𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌸𑍁𑌨𑍍𑌦𑌰𑌕𑌾𑌣𑍍𑌡𑌮𑍍 ।
𑌅𑌥 𑌸𑌪𑍍𑌤𑌦𑌶𑌸𑍍𑌸𑌰𑍍𑌗𑌃 ।
𑌤𑌤𑌃 𑌕𑌮𑍁𑌦𑌷𑌣𑍍𑌡𑌾𑌭𑍋 𑌨𑌿𑌰𑍍𑌮𑌲𑌂 𑌨𑌿𑌰𑍍𑌮𑌲𑍋𑌦𑌯𑌃 ।
𑌪𑍍𑌰𑌜𑌗𑌾𑌮 𑌨𑌭𑌶𑍍𑌚𑌨𑍍𑌦𑍍𑌰𑍋 𑌹𑌂𑌸𑍋 𑌨𑍀𑌲𑌮𑌿𑌵𑍋𑌦𑌕𑌮𑍍 ॥ 1 ॥
𑌸𑌾𑌚𑌿𑌵𑍍𑌯𑌮𑌿𑌵 𑌕𑍁𑌰𑍍𑌵𑌨𑍍 𑌸 𑌪𑍍𑌰𑌭𑌯𑌾 𑌨𑌿𑌰𑍍𑌮𑌲𑌪𑍍𑌰𑌭𑌃 ।
𑌚𑌨𑍍𑌦𑍍𑌰𑌮𑌾 𑌰𑌶𑍍𑌮𑌿𑌭𑌿𑌶𑍍𑌶𑍀𑌤𑍈𑌸𑍍𑌸𑌿𑌷𑍇𑌵𑍇 𑌪𑌵𑌨𑌾𑌤𑍍𑌮𑌜𑌮𑍍 ॥ 2 ॥
𑌸 𑌦𑌦𑌰𑍍𑌶 𑌤𑌤𑌃 𑌸𑍀𑌤𑌾𑌂 𑌪𑍂𑌰𑍍𑌣𑌚𑌨𑍍𑌦𑍍𑌰𑌨𑌿𑌭𑌾𑌨𑌨𑌾𑌮𑍍 ।
𑌶𑍋𑌕𑌭𑌾𑌰𑍈𑌰𑌿𑌵 𑌨𑍍𑌯𑌸𑍍𑌤𑌾𑌂 𑌭𑌾𑌰𑍈𑌰𑍍𑌨𑌾𑌵𑌮𑌿𑌵𑌾𑌮𑍍𑌭𑌸𑌿 ॥ 3 ॥
𑌦𑌿𑌦𑍃𑌕𑍍𑌷𑌮𑌾𑌣𑍋 𑌵𑍈𑌦𑍇𑌹𑍀𑌂 𑌹𑌨𑍁𑌮𑌾𑌨𑍍𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌸 𑌦𑌦𑌰𑍍𑌶𑌾𑌵𑌿𑌦𑍂𑌰𑌸𑍍𑌥𑌾 𑌰𑌾𑌕𑍍𑌷𑌸𑍀𑌰𑍍𑌘𑍋𑌰𑌦𑌰𑍍𑌶𑌨𑌾𑌃 ॥ 4 ॥
𑌏𑌕𑌾𑌕𑍍𑌷𑍀𑌮𑍇𑌕𑌕𑌰𑍍𑌣𑌾𑌂 𑌚 𑌕𑌰𑍍𑌣𑌪𑍍𑌰𑌾𑌵𑌰𑌣𑌾𑌂 𑌤𑌥𑌾 ।
𑌅𑌕𑌰𑍍𑌣𑌾𑌂 𑌶𑌙𑍍𑌕𑍁𑌕𑌰𑍍𑌣𑌾𑌂 𑌚 𑌮𑌸𑍍𑌤𑌕𑍋𑌚𑍍𑌛𑍍𑌵𑌾𑌸𑌨𑌾𑌸𑌿𑌕𑌾𑌮𑍍 ॥ 5 ॥
𑌅𑌤𑌿𑌕𑌾𑌯𑍋𑌤𑍍𑌤𑌮𑌾𑌙𑍍𑌗𑍀𑌂 𑌚 𑌤𑌨𑍁𑌦𑍀𑌰𑍍𑌘𑌶𑌿𑌰𑍋𑌧𑌰𑌾𑌮𑍍 ।
𑌧𑍍𑌵𑌸𑍍𑌤𑌕𑍇𑌶𑍀𑌂 𑌤𑌥𑌾𑌽𑌕𑍇𑌶𑍀𑌂 𑌕𑍇𑌶𑌕𑌮𑍍𑌬𑌲𑌧𑌾𑌰𑌿𑌣𑍀𑌮𑍍 ॥ 6 ॥
𑌲𑌮𑍍𑌬𑌕𑌰𑍍𑌣𑌲𑌲𑌾𑌟𑌾𑌂 𑌚 𑌲𑌮𑍍𑌬𑍋𑌦𑌰𑌪𑌯𑍋𑌧𑌰𑌾𑌮𑍍 ।
𑌲𑌮𑍍𑌬𑍋𑌷𑍍𑌠𑍀𑌂 𑌚𑍁𑌬𑍁𑌕𑍋𑌷𑍍𑌠𑍀𑌂 𑌚 𑌲𑌮𑍍𑌬𑌾𑌸𑍍𑌯𑌾𑌂 𑌲𑌮𑍍𑌬𑌜𑌾𑌨𑍁𑌕𑌾𑌮𑍍 ॥ 7 ॥
𑌹𑍍𑌰𑌸𑍍𑌵𑌾𑌂 𑌦𑍀𑌰𑍍𑌘𑌾𑌂 𑌤𑌥𑌾 𑌕𑍁𑌬𑍍𑌜𑌾𑌂 𑌵𑌿𑌕𑌟𑌾𑌂 𑌵𑌾𑌮𑌨𑌾𑌂 𑌤𑌥𑌾 ।
𑌕𑌰𑌾𑌲𑌾𑌂 𑌭𑍁𑌗𑍍𑌨𑌵𑌕𑍍𑌤𑍍𑌰𑌾𑌂 𑌚 𑌪𑌿𑌙𑍍𑌗𑌾𑌕𑍍𑌷𑍀𑌂 𑌵𑌿𑌕𑍃𑌤𑌾𑌨𑌨𑌾𑌮𑍍 ॥ 8 ॥
𑌵𑌿𑌕𑍃𑌤𑌾𑌃 𑌪𑌿𑌙𑍍𑌗𑌲𑌾𑌃 𑌕𑌾𑌲𑍀𑌃 𑌕𑍍𑌰𑍋𑌧𑌨𑌾𑌃 𑌕𑌲𑌹𑌪𑍍𑌰𑌿𑌯𑌾𑌃 ।
𑌕𑌾𑌲𑌾𑌯𑌸𑌮𑌹𑌾𑌶𑍂𑌲𑌕𑍂𑌟𑌮𑍁𑌦𑍍𑌗𑌰𑌧𑌾𑌰𑌿𑌣𑍀𑌃 ॥ 9 ॥
𑌵𑌰𑌾𑌹𑌮𑍃𑌗𑌶𑌾𑌰𑍍𑌦𑍂𑌲𑌮𑌹𑌿𑌷𑌾𑌜𑌶𑌿𑌵𑌾𑌮𑍁𑌖𑍀𑌃 ।
𑌗𑌜𑍋𑌷𑍍𑌟𑍍𑌰𑌹𑌯𑌪𑌾𑌦𑍀𑌶𑍍𑌚 𑌨𑌿𑌖𑌾𑌤𑌶𑌿𑌰𑌸𑍋𑌽𑌪𑌰𑌾𑌃 ॥ 10 ॥
𑌏𑌕𑌹𑌸𑍍𑌤𑍈𑌕𑌪𑌾𑌦𑌾𑌶𑍍𑌚 𑌖𑌰𑌕𑌰𑍍𑌣𑍍𑌯𑌶𑍍𑌵𑌕𑌰𑍍𑌣𑌿𑌕𑌾𑌃 ।
𑌗𑍋𑌕𑌰𑍍𑌣𑍀𑌰𑍍𑌹𑌸𑍍𑌤𑌿𑌕𑌰𑍍𑌣𑍀𑌶𑍍𑌚 𑌹𑌰𑌿𑌕𑌰𑍍𑌣𑍀𑌸𑍍𑌤𑌥𑌾𑌪𑌰𑌾𑌃 ॥ 11 ॥
𑌅𑌨𑌾𑌸𑌾 𑌅𑌤𑌿𑌨𑌾𑌸𑌾𑌶𑍍𑌚 𑌤𑌿𑌰𑍍𑌯𑌙𑍍𑌨𑌾𑌸𑌾 𑌵𑌿𑌨𑌾𑌸𑌿𑌕𑌾𑌃 ।
𑌗𑌜𑌸𑌨𑍍𑌨𑌿𑌭𑌨𑌾𑌸𑌾𑌶𑍍𑌚 𑌲𑌲𑌾𑌟𑍋𑌚𑍍𑌛𑌵𑌾𑌸𑌨𑌾𑌸𑌿𑌕𑌾𑌃 ॥ 12 ॥
𑌹𑌸𑍍𑌤𑌿𑌪𑌾𑌦𑌾 𑌮𑌹𑌾𑌪𑌾𑌦𑌾 𑌗𑍋𑌪𑌾𑌦𑌾𑌃 𑌪𑌾𑌦𑌚𑍂𑌲𑌿𑌕𑌾𑌃 ।
𑌅𑌤𑌿𑌮𑌾𑌤𑍍𑌰𑌶𑌿𑌰𑍋𑌗𑍍𑌰𑍀𑌵𑌾 𑌅𑌤𑌿𑌮𑌾𑌤𑍍𑌰𑌕𑍁𑌚𑍋𑌦𑌰𑍀𑌃 ॥ 13 ॥
𑌅𑌤𑌿𑌮𑌾𑌤𑍍𑌰𑌾𑌸𑍍𑌯𑌨𑍇𑌤𑍍𑌰𑌾𑌶𑍍𑌚 𑌦𑍀𑌰𑍍𑌘𑌜𑌿𑌹𑍍𑌵𑌾𑌨𑌖𑌾𑌸𑍍𑌤𑌥𑌾 ।
𑌅𑌜𑌾𑌮𑍁𑌖𑍀𑌰𑍍𑌹𑌸𑍍𑌤𑌿𑌮𑍁𑌖𑍀𑌰𑍍𑌗𑍋𑌮𑍁𑌖𑍀𑌸𑍍𑌸𑍂𑌕𑌰𑍀𑌮𑍁𑌖𑍀𑌃 ॥ 14 ॥
𑌹𑌯𑍋𑌷𑍍𑌟𑍍𑌰𑌖𑌰𑌵𑌕𑍍𑌤𑍍𑌰𑌾𑌶𑍍𑌚 𑌰𑌾𑌕𑍍𑌷𑌸𑍀𑌰𑍍𑌘𑍋𑌰𑌦𑌰𑍍𑌶𑌨𑌾𑌃 ।
𑌶𑍂𑌲𑌮𑍁𑌦𑍍𑌗𑌰𑌹𑌸𑍍𑌤𑌾𑌶𑍍𑌚 𑌕𑍍𑌰𑍋𑌧𑌨𑌾𑌃 𑌕𑌲𑌹𑌪𑍍𑌰𑌿𑌯𑌾𑌃 ॥ 15 ॥
𑌕𑌰𑌾𑌲𑌾 𑌧𑍂𑌮𑍍𑌰𑌕𑍇𑌶𑍀𑌶𑍍𑌚 𑌰𑌾𑌕𑍍𑌷𑌸𑍀𑌰𑍍𑌵𑌿𑌕𑍃𑌤𑌾𑌨𑌨𑌾𑌃 ।
𑌪𑌿𑌬𑌨𑍍𑌤𑍀𑌃 𑌸𑌤𑌤𑌂 𑌪𑌾𑌨𑌂 𑌸𑌦𑌾 𑌮𑌾𑌂𑌸𑌸𑍁𑌰𑌾𑌪𑍍𑌰𑌿𑌯𑌾𑌃 ॥ 16 ॥
𑌮𑌾𑌂𑌸𑌶𑍋𑌣𑌿𑌤𑌦𑌿𑌗𑍍𑌧𑌾𑌙𑍍𑌗𑍀𑌰𑍍𑌮𑌾𑌂𑌸𑌶𑍋𑌣𑌿𑌤𑌭𑍋𑌜𑌨𑌾𑌃 ।
𑌤𑌾 𑌦𑌦𑌰𑍍𑌶 𑌕𑌪𑌿𑌶𑍍𑌰𑍇𑌷𑍍𑌠𑍋 𑌰𑍋𑌮𑌹𑌰𑍍𑌷𑌣𑌦𑌰𑍍𑌶𑌨𑌾𑌃 ॥ 17 ॥
