𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌣𑍍𑌡𑌮𑍍 ।
𑌅𑌥 𑌏𑌕𑍋𑌨𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌰𑌾𑌘𑌵𑍇𑌣𑌾𑌭𑌯𑍇𑌦𑌤𑍍𑌤𑍇𑌸𑌨𑍍𑌨𑌤𑍋𑌰𑌾𑌵𑌣𑌾𑌨𑍁𑌜𑌃 ।
𑌵𑌿𑌭𑍀𑌷𑌣𑍋𑌮𑌹𑌾𑌪𑍍𑌰𑌾𑌜𑍍𑌞𑍋𑌭𑍂𑌮𑌿𑌂𑌸𑌮𑌵𑌲𑍋𑌕𑌯𑌨𑍍 ॥ 1 ॥
𑌖𑌾𑌤𑍍𑌪𑌪𑌾𑌤𑌾𑌵𑌨𑍀𑌂𑌹𑍃𑌷𑍍𑌟𑍋𑌭𑌕𑍍𑌤𑍇𑌰𑌨𑍁𑌚𑌰𑍈𑌸𑍍𑌸𑌹 ।
𑌸𑌤𑌰𑌾𑌮𑌸𑍍𑌯𑌪𑌰𑌮𑌾𑌤𑍍𑌮𑌾𑌨𑌿𑌪𑌪𑌾𑌤𑌵𑌿𑌭𑍀𑌷𑌣𑌃 ॥ 2 ॥
𑌪𑌾𑌦𑌯𑍋𑌶𑍍𑌶𑌰𑌣𑌾𑌨𑍍𑌵𑍇𑌷𑍀𑌚𑌤𑍁𑌰𑍍𑌭𑌿𑌸𑍍𑌸𑌹𑌰𑌾𑌕𑍍𑌷𑌸𑍈𑌃 ।
𑌅𑌬𑍍𑌰𑌵𑍀𑌚𑍍𑌚𑌤𑌦𑌾𑌵𑌾𑌕𑍍𑌯𑌂𑌰𑌾𑌮𑌮𑍍𑌪𑍍𑌰𑌤𑌿𑌵𑌿𑌭𑍀𑌷𑌣𑌃 ॥ 3 ॥
𑌧𑌰𑍍𑌮𑌯𑍁𑌕𑍍𑌤𑌞𑍍𑌚𑌯𑍁𑌕𑍍𑌤𑌞𑍍𑌚𑌸𑌾𑌮𑍍𑌪𑍍𑌰𑌤𑌂𑌸𑌮𑍍𑌪𑍍𑌰𑌹𑌰𑍍𑌷𑌣𑌮𑍍 ।
𑌅𑌨𑍁𑌜𑍋𑌰𑌾𑌵𑌣𑌸𑍍𑌯𑌾𑌹𑌨𑍍𑌤𑍇𑌨𑌚𑌾𑌪𑍍𑌯𑌵𑌮𑌾𑌨𑌿𑌤𑌃 ।
𑌭𑌵𑌨𑍍𑌤𑌂𑌸𑌰𑍍𑌵𑌭𑍂𑌤𑌾𑌨𑌾𑌂𑌶𑌰𑌣𑍍𑌯𑌂𑌶𑌰𑌣𑌾𑌗𑌤𑌃 ॥ 4 ॥
𑌪𑌰𑌿𑌤𑍍𑌯𑌕𑍍𑌤𑌾𑌮𑌯𑌾𑌲𑌙𑍍𑌕𑌮𑌿𑌤𑍍𑌰𑌾𑌣𑌿𑌚𑌧𑌨𑌾𑌨𑌿𑌚 ।
𑌭𑌵𑌦𑍍𑌗𑌤𑌂𑌹𑌿𑌮𑍇𑌰𑌾𑌜𑍍𑌯𑌞𑍍𑌜𑍀𑌵𑌿𑌤𑌞𑍍𑌚𑌸𑍁𑌖𑌾𑌨𑌿𑌚 ॥ 5 ॥
𑌤𑌥𑍍𑌯𑌤𑌦𑍍𑌵𑌚𑌨𑌂𑌶𑍍𑌰𑍁𑌤𑍍𑌵𑌾𑌰𑌾𑌮𑍋𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 6 ॥
𑌵𑌚𑌸𑌾𑌸𑌾𑌨𑍍𑌤𑍍𑌵𑌯𑌿𑌤𑍍𑌵𑍈𑌨𑌂𑌲𑍋𑌚𑌨𑌾𑌭𑍍𑌯𑌾𑌮𑍍𑌪𑌿𑌬𑌨𑍍𑌨𑌿𑌵 ।
𑌆𑌖𑍍𑌯𑌾𑌹𑌿𑌮𑌮𑌤𑌤𑍍𑌤𑍍𑌵𑍇𑌨𑌰𑌾𑌕𑍍𑌷𑌸𑌾𑌨𑌾𑌮𑍍𑌬𑌲𑌾𑌬𑌲𑌮𑍍 ॥ 7 ॥
𑌏𑌵𑌮𑍁𑌕𑍍𑌤𑌨𑍍𑌤𑌦𑌾𑌰𑌕𑍍𑌷𑍋𑌰𑌾𑌮𑍇𑌣𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌾 ।
𑌰𑌾𑌵𑌣𑌸𑍍𑌯𑌬𑌲𑌂𑌸𑌰𑍍𑌵𑌮𑌾𑌖𑍍𑌯𑌾𑌤𑍁𑌮𑍁𑌪𑌚𑌕𑍍𑌰𑌮𑍇 ॥ 8 ॥
𑌅𑌵𑌧𑍍𑌯𑌸𑍍𑌸𑌰𑍍𑌵𑌭𑍂𑌤𑌾𑌨𑌾𑌙𑍍𑌗𑌨𑍍𑌧𑌰𑍍𑌵𑍋𑌰𑌗𑌰𑌕𑍍𑌷𑌸𑌾𑌮𑍍 ।
𑌰𑌾𑌜𑌪𑍁𑌤𑍍𑌰𑌦𑌶𑌗𑍍𑌰𑍀𑌵𑍋𑌵𑌰𑌦𑌾𑌨𑌾𑌤𑍍𑌸𑍍𑌵𑌯𑌮𑍍𑌭𑍁𑌵𑌃 ॥ 9 ॥
𑌰𑌾𑌵𑌣𑌾𑌨𑌨𑍍𑌤𑌰𑍋𑌭𑍍𑌰𑌾𑌤𑌾𑌮𑌮𑌜𑍍𑌯𑍇𑌷𑍍𑌠𑌶𑍍𑌚𑌵𑍀𑌰𑍍𑌯𑌵𑌾𑌨𑍍 ।
𑌕𑍁𑌮𑍍𑌭𑌕𑌰𑍍𑌣𑍋𑌮𑌹𑌾𑌤𑍇𑌜𑌾𑌶𑍍𑌶𑌕𑍍𑌰𑌪𑍍𑌰𑌤𑌿𑌬𑌲𑍋𑌯𑍁𑌧𑌿 ॥ 10 ॥
𑌰𑌾𑌮𑌸𑍇𑌨𑌾𑌪𑌤𑌿𑌸𑍍𑌤𑌸𑍍𑌯𑌪𑍍𑌰𑌹𑌾𑌸𑍍𑌤𑍋𑌯𑌦𑌿𑌵𑌾𑌶𑍍𑌰𑍁𑌤𑌃 ।
𑌕𑍈𑌲𑌾𑌸𑍇𑌯𑍇𑌨𑌸𑌙𑍍𑌗𑍍𑌰𑌾𑌮𑍇𑌮𑌣𑌿𑌭𑌦𑍍𑌰𑌃𑌪𑌰𑌾𑌜𑌿𑌤𑌃 ॥ 11 ॥
𑌬𑌦𑍍𑌦𑌗𑍋𑌧𑌾𑌙𑍍𑌗𑍁𑌲𑌿𑌤𑍍𑌰𑌶𑍍𑌚 𑌅𑌵𑌧𑍍𑌯𑌕𑌵𑌚𑍋 𑌯𑍁𑌧𑌿 ।
𑌧𑌨𑍁𑌰𑌾𑌦𑌾𑌯 𑌯𑌸𑍍𑌤𑌿𑌷𑍍𑌠𑌨𑍍𑌨𑌦𑍃𑌶𑍍𑌯𑍋 𑌭𑌵𑌤𑍀𑌨𑍍𑌦𑍍𑌰𑌜𑌿𑌤𑍍 ॥ 12 ॥
𑌸𑌙𑍍𑌗𑍍𑌰𑌾𑌮𑌸𑌮𑌯𑌵𑍍𑌯𑍂𑌹𑍇𑌤𑌰𑍍𑌪𑌯𑌿𑌤𑍍𑌵𑌾𑌹𑍁𑌤𑌾𑌶𑌨𑌮𑍍 ।
𑌅𑌨𑍍𑌤𑌰𑍍𑌧𑌾𑌨𑌗𑌤𑌶𑍍𑌶𑌤𑍍𑌰𑍂𑌨𑌿𑌨𑍍𑌦𑍍𑌰𑌜𑌿𑌦𑍍 𑌹𑌨𑍍𑌤𑌿𑌰𑌾𑌘𑌵𑌃 ॥ 13 ॥
𑌮𑌹𑍋𑌦𑌰𑌮𑌹𑌾𑌪𑌾𑌰𑍍𑌶𑍍𑌵𑍗𑌰𑌾𑌕𑍍𑌷𑌸𑌶𑍍𑌚𑌾𑌪𑍍𑌯𑌕𑌮𑍍𑌪𑌨𑌃 ।
𑌅𑌨𑍀𑌕𑌸𑍍𑌥𑌾𑌸𑍍𑌤𑍁𑌤𑌸𑍍𑌯𑍈𑌤𑍇𑌲𑍋𑌕𑌪𑌾𑌲𑌸𑌮𑌾𑌯𑍁𑌧𑌿 ॥ 14 ॥
𑌦𑌶𑌕𑍋𑌟𑌿𑌸𑌹𑌸𑍍𑌰𑌾𑌣𑌿𑌰𑌕𑍍𑌷𑌸𑌾𑌙𑍍𑌕𑌾𑌮𑌰𑍂𑌪𑌿𑌣𑌾𑌮𑍍 ।
𑌮𑌾𑌂𑌸𑌶𑍋𑌣𑌿𑌤𑌭𑌕𑍍𑌷𑍍𑌯𑌾𑌣𑌾𑌂𑌲𑌙𑍍𑌕𑌾𑌪𑍁𑌰𑌨𑌿𑌵𑌾𑌸𑌿𑌨𑌾𑌮𑍍 ॥ 15 ॥
𑌸𑌤𑍈𑌸𑍍𑌤𑍁𑌸𑌹𑌿𑌤𑍋𑌰𑌾𑌜𑌾𑌲𑍋𑌕𑌪𑌾𑌲𑌾𑌨𑌯𑍋𑌧𑌯𑌤𑍍 ।
𑌸𑌹𑌦𑍇𑌵𑍈𑌸𑍍𑌤𑍁𑌤𑍇𑌭𑌗𑍍𑌨𑌾𑌰𑌾𑌵𑌣𑍇𑌨𑌮𑌹𑌾𑌤𑍍𑌮𑌨𑌾 ॥ 16 ॥
𑌵𑌿𑌭𑍀𑌷𑌣𑌵𑌚𑌃 𑌶𑍍𑌰𑍁𑌤𑍍𑌵𑌾𑌰𑌾𑌮𑍋𑌦𑍃𑌢𑌪𑌰𑌾𑌕𑍍𑌰𑌮𑌃 ।
𑌅𑌨𑍍𑌵𑍀𑌕𑍍𑌷𑍍𑌯𑌮𑌨𑌸𑌾𑌸𑌰𑍍𑌵𑌮𑌿𑌦𑌂𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 17 ॥
𑌯𑌾𑌨𑌿𑌕𑌰𑍍𑌮𑌾𑌪𑌦𑌾𑌨𑌾𑌨𑌿𑌰𑌾𑌵𑌣𑌸𑍍𑌯𑌵𑌿𑌭𑍀𑌷𑌣𑌃 ।
𑌅𑌖𑍍𑌯𑌾𑌤𑌾𑌨𑌿𑌚𑌤𑌤𑍍𑌤𑍍𑌵𑍇𑌨𑌹𑍍𑌯𑌵𑌗𑌚𑍍𑌛𑌾𑌮𑌿𑌤𑌾𑌨𑍍𑌯𑌹𑌮𑍍 ॥ 18 ॥
𑌅𑌹𑌂𑌹𑌤𑍍𑌵𑌾𑌦𑌶𑌗𑍍𑌰𑍀𑌵𑌂𑌸𑌪𑍍𑌰𑌹𑌸𑍍𑌤𑌂𑌸𑌬𑌾𑌨𑍍𑌧𑌵𑌮𑍍 ।
𑌰𑌾𑌜𑌾𑌨𑌨𑍍𑌤𑍍𑌵𑌾𑌙𑍍𑌕𑌰𑌿𑌷𑍍𑌯𑌾𑌮𑌿𑌸𑌤𑍍𑌯𑌮𑍇𑌤𑌦𑍍𑌬𑍍𑌰𑌵𑍀𑌮𑌿𑌤𑍇 ॥ 19 ॥
𑌰𑌸𑌾𑌤𑌲𑌂 𑌵𑌾 𑌪𑍍𑌰𑌵𑌿𑌶𑍇𑌤𑍍𑌪𑌾𑌤𑌾𑌲𑌂 𑌵𑌾𑌪𑌿 𑌰𑌾𑌵𑌣𑌃 ।
𑌪𑌿𑌤𑌾𑌮𑌹𑌸𑌕𑌾𑌶𑌂 𑌵𑌾 𑌨 𑌮𑍇 𑌜𑍀𑌵𑌨𑍍𑌵𑌿𑌮𑍋𑌕𑍍𑌷𑍍𑌯𑌤𑍇 ॥ 20 ॥
𑌅𑌹𑌤𑍍𑌵𑌾𑌰𑌾𑌵𑌣𑌂𑌸𑌙𑍍 𑌖𑍍𑌯𑍇𑌸𑌪𑍁𑌤𑍍𑌰𑌜𑌨𑌬𑌾𑌨𑍍𑌧𑌵𑌮𑍍 ।
