𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌨𑍍𑌦𑌰𑌕𑌾𑌣𑍍𑌡𑌮𑍍 ।
𑌅𑌥 𑌷𑌷𑍍𑌠𑌸𑍍𑌸𑌰𑍍𑌗𑌃 ।
𑌸 𑌨𑌿𑌕𑌾𑌮𑌂 𑌵𑌿𑌮𑌾𑌨𑍇𑌷𑍁 𑌨𑌿𑌷𑌣𑍍𑌣𑌃 𑌕𑌾𑌮𑌰𑍂𑌪𑌧𑍃𑌤𑍍 ।
𑌵𑌿𑌚𑌚𑌾𑌰 𑌪𑍁𑌨𑌰𑍍𑌲𑌙𑍍𑌕𑌾𑌂 𑌲𑌾𑌘𑌵𑍇𑌨 𑌸𑌮𑌨𑍍𑌵𑌿𑌤𑌃 ॥ 1 ॥
𑌆𑌸𑌸𑌾𑌦𑌾𑌥 𑌲𑌕𑍍𑌷𑍍𑌮𑍀𑌵𑌾𑌨𑍍𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌨𑌿𑌵𑍇𑌶𑌨𑌮𑍍 ।
𑌪𑍍𑌰𑌾𑌕𑌾𑌰𑍇𑌣𑌾𑌰𑍍𑌕𑌵𑌰𑍍𑌣𑍇𑌨 𑌭𑌾𑌸𑍍𑌵𑌰𑍇𑌣𑌾𑌭𑌿𑌸𑌮𑍍𑌵𑍃𑌤𑌮𑍍 ॥ 2 ॥
𑌰𑌕𑍍𑌷𑌿𑌤𑌂 𑌰𑌾𑌕𑍍𑌷𑌸𑍈𑌰𑍍𑌘𑍋𑌰𑍈𑌃 𑌸𑌿𑌂𑌹𑍈𑌰𑌿𑌵 𑌮𑌹𑌦𑍍𑌵𑌨𑌮𑍍 ।
𑌸𑌮𑍀𑌕𑍍𑌷𑌮𑌾𑌣𑍋 𑌭𑌵𑌨𑌂 𑌚𑌕𑌾𑌶𑍇 𑌕𑌪𑌿𑌕𑍁𑌞𑍍𑌜𑌰𑌃 ॥ 3 ॥
𑌰𑍂𑌪𑍍𑌯𑌕𑍋𑌪𑌹𑌿𑌤𑍈 𑌶𑍍𑌚𑌿𑌤𑍍𑌰𑍈𑌸𑍍𑌤𑍋𑌰𑌣𑍈𑌰𑍍𑌹𑍇𑌮𑌭𑍂𑌷𑌿𑌤𑍈𑌃 ।
𑌵𑌿𑌚𑌿𑌤𑍍𑌰𑌾𑌭𑌿𑌶𑍍𑌚 𑌕𑌕𑍍𑌷𑍍𑌯𑌾𑌭𑌿𑌰𑍍𑌦𑍍𑌵𑌾𑌰𑍈𑌶𑍍𑌚 𑌰𑍁𑌚𑌿𑌰𑍈𑌰𑍍𑌵𑍃𑌤𑌮𑍍 ॥ 4 ॥
𑌗𑌜𑌾𑌸𑍍𑌥𑌿𑌤𑍈𑌰𑍍𑌮𑌹𑌾𑌮𑌾𑌤𑍍𑌰𑍈𑌃 𑌶𑍂𑌰𑍈𑌶𑍍𑌚 𑌵𑌿𑌗𑌤𑌶𑍍𑌰𑌮𑍈𑌃 ।
𑌉𑌪𑌸𑍍𑌥𑌿𑌤𑌮𑌸𑌂𑌹𑌾𑌰𑍍𑌯𑍈𑌃 𑌰𑍍𑌹𑌯𑍈𑌃 𑌸𑍍𑌯𑌨𑍍𑌦𑌨𑌯𑌾𑌯𑌿𑌭𑌿𑌃 ॥ 5 ॥
𑌸𑌿𑌂𑌹𑌵𑍍𑌯𑌾𑌘𑍍𑌰𑌤𑌨𑍁𑌤𑍍𑌰𑌾𑌣𑍈𑌰𑍍𑌦𑌾𑌨𑍍𑌤𑌕𑌾𑌞𑍍𑌚𑌨𑌰𑌾𑌜𑌤𑍈𑌃 ।
𑌘𑍋𑌷𑌵𑌦𑍍𑌭𑌿𑌰𑍍𑌵𑌿𑌚𑌿𑌤𑍍𑌰𑍈𑌶𑍍𑌚 𑌸𑌦𑌾 𑌵𑌿𑌚𑌰𑌿𑌤𑌂 𑌰𑌥𑍈𑌃 ॥ 6 ॥
𑌬𑌹𑍁𑌰𑌤𑍍𑌨𑌸𑌮𑌾𑌕𑍀𑌰𑍍𑌣𑌂 𑌪𑌰𑌾𑌰𑍍𑌥𑍍𑌯𑌸𑌨𑌭𑌾𑌜𑌨𑌮𑍍 ।
𑌮𑌹𑌾𑌰𑌥𑌸𑌮𑌾𑌵𑌾𑌸𑌂 𑌮𑌹𑌾𑌰𑌥𑌮𑌹𑌾𑌸𑍍𑌵𑌨𑌮𑍍 ॥ 7 ॥
𑌦𑍃𑌶𑍍𑌯𑍈𑌶𑍍𑌚 𑌪𑌰𑌮𑍋𑌦𑌾𑌰𑍈𑌸𑍍𑌤𑍈𑌸𑍍𑌤𑍈𑌶𑍍𑌚 𑌮𑍃𑌗𑌪𑌕𑍍𑌷𑌿𑌭𑌿𑌃 ।
𑌵𑌿𑌵𑌿𑌧𑍈 𑌰𑍍𑌬𑌹𑍁𑌸𑌾𑌹𑌸𑍍𑌰𑍈𑌃 𑌪𑌰𑌿𑌪𑍂𑌰𑍍𑌣𑌂 𑌸𑌮𑌨𑍍𑌤𑌤𑌃 ॥ 8 ॥
𑌵𑌿𑌨𑍀𑌤𑍈𑌰𑌨𑍍𑌤𑌪𑌾𑌲𑍈𑌶𑍍𑌚 𑌰𑌕𑍍𑌷𑍋𑌭𑌿𑌶𑍍𑌚 𑌸𑍁𑌰𑌕𑍍𑌷𑌿𑌤𑌮𑍍 ।
𑌮𑍁𑌖𑍍𑌯𑌾𑌭𑌿𑌶𑍍𑌚 𑌵𑌰𑌸𑍍𑌤𑍍𑌰𑍀𑌭𑌿𑌃 𑌪𑌰𑌿𑌪𑍂𑌰𑍍𑌣𑌂 𑌸𑌮𑌨𑍍𑌤𑌤𑌃 ॥ 9 ॥
𑌮𑍁𑌦𑌿𑌤𑌪𑍍𑌰𑌮𑌦𑌾𑌰𑌤𑍍𑌨𑌂 𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌨𑌿𑌵𑍇𑌶𑌨𑌮𑍍 ।
𑌵𑌰𑌾𑌭𑌰𑌣𑌸𑌂𑌹𑍍𑌰𑌾𑌦𑍈𑌃 𑌸𑌮𑍁𑌦𑍍𑌰𑌸𑍍𑌵𑌨𑌨𑍍𑌨𑌿𑌸𑍍𑌵𑌨𑌮𑍍 ॥ 10 ॥
𑌤𑌦𑍍𑌰𑌾𑌜𑌗𑍁𑌣𑌸𑌮𑍍𑌪𑌨𑍍𑌨𑌂 𑌮𑍁𑌖𑍍𑌯𑍈𑌶𑍍𑌚𑌾𑌗𑍁𑌰𑍁𑌚𑌨𑍍𑌦𑌨𑍈𑌃 ।
𑌮𑌹𑌾𑌜𑌨𑍈𑌃 𑌸𑌮𑌾𑌕𑍀𑌰𑍍𑌣𑌾𑌂 𑌸𑌿𑌂𑌹𑍈𑌰𑌿𑌵 𑌮𑌹𑌦𑍍𑌵𑌨𑌮𑍍 ॥ 11 ॥
𑌭𑍇𑌰𑍀𑌮𑍃𑌦𑌙𑍍𑌗𑌾𑌭𑌿𑌰𑍁𑌤𑌂 𑌶𑌙𑍍𑌖𑌘𑍋𑌷𑌨𑌿𑌨𑌾𑌦𑌿𑌤𑌮𑍍 ।
𑌨𑌿𑌤𑍍𑌯𑌾𑌰𑍍𑌚𑌿𑌤𑌂 𑌪𑌰𑍍𑌵𑌹𑍁𑌤𑌂 𑌪𑍂𑌜𑌿𑌤𑌂 𑌰𑌾𑌕𑍍𑌷𑌸𑍈𑌃 𑌸𑌦𑌾 ॥ 12 ॥
𑌸𑌮𑍁𑌦𑍍𑌰𑌮𑌿𑌵 𑌗𑌮𑍍𑌭𑍀𑌰𑌂 𑌸𑌮𑍁𑌦𑍍𑌰𑌮𑌿𑌵 𑌨𑌿𑌸𑍍𑌸𑍍𑌵𑌨𑌮𑍍 ।
𑌮𑌹𑌾𑌤𑍍𑌮𑌨𑍋 𑌮𑌹𑌾𑌦𑍍𑌵𑍇𑌶𑍍𑌮 𑌮𑌹𑌾𑌰𑌤𑍍𑌨𑌪𑌰𑌿𑌚𑍍𑌛𑌦𑌮𑍍 ॥ 13 ॥
𑌮𑌹𑌾𑌰𑌤𑍍𑌨𑌸𑌮𑌾𑌕𑍀𑌰𑍍𑌣𑌂 𑌦𑌦𑌰𑍍𑌶 𑌸 𑌮𑌹𑌾𑌕𑌪𑌿𑌃 ।
𑌵𑌿𑌰𑌾𑌜𑌮𑌾𑌨𑌂 𑌵𑌪𑍁𑌷𑌾 𑌗𑌜𑌾𑌶𑍍𑌵𑌰𑌥𑌸𑌙𑍍𑌕𑍁𑌲𑌮𑍍 ॥ 14 ॥
𑌲𑌙𑍍𑌕𑌾𑌭𑌰𑌣𑌮𑌿𑌤𑍍𑌯𑍇𑌵 𑌸𑍋𑌽𑌮𑌨𑍍𑌯𑌤 𑌮𑌹𑌾𑌕𑌪𑌿𑌃 ।
𑌚𑌚𑌾𑌰 𑌹𑌨𑍁𑌮𑌾𑌂𑌸𑍍𑌤𑌤𑍍𑌰 𑌰𑌾𑌵𑌣𑌸𑍍𑌯 𑌸𑌮𑍀𑌪𑌤𑌃 ॥ 15 ॥
𑌗𑍃𑌹𑌾𑌦𑍍𑌗𑍃𑌹𑌂 𑌰𑌾𑌕𑍍𑌷𑌸𑌾𑌨𑌾𑌮𑍁𑌦𑍍𑌯𑌾𑌨𑌾𑌨𑌿 𑌚 𑌵𑌾𑌨𑌰𑌃 ।
𑌵𑍀𑌕𑍍𑌷𑌮𑌾𑌣𑍋𑌽𑌹𑍍𑌯𑌸𑌨𑍍𑌤𑍍𑌰𑌸𑍍𑌤𑌃 𑌪𑍍𑌰𑌾𑌸𑌾𑌦𑌾𑌂𑌶𑍍𑌚 𑌚𑌚𑌾𑌰 𑌸𑌃 ॥ 16 ॥
𑌅𑌵𑌪𑍍𑌲𑍁𑌤𑍍𑌯 𑌮𑌹𑌾𑌵𑍇𑌗𑌃 𑌪𑍍𑌰𑌹𑌸𑍍𑌤𑌸𑍍𑌯 𑌨𑌿𑌵𑍇𑌶𑌨𑌮𑍍 ।
𑌤𑌤𑍋𑌽𑌨𑍍𑌯𑌤𑍍𑌪𑍁𑌪𑍍𑌲𑍁𑌵𑍇 𑌵𑍇𑌶𑍍𑌮 𑌮𑌹𑌾𑌪𑌾𑌰𑍍𑌶𑍍𑌵𑌸𑍍𑌯 𑌵𑍀𑌰𑍍𑌯𑌵𑌾𑌨𑍍 ॥ 17 ॥
𑌅𑌥 𑌮𑍇𑌘𑌪𑍍𑌰𑌤𑍀𑌕𑌾𑌶𑌂 𑌕𑍁𑌮𑍍𑌭𑌕𑌰𑍍𑌣𑌨𑌿𑌵𑍇𑌶𑌨𑌮𑍍 ।
𑌵𑌿𑌭𑍀𑌷𑌣𑌸𑍍𑌯 𑌚 𑌤𑌦𑌾 𑌪𑍁𑌪𑍍𑌲𑍁𑌵𑍇 𑌸 𑌮𑌹𑌾𑌕𑌪𑌿𑌃 ॥ 18 ॥
𑌮𑌹𑍋𑌦𑌰𑌸𑍍𑌯 𑌚 𑌗𑍃𑌹𑌂 𑌵𑌿𑌰𑍂𑌪𑌾𑌕𑍍𑌷𑌸𑍍𑌯 𑌚𑍈𑌵 𑌹𑌿 ।
𑌵𑌿𑌦𑍍𑌯𑍁𑌜𑍍𑌜𑌿𑌹𑍍𑌵𑌸𑍍𑌯 𑌭𑌵𑌨𑌂 𑌵𑌿𑌦𑍍𑌯𑍁𑌨𑍍𑌮𑌾𑌲𑍇𑌸𑍍𑌤𑌥𑍈𑌵 𑌚 ॥ 19 ॥
𑌵𑌜𑍍𑌰𑌦𑌂𑌷𑍍𑌟𑍍𑌰𑌸𑍍𑌯 𑌚 𑌤𑌥𑌾 𑌪𑍁𑌪𑍍𑌲𑍁𑌵𑍇 𑌸 𑌮𑌹𑌾𑌕𑌪𑌿𑌃 ।
𑌶𑍁𑌕𑌸𑍍𑌯 𑌚 𑌮𑌹𑌾𑌤𑍇𑌜𑌾𑌃 𑌸𑌾𑌰𑌣𑌸𑍍𑌯 𑌚 𑌧𑍀𑌮𑌤𑌃 ॥ 20 ॥
𑌤𑌥𑌾 𑌚𑍇𑌨𑍍𑌦𑍍𑌰𑌜𑌿𑌤𑍋 𑌵𑍇𑌶𑍍𑌮 𑌜𑌗𑌾𑌮 𑌹𑌰𑌿𑌯𑍂𑌥𑌪𑌃 ।
𑌜𑌮𑍍𑌬𑍁𑌮𑌾𑌲𑍇𑌃 𑌸𑍁𑌮𑌾𑌲𑍇𑌶𑍍𑌚 𑌜𑌗𑌾𑌮 𑌹𑌰𑌿𑌸𑌤𑍍𑌤𑌮𑌃 ॥ 21 ॥
𑌰𑌶𑍍𑌮𑌿𑌕𑍇𑌤𑍋𑌶𑍍𑌚 𑌭𑌵𑌨𑌂 𑌸𑍂𑌰𑍍𑌯𑌕𑍇𑌤𑍋𑌸𑍍𑌤𑌥𑍈𑌵 𑌚 ।
𑌵𑌜𑍍𑌰𑌕𑌾𑌯𑌸𑍍𑌯 𑌚 𑌤𑌥𑌾 𑌪𑍁𑌪𑍍𑌲𑍁𑌵𑍇 𑌸 𑌮𑌹𑌾𑌕𑌪𑌿𑌃 ॥ 22 ॥
𑌧𑍂𑌮𑍍𑌰𑌾𑌕𑍍𑌷𑌸𑍍𑌯 𑌚 𑌸𑌮𑍍𑌪𑌾𑌤𑍇𑌰𑍍𑌭𑌵𑌨𑌂 𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌵𑌿𑌦𑍍𑌯𑍁𑌦𑍍𑌰𑍂𑌪𑌸𑍍𑌯 𑌭𑍀𑌮𑌸𑍍𑌯 𑌘𑌨𑌸𑍍𑌯 𑌵𑌿𑌘𑌨𑌸𑍍𑌯 𑌚 ॥ 23 ॥