𑌸𑍍𑌕𑌨𑍍𑌧𑌵𑌨𑍍𑌤𑌮𑍁𑌪𑌾𑌸𑍀𑌨𑌾𑌃 𑌪𑌰𑌿𑌵𑌾𑌰𑍍𑌯 𑌵𑌨𑌸𑍍𑌪𑌤𑌿𑌮𑍍 ।
𑌤𑌸𑍍𑌯𑌾𑌧𑌸𑍍𑌤𑌾𑌚𑍍𑌚 𑌤𑌾𑌂 𑌦𑍇𑌵𑍀𑌂 𑌰𑌾𑌜𑌪𑍁𑌤𑍍𑌰𑍀𑌮𑌨𑌿𑌨𑍍𑌦𑌿𑌤𑌾𑌮𑍍 ॥ 18 ॥
𑌲𑌕𑍍𑌷𑌯𑌾𑌮𑌾𑌸 𑌲𑌕𑍍𑌷𑍍𑌮𑍀𑌵𑌾𑌨𑍍 𑌹𑌨𑍁𑌮𑌾𑌨𑍍 𑌜𑌨𑌕𑌾𑌤𑍍𑌮𑌜𑌾𑌮𑍍 ।
𑌨𑌿𑌷𑍍𑌪𑍍𑌰𑌭𑌾𑌂 𑌶𑍋𑌕𑌸𑌨𑍍𑌤𑌪𑍍𑌤𑌾𑌂 𑌮𑌲𑌸𑌙𑍍𑌕𑍁𑌲𑌮𑍂𑌰𑍍𑌧𑌜𑌾𑌮𑍍 ॥ 19 ॥
𑌕𑍍𑌷𑍀𑌣𑌪𑍁𑌣𑍍𑌯𑌾𑌂 𑌚𑍍𑌯𑍁𑌤𑌾𑌂 𑌭𑍂𑌮𑍗 𑌤𑌾𑌰𑌾𑌂 𑌨𑌿𑌪𑌤𑌿𑌤𑌾𑌮𑌿𑌵 ।
𑌚𑌾𑌰𑌿𑌤𑍍𑌰𑌵𑍍𑌯𑌪𑌦𑍇𑌶𑌾𑌢𑍍𑌯𑌾𑌂 𑌭𑌰𑍍𑌤𑍃𑌦𑌰𑍍𑌶𑌨𑌦𑍁𑌰𑍍𑌗𑌤𑌾𑌮𑍍 ॥ 20 ॥
𑌭𑍂𑌷𑌣𑍈𑌰𑍁𑌤𑍍𑌤𑌮𑍈𑌰𑍍𑌹𑍀𑌨𑌾𑌂 𑌭𑌰𑍍𑌤𑍃𑌵𑌾𑌤𑍍𑌸𑌲𑍍𑌯𑌭𑍂𑌷𑌣𑌾𑌮𑍍 ।
𑌰𑌾𑌕𑍍𑌷𑌸𑌾𑌧𑌿𑌪𑌸𑌂𑌰𑍁𑌦𑍍𑌧𑌾𑌂 𑌬𑌨𑍍𑌧𑍁𑌭𑌿𑌶𑍍𑌚 𑌵𑌿𑌨𑌾 𑌕𑍃𑌤𑌾𑌮𑍍 ॥ 21 ॥
𑌵𑌿𑌯𑍂𑌥𑌾𑌂 𑌸𑌿𑌂𑌹𑌸𑌂𑌰𑍁𑌦𑍍𑌧𑌾𑌂 𑌬𑌦𑍍𑌧𑌾𑌂 𑌗𑌜𑌵𑌧𑍂𑌮𑌿𑌵 ।
𑌚𑌨𑍍𑌦𑍍𑌰𑌰𑍇𑌖𑌾𑌂 𑌪𑌯𑍋𑌦𑌾𑌨𑍍𑌤𑍇 𑌶𑌾𑌰𑌦𑌾𑌭𑍍𑌰𑍈𑌰𑌿𑌵𑌾𑌵𑍃𑌤𑌾𑌮𑍍 ॥ 22 ॥
𑌕𑍍𑌲𑌿𑌷𑍍𑌟𑌰𑍂𑌪𑌾𑌮𑌸𑌂𑌸𑍍𑌪𑌰𑍍𑌶𑌾𑌦𑌯𑍁𑌕𑍍𑌤𑌾𑌮𑌿𑌵 𑌵𑌲𑍍𑌲𑌕𑍀𑌮𑍍 ।
𑌸𑍀𑌤𑌾𑌂 𑌭𑌰𑍍𑌤𑍃𑌵𑌶𑍇 𑌯𑍁𑌕𑍍𑌤𑌾𑌮𑌯𑍁𑌕𑍍𑌤𑌾𑌂 𑌰𑌾𑌕𑍍𑌷𑌸𑍀𑌵𑌶𑍇 ॥ 23 ॥
𑌅𑌶𑍋𑌕𑌵𑌨𑌿𑌕𑌾𑌮𑌥𑍍𑌯𑍇 𑌶𑍋𑌕𑌸𑌾𑌗𑌰𑌮𑌾𑌪𑍍𑌲𑍁𑌤𑌾𑌮𑍍 ।
𑌤𑌾𑌭𑌿𑌃 𑌪𑌰𑌿𑌵𑍃𑌤𑌾𑌂 𑌤𑌤𑍍𑌰 𑌸𑌗𑍍𑌰𑌹𑌾𑌮𑌿𑌵 𑌰𑍋𑌹𑌿𑌣𑍀𑌮𑍍 ॥ 24 ॥
𑌦𑌦𑌰𑍍𑌶 𑌹𑌨𑍁𑌮𑌾𑌨𑍍 𑌦𑍇𑌵𑍀𑌂 𑌲𑌤𑌾𑌮𑌕𑍁𑌸𑍁𑌮𑌾𑌮𑌿𑌵 ।
𑌸𑌾 𑌮𑌲𑍇𑌨 𑌚 𑌦𑌿𑌗𑍍𑌧𑌾𑌙𑍍𑌗𑍀 𑌵𑌪𑍁𑌷𑌾 𑌚𑌾𑌪𑍍𑌯𑌲𑌙𑍍𑌕𑍃𑌤𑌾 ॥ 25 ॥
𑌮𑍃𑌣𑌾𑌲𑍀 𑌪𑌙𑍍𑌕𑌦𑌿𑌗𑍍𑌧𑍇𑌵 𑌵𑌿𑌭𑌾𑌤𑌿 𑌨 𑌵𑌿𑌭𑌾𑌤𑌿 𑌚 ।
𑌮𑌲𑌿𑌨𑍇𑌨 𑌤𑍁 𑌵𑌸𑍍𑌤𑍍𑌰𑍇𑌣 𑌪𑌰𑌿𑌕𑍍𑌲𑌿𑌷𑍍𑌟𑍇𑌨 𑌭𑌾𑌮𑌿𑌨𑍀𑌮𑍍 ॥ 26 ॥
𑌸𑌂𑌵𑍃𑌤𑌾𑌂 𑌮𑍃𑌗𑌶𑌾𑌬𑌾𑌕𑍍𑌷𑍀𑌂 𑌦𑌦𑌰𑍍𑌶 𑌹𑌨𑍁𑌮𑌾𑌨𑍍 𑌕𑌪𑌿𑌃 ।
𑌤𑌾𑌂 𑌦𑍇𑌵𑍀𑌂 𑌦𑍀𑌨𑌵𑌦𑌨𑌾𑌮𑌦𑍀𑌨𑌾𑌂 𑌭𑌰𑍍𑌤𑍃𑌤𑍇𑌜𑌸𑌾 ॥ 27 ॥
𑌰𑌕𑍍𑌷𑌿𑌤𑌾𑌂 𑌸𑍍𑌵𑍇𑌨 𑌶𑍀𑌲𑍇𑌨 𑌸𑍀𑌤𑌾𑌮𑌸𑌿𑌤𑌲𑍋𑌚𑌨𑌾𑌮𑍍 ।
𑌤𑌾𑌂 𑌦𑍃𑌷𑍍𑌟𑍍𑌵𑌾 𑌹𑌨𑍁𑌮𑌾𑌨𑍍 𑌸𑍀𑌤𑌾𑌂 𑌮𑍃𑌗𑌶𑌾𑌬𑌨𑌿𑌭𑍇𑌕𑍍𑌷𑌣𑌾𑌮𑍍 ।
𑌮𑍃𑌗𑌕𑌨𑍍𑌯𑌾𑌮𑌿𑌵 𑌤𑍍𑌰𑌸𑍍𑌤𑌾𑌂 𑌵𑍀𑌕𑍍𑌷𑌮𑌾𑌣𑌾𑌂 𑌸𑌮𑌨𑍍𑌤𑌤𑌃 ॥ 28 ॥
𑌦𑌹𑌨𑍍𑌤𑍀𑌮𑌿𑌵 𑌨𑌿𑌃𑌶𑍍𑌵𑌾𑌸𑍈𑌰𑍍𑌵𑍃𑌕𑍍𑌷𑌾𑌨𑍍 𑌪𑌲𑍍𑌲𑌵𑌧𑌾𑌰𑌿𑌣𑌃 ।
𑌸𑌙𑍍𑌘𑌾𑌤𑌮𑌿𑌵 𑌶𑍋𑌕𑌾𑌨𑌾𑌂 𑌦𑍁𑌃𑌖𑌸𑍍𑌯𑍋𑌰𑍍𑌮𑌿𑌮𑌿𑌵𑍋𑌤𑍍𑌥𑌿𑌤𑌾𑌮𑍍 ॥ 29 ॥
𑌤𑌾𑌂 𑌕𑍍𑌷𑌮𑌾𑌂 𑌸𑍁𑌵𑌿𑌭𑌕𑍍𑌤𑌾𑌙𑍍𑌗𑍀 𑌵𑌿𑌨𑌾𑌭𑌰𑌣𑌶𑍋𑌭𑌿𑌨𑍀𑌮𑍍 ॥ 30 ॥
𑌪𑍍𑌰𑌹𑌰𑍍𑌷𑌮𑌤𑍁𑌲𑌂 𑌲𑍇𑌭𑍇 𑌮𑌾𑌰𑍁𑌤𑌿𑌃 𑌪𑍍𑌰𑍇𑌕𑍍𑌷𑍍𑌯 𑌮𑍈𑌥𑌿𑌲𑍀𑌮𑍍 ।
𑌹𑌰𑍍𑌷𑌜𑌾𑌨𑌿 𑌚 𑌸𑍋𑌽𑌶𑍍𑌰𑍂𑌣𑌿 𑌤𑌾𑌂 𑌦𑍃𑌷𑍍𑌟𑍍𑌵𑌾 𑌮𑌦𑌿𑌰𑍇𑌕𑍍𑌷𑌣𑌾𑌮𑍍 ।
𑌮𑍁𑌮𑍁𑌚𑍇 𑌹𑌨𑍁𑌮𑌾𑌂𑌸𑍍𑌤𑌤𑍍𑌰 𑌨𑌮𑌶𑍍𑌚𑌕𑍍𑌰𑍇 𑌚 𑌰𑌾𑌘𑌵𑌮𑍍 ॥ 31 ॥
𑌨𑌮𑌸𑍍𑌕𑍃𑌤𑍍𑌵𑌾 𑌚 𑌰𑌾𑌮𑌾𑌯 𑌲𑌕𑍍𑌷𑍍𑌮𑌣𑌾𑌯 𑌚 𑌵𑍀𑌰𑍍𑌯𑌵𑌾𑌨𑍍 ।
𑌸𑍀𑌤𑌾𑌦𑌰𑍍𑌶𑌨𑌸𑌂𑌹𑍃𑌷𑍍𑌟𑍋 𑌹𑌨𑍁𑌮𑌾𑌨𑍍 𑌸𑌂𑌵𑍃𑌤𑍋𑌽𑌭𑌵𑌤𑍍 ॥ 32 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌸𑍁𑌨𑍍𑌦𑌰𑌕𑌾𑌣𑍍𑌡𑍇 𑌸𑌪𑍍𑌤𑌦𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe sundarakāṇḍam |
atha saptadaśassargaḥ |
tataḥ kamudaṣaṇḍābho nirmalaṃ nirmalodayaḥ |
