𑌋𑌷𑌯 𑌊𑌚𑍁𑌃 ।
𑌸𑌰𑍍𑌵𑌶𑌾𑌸𑍍𑌤𑍍𑌰𑌾𑌰𑍍𑌥𑌤𑌤𑍍𑌤𑍍𑌵𑌜𑍍𑌞 𑌸𑌰𑍍𑌵𑌲𑍋𑌕𑍋𑌪𑌕𑌾𑌰𑌕 ।
𑌵𑌯𑌂 𑌚𑌾𑌤𑌿𑌥𑌯𑌃 𑌪𑍍𑌰𑌾𑌪𑍍𑌤𑌾 𑌆𑌤𑌿𑌥𑍇𑌯𑍋𑌽𑌸𑌿 𑌸𑍁𑌵𑍍𑌰𑌤 ॥ 1 ॥
𑌜𑍍𑌞𑌾𑌨𑌦𑌾𑌨𑍇𑌨 𑌸𑌂𑌸𑌾𑌰𑌸𑌾𑌗𑌰𑌾𑌤𑍍𑌤𑌾𑌰𑌯𑌸𑍍𑌵 𑌨𑌃 ।
𑌕𑌲𑍗 𑌕𑌲𑍁𑌷𑌚𑌿𑌤𑍍𑌤𑌾 𑌯𑍇 𑌨𑌰𑌾𑌃 𑌪𑌾𑌪𑌰𑌤𑌾𑌃 𑌸𑌦𑌾 ॥ 2 ॥
𑌕𑍇𑌨 𑌸𑍍𑌤𑍋𑌤𑍍𑌰𑍇𑌣 𑌮𑍁𑌚𑍍𑌯𑌨𑍍𑌤𑍇 𑌸𑌰𑍍𑌵𑌪𑌾𑌤𑌕𑌬𑌨𑍍𑌧𑌨𑌾𑌤𑍍 ।
𑌇𑌷𑍍𑌟𑌸𑌿𑌦𑍍𑌧𑌿𑌕𑌰𑌂 𑌪𑍁𑌣𑍍𑌯𑌂 𑌦𑍁𑌃𑌖𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌨𑌮𑍍 ॥ 3 ॥
𑌸𑌰𑍍𑌵𑌰𑍋𑌗𑌹𑌰𑌂 𑌸𑍍𑌤𑍋𑌤𑍍𑌰𑌂 𑌸𑍂𑌤 𑌨𑍋 𑌵𑌕𑍍𑌤𑍁𑌮𑌰𑍍𑌹𑌸𑌿 ।
𑌶𑍍𑌰𑍀𑌸𑍂𑌤 𑌉𑌵𑌾𑌚 ।
𑌶𑍃𑌣𑍁𑌧𑍍𑌵𑌂 𑌋𑌷𑌯𑌃 𑌸𑌰𑍍𑌵𑍇 𑌨𑍈𑌮𑌿𑌶𑌾𑌰𑌣𑍍𑌯𑌵𑌾𑌸𑌿𑌨𑌃 ॥ 4 ॥
𑌤𑌤𑍍𑌤𑍍𑌵𑌜𑍍𑌞𑌾𑌨𑌤𑌪𑍋𑌨𑌿𑌷𑍍𑌠𑌾𑌃 𑌸𑌰𑍍𑌵𑌶𑌾𑌸𑍍𑌤𑍍𑌰𑌵𑌿𑌶𑌾𑌰𑌦𑌾𑌃 ।
𑌸𑍍𑌵𑌯𑌮𑍍𑌭𑍁𑌵𑌾 𑌪𑍁𑌰𑌾 𑌪𑍍𑌰𑍋𑌕𑍍𑌤𑌂 𑌨𑌾𑌰𑌦𑌾𑌯 𑌮𑌹𑌾𑌤𑍍𑌮𑌨𑍇 ॥ 5 ॥
𑌤𑌦𑌹𑌂 𑌸𑌮𑍍𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌶𑍍𑌰𑍋𑌤𑍁𑌂 𑌕𑍗𑌤𑍂𑌹𑌲𑌂 𑌯𑌦𑌿 ।
𑌋𑌷𑌯 𑌊𑌚𑍁𑌃 ।
𑌕𑌿𑌮𑌾𑌹 𑌭𑌗𑌵𑌾𑌨𑍍𑌬𑍍𑌰𑌹𑍍𑌮𑌾 𑌨𑌾𑌰𑌦𑌾𑌯 𑌮𑌹𑌾𑌤𑍍𑌮𑌨𑍇 ॥ 6 ॥
𑌸𑍂𑌤𑌪𑍁𑌤𑍍𑌰 𑌮𑌹𑌾𑌭𑌾𑌗 𑌵𑌕𑍍𑌤𑍁𑌮𑌰𑍍𑌹𑌸𑌿 𑌸𑌾𑌮𑍍𑌪𑍍𑌰𑌤𑌮𑍍 ।
𑌶𑍍𑌰𑍀𑌸𑍂𑌤 𑌉𑌵𑌾𑌚 ।
𑌦𑌿𑌵𑍍𑌯𑌸𑌿𑌂𑌹𑌾𑌸𑌨𑌾𑌸𑍀𑌨𑌂 𑌸𑌰𑍍𑌵𑌦𑍇𑌵𑍈𑌰𑌭𑌿𑌷𑍍𑌟𑍁𑌤𑌮𑍍 ॥ 7 ॥
𑌸𑌾𑌷𑍍𑌟𑌾𑌙𑍍𑌗𑌂 𑌪𑍍𑌰𑌣𑌿𑌪𑌤𑍍𑌯𑍈𑌨𑌂 𑌬𑍍𑌰𑌹𑍍𑌮𑌾𑌣𑌂 𑌭𑍁𑌵𑌨𑍇𑌶𑍍𑌵𑌰𑌮𑍍 ।
𑌨𑌾𑌰𑌦𑌃 𑌪𑌰𑌿𑌪𑌪𑍍𑌰𑌚𑍍𑌛 𑌕𑍃𑌤𑌾𑌞𑍍𑌜𑌲𑌿𑌰𑍁𑌪𑌸𑍍𑌥𑌿𑌤𑌃 ॥ 8 ॥
𑌨𑌾𑌰𑌦 𑌉𑌵𑌾𑌚 ।
𑌲𑍋𑌕𑌨𑌾𑌥 𑌸𑍁𑌰𑌶𑍍𑌰𑍇𑌷𑍍𑌠 𑌸𑌰𑍍𑌵𑌜𑍍𑌞 𑌕𑌰𑍁𑌣𑌾𑌕𑌰 ।
𑌷𑌣𑍍𑌮𑍁𑌖𑌸𑍍𑌯 𑌪𑌰𑌂 𑌸𑍍𑌤𑍋𑌤𑍍𑌰𑌂 𑌪𑌾𑌵𑌨𑌂 𑌪𑌾𑌪𑌨𑌾𑌶𑌨𑌮𑍍 ॥ 9 ॥
𑌹𑍇 𑌧𑌾𑌤𑌃 𑌪𑍁𑌤𑍍𑌰𑌵𑌾𑌤𑍍𑌸𑌲𑍍𑌯𑌾𑌤𑍍𑌤𑌦𑍍𑌵𑌦 𑌪𑍍𑌰𑌣𑌤𑌾𑌯 𑌮𑍇 ।
𑌉𑌪𑌦𑌿𑌶𑍍𑌯 𑌤𑍁 𑌮𑌾𑌮𑍇𑌵𑌂 𑌰𑌕𑍍𑌷 𑌰𑌕𑍍𑌷 𑌕𑍃𑌪𑌾𑌨𑌿𑌧𑍇 ॥ 10 ॥
𑌬𑍍𑌰𑌹𑍍𑌮𑍋𑌵𑌾𑌚 ।
𑌶𑍃𑌣𑍁 𑌵𑌕𑍍𑌷𑍍𑌯𑌾𑌮𑌿 𑌦𑍇𑌵𑌰𑍍𑌷𑍇 𑌸𑍍𑌤𑌵𑌰𑌾𑌜𑌮𑌿𑌦𑌂 𑌪𑌰𑌮𑍍 ।
𑌮𑌾𑌤𑍃𑌕𑌾𑌮𑌾𑌲𑌿𑌕𑌾𑌯𑍁𑌕𑍍𑌤𑌂 𑌜𑍍𑌞𑌾𑌨𑌮𑍋𑌕𑍍𑌷𑌸𑍁𑌖𑌪𑍍𑌰𑌦𑌮𑍍 ॥ 11 ॥
𑌸𑌹𑌸𑍍𑌰𑌾𑌣𑌿 𑌚 𑌨𑌾𑌮𑌾𑌨𑌿 𑌷𑌣𑍍𑌮𑍁𑌖𑌸𑍍𑌯 𑌮𑌹𑌾𑌤𑍍𑌮𑌨𑌃 ।
𑌯𑌾𑌨𑌿 𑌨𑌾𑌮𑌾𑌨𑌿 𑌦𑌿𑌵𑍍𑌯𑌾𑌨𑌿 𑌦𑍁𑌃𑌖𑌰𑍋𑌗𑌹𑌰𑌾𑌣𑌿 𑌚 ॥ 12 ॥
𑌤𑌾𑌨𑌿 𑌨𑌾𑌮𑌾𑌨𑌿 𑌵𑌕𑍍𑌷𑍍𑌯𑌾𑌮𑌿 𑌕𑍃𑌪𑌯𑌾 𑌤𑍍𑌵𑌯𑌿 𑌨𑌾𑌰𑌦 ।
𑌜𑌪𑌮𑌾𑌤𑍍𑌰𑍇𑌣 𑌸𑌿𑌦𑍍𑌧𑍍𑌯𑌨𑍍𑌤𑌿 𑌮𑌨𑌸𑌾 𑌚𑌿𑌨𑍍𑌤𑌿𑌤𑌾𑌨𑍍𑌯𑌪𑌿 ॥ 13 ॥
𑌇𑌹𑌾𑌮𑍁𑌤𑍍𑌰 𑌪𑌰𑌂 𑌭𑍋𑌗𑌂 𑌲𑌭𑌤𑍇 𑌨𑌾𑌤𑍍𑌰 𑌸𑌂𑌶𑌯𑌃 ।
𑌇𑌦𑌂 𑌸𑍍𑌤𑍋𑌤𑍍𑌰𑌂 𑌪𑌰𑌂 𑌪𑍁𑌣𑍍𑌯𑌂 𑌕𑍋𑌟𑌿𑌯𑌜𑍍𑌞𑌫𑌲𑌪𑍍𑌰𑌦𑌮𑍍 ।
𑌸𑌨𑍍𑌦𑍇𑌹𑍋 𑌨𑌾𑌤𑍍𑌰 𑌕𑌰𑍍𑌤𑌵𑍍𑌯𑌃 𑌶𑍃𑌣𑍁 𑌮𑍇 𑌨𑌿𑌶𑍍𑌚𑌿𑌤𑌂 𑌵𑌚𑌃 ॥ 14 ॥
𑍐 𑌅𑌸𑍍𑌯 𑌶𑍍𑌰𑍀𑌸𑍁𑌬𑍍𑌰𑌹𑍍𑌮𑌣𑍍𑌯𑌸𑌹𑌸𑍍𑌰𑌨𑌾𑌮𑌸𑍍𑌤𑍋𑌤𑍍𑌰 𑌮𑌹𑌾𑌮𑌨𑍍𑌤𑍍𑌰𑌸𑍍𑌯 𑌬𑍍𑌰𑌹𑍍𑌮𑌾 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌨𑍍𑌦𑌃 𑌸𑍁𑌬𑍍𑌰𑌹𑍍𑌮𑌣𑍍𑌯𑍋 𑌦𑍇𑌵𑌤𑌾 𑌶𑌰𑌜𑌨𑍍𑌮𑌾𑌕𑍍𑌷𑌯 𑌇𑌤𑌿 𑌬𑍀𑌜𑌂 𑌶𑌕𑍍𑌤𑌿𑌧𑌰𑍋𑌽𑌕𑍍𑌷𑌯 𑌕𑌾𑌰𑍍𑌤𑌿𑌕𑍇𑌯 𑌇𑌤𑌿 𑌶𑌕𑍍𑌤𑌿𑌃 𑌕𑍍𑌰𑍗𑌞𑍍𑌚𑌧𑌰 𑌇𑌤𑌿 𑌕𑍀𑌲𑌕𑌂 𑌶𑌿𑌖𑌿𑌵𑌾𑌹𑌨 𑌇𑌤𑌿 𑌕𑌵𑌚𑌂 𑌷𑌣𑍍𑌮𑍁𑌖𑌾𑌯 𑌇𑌤𑌿 𑌧𑍍𑌯𑌾𑌨𑌂 𑌶𑍍𑌰𑍀𑌸𑍁𑌬𑍍𑌰𑌹𑍍𑌮𑌣𑍍𑌯 𑌪𑍍𑌰𑌸𑌾𑌦𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌕𑌰𑌨𑍍𑌯𑌾𑌸𑌃 –
𑍐 𑌶𑌂 𑌓𑌙𑍍𑌕𑌾𑌰𑌸𑍍𑌵𑌰𑍂𑌪𑌾𑌯 𑌓𑌜𑍋𑌧𑌰𑌾𑌯 𑌓𑌜𑌸𑍍𑌵𑌿𑌨𑍇 𑌸𑍁𑌹𑍃𑌦𑌯𑌾𑌯 𑌹𑍃𑌷𑍍𑌟𑌚𑌿𑌤𑍍𑌤𑌾𑌤𑍍𑌮𑌨𑍇 𑌭𑌾𑌸𑍍𑌵𑌰𑌰𑍂𑌪𑌾𑌯 𑌅𑌙𑍍𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑍐 𑌰𑌂 𑌷𑌟𑍍𑌕𑍋𑌣𑌮𑌧𑍍𑌯𑌨𑌿𑌲𑌯𑌾𑌯 𑌷𑌟𑍍𑌕𑌿𑌰𑍀𑌟𑌧𑌰𑌾𑌯 𑌶𑍍𑌰𑍀𑌮𑌤𑍇 𑌷𑌡𑌾𑌧𑌾𑌰𑌾𑌯 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑍐 𑌵𑌂 𑌷𑌣𑍍𑌮𑍁𑌖𑌾𑌯 𑌶𑌰𑌜𑌨𑍍𑌮𑌨𑍇 𑌶𑍁𑌭𑌲𑌕𑍍𑌷𑌣𑌾𑌯 𑌶𑌿𑌖𑌿𑌵𑌾𑌹𑌨𑌾𑌯 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑍐 𑌣𑌂 𑌕𑍃𑌶𑌾𑌨𑍁𑌸𑌮𑍍𑌭𑌵𑌾𑌯 𑌕𑌵𑌚𑌿𑌨𑍇 𑌕𑍁𑌕𑍍𑌕𑍁𑌟𑌧𑍍𑌵𑌜𑌾𑌯 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌭𑌂 𑌕𑌨𑍍𑌦𑌰𑍍𑌪𑌕𑍋𑌟𑌿𑌦𑍀𑌪𑍍𑌯𑌮𑌾𑌨𑌾𑌯 𑌦𑍍𑌵𑌿𑌷𑌡𑍍𑌬𑌾𑌹𑌵𑍇 𑌦𑍍𑌵𑌾𑌦𑌶𑌾𑌕𑍍𑌷𑌾𑌯 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌵𑌂 𑌖𑍇𑌟𑌧𑌰𑌾𑌯 𑌖𑌡𑍍𑌗𑌿𑌨𑍇 𑌶𑌕𑍍𑌤𑌿𑌹𑌸𑍍𑌤𑌾𑌯 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌹𑍃𑌦𑌯𑌾𑌦𑌿𑌨𑍍𑌯𑌾𑌸𑌃 –
𑍐 𑌶𑌂 𑌓𑌙𑍍𑌕𑌾𑌰𑌸𑍍𑌵𑌰𑍂𑌪𑌾𑌯 𑌓𑌜𑍋𑌧𑌰𑌾𑌯 𑌓𑌜𑌸𑍍𑌵𑌿𑌨𑍇 𑌸𑍁𑌹𑍃𑌦𑌯𑌾𑌯 𑌹𑍃𑌷𑍍𑌟𑌚𑌿𑌤𑍍𑌤𑌾𑌤𑍍𑌮𑌨𑍇 𑌭𑌾𑌸𑍍𑌵𑌰𑌰𑍂𑌪𑌾𑌯 𑌹𑍃𑌦𑌯𑌾𑌯 𑌨𑌮𑌃 ।
𑍐 𑌰𑌂 𑌷𑌟𑍍𑌕𑍋𑌣𑌮𑌧𑍍𑌯𑌨𑌿𑌲𑌯𑌾𑌯 𑌷𑌟𑍍𑌕𑌿𑌰𑍀𑌟𑌧𑌰𑌾𑌯 𑌶𑍍𑌰𑍀𑌮𑌤𑍇 𑌷𑌡𑌾𑌧𑌾𑌰𑌾𑌯 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑍐 𑌵𑌂 𑌷𑌣𑍍𑌮𑍁𑌖𑌾𑌯 𑌶𑌰𑌜𑌨𑍍𑌮𑌨𑍇 𑌶𑍁𑌭𑌲𑌕𑍍𑌷𑌣𑌾𑌯 𑌶𑌿𑌖𑌿𑌵𑌾𑌹𑌨𑌾𑌯 𑌶𑌿𑌖𑌾𑌯𑍈 𑌵𑌷𑌟𑍍 ।
𑍐 𑌣𑌂 𑌕𑍃𑌶𑌾𑌨𑍁𑌸𑌮𑍍𑌭𑌵𑌾𑌯 𑌕𑌵𑌚𑌿𑌨𑍇 𑌕𑍁𑌕𑍍𑌕𑍁𑌟𑌧𑍍𑌵𑌜𑌾𑌯 𑌕𑌵𑌚𑌾𑌯 𑌹𑍁𑌮𑍍 ।
𑍐 𑌭𑌂 𑌕𑌨𑍍𑌦𑌰𑍍𑌪𑌕𑍋𑌟𑌿𑌦𑍀𑌪𑍍𑌯𑌮𑌾𑌨𑌾𑌯 𑌦𑍍𑌵𑌿𑌷𑌡𑍍𑌬𑌾𑌹𑌵𑍇 𑌦𑍍𑌵𑌾𑌦𑌶𑌾𑌕𑍍𑌷𑌾𑌯 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍗𑌷𑌟𑍍 ।
𑍐 𑌵𑌂 𑌖𑍇𑌟𑌧𑌰𑌾𑌯 𑌖𑌡𑍍𑌗𑌿𑌨𑍇 𑌶𑌕𑍍𑌤𑌿𑌹𑌸𑍍𑌤𑌾𑌯 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌨𑍍𑌧𑌃 ।
𑌧𑍍𑌯𑌾𑌨𑌮𑍍 ।
𑌧𑍍𑌯𑌾𑌯𑍇𑌤𑍍𑌷𑌣𑍍𑌮𑍁𑌖𑌮𑌿𑌨𑍍𑌦𑍁𑌕𑍋𑌟𑌿𑌸𑌦𑍃𑌶𑌂 𑌰𑌤𑍍𑌨𑌪𑍍𑌰𑌭𑌾𑌶𑍋𑌭𑌿𑌤𑌂
𑌬𑌾𑌲𑌾𑌰𑍍𑌕𑌦𑍍𑌯𑍁𑌤𑌿𑌷𑌟𑍍𑌕𑌿𑌰𑍀𑌟𑌵𑌿𑌲𑌸𑌤𑍍𑌕𑍇𑌯𑍂𑌰𑌹𑌾𑌰𑌾𑌨𑍍𑌵𑌿𑌤𑌮𑍍 ।
𑌕𑌰𑍍𑌣𑌾𑌲𑌮𑍍𑌬𑌿𑌤𑌕𑍁𑌣𑍍𑌡𑌲𑌪𑍍𑌰𑌵𑌿𑌲𑌸𑌦𑍍𑌗𑌣𑍍𑌡𑌸𑍍𑌥𑌲𑌾𑌶𑍋𑌭𑌿𑌤𑌂
𑌕𑌾𑌞𑍍𑌚𑍀𑌕𑌙𑍍𑌕𑌣𑌕𑌿𑌙𑍍𑌕𑌿𑌣𑍀𑌰𑌵𑌯𑍁𑌤𑌂 𑌶𑍃𑌙𑍍𑌗𑌾𑌰𑌸𑌾𑌰𑍋𑌦𑌯𑌮𑍍 ॥ 1 ॥
𑌧𑍍𑌯𑌾𑌯𑍇𑌦𑍀𑌪𑍍𑌸𑌿𑌤𑌸𑌿𑌦𑍍𑌧𑌿𑌦𑌂 𑌶𑌿𑌵𑌸𑍁𑌤𑌂 𑌶𑍍𑌰𑍀𑌦𑍍𑌵𑌾𑌦𑌶𑌾𑌕𑍍𑌷𑌂 𑌗𑍁𑌹𑌂
𑌖𑍇𑌟𑌂 𑌕𑍁𑌕𑍍𑌕𑍁𑌟𑌮𑌙𑍍𑌕𑍁𑌶𑌂 𑌚 𑌵𑌰𑌦𑌂 𑌪𑌾𑌶𑌂 𑌧𑌨𑍁𑌶𑍍𑌚𑌕𑍍𑌰𑌕𑌮𑍍 ।
𑌵𑌜𑍍𑌰𑌂 𑌶𑌕𑍍𑌤𑌿𑌮𑌸𑌿𑌂 𑌚 𑌶𑍂𑌲𑌮𑌭𑌯𑌂 𑌦𑍋𑌰𑍍𑌭𑌿𑌰𑍍𑌧𑍃𑌤𑌂 𑌷𑌣𑍍𑌮𑍁𑌖𑌂
𑌦𑍇𑌵𑌂 𑌚𑌿𑌤𑍍𑌰𑌮𑌯𑍂𑌰𑌵𑌾𑌹𑌨𑌗𑌤𑌂 𑌚𑌿𑌤𑍍𑌰𑌾𑌮𑍍𑌬𑌰𑌾𑌲𑌙𑍍𑌕𑍃𑌤𑌮𑍍 ॥ 2 ॥
𑌸𑍍𑌤𑍋𑌤𑍍𑌰𑌮𑍍 ।
𑌅𑌚𑌿𑌨𑍍𑌤𑍍𑌯𑌶𑌕𑍍𑌤𑌿𑌰𑌨𑌘𑌸𑍍𑌤𑍍𑌵𑌕𑍍𑌷𑍋𑌭𑍍𑌯𑌸𑍍𑌤𑍍𑌵𑌪𑌰𑌾𑌜𑌿𑌤𑌃 ।
𑌅𑌨𑌾𑌥𑌵𑌤𑍍𑌸𑌲𑍋𑌽𑌮𑍋𑌘𑌸𑍍𑌤𑍍𑌵𑌶𑍋𑌕𑍋𑌽𑌪𑍍𑌯𑌜𑌰𑍋𑌽𑌭𑌯𑌃 ॥ 1 ॥
𑌅𑌤𑍍𑌯𑍁𑌦𑌾𑌰𑍋 𑌹𑍍𑌯𑌘𑌹𑌰𑌸𑍍𑌤𑍍𑌵𑌗𑍍𑌰𑌗𑌣𑍍𑌯𑍋𑌽𑌦𑍍𑌰𑌿𑌜𑌾𑌸𑍁𑌤𑌃 ।
𑌅𑌨𑌨𑍍𑌤𑌮𑌹𑌿𑌮𑌾𑌽𑌪𑌾𑌰𑍋𑌽𑌨𑌨𑍍𑌤𑌸𑍗𑌖𑍍𑌯𑌪𑍍𑌰𑌦𑍋𑌽𑌵𑍍𑌯𑌯𑌃 ॥ 2 ॥
𑌅𑌨𑌨𑍍𑌤𑌮𑍋𑌕𑍍𑌷𑌦𑍋𑌽𑌨𑌾𑌦𑌿𑌰𑌪𑍍𑌰𑌮𑍇𑌯𑍋𑌽𑌕𑍍𑌷𑌰𑍋𑌽𑌚𑍍𑌯𑍁𑌤𑌃 ।
𑌅𑌕𑌲𑍍𑌮𑌷𑍋𑌽𑌭𑌿𑌰𑌾𑌮𑍋𑌽𑌗𑍍𑌰𑌧𑍁𑌰𑍍𑌯𑌶𑍍𑌚𑌾𑌮𑌿𑌤𑌵𑌿𑌕𑍍𑌰𑌮𑌃 ॥ 3 ॥
[ 𑌅𑌤𑍁𑌲𑌶𑍍𑌚𑌾𑌮𑍃𑌤𑍋𑌽𑌘𑍋𑌰𑍋 𑌹𑍍𑌯𑌨𑌨𑍍𑌤𑍋𑌽𑌨𑌨𑍍𑌤𑌵𑌿𑌕𑍍𑌰𑌮𑌃 ]
𑌅𑌨𑌾𑌥𑌨𑌾𑌥𑍋 𑌹𑍍𑌯𑌮𑌲𑍋 𑌹𑍍𑌯𑌪𑍍𑌰𑌮𑌤𑍍𑌤𑍋𑌽𑌮𑌰𑌪𑍍𑌰𑌭𑍁𑌃 ।
𑌅𑌰𑌿𑌨𑍍𑌦𑌮𑍋𑌽𑌖𑌿𑌲𑌾𑌧𑌾𑌰𑌸𑍍𑌤𑍍𑌵𑌣𑌿𑌮𑌾𑌦𑌿𑌗𑍁𑌣𑍋𑌽𑌗𑍍𑌰𑌣𑍀𑌃 ॥ 4 ॥
𑌅𑌚𑌞𑍍𑌚𑌲𑍋𑌽𑌮𑌰𑌸𑍍𑌤𑍁𑌤𑍍𑌯𑍋 𑌹𑍍𑌯𑌕𑌲𑌙𑍍𑌕𑍋𑌽𑌮𑌿𑌤𑌾𑌶𑌨𑌃 ।
𑌅𑌗𑍍𑌨𑌿𑌭𑍂𑌰𑌨𑌵𑌦𑍍𑌯𑌾𑌙𑍍𑌗𑍋 𑌹𑍍𑌯𑌦𑍍𑌭𑍁𑌤𑍋𑌽𑌭𑍀𑌷𑍍𑌟𑌦𑌾𑌯𑌕𑌃 ॥ 5 ॥
𑌅𑌤𑍀𑌨𑍍𑌦𑍍𑌰𑌿𑌯𑍋𑌽𑌪𑍍𑌰𑌮𑍇𑌯𑌾𑌤𑍍𑌮𑌾 𑌹𑍍𑌯𑌦𑍃𑌶𑍍𑌯𑍋𑌽𑌵𑍍𑌯𑌕𑍍𑌤𑌲𑌕𑍍𑌷𑌣𑌃 ।
𑌆𑌪𑌦𑍍𑌵𑌿𑌨𑌾𑌶𑌕𑌸𑍍𑌤𑍍𑌵𑌾𑌰𑍍𑌯 𑌆𑌢𑍍𑌯 𑌆𑌗𑌮𑌸𑌂𑌸𑍍𑌤𑍁𑌤𑌃 ॥ 6 ॥
𑌆𑌰𑍍𑌤𑌸𑌂𑌰𑌕𑍍𑌷𑌣𑌸𑍍𑌤𑍍𑌵𑌾𑌦𑍍𑌯 𑌆𑌨𑌨𑍍𑌦𑌸𑍍𑌤𑍍𑌵𑌾𑌰𑍍𑌯𑌸𑍇𑌵𑌿𑌤𑌃 ।
𑌆𑌶𑍍𑌰𑌿𑌤𑍇𑌷𑍍𑌟𑌾𑌰𑍍𑌥𑌵𑌰𑌦 𑌆𑌨𑌨𑍍𑌦𑍍𑌯𑌾𑌰𑍍𑌤𑌫𑌲𑌪𑍍𑌰𑌦𑌃 ॥ 7 ॥
𑌆𑌶𑍍𑌚𑌰𑍍𑌯𑌰𑍂𑌪 𑌆𑌨𑌨𑍍𑌦 𑌆𑌪𑌨𑍍𑌨𑌾𑌰𑍍𑌤𑌿𑌵𑌿𑌨𑌾𑌶𑌨𑌃 ।
𑌇𑌭𑌵𑌕𑍍𑌤𑍍𑌰𑌾𑌨𑍁𑌜𑌸𑍍𑌤𑍍𑌵𑌿𑌷𑍍𑌟 𑌇𑌭𑌾𑌸𑍁𑌰𑌹𑌰𑌾𑌤𑍍𑌮𑌜𑌃 ॥ 8 ॥
𑌇𑌤𑌿𑌹𑌾𑌸𑌶𑍍𑌰𑍁𑌤𑌿𑌸𑍍𑌤𑍁𑌤𑍍𑌯 𑌇𑌨𑍍𑌦𑍍𑌰𑌭𑍋𑌗𑌫𑌲𑌪𑍍𑌰𑌦𑌃 ।
𑌇𑌷𑍍𑌟𑌾𑌪𑍂𑌰𑍍𑌤𑌫𑌲𑌪𑍍𑌰𑌾𑌪𑍍𑌤𑌿𑌰𑌿𑌷𑍍𑌟𑍇𑌷𑍍𑌟𑌵𑌰𑌦𑌾𑌯𑌕𑌃 ॥ 9 ॥
𑌇𑌹𑌾𑌮𑍁𑌤𑍍𑌰𑍇𑌷𑍍𑌟𑌫𑌲𑌦 𑌇𑌷𑍍𑌟𑌦𑌸𑍍𑌤𑍍𑌵𑌿𑌨𑍍𑌦𑍍𑌰𑌵𑌨𑍍𑌦𑌿𑌤𑌃 ।
𑌈𑌡𑌨𑍀𑌯𑌸𑍍𑌤𑍍𑌵𑍀𑌶𑌪𑍁𑌤𑍍𑌰 𑌈𑌪𑍍𑌸𑌿𑌤𑌾𑌰𑍍𑌥𑌪𑍍𑌰𑌦𑌾𑌯𑌕𑌃 ॥ 10 ॥
𑌈𑌤𑌿𑌭𑍀𑌤𑌿𑌹𑌰𑌶𑍍𑌚𑍇𑌡𑍍𑌯 𑌈𑌷𑌣𑌾𑌤𑍍𑌰𑌯𑌵𑌰𑍍𑌜𑌿𑌤𑌃 ।
𑌉𑌦𑌾𑌰𑌕𑍀𑌰𑍍𑌤𑌿𑌰𑍁𑌦𑍍𑌯𑍋𑌗𑍀 𑌚𑍋𑌤𑍍𑌕𑍃𑌷𑍍𑌟𑍋𑌰𑍁𑌪𑌰𑌾𑌕𑍍𑌰𑌮𑌃 ॥ 11 ॥
𑌉𑌤𑍍𑌕𑍃𑌷𑍍𑌟𑌶𑌕𑍍𑌤𑌿𑌰𑍁𑌤𑍍𑌸𑌾𑌹 𑌉𑌦𑌾𑌰𑌶𑍍𑌚𑍋𑌤𑍍𑌸𑌵𑌪𑍍𑌰𑌿𑌯𑌃 ।
𑌉𑌜𑍍𑌜𑍃𑌮𑍍𑌭 𑌉𑌦𑍍𑌭𑌵𑌶𑍍𑌚𑍋𑌗𑍍𑌰 𑌉𑌦𑌗𑍍𑌰𑌶𑍍𑌚𑍋𑌗𑍍𑌰𑌲𑍋𑌚𑌨𑌃 ॥ 12 ॥
𑌉𑌨𑍍𑌮𑌤𑍍𑌤 𑌉𑌗𑍍𑌰𑌶𑌮𑌨 𑌉𑌦𑍍𑌵𑍇𑌗𑌘𑍍𑌨𑍋𑌰𑌗𑍇𑌶𑍍𑌵𑌰𑌃 ।
𑌉𑌰𑍁𑌪𑍍𑌰𑌭𑌾𑌵𑌶𑍍𑌚𑍋𑌦𑍀𑌰𑍍𑌣 𑌉𑌮𑌾𑌪𑍁𑌤𑍍𑌰 𑌉𑌦𑌾𑌰𑌧𑍀𑌃 ॥ 13 ॥
𑌊𑌰𑍍𑌧𑍍𑌵𑌰𑍇𑌤𑌃𑌸𑍁𑌤𑌸𑍍𑌤𑍂𑌰𑍍𑌧𑍍𑌵𑌗𑌤𑌿𑌦𑌸𑍍𑌤𑍂𑌰𑍍𑌜𑌪𑌾𑌲𑌕𑌃 ।
𑌊𑌰𑍍𑌜𑌿𑌤𑌸𑍍𑌤𑍂𑌰𑍍𑌧𑍍𑌵𑌗𑌸𑍍𑌤𑍂𑌰𑍍𑌧𑍍𑌵 𑌊𑌰𑍍𑌧𑍍𑌵𑌲𑍋𑌕𑍈𑌕𑌨𑌾𑌯𑌕𑌃 ॥ 14 ॥
𑌊𑌰𑍍𑌜𑌾𑌵𑌾𑌨𑍂𑌰𑍍𑌜𑌿𑌤𑍋𑌦𑌾𑌰 𑌊𑌰𑍍𑌜𑌿𑌤𑍋𑌰𑍍𑌜𑌿𑌤𑌶𑌾𑌸𑌨𑌃 ।
𑌋𑌷𑌿𑌦𑍇𑌵𑌗𑌣𑌸𑍍𑌤𑍁𑌤𑍍𑌯 𑌋𑌣𑌤𑍍𑌰𑌯𑌵𑌿𑌮𑍋𑌚𑌨𑌃 ॥ 15 ॥
𑌋𑌜𑍁𑌰𑍂𑌪𑍋 𑌹𑍍𑌯𑍃𑌜𑍁𑌕𑌰 𑌋𑌜𑍁𑌮𑌾𑌰𑍍𑌗𑌪𑍍𑌰𑌦𑌰𑍍𑌶𑌨𑌃 ।
𑌋𑌤𑌮𑍍𑌭𑌰𑍋 𑌹𑍍𑌯𑍃𑌜𑍁𑌪𑍍𑌰𑍀𑌤 𑌋𑌷𑌭𑌸𑍍𑌤𑍍𑌵𑍃𑌦𑍍𑌧𑌿𑌦𑌸𑍍𑌤𑍍𑌵𑍃𑌤𑌃 ॥ 16 ॥
𑌲𑍁𑌲𑌿𑌤𑍋𑌦𑍍𑌧𑌾𑌰𑌕𑍋 𑌲𑍂𑌤𑌭𑌵𑌪𑌾𑌶𑌪𑍍𑌰𑌭𑌞𑍍𑌜𑌨𑌃 ।
𑌏𑌣𑌾𑌙𑍍𑌕𑌧𑌰𑌸𑌤𑍍𑌪𑍁𑌤𑍍𑌰 𑌏𑌕 𑌏𑌨𑍋𑌵𑌿𑌨𑌾𑌶𑌨𑌃 ॥ 17 ॥
𑌐𑌶𑍍𑌵𑌰𑍍𑌯𑌦𑌶𑍍𑌚𑍈𑌨𑍍𑌦𑍍𑌰𑌭𑍋𑌗𑍀 𑌚𑍈𑌤𑌿𑌹𑍍𑌯𑌶𑍍𑌚𑍈𑌨𑍍𑌦𑍍𑌰𑌵𑌨𑍍𑌦𑌿𑌤𑌃 ।
𑌓𑌜𑌸𑍍𑌵𑍀 𑌚𑍗𑌷𑌧𑌿𑌸𑍍𑌥𑌾𑌨𑌮𑍋𑌜𑍋𑌦𑌶𑍍𑌚𑍗𑌦𑌨𑌪𑍍𑌰𑌦𑌃 ॥ 18 ॥
𑌔𑌦𑌾𑌰𑍍𑌯𑌶𑍀𑌲 𑌔𑌮𑍇𑌯 𑌔𑌗𑍍𑌰 𑌔𑌨𑍍𑌨𑌤𑍍𑌯𑌦𑌾𑌯𑌕𑌃 ।
𑌔𑌦𑌾𑌰𑍍𑌯 𑌔𑌷𑌧𑌕𑌰 𑌔𑌷𑌧𑌂 𑌚𑍗𑌷𑌧𑌾𑌕𑌰𑌃 ॥ 19 ॥
𑌅𑌂𑌶𑍁𑌮𑌾𑌨𑌂𑌶𑍁𑌮𑌾𑌲𑍀𑌡𑍍𑌯 𑌅𑌮𑍍𑌬𑌿𑌕𑌾𑌤𑌨𑌯𑍋𑌽𑌨𑍍𑌨𑌦𑌃 ।
𑌅𑌨𑍍𑌧𑌕𑌾𑌰𑌿𑌸𑍁𑌤𑍋𑌽𑌨𑍍𑌧𑌤𑍍𑌵𑌹𑌾𑌰𑍀 𑌚𑌾𑌮𑍍𑌬𑍁𑌜𑌲𑍋𑌚𑌨𑌃 ॥ 20 ॥
𑌅𑌸𑍍𑌤𑌮𑌾𑌯𑍋𑌽𑌮𑌰𑌾𑌧𑍀𑌶𑍋 𑌹𑍍𑌯𑌸𑍍𑌪𑌷𑍍𑌟𑍋𑌽𑌸𑍍𑌤𑍋𑌕𑌪𑍁𑌣𑍍𑌯𑌦𑌃 ।
𑌅𑌸𑍍𑌤𑌾𑌮𑌿𑌤𑍍𑌰𑍋𑌽𑌸𑍍𑌤𑌰𑍂𑌪𑌶𑍍𑌚𑌾𑌸𑍍𑌖𑌲𑌤𑍍𑌸𑍁𑌗𑌤𑌿𑌦𑌾𑌯𑌕𑌃 ॥ 21 ॥
𑌕𑌾𑌰𑍍𑌤𑌿𑌕𑍇𑌯𑌃 𑌕𑌾𑌮𑌰𑍂𑌪𑌃 𑌕𑍁𑌮𑌾𑌰𑌃 𑌕𑍍𑌰𑍗𑌞𑍍𑌚𑌦𑌾𑌰𑌣𑌃 ।
𑌕𑌾𑌮𑌦𑌃 𑌕𑌾𑌰𑌣𑌂 𑌕𑌾𑌮𑍍𑌯𑌃 𑌕𑌮𑌨𑍀𑌯𑌃 𑌕𑍃𑌪𑌾𑌕𑌰𑌃 ॥ 22 ॥
𑌕𑌾𑌞𑍍𑌚𑌨𑌾𑌭𑌃 𑌕𑌾𑌨𑍍𑌤𑌿𑌯𑍁𑌕𑍍𑌤𑌃 𑌕𑌾𑌮𑍀 𑌕𑌾𑌮𑌪𑍍𑌰𑌦𑌃 𑌕𑌵𑌿𑌃 ।
𑌕𑍀𑌰𑍍𑌤𑌿𑌕𑍃𑌤𑍍𑌕𑍁𑌕𑍍𑌕𑍁𑌟𑌧𑌰𑌃 𑌕𑍂𑌟𑌸𑍍𑌥𑌃 𑌕𑍁𑌵𑌲𑍇𑌕𑍍𑌷𑌣𑌃 ॥ 23 ॥
𑌕𑍁𑌙𑍍𑌕𑍁𑌮𑌾𑌙𑍍𑌗𑌃 𑌕𑍍𑌲𑌮𑌹𑌰𑌃 𑌕𑍁𑌶𑌲𑌃 𑌕𑍁𑌕𑍍𑌕𑍁𑌟𑌧𑍍𑌵𑌜𑌃 ।
𑌕𑍁𑌶𑌾𑌨𑍁𑌸𑌮𑍍𑌭𑌵𑌃 𑌕𑍍𑌰𑍂𑌰𑌃 𑌕𑍍𑌰𑍂𑌰𑌘𑍍𑌨𑌃 𑌕𑌲𑌿𑌤𑌾𑌪𑌹𑍃𑌤𑍍 ॥ 24 ॥
𑌕𑌾𑌮𑌰𑍂𑌪𑌃 𑌕𑌲𑍍𑌪𑌤𑌰𑍁𑌃 𑌕𑌾𑌨𑍍𑌤𑌃 𑌕𑌾𑌮𑌿𑌤𑌦𑌾𑌯𑌕𑌃 ।
𑌕𑌲𑍍𑌯𑌾𑌣𑌕𑍃𑌤𑍍𑌕𑍍𑌲𑍇𑌶𑌨𑌾𑌶𑌃 𑌕𑍃𑌪𑌾𑌲𑍁𑌃 𑌕𑌰𑍁𑌣𑌾𑌕𑌰𑌃 ॥ 25 ॥
𑌕𑌲𑍁𑌷𑌘𑍍𑌨𑌃 𑌕𑍍𑌰𑌿𑌯𑌾𑌶𑌕𑍍𑌤𑌿𑌃 𑌕𑌠𑍋𑌰𑌃 𑌕𑌵𑌚𑍀 𑌕𑍃𑌤𑍀 ।
𑌕𑍋𑌮𑌲𑌾𑌙𑍍𑌗𑌃 𑌕𑍁𑌶𑌪𑍍𑌰𑍀𑌤𑌃 𑌕𑍁𑌤𑍍𑌸𑌿𑌤𑌘𑍍𑌨𑌃 𑌕𑌲𑌾𑌧𑌰𑌃 ॥ 26 ॥
𑌖𑍍𑌯𑌾𑌤𑌃 𑌖𑍇𑌟𑌧𑌰𑌃 𑌖𑌡𑍍𑌗𑍀 𑌖𑌟𑍍𑌵𑌾𑌙𑍍𑌗𑍀 𑌖𑌲𑌨𑌿𑌗𑍍𑌰𑌹𑌃 ।
𑌖𑍍𑌯𑌾𑌤𑌿𑌪𑍍𑌰𑌦𑌃 𑌖𑍇𑌚𑌰𑍇𑌶𑌃 𑌖𑍍𑌯𑌾𑌤𑍇𑌹𑌃 𑌖𑍇𑌚𑌰𑌸𑍍𑌤𑍁𑌤𑌃 ॥ 27 ॥
𑌖𑌰𑌤𑌾𑌪𑌹𑌰𑌃 𑌸𑍍𑌵𑌸𑍍𑌥𑌃 𑌖𑍇𑌚𑌰𑌃 𑌖𑍇𑌚𑌰𑌾𑌶𑍍𑌰𑌯𑌃 ।
𑌖𑌣𑍍𑌡𑍇𑌨𑍍𑌦𑍁𑌮𑍗𑌲𑌿𑌤𑌨𑌯𑌃 𑌖𑍇𑌲𑌃 𑌖𑍇𑌚𑌰𑌪𑌾𑌲𑌕𑌃 ॥ 28 ॥
𑌖𑌸𑍍𑌥𑌲𑌃 𑌖𑌣𑍍𑌡𑌿𑌤𑌾𑌰𑍍𑌕𑌶𑍍𑌚 𑌖𑍇𑌚𑌰𑍀𑌜𑌨𑌪𑍂𑌜𑌿𑌤𑌃 ।
𑌗𑌾𑌙𑍍𑌗𑍇𑌯𑍋 𑌗𑌿𑌰𑌿𑌜𑌾𑌪𑍁𑌤𑍍𑌰𑍋 𑌗𑌣𑌨𑌾𑌥𑌾𑌨𑍁𑌜𑍋 𑌗𑍁𑌹𑌃 ॥ 29 ॥
𑌗𑍋𑌪𑍍𑌤𑌾 𑌗𑍀𑌰𑍍𑌵𑌾𑌣𑌸𑌂𑌸𑍇𑌵𑍍𑌯𑍋 𑌗𑍁𑌣𑌾𑌤𑍀𑌤𑍋 𑌗𑍁𑌹𑌾𑌶𑍍𑌰𑌯𑌃 ।
𑌗𑌤𑌿𑌪𑍍𑌰𑌦𑍋 𑌗𑍁𑌣𑌨𑌿𑌧𑌿𑌃 𑌗𑌮𑍍𑌭𑍀𑌰𑍋 𑌗𑌿𑌰𑌿𑌜𑌾𑌤𑍍𑌮𑌜𑌃 ॥ 30 ॥
𑌗𑍂𑌢𑌰𑍂𑌪𑍋 𑌗𑌦𑌹𑌰𑍋 𑌗𑍁𑌣𑌾𑌧𑍀𑌶𑍋 𑌗𑍁𑌣𑌾𑌗𑍍𑌰𑌣𑍀𑌃 ।
𑌗𑍋𑌧𑌰𑍋 𑌗𑌹𑌨𑍋 𑌗𑍁𑌪𑍍𑌤𑍋 𑌗𑌰𑍍𑌵𑌘𑍍𑌨𑍋 𑌗𑍁𑌣𑌵𑌰𑍍𑌧𑌨𑌃 ॥ 31 ॥
𑌗𑍁𑌹𑍍𑌯𑍋 𑌗𑍁𑌣𑌜𑍍𑌞𑍋 𑌗𑍀𑌤𑌿𑌜𑍍𑌞𑍋 𑌗𑌤𑌾𑌤𑌙𑍍𑌕𑍋 𑌗𑍁𑌣𑌾𑌶𑍍𑌰𑌯𑌃 ।
𑌗𑌦𑍍𑌯𑌪𑌦𑍍𑌯𑌪𑍍𑌰𑌿𑌯𑍋 𑌗𑍁𑌣𑍍𑌯𑍋 𑌗𑍋𑌸𑍍𑌤𑍁𑌤𑍋 𑌗𑌗𑌨𑍇𑌚𑌰𑌃 ॥ 32 ॥
𑌗𑌣𑌨𑍀𑌯𑌚𑌰𑌿𑌤𑍍𑌰𑌶𑍍𑌚 𑌗𑌤𑌕𑍍𑌲𑍇𑌶𑍋 𑌗𑍁𑌣𑌾𑌰𑍍𑌣𑌵𑌃 ।
𑌘𑍂𑌰𑍍𑌣𑌿𑌤𑌾𑌕𑍍𑌷𑍋 𑌘𑍃𑌣𑌿𑌨𑌿𑌧𑌿𑌃 𑌘𑌨𑌗𑌮𑍍𑌭𑍀𑌰𑌘𑍋𑌷𑌣𑌃 ॥ 33 ॥
𑌘𑌣𑍍𑌟𑌾𑌨𑌾𑌦𑌪𑍍𑌰𑌿𑌯𑍋 𑌘𑍋𑌷𑍋 𑌘𑍋𑌰𑌾𑌘𑍗𑌘𑌵𑌿𑌨𑌾𑌶𑌨𑌃 ।
𑌘𑌨𑌾𑌨𑌨𑍍𑌦𑍋 𑌘𑌰𑍍𑌮𑌹𑌨𑍍𑌤𑌾 𑌘𑍃𑌣𑌾𑌵𑌾𑌨𑍍 𑌘𑍃𑌷𑍍𑌟𑌿𑌪𑌾𑌤𑌕𑌃 ॥ 34 ॥
𑌘𑍃𑌣𑍀 𑌘𑍃𑌣𑌾𑌕𑌰𑍋 𑌘𑍋𑌰𑍋 𑌘𑍋𑌰𑌦𑍈𑌤𑍍𑌯𑌪𑍍𑌰𑌹𑌾𑌰𑌕𑌃 ।
𑌘𑌟𑌿𑌤𑍈𑌶𑍍𑌵𑌰𑍍𑌯𑌸𑌨𑍍𑌦𑍋𑌹𑍋 𑌘𑌨𑌾𑌰𑍍𑌥𑍋 𑌘𑌨𑌸𑌙𑍍𑌕𑍍𑌰𑌮𑌃 ॥ 35 ॥
𑌚𑌿𑌤𑍍𑌰𑌕𑍃𑌚𑍍𑌚𑌿𑌤𑍍𑌰𑌵𑌰𑍍𑌣𑌶𑍍𑌚 𑌚𑌞𑍍𑌚𑌲𑌶𑍍𑌚𑌪𑌲𑌦𑍍𑌯𑍁𑌤𑌿𑌃 ।
𑌚𑌿𑌨𑍍𑌮𑌯𑌶𑍍𑌚𑌿𑌤𑍍𑌸𑍍𑌵𑌰𑍂𑌪𑌶𑍍𑌚 𑌚𑌿𑌰𑌾𑌨𑌨𑍍𑌦𑌶𑍍𑌚𑌿𑌰𑌨𑍍𑌤𑌨𑌃 ॥ 36 ॥
𑌚𑌿𑌤𑍍𑌰𑌕𑍇𑌲𑌿𑌶𑍍𑌚𑌿𑌤𑍍𑌰𑌤𑌰𑌶𑍍𑌚𑌿𑌨𑍍𑌤𑌨𑍀𑌯𑌶𑍍𑌚𑌮𑌤𑍍𑌕𑍃𑌤𑌿𑌃 ।
𑌚𑍋𑌰𑌘𑍍𑌨𑌶𑍍𑌚𑌤𑍁𑌰𑌶𑍍𑌚𑌾𑌰𑍁𑌶𑍍𑌚𑌾𑌮𑍀𑌕𑌰𑌵𑌿𑌭𑍂𑌷𑌣𑌃 ॥ 37 ॥
𑌚𑌨𑍍𑌦𑍍𑌰𑌾𑌰𑍍𑌕𑌕𑍋𑌟𑌿𑌸𑌦𑍃𑌶𑌶𑍍𑌚𑌨𑍍𑌦𑍍𑌰𑌮𑍗𑌲𑌿𑌤𑌨𑍂𑌭𑌵𑌃 ।
𑌛𑌾𑌦𑌿𑌤𑌾𑌙𑍍𑌗𑌶𑍍𑌛𑌦𑍍𑌮𑌹𑌨𑍍𑌤𑌾 𑌛𑍇𑌦𑌿𑌤𑌾𑌖𑌿𑌲𑌪𑌾𑌤𑌕𑌃 ॥ 38 ॥
𑌛𑍇𑌦𑍀𑌕𑍃𑌤𑌤𑌮𑌃𑌕𑍍𑌲𑍇𑌶𑌶𑍍𑌛𑌤𑍍𑌰𑍀𑌕𑍃𑌤𑌮𑌹𑌾𑌯𑌶𑌾𑌃 ।
𑌛𑌾𑌦𑌿𑌤𑌾𑌶𑍇𑌷𑌸𑌨𑍍𑌤𑌾𑌪𑌶𑍍𑌛𑍁𑌰𑌿𑌤𑌾𑌮𑍃𑌤𑌸𑌾𑌗𑌰𑌃 ॥ 39 ॥
𑌛𑌨𑍍𑌨𑌤𑍍𑌰𑍈𑌗𑍁𑌣𑍍𑌯𑌰𑍂𑌪𑌶𑍍𑌚 𑌛𑌾𑌤𑍇𑌹𑌶𑍍𑌛𑌿𑌨𑍍𑌨𑌸𑌂𑌶𑌯𑌃 ।
𑌛𑌨𑍍𑌦𑍋𑌮𑌯𑌶𑍍𑌛𑌨𑍍𑌦𑌗𑌾𑌮𑍀 𑌛𑌿𑌨𑍍𑌨𑌪𑌾𑌶𑌶𑍍𑌛𑌵𑌿𑌶𑍍𑌛𑌦𑌃 ॥ 40 ॥
𑌜𑌗𑌦𑍍𑌧𑌿𑌤𑍋 𑌜𑌗𑌤𑍍𑌪𑍂𑌜𑍍𑌯𑍋 𑌜𑌗𑌜𑍍𑌜𑍍𑌯𑍇𑌷𑍍𑌠𑍋 𑌜𑌗𑌨𑍍𑌮𑌯𑌃 ।
𑌜𑌨𑌕𑍋 𑌜𑌾𑌹𑍍𑌨𑌵𑍀𑌸𑍂𑌨𑍁𑌰𑍍𑌜𑌿𑌤𑌾𑌮𑌿𑌤𑍍𑌰𑍋 𑌜𑌗𑌦𑍍𑌗𑍁𑌰𑍁𑌃 ॥ 41 ॥
𑌜𑌯𑍀 𑌜𑌿𑌤𑍇𑌨𑍍𑌦𑍍𑌰𑌿𑌯𑍋 𑌜𑍈𑌤𑍍𑌰𑍋 𑌜𑌰𑌾𑌮𑌰𑌣𑌵𑌰𑍍𑌜𑌿𑌤𑌃 ।
𑌜𑍍𑌯𑍋𑌤𑌿𑌰𑍍𑌮𑌯𑍋 𑌜𑌗𑌨𑍍𑌨𑌾𑌥𑍋 𑌜𑌗𑌜𑍍𑌜𑍀𑌵𑍋 𑌜𑌨𑌾𑌶𑍍𑌰𑌯𑌃 ॥ 42 ॥
𑌜𑌗𑌤𑍍𑌸𑍇𑌵𑍍𑌯𑍋 𑌜𑌗𑌤𑍍𑌕𑌰𑍍𑌤𑌾 𑌜𑌗𑌤𑍍𑌸𑌾𑌕𑍍𑌷𑍀 𑌜𑌗𑌤𑍍𑌪𑍍𑌰𑌿𑌯𑌃 ।
𑌜𑌮𑍍𑌭𑌾𑌰𑌿𑌵𑌨𑍍𑌦𑍍𑌯𑍋 𑌜𑌯𑌦𑍋 𑌜𑌗𑌜𑍍𑌜𑌨𑌮𑌨𑍋𑌹𑌰𑌃 ॥ 43 ॥
𑌜𑌗𑌦𑌾𑌨𑌨𑍍𑌦𑌜𑌨𑌕𑍋 𑌜𑌨𑌜𑌾𑌡𑍍𑌯𑌾𑌪𑌹𑌾𑌰𑌕𑌃 ।
𑌜𑌪𑌾𑌕𑍁𑌸𑍁𑌮𑌸𑌙𑍍𑌕𑌾𑌶𑍋 𑌜𑌨𑌲𑍋𑌚𑌨𑌶𑍋𑌭𑌨𑌃 ॥ 44 ॥
𑌜𑌨𑍇𑌶𑍍𑌵𑌰𑍋 𑌜𑌿𑌤𑌕𑍍𑌰𑍋𑌧𑍋 𑌜𑌨𑌜𑌨𑍍𑌮𑌨𑌿𑌬𑌰𑍍𑌹𑌣𑌃 ।
𑌜𑌯𑌦𑍋 𑌜𑌨𑍍𑌤𑍁𑌤𑌾𑌪𑌘𑍍𑌨𑍋 𑌜𑌿𑌤𑌦𑍈𑌤𑍍𑌯𑌮𑌹𑌾𑌵𑍍𑌰𑌜𑌃 ॥ 45 ॥
𑌜𑌿𑌤𑌮𑌾𑌯𑍋 𑌜𑌿𑌤𑌕𑍍𑌰𑍋𑌧𑍋 𑌜𑌿𑌤𑌸𑌙𑍍𑌗𑍋 𑌜𑌨𑌪𑍍𑌰𑌿𑌯𑌃 ।
𑌝𑌞𑍍𑌝𑌾𑌨𑌿𑌲𑌮𑌹𑌾𑌵𑍇𑌗𑍋 𑌝𑌰𑌿𑌤𑌾𑌶𑍇𑌷𑌪𑌾𑌤𑌕𑌃 ॥ 46 ॥
𑌝𑌰𑍍𑌝𑌰𑍀𑌕𑍃𑌤𑌦𑍈𑌤𑍍𑌯𑍗𑌘𑍋 𑌝𑌲𑍍𑌲𑌰𑍀𑌵𑌾𑌦𑍍𑌯𑌸𑌮𑍍𑌪𑍍𑌰𑌿𑌯𑌃 ।
𑌜𑍍𑌞𑌾𑌨𑌮𑍂𑌰𑍍𑌤𑌿𑌰𑍍𑌜𑍍𑌞𑌾𑌨𑌗𑌮𑍍𑌯𑍋 𑌜𑍍𑌞𑌾𑌨𑍀 𑌜𑍍𑌞𑌾𑌨𑌮𑌹𑌾𑌨𑌿𑌧𑌿𑌃 ॥ 47 ॥
𑌟𑌙𑍍𑌕𑌾𑌰𑌨𑍃𑌤𑍍𑌤𑌵𑌿𑌭𑌵𑌃 𑌟𑌙𑍍𑌕𑌵𑌜𑍍𑌰𑌧𑍍𑌵𑌜𑌾𑌙𑍍𑌕𑌿𑌤𑌃 ।
𑌟𑌙𑍍𑌕𑌿𑌤𑌾𑌖𑌿𑌲𑌲𑍋𑌕𑌶𑍍𑌚 𑌟𑌙𑍍𑌕𑌿𑌤𑍈𑌨𑌸𑍍𑌤𑌮𑍋𑌰𑌵𑌿𑌃 ॥ 48 ॥
𑌡𑌮𑍍𑌬𑌰𑌪𑍍𑌰𑌭𑌵𑍋 𑌡𑌮𑍍𑌭𑍋 𑌡𑌮𑍍𑌬𑍋 𑌡𑌮𑌰𑍁𑌕𑌪𑍍𑌰𑌿𑌯𑌃 । [𑌡𑌮𑌡𑍍𑌡]
𑌡𑌮𑌰𑍋𑌤𑍍𑌕𑌟𑌸𑌨𑍍𑌨𑌾𑌦𑍋 𑌡𑌿𑌮𑍍𑌭𑌰𑍂𑌪𑌸𑍍𑌵𑌰𑍂𑌪𑌕𑌃 ॥ 49 ॥
𑌢𑌕𑍍𑌕𑌾𑌨𑌾𑌦𑌪𑍍𑌰𑍀𑌤𑌿𑌕𑌰𑍋 𑌢𑌾𑌲𑌿𑌤𑌾𑌸𑍁𑌰𑌸𑌙𑍍𑌕𑍁𑌲𑌃 ।
𑌢𑍗𑌕𑌿𑌤𑌾𑌮𑌰𑌸𑌨𑍍𑌦𑍋𑌹𑍋 𑌢𑍁𑌣𑍍𑌢𑌿𑌵𑌿𑌘𑍍𑌨𑍇𑌶𑍍𑌵𑌰𑌾𑌨𑍁𑌜𑌃 ॥ 50 ॥
𑌤𑌤𑍍𑌤𑍍𑌵𑌜𑍍𑌞𑌸𑍍𑌤𑌤𑍍𑌵𑌗𑌸𑍍𑌤𑍀𑌵𑍍𑌰𑌸𑍍𑌤𑌪𑍋𑌰𑍂𑌪𑌸𑍍𑌤𑌪𑍋𑌮𑌯𑌃 ।
𑌤𑍍𑌰𑌯𑍀𑌮𑌯𑌸𑍍𑌤𑍍𑌰𑌿𑌕𑌾𑌲𑌜𑍍𑌞𑌸𑍍𑌤𑍍𑌰𑌿𑌮𑍂𑌰𑍍𑌤𑌿𑌸𑍍𑌤𑍍𑌰𑌿𑌗𑍁𑌣𑌾𑌤𑍍𑌮𑌕𑌃 ॥ 51 ॥
𑌤𑍍𑌰𑌿𑌦𑌶𑍇𑌶𑌸𑍍𑌤𑌾𑌰𑌕𑌾𑌰𑌿𑌸𑍍𑌤𑌾𑌪𑌘𑍍𑌨𑌸𑍍𑌤𑌾𑌪𑌸𑌪𑍍𑌰𑌿𑌯𑌃 ।
𑌤𑍁𑌷𑍍𑌟𑌿𑌦𑌸𑍍𑌤𑍁𑌷𑍍𑌟𑌿𑌕𑍃𑌤𑍍𑌤𑍀𑌕𑍍𑌷𑍍𑌣𑌸𑍍𑌤𑌪𑍋𑌰𑍂𑌪𑌸𑍍𑌤𑍍𑌰𑌿𑌕𑌾𑌲𑌵𑌿𑌤𑍍 ॥ 52 ॥
𑌸𑍍𑌤𑍋𑌤𑌾 𑌸𑍍𑌤𑌵𑍍𑌯𑌃 𑌸𑍍𑌤𑌵𑌪𑍍𑌰𑍀𑌤𑌃 𑌸𑍍𑌤𑍁𑌤𑌿𑌃 𑌸𑍍𑌤𑍋𑌤𑍍𑌰𑌂 𑌸𑍍𑌤𑍁𑌤𑌿𑌪𑍍𑌰𑌿𑌯𑌃 ।
𑌸𑍍𑌥𑌿𑌤𑌃 𑌸𑍍𑌥𑌾𑌯𑍀 𑌸𑍍𑌥𑌾𑌪𑌕𑌶𑍍𑌚 𑌸𑍍𑌥𑍂𑌲𑌸𑍂𑌕𑍍𑌷𑍍𑌮𑌪𑍍𑌰𑌦𑌰𑍍𑌶𑌕𑌃 ॥ 53 ॥
𑌸𑍍𑌥𑌵𑌿𑌷𑍍𑌠𑌃 𑌸𑍍𑌥𑌵𑌿𑌰𑌃 𑌸𑍍𑌥𑍂𑌲𑌃 𑌸𑍍𑌥𑌾𑌨𑌦𑌃 𑌸𑍍𑌥𑍈𑌰𑍍𑌯𑌦𑌃 𑌸𑍍𑌥𑌿𑌰𑌃 ।
𑌦𑌾𑌨𑍍𑌤𑍋 𑌦𑌯𑌾𑌪𑌰𑍋 𑌦𑌾𑌤𑌾 𑌦𑍁𑌰𑌿𑌤𑌘𑍍𑌨𑍋 𑌦𑍁𑌰𑌾𑌸𑌦𑌃 ॥ 54 ॥
𑌦𑌰𑍍𑌶𑌨𑍀𑌯𑍋 𑌦𑌯𑌾𑌸𑌾𑌰𑍋 𑌦𑍇𑌵𑌦𑍇𑌵𑍋 𑌦𑌯𑌾𑌨𑌿𑌧𑌿𑌃 ।
𑌦𑍁𑌰𑌾𑌧𑌰𑍍𑌷𑍋 𑌦𑍁𑌰𑍍𑌵𑌿𑌗𑌾𑌹𑍍𑌯𑍋 𑌦𑌕𑍍𑌷𑍋 𑌦𑌰𑍍𑌪𑌣𑌶𑍋𑌭𑌿𑌤𑌃 ॥ 55 ॥
𑌦𑍁𑌰𑍍𑌧𑌰𑍋 𑌦𑌾𑌨𑌶𑍀𑌲𑌶𑍍𑌚 𑌦𑍍𑌵𑌾𑌦𑌶𑌾𑌕𑍍𑌷𑍋 𑌦𑍍𑌵𑌿𑌷𑌡𑍍𑌭𑍁𑌜𑌃 ।
𑌦𑍍𑌵𑌿𑌷𑌟𑍍𑌕𑌰𑍍𑌣𑍋 𑌦𑍍𑌵𑌿𑌷𑌡𑍍𑌬𑌾𑌹𑍁𑌰𑍍𑌦𑍀𑌨𑌸𑌨𑍍𑌤𑌾𑌪𑌨𑌾𑌶𑌨𑌃 ॥ 56 ॥
𑌦𑌨𑍍𑌦𑌶𑍂𑌕𑍇𑌶𑍍𑌵𑌰𑍋 𑌦𑍇𑌵𑍋 𑌦𑌿𑌵𑍍𑌯𑍋 𑌦𑌿𑌵𑍍𑌯𑌾𑌕𑍃𑌤𑌿𑌰𑍍𑌦𑌮𑌃 ।
𑌦𑍀𑌰𑍍𑌘𑌵𑍃𑌤𑍍𑌤𑍋 𑌦𑍀𑌰𑍍𑌘𑌬𑌾𑌹𑍁𑌰𑍍𑌦𑍀𑌰𑍍𑌘𑌦𑍃𑌷𑍍𑌟𑌿𑌰𑍍𑌦𑌿𑌵𑌸𑍍𑌪𑌤𑌿𑌃 ॥ 57 ॥
𑌦𑌣𑍍𑌡𑍋 𑌦𑌮𑌯𑌿𑌤𑌾 𑌦𑌰𑍍𑌪𑍋 𑌦𑍇𑌵𑌸𑌿𑌂𑌹𑍋 𑌦𑍃𑌢𑌵𑍍𑌰𑌤𑌃 ।
𑌦𑍁𑌰𑍍𑌲𑌭𑍋 𑌦𑍁𑌰𑍍𑌗𑌮𑍋 𑌦𑍀𑌪𑍍𑌤𑍋 𑌦𑍁𑌷𑍍𑌪𑍍𑌰𑍇𑌕𑍍𑌷𑍍𑌯𑍋 𑌦𑌿𑌵𑍍𑌯𑌮𑌣𑍍𑌡𑌨𑌃 ॥ 58 ॥
𑌦𑍁𑌰𑍋𑌦𑌰𑌘𑍍𑌨𑍋 𑌦𑍁𑌃𑌖𑌘𑍍𑌨𑍋 𑌦𑍁𑌰𑌾𑌰𑌿𑌘𑍍𑌨𑍋 𑌦𑌿𑌶𑌾𑌂 𑌪𑌤𑌿𑌃 ।