𑌶𑍁𑌕𑌨𑌾𑌸𑌸𑍍𑌯 𑌵𑌕𑍍𑌰𑌸𑍍𑌯 𑌶𑌠𑌸𑍍𑌯 𑌵𑌿𑌕𑌟𑌸𑍍𑌯 𑌚 ।
𑌬𑍍𑌰𑌹𑍍𑌮𑌕𑌰𑍍𑌣𑌸𑍍𑌯 𑌦𑌂𑌷𑍍𑌟𑍍𑌰𑌸𑍍𑌯 𑌰𑍋𑌮𑌶𑌸𑍍𑌯 𑌚 𑌰𑌕𑍍𑌷𑌸𑌃 ॥ 24 ॥
𑌯𑍁𑌦𑍍𑌧𑍋𑌨𑍍𑌮𑌤𑍍𑌤𑌸𑍍𑌯 𑌮𑌤𑍍𑌤𑌸𑍍𑌯 𑌧𑍍𑌵𑌜𑌗𑍍𑌰𑍀𑌵𑌸𑍍𑌯 𑌨𑌾𑌦𑌿𑌨𑌃 ।
𑌵𑌿𑌦𑍍𑌯𑍁𑌜𑍍𑌜𑌿𑌹𑍍𑌵𑍇𑌨𑍍𑌦𑍍𑌰𑌜𑌿𑌹𑍍𑌵𑌾𑌨𑌾𑌂 𑌤𑌥𑌾 𑌹𑌸𑍍𑌤𑌿𑌮𑍁𑌖𑌸𑍍𑌯 𑌚 ॥ 25 ॥
𑌕𑌰𑌾𑌲𑌸𑍍𑌯 𑌪𑌿𑌶𑌾𑌚𑌸𑍍𑌯 𑌶𑍋𑌣𑌿𑌤 𑌅𑌕𑍍𑌷𑌸𑍍𑌯 𑌚𑍈𑌵 𑌹𑌿 ।
𑌕𑍍𑌰𑌮𑌮𑌾𑌣𑌃 𑌕𑍍𑌰𑌮𑍇𑌣 𑌏𑌵 𑌹𑌨𑍂𑌮𑌾𑌨𑍍 𑌮𑌾𑌰𑍁𑌤 𑌆𑌤𑍍𑌮𑌜𑌃 ॥ 26 ॥
𑌤𑍇𑌷𑍁 𑌤𑍇𑌷𑍁 𑌮𑌹𑌾𑌰𑍍𑌹𑍇𑌷𑍁 𑌭𑌵𑌨𑍇𑌷𑍁 𑌮𑌹𑌾𑌯𑌶𑌾𑌃 ।
𑌤𑍇𑌷𑌾𑌮𑍃𑌦𑍍𑌧𑌿𑌮𑌤𑌾𑌮𑍃𑌦𑍍𑌧𑌿𑌂 𑌦𑌦𑌰𑍍𑌶 𑌸 𑌮𑌹𑌾𑌕𑌪𑌿𑌃 ॥ 27 ॥
𑌸𑌰𑍍𑌵𑍇𑌷𑌾𑌂 𑌸𑌮𑌤𑌿𑌕𑍍𑌰𑌮𑍍𑌯 𑌭𑌵𑌨𑌾𑌨𑌿 𑌸𑌮𑌨𑍍𑌤𑌤𑌃 ।
𑌆𑌸𑌸𑌾𑌦𑌾𑌥 𑌲𑌕𑍍𑌷𑍍𑌮𑍀𑌵𑌾𑌨𑍍 𑌰𑌾𑌕𑍍𑌷𑌸𑍇𑌦𑍍𑌰𑌨𑌿𑌵𑍇𑌶𑌨𑌮𑍍 ॥ 28 ॥
𑌰𑌾𑌵𑌣𑌸𑍍𑌯𑍋𑌪𑌶𑌾𑌯𑌿𑌨𑍍𑌯𑍋 𑌦𑌦𑌰𑍍𑌶 𑌹𑌰𑌿𑌸𑌤𑍍𑌤𑌮𑌃 ।
𑌵𑌿𑌚𑌰𑌨𑍍𑌹𑌰𑌿𑌶𑌾𑌰𑍍𑌦𑍂𑌲𑍋 𑌰𑌾𑌕𑍍𑌷𑌸𑍀𑌰𑍍𑌵𑌿𑌕𑍃𑌤𑍇𑌕𑍍𑌷𑌣𑌾𑌃 ॥ 29 ॥
𑌶𑍂𑌲𑌮𑍁𑌦𑍍𑌗𑌰𑌹𑌸𑍍𑌤𑌾𑌶𑍍𑌚 𑌶𑌕𑍍𑌤𑌿𑌤𑍋𑌮𑌰𑌧𑌾𑌰𑌿𑌣𑍀𑌃 ।
𑌦𑌦𑌰𑍍𑌶 𑌵𑌿𑌵𑌿𑌧𑌾𑌨𑍍 𑌗𑍁𑌲𑍍𑌮𑌾𑌨𑍍 𑌤𑌸𑍍𑌯 𑌰𑌕𑍍𑌷𑌃𑌪𑌤𑍇𑌰𑍍𑌗𑍃𑌹𑍇 ॥ 30 ॥
𑌰𑌾𑌕𑍍𑌷𑌸𑌾𑌂𑌶𑍍𑌚 𑌮𑌹𑌾𑌕𑌾𑌯𑌾𑌨𑍍𑌨𑌾𑌨𑌾𑌪𑍍𑌰𑌹𑌰𑌣𑍋𑌦𑍍𑌯𑌤𑌾𑌨𑍍 ।
𑌰𑌕𑍍𑌤𑌾𑌨𑍍 𑌶𑍍𑌵𑍇𑌤𑌾𑌨𑍍 𑌸𑌿𑌤𑌾𑌂𑌶𑍍𑌚𑍈𑌵 𑌹𑌰𑍀𑌂𑌶𑍍𑌚𑌾𑌪𑌿 𑌮𑌹𑌾𑌜𑌵𑌾𑌨𑍍 ॥ 31 ॥
𑌕𑍁𑌲𑍀𑌨𑌾𑌨𑍍 𑌰𑍂𑌪𑌸𑌮𑍍𑌪𑌨𑍍𑌨𑌾𑌨𑍍 𑌗𑌜𑌾𑌨𑍍𑌪𑌰𑌗𑌜𑌾𑌰𑍁𑌜𑌾𑌨𑍍 ।
𑌨𑌿𑌷𑍍𑌠𑌿𑌤𑌾𑌨𑍍 𑌗𑌜𑌶𑌿𑌕𑍍𑌷𑌯𑌾𑌮𑍈𑌰𑌾𑌵𑌤𑌸𑌮𑌾𑌨𑍍𑌯𑍁𑌧𑌿 ॥ 32 ॥
𑌨𑌿𑌹𑌨𑍍𑌤𑍍𑌰𑍂𑌨𑍍 𑌪𑌰𑌸𑍈𑌨𑍍𑌯𑌾𑌨𑌾𑌂 𑌗𑍃𑌹𑍇 𑌤𑌸𑍍𑌮𑌿𑌨𑍍 𑌦𑌦𑌰𑍍𑌶 𑌸𑌃 ।
𑌕𑍍𑌷𑌰𑌤𑌶𑍍𑌚 𑌯𑌥𑌾 𑌮𑍇𑌘𑌾𑌨𑍍 𑌸𑍍𑌰𑌵𑌤𑌶𑍍𑌚 𑌯𑌥𑌾 𑌗𑌿𑌰𑍀𑌨𑍍 ॥ 33 ॥
𑌮𑍇𑌘𑌸𑌨𑍍𑌤𑌤𑌿𑌨𑌿𑌰𑍍𑌘𑍋𑌷𑌾𑌨𑍍 𑌦𑍁𑌰𑍍𑌧𑌰𑍍𑌷𑌾𑌨𑍍 𑌸𑌮𑌰𑍇 𑌪𑌰𑍈𑌃 ।
𑌸𑌹𑌸𑍍𑌰𑌂 𑌵𑌾𑌹𑌿𑌨𑍀𑌸𑍍𑌤𑌤𑍍𑌰 𑌜𑌾𑌮𑍍𑌬𑍂𑌨𑌦𑌪𑌰𑌿𑌷𑍍𑌕𑍃𑌤𑌾𑌃 ॥ 34 ॥
𑌹𑍇𑌮𑌜𑌾𑌲𑌪𑌰𑌿𑌚𑍍𑌛𑌨𑍍𑌨𑌾𑌸𑍍𑌤𑌰𑍁𑌣𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌾𑌃 ।
𑌦𑌦𑌰𑍍𑌶 𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍍𑌯 𑌰𑌾𑌵𑌣𑌸𑍍𑌯 𑌨𑌿𑌵𑍇𑌶𑌨𑍇 ॥ 35 ॥
𑌶𑌿𑌬𑌿𑌕𑌾 𑌵𑌿𑌵𑌿𑌧𑌾𑌕𑌾𑌰𑌾𑌃 𑌸 𑌕𑌪𑌿𑌰𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌲𑌤𑌾𑌗𑍃𑌹𑌾𑌣𑌿 𑌚𑌿𑌤𑍍𑌰𑌾𑌣𑌿 𑌚𑌿𑌤𑍍𑌰𑌶𑌾𑌲𑌾𑌗𑍃𑌹𑌾𑌣𑌿 𑌚 ॥ 36 ॥
𑌕𑍍𑌰𑍀𑌡𑌾𑌗𑍃𑌹𑌾𑌣𑌿 𑌚𑌾𑌨𑍍𑌯𑌾𑌨𑌿 𑌦𑌾𑌰𑍁𑌪𑌰𑍍𑌵𑌤𑌕𑌾𑌨𑌪𑌿 ।
𑌕𑌾𑌮𑌸𑍍𑌯 𑌗𑍃𑌹𑌕𑌂 𑌰𑌮𑍍𑌯𑌂 𑌦𑌿𑌵𑌾𑌗𑍃𑌹𑌕𑌮𑍇𑌵 𑌚 ॥ 37 ॥
𑌦𑌦𑌰𑍍𑌶 𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑌸𑍍𑌯 𑌰𑌾𑌵𑌣𑌸𑍍𑌯 𑌨𑌿𑌵𑍇𑌶𑌨𑍇 ।
𑌸 𑌮𑌨𑍍𑌦𑌰𑌗𑌿𑌰𑌿𑌪𑍍𑌰𑌖𑍍𑌯𑌂 𑌮𑌯𑍂𑌰𑌸𑍍𑌥𑌾𑌨𑌸𑌙𑍍𑌕𑍁𑌲𑌮𑍍 ॥ 38 ॥
𑌧𑍍𑌵𑌜𑌯𑌷𑍍𑌟𑌿𑌭𑌿𑌰𑌾𑌕𑍀𑌰𑍍𑌣𑌂 𑌦𑌦𑌰𑍍𑌶 𑌭𑌵𑌨𑍋𑌤𑍍𑌤𑌮𑌮𑍍 ।
𑌅𑌨𑍇𑌕𑌰𑌤𑍍𑌨𑌸𑌙𑍍𑌕𑍀𑌰𑍍𑌣𑌂 𑌨𑌿𑌧𑌿𑌜𑌾𑌲𑌂 𑌸𑌮𑌨𑍍𑌤𑌤𑌃 ॥ 39 ॥
𑌧𑍀𑌰𑌨𑌿𑌷𑍍𑌠𑌿𑌤𑌕𑌰𑍍𑌮𑌾𑌨𑍍𑌤𑌂 𑌗𑍃𑌹𑌂 𑌭𑍂𑌤𑌪𑌤𑍇𑌰𑌿𑌵 ।
𑌅𑌰𑍍𑌚𑌿𑌰𑍍𑌭𑌿𑌶𑍍𑌚𑌾𑌪𑌿 𑌰𑌤𑍍𑌨𑌾𑌨𑌾𑌂 𑌤𑍇𑌜𑌸𑌾 𑌰𑌾𑌵𑌣𑌸𑍍𑌯 𑌚 ॥ 40 ॥
𑌵𑌿𑌰𑌰𑌾𑌜𑌾𑌥 𑌤𑌦𑍍𑌵𑍇𑌶𑍍𑌮 𑌰𑌶𑍍𑌮𑌿𑌮𑌾𑌨𑌿𑌵 𑌰𑌶𑍍𑌮𑌿𑌭𑌿𑌃 ।
𑌜𑌾𑌮𑍍𑌬𑍂𑌨𑌦𑌮𑌯𑌾𑌨𑍍𑌯𑍇𑌨 𑌶𑌯𑌨𑌾𑌨𑍍𑌯𑌾𑌸𑌨𑌾𑌨𑌿 𑌚 ॥ 41 ॥
𑌭𑌾𑌜𑌨𑌾𑌨𑌿 𑌚 𑌮𑍁𑌖𑍍𑌯𑌾𑌨𑌿 𑌦𑌦𑌰𑍍𑌶 𑌹𑌰𑌿𑌯𑍂𑌥𑌪𑌃 ।
𑌮𑌧𑍍𑌵𑌾𑌸𑌵𑌕𑍃𑌤𑌕𑍍𑌲𑍇𑌦𑌂 𑌮𑌣𑌿𑌭𑌾𑌜𑌨𑌸𑌙𑍍𑌕𑍁𑌲𑌮𑍍 ॥ 42 ॥
𑌮𑌨𑍋𑌰𑌮𑌮𑌸𑌮𑍍𑌬𑌾𑌧𑌂 𑌕𑍁𑌬𑍇𑌰𑌭𑌵𑌨𑌂 𑌯𑌥𑌾 ।
𑌨𑍂𑌪𑍁𑌰𑌾𑌣𑌾𑌂 𑌚 𑌘𑍋𑌷𑍇𑌣 𑌕𑌾𑌞𑍍𑌚𑍀𑌨𑌾𑌂 𑌨𑌿𑌨𑌦𑍇𑌨 𑌚 ॥ 43 ॥
𑌮𑍃𑌦𑌙𑍍𑌤𑌲𑌘𑍋𑌷𑍈𑌶𑍍𑌚 𑌘𑍋𑌷𑌵𑌦𑍍𑌭𑌿𑌰𑍍𑌵𑌿𑌨𑌾𑌦𑌿𑌤𑌮𑍍 ।
𑌪𑍍𑌰𑌾𑌸𑌾𑌦𑌸𑌙𑍍𑌘𑌾𑌤𑌯𑍁𑌤𑌂 𑌸𑍍𑌤𑍍𑌰𑍀𑌰𑌤𑍍𑌨𑌶𑌤𑌸𑌙𑍍𑌕𑍁𑌲𑌮𑍍 ॥ 44 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌨𑍍𑌦𑌰𑌕𑌾𑌣𑍍𑌡𑍇 𑌷𑌷𑍍𑌠𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe sundarakāṇḍam |
