𑌕𑌲𑍍𑌯𑌾𑌣𑌵𑍃𑌷𑍍𑌟𑌿𑌭𑌿𑌰𑌿𑌵𑌾𑌮𑍃𑌤𑌪𑍂𑌰𑌿𑌤𑌾𑌭𑌿-
-𑌰𑍍𑌲𑌕𑍍𑌷𑍍𑌮𑍀𑌸𑍍𑌵𑌯𑌂𑌵𑌰𑌣𑌮𑌙𑍍𑌗𑌲𑌦𑍀𑌪𑌿𑌕𑌾𑌭𑌿𑌃 ।
𑌸𑍇𑌵𑌾𑌭𑌿𑌰𑌮𑍍𑌬 𑌤𑌵 𑌪𑌾𑌦𑌸𑌰𑍋𑌜𑌮𑍂𑌲𑍇
𑌨𑌾𑌕𑌾𑌰𑌿 𑌕𑌿𑌂 𑌮𑌨𑌸𑌿 𑌭𑌾𑌗𑍍𑌯𑌵𑌤𑌾𑌂 𑌜𑌨𑌾𑌨𑌾𑌮𑍍 ॥ 1 ॥
𑌏𑌤𑌾𑌵𑌦𑍇𑌵 𑌜𑌨𑌨𑌿 𑌸𑍍𑌪𑍃𑌹𑌣𑍀𑌯𑌮𑌾𑌸𑍍𑌤𑍇
𑌤𑍍𑌵𑌦𑍍𑌵𑌨𑍍𑌦𑌨𑍇𑌷𑍁 𑌸𑌲𑌿𑌲𑌸𑍍𑌥𑌗𑌿𑌤𑍇 𑌚 𑌨𑍇𑌤𑍍𑌰𑍇 ।
𑌸𑌾𑌨𑍍𑌨𑌿𑌧𑍍𑌯𑌮𑍁𑌦𑍍𑌯𑌦𑌰𑍁𑌣𑌾𑌯𑍁𑌤𑌸𑍋𑌦𑌰𑌸𑍍𑌯
𑌤𑍍𑌵𑌦𑍍𑌵𑌿𑌗𑍍𑌰𑌹𑌸𑍍𑌯 𑌪𑌰𑌯𑌾 𑌸𑍁𑌧𑌯𑌾𑌪𑍍𑌲𑍁𑌤𑌸𑍍𑌯 ॥ 2 ॥
𑌈𑌶𑌤𑍍𑌵𑌨𑌾𑌮𑌕𑌲𑍁𑌷𑌾𑌃 𑌕𑌤𑌿 𑌵𑌾 𑌨 𑌸𑌨𑍍𑌤𑌿
𑌬𑍍𑌰𑌹𑍍𑌮𑌾𑌦𑌯𑌃 𑌪𑍍𑌰𑌤𑌿𑌭𑌵𑌂 𑌪𑍍𑌰𑌲𑌯𑌾𑌭𑌿𑌭𑍂𑌤𑌾𑌃 ।
𑌏𑌕𑌃 𑌸 𑌏𑌵 𑌜𑌨𑌨𑌿 𑌸𑍍𑌥𑌿𑌰𑌸𑌿𑌦𑍍𑌧𑌿𑌰𑌾𑌸𑍍𑌤𑍇
𑌯𑌃 𑌪𑌾𑌦𑌯𑍋𑌸𑍍𑌤𑌵 𑌸𑌕𑍃𑌤𑍍𑌪𑍍𑌰𑌣𑌤𑌿𑌂 𑌕𑌰𑍋𑌤𑌿 ॥ 3 ॥
𑌲𑌬𑍍𑌧𑍍𑌵𑌾 𑌸𑌕𑍃𑌤𑍍𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑌿 𑌤𑌾𑌵𑌕𑍀𑌨𑌂
𑌕𑌾𑌰𑍁𑌣𑍍𑌯𑌕𑌨𑍍𑌦𑌲𑌿𑌤𑌕𑌾𑌨𑍍𑌤𑌿𑌭𑌰𑌂 𑌕𑌟𑌾𑌕𑍍𑌷𑌮𑍍 ।
𑌕𑌨𑍍𑌦𑌰𑍍𑌪𑌕𑍋𑌟𑌿𑌸𑍁𑌭𑌗𑌾𑌸𑍍𑌤𑍍𑌵𑌯𑌿 𑌭𑌕𑍍𑌤𑌿𑌭𑌾𑌜𑌃
𑌸𑌮𑍍𑌮𑍋𑌹𑌯𑌨𑍍𑌤𑌿 𑌤𑌰𑍁𑌣𑍀𑌰𑍍𑌭𑍁𑌵𑌨𑌤𑍍𑌰𑌯𑍇𑌽𑌪𑌿 ॥ 4 ॥
𑌹𑍍𑌰𑍀𑌂𑌕𑌾𑌰𑌮𑍇𑌵 𑌤𑌵 𑌨𑌾𑌮 𑌗𑍃𑌣𑌨𑍍𑌤𑌿 𑌵𑍇𑌦𑌾
𑌮𑌾𑌤𑌸𑍍𑌤𑍍𑌰𑌿𑌕𑍋𑌣𑌨𑌿𑌲𑌯𑍇 𑌤𑍍𑌰𑌿𑌪𑍁𑌰𑍇 𑌤𑍍𑌰𑌿𑌨𑍇𑌤𑍍𑌰𑍇 ।
𑌤𑍍𑌵𑌤𑍍𑌸𑌂𑌸𑍍𑌮𑍃𑌤𑍗 𑌯𑌮𑌭𑌟𑌾𑌭𑌿𑌭𑌵𑌂 𑌵𑌿𑌹𑌾𑌯
𑌦𑍀𑌵𑍍𑌯𑌨𑍍𑌤𑌿 𑌨𑌨𑍍𑌦𑌨𑌵𑌨𑍇 𑌸𑌹 𑌲𑍋𑌕𑌪𑌾𑌲𑍈𑌃 ॥ 5 ॥
𑌹𑌨𑍍𑌤𑍁𑌃 𑌪𑍁𑌰𑌾𑌮𑌧𑌿𑌗𑌲𑌂 𑌪𑌰𑌿𑌪𑍀𑌯𑌮𑌾𑌨𑌃
𑌕𑍍𑌰𑍂𑌰𑌃 𑌕𑌥𑌂 𑌨 𑌭𑌵𑌿𑌤𑌾 𑌗𑌰𑌲𑌸𑍍𑌯 𑌵𑍇𑌗𑌃 ।
𑌨𑌾𑌶𑍍𑌵𑌾𑌸𑌨𑌾𑌯 𑌯𑌦𑌿 𑌮𑌾𑌤𑌰𑌿𑌦𑌂 𑌤𑌵𑌾𑌰𑍍𑌥𑌂
𑌦𑍇𑌹𑌸𑍍𑌯 𑌶𑌶𑍍𑌵𑌦𑌮𑍃𑌤𑌾𑌪𑍍𑌲𑍁𑌤𑌶𑍀𑌤𑌲𑌸𑍍𑌯 ॥ 6 ॥
𑌸𑌰𑍍𑌵𑌜𑍍𑌞𑌤𑌾𑌂 𑌸𑌦𑌸𑌿 𑌵𑌾𑌕𑍍𑌪𑌟𑍁𑌤𑌾𑌂 𑌪𑍍𑌰𑌸𑍂𑌤𑍇
𑌦𑍇𑌵𑌿 𑌤𑍍𑌵𑌦𑌙𑍍𑌘𑍍𑌰𑌿𑌸𑌰𑌸𑍀𑌰𑍁𑌹𑌯𑍋𑌃 𑌪𑍍𑌰𑌣𑌾𑌮𑌃 ।
𑌕𑌿𑌂 𑌚 𑌸𑍍𑌫𑍁𑌰𑌨𑍍𑌮𑌕𑍁𑌟𑌮𑍁𑌜𑍍𑌜𑍍𑌵𑌲𑌮𑌾𑌤𑌪𑌤𑍍𑌰𑌂
𑌦𑍍𑌵𑍇 𑌚𑌾𑌮𑌰𑍇 𑌚 𑌮𑌹𑌤𑍀𑌂 𑌵𑌸𑍁𑌧𑌾𑌂 𑌦𑌦𑌾𑌤𑌿 ॥ 7 ॥
𑌕𑌲𑍍𑌪𑌦𑍍𑌰𑍁𑌮𑍈𑌰𑌭𑌿𑌮𑌤𑌪𑍍𑌰𑌤𑌿𑌪𑌾𑌦𑌨𑍇𑌷𑍁
𑌕𑌾𑌰𑍁𑌣𑍍𑌯𑌵𑌾𑌰𑌿𑌧𑌿𑌭𑌿𑌰𑌮𑍍𑌬 𑌭𑌵𑌾𑌤𑍍𑌕𑌟𑌾𑌕𑍍𑌷𑍈𑌃 ।
𑌆𑌲𑍋𑌕𑌯 𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑌿 𑌮𑌾𑌮𑌨𑌾𑌥𑌂
𑌤𑍍𑌵𑌯𑍍𑌯𑍇𑌵 𑌭𑌕𑍍𑌤𑌿𑌭𑌰𑌿𑌤𑌂 𑌤𑍍𑌵𑌯𑌿 𑌬𑌦𑍍𑌧𑌤𑍃𑌷𑍍𑌣𑌮𑍍 ॥ 8 ॥
𑌹𑌨𑍍𑌤𑍇𑌤𑌰𑍇𑌷𑍍𑌵𑌪𑌿 𑌮𑌨𑌾𑌂𑌸𑌿 𑌨𑌿𑌧𑌾𑌯 𑌚𑌾𑌨𑍍𑌯𑍇
𑌭𑌕𑍍𑌤𑌿𑌂 𑌵𑌹𑌨𑍍𑌤𑌿 𑌕𑌿𑌲 𑌪𑌾𑌮𑌰𑌦𑍈𑌵𑌤𑍇𑌷𑍁 ।
𑌤𑍍𑌵𑌾𑌮𑍇𑌵 𑌦𑍇𑌵𑌿 𑌮𑌨𑌸𑌾 𑌸𑌮𑌨𑍁𑌸𑍍𑌮𑌰𑌾𑌮𑌿
