagṃ su॒śami̭ śami॒ṣvetyā̭ha॒ śāntyai᳚ || havi̭ṣkṛ॒dehītyā̭ha |
ya e॒va de॒vānāgṃ̭ havi॒ṣkṛtaḥ̭ | tān. hva̭yati |
trirhva̭yati | triṣa̭tyā॒ hi de॒vāḥ || iṣa॒mā va॒dorja॒mā va॒detyā̭ha || 42 ||
iṣa̭me॒vorjaṃ॒-ya~ja̭māne dadhāti |
dyu॒madva̭data va॒yagṃ sa̭ghā॒nta-ñje॒ṣmetyā̭ha॒ bhrātṛ̭vyābhibhūtyai || mano᳚-śśra॒ddhādḙvasya॒ yaja̭mānasyāsura॒ghnī vāk | ya॒jñā॒yu॒dheṣu॒ pravi̭ṣṭā-''sīt | te-'sṷrā॒ yāva̭nto yajñāyu॒dhānā̭mu॒dvada̭tā-mu॒pāśṛ̭ṇvann |
te parā̭-'bhavann | tasmā॒-thsvānā॒-mmaddhyḙ-'va॒sāya̭ yajeta | yāva̭nto-'sya॒ bhrātṛ̭vyā yajñāyu॒dhānā̭-mu॒dvada̭tā-mupaśṛ॒ṇvanti̭ | te parā̭ bhavanti |
u॒ccai-ssa॒māha̭nta॒vā ā̭ha॒ viji̭tyai || 43 ||
vṛ॒ṅkta ḙṣāmindri॒yaṃ-vī~॒rya᳚m | śreṣṭha̭ eṣā-mbhavati || va॒r॒ṣa vṛ̭ddhamasi॒ prati̭ tvā va॒r॒ṣavṛ̭ddhaṃ-ve~॒ttvityā̭ha |
va॒r॒ṣavṛ̭ddhā॒ vā oṣa̭dhayaḥ |
va॒r॒ṣavṛ̭ddhā i॒ṣīkā॒-ssamṛ̭ddhyai |
ya॒jñagṃ rakṣā॒g॒syanu॒ prāvi̭śann |
tānya॒snā pa॒śubhyo̭ ni॒ravā̭dayanta |
tuṣai॒roṣa̭dhībhyaḥ || parā̭pūta॒gṃ॒ rakṣaḥ॒ parā̭pūtā॒ arā̭taya॒ ityā̭ha |
rakṣa̭sā॒mapa̭hatyai || 44 ||
rakṣa̭sā-mbhā॒go̭-'sītyā̭ha | tuṣai̭re॒va rakṣāgṃ̭si ni॒rava̭dayate | a॒pa upa̭spṛśati meddhya॒tvāya̭ | vā॒yurvo॒ vi vi̭na॒ktvityā̭ha | pa॒vitraṃ॒-vai~ vā॒yuḥ | pu॒nātye॒vaināṋ | a॒ntari̭kṣādiva॒ vā e॒te praska̭ndanti | ye śūrpā᳚t | de॒vo vaḥ̭ savi॒tā hira̭ṇyapāṇiḥ॒ prati̭gṛhṇā॒tvityā̭ha॒ prati̭ṣṭhityai |
ha॒viṣo-'ska̭ndāya | triṣpha॒līka̭rta॒vā ā̭ha | tryā̭vṛ॒ddhi ya॒jñaḥ | atho̭ meddhya॒tvāya̭ || 45 ||
(dvābhyā॒mu-tpṷnāti - ra॒śmayo̭ - naya॒ntyagrḙ ya॒jñapa̭tiṃ - ~ya॒jño - 'di̭ti॒ - raska̭ndāya - gṛhṇā॒mītyā̭ha - va॒detyā̭ha॒ - viji̭tyā॒ - apa̭hatyā॒ - aska̭ndāya॒ trīṇi̭ ca) (a. 5)
anuvākaṃ 6 - taṇḍulapeṣaṇam
ava̭dhūta॒gṃ॒ rakṣo-'va̭dhūtā॒ arā̭taya॒ ityā̭ha | rakṣa̭sā॒mapa̭hatyai | adi̭tyā॒stvaga॒sītyā̭ha | i॒yaṃ-vā~ adi̭tiḥ | a॒syā e॒vaina॒-ttvaca̭-ṅkaroti | prati̭ tvā pṛthi॒vī ve॒ttvityā̭ha॒ prati̭ṣṭhityai |
pu॒rastā᳚-tpratī॒cīna̭grīva॒-mutta̭ralo॒mopa̭stṛṇāti meddhya॒tvāya̭ | tasmā᳚-tpu॒rastā᳚-tpra॒tyañcaḥ̭ pa॒śavo॒ medha॒mupa̭tiṣṭhante | tasmā᳚-tpra॒jā mṛ॒ga-ṅgrāhṷkāḥ | ya॒jño de॒vebhyo॒ nilā̭yata || 46 ||
