4.1 - Yunjanah Prathamammanah - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃- 𑌅𑌗𑍍𑌨𑌿𑌚𑌿𑌤𑍍𑌯𑌙𑍍𑌗 𑌮𑌨𑍍𑌤𑍍𑌰𑌪𑌾𑌠𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌯𑍁॒𑌞𑍍𑌜𑌾॒𑌨𑌃 𑌪𑍍𑌰॑𑌥॒𑌮-𑌮𑍍𑌮𑌨॑𑌸𑍍𑌤॒𑌤𑍍𑌵𑌾𑌯॑ 𑌸𑌵𑌿॒𑌤𑌾 𑌧𑌿𑌯𑌃॑ । 𑌅॒𑌗𑍍𑌨𑌿-𑌞𑍍𑌜𑍍𑌯𑍋𑌤𑌿॑𑌰𑍍𑌨𑌿॒𑌚𑌾𑌯𑍍𑌯॑ 𑌪𑍃𑌥𑌿॒𑌵𑍍𑌯𑌾 𑌅𑌦𑍍𑌧𑍍𑌯𑌾 𑌽𑌭॑𑌰𑌤𑍍 ॥ 𑌯𑍁॒𑌕𑍍𑌤𑍍𑌵𑌾𑌯॒ 𑌮𑌨॑𑌸𑌾 𑌦𑍇॒𑌵𑌾𑌨𑍍-𑌥𑍍𑌸𑍁𑌵॑𑌰𑍍𑌯॒𑌤𑍋 𑌧𑌿॒𑌯𑌾 𑌦𑌿𑌵᳚𑌮𑍍 । 𑌬𑍃॒𑌹𑌜𑍍𑌜𑍍𑌯𑍋𑌤𑌿𑌃॑ 𑌕𑌰𑌿𑌷𑍍𑌯॒𑌤-𑌸𑍍𑌸॑𑌵𑌿॒𑌤𑌾 𑌪𑍍𑌰𑌸𑍁॑𑌵𑌾𑌤𑌿॒ 𑌤𑌾𑌨𑍍 ॥ 𑌯𑍁॒𑌕𑍍𑌤𑍇𑌨॒ 𑌮𑌨॑𑌸𑌾 𑌵॒𑌯-𑌨𑍍𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸॒𑌵𑍇 । 𑌸𑍁॒𑌵॒𑌰𑍍𑌗𑍇𑌯𑌾॑𑌯॒ 𑌶𑌕𑍍𑌤𑍍𑌯𑍈᳚ ॥ 𑌯𑍁॒𑌞𑍍𑌜𑌤𑍇॒ 𑌮𑌨॑ 𑌉॒𑌤 𑌯𑍁॑𑌞𑍍𑌜𑌤𑍇॒ 𑌧𑌿𑌯𑍋॒ 𑌵𑌿𑌪𑍍𑌰𑌾॒ 𑌵𑌿𑌪𑍍𑌰॑𑌸𑍍𑌯 𑌬𑍃𑌹॒𑌤𑍋 𑌵𑌿॑𑌪॒𑌶𑍍𑌚𑌿𑌤𑌃॑ । 𑌵𑌿 𑌹𑍋𑌤𑍍𑌰𑌾॑ 𑌦𑌧𑍇 𑌵𑌯𑍁𑌨𑌾॒ 𑌵𑌿𑌦𑍇𑌕॒ 𑌇- [𑌵𑌯𑍁𑌨𑌾॒ 𑌵𑌿𑌦𑍇𑌕॒ 𑌇𑌤𑍍, 𑌮॒𑌹𑍀 𑌦𑍇॒𑌵𑌸𑍍𑌯॑] 1

-𑌨𑍍𑌮॒𑌹𑍀 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁𑌃 𑌪𑌰𑌿॑𑌷𑍍𑌟𑍁𑌤𑌿𑌃 ॥ 𑌯𑍁॒𑌜𑍇 𑌵𑌾॒-𑌮𑍍𑌬𑍍𑌰𑌹𑍍𑌮॑ 𑌪𑍂॒𑌰𑍍𑌵𑍍𑌯-𑌨𑍍𑌨𑌮𑍋॑𑌭𑌿॒𑌰𑍍𑌵𑌿 𑌶𑍍𑌲𑍋𑌕𑌾॑ 𑌯𑌨𑍍𑌤𑌿 𑌪॒𑌥𑍍𑌯𑍇॑𑌵॒ 𑌸𑍂𑌰𑌾𑌃᳚ । 𑌶𑍃॒𑌣𑍍𑌵𑌨𑍍𑌤𑌿॒ 𑌵𑌿𑌶𑍍𑌵𑍇॑ 𑌅॒𑌮𑍃𑌤॑𑌸𑍍𑌯 𑌪𑍁॒𑌤𑍍𑌰𑌾 𑌆 𑌯𑍇 𑌧𑌾𑌮𑌾॑𑌨𑌿 𑌦𑌿॒𑌵𑍍𑌯𑌾𑌨𑌿॑ 𑌤॒𑌸𑍍𑌥𑍁𑌃 ॥ 𑌯𑌸𑍍𑌯॑ 𑌪𑍍𑌰॒𑌯𑌾𑌣॒𑌮𑌨𑍍𑌵॒𑌨𑍍𑌯 𑌇𑌦𑍍𑌯॒𑌯𑍁𑌰𑍍𑌦𑍇॒𑌵𑌾 𑌦𑍇॒𑌵𑌸𑍍𑌯॑ 𑌮𑌹𑌿॒𑌮𑌾𑌨॒𑌮𑌰𑍍𑌚॑𑌤𑌃 । 𑌯𑌃 𑌪𑌾𑌰𑍍𑌥𑌿॑𑌵𑌾𑌨𑌿 𑌵𑌿𑌮॒𑌮𑍇 𑌸 𑌏𑌤॑𑌶𑍋॒ 𑌰𑌜𑌾𑌗𑍍𑌂॑𑌸𑌿 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌮॑𑌹𑌿𑌤𑍍𑌵॒𑌨𑌾 ॥ 𑌦𑍇𑌵॑ 𑌸𑌵𑌿𑌤𑌃॒ 𑌪𑍍𑌰𑌸𑍁॑𑌵 𑌯॒𑌜𑍍𑌞-𑌮𑍍𑌪𑍍𑌰𑌸॑𑌵 [ ] 2

𑌯॒𑌜𑍍𑌞𑌪॑𑌤𑌿॒-𑌮𑍍𑌭𑌗𑌾॑𑌯 𑌦𑌿॒𑌵𑍍𑌯𑍋 𑌗॑𑌨𑍍𑌧॒𑌰𑍍𑌵𑌃 । 𑌕𑍇॒𑌤॒𑌪𑍂𑌃 𑌕𑍇𑌤॑𑌨𑍍𑌨𑌃 𑌪𑍁𑌨𑌾𑌤𑍁 𑌵𑌾॒𑌚𑌸𑍍𑌪𑌤𑌿॒𑌰𑍍𑌵𑌾𑌚॑𑌮॒𑌦𑍍𑌯 𑌸𑍍𑌵॑𑌦𑌾𑌤𑌿 𑌨𑌃 ॥ 𑌇॒𑌮-𑌨𑍍𑌨𑍋॑ 𑌦𑍇𑌵 𑌸𑌵𑌿𑌤𑌰𑍍𑌯॒𑌜𑍍𑌞-𑌮𑍍𑌪𑍍𑌰𑌸𑍁॑𑌵 𑌦𑍇𑌵𑌾॒𑌯𑍁𑌵𑌗𑍍𑌂॑ 𑌸𑌖𑌿॒𑌵𑌿𑌦𑌗𑍍𑌂॑ 𑌸𑌤𑍍𑌰𑌾॒𑌜𑌿𑌤॑-𑌨𑍍𑌧𑌨॒𑌜𑌿𑌤𑌗𑍍𑌂॑ 𑌸𑍁𑌵॒𑌰𑍍𑌜𑌿𑌤᳚𑌮𑍍 ॥ 𑌋॒𑌚𑌾 𑌸𑍍𑌤𑍋𑌮॒𑌗𑍍𑌂॒ 𑌸𑌮॑𑌰𑍍𑌧𑌯 𑌗𑌾𑌯॒𑌤𑍍𑌰𑍇𑌣॑ 𑌰𑌥𑌨𑍍𑌤॒𑌰𑌮𑍍 । 𑌬𑍃॒𑌹-𑌦𑍍𑌗𑌾॑𑌯॒𑌤𑍍𑌰𑌵॑𑌰𑍍𑌤𑌨𑌿 ॥ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚ 𑌽𑌶𑍍𑌵𑌿𑌨𑍋᳚𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾-𑌙𑍍𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵𑌦𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑- [𑌨𑌾𑌰𑌿𑌃॑, 𑌅॒𑌸𑌿॒ 𑌪𑍃॒𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑-] 3

-𑌰𑌸𑌿 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑-𑌦॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑𑌮𑌙𑍍𑌗𑌿𑌰॒𑌸𑍍𑌵𑌦𑌾 𑌭॑𑌰॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌬𑌭𑍍𑌰𑌿॑𑌰𑌸𑌿॒ 𑌨𑌾𑌰𑌿॑𑌰𑌸𑌿॒ 𑌤𑍍𑌵𑌯𑌾॑ 𑌵॒𑌯𑌗𑍍𑌂 𑌸॒𑌧𑌸𑍍𑌥॒ 𑌆𑌗𑍍𑌨𑌿𑌗𑍍𑌂 𑌶॑𑌕𑍇𑌮॒ 𑌖𑌨𑌿॑𑌤𑍁-𑌮𑍍𑌪𑍁𑌰𑍀॒𑌷𑍍𑌯॑-𑌞𑍍𑌜𑌾𑌗॑𑌤𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵𑌦𑍍𑌧𑌸𑍍𑌤॑ 𑌆॒𑌧𑌾𑌯॑ 𑌸𑌵𑌿॒𑌤𑌾 𑌬𑌿𑌭𑍍𑌰॒𑌦𑌭𑍍𑌰𑌿𑌗𑍍𑌂॑ 𑌹𑌿𑌰॒𑌣𑍍𑌯𑌯𑍀᳚𑌮𑍍 । 𑌤𑌯𑌾॒ 𑌜𑍍𑌯𑍋𑌤𑌿॒𑌰𑌜॑𑌸𑍍𑌰॒-𑌮𑌿𑌦॒𑌗𑍍𑌨𑌿-𑌙𑍍𑌖𑌾॒𑌤𑍍𑌵𑍀 𑌨॒ 𑌆 𑌭॒𑌰𑌾𑌨𑍁॑𑌷𑍍𑌟𑍁𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॒𑌸𑌾 𑌽𑌽𑌦॑𑌦𑍇-𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 4 ॥

(𑌇--𑌦𑍍𑌯॒𑌜𑍍𑌞-𑌮𑍍𑌪𑍍𑌰𑌸𑍁॑𑌵॒ - 𑌨𑌾𑌰𑌿॒ - 𑌰𑌾𑌨𑍁॑𑌷𑍍𑌟𑍁𑌭𑍇𑌨 𑌤𑍍𑌵𑌾॒ 𑌛𑌨𑍍𑌦॑𑌸𑌾॒ - 𑌤𑍍𑌰𑍀𑌣𑌿॑ 𑌚) (𑌅. 1)

𑌇॒𑌮𑌾𑌮॑𑌗𑍃𑌭𑍍𑌣-𑌨𑍍𑌰𑌶॒𑌨𑌾𑌮𑍃॒𑌤𑌸𑍍𑌯॒ 𑌪𑍂𑌰𑍍𑌵॒ 𑌆𑌯𑍁॑𑌷𑌿 𑌵𑌿॒𑌦𑌥𑍇॑𑌷𑍁 𑌕॒𑌵𑍍𑌯𑌾 । 𑌤𑌯𑌾॑ 𑌦𑍇॒𑌵𑌾-𑌸𑍍𑌸𑍁॒𑌤𑌮𑌾 𑌬॑𑌭𑍂𑌵𑍁𑌰𑍍-𑌋॒𑌤𑌸𑍍𑌯॒ 𑌸𑌾𑌮᳚𑌨𑍍-𑌥𑍍𑌸॒𑌰𑌮𑌾॒𑌰𑌪॑𑌨𑍍𑌤𑍀 ॥ 𑌪𑍍𑌰𑌤𑍂᳚𑌰𑍍𑌤𑌂-𑌵𑌾𑌁𑌜𑌿॒𑌨𑍍𑌨𑌾 𑌦𑍍𑌰॑𑌵॒ 𑌵𑌰𑌿॑𑌷𑍍𑌠𑌾॒𑌮𑌨𑍁॑ 𑌸𑌂॒𑌵𑌁𑌤᳚𑌮𑍍 । 𑌦𑌿॒𑌵𑌿 𑌤𑍇॒ 𑌜𑌨𑍍𑌮॑ 𑌪𑌰॒𑌮𑌮॒𑌨𑍍𑌤𑌰𑌿॑𑌕𑍍𑌷𑍇॒ 𑌨𑌾𑌭𑌿𑌃॑ 𑌪𑍃𑌥𑌿॒𑌵𑍍𑌯𑌾𑌮𑌧𑌿॒ 𑌯𑍋𑌨𑌿𑌃॑ ॥ 𑌯𑍁॒𑌞𑍍𑌜𑌾𑌥𑌾॒𑌗𑍍𑌂॒ 𑌰𑌾𑌸॑𑌭𑌂-𑌯𑍁𑌁॒𑌵𑌮॒𑌸𑍍𑌮𑌿𑌨𑍍. 𑌯𑌾𑌮𑍇॑ 𑌵𑍃𑌷𑌣𑍍𑌵𑌸𑍂 । 𑌅॒𑌗𑍍𑌨𑌿-𑌮𑍍𑌭𑌰॑𑌨𑍍𑌤𑌮𑌸𑍍𑌮॒𑌯𑍁𑌮𑍍 ॥ 𑌯𑍋𑌗𑍇॑𑌯𑍋𑌗𑍇 𑌤॒𑌵𑌸𑍍𑌤॑𑌰𑌂॒-𑌵𑌾𑌁𑌜𑍇॑𑌵𑌾𑌜𑍇 𑌹𑌵𑌾𑌮𑌹𑍇 । 𑌸𑌖𑌾॑𑌯॒ 𑌇𑌨𑍍𑌦𑍍𑌰॑𑌮॒𑌤𑌯𑍇᳚ ॥ 𑌪𑍍𑌰॒𑌤𑍂𑌰𑍍𑌵॒- [𑌪𑍍𑌰॒𑌤𑍂𑌰𑍍𑌵𑌨𑍍𑌨𑍍॑, 𑌏𑌹𑍍𑌯॑𑌵॒𑌕𑍍𑌰𑌾𑌮॒𑌨𑍍𑌨𑌶॑𑌸𑍍𑌤𑍀] 5

-𑌨𑍍𑌨𑍇𑌹𑍍𑌯॑𑌵॒𑌕𑍍𑌰𑌾𑌮॒𑌨𑍍𑌨𑌶॑𑌸𑍍𑌤𑍀 𑌰𑍁॒𑌦𑍍𑌰𑌸𑍍𑌯॒ 𑌗𑌾𑌣॑𑌪𑌤𑍍𑌯𑌾-𑌨𑍍𑌮𑌯𑍋॒𑌭𑍂𑌰𑍇𑌹𑌿॑ । 𑌉॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷॒𑌮𑌨𑍍𑌵𑌿॑𑌹𑌿 𑌸𑍍𑌵॒𑌸𑍍𑌤𑌿 𑌗॑𑌵𑍍𑌯𑍂𑌤𑌿॒𑌰𑌭॑𑌯𑌾𑌨𑌿 𑌕𑍃॒𑌣𑍍𑌵𑌨𑍍𑌨𑍍 ॥ 𑌪𑍂॒𑌷𑍍𑌣𑌾 𑌸॒𑌯𑍁𑌜𑌾॑ 𑌸॒𑌹 । 𑌪𑍃॒𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑𑌦॒𑌗𑍍𑌨𑌿-𑌮𑍍𑌪𑍁॑𑌰𑌿॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑌚𑍍𑌛𑍇᳚𑌹𑍍𑌯॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑ -𑌮𑌙𑍍𑌗𑌿𑌰॒𑌸𑍍𑌵𑌦-𑌚𑍍𑌛𑍇॑𑌮𑍋॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌿𑌷𑍍𑌯𑌾𑌮𑍋॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌾𑌮𑌃 ॥ 𑌅𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒-𑌮𑌗𑍍𑌰॑𑌮𑌖𑍍𑌯॒-𑌦𑌨𑍍𑌵𑌹𑌾॑𑌨𑌿 𑌪𑍍𑌰𑌥॒𑌮𑍋 𑌜𑌾॒𑌤𑌵𑍇॑𑌦𑌾𑌃 । 𑌅𑌨𑍁॒ 𑌸𑍂𑌰𑍍𑌯॑𑌸𑍍𑌯 [𑌸𑍂𑌰𑍍𑌯॑𑌸𑍍𑌯, 𑌪𑍁॒𑌰𑍁॒𑌤𑍍𑌰𑌾 𑌚॑] 6

𑌪𑍁𑌰𑍁॒𑌤𑍍𑌰𑌾 𑌚॑ 𑌰॒𑌶𑍍𑌮𑍀𑌨𑌨𑍁॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌆 𑌤॑𑌤𑌾𑌨 ॥ 𑌆॒𑌗𑌤𑍍𑌯॑ 𑌵𑌾॒𑌜𑍍𑌯𑌦𑍍𑌧𑍍𑌵॑𑌨॒-𑌸𑍍𑌸𑌰𑍍𑌵𑌾॒ 𑌮𑍃𑌧𑍋॒ 𑌵𑌿𑌧𑍂॑𑌨𑍁𑌤𑍇 । 𑌅॒𑌗𑍍𑌨𑌿𑌗𑍍𑌂 𑌸॒𑌧𑌸𑍍𑌥𑍇॑ 𑌮𑌹॒𑌤𑌿 𑌚𑌕𑍍𑌷𑍁॑𑌷𑌾॒ 𑌨𑌿 𑌚𑌿॑𑌕𑍀𑌷𑌤𑍇 ॥ 𑌆॒𑌕𑍍𑌰𑌮𑍍𑌯॑ 𑌵𑌾𑌜𑌿-𑌨𑍍𑌪𑍃𑌥𑌿॒𑌵𑍀𑌮॒𑌗𑍍𑌨𑌿𑌮𑌿॑𑌚𑍍𑌛 𑌰𑍁॒𑌚𑌾 𑌤𑍍𑌵𑌮𑍍 । 𑌭𑍂𑌮𑍍𑌯𑌾॑ 𑌵𑍃॒𑌤𑍍𑌵𑌾𑌯॑ 𑌨𑍋 𑌬𑍍𑌰𑍂𑌹𑌿॒ 𑌯𑌤𑌃॒ 𑌖𑌨𑌾॑𑌮॒ 𑌤𑌂-𑌵𑌁॒𑌯𑌮𑍍 ॥ 𑌦𑍍𑌯𑍗𑌸𑍍𑌤𑍇॑ 𑌪𑍃॒𑌷𑍍𑌠-𑌮𑍍𑌪𑍃॑𑌥𑌿॒𑌵𑍀 𑌸॒𑌧𑌸𑍍𑌥॑𑌮𑌾॒𑌤𑍍𑌮𑌾 𑌽𑌨𑍍𑌤𑌰𑌿॑𑌕𑍍𑌷𑌗𑍍𑌂 𑌸𑌮𑍁॒𑌦𑍍𑌰𑌸𑍍𑌤𑍇॒ 𑌯𑍋𑌨𑌿𑌃॑ । 𑌵𑌿॒𑌖𑍍𑌯𑌾𑌯॒ 𑌚𑌕𑍍𑌷𑍁॑𑌷𑌾॒ 𑌤𑍍𑌵𑌮॒𑌭𑌿 𑌤𑌿॑𑌷𑍍𑌠 [𑌤𑍍𑌵𑌮॒𑌭𑌿 𑌤𑌿॑𑌷𑍍𑌠, 𑌪𑍃॒𑌤॒𑌨𑍍𑌯॒𑌤𑌃 ।] 7

𑌪𑍃𑌤𑌨𑍍𑌯॒𑌤𑌃 ॥ 𑌉𑌤𑍍𑌕𑍍𑌰𑌾॑𑌮 𑌮𑌹॒𑌤𑍇 𑌸𑍗𑌭॑𑌗𑌾𑌯𑌾॒-𑌸𑍍𑌮𑌾𑌦𑌾॒𑌸𑍍𑌥𑌾𑌨𑌾᳚-𑌦𑍍𑌦𑍍𑌰𑌵𑌿𑌣𑍋॒𑌦𑌾 𑌵𑌾॑𑌜𑌿𑌨𑍍𑌨𑍍 । 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮 𑌸𑍁𑌮॒𑌤𑍗 𑌪𑍃॑𑌥𑌿॒𑌵𑍍𑌯𑌾 𑌅॒𑌗𑍍𑌨𑌿-𑌙𑍍𑌖॑𑌨𑌿॒𑌷𑍍𑌯𑌨𑍍𑌤॑ 𑌉॒𑌪𑌸𑍍𑌥𑍇॑ 𑌅𑌸𑍍𑌯𑌾𑌃 ॥ 𑌉𑌦॑𑌕𑍍𑌰𑌮𑍀-𑌦𑍍𑌦𑍍𑌰𑌵𑌿𑌣𑍋॒𑌦𑌾 𑌵𑌾॒𑌜𑍍𑌯𑌰𑍍𑌵𑌾-𑌽𑌕॒-𑌸𑍍𑌸 𑌲𑍋॒𑌕𑌗𑍍𑌂 𑌸𑍁𑌕𑍃॑𑌤-𑌮𑍍𑌪𑍃𑌥𑌿॒𑌵𑍍𑌯𑌾𑌃 । 𑌤𑌤𑌃॑ 𑌖𑌨𑍇𑌮 𑌸𑍁॒𑌪𑍍𑌰𑌤𑍀॑𑌕𑌮॒𑌗𑍍𑌨𑌿𑌗𑍍𑌂 𑌸𑍁𑌵𑍋॒ 𑌰𑍁𑌹𑌾॑𑌣𑌾॒ 𑌅𑌧𑌿॒ 𑌨𑌾𑌕॑ 𑌉𑌤𑍍𑌤॒𑌮𑍇 ॥ 𑌅॒𑌪𑍋 𑌦𑍇॒𑌵𑍀𑌰𑍁𑌪॑ 𑌸𑍃𑌜॒ 𑌮𑌧𑍁॑𑌮𑌤𑍀𑌰𑌯॒𑌕𑍍𑌷𑍍𑌮𑌾𑌯॑ 𑌪𑍍𑌰॒𑌜𑌾𑌭𑍍𑌯𑌃॑ । 𑌤𑌾𑌸𑌾॒𑌗𑍍॒ 𑌸𑍍𑌥𑌾𑌨𑌾॒𑌦𑍁𑌜𑍍𑌜𑌿॑𑌹𑌤𑌾॒-𑌮𑍋𑌷॑𑌧𑌯-𑌸𑍍𑌸𑍁𑌪𑌿𑌪𑍍𑌪॒𑌲𑌾𑌃 ॥ 𑌜𑌿𑌘॑- [𑌜𑌿𑌘॑𑌰𑍍𑌮𑌿, 𑌅॒𑌗𑍍𑌨𑌿-𑌮𑍍𑌮𑌨॑𑌸𑌾] 8

-𑌰𑍍𑌮𑍍𑌯॒𑌗𑍍𑌨𑌿-𑌮𑍍𑌮𑌨॑𑌸𑌾 𑌘𑍃॒𑌤𑍇𑌨॑ 𑌪𑍍𑌰𑌤𑌿॒𑌕𑍍𑌷𑍍𑌯𑌨𑍍𑌤॒-𑌮𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌪𑍃॒𑌥𑍁-𑌨𑍍𑌤𑌿॑𑌰॒𑌶𑍍𑌚𑌾 𑌵𑌯॑𑌸𑌾 𑌬𑍃॒𑌹𑌨𑍍𑌤𑌂॒-𑌵𑍍𑌯𑌁𑌚𑌿॑𑌷𑍍𑌠॒𑌮𑌨𑍍𑌨𑌗𑍍𑌂॑ 𑌰𑌭॒𑌸𑌂-𑌵𑌿𑌁𑌦𑌾॑𑌨𑌮𑍍 ॥ 𑌆 𑌤𑍍𑌵𑌾॑ 𑌜𑌿𑌘𑌰𑍍𑌮𑌿॒ 𑌵𑌚॑𑌸𑌾 𑌘𑍃॒𑌤𑍇𑌨𑌾॑-𑌽𑌰॒𑌕𑍍𑌷𑌸𑌾॒ 𑌮𑌨॑𑌸𑌾॒ 𑌤𑌜𑍍𑌜𑍁॑𑌷𑌸𑍍𑌵 । 𑌮𑌰𑍍𑌯॑𑌶𑍍𑌰𑍀-𑌸𑍍𑌸𑍍𑌪𑍃𑌹॒𑌯-𑌦𑍍𑌵॑𑌰𑍍𑌣𑍋 𑌅॒𑌗𑍍𑌨𑌿𑌰𑍍𑌨𑌾-𑌽𑌭𑌿॒𑌮𑍃𑌶𑍇॑ 𑌤॒𑌨𑍁𑌵𑌾॒ 𑌜𑌰𑍍𑌹𑍃॑𑌷𑌾𑌣𑌃 ॥ 𑌪𑌰𑌿॒ 𑌵𑌾𑌜॑𑌪𑌤𑌿𑌃 𑌕॒𑌵𑌿𑌰॒𑌗𑍍𑌨𑌿𑌰𑍍-𑌹॒𑌵𑍍𑌯𑌾𑌨𑍍𑌯॑𑌕𑍍𑌰𑌮𑍀𑌤𑍍 । 𑌦𑌧॒-𑌦𑍍𑌰𑌤𑍍𑌨𑌾॑𑌨𑌿 𑌦𑌾॒𑌶𑍁𑌷𑍇᳚ ॥ 𑌪𑌰𑌿॑ 𑌤𑍍𑌵𑌾-𑌽𑌗𑍍𑌨𑍇॒ 𑌪𑍁𑌰𑌂॑-𑌵𑌁॒𑌯𑌂-𑌵𑌿𑌁𑌪𑍍𑌰𑌗𑍍𑌂॑ 𑌸𑌹𑌸𑍍𑌯 𑌧𑍀𑌮𑌹𑌿 । 𑌧𑍃॒𑌷-𑌦𑍍𑌵॑𑌰𑍍𑌣-𑌨𑍍𑌦𑌿॒𑌵𑍇𑌦𑌿॑𑌵𑍇 𑌭𑍇॒𑌤𑍍𑌤𑌾𑌰॑-𑌮𑍍𑌭𑌙𑍍𑌗𑍁॒𑌰𑌾𑌵॑𑌤𑌃 ॥ 𑌤𑍍𑌵𑌮॑𑌗𑍍𑌨𑍇॒ 𑌦𑍍𑌯𑍁𑌭𑌿॒𑌸𑍍𑌤𑍍𑌵-𑌮𑌾॑𑌶𑍁𑌶𑍁॒𑌕𑍍𑌷𑌣𑌿॒𑌸𑍍𑌤𑍍𑌵-𑌮॒𑌦𑍍𑌭𑍍𑌯𑌸𑍍𑌤𑍍𑌵-𑌮𑌶𑍍𑌮॑𑌨॒𑌸𑍍𑌪𑌰𑌿॑ । 𑌤𑍍𑌵𑌂-𑌵𑌁𑌨𑍇᳚𑌭𑍍𑌯॒ 𑌸𑍍𑌤𑍍𑌵𑌮𑍋𑌷॑𑌧𑍀𑌭𑍍𑌯॒ 𑌸𑍍𑌤𑍍𑌵-𑌨𑍍𑌨𑍃॒𑌣𑌾-𑌨𑍍𑌨𑍃॑𑌪𑌤𑍇 𑌜𑌾𑌯𑌸𑍇॒ 𑌶𑍁𑌚𑌿𑌃॑ ॥ 9 ॥