atha ṣaṣṭhassargaḥ |
sa nikāmaṃ vimāneṣu niṣaṇṇaḥ kāmarūpadhṛt |
vicacāra punarlaṅkāṃ lāghavena samanvitaḥ || 1 ||
āsasādātha lakṣmīvānrākṣasendraniveśanam |
prākāreṇārkavarṇena bhāsvareṇābhisamvṛtam || 2 ||
rakṣitaṃ rākṣasairghoraiḥ siṃhairiva mahadvanam |
samīkṣamāṇo bhavanaṃ cakāśe kapikuñjaraḥ || 3 ||
rūpyakopahitai ścitraistoraṇairhemabhūṣitaiḥ |
vicitrābhiśca kakṣyābhirdvāraiśca rucirairvṛtam || 4 ||
gajāsthitairmahāmātraiḥ śūraiśca vigataśramaiḥ |
upasthitamasaṃhāryaiḥ rhayaiḥ syandanayāyibhiḥ || 5 ||
siṃhavyāghratanutrāṇairdāntakāñcanarājataiḥ |
ghoṣavadbhirvicitraiśca sadā vicaritaṃ rathaiḥ || 6 ||
bahuratnasamākīrṇaṃ parārthyasanabhājanam |
mahārathasamāvāsaṃ mahārathamahāsvanam || 7 ||
dṛśyaiśca paramodāraistaistaiśca mṛgapakṣibhiḥ |
vividhai rbahusāhasraiḥ paripūrṇaṃ samantataḥ || 8 ||
vinītairantapālaiśca rakṣobhiśca surakṣitam |
mukhyābhiśca varastrībhiḥ paripūrṇaṃ samantataḥ || 9 ||
muditapramadāratnaṃ rākṣasendraniveśanam |
varābharaṇasaṃhrādaiḥ samudrasvanannisvanam || 10 ||
tadrājaguṇasampannaṃ mukhyaiścāgurucandanaiḥ |
mahājanaiḥ samākīrṇāṃ siṃhairiva mahadvanam || 11 ||
bherīmṛdaṅgābhirutaṃ śaṅkhaghoṣanināditam |
nityārcitaṃ parvahutaṃ pūjitaṃ rākṣasaiḥ sadā || 12 ||
samudramiva gambhīraṃ samudramiva nissvanam |
mahātmano mahādveśma mahāratnaparicchadam || 13 ||
mahāratnasamākīrṇaṃ dadarśa sa mahākapiḥ |
virājamānaṃ vapuṣā gajāśvarathasaṅkulam || 14 ||
laṅkābharaṇamityeva so'manyata mahākapiḥ |
cacāra hanumāṃstatra rāvaṇasya samīpataḥ || 15 ||
gṛhādgṛhaṃ rākṣasānāmudyānāni ca vānaraḥ |
vīkṣamāṇo'hyasantrastaḥ prāsādāṃśca cacāra saḥ || 16 ||
avaplutya mahāvegaḥ prahastasya niveśanam |
tato'nyatpupluve veśma mahāpārśvasya vīryavān || 17 ||
atha meghapratīkāśaṃ kumbhakarṇaniveśanam |
vibhīṣaṇasya ca tadā pupluve sa mahākapiḥ || 18 ||
mahodarasya ca gṛhaṃ virūpākṣasya caiva hi |
vidyujjihvasya bhavanaṃ vidyunmālestathaiva ca || 19 ||
vajradaṃṣṭrasya ca tathā pupluve sa mahākapiḥ |
śukasya ca mahātejāḥ sāraṇasya ca dhīmataḥ || 20 ||
tathā cendrajito veśma jagāma hariyūthapaḥ |
jambumāleḥ sumāleśca jagāma harisattamaḥ || 21 ||
raśmiketośca bhavanaṃ sūryaketostathaiva ca |