kṛṣṇo̭ rū॒pa-ṅkṛ॒tvā | ya-tkṛ̭ṣṇāji॒ne ha॒vira̭dhipi॒naṣṭi̭ | ya॒jñāde॒va ta-dya॒jña-mprayṷṅkte | ha॒viṣo-'ska̭ndāya || dyāvā̭pṛthi॒vī sa॒hāstā᳚m | te śa̭myāmā॒trameka॒maha॒rvyaitāgṃ̭ śamyāmā॒trameka॒mahaḥ̭ || di॒va-sska̭mbha॒nira̭si॒ prati॒ tvā 'di̭tyā॒stvagve॒ttvityā̭ha |
dyāvā̭pṛthi॒vyo-rvītyai᳚ | dhi॒ṣaṇā̭-'si parva॒tyā
prati̭ tvā di॒va-sska̭mbha॒nirve॒ttvityā̭ha |
dyāvā̭pṛthi॒vyo-rvidhṛ̭tyai || 47 ||
dhi॒ṣaṇā̭-'si pārvate॒yī prati̭ tvā parva॒tirve॒ttvityā̭ha | dyāvā̭pṛthi॒vyordhṛtyai᳚ || de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ |
adhi̭vapā॒mītyā̭ha | ya॒thā॒de॒va॒ta-me॒vainā॒nadhi̭ vapati || dhā॒nya̭masi dhinu॒hi de॒vānityā̭ha | e॒tasya॒ yajṷṣo vī॒ryḙṇa || 48 ||
yāva॒dekā̭ de॒vatā̭ kā॒maya̭te॒ yāva॒dekā᳚ | tāva॒dāhṷtiḥ prathate | na hi tadasti̭ | yattāva̭de॒va syāt | yāva̭jju॒hoti̭ || prā॒ṇāya̭ tvā-'pā॒nāya॒ tvetyā̭ha | prā॒ṇāne॒va yaja̭māne dadhāti | dī॒rghāmanu॒ prasi̭ti॒māyṷṣe dhā॒mityā̭ha | āyṷre॒vāsmi̭-ndadhāti |
a॒ntari̭kṣādiva॒ vā e॒tāni॒ praska̭ndanti | yāni̭ dṛ॒ṣadaḥ̭ | de॒vo vaḥ̭ savi॒tā hira̭ṇyapāṇiḥ॒ prati̭ gṛhṇā॒tvityā̭ha॒ prati̭ṣṭhityai | ha॒viṣo-'ska̭ndāya ||
asaṃ̭va~pantī pigṃ̭ṣā॒ṇūni̭ kurutā॒dityā̭ha meddhya॒tvāya̭ || 49 ||
(nilā̭yata॒ - vidhṛ̭tyai - vī॒ryḙṇa - skandanti ca॒tvāri̭ ca ) (a. 6)
anuvākaṃ 7 - kapālopadhānam
dhṛṣṭi̭rasi॒ brahma̭ ya॒cchetyā̭ha॒ dhṛtyai᳚ ||
apā᳚gne॒ 'gnimā॒māda̭-ñjahi॒ niṣkra॒vyādagṃ̭
se॒dhā dḙva॒yajaṃ̭-va~॒hetyā̭ha |
ya e॒vāmātkra॒vyāt | tama̭pa॒hatya̭ | meddhye॒-'gnau ka॒pāla॒mupa̭dadhāti || nirda̭gdha॒gṃ॒ rakṣo॒ nirda̭gdhā॒ arā̭taya॒ ityā̭ha | rakṣāg̭sye॒va
nirda̭hati | a॒gni॒vatyupa̭dadhāti | a॒sminne॒va lo॒ke jyoti̭rdhatte | aṅgā̭ra॒madhi̭-vartayati || 50 ||
a॒ntari̭kṣa e॒va jyoti̭rdhatte |
ā॒di॒tyame॒vāmuṣmi̭n ~lo॒ke jyoti̭rdhatte |
jyoti̭ṣmanto-'smā i॒me lo॒kā bha̭vanti |
ya e॒vaṃ-ve~da̭ || dhru॒vama̭si pṛthi॒vī-ndṛ॒gṃ॒hetyā̭ha | pṛ॒thi॒vīme॒vaitena̭ dṛgṃhati |
dha॒rtrama̭sya॒ntari̭kṣa-ndṛ॒gṃ॒hetyā̭ha | a॒ntari̭kṣame॒vaitena̭ dṛgṃhati |
dha॒ruṇa̭masi॒ diva̭-ndṛ॒gṃ॒hetyā̭ha | diva̭me॒vaitena̭ dṛgṃhati || 51 ||
dharmā̭si॒ diśo̭ dṛ॒gṃ॒hetyā̭ha |
