6.3 - Chatvala Ddhishniya Nupavapati - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌸𑍋𑌮𑌮𑌨𑍍𑌤𑍍𑌰𑌬𑍍𑌰𑌾𑌹𑍍𑌮𑌣𑌨𑌿𑌰𑍂𑌪𑌣𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌚𑌾𑌤𑍍𑌵𑌾॑𑌲𑌾॒-𑌦𑍍𑌧𑌿𑌷𑍍𑌣𑌿॑𑌯𑌾॒𑌨𑍁𑌪॑ 𑌵𑌪𑌤𑌿॒ 𑌯𑍋𑌨𑌿॒𑌰𑍍𑌵𑍈 𑌯॒𑌜𑍍𑌞𑌸𑍍𑌯॒ 𑌚𑌾𑌤𑍍𑌵𑌾॑𑌲𑌂-𑌯𑌁॒𑌜𑍍𑌞𑌸𑍍𑌯॑ 𑌸𑌯𑍋𑌨𑌿॒𑌤𑍍𑌵𑌾𑌯॑ 𑌦𑍇॒𑌵𑌾 𑌵𑍈 𑌯॒𑌜𑍍𑌞-𑌮𑍍𑌪𑌰𑌾॑-𑌽𑌜𑌯𑌨𑍍𑌤॒ 𑌤𑌮𑌾𑌗𑍍𑌨𑍀᳚𑌦𑍍𑌧𑍍𑌰𑌾॒-𑌤𑍍𑌪𑍁𑌨॒𑌰𑌪𑌾॑𑌜𑌯𑌨𑍍𑌨𑍇॒𑌤𑌦𑍍𑌵𑍈 𑌯॒𑌜𑍍𑌞𑌸𑍍𑌯𑌾-𑌪॑𑌰𑌾𑌜𑌿𑌤𑌂॒-𑌯𑌁𑌦𑌾𑌗𑍍𑌨𑍀᳚𑌦𑍍𑌧𑍍𑌰𑌂॒-𑌯𑌁𑌦𑌾𑌗𑍍𑌨𑍀᳚𑌦𑍍𑌧𑍍𑌰𑌾॒𑌦𑍍𑌧𑌿𑌷𑍍𑌣𑌿॑𑌯𑌾𑌨𑍍. 𑌵𑌿॒𑌹𑌰॑𑌤𑌿॒ 𑌯𑌦𑍇॒𑌵 𑌯॒𑌜𑍍𑌞𑌸𑍍𑌯𑌾-𑌪॑𑌰𑌾𑌜𑌿𑌤॒-𑌨𑍍𑌤𑌤॑ 𑌏॒𑌵𑍈𑌨॒-𑌮𑍍𑌪𑍁𑌨॑𑌸𑍍𑌤𑌨𑍁𑌤𑍇 𑌪𑌰𑌾॒𑌜𑌿𑌤𑍍𑌯𑍇॑𑌵॒ 𑌖𑌲𑍁॒ 𑌵𑌾 𑌏॒𑌤𑍇 𑌯॑𑌨𑍍𑌤𑌿॒ 𑌯𑍇 𑌬॑𑌹𑌿𑌷𑍍𑌪𑌵𑌮𑌾॒𑌨𑌗𑍍𑌂 𑌸𑌰𑍍𑌪॑𑌨𑍍𑌤𑌿 𑌬𑌹𑌿𑌷𑍍𑌪𑌵𑌮𑌾॒𑌨𑍇 𑌸𑍍𑌤𑍁॒𑌤 [𑌸𑍍𑌤𑍁॒𑌤𑍇, 𑌆॒𑌹𑌾𑌗𑍍𑌨𑍀॑𑌦॒𑌗𑍍𑌨𑍀𑌨𑍍. 𑌵𑌿] 1

𑌆॒𑌹𑌾𑌗𑍍𑌨𑍀॑𑌦॒𑌗𑍍𑌨𑍀𑌨𑍍. 𑌵𑌿 𑌹॑𑌰 𑌬॒𑌰𑍍॒𑌹𑌿-𑌸𑍍𑌸𑍍𑌤𑍃॑𑌣𑌾𑌹𑌿 𑌪𑍁𑌰𑍋॒𑌡𑌾𑌶𑌾॒𑌗𑍍𑌂॒ 𑌅𑌲॑-𑌙𑍍𑌕𑍁॒𑌰𑍍𑌵𑌿𑌤𑌿॑ 𑌯॒𑌜𑍍𑌞𑌮𑍇॒𑌵𑌾𑌪॒𑌜𑌿𑌤𑍍𑌯॒ 𑌪𑍁𑌨॑𑌸𑍍𑌤𑌨𑍍𑌵𑌾॒𑌨𑌾 𑌯॒𑌨𑍍𑌤𑍍𑌯𑌙𑍍𑌗𑌾॑𑌰𑍈॒𑌰𑍍𑌦𑍍𑌵𑍇 𑌸𑌵॑𑌨𑍇॒ 𑌵𑌿 𑌹॑𑌰𑌤𑌿 𑌶॒𑌲𑌾𑌕𑌾॑𑌭𑌿-𑌸𑍍𑌤𑍃॒𑌤𑍀𑌯𑌗𑍍𑌂॑ 𑌸𑌶𑍁𑌕𑍍𑌰॒𑌤𑍍𑌵𑌾𑌯𑌾𑌥𑍋॒ 𑌸-𑌮𑍍𑌭॑𑌰𑌤𑍍𑌯𑍇॒𑌵𑍈𑌨॒𑌦𑍍𑌧𑌿𑌷𑍍𑌣𑌿॑𑌯𑌾॒ 𑌵𑌾 𑌅॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌸𑍋𑌮॑𑌮𑌰𑌕𑍍𑌷॒-𑌨𑍍𑌤𑍇𑌭𑍍𑌯𑍋-𑌽𑌧𑌿॒ 𑌸𑍋𑌮॒𑌮𑌾-𑌽𑌹॑𑌰॒-𑌨𑍍𑌤 𑌮॑𑌨𑍍𑌵॒𑌵𑌾𑌯॒𑌨𑍍𑌤-𑌮𑍍𑌪𑌰𑍍𑌯॑𑌵𑌿𑌶॒𑌨𑍍॒. 𑌯 𑌏॒𑌵𑌂-𑌵𑍇𑌁𑌦॑ 𑌵𑌿॒𑌨𑍍𑌦𑌤𑍇॑ [𑌯 𑌏॒𑌵𑌂-𑌵𑍇𑌁𑌦॑ 𑌵𑌿॒𑌨𑍍𑌦𑌤𑍇᳚, 𑌪॒𑌰𑌿॒𑌵𑍇॒𑌷𑍍𑌟𑌾𑌰॒-𑌨𑍍𑌤𑍇] 2

𑌪𑌰𑌿𑌵𑍇॒𑌷𑍍𑌟𑌾𑌰॒-𑌨𑍍𑌤𑍇 𑌸𑍋॑𑌮𑌪𑍀॒𑌥𑍇𑌨॒ 𑌵𑍍𑌯𑌾᳚𑌰𑍍𑌧𑍍𑌯𑌨𑍍𑌤॒ 𑌤𑍇 𑌦𑍇॒𑌵𑍇𑌷𑍁॑ 𑌸𑍋𑌮𑌪𑍀॒𑌥𑌮𑍈᳚𑌚𑍍𑌛𑌨𑍍𑌤॒ 𑌤𑌾-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵॒-𑌨𑍍𑌦𑍍𑌵𑍇𑌦𑍍𑌵𑍇॒ 𑌨𑌾𑌮॑𑌨𑍀 𑌕𑍁𑌰𑍁𑌦𑍍𑌧𑍍𑌵॒𑌮𑌥॒ 𑌪𑍍𑌰 𑌵𑌾॒-𑌽𑌽𑌫𑍍𑌸𑍍𑌯𑌥॒ 𑌨 𑌵𑍇𑌤𑍍𑌯॒𑌗𑍍𑌨𑌯𑍋॒ 𑌵𑌾 𑌅𑌥॒ 𑌧𑌿𑌷𑍍𑌣𑌿॑𑌯𑌾॒𑌸𑍍𑌤𑌸𑍍𑌮𑌾᳚-𑌦𑍍𑌦𑍍𑌵𑌿॒𑌨𑌾𑌮𑌾᳚ 𑌬𑍍𑌰𑌾𑌹𑍍𑌮॒𑌣𑍋-𑌽𑌰𑍍𑌧𑍁॑𑌕॒𑌸𑍍𑌤𑍇𑌷𑌾𑌂॒-𑌯𑍇𑌁 𑌨𑍇𑌦𑌿॑𑌷𑍍𑌠-𑌮𑍍𑌪॒𑌰𑍍𑌯𑌵𑌿॑𑌶॒-𑌨𑍍𑌤𑍇 𑌸𑍋॑𑌮𑌪𑍀॒𑌥-𑌮𑍍𑌪𑍍𑌰𑌾-𑌽𑌪𑍍𑌨𑍁॑𑌵𑌨𑍍𑌨𑌾𑌹𑌵॒𑌨𑍀𑌯॑ 𑌆𑌗𑍍𑌨𑍀॒𑌦𑍍𑌧𑍍𑌰𑍀𑌯𑍋॑ 𑌹𑍋॒𑌤𑍍𑌰𑍀𑌯𑍋॑ 𑌮𑌾𑌰𑍍𑌜𑌾॒𑌲𑍀𑌯॒𑌸𑍍𑌤𑌸𑍍𑌮𑌾॒-𑌤𑍍𑌤𑍇𑌷𑍁॑ 𑌜𑍁𑌹𑍍𑌵𑌤𑍍𑌯𑌤𑌿॒𑌹𑌾𑌯॒ 𑌵𑌷॑-𑌟𑍍𑌕𑌰𑍋𑌤𑌿॒ 𑌵𑌿 𑌹𑍍𑌯𑍇॑ [𑌵𑌿 𑌹𑌿, 𑌏॒𑌤𑍇 𑌸𑍋॑𑌮𑌪𑍀॒𑌥𑍇𑌨𑌾-𑌽𑌽𑌰𑍍𑌧𑍍𑌯॑𑌨𑍍𑌤] 3

-𑌤𑍇 𑌸𑍋॑𑌮𑌪𑍀॒𑌥𑍇𑌨𑌾-𑌽𑌽𑌰𑍍𑌧𑍍𑌯॑𑌨𑍍𑌤 𑌦𑍇॒𑌵𑌾 𑌵𑍈 𑌯𑌾𑌃 𑌪𑍍𑌰𑌾𑌚𑍀॒-𑌰𑌾𑌹𑍁॑𑌤𑍀॒-𑌰𑌜𑍁॑𑌹𑌵𑍁॒𑌰𑍍𑌯𑍇 𑌪𑍁॒𑌰𑌸𑍍𑌤𑌾॒𑌦𑌸𑍁॑𑌰𑌾॒ 𑌆𑌸॒-𑌨𑍍𑌤𑌾𑌗𑍍 𑌸𑍍𑌤𑌾𑌭𑌿𑌃॒ 𑌪𑍍𑌰𑌾𑌣𑍁॑𑌦𑌨𑍍𑌤॒ 𑌯𑌾𑌃 𑌪𑍍𑌰॒𑌤𑍀𑌚𑍀॒𑌰𑍍𑌯𑍇 𑌪॒𑌶𑍍𑌚𑌾𑌦𑌸𑍁॑𑌰𑌾॒ 𑌆𑌸॒-𑌨𑍍𑌤𑌾𑌗𑍍𑌸𑍍𑌤𑌾𑌭𑌿॒-𑌰𑌪𑌾॑𑌨𑍁𑌦𑌨𑍍𑌤॒ 𑌪𑍍𑌰𑌾𑌚𑍀॑𑌰॒𑌨𑍍𑌯𑌾 𑌆𑌹𑍁॑𑌤𑌯𑍋 𑌹𑍂॒𑌯𑌨𑍍𑌤𑍇᳚ 𑌪𑍍𑌰॒𑌤𑍍𑌯𑌙𑍍𑌙𑌾𑌸𑍀॑𑌨𑍋॒ 𑌧𑌿𑌷𑍍𑌣𑌿॑𑌯𑌾॒𑌨𑍍. 𑌵𑍍𑌯𑌾𑌘𑌾॑𑌰𑌯𑌤𑌿 𑌪॒𑌶𑍍𑌚𑌾𑌚𑍍𑌚𑍈॒𑌵 𑌪𑍁𑌰𑌸𑍍𑌤𑌾᳚𑌚𑍍𑌚॒ 𑌯𑌜॑𑌮𑌾𑌨𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰 𑌣𑍁॑𑌦𑌤𑍇॒ 𑌤𑌸𑍍𑌮𑌾॒-𑌤𑍍𑌪𑌰𑌾॑𑌚𑍀𑌃 𑌪𑍍𑌰॒𑌜𑌾𑌃 𑌪𑍍𑌰 𑌵𑍀॑𑌯𑌨𑍍𑌤𑍇 𑌪𑍍𑌰॒𑌤𑍀𑌚𑍀᳚- [𑌪𑍍𑌰॒𑌤𑍀𑌚𑍀𑌃᳚, 𑌜𑌾॒𑌯॒𑌨𑍍𑌤𑍇॒ 𑌪𑍍𑌰𑌾॒𑌣𑌾 𑌵𑌾 𑌏॒𑌤𑍇] 4

-𑌰𑍍𑌜𑌾𑌯𑌨𑍍𑌤𑍇 𑌪𑍍𑌰𑌾॒𑌣𑌾 𑌵𑌾 𑌏॒𑌤𑍇 𑌯𑌦𑍍𑌧𑌿𑌷𑍍𑌣𑌿॑𑌯𑌾॒ 𑌯𑌦॑𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰॒𑌤𑍍𑌯-𑌨𑍍𑌧𑌿𑌷𑍍𑌣𑌿॑𑌯𑌾-𑌨𑌤𑌿॒𑌸𑌰𑍍𑌪𑍇᳚-𑌤𑍍𑌪𑍍𑌰𑌾॒𑌣𑌾𑌨𑍍-𑌥𑍍𑌸𑌙𑍍𑌕॑𑌰𑍍𑌷𑍇-𑌤𑍍𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾॒𑌨𑍍𑌨𑌾𑌭𑌿॒𑌰𑍍𑌵𑌾 𑌏॒𑌷𑌾 𑌯॒𑌜𑍍𑌞𑌸𑍍𑌯॒ 𑌯𑌦𑍍𑌧𑍋𑌤𑍋॒𑌰𑍍𑌧𑍍𑌵𑌃 𑌖𑌲𑍁॒ 𑌵𑍈 𑌨𑌾𑌭𑍍𑌯𑍈᳚ 𑌪𑍍𑌰𑌾॒𑌣𑍋-𑌽𑌵𑌾𑌂॑𑌅𑌪𑌾॒𑌨𑍋 𑌯𑌦॑𑌧𑍍𑌵॒𑌰𑍍𑌯𑍁𑌃 𑌪𑍍𑌰॒𑌤𑍍𑌯𑌂 𑌹𑍋𑌤𑌾॑𑌰𑌮𑌤𑌿॒𑌸𑌰𑍍𑌪𑍇॑𑌦𑌪𑌾॒𑌨𑍇 𑌪𑍍𑌰𑌾॒𑌣-𑌨𑍍𑌦॑𑌧𑍍𑌯𑌾-𑌤𑍍𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾॒𑌨𑍍𑌨𑌾𑌦𑍍𑌧𑍍𑌵॒𑌰𑍍𑌯𑍁𑌰𑍁𑌪॑ 𑌗𑌾𑌯𑍇॒-𑌦𑍍𑌵𑌾𑌗𑍍𑌵𑍀᳚𑌰𑍍𑌯𑍋॒ 𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁-𑌰𑍍𑌯𑌦॑𑌦𑍍𑌧𑍍𑌵॒𑌰𑍍𑌯𑍁𑌰𑍁॑𑌪॒-𑌗𑌾𑌯𑍇॑𑌦𑍁-𑌦𑍍𑌗𑌾॒𑌤𑍍𑌰𑍇 [ ] 5

𑌵𑌾𑌚॒𑌗𑍍𑌂॒ 𑌸-𑌮𑍍𑌪𑍍𑌰 𑌯॑𑌚𑍍𑌛𑍇-𑌦𑍁𑌪॒𑌦𑌾𑌸𑍁॑𑌕𑌾-𑌽𑌸𑍍𑌯॒ 𑌵𑌾-𑌖𑍍𑌸𑍍𑌯𑌾᳚𑌦𑍍𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿॒ 𑌨𑌾𑌸𑌗𑍍𑌗𑍍॑𑌸𑍍𑌥𑌿𑌤𑍇॒ 𑌸𑍋𑌮𑍇᳚-𑌽𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰॒𑌤𑍍𑌯𑌙𑍍-𑌖𑍍𑌸𑌦𑍋-𑌽𑌤𑍀॑𑌯𑌾॒𑌦𑌥॑ 𑌕॒𑌥𑌾 𑌦𑌾᳚𑌕𑍍𑌷𑌿॒𑌣𑌾𑌨𑌿॒ 𑌹𑍋𑌤𑍁॑𑌮𑍇𑌤𑌿॒ 𑌯𑌾𑌮𑍋॒ 𑌹𑌿 𑌸 𑌤𑍇𑌷𑌾॒-𑌙𑍍𑌕𑌸𑍍𑌮𑌾॒ 𑌅𑌹॑ 𑌦𑍇॒𑌵𑌾 𑌯𑌾𑌮𑌂॒-𑌵𑌾𑌁-𑌽𑌯𑌾॑𑌮𑌂॒-𑌵𑌾𑌁-𑌽𑌨𑍁॑ 𑌜𑍍𑌞𑌾𑌸𑍍𑌯॒𑌨𑍍𑌤𑍀𑌤𑍍𑌯𑍁-𑌤𑍍𑌤॑𑌰𑍇॒𑌣𑌾-𑌽𑌽𑌗𑍍𑌨𑍀᳚𑌦𑍍𑌧𑍍𑌰-𑌮𑍍𑌪॒𑌰𑍀𑌤𑍍𑌯॑ 𑌜𑍁𑌹𑍋𑌤𑌿 𑌦𑌾𑌕𑍍𑌷𑌿॒𑌣𑌾𑌨𑌿॒ 𑌨 𑌪𑍍𑌰𑌾॒𑌣𑌾𑌨𑍍𑌥𑍍𑌸-𑌙𑍍𑌕॑𑌰𑍍𑌷𑌤𑌿॒ 𑌨𑍍𑌯॑𑌨𑍍𑌯𑍇 𑌧𑌿𑌷𑍍𑌣𑌿॑𑌯𑌾 𑌉॒𑌪𑍍𑌯𑌨𑍍𑌤𑍇॒ 𑌨𑌾𑌨𑍍𑌯𑍇 𑌯𑌾-𑌨𑍍𑌨𑌿॒𑌵𑌪॑𑌤𑌿॒ 𑌤𑍇𑌨॒ 𑌤𑌾-𑌨𑍍𑌪𑍍𑌰𑍀॑𑌣𑌾𑌤𑌿॒ 𑌯𑌾-𑌨𑍍𑌨𑌨𑌿॒𑌵𑌪॑𑌤𑌿॒ 𑌯𑌦॑𑌨𑍁𑌦𑌿॒𑌶𑌤𑌿॒ 𑌤𑍇𑌨॒ 𑌤𑌾𑌨𑍍 ॥ 6 ॥

(𑌸𑍍𑌤𑍁॒𑌤𑍇 - 𑌵𑌿॒𑌨𑍍𑌦𑌤𑍇॒ - 𑌹𑌿 - 𑌵𑍀॑𑌯𑌨𑍍𑌤𑍇 𑌪𑍍𑌰॒𑌤𑍀𑌚𑍀॑ - 𑌰𑍁𑌦𑍍𑌗𑍍𑌰𑌾॒𑌤𑍍𑌰 - 𑌉॒𑌪𑍍𑌯𑌨𑍍𑌤𑍇॒ - 𑌚𑌤𑍁॑𑌰𑍍𑌦𑌶 𑌚) (𑌅. 1)

𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌤𑌾𑌨𑌿॑ 𑌲𑍋॒𑌕𑌾𑌯॑ 𑌹𑍂𑌯𑌨𑍍𑌤𑍇॒ 𑌯-𑌦𑍍𑌵𑍈॑𑌸𑌰𑍍𑌜॒𑌨𑌾𑌨𑌿॒ 𑌦𑍍𑌵𑌾𑌭𑍍𑌯𑌾॒-𑌙𑍍𑌗𑌾𑌰𑍍𑌹॑𑌪𑌤𑍍𑌯𑍇 𑌜𑍁𑌹𑍋𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌆𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍋𑌤𑍍𑌯॒𑌨𑍍𑌤𑌰𑌿॑𑌕𑍍𑌷 𑌏॒𑌵𑌾-𑌽𑌽𑌕𑍍𑌰॑𑌮𑌤 𑌆𑌹𑌵॒𑌨𑍀𑌯𑍇॑ 𑌜𑍁𑌹𑍋𑌤𑌿 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 𑌦𑍇॒𑌵𑌾𑌨𑍍. 𑌵𑍈 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌂-𑌯𑌁॒𑌤𑍋 𑌰𑌕𑍍𑌷𑌾𑌗𑍍॑𑌸𑍍𑌯 𑌜𑌿𑌘𑌾𑌗𑍍𑌂𑌸॒𑌨𑍍𑌤𑍇 𑌸𑍋𑌮𑍇॑𑌨॒ 𑌰𑌾𑌜𑍍𑌞𑌾॒ 𑌰𑌕𑍍𑌷𑌾𑌗𑍍॑-𑌸𑍍𑌯𑌪॒𑌹𑌤𑍍𑌯𑌾॒𑌪𑍍𑌤𑍁-𑌮𑌾॒𑌤𑍍𑌮𑌾𑌨॑-𑌙𑍍𑌕𑍃॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌰𑌕𑍍𑌷॑𑌸𑌾॒-𑌮𑌨𑍁॑𑌪𑌲𑌾𑌭𑌾॒𑌯𑌾 𑌽𑌽𑌤𑍍𑌤॒-𑌸𑍍𑌸𑍋𑌮𑍋॑ 𑌭𑌵॒𑌤𑍍𑌯𑌥॑ [𑌭𑌵॒𑌤𑍍𑌯𑌥॑, 𑌵𑍈॒𑌸॒𑌰𑍍𑌜॒𑌨𑌾𑌨𑌿॑ 𑌜𑍁𑌹𑍋𑌤𑌿॒] 7

𑌵𑍈𑌸𑌰𑍍𑌜॒𑌨𑌾𑌨𑌿॑ 𑌜𑍁𑌹𑍋𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌤𑍍𑌵𑌗𑍍𑌂 𑌸𑍋॑𑌮 𑌤𑌨𑍂॒𑌕𑍃𑌦𑍍𑌭𑍍𑌯॒ 𑌇𑌤𑍍𑌯𑌾॑𑌹 𑌤𑌨𑍂॒𑌕𑍃𑌦𑍍𑌧𑍍𑌯॑𑌷 𑌦𑍍𑌵𑍇𑌷𑍋᳚𑌭𑍍𑌯𑍋॒-𑌽𑌨𑍍𑌯𑌕𑍃॑𑌤𑍇𑌭𑍍𑌯॒ 𑌇𑌤𑍍𑌯𑌾॑𑌹𑌾॒𑌨𑍍𑌯𑌕𑍃॑𑌤𑌾𑌨𑌿॒ 𑌹𑌿 𑌰𑌕𑍍𑌷𑌾𑌗𑍍॑𑌸𑍍𑌯𑍁॒𑌰𑍁 𑌯॒𑌨𑍍𑌤𑌾-𑌽𑌸𑌿॒ 𑌵𑌰𑍂॑𑌥॒𑌮𑌿𑌤𑍍𑌯𑌾॑𑌹𑍋॒𑌰𑍁 𑌣॑𑌸𑍍𑌕𑍃॒𑌧𑍀𑌤𑌿॒ 𑌵𑌾𑌵𑍈𑌤𑌦𑌾॑𑌹 𑌜𑍁𑌷𑌾॒𑌣𑍋 𑌅॒𑌪𑍍𑌤𑍁𑌰𑌾𑌜𑍍𑌯॑𑌸𑍍𑌯 𑌵𑍇॒𑌤𑍍𑌵𑌿𑌤𑍍𑌯𑌾॑𑌹𑌾॒𑌪𑍍𑌤𑍁𑌮𑍇॒𑌵 𑌯𑌜॑𑌮𑌾𑌨-𑌙𑍍𑌕𑍃॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿॒ 𑌰𑌕𑍍𑌷॑𑌸𑌾॒-𑌮𑌨𑍁॑𑌪𑌲𑌾𑌭𑌾॒𑌯𑌾-𑌽𑌽 𑌸𑍋𑌮॑-𑌨𑍍𑌦𑌦𑌤॒ [𑌸𑍋𑌮॑-𑌨𑍍𑌦𑌦𑌤𑍇, 𑌆 𑌗𑍍𑌰𑌾𑌵𑍍𑌣𑍍𑌣॒ 𑌆] 8

𑌆 𑌗𑍍𑌰𑌾𑌵𑍍𑌣𑍍𑌣॒ 𑌆 𑌵𑌾॑𑌯॒𑌵𑍍𑌯𑌾᳚𑌨𑍍𑌯𑌾 𑌦𑍍𑌰𑍋॑𑌣𑌕𑌲॒𑌶𑌮𑍁-𑌤𑍍𑌪𑌤𑍍𑌨𑍀॒𑌮𑌾 𑌨॑𑌯॒𑌨𑍍𑌤𑍍𑌯𑌨𑍍𑌵𑌨𑌾𑌗𑍍𑌂॑𑌸𑌿॒ 𑌪𑍍𑌰 𑌵॑𑌰𑍍𑌤𑌯𑌨𑍍𑌤𑌿॒ 𑌯𑌾𑌵॑𑌦𑍇॒𑌵𑌾𑌸𑍍𑌯𑌾𑌸𑍍𑌤𑌿॒ 𑌤𑍇𑌨॑ 𑌸॒𑌹 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿॒ 𑌨𑌯॑𑌵𑌤𑍍𑌯॒𑌰𑍍𑌚𑌾-𑌽𑌽𑌗𑍍𑌨𑍀᳚𑌦𑍍𑌧𑍍𑌰𑍇 𑌜𑍁𑌹𑍋𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒𑌭𑌿𑌨𑍀᳚𑌤𑍍𑌯𑍈॒ 𑌗𑍍𑌰𑌾𑌵𑍍𑌣𑍍𑌣𑍋॑ 𑌵𑌾𑌯॒𑌵𑍍𑌯𑌾॑𑌨𑌿 𑌦𑍍𑌰𑍋𑌣𑌕𑌲॒𑌶𑌮𑌾𑌗𑍍𑌨𑍀᳚𑌦𑍍𑌧𑍍𑌰॒ 𑌉𑌪॑ 𑌵𑌾𑌸𑌯𑌤𑌿॒ 𑌵𑌿 𑌹𑍍𑌯𑍇॑𑌨॒-𑌨𑍍𑌤𑍈𑌰𑍍𑌗𑍃॒𑌹𑍍𑌣𑌤𑍇॒ 𑌯-𑌥𑍍𑌸॒𑌹𑍋𑌪॑𑌵𑌾॒𑌸𑌯𑍇॑-𑌦𑌪𑍁𑌵𑌾॒𑌯𑍇𑌤॑ 𑌸𑍗॒𑌮𑍍𑌯𑌰𑍍𑌚𑌾 𑌪𑍍𑌰 𑌪𑌾॑𑌦𑌯𑌤𑌿॒ 𑌸𑍍𑌵𑌯𑍈॒- [𑌪𑍍𑌰 𑌪𑌾॑𑌦𑌯𑌤𑌿॒ 𑌸𑍍𑌵𑌯᳚, 𑌏॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾॒] 9

-𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾॒ 𑌪𑍍𑌰 𑌪𑌾॑𑌦𑌯॒𑌤𑍍𑌯𑌦𑌿॑𑌤𑍍𑌯𑌾॒-𑌸𑍍𑌸𑌦𑍋॒-𑌽𑌸𑍍𑌯𑌦𑌿॑𑌤𑍍𑌯𑌾॒-𑌸𑍍𑌸𑌦॒ 𑌆 𑌸𑍀॒𑌦𑍇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌦𑍍𑌯𑌜॑𑌮𑌾𑌨𑍋॒ 𑌵𑌾 𑌏॒𑌤𑌸𑍍𑌯॑ 𑌪𑍁॒𑌰𑌾 𑌗𑍋॒𑌪𑍍𑌤𑌾 𑌭॑𑌵𑌤𑍍𑌯𑍇॒𑌷 𑌵𑍋॑ 𑌦𑍇𑌵 𑌸𑌵𑌿𑌤॒-𑌸𑍍𑌸𑍋𑌮॒ 𑌇𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॑-𑌨𑍍𑌦𑍇॒𑌵𑌤𑌾᳚𑌭𑍍𑌯॒-𑌸𑍍𑌸-𑌮𑍍𑌪𑍍𑌰𑌯॑𑌚𑍍𑌛𑌤𑍍𑌯𑍇॒𑌤-𑌤𑍍𑌤𑍍𑌵𑌗𑍍𑌂 𑌸𑍋॑𑌮 𑌦𑍇॒𑌵𑍋 𑌦𑍇॒𑌵𑌾𑌨𑍁𑌪𑌾॑𑌗𑌾॒ 𑌇𑌤𑍍𑌯𑌾॑𑌹 𑌦𑍇॒𑌵𑍋 𑌹𑍍𑌯𑍇॑𑌷 𑌸- [𑌦𑍇॒𑌵𑍋 𑌹𑍍𑌯𑍇॑𑌷 𑌸𑌨𑍍𑌨𑍍, 𑌦𑍇॒𑌵𑌾𑌨𑍁॒𑌪𑍈𑌤𑍀॒𑌦𑌮॒𑌹-] 10

-𑌨𑍍𑌦𑍇॒𑌵𑌾𑌨𑍁॒𑌪𑍈𑌤𑍀॒𑌦𑌮॒𑌹-𑌮𑍍𑌮॑𑌨𑍁॒𑌷𑍍𑌯𑍋॑ 𑌮𑌨𑍁॒𑌷𑍍𑌯𑌾॑𑌨𑌿𑌤𑍍𑌯𑌾॑𑌹 𑌮𑌨𑍁॒𑌷𑍍𑌯𑍋᳚(1॒) 𑌹𑍍𑌯𑍇॑𑌷 𑌸-𑌨𑍍𑌮॑𑌨𑍁॒𑌷𑍍𑌯𑌾॑𑌨𑍁॒𑌪𑍈𑌤𑌿॒ 𑌯𑌦𑍇॒𑌤-𑌦𑍍𑌯𑌜𑍁॒𑌰𑍍𑌨 𑌬𑍍𑌰𑍂॒𑌯𑌾𑌦𑌪𑍍𑌰॑𑌜𑌾 𑌅𑌪॒𑌶𑍁𑌰𑍍𑌯𑌜॑𑌮𑌾𑌨-𑌸𑍍𑌸𑍍𑌯𑌾-𑌥𑍍𑌸॒𑌹 𑌪𑍍𑌰॒𑌜𑌯𑌾॑ 𑌸𑌹 𑌰𑌾॒𑌯𑌸𑍍𑌪𑍋𑌷𑍇॒𑌣𑍇𑌤𑍍𑌯𑌾॑𑌹 𑌪𑍍𑌰॒𑌜𑌯𑍈॒𑌵 𑌪॒𑌶𑍁𑌭𑌿𑌃॑ 𑌸॒𑌹𑍇𑌮𑌂-𑌲𑍋𑌁॒𑌕𑌮𑍁॒𑌪𑌾𑌵॑𑌰𑍍𑌤𑌤𑍇॒ 𑌨𑌮𑍋॑ 𑌦𑍇॒𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹 𑌨𑌮𑌸𑍍𑌕𑌾॒𑌰𑍋 𑌹𑌿 𑌦𑍇॒𑌵𑌾𑌨𑌾𑌗𑍍॑ 𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॒ 𑌇𑌤𑍍𑌯𑌾॑𑌹 𑌸𑍍𑌵𑌧𑌾𑌕𑌾॒𑌰𑍋 𑌹𑌿 [𑌸𑍍𑌵𑌧𑌾𑌕𑌾॒𑌰𑍋 𑌹𑌿, 𑌪𑌿॒𑌤𑍃॒𑌣𑌾𑌮𑌿॒𑌦𑌮॒𑌹-] 11

𑌪𑌿॑𑌤𑍃॒𑌣𑌾𑌮𑌿॒𑌦𑌮॒𑌹-𑌨𑍍𑌨𑌿𑌰𑍍𑌵𑌰𑍁॑𑌣𑌸𑍍𑌯॒ 𑌪𑌾𑌶𑌾॒𑌦𑌿𑌤𑍍𑌯𑌾॑𑌹 𑌵𑌰𑍁𑌣𑌪𑌾॒𑌶𑌾𑌦𑍇॒𑌵 𑌨𑌿𑌰𑍍𑌮𑍁॑𑌚𑍍𑌯॒𑌤𑍇 𑌽𑌗𑍍𑌨𑍇᳚ 𑌵𑍍𑌰𑌤𑌪𑌤 𑌆॒𑌤𑍍𑌮𑌨𑌃॒ 𑌪𑍂𑌰𑍍𑌵𑌾॑ 𑌤॒𑌨𑍂𑌰𑌾॒𑌦𑍇𑌯𑍇𑌤𑍍𑌯𑌾॑𑌹𑍁𑌃॒ 𑌕𑍋 𑌹𑌿 𑌤𑌦𑍍𑌵𑍇𑌦॒ 𑌯-𑌦𑍍𑌵𑌸𑍀॑𑌯𑌾॒𑌨𑍍-𑌥𑍍𑌸𑍍𑌵𑍇 𑌵𑌶𑍇॑ 𑌭𑍂॒𑌤𑍇 𑌪𑍁𑌨॑𑌰𑍍𑌵𑌾॒ 𑌦𑌦𑌾॑𑌤𑌿॒ 𑌨 𑌵𑍇𑌤𑌿॒ 𑌗𑍍𑌰𑌾𑌵𑌾॑𑌣𑍋॒ 𑌵𑍈 𑌸𑍋𑌮॑𑌸𑍍𑌯॒ 𑌰𑌾𑌜𑍍𑌞𑍋॑ 𑌮𑌲𑌿𑌮𑍍𑌲𑍁𑌸𑍇॒𑌨𑌾 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾-𑌨𑍍𑌗𑍍𑌰𑌾𑌵𑍍𑌣𑍍𑌣॒ 𑌆𑌗𑍍𑌨𑍀᳚𑌦𑍍𑌧𑍍𑌰 𑌉𑌪𑌵𑌾॒𑌸𑌯॑𑌤𑌿॒ 𑌨𑍈𑌨॑-𑌮𑍍𑌮𑌲𑌿𑌮𑍍𑌲𑍁𑌸𑍇॒𑌨𑌾 𑌵𑌿॑𑌨𑍍𑌦𑌤𑌿 ॥ 12 ॥

(𑌅𑌥॑-𑌦𑌦𑌤𑍇॒ - 𑌸𑍍𑌵𑌯𑌾॒ - 𑌸𑌨𑍍𑌥𑍍 - 𑌸𑍍𑌵॑𑌧𑌾𑌕𑌾॒𑌰𑍋 𑌹𑌿 - 𑌵𑌿॑𑌨𑍍𑌦𑌤𑌿) (𑌅. 2)

𑌵𑍈॒𑌷𑍍𑌣॒𑌵𑍍𑌯𑌰𑍍𑌚𑌾 𑌹𑍁॒𑌤𑍍𑌵𑌾 𑌯𑍂𑌪॒𑌮𑌚𑍍𑌛𑍈॑𑌤𑌿 𑌵𑍈𑌷𑍍𑌣॒𑌵𑍋 𑌵𑍈 𑌦𑍇॒𑌵𑌤॑𑌯𑌾॒ 𑌯𑍂𑌪॒-𑌸𑍍𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॒𑌯𑌾 𑌽𑌚𑍍𑌛𑍈॒𑌤𑍍𑌯𑌤𑍍𑌯॒𑌨𑍍𑌯𑌾𑌨𑌗𑌾॒-𑌨𑍍𑌨𑌾𑌨𑍍𑌯𑌾-𑌨𑍁𑌪𑌾॑𑌗𑌾॒𑌮𑌿𑌤𑍍𑌯𑌾॒𑌹𑌾𑌤𑌿॒ 𑌹𑍍𑌯॑𑌨𑍍𑌯𑌾𑌨𑍇𑌤𑌿॒ 𑌨𑌾𑌨𑍍𑌯𑌾-𑌨𑍁॒𑌪𑍈𑌤𑍍𑌯॒𑌰𑍍𑌵𑌾𑌕𑍍𑌤𑍍𑌵𑌾॒ 𑌪𑌰𑍈॑𑌰𑌵𑌿𑌦-𑌮𑍍𑌪॒𑌰𑍋-𑌽𑌵॑𑌰𑍈॒𑌰𑌿𑌤𑍍𑌯𑌾॑𑌹𑌾॒𑌰𑍍𑌵𑌾𑌘𑍍𑌯𑍇॑𑌨॒-𑌮𑍍𑌪𑌰𑍈᳚𑌰𑍍𑌵𑌿॒𑌨𑍍𑌦𑌤𑌿॑ 𑌪॒𑌰𑍋-𑌽𑌵॑𑌰𑍈॒𑌸𑍍𑌤-𑌨𑍍𑌤𑍍𑌵𑌾॑ 𑌜𑍁𑌷𑍇 [𑌜𑍁𑌷𑍇, 𑌵𑍈॒𑌷𑍍𑌣॒𑌵-𑌨𑍍𑌦𑍇॑𑌵𑌯॒𑌜𑍍𑌯𑌾𑌯𑌾॒] 13

𑌵𑍈𑌷𑍍𑌣॒𑌵-𑌨𑍍𑌦𑍇॑𑌵𑌯॒𑌜𑍍𑌯𑌾𑌯𑌾॒ 𑌇𑌤𑍍𑌯𑌾॑𑌹 𑌦𑍇𑌵𑌯॒𑌜𑍍𑌯𑌾𑌯𑍈॒ 𑌹𑍍𑌯𑍇॑𑌨-𑌞𑍍𑌜𑍁॒𑌷𑌤𑍇॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨॒𑌕𑍍𑌤𑍍𑌵𑌿𑌤𑍍𑌯𑌾॑𑌹॒ 𑌤𑍇𑌜॑𑌸𑍈॒𑌵𑍈𑌨॑-𑌮𑌨॒𑌕𑍍𑌤𑍍𑌯𑍋𑌷॑𑌧𑍇॒ 𑌤𑍍𑌰𑌾𑌯॑𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍𑌂॑ 𑌹𑌿𑌗𑍍𑌂𑌸𑍀॒𑌰𑌿𑌤𑍍𑌯𑌾॑𑌹॒ 𑌵𑌜𑍍𑌰𑍋॒ 𑌵𑍈 𑌸𑍍𑌵𑌧𑌿॑𑌤𑌿॒-𑌶𑍍𑌶𑌾𑌨𑍍𑌤𑍍𑌯𑍈॒ 𑌸𑍍𑌵𑌧𑌿॑𑌤𑍇𑌰𑍍𑌵𑍃॒𑌕𑍍𑌷𑌸𑍍𑌯॒ 𑌬𑌿𑌭𑍍𑌯॑𑌤𑌃 𑌪𑍍𑌰𑌥॒𑌮𑍇𑌨॒ 𑌶𑌕॑𑌲𑍇𑌨 𑌸॒𑌹 𑌤𑍇𑌜𑌃॒ 𑌪𑌰𑌾॑ 𑌪𑌤𑌤𑌿॒ 𑌯𑌃 𑌪𑍍𑌰॑𑌥॒𑌮-𑌶𑍍𑌶𑌕॑𑌲𑌃 𑌪𑌰𑌾॒𑌪𑌤𑍇॒-𑌤𑍍𑌤𑌮𑌪𑍍𑌯𑌾 𑌹॑𑌰𑍇॒-𑌥𑍍𑌸𑌤𑍇॑𑌜𑌸- [𑌹॑𑌰𑍇॒-𑌥𑍍𑌸𑌤𑍇॑𑌜𑌸𑌮𑍍, 𑌏॒𑌵𑍈𑌨॒𑌮𑌾] 14

-𑌮𑍇॒𑌵𑍈𑌨॒𑌮𑌾 𑌹॑𑌰𑌤𑍀॒𑌮𑍇 𑌵𑍈 𑌲𑍋॒𑌕𑌾 𑌯𑍂𑌪𑌾᳚-𑌤𑍍𑌪𑍍𑌰𑌯॒𑌤𑍋 𑌬𑌿॑𑌭𑍍𑌯𑌤𑌿॒ 𑌦𑌿𑌵॒𑌮𑌗𑍍𑌰𑍇॑𑌣॒ 𑌮𑌾 𑌲𑍇॑𑌖𑍀𑌰॒𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌦𑍍𑌧𑍍𑌯𑍇॑𑌨॒ 𑌮𑌾 𑌹𑌿𑌗𑍍𑌂॑𑌸𑍀॒𑌰𑌿𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑌃॑ 𑌶𑌮𑌯𑌤𑌿॒ 𑌵𑌨॑𑌸𑍍𑌪𑌤𑍇 𑌶॒𑌤𑌵॑𑌲𑍍𑌶𑍋॒ 𑌵𑌿 𑌰𑍋॒𑌹𑍇𑌤𑍍𑌯𑌾॒𑌵𑍍𑌰𑌶𑍍𑌚॑𑌨𑍇 𑌜𑍁𑌹𑍋𑌤𑌿॒ 𑌤𑌸𑍍𑌮𑌾॑-𑌦𑌾॒𑌵𑍍𑌰𑌶𑍍𑌚॑𑌨𑌾-𑌦𑍍𑌵𑍃॒𑌕𑍍𑌷𑌾𑌣𑌾॒-𑌮𑍍𑌭𑍂𑌯𑌾𑌗𑍍𑌂॑𑌸॒ 𑌉𑌤𑍍𑌤𑌿॑𑌷𑍍𑌠𑌨𑍍𑌤𑌿 𑌸॒𑌹𑌸𑍍𑌰॑𑌵𑌲𑍍𑌶𑌾॒ 𑌵𑌿 𑌵॒𑌯𑌗𑍍𑌂 𑌰𑍁॑𑌹𑍇॒𑌮𑍇𑌤𑍍𑌯𑌾॑𑌹𑌾॒- 𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾॒𑌸𑍍𑌤𑍇 𑌽𑌨॑𑌕𑍍𑌷𑌸𑌙𑍍𑌗- [𑌶𑌾॒𑌸𑍍𑌤𑍇 𑌽𑌨॑𑌕𑍍𑌷𑌸𑌙𑍍𑌗𑌮𑍍, 𑌵𑍃॒𑌶𑍍𑌚𑍇॒-𑌦𑍍𑌯𑌦॑𑌕𑍍𑌷𑌸॒𑌙𑍍𑌗𑌂-] 15

-𑌁𑌵𑍃𑌶𑍍𑌚𑍇॒-𑌦𑍍𑌯𑌦॑𑌕𑍍𑌷𑌸॒𑌙𑍍𑌗𑌂-𑌵𑍃𑌁॒𑌶𑍍𑌚𑍇𑌦॑𑌧𑌈॒𑌷𑌂-𑌯𑌁𑌜॑𑌮𑌾𑌨𑌸𑍍𑌯 𑌪𑍍𑌰॒𑌮𑌾𑌯𑍁॑𑌕𑌗𑍍𑌗𑍍 𑌸𑍍𑌯𑌾॒𑌦𑍍𑌯-𑌙𑍍𑌕𑌾॒𑌮𑌯𑍇॒𑌤𑌾𑌪𑍍𑌰॑𑌤𑌿𑌷𑍍𑌠𑌿𑌤-𑌸𑍍𑌸𑍍𑌯𑌾॒𑌦𑌿𑌤𑍍𑌯𑌾॑𑌰𑍋॒𑌹-𑌨𑍍𑌤𑌸𑍍𑌮॑ 𑌵𑍃𑌶𑍍𑌚𑍇𑌦𑍇॒𑌷 𑌵𑍈 𑌵𑌨॒𑌸𑍍𑌪𑌤𑍀॑𑌨𑌾॒-𑌮𑌪𑍍𑌰॑𑌤𑌿𑌷𑍍𑌠𑌿॒𑌤𑍋-𑌽𑌪𑍍𑌰॑𑌤𑌿𑌷𑍍𑌠𑌿𑌤 𑌏॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤𑌾𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑍍𑌯॑𑌪॒𑌰𑍍𑌣-𑌨𑍍𑌤𑌸𑍍𑌮𑍈॒ 𑌶𑍁𑌷𑍍𑌕𑌾᳚𑌗𑍍𑌰𑌂-𑌵𑍃𑌁𑌶𑍍𑌚𑍇𑌦𑍇॒𑌷 𑌵𑍈 𑌵𑌨॒𑌸𑍍𑌪𑌤𑍀॑𑌨𑌾-𑌮𑌪𑌶॒𑌵𑍍𑌯𑍋॑-𑌽𑌪॒𑌶𑍁𑌰𑍇॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॑ 𑌬𑌹𑍁𑌪॒𑌰𑍍𑌣-𑌨𑍍𑌤𑌸𑍍𑌮𑍈॑ 𑌬𑌹𑍁𑌶𑌾॒𑌖𑌂-𑌵𑍃𑌁॑𑌶𑍍𑌚𑍇𑌦𑍇॒𑌷 𑌵𑍈 [ ] 16

𑌵𑌨॒𑌸𑍍𑌪𑌤𑍀॑𑌨𑌾-𑌮𑍍𑌪𑌶॒𑌵𑍍𑌯𑌃॑ 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑌂-𑌵𑍃𑌁𑌶𑍍𑌚𑍇-𑌤𑍍𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮𑌸𑍍𑌯𑍈॒𑌷 𑌵𑍈 𑌵𑌨॒𑌸𑍍𑌪𑌤𑍀॑𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍋॒ 𑌯-𑌸𑍍𑌸॒𑌮𑍇 𑌭𑍂𑌮𑍍𑌯𑍈॒ 𑌸𑍍𑌵𑌾𑌦𑍍𑌯𑍋𑌨𑍇॑ 𑌰𑍂॒𑌢𑌃 𑌪𑍍𑌰𑌤𑍍𑌯𑍇॒𑌵 𑌤𑌿॑𑌷𑍍𑌠𑌤𑌿॒ 𑌯𑌃 𑌪𑍍𑌰॒𑌤𑍍𑌯𑌙𑍍𑌙𑍁𑌪॑𑌨𑌤॒𑌸𑍍𑌤𑌂-𑌵𑍃𑌁॑𑌶𑍍𑌚𑍇॒-𑌥𑍍𑌸 𑌹𑌿 𑌮𑍇𑌧॑𑌮॒𑌭𑍍𑌯𑍁𑌪॑𑌨𑌤𑌃॒ 𑌪𑌞𑍍𑌚𑌾॑𑌰𑌤𑍍𑌨𑌿॒-𑌨𑍍𑌤𑌸𑍍𑌮𑍈॑ 𑌵𑍃𑌶𑍍𑌚𑍇॒𑌦𑍍𑌯-𑌙𑍍𑌕𑌾॒𑌮𑌯𑍇॒𑌤𑍋𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮𑍇॒𑌦𑌿𑌤𑌿॒ 𑌪𑌞𑍍𑌚𑌾᳚𑌕𑍍𑌷𑌰𑌾 𑌪॒𑌙𑍍𑌕𑍍𑌤𑌿𑌃 𑌪𑌾𑌙𑍍𑌕𑍍𑌤𑍋॑ 𑌯॒𑌜𑍍𑌞 𑌉𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 [𑌯॒𑌜𑍍𑌞𑌃, 𑌨॒𑌮॒𑌤𑌿॒ 𑌷𑌡॑𑌰𑌤𑍍𑌨𑌿] 17

𑌨॑𑌮𑌤𑌿॒ 𑌷𑌡॑𑌰𑌤𑍍𑌨𑌿-𑌮𑍍𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮𑌸𑍍𑌯॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌸॒𑌪𑍍𑌤𑌾𑌰॑𑌤𑍍𑌨𑌿-𑌮𑍍𑌪॒𑌶𑍁𑌕𑌾॑𑌮𑌸𑍍𑌯 𑌸॒𑌪𑍍𑌤𑌪॑𑌦𑌾॒ 𑌶𑌕𑍍𑌵॑𑌰𑍀 𑌪॒𑌶𑌵॒-𑌶𑍍𑌶𑌕𑍍𑌵॑𑌰𑍀 𑌪॒𑌶𑍂𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌨𑌵𑌾॑𑌰𑌤𑍍𑌨𑌿॒-𑌨𑍍𑌤𑍇𑌜॑𑌸𑍍𑌕𑌾𑌮𑌸𑍍𑌯 𑌤𑍍𑌰𑌿॒𑌵𑍃𑌤𑌾॒ 𑌸𑍍𑌤𑍋𑌮𑍇॑𑌨॒ 𑌸𑌮𑍍𑌮𑌿॑𑌤॒-𑌨𑍍𑌤𑍇𑌜॑𑌸𑍍𑌤𑍍𑌰𑌿॒𑌵𑍃-𑌤𑍍𑌤𑍇॑𑌜॒𑌸𑍍𑌵𑍍𑌯𑍇॑𑌵 𑌭॑𑌵॒-𑌤𑍍𑌯𑍇𑌕𑌾॑𑌦𑌶𑌾𑌰𑌤𑍍𑌨𑌿-𑌮𑌿𑌨𑍍𑌦𑍍𑌰𑌿॒𑌯𑌕𑌾॑𑌮॒-𑌸𑍍𑌯𑍈𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯-𑌨𑍍𑌤𑍍𑌰𑌿॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿𑌯𑌾॒𑌵𑍍𑌯𑍇॑𑌵 𑌭॑𑌵𑌤𑌿॒ 𑌪𑌞𑍍𑌚॑𑌦𑌶𑌾𑌰𑌤𑍍𑌨𑌿॒-𑌮𑍍𑌭𑍍𑌰𑌾𑌤𑍃॑𑌵𑍍𑌯𑌵𑌤𑌃 𑌪𑌞𑍍𑌚𑌦॒𑌶𑍋 𑌵𑌜𑍍𑌰𑍋॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈 𑌸॒𑌪𑍍𑌤𑌦॑𑌶𑌾𑌰𑌤𑍍𑌨𑌿-𑌮𑍍𑌪𑍍𑌰॒𑌜𑌾𑌕𑌾॑𑌮𑌸𑍍𑌯 𑌸𑌪𑍍𑌤𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॒ 𑌏𑌕॑𑌵𑌿𑌗𑍍𑌂𑌶𑌤𑍍𑌯𑌰𑌤𑍍𑌨𑌿-𑌮𑍍𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮-𑌸𑍍𑌯𑍈𑌕𑌵𑌿॒𑌗𑍍𑌂॒𑌶-𑌸𑍍𑌸𑍍𑌤𑍋𑌮𑌾॑𑌨𑌾-𑌮𑍍𑌪𑍍𑌰𑌤𑌿॒𑌷𑍍𑌠𑌾 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅॒𑌷𑍍𑌟𑌾𑌶𑍍𑌰𑌿॑𑌰𑍍𑌭𑌵-𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌤𑍇𑌜𑍋॑ 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍀 𑌯॑𑌜𑍍𑌞𑌮𑍁॒𑌖-𑌨𑍍𑌤𑍇𑌜॑𑌸𑍈॒𑌵 𑌗𑌾॑𑌯𑌤𑍍𑌰𑌿॒𑌯𑌾 𑌯॑𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌃 ॥ 18 ॥

(𑌜𑍁॒𑌷𑍇॒ - 𑌸𑌤𑍇॑𑌜𑌸॒ - 𑌮𑌨॑𑌕𑍍𑌷𑌸𑌙𑍍𑌗𑌂 - 𑌬𑌹𑍁𑌶𑌾॒𑌖𑌂-𑌵𑍃𑌁॑𑌶𑍍𑌚𑍇𑌦𑍇॒𑌷 𑌵𑍈 - 𑌯॒𑌜𑍍𑌞 𑌉𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞 - 𑌆𑌪𑍍𑌤𑍍𑌯𑌾॒ - 𑌏𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 3)

𑌪𑍃॒𑌥𑌿॒𑌵𑍍𑌯𑍈 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌦𑌿॒𑌵𑍇 𑌤𑍍𑌵𑍇𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑌃॒ 𑌪𑍍𑌰𑍋𑌕𑍍𑌷॑𑌤𑌿॒ 𑌪𑌰𑌾᳚𑌞𑍍𑌚॒-𑌮𑍍𑌪𑍍𑌰𑍋𑌕𑍍𑌷॑𑌤𑌿॒ 𑌪𑌰𑌾॑𑌙𑌿𑌵॒ 𑌹𑌿 𑌸𑍁॑𑌵॒𑌰𑍍𑌗𑍋 𑌲𑍋॒𑌕𑌃 𑌕𑍍𑌰𑍂॒𑌰𑌮𑌿॑𑌵॒ 𑌵𑌾 𑌏॒𑌤-𑌤𑍍𑌕॑𑌰𑍋𑌤𑌿॒ 𑌯-𑌤𑍍𑌖𑌨॑𑌤𑍍𑌯॒𑌪𑍋-𑌽𑌵॑ 𑌨𑌯𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌯𑌵॑𑌮𑌤𑍀॒𑌰𑌵॑ 𑌨𑌯॒𑌤𑍍𑌯𑍂𑌰𑍍𑌗𑍍𑌵𑍈 𑌯𑌵𑍋॒ 𑌯𑌜॑𑌮𑌾𑌨𑍇𑌨॒ 𑌯𑍂𑌪॒-𑌸𑍍𑌸𑌮𑍍𑌮𑌿॑𑌤𑍋॒ 𑌯𑌾𑌵𑌾॑𑌨𑍇॒𑌵 𑌯𑌜॑𑌮𑌾𑌨॒-𑌸𑍍𑌤𑌾𑌵॑𑌤𑍀-𑌮𑍇॒𑌵𑌾𑌸𑍍𑌮𑌿॒-𑌨𑍍𑌨𑍂𑌰𑍍𑌜॑-𑌨𑍍𑌦𑌧𑌾𑌤𑌿 [𑌮𑍇॒𑌵𑌾𑌸𑍍𑌮𑌿॒-𑌨𑍍𑌨𑍂𑌰𑍍𑌜॑-𑌨𑍍𑌦𑌧𑌾𑌤𑌿, 𑌪𑌿॒𑌤𑍃॒𑌣𑌾𑌗𑍍𑌂 𑌸𑌦॑𑌨𑌮॒𑌸𑍀𑌤𑌿॑] 19

𑌪𑌿𑌤𑍃॒𑌣𑌾𑌗𑍍𑌂 𑌸𑌦॑𑌨𑌮॒𑌸𑍀𑌤𑌿॑ 𑌬॒𑌰𑍍॒𑌹𑌿𑌰𑌵॑ 𑌸𑍍𑌤𑍃𑌣𑌾𑌤𑌿 𑌪𑌿𑌤𑍃𑌦𑍇𑌵॒𑌤𑍍𑌯𑌾᳚(1॒)𑌗𑍍𑌗𑍍॒ 𑌹𑍍𑌯𑍇॑𑌤-𑌦𑍍𑌯𑌨𑍍𑌨𑌿𑌖𑌾॑𑌤𑌂॒-𑌯𑌁-𑌦𑍍𑌬॒𑌰𑍍॒𑌹𑌿𑌰𑌨॑𑌵𑌸𑍍𑌤𑍀𑌰𑍍𑌯 𑌮𑌿𑌨𑍁॒𑌯𑌾-𑌤𑍍𑌪𑌿॑𑌤𑍃𑌦𑍇𑌵॒𑌤𑍍𑌯𑍋॑ 𑌨𑌿𑌖𑌾॑𑌤-𑌸𑍍𑌸𑍍𑌯𑌾-𑌦𑍍𑌬॒𑌰𑍍॒𑌹𑌿𑌰॑𑌵॒𑌸𑍍𑌤𑍀𑌰𑍍𑌯॑ 𑌮𑌿𑌨𑍋𑌤𑍍𑌯॒𑌸𑍍𑌯𑌾𑌮𑍇॒𑌵𑍈𑌨॑-𑌮𑍍𑌮𑌿𑌨𑍋𑌤𑌿 𑌯𑍂𑌪𑌶𑌕॒𑌲𑌮𑌵𑌾᳚𑌸𑍍𑌯𑌤𑌿॒ 𑌸𑌤𑍇॑𑌜𑌸𑌮𑍇॒𑌵𑍈𑌨॑-𑌮𑍍𑌮𑌿𑌨𑍋𑌤𑌿 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌮𑌦𑍍𑌧𑍍𑌵𑌾॑-𑌽𑌨॒𑌕𑍍𑌤𑍍𑌵𑌿𑌤𑍍𑌯𑌾॑𑌹॒ 𑌤𑍇𑌜॑𑌸𑍈॒𑌵𑍈𑌨॑𑌮𑌨𑌕𑍍𑌤𑌿 𑌸𑍁𑌪𑌿𑌪𑍍𑌪॒𑌲𑌾𑌭𑍍𑌯॒-𑌸𑍍𑌤𑍍𑌵𑍗𑌷॑𑌧𑍀𑌭𑍍𑌯॒ 𑌇𑌤𑌿॑ 𑌚॒𑌷𑌾𑌲॒-𑌮𑍍𑌪𑍍𑌰𑌤𑌿॑- [𑌚॒𑌷𑌾𑌲॒-𑌮𑍍𑌪𑍍𑌰𑌤𑌿॑, 𑌮𑍁॒𑌞𑍍𑌚॒𑌤𑌿॒ 𑌤𑌸𑍍𑌮𑌾᳚𑌚𑍍𑌛𑍀𑌰𑍍𑌷॒𑌤] 20

-𑌮𑍁𑌞𑍍𑌚𑌤𑌿॒ 𑌤𑌸𑍍𑌮𑌾᳚𑌚𑍍𑌛𑍀𑌰𑍍𑌷॒𑌤 𑌓𑌷॑𑌧𑌯𑌃॒ 𑌫𑌲॑-𑌙𑍍𑌗𑍃𑌹𑍍𑌣𑌨𑍍𑌤𑍍𑌯॒𑌨𑌕𑍍𑌤𑌿॒ 𑌤𑍇𑌜𑍋॒ 𑌵𑌾 𑌆𑌜𑍍𑌯𑌂॒-𑌯𑌁𑌜॑𑌮𑌾𑌨𑍇𑌨𑌾𑌗𑍍𑌨𑌿॒𑌷𑍍𑌠𑌾-𑌽𑌶𑍍𑌰𑌿॒-𑌸𑍍𑌸𑌮𑍍𑌮𑌿॑𑌤𑌾॒ 𑌯𑌦॑𑌗𑍍𑌨𑌿॒𑌷𑍍𑌠𑌾-𑌮𑌶𑍍𑌰𑌿॑𑌮॒𑌨𑌕𑍍𑌤𑌿॒ 𑌯𑌜॑𑌮𑌾𑌨𑌮𑍇॒𑌵 𑌤𑍇𑌜॑𑌸𑌾 𑌽𑌨𑌕𑍍𑌤𑍍𑌯𑌾॒𑌨𑍍𑌤-𑌮॑𑌨𑌕𑍍𑌤𑍍𑌯𑌾॒𑌨𑍍𑌤𑌮𑍇॒𑌵 𑌯𑌜॑𑌮𑌾𑌨॒-𑌨𑍍𑌤𑍇𑌜॑𑌸𑌾𑌨𑌕𑍍𑌤𑌿 𑌸॒𑌰𑍍𑌵𑌤𑌃॒ 𑌪𑌰𑌿॑ 𑌮𑍃𑌶॒𑌤𑍍𑌯𑌪॑𑌰𑌿𑌵𑌰𑍍𑌗-𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌜𑍋॑ 𑌦𑌧𑌾॒𑌤𑍍𑌯𑍁-𑌦𑍍𑌦𑌿𑌵𑌗𑍍𑌗𑍍॑ 𑌸𑍍𑌤𑌭𑌾॒𑌨𑌾-𑌽𑌨𑍍𑌤𑌰𑌿॑𑌕𑍍𑌷-𑌮𑍍𑌪𑍃॒𑌣𑍇𑌤𑍍𑌯𑌾॑𑌹𑍈॒𑌷𑌾𑌂-𑌲𑍋𑌁॒𑌕𑌾𑌨𑌾𑌂॒-𑌵𑌿𑌁𑌧𑍃॑𑌤𑍍𑌯𑍈 𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 [𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾, 𑌕॒𑌲𑍍𑌪॒𑌯॒𑌤𑌿॒ 𑌵𑍈॒𑌷𑍍𑌣॒𑌵𑍋 𑌵𑍈] 21

𑌕॑𑌲𑍍𑌪𑌯𑌤𑌿 𑌵𑍈𑌷𑍍𑌣॒𑌵𑍋 𑌵𑍈 𑌦𑍇॒𑌵𑌤॑𑌯𑌾॒ 𑌯𑍂𑌪॒-𑌸𑍍𑌸𑍍𑌵𑌯𑍈॒𑌵𑍈𑌨॑-𑌨𑍍𑌦𑍇॒𑌵𑌤॑𑌯𑌾 𑌕𑌲𑍍𑌪𑌯𑌤𑌿॒ 𑌦𑍍𑌵𑌾𑌭𑍍𑌯𑌾᳚-𑌙𑍍𑌕𑌲𑍍𑌪𑌯𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌤𑍇𑌜॑𑌸𑍈𑌨-𑌨𑍍𑌦𑍇॒𑌵𑌤𑌾॑𑌭𑌿𑌰𑌿𑌨𑍍𑌦𑍍𑌰𑌿॒𑌯𑍇𑌣॒ 𑌵𑍍𑌯॑𑌰𑍍𑌧𑌯𑍇𑌯॒-𑌮𑌿𑌤𑍍𑌯॑𑌗𑍍𑌨𑌿॒𑌷𑍍𑌠𑌾-𑌨𑍍𑌤𑌸𑍍𑌯𑌾𑌶𑍍𑌰𑌿॑-𑌮𑌾𑌹𑌵॒𑌨𑍀𑌯𑌾॑𑌦𑌿॒𑌤𑍍𑌥𑌂-𑌵𑍇𑌁॒𑌤𑍍𑌥𑌂-𑌵𑌾𑌁-𑌽𑌤𑌿॑ 𑌨𑌾𑌵𑌯𑍇॒-𑌤𑍍𑌤𑍇𑌜॑𑌸𑍈॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿𑌰𑌿𑌨𑍍𑌦𑍍𑌰𑌿॒𑌯𑍇𑌣॒ 𑌵𑍍𑌯॑𑌰𑍍𑌧𑌯𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌤𑍇𑌜॑𑌸𑍈𑌨-𑌨𑍍𑌦𑍇॒𑌵𑌤𑌾॑𑌭𑌿𑌰𑌿𑌨𑍍𑌦𑍍𑌰𑌿॒𑌯𑍇𑌣॒ 𑌸𑌮॑𑌰𑍍𑌧𑌯𑍇𑌯॒𑌮𑌿- [𑌸𑌮॑𑌰𑍍𑌧𑌯𑍇𑌯॒𑌮𑌿𑌤𑌿॑, 𑌅॒𑌗𑍍𑌨𑌿॒𑌷𑍍𑌠𑌾-] 22

-𑌤𑍍𑌯॑𑌗𑍍𑌨𑌿॒𑌷𑍍𑌠𑌾-𑌨𑍍𑌤𑌸𑍍𑌯𑌾𑌶𑍍𑌰𑌿॑𑌮𑌾𑌹𑌵॒𑌨𑍀𑌯𑍇॑𑌨॒ 𑌸-𑌮𑍍𑌮𑌿॑𑌨𑍁𑌯𑌾॒-𑌤𑍍𑌤𑍇𑌜॑𑌸𑍈॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿𑌰𑌿𑌨𑍍𑌦𑍍𑌰𑌿॒𑌯𑍇𑌣॒ 𑌸𑌮॑𑌰𑍍𑌧𑌯𑌤𑌿 𑌬𑍍𑌰𑌹𑍍𑌮॒𑌵𑌨𑌿॑-𑌨𑍍𑌤𑍍𑌵𑌾 𑌕𑍍𑌷𑌤𑍍𑌰॒𑌵𑌨𑌿॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌤𑍍𑌪𑌰𑌿॑ 𑌵𑍍𑌯𑌯॒𑌤𑍍𑌯𑍂𑌰𑍍𑌗𑍍𑌵𑍈 𑌰॑𑌶॒𑌨𑌾 𑌯𑌜॑𑌮𑌾𑌨𑍇𑌨॒ 𑌯𑍂𑌪॒-𑌸𑍍𑌸𑌮𑍍𑌮𑌿॑𑌤𑍋॒ 𑌯𑌜॑𑌮𑌾𑌨𑌮𑍇॒𑌵𑍋𑌰𑍍𑌜𑌾 𑌸𑌮॑𑌰𑍍𑌧𑌯𑌤𑌿 𑌨𑌾𑌭𑌿𑌦॒𑌘𑍍𑌨𑍇 𑌪𑌰𑌿॑ 𑌵𑍍𑌯𑌯𑌤𑌿 𑌨𑌾𑌭𑌿𑌦॒𑌘𑍍𑌨 𑌏॒𑌵𑌾𑌸𑍍𑌮𑌾॒ 𑌊𑌰𑍍𑌜॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚𑌨𑍍𑌨𑌾𑌭𑌿𑌦॒𑌘𑍍𑌨 𑌊॒𑌰𑍍𑌜𑌾 𑌭𑍁॑𑌞𑍍𑌜𑌤𑍇॒ 𑌯-𑌙𑍍𑌕𑌾॒𑌮𑌯𑍇॑𑌤𑍋॒𑌰𑍍𑌜𑍈𑌨𑌂॒- [𑌯-𑌙𑍍𑌕𑌾॒𑌮𑌯𑍇॑𑌤𑍋॒𑌰𑍍𑌜𑍈𑌨᳚𑌮𑍍, 𑌵𑍍𑌯॑𑌰𑍍𑌧𑌯𑍇𑌯॒-] 23

𑌁𑌵𑍍𑌯॑𑌰𑍍𑌧𑌯𑍇𑌯॒-𑌮𑌿𑌤𑍍𑌯𑍂॒𑌰𑍍𑌧𑍍𑌵𑌾𑌂-𑌵𑌾𑌁॒ 𑌤𑌸𑍍𑌯𑌾𑌵𑌾॑𑌚𑍀𑌂॒-𑌵𑌾𑌁-𑌽𑌵𑍋॑𑌹𑍇𑌦𑍂॒𑌰𑍍𑌜𑍈𑌵𑍈𑌨𑌂॒-𑌵𑍍𑌯𑌁॑𑌰𑍍𑌧𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑌃॑ 𑌸𑍍𑌯𑌾॒𑌦𑌿𑌤𑍍𑌯-𑌵𑌾॑𑌚𑍀॒𑌮𑌵𑍋॑𑌹𑍇॒-𑌦𑍍𑌵𑍃𑌷𑍍𑌟𑌿॑𑌮𑍇॒𑌵 𑌨𑌿 𑌯॑𑌚𑍍𑌛𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॒𑌤𑌾𑌵॑𑌰𑍍𑌷𑍁𑌕-𑌸𑍍𑌸𑍍𑌯𑌾॒𑌦𑌿𑌤𑍍𑌯𑍂॒𑌰𑍍𑌧𑍍𑌵𑌾𑌮𑍁𑌦𑍂॑𑌹𑍇॒-𑌦𑍍𑌵𑍃𑌷𑍍𑌟𑌿॑𑌮𑍇॒𑌵𑍋-𑌦𑍍𑌯॑𑌚𑍍𑌛𑌤𑌿 𑌪𑌿𑌤𑍃॒𑌣𑌾-𑌨𑍍𑌨𑌿𑌖𑌾॑𑌤-𑌮𑍍𑌮𑌨𑍁॒𑌷𑍍𑌯𑌾॑𑌣𑌾𑌮𑍂॒𑌰𑍍𑌧𑍍𑌵-𑌨𑍍𑌨𑌿𑌖𑌾॑𑌤𑌾॒𑌦𑌾 𑌰॑𑌶॒𑌨𑌾𑌯𑌾॒ 𑌓𑌷॑𑌧𑍀𑌨𑌾𑌗𑍍𑌂 𑌰𑌶॒𑌨𑌾 𑌵𑌿𑌶𑍍𑌵𑍇॑𑌷𑌾- [𑌵𑌿𑌶𑍍𑌵𑍇॑𑌷𑌾𑌮𑍍, 𑌦𑍇॒𑌵𑌾𑌨𑌾॑-] 24

-𑌨𑍍𑌦𑍇॒𑌵𑌾𑌨𑌾॑-𑌮𑍂॒𑌰𑍍𑌧𑍍𑌵𑌗𑍍𑌂 𑌰॑𑌶॒𑌨𑌾𑌯𑌾॒ 𑌆 𑌚॒𑌷𑌾𑌲𑌾॒𑌦𑌿𑌨𑍍𑌦𑍍𑌰॑𑌸𑍍𑌯 𑌚॒𑌷𑌾𑌲𑌗𑍍𑌂॑ 𑌸𑌾॒𑌦𑍍𑌧𑍍𑌯𑌾𑌨𑌾॒𑌮𑌤𑌿॑𑌰𑌿𑌕𑍍𑌤॒𑌗𑍍𑌂॒ 𑌸 𑌵𑌾 𑌏॒𑌷 𑌸॑𑌰𑍍𑌵𑌦𑍇𑌵॒𑌤𑍍𑌯𑍋॑ 𑌯𑌦𑍍𑌯𑍂𑌪𑍋॒ 𑌯𑌦𑍍𑌯𑍂𑌪॑-𑌮𑍍𑌮𑌿॒𑌨𑍋𑌤𑌿॒ 𑌸𑌰𑍍𑌵𑌾॑ 𑌏॒𑌵 𑌦𑍇॒𑌵𑌤𑌾𑌃᳚ 𑌪𑍍𑌰𑍀𑌣𑌾𑌤𑌿 𑌯॒𑌜𑍍𑌞𑍇𑌨॒ 𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑍇॑-𑌽𑌮𑌨𑍍𑌯𑌨𑍍𑌤 𑌮𑌨𑍁॒𑌷𑍍𑌯𑌾॑ 𑌨𑍋॒-𑌽𑌨𑍍𑌵𑌾𑌭॑𑌵𑌿𑌷𑍍𑌯॒𑌨𑍍𑌤𑍀𑌤𑌿॒ 𑌤𑍇 𑌯𑍂𑌪𑍇॑𑌨 𑌯𑍋𑌪𑌯𑌿॒𑌤𑍍𑌵𑌾 𑌸𑍁॑𑌵॒𑌰𑍍𑌗𑌂 𑌁𑌲𑍋॒𑌕𑌮𑌾॑𑌯॒-𑌨𑍍𑌤𑌮𑍃𑌷॑𑌯𑍋॒ 𑌯𑍂𑌪𑍇॑𑌨𑍈॒𑌵𑌾𑌨𑍁॒ 𑌪𑍍𑌰𑌾𑌜𑌾॑𑌨॒-𑌨𑍍𑌤-𑌦𑍍𑌯𑍂𑌪॑𑌸𑍍𑌯 𑌯𑍂𑌪॒𑌤𑍍𑌵𑌂- [𑌯𑍂𑌪॒𑌤𑍍𑌵𑌮𑍍, 𑌯-𑌦𑍍𑌯𑍂𑌪॑-] 25

𑌁𑌯-𑌦𑍍𑌯𑍂𑌪॑-𑌮𑍍𑌮𑌿॒𑌨𑍋𑌤𑌿॑ 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌪𑍍𑌰𑌜𑍍𑌞𑌾᳚𑌤𑍍𑌯𑍈 𑌪𑍁॒𑌰𑌸𑍍𑌤𑌾᳚-𑌨𑍍𑌮𑌿𑌨𑍋𑌤𑌿 𑌪𑍁॒𑌰𑌸𑍍𑌤𑌾॒𑌦𑍍𑌧𑌿 𑌯॒𑌜𑍍𑌞𑌸𑍍𑌯॑ 𑌪𑍍𑌰𑌜𑍍𑌞𑌾॒𑌯𑌤𑍇 𑌪𑍍𑌰॑𑌜𑍍𑌞𑌾𑌤॒𑌗𑍍𑌂॒ 𑌹𑌿 𑌤-𑌦𑍍𑌯𑌦𑌤𑌿॑𑌪𑌨𑍍𑌨 𑌆॒𑌹𑍁𑌰𑌿॒𑌦-𑌙𑍍𑌕𑌾॒𑌰𑍍𑌯॑𑌮𑌾𑌸𑍀॒𑌦𑌿𑌤𑌿॑ 𑌸𑌾॒𑌦𑍍𑌧𑍍𑌯𑌾 𑌵𑍈 𑌦𑍇॒𑌵𑌾 𑌯॒𑌜𑍍𑌞𑌮𑌤𑍍𑌯॑𑌮𑌨𑍍𑌯𑌨𑍍𑌤॒ 𑌤𑌾𑌨𑍍. 𑌯॒𑌜𑍍𑌞𑍋 𑌨𑌾𑌸𑍍𑌪𑍃॑𑌶॒-𑌤𑍍𑌤𑌾𑌨𑍍. 𑌯-𑌦𑍍𑌯॒𑌜𑍍𑌞𑌸𑍍𑌯𑌾𑌤𑌿॑𑌰𑌿𑌕𑍍𑌤॒𑌮𑌾𑌸𑍀॒-𑌤𑍍𑌤𑌦॑𑌸𑍍𑌪𑍃𑌶॒𑌦𑌤𑌿॑𑌰𑌿𑌕𑍍𑌤𑌂॒-𑌵𑌾𑌁 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦॒𑌗𑍍𑌨𑌾𑌵॒𑌗𑍍𑌨𑌿-𑌮𑍍𑌮॑𑌥𑌿॒𑌤𑍍𑌵𑌾 𑌪𑍍𑌰॒𑌹𑌰॒𑌤𑍍𑌯𑌤𑌿॑𑌰𑌿𑌕𑍍𑌤𑌮𑍇॒𑌤- [𑌪𑍍𑌰॒𑌹𑌰॒𑌤𑍍𑌯𑌤𑌿॑𑌰𑌿𑌕𑍍𑌤𑌮𑍇॒𑌤𑌤𑍍, 𑌯𑍂𑌪॑𑌸𑍍𑌯॒] 26

-𑌦𑍍𑌯𑍂𑌪॑𑌸𑍍𑌯॒ 𑌯𑌦𑍂॒𑌰𑍍𑌧𑍍𑌵-𑌞𑍍𑌚॒𑌷𑌾𑌲𑌾॒-𑌤𑍍𑌤𑍇𑌷𑌾॒-𑌨𑍍𑌤-𑌦𑍍𑌭𑌾॑𑌗॒𑌧𑍇𑌯॒-𑌨𑍍𑌤𑌾𑌨𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾𑌤𑌿 𑌦𑍇॒𑌵𑌾 𑌵𑍈 𑌸𑌗𑍍𑌗𑍍𑌸𑍍𑌥𑌿॑𑌤𑍇॒ 𑌸𑍋𑌮𑍇॒ 𑌪𑍍𑌰 𑌸𑍍𑌰𑍁𑌚𑍋-𑌽𑌹॑𑌰॒-𑌨𑍍𑌪𑍍𑌰 𑌯𑍂𑌪॒-𑌨𑍍𑌤𑍇॑-𑌽𑌮𑌨𑍍𑌯𑌨𑍍𑌤 𑌯𑌜𑍍𑌞𑌵𑍇𑌶॒𑌸𑌂-𑌵𑌾𑌁 𑌇॒𑌦-𑌙𑍍𑌕𑍁॑𑌰𑍍𑌮॒ 𑌇𑌤𑌿॒ 𑌤𑍇 𑌪𑍍𑌰॑𑌸𑍍𑌤॒𑌰𑌗𑍍𑌗𑍍 𑌸𑍍𑌰𑍁॒𑌚𑌾-𑌨𑍍𑌨𑌿॒𑌷𑍍𑌕𑍍𑌰𑌯॑𑌣-𑌮𑌪𑌶𑍍𑌯॒𑌨𑍍-𑌥𑍍𑌸𑍍𑌵𑌰𑍁𑌂॒-𑌯𑍂𑌁𑌪॑𑌸𑍍𑌯॒ 𑌸𑌗𑍍𑌗𑍍𑌸𑍍𑌥𑌿॑𑌤𑍇॒ 𑌸𑍋𑌮𑍇॒ 𑌪𑍍𑌰 𑌪𑍍𑌰॑𑌸𑍍𑌤॒𑌰𑌗𑍍𑌂 𑌹𑌰॑𑌤𑌿 𑌜𑍁॒𑌹𑍋𑌤𑌿॒ 𑌸𑍍𑌵𑌰𑍁॒𑌮𑌯॑𑌜𑍍𑌞𑌵𑍇𑌶𑌸𑌾𑌯 ॥ 27 ॥

(𑌦॒𑌧𑌾॒𑌤𑌿॒ - 𑌪𑍍𑌰𑌤𑍍𑌯𑍃॒ - 𑌚𑌾 - 𑌸𑌮॑𑌰𑍍𑌧𑌯𑍇𑌯॒𑌮𑌿𑌤𑍍𑌯𑍂॒ - 𑌰𑍍𑌜𑍈𑌨𑌂॒ - 𑌁𑌵𑌿𑌶𑍍𑌵𑍇॑𑌷𑌾𑌂 - 𑌁𑌯𑍂𑌪॒𑌤𑍍𑌵 - 𑌮𑌤𑌿॑𑌰𑌿𑌕𑍍𑌤𑌮𑍇॒𑌤-𑌦𑍍- 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 4)

𑌸𑌾॒𑌦𑍍𑌧𑍍𑌯𑌾 𑌵𑍈 𑌦𑍇॒𑌵𑌾 𑌅॒𑌸𑍍𑌮𑌿𑌁𑌲𑍍𑌲𑍋॒𑌕 𑌆॑𑌸॒-𑌨𑍍𑌨𑌾𑌨𑍍𑌯-𑌤𑍍𑌕𑌿॑-𑌞𑍍𑌚॒𑌨 𑌮𑌿॒𑌷-𑌤𑍍𑌤𑍇᳚-𑌽𑌗𑍍𑌨𑌿𑌮𑍇॒𑌵𑌾𑌗𑍍𑌨𑌯𑍇॒ 𑌮𑍇𑌧𑌾॒𑌯𑌾 𑌽𑌲॑𑌭𑌨𑍍𑌤॒ 𑌨 𑌹𑍍𑌯॑𑌨𑍍𑌯𑌦𑌾॑𑌲॒𑌭𑍍𑌯𑌂॑-𑌮𑌵𑌿॑𑌨𑍍𑌦॒-𑌨𑍍𑌤𑌤𑍋॒ 𑌵𑌾 𑌇॒𑌮𑌾𑌃 𑌪𑍍𑌰॒𑌜𑌾𑌃 𑌪𑍍𑌰𑌾𑌜𑌾॑𑌯𑌨𑍍𑌤॒ 𑌯𑌦॒𑌗𑍍𑌨𑌾𑌵॒𑌗𑍍𑌨𑌿-𑌮𑍍𑌮॑𑌥𑌿॒𑌤𑍍𑌵𑌾 𑌪𑍍𑌰॒𑌹𑌰॑𑌤𑌿 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯 𑌰𑍁॒𑌦𑍍𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑍍𑌯𑌜॑𑌮𑌾𑌨𑌃 𑌪॒𑌶𑍁𑌰𑍍𑌯-𑌤𑍍𑌪॒𑌶𑍁𑌮𑌾॒𑌲𑌭𑍍𑌯𑌾॒𑌗𑍍𑌨𑌿-𑌮𑍍𑌮𑌨𑍍𑌥𑍇᳚-𑌦𑍍𑌰𑍁॒𑌦𑍍𑌰𑌾𑌯॒ 𑌯𑌜॑𑌮𑌾𑌨॒- [𑌯𑌜॑𑌮𑌾𑌨𑌮𑍍, 𑌅𑌪𑌿॑ 𑌦𑌦𑍍𑌧𑍍𑌯𑌾-] 28

-𑌮𑌪𑌿॑ 𑌦𑌦𑍍𑌧𑍍𑌯𑌾-𑌤𑍍𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾॒𑌦𑌥𑍋॒ 𑌖𑌲𑍍𑌵𑌾॑𑌹𑍁𑌰॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌹॒𑌵𑌿𑌰𑍇॒𑌤𑌦𑍍𑌯-𑌤𑍍𑌪॒𑌶𑍁𑌰𑌿𑌤𑌿॒ 𑌯-𑌤𑍍𑌪॒𑌶𑍁𑌮𑌾॒𑌲𑌭𑍍𑌯𑌾॒𑌗𑍍𑌨𑌿-𑌮𑍍𑌮𑌨𑍍𑌥॑𑌤𑌿 𑌹॒𑌵𑍍𑌯𑌾𑌯𑍈॒𑌵𑌾-𑌽𑌽𑌸॑𑌨𑍍𑌨𑌾𑌯॒ 𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌜𑌨𑌯-𑌤𑍍𑌯𑍁𑌪𑌾॒𑌕𑍃𑌤𑍍𑌯𑍈॒𑌵 𑌮𑌨𑍍𑌥𑍍𑌯॒-𑌸𑍍𑌤𑌨𑍍𑌨𑍇𑌵𑌾-𑌽𑌽𑌲॑𑌬𑍍𑌧॒-𑌨𑍍𑌨𑍇𑌵𑌾𑌨𑌾॑𑌲𑌬𑍍𑌧-𑌮॒𑌗𑍍𑌨𑍇-𑌰𑍍𑌜॒𑌨𑌿𑌤𑍍𑌰॑-𑌮॒𑌸𑍀𑌤𑍍𑌯𑌾॑𑌹𑌾॒𑌗𑍍𑌨𑍇𑌰𑍍𑌹𑍍𑌯𑍇॑𑌤-𑌜𑍍𑌜॒𑌨𑌿𑌤𑍍𑌰𑌂॒-𑌵𑍃𑌁𑌷॑𑌣𑍗 𑌸𑍍𑌥॒ 𑌇𑌤𑍍𑌯𑌾॑𑌹॒ 𑌵𑍃𑌷॑𑌣𑍗॒ [𑌵𑍃𑌷॑𑌣𑍗, 𑌹𑍍𑌯𑍇॑𑌤𑌾-] 29

𑌹𑍍𑌯𑍇॑𑌤𑌾-𑌵𑍁॒𑌰𑍍𑌵𑌶𑍍𑌯॑𑌸𑍍𑌯𑌾॒𑌯𑍁-𑌰॒𑌸𑍀𑌤𑍍𑌯𑌾॑𑌹 𑌮𑌿𑌥𑍁𑌨॒𑌤𑍍𑌵𑌾𑌯॑ 𑌘𑍃॒𑌤𑍇𑌨𑌾॒𑌕𑍍𑌤𑍇 𑌵𑍃𑌷॑𑌣-𑌨𑍍𑌦𑌧𑌾𑌥𑌾॒𑌮𑌿𑌤𑍍𑌯𑌾॑𑌹॒ 𑌵𑍃𑌷॑𑌣॒𑌗𑍍𑌗𑍍॒ 𑌹𑍍𑌯𑍇॑𑌤𑍇 𑌦𑌧𑌾॑𑌤𑍇॒ 𑌯𑍇 𑌅॒𑌗𑍍𑌨𑌿-𑌙𑍍𑌗𑌾॑𑌯॒𑌤𑍍𑌰-𑌞𑍍𑌛𑌨𑍍𑌦𑍋-𑌽𑌨𑍁॒ 𑌪𑍍𑌰 𑌜𑌾॑𑌯॒𑌸𑍍𑌵𑍇𑌤𑍍𑌯𑌾॑𑌹॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॒-𑌮𑍍𑌪𑍍𑌰 𑌜॑𑌨𑌯𑌤𑍍𑌯॒𑌗𑍍𑌨𑌯𑍇॑ 𑌮॒𑌥𑍍𑌯𑌮𑌾॑𑌨𑌾॒𑌯𑌾𑌨𑍁॑ 𑌬𑍍𑌰𑍂॒𑌹𑍀𑌤𑍍𑌯𑌾॑𑌹 𑌸𑌾𑌵𑌿॒𑌤𑍍𑌰𑍀𑌮𑍃𑌚॒𑌮𑌨𑍍𑌵𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॑-𑌮𑍍𑌮𑌨𑍍𑌥𑌤𑌿 𑌜𑌾॒𑌤𑌾𑌯𑌾𑌨𑍁॑ 𑌬𑍍𑌰𑍂𑌹𑌿 [𑌬𑍍𑌰𑍂𑌹𑌿, 𑌪𑍍𑌰॒𑌹𑍍𑌰𑌿॒𑌯𑌮𑌾॑𑌣𑌾॒𑌯𑌾-𑌽𑌨𑍁॑] 30

𑌪𑍍𑌰𑌹𑍍𑌰𑌿॒𑌯𑌮𑌾॑𑌣𑌾॒𑌯𑌾-𑌽𑌨𑍁॑ 𑌬𑍍𑌰𑍂॒𑌹𑍀𑌤𑍍𑌯𑌾॑𑌹॒ 𑌕𑌾𑌣𑍍𑌡𑍇॑𑌕𑌾𑌣𑍍𑌡 𑌏॒𑌵𑍈𑌨॑-𑌙𑍍𑌕𑍍𑌰𑌿॒𑌯𑌮𑌾॑𑌣𑍇॒ 𑌸𑌮॑𑌰𑍍𑌧𑌯𑌤𑌿 𑌗𑌾𑌯॒𑌤𑍍𑌰𑍀-𑌸𑍍𑌸𑌰𑍍𑌵𑌾॒ 𑌅𑌨𑍍𑌵𑌾॑𑌹 𑌗𑌾𑌯॒𑌤𑍍𑌰𑌛॑𑌨𑍍𑌦𑌾॒ 𑌵𑌾 𑌅॒𑌗𑍍𑌨𑌿-𑌸𑍍𑌸𑍍𑌵𑍇𑌨𑍈॒𑌵𑍈𑌨॒-𑌞𑍍𑌛𑌨𑍍𑌦॑𑌸𑌾॒ 𑌸𑌮॑𑌰𑍍𑌧𑌯𑌤𑍍𑌯॒𑌗𑍍𑌨𑌿𑌃 𑌪𑍁॒𑌰𑌾 𑌭𑌵॑𑌤𑍍𑌯॒𑌗𑍍𑌨𑌿-𑌮𑍍𑌮॑𑌥𑌿॒𑌤𑍍𑌵𑌾 𑌪𑍍𑌰 𑌹॑𑌰𑌤𑌿॒ 𑌤𑍗 𑌸॒𑌭𑌂𑌵𑌁॑𑌨𑍍𑌤𑍗॒ 𑌯𑌜॑𑌮𑌾𑌨𑌮॒𑌭𑌿 𑌸-𑌮𑍍𑌭॑𑌵𑌤𑍋॒ 𑌭𑌵॑𑌤-𑌨𑍍𑌨॒-𑌸𑍍𑌸𑌮॑𑌨𑌸𑌾॒𑌵𑌿𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑍈᳚ 𑌪𑍍𑌰॒𑌹𑍃𑌤𑍍𑌯॑ 𑌜𑍁𑌹𑍋𑌤𑌿 𑌜𑌾॒𑌤𑌾𑌯𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌪𑌿॑ 𑌦𑌧𑌾॒𑌤𑍍𑌯𑌾𑌜𑍍𑌯𑍇॑𑌨 𑌜𑍁𑌹𑍋𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॒ 𑌯𑌦𑌾𑌜𑍍𑌯॑-𑌮𑍍𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌤𑍇𑌜॑𑌸𑌾 ॥ 31 ॥

(𑌯𑌜॑𑌮𑌾𑌨-𑌮𑌾𑌹॒ 𑌵𑍃𑌷॑𑌣𑍗-𑌜𑌾॒𑌤𑌾𑌯𑌾𑌨𑍁॑ 𑌬𑍍𑌰𑍂॒𑌹𑍍𑌯𑌾-𑌪𑍍𑌯॒ -𑌷𑍍𑌟𑌾𑌦॑𑌶 𑌚) (𑌅. 5)

𑌇॒𑌷𑍇 𑌤𑍍𑌵𑍇𑌤𑌿॑ 𑌬॒𑌰𑍍॒𑌹𑌿𑌰𑌾 𑌦॑𑌤𑍍𑌤 𑌇॒𑌚𑍍𑌛𑌤॑ 𑌇𑌵॒ 𑌹𑍍𑌯𑍇॑𑌷 𑌯𑍋 𑌯𑌜॑𑌤 𑌉𑌪॒𑌵𑍀𑌰॒𑌸𑍀𑌤𑍍𑌯𑌾॒𑌹𑍋𑌪॒ 𑌹𑍍𑌯𑍇॑𑌨𑌾𑌨𑌾𑌕॒𑌰𑍋𑌤𑍍𑌯𑍁𑌪𑍋॑ 𑌦𑍇॒𑌵𑌾-𑌨𑍍𑌦𑍈𑌵𑍀॒𑌰𑍍𑌵𑌿𑌶𑌃॒ 𑌪𑍍𑌰𑌾𑌗𑍁॒𑌰𑌿𑌤𑍍𑌯𑌾॑𑌹॒ 𑌦𑍈𑌵𑍀॒𑌰𑍍𑌹𑍍𑌯𑍇॑𑌤𑌾 𑌵𑌿𑌶𑌃॑ 𑌸॒𑌤𑍀𑌰𑍍𑌦𑍇॒𑌵𑌾𑌨𑍁॑𑌪॒𑌯𑌨𑍍𑌤𑌿॒ 𑌵𑌹𑍍𑌨𑍀॑𑌰𑍁॒𑌶𑌿𑌜॒ 𑌇𑌤𑍍𑌯𑌾॑𑌹॒𑌰𑍍𑌤𑍍𑌵𑌿𑌜𑍋॒ 𑌵𑍈 𑌵𑌹𑍍𑌨॑𑌯 𑌉॒𑌶𑌿𑌜॒-𑌸𑍍𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹॒ 𑌬𑍃𑌹॑𑌸𑍍𑌪𑌤𑍇 𑌧𑌾॒𑌰𑌯𑌾॒ 𑌵𑌸𑍂॒𑌨𑍀- [𑌵𑌸𑍂॒𑌨𑍀𑌤𑌿॑, 𑌆॒𑌹॒ 𑌬𑍍𑌰𑌹𑍍𑌮॒ 𑌵𑍈] 32

-𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒ 𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌹॒𑌵𑍍𑌯𑌾 𑌤𑍇᳚ 𑌸𑍍𑌵𑌦𑌨𑍍𑌤𑌾॒𑌮𑌿𑌤𑍍𑌯𑌾॑𑌹 𑌸𑍍𑌵॒𑌦𑌯॑𑌤𑍍𑌯𑍇॒𑌵𑍈𑌨𑌾॒-𑌨𑍍𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌸𑍁॑ 𑌰॒𑌣𑍍𑌵𑍇𑌤𑍍𑌯𑌾॑𑌹॒ 𑌤𑍍𑌵𑌷𑍍𑌟𑌾॒ 𑌵𑍈 𑌪॑𑌶𑍂॒𑌨𑌾-𑌮𑍍𑌮𑌿॑𑌥𑍁॒𑌨𑌾𑌨𑌾𑌗𑍍𑌂॑ 𑌰𑍂𑌪॒𑌕𑍃-𑌦𑍍𑌰𑍂॒𑌪𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿॒ 𑌰𑍇𑌵॑𑌤𑍀॒ 𑌰𑌮॑𑌦𑍍𑌧𑍍𑌵॒𑌮𑌿𑌤𑍍𑌯𑌾॑𑌹 𑌪॒𑌶𑌵𑍋॒ 𑌵𑍈 𑌰𑍇॒𑌵𑌤𑍀𑌃᳚ 𑌪॒𑌶𑍂𑌨𑍇॒𑌵𑌾𑌸𑍍𑌮𑍈॑ 𑌰𑌮𑌯𑌤𑌿 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑌿॑ [𑌇𑌤𑌿॑, 𑌰॒𑌶॒𑌨𑌾𑌮𑌾 𑌦॑𑌤𑍍𑌤𑍇॒] 33

𑌰𑌶॒𑌨𑌾𑌮𑌾 𑌦॑𑌤𑍍𑌤𑍇॒ 𑌪𑍍𑌰𑌸𑍂᳚𑌤𑍍𑌯𑌾 𑌅॒𑌶𑍍𑌵𑌿𑌨𑍋᳚𑌰𑍍𑌬𑌾॒𑌹𑍁𑌭𑍍𑌯𑌾॒-𑌮𑌿𑌤𑍍𑌯𑌾॑𑌹𑌾॒𑌶𑍍𑌵𑌿𑌨𑍗॒ 𑌹𑌿 𑌦𑍇॒𑌵𑌾𑌨𑌾॑𑌮𑌦𑍍𑌧𑍍𑌵॒𑌰𑍍𑌯𑍂 𑌆𑌸𑍍𑌤𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒𑌮𑌿𑌤𑍍𑌯𑌾॑𑌹॒ 𑌯𑌤𑍍𑌯𑌾॑ 𑌋॒𑌤𑌸𑍍𑌯॑ 𑌤𑍍𑌵𑌾 𑌦𑍇𑌵𑌹𑌵𑌿𑌃॒ 𑌪𑌾𑌶𑍇॒𑌨𑌾-𑌽𑌽 𑌰॑𑌭॒ 𑌇𑌤𑍍𑌯𑌾॑𑌹 𑌸॒𑌤𑍍𑌯𑌂-𑌵𑌾𑌁 𑌋॒𑌤𑌗𑍍𑌂 𑌸॒𑌤𑍍𑌯𑍇𑌨𑍈॒𑌵𑍈𑌨॑𑌮𑍃॒𑌤𑍇𑌨𑌾 𑌽𑌽𑌰॑𑌭𑌤𑍇 𑌽𑌕𑍍𑌷𑍍𑌣॒𑌯𑌾 𑌪𑌰𑌿॑ 𑌹𑌰𑌤𑌿॒ 𑌵𑌦𑍍𑌧𑍍𑌯॒𑌗𑍍𑌂॒ 𑌹𑌿 𑌪𑍍𑌰॒𑌤𑍍𑌯𑌞𑍍𑌚॑-𑌮𑍍𑌪𑍍𑌰𑌤𑌿 𑌮𑍁॒𑌞𑍍𑌚𑌨𑍍𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌧𑌰𑍍𑌷𑌾॒ 𑌮𑌾𑌨𑍁॑𑌷𑌾॒𑌨𑌿𑌤𑌿॒ 𑌨𑌿 𑌯𑍁॑𑌨𑌕𑍍𑌤𑌿॒ 𑌧𑍃𑌤𑍍𑌯𑌾॑ 𑌅॒𑌦𑍍𑌭𑍍𑌯- [𑌅॒𑌦𑍍𑌭𑍍𑌯𑌃, 𑌤𑍍𑌵𑍗𑌷॑𑌧𑍀𑌭𑍍𑌯𑌃॒] 34

-𑌸𑍍𑌤𑍍𑌵𑍗𑌷॑𑌧𑍀𑌭𑍍𑌯𑌃॒ 𑌪𑍍𑌰𑍋𑌕𑍍𑌷𑌾॒𑌮𑍀𑌤𑍍𑌯𑌾॑𑌹𑌾॒𑌦𑍍𑌭𑍍𑌯𑍋 𑌹𑍍𑌯𑍇॑𑌷 𑌓𑌷॑𑌧𑍀𑌭𑍍𑌯-𑌸𑍍𑌸॒𑌭𑌂𑌵𑌁॑𑌤𑌿॒ 𑌯-𑌤𑍍𑌪॒𑌶𑍁𑌰॒𑌪𑌾-𑌮𑍍𑌪𑍇॒𑌰𑍁𑌰॒𑌸𑍀𑌤𑍍𑌯𑌾॑𑌹𑍈॒𑌷 𑌹𑍍𑌯॑𑌪𑌾-𑌮𑍍𑌪𑌾॒𑌤𑌾 𑌯𑍋 𑌮𑍇𑌧𑌾॑𑌯𑌾-𑌽𑌽 𑌰॒𑌭𑍍𑌯𑌤𑍇᳚ 𑌸𑍍𑌵𑌾॒𑌤𑍍𑌤-𑌞𑍍𑌚𑌿॒-𑌥𑍍𑌸𑌦𑍇॑𑌵𑌗𑍍𑌂 𑌹॒𑌵𑍍𑌯𑌮𑌾𑌪𑍋॑ 𑌦𑍇𑌵𑍀॒-𑌸𑍍𑌸𑍍𑌵𑌦॑𑌤𑍈𑌨॒𑌮𑌿𑌤𑍍𑌯𑌾॑𑌹 𑌸𑍍𑌵॒𑌦𑌯॑𑌤𑍍𑌯𑍇॒𑌵𑍈𑌨॑-𑌮𑍁॒𑌪𑌰𑌿॑𑌷𑍍𑌟𑌾॒-𑌤𑍍𑌪𑍍𑌰𑍋𑌕𑍍𑌷॑𑌤𑍍𑌯𑍁॒𑌪𑌰𑌿॑𑌷𑍍𑌟𑌾𑌦𑍇॒𑌵𑍈𑌨॒-𑌮𑍍𑌮𑍇𑌦𑍍𑌧𑍍𑌯॑-𑌙𑍍𑌕𑌰𑍋𑌤𑌿 𑌪𑌾॒𑌯𑌯॑𑌤𑍍𑌯𑌨𑍍𑌤𑌰॒𑌤 𑌏॒𑌵𑍈𑌨॒-𑌮𑍍𑌮𑍇𑌦𑍍𑌧𑍍𑌯॑-𑌙𑍍𑌕𑌰𑍋𑌤𑍍𑌯॒𑌧𑌸𑍍𑌤𑌾॒𑌦𑍁𑌪𑍋᳚𑌕𑍍𑌷𑌤𑌿 𑌸॒𑌰𑍍𑌵𑌤॑ 𑌏॒𑌵𑍈𑌨॒-𑌮𑍍𑌮𑍇𑌦𑍍𑌧𑍍𑌯॑-𑌙𑍍𑌕𑌰𑍋𑌤𑌿 ॥ 35 ॥

(𑌵𑌸𑍂॒𑌨𑍀𑌤𑌿॑-𑌪𑍍𑌰𑌸॒𑌵 𑌇𑌤𑍍𑌯॒-𑌦𑍍𑌭𑍍𑌯𑍋᳚-𑌽𑌨𑍍𑌤𑌰॒𑌤 𑌏॒𑌵𑍈𑌨𑌂॒ - 𑌦𑌶॑ 𑌚) (𑌅. 6)

𑌅॒𑌗𑍍𑌨𑌿𑌨𑌾॒ 𑌵𑍈 𑌹𑍋𑌤𑍍𑌰𑌾॑ 𑌦𑍇॒𑌵𑌾 𑌅𑌸𑍁॑𑌰𑌾-𑌨॒𑌭𑍍𑌯॑𑌭𑌵-𑌨𑍍𑌨॒𑌗𑍍𑌨𑌯𑍇॑ 𑌸𑌮𑌿॒𑌦𑍍𑌧𑍍𑌯𑌮𑌾॑𑌨𑌾॒𑌯𑌾𑌨𑍁॑ 𑌬𑍍𑌰𑍂॒𑌹𑍀𑌤𑍍𑌯𑌾॑𑌹॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈 𑌸॒𑌪𑍍𑌤𑌦॑𑌶 𑌸𑌾𑌮𑌿𑌧𑍇॒𑌨𑍀𑌰𑌨𑍍𑌵𑌾॑𑌹 𑌸𑌪𑍍𑌤𑌦॒𑌶𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈॑ 𑌸॒𑌪𑍍𑌤𑌦॒𑌶𑌾𑌨𑍍𑌵𑌾॑𑌹॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒-𑌸𑍍𑌸 𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰-𑌮𑍍𑌪𑍍𑌰॒𑌜𑌾 𑌅𑌨𑍁॒ 𑌪𑍍𑌰𑌜𑌾॑𑌯𑌨𑍍𑌤𑍇 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯 𑌦𑍇॒𑌵𑌾 𑌵𑍈 𑌸𑌾॑𑌮𑌿𑌧𑍇॒𑌨𑍀𑌰॒𑌨𑍂𑌚𑍍𑌯॑ 𑌯॒𑌜𑍍𑌞-𑌨𑍍𑌨𑌾𑌨𑍍𑌵॑𑌪𑌶𑍍𑌯॒𑌨𑍍-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿-𑌸𑍍𑌤𑍂॒𑌷𑍍𑌣𑍀-𑌮𑌾॑𑌘𑌾॒𑌰- [-𑌮𑌾॑𑌘𑌾॒𑌰𑌮𑍍, 𑌆 𑌽𑌘𑌾॑𑌰𑌯॒-𑌤𑍍𑌤𑌤𑍋॒ 𑌵𑍈] 36

-𑌮𑌾 𑌽𑌘𑌾॑𑌰𑌯॒-𑌤𑍍𑌤𑌤𑍋॒ 𑌵𑍈 𑌦𑍇॒𑌵𑌾 𑌯॒𑌜𑍍𑌞𑌮𑌨𑍍𑌵॑𑌪𑌶𑍍𑌯॒𑌨𑍍॒. 𑌯-𑌤𑍍𑌤𑍂॒𑌷𑍍𑌣𑍀-𑌮𑌾॑𑌘𑌾॒𑌰-𑌮𑌾॑𑌘𑌾॒𑌰𑌯॑𑌤𑌿 𑌯॒𑌜𑍍𑌞𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑌾॒ 𑌅𑌸𑍁॑𑌰𑍇𑌷𑍁॒ 𑌵𑍈 𑌯॒𑌜𑍍𑌞 𑌆॑𑌸𑍀॒-𑌤𑍍𑌤-𑌨𑍍𑌦𑍇॒𑌵𑌾𑌸𑍍𑌤𑍂᳚𑌷𑍍𑌣𑍀𑌗𑍍𑌂 𑌹𑍋॒𑌮𑍇𑌨𑌾॑𑌵𑍃𑌞𑍍𑌜𑌤॒ 𑌯-𑌤𑍍𑌤𑍂॒𑌷𑍍𑌣𑍀-𑌮𑌾॑𑌘𑌾॒𑌰-𑌮𑌾॑𑌘𑌾॒𑌰𑌯॑𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌸𑍍𑌯𑍈॒ 𑌵 𑌤-𑌦𑍍𑌯॒𑌜𑍍𑌞𑌂-𑌵𑍃𑌁॑𑌙𑍍𑌕𑍍𑌤𑍇 𑌪𑌰𑌿॒𑌧𑍀॑𑌨𑍍-𑌥𑍍𑌸-𑌮𑍍𑌮𑌾᳚𑌰𑍍𑌷𑍍𑌟𑌿 𑌪𑍁॒𑌨𑌾𑌤𑍍𑌯𑍇॒𑌵𑍈𑌨𑌾॒-𑌨𑍍𑌤𑍍𑌰𑌿𑌸𑍍𑌤𑍍𑌰𑌿॒-𑌸𑍍𑌸-𑌮𑍍𑌮𑌾᳚𑌰𑍍𑌷𑍍𑌟𑌿॒ 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑍋-𑌽𑌥𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌦𑍍𑌵𑌾𑌦॑𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑍍𑌵𑌾𑌦॑𑌶॒ [𑌦𑍍𑌵𑌾𑌦॑𑌶, 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-] 37

𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑌮𑍇॒𑌵 𑌪𑍍𑌰𑍀॑𑌣𑌾॒𑌤𑍍𑌯𑌥𑍋॑ 𑌸𑌂𑌵𑌁𑌥𑍍𑌸॒𑌰𑌮𑍇॒𑌵𑌾𑌸𑍍𑌮𑌾॒ 𑌉𑌪॑ 𑌦𑌧𑌾𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈॒ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑌾॑𑌘𑌾॒𑌰𑍋᳚-𑌽𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌯𑌦𑌾॑𑌘𑌾॒𑌰-𑌮𑌾॑𑌘𑌾॒𑌰𑌯॑𑌤𑌿 𑌶𑍀𑌰𑍍𑌷॒𑌤 𑌏॒𑌵 𑌯॒𑌜𑍍𑌞𑌸𑍍𑌯॒ 𑌯𑌜॑𑌮𑌾𑌨॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌅𑌵॑ 𑌰𑍁𑌨𑍍𑌧𑍇॒ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑌾॑𑌘𑌾॒𑌰 𑌆॒𑌤𑍍𑌮𑌾 𑌪॒𑌶𑍁𑌰𑌾॑𑌘𑌾॒𑌰𑌮𑌾॒𑌘𑌾𑌰𑍍𑌯॑ 𑌪॒𑌶𑍁𑌗𑍍𑌂 𑌸𑌮॑𑌨𑌕𑍍𑌤𑍍𑌯𑌾॒𑌤𑍍𑌮𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯॒ [𑌯॒𑌜𑍍𑌞𑌸𑍍𑌯॑, 𑌶𑌿𑌰𑌃॒ 𑌪𑍍𑌰𑌤𑌿॑ 𑌦𑌧𑌾𑌤𑌿॒] 38

𑌶𑌿𑌰𑌃॒ 𑌪𑍍𑌰𑌤𑌿॑ 𑌦𑌧𑌾𑌤𑌿॒ 𑌸-𑌨𑍍𑌤𑍇᳚ 𑌪𑍍𑌰𑌾॒𑌣𑍋 𑌵𑌾॒𑌯𑍁𑌨𑌾॑ 𑌗𑌚𑍍𑌛𑌤𑌾॒𑌮𑌿𑌤𑍍𑌯𑌾॑𑌹 𑌵𑌾𑌯𑍁𑌦𑍇𑌵॒𑌤𑍍𑌯𑍋॑ 𑌵𑍈 𑌪𑍍𑌰𑌾॒𑌣𑍋 𑌵𑌾॒𑌯𑌾𑌵𑍇॒𑌵𑌾𑌸𑍍𑌯॑ 𑌪𑍍𑌰𑌾॒𑌣-𑌞𑍍𑌜𑍁॑𑌹𑍋𑌤𑌿॒ 𑌸𑌂-𑌯𑌁𑌜॑𑌤𑍍𑌰𑍈॒𑌰𑌙𑍍𑌗𑌾॑𑌨𑌿॒ 𑌸𑌂-𑌯𑌁॒𑌜𑍍𑌞𑌪॑𑌤𑌿𑌰𑌾॒𑌶𑌿𑌷𑍇𑌤𑍍𑌯𑌾॑𑌹 𑌯॒𑌜𑍍𑌞𑌪॑𑌤𑌿𑌮𑍇॒𑌵𑌾𑌸𑍍𑌯𑌾॒-𑌽𑌽𑌶𑌿𑌷॑-𑌙𑍍𑌗𑌮𑌯𑌤𑌿 𑌵𑌿॒𑌶𑍍𑌵𑌰𑍂॑𑌪𑍋॒ 𑌵𑍈 𑌤𑍍𑌵𑌾॒𑌷𑍍𑌟𑍍𑌰 𑌉॒𑌪𑌰𑌿॑𑌷𑍍𑌟𑌾-𑌤𑍍𑌪॒𑌶𑍁𑌮॒𑌭𑍍𑌯॑𑌵𑌮𑍀॒-𑌤𑍍𑌤𑌸𑍍𑌮𑌾॑-𑌦𑍁॒𑌪𑌰𑌿॑𑌷𑍍𑌟𑌾-𑌤𑍍𑌪॒𑌶𑍋𑌰𑍍𑌨𑌾𑌵॑ 𑌦𑍍𑌯𑌨𑍍𑌤𑌿॒ 𑌯𑌦𑍁॒𑌪𑌰𑌿॑𑌷𑍍𑌟𑌾-𑌤𑍍𑌪॒𑌶𑍁𑌗𑍍𑌂 𑌸॑𑌮॒𑌨𑌕𑍍𑌤𑌿॒ 𑌮𑍇𑌦𑍍𑌧𑍍𑌯॑𑌮𑍇॒𑌵𑍈- [𑌮𑍇𑌦𑍍𑌧𑍍𑌯॑𑌮𑍇॒𑌵, 𑌏॒𑌨॒-𑌙𑍍𑌕॒𑌰𑍋॒𑌤𑍍𑌯𑍃॒𑌤𑍍𑌵𑌿𑌜𑍋॑] 39

-𑌨॑-𑌙𑍍𑌕𑌰𑍋𑌤𑍍𑌯𑍃॒𑌤𑍍𑌵𑌿𑌜𑍋॑ 𑌵𑍃𑌣𑍀𑌤𑍇॒ 𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌵𑍃॑𑌣𑍀𑌤𑍇 𑌸॒𑌪𑍍𑌤 𑌵𑍃॑𑌣𑍀𑌤𑍇 𑌸॒𑌪𑍍𑌤 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑌃॑ 𑌸॒𑌪𑍍𑌤𑌾-𑌽𑌽𑌰॒𑌣𑍍𑌯𑌾-𑌸𑍍𑌸॒𑌪𑍍𑌤 𑌛𑌨𑍍𑌦𑌾𑌗𑍍॑𑌸𑍍𑌯𑍁॒𑌭𑌯॒𑌸𑍍𑌯𑌾 𑌵॑𑌰𑍁𑌦𑍍𑌧𑍍𑌯𑌾॒ 𑌏𑌕𑌾॑𑌦𑌶 𑌪𑍍𑌰𑌯𑌾॒𑌜𑌾𑌨𑍍. 𑌯॑𑌜𑌤𑌿॒ 𑌦𑌶॒ 𑌵𑍈 𑌪॒𑌶𑍋𑌃 𑌪𑍍𑌰𑌾॒𑌣𑌾 𑌆॒𑌤𑍍𑌮𑍈𑌕𑌾॑𑌦॒𑌶𑍋 𑌯𑌾𑌵𑌾॑𑌨𑍇॒𑌵 𑌪॒𑌶𑍁𑌸𑍍𑌤-𑌮𑍍𑌪𑍍𑌰 𑌯॑𑌜𑌤𑌿 𑌵॒𑌪𑌾𑌮𑍇𑌕𑌃॒ 𑌪𑌰𑌿॑ 𑌶𑌯 𑌆॒𑌤𑍍𑌮𑍈𑌵𑌾-𑌽𑌽𑌤𑍍𑌮𑌾𑌨॒-𑌮𑍍𑌪𑌰𑌿॑ 𑌶𑌯𑍇॒ 𑌵𑌜𑍍𑌰𑍋॒ 𑌵𑍈 𑌸𑍍𑌵𑌧𑌿॑𑌤𑌿॒𑌰𑍍𑌵𑌜𑍍𑌰𑍋॑ 𑌯𑍂𑌪𑌶𑌕॒𑌲𑍋 𑌘𑍃॒𑌤-𑌙𑍍𑌖𑌲𑍁॒ 𑌵𑍈 𑌦𑍇॒𑌵𑌾 𑌵𑌜𑍍𑌰॑-𑌙𑍍𑌕𑍃॒𑌤𑍍𑌵𑌾 𑌸𑍋𑌮॑𑌮𑌘𑍍𑌨-𑌨𑍍𑌘𑍃॒𑌤𑍇𑌨𑌾॒𑌕𑍍𑌤𑍗 𑌪॒𑌶𑍁-𑌨𑍍𑌤𑍍𑌰𑌾॑𑌯𑍇𑌥𑌾॒𑌮𑌿𑌤𑍍𑌯𑌾॑𑌹॒ 𑌵𑌜𑍍𑌰𑍇॑𑌣𑍈॒𑌵𑍈𑌨𑌂॒-𑌵𑌁𑌶𑍇॑ 𑌕𑍃॒𑌤𑍍𑌵𑌾-𑌽𑌽𑌲॑𑌭𑌤𑍇 ॥ 40 ॥

(𑌆॒𑌘𑌾॒𑌰𑌂 - 𑌪॑𑌦𑍍𑌯𑌨𑍍𑌤𑍇॒ 𑌦𑍍𑌵𑌾𑌦॑𑌶𑌾॒ - 𑌽𑌽𑌤𑍍𑌮𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯॒ - 𑌮𑍇𑌧𑍍𑌯॑𑌮𑍇॒𑌵 - 𑌖𑌲𑍁॒ 𑌵𑌾 - 𑌅॒𑌷𑍍𑌟𑌾𑌦॑𑌶 𑌚) (𑌅. 7)

𑌪𑌰𑍍𑌯॑𑌗𑍍𑌨𑌿 𑌕𑌰𑍋𑌤𑌿 𑌸𑌰𑍍𑌵॒𑌹𑍁𑌤॑𑌮𑍇॒𑌵𑍈𑌨॑-𑌙𑍍𑌕𑌰𑍋॒𑌤𑍍𑌯-𑌸𑍍𑌕॑𑌨𑍍𑌦𑌾॒𑌯𑌾-𑌸𑍍𑌕॑𑌨𑍍𑌨॒𑌗𑍍𑌂॒ 𑌹𑌿 𑌤-𑌦𑍍𑌯-𑌦𑍍𑌧𑍁॒𑌤𑌸𑍍𑌯॒ 𑌸𑍍𑌕𑌨𑍍𑌦॑𑌤𑌿॒ 𑌤𑍍𑌰𑌿𑌃 𑌪𑌰𑍍𑌯॑𑌗𑍍𑌨𑌿 𑌕𑌰𑍋𑌤𑌿॒ 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑍋-𑌽𑌥𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌬𑍍𑌰𑌹𑍍𑌮𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑍍𑌯𑌨𑍍𑌵𑌾॒𑌰𑌭𑍍𑌯𑌃॑ 𑌪॒𑌶𑍂(3)-𑌰𑍍𑌨𑌾𑌨𑍍𑌵𑌾॒𑌰𑌭𑍍𑌯𑌾(3) 𑌇𑌤𑌿॑ 𑌮𑍃॒𑌤𑍍𑌯𑌵𑍇॒ 𑌵𑌾 𑌏॒𑌷 𑌨𑍀॑𑌯𑌤𑍇॒ 𑌯-𑌤𑍍𑌪॒𑌶𑍁𑌸𑍍𑌤𑌂-𑌯𑌁𑌦॑𑌨𑍍𑌵𑌾॒𑌰𑌭𑍇॑𑌤 𑌪𑍍𑌰॒𑌮𑌾𑌯𑍁॑𑌕𑍋॒ 𑌯𑌜॑𑌮𑌾𑌨-𑌸𑍍𑌸𑍍𑌯𑌾॒𑌦𑌥𑍋॒ 𑌖𑌲𑍍𑌵𑌾॑𑌹𑍁-𑌸𑍍𑌸𑍁𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯॑ 𑌨𑍀𑌯𑌤𑍇॒ 𑌯- [𑌯𑌤𑍍, 𑌪॒𑌶𑍁𑌰𑌿𑌤𑌿॒] 41

-𑌤𑍍𑌪॒𑌶𑍁𑌰𑌿𑌤𑌿॒ 𑌯𑌨𑍍𑌨𑌾𑌨𑍍𑌵𑌾॒𑌰𑌭𑍇॑𑌤 𑌸𑍁𑌵॒𑌰𑍍𑌗𑌾𑌲𑍍𑌲𑍋॒𑌕𑌾-𑌦𑍍𑌯𑌜॑𑌮𑌾𑌨𑍋 𑌹𑍀𑌯𑍇𑌤 𑌵𑌪𑌾॒𑌶𑍍𑌰𑌪॑𑌣𑍀𑌭𑍍𑌯𑌾-𑌮॒𑌨𑍍𑌵𑌾𑌰॑𑌭𑌤𑍇॒ 𑌤𑌨𑍍𑌨𑍇𑌵𑌾॒𑌨𑍍𑌵𑌾𑌰॑𑌬𑍍𑌧॒-𑌨𑍍𑌨𑍇𑌵𑌾𑌨॑𑌨𑍍𑌵𑌾𑌰𑌬𑍍𑌧॒𑌮𑍁𑌪॒ 𑌪𑍍𑌰𑍇𑌷𑍍𑌯॑ 𑌹𑍋𑌤𑌰𑍍𑌹॒𑌵𑍍𑌯𑌾 𑌦𑍇॒𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹𑍇𑌷𑌿॒𑌤𑌗𑍍𑌂 𑌹𑌿 𑌕𑌰𑍍𑌮॑ 𑌕𑍍𑌰𑌿॒𑌯𑌤𑍇॒ 𑌰𑍇𑌵॑𑌤𑍀𑌰𑍍𑌯॒𑌜𑍍𑌞𑌪॑𑌤𑌿-𑌮𑍍𑌪𑍍𑌰𑌿𑌯॒𑌧𑌾 𑌽𑌽𑌵𑌿॑𑌶॒𑌤𑍇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌦॒𑌗𑍍𑌨𑌿𑌨𑌾॑ 𑌪𑍁॒𑌰𑌸𑍍𑌤𑌾॑𑌦𑍇𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌪𑍃𑌞𑍍𑌚𑌃॑ 𑌪𑌾॒𑌹𑍀𑌤𑌿॑ 𑌬॒𑌰𑍍॒𑌹𑌿- [𑌬॒𑌰𑍍॒𑌹𑌿𑌃, 𑌉𑌪𑌾᳚-𑌽𑌸𑍍𑌯॒𑌤𑍍𑌯-𑌸𑍍𑌕॑𑌨𑍍𑌦𑌾॒𑌯𑌾-] 42

-𑌰𑍁𑌪𑌾᳚-𑌽𑌸𑍍𑌯॒𑌤𑍍𑌯-𑌸𑍍𑌕॑𑌨𑍍𑌦𑌾॒𑌯𑌾-𑌸𑍍𑌕॑𑌨𑍍𑌨॒𑌗𑍍𑌂॒ 𑌹𑌿 𑌤-𑌦𑍍𑌯-𑌦𑍍𑌬॒𑌰𑍍॒𑌹𑌿𑌷𑌿॒ 𑌸𑍍𑌕𑌨𑍍𑌦॒𑌤𑍍𑌯𑌥𑍋॑ 𑌬𑌰𑍍𑌹𑌿॒𑌷𑌦॑𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿॒ 𑌪𑌰𑌾𑌂॒𑌆 𑌵॑𑌰𑍍𑌤𑌤𑍇-𑌽𑌦𑍍𑌧𑍍𑌵॒𑌰𑍍𑌯𑍁𑌃 𑌪॒𑌶𑍋-𑌸𑍍𑌸᳚𑌜𑍍𑌞॒𑌮𑍍𑌪𑍍𑌯𑌮𑌾॑𑌨𑌾-𑌤𑍍𑌪॒𑌶𑍁𑌭𑍍𑌯॑ 𑌏॒𑌵 𑌤𑌨𑍍𑌨𑌿 𑌹𑍍𑌨𑍁॑𑌤 𑌆॒𑌤𑍍𑌮𑌨𑍋-𑌽𑌨𑌾᳚𑌵𑍍𑌰𑌸𑍍𑌕𑌾𑌯॒ 𑌗𑌚𑍍𑌛॑𑌤𑌿॒ 𑌶𑍍𑌰𑌿𑌯॒-𑌮𑍍𑌪𑍍𑌰 𑌪॒𑌶𑍂𑌨𑌾᳚𑌪𑍍𑌨𑍋𑌤𑌿॒ 𑌯 𑌏॒𑌵𑌂-𑌵𑍇𑌁𑌦॑ 𑌪॒𑌶𑍍𑌚𑌾𑌲𑍍𑌲𑍋॑𑌕𑌾॒ 𑌵𑌾 𑌏॒𑌷𑌾 𑌪𑍍𑌰𑌾𑌚𑍍𑌯𑍁॒𑌦𑌾𑌨𑍀॑𑌯𑌤𑍇॒ 𑌯-𑌤𑍍𑌪𑌤𑍍𑌨𑍀॒ 𑌨𑌮॑𑌸𑍍𑌤 𑌆𑌤𑌾॒𑌨𑍇𑌤𑍍𑌯𑌾॑𑌹𑌾-𑌽𑌽𑌦𑌿॒𑌤𑍍𑌯𑌸𑍍𑌯॒ 𑌵𑍈 𑌰॒𑌶𑍍𑌮𑌯॑ [𑌰॒𑌶𑍍𑌮𑌯𑌃॑, 𑌆॒𑌤𑌾॒𑌨𑌾𑌸𑍍𑌤𑍇𑌭𑍍𑌯॑] 43

𑌆𑌤𑌾॒𑌨𑌾𑌸𑍍𑌤𑍇𑌭𑍍𑌯॑ 𑌏॒𑌵 𑌨𑌮॑𑌸𑍍𑌕𑌰𑍋𑌤𑍍𑌯𑌨॒𑌰𑍍𑌵𑌾 𑌪𑍍𑌰𑍇𑌹𑍀𑌤𑍍𑌯𑌾॑𑌹॒ 𑌭𑍍𑌰𑌾𑌤𑍃॑𑌵𑍍𑌯𑍋॒ 𑌵𑌾 𑌅𑌰𑍍𑌵𑌾॒ 𑌭𑍍𑌰𑌾𑌤𑍃॑𑌵𑍍𑌯𑌾𑌪𑌨𑍁𑌤𑍍𑌤𑍍𑌯𑍈 𑌘𑍃॒𑌤𑌸𑍍𑌯॑ 𑌕𑍁॒𑌲𑍍𑌯𑌾𑌮𑌨𑍁॑ 𑌸॒𑌹 𑌪𑍍𑌰॒𑌜𑌯𑌾॑ 𑌸॒𑌹 𑌰𑌾॒𑌯𑌸𑍍𑌪𑍋𑌷𑍇॒𑌣𑍇-𑌤𑍍𑌯𑌾॑𑌹𑌾॒ 𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤॒ 𑌆𑌪𑍋॑ 𑌦𑍇𑌵𑍀-𑌶𑍍𑌶𑍁𑌦𑍍𑌧𑌾𑌯𑍁𑌵॒ 𑌇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌤𑍍 ॥ 44 ॥

(𑌲𑍋॒𑌕𑌾𑌯॑ 𑌨𑍀𑌯𑌤𑍇॒ 𑌯-𑌦𑍍- 𑌬॒𑌰॒𑌃𑌈 - 𑌰॒𑌶𑍍𑌮𑌯𑌃॑ - 𑌸॒𑌪𑍍𑌤𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 8)

𑌪॒𑌶𑍋𑌰𑍍𑌵𑌾 𑌆𑌲॑𑌬𑍍𑌧𑌸𑍍𑌯 𑌪𑍍𑌰𑌾॒𑌣𑌾𑌞𑍍𑌛𑍁𑌗𑍃॑𑌚𑍍𑌛𑌤𑌿॒ 𑌵𑌾𑌕𑍍𑌤॒ 𑌆 𑌪𑍍𑌯𑌾॑𑌯𑌤𑌾-𑌮𑍍𑌪𑍍𑌰𑌾॒𑌣𑌸𑍍𑌤॒ 𑌆 𑌪𑍍𑌯𑌾॑𑌯𑌤𑌾॒𑌮𑌿𑌤𑍍𑌯𑌾॑𑌹 𑌪𑍍𑌰𑌾॒𑌣𑍇𑌭𑍍𑌯॑ 𑌏॒𑌵𑌾𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿॒ 𑌸𑌾 𑌪𑍍𑌰𑌾॒𑌣𑍇𑌭𑍍𑌯𑍋-𑌽𑌧𑌿॑ 𑌪𑍃𑌥𑌿॒𑌵𑍀𑌗𑍍𑌂 𑌶𑍁-𑌕𑍍𑌪𑍍𑌰 𑌵𑌿॑𑌶𑌤𑌿॒ 𑌶𑌮𑌹𑍋᳚𑌭𑍍𑌯𑌾॒𑌮𑌿𑌤𑌿॒ 𑌨𑌿 𑌨॑𑌯𑌤𑍍𑌯𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵 𑌪𑍃॑𑌥𑌿॒𑌵𑍍𑌯𑍈 𑌶𑍁𑌚𑌗𑍍𑌂॑ 𑌶𑌮𑌯॒𑌤𑍍𑌯𑍋𑌷॑𑌧𑍇॒ 𑌤𑍍𑌰𑌾॑𑌯𑌸𑍍𑌵𑍈𑌨॒𑌗𑍍𑌗𑍍॒ 𑌸𑍍𑌵𑌧𑌿॑𑌤𑍇॒ 𑌮𑍈𑌨𑌗𑍍𑌂॑ 𑌹𑌿𑌗𑍍𑌂𑌸𑍀॒𑌰𑌿𑌤𑍍𑌯𑌾॑𑌹॒ 𑌵𑌜𑍍𑌰𑍋॒ 𑌵𑍈 𑌸𑍍𑌵𑌧𑌿॑𑌤𑌿॒- [𑌸𑍍𑌵𑌧𑌿॑𑌤𑌿𑌃, 𑌶𑌾𑌨𑍍𑌤𑍍𑌯𑍈॑ 𑌪𑌾𑌰𑍍𑌶𑍍𑌵॒𑌤] 45

-𑌶𑍍𑌶𑌾𑌨𑍍𑌤𑍍𑌯𑍈॑ 𑌪𑌾𑌰𑍍𑌶𑍍𑌵॒𑌤 𑌆 𑌚𑍍𑌛𑍍𑌯॑𑌤𑌿 𑌮𑌦𑍍𑌧𑍍𑌯॒𑌤𑍋 𑌹𑌿 𑌮॑𑌨𑍁॒𑌷𑍍𑌯𑌾॑ 𑌆॒ 𑌚𑍍𑌛𑍍𑌯𑌨𑍍𑌤𑌿॑ 𑌤𑌿𑌰॒𑌶𑍍𑌚𑍀𑌨॒𑌮𑌾 𑌚𑍍𑌛𑍍𑌯॑𑌤𑍍𑌯𑌨𑍂॒𑌚𑍀𑌨॒𑌗𑍍𑌂॒ 𑌹𑌿 𑌮॑𑌨𑍁॒𑌷𑍍𑌯𑌾॑ 𑌆॒𑌚𑍍𑌛𑍍𑌯𑌨𑍍𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌰𑌕𑍍𑌷॑𑌸𑌾-𑌮𑍍𑌭𑌾॒𑌗𑍋॑-𑌽𑌸𑍀𑌤𑌿॑ 𑌸𑍍𑌥𑌵𑌿𑌮॒𑌤𑍋 𑌬॒𑌰𑍍॒𑌹𑌿𑌰॒𑌕𑍍𑌤𑍍𑌵𑌾-𑌽𑌪𑌾᳚𑌸𑍍𑌯𑌤𑍍𑌯॒𑌸𑍍𑌨𑍈𑌵 𑌰𑌕𑍍𑌷𑌾𑌗𑍍𑌂॑𑌸𑌿 𑌨𑌿॒𑌰𑌵॑𑌦𑌯𑌤 𑌇॒𑌦𑌮॒𑌹𑌗𑍍𑌂 𑌰𑌕𑍍𑌷𑍋॑-𑌽𑌧॒𑌮-𑌨𑍍𑌤𑌮𑍋॑ 𑌨𑌯𑌾𑌮𑌿॒ 𑌯𑍋᳚-𑌽𑌸𑍍𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌯-𑌞𑍍𑌚॑ 𑌵॒𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑍍𑌯𑌾॑𑌹॒ 𑌦𑍍𑌵𑍗 𑌵𑌾𑌵 𑌪𑍁𑌰𑍁॑𑌷𑍗॒ 𑌯-𑌞𑍍𑌚𑍈॒𑌵 [ ] 46

𑌦𑍍𑌵𑍇𑌷𑍍𑌟𑌿॒ 𑌯𑌶𑍍𑌚𑍈॑𑌨॒-𑌨𑍍𑌦𑍍𑌵𑍇𑌷𑍍𑌟𑌿॒ 𑌤𑌾𑌵𑍁॒𑌭𑌾𑌵॑𑌧॒𑌮-𑌨𑍍𑌤𑌮𑍋॑ 𑌨𑌯𑌤𑍀॒𑌷𑍇 𑌤𑍍𑌵𑍇𑌤𑌿॑ 𑌵॒𑌪𑌾𑌮𑍁𑌤𑍍𑌖𑌿॑𑌦𑌤𑍀॒𑌚𑍍𑌛𑌤॑ 𑌇𑌵॒ 𑌹𑍍𑌯𑍇॑𑌷 𑌯𑍋 𑌯𑌜॑𑌤𑍇॒ 𑌯𑌦𑍁॑𑌪𑌤𑍃॒𑌨𑍍𑌦𑍍𑌯𑌾-𑌦𑍍𑌰𑍁॒𑌦𑍍𑌰𑍋᳚-𑌽𑌸𑍍𑌯 𑌪॒𑌶𑍂-𑌨𑍍𑌘𑌾𑌤𑍁॑𑌕-𑌸𑍍𑌸𑍍𑌯𑌾॒-𑌦𑍍𑌯𑌨𑍍𑌨𑍋𑌪॑𑌤𑍃॒𑌨𑍍𑌦𑍍𑌯𑌾-𑌦𑌯॑𑌤𑌾 𑌸𑍍𑌯𑌾-𑌦॒𑌨𑍍𑌯𑌯𑍋॑𑌪𑌤𑍃॒𑌣𑌤𑍍𑌤𑍍𑌯॒𑌨𑍍𑌯𑌯𑌾॒ 𑌨 𑌧𑍃𑌤𑍍𑌯𑍈॑ 𑌘𑍃॒𑌤𑍇𑌨॑ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌪𑍍𑌰𑍋𑌰𑍍𑌣𑍍𑌵𑌾॑𑌥𑌾॒𑌮𑌿𑌤𑍍𑌯𑌾॑𑌹॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌏॒𑌵 𑌰𑌸𑍇॑𑌨𑌾𑌨॒𑌕𑍍𑌤𑍍𑌯𑌚𑍍𑌛𑌿॑𑌨𑍍𑌨𑍋॒ [𑌰𑌸𑍇॑𑌨𑌾𑌨॒𑌕𑍍𑌤𑍍𑌯𑌚𑍍𑌛𑌿॑𑌨𑍍𑌨𑌃, 𑌰𑌾𑌯𑌃॑ 𑌸𑍁॒𑌵𑍀𑌰॒] 47

𑌰𑌾𑌯𑌃॑ 𑌸𑍁॒𑌵𑍀𑌰॒ 𑌇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌤𑍍𑌕𑍍𑌰𑍂॒𑌰𑌮𑌿॑𑌵॒ 𑌵𑌾 𑌏॒𑌤-𑌤𑍍𑌕॑𑌰𑍋𑌤𑌿॒ 𑌯-𑌦𑍍𑌵॒𑌪𑌾-𑌮𑍁॑𑌤𑍍𑌖𑌿॒𑌦-𑌤𑍍𑌯𑍁॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒-𑌮𑌨𑍍𑌵𑌿॒𑌹𑍀𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑍈॒ 𑌪𑍍𑌰 𑌵𑌾 𑌏॒𑌷𑍋᳚-𑌽𑌸𑍍𑌮𑌾𑌲𑍍𑌲𑍋॒𑌕𑌾𑌚𑍍𑌚𑍍𑌯॑𑌵𑌤𑍇॒ 𑌯𑌃 𑌪॒𑌶𑍁-𑌮𑍍𑌮𑍃॒𑌤𑍍𑌯𑌵𑍇॑ 𑌨𑍀॒𑌯𑌮𑌾॑𑌨𑌮𑌨𑍍𑌵𑌾॒𑌰𑌭॑𑌤𑍇 𑌵𑌪𑌾॒𑌶𑍍𑌰𑌪॑𑌣𑍀॒ 𑌪𑍁𑌨॑𑌰॒𑌨𑍍𑌵𑌾𑌰॑𑌭𑌤𑍇॒-𑌽𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕𑍇 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑍍𑌯॒𑌗𑍍𑌨𑌿𑌨𑌾॑ 𑌪𑍁॒𑌰𑌸𑍍𑌤𑌾॑𑌦𑍇𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑌾॒ 𑌅𑌥𑍋॑ 𑌦𑍇॒𑌵𑌤𑌾॑ 𑌏॒𑌵 𑌹॒𑌵𑍍𑌯𑍇𑌨𑌾- [𑌏॒𑌵 𑌹॒𑌵𑍍𑌯𑍇𑌨॑, 𑌅𑌨𑍍𑌵𑍇॑𑌤𑌿॒] 48

-𑌨𑍍𑌵𑍇॑𑌤𑌿॒ 𑌨𑌾𑌨𑍍𑌤॒𑌮𑌮𑌙𑍍𑌗𑌾॑𑌰॒𑌮𑌤𑌿॑ 𑌹𑌰𑍇॒-𑌦𑍍𑌯𑌦॑𑌨𑍍𑌤॒𑌮𑌮𑌙𑍍𑌗𑌾॑𑌰𑌮𑌤𑌿॒ 𑌹𑌰𑍇᳚-𑌦𑍍𑌦𑍇॒𑌵𑌤𑌾॒ 𑌅𑌤𑌿॑ 𑌮𑌨𑍍𑌯𑍇𑌤॒ 𑌵𑌾𑌯𑍋॒ 𑌵𑍀𑌹𑌿॑ 𑌸𑍍𑌤𑍋॒𑌕𑌾𑌨𑌾॒𑌮𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾॒-𑌦𑍍𑌵𑌿𑌭॑𑌕𑍍𑌤𑌾-𑌸𑍍𑌸𑍍𑌤𑍋॒𑌕𑌾 𑌅𑌵॑ 𑌪𑌦𑍍𑌯॒𑌨𑍍𑌤𑍇-𑌽𑌗𑍍𑌰𑌂॒-𑌵𑌾𑌁 𑌏॒𑌤-𑌤𑍍𑌪॑𑌶𑍂॒𑌨𑌾𑌂-𑌯𑌁-𑌦𑍍𑌵॒𑌪𑌾-𑌽𑌗𑍍𑌰॒𑌮𑍋𑌷॑𑌧𑍀𑌨𑌾-𑌮𑍍𑌬॒𑌰𑍍॒𑌹𑌿𑌰𑌗𑍍𑌰𑍇॑𑌣𑍈॒𑌵𑌾𑌗𑍍𑌰॒𑌗𑍍𑌂॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌓𑌷॑𑌧𑍀𑌷𑍍𑌵𑍇॒𑌵 𑌪॒𑌶𑍂-𑌨𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌸𑍍𑌵𑌾𑌹𑌾॑𑌕𑍃𑌤𑍀𑌭𑍍𑌯𑌃॒ 𑌪𑍍𑌰𑍇𑌷𑍍𑌯𑍇𑌤𑍍𑌯𑌾॑𑌹 [ ] 49

𑌯॒𑌜𑍍𑌞𑌸𑍍𑌯॒ 𑌸𑌮𑌿॑𑌷𑍍𑌟𑍍𑌯𑍈 𑌪𑍍𑌰𑌾𑌣𑌾𑌪𑌾॒𑌨𑍗 𑌵𑌾 𑌏॒𑌤𑍗 𑌪॑𑌶𑍂॒𑌨𑌾𑌂-𑌯𑌁-𑌤𑍍𑌪𑍃॑𑌷𑌦𑌾॒𑌜𑍍𑌯𑌮𑌾॒𑌤𑍍𑌮𑌾 𑌵॒𑌪𑌾 𑌪𑍃॑𑌷𑌦𑌾॒𑌜𑍍𑌯𑌮॑𑌭𑌿॒𑌘𑌾𑌰𑍍𑌯॑ 𑌵॒𑌪𑌾𑌮॒𑌭𑌿 𑌘𑌾॑𑌰𑌯𑌤𑍍𑌯𑌾॒𑌤𑍍𑌮𑌨𑍍𑌨𑍇॒𑌵 𑌪॑𑌶𑍂॒𑌨𑌾-𑌮𑍍𑌪𑍍𑌰𑌾॑𑌣𑌾𑌪𑌾॒𑌨𑍗 𑌦॑𑌧𑌾𑌤𑌿॒ 𑌸𑍍𑌵𑌾𑌹𑍋॒𑌰𑍍𑌧𑍍𑌵𑌨॑𑌭𑌸-𑌮𑍍𑌮𑌾𑌰𑍁॒𑌤-𑌙𑍍𑌗॑𑌚𑍍𑌛𑌤॒𑌮𑌿𑌤𑍍𑌯𑌾॑𑌹𑍋॒𑌰𑍍𑌧𑍍𑌵𑌨॑𑌭𑌾 𑌹 𑌸𑍍𑌮॒ 𑌵𑍈 𑌮𑌾॑𑌰𑍁॒𑌤𑍋 𑌦𑍇॒𑌵𑌾𑌨𑌾𑌂᳚-𑌵𑌁𑌪𑌾॒𑌶𑍍𑌰𑌪॑𑌣𑍀॒ 𑌪𑍍𑌰 𑌹॑𑌰𑌤𑌿॒ 𑌤𑍇𑌨𑍈॒𑌵𑍈𑌨𑍇॒ 𑌪𑍍𑌰 𑌹॑𑌰𑌤𑌿॒ 𑌵𑌿𑌷𑍂॑𑌚𑍀॒ 𑌪𑍍𑌰 𑌹॑𑌰𑌤𑌿॒ 𑌤𑌸𑍍𑌮𑌾॒-𑌦𑍍𑌵𑌿𑌷𑍍𑌵॑𑌞𑍍𑌚𑍗 𑌪𑍍𑌰𑌾𑌣𑌾𑌪𑌾॒𑌨𑍗 ॥ 50 ॥

(𑌸𑍍𑌵𑌧𑌿॑𑌤𑌿 - 𑌶𑍍𑌚𑍈॒𑌵𑌾 - 𑌚𑍍𑌛𑌿॑𑌨𑍍𑌨𑍋 - 𑌹॒𑌵𑍍𑌯𑍇𑌨𑍇॒ - 𑌷𑍍𑌯𑍇𑌤𑍍𑌯𑌾॑𑌹॒ - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 9)

𑌪॒𑌶𑍁𑌮𑌾॒𑌲𑌭𑍍𑌯॑ 𑌪𑍁𑌰𑍋॒𑌡𑌾𑌶॒-𑌨𑍍𑌨𑌿𑌰𑍍𑌵॑𑌪𑌤𑌿॒ 𑌸𑌮𑍇॑𑌧𑌮𑍇॒𑌵𑍈𑌨॒𑌮𑌾 𑌲॑𑌭𑌤𑍇 𑌵॒𑌪𑌯𑌾᳚ 𑌪𑍍𑌰॒𑌚𑌰𑍍𑌯॑ 𑌪𑍁𑌰𑍋॒𑌡𑌾𑌶𑍇॑𑌨॒ 𑌪𑍍𑌰 𑌚॑𑌰॒𑌤𑍍𑌯𑍂𑌰𑍍𑌗𑍍𑌵𑍈 𑌪𑍁॑𑌰𑍋॒𑌡𑌾𑌶॒ 𑌊𑌰𑍍𑌜॑𑌮𑍇॒𑌵 𑌪॑𑌶𑍂॒𑌨𑌾-𑌮𑍍𑌮॑𑌦𑍍𑌧𑍍𑌯॒𑌤𑍋 𑌦॑𑌧𑌾॒𑌤𑍍𑌯𑌥𑍋॑ 𑌪॒𑌶𑍋𑌰𑍇॒𑌵 𑌛𑌿॒𑌦𑍍𑌰𑌮𑌪𑌿॑ 𑌦𑌧𑌾𑌤𑌿 𑌪𑍃𑌷𑌦𑌾॒𑌜𑍍𑌯𑌸𑍍𑌯𑍋॑𑌪॒𑌹𑌤𑍍𑌯॒ 𑌤𑍍𑌰𑌿𑌃 𑌪𑍃॑𑌚𑍍𑌛𑌤𑌿 𑌶𑍃॒𑌤𑌗𑍍𑌂 𑌹॒𑌵𑍀(3)-𑌶𑍍𑌶॑𑌮𑌿𑌤॒𑌰𑌿𑌤𑌿॒ 𑌤𑍍𑌰𑌿𑌷॑𑌤𑍍𑌯𑌾॒ 𑌹𑌿 𑌦𑍇॒𑌵𑌾 𑌯𑍋-𑌽𑌶𑍃॑𑌤𑌗𑍍𑌂 𑌶𑍃॒𑌤𑌮𑌾𑌹॒ 𑌸 𑌏𑌨॑𑌸𑌾 𑌪𑍍𑌰𑌾𑌣𑌾𑌪𑌾॒𑌨𑍗 𑌵𑌾 𑌏॒𑌤𑍗 𑌪॑𑌶𑍂॒𑌨𑌾𑌂- [𑌏॒𑌤𑍗 𑌪॑𑌶𑍂॒𑌨𑌾𑌮𑍍, 𑌯-𑌤𑍍𑌪𑍃॑𑌷𑌦𑌾॒𑌜𑍍𑌯-𑌮𑍍𑌪॒𑌶𑍋𑌃] 51

-𑌁𑌯-𑌤𑍍𑌪𑍃॑𑌷𑌦𑌾॒𑌜𑍍𑌯-𑌮𑍍𑌪॒𑌶𑍋𑌃 𑌖𑌲𑍁॒ 𑌵𑌾 𑌆𑌲॑𑌬𑍍𑌧𑌸𑍍𑌯॒ 𑌹𑍃𑌦॑𑌯𑌮𑌾॒𑌤𑍍𑌮𑌾-𑌽𑌭𑌿 𑌸𑌮𑍇॑𑌤𑌿॒ 𑌯-𑌤𑍍𑌪𑍃॑𑌷𑌦𑌾॒𑌜𑍍𑌯𑍇𑌨॒ 𑌹𑍃𑌦॑𑌯-𑌮𑌭𑌿𑌘𑌾॒𑌰𑌯॑𑌤𑍍𑌯𑌾॒𑌤𑍍𑌮𑌨𑍍𑌨𑍇॒𑌵 𑌪॑𑌶𑍂॒𑌨𑌾-𑌮𑍍𑌪𑍍𑌰𑌾॑𑌣𑌾𑌪𑌾॒𑌨𑍗 𑌦॑𑌧𑌾𑌤𑌿 𑌪॒𑌶𑍁𑌨𑌾॒ 𑌵𑍈 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯॒-𑌨𑍍𑌤𑍇॑-𑌽𑌮𑌨𑍍𑌯𑌨𑍍𑌤 𑌮𑌨𑍁॒𑌷𑍍𑌯𑌾॑ 𑌨𑍋॒-𑌽𑌨𑍍𑌵𑌾𑌭॑𑌵𑌿𑌷𑍍𑌯॒𑌨𑍍𑌤𑍀𑌤𑌿॒ 𑌤𑌸𑍍𑌯॒ 𑌶𑌿𑌰𑌃॑ 𑌛𑌿॒𑌤𑍍𑌤𑍍𑌵𑌾 𑌮𑍇𑌧॒-𑌮𑍍𑌪𑍍𑌰𑌾𑌕𑍍𑌷𑌾॑𑌰𑌯॒𑌨𑍍𑌥𑍍𑌸 𑌪𑍍𑌰॒𑌕𑍍𑌷𑍋॑-𑌽𑌭𑌵॒-𑌤𑍍𑌤-𑌤𑍍𑌪𑍍𑌰॒𑌕𑍍𑌷𑌸𑍍𑌯॑ 𑌪𑍍𑌰𑌕𑍍𑌷॒𑌤𑍍𑌵𑌂-𑌯𑌁-𑌤𑍍𑌪𑍍𑌲॑𑌕𑍍𑌷𑌶𑌾॒𑌖𑍋-𑌤𑍍𑌤॑𑌰𑌬॒𑌰𑍍॒𑌹𑌿-𑌰𑍍𑌭𑌵॑𑌤𑌿॒ 𑌸𑌮𑍇॑𑌧𑌸𑍍𑌯𑍈॒𑌵 [ ] 52

𑌪॒𑌶𑍋𑌰𑌵॑ 𑌦𑍍𑌯𑌤𑌿 𑌪॒𑌶𑍁𑌂-𑌵𑍈𑌁 𑌹𑍍𑌰𑌿॒𑌯𑌮𑌾॑𑌣॒𑌗𑍍𑌂॒ 𑌰𑌕𑍍𑌷𑌾॒𑌗𑍍॒𑌸𑍍𑌯𑌨𑍁॑ 𑌸𑌚𑌨𑍍𑌤𑍇-𑌽𑌨𑍍𑌤॒𑌰𑌾 𑌯𑍂𑌪॑-𑌞𑍍𑌚𑌾-𑌽𑌽𑌹𑌵॒𑌨𑍀𑌯॑-𑌞𑍍𑌚 𑌹𑌰𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌪॒𑌶𑍋𑌰𑍍𑌵𑌾 𑌆𑌲॑𑌬𑍍𑌧𑌸𑍍𑌯॒ 𑌮𑌨𑍋-𑌽𑌪॑ 𑌕𑍍𑌰𑌾𑌮𑌤𑌿 𑌮॒𑌨𑍋𑌤𑌾॑𑌯𑍈 𑌹॒𑌵𑌿𑌷𑍋॑-𑌽𑌵𑌦𑍀॒𑌯𑌮𑌾॑𑌨॒𑌸𑍍𑌯𑌾𑌨𑍁॑ 𑌬𑍍𑌰𑍂॒𑌹𑍀𑌤𑍍𑌯𑌾॑𑌹॒ 𑌮𑌨॑ 𑌏॒𑌵𑌾𑌸𑍍𑌯𑌾𑌵॑ 𑌰𑍁𑌨𑍍𑌧॒ 𑌏𑌕𑌾॑𑌦𑌶𑌾𑌵॒𑌦𑌾𑌨𑌾॒𑌨𑍍𑌯𑌵॑ 𑌦𑍍𑌯𑌤𑌿॒ 𑌦𑌶॒ 𑌵𑍈 𑌪॒𑌶𑍋𑌃 𑌪𑍍𑌰𑌾॒𑌣𑌾 𑌆॒𑌤𑍍𑌮𑍈𑌕𑌾॑𑌦॒𑌶𑍋 𑌯𑌾𑌵𑌾॑𑌨𑍇॒𑌵 𑌪॒𑌶𑍁𑌸𑍍𑌤𑌸𑍍𑌯𑌾-𑌽𑌵॑- [𑌪॒𑌶𑍁𑌸𑍍𑌤𑌸𑍍𑌯𑌾-𑌽𑌵॑, 𑌦𑍍𑌯॒𑌤𑌿॒ 𑌹𑍃𑌦॑𑌯॒𑌸𑍍𑌯𑌾-] 53

-𑌦𑍍𑌯𑌤𑌿॒ 𑌹𑍃𑌦॑𑌯॒𑌸𑍍𑌯𑌾-𑌗𑍍𑌰𑍇-𑌽𑌵॑ 𑌦𑍍𑌯॒𑌤𑍍𑌯𑌥॑ 𑌜𑌿॒𑌹𑍍𑌵𑌾𑌯𑌾॒ 𑌅𑌥॒ 𑌵𑌕𑍍𑌷॑𑌸𑍋॒ 𑌯𑌦𑍍𑌵𑍈 𑌹𑍃𑌦॑𑌯𑍇𑌨𑌾𑌭𑌿॒𑌗𑌚𑍍𑌛॑𑌤𑌿॒ 𑌤𑌜𑍍𑌜𑌿॒𑌹𑍍𑌵𑌯𑌾॑ 𑌵𑌦𑌤𑌿॒ 𑌯𑌜𑍍𑌜𑌿॒𑌹𑍍𑌵𑌯𑌾॒ 𑌵𑌦॑𑌤𑌿॒ 𑌤𑌦𑍁𑌰॒𑌸𑍋-𑌽𑌧𑌿॒ 𑌨𑌿𑌰𑍍𑌵॑𑌦𑌤𑍍𑌯𑍇॒𑌤𑌦𑍍𑌵𑍈 𑌪॒𑌶𑍋𑌰𑍍𑌯॑𑌥𑌾𑌪𑍂॒𑌰𑍍𑌵𑌂-𑌯𑌁𑌸𑍍𑌯𑍈॒𑌵𑌮॑𑌵॒𑌦𑌾𑌯॑ 𑌯𑌥𑌾॒𑌕𑌾𑌮॒-𑌮𑍁𑌤𑍍𑌤॑𑌰𑍇𑌷𑌾𑌮𑌵॒𑌦𑍍𑌯𑌤𑌿॑ 𑌯𑌥𑌾 𑌪𑍂॒𑌰𑍍𑌵𑌮𑍇॒𑌵𑌾𑌸𑍍𑌯॑ 𑌪॒𑌶𑍋𑌰𑌵॑𑌤𑍍𑌤-𑌮𑍍𑌭𑌵𑌤𑌿 𑌮𑌦𑍍𑌧𑍍𑌯॒𑌤𑍋 𑌗𑍁॒𑌦𑌸𑍍𑌯𑌾𑌵॑ 𑌦𑍍𑌯𑌤𑌿 𑌮𑌦𑍍𑌧𑍍𑌯॒𑌤𑍋 𑌹𑌿 𑌪𑍍𑌰𑌾॒𑌣 𑌉॑𑌤𑍍𑌤॒𑌮𑌸𑍍𑌯𑌾𑌵॑ 𑌦𑍍𑌯- [𑌉॑𑌤𑍍𑌤॒𑌮𑌸𑍍𑌯𑌾𑌵॑ 𑌦𑍍𑌯𑌤𑌿, 𑌉॒𑌤𑍍𑌤॒𑌮𑍋 𑌹𑌿 𑌪𑍍𑌰𑌾॒𑌣𑍋] 54

-𑌤𑍍𑌯𑍁𑌤𑍍𑌤॒𑌮𑍋 𑌹𑌿 𑌪𑍍𑌰𑌾॒𑌣𑍋 𑌯𑌦𑍀𑌤॑𑌰𑌂॒-𑌯𑌁𑌦𑍀𑌤॑𑌰-𑌮𑍁॒𑌭𑌯॑𑌮𑍇॒𑌵𑌾𑌜𑌾॑𑌮𑌿॒ 𑌜𑌾𑌯॑𑌮𑌾𑌨𑍋॒ 𑌵𑍈 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌤𑍍𑌰𑌿॒𑌭𑌿𑌰𑍍-𑌋॑𑌣॒𑌵𑌾 𑌜𑌾॑𑌯𑌤𑍇 𑌬𑍍𑌰𑌹𑍍𑌮॒𑌚𑌰𑍍𑌯𑍇॒𑌣𑌰𑍍𑌷𑌿॑𑌭𑍍𑌯𑍋 𑌯॒𑌜𑍍𑌞𑍇𑌨॑ 𑌦𑍇॒𑌵𑍇𑌭𑍍𑌯𑌃॑ 𑌪𑍍𑌰॒𑌜𑌯𑌾॑ 𑌪𑌿॒𑌤𑍃𑌭𑍍𑌯॑ 𑌏॒𑌷 𑌵𑌾 𑌅॑𑌨𑍃॒𑌣𑍋 𑌯𑌃 𑌪𑍁॒𑌤𑍍𑌰𑍀 𑌯𑌜𑍍𑌵𑌾᳚ 𑌬𑍍𑌰𑌹𑍍𑌮𑌚𑌾𑌰𑌿𑌵𑌾॒𑌸𑍀 𑌤𑌦॑𑌵॒𑌦𑌾𑌨𑍈॑-𑌰𑍇॒𑌵𑌾-𑌽𑌵॑ 𑌦𑌯𑌤𑍇॒ 𑌤𑌦॑𑌵॒𑌦𑌾𑌨𑌾॑𑌨𑌾-𑌮𑌵𑌦𑌾𑌨॒𑌤𑍍𑌵-𑌨𑍍𑌦𑍇॑𑌵𑌾𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑍇 𑌦𑍇॒𑌵𑌾 𑌅॒𑌗𑍍𑌨𑌿𑌮॑𑌬𑍍𑌰𑍁𑌵॒-𑌨𑍍𑌤𑍍𑌵𑌯𑌾॑ 𑌵𑍀॒𑌰𑍇𑌣𑌾𑌸𑍁॑𑌰𑌾𑌨॒𑌭𑌿 𑌭॑𑌵𑌾॒𑌮𑍇𑌤𑌿॒ [𑌭॑𑌵𑌾॒𑌮𑍇𑌤𑌿॑, 𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈] 55

𑌸𑍋᳚-𑌽𑌬𑍍𑌰𑌵𑍀॒-𑌦𑍍𑌵𑌰𑌂॑-𑌵𑍃𑌁𑌣𑍈 𑌪॒𑌶𑍋𑌰𑍁॑𑌦𑍍𑌧𑌾॒𑌰𑌮𑍁𑌦𑍍𑌧॑𑌰𑌾॒ 𑌇𑌤𑌿॒ 𑌸 𑌏॒𑌤𑌮𑍁॑𑌦𑍍𑌧𑌾॒𑌰𑌮𑍁𑌦॑𑌹𑌰𑌤॒ 𑌦𑍋𑌃 𑌪𑍂᳚𑌰𑍍𑌵𑌾॒𑌰𑍍𑌧𑌸𑍍𑌯॑ 𑌗𑍁॒𑌦-𑌮𑍍𑌮॑𑌦𑍍𑌧𑍍𑌯॒𑌤-𑌶𑍍𑌶𑍍𑌰𑍋𑌣𑌿॑-𑌞𑍍𑌜𑌘𑌨𑌾॒𑌰𑍍𑌧𑌸𑍍𑌯॒ 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯-𑌤𑍍𑌤𑍍𑌰𑍍𑌯॒𑌙𑍍𑌗𑌾𑌣𑌾𑌗𑍍𑌂॑ 𑌸𑌮𑌵॒𑌦𑍍𑌯𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯𑌕𑍍𑌷𑍍𑌣॒𑌯𑌾-𑌽𑌵॑ 𑌦𑍍𑌯𑌤𑌿॒ 𑌤𑌸𑍍𑌮𑌾॑𑌦𑌕𑍍𑌷𑍍𑌣॒𑌯𑌾 𑌪॒𑌶𑌵𑍋-𑌽𑌙𑍍𑌗𑌾॑𑌨𑌿॒ 𑌪𑍍𑌰 𑌹॑𑌰𑌨𑍍𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 56 ॥

(𑌏॒𑌤𑍗 𑌪॑𑌶𑍂॒𑌨𑌾𑌗𑍍𑌂 - 𑌸𑌮𑍇॑𑌧𑌸𑍍𑌯𑍈॒𑌵 - 𑌤𑌸𑍍𑌯𑌾-𑌽𑌵𑍋᳚ - 𑌤𑍍𑌤॒𑌮𑌸𑍍𑌯𑌾𑌵॑ 𑌦𑍍𑌯॒𑌤𑍀 - 𑌤𑌿॒ - 𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 10)

𑌮𑍇𑌦॑𑌸𑌾॒ 𑌸𑍍𑌰𑍁𑌚𑍗॒ 𑌪𑍍𑌰𑍋𑌰𑍍𑌣𑍋॑𑌤𑌿॒ 𑌮𑍇𑌦𑍋॑𑌰𑍂𑌪𑌾॒ 𑌵𑍈 𑌪॒𑌶𑌵𑍋॑ 𑌰𑍂॒𑌪𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿 𑌯𑍂॒𑌷𑌨𑍍𑌨॑𑌵॒𑌧𑌾𑌯॒ 𑌪𑍍𑌰𑍋𑌰𑍍𑌣𑍋॑𑌤𑌿॒ 𑌰𑌸𑍋॒ 𑌵𑌾 𑌏॒𑌷 𑌪॑𑌶𑍂॒𑌨𑌾𑌂-𑌯𑌁𑌦𑍍𑌯𑍂 𑌰𑌸॑𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿 𑌪𑌾॒𑌰𑍍𑌶𑍍𑌵𑍇𑌨॑ 𑌵𑌸𑌾𑌹𑍋॒𑌮-𑌮𑍍𑌪𑍍𑌰𑌯𑍗॑𑌤𑌿॒ 𑌮𑌦𑍍𑌧𑍍𑌯𑌂॒-𑌵𑌾𑌁 𑌏॒𑌤-𑌤𑍍𑌪॑𑌶𑍂॒𑌨𑌾𑌂-𑌯𑌁-𑌤𑍍𑌪𑌾॒𑌰𑍍𑌶𑍍𑌵𑌗𑍍𑌂 𑌰𑌸॑ 𑌏॒𑌷 𑌪॑𑌶𑍂॒𑌨𑌾𑌂-𑌯𑌁𑌦𑍍𑌵𑌸𑌾॒ 𑌯-𑌤𑍍𑌪𑌾॒𑌰𑍍𑌶𑍍𑌵𑍇𑌨॑ 𑌵𑌸𑌾𑌹𑍋॒𑌮-𑌮𑍍𑌪𑍍𑌰॒𑌯𑍗𑌤𑌿॑ 𑌮𑌦𑍍𑌧𑍍𑌯॒𑌤 𑌏॒𑌵 𑌪॑𑌶𑍂॒𑌨𑌾𑌗𑍍𑌂 𑌰𑌸॑-𑌨𑍍𑌦𑌧𑌾𑌤𑌿॒ 𑌘𑍍𑌨𑌨𑍍𑌤𑌿॒ [𑌘𑍍𑌨𑌨𑍍𑌤𑌿॑, 𑌵𑌾 𑌏॒𑌤-𑌤𑍍𑌪॒𑌶𑍁-] 57

𑌵𑌾 𑌏॒𑌤-𑌤𑍍𑌪॒𑌶𑍁𑌂-𑌯𑌁-𑌥𑍍𑌸᳚𑌜𑍍𑌞॒𑌮𑍍𑌪𑌯॑𑌨𑍍𑌤𑍍𑌯𑍈॒𑌨𑍍𑌦𑍍𑌰𑌃 𑌖𑌲𑍁॒ 𑌵𑍈 𑌦𑍇॒𑌵𑌤॑𑌯𑌾 𑌪𑍍𑌰𑌾॒𑌣 𑌐॒𑌨𑍍𑌦𑍍𑌰𑍋॑-𑌽𑌪𑌾॒𑌨 𑌐॒𑌨𑍍𑌦𑍍𑌰𑌃 𑌪𑍍𑌰𑌾॒𑌣𑍋 𑌅𑌙𑍍𑌗𑍇॑𑌅𑌙𑍍𑌗𑍇॒ 𑌨𑌿 𑌦𑍇᳚𑌦𑍍𑌧𑍍𑌯॒𑌦𑌿𑌤𑍍𑌯𑌾॑𑌹 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿॒ 𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌭𑍂𑌰𑌿॑ 𑌤𑍇॒ 𑌸𑌗𑍍𑌂 𑌸॑𑌮𑍇॒𑌤𑍍𑌵𑌿𑌤𑍍𑌯𑌾॑𑌹 𑌤𑍍𑌵𑌾॒𑌷𑍍𑌟𑍍𑌰𑌾 𑌹𑌿 𑌦𑍇॒𑌵𑌤॑𑌯𑌾 𑌪॒𑌶𑌵𑍋॒ 𑌵𑌿𑌷𑍁॑𑌰𑍂𑌪𑌾॒ 𑌯-𑌥𑍍𑌸𑌲॑𑌕𑍍𑌷𑍍𑌮𑌾𑌣𑍋॒ 𑌭𑌵॒𑌥𑍇𑌤𑍍𑌯𑌾॑𑌹॒ 𑌵𑌿𑌷𑍁॑𑌰𑍂𑌪𑌾॒ 𑌹𑍍𑌯𑍇॑𑌤𑍇 𑌸𑌨𑍍𑌤॒-𑌸𑍍𑌸𑌲॑𑌕𑍍𑌷𑍍𑌮𑌾𑌣 𑌏॒𑌤𑌰𑍍𑌹𑌿॒ 𑌭𑌵॑𑌨𑍍𑌤𑌿 𑌦𑍇𑌵॒𑌤𑍍𑌰𑌾 𑌯𑌨𑍍𑌤॒- [𑌦𑍇𑌵॒𑌤𑍍𑌰𑌾 𑌯𑌨𑍍𑌤᳚𑌮𑍍, 𑌅𑌵॑𑌸𑍇॒] 58

-𑌮𑌵॑𑌸𑍇॒ 𑌸𑌖𑌾॒𑌯𑍋-𑌽𑌨𑍁॑ 𑌤𑍍𑌵𑌾 𑌮𑌾॒𑌤𑌾 𑌪𑌿॒𑌤𑌰𑍋॑ 𑌮𑌦॒𑌨𑍍𑌤𑍍𑌵𑌿𑌤𑍍𑌯𑌾॒𑌹𑌾-𑌨𑍁॑𑌮𑌤𑌮𑍇॒𑌵𑍈𑌨॑-𑌮𑍍𑌮𑌾॒𑌤𑍍𑌰𑌾 𑌪𑌿॒𑌤𑍍𑌰𑌾 𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑍍𑌯𑌰𑍍𑌧॒𑌰𑍍𑌚𑍇 𑌵॑𑌸𑌾𑌹𑍋॒𑌮-𑌞𑍍𑌜𑍁॑𑌹𑍋𑌤𑍍𑌯॒𑌸𑍗 𑌵𑌾 𑌅॑𑌰𑍍𑌧॒𑌰𑍍𑌚 𑌇॒𑌯𑌮॑𑌰𑍍𑌧॒𑌰𑍍𑌚 𑌇॒𑌮𑍇 𑌏॒𑌵 𑌰𑌸𑍇॑𑌨𑌾𑌨𑌕𑍍𑌤𑌿॒ 𑌦𑌿𑌶𑍋॑ 𑌜𑍁𑌹𑍋𑌤𑌿॒ 𑌦𑌿𑌶॑ 𑌏॒𑌵 𑌰𑌸𑍇॑𑌨𑌾𑌨॒𑌕𑍍𑌤𑍍𑌯𑌥𑍋॑ 𑌦𑌿॒𑌗𑍍𑌭𑍍𑌯 𑌏॒𑌵𑍋𑌰𑍍𑌜॒𑌗𑍍𑌂॒ 𑌰𑌸॒𑌮𑌵॑ 𑌰𑍁𑌨𑍍𑌧𑍇 𑌪𑍍𑌰𑌾𑌣𑌾𑌪𑌾॒𑌨𑍗 𑌵𑌾 𑌏॒𑌤𑍗 𑌪॑𑌶𑍂॒𑌨𑌾𑌂-𑌯𑌁-𑌤𑍍𑌪𑍃॑𑌷𑌦𑌾॒𑌜𑍍𑌯𑌂-𑌵𑌾𑌁॑𑌨𑌸𑍍𑌪॒𑌤𑍍𑌯𑌾𑌃 𑌖𑌲𑍁॒ [𑌖𑌲𑍁॑, 𑌵𑍈 𑌦𑍇॒𑌵𑌤॑𑌯𑌾 𑌪॒𑌶𑌵𑍋॒] 59

𑌵𑍈 𑌦𑍇॒𑌵𑌤॑𑌯𑌾 𑌪॒𑌶𑌵𑍋॒ 𑌯-𑌤𑍍𑌪𑍃॑𑌷𑌦𑌾॒𑌜𑍍𑌯𑌸𑍍𑌯𑍋॑-𑌪॒𑌹𑌤𑍍𑌯𑌾-𑌽𑌽𑌹॒ 𑌵𑌨॒𑌸𑍍𑌪𑌤॒𑌯𑍇-𑌽𑌨𑍁॑ 𑌬𑍍𑌰𑍂𑌹𑌿॒ 𑌵𑌨॒𑌸𑍍𑌪𑌤॑𑌯𑍇॒ 𑌪𑍍𑌰𑍇𑌷𑍍𑌯𑍇𑌤𑌿॑ 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑍍𑌯॒𑌨𑍍𑌯𑌸𑍍𑌯𑌾᳚𑌨𑍍𑌯𑌸𑍍𑌯 𑌸𑌮𑌵॒𑌤𑍍𑌤𑌗𑍍𑌂 𑌸॒𑌮𑌵॑𑌦𑍍𑌯𑌤𑌿॒ 𑌤𑌸𑍍𑌮𑌾॒𑌨𑍍𑌨𑌾𑌨𑌾॑𑌰𑍂𑌪𑌾𑌃 𑌪॒𑌶𑌵𑍋॑ 𑌯𑍂॒𑌷𑍍𑌣𑍋𑌪॑ 𑌸𑌿𑌞𑍍𑌚𑌤𑌿॒ 𑌰𑌸𑍋॒ 𑌵𑌾 𑌏॒𑌷 𑌪॑𑌶𑍂॒𑌨𑌾𑌂-𑌯𑌁𑌦𑍍𑌯𑍂 𑌰𑌸॑𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾॒𑌤𑍀𑌡𑌾॒𑌮𑍁𑌪॑ 𑌹𑍍𑌵𑌯𑌤𑍇 𑌪॒𑌶𑌵𑍋॒ 𑌵𑌾 𑌇𑌡𑌾॑ 𑌪॒𑌶𑍂𑌨𑍇॒𑌵𑍋𑌪॑ 𑌹𑍍𑌵𑌯𑌤𑍇 𑌚॒𑌤𑍁𑌰𑍁𑌪॑ 𑌹𑍍𑌵𑌯𑌤𑍇॒ [𑌚॒𑌤𑍁𑌰𑍁𑌪॑ 𑌹𑍍𑌵𑌯𑌤𑍇, 𑌚𑌤𑍁॑𑌷𑍍𑌪𑌾𑌦𑍋॒ 𑌹𑌿] 60

𑌚𑌤𑍁॑𑌷𑍍𑌪𑌾𑌦𑍋॒ 𑌹𑌿 𑌪॒𑌶𑌵𑍋॒ 𑌯-𑌙𑍍𑌕𑌾॒𑌮𑌯𑍇॑𑌤𑌾 𑌪॒𑌶𑍁-𑌸𑍍𑌸𑍍𑌯𑌾॒𑌦𑌿𑌤𑍍𑌯॑𑌮𑍇॒𑌦𑌸𑍍𑌕॒-𑌨𑍍𑌤𑌸𑍍𑌮𑌾॒ 𑌆 𑌦॑𑌦𑍍𑌧𑍍𑌯𑌾॒𑌨𑍍𑌮𑍇𑌦𑍋॑𑌰𑍂𑌪𑌾॒ 𑌵𑍈 𑌪॒𑌶𑌵𑍋॑ 𑌰𑍂॒𑌪𑍇𑌣𑍈॒𑌵𑍈𑌨॑-𑌮𑍍𑌪॒𑌶𑍁𑌭𑍍𑌯𑍋॒ 𑌨𑌿𑌰𑍍𑌭॑𑌜𑌤𑍍𑌯𑌪॒𑌶𑍁𑌰𑍇॒𑌵 𑌭॑𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤 𑌪𑌶𑍁॒𑌮𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॒ 𑌮𑍇𑌦॑𑌸𑍍𑌵॒-𑌤𑍍𑌤𑌸𑍍𑌮𑌾॒ 𑌆 𑌦॑𑌦𑍍𑌧𑍍𑌯𑌾॒𑌨𑍍𑌮𑍇𑌦𑍋॑𑌰𑍂𑌪𑌾॒ 𑌵𑍈 𑌪॒𑌶𑌵𑍋॑ 𑌰𑍂॒𑌪𑍇𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌪𑌶𑍁॒𑌮𑌾𑌨𑍇॒𑌵 𑌭॑𑌵𑌤𑌿 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞𑌮॑𑌸𑍃𑌜𑌤॒ 𑌸 𑌆𑌜𑍍𑌯॑- [𑌸 𑌆𑌜𑍍𑌯᳚𑌮𑍍, 𑌪𑍁॒𑌰𑌸𑍍𑌤𑌾॑𑌦𑌸𑍃𑌜𑌤] 61

-𑌮𑍍𑌪𑍁॒𑌰𑌸𑍍𑌤𑌾॑𑌦𑌸𑍃𑌜𑌤 𑌪॒𑌶𑍁-𑌮𑍍𑌮॑𑌦𑍍𑌧𑍍𑌯॒𑌤𑌃 𑌪𑍃॑𑌷𑌦𑌾॒𑌜𑍍𑌯-𑌮𑍍𑌪॒𑌶𑍍𑌚𑌾-𑌤𑍍𑌤𑌸𑍍𑌮𑌾॒𑌦𑌾𑌜𑍍𑌯𑍇॑𑌨 𑌪𑍍𑌰𑌯𑌾॒𑌜𑌾 𑌇॑𑌜𑍍𑌯𑌨𑍍𑌤𑍇 𑌪॒𑌶𑍁𑌨𑌾॑ 𑌮𑌦𑍍𑌧𑍍𑌯॒𑌤𑌃 𑌪𑍃॑𑌷𑌦𑌾॒𑌜𑍍𑌯𑍇𑌨𑌾॑-𑌨𑍂𑌯𑌾॒𑌜𑌾-𑌸𑍍𑌤𑌸𑍍𑌮𑌾॑𑌦𑍇॒𑌤𑌨𑍍𑌮𑌿॒𑌶𑍍𑌰𑌮𑌿॑𑌵 𑌪𑌶𑍍𑌚𑌾-𑌥𑍍𑌸𑍃॒𑌷𑍍𑌟𑌗𑍍𑌗𑍍 𑌹𑍍𑌯𑍇𑌕𑌾॑𑌦𑌶𑌾𑌨𑍂𑌯𑌾॒𑌜𑌾𑌨𑍍. 𑌯॑𑌜𑌤𑌿॒ 𑌦𑌶॒ 𑌵𑍈 𑌪॒𑌶𑍋𑌃 𑌪𑍍𑌰𑌾॒𑌣𑌾 𑌆॒𑌤𑍍𑌮𑍈𑌕𑌾॑𑌦॒𑌶𑍋 𑌯𑌾𑌵𑌾॑𑌨𑍇॒𑌵 𑌪॒𑌶𑍁𑌸𑍍𑌤𑌮𑌨𑍁॑ 𑌯𑌜𑌤𑌿॒ 𑌘𑍍𑌨𑌨𑍍𑌤𑌿॒ 𑌵𑌾 𑌏॒𑌤-𑌤𑍍𑌪॒𑌶𑍁𑌂-𑌯𑌁-𑌥𑍍𑌸𑌂᳚(2)𑌜𑍍𑌞॒𑌪𑌯॑𑌨𑍍𑌤𑌿 𑌪𑍍𑌰𑌾𑌣𑌾𑌪𑌾॒𑌨𑍗 𑌖𑌲𑍁॒ 𑌵𑌾 𑌏॒𑌤𑍗 𑌪॑𑌶𑍂॒𑌨𑌾𑌂-𑌯𑌁-𑌤𑍍𑌪𑍃॑𑌷𑌦𑌾॒𑌜𑍍𑌯𑌂-𑌯𑌁-𑌤𑍍𑌪𑍃॑𑌷𑌦𑌾॒𑌜𑍍𑌯𑍇𑌨𑌾॑ 𑌨𑍂𑌯𑌾॒𑌜𑌾𑌨𑍍. 𑌯𑌜॑𑌤𑌿 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿 ॥ 62 ॥

(𑌘𑍍𑌨𑌨𑍍𑌤𑌿॒ - 𑌯𑌨𑍍𑌤𑌂॒ - 𑌖𑌲𑍁॑ - 𑌚॒𑌤𑍁𑌰𑍁𑌪॑ 𑌹𑍍𑌵𑌯𑌤॒ - 𑌆𑌜𑍍𑌯𑌂॒ - 𑌁𑌯-𑌤𑍍𑌪𑍃॑𑌷𑌦𑌾॒𑌜𑍍𑌯𑍇𑌨॒ - 𑌷𑌟𑍍 𑌚॑) (𑌅. 11)

(𑌚𑌾𑌤𑍍𑌵𑌾॑𑌲𑌾𑌥𑍍 - 𑌸𑍁𑌵॒𑌰𑍍𑌗𑌾𑌯॒ 𑌯-𑌦𑍍𑌵𑍈॑𑌸𑌰𑍍𑌜॒𑌨𑌾𑌨𑌿॑ - 𑌵𑍈𑌷𑍍𑌣॒𑌵𑍍𑌯𑌰𑍍𑌚𑌾 - 𑌪𑍃॑𑌥𑌿॒𑌵𑍍𑌯𑍈 - 𑌸𑌾॒𑌧𑍍𑌯𑌾 - 𑌇॒𑌷𑍇 𑌤𑍍𑌵𑍇 - 𑌤𑍍𑌯॒𑌗𑍍𑌨𑌿𑌨𑌾॒ - 𑌪𑌰𑍍𑌯॑𑌗𑍍𑌨𑌿 - 𑌪॒𑌶𑍋𑌃 - 𑌪॒𑌶𑍁𑌮𑌾॒𑌲𑌭𑍍𑌯॒ - 𑌮𑍇𑌦॑𑌸𑌾॒ 𑌸𑍍𑌰𑍁𑌚𑌾॒ - 𑌵𑍇𑌕𑌾॑𑌦𑌶)

(𑌚𑌾𑌤𑍍𑌵𑌾॑𑌲𑌾-𑌦𑍍- 𑌦𑍇॒𑌵𑌾𑌨𑍁॒𑌪𑍈𑌤𑌿॑ - 𑌮𑍁𑌞𑍍𑌚𑌤𑌿 - 𑌪𑍍𑌰𑌹𑍍𑌰𑌿॒𑌯𑌮𑌾॑𑌣𑌾𑌯॒ - 𑌪𑌰𑍍𑌯॑𑌗𑍍𑌨𑌿 - 𑌪॒𑌶𑍁𑌮𑌾॒𑌲𑌭𑍍𑌯॒ - 𑌚𑌤𑍁॑𑌷𑍍𑌪𑌾𑌦𑍋॒ - 𑌦𑍍𑌵𑌿𑌷॑𑌷𑍍𑌟𑌿𑌃)

(𑌚𑌾𑌤𑍍𑌵𑌾॑𑌲𑌾, 𑌤𑍍𑌪॒𑌶𑍁𑌷𑍁॑ 𑌦𑌧𑌾𑌤𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾𑌂 𑌷𑌷𑍍𑌠𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyāṃ ṣaṣṭhakāṇḍe tṛtīyaḥ praśnaḥ - somamantrabrāhmaṇanirūpaṇaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

cātvā̭lā॒-ddhiṣṇi̭yā॒nupa̭ vapati॒ yoni॒rvai ya॒jñasya॒ cātvā̭laṃ-ya~॒jñasya̭ sayoni॒tvāya̭ de॒vā vai ya॒jña-mparā̭-'jayanta॒ tamāgnī᳚ddhrā॒-tpuna॒rapā̭jayanne॒tadvai ya॒jñasyā-pa̭rājitaṃ॒-ya~dāgnī᳚ddhraṃ॒-ya~dāgnī᳚ddhrā॒ddhiṣṇi̭yān. vi॒hara̭ti॒ yade॒va ya॒jñasyā-pa̭rājita॒-ntata̭ e॒vaina॒-mpuna̭stanute parā॒jityḙva॒ khalu॒ vā e॒te ya̭nti॒ ye ba̭hiṣpavamā॒nagṃ sarpa̭nti bahiṣpavamā॒ne stu॒ta [stu॒te, ā॒hāgnī̭da॒gnīn. vi] 1

ā॒hāgnī̭da॒gnīn. vi ha̭ra ba॒r॒hi-sstṛ̭ṇāhi puro॒ḍāśā॒gṃ॒ ala̭-ṅku॒rviti̭ ya॒jñame॒vāpa॒jitya॒ puna̭stanvā॒nā ya॒ntyaṅgā̭rai॒rdve sava̭ne॒ vi ha̭rati śa॒lākā̭bhi-stṛ॒tīyagṃ̭ saśukra॒tvāyātho॒ sa-mbha̭ratye॒vaina॒ddhiṣṇi̭yā॒ vā a॒muṣmi̭n ~lo॒ke soma̭marakṣa॒-ntebhyo-'dhi॒ soma॒mā-'ha̭ra॒-nta ma̭nva॒vāya॒nta-mparya̭viśa॒n॒. ya e॒vaṃ-ve~da̭ vi॒ndatḙ [ya e॒vaṃ-ve~da̭ vi॒ndate᳚, pa॒ri॒ve॒ṣṭāra॒-nte] 2

parive॒ṣṭāra॒-nte so̭mapī॒thena॒ vyā᳚rdhyanta॒ te de॒veṣṷ somapī॒thamai᳚cchanta॒ tā-nde॒vā a̭bruva॒-ndvedve॒ nāma̭nī kuruddhva॒matha॒ pra vā॒-''phsyatha॒ na vetya॒gnayo॒ vā atha॒ dhiṣṇi̭yā॒stasmā᳚-ddvi॒nāmā᳚ brāhma॒ṇo-'rdhṷka॒steṣāṃ॒-ye~ nedi̭ṣṭha-mpa॒ryavi̭śa॒-nte so̭mapī॒tha-mprā-'pnṷvannāhava॒nīya̭ āgnī॒ddhrīyo̭ ho॒trīyo̭ mārjā॒līya॒stasmā॒-tteṣṷ juhvatyati॒hāya॒ vaṣa̭-ṭkaroti॒ vi hyḙ [vi hi, e॒te so̭mapī॒thenā-''rdhya̭nta] 3

-te so̭mapī॒thenā-''rdhya̭nta de॒vā vai yāḥ prācī॒-rāhṷtī॒-rajṷhavu॒rye pu॒rastā॒dasṷrā॒ āsa॒-ntāg stābhiḥ॒ prāṇṷdanta॒ yāḥ pra॒tīcī॒rye pa॒ścādasṷrā॒ āsa॒-ntāgstābhi॒-rapā̭nudanta॒ prācī̭ra॒nyā āhṷtayo hū॒yante᳚ pra॒tyaṅṅāsī̭no॒ dhiṣṇi̭yā॒n. vyāghā̭rayati pa॒ścāccai॒va purastā᳚cca॒ yaja̭māno॒ bhrātṛ̭vyā॒-npra ṇṷdate॒ tasmā॒-tparā̭cīḥ pra॒jāḥ pra vī̭yante pra॒tīcī᳚- [pra॒tīcīḥ᳚, jā॒ya॒nte॒ prā॒ṇā vā e॒te] 4

-rjāyante prā॒ṇā vā e॒te yaddhiṣṇi̭yā॒ yada̭ddhva॒ryuḥ pra॒tya-ndhiṣṇi̭yā-nati॒sarpe᳚-tprā॒ṇān-thsaṅka̭rṣe-tpra॒māyṷka-ssyā॒nnābhi॒rvā e॒ṣā ya॒jñasya॒ yaddhoto॒rdhvaḥ khalu॒ vai nābhyai᳚ prā॒ṇo-'vāṃ̭apā॒no yada̭dhva॒ryuḥ pra॒tyaṃ hotā̭ramati॒sarpḙdapā॒ne prā॒ṇa-nda̭dhyā-tpra॒māyṷka-ssyā॒nnāddhva॒ryurupa̭ gāye॒-dvāgvī᳚ryo॒ vā a̭ddhva॒ryu-ryada̭ddhva॒ryurṷpa॒-gāyḙdu-dgā॒tre [ ] 5

vāca॒gṃ॒ sa-mpra ya̭cche-dupa॒dāsṷkā-'sya॒ vā-khsyā᳚dbrahmavā॒dino̭ vadanti॒ nāsagg̭sthite॒ some᳚-'ddhva॒ryuḥ pra॒tyaṅ-khsado-'tī̭yā॒datha̭ ka॒thā dā᳚kṣi॒ṇāni॒ hotṷmeti॒ yāmo॒ hi sa teṣā॒-ṅkasmā॒ aha̭ de॒vā yāmaṃ॒-vā~-'yā̭maṃ॒-vā~-'nṷ jñāsya॒ntītyu-tta̭re॒ṇā-''gnī᳚ddhra-mpa॒rītya̭ juhoti dākṣi॒ṇāni॒ na prā॒ṇānthsa-ṅka̭rṣati॒ nya̭nye dhiṣṇi̭yā u॒pyante॒ nānye yā-nni॒vapa̭ti॒ tena॒ tā-nprī̭ṇāti॒ yā-nnani॒vapa̭ti॒ yada̭nudi॒śati॒ tena॒ tān || 6 ||

(stu॒te - vi॒ndate॒ - hi - vī̭yante pra॒tīcī̭ - rudgrā॒tra - u॒pyante॒ - catṷrdaśa ca) (a. 1)

su॒va॒rgāya॒ vā e॒tāni̭ lo॒kāya̭ hūyante॒ ya-dvai̭sarja॒nāni॒ dvābhyā॒-ṅgārha̭patye juhoti dvi॒pā-dyaja̭mānaḥ॒ prati̭ṣṭhityā॒ āgnī᳚ddhre juhotya॒ntari̭kṣa e॒vā-''kra̭mata āhava॒nīyḙ juhoti suva॒rgame॒vainaṃ̭-lo~॒ka-ṅga̭mayati de॒vān. vai sṷva॒rgaṃ-lo~॒kaṃ-ya~॒to rakṣāg̭sya jighāgṃsa॒nte somḙna॒ rājñā॒ rakṣāg̭-syapa॒hatyā॒ptu-mā॒tmāna̭-ṅkṛ॒tvā sṷva॒rgaṃ-lo~॒kamā̭ya॒-nrakṣa̭sā॒-manṷpalābhā॒yā ''tta॒-ssomo̭ bhava॒tyatha̭ [bhava॒tyatha̭, vai॒sa॒rja॒nāni̭ juhoti॒] 7

vaisarja॒nāni̭ juhoti॒ rakṣa̭sā॒mapa̭hatyai॒ tvagṃ so̭ma tanū॒kṛdbhya॒ ityā̭ha tanū॒kṛddhya̭ṣa dveṣo᳚bhyo॒-'nyakṛ̭tebhya॒ ityā̭hā॒nyakṛ̭tāni॒ hi rakṣāg̭syu॒ru ya॒ntā-'si॒ varṷ̄tha॒mityā̭ho॒ru ṇa̭skṛ॒dhīti॒ vāvaitadā̭ha juṣā॒ṇo a॒pturājya̭sya ve॒tvityā̭hā॒ptume॒va yaja̭māna-ṅkṛ॒tvā sṷva॒rgaṃ-lo~॒ka-ṅga̭mayati॒ rakṣa̭sā॒-manṷpalābhā॒yā-'' soma̭-ndadata॒ [soma̭-ndadate, ā grāvṇṇa॒ ā] 8

ā grāvṇṇa॒ ā vā̭ya॒vyā᳚nyā dro̭ṇakala॒śamu-tpatnī॒mā na̭ya॒ntyanvanāgṃ̭si॒ pra va̭rtayanti॒ yāva̭de॒vāsyāsti॒ tena̭ sa॒ha sṷva॒rgaṃ-lo~॒kamḙti॒ naya̭vatya॒rcā-''gnī᳚ddhre juhoti suva॒rgasya̭ lo॒kasyā॒bhinī᳚tyai॒ grāvṇṇo̭ vāya॒vyā̭ni droṇakala॒śamāgnī᳚ddhra॒ upa̭ vāsayati॒ vi hyḙna॒-ntairgṛ॒hṇate॒ ya-thsa॒hopa̭vā॒sayḙ-dapuvā॒yeta̭ sau॒myarcā pra pā̭dayati॒ svayai॒- [pra pā̭dayati॒ svaya᳚, e॒vaina̭-nde॒vata̭yā॒] 9

-vaina̭-nde॒vata̭yā॒ pra pā̭daya॒tyadi̭tyā॒-ssado॒-'syadi̭tyā॒-ssada॒ ā sī॒detyā̭ha yathāya॒jure॒vaita-dyaja̭māno॒ vā e॒tasya̭ pu॒rā go॒ptā bha̭vatye॒ṣa vo̭ deva savita॒-ssoma॒ ityā̭ha savi॒tṛpra̭sūta e॒vaina̭-nde॒vatā᳚bhya॒-ssa-mpraya̭cchatye॒ta-ttvagṃ so̭ma de॒vo de॒vānupā̭gā॒ ityā̭ha de॒vo hyḙṣa sa- [de॒vo hyḙṣa sann, de॒vānu॒paitī॒dama॒ha-] 10

-nde॒vānu॒paitī॒dama॒ha-mma̭nu॒ṣyo̭ manu॒ṣyā̭nityā̭ha manu॒ṣyo᳚(1॒) hyḙṣa sa-nma̭nu॒ṣyā̭nu॒paiti॒ yade॒ta-dyaju॒rna brū॒yādapra̭jā apa॒śuryaja̭māna-ssyā-thsa॒ha pra॒jayā̭ saha rā॒yaspoṣe॒ṇetyā̭ha pra॒jayai॒va pa॒śubhiḥ̭ sa॒hemaṃ-lo~॒kamu॒pāva̭rtate॒ namo̭ de॒vebhya॒ ityā̭ha namaskā॒ro hi de॒vānāg̭ sva॒dhā pi॒tṛbhya॒ ityā̭ha svadhākā॒ro hi [svadhākā॒ro hi, pi॒tṛ॒ṇāmi॒dama॒ha-] 11

pi̭tṛ॒ṇāmi॒dama॒ha-nnirvarṷṇasya॒ pāśā॒dityā̭ha varuṇapā॒śāde॒va nirmṷcya॒te 'gne᳚ vratapata ā॒tmanaḥ॒ pūrvā̭ ta॒nūrā॒deyetyā̭huḥ॒ ko hi tadveda॒ ya-dvasī̭yā॒n-thsve vaśḙ bhū॒te puna̭rvā॒ dadā̭ti॒ na veti॒ grāvā̭ṇo॒ vai soma̭sya॒ rājño̭ malimluse॒nā ya e॒vaṃ-vi~॒dvā-ngrāvṇṇa॒ āgnī᳚ddhra upavā॒saya̭ti॒ naina̭-mmalimluse॒nā vi̭ndati || 12 ||

(atha̭-dadate॒ - svayā॒ - santh - sva̭dhākā॒ro hi - vi̭ndati) (a. 2)

vai॒ṣṇa॒vyarcā hu॒tvā yūpa॒macchai̭ti vaiṣṇa॒vo vai de॒vata̭yā॒ yūpa॒-ssvayai॒vaina̭-nde॒vata॒yā 'cchai॒tyatya॒nyānagā॒-nnānyā-nupā̭gā॒mityā॒hāti॒ hya̭nyāneti॒ nānyā-nu॒paitya॒rvāktvā॒ parai̭ravida-mpa॒ro-'va̭rai॒rityā̭hā॒rvāghyḙna॒-mparai᳚rvi॒ndati̭ pa॒ro-'va̭rai॒sta-ntvā̭ juṣe [juṣe, vai॒ṣṇa॒va-ndḙvaya॒jyāyā॒] 13

vaiṣṇa॒va-ndḙvaya॒jyāyā॒ ityā̭ha devaya॒jyāyai॒ hyḙna-ñju॒ṣatḙ de॒vastvā̭ savi॒tā maddhvā̭-'na॒ktvityā̭ha॒ teja̭sai॒vaina̭-mana॒ktyoṣa̭dhe॒ trāya̭svaina॒gg॒ svadhi̭te॒ mainagṃ̭ higṃsī॒rityā̭ha॒ vajro॒ vai svadhi̭ti॒-śśāntyai॒ svadhi̭tervṛ॒kṣasya॒ bibhya̭taḥ pratha॒mena॒ śaka̭lena sa॒ha tejaḥ॒ parā̭ patati॒ yaḥ pra̭tha॒ma-śśaka̭laḥ parā॒pate॒-ttamapyā ha̭re॒-thsatḙjasa- [ha̭re॒-thsatḙjasam, e॒vaina॒mā] 14

-me॒vaina॒mā ha̭ratī॒me vai lo॒kā yūpā᳚-tpraya॒to bi̭bhyati॒ diva॒magrḙṇa॒ mā lḙkhīra॒ntari̭kṣa॒-mmaddhyḙna॒ mā higṃ̭sī॒rityā̭hai॒bhya e॒vainaṃ̭-lo~॒kebhyaḥ̭ śamayati॒ vana̭spate śa॒tava̭lśo॒ vi ro॒hetyā॒vraśca̭ne juhoti॒ tasmā̭-dā॒vraśca̭nā-dvṛ॒kṣāṇā॒-mbhūyāgṃ̭sa॒ utti̭ṣṭhanti sa॒hasra̭valśā॒ vi va॒yagṃ rṷhe॒metyā̭hā॒- ''śiṣa̭me॒vaitāmā śā॒ste 'na̭kṣasaṅga- [śā॒ste 'na̭kṣasaṅgam, vṛ॒śce॒-dyada̭kṣasa॒ṅgaṃ-] 15

-~vṛśce॒-dyada̭kṣasa॒ṅgaṃ-vṛ~॒śceda̭dhaī॒ṣaṃ-ya~ja̭mānasya pra॒māyṷkagg syā॒dya-ṅkā॒maye॒tāpra̭tiṣṭhita-ssyā॒dityā̭ro॒ha-ntasma̭ vṛścede॒ṣa vai vana॒spatī̭nā॒-mapra̭tiṣṭhi॒to-'pra̭tiṣṭhita e॒va bha̭vati॒ ya-ṅkā॒mayḙtāpa॒śu-ssyā॒ditya̭pa॒rṇa-ntasmai॒ śuṣkā᳚graṃ-vṛ~ścede॒ṣa vai vana॒spatī̭nā-mapaśa॒vyo̭-'pa॒śure॒va bha̭vati॒ ya-ṅkā॒mayḙta paśu॒mān-thsyā॒diti̭ bahupa॒rṇa-ntasmai̭ bahuśā॒khaṃ-vṛ~̭ścede॒ṣa vai [ ] 16

vana॒spatī̭nā-mpaśa॒vyaḥ̭ paśu॒māne॒va bha̭vati॒ prati̭ṣṭhitaṃ-vṛ~śce-tprati॒ṣṭhākā̭masyai॒ṣa vai vana॒spatī̭nā॒-mprati̭ṣṭhito॒ ya-ssa॒me bhūmyai॒ svādyonḙ rū॒ḍhaḥ pratye॒va ti̭ṣṭhati॒ yaḥ pra॒tyaṅṅupa̭nata॒staṃ-vṛ~̭śce॒-thsa hi medha̭ma॒bhyupa̭nataḥ॒ pañcā̭ratni॒-ntasmai̭ vṛśce॒dya-ṅkā॒maye॒topai̭na॒mutta̭ro ya॒jño na̭me॒diti॒ pañcā᳚kṣarā pa॒ṅktiḥ pāṅkto̭ ya॒jña upai̭na॒mutta̭ro ya॒jño [ya॒jñaḥ, na॒ma॒ti॒ ṣaḍa̭ratni] 17

na̭mati॒ ṣaḍa̭ratni-mprati॒ṣṭhākā̭masya॒ ṣaḍvā ṛ॒tava̭ ṛ॒tuṣve॒va prati̭ tiṣṭhati sa॒ptāra̭tni-mpa॒śukā̭masya sa॒ptapa̭dā॒ śakva̭rī pa॒śava॒-śśakva̭rī pa॒śūne॒vāva̭ rundhe॒ navā̭ratni॒-nteja̭skāmasya tri॒vṛtā॒ stomḙna॒ sammi̭ta॒-nteja̭stri॒vṛ-ttḙja॒svyḙva bha̭va॒-tyekā̭daśāratni-mindri॒yakā̭ma॒-syaikā̭daśākṣarā tri॒ṣṭugi̭ndri॒ya-ntri॒ṣṭugi̭ndriyā॒vyḙva bha̭vati॒ pañca̭daśāratni॒-mbhrātṛ̭vyavataḥ pañcada॒śo vajro॒ bhrātṛ̭vyābhibhūtyai sa॒ptada̭śāratni-mpra॒jākā̭masya saptada॒śaḥ pra॒jāpa̭tiḥ pra॒jāpa̭te॒rāptyā॒ eka̭vigṃśatyaratni-mprati॒ṣṭhākā̭ma-syaikavi॒gṃ॒śa-sstomā̭nā-mprati॒ṣṭhā prati̭ṣṭhityā a॒ṣṭāśri̭rbhava-tya॒ṣṭākṣa̭rā gāya॒trī tejo̭ gāya॒trī gā̭ya॒trī ya̭jñamu॒kha-nteja̭sai॒va gā̭yatri॒yā ya̭jñamu॒khena॒ sammi̭taḥ || 18 ||

