କଲ୍ଯାଣଵୃଷ୍ଟିଭିରିଵାମୃତପୂରିତାଭି-
-ର୍ଲକ୍ଷ୍ମୀସ୍ଵଯଂଵରଣମଙ୍ଗଲଦୀପିକାଭିଃ ।
ସେଵାଭିରମ୍ବ ତଵ ପାଦସରୋଜମୂଲେ
ନାକାରି କିଂ ମନସି ଭାଗ୍ଯଵତାଂ ଜନାନାମ୍ ॥ 1 ॥
ଏତାଵଦେଵ ଜନନି ସ୍ପୃହଣୀଯମାସ୍ତେ
ତ୍ଵଦ୍ଵନ୍ଦନେଷୁ ସଲିଲସ୍ଥଗିତେ ଚ ନେତ୍ରେ ।
ସାନ୍ନିଧ୍ଯମୁଦ୍ଯଦରୁଣାଯୁତସୋଦରସ୍ଯ
ତ୍ଵଦ୍ଵିଗ୍ରହସ୍ଯ ପରଯା ସୁଧଯାପ୍ଲୁତସ୍ଯ ॥ 2 ॥
ଈଶତ୍ଵନାମକଲୁଷାଃ କତି ଵା ନ ସନ୍ତି
ବ୍ରହ୍ମାଦଯଃ ପ୍ରତିଭଵଂ ପ୍ରଲଯାଭିଭୂତାଃ ।
ଏକଃ ସ ଏଵ ଜନନି ସ୍ଥିରସିଦ୍ଧିରାସ୍ତେ
ଯଃ ପାଦଯୋସ୍ତଵ ସକୃତ୍ପ୍ରଣତିଂ କରୋତି ॥ 3 ॥
ଲବ୍ଧ୍ଵା ସକୃତ୍ତ୍ରିପୁରସୁନ୍ଦରି ତାଵକୀନଂ
କାରୁଣ୍ଯକନ୍ଦଲିତକାନ୍ତିଭରଂ କଟାକ୍ଷମ୍ ।
କନ୍ଦର୍ପକୋଟିସୁଭଗାସ୍ତ୍ଵଯି ଭକ୍ତିଭାଜଃ
ସମ୍ମୋହଯନ୍ତି ତରୁଣୀର୍ଭୁଵନତ୍ରଯେଽପି ॥ 4 ॥
ହ୍ରୀଂକାରମେଵ ତଵ ନାମ ଗୃଣନ୍ତି ଵେଦା
ମାତସ୍ତ୍ରିକୋଣନିଲଯେ ତ୍ରିପୁରେ ତ୍ରିନେତ୍ରେ ।
ତ୍ଵତ୍ସଂସ୍ମୃତୌ ଯମଭଟାଭିଭଵଂ ଵିହାଯ
ଦୀଵ୍ଯନ୍ତି ନନ୍ଦନଵନେ ସହ ଲୋକପାଲୈଃ ॥ 5 ॥
ହନ୍ତୁଃ ପୁରାମଧିଗଲଂ ପରିପୀଯମାନଃ
କ୍ରୂରଃ କଥଂ ନ ଭଵିତା ଗରଲସ୍ଯ ଵେଗଃ ।
ନାଶ୍ଵାସନାଯ ଯଦି ମାତରିଦଂ ତଵାର୍ଥଂ
ଦେହସ୍ଯ ଶଶ୍ଵଦମୃତାପ୍ଲୁତଶୀତଲସ୍ଯ ॥ 6 ॥
ସର୍ଵଜ୍ଞତାଂ ସଦସି ଵାକ୍ପଟୁତାଂ ପ୍ରସୂତେ
ଦେଵି ତ୍ଵଦଙ୍ଘ୍ରିସରସୀରୁହଯୋଃ ପ୍ରଣାମଃ ।
କିଂ ଚ ସ୍ଫୁରନ୍ମକୁଟମୁଜ୍ଜ୍ଵଲମାତପତ୍ରଂ
ଦ୍ଵେ ଚାମରେ ଚ ମହତୀଂ ଵସୁଧାଂ ଦଦାତି ॥ 7 ॥
କଲ୍ପଦ୍ରୁମୈରଭିମତପ୍ରତିପାଦନେଷୁ
କାରୁଣ୍ଯଵାରିଧିଭିରମ୍ବ ଭଵାତ୍କଟାକ୍ଷୈଃ ।
ଆଲୋକଯ ତ୍ରିପୁରସୁନ୍ଦରି ମାମନାଥଂ
ତ୍ଵଯ୍ଯେଵ ଭକ୍ତିଭରିତଂ ତ୍ଵଯି ବଦ୍ଧତୃଷ୍ଣମ୍ ॥ 8 ॥
ହନ୍ତେତରେଷ୍ଵପି ମନାଂସି ନିଧାଯ ଚାନ୍ଯେ
ଭକ୍ତିଂ ଵହନ୍ତି କିଲ ପାମରଦୈଵତେଷୁ ।
ତ୍ଵାମେଵ ଦେଵି ମନସା ସମନୁସ୍ମରାମି
ତ୍ଵାମେଵ ନୌମି ଶରଣଂ ଜନନି ତ୍ଵମେଵ ॥ 9 ॥
ଲକ୍ଷ୍ଯେଷୁ ସତ୍ସ୍ଵପି କଟାକ୍ଷନିରୀକ୍ଷଣାନା-
-ମାଲୋକଯ ତ୍ରିପୁରସୁନ୍ଦରି ମାଂ କଦାଚିତ୍ ।
ନୂନଂ ମଯା ତୁ ସଦୃଶଃ କରୁଣୈକପାତ୍ରଂ
ଜାତୋ ଜନିଷ୍ଯତି ଜନୋ ନ ଚ ଜାଯତେ ଵା ॥ 10 ॥
ହ୍ରୀଂ ହ୍ରୀମିତି ପ୍ରତିଦିନଂ ଜପତାଂ ତଵାଖ୍ଯାଂ
କିଂ ନାମ ଦୁର୍ଲଭମିହ ତ୍ରିପୁରାଧିଵାସେ ।
ମାଲାକିରୀଟମଦଵାରଣମାନନୀଯା
ତାନ୍ସେଵତେ ଵସୁମତୀ ସ୍ଵଯମେଵ ଲକ୍ଷ୍ମୀଃ ॥ 11 ॥
ସମ୍ପତ୍କରାଣି ସକଲେନ୍ଦ୍ରିଯନନ୍ଦନାନି
ସାମ୍ରାଜ୍ଯଦାନନିରତାନି ସରୋରୁହାକ୍ଷି ।
ତ୍ଵଦ୍ଵନ୍ଦନାନି ଦୁରିତାହରଣୋଦ୍ଯତାନି
ମାମେଵ ମାତରନିଶଂ କଲଯନ୍ତୁ ନାନ୍ଯମ୍ ॥ 12 ॥
କଲ୍ପୋପସଂହୃତିଷୁ କଲ୍ପିତତାଣ୍ଡଵସ୍ଯ