diśa̭ e॒vaitena̭ dṛgṃhati | i॒māne॒vaitai-rlo॒kā-ndṛgṃ̭hati | dṛgṃ ha̭nte-'smā i॒me lo॒kāḥ pra॒jayā̭ pa॒śubhiḥ̭ | ya e॒vaṃ-ve~da̭ || trīṇyagrḙ ka॒pālā॒nyupa̭dadhāti | traya̭ i॒me lo॒kāḥ |
e॒ṣāṃ-lo~॒kānā॒māptyai᳚ |
eka॒magrḙ ka॒pāla॒mupa̭dadhāti |
ekaṃ॒-vā~ agrḙ ka॒pāla॒-mpurṷṣasya sa॒bhaṃva~̭ti || 52 ||
atha॒ dve | atha॒ trīṇi̭ | atha̭ ca॒tvāri̭ | athā॒ṣṭau |
tasmā̭da॒ṣṭāka̭pāla॒-mpurṷṣasya॒ śiraḥ̭ |
yade॒va-ṅka॒pālā᳚nyupa॒ dadhā̭ti | ya॒jño vai pra॒jāpa̭tiḥ | ya॒jñame॒va pra॒jāpa̭ti॒gṃ॒ saggska̭roti |
ā॒tmāna̭me॒va ta-thsaggska̭roti | tagṃ saggskṛ̭tamā॒tmāna᳚m || 53 ||
a॒muṣmi̭n ~lo॒ke-'nu॒parai̭ti || yada॒ṣṭāvṷpa॒ dadhā̭ti | gā॒ya॒tri॒yā ta-thsammi̭tam | yannava̭ | tri॒vṛtā॒ tat | ya-ddaśa̭ | vi॒rājā॒ tat | yadekā̭daśa | tri॒ṣṭubhā॒ tat | yaddvāda̭śa || 54 ||
jaga̭tyā॒ tat | chandaḥ̭ sammitāni॒ sa ṷpa॒dadha̭-tka॒pālā̭ni | i॒mān ~lo॒kāna̭nupū॒rva-ndiśo॒ vidhṛ̭tyai dṛgṃhati | athāyuḥ̭ prā॒ṇā-npra॒jā-mpa॒śūn. yaja̭māne dadhāti | sa॒jā॒tāna̭smā a॒bhito̭ bahu॒lān ka̭roti ||
cita॒-ssthetyā̭ha | ya॒thā॒ ya॒jure॒vaitat ||
bhṛgṷ̄ṇā॒maṅgi̭rasā॒-ntapa̭sā tapyaddhva॒mityā̭ha |
de॒vatā̭nā-me॒vainā̭ni॒ tapa̭sā tapati | tāni॒ tata॒-ssaggsthi̭te | yāni̭ gha॒rme ka॒pālā᳚n yupaci॒nvanti̭ ve॒dhasa॒ iti॒ catṷṣpadaya॒rcā vimṷñcati | catṷṣpādaḥ pa॒śavaḥ̭ | pa॒śuṣve॒vopari̭ṣṭā॒-tprati̭tiṣṭhati || 55 ||
(va॒rta॒ya॒ti॒ - diva̭me॒vaitena̭ dṛgṃhati - sa॒mbhava̭ti॒ - tagṃ saggskṛ̭tamā॒tmānaṃ॒ - dvāda̭śa॒ - saggsthi̭te॒ trīṇi̭ ca) (a. 7)
anuvākaṃ 8 - puroḍāśāniṣpādanam
de॒vasya̭ tvā savi॒tuḥ pra̭sa॒va ityā̭ha॒ prasū᳚tyai | a॒śvino᳚-rbā॒hubhyā॒mityā̭ha |
a॒śvinau॒ hi de॒vānā̭maddhva॒ryū āstā᳚m |
pū॒ṣṇo hastā᳚bhyā॒mityā̭ha॒ yatyai᳚ |
saṃva~̭pā॒mītyā̭ha | ya॒thā॒ de॒va॒tame॒vainā̭ni॒ saṃva~̭pati || samāpo̭ a॒dbhira̭gmata॒ samoṣa̭dhayo॒ rase॒netyā̭ha | āpo॒ vā oṣa̭dhī-rjinvanti | oṣa̭dhayo॒-'po ji̭nvanti |
a॒nyā vā e॒tāsā̭ma॒nyā ji̭nvanti || 56 ||
tasmā̭de॒vamā̭ha | sagṃ re॒vatī॒-rjaga̭tībhi॒-rmadhṷmatī॒-rmadhṷmatībhi-ssṛjyaddhva॒mityā̭ha |
āpo॒ vai re॒vatīḥ᳚ | pa॒śavo॒ jaga̭tīḥ | oṣa̭dhayo॒ madhṷmatīḥ | āpa॒ oṣa̭dhīḥ pa॒śūn | tāne॒vāsmā̭ eka॒dhā sa॒gṃ॒sṛjya̭ | madhṷmataḥ karoti |
a॒dbhyaḥ pari॒ prajā̭tā-sstha॒ sama॒dbhiḥ pṛ̭cyaddhva॒miti̭ pa॒ryāplā̭vayati |
yathā॒ suvṛ̭ṣṭa i॒māma̭nu vi॒sṛtya̭ || 57 ||