prajagāma nabhaścandro haṃso nīlamivodakam || 1 ||
sācivyamiva kurvan sa prabhayā nirmalaprabhaḥ |
candramā raśmibhiśśītaissiṣeve pavanātmajam || 2 ||
sa dadarśa tataḥ sītāṃ pūrṇacandranibhānanām |
śokabhārairiva nyastāṃ bhārairnāvamivāmbhasi || 3 ||
didṛkṣamāṇo vaidehīṃ hanumānmārutātmajaḥ |
sa dadarśāvidūrasthā rākṣasīrghoradarśanāḥ || 4 ||
ekākṣīmekakarṇāṃ ca karṇaprāvaraṇāṃ tathā |
akarṇāṃ śaṅkukarṇāṃ ca mastakocchvāsanāsikām || 5 ||
atikāyottamāṅgīṃ ca tanudīrghaśirodharām |
dhvastakeśīṃ tathā'keśīṃ keśakambaladhāriṇīm || 6 ||
lambakarṇalalāṭāṃ ca lambodarapayodharām |
lamboṣṭhīṃ cubukoṣṭhīṃ ca lambāsyāṃ lambajānukām || 7 ||
hrasvāṃ dīrghāṃ tathā kubjāṃ vikaṭāṃ vāmanāṃ tathā |
karālāṃ bhugnavaktrāṃ ca piṅgākṣīṃ vikṛtānanām || 8 ||
vikṛtāḥ piṅgalāḥ kālīḥ krodhanāḥ kalahapriyāḥ |
kālāyasamahāśūlakūṭamudgaradhāriṇīḥ || 9 ||
varāhamṛgaśārdūlamahiṣājaśivāmukhīḥ |
gajoṣṭrahayapādīśca nikhātaśiraso'parāḥ || 10 ||
ekahastaikapādāśca kharakarṇyaśvakarṇikāḥ |
gokarṇīrhastikarṇīśca harikarṇīstathāparāḥ || 11 ||
anāsā atināsāśca tiryaṅnāsā vināsikāḥ |
gajasannibhanāsāśca lalāṭocchavāsanāsikāḥ || 12 ||
hastipādā mahāpādā gopādāḥ pādacūlikāḥ |
atimātraśirogrīvā atimātrakucodarīḥ || 13 ||
atimātrāsyanetrāśca dīrghajihvānakhāstathā |
ajāmukhīrhastimukhīrgomukhīssūkarīmukhīḥ || 14 ||
hayoṣṭrakharavaktrāśca rākṣasīrghoradarśanāḥ |
śūlamudgarahastāśca krodhanāḥ kalahapriyāḥ || 15 ||
karālā dhūmrakeśīśca rākṣasīrvikṛtānanāḥ |
pibantīḥ satataṃ pānaṃ sadā māṃsasurāpriyāḥ || 16 ||
māṃsaśoṇitadigdhāṅgīrmāṃsaśoṇitabhojanāḥ |
tā dadarśa kapiśreṣṭho romaharṣaṇadarśanāḥ || 17 ||