𑌤𑍍𑌵𑌾𑌮𑍇𑌵 𑌨𑍗𑌮𑌿 𑌶𑌰𑌣𑌂 𑌜𑌨𑌨𑌿 𑌤𑍍𑌵𑌮𑍇𑌵 ॥ 9 ॥
𑌲𑌕𑍍𑌷𑍍𑌯𑍇𑌷𑍁 𑌸𑌤𑍍𑌸𑍍𑌵𑌪𑌿 𑌕𑌟𑌾𑌕𑍍𑌷𑌨𑌿𑌰𑍀𑌕𑍍𑌷𑌣𑌾𑌨𑌾-
-𑌮𑌾𑌲𑍋𑌕𑌯 𑌤𑍍𑌰𑌿𑌪𑍁𑌰𑌸𑍁𑌨𑍍𑌦𑌰𑌿 𑌮𑌾𑌂 𑌕𑌦𑌾𑌚𑌿𑌤𑍍 ।
𑌨𑍂𑌨𑌂 𑌮𑌯𑌾 𑌤𑍁 𑌸𑌦𑍃𑌶𑌃 𑌕𑌰𑍁𑌣𑍈𑌕𑌪𑌾𑌤𑍍𑌰𑌂
𑌜𑌾𑌤𑍋 𑌜𑌨𑌿𑌷𑍍𑌯𑌤𑌿 𑌜𑌨𑍋 𑌨 𑌚 𑌜𑌾𑌯𑌤𑍇 𑌵𑌾 ॥ 10 ॥
𑌹𑍍𑌰𑍀𑌂 𑌹𑍍𑌰𑍀𑌮𑌿𑌤𑌿 𑌪𑍍𑌰𑌤𑌿𑌦𑌿𑌨𑌂 𑌜𑌪𑌤𑌾𑌂 𑌤𑌵𑌾𑌖𑍍𑌯𑌾𑌂
𑌕𑌿𑌂 𑌨𑌾𑌮 𑌦𑍁𑌰𑍍𑌲𑌭𑌮𑌿𑌹 𑌤𑍍𑌰𑌿𑌪𑍁𑌰𑌾𑌧𑌿𑌵𑌾𑌸𑍇 ।
𑌮𑌾𑌲𑌾𑌕𑌿𑌰𑍀𑌟𑌮𑌦𑌵𑌾𑌰𑌣𑌮𑌾𑌨𑌨𑍀𑌯𑌾
𑌤𑌾𑌨𑍍𑌸𑍇𑌵𑌤𑍇 𑌵𑌸𑍁𑌮𑌤𑍀 𑌸𑍍𑌵𑌯𑌮𑍇𑌵 𑌲𑌕𑍍𑌷𑍍𑌮𑍀𑌃 ॥ 11 ॥
𑌸𑌮𑍍𑌪𑌤𑍍𑌕𑌰𑌾𑌣𑌿 𑌸𑌕𑌲𑍇𑌨𑍍𑌦𑍍𑌰𑌿𑌯𑌨𑌨𑍍𑌦𑌨𑌾𑌨𑌿
𑌸𑌾𑌮𑍍𑌰𑌾𑌜𑍍𑌯𑌦𑌾𑌨𑌨𑌿𑌰𑌤𑌾𑌨𑌿 𑌸𑌰𑍋𑌰𑍁𑌹𑌾𑌕𑍍𑌷𑌿 ।
𑌤𑍍𑌵𑌦𑍍𑌵𑌨𑍍𑌦𑌨𑌾𑌨𑌿 𑌦𑍁𑌰𑌿𑌤𑌾𑌹𑌰𑌣𑍋𑌦𑍍𑌯𑌤𑌾𑌨𑌿
𑌮𑌾𑌮𑍇𑌵 𑌮𑌾𑌤𑌰𑌨𑌿𑌶𑌂 𑌕𑌲𑌯𑌨𑍍𑌤𑍁 𑌨𑌾𑌨𑍍𑌯𑌮𑍍 ॥ 12 ॥
𑌕𑌲𑍍𑌪𑍋𑌪𑌸𑌂𑌹𑍃𑌤𑌿𑌷𑍁 𑌕𑌲𑍍𑌪𑌿𑌤𑌤𑌾𑌣𑍍𑌡𑌵𑌸𑍍𑌯
𑌦𑍇𑌵𑌸𑍍𑌯 𑌖𑌣𑍍𑌡𑌪𑌰𑌶𑍋𑌃 𑌪𑌰𑌭𑍈𑌰𑌵𑌸𑍍𑌯 ।
𑌪𑌾𑌶𑌾𑌙𑍍𑌕𑍁𑌶𑍈𑌕𑍍𑌷𑌵𑌶𑌰𑌾𑌸𑌨𑌪𑍁𑌷𑍍𑌪𑌬𑌾𑌣𑌾
𑌸𑌾 𑌸𑌾𑌕𑍍𑌷𑌿𑌣𑍀 𑌵𑌿𑌜𑌯𑌤𑍇 𑌤𑌵 𑌮𑍂𑌰𑍍𑌤𑌿𑌰𑍇𑌕𑌾 ॥ 13 ॥
𑌲𑌗𑍍𑌨𑌂 𑌸𑌦𑌾 𑌭𑌵𑌤𑍁 𑌮𑌾𑌤𑌰𑌿𑌦𑌂 𑌤𑌵𑌾𑌰𑍍𑌧𑌂
𑌤𑍇𑌜𑌃 𑌪𑌰𑌂 𑌬𑌹𑍁𑌲𑌕𑍁𑌙𑍍𑌕𑍁𑌮𑌪𑌙𑍍𑌕𑌶𑍋𑌣𑌮𑍍 ।
𑌭𑌾𑌸𑍍𑌵𑌤𑍍𑌕𑌿𑌰𑍀𑌟𑌮𑌮𑍃𑌤𑌾𑌂𑌶𑍁𑌕𑌲𑌾𑌵𑌤𑌂𑌸𑌂
𑌮𑌧𑍍𑌯𑍇 𑌤𑍍𑌰𑌿𑌕𑍋𑌣𑌨𑌿𑌲𑌯𑌂 𑌪𑌰𑌮𑌾𑌮𑍃𑌤𑌾𑌰𑍍𑌦𑍍𑌰𑌮𑍍 ॥ 14 ॥
𑌹𑍍𑌰𑍀𑌂𑌕𑌾𑌰𑌮𑍇𑌵 𑌤𑌵 𑌨𑌾𑌮 𑌤𑌦𑍇𑌵 𑌰𑍂𑌪𑌂
𑌤𑍍𑌵𑌨𑍍𑌨𑌾𑌮 𑌦𑍁𑌰𑍍𑌲𑌭𑌮𑌿𑌹 𑌤𑍍𑌰𑌿𑌪𑍁𑌰𑍇 𑌗𑍃𑌣𑌨𑍍𑌤𑌿 ।
𑌤𑍍𑌵𑌤𑍍𑌤𑍇𑌜𑌸𑌾 𑌪𑌰𑌿𑌣𑌤𑌂 𑌵𑌿𑌯𑌦𑌾𑌦𑌿𑌭𑍂𑌤𑌂
𑌸𑍗𑌖𑍍𑌯𑌂 𑌤𑌨𑍋𑌤𑌿 𑌸𑌰𑌸𑍀𑌰𑍁𑌹𑌸𑌮𑍍𑌭𑌵𑌾𑌦𑍇𑌃 ॥ 15 ॥
𑌹𑍍𑌰𑍀𑌂𑌕𑌾𑌰𑌤𑍍𑌰𑌯𑌸𑌮𑍍𑌪𑍁𑌟𑍇𑌨 𑌮𑌹𑌤𑌾 𑌮𑌨𑍍𑌤𑍍𑌰𑍇𑌣 𑌸𑌨𑍍𑌦𑍀𑌪𑌿𑌤𑌂
𑌸𑍍𑌤𑍋𑌤𑍍𑌰𑌂 𑌯𑌃 𑌪𑍍𑌰𑌤𑌿𑌵𑌾𑌸𑌰𑌂 𑌤𑌵 𑌪𑍁𑌰𑍋 𑌮𑌾𑌤𑌰𑍍𑌜𑌪𑍇𑌨𑍍𑌮𑌨𑍍𑌤𑍍𑌰𑌵𑌿𑌤𑍍 ।
𑌤𑌸𑍍𑌯 𑌕𑍍𑌷𑍋𑌣𑌿𑌭𑍁𑌜𑍋 𑌭𑌵𑌨𑍍𑌤𑌿 𑌵𑌶𑌗𑌾 𑌲𑌕𑍍𑌷𑍍𑌮𑍀𑌶𑍍𑌚𑌿𑌰𑌸𑍍𑌥𑌾𑌯𑌿𑌨𑍀
𑌵𑌾𑌣𑍀 𑌨𑌿𑌰𑍍𑌮𑌲𑌸𑍂𑌕𑍍𑌤𑌿𑌭𑌾𑌰𑌭𑌾𑌰𑌿𑌤𑌾 𑌜𑌾𑌗𑌰𑍍𑌤𑌿 𑌦𑍀𑌰𑍍𑌘𑌂 𑌵𑌯𑌃 ॥ 16 ॥
𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌨𑍍𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌭𑌗𑌵𑌤𑌃 𑌕𑍃𑌤𑍗 𑌕𑌲𑍍𑌯𑌾𑌣𑌵𑍃𑌷𑍍𑌟𑌿 𑌸𑍍𑌤𑌵𑌃 ।
Roman (IAST) Transliteration
kalyāṇavṛṣṭibhirivāmṛtapūritābhi-
-rlakṣmīsvayaṃvaraṇamaṅgaladīpikābhiḥ |