𑌦𑍁𑌰𑍍𑌜𑌯𑍋 𑌦𑍇𑌵𑌸𑍇𑌨𑍇𑌶𑍋 𑌦𑍁𑌰𑍍𑌜𑍍𑌞𑍇𑌯𑍋 𑌦𑍁𑌰𑌤𑌿𑌕𑍍𑌰𑌮𑌃 ॥ 59 ॥
𑌦𑌮𑍍𑌭𑍋 𑌦𑍃𑌪𑍍𑌤𑌶𑍍𑌚 𑌦𑍇𑌵𑌰𑍍𑌷𑌿𑌰𑍍𑌦𑍈𑌵𑌜𑍍𑌞𑍋 𑌦𑍈𑌵𑌚𑌿𑌨𑍍𑌤𑌕𑌃 ।
𑌧𑍁𑌰𑌨𑍍𑌧𑌰𑍋 𑌧𑌰𑍍𑌮𑌪𑌰𑍋 𑌧𑌨𑌦𑍋 𑌧𑍃𑌤𑌿𑌵𑌰𑍍𑌧𑌨𑌃 ॥ 60 ॥
𑌧𑌰𑍍𑌮𑍇𑌶𑍋 𑌧𑌰𑍍𑌮𑌶𑌾𑌸𑍍𑌤𑍍𑌰𑌜𑍍𑌞𑍋 𑌧𑌨𑍍𑌵𑍀 𑌧𑌰𑍍𑌮𑌪𑌰𑌾𑌯𑌣𑌃 ।
𑌧𑌨𑌾𑌧𑍍𑌯𑌕𑍍𑌷𑍋 𑌧𑌨𑌪𑌤𑌿𑌰𑍍𑌧𑍃𑌤𑌿𑌮𑌾𑌨𑍍𑌧𑍂𑌤𑌕𑌿𑌲𑍍𑌬𑌿𑌷𑌃 ॥ 61 ॥
𑌧𑌰𑍍𑌮𑌹𑍇𑌤𑍁𑌰𑍍𑌧𑌰𑍍𑌮𑌶𑍂𑌰𑍋 𑌧𑌰𑍍𑌮𑌕𑍃𑌦𑍍𑌧𑌰𑍍𑌮𑌵𑌿𑌦𑍍𑌧𑍍𑌰𑍁𑌵𑌃 ।
𑌧𑌾𑌤𑌾 𑌧𑍀𑌮𑌾𑌨𑍍𑌧𑌰𑍍𑌮𑌚𑌾𑌰𑍀 𑌧𑌨𑍍𑌯𑍋 𑌧𑍁𑌰𑍍𑌯𑍋 𑌧𑍃𑌤𑌵𑍍𑌰𑌤𑌃 ॥ 62 ॥
𑌨𑌿𑌤𑍍𑌯𑍋𑌤𑍍𑌸𑌵𑍋 𑌨𑌿𑌤𑍍𑌯𑌤𑍃𑌪𑍍𑌤𑍋 𑌨𑌿𑌰𑍍𑌲𑍇𑌪𑍋 𑌨𑌿𑌶𑍍𑌚𑌲𑌾𑌤𑍍𑌮𑌕𑌃 ।
𑌨𑌿𑌰𑌵𑌦𑍍𑌯𑍋 𑌨𑌿𑌰𑌾𑌧𑌾𑌰𑍋 𑌨𑌿𑌷𑍍𑌕𑌲𑌙𑍍𑌕𑍋 𑌨𑌿𑌰𑌞𑍍𑌜𑌨𑌃 ॥ 63 ॥
𑌨𑌿𑌰𑍍𑌮𑌮𑍋 𑌨𑌿𑌰𑌹𑌙𑍍𑌕𑌾𑌰𑍋 𑌨𑌿𑌰𑍍𑌮𑍋𑌹𑍋 𑌨𑌿𑌰𑍁𑌪𑌦𑍍𑌰𑌵𑌃 ।
𑌨𑌿𑌤𑍍𑌯𑌾𑌨𑌨𑍍𑌦𑍋 𑌨𑌿𑌰𑌾𑌤𑌙𑍍𑌕𑍋 𑌨𑌿𑌷𑍍𑌪𑍍𑌰𑌪𑌞𑍍𑌚𑍋 𑌨𑌿𑌰𑌾𑌮𑌯𑌃 ॥ 64 ॥
𑌨𑌿𑌰𑌵𑌦𑍍𑌯𑍋 𑌨𑌿𑌰𑍀𑌹𑌶𑍍𑌚 𑌨𑌿𑌰𑍍𑌦𑌰𑍍𑌶𑍋 𑌨𑌿𑌰𑍍𑌮𑌲𑌾𑌤𑍍𑌮𑌕𑌃 ।
𑌨𑌿𑌤𑍍𑌯𑌾𑌨𑌨𑍍𑌦𑍋 𑌨𑌿𑌰𑍍𑌜𑌰𑍇𑌶𑍋 𑌨𑌿𑌃𑌸𑌙𑍍𑌗𑍋 𑌨𑌿𑌗𑌮𑌸𑍍𑌤𑍁𑌤𑌃 ॥ 65 ॥
𑌨𑌿𑌷𑍍𑌕𑌣𑍍𑌟𑌕𑍋 𑌨𑌿𑌰𑌾𑌲𑌮𑍍𑌬𑍋 𑌨𑌿𑌷𑍍𑌪𑍍𑌰𑌤𑍍𑌯𑍂𑌹𑍋 𑌨𑌿𑌰𑍁𑌦𑍍𑌭𑌵𑌃 ।
𑌨𑌿𑌤𑍍𑌯𑍋 𑌨𑌿𑌯𑌤𑌕𑌲𑍍𑌯𑌾𑌣𑍋 𑌨𑌿𑌰𑍍𑌵𑌿𑌕𑌲𑍍𑌪𑍋 𑌨𑌿𑌰𑌾𑌶𑍍𑌰𑌯𑌃 ॥ 66 ॥
𑌨𑍇𑌤𑌾 𑌨𑌿𑌧𑌿𑌰𑍍𑌨𑍈𑌕𑌰𑍂𑌪𑍋 𑌨𑌿𑌰𑌾𑌕𑌾𑌰𑍋 𑌨𑌦𑍀𑌸𑍁𑌤𑌃 ।
𑌪𑍁𑌲𑌿𑌨𑍍𑌦𑌕𑌨𑍍𑌯𑌾𑌰𑌮𑌣𑌃 𑌪𑍁𑌰𑍁𑌜𑌿𑌤𑍍𑌪𑌰𑌮𑌪𑍍𑌰𑌿𑌯𑌃 ॥ 67 ॥
𑌪𑍍𑌰𑌤𑍍𑌯𑌕𑍍𑌷𑌮𑍂𑌰𑍍𑌤𑌿𑌃 𑌪𑍍𑌰𑌤𑍍𑌯𑌕𑍍𑌷𑌃 𑌪𑌰𑍇𑌶𑌃 𑌪𑍂𑌰𑍍𑌣𑌪𑍁𑌣𑍍𑌯𑌦𑌃 ।
𑌪𑍁𑌣𑍍𑌯𑌾𑌕𑌰𑌃 𑌪𑍁𑌣𑍍𑌯𑌰𑍂𑌪𑌃 𑌪𑍁𑌣𑍍𑌯𑌃 𑌪𑍁𑌣𑍍𑌯𑌪𑌰𑌾𑌯𑌣𑌃 ॥ 68 ॥
𑌪𑍁𑌣𑍍𑌯𑍋𑌦𑌯𑌃 𑌪𑌰𑌂 𑌜𑍍𑌯𑍋𑌤𑌿𑌃 𑌪𑍁𑌣𑍍𑌯𑌕𑍃𑌤𑍍𑌪𑍁𑌣𑍍𑌯𑌵𑌰𑍍𑌧𑌨𑌃 ।
𑌪𑌰𑌾𑌨𑌨𑍍𑌦𑌃 𑌪𑌰𑌤𑌰𑌃 𑌪𑍁𑌣𑍍𑌯𑌕𑍀𑌰𑍍𑌤𑌿𑌃 𑌪𑍁𑌰𑌾𑌤𑌨𑌃 ॥ 69 ॥
𑌪𑍍𑌰𑌸𑌨𑍍𑌨𑌰𑍂𑌪𑌃 𑌪𑍍𑌰𑌾𑌣𑍇𑌶𑌃 𑌪𑌨𑍍𑌨𑌗𑌃 𑌪𑌾𑌪𑌨𑌾𑌶𑌨𑌃 ।
𑌪𑍍𑌰𑌣𑌤𑌾𑌰𑍍𑌤𑌿𑌹𑌰𑌃 𑌪𑍂𑌰𑍍𑌣𑌃 𑌪𑌾𑌰𑍍𑌵𑌤𑍀𑌨𑌨𑍍𑌦𑌨𑌃 𑌪𑍍𑌰𑌭𑍁𑌃 ॥ 70 ॥
𑌪𑍂𑌤𑌾𑌤𑍍𑌮𑌾 𑌪𑍁𑌰𑍁𑌷𑌃 𑌪𑍍𑌰𑌾𑌣𑌃 𑌪𑍍𑌰𑌭𑌵𑌃 𑌪𑍁𑌰𑍁𑌷𑍋𑌤𑍍𑌤𑌮𑌃 ।
𑌪𑍍𑌰𑌸𑌨𑍍𑌨𑌃 𑌪𑌰𑌮𑌸𑍍𑌪𑌷𑍍𑌟𑌃 𑌪𑌰𑌃 𑌪𑌰𑌿𑌬𑍃𑌢𑌃 𑌪𑌰𑌃 ॥ 71 ॥
𑌪𑌰𑌮𑌾𑌤𑍍𑌮𑌾 𑌪𑌰𑌬𑍍𑌰𑌹𑍍𑌮 𑌪𑌰𑌾𑌰𑍍𑌥𑌃 𑌪𑍍𑌰𑌿𑌯𑌦𑌰𑍍𑌶𑌨𑌃 ।
𑌪𑌵𑌿𑌤𑍍𑌰𑌃 𑌪𑍁𑌷𑍍𑌟𑌿𑌦𑌃 𑌪𑍂𑌰𑍍𑌤𑌿𑌃 𑌪𑌿𑌙𑍍𑌗𑌲𑌃 𑌪𑍁𑌷𑍍𑌟𑌿𑌵𑌰𑍍𑌧𑌨𑌃 ॥ 72 ॥
𑌪𑌾𑌪𑌹𑌾𑌰𑍀 𑌪𑌾𑌶𑌧𑌰𑌃 𑌪𑍍𑌰𑌮𑌤𑍍𑌤𑌾𑌸𑍁𑌰𑌶𑌿𑌕𑍍𑌷𑌕𑌃 ।
𑌪𑌾𑌵𑌨𑌃 𑌪𑌾𑌵𑌕𑌃 𑌪𑍂𑌜𑍍𑌯𑌃 𑌪𑍂𑌰𑍍𑌣𑌾𑌨𑌨𑍍𑌦𑌃 𑌪𑌰𑌾𑌤𑍍𑌪𑌰𑌃 ॥ 73 ॥
𑌪𑍁𑌷𑍍𑌕𑌲𑌃 𑌪𑍍𑌰𑌵𑌰𑌃 𑌪𑍂𑌰𑍍𑌵𑌃 𑌪𑌿𑌤𑍃𑌭𑌕𑍍𑌤𑌃 𑌪𑍁𑌰𑍋𑌗𑌮𑌃 ।
𑌪𑍍𑌰𑌾𑌣𑌦𑌃 𑌪𑍍𑌰𑌾𑌣𑌿𑌜𑌨𑌕𑌃 𑌪𑍍𑌰𑌦𑌿𑌷𑍍𑌟𑌃 𑌪𑌾𑌵𑌕𑍋𑌦𑍍𑌭𑌵𑌃 ॥ 74 ॥
𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌶𑍍𑌚 𑌪𑌰𑌮𑍈𑌶𑍍𑌵𑌰𑍍𑌯𑌕𑌾𑌰𑌣𑌮𑍍 ।
𑌪𑌰𑌰𑍍𑌧𑌿𑌦𑌃 𑌪𑍁𑌷𑍍𑌟𑌿𑌕𑌰𑌃 𑌪𑍍𑌰𑌕𑌾𑌶𑌾𑌤𑍍𑌮𑌾 𑌪𑍍𑌰𑌤𑌾𑌪𑌵𑌾𑌨𑍍 ॥ 75 ॥
𑌪𑍍𑌰𑌜𑍍𑌞𑌾𑌪𑌰𑌃 𑌪𑍍𑌰𑌕𑍃𑌷𑍍𑌟𑌾𑌰𑍍𑌥𑌃 𑌪𑍃𑌥𑍁𑌃 𑌪𑍃𑌥𑍁𑌪𑌰𑌾𑌕𑍍𑌰𑌮𑌃 ।
𑌫𑌣𑍀𑌶𑍍𑌵𑌰𑌃 𑌫𑌣𑌿𑌵𑌰𑌃 𑌫𑌣𑌾𑌮𑌣𑌿𑌵𑌿𑌭𑍂𑌷𑌣𑌃 ॥ 76 ॥
𑌫𑌲𑌦𑌃 𑌫𑌲𑌹𑌸𑍍𑌤𑌶𑍍𑌚 𑌫𑍁𑌲𑍍𑌲𑌾𑌮𑍍𑌬𑍁𑌜𑌵𑌿𑌲𑍋𑌚𑌨𑌃 ।
𑌫𑌡𑍁𑌚𑍍𑌚𑌾𑌟𑌿𑌤𑌪𑌾𑌪𑍗𑌘𑌃 𑌫𑌣𑌿𑌲𑍋𑌕𑌵𑌿𑌭𑍂𑌷𑌣𑌃 ॥ 77 ॥
𑌬𑌾𑌹𑍁𑌲𑍇𑌯𑍋 𑌬𑍃𑌹𑌦𑍍𑌰𑍂𑌪𑍋 𑌬𑌲𑌿𑌷𑍍𑌠𑍋 𑌬𑌲𑌵𑌾𑌨𑍍 𑌬𑌲𑍀 ।
𑌬𑍍𑌰𑌹𑍍𑌮𑍇𑌶𑌵𑌿𑌷𑍍𑌣𑍁𑌰𑍂𑌪𑌶𑍍𑌚 𑌬𑍁𑌦𑍍𑌧𑍋 𑌬𑍁𑌦𑍍𑌧𑌿𑌮𑌤𑌾𑌂 𑌵𑌰𑌃 ॥ 78 ॥
𑌬𑌾𑌲𑌰𑍂𑌪𑍋 𑌬𑍍𑌰𑌹𑍍𑌮𑌗𑌰𑍍𑌭𑍋 𑌬𑍍𑌰𑌹𑍍𑌮𑌚𑌾𑌰𑍀 𑌬𑍁𑌧𑌪𑍍𑌰𑌿𑌯𑌃 ।
𑌬𑌹𑍁𑌶𑍍𑌰𑍁𑌤𑍋 𑌬𑌹𑍁𑌮𑌤𑍋 𑌬𑍍𑌰𑌹𑍍𑌮𑌣𑍍𑌯𑍋 𑌬𑍍𑌰𑌾𑌹𑍍𑌮𑌣𑌪𑍍𑌰𑌿𑌯𑌃 ॥ 79 ॥
𑌬𑌲𑌪𑍍𑌰𑌮𑌥𑌨𑍋 𑌬𑍍𑌰𑌹𑍍𑌮𑌾 𑌬𑌹𑍁𑌰𑍂𑌪𑍋 𑌬𑌹𑍁𑌪𑍍𑌰𑌦𑌃 ।
𑌬𑍃𑌹𑌦𑍍𑌭𑌾𑌨𑍁𑌤𑌨𑍂𑌦𑍍𑌭𑍂𑌤𑍋 𑌬𑍃𑌹𑌤𑍍𑌸𑍇𑌨𑍋 𑌬𑌿𑌲𑍇𑌶𑌯𑌃 ॥ 80 ॥
𑌬𑌹𑍁𑌬𑌾𑌹𑍁𑌰𑍍𑌬𑌲𑌶𑍍𑌰𑍀𑌮𑌾𑌨𑍍 𑌬𑌹𑍁𑌦𑍈𑌤𑍍𑌯𑌵𑌿𑌨𑌾𑌶𑌕𑌃 ।
𑌬𑌿𑌲𑌦𑍍𑌵𑌾𑌰𑌾𑌨𑍍𑌤𑌰𑌾𑌲𑌸𑍍𑌥𑍋 𑌬𑍃𑌹𑌚𑍍𑌛𑌕𑍍𑌤𑌿𑌧𑌨𑍁𑌰𑍍𑌧𑌰𑌃 ॥ 81 ॥
𑌬𑌾𑌲𑌾𑌰𑍍𑌕𑌦𑍍𑌯𑍁𑌤𑌿𑌮𑌾𑌨𑍍 𑌬𑌾𑌲𑍋 𑌬𑍃𑌹𑌦𑍍𑌵𑌕𑍍𑌷𑌾 𑌬𑍃𑌹𑌦𑍍𑌧𑌨𑍁𑌃 ।
𑌭𑌵𑍍𑌯𑍋 𑌭𑍋𑌗𑍀𑌶𑍍𑌵𑌰𑍋 𑌭𑌾𑌵𑍍𑌯𑍋 𑌭𑌵𑌨𑌾𑌶𑍋 𑌭𑌵𑌪𑍍𑌰𑌿𑌯𑌃 ॥ 82 ॥
𑌭𑌕𑍍𑌤𑌿𑌗𑌮𑍍𑌯𑍋 𑌭𑌯𑌹𑌰𑍋 𑌭𑌾𑌵𑌜𑍍𑌞𑍋 𑌭𑌕𑍍𑌤𑌸𑍁𑌪𑍍𑌰𑌿𑌯𑌃 ।
𑌭𑍁𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑍋 𑌭𑍋𑌗𑍀 𑌭𑌗𑌵𑌾𑌨𑍍 𑌭𑌾𑌗𑍍𑌯𑌵𑌰𑍍𑌧𑌨𑌃 ॥ 83 ॥
𑌭𑍍𑌰𑌾𑌜𑌿𑌷𑍍𑌣𑍁𑌰𑍍𑌭𑌾𑌵𑌨𑍋 𑌭𑌰𑍍𑌤𑌾 𑌭𑍀𑌮𑍋 𑌭𑍀𑌮𑌪𑌰𑌾𑌕𑍍𑌰𑌮𑌃 ।
𑌭𑍂𑌤𑌿𑌦𑍋 𑌭𑍂𑌤𑌿𑌕𑍃𑌦𑍍𑌭𑍋𑌕𑍍𑌤𑌾 𑌭𑍂𑌤𑌾𑌤𑍍𑌮𑌾 𑌭𑍁𑌵𑌨𑍇𑌶𑍍𑌵𑌰𑌃 ॥ 84 ॥
𑌭𑌾𑌵𑌕𑍋 𑌭𑍀𑌕𑌰𑍋 𑌭𑍀𑌷𑍍𑌮𑍋 𑌭𑌾𑌵𑌕𑍇𑌷𑍍𑌟𑍋 𑌭𑌵𑍋𑌦𑍍𑌭𑌵𑌃 ।
𑌭𑌵𑌤𑌾𑌪𑌪𑍍𑌰𑌶𑌮𑌨𑍋 𑌭𑍋𑌗𑌵𑌾𑌨𑍍 𑌭𑍂𑌤𑌭𑌾𑌵𑌨𑌃 ॥ 85 ॥
𑌭𑍋𑌜𑍍𑌯𑌪𑍍𑌰𑌦𑍋 𑌭𑍍𑌰𑌾𑌨𑍍𑌤𑌿𑌨𑌾𑌶𑍋 𑌭𑌾𑌨𑍁𑌮𑌾𑌨𑍍 𑌭𑍁𑌵𑌨𑌾𑌶𑍍𑌰𑌯𑌃 ।
𑌭𑍂𑌰𑌿𑌭𑍋𑌗𑌪𑍍𑌰𑌦𑍋 𑌭𑌦𑍍𑌰𑍋 𑌭𑌜𑌨𑍀𑌯𑍋 𑌭𑌿𑌷𑌗𑍍𑌵𑌰𑌃 ॥ 86 ॥
𑌮𑌹𑌾𑌸𑍇𑌨𑍋 𑌮𑌹𑍋𑌦𑌾𑌰𑍋 𑌮𑌹𑌾𑌶𑌕𑍍𑌤𑌿𑌰𑍍𑌮𑌹𑌾𑌦𑍍𑌯𑍁𑌤𑌿𑌃 ।
𑌮𑌹𑌾𑌬𑍁𑌦𑍍𑌧𑌿𑌰𑍍𑌮𑌹𑌾𑌵𑍀𑌰𑍍𑌯𑍋 𑌮𑌹𑍋𑌤𑍍𑌸𑌾𑌹𑍋 𑌮𑌹𑌾𑌬𑌲𑌃 ॥ 87 ॥
𑌮𑌹𑌾𑌭𑍋𑌗𑍀 𑌮𑌹𑌾𑌮𑌾𑌯𑍀 𑌮𑍇𑌧𑌾𑌵𑍀 𑌮𑍇𑌖𑌲𑍀 𑌮𑌹𑌾𑌨𑍍 ।
𑌮𑍁𑌨𑌿𑌸𑍍𑌤𑍁𑌤𑍋 𑌮𑌹𑌾𑌮𑌾𑌨𑍍𑌯𑍋 𑌮𑌹𑌾𑌨𑌨𑍍𑌦𑍋 𑌮𑌹𑌾𑌯𑌶𑌾𑌃 ॥ 88 ॥
𑌮𑌹𑍋𑌰𑍍𑌜𑌿𑌤𑍋 𑌮𑌾𑌨𑌨𑌿𑌧𑌿𑌰𑍍𑌮𑌨𑍋𑌰𑌥𑌫𑌲𑌪𑍍𑌰𑌦𑌃 ।
𑌮𑌹𑍋𑌦𑌯𑍋 𑌮𑌹𑌾𑌪𑍁𑌣𑍍𑌯𑍋 𑌮𑌹𑌾𑌬𑌲𑌪𑌰𑌾𑌕𑍍𑌰𑌮𑌃 ॥ 89 ॥
𑌮𑌾𑌨𑌦𑍋 𑌮𑌤𑌿𑌦𑍋 𑌮𑌾𑌲𑍀 𑌮𑍁𑌕𑍍𑌤𑌾𑌮𑌾𑌲𑌾𑌵𑌿𑌭𑍂𑌷𑌣𑌃 ।
𑌮𑌨𑍋𑌹𑌰𑍋 𑌮𑌹𑌾𑌮𑍁𑌖𑍍𑌯𑍋 𑌮𑌹𑌰𑍍𑌧𑌿𑌰𑍍𑌮𑍂𑌰𑍍𑌤𑌿𑌮𑌾𑌨𑍍𑌮𑍁𑌨𑌿𑌃 ॥ 90 ॥
𑌮𑌹𑍋𑌤𑍍𑌤𑌮𑍋 𑌮𑌹𑍋𑌪𑌾𑌯𑍋 𑌮𑍋𑌕𑍍𑌷𑌦𑍋 𑌮𑌙𑍍𑌗𑌲𑌪𑍍𑌰𑌦𑌃 ।
𑌮𑍁𑌦𑌾𑌕𑌰𑍋 𑌮𑍁𑌕𑍍𑌤𑌿𑌦𑌾𑌤𑌾 𑌮𑌹𑌾𑌭𑍋𑌗𑍋 𑌮𑌹𑍋𑌰𑌗𑌃 ॥ 91 ॥
𑌯𑌶𑌸𑍍𑌕𑌰𑍋 𑌯𑍋𑌗𑌯𑍋𑌨𑌿𑌰𑍍𑌯𑍋𑌗𑌿𑌷𑍍𑌠𑍋 𑌯𑌮𑌿𑌨𑌾𑌂 𑌵𑌰𑌃 ।
𑌯𑌶𑌸𑍍𑌵𑍀 𑌯𑍋𑌗𑌪𑍁𑌰𑍁𑌷𑍋 𑌯𑍋𑌗𑍍𑌯𑍋 𑌯𑍋𑌗𑌨𑌿𑌧𑌿𑌰𑍍𑌯𑌮𑍀 ॥ 92 ॥
𑌯𑌤𑌿𑌸𑍇𑌵𑍍𑌯𑍋 𑌯𑍋𑌗𑌯𑍁𑌕𑍍𑌤𑍋 𑌯𑍋𑌗𑌵𑌿𑌦𑍍𑌯𑍋𑌗𑌸𑌿𑌦𑍍𑌧𑌿𑌦𑌃 ।
𑌯𑌨𑍍𑌤𑍍𑌰𑍋 𑌯𑌨𑍍𑌤𑍍𑌰𑍀 𑌚 𑌯𑌨𑍍𑌤𑍍𑌰𑌜𑍍𑌞𑍋 𑌯𑌨𑍍𑌤𑍍𑌰𑌵𑌾𑌨𑍍𑌯𑌨𑍍𑌤𑍍𑌰𑌵𑌾𑌹𑌕𑌃 ॥ 93 ॥
𑌯𑌾𑌤𑌨𑌾𑌰𑌹𑌿𑌤𑍋 𑌯𑍋𑌗𑍀 𑌯𑍋𑌗𑍀𑌶𑍋 𑌯𑍋𑌗𑌿𑌨𑌾𑌂 𑌵𑌰𑌃 ।
𑌰𑌮𑌣𑍀𑌯𑍋 𑌰𑌮𑍍𑌯𑌰𑍂𑌪𑍋 𑌰𑌸𑌜𑍍𑌞𑍋 𑌰𑌸𑌭𑌾𑌵𑌨𑌃 ॥ 94 ॥
𑌰𑌞𑍍𑌜𑌨𑍋 𑌰𑌞𑍍𑌜𑌿𑌤𑍋 𑌰𑌾𑌗𑍀 𑌰𑍁𑌚𑌿𑌰𑍋 𑌰𑍁𑌦𑍍𑌰𑌸𑌮𑍍𑌭𑌵𑌃 ।
𑌰𑌣𑌪𑍍𑌰𑌿𑌯𑍋 𑌰𑌣𑍋𑌦𑌾𑌰𑍋 𑌰𑌾𑌗𑌦𑍍𑌵𑍇𑌷𑌵𑌿𑌨𑌾𑌶𑌨𑌃 ॥ 95 ॥
𑌰𑌤𑍍𑌨𑌾𑌰𑍍𑌚𑍀 𑌰𑍁𑌚𑌿𑌰𑍋 𑌰𑌮𑍍𑌯𑍋 𑌰𑍂𑌪𑌲𑌾𑌵𑌣𑍍𑌯𑌵𑌿𑌗𑍍𑌰𑌹𑌃 ।
𑌰𑌤𑍍𑌨𑌾𑌙𑍍𑌗𑌦𑌧𑌰𑍋 𑌰𑌤𑍍𑌨𑌭𑍂𑌷𑌣𑍋 𑌰𑌮𑌣𑍀𑌯𑌕𑌃 ॥ 96 ॥
𑌰𑍁𑌚𑌿𑌕𑍃𑌦𑍍𑌰𑍋𑌚𑌮𑌾𑌨𑌶𑍍𑌚 𑌰𑌞𑍍𑌜𑌿𑌤𑍋 𑌰𑍋𑌗𑌨𑌾𑌶𑌨𑌃 ।
𑌰𑌾𑌜𑍀𑌵𑌾𑌕𑍍𑌷𑍋 𑌰𑌾𑌜𑌰𑌾𑌜𑍋 𑌰𑌕𑍍𑌤𑌮𑌾𑌲𑍍𑌯𑌾𑌨𑍁𑌲𑍇𑌪𑌨𑌃 ॥ 97 ॥
𑌰𑌾𑌜𑌦𑍍𑌵𑍇𑌦𑌾𑌗𑌮𑌸𑍍𑌤𑍁𑌤𑍍𑌯𑍋 𑌰𑌜𑌃𑌸𑌤𑍍𑌤𑍍𑌵𑌗𑍁𑌣𑌾𑌨𑍍𑌵𑌿𑌤𑌃 ।
𑌰𑌜𑌨𑍀𑌶𑌕𑌲𑌾𑌰𑌮𑍍𑌯𑍋 𑌰𑌤𑍍𑌨𑌕𑍁𑌣𑍍𑌡𑌲𑌮𑌣𑍍𑌡𑌿𑌤𑌃 ॥ 98 ॥
𑌰𑌤𑍍𑌨𑌸𑌨𑍍𑌮𑍗𑌲𑌿𑌶𑍋𑌭𑌾𑌢𑍍𑌯𑍋 𑌰𑌣𑌨𑍍𑌮𑌞𑍍𑌜𑍀𑌰𑌭𑍂𑌷𑌣𑌃 ।
𑌲𑍋𑌕𑍈𑌕𑌨𑌾𑌥𑍋 𑌲𑍋𑌕𑍇𑌶𑍋 𑌲𑌲𑌿𑌤𑍋 𑌲𑍋𑌕𑌨𑌾𑌯𑌕𑌃 ॥ 99 ॥
𑌲𑍋𑌕𑌰𑌕𑍍𑌷𑍋 𑌲𑍋𑌕𑌶𑌿𑌕𑍍𑌷𑍋 𑌲𑍋𑌕𑌲𑍋𑌚𑌨𑌰𑌞𑍍𑌜𑌿𑌤𑌃 ।
𑌲𑍋𑌕𑌬𑌨𑍍𑌧𑍁𑌰𑍍𑌲𑍋𑌕𑌧𑌾𑌤𑌾 𑌲𑍋𑌕𑌤𑍍𑌰𑌯𑌮𑌹𑌾𑌹𑌿𑌤𑌃 ॥ 100 ॥
𑌲𑍋𑌕𑌚𑍂𑌡𑌾𑌮𑌣𑌿𑌰𑍍𑌲𑍋𑌕𑌵𑌨𑍍𑌦𑍍𑌯𑍋 𑌲𑌾𑌵𑌣𑍍𑌯𑌵𑌿𑌗𑍍𑌰𑌹𑌃 ।
𑌲𑍋𑌕𑌾𑌧𑍍𑌯𑌕𑍍𑌷𑌸𑍍𑌤𑍁 𑌲𑍀𑌲𑌾𑌵𑌾𑌨𑍍𑌲𑍋𑌕𑍋𑌤𑍍𑌤𑌰𑌗𑍁𑌣𑌾𑌨𑍍𑌵𑌿𑌤𑌃 ॥ 101 ॥
𑌵𑌰𑌿𑌷𑍍𑌠𑍋 𑌵𑌰𑌦𑍋 𑌵𑍈𑌦𑍍𑌯𑍋 𑌵𑌿𑌶𑌿𑌷𑍍𑌟𑍋 𑌵𑌿𑌕𑍍𑌰𑌮𑍋 𑌵𑌿𑌭𑍁𑌃 ।
𑌵𑌿𑌬𑍁𑌧𑌾𑌗𑍍𑌰𑌚𑌰𑍋 𑌵𑌶𑍍𑌯𑍋 𑌵𑌿𑌕𑌲𑍍𑌪𑌪𑌰𑌿𑌵𑌰𑍍𑌜𑌿𑌤𑌃 ॥ 102 ॥
𑌵𑌿𑌪𑌾𑌶𑍋 𑌵𑌿𑌗𑌤𑌾𑌤𑌙𑍍𑌕𑍋 𑌵𑌿𑌚𑌿𑌤𑍍𑌰𑌾𑌙𑍍𑌗𑍋 𑌵𑌿𑌰𑍋𑌚𑌨𑌃 ।
𑌵𑌿𑌦𑍍𑌯𑌾𑌧𑌰𑍋 𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌵𑍇𑌦𑌾𑌙𑍍𑌗𑍋 𑌵𑌿𑌬𑍁𑌧𑌪𑍍𑌰𑌿𑌯𑌃 ॥ 103 ॥
𑌵𑌚𑌸𑍍𑌕𑌰𑍋 𑌵𑍍𑌯𑌾𑌪𑌕𑌶𑍍𑌚 𑌵𑌿𑌜𑍍𑌞𑌾𑌨𑍀 𑌵𑌿𑌨𑌯𑌾𑌨𑍍𑌵𑌿𑌤𑌃 ।
𑌵𑌿𑌦𑍍𑌵𑌤𑍍𑌤𑌮𑍋 𑌵𑌿𑌰𑍋𑌧𑌿𑌘𑍍𑌨𑍋 𑌵𑍀𑌰𑍋 𑌵𑌿𑌗𑌤𑌰𑌾𑌗𑌵𑌾𑌨𑍍 ॥ 104 ॥
𑌵𑍀𑌤𑌭𑌾𑌵𑍋 𑌵𑌿𑌨𑍀𑌤𑌾𑌤𑍍𑌮𑌾 𑌵𑍇𑌦𑌗𑌰𑍍𑌭𑍋 𑌵𑌸𑍁𑌪𑍍𑌰𑌦𑌃 ।
𑌵𑌿𑌶𑍍𑌵𑌦𑍀𑌪𑍍𑌤𑌿𑌰𑍍𑌵𑌿𑌶𑌾𑌲𑌾𑌕𑍍𑌷𑍋 𑌵𑌿𑌜𑌿𑌤𑌾𑌤𑍍𑌮𑌾 𑌵𑌿𑌭𑌾𑌵𑌨𑌃 ॥ 105 ॥
𑌵𑍇𑌦𑌵𑍇𑌦𑍍𑌯𑍋 𑌵𑌿𑌧𑍇𑌯𑌾𑌤𑍍𑌮𑌾 𑌵𑍀𑌤𑌦𑍋𑌷𑌶𑍍𑌚 𑌵𑍇𑌦𑌵𑌿𑌤𑍍 ।
𑌵𑌿𑌶𑍍𑌵𑌕𑌰𑍍𑌮𑌾 𑌵𑍀𑌤𑌭𑌯𑍋 𑌵𑌾𑌗𑍀𑌶𑍋 𑌵𑌾𑌸𑌵𑌾𑌰𑍍𑌚𑌿𑌤𑌃 ॥ 106 ॥
𑌵𑍀𑌰𑌧𑍍𑌵𑌂𑌸𑍋 𑌵𑌿𑌶𑍍𑌵𑌮𑍂𑌰𑍍𑌤𑌿𑌰𑍍𑌵𑌿𑌶𑍍𑌵𑌰𑍂𑌪𑍋 𑌵𑌰𑌾𑌸𑌨𑌃 ।
𑌵𑌿𑌶𑌾𑌖𑍋 𑌵𑌿𑌮𑌲𑍋 𑌵𑌾𑌗𑍍𑌮𑍀 𑌵𑌿𑌦𑍍𑌵𑌾𑌨𑍍𑌵𑍇𑌦𑌧𑌰𑍋 𑌵𑌟𑍁𑌃 ॥ 107 ॥
𑌵𑍀𑌰𑌚𑍂𑌡𑌾𑌮𑌣𑌿𑌰𑍍𑌵𑍀𑌰𑍋 𑌵𑌿𑌦𑍍𑌯𑍇𑌶𑍋 𑌵𑌿𑌬𑍁𑌧𑌾𑌶𑍍𑌰𑌯𑌃 ।
𑌵𑌿𑌜𑌯𑍀 𑌵𑌿𑌨𑌯𑍀 𑌵𑍇𑌤𑍍𑌤𑌾 𑌵𑌰𑍀𑌯𑌾𑌨𑍍𑌵𑌿𑌰𑌜𑌾 𑌵𑌸𑍁𑌃 ॥ 108 ॥
𑌵𑍀𑌰𑌘𑍍𑌨𑍋 𑌵𑌿𑌜𑍍𑌵𑌰𑍋 𑌵𑍇𑌦𑍍𑌯𑍋 𑌵𑍇𑌗𑌵𑌾𑌨𑍍𑌵𑍀𑌰𑍍𑌯𑌵𑌾𑌨𑍍𑌵𑌶𑍀 ।
𑌵𑌰𑌶𑍀𑌲𑍋 𑌵𑌰𑌗𑍁𑌣𑍋 𑌵𑌿𑌶𑍋𑌕𑍋 𑌵𑌜𑍍𑌰𑌧𑌾𑌰𑌕𑌃 ॥ 109 ॥
𑌶𑌰𑌜𑌨𑍍𑌮𑌾 𑌶𑌕𑍍𑌤𑌿𑌧𑌰𑌃 𑌶𑌤𑍍𑌰𑍁𑌘𑍍𑌨𑌃 𑌶𑌿𑌖𑌿𑌵𑌾𑌹𑌨𑌃 ।
𑌶𑍍𑌰𑍀𑌮𑌾𑌨𑍍 𑌶𑌿𑌷𑍍𑌟𑌃 𑌶𑍁𑌚𑌿𑌃 𑌶𑍁𑌦𑍍𑌧𑌃 𑌶𑌾𑌶𑍍𑌵𑌤𑌃 𑌶𑍍𑌰𑍁𑌤𑌿𑌸𑌾𑌗𑌰𑌃 ॥ 110 ॥
𑌶𑌰𑌣𑍍𑌯𑌃 𑌶𑍁𑌭𑌦𑌃 𑌶𑌰𑍍𑌮 𑌶𑌿𑌷𑍍𑌟𑍇𑌷𑍍𑌟𑌃 𑌶𑍁𑌭𑌲𑌕𑍍𑌷𑌣𑌃 ।
𑌶𑌾𑌨𑍍𑌤𑌃 𑌶𑍂𑌲𑌧𑌰𑌃 𑌶𑍍𑌰𑍇𑌷𑍍𑌠𑌃 𑌶𑍁𑌦𑍍𑌧𑌾𑌤𑍍𑌮𑌾 𑌶𑌙𑍍𑌕𑌰𑌃 𑌶𑌿𑌵𑌃 ॥ 111 ॥
𑌶𑌿𑌤𑌿𑌕𑌣𑍍𑌠𑌾𑌤𑍍𑌮𑌜𑌃 𑌶𑍂𑌰𑌃 𑌶𑌾𑌨𑍍𑌤𑌿𑌦𑌃 𑌶𑍋𑌕𑌨𑌾𑌶𑌨𑌃 ।
𑌷𑌾𑌣𑍍𑌮𑌾𑌤𑍁𑌰𑌃 𑌷𑌣𑍍𑌮𑍁𑌖𑌶𑍍𑌚 𑌷𑌡𑍍𑌗𑍁𑌣𑍈𑌶𑍍𑌵𑌰𑍍𑌯𑌸𑌂𑌯𑍁𑌤𑌃 ॥ 112 ॥
𑌷𑌟𑍍𑌚𑌕𑍍𑌰𑌸𑍍𑌥𑌃 𑌷𑌡𑍂𑌰𑍍𑌮𑌿𑌘𑍍𑌨𑌃 𑌷𑌡𑌙𑍍𑌗𑌶𑍍𑌰𑍁𑌤𑌿𑌪𑌾𑌰𑌗𑌃 ।
𑌷𑌡𑍍𑌭𑌾𑌵𑌰𑌹𑌿𑌤𑌃 𑌷𑌟𑍍𑌕𑌃 𑌷𑌟𑍍𑌛𑌾𑌸𑍍𑌤𑍍𑌰𑌸𑍍𑌮𑍃𑌤𑌿𑌪𑌾𑌰𑌗𑌃 ॥ 113 ॥
𑌷𑌡𑍍𑌵𑌰𑍍𑌗𑌦𑌾𑌤𑌾 𑌷𑌡𑍍𑌗𑍍𑌰𑍀𑌵𑌃 𑌷𑌡𑌰𑌿𑌘𑍍𑌨𑌃 𑌷𑌡𑌾𑌶𑍍𑌰𑌯𑌃 ।
𑌷𑌟𑍍𑌕𑌿𑌰𑍀𑌟𑌧𑌰𑌃 𑌶𑍍𑌰𑍀𑌮𑌾𑌨𑍍 𑌷𑌡𑌾𑌧𑌾𑌰𑌶𑍍𑌚 𑌷𑌟𑍍𑌕𑍍𑌰𑌮𑌃 ॥ 114 ॥
𑌷𑌟𑍍𑌕𑍋𑌣𑌮𑌧𑍍𑌯𑌨𑌿𑌲𑌯𑌃 𑌷𑌣𑍍𑌡𑌤𑍍𑌵𑌪𑌰𑌿𑌹𑌾𑌰𑌕𑌃 ।
𑌸𑍇𑌨𑌾𑌨𑍀𑌃 𑌸𑍁𑌭𑌗𑌃 𑌸𑍍𑌕𑌨𑍍𑌦𑌃 𑌸𑍁𑌰𑌾𑌨𑌨𑍍𑌦𑌃 𑌸𑌤𑌾𑌂 𑌗𑌤𑌿𑌃 ॥ 115 ॥
𑌸𑍁𑌬𑍍𑌰𑌹𑍍𑌮𑌣𑍍𑌯𑌃 𑌸𑍁𑌰𑌾𑌧𑍍𑌯𑌕𑍍𑌷𑌃 𑌸𑌰𑍍𑌵𑌜𑍍𑌞𑌃 𑌸𑌰𑍍𑌵𑌦𑌃 𑌸𑍁𑌖𑍀 ।
𑌸𑍁𑌲𑌭𑌃 𑌸𑌿𑌦𑍍𑌧𑌿𑌦𑌃 𑌸𑍗𑌮𑍍𑌯𑌃 𑌸𑌿𑌦𑍍𑌧𑍇𑌶𑌃 𑌸𑌿𑌦𑍍𑌧𑌿𑌸𑌾𑌧𑌨𑌃 ॥ 116 ॥
𑌸𑌿𑌦𑍍𑌧𑌾𑌰𑍍𑌥𑌃 𑌸𑌿𑌦𑍍𑌧𑌸𑌙𑍍𑌕𑌲𑍍𑌪𑌃 𑌸𑌿𑌦𑍍𑌧𑌸𑌾𑌧𑍁𑌃 𑌸𑍁𑌰𑍇𑌶𑍍𑌵𑌰𑌃 ।
𑌸𑍁𑌭𑍁𑌜𑌃 𑌸𑌰𑍍𑌵𑌦𑍃𑌕𑍍𑌸𑌾𑌕𑍍𑌷𑍀 𑌸𑍁𑌪𑍍𑌰𑌸𑌾𑌦𑌃 𑌸𑌨𑌾𑌤𑌨𑌃 ॥ 117 ॥
𑌸𑍁𑌧𑌾𑌪𑌤𑌿𑌃 𑌸𑍍𑌵𑌯𑌞𑍍𑌜𑍍𑌯𑍋𑌤𑌿𑌃 𑌸𑍍𑌵𑌯𑌮𑍍𑌭𑍂𑌃 𑌸𑌰𑍍𑌵𑌤𑍋𑌮𑍁𑌖𑌃 ।
𑌸𑌮𑌰𑍍𑌥𑌃 𑌸𑌤𑍍𑌕𑍃𑌤𑌿𑌃 𑌸𑍂𑌕𑍍𑌷𑍍𑌮𑌃 𑌸𑍁𑌘𑍋𑌷𑌃 𑌸𑍁𑌖𑌦𑌃 𑌸𑍁𑌹𑍃𑌤𑍍 ॥ 118 ॥
𑌸𑍁𑌪𑍍𑌰𑌸𑌨𑍍𑌨𑌃 𑌸𑍁𑌰𑌶𑍍𑌰𑍇𑌷𑍍𑌠𑌃 𑌸𑍁𑌶𑍀𑌲𑌃 𑌸𑌤𑍍𑌯𑌸𑌾𑌧𑌕𑌃 ।
𑌸𑌮𑍍𑌭𑌾𑌵𑍍𑌯𑌃 𑌸𑍁𑌮𑌨𑌾𑌃 𑌸𑍇𑌵𑍍𑌯𑌃 𑌸𑌕𑌲𑌾𑌗𑌮𑌪𑌾𑌰𑌗𑌃 ॥ 119 ॥
𑌸𑍁𑌵𑍍𑌯𑌕𑍍𑌤𑌃 𑌸𑌚𑍍𑌚𑌿𑌦𑌾𑌨𑌨𑍍𑌦𑌃 𑌸𑍁𑌵𑍀𑌰𑌃 𑌸𑍁𑌜𑌨𑌾𑌶𑍍𑌰𑌯𑌃 ।
𑌸𑌰𑍍𑌵𑌲𑌕𑍍𑌷𑌣𑌸𑌮𑍍𑌪𑌨𑍍𑌨𑌃 𑌸𑌤𑍍𑌯𑌧𑌰𑍍𑌮𑌪𑌰𑌾𑌯𑌣𑌃 ॥ 120 ॥
𑌸𑌰𑍍𑌵𑌦𑍇𑌵𑌮𑌯𑌃 𑌸𑌤𑍍𑌯𑌃 𑌸𑌦𑌾 𑌮𑍃𑌷𑍍𑌟𑌾𑌨𑍍𑌨𑌦𑌾𑌯𑌕𑌃 ।
𑌸𑍁𑌧𑌾𑌪𑍀 𑌸𑍁𑌮𑌤𑌿𑌃 𑌸𑌤𑍍𑌯𑌃 𑌸𑌰𑍍𑌵𑌵𑌿𑌘𑍍𑌨𑌵𑌿𑌨𑌾𑌶𑌨𑌃 ॥ 121 ॥
𑌸𑌰𑍍𑌵𑌦𑍁𑌃𑌖𑌪𑍍𑌰𑌶𑌮𑌨𑌃 𑌸𑍁𑌕𑍁𑌮𑌾𑌰𑌃 𑌸𑍁𑌲𑍋𑌚𑌨𑌃 ।
𑌸𑍁𑌗𑍍𑌰𑍀𑌵𑌃 𑌸𑍁𑌧𑍃𑌤𑌿𑌃 𑌸𑌾𑌰𑌃 𑌸𑍁𑌰𑌾𑌰𑌾𑌧𑍍𑌯𑌃 𑌸𑍁𑌵𑌿𑌕𑍍𑌰𑌮𑌃 ॥ 122 ॥
𑌸𑍁𑌰𑌾𑌰𑌿𑌘𑍍𑌨𑌃 𑌸𑍍𑌵𑌰𑍍𑌣𑌵𑌰𑍍𑌣𑌃 𑌸𑌰𑍍𑌪𑌰𑌾𑌜𑌃 𑌸𑌦𑌾 𑌶𑍁𑌚𑌿𑌃 ।
𑌸𑌪𑍍𑌤𑌾𑌰𑍍𑌚𑌿𑌰𑍍𑌭𑍂𑌃 𑌸𑍁𑌰𑌵𑌰𑌃 𑌸𑌰𑍍𑌵𑌾𑌯𑍁𑌧𑌵𑌿𑌶𑌾𑌰𑌦𑌃 ॥ 123 ॥
𑌹𑌸𑍍𑌤𑌿𑌚𑌰𑍍𑌮𑌾𑌮𑍍𑌬𑌰𑌸𑍁𑌤𑍋 𑌹𑌸𑍍𑌤𑌿𑌵𑌾𑌹𑌨𑌸𑍇𑌵𑌿𑌤𑌃 ।
𑌹𑌸𑍍𑌤𑌚𑌿𑌤𑍍𑌰𑌾𑌯𑍁𑌧𑌧𑌰𑍋 𑌹𑍃𑌤𑌾𑌘𑍋 𑌹𑌸𑌿𑌤𑌾𑌨𑌨𑌃 ॥ 124 ॥
𑌹𑍇𑌮𑌭𑍂𑌷𑍋 𑌹𑌰𑌿𑌦𑍍𑌵𑌰𑍍𑌣𑍋 𑌹𑍃𑌷𑍍𑌟𑌿𑌦𑍋 𑌹𑍃𑌷𑍍𑌟𑌿𑌵𑌰𑍍𑌧𑌨𑌃 ।
𑌹𑍇𑌮𑌾𑌦𑍍𑌰𑌿𑌭𑌿𑌦𑍍𑌧𑌂𑌸𑌰𑍂𑌪𑍋 𑌹𑍁𑌙𑍍𑌕𑌾𑌰𑌹𑌤𑌕𑌿𑌲𑍍𑌬𑌿𑌷𑌃 ॥ 125 ॥
𑌹𑌿𑌮𑌾𑌦𑍍𑌰𑌿𑌜𑌾𑌤𑌾𑌤𑌨𑍁𑌜𑍋 𑌹𑌰𑌿𑌕𑍇𑌶𑍋 𑌹𑌿𑌰𑌣𑍍𑌮𑌯𑌃 ।
𑌹𑍃𑌦𑍍𑌯𑍋 𑌹𑍃𑌷𑍍𑌟𑍋 𑌹𑌰𑌿𑌸𑌖𑍋 𑌹𑌂𑌸𑍋 𑌹𑌂𑌸𑌗𑌤𑌿𑌰𑍍𑌹𑌵𑌿𑌃 ॥ 126 ॥
𑌹𑌿𑌰𑌣𑍍𑌯𑌵𑌰𑍍𑌣𑍋 𑌹𑌿𑌤𑌕𑍃𑌦𑍍𑌧𑌰𑍍𑌷𑌦𑍋 𑌹𑍇𑌮𑌭𑍂𑌷𑌣𑌃 ।
𑌹𑌰𑌪𑍍𑌰𑌿𑌯𑍋 𑌹𑌿𑌤𑌕𑌰𑍋 𑌹𑌤𑌪𑌾𑌪𑍋 𑌹𑌰𑍋𑌦𑍍𑌭𑌵𑌃 ॥ 127 ॥
𑌕𑍍𑌷𑍇𑌮𑌦𑌃 𑌕𑍍𑌷𑍇𑌮𑌕𑍃𑌤𑍍𑌕𑍍𑌷𑍇𑌮𑍍𑌯𑌃 𑌕𑍍𑌷𑍇𑌤𑍍𑌰𑌜𑍍𑌞𑌃 𑌕𑍍𑌷𑌾𑌮𑌵𑌰𑍍𑌜𑌿𑌤𑌃 ।
𑌕𑍍𑌷𑍇𑌤𑍍𑌰𑌪𑌾𑌲𑌃 𑌕𑍍𑌷𑌮𑌾𑌧𑌾𑌰𑌃 𑌕𑍍𑌷𑍇𑌮𑌕𑍍𑌷𑍇𑌤𑍍𑌰𑌃 𑌕𑍍𑌷𑌮𑌾𑌕𑌰𑌃 ॥ 128 ॥
𑌕𑍍𑌷𑍁𑌦𑍍𑌰𑌘𑍍𑌨𑌃 𑌕𑍍𑌷𑌾𑌨𑍍𑌤𑌿𑌦𑌃 𑌕𑍍𑌷𑍇𑌮𑌃 𑌕𑍍𑌷𑌿𑌤𑌿𑌭𑍂𑌷𑌃 𑌕𑍍𑌷𑌮𑌾𑌶𑍍𑌰𑌯𑌃 ।
𑌕𑍍𑌷𑌾𑌲𑌿𑌤𑌾𑌘𑌃 𑌕𑍍𑌷𑌿𑌤𑌿𑌧𑌰𑌃 𑌕𑍍𑌷𑍀𑌣𑌸𑌂𑌰𑌕𑍍𑌷𑌣𑌕𑍍𑌷𑌮𑌃 ॥ 129 ॥
𑌕𑍍𑌷𑌣𑌭𑌙𑍍𑌗𑍁𑌰𑌸𑌨𑍍𑌨𑌦𑍍𑌧𑌘𑌨𑌶𑍋𑌭𑌿𑌕𑌪𑌰𑍍𑌦𑌕𑌃 ।
𑌕𑍍𑌷𑌿𑌤𑌿𑌭𑍃𑌨𑍍𑌨𑌾𑌥𑌤𑌨𑌯𑌾𑌮𑍁𑌖𑌪𑌙𑍍𑌕𑌜𑌭𑌾𑌸𑍍𑌕𑌰𑌃 ॥ 130 ॥
𑌕𑍍𑌷𑌤𑌾𑌹𑌿𑌤𑌃 𑌕𑍍𑌷𑌰𑌃 𑌕𑍍𑌷𑌨𑍍𑌤𑌾 𑌕𑍍𑌷𑌤𑌦𑍋𑌷𑌃 𑌕𑍍𑌷𑌮𑌾𑌨𑌿𑌧𑌿𑌃 ।
𑌕𑍍𑌷𑌪𑌿𑌤𑌾𑌖𑌿𑌲𑌸𑌨𑍍𑌤𑌾𑌪𑌃 𑌕𑍍𑌷𑌪𑌾𑌨𑌾𑌥𑌸𑌮𑌾𑌨𑌨𑌃 ॥ 131 ॥
𑌉𑌤𑍍𑌤𑌰 𑌨𑍍𑌯𑌾𑌸𑌃 ।
𑌕𑌰𑌨𑍍𑌯𑌾𑌸𑌃 –
𑍐 𑌶𑌂 𑌓𑌙𑍍𑌕𑌾𑌰𑌸𑍍𑌵𑌰𑍂𑌪𑌾𑌯 𑌓𑌜𑍋𑌧𑌰𑌾𑌯 𑌓𑌜𑌸𑍍𑌵𑌿𑌨𑍇 𑌸𑍁𑌹𑍃𑌦𑌯𑌾𑌯 𑌹𑍃𑌷𑍍𑌟𑌚𑌿𑌤𑍍𑌤𑌾𑌤𑍍𑌮𑌨𑍇 𑌭𑌾𑌸𑍍𑌵𑌰𑌰𑍂𑌪𑌾𑌯 𑌅𑌙𑍍𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑍐 𑌰𑌂 𑌷𑌟𑍍𑌕𑍋𑌣𑌮𑌧𑍍𑌯𑌨𑌿𑌲𑌯𑌾𑌯 𑌷𑌟𑍍𑌕𑌿𑌰𑍀𑌟𑌧𑌰𑌾𑌯 𑌶𑍍𑌰𑍀𑌮𑌤𑍇 𑌷𑌡𑌾𑌧𑌾𑌰𑌾𑌯 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃 ।
𑍐 𑌵𑌂 𑌷𑌣𑍍𑌮𑍁𑌖𑌾𑌯 𑌶𑌰𑌜𑌨𑍍𑌮𑌨𑍇 𑌶𑍁𑌭𑌲𑌕𑍍𑌷𑌣𑌾𑌯 𑌶𑌿𑌖𑌿𑌵𑌾𑌹𑌨𑌾𑌯 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃 ।
𑍐 𑌣𑌂 𑌕𑍃𑌶𑌾𑌨𑍁𑌸𑌮𑍍𑌭𑌵𑌾𑌯 𑌕𑌵𑌚𑌿𑌨𑍇 𑌕𑍁𑌕𑍍𑌕𑍁𑌟𑌧𑍍𑌵𑌜𑌾𑌯 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌭𑌂 𑌕𑌨𑍍𑌦𑌰𑍍𑌪𑌕𑍋𑌟𑌿𑌦𑍀𑌪𑍍𑌯𑌮𑌾𑌨𑌾𑌯 𑌦𑍍𑌵𑌿𑌷𑌡𑍍𑌬𑌾𑌹𑌵𑍇 𑌦𑍍𑌵𑌾𑌦𑌶𑌾𑌕𑍍𑌷𑌾𑌯 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃 ।
𑍐 𑌵𑌂 𑌖𑍇𑌟𑌧𑌰𑌾𑌯 𑌖𑌡𑍍𑌗𑌿𑌨𑍇 𑌶𑌕𑍍𑌤𑌿𑌹𑌸𑍍𑌤𑌾𑌯 𑌕𑌰𑌤𑌲𑌕𑌰𑌪𑍃𑌷𑍍𑌠𑌾𑌭𑍍𑌯𑌾𑌂 𑌨𑌮𑌃 ।
𑌹𑍃𑌦𑌯𑌾𑌦𑌿𑌨𑍍𑌯𑌾𑌸𑌃 –
𑍐 𑌶𑌂 𑌓𑌙𑍍𑌕𑌾𑌰𑌸𑍍𑌵𑌰𑍂𑌪𑌾𑌯 𑌓𑌜𑍋𑌧𑌰𑌾𑌯 𑌓𑌜𑌸𑍍𑌵𑌿𑌨𑍇 𑌸𑍁𑌹𑍃𑌦𑌯𑌾𑌯 𑌹𑍃𑌷𑍍𑌟𑌚𑌿𑌤𑍍𑌤𑌾𑌤𑍍𑌮𑌨𑍇 𑌭𑌾𑌸𑍍𑌵𑌰𑌰𑍂𑌪𑌾𑌯 𑌹𑍃𑌦𑌯𑌾𑌯 𑌨𑌮𑌃 ।
𑍐 𑌰𑌂 𑌷𑌟𑍍𑌕𑍋𑌣𑌮𑌧𑍍𑌯𑌨𑌿𑌲𑌯𑌾𑌯 𑌷𑌟𑍍𑌕𑌿𑌰𑍀𑌟𑌧𑌰𑌾𑌯 𑌶𑍍𑌰𑍀𑌮𑌤𑍇 𑌷𑌡𑌾𑌧𑌾𑌰𑌾𑌯 𑌶𑌿𑌰𑌸𑍇 𑌸𑍍𑌵𑌾𑌹𑌾 ।
𑍐 𑌵𑌂 𑌷𑌣𑍍𑌮𑍁𑌖𑌾𑌯 𑌶𑌰𑌜𑌨𑍍𑌮𑌨𑍇 𑌶𑍁𑌭𑌲𑌕𑍍𑌷𑌣𑌾𑌯 𑌶𑌿𑌖𑌿𑌵𑌾𑌹𑌨𑌾𑌯 𑌶𑌿𑌖𑌾𑌯𑍈 𑌵𑌷𑌟𑍍 ।
𑍐 𑌣𑌂 𑌕𑍃𑌶𑌾𑌨𑍁𑌸𑌮𑍍𑌭𑌵𑌾𑌯 𑌕𑌵𑌚𑌿𑌨𑍇 𑌕𑍁𑌕𑍍𑌕𑍁𑌟𑌧𑍍𑌵𑌜𑌾𑌯 𑌕𑌵𑌚𑌾𑌯 𑌹𑍁𑌮𑍍 ।
𑍐 𑌭𑌂 𑌕𑌨𑍍𑌦𑌰𑍍𑌪𑌕𑍋𑌟𑌿𑌦𑍀𑌪𑍍𑌯𑌮𑌾𑌨𑌾𑌯 𑌦𑍍𑌵𑌿𑌷𑌡𑍍𑌬𑌾𑌹𑌵𑍇 𑌦𑍍𑌵𑌾𑌦𑌶𑌾𑌕𑍍𑌷𑌾𑌯 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍗𑌷𑌟𑍍 ।
𑍐 𑌵𑌂 𑌖𑍇𑌟𑌧𑌰𑌾𑌯 𑌖𑌡𑍍𑌗𑌿𑌨𑍇 𑌶𑌕𑍍𑌤𑌿𑌹𑌸𑍍𑌤𑌾𑌯 𑌅𑌸𑍍𑌤𑍍𑌰𑌾𑌯 𑌫𑌟𑍍 ।
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌵𑌿𑌮𑍋𑌕𑌃 ।
𑌫𑌲𑌶𑍍𑌰𑍁𑌤𑌿 ।
𑌇𑌤𑌿 𑌨𑌾𑌮𑍍𑌨𑌾𑌂 𑌸𑌹𑌸𑍍𑌰𑌾𑌣𑌿 𑌷𑌣𑍍𑌮𑍁𑌖𑌸𑍍𑌯 𑌚 𑌨𑌾𑌰𑌦 ।
𑌯𑌃 𑌪𑌠𑍇𑌚𑍍𑌛𑍃𑌣𑍁𑌯𑌾𑌦𑍍𑌵𑌾𑌪𑌿 𑌭𑌕𑍍𑌤𑌿𑌯𑍁𑌕𑍍𑌤𑍇𑌨 𑌚𑍇𑌤𑌸𑌾 ॥ 1 ॥
𑌸 𑌸𑌦𑍍𑌯𑍋 𑌮𑍁𑌚𑍍𑌯𑌤𑍇 𑌪𑌾𑌪𑍈𑌰𑍍𑌮𑌨𑍋𑌵𑌾𑌕𑍍𑌕𑌾𑌯𑌸𑌮𑍍𑌭𑌵𑍈𑌃 ।
𑌆𑌯𑍁𑌰𑍍𑌵𑍃𑌦𑍍𑌧𑌿𑌕𑌰𑌂 𑌪𑍁𑌂𑌸𑌾𑌂 𑌸𑍍𑌥𑍈𑌰𑍍𑌯𑌵𑍀𑌰𑍍𑌯𑌵𑌿𑌵𑌰𑍍𑌧𑌨𑌮𑍍 ॥ 2 ॥
𑌵𑌾𑌕𑍍𑌯𑍇𑌨𑍈𑌕𑍇𑌨 𑌵𑌕𑍍𑌷𑍍𑌯𑌾𑌮𑌿 𑌵𑌾𑌞𑍍𑌛𑌿𑌤𑌾𑌰𑍍𑌥𑌂 𑌪𑍍𑌰𑌯𑌚𑍍𑌛𑌤𑌿 ।
𑌤𑌸𑍍𑌮𑌾𑌤𑍍𑌸𑌰𑍍𑌵𑌾𑌤𑍍𑌮𑌨𑌾 𑌬𑍍𑌰𑌹𑍍𑌮𑌨𑍍𑌨𑌿𑌯𑌮𑍇𑌨 𑌜𑌪𑍇𑌤𑍍𑌸𑍁𑌧𑍀𑌃 ॥ 3 ॥
𑌇𑌤𑌿 𑌸𑍍𑌕𑌨𑍍𑌦𑌪𑍁𑌰𑌾𑌣𑍇 𑌈𑌶𑍍𑌵𑌰𑌪𑍍𑌰𑍋𑌕𑍍𑌤𑍇 𑌬𑍍𑌰𑌹𑍍𑌮𑌨𑌾𑌰𑌦𑌸𑌂𑌵𑌾𑌦𑍇 𑌶𑍍𑌰𑍀 𑌸𑍁𑌬𑍍𑌰𑌹𑍍𑌮𑌣𑍍𑌯 𑌸𑌹𑌸𑍍𑌰𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
Roman (IAST) Transliteration
ṛṣaya ūcuḥ |
sarvaśāstrārthatattvajña sarvalokopakāraka |
vayaṃ cātithayaḥ prāptā ātitheyo'si suvrata || 1 ||
jñānadānena saṃsārasāgarāttārayasva naḥ |
kalau kaluṣacittā ye narāḥ pāparatāḥ sadā || 2 ||
kena stotreṇa mucyante sarvapātakabandhanāt |
iṣṭasiddhikaraṃ puṇyaṃ duḥkhadāridryanāśanam || 3 ||
sarvarogaharaṃ stotraṃ sūta no vaktumarhasi |