skandhavantamupāsīnāḥ parivārya vanaspatim |
tasyādhastācca tāṃ devīṃ rājaputrīmaninditām || 18 ||
lakṣayāmāsa lakṣmīvān hanumān janakātmajām |
niṣprabhāṃ śokasantaptāṃ malasaṅkulamūrdhajām || 19 ||
kṣīṇapuṇyāṃ cyutāṃ bhūmau tārāṃ nipatitāmiva |
cāritravyapadeśāḍhyāṃ bhartṛdarśanadurgatām || 20 ||
bhūṣaṇairuttamairhīnāṃ bhartṛvātsalyabhūṣaṇām |
rākṣasādhipasaṃruddhāṃ bandhubhiśca vinā kṛtām || 21 ||
viyūthāṃ siṃhasaṃruddhāṃ baddhāṃ gajavadhūmiva |
candrarekhāṃ payodānte śāradābhrairivāvṛtām || 22 ||
kliṣṭarūpāmasaṃsparśādayuktāmiva vallakīm |
sītāṃ bhartṛvaśe yuktāmayuktāṃ rākṣasīvaśe || 23 ||
aśokavanikāmathye śokasāgaramāplutām |
tābhiḥ parivṛtāṃ tatra sagrahāmiva rohiṇīm || 24 ||
dadarśa hanumān devīṃ latāmakusumāmiva |
sā malena ca digdhāṅgī vapuṣā cāpyalaṅkṛtā || 25 ||
mṛṇālī paṅkadigdheva vibhāti na vibhāti ca |
malinena tu vastreṇa parikliṣṭena bhāminīm || 26 ||
saṃvṛtāṃ mṛgaśābākṣīṃ dadarśa hanumān kapiḥ |
tāṃ devīṃ dīnavadanāmadīnāṃ bhartṛtejasā || 27 ||
rakṣitāṃ svena śīlena sītāmasitalocanām |
tāṃ dṛṣṭvā hanumān sītāṃ mṛgaśābanibhekṣaṇām |
mṛgakanyāmiva trastāṃ vīkṣamāṇāṃ samantataḥ || 28 ||
dahantīmiva niḥśvāsairvṛkṣān pallavadhāriṇaḥ |
saṅghātamiva śokānāṃ duḥkhasyormimivotthitām || 29 ||
tāṃ kṣamāṃ suvibhaktāṅgī vinābharaṇaśobhinīm || 30 ||
praharṣamatulaṃ lebhe mārutiḥ prekṣya maithilīm |
harṣajāni ca so'śrūṇi tāṃ dṛṣṭvā madirekṣaṇām |
mumuce hanumāṃstatra namaścakre ca rāghavam || 31 ||
namaskṛtvā ca rāmāya lakṣmaṇāya ca vīryavān |
sītādarśanasaṃhṛṣṭo hanumān saṃvṛto'bhavat || 32 ||
ityārṣe śrīmadrāmāyaṇe vālmīkīya ādikāvye sundarakāṇḍe saptadaśassargaḥ ||