𑌅𑌯𑍋𑌧𑍍𑌯𑌾𑌨𑍍𑌨𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌿𑌤𑍍𑌰𑌿𑌭𑌿𑌸𑍍𑌤𑍈𑌰𑍍𑌭𑍍𑌰𑌾𑌤𑍃𑌭𑌿𑌶𑍍𑌶𑌪𑍇 ॥ 21 ॥
𑌶𑍍𑌰𑍁𑌤𑍍𑌵𑌾𑌤𑍁𑌵𑌚𑌨𑌨𑍍𑌤𑌸𑍍𑌯𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌶𑌿𑌰𑌸𑌾𑌵𑌨𑍍𑌦𑍍𑌯𑌧𑌰𑍍𑌮𑌾𑌤𑍍𑌮𑌾𑌵𑌕𑍍𑌤𑍁𑌮𑍇𑌵𑍋𑌪𑌚𑌕𑍍𑌰𑌮𑍇 ॥ 22 ॥
𑌰𑌾𑌕𑍍𑌷𑌸𑌾𑌨𑌾𑌂𑌵𑌧𑍇𑌸𑌾𑌹𑍍𑌯𑌂𑌲𑌙𑍍𑌕𑌾𑌯𑌾𑌶𑍍𑌚𑌪𑍍𑌰𑌧𑌰𑍍𑌷𑌣𑍇 ।
𑌕𑌰𑌿𑌷𑍍𑌯𑌾𑌮𑌿𑌯𑌥𑌾𑌪𑍍𑌰𑌾𑌣𑌮𑍍𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌿𑌚𑌵𑌾𑌹𑌿𑌨𑍀𑌮𑍍 ॥ 23 ॥
𑌇𑌤𑌿𑌬𑍍𑌰𑍁𑌵𑌾𑌣𑌾𑌂𑌰𑌾𑌮𑌸𑍍𑌤𑍁𑌪𑌰𑌿𑌷𑍍𑌵𑌜𑍍𑌯𑌵𑌿𑌭𑍀𑌷𑌣𑌮𑍍 ।
𑌅𑌬𑍍𑌰𑌵𑍀𑌲𑍍𑌲𑌕𑍍𑌷𑍍𑌮𑌣𑌮𑍍𑌪𑍍𑌰𑍀𑌤𑌸𑍍𑌸𑌮𑍁𑌦𑍍𑌰𑌾𑌜𑍍𑌜𑌲𑌮𑌾𑌨𑌯 ॥ 24 ॥
𑌤𑍇𑌨𑌚𑍇𑌮𑌮𑍍𑌮𑌹𑌾𑌪𑍍𑌰𑌾𑌜𑍍𑌞𑌮𑌭𑌿𑌷𑌿𑌞𑍍𑌚𑌵𑌿𑌭𑍀𑌷𑌣𑌮𑍍 ।
𑌰𑌾𑌜𑌾𑌨𑌂𑌰𑌕𑍍𑌷𑌸𑌾𑌙𑍍𑌕𑍍𑌷𑌿𑌪𑍍𑌰𑌮𑍍𑌪𑍍𑌰𑌸𑌨𑍍𑌨𑍇𑌮𑌯𑌿𑌮𑌾𑌨𑌦 ॥ 25 ॥
𑌏𑌵𑌮𑍁𑌕𑍍𑌤𑌸𑍍𑌤𑍁𑌸𑍗𑌮𑌿𑌤𑍍𑌰𑌿𑌰𑌭𑍍𑌯𑌷𑌿𑌞𑍍𑌚𑌦𑍍𑌵𑌿𑌭𑍀𑌷𑌣𑌮𑍍 ।
𑌮𑌧𑍍𑌯𑍇𑌵𑌾𑌨𑌰𑌮𑍁𑌖𑍍𑌯𑌾𑌨𑌾𑌂𑌰𑌾𑌜𑌾𑌨𑌂𑌰𑌾𑌮𑌶𑌾𑌸𑌨𑌾𑌤𑍍 ॥ 26 ॥
𑌤𑌮𑍍𑌪𑍍𑌰𑌸𑌾𑌦𑌨𑍍𑌤𑍁𑌰𑌾𑌮𑌸𑍍𑌯𑌦𑍃𑌷𑍍𑌟𑌵𑌾𑌸𑌦𑍍𑌯𑌃𑌪𑍍𑌲𑌵𑌙𑍍𑌗𑌮𑌾𑌃 ।
𑌪𑍍𑌰𑌚𑍁𑌕𑍍𑌰𑍁𑌶𑍁𑌰𑍍𑌮𑌹𑌾𑌤𑍍𑌮𑌾𑌨𑌂𑌸𑌾𑌧𑍁𑌸𑌾𑌧𑍍𑌵𑌿𑌤𑌿𑌚𑌾𑌬𑍍𑌰𑍁𑌵𑌨𑍍 ॥ 27 ॥
𑌅𑌥𑌾𑌬𑍍𑌰𑌵𑍀𑌦𑍍 𑌹𑌨𑍂𑌮𑌾𑌂𑌶𑍍𑌚𑌸𑍁𑌗𑍍𑌰𑍀𑌵𑌶𑍍𑌚𑌵𑌿𑌭𑍀𑌷𑌣𑌮𑍍 ।
𑌕𑌥𑌂𑌸𑌾𑌗𑌰𑌮𑌕𑍍𑌷𑍋𑌭𑍍𑌯𑌨𑍍𑌤𑌰𑌾𑌮𑌵𑌰𑍁𑌣𑌾𑌲𑌯𑌮𑍍 ॥ 28 ॥
𑌸𑍈𑌨𑍍𑌯𑍈𑌃𑌪𑌰𑌿𑌵𑍃𑌤𑌾𑌸𑍍𑌸𑌰𑍍𑌵𑍇𑌵𑌾𑌨𑌰𑌾𑌣𑌾𑌮𑍍𑌮𑌹𑍗𑌜𑌸𑌾𑌮𑍍 ।
𑌉𑌪𑌾𑌯𑌨𑍍𑌨𑌾𑌧𑌿𑌗𑌚𑍍𑌛𑌾𑌮𑍋𑌯𑌥𑌾𑌨𑌦𑌨𑌦𑍀𑌪𑌤𑌿𑌮𑍍 ।
𑌤𑌰𑌾𑌮𑌤𑌰𑌸𑌾𑌸𑌰𑍍𑌵𑍇𑌸𑌸𑍈𑌨𑍍𑌯𑌾𑌵𑌰𑍁𑌣𑌾𑌲𑌯𑌮𑍍 ॥ 29 ॥
𑌏𑌵𑌮𑍁𑌕𑍍𑌤𑌸𑍍𑌤𑍁𑌧𑌰𑍍𑌮𑌜𑍍𑌞𑌃𑌪𑍍𑌰𑌤𑍍𑌯𑍁𑌵𑌾𑌚𑌵𑌿𑌭𑍀𑌷𑌣𑌃 ।
𑌸𑌮𑍁𑌦𑍍𑌰𑌂𑌰𑌾𑌘𑌵𑍋𑌰𑌾𑌜𑌾𑌶𑌰𑌣𑌙𑍍𑌗𑌨𑍍𑌤𑍁𑌮𑌰𑍍𑌹𑌤𑌿 ॥ 30 ॥
𑌖𑌾𑌨𑌿𑌤𑌸𑍍𑌸𑌗𑌰𑍇𑌣𑌾𑌯𑌮𑌪𑍍𑌰𑌮𑍇𑌯𑍋𑌮𑌹𑍋𑌦𑌧𑌿𑌃 ।
𑌕𑌰𑍍𑌤𑍁𑌮𑌰𑍍𑌹𑌤𑌿𑌰𑌾𑌮𑌸𑍍𑌯𑌜𑍍𑌞𑌾𑌤𑍇𑌃 𑌕𑌾𑌰𑍍𑌯𑌮𑍍𑌮𑌹𑌾𑌮𑌤𑌿𑌃 ॥ 31 ॥
𑌏𑌵𑌂𑌵𑌿𑌭𑍀𑌷𑌣𑍇𑌨𑍋𑌕𑍍𑌤𑍋𑌰𑌾𑌕𑍍𑌷𑌸𑍇𑌨𑌵𑌿𑌪𑌶𑍍𑌚𑌿𑌤𑌾 ।
𑌅𑌜𑌗𑌾𑌮𑌾𑌥𑌸𑍁𑌗𑍍𑌰𑍀𑌵𑍋𑌯𑌤𑍍𑌰𑌰𑌾𑌮𑌸𑍍𑌸𑌲𑌕𑍍𑌷𑍍𑌮𑌣𑌃 ॥ 32 ॥
𑌤𑌤𑌶𑍍𑌚𑌾𑌖𑍍𑌯𑌾𑌤𑍁𑌮𑌾𑌰𑍇𑌭𑍇𑌵𑌿𑌭𑍀𑌷𑌣𑌵𑌚𑌶𑍍𑌶𑍁𑌭𑌮𑍍 ।
𑌸𑍁𑌗𑍍𑌰𑍀𑌵𑍋𑌵𑌿𑌪𑍁𑌲𑌗𑍍𑌰𑍀𑌵𑍋𑌸𑍍𑌸𑌾𑌗𑌰𑌸𑍍𑌯𑍋𑌪𑌵𑍇𑌶𑌨𑌮𑍍 ॥ 33 ॥
𑌪𑍍𑌰𑌕𑍃𑌤𑍍𑌯𑌾𑌧𑌰𑍍𑌮𑌶𑍀𑌲𑌸𑍍𑌯𑌰𑌾𑌘𑌵𑌸𑍍𑌯𑌾𑌪𑍍𑌯𑌰𑍋𑌚𑌤 ॥ 34 ॥
𑌵𑌿𑌭𑍀𑌷𑌣𑌸𑍍𑌯𑌮𑌨𑍍𑌤𑍍𑌰𑍋𑌽𑌯𑌮𑍍𑌮𑌮𑌲𑌕𑍍𑌷𑍍𑌮𑌣 𑌰𑍋𑌚𑌤𑍇 ।
𑌸𑍁𑌗𑍍𑌰𑍀𑌵𑌃𑌪𑌣𑍍𑌡𑌿𑌤𑍋𑌨𑌿𑌤𑍍𑌯𑌮𑍍𑌭𑌵𑌾𑌨𑍍𑌮𑌨𑍍𑌤𑍍𑌰𑌵𑌿𑌚𑌕𑍍𑌷𑌣𑌃 ॥ 35 ॥
𑌉𑌭𑌾𑌭𑍍𑌯𑌾𑌂𑌸𑌮𑍍𑌪𑍍𑌰𑌧𑌾𑌰𑍍𑌯𑌾𑌰𑍍𑌥𑌂𑌰𑍋𑌚𑌤𑍇𑌯𑌤𑍍𑌤𑌦𑍁𑌚𑍍𑌯𑌤𑌾𑌮𑍍 ।
𑌏𑌵𑌮𑍁𑌕𑍍𑌤𑍗𑌤𑌤𑍋𑌵𑍀𑌰𑌾𑌵𑍁𑌭𑍗𑌸𑍁𑌗𑍍𑌰𑍀𑌵𑌲𑌕𑍍𑌷𑍍𑌮𑌣𑍗 ।
𑌸𑌮𑍁𑌦𑌾𑌚𑌾𑌰𑌸𑌂𑌯𑍁𑌕𑍍𑌤𑌮𑌿𑌦𑌂𑌵𑌚𑌨𑌮𑍂𑌚𑌤𑍁𑌃 ॥ 36 ॥
𑌕𑌿𑌮𑌰𑍍𑌥𑌨𑍗𑌨𑌰𑌵𑍍𑌯𑌾𑌘𑍍𑌰𑌃 𑌨𑌰𑍋𑌚𑌿𑌷𑍍𑌯𑌤𑌿𑌰𑌾𑌘𑌵𑌃 ।
𑌵𑌿𑌭𑍀𑌷𑌣𑍇𑌨𑌯𑌚𑍍𑌚𑍋𑌕𑍍𑌤𑌮𑌸𑍍𑌮𑌿𑌨𑍍 𑌕𑌾𑌲𑍇𑌸𑍁𑌖𑌾𑌵𑌹𑌮𑍍 ॥ 37 ॥
𑌅𑌬𑌧𑍍𑌵𑌾𑌸𑌾𑌗𑌰𑍇𑌸𑍇𑌤𑍁𑌙𑍍𑌘𑍋𑌰𑍇𑌽𑌸𑍍𑌮𑌿𑌨𑍍𑌵𑌰𑍁𑌣𑌾𑌲𑌯𑍇 ।
𑌲𑌙𑍍𑌕𑌾𑌨𑌾𑌸𑌾𑌦𑌿𑌤𑍁𑌂𑌶𑌕𑍍𑌯𑌾𑌸𑍇𑌨𑍍𑌦𑍍𑌰𑍈𑌰𑌪𑌿𑌸𑍁𑌰𑌾𑌸𑍁𑌰𑍈𑌃 ॥ 38 ॥
𑌵𑌿𑌭𑍀𑌷𑌣𑌸𑍍𑌯𑌶𑍂𑌰𑌸𑍍𑌯𑌯𑌥𑌾𑌰𑍍𑌥𑌙𑍍𑌕𑍍𑌰𑌿𑌯𑌤𑌾𑌂𑌵𑌚𑌃 ॥ 39 ॥
𑌅𑌲𑌙𑍍𑌕𑌾𑌲𑌾𑌤𑍍𑌯𑌯𑌙𑍍𑌕𑍃𑌤𑍍𑌵𑌾𑌸𑌾𑌗𑌰𑍋𑌽𑌯𑌨𑍍𑌨𑌿𑌯𑍁𑌜𑍍𑌯𑌤𑌾𑌮𑍍 ।
𑌯𑌥𑌾𑌸𑍈𑌨𑍍𑌯𑍇𑌨𑌗𑌚𑍍𑌛𑌾𑌮𑌪𑍁𑌰𑍀𑌂𑌰𑌾𑌵𑌣𑌪𑌾𑌲𑌿𑌤𑌾𑌮𑍍 ॥ 40 ॥
𑌏𑌵𑌮𑍁𑌕𑍍𑌤𑌃𑌕𑍁𑌶𑌾𑌸𑍍𑌤𑍀𑌰𑍍𑌨𑍋𑌤𑍀𑌰𑍇𑌨𑌦𑌨𑌦𑍀𑌪𑌤𑍇𑌃 ।
𑌸𑌂𑌵𑌿𑌵𑍇𑌶𑌤𑌦𑌾𑌰𑌾𑌮𑍋𑌵𑍇𑌦𑍍𑌯𑌾𑌮𑌿𑌵𑌹𑍁𑌤𑌾𑌶𑌨𑌃 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌣𑍍𑌡𑍇 𑌏𑌕𑍋𑌨𑌵𑌿𑌂𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha ekonaviṃśassargaḥ |