āpa॒ oṣa̭dhīrma॒haya̭nti | tā॒dṛge॒va tat ||
jana̭yatyai tvā॒ saṃyau~॒mītyā̭ha | pra॒jā e॒vaitena̭ dādhāra | a॒gnaye᳚ tvā॒-'gnīṣomā᳚bhyā॒mityā̭ha॒ vyāvṛ̭ttyai | ma॒khasya॒ śiro॒-'sītyā̭ha |
ya॒jño vai ma॒khaḥ | tasyai॒tacchiraḥ̭ | ya-tpṷro॒ḍāśaḥ̭ | tasmā̭de॒vamā̭ha || 58 ||
gha॒rmo̭-'si vi॒śvāyu॒rityā̭ha | viśva̭me॒vāyu॒-ryaja̭māne dadhāti | u॒ru pra̭thasvo॒ru tḙ ya॒jñapa̭tiḥ prathatā॒mityā̭ha | yaja̭māname॒va pra॒jayā̭ pa॒śubhiḥ̭ prathayati | tvaca̭-ṅgṛhṇī॒ṣvetyā̭ha |
sarva̭me॒vaina॒gṃ॒ sata̭nu-ṅkaroti | athā॒pa ā॒nīya॒ pari̭ mārṣṭi | mā॒gṃ॒sa e॒va ta-ttvaca̭-ndadhāti | tasmā᳚-ttva॒cā mā॒gṃ॒sa-ñcha॒nnam ||
gha॒rmo vā e॒ṣo-'śā᳚ntaḥ || 59 ||
a॒rdha॒mā॒se᳚-'rdhamāse॒ pravṛ̭jyate | ya-tpṷro॒ḍāśaḥ̭ | sa ī᳚śva॒ro yaja̭mānagṃ śu॒cā pra॒dahaḥ̭ | parya̭gni karoti | pa॒śume॒vaina̭makaḥ | śāntyā॒ apra̭dāhāya | triḥ parya̭gni karoti |
tryā̭vṛ॒ddhi ya॒jñaḥ | atho॒ rakṣa̭sā॒mapa̭hatyai ||
a॒ntari̭ta॒gṃ॒ rakṣo॒-'ntari̭tā॒ arā̭taya॒ ityā̭ha || 60 ||
rakṣa̭sā-ma॒ntarhi̭tyai | pu॒ro॒ḍāśaṃ॒-vā~ adhi̭śrita॒gṃ॒ rakṣāg̭syajighāgṃsann |
di॒vi nāko॒ nāmā॒gnī ra̭kṣo॒hā | sa e॒vāsmā॒-drakṣā॒g॒syapā̭hann | de॒vastvā̭ savi॒tā śra̭paya॒tvityā̭ha | sa॒vi॒tṛpra̭sūta e॒vainagg̭ śrapayati | varṣi̭ṣṭhe॒ adhi॒ nāka॒ ityā̭ha | rakṣa̭sā॒mapa̭hatyai | a॒gnistḙ ta॒nuva॒-mmā-'ti̭ dhā॒gityā॒hāna̭tidāhāya | agnḙ ha॒vyagṃ ra̭kṣa॒svetyā̭ha॒ guptyai᳚ || 61 ||
avi̭dahanta-śśrapaya॒teti॒ vācaṃ॒-vi~sṛ̭jate |
ya॒jñame॒va ha॒vīgṣya̭bhi-vyā॒hṛtya॒ prata̭nute |
pu॒ro॒ruca॒mavi̭dāhāya॒ śṛtyai̭ karoti || ma॒stiṣko॒ vai pṷro॒ḍāśaḥ̭ | taṃ-ya~nnābhi̭vā॒saye᳚t | ā॒virma॒stiṣkaḥ̭ syāt | a॒bhivā̭sayati |
tasmā॒-dguhā̭ ma॒stiṣkaḥ̭ | bhasma̭nā॒-'bhi vā̭sayati |
tasmā᳚-nmā॒gṃ॒senāsthi̭ cha॒nnam || 62 ||
ve॒denā॒bhi vā̭sayati | tasmā॒-tkeśai॒-śśiraḥ̭ cha॒nnam |
akha̭latibhāvuko bhavati | ya e॒vaṃ-ve~da̭ || pa॒śorvai pra̭ti॒mā pṷro॒ḍāśaḥ̭ | sa nāya॒juṣka̭-mabhi॒vāsyaḥ̭ | vṛthḙva syāt | ī॒śva॒rā yaja̭mānasya pa॒śavaḥ॒ pramḙtoḥ || sa-mbrahma̭ṇā pṛcya॒svetyā̭ha | prā॒ṇā vai brahma̭ || 63 ||
prā॒ṇāḥ pa॒śavaḥ̭ | prā॒ṇaire॒va pa॒śūnth
sampṛ̭ṇakti | na pra॒māyṷkā bhavanti | yaja̭māno॒ vai pṷro॒ḍāśaḥ̭ | pra॒jā pa॒śavaḥ॒ purī̭ṣam |