Sanskrit — Devanagari (original)
श्रीमद्वाल्मीकीय रामायणे सुन्दरकाण्डम् ।
अथ सप्तदशस्सर्गः ।
ततः कमुदषण्डाभो निर्मलं निर्मलोदयः ।
प्रजगाम नभश्चन्द्रो हंसो नीलमिवोदकम् ॥ 1 ॥
साचिव्यमिव कुर्वन् स प्रभया निर्मलप्रभः ।
चन्द्रमा रश्मिभिश्शीतैस्सिषेवे पवनात्मजम् ॥ 2 ॥
स ददर्श ततः सीतां पूर्णचन्द्रनिभाननाम् ।
शोकभारैरिव न्यस्तां भारैर्नावमिवाम्भसि ॥ 3 ॥
दिदृक्षमाणो वैदेहीं हनुमान्मारुतात्मजः ।
स ददर्शाविदूरस्था राक्षसीर्घोरदर्शनाः ॥ 4 ॥
एकाक्षीमेककर्णां च कर्णप्रावरणां तथा ।
अकर्णां शङ्कुकर्णां च मस्तकोच्छ्वासनासिकाम् ॥ 5 ॥
अतिकायोत्तमाङ्गीं च तनुदीर्घशिरोधराम् ।
ध्वस्तकेशीं तथाऽकेशीं केशकम्बलधारिणीम् ॥ 6 ॥
लम्बकर्णललाटां च लम्बोदरपयोधराम् ।
लम्बोष्ठीं चुबुकोष्ठीं च लम्बास्यां लम्बजानुकाम् ॥ 7 ॥
ह्रस्वां दीर्घां तथा कुब्जां विकटां वामनां तथा ।
करालां भुग्नवक्त्रां च पिङ्गाक्षीं विकृताननाम् ॥ 8 ॥
विकृताः पिङ्गलाः कालीः क्रोधनाः कलहप्रियाः ।
कालायसमहाशूलकूटमुद्गरधारिणीः ॥ 9 ॥
वराहमृगशार्दूलमहिषाजशिवामुखीः ।
गजोष्ट्रहयपादीश्च निखातशिरसोऽपराः ॥ 10 ॥
एकहस्तैकपादाश्च खरकर्ण्यश्वकर्णिकाः ।
गोकर्णीर्हस्तिकर्णीश्च हरिकर्णीस्तथापराः ॥ 11 ॥
अनासा अतिनासाश्च तिर्यङ्नासा विनासिकाः ।
गजसन्निभनासाश्च ललाटोच्छवासनासिकाः ॥ 12 ॥
हस्तिपादा महापादा गोपादाः पादचूलिकाः ।
अतिमात्रशिरोग्रीवा अतिमात्रकुचोदरीः ॥ 13 ॥
अतिमात्रास्यनेत्राश्च दीर्घजिह्वानखास्तथा ।
अजामुखीर्हस्तिमुखीर्गोमुखीस्सूकरीमुखीः ॥ 14 ॥
हयोष्ट्रखरवक्त्राश्च राक्षसीर्घोरदर्शनाः ।
शूलमुद्गरहस्ताश्च क्रोधनाः कलहप्रियाः ॥ 15 ॥
कराला धूम्रकेशीश्च राक्षसीर्विकृताननाः ।
पिबन्तीः सततं पानं सदा मांससुराप्रियाः ॥ 16 ॥
मांसशोणितदिग्धाङ्गीर्मांसशोणितभोजनाः ।
ता ददर्श कपिश्रेष्ठो रोमहर्षणदर्शनाः ॥ 17 ॥
स्कन्धवन्तमुपासीनाः परिवार्य वनस्पतिम् ।
