𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌣𑍍𑌡𑌮𑍍 ।
𑌅𑌥 𑌪𑌞𑍍𑌚𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ।
𑌸𑌨𑍍𑌦𑌿𑌶𑍍𑌯 𑌰𑌾𑌕𑍍𑌷𑌸𑌾𑌨𑍍𑌘𑍋𑌰𑌾𑌨𑍍 𑌰𑌾𑌵𑌣𑍋𑌽𑌷𑍍𑌟𑍗 𑌮𑌹𑌾𑌬𑌲𑌾𑌨𑍍 ।
𑌆𑌤𑍍𑌮𑌾𑌨𑌂 𑌬𑍁𑌦𑍍𑌧𑌿𑌵𑍈𑌕𑍍𑌲𑌬𑍍𑌯𑌾𑌤𑍍𑌕𑍃𑌤𑌕𑍃𑌤𑍍𑌯𑌮𑌮𑌨𑍍𑌯𑌤 ॥ 1 ॥
𑌸 𑌚𑌿𑌨𑍍𑌤𑌯𑌾𑌨𑍋 𑌵𑍈𑌦𑍇𑌹𑍀𑌂 𑌕𑌾𑌮𑌬𑌾𑌣𑌸𑌮𑌰𑍍𑌪𑌿𑌤𑌃 ।
𑌪𑍍𑌰𑌵𑌿𑌵𑍇𑌶 𑌗𑍃𑌹𑌂 𑌰𑌮𑍍𑌯𑌂 𑌸𑍀𑌤𑌾𑌂 𑌦𑍍𑌰𑌷𑍍𑌟𑍁𑌮𑌭𑌿𑌤𑍍𑌵𑌰𑌨𑍍 ॥ 2 ॥
𑌸 𑌪𑍍𑌰𑌵𑌿𑌶𑍍𑌯 𑌤𑍁 𑌤𑌦𑍍𑌵𑍇𑌶𑍍𑌮 𑌰𑌾𑌵𑌣𑍋 𑌰𑌾𑌕𑍍𑌷𑌸𑌾𑌧𑌿𑌪𑌃 ।
𑌅𑌪𑌶𑍍𑌯𑌦𑍍𑌰𑌾𑌕𑍍𑌷𑌸𑍀𑌮𑌧𑍍𑌯𑍇 𑌸𑍀𑌤𑌾𑌂 𑌶𑍋𑌕𑌪𑌰𑌾𑌯𑌣𑌾𑌮𑍍 ॥ 3 ॥
𑌅𑌶𑍍𑌰𑍁𑌪𑍂𑌰𑍍𑌣𑌮𑍁𑌖𑍀𑌂 𑌦𑍀𑌨𑌾𑌂 𑌶𑍋𑌕𑌭𑌾𑌰𑌾𑌭𑌿𑌪𑍀𑌡𑌿𑌤𑌾𑌮𑍍 ।
𑌵𑌾𑌯𑍁𑌵𑍇𑌗𑍈𑌰𑌿𑌵𑌾𑌕𑍍𑌰𑌾𑌨𑍍𑌤𑌾𑌂 𑌮𑌜𑍍𑌜𑌨𑍍𑌤𑍀𑌂 𑌨𑌾𑌵𑌮𑌰𑍍𑌣𑌵𑍇 ॥ 4 ॥
𑌮𑍃𑌗𑌯𑍂𑌥𑌪𑌰𑌿𑌭𑍍𑌰𑌷𑍍𑌟𑌾𑌂 𑌮𑍃𑌗𑍀𑌂 𑌶𑍍𑌵𑌭𑌿𑌰𑌿𑌵𑌾𑌵𑍃𑌤𑌾𑌮𑍍 ।
𑌅𑌧𑍋𑌮𑍁𑌖𑌮𑍁𑌖𑍀𑌂 𑌸𑍀𑌤𑌾𑌮𑌭𑍍𑌯𑍇𑌤𑍍𑌯 𑌚 𑌨𑌿𑌶𑌾𑌚𑌰𑌃 ॥ 5 ॥
𑌤𑌾𑌂 𑌤𑍁 𑌶𑍋𑌕𑌪𑌰𑌾𑌂 𑌦𑍀𑌨𑌾𑌮𑌵𑌶𑌾𑌂 𑌰𑌾𑌕𑍍𑌷𑌸𑌾𑌧𑌿𑌪𑌃 ।
𑌸 𑌬𑌲𑌾𑌦𑍍𑌦𑌰𑍍𑌶𑌯𑌾𑌮𑌾𑌸 𑌗𑍃𑌹𑌂 𑌦𑍇𑌵𑌗𑍃𑌹𑍋𑌪𑌮𑌮𑍍 ॥ 6 ॥
𑌹𑌰𑍍𑌮𑍍𑌯𑌪𑍍𑌰𑌾𑌸𑌾𑌦𑌸𑌮𑍍𑌬𑌾𑌧𑌂 𑌸𑍍𑌤𑍍𑌰𑍀𑌸𑌹𑌸𑍍𑌰𑌨𑌿𑌷𑍇𑌵𑌿𑌤𑌮𑍍 ।
𑌨𑌾𑌨𑌾𑌪𑌕𑍍𑌷𑌿𑌗𑌣𑍈𑌰𑍍𑌜𑍁𑌷𑍍𑌟𑌂 𑌨𑌾𑌨𑌾𑌰𑌤𑍍𑌨𑌸𑌮𑌨𑍍𑌵𑌿𑌤𑌮𑍍 ॥ 7 ॥
𑌦𑌾𑌨𑍍𑌤𑌕𑍈𑌸𑍍𑌤𑌾𑌪𑌨𑍀𑌯𑍈𑌶𑍍𑌚 𑌸𑍍𑌫𑌾𑌟𑌿𑌕𑍈 𑌰𑌾𑌜𑌤𑍈𑌰𑌪𑌿 ।
𑌵𑌜𑍍𑌰𑌵𑍈𑌡𑍂𑌰𑍍𑌯𑌚𑌿𑌤𑍍𑌰𑍈𑌶𑍍𑌚 𑌸𑍍𑌤𑌮𑍍𑌭𑍈𑌰𑍍𑌦𑍃𑌷𑍍𑌟𑌿𑌮𑌨𑍋𑌹𑌰𑍈𑌃 ॥ 8 ॥
𑌦𑌿𑌵𑍍𑌯𑌦𑍁𑌨𑍍𑌦𑍁𑌭𑌿𑌨𑌿𑌰𑍍𑌹𑍍𑌰𑌾𑌦𑌂 𑌤𑌪𑍍𑌤𑌕𑌾𑌞𑍍𑌚𑌨𑌤𑍋𑌰𑌣𑌮𑍍 ।
𑌸𑍋𑌪𑌾𑌨𑌂 𑌕𑌾𑌞𑍍𑌚𑌨𑌂 𑌚𑌿𑌤𑍍𑌰𑌮𑌾𑌰𑍁𑌰𑍋𑌹 𑌤𑌯𑌾 𑌸𑌹 ॥ 9 ॥
𑌦𑌾𑌨𑍍𑌤𑌕𑌾 𑌰𑌾𑌜𑌤𑌾𑌶𑍍𑌚𑍈𑌵 𑌗𑌵𑌾𑌕𑍍𑌷𑌾𑌃 𑌪𑍍𑌰𑌿𑌯𑌦𑌰𑍍𑌶𑌨𑌾𑌃 ।
𑌹𑍇𑌮𑌜𑌾𑌲𑌾𑌵𑌤𑌾𑌶𑍍𑌚𑌾𑌸𑌨𑍍𑌸𑍍𑌤𑌤𑍍𑌰 𑌪𑍍𑌰𑌾𑌸𑌾𑌦𑌪𑌙𑍍𑌕𑍍𑌤𑌯𑌃 ॥ 10 ॥
𑌸𑍁𑌧𑌾𑌮𑌣𑌿𑌵𑌿𑌚𑌿𑌤𑍍𑌰𑌾𑌣𑌿 𑌭𑍂𑌮𑌿𑌭𑌾𑌗𑌾𑌨𑌿 𑌸𑌰𑍍𑌵𑌶𑌃 ।
𑌦𑌶𑌗𑍍𑌰𑍀𑌵𑌸𑍍𑌸𑍍𑌵𑌭𑌵𑌨𑍇 𑌪𑍍𑌰𑌾𑌦𑌰𑍍𑌶𑌯𑌤 𑌮𑍈𑌥𑌿𑌲𑍀𑌮𑍍 ॥ 11 ॥
𑌦𑍀𑌰𑍍𑌘𑌿𑌕𑌾𑌃 𑌪𑍁𑌷𑍍𑌕𑌰𑌿𑌣𑍍𑌯𑌶𑍍𑌚 𑌨𑌾𑌨𑌾𑌵𑍃𑌕𑍍𑌷𑌸𑌮𑌨𑍍𑌵𑌿𑌤𑌾𑌃 ।
𑌰𑌾𑌵𑌣𑍋 𑌦𑌰𑍍𑌶𑌯𑌾𑌮𑌾𑌸 𑌸𑍀𑌤𑌾𑌂 𑌶𑍋𑌕𑌪𑌰𑌾𑌯𑌣𑌾𑌮𑍍 ॥ 12 ॥
𑌦𑌰𑍍𑌶𑌯𑌿𑌤𑍍𑌵𑌾 𑌤𑍁 𑌵𑍈𑌦𑍇𑌹𑍍𑌯𑌾𑌃 𑌕𑍃𑌤𑍍𑌸𑍍𑌨𑌂 𑌤𑌦𑍍𑌭𑌵𑌨𑍋𑌤𑍍𑌤𑌮𑌮𑍍 ।
𑌉𑌵𑌾𑌚 𑌵𑌾𑌕𑍍𑌯𑌂 𑌪𑌾𑌪𑌾𑌤𑍍𑌮𑌾 𑌸𑍀𑌤𑌾𑌂 𑌲𑍋𑌭𑌿𑌤𑍁𑌮𑌿𑌚𑍍𑌛𑌯𑌾 ॥ 13 ॥
𑌦𑌶 𑌰𑌾𑌕𑍍𑌷𑌸𑌕𑍋𑌟𑍍𑌯𑌶𑍍𑌚 𑌦𑍍𑌵𑌾𑌵𑌿𑌂𑌶𑌤𑌿𑌰𑌥𑌾𑌪𑌰𑌾𑌃 ।
𑌤𑍇𑌷𑌾𑌂 𑌪𑍍𑌰𑌭𑍁𑌰𑌹𑌂 𑌸𑍀𑌤𑍇 𑌸𑌰𑍍𑌵𑍇𑌷𑌾𑌂 𑌭𑍀𑌮𑌕𑌰𑍍𑌮𑌣𑌾𑌮𑍍 ॥ 14 ॥
𑌵𑌰𑍍𑌜𑌯𑌿𑌤𑍍𑌵𑌾 𑌜𑌰𑌾𑌵𑍃𑌦𑍍𑌧𑌾𑌨𑍍𑌬𑌾𑌲𑌾𑌂𑌶𑍍𑌚 𑌰𑌜𑌨𑍀𑌚𑌰𑌾𑌨𑍍 ।
𑌸𑌹𑌸𑍍𑌰𑌮𑍇𑌕𑌮𑍇𑌕𑌸𑍍𑌯 𑌮𑌮 𑌕𑌾𑌰𑍍𑌯𑌪𑍁𑌰𑌸𑍍𑌸𑌰𑌮𑍍 ॥ 15 ॥
𑌯𑌦𑌿𑌦𑌂 𑌰𑌾𑌜𑌤𑌨𑍍𑌤𑍍𑌰𑌂 𑌮𑍇 𑌤𑍍𑌵𑌯𑌿 𑌸𑌰𑍍𑌵𑌂 𑌪𑍍𑌰𑌤𑌿𑌷𑍍𑌠𑌿𑌤𑌮𑍍 ।
𑌜𑍀𑌵𑌿𑌤𑌂 𑌚 𑌵𑌿𑌶𑌾𑌲𑌾𑌕𑍍𑌷𑌿 𑌤𑍍𑌵𑌂 𑌮𑍇 𑌪𑍍𑌰𑌾𑌣𑍈𑌰𑍍𑌗𑌰𑍀𑌯𑌸𑍀 ॥ 16 ॥
𑌬𑌹𑍂𑌨𑌾𑌂𑌸𑍍𑌤𑍍𑌰𑍀𑌸𑌹𑌸𑍍𑌰𑌾𑌣𑌾𑌂 𑌮𑌮 𑌯𑍋𑌽𑌸𑍗 𑌪𑌰𑌿𑌗𑍍𑌰𑌹𑌃 ।
𑌤𑌾𑌸𑌾𑌂 𑌤𑍍𑌵𑌮𑍀𑌶𑍍𑌵𑌰𑌾 𑌸𑍀𑌤𑍇 𑌮𑌮 𑌭𑌾𑌰𑍍𑌯𑌾 𑌭𑌵 𑌪𑍍𑌰𑌿𑌯𑍇 ॥ 17 ॥
𑌸𑌾𑌧𑍁 𑌕𑌿𑌂 𑌤𑍇𑌽𑌨𑍍𑌯𑌯𑌾 𑌬𑍁𑌦𑍍𑌧𑍍𑌯𑌾 𑌰𑍋𑌚𑌯𑌸𑍍𑌵 𑌵𑌚𑍋 𑌮𑌮 ।
𑌭𑌜𑌸𑍍𑌵𑌮𑌾𑌭𑌿𑌤𑌪𑍍𑌤𑌸𑍍𑌯 𑌪𑍍𑌰𑌸𑌾𑌦𑌂 𑌕𑌰𑍍𑌤𑍁𑌮𑌰𑍍𑌹𑌸𑌿 ॥ 18 ॥
𑌪𑌰𑌿𑌕𑍍𑌷𑌿𑌪𑍍𑌤𑌾 𑌸𑌮𑍁𑌦𑍍𑌰𑍇𑌣 𑌲𑌙𑍍𑌕𑍇𑌯𑌂 𑌶𑌤𑌯𑍋𑌜𑌨𑌾 ।
𑌨𑍇𑌯𑌂 𑌧𑌰𑍍𑌷𑌯𑌿𑌤𑍁𑌂 𑌶𑌕𑍍𑌯𑌾 𑌸𑍇𑌨𑍍𑌦𑍍𑌰𑍈𑌰𑌪𑌿 𑌸𑍁𑌰𑌾𑌸𑍁𑌰𑍈𑌃 ॥ 19 ॥