ଦେଵସ୍ଯ ଖଣ୍ଡପରଶୋଃ ପରଭୈରଵସ୍ଯ ।
ପାଶାଙ୍କୁଶୈକ୍ଷଵଶରାସନପୁଷ୍ପବାଣା
ସା ସାକ୍ଷିଣୀ ଵିଜଯତେ ତଵ ମୂର୍ତିରେକା ॥ 13 ॥
ଲଗ୍ନଂ ସଦା ଭଵତୁ ମାତରିଦଂ ତଵାର୍ଧଂ
ତେଜଃ ପରଂ ବହୁଲକୁଙ୍କୁମପଙ୍କଶୋଣମ୍ ।
ଭାସ୍ଵତ୍କିରୀଟମମୃତାଂଶୁକଲାଵତଂସଂ
ମଧ୍ଯେ ତ୍ରିକୋଣନିଲଯଂ ପରମାମୃତାର୍ଦ୍ରମ୍ ॥ 14 ॥
ହ୍ରୀଂକାରମେଵ ତଵ ନାମ ତଦେଵ ରୂପଂ
ତ୍ଵନ୍ନାମ ଦୁର୍ଲଭମିହ ତ୍ରିପୁରେ ଗୃଣନ୍ତି ।
ତ୍ଵତ୍ତେଜସା ପରିଣତଂ ଵିଯଦାଦିଭୂତଂ
ସୌଖ୍ଯଂ ତନୋତି ସରସୀରୁହସମ୍ଭଵାଦେଃ ॥ 15 ॥
ହ୍ରୀଂକାରତ୍ରଯସମ୍ପୁଟେନ ମହତା ମନ୍ତ୍ରେଣ ସନ୍ଦୀପିତଂ
ସ୍ତୋତ୍ରଂ ଯଃ ପ୍ରତିଵାସରଂ ତଵ ପୁରୋ ମାତର୍ଜପେନ୍ମନ୍ତ୍ରଵିତ୍ ।
ତସ୍ଯ କ୍ଷୋଣିଭୁଜୋ ଭଵନ୍ତି ଵଶଗା ଲକ୍ଷ୍ମୀଶ୍ଚିରସ୍ଥାଯିନୀ
ଵାଣୀ ନିର୍ମଲସୂକ୍ତିଭାରଭାରିତା ଜାଗର୍ତି ଦୀର୍ଘଂ ଵଯଃ ॥ 16 ॥
ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ କଲ୍ଯାଣଵୃଷ୍ଟି ସ୍ତଵଃ ।
Roman (IAST) Transliteration
kalyāṇavṛṣṭibhirivāmṛtapūritābhi-
-rlakṣmīsvayaṃvaraṇamaṅgaladīpikābhiḥ |
sevābhiramba tava pādasarojamūle
nākāri kiṃ manasi bhāgyavatāṃ janānām || 1 ||
etāvadeva janani spṛhaṇīyamāste
tvadvandaneṣu salilasthagite ca netre |
sānnidhyamudyadaruṇāyutasodarasya
tvadvigrahasya parayā sudhayāplutasya || 2 ||
īśatvanāmakaluṣāḥ kati vā na santi
brahmādayaḥ pratibhavaṃ pralayābhibhūtāḥ |
ekaḥ sa eva janani sthirasiddhirāste
yaḥ pādayostava sakṛtpraṇatiṃ karoti || 3 ||
labdhvā sakṛttripurasundari tāvakīnaṃ
kāruṇyakandalitakāntibharaṃ kaṭākṣam |
kandarpakoṭisubhagāstvayi bhaktibhājaḥ
sammohayanti taruṇīrbhuvanatraye'pi || 4 ||
hrīṃkārameva tava nāma gṛṇanti vedā
mātastrikoṇanilaye tripure trinetre |
tvatsaṃsmṛtau yamabhaṭābhibhavaṃ vihāya
dīvyanti nandanavane saha lokapālaiḥ || 5 ||
hantuḥ purāmadhigalaṃ paripīyamānaḥ
krūraḥ kathaṃ na bhavitā garalasya vegaḥ |
nāśvāsanāya yadi mātaridaṃ tavārthaṃ
dehasya śaśvadamṛtāplutaśītalasya || 6 ||
sarvajñatāṃ sadasi vākpaṭutāṃ prasūte
devi tvadaṅghrisarasīruhayoḥ praṇāmaḥ |