rāghaveṇābhayedattesannatorāvaṇānujaḥ |
vibhīṣaṇomahāprājñobhūmiṃsamavalokayan || 1 ||
khātpapātāvanīṃhṛṣṭobhakteranucaraissaha |
satarāmasyaparamātmānipapātavibhīṣaṇaḥ || 2 ||
pādayośśaraṇānveṣīcaturbhissaharākṣasaiḥ |
abravīccatadāvākyaṃrāmamprativibhīṣaṇaḥ || 3 ||
dharmayuktañcayuktañcasāmprataṃsampraharṣaṇam |
anujorāvaṇasyāhantenacāpyavamānitaḥ |
bhavantaṃsarvabhūtānāṃśaraṇyaṃśaraṇāgataḥ || 4 ||
parityaktāmayālaṅkamitrāṇicadhanānica |
bhavadgataṃhimerājyañjīvitañcasukhānica || 5 ||
tathyatadvacanaṃśrutvārāmovacanamabravīt || 6 ||
vacasāsāntvayitvainaṃlocanābhyāmpibanniva |
ākhyāhimamatattvenarākṣasānāmbalābalam || 7 ||
evamuktantadārakṣorāmeṇākliṣṭakarmaṇā |
rāvaṇasyabalaṃsarvamākhyātumupacakrame || 8 ||
avadhyassarvabhūtānāṅgandharvoragarakṣasām |
rājaputradaśagrīvovaradānātsvayambhuvaḥ || 9 ||
rāvaṇānantarobhrātāmamajyeṣṭhaścavīryavān |
kumbhakarṇomahātejāśśakrapratibaloyudhi || 10 ||
rāmasenāpatistasyaprahāstoyadivāśrutaḥ |
kailāseyenasaṅgrāmemaṇibhadraḥparājitaḥ || 11 ||
baddagodhāṅgulitraśca avadhyakavaco yudhi |
dhanurādāya yastiṣṭhannadṛśyo bhavatīndrajit || 12 ||
saṅgrāmasamayavyūhetarpayitvāhutāśanam |
antardhānagataśśatrūnindrajid hantirāghavaḥ || 13 ||
mahodaramahāpārśvaurākṣasaścāpyakampanaḥ |
anīkasthāstutasyaitelokapālasamāyudhi || 14 ||
daśakoṭisahasrāṇirakṣasāṅkāmarūpiṇām |
māṃsaśoṇitabhakṣyāṇāṃlaṅkāpuranivāsinām || 15 ||
sataistusahitorājālokapālānayodhayat |
sahadevaistutebhagnārāvaṇenamahātmanā || 16 ||
vibhīṣaṇavacaḥ śrutvārāmodṛḍhaparākramaḥ |
anvīkṣyamanasāsarvamidaṃvacanamabravīt || 17 ||
yānikarmāpadānānirāvaṇasyavibhīṣaṇaḥ |
akhyātānicatattvenahyavagacchāmitānyaham || 18 ||
ahaṃhatvādaśagrīvaṃsaprahastaṃsabāndhavam |
rājānantvāṅkariṣyāmisatyametadbravīmite || 19 ||
rasātalaṃ vā praviśetpātālaṃ vāpi rāvaṇaḥ |
pitāmahasakāśaṃ vā na me jīvanvimokṣyate || 20 ||