sevābhiramba tava pādasarojamūle
nākāri kiṃ manasi bhāgyavatāṃ janānām || 1 ||
etāvadeva janani spṛhaṇīyamāste
tvadvandaneṣu salilasthagite ca netre |
sānnidhyamudyadaruṇāyutasodarasya
tvadvigrahasya parayā sudhayāplutasya || 2 ||
īśatvanāmakaluṣāḥ kati vā na santi
brahmādayaḥ pratibhavaṃ pralayābhibhūtāḥ |
ekaḥ sa eva janani sthirasiddhirāste
yaḥ pādayostava sakṛtpraṇatiṃ karoti || 3 ||
labdhvā sakṛttripurasundari tāvakīnaṃ
kāruṇyakandalitakāntibharaṃ kaṭākṣam |
kandarpakoṭisubhagāstvayi bhaktibhājaḥ
sammohayanti taruṇīrbhuvanatraye'pi || 4 ||
hrīṃkārameva tava nāma gṛṇanti vedā
mātastrikoṇanilaye tripure trinetre |
tvatsaṃsmṛtau yamabhaṭābhibhavaṃ vihāya
dīvyanti nandanavane saha lokapālaiḥ || 5 ||
hantuḥ purāmadhigalaṃ paripīyamānaḥ
krūraḥ kathaṃ na bhavitā garalasya vegaḥ |
nāśvāsanāya yadi mātaridaṃ tavārthaṃ
dehasya śaśvadamṛtāplutaśītalasya || 6 ||
sarvajñatāṃ sadasi vākpaṭutāṃ prasūte
devi tvadaṅghrisarasīruhayoḥ praṇāmaḥ |
kiṃ ca sphuranmakuṭamujjvalamātapatraṃ
dve cāmare ca mahatīṃ vasudhāṃ dadāti || 7 ||
kalpadrumairabhimatapratipādaneṣu
kāruṇyavāridhibhiramba bhavātkaṭākṣaiḥ |
ālokaya tripurasundari māmanāthaṃ
tvayyeva bhaktibharitaṃ tvayi baddhatṛṣṇam || 8 ||
hantetareṣvapi manāṃsi nidhāya cānye
bhaktiṃ vahanti kila pāmaradaivateṣu |