kiṃ ca sphuranmakuṭamujjvalamātapatraṃ
dve cāmare ca mahatīṃ vasudhāṃ dadāti || 7 ||
kalpadrumairabhimatapratipādaneṣu
kāruṇyavāridhibhiramba bhavātkaṭākṣaiḥ |
ālokaya tripurasundari māmanāthaṃ
tvayyeva bhaktibharitaṃ tvayi baddhatṛṣṇam || 8 ||
hantetareṣvapi manāṃsi nidhāya cānye
bhaktiṃ vahanti kila pāmaradaivateṣu |
tvāmeva devi manasā samanusmarāmi
tvāmeva naumi śaraṇaṃ janani tvameva || 9 ||
lakṣyeṣu satsvapi kaṭākṣanirīkṣaṇānā-
-mālokaya tripurasundari māṃ kadācit |
nūnaṃ mayā tu sadṛśaḥ karuṇaikapātraṃ
jāto janiṣyati jano na ca jāyate vā || 10 ||
hrīṃ hrīmiti pratidinaṃ japatāṃ tavākhyāṃ
kiṃ nāma durlabhamiha tripurādhivāse |
mālākirīṭamadavāraṇamānanīyā
tānsevate vasumatī svayameva lakṣmīḥ || 11 ||
sampatkarāṇi sakalendriyanandanāni
sāmrājyadānaniratāni saroruhākṣi |
tvadvandanāni duritāharaṇodyatāni
māmeva mātaraniśaṃ kalayantu nānyam || 12 ||
kalpopasaṃhṛtiṣu kalpitatāṇḍavasya
devasya khaṇḍaparaśoḥ parabhairavasya |
pāśāṅkuśaikṣavaśarāsanapuṣpabāṇā
sā sākṣiṇī vijayate tava mūrtirekā || 13 ||
lagnaṃ sadā bhavatu mātaridaṃ tavārdhaṃ
tejaḥ paraṃ bahulakuṅkumapaṅkaśoṇam |
bhāsvatkirīṭamamṛtāṃśukalāvataṃsaṃ
madhye trikoṇanilayaṃ paramāmṛtārdram || 14 ||
hrīṃkārameva tava nāma tadeva rūpaṃ
tvannāma durlabhamiha tripure gṛṇanti |
tvattejasā pariṇataṃ viyadādibhūtaṃ
saukhyaṃ tanoti sarasīruhasambhavādeḥ || 15 ||
hrīṃkāratrayasampuṭena mahatā mantreṇa sandīpitaṃ
stotraṃ yaḥ prativāsaraṃ tava puro mātarjapenmantravit |
tasya kṣoṇibhujo bhavanti vaśagā lakṣmīścirasthāyinī
vāṇī nirmalasūktibhārabhāritā jāgarti dīrghaṃ vayaḥ || 16 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau kalyāṇavṛṣṭi stavaḥ |
Sanskrit — Devanagari (original)