vajrakāyasya ca tathā pupluve sa mahākapiḥ || 22 ||
dhūmrākṣasya ca sampāterbhavanaṃ mārutātmajaḥ |
vidyudrūpasya bhīmasya ghanasya vighanasya ca || 23 ||
śukanāsasya vakrasya śaṭhasya vikaṭasya ca |
brahmakarṇasya daṃṣṭrasya romaśasya ca rakṣasaḥ || 24 ||
yuddhonmattasya mattasya dhvajagrīvasya nādinaḥ |
vidyujjihvendrajihvānāṃ tathā hastimukhasya ca || 25 ||
karālasya piśācasya śoṇita akṣasya caiva hi |
kramamāṇaḥ krameṇa eva hanūmān māruta ātmajaḥ || 26 ||
teṣu teṣu mahārheṣu bhavaneṣu mahāyaśāḥ |
teṣāmṛddhimatāmṛddhiṃ dadarśa sa mahākapiḥ || 27 ||
sarveṣāṃ samatikramya bhavanāni samantataḥ |
āsasādātha lakṣmīvān rākṣasedraniveśanam || 28 ||
rāvaṇasyopaśāyinyo dadarśa harisattamaḥ |
vicaranhariśārdūlo rākṣasīrvikṛtekṣaṇāḥ || 29 ||
śūlamudgarahastāśca śaktitomaradhāriṇīḥ |
dadarśa vividhān gulmān tasya rakṣaḥpatergṛhe || 30 ||
rākṣasāṃśca mahākāyānnānāpraharaṇodyatān |
raktān śvetān sitāṃścaiva harīṃścāpi mahājavān || 31 ||
kulīnān rūpasampannān gajānparagajārujān |
niṣṭhitān gajaśikṣayāmairāvatasamānyudhi || 32 ||
nihantrūn parasainyānāṃ gṛhe tasmin dadarśa saḥ |
kṣarataśca yathā meghān sravataśca yathā girīn || 33 ||
meghasantatinirghoṣān durdharṣān samare paraiḥ |
sahasraṃ vāhinīstatra jāmbūnadapariṣkṛtāḥ || 34 ||
hemajālaparicchannāstaruṇādityasannibhāḥ |
dadarśa rākṣasendrasya rāvaṇasya niveśane || 35 ||
śibikā vividhākārāḥ sa kapirmārutātmajaḥ |
latāgṛhāṇi citrāṇi citraśālāgṛhāṇi ca || 36 ||
krīḍāgṛhāṇi cānyāni dāruparvatakānapi |
kāmasya gṛhakaṃ ramyaṃ divāgṛhakameva ca || 37 ||
dadarśa rākṣasendrasya rāvaṇasya niveśane |
sa mandaragiriprakhyaṃ mayūrasthānasaṅkulam || 38 ||
dhvajayaṣṭibhirākīrṇaṃ dadarśa bhavanottamam |
anekaratnasaṅkīrṇaṃ nidhijālaṃ samantataḥ || 39 ||
dhīraniṣṭhitakarmāntaṃ gṛhaṃ bhūtapateriva |
arcirbhiścāpi ratnānāṃ tejasā rāvaṇasya ca || 40 ||
virarājātha tadveśma raśmimāniva raśmibhiḥ |
jāmbūnadamayānyena śayanānyāsanāni ca || 41 ||
bhājanāni ca mukhyāni dadarśa hariyūthapaḥ |
madhvāsavakṛtakledaṃ maṇibhājanasaṅkulam || 42 ||
manoramamasambādhaṃ kuberabhavanaṃ yathā |
nūpurāṇāṃ ca ghoṣeṇa kāñcīnāṃ ninadena ca || 43 ||
mṛdaṅtalaghoṣaiśca ghoṣavadbhirvināditam |