śrīsūta uvāca |
śṛṇudhvaṃ ṛṣayaḥ sarve naimiśāraṇyavāsinaḥ || 4 ||
tattvajñānataponiṣṭhāḥ sarvaśāstraviśāradāḥ |
svayambhuvā purā proktaṃ nāradāya mahātmane || 5 ||
tadahaṃ sampravakṣyāmi śrotuṃ kautūhalaṃ yadi |
ṛṣaya ūcuḥ |
kimāha bhagavānbrahmā nāradāya mahātmane || 6 ||
sūtaputra mahābhāga vaktumarhasi sāmpratam |
śrīsūta uvāca |
divyasiṃhāsanāsīnaṃ sarvadevairabhiṣṭutam || 7 ||
sāṣṭāṅgaṃ praṇipatyainaṃ brahmāṇaṃ bhuvaneśvaram |
nāradaḥ paripapraccha kṛtāñjalirupasthitaḥ || 8 ||
nārada uvāca |
lokanātha suraśreṣṭha sarvajña karuṇākara |
ṣaṇmukhasya paraṃ stotraṃ pāvanaṃ pāpanāśanam || 9 ||
he dhātaḥ putravātsalyāttadvada praṇatāya me |
upadiśya tu māmevaṃ rakṣa rakṣa kṛpānidhe || 10 ||
brahmovāca |
śṛṇu vakṣyāmi devarṣe stavarājamidaṃ param |
mātṛkāmālikāyuktaṃ jñānamokṣasukhapradam || 11 ||
sahasrāṇi ca nāmāni ṣaṇmukhasya mahātmanaḥ |
yāni nāmāni divyāni duḥkharogaharāṇi ca || 12 ||
tāni nāmāni vakṣyāmi kṛpayā tvayi nārada |
japamātreṇa siddhyanti manasā cintitānyapi || 13 ||
ihāmutra paraṃ bhogaṃ labhate nātra saṃśayaḥ |
idaṃ stotraṃ paraṃ puṇyaṃ koṭiyajñaphalapradam |
sandeho nātra kartavyaḥ śṛṇu me niścitaṃ vacaḥ || 14 ||
oṃ asya śrīsubrahmaṇyasahasranāmastotra mahāmantrasya brahmā ṛṣiḥ anuṣṭupchandaḥ subrahmaṇyo devatā śarajanmākṣaya iti bījaṃ śaktidharo'kṣaya kārtikeya iti śaktiḥ krauñcadhara iti kīlakaṃ śikhivāhana iti kavacaṃ ṣaṇmukhāya iti dhyānaṃ śrīsubrahmaṇya prasādasiddhyarthe jape viniyogaḥ |
karanyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya aṅguṣṭhābhyāṃ namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya tarjanībhyāṃ namaḥ |
oṃ vaṃ ṣaṇmukhāya śarajanmane śubhalakṣaṇāya śikhivāhanāya madhyamābhyāṃ namaḥ |
oṃ ṇaṃ kṛśānusambhavāya kavacine kukkuṭadhvajāya anāmikābhyāṃ namaḥ |
oṃ bhaṃ kandarpakoṭidīpyamānāya dviṣaḍbāhave dvādaśākṣāya kaniṣṭhikābhyāṃ namaḥ |
oṃ vaṃ kheṭadharāya khaḍgine śaktihastāya karatalakarapṛṣṭhābhyāṃ namaḥ |
hṛdayādinyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya hṛdayāya namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya śirase svāhā |
oṃ vaṃ ṣaṇmukhāya śarajanmane śubhalakṣaṇāya śikhivāhanāya śikhāyai vaṣaṭ |
oṃ ṇaṃ kṛśānusambhavāya kavacine kukkuṭadhvajāya kavacāya hum |
oṃ bhaṃ kandarpakoṭidīpyamānāya dviṣaḍbāhave dvādaśākṣāya netratrayāya vauṣaṭ |
oṃ vaṃ kheṭadharāya khaḍgine śaktihastāya astrāya phaṭ |
bhūrbhuvassuvaromiti digbandhaḥ |
dhyānam |
dhyāyetṣaṇmukhamindukoṭisadṛśaṃ ratnaprabhāśobhitaṃ
bālārkadyutiṣaṭkirīṭavilasatkeyūrahārānvitam |
karṇālambitakuṇḍalapravilasadgaṇḍasthalāśobhitaṃ
kāñcīkaṅkaṇakiṅkiṇīravayutaṃ śṛṅgārasārodayam || 1 ||
dhyāyedīpsitasiddhidaṃ śivasutaṃ śrīdvādaśākṣaṃ guhaṃ
kheṭaṃ kukkuṭamaṅkuśaṃ ca varadaṃ pāśaṃ dhanuścakrakam |
vajraṃ śaktimasiṃ ca śūlamabhayaṃ dorbhirdhṛtaṃ ṣaṇmukhaṃ
devaṃ citramayūravāhanagataṃ citrāmbarālaṅkṛtam || 2 ||
stotram |
acintyaśaktiranaghastvakṣobhyastvaparājitaḥ |
anāthavatsalo'moghastvaśoko'pyajaro'bhayaḥ || 1 ||
atyudāro hyaghaharastvagragaṇyo'drijāsutaḥ |
anantamahimā'pāro'nantasaukhyaprado'vyayaḥ || 2 ||
anantamokṣado'nādiraprameyo'kṣaro'cyutaḥ |
akalmaṣo'bhirāmo'gradhuryaścāmitavikramaḥ || 3 ||
[ atulaścāmṛto'ghoro hyananto'nantavikramaḥ ]
anāthanātho hyamalo hyapramatto'maraprabhuḥ |
arindamo'khilādhārastvaṇimādiguṇo'graṇīḥ || 4 ||
acañcalo'marastutyo hyakalaṅko'mitāśanaḥ |
agnibhūranavadyāṅgo hyadbhuto'bhīṣṭadāyakaḥ || 5 ||
atīndriyo'prameyātmā hyadṛśyo'vyaktalakṣaṇaḥ |
āpadvināśakastvārya āḍhya āgamasaṃstutaḥ || 6 ||
ārtasaṃrakṣaṇastvādya ānandastvāryasevitaḥ |
āśriteṣṭārthavarada ānandyārtaphalapradaḥ || 7 ||
āścaryarūpa ānanda āpannārtivināśanaḥ |
ibhavaktrānujastviṣṭa ibhāsuraharātmajaḥ || 8 ||
itihāsaśrutistutya indrabhogaphalapradaḥ |
iṣṭāpūrtaphalaprāptiriṣṭeṣṭavaradāyakaḥ || 9 ||
ihāmutreṣṭaphalada iṣṭadastvindravanditaḥ |
īḍanīyastvīśaputra īpsitārthapradāyakaḥ || 10 ||
ītibhītiharaśceḍya īṣaṇātrayavarjitaḥ |
udārakīrtirudyogī cotkṛṣṭoruparākramaḥ || 11 ||
utkṛṣṭaśaktirutsāha udāraścotsavapriyaḥ |
ujjṛmbha udbhavaścogra udagraścogralocanaḥ || 12 ||
unmatta ugraśamana udvegaghnorageśvaraḥ |
uruprabhāvaścodīrṇa umāputra udāradhīḥ || 13 ||
ūrdhvaretaḥsutastūrdhvagatidastūrjapālakaḥ |
ūrjitastūrdhvagastūrdhva ūrdhvalokaikanāyakaḥ || 14 ||
ūrjāvānūrjitodāra ūrjitorjitaśāsanaḥ |
ṛṣidevagaṇastutya ṛṇatrayavimocanaḥ || 15 ||
ṛjurūpo hyṛjukara ṛjumārgapradarśanaḥ |
ṛtambharo hyṛjuprīta ṛṣabhastvṛddhidastvṛtaḥ || 16 ||
lulitoddhārako lūtabhavapāśaprabhañjanaḥ |
eṇāṅkadharasatputra eka enovināśanaḥ || 17 ||
aiśvaryadaścaindrabhogī caitihyaścaindravanditaḥ |
ojasvī cauṣadhisthānamojodaścaudanapradaḥ || 18 ||
audāryaśīla aumeya augra aunnatyadāyakaḥ |
audārya auṣadhakara auṣadhaṃ cauṣadhākaraḥ || 19 ||
aṃśumānaṃśumālīḍya ambikātanayo'nnadaḥ |
andhakārisuto'ndhatvahārī cāmbujalocanaḥ || 20 ||
astamāyo'marādhīśo hyaspaṣṭo'stokapuṇyadaḥ |
astāmitro'starūpaścāskhalatsugatidāyakaḥ || 21 ||
kārtikeyaḥ kāmarūpaḥ kumāraḥ krauñcadāraṇaḥ |
kāmadaḥ kāraṇaṃ kāmyaḥ kamanīyaḥ kṛpākaraḥ || 22 ||
kāñcanābhaḥ kāntiyuktaḥ kāmī kāmapradaḥ kaviḥ |
kīrtikṛtkukkuṭadharaḥ kūṭasthaḥ kuvalekṣaṇaḥ || 23 ||
kuṅkumāṅgaḥ klamaharaḥ kuśalaḥ kukkuṭadhvajaḥ |
kuśānusambhavaḥ krūraḥ krūraghnaḥ kalitāpahṛt || 24 ||
kāmarūpaḥ kalpataruḥ kāntaḥ kāmitadāyakaḥ |
kalyāṇakṛtkleśanāśaḥ kṛpāluḥ karuṇākaraḥ || 25 ||
kaluṣaghnaḥ kriyāśaktiḥ kaṭhoraḥ kavacī kṛtī |
komalāṅgaḥ kuśaprītaḥ kutsitaghnaḥ kalādharaḥ || 26 ||
khyātaḥ kheṭadharaḥ khaḍgī khaṭvāṅgī khalanigrahaḥ |
khyātipradaḥ khecareśaḥ khyātehaḥ khecarastutaḥ || 27 ||
kharatāpaharaḥ svasthaḥ khecaraḥ khecarāśrayaḥ |
khaṇḍendumaulitanayaḥ khelaḥ khecarapālakaḥ || 28 ||
khasthalaḥ khaṇḍitārkaśca khecarījanapūjitaḥ |
gāṅgeyo girijāputro gaṇanāthānujo guhaḥ || 29 ||
goptā gīrvāṇasaṃsevyo guṇātīto guhāśrayaḥ |
gatiprado guṇanidhiḥ gambhīro girijātmajaḥ || 30 ||
gūḍharūpo gadaharo guṇādhīśo guṇāgraṇīḥ |
godharo gahano gupto garvaghno guṇavardhanaḥ || 31 ||
guhyo guṇajño gītijño gatātaṅko guṇāśrayaḥ |
gadyapadyapriyo guṇyo gostuto gaganecaraḥ || 32 ||
gaṇanīyacaritraśca gatakleśo guṇārṇavaḥ |
ghūrṇitākṣo ghṛṇinidhiḥ ghanagambhīraghoṣaṇaḥ || 33 ||
ghaṇṭānādapriyo ghoṣo ghorāghaughavināśanaḥ |
ghanānando gharmahantā ghṛṇāvān ghṛṣṭipātakaḥ || 34 ||
ghṛṇī ghṛṇākaro ghoro ghoradaityaprahārakaḥ |
ghaṭitaiśvaryasandoho ghanārtho ghanasaṅkramaḥ || 35 ||
citrakṛccitravarṇaśca cañcalaścapaladyutiḥ |
cinmayaścitsvarūpaśca cirānandaścirantanaḥ || 36 ||
citrakeliścitrataraścintanīyaścamatkṛtiḥ |
coraghnaścaturaścāruścāmīkaravibhūṣaṇaḥ || 37 ||
candrārkakoṭisadṛśaścandramaulitanūbhavaḥ |
chāditāṅgaśchadmahantā cheditākhilapātakaḥ || 38 ||
chedīkṛtatamaḥkleśaśchatrīkṛtamahāyaśāḥ |
chāditāśeṣasantāpaśchuritāmṛtasāgaraḥ || 39 ||
channatraiguṇyarūpaśca chātehaśchinnasaṃśayaḥ |
chandomayaśchandagāmī chinnapāśaśchaviśchadaḥ || 40 ||
jagaddhito jagatpūjyo jagajjyeṣṭho jaganmayaḥ |
janako jāhnavīsūnurjitāmitro jagadguruḥ || 41 ||
jayī jitendriyo jaitro jarāmaraṇavarjitaḥ |
jyotirmayo jagannātho jagajjīvo janāśrayaḥ || 42 ||
jagatsevyo jagatkartā jagatsākṣī jagatpriyaḥ |
jambhārivandyo jayado jagajjanamanoharaḥ || 43 ||
jagadānandajanako janajāḍyāpahārakaḥ |
japākusumasaṅkāśo janalocanaśobhanaḥ || 44 ||
janeśvaro jitakrodho janajanmanibarhaṇaḥ |
jayado jantutāpaghno jitadaityamahāvrajaḥ || 45 ||
jitamāyo jitakrodho jitasaṅgo janapriyaḥ |
jhañjhānilamahāvego jharitāśeṣapātakaḥ || 46 ||
jharjharīkṛtadaityaugho jhallarīvādyasampriyaḥ |
jñānamūrtirjñānagamyo jñānī jñānamahānidhiḥ || 47 ||
ṭaṅkāranṛttavibhavaḥ ṭaṅkavajradhvajāṅkitaḥ |
ṭaṅkitākhilalokaśca ṭaṅkitainastamoraviḥ || 48 ||
ḍambaraprabhavo ḍambho ḍambo ḍamarukapriyaḥ | [ḍamaḍḍa]
ḍamarotkaṭasannādo ḍimbharūpasvarūpakaḥ || 49 ||
ḍhakkānādaprītikaro ḍhālitāsurasaṅkulaḥ |
ḍhaukitāmarasandoho ḍhuṇḍhivighneśvarānujaḥ || 50 ||
tattvajñastatvagastīvrastaporūpastapomayaḥ |
trayīmayastrikālajñastrimūrtistriguṇātmakaḥ || 51 ||
tridaśeśastārakāristāpaghnastāpasapriyaḥ |
tuṣṭidastuṣṭikṛttīkṣṇastaporūpastrikālavit || 52 ||
stotā stavyaḥ stavaprītaḥ stutiḥ stotraṃ stutipriyaḥ |
sthitaḥ sthāyī sthāpakaśca sthūlasūkṣmapradarśakaḥ || 53 ||
sthaviṣṭhaḥ sthaviraḥ sthūlaḥ sthānadaḥ sthairyadaḥ sthiraḥ |
dānto dayāparo dātā duritaghno durāsadaḥ || 54 ||
darśanīyo dayāsāro devadevo dayānidhiḥ |
durādharṣo durvigāhyo dakṣo darpaṇaśobhitaḥ || 55 ||
durdharo dānaśīlaśca dvādaśākṣo dviṣaḍbhujaḥ |
dviṣaṭkarṇo dviṣaḍbāhurdīnasantāpanāśanaḥ || 56 ||
dandaśūkeśvaro devo divyo divyākṛtirdamaḥ |