tvāmeva devi manasā samanusmarāmi
tvāmeva naumi śaraṇaṃ janani tvameva || 9 ||
lakṣyeṣu satsvapi kaṭākṣanirīkṣaṇānā-
-mālokaya tripurasundari māṃ kadācit |
nūnaṃ mayā tu sadṛśaḥ karuṇaikapātraṃ
jāto janiṣyati jano na ca jāyate vā || 10 ||
hrīṃ hrīmiti pratidinaṃ japatāṃ tavākhyāṃ
kiṃ nāma durlabhamiha tripurādhivāse |
mālākirīṭamadavāraṇamānanīyā
tānsevate vasumatī svayameva lakṣmīḥ || 11 ||
sampatkarāṇi sakalendriyanandanāni
sāmrājyadānaniratāni saroruhākṣi |
tvadvandanāni duritāharaṇodyatāni
māmeva mātaraniśaṃ kalayantu nānyam || 12 ||
kalpopasaṃhṛtiṣu kalpitatāṇḍavasya
devasya khaṇḍaparaśoḥ parabhairavasya |
pāśāṅkuśaikṣavaśarāsanapuṣpabāṇā
sā sākṣiṇī vijayate tava mūrtirekā || 13 ||
lagnaṃ sadā bhavatu mātaridaṃ tavārdhaṃ
tejaḥ paraṃ bahulakuṅkumapaṅkaśoṇam |
bhāsvatkirīṭamamṛtāṃśukalāvataṃsaṃ
madhye trikoṇanilayaṃ paramāmṛtārdram || 14 ||
hrīṃkārameva tava nāma tadeva rūpaṃ
tvannāma durlabhamiha tripure gṛṇanti |
tvattejasā pariṇataṃ viyadādibhūtaṃ
saukhyaṃ tanoti sarasīruhasambhavādeḥ || 15 ||
hrīṃkāratrayasampuṭena mahatā mantreṇa sandīpitaṃ
stotraṃ yaḥ prativāsaraṃ tava puro mātarjapenmantravit |
tasya kṣoṇibhujo bhavanti vaśagā lakṣmīścirasthāyinī
vāṇī nirmalasūktibhārabhāritā jāgarti dīrghaṃ vayaḥ || 16 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau kalyāṇavṛṣṭi stavaḥ |