तस्याधस्ताच्च तां देवीं राजपुत्रीमनिन्दिताम् ॥ 18 ॥
लक्षयामास लक्ष्मीवान् हनुमान् जनकात्मजाम् ।
निष्प्रभां शोकसन्तप्तां मलसङ्कुलमूर्धजाम् ॥ 19 ॥
क्षीणपुण्यां च्युतां भूमौ तारां निपतितामिव ।
चारित्रव्यपदेशाढ्यां भर्तृदर्शनदुर्गताम् ॥ 20 ॥
भूषणैरुत्तमैर्हीनां भर्तृवात्सल्यभूषणाम् ।
राक्षसाधिपसंरुद्धां बन्धुभिश्च विना कृताम् ॥ 21 ॥
वियूथां सिंहसंरुद्धां बद्धां गजवधूमिव ।
चन्द्ररेखां पयोदान्ते शारदाभ्रैरिवावृताम् ॥ 22 ॥
क्लिष्टरूपामसंस्पर्शादयुक्तामिव वल्लकीम् ।
सीतां भर्तृवशे युक्तामयुक्तां राक्षसीवशे ॥ 23 ॥
अशोकवनिकामथ्ये शोकसागरमाप्लुताम् ।
ताभिः परिवृतां तत्र सग्रहामिव रोहिणीम् ॥ 24 ॥
ददर्श हनुमान् देवीं लतामकुसुमामिव ।
सा मलेन च दिग्धाङ्गी वपुषा चाप्यलङ्कृता ॥ 25 ॥
मृणाली पङ्कदिग्धेव विभाति न विभाति च ।
मलिनेन तु वस्त्रेण परिक्लिष्टेन भामिनीम् ॥ 26 ॥
संवृतां मृगशाबाक्षीं ददर्श हनुमान् कपिः ।
तां देवीं दीनवदनामदीनां भर्तृतेजसा ॥ 27 ॥
रक्षितां स्वेन शीलेन सीतामसितलोचनाम् ।
तां दृष्ट्वा हनुमान् सीतां मृगशाबनिभेक्षणाम् ।
मृगकन्यामिव त्रस्तां वीक्षमाणां समन्ततः ॥ 28 ॥
दहन्तीमिव निःश्वासैर्वृक्षान् पल्लवधारिणः ।
सङ्घातमिव शोकानां दुःखस्योर्मिमिवोत्थिताम् ॥ 29 ॥
तां क्षमां सुविभक्ताङ्गी विनाभरणशोभिनीम् ॥ 30 ॥
प्रहर्षमतुलं लेभे मारुतिः प्रेक्ष्य मैथिलीम् ।
हर्षजानि च सोऽश्रूणि तां दृष्ट्वा मदिरेक्षणाम् ।
मुमुचे हनुमांस्तत्र नमश्चक्रे च राघवम् ॥ 31 ॥
नमस्कृत्वा च रामाय लक्ष्मणाय च वीर्यवान् ।
सीतादर्शनसंहृष्टो हनुमान् संवृतोऽभवत् ॥ 32 ॥
इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे सप्तदशस्सर्गः ॥
śrīmadvālmīkīya rāmāyaṇe sundarakāṇḍam |
atha saptadaśassargaḥ |
tataḥ kamudaṣaṇḍābho nirmalaṃ nirmalodayaḥ |
prajagāma nabhaścandro haṃso nīlamivodakam || 1 ||