(𑌪𑍍𑌰॒𑌤𑍂𑌰𑍍𑌵॒𑌨𑍍𑌥𑍍 - 𑌸𑍂𑌰𑍍𑌯॑𑌸𑍍𑌯 - 𑌤𑌿𑌷𑍍𑌠॒ - 𑌜𑌿𑌘॑𑌰𑍍𑌮𑌿 - 𑌭𑍇॒𑌤𑍍𑌤𑌾𑌰𑌂॑ - 𑌁𑌵𑌿𑌗𑍍𑌂𑌶॒𑌤𑌿𑌶𑍍𑌚॑) (𑌅. 2)

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇᳚-𑌽𑌶𑍍𑌵𑌿𑌨𑍋᳚ 𑌰𑍍𑌬𑌾॒𑌹𑍁𑌭𑍍𑌯𑌾᳚-𑌮𑍍𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾-𑌮𑍍𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌤𑍍𑌖॑𑌨𑌾𑌮𑌿 ॥ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌸𑍁॒𑌪𑍍𑌰𑌤𑍀॑𑌕॒𑌮𑌜॑𑌸𑍍𑌰𑍇𑌣 𑌭𑌾॒𑌨𑍁𑌨𑌾॒ 𑌦𑍀𑌦𑍍𑌯𑌾॑𑌨𑌮𑍍 । 𑌶𑌿॒𑌵-𑌮𑍍𑌪𑍍𑌰॒𑌜𑌾𑌭𑍍𑌯𑍋-𑌽𑌹𑌿𑌗𑍍𑌂॑ 𑌸𑌨𑍍𑌤-𑌮𑍍𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑ -𑌮𑌙𑍍𑌗𑌿𑌰॒𑌸𑍍𑌵-𑌤𑍍𑌖॑𑌨𑌾𑌮𑌿 ॥ 𑌅॒𑌪𑌾-𑌮𑍍𑌪𑍃॒𑌷𑍍𑌠𑌮॑𑌸𑌿 𑌸॒𑌪𑍍𑌰𑌥𑌾॑ 𑌉॒𑌰𑍍𑌵॑𑌗𑍍𑌨𑌿-𑌮𑍍𑌭॑𑌰𑌿॒𑌷𑍍𑌯𑌦𑌪॑𑌰𑌾𑌵𑌪𑌿𑌷𑍍𑌠𑌮𑍍 । 𑌵𑌰𑍍𑌧॑𑌮𑌾𑌨-𑌮𑍍𑌮॒𑌹 𑌆 𑌚॒ 𑌪𑍁𑌷𑍍𑌕॑𑌰-𑌨𑍍𑌦𑌿॒𑌵𑍋 𑌮𑌾𑌤𑍍𑌰॑𑌯𑌾 𑌵𑌰𑌿॒𑌣𑌾 𑌪𑍍𑌰॑𑌥𑌸𑍍𑌵 ॥ 𑌶𑌰𑍍𑌮॑ 𑌚 𑌸𑍍𑌥𑍋॒ [𑌶𑌰𑍍𑌮॑ 𑌚 𑌸𑍍𑌥𑌃, 𑌵𑌰𑍍𑌮॑ 𑌚] 10

𑌵𑌰𑍍𑌮॑ 𑌚 𑌸𑍍𑌥𑍋॒ 𑌅𑌚𑍍𑌛𑌿॑𑌦𑍍𑌰𑍇 𑌬𑌹𑍁॒𑌲𑍇 𑌉॒𑌭𑍇 । 𑌵𑍍𑌯𑌚॑𑌸𑍍𑌵𑌤𑍀॒ 𑌸𑌂-𑌵𑌁॑𑌸𑌾𑌥𑌾-𑌮𑍍𑌭॒𑌰𑍍𑌤𑌮॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯᳚𑌮𑍍 ॥ 𑌸𑌂𑌵𑌁॑𑌸𑌾𑌥𑌾𑌗𑍍𑌂 𑌸𑍁𑌵॒𑌰𑍍𑌵𑌿𑌦𑌾॑ 𑌸॒𑌮𑍀𑌚𑍀॒ 𑌉𑌰॑𑌸𑌾॒ 𑌤𑍍𑌮𑌨𑌾᳚ । 𑌅॒𑌗𑍍𑌨𑌿𑌮॒𑌨𑍍𑌤 𑌰𑍍𑌭॑𑌰𑌿॒𑌷𑍍𑌯𑌨𑍍𑌤𑍀॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤॒ 𑌮𑌜॑𑌸𑍍𑌰॒𑌮𑌿𑌤𑍍 ॥ 𑌪𑍁॒𑌰𑍀॒𑌷𑍍𑌯𑍋॑-𑌽𑌸𑌿 𑌵𑌿॒𑌶𑍍𑌵𑌭॑𑌰𑌾𑌃 । 𑌅𑌥॑𑌰𑍍𑌵𑌾 𑌤𑍍𑌵𑌾 𑌪𑍍𑌰𑌥॒𑌮𑍋 𑌨𑌿𑌰॑𑌮𑌨𑍍𑌥𑌦𑌗𑍍𑌨𑍇 ॥ 𑌤𑍍𑌵𑌾𑌮॑𑌗𑍍𑌨𑍇॒ 𑌪𑍁𑌷𑍍𑌕॑𑌰𑌾॒𑌦𑌦𑍍𑌧𑍍𑌯𑌥॑𑌰𑍍𑌵𑌾॒ 𑌨𑌿𑌰॑𑌮𑌨𑍍𑌥𑌤 । 𑌮𑍂॒𑌰𑍍𑌧𑍍𑌨𑍋 𑌵𑌿𑌶𑍍𑌵॑𑌸𑍍𑌯 𑌵𑌾॒𑌘𑌤𑌃॑ ॥ 𑌤𑌮𑍁॑ 𑌤𑍍𑌵𑌾 𑌦॒𑌦𑍍𑌧𑍍𑌯𑌙𑍍𑌙𑍃𑌷𑌿𑌃॑ 𑌪𑍁॒𑌤𑍍𑌰 𑌈॑𑌧𑍇॒ [𑌪𑍁॒𑌤𑍍𑌰 𑌈॑𑌧𑍇, 𑌅𑌥॑𑌰𑍍𑌵𑌣𑌃 ।] 11

𑌅𑌥॑𑌰𑍍𑌵𑌣𑌃 । 𑌵𑍃॒𑌤𑍍𑌰॒𑌹𑌣॑-𑌮𑍍𑌪𑍁𑌰𑌨𑍍𑌦॒𑌰𑌮𑍍 ॥ 𑌤𑌮𑍁॑ 𑌤𑍍𑌵𑌾 𑌪𑌾॒𑌥𑍍𑌯𑍋 𑌵𑍃𑌷𑌾॒ 𑌸𑌮𑍀॑𑌧𑍇 𑌦𑌸𑍍𑌯𑍁॒𑌹𑌨𑍍𑌤॑𑌮𑌮𑍍 । 𑌧॒𑌨॒𑌞𑍍𑌜॒𑌯𑌗𑍍𑌂 𑌰𑌣𑍇॑𑌰𑌣𑍇 ॥ 𑌸𑍀𑌦॑ 𑌹𑍋𑌤॒-𑌸𑍍𑌸𑍍𑌵 𑌉॑ 𑌲𑍋॒𑌕𑍇 𑌚𑌿॑𑌕𑌿॒𑌤𑍍𑌵𑌾𑌨𑍍-𑌥𑍍𑌸𑌾॒𑌦𑌯𑌾॑ 𑌯॒𑌜𑍍𑌞𑌗𑍍𑌂 𑌸𑍁॑𑌕𑍃॒𑌤𑌸𑍍𑌯॒ 𑌯𑍋𑌨𑍗᳚ । 𑌦𑍇॒𑌵𑌾॒𑌵𑍀𑌰𑍍𑌦𑍇॒𑌵𑌾𑌨𑍍. 𑌹॒𑌵𑌿𑌷𑌾॑ 𑌯𑌜𑌾॒𑌸𑍍𑌯𑌗𑍍𑌨𑍇॑ 𑌬𑍃॒𑌹-𑌦𑍍𑌯𑌜॑𑌮𑌾𑌨𑍇॒ 𑌵𑌯𑍋॑ 𑌧𑌾𑌃 ॥ 𑌨𑌿 𑌹𑍋𑌤𑌾॑ 𑌹𑍋𑌤𑍃॒𑌷𑌦॑𑌨𑍇॒ 𑌵𑌿𑌦𑌾॑𑌨𑌸𑍍𑌤𑍍𑌵𑍇॒𑌷𑍋 𑌦𑍀॑𑌦𑌿॒𑌵𑌾𑌗𑍍𑌂 𑌅॑𑌸𑌦-𑌥𑍍𑌸𑍁॒𑌦𑌕𑍍𑌷𑌃॑ । 𑌅𑌦॑𑌬𑍍𑌧𑌵𑍍𑌰𑌤 𑌪𑍍𑌰𑌮𑌤𑌿॒𑌰𑍍𑌵𑌸𑌿॑𑌷𑍍𑌠-𑌸𑍍𑌸𑌹𑌸𑍍𑌰-𑌮𑍍𑌭॒𑌰-𑌶𑍍𑌶𑍁𑌚𑌿॑𑌜𑌿𑌹𑍍𑌵𑍋 𑌅॒𑌗𑍍𑌨𑌿𑌃 ॥ 𑌸𑌗𑍍𑌂 𑌸𑍀॑𑌦𑌸𑍍𑌵 𑌮॒𑌹𑌾𑌗𑍍𑌂 𑌅॑𑌸𑌿॒ 𑌶𑍋𑌚॑𑌸𑍍𑌵 [𑌶𑍋𑌚॑𑌸𑍍𑌵, 𑌦𑍇॒𑌵॒𑌵𑍀𑌤॑𑌮𑌃 ।] 12

𑌦𑍇𑌵॒𑌵𑍀𑌤॑𑌮𑌃 । 𑌵𑌿 𑌧𑍂॒𑌮𑌮॑𑌗𑍍𑌨𑍇 𑌅𑌰𑍁॒𑌷-𑌮𑍍𑌮𑌿॑𑌯𑍇𑌦𑍍𑌧𑍍𑌯 𑌸𑍃॒𑌜 𑌪𑍍𑌰॑𑌶𑌸𑍍𑌤 𑌦𑌰𑍍𑌶॒𑌤𑌮𑍍 ॥ 𑌜𑌨𑌿॑𑌷𑍍𑌵𑌾॒ 𑌹𑌿 𑌜𑍇𑌨𑍍𑌯𑍋॒ 𑌅𑌗𑍍𑌰𑍇॒ 𑌅𑌹𑍍𑌨𑌾𑌗𑍍𑌂॑ 𑌹𑌿॒𑌤𑍋 𑌹𑌿॒𑌤𑍇𑌷𑍍𑌵॑𑌰𑍁॒𑌷𑍋 𑌵𑌨𑍇॑𑌷𑍁 । 𑌦𑌮𑍇॑𑌦𑌮𑍇 𑌸॒𑌪𑍍𑌤 𑌰𑌤𑍍𑌨𑌾॒ 𑌦𑌧𑌾॑𑌨𑍋॒-𑌽𑌗𑍍𑌨𑌿𑌰𑍍𑌹𑍋𑌤𑌾॒ 𑌨𑌿 𑌷॑𑌸𑌾𑌦𑌾॒ 𑌯𑌜𑍀॑𑌯𑌾𑌨𑍍 ॥ 13 ॥

(𑌸𑍍𑌥॒ - 𑌈॒𑌧𑍇॒ - 𑌶𑍋𑌚॑𑌸𑍍𑌵 - 𑌸॒𑌪𑍍𑌤𑌵𑌿𑌗𑍍𑌂॑𑌶𑌤𑌿𑌶𑍍𑌚) - (𑌅. 3)

𑌸-𑌨𑍍𑌤𑍇॑ 𑌵𑌾॒𑌯𑍁𑌰𑍍𑌮𑌾॑𑌤॒𑌰𑌿𑌶𑍍𑌵𑌾॑ 𑌦𑌧𑌾𑌤𑍂𑌤𑍍𑌤𑌾॒𑌨𑌾𑌯𑍈॒ 𑌹𑍃𑌦॑𑌯𑌂॒-𑌯𑌁𑌦𑍍𑌵𑌿𑌲𑌿॑𑌷𑍍𑌟𑌮𑍍 । 𑌦𑍇॒𑌵𑌾𑌨𑌾𑌂॒-𑌯𑌁𑌶𑍍𑌚𑌰॑𑌤𑌿 𑌪𑍍𑌰𑌾॒𑌣𑌥𑍇॑𑌨॒ 𑌤𑌸𑍍𑌮𑍈॑ 𑌚 𑌦𑍇𑌵𑌿॒ 𑌵𑌷॑𑌡𑌸𑍍𑌤𑍁॒ 𑌤𑍁𑌭𑍍𑌯᳚𑌮𑍍 ॥ 𑌸𑍁𑌜𑌾॑𑌤𑍋॒ 𑌜𑍍𑌯𑍋𑌤𑌿॑𑌷𑌾 𑌸॒𑌹 𑌶𑌰𑍍𑌮॒ 𑌵𑌰𑍂॑𑌥॒𑌮𑌾-𑌽𑌸॑𑌦॒-𑌸𑍍𑌸𑍁𑌵𑌃॑ । 𑌵𑌾𑌸𑍋॑ 𑌅𑌗𑍍𑌨𑍇 𑌵𑌿॒𑌶𑍍𑌵𑌰𑍂॑𑌪॒𑌗𑍍𑌂॒ 𑌸𑌂𑌵𑍍𑌯𑌁॑𑌯𑌸𑍍𑌵 𑌵𑌿𑌭𑌾𑌵𑌸𑍋 ॥ 𑌉𑌦𑍁॑ 𑌤𑌿𑌷𑍍𑌠 𑌸𑍍𑌵𑌦𑍍𑌧𑍍𑌵॒𑌰𑌾𑌵𑌾॑ 𑌨𑍋 𑌦𑍇॒𑌵𑍍𑌯𑌾 𑌕𑍃॒𑌪𑌾 । 𑌦𑍃॒𑌶𑍇 𑌚॑ 𑌭𑌾॒𑌸𑌾 𑌬𑍃॑𑌹॒𑌤𑌾 𑌸𑍁॑𑌶𑍁॒𑌕𑍍𑌵𑌨𑌿॒𑌰𑌾-𑌽𑌗𑍍𑌨𑍇॑ 𑌯𑌾𑌹𑌿 𑌸𑍁𑌶॒𑌸𑍍𑌤𑌿𑌭𑌿𑌃॑ ॥ 14 ॥

𑌊॒𑌰𑍍𑌧𑍍𑌵 𑌊॒ 𑌷𑍁 𑌣॑ 𑌊॒𑌤𑌯𑍇॒ 𑌤𑌿𑌷𑍍𑌠𑌾॑ 𑌦𑍇॒𑌵𑍋 𑌨 𑌸॑𑌵𑌿॒𑌤𑌾 । 𑌊॒𑌰𑍍𑌧𑍍𑌵𑍋 𑌵𑌾𑌜॑𑌸𑍍𑌯॒ 𑌸𑌨𑌿॑𑌤𑌾॒ 𑌯𑌦॒𑌞𑍍𑌜𑌿𑌭𑌿॑-𑌰𑍍𑌵𑌾॒𑌘𑌦𑍍𑌭𑌿॑-𑌰𑍍𑌵𑌿॒𑌹𑍍𑌵𑌯𑌾॑𑌮𑌹𑍇 ॥ 𑌸 𑌜𑌾॒𑌤𑍋 𑌗𑌰𑍍𑌭𑍋॑ 𑌅𑌸𑌿॒ 𑌰𑍋𑌦॑𑌸𑍍𑌯𑍋॒𑌰𑌗𑍍𑌨𑍇॒ 𑌚𑌾𑌰𑍁॒𑌰𑍍𑌵𑌿𑌭𑍃॑𑌤॒ 𑌓𑌷॑𑌧𑍀𑌷𑍁 । 𑌚𑌿॒𑌤𑍍𑌰-𑌶𑍍𑌶𑌿𑌶𑍁𑌃॒ 𑌪𑌰𑌿॒ 𑌤𑌮𑌾𑌗𑍍॑𑌸𑍍𑌯॒𑌕𑍍𑌤𑌃 𑌪𑍍𑌰 𑌮𑌾॒𑌤𑍃𑌭𑍍𑌯𑍋॒ 𑌅𑌧𑌿॒ 𑌕𑌨𑌿॑𑌕𑍍𑌰𑌦𑌦𑍍𑌗𑌾𑌃 ॥ 𑌸𑍍𑌥𑌿॒𑌰𑍋 𑌭॑𑌵 𑌵𑍀॒𑌡𑍍𑌵॑𑌙𑍍𑌗 𑌆॒𑌶𑍁𑌰𑍍𑌭॑𑌵 𑌵𑌾॒𑌜𑍍𑌯॑𑌰𑍍𑌵𑌨𑍍𑌨𑍍 । 𑌪𑍃॒𑌥𑍁𑌰𑍍𑌭॑𑌵 𑌸𑍁॒𑌷𑌦॒𑌸𑍍𑌤𑍍𑌵𑌮॒𑌗𑍍𑌨𑍇𑌃 𑌪𑍁॑𑌰𑍀𑌷॒𑌵𑌾𑌹॑𑌨𑌃 ॥ 𑌶𑌿॒𑌵𑍋 𑌭॑𑌵 [ ] 15

𑌪𑍍𑌰॒𑌜𑌾𑌭𑍍𑌯𑍋॒ 𑌮𑌾𑌨𑍁॑𑌷𑍀𑌭𑍍𑌯॒𑌸𑍍𑌤𑍍𑌵𑌮॑𑌙𑍍𑌗𑌿𑌰𑌃 । 𑌮𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌭𑌿 𑌶𑍂॑𑌶𑍁𑌚𑍋॒ 𑌮𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌾 𑌵𑌨॒𑌸𑍍𑌪𑌤𑍀𑌨𑍍॑ ॥ 𑌪𑍍𑌰𑍈𑌤𑍁॑ 𑌵𑌾॒𑌜𑍀 𑌕𑌨𑌿॑𑌕𑍍𑌰𑌦॒-𑌨𑍍𑌨𑌾𑌨॑𑌦॒-𑌦𑍍𑌰𑌾𑌸॑𑌭𑌃॒ 𑌪𑌤𑍍𑌵𑌾᳚ । 𑌭𑌰॑𑌨𑍍𑌨॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑍍𑌮𑌾 𑌪𑌾॒𑌦𑍍𑌯𑌾𑌯𑍁॑𑌷𑌃 𑌪𑍁॒𑌰𑌾 ॥ 𑌰𑌾𑌸॑𑌭𑍋 𑌵𑌾॒-𑌙𑍍𑌕𑌨𑌿॑𑌕𑍍𑌰𑌦॒-𑌥𑍍𑌸𑍁𑌯𑍁॑𑌕𑍍𑌤𑍋 𑌵𑍃𑌷𑌣𑌾॒ 𑌰𑌥𑍇᳚ । 𑌸 𑌵𑌾॑𑌮॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑𑌮𑌾॒𑌶𑍁𑌰𑍍𑌦𑍂॒𑌤𑍋 𑌵॑𑌹𑌾𑌦𑌿॒𑌤𑌃 ॥ 𑌵𑍃𑌷𑌾॒-𑌽𑌗𑍍𑌨𑌿𑌂-𑌵𑍃𑌁𑌷॑𑌣॒-𑌮𑍍𑌭𑌰॑𑌨𑍍𑌨॒𑌪𑌾-𑌙𑍍𑌗𑌰𑍍𑌭𑌗𑍍𑌂॑ 𑌸𑌮𑍁॒𑌦𑍍𑌰𑌿𑌯᳚𑌮𑍍 । 𑌅𑌗𑍍𑌨॒ 𑌆 𑌯𑌾॑𑌹𑌿 [ ] 16

𑌵𑍀॒𑌤𑌯॑ 𑌋॒𑌤𑌗𑍍𑌂 𑌸॒𑌤𑍍𑌯𑌮𑍍 ॥ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑍀𑌤𑌾॒-𑌽𑌗𑍍𑌨𑌿𑌮𑍇॒𑌤𑌗𑍍𑌂 𑌶𑌿॒𑌵𑌮𑌾॒𑌯𑌨𑍍𑌤॑𑌮॒𑌭𑍍𑌯𑌤𑍍𑌰॑ 𑌯𑍁॒𑌷𑍍𑌮𑌾𑌨𑍍 । 𑌵𑍍𑌯𑌸𑍍𑌯॒𑌨𑍍 𑌵𑌿𑌶𑍍𑌵𑌾॒ 𑌅𑌮॑𑌤𑍀॒𑌰𑌰𑌾॑𑌤𑍀-𑌰𑍍𑌨𑌿॒𑌷𑍀𑌦॑𑌨𑍍𑌨𑍋॒ 𑌅𑌪॑ 𑌦𑍁𑌰𑍍𑌮॒𑌤𑌿𑌗𑍍𑌂 𑌹॑𑌨𑌤𑍍 ॥ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑ 𑌮𑍋𑌦𑌦𑍍𑌧𑍍𑌵𑌮𑍇𑌨॒-𑌮𑍍𑌪𑍁𑌷𑍍𑌪𑌾॑𑌵𑌤𑍀-𑌸𑍍𑌸𑍁𑌪𑌿𑌪𑍍𑌪॒𑌲𑌾𑌃 । 𑌅॒𑌯𑌂-𑌵𑍋𑌁॒ 𑌗𑌰𑍍𑌭॑ 𑌋॒𑌤𑍍𑌵𑌿𑌯𑌃॑ 𑌪𑍍𑌰॒𑌤𑍍𑌨𑌗𑍍𑌂 𑌸॒𑌧𑌸𑍍𑌥॒𑌮𑌾 𑌽𑌸॑𑌦𑌤𑍍 ॥ 17 ॥

(𑌸𑍁॒𑌶॒𑌸𑍍𑌤𑌿𑌭𑌿𑌃॑ - 𑌶𑌿॒𑌵𑍋 𑌭॑𑌵 - 𑌯𑌾𑌹𑌿॒ - 𑌷𑌟𑍍𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 4)

𑌵𑌿 𑌪𑌾𑌜॑𑌸𑌾 𑌪𑍃॒𑌥𑍁𑌨𑌾॒ 𑌶𑍋𑌶𑍁॑𑌚𑌾𑌨𑍋॒ 𑌬𑌾𑌧॑𑌸𑍍𑌵 𑌦𑍍𑌵𑌿॒𑌷𑍋 𑌰॒𑌕𑍍𑌷𑌸𑍋॒ 𑌅𑌮𑍀॑𑌵𑌾𑌃 । 𑌸𑍁॒𑌶𑌰𑍍𑌮॑𑌣𑍋 𑌬𑍃𑌹॒𑌤-𑌶𑍍𑌶𑌰𑍍𑌮॑𑌣𑌿 𑌸𑍍𑌯𑌾𑌮॒𑌗𑍍𑌨𑍇𑌰॒𑌹𑌗𑍍𑌂 𑌸𑍁॒𑌹𑌵॑𑌸𑍍𑌯॒ 𑌪𑍍𑌰𑌣𑍀॑𑌤𑍗 ॥ 𑌆𑌪𑍋॒ 𑌹𑌿 𑌷𑍍𑌠𑌾 𑌮॑𑌯𑍋॒𑌭𑍁𑌵॒𑌸𑍍𑌤𑌾 𑌨॑ 𑌊॒𑌰𑍍𑌜𑍇 𑌦॑𑌧𑌾𑌤𑌨 । 𑌮॒𑌹𑍇 𑌰𑌣𑌾॑𑌯॒ 𑌚𑌕𑍍𑌷॑𑌸𑍇 ॥ 𑌯𑍋 𑌵𑌃॑ 𑌶𑌿॒𑌵𑌤॑𑌮𑍋॒ 𑌰𑌸॒𑌸𑍍𑌤𑌸𑍍𑌯॑ 𑌭𑌾𑌜𑌯𑌤𑍇॒𑌹 𑌨𑌃॑ । 𑌉॒𑌶॒𑌤𑍀𑌰𑌿॑𑌵 𑌮𑌾॒𑌤𑌰𑌃॑ ॥ 𑌤𑌸𑍍𑌮𑌾॒ 𑌅𑌰॑-𑌙𑍍𑌗𑌮𑌾𑌮 𑌵𑍋॒ 𑌯𑌸𑍍𑌯॒ 𑌕𑍍𑌷𑌯𑌾॑𑌯॒ 𑌜𑌿𑌨𑍍𑌵॑𑌥 । 𑌆𑌪𑍋॑ 𑌜॒𑌨𑌯॑𑌥𑌾 𑌚 𑌨𑌃 ॥ 𑌮𑌿॒𑌤𑍍𑌰- [𑌮𑌿॒𑌤𑍍𑌰𑌃, 𑌸॒𑌗𑍍𑌂॒𑌸𑍃𑌜𑍍𑌯॑] 18