ahatvārāvaṇaṃsaṅ khyesaputrajanabāndhavam |
ayodhyānnapravekṣyāmitribhistairbhrātṛbhiśśape || 21 ||
śrutvātuvacanantasyarāmasyākliṣṭakarmaṇaḥ |
śirasāvandyadharmātmāvaktumevopacakrame || 22 ||
rākṣasānāṃvadhesāhyaṃlaṅkāyāścapradharṣaṇe |
kariṣyāmiyathāprāṇampravekṣyāmicavāhinīm || 23 ||
itibruvāṇāṃrāmastupariṣvajyavibhīṣaṇam |
abravīllakṣmaṇamprītassamudrājjalamānaya || 24 ||
tenacemammahāprājñamabhiṣiñcavibhīṣaṇam |
rājānaṃrakṣasāṅkṣipramprasannemayimānada || 25 ||
evamuktastusaumitrirabhyaṣiñcadvibhīṣaṇam |
madhyevānaramukhyānāṃrājānaṃrāmaśāsanāt || 26 ||
tamprasādanturāmasyadṛṣṭavāsadyaḥplavaṅgamāḥ |
pracukruśurmahātmānaṃsādhusādhviticābruvan || 27 ||
athābravīd hanūmāṃścasugrīvaścavibhīṣaṇam |
kathaṃsāgaramakṣobhyantarāmavaruṇālayam || 28 ||
sainyaiḥparivṛtāssarvevānarāṇāmmahaujasām |
upāyannādhigacchāmoyathānadanadīpatim |
tarāmatarasāsarvesasainyāvaruṇālayam || 29 ||
evamuktastudharmajñaḥpratyuvācavibhīṣaṇaḥ |
samudraṃrāghavorājāśaraṇaṅgantumarhati || 30 ||
khānitassagareṇāyamaprameyomahodadhiḥ |
kartumarhatirāmasyajñāteḥ kāryammahāmatiḥ || 31 ||
evaṃvibhīṣaṇenoktorākṣasenavipaścitā |
ajagāmāthasugrīvoyatrarāmassalakṣmaṇaḥ || 32 ||
tataścākhyātumārebhevibhīṣaṇavacaśśubham |
sugrīvovipulagrīvossāgarasyopaveśanam || 33 ||
prakṛtyādharmaśīlasyarāghavasyāpyarocata || 34 ||
vibhīṣaṇasyamantro'yammamalakṣmaṇa rocate |
sugrīvaḥpaṇḍitonityambhavānmantravicakṣaṇaḥ || 35 ||
ubhābhyāṃsampradhāryārthaṃrocateyattaducyatām |
evamuktautatovīrāvubhausugrīvalakṣmaṇau |
samudācārasaṃyuktamidaṃvacanamūcatuḥ || 36 ||
kimarthanaunaravyāghraḥ narociṣyatirāghavaḥ |
vibhīṣaṇenayaccoktamasmin kālesukhāvaham || 37 ||
abadhvāsāgaresetuṅghore'sminvaruṇālaye |
laṅkānāsādituṃśakyāsendrairapisurāsuraiḥ || 38 ||
vibhīṣaṇasyaśūrasyayathārthaṅkriyatāṃvacaḥ || 39 ||
alaṅkālātyayaṅkṛtvāsāgaro'yanniyujyatām |
yathāsainyenagacchāmapurīṃrāvaṇapālitām || 40 ||
evamuktaḥkuśāstīrnotīrenadanadīpateḥ |