dīrghavṛtto dīrghabāhurdīrghadṛṣṭirdivaspatiḥ || 57 ||
daṇḍo damayitā darpo devasiṃho dṛḍhavrataḥ |
durlabho durgamo dīpto duṣprekṣyo divyamaṇḍanaḥ || 58 ||
durodaraghno duḥkhaghno durārighno diśāṃ patiḥ |
durjayo devaseneśo durjñeyo duratikramaḥ || 59 ||
dambho dṛptaśca devarṣirdaivajño daivacintakaḥ |
dhurandharo dharmaparo dhanado dhṛtivardhanaḥ || 60 ||
dharmeśo dharmaśāstrajño dhanvī dharmaparāyaṇaḥ |
dhanādhyakṣo dhanapatirdhṛtimāndhūtakilbiṣaḥ || 61 ||
dharmaheturdharmaśūro dharmakṛddharmaviddhruvaḥ |
dhātā dhīmāndharmacārī dhanyo dhuryo dhṛtavrataḥ || 62 ||
nityotsavo nityatṛpto nirlepo niścalātmakaḥ |
niravadyo nirādhāro niṣkalaṅko nirañjanaḥ || 63 ||
nirmamo nirahaṅkāro nirmoho nirupadravaḥ |
nityānando nirātaṅko niṣprapañco nirāmayaḥ || 64 ||
niravadyo nirīhaśca nirdarśo nirmalātmakaḥ |
nityānando nirjareśo niḥsaṅgo nigamastutaḥ || 65 ||
niṣkaṇṭako nirālambo niṣpratyūho nirudbhavaḥ |
nityo niyatakalyāṇo nirvikalpo nirāśrayaḥ || 66 ||
netā nidhirnaikarūpo nirākāro nadīsutaḥ |
pulindakanyāramaṇaḥ purujitparamapriyaḥ || 67 ||
pratyakṣamūrtiḥ pratyakṣaḥ pareśaḥ pūrṇapuṇyadaḥ |
puṇyākaraḥ puṇyarūpaḥ puṇyaḥ puṇyaparāyaṇaḥ || 68 ||
puṇyodayaḥ paraṃ jyotiḥ puṇyakṛtpuṇyavardhanaḥ |
parānandaḥ parataraḥ puṇyakīrtiḥ purātanaḥ || 69 ||
prasannarūpaḥ prāṇeśaḥ pannagaḥ pāpanāśanaḥ |
praṇatārtiharaḥ pūrṇaḥ pārvatīnandanaḥ prabhuḥ || 70 ||
pūtātmā puruṣaḥ prāṇaḥ prabhavaḥ puruṣottamaḥ |
prasannaḥ paramaspaṣṭaḥ paraḥ paribṛḍhaḥ paraḥ || 71 ||
paramātmā parabrahma parārthaḥ priyadarśanaḥ |
pavitraḥ puṣṭidaḥ pūrtiḥ piṅgalaḥ puṣṭivardhanaḥ || 72 ||
pāpahārī pāśadharaḥ pramattāsuraśikṣakaḥ |
pāvanaḥ pāvakaḥ pūjyaḥ pūrṇānandaḥ parātparaḥ || 73 ||
puṣkalaḥ pravaraḥ pūrvaḥ pitṛbhaktaḥ purogamaḥ |
prāṇadaḥ prāṇijanakaḥ pradiṣṭaḥ pāvakodbhavaḥ || 74 ||
parabrahmasvarūpaśca paramaiśvaryakāraṇam |
parardhidaḥ puṣṭikaraḥ prakāśātmā pratāpavān || 75 ||
prajñāparaḥ prakṛṣṭārthaḥ pṛthuḥ pṛthuparākramaḥ |
phaṇīśvaraḥ phaṇivaraḥ phaṇāmaṇivibhūṣaṇaḥ || 76 ||
phaladaḥ phalahastaśca phullāmbujavilocanaḥ |
phaḍuccāṭitapāpaughaḥ phaṇilokavibhūṣaṇaḥ || 77 ||
bāhuleyo bṛhadrūpo baliṣṭho balavān balī |
brahmeśaviṣṇurūpaśca buddho buddhimatāṃ varaḥ || 78 ||
bālarūpo brahmagarbho brahmacārī budhapriyaḥ |
bahuśruto bahumato brahmaṇyo brāhmaṇapriyaḥ || 79 ||
balapramathano brahmā bahurūpo bahupradaḥ |
bṛhadbhānutanūdbhūto bṛhatseno bileśayaḥ || 80 ||
bahubāhurbalaśrīmān bahudaityavināśakaḥ |
biladvārāntarālastho bṛhacchaktidhanurdharaḥ || 81 ||
bālārkadyutimān bālo bṛhadvakṣā bṛhaddhanuḥ |
bhavyo bhogīśvaro bhāvyo bhavanāśo bhavapriyaḥ || 82 ||
bhaktigamyo bhayaharo bhāvajño bhaktasupriyaḥ |
bhuktimuktiprado bhogī bhagavān bhāgyavardhanaḥ || 83 ||
bhrājiṣṇurbhāvano bhartā bhīmo bhīmaparākramaḥ |
bhūtido bhūtikṛdbhoktā bhūtātmā bhuvaneśvaraḥ || 84 ||
bhāvako bhīkaro bhīṣmo bhāvakeṣṭo bhavodbhavaḥ |
bhavatāpapraśamano bhogavān bhūtabhāvanaḥ || 85 ||
bhojyaprado bhrāntināśo bhānumān bhuvanāśrayaḥ |
bhūribhogaprado bhadro bhajanīyo bhiṣagvaraḥ || 86 ||
mahāseno mahodāro mahāśaktirmahādyutiḥ |
mahābuddhirmahāvīryo mahotsāho mahābalaḥ || 87 ||
mahābhogī mahāmāyī medhāvī mekhalī mahān |
munistuto mahāmānyo mahānando mahāyaśāḥ || 88 ||
mahorjito mānanidhirmanorathaphalapradaḥ |
mahodayo mahāpuṇyo mahābalaparākramaḥ || 89 ||
mānado matido mālī muktāmālāvibhūṣaṇaḥ |
manoharo mahāmukhyo mahardhirmūrtimānmuniḥ || 90 ||
mahottamo mahopāyo mokṣado maṅgalapradaḥ |
mudākaro muktidātā mahābhogo mahoragaḥ || 91 ||
yaśaskaro yogayoniryogiṣṭho yamināṃ varaḥ |
yaśasvī yogapuruṣo yogyo yoganidhiryamī || 92 ||
yatisevyo yogayukto yogavidyogasiddhidaḥ |
yantro yantrī ca yantrajño yantravānyantravāhakaḥ || 93 ||
yātanārahito yogī yogīśo yogināṃ varaḥ |
ramaṇīyo ramyarūpo rasajño rasabhāvanaḥ || 94 ||
rañjano rañjito rāgī ruciro rudrasambhavaḥ |
raṇapriyo raṇodāro rāgadveṣavināśanaḥ || 95 ||
ratnārcī ruciro ramyo rūpalāvaṇyavigrahaḥ |
ratnāṅgadadharo ratnabhūṣaṇo ramaṇīyakaḥ || 96 ||
rucikṛdrocamānaśca rañjito roganāśanaḥ |
rājīvākṣo rājarājo raktamālyānulepanaḥ || 97 ||
rājadvedāgamastutyo rajaḥsattvaguṇānvitaḥ |
rajanīśakalāramyo ratnakuṇḍalamaṇḍitaḥ || 98 ||
ratnasanmauliśobhāḍhyo raṇanmañjīrabhūṣaṇaḥ |
lokaikanātho lokeśo lalito lokanāyakaḥ || 99 ||
lokarakṣo lokaśikṣo lokalocanarañjitaḥ |
lokabandhurlokadhātā lokatrayamahāhitaḥ || 100 ||
lokacūḍāmaṇirlokavandyo lāvaṇyavigrahaḥ |
lokādhyakṣastu līlāvānlokottaraguṇānvitaḥ || 101 ||
variṣṭho varado vaidyo viśiṣṭo vikramo vibhuḥ |
vibudhāgracaro vaśyo vikalpaparivarjitaḥ || 102 ||
vipāśo vigatātaṅko vicitrāṅgo virocanaḥ |
vidyādharo viśuddhātmā vedāṅgo vibudhapriyaḥ || 103 ||
vacaskaro vyāpakaśca vijñānī vinayānvitaḥ |
vidvattamo virodhighno vīro vigatarāgavān || 104 ||
vītabhāvo vinītātmā vedagarbho vasupradaḥ |
viśvadīptirviśālākṣo vijitātmā vibhāvanaḥ || 105 ||
vedavedyo vidheyātmā vītadoṣaśca vedavit |
viśvakarmā vītabhayo vāgīśo vāsavārcitaḥ || 106 ||
vīradhvaṃso viśvamūrtirviśvarūpo varāsanaḥ |
viśākho vimalo vāgmī vidvānvedadharo vaṭuḥ || 107 ||
vīracūḍāmaṇirvīro vidyeśo vibudhāśrayaḥ |
vijayī vinayī vettā varīyānvirajā vasuḥ || 108 ||
vīraghno vijvaro vedyo vegavānvīryavānvaśī |
varaśīlo varaguṇo viśoko vajradhārakaḥ || 109 ||
śarajanmā śaktidharaḥ śatrughnaḥ śikhivāhanaḥ |
śrīmān śiṣṭaḥ śuciḥ śuddhaḥ śāśvataḥ śrutisāgaraḥ || 110 ||
śaraṇyaḥ śubhadaḥ śarma śiṣṭeṣṭaḥ śubhalakṣaṇaḥ |
śāntaḥ śūladharaḥ śreṣṭhaḥ śuddhātmā śaṅkaraḥ śivaḥ || 111 ||
śitikaṇṭhātmajaḥ śūraḥ śāntidaḥ śokanāśanaḥ |
ṣāṇmāturaḥ ṣaṇmukhaśca ṣaḍguṇaiśvaryasaṃyutaḥ || 112 ||
ṣaṭcakrasthaḥ ṣaḍūrmighnaḥ ṣaḍaṅgaśrutipāragaḥ |
ṣaḍbhāvarahitaḥ ṣaṭkaḥ ṣaṭchāstrasmṛtipāragaḥ || 113 ||
ṣaḍvargadātā ṣaḍgrīvaḥ ṣaḍarighnaḥ ṣaḍāśrayaḥ |
ṣaṭkirīṭadharaḥ śrīmān ṣaḍādhāraśca ṣaṭkramaḥ || 114 ||
ṣaṭkoṇamadhyanilayaḥ ṣaṇḍatvaparihārakaḥ |
senānīḥ subhagaḥ skandaḥ surānandaḥ satāṃ gatiḥ || 115 ||
subrahmaṇyaḥ surādhyakṣaḥ sarvajñaḥ sarvadaḥ sukhī |
sulabhaḥ siddhidaḥ saumyaḥ siddheśaḥ siddhisādhanaḥ || 116 ||
siddhārthaḥ siddhasaṅkalpaḥ siddhasādhuḥ sureśvaraḥ |
subhujaḥ sarvadṛksākṣī suprasādaḥ sanātanaḥ || 117 ||
sudhāpatiḥ svayañjyotiḥ svayambhūḥ sarvatomukhaḥ |
samarthaḥ satkṛtiḥ sūkṣmaḥ sughoṣaḥ sukhadaḥ suhṛt || 118 ||
suprasannaḥ suraśreṣṭhaḥ suśīlaḥ satyasādhakaḥ |
sambhāvyaḥ sumanāḥ sevyaḥ sakalāgamapāragaḥ || 119 ||
suvyaktaḥ saccidānandaḥ suvīraḥ sujanāśrayaḥ |
sarvalakṣaṇasampannaḥ satyadharmaparāyaṇaḥ || 120 ||
sarvadevamayaḥ satyaḥ sadā mṛṣṭānnadāyakaḥ |
sudhāpī sumatiḥ satyaḥ sarvavighnavināśanaḥ || 121 ||
sarvaduḥkhapraśamanaḥ sukumāraḥ sulocanaḥ |
sugrīvaḥ sudhṛtiḥ sāraḥ surārādhyaḥ suvikramaḥ || 122 ||
surārighnaḥ svarṇavarṇaḥ sarparājaḥ sadā śuciḥ |
saptārcirbhūḥ suravaraḥ sarvāyudhaviśāradaḥ || 123 ||
hasticarmāmbarasuto hastivāhanasevitaḥ |
hastacitrāyudhadharo hṛtāgho hasitānanaḥ || 124 ||
hemabhūṣo haridvarṇo hṛṣṭido hṛṣṭivardhanaḥ |
hemādribhiddhaṃsarūpo huṅkārahatakilbiṣaḥ || 125 ||
himādrijātātanujo harikeśo hiraṇmayaḥ |
hṛdyo hṛṣṭo harisakho haṃso haṃsagatirhaviḥ || 126 ||
hiraṇyavarṇo hitakṛddharṣado hemabhūṣaṇaḥ |
harapriyo hitakaro hatapāpo harodbhavaḥ || 127 ||
kṣemadaḥ kṣemakṛtkṣemyaḥ kṣetrajñaḥ kṣāmavarjitaḥ |
kṣetrapālaḥ kṣamādhāraḥ kṣemakṣetraḥ kṣamākaraḥ || 128 ||
kṣudraghnaḥ kṣāntidaḥ kṣemaḥ kṣitibhūṣaḥ kṣamāśrayaḥ |
kṣālitāghaḥ kṣitidharaḥ kṣīṇasaṃrakṣaṇakṣamaḥ || 129 ||
kṣaṇabhaṅgurasannaddhaghanaśobhikapardakaḥ |
kṣitibhṛnnāthatanayāmukhapaṅkajabhāskaraḥ || 130 ||
kṣatāhitaḥ kṣaraḥ kṣantā kṣatadoṣaḥ kṣamānidhiḥ |
kṣapitākhilasantāpaḥ kṣapānāthasamānanaḥ || 131 ||
uttara nyāsaḥ |
karanyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya aṅguṣṭhābhyāṃ namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya tarjanībhyāṃ namaḥ |
oṃ vaṃ ṣaṇmukhāya śarajanmane śubhalakṣaṇāya śikhivāhanāya madhyamābhyāṃ namaḥ |
oṃ ṇaṃ kṛśānusambhavāya kavacine kukkuṭadhvajāya anāmikābhyāṃ namaḥ |
oṃ bhaṃ kandarpakoṭidīpyamānāya dviṣaḍbāhave dvādaśākṣāya kaniṣṭhikābhyāṃ namaḥ |
oṃ vaṃ kheṭadharāya khaḍgine śaktihastāya karatalakarapṛṣṭhābhyāṃ namaḥ |
hṛdayādinyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya hṛdayāya namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya śirase svāhā |
oṃ vaṃ ṣaṇmukhāya śarajanmane śubhalakṣaṇāya śikhivāhanāya śikhāyai vaṣaṭ |
oṃ ṇaṃ kṛśānusambhavāya kavacine kukkuṭadhvajāya kavacāya hum |
oṃ bhaṃ kandarpakoṭidīpyamānāya dviṣaḍbāhave dvādaśākṣāya netratrayāya vauṣaṭ |
oṃ vaṃ kheṭadharāya khaḍgine śaktihastāya astrāya phaṭ |
bhūrbhuvassuvaromiti digvimokaḥ |
phalaśruti |