prāsādasaṅghātayutaṃ strīratnaśatasaṅkulam || 44 ||
ityārṣe śrīmadrāmāyaṇe vālmīkīya ādikāvye sundarakāṇḍe ṣaṣṭhassargaḥ ||
Sanskrit — Devanagari (original)
श्रीमद्वाल्मीकीय रामायणे सुन्दरकाण्डम् ।
अथ षष्ठस्सर्गः ।
स निकामं विमानेषु निषण्णः कामरूपधृत् ।
विचचार पुनर्लङ्कां लाघवेन समन्वितः ॥ 1 ॥
आससादाथ लक्ष्मीवान्राक्षसेन्द्रनिवेशनम् ।
प्राकारेणार्कवर्णेन भास्वरेणाभिसम्वृतम् ॥ 2 ॥
रक्षितं राक्षसैर्घोरैः सिंहैरिव महद्वनम् ।
समीक्षमाणो भवनं चकाशे कपिकुञ्जरः ॥ 3 ॥
रूप्यकोपहितै श्चित्रैस्तोरणैर्हेमभूषितैः ।
विचित्राभिश्च कक्ष्याभिर्द्वारैश्च रुचिरैर्वृतम् ॥ 4 ॥
गजास्थितैर्महामात्रैः शूरैश्च विगतश्रमैः ।
उपस्थितमसंहार्यैः र्हयैः स्यन्दनयायिभिः ॥ 5 ॥
सिंहव्याघ्रतनुत्राणैर्दान्तकाञ्चनराजतैः ।
घोषवद्भिर्विचित्रैश्च सदा विचरितं रथैः ॥ 6 ॥
बहुरत्नसमाकीर्णं परार्थ्यसनभाजनम् ।
महारथसमावासं महारथमहास्वनम् ॥ 7 ॥
दृश्यैश्च परमोदारैस्तैस्तैश्च मृगपक्षिभिः ।
विविधै र्बहुसाहस्रैः परिपूर्णं समन्ततः ॥ 8 ॥
विनीतैरन्तपालैश्च रक्षोभिश्च सुरक्षितम् ।
मुख्याभिश्च वरस्त्रीभिः परिपूर्णं समन्ततः ॥ 9 ॥
मुदितप्रमदारत्नं राक्षसेन्द्रनिवेशनम् ।
वराभरणसंह्रादैः समुद्रस्वनन्निस्वनम् ॥ 10 ॥
तद्राजगुणसम्पन्नं मुख्यैश्चागुरुचन्दनैः ।
महाजनैः समाकीर्णां सिंहैरिव महद्वनम् ॥ 11 ॥
भेरीमृदङ्गाभिरुतं शङ्खघोषनिनादितम् ।
नित्यार्चितं पर्वहुतं पूजितं राक्षसैः सदा ॥ 12 ॥
समुद्रमिव गम्भीरं समुद्रमिव निस्स्वनम् ।
महात्मनो महाद्वेश्म महारत्नपरिच्छदम् ॥ 13 ॥
महारत्नसमाकीर्णं ददर्श स महाकपिः ।
विराजमानं वपुषा गजाश्वरथसङ्कुलम् ॥ 14 ॥
लङ्काभरणमित्येव सोऽमन्यत महाकपिः ।
चचार हनुमांस्तत्र रावणस्य समीपतः ॥ 15 ॥
गृहाद्गृहं राक्षसानामुद्यानानि च वानरः ।
वीक्षमाणोऽह्यसन्त्रस्तः प्रासादांश्च चचार सः ॥ 16 ॥
अवप्लुत्य महावेगः प्रहस्तस्य निवेशनम् ।
ततोऽन्यत्पुप्लुवे वेश्म महापार्श्वस्य वीर्यवान् ॥ 17 ॥
अथ मेघप्रतीकाशं कुम्भकर्णनिवेशनम् ।
विभीषणस्य च तदा पुप्लुवे स महाकपिः ॥ 18 ॥
महोदरस्य च गृहं विरूपाक्षस्य चैव हि ।
विद्युज्जिह्वस्य भवनं विद्युन्मालेस्तथैव च ॥ 19 ॥
वज्रदंष्ट्रस्य च तथा पुप्लुवे स महाकपिः ।
शुकस्य च महातेजाः सारणस्य च धीमतः ॥ 20 ॥
तथा चेन्द्रजितो वेश्म जगाम हरियूथपः ।
जम्बुमालेः सुमालेश्च जगाम हरिसत्तमः ॥ 21 ॥
रश्मिकेतोश्च भवनं सूर्यकेतोस्तथैव च ।
वज्रकायस्य च तथा पुप्लुवे स महाकपिः ॥ 22 ॥
धूम्राक्षस्य च सम्पातेर्भवनं मारुतात्मजः ।
