Narayaniyam Dashakam 52 — Malayalam Script

Meaning —

അന്യാവതാരനികരേഷ്വനിരീക്ഷിതം തേ
ഭൂമാതിരേകമഭിവീക്ഷ്യ തദാഘമോക്ഷേ ।
ബ്രഹ്മാ പരീക്ഷിതുമനാഃ സ പരോക്ഷഭാവം
നിന്യേഽഥ വത്സകഗണാന് പ്രവിതത്യ മായാമ് ॥1॥

anyāvatāranikareṣvanirīkṣitaṃ te
bhūmātirekamabhivīkṣya tadāghamokṣe |
brahmā parīkṣitumanāḥ sa parokṣabhāvaṃ
ninye'tha vatsakagaṇān pravitatya māyām ||1||

Verse 2

വത്സാനവീക്ഷ്യ വിവശേ പശുപോത്കരേ താ-
നാനേതുകാമ ഇവ ധാതൃമതാനുവര്തീ ।
ത്വം സാമിഭുക്തകബലോ ഗതവാംസ്തദാനീം
ഭുക്താംസ്തിരോഽധിത സരോജഭവഃ കുമാരാന് ॥2॥

vatsānavīkṣya vivaśe paśupotkare tā-
nānetukāma iva dhātṛmatānuvartī |
tvaṃ sāmibhuktakabalo gatavāṃstadānīṃ
bhuktāṃstiro'dhita sarojabhavaḥ kumārān ||2||

Verse 3

വത്സായിതസ്തദനു ഗോപഗണായിതസ്ത്വം
ശിക്യാദിഭാണ്ഡമുരലീഗവലാദിരൂപഃ ।
പ്രാഗ്വദ്വിഹൃത്യ വിപിനേഷു ചിരായ സായം
ത്വം മായയാഽഥ ബഹുധാ വ്രജമായയാഥ ॥3॥

vatsāyitastadanu gopagaṇāyitastvaṃ
śikyādibhāṇḍamuralīgavalādirūpaḥ |
prāgvadvihṛtya vipineṣu cirāya sāyaṃ
tvaṃ māyayā'tha bahudhā vrajamāyayātha ||3||

Verse 4

ത്വാമേവ ശിക്യഗവലാദിമയം ദധാനോ
ഭൂയസ്ത്വമേവ പശുവത്സകബാലരൂപഃ ।
ഗോരൂപിണീഭിരപി ഗോപവധൂമയീഭി-
രാസാദിതോഽസി ജനനീഭിരതിപ്രഹര്ഷാത് ॥4॥

tvāmeva śikyagavalādimayaṃ dadhāno
bhūyastvameva paśuvatsakabālarūpaḥ |
gorūpiṇībhirapi gopavadhūmayībhi-
rāsādito'si jananībhiratipraharṣāt ||4||

Verse 5

ജീവം ഹി കഞ്ചിദഭിമാനവശാത്സ്വകീയം
മത്വാ തനൂജ ഇതി രാഗഭരം വഹന്ത്യഃ ।
ആത്മാനമേവ തു ഭവന്തമവാപ്യ സൂനും
പ്രീതിം യയുര്ന കിയതീം വനിതാശ്ച ഗാവഃ ॥5॥

jīvaṃ hi kañcidabhimānavaśātsvakīyaṃ
matvā tanūja iti rāgabharaṃ vahantyaḥ |
ātmānameva tu bhavantamavāpya sūnuṃ
prītiṃ yayurna kiyatīṃ vanitāśca gāvaḥ ||5||

Verse 6

ഏവം പ്രതിക്ഷണവിജൃമ്ഭിതഹര്ഷഭാര-
നിശ്ശേഷഗോപഗണലാലിതഭൂരിമൂര്തിമ് ।
ത്വാമഗ്രജോഽപി ബുബുധേ കില വത്സരാന്തേ
ബ്രഹ്മാത്മനോരപി മഹാന് യുവയോര്വിശേഷഃ ॥6॥

evaṃ pratikṣaṇavijṛmbhitaharṣabhāra-
niśśeṣagopagaṇalālitabhūrimūrtim |
tvāmagrajo'pi bubudhe kila vatsarānte
brahmātmanorapi mahān yuvayorviśeṣaḥ ||6||

Verse 7

വര്ഷാവധൌ നവപുരാതനവത്സപാലാന്
ദൃഷ്ട്വാ വിവേകമസൃണേ ദ്രുഹിണേ വിമൂഢേ ।
പ്രാദീദൃശഃ പ്രതിനവാന് മകുടാങ്ഗദാദി
ഭൂഷാംശ്ചതുര്ഭുജയുജഃ സജലാമ്ബുദാഭാന് ॥7॥

varṣāvadhau navapurātanavatsapālān
dṛṣṭvā vivekamasṛṇe druhiṇe vimūḍhe |
prādīdṛśaḥ pratinavān makuṭāṅgadādi
bhūṣāṃścaturbhujayujaḥ sajalāmbudābhān ||7||