कल्याणवृष्टिभिरिवामृतपूरिताभि-
-र्लक्ष्मीस्वयंवरणमङ्गलदीपिकाभिः ।
सेवाभिरम्ब तव पादसरोजमूले
नाकारि किं मनसि भाग्यवतां जनानाम् ॥ 1 ॥
एतावदेव जननि स्पृहणीयमास्ते
त्वद्वन्दनेषु सलिलस्थगिते च नेत्रे ।
सान्निध्यमुद्यदरुणायुतसोदरस्य
त्वद्विग्रहस्य परया सुधयाप्लुतस्य ॥ 2 ॥
ईशत्वनामकलुषाः कति वा न सन्ति
ब्रह्मादयः प्रतिभवं प्रलयाभिभूताः ।
एकः स एव जननि स्थिरसिद्धिरास्ते
यः पादयोस्तव सकृत्प्रणतिं करोति ॥ 3 ॥
लब्ध्वा सकृत्त्रिपुरसुन्दरि तावकीनं
कारुण्यकन्दलितकान्तिभरं कटाक्षम् ।
कन्दर्पकोटिसुभगास्त्वयि भक्तिभाजः
सम्मोहयन्ति तरुणीर्भुवनत्रयेऽपि ॥ 4 ॥
ह्रींकारमेव तव नाम गृणन्ति वेदा
मातस्त्रिकोणनिलये त्रिपुरे त्रिनेत्रे ।
त्वत्संस्मृतौ यमभटाभिभवं विहाय
दीव्यन्ति नन्दनवने सह लोकपालैः ॥ 5 ॥
हन्तुः पुरामधिगलं परिपीयमानः
क्रूरः कथं न भविता गरलस्य वेगः ।
नाश्वासनाय यदि मातरिदं तवार्थं
देहस्य शश्वदमृताप्लुतशीतलस्य ॥ 6 ॥
सर्वज्ञतां सदसि वाक्पटुतां प्रसूते
देवि त्वदङ्घ्रिसरसीरुहयोः प्रणामः ।
किं च स्फुरन्मकुटमुज्ज्वलमातपत्रं
द्वे चामरे च महतीं वसुधां ददाति ॥ 7 ॥
कल्पद्रुमैरभिमतप्रतिपादनेषु
कारुण्यवारिधिभिरम्ब भवात्कटाक्षैः ।
आलोकय त्रिपुरसुन्दरि मामनाथं
त्वय्येव भक्तिभरितं त्वयि बद्धतृष्णम् ॥ 8 ॥
हन्तेतरेष्वपि मनांसि निधाय चान्ये
भक्तिं वहन्ति किल पामरदैवतेषु ।
त्वामेव देवि मनसा समनुस्मरामि
त्वामेव नौमि शरणं जननि त्वमेव ॥ 9 ॥
लक्ष्येषु सत्स्वपि कटाक्षनिरीक्षणाना-
-मालोकय त्रिपुरसुन्दरि मां कदाचित् ।
नूनं मया तु सदृशः करुणैकपात्रं
जातो जनिष्यति जनो न च जायते वा ॥ 10 ॥
ह्रीं ह्रीमिति प्रतिदिनं जपतां तवाख्यां
किं नाम दुर्लभमिह त्रिपुराधिवासे ।
मालाकिरीटमदवारणमाननीया
तान्सेवते वसुमती स्वयमेव लक्ष्मीः ॥ 11 ॥
सम्पत्कराणि सकलेन्द्रियनन्दनानि
साम्राज्यदाननिरतानि सरोरुहाक्षि ।
त्वद्वन्दनानि दुरिताहरणोद्यतानि
मामेव मातरनिशं कलयन्तु नान्यम् ॥ 12 ॥
कल्पोपसंहृतिषु कल्पितताण्डवस्य