विद्युद्रूपस्य भीमस्य घनस्य विघनस्य च ॥ 23 ॥
शुकनासस्य वक्रस्य शठस्य विकटस्य च ।
ब्रह्मकर्णस्य दंष्ट्रस्य रोमशस्य च रक्षसः ॥ 24 ॥
युद्धोन्मत्तस्य मत्तस्य ध्वजग्रीवस्य नादिनः ।
विद्युज्जिह्वेन्द्रजिह्वानां तथा हस्तिमुखस्य च ॥ 25 ॥
करालस्य पिशाचस्य शोणित अक्षस्य चैव हि ।
क्रममाणः क्रमेण एव हनूमान् मारुत आत्मजः ॥ 26 ॥
तेषु तेषु महार्हेषु भवनेषु महायशाः ।
तेषामृद्धिमतामृद्धिं ददर्श स महाकपिः ॥ 27 ॥
सर्वेषां समतिक्रम्य भवनानि समन्ततः ।
आससादाथ लक्ष्मीवान् राक्षसेद्रनिवेशनम् ॥ 28 ॥
रावणस्योपशायिन्यो ददर्श हरिसत्तमः ।
विचरन्हरिशार्दूलो राक्षसीर्विकृतेक्षणाः ॥ 29 ॥
शूलमुद्गरहस्ताश्च शक्तितोमरधारिणीः ।
ददर्श विविधान् गुल्मान् तस्य रक्षःपतेर्गृहे ॥ 30 ॥
राक्षसांश्च महाकायान्नानाप्रहरणोद्यतान् ।
रक्तान् श्वेतान् सितांश्चैव हरींश्चापि महाजवान् ॥ 31 ॥
कुलीनान् रूपसम्पन्नान् गजान्परगजारुजान् ।
निष्ठितान् गजशिक्षयामैरावतसमान्युधि ॥ 32 ॥
निहन्त्रून् परसैन्यानां गृहे तस्मिन् ददर्श सः ।
क्षरतश्च यथा मेघान् स्रवतश्च यथा गिरीन् ॥ 33 ॥
मेघसन्ततिनिर्घोषान् दुर्धर्षान् समरे परैः ।
सहस्रं वाहिनीस्तत्र जाम्बूनदपरिष्कृताः ॥ 34 ॥
हेमजालपरिच्छन्नास्तरुणादित्यसन्निभाः ।
ददर्श राक्षसेन्द्रस्य रावणस्य निवेशने ॥ 35 ॥
शिबिका विविधाकाराः स कपिर्मारुतात्मजः ।
लतागृहाणि चित्राणि चित्रशालागृहाणि च ॥ 36 ॥
क्रीडागृहाणि चान्यानि दारुपर्वतकानपि ।
कामस्य गृहकं रम्यं दिवागृहकमेव च ॥ 37 ॥
ददर्श राक्षसेन्द्रस्य रावणस्य निवेशने ।
स मन्दरगिरिप्रख्यं मयूरस्थानसङ्कुलम् ॥ 38 ॥
ध्वजयष्टिभिराकीर्णं ददर्श भवनोत्तमम् ।
अनेकरत्नसङ्कीर्णं निधिजालं समन्ततः ॥ 39 ॥
धीरनिष्ठितकर्मान्तं गृहं भूतपतेरिव ।
अर्चिर्भिश्चापि रत्नानां तेजसा रावणस्य च ॥ 40 ॥
विरराजाथ तद्वेश्म रश्मिमानिव रश्मिभिः ।
जाम्बूनदमयान्येन शयनान्यासनानि च ॥ 41 ॥
भाजनानि च मुख्यानि ददर्श हरियूथपः ।
मध्वासवकृतक्लेदं मणिभाजनसङ्कुलम् ॥ 42 ॥
मनोरममसम्बाधं कुबेरभवनं यथा ।
नूपुराणां च घोषेण काञ्चीनां निनदेन च ॥ 43 ॥
मृदङ्तलघोषैश्च घोषवद्भिर्विनादितम् ।
प्रासादसङ्घातयुतं स्त्रीरत्नशतसङ्कुलम् ॥ 44 ॥
इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे षष्ठस्सर्गः ॥
śrīmadvālmīkīya rāmāyaṇe sundarakāṇḍam |
atha ṣaṣṭhassargaḥ |
sa nikāmaṃ vimāneṣu niṣaṇṇaḥ kāmarūpadhṛt |
vicacāra punarlaṅkāṃ lāghavena samanvitaḥ || 1 ||
āsasādātha lakṣmīvānrākṣasendraniveśanam |