iti nāmnāṃ sahasrāṇi ṣaṇmukhasya ca nārada |
yaḥ paṭhecchṛṇuyādvāpi bhaktiyuktena cetasā || 1 ||
sa sadyo mucyate pāpairmanovākkāyasambhavaiḥ |
āyurvṛddhikaraṃ puṃsāṃ sthairyavīryavivardhanam || 2 ||
vākyenaikena vakṣyāmi vāñchitārthaṃ prayacchati |
tasmātsarvātmanā brahmanniyamena japetsudhīḥ || 3 ||
iti skandapurāṇe īśvaraprokte brahmanāradasaṃvāde śrī subrahmaṇya sahasranāma stotram |
Sanskrit — Devanagari (original)
ऋषय ऊचुः ।
सर्वशास्त्रार्थतत्त्वज्ञ सर्वलोकोपकारक ।
वयं चातिथयः प्राप्ता आतिथेयोऽसि सुव्रत ॥ 1 ॥
ज्ञानदानेन संसारसागरात्तारयस्व नः ।
कलौ कलुषचित्ता ये नराः पापरताः सदा ॥ 2 ॥
केन स्तोत्रेण मुच्यन्ते सर्वपातकबन्धनात् ।
इष्टसिद्धिकरं पुण्यं दुःखदारिद्र्यनाशनम् ॥ 3 ॥
सर्वरोगहरं स्तोत्रं सूत नो वक्तुमर्हसि ।
श्रीसूत उवाच ।
शृणुध्वं ऋषयः सर्वे नैमिशारण्यवासिनः ॥ 4 ॥
तत्त्वज्ञानतपोनिष्ठाः सर्वशास्त्रविशारदाः ।
स्वयम्भुवा पुरा प्रोक्तं नारदाय महात्मने ॥ 5 ॥
तदहं सम्प्रवक्ष्यामि श्रोतुं कौतूहलं यदि ।
ऋषय ऊचुः ।
किमाह भगवान्ब्रह्मा नारदाय महात्मने ॥ 6 ॥
सूतपुत्र महाभाग वक्तुमर्हसि साम्प्रतम् ।
श्रीसूत उवाच ।
दिव्यसिंहासनासीनं सर्वदेवैरभिष्टुतम् ॥ 7 ॥
साष्टाङ्गं प्रणिपत्यैनं ब्रह्माणं भुवनेश्वरम् ।
नारदः परिपप्रच्छ कृताञ्जलिरुपस्थितः ॥ 8 ॥
नारद उवाच ।
लोकनाथ सुरश्रेष्ठ सर्वज्ञ करुणाकर ।
षण्मुखस्य परं स्तोत्रं पावनं पापनाशनम् ॥ 9 ॥
हे धातः पुत्रवात्सल्यात्तद्वद प्रणताय मे ।
उपदिश्य तु मामेवं रक्ष रक्ष कृपानिधे ॥ 10 ॥
ब्रह्मोवाच ।
शृणु वक्ष्यामि देवर्षे स्तवराजमिदं परम् ।
मातृकामालिकायुक्तं ज्ञानमोक्षसुखप्रदम् ॥ 11 ॥
सहस्राणि च नामानि षण्मुखस्य महात्मनः ।
यानि नामानि दिव्यानि दुःखरोगहराणि च ॥ 12 ॥
तानि नामानि वक्ष्यामि कृपया त्वयि नारद ।
जपमात्रेण सिद्ध्यन्ति मनसा चिन्तितान्यपि ॥ 13 ॥
इहामुत्र परं भोगं लभते नात्र संशयः ।
इदं स्तोत्रं परं पुण्यं कोटियज्ञफलप्रदम् ।
सन्देहो नात्र कर्तव्यः शृणु मे निश्चितं वचः ॥ 14 ॥
ॐ अस्य श्रीसुब्रह्मण्यसहस्रनामस्तोत्र महामन्त्रस्य ब्रह्मा ऋषिः अनुष्टुप्छन्दः सुब्रह्मण्यो देवता शरजन्माक्षय इति बीजं शक्तिधरोऽक्षय कार्तिकेय इति शक्तिः क्रौञ्चधर इति कीलकं शिखिवाहन इति कवचं षण्मुखाय इति ध्यानं श्रीसुब्रह्मण्य प्रसादसिद्ध्यर्थे जपे विनियोगः ।
करन्यासः –
ॐ शं ओङ्कारस्वरूपाय ओजोधराय ओजस्विने सुहृदयाय हृष्टचित्तात्मने भास्वररूपाय अङ्गुष्ठाभ्यां नमः ।
ॐ रं षट्कोणमध्यनिलयाय षट्किरीटधराय श्रीमते षडाधाराय तर्जनीभ्यां नमः ।
ॐ वं षण्मुखाय शरजन्मने शुभलक्षणाय शिखिवाहनाय मध्यमाभ्यां नमः ।
ॐ णं कृशानुसम्भवाय कवचिने कुक्कुटध्वजाय अनामिकाभ्यां नमः ।
ॐ भं कन्दर्पकोटिदीप्यमानाय द्विषड्बाहवे द्वादशाक्षाय कनिष्ठिकाभ्यां नमः ।
ॐ वं खेटधराय खड्गिने शक्तिहस्ताय करतलकरपृष्ठाभ्यां नमः ।
हृदयादिन्यासः –
ॐ शं ओङ्कारस्वरूपाय ओजोधराय ओजस्विने सुहृदयाय हृष्टचित्तात्मने भास्वररूपाय हृदयाय नमः ।
ॐ रं षट्कोणमध्यनिलयाय षट्किरीटधराय श्रीमते षडाधाराय शिरसे स्वाहा ।
ॐ वं षण्मुखाय शरजन्मने शुभलक्षणाय शिखिवाहनाय शिखायै वषट् ।
ॐ णं कृशानुसम्भवाय कवचिने कुक्कुटध्वजाय कवचाय हुम् ।
ॐ भं कन्दर्पकोटिदीप्यमानाय द्विषड्बाहवे द्वादशाक्षाय नेत्रत्रयाय वौषट् ।
ॐ वं खेटधराय खड्गिने शक्तिहस्ताय अस्त्राय फट् ।
भूर्भुवस्सुवरोमिति दिग्बन्धः ।
ध्यानम् ।
ध्यायेत्षण्मुखमिन्दुकोटिसदृशं रत्नप्रभाशोभितं
बालार्कद्युतिषट्किरीटविलसत्केयूरहारान्वितम् ।
कर्णालम्बितकुण्डलप्रविलसद्गण्डस्थलाशोभितं
काञ्चीकङ्कणकिङ्किणीरवयुतं शृङ्गारसारोदयम् ॥ 1 ॥
ध्यायेदीप्सितसिद्धिदं शिवसुतं श्रीद्वादशाक्षं गुहं
खेटं कुक्कुटमङ्कुशं च वरदं पाशं धनुश्चक्रकम् ।
वज्रं शक्तिमसिं च शूलमभयं दोर्भिर्धृतं षण्मुखं
देवं चित्रमयूरवाहनगतं चित्राम्बरालङ्कृतम् ॥ 2 ॥
स्तोत्रम् ।
अचिन्त्यशक्तिरनघस्त्वक्षोभ्यस्त्वपराजितः ।
अनाथवत्सलोऽमोघस्त्वशोकोऽप्यजरोऽभयः ॥ 1 ॥
अत्युदारो ह्यघहरस्त्वग्रगण्योऽद्रिजासुतः ।
अनन्तमहिमाऽपारोऽनन्तसौख्यप्रदोऽव्ययः ॥ 2 ॥
अनन्तमोक्षदोऽनादिरप्रमेयोऽक्षरोऽच्युतः ।
अकल्मषोऽभिरामोऽग्रधुर्यश्चामितविक्रमः ॥ 3 ॥
[ अतुलश्चामृतोऽघोरो ह्यनन्तोऽनन्तविक्रमः ]
अनाथनाथो ह्यमलो ह्यप्रमत्तोऽमरप्रभुः ।
अरिन्दमोऽखिलाधारस्त्वणिमादिगुणोऽग्रणीः ॥ 4 ॥
अचञ्चलोऽमरस्तुत्यो ह्यकलङ्कोऽमिताशनः ।
अग्निभूरनवद्याङ्गो ह्यद्भुतोऽभीष्टदायकः ॥ 5 ॥
अतीन्द्रियोऽप्रमेयात्मा ह्यदृश्योऽव्यक्तलक्षणः ।
आपद्विनाशकस्त्वार्य आढ्य आगमसंस्तुतः ॥ 6 ॥
आर्तसंरक्षणस्त्वाद्य आनन्दस्त्वार्यसेवितः ।
आश्रितेष्टार्थवरद आनन्द्यार्तफलप्रदः ॥ 7 ॥
आश्चर्यरूप आनन्द आपन्नार्तिविनाशनः ।
इभवक्त्रानुजस्त्विष्ट इभासुरहरात्मजः ॥ 8 ॥
इतिहासश्रुतिस्तुत्य इन्द्रभोगफलप्रदः ।
इष्टापूर्तफलप्राप्तिरिष्टेष्टवरदायकः ॥ 9 ॥
इहामुत्रेष्टफलद इष्टदस्त्विन्द्रवन्दितः ।
ईडनीयस्त्वीशपुत्र ईप्सितार्थप्रदायकः ॥ 10 ॥
ईतिभीतिहरश्चेड्य ईषणात्रयवर्जितः ।
उदारकीर्तिरुद्योगी चोत्कृष्टोरुपराक्रमः ॥ 11 ॥
उत्कृष्टशक्तिरुत्साह उदारश्चोत्सवप्रियः ।
उज्जृम्भ उद्भवश्चोग्र उदग्रश्चोग्रलोचनः ॥ 12 ॥
उन्मत्त उग्रशमन उद्वेगघ्नोरगेश्वरः ।
उरुप्रभावश्चोदीर्ण उमापुत्र उदारधीः ॥ 13 ॥
ऊर्ध्वरेतःसुतस्तूर्ध्वगतिदस्तूर्जपालकः ।
ऊर्जितस्तूर्ध्वगस्तूर्ध्व ऊर्ध्वलोकैकनायकः ॥ 14 ॥
ऊर्जावानूर्जितोदार ऊर्जितोर्जितशासनः ।
ऋषिदेवगणस्तुत्य ऋणत्रयविमोचनः ॥ 15 ॥
ऋजुरूपो ह्यृजुकर ऋजुमार्गप्रदर्शनः ।
ऋतम्भरो ह्यृजुप्रीत ऋषभस्त्वृद्धिदस्त्वृतः ॥ 16 ॥
लुलितोद्धारको लूतभवपाशप्रभञ्जनः ।
एणाङ्कधरसत्पुत्र एक एनोविनाशनः ॥ 17 ॥
ऐश्वर्यदश्चैन्द्रभोगी चैतिह्यश्चैन्द्रवन्दितः ।
ओजस्वी चौषधिस्थानमोजोदश्चौदनप्रदः ॥ 18 ॥
औदार्यशील औमेय औग्र औन्नत्यदायकः ।
औदार्य औषधकर औषधं चौषधाकरः ॥ 19 ॥
अंशुमानंशुमालीड्य अम्बिकातनयोऽन्नदः ।
अन्धकारिसुतोऽन्धत्वहारी चाम्बुजलोचनः ॥ 20 ॥
अस्तमायोऽमराधीशो ह्यस्पष्टोऽस्तोकपुण्यदः ।
अस्तामित्रोऽस्तरूपश्चास्खलत्सुगतिदायकः ॥ 21 ॥
कार्तिकेयः कामरूपः कुमारः क्रौञ्चदारणः ।
कामदः कारणं काम्यः कमनीयः कृपाकरः ॥ 22 ॥
काञ्चनाभः कान्तियुक्तः कामी कामप्रदः कविः ।
कीर्तिकृत्कुक्कुटधरः कूटस्थः कुवलेक्षणः ॥ 23 ॥
कुङ्कुमाङ्गः क्लमहरः कुशलः कुक्कुटध्वजः ।
कुशानुसम्भवः क्रूरः क्रूरघ्नः कलितापहृत् ॥ 24 ॥
कामरूपः कल्पतरुः कान्तः कामितदायकः ।
कल्याणकृत्क्लेशनाशः कृपालुः करुणाकरः ॥ 25 ॥
कलुषघ्नः क्रियाशक्तिः कठोरः कवची कृती ।
कोमलाङ्गः कुशप्रीतः कुत्सितघ्नः कलाधरः ॥ 26 ॥
ख्यातः खेटधरः खड्गी खट्वाङ्गी खलनिग्रहः ।
ख्यातिप्रदः खेचरेशः ख्यातेहः खेचरस्तुतः ॥ 27 ॥
खरतापहरः स्वस्थः खेचरः खेचराश्रयः ।
खण्डेन्दुमौलितनयः खेलः खेचरपालकः ॥ 28 ॥
खस्थलः खण्डितार्कश्च खेचरीजनपूजितः ।
गाङ्गेयो गिरिजापुत्रो गणनाथानुजो गुहः ॥ 29 ॥
गोप्ता गीर्वाणसंसेव्यो गुणातीतो गुहाश्रयः ।
गतिप्रदो गुणनिधिः गम्भीरो गिरिजात्मजः ॥ 30 ॥
गूढरूपो गदहरो गुणाधीशो गुणाग्रणीः ।
गोधरो गहनो गुप्तो गर्वघ्नो गुणवर्धनः ॥ 31 ॥
गुह्यो गुणज्ञो गीतिज्ञो गतातङ्को गुणाश्रयः ।
गद्यपद्यप्रियो गुण्यो गोस्तुतो गगनेचरः ॥ 32 ॥
गणनीयचरित्रश्च गतक्लेशो गुणार्णवः ।
घूर्णिताक्षो घृणिनिधिः घनगम्भीरघोषणः ॥ 33 ॥
घण्टानादप्रियो घोषो घोराघौघविनाशनः ।
घनानन्दो घर्महन्ता घृणावान् घृष्टिपातकः ॥ 34 ॥
घृणी घृणाकरो घोरो घोरदैत्यप्रहारकः ।
घटितैश्वर्यसन्दोहो घनार्थो घनसङ्क्रमः ॥ 35 ॥
चित्रकृच्चित्रवर्णश्च चञ्चलश्चपलद्युतिः ।
चिन्मयश्चित्स्वरूपश्च चिरानन्दश्चिरन्तनः ॥ 36 ॥
चित्रकेलिश्चित्रतरश्चिन्तनीयश्चमत्कृतिः ।
चोरघ्नश्चतुरश्चारुश्चामीकरविभूषणः ॥ 37 ॥
चन्द्रार्ककोटिसदृशश्चन्द्रमौलितनूभवः ।
छादिताङ्गश्छद्महन्ता छेदिताखिलपातकः ॥ 38 ॥
छेदीकृततमःक्लेशश्छत्रीकृतमहायशाः ।
छादिताशेषसन्तापश्छुरितामृतसागरः ॥ 39 ॥
छन्नत्रैगुण्यरूपश्च छातेहश्छिन्नसंशयः ।
छन्दोमयश्छन्दगामी छिन्नपाशश्छविश्छदः ॥ 40 ॥
जगद्धितो जगत्पूज्यो जगज्ज्येष्ठो जगन्मयः ।
जनको जाह्नवीसूनुर्जितामित्रो जगद्गुरुः ॥ 41 ॥
जयी जितेन्द्रियो जैत्रो जरामरणवर्जितः ।
ज्योतिर्मयो जगन्नाथो जगज्जीवो जनाश्रयः ॥ 42 ॥
जगत्सेव्यो जगत्कर्ता जगत्साक्षी जगत्प्रियः ।
जम्भारिवन्द्यो जयदो जगज्जनमनोहरः ॥ 43 ॥
जगदानन्दजनको जनजाड्यापहारकः ।
जपाकुसुमसङ्काशो जनलोचनशोभनः ॥ 44 ॥
जनेश्वरो जितक्रोधो जनजन्मनिबर्हणः ।
जयदो जन्तुतापघ्नो जितदैत्यमहाव्रजः ॥ 45 ॥
जितमायो जितक्रोधो जितसङ्गो जनप्रियः ।
झञ्झानिलमहावेगो झरिताशेषपातकः ॥ 46 ॥
झर्झरीकृतदैत्यौघो झल्लरीवाद्यसम्प्रियः ।
ज्ञानमूर्तिर्ज्ञानगम्यो ज्ञानी ज्ञानमहानिधिः ॥ 47 ॥
टङ्कारनृत्तविभवः टङ्कवज्रध्वजाङ्कितः ।
टङ्किताखिललोकश्च टङ्कितैनस्तमोरविः ॥ 48 ॥
डम्बरप्रभवो डम्भो डम्बो डमरुकप्रियः । [डमड्ड]
डमरोत्कटसन्नादो डिम्भरूपस्वरूपकः ॥ 49 ॥
ढक्कानादप्रीतिकरो ढालितासुरसङ्कुलः ।
ढौकितामरसन्दोहो ढुण्ढिविघ्नेश्वरानुजः ॥ 50 ॥
तत्त्वज्ञस्तत्वगस्तीव्रस्तपोरूपस्तपोमयः ।
त्रयीमयस्त्रिकालज्ञस्त्रिमूर्तिस्त्रिगुणात्मकः ॥ 51 ॥
त्रिदशेशस्तारकारिस्तापघ्नस्तापसप्रियः ।
तुष्टिदस्तुष्टिकृत्तीक्ष्णस्तपोरूपस्त्रिकालवित् ॥ 52 ॥
स्तोता स्तव्यः स्तवप्रीतः स्तुतिः स्तोत्रं स्तुतिप्रियः ।
स्थितः स्थायी स्थापकश्च स्थूलसूक्ष्मप्रदर्शकः ॥ 53 ॥
स्थविष्ठः स्थविरः स्थूलः स्थानदः स्थैर्यदः स्थिरः ।
दान्तो दयापरो दाता दुरितघ्नो दुरासदः ॥ 54 ॥
दर्शनीयो दयासारो देवदेवो दयानिधिः ।
दुराधर्षो दुर्विगाह्यो दक्षो दर्पणशोभितः ॥ 55 ॥
दुर्धरो दानशीलश्च द्वादशाक्षो द्विषड्भुजः ।
द्विषट्कर्णो द्विषड्बाहुर्दीनसन्तापनाशनः ॥ 56 ॥
दन्दशूकेश्वरो देवो दिव्यो दिव्याकृतिर्दमः ।
दीर्घवृत्तो दीर्घबाहुर्दीर्घदृष्टिर्दिवस्पतिः ॥ 57 ॥
दण्डो दमयिता दर्पो देवसिंहो दृढव्रतः ।
दुर्लभो दुर्गमो दीप्तो दुष्प्रेक्ष्यो दिव्यमण्डनः ॥ 58 ॥
दुरोदरघ्नो दुःखघ्नो दुरारिघ्नो दिशां पतिः ।
दुर्जयो देवसेनेशो दुर्ज्ञेयो दुरतिक्रमः ॥ 59 ॥