-𑌸𑍍𑌸॒𑌗𑍍𑌂॒𑌸𑍃𑌜𑍍𑌯॑ 𑌪𑍃𑌥𑌿॒𑌵𑍀-𑌮𑍍𑌭𑍂𑌮𑌿॑-𑌞𑍍𑌚॒ 𑌜𑍍𑌯𑍋𑌤𑌿॑𑌷𑌾 𑌸॒𑌹 । 𑌸𑍁𑌜𑌾॑𑌤-𑌞𑍍𑌜𑌾॒𑌤𑌵𑍇॑𑌦𑌸𑌮॒𑌗𑍍𑌨𑌿𑌂-𑌵𑍈𑌁᳚𑌶𑍍𑌵𑌾𑌨॒𑌰𑌂-𑌵𑌿𑌁॒𑌭𑍁𑌮𑍍 ॥ 𑌅॒𑌯॒𑌕𑍍𑌷𑍍𑌮𑌾𑌯॑ 𑌤𑍍𑌵𑌾॒ 𑌸𑌗𑍍𑌂 𑌸𑍃॑𑌜𑌾𑌮𑌿 𑌪𑍍𑌰॒𑌜𑌾𑌭𑍍𑌯𑌃॑ । 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾-𑌸𑍍𑌸𑌗𑍍𑌂 𑌸𑍃॑𑌜॒𑌨𑍍𑌤𑍍𑌵𑌾-𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 𑌰𑍁॒𑌦𑍍𑌰𑌾-𑌸𑍍𑌸॒𑌭𑍃𑌨𑍍𑌤𑍍𑌯॑ 𑌪𑍃𑌥𑌿॒𑌵𑍀-𑌮𑍍𑌬𑍃॒𑌹𑌜𑍍𑌜𑍍𑌯𑍋𑌤𑌿॒-𑌸𑍍𑌸𑌮𑍀॑𑌧𑌿𑌰𑍇 । 𑌤𑍇𑌷𑌾᳚-𑌮𑍍𑌭𑌾॒𑌨𑍁𑌰𑌜॑𑌸𑍍𑌰॒ 𑌇𑌚𑍍𑌛𑍁॒𑌕𑍍𑌰𑍋 𑌦𑍇॒𑌵𑍇𑌷𑍁॑ 𑌰𑍋𑌚𑌤𑍇 ॥ 𑌸𑌗𑍍𑌂 𑌸𑍃॑𑌷𑍍𑌟𑌾𑌂॒-𑌵𑌁𑌸𑍁॑𑌭𑍀 𑌰𑍁॒𑌦𑍍𑌰𑍈𑌰𑍍𑌧𑍀𑌰𑍈𑌃᳚ 𑌕𑌰𑍍𑌮॒𑌣𑍍𑌯𑌾᳚-𑌮𑍍𑌮𑍃𑌦᳚𑌮𑍍 । 𑌹𑌸𑍍𑌤𑌾᳚𑌭𑍍𑌯𑌾-𑌮𑍍𑌮𑍃॒𑌦𑍍𑌵𑍀-𑌙𑍍𑌕𑍃॒𑌤𑍍𑌵𑌾 𑌸𑌿॑𑌨𑍀𑌵𑌾॒𑌲𑍀 𑌕॑𑌰𑍋𑌤𑍁॒ [𑌸𑌿॑𑌨𑍀𑌵𑌾॒𑌲𑍀 𑌕॑𑌰𑍋𑌤𑍁, 𑌤𑌾𑌮𑍍 ।] 19

𑌤𑌾𑌮𑍍 ॥ 𑌸𑌿॒𑌨𑍀॒𑌵𑌾॒𑌲𑍀 𑌸𑍁॑𑌕𑌪॒𑌰𑍍𑌦𑌾 𑌸𑍁॑𑌕𑍁𑌰𑍀॒𑌰𑌾 𑌸𑍍𑌵𑍗॑𑌪॒𑌶𑌾 । 𑌸𑌾 𑌤𑍁𑌭𑍍𑌯॑𑌮𑌦𑌿𑌤𑍇 𑌮𑌹॒ 𑌓𑌖𑌾-𑌨𑍍𑌦॑𑌧𑌾𑌤𑍁॒ 𑌹𑌸𑍍𑌤॑𑌯𑍋𑌃 ॥ 𑌉॒𑌖𑌾-𑌙𑍍𑌕॑𑌰𑍋𑌤𑍁॒ 𑌶𑌕𑍍𑌤𑍍𑌯𑌾॑ 𑌬𑌾॒𑌹𑍁𑌭𑍍𑌯𑌾॒-𑌮𑌦𑌿॑𑌤𑌿𑌰𑍍𑌧𑌿॒𑌯𑌾 । 𑌮𑌾॒𑌤𑌾 𑌪𑍁॒𑌤𑍍𑌰𑌂-𑌯𑌁𑌥𑍋॒𑌪𑌸𑍍𑌥𑍇॒ 𑌸𑌾-𑌽𑌗𑍍𑌨𑌿-𑌮𑍍𑌬𑌿॑𑌭𑌰𑍍𑌤𑍁॒ 𑌗𑌰𑍍𑌭॒ 𑌆 ॥ 𑌮॒𑌖𑌸𑍍𑌯॒ 𑌶𑌿𑌰𑍋॑-𑌽𑌸𑌿 𑌯॒𑌜𑍍𑌞𑌸𑍍𑌯॑ 𑌪॒𑌦𑍇 𑌸𑍍𑌥𑌃॑ । 𑌵𑌸॑𑌵𑌸𑍍𑌤𑍍𑌵𑌾 𑌕𑍃𑌣𑍍𑌵𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾 𑌽𑌙𑍍𑌗𑌿𑌰॒𑌸𑍍𑌵-𑌤𑍍𑌪𑍃॑𑌥𑌿॒𑌵𑍍𑌯॑𑌸𑌿 𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾॑ 𑌕𑍃𑌣𑍍𑌵𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾 𑌽𑌙𑍍𑌗𑌿𑌰॒𑌸𑍍𑌵𑌦॒𑌨𑍍𑌤𑌰𑌿॑𑌕𑍍𑌷𑌮- [-𑌽𑌙𑍍𑌗𑌿𑌰॒𑌸𑍍𑌵𑌦॒𑌨𑍍𑌤𑌰𑌿॑𑌕𑍍𑌷𑌮𑌸𑌿, 𑌆॒𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॑] 20

-𑌸𑍍𑌯𑌾𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॑ 𑌕𑍃𑌣𑍍𑌵𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌦𑍍𑌯𑍗𑌰॑𑌸𑌿॒ 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾𑌃 𑌕𑍃॑𑌣𑍍𑌵॒𑌨𑍍𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌦𑌿𑌶𑍋॑-𑌽𑌸𑌿 𑌧𑍍𑌰𑍁॒𑌵𑌾-𑌽𑌸𑌿॑ 𑌧𑌾॒𑌰𑌯𑌾॒ 𑌮𑌯𑌿॑ 𑌪𑍍𑌰॒𑌜𑌾𑌗𑍍𑌂 𑌰𑌾॒𑌯𑌸𑍍𑌪𑍋𑌷॑-𑌙𑍍𑌗𑍗𑌪॒𑌤𑍍𑌯𑌗𑍍𑌂 𑌸𑍁॒𑌵𑍀𑌰𑍍𑌯𑌗𑍍𑌂॑ 𑌸𑌜𑌾॒𑌤𑌾𑌨𑍍. 𑌯𑌜॑𑌮𑌾𑌨𑌾॒𑌯𑌾-𑌽𑌦𑌿॑𑌤𑍍𑌯𑍈॒ 𑌰𑌾𑌸𑍍𑌨𑌾॒-𑌽𑌸𑍍𑌯 𑌦𑌿॑𑌤𑌿𑌸𑍍𑌤𑍇॒ 𑌬𑌿𑌲॑-𑌙𑍍𑌗𑍃𑌹𑍍𑌣𑌾𑌤𑍁॒ 𑌪𑌾𑌙𑍍𑌕𑍍𑌤𑍇॑𑌨॒ 𑌛𑌨𑍍𑌦॑𑌸𑌾 𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 𑌕𑍃॒𑌤𑍍𑌵𑌾𑌯॒ 𑌸𑌾 𑌮॒𑌹𑍀𑌮𑍁॒𑌖𑌾-𑌮𑍍𑌮𑍃॒𑌨𑍍𑌮𑌯𑍀𑌂॒-𑌯𑍋𑌁𑌨𑌿॑𑌮॒𑌗𑍍𑌨𑌯𑍇᳚ । 𑌤𑌾-𑌮𑍍𑌪𑍁॒𑌤𑍍𑌰𑍇𑌭𑍍𑌯॒-𑌸𑍍𑌸-𑌮𑍍𑌪𑍍𑌰𑌾 𑌯॑𑌚𑍍𑌛॒𑌦𑌦𑌿॑𑌤𑌿-𑌶𑍍𑌶𑍍𑌰॒𑌪𑌯𑌾॒𑌨𑌿𑌤𑌿॑ ॥ 21 ॥

(𑌮𑌿॒𑌤𑍍𑌰𑌃 - 𑌕॑𑌰𑍋 - 𑌤𑍍𑌵॒𑌨𑍍𑌤𑌰𑌿॑𑌕𑍍𑌷𑌮𑌸𑌿॒ - 𑌪𑍍𑌰 - 𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌵𑌸॑𑌵𑌸𑍍𑌤𑍍𑌵𑌾 𑌧𑍂𑌪𑌯𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾॑ 𑌧𑍂𑌪𑌯𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑌾॑𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾॑ 𑌧𑍂𑌪𑌯𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵𑌦𑍍- 𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾 𑌧𑍂॑𑌪𑌯॒𑌨𑍍𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑌿𑌨𑍍𑌦𑍍𑌰॑𑌸𑍍𑌤𑍍𑌵𑌾 𑌧𑍂𑌪𑌯𑌤𑍍𑌵𑌙𑍍𑌗𑌿𑌰॒𑌸𑍍𑌵--𑌦𑍍𑌵𑌿𑌷𑍍𑌣𑍁॑𑌸𑍍𑌤𑍍𑌵𑌾 𑌧𑍂𑌪𑌯𑌤𑍍𑌵𑌙𑍍𑌗𑌿𑌰॒𑌸𑍍𑌵-𑌦𑍍𑌵𑌰𑍁॑𑌣𑌸𑍍𑌤𑍍𑌵𑌾 𑌧𑍂𑌪𑌯𑌤𑍍𑌵𑌙𑍍𑌗𑌿𑌰॒𑌸𑍍𑌵-𑌦𑌦𑌿॑𑌤𑌿𑌸𑍍𑌤𑍍𑌵𑌾 𑌦𑍇॒𑌵𑍀 𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌤𑍍𑌖॑𑌨𑌤𑍍𑌵𑌵𑌟 𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾॒ 𑌪𑌤𑍍𑌨𑍀᳚- [𑌪𑌤𑍍𑌨𑍀𑌃᳚, 𑌦𑍇॒𑌵𑍀-𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃] 22

-𑌰𑍍𑌦𑍇॒𑌵𑍀-𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌦॑𑌧𑌤𑍂𑌖𑍇 𑌧𑌿॒𑌷𑌣𑌾᳚𑌸𑍍𑌤𑍍𑌵𑌾 𑌦𑍇॒𑌵𑍀𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌦॒𑌭𑍀𑌨𑍍𑌧॑𑌤𑌾𑌮𑍁𑌖𑍇॒ 𑌗𑍍𑌨𑌾𑌸𑍍𑌤𑍍𑌵𑌾॑ 𑌦𑍇॒𑌵𑍀𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌚𑍍𑌛𑍍𑌰॑𑌪𑌯𑌨𑍍𑌤𑍂𑌖𑍇॒ 𑌵𑌰𑍂᳚𑌤𑍍𑌰𑌯𑍋॒ 𑌜𑌨॑𑌯𑌸𑍍𑌤𑍍𑌵𑌾 𑌦𑍇॒𑌵𑍀𑌰𑍍𑌵𑌿॒𑌶𑍍𑌵𑌦𑍇᳚𑌵𑍍𑌯𑌾𑌵𑌤𑍀𑌃 𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑍇᳚-𑌽𑌙𑍍𑌗𑌿𑌰॒𑌸𑍍𑌵-𑌤𑍍𑌪॑𑌚𑌨𑍍𑌤𑍂𑌖𑍇 । 𑌮𑌿𑌤𑍍𑌰𑍈॒𑌤𑌾𑌮𑍁॒𑌖𑌾-𑌮𑍍𑌪॑𑌚𑍈॒𑌷𑌾 𑌮𑌾 𑌭𑍇॑𑌦𑌿 । 𑌏॒𑌤𑌾-𑌨𑍍𑌤𑍇॒ 𑌪𑌰𑌿॑ 𑌦𑌦𑌾॒𑌮𑍍𑌯𑌭𑌿॑𑌤𑍍𑌤𑍍𑌯𑍈 ॥ 𑌅॒𑌭𑍀𑌮𑌾- [𑌅॒𑌭𑍀𑌮𑌾𑌮𑍍, 𑌮॒𑌹𑌿॒𑌨𑌾 𑌦𑌿𑌵॑-𑌮𑍍𑌮𑌿॒𑌤𑍍𑌰𑍋] 23

-𑌮𑍍𑌮॑𑌹𑌿॒𑌨𑌾 𑌦𑌿𑌵॑-𑌮𑍍𑌮𑌿॒𑌤𑍍𑌰𑍋 𑌬॑𑌭𑍂𑌵 𑌸॒𑌪𑍍𑌰𑌥𑌾𑌃᳚ । 𑌉॒𑌤 𑌶𑍍𑌰𑌵॑𑌸𑌾 𑌪𑍃𑌥𑌿॒𑌵𑍀𑌮𑍍 ॥ 𑌮𑌿॒𑌤𑍍𑌰𑌸𑍍𑌯॑ 𑌚𑌰𑍍𑌷𑌣𑍀॒𑌧𑍃𑌤॒-𑌶𑍍𑌶𑍍𑌰𑌵𑍋॑ 𑌦𑍇॒𑌵𑌸𑍍𑌯॑ 𑌸𑌾𑌨॒𑌸𑌿𑌮𑍍 । 𑌦𑍍𑌯𑍁॒𑌮𑍍𑌨-𑌞𑍍𑌚𑌿॒𑌤𑍍𑌰𑌶𑍍𑌰॑𑌵𑌸𑍍𑌤𑌮𑌮𑍍 ॥ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋𑌦𑍍𑌵॑𑌪𑌤𑍁 𑌸𑍁𑌪𑌾॒𑌣𑌿-𑌸𑍍𑌸𑍍𑌵॑𑌙𑍍𑌗𑍁॒𑌰𑌿𑌃 । 𑌸𑍁॒𑌬𑌾॒𑌹𑍁𑌰𑍁॒𑌤 𑌶𑌕𑍍𑌤𑍍𑌯𑌾᳚ ॥ 𑌅𑌪॑𑌦𑍍𑌯𑌮𑌾𑌨𑌾 𑌪𑍃𑌥𑌿॒𑌵𑍍𑌯𑌾𑌶𑌾॒ 𑌦𑌿𑌶॒ 𑌆 𑌪𑍃॑𑌣 । 𑌉𑌤𑍍𑌤𑌿॑𑌷𑍍𑌠 𑌬𑍃𑌹॒𑌤𑍀 𑌭॑𑌵𑍋॒𑌰𑍍𑌧𑍍𑌵𑌾 𑌤𑌿॑𑌷𑍍𑌠 𑌧𑍍𑌰𑍁॒𑌵𑌾 𑌤𑍍𑌵𑌮𑍍 ॥ 𑌵𑌸॑𑌵॒𑌸𑍍𑌤𑍍𑌵𑌾 𑌽𑌽𑌚𑍍𑌛𑍃॑𑌨𑍍𑌦𑌨𑍍𑌤𑍁 𑌗𑌾𑌯॒𑌤𑍍𑌰𑍇𑌣॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾-𑌽𑌽 𑌚𑍍𑌛𑍃॑𑌨𑍍𑌦𑌨𑍍𑌤𑍁॒ 𑌤𑍍𑌰𑍈𑌷𑍍𑌟𑍁॑𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑌾॑𑌦𑌿॒𑌤𑍍𑌯𑌾𑌸𑍍𑌤𑍍𑌵𑌾 𑌽𑌽𑌚𑍍𑌛𑍃॑𑌨𑍍𑌦𑌨𑍍𑌤𑍁॒ 𑌜𑌾𑌗॑𑌤𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵-𑌦𑍍𑌵𑌿𑌶𑍍𑌵𑍇᳚ 𑌤𑍍𑌵𑌾 𑌦𑍇॒𑌵𑌾 𑌵𑍈᳚𑌶𑍍𑌵𑌾𑌨॒𑌰𑌾 𑌆 𑌚𑍍𑌛𑍃॑𑌨𑍍𑌦॒𑌨𑍍𑌤𑍍𑌵𑌾𑌨𑍁॑𑌷𑍍𑌟𑍁𑌭𑍇𑌨॒ 𑌛𑌨𑍍𑌦॑𑌸𑌾-𑌽𑌙𑍍𑌗𑌿𑌰॒𑌸𑍍𑌵𑌤𑍍 ॥ 24 ॥

(𑌪𑌤𑍍𑌨𑍀॑ - 𑌰𑌿॒𑌮𑌾𑌗𑍍𑌂 - 𑌰𑍁॒𑌦𑍍𑌰𑌾𑌸𑍍𑌤𑍍𑌵𑌾-𑌽𑌽 𑌚𑍍𑌛𑍃॑𑌨𑍍𑌦॒𑌨𑍍𑌤𑍍𑌵𑍇 - 𑌕𑌾॒𑌨𑍍𑌨 𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 6)

𑌸𑌮𑌾᳚𑌸𑍍𑌤𑍍𑌵𑌾-𑌽𑌗𑍍𑌨 𑌋॒𑌤𑌵𑍋॑ 𑌵𑌰𑍍𑌧𑌯𑌨𑍍𑌤𑍁 𑌸𑌂𑌵𑌁𑌥𑍍𑌸॒𑌰𑌾 𑌋𑌷॑𑌯𑍋॒ 𑌯𑌾𑌨𑌿॑ 𑌸॒𑌤𑍍𑌯𑌾 । 𑌸-𑌨𑍍𑌦𑌿॒𑌵𑍍𑌯𑍇𑌨॑ 𑌦𑍀𑌦𑌿𑌹𑌿 𑌰𑍋𑌚॒𑌨𑍇𑌨॒ 𑌵𑌿𑌶𑍍𑌵𑌾॒ 𑌆 𑌭𑌾॑𑌹𑌿 𑌪𑍍𑌰॒𑌦𑌿𑌶𑌃॑ 𑌪𑍃𑌥𑌿॒𑌵𑍍𑌯𑌾𑌃 ॥ 𑌸-𑌞𑍍𑌚𑍇॒𑌦𑍍𑌧𑍍𑌯𑌸𑍍𑌵𑌾᳚-𑌽𑌗𑍍𑌨𑍇॒ 𑌪𑍍𑌰 𑌚॑ 𑌬𑍋𑌧𑌯𑍈𑌨॒𑌮𑍁𑌚𑍍𑌚॑ 𑌤𑌿𑌷𑍍𑌠 𑌮𑌹॒𑌤𑍇 𑌸𑍗𑌭॑𑌗𑌾𑌯 । 𑌮𑌾 𑌚॑ 𑌰𑌿𑌷𑌦𑍁𑌪𑌸॒𑌤𑍍𑌤𑌾 𑌤𑍇॑ 𑌅𑌗𑍍𑌨𑍇 𑌬𑍍𑌰॒𑌹𑍍𑌮𑌾𑌣॑𑌸𑍍𑌤𑍇 𑌯॒𑌶𑌸𑌃॑ 𑌸𑌨𑍍𑌤𑍁॒ 𑌮𑌾-𑌽𑌨𑍍𑌯𑍇 ॥ 𑌤𑍍𑌵𑌾𑌮॑𑌗𑍍𑌨𑍇 𑌵𑍃𑌣𑌤𑍇 𑌬𑍍𑌰𑌾𑌹𑍍𑌮॒𑌣𑌾 𑌇॒𑌮𑍇 𑌶𑌿॒𑌵𑍋 𑌅॑𑌗𑍍𑌨𑍇 [ ] 25

𑌸𑌂॒-𑌵𑌁𑌰॑𑌣𑍇 𑌭𑌵𑌾 𑌨𑌃 । 𑌸॒𑌪॒𑌤𑍍𑌨॒𑌹𑌾 𑌨𑍋॑ 𑌅𑌭𑌿𑌮𑌾𑌤𑌿॒𑌜𑌿𑌚𑍍𑌚॒ 𑌸𑍍𑌵𑍇 𑌗𑌯𑍇॑ 𑌜𑌾𑌗𑍃॒𑌹𑍍𑌯 𑌪𑍍𑌰॑𑌯𑍁𑌚𑍍𑌛𑌨𑍍𑌨𑍍 ॥ 𑌇॒𑌹𑍈𑌵𑌾𑌗𑍍𑌨𑍇॒ 𑌅𑌧𑌿॑ 𑌧𑌾𑌰𑌯𑌾 𑌰॒𑌯𑌿-𑌮𑍍𑌮𑌾 𑌤𑍍𑌵𑌾॒ 𑌨𑌿𑌕𑍍𑌰॑-𑌨𑍍𑌪𑍂𑌰𑍍𑌵॒𑌚𑌿𑌤𑍋॑ 𑌨𑌿𑌕𑌾॒𑌰𑌿𑌣𑌃॑ । 𑌕𑍍𑌷॒𑌤𑍍𑌰𑌮॑𑌗𑍍𑌨𑍇 𑌸𑍁॒𑌯𑌮॑𑌮𑌸𑍍𑌤𑍁॒ 𑌤𑍁𑌭𑍍𑌯॑𑌮𑍁𑌪𑌸॒𑌤𑍍𑌤𑌾 𑌵॑𑌰𑍍𑌧𑌤𑌾-𑌨𑍍𑌤𑍇॒ 𑌅𑌨𑌿॑𑌷𑍍𑌟𑍃𑌤𑌃 ॥ 𑌕𑍍𑌷॒𑌤𑍍𑌰𑍇𑌣𑌾᳚-𑌽𑌗𑍍𑌨𑍇॒ 𑌸𑍍𑌵𑌾𑌯𑍁॒-𑌸𑍍𑌸𑌗𑍍𑌂 𑌰॑𑌭𑌸𑍍𑌵 𑌮𑌿॒𑌤𑍍𑌰𑍇𑌣𑌾᳚-𑌽𑌗𑍍𑌨𑍇 𑌮𑌿𑌤𑍍𑌰॒𑌧𑍇𑌯𑍇॑ 𑌯𑌤𑌸𑍍𑌵 । 𑌸॒𑌜𑌾॒𑌤𑌾𑌨𑌾᳚-𑌮𑍍𑌮𑌦𑍍𑌧𑍍𑌯𑌮॒𑌸𑍍𑌥𑌾 𑌏॑𑌧𑌿॒ 𑌰𑌾𑌜𑍍𑌞𑌾॑𑌮𑌗𑍍𑌨𑍇 𑌵𑌿𑌹॒𑌵𑍍𑌯𑍋॑ 𑌦𑍀𑌦𑌿𑌹𑍀॒𑌹 ॥ 𑌅𑌤𑌿॒ [𑌅𑌤𑌿॑, 𑌨𑌿𑌹𑍋॒ 𑌅𑌤𑌿॒ 𑌸𑍍𑌰𑌿𑌧𑍋] 26