sācivyamiva kurvan sa prabhayā nirmalaprabhaḥ |
candramā raśmibhiśśītaissiṣeve pavanātmajam || 2 ||
sa dadarśa tataḥ sītāṃ pūrṇacandranibhānanām |
śokabhārairiva nyastāṃ bhārairnāvamivāmbhasi || 3 ||
didṛkṣamāṇo vaidehīṃ hanumānmārutātmajaḥ |
sa dadarśāvidūrasthā rākṣasīrghoradarśanāḥ || 4 ||
ekākṣīmekakarṇāṃ ca karṇaprāvaraṇāṃ tathā |
akarṇāṃ śaṅkukarṇāṃ ca mastakocchvāsanāsikām || 5 ||
atikāyottamāṅgīṃ ca tanudīrghaśirodharām |
dhvastakeśīṃ tathā'keśīṃ keśakambaladhāriṇīm || 6 ||
lambakarṇalalāṭāṃ ca lambodarapayodharām |
lamboṣṭhīṃ cubukoṣṭhīṃ ca lambāsyāṃ lambajānukām || 7 ||
hrasvāṃ dīrghāṃ tathā kubjāṃ vikaṭāṃ vāmanāṃ tathā |
karālāṃ bhugnavaktrāṃ ca piṅgākṣīṃ vikṛtānanām || 8 ||
vikṛtāḥ piṅgalāḥ kālīḥ krodhanāḥ kalahapriyāḥ |
kālāyasamahāśūlakūṭamudgaradhāriṇīḥ || 9 ||
varāhamṛgaśārdūlamahiṣājaśivāmukhīḥ |
gajoṣṭrahayapādīśca nikhātaśiraso'parāḥ || 10 ||
ekahastaikapādāśca kharakarṇyaśvakarṇikāḥ |
gokarṇīrhastikarṇīśca harikarṇīstathāparāḥ || 11 ||
anāsā atināsāśca tiryaṅnāsā vināsikāḥ |
gajasannibhanāsāśca lalāṭocchavāsanāsikāḥ || 12 ||
hastipādā mahāpādā gopādāḥ pādacūlikāḥ |
atimātraśirogrīvā atimātrakucodarīḥ || 13 ||
atimātrāsyanetrāśca dīrghajihvānakhāstathā |
ajāmukhīrhastimukhīrgomukhīssūkarīmukhīḥ || 14 ||
hayoṣṭrakharavaktrāśca rākṣasīrghoradarśanāḥ |
śūlamudgarahastāśca krodhanāḥ kalahapriyāḥ || 15 ||
karālā dhūmrakeśīśca rākṣasīrvikṛtānanāḥ |
pibantīḥ satataṃ pānaṃ sadā māṃsasurāpriyāḥ || 16 ||
māṃsaśoṇitadigdhāṅgīrmāṃsaśoṇitabhojanāḥ |
tā dadarśa kapiśreṣṭho romaharṣaṇadarśanāḥ || 17 ||
skandhavantamupāsīnāḥ parivārya vanaspatim |