𑌨 𑌦𑍇𑌵𑍇𑌷𑍁 𑌨 𑌯𑌕𑍍𑌷𑍇𑌷𑍁 𑌨 𑌗𑌨𑍍𑌧𑌰𑍍𑌵𑍇𑌷𑍁 𑌪𑌕𑍍𑌷𑌿𑌷𑍁 ।
𑌅𑌹𑌂 𑌪𑌶𑍍𑌯𑌾𑌮𑌿 𑌲𑍋𑌕𑍇𑌷𑍁 𑌯𑍋 𑌮𑍇 𑌵𑍀𑌰𑍍𑌯𑌸𑌮𑍋 𑌭𑌵𑍇𑌤𑍍 ॥ 20 ॥
𑌰𑌾𑌜𑍍𑌯𑌭𑍍𑌰𑌷𑍍𑌟𑍇𑌨 𑌦𑍀𑌨𑍇𑌨 𑌤𑌾𑌪𑌸𑍇𑌨 𑌗𑌤𑌾𑌯𑍁𑌷𑌾 ।
𑌕𑌿𑌂 𑌕𑌰𑌿𑌷𑍍𑌯𑌸𑌿 𑌰𑌾𑌮𑍇𑌣 𑌮𑌾𑌨𑍁𑌷𑍇𑌣𑌾𑌲𑍍𑌪𑌤𑍇𑌜𑌸𑌾 ॥ 21 ॥
𑌭𑌜𑌸𑍍𑌵 𑌸𑍀𑌤𑍇 𑌮𑌾𑌮𑍇𑌵 𑌭𑌰𑍍𑌤𑌾𑌹𑌂 𑌸𑌦𑍃𑌶𑌸𑍍𑌤𑌵 ।
𑌯𑍗𑌵𑌨𑌂 𑌹𑍍𑌯𑌧𑍍𑌰𑍁𑌵𑌂 𑌭𑍀𑌰𑍁 𑌰𑌮𑌸𑍍𑌵𑍇𑌹 𑌮𑌯𑌾 𑌸𑌹 ॥ 22 ॥
𑌦𑌰𑍍𑌶𑌨𑍇 𑌮𑌾𑌕𑍃𑌥𑌾 𑌬𑍁𑌦𑍍𑌧𑌿𑌂 𑌰𑌾𑌘𑌵𑌸𑍍𑌯 𑌵𑌰𑌾𑌨𑌨𑍇 ।
𑌕𑌾𑌸𑍍𑌯 𑌶𑌕𑍍𑌤𑌿𑌰𑌿𑌹𑌾𑌗𑌨𑍍𑌤𑍁𑌮𑌪𑌿 𑌸𑍀𑌤𑍇 𑌮𑌨𑍋𑌰𑌥𑍈𑌃 ॥ 23 ॥
𑌨 𑌶𑌕𑍍𑌯𑍋 𑌵𑌾𑌯𑍁𑌰𑌾𑌕𑌾𑌶𑍇 𑌪𑌾𑌶𑍈𑌰𑍍𑌬𑌦𑍍𑌧𑍁𑌂 𑌮𑌹𑌾𑌜𑌵𑌃 ।
𑌦𑍀𑌪𑍍𑌯𑌮𑌾𑌨𑌸𑍍𑌯 𑌵𑌾𑌪𑍍𑌯𑌗𑍍𑌨𑍇𑌰𑍍𑌗𑍃𑌹𑍀𑌤𑍁𑌂 𑌵𑌿𑌮𑌲𑌾𑌂 𑌶𑌿𑌖𑌾𑌮𑍍 ॥ 24 ॥
𑌤𑍍𑌰𑌯𑌾𑌣𑌾𑌮𑌪𑌿 𑌲𑍋𑌕𑌾𑌨𑌾𑌂 𑌨 𑌤𑌂 𑌪𑌶𑍍𑌯𑌾𑌮𑌿 𑌶𑍋𑌭𑌨𑍇 ।
𑌵𑌿𑌕𑍍𑌰𑌮𑍇𑌣 𑌨𑌯𑍇𑌦𑍍𑌯𑌸𑍍𑌤𑍍𑌵𑌾𑌂 𑌮𑌦𑍍𑌬𑌾𑌹𑍁𑌪𑌰𑌿𑌪𑌾𑌲𑌿𑌤𑌾𑌮𑍍 ॥ 25 ॥
𑌲𑌙𑍍𑌕𑌾𑌯𑌾𑌂 𑌸𑍁𑌮𑌹𑌦𑍍𑌰𑌾𑌜𑍍𑌯𑌮𑌿𑌦𑌂 𑌤𑍍𑌵𑌮𑌨𑍁𑌪𑌾𑌲𑌯 ।
𑌤𑍍𑌵𑌤𑍍𑌪𑍍𑌰𑍇𑌷𑍍𑌯𑌾 𑌮𑌦𑍍𑌵𑌿𑌧𑌾𑌶𑍍𑌚𑍈𑌵 𑌦𑍇𑌵𑌾𑌶𑍍𑌚𑌾𑌪𑌿 𑌚𑌰𑌾𑌚𑌰𑌾𑌃 ॥ 26 ॥
𑌅𑌭𑌿𑌷𑍇𑌕𑍋𑌦𑌕𑌕𑍍𑌲𑌿𑌨𑍍𑌨𑌾 𑌤𑍁𑌷𑍍𑌟𑌾 𑌚 𑌰𑌮𑌯𑌸𑍍𑌵 𑌮𑌾𑌮𑍍 ।
𑌦𑍁𑌷𑍍𑌕𑍃𑌤𑌂 𑌯𑌤𑍍𑌪𑌰𑌾 𑌕𑌰𑍍𑌮 𑌵𑌨𑌵𑌾𑌸𑍇𑌨 𑌤𑌦𑍍𑌗𑌤𑌮𑍍 ॥ 27 ॥
𑌯𑌶𑍍𑌚 𑌤𑍇 𑌸𑍁𑌕𑍃𑌤𑍋 𑌧𑌰𑍍𑌮𑌸𑍍𑌤𑌸𑍍𑌯𑍇𑌹 𑌫𑌲𑌮𑌾𑌪𑍍𑌨𑍁𑌹𑌿 ।
𑌇𑌹 𑌮𑌾𑌲𑍍𑌯𑌾𑌨𑌿 𑌸𑌰𑍍𑌵𑌾𑌣𑌿 𑌦𑌿𑌵𑍍𑌯𑌗𑌨𑍍𑌧𑌾𑌨𑌿 𑌮𑍈𑌥𑌿𑌲𑌿 ॥ 28 ॥
𑌭𑍂𑌷𑌣𑌾𑌨𑌿 𑌚 𑌮𑍁𑌖𑍍𑌯𑌾𑌨𑌿 𑌸𑍇𑌵𑌸𑍍𑌵 𑌚 𑌮𑌯𑌾 𑌸𑌹 ।
𑌪𑍁𑌷𑍍𑌪𑌕𑌂 𑌨𑌾𑌮 𑌸𑍁𑌶𑍍𑌰𑍋𑌣𑌿 𑌭𑍍𑌰𑌾𑌤𑍁𑌰𑍍𑌵𑍈𑌶𑍍𑌰𑌵𑌣𑌸𑍍𑌯 𑌮𑍇 ॥ 29 ॥
𑌵𑌿𑌮𑌾𑌨𑌂 𑌸𑍂𑌰𑍍𑌯𑌸𑌙𑍍𑌕𑌾𑌶𑌂 𑌤𑌰𑌸𑌾 𑌨𑌿𑌰𑍍𑌜𑌿𑌤𑌂 𑌮𑌯𑌾 ।
𑌵𑌿𑌶𑌾𑌲𑌂 𑌰𑌮𑌣𑍀𑌯𑌂 𑌚 𑌤𑌦𑍍𑌵𑌿𑌮𑌾𑌨𑌮𑌨𑍁𑌤𑍍𑌤𑌮𑍍 ॥ 30 ॥
𑌤𑌤𑍍𑌰 𑌸𑍀𑌤𑍇 𑌮𑌯𑌾 𑌸𑌾𑌰𑍍𑌧𑌂 𑌵𑌿𑌹𑌰𑌸𑍍𑌵 𑌯𑌥𑌾𑌸𑍁𑌖𑌮𑍍 ।
𑌵𑌦𑌨𑌂 𑌪𑌦𑍍𑌮𑌸𑌙𑍍𑌕𑌾𑌶𑌮𑌮𑌲𑌂 𑌚𑌾𑌰𑍁𑌦𑌰𑍍𑌶𑌨𑌮𑍍 ।
𑌶𑍋𑌕𑌾𑌰𑍍𑌤𑌨𑍍𑌤𑍁 𑌵𑌰𑌾𑌰𑍋𑌹𑍇 𑌨 𑌭𑍍𑌰𑌾𑌜𑌤𑌿 𑌵𑌰𑌾𑌨𑌨𑍇 ॥ 31 ॥
𑌏𑌵𑌂 𑌵𑌦𑌤𑌿 𑌤𑌸𑍍𑌮𑌿𑌤𑍍𑌸𑌾 𑌵𑌸𑍍𑌤𑍍𑌰𑌾𑌨𑍍𑌤𑍇𑌨 𑌵𑌰𑌾𑌙𑍍𑌗𑌨𑌾 ।
𑌪𑌿𑌧𑌾𑌯𑍇𑌨𑍍𑌦𑍁𑌨𑌿𑌭𑌂 𑌸𑍀𑌤𑌾 𑌮𑍁𑌖𑌮𑌶𑍍𑌰𑍂𑌣𑍍𑌯𑌵𑌰𑍍𑌤𑌯𑌤𑍍 ॥ 32 ॥
𑌧𑍍𑌯𑌾𑌯𑌨𑍍𑌤𑍀𑌂 𑌤𑌾𑌮𑌿𑌵𑌾𑌸𑍍𑌵𑌸𑍍𑌥𑌾𑌂 𑌦𑍀𑌨𑌾𑌂 𑌚𑌿𑌨𑍍𑌤𑌾𑌹𑌤𑌪𑍍𑌰𑌭𑌾𑌮𑍍 ।
𑌉𑌵𑌾𑌚 𑌵𑌚𑌨𑌂 𑌪𑌾𑌪𑍋 𑌰𑌾𑌵𑌣𑍋 𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ॥ 33 ॥
𑌅𑌲𑌂 𑌵𑍍𑌰𑍀𑌡𑍇𑌨 𑌵𑍈𑌦𑍇𑌹𑌿 𑌧𑌰𑍍𑌮𑌲𑍋𑌪𑌕𑍃𑌤𑍇𑌨 𑌚 ॥ 34 ॥
𑌆𑌰𑍍𑌷𑍋𑌽𑌯𑌂 𑌦𑍈𑌵𑌨𑌿𑌷𑍍𑌯𑌨𑍍𑌦𑍋 𑌯𑌸𑍍𑌤𑍍𑌵𑌾𑌮𑌭𑌿𑌗𑌮𑌿𑌷𑍍𑌯𑌤𑌿 ।
𑌏𑌤𑍗 𑌪𑌾𑌦𑍗 𑌮𑌯𑌾 𑌸𑍍𑌨𑌿𑌗𑍍𑌧𑍗 𑌶𑌿𑌰𑍋𑌭𑌿𑌃 𑌪𑌰𑌿𑌪𑍀𑌡𑌿𑌤𑍗 ॥ 35 ॥
𑌪𑍍𑌰𑌸𑌾𑌦𑌂 𑌕𑍁𑌰𑍁 𑌮𑍇 𑌕𑍍𑌷𑌿𑌪𑍍𑌰𑌂 𑌵𑌶𑍍𑌯𑍋 𑌦𑌾𑌸𑍋𑌽𑌹𑌮𑌸𑍍𑌮𑌿𑌤𑍇 ।
𑌇𑌮𑌾𑌶𑍍𑌶𑍂𑌨𑍍𑌯 𑌮𑌯𑌾 𑌵𑌾𑌚𑌶𑍍𑌶𑍁𑌷𑍍𑌯𑌮𑌾𑌣𑍇𑌨 𑌭𑌾𑌷𑌿𑌤𑌾𑌃 ॥ 36 ॥
𑌨 𑌚𑌾𑌪𑌿 𑌰𑌾𑌵𑌣𑌃 𑌕𑌾𑌞𑍍𑌚𑌿𑌨𑍍𑌮𑍂𑌰𑍍𑌧𑍍𑌨𑌾 𑌸𑍍𑌤𑍍𑌰𑍀𑌂 𑌪𑍍𑌰𑌣𑌮𑍇𑌤 𑌹 ।
𑌏𑌵𑌮𑍁𑌕𑍍𑌤𑍍𑌵𑌾 𑌦𑌶𑌗𑍍𑌰𑍀𑌵𑍋 𑌮𑍈𑌥𑌿𑌲𑍀𑌂 𑌜𑌨𑌕𑌾𑌤𑍍𑌮𑌜𑌾𑌮𑍍 ॥ 37 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌣𑍍𑌡𑍇 𑌪𑌞𑍍𑌚𑌪𑌞𑍍𑌚𑌾𑌶𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha pañcapañcāśassargaḥ |
sandiśya rākṣasānghorān rāvaṇo'ṣṭau mahābalān |