देवस्य खण्डपरशोः परभैरवस्य ।
पाशाङ्कुशैक्षवशरासनपुष्पबाणा
सा साक्षिणी विजयते तव मूर्तिरेका ॥ 13 ॥
लग्नं सदा भवतु मातरिदं तवार्धं
तेजः परं बहुलकुङ्कुमपङ्कशोणम् ।
भास्वत्किरीटममृतांशुकलावतंसं
मध्ये त्रिकोणनिलयं परमामृतार्द्रम् ॥ 14 ॥
ह्रींकारमेव तव नाम तदेव रूपं
त्वन्नाम दुर्लभमिह त्रिपुरे गृणन्ति ।
त्वत्तेजसा परिणतं वियदादिभूतं
सौख्यं तनोति सरसीरुहसम्भवादेः ॥ 15 ॥
ह्रींकारत्रयसम्पुटेन महता मन्त्रेण सन्दीपितं
स्तोत्रं यः प्रतिवासरं तव पुरो मातर्जपेन्मन्त्रवित् ।
तस्य क्षोणिभुजो भवन्ति वशगा लक्ष्मीश्चिरस्थायिनी
वाणी निर्मलसूक्तिभारभारिता जागर्ति दीर्घं वयः ॥ 16 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ कल्याणवृष्टि स्तवः ।
kalyāṇavṛṣṭibhirivāmṛtapūritābhi-
-rlakṣmīsvayaṃvaraṇamaṅgaladīpikābhiḥ |
sevābhiramba tava pādasarojamūle
nākāri kiṃ manasi bhāgyavatāṃ janānām || 1 ||
etāvadeva janani spṛhaṇīyamāste
tvadvandaneṣu salilasthagite ca netre |
sānnidhyamudyadaruṇāyutasodarasya
tvadvigrahasya parayā sudhayāplutasya || 2 ||
īśatvanāmakaluṣāḥ kati vā na santi
brahmādayaḥ pratibhavaṃ pralayābhibhūtāḥ |
ekaḥ sa eva janani sthirasiddhirāste
yaḥ pādayostava sakṛtpraṇatiṃ karoti || 3 ||
labdhvā sakṛttripurasundari tāvakīnaṃ
kāruṇyakandalitakāntibharaṃ kaṭākṣam |
kandarpakoṭisubhagāstvayi bhaktibhājaḥ
sammohayanti taruṇīrbhuvanatraye'pi || 4 ||
hrīṃkārameva tava nāma gṛṇanti vedā
mātastrikoṇanilaye tripure trinetre |
tvatsaṃsmṛtau yamabhaṭābhibhavaṃ vihāya
dīvyanti nandanavane saha lokapālaiḥ || 5 ||
hantuḥ purāmadhigalaṃ paripīyamānaḥ
krūraḥ kathaṃ na bhavitā garalasya vegaḥ |
nāśvāsanāya yadi mātaridaṃ tavārthaṃ
dehasya śaśvadamṛtāplutaśītalasya || 6 ||
sarvajñatāṃ sadasi vākpaṭutāṃ prasūte
devi tvadaṅghrisarasīruhayoḥ praṇāmaḥ |