prākāreṇārkavarṇena bhāsvareṇābhisamvṛtam || 2 ||
rakṣitaṃ rākṣasairghoraiḥ siṃhairiva mahadvanam |
samīkṣamāṇo bhavanaṃ cakāśe kapikuñjaraḥ || 3 ||
rūpyakopahitai ścitraistoraṇairhemabhūṣitaiḥ |
vicitrābhiśca kakṣyābhirdvāraiśca rucirairvṛtam || 4 ||
gajāsthitairmahāmātraiḥ śūraiśca vigataśramaiḥ |
upasthitamasaṃhāryaiḥ rhayaiḥ syandanayāyibhiḥ || 5 ||
siṃhavyāghratanutrāṇairdāntakāñcanarājataiḥ |
ghoṣavadbhirvicitraiśca sadā vicaritaṃ rathaiḥ || 6 ||
bahuratnasamākīrṇaṃ parārthyasanabhājanam |
mahārathasamāvāsaṃ mahārathamahāsvanam || 7 ||
dṛśyaiśca paramodāraistaistaiśca mṛgapakṣibhiḥ |
vividhai rbahusāhasraiḥ paripūrṇaṃ samantataḥ || 8 ||
vinītairantapālaiśca rakṣobhiśca surakṣitam |
mukhyābhiśca varastrībhiḥ paripūrṇaṃ samantataḥ || 9 ||
muditapramadāratnaṃ rākṣasendraniveśanam |
varābharaṇasaṃhrādaiḥ samudrasvanannisvanam || 10 ||
tadrājaguṇasampannaṃ mukhyaiścāgurucandanaiḥ |
mahājanaiḥ samākīrṇāṃ siṃhairiva mahadvanam || 11 ||
bherīmṛdaṅgābhirutaṃ śaṅkhaghoṣanināditam |
nityārcitaṃ parvahutaṃ pūjitaṃ rākṣasaiḥ sadā || 12 ||
samudramiva gambhīraṃ samudramiva nissvanam |
mahātmano mahādveśma mahāratnaparicchadam || 13 ||
mahāratnasamākīrṇaṃ dadarśa sa mahākapiḥ |
virājamānaṃ vapuṣā gajāśvarathasaṅkulam || 14 ||
laṅkābharaṇamityeva so'manyata mahākapiḥ |
cacāra hanumāṃstatra rāvaṇasya samīpataḥ || 15 ||
gṛhādgṛhaṃ rākṣasānāmudyānāni ca vānaraḥ |
vīkṣamāṇo'hyasantrastaḥ prāsādāṃśca cacāra saḥ || 16 ||
avaplutya mahāvegaḥ prahastasya niveśanam |
tato'nyatpupluve veśma mahāpārśvasya vīryavān || 17 ||
atha meghapratīkāśaṃ kumbhakarṇaniveśanam |
vibhīṣaṇasya ca tadā pupluve sa mahākapiḥ || 18 ||
mahodarasya ca gṛhaṃ virūpākṣasya caiva hi |
vidyujjihvasya bhavanaṃ vidyunmālestathaiva ca || 19 ||
vajradaṃṣṭrasya ca tathā pupluve sa mahākapiḥ |
śukasya ca mahātejāḥ sāraṇasya ca dhīmataḥ || 20 ||
tathā cendrajito veśma jagāma hariyūthapaḥ |
jambumāleḥ sumāleśca jagāma harisattamaḥ || 21 ||
raśmiketośca bhavanaṃ sūryaketostathaiva ca |
vajrakāyasya ca tathā pupluve sa mahākapiḥ || 22 ||
dhūmrākṣasya ca sampāterbhavanaṃ mārutātmajaḥ |
vidyudrūpasya bhīmasya ghanasya vighanasya ca || 23 ||