ātmānaṃ buddhivaiklabyātkṛtakṛtyamamanyata || 1 ||
sa cintayāno vaidehīṃ kāmabāṇasamarpitaḥ |
praviveśa gṛhaṃ ramyaṃ sītāṃ draṣṭumabhitvaran || 2 ||
sa praviśya tu tadveśma rāvaṇo rākṣasādhipaḥ |
apaśyadrākṣasīmadhye sītāṃ śokaparāyaṇām || 3 ||
aśrupūrṇamukhīṃ dīnāṃ śokabhārābhipīḍitām |
vāyuvegairivākrāntāṃ majjantīṃ nāvamarṇave || 4 ||
mṛgayūthaparibhraṣṭāṃ mṛgīṃ śvabhirivāvṛtām |
adhomukhamukhīṃ sītāmabhyetya ca niśācaraḥ || 5 ||
tāṃ tu śokaparāṃ dīnāmavaśāṃ rākṣasādhipaḥ |
sa balāddarśayāmāsa gṛhaṃ devagṛhopamam || 6 ||
harmyaprāsādasambādhaṃ strīsahasraniṣevitam |
nānāpakṣigaṇairjuṣṭaṃ nānāratnasamanvitam || 7 ||
dāntakaistāpanīyaiśca sphāṭikai rājatairapi |
vajravaiḍūryacitraiśca stambhairdṛṣṭimanoharaiḥ || 8 ||
divyadundubhinirhrādaṃ taptakāñcanatoraṇam |
sopānaṃ kāñcanaṃ citramāruroha tayā saha || 9 ||
dāntakā rājatāścaiva gavākṣāḥ priyadarśanāḥ |
hemajālāvatāścāsanstatra prāsādapaṅktayaḥ || 10 ||
sudhāmaṇivicitrāṇi bhūmibhāgāni sarvaśaḥ |
daśagrīvassvabhavane prādarśayata maithilīm || 11 ||
dīrghikāḥ puṣkariṇyaśca nānāvṛkṣasamanvitāḥ |
rāvaṇo darśayāmāsa sītāṃ śokaparāyaṇām || 12 ||
darśayitvā tu vaidehyāḥ kṛtsnaṃ tadbhavanottamam |
uvāca vākyaṃ pāpātmā sītāṃ lobhitumicchayā || 13 ||
daśa rākṣasakoṭyaśca dvāviṃśatirathāparāḥ |
teṣāṃ prabhurahaṃ sīte sarveṣāṃ bhīmakarmaṇām || 14 ||
varjayitvā jarāvṛddhānbālāṃśca rajanīcarān |
sahasramekamekasya mama kāryapurassaram || 15 ||
yadidaṃ rājatantraṃ me tvayi sarvaṃ pratiṣṭhitam |
jīvitaṃ ca viśālākṣi tvaṃ me prāṇairgarīyasī || 16 ||
bahūnāṃstrīsahasrāṇāṃ mama yo'sau parigrahaḥ |
tāsāṃ tvamīśvarā sīte mama bhāryā bhava priye || 17 ||
sādhu kiṃ te'nyayā buddhyā rocayasva vaco mama |
bhajasvamābhitaptasya prasādaṃ kartumarhasi || 18 ||
parikṣiptā samudreṇa laṅkeyaṃ śatayojanā |
neyaṃ dharṣayituṃ śakyā sendrairapi surāsuraiḥ || 19 ||