kiṃ ca sphuranmakuṭamujjvalamātapatraṃ
dve cāmare ca mahatīṃ vasudhāṃ dadāti || 7 ||
kalpadrumairabhimatapratipādaneṣu
kāruṇyavāridhibhiramba bhavātkaṭākṣaiḥ |
ālokaya tripurasundari māmanāthaṃ
tvayyeva bhaktibharitaṃ tvayi baddhatṛṣṇam || 8 ||
hantetareṣvapi manāṃsi nidhāya cānye
bhaktiṃ vahanti kila pāmaradaivateṣu |
tvāmeva devi manasā samanusmarāmi
tvāmeva naumi śaraṇaṃ janani tvameva || 9 ||
lakṣyeṣu satsvapi kaṭākṣanirīkṣaṇānā-
-mālokaya tripurasundari māṃ kadācit |
nūnaṃ mayā tu sadṛśaḥ karuṇaikapātraṃ
jāto janiṣyati jano na ca jāyate vā || 10 ||
hrīṃ hrīmiti pratidinaṃ japatāṃ tavākhyāṃ
kiṃ nāma durlabhamiha tripurādhivāse |
mālākirīṭamadavāraṇamānanīyā
tānsevate vasumatī svayameva lakṣmīḥ || 11 ||
sampatkarāṇi sakalendriyanandanāni
sāmrājyadānaniratāni saroruhākṣi |
tvadvandanāni duritāharaṇodyatāni
māmeva mātaraniśaṃ kalayantu nānyam || 12 ||
kalpopasaṃhṛtiṣu kalpitatāṇḍavasya
devasya khaṇḍaparaśoḥ parabhairavasya |
pāśāṅkuśaikṣavaśarāsanapuṣpabāṇā
sā sākṣiṇī vijayate tava mūrtirekā || 13 ||
lagnaṃ sadā bhavatu mātaridaṃ tavārdhaṃ
tejaḥ paraṃ bahulakuṅkumapaṅkaśoṇam |
bhāsvatkirīṭamamṛtāṃśukalāvataṃsaṃ
madhye trikoṇanilayaṃ paramāmṛtārdram || 14 ||
hrīṃkārameva tava nāma tadeva rūpaṃ
tvannāma durlabhamiha tripure gṛṇanti |
tvattejasā pariṇataṃ viyadādibhūtaṃ
saukhyaṃ tanoti sarasīruhasambhavādeḥ || 15 ||
hrīṃkāratrayasampuṭena mahatā mantreṇa sandīpitaṃ
stotraṃ yaḥ prativāsaraṃ tava puro mātarjapenmantravit |
tasya kṣoṇibhujo bhavanti vaśagā lakṣmīścirasthāyinī
vāṇī nirmalasūktibhārabhāritā jāgarti dīrghaṃ vayaḥ || 16 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau kalyāṇavṛṣṭi stavaḥ |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.