दम्भो दृप्तश्च देवर्षिर्दैवज्ञो दैवचिन्तकः ।
धुरन्धरो धर्मपरो धनदो धृतिवर्धनः ॥ 60 ॥
धर्मेशो धर्मशास्त्रज्ञो धन्वी धर्मपरायणः ।
धनाध्यक्षो धनपतिर्धृतिमान्धूतकिल्बिषः ॥ 61 ॥
धर्महेतुर्धर्मशूरो धर्मकृद्धर्मविद्ध्रुवः ।
धाता धीमान्धर्मचारी धन्यो धुर्यो धृतव्रतः ॥ 62 ॥
नित्योत्सवो नित्यतृप्तो निर्लेपो निश्चलात्मकः ।
निरवद्यो निराधारो निष्कलङ्को निरञ्जनः ॥ 63 ॥
निर्ममो निरहङ्कारो निर्मोहो निरुपद्रवः ।
नित्यानन्दो निरातङ्को निष्प्रपञ्चो निरामयः ॥ 64 ॥
निरवद्यो निरीहश्च निर्दर्शो निर्मलात्मकः ।
नित्यानन्दो निर्जरेशो निःसङ्गो निगमस्तुतः ॥ 65 ॥
निष्कण्टको निरालम्बो निष्प्रत्यूहो निरुद्भवः ।
नित्यो नियतकल्याणो निर्विकल्पो निराश्रयः ॥ 66 ॥
नेता निधिर्नैकरूपो निराकारो नदीसुतः ।
पुलिन्दकन्यारमणः पुरुजित्परमप्रियः ॥ 67 ॥
प्रत्यक्षमूर्तिः प्रत्यक्षः परेशः पूर्णपुण्यदः ।
पुण्याकरः पुण्यरूपः पुण्यः पुण्यपरायणः ॥ 68 ॥
पुण्योदयः परं ज्योतिः पुण्यकृत्पुण्यवर्धनः ।
परानन्दः परतरः पुण्यकीर्तिः पुरातनः ॥ 69 ॥
प्रसन्नरूपः प्राणेशः पन्नगः पापनाशनः ।
प्रणतार्तिहरः पूर्णः पार्वतीनन्दनः प्रभुः ॥ 70 ॥
पूतात्मा पुरुषः प्राणः प्रभवः पुरुषोत्तमः ।
प्रसन्नः परमस्पष्टः परः परिबृढः परः ॥ 71 ॥
परमात्मा परब्रह्म परार्थः प्रियदर्शनः ।
पवित्रः पुष्टिदः पूर्तिः पिङ्गलः पुष्टिवर्धनः ॥ 72 ॥
पापहारी पाशधरः प्रमत्तासुरशिक्षकः ।
पावनः पावकः पूज्यः पूर्णानन्दः परात्परः ॥ 73 ॥
पुष्कलः प्रवरः पूर्वः पितृभक्तः पुरोगमः ।
प्राणदः प्राणिजनकः प्रदिष्टः पावकोद्भवः ॥ 74 ॥
परब्रह्मस्वरूपश्च परमैश्वर्यकारणम् ।
परर्धिदः पुष्टिकरः प्रकाशात्मा प्रतापवान् ॥ 75 ॥
प्रज्ञापरः प्रकृष्टार्थः पृथुः पृथुपराक्रमः ।
फणीश्वरः फणिवरः फणामणिविभूषणः ॥ 76 ॥
फलदः फलहस्तश्च फुल्लाम्बुजविलोचनः ।
फडुच्चाटितपापौघः फणिलोकविभूषणः ॥ 77 ॥
बाहुलेयो बृहद्रूपो बलिष्ठो बलवान् बली ।
ब्रह्मेशविष्णुरूपश्च बुद्धो बुद्धिमतां वरः ॥ 78 ॥
बालरूपो ब्रह्मगर्भो ब्रह्मचारी बुधप्रियः ।
बहुश्रुतो बहुमतो ब्रह्मण्यो ब्राह्मणप्रियः ॥ 79 ॥
बलप्रमथनो ब्रह्मा बहुरूपो बहुप्रदः ।
बृहद्भानुतनूद्भूतो बृहत्सेनो बिलेशयः ॥ 80 ॥
बहुबाहुर्बलश्रीमान् बहुदैत्यविनाशकः ।
बिलद्वारान्तरालस्थो बृहच्छक्तिधनुर्धरः ॥ 81 ॥
बालार्कद्युतिमान् बालो बृहद्वक्षा बृहद्धनुः ।
भव्यो भोगीश्वरो भाव्यो भवनाशो भवप्रियः ॥ 82 ॥
भक्तिगम्यो भयहरो भावज्ञो भक्तसुप्रियः ।
भुक्तिमुक्तिप्रदो भोगी भगवान् भाग्यवर्धनः ॥ 83 ॥
भ्राजिष्णुर्भावनो भर्ता भीमो भीमपराक्रमः ।
भूतिदो भूतिकृद्भोक्ता भूतात्मा भुवनेश्वरः ॥ 84 ॥
भावको भीकरो भीष्मो भावकेष्टो भवोद्भवः ।
भवतापप्रशमनो भोगवान् भूतभावनः ॥ 85 ॥
भोज्यप्रदो भ्रान्तिनाशो भानुमान् भुवनाश्रयः ।
भूरिभोगप्रदो भद्रो भजनीयो भिषग्वरः ॥ 86 ॥
महासेनो महोदारो महाशक्तिर्महाद्युतिः ।
महाबुद्धिर्महावीर्यो महोत्साहो महाबलः ॥ 87 ॥
महाभोगी महामायी मेधावी मेखली महान् ।
मुनिस्तुतो महामान्यो महानन्दो महायशाः ॥ 88 ॥
महोर्जितो माननिधिर्मनोरथफलप्रदः ।
महोदयो महापुण्यो महाबलपराक्रमः ॥ 89 ॥
मानदो मतिदो माली मुक्तामालाविभूषणः ।
मनोहरो महामुख्यो महर्धिर्मूर्तिमान्मुनिः ॥ 90 ॥
महोत्तमो महोपायो मोक्षदो मङ्गलप्रदः ।
मुदाकरो मुक्तिदाता महाभोगो महोरगः ॥ 91 ॥
यशस्करो योगयोनिर्योगिष्ठो यमिनां वरः ।
यशस्वी योगपुरुषो योग्यो योगनिधिर्यमी ॥ 92 ॥
यतिसेव्यो योगयुक्तो योगविद्योगसिद्धिदः ।
यन्त्रो यन्त्री च यन्त्रज्ञो यन्त्रवान्यन्त्रवाहकः ॥ 93 ॥
यातनारहितो योगी योगीशो योगिनां वरः ।
रमणीयो रम्यरूपो रसज्ञो रसभावनः ॥ 94 ॥
रञ्जनो रञ्जितो रागी रुचिरो रुद्रसम्भवः ।
रणप्रियो रणोदारो रागद्वेषविनाशनः ॥ 95 ॥
रत्नार्ची रुचिरो रम्यो रूपलावण्यविग्रहः ।
रत्नाङ्गदधरो रत्नभूषणो रमणीयकः ॥ 96 ॥
रुचिकृद्रोचमानश्च रञ्जितो रोगनाशनः ।
राजीवाक्षो राजराजो रक्तमाल्यानुलेपनः ॥ 97 ॥
राजद्वेदागमस्तुत्यो रजःसत्त्वगुणान्वितः ।
रजनीशकलारम्यो रत्नकुण्डलमण्डितः ॥ 98 ॥
रत्नसन्मौलिशोभाढ्यो रणन्मञ्जीरभूषणः ।
लोकैकनाथो लोकेशो ललितो लोकनायकः ॥ 99 ॥
लोकरक्षो लोकशिक्षो लोकलोचनरञ्जितः ।
लोकबन्धुर्लोकधाता लोकत्रयमहाहितः ॥ 100 ॥
लोकचूडामणिर्लोकवन्द्यो लावण्यविग्रहः ।
लोकाध्यक्षस्तु लीलावान्लोकोत्तरगुणान्वितः ॥ 101 ॥
वरिष्ठो वरदो वैद्यो विशिष्टो विक्रमो विभुः ।
विबुधाग्रचरो वश्यो विकल्पपरिवर्जितः ॥ 102 ॥
विपाशो विगतातङ्को विचित्राङ्गो विरोचनः ।
विद्याधरो विशुद्धात्मा वेदाङ्गो विबुधप्रियः ॥ 103 ॥
वचस्करो व्यापकश्च विज्ञानी विनयान्वितः ।
विद्वत्तमो विरोधिघ्नो वीरो विगतरागवान् ॥ 104 ॥
वीतभावो विनीतात्मा वेदगर्भो वसुप्रदः ।
विश्वदीप्तिर्विशालाक्षो विजितात्मा विभावनः ॥ 105 ॥
वेदवेद्यो विधेयात्मा वीतदोषश्च वेदवित् ।
विश्वकर्मा वीतभयो वागीशो वासवार्चितः ॥ 106 ॥
वीरध्वंसो विश्वमूर्तिर्विश्वरूपो वरासनः ।
विशाखो विमलो वाग्मी विद्वान्वेदधरो वटुः ॥ 107 ॥
वीरचूडामणिर्वीरो विद्येशो विबुधाश्रयः ।
विजयी विनयी वेत्ता वरीयान्विरजा वसुः ॥ 108 ॥
वीरघ्नो विज्वरो वेद्यो वेगवान्वीर्यवान्वशी ।
वरशीलो वरगुणो विशोको वज्रधारकः ॥ 109 ॥
शरजन्मा शक्तिधरः शत्रुघ्नः शिखिवाहनः ।
श्रीमान् शिष्टः शुचिः शुद्धः शाश्वतः श्रुतिसागरः ॥ 110 ॥
शरण्यः शुभदः शर्म शिष्टेष्टः शुभलक्षणः ।
शान्तः शूलधरः श्रेष्ठः शुद्धात्मा शङ्करः शिवः ॥ 111 ॥
शितिकण्ठात्मजः शूरः शान्तिदः शोकनाशनः ।
षाण्मातुरः षण्मुखश्च षड्गुणैश्वर्यसंयुतः ॥ 112 ॥
षट्चक्रस्थः षडूर्मिघ्नः षडङ्गश्रुतिपारगः ।
षड्भावरहितः षट्कः षट्छास्त्रस्मृतिपारगः ॥ 113 ॥
षड्वर्गदाता षड्ग्रीवः षडरिघ्नः षडाश्रयः ।
षट्किरीटधरः श्रीमान् षडाधारश्च षट्क्रमः ॥ 114 ॥
षट्कोणमध्यनिलयः षण्डत्वपरिहारकः ।
सेनानीः सुभगः स्कन्दः सुरानन्दः सतां गतिः ॥ 115 ॥
सुब्रह्मण्यः सुराध्यक्षः सर्वज्ञः सर्वदः सुखी ।
सुलभः सिद्धिदः सौम्यः सिद्धेशः सिद्धिसाधनः ॥ 116 ॥
सिद्धार्थः सिद्धसङ्कल्पः सिद्धसाधुः सुरेश्वरः ।
सुभुजः सर्वदृक्साक्षी सुप्रसादः सनातनः ॥ 117 ॥
सुधापतिः स्वयञ्ज्योतिः स्वयम्भूः सर्वतोमुखः ।
समर्थः सत्कृतिः सूक्ष्मः सुघोषः सुखदः सुहृत् ॥ 118 ॥
सुप्रसन्नः सुरश्रेष्ठः सुशीलः सत्यसाधकः ।
सम्भाव्यः सुमनाः सेव्यः सकलागमपारगः ॥ 119 ॥
सुव्यक्तः सच्चिदानन्दः सुवीरः सुजनाश्रयः ।
सर्वलक्षणसम्पन्नः सत्यधर्मपरायणः ॥ 120 ॥
सर्वदेवमयः सत्यः सदा मृष्टान्नदायकः ।
सुधापी सुमतिः सत्यः सर्वविघ्नविनाशनः ॥ 121 ॥
सर्वदुःखप्रशमनः सुकुमारः सुलोचनः ।
सुग्रीवः सुधृतिः सारः सुराराध्यः सुविक्रमः ॥ 122 ॥
सुरारिघ्नः स्वर्णवर्णः सर्पराजः सदा शुचिः ।
सप्तार्चिर्भूः सुरवरः सर्वायुधविशारदः ॥ 123 ॥
हस्तिचर्माम्बरसुतो हस्तिवाहनसेवितः ।
हस्तचित्रायुधधरो हृताघो हसिताननः ॥ 124 ॥
हेमभूषो हरिद्वर्णो हृष्टिदो हृष्टिवर्धनः ।
हेमाद्रिभिद्धंसरूपो हुङ्कारहतकिल्बिषः ॥ 125 ॥
हिमाद्रिजातातनुजो हरिकेशो हिरण्मयः ।
हृद्यो हृष्टो हरिसखो हंसो हंसगतिर्हविः ॥ 126 ॥
हिरण्यवर्णो हितकृद्धर्षदो हेमभूषणः ।
हरप्रियो हितकरो हतपापो हरोद्भवः ॥ 127 ॥
क्षेमदः क्षेमकृत्क्षेम्यः क्षेत्रज्ञः क्षामवर्जितः ।
क्षेत्रपालः क्षमाधारः क्षेमक्षेत्रः क्षमाकरः ॥ 128 ॥
क्षुद्रघ्नः क्षान्तिदः क्षेमः क्षितिभूषः क्षमाश्रयः ।
क्षालिताघः क्षितिधरः क्षीणसंरक्षणक्षमः ॥ 129 ॥
क्षणभङ्गुरसन्नद्धघनशोभिकपर्दकः ।
क्षितिभृन्नाथतनयामुखपङ्कजभास्करः ॥ 130 ॥
क्षताहितः क्षरः क्षन्ता क्षतदोषः क्षमानिधिः ।
क्षपिताखिलसन्तापः क्षपानाथसमाननः ॥ 131 ॥
उत्तर न्यासः ।
करन्यासः –
ॐ शं ओङ्कारस्वरूपाय ओजोधराय ओजस्विने सुहृदयाय हृष्टचित्तात्मने भास्वररूपाय अङ्गुष्ठाभ्यां नमः ।
ॐ रं षट्कोणमध्यनिलयाय षट्किरीटधराय श्रीमते षडाधाराय तर्जनीभ्यां नमः ।
ॐ वं षण्मुखाय शरजन्मने शुभलक्षणाय शिखिवाहनाय मध्यमाभ्यां नमः ।
ॐ णं कृशानुसम्भवाय कवचिने कुक्कुटध्वजाय अनामिकाभ्यां नमः ।
ॐ भं कन्दर्पकोटिदीप्यमानाय द्विषड्बाहवे द्वादशाक्षाय कनिष्ठिकाभ्यां नमः ।
ॐ वं खेटधराय खड्गिने शक्तिहस्ताय करतलकरपृष्ठाभ्यां नमः ।
हृदयादिन्यासः –
ॐ शं ओङ्कारस्वरूपाय ओजोधराय ओजस्विने सुहृदयाय हृष्टचित्तात्मने भास्वररूपाय हृदयाय नमः ।
ॐ रं षट्कोणमध्यनिलयाय षट्किरीटधराय श्रीमते षडाधाराय शिरसे स्वाहा ।
ॐ वं षण्मुखाय शरजन्मने शुभलक्षणाय शिखिवाहनाय शिखायै वषट् ।
ॐ णं कृशानुसम्भवाय कवचिने कुक्कुटध्वजाय कवचाय हुम् ।
ॐ भं कन्दर्पकोटिदीप्यमानाय द्विषड्बाहवे द्वादशाक्षाय नेत्रत्रयाय वौषट् ।
ॐ वं खेटधराय खड्गिने शक्तिहस्ताय अस्त्राय फट् ।
भूर्भुवस्सुवरोमिति दिग्विमोकः ।
फलश्रुति ।
इति नाम्नां सहस्राणि षण्मुखस्य च नारद ।
यः पठेच्छृणुयाद्वापि भक्तियुक्तेन चेतसा ॥ 1 ॥
स सद्यो मुच्यते पापैर्मनोवाक्कायसम्भवैः ।
आयुर्वृद्धिकरं पुंसां स्थैर्यवीर्यविवर्धनम् ॥ 2 ॥
वाक्येनैकेन वक्ष्यामि वाञ्छितार्थं प्रयच्छति ।
तस्मात्सर्वात्मना ब्रह्मन्नियमेन जपेत्सुधीः ॥ 3 ॥
इति स्कन्दपुराणे ईश्वरप्रोक्ते ब्रह्मनारदसंवादे श्री सुब्रह्मण्य सहस्रनाम स्तोत्रम् ।
ṛṣaya ūcuḥ |
sarvaśāstrārthatattvajña sarvalokopakāraka |
vayaṃ cātithayaḥ prāptā ātitheyo'si suvrata || 1 ||
jñānadānena saṃsārasāgarāttārayasva naḥ |
kalau kaluṣacittā ye narāḥ pāparatāḥ sadā || 2 ||
kena stotreṇa mucyante sarvapātakabandhanāt |
iṣṭasiddhikaraṃ puṇyaṃ duḥkhadāridryanāśanam || 3 ||
sarvarogaharaṃ stotraṃ sūta no vaktumarhasi |
śrīsūta uvāca |
śṛṇudhvaṃ ṛṣayaḥ sarve naimiśāraṇyavāsinaḥ || 4 ||
tattvajñānataponiṣṭhāḥ sarvaśāstraviśāradāḥ |
svayambhuvā purā proktaṃ nāradāya mahātmane || 5 ||
tadahaṃ sampravakṣyāmi śrotuṃ kautūhalaṃ yadi |
ṛṣaya ūcuḥ |
kimāha bhagavānbrahmā nāradāya mahātmane || 6 ||
sūtaputra mahābhāga vaktumarhasi sāmpratam |
śrīsūta uvāca |
divyasiṃhāsanāsīnaṃ sarvadevairabhiṣṭutam || 7 ||
sāṣṭāṅgaṃ praṇipatyainaṃ brahmāṇaṃ bhuvaneśvaram |
nāradaḥ paripapraccha kṛtāñjalirupasthitaḥ || 8 ||