saṃviveśatadārāmovedyāmivahutāśanaḥ || 41 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekonaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ एकोनविंशस्सर्गः ।
राघवेणाभयेदत्तेसन्नतोरावणानुजः ।
विभीषणोमहाप्राज्ञोभूमिंसमवलोकयन् ॥ 1 ॥
खात्पपातावनींहृष्टोभक्तेरनुचरैस्सह ।
सतरामस्यपरमात्मानिपपातविभीषणः ॥ 2 ॥
पादयोश्शरणान्वेषीचतुर्भिस्सहराक्षसैः ।
अब्रवीच्चतदावाक्यंरामम्प्रतिविभीषणः ॥ 3 ॥
धर्मयुक्तञ्चयुक्तञ्चसाम्प्रतंसम्प्रहर्षणम् ।
अनुजोरावणस्याहन्तेनचाप्यवमानितः ।
भवन्तंसर्वभूतानांशरण्यंशरणागतः ॥ 4 ॥
परित्यक्तामयालङ्कमित्राणिचधनानिच ।
भवद्गतंहिमेराज्यञ्जीवितञ्चसुखानिच ॥ 5 ॥
तथ्यतद्वचनंश्रुत्वारामोवचनमब्रवीत् ॥ 6 ॥
वचसासान्त्वयित्वैनंलोचनाभ्याम्पिबन्निव ।
आख्याहिममतत्त्वेनराक्षसानाम्बलाबलम् ॥ 7 ॥
एवमुक्तन्तदारक्षोरामेणाक्लिष्टकर्मणा ।
रावणस्यबलंसर्वमाख्यातुमुपचक्रमे ॥ 8 ॥
अवध्यस्सर्वभूतानाङ्गन्धर्वोरगरक्षसाम् ।
राजपुत्रदशग्रीवोवरदानात्स्वयम्भुवः ॥ 9 ॥
रावणानन्तरोभ्राताममज्येष्ठश्चवीर्यवान् ।
कुम्भकर्णोमहातेजाश्शक्रप्रतिबलोयुधि ॥ 10 ॥
रामसेनापतिस्तस्यप्रहास्तोयदिवाश्रुतः ।
कैलासेयेनसङ्ग्रामेमणिभद्रःपराजितः ॥ 11 ॥
बद्दगोधाङ्गुलित्रश्च अवध्यकवचो युधि ।
धनुरादाय यस्तिष्ठन्नदृश्यो भवतीन्द्रजित् ॥ 12 ॥
सङ्ग्रामसमयव्यूहेतर्पयित्वाहुताशनम् ।
अन्तर्धानगतश्शत्रूनिन्द्रजिद् हन्तिराघवः ॥ 13 ॥
महोदरमहापार्श्वौराक्षसश्चाप्यकम्पनः ।
अनीकस्थास्तुतस्यैतेलोकपालसमायुधि ॥ 14 ॥
दशकोटिसहस्राणिरक्षसाङ्कामरूपिणाम् ।
मांसशोणितभक्ष्याणांलङ्कापुरनिवासिनाम् ॥ 15 ॥
सतैस्तुसहितोराजालोकपालानयोधयत् ।
सहदेवैस्तुतेभग्नारावणेनमहात्मना ॥ 16 ॥
विभीषणवचः श्रुत्वारामोदृढपराक्रमः ।
अन्वीक्ष्यमनसासर्वमिदंवचनमब्रवीत् ॥ 17 ॥
यानिकर्मापदानानिरावणस्यविभीषणः ।
अख्यातानिचतत्त्वेनह्यवगच्छामितान्यहम् ॥ 18 ॥
अहंहत्वादशग्रीवंसप्रहस्तंसबान्धवम् ।
राजानन्त्वाङ्करिष्यामिसत्यमेतद्ब्रवीमिते ॥ 19 ॥
रसातलं वा प्रविशेत्पातालं वापि रावणः ।
पितामहसकाशं वा न मे जीवन्विमोक्ष्यते ॥ 20 ॥
अहत्वारावणंसङ् ख्येसपुत्रजनबान्धवम् ।
अयोध्यान्नप्रवेक्ष्यामित्रिभिस्तैर्भ्रातृभिश्शपे ॥ 21 ॥