Sanskrit — Devanagari (original)
कल्याणवृष्टिभिरिवामृतपूरिताभि-
-र्लक्ष्मीस्वयंवरणमङ्गलदीपिकाभिः ।
सेवाभिरम्ब तव पादसरोजमूले
नाकारि किं मनसि भाग्यवतां जनानाम् ॥ 1 ॥
एतावदेव जननि स्पृहणीयमास्ते
त्वद्वन्दनेषु सलिलस्थगिते च नेत्रे ।
सान्निध्यमुद्यदरुणायुतसोदरस्य
त्वद्विग्रहस्य परया सुधयाप्लुतस्य ॥ 2 ॥
ईशत्वनामकलुषाः कति वा न सन्ति
ब्रह्मादयः प्रतिभवं प्रलयाभिभूताः ।
एकः स एव जननि स्थिरसिद्धिरास्ते
यः पादयोस्तव सकृत्प्रणतिं करोति ॥ 3 ॥
लब्ध्वा सकृत्त्रिपुरसुन्दरि तावकीनं
कारुण्यकन्दलितकान्तिभरं कटाक्षम् ।
कन्दर्पकोटिसुभगास्त्वयि भक्तिभाजः
सम्मोहयन्ति तरुणीर्भुवनत्रयेऽपि ॥ 4 ॥
ह्रींकारमेव तव नाम गृणन्ति वेदा
मातस्त्रिकोणनिलये त्रिपुरे त्रिनेत्रे ।
त्वत्संस्मृतौ यमभटाभिभवं विहाय
दीव्यन्ति नन्दनवने सह लोकपालैः ॥ 5 ॥
हन्तुः पुरामधिगलं परिपीयमानः
क्रूरः कथं न भविता गरलस्य वेगः ।
नाश्वासनाय यदि मातरिदं तवार्थं
देहस्य शश्वदमृताप्लुतशीतलस्य ॥ 6 ॥
सर्वज्ञतां सदसि वाक्पटुतां प्रसूते
देवि त्वदङ्घ्रिसरसीरुहयोः प्रणामः ।
किं च स्फुरन्मकुटमुज्ज्वलमातपत्रं
द्वे चामरे च महतीं वसुधां ददाति ॥ 7 ॥
कल्पद्रुमैरभिमतप्रतिपादनेषु
कारुण्यवारिधिभिरम्ब भवात्कटाक्षैः ।
आलोकय त्रिपुरसुन्दरि मामनाथं
त्वय्येव भक्तिभरितं त्वयि बद्धतृष्णम् ॥ 8 ॥
हन्तेतरेष्वपि मनांसि निधाय चान्ये
भक्तिं वहन्ति किल पामरदैवतेषु ।
त्वामेव देवि मनसा समनुस्मरामि