yade॒vama̭bhi vā॒saya̭ti | yaja̭māname॒va pra॒jayā̭ pa॒śubhi॒-ssama̭rdhayati || de॒vā vai ha॒vi-rbhṛ॒tvā-'brṷvann | kasmi̭nni॒da-mmra̭kṣyāmaha॒ iti̭ |
so᳚-'gnira̭bravīt || 64 ||
mayi̭ ta॒nū-ssannidha̭ddhvam | a॒haṃ-va~॒sta-ñja̭nayiṣyāmi | yasmi̭-nmra॒kṣyaddhva॒ iti̭ | te de॒vā a॒gnau ta॒nū-ssa-nnya̭dadhata | tasmā̭dāhuḥ |
a॒gni-ssarvā̭ de॒vatā॒ iti̭ | so-'ṅgā̭reṇā॒paḥ |
a॒bhya̭pātayat | tata̭ eka॒to̭-'jāyata |
sa dvi॒tīya̭ma॒bhya̭pātayat || 65 ||
tato᳚ dvi॒to̭-'jāyata | sa tṛ॒tīya̭-ma॒bhya̭pātayat |
tata̭-stri॒to̭-'jāyata | yada॒dbhyo-'jā̭yanta | tadā॒pyānā̭māpya॒tvam | yadā॒tmabhyo 'jā̭yanta |
tadā॒tmyānā̭-mātmya॒tvam || te de॒vā ā॒pyeṣva̭mṛjata | ā॒pyā a̭mṛjata॒ sūryā᳚bhyudite | sūryā᳚bhyudita॒-ssūryā̭bhinimrukte || 66 ||
sūryā̭bhinimruktaḥ kuna॒khini̭ | ku॒na॒khī śyā॒vada̭ti | śyā॒vada̭nnagradidhi॒ṣau | a॒gra॒di॒dhi॒ṣuḥ pa̭rivi॒tte | pa॒ri॒vi॒tto vī̭ra॒haṇi̭ | vī॒ra॒hā bra̭hma॒haṇi̭ |
tadbra̭hma॒haṇa॒-nnātya̭cyavata | a॒nta॒rve॒di nina̭ya॒tyava̭ruddhyai | ulmṷkenā॒bhi gṛ̭hṇāti śṛta॒tvāya̭ | śṛ॒takā̭mā iva॒ hi de॒vāḥ || 67 ||
(a॒nyā ji̭nvan-tyanuvi॒sṛtyai॒-vamā॒-hāśā᳚nta-āha॒-guptyai̭-cha॒nnaṃ - brahmā᳚-bravī-ddvi॒tīya̭ma॒bhya̭pātaya॒-thsūryā̭bhinimrukte-de॒vāḥ) (a. 8)
anuvākaṃ 9 - vedikaraṇam
de॒vasya̭ tvā savi॒tuḥ pra̭sa॒va iti॒ sphyamāda̭tte॒ prasū᳚tyai | a॒śvino᳚-rbā॒hubhyā॒mityā̭ha | a॒śvinau॒ hi de॒vānā̭maddhva॒ryū āstā᳚m | pū॒ṣṇo hastā᳚bhyā॒mityā̭ha॒ yatyai᳚ || āda̭da॒ indra̭sya bā॒hura̭si॒ dakṣi̭ṇa॒ ityā̭ha | i॒ndri॒yame॒va yaja̭māne dadhāti | sa॒hasra̭bhṛṣṭi-śśa॒tatḙjā॒ ityā̭ha |
rū॒pame॒vāsyai॒ta-nma̭hi॒mānaṃ॒-vyā~ca̭ṣṭe ||
vā॒yura̭si ti॒gmatḙjā॒ ityā̭ha | tejo॒ vai vā॒yuḥ || 68 ||
teja̭ e॒vāsmi̭-ndadhāti || vi॒ṣādvai nāmā̭su॒ra ā̭sīt | so̭-'bibhet | ya॒jñena̭ mā de॒vā a॒bhibha̭viṣya॒ntīti̭ | sa pṛ̭thi॒vīma॒bhya̭vamīt | sā 'me॒ddhyā 'bha̭vat | atho॒ yadindro̭ vṛ॒tramahanṋ | tasya॒ lohi̭ta-mpṛthi॒vīmanu॒ vya̭dhāvat | sā 'me॒ddhyā 'bha̭vat |
pṛthi̭vi devayaja॒nītyā̭ha || 69 ||
meddhyā̭me॒vainā᳚-ndeva॒yaja̭nī-ṅkaroti |
oṣa̭ddhyāste॒ mūla॒-mmā higṃ̭siṣa॒mityā̭ha | oṣa̭dhīnā॒-mahigṃ̭sāyai || vra॒ja-ṅga̭ccha go॒sthāna॒mityā̭ha | chandāgṃ̭si॒ vai vra॒jo go॒sthānaḥ̭ | chandāg̭sye॒vāsmai᳚ vra॒ja-ṅgo॒sthāna̭-ṅkaroti || varṣa̭tu te॒ dyaurityā̭ha |