nārada uvāca |
lokanātha suraśreṣṭha sarvajña karuṇākara |
ṣaṇmukhasya paraṃ stotraṃ pāvanaṃ pāpanāśanam || 9 ||
he dhātaḥ putravātsalyāttadvada praṇatāya me |
upadiśya tu māmevaṃ rakṣa rakṣa kṛpānidhe || 10 ||
brahmovāca |
śṛṇu vakṣyāmi devarṣe stavarājamidaṃ param |
mātṛkāmālikāyuktaṃ jñānamokṣasukhapradam || 11 ||
sahasrāṇi ca nāmāni ṣaṇmukhasya mahātmanaḥ |
yāni nāmāni divyāni duḥkharogaharāṇi ca || 12 ||
tāni nāmāni vakṣyāmi kṛpayā tvayi nārada |
japamātreṇa siddhyanti manasā cintitānyapi || 13 ||
ihāmutra paraṃ bhogaṃ labhate nātra saṃśayaḥ |
idaṃ stotraṃ paraṃ puṇyaṃ koṭiyajñaphalapradam |
sandeho nātra kartavyaḥ śṛṇu me niścitaṃ vacaḥ || 14 ||
oṃ asya śrīsubrahmaṇyasahasranāmastotra mahāmantrasya brahmā ṛṣiḥ anuṣṭupchandaḥ subrahmaṇyo devatā śarajanmākṣaya iti bījaṃ śaktidharo'kṣaya kārtikeya iti śaktiḥ krauñcadhara iti kīlakaṃ śikhivāhana iti kavacaṃ ṣaṇmukhāya iti dhyānaṃ śrīsubrahmaṇya prasādasiddhyarthe jape viniyogaḥ |
karanyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya aṅguṣṭhābhyāṃ namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya tarjanībhyāṃ namaḥ |
oṃ vaṃ ṣaṇmukhāya śarajanmane śubhalakṣaṇāya śikhivāhanāya madhyamābhyāṃ namaḥ |
oṃ ṇaṃ kṛśānusambhavāya kavacine kukkuṭadhvajāya anāmikābhyāṃ namaḥ |
oṃ bhaṃ kandarpakoṭidīpyamānāya dviṣaḍbāhave dvādaśākṣāya kaniṣṭhikābhyāṃ namaḥ |
oṃ vaṃ kheṭadharāya khaḍgine śaktihastāya karatalakarapṛṣṭhābhyāṃ namaḥ |
hṛdayādinyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya hṛdayāya namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya śirase svāhā |
oṃ vaṃ ṣaṇmukhāya śarajanmane śubhalakṣaṇāya śikhivāhanāya śikhāyai vaṣaṭ |
oṃ ṇaṃ kṛśānusambhavāya kavacine kukkuṭadhvajāya kavacāya hum |
oṃ bhaṃ kandarpakoṭidīpyamānāya dviṣaḍbāhave dvādaśākṣāya netratrayāya vauṣaṭ |
oṃ vaṃ kheṭadharāya khaḍgine śaktihastāya astrāya phaṭ |
bhūrbhuvassuvaromiti digbandhaḥ |
dhyānam |
dhyāyetṣaṇmukhamindukoṭisadṛśaṃ ratnaprabhāśobhitaṃ
bālārkadyutiṣaṭkirīṭavilasatkeyūrahārānvitam |
karṇālambitakuṇḍalapravilasadgaṇḍasthalāśobhitaṃ
kāñcīkaṅkaṇakiṅkiṇīravayutaṃ śṛṅgārasārodayam || 1 ||
dhyāyedīpsitasiddhidaṃ śivasutaṃ śrīdvādaśākṣaṃ guhaṃ
kheṭaṃ kukkuṭamaṅkuśaṃ ca varadaṃ pāśaṃ dhanuścakrakam |
vajraṃ śaktimasiṃ ca śūlamabhayaṃ dorbhirdhṛtaṃ ṣaṇmukhaṃ
devaṃ citramayūravāhanagataṃ citrāmbarālaṅkṛtam || 2 ||
stotram |
acintyaśaktiranaghastvakṣobhyastvaparājitaḥ |
anāthavatsalo'moghastvaśoko'pyajaro'bhayaḥ || 1 ||
atyudāro hyaghaharastvagragaṇyo'drijāsutaḥ |
anantamahimā'pāro'nantasaukhyaprado'vyayaḥ || 2 ||
anantamokṣado'nādiraprameyo'kṣaro'cyutaḥ |
akalmaṣo'bhirāmo'gradhuryaścāmitavikramaḥ || 3 ||
[ atulaścāmṛto'ghoro hyananto'nantavikramaḥ ]
anāthanātho hyamalo hyapramatto'maraprabhuḥ |
arindamo'khilādhārastvaṇimādiguṇo'graṇīḥ || 4 ||
acañcalo'marastutyo hyakalaṅko'mitāśanaḥ |
agnibhūranavadyāṅgo hyadbhuto'bhīṣṭadāyakaḥ || 5 ||
atīndriyo'prameyātmā hyadṛśyo'vyaktalakṣaṇaḥ |
āpadvināśakastvārya āḍhya āgamasaṃstutaḥ || 6 ||
ārtasaṃrakṣaṇastvādya ānandastvāryasevitaḥ |
āśriteṣṭārthavarada ānandyārtaphalapradaḥ || 7 ||
āścaryarūpa ānanda āpannārtivināśanaḥ |
ibhavaktrānujastviṣṭa ibhāsuraharātmajaḥ || 8 ||
itihāsaśrutistutya indrabhogaphalapradaḥ |
iṣṭāpūrtaphalaprāptiriṣṭeṣṭavaradāyakaḥ || 9 ||
ihāmutreṣṭaphalada iṣṭadastvindravanditaḥ |
īḍanīyastvīśaputra īpsitārthapradāyakaḥ || 10 ||
ītibhītiharaśceḍya īṣaṇātrayavarjitaḥ |
udārakīrtirudyogī cotkṛṣṭoruparākramaḥ || 11 ||
utkṛṣṭaśaktirutsāha udāraścotsavapriyaḥ |
ujjṛmbha udbhavaścogra udagraścogralocanaḥ || 12 ||
unmatta ugraśamana udvegaghnorageśvaraḥ |
uruprabhāvaścodīrṇa umāputra udāradhīḥ || 13 ||
ūrdhvaretaḥsutastūrdhvagatidastūrjapālakaḥ |
ūrjitastūrdhvagastūrdhva ūrdhvalokaikanāyakaḥ || 14 ||
ūrjāvānūrjitodāra ūrjitorjitaśāsanaḥ |
ṛṣidevagaṇastutya ṛṇatrayavimocanaḥ || 15 ||
ṛjurūpo hyṛjukara ṛjumārgapradarśanaḥ |
ṛtambharo hyṛjuprīta ṛṣabhastvṛddhidastvṛtaḥ || 16 ||
lulitoddhārako lūtabhavapāśaprabhañjanaḥ |
eṇāṅkadharasatputra eka enovināśanaḥ || 17 ||
aiśvaryadaścaindrabhogī caitihyaścaindravanditaḥ |
ojasvī cauṣadhisthānamojodaścaudanapradaḥ || 18 ||
audāryaśīla aumeya augra aunnatyadāyakaḥ |
audārya auṣadhakara auṣadhaṃ cauṣadhākaraḥ || 19 ||
aṃśumānaṃśumālīḍya ambikātanayo'nnadaḥ |
andhakārisuto'ndhatvahārī cāmbujalocanaḥ || 20 ||
astamāyo'marādhīśo hyaspaṣṭo'stokapuṇyadaḥ |
astāmitro'starūpaścāskhalatsugatidāyakaḥ || 21 ||
kārtikeyaḥ kāmarūpaḥ kumāraḥ krauñcadāraṇaḥ |
kāmadaḥ kāraṇaṃ kāmyaḥ kamanīyaḥ kṛpākaraḥ || 22 ||
kāñcanābhaḥ kāntiyuktaḥ kāmī kāmapradaḥ kaviḥ |
kīrtikṛtkukkuṭadharaḥ kūṭasthaḥ kuvalekṣaṇaḥ || 23 ||
kuṅkumāṅgaḥ klamaharaḥ kuśalaḥ kukkuṭadhvajaḥ |
kuśānusambhavaḥ krūraḥ krūraghnaḥ kalitāpahṛt || 24 ||
kāmarūpaḥ kalpataruḥ kāntaḥ kāmitadāyakaḥ |
kalyāṇakṛtkleśanāśaḥ kṛpāluḥ karuṇākaraḥ || 25 ||
kaluṣaghnaḥ kriyāśaktiḥ kaṭhoraḥ kavacī kṛtī |
komalāṅgaḥ kuśaprītaḥ kutsitaghnaḥ kalādharaḥ || 26 ||
khyātaḥ kheṭadharaḥ khaḍgī khaṭvāṅgī khalanigrahaḥ |
khyātipradaḥ khecareśaḥ khyātehaḥ khecarastutaḥ || 27 ||
kharatāpaharaḥ svasthaḥ khecaraḥ khecarāśrayaḥ |
khaṇḍendumaulitanayaḥ khelaḥ khecarapālakaḥ || 28 ||
khasthalaḥ khaṇḍitārkaśca khecarījanapūjitaḥ |
gāṅgeyo girijāputro gaṇanāthānujo guhaḥ || 29 ||
goptā gīrvāṇasaṃsevyo guṇātīto guhāśrayaḥ |
gatiprado guṇanidhiḥ gambhīro girijātmajaḥ || 30 ||
gūḍharūpo gadaharo guṇādhīśo guṇāgraṇīḥ |
godharo gahano gupto garvaghno guṇavardhanaḥ || 31 ||
guhyo guṇajño gītijño gatātaṅko guṇāśrayaḥ |
gadyapadyapriyo guṇyo gostuto gaganecaraḥ || 32 ||
gaṇanīyacaritraśca gatakleśo guṇārṇavaḥ |
ghūrṇitākṣo ghṛṇinidhiḥ ghanagambhīraghoṣaṇaḥ || 33 ||
ghaṇṭānādapriyo ghoṣo ghorāghaughavināśanaḥ |
ghanānando gharmahantā ghṛṇāvān ghṛṣṭipātakaḥ || 34 ||
ghṛṇī ghṛṇākaro ghoro ghoradaityaprahārakaḥ |
ghaṭitaiśvaryasandoho ghanārtho ghanasaṅkramaḥ || 35 ||
citrakṛccitravarṇaśca cañcalaścapaladyutiḥ |
cinmayaścitsvarūpaśca cirānandaścirantanaḥ || 36 ||
citrakeliścitrataraścintanīyaścamatkṛtiḥ |
coraghnaścaturaścāruścāmīkaravibhūṣaṇaḥ || 37 ||
candrārkakoṭisadṛśaścandramaulitanūbhavaḥ |
chāditāṅgaśchadmahantā cheditākhilapātakaḥ || 38 ||
chedīkṛtatamaḥkleśaśchatrīkṛtamahāyaśāḥ |
chāditāśeṣasantāpaśchuritāmṛtasāgaraḥ || 39 ||
channatraiguṇyarūpaśca chātehaśchinnasaṃśayaḥ |
chandomayaśchandagāmī chinnapāśaśchaviśchadaḥ || 40 ||
jagaddhito jagatpūjyo jagajjyeṣṭho jaganmayaḥ |
janako jāhnavīsūnurjitāmitro jagadguruḥ || 41 ||
jayī jitendriyo jaitro jarāmaraṇavarjitaḥ |
jyotirmayo jagannātho jagajjīvo janāśrayaḥ || 42 ||
jagatsevyo jagatkartā jagatsākṣī jagatpriyaḥ |
jambhārivandyo jayado jagajjanamanoharaḥ || 43 ||
jagadānandajanako janajāḍyāpahārakaḥ |
japākusumasaṅkāśo janalocanaśobhanaḥ || 44 ||
janeśvaro jitakrodho janajanmanibarhaṇaḥ |
jayado jantutāpaghno jitadaityamahāvrajaḥ || 45 ||
jitamāyo jitakrodho jitasaṅgo janapriyaḥ |
jhañjhānilamahāvego jharitāśeṣapātakaḥ || 46 ||
jharjharīkṛtadaityaugho jhallarīvādyasampriyaḥ |
jñānamūrtirjñānagamyo jñānī jñānamahānidhiḥ || 47 ||
ṭaṅkāranṛttavibhavaḥ ṭaṅkavajradhvajāṅkitaḥ |
ṭaṅkitākhilalokaśca ṭaṅkitainastamoraviḥ || 48 ||
ḍambaraprabhavo ḍambho ḍambo ḍamarukapriyaḥ | [ḍamaḍḍa]
ḍamarotkaṭasannādo ḍimbharūpasvarūpakaḥ || 49 ||
ḍhakkānādaprītikaro ḍhālitāsurasaṅkulaḥ |
ḍhaukitāmarasandoho ḍhuṇḍhivighneśvarānujaḥ || 50 ||
tattvajñastatvagastīvrastaporūpastapomayaḥ |
trayīmayastrikālajñastrimūrtistriguṇātmakaḥ || 51 ||
tridaśeśastārakāristāpaghnastāpasapriyaḥ |
tuṣṭidastuṣṭikṛttīkṣṇastaporūpastrikālavit || 52 ||
stotā stavyaḥ stavaprītaḥ stutiḥ stotraṃ stutipriyaḥ |
sthitaḥ sthāyī sthāpakaśca sthūlasūkṣmapradarśakaḥ || 53 ||
sthaviṣṭhaḥ sthaviraḥ sthūlaḥ sthānadaḥ sthairyadaḥ sthiraḥ |
dānto dayāparo dātā duritaghno durāsadaḥ || 54 ||
darśanīyo dayāsāro devadevo dayānidhiḥ |
durādharṣo durvigāhyo dakṣo darpaṇaśobhitaḥ || 55 ||
durdharo dānaśīlaśca dvādaśākṣo dviṣaḍbhujaḥ |
dviṣaṭkarṇo dviṣaḍbāhurdīnasantāpanāśanaḥ || 56 ||
dandaśūkeśvaro devo divyo divyākṛtirdamaḥ |
dīrghavṛtto dīrghabāhurdīrghadṛṣṭirdivaspatiḥ || 57 ||
daṇḍo damayitā darpo devasiṃho dṛḍhavrataḥ |
durlabho durgamo dīpto duṣprekṣyo divyamaṇḍanaḥ || 58 ||
durodaraghno duḥkhaghno durārighno diśāṃ patiḥ |
durjayo devaseneśo durjñeyo duratikramaḥ || 59 ||
dambho dṛptaśca devarṣirdaivajño daivacintakaḥ |
dhurandharo dharmaparo dhanado dhṛtivardhanaḥ || 60 ||
dharmeśo dharmaśāstrajño dhanvī dharmaparāyaṇaḥ |
dhanādhyakṣo dhanapatirdhṛtimāndhūtakilbiṣaḥ || 61 ||
dharmaheturdharmaśūro dharmakṛddharmaviddhruvaḥ |
dhātā dhīmāndharmacārī dhanyo dhuryo dhṛtavrataḥ || 62 ||
nityotsavo nityatṛpto nirlepo niścalātmakaḥ |
niravadyo nirādhāro niṣkalaṅko nirañjanaḥ || 63 ||
nirmamo nirahaṅkāro nirmoho nirupadravaḥ |
nityānando nirātaṅko niṣprapañco nirāmayaḥ || 64 ||
niravadyo nirīhaśca nirdarśo nirmalātmakaḥ |
nityānando nirjareśo niḥsaṅgo nigamastutaḥ || 65 ||
niṣkaṇṭako nirālambo niṣpratyūho nirudbhavaḥ |
nityo niyatakalyāṇo nirvikalpo nirāśrayaḥ || 66 ||
netā nidhirnaikarūpo nirākāro nadīsutaḥ |
pulindakanyāramaṇaḥ purujitparamapriyaḥ || 67 ||
pratyakṣamūrtiḥ pratyakṣaḥ pareśaḥ pūrṇapuṇyadaḥ |
puṇyākaraḥ puṇyarūpaḥ puṇyaḥ puṇyaparāyaṇaḥ || 68 ||
puṇyodayaḥ paraṃ jyotiḥ puṇyakṛtpuṇyavardhanaḥ |
parānandaḥ parataraḥ puṇyakīrtiḥ purātanaḥ || 69 ||
prasannarūpaḥ prāṇeśaḥ pannagaḥ pāpanāśanaḥ |
praṇatārtiharaḥ pūrṇaḥ pārvatīnandanaḥ prabhuḥ || 70 ||
pūtātmā puruṣaḥ prāṇaḥ prabhavaḥ puruṣottamaḥ |
prasannaḥ paramaspaṣṭaḥ paraḥ paribṛḍhaḥ paraḥ || 71 ||
paramātmā parabrahma parārthaḥ priyadarśanaḥ |
pavitraḥ puṣṭidaḥ pūrtiḥ piṅgalaḥ puṣṭivardhanaḥ || 72 ||
pāpahārī pāśadharaḥ pramattāsuraśikṣakaḥ |
pāvanaḥ pāvakaḥ pūjyaḥ pūrṇānandaḥ parātparaḥ || 73 ||
puṣkalaḥ pravaraḥ pūrvaḥ pitṛbhaktaḥ purogamaḥ |
prāṇadaḥ prāṇijanakaḥ pradiṣṭaḥ pāvakodbhavaḥ || 74 ||
parabrahmasvarūpaśca paramaiśvaryakāraṇam |
parardhidaḥ puṣṭikaraḥ prakāśātmā pratāpavān || 75 ||
prajñāparaḥ prakṛṣṭārthaḥ pṛthuḥ pṛthuparākramaḥ |
phaṇīśvaraḥ phaṇivaraḥ phaṇāmaṇivibhūṣaṇaḥ || 76 ||
phaladaḥ phalahastaśca phullāmbujavilocanaḥ |
phaḍuccāṭitapāpaughaḥ phaṇilokavibhūṣaṇaḥ || 77 ||
bāhuleyo bṛhadrūpo baliṣṭho balavān balī |
brahmeśaviṣṇurūpaśca buddho buddhimatāṃ varaḥ || 78 ||
bālarūpo brahmagarbho brahmacārī budhapriyaḥ |
bahuśruto bahumato brahmaṇyo brāhmaṇapriyaḥ || 79 ||
balapramathano brahmā bahurūpo bahupradaḥ |
bṛhadbhānutanūdbhūto bṛhatseno bileśayaḥ || 80 ||
bahubāhurbalaśrīmān bahudaityavināśakaḥ |
biladvārāntarālastho bṛhacchaktidhanurdharaḥ || 81 ||
bālārkadyutimān bālo bṛhadvakṣā bṛhaddhanuḥ |
bhavyo bhogīśvaro bhāvyo bhavanāśo bhavapriyaḥ || 82 ||
bhaktigamyo bhayaharo bhāvajño bhaktasupriyaḥ |
bhuktimuktiprado bhogī bhagavān bhāgyavardhanaḥ || 83 ||
bhrājiṣṇurbhāvano bhartā bhīmo bhīmaparākramaḥ |
bhūtido bhūtikṛdbhoktā bhūtātmā bhuvaneśvaraḥ || 84 ||
bhāvako bhīkaro bhīṣmo bhāvakeṣṭo bhavodbhavaḥ |
bhavatāpapraśamano bhogavān bhūtabhāvanaḥ || 85 ||
bhojyaprado bhrāntināśo bhānumān bhuvanāśrayaḥ |
bhūribhogaprado bhadro bhajanīyo bhiṣagvaraḥ || 86 ||
mahāseno mahodāro mahāśaktirmahādyutiḥ |
mahābuddhirmahāvīryo mahotsāho mahābalaḥ || 87 ||
mahābhogī mahāmāyī medhāvī mekhalī mahān |
munistuto mahāmānyo mahānando mahāyaśāḥ || 88 ||
mahorjito mānanidhirmanorathaphalapradaḥ |
mahodayo mahāpuṇyo mahābalaparākramaḥ || 89 ||
mānado matido mālī muktāmālāvibhūṣaṇaḥ |
manoharo mahāmukhyo mahardhirmūrtimānmuniḥ || 90 ||
mahottamo mahopāyo mokṣado maṅgalapradaḥ |
mudākaro muktidātā mahābhogo mahoragaḥ || 91 ||
yaśaskaro yogayoniryogiṣṭho yamināṃ varaḥ |
yaśasvī yogapuruṣo yogyo yoganidhiryamī || 92 ||
yatisevyo yogayukto yogavidyogasiddhidaḥ |
yantro yantrī ca yantrajño yantravānyantravāhakaḥ || 93 ||
yātanārahito yogī yogīśo yogināṃ varaḥ |
ramaṇīyo ramyarūpo rasajño rasabhāvanaḥ || 94 ||
rañjano rañjito rāgī ruciro rudrasambhavaḥ |
raṇapriyo raṇodāro rāgadveṣavināśanaḥ || 95 ||
ratnārcī ruciro ramyo rūpalāvaṇyavigrahaḥ |
ratnāṅgadadharo ratnabhūṣaṇo ramaṇīyakaḥ || 96 ||
rucikṛdrocamānaśca rañjito roganāśanaḥ |
rājīvākṣo rājarājo raktamālyānulepanaḥ || 97 ||
rājadvedāgamastutyo rajaḥsattvaguṇānvitaḥ |
rajanīśakalāramyo ratnakuṇḍalamaṇḍitaḥ || 98 ||
ratnasanmauliśobhāḍhyo raṇanmañjīrabhūṣaṇaḥ |
lokaikanātho lokeśo lalito lokanāyakaḥ || 99 ||
lokarakṣo lokaśikṣo lokalocanarañjitaḥ |
lokabandhurlokadhātā lokatrayamahāhitaḥ || 100 ||
lokacūḍāmaṇirlokavandyo lāvaṇyavigrahaḥ |
lokādhyakṣastu līlāvānlokottaraguṇānvitaḥ || 101 ||
variṣṭho varado vaidyo viśiṣṭo vikramo vibhuḥ |
vibudhāgracaro vaśyo vikalpaparivarjitaḥ || 102 ||
vipāśo vigatātaṅko vicitrāṅgo virocanaḥ |
vidyādharo viśuddhātmā vedāṅgo vibudhapriyaḥ || 103 ||
vacaskaro vyāpakaśca vijñānī vinayānvitaḥ |
vidvattamo virodhighno vīro vigatarāgavān || 104 ||
vītabhāvo vinītātmā vedagarbho vasupradaḥ |
viśvadīptirviśālākṣo vijitātmā vibhāvanaḥ || 105 ||
vedavedyo vidheyātmā vītadoṣaśca vedavit |
viśvakarmā vītabhayo vāgīśo vāsavārcitaḥ || 106 ||
vīradhvaṃso viśvamūrtirviśvarūpo varāsanaḥ |
viśākho vimalo vāgmī vidvānvedadharo vaṭuḥ || 107 ||
vīracūḍāmaṇirvīro vidyeśo vibudhāśrayaḥ |
vijayī vinayī vettā varīyānvirajā vasuḥ || 108 ||
vīraghno vijvaro vedyo vegavānvīryavānvaśī |
varaśīlo varaguṇo viśoko vajradhārakaḥ || 109 ||
śarajanmā śaktidharaḥ śatrughnaḥ śikhivāhanaḥ |
śrīmān śiṣṭaḥ śuciḥ śuddhaḥ śāśvataḥ śrutisāgaraḥ || 110 ||
śaraṇyaḥ śubhadaḥ śarma śiṣṭeṣṭaḥ śubhalakṣaṇaḥ |
śāntaḥ śūladharaḥ śreṣṭhaḥ śuddhātmā śaṅkaraḥ śivaḥ || 111 ||
śitikaṇṭhātmajaḥ śūraḥ śāntidaḥ śokanāśanaḥ |
ṣāṇmāturaḥ ṣaṇmukhaśca ṣaḍguṇaiśvaryasaṃyutaḥ || 112 ||
ṣaṭcakrasthaḥ ṣaḍūrmighnaḥ ṣaḍaṅgaśrutipāragaḥ |
ṣaḍbhāvarahitaḥ ṣaṭkaḥ ṣaṭchāstrasmṛtipāragaḥ || 113 ||
ṣaḍvargadātā ṣaḍgrīvaḥ ṣaḍarighnaḥ ṣaḍāśrayaḥ |
ṣaṭkirīṭadharaḥ śrīmān ṣaḍādhāraśca ṣaṭkramaḥ || 114 ||
ṣaṭkoṇamadhyanilayaḥ ṣaṇḍatvaparihārakaḥ |
senānīḥ subhagaḥ skandaḥ surānandaḥ satāṃ gatiḥ || 115 ||
subrahmaṇyaḥ surādhyakṣaḥ sarvajñaḥ sarvadaḥ sukhī |
sulabhaḥ siddhidaḥ saumyaḥ siddheśaḥ siddhisādhanaḥ || 116 ||
siddhārthaḥ siddhasaṅkalpaḥ siddhasādhuḥ sureśvaraḥ |
subhujaḥ sarvadṛksākṣī suprasādaḥ sanātanaḥ || 117 ||
sudhāpatiḥ svayañjyotiḥ svayambhūḥ sarvatomukhaḥ |
samarthaḥ satkṛtiḥ sūkṣmaḥ sughoṣaḥ sukhadaḥ suhṛt || 118 ||
suprasannaḥ suraśreṣṭhaḥ suśīlaḥ satyasādhakaḥ |
sambhāvyaḥ sumanāḥ sevyaḥ sakalāgamapāragaḥ || 119 ||
suvyaktaḥ saccidānandaḥ suvīraḥ sujanāśrayaḥ |
sarvalakṣaṇasampannaḥ satyadharmaparāyaṇaḥ || 120 ||
sarvadevamayaḥ satyaḥ sadā mṛṣṭānnadāyakaḥ |
sudhāpī sumatiḥ satyaḥ sarvavighnavināśanaḥ || 121 ||
sarvaduḥkhapraśamanaḥ sukumāraḥ sulocanaḥ |
sugrīvaḥ sudhṛtiḥ sāraḥ surārādhyaḥ suvikramaḥ || 122 ||
surārighnaḥ svarṇavarṇaḥ sarparājaḥ sadā śuciḥ |
saptārcirbhūḥ suravaraḥ sarvāyudhaviśāradaḥ || 123 ||
hasticarmāmbarasuto hastivāhanasevitaḥ |
hastacitrāyudhadharo hṛtāgho hasitānanaḥ || 124 ||
hemabhūṣo haridvarṇo hṛṣṭido hṛṣṭivardhanaḥ |
hemādribhiddhaṃsarūpo huṅkārahatakilbiṣaḥ || 125 ||
himādrijātātanujo harikeśo hiraṇmayaḥ |
hṛdyo hṛṣṭo harisakho haṃso haṃsagatirhaviḥ || 126 ||
hiraṇyavarṇo hitakṛddharṣado hemabhūṣaṇaḥ |
harapriyo hitakaro hatapāpo harodbhavaḥ || 127 ||
kṣemadaḥ kṣemakṛtkṣemyaḥ kṣetrajñaḥ kṣāmavarjitaḥ |
kṣetrapālaḥ kṣamādhāraḥ kṣemakṣetraḥ kṣamākaraḥ || 128 ||
kṣudraghnaḥ kṣāntidaḥ kṣemaḥ kṣitibhūṣaḥ kṣamāśrayaḥ |
kṣālitāghaḥ kṣitidharaḥ kṣīṇasaṃrakṣaṇakṣamaḥ || 129 ||
kṣaṇabhaṅgurasannaddhaghanaśobhikapardakaḥ |
kṣitibhṛnnāthatanayāmukhapaṅkajabhāskaraḥ || 130 ||
kṣatāhitaḥ kṣaraḥ kṣantā kṣatadoṣaḥ kṣamānidhiḥ |
kṣapitākhilasantāpaḥ kṣapānāthasamānanaḥ || 131 ||
uttara nyāsaḥ |
karanyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya aṅguṣṭhābhyāṃ namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya tarjanībhyāṃ namaḥ |
oṃ vaṃ ṣaṇmukhāya śarajanmane śubhalakṣaṇāya śikhivāhanāya madhyamābhyāṃ namaḥ |
oṃ ṇaṃ kṛśānusambhavāya kavacine kukkuṭadhvajāya anāmikābhyāṃ namaḥ |
oṃ bhaṃ kandarpakoṭidīpyamānāya dviṣaḍbāhave dvādaśākṣāya kaniṣṭhikābhyāṃ namaḥ |
oṃ vaṃ kheṭadharāya khaḍgine śaktihastāya karatalakarapṛṣṭhābhyāṃ namaḥ |
hṛdayādinyāsaḥ –
oṃ śaṃ oṅkārasvarūpāya ojodharāya ojasvine suhṛdayāya hṛṣṭacittātmane bhāsvararūpāya hṛdayāya namaḥ |
oṃ raṃ ṣaṭkoṇamadhyanilayāya ṣaṭkirīṭadharāya śrīmate ṣaḍādhārāya śirase svāhā |
oṃ vaṃ ṣaṇmukhāya śarajanmane śubhalakṣaṇāya śikhivāhanāya śikhāyai vaṣaṭ |
oṃ ṇaṃ kṛśānusambhavāya kavacine kukkuṭadhvajāya kavacāya hum |
oṃ bhaṃ kandarpakoṭidīpyamānāya dviṣaḍbāhave dvādaśākṣāya netratrayāya vauṣaṭ |
oṃ vaṃ kheṭadharāya khaḍgine śaktihastāya astrāya phaṭ |
bhūrbhuvassuvaromiti digvimokaḥ |
phalaśruti |
iti nāmnāṃ sahasrāṇi ṣaṇmukhasya ca nārada |
yaḥ paṭhecchṛṇuyādvāpi bhaktiyuktena cetasā || 1 ||
sa sadyo mucyate pāpairmanovākkāyasambhavaiḥ |
āyurvṛddhikaraṃ puṃsāṃ sthairyavīryavivardhanam || 2 ||
vākyenaikena vakṣyāmi vāñchitārthaṃ prayacchati |
tasmātsarvātmanā brahmanniyamena japetsudhīḥ || 3 ||
iti skandapurāṇe īśvaraprokte brahmanāradasaṃvāde śrī subrahmaṇya sahasranāma stotram |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.