tasyādhastācca tāṃ devīṃ rājaputrīmaninditām || 18 ||
lakṣayāmāsa lakṣmīvān hanumān janakātmajām |
niṣprabhāṃ śokasantaptāṃ malasaṅkulamūrdhajām || 19 ||
kṣīṇapuṇyāṃ cyutāṃ bhūmau tārāṃ nipatitāmiva |
cāritravyapadeśāḍhyāṃ bhartṛdarśanadurgatām || 20 ||
bhūṣaṇairuttamairhīnāṃ bhartṛvātsalyabhūṣaṇām |
rākṣasādhipasaṃruddhāṃ bandhubhiśca vinā kṛtām || 21 ||
viyūthāṃ siṃhasaṃruddhāṃ baddhāṃ gajavadhūmiva |
candrarekhāṃ payodānte śāradābhrairivāvṛtām || 22 ||
kliṣṭarūpāmasaṃsparśādayuktāmiva vallakīm |
sītāṃ bhartṛvaśe yuktāmayuktāṃ rākṣasīvaśe || 23 ||
aśokavanikāmathye śokasāgaramāplutām |
tābhiḥ parivṛtāṃ tatra sagrahāmiva rohiṇīm || 24 ||
dadarśa hanumān devīṃ latāmakusumāmiva |
sā malena ca digdhāṅgī vapuṣā cāpyalaṅkṛtā || 25 ||
mṛṇālī paṅkadigdheva vibhāti na vibhāti ca |
malinena tu vastreṇa parikliṣṭena bhāminīm || 26 ||
saṃvṛtāṃ mṛgaśābākṣīṃ dadarśa hanumān kapiḥ |
tāṃ devīṃ dīnavadanāmadīnāṃ bhartṛtejasā || 27 ||
rakṣitāṃ svena śīlena sītāmasitalocanām |
tāṃ dṛṣṭvā hanumān sītāṃ mṛgaśābanibhekṣaṇām |
mṛgakanyāmiva trastāṃ vīkṣamāṇāṃ samantataḥ || 28 ||
dahantīmiva niḥśvāsairvṛkṣān pallavadhāriṇaḥ |
saṅghātamiva śokānāṃ duḥkhasyormimivotthitām || 29 ||
tāṃ kṣamāṃ suvibhaktāṅgī vinābharaṇaśobhinīm || 30 ||
praharṣamatulaṃ lebhe mārutiḥ prekṣya maithilīm |
harṣajāni ca so'śrūṇi tāṃ dṛṣṭvā madirekṣaṇām |
mumuce hanumāṃstatra namaścakre ca rāghavam || 31 ||
namaskṛtvā ca rāmāya lakṣmaṇāya ca vīryavān |
sītādarśanasaṃhṛṣṭo hanumān saṃvṛto'bhavat || 32 ||
ityārṣe śrīmadrāmāyaṇe vālmīkīya ādikāvye sundarakāṇḍe saptadaśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.