vṛṣṭi॒rvai dyauḥ | vṛṣṭi̭me॒vāva̭rundhe ||
ba॒dhā॒na dḙva savitaḥ para॒masyā᳚-mparā॒vatītyā̭ha || 70 ||
dvau vāva purṷṣau | ya-ñcai॒va dveṣṭi̭ | yaścai̭na॒-ndveṣṭi̭ | tāvu॒bhau ba̭ddhnāti para॒masyā᳚-mparā॒vati̭ śa॒tena॒ pāśaiḥ᳚ | yo᳚-'smā-ndveṣṭi॒ ya-ñca̭ va॒ya-ndvi॒ṣmastamato॒ mā mau॒gityā॒hāni̭mruktyai ||
a॒raru॒rvai nāmā̭su॒ra ā̭sīt |
sa pṛ̭thi॒vyāmupa̭mlupto-'śayat |
ta-nde॒vā apa̭hato॒-'raruḥ̭ pṛthi॒vyā iti̭ pṛthi॒vyā apā᳚ghnann | bhrātṛ̭vyo॒ vā a॒raruḥ̭ | apa̭hato॒-'raruḥ̭ pṛthi॒vyā iti॒ yadāha̭ || 71 ||
bhrātṛ̭vyame॒va pṛ̭thi॒vyā apa̭hanti | tḙ-'manyanta |
divaṃ॒-vā~ a॒yami॒taḥ pa̭tiṣya॒tīti̭ |
tama॒rarṷste॒ diva॒-mmā skā॒niti̭ di॒vaḥ parya̭bādhanta | bhrātṛ̭vyo॒ vā a॒raruḥ̭ | a॒rarṷste॒ diva॒-mmā skā॒niti॒ yadāha̭ | bhrātṛ̭vyame॒va di॒vaḥ pari̭bādhate |
sta॒mba॒ ya॒jur-ha̭rati | pṛ॒thi॒vyā e॒va bhrātṛ̭vya॒-mapa̭hanti | dvi॒tīyagṃ̭ harati || 72 ||
a॒ntari̭kṣāde॒vaina॒-mapa̭hanti | tṛ॒tīyagṃ̭ harati | di॒va e॒vaina॒-mapa̭hanti | tū॒ṣṇī-ñca̭tu॒rthagṃ ha̭rati | apa̭rimitāde॒vaina॒-mapa̭hanti || asṷrāṇāṃ॒-vā~ i॒yamagra̭ āsīt | yāva॒dāsī̭naḥ parā॒ paśya̭ti |
tāva̭-dde॒vānā᳚m | te de॒vā a̭bruvann |
astve॒va no॒-'syāmapīti̭ || 73 ||
kya̭nno dāsya॒theti̭ | yāva̭thsva॒ya-mpa̭rigṛhṇī॒theti̭ |
te vasa̭va॒stveti̭ dakṣiṇa॒taḥ parya̭gṛhṇann | ru॒drāstveti̭ pa॒ścāt | ā॒di॒tyā-stvetyṷttara॒taḥ | te᳚-'gninā॒ prāñco̭-'jayann | vasṷbhi-rdakṣi॒ṇā |
ru॒draiḥ pra॒tyañcaḥ̭ | ā॒di॒tyairuda̭ñcaḥ |
yasyai॒vaṃ-vi~॒duṣo॒ vedi̭-mpari gṛ॒hṇanti̭ || 74 ||
bhava̭tyā॒tmanā᳚ | parā᳚-'sya॒ bhrātṛ̭vyo bhavati ||
de॒vasya̭ savi॒tu-ssa॒va ityā̭ha॒ prasū᳚tyai |
karma̭ kṛṇvanti ve॒dhasa॒ ityā̭ha | i॒ṣi॒tagṃ hi karma̭ kri॒yate᳚ | pṛ॒thi॒vyai meddhya̭-ñcāme॒ddhya-ñca॒ vyuda̭krāmatām | prā॒cīna̭-mudī॒cīna॒-mmeddhya᳚m | pra॒tī॒cīna̭-ndakṣi॒ṇā 'me॒ddhyam |
prācī॒mudī̭cī-mprava॒ṇā-ṅka̭roti |
meddhyā̭me॒vainā᳚-ndeva॒yaja̭nī-ṅkaroti || 75 ||
prāñcaṷ vedya॒gṃ॒ sāvunna̭yati | ā॒ha॒va॒nīya̭sya॒ pari̭gṛhītyai | pra॒tīcī॒ śroṇī᳚ | gārha̭patyasya॒ pari̭gṛhītyai | atho̭ mithuna॒tvāya̭ | uddha̭nti | yade॒vāsyā̭ ame॒ddhyam | tadapa̭hanti | uddha̭nti |