श्रुत्वातुवचनन्तस्यरामस्याक्लिष्टकर्मणः ।
शिरसावन्द्यधर्मात्मावक्तुमेवोपचक्रमे ॥ 22 ॥
राक्षसानांवधेसाह्यंलङ्कायाश्चप्रधर्षणे ।
करिष्यामियथाप्राणम्प्रवेक्ष्यामिचवाहिनीम् ॥ 23 ॥
इतिब्रुवाणांरामस्तुपरिष्वज्यविभीषणम् ।
अब्रवील्लक्ष्मणम्प्रीतस्समुद्राज्जलमानय ॥ 24 ॥
तेनचेमम्महाप्राज्ञमभिषिञ्चविभीषणम् ।
राजानंरक्षसाङ्क्षिप्रम्प्रसन्नेमयिमानद ॥ 25 ॥
एवमुक्तस्तुसौमित्रिरभ्यषिञ्चद्विभीषणम् ।
मध्येवानरमुख्यानांराजानंरामशासनात् ॥ 26 ॥
तम्प्रसादन्तुरामस्यदृष्टवासद्यःप्लवङ्गमाः ।
प्रचुक्रुशुर्महात्मानंसाधुसाध्वितिचाब्रुवन् ॥ 27 ॥
अथाब्रवीद् हनूमांश्चसुग्रीवश्चविभीषणम् ।
कथंसागरमक्षोभ्यन्तरामवरुणालयम् ॥ 28 ॥
सैन्यैःपरिवृतास्सर्वेवानराणाम्महौजसाम् ।
उपायन्नाधिगच्छामोयथानदनदीपतिम् ।
तरामतरसासर्वेससैन्यावरुणालयम् ॥ 29 ॥
एवमुक्तस्तुधर्मज्ञःप्रत्युवाचविभीषणः ।
समुद्रंराघवोराजाशरणङ्गन्तुमर्हति ॥ 30 ॥
खानितस्सगरेणायमप्रमेयोमहोदधिः ।
कर्तुमर्हतिरामस्यज्ञातेः कार्यम्महामतिः ॥ 31 ॥
एवंविभीषणेनोक्तोराक्षसेनविपश्चिता ।
अजगामाथसुग्रीवोयत्ररामस्सलक्ष्मणः ॥ 32 ॥
ततश्चाख्यातुमारेभेविभीषणवचश्शुभम् ।
सुग्रीवोविपुलग्रीवोस्सागरस्योपवेशनम् ॥ 33 ॥
प्रकृत्याधर्मशीलस्यराघवस्याप्यरोचत ॥ 34 ॥
विभीषणस्यमन्त्रोऽयम्ममलक्ष्मण रोचते ।
सुग्रीवःपण्डितोनित्यम्भवान्मन्त्रविचक्षणः ॥ 35 ॥
उभाभ्यांसम्प्रधार्यार्थंरोचतेयत्तदुच्यताम् ।
एवमुक्तौततोवीरावुभौसुग्रीवलक्ष्मणौ ।
समुदाचारसंयुक्तमिदंवचनमूचतुः ॥ 36 ॥
किमर्थनौनरव्याघ्रः नरोचिष्यतिराघवः ।
विभीषणेनयच्चोक्तमस्मिन् कालेसुखावहम् ॥ 37 ॥
अबध्वासागरेसेतुङ्घोरेऽस्मिन्वरुणालये ।
लङ्कानासादितुंशक्यासेन्द्रैरपिसुरासुरैः ॥ 38 ॥
विभीषणस्यशूरस्ययथार्थङ्क्रियतांवचः ॥ 39 ॥
अलङ्कालात्ययङ्कृत्वासागरोऽयन्नियुज्यताम् ।
यथासैन्येनगच्छामपुरींरावणपालिताम् ॥ 40 ॥
एवमुक्तःकुशास्तीर्नोतीरेनदनदीपतेः ।
संविवेशतदारामोवेद्यामिवहुताशनः ॥ 41 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे एकोनविंशस्सर्गः ॥
śrīmadvālmīkīya rāmāyaṇe yuddhakāṇḍam |
atha ekonaviṃśassargaḥ |
rāghaveṇābhayedattesannatorāvaṇānujaḥ |
vibhīṣaṇomahāprājñobhūmiṃsamavalokayan || 1 ||
khātpapātāvanīṃhṛṣṭobhakteranucaraissaha |