(ju॒ṣe॒ - satḙjasa॒ - mana̭kṣasaṅgaṃ - bahuśā॒khaṃ-vṛ~̭ścede॒ṣa vai - ya॒jña upai̭na॒mutta̭ro ya॒jña - āptyā॒ - ekā॒nnavigṃ̭śa॒tiśca̭) (a. 3)

pṛ॒thi॒vyai tvā॒-'ntari̭kṣāya tvā di॒ve tvetyā̭hai॒bhya e॒vainaṃ̭-lo~॒kebhyaḥ॒ prokṣa̭ti॒ parā᳚ñca॒-mprokṣa̭ti॒ parā̭ṅiva॒ hi sṷva॒rgo lo॒kaḥ krū॒rami̭va॒ vā e॒ta-tka̭roti॒ ya-tkhana̭tya॒po-'va̭ nayati॒ śāntyai॒ yava̭matī॒rava̭ naya॒tyūrgvai yavo॒ yaja̭mānena॒ yūpa॒-ssammi̭to॒ yāvā̭ne॒va yaja̭māna॒-stāva̭tī-me॒vāsmi॒-nnūrja̭-ndadhāti [me॒vāsmi॒-nnūrja̭-ndadhāti, pi॒tṛ॒ṇāgṃ sada̭nama॒sīti̭] 19

pitṛ॒ṇāgṃ sada̭nama॒sīti̭ ba॒r॒hirava̭ stṛṇāti pitṛdeva॒tyā᳚(1॒)gg॒ hyḙta-dyannikhā̭taṃ॒-ya~-dba॒r॒hirana̭vastīrya minu॒yā-tpi̭tṛdeva॒tyo̭ nikhā̭ta-ssyā-dba॒r॒hira̭va॒stīrya̭ minotya॒syāme॒vaina̭-mminoti yūpaśaka॒lamavā᳚syati॒ satḙjasame॒vaina̭-mminoti de॒vastvā̭ savi॒tā maddhvā̭-'na॒ktvityā̭ha॒ teja̭sai॒vaina̭manakti supippa॒lābhya॒-stvauṣa̭dhībhya॒ iti̭ ca॒ṣāla॒-mprati̭- [ca॒ṣāla॒-mprati̭, mu॒ñca॒ti॒ tasmā᳚cchīrṣa॒ta] 20

-muñcati॒ tasmā᳚cchīrṣa॒ta oṣa̭dhayaḥ॒ phala̭-ṅgṛhṇantya॒nakti॒ tejo॒ vā ājyaṃ॒-ya~ja̭mānenāgni॒ṣṭhā-'śri॒-ssammi̭tā॒ yada̭gni॒ṣṭhā-maśri̭ma॒nakti॒ yaja̭māname॒va teja̭sā 'naktyā॒nta-ma̭naktyā॒ntame॒va yaja̭māna॒-nteja̭sānakti sa॒rvataḥ॒ pari̭ mṛśa॒tyapa̭rivarga-me॒vāsmi॒-ntejo̭ dadhā॒tyu-ddivagg̭ stabhā॒nā-'ntari̭kṣa-mpṛ॒ṇetyā̭hai॒ṣāṃ-lo~॒kānāṃ॒-vi~dhṛ̭tyai vaiṣṇa॒vyarcā [vaiṣṇa॒vyarcā, ka॒lpa॒ya॒ti॒ vai॒ṣṇa॒vo vai] 21

ka̭lpayati vaiṣṇa॒vo vai de॒vata̭yā॒ yūpa॒-ssvayai॒vaina̭-nde॒vata̭yā kalpayati॒ dvābhyā᳚-ṅkalpayati dvi॒pā-dyaja̭mānaḥ॒ prati̭ṣṭhityai॒ ya-ṅkā॒mayḙta॒ teja̭saina-nde॒vatā̭bhirindri॒yeṇa॒ vya̭rdhayeya॒-mitya̭gni॒ṣṭhā-ntasyāśri̭-māhava॒nīyā̭di॒tthaṃ-ve~॒tthaṃ-vā~-'ti̭ nāvaye॒-tteja̭sai॒vaina̭-nde॒vatā̭bhirindri॒yeṇa॒ vya̭rdhayati॒ ya-ṅkā॒mayḙta॒ teja̭saina-nde॒vatā̭bhirindri॒yeṇa॒ sama̭rdhayeya॒mi- [sama̭rdhayeya॒miti̭, a॒gni॒ṣṭhā-] 22

-tya̭gni॒ṣṭhā-ntasyāśri̭māhava॒nīyḙna॒ sa-mmi̭nuyā॒-tteja̭sai॒vaina̭-nde॒vatā̭bhirindri॒yeṇa॒ sama̭rdhayati brahma॒vani̭-ntvā kṣatra॒vani॒mityā̭ha yathāya॒jure॒vaita-tpari̭ vyaya॒tyūrgvai ra̭śa॒nā yaja̭mānena॒ yūpa॒-ssammi̭to॒ yaja̭māname॒vorjā sama̭rdhayati nābhida॒ghne pari̭ vyayati nābhida॒ghna e॒vāsmā॒ ūrja̭-ndadhāti॒ tasmā᳚nnābhida॒ghna ū॒rjā bhṷñjate॒ ya-ṅkā॒mayḙto॒rjainaṃ॒- [ya-ṅkā॒mayḙto॒rjaina᳚m, vya̭rdhayeya॒-] 23

~vya̭rdhayeya॒-mityū॒rdhvāṃ-vā~॒ tasyāvā̭cīṃ॒-vā~-'vo̭hedū॒rjaivainaṃ॒-vya~̭rdhayati॒ yadi̭ kā॒mayḙta॒ varṣṷkaḥ pa॒rjanyaḥ̭ syā॒ditya-vā̭cī॒mavo̭he॒-dvṛṣṭi̭me॒va ni ya̭cchati॒ yadi̭ kā॒maye॒tāva̭rṣuka-ssyā॒dityū॒rdhvāmudṷ̄he॒-dvṛṣṭi̭me॒vo-dya̭cchati pitṛ॒ṇā-nnikhā̭ta-mmanu॒ṣyā̭ṇāmū॒rdhva-nnikhā̭tā॒dā ra̭śa॒nāyā॒ oṣa̭dhīnāgṃ raśa॒nā viśvḙṣā- [viśvḙṣām, de॒vānā̭-] 24

-nde॒vānā̭-mū॒rdhvagṃ ra̭śa॒nāyā॒ ā ca॒ṣālā॒dindra̭sya ca॒ṣālagṃ̭ sā॒ddhyānā॒mati̭rikta॒gṃ॒ sa vā e॒ṣa sa̭rvadeva॒tyo̭ yadyūpo॒ yadyūpa̭-mmi॒noti॒ sarvā̭ e॒va de॒vatāḥ᳚ prīṇāti ya॒jñena॒ vai de॒vā-ssṷva॒rgaṃ-lo~॒kamā̭ya॒-ntḙ-'manyanta manu॒ṣyā̭ no॒-'nvābha̭viṣya॒ntīti॒ te yūpḙna yopayi॒tvā sṷva॒rgaṃ ~lo॒kamā̭ya॒-ntamṛṣa̭yo॒ yūpḙnai॒vānu॒ prājā̭na॒-nta-dyūpa̭sya yūpa॒tvaṃ- [yūpa॒tvam, ya-dyūpa̭-] 25

~ya-dyūpa̭-mmi॒noti̭ suva॒rgasya̭ lo॒kasya॒ prajñā᳚tyai pu॒rastā᳚-nminoti pu॒rastā॒ddhi ya॒jñasya̭ prajñā॒yate pra̭jñāta॒gṃ॒ hi ta-dyadati̭panna ā॒huri॒da-ṅkā॒rya̭māsī॒diti̭ sā॒ddhyā vai de॒vā ya॒jñamatya̭manyanta॒ tān. ya॒jño nāspṛ̭śa॒-ttān. ya-dya॒jñasyāti̭rikta॒māsī॒-ttada̭spṛśa॒dati̭riktaṃ॒-vā~ e॒ta-dya॒jñasya॒ yada॒gnāva॒gni-mma̭thi॒tvā pra॒hara॒tyati̭riktame॒ta- [pra॒hara॒tyati̭riktame॒tat, yūpa̭sya॒] 26

-dyūpa̭sya॒ yadū॒rdhva-ñca॒ṣālā॒-tteṣā॒-nta-dbhā̭ga॒dheya॒-ntāne॒va tena̭ prīṇāti de॒vā vai saggsthi̭te॒ some॒ pra sruco-'ha̭ra॒-npra yūpa॒-ntḙ-'manyanta yajñaveśa॒saṃ-vā~ i॒da-ṅkṷrma॒ iti॒ te pra̭sta॒ragg sru॒cā-nni॒ṣkraya̭ṇa-mapaśya॒n-thsvaruṃ॒-yū~pa̭sya॒ saggsthi̭te॒ some॒ pra pra̭sta॒ragṃ hara̭ti ju॒hoti॒ svaru॒maya̭jñaveśasāya || 27 ||

(da॒dhā॒ti॒ - pratyṛ॒ - cā - sama̭rdhayeya॒mityū॒ - rjainaṃ॒ - ~viśvḙṣāṃ - ~yūpa॒tva - mati̭riktame॒ta-d- dvica̭tvārigṃśacca) (a. 4)

sā॒ddhyā vai de॒vā a॒smi~llo॒ka ā̭sa॒-nnānya-tki̭-ñca॒na mi॒ṣa-tte᳚-'gnime॒vāgnaye॒ medhā॒yā 'la̭bhanta॒ na hya̭nyadā̭la॒bhyaṃ̭-mavi̭nda॒-ntato॒ vā i॒māḥ pra॒jāḥ prājā̭yanta॒ yada॒gnāva॒gni-mma̭thi॒tvā pra॒hara̭ti pra॒jānā᳚-mpra॒jana̭nāya ru॒dro vā e॒ṣa yada॒gniryaja̭mānaḥ pa॒śurya-tpa॒śumā॒labhyā॒gni-mmanthe᳚-dru॒drāya॒ yaja̭māna॒- [yaja̭mānam, api̭ daddhyā-] 28

-mapi̭ daddhyā-tpra॒māyṷka-ssyā॒datho॒ khalvā̭hura॒gni-ssarvā̭ de॒vatā̭ ha॒vire॒tadya-tpa॒śuriti॒ ya-tpa॒śumā॒labhyā॒gni-mmantha̭ti ha॒vyāyai॒vā-''sa̭nnāya॒ sarvā̭ de॒vatā̭ janaya-tyupā॒kṛtyai॒va manthya॒-stannevā-''la̭bdha॒-nnevānā̭labdha-ma॒gne-rja॒nitra̭-ma॒sītyā̭hā॒gnerhyḙta-jja॒nitraṃ॒-vṛ~ṣa̭ṇau stha॒ ityā̭ha॒ vṛṣa̭ṇau॒ [vṛṣa̭ṇau, hyḙtā-] 29

hyḙtā-vu॒rvaśya̭syā॒yu-ra॒sītyā̭ha mithuna॒tvāya̭ ghṛ॒tenā॒kte vṛṣa̭ṇa-ndadhāthā॒mityā̭ha॒ vṛṣa̭ṇa॒gg॒ hyḙte dadhā̭te॒ ye a॒gni-ṅgā̭ya॒tra-ñchando-'nu॒ pra jā̭ya॒svetyā̭ha॒ chando̭bhire॒vaina॒-mpra ja̭nayatya॒gnayḙ ma॒thyamā̭nā॒yānṷ brū॒hītyā̭ha sāvi॒trīmṛca॒manvā̭ha savi॒tṛpra̭sūta e॒vaina̭-mmanthati jā॒tāyānṷ brūhi [brūhi, pra॒hri॒yamā̭ṇā॒yā-'nṷ] 30

prahri॒yamā̭ṇā॒yā-'nṷ brū॒hītyā̭ha॒ kāṇḍḙkāṇḍa e॒vaina̭-ṅkri॒yamā̭ṇe॒ sama̭rdhayati gāya॒trī-ssarvā॒ anvā̭ha gāya॒tracha̭ndā॒ vā a॒gni-ssvenai॒vaina॒-ñchanda̭sā॒ sama̭rdhayatya॒gniḥ pu॒rā bhava̭tya॒gni-mma̭thi॒tvā pra ha̭rati॒ tau sa॒bhaṃva~̭ntau॒ yaja̭mānama॒bhi sa-mbha̭vato॒ bhava̭ta-nna॒-ssama̭nasā॒vityā̭ha॒ śāntyai᳚ pra॒hṛtya̭ juhoti jā॒tāyai॒vāsmā॒ anna॒mapi̭ dadhā॒tyājyḙna juhotye॒tadvā a॒gneḥ pri॒ya-ndhāma॒ yadājya̭-mpri॒yeṇai॒vaina॒-ndhāmnā॒ sama̭rdhaya॒tyatho॒ teja̭sā || 31 ||

(yaja̭māna-māha॒ vṛṣa̭ṇau-jā॒tāyānṷ brū॒hyā-pya॒ -ṣṭāda̭śa ca) (a. 5)

i॒ṣe tveti̭ ba॒r॒hirā da̭tta i॒cchata̭ iva॒ hyḙṣa yo yaja̭ta upa॒vīra॒sītyā॒hopa॒ hyḙnānāka॒rotyupo̭ de॒vā-ndaivī॒rviśaḥ॒ prāgu॒rityā̭ha॒ daivī॒rhyḙtā viśaḥ̭ sa॒tīrde॒vānṷpa॒yanti॒ vahnī̭ru॒śija॒ ityā̭ha॒rtvijo॒ vai vahna̭ya u॒śija॒-stasmā̭de॒vamā̭ha॒ bṛha̭spate dhā॒rayā॒ vasū॒nī- [vasū॒nīti̭, ā॒ha॒ brahma॒ vai] 32

-tyā̭ha॒ brahma॒ vai de॒vānā॒-mbṛha॒spati॒ rbrahma̭ṇai॒vāsmai̭ pa॒śūnava̭ rundhe ha॒vyā te᳚ svadantā॒mityā̭ha sva॒daya̭tye॒vainā॒-ndeva̭ tvaṣṭa॒rvasṷ ra॒ṇvetyā̭ha॒ tvaṣṭā॒ vai pa̭śū॒nā-mmi̭thu॒nānāgṃ̭ rūpa॒kṛ-drū॒pame॒va pa॒śuṣṷ dadhāti॒ reva̭tī॒ rama̭ddhva॒mityā̭ha pa॒śavo॒ vai re॒vatīḥ᳚ pa॒śūne॒vāsmai̭ ramayati de॒vasya̭ tvā savi॒tuḥ pra̭sa॒va iti̭ [iti̭, ra॒śa॒nāmā da̭tte॒] 33

raśa॒nāmā da̭tte॒ prasū᳚tyā a॒śvino᳚rbā॒hubhyā॒-mityā̭hā॒śvinau॒ hi de॒vānā̭maddhva॒ryū āstā᳚-mpū॒ṣṇo hastā᳚bhyā॒mityā̭ha॒ yatyā̭ ṛ॒tasya̭ tvā devahaviḥ॒ pāśe॒nā-'' ra̭bha॒ ityā̭ha sa॒tyaṃ-vā~ ṛ॒tagṃ sa॒tyenai॒vaina̭mṛ॒tenā ''ra̭bhate 'kṣṇa॒yā pari̭ harati॒ vaddhya॒gṃ॒ hi pra॒tyañca̭-mprati mu॒ñcanti॒ vyāvṛ̭ttyai॒ dharṣā॒ mānṷṣā॒niti॒ ni yṷnakti॒ dhṛtyā̭ a॒dbhya- [a॒dbhyaḥ, tvauṣa̭dhībhyaḥ॒] 34

-stvauṣa̭dhībhyaḥ॒ prokṣā॒mītyā̭hā॒dbhyo hyḙṣa oṣa̭dhībhya-ssa॒bhaṃva~̭ti॒ ya-tpa॒śura॒pā-mpe॒rura॒sītyā̭hai॒ṣa hya̭pā-mpā॒tā yo medhā̭yā-'' ra॒bhyate᳚ svā॒tta-ñci॒-thsadḙvagṃ ha॒vyamāpo̭ devī॒-ssvada̭taina॒mityā̭ha sva॒daya̭tye॒vaina̭-mu॒pari̭ṣṭā॒-tprokṣa̭tyu॒pari̭ṣṭāde॒vaina॒-mmeddhya̭-ṅkaroti pā॒yaya̭tyantara॒ta e॒vaina॒-mmeddhya̭-ṅkarotya॒dhastā॒dupo᳚kṣati sa॒rvata̭ e॒vaina॒-mmeddhya̭-ṅkaroti || 35 ||

(vasū॒nīti̭-prasa॒va itya॒-dbhyo᳚-'ntara॒ta e॒vainaṃ॒ - daśa̭ ca) (a. 6)

a॒gninā॒ vai hotrā̭ de॒vā asṷrā-na॒bhya̭bhava-nna॒gnayḙ sami॒ddhyamā̭nā॒yānṷ brū॒hītyā̭ha॒ bhrātṛ̭vyābhibhūtyai sa॒ptada̭śa sāmidhe॒nīranvā̭ha saptada॒śaḥ pra॒jāpa̭tiḥ pra॒jāpa̭te॒rāptyai̭ sa॒ptada॒śānvā̭ha॒ dvāda̭śa॒ māsāḥ॒ pañca॒rtava॒-ssa saṃ̭va~thsa॒ra-ssaṃ̭va~thsa॒ra-mpra॒jā anu॒ prajā̭yante pra॒jānā᳚-mpra॒jana̭nāya de॒vā vai sā̭midhe॒nīra॒nūcya̭ ya॒jña-nnānva̭paśya॒n-thsa pra॒jāpa̭ti-stū॒ṣṇī-mā̭ghā॒ra- [-mā̭ghā॒ram, ā 'ghā̭raya॒-ttato॒ vai] 36

-mā 'ghā̭raya॒-ttato॒ vai de॒vā ya॒jñamanva̭paśya॒n॒. ya-ttū॒ṣṇī-mā̭ghā॒ra-mā̭ghā॒raya̭ti ya॒jñasyānṷkhyātyā॒ asṷreṣu॒ vai ya॒jña ā̭sī॒-tta-nde॒vāstū᳚ṣṇīgṃ ho॒menā̭vṛñjata॒ ya-ttū॒ṣṇī-mā̭ghā॒ra-mā̭ghā॒raya̭ti॒ bhrātṛ̭vyasyai॒ va ta-dya॒jñaṃ-vṛ~̭ṅkte pari॒dhī̭n-thsa-mmā᳚rṣṭi pu॒nātye॒vainā॒-ntristri॒-ssa-mmā᳚rṣṭi॒ tryā̭vṛ॒ddhi ya॒jño-'tho॒ rakṣa̭sā॒mapa̭hatyai॒ dvāda̭śa॒ sa-mpa̭dyante॒ dvāda̭śa॒ [dvāda̭śa, māsā᳚-ssaṃva~thsa॒ra-] 37

māsā᳚-ssaṃva~thsa॒ra-ssaṃ̭va~thsa॒rame॒va prī̭ṇā॒tyatho̭ saṃva~thsa॒rame॒vāsmā॒ upa̭ dadhāti suva॒rgasya̭ lo॒kasya॒ sama̭ṣṭyai॒ śiro॒ vā e॒ta-dya॒jñasya॒ yadā̭ghā॒ro᳚-'gni-ssarvā̭ de॒vatā॒ yadā̭ghā॒ra-mā̭ghā॒raya̭ti śīrṣa॒ta e॒va ya॒jñasya॒ yaja̭māna॒-ssarvā̭ de॒vatā॒ ava̭ rundhe॒ śiro॒ vā e॒ta-dya॒jñasya॒ yadā̭ghā॒ra ā॒tmā pa॒śurā̭ghā॒ramā॒ghārya̭ pa॒śugṃ sama̭naktyā॒tmanne॒va ya॒jñasya॒ [ya॒jñasya̭, śiraḥ॒ prati̭ dadhāti॒] 38

śiraḥ॒ prati̭ dadhāti॒ sa-nte᳚ prā॒ṇo vā॒yunā̭ gacchatā॒mityā̭ha vāyudeva॒tyo̭ vai prā॒ṇo vā॒yāve॒vāsya̭ prā॒ṇa-ñjṷhoti॒ saṃ-ya~ja̭trai॒raṅgā̭ni॒ saṃ-ya~॒jñapa̭tirā॒śiṣetyā̭ha ya॒jñapa̭time॒vāsyā॒-''śiṣa̭-ṅgamayati vi॒śvarṷ̄po॒ vai tvā॒ṣṭra u॒pari̭ṣṭā-tpa॒śuma॒bhya̭vamī॒-ttasmā̭-du॒pari̭ṣṭā-tpa॒śornāva̭ dyanti॒ yadu॒pari̭ṣṭā-tpa॒śugṃ sa̭ma॒nakti॒ meddhya̭me॒vai- [meddhya̭me॒va, e॒na॒-ṅka॒ro॒tyṛ॒tvijo̭] 39

-na̭-ṅkarotyṛ॒tvijo̭ vṛṇīte॒ chandāg̭sye॒va vṛ̭ṇīte sa॒pta vṛ̭ṇīte sa॒pta grā॒myāḥ pa॒śavaḥ̭ sa॒ptā-''ra॒ṇyā-ssa॒pta chandāg̭syu॒bhaya॒syā va̭ruddhyā॒ ekā̭daśa prayā॒jān. ya̭jati॒ daśa॒ vai pa॒śoḥ prā॒ṇā ā॒tmaikā̭da॒śo yāvā̭ne॒va pa॒śusta-mpra ya̭jati va॒pāmekaḥ॒ pari̭ śaya ā॒tmaivā-''tmāna॒-mpari̭ śaye॒ vajro॒ vai svadhi̭ti॒rvajro̭ yūpaśaka॒lo ghṛ॒ta-ṅkhalu॒ vai de॒vā vajra̭-ṅkṛ॒tvā soma̭maghna-nghṛ॒tenā॒ktau pa॒śu-ntrā̭yethā॒mityā̭ha॒ vajrḙṇai॒vainaṃ॒-va~śḙ kṛ॒tvā-''la̭bhate || 40 ||

(ā॒ghā॒raṃ - pa̭dyante॒ dvāda̭śā॒ - ''tmanne॒va ya॒jñasya॒ - medhya̭me॒va - khalu॒ vā - a॒ṣṭāda̭śa ca) (a. 7)

parya̭gni karoti sarva॒huta̭me॒vaina̭-ṅkaro॒tya-ska̭ndā॒yā-ska̭nna॒gṃ॒ hi ta-dya-ddhu॒tasya॒ skanda̭ti॒ triḥ parya̭gni karoti॒ tryā̭vṛ॒ddhi ya॒jño-'tho॒ rakṣa̭sā॒mapa̭hatyai brahmavā॒dino̭ vadantyanvā॒rabhyaḥ̭ pa॒śū(3)-rnānvā॒rabhyā(3) iti̭ mṛ॒tyave॒ vā e॒ṣa nī̭yate॒ ya-tpa॒śustaṃ-ya~da̭nvā॒rabhḙta pra॒māyṷko॒ yaja̭māna-ssyā॒datho॒ khalvā̭hu-ssuva॒rgāya॒ vā e॒ṣa lo॒kāya̭ nīyate॒ ya- [yat, pa॒śuriti॒] 41

-tpa॒śuriti॒ yannānvā॒rabhḙta suva॒rgāllo॒kā-dyaja̭māno hīyeta vapā॒śrapa̭ṇībhyā-ma॒nvāra̭bhate॒ tannevā॒nvāra̭bdha॒-nnevāna̭nvārabdha॒mupa॒ preṣya̭ hotarha॒vyā de॒vebhya॒ ityā̭heṣi॒tagṃ hi karma̭ kri॒yate॒ reva̭tīrya॒jñapa̭ti-mpriya॒dhā ''vi̭śa॒tetyā̭ha yathāya॒jure॒vaitada॒gninā̭ pu॒rastā̭deti॒ rakṣa̭sā॒mapa̭hatyai pṛthi॒vyā-ssa॒pṛñcaḥ̭ pā॒hīti̭ ba॒r॒hi- [ba॒r॒hiḥ, upā᳚-'sya॒tya-ska̭ndā॒yā-] 42

-rupā᳚-'sya॒tya-ska̭ndā॒yā-ska̭nna॒gṃ॒ hi ta-dya-dba॒r॒hiṣi॒ skanda॒tyatho̭ barhi॒ṣada̭me॒vaina̭-ṅkaroti॒ parāṃ॒ā va̭rtate-'ddhva॒ryuḥ pa॒śo-ssa᳚jña॒mpyamā̭nā-tpa॒śubhya̭ e॒va tanni hnṷta ā॒tmano-'nā᳚vraskāya॒ gaccha̭ti॒ śriya॒-mpra pa॒śūnā᳚pnoti॒ ya e॒vaṃ-ve~da̭ pa॒ścāllo̭kā॒ vā e॒ṣā prācyu॒dānī̭yate॒ ya-tpatnī॒ nama̭sta ātā॒netyā̭hā-''di॒tyasya॒ vai ra॒śmaya̭ [ra॒śmayaḥ̭, ā॒tā॒nāstebhya̭] 43

ātā॒nāstebhya̭ e॒va nama̭skarotyana॒rvā prehītyā̭ha॒ bhrātṛ̭vyo॒ vā arvā॒ bhrātṛ̭vyāpanuttyai ghṛ॒tasya̭ ku॒lyāmanṷ sa॒ha pra॒jayā̭ sa॒ha rā॒yaspoṣe॒ṇe-tyā̭hā॒ ''śiṣa̭me॒vaitāmā śā᳚sta॒ āpo̭ devī-śśuddhāyuva॒ ityā̭ha yathāya॒jure॒vaitat || 44 ||

(lo॒kāya̭ nīyate॒ ya-d- ba॒ra॒ḥī - ra॒śmayaḥ̭ - sa॒ptatrigṃ̭śacca) (a. 8)

pa॒śorvā āla̭bdhasya prā॒ṇāñchugṛ̭cchati॒ vākta॒ ā pyā̭yatā-mprā॒ṇasta॒ ā pyā̭yatā॒mityā̭ha prā॒ṇebhya̭ e॒vāsya॒ śucagṃ̭ śamayati॒ sā prā॒ṇebhyo-'dhi̭ pṛthi॒vīgṃ śu-kpra vi̭śati॒ śamaho᳚bhyā॒miti॒ ni na̭yatyahorā॒trābhyā̭me॒va pṛ̭thi॒vyai śucagṃ̭ śamaya॒tyoṣa̭dhe॒ trā̭yasvaina॒gg॒ svadhi̭te॒ mainagṃ̭ higṃsī॒rityā̭ha॒ vajro॒ vai svadhi̭ti॒- [svadhi̭tiḥ, śāntyai̭ pārśva॒ta] 45

-śśāntyai̭ pārśva॒ta ā cchya̭ti maddhya॒to hi ma̭nu॒ṣyā̭ ā॒ cchyanti̭ tira॒ścīna॒mā cchya̭tyanū॒cīna॒gṃ॒ hi ma̭nu॒ṣyā̭ ā॒cchyanti॒ vyāvṛ̭ttyai॒ rakṣa̭sā-mbhā॒go̭-'sīti̭ sthavima॒to ba॒r॒hira॒ktvā-'pā᳚syatya॒snaiva rakṣāgṃ̭si ni॒rava̭dayata i॒dama॒hagṃ rakṣo̭-'dha॒ma-ntamo̭ nayāmi॒ yo᳚-'smā-ndveṣṭi॒ ya-ñca̭ va॒ya-ndvi॒ṣma ityā̭ha॒ dvau vāva purṷṣau॒ ya-ñcai॒va [ ] 46

dveṣṭi॒ yaścai̭na॒-ndveṣṭi॒ tāvu॒bhāva̭dha॒ma-ntamo̭ nayatī॒ṣe tveti̭ va॒pāmutkhi̭datī॒cchata̭ iva॒ hyḙṣa yo yaja̭te॒ yadṷpatṛ॒ndyā-dru॒dro᳚-'sya pa॒śū-nghātṷka-ssyā॒-dyannopa̭tṛ॒ndyā-daya̭tā syā-da॒nyayo̭patṛ॒ṇattya॒nyayā॒ na dhṛtyai̭ ghṛ॒tena̭ dyāvāpṛthivī॒ prorṇvā̭thā॒mityā̭ha॒ dyāvā̭pṛthi॒vī e॒va rasḙnāna॒ktyacchi̭nno॒ [rasḙnāna॒ktyacchi̭nnaḥ, rāyaḥ̭ su॒vīra॒] 47

rāyaḥ̭ su॒vīra॒ ityā̭ha yathāya॒jure॒vaita-tkrū॒rami̭va॒ vā e॒ta-tka̭roti॒ ya-dva॒pā-mṷtkhi॒da-tyu॒rva̭ntari̭kṣa॒-manvi॒hītyā̭ha॒ śāntyai॒ pra vā e॒ṣo᳚-'smāllo॒kāccya̭vate॒ yaḥ pa॒śu-mmṛ॒tyavḙ nī॒yamā̭namanvā॒rabha̭te vapā॒śrapa̭ṇī॒ puna̭ra॒nvāra̭bhate॒-'sminne॒va lo॒ke prati̭ tiṣṭhatya॒gninā̭ pu॒rastā̭deti॒ rakṣa̭sā॒mapa̭hatyā॒ atho̭ de॒vatā̭ e॒va ha॒vyenā- [e॒va ha॒vyena̭, anvḙti॒] 48

-nvḙti॒ nānta॒mamaṅgā̭ra॒mati̭ hare॒-dyada̭nta॒mamaṅgā̭ramati॒ hare᳚-dde॒vatā॒ ati̭ manyeta॒ vāyo॒ vīhi̭ sto॒kānā॒mityā̭ha॒ tasmā॒-dvibha̭ktā-ssto॒kā ava̭ padya॒nte-'graṃ॒-vā~ e॒ta-tpa̭śū॒nāṃ-ya~-dva॒pā-'gra॒moṣa̭dhīnā-mba॒r॒hiragrḙṇai॒vāgra॒gṃ॒ sama̭rdhaya॒tyatho॒ oṣa̭dhīṣve॒va pa॒śū-nprati̭ṣṭhāpayati॒ svāhā̭kṛtībhyaḥ॒ preṣyetyā̭ha [ ] 49

ya॒jñasya॒ sami̭ṣṭyai prāṇāpā॒nau vā e॒tau pa̭śū॒nāṃ-ya~-tpṛ̭ṣadā॒jyamā॒tmā va॒pā pṛ̭ṣadā॒jyama̭bhi॒ghārya̭ va॒pāma॒bhi ghā̭rayatyā॒tmanne॒va pa̭śū॒nā-mprā̭ṇāpā॒nau da̭dhāti॒ svāho॒rdhvana̭bhasa-mmāru॒ta-ṅga̭cchata॒mityā̭ho॒rdhvana̭bhā ha sma॒ vai mā̭ru॒to de॒vānāṃ᳚-va~pā॒śrapa̭ṇī॒ pra ha̭rati॒ tenai॒vaine॒ pra ha̭rati॒ viṣṷ̄cī॒ pra ha̭rati॒ tasmā॒-dviṣva̭ñcau prāṇāpā॒nau || 50 ||

(svadhi̭ti - ścai॒vā - cchi̭nno - ha॒vyene॒ - ṣyetyā̭ha॒ - ṣaṭca̭tvārigṃśacca) (a. 9)

pa॒śumā॒labhya̭ puro॒ḍāśa॒-nnirva̭pati॒ samḙdhame॒vaina॒mā la̭bhate va॒payā᳚ pra॒carya̭ puro॒ḍāśḙna॒ pra ca̭ra॒tyūrgvai pṷro॒ḍāśa॒ ūrja̭me॒va pa̭śū॒nā-mma̭ddhya॒to da̭dhā॒tyatho̭ pa॒śore॒va chi॒dramapi̭ dadhāti pṛṣadā॒jyasyo̭pa॒hatya॒ triḥ pṛ̭cchati śṛ॒tagṃ ha॒vī(3)-śśa̭mita॒riti॒ triṣa̭tyā॒ hi de॒vā yo-'śṛ̭tagṃ śṛ॒tamāha॒ sa ena̭sā prāṇāpā॒nau vā e॒tau pa̭śū॒nāṃ- [e॒tau pa̭śū॒nām, ya-tpṛ̭ṣadā॒jya-mpa॒śoḥ] 51

-~ya-tpṛ̭ṣadā॒jya-mpa॒śoḥ khalu॒ vā āla̭bdhasya॒ hṛda̭yamā॒tmā-'bhi samḙti॒ ya-tpṛ̭ṣadā॒jyena॒ hṛda̭ya-mabhighā॒raya̭tyā॒tmanne॒va pa̭śū॒nā-mprā̭ṇāpā॒nau da̭dhāti pa॒śunā॒ vai de॒vā-ssṷva॒rgaṃ-lo~॒kamā̭ya॒-ntḙ-'manyanta manu॒ṣyā̭ no॒-'nvābha̭viṣya॒ntīti॒ tasya॒ śiraḥ̭ chi॒ttvā medha॒-mprākṣā̭raya॒nthsa pra॒kṣo̭-'bhava॒-tta-tpra॒kṣasya̭ prakṣa॒tvaṃ-ya~-tpla̭kṣaśā॒kho-tta̭raba॒r॒hi-rbhava̭ti॒ samḙdhasyai॒va [ ] 52

pa॒śorava̭ dyati pa॒śuṃ-vai~ hri॒yamā̭ṇa॒gṃ॒ rakṣā॒g॒syanṷ sacante-'nta॒rā yūpa̭-ñcā-''hava॒nīya̭-ñca harati॒ rakṣa̭sā॒mapa̭hatyai pa॒śorvā āla̭bdhasya॒ mano-'pa̭ krāmati ma॒notā̭yai ha॒viṣo̭-'vadī॒yamā̭na॒syānṷ brū॒hītyā̭ha॒ mana̭ e॒vāsyāva̭ rundha॒ ekā̭daśāva॒dānā॒nyava̭ dyati॒ daśa॒ vai pa॒śoḥ prā॒ṇā ā॒tmaikā̭da॒śo yāvā̭ne॒va pa॒śustasyā-'va̭- [pa॒śustasyā-'va̭, dya॒ti॒ hṛda̭ya॒syā-] 53

-dyati॒ hṛda̭ya॒syā-gre-'va̭ dya॒tyatha̭ ji॒hvāyā॒ atha॒ vakṣa̭so॒ yadvai hṛda̭yenābhi॒gaccha̭ti॒ tajji॒hvayā̭ vadati॒ yajji॒hvayā॒ vada̭ti॒ tadura॒so-'dhi॒ nirva̭datye॒tadvai pa॒śorya̭thāpū॒rvaṃ-ya~syai॒vama̭va॒dāya̭ yathā॒kāma॒-mutta̭reṣāmava॒dyati̭ yathā pū॒rvame॒vāsya̭ pa॒śorava̭tta-mbhavati maddhya॒to gu॒dasyāva̭ dyati maddhya॒to hi prā॒ṇa ṷtta॒masyāva̭ dya- [ṷtta॒masyāva̭ dyati, u॒tta॒mo hi prā॒ṇo] 54

-tyutta॒mo hi prā॒ṇo yadīta̭raṃ॒-ya~dīta̭ra-mu॒bhaya̭me॒vājā̭mi॒ jāya̭māno॒ vai brā᳚hma॒ṇa-stri॒bhir-ṛ̭ṇa॒vā jā̭yate brahma॒carye॒ṇarṣi̭bhyo ya॒jñena̭ de॒vebhyaḥ̭ pra॒jayā̭ pi॒tṛbhya̭ e॒ṣa vā a̭nṛ॒ṇo yaḥ pu॒trī yajvā᳚ brahmacārivā॒sī tada̭va॒dānai̭-re॒vā-'va̭ dayate॒ tada̭va॒dānā̭nā-mavadāna॒tva-ndḙvāsu॒rā-ssaṃya~̭ttā āsa॒-nte de॒vā a॒gnima̭bruva॒-ntvayā̭ vī॒reṇāsṷrāna॒bhi bha̭vā॒meti॒ [bha̭vā॒meti̭, so᳚-'bravī॒-dvaraṃ̭-vṛ~ṇai] 55

so᳚-'bravī॒-dvaraṃ̭-vṛ~ṇai pa॒śorṷddhā॒ramuddha̭rā॒ iti॒ sa e॒tamṷddhā॒ramuda̭harata॒ doḥ pū᳚rvā॒rdhasya̭ gu॒da-mma̭ddhya॒ta-śśroṇi̭-ñjaghanā॒rdhasya॒ tato̭ de॒vā abha̭va॒-nparā-'sṷrā॒ ya-ttrya॒ṅgāṇāgṃ̭ samava॒dyati॒ bhrātṛ̭vyābhibhūtyai॒ bhava̭tyā॒tmanā॒ parā᳚-'sya॒ bhrātṛ̭vyo bhavatyakṣṇa॒yā-'va̭ dyati॒ tasmā̭dakṣṇa॒yā pa॒śavo-'ṅgā̭ni॒ pra ha̭ranti॒ prati̭ṣṭhityai || 56 ||

(e॒tau pa̭śū॒nāgṃ - samḙdhasyai॒va - tasyā-'vo᳚ - tta॒masyāva̭ dya॒tī - ti॒ - pañca̭catvārigṃśacca) (a. 10)

meda̭sā॒ srucau॒ prorṇo̭ti॒ medo̭rūpā॒ vai pa॒śavo̭ rū॒pame॒va pa॒śuṣṷ dadhāti yū॒ṣanna̭va॒dhāya॒ prorṇo̭ti॒ raso॒ vā e॒ṣa pa̭śū॒nāṃ-ya~dyū rasa̭me॒va pa॒śuṣṷ dadhāti pā॒rśvena̭ vasāho॒ma-mprayaṷti॒ maddhyaṃ॒-vā~ e॒ta-tpa̭śū॒nāṃ-ya~-tpā॒rśvagṃ rasa̭ e॒ṣa pa̭śū॒nāṃ-ya~dvasā॒ ya-tpā॒rśvena̭ vasāho॒ma-mpra॒yauti̭ maddhya॒ta e॒va pa̭śū॒nāgṃ rasa̭-ndadhāti॒ ghnanti॒ [ghnanti̭, vā e॒ta-tpa॒śu-] 57

vā e॒ta-tpa॒śuṃ-ya~-thsa᳚jña॒mpaya̭ntyai॒ndraḥ khalu॒ vai de॒vata̭yā prā॒ṇa ai॒ndro̭-'pā॒na ai॒ndraḥ prā॒ṇo aṅgḙaṅge॒ ni de᳚ddhya॒dityā̭ha prāṇāpā॒nāve॒va pa॒śuṣṷ dadhāti॒ deva̭ tvaṣṭa॒rbhūri̭ te॒ sagṃ sa̭me॒tvityā̭ha tvā॒ṣṭrā hi de॒vata̭yā pa॒śavo॒ viṣṷrūpā॒ ya-thsala̭kṣmāṇo॒ bhava॒thetyā̭ha॒ viṣṷrūpā॒ hyḙte santa॒-ssala̭kṣmāṇa e॒tarhi॒ bhava̭nti deva॒trā yanta॒- [deva॒trā yanta᳚m, ava̭se॒] 58

-mava̭se॒ sakhā॒yo-'nṷ tvā mā॒tā pi॒taro̭ mada॒ntvityā॒hā-nṷmatame॒vaina̭-mmā॒trā pi॒trā sṷva॒rgaṃ-lo~॒ka-ṅga̭mayatyardha॒rce va̭sāho॒ma-ñjṷhotya॒sau vā a̭rdha॒rca i॒yama̭rdha॒rca i॒me e॒va rasḙnānakti॒ diśo̭ juhoti॒ diśa̭ e॒va rasḙnāna॒ktyatho̭ di॒gbhya e॒vorja॒gṃ॒ rasa॒mava̭ rundhe prāṇāpā॒nau vā e॒tau pa̭śū॒nāṃ-ya~-tpṛ̭ṣadā॒jyaṃ-vā~̭naspa॒tyāḥ khalu॒ [khalṷ, vai de॒vata̭yā pa॒śavo॒] 59

vai de॒vata̭yā pa॒śavo॒ ya-tpṛ̭ṣadā॒jyasyo̭-pa॒hatyā-''ha॒ vana॒spata॒ye-'nṷ brūhi॒ vana॒spata̭ye॒ preṣyeti̭ prāṇāpā॒nāve॒va pa॒śuṣṷ dadhātya॒nyasyā᳚nyasya samava॒ttagṃ sa॒mava̭dyati॒ tasmā॒nnānā̭rūpāḥ pa॒śavo̭ yū॒ṣṇopa̭ siñcati॒ raso॒ vā e॒ṣa pa̭śū॒nāṃ-ya~dyū rasa̭me॒va pa॒śuṣṷ dadhā॒tīḍā॒mupa̭ hvayate pa॒śavo॒ vā iḍā̭ pa॒śūne॒vopa̭ hvayate ca॒turupa̭ hvayate॒ [ca॒turupa̭ hvayate, catṷṣpādo॒ hi] 60

catṷṣpādo॒ hi pa॒śavo॒ ya-ṅkā॒mayḙtā pa॒śu-ssyā॒ditya̭me॒daska॒-ntasmā॒ ā da̭ddhyā॒nmedo̭rūpā॒ vai pa॒śavo̭ rū॒peṇai॒vaina̭-mpa॒śubhyo॒ nirbha̭jatyapa॒śure॒va bha̭vati॒ ya-ṅkā॒mayḙta paśu॒mān-thsyā॒diti॒ meda̭sva॒-ttasmā॒ ā da̭ddhyā॒nmedo̭rūpā॒ vai pa॒śavo̭ rū॒peṇai॒vāsmai̭ pa॒śūnava̭ rundhe paśu॒māne॒va bha̭vati pra॒jāpa̭tirya॒jñama̭sṛjata॒ sa ājya̭- [sa ājya᳚m, pu॒rastā̭dasṛjata] 61

-mpu॒rastā̭dasṛjata pa॒śu-mma̭ddhya॒taḥ pṛ̭ṣadā॒jya-mpa॒ścā-ttasmā॒dājyḙna prayā॒jā i̭jyante pa॒śunā̭ maddhya॒taḥ pṛ̭ṣadā॒jyenā̭-nūyā॒jā-stasmā̭de॒tanmi॒śrami̭va paścā-thsṛ॒ṣṭagg hyekā̭daśānūyā॒jān. ya̭jati॒ daśa॒ vai pa॒śoḥ prā॒ṇā ā॒tmaikā̭da॒śo yāvā̭ne॒va pa॒śustamanṷ yajati॒ ghnanti॒ vā e॒ta-tpa॒śuṃ-ya~-thsaṃ᳚(2)jña॒paya̭nti prāṇāpā॒nau khalu॒ vā e॒tau pa̭śū॒nāṃ-ya~-tpṛ̭ṣadā॒jyaṃ-ya~-tpṛ̭ṣadā॒jyenā̭ nūyā॒jān. yaja̭ti prāṇāpā॒nāve॒va pa॒śuṣṷ dadhāti || 62 ||

(ghnanti॒ - yantaṃ॒ - khalṷ - ca॒turupa̭ hvayata॒ - ājyaṃ॒ - ~ya-tpṛ̭ṣadā॒jyena॒ - ṣaṭ ca̭) (a. 11)

(cātvā̭lāth - suva॒rgāya॒ ya-dvai̭sarja॒nāni̭ - vaiṣṇa॒vyarcā - pṛ̭thi॒vyai - sā॒dhyā - i॒ṣe tve - tya॒gninā॒ - parya̭gni - pa॒śoḥ - pa॒śumā॒labhya॒ - meda̭sā॒ srucā॒ - vekā̭daśa)

(cātvā̭lā-d- de॒vānu॒paiti̭ - muñcati - prahri॒yamā̭ṇāya॒ - parya̭gni - pa॒śumā॒labhya॒ - catṷṣpādo॒ - dviṣa̭ṣṭiḥ)

(cātvā̭lā, tpa॒śuṣṷ dadhāti)

|| hariḥ̭ om ||

|| kṛṣṇa yajurvedīya taittirīya saṃhitāyāṃ ṣaṣṭhakāṇḍe tṛtīyaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहितायां षष्ठकाण्डे तृतीयः प्रश्नः - सोममन्त्रब्राह्मणनिरूपणं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

चात्वा॑ला॒-द्धिष्णि॑या॒नुप॑ वपति॒ योनि॒र्वै य॒ज्ञस्य॒ चात्वा॑लं-यँ॒ज्ञस्य॑ सयोनि॒त्वाय॑ दे॒वा वै य॒ज्ञ-म्परा॑-ऽजयन्त॒ तमाग्नी᳚द्ध्रा॒-त्पुन॒रपा॑जयन्ने॒तद्वै य॒ज्ञस्या-प॑राजितं॒-यँदाग्नी᳚द्ध्रं॒-यँदाग्नी᳚द्ध्रा॒द्धिष्णि॑यान्. वि॒हर॑ति॒ यदे॒व य॒ज्ञस्या-प॑राजित॒-न्तत॑ ए॒वैन॒-म्पुन॑स्तनुते परा॒जित्ये॑व॒ खलु॒ वा ए॒ते य॑न्ति॒ ये ब॑हिष्पवमा॒नग्ं सर्प॑न्ति बहिष्पवमा॒ने स्तु॒त [स्तु॒ते, आ॒हाग्नी॑द॒ग्नीन्. वि] 1

आ॒हाग्नी॑द॒ग्नीन्. वि ह॑र ब॒र्॒हि-स्स्तृ॑णाहि पुरो॒डाशा॒ग्ं॒ अल॑-ङ्कु॒र्विति॑ य॒ज्ञमे॒वाप॒जित्य॒ पुन॑स्तन्वा॒ना य॒न्त्यङ्गा॑रै॒र्द्वे सव॑ने॒ वि ह॑रति श॒लाका॑भि-स्तृ॒तीयग्ं॑ सशुक्र॒त्वायाथो॒ स-म्भ॑रत्ये॒वैन॒द्धिष्णि॑या॒ वा अ॒मुष्मि॑न् ँलो॒के सोम॑मरक्ष॒-न्तेभ्यो-ऽधि॒ सोम॒मा-ऽह॑र॒-न्त म॑न्व॒वाय॒न्त-म्पर्य॑विश॒न्॒. य ए॒वं-वेँद॑ वि॒न्दते॑ [य ए॒वं-वेँद॑ वि॒न्दते᳚, प॒रि॒वे॒ष्टार॒-न्ते] 2

परिवे॒ष्टार॒-न्ते सो॑मपी॒थेन॒ व्या᳚र्ध्यन्त॒ ते दे॒वेषु॑ सोमपी॒थमै᳚च्छन्त॒ ता-न्दे॒वा अ॑ब्रुव॒-न्द्वेद्वे॒ नाम॑नी कुरुद्ध्व॒मथ॒ प्र वा॒-ऽऽफ्स्यथ॒ न वेत्य॒ग्नयो॒ वा अथ॒ धिष्णि॑या॒स्तस्मा᳚-द्द्वि॒नामा᳚ ब्राह्म॒णो-ऽर्धु॑क॒स्तेषां॒-येँ नेदि॑ष्ठ-म्प॒र्यवि॑श॒-न्ते सो॑मपी॒थ-म्प्रा-ऽप्नु॑वन्नाहव॒नीय॑ आग्नी॒द्ध्रीयो॑ हो॒त्रीयो॑ मार्जा॒लीय॒स्तस्मा॒-त्तेषु॑ जुह्वत्यति॒हाय॒ वष॑-ट्करोति॒ वि ह्ये॑ [वि हि, ए॒ते सो॑मपी॒थेना-ऽऽर्ध्य॑न्त] 3

-ते सो॑मपी॒थेना-ऽऽर्ध्य॑न्त दे॒वा वै याः प्राची॒-राहु॑ती॒-रजु॑हवु॒र्ये पु॒रस्ता॒दसु॑रा॒ आस॒-न्ताग् स्ताभिः॒ प्राणु॑दन्त॒ याः प्र॒तीची॒र्ये प॒श्चादसु॑रा॒ आस॒-न्ताग्स्ताभि॒-रपा॑नुदन्त॒ प्राची॑र॒न्या आहु॑तयो हू॒यन्ते᳚ प्र॒त्यङ्ङासी॑नो॒ धिष्णि॑या॒न्. व्याघा॑रयति प॒श्चाच्चै॒व पुरस्ता᳚च्च॒ यज॑मानो॒ भ्रातृ॑व्या॒-न्प्र णु॑दते॒ तस्मा॒-त्परा॑चीः प्र॒जाः प्र वी॑यन्ते प्र॒तीची᳚- [प्र॒तीचीः᳚, जा॒य॒न्ते॒ प्रा॒णा वा ए॒ते] 4

-र्जायन्ते प्रा॒णा वा ए॒ते यद्धिष्णि॑या॒ यद॑द्ध्व॒र्युः प्र॒त्य-न्धिष्णि॑या-नति॒सर्पे᳚-त्प्रा॒णान्-थ्सङ्क॑र्षे-त्प्र॒मायु॑क-स्स्या॒न्नाभि॒र्वा ए॒षा य॒ज्ञस्य॒ यद्धोतो॒र्ध्वः खलु॒ वै नाभ्यै᳚ प्रा॒णो-ऽवां॑अपा॒नो यद॑ध्व॒र्युः प्र॒त्यं होता॑रमति॒सर्पे॑दपा॒ने प्रा॒ण-न्द॑ध्या-त्प्र॒मायु॑क-स्स्या॒न्नाद्ध्व॒र्युरुप॑ गाये॒-द्वाग्वी᳚र्यो॒ वा अ॑द्ध्व॒र्यु-र्यद॑द्ध्व॒र्युरु॑प॒-गाये॑दु-द्गा॒त्रे [ ] 5

वाच॒ग्ं॒ स-म्प्र य॑च्छे-दुप॒दासु॑का-ऽस्य॒ वा-ख्स्या᳚द्ब्रह्मवा॒दिनो॑ वदन्ति॒ नासग्ग्॑स्थिते॒ सोमे᳚-ऽद्ध्व॒र्युः प्र॒त्यङ्-ख्सदो-ऽती॑या॒दथ॑ क॒था दा᳚क्षि॒णानि॒ होतु॑मेति॒ यामो॒ हि स तेषा॒-ङ्कस्मा॒ अह॑ दे॒वा यामं॒-वाँ-ऽया॑मं॒-वाँ-ऽनु॑ ज्ञास्य॒न्तीत्यु-त्त॑रे॒णा-ऽऽग्नी᳚द्ध्र-म्प॒रीत्य॑ जुहोति दाक्षि॒णानि॒ न प्रा॒णान्थ्स-ङ्क॑र्षति॒ न्य॑न्ये धिष्णि॑या उ॒प्यन्ते॒ नान्ये या-न्नि॒वप॑ति॒ तेन॒ ता-न्प्री॑णाति॒ या-न्ननि॒वप॑ति॒ यद॑नुदि॒शति॒ तेन॒ तान् ॥ 6 ॥

(स्तु॒ते - वि॒न्दते॒ - हि - वी॑यन्ते प्र॒तीची॑ - रुद्ग्रा॒त्र - उ॒प्यन्ते॒ - चतु॑र्दश च) (अ. 1)

सु॒व॒र्गाय॒ वा ए॒तानि॑ लो॒काय॑ हूयन्ते॒ य-द्वै॑सर्ज॒नानि॒ द्वाभ्या॒-ङ्गार्ह॑पत्ये जुहोति द्वि॒पा-द्यज॑मानः॒ प्रति॑ष्ठित्या॒ आग्नी᳚द्ध्रे जुहोत्य॒न्तरि॑क्ष ए॒वा-ऽऽक्र॑मत आहव॒नीये॑ जुहोति सुव॒र्गमे॒वैनं॑-लोँ॒क-ङ्ग॑मयति दे॒वान्. वै सु॑व॒र्गं-लोँ॒कं-यँ॒तो रक्षाग्॑स्य जिघाग्ंस॒न्ते सोमे॑न॒ राज्ञा॒ रक्षाग्॑-स्यप॒हत्या॒प्तु-मा॒त्मान॑-ङ्कृ॒त्वा सु॑व॒र्गं-लोँ॒कमा॑य॒-न्रक्ष॑सा॒-मनु॑पलाभा॒या ऽऽत्त॒-स्सोमो॑ भव॒त्यथ॑ [भव॒त्यथ॑, वै॒स॒र्ज॒नानि॑ जुहोति॒] 7

वैसर्ज॒नानि॑ जुहोति॒ रक्ष॑सा॒मप॑हत्यै॒ त्वग्ं सो॑म तनू॒कृद्भ्य॒ इत्या॑ह तनू॒कृद्ध्य॑ष द्वेषो᳚भ्यो॒-ऽन्यकृ॑तेभ्य॒ इत्या॑हा॒न्यकृ॑तानि॒ हि रक्षाग्॑स्यु॒रु य॒न्ता-ऽसि॒ वरू॑थ॒मित्या॑हो॒रु ण॑स्कृ॒धीति॒ वावैतदा॑ह जुषा॒णो अ॒प्तुराज्य॑स्य वे॒त्वित्या॑हा॒प्तुमे॒व यज॑मान-ङ्कृ॒त्वा सु॑व॒र्गं-लोँ॒क-ङ्ग॑मयति॒ रक्ष॑सा॒-मनु॑पलाभा॒या-ऽऽ सोम॑-न्ददत॒ [सोम॑-न्ददते, आ ग्राव्ण्ण॒ आ] 8

आ ग्राव्ण्ण॒ आ वा॑य॒व्या᳚न्या द्रो॑णकल॒शमु-त्पत्नी॒मा न॑य॒न्त्यन्वनाग्ं॑सि॒ प्र व॑र्तयन्ति॒ याव॑दे॒वास्यास्ति॒ तेन॑ स॒ह सु॑व॒र्गं-लोँ॒कमे॑ति॒ नय॑वत्य॒र्चा-ऽऽग्नी᳚द्ध्रे जुहोति सुव॒र्गस्य॑ लो॒कस्या॒भिनी᳚त्यै॒ ग्राव्ण्णो॑ वाय॒व्या॑नि द्रोणकल॒शमाग्नी᳚द्ध्र॒ उप॑ वासयति॒ वि ह्ये॑न॒-न्तैर्गृ॒ह्णते॒ य-थ्स॒होप॑वा॒सये॑-दपुवा॒येत॑ सौ॒म्यर्चा प्र पा॑दयति॒ स्वयै॒- [प्र पा॑दयति॒ स्वय᳚, ए॒वैन॑-न्दे॒वत॑या॒] 9

-वैन॑-न्दे॒वत॑या॒ प्र पा॑दय॒त्यदि॑त्या॒-स्सदो॒-ऽस्यदि॑त्या॒-स्सद॒ आ सी॒देत्या॑ह यथाय॒जुरे॒वैत-द्यज॑मानो॒ वा ए॒तस्य॑ पु॒रा गो॒प्ता भ॑वत्ये॒ष वो॑ देव सवित॒-स्सोम॒ इत्या॑ह सवि॒तृप्र॑सूत ए॒वैन॑-न्दे॒वता᳚भ्य॒-स्स-म्प्रय॑च्छत्ये॒त-त्त्वग्ं सो॑म दे॒वो दे॒वानुपा॑गा॒ इत्या॑ह दे॒वो ह्ये॑ष स- [दे॒वो ह्ये॑ष सन्न्, दे॒वानु॒पैती॒दम॒ह-] 10

-न्दे॒वानु॒पैती॒दम॒ह-म्म॑नु॒ष्यो॑ मनु॒ष्या॑नित्या॑ह मनु॒ष्यो᳚(1॒) ह्ये॑ष स-न्म॑नु॒ष्या॑नु॒पैति॒ यदे॒त-द्यजु॒र्न ब्रू॒यादप्र॑जा अप॒शुर्यज॑मान-स्स्या-थ्स॒ह प्र॒जया॑ सह रा॒यस्पोषे॒णेत्या॑ह प्र॒जयै॒व प॒शुभिः॑ स॒हेमं-लोँ॒कमु॒पाव॑र्तते॒ नमो॑ दे॒वेभ्य॒ इत्या॑ह नमस्का॒रो हि दे॒वानाग्॑ स्व॒धा पि॒तृभ्य॒ इत्या॑ह स्वधाका॒रो हि [स्वधाका॒रो हि, पि॒तृ॒णामि॒दम॒ह-] 11

पि॑तृ॒णामि॒दम॒ह-न्निर्वरु॑णस्य॒ पाशा॒दित्या॑ह वरुणपा॒शादे॒व निर्मु॑च्य॒ते ऽग्ने᳚ व्रतपत आ॒त्मनः॒ पूर्वा॑ त॒नूरा॒देयेत्या॑हुः॒ को हि तद्वेद॒ य-द्वसी॑या॒न्-थ्स्वे वशे॑ भू॒ते पुन॑र्वा॒ ददा॑ति॒ न वेति॒ ग्रावा॑णो॒ वै सोम॑स्य॒ राज्ञो॑ मलिम्लुसे॒ना य ए॒वं-विँ॒द्वा-न्ग्राव्ण्ण॒ आग्नी᳚द्ध्र उपवा॒सय॑ति॒ नैन॑-म्मलिम्लुसे॒ना वि॑न्दति ॥ 12 ॥

(अथ॑-ददते॒ - स्वया॒ - सन्थ् - स्व॑धाका॒रो हि - वि॑न्दति) (अ. 2)

वै॒ष्ण॒व्यर्चा हु॒त्वा यूप॒मच्छै॑ति वैष्ण॒वो वै दे॒वत॑या॒ यूप॒-स्स्वयै॒वैन॑-न्दे॒वत॒या ऽच्छै॒त्यत्य॒न्यानगा॒-न्नान्या-नुपा॑गा॒मित्या॒हाति॒ ह्य॑न्यानेति॒ नान्या-नु॒पैत्य॒र्वाक्त्वा॒ परै॑रविद-म्प॒रो-ऽव॑रै॒रित्या॑हा॒र्वाघ्ये॑न॒-म्परै᳚र्वि॒न्दति॑ प॒रो-ऽव॑रै॒स्त-न्त्वा॑ जुषे [जुषे, वै॒ष्ण॒व-न्दे॑वय॒ज्याया॒] 13

वैष्ण॒व-न्दे॑वय॒ज्याया॒ इत्या॑ह देवय॒ज्यायै॒ ह्ये॑न-ञ्जु॒षते॑ दे॒वस्त्वा॑ सवि॒ता मद्ध्वा॑-ऽन॒क्त्वित्या॑ह॒ तेज॑सै॒वैन॑-मन॒क्त्योष॑धे॒ त्राय॑स्वैन॒ग्ग्॒ स्वधि॑ते॒ मैनग्ं॑ हिग्ंसी॒रित्या॑ह॒ वज्रो॒ वै स्वधि॑ति॒-श्शान्त्यै॒ स्वधि॑तेर्वृ॒क्षस्य॒ बिभ्य॑तः प्रथ॒मेन॒ शक॑लेन स॒ह तेजः॒ परा॑ पतति॒ यः प्र॑थ॒म-श्शक॑लः परा॒पते॒-त्तमप्या ह॑रे॒-थ्सते॑जस- [ह॑रे॒-थ्सते॑जसम्, ए॒वैन॒मा] 14

-मे॒वैन॒मा ह॑रती॒मे वै लो॒का यूपा᳚-त्प्रय॒तो बि॑भ्यति॒ दिव॒मग्रे॑ण॒ मा ले॑खीर॒न्तरि॑क्ष॒-म्मद्ध्ये॑न॒ मा हिग्ं॑सी॒रित्या॑है॒भ्य ए॒वैनं॑-लोँ॒केभ्यः॑ शमयति॒ वन॑स्पते श॒तव॑ल्शो॒ वि रो॒हेत्या॒व्रश्च॑ने जुहोति॒ तस्मा॑-दा॒व्रश्च॑ना-द्वृ॒क्षाणा॒-म्भूयाग्ं॑स॒ उत्ति॑ष्ठन्ति स॒हस्र॑वल्शा॒ वि व॒यग्ं रु॑हे॒मेत्या॑हा॒- ऽऽशिष॑मे॒वैतामा शा॒स्ते ऽन॑क्षसङ्ग- [शा॒स्ते ऽन॑क्षसङ्गम्, वृ॒श्चे॒-द्यद॑क्षस॒ङ्गं-] 15

-ँवृश्चे॒-द्यद॑क्षस॒ङ्गं-वृँ॒श्चेद॑धई॒षं-यँज॑मानस्य प्र॒मायु॑कग्ग् स्या॒द्य-ङ्का॒मये॒ताप्र॑तिष्ठित-स्स्या॒दित्या॑रो॒ह-न्तस्म॑ वृश्चेदे॒ष वै वन॒स्पती॑ना॒-मप्र॑तिष्ठि॒तो-ऽप्र॑तिष्ठित ए॒व भ॑वति॒ य-ङ्का॒मये॑ताप॒शु-स्स्या॒दित्य॑प॒र्ण-न्तस्मै॒ शुष्का᳚ग्रं-वृँश्चेदे॒ष वै वन॒स्पती॑ना-मपश॒व्यो॑-ऽप॒शुरे॒व भ॑वति॒ य-ङ्का॒मये॑त पशु॒मान्-थ्स्या॒दिति॑ बहुप॒र्ण-न्तस्मै॑ बहुशा॒खं-वृँ॑श्चेदे॒ष वै [ ] 16

वन॒स्पती॑ना-म्पश॒व्यः॑ पशु॒माने॒व भ॑वति॒ प्रति॑ष्ठितं-वृँश्चे-त्प्रति॒ष्ठाका॑मस्यै॒ष वै वन॒स्पती॑ना॒-म्प्रति॑ष्ठितो॒ य-स्स॒मे भूम्यै॒ स्वाद्योने॑ रू॒ढः प्रत्ये॒व ति॑ष्ठति॒ यः प्र॒त्यङ्ङुप॑नत॒स्तं-वृँ॑श्चे॒-थ्स हि मेध॑म॒भ्युप॑नतः॒ पञ्चा॑रत्नि॒-न्तस्मै॑ वृश्चे॒द्य-ङ्का॒मये॒तोपै॑न॒मुत्त॑रो य॒ज्ञो न॑मे॒दिति॒ पञ्चा᳚क्षरा प॒ङ्क्तिः पाङ्क्तो॑ य॒ज्ञ उपै॑न॒मुत्त॑रो य॒ज्ञो [य॒ज्ञः, न॒म॒ति॒ षड॑रत्नि] 17

न॑मति॒ षड॑रत्नि-म्प्रति॒ष्ठाका॑मस्य॒ षड्वा ऋ॒तव॑ ऋ॒तुष्वे॒व प्रति॑ तिष्ठति स॒प्तार॑त्नि-म्प॒शुका॑मस्य स॒प्तप॑दा॒ शक्व॑री प॒शव॒-श्शक्व॑री प॒शूने॒वाव॑ रुन्धे॒ नवा॑रत्नि॒-न्तेज॑स्कामस्य त्रि॒वृता॒ स्तोमे॑न॒ सम्मि॑त॒-न्तेज॑स्त्रि॒वृ-त्ते॑ज॒स्व्ये॑व भ॑व॒-त्येका॑दशारत्नि-मिन्द्रि॒यका॑म॒-स्यैका॑दशाक्षरा त्रि॒ष्टुगि॑न्द्रि॒य-न्त्रि॒ष्टुगि॑न्द्रिया॒व्ये॑व भ॑वति॒ पञ्च॑दशारत्नि॒-म्भ्रातृ॑व्यवतः पञ्चद॒शो वज्रो॒ भ्रातृ॑व्याभिभूत्यै स॒प्तद॑शारत्नि-म्प्र॒जाका॑मस्य सप्तद॒शः प्र॒जाप॑तिः प्र॒जाप॑ते॒राप्त्या॒ एक॑विग्ंशत्यरत्नि-म्प्रति॒ष्ठाका॑म-स्यैकवि॒ग्ं॒श-स्स्तोमा॑ना-म्प्रति॒ष्ठा प्रति॑ष्ठित्या अ॒ष्टाश्रि॑र्भव-त्य॒ष्टाक्ष॑रा गाय॒त्री तेजो॑ गाय॒त्री गा॑य॒त्री य॑ज्ञमु॒ख-न्तेज॑सै॒व गा॑यत्रि॒या य॑ज्ञमु॒खेन॒ सम्मि॑तः ॥ 18 ॥

(जु॒षे॒ - सते॑जस॒ - मन॑क्षसङ्गं - बहुशा॒खं-वृँ॑श्चेदे॒ष वै - य॒ज्ञ उपै॑न॒मुत्त॑रो य॒ज्ञ - आप्त्या॒ - एका॒न्नविग्ं॑श॒तिश्च॑) (अ. 3)

पृ॒थि॒व्यै त्वा॒-ऽन्तरि॑क्षाय त्वा दि॒वे त्वेत्या॑है॒भ्य ए॒वैनं॑-लोँ॒केभ्यः॒ प्रोक्ष॑ति॒ परा᳚ञ्च॒-म्प्रोक्ष॑ति॒ परा॑ङिव॒ हि सु॑व॒र्गो लो॒कः क्रू॒रमि॑व॒ वा ए॒त-त्क॑रोति॒ य-त्खन॑त्य॒पो-ऽव॑ नयति॒ शान्त्यै॒ यव॑मती॒रव॑ नय॒त्यूर्ग्वै यवो॒ यज॑मानेन॒ यूप॒-स्सम्मि॑तो॒ यावा॑ने॒व यज॑मान॒-स्ताव॑ती-मे॒वास्मि॒-न्नूर्ज॑-न्दधाति [मे॒वास्मि॒-न्नूर्ज॑-न्दधाति, पि॒तृ॒णाग्ं सद॑नम॒सीति॑] 19

पितृ॒णाग्ं सद॑नम॒सीति॑ ब॒र्॒हिरव॑ स्तृणाति पितृदेव॒त्या᳚(1॒)ग्ग्॒ ह्ये॑त-द्यन्निखा॑तं॒-यँ-द्ब॒र्॒हिरन॑वस्तीर्य मिनु॒या-त्पि॑तृदेव॒त्यो॑ निखा॑त-स्स्या-द्ब॒र्॒हिर॑व॒स्तीर्य॑ मिनोत्य॒स्यामे॒वैन॑-म्मिनोति यूपशक॒लमवा᳚स्यति॒ सते॑जसमे॒वैन॑-म्मिनोति दे॒वस्त्वा॑ सवि॒ता मद्ध्वा॑-ऽन॒क्त्वित्या॑ह॒ तेज॑सै॒वैन॑मनक्ति सुपिप्प॒लाभ्य॒-स्त्वौष॑धीभ्य॒ इति॑ च॒षाल॒-म्प्रति॑- [च॒षाल॒-म्प्रति॑, मु॒ञ्च॒ति॒ तस्मा᳚च्छीर्ष॒त] 20

-मुञ्चति॒ तस्मा᳚च्छीर्ष॒त ओष॑धयः॒ फल॑-ङ्गृह्णन्त्य॒नक्ति॒ तेजो॒ वा आज्यं॒-यँज॑मानेनाग्नि॒ष्ठा-ऽश्रि॒-स्सम्मि॑ता॒ यद॑ग्नि॒ष्ठा-मश्रि॑म॒नक्ति॒ यज॑मानमे॒व तेज॑सा ऽनक्त्या॒न्त-म॑नक्त्या॒न्तमे॒व यज॑मान॒-न्तेज॑सानक्ति स॒र्वतः॒ परि॑ मृश॒त्यप॑रिवर्ग-मे॒वास्मि॒-न्तेजो॑ दधा॒त्यु-द्दिवग्ग्॑ स्तभा॒ना-ऽन्तरि॑क्ष-म्पृ॒णेत्या॑है॒षां-लोँ॒कानां॒-विँधृ॑त्यै वैष्ण॒व्यर्चा [वैष्ण॒व्यर्चा, क॒ल्प॒य॒ति॒ वै॒ष्ण॒वो वै] 21

क॑ल्पयति वैष्ण॒वो वै दे॒वत॑या॒ यूप॒-स्स्वयै॒वैन॑-न्दे॒वत॑या कल्पयति॒ द्वाभ्या᳚-ङ्कल्पयति द्वि॒पा-द्यज॑मानः॒ प्रति॑ष्ठित्यै॒ य-ङ्का॒मये॑त॒ तेज॑सैन-न्दे॒वता॑भिरिन्द्रि॒येण॒ व्य॑र्धयेय॒-मित्य॑ग्नि॒ष्ठा-न्तस्याश्रि॑-माहव॒नीया॑दि॒त्थं-वेँ॒त्थं-वाँ-ऽति॑ नावये॒-त्तेज॑सै॒वैन॑-न्दे॒वता॑भिरिन्द्रि॒येण॒ व्य॑र्धयति॒ य-ङ्का॒मये॑त॒ तेज॑सैन-न्दे॒वता॑भिरिन्द्रि॒येण॒ सम॑र्धयेय॒मि- [सम॑र्धयेय॒मिति॑, अ॒ग्नि॒ष्ठा-] 22

-त्य॑ग्नि॒ष्ठा-न्तस्याश्रि॑माहव॒नीये॑न॒ स-म्मि॑नुया॒-त्तेज॑सै॒वैन॑-न्दे॒वता॑भिरिन्द्रि॒येण॒ सम॑र्धयति ब्रह्म॒वनि॑-न्त्वा क्षत्र॒वनि॒मित्या॑ह यथाय॒जुरे॒वैत-त्परि॑ व्यय॒त्यूर्ग्वै र॑श॒ना यज॑मानेन॒ यूप॒-स्सम्मि॑तो॒ यज॑मानमे॒वोर्जा सम॑र्धयति नाभिद॒घ्ने परि॑ व्ययति नाभिद॒घ्न ए॒वास्मा॒ ऊर्ज॑-न्दधाति॒ तस्मा᳚न्नाभिद॒घ्न ऊ॒र्जा भु॑ञ्जते॒ य-ङ्का॒मये॑तो॒र्जैनं॒- [य-ङ्का॒मये॑तो॒र्जैन᳚म्, व्य॑र्धयेय॒-] 23

ँव्य॑र्धयेय॒-मित्यू॒र्ध्वां-वाँ॒ तस्यावा॑चीं॒-वाँ-ऽवो॑हेदू॒र्जैवैनं॒-व्यँ॑र्धयति॒ यदि॑ का॒मये॑त॒ वर्षु॑कः प॒र्जन्यः॑ स्या॒दित्य-वा॑ची॒मवो॑हे॒-द्वृष्टि॑मे॒व नि य॑च्छति॒ यदि॑ का॒मये॒ताव॑र्षुक-स्स्या॒दित्यू॒र्ध्वामुदू॑हे॒-द्वृष्टि॑मे॒वो-द्य॑च्छति पितृ॒णा-न्निखा॑त-म्मनु॒ष्या॑णामू॒र्ध्व-न्निखा॑ता॒दा र॑श॒नाया॒ ओष॑धीनाग्ं रश॒ना विश्वे॑षा- [विश्वे॑षाम्, दे॒वाना॑-] 24

-न्दे॒वाना॑-मू॒र्ध्वग्ं र॑श॒नाया॒ आ च॒षाला॒दिन्द्र॑स्य च॒षालग्ं॑ सा॒द्ध्याना॒मति॑रिक्त॒ग्ं॒ स वा ए॒ष स॑र्वदेव॒त्यो॑ यद्यूपो॒ यद्यूप॑-म्मि॒नोति॒ सर्वा॑ ए॒व दे॒वताः᳚ प्रीणाति य॒ज्ञेन॒ वै दे॒वा-स्सु॑व॒र्गं-लोँ॒कमा॑य॒-न्ते॑-ऽमन्यन्त मनु॒ष्या॑ नो॒-ऽन्वाभ॑विष्य॒न्तीति॒ ते यूपे॑न योपयि॒त्वा सु॑व॒र्गं ँलो॒कमा॑य॒-न्तमृष॑यो॒ यूपे॑नै॒वानु॒ प्राजा॑न॒-न्त-द्यूप॑स्य यूप॒त्वं- [यूप॒त्वम्, य-द्यूप॑-] 25

ँय-द्यूप॑-म्मि॒नोति॑ सुव॒र्गस्य॑ लो॒कस्य॒ प्रज्ञा᳚त्यै पु॒रस्ता᳚-न्मिनोति पु॒रस्ता॒द्धि य॒ज्ञस्य॑ प्रज्ञा॒यते प्र॑ज्ञात॒ग्ं॒ हि त-द्यदति॑पन्न आ॒हुरि॒द-ङ्का॒र्य॑मासी॒दिति॑ सा॒द्ध्या वै दे॒वा य॒ज्ञमत्य॑मन्यन्त॒ तान्. य॒ज्ञो नास्पृ॑श॒-त्तान्. य-द्य॒ज्ञस्याति॑रिक्त॒मासी॒-त्तद॑स्पृश॒दति॑रिक्तं॒-वाँ ए॒त-द्य॒ज्ञस्य॒ यद॒ग्नाव॒ग्नि-म्म॑थि॒त्वा प्र॒हर॒त्यति॑रिक्तमे॒त- [प्र॒हर॒त्यति॑रिक्तमे॒तत्, यूप॑स्य॒] 26

-द्यूप॑स्य॒ यदू॒र्ध्व-ञ्च॒षाला॒-त्तेषा॒-न्त-द्भा॑ग॒धेय॒-न्ताने॒व तेन॑ प्रीणाति दे॒वा वै सग्ग्स्थि॑ते॒ सोमे॒ प्र स्रुचो-ऽह॑र॒-न्प्र यूप॒-न्ते॑-ऽमन्यन्त यज्ञवेश॒सं-वाँ इ॒द-ङ्कु॑र्म॒ इति॒ ते प्र॑स्त॒रग्ग् स्रु॒चा-न्नि॒ष्क्रय॑ण-मपश्य॒न्-थ्स्वरुं॒-यूँप॑स्य॒ सग्ग्स्थि॑ते॒ सोमे॒ प्र प्र॑स्त॒रग्ं हर॑ति जु॒होति॒ स्वरु॒मय॑ज्ञवेशसाय ॥ 27 ॥

(द॒धा॒ति॒ - प्रत्यृ॒ - चा - सम॑र्धयेय॒मित्यू॒ - र्जैनं॒ - ँविश्वे॑षां - ँयूप॒त्व - मति॑रिक्तमे॒त-द्- द्विच॑त्वारिग्ंशच्च) (अ. 4)

सा॒द्ध्या वै दे॒वा अ॒स्मिँल्लो॒क आ॑स॒-न्नान्य-त्कि॑-ञ्च॒न मि॒ष-त्ते᳚-ऽग्निमे॒वाग्नये॒ मेधा॒या ऽल॑भन्त॒ न ह्य॑न्यदा॑ल॒भ्यं॑-मवि॑न्द॒-न्ततो॒ वा इ॒माः प्र॒जाः प्राजा॑यन्त॒ यद॒ग्नाव॒ग्नि-म्म॑थि॒त्वा प्र॒हर॑ति प्र॒जाना᳚-म्प्र॒जन॑नाय रु॒द्रो वा ए॒ष यद॒ग्निर्यज॑मानः प॒शुर्य-त्प॒शुमा॒लभ्या॒ग्नि-म्मन्थे᳚-द्रु॒द्राय॒ यज॑मान॒- [यज॑मानम्, अपि॑ दद्ध्या-] 28

-मपि॑ दद्ध्या-त्प्र॒मायु॑क-स्स्या॒दथो॒ खल्वा॑हुर॒ग्नि-स्सर्वा॑ दे॒वता॑ ह॒विरे॒तद्य-त्प॒शुरिति॒ य-त्प॒शुमा॒लभ्या॒ग्नि-म्मन्थ॑ति ह॒व्यायै॒वा-ऽऽस॑न्नाय॒ सर्वा॑ दे॒वता॑ जनय-त्युपा॒कृत्यै॒व मन्थ्य॒-स्तन्नेवा-ऽऽल॑ब्ध॒-न्नेवाना॑लब्ध-म॒ग्ने-र्ज॒नित्र॑-म॒सीत्या॑हा॒ग्नेर्ह्ये॑त-ज्ज॒नित्रं॒-वृँष॑णौ स्थ॒ इत्या॑ह॒ वृष॑णौ॒ [वृष॑णौ, ह्ये॑ता-] 29

ह्ये॑ता-वु॒र्वश्य॑स्या॒यु-र॒सीत्या॑ह मिथुन॒त्वाय॑ घृ॒तेना॒क्ते वृष॑ण-न्दधाथा॒मित्या॑ह॒ वृष॑ण॒ग्ग्॒ ह्ये॑ते दधा॑ते॒ ये अ॒ग्नि-ङ्गा॑य॒त्र-ञ्छन्दो-ऽनु॒ प्र जा॑य॒स्वेत्या॑ह॒ छन्दो॑भिरे॒वैन॒-म्प्र ज॑नयत्य॒ग्नये॑ म॒थ्यमा॑ना॒यानु॑ ब्रू॒हीत्या॑ह सावि॒त्रीमृच॒मन्वा॑ह सवि॒तृप्र॑सूत ए॒वैन॑-म्मन्थति जा॒तायानु॑ ब्रूहि [ब्रूहि, प्र॒ह्रि॒यमा॑णा॒या-ऽनु॑] 30

प्रह्रि॒यमा॑णा॒या-ऽनु॑ ब्रू॒हीत्या॑ह॒ काण्डे॑काण्ड ए॒वैन॑-ङ्क्रि॒यमा॑णे॒ सम॑र्धयति गाय॒त्री-स्सर्वा॒ अन्वा॑ह गाय॒त्रछ॑न्दा॒ वा अ॒ग्नि-स्स्वेनै॒वैन॒-ञ्छन्द॑सा॒ सम॑र्धयत्य॒ग्निः पु॒रा भव॑त्य॒ग्नि-म्म॑थि॒त्वा प्र ह॑रति॒ तौ स॒भंवँ॑न्तौ॒ यज॑मानम॒भि स-म्भ॑वतो॒ भव॑त-न्न॒-स्सम॑नसा॒वित्या॑ह॒ शान्त्यै᳚ प्र॒हृत्य॑ जुहोति जा॒तायै॒वास्मा॒ अन्न॒मपि॑ दधा॒त्याज्ये॑न जुहोत्ये॒तद्वा अ॒ग्नेः प्रि॒य-न्धाम॒ यदाज्य॑-म्प्रि॒येणै॒वैन॒-न्धाम्ना॒ सम॑र्धय॒त्यथो॒ तेज॑सा ॥ 31 ॥

(यज॑मान-माह॒ वृष॑णौ-जा॒तायानु॑ ब्रू॒ह्या-प्य॒ -ष्टाद॑श च) (अ. 5)

इ॒षे त्वेति॑ ब॒र्॒हिरा द॑त्त इ॒च्छत॑ इव॒ ह्ये॑ष यो यज॑त उप॒वीर॒सीत्या॒होप॒ ह्ये॑नानाक॒रोत्युपो॑ दे॒वा-न्दैवी॒र्विशः॒ प्रागु॒रित्या॑ह॒ दैवी॒र्ह्ये॑ता विशः॑ स॒तीर्दे॒वानु॑प॒यन्ति॒ वह्नी॑रु॒शिज॒ इत्या॑ह॒र्त्विजो॒ वै वह्न॑य उ॒शिज॒-स्तस्मा॑दे॒वमा॑ह॒ बृह॑स्पते धा॒रया॒ वसू॒नी- [वसू॒नीति॑, आ॒ह॒ ब्रह्म॒ वै] 32

-त्या॑ह॒ ब्रह्म॒ वै दे॒वाना॒-म्बृह॒स्पति॒ र्ब्रह्म॑णै॒वास्मै॑ प॒शूनव॑ रुन्धे ह॒व्या ते᳚ स्वदन्ता॒मित्या॑ह स्व॒दय॑त्ये॒वैना॒-न्देव॑ त्वष्ट॒र्वसु॑ र॒ण्वेत्या॑ह॒ त्वष्टा॒ वै प॑शू॒ना-म्मि॑थु॒नानाग्ं॑ रूप॒कृ-द्रू॒पमे॒व प॒शुषु॑ दधाति॒ रेव॑ती॒ रम॑द्ध्व॒मित्या॑ह प॒शवो॒ वै रे॒वतीः᳚ प॒शूने॒वास्मै॑ रमयति दे॒वस्य॑ त्वा सवि॒तुः प्र॑स॒व इति॑ [इति॑, र॒श॒नामा द॑त्ते॒] 33

रश॒नामा द॑त्ते॒ प्रसू᳚त्या अ॒श्विनो᳚र्बा॒हुभ्या॒-मित्या॑हा॒श्विनौ॒ हि दे॒वाना॑मद्ध्व॒र्यू आस्ता᳚-म्पू॒ष्णो हस्ता᳚भ्या॒मित्या॑ह॒ यत्या॑ ऋ॒तस्य॑ त्वा देवहविः॒ पाशे॒ना-ऽऽ र॑भ॒ इत्या॑ह स॒त्यं-वाँ ऋ॒तग्ं स॒त्येनै॒वैन॑मृ॒तेना ऽऽर॑भते ऽक्ष्ण॒या परि॑ हरति॒ वद्ध्य॒ग्ं॒ हि प्र॒त्यञ्च॑-म्प्रति मु॒ञ्चन्ति॒ व्यावृ॑त्त्यै॒ धर्षा॒ मानु॑षा॒निति॒ नि यु॑नक्ति॒ धृत्या॑ अ॒द्भ्य- [अ॒द्भ्यः, त्वौष॑धीभ्यः॒] 34

-स्त्वौष॑धीभ्यः॒ प्रोक्षा॒मीत्या॑हा॒द्भ्यो ह्ये॑ष ओष॑धीभ्य-स्स॒भंवँ॑ति॒ य-त्प॒शुर॒पा-म्पे॒रुर॒सीत्या॑है॒ष ह्य॑पा-म्पा॒ता यो मेधा॑या-ऽऽ र॒भ्यते᳚ स्वा॒त्त-ञ्चि॒-थ्सदे॑वग्ं ह॒व्यमापो॑ देवी॒-स्स्वद॑तैन॒मित्या॑ह स्व॒दय॑त्ये॒वैन॑-मु॒परि॑ष्टा॒-त्प्रोक्ष॑त्यु॒परि॑ष्टादे॒वैन॒-म्मेद्ध्य॑-ङ्करोति पा॒यय॑त्यन्तर॒त ए॒वैन॒-म्मेद्ध्य॑-ङ्करोत्य॒धस्ता॒दुपो᳚क्षति स॒र्वत॑ ए॒वैन॒-म्मेद्ध्य॑-ङ्करोति ॥ 35 ॥

(वसू॒नीति॑-प्रस॒व इत्य॒-द्भ्यो᳚-ऽन्तर॒त ए॒वैनं॒ - दश॑ च) (अ. 6)

अ॒ग्निना॒ वै होत्रा॑ दे॒वा असु॑रा-न॒भ्य॑भव-न्न॒ग्नये॑ समि॒द्ध्यमा॑ना॒यानु॑ ब्रू॒हीत्या॑ह॒ भ्रातृ॑व्याभिभूत्यै स॒प्तद॑श सामिधे॒नीरन्वा॑ह सप्तद॒शः प्र॒जाप॑तिः प्र॒जाप॑ते॒राप्त्यै॑ स॒प्तद॒शान्वा॑ह॒ द्वाद॑श॒ मासाः॒ पञ्च॒र्तव॒-स्स सं॑वँथ्स॒र-स्सं॑वँथ्स॒र-म्प्र॒जा अनु॒ प्रजा॑यन्ते प्र॒जाना᳚-म्प्र॒जन॑नाय दे॒वा वै सा॑मिधे॒नीर॒नूच्य॑ य॒ज्ञ-न्नान्व॑पश्य॒न्-थ्स प्र॒जाप॑ति-स्तू॒ष्णी-मा॑घा॒र- [-मा॑घा॒रम्, आ ऽघा॑रय॒-त्ततो॒ वै] 36

-मा ऽघा॑रय॒-त्ततो॒ वै दे॒वा य॒ज्ञमन्व॑पश्य॒न्॒. य-त्तू॒ष्णी-मा॑घा॒र-मा॑घा॒रय॑ति य॒ज्ञस्यानु॑ख्यात्या॒ असु॑रेषु॒ वै य॒ज्ञ आ॑सी॒-त्त-न्दे॒वास्तू᳚ष्णीग्ं हो॒मेना॑वृञ्जत॒ य-त्तू॒ष्णी-मा॑घा॒र-मा॑घा॒रय॑ति॒ भ्रातृ॑व्यस्यै॒ व त-द्य॒ज्ञं-वृँ॑ङ्क्ते परि॒धी॑न्-थ्स-म्मा᳚र्ष्टि पु॒नात्ये॒वैना॒-न्त्रिस्त्रि॒-स्स-म्मा᳚र्ष्टि॒ त्र्या॑वृ॒द्धि य॒ज्ञो-ऽथो॒ रक्ष॑सा॒मप॑हत्यै॒ द्वाद॑श॒ स-म्प॑द्यन्ते॒ द्वाद॑श॒ [द्वाद॑श, मासा᳚-स्संवँथ्स॒र-] 37

मासा᳚-स्संवँथ्स॒र-स्सं॑वँथ्स॒रमे॒व प्री॑णा॒त्यथो॑ संवँथ्स॒रमे॒वास्मा॒ उप॑ दधाति सुव॒र्गस्य॑ लो॒कस्य॒ सम॑ष्ट्यै॒ शिरो॒ वा ए॒त-द्य॒ज्ञस्य॒ यदा॑घा॒रो᳚-ऽग्नि-स्सर्वा॑ दे॒वता॒ यदा॑घा॒र-मा॑घा॒रय॑ति शीर्ष॒त ए॒व य॒ज्ञस्य॒ यज॑मान॒-स्सर्वा॑ दे॒वता॒ अव॑ रुन्धे॒ शिरो॒ वा ए॒त-द्य॒ज्ञस्य॒ यदा॑घा॒र आ॒त्मा प॒शुरा॑घा॒रमा॒घार्य॑ प॒शुग्ं सम॑नक्त्या॒त्मन्ने॒व य॒ज्ञस्य॒ [य॒ज्ञस्य॑, शिरः॒ प्रति॑ दधाति॒] 38

शिरः॒ प्रति॑ दधाति॒ स-न्ते᳚ प्रा॒णो वा॒युना॑ गच्छता॒मित्या॑ह वायुदेव॒त्यो॑ वै प्रा॒णो वा॒यावे॒वास्य॑ प्रा॒ण-ञ्जु॑होति॒ सं-यँज॑त्रै॒रङ्गा॑नि॒ सं-यँ॒ज्ञप॑तिरा॒शिषेत्या॑ह य॒ज्ञप॑तिमे॒वास्या॒-ऽऽशिष॑-ङ्गमयति वि॒श्वरू॑पो॒ वै त्वा॒ष्ट्र उ॒परि॑ष्टा-त्प॒शुम॒भ्य॑वमी॒-त्तस्मा॑-दु॒परि॑ष्टा-त्प॒शोर्नाव॑ द्यन्ति॒ यदु॒परि॑ष्टा-त्प॒शुग्ं स॑म॒नक्ति॒ मेद्ध्य॑मे॒वै- [मेद्ध्य॑मे॒व, ए॒न॒-ङ्क॒रो॒त्यृ॒त्विजो॑] 39

-न॑-ङ्करोत्यृ॒त्विजो॑ वृणीते॒ छन्दाग्॑स्ये॒व वृ॑णीते स॒प्त वृ॑णीते स॒प्त ग्रा॒म्याः प॒शवः॑ स॒प्ता-ऽऽर॒ण्या-स्स॒प्त छन्दाग्॑स्यु॒भय॒स्या व॑रुद्ध्या॒ एका॑दश प्रया॒जान्. य॑जति॒ दश॒ वै प॒शोः प्रा॒णा आ॒त्मैका॑द॒शो यावा॑ने॒व प॒शुस्त-म्प्र य॑जति व॒पामेकः॒ परि॑ शय आ॒त्मैवा-ऽऽत्मान॒-म्परि॑ शये॒ वज्रो॒ वै स्वधि॑ति॒र्वज्रो॑ यूपशक॒लो घृ॒त-ङ्खलु॒ वै दे॒वा वज्र॑-ङ्कृ॒त्वा सोम॑मघ्न-न्घृ॒तेना॒क्तौ प॒शु-न्त्रा॑येथा॒मित्या॑ह॒ वज्रे॑णै॒वैनं॒-वँशे॑ कृ॒त्वा-ऽऽल॑भते ॥ 40 ॥

(आ॒घा॒रं - प॑द्यन्ते॒ द्वाद॑शा॒ - ऽऽत्मन्ने॒व य॒ज्ञस्य॒ - मेध्य॑मे॒व - खलु॒ वा - अ॒ष्टाद॑श च) (अ. 7)

पर्य॑ग्नि करोति सर्व॒हुत॑मे॒वैन॑-ङ्करो॒त्य-स्क॑न्दा॒या-स्क॑न्न॒ग्ं॒ हि त-द्य-द्धु॒तस्य॒ स्कन्द॑ति॒ त्रिः पर्य॑ग्नि करोति॒ त्र्या॑वृ॒द्धि य॒ज्ञो-ऽथो॒ रक्ष॑सा॒मप॑हत्यै ब्रह्मवा॒दिनो॑ वदन्त्यन्वा॒रभ्यः॑ प॒शू(3)-र्नान्वा॒रभ्या(3) इति॑ मृ॒त्यवे॒ वा ए॒ष नी॑यते॒ य-त्प॒शुस्तं-यँद॑न्वा॒रभे॑त प्र॒मायु॑को॒ यज॑मान-स्स्या॒दथो॒ खल्वा॑हु-स्सुव॒र्गाय॒ वा ए॒ष लो॒काय॑ नीयते॒ य- [यत्, प॒शुरिति॒] 41

-त्प॒शुरिति॒ यन्नान्वा॒रभे॑त सुव॒र्गाल्लो॒का-द्यज॑मानो हीयेत वपा॒श्रप॑णीभ्या-म॒न्वार॑भते॒ तन्नेवा॒न्वार॑ब्ध॒-न्नेवान॑न्वारब्ध॒मुप॒ प्रेष्य॑ होतर्ह॒व्या दे॒वेभ्य॒ इत्या॑हेषि॒तग्ं हि कर्म॑ क्रि॒यते॒ रेव॑तीर्य॒ज्ञप॑ति-म्प्रिय॒धा ऽऽवि॑श॒तेत्या॑ह यथाय॒जुरे॒वैतद॒ग्निना॑ पु॒रस्ता॑देति॒ रक्ष॑सा॒मप॑हत्यै पृथि॒व्या-स्स॒पृञ्चः॑ पा॒हीति॑ ब॒र्॒हि- [ब॒र्॒हिः, उपा᳚-ऽस्य॒त्य-स्क॑न्दा॒या-] 42

-रुपा᳚-ऽस्य॒त्य-स्क॑न्दा॒या-स्क॑न्न॒ग्ं॒ हि त-द्य-द्ब॒र्॒हिषि॒ स्कन्द॒त्यथो॑ बर्हि॒षद॑मे॒वैन॑-ङ्करोति॒ परां॒आ व॑र्तते-ऽद्ध्व॒र्युः प॒शो-स्स᳚ज्ञ॒म्प्यमा॑ना-त्प॒शुभ्य॑ ए॒व तन्नि ह्नु॑त आ॒त्मनो-ऽना᳚व्रस्काय॒ गच्छ॑ति॒ श्रिय॒-म्प्र प॒शूना᳚प्नोति॒ य ए॒वं-वेँद॑ प॒श्चाल्लो॑का॒ वा ए॒षा प्राच्यु॒दानी॑यते॒ य-त्पत्नी॒ नम॑स्त आता॒नेत्या॑हा-ऽऽदि॒त्यस्य॒ वै र॒श्मय॑ [र॒श्मयः॑, आ॒ता॒नास्तेभ्य॑] 43

आता॒नास्तेभ्य॑ ए॒व नम॑स्करोत्यन॒र्वा प्रेहीत्या॑ह॒ भ्रातृ॑व्यो॒ वा अर्वा॒ भ्रातृ॑व्यापनुत्त्यै घृ॒तस्य॑ कु॒ल्यामनु॑ स॒ह प्र॒जया॑ स॒ह रा॒यस्पोषे॒णे-त्या॑हा॒ ऽऽशिष॑मे॒वैतामा शा᳚स्त॒ आपो॑ देवी-श्शुद्धायुव॒ इत्या॑ह यथाय॒जुरे॒वैतत् ॥ 44 ॥

(लो॒काय॑ नीयते॒ य-द्- ब॒र॒ःई - र॒श्मयः॑ - स॒प्तत्रिग्ं॑शच्च) (अ. 8)

प॒शोर्वा आल॑ब्धस्य प्रा॒णाञ्छुगृ॑च्छति॒ वाक्त॒ आ प्या॑यता-म्प्रा॒णस्त॒ आ प्या॑यता॒मित्या॑ह प्रा॒णेभ्य॑ ए॒वास्य॒ शुचग्ं॑ शमयति॒ सा प्रा॒णेभ्यो-ऽधि॑ पृथि॒वीग्ं शु-क्प्र वि॑शति॒ शमहो᳚भ्या॒मिति॒ नि न॑यत्यहोरा॒त्राभ्या॑मे॒व पृ॑थि॒व्यै शुचग्ं॑ शमय॒त्योष॑धे॒ त्रा॑यस्वैन॒ग्ग्॒ स्वधि॑ते॒ मैनग्ं॑ हिग्ंसी॒रित्या॑ह॒ वज्रो॒ वै स्वधि॑ति॒- [स्वधि॑तिः, शान्त्यै॑ पार्श्व॒त] 45

-श्शान्त्यै॑ पार्श्व॒त आ च्छ्य॑ति मद्ध्य॒तो हि म॑नु॒ष्या॑ आ॒ च्छ्यन्ति॑ तिर॒श्चीन॒मा च्छ्य॑त्यनू॒चीन॒ग्ं॒ हि म॑नु॒ष्या॑ आ॒च्छ्यन्ति॒ व्यावृ॑त्त्यै॒ रक्ष॑सा-म्भा॒गो॑-ऽसीति॑ स्थविम॒तो ब॒र्॒हिर॒क्त्वा-ऽपा᳚स्यत्य॒स्नैव रक्षाग्ं॑सि नि॒रव॑दयत इ॒दम॒हग्ं रक्षो॑-ऽध॒म-न्तमो॑ नयामि॒ यो᳚-ऽस्मा-न्द्वेष्टि॒ य-ञ्च॑ व॒य-न्द्वि॒ष्म इत्या॑ह॒ द्वौ वाव पुरु॑षौ॒ य-ञ्चै॒व [ ] 46

द्वेष्टि॒ यश्चै॑न॒-न्द्वेष्टि॒ तावु॒भाव॑ध॒म-न्तमो॑ नयती॒षे त्वेति॑ व॒पामुत्खि॑दती॒च्छत॑ इव॒ ह्ये॑ष यो यज॑ते॒ यदु॑पतृ॒न्द्या-द्रु॒द्रो᳚-ऽस्य प॒शू-न्घातु॑क-स्स्या॒-द्यन्नोप॑तृ॒न्द्या-दय॑ता स्या-द॒न्ययो॑पतृ॒णत्त्य॒न्यया॒ न धृत्यै॑ घृ॒तेन॑ द्यावापृथिवी॒ प्रोर्ण्वा॑था॒मित्या॑ह॒ द्यावा॑पृथि॒वी ए॒व रसे॑नान॒क्त्यच्छि॑न्नो॒ [रसे॑नान॒क्त्यच्छि॑न्नः, रायः॑ सु॒वीर॒] 47

रायः॑ सु॒वीर॒ इत्या॑ह यथाय॒जुरे॒वैत-त्क्रू॒रमि॑व॒ वा ए॒त-त्क॑रोति॒ य-द्व॒पा-मु॑त्खि॒द-त्यु॒र्व॑न्तरि॑क्ष॒-मन्वि॒हीत्या॑ह॒ शान्त्यै॒ प्र वा ए॒षो᳚-ऽस्माल्लो॒काच्च्य॑वते॒ यः प॒शु-म्मृ॒त्यवे॑ नी॒यमा॑नमन्वा॒रभ॑ते वपा॒श्रप॑णी॒ पुन॑र॒न्वार॑भते॒-ऽस्मिन्ने॒व लो॒के प्रति॑ तिष्ठत्य॒ग्निना॑ पु॒रस्ता॑देति॒ रक्ष॑सा॒मप॑हत्या॒ अथो॑ दे॒वता॑ ए॒व ह॒व्येना- [ए॒व ह॒व्येन॑, अन्वे॑ति॒] 48

-न्वे॑ति॒ नान्त॒ममङ्गा॑र॒मति॑ हरे॒-द्यद॑न्त॒ममङ्गा॑रमति॒ हरे᳚-द्दे॒वता॒ अति॑ मन्येत॒ वायो॒ वीहि॑ स्तो॒काना॒मित्या॑ह॒ तस्मा॒-द्विभ॑क्ता-स्स्तो॒का अव॑ पद्य॒न्ते-ऽग्रं॒-वाँ ए॒त-त्प॑शू॒नां-यँ-द्व॒पा-ऽग्र॒मोष॑धीना-म्ब॒र्॒हिरग्रे॑णै॒वाग्र॒ग्ं॒ सम॑र्धय॒त्यथो॒ ओष॑धीष्वे॒व प॒शू-न्प्रति॑ष्ठापयति॒ स्वाहा॑कृतीभ्यः॒ प्रेष्येत्या॑ह [ ] 49

य॒ज्ञस्य॒ समि॑ष्ट्यै प्राणापा॒नौ वा ए॒तौ प॑शू॒नां-यँ-त्पृ॑षदा॒ज्यमा॒त्मा व॒पा पृ॑षदा॒ज्यम॑भि॒घार्य॑ व॒पाम॒भि घा॑रयत्या॒त्मन्ने॒व प॑शू॒ना-म्प्रा॑णापा॒नौ द॑धाति॒ स्वाहो॒र्ध्वन॑भस-म्मारु॒त-ङ्ग॑च्छत॒मित्या॑हो॒र्ध्वन॑भा ह स्म॒ वै मा॑रु॒तो दे॒वानां᳚-वँपा॒श्रप॑णी॒ प्र ह॑रति॒ तेनै॒वैने॒ प्र ह॑रति॒ विषू॑ची॒ प्र ह॑रति॒ तस्मा॒-द्विष्व॑ञ्चौ प्राणापा॒नौ ॥ 50 ॥

(स्वधि॑ति - श्चै॒वा - च्छि॑न्नो - ह॒व्येने॒ - ष्येत्या॑ह॒ - षट्च॑त्वारिग्ंशच्च) (अ. 9)

प॒शुमा॒लभ्य॑ पुरो॒डाश॒-न्निर्व॑पति॒ समे॑धमे॒वैन॒मा ल॑भते व॒पया᳚ प्र॒चर्य॑ पुरो॒डाशे॑न॒ प्र च॑र॒त्यूर्ग्वै पु॑रो॒डाश॒ ऊर्ज॑मे॒व प॑शू॒ना-म्म॑द्ध्य॒तो द॑धा॒त्यथो॑ प॒शोरे॒व छि॒द्रमपि॑ दधाति पृषदा॒ज्यस्यो॑प॒हत्य॒ त्रिः पृ॑च्छति शृ॒तग्ं ह॒वी(3)-श्श॑मित॒रिति॒ त्रिष॑त्या॒ हि दे॒वा यो-ऽशृ॑तग्ं शृ॒तमाह॒ स एन॑सा प्राणापा॒नौ वा ए॒तौ प॑शू॒नां- [ए॒तौ प॑शू॒नाम्, य-त्पृ॑षदा॒ज्य-म्प॒शोः] 51

-ँय-त्पृ॑षदा॒ज्य-म्प॒शोः खलु॒ वा आल॑ब्धस्य॒ हृद॑यमा॒त्मा-ऽभि समे॑ति॒ य-त्पृ॑षदा॒ज्येन॒ हृद॑य-मभिघा॒रय॑त्या॒त्मन्ने॒व प॑शू॒ना-म्प्रा॑णापा॒नौ द॑धाति प॒शुना॒ वै दे॒वा-स्सु॑व॒र्गं-लोँ॒कमा॑य॒-न्ते॑-ऽमन्यन्त मनु॒ष्या॑ नो॒-ऽन्वाभ॑विष्य॒न्तीति॒ तस्य॒ शिरः॑ छि॒त्त्वा मेध॒-म्प्राक्षा॑रय॒न्थ्स प्र॒क्षो॑-ऽभव॒-त्त-त्प्र॒क्षस्य॑ प्रक्ष॒त्वं-यँ-त्प्ल॑क्षशा॒खो-त्त॑रब॒र्॒हि-र्भव॑ति॒ समे॑धस्यै॒व [ ] 52

प॒शोरव॑ द्यति प॒शुं-वैँ ह्रि॒यमा॑ण॒ग्ं॒ रक्षा॒ग्॒स्यनु॑ सचन्ते-ऽन्त॒रा यूप॑-ञ्चा-ऽऽहव॒नीय॑-ञ्च हरति॒ रक्ष॑सा॒मप॑हत्यै प॒शोर्वा आल॑ब्धस्य॒ मनो-ऽप॑ क्रामति म॒नोता॑यै ह॒विषो॑-ऽवदी॒यमा॑न॒स्यानु॑ ब्रू॒हीत्या॑ह॒ मन॑ ए॒वास्याव॑ रुन्ध॒ एका॑दशाव॒दाना॒न्यव॑ द्यति॒ दश॒ वै प॒शोः प्रा॒णा आ॒त्मैका॑द॒शो यावा॑ने॒व प॒शुस्तस्या-ऽव॑- [प॒शुस्तस्या-ऽव॑, द्य॒ति॒ हृद॑य॒स्या-] 53

-द्यति॒ हृद॑य॒स्या-ग्रे-ऽव॑ द्य॒त्यथ॑ जि॒ह्वाया॒ अथ॒ वक्ष॑सो॒ यद्वै हृद॑येनाभि॒गच्छ॑ति॒ तज्जि॒ह्वया॑ वदति॒ यज्जि॒ह्वया॒ वद॑ति॒ तदुर॒सो-ऽधि॒ निर्व॑दत्ये॒तद्वै प॒शोर्य॑थापू॒र्वं-यँस्यै॒वम॑व॒दाय॑ यथा॒काम॒-मुत्त॑रेषामव॒द्यति॑ यथा पू॒र्वमे॒वास्य॑ प॒शोरव॑त्त-म्भवति मद्ध्य॒तो गु॒दस्याव॑ द्यति मद्ध्य॒तो हि प्रा॒ण उ॑त्त॒मस्याव॑ द्य- [उ॑त्त॒मस्याव॑ द्यति, उ॒त्त॒मो हि प्रा॒णो] 54

-त्युत्त॒मो हि प्रा॒णो यदीत॑रं॒-यँदीत॑र-मु॒भय॑मे॒वाजा॑मि॒ जाय॑मानो॒ वै ब्रा᳚ह्म॒ण-स्त्रि॒भिर्-ऋ॑ण॒वा जा॑यते ब्रह्म॒चर्ये॒णर्षि॑भ्यो य॒ज्ञेन॑ दे॒वेभ्यः॑ प्र॒जया॑ पि॒तृभ्य॑ ए॒ष वा अ॑नृ॒णो यः पु॒त्री यज्वा᳚ ब्रह्मचारिवा॒सी तद॑व॒दानै॑-रे॒वा-ऽव॑ दयते॒ तद॑व॒दाना॑ना-मवदान॒त्व-न्दे॑वासु॒रा-स्संयँ॑त्ता आस॒-न्ते दे॒वा अ॒ग्निम॑ब्रुव॒-न्त्वया॑ वी॒रेणासु॑रान॒भि भ॑वा॒मेति॒ [भ॑वा॒मेति॑, सो᳚-ऽब्रवी॒-द्वरं॑-वृँणै] 55

सो᳚-ऽब्रवी॒-द्वरं॑-वृँणै प॒शोरु॑द्धा॒रमुद्ध॑रा॒ इति॒ स ए॒तमु॑द्धा॒रमुद॑हरत॒ दोः पू᳚र्वा॒र्धस्य॑ गु॒द-म्म॑द्ध्य॒त-श्श्रोणि॑-ञ्जघना॒र्धस्य॒ ततो॑ दे॒वा अभ॑व॒-न्परा-ऽसु॑रा॒ य-त्त्र्य॒ङ्गाणाग्ं॑ समव॒द्यति॒ भ्रातृ॑व्याभिभूत्यै॒ भव॑त्या॒त्मना॒ परा᳚-ऽस्य॒ भ्रातृ॑व्यो भवत्यक्ष्ण॒या-ऽव॑ द्यति॒ तस्मा॑दक्ष्ण॒या प॒शवो-ऽङ्गा॑नि॒ प्र ह॑रन्ति॒ प्रति॑ष्ठित्यै ॥ 56 ॥

(ए॒तौ प॑शू॒नाग्ं - समे॑धस्यै॒व - तस्या-ऽवो᳚ - त्त॒मस्याव॑ द्य॒ती - ति॒ - पञ्च॑चत्वारिग्ंशच्च) (अ. 10)

मेद॑सा॒ स्रुचौ॒ प्रोर्णो॑ति॒ मेदो॑रूपा॒ वै प॒शवो॑ रू॒पमे॒व प॒शुषु॑ दधाति यू॒षन्न॑व॒धाय॒ प्रोर्णो॑ति॒ रसो॒ वा ए॒ष प॑शू॒नां-यँद्यू रस॑मे॒व प॒शुषु॑ दधाति पा॒र्श्वेन॑ वसाहो॒म-म्प्रयौ॑ति॒ मद्ध्यं॒-वाँ ए॒त-त्प॑शू॒नां-यँ-त्पा॒र्श्वग्ं रस॑ ए॒ष प॑शू॒नां-यँद्वसा॒ य-त्पा॒र्श्वेन॑ वसाहो॒म-म्प्र॒यौति॑ मद्ध्य॒त ए॒व प॑शू॒नाग्ं रस॑-न्दधाति॒ घ्नन्ति॒ [घ्नन्ति॑, वा ए॒त-त्प॒शु-] 57

वा ए॒त-त्प॒शुं-यँ-थ्स᳚ज्ञ॒म्पय॑न्त्यै॒न्द्रः खलु॒ वै दे॒वत॑या प्रा॒ण ऐ॒न्द्रो॑-ऽपा॒न ऐ॒न्द्रः प्रा॒णो अङ्गे॑अङ्गे॒ नि दे᳚द्ध्य॒दित्या॑ह प्राणापा॒नावे॒व प॒शुषु॑ दधाति॒ देव॑ त्वष्ट॒र्भूरि॑ ते॒ सग्ं स॑मे॒त्वित्या॑ह त्वा॒ष्ट्रा हि दे॒वत॑या प॒शवो॒ विषु॑रूपा॒ य-थ्सल॑क्ष्माणो॒ भव॒थेत्या॑ह॒ विषु॑रूपा॒ ह्ये॑ते सन्त॒-स्सल॑क्ष्माण ए॒तर्हि॒ भव॑न्ति देव॒त्रा यन्त॒- [देव॒त्रा यन्त᳚म्, अव॑से॒] 58

-मव॑से॒ सखा॒यो-ऽनु॑ त्वा मा॒ता पि॒तरो॑ मद॒न्त्वित्या॒हा-नु॑मतमे॒वैन॑-म्मा॒त्रा पि॒त्रा सु॑व॒र्गं-लोँ॒क-ङ्ग॑मयत्यर्ध॒र्चे व॑साहो॒म-ञ्जु॑होत्य॒सौ वा अ॑र्ध॒र्च इ॒यम॑र्ध॒र्च इ॒मे ए॒व रसे॑नानक्ति॒ दिशो॑ जुहोति॒ दिश॑ ए॒व रसे॑नान॒क्त्यथो॑ दि॒ग्भ्य ए॒वोर्ज॒ग्ं॒ रस॒मव॑ रुन्धे प्राणापा॒नौ वा ए॒तौ प॑शू॒नां-यँ-त्पृ॑षदा॒ज्यं-वाँ॑नस्प॒त्याः खलु॒ [खलु॑, वै दे॒वत॑या प॒शवो॒] 59

वै दे॒वत॑या प॒शवो॒ य-त्पृ॑षदा॒ज्यस्यो॑-प॒हत्या-ऽऽह॒ वन॒स्पत॒ये-ऽनु॑ ब्रूहि॒ वन॒स्पत॑ये॒ प्रेष्येति॑ प्राणापा॒नावे॒व प॒शुषु॑ दधात्य॒न्यस्या᳚न्यस्य समव॒त्तग्ं स॒मव॑द्यति॒ तस्मा॒न्नाना॑रूपाः प॒शवो॑ यू॒ष्णोप॑ सिञ्चति॒ रसो॒ वा ए॒ष प॑शू॒नां-यँद्यू रस॑मे॒व प॒शुषु॑ दधा॒तीडा॒मुप॑ ह्वयते प॒शवो॒ वा इडा॑ प॒शूने॒वोप॑ ह्वयते च॒तुरुप॑ ह्वयते॒ [च॒तुरुप॑ ह्वयते, चतु॑ष्पादो॒ हि] 60

चतु॑ष्पादो॒ हि प॒शवो॒ य-ङ्का॒मये॑ता प॒शु-स्स्या॒दित्य॑मे॒दस्क॒-न्तस्मा॒ आ द॑द्ध्या॒न्मेदो॑रूपा॒ वै प॒शवो॑ रू॒पेणै॒वैन॑-म्प॒शुभ्यो॒ निर्भ॑जत्यप॒शुरे॒व भ॑वति॒ य-ङ्का॒मये॑त पशु॒मान्-थ्स्या॒दिति॒ मेद॑स्व॒-त्तस्मा॒ आ द॑द्ध्या॒न्मेदो॑रूपा॒ वै प॒शवो॑ रू॒पेणै॒वास्मै॑ प॒शूनव॑ रुन्धे पशु॒माने॒व भ॑वति प्र॒जाप॑तिर्य॒ज्ञम॑सृजत॒ स आज्य॑- [स आज्य᳚म्, पु॒रस्ता॑दसृजत] 61

-म्पु॒रस्ता॑दसृजत प॒शु-म्म॑द्ध्य॒तः पृ॑षदा॒ज्य-म्प॒श्चा-त्तस्मा॒दाज्ये॑न प्रया॒जा इ॑ज्यन्ते प॒शुना॑ मद्ध्य॒तः पृ॑षदा॒ज्येना॑-नूया॒जा-स्तस्मा॑दे॒तन्मि॒श्रमि॑व पश्चा-थ्सृ॒ष्टग्ग् ह्येका॑दशानूया॒जान्. य॑जति॒ दश॒ वै प॒शोः प्रा॒णा आ॒त्मैका॑द॒शो यावा॑ने॒व प॒शुस्तमनु॑ यजति॒ घ्नन्ति॒ वा ए॒त-त्प॒शुं-यँ-थ्सं᳚(2)ज्ञ॒पय॑न्ति प्राणापा॒नौ खलु॒ वा ए॒तौ प॑शू॒नां-यँ-त्पृ॑षदा॒ज्यं-यँ-त्पृ॑षदा॒ज्येना॑ नूया॒जान्. यज॑ति प्राणापा॒नावे॒व प॒शुषु॑ दधाति ॥ 62 ॥

(घ्नन्ति॒ - यन्तं॒ - खलु॑ - च॒तुरुप॑ ह्वयत॒ - आज्यं॒ - ँय-त्पृ॑षदा॒ज्येन॒ - षट् च॑) (अ. 11)

(चात्वा॑लाथ् - सुव॒र्गाय॒ य-द्वै॑सर्ज॒नानि॑ - वैष्ण॒व्यर्चा - पृ॑थि॒व्यै - सा॒ध्या - इ॒षे त्वे - त्य॒ग्निना॒ - पर्य॑ग्नि - प॒शोः - प॒शुमा॒लभ्य॒ - मेद॑सा॒ स्रुचा॒ - वेका॑दश)

(चात्वा॑ला-द्- दे॒वानु॒पैति॑ - मुञ्चति - प्रह्रि॒यमा॑णाय॒ - पर्य॑ग्नि - प॒शुमा॒लभ्य॒ - चतु॑ष्पादो॒ - द्विष॑ष्टिः)

(चात्वा॑ला, त्प॒शुषु॑ दधाति)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहितायां षष्ठकाण्डे तृतीयः प्रश्न-स्समाप्तः ॥