tasmā॒doṣa̭dhayaḥ॒ parā̭bhavanti || 76 ||
mūla̭-ñchinatti | bhrātṛ̭vyasyai॒va mūla̭-ñchinatti |
mūlaṃ॒-vā~ a̭ti॒tiṣṭha॒-drakṣā॒g॒syanū-tpi̭pate | yaddhastḙna chi॒ndyāt | ku॒na॒khinīḥ᳚ pra॒jā-ssyuḥ̭ | sphyena̭ chinatti | vajro॒ vai sphyaḥ |
vajrḙṇai॒va ya॒jñā-drakṣā॒g॒syapa̭hanti | pi॒tṛ॒de॒va॒tyā 'ti̭khātā | iya̭tī-ṅkhanati || 77 ||
pra॒jāpa̭tinā yajñamu॒khena॒ sammi̭tām || vedi̭rde॒vebhyo॒ nilā̭yata | tā-ñca̭turaṅgu॒le 'nva̭vindann | tasmā᳚ccaturaṅgu॒la-ṅkheyā᳚ |
ca॒tu॒raṅgu॒la-ṅkha̭nati | ca॒tu॒ra॒ṅgu॒le hyoṣa̭dhayaḥ prati॒tiṣṭha̭nti |
āpra̭ti॒ṣṭhāyai̭ khanati | yaja̭māname॒va pra̭ti॒ṣṭhā-ṅga̭mayati | da॒kṣi॒ṇa॒to varṣī̭yasī-ṅkaroti |
de॒va॒yaja̭nasyai॒va rū॒pama̭kaḥ || 78 ||
purī̭ṣavatī-ṅkaroti | pra॒jā vai pa॒śavaḥ॒ purī̭ṣam |
pra॒jayai॒vaina̭-mpa॒śubhiḥ॒ purī̭ṣavanta-ṅkaroti | utta̭ra-mparigrā॒ha-mpari̭gṛhṇāti | e॒tāva̭tī॒ vai pṛ̭thi॒vī | yāva̭tī॒ vediḥ̭ | tasyā̭ e॒tāva̭ta e॒va bhrātṛ̭vya-nni॒rbhajya̭ | ā॒tmana॒ utta̭ra-mparigrā॒ha-mpari̭gṛhṇāti |
ṛ॒ta-ma̭syṛta॒sada̭na-masyṛta॒śrīra॒sītyā̭ha | ya॒thā॒ ya॒jure॒vai tat || 79 ||
krū॒rami̭va॒ vā e॒ta-tka̭roti | yadvedi̭-ṅka॒roti̭ |
dhā a̭si sva॒dhā a॒sīti̭ yoyupyate॒ śāntyai᳚ |
u॒rvī cāsi॒ vasvī̭ cā॒sītyā̭ha |
u॒rvīme॒vaināṃ॒-va~svī᳚-ṅkaroti |
pu॒rā krū॒rasya̭ vi॒sṛpo̭ viraphśi॒nnityā̭ha meddhya॒tvāya̭ | u॒dā॒dāya̭ pṛthi॒vī-ñjī॒radā̭nu॒ryāmaira̭ya-ñca॒ndrama̭si sva॒dhābhi॒rityā̭ha |
yade॒vāsyā̭ ame॒ddhyam | tada̭pa॒hatya̭ |
meddhyā᳚-ndeva॒yaja̭nī-ṅkṛ॒tvā || 80 ||
yada॒daśca॒ndrama̭si॒ meddhya᳚m | tada॒syāmera̭yati |
tā-ndhīrā̭so anu॒dṛśya̭ yajanta॒ ityā॒hānṷkhyātyai || prokṣa̭ṇī॒rāsā̭daya | i॒ddhmāba॒r॒hi-rupa̭sādaya | sru॒va-ñca॒ sruca̭śca॒ sammṛ̭ḍḍhi | patnī॒gṃ॒ sanna̭hya | ājyḙno॒dehītyā̭hānupū॒rvatā̭yai | prokṣa̭ṇī॒rāsā̭dayati | āpo॒ vai ra̭kṣo॒ghnīḥ || 81 ||
rakṣa̭sā॒mapa̭hatyai | sphyasya॒ vartman᳚-thsādayati | ya॒jñasya॒ santa̭tyai | u॒vāca॒ hāsi̭to daiva॒laḥ | e॒tāva̭tī॒rvā a॒muṣmi̭n ~lo॒ka āpa̭ āsann |
yāva̭tīḥ॒ prokṣa̭ṇī॒riti̭ | tasmā᳚-dba॒hvīrā॒sādyāḥ᳚ | sphyamu॒dasyanṋ | ya-ndvi॒ṣyātta-ndhyā̭yet | śu॒caivaina̭-marpayati || 82 ||