𑌨𑌿𑌹𑍋॒ 𑌅𑌤𑌿॒ 𑌸𑍍𑌰𑌿𑌧𑍋 𑌽𑌤𑍍𑌯𑌚𑌿॑𑌤𑍍𑌤𑌿॒-𑌮𑌤𑍍𑌯𑌰𑌾॑𑌤𑌿𑌮𑌗𑍍𑌨𑍇 । 𑌵𑌿𑌶𑍍𑌵𑌾॒ 𑌹𑍍𑌯॑𑌗𑍍𑌨𑍇 𑌦𑍁𑌰𑌿॒𑌤𑌾 𑌸𑌹॒𑌸𑍍𑌵𑌾𑌥𑌾॒𑌸𑍍𑌮𑌭𑍍𑌯𑌗𑍍𑌂॑ 𑌸॒𑌹𑌵𑍀॑𑌰𑌾𑌗𑍍𑌂 𑌰॒𑌯𑌿𑌨𑍍𑌦𑌾𑌃᳚ ॥ 𑌅॒𑌨𑌾॒𑌧𑍃॒𑌷𑍍𑌯𑍋 𑌜𑌾॒𑌤𑌵॑𑌦𑌾॒ 𑌅𑌨𑌿॑𑌷𑍍𑌟𑍃𑌤𑍋 𑌵𑌿॒𑌰𑌾𑌡॑𑌗𑍍𑌨𑍇 𑌕𑍍𑌷𑌤𑍍𑌰॒𑌭𑍃-𑌦𑍍𑌦𑍀॑𑌦𑌿𑌹𑍀॒𑌹 । 𑌵𑌿𑌶𑍍𑌵𑌾॒ 𑌆𑌶𑌾𑌃᳚ 𑌪𑍍𑌰𑌮𑍁॒𑌞𑍍𑌚-𑌨𑍍𑌮𑌾𑌨𑍁॑𑌷𑍀𑌰𑍍𑌭𑌿॒𑌯-𑌶𑍍𑌶𑌿॒𑌵𑌾𑌭𑌿॑𑌰॒𑌦𑍍𑌯 𑌪𑌰𑌿॑ 𑌪𑌾𑌹𑌿 𑌨𑍋 𑌵𑍃॒𑌧𑍇 ॥ 𑌬𑍃𑌹॑𑌸𑍍𑌪𑌤𑍇 𑌸𑌵𑌿𑌤𑌰𑍍𑌬𑍋॒𑌧𑌯𑍈॑𑌨॒𑌗𑍍𑌂॒ 𑌸𑌗𑍍𑌂𑌶𑌿॑𑌤-𑌞𑍍𑌚𑌿𑌥𑍍𑌸-𑌨𑍍𑌤॒𑌰𑌾𑌗𑍍𑌂 𑌸𑌗𑍍𑌂 𑌶𑌿॑𑌶𑌾𑌧𑌿 । 𑌵॒𑌰𑍍𑌧𑌯𑍈॑𑌨-𑌮𑍍𑌮𑌹॒𑌤𑍇 𑌸𑍗𑌭॑𑌗𑌾𑌯॒ [𑌸𑍗𑌭॑𑌗𑌾𑌯, 𑌵𑌿𑌶𑍍𑌵॑ 𑌏𑌨॒𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 ।] 27

𑌵𑌿𑌶𑍍𑌵॑ 𑌏𑌨॒𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 ॥ 𑌅॒𑌮𑍁॒𑌤𑍍𑌰॒𑌭𑍂𑌯𑌾॒𑌦𑌧॒ 𑌯𑌦𑍍𑌯॒𑌮𑌸𑍍𑌯॒ 𑌬𑍃𑌹॑𑌸𑍍𑌪𑌤𑍇 𑌅॒𑌭𑌿𑌶॑𑌸𑍍𑌤𑍇॒𑌰 𑌮𑍁॑𑌞𑍍𑌚𑌃 । 𑌪𑍍𑌰𑌤𑍍𑌯𑍗॑𑌹𑌤𑌾-𑌮॒𑌶𑍍𑌵𑌿𑌨𑌾॑ 𑌮𑍃॒𑌤𑍍𑌯𑍁𑌮॑𑌸𑍍𑌮𑌾-𑌦𑍍𑌦𑍇॒𑌵𑌾𑌨𑌾॑-𑌮𑌗𑍍𑌨𑍇 𑌭𑌿॒𑌷𑌜𑌾॒ 𑌶𑌚𑍀॑𑌭𑌿𑌃 ॥ 𑌉𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑌿॒ 𑌪𑌶𑍍𑌯॑𑌨𑍍𑌤𑍋॒ 𑌜𑍍𑌯𑍋𑌤𑌿॒𑌰𑍁𑌤𑍍𑌤॑𑌰𑌮𑍍 । 𑌦𑍇॒𑌵-𑌨𑍍𑌦𑍇॑𑌵॒𑌤𑍍𑌰𑌾 𑌸𑍂𑌰𑍍𑌯॒𑌮𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮𑌮𑍍 ॥ 28 ॥

(𑌇॒𑌮𑍇 𑌶𑌿॒𑌵𑍋 𑌅॒𑌗𑍍𑌨𑍇 - 𑌽𑌤𑌿॒ - 𑌸𑍗𑌭॑𑌗𑌾𑌯॒ - 𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 7)

𑌊॒𑌰𑍍𑌧𑍍𑌵𑌾 𑌅॑𑌸𑍍𑌯 𑌸॒𑌮𑌿𑌧𑍋॑ 𑌭𑌵𑌨𑍍𑌤𑍍𑌯𑍂॒𑌰𑍍𑌧𑍍𑌵𑌾 𑌶𑍁॒𑌕𑍍𑌰𑌾 𑌶𑍋॒𑌚𑍀𑌗𑍍𑌷𑍍𑌯॒𑌗𑍍𑌨𑍇𑌃 । 𑌦𑍍𑌯𑍁॒𑌮𑌤𑍍𑌤॑𑌮𑌾 𑌸𑍁॒𑌪𑍍𑌰𑌤𑍀॑𑌕𑌸𑍍𑌯 𑌸𑍂॒𑌨𑍋𑌃 ॥ 𑌤𑌨𑍂॒𑌨𑌪𑌾॒𑌦𑌸𑍁॑𑌰𑍋 𑌵𑌿॒𑌶𑍍𑌵𑌵𑍇॑𑌦𑌾 𑌦𑍇॒𑌵𑍋 𑌦𑍇॒𑌵𑍇𑌷𑍁॑ 𑌦𑍇॒𑌵𑌃 । 𑌪॒𑌥 𑌆-𑌽𑌨॑𑌕𑍍𑌤𑌿॒ 𑌮𑌦𑍍𑌧𑍍𑌵𑌾॑ 𑌘𑍃॒𑌤𑍇𑌨॑ ॥ 𑌮𑌦𑍍𑌧𑍍𑌵𑌾॑ 𑌯॒𑌜𑍍𑌞-𑌨𑍍𑌨॑𑌕𑍍𑌷𑌸𑍇 𑌪𑍍𑌰𑍀𑌣𑌾॒𑌨𑍋 𑌨𑌰𑌾॒𑌶𑌗𑍍𑌂𑌸𑍋॑ 𑌅𑌗𑍍𑌨𑍇 । 𑌸𑍁॒𑌕𑍃𑌦𑍍𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌵𑌿॒𑌶𑍍𑌵𑌵𑌾॑𑌰𑌃 ॥ 𑌅𑌚𑍍𑌛𑌾॒𑌯𑌮𑍇॑𑌤𑌿॒ 𑌶𑌵॑𑌸𑌾 𑌘𑍃॒𑌤𑍇𑌨𑍇॑𑌡𑌾॒𑌨𑍋 𑌵𑌹𑍍𑌨𑌿॒𑌰𑍍𑌨𑌮॑𑌸𑌾 । 𑌅॒𑌗𑍍𑌨𑌿𑌗𑍍𑌗𑍍 𑌸𑍍𑌰𑍁𑌚𑍋॑ 𑌅𑌦𑍍𑌧𑍍𑌵॒𑌰𑍇𑌷𑍁॑ 𑌪𑍍𑌰॒𑌯𑌥𑍍𑌸𑍁॑ ॥ 𑌸 𑌯॑𑌕𑍍𑌷𑌦𑌸𑍍𑌯 𑌮𑌹𑌿॒𑌮𑌾𑌨॑𑌮॒𑌗𑍍𑌨𑍇-𑌸𑍍𑌸 [𑌮𑌹𑌿॒𑌮𑌾𑌨॑𑌮॒𑌗𑍍𑌨𑍇-𑌸𑍍𑌸𑌃, 𑌈॒ 𑌮॒𑌨𑍍𑌦𑍍𑌰𑌾𑌸𑍁॑ 𑌪𑍍𑌰॒𑌯𑌸𑌃॑ ।] 29

𑌈॑ 𑌮॒𑌨𑍍𑌦𑍍𑌰𑌾𑌸𑍁॑ 𑌪𑍍𑌰॒𑌯𑌸𑌃॑ । 𑌵𑌸𑍁॒𑌶𑍍𑌚𑍇𑌤𑌿॑𑌷𑍍𑌠𑍋 𑌵𑌸𑍁॒𑌧𑌾𑌤॑𑌮𑌶𑍍𑌚 ॥ 𑌦𑍍𑌵𑌾𑌰𑍋॑ 𑌦𑍇॒𑌵𑍀𑌰𑌨𑍍𑌵॑𑌸𑍍𑌯॒ 𑌵𑌿𑌶𑍍𑌵𑍇᳚ 𑌵𑍍𑌰॒𑌤𑌾 𑌦॑𑌦𑌨𑍍𑌤𑍇 𑌅॒𑌗𑍍𑌨𑍇𑌃 । 𑌉॒𑌰𑍁॒𑌵𑍍𑌯𑌚॑𑌸𑍋॒ 𑌧𑌾𑌮𑍍𑌨𑌾॒ 𑌪𑌤𑍍𑌯॑𑌮𑌾𑌨𑌾𑌃 ॥ 𑌤𑍇 𑌅॑𑌸𑍍𑌯॒ 𑌯𑍋𑌷॑𑌣𑍇 𑌦𑌿॒𑌵𑍍𑌯𑍇 𑌨 𑌯𑍋𑌨𑌾॑𑌵𑍁॒𑌷𑌾𑌸𑌾॒𑌨𑌕𑍍𑌤𑌾᳚ । 𑌇॒𑌮𑌂-𑌯𑌁॒𑌜𑍍𑌞𑌮॑𑌵𑌤𑌾 𑌮𑌦𑍍𑌧𑍍𑌵॒𑌰-𑌨𑍍𑌨𑌃॑ ॥ 𑌦𑍈𑌵𑍍𑌯𑌾॑ 𑌹𑍋𑌤𑌾𑌰𑌾𑌵𑍂॒𑌰𑍍𑌧𑍍𑌵-𑌮॑𑌦𑍍𑌧𑍍𑌵॒𑌰-𑌨𑍍𑌨𑍋॒-𑌽𑌗𑍍𑌨𑍇𑌰𑍍𑌜𑌿॒𑌹𑍍𑌵𑌾𑌮॒𑌭𑌿 𑌗𑍃॑𑌣𑍀𑌤𑌮𑍍 । 𑌕𑍃॒𑌣𑍁॒𑌤-𑌨𑍍𑌨॒-𑌸𑍍𑌸𑍍𑌵𑌿॑𑌷𑍍𑌟𑌿𑌮𑍍 ॥ 𑌤𑌿॒𑌸𑍍𑌰𑍋 𑌦𑍇॒𑌵𑍀𑌰𑍍𑌬॒𑌰𑍍॒𑌹𑌿𑌰𑍇𑌦𑌗𑍍𑌂 𑌸॑𑌦॒𑌨𑍍𑌤𑍍𑌵𑌿𑌡𑌾॒ 𑌸𑌰॑𑌸𑍍𑌵𑌤𑍀॒ [𑌸𑌰॑𑌸𑍍𑌵𑌤𑍀, 𑌭𑌾𑌰॑𑌤𑍀 ।] 30

𑌭𑌾𑌰॑𑌤𑍀 । 𑌮॒𑌹𑍀 𑌗𑍃॑𑌣𑌾॒𑌨𑌾 ॥ 𑌤𑌨𑍍𑌨॑𑌸𑍍𑌤𑍁॒𑌰𑍀𑌪॒𑌮𑌦𑍍𑌭𑍁॑𑌤-𑌮𑍍𑌪𑍁𑌰𑍁॒𑌕𑍍𑌷𑍁 𑌤𑍍𑌵𑌷𑍍𑌟𑌾॑ 𑌸𑍁॒𑌵𑍀𑌰᳚𑌮𑍍 । 𑌰𑌾॒𑌯𑌸𑍍𑌪𑍋𑌷𑌂॒-𑌵𑌿𑌁 𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 ॥ 𑌵𑌨॑𑌸𑍍𑌪॒𑌤𑍇-𑌽𑌵॑ 𑌸𑍃𑌜𑌾॒ 𑌰𑌰𑌾॑𑌣॒𑌸𑍍𑌤𑍍𑌮𑌨𑌾॑ 𑌦𑍇॒𑌵𑍇𑌷𑍁॑ । 𑌅॒𑌗𑍍𑌨𑌿𑌰𑍍𑌹॒𑌵𑍍𑌯𑌗𑍍𑌂 𑌶॑𑌮𑌿॒𑌤𑌾 𑌸𑍂॑𑌦𑌯𑌾𑌤𑌿 ॥ 𑌅𑌗𑍍𑌨𑍇॒ 𑌸𑍍𑌵𑌾𑌹𑌾॑ 𑌕𑍃𑌣𑍁𑌹𑌿 𑌜𑌾𑌤𑌵𑍇𑌦॒ 𑌇𑌨𑍍𑌦𑍍𑌰𑌾॑𑌯 𑌹॒𑌵𑍍𑌯𑌮𑍍 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌹॒𑌵𑌿𑌰𑌿॒𑌦-𑌞𑍍𑌜𑍁॑𑌷𑌨𑍍𑌤𑌾𑌮𑍍 ॥ 𑌹𑌿॒𑌰॒𑌣𑍍𑌯॒𑌗॒𑌰𑍍𑌭-𑌸𑍍𑌸𑌮॑𑌵𑌰𑍍𑌤॒𑌤𑌾𑌗𑍍𑌰𑍇॑ 𑌭𑍂॒𑌤𑌸𑍍𑌯॑ 𑌜𑌾॒𑌤𑌃 𑌪𑌤𑌿॒𑌰𑍇𑌕॑ 𑌆𑌸𑍀𑌤𑍍 । 𑌸 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾- [𑌪𑍃𑌥𑌿॒𑌵𑍀-𑌨𑍍𑌦𑍍𑌯𑌾𑌮𑍍, 𑌉॒𑌤𑍇𑌮𑌾-𑌙𑍍𑌕𑌸𑍍𑌮𑍈॑] 31

-𑌮𑍁॒𑌤𑍇𑌮𑌾-𑌙𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑌃 𑌪𑍍𑌰𑌾॑𑌣॒𑌤𑍋 𑌨𑌿॑𑌮𑌿𑌷॒𑌤𑍋 𑌮॑𑌹𑌿॒𑌤𑍍𑌵𑍈𑌕॒ 𑌇𑌦𑍍𑌰𑌾𑌜𑌾॒ 𑌜𑌗॑𑌤𑍋 𑌬॒𑌭𑍂𑌵॑ । 𑌯 𑌈𑌶𑍇॑ 𑌅॒𑌸𑍍𑌯 𑌦𑍍𑌵𑌿॒𑌪𑌦॒𑌶𑍍𑌚𑌤𑍁॑𑌷𑍍𑌪𑌦𑌃॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯 𑌆᳚𑌤𑍍𑌮॒𑌦𑌾 𑌬॑𑌲॒𑌦𑌾 𑌯𑌸𑍍𑌯॒ 𑌵𑌿𑌶𑍍𑌵॑ 𑌉॒𑌪𑌾𑌸॑𑌤𑍇 𑌪𑍍𑌰॒𑌶𑌿𑌷𑌂॒-𑌯𑌁𑌸𑍍𑌯॑ 𑌦𑍇॒𑌵𑌾𑌃 । 𑌯𑌸𑍍𑌯॑ 𑌛𑌾॒𑌯𑌾-𑌽𑌮𑍃𑌤𑌂॒-𑌯𑌁𑌸𑍍𑌯॑ 𑌮𑍃॒𑌤𑍍𑌯𑍁𑌃 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑌸𑍍𑌯𑍇॒𑌮𑍇 𑌹𑌿॒𑌮𑌵॑𑌨𑍍𑌤𑍋 𑌮𑌹𑌿॒𑌤𑍍𑌵𑌾 𑌯𑌸𑍍𑌯॑ 𑌸𑌮𑍁॒𑌦𑍍𑌰𑌗𑍍𑌂 𑌰॒𑌸𑌯𑌾॑ 𑌸॒𑌹𑌾- [𑌸॒𑌹, 𑌆॒𑌹𑍁𑌃 ।] 32

-𑌽𑌽𑌹𑍁𑌃 । 𑌯𑌸𑍍𑌯𑍇॒𑌮𑌾𑌃 𑌪𑍍𑌰॒𑌦𑌿𑌶𑍋॒ 𑌯𑌸𑍍𑌯॑ 𑌬𑌾॒𑌹𑍂 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯-𑌙𑍍𑌕𑍍𑌰𑌨𑍍𑌦॑𑌸𑍀॒ 𑌅𑌵॑𑌸𑌾 𑌤𑌸𑍍𑌤𑌭𑌾॒𑌨𑍇 𑌅॒𑌭𑍍𑌯𑍈𑌕𑍍𑌷𑍇॑𑌤𑌾॒-𑌮𑍍𑌮𑌨॑𑌸𑌾॒ 𑌰𑍇𑌜॑𑌮𑌾𑌨𑍇 । 𑌯𑌤𑍍𑌰𑌾𑌧𑌿॒ 𑌸𑍂𑌰॒ 𑌉𑌦𑌿॑𑌤𑍗॒ 𑌵𑍍𑌯𑍇𑌤𑌿॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑍇𑌨॒ 𑌦𑍍𑌯𑍗𑌰𑍁॒𑌗𑍍𑌰𑌾 𑌪𑍃॑𑌥𑌿॒𑌵𑍀 𑌚॑ 𑌦𑍃॒𑌢𑍇 𑌯𑍇𑌨॒ 𑌸𑍁॒𑌵𑌃॑ 𑌸𑍍𑌤𑌭𑌿॒𑌤𑌂-𑌯𑍇𑌁𑌨॒ 𑌨𑌾𑌕𑌃॑ । 𑌯𑍋 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌰𑌜॑𑌸𑍋 𑌵𑌿॒𑌮𑌾𑌨Q𑌃𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌆𑌪𑍋॑ 𑌹॒ 𑌯𑌨𑍍𑌮॑𑌹॒𑌤𑍀 𑌰𑍍𑌵𑌿𑌶𑍍𑌵॒- [𑌯𑌨𑍍𑌮॑𑌹॒𑌤𑍀 𑌰𑍍𑌵𑌿𑌶𑍍𑌵᳚𑌮𑍍, 𑌅𑌯॒-𑌨𑍍𑌦𑌕𑍍𑌷॒-𑌨𑍍𑌦𑌧𑌾॑𑌨𑌾] 33

-𑌮𑌾𑌯॒-𑌨𑍍𑌦𑌕𑍍𑌷॒-𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀𑌰॒𑌗𑍍𑌨𑌿𑌮𑍍 । 𑌤𑌤𑍋॑ 𑌦𑍇॒𑌵𑌾𑌨𑌾॒-𑌨𑍍𑌨𑌿𑌰॑𑌵𑌰𑍍𑌤॒𑌤𑌾𑌸𑍁॒𑌰𑍇𑌕𑌃॒ 𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 𑌯𑌶𑍍𑌚𑌿॒𑌦𑌾𑌪𑍋॑ 𑌮𑌹𑌿॒𑌨𑌾 𑌪॒𑌰𑍍𑌯𑌪॑𑌶𑍍𑌯॒-𑌦𑍍𑌦𑌕𑍍𑌷॒-𑌨𑍍𑌦𑌧𑌾॑𑌨𑌾 𑌜॒𑌨𑌯॑𑌨𑍍𑌤𑍀𑌰॒𑌗𑍍𑌨𑌿𑌮𑍍 । 𑌯𑍋 𑌦𑍇॒𑌵𑍇𑌷𑍍𑌵𑌧𑌿॑ 𑌦𑍇॒𑌵 𑌏𑌕॒ 𑌆𑌸𑍀॒-𑌤𑍍𑌕𑌸𑍍𑌮𑍈॑ 𑌦𑍇॒𑌵𑌾𑌯॑ 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥ 34 ॥

(𑌅॒𑌗𑍍𑌨𑍇-𑌸𑍍𑌸 - 𑌸𑌰॑𑌸𑍍𑌵𑌤𑍀॒ - 𑌦𑍍𑌯𑌾𑌗𑍍𑌂 - 𑌸॒𑌹 - 𑌵𑌿𑌶𑍍𑌵𑌂॒ - 𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 8)

(𑌊॒𑌰𑍍𑌧𑍍𑌵𑌾 - 𑌯𑌃 𑌪𑍍𑌰𑌾॑𑌣॒𑌤𑍋 - 𑌯 𑌆᳚𑌤𑍍𑌮॒𑌦𑌾 - 𑌯𑌸𑍍𑌯𑍇॒𑌮𑍇 - 𑌯𑌙𑍍𑌕𑍍𑌰𑌨𑍍𑌦॑𑌸𑍀॒ - 𑌯𑍇𑌨॒ 𑌦𑍍𑌯𑍗- 𑌰𑌾𑌪𑍋॑ 𑌹॒ 𑌯𑌤𑍍 - 𑌤𑌤𑍋॑ 𑌦𑍇॒𑌵𑌾𑌨𑌾𑌂॒ - 𑌁𑌯𑌶𑍍𑌚𑌿॒𑌦𑌾𑌪𑍋॒ - 𑌯𑍋 𑌦𑍇॒𑌵𑍇𑌷𑍁॒ - 𑌨𑌵॑ )

𑌆𑌕𑍂॑𑌤𑌿𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾॒ 𑌮𑌨𑍋॑ 𑌮𑍇॒𑌧𑌾𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌚𑌿॒𑌤𑍍𑌤𑌂-𑌵𑌿𑌁𑌜𑍍𑌞𑌾॑𑌤𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾॑ 𑌵𑌾॒𑌚𑍋 𑌵𑌿𑌧𑍃॑𑌤𑌿𑌮॒𑌗𑍍𑌨𑌿-𑌮𑍍𑌪𑍍𑌰॒𑌯𑍁𑌜॒𑌗𑍍𑌗𑍍॒ 𑌸𑍍𑌵𑌾𑌹𑌾᳚ 𑌪𑍍𑌰॒𑌜𑌾𑌪॑𑌤𑌯𑍇॒ 𑌮𑌨॑𑌵𑍇॒ 𑌸𑍍𑌵𑌾𑌹𑌾॒-𑌽𑌗𑍍𑌨𑌯𑍇॑ 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌸𑍍𑌵𑌾𑌹𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌸𑍍𑌯॑ 𑌨𑍇॒𑌤𑍁𑌰𑍍𑌮𑌰𑍍𑌤𑍋॑ 𑌵𑍃𑌣𑍀𑌤 𑌸॒𑌖𑍍𑌯𑌂-𑌵𑌿𑌁𑌶𑍍𑌵𑍇॑ 𑌰𑌾॒𑌯 𑌇॑𑌷𑍁𑌦𑍍𑌧𑍍𑌯𑌸𑌿 𑌦𑍍𑌯𑍁॒𑌮𑍍𑌨𑌂-𑌵𑍃𑌁॑𑌣𑍀𑌤 𑌪𑍁॒𑌷𑍍𑌯𑌸𑍇॒ 𑌸𑍍𑌵𑌾𑌹𑌾॒ 𑌮𑌾 𑌸𑍁 𑌭𑌿॑𑌤𑍍𑌥𑌾॒ 𑌮𑌾 𑌸𑍁 𑌰𑌿॑𑌷𑍋॒ 𑌦𑍃𑌗𑍍𑌂𑌹॑𑌸𑍍𑌵 𑌵𑍀॒𑌡𑌯॑𑌸𑍍𑌵॒ 𑌸𑍁 । 𑌅𑌮𑍍𑌬॑ 𑌧𑍃𑌷𑍍𑌣𑍁 𑌵𑍀॒𑌰𑌯॑𑌸𑍍𑌵𑌾॒- [𑌵𑍀॒𑌰𑌯॑𑌸𑍍𑌵, 𑌅॒𑌗𑍍𑌨𑌿𑌶𑍍𑌚𑍇॒𑌦-𑌙𑍍𑌕॑𑌰𑌿𑌷𑍍𑌯𑌥𑌃 ।] 35

-𑌽𑌗𑍍𑌨𑌿𑌶𑍍𑌚𑍇॒𑌦-𑌙𑍍𑌕॑𑌰𑌿𑌷𑍍𑌯𑌥𑌃 ॥ 𑌦𑍃𑌗𑍍𑌂𑌹॑𑌸𑍍𑌵 𑌦𑍇𑌵𑌿 𑌪𑍃𑌥𑌿𑌵𑌿 𑌸𑍍𑌵॒𑌸𑍍𑌤𑌯॑ 𑌆𑌸𑍁॒𑌰𑍀 𑌮𑌾॒𑌯𑌾 𑌸𑍍𑌵॒𑌧𑌯𑌾॑ 𑌕𑍃॒𑌤𑌾-𑌽𑌸𑌿॑ । 𑌜𑍁𑌷𑍍𑌟॑-𑌨𑍍𑌦𑍇॒𑌵𑌾𑌨𑌾॑𑌮𑌿॒𑌦𑌮॑𑌸𑍍𑌤𑍁 𑌹॒𑌵𑍍𑌯𑌮𑌰𑌿॑𑌷𑍍𑌟𑌾॒ 𑌤𑍍𑌵𑌮𑍁𑌦𑌿॑𑌹𑌿 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 ॥ 𑌮𑌿𑌤𑍍𑌰𑍈॒𑌤𑌾𑌮𑍁॒𑌖𑌾-𑌨𑍍𑌤॑𑌪𑍈॒𑌷𑌾 𑌮𑌾 𑌭𑍇॑𑌦𑌿 । 𑌏॒𑌤𑌾-𑌨𑍍𑌤𑍇॒ 𑌪𑌰𑌿॑ 𑌦𑌦𑌾॒𑌮𑍍𑌯𑌭𑌿॑𑌤𑍍𑌤𑍍𑌯𑍈 ॥ 𑌦𑍍𑌰𑍍𑌵॑𑌨𑍍𑌨-𑌸𑍍𑌸॒𑌰𑍍𑌪𑌿𑌰𑌾॑𑌸𑍁𑌤𑌿𑌃 𑌪𑍍𑌰॒𑌤𑍍𑌨𑍋 𑌹𑍋𑌤𑌾॒ 𑌵𑌰𑍇᳚𑌣𑍍𑌯𑌃 । 𑌸𑌹॑𑌸𑌸𑍍𑌪𑍁॒𑌤𑍍𑌰𑍋 𑌅𑌦𑍍𑌭𑍁॑𑌤𑌃 ॥ 𑌪𑌰॑𑌸𑍍𑌯𑌾॒ 𑌅𑌧𑌿॑ 𑌸𑌂॒𑌵𑌁𑌤𑍋-𑌽𑌵॑𑌰𑌾𑌗𑍍𑌂 𑌅॒𑌭𑍍𑌯𑌾 [𑌅॒𑌭𑍍𑌯𑌾, 𑌤॒𑌰॒ ।] 36