satarāmasyaparamātmānipapātavibhīṣaṇaḥ || 2 ||
pādayośśaraṇānveṣīcaturbhissaharākṣasaiḥ |
abravīccatadāvākyaṃrāmamprativibhīṣaṇaḥ || 3 ||
dharmayuktañcayuktañcasāmprataṃsampraharṣaṇam |
anujorāvaṇasyāhantenacāpyavamānitaḥ |
bhavantaṃsarvabhūtānāṃśaraṇyaṃśaraṇāgataḥ || 4 ||
parityaktāmayālaṅkamitrāṇicadhanānica |
bhavadgataṃhimerājyañjīvitañcasukhānica || 5 ||
tathyatadvacanaṃśrutvārāmovacanamabravīt || 6 ||
vacasāsāntvayitvainaṃlocanābhyāmpibanniva |
ākhyāhimamatattvenarākṣasānāmbalābalam || 7 ||
evamuktantadārakṣorāmeṇākliṣṭakarmaṇā |
rāvaṇasyabalaṃsarvamākhyātumupacakrame || 8 ||
avadhyassarvabhūtānāṅgandharvoragarakṣasām |
rājaputradaśagrīvovaradānātsvayambhuvaḥ || 9 ||
rāvaṇānantarobhrātāmamajyeṣṭhaścavīryavān |
kumbhakarṇomahātejāśśakrapratibaloyudhi || 10 ||
rāmasenāpatistasyaprahāstoyadivāśrutaḥ |
kailāseyenasaṅgrāmemaṇibhadraḥparājitaḥ || 11 ||
baddagodhāṅgulitraśca avadhyakavaco yudhi |
dhanurādāya yastiṣṭhannadṛśyo bhavatīndrajit || 12 ||
saṅgrāmasamayavyūhetarpayitvāhutāśanam |
antardhānagataśśatrūnindrajid hantirāghavaḥ || 13 ||
mahodaramahāpārśvaurākṣasaścāpyakampanaḥ |
anīkasthāstutasyaitelokapālasamāyudhi || 14 ||
daśakoṭisahasrāṇirakṣasāṅkāmarūpiṇām |
māṃsaśoṇitabhakṣyāṇāṃlaṅkāpuranivāsinām || 15 ||
sataistusahitorājālokapālānayodhayat |
sahadevaistutebhagnārāvaṇenamahātmanā || 16 ||
vibhīṣaṇavacaḥ śrutvārāmodṛḍhaparākramaḥ |
anvīkṣyamanasāsarvamidaṃvacanamabravīt || 17 ||
yānikarmāpadānānirāvaṇasyavibhīṣaṇaḥ |
akhyātānicatattvenahyavagacchāmitānyaham || 18 ||
ahaṃhatvādaśagrīvaṃsaprahastaṃsabāndhavam |
rājānantvāṅkariṣyāmisatyametadbravīmite || 19 ||
rasātalaṃ vā praviśetpātālaṃ vāpi rāvaṇaḥ |
pitāmahasakāśaṃ vā na me jīvanvimokṣyate || 20 ||
ahatvārāvaṇaṃsaṅ khyesaputrajanabāndhavam |
ayodhyānnapravekṣyāmitribhistairbhrātṛbhiśśape || 21 ||
śrutvātuvacanantasyarāmasyākliṣṭakarmaṇaḥ |
śirasāvandyadharmātmāvaktumevopacakrame || 22 ||