(vai vā॒yu - rā̭ha - parā॒vatītyā॒hā - ha̭ - dvi॒tīyagṃ̭ hara॒ - tīti̭ - parigṛ॒hṇanti̭ - deva॒yaja̭nī-ṅkaroti - bhavanti - khanatya - ka - re॒tat - kṛ॒tvā - ra̭kṣo॒ghnī - ra̭rpayati) (a. 9)
anuvākaṃ 10 - idhmābarhi-ssādanam
vajro॒ vai sphyaḥ | yada॒nvañca̭-ndhā॒raye᳚t | vajre᳚-'ddhva॒ryuḥ, kṣa̭ṇvīta | pu॒rastā᳚-tti॒ryañca̭-ndhārayati | vajro॒ vai sphyaḥ | vajrḙṇai॒va ya॒jñasya̭ dakṣiṇa॒to rakṣā॒g॒syapa̭hanti |
a॒gnibhyā॒-mprāca̭śca pra॒tīca̭śca | sphyenodī̭caścā-dha॒rāca̭śca | sphyena॒ vā e॒ṣa vajrḙṇā॒syai pā॒pmāna॒-mbhrātṛ̭vya-mapa॒hatya̭ |
u॒tka॒re-'dhi॒ pravṛ̭ścati || 83 ||
yatho̭pa॒dhāya̭ vṛ॒ścantya॒vam | hastā॒vava̭ nenikte | ā॒tmāna̭me॒va pa̭vayate | sphya-mprakṣā̭layati meddhya॒tvāya̭ | atho̭ pā॒pmana̭ e॒va bhrātṛ̭vyasya nya॒ṅga-ñchi̭natti || i॒ddhmā-ba॒r॒hi-rupa̭sādayati॒ yuktyai᳚ | ya॒jñasya̭ mithuna॒tvāya̭ |
atho̭ puro॒ruca̭me॒vaitā-nda̭dhāti |
utta̭rasya॒ karma॒ṇo-'nṷkhyātyai |
na pu॒rastā᳚-tpra॒tyagupa̭sādayet || 84 ||
ya-tpu॒rastā᳚-tpra॒tya-gṷpasā॒daye᳚t |
a॒nyatrā̭hutipa॒thādi॒ddhma-mprati̭pādayet | pra॒jā vai ba॒r॒hiḥ | apa̭rāddhnuyā-dba॒r॒hiṣā᳚ pra॒jānā᳚-mpra॒jana̭nam | pa॒ścāt-prāgupa̭sādayati | ā॒hu॒ti॒pa॒thene॒ddhma-mprati̭pādayati |
sa॒pra॒ntyḙva ba॒r॒hiṣā᳚ pra॒jānā᳚-mpra॒jana̭na॒mupai̭ti | dakṣi̭ṇami॒ddhmam |
utta̭ra-mba॒ra॒ḥiḥ | ā॒tmā vā i॒ddhmaḥ |
pra॒jā ba॒r॒hiḥ | pra॒jā hyā᳚tmana॒ utta̭ratarā tī॒rthe |
tato॒ medha̭mupa॒nīya̭ | ya॒thā॒ de॒va॒tame॒vaina॒t-prati̭ṣṭhāpayati | prati̭tiṣṭhati pra॒jayā̭ pa॒śubhi॒-ryaja̭mānaḥ || 85 ||
(vṛ॒śca॒ti॒ - sā॒da॒ye॒ - di॒ddhmaḥ pañca̭ ca) (a. 10)
(tṛtīya̭syāṃ - de॒vasyā᳚śvapa॒r॒śuṃ-yo~ vai - pū᳚rve॒dyuḥ - karma̭ṇe vā॒ - mindro̭ vṛ॒trama̭ha॒n-thso̭-'po - 'va̭dhūtaṃ॒ - dhṛṣṭi̭--r de॒vasyetyā̭ha॒ saṃva~̭pāmi - de॒vasya॒ sphyamāda̭de॒ - vajro॒ vai sphyo daśa̭)
(tṛ॒tīya̭syāṃ - ~ya॒jñasyāna̭tirekāya - pa॒vitra̭vatya - dhva॒ryu-ñcā̭ - dhi॒ṣava̭ṇamasya॒ - ntari̭kṣa e॒va - rakṣa̭sāma॒ntarhi̭tyai॒ - dvau vāva purṷṣo॒ - yada॒daśca॒ndrama̭si॒ meddhya॒-mpañcāśī̭tiḥ)
(tṛ॒tīya̭syāṃ॒ - ~yaja̭mānaḥ)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake dvitīyaḥ prapāṭhaka-ssamāptaḥ ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.