na deveṣu na yakṣeṣu na gandharveṣu pakṣiṣu |
ahaṃ paśyāmi lokeṣu yo me vīryasamo bhavet || 20 ||
rājyabhraṣṭena dīnena tāpasena gatāyuṣā |
kiṃ kariṣyasi rāmeṇa mānuṣeṇālpatejasā || 21 ||
bhajasva sīte māmeva bhartāhaṃ sadṛśastava |
yauvanaṃ hyadhruvaṃ bhīru ramasveha mayā saha || 22 ||
darśane mākṛthā buddhiṃ rāghavasya varānane |
kāsya śaktirihāgantumapi sīte manorathaiḥ || 23 ||
na śakyo vāyurākāśe pāśairbaddhuṃ mahājavaḥ |
dīpyamānasya vāpyagnergṛhītuṃ vimalāṃ śikhām || 24 ||
trayāṇāmapi lokānāṃ na taṃ paśyāmi śobhane |
vikrameṇa nayedyastvāṃ madbāhuparipālitām || 25 ||
laṅkāyāṃ sumahadrājyamidaṃ tvamanupālaya |
tvatpreṣyā madvidhāścaiva devāścāpi carācarāḥ || 26 ||
abhiṣekodakaklinnā tuṣṭā ca ramayasva mām |
duṣkṛtaṃ yatparā karma vanavāsena tadgatam || 27 ||
yaśca te sukṛto dharmastasyeha phalamāpnuhi |
iha mālyāni sarvāṇi divyagandhāni maithili || 28 ||
bhūṣaṇāni ca mukhyāni sevasva ca mayā saha |
puṣpakaṃ nāma suśroṇi bhrāturvaiśravaṇasya me || 29 ||
vimānaṃ sūryasaṅkāśaṃ tarasā nirjitaṃ mayā |
viśālaṃ ramaṇīyaṃ ca tadvimānamanuttam || 30 ||
tatra sīte mayā sārdhaṃ viharasva yathāsukham |
vadanaṃ padmasaṅkāśamamalaṃ cārudarśanam |
śokārtantu varārohe na bhrājati varānane || 31 ||
evaṃ vadati tasmitsā vastrāntena varāṅganā |
pidhāyendunibhaṃ sītā mukhamaśrūṇyavartayat || 32 ||
dhyāyantīṃ tāmivāsvasthāṃ dīnāṃ cintāhataprabhām |
uvāca vacanaṃ pāpo rāvaṇo rākṣaseśvaraḥ || 33 ||
alaṃ vrīḍena vaidehi dharmalopakṛtena ca || 34 ||
ārṣo'yaṃ daivaniṣyando yastvāmabhigamiṣyati |
etau pādau mayā snigdhau śirobhiḥ paripīḍitau || 35 ||
prasādaṃ kuru me kṣipraṃ vaśyo dāso'hamasmite |
imāśśūnya mayā vācaśśuṣyamāṇena bhāṣitāḥ || 36 ||
na cāpi rāvaṇaḥ kāñcinmūrdhnā strīṃ praṇameta ha |
evamuktvā daśagrīvo maithilīṃ janakātmajām || 37 ||