rākṣasānāṃvadhesāhyaṃlaṅkāyāścapradharṣaṇe |
kariṣyāmiyathāprāṇampravekṣyāmicavāhinīm || 23 ||
itibruvāṇāṃrāmastupariṣvajyavibhīṣaṇam |
abravīllakṣmaṇamprītassamudrājjalamānaya || 24 ||
tenacemammahāprājñamabhiṣiñcavibhīṣaṇam |
rājānaṃrakṣasāṅkṣipramprasannemayimānada || 25 ||
evamuktastusaumitrirabhyaṣiñcadvibhīṣaṇam |
madhyevānaramukhyānāṃrājānaṃrāmaśāsanāt || 26 ||
tamprasādanturāmasyadṛṣṭavāsadyaḥplavaṅgamāḥ |
pracukruśurmahātmānaṃsādhusādhviticābruvan || 27 ||
athābravīd hanūmāṃścasugrīvaścavibhīṣaṇam |
kathaṃsāgaramakṣobhyantarāmavaruṇālayam || 28 ||
sainyaiḥparivṛtāssarvevānarāṇāmmahaujasām |
upāyannādhigacchāmoyathānadanadīpatim |
tarāmatarasāsarvesasainyāvaruṇālayam || 29 ||
evamuktastudharmajñaḥpratyuvācavibhīṣaṇaḥ |
samudraṃrāghavorājāśaraṇaṅgantumarhati || 30 ||
khānitassagareṇāyamaprameyomahodadhiḥ |
kartumarhatirāmasyajñāteḥ kāryammahāmatiḥ || 31 ||
evaṃvibhīṣaṇenoktorākṣasenavipaścitā |
ajagāmāthasugrīvoyatrarāmassalakṣmaṇaḥ || 32 ||
tataścākhyātumārebhevibhīṣaṇavacaśśubham |
sugrīvovipulagrīvossāgarasyopaveśanam || 33 ||
prakṛtyādharmaśīlasyarāghavasyāpyarocata || 34 ||
vibhīṣaṇasyamantro'yammamalakṣmaṇa rocate |
sugrīvaḥpaṇḍitonityambhavānmantravicakṣaṇaḥ || 35 ||
ubhābhyāṃsampradhāryārthaṃrocateyattaducyatām |
evamuktautatovīrāvubhausugrīvalakṣmaṇau |
samudācārasaṃyuktamidaṃvacanamūcatuḥ || 36 ||
kimarthanaunaravyāghraḥ narociṣyatirāghavaḥ |
vibhīṣaṇenayaccoktamasmin kālesukhāvaham || 37 ||
abadhvāsāgaresetuṅghore'sminvaruṇālaye |
laṅkānāsādituṃśakyāsendrairapisurāsuraiḥ || 38 ||
vibhīṣaṇasyaśūrasyayathārthaṅkriyatāṃvacaḥ || 39 ||
alaṅkālātyayaṅkṛtvāsāgaro'yanniyujyatām |
yathāsainyenagacchāmapurīṃrāvaṇapālitām || 40 ||
evamuktaḥkuśāstīrnotīrenadanadīpateḥ |
saṃviveśatadārāmovedyāmivahutāśanaḥ || 41 ||
ityārṣe śrīmadrāmāyaṇe vālmīkīya ādikāvye yuddhakāṇḍe ekonaviṃśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.