śukanāsasya vakrasya śaṭhasya vikaṭasya ca |
brahmakarṇasya daṃṣṭrasya romaśasya ca rakṣasaḥ || 24 ||
yuddhonmattasya mattasya dhvajagrīvasya nādinaḥ |
vidyujjihvendrajihvānāṃ tathā hastimukhasya ca || 25 ||
karālasya piśācasya śoṇita akṣasya caiva hi |
kramamāṇaḥ krameṇa eva hanūmān māruta ātmajaḥ || 26 ||
teṣu teṣu mahārheṣu bhavaneṣu mahāyaśāḥ |
teṣāmṛddhimatāmṛddhiṃ dadarśa sa mahākapiḥ || 27 ||
sarveṣāṃ samatikramya bhavanāni samantataḥ |
āsasādātha lakṣmīvān rākṣasedraniveśanam || 28 ||
rāvaṇasyopaśāyinyo dadarśa harisattamaḥ |
vicaranhariśārdūlo rākṣasīrvikṛtekṣaṇāḥ || 29 ||
śūlamudgarahastāśca śaktitomaradhāriṇīḥ |
dadarśa vividhān gulmān tasya rakṣaḥpatergṛhe || 30 ||
rākṣasāṃśca mahākāyānnānāpraharaṇodyatān |
raktān śvetān sitāṃścaiva harīṃścāpi mahājavān || 31 ||
kulīnān rūpasampannān gajānparagajārujān |
niṣṭhitān gajaśikṣayāmairāvatasamānyudhi || 32 ||
nihantrūn parasainyānāṃ gṛhe tasmin dadarśa saḥ |
kṣarataśca yathā meghān sravataśca yathā girīn || 33 ||
meghasantatinirghoṣān durdharṣān samare paraiḥ |
sahasraṃ vāhinīstatra jāmbūnadapariṣkṛtāḥ || 34 ||
hemajālaparicchannāstaruṇādityasannibhāḥ |
dadarśa rākṣasendrasya rāvaṇasya niveśane || 35 ||
śibikā vividhākārāḥ sa kapirmārutātmajaḥ |
latāgṛhāṇi citrāṇi citraśālāgṛhāṇi ca || 36 ||
krīḍāgṛhāṇi cānyāni dāruparvatakānapi |
kāmasya gṛhakaṃ ramyaṃ divāgṛhakameva ca || 37 ||
dadarśa rākṣasendrasya rāvaṇasya niveśane |
sa mandaragiriprakhyaṃ mayūrasthānasaṅkulam || 38 ||
dhvajayaṣṭibhirākīrṇaṃ dadarśa bhavanottamam |
anekaratnasaṅkīrṇaṃ nidhijālaṃ samantataḥ || 39 ||
dhīraniṣṭhitakarmāntaṃ gṛhaṃ bhūtapateriva |
arcirbhiścāpi ratnānāṃ tejasā rāvaṇasya ca || 40 ||
virarājātha tadveśma raśmimāniva raśmibhiḥ |
jāmbūnadamayānyena śayanānyāsanāni ca || 41 ||
bhājanāni ca mukhyāni dadarśa hariyūthapaḥ |
madhvāsavakṛtakledaṃ maṇibhājanasaṅkulam || 42 ||
manoramamasambādhaṃ kuberabhavanaṃ yathā |
nūpurāṇāṃ ca ghoṣeṇa kāñcīnāṃ ninadena ca || 43 ||
mṛdaṅtalaghoṣaiśca ghoṣavadbhirvināditam |
prāsādasaṅghātayutaṃ strīratnaśatasaṅkulam || 44 ||
ityārṣe śrīmadrāmāyaṇe vālmīkīya ādikāvye sundarakāṇḍe ṣaṣṭhassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.