ityārṣe śrīmadrāmāyaṇe vālmīkīya ādikāvye araṇyakāṇḍe pañcapañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ पञ्चपञ्चाशस्सर्गः ।
सन्दिश्य राक्षसान्घोरान् रावणोऽष्टौ महाबलान् ।
आत्मानं बुद्धिवैक्लब्यात्कृतकृत्यममन्यत ॥ 1 ॥
स चिन्तयानो वैदेहीं कामबाणसमर्पितः ।
प्रविवेश गृहं रम्यं सीतां द्रष्टुमभित्वरन् ॥ 2 ॥
स प्रविश्य तु तद्वेश्म रावणो राक्षसाधिपः ।
अपश्यद्राक्षसीमध्ये सीतां शोकपरायणाम् ॥ 3 ॥
अश्रुपूर्णमुखीं दीनां शोकभाराभिपीडिताम् ।
वायुवेगैरिवाक्रान्तां मज्जन्तीं नावमर्णवे ॥ 4 ॥
मृगयूथपरिभ्रष्टां मृगीं श्वभिरिवावृताम् ।
अधोमुखमुखीं सीतामभ्येत्य च निशाचरः ॥ 5 ॥
तां तु शोकपरां दीनामवशां राक्षसाधिपः ।
स बलाद्दर्शयामास गृहं देवगृहोपमम् ॥ 6 ॥
हर्म्यप्रासादसम्बाधं स्त्रीसहस्रनिषेवितम् ।
नानापक्षिगणैर्जुष्टं नानारत्नसमन्वितम् ॥ 7 ॥
दान्तकैस्तापनीयैश्च स्फाटिकै राजतैरपि ।
वज्रवैडूर्यचित्रैश्च स्तम्भैर्दृष्टिमनोहरैः ॥ 8 ॥
दिव्यदुन्दुभिनिर्ह्रादं तप्तकाञ्चनतोरणम् ।
सोपानं काञ्चनं चित्रमारुरोह तया सह ॥ 9 ॥
दान्तका राजताश्चैव गवाक्षाः प्रियदर्शनाः ।
हेमजालावताश्चासन्स्तत्र प्रासादपङ्क्तयः ॥ 10 ॥
सुधामणिविचित्राणि भूमिभागानि सर्वशः ।
दशग्रीवस्स्वभवने प्रादर्शयत मैथिलीम् ॥ 11 ॥
दीर्घिकाः पुष्करिण्यश्च नानावृक्षसमन्विताः ।
रावणो दर्शयामास सीतां शोकपरायणाम् ॥ 12 ॥
दर्शयित्वा तु वैदेह्याः कृत्स्नं तद्भवनोत्तमम् ।
उवाच वाक्यं पापात्मा सीतां लोभितुमिच्छया ॥ 13 ॥
दश राक्षसकोट्यश्च द्वाविंशतिरथापराः ।
तेषां प्रभुरहं सीते सर्वेषां भीमकर्मणाम् ॥ 14 ॥
वर्जयित्वा जरावृद्धान्बालांश्च रजनीचरान् ।
सहस्रमेकमेकस्य मम कार्यपुरस्सरम् ॥ 15 ॥
यदिदं राजतन्त्रं मे त्वयि सर्वं प्रतिष्ठितम् ।
जीवितं च विशालाक्षि त्वं मे प्राणैर्गरीयसी ॥ 16 ॥
बहूनांस्त्रीसहस्राणां मम योऽसौ परिग्रहः ।
तासां त्वमीश्वरा सीते मम भार्या भव प्रिये ॥ 17 ॥
साधु किं तेऽन्यया बुद्ध्या रोचयस्व वचो मम ।
भजस्वमाभितप्तस्य प्रसादं कर्तुमर्हसि ॥ 18 ॥
परिक्षिप्ता समुद्रेण लङ्केयं शतयोजना ।
नेयं धर्षयितुं शक्या सेन्द्रैरपि सुरासुरैः ॥ 19 ॥
न देवेषु न यक्षेषु न गन्धर्वेषु पक्षिषु ।
अहं पश्यामि लोकेषु यो मे वीर्यसमो भवेत् ॥ 20 ॥
राज्यभ्रष्टेन दीनेन तापसेन गतायुषा ।
किं करिष्यसि रामेण मानुषेणाल्पतेजसा ॥ 21 ॥
भजस्व सीते मामेव भर्ताहं सदृशस्तव ।
यौवनं ह्यध्रुवं भीरु रमस्वेह मया सह ॥ 22 ॥
दर्शने माकृथा बुद्धिं राघवस्य वरानने ।
कास्य शक्तिरिहागन्तुमपि सीते मनोरथैः ॥ 23 ॥
न शक्यो वायुराकाशे पाशैर्बद्धुं महाजवः ।
दीप्यमानस्य वाप्यग्नेर्गृहीतुं विमलां शिखाम् ॥ 24 ॥
त्रयाणामपि लोकानां न तं पश्यामि शोभने ।
विक्रमेण नयेद्यस्त्वां मद्बाहुपरिपालिताम् ॥ 25 ॥
लङ्कायां सुमहद्राज्यमिदं त्वमनुपालय ।
त्वत्प्रेष्या मद्विधाश्चैव देवाश्चापि चराचराः ॥ 26 ॥
अभिषेकोदकक्लिन्ना तुष्टा च रमयस्व माम् ।
दुष्कृतं यत्परा कर्म वनवासेन तद्गतम् ॥ 27 ॥
यश्च ते सुकृतो धर्मस्तस्येह फलमाप्नुहि ।
इह माल्यानि सर्वाणि दिव्यगन्धानि मैथिलि ॥ 28 ॥
भूषणानि च मुख्यानि सेवस्व च मया सह ।
पुष्पकं नाम सुश्रोणि भ्रातुर्वैश्रवणस्य मे ॥ 29 ॥
विमानं सूर्यसङ्काशं तरसा निर्जितं मया ।
विशालं रमणीयं च तद्विमानमनुत्तम् ॥ 30 ॥
तत्र सीते मया सार्धं विहरस्व यथासुखम् ।
वदनं पद्मसङ्काशममलं चारुदर्शनम् ।
शोकार्तन्तु वरारोहे न भ्राजति वरानने ॥ 31 ॥
एवं वदति तस्मित्सा वस्त्रान्तेन वराङ्गना ।
पिधायेन्दुनिभं सीता मुखमश्रूण्यवर्तयत् ॥ 32 ॥
ध्यायन्तीं तामिवास्वस्थां दीनां चिन्ताहतप्रभाम् ।
उवाच वचनं पापो रावणो राक्षसेश्वरः ॥ 33 ॥
अलं व्रीडेन वैदेहि धर्मलोपकृतेन च ॥ 34 ॥
आर्षोऽयं दैवनिष्यन्दो यस्त्वामभिगमिष्यति ।
एतौ पादौ मया स्निग्धौ शिरोभिः परिपीडितौ ॥ 35 ॥
प्रसादं कुरु मे क्षिप्रं वश्यो दासोऽहमस्मिते ।
इमाश्शून्य मया वाचश्शुष्यमाणेन भाषिताः ॥ 36 ॥
न चापि रावणः काञ्चिन्मूर्ध्ना स्त्रीं प्रणमेत ह ।
एवमुक्त्वा दशग्रीवो मैथिलीं जनकात्मजाम् ॥ 37 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे पञ्चपञ्चाशस्सर्गः ॥
śrīmadvālmīkīya rāmāyaṇe araṇyakāṇḍam |
atha pañcapañcāśassargaḥ |
sandiśya rākṣasānghorān rāvaṇo'ṣṭau mahābalān |
ātmānaṃ buddhivaiklabyātkṛtakṛtyamamanyata || 1 ||
sa cintayāno vaidehīṃ kāmabāṇasamarpitaḥ |
praviveśa gṛhaṃ ramyaṃ sītāṃ draṣṭumabhitvaran || 2 ||
sa praviśya tu tadveśma rāvaṇo rākṣasādhipaḥ |
apaśyadrākṣasīmadhye sītāṃ śokaparāyaṇām || 3 ||
aśrupūrṇamukhīṃ dīnāṃ śokabhārābhipīḍitām |
vāyuvegairivākrāntāṃ majjantīṃ nāvamarṇave || 4 ||
mṛgayūthaparibhraṣṭāṃ mṛgīṃ śvabhirivāvṛtām |
adhomukhamukhīṃ sītāmabhyetya ca niśācaraḥ || 5 ||
tāṃ tu śokaparāṃ dīnāmavaśāṃ rākṣasādhipaḥ |
sa balāddarśayāmāsa gṛhaṃ devagṛhopamam || 6 ||
harmyaprāsādasambādhaṃ strīsahasraniṣevitam |
nānāpakṣigaṇairjuṣṭaṃ nānāratnasamanvitam || 7 ||
dāntakaistāpanīyaiśca sphāṭikai rājatairapi |
vajravaiḍūryacitraiśca stambhairdṛṣṭimanoharaiḥ || 8 ||
divyadundubhinirhrādaṃ taptakāñcanatoraṇam |
sopānaṃ kāñcanaṃ citramāruroha tayā saha || 9 ||
dāntakā rājatāścaiva gavākṣāḥ priyadarśanāḥ |
hemajālāvatāścāsanstatra prāsādapaṅktayaḥ || 10 ||
sudhāmaṇivicitrāṇi bhūmibhāgāni sarvaśaḥ |
daśagrīvassvabhavane prādarśayata maithilīm || 11 ||
dīrghikāḥ puṣkariṇyaśca nānāvṛkṣasamanvitāḥ |
rāvaṇo darśayāmāsa sītāṃ śokaparāyaṇām || 12 ||
darśayitvā tu vaidehyāḥ kṛtsnaṃ tadbhavanottamam |
uvāca vākyaṃ pāpātmā sītāṃ lobhitumicchayā || 13 ||
daśa rākṣasakoṭyaśca dvāviṃśatirathāparāḥ |
teṣāṃ prabhurahaṃ sīte sarveṣāṃ bhīmakarmaṇām || 14 ||
varjayitvā jarāvṛddhānbālāṃśca rajanīcarān |
sahasramekamekasya mama kāryapurassaram || 15 ||
yadidaṃ rājatantraṃ me tvayi sarvaṃ pratiṣṭhitam |
jīvitaṃ ca viśālākṣi tvaṃ me prāṇairgarīyasī || 16 ||
bahūnāṃstrīsahasrāṇāṃ mama yo'sau parigrahaḥ |
tāsāṃ tvamīśvarā sīte mama bhāryā bhava priye || 17 ||
sādhu kiṃ te'nyayā buddhyā rocayasva vaco mama |
bhajasvamābhitaptasya prasādaṃ kartumarhasi || 18 ||
parikṣiptā samudreṇa laṅkeyaṃ śatayojanā |
neyaṃ dharṣayituṃ śakyā sendrairapi surāsuraiḥ || 19 ||
na deveṣu na yakṣeṣu na gandharveṣu pakṣiṣu |
ahaṃ paśyāmi lokeṣu yo me vīryasamo bhavet || 20 ||
rājyabhraṣṭena dīnena tāpasena gatāyuṣā |
kiṃ kariṣyasi rāmeṇa mānuṣeṇālpatejasā || 21 ||
bhajasva sīte māmeva bhartāhaṃ sadṛśastava |
yauvanaṃ hyadhruvaṃ bhīru ramasveha mayā saha || 22 ||
darśane mākṛthā buddhiṃ rāghavasya varānane |
kāsya śaktirihāgantumapi sīte manorathaiḥ || 23 ||
na śakyo vāyurākāśe pāśairbaddhuṃ mahājavaḥ |
dīpyamānasya vāpyagnergṛhītuṃ vimalāṃ śikhām || 24 ||
trayāṇāmapi lokānāṃ na taṃ paśyāmi śobhane |
vikrameṇa nayedyastvāṃ madbāhuparipālitām || 25 ||
laṅkāyāṃ sumahadrājyamidaṃ tvamanupālaya |
tvatpreṣyā madvidhāścaiva devāścāpi carācarāḥ || 26 ||
abhiṣekodakaklinnā tuṣṭā ca ramayasva mām |
duṣkṛtaṃ yatparā karma vanavāsena tadgatam || 27 ||
yaśca te sukṛto dharmastasyeha phalamāpnuhi |
iha mālyāni sarvāṇi divyagandhāni maithili || 28 ||
bhūṣaṇāni ca mukhyāni sevasva ca mayā saha |
puṣpakaṃ nāma suśroṇi bhrāturvaiśravaṇasya me || 29 ||
vimānaṃ sūryasaṅkāśaṃ tarasā nirjitaṃ mayā |
viśālaṃ ramaṇīyaṃ ca tadvimānamanuttam || 30 ||
tatra sīte mayā sārdhaṃ viharasva yathāsukham |
vadanaṃ padmasaṅkāśamamalaṃ cārudarśanam |
śokārtantu varārohe na bhrājati varānane || 31 ||
evaṃ vadati tasmitsā vastrāntena varāṅganā |
pidhāyendunibhaṃ sītā mukhamaśrūṇyavartayat || 32 ||
dhyāyantīṃ tāmivāsvasthāṃ dīnāṃ cintāhataprabhām |
uvāca vacanaṃ pāpo rāvaṇo rākṣaseśvaraḥ || 33 ||
alaṃ vrīḍena vaidehi dharmalopakṛtena ca || 34 ||
ārṣo'yaṃ daivaniṣyando yastvāmabhigamiṣyati |
etau pādau mayā snigdhau śirobhiḥ paripīḍitau || 35 ||
prasādaṃ kuru me kṣipraṃ vaśyo dāso'hamasmite |
imāśśūnya mayā vācaśśuṣyamāṇena bhāṣitāḥ || 36 ||
na cāpi rāvaṇaḥ kāñcinmūrdhnā strīṃ praṇameta ha |
evamuktvā daśagrīvo maithilīṃ janakātmajām || 37 ||
ityārṣe śrīmadrāmāyaṇe vālmīkīya ādikāvye araṇyakāṇḍe pañcapañcāśassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.