त्वामेव नौमि शरणं जननि त्वमेव ॥ 9 ॥
लक्ष्येषु सत्स्वपि कटाक्षनिरीक्षणाना-
-मालोकय त्रिपुरसुन्दरि मां कदाचित् ।
नूनं मया तु सदृशः करुणैकपात्रं
जातो जनिष्यति जनो न च जायते वा ॥ 10 ॥
ह्रीं ह्रीमिति प्रतिदिनं जपतां तवाख्यां
किं नाम दुर्लभमिह त्रिपुराधिवासे ।
मालाकिरीटमदवारणमाननीया
तान्सेवते वसुमती स्वयमेव लक्ष्मीः ॥ 11 ॥
सम्पत्कराणि सकलेन्द्रियनन्दनानि
साम्राज्यदाननिरतानि सरोरुहाक्षि ।
त्वद्वन्दनानि दुरिताहरणोद्यतानि
मामेव मातरनिशं कलयन्तु नान्यम् ॥ 12 ॥
कल्पोपसंहृतिषु कल्पितताण्डवस्य
देवस्य खण्डपरशोः परभैरवस्य ।
पाशाङ्कुशैक्षवशरासनपुष्पबाणा
सा साक्षिणी विजयते तव मूर्तिरेका ॥ 13 ॥
लग्नं सदा भवतु मातरिदं तवार्धं
तेजः परं बहुलकुङ्कुमपङ्कशोणम् ।
भास्वत्किरीटममृतांशुकलावतंसं
मध्ये त्रिकोणनिलयं परमामृतार्द्रम् ॥ 14 ॥
ह्रींकारमेव तव नाम तदेव रूपं
त्वन्नाम दुर्लभमिह त्रिपुरे गृणन्ति ।
त्वत्तेजसा परिणतं वियदादिभूतं
सौख्यं तनोति सरसीरुहसम्भवादेः ॥ 15 ॥
ह्रींकारत्रयसम्पुटेन महता मन्त्रेण सन्दीपितं
स्तोत्रं यः प्रतिवासरं तव पुरो मातर्जपेन्मन्त्रवित् ।
तस्य क्षोणिभुजो भवन्ति वशगा लक्ष्मीश्चिरस्थायिनी
वाणी निर्मलसूक्तिभारभारिता जागर्ति दीर्घं वयः ॥ 16 ॥
इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छङ्करभगवतः कृतौ कल्याणवृष्टि स्तवः ।
kalyāṇavṛṣṭibhirivāmṛtapūritābhi-
-rlakṣmīsvayaṃvaraṇamaṅgaladīpikābhiḥ |
sevābhiramba tava pādasarojamūle
nākāri kiṃ manasi bhāgyavatāṃ janānām || 1 ||
etāvadeva janani spṛhaṇīyamāste
tvadvandaneṣu salilasthagite ca netre |
sānnidhyamudyadaruṇāyutasodarasya
tvadvigrahasya parayā sudhayāplutasya || 2 ||
īśatvanāmakaluṣāḥ kati vā na santi
brahmādayaḥ pratibhavaṃ pralayābhibhūtāḥ |
ekaḥ sa eva janani sthirasiddhirāste
yaḥ pādayostava sakṛtpraṇatiṃ karoti || 3 ||
labdhvā sakṛttripurasundari tāvakīnaṃ
kāruṇyakandalitakāntibharaṃ kaṭākṣam |
kandarpakoṭisubhagāstvayi bhaktibhājaḥ
sammohayanti taruṇīrbhuvanatraye'pi || 4 ||
hrīṃkārameva tava nāma gṛṇanti vedā
mātastrikoṇanilaye tripure trinetre |
tvatsaṃsmṛtau yamabhaṭābhibhavaṃ vihāya
dīvyanti nandanavane saha lokapālaiḥ || 5 ||
hantuḥ purāmadhigalaṃ paripīyamānaḥ
krūraḥ kathaṃ na bhavitā garalasya vegaḥ |
nāśvāsanāya yadi mātaridaṃ tavārthaṃ
dehasya śaśvadamṛtāplutaśītalasya || 6 ||
sarvajñatāṃ sadasi vākpaṭutāṃ prasūte
devi tvadaṅghrisarasīruhayoḥ praṇāmaḥ |
kiṃ ca sphuranmakuṭamujjvalamātapatraṃ
dve cāmare ca mahatīṃ vasudhāṃ dadāti || 7 ||
kalpadrumairabhimatapratipādaneṣu
kāruṇyavāridhibhiramba bhavātkaṭākṣaiḥ |
ālokaya tripurasundari māmanāthaṃ
tvayyeva bhaktibharitaṃ tvayi baddhatṛṣṇam || 8 ||
hantetareṣvapi manāṃsi nidhāya cānye
bhaktiṃ vahanti kila pāmaradaivateṣu |
tvāmeva devi manasā samanusmarāmi
tvāmeva naumi śaraṇaṃ janani tvameva || 9 ||
lakṣyeṣu satsvapi kaṭākṣanirīkṣaṇānā-
-mālokaya tripurasundari māṃ kadācit |
nūnaṃ mayā tu sadṛśaḥ karuṇaikapātraṃ
jāto janiṣyati jano na ca jāyate vā || 10 ||
hrīṃ hrīmiti pratidinaṃ japatāṃ tavākhyāṃ
kiṃ nāma durlabhamiha tripurādhivāse |
mālākirīṭamadavāraṇamānanīyā
tānsevate vasumatī svayameva lakṣmīḥ || 11 ||
sampatkarāṇi sakalendriyanandanāni
sāmrājyadānaniratāni saroruhākṣi |
tvadvandanāni duritāharaṇodyatāni
māmeva mātaraniśaṃ kalayantu nānyam || 12 ||
kalpopasaṃhṛtiṣu kalpitatāṇḍavasya
devasya khaṇḍaparaśoḥ parabhairavasya |
pāśāṅkuśaikṣavaśarāsanapuṣpabāṇā
sā sākṣiṇī vijayate tava mūrtirekā || 13 ||
lagnaṃ sadā bhavatu mātaridaṃ tavārdhaṃ
tejaḥ paraṃ bahulakuṅkumapaṅkaśoṇam |
bhāsvatkirīṭamamṛtāṃśukalāvataṃsaṃ
madhye trikoṇanilayaṃ paramāmṛtārdram || 14 ||
hrīṃkārameva tava nāma tadeva rūpaṃ
tvannāma durlabhamiha tripure gṛṇanti |
tvattejasā pariṇataṃ viyadādibhūtaṃ
saukhyaṃ tanoti sarasīruhasambhavādeḥ || 15 ||
hrīṃkāratrayasampuṭena mahatā mantreṇa sandīpitaṃ
stotraṃ yaḥ prativāsaraṃ tava puro mātarjapenmantravit |
tasya kṣoṇibhujo bhavanti vaśagā lakṣmīścirasthāyinī
vāṇī nirmalasūktibhārabhāritā jāgarti dīrghaṃ vayaḥ || 16 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau kalyāṇavṛṣṭi stavaḥ |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.