𑌤॑𑌰 । 𑌯𑌤𑍍𑌰𑌾॒𑌹𑌮𑌸𑍍𑌮𑌿॒ 𑌤𑌾𑌗𑍍𑌂 𑌅॑𑌵 ॥ 𑌪॒𑌰॒𑌮𑌸𑍍𑌯𑌾𑌃᳚ 𑌪𑌰𑌾॒𑌵𑌤𑍋॑ 𑌰𑍋॒𑌹𑌿𑌦॑𑌶𑍍𑌵 𑌇॒𑌹𑌾-𑌽𑌗॑𑌹𑌿 । 𑌪𑍁॒𑌰𑍀॒𑌷𑍍𑌯𑌃॑ 𑌪𑍁𑌰𑍁𑌪𑍍𑌰𑌿॒𑌯𑍋-𑌽𑌗𑍍𑌨𑍇॒ 𑌤𑍍𑌵-𑌨𑍍𑌤॑𑌰𑌾॒ 𑌮𑍃𑌧𑌃॑ ॥ 𑌸𑍀𑌦॒ 𑌤𑍍𑌵-𑌮𑍍𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥𑍇॒ 𑌵𑌿𑌶𑍍𑌵𑌾᳚𑌨𑍍𑌯𑌗𑍍𑌨𑍇 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌮𑍈𑌨𑌾॑𑌮॒𑌰𑍍𑌚𑌿𑌷𑌾॒ 𑌮𑌾 𑌤𑌪॑𑌸𑌾॒-𑌽𑌭𑌿 𑌶𑍂॑𑌶𑍁𑌚𑍋॒-𑌽𑌨𑍍𑌤𑌰॑𑌸𑍍𑌯𑌾𑌗𑍍𑌂 𑌶𑍁॒𑌕𑍍𑌰 𑌜𑍍𑌯𑍋॑𑌤𑌿॒𑌰𑍍𑌵𑌿 𑌭𑌾॑𑌹𑌿 ॥ 𑌅॒𑌨𑍍𑌤𑌰॑𑌗𑍍𑌨𑍇 𑌰𑍁॒𑌚𑌾 𑌤𑍍𑌵𑌮𑍁॒𑌖𑌾𑌯𑍈॒ 𑌸𑌦॑𑌨𑍇॒ 𑌸𑍍𑌵𑍇 । 𑌤𑌸𑍍𑌯𑌾॒𑌸𑍍𑌤𑍍𑌵𑌗𑍍𑌂 𑌹𑌰॑𑌸𑌾॒ 𑌤𑌪॒𑌨𑍍 𑌜𑌾𑌤॑𑌵𑍇𑌦-𑌶𑍍𑌶𑌿॒𑌵𑍋 𑌭॑𑌵 ॥ 𑌶𑌿॒𑌵𑍋 𑌭𑍂॒𑌤𑍍𑌵𑌾 𑌮𑌹𑍍𑌯॑𑌮॒𑌗𑍍𑌨𑍇-𑌽𑌥𑍋॑ 𑌸𑍀𑌦 𑌶𑌿॒𑌵𑌸𑍍𑌤𑍍𑌵𑌮𑍍 । 𑌶𑌿॒𑌵𑌾𑌃 𑌕𑍃॒𑌤𑍍𑌵𑌾 𑌦𑌿𑌶॒-𑌸𑍍𑌸𑌰𑍍𑌵𑌾॒-𑌸𑍍𑌸𑍍𑌵𑌾𑌂-𑌯𑍋𑌁𑌨𑌿॑𑌮𑌿॒𑌹𑌾-𑌽𑌽𑌸॑𑌦𑌃 ॥ 37 ॥

(𑌵𑍀॒𑌰𑌯॒𑌸𑍍𑌵𑌾 - 𑌽𑌽 - 𑌤𑌪॑𑌨𑍍 - 𑌵𑌿𑌗𑍍𑌂𑌶॒𑌤𑌿𑌶𑍍𑌚॑) (𑌅. 9)

𑌯𑌦॑𑌗𑍍𑌨𑍇॒ 𑌯𑌾𑌨𑌿॒ 𑌕𑌾𑌨𑌿॒ 𑌚𑌾-𑌽𑌽𑌤𑍇॒ 𑌦𑌾𑌰𑍂॑𑌣𑌿 𑌦॒𑌦𑍍𑌧𑍍𑌮𑌸𑌿॑ । 𑌤𑌦॑𑌸𑍍𑌤𑍁॒ 𑌤𑍁𑌭𑍍𑌯॒𑌮𑌿-𑌦𑍍𑌘𑍃॒𑌤-𑌨𑍍𑌤𑌜𑍍𑌜𑍁॑𑌷𑌸𑍍𑌵 𑌯𑌵𑌿𑌷𑍍𑌠𑍍𑌯 ॥ 𑌯𑌦𑌤𑍍𑌤𑍍𑌯𑍁॑𑌪॒𑌜𑌿𑌹𑍍𑌵𑌿॑𑌕𑌾॒ 𑌯𑌦𑍍𑌵॒𑌮𑍍𑌰𑍋 𑌅॑𑌤𑌿॒𑌸𑌰𑍍𑌪॑𑌤𑌿 । 𑌸𑌰𑍍𑌵॒-𑌨𑍍𑌤𑌦॑𑌸𑍍𑌤𑍁 𑌤𑍇 𑌘𑍃॒𑌤-𑌨𑍍𑌤𑌜𑍍𑌜𑍁॑𑌷𑌸𑍍𑌵 𑌯𑌵𑌿𑌷𑍍𑌠𑍍𑌯 ॥ 𑌰𑌾𑌤𑍍𑌰𑌿𑌗𑍍𑌂॑ 𑌰𑌾𑌤𑍍𑌰𑌿॒𑌮𑌪𑍍𑌰॑𑌯𑌾𑌵॒-𑌮𑍍𑌭𑌰॒𑌨𑍍𑌤𑍋-𑌽𑌶𑍍𑌵𑌾॑𑌯𑍇𑌵॒ 𑌤𑌿𑌷𑍍𑌠॑𑌤𑍇 𑌘𑌾॒𑌸𑌮॑𑌸𑍍𑌮𑍈 । 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌮𑌿॒𑌷𑌾 𑌮𑌦॒𑌨𑍍𑌤𑍋-𑌽𑌗𑍍𑌨𑍇॒ 𑌮𑌾 𑌤𑍇॒ 𑌪𑍍𑌰𑌤𑌿॑𑌵𑍇𑌶𑌾 𑌰𑌿𑌷𑌾𑌮 ॥ 𑌨𑌾𑌭𑌾॑ [𑌨𑌾𑌭𑌾᳚, 𑌪𑍃॒𑌥𑌿॒𑌵𑍍𑌯𑌾-𑌸𑍍𑌸॑𑌮𑌿𑌧𑌾॒𑌨-] 38

𑌪𑍃𑌥𑌿॒𑌵𑍍𑌯𑌾-𑌸𑍍𑌸॑𑌮𑌿𑌧𑌾॒𑌨-𑌮॒𑌗𑍍𑌨𑌿𑌗𑍍𑌂 𑌰𑌾॒𑌯𑌸𑍍𑌪𑍋𑌷𑌾॑𑌯 𑌬𑍃𑌹॒𑌤𑍇 𑌹॑𑌵𑌾𑌮𑌹𑍇 । 𑌇॒𑌰॒𑌮𑍍𑌮॒𑌦-𑌮𑍍𑌬𑍃॒𑌹𑌦𑍁॑𑌕𑍍𑌥𑌂॒-𑌯𑌁𑌜॑𑌤𑍍𑌰॒-𑌞𑍍𑌜𑍇𑌤𑌾॑𑌰𑌮॒𑌗𑍍𑌨𑌿-𑌮𑍍𑌪𑍃𑌤॑𑌨𑌾𑌸𑍁 𑌸𑌾𑌸॒𑌹𑌿𑌮𑍍 ॥ 𑌯𑌾-𑌸𑍍𑌸𑍇𑌨𑌾॑ 𑌅॒𑌭𑍀𑌤𑍍𑌵॑𑌰𑍀𑌰𑌾-𑌵𑍍𑌯𑌾॒𑌧𑌿𑌨𑍀॒-𑌰𑍁𑌗॑𑌣𑌾 𑌉॒𑌤 । 𑌯𑍇 𑌸𑍍𑌤𑍇॒𑌨𑌾 𑌯𑍇 𑌚॒ 𑌤𑌸𑍍𑌕॑𑌰𑌾॒𑌸𑍍𑌤𑌾𑌗𑍍𑌸𑍍𑌤𑍇॑ 𑌅॒𑌗𑍍𑌨𑍇-𑌽𑌪𑌿॑ 𑌦𑌧𑌾𑌮𑍍𑌯𑌾॒𑌸𑍍𑌯𑍇᳚ ॥ 𑌦𑌗𑍍𑌗𑍍𑌷𑍍𑌟𑍍𑌰𑌾᳚𑌭𑍍𑌯𑌾-𑌮𑍍𑌮॒𑌲𑌿𑌮𑍍𑌲𑍂॒𑌨𑍍 𑌜𑌮𑍍𑌭𑍍𑌯𑍈॒-𑌸𑍍𑌤𑌸𑍍𑌕॑𑌰𑌾𑌗𑍍𑌂 𑌉॒𑌤 । 𑌹𑌨𑍂᳚𑌭𑍍𑌯𑌾𑌗𑍍 𑌸𑍍𑌤𑍇॒𑌨𑌾𑌨𑍍-𑌭॑𑌗𑌵॒𑌸𑍍𑌤𑌾𑌗𑍍-𑌸𑍍𑌤𑍍𑌵-𑌙𑍍𑌖𑌾॑𑌦॒ 𑌸𑍁𑌖𑌾॑𑌦𑌿𑌤𑌾𑌨𑍍 ॥ 𑌯𑍇 𑌜𑌨𑍇॑𑌷𑍁 𑌮॒𑌲𑌿𑌮𑍍𑌲॑𑌵-𑌸𑍍𑌸𑍍𑌤𑍇॒𑌨𑌾𑌸॒-𑌸𑍍𑌤𑌸𑍍𑌕॑𑌰𑌾॒ 𑌵𑌨𑍇᳚ । 𑌯𑍇 [ ] 39

𑌕𑌕𑍍𑌷𑍇᳚𑌷𑍍𑌵𑌘𑌾॒ 𑌯𑌵॒𑌸𑍍𑌤𑌾𑌗𑍍𑌸𑍍𑌤𑍇॑ 𑌦𑌧𑌾𑌮𑌿॒ 𑌜𑌮𑍍𑌭॑𑌯𑍋𑌃 ॥ 𑌯𑍋 𑌅॒𑌸𑍍𑌮𑌭𑍍𑌯॑𑌮𑌰𑌾𑌤𑍀॒𑌯𑌾-𑌦𑍍𑌯𑌶𑍍𑌚॑ 𑌨𑍋॒ 𑌦𑍍𑌵𑍇𑌷॑𑌤𑍇॒ 𑌜𑌨𑌃॑ । 𑌨𑌿𑌨𑍍𑌦𑌾॒𑌦𑍍𑌯𑍋 𑌅॒𑌸𑍍𑌮𑌾-𑌨𑍍𑌦𑌿𑌫𑍍𑌸𑌾᳚𑌚𑍍𑌚॒ 𑌸𑌰𑍍𑌵॒-𑌨𑍍𑌤-𑌮𑍍𑌮॑𑌸𑍍𑌮॒𑌸𑌾 𑌕𑍁॑𑌰𑍁 ॥ 𑌸𑌗𑍍𑌂𑌶𑌿॑𑌤-𑌮𑍍𑌮𑍇॒ 𑌬𑍍𑌰𑌹𑍍𑌮॒ 𑌸𑌗𑍍𑌂𑌶𑌿॑𑌤𑌂-𑌵𑍀𑌁॒𑌰𑍍𑌯॑-𑌮𑍍𑌬𑌲᳚𑌮𑍍 । 𑌸𑌗𑍍𑌂𑌶𑌿॑𑌤-𑌙𑍍𑌕𑍍𑌷॒𑌤𑍍𑌰-𑌞𑍍𑌜𑌿॒𑌷𑍍𑌣𑍁 𑌯𑌸𑍍𑌯𑌾॒-𑌽𑌹𑌮𑌸𑍍𑌮𑌿॑ 𑌪𑍁॒𑌰𑍋𑌹𑌿॑𑌤𑌃 ॥ 𑌉𑌦𑍇॑𑌷𑌾-𑌮𑍍𑌬𑌾॒𑌹𑍂 𑌅॑𑌤𑌿𑌰॒𑌮𑍁𑌦𑍍𑌵𑌰𑍍𑌚॒ 𑌉𑌦𑍂॒ 𑌬𑌲᳚𑌮𑍍 । 𑌕𑍍𑌷𑌿॒𑌣𑍋𑌮𑌿॒ 𑌬𑍍𑌰𑌹𑍍𑌮॑𑌣𑌾॒-𑌽𑌮𑌿𑌤𑍍𑌰𑌾॒𑌨𑍁𑌨𑍍𑌨॑𑌯𑌾𑌮𑌿॒ [-𑌽𑌮𑌿𑌤𑍍𑌰𑌾॒-𑌨𑍁𑌨𑍍𑌨॑𑌯𑌾𑌮𑌿, 𑌸𑍍𑌵𑌾𑌗𑍍𑌂 𑌅॒𑌹𑌮𑍍 ।] 40

𑌸𑍍𑌵𑌾𑌗𑍍𑌂 𑌅॒𑌹𑌮𑍍 ॥ 𑌦𑍃॒𑌶𑌾॒𑌨𑍋 𑌰𑍁॒𑌕𑍍𑌮 𑌉॒𑌰𑍍𑌵𑍍𑌯𑌾 𑌵𑍍𑌯॑𑌦𑍍𑌯𑍗𑌦𑍍𑌦𑍁॒𑌰𑍍𑌮𑌰𑍍𑌷॒𑌮𑌾𑌯𑍁𑌃॑ 𑌶𑍍𑌰𑌿॒𑌯𑍇 𑌰𑍁॑𑌚𑌾॒𑌨𑌃 । 𑌅॒𑌗𑍍𑌨𑌿𑌰॒𑌮𑍃𑌤𑍋॑ 𑌅𑌭𑌵॒𑌦𑍍𑌵𑌯𑍋॑-𑌭𑌿॒𑌰𑍍𑌯𑌦𑍇॑𑌨॒-𑌨𑍍𑌦𑍍𑌯𑍗𑌰𑌜॑𑌨𑌯-𑌥𑍍𑌸𑍁॒𑌰𑍇𑌤𑌾𑌃᳚ ॥ 𑌵𑌿𑌶𑍍𑌵𑌾॑ 𑌰𑍂॒𑌪𑌾𑌣𑌿॒ 𑌪𑍍𑌰𑌤𑌿॑ 𑌮𑍁𑌞𑍍𑌚𑌤𑍇 𑌕॒𑌵𑌿𑌃 𑌪𑍍𑌰𑌾-𑌽𑌸𑌾॑𑌵𑍀𑌦𑍍𑌭॒𑌦𑍍𑌰-𑌨𑍍𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 । 𑌵𑌿 𑌨𑌾𑌕॑𑌮𑌖𑍍𑌯-𑌥𑍍𑌸𑌵𑌿॒𑌤𑌾 𑌵𑌰𑍇॒𑌣𑍍𑌯𑍋-𑌽𑌨𑍁॑ 𑌪𑍍𑌰॒𑌯𑌾𑌣॑𑌮𑍁॒𑌷𑌸𑍋॒ 𑌵𑌿॑𑌰𑌾𑌜𑌤𑌿 ॥ 𑌨𑌕𑍍𑌤𑍋॒𑌷𑌾𑌸𑌾॒ 𑌸𑌮॑𑌨𑌸𑌾॒ 𑌵𑌿𑌰𑍂॑𑌪𑍇 𑌧𑌾॒𑌪𑌯𑍇॑𑌤𑍇॒ 𑌶𑌿𑌶𑍁॒𑌮𑍇𑌕𑌗𑍍𑌂॑ 𑌸𑌮𑍀॒𑌚𑍀 । 𑌦𑍍𑌯𑌾𑌵𑌾॒ 𑌕𑍍𑌷𑌾𑌮𑌾॑ 𑌰𑍁॒𑌕𑍍𑌮𑍋 [𑌰𑍁॒𑌕𑍍𑌮𑌃, 𑌅॒𑌨𑍍𑌤𑌰𑍍𑌵𑌿 𑌭𑌾॑𑌤𑌿] 41

𑌅॒𑌨𑍍𑌤𑌰𑍍𑌵𑌿 𑌭𑌾॑𑌤𑌿 𑌦𑍇॒𑌵𑌾 𑌅॒𑌗𑍍𑌨𑌿-𑌨𑍍𑌧𑌾॑𑌰𑌯-𑌨𑍍𑌦𑍍𑌰𑌵𑌿𑌣𑍋॒𑌦𑌾𑌃 ॥ 𑌸𑍁॒𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾᳚-𑌨𑍍𑌤𑍍𑌰𑌿॒𑌵𑍃𑌤𑍍𑌤𑍇॒ 𑌶𑌿𑌰𑍋॑ 𑌗𑌾𑌯॒𑌤𑍍𑌰-𑌞𑍍𑌚𑌕𑍍𑌷𑍁॒-𑌸𑍍𑌸𑍍𑌤𑍋𑌮॑ 𑌆॒𑌤𑍍𑌮𑌾 𑌸𑌾𑌮॑ 𑌤𑍇 𑌤॒𑌨𑍂𑌰𑍍𑌵𑌾॑𑌮𑌦𑍇॒𑌵𑍍𑌯-𑌮𑍍𑌬𑍃॑𑌹-𑌦𑍍𑌰𑌥𑌨𑍍𑌤॒𑌰𑍇 𑌪॒𑌕𑍍𑌷𑍗 𑌯॑𑌜𑍍𑌞𑌾𑌯॒𑌜𑍍𑌞𑌿𑌯॒-𑌮𑍍𑌪𑍁𑌚𑍍𑌛॒-𑌞𑍍𑌛𑌨𑍍𑌦𑌾॒𑌗𑍍॒𑌸𑍍𑌯𑌙𑍍𑌗𑌾॑𑌨𑌿॒ 𑌧𑌿𑌷𑍍𑌣𑌿॑𑌯𑌾-𑌶𑍍𑌶॒𑌫𑌾 𑌯𑌜𑍂𑌗𑍍𑌂॑𑌷𑌿॒ 𑌨𑌾𑌮॑ ॥ 𑌸𑍁॒𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾॒-𑌨𑍍𑌦𑌿𑌵॑-𑌙𑍍𑌗𑌚𑍍𑌛॒ 𑌸𑍁𑌵𑌃॑ 𑌪𑌤 ॥ 42 ॥

(𑌨𑌾𑌭𑌾॒ - 𑌵𑌨𑍇॒ 𑌯𑍇 - 𑌨॑𑌯𑌾𑌮𑌿॒ - 𑌕𑍍𑌷𑌾𑌮𑌾॑ 𑌰𑍁॒𑌕𑍍𑌮𑍋᳚ - 𑌽𑌷𑍍𑌟𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 10)

𑌅𑌗𑍍𑌨𑍇॒ 𑌯𑌂-𑌯𑌁॒𑌜𑍍𑌞𑌮॑𑌦𑍍𑌧𑍍𑌵॒𑌰𑌂-𑌵𑌿𑌁॒𑌶𑍍𑌵𑌤𑌃॑ 𑌪𑌰𑌿॒𑌭𑍂𑌰𑌸𑌿॑ । 𑌸 𑌇𑌦𑍍𑌦𑍇॒𑌵𑍇𑌷𑍁॑ 𑌗𑌚𑍍𑌛𑌤𑌿 ॥ 𑌸𑍋𑌮॒ 𑌯𑌾𑌸𑍍𑌤𑍇॑ 𑌮𑌯𑍋॒𑌭𑍁𑌵॑ 𑌊॒𑌤𑌯॒-𑌸𑍍𑌸𑌨𑍍𑌤𑌿॑ 𑌦𑌾॒𑌶𑍁𑌷𑍇᳚ । 𑌤𑌾𑌭𑌿॑𑌰𑍍𑌨𑍋-𑌽𑌵𑌿॒𑌤𑌾 𑌭॑𑌵 ॥ 𑌅॒𑌗𑍍𑌨𑌿𑌰𑍍𑌮𑍂॒𑌰𑍍𑌧𑌾 𑌭𑍁𑌵𑌃॑ ॥ 𑌤𑍍𑌵𑌨𑍍𑌨𑌃॑ 𑌸𑍋𑌮॒ , 𑌯𑌾 𑌤𑍇॒ 𑌧𑌾𑌮𑌾॑𑌨𑌿 ॥ 𑌤-𑌥𑍍𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯॒-𑌮𑍍𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 । 𑌧𑌿𑌯𑍋॒ 𑌯𑍋 𑌨𑌃॑ 𑌪𑍍𑌰𑌚𑍋॒𑌦𑌯𑌾᳚𑌤𑍍 ॥ 𑌅𑌚𑌿॑𑌤𑍍𑌤𑍀॒ 𑌯𑌚𑍍𑌚॑𑌕𑍃॒𑌮𑌾 𑌦𑍈𑌵𑍍𑌯𑍇॒ 𑌜𑌨𑍇॑ 𑌦𑍀॒𑌨𑍈𑌰𑍍𑌦𑌕𑍍𑌷𑍈𑌃॒ 𑌪𑍍𑌰𑌭𑍂॑𑌤𑍀 𑌪𑍂𑌰𑍁𑌷॒𑌤𑍍𑌵𑌤𑌾᳚ । 43

𑌦𑍇॒𑌵𑍇𑌷𑍁॑ 𑌚 𑌸𑌵𑌿𑌤॒𑌰𑍍𑌮𑌾𑌨𑍁॑𑌷𑍇𑌷𑍁 𑌚॒ 𑌤𑍍𑌵𑌨𑍍𑌨𑍋॒ 𑌅𑌤𑍍𑌰॑ 𑌸𑍁𑌵𑌤𑌾॒𑌦𑌨𑌾॑𑌗𑌸𑌃 ॥ 𑌚𑍋॒𑌦॒𑌯𑌿॒𑌤𑍍𑌰𑍀 𑌸𑍂॒𑌨𑍃𑌤𑌾॑𑌨𑌾॒-𑌞𑍍𑌚𑍇𑌤॑𑌨𑍍𑌤𑍀 𑌸𑍁𑌮𑌤𑍀॒𑌨𑌾𑌮𑍍 । 𑌯॒𑌜𑍍𑌞-𑌨𑍍𑌦॑𑌧𑍇॒ 𑌸𑌰॑𑌸𑍍𑌵𑌤𑍀 ॥ 𑌪𑌾𑌵𑍀॑𑌰𑌵𑍀 𑌕॒𑌨𑍍𑌯𑌾॑ 𑌚𑌿॒𑌤𑍍𑌰𑌾𑌯𑍁॒-𑌸𑍍𑌸𑌰॑𑌸𑍍𑌵𑌤𑍀 𑌵𑍀॒𑌰𑌪॑𑌤𑍍𑌨𑍀॒ 𑌧𑌿𑌯॑-𑌨𑍍𑌧𑌾𑌤𑍍 । 𑌗𑍍𑌨𑌾𑌭𑌿॒𑌰𑌚𑍍𑌛𑌿॑𑌦𑍍𑌰𑌗𑍍𑌂 𑌶𑌰॒𑌣𑌗𑍍𑌂 𑌸॒𑌜𑍋𑌷𑌾॑ 𑌦𑍁𑌰𑌾॒𑌧𑌰𑍍𑌷॑-𑌙𑍍𑌗𑍃𑌣॒𑌤𑍇 𑌶𑌰𑍍𑌮॑ 𑌯𑌗𑍍𑌂𑌸𑌤𑍍 ॥ 𑌪𑍂॒𑌷𑌾 𑌗𑌾 𑌅𑌨𑍍𑌵𑍇॑𑌤𑍁 𑌨𑌃 𑌪𑍂॒𑌷𑌾 𑌰॑𑌕𑍍𑌷॒𑌤𑍍𑌵𑌰𑍍𑌵॑𑌤𑌃 । 𑌪𑍂॒𑌷𑌾 𑌵𑌾𑌜𑌗𑍍𑌂॑ 𑌸𑌨𑍋𑌤𑍁 𑌨𑌃 ॥ 𑌶𑍁॒𑌕𑍍𑌰-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌯॑𑌜॒𑌤-𑌨𑍍𑌤𑍇॑ 𑌅॒𑌨𑍍𑌯- [𑌅॒𑌨𑍍𑌯𑌤𑍍, 𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍗𑌰𑌿॑𑌵𑌾𑌸𑌿 ।] 44