Verse 8

പ്രത്യേകമേവ കമലാപരിലാലിതാങ്ഗാന്
ഭോഗീന്ദ്രഭോഗശയനാന് നയനാഭിരാമാന് ।
ലീലാനിമീലിതദൃശഃ സനകാദിയോഗി-
വ്യാസേവിതാന് കമലഭൂര്ഭവതോ ദദര്ശ ॥8॥

pratyekameva kamalāparilālitāṅgān
bhogīndrabhogaśayanān nayanābhirāmān |
līlānimīlitadṛśaḥ sanakādiyogi-
vyāsevitān kamalabhūrbhavato dadarśa ||8||

Verse 9

നാരായണാകൃതിമസങ്ഖ്യതമാം നിരീക്ഷ്യ
സര്വത്ര സേവകമപി സ്വമവേക്ഷ്യ ധാതാ ।
മായാനിമഗ്നഹൃദയോ വിമുമോഹ യാവ-
ദേകോ ബഭൂവിഥ തദാ കബലാര്ധപാണിഃ ॥9॥

nārāyaṇākṛtimasaṅkhyatamāṃ nirīkṣya
sarvatra sevakamapi svamavekṣya dhātā |
māyānimagnahṛdayo vimumoha yāva-
deko babhūvitha tadā kabalārdhapāṇiḥ ||9||

Verse 10

നശ്യന്മദേ തദനു വിശ്വപതിം മുഹുസ്ത്വാം
നത്വാ ച നൂതവതി ധാതരി ധാമ യാതേ ।
പോതൈഃ സമം പ്രമുദിതൈഃ പ്രവിശന് നികേതം
വാതാലയാധിപ വിഭോ പരിപാഹി രോഗാത് ॥10॥

naśyanmade tadanu viśvapatiṃ muhustvāṃ
natvā ca nūtavati dhātari dhāma yāte |
potaiḥ samaṃ pramuditaiḥ praviśan niketaṃ
vātālayādhipa vibho paripāhi rogāt ||10||

Sanskrit — Devanagari (original)

अन्यावतारनिकरेष्वनिरीक्षितं ते

भूमातिरेकमभिवीक्ष्य तदाघमोक्षे ।

ब्रह्मा परीक्षितुमनाः स परोक्षभावं

निन्येऽथ वत्सकगणान् प्रवितत्य मायाम् ॥1॥

वत्सानवीक्ष्य विवशे पशुपोत्करे ता-

नानेतुकाम इव धातृमतानुवर्ती ।

त्वं सामिभुक्तकबलो गतवांस्तदानीं

भुक्तांस्तिरोऽधित सरोजभवः कुमारान् ॥2॥

वत्सायितस्तदनु गोपगणायितस्त्वं

शिक्यादिभाण्डमुरलीगवलादिरूपः ।

प्राग्वद्विहृत्य विपिनेषु चिराय सायं

त्वं माययाऽथ बहुधा व्रजमाययाथ ॥3॥

त्वामेव शिक्यगवलादिमयं दधानो

भूयस्त्वमेव पशुवत्सकबालरूपः ।

गोरूपिणीभिरपि गोपवधूमयीभि-

रासादितोऽसि जननीभिरतिप्रहर्षात् ॥4॥

जीवं हि कञ्चिदभिमानवशात्स्वकीयं

मत्वा तनूज इति रागभरं वहन्त्यः ।

आत्मानमेव तु भवन्तमवाप्य सूनुं

प्रीतिं ययुर्न कियतीं वनिताश्च गावः ॥5॥

एवं प्रतिक्षणविजृम्भितहर्षभार-

निश्शेषगोपगणलालितभूरिमूर्तिम् ।

त्वामग्रजोऽपि बुबुधे किल वत्सरान्ते

ब्रह्मात्मनोरपि महान् युवयोर्विशेषः ॥6॥

वर्षावधौ नवपुरातनवत्सपालान्

दृष्ट्वा विवेकमसृणे द्रुहिणे विमूढे ।

प्रादीदृशः प्रतिनवान् मकुटाङ्गदादि

भूषांश्चतुर्भुजयुजः सजलाम्बुदाभान् ॥7॥

प्रत्येकमेव कमलापरिलालिताङ्गान्

भोगीन्द्रभोगशयनान् नयनाभिरामान् ।

लीलानिमीलितदृशः सनकादियोगि-

व्यासेवितान् कमलभूर्भवतो ददर्श ॥8॥

नारायणाकृतिमसङ्ख्यतमां निरीक्ष्य

सर्वत्र सेवकमपि स्वमवेक्ष्य धाता ।

मायानिमग्नहृदयो विमुमोह याव-

देको बभूविथ तदा कबलार्धपाणिः ॥9॥

नश्यन्मदे तदनु विश्वपतिं मुहुस्त्वां

नत्वा च नूतवति धातरि धाम याते ।

पोतैः समं प्रमुदितैः प्रविशन् निकेतं

वातालयाधिप विभो परिपाहि रोगात् ॥10॥

🕉️ This is the original Sanskrit rendered in Malayalam script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

നാരായണീയം ദശക 52 - വത്സസ്തേയം തഥാ ബ്രഹ്മഗര്വശമനമ്