7.4 - Brihaspati Rakamayata - Krishna Yajurveda Taittiriya Samhita Pathah — Oriya Script

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ସପ୍ତମକାଣ୍ଡେ ଚତୁର୍ଥଃ ପ୍ରଶ୍ନଃ - ସତ୍ରକର୍ମନିରୂପଣଂ

ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହ॒ରିଃ॒ ଓମ୍ ॥

ବୃହ॒ସ୍ପତି॑ରକାମଯତ॒ ଶ୍ରନ୍ମେ॑ ଦେ॒ଵା ଦଧୀ॑ର॒-ନ୍ଗଚ୍ଛେ॑ଯ-ମ୍ପୁରୋ॒ଧାମିତି॒ ସ ଏ॒ତ-ଞ୍ଚ॑ତୁର୍ଵିଗ୍ଂଶତିରା॒ତ୍ର-ମ॑ପଶ୍ଯ॒-ତ୍ତମା-ଽହ॑ର॒-ତ୍ତେନା॑ଯଜତ॒ ତତୋ॒ ଵୈ ତସ୍ମୈ॒ ଶ୍ରଦ୍ଦେ॒ଵା ଅଦ॑ଧ॒ତାଗ॑ଚ୍ଛ-ତ୍ପୁରୋ॒ଧାଂ-ଯଁ ଏ॒ଵଂ-ଵିଁ॒ଦ୍ଵାଗ୍ଂସ॑-ଶ୍ଚତୁର୍ଵିଗ୍ଂଶତିରା॒ତ୍ର-ମାସ॑ତେ॒ ଶ୍ରଦେ᳚ଭ୍ଯୋ ମନୁ॒ଷ୍ଯା॑ ଦଧତେ॒ ଗଚ୍ଛ॑ନ୍ତି ପୁରୋ॒ଧା-ଞ୍ଜ୍ଯୋତି॒ର୍ଗୌରାଯୁ॒ରିତି॑ ତ୍ର୍ଯ॒ହା ଭ॑ଵନ୍ତୀ॒ଯଂ-ଵାଁଵ ଜ୍ଯୋତି॑ର॒ନ୍ତରି॑କ୍ଷ॒-ଙ୍ଗୌର॒ସା-ଵାଯୁ॑- [-ଵାଯୁଃ॑, ଇ॒ମାନେ॒ଵ] 1

-ରି॒ମାନେ॒ଵ ଲୋ॒କାନ॒ଭ୍ଯାରୋ॑ହନ୍ତ୍ଯଭି ପୂ॒ର୍ଵ-ନ୍ତ୍ର୍ଯ॒ହା ଭ॑ଵନ୍ତ୍ଯଭିପୂ॒ର୍ଵମେ॒ଵ ସୁ॑ଵ॒ର୍ଗଂ-ଲୋଁ॒କମ॒ଭ୍ଯାରୋ॑ହ॒ନ୍ତ୍ଯସ॑ତ୍ରଂ॒-ଵାଁ ଏ॒ତ-ଦ୍ଯଦ॑ଛନ୍ଦୋ॒ମଂ-ଯଁଚ୍ଛ॑ନ୍ଦୋ॒ମା ଭଵ॑ନ୍ତି॒ ତେନ॑ ସ॒ତ୍ର-ନ୍ଦେ॒ଵତା॑ ଏ॒ଵ ପୃ॒ଷ୍ଠୈରଵ॑ ରୁନ୍ଧତେ ପ॒ଶୂଞ୍ଛ॑ନ୍ଦୋ॒ମୈରୋଜୋ॒ ଵୈ ଵୀ॒ର୍ଯ॑-ମ୍ପୃ॒ଷ୍ଠାନି॑ ପ॒ଶଵଃ॑ ଛନ୍ଦୋ॒ମା ଓଜ॑ସ୍ଯେ॒ଵ ଵୀ॒ର୍ଯେ॑ ପ॒ଶୁଷୁ॒ ପ୍ରତି॑ ତିଷ୍ଠନ୍ତି ବୃହ-ଦ୍ରଥନ୍ତ॒ରାଭ୍ଯାଂ᳚-ଯଁନ୍ତୀ॒ଯଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ଯାମେ॒ଵ [ ] 2

ଯ॒ନ୍ତ୍ଯଥୋ॑ ଅ॒ନଯୋ॑ରେ॒ଵ ପ୍ରତି॑ ତିଷ୍ଠନ୍ତ୍ଯେ॒ତେ ଵୈ ଯ॒ଜ୍ଞସ୍ଯା᳚ଞ୍ଜ॒ସାଯ॑ନୀ ସ୍ରୁ॒ତୀ ତାଭ୍ଯା॑ମେ॒ଵ ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତି ଚତୁର୍ଵିଗ୍ଂଶତିରା॒ତ୍ରୋ ଭ॑ଵତି॒ ଚତୁ॑ର୍ଵିଗ୍ଂଶତିରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କ-ସ୍ସଂ॑ଵଁଥ୍ସ॒ର ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠ॒ନ୍ତ୍ଯଥୋ॒ ଚତୁ॑ର୍ଵିଗ୍ଂଶତ୍ଯକ୍ଷରା ଗାଯ॒ତ୍ରୀ ଗା॑ଯ॒ତ୍ରୀ ବ୍ର॑ହ୍ମଵର୍ଚ॒ସ-ଙ୍ଗା॑ଯତ୍ରି॒ଯୈଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତୋ ବ୍ରହ୍ମଵର୍ଚ॒ସସ୍ଯ॒ ପରି॑ଗୃହୀତ୍ଯୈ ॥ 3 ॥

(ଅ॒ସାଵାଯୁ॑ - ରା॒ଭ୍ଯାମେ॒ଵ - ପଞ୍ଚ॑ଚତ୍ଵାରିଗ୍ଂଶଚ୍ଚ) (ଅ. 1)

ଯଥା॒ ଵୈ ମ॑ନୁ॒ଷ୍ଯା॑ ଏ॒ଵ-ନ୍ଦେ॒ଵା ଅଗ୍ର॑ ଆସ॒-ନ୍ତେ॑-ଽକାମଯ॒ନ୍ତା-ଽଵ॑ର୍ତି-ମ୍ପା॒ପ୍ମାନ॑-ମ୍ମୃ॒ତ୍ଯୁ-ମ॑ପ॒ହତ୍ଯ॒ ଦୈଵୀଗ୍ଂ॑ ସ॒ଗ୍ଂ॒ସଦ॑-ଙ୍ଗଚ୍ଛେ॒ମେତି॒ ତ ଏ॒ତ-ଞ୍ଚ॑ତୁର୍ଵିଗ୍ଂଶତିରା॒ତ୍ର-ମ॑ପଶ୍ଯ॒-ନ୍ତମା-ଽହ॑ର॒-ନ୍ତେନା॑ଯଜନ୍ତ॒ ତତୋ॒ ଵୈ ତେ-ଽଵ॑ର୍ତି-ମ୍ପା॒ପ୍ମାନ॑-ମ୍ମୃ॒ତ୍ଯୁ-ମ॑ପ॒ହତ୍ଯ॒ ଦୈଵୀଗ୍ଂ॑ ସ॒ଗ୍ଂ॒ସଦ॑ମଗଚ୍ଛ॒ନ୍॒. ଯ ଏ॒ଵଂ-ଵିଁ॒ଦ୍ଵାଗ୍ଂସ॑-ଶ୍ଚତୁର୍ଵିଗ୍ଂଶତିରା॒ତ୍ର-ମାସ॒ତେ-ଽଵ॑ର୍ତିମେ॒ଵ ପା॒ପ୍ମାନ॑-ମପ॒ହତ୍ଯ॒ ଶ୍ରିଯ॑-ଙ୍ଗଚ୍ଛନ୍ତି॒ ଶ୍ରୀର୍ହି ମ॑ନୁ॒ଷ୍ଯ॑ସ୍ଯ॒ [ଶ୍ରୀର୍ହି ମ॑ନୁ॒ଷ୍ଯ॑ସ୍ଯ, ଦୈଵୀ॑ ସ॒ଗ୍ଂ॒ସ-ଜ୍ଜ୍ଯୋତି॑-] 4

ଦୈଵୀ॑ ସ॒ଗ୍ଂ॒ସ-ଜ୍ଜ୍ଯୋତି॑-ରତିରା॒ତ୍ରୋ ଭ॑ଵତି ସୁଵ॒ର୍ଗସ୍ଯ॑ ଲୋ॒କସ୍ଯାନୁ॑ଖ୍ଯାତ୍ଯୈ॒ ପୃଷ୍ଠ୍ଯଃ॑ ଷଡ॒ହୋ ଭ॑ଵତି॒ ଷ-ଡ୍ଵା ଋ॒ତଵଃ॑ ସଂଵଁଥ୍ସ॒ରସ୍ତ-ମ୍ମାସା॑ ଅର୍ଧମା॒ସା ଋ॒ତଵଃ॑ ପ୍ର॒ଵିଶ୍ଯ॒ ଦୈଵୀଗ୍ଂ॑ ସ॒ଗ୍ଂ॒ସଦ॑ମଗଚ୍ଛ॒ନ୍॒. ଯ ଏ॒ଵଂ-ଵିଁ॒ଦ୍ଵାଗ୍ଂସ॑-ଶ୍ଚତୁର୍ଵିଗ୍ଂଶତିରା॒ତ୍ରମାସ॑ତେ ସଂଵଁଥ୍ସ॒ରମେ॒ଵ ପ୍ର॒ଵିଶ୍ଯ॒ ଵସ୍ଯ॑ସୀଗ୍ଂ ସ॒ଗ୍ଂ॒ସଦ॑-ଙ୍ଗଚ୍ଛନ୍ତି॒ ତ୍ରଯ॑ସ୍ତ୍ରଯସ୍ତ୍ରି॒ଗ୍ଂ॒ଶା ଅ॒ଵସ୍ତା᳚-ଦ୍ଭଵନ୍ତି॒ ତ୍ରଯ॑ସ୍ତ୍ରଯସ୍ତ୍ରି॒ଗ୍ଂ॒ଶାଃ ପ॒ରସ୍ତା᳚-ତ୍ତ୍ରଯସ୍ତ୍ରି॒ଗ୍ଂ॒ଶୈରେ॒ଵୋଭ॒ଯତୋ ଽଵ॑ର୍ତି-ମ୍ପା॒ପ୍ମାନ॑ମପ॒ହତ୍ଯ॒ ଦୈଵୀଗ୍ଂ॑ ସ॒ଗ୍ଂ॒ସଦ॑-ମ୍ମଦ୍ଧ୍ଯ॒ତୋ [ସ॒ଗ୍ଂ॒ସଦ॑-ମ୍ମଦ୍ଧ୍ଯ॒ତଃ, ଗ॒ଚ୍ଛ॒ନ୍ତି॒ ପୃ॒ଷ୍ଠାନି॒ ହି] 5

ଗ॑ଚ୍ଛନ୍ତି ପୃ॒ଷ୍ଠାନି॒ ହି ଦୈଵୀ॑ ସ॒ଗ୍ଂ॒ସଜ୍ଜା॒ମି ଵା ଏ॒ତ-ତ୍କୁ॑ର୍ଵନ୍ତି॒ ଯ-ତ୍ତ୍ରଯ॑ସ୍ତ୍ରଯସ୍ତ୍ରି॒ଗ୍ଂ॒ଶା ଅ॒ନ୍ଵଞ୍ଚୋ॒ ମଦ୍ଧ୍ଯେ-ଽନି॑ରୁକ୍ତୋ ଭଵତି॒ ତେନାଜା᳚ମ୍ଯୂ॒ର୍ଧ୍ଵାନି॑ ପୃ॒ଷ୍ଠାନି॑ ଭଵନ୍ତ୍ଯୂ॒ର୍ଧ୍ଵା-ଶ୍ଛ॑ନ୍ଦୋ॒ମା ଉ॒ଭାଭ୍ଯାଗ୍ଂ॑ ରୂ॒ପାଭ୍ଯାଗ୍ଂ॑ ସୁଵ॒ର୍ଗଂ-ଲୋଁ॒କଂ-ଯଁ॒ନ୍ତ୍ଯସ॑ତ୍ରଂ॒-ଵାଁ ଏ॒ତ-ଦ୍ଯଦ॑ଛନ୍ଦୋ॒ମଂ-ଯଁଚ୍ଛ॑ନ୍ଦୋ॒ମା ଭଵ॑ନ୍ତି॒ ତେନ॑ ସ॒ତ୍ର-ନ୍ଦେ॒ଵତା॑ ଏ॒ଵ ପୃ॒ଷ୍ଠୈରଵ॑ ରୁନ୍ଧତେ ପ॒ଶୂଞ୍ଛ॑ନ୍ଦୋ॒ମୈରୋଜୋ॒ ଵୈ ଵୀ॒ର୍ଯ॑-ମ୍ପୃ॒ଷ୍ଠାନି॑ ପ॒ଶଵ॑- [ପ॒ଶଵଃ॑, ଛ॒ନ୍ଦୋ॒ମା ଓଜ॑ସ୍ଯେ॒ଵ] 6

-ଶ୍ଛନ୍ଦୋ॒ମା ଓଜ॑ସ୍ଯେ॒ଵ ଵୀ॒ର୍ଯେ॑ ପ॒ଶୁଷୁ॒ ପ୍ରତି॑ ତିଷ୍ଠନ୍ତି॒ ତ୍ରଯ॑ସ୍ତ୍ରଯସ୍ତ୍ରି॒ଗ୍ଂ॒ଶା ଅ॒ଵସ୍ତା᳚-ଦ୍ଭଵନ୍ତି॒ ତ୍ରଯ॑ସ୍ତ୍ରଯସ୍ତ୍ରି॒ଗ୍ଂ॒ଶାଃ ପ॒ରସ୍ତା॒ନ୍ମଦ୍ଧ୍ଯେ॑ ପୃ॒ଷ୍ଠାନ୍ଯୁରୋ॒ ଵୈ ତ୍ର॑ଯସ୍ତ୍ରି॒ଗ୍ଂ॒ଶା ଆ॒ତ୍ମା ପୃ॒ଷ୍ଠାନ୍ଯା॒ତ୍ମନ॑ ଏ॒ଵ ତ-ଦ୍ଯଜ॑ମାନା॒-ଶ୍ଶର୍ମ॑ ନହ୍ଯ॒ନ୍ତେ-ଽନା᳚ର୍ତ୍ଯୈ ବୃହ-ଦ୍ରଥନ୍ତ॒ରାଭ୍ଯାଂ᳚-ଯଁନ୍ତୀ॒ଯଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ଯାମେ॒ଵ ଯ॒ନ୍ତ୍ଯଥୋ॑ ଅ॒ନଯୋ॑ରେ॒ଵ ପ୍ରତି॑ ତିଷ୍ଠନ୍ତ୍ଯେ॒ତେ ଵୈ ଯ॒ଜ୍ଞସ୍ଯା᳚ଞ୍ଜ॒ସାଯ॑ନୀ ସ୍ରୁ॒ତୀ ତାଭ୍ଯା॑ମେ॒ଵ [ତାଭ୍ଯା॑ମେ॒ଵ, ସୁ॒ଵ॒ର୍ଗଂ-ଲୋଁ॒କଂ-ଯଁ॑ନ୍ତି॒] 7

ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତି॒ ପରା᳚ଞ୍ଚୋ॒ ଵା ଏ॒ତେ ସୁ॑ଵ॒ର୍ଗଂ-ଲୋଁ॒କମ॒ଭ୍ଯାରୋ॑ହନ୍ତି॒ ଯେ ପ॑ରା॒ଚୀନା॑ନି ପୃ॒ଷ୍ଠାନ୍ଯୁ॑ପ॒ଯନ୍ତି॑ ପ୍ର॒ତ୍ଯଂ ଷ॑ଡ॒ହୋ ଭ॑ଵତି ପ୍ର॒ତ୍ଯଵ॑ରୂଢ୍ଯା॒ ଅଥୋ॒ ପ୍ରତି॑ଷ୍ଠିତ୍ଯା ଉ॒ଭଯୋ᳚ର୍ଲୋ॒କଯୋର॑ ଋ॒ଦ୍ଧ୍ଵୋ-ତ୍ତି॑ଷ୍ଠନ୍ତି ତ୍ରି॒ଵୃତୋ-ଽଧି॑ ତ୍ରି॒ଵୃତ॒ମୁପ॑ ଯନ୍ତି॒ ସ୍ତୋମା॑ନା॒ଗ୍ଂ॒ ସମ୍ପ॑ତ୍ତ୍ଯୈ ପ୍ରଭ॒ଵାଯ॒ ଜ୍ଯୋତି॑ରଗ୍ନିଷ୍ଟୋ॒ମୋ ଭ॑ଵତ୍ଯ॒ଯଂ-ଵାଁଵ ସ କ୍ଷଯୋ॒-ଽସ୍ମାଦେ॒ଵ ତେନ॒ କ୍ଷଯା॒ନ୍ନ ଯ॑ନ୍ତି ଚତୁର୍ଵିଗ୍ଂଶତିରା॒ତ୍ରୋ ଭ॑ଵତି॒ ଚତୁ॑ର୍ଵିଗ୍ଂଶତିରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କ-ସ୍ସଂ॑ଵଁଥ୍ସ॒ର ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠ॒ନ୍ତ୍ଯଥୋ॒ ଚତୁ॑ର୍ଵିଗ୍ଂଶତ୍ଯକ୍ଷରା ଗାଯ॒ତ୍ରୀ ଗା॑ଯ॒ତ୍ରୀ ବ୍ର॑ହ୍ମଵର୍ଚ॒ସ-ଙ୍ଗା॑ଯତ୍ରି॒ଯୈଵ ବ୍ର॑ହ୍ମଵର୍ଚ॒ସମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତୋ ବ୍ରହ୍ମଵର୍ଚ॒ସସ୍ଯ॒ ପରି॑ଗୃହୀତ୍ଯୈ ॥ 8 ॥

(ମ॒ନୁ॒ଷ୍ଯ॑ସ୍ଯ - ମଧ୍ଯ॒ତଃ - ପ॒ଶଵ॒ - ସ୍ତାଭ୍ଯା॑ମେ॒ଵ - ସଂ॑ଵଁଥ୍ସ॒ର - ଶ୍ଚତୁ॑ର୍ଵିଗ୍ଂଶତିଶ୍ଚ) (ଅ. 2)

ଋ॒କ୍ଷା ଵା ଇ॒ଯମ॑ଲୋ॒ମକା॑-ଽଽସୀ॒-ଥ୍ସା-ଽକା॑ମଯ॒ତୌଷ॑ଧୀଭି॒-ର୍ଵନ॒ସ୍ପତି॑ଭିଃ॒ ପ୍ର ଜା॑ଯେ॒ଯେତି॒ ସୈତାସ୍ତ୍ରି॒ଗ୍ଂ॒ଶତ॒ଗ୍ଂ॒ ରାତ୍ରୀ॑ରପଶ୍ଯ॒-ତ୍ତତୋ॒ ଵା ଇ॒ଯମୋଷ॑ଧୀଭି॒-ର୍ଵନ॒ସ୍ପତି॑ଭିଃ॒ ପ୍ରାଜା॑ଯତ॒ ଯେ ପ୍ର॒ଜାକା॑ମାଃ ପ॒ଶୁକା॑ମା॒-ସ୍ସ୍ଯୁସ୍ତ ଏ॒ତା ଆ॑ସୀର॒-ନ୍ପ୍ରୈଵ ଜା॑ଯନ୍ତେ ପ୍ର॒ଜଯା॑ ପ॒ଶୁଭି॑ରି॒ଯଂ-ଵାଁ ଅ॑କ୍ଷୁଦ୍ଧ୍ଯ॒-ଥ୍ସୈତାଂ-ଵିଁ॒ରାଜ॑ମପଶ୍ଯ॒-ତ୍ତାମା॒ତ୍ମ-ନ୍ଧି॒ତ୍ଵା-ଽନ୍ନାଦ୍ଯ॒ମଵା॑ ଽରୁ॒ନ୍ଧୌଷ॑ଧୀ॒- [-ଽରୁ॒ନ୍ଧୌଷ॑ଧୀଃ, ଵନ॒ସ୍ପତୀ᳚-ନ୍ପ୍ର॒ଜା-] 9

-ର୍ଵନ॒ସ୍ପତୀ᳚-ନ୍ପ୍ର॒ଜା-ମ୍ପ॒ଶୂ-ନ୍ତେନା॑ଵର୍ଧତ॒ ସା ଜେ॒ମାନ॑-ମ୍ମହି॒ମାନ॑-ମଗଚ୍ଛ॒ଦ୍ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏ॒ତା ଆସ॑ତେ ଵି॒ରାଜ॑ମେ॒ଵା-ଽଽତ୍ମ-ନ୍ଧି॒ତ୍ଵା-ଽନ୍ନାଦ୍ଯ॒ମଵ॑ ରୁନ୍ଧତେ॒ ଵର୍ଧ॑ନ୍ତେ ପ୍ର॒ଜଯା॑ ପ॒ଶୁଭି॑ର୍ଜେ॒ମାନ॑-ମ୍ମହି॒ମାନ॑-ଙ୍ଗଚ୍ଛନ୍ତି॒ ଜ୍ଯୋତି॑ରତିରା॒ତ୍ରୋ ଭ॑ଵତି ସୁଵ॒ର୍ଗସ୍ଯ॑ ଲୋ॒କସ୍ଯାନୁ॑ଖ୍ଯାତ୍ଯୈ॒ ପୃଷ୍ଠ୍ଯଃ॑ ଷଡ॒ହୋ ଭ॑ଵତି॒ ଷ-ଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ ପୃ॒ଷ୍ଠୈରେ॒ଵର୍ତୂନ॒ନ୍ଵା-ରୋ॑ହନ୍ତ୍ଯୃ॒ତୁଭିଃ॑ ସଂଵଁଥ୍ସ॒ର-ନ୍ତେ ସଂ॑ଵଁଥ୍ସ॒ର ଏ॒ଵ [ ] 10

ପ୍ରତି॑ ତିଷ୍ଠନ୍ତି ତ୍ରଯସ୍ତ୍ରି॒ଗ୍ଂ॒ଶା-ତ୍ତ୍ର॑ଯସ୍ତ୍ରି॒ଗ୍ଂ॒ଶମୁପ॑ ଯନ୍ତି ଯ॒ଜ୍ଞସ୍ଯ॒ ସନ୍ତ॑ତ୍ଯା॒ ଅଥୋ᳚ ପ୍ର॒ଜାପ॑ତି॒ର୍ଵୈ ତ୍ର॑ଯସ୍ତ୍ରି॒ଗ୍ଂ॒ଶଃ ପ୍ର॒ଜାପ॑ତିମେ॒ଵା-ଽଽର॑ଭନ୍ତେ॒ ପ୍ରତି॑ଷ୍ଠିତ୍ଯୈ ତ୍ରିଣ॒ଵୋ ଭ॑ଵତି॒ ଵିଜି॑ତ୍ଯା ଏକଵି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ତ୍ରି॒ଵୃଦ॑ଗ୍ନି॒ଷ୍ଟୁ-ଦ୍ଭ॑ଵତି ପା॒ପ୍ମାନ॑ମେ॒ଵ ତେନ॒ ନିର୍ଦ॑ହ॒ନ୍ତେ-ଽଥୋ॒ ତେଜୋ॒ ଵୈ ତ୍ରି॒ଵୃ-ତ୍ତେଜ॑ ଏ॒ଵା-ଽଽତ୍ମ-ନ୍ଦ॑ଧତେ ପଞ୍ଚଦ॒ଶ ଇ॑ନ୍ଦ୍ରସ୍ତୋ॒ମୋ ଭ॑ଵତୀନ୍ଦ୍ରି॒ଯ-ମେ॒ଵା-ଽଵ॑ [ଭ॑ଵତୀନ୍ଦ୍ରି॒ଯ-ମେ॒ଵା-ଽଵ॑, ରୁ॒ନ୍ଧ॒ତେ॒ ସ॒ପ୍ତ॒ଦ॒ଶୋ ଭ॑ଵତ୍ଯ॒ନ୍ନାଦ୍ଯ॒ସ୍ଯା] 11

ରୁନ୍ଧତେ ସପ୍ତଦ॒ଶୋ ଭ॑ଵତ୍ଯ॒ନ୍ନାଦ୍ଯ॒ସ୍ଯା ଵ॑ରୁଦ୍ଧ୍ଯା॒ ଅଥୋ॒ ପ୍ରୈଵ ତେନ॑ ଜାଯନ୍ତ ଏକଵି॒ଗ୍ଂ॒ଶୋ ଭ॑ଵତି॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ଚତୁର୍ଵି॒ଗ୍ଂ॒ଶୋ ଭ॑ଵତି॒ ଅତୁ॑ର୍ଵିଗ୍ଂଶତିରର୍ଧମା॒ସା-ସ୍ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ସ୍ସୁ॑ଵ॒ର୍ଗୋ ଲୋ॒କ-ସ୍ସଂ॑ଵଁଥ୍ସ॒ର ଏ॒ଵ ସୁ॑ଵ॒ର୍ଗେ ଲୋ॒କେ ପ୍ରତି॑ ତିଷ୍ଠ॒ନ୍ତ୍ଯଥୋ॑ ଏ॒ଷ ଵୈ ଵି॑ଷୂ॒ଵାନ୍ ଵି॑ଷୂ॒ଵନ୍ତୋ॑ ଭଵନ୍ତି॒ ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏ॒ତା ଆସ॑ତେ ଚତୁର୍ଵି॒ଗ୍ଂ॒ଶା-ତ୍ପୃ॒ଷ୍ଠାନ୍ଯୁପ॑ ଯନ୍ତି ସଂଵଁଥ୍ସ॒ର ଏ॒ଵ ପ୍ର॑ତି॒ଷ୍ଠାଯ॑ [ ] 12

ଦେ॒ଵତା॑ ଅ॒ଭ୍ଯାରୋ॑ହନ୍ତି ତ୍ରଯସ୍ତ୍ରି॒ଗ୍ଂ॒ଶା-ତ୍ତ୍ର॑ଯସ୍ତ୍ରି॒ଗ୍ଂ॒ଶମୁପ॑ ଯନ୍ତି॒ ତ୍ରଯ॑ସ୍ତ୍ରିଗ୍ଂଶ॒ଦ୍ଵୈ ଦେ॒ଵତା॑ ଦେ॒ଵତା᳚ସ୍ଵେ॒ଵ ପ୍ରତି॑ ତିଷ୍ଠନ୍ତି ତ୍ରିଣ॒ଵୋ ଭ॑ଵତୀ॒ମେ ଵୈ ଲୋ॒କାସ୍ତ୍ରି॑ଣ॒ଵ ଏ॒ଷ୍ଵେ॑ଵ ଲୋ॒କେଷୁ॒ ପ୍ରତି॑ ତିଷ୍ଠନ୍ତି॒ ଦ୍ଵାଵେ॑କଵି॒ଗ୍ଂ॒ଶୌ ଭ॑ଵତଃ॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ-ନ୍ଦ॑ଧତେ ବ॒ହଵଃ॑ ଷୋଡ॒ଶିନୋ॑ ଭଵନ୍ତି॒ ତସ୍ମା᳚-ଦ୍ବ॒ହଵଃ॑ ପ୍ର॒ଜାସୁ॒ ଵୃଷା॑ଣୋ॒ ଯଦେ॒ତେ ସ୍ତୋମା॒ ଵ୍ଯତି॑ଷକ୍ତା॒ ଭଵ॑ନ୍ତି॒ ତସ୍ମା॑ଦି॒ଯ -ମୋଷ॑ଧୀଭି॒-ର୍ଵନ॒ସ୍ପତି॑ଭି॒-ର୍ଵ୍ଯତି॑ଷକ୍ତା॒ [-ର୍ଵ୍ଯତି॑ଷକ୍ତା, ଵ୍ଯତି॑ଷଜ୍ଯନ୍ତେ] 13

ଵ୍ଯତି॑ଷଜ୍ଯନ୍ତେ ପ୍ର॒ଜଯା॑ ପ॒ଶୁଭି॒ର୍ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏ॒ତା ଆସ॒ତେ ଽକୢ॑ପ୍ତା॒ ଵା ଏ॒ତେ ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତ୍ଯୁଚ୍ଚାଵ॒ଚାନ୍ ହି ସ୍ତୋମା॑ନୁପ॒ଯନ୍ତି॒ ଯଦେ॒ତ ଊ॒ର୍ଧ୍ଵାଃ କୢ॒ପ୍ତା-ସ୍ସ୍ତୋମା॒ ଭଵ॑ନ୍ତି କୢ॒ପ୍ତା ଏ॒ଵ ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତ୍ଯୁ॒ଭଯୋ॑ରେ॒ଭ୍ଯୋ ଲୋ॒କଯୋଃ᳚ କଲ୍ପତେ ତ୍ରି॒ଗ୍ଂ॒ଶଦେ॒ତାସ୍ତ୍ରି॒ଗ୍ଂ॒ଶଦ॑କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜୈ॒ଵାନ୍ନାଦ୍ଯ॒ମଵ॑ ରୁନ୍ଧତେ ଽତିରା॒ତ୍ରାଵ॒ଭିତୋ॑ ଭଵତୋ॒ ଽନ୍ନାଦ୍ଯ॑ସ୍ଯ॒ ପରି॑ଗୃହୀତ୍ଯୈ ॥ 14 ॥

(ଓଷ॑ଧୀଃ - ସଂଵଁଥ୍ସ॒ର ଏ॒ଵା - ଽଵ॑ - ପ୍ରତି॒ଷ୍ଠାଯ॒ - ଵ୍ଯତି॑ଷ॒କ୍ତ୍ଯୈ - କା॒ନ୍ନପ॑ଞ୍ଚା॒ଶଚ୍ଚ॑) (ଅ. 3)

ପ୍ର॒ଜାପ॑ତି-ସ୍ସୁଵ॒ର୍ଗଂ-ଲୋଁ॒କମୈ॒-ତ୍ତ-ନ୍ଦେ॒ଵା ଯେନ॑ଯେନ॒ ଛନ୍ଦ॒ସା-ଽନୁ॒ ପ୍ରାଯୁ॑ଞ୍ଜତ॒ ତେନ॒ ନା-ଽଽପ୍ନୁ॑ଵ॒-ନ୍ତ ଏ॒ତା ଦ୍ଵାତ୍ରିଗ୍ଂ॑ଶତ॒ଗ୍ଂ॒ ରାତ୍ରୀ॑ରପଶ୍ଯ॒-ନ୍ଦ୍ଵାତ୍ରିଗ୍ଂ॑ଶଦକ୍ଷରା ଽନୁ॒ଷ୍ଟୁଗା-ନୁ॑ଷ୍ଟୁଭଃ ପ୍ର॒ଜାପ॑ତି॒-ସ୍ସ୍ଵେନୈ॒ଵ ଛନ୍ଦ॑ସା ପ୍ର॒ଜାପ॑ତି-ମା॒ପ୍ତ୍ଵା ଽଭ୍ଯା॒ରୁହ୍ଯ॑ ସୁଵ॒ର୍ଗଂ-ଲୋଁ॒କମା॑ଯ॒ନ୍॒. ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏ॒ତା ଆସ॑ତେ॒ ଦ୍ଵାତ୍ରିଗ୍ଂ॑ଶଦେ॒ତା ଦ୍ଵାତ୍ରିଗ୍ଂ॑ଶଦକ୍ଷରା ଽନୁ॒ଷ୍ଟୁଗା-ନୁ॑ଷ୍ଟୁଭଃ ପ୍ର॒ଜାପ॑ତି॒-ସ୍ସ୍ଵେନୈ॒ଵ ଛନ୍ଦ॑ସା ପ୍ର॒ଜାପ॑ତିମା॒ପ୍ତ୍ଵା ଶ୍ରିଯ॑-ଙ୍ଗଚ୍ଛନ୍ତି॒ [ଶ୍ରିଯ॑-ଙ୍ଗଚ୍ଛନ୍ତି, ଶ୍ରୀର୍ହି] 15

ଶ୍ରୀର୍ହି ମ॑ନୁ॒ଷ୍ଯ॑ସ୍ଯ ସୁଵ॒ର୍ଗୋ ଲୋ॒କୋ ଦ୍ଵାତ୍ରିଗ୍ଂ॑ଶଦେ॒ତା ଦ୍ଵାତ୍ରିଗ୍ଂ॑ଶଦକ୍ଷରା-ଽନୁ॒ଷ୍ଟୁଗ୍-ଵାଗ॑ନୁ॒ଷ୍ଟୁ-ଫ୍ସର୍ଵା॑ମେ॒ଵ ଵାଚ॑ମାପ୍ନୁଵନ୍ତି॒ ସର୍ଵେ॑ ଵା॒ଚୋ ଵ॑ଦି॒ତାରୋ॑ ଭଵନ୍ତି॒ ସର୍ଵେ॒ ହି ଶ୍ରିଯ॒-ଙ୍ଗଚ୍ଛ॑ନ୍ତି॒ ଜ୍ଯୋତି॒ର୍ଗୌରାଯୁ॒ରିତି॑ ତ୍ର୍ଯ॒ହା ଭ॑ଵନ୍ତୀ॒ଯଂ-ଵାଁଵ ଜ୍ଯୋତି॑ର॒ନ୍ତରି॑କ୍ଷ॒-ଙ୍ଗୌର॒ସାଵାଯୁ॑ରି॒ମାନେ॒ଵ ଲୋ॒କାନ॒ଭ୍ଯାରୋ॑ହନ୍ତ୍ଯଭିପୂ॒ର୍ଵ-ନ୍ତ୍ର୍ଯ॒ହା ଭ॑ଵନ୍ତ୍ଯଭିପୂ॒ର୍ଵମେ॒ଵ ସୁ॑ଵ॒ର୍ଗଂ-ଲୋଁ॒କମ॒ଭ୍ଯାରୋ॑ହନ୍ତି ବୃହ-ଦ୍ରଥନ୍ତ॒ରାଭ୍ଯାଂ᳚-ଯଁନ୍ତୀ॒- [-ଁଯନ୍ତି, ଇ॒ଯଂ-ଵାଁଵ] 16

-ଯଂ-ଵାଁଵ ର॑ଥନ୍ତ॒ରମ॒ସୌ ବୃ॒ହଦା॒ଭ୍ଯାମେ॒ଵ ଯ॒ନ୍ତ୍ଯଥୋ॑ ଅ॒ନଯୋ॑ରେ॒ଵ ପ୍ରତି॑ ତିଷ୍ଠନ୍ତ୍ଯେ॒ତେ ଵୈ ଯ॒ଜ୍ଞସ୍ଯା᳚ଞ୍ଜ॒ସାଯ॑ନୀ ସ୍ରୁ॒ତୀ ତାଭ୍ଯା॑ମେ॒ଵ ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତି॒ ପରା᳚ଞ୍ଚୋ॒ ଵା ଏ॒ତେ ସୁ॑ଵ॒ର୍ଗଂ-ଲୋଁ॒କମ॒ଭ୍ଯାରୋ॑ହନ୍ତି॒ ଯେ ପରା॑ଚସ୍ତ୍ର୍ଯ॒ହାନୁ॑ପ॒ଯନ୍ତି॑ ପ୍ର॒ତ୍ଯ-ନ୍ତ୍ର୍ଯ॒ହୋ ଭ॑ଵତି ପ୍ର॒ତ୍ଯଵ॑ରୂଢ୍ଯା॒ ଅଥୋ॒ ପ୍ରତି॑ଷ୍ଠିତ୍ଯା ଉ॒ଭଯୋ᳚ର୍ଲୋ॒କଯୋର୍॑. ଋ॒ଦ୍ଧ୍ଵୋ-ତ୍ତି॑ଷ୍ଠନ୍ତି॒ ଦ୍ଵାତ୍ରିଗ୍ଂ॑ଶଦେ॒ତାସ୍ତାସାଂ॒-ଯାଁ ସ୍ତ୍ରି॒ଗ୍ଂ॒ଶ-ତ୍ତ୍ରି॒ଗ୍ଂ॒ଶଦ॑କ୍ଷରା ଵି॒ରାଡନ୍ନଂ॑-ଵିଁ॒ରା-ଡ୍ଵି॒ରାଜୈ॒ଵା-ଽନ୍ନାଦ୍ଯ॒ମଵ॑ ରୁନ୍ଧତେ॒ ଯେ ଦ୍ଵେ ଅ॑ହୋରା॒ତ୍ରେ ଏ॒ଵ ତେ ଉ॒ଭାଭ୍ଯାଗ୍ଂ॑ ରୂ॒ପାଭ୍ଯାଗ୍ଂ॑ ସୁଵ॒ର୍ଗଂ-ଲୋଁ॒କଂ-ଯଁ॑ନ୍ତ୍ଯତିରା॒ତ୍ରାଵ॒ଭିତୋ॑ ଭଵତଃ॒ ପରି॑ଗୃହୀତ୍ଯୈ ॥ 17 ॥

(ଗ॒ଚ୍ଛ॒ନ୍ତି॒ - ଯ॒ନ୍ତି॒ - ତ୍ରି॒ଗ୍ଂ॒ଶଦ॑କ୍ଷରା॒ - ଦ୍ଵାଵିଗ୍ଂ॑ଶତିଶ୍ଚ) (ଅ. 4)

ଦ୍ଵେ ଵାଵ ଦେ॑ଵସ॒ତ୍ରେ ଦ୍ଵା॑ଦଶା॒ହଶ୍ଚୈ॒ଵ ତ୍ର॑ଯସ୍ତ୍ରିଗ୍ଂଶଦ॒ହଶ୍ଚ॒ ଯ ଏ॒ଵଂ-ଵିଁ॒ଦ୍ଵାଗ୍ଂସ॑ସ୍ତ୍ରଯସ୍ତ୍ରିଗ୍ଂଶଦ॒ହମାସ॑ତେ ସା॒କ୍ଷାଦେ॒ଵ ଦେ॒ଵତା॑ ଅ॒ଭ୍ଯାରୋ॑ହନ୍ତି॒ ଯଥା॒ ଖଲୁ॒ ଵୈ ଶ୍ରେଯା॑ନ॒ଭ୍ଯାରୂ॑ଢଃ କା॒ମଯ॑ତେ॒ ତଥା॑ କରୋତି॒ ଯଦ୍ଯ॑ଵ॒ଵିଦ୍ଧ୍ଯ॑ତି॒ ପାପୀ॑ଯା-ନ୍ଭଵତି॒ ଯଦି॒ ନାଵ॒ଵିଦ୍ଧ୍ଯ॑ତି ସ॒ଦୃଂ-ଯଁ ଏ॒ଵଂ-ଵିଁ॒ଦ୍ଵାଗ୍ଂସ॑ସ୍ତ୍ରଯସ୍ତ୍ରିଗ୍ଂ- ଶଦ॒ହମାସ॑ତେ॒ ଵି ପା॒ପ୍ମନା॒ ଭ୍ରାତୃ॑ଵ୍ଯେ॒ଣା-ଽଽ ଵ॑ର୍ତନ୍ତେ ଽହ॒ର୍ଭାଜୋ॒ ଵା ଏ॒ତା ଦେ॒ଵା ଅଗ୍ର॒ ଆ-ଽହ॑ର॒- [ଆ-ଽହ॑ରନ୍ନ୍, ଅହ॒ରେକୋ ଽଭ॑ଜ॒ତା-] 18

-ନ୍ନହ॒ରେକୋ ଽଭ॑ଜ॒ତା-ହ॒ରେକ॒ସ୍ତାଭି॒ର୍ଵୈତେ ପ୍ର॒ବାହୁ॑ଗାର୍ଧ୍ନୁଵ॒ନ୍॒. ଯ ଏ॒ଵଂ-ଵିଁ॒ଦ୍ଵାଗ୍ଂସ॑ସ୍ତ୍ରଯସ୍ତ୍ରିଗ୍ଂଶଦ॒ହମାସ॑ତେ॒ ସର୍ଵ॑ ଏ॒ଵ ପ୍ର॒ବାହୁ॑ଗୃଦ୍ଧ୍ନୁଵନ୍ତି॒ ସର୍ଵେ॒ ଗ୍ରାମ॑ଣୀଯ॒-ମ୍ପ୍ରାପ୍ନୁ॑ଵନ୍ତି ପଞ୍ଚା॒ହା ଭ॑ଵନ୍ତି॒ ପଞ୍ଚ॒ ଵା ଋ॒ତଵଃ॑ ସଂଵଁଥ୍ସ॒ର ଋ॒ତୁଷ୍ଵେ॒ଵ ସଂ॑ଵଁଥ୍ସ॒ରେ ପ୍ରତି॑ ତିଷ୍ଠ॒ନ୍ତ୍ଯଥୋ॒ ପଞ୍ଚା᳚କ୍ଷରା ପ॒ଙ୍କ୍ତିଃ ପାଙ୍କ୍ତୋ॑ ଯ॒ଜ୍ଞୋ ଯ॒ଜ୍ଞମେ॒ଵାଵ॑ ରୁନ୍ଧତେ॒ ତ୍ରୀଣ୍ଯା᳚ଶ୍ଵି॒ନାନି॑ ଭଵନ୍ତି॒ ତ୍ରଯ॑ ଇ॒ମେ ଲୋ॒କା ଏ॒- [ଇ॒ମେ ଲୋ॒କା ଏ॒ଷୁ, ଏ॒ଵ ଲୋ॒କେଷୁ॒ ପ୍ରତି॑] 19

-ଷ୍ଵେ॑ଵ ଲୋ॒କେଷୁ॒ ପ୍ରତି॑ ତିଷ୍ଠ॒ନ୍ତ୍ଯଥୋ॒ ତ୍ରୀଣି॒ ଵୈ ଯ॒ଜ୍ଞସ୍ଯେ᳚ନ୍ଦ୍ରି॒ଯାଣି॒ ତାନ୍ଯେ॒ଵାଵ॑ ରୁନ୍ଧତେ ଵିଶ୍ଵ॒ଜି-ଦ୍ଭ॑ଵତ୍ଯ॒ନ୍ନାଦ୍ଯ॒ସ୍ଯା ଵ॑ରୁଦ୍ଧ୍ଯୈ॒ ସର୍ଵ॑ପୃଷ୍ଠୋ ଭଵତି॒ ସର୍ଵ॑ସ୍ଯା॒ଭିଜି॑ତ୍ଯୈ॒ ଵାଗ୍ଵୈ ଦ୍ଵା॑ଦଶା॒ହୋ ଯ-ତ୍ପୁ॒ରସ୍ତା᳚-ଦ୍ଦ୍ଵାଦଶା॒ହ-ମୁ॑ପେ॒ଯୁରନା᳚ପ୍ତାଂ॒-ଵାଁଚ॒-ମୁପେ॑ଯୁ-ରୁପ॒ଦାସୁ॑କୈଷାଂ॒-ଵାଁ-ଖ୍ସ୍ଯା॑-ଦୁ॒ପରି॑ଷ୍ଟା-ଦ୍ଦ୍ଵାଦଶା॒ହମୁପ॑ ଯନ୍ତ୍ଯା॒ପ୍ତାମେ॒ଵ ଵାଚ॒ମୁପ॑ ଯନ୍ତି॒ ତସ୍ମା॑-ଦୁ॒ପରି॑ଷ୍ଟା-ଦ୍ଵା॒ଚା ଵ॑ଦାମୋ ଽଵାନ୍ତ॒ରଂ- [ଵ॑ଦାମୋ ଽଵାନ୍ତ॒ରମ୍, ଵୈ ଦ॑ଶରା॒ତ୍ରେଣ॑] 20

-ଁଵୈ ଦ॑ଶରା॒ତ୍ରେଣ॑ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ଯ-ଦ୍ଦ॑ଶରା॒ତ୍ରୋ ଭଵ॑ତି ପ୍ର॒ଜା ଏ॒ଵ ତ-ଦ୍ଯଜ॑ମାନା-ସ୍ସୃଜନ୍ତ ଏ॒ତାଗ୍ଂ ହ॒ ଵା ଉ॑ଦ॒ଙ୍କ-ଶ୍ଶୌ᳚ଲ୍ବାଯ॒ନ-ସ୍ସ॒ତ୍ରସ୍ଯର୍ଧି॑ମୁଵାଚ॒ ଯ-ଦ୍ଦ॑ଶରା॒ତ୍ରୋ ଯ-ଦ୍ଦ॑ଶରା॒ତ୍ରୋ ଭଵ॑ତି ସ॒ତ୍ରସ୍ଯର୍ଧ୍ଯା॒ ଅଥୋ॒ ଯଦେ॒ଵ ପୂର୍ଵେ॒ଷ୍ଵହ॑ସ୍ସୁ॒ ଵିଲୋ॑ମ କ୍ରି॒ଯତେ॒ ତସ୍ଯୈ॒ଵୈଷା ଶାନ୍ତି॑ଦ୍ର୍ଵ୍ଯନୀ॒କା ଵା ଏ॒ତା ରାତ୍ର॑ଯୋ॒ ଯଜ॑ମାନା ଵିଶ୍ଵ॒ଜି-ଥ୍ସ॒ହାତି॑ରା॒ତ୍ରେଣ॒ ପୂର୍ଵା॒-ଷ୍ଷୋଡ॑ଶ ସ॒ହା ତି॑ରା॒ତ୍ରେଣୋତ୍ତ॑ରା॒-ଷ୍ଷୋଡ॑ଶ॒ ଯ ଏ॒ଵଂ-ଵିଁ॒ଦ୍ଵାଗ୍ଂସ॑ସ୍ତ୍ରଯସ୍ତ୍ରିଗ୍ଂଶଦ॒ହମାସ॑ତ॒ ଐଷା᳚-ନ୍ଦ୍ଵ୍ଯନୀ॒କା ପ୍ର॒ଜା ଜା॑ଯତେ ଽତିରା॒ତ୍ରାଵ॒ଭିତୋ॑ ଭଵତଃ॒ ପରି॑ଗୃହୀତ୍ଯୈ ॥ 21 ॥

(ଅ॒ହ॒ର॒- ନ୍ନେ॒ଷ୍ଵ॑ - ଵାନ୍ତ॒ରଗ୍ଂ - ଷୋଡ॑ଶ ସ॒ହ - ସ॒ପ୍ତଦ॑ଶ ଚ) (ଅ. 5)

ଆ॒ଦି॒ତ୍ଯା ଅ॑କାମଯନ୍ତ ସୁଵ॒ର୍ଗଂ-ଲୋଁ॒କମି॑ଯା॒ମେତି॒ ତେ ସୁ॑ଵ॒ର୍ଗଂ-ଲୋଁ॒କ-ନ୍ନ ପ୍ରାଜା॑ନ॒ନ୍ନ ସୁ॑ଵ॒ର୍ଗଂ-ଲୋଁ॒କମା॑ଯ॒-ନ୍ତ ଏ॒ତଗ୍ଂ ଷ॑ଟ୍ତ୍ରିଗ୍ଂଶଦ୍ରା॒ତ୍ର-ମ॑ପଶ୍ଯ॒-ନ୍ତମା-ଽହ॑ର॒-ନ୍ତେନା॑ଯଜନ୍ତ॒ ତତୋ॒ ଵୈ ତେ ସୁ॑ଵ॒ର୍ଗଂ-ଲୋଁ॒କ-ମ୍ପ୍ରାଜା॑ନନ୍-ଥ୍ସୁଵ॒ର୍ଗଂ-ଲୋଁ॒କମା॑ଯ॒ନ୍॒. ଯ ଏ॒ଵଂ-ଵିଁ॒ଦ୍ଵାଗ୍ଂସଃ॑ ଷଟ୍ତ୍ରିଗ୍ଂଶ-ଦ୍ରା॒ତ୍ରମାସ॑ତେ ସୁଵ॒ର୍ଗମେ॒ଵ ଲୋକ-ମ୍ପ୍ର ଜା॑ନନ୍ତି ସୁଵ॒ର୍ଗଂ-ଲୋଁ॒କଂ-ଯଁ॑ନ୍ତି॒ ଜ୍ଯୋତି॑-ରତିରା॒ତ୍ରୋ [ଜ୍ଯୋତି॑-ରତିରା॒ତ୍ରଃ, ଭ॒ଵ॒ତି॒ ଜ୍ଯୋତି॑ରେ॒ଵ] 22

ଭ॑ଵତି॒ ଜ୍ଯୋତି॑ରେ॒ଵ ପୁ॒ରସ୍ତା᳚-ଦ୍ଦଧତେ ସୁଵ॒ର୍ଗସ୍ଯ॑ ଲୋ॒କସ୍ଯାନୁ॑ଖ୍ଯାତ୍ଯୈ ଷଡ॒ହା ଭ॑ଵନ୍ତି॒ ଷ-ଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠନ୍ତି ଚ॒ତ୍ଵାରୋ॑ ଭଵନ୍ତି॒ ଚତ॑ସ୍ରୋ॒ ଦିଶୋ॑ ଦି॒କ୍ଷ୍ଵେ॑ଵ ପ୍ରତି॑ ତିଷ୍ଠ॒ନ୍ତ୍ଯସ॑ତ୍ରଂ॒-ଵାଁ ଏ॒ତ-ଦ୍ଯଦ॑ଛନ୍ଦୋ॒ମଂ-ଯଁଚ୍ଛ॑ନ୍ଦୋ॒ମା ଭଵ॑ନ୍ତି॒ ତେନ॑ ସ॒ତ୍ର-ନ୍ଦେ॒ଵତା॑ ଏ॒ଵ ପୃ॒ଷ୍ଠୈରଵ॑ ରୁନ୍ଧତେ ପ॒ଶୂଞ୍ଛ॑ନ୍ଦୋ॒ମୈରୋଜୋ॒ ଵୈ ଵୀ॒ର୍ଯ॑-ମ୍ପୃ॒ଷ୍ଠାନି॑ ପ॒ଶଵଃ॑ ଛନ୍ଦୋ॒ମା ଓଜ॑ସ୍ଯେ॒ଵ [ ] 23

ଵୀ॒ର୍ଯେ॑ ପ॒ଶୁଷୁ॒ ପ୍ରତି॑ ତିଷ୍ଠନ୍ତି ଷଟ୍-ତ୍ରିଗ୍ଂଶ-ଦ୍ରା॒ତ୍ରୋ ଭ॑ଵତି॒ ଷଟ୍ତ୍ରିଗ୍ଂ॑ଶଦକ୍ଷରା ବୃହ॒ତୀ ବାର୍ହ॑ତାଃ ପ॒ଶଵୋ॑ ବୃହ॒ତ୍ଯୈଵ ପ॒ଶୂନଵ॑ ରୁନ୍ଧତେ ବୃହ॒ତୀ ଛନ୍ଦ॑ସା॒ଗ୍॒ ସ୍ଵାରା᳚ଜ୍ଯମାଶ୍ଞୁତା-ଶ୍ଞୁ॒ଵତେ॒ ସ୍ଵାରା᳚ଜ୍ଯଂ॒-ଯଁ ଏ॒ଵଂ-ଵିଁ॒ଦ୍ଵାଗ୍ଂସଃ॑ ଷଟ୍ତ୍ରିଗ୍ଂଶ-ଦ୍ରା॒ତ୍ରମାସ॑ତେ ସୁଵ॒ର୍ଗମେ॒ଵ ଲୋ॒କଂ-ଯଁ॑ନ୍ତ୍ଯତିରା॒ତ୍ରାଵ॒ଭିତୋ॑ ଭଵତ-ସ୍ସୁଵ॒ର୍ଗସ୍ଯ॑ ଲୋ॒କସ୍ଯ॒ ପରି॑ଗୃହୀତ୍ଯୈ ॥ 24 ॥

(ଅ॒ତି॒ରା॒ତ୍ର - ଓଜ॑ସ୍ଯେ॒ଵ - ଷଟ୍ତ୍ରିଗ୍ଂ॑ଶଚ୍ଚ) (ଅ. 6)

ଵସି॑ଷ୍ଠୋ ହ॒ତପୁ॑ତ୍ରୋ-ଽକାମଯତ ଵି॒ନ୍ଦେଯ॑ ପ୍ର॒ଜାମ॒ଭି ସା॑ଦା॒ସା-ନ୍ଭ॑ଵେଯ॒ମିତି॒ ସ ଏ॒ତମେ॑କସ୍ମା-ନ୍ନପଞ୍ଚା॒ଶ-ମ॑ପଶ୍ଯ॒-ତ୍ତମା-ଽହ॑ର॒-ତ୍ତେନା॑ଯଜତ॒ ତତୋ॒ ଵୈ ସୋ-ଽଵି॑ନ୍ଦତ ପ୍ର॒ଜାମ॒ଭି ସୌ॑ଦା॒ସାନ॑ଭଵ॒ଦ୍ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏକସ୍ମା-ନ୍ନପଞ୍ଚା॒ଶମାସ॑ତେ ଵି॒ନ୍ଦନ୍ତେ᳚ ପ୍ର॒ଜାମ॒ଭି ଭ୍ରାତୃ॑ଵ୍ଯା-ନ୍ଭଵନ୍ତି॒ ତ୍ରଯ॑ସ୍ତ୍ରି॒ଵୃତୋ᳚-ଽଗ୍ନିଷ୍ଟୋ॒ମା ଭ॑ଵନ୍ତି॒ ଵଜ୍ର॑ସ୍ଯୈ॒ଵ ମୁଖ॒ଗ୍ଂ॒ ସଗ୍ଗ୍ ଶ୍ଯ॑ନ୍ତି॒ ଦଶ॑ ପଞ୍ଚଦ॒ଶା ଭ॑ଵନ୍ତି ପଞ୍ଚଦ॒ଶୋ ଵଜ୍ରୋ॒ [ଵଜ୍ରଃ॑, ଵଜ୍ର॑ମେ॒ଵ] 25

ଵଜ୍ର॑ମେ॒ଵ ଭ୍ରାତୃ॑ଵ୍ଯେଭ୍ଯଃ॒ ପ୍ର ହ॑ରନ୍ତି ଷୋଡଶି॒ମ॑-ଦ୍ଦଶ॒ମମହ॑-ର୍ଭଵତି॒ ଵଜ୍ର॑ ଏ॒ଵ ଵୀ॒ର୍ଯ॑-ନ୍ଦଧତି॒ ଦ୍ଵାଦ॑ଶ ସପ୍ତଦ॒ଶା ଭ॑ଵନ୍ତ୍ଯ॒ନ୍ନାଦ୍ଯ॒ସ୍ଯା ଵ॑ରୁଦ୍ଧ୍ଯା॒ ଅଥୋ॒ ପ୍ରୈଵ ତୈର୍ଜା॑ଯନ୍ତେ॒ ପୃଷ୍ଠ୍ଯଃ॑ ଷଡ॒ହୋ ଭ॑ଵତି॒ ଷଡ୍ଵା ଋ॒ତଵ॒-ଷ୍ଷଟ୍ ପୃ॒ଷ୍ଠାନି॑ ପୃ॒ଷ୍ଠୈରେ॒ଵର୍ତୂନ॒ନ୍ଵାରୋ॑ହନ୍ତ୍ଯୃ॒ତୃଭିଃ॑ ସଂଵଁଥ୍ସ॒ର-ନ୍ତେ ସଂ॑ଵଁଥ୍ସ॒ର ଏ॒ଵ ପ୍ରତି॑ ତିଷ୍ଠନ୍ତି॒ ଦ୍ଵାଦ॑ଶୈକଵି॒ଗ୍ଂ॒ଶା ଭ॑ଵନ୍ତି॒ ପ୍ରତି॑ଷ୍ଠିତ୍ଯା॒ ଅଥୋ॒ ରୁଚ॑ମେ॒ଵା-ଽଽତ୍ମ- [ରୁଚ॑ମେ॒ଵା-ଽଽତ୍ମନ୍ନ୍, ଦ॒ଧ॒ତେ॒ ବ॒ହଵଃ॑ ଷୋଡ॒ଶିନୋ॑] 26

-ନ୍ଦ॑ଧତେ ବ॒ହଵଃ॑ ଷୋଡ॒ଶିନୋ॑ ଭଵନ୍ତି॒ ଵିଜି॑ତ୍ଯୈ॒ ଷଡା᳚ଶ୍ଵି॒ନାନି॑ ଭଵନ୍ତି॒ ଷଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠନ୍ତ୍ଯୂନାତିରି॒କ୍ତା ଵା ଏ॒ତା ରାତ୍ର॑ଯ ଊ॒ନାସ୍ତ-ଦ୍ଯଦେକ॑ସ୍ଯୈ॒ ନ ପ॑ଞ୍ଚା॒ଶଦ-ତି॑ରିକ୍ତା॒ସ୍ତ-ଦ୍ଯ-ଦ୍ଭୂଯ॑ସୀ-ର॒ଷ୍ଟାଚ॑ତ୍ଵାରିଗ୍ଂଶତ ଊ॒ନାଚ୍ଚ॒ ଖଲୁ॒ ଵା ଅତି॑ରିକ୍ତାଚ୍ଚ ପ୍ର॒ଜାପ॑ତିଃ॒ ପ୍ରାଜା॑ଯତ॒ ଯେ ପ୍ର॒ଜାକା॑ମାଃ ପ॒ଶୁକା॑ମା॒-ସ୍ସ୍ଯୁସ୍ତ ଏ॒ତା ଆ॑ସୀର॒-ନ୍ପ୍ରୈଵ ଜା॑ଯନ୍ତେ ପ୍ର॒ଜଯା॑ ପ॒ଶୁଭି॑ର୍ଵୈରା॒ଜୋ ଵା ଏ॒ଷ ଯ॒ଜ୍ଞୋ ଯଦେ॑କସ୍ମା-ନ୍ନପଞ୍ଚା॒ଶୋ ଯ ଏ॒ଵଂ-ଵିଁ॒ଦ୍ଵାଗ୍ଂସ॑ ଏକସ୍ମା-ନ୍ନପଞ୍ଚା॒ଶମାସ॑ତେ ଵି॒ରାଜ॑ମେ॒ଵ ଗ॑ଚ୍ଛନ୍ତ୍ଯନ୍ନା॒ଦା ଭ॑ଵନ୍ତ୍ଯତି-ରା॒ତ୍ରାଵ॒ଭିତୋ॑ ଭଵତୋ॒-ଽନ୍ନାଦ୍ଯ॑ସ୍ଯ॒ ପରି॑ଗୃହୀତ୍ଯୈ ॥ 27 ॥

(ଵଜ୍ର॑ - ଆ॒ତ୍ମନ୍ - ପ୍ର॒ଜଯା॒ - ଦ୍ଵାଵିଗ୍ଂ॑ଶତିଶ୍ଚ) (ଅ. 7)

ସଂ॒ଵଁ॒ଥ୍ସ॒ରାଯ॑ ଦୀକ୍ଷି॒ଷ୍ଯମା॑ଣା ଏକାଷ୍ଟ॒କାଯା᳚-ନ୍ଦୀକ୍ଷେରନ୍ନେ॒ଷା ଵୈ ସଂ॑ଵଁଥ୍ସ॒ରସ୍ଯ॒ ପତ୍ନୀ॒ ଯଦେ॑କାଷ୍ଟ॒କୈତସ୍ଯାଂ॒-ଵାଁ ଏ॒ଷ ଏ॒ତାଗ୍ଂ ରାତ୍ରିଂ॑-ଵଁସତି ସା॒କ୍ଷାଦେ॒ଵ ସଂ॑ଵଁଥ୍ସ॒ରମା॒ରଭ୍ଯ॑ ଦୀକ୍ଷନ୍ତ॒ ଆର୍ତଂ॒-ଵାଁ ଏ॒ତେ ସଂ॑ଵଁଥ୍ସ॒ରସ୍ଯା॒ଭି ଦୀ᳚କ୍ଷନ୍ତେ॒ ଯ ଏ॑କାଷ୍ଟ॒କାଯା॒-ନ୍ଦୀକ୍ଷ॒ନ୍ତେ ଽନ୍ତ॑ନାମାନାଵୃ॒ତୂ ଭ॑ଵତୋ॒ ଵ୍ଯ॑ସ୍ତଂ॒-ଵାଁ ଏ॒ତେ ସଂ॑ଵଁଥ୍ସ॒ରସ୍ଯା॒-ଽଭି ଦୀ᳚କ୍ଷନ୍ତେ॒ ଯ ଏ॑କାଷ୍ଟ॒କାଯା॒-ନ୍ଦୀକ୍ଷ॒ନ୍ତେ-ଽନ୍ତ॑ନାମାନାଵୃ॒ତୂ ଭ॑ଵତଃ ଫଲ୍ଗୁନୀ ପୂର୍ଣମା॒ସେ ଦୀ᳚କ୍ଷେର॒-ନ୍ମୁଖଂ॒-ଵାଁ ଏ॒ତ- [ଏ॒ତତ୍, ସଂ॒ଵଁ॒ଥ୍ସ॒ରସ୍ଯ॒ ଯ-ତ୍ଫ॑ଲ୍ଗୁନୀ-] 28

-ଥ୍ସଂ॑ଵଁଥ୍ସ॒ରସ୍ଯ॒ ଯ-ତ୍ଫ॑ଲ୍ଗୁନୀ-ପୂର୍ଣମା॒ସୋ ମୁ॑ଖ॒ତ ଏ॒ଵ ସଂ॑ଵଁଥ୍ସ॒ରମା॒ରଭ୍ଯ॑ ଦୀକ୍ଷନ୍ତେ॒ ତସ୍ଯୈକୈ॒ଵ ନି॒ର୍ଯା ଯ-ଥ୍ସାମ୍ମେ᳚ଘ୍ଯେ ଵିଷୂ॒ଵାନ୍-ଥ୍ସ॒ପନ୍ଦ୍ଯ॑ତେ ଚିତ୍ରାପୂର୍ଣମା॒ସେ ଦୀ᳚କ୍ଷେର॒-ନ୍ମୁଖଂ॒-ଵାଁ ଏ॒ତ-ଥ୍ସଂ॑ଵଁଥ୍ସ॒ରସ୍ଯ॒ ଯଚ୍ଚି॑ତ୍ରାପୂର୍ଣମା॒ସୋ ମୁ॑ଖ॒ତ ଏ॒ଵ ସଂ॑ଵଁଥ୍ସ॒ରମା॒ରଭ୍ଯ॑ ଦୀକ୍ଷନ୍ତେ॒ ତସ୍ଯ॒ ନ କା ଚ॒ନ ନି॒ର୍ଯା ଭ॑ଵତି ଚତୁର॒ହେ ପୁ॒ରସ୍ତା᳚-ତ୍ପୌର୍ଣମା॒ସ୍ଯୈ ଦୀ᳚କ୍ଷେର॒-ନ୍ତେଷା॑ମେକାଷ୍ଟ॒କାଯା᳚-ଙ୍କ୍ର॒ଯ-ସ୍ସ-ମ୍ପ॑ଦ୍ଯତେ॒ ତେନୈ॑କାଷ୍ଟ॒କା-ନ୍ନ ଛ॒ମ୍ବ-ଟ୍କୁ॑ର୍ଵନ୍ତି॒ ତେଷା᳚- [ତେଷା᳚ମ୍, ପୂ॒ର୍ଵ॒ପ॒କ୍ଷେ ସୁ॒ତ୍ଯା] 29

-ମ୍ପୂର୍ଵପ॒କ୍ଷେ ସୁ॒ତ୍ଯା ସ-ମ୍ପ॑ଦ୍ଯତେ ପୂର୍ଵପ॒କ୍ଷ-ମ୍ମାସା॑ ଅ॒ଭି ସ-ମ୍ପ॑ଦ୍ଯନ୍ତେ॒ ତେ ପୂ᳚ର୍ଵପ॒କ୍ଷ ଉ-ତ୍ତି॑ଷ୍ଠନ୍ତି॒ ତାନୁ॒ତ୍ତିଷ୍ଠ॑ତ॒ ଓଷ॑ଧଯୋ॒ ଵନ॒ସ୍ପତ॒ଯୋ-ଽନୂ-ତ୍ତି॑ଷ୍ଠନ୍ତି॒ ତାନ୍ କ॑ଲ୍ଯା॒ଣୀ କୀ॒ର୍ତିରନୂ-ତ୍ତି॑ଷ୍ଠ॒ତ୍ଯରା᳚-ଥ୍ସୁରି॒ମେ ଯଜ॑ମାନା॒ ଇତି॒ ତଦନୁ॒ ସର୍ଵେ॑ ରାଦ୍ଧ୍ନୁଵନ୍ତି ॥ 30 ॥

(ଏ॒ତ - ଚ୍ଛ॒ବଣ୍ଟ୍କୁ॑ର୍ଵନ୍ତି॒ ତେଷାଂ॒ - ଚତୁ॑ସ୍ତ୍ରିଗ୍ଂଶଚ୍ଚ) (ଅ. 8)

ସୁ॒ଵ॒ର୍ଗଂ-ଵାଁ ଏ॒ତେ ଲୋ॒କଂ-ଯଁ॑ନ୍ତି॒ ଯେ ସ॒ତ୍ରମୁ॑ପ॒ଯନ୍ତ୍ଯ॒ଭୀନ୍ଧ॑ତ ଏ॒ଵ ଦୀ॒କ୍ଷାଭି॑ରା॒ତ୍ମାନଗ୍ଗ୍॑ ଶ୍ରପଯନ୍ତ ଉପ॒ସଦ୍ଭି॒-ର୍ଦ୍ଵାଭ୍ଯାଂ॒-ଲୋଁମାଵ॑ ଦ୍ଯନ୍ତି॒ ଦ୍ଵାଭ୍ଯା॒-ନ୍ତ୍ଵଚ॒-ନ୍ଦ୍ଵାଭ୍ଯା॒ମସୃ॒-ଦ୍ଦ୍ଵାଭ୍ଯା᳚-ମ୍ମା॒ଗ୍ଂ॒ସ-ନ୍ଦ୍ଵାଭ୍ଯା॒ମସ୍ଥି॒ ଦ୍ଵାଭ୍ଯା᳚-ମ୍ମ॒ଜ୍ଜାନ॑ମା॒ତ୍ମଦ॑କ୍ଷିଣଂ॒-ଵୈଁ ସ॒ତ୍ରମା॒ତ୍ମାନ॑ମେ॒ଵ ଦକ୍ଷି॑ଣା-ନ୍ନୀ॒ତ୍ଵା ସୁ॑ଵ॒ର୍ଗଂ-ଲୋଁ॒କଂ-ଯଁ॑ନ୍ତି॒ ଶିଖା॒ମନୁ॒ ପ୍ର ଵ॑ପନ୍ତ॒ ଋଦ୍ଧ୍ଯା॒ ଅଥୋ॒ ରଘୀ॑ଯାଗ୍ଂସ-ସ୍ସୁଵ॒ର୍ଗଂ-ଲୋଁ॒କମ॑ଯା॒ମେତି॑ ॥ 31 ॥

(ସୁ॒ଵ॒ର୍ଗଂ - ପ॑ଞ୍ଚା॒ଶତ୍) (ଅ. 9)

ବ୍ର॒ହ୍ମ॒ଵା॒ଦିନୋ॑ ଵଦନ୍ତ୍ଯତିରା॒ତ୍ରଃ ପ॑ର॒ମୋ ଯ॑ଜ୍ଞକ୍ରତୂ॒ନା-ଙ୍କସ୍ମା॒-ତ୍ତ-ମ୍ପ୍ର॑ଥ॒ମମୁପ॑ ଯ॒ନ୍ତୀତ୍ଯେ॒ତଦ୍ଵା ଅ॑ଗ୍ନିଷ୍ଟୋ॒ମ-ମ୍ପ୍ର॑ଥ॒ମମୁପ॑ ଯ॒ନ୍ତ୍ଯଥୋ॒କ୍ଥ୍ଯ॑ମଥ॑ ଷୋଡ॒ଶିନ॒-ମଥା॑ତିରା॒ତ୍ର-ମ॑ନୁପୂ॒ର୍ଵମେ॒ଵୈତ-ଦ୍ଯ॑ଜ୍ଞକ୍ର॒ତୂନୁ॒ପେତ୍ଯ॒ ତାନା॒ଲଭ୍ଯ॑ ପରି॒ଗୃହ୍ଯ॒ ସୋମ॑ମେ॒ଵୈତ-ତ୍ପିବ॑ନ୍ତ ଆସତେ॒ ଜ୍ଯୋତି॑ଷ୍ଟୋମ-ମ୍ପ୍ରଥ॒ମମୁପ॑ ଯନ୍ତି॒ ଜ୍ଯୋତି॑ଷ୍ଟୋମୋ॒ ଵୈ ସ୍ତୋମା॑ନା॒-ମ୍ମୁଖ॑-ମ୍ମୁଖ॒ତ ଏ॒ଵ ସ୍ତୋମା॒-ନ୍ପ୍ର ଯୁ॑ଞ୍ଜତେ॒ ତେ [ ] 32

ସଗ୍ଗ୍ସ୍ତୁ॑ତା ଵି॒ରାଜ॑ମ॒ଭି ସ-ମ୍ପ॑ଦ୍ଯନ୍ତେ॒ ଦ୍ଵେ ଚର୍ଚା॒ଵତି॑ ରିଚ୍ଯେତେ॒ ଏକ॑ଯା॒ ଗୌରତି॑ରିକ୍ତ॒ ଏକ॒ଯା-ଽଽଯୁ॑ରୂ॒ନ-ସ୍ସୁ॑ଵ॒ର୍ଗୋ ଵୈ ଲୋ॒କୋ ଜ୍ଯୋତି॒ରୂର୍ଗ୍-ଵି॒ରାଟ୍-ଥ୍ସୁ॑ଵ॒ର୍ଗମେ॒ଵ ତେନ॑ ଲୋ॒କଂ-ଯଁ॑ନ୍ତି ରଥନ୍ତ॒ର-ନ୍ଦିଵା॒ ଭଵ॑ତି ରଥନ୍ତ॒ର-ନ୍ନକ୍ତ॒ମିତ୍ଯା॑ହୁ-ର୍ବ୍ରହ୍ମଵା॒ଦିନଃ॒ କେନ॒ ତଦଜା॒ମୀତି॑ ସୌଭ॒ର-ନ୍ତୃ॑ତୀଯସଵ॒ନେ ବ୍ର॑ହ୍ମସା॒ମ-ମ୍ବୃ॒ହ-ତ୍ତନ୍ମ॑ଦ୍ଧ୍ଯ॒ତୋ ଦ॑ଧତି॒ ଵିଧୃ॑ତ୍ଯୈ॒ ତେନାଜା॑ମି ॥ 33 ॥

(ତ - ଏକା॒ନ୍ନପ॑ଞ୍ଚା॒ଶଚ୍ଚ॑) (ଅ. 10)

ଜ୍ଯୋତି॑ଷ୍ଟୋମ-ମ୍ପ୍ରଥ॒ମମୁପ॑ ଯନ୍ତ୍ଯ॒ସ୍ମିନ୍ନେ॒ଵ ତେନ॑ ଲୋ॒କେ ପ୍ରତି॑ ତିଷ୍ଠନ୍ତି॒ ଗୋଷ୍ଟୋ॑ମ-ନ୍ଦ୍ଵି॒ତୀଯ॒ମୁପ॑ ଯନ୍ତ୍ଯ॒ନ୍ତରି॑କ୍ଷ ଏ॒ଵ ତେନ॒ ପ୍ରତି॑ ତିଷ୍ଠ॒ନ୍ତ୍ଯାଯୁ॑ଷ୍ଟୋମ-ନ୍ତୃ॒ତୀଯ॒ମୁପ॑ ଯନ୍ତ୍ଯ॒ମୁଷ୍ମି॑ନ୍ନେ॒ଵ ତେନ॑ ଲୋ॒କେ ପ୍ରତି॑ ତିଷ୍ଠନ୍ତୀ॒ଯଂ-ଵାଁଵ ଜ୍ଯୋତି॑ର॒ନ୍ତରି॑କ୍ଷ॒-ଙ୍ଗୌର॒ସାଵାଯୁ॒-ର୍ଯଦେ॒ତାନ୍-ଥ୍ସ୍ତୋମା॑-ନୁପ॒ଯନ୍ତ୍ଯେ॒ଷ୍ଵେ॑ଵ ତଲ୍ଲୋ॒କେଷୁ॑ ସ॒ତ୍ରିଣଃ॑ ପ୍ରତି॒ ତିଷ୍ଠ॑ନ୍ତୋ ଯନ୍ତି॒ ତେ ସଗ୍ଗ୍ସ୍ତୁ॑ତା ଵି॒ରାଜ॑- [ଵି॒ରାଜ᳚ମ୍, ଅ॒ଭି ସମ୍ପ॑ଦ୍ଯନ୍ତେ॒ ଦ୍ଵେ] 34

-ମ॒ଭି ସମ୍ପ॑ଦ୍ଯନ୍ତେ॒ ଦ୍ଵେ ଚର୍ଚା॒ଵତି॑ ରିଚ୍ଯେତେ॒ ଏକ॑ଯା॒ ଗୌରତି॑ରିକ୍ତ॒ ଏକ॒ଯା-ଽଽଯୁ॑ରୂ॒ନ-ସ୍ସୁ॑ଵ॒ର୍ଗୋ ଵୈ ଲୋ॒କୋ ଜ୍ଯୋତି॒ରୂର୍ଗ୍-ଵି॒ରାଡୂର୍ଜ॑-ମେ॒ଵାଵ॑ ରୁନ୍ଧତେ॒ ତେ ନ କ୍ଷୁ॒ଧା ଽଽର୍ତି॒ମାର୍ଚ୍ଛ॒ନ୍ତ୍ଯକ୍ଷୋ॑ଧୁକା ଭଵନ୍ତି॒ କ୍ଷୁ-ଥ୍ସ॑ବାନ୍ଧା ଇଵ॒ ହି ସ॒ତ୍ରିଣୋ᳚ ଽଗ୍ନିଷ୍ଟୋ॒ମାଵ॒ଭିତଃ॑ ପ୍ର॒ଧୀ ତାଵୁ॒କ୍ଥ୍ଯା॑ ମଦ୍ଧ୍ଯେ॒ ନଭ୍ଯ॒-ନ୍ତ-ତ୍ତଦେ॒ତ-ତ୍ପ॑ରି॒ଯ-ଦ୍ଦେ॑ଵଚ॒କ୍ରଂ-ଯଁଦେ॒ତେନ॑ [-ଁଯଦେ॒ତେନ॑, ଷ॒ଡ॒ହେନ॒ ଯନ୍ତି॑] 35

ଷଡ॒ହେନ॒ ଯନ୍ତି॑ ଦେଵଚ॒କ୍ରମେ॒ଵ ସ॒ମାରୋ॑ହ॒ନ୍ତ୍ଯରି॑ଷ୍ଟ୍ଯୈ॒ ତେ ସ୍ଵ॒ସ୍ତି ସମ॑ଶ୍ଞୁଵତେ ଷଡ॒ହେନ॑ ଯନ୍ତି॒ ଷଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠନ୍ତ୍ଯୁଭ॒ଯତୋ᳚ ଜ୍ଯୋତିଷା ଯନ୍ତ୍ଯୁଭ॒ଯତ॑ ଏ॒ଵ ସୁ॑ଵ॒ର୍ଗେ ଲୋ॒କେ ପ୍ର॑ତି॒ତିଷ୍ଠ॑ନ୍ତୋ ଯନ୍ତି॒ ଦ୍ଵୌ ଷ॑ଡ॒ହୌ ଭ॑ଵତ॒ସ୍ତାନି॒ ଦ୍ଵାଦ॒ଶାହା॑ନି॒ ସ-ମ୍ପ॑ଦ୍ଯନ୍ତେ ଦ୍ଵାଦ॒ଶୋ ଵୈ ପୁରୁ॑ଷୋ॒ ଦ୍ଵେ ସ॒କ୍ଥ୍ଯୌ᳚ ଦ୍ଵୌ ବା॒ହୂ ଆ॒ତ୍ମା ଚ॒ ଶିର॑ଶ୍ଚ ଚ॒ତ୍ଵାର୍ଯଙ୍ଗା॑ନି॒ ସ୍ତନୌ᳚ ଦ୍ଵାଦ॒ଶୌ [ ] 36

ତ-ତ୍ପୁରୁ॑ଷ॒ମନୁ॑ ପ॒ର୍ଯାଵ॑ର୍ତନ୍ତେ॒ ତ୍ରଯଃ॑ ଷଡ॒ହା ଭ॑ଵନ୍ତି॒ ତାନ୍ଯ॒ଷ୍ଟାଦ॒ଶାହା॑ନି॒ ସ-ମ୍ପ॑ଦ୍ଯନ୍ତେ॒ ନଵା॒ନ୍ଯାନି॒ ନଵା॒ନ୍ଯାନି॒ ନଵ॒ ଵୈ ପୁରୁ॑ଷେ ପ୍ରା॒ଣାସ୍ତ-ତ୍ପ୍ରା॒ଣାନନୁ॑ ପ॒ର୍ଯାଵ॑ର୍ତନ୍ତେ ଚ॒ତ୍ଵାରଃ॑ ଷଡ॒ହା ଭ॑ଵନ୍ତି॒ ତାନି॒ ଚତୁ॑ର୍ଵିଗ୍ଂଶତି॒ରହା॑ନି॒ ସ-ମ୍ପ॑ଦ୍ଯନ୍ତେ॒ ଚତୁ॑ର୍ଵିଗ୍ଂଶତିରର୍ଧମା॒ସା-ସ୍ସଂ॑ଵଁଥ୍ସ॒ରସ୍ତ-ଥ୍ସଂ॑ଵଁଥ୍ସ॒ରମନୁ॑ ପ॒ର୍ଯାଵ॑ର୍ତ॒ନ୍ତେ ଽପ୍ର॑ତିଷ୍ଠିତ-ସ୍ସଂଵଁଥ୍ସ॒ର ଇତି॒ ଖଲୁ॒ ଵା ଆ॑ହୁ॒ର୍ଵର୍ଷୀ॑ଯା-ନ୍ପ୍ରତି॒ଷ୍ଠାଯା॒ ଇତ୍ଯେ॒ତାଵ॒ଦ୍ଵୈ ସଂ॑ଵଁଥ୍ସ॒ରସ୍ଯ॒ ବ୍ରାହ୍ମ॑ଣଂ॒-ଯାଁଵ॑ନ୍ମା॒ସୋ ମା॒ସିମା᳚ସ୍ଯେ॒ଵ ପ୍ର॑ତି॒ତିଷ୍ଠ॑ନ୍ତୋ ଯନ୍ତି ॥ 37 ॥

(ଵି॒ରାଜ॑ - ମେ॒ତେନ॑ - ଦ୍ଵାଦ॒ଶା - ଵେ॒ତାଵ॒ଦ୍ଵା - ଅ॒ଷ୍ଟୌ ଚ॑) (ଅ. 11)

ମେ॒ଷସ୍ତ୍ଵା॑ ପଚ॒ତୈର॑ଵତୁ॒ ଲୋହି॑ତଗ୍ରୀଵ॒-ଶ୍ଛାଗୈ᳚-ଶ୍ଶଲ୍ମ॒ଲିର୍ଵୃଦ୍ଧ୍ଯା॑ ପ॒ର୍ଣୋ ବ୍ରହ୍ମ॑ଣା ପ୍ଲ॒କ୍ଷୋ ମେଧେ॑ନ ନ୍ଯ॒ଗ୍ରୋଧ॑ଶ୍ଚମ॒ସୈରୁ॑ଦୁ॒ବଂର॑ ଊ॒ର୍ଜା ଗା॑ଯ॒ତ୍ରୀ ଛନ୍ଦୋ॑ଭିସ୍ତ୍ରି॒ଵୃ-ଥ୍ସ୍ତୋମୈ॒ରଵ॑ନ୍ତୀ॒-ସ୍ସ୍ଥାଵ॑ନ୍ତୀସ୍ତ୍ଵା-ଽଵନ୍ତୁ ପ୍ରି॒ଯ-ନ୍ତ୍ଵା᳚ ପ୍ରି॒ଯାଣାଂ॒-ଵଁର୍ଷି॑ଷ୍ଠ॒ମାପ୍ଯା॑ନା-ନ୍ନିଧୀ॒ନା-ନ୍ତ୍ଵା॑ ନିଧି॒ପତିଗ୍ଂ॑ ହଵାମହେ ଵସୋ ମମ ॥ 38 ॥

(ମେ॒ଷଃ - ଷ-ଟ୍ତ୍ରିଗ୍ଂ॑ଶତ୍) (ଅ. 12)

କୂପ୍ଯା᳚ଭ୍ଯ॒-ସ୍ସ୍ଵାହା॒ କୂଲ୍ଯା᳚ଭ୍ଯ॒-ସ୍ସ୍ଵାହା॑ ଵିକ॒ର୍ଯା᳚ଭ୍ଯ॒-ସ୍ସ୍ଵାହା॑ ଽଵ॒ଟ୍ଯା᳚ଭ୍ଯ॒-ସ୍ସ୍ଵାହା॒ ଖନ୍ଯା᳚ଭ୍ଯ॒-ସ୍ସ୍ଵାହା॒ ହ୍ରଦ୍ଯା᳚ଭ୍ଯ॒-ସ୍ସ୍ଵାହା॒ ସୂଦ୍ଯା᳚ଭ୍ଯ॒-ସ୍ସ୍ଵାହା॑ ସର॒ସ୍ଯା᳚ଭ୍ଯ॒-ସ୍ସ୍ଵାହା॑ ଵୈଶ॒ନ୍ତୀଭ୍ଯ॒-ସ୍ସ୍ଵାହା॑ ପଲ୍ଵ॒ଲ୍ଯା᳚ଭ୍ଯ॒-ସ୍ସ୍ଵାହା॒ ଵର୍ଷ୍ଯା᳚ଭ୍ଯ॒-ସ୍ସ୍ଵାହା॑ ଽଵ॒ର୍ଷ୍ଯାଭ୍ଯ॒-ସ୍ସ୍ଵାହା᳚ ହ୍ରା॒ଦୁନୀ᳚ଭ୍ଯ॒-ସ୍ସ୍ଵାହା॒ ପୃଷ୍ଵା᳚ଭ୍ଯ॒-ସ୍ସ୍ଵାହା॒ ସ୍ଯନ୍ଦ॑ମାନାଭ୍ଯ॒-ସ୍ସ୍ଵାହା᳚ ସ୍ଥାଵ॒ରାଭ୍ଯ॒-ସ୍ସ୍ଵାହା॑ ନାଦେ॒ଯୀଭ୍ଯ॒-ସ୍ସ୍ଵାହା॑ ସୈନ୍ଧ॒ଵୀଭ୍ଯ॒-ସ୍ସ୍ଵାହା॑ ସମୁ॒ଦ୍ରିଯା᳚ଭ୍ଯ॒-ସ୍ସ୍ଵାହା॒ ସର୍ଵା᳚ଭ୍ଯ॒-ସ୍ସ୍ଵାହା᳚ ॥ 39 ॥

(କୂପ୍ଯା᳚ଭ୍ଯ - ଶ୍ଚତ୍ଵାରି॒ଗ୍ଂ॒ଶତ୍) (ଅ. 13)

ଅ॒ଦ୍ଭ୍ଯ-ସ୍ସ୍ଵାହା॒ ଵହ॑ନ୍ତୀଭ୍ଯ॒-ସ୍ସ୍ଵାହା॑ ପରି॒ଵହ॑ନ୍ତୀଭ୍ଯ॒-ସ୍ସ୍ଵାହା॑ ସମ॒ନ୍ତଂ-ଵଁହ॑ନ୍ତୀଭ୍ଯ॒-ସ୍ସ୍ଵାହା॒ ଶୀଘ୍ରଂ॒-ଵଁହ॑ନ୍ତୀଭ୍ଯ॒-ସ୍ସ୍ଵାହା॒ ଶୀଭଂ॒-ଵଁହ॑ନ୍ତୀଭ୍ଯ॒-ସ୍ସ୍ଵାହୋ॒ଗ୍ରଂ-ଵଁହ॑ନ୍ତୀଭ୍ଯ॒-ସ୍ସ୍ଵାହା॑ ଭୀ॒ମଂ-ଵଁହ॑ନ୍ତୀଭ୍ଯ॒-ସ୍ସ୍ଵାହା-ଽମ୍ଭୋ᳚ଭ୍ଯ॒-ସ୍ସ୍ଵାହା॒ ନଭୋ᳚ଭ୍ଯ॒-ସ୍ସ୍ଵାହା॒ ମହୋ᳚ଭ୍ଯ॒-ସ୍ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 40 ॥

(ଅ॒ଦ୍ଭ୍ଯ - ଏକା॒ନ୍ନତ୍ରି॒ଗ୍ଂ॒ଶତ୍) (ଅ. 14)

ଯୋ ଅର୍ଵ॑ନ୍ତ॒-ଞ୍ଜିଘାଗ୍ଂ॑ସତି॒ ତମ॒ଭ୍ଯ॑ମୀତି॒ ଵରୁ॑ଣଃ ॥ ପ॒ରୋ ମର୍ତଃ॑ ପ॒ର-ଶ୍ଶ୍ଵା ॥ ଅ॒ହ-ଞ୍ଚ॒ ତ୍ଵ-ଞ୍ଚ॑ ଵୃତ୍ରହ॒ନ୍ଥ୍ସ-ମ୍ବ॑ଭୂଵ ସ॒ନିଭ୍ଯ॒ ଆ । ଅ॒ରା॒ତୀ॒ଵା ଚି॑ଦଦ୍ରି॒ଵୋ-ଽନୁ॑ ନୌ ଶୂର ମଗ୍ଂସତୈ ଭ॒ଦ୍ରା ଇନ୍ଦ୍ର॑ସ୍ଯ ରା॒ତଯଃ॑ ॥ ଅ॒ଭି କ୍ରତ୍ଵେ᳚ନ୍ଦ୍ର ଭୂ॒ରଧ॒ ଜ୍ମନ୍ନ ତେ॑ ଵିଵ୍ଯମ୍ମହି॒ମାନ॒ଗ୍ଂ॒ ରଜାଗ୍ଂ॑ସି । ସ୍ଵେନା॒ ହି ଵୃ॒ତ୍ରଗ୍ଂ ଶଵ॑ସା ଜ॒ଘନ୍ଥ॒ ନ ଶତ୍ରୁ॒ରନ୍ତଂ॑-ଵିଁଵିଦ-ଦ୍ଯୁ॒ଧା ତେ᳚ ॥ 41 ॥

(ଵି॒ଵି॒ଦ॒-ଦ୍- ଦ୍ଵେ ଚ॑) (ଅ. 15)

ନମୋ॒ ରାଜ୍ଞେ॒ ନମୋ॒ ଵରୁ॑ଣାଯ॒ ନମୋ-ଽଶ୍ଵା॑ଯ॒ ନମଃ॑ ପ୍ର॒ଜାପ॑ତଯେ॒ ନମୋ-ଽଧି॑ପତ॒ଯେ ଽଧି॑ପତିର॒ସ୍ଯଧି॑ପତି-ମ୍ମା କୁ॒ର୍ଵଧି॑ପତିର॒ହ-ମ୍ପ୍ର॒ଜାନା᳚-ମ୍ଭୂଯାସ॒-ମ୍ମା-ନ୍ଧେ॑ହି॒ ମଯି॑ ଧେହ୍ଯୁ॒ପାକୃ॑ତାଯ॒ ସ୍ଵାହା ଽଽଲ॑ବ୍ଧାଯ॒ ସ୍ଵାହା॑ ହୁ॒ତାଯ॒ ସ୍ଵାହା᳚ ॥ 42 ॥

(ନମ॒ - ଏକା॒ନ୍ନ ତ୍ରି॒ଗ୍ଂ॒ଶତ୍) (ଅ. 16)

ମ॒ଯୋ॒ଭୂର୍ଵାତୋ॑ ଅ॒ଭି ଵା॑ତୂ॒ସ୍ରା ଊର୍ଜ॑ସ୍ଵତୀ॒ରୋଷ॑ଧୀ॒ରା ରି॑ଶନ୍ତାମ୍ । ପୀଵ॑ସ୍ଵତୀର୍ଜୀ॒ଵଧ॑ନ୍ଯାଃ ପିବନ୍ତ୍ଵଵ॒ସାଯ॑ ପ॒ଦ୍ଵତେ॑ ରୁଦ୍ର ମୃଡ ॥ ଯା-ସ୍ସରୂ॑ପା॒ ଵିରୂ॑ପା॒ ଏକ॑ରୂପା॒ ଯାସା॑ମ॒ଗ୍ନିରିଷ୍ଟ୍ଯା॒ ନାମା॑ନି॒ ଵେଦ॑ । ଯା ଅଙ୍ଗି॑ରସ॒ସ୍ତପ॑ସେ॒ହ ଚ॒କ୍ରୁସ୍ତାଭ୍ଯଃ॑ ପର୍ଜନ୍ଯ॒ ମହି॒ ଶର୍ମ॑ ଯଚ୍ଛ ॥ ଯା ଦେ॒ଵେଷୁ॑ ତ॒ନୁଵ॒ମୈର॑ଯନ୍ତ॒ ଯାସା॒ଗ୍ଂ॒ ସୋମୋ॒ ଵିଶ୍ଵା॑ ରୂ॒ପାଣି॒ ଵେଦ॑ । ତା ଅ॒ସ୍ମଭ୍ଯ॒-ମ୍ପଯ॑ସା॒ ପିନ୍ଵ॑ମାନାଃ ପ୍ର॒ଜାଵ॑ତୀରିନ୍ଦ୍ର [ ] 43

ଗୋ॒ଷ୍ଠେ ରି॑ରୀହି ॥ ପ୍ର॒ଜାପ॑ତି॒ର୍ମହ୍ଯ॑ମେ॒ତା ରରା॑ଣୋ॒ ଵିଶ୍ଵୈ᳚ର୍ଦେ॒ଵୈଃ ପି॒ତୃଭିଃ॑ ସଂଵିଁଦା॒ନଃ । ଶି॒ଵା-ସ୍ସ॒ତୀରୁପ॑ ନୋ ଗୋ॒ଷ୍ଠମା-ଽକ॒ସ୍ତାସାଂ᳚-ଵଁ॒ଯ-ମ୍ପ୍ର॒ଜଯା॒ ସଗ୍ଂ ସ॑ଦେମ ॥ ଇ॒ହ ଧୃତି॒-ସ୍ସ୍ଵାହେ॒ହ ଵିଧୃ॑ତି॒-ସ୍ସ୍ଵାହେ॒ହ ରନ୍ତି॒-ସ୍ସ୍ଵାହେ॒ହ ରମ॑ତି॒-ସ୍ସ୍ଵାହା॑ ମ॒ହୀମୂ॒ ଷୁ1 ସୁ॒ତ୍ରାମା॑ଣଂ2 ॥ 44 ॥

(ଇ॒ନ୍ଦ୍ରା॒ - ଷ୍ଟାତ୍ରିଗ୍ଂ॑ଶଚ୍ଚ) (ଅ. 17)

କିଗ୍ଗ୍ ସ୍ଵି॑ଦାସୀ-ତ୍ପୂ॒ର୍ଵଚି॑ତ୍ତିଃ॒ କିଗ୍ଗ୍ ସ୍ଵି॑ଦାସୀ-ଦ୍ବୃ॒ହଦ୍ଵଯଃ॑ । କିଗ୍ଗ୍ ସ୍ଵି॑ଦାସୀ-ତ୍ପିଶଙ୍ଗି॒ଲା କିଗ୍ଗ୍ ସ୍ଵି॑ଦାସୀ-ତ୍ପିଲିପ୍ପି॒ଲା ॥ ଦ୍ଯୌରା॑ସୀ-ତ୍ପୂ॒ର୍ଵଚି॑ତ୍ତି॒ରଶ୍ଵ॑ ଆସୀ-ଦ୍ବୃ॒ହଦ୍ଵଯଃ॑ । ରାତ୍ରି॑ରାସୀ-ତ୍ପିଶଙ୍ଗି॒ଲା ଽଵି॑ରାସୀ-ତ୍ପିଲିପ୍ପି॒ଲା ॥ କ-ସ୍ସ୍ଵି॑ଦେକା॒କୀ ଚ॑ରତି॒ କ ଉ॑ ସ୍ଵିଜ୍ଜାଯତେ॒ ପୁନଃ॑ । କିଗ୍ଗ୍ ସ୍ଵି॑ଦ୍ଧି॒ମସ୍ଯ॑ ଭେଷ॒ଜ-ଙ୍କିଗ୍ଗ୍ ସ୍ଵି॑ଦା॒ଵପ॑ନ-ମ୍ମ॒ହତ୍ ॥ ସୂର୍ଯ॑ ଏକା॒କୀ ଚ॑ରତି [ ] 45

ଚ॒ନ୍ଦ୍ରମା॑ ଜାଯତେ॒ ପୁନଃ॑ । ଅ॒ଗ୍ନିର୍-ହି॒ମସ୍ଯ॑ ଭେଷ॒ଜ-ମ୍ଭୂମି॑ରା॒ଵପ॑ନ-ମ୍ମ॒ହତ୍ ॥ ପୃ॒ଚ୍ଛାମି॑ ତ୍ଵା॒ ପର॒ମନ୍ତ॑-ମ୍ପୃଥି॒ଵ୍ଯାଃ ପୃ॒ଚ୍ଛାମି॑ ତ୍ଵା॒ ଭୁଵ॑ନସ୍ଯ॒ ନାଭି᳚ମ୍ । ପୃ॒ଚ୍ଛାମି॑ ତ୍ଵା॒ ଵୃଷ୍ଣୋ॒ ଅଶ୍ଵ॑ସ୍ଯ॒ ରେତଃ॑ ପୃ॒ଚ୍ଛାମି॑ ଵା॒ଚଃ ପ॑ର॒ମଂ-ଵ୍ଯୋଁ॑ମ ॥ ଵେଦି॑ମାହୁଃ॒ ପର॒ମନ୍ତ॑-ମ୍ପୃଥି॒ଵ୍ଯା ଯ॒ଜ୍ଞମା॑ହୁ॒ ର୍ଭୁଵ॑ନସ୍ଯ॒ ନାଭି᳚ମ୍ । ସୋମ॑ମାହୁ॒ର୍ଵୃଷ୍ଣୋ॒ ଅଶ୍ଵ॑ସ୍ଯ॒ ରେତୋ॒ ବ୍ରହ୍ମୈ॒ଵ ଵା॒ଚଃ ପ॑ର॒ମଂ-ଵ୍ଯୋଁ॑ମ ॥ 46 ॥

(ସୂର୍ଯ॑ ଏକା॒କୀ ଚ॑ରତି॒ - ଷଟ୍ଚ॑ତ୍ଵାରିଗ୍ଂଶଚ୍ଚ) (ଅ. 18)

ଅବେଂ॒ ଅବାଂ॒ଲ୍ଯମ୍ବି॑କେ॒ ନ ମା॑ ନଯତି॒ କଶ୍ଚ॒ନ । ସ॒ସସ୍ତ୍ଯ॑ଶ୍ଵ॒କଃ ॥ ସୁଭ॑ଗେ॒ କାମ୍ପୀ॑ଲଵାସିନି ସୁଵ॒ର୍ଗେ ଲୋ॒କେ ସ-ମ୍ପ୍ରୋର୍ଣ୍ଵା॑ଥାମ୍ । ଆ-ଽହମ॑ଜାନି ଗର୍ଭ॒ଧମା ତ୍ଵମ॑ଜାସି ଗର୍ଭ॒ଧମ୍ ॥ ତୌ ସ॒ହ ଚ॒ତୁରଃ॑ ପ॒ଦ-ସ୍ସ-ମ୍ପ୍ର ସା॑ରଯାଵହୈ ॥ ଵୃଷା॑ ଵାଗ୍ଂ ରେତୋ॒ଧା ରେତୋ॑ ଦଧା॒ତୂ-ଥ୍ସ॒କ୍ଥ୍ଯୋ᳚ର୍ଗୃ॒ଦ-ନ୍ଧେ᳚ହ୍ଯ॒ଞ୍ଜିମୁଦ॑ଞ୍ଜି॒ମନ୍ଵ॑ଜ । ଯ-ସ୍ସ୍ତ୍ରୀ॒ଣା-ଞ୍ଜୀ॑ଵ॒ଭୋଜ॑ନୋ॒ ଯ ଆ॑ସା- [ଯ ଆ॑ସାମ୍, ବି॒ଲ॒ଧାଵ॑ନଃ ।] 47

-ମ୍ବିଲ॒ଧାଵ॑ନଃ । ପ୍ରି॒ଯ-ସ୍ସ୍ତ୍ରୀ॒ଣାମ॑ପୀ॒ଚ୍ଯଃ॑ ॥ ଯ ଆ॑ସା-ଙ୍କୃ॒ଷ୍ଣେ ଲକ୍ଷ୍ମ॑ଣି॒ ସର୍ଦି॑ଗୃଦି-ମ୍ପ॒ରାଵ॑ଧୀତ୍ ॥ ଅବେଂ॒ ଅବାଂ॒ଲ୍ଯମ୍ବି॑କେ॒ ନ ମା॑ ଯଭତି॒ କଶ୍ଚ॒ନ । ସ॒ସସ୍ତ୍ଯ॑ଶ୍ଵ॒କଃ ॥ ଊ॒ର୍ଧ୍ଵା-ମେ॑ନା॒ମୁଚ୍ଛ୍ର॑ଯତା-ଦ୍ଵେଣୁଭା॒ର-ଙ୍ଗି॒ରାଵି॑ଵ । ଅଥା᳚ସ୍ଯା॒ ମଦ୍ଧ୍ଯ॑ମେଧତାଗ୍ଂ ଶୀ॒ତେ ଵାତେ॑ ପୁ॒ନନ୍ନି॑ଵ ॥ ଅବେଂ॒ ଅବାଂ॒ଲ୍ଯମ୍ବି॑କେ॒ ନ ମା॑ ଯଭତି॒ କଶ୍ଚ॒ନ । ସ॒ସସ୍ତ୍ଯ॑ଶ୍ଵ॒କଃ ॥ ଯଦ୍ଧ॑ରି॒ଣୀ ଯଵ॒ମତ୍ତି॒ ନ [ ] 48

ପୁ॒ଷ୍ଟ-ମ୍ପ॒ଶୁ ମ॑ନ୍ଯତେ । ଶୂ॒ଦ୍ରା ଯଦର୍ଯ॑ଜାରା॒ ନ ପୋଷା॑ଯ ଧନାଯତି ॥ ଅବେଂ॒ ଅବାଂ॒ଲ୍ଯମ୍ବି॑କେ॒ ନ ମା॑ ଯଭତି॒ କଶ୍ଚ॒ନ । ସ॒ସସ୍ତ୍ଯ॑ଶ୍ଵ॒କଃ ॥ ଇ॒ଯଂ-ଯଁ॒କା ଶ॑କୁନ୍ତି॒କା ଽଽହଲ॒ମିତି॒ ସର୍ପ॑ତି । ଆହ॑ତ-ଙ୍ଗ॒ଭେ ପସୋ॒ ନି ଜ॑ଲ୍ଗୁଲୀତି॒ ଧାଣି॑କା ॥ ଅବେଂ॒ ଅବାଂ॒ଲ୍ଯମ୍ବି॑କେ॒ ନ ମା॑ ଯଭତି॒ କଶ୍ଚ॒ନ । ସ॒ସସ୍ତ୍ଯ॑ଶ୍ଵ॒କଃ ॥ ମା॒ତା ଚ॑ ତେ ପି॒ତା ଚ॒ ତେ-ଽଗ୍ରଂ॑-ଵୃଁ॒କ୍ଷସ୍ଯ॑ ରୋହତଃ । 49

ପ୍ର ସୁ॑ଲା॒ମୀତି॑ ତେ ପି॒ତା ଗ॒ଭେ ମୁ॒ଷ୍ଟିମ॑ତଗ୍ଂସଯତ୍ ॥ ଦ॒ଧି॒କ୍ରାଵ୍.ଣ୍ଣୋ॑ ଅକାରିଷ-ଞ୍ଜି॒ଷ୍ଣୋରଶ୍ଵ॑ସ୍ଯ ଵା॒ଜିନଃ॑ । ସୁର॒ଭି ନୋ॒ ମୁଖା॑ କର॒-ତ୍ପ୍ରଣ॒ ଆଯୂଗ୍ଂ॑ଷି ତାରିଷତ୍ ॥ ଆପୋ॒ ହି ଷ୍ଠା ମ॑ଯୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ । ମ॒ହେରଣା॑ଯ॒ ଚକ୍ଷ॑ସେ ॥ ଯୋ ଵଃ॑ ଶି॒ଵତ॑ମୋ॒ ରସ॒ସ୍ତସ୍ଯ॑ ଭାଜଯତେ॒ହ ନଃ॑ । ଉ॒ଶ॒ତୀରି॑ଵ ମା॒ତରଃ॑ ॥ ତସ୍ମା॒ ଅର॑-ଙ୍ଗମାମ ଵୋ॒ ଯସ୍ଯ॒ କ୍ଷଯା॑ଯ॒ ଜିନ୍ଵ॑ଥ । ଆପୋ॑ ଜ॒ନଯ॑ଥା ଚ ନଃ ॥ 50 ॥

(ଆ॒ସା॒ - ମତ୍ତି॒ ନ - ରୋ॑ହତୋ॒ - ଜିନ୍ଵ॑ଥ - ଚ॒ତ୍ଵାରି॑ ଚ) (ଅ. 19)

ଭୂର୍ଭୁଵ॒-ସ୍ସୁଵ॒ର୍ଵସ॑ଵସ୍ତ୍ଵା ଽଞ୍ଜନ୍ତୁ ଗାଯ॒ତ୍ରେଣ॒ ଛନ୍ଦ॑ସା ରୁ॒ଦ୍ରାସ୍ତ୍ଵା᳚ ଽଞ୍ଜନ୍ତୁ॒ ତ୍ରୈଷ୍ଟୁ॑ଭେନ॒ ଛନ୍ଦ॑ସା, ଽଽଦି॒ତ୍ଯାସ୍ତ୍ଵା᳚-ଽଞ୍ଜନ୍ତୁ॒ ଜାଗ॑ତେନ॒ ଛନ୍ଦ॑ସା॒ ଯ-ଦ୍ଵାତୋ॑ ଅ॒ପୋ ଅଗ॑ମ॒ଦିନ୍ଦ୍ର॑ସ୍ଯ ତ॒ନୁଵ॑-ମ୍ପ୍ରି॒ଯାମ୍ । ଏ॒ତଗ୍ଗ୍ ସ୍ତୋ॑ତରେ॒ତେନ॑ ପ॒ଥା ପୁନ॒ରଶ୍ଵ॒ମା ଵ॑ର୍ତଯାସି ନଃ ॥ ଲାଜୀ(3)-ଞ୍ଛାଚୀ(3)ନ୍ ଯଶୋ॑ ମ॒ମାଁ(4) । ଯ॒ଵ୍ଯାଯୈ॑ ଗ॒ଵ୍ଯାଯା॑ ଏ॒ତ-ଦ୍ଦେ॑ଵା॒ ଅନ୍ନ॑ମତ୍ତୈ॒ତଦନ୍ନ॑ମଦ୍ଧି ପ୍ରଜାପତେ ॥ ଯୁ॒ଞ୍ଜନ୍ତି॑ ବ୍ର॒ଦ୍ଧ୍ନ-ମ॑ରୁ॒ଷ-ଞ୍ଚର॑ନ୍ତ॒-ମ୍ପରି॑ ତ॒ସ୍ଥୁଷଃ॑ । ରୋଚ॑ନ୍ତେ ରୋଚ॒ନା ଦି॒ଵି ॥ ଯୁ॒ଞ୍ଜନ୍ତ୍ଯ॑ସ୍ଯ॒ କାମ୍ଯା॒ ହରୀ॒ ଵିପ॑କ୍ଷସା॒ ରଥେ᳚ । ଶୋଣା॑ ଧୃ॒ଷ୍ଣୂ ନୃ॒ଵାହ॑ସା ॥ କେ॒ତୁ-ଙ୍କୃ॒ଣ୍ଵନ୍ନ॑କେ॒ତଵେ॒ ପେଶୋ॑ ମର୍ଯା ଅପେ॒ଶସେ᳚ । ସମୁ॒ଷଦ୍ଭି॑ରଜାଯଥାଃ ॥ 51 ॥

(ବ୍ର॒ଦ୍ଧ୍ନଂ - ପଞ୍ଚ॑ଵିଗ୍ଂଶତିଶ୍ଚ) (ଅ. 20)

ପ୍ରା॒ଣାଯ॒ ସ୍ଵାହା᳚ ଵ୍ଯା॒ନାଯ॒ ସ୍ଵାହା॑ ଽପା॒ନାଯ॒ ସ୍ଵାହା॒ ସ୍ନାଵ॑ଭ୍ଯ॒-ସ୍ସ୍ଵାହା॑ ସନ୍ତା॒ନେଭ୍ଯ॒-ସ୍ସ୍ଵାହା॒ ପରି॑ସନ୍ତାନେଭ୍ଯ॒-ସ୍ସ୍ଵାହା॒ ପର୍ଵ॑ଭ୍ଯ॒-ସ୍ସ୍ଵାହା॑ ସ॒ଧାନ୍ନେ᳚ଭ୍ଯ॒-ସ୍ସ୍ଵାହା॒ ଶରୀ॑ରେଭ୍ଯ॒-ସ୍ସ୍ଵାହା॑ ଯ॒ଜ୍ଞାଯ॒ ସ୍ଵାହା॒ ଦକ୍ଷି॑ଣାଭ୍ଯ॒-ସ୍ସ୍ଵାହା॑ ସୁଵ॒ର୍ଗାଯ॒ ସ୍ଵାହା॑ ଲୋ॒କାଯ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 52 ॥

(ପ୍ରା॒ଣାଯା॒ - ଷ୍ଟାଵିଗ୍ଂ॑ଶତିଃ) (ଅ. 21)

ସି॒ତାଯ॒ ସ୍ଵାହା ଽସି॑ତାଯ॒ ସ୍ଵାହା॒ ଽଭିହି॑ତାଯ॒ ସ୍ଵାହା ଽନ॑ଭିହିତାଯ॒ ସ୍ଵାହା॑ ଯୁ॒କ୍ତାଯ॒ ସ୍ଵାହା ଽଯୁ॑କ୍ତାଯ॒ ସ୍ଵାହା॒ ସୁଯୁ॑କ୍ତାଯ॒ ସ୍ଵାହୋ -ଦ୍ଯୁ॑କ୍ତାଯ॒ ସ୍ଵାହା॒ ଵିମୁ॑କ୍ତାଯ॒ ସ୍ଵାହା॒ ପ୍ରମୁ॑କ୍ତାଯ॒ ସ୍ଵାହା॒ ଵଞ୍ଚ॑ତେ॒ ସ୍ଵାହା॑ ପରି॒ଵଞ୍ଚ॑ତେ॒ ସ୍ଵାହା॑ ସଂ॒ଵଁଞ୍ଚ॑ତେ॒ ସ୍ଵାହା॑ ଽନୁ॒ଵଞ୍ଚ॑ତେ॒ ସ୍ଵାହୋ॒--ଦ୍ଵଞ୍ଚ॑ତେ॒ ସ୍ଵାହା॑ ଯ॒ତେ ସ୍ଵାହା॒ ଧାଵ॑ତେ॒ ସ୍ଵାହା॒ ତିଷ୍ଠ॑ତେ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 53 ॥

(ସି॒ତାଯା॒ - ଷ୍ଟାତ୍ରିଗ୍ଂ॑ଶତ୍) (ଅ. 22)

(ବୃହ॒ସ୍ପତି॒-ଶ୍ଶ୍ର--ଦ୍ଯ॒ଥା ଵା - ଋ॒କ୍ଷା ଵୈ - ପ୍ର॒ଜାପ॑ତି॒ର୍ଯେନ॑ଯେନ॒ - ଦ୍ଵେ ଵାଵ ଦେ॑ଵସ॒ତ୍ରେ - ଆ॑ଦି॒ତ୍ଯା ଅ॑କାମଯନ୍ତ ସୁଵ॒ର୍ଗଂ - ଁଵସି॑ଷ୍ଠଃ - ସଂଵଁଥ୍ସ॒ରାଯ॑ -ସୁର୍ଵ॒ର୍ଗଂ-ଯେଁ ସ॒ତ୍ରଂ - ବ୍ର॑ହ୍ମଵା॒ଦିନୋ॑-ଽତିରା॒ତ୍ରୋ - ଜ୍ଯୋତି॑ଷ୍ଟୋମଂ - ମେ॒ଷଃ - କୂପ୍ଯା᳚ଭ୍ଯୋ॒ - ଽଦ୍ଭ୍ଯୋ - ଯୋ - ନମୋ॑ - ମଯୋ॒ଭୂଃ - କିଗ୍ଗ୍ ସ୍ଵି॒ଦ - ମ୍ବେ॒ - ଭୂଃ - ପ୍ରା॒ଣାଯ॑ - ସି॒ତାଯ॒ - ଦ୍ଵାଵିଗ୍ଂ॑ଶତିଃ)

(ବୃହ॒ସ୍ପତିଃ॒ - ପ୍ରତି॑ ତିଷ୍ଠନ୍ତି॒ - ଵୈ ଦ॑ଶରା॒ତ୍ରେଣ॑ - ସୁଵ॒ର୍ଗଂ - ଁଯୋ ଅର୍ଵ॑ନ୍ତଂ॒ - ଭୂ - ସ୍ତ୍ରିପ॑ଞ୍ଚା॒ଶତ୍)

(ବୃହ॒ସ୍ପତି॒, ସ୍ସର୍ଵ॑ସ୍ମୈ॒ ସ୍ଵାହା᳚)

॥ ହରିଃ॑ ଓମ୍ ॥

॥ କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ସପ୍ତମକାଣ୍ଡେ ଚତୁର୍ଥଃ ପ୍ରଶ୍ନ-ସ୍ସମାପ୍ତଃ ॥

Roman (IAST) Transliteration

kṛṣṇa yajurvedīya taittirīya saṃhitāyāṃ saptamakāṇḍe caturthaḥ praśnaḥ - satrakarmanirūpaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

bṛha॒spati̭rakāmayata॒ śranmḙ de॒vā dadhī̭ra॒-ngacchḙya-mpuro॒dhāmiti॒ sa e॒ta-ñca̭turvigṃśatirā॒tra-ma̭paśya॒-ttamā-'ha̭ra॒-ttenā̭yajata॒ tato॒ vai tasmai॒ śradde॒vā ada̭dha॒tāga̭ccha-tpuro॒dhāṃ-ya~ e॒vaṃ-vi~॒dvāgṃsa̭-ścaturvigṃśatirā॒tra-māsa̭te॒ śrade᳚bhyo manu॒ṣyā̭ dadhate॒ gaccha̭nti puro॒dhā-ñjyoti॒rgaurāyu॒riti̭ trya॒hā bha̭vantī॒yaṃ-vā~va jyoti̭ra॒ntari̭kṣa॒-ṅgaura॒sā-vāyṷ- [-vāyuḥ̭, i॒māne॒va] 1

-ri॒māne॒va lo॒kāna॒bhyāro̭hantyabhi pū॒rva-ntrya॒hā bha̭vantyabhipū॒rvame॒va sṷva॒rgaṃ-lo~॒kama॒bhyāro̭ha॒ntyasa̭traṃ॒-vā~ e॒ta-dyada̭chando॒maṃ-ya~ccha̭ndo॒mā bhava̭nti॒ tena̭ sa॒tra-nde॒vatā̭ e॒va pṛ॒ṣṭhairava̭ rundhate pa॒śūñcha̭ndo॒mairojo॒ vai vī॒rya̭-mpṛ॒ṣṭhāni̭ pa॒śavaḥ̭ chando॒mā oja̭sye॒va vī॒ryḙ pa॒śuṣu॒ prati̭ tiṣṭhanti bṛha-drathanta॒rābhyāṃ᳚-ya~ntī॒yaṃ-vā~va ra̭thanta॒rama॒sau bṛ॒hadā॒bhyāme॒va [ ] 2

ya॒ntyatho̭ a॒nayo̭re॒va prati̭ tiṣṭhantye॒te vai ya॒jñasyā᳚ñja॒sāya̭nī sru॒tī tābhyā̭me॒va sṷva॒rgaṃ-lo~॒kaṃ-ya~̭nti caturvigṃśatirā॒tro bha̭vati॒ catṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ra-ssṷva॒rgo lo॒ka-ssaṃ̭va~thsa॒ra e॒va sṷva॒rge lo॒ke prati̭ tiṣṭha॒ntyatho॒ catṷrvigṃśatyakṣarā gāya॒trī gā̭ya॒trī bra̭hmavarca॒sa-ṅgā̭yatri॒yaiva bra̭hmavarca॒samava̭ rundhate 'tirā॒trāva॒bhito̭ bhavato brahmavarca॒sasya॒ pari̭gṛhītyai || 3 ||

(a॒sāvāyṷ - rā॒bhyāme॒va - pañca̭catvārigṃśacca) (a. 1)

yathā॒ vai ma̭nu॒ṣyā̭ e॒va-nde॒vā agra̭ āsa॒-ntḙ-'kāmaya॒ntā-'va̭rti-mpā॒pmāna̭-mmṛ॒tyu-ma̭pa॒hatya॒ daivīgṃ̭ sa॒gṃ॒sada̭-ṅgacche॒meti॒ ta e॒ta-ñca̭turvigṃśatirā॒tra-ma̭paśya॒-ntamā-'ha̭ra॒-ntenā̭yajanta॒ tato॒ vai te-'va̭rti-mpā॒pmāna̭-mmṛ॒tyu-ma̭pa॒hatya॒ daivīgṃ̭ sa॒gṃ॒sada̭magaccha॒n॒. ya e॒vaṃ-vi~॒dvāgṃsa̭-ścaturvigṃśatirā॒tra-māsa॒te-'va̭rtime॒va pā॒pmāna̭-mapa॒hatya॒ śriya̭-ṅgacchanti॒ śrīrhi ma̭nu॒ṣya̭sya॒ [śrīrhi ma̭nu॒ṣya̭sya, daivī̭ sa॒gṃ॒sa-jjyoti̭-] 4

daivī̭ sa॒gṃ॒sa-jjyoti̭-ratirā॒tro bha̭vati suva॒rgasya̭ lo॒kasyānṷkhyātyai॒ pṛṣṭhyaḥ̭ ṣaḍa॒ho bha̭vati॒ ṣa-ḍvā ṛ॒tavaḥ̭ saṃva~thsa॒rasta-mmāsā̭ ardhamā॒sā ṛ॒tavaḥ̭ pra॒viśya॒ daivīgṃ̭ sa॒gṃ॒sada̭magaccha॒n॒. ya e॒vaṃ-vi~॒dvāgṃsa̭-ścaturvigṃśatirā॒tramāsa̭te saṃva~thsa॒rame॒va pra॒viśya॒ vasya̭sīgṃ sa॒gṃ॒sada̭-ṅgacchanti॒ traya̭strayastri॒gṃ॒śā a॒vastā᳚-dbhavanti॒ traya̭strayastri॒gṃ॒śāḥ pa॒rastā᳚-ttrayastri॒gṃ॒śaire॒vobha॒yato 'va̭rti-mpā॒pmāna̭mapa॒hatya॒ daivīgṃ̭ sa॒gṃ॒sada̭-mmaddhya॒to [sa॒gṃ॒sada̭-mmaddhya॒taḥ, ga॒ccha॒nti॒ pṛ॒ṣṭhāni॒ hi] 5

ga̭cchanti pṛ॒ṣṭhāni॒ hi daivī̭ sa॒gṃ॒sajjā॒mi vā e॒ta-tkṷrvanti॒ ya-ttraya̭strayastri॒gṃ॒śā a॒nvañco॒ maddhye-'ni̭rukto bhavati॒ tenājā᳚myū॒rdhvāni̭ pṛ॒ṣṭhāni̭ bhavantyū॒rdhvā-ścha̭ndo॒mā u॒bhābhyāgṃ̭ rū॒pābhyāgṃ̭ suva॒rgaṃ-lo~॒kaṃ-ya~॒ntyasa̭traṃ॒-vā~ e॒ta-dyada̭chando॒maṃ-ya~ccha̭ndo॒mā bhava̭nti॒ tena̭ sa॒tra-nde॒vatā̭ e॒va pṛ॒ṣṭhairava̭ rundhate pa॒śūñcha̭ndo॒mairojo॒ vai vī॒rya̭-mpṛ॒ṣṭhāni̭ pa॒śava̭- [pa॒śavaḥ̭, cha॒ndo॒mā oja̭sye॒va] 6

-śchando॒mā oja̭sye॒va vī॒ryḙ pa॒śuṣu॒ prati̭ tiṣṭhanti॒ traya̭strayastri॒gṃ॒śā a॒vastā᳚-dbhavanti॒ traya̭strayastri॒gṃ॒śāḥ pa॒rastā॒nmaddhyḙ pṛ॒ṣṭhānyuro॒ vai tra̭yastri॒gṃ॒śā ā॒tmā pṛ॒ṣṭhānyā॒tmana̭ e॒va ta-dyaja̭mānā॒-śśarma̭ nahya॒nte-'nā᳚rtyai bṛha-drathanta॒rābhyāṃ᳚-ya~ntī॒yaṃ-vā~va ra̭thanta॒rama॒sau bṛ॒hadā॒bhyāme॒va ya॒ntyatho̭ a॒nayo̭re॒va prati̭ tiṣṭhantye॒te vai ya॒jñasyā᳚ñja॒sāya̭nī sru॒tī tābhyā̭me॒va [tābhyā̭me॒va, su॒va॒rgaṃ-lo~॒kaṃ-ya~̭nti॒] 7

sṷva॒rgaṃ-lo~॒kaṃ-ya~̭nti॒ parā᳚ñco॒ vā e॒te sṷva॒rgaṃ-lo~॒kama॒bhyāro̭hanti॒ ye pa̭rā॒cīnā̭ni pṛ॒ṣṭhānyṷpa॒yanti̭ pra॒tyaṃ ṣa̭ḍa॒ho bha̭vati pra॒tyava̭rūḍhyā॒ atho॒ prati̭ṣṭhityā u॒bhayo᳚rlo॒kayora̭ ṛ॒ddhvo-tti̭ṣṭhanti tri॒vṛto-'dhi̭ tri॒vṛta॒mupa̭ yanti॒ stomā̭nā॒gṃ॒ sampa̭ttyai prabha॒vāya॒ jyoti̭ragniṣṭo॒mo bha̭vatya॒yaṃ-vā~va sa kṣayo॒-'smāde॒va tena॒ kṣayā॒nna ya̭nti caturvigṃśatirā॒tro bha̭vati॒ catṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ra-ssṷva॒rgo lo॒ka-ssaṃ̭va~thsa॒ra e॒va sṷva॒rge lo॒ke prati̭ tiṣṭha॒ntyatho॒ catṷrvigṃśatyakṣarā gāya॒trī gā̭ya॒trī bra̭hmavarca॒sa-ṅgā̭yatri॒yaiva bra̭hmavarca॒samava̭ rundhate 'tirā॒trāva॒bhito̭ bhavato brahmavarca॒sasya॒ pari̭gṛhītyai || 8 ||

(ma॒nu॒ṣya̭sya - madhya॒taḥ - pa॒śava॒ - stābhyā̭me॒va - saṃ̭va~thsa॒ra - ścatṷrvigṃśatiśca) (a. 2)

ṛ॒kṣā vā i॒yama̭lo॒makā̭-''sī॒-thsā-'kā̭maya॒tauṣa̭dhībhi॒-rvana॒spati̭bhiḥ॒ pra jā̭ye॒yeti॒ saitāstri॒gṃ॒śata॒gṃ॒ rātrī̭rapaśya॒-ttato॒ vā i॒yamoṣa̭dhībhi॒-rvana॒spati̭bhiḥ॒ prājā̭yata॒ ye pra॒jākā̭māḥ pa॒śukā̭mā॒-ssyusta e॒tā ā̭sīra॒-npraiva jā̭yante pra॒jayā̭ pa॒śubhi̭ri॒yaṃ-vā~ a̭kṣuddhya॒-thsaitāṃ-vi~॒rāja̭mapaśya॒-ttāmā॒tma-ndhi॒tvā-'nnādya॒mavā̭ 'ru॒ndhauṣa̭dhī॒- [-'ru॒ndhauṣa̭dhīḥ, vana॒spatī᳚-npra॒jā-] 9

-rvana॒spatī᳚-npra॒jā-mpa॒śū-ntenā̭vardhata॒ sā je॒māna̭-mmahi॒māna̭-magaccha॒dya e॒vaṃ-vi~॒dvāgṃsa̭ e॒tā āsa̭te vi॒rāja̭me॒vā-''tma-ndhi॒tvā-'nnādya॒mava̭ rundhate॒ vardha̭nte pra॒jayā̭ pa॒śubhi̭rje॒māna̭-mmahi॒māna̭-ṅgacchanti॒ jyoti̭ratirā॒tro bha̭vati suva॒rgasya̭ lo॒kasyānṷkhyātyai॒ pṛṣṭhyaḥ̭ ṣaḍa॒ho bha̭vati॒ ṣa-ḍvā ṛ॒tava॒-ṣṣaṭ pṛ॒ṣṭhāni̭ pṛ॒ṣṭhaire॒vartūna॒nvā-ro̭hantyṛ॒tubhiḥ̭ saṃva~thsa॒ra-nte saṃ̭va~thsa॒ra e॒va [ ] 10

prati̭ tiṣṭhanti trayastri॒gṃ॒śā-ttra̭yastri॒gṃ॒śamupa̭ yanti ya॒jñasya॒ santa̭tyā॒ atho᳚ pra॒jāpa̭ti॒rvai tra̭yastri॒gṃ॒śaḥ pra॒jāpa̭time॒vā-''ra̭bhante॒ prati̭ṣṭhityai triṇa॒vo bha̭vati॒ viji̭tyā ekavi॒gṃ॒śo bha̭vati॒ prati̭ṣṭhityā॒ atho॒ ruca̭me॒vā-''tma-nda̭dhate tri॒vṛda̭gni॒ṣṭu-dbha̭vati pā॒pmāna̭me॒va tena॒ nirda̭ha॒nte-'tho॒ tejo॒ vai tri॒vṛ-tteja̭ e॒vā-''tma-nda̭dhate pañcada॒śa i̭ndrasto॒mo bha̭vatīndri॒ya-me॒vā-'va̭ [bha̭vatīndri॒ya-me॒vā-'va̭, ru॒ndha॒te॒ sa॒pta॒da॒śo bha̭vatya॒nnādya॒syā] 11

rundhate saptada॒śo bha̭vatya॒nnādya॒syā va̭ruddhyā॒ atho॒ praiva tena̭ jāyanta ekavi॒gṃ॒śo bha̭vati॒ prati̭ṣṭhityā॒ atho॒ ruca̭me॒vā-''tma-nda̭dhate caturvi॒gṃ॒śo bha̭vati॒ atṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ra-ssṷva॒rgo lo॒ka-ssaṃ̭va~thsa॒ra e॒va sṷva॒rge lo॒ke prati̭ tiṣṭha॒ntyatho̭ e॒ṣa vai vi̭ṣū॒vān vi̭ṣū॒vanto̭ bhavanti॒ ya e॒vaṃ-vi~॒dvāgṃsa̭ e॒tā āsa̭te caturvi॒gṃ॒śā-tpṛ॒ṣṭhānyupa̭ yanti saṃva~thsa॒ra e॒va pra̭ti॒ṣṭhāya̭ [ ] 12

de॒vatā̭ a॒bhyāro̭hanti trayastri॒gṃ॒śā-ttra̭yastri॒gṃ॒śamupa̭ yanti॒ traya̭strigṃśa॒dvai de॒vatā̭ de॒vatā᳚sve॒va prati̭ tiṣṭhanti triṇa॒vo bha̭vatī॒me vai lo॒kāstri̭ṇa॒va e॒ṣvḙva lo॒keṣu॒ prati̭ tiṣṭhanti॒ dvāvḙkavi॒gṃ॒śau bha̭vataḥ॒ prati̭ṣṭhityā॒ atho॒ ruca̭me॒vā-''tma-nda̭dhate ba॒havaḥ̭ ṣoḍa॒śino̭ bhavanti॒ tasmā᳚-dba॒havaḥ̭ pra॒jāsu॒ vṛṣā̭ṇo॒ yade॒te stomā॒ vyati̭ṣaktā॒ bhava̭nti॒ tasmā̭di॒ya -moṣa̭dhībhi॒-rvana॒spati̭bhi॒-rvyati̭ṣaktā॒ [-rvyati̭ṣaktā, vyati̭ṣajyante] 13

vyati̭ṣajyante pra॒jayā̭ pa॒śubhi॒rya e॒vaṃ-vi~॒dvāgṃsa̭ e॒tā āsa॒te 'kḷ̭ptā॒ vā e॒te sṷva॒rgaṃ-lo~॒kaṃ-ya~̭ntyuccāva॒cān hi stomā̭nupa॒yanti॒ yade॒ta ū॒rdhvāḥ kḷ॒ptā-sstomā॒ bhava̭nti kḷ॒ptā e॒va sṷva॒rgaṃ-lo~॒kaṃ-ya~̭ntyu॒bhayo̭re॒bhyo lo॒kayoḥ᳚ kalpate tri॒gṃ॒śade॒tāstri॒gṃ॒śada̭kṣarā vi॒rāḍannaṃ̭-vi~॒rā-ḍvi॒rājai॒vānnādya॒mava̭ rundhate 'tirā॒trāva॒bhito̭ bhavato॒ 'nnādya̭sya॒ pari̭gṛhītyai || 14 ||

(oṣa̭dhīḥ - saṃva~thsa॒ra e॒vā - 'va̭ - prati॒ṣṭhāya॒ - vyati̭ṣa॒ktyai - kā॒nnapa̭ñcā॒śacca̭) (a. 3)

pra॒jāpa̭ti-ssuva॒rgaṃ-lo~॒kamai॒-tta-nde॒vā yena̭yena॒ chanda॒sā-'nu॒ prāyṷñjata॒ tena॒ nā-''pnṷva॒-nta e॒tā dvātrigṃ̭śata॒gṃ॒ rātrī̭rapaśya॒-ndvātrigṃ̭śadakṣarā 'nu॒ṣṭugā-nṷṣṭubhaḥ pra॒jāpa̭ti॒-ssvenai॒va chanda̭sā pra॒jāpa̭ti-mā॒ptvā 'bhyā॒ruhya̭ suva॒rgaṃ-lo~॒kamā̭ya॒n॒. ya e॒vaṃ-vi~॒dvāgṃsa̭ e॒tā āsa̭te॒ dvātrigṃ̭śade॒tā dvātrigṃ̭śadakṣarā 'nu॒ṣṭugā-nṷṣṭubhaḥ pra॒jāpa̭ti॒-ssvenai॒va chanda̭sā pra॒jāpa̭timā॒ptvā śriya̭-ṅgacchanti॒ [śriya̭-ṅgacchanti, śrīrhi] 15

śrīrhi ma̭nu॒ṣya̭sya suva॒rgo lo॒ko dvātrigṃ̭śade॒tā dvātrigṃ̭śadakṣarā-'nu॒ṣṭug-vāga̭nu॒ṣṭu-phsarvā̭me॒va vāca̭māpnuvanti॒ sarvḙ vā॒co va̭di॒tāro̭ bhavanti॒ sarve॒ hi śriya॒-ṅgaccha̭nti॒ jyoti॒rgaurāyu॒riti̭ trya॒hā bha̭vantī॒yaṃ-vā~va jyoti̭ra॒ntari̭kṣa॒-ṅgaura॒sāvāyṷri॒māne॒va lo॒kāna॒bhyāro̭hantyabhipū॒rva-ntrya॒hā bha̭vantyabhipū॒rvame॒va sṷva॒rgaṃ-lo~॒kama॒bhyāro̭hanti bṛha-drathanta॒rābhyāṃ᳚-ya~ntī॒- [-~yanti, i॒yaṃ-vā~va] 16

-yaṃ-vā~va ra̭thanta॒rama॒sau bṛ॒hadā॒bhyāme॒va ya॒ntyatho̭ a॒nayo̭re॒va prati̭ tiṣṭhantye॒te vai ya॒jñasyā᳚ñja॒sāya̭nī sru॒tī tābhyā̭me॒va sṷva॒rgaṃ-lo~॒kaṃ-ya~̭nti॒ parā᳚ñco॒ vā e॒te sṷva॒rgaṃ-lo~॒kama॒bhyāro̭hanti॒ ye parā̭castrya॒hānṷpa॒yanti̭ pra॒tya-ntrya॒ho bha̭vati pra॒tyava̭rūḍhyā॒ atho॒ prati̭ṣṭhityā u॒bhayo᳚rlo॒kayor̭. ṛ॒ddhvo-tti̭ṣṭhanti॒ dvātrigṃ̭śade॒tāstāsāṃ॒-yā~ stri॒gṃ॒śa-ttri॒gṃ॒śada̭kṣarā vi॒rāḍannaṃ̭-vi~॒rā-ḍvi॒rājai॒vā-'nnādya॒mava̭ rundhate॒ ye dve a̭horā॒tre e॒va te u॒bhābhyāgṃ̭ rū॒pābhyāgṃ̭ suva॒rgaṃ-lo~॒kaṃ-ya~̭ntyatirā॒trāva॒bhito̭ bhavataḥ॒ pari̭gṛhītyai || 17 ||

(ga॒ccha॒nti॒ - ya॒nti॒ - tri॒gṃ॒śada̭kṣarā॒ - dvāvigṃ̭śatiśca) (a. 4)

dve vāva dḙvasa॒tre dvā̭daśā॒haścai॒va tra̭yastrigṃśada॒haśca॒ ya e॒vaṃ-vi~॒dvāgṃsa̭strayastrigṃśada॒hamāsa̭te sā॒kṣāde॒va de॒vatā̭ a॒bhyāro̭hanti॒ yathā॒ khalu॒ vai śreyā̭na॒bhyārṷ̄ḍhaḥ kā॒maya̭te॒ tathā̭ karoti॒ yadya̭va॒viddhya̭ti॒ pāpī̭yā-nbhavati॒ yadi॒ nāva॒viddhya̭ti sa॒dṛṃ-ya~ e॒vaṃ-vi~॒dvāgṃsa̭strayastrigṃ- śada॒hamāsa̭te॒ vi pā॒pmanā॒ bhrātṛ̭vye॒ṇā-'' va̭rtante 'ha॒rbhājo॒ vā e॒tā de॒vā agra॒ ā-'ha̭ra॒- [ā-'ha̭rann, aha॒reko 'bha̭ja॒tā-] 18

-nnaha॒reko 'bha̭ja॒tā-ha॒reka॒stābhi॒rvaite pra॒bāhṷgārdhnuva॒n॒. ya e॒vaṃ-vi~॒dvāgṃsa̭strayastrigṃśada॒hamāsa̭te॒ sarva̭ e॒va pra॒bāhṷgṛddhnuvanti॒ sarve॒ grāma̭ṇīya॒-mprāpnṷvanti pañcā॒hā bha̭vanti॒ pañca॒ vā ṛ॒tavaḥ̭ saṃva~thsa॒ra ṛ॒tuṣve॒va saṃ̭va~thsa॒re prati̭ tiṣṭha॒ntyatho॒ pañcā᳚kṣarā pa॒ṅktiḥ pāṅkto̭ ya॒jño ya॒jñame॒vāva̭ rundhate॒ trīṇyā᳚śvi॒nāni̭ bhavanti॒ traya̭ i॒me lo॒kā e॒- [i॒me lo॒kā e॒ṣu, e॒va lo॒keṣu॒ prati̭] 19

-ṣvḙva lo॒keṣu॒ prati̭ tiṣṭha॒ntyatho॒ trīṇi॒ vai ya॒jñasye᳚ndri॒yāṇi॒ tānye॒vāva̭ rundhate viśva॒ji-dbha̭vatya॒nnādya॒syā va̭ruddhyai॒ sarva̭pṛṣṭho bhavati॒ sarva̭syā॒bhiji̭tyai॒ vāgvai dvā̭daśā॒ho ya-tpu॒rastā᳚-ddvādaśā॒ha-mṷpe॒yuranā᳚ptāṃ॒-vā~ca॒-mupḙyu-rupa॒dāsṷkaiṣāṃ॒-vā~-khsyā̭-du॒pari̭ṣṭā-ddvādaśā॒hamupa̭ yantyā॒ptāme॒va vāca॒mupa̭ yanti॒ tasmā̭-du॒pari̭ṣṭā-dvā॒cā va̭dāmo 'vānta॒raṃ- [va̭dāmo 'vānta॒ram, vai da̭śarā॒treṇa̭] 20

-~vai da̭śarā॒treṇa̭ pra॒jāpa̭tiḥ pra॒jā a̭sṛjata॒ ya-dda̭śarā॒tro bhava̭ti pra॒jā e॒va ta-dyaja̭mānā-ssṛjanta e॒tāgṃ ha॒ vā ṷda॒ṅka-śśau᳚lbāya॒na-ssa॒trasyardhi̭muvāca॒ ya-dda̭śarā॒tro ya-dda̭śarā॒tro bhava̭ti sa॒trasyardhyā॒ atho॒ yade॒va pūrve॒ṣvaha̭ssu॒ vilo̭ma kri॒yate॒ tasyai॒vaiṣā śānti̭drvyanī॒kā vā e॒tā rātra̭yo॒ yaja̭mānā viśva॒ji-thsa॒hāti̭rā॒treṇa॒ pūrvā॒-ṣṣoḍa̭śa sa॒hā ti̭rā॒treṇotta̭rā॒-ṣṣoḍa̭śa॒ ya e॒vaṃ-vi~॒dvāgṃsa̭strayastrigṃśada॒hamāsa̭ta॒ aiṣā᳚-ndvyanī॒kā pra॒jā jā̭yate 'tirā॒trāva॒bhito̭ bhavataḥ॒ pari̭gṛhītyai || 21 ||

(a॒ha॒ra॒- nne॒ṣva̭ - vānta॒ragṃ - ṣoḍa̭śa sa॒ha - sa॒ptada̭śa ca) (a. 5)

ā॒di॒tyā a̭kāmayanta suva॒rgaṃ-lo~॒kami̭yā॒meti॒ te sṷva॒rgaṃ-lo~॒ka-nna prājā̭na॒nna sṷva॒rgaṃ-lo~॒kamā̭ya॒-nta e॒tagṃ ṣa̭ṭtrigṃśadrā॒tra-ma̭paśya॒-ntamā-'ha̭ra॒-ntenā̭yajanta॒ tato॒ vai te sṷva॒rgaṃ-lo~॒ka-mprājā̭nan-thsuva॒rgaṃ-lo~॒kamā̭ya॒n॒. ya e॒vaṃ-vi~॒dvāgṃsaḥ̭ ṣaṭtrigṃśa-drā॒tramāsa̭te suva॒rgame॒va loka-mpra jā̭nanti suva॒rgaṃ-lo~॒kaṃ-ya~̭nti॒ jyoti̭-ratirā॒tro [jyoti̭-ratirā॒traḥ, bha॒va॒ti॒ jyoti̭re॒va] 22

bha̭vati॒ jyoti̭re॒va pu॒rastā᳚-ddadhate suva॒rgasya̭ lo॒kasyānṷkhyātyai ṣaḍa॒hā bha̭vanti॒ ṣa-ḍvā ṛ॒tava̭ ṛ॒tuṣve॒va prati̭ tiṣṭhanti ca॒tvāro̭ bhavanti॒ cata̭sro॒ diśo̭ di॒kṣvḙva prati̭ tiṣṭha॒ntyasa̭traṃ॒-vā~ e॒ta-dyada̭chando॒maṃ-ya~ccha̭ndo॒mā bhava̭nti॒ tena̭ sa॒tra-nde॒vatā̭ e॒va pṛ॒ṣṭhairava̭ rundhate pa॒śūñcha̭ndo॒mairojo॒ vai vī॒rya̭-mpṛ॒ṣṭhāni̭ pa॒śavaḥ̭ chando॒mā oja̭sye॒va [ ] 23

vī॒ryḙ pa॒śuṣu॒ prati̭ tiṣṭhanti ṣaṭ-trigṃśa-drā॒tro bha̭vati॒ ṣaṭtrigṃ̭śadakṣarā bṛha॒tī bārha̭tāḥ pa॒śavo̭ bṛha॒tyaiva pa॒śūnava̭ rundhate bṛha॒tī chanda̭sā॒g॒ svārā᳚jyamāśñutā-śñu॒vate॒ svārā᳚jyaṃ॒-ya~ e॒vaṃ-vi~॒dvāgṃsaḥ̭ ṣaṭtrigṃśa-drā॒tramāsa̭te suva॒rgame॒va lo॒kaṃ-ya~̭ntyatirā॒trāva॒bhito̭ bhavata-ssuva॒rgasya̭ lo॒kasya॒ pari̭gṛhītyai || 24 ||

(a॒ti॒rā॒tra - oja̭sye॒va - ṣaṭtrigṃ̭śacca) (a. 6)

vasi̭ṣṭho ha॒tapṷtro-'kāmayata vi॒ndeya̭ pra॒jāma॒bhi sā̭dā॒sā-nbha̭veya॒miti॒ sa e॒tamḙkasmā-nnapañcā॒śa-ma̭paśya॒-ttamā-'ha̭ra॒-ttenā̭yajata॒ tato॒ vai so-'vi̭ndata pra॒jāma॒bhi saṷdā॒sāna̭bhava॒dya e॒vaṃ-vi~॒dvāgṃsa̭ ekasmā-nnapañcā॒śamāsa̭te vi॒ndante᳚ pra॒jāma॒bhi bhrātṛ̭vyā-nbhavanti॒ traya̭stri॒vṛto᳚-'gniṣṭo॒mā bha̭vanti॒ vajra̭syai॒va mukha॒gṃ॒ sagg śya̭nti॒ daśa̭ pañcada॒śā bha̭vanti pañcada॒śo vajro॒ [vajraḥ̭, vajra̭me॒va] 25

vajra̭me॒va bhrātṛ̭vyebhyaḥ॒ pra ha̭ranti ṣoḍaśi॒ma̭-ddaśa॒mamaha̭-rbhavati॒ vajra̭ e॒va vī॒rya̭-ndadhati॒ dvāda̭śa saptada॒śā bha̭vantya॒nnādya॒syā va̭ruddhyā॒ atho॒ praiva tairjā̭yante॒ pṛṣṭhyaḥ̭ ṣaḍa॒ho bha̭vati॒ ṣaḍvā ṛ॒tava॒-ṣṣaṭ pṛ॒ṣṭhāni̭ pṛ॒ṣṭhaire॒vartūna॒nvāro̭hantyṛ॒tṛbhiḥ̭ saṃva~thsa॒ra-nte saṃ̭va~thsa॒ra e॒va prati̭ tiṣṭhanti॒ dvāda̭śaikavi॒gṃ॒śā bha̭vanti॒ prati̭ṣṭhityā॒ atho॒ ruca̭me॒vā-''tma- [ruca̭me॒vā-''tmann, da॒dha॒te॒ ba॒havaḥ̭ ṣoḍa॒śino̭] 26

-nda̭dhate ba॒havaḥ̭ ṣoḍa॒śino̭ bhavanti॒ viji̭tyai॒ ṣaḍā᳚śvi॒nāni̭ bhavanti॒ ṣaḍvā ṛ॒tava̭ ṛ॒tuṣve॒va prati̭ tiṣṭhantyūnātiri॒ktā vā e॒tā rātra̭ya ū॒nāsta-dyadeka̭syai॒ na pa̭ñcā॒śada-ti̭riktā॒sta-dya-dbhūya̭sī-ra॒ṣṭāca̭tvārigṃśata ū॒nācca॒ khalu॒ vā ati̭riktācca pra॒jāpa̭tiḥ॒ prājā̭yata॒ ye pra॒jākā̭māḥ pa॒śukā̭mā॒-ssyusta e॒tā ā̭sīra॒-npraiva jā̭yante pra॒jayā̭ pa॒śubhi̭rvairā॒jo vā e॒ṣa ya॒jño yadḙkasmā-nnapañcā॒śo ya e॒vaṃ-vi~॒dvāgṃsa̭ ekasmā-nnapañcā॒śamāsa̭te vi॒rāja̭me॒va ga̭cchantyannā॒dā bha̭vantyati-rā॒trāva॒bhito̭ bhavato॒-'nnādya̭sya॒ pari̭gṛhītyai || 27 ||

(vajra̭ - ā॒tman - pra॒jayā॒ - dvāvigṃ̭śatiśca) (a. 7)

saṃ॒va~॒thsa॒rāya̭ dīkṣi॒ṣyamā̭ṇā ekāṣṭa॒kāyā᳚-ndīkṣeranne॒ṣā vai saṃ̭va~thsa॒rasya॒ patnī॒ yadḙkāṣṭa॒kaitasyāṃ॒-vā~ e॒ṣa e॒tāgṃ rātriṃ̭-va~sati sā॒kṣāde॒va saṃ̭va~thsa॒ramā॒rabhya̭ dīkṣanta॒ ārtaṃ॒-vā~ e॒te saṃ̭va~thsa॒rasyā॒bhi dī᳚kṣante॒ ya ḙkāṣṭa॒kāyā॒-ndīkṣa॒nte 'nta̭nāmānāvṛ॒tū bha̭vato॒ vya̭staṃ॒-vā~ e॒te saṃ̭va~thsa॒rasyā॒-'bhi dī᳚kṣante॒ ya ḙkāṣṭa॒kāyā॒-ndīkṣa॒nte-'nta̭nāmānāvṛ॒tū bha̭vataḥ phalgunī pūrṇamā॒se dī᳚kṣera॒-nmukhaṃ॒-vā~ e॒ta- [e॒tat, saṃ॒va~॒thsa॒rasya॒ ya-tpha̭lgunī-] 28

-thsaṃ̭va~thsa॒rasya॒ ya-tpha̭lgunī-pūrṇamā॒so mṷkha॒ta e॒va saṃ̭va~thsa॒ramā॒rabhya̭ dīkṣante॒ tasyaikai॒va ni॒ryā ya-thsāmme᳚ghye viṣū॒vān-thsa॒pandya̭te citrāpūrṇamā॒se dī᳚kṣera॒-nmukhaṃ॒-vā~ e॒ta-thsaṃ̭va~thsa॒rasya॒ yacci̭trāpūrṇamā॒so mṷkha॒ta e॒va saṃ̭va~thsa॒ramā॒rabhya̭ dīkṣante॒ tasya॒ na kā ca॒na ni॒ryā bha̭vati catura॒he pu॒rastā᳚-tpaurṇamā॒syai dī᳚kṣera॒-nteṣā̭mekāṣṭa॒kāyā᳚-ṅkra॒ya-ssa-mpa̭dyate॒ tenai̭kāṣṭa॒kā-nna cha॒mba-ṭkṷrvanti॒ teṣā᳚- [teṣā᳚m, pū॒rva॒pa॒kṣe su॒tyā] 29

-mpūrvapa॒kṣe su॒tyā sa-mpa̭dyate pūrvapa॒kṣa-mmāsā̭ a॒bhi sa-mpa̭dyante॒ te pū᳚rvapa॒kṣa u-tti̭ṣṭhanti॒ tānu॒ttiṣṭha̭ta॒ oṣa̭dhayo॒ vana॒spata॒yo-'nū-tti̭ṣṭhanti॒ tān ka̭lyā॒ṇī kī॒rtiranū-tti̭ṣṭha॒tyarā᳚-thsuri॒me yaja̭mānā॒ iti॒ tadanu॒ sarvḙ rāddhnuvanti || 30 ||

(e॒ta - ccha॒baṇṭkṷrvanti॒ teṣāṃ॒ - catṷstrigṃśacca) (a. 8)

su॒va॒rgaṃ-vā~ e॒te lo॒kaṃ-ya~̭nti॒ ye sa॒tramṷpa॒yantya॒bhīndha̭ta e॒va dī॒kṣābhi̭rā॒tmānagg̭ śrapayanta upa॒sadbhi॒-rdvābhyāṃ॒-lo~māva̭ dyanti॒ dvābhyā॒-ntvaca॒-ndvābhyā॒masṛ॒-ddvābhyā᳚-mmā॒gṃ॒sa-ndvābhyā॒masthi॒ dvābhyā᳚-mma॒jjāna̭mā॒tmada̭kṣiṇaṃ॒-vai~ sa॒tramā॒tmāna̭me॒va dakṣi̭ṇā-nnī॒tvā sṷva॒rgaṃ-lo~॒kaṃ-ya~̭nti॒ śikhā॒manu॒ pra va̭panta॒ ṛddhyā॒ atho॒ raghī̭yāgṃsa-ssuva॒rgaṃ-lo~॒kama̭yā॒meti̭ || 31 ||

(su॒va॒rgaṃ - pa̭ñcā॒śat) (a. 9)

bra॒hma॒vā॒dino̭ vadantyatirā॒traḥ pa̭ra॒mo ya̭jñakratū॒nā-ṅkasmā॒-tta-mpra̭tha॒mamupa̭ ya॒ntītye॒tadvā a̭gniṣṭo॒ma-mpra̭tha॒mamupa̭ ya॒ntyatho॒kthya̭matha̭ ṣoḍa॒śina॒-mathā̭tirā॒tra-ma̭nupū॒rvame॒vaita-dya̭jñakra॒tūnu॒petya॒ tānā॒labhya̭ pari॒gṛhya॒ soma̭me॒vaita-tpiba̭nta āsate॒ jyoti̭ṣṭoma-mpratha॒mamupa̭ yanti॒ jyoti̭ṣṭomo॒ vai stomā̭nā॒-mmukha̭-mmukha॒ta e॒va stomā॒-npra yṷñjate॒ te [ ] 32

saggstṷtā vi॒rāja̭ma॒bhi sa-mpa̭dyante॒ dve carcā॒vati̭ ricyete॒ eka̭yā॒ gaurati̭rikta॒ eka॒yā-''yṷrū॒na-ssṷva॒rgo vai lo॒ko jyoti॒rūrg-vi॒rāṭ-thsṷva॒rgame॒va tena̭ lo॒kaṃ-ya~̭nti rathanta॒ra-ndivā॒ bhava̭ti rathanta॒ra-nnakta॒mityā̭hu-rbrahmavā॒dinaḥ॒ kena॒ tadajā॒mīti̭ saubha॒ra-ntṛ̭tīyasava॒ne bra̭hmasā॒ma-mbṛ॒ha-ttanma̭ddhya॒to da̭dhati॒ vidhṛ̭tyai॒ tenājā̭mi || 33 ||

(ta - ekā॒nnapa̭ñcā॒śacca̭) (a. 10)

jyoti̭ṣṭoma-mpratha॒mamupa̭ yantya॒sminne॒va tena̭ lo॒ke prati̭ tiṣṭhanti॒ goṣṭo̭ma-ndvi॒tīya॒mupa̭ yantya॒ntari̭kṣa e॒va tena॒ prati̭ tiṣṭha॒ntyāyṷṣṭoma-ntṛ॒tīya॒mupa̭ yantya॒muṣmi̭nne॒va tena̭ lo॒ke prati̭ tiṣṭhantī॒yaṃ-vā~va jyoti̭ra॒ntari̭kṣa॒-ṅgaura॒sāvāyu॒-ryade॒tān-thstomā̭-nupa॒yantye॒ṣvḙva tallo॒keṣṷ sa॒triṇaḥ̭ prati॒ tiṣṭha̭nto yanti॒ te saggstṷtā vi॒rāja̭- [vi॒rāja᳚m, a॒bhi sampa̭dyante॒ dve] 34

-ma॒bhi sampa̭dyante॒ dve carcā॒vati̭ ricyete॒ eka̭yā॒ gaurati̭rikta॒ eka॒yā-''yṷrū॒na-ssṷva॒rgo vai lo॒ko jyoti॒rūrg-vi॒rāḍūrja̭-me॒vāva̭ rundhate॒ te na kṣu॒dhā ''rti॒mārccha॒ntyakṣo̭dhukā bhavanti॒ kṣu-thsa̭bāndhā iva॒ hi sa॒triṇo᳚ 'gniṣṭo॒māva॒bhitaḥ̭ pra॒dhī tāvu॒kthyā̭ maddhye॒ nabhya॒-nta-ttade॒ta-tpa̭ri॒ya-ddḙvaca॒kraṃ-ya~de॒tena̭ [-~yade॒tena̭, ṣa॒ḍa॒hena॒ yanti̭] 35

ṣaḍa॒hena॒ yanti̭ devaca॒krame॒va sa॒māro̭ha॒ntyari̭ṣṭyai॒ te sva॒sti sama̭śñuvate ṣaḍa॒hena̭ yanti॒ ṣaḍvā ṛ॒tava̭ ṛ॒tuṣve॒va prati̭ tiṣṭhantyubha॒yato᳚ jyotiṣā yantyubha॒yata̭ e॒va sṷva॒rge lo॒ke pra̭ti॒tiṣṭha̭nto yanti॒ dvau ṣa̭ḍa॒hau bha̭vata॒stāni॒ dvāda॒śāhā̭ni॒ sa-mpa̭dyante dvāda॒śo vai purṷṣo॒ dve sa॒kthyau᳚ dvau bā॒hū ā॒tmā ca॒ śira̭śca ca॒tvāryaṅgā̭ni॒ stanau᳚ dvāda॒śau [ ] 36

ta-tpurṷṣa॒manṷ pa॒ryāva̭rtante॒ trayaḥ̭ ṣaḍa॒hā bha̭vanti॒ tānya॒ṣṭāda॒śāhā̭ni॒ sa-mpa̭dyante॒ navā॒nyāni॒ navā॒nyāni॒ nava॒ vai purṷṣe prā॒ṇāsta-tprā॒ṇānanṷ pa॒ryāva̭rtante ca॒tvāraḥ̭ ṣaḍa॒hā bha̭vanti॒ tāni॒ catṷrvigṃśati॒rahā̭ni॒ sa-mpa̭dyante॒ catṷrvigṃśatirardhamā॒sā-ssaṃ̭va~thsa॒rasta-thsaṃ̭va~thsa॒ramanṷ pa॒ryāva̭rta॒nte 'pra̭tiṣṭhita-ssaṃva~thsa॒ra iti॒ khalu॒ vā ā̭hu॒rvarṣī̭yā-nprati॒ṣṭhāyā॒ itye॒tāva॒dvai saṃ̭va~thsa॒rasya॒ brāhma̭ṇaṃ॒-yā~va̭nmā॒so mā॒simā᳚sye॒va pra̭ti॒tiṣṭha̭nto yanti || 37 ||

(vi॒rāja̭ - me॒tena̭ - dvāda॒śā - ve॒tāva॒dvā - a॒ṣṭau ca̭) (a. 11)

me॒ṣastvā̭ paca॒taira̭vatu॒ lohi̭tagrīva॒-śchāgai᳚-śśalma॒lirvṛddhyā̭ pa॒rṇo brahma̭ṇā pla॒kṣo medhḙna nya॒grodha̭ścama॒sairṷdu॒baṃra̭ ū॒rjā gā̭ya॒trī chando̭bhistri॒vṛ-thstomai॒rava̭ntī॒-ssthāva̭ntīstvā-'vantu pri॒ya-ntvā᳚ pri॒yāṇāṃ॒-va~rṣi̭ṣṭha॒māpyā̭nā-nnidhī॒nā-ntvā̭ nidhi॒patigṃ̭ havāmahe vaso mama || 38 ||

(me॒ṣaḥ - ṣa-ṭtrigṃ̭śat) (a. 12)

kūpyā᳚bhya॒-ssvāhā॒ kūlyā᳚bhya॒-ssvāhā̭ vika॒ryā᳚bhya॒-ssvāhā̭ 'va॒ṭyā᳚bhya॒-ssvāhā॒ khanyā᳚bhya॒-ssvāhā॒ hradyā᳚bhya॒-ssvāhā॒ sūdyā᳚bhya॒-ssvāhā̭ sara॒syā᳚bhya॒-ssvāhā̭ vaiśa॒ntībhya॒-ssvāhā̭ palva॒lyā᳚bhya॒-ssvāhā॒ varṣyā᳚bhya॒-ssvāhā̭ 'va॒rṣyābhya॒-ssvāhā᳚ hrā॒dunī᳚bhya॒-ssvāhā॒ pṛṣvā᳚bhya॒-ssvāhā॒ syanda̭mānābhya॒-ssvāhā᳚ sthāva॒rābhya॒-ssvāhā̭ nāde॒yībhya॒-ssvāhā̭ saindha॒vībhya॒-ssvāhā̭ samu॒driyā᳚bhya॒-ssvāhā॒ sarvā᳚bhya॒-ssvāhā᳚ || 39 ||

(kūpyā᳚bhya - ścatvāri॒gṃ॒śat) (a. 13)

a॒dbhya-ssvāhā॒ vaha̭ntībhya॒-ssvāhā̭ pari॒vaha̭ntībhya॒-ssvāhā̭ sama॒ntaṃ-va~ha̭ntībhya॒-ssvāhā॒ śīghraṃ॒-va~ha̭ntībhya॒-ssvāhā॒ śībhaṃ॒-va~ha̭ntībhya॒-ssvāho॒graṃ-va~ha̭ntībhya॒-ssvāhā̭ bhī॒maṃ-va~ha̭ntībhya॒-ssvāhā-'mbho᳚bhya॒-ssvāhā॒ nabho᳚bhya॒-ssvāhā॒ maho᳚bhya॒-ssvāhā॒ sarva̭smai॒ svāhā᳚ || 40 ||

(a॒dbhya - ekā॒nnatri॒gṃ॒śat) (a. 14)

yo arva̭nta॒-ñjighāgṃ̭sati॒ tama॒bhya̭mīti॒ varṷṇaḥ || pa॒ro martaḥ̭ pa॒ra-śśvā || a॒ha-ñca॒ tva-ñca̭ vṛtraha॒nthsa-mba̭bhūva sa॒nibhya॒ ā | a॒rā॒tī॒vā ci̭dadri॒vo-'nṷ nau śūra magṃsatai bha॒drā indra̭sya rā॒tayaḥ̭ || a॒bhi kratve᳚ndra bhū॒radha॒ jmanna tḙ vivyammahi॒māna॒gṃ॒ rajāgṃ̭si | svenā॒ hi vṛ॒tragṃ śava̭sā ja॒ghantha॒ na śatru॒rantaṃ̭-vi~vida-dyu॒dhā te᳚ || 41 ||

(vi॒vi॒da॒-d- dve ca̭) (a. 15)

namo॒ rājñe॒ namo॒ varṷṇāya॒ namo-'śvā̭ya॒ namaḥ̭ pra॒jāpa̭taye॒ namo-'dhi̭pata॒ye 'dhi̭patira॒syadhi̭pati-mmā ku॒rvadhi̭patira॒ha-mpra॒jānā᳚-mbhūyāsa॒-mmā-ndhḙhi॒ mayi̭ dhehyu॒pākṛ̭tāya॒ svāhā ''la̭bdhāya॒ svāhā̭ hu॒tāya॒ svāhā᳚ || 42 ||

(nama॒ - ekā॒nna tri॒gṃ॒śat) (a. 16)

ma॒yo॒bhūrvāto̭ a॒bhi vā̭tū॒srā ūrja̭svatī॒roṣa̭dhī॒rā ri̭śantām | pīva̭svatīrjī॒vadha̭nyāḥ pibantvava॒sāya̭ pa॒dvatḙ rudra mṛḍa || yā-ssarṷ̄pā॒ virṷ̄pā॒ eka̭rūpā॒ yāsā̭ma॒gniriṣṭyā॒ nāmā̭ni॒ veda̭ | yā aṅgi̭rasa॒stapa̭se॒ha ca॒krustābhyaḥ̭ parjanya॒ mahi॒ śarma̭ yaccha || yā de॒veṣṷ ta॒nuva॒maira̭yanta॒ yāsā॒gṃ॒ somo॒ viśvā̭ rū॒pāṇi॒ veda̭ | tā a॒smabhya॒-mpaya̭sā॒ pinva̭mānāḥ pra॒jāva̭tīrindra [ ] 43

go॒ṣṭhe ri̭rīhi || pra॒jāpa̭ti॒rmahya̭me॒tā rarā̭ṇo॒ viśvai᳚rde॒vaiḥ pi॒tṛbhiḥ̭ saṃvi~dā॒naḥ | śi॒vā-ssa॒tīrupa̭ no go॒ṣṭhamā-'ka॒stāsāṃ᳚-va~॒ya-mpra॒jayā॒ sagṃ sa̭dema || i॒ha dhṛti॒-ssvāhe॒ha vidhṛ̭ti॒-ssvāhe॒ha ranti॒-ssvāhe॒ha rama̭ti॒-ssvāhā̭ ma॒hīmū॒ ṣu1 su॒trāmā̭ṇaṃ2 || 44 ||

(i॒ndrā॒ - ṣṭātrigṃ̭śacca) (a. 17)

kigg svi̭dāsī-tpū॒rvaci̭ttiḥ॒ kigg svi̭dāsī-dbṛ॒hadvayaḥ̭ | kigg svi̭dāsī-tpiśaṅgi॒lā kigg svi̭dāsī-tpilippi॒lā || dyaurā̭sī-tpū॒rvaci̭tti॒raśva̭ āsī-dbṛ॒hadvayaḥ̭ | rātri̭rāsī-tpiśaṅgi॒lā 'vi̭rāsī-tpilippi॒lā || ka-ssvi̭dekā॒kī ca̭rati॒ ka ṷ svijjāyate॒ punaḥ̭ | kigg svi̭ddhi॒masya̭ bheṣa॒ja-ṅkigg svi̭dā॒vapa̭na-mma॒hat || sūrya̭ ekā॒kī ca̭rati [ ] 45

ca॒ndramā̭ jāyate॒ punaḥ̭ | a॒gnir-hi॒masya̭ bheṣa॒ja-mbhūmi̭rā॒vapa̭na-mma॒hat || pṛ॒cchāmi̭ tvā॒ para॒manta̭-mpṛthi॒vyāḥ pṛ॒cchāmi̭ tvā॒ bhuva̭nasya॒ nābhi᳚m | pṛ॒cchāmi̭ tvā॒ vṛṣṇo॒ aśva̭sya॒ retaḥ̭ pṛ॒cchāmi̭ vā॒caḥ pa̭ra॒maṃ-vyo~̭ma || vedi̭māhuḥ॒ para॒manta̭-mpṛthi॒vyā ya॒jñamā̭hu॒ rbhuva̭nasya॒ nābhi᳚m | soma̭māhu॒rvṛṣṇo॒ aśva̭sya॒ reto॒ brahmai॒va vā॒caḥ pa̭ra॒maṃ-vyo~̭ma || 46 ||

(sūrya̭ ekā॒kī ca̭rati॒ - ṣaṭca̭tvārigṃśacca) (a. 18)

abeṃ॒ abāṃ॒lyambi̭ke॒ na mā̭ nayati॒ kaśca॒na | sa॒sastya̭śva॒kaḥ || subha̭ge॒ kāmpī̭lavāsini suva॒rge lo॒ke sa-mprorṇvā̭thām | ā-'hama̭jāni garbha॒dhamā tvama̭jāsi garbha॒dham || tau sa॒ha ca॒turaḥ̭ pa॒da-ssa-mpra sā̭rayāvahai || vṛṣā̭ vāgṃ reto॒dhā reto̭ dadhā॒tū-thsa॒kthyo᳚rgṛ॒da-ndhe᳚hya॒ñjimuda̭ñji॒manva̭ja | ya-sstrī॒ṇā-ñjī̭va॒bhoja̭no॒ ya ā̭sā- [ya ā̭sām, bi॒la॒dhāva̭naḥ |] 47

-mbila॒dhāva̭naḥ | pri॒ya-sstrī॒ṇāma̭pī॒cyaḥ̭ || ya ā̭sā-ṅkṛ॒ṣṇe lakṣma̭ṇi॒ sardi̭gṛdi-mpa॒rāva̭dhīt || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || ū॒rdhvā-mḙnā॒mucchra̭yatā-dveṇubhā॒ra-ṅgi॒rāvi̭va | athā᳚syā॒ maddhya̭medhatāgṃ śī॒te vātḙ pu॒nanni̭va || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || yaddha̭ri॒ṇī yava॒matti॒ na [ ] 48

pu॒ṣṭa-mpa॒śu ma̭nyate | śū॒drā yadarya̭jārā॒ na poṣā̭ya dhanāyati || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || i॒yaṃ-ya~॒kā śa̭kunti॒kā ''hala॒miti॒ sarpa̭ti | āha̭ta-ṅga॒bhe paso॒ ni ja̭lgulīti॒ dhāṇi̭kā || abeṃ॒ abāṃ॒lyambi̭ke॒ na mā̭ yabhati॒ kaśca॒na | sa॒sastya̭śva॒kaḥ || mā॒tā ca̭ te pi॒tā ca॒ te-'graṃ̭-vṛ~॒kṣasya̭ rohataḥ | 49

pra sṷlā॒mīti̭ te pi॒tā ga॒bhe mu॒ṣṭima̭tagṃsayat || da॒dhi॒krāv.ṇṇo̭ akāriṣa-ñji॒ṣṇoraśva̭sya vā॒jinaḥ̭ | sura॒bhi no॒ mukhā̭ kara॒-tpraṇa॒ āyūgṃ̭ṣi tāriṣat || āpo॒ hi ṣṭhā ma̭yo॒bhuva॒stā na̭ ū॒rje da̭dhātana | ma॒heraṇā̭ya॒ cakṣa̭se || yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || tasmā॒ ara̭-ṅgamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || 50 ||

(ā॒sā॒ - matti॒ na - ro̭hato॒ - jinva̭tha - ca॒tvāri̭ ca) (a. 19)

bhūrbhuva॒-ssuva॒rvasa̭vastvā 'ñjantu gāya॒treṇa॒ chanda̭sā ru॒drāstvā᳚ 'ñjantu॒ traiṣṭṷbhena॒ chanda̭sā, ''di॒tyāstvā᳚-'ñjantu॒ jāga̭tena॒ chanda̭sā॒ ya-dvāto̭ a॒po aga̭ma॒dindra̭sya ta॒nuva̭-mpri॒yām | e॒tagg sto̭tare॒tena̭ pa॒thā puna॒raśva॒mā va̭rtayāsi naḥ || lājī(3)-ñchācī(3)n yaśo̭ ma॒mā~(4) | ya॒vyāyai̭ ga॒vyāyā̭ e॒ta-ddḙvā॒ anna̭mattai॒tadanna̭maddhi prajāpate || yu॒ñjanti̭ bra॒ddhna-ma̭ru॒ṣa-ñcara̭nta॒-mpari̭ ta॒sthuṣaḥ̭ | roca̭nte roca॒nā di॒vi || yu॒ñjantya̭sya॒ kāmyā॒ harī॒ vipa̭kṣasā॒ rathe᳚ | śoṇā̭ dhṛ॒ṣṇū nṛ॒vāha̭sā || ke॒tu-ṅkṛ॒ṇvanna̭ke॒tave॒ peśo̭ maryā ape॒śase᳚ | samu॒ṣadbhi̭rajāyathāḥ || 51 ||

(bra॒ddhnaṃ - pañca̭vigṃśatiśca) (a. 20)

prā॒ṇāya॒ svāhā᳚ vyā॒nāya॒ svāhā̭ 'pā॒nāya॒ svāhā॒ snāva̭bhya॒-ssvāhā̭ santā॒nebhya॒-ssvāhā॒ pari̭santānebhya॒-ssvāhā॒ parva̭bhya॒-ssvāhā̭ sa॒dhānne᳚bhya॒-ssvāhā॒ śarī̭rebhya॒-ssvāhā̭ ya॒jñāya॒ svāhā॒ dakṣi̭ṇābhya॒-ssvāhā̭ suva॒rgāya॒ svāhā̭ lo॒kāya॒ svāhā॒ sarva̭smai॒ svāhā᳚ || 52 ||

(prā॒ṇāyā॒ - ṣṭāvigṃ̭śatiḥ) (a. 21)

si॒tāya॒ svāhā 'si̭tāya॒ svāhā॒ 'bhihi̭tāya॒ svāhā 'na̭bhihitāya॒ svāhā̭ yu॒ktāya॒ svāhā 'yṷktāya॒ svāhā॒ suyṷktāya॒ svāho -dyṷktāya॒ svāhā॒ vimṷktāya॒ svāhā॒ pramṷktāya॒ svāhā॒ vañca̭te॒ svāhā̭ pari॒vañca̭te॒ svāhā̭ saṃ॒va~ñca̭te॒ svāhā̭ 'nu॒vañca̭te॒ svāho॒--dvañca̭te॒ svāhā̭ ya॒te svāhā॒ dhāva̭te॒ svāhā॒ tiṣṭha̭te॒ svāhā॒ sarva̭smai॒ svāhā᳚ || 53 ||

(si॒tāyā॒ - ṣṭātrigṃ̭śat) (a. 22)

(bṛha॒spati॒-śśra--dya॒thā vā - ṛ॒kṣā vai - pra॒jāpa̭ti॒ryena̭yena॒ - dve vāva dḙvasa॒tre - ā̭di॒tyā a̭kāmayanta suva॒rgaṃ - ~vasi̭ṣṭhaḥ - saṃva~thsa॒rāya̭ -surva॒rgaṃ-ye~ sa॒traṃ - bra̭hmavā॒dino̭-'tirā॒tro - jyoti̭ṣṭomaṃ - me॒ṣaḥ - kūpyā᳚bhyo॒ - 'dbhyo - yo - namo̭ - mayo॒bhūḥ - kigg svi॒da - mbe॒ - bhūḥ - prā॒ṇāya̭ - si॒tāya॒ - dvāvigṃ̭śatiḥ)

(bṛha॒spatiḥ॒ - prati̭ tiṣṭhanti॒ - vai da̭śarā॒treṇa̭ - suva॒rgaṃ - ~yo arva̭ntaṃ॒ - bhū - stripa̭ñcā॒śat)

(bṛha॒spati॒, ssarva̭smai॒ svāhā᳚)

|| hariḥ̭ om ||

|| kṛṣṇa yajurvedīya taittirīya saṃhitāyāṃ saptamakāṇḍe caturthaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहितायां सप्तमकाण्डे चतुर्थः प्रश्नः - सत्रकर्मनिरूपणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

बृह॒स्पति॑रकामयत॒ श्रन्मे॑ दे॒वा दधी॑र॒-न्गच्छे॑य-म्पुरो॒धामिति॒ स ए॒त-ञ्च॑तुर्विग्ंशतिरा॒त्र-म॑पश्य॒-त्तमा-ऽह॑र॒-त्तेना॑यजत॒ ततो॒ वै तस्मै॒ श्रद्दे॒वा अद॑ध॒ताग॑च्छ-त्पुरो॒धां-यँ ए॒वं-विँ॒द्वाग्ंस॑-श्चतुर्विग्ंशतिरा॒त्र-मास॑ते॒ श्रदे᳚भ्यो मनु॒ष्या॑ दधते॒ गच्छ॑न्ति पुरो॒धा-ञ्ज्योति॒र्गौरायु॒रिति॑ त्र्य॒हा भ॑वन्ती॒यं-वाँव ज्योति॑र॒न्तरि॑क्ष॒-ङ्गौर॒सा-वायु॑- [-वायुः॑, इ॒माने॒व] 1

-रि॒माने॒व लो॒कान॒भ्यारो॑हन्त्यभि पू॒र्व-न्त्र्य॒हा भ॑वन्त्यभिपू॒र्वमे॒व सु॑व॒र्गं-लोँ॒कम॒भ्यारो॑ह॒न्त्यस॑त्रं॒-वाँ ए॒त-द्यद॑छन्दो॒मं-यँच्छ॑न्दो॒मा भव॑न्ति॒ तेन॑ स॒त्र-न्दे॒वता॑ ए॒व पृ॒ष्ठैरव॑ रुन्धते प॒शूञ्छ॑न्दो॒मैरोजो॒ वै वी॒र्य॑-म्पृ॒ष्ठानि॑ प॒शवः॑ छन्दो॒मा ओज॑स्ये॒व वी॒र्ये॑ प॒शुषु॒ प्रति॑ तिष्ठन्ति बृह-द्रथन्त॒राभ्यां᳚-यँन्ती॒यं-वाँव र॑थन्त॒रम॒सौ बृ॒हदा॒भ्यामे॒व [ ] 2

य॒न्त्यथो॑ अ॒नयो॑रे॒व प्रति॑ तिष्ठन्त्ये॒ते वै य॒ज्ञस्या᳚ञ्ज॒साय॑नी स्रु॒ती ताभ्या॑मे॒व सु॑व॒र्गं-लोँ॒कं-यँ॑न्ति चतुर्विग्ंशतिरा॒त्रो भ॑वति॒ चतु॑र्विग्ंशतिरर्धमा॒सा-स्सं॑वँथ्स॒र-स्सं॑वँथ्स॒र-स्सु॑व॒र्गो लो॒क-स्सं॑वँथ्स॒र ए॒व सु॑व॒र्गे लो॒के प्रति॑ तिष्ठ॒न्त्यथो॒ चतु॑र्विग्ंशत्यक्षरा गाय॒त्री गा॑य॒त्री ब्र॑ह्मवर्च॒स-ङ्गा॑यत्रि॒यैव ब्र॑ह्मवर्च॒समव॑ रुन्धते ऽतिरा॒त्राव॒भितो॑ भवतो ब्रह्मवर्च॒सस्य॒ परि॑गृहीत्यै ॥ 3 ॥

(अ॒सावायु॑ - रा॒भ्यामे॒व - पञ्च॑चत्वारिग्ंशच्च) (अ. 1)

यथा॒ वै म॑नु॒ष्या॑ ए॒व-न्दे॒वा अग्र॑ आस॒-न्ते॑-ऽकामय॒न्ता-ऽव॑र्ति-म्पा॒प्मान॑-म्मृ॒त्यु-म॑प॒हत्य॒ दैवीग्ं॑ स॒ग्ं॒सद॑-ङ्गच्छे॒मेति॒ त ए॒त-ञ्च॑तुर्विग्ंशतिरा॒त्र-म॑पश्य॒-न्तमा-ऽह॑र॒-न्तेना॑यजन्त॒ ततो॒ वै ते-ऽव॑र्ति-म्पा॒प्मान॑-म्मृ॒त्यु-म॑प॒हत्य॒ दैवीग्ं॑ स॒ग्ं॒सद॑मगच्छ॒न्॒. य ए॒वं-विँ॒द्वाग्ंस॑-श्चतुर्विग्ंशतिरा॒त्र-मास॒ते-ऽव॑र्तिमे॒व पा॒प्मान॑-मप॒हत्य॒ श्रिय॑-ङ्गच्छन्ति॒ श्रीर्हि म॑नु॒ष्य॑स्य॒ [श्रीर्हि म॑नु॒ष्य॑स्य, दैवी॑ स॒ग्ं॒स-ज्ज्योति॑-] 4

दैवी॑ स॒ग्ं॒स-ज्ज्योति॑-रतिरा॒त्रो भ॑वति सुव॒र्गस्य॑ लो॒कस्यानु॑ख्यात्यै॒ पृष्ठ्यः॑ षड॒हो भ॑वति॒ ष-ड्वा ऋ॒तवः॑ संवँथ्स॒रस्त-म्मासा॑ अर्धमा॒सा ऋ॒तवः॑ प्र॒विश्य॒ दैवीग्ं॑ स॒ग्ं॒सद॑मगच्छ॒न्॒. य ए॒वं-विँ॒द्वाग्ंस॑-श्चतुर्विग्ंशतिरा॒त्रमास॑ते संवँथ्स॒रमे॒व प्र॒विश्य॒ वस्य॑सीग्ं स॒ग्ं॒सद॑-ङ्गच्छन्ति॒ त्रय॑स्त्रयस्त्रि॒ग्ं॒शा अ॒वस्ता᳚-द्भवन्ति॒ त्रय॑स्त्रयस्त्रि॒ग्ं॒शाः प॒रस्ता᳚-त्त्रयस्त्रि॒ग्ं॒शैरे॒वोभ॒यतो ऽव॑र्ति-म्पा॒प्मान॑मप॒हत्य॒ दैवीग्ं॑ स॒ग्ं॒सद॑-म्मद्ध्य॒तो [स॒ग्ं॒सद॑-म्मद्ध्य॒तः, ग॒च्छ॒न्ति॒ पृ॒ष्ठानि॒ हि] 5

ग॑च्छन्ति पृ॒ष्ठानि॒ हि दैवी॑ स॒ग्ं॒सज्जा॒मि वा ए॒त-त्कु॑र्वन्ति॒ य-त्त्रय॑स्त्रयस्त्रि॒ग्ं॒शा अ॒न्वञ्चो॒ मद्ध्ये-ऽनि॑रुक्तो भवति॒ तेनाजा᳚म्यू॒र्ध्वानि॑ पृ॒ष्ठानि॑ भवन्त्यू॒र्ध्वा-श्छ॑न्दो॒मा उ॒भाभ्याग्ं॑ रू॒पाभ्याग्ं॑ सुव॒र्गं-लोँ॒कं-यँ॒न्त्यस॑त्रं॒-वाँ ए॒त-द्यद॑छन्दो॒मं-यँच्छ॑न्दो॒मा भव॑न्ति॒ तेन॑ स॒त्र-न्दे॒वता॑ ए॒व पृ॒ष्ठैरव॑ रुन्धते प॒शूञ्छ॑न्दो॒मैरोजो॒ वै वी॒र्य॑-म्पृ॒ष्ठानि॑ प॒शव॑- [प॒शवः॑, छ॒न्दो॒मा ओज॑स्ये॒व] 6

-श्छन्दो॒मा ओज॑स्ये॒व वी॒र्ये॑ प॒शुषु॒ प्रति॑ तिष्ठन्ति॒ त्रय॑स्त्रयस्त्रि॒ग्ं॒शा अ॒वस्ता᳚-द्भवन्ति॒ त्रय॑स्त्रयस्त्रि॒ग्ं॒शाः प॒रस्ता॒न्मद्ध्ये॑ पृ॒ष्ठान्युरो॒ वै त्र॑यस्त्रि॒ग्ं॒शा आ॒त्मा पृ॒ष्ठान्या॒त्मन॑ ए॒व त-द्यज॑माना॒-श्शर्म॑ नह्य॒न्ते-ऽना᳚र्त्यै बृह-द्रथन्त॒राभ्यां᳚-यँन्ती॒यं-वाँव र॑थन्त॒रम॒सौ बृ॒हदा॒भ्यामे॒व य॒न्त्यथो॑ अ॒नयो॑रे॒व प्रति॑ तिष्ठन्त्ये॒ते वै य॒ज्ञस्या᳚ञ्ज॒साय॑नी स्रु॒ती ताभ्या॑मे॒व [ताभ्या॑मे॒व, सु॒व॒र्गं-लोँ॒कं-यँ॑न्ति॒] 7

सु॑व॒र्गं-लोँ॒कं-यँ॑न्ति॒ परा᳚ञ्चो॒ वा ए॒ते सु॑व॒र्गं-लोँ॒कम॒भ्यारो॑हन्ति॒ ये प॑रा॒चीना॑नि पृ॒ष्ठान्यु॑प॒यन्ति॑ प्र॒त्यं ष॑ड॒हो भ॑वति प्र॒त्यव॑रूढ्या॒ अथो॒ प्रति॑ष्ठित्या उ॒भयो᳚र्लो॒कयोर॑ ऋ॒द्ध्वो-त्ति॑ष्ठन्ति त्रि॒वृतो-ऽधि॑ त्रि॒वृत॒मुप॑ यन्ति॒ स्तोमा॑ना॒ग्ं॒ सम्प॑त्त्यै प्रभ॒वाय॒ ज्योति॑रग्निष्टो॒मो भ॑वत्य॒यं-वाँव स क्षयो॒-ऽस्मादे॒व तेन॒ क्षया॒न्न य॑न्ति चतुर्विग्ंशतिरा॒त्रो भ॑वति॒ चतु॑र्विग्ंशतिरर्धमा॒सा-स्सं॑वँथ्स॒र-स्सं॑वँथ्स॒र-स्सु॑व॒र्गो लो॒क-स्सं॑वँथ्स॒र ए॒व सु॑व॒र्गे लो॒के प्रति॑ तिष्ठ॒न्त्यथो॒ चतु॑र्विग्ंशत्यक्षरा गाय॒त्री गा॑य॒त्री ब्र॑ह्मवर्च॒स-ङ्गा॑यत्रि॒यैव ब्र॑ह्मवर्च॒समव॑ रुन्धते ऽतिरा॒त्राव॒भितो॑ भवतो ब्रह्मवर्च॒सस्य॒ परि॑गृहीत्यै ॥ 8 ॥

(म॒नु॒ष्य॑स्य - मध्य॒तः - प॒शव॒ - स्ताभ्या॑मे॒व - सं॑वँथ्स॒र - श्चतु॑र्विग्ंशतिश्च) (अ. 2)

ऋ॒क्षा वा इ॒यम॑लो॒मका॑-ऽऽसी॒-थ्सा-ऽका॑मय॒तौष॑धीभि॒-र्वन॒स्पति॑भिः॒ प्र जा॑ये॒येति॒ सैतास्त्रि॒ग्ं॒शत॒ग्ं॒ रात्री॑रपश्य॒-त्ततो॒ वा इ॒यमोष॑धीभि॒-र्वन॒स्पति॑भिः॒ प्राजा॑यत॒ ये प्र॒जाका॑माः प॒शुका॑मा॒-स्स्युस्त ए॒ता आ॑सीर॒-न्प्रैव जा॑यन्ते प्र॒जया॑ प॒शुभि॑रि॒यं-वाँ अ॑क्षुद्ध्य॒-थ्सैतां-विँ॒राज॑मपश्य॒-त्तामा॒त्म-न्धि॒त्वा-ऽन्नाद्य॒मवा॑ ऽरु॒न्धौष॑धी॒- [-ऽरु॒न्धौष॑धीः, वन॒स्पती᳚-न्प्र॒जा-] 9

-र्वन॒स्पती᳚-न्प्र॒जा-म्प॒शू-न्तेना॑वर्धत॒ सा जे॒मान॑-म्महि॒मान॑-मगच्छ॒द्य ए॒वं-विँ॒द्वाग्ंस॑ ए॒ता आस॑ते वि॒राज॑मे॒वा-ऽऽत्म-न्धि॒त्वा-ऽन्नाद्य॒मव॑ रुन्धते॒ वर्ध॑न्ते प्र॒जया॑ प॒शुभि॑र्जे॒मान॑-म्महि॒मान॑-ङ्गच्छन्ति॒ ज्योति॑रतिरा॒त्रो भ॑वति सुव॒र्गस्य॑ लो॒कस्यानु॑ख्यात्यै॒ पृष्ठ्यः॑ षड॒हो भ॑वति॒ ष-ड्वा ऋ॒तव॒-ष्षट् पृ॒ष्ठानि॑ पृ॒ष्ठैरे॒वर्तून॒न्वा-रो॑हन्त्यृ॒तुभिः॑ संवँथ्स॒र-न्ते सं॑वँथ्स॒र ए॒व [ ] 10

प्रति॑ तिष्ठन्ति त्रयस्त्रि॒ग्ं॒शा-त्त्र॑यस्त्रि॒ग्ं॒शमुप॑ यन्ति य॒ज्ञस्य॒ सन्त॑त्या॒ अथो᳚ प्र॒जाप॑ति॒र्वै त्र॑यस्त्रि॒ग्ं॒शः प्र॒जाप॑तिमे॒वा-ऽऽर॑भन्ते॒ प्रति॑ष्ठित्यै त्रिण॒वो भ॑वति॒ विजि॑त्या एकवि॒ग्ं॒शो भ॑वति॒ प्रति॑ष्ठित्या॒ अथो॒ रुच॑मे॒वा-ऽऽत्म-न्द॑धते त्रि॒वृद॑ग्नि॒ष्टु-द्भ॑वति पा॒प्मान॑मे॒व तेन॒ निर्द॑ह॒न्ते-ऽथो॒ तेजो॒ वै त्रि॒वृ-त्तेज॑ ए॒वा-ऽऽत्म-न्द॑धते पञ्चद॒श इ॑न्द्रस्तो॒मो भ॑वतीन्द्रि॒य-मे॒वा-ऽव॑ [भ॑वतीन्द्रि॒य-मे॒वा-ऽव॑, रु॒न्ध॒ते॒ स॒प्त॒द॒शो भ॑वत्य॒न्नाद्य॒स्या] 11

रुन्धते सप्तद॒शो भ॑वत्य॒न्नाद्य॒स्या व॑रुद्ध्या॒ अथो॒ प्रैव तेन॑ जायन्त एकवि॒ग्ं॒शो भ॑वति॒ प्रति॑ष्ठित्या॒ अथो॒ रुच॑मे॒वा-ऽऽत्म-न्द॑धते चतुर्वि॒ग्ं॒शो भ॑वति॒ अतु॑र्विग्ंशतिरर्धमा॒सा-स्सं॑वँथ्स॒र-स्सं॑वँथ्स॒र-स्सु॑व॒र्गो लो॒क-स्सं॑वँथ्स॒र ए॒व सु॑व॒र्गे लो॒के प्रति॑ तिष्ठ॒न्त्यथो॑ ए॒ष वै वि॑षू॒वान् वि॑षू॒वन्तो॑ भवन्ति॒ य ए॒वं-विँ॒द्वाग्ंस॑ ए॒ता आस॑ते चतुर्वि॒ग्ं॒शा-त्पृ॒ष्ठान्युप॑ यन्ति संवँथ्स॒र ए॒व प्र॑ति॒ष्ठाय॑ [ ] 12

दे॒वता॑ अ॒भ्यारो॑हन्ति त्रयस्त्रि॒ग्ं॒शा-त्त्र॑यस्त्रि॒ग्ं॒शमुप॑ यन्ति॒ त्रय॑स्त्रिग्ंश॒द्वै दे॒वता॑ दे॒वता᳚स्वे॒व प्रति॑ तिष्ठन्ति त्रिण॒वो भ॑वती॒मे वै लो॒कास्त्रि॑ण॒व ए॒ष्वे॑व लो॒केषु॒ प्रति॑ तिष्ठन्ति॒ द्वावे॑कवि॒ग्ं॒शौ भ॑वतः॒ प्रति॑ष्ठित्या॒ अथो॒ रुच॑मे॒वा-ऽऽत्म-न्द॑धते ब॒हवः॑ षोड॒शिनो॑ भवन्ति॒ तस्मा᳚-द्ब॒हवः॑ प्र॒जासु॒ वृषा॑णो॒ यदे॒ते स्तोमा॒ व्यति॑षक्ता॒ भव॑न्ति॒ तस्मा॑दि॒य -मोष॑धीभि॒-र्वन॒स्पति॑भि॒-र्व्यति॑षक्ता॒ [-र्व्यति॑षक्ता, व्यति॑षज्यन्ते] 13

व्यति॑षज्यन्ते प्र॒जया॑ प॒शुभि॒र्य ए॒वं-विँ॒द्वाग्ंस॑ ए॒ता आस॒ते ऽकॢ॑प्ता॒ वा ए॒ते सु॑व॒र्गं-लोँ॒कं-यँ॑न्त्युच्चाव॒चान् हि स्तोमा॑नुप॒यन्ति॒ यदे॒त ऊ॒र्ध्वाः कॢ॒प्ता-स्स्तोमा॒ भव॑न्ति कॢ॒प्ता ए॒व सु॑व॒र्गं-लोँ॒कं-यँ॑न्त्यु॒भयो॑रे॒भ्यो लो॒कयोः᳚ कल्पते त्रि॒ग्ं॒शदे॒तास्त्रि॒ग्ं॒शद॑क्षरा वि॒राडन्नं॑-विँ॒रा-ड्वि॒राजै॒वान्नाद्य॒मव॑ रुन्धते ऽतिरा॒त्राव॒भितो॑ भवतो॒ ऽन्नाद्य॑स्य॒ परि॑गृहीत्यै ॥ 14 ॥

(ओष॑धीः - संवँथ्स॒र ए॒वा - ऽव॑ - प्रति॒ष्ठाय॒ - व्यति॑ष॒क्त्यै - का॒न्नप॑ञ्चा॒शच्च॑) (अ. 3)

प्र॒जाप॑ति-स्सुव॒र्गं-लोँ॒कमै॒-त्त-न्दे॒वा येन॑येन॒ छन्द॒सा-ऽनु॒ प्रायु॑ञ्जत॒ तेन॒ ना-ऽऽप्नु॑व॒-न्त ए॒ता द्वात्रिग्ं॑शत॒ग्ं॒ रात्री॑रपश्य॒-न्द्वात्रिग्ं॑शदक्षरा ऽनु॒ष्टुगा-नु॑ष्टुभः प्र॒जाप॑ति॒-स्स्वेनै॒व छन्द॑सा प्र॒जाप॑ति-मा॒प्त्वा ऽभ्या॒रुह्य॑ सुव॒र्गं-लोँ॒कमा॑य॒न्॒. य ए॒वं-विँ॒द्वाग्ंस॑ ए॒ता आस॑ते॒ द्वात्रिग्ं॑शदे॒ता द्वात्रिग्ं॑शदक्षरा ऽनु॒ष्टुगा-नु॑ष्टुभः प्र॒जाप॑ति॒-स्स्वेनै॒व छन्द॑सा प्र॒जाप॑तिमा॒प्त्वा श्रिय॑-ङ्गच्छन्ति॒ [श्रिय॑-ङ्गच्छन्ति, श्रीर्हि] 15

श्रीर्हि म॑नु॒ष्य॑स्य सुव॒र्गो लो॒को द्वात्रिग्ं॑शदे॒ता द्वात्रिग्ं॑शदक्षरा-ऽनु॒ष्टुग्-वाग॑नु॒ष्टु-फ्सर्वा॑मे॒व वाच॑माप्नुवन्ति॒ सर्वे॑ वा॒चो व॑दि॒तारो॑ भवन्ति॒ सर्वे॒ हि श्रिय॒-ङ्गच्छ॑न्ति॒ ज्योति॒र्गौरायु॒रिति॑ त्र्य॒हा भ॑वन्ती॒यं-वाँव ज्योति॑र॒न्तरि॑क्ष॒-ङ्गौर॒सावायु॑रि॒माने॒व लो॒कान॒भ्यारो॑हन्त्यभिपू॒र्व-न्त्र्य॒हा भ॑वन्त्यभिपू॒र्वमे॒व सु॑व॒र्गं-लोँ॒कम॒भ्यारो॑हन्ति बृह-द्रथन्त॒राभ्यां᳚-यँन्ती॒- [-ँयन्ति, इ॒यं-वाँव] 16

-यं-वाँव र॑थन्त॒रम॒सौ बृ॒हदा॒भ्यामे॒व य॒न्त्यथो॑ अ॒नयो॑रे॒व प्रति॑ तिष्ठन्त्ये॒ते वै य॒ज्ञस्या᳚ञ्ज॒साय॑नी स्रु॒ती ताभ्या॑मे॒व सु॑व॒र्गं-लोँ॒कं-यँ॑न्ति॒ परा᳚ञ्चो॒ वा ए॒ते सु॑व॒र्गं-लोँ॒कम॒भ्यारो॑हन्ति॒ ये परा॑चस्त्र्य॒हानु॑प॒यन्ति॑ प्र॒त्य-न्त्र्य॒हो भ॑वति प्र॒त्यव॑रूढ्या॒ अथो॒ प्रति॑ष्ठित्या उ॒भयो᳚र्लो॒कयोर्॑. ऋ॒द्ध्वो-त्ति॑ष्ठन्ति॒ द्वात्रिग्ं॑शदे॒तास्तासां॒-याँ स्त्रि॒ग्ं॒श-त्त्रि॒ग्ं॒शद॑क्षरा वि॒राडन्नं॑-विँ॒रा-ड्वि॒राजै॒वा-ऽन्नाद्य॒मव॑ रुन्धते॒ ये द्वे अ॑होरा॒त्रे ए॒व ते उ॒भाभ्याग्ं॑ रू॒पाभ्याग्ं॑ सुव॒र्गं-लोँ॒कं-यँ॑न्त्यतिरा॒त्राव॒भितो॑ भवतः॒ परि॑गृहीत्यै ॥ 17 ॥

(ग॒च्छ॒न्ति॒ - य॒न्ति॒ - त्रि॒ग्ं॒शद॑क्षरा॒ - द्वाविग्ं॑शतिश्च) (अ. 4)

द्वे वाव दे॑वस॒त्रे द्वा॑दशा॒हश्चै॒व त्र॑यस्त्रिग्ंशद॒हश्च॒ य ए॒वं-विँ॒द्वाग्ंस॑स्त्रयस्त्रिग्ंशद॒हमास॑ते सा॒क्षादे॒व दे॒वता॑ अ॒भ्यारो॑हन्ति॒ यथा॒ खलु॒ वै श्रेया॑न॒भ्यारू॑ढः का॒मय॑ते॒ तथा॑ करोति॒ यद्य॑व॒विद्ध्य॑ति॒ पापी॑या-न्भवति॒ यदि॒ नाव॒विद्ध्य॑ति स॒दृं-यँ ए॒वं-विँ॒द्वाग्ंस॑स्त्रयस्त्रिग्ं- शद॒हमास॑ते॒ वि पा॒प्मना॒ भ्रातृ॑व्ये॒णा-ऽऽ व॑र्तन्ते ऽह॒र्भाजो॒ वा ए॒ता दे॒वा अग्र॒ आ-ऽह॑र॒- [आ-ऽह॑रन्न्, अह॒रेको ऽभ॑ज॒ता-] 18

-न्नह॒रेको ऽभ॑ज॒ता-ह॒रेक॒स्ताभि॒र्वैते प्र॒बाहु॑गार्ध्नुव॒न्॒. य ए॒वं-विँ॒द्वाग्ंस॑स्त्रयस्त्रिग्ंशद॒हमास॑ते॒ सर्व॑ ए॒व प्र॒बाहु॑गृद्ध्नुवन्ति॒ सर्वे॒ ग्राम॑णीय॒-म्प्राप्नु॑वन्ति पञ्चा॒हा भ॑वन्ति॒ पञ्च॒ वा ऋ॒तवः॑ संवँथ्स॒र ऋ॒तुष्वे॒व सं॑वँथ्स॒रे प्रति॑ तिष्ठ॒न्त्यथो॒ पञ्चा᳚क्षरा प॒ङ्क्तिः पाङ्क्तो॑ य॒ज्ञो य॒ज्ञमे॒वाव॑ रुन्धते॒ त्रीण्या᳚श्वि॒नानि॑ भवन्ति॒ त्रय॑ इ॒मे लो॒का ए॒- [इ॒मे लो॒का ए॒षु, ए॒व लो॒केषु॒ प्रति॑] 19

-ष्वे॑व लो॒केषु॒ प्रति॑ तिष्ठ॒न्त्यथो॒ त्रीणि॒ वै य॒ज्ञस्ये᳚न्द्रि॒याणि॒ तान्ये॒वाव॑ रुन्धते विश्व॒जि-द्भ॑वत्य॒न्नाद्य॒स्या व॑रुद्ध्यै॒ सर्व॑पृष्ठो भवति॒ सर्व॑स्या॒भिजि॑त्यै॒ वाग्वै द्वा॑दशा॒हो य-त्पु॒रस्ता᳚-द्द्वादशा॒ह-मु॑पे॒युरना᳚प्तां॒-वाँच॒-मुपे॑यु-रुप॒दासु॑कैषां॒-वाँ-ख्स्या॑-दु॒परि॑ष्टा-द्द्वादशा॒हमुप॑ यन्त्या॒प्तामे॒व वाच॒मुप॑ यन्ति॒ तस्मा॑-दु॒परि॑ष्टा-द्वा॒चा व॑दामो ऽवान्त॒रं- [व॑दामो ऽवान्त॒रम्, वै द॑शरा॒त्रेण॑] 20

-ँवै द॑शरा॒त्रेण॑ प्र॒जाप॑तिः प्र॒जा अ॑सृजत॒ य-द्द॑शरा॒त्रो भव॑ति प्र॒जा ए॒व त-द्यज॑माना-स्सृजन्त ए॒ताग्ं ह॒ वा उ॑द॒ङ्क-श्शौ᳚ल्बाय॒न-स्स॒त्रस्यर्धि॑मुवाच॒ य-द्द॑शरा॒त्रो य-द्द॑शरा॒त्रो भव॑ति स॒त्रस्यर्ध्या॒ अथो॒ यदे॒व पूर्वे॒ष्वह॑स्सु॒ विलो॑म क्रि॒यते॒ तस्यै॒वैषा शान्ति॑द्र्व्यनी॒का वा ए॒ता रात्र॑यो॒ यज॑माना विश्व॒जि-थ्स॒हाति॑रा॒त्रेण॒ पूर्वा॒-ष्षोड॑श स॒हा ति॑रा॒त्रेणोत्त॑रा॒-ष्षोड॑श॒ य ए॒वं-विँ॒द्वाग्ंस॑स्त्रयस्त्रिग्ंशद॒हमास॑त॒ ऐषा᳚-न्द्व्यनी॒का प्र॒जा जा॑यते ऽतिरा॒त्राव॒भितो॑ भवतः॒ परि॑गृहीत्यै ॥ 21 ॥

(अ॒ह॒र॒- न्ने॒ष्व॑ - वान्त॒रग्ं - षोड॑श स॒ह - स॒प्तद॑श च) (अ. 5)

आ॒दि॒त्या अ॑कामयन्त सुव॒र्गं-लोँ॒कमि॑या॒मेति॒ ते सु॑व॒र्गं-लोँ॒क-न्न प्राजा॑न॒न्न सु॑व॒र्गं-लोँ॒कमा॑य॒-न्त ए॒तग्ं ष॑ट्त्रिग्ंशद्रा॒त्र-म॑पश्य॒-न्तमा-ऽह॑र॒-न्तेना॑यजन्त॒ ततो॒ वै ते सु॑व॒र्गं-लोँ॒क-म्प्राजा॑नन्-थ्सुव॒र्गं-लोँ॒कमा॑य॒न्॒. य ए॒वं-विँ॒द्वाग्ंसः॑ षट्त्रिग्ंश-द्रा॒त्रमास॑ते सुव॒र्गमे॒व लोक-म्प्र जा॑नन्ति सुव॒र्गं-लोँ॒कं-यँ॑न्ति॒ ज्योति॑-रतिरा॒त्रो [ज्योति॑-रतिरा॒त्रः, भ॒व॒ति॒ ज्योति॑रे॒व] 22

भ॑वति॒ ज्योति॑रे॒व पु॒रस्ता᳚-द्दधते सुव॒र्गस्य॑ लो॒कस्यानु॑ख्यात्यै षड॒हा भ॑वन्ति॒ ष-ड्वा ऋ॒तव॑ ऋ॒तुष्वे॒व प्रति॑ तिष्ठन्ति च॒त्वारो॑ भवन्ति॒ चत॑स्रो॒ दिशो॑ दि॒क्ष्वे॑व प्रति॑ तिष्ठ॒न्त्यस॑त्रं॒-वाँ ए॒त-द्यद॑छन्दो॒मं-यँच्छ॑न्दो॒मा भव॑न्ति॒ तेन॑ स॒त्र-न्दे॒वता॑ ए॒व पृ॒ष्ठैरव॑ रुन्धते प॒शूञ्छ॑न्दो॒मैरोजो॒ वै वी॒र्य॑-म्पृ॒ष्ठानि॑ प॒शवः॑ छन्दो॒मा ओज॑स्ये॒व [ ] 23

वी॒र्ये॑ प॒शुषु॒ प्रति॑ तिष्ठन्ति षट्-त्रिग्ंश-द्रा॒त्रो भ॑वति॒ षट्त्रिग्ं॑शदक्षरा बृह॒ती बार्ह॑ताः प॒शवो॑ बृह॒त्यैव प॒शूनव॑ रुन्धते बृह॒ती छन्द॑सा॒ग्॒ स्वारा᳚ज्यमाश्ञुता-श्ञु॒वते॒ स्वारा᳚ज्यं॒-यँ ए॒वं-विँ॒द्वाग्ंसः॑ षट्त्रिग्ंश-द्रा॒त्रमास॑ते सुव॒र्गमे॒व लो॒कं-यँ॑न्त्यतिरा॒त्राव॒भितो॑ भवत-स्सुव॒र्गस्य॑ लो॒कस्य॒ परि॑गृहीत्यै ॥ 24 ॥

(अ॒ति॒रा॒त्र - ओज॑स्ये॒व - षट्त्रिग्ं॑शच्च) (अ. 6)

वसि॑ष्ठो ह॒तपु॑त्रो-ऽकामयत वि॒न्देय॑ प्र॒जाम॒भि सा॑दा॒सा-न्भ॑वेय॒मिति॒ स ए॒तमे॑कस्मा-न्नपञ्चा॒श-म॑पश्य॒-त्तमा-ऽह॑र॒-त्तेना॑यजत॒ ततो॒ वै सो-ऽवि॑न्दत प्र॒जाम॒भि सौ॑दा॒सान॑भव॒द्य ए॒वं-विँ॒द्वाग्ंस॑ एकस्मा-न्नपञ्चा॒शमास॑ते वि॒न्दन्ते᳚ प्र॒जाम॒भि भ्रातृ॑व्या-न्भवन्ति॒ त्रय॑स्त्रि॒वृतो᳚-ऽग्निष्टो॒मा भ॑वन्ति॒ वज्र॑स्यै॒व मुख॒ग्ं॒ सग्ग् श्य॑न्ति॒ दश॑ पञ्चद॒शा भ॑वन्ति पञ्चद॒शो वज्रो॒ [वज्रः॑, वज्र॑मे॒व] 25

वज्र॑मे॒व भ्रातृ॑व्येभ्यः॒ प्र ह॑रन्ति षोडशि॒म॑-द्दश॒ममह॑-र्भवति॒ वज्र॑ ए॒व वी॒र्य॑-न्दधति॒ द्वाद॑श सप्तद॒शा भ॑वन्त्य॒न्नाद्य॒स्या व॑रुद्ध्या॒ अथो॒ प्रैव तैर्जा॑यन्ते॒ पृष्ठ्यः॑ षड॒हो भ॑वति॒ षड्वा ऋ॒तव॒-ष्षट् पृ॒ष्ठानि॑ पृ॒ष्ठैरे॒वर्तून॒न्वारो॑हन्त्यृ॒तृभिः॑ संवँथ्स॒र-न्ते सं॑वँथ्स॒र ए॒व प्रति॑ तिष्ठन्ति॒ द्वाद॑शैकवि॒ग्ं॒शा भ॑वन्ति॒ प्रति॑ष्ठित्या॒ अथो॒ रुच॑मे॒वा-ऽऽत्म- [रुच॑मे॒वा-ऽऽत्मन्न्, द॒ध॒ते॒ ब॒हवः॑ षोड॒शिनो॑] 26

-न्द॑धते ब॒हवः॑ षोड॒शिनो॑ भवन्ति॒ विजि॑त्यै॒ षडा᳚श्वि॒नानि॑ भवन्ति॒ षड्वा ऋ॒तव॑ ऋ॒तुष्वे॒व प्रति॑ तिष्ठन्त्यूनातिरि॒क्ता वा ए॒ता रात्र॑य ऊ॒नास्त-द्यदेक॑स्यै॒ न प॑ञ्चा॒शद-ति॑रिक्ता॒स्त-द्य-द्भूय॑सी-र॒ष्टाच॑त्वारिग्ंशत ऊ॒नाच्च॒ खलु॒ वा अति॑रिक्ताच्च प्र॒जाप॑तिः॒ प्राजा॑यत॒ ये प्र॒जाका॑माः प॒शुका॑मा॒-स्स्युस्त ए॒ता आ॑सीर॒-न्प्रैव जा॑यन्ते प्र॒जया॑ प॒शुभि॑र्वैरा॒जो वा ए॒ष य॒ज्ञो यदे॑कस्मा-न्नपञ्चा॒शो य ए॒वं-विँ॒द्वाग्ंस॑ एकस्मा-न्नपञ्चा॒शमास॑ते वि॒राज॑मे॒व ग॑च्छन्त्यन्ना॒दा भ॑वन्त्यति-रा॒त्राव॒भितो॑ भवतो॒-ऽन्नाद्य॑स्य॒ परि॑गृहीत्यै ॥ 27 ॥

(वज्र॑ - आ॒त्मन् - प्र॒जया॒ - द्वाविग्ं॑शतिश्च) (अ. 7)

सं॒वँ॒थ्स॒राय॑ दीक्षि॒ष्यमा॑णा एकाष्ट॒काया᳚-न्दीक्षेरन्ने॒षा वै सं॑वँथ्स॒रस्य॒ पत्नी॒ यदे॑काष्ट॒कैतस्यां॒-वाँ ए॒ष ए॒ताग्ं रात्रिं॑-वँसति सा॒क्षादे॒व सं॑वँथ्स॒रमा॒रभ्य॑ दीक्षन्त॒ आर्तं॒-वाँ ए॒ते सं॑वँथ्स॒रस्या॒भि दी᳚क्षन्ते॒ य ए॑काष्ट॒काया॒-न्दीक्ष॒न्ते ऽन्त॑नामानावृ॒तू भ॑वतो॒ व्य॑स्तं॒-वाँ ए॒ते सं॑वँथ्स॒रस्या॒-ऽभि दी᳚क्षन्ते॒ य ए॑काष्ट॒काया॒-न्दीक्ष॒न्ते-ऽन्त॑नामानावृ॒तू भ॑वतः फल्गुनी पूर्णमा॒से दी᳚क्षेर॒-न्मुखं॒-वाँ ए॒त- [ए॒तत्, सं॒वँ॒थ्स॒रस्य॒ य-त्फ॑ल्गुनी-] 28

-थ्सं॑वँथ्स॒रस्य॒ य-त्फ॑ल्गुनी-पूर्णमा॒सो मु॑ख॒त ए॒व सं॑वँथ्स॒रमा॒रभ्य॑ दीक्षन्ते॒ तस्यैकै॒व नि॒र्या य-थ्साम्मे᳚घ्ये विषू॒वान्-थ्स॒पन्द्य॑ते चित्रापूर्णमा॒से दी᳚क्षेर॒-न्मुखं॒-वाँ ए॒त-थ्सं॑वँथ्स॒रस्य॒ यच्चि॑त्रापूर्णमा॒सो मु॑ख॒त ए॒व सं॑वँथ्स॒रमा॒रभ्य॑ दीक्षन्ते॒ तस्य॒ न का च॒न नि॒र्या भ॑वति चतुर॒हे पु॒रस्ता᳚-त्पौर्णमा॒स्यै दी᳚क्षेर॒-न्तेषा॑मेकाष्ट॒काया᳚-ङ्क्र॒य-स्स-म्प॑द्यते॒ तेनै॑काष्ट॒का-न्न छ॒म्ब-ट्कु॑र्वन्ति॒ तेषा᳚- [तेषा᳚म्, पू॒र्व॒प॒क्षे सु॒त्या] 29

-म्पूर्वप॒क्षे सु॒त्या स-म्प॑द्यते पूर्वप॒क्ष-म्मासा॑ अ॒भि स-म्प॑द्यन्ते॒ ते पू᳚र्वप॒क्ष उ-त्ति॑ष्ठन्ति॒ तानु॒त्तिष्ठ॑त॒ ओष॑धयो॒ वन॒स्पत॒यो-ऽनू-त्ति॑ष्ठन्ति॒ तान् क॑ल्या॒णी की॒र्तिरनू-त्ति॑ष्ठ॒त्यरा᳚-थ्सुरि॒मे यज॑माना॒ इति॒ तदनु॒ सर्वे॑ राद्ध्नुवन्ति ॥ 30 ॥

(ए॒त - च्छ॒बण्ट्कु॑र्वन्ति॒ तेषां॒ - चतु॑स्त्रिग्ंशच्च) (अ. 8)

सु॒व॒र्गं-वाँ ए॒ते लो॒कं-यँ॑न्ति॒ ये स॒त्रमु॑प॒यन्त्य॒भीन्ध॑त ए॒व दी॒क्षाभि॑रा॒त्मानग्ग्॑ श्रपयन्त उप॒सद्भि॒-र्द्वाभ्यां॒-लोँमाव॑ द्यन्ति॒ द्वाभ्या॒-न्त्वच॒-न्द्वाभ्या॒मसृ॒-द्द्वाभ्या᳚-म्मा॒ग्ं॒स-न्द्वाभ्या॒मस्थि॒ द्वाभ्या᳚-म्म॒ज्जान॑मा॒त्मद॑क्षिणं॒-वैँ स॒त्रमा॒त्मान॑मे॒व दक्षि॑णा-न्नी॒त्वा सु॑व॒र्गं-लोँ॒कं-यँ॑न्ति॒ शिखा॒मनु॒ प्र व॑पन्त॒ ऋद्ध्या॒ अथो॒ रघी॑याग्ंस-स्सुव॒र्गं-लोँ॒कम॑या॒मेति॑ ॥ 31 ॥

(सु॒व॒र्गं - प॑ञ्चा॒शत्) (अ. 9)

ब्र॒ह्म॒वा॒दिनो॑ वदन्त्यतिरा॒त्रः प॑र॒मो य॑ज्ञक्रतू॒ना-ङ्कस्मा॒-त्त-म्प्र॑थ॒ममुप॑ य॒न्तीत्ये॒तद्वा अ॑ग्निष्टो॒म-म्प्र॑थ॒ममुप॑ य॒न्त्यथो॒क्थ्य॑मथ॑ षोड॒शिन॒-मथा॑तिरा॒त्र-म॑नुपू॒र्वमे॒वैत-द्य॑ज्ञक्र॒तूनु॒पेत्य॒ ताना॒लभ्य॑ परि॒गृह्य॒ सोम॑मे॒वैत-त्पिब॑न्त आसते॒ ज्योति॑ष्टोम-म्प्रथ॒ममुप॑ यन्ति॒ ज्योति॑ष्टोमो॒ वै स्तोमा॑ना॒-म्मुख॑-म्मुख॒त ए॒व स्तोमा॒-न्प्र यु॑ञ्जते॒ ते [ ] 32

सग्ग्स्तु॑ता वि॒राज॑म॒भि स-म्प॑द्यन्ते॒ द्वे चर्चा॒वति॑ रिच्येते॒ एक॑या॒ गौरति॑रिक्त॒ एक॒या-ऽऽयु॑रू॒न-स्सु॑व॒र्गो वै लो॒को ज्योति॒रूर्ग्-वि॒राट्-थ्सु॑व॒र्गमे॒व तेन॑ लो॒कं-यँ॑न्ति रथन्त॒र-न्दिवा॒ भव॑ति रथन्त॒र-न्नक्त॒मित्या॑हु-र्ब्रह्मवा॒दिनः॒ केन॒ तदजा॒मीति॑ सौभ॒र-न्तृ॑तीयसव॒ने ब्र॑ह्मसा॒म-म्बृ॒ह-त्तन्म॑द्ध्य॒तो द॑धति॒ विधृ॑त्यै॒ तेनाजा॑मि ॥ 33 ॥

(त - एका॒न्नप॑ञ्चा॒शच्च॑) (अ. 10)

ज्योति॑ष्टोम-म्प्रथ॒ममुप॑ यन्त्य॒स्मिन्ने॒व तेन॑ लो॒के प्रति॑ तिष्ठन्ति॒ गोष्टो॑म-न्द्वि॒तीय॒मुप॑ यन्त्य॒न्तरि॑क्ष ए॒व तेन॒ प्रति॑ तिष्ठ॒न्त्यायु॑ष्टोम-न्तृ॒तीय॒मुप॑ यन्त्य॒मुष्मि॑न्ने॒व तेन॑ लो॒के प्रति॑ तिष्ठन्ती॒यं-वाँव ज्योति॑र॒न्तरि॑क्ष॒-ङ्गौर॒सावायु॒-र्यदे॒तान्-थ्स्तोमा॑-नुप॒यन्त्ये॒ष्वे॑व तल्लो॒केषु॑ स॒त्रिणः॑ प्रति॒ तिष्ठ॑न्तो यन्ति॒ ते सग्ग्स्तु॑ता वि॒राज॑- [वि॒राज᳚म्, अ॒भि सम्प॑द्यन्ते॒ द्वे] 34

-म॒भि सम्प॑द्यन्ते॒ द्वे चर्चा॒वति॑ रिच्येते॒ एक॑या॒ गौरति॑रिक्त॒ एक॒या-ऽऽयु॑रू॒न-स्सु॑व॒र्गो वै लो॒को ज्योति॒रूर्ग्-वि॒राडूर्ज॑-मे॒वाव॑ रुन्धते॒ ते न क्षु॒धा ऽऽर्ति॒मार्च्छ॒न्त्यक्षो॑धुका भवन्ति॒ क्षु-थ्स॑बान्धा इव॒ हि स॒त्रिणो᳚ ऽग्निष्टो॒माव॒भितः॑ प्र॒धी तावु॒क्थ्या॑ मद्ध्ये॒ नभ्य॒-न्त-त्तदे॒त-त्प॑रि॒य-द्दे॑वच॒क्रं-यँदे॒तेन॑ [-ँयदे॒तेन॑, ष॒ड॒हेन॒ यन्ति॑] 35

षड॒हेन॒ यन्ति॑ देवच॒क्रमे॒व स॒मारो॑ह॒न्त्यरि॑ष्ट्यै॒ ते स्व॒स्ति सम॑श्ञुवते षड॒हेन॑ यन्ति॒ षड्वा ऋ॒तव॑ ऋ॒तुष्वे॒व प्रति॑ तिष्ठन्त्युभ॒यतो᳚ ज्योतिषा यन्त्युभ॒यत॑ ए॒व सु॑व॒र्गे लो॒के प्र॑ति॒तिष्ठ॑न्तो यन्ति॒ द्वौ ष॑ड॒हौ भ॑वत॒स्तानि॒ द्वाद॒शाहा॑नि॒ स-म्प॑द्यन्ते द्वाद॒शो वै पुरु॑षो॒ द्वे स॒क्थ्यौ᳚ द्वौ बा॒हू आ॒त्मा च॒ शिर॑श्च च॒त्वार्यङ्गा॑नि॒ स्तनौ᳚ द्वाद॒शौ [ ] 36

त-त्पुरु॑ष॒मनु॑ प॒र्याव॑र्तन्ते॒ त्रयः॑ षड॒हा भ॑वन्ति॒ तान्य॒ष्टाद॒शाहा॑नि॒ स-म्प॑द्यन्ते॒ नवा॒न्यानि॒ नवा॒न्यानि॒ नव॒ वै पुरु॑षे प्रा॒णास्त-त्प्रा॒णाननु॑ प॒र्याव॑र्तन्ते च॒त्वारः॑ षड॒हा भ॑वन्ति॒ तानि॒ चतु॑र्विग्ंशति॒रहा॑नि॒ स-म्प॑द्यन्ते॒ चतु॑र्विग्ंशतिरर्धमा॒सा-स्सं॑वँथ्स॒रस्त-थ्सं॑वँथ्स॒रमनु॑ प॒र्याव॑र्त॒न्ते ऽप्र॑तिष्ठित-स्संवँथ्स॒र इति॒ खलु॒ वा आ॑हु॒र्वर्षी॑या-न्प्रति॒ष्ठाया॒ इत्ये॒ताव॒द्वै सं॑वँथ्स॒रस्य॒ ब्राह्म॑णं॒-याँव॑न्मा॒सो मा॒सिमा᳚स्ये॒व प्र॑ति॒तिष्ठ॑न्तो यन्ति ॥ 37 ॥

(वि॒राज॑ - मे॒तेन॑ - द्वाद॒शा - वे॒ताव॒द्वा - अ॒ष्टौ च॑) (अ. 11)

मे॒षस्त्वा॑ पच॒तैर॑वतु॒ लोहि॑तग्रीव॒-श्छागै᳚-श्शल्म॒लिर्वृद्ध्या॑ प॒र्णो ब्रह्म॑णा प्ल॒क्षो मेधे॑न न्य॒ग्रोध॑श्चम॒सैरु॑दु॒बंर॑ ऊ॒र्जा गा॑य॒त्री छन्दो॑भिस्त्रि॒वृ-थ्स्तोमै॒रव॑न्ती॒-स्स्थाव॑न्तीस्त्वा-ऽवन्तु प्रि॒य-न्त्वा᳚ प्रि॒याणां॒-वँर्षि॑ष्ठ॒माप्या॑ना-न्निधी॒ना-न्त्वा॑ निधि॒पतिग्ं॑ हवामहे वसो मम ॥ 38 ॥

(मे॒षः - ष-ट्त्रिग्ं॑शत्) (अ. 12)

कूप्या᳚भ्य॒-स्स्वाहा॒ कूल्या᳚भ्य॒-स्स्वाहा॑ विक॒र्या᳚भ्य॒-स्स्वाहा॑ ऽव॒ट्या᳚भ्य॒-स्स्वाहा॒ खन्या᳚भ्य॒-स्स्वाहा॒ ह्रद्या᳚भ्य॒-स्स्वाहा॒ सूद्या᳚भ्य॒-स्स्वाहा॑ सर॒स्या᳚भ्य॒-स्स्वाहा॑ वैश॒न्तीभ्य॒-स्स्वाहा॑ पल्व॒ल्या᳚भ्य॒-स्स्वाहा॒ वर्ष्या᳚भ्य॒-स्स्वाहा॑ ऽव॒र्ष्याभ्य॒-स्स्वाहा᳚ ह्रा॒दुनी᳚भ्य॒-स्स्वाहा॒ पृष्वा᳚भ्य॒-स्स्वाहा॒ स्यन्द॑मानाभ्य॒-स्स्वाहा᳚ स्थाव॒राभ्य॒-स्स्वाहा॑ नादे॒यीभ्य॒-स्स्वाहा॑ सैन्ध॒वीभ्य॒-स्स्वाहा॑ समु॒द्रिया᳚भ्य॒-स्स्वाहा॒ सर्वा᳚भ्य॒-स्स्वाहा᳚ ॥ 39 ॥

(कूप्या᳚भ्य - श्चत्वारि॒ग्ं॒शत्) (अ. 13)

अ॒द्भ्य-स्स्वाहा॒ वह॑न्तीभ्य॒-स्स्वाहा॑ परि॒वह॑न्तीभ्य॒-स्स्वाहा॑ सम॒न्तं-वँह॑न्तीभ्य॒-स्स्वाहा॒ शीघ्रं॒-वँह॑न्तीभ्य॒-स्स्वाहा॒ शीभं॒-वँह॑न्तीभ्य॒-स्स्वाहो॒ग्रं-वँह॑न्तीभ्य॒-स्स्वाहा॑ भी॒मं-वँह॑न्तीभ्य॒-स्स्वाहा-ऽम्भो᳚भ्य॒-स्स्वाहा॒ नभो᳚भ्य॒-स्स्वाहा॒ महो᳚भ्य॒-स्स्वाहा॒ सर्व॑स्मै॒ स्वाहा᳚ ॥ 40 ॥

(अ॒द्भ्य - एका॒न्नत्रि॒ग्ं॒शत्) (अ. 14)

यो अर्व॑न्त॒-ञ्जिघाग्ं॑सति॒ तम॒भ्य॑मीति॒ वरु॑णः ॥ प॒रो मर्तः॑ प॒र-श्श्वा ॥ अ॒ह-ञ्च॒ त्व-ञ्च॑ वृत्रह॒न्थ्स-म्ब॑भूव स॒निभ्य॒ आ । अ॒रा॒ती॒वा चि॑दद्रि॒वो-ऽनु॑ नौ शूर मग्ंसतै भ॒द्रा इन्द्र॑स्य रा॒तयः॑ ॥ अ॒भि क्रत्वे᳚न्द्र भू॒रध॒ ज्मन्न ते॑ विव्यम्महि॒मान॒ग्ं॒ रजाग्ं॑सि । स्वेना॒ हि वृ॒त्रग्ं शव॑सा ज॒घन्थ॒ न शत्रु॒रन्तं॑-विँविद-द्यु॒धा ते᳚ ॥ 41 ॥

(वि॒वि॒द॒-द्- द्वे च॑) (अ. 15)

नमो॒ राज्ञे॒ नमो॒ वरु॑णाय॒ नमो-ऽश्वा॑य॒ नमः॑ प्र॒जाप॑तये॒ नमो-ऽधि॑पत॒ये ऽधि॑पतिर॒स्यधि॑पति-म्मा कु॒र्वधि॑पतिर॒ह-म्प्र॒जाना᳚-म्भूयास॒-म्मा-न्धे॑हि॒ मयि॑ धेह्यु॒पाकृ॑ताय॒ स्वाहा ऽऽल॑ब्धाय॒ स्वाहा॑ हु॒ताय॒ स्वाहा᳚ ॥ 42 ॥

(नम॒ - एका॒न्न त्रि॒ग्ं॒शत्) (अ. 16)

म॒यो॒भूर्वातो॑ अ॒भि वा॑तू॒स्रा ऊर्ज॑स्वती॒रोष॑धी॒रा रि॑शन्ताम् । पीव॑स्वतीर्जी॒वध॑न्याः पिबन्त्वव॒साय॑ प॒द्वते॑ रुद्र मृड ॥ या-स्सरू॑पा॒ विरू॑पा॒ एक॑रूपा॒ यासा॑म॒ग्निरिष्ट्या॒ नामा॑नि॒ वेद॑ । या अङ्गि॑रस॒स्तप॑से॒ह च॒क्रुस्ताभ्यः॑ पर्जन्य॒ महि॒ शर्म॑ यच्छ ॥ या दे॒वेषु॑ त॒नुव॒मैर॑यन्त॒ यासा॒ग्ं॒ सोमो॒ विश्वा॑ रू॒पाणि॒ वेद॑ । ता अ॒स्मभ्य॒-म्पय॑सा॒ पिन्व॑मानाः प्र॒जाव॑तीरिन्द्र [ ] 43

गो॒ष्ठे रि॑रीहि ॥ प्र॒जाप॑ति॒र्मह्य॑मे॒ता ररा॑णो॒ विश्वै᳚र्दे॒वैः पि॒तृभिः॑ संविँदा॒नः । शि॒वा-स्स॒तीरुप॑ नो गो॒ष्ठमा-ऽक॒स्तासां᳚-वँ॒य-म्प्र॒जया॒ सग्ं स॑देम ॥ इ॒ह धृति॒-स्स्वाहे॒ह विधृ॑ति॒-स्स्वाहे॒ह रन्ति॒-स्स्वाहे॒ह रम॑ति॒-स्स्वाहा॑ म॒हीमू॒ षु1 सु॒त्रामा॑णं2 ॥ 44 ॥

(इ॒न्द्रा॒ - ष्टात्रिग्ं॑शच्च) (अ. 17)

किग्ग् स्वि॑दासी-त्पू॒र्वचि॑त्तिः॒ किग्ग् स्वि॑दासी-द्बृ॒हद्वयः॑ । किग्ग् स्वि॑दासी-त्पिशङ्गि॒ला किग्ग् स्वि॑दासी-त्पिलिप्पि॒ला ॥ द्यौरा॑सी-त्पू॒र्वचि॑त्ति॒रश्व॑ आसी-द्बृ॒हद्वयः॑ । रात्रि॑रासी-त्पिशङ्गि॒ला ऽवि॑रासी-त्पिलिप्पि॒ला ॥ क-स्स्वि॑देका॒की च॑रति॒ क उ॑ स्विज्जायते॒ पुनः॑ । किग्ग् स्वि॑द्धि॒मस्य॑ भेष॒ज-ङ्किग्ग् स्वि॑दा॒वप॑न-म्म॒हत् ॥ सूर्य॑ एका॒की च॑रति [ ] 45

च॒न्द्रमा॑ जायते॒ पुनः॑ । अ॒ग्निर्-हि॒मस्य॑ भेष॒ज-म्भूमि॑रा॒वप॑न-म्म॒हत् ॥ पृ॒च्छामि॑ त्वा॒ पर॒मन्त॑-म्पृथि॒व्याः पृ॒च्छामि॑ त्वा॒ भुव॑नस्य॒ नाभि᳚म् । पृ॒च्छामि॑ त्वा॒ वृष्णो॒ अश्व॑स्य॒ रेतः॑ पृ॒च्छामि॑ वा॒चः प॑र॒मं-व्योँ॑म ॥ वेदि॑माहुः॒ पर॒मन्त॑-म्पृथि॒व्या य॒ज्ञमा॑हु॒ र्भुव॑नस्य॒ नाभि᳚म् । सोम॑माहु॒र्वृष्णो॒ अश्व॑स्य॒ रेतो॒ ब्रह्मै॒व वा॒चः प॑र॒मं-व्योँ॑म ॥ 46 ॥

(सूर्य॑ एका॒की च॑रति॒ - षट्च॑त्वारिग्ंशच्च) (अ. 18)

अबें॒ अबां॒ल्यम्बि॑के॒ न मा॑ नयति॒ कश्च॒न । स॒सस्त्य॑श्व॒कः ॥ सुभ॑गे॒ काम्पी॑लवासिनि सुव॒र्गे लो॒के स-म्प्रोर्ण्वा॑थाम् । आ-ऽहम॑जानि गर्भ॒धमा त्वम॑जासि गर्भ॒धम् ॥ तौ स॒ह च॒तुरः॑ प॒द-स्स-म्प्र सा॑रयावहै ॥ वृषा॑ वाग्ं रेतो॒धा रेतो॑ दधा॒तू-थ्स॒क्थ्यो᳚र्गृ॒द-न्धे᳚ह्य॒ञ्जिमुद॑ञ्जि॒मन्व॑ज । य-स्स्त्री॒णा-ञ्जी॑व॒भोज॑नो॒ य आ॑सा- [य आ॑साम्, बि॒ल॒धाव॑नः ।] 47

-म्बिल॒धाव॑नः । प्रि॒य-स्स्त्री॒णाम॑पी॒च्यः॑ ॥ य आ॑सा-ङ्कृ॒ष्णे लक्ष्म॑णि॒ सर्दि॑गृदि-म्प॒राव॑धीत् ॥ अबें॒ अबां॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥ ऊ॒र्ध्वा-मे॑ना॒मुच्छ्र॑यता-द्वेणुभा॒र-ङ्गि॒रावि॑व । अथा᳚स्या॒ मद्ध्य॑मेधताग्ं शी॒ते वाते॑ पु॒नन्नि॑व ॥ अबें॒ अबां॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥ यद्ध॑रि॒णी यव॒मत्ति॒ न [ ] 48

पु॒ष्ट-म्प॒शु म॑न्यते । शू॒द्रा यदर्य॑जारा॒ न पोषा॑य धनायति ॥ अबें॒ अबां॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥ इ॒यं-यँ॒का श॑कुन्ति॒का ऽऽहल॒मिति॒ सर्प॑ति । आह॑त-ङ्ग॒भे पसो॒ नि ज॑ल्गुलीति॒ धाणि॑का ॥ अबें॒ अबां॒ल्यम्बि॑के॒ न मा॑ यभति॒ कश्च॒न । स॒सस्त्य॑श्व॒कः ॥ मा॒ता च॑ ते पि॒ता च॒ ते-ऽग्रं॑-वृँ॒क्षस्य॑ रोहतः । 49

प्र सु॑ला॒मीति॑ ते पि॒ता ग॒भे मु॒ष्टिम॑तग्ंसयत् ॥ द॒धि॒क्राव्.ण्णो॑ अकारिष-ञ्जि॒ष्णोरश्व॑स्य वा॒जिनः॑ । सुर॒भि नो॒ मुखा॑ कर॒-त्प्रण॒ आयूग्ं॑षि तारिषत् ॥ आपो॒ हि ष्ठा म॑यो॒भुव॒स्ता न॑ ऊ॒र्जे द॑धातन । म॒हेरणा॑य॒ चक्ष॑से ॥ यो वः॑ शि॒वत॑मो॒ रस॒स्तस्य॑ भाजयते॒ह नः॑ । उ॒श॒तीरि॑व मा॒तरः॑ ॥ तस्मा॒ अर॑-ङ्गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥ 50 ॥

(आ॒सा॒ - मत्ति॒ न - रो॑हतो॒ - जिन्व॑थ - च॒त्वारि॑ च) (अ. 19)

भूर्भुव॒-स्सुव॒र्वस॑वस्त्वा ऽञ्जन्तु गाय॒त्रेण॒ छन्द॑सा रु॒द्रास्त्वा᳚ ऽञ्जन्तु॒ त्रैष्टु॑भेन॒ छन्द॑सा, ऽऽदि॒त्यास्त्वा᳚-ऽञ्जन्तु॒ जाग॑तेन॒ छन्द॑सा॒ य-द्वातो॑ अ॒पो अग॑म॒दिन्द्र॑स्य त॒नुव॑-म्प्रि॒याम् । ए॒तग्ग् स्तो॑तरे॒तेन॑ प॒था पुन॒रश्व॒मा व॑र्तयासि नः ॥ लाजी(3)-ञ्छाची(3)न् यशो॑ म॒माँ(4) । य॒व्यायै॑ ग॒व्याया॑ ए॒त-द्दे॑वा॒ अन्न॑मत्तै॒तदन्न॑मद्धि प्रजापते ॥ यु॒ञ्जन्ति॑ ब्र॒द्ध्न-म॑रु॒ष-ञ्चर॑न्त॒-म्परि॑ त॒स्थुषः॑ । रोच॑न्ते रोच॒ना दि॒वि ॥ यु॒ञ्जन्त्य॑स्य॒ काम्या॒ हरी॒ विप॑क्षसा॒ रथे᳚ । शोणा॑ धृ॒ष्णू नृ॒वाह॑सा ॥ के॒तु-ङ्कृ॒ण्वन्न॑के॒तवे॒ पेशो॑ मर्या अपे॒शसे᳚ । समु॒षद्भि॑रजायथाः ॥ 51 ॥

(ब्र॒द्ध्नं - पञ्च॑विग्ंशतिश्च) (अ. 20)

प्रा॒णाय॒ स्वाहा᳚ व्या॒नाय॒ स्वाहा॑ ऽपा॒नाय॒ स्वाहा॒ स्नाव॑भ्य॒-स्स्वाहा॑ सन्ता॒नेभ्य॒-स्स्वाहा॒ परि॑सन्तानेभ्य॒-स्स्वाहा॒ पर्व॑भ्य॒-स्स्वाहा॑ स॒धान्ने᳚भ्य॒-स्स्वाहा॒ शरी॑रेभ्य॒-स्स्वाहा॑ य॒ज्ञाय॒ स्वाहा॒ दक्षि॑णाभ्य॒-स्स्वाहा॑ सुव॒र्गाय॒ स्वाहा॑ लो॒काय॒ स्वाहा॒ सर्व॑स्मै॒ स्वाहा᳚ ॥ 52 ॥

(प्रा॒णाया॒ - ष्टाविग्ं॑शतिः) (अ. 21)

सि॒ताय॒ स्वाहा ऽसि॑ताय॒ स्वाहा॒ ऽभिहि॑ताय॒ स्वाहा ऽन॑भिहिताय॒ स्वाहा॑ यु॒क्ताय॒ स्वाहा ऽयु॑क्ताय॒ स्वाहा॒ सुयु॑क्ताय॒ स्वाहो -द्यु॑क्ताय॒ स्वाहा॒ विमु॑क्ताय॒ स्वाहा॒ प्रमु॑क्ताय॒ स्वाहा॒ वञ्च॑ते॒ स्वाहा॑ परि॒वञ्च॑ते॒ स्वाहा॑ सं॒वँञ्च॑ते॒ स्वाहा॑ ऽनु॒वञ्च॑ते॒ स्वाहो॒--द्वञ्च॑ते॒ स्वाहा॑ य॒ते स्वाहा॒ धाव॑ते॒ स्वाहा॒ तिष्ठ॑ते॒ स्वाहा॒ सर्व॑स्मै॒ स्वाहा᳚ ॥ 53 ॥

(सि॒ताया॒ - ष्टात्रिग्ं॑शत्) (अ. 22)

(बृह॒स्पति॒-श्श्र--द्य॒था वा - ऋ॒क्षा वै - प्र॒जाप॑ति॒र्येन॑येन॒ - द्वे वाव दे॑वस॒त्रे - आ॑दि॒त्या अ॑कामयन्त सुव॒र्गं - ँवसि॑ष्ठः - संवँथ्स॒राय॑ -सुर्व॒र्गं-येँ स॒त्रं - ब्र॑ह्मवा॒दिनो॑-ऽतिरा॒त्रो - ज्योति॑ष्टोमं - मे॒षः - कूप्या᳚भ्यो॒ - ऽद्भ्यो - यो - नमो॑ - मयो॒भूः - किग्ग् स्वि॒द - म्बे॒ - भूः - प्रा॒णाय॑ - सि॒ताय॒ - द्वाविग्ं॑शतिः)

(बृह॒स्पतिः॒ - प्रति॑ तिष्ठन्ति॒ - वै द॑शरा॒त्रेण॑ - सुव॒र्गं - ँयो अर्व॑न्तं॒ - भू - स्त्रिप॑ञ्चा॒शत्)

(बृह॒स्पति॒, स्सर्व॑स्मै॒ स्वाहा᳚)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहितायां सप्तमकाण्डे चतुर्थः प्रश्न-स्समाप्तः ॥