-𑌦𑍍𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍗𑌰𑌿॑𑌵𑌾𑌸𑌿 । 𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌸𑌿 𑌸𑍍𑌵𑌧𑌾𑌵𑍋 𑌭॒𑌦𑍍𑌰𑌾 𑌤𑍇॑ 𑌪𑍂𑌷𑌨𑍍𑌨𑌿॒𑌹 𑌰𑌾॒𑌤𑌿𑌰॑𑌸𑍍𑌤𑍁 ॥ 𑌤𑍇॑-𑌽𑌵𑌰𑍍𑌧𑌨𑍍𑌤॒ 𑌸𑍍𑌵𑌤॑𑌵𑌸𑍋 𑌮𑌹𑌿𑌤𑍍𑌵॒𑌨𑌾 𑌽𑌽𑌨𑌾𑌕॑-𑌨𑍍𑌤॒𑌸𑍍𑌥𑍁𑌰𑍁॒𑌰𑍁 𑌚॑𑌕𑍍𑌰𑌿𑌰𑍇॒ 𑌸𑌦𑌃॑ । 𑌵𑌿𑌷𑍍𑌣𑍁॒ 𑌰𑍍𑌯𑌦𑍍𑌧𑌾-𑌽𑌽𑌵॒-𑌦𑍍𑌵𑍃𑌷॑𑌣-𑌮𑍍𑌮𑌦॒𑌚𑍍𑌯𑍁𑌤𑌂॒-𑌵𑌁𑌯𑍋॒ 𑌨 𑌸𑍀॑𑌦॒𑌨𑍍𑌨𑌧𑌿॑ 𑌬॒𑌰𑍍॒𑌹𑌿𑌷𑌿॑ 𑌪𑍍𑌰𑌿॒𑌯𑍇 ॥ 𑌪𑍍𑌰𑌚𑌿॒𑌤𑍍𑌰𑌮॒𑌰𑍍𑌕-𑌙𑍍𑌗𑍃॑𑌣॒𑌤𑍇 𑌤𑍁॒𑌰𑌾𑌯॒ 𑌮𑌾𑌰𑍁॑𑌤𑌾𑌯॒ 𑌸𑍍𑌵𑌤॑𑌵𑌸𑍇 𑌭𑌰𑌦𑍍𑌧𑍍𑌵𑌮𑍍 । 𑌯𑍇 𑌸𑌹𑌾𑌗𑍍𑌂॑𑌸𑌿॒ 𑌸𑌹॑𑌸𑌾॒ 𑌸𑌹॑𑌨𑍍𑌤𑍇॒ [𑌸𑌹॑𑌨𑍍𑌤𑍇, 𑌰𑍇𑌜॑𑌤𑍇 𑌅𑌗𑍍𑌨𑍇 𑌪𑍃𑌥𑌿॒𑌵𑍀 𑌮॒𑌖𑍇𑌭𑍍𑌯𑌃॑ ।] 45

𑌰𑍇𑌜॑𑌤𑍇 𑌅𑌗𑍍𑌨𑍇 𑌪𑍃𑌥𑌿॒𑌵𑍀 𑌮॒𑌖𑍇𑌭𑍍𑌯𑌃॑ ॥ 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌵𑌿𑌶𑍍𑌵𑍇॑ 𑌦𑍇𑌵𑌾𑌃 ॥ 𑌦𑍍𑌯𑌾𑌵𑌾॑ 𑌨𑌃 𑌪𑍃𑌥𑌿॒𑌵𑍀 𑌇॒𑌮𑌗𑍍𑌂 𑌸𑌿॒𑌦𑍍𑌧𑍍𑌰𑌮॒𑌦𑍍𑌯 𑌦𑌿॑𑌵𑌿॒𑌸𑍍𑌪𑍃𑌶᳚𑌮𑍍 । 𑌯॒𑌜𑍍𑌞-𑌨𑍍𑌦𑍇॒𑌵𑍇𑌷𑍁॒ 𑌯𑌚𑍍𑌛𑌤𑌾𑌮𑍍 ॥ 𑌪𑍍𑌰 𑌪𑍂᳚𑌰𑍍𑌵॒𑌜𑍇 𑌪𑌿॒𑌤𑌰𑌾॒ 𑌨𑌵𑍍𑌯॑𑌸𑍀𑌭𑌿𑌰𑍍𑌗𑍀॒𑌰𑍍𑌭𑌿𑌃 𑌕𑍃॑𑌣𑍁𑌦𑍍𑌧𑍍𑌵॒𑌗𑍍𑌂॒ 𑌸𑌦॑𑌨𑍇 𑌋॒𑌤𑌸𑍍𑌯॑ । 𑌆 𑌨𑍋᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌦𑍈𑌵𑍍𑌯𑍇॑𑌨॒ 𑌜𑌨𑍇॑𑌨 𑌯𑌾𑌤॒-𑌮𑍍𑌮𑌹𑌿॑ 𑌵𑌾𑌂॒-𑌵𑌁𑌰𑍂॑𑌥𑌮𑍍 ॥ 𑌅॒𑌗𑍍𑌨𑌿𑌗𑍍𑌗𑍍 𑌸𑍍𑌤𑍋𑌮𑍇॑𑌨 𑌬𑍋𑌧𑌯 𑌸𑌮𑌿𑌧𑌾॒𑌨𑍋 𑌅𑌮॑𑌰𑍍𑌤𑍍𑌯𑌮𑍍 । 𑌹॒𑌵𑍍𑌯𑌾 𑌦𑍇॒𑌵𑍇𑌷𑍁॑ 𑌨𑍋 𑌦𑌧𑌤𑍍 ॥ 𑌸 𑌹॑𑌵𑍍𑌯॒𑌵𑌾𑌡𑌮॑𑌰𑍍𑌤𑍍𑌯 𑌉॒𑌶𑌿𑌗𑍍𑌦𑍂॒𑌤𑌶𑍍𑌚𑌨𑍋॑𑌹𑌿𑌤𑌃 । 𑌅॒𑌗𑍍𑌨𑌿𑌰𑍍𑌧𑌿॒𑌯𑌾 𑌸𑌮𑍃॑𑌣𑍍𑌵𑌤𑌿 ॥ 𑌶𑌨𑍍𑌨𑍋॑ 𑌭𑌵𑌨𑍍𑌤𑍁॒, 𑌵𑌾𑌜𑍇॑𑌵𑌾𑌜𑍇 ॥ 46 ॥

(𑌪𑍁॒𑌰𑍁॒𑌷॒𑌤𑍍𑌵𑌤𑌾॑ - 𑌯𑌜॒𑌤𑌨𑍍𑌤𑍇॑ 𑌅॒𑌨𑍍𑌯𑌥𑍍 - 𑌸𑌹॑𑌨𑍍𑌤𑍇॒ - 𑌚𑌨𑍋॑𑌹𑌿𑌤𑍋॒ - 𑌽𑌷𑍍𑌟𑍗 𑌚॑ ) (𑌅. 11)

(𑌯𑍁॒𑌞𑍍𑌜𑌾॒𑌨 - 𑌇॒𑌮𑌾𑌮॑𑌗𑍃𑌭𑍍𑌣𑌨𑍍 - 𑌦𑍇॒𑌵𑌸𑍍𑌯॒ - 𑌸𑌨𑍍𑌤𑍇॒ - 𑌵𑌿 𑌪𑌾𑌜॑𑌸𑌾॒ - 𑌵𑌸॑𑌵𑌸𑍍𑌤𑍍𑌵𑌾॒ - 𑌸𑌮𑌾᳚𑌸𑍍𑌤𑍍𑌵𑍋॒ - 𑌰𑍍𑌧𑍍𑌵𑌾 - 𑌅॒𑌸𑍍𑌯𑌾𑌕𑍂॑𑌤𑌿𑌂॒ - 𑌁𑌯𑌦॑𑌗𑍍𑌨𑍇॒ 𑌯𑌾𑌨𑍍 - 𑌯𑌗𑍍𑌨𑍇॒ 𑌯𑌂-𑌯𑌁॒𑌜𑍍𑌞 - 𑌮𑍇𑌕𑌾॑𑌦𑌶)

(𑌯𑍁॒𑌞𑍍𑌜𑌾॒𑌨𑍋 - 𑌵𑌰𑍍𑌮॑ 𑌚 𑌸𑍍𑌥 - 𑌆𑌦𑌿॒𑌤𑍍𑌯𑌸𑍍𑌤𑍍𑌵𑌾॒ - 𑌭𑌾𑌰॑𑌤𑍀॒ - 𑌸𑍍𑌵𑌾𑌗𑍍𑌂 𑌅॒𑌹𑌗𑍍𑌂 - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍 )

(𑌯𑍁॒𑌞𑍍𑌜𑌾॒𑌨𑍋, 𑌵𑌾𑌜𑍇॑𑌵𑌾𑌜𑍇)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ñcaturthakāṇḍe prathamaḥ praśnaḥ- agnicityaṅga mantrapāṭhābhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

yu॒ñjā॒naḥ pra̭tha॒ma-mmana̭sta॒tvāya̭ savi॒tā dhiyaḥ̭ | a॒gni-ñjyoti̭rni॒cāyya̭ pṛthi॒vyā addhyā 'bha̭rat || yu॒ktvāya॒ mana̭sā de॒vān-thsuva̭rya॒to dhi॒yā diva᳚m | bṛ॒hajjyotiḥ̭ kariṣya॒ta-ssa̭vi॒tā prasṷvāti॒ tān || yu॒ktena॒ mana̭sā va॒ya-nde॒vasya̭ savi॒tu-ssa॒ve | su॒va॒rgeyā̭ya॒ śaktyai᳚ || yu॒ñjate॒ mana̭ u॒ta yṷñjate॒ dhiyo॒ viprā॒ vipra̭sya bṛha॒to vi̭pa॒ścitaḥ̭ | vi hotrā̭ dadhe vayunā॒ videka॒ i- [vayunā॒ videka॒ it, ma॒hī de॒vasya̭] 1

-nma॒hī de॒vasya̭ savi॒tuḥ pari̭ṣṭutiḥ || yu॒je vā॒-mbrahma̭ pū॒rvya-nnamo̭bhi॒rvi ślokā̭ yanti pa॒thyḙva॒ sūrāḥ᳚ | śṛ॒ṇvanti॒ viśvḙ a॒mṛta̭sya pu॒trā ā ye dhāmā̭ni di॒vyāni̭ ta॒sthuḥ || yasya̭ pra॒yāṇa॒manva॒nya idya॒yurde॒vā de॒vasya̭ mahi॒māna॒marca̭taḥ | yaḥ pārthi̭vāni vima॒me sa eta̭śo॒ rajāgṃ̭si de॒va-ssa̭vi॒tā ma̭hitva॒nā || deva̭ savitaḥ॒ prasṷva ya॒jña-mprasa̭va [ ] 2

ya॒jñapa̭ti॒-mbhagā̭ya di॒vyo ga̭ndha॒rvaḥ | ke॒ta॒pūḥ keta̭nnaḥ punātu vā॒caspati॒rvāca̭ma॒dya sva̭dāti naḥ || i॒ma-nno̭ deva savitarya॒jña-mprasṷva devā॒yuvagṃ̭ sakhi॒vidagṃ̭ satrā॒jita̭-ndhana॒jitagṃ̭ suva॒rjita᳚m || ṛ॒cā stoma॒gṃ॒ sama̭rdhaya gāya॒treṇa̭ rathanta॒ram | bṛ॒ha-dgā̭ya॒trava̭rtani || de॒vasya̭ tvā savi॒tuḥ pra̭sa॒ve᳚ 'śvino᳚rbā॒hubhyā᳚-mpū॒ṣṇo hastā᳚bhyā-ṅgāya॒treṇa॒ chanda॒sā ''da̭de-'ṅgira॒svadabhri̭rasi॒ nāri̭- [nāriḥ̭, a॒si॒ pṛ॒thi॒vyā-ssa॒dhasthā̭-] 3

-rasi pṛthi॒vyā-ssa॒dhasthā̭-da॒gni-mpṷrī॒ṣya̭maṅgira॒svadā bha̭ra॒ traiṣṭṷbhena tvā॒ chanda॒sā ''da̭de-'ṅgira॒sva-dbabhri̭rasi॒ nāri̭rasi॒ tvayā̭ va॒yagṃ sa॒dhastha॒ āgnigṃ śa̭kema॒ khani̭tu-mpurī॒ṣya̭-ñjāga̭tena tvā॒ chanda॒sā ''da̭de-'ṅgira॒svaddhasta̭ ā॒dhāya̭ savi॒tā bibhra॒dabhrigṃ̭ hira॒ṇyayī᳚m | tayā॒ jyoti॒raja̭sra॒-mida॒gni-ṅkhā॒tvī na॒ ā bha॒rānṷṣṭubhena tvā॒ chanda॒sā ''da̭de-'ṅgira॒svat || 4 ||

(i--dya॒jña-mprasṷva॒ - nāri॒ - rānṷṣṭubhena tvā॒ chanda̭sā॒ - trīṇi̭ ca) (a. 1)

i॒māma̭gṛbhṇa-nraśa॒nāmṛ॒tasya॒ pūrva॒ āyṷṣi vi॒dathḙṣu ka॒vyā | tayā̭ de॒vā-ssu॒tamā ba̭bhūvur-ṛ॒tasya॒ sāma᳚n-thsa॒ramā॒rapa̭ntī || pratū᳚rtaṃ-vā~ji॒nnā dra̭va॒ vari̭ṣṭhā॒manṷ saṃ॒va~ta᳚m | di॒vi te॒ janma̭ para॒mama॒ntari̭kṣe॒ nābhiḥ̭ pṛthi॒vyāmadhi॒ yoniḥ̭ || yu॒ñjāthā॒gṃ॒ rāsa̭bhaṃ-yu~॒vama॒smin. yāmḙ vṛṣaṇvasū | a॒gni-mbhara̭ntamasma॒yum || yogḙyoge ta॒vasta̭raṃ॒-vā~jḙvāje havāmahe | sakhā̭ya॒ indra̭ma॒taye᳚ || pra॒tūrva॒- [pra॒tūrvanṋ, ehya̭va॒krāma॒nnaśa̭stī] 5

-nnehya̭va॒krāma॒nnaśa̭stī ru॒drasya॒ gāṇa̭patyā-nmayo॒bhūrehi̭ | u॒rva̭ntari̭kṣa॒manvi̭hi sva॒sti ga̭vyūti॒rabha̭yāni kṛ॒ṇvann || pū॒ṣṇā sa॒yujā̭ sa॒ha | pṛ॒thi॒vyā-ssa॒dhasthā̭da॒gni-mpṷri॒ṣya̭-maṅgira॒sva-dacche᳚hya॒gni-mpṷrī॒ṣya̭ -maṅgira॒svada-cchḙmo॒-'gni-mpṷrī॒ṣya̭-maṅgira॒sva-dbha̭riṣyāmo॒-'gni-mpṷrī॒ṣya̭-maṅgira॒sva-dbha̭rāmaḥ || anva॒gniru॒ṣasā॒-magra̭makhya॒-danvahā̭ni pratha॒mo jā॒tavḙdāḥ | anu॒ sūrya̭sya [sūrya̭sya, pu॒ru॒trā ca̭] 6

puru॒trā ca̭ ra॒śmīnanu॒ dyāvā̭pṛthi॒vī ā ta̭tāna || ā॒gatya̭ vā॒jyaddhva̭na॒-ssarvā॒ mṛdho॒ vidhṷ̄nute | a॒gnigṃ sa॒dhasthḙ maha॒ti cakṣṷṣā॒ ni ci̭kīṣate || ā॒kramya̭ vāji-npṛthi॒vīma॒gnimi̭ccha ru॒cā tvam | bhūmyā̭ vṛ॒tvāya̭ no brūhi॒ yataḥ॒ khanā̭ma॒ taṃ-va~॒yam || dyaustḙ pṛ॒ṣṭha-mpṛ̭thi॒vī sa॒dhastha̭mā॒tmā 'ntari̭kṣagṃ samu॒draste॒ yoniḥ̭ | vi॒khyāya॒ cakṣṷṣā॒ tvama॒bhi ti̭ṣṭha [tvama॒bhi ti̭ṣṭha, pṛ॒ta॒nya॒taḥ |] 7

pṛtanya॒taḥ || utkrā̭ma maha॒te saubha̭gāyā॒-smādā॒sthānā᳚-ddraviṇo॒dā vā̭jinn | va॒yagg syā̭ma suma॒tau pṛ̭thi॒vyā a॒gni-ṅkha̭ni॒ṣyanta̭ u॒pasthḙ asyāḥ || uda̭kramī-ddraviṇo॒dā vā॒jyarvā-'ka॒-ssa lo॒kagṃ sukṛ̭ta-mpṛthi॒vyāḥ | tataḥ̭ khanema su॒pratī̭kama॒gnigṃ suvo॒ ruhā̭ṇā॒ adhi॒ nāka̭ utta॒me || a॒po de॒vīrupa̭ sṛja॒ madhṷmatīraya॒kṣmāya̭ pra॒jābhyaḥ̭ | tāsā॒g॒ sthānā॒dujji̭hatā॒-moṣa̭dhaya-ssupippa॒lāḥ || jigha̭- [jigha̭rmi, a॒gni-mmana̭sā] 8

-rmya॒gni-mmana̭sā ghṛ॒tena̭ prati॒kṣyanta॒-mbhuva̭nāni॒ viśvā᳚ | pṛ॒thu-nti̭ra॒ścā vaya̭sā bṛ॒hantaṃ॒-vya~ci̭ṣṭha॒mannagṃ̭ rabha॒saṃ-vi~dā̭nam || ā tvā̭ jigharmi॒ vaca̭sā ghṛ॒tenā̭-'ra॒kṣasā॒ mana̭sā॒ tajjṷṣasva | marya̭śrī-sspṛha॒ya-dva̭rṇo a॒gnirnā-'bhi॒mṛśḙ ta॒nuvā॒ jarhṛ̭ṣāṇaḥ || pari॒ vāja̭patiḥ ka॒vira॒gnir-ha॒vyānya̭kramīt | dadha॒-dratnā̭ni dā॒śuṣe᳚ || pari̭ tvā-'gne॒ puraṃ̭-va~॒yaṃ-vi~pragṃ̭ sahasya dhīmahi | dhṛ॒ṣa-dva̭rṇa-ndi॒vedi̭ve bhe॒ttāra̭-mbhaṅgu॒rāva̭taḥ || tvama̭gne॒ dyubhi॒stva-mā̭śuśu॒kṣaṇi॒stva-ma॒dbhyastva-maśma̭na॒spari̭ | tvaṃ-va~ne᳚bhya॒ stvamoṣa̭dhībhya॒ stva-nnṛ॒ṇā-nnṛ̭pate jāyase॒ śuciḥ̭ || 9 ||

(pra॒tūrva॒nth - sūrya̭sya - tiṣṭha॒ - jigha̭rmi - bhe॒ttāraṃ̭ - ~vigṃśa॒tiśca̭) (a. 2)

de॒vasya̭ tvā savi॒tuḥ pra̭sa॒ve᳚-'śvino᳚ rbā॒hubhyā᳚-mpū॒ṣṇo hastā᳚bhyā-mpṛthi॒vyā-ssa॒dhasthe॒-'gni-mpṷrī॒ṣya̭-maṅgira॒sva-tkha̭nāmi || jyoti̭ṣmanta-ntvā-'gne su॒pratī̭ka॒maja̭sreṇa bhā॒nunā॒ dīdyā̭nam | śi॒va-mpra॒jābhyo-'higṃ̭ santa-mpṛthi॒vyā-ssa॒dhasthe॒-'gni-mpṷrī॒ṣya̭ -maṅgira॒sva-tkha̭nāmi || a॒pā-mpṛ॒ṣṭhama̭si sa॒prathā̭ u॒rva̭gni-mbha̭ri॒ṣyadapa̭rāvapiṣṭham | vardha̭māna-mma॒ha ā ca॒ puṣka̭ra-ndi॒vo mātra̭yā vari॒ṇā pra̭thasva || śarma̭ ca stho॒ [śarma̭ ca sthaḥ, varma̭ ca] 10

varma̭ ca stho॒ acchi̭dre bahu॒le u॒bhe | vyaca̭svatī॒ saṃ-va~̭sāthā-mbha॒rtama॒gni-mpṷrī॒ṣya᳚m || saṃva~̭sāthāgṃ suva॒rvidā̭ sa॒mīcī॒ ura̭sā॒ tmanā᳚ | a॒gnima॒nta rbha̭ri॒ṣyantī॒ jyoti̭ṣmanta॒ maja̭sra॒mit || pu॒rī॒ṣyo̭-'si vi॒śvabha̭rāḥ | atha̭rvā tvā pratha॒mo nira̭manthadagne || tvāma̭gne॒ puṣka̭rā॒daddhyatha̭rvā॒ nira̭manthata | mū॒rdhno viśva̭sya vā॒ghataḥ̭ || tamṷ tvā da॒ddhyaṅṅṛṣiḥ̭ pu॒tra ī̭dhe॒ [pu॒tra ī̭dhe, atha̭rvaṇaḥ |] 11

atha̭rvaṇaḥ | vṛ॒tra॒haṇa̭-mpuranda॒ram || tamṷ tvā pā॒thyo vṛṣā॒ samī̭dhe dasyu॒hanta̭mam | dha॒na॒ñja॒yagṃ raṇḙraṇe || sīda̭ hota॒-ssva ṷ lo॒ke ci̭ki॒tvān-thsā॒dayā̭ ya॒jñagṃ sṷkṛ॒tasya॒ yonau᳚ | de॒vā॒vīrde॒vān. ha॒viṣā̭ yajā॒syagnḙ bṛ॒ha-dyaja̭māne॒ vayo̭ dhāḥ || ni hotā̭ hotṛ॒ṣada̭ne॒ vidā̭nastve॒ṣo dī̭di॒vāgṃ a̭sada-thsu॒dakṣaḥ̭ | ada̭bdhavrata pramati॒rvasi̭ṣṭha-ssahasra-mbha॒ra-śśuci̭jihvo a॒gniḥ || sagṃ sī̭dasva ma॒hāgṃ a̭si॒ śoca̭sva [śoca̭sva, de॒va॒vīta̭maḥ |] 12

deva॒vīta̭maḥ | vi dhū॒mama̭gne aru॒ṣa-mmi̭yeddhya sṛ॒ja pra̭śasta darśa॒tam || jani̭ṣvā॒ hi jenyo॒ agre॒ ahnāgṃ̭ hi॒to hi॒teṣva̭ru॒ṣo vanḙṣu | damḙdame sa॒pta ratnā॒ dadhā̭no॒-'gnirhotā॒ ni ṣa̭sādā॒ yajī̭yān || 13 ||

(stha॒ - ī॒dhe॒ - śoca̭sva - sa॒ptavigṃ̭śatiśca) - (a. 3)

sa-ntḙ vā॒yurmā̭ta॒riśvā̭ dadhātūttā॒nāyai॒ hṛda̭yaṃ॒-ya~dvili̭ṣṭam | de॒vānāṃ॒-ya~ścara̭ti prā॒ṇathḙna॒ tasmai̭ ca devi॒ vaṣa̭ḍastu॒ tubhya᳚m || sujā̭to॒ jyoti̭ṣā sa॒ha śarma॒ varṷ̄tha॒mā-'sa̭da॒-ssuvaḥ̭ | vāso̭ agne vi॒śvarṷ̄pa॒gṃ॒ saṃvya~̭yasva vibhāvaso || udṷ tiṣṭha svaddhva॒rāvā̭ no de॒vyā kṛ॒pā | dṛ॒śe ca̭ bhā॒sā bṛ̭ha॒tā sṷśu॒kvani॒rā-'gnḙ yāhi suśa॒stibhiḥ̭ || 14 ||

ū॒rdhva ū॒ ṣu ṇa̭ ū॒taye॒ tiṣṭhā̭ de॒vo na sa̭vi॒tā | ū॒rdhvo vāja̭sya॒ sani̭tā॒ yada॒ñjibhi̭-rvā॒ghadbhi̭-rvi॒hvayā̭mahe || sa jā॒to garbho̭ asi॒ roda̭syo॒ragne॒ cāru॒rvibhṛ̭ta॒ oṣa̭dhīṣu | ci॒tra-śśiśuḥ॒ pari॒ tamāg̭sya॒ktaḥ pra mā॒tṛbhyo॒ adhi॒ kani̭kradadgāḥ || sthi॒ro bha̭va vī॒ḍva̭ṅga ā॒śurbha̭va vā॒jya̭rvann | pṛ॒thurbha̭va su॒ṣada॒stvama॒gneḥ pṷrīṣa॒vāha̭naḥ || śi॒vo bha̭va [ ] 15

pra॒jābhyo॒ mānṷṣībhya॒stvama̭ṅgiraḥ | mā dyāvā̭pṛthi॒vī a॒bhi śṷ̄śuco॒ mā-'ntari̭kṣa॒-mmā vana॒spatīṋ || praitṷ vā॒jī kani̭krada॒-nnāna̭da॒-drāsa̭bhaḥ॒ patvā᳚ | bhara̭nna॒gni-mpṷrī॒ṣya̭-mmā pā॒dyāyṷṣaḥ pu॒rā || rāsa̭bho vā॒-ṅkani̭krada॒-thsuyṷkto vṛṣaṇā॒ rathe᳚ | sa vā̭ma॒gni-mpṷrī॒ṣya̭mā॒śurdū॒to va̭hādi॒taḥ || vṛṣā॒-'gniṃ-vṛ~ṣa̭ṇa॒-mbhara̭nna॒pā-ṅgarbhagṃ̭ samu॒driya᳚m | agna॒ ā yā̭hi [ ] 16

vī॒taya̭ ṛ॒tagṃ sa॒tyam || oṣa̭dhayaḥ॒ prati̭ gṛhṇītā॒-'gnime॒tagṃ śi॒vamā॒yanta̭ma॒bhyatra̭ yu॒ṣmān | vyasya॒n viśvā॒ ama̭tī॒rarā̭tī-rni॒ṣīda̭nno॒ apa̭ durma॒tigṃ ha̭nat || oṣa̭dhayaḥ॒ prati̭ modaddhvamena॒-mpuṣpā̭vatī-ssupippa॒lāḥ | a॒yaṃ-vo~॒ garbha̭ ṛ॒tviyaḥ̭ pra॒tnagṃ sa॒dhastha॒mā 'sa̭dat || 17 ||

(su॒śa॒stibhiḥ̭ - śi॒vo bha̭va - yāhi॒ - ṣaṭtrigṃ̭śacca) (a. 4)

vi pāja̭sā pṛ॒thunā॒ śośṷcāno॒ bādha̭sva dvi॒ṣo ra॒kṣaso॒ amī̭vāḥ | su॒śarma̭ṇo bṛha॒ta-śśarma̭ṇi syāma॒gnera॒hagṃ su॒hava̭sya॒ praṇī̭tau || āpo॒ hi ṣṭhā ma̭yo॒bhuva॒stā na̭ ū॒rje da̭dhātana | ma॒he raṇā̭ya॒ cakṣa̭se || yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || tasmā॒ ara̭-ṅgamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || mi॒tra- [mi॒traḥ, sa॒gṃ॒sṛjya̭] 18

-ssa॒gṃ॒sṛjya̭ pṛthi॒vī-mbhūmi̭-ñca॒ jyoti̭ṣā sa॒ha | sujā̭ta-ñjā॒tavḙdasama॒gniṃ-vai~᳚śvāna॒raṃ-vi~॒bhum || a॒ya॒kṣmāya̭ tvā॒ sagṃ sṛ̭jāmi pra॒jābhyaḥ̭ | viśve᳚ tvā de॒vā vai᳚śvāna॒rā-ssagṃ sṛ̭ja॒ntvā-nṷṣṭubhena॒ chanda̭sā-'ṅgira॒svat || ru॒drā-ssa॒bhṛntya̭ pṛthi॒vī-mbṛ॒hajjyoti॒-ssamī̭dhire | teṣā᳚-mbhā॒nuraja̭sra॒ icchu॒kro de॒veṣṷ rocate || sagṃ sṛ̭ṣṭāṃ॒-va~sṷbhī ru॒drairdhīraiḥ᳚ karma॒ṇyā᳚-mmṛda᳚m | hastā᳚bhyā-mmṛ॒dvī-ṅkṛ॒tvā si̭nīvā॒lī ka̭rotu॒ [si̭nīvā॒lī ka̭rotu, tām |] 19

tām || si॒nī॒vā॒lī sṷkapa॒rdā sṷkurī॒rā svaṷpa॒śā | sā tubhya̭madite maha॒ okhā-nda̭dhātu॒ hasta̭yoḥ || u॒khā-ṅka̭rotu॒ śaktyā̭ bā॒hubhyā॒-madi̭tirdhi॒yā | mā॒tā pu॒traṃ-ya~tho॒pasthe॒ sā-'gni-mbi̭bhartu॒ garbha॒ ā || ma॒khasya॒ śiro̭-'si ya॒jñasya̭ pa॒de sthaḥ̭ | vasa̭vastvā kṛṇvantu gāya॒treṇa॒ chanda̭sā 'ṅgira॒sva-tpṛ̭thi॒vya̭si ru॒drāstvā̭ kṛṇvantu॒ traiṣṭṷbhena॒ chanda̭sā 'ṅgira॒svada॒ntari̭kṣama- [-'ṅgira॒svada॒ntari̭kṣamasi, ā॒di॒tyāstvā̭] 20

-syādi॒tyāstvā̭ kṛṇvantu॒ jāga̭tena॒ chanda̭sā-'ṅgira॒sva-ddyaura̭si॒ viśve᳚ tvā de॒vā vai᳚śvāna॒rāḥ kṛ̭ṇva॒ntvānṷṣṭubhena॒ chanda̭sā-'ṅgira॒sva-ddiśo̭-'si dhru॒vā-'si̭ dhā॒rayā॒ mayi̭ pra॒jāgṃ rā॒yaspoṣa̭-ṅgaupa॒tyagṃ su॒vīryagṃ̭ sajā॒tān. yaja̭mānā॒yā-'di̭tyai॒ rāsnā॒-'sya di̭tiste॒ bila̭-ṅgṛhṇātu॒ pāṅktḙna॒ chanda̭sā 'ṅgira॒svat || kṛ॒tvāya॒ sā ma॒hīmu॒khā-mmṛ॒nmayīṃ॒-yo~ni̭ma॒gnaye᳚ | tā-mpu॒trebhya॒-ssa-mprā ya̭ccha॒dadi̭ti-śśra॒payā॒niti̭ || 21 ||

(mi॒traḥ - ka̭ro - tva॒ntari̭kṣamasi॒ - pra - ca॒tvāri̭ ca) (a. 5)

vasa̭vastvā dhūpayantu gāya॒treṇa॒ chanda̭sā-'ṅgira॒sva-dru॒drāstvā̭ dhūpayantu॒ traiṣṭṷbhena॒ chanda̭sā-'ṅgira॒sva-dā̭di॒tyāstvā̭ dhūpayantu॒ jāga̭tena॒ chanda̭sā-'ṅgira॒svad- viśve᳚ tvā de॒vā vai᳚śvāna॒rā dhṷ̄paya॒ntvānṷṣṭubhena॒ chanda̭sā-'ṅgira॒sva-dindra̭stvā dhūpayatvaṅgira॒sva--dviṣṇṷstvā dhūpayatvaṅgira॒sva-dvarṷṇastvā dhūpayatvaṅgira॒sva-dadi̭tistvā de॒vī vi॒śvade᳚vyāvatī pṛthi॒vyā-ssa॒dhasthe᳚-'ṅgira॒sva-tkha̭natvavaṭa de॒vānā᳚-ntvā॒ patnī᳚- [patnīḥ᳚, de॒vī-rvi॒śvade᳚vyāvatīḥ] 22

-rde॒vī-rvi॒śvade᳚vyāvatīḥ pṛthi॒vyā-ssa॒dhasthe᳚-'ṅgira॒sva-dda̭dhatūkhe dhi॒ṣaṇā᳚stvā de॒vīrvi॒śvade᳚vyāvatīḥ pṛthi॒vyā-ssa॒dhasthe᳚-'ṅgira॒sva-da॒bhīndha̭tāmukhe॒ gnāstvā̭ de॒vīrvi॒śvade᳚vyāvatīḥ pṛthi॒vyā-ssa॒dhasthe᳚-'ṅgira॒sva-cchra̭payantūkhe॒ varū᳚trayo॒ jana̭yastvā de॒vīrvi॒śvade᳚vyāvatīḥ pṛthi॒vyā-ssa॒dhasthe᳚-'ṅgira॒sva-tpa̭cantūkhe | mitrai॒tāmu॒khā-mpa̭cai॒ṣā mā bhḙdi | e॒tā-nte॒ pari̭ dadā॒myabhi̭ttyai || a॒bhīmā- [a॒bhīmām, ma॒hi॒nā diva̭-mmi॒tro] 23

-mma̭hi॒nā diva̭-mmi॒tro ba̭bhūva sa॒prathāḥ᳚ | u॒ta śrava̭sā pṛthi॒vīm || mi॒trasya̭ carṣaṇī॒dhṛta॒-śśravo̭ de॒vasya̭ sāna॒sim | dyu॒mna-ñci॒traśra̭vastamam || de॒vastvā̭ savi॒todva̭patu supā॒ṇi-ssva̭ṅgu॒riḥ | su॒bā॒huru॒ta śaktyā᳚ || apa̭dyamānā pṛthi॒vyāśā॒ diśa॒ ā pṛ̭ṇa | utti̭ṣṭha bṛha॒tī bha̭vo॒rdhvā ti̭ṣṭha dhru॒vā tvam || vasa̭va॒stvā ''cchṛ̭ndantu gāya॒treṇa॒ chanda̭sā-'ṅgira॒sva-dru॒drāstvā-'' cchṛ̭ndantu॒ traiṣṭṷbhena॒ chanda̭sā-'ṅgira॒sva-dā̭di॒tyāstvā ''cchṛ̭ndantu॒ jāga̭tena॒ chanda̭sā-'ṅgira॒sva-dviśve᳚ tvā de॒vā vai᳚śvāna॒rā ā cchṛ̭nda॒ntvānṷṣṭubhena॒ chanda̭sā-'ṅgira॒svat || 24 ||

(patnī̭ - ri॒māgṃ - ru॒drāstvā-'' cchṛ̭nda॒ntve - kā॒nna vigṃ̭śa॒tiśca̭) (a. 6)

samā᳚stvā-'gna ṛ॒tavo̭ vardhayantu saṃva~thsa॒rā ṛṣa̭yo॒ yāni̭ sa॒tyā | sa-ndi॒vyena̭ dīdihi roca॒nena॒ viśvā॒ ā bhā̭hi pra॒diśaḥ̭ pṛthi॒vyāḥ || sa-ñce॒ddhyasvā᳚-'gne॒ pra ca̭ bodhayaina॒mucca̭ tiṣṭha maha॒te saubha̭gāya | mā ca̭ riṣadupasa॒ttā tḙ agne bra॒hmāṇa̭ste ya॒śasaḥ̭ santu॒ mā-'nye || tvāma̭gne vṛṇate brāhma॒ṇā i॒me śi॒vo a̭gne [ ] 25

saṃ॒-va~ra̭ṇe bhavā naḥ | sa॒pa॒tna॒hā no̭ abhimāti॒jicca॒ sve gayḙ jāgṛ॒hya pra̭yucchann || i॒haivāgne॒ adhi̭ dhārayā ra॒yi-mmā tvā॒ nikra̭-npūrva॒cito̭ nikā॒riṇaḥ̭ | kṣa॒trama̭gne su॒yama̭mastu॒ tubhya̭mupasa॒ttā va̭rdhatā-nte॒ ani̭ṣṭṛtaḥ || kṣa॒treṇā᳚-'gne॒ svāyu॒-ssagṃ ra̭bhasva mi॒treṇā᳚-'gne mitra॒dheyḙ yatasva | sa॒jā॒tānā᳚-mmaddhyama॒sthā ḙdhi॒ rājñā̭magne viha॒vyo̭ dīdihī॒ha || ati॒ [ati̭, niho॒ ati॒ sridho] 26

niho॒ ati॒ sridho 'tyaci̭tti॒-matyarā̭timagne | viśvā॒ hya̭gne duri॒tā saha॒svāthā॒smabhyagṃ̭ sa॒havī̭rāgṃ ra॒yindāḥ᳚ || a॒nā॒dhṛ॒ṣyo jā॒tava̭dā॒ ani̭ṣṭṛto vi॒rāḍa̭gne kṣatra॒bhṛ-ddī̭dihī॒ha | viśvā॒ āśāḥ᳚ pramu॒ñca-nmānṷṣīrbhi॒ya-śśi॒vābhi̭ra॒dya pari̭ pāhi no vṛ॒dhe || bṛha̭spate savitarbo॒dhayai̭na॒gṃ॒ sagṃśi̭ta-ñcithsa-nta॒rāgṃ sagṃ śi̭śādhi | va॒rdhayai̭na-mmaha॒te saubha̭gāya॒ [saubha̭gāya, viśva̭ ena॒manṷ madantu de॒vāḥ |] 27

viśva̭ ena॒manṷ madantu de॒vāḥ || a॒mu॒tra॒bhūyā॒dadha॒ yadya॒masya॒ bṛha̭spate a॒bhiśa̭ste॒ra mṷñcaḥ | pratyaṷhatā-ma॒śvinā̭ mṛ॒tyuma̭smā-dde॒vānā̭-magne bhi॒ṣajā॒ śacī̭bhiḥ || udva॒ya-ntama̭sa॒spari॒ paśya̭nto॒ jyoti॒rutta̭ram | de॒va-ndḙva॒trā sūrya॒maga̭nma॒ jyoti̭rutta॒mam || 28 ||

(i॒me śi॒vo a॒gne - 'ti॒ - saubha̭gāya॒ - catṷstrigṃśacca) (a. 7)

ū॒rdhvā a̭sya sa॒midho̭ bhavantyū॒rdhvā śu॒krā śo॒cīgṣya॒gneḥ | dyu॒matta̭mā su॒pratī̭kasya sū॒noḥ || tanū॒napā॒dasṷro vi॒śvavḙdā de॒vo de॒veṣṷ de॒vaḥ | pa॒tha ā-'na̭kti॒ maddhvā̭ ghṛ॒tena̭ || maddhvā̭ ya॒jña-nna̭kṣase prīṇā॒no narā॒śagṃso̭ agne | su॒kṛdde॒va-ssa̭vi॒tā vi॒śvavā̭raḥ || acchā॒yamḙti॒ śava̭sā ghṛ॒tenḙḍā॒no vahni॒rnama̭sā | a॒gnigg sruco̭ addhva॒reṣṷ pra॒yathsṷ || sa ya̭kṣadasya mahi॒māna̭ma॒gne-ssa [mahi॒māna̭ma॒gne-ssaḥ, ī॒ ma॒ndrāsṷ pra॒yasaḥ̭ |] 29

ī̭ ma॒ndrāsṷ pra॒yasaḥ̭ | vasu॒śceti̭ṣṭho vasu॒dhāta̭maśca || dvāro̭ de॒vīranva̭sya॒ viśve᳚ vra॒tā da̭dante a॒gneḥ | u॒ru॒vyaca̭so॒ dhāmnā॒ patya̭mānāḥ || te a̭sya॒ yoṣa̭ṇe di॒vye na yonā̭vu॒ṣāsā॒naktā᳚ | i॒maṃ-ya~॒jñama̭vatā maddhva॒ra-nnaḥ̭ || daivyā̭ hotārāvū॒rdhva-ma̭ddhva॒ra-nno॒-'gnerji॒hvāma॒bhi gṛ̭ṇītam | kṛ॒ṇu॒ta-nna॒-ssvi̭ṣṭim || ti॒sro de॒vīrba॒r॒hiredagṃ sa̭da॒ntviḍā॒ sara̭svatī॒ [sara̭svatī, bhāra̭tī |] 30

bhāra̭tī | ma॒hī gṛ̭ṇā॒nā || tanna̭stu॒rīpa॒madbhṷta-mpuru॒kṣu tvaṣṭā̭ su॒vīra᳚m | rā॒yaspoṣaṃ॒-vi~ ṣya̭tu॒ nābhi̭ma॒sme || vana̭spa॒te-'va̭ sṛjā॒ rarā̭ṇa॒stmanā̭ de॒veṣṷ | a॒gnirha॒vyagṃ śa̭mi॒tā sṷ̄dayāti || agne॒ svāhā̭ kṛṇuhi jātaveda॒ indrā̭ya ha॒vyam | viśvḙ de॒vā ha॒viri॒da-ñjṷṣantām || hi॒ra॒ṇya॒ga॒rbha-ssama̭varta॒tāgrḙ bhū॒tasya̭ jā॒taḥ pati॒reka̭ āsīt | sa dā̭dhāra pṛthi॒vī-ndyā- [pṛthi॒vī-ndyām, u॒temā-ṅkasmai̭] 31

-mu॒temā-ṅkasmai̭ de॒vāya̭ ha॒viṣā̭ vidhema || yaḥ prā̭ṇa॒to ni̭miṣa॒to ma̭hi॒tvaika॒ idrājā॒ jaga̭to ba॒bhūva̭ | ya īśḙ a॒sya dvi॒pada॒ścatṷṣpadaḥ॒ kasmai̭ de॒vāya̭ ha॒viṣā̭ vidhema || ya ā᳚tma॒dā ba̭la॒dā yasya॒ viśva̭ u॒pāsa̭te pra॒śiṣaṃ॒-ya~sya̭ de॒vāḥ | yasya̭ chā॒yā-'mṛtaṃ॒-ya~sya̭ mṛ॒tyuḥ kasmai̭ de॒vāya̭ ha॒viṣā̭ vidhema || yasye॒me hi॒mava̭nto mahi॒tvā yasya̭ samu॒dragṃ ra॒sayā̭ sa॒hā- [sa॒ha, ā॒huḥ |] 32

-''huḥ | yasye॒māḥ pra॒diśo॒ yasya̭ bā॒hū kasmai̭ de॒vāya̭ ha॒viṣā̭ vidhema || ya-ṅkranda̭sī॒ ava̭sā tastabhā॒ne a॒bhyaikṣḙtā॒-mmana̭sā॒ reja̭māne | yatrādhi॒ sūra॒ udi̭tau॒ vyeti॒ kasmai̭ de॒vāya̭ ha॒viṣā̭ vidhema || yena॒ dyauru॒grā pṛ̭thi॒vī ca̭ dṛ॒ḍhe yena॒ su॒vaḥ̭ stabhi॒taṃ-ye~na॒ nākaḥ̭ | yo a॒ntari̭kṣe॒ raja̭so vi॒mānaQḥkasmai̭ de॒vāya̭ ha॒viṣā̭ vidhema || āpo̭ ha॒ yanma̭ha॒tī rviśva॒- [yanma̭ha॒tī rviśva᳚m, aya॒-ndakṣa॒-ndadhā̭nā] 33

-māya॒-ndakṣa॒-ndadhā̭nā ja॒naya̭ntīra॒gnim | tato̭ de॒vānā॒-nnira̭varta॒tāsu॒rekaḥ॒ kasmai̭ de॒vāya̭ ha॒viṣā̭ vidhema || yaści॒dāpo̭ mahi॒nā pa॒ryapa̭śya॒-ddakṣa॒-ndadhā̭nā ja॒naya̭ntīra॒gnim | yo de॒veṣvadhi̭ de॒va eka॒ āsī॒-tkasmai̭ de॒vāya̭ ha॒viṣā̭ vidhema || 34 ||

(a॒gne-ssa - sara̭svatī॒ - dyāgṃ - sa॒ha - viśvaṃ॒ - catṷstrigṃśacca) (a. 8)

(ū॒rdhvā - yaḥ prā̭ṇa॒to - ya ā᳚tma॒dā - yasye॒me - yaṅkranda̭sī॒ - yena॒ dyau- rāpo̭ ha॒ yat - tato̭ de॒vānāṃ॒ - ~yaści॒dāpo॒ - yo de॒veṣu॒ - nava̭ )

ākṷ̄tima॒gni-mpra॒yuja॒gg॒ svāhā॒ mano̭ me॒dhāma॒gni-mpra॒yuja॒gg॒ svāhā̭ ci॒ttaṃ-vi~jñā̭tama॒gni-mpra॒yuja॒gg॒ svāhā̭ vā॒co vidhṛ̭tima॒gni-mpra॒yuja॒gg॒ svāhā᳚ pra॒jāpa̭taye॒ mana̭ve॒ svāhā॒-'gnayḙ vaiśvāna॒rāya॒ svāhā॒ viśvḙ de॒vasya̭ ne॒turmarto̭ vṛṇīta sa॒khyaṃ-vi~śvḙ rā॒ya i̭ṣuddhyasi dyu॒mnaṃ-vṛ~̭ṇīta pu॒ṣyase॒ svāhā॒ mā su bhi̭tthā॒ mā su ri̭ṣo॒ dṛgṃha̭sva vī॒ḍaya̭sva॒ su | amba̭ dhṛṣṇu vī॒raya̭svā॒- [vī॒raya̭sva, a॒gniśce॒da-ṅka̭riṣyathaḥ |] 35

-'gniśce॒da-ṅka̭riṣyathaḥ || dṛgṃha̭sva devi pṛthivi sva॒staya̭ āsu॒rī mā॒yā sva॒dhayā̭ kṛ॒tā-'si̭ | juṣṭa̭-nde॒vānā̭mi॒dama̭stu ha॒vyamari̭ṣṭā॒ tvamudi̭hi ya॒jñe a॒sminn || mitrai॒tāmu॒khā-nta̭pai॒ṣā mā bhḙdi | e॒tā-nte॒ pari̭ dadā॒myabhi̭ttyai || drva̭nna-ssa॒rpirā̭sutiḥ pra॒tno hotā॒ vare᳚ṇyaḥ | saha̭saspu॒tro adbhṷtaḥ || para̭syā॒ adhi̭ saṃ॒va~to-'va̭rāgṃ a॒bhyā [a॒bhyā, ta॒ra॒ |] 36

ta̭ra | yatrā॒hamasmi॒ tāgṃ a̭va || pa॒ra॒masyāḥ᳚ parā॒vato̭ ro॒hida̭śva i॒hā-'ga̭hi | pu॒rī॒ṣyaḥ̭ purupri॒yo-'gne॒ tva-nta̭rā॒ mṛdhaḥ̭ || sīda॒ tva-mmā॒tura॒syā u॒pasthe॒ viśvā᳚nyagne va॒yunā̭ni vi॒dvān | mainā̭ma॒rciṣā॒ mā tapa̭sā॒-'bhi śṷ̄śuco॒-'ntara̭syāgṃ śu॒kra jyo̭ti॒rvi bhā̭hi || a॒ntara̭gne ru॒cā tvamu॒khāyai॒ sada̭ne॒ sve | tasyā॒stvagṃ hara̭sā॒ tapa॒n jāta̭veda-śśi॒vo bha̭va || śi॒vo bhū॒tvā mahya̭ma॒gne-'tho̭ sīda śi॒vastvam | śi॒vāḥ kṛ॒tvā diśa॒-ssarvā॒-ssvāṃ-yo~ni̭mi॒hā-''sa̭daḥ || 37 ||

(vī॒raya॒svā - '' - tapa̭n - vigṃśa॒tiśca̭) (a. 9)

yada̭gne॒ yāni॒ kāni॒ cā-''te॒ dārṷ̄ṇi da॒ddhmasi̭ | tada̭stu॒ tubhya॒mi-dghṛ॒ta-ntajjṷṣasva yaviṣṭhya || yadattyṷpa॒jihvi̭kā॒ yadva॒mro a̭ti॒sarpa̭ti | sarva॒-ntada̭stu te ghṛ॒ta-ntajjṷṣasva yaviṣṭhya || rātrigṃ̭ rātri॒mapra̭yāva॒-mbhara॒nto-'śvā̭yeva॒ tiṣṭha̭te ghā॒sama̭smai | rā॒yaspoṣḙṇa॒ sami॒ṣā mada॒nto-'gne॒ mā te॒ prati̭veśā riṣāma || nābhā̭ [nābhā᳚, pṛ॒thi॒vyā-ssa̭midhā॒na-] 38

pṛthi॒vyā-ssa̭midhā॒na-ma॒gnigṃ rā॒yaspoṣā̭ya bṛha॒te ha̭vāmahe | i॒ra॒mma॒da-mbṛ॒hadṷkthaṃ॒-ya~ja̭tra॒-ñjetā̭rama॒gni-mpṛta̭nāsu sāsa॒him || yā-ssenā̭ a॒bhītva̭rīrā-vyā॒dhinī॒-ruga̭ṇā u॒ta | ye ste॒nā ye ca॒ taska̭rā॒stāgstḙ a॒gne-'pi̭ dadhāmyā॒sye᳚ || daggṣṭrā᳚bhyā-mma॒limlū॒n jambhyai॒-staska̭rāgṃ u॒ta | hanū᳚bhyāg ste॒nān-bha̭gava॒stāg-stva-ṅkhā̭da॒ sukhā̭ditān || ye janḙṣu ma॒limla̭va-sste॒nāsa॒-staska̭rā॒ vane᳚ | ye [ ] 39

kakṣe᳚ṣvaghā॒ yava॒stāgstḙ dadhāmi॒ jambha̭yoḥ || yo a॒smabhya̭marātī॒yā-dyaśca̭ no॒ dveṣa̭te॒ janaḥ̭ | nindā॒dyo a॒smā-ndiphsā᳚cca॒ sarva॒-nta-mma̭sma॒sā kṷru || sagṃśi̭ta-mme॒ brahma॒ sagṃśi̭taṃ-vī~॒rya̭-mbala᳚m | sagṃśi̭ta-ṅkṣa॒tra-ñji॒ṣṇu yasyā॒-'hamasmi̭ pu॒rohi̭taḥ || udḙṣā-mbā॒hū a̭tira॒mudvarca॒ udū॒ bala᳚m | kṣi॒ṇomi॒ brahma̭ṇā॒-'mitrā॒nunna̭yāmi॒ [-'mitrā॒-nunna̭yāmi, svāgṃ a॒ham |] 40

svāgṃ a॒ham || dṛ॒śā॒no ru॒kma u॒rvyā vya̭dyauddu॒rmarṣa॒māyuḥ̭ śri॒ye rṷcā॒naḥ | a॒gnira॒mṛto̭ abhava॒dvayo̭-bhi॒ryadḙna॒-ndyauraja̭naya-thsu॒retāḥ᳚ || viśvā̭ rū॒pāṇi॒ prati̭ muñcate ka॒viḥ prā-'sā̭vīdbha॒dra-ndvi॒pade॒ catṷṣpade | vi nāka̭makhya-thsavi॒tā vare॒ṇyo-'nṷ pra॒yāṇa̭mu॒ṣaso॒ vi̭rājati || nakto॒ṣāsā॒ sama̭nasā॒ virṷ̄pe dhā॒payḙte॒ śiśu॒mekagṃ̭ samī॒cī | dyāvā॒ kṣāmā̭ ru॒kmo [ru॒kmaḥ, a॒ntarvi bhā̭ti] 41

a॒ntarvi bhā̭ti de॒vā a॒gni-ndhā̭raya-ndraviṇo॒dāḥ || su॒pa॒rṇo̭-'si ga॒rutmā᳚-ntri॒vṛtte॒ śiro̭ gāya॒tra-ñcakṣu॒-sstoma̭ ā॒tmā sāma̭ te ta॒nūrvā̭made॒vya-mbṛ̭ha-drathanta॒re pa॒kṣau ya̭jñāya॒jñiya॒-mpuccha॒-ñchandā॒g॒syaṅgā̭ni॒ dhiṣṇi̭yā-śśa॒phā yajūgṃ̭ṣi॒ nāma̭ || su॒pa॒rṇo̭-'si ga॒rutmā॒-ndiva̭-ṅgaccha॒ suvaḥ̭ pata || 42 ||

(nābhā॒ - vane॒ ye - na̭yāmi॒ - kṣāmā̭ ru॒kmo᳚ - 'ṣṭātrigṃ̭śacca) (a. 10)

agne॒ yaṃ-ya~॒jñama̭ddhva॒raṃ-vi~॒śvataḥ̭ pari॒bhūrasi̭ | sa idde॒veṣṷ gacchati || soma॒ yāstḙ mayo॒bhuva̭ ū॒taya॒-ssanti̭ dā॒śuṣe᳚ | tābhi̭rno-'vi॒tā bha̭va || a॒gnirmū॒rdhā bhuvaḥ̭ || tvannaḥ̭ soma॒ , yā te॒ dhāmā̭ni || ta-thsa̭vi॒turvare᳚ṇya॒-mbhargo̭ de॒vasya̭ dhīmahi | dhiyo॒ yo naḥ̭ praco॒dayā᳚t || aci̭ttī॒ yacca̭kṛ॒mā daivye॒ janḙ dī॒nairdakṣaiḥ॒ prabhṷ̄tī pūruṣa॒tvatā᳚ | 43

de॒veṣṷ ca savita॒rmānṷṣeṣu ca॒ tvanno॒ atra̭ suvatā॒danā̭gasaḥ || co॒da॒yi॒trī sū॒nṛtā̭nā॒-ñceta̭ntī sumatī॒nām | ya॒jña-nda̭dhe॒ sara̭svatī || pāvī̭ravī ka॒nyā̭ ci॒trāyu॒-ssara̭svatī vī॒rapa̭tnī॒ dhiya̭-ndhāt | gnābhi॒racchi̭dragṃ śara॒ṇagṃ sa॒joṣā̭ durā॒dharṣa̭-ṅgṛṇa॒te śarma̭ yagṃsat || pū॒ṣā gā anvḙtu naḥ pū॒ṣā ra̭kṣa॒tvarva̭taḥ | pū॒ṣā vājagṃ̭ sanotu naḥ || śu॒kra-ntḙ a॒nyadya̭ja॒ta-ntḙ a॒nya- [a॒nyat, viṣṷrūpe॒ aha̭nī॒ dyauri̭vāsi |] 44

-dviṣṷrūpe॒ aha̭nī॒ dyauri̭vāsi | viśvā॒ hi mā॒yā ava̭si svadhāvo bha॒drā tḙ pūṣanni॒ha rā॒tira̭stu || tḙ-'vardhanta॒ svata̭vaso mahitva॒nā ''nāka̭-nta॒sthuru॒ru ca̭krire॒ sadaḥ̭ | viṣṇu॒ ryaddhā-''va॒-dvṛṣa̭ṇa-mmada॒cyutaṃ॒-va~yo॒ na sī̭da॒nnadhi̭ ba॒r॒hiṣi̭ pri॒ye || praci॒trama॒rka-ṅgṛ̭ṇa॒te tu॒rāya॒ mārṷtāya॒ svata̭vase bharaddhvam | ye sahāgṃ̭si॒ saha̭sā॒ saha̭nte॒ [saha̭nte, reja̭te agne pṛthi॒vī ma॒khebhyaḥ̭ |] 45

reja̭te agne pṛthi॒vī ma॒khebhyaḥ̭ || viśvḙ de॒vā viśvḙ devāḥ || dyāvā̭ naḥ pṛthi॒vī i॒magṃ si॒ddhrama॒dya di̭vi॒spṛśa᳚m | ya॒jña-nde॒veṣu॒ yacchatām || pra pū᳚rva॒je pi॒tarā॒ navya̭sībhirgī॒rbhiḥ kṛ̭ṇuddhva॒gṃ॒ sada̭ne ṛ॒tasya̭ | ā no᳚ dyāvāpṛthivī॒ daivyḙna॒ janḙna yāta॒-mmahi̭ vāṃ॒-va~rṷ̄tham || a॒gnigg stomḙna bodhaya samidhā॒no ama̭rtyam | ha॒vyā de॒veṣṷ no dadhat || sa ha̭vya॒vāḍama̭rtya u॒śigdū॒taścano̭hitaḥ | a॒gnirdhi॒yā samṛ̭ṇvati || śanno̭ bhavantu॒, vājḙvāje || 46 ||

(pu॒ru॒ṣa॒tvatā̭ - yaja॒tantḙ a॒nyath - saha̭nte॒ - cano̭hito॒ - 'ṣṭau ca̭ ) (a. 11)

(yu॒ñjā॒na - i॒māma̭gṛbhṇan - de॒vasya॒ - sante॒ - vi pāja̭sā॒ - vasa̭vastvā॒ - samā᳚stvo॒ - rdhvā - a॒syākṷ̄tiṃ॒ - ~yada̭gne॒ yān - yagne॒ yaṃ-ya~॒jña - mekā̭daśa)

(yu॒ñjā॒no - varma̭ ca stha - ādi॒tyastvā॒ - bhāra̭tī॒ - svāgṃ a॒hagṃ - ṣaṭca̭tvārigṃśat )

(yu॒ñjā॒no, vājḙvāje)

|| hariḥ̭ om ||

|| kṛṣṇa yajurvedīya taittirīya saṃhitāyā-ñcaturtha kāṇḍe prathamaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-ञ्चतुर्थकाण्डे प्रथमः प्रश्नः- अग्निचित्यङ्ग मन्त्रपाठाभिधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

यु॒ञ्जा॒नः प्र॑थ॒म-म्मन॑स्त॒त्वाय॑ सवि॒ता धियः॑ । अ॒ग्नि-ञ्ज्योति॑र्नि॒चाय्य॑ पृथि॒व्या अद्ध्या ऽभ॑रत् ॥ यु॒क्त्वाय॒ मन॑सा दे॒वान्-थ्सुव॑र्य॒तो धि॒या दिव᳚म् । बृ॒हज्ज्योतिः॑ करिष्य॒त-स्स॑वि॒ता प्रसु॑वाति॒ तान् ॥ यु॒क्तेन॒ मन॑सा व॒य-न्दे॒वस्य॑ सवि॒तु-स्स॒वे । सु॒व॒र्गेया॑य॒ शक्त्यै᳚ ॥ यु॒ञ्जते॒ मन॑ उ॒त यु॑ञ्जते॒ धियो॒ विप्रा॒ विप्र॑स्य बृह॒तो वि॑प॒श्चितः॑ । वि होत्रा॑ दधे वयुना॒ विदेक॒ इ- [वयुना॒ विदेक॒ इत्, म॒ही दे॒वस्य॑] 1

-न्म॒ही दे॒वस्य॑ सवि॒तुः परि॑ष्टुतिः ॥ यु॒जे वा॒-म्ब्रह्म॑ पू॒र्व्य-न्नमो॑भि॒र्वि श्लोका॑ यन्ति प॒थ्ये॑व॒ सूराः᳚ । शृ॒ण्वन्ति॒ विश्वे॑ अ॒मृत॑स्य पु॒त्रा आ ये धामा॑नि दि॒व्यानि॑ त॒स्थुः ॥ यस्य॑ प्र॒याण॒मन्व॒न्य इद्य॒युर्दे॒वा दे॒वस्य॑ महि॒मान॒मर्च॑तः । यः पार्थि॑वानि विम॒मे स एत॑शो॒ रजाग्ं॑सि दे॒व-स्स॑वि॒ता म॑हित्व॒ना ॥ देव॑ सवितः॒ प्रसु॑व य॒ज्ञ-म्प्रस॑व [ ] 2

य॒ज्ञप॑ति॒-म्भगा॑य दि॒व्यो ग॑न्ध॒र्वः । के॒त॒पूः केत॑न्नः पुनातु वा॒चस्पति॒र्वाच॑म॒द्य स्व॑दाति नः ॥ इ॒म-न्नो॑ देव सवितर्य॒ज्ञ-म्प्रसु॑व देवा॒युवग्ं॑ सखि॒विदग्ं॑ सत्रा॒जित॑-न्धन॒जितग्ं॑ सुव॒र्जित᳚म् ॥ ऋ॒चा स्तोम॒ग्ं॒ सम॑र्धय गाय॒त्रेण॑ रथन्त॒रम् । बृ॒ह-द्गा॑य॒त्रव॑र्तनि ॥ दे॒वस्य॑ त्वा सवि॒तुः प्र॑स॒वे᳚ ऽश्विनो᳚र्बा॒हुभ्या᳚-म्पू॒ष्णो हस्ता᳚भ्या-ङ्गाय॒त्रेण॒ छन्द॒सा ऽऽद॑दे-ऽङ्गिर॒स्वदभ्रि॑रसि॒ नारि॑- [नारिः॑, अ॒सि॒ पृ॒थि॒व्या-स्स॒धस्था॑-] 3

-रसि पृथि॒व्या-स्स॒धस्था॑-द॒ग्नि-म्पु॑री॒ष्य॑मङ्गिर॒स्वदा भ॑र॒ त्रैष्टु॑भेन त्वा॒ छन्द॒सा ऽऽद॑दे-ऽङ्गिर॒स्व-द्बभ्रि॑रसि॒ नारि॑रसि॒ त्वया॑ व॒यग्ं स॒धस्थ॒ आग्निग्ं श॑केम॒ खनि॑तु-म्पुरी॒ष्य॑-ञ्जाग॑तेन त्वा॒ छन्द॒सा ऽऽद॑दे-ऽङ्गिर॒स्वद्धस्त॑ आ॒धाय॑ सवि॒ता बिभ्र॒दभ्रिग्ं॑ हिर॒ण्ययी᳚म् । तया॒ ज्योति॒रज॑स्र॒-मिद॒ग्नि-ङ्खा॒त्वी न॒ आ भ॒रानु॑ष्टुभेन त्वा॒ छन्द॒सा ऽऽद॑दे-ऽङ्गिर॒स्वत् ॥ 4 ॥

(इ--द्य॒ज्ञ-म्प्रसु॑व॒ - नारि॒ - रानु॑ष्टुभेन त्वा॒ छन्द॑सा॒ - त्रीणि॑ च) (अ. 1)

इ॒माम॑गृभ्ण-न्रश॒नामृ॒तस्य॒ पूर्व॒ आयु॑षि वि॒दथे॑षु क॒व्या । तया॑ दे॒वा-स्सु॒तमा ब॑भूवुर्-ऋ॒तस्य॒ साम᳚न्-थ्स॒रमा॒रप॑न्ती ॥ प्रतू᳚र्तं-वाँजि॒न्ना द्र॑व॒ वरि॑ष्ठा॒मनु॑ सं॒वँत᳚म् । दि॒वि ते॒ जन्म॑ पर॒मम॒न्तरि॑क्षे॒ नाभिः॑ पृथि॒व्यामधि॒ योनिः॑ ॥ यु॒ञ्जाथा॒ग्ं॒ रास॑भं-युँ॒वम॒स्मिन्. यामे॑ वृषण्वसू । अ॒ग्नि-म्भर॑न्तमस्म॒युम् ॥ योगे॑योगे त॒वस्त॑रं॒-वाँजे॑वाजे हवामहे । सखा॑य॒ इन्द्र॑म॒तये᳚ ॥ प्र॒तूर्व॒- [प्र॒तूर्वन्न्॑, एह्य॑व॒क्राम॒न्नश॑स्ती] 5

-न्नेह्य॑व॒क्राम॒न्नश॑स्ती रु॒द्रस्य॒ गाण॑पत्या-न्मयो॒भूरेहि॑ । उ॒र्व॑न्तरि॑क्ष॒मन्वि॑हि स्व॒स्ति ग॑व्यूति॒रभ॑यानि कृ॒ण्वन्न् ॥ पू॒ष्णा स॒युजा॑ स॒ह । पृ॒थि॒व्या-स्स॒धस्था॑द॒ग्नि-म्पु॑रि॒ष्य॑-मङ्गिर॒स्व-दच्छे᳚ह्य॒ग्नि-म्पु॑री॒ष्य॑ -मङ्गिर॒स्वद-च्छे॑मो॒-ऽग्नि-म्पु॑री॒ष्य॑-मङ्गिर॒स्व-द्भ॑रिष्यामो॒-ऽग्नि-म्पु॑री॒ष्य॑-मङ्गिर॒स्व-द्भ॑रामः ॥ अन्व॒ग्निरु॒षसा॒-मग्र॑मख्य॒-दन्वहा॑नि प्रथ॒मो जा॒तवे॑दाः । अनु॒ सूर्य॑स्य [सूर्य॑स्य, पु॒रु॒त्रा च॑] 6

पुरु॒त्रा च॑ र॒श्मीननु॒ द्यावा॑पृथि॒वी आ त॑तान ॥ आ॒गत्य॑ वा॒ज्यद्ध्व॑न॒-स्सर्वा॒ मृधो॒ विधू॑नुते । अ॒ग्निग्ं स॒धस्थे॑ मह॒ति चक्षु॑षा॒ नि चि॑कीषते ॥ आ॒क्रम्य॑ वाजि-न्पृथि॒वीम॒ग्निमि॑च्छ रु॒चा त्वम् । भूम्या॑ वृ॒त्वाय॑ नो ब्रूहि॒ यतः॒ खना॑म॒ तं-वँ॒यम् ॥ द्यौस्ते॑ पृ॒ष्ठ-म्पृ॑थि॒वी स॒धस्थ॑मा॒त्मा ऽन्तरि॑क्षग्ं समु॒द्रस्ते॒ योनिः॑ । वि॒ख्याय॒ चक्षु॑षा॒ त्वम॒भि ति॑ष्ठ [त्वम॒भि ति॑ष्ठ, पृ॒त॒न्य॒तः ।] 7

पृतन्य॒तः ॥ उत्क्रा॑म मह॒ते सौभ॑गाया॒-स्मादा॒स्थाना᳚-द्द्रविणो॒दा वा॑जिन्न् । व॒यग्ग् स्या॑म सुम॒तौ पृ॑थि॒व्या अ॒ग्नि-ङ्ख॑नि॒ष्यन्त॑ उ॒पस्थे॑ अस्याः ॥ उद॑क्रमी-द्द्रविणो॒दा वा॒ज्यर्वा-ऽक॒-स्स लो॒कग्ं सुकृ॑त-म्पृथि॒व्याः । ततः॑ खनेम सु॒प्रती॑कम॒ग्निग्ं सुवो॒ रुहा॑णा॒ अधि॒ नाक॑ उत्त॒मे ॥ अ॒पो दे॒वीरुप॑ सृज॒ मधु॑मतीरय॒क्ष्माय॑ प्र॒जाभ्यः॑ । तासा॒ग्॒ स्थाना॒दुज्जि॑हता॒-मोष॑धय-स्सुपिप्प॒लाः ॥ जिघ॑- [जिघ॑र्मि, अ॒ग्नि-म्मन॑सा] 8

-र्म्य॒ग्नि-म्मन॑सा घृ॒तेन॑ प्रति॒क्ष्यन्त॒-म्भुव॑नानि॒ विश्वा᳚ । पृ॒थु-न्ति॑र॒श्चा वय॑सा बृ॒हन्तं॒-व्यँचि॑ष्ठ॒मन्नग्ं॑ रभ॒सं-विँदा॑नम् ॥ आ त्वा॑ जिघर्मि॒ वच॑सा घृ॒तेना॑-ऽर॒क्षसा॒ मन॑सा॒ तज्जु॑षस्व । मर्य॑श्री-स्स्पृह॒य-द्व॑र्णो अ॒ग्निर्ना-ऽभि॒मृशे॑ त॒नुवा॒ जर्हृ॑षाणः ॥ परि॒ वाज॑पतिः क॒विर॒ग्निर्-ह॒व्यान्य॑क्रमीत् । दध॒-द्रत्ना॑नि दा॒शुषे᳚ ॥ परि॑ त्वा-ऽग्ने॒ पुरं॑-वँ॒यं-विँप्रग्ं॑ सहस्य धीमहि । धृ॒ष-द्व॑र्ण-न्दि॒वेदि॑वे भे॒त्तार॑-म्भङ्गु॒राव॑तः ॥ त्वम॑ग्ने॒ द्युभि॒स्त्व-मा॑शुशु॒क्षणि॒स्त्व-म॒द्भ्यस्त्व-मश्म॑न॒स्परि॑ । त्वं-वँने᳚भ्य॒ स्त्वमोष॑धीभ्य॒ स्त्व-न्नृ॒णा-न्नृ॑पते जायसे॒ शुचिः॑ ॥ 9 ॥

(प्र॒तूर्व॒न्थ् - सूर्य॑स्य - तिष्ठ॒ - जिघ॑र्मि - भे॒त्तारं॑ - ँविग्ंश॒तिश्च॑) (अ. 2)

दे॒वस्य॑ त्वा सवि॒तुः प्र॑स॒वे᳚-ऽश्विनो᳚ र्बा॒हुभ्या᳚-म्पू॒ष्णो हस्ता᳚भ्या-म्पृथि॒व्या-स्स॒धस्थे॒-ऽग्नि-म्पु॑री॒ष्य॑-मङ्गिर॒स्व-त्ख॑नामि ॥ ज्योति॑ष्मन्त-न्त्वा-ऽग्ने सु॒प्रती॑क॒मज॑स्रेण भा॒नुना॒ दीद्या॑नम् । शि॒व-म्प्र॒जाभ्यो-ऽहिग्ं॑ सन्त-म्पृथि॒व्या-स्स॒धस्थे॒-ऽग्नि-म्पु॑री॒ष्य॑ -मङ्गिर॒स्व-त्ख॑नामि ॥ अ॒पा-म्पृ॒ष्ठम॑सि स॒प्रथा॑ उ॒र्व॑ग्नि-म्भ॑रि॒ष्यदप॑रावपिष्ठम् । वर्ध॑मान-म्म॒ह आ च॒ पुष्क॑र-न्दि॒वो मात्र॑या वरि॒णा प्र॑थस्व ॥ शर्म॑ च स्थो॒ [शर्म॑ च स्थः, वर्म॑ च] 10

वर्म॑ च स्थो॒ अच्छि॑द्रे बहु॒ले उ॒भे । व्यच॑स्वती॒ सं-वँ॑साथा-म्भ॒र्तम॒ग्नि-म्पु॑री॒ष्य᳚म् ॥ संवँ॑साथाग्ं सुव॒र्विदा॑ स॒मीची॒ उर॑सा॒ त्मना᳚ । अ॒ग्निम॒न्त र्भ॑रि॒ष्यन्ती॒ ज्योति॑ष्मन्त॒ मज॑स्र॒मित् ॥ पु॒री॒ष्यो॑-ऽसि वि॒श्वभ॑राः । अथ॑र्वा त्वा प्रथ॒मो निर॑मन्थदग्ने ॥ त्वाम॑ग्ने॒ पुष्क॑रा॒दद्ध्यथ॑र्वा॒ निर॑मन्थत । मू॒र्ध्नो विश्व॑स्य वा॒घतः॑ ॥ तमु॑ त्वा द॒द्ध्यङ्ङृषिः॑ पु॒त्र ई॑धे॒ [पु॒त्र ई॑धे, अथ॑र्वणः ।] 11

अथ॑र्वणः । वृ॒त्र॒हण॑-म्पुरन्द॒रम् ॥ तमु॑ त्वा पा॒थ्यो वृषा॒ समी॑धे दस्यु॒हन्त॑मम् । ध॒न॒ञ्ज॒यग्ं रणे॑रणे ॥ सीद॑ होत॒-स्स्व उ॑ लो॒के चि॑कि॒त्वान्-थ्सा॒दया॑ य॒ज्ञग्ं सु॑कृ॒तस्य॒ योनौ᳚ । दे॒वा॒वीर्दे॒वान्. ह॒विषा॑ यजा॒स्यग्ने॑ बृ॒ह-द्यज॑माने॒ वयो॑ धाः ॥ नि होता॑ होतृ॒षद॑ने॒ विदा॑नस्त्वे॒षो दी॑दि॒वाग्ं अ॑सद-थ्सु॒दक्षः॑ । अद॑ब्धव्रत प्रमति॒र्वसि॑ष्ठ-स्सहस्र-म्भ॒र-श्शुचि॑जिह्वो अ॒ग्निः ॥ सग्ं सी॑दस्व म॒हाग्ं अ॑सि॒ शोच॑स्व [शोच॑स्व, दे॒व॒वीत॑मः ।] 12

देव॒वीत॑मः । वि धू॒मम॑ग्ने अरु॒ष-म्मि॑येद्ध्य सृ॒ज प्र॑शस्त दर्श॒तम् ॥ जनि॑ष्वा॒ हि जेन्यो॒ अग्रे॒ अह्नाग्ं॑ हि॒तो हि॒तेष्व॑रु॒षो वने॑षु । दमे॑दमे स॒प्त रत्ना॒ दधा॑नो॒-ऽग्निर्होता॒ नि ष॑सादा॒ यजी॑यान् ॥ 13 ॥

(स्थ॒ - ई॒धे॒ - शोच॑स्व - स॒प्तविग्ं॑शतिश्च) - (अ. 3)

स-न्ते॑ वा॒युर्मा॑त॒रिश्वा॑ दधातूत्ता॒नायै॒ हृद॑यं॒-यँद्विलि॑ष्टम् । दे॒वानां॒-यँश्चर॑ति प्रा॒णथे॑न॒ तस्मै॑ च देवि॒ वष॑डस्तु॒ तुभ्य᳚म् ॥ सुजा॑तो॒ ज्योति॑षा स॒ह शर्म॒ वरू॑थ॒मा-ऽस॑द॒-स्सुवः॑ । वासो॑ अग्ने वि॒श्वरू॑प॒ग्ं॒ संव्यँ॑यस्व विभावसो ॥ उदु॑ तिष्ठ स्वद्ध्व॒रावा॑ नो दे॒व्या कृ॒पा । दृ॒शे च॑ भा॒सा बृ॑ह॒ता सु॑शु॒क्वनि॒रा-ऽग्ने॑ याहि सुश॒स्तिभिः॑ ॥ 14 ॥

ऊ॒र्ध्व ऊ॒ षु ण॑ ऊ॒तये॒ तिष्ठा॑ दे॒वो न स॑वि॒ता । ऊ॒र्ध्वो वाज॑स्य॒ सनि॑ता॒ यद॒ञ्जिभि॑-र्वा॒घद्भि॑-र्वि॒ह्वया॑महे ॥ स जा॒तो गर्भो॑ असि॒ रोद॑स्यो॒रग्ने॒ चारु॒र्विभृ॑त॒ ओष॑धीषु । चि॒त्र-श्शिशुः॒ परि॒ तमाग्॑स्य॒क्तः प्र मा॒तृभ्यो॒ अधि॒ कनि॑क्रदद्गाः ॥ स्थि॒रो भ॑व वी॒ड्व॑ङ्ग आ॒शुर्भ॑व वा॒ज्य॑र्वन्न् । पृ॒थुर्भ॑व सु॒षद॒स्त्वम॒ग्नेः पु॑रीष॒वाह॑नः ॥ शि॒वो भ॑व [ ] 15

प्र॒जाभ्यो॒ मानु॑षीभ्य॒स्त्वम॑ङ्गिरः । मा द्यावा॑पृथि॒वी अ॒भि शू॑शुचो॒ मा-ऽन्तरि॑क्ष॒-म्मा वन॒स्पतीन्॑ ॥ प्रैतु॑ वा॒जी कनि॑क्रद॒-न्नान॑द॒-द्रास॑भः॒ पत्वा᳚ । भर॑न्न॒ग्नि-म्पु॑री॒ष्य॑-म्मा पा॒द्यायु॑षः पु॒रा ॥ रास॑भो वा॒-ङ्कनि॑क्रद॒-थ्सुयु॑क्तो वृषणा॒ रथे᳚ । स वा॑म॒ग्नि-म्पु॑री॒ष्य॑मा॒शुर्दू॒तो व॑हादि॒तः ॥ वृषा॒-ऽग्निं-वृँष॑ण॒-म्भर॑न्न॒पा-ङ्गर्भग्ं॑ समु॒द्रिय᳚म् । अग्न॒ आ या॑हि [ ] 16

वी॒तय॑ ऋ॒तग्ं स॒त्यम् ॥ ओष॑धयः॒ प्रति॑ गृह्णीता॒-ऽग्निमे॒तग्ं शि॒वमा॒यन्त॑म॒भ्यत्र॑ यु॒ष्मान् । व्यस्य॒न् विश्वा॒ अम॑ती॒ररा॑ती-र्नि॒षीद॑न्नो॒ अप॑ दुर्म॒तिग्ं ह॑नत् ॥ ओष॑धयः॒ प्रति॑ मोदद्ध्वमेन॒-म्पुष्पा॑वती-स्सुपिप्प॒लाः । अ॒यं-वोँ॒ गर्भ॑ ऋ॒त्वियः॑ प्र॒त्नग्ं स॒धस्थ॒मा ऽस॑दत् ॥ 17 ॥

(सु॒श॒स्तिभिः॑ - शि॒वो भ॑व - याहि॒ - षट्त्रिग्ं॑शच्च) (अ. 4)

वि पाज॑सा पृ॒थुना॒ शोशु॑चानो॒ बाध॑स्व द्वि॒षो र॒क्षसो॒ अमी॑वाः । सु॒शर्म॑णो बृह॒त-श्शर्म॑णि स्याम॒ग्नेर॒हग्ं सु॒हव॑स्य॒ प्रणी॑तौ ॥ आपो॒ हि ष्ठा म॑यो॒भुव॒स्ता न॑ ऊ॒र्जे द॑धातन । म॒हे रणा॑य॒ चक्ष॑से ॥ यो वः॑ शि॒वत॑मो॒ रस॒स्तस्य॑ भाजयते॒ह नः॑ । उ॒श॒तीरि॑व मा॒तरः॑ ॥ तस्मा॒ अर॑-ङ्गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥ मि॒त्र- [मि॒त्रः, स॒ग्ं॒सृज्य॑] 18

-स्स॒ग्ं॒सृज्य॑ पृथि॒वी-म्भूमि॑-ञ्च॒ ज्योति॑षा स॒ह । सुजा॑त-ञ्जा॒तवे॑दसम॒ग्निं-वैँ᳚श्वान॒रं-विँ॒भुम् ॥ अ॒य॒क्ष्माय॑ त्वा॒ सग्ं सृ॑जामि प्र॒जाभ्यः॑ । विश्वे᳚ त्वा दे॒वा वै᳚श्वान॒रा-स्सग्ं सृ॑ज॒न्त्वा-नु॑ष्टुभेन॒ छन्द॑सा-ऽङ्गिर॒स्वत् ॥ रु॒द्रा-स्स॒भृन्त्य॑ पृथि॒वी-म्बृ॒हज्ज्योति॒-स्समी॑धिरे । तेषा᳚-म्भा॒नुरज॑स्र॒ इच्छु॒क्रो दे॒वेषु॑ रोचते ॥ सग्ं सृ॑ष्टां॒-वँसु॑भी रु॒द्रैर्धीरैः᳚ कर्म॒ण्या᳚-म्मृद᳚म् । हस्ता᳚भ्या-म्मृ॒द्वी-ङ्कृ॒त्वा सि॑नीवा॒ली क॑रोतु॒ [सि॑नीवा॒ली क॑रोतु, ताम् ।] 19

ताम् ॥ सि॒नी॒वा॒ली सु॑कप॒र्दा सु॑कुरी॒रा स्वौ॑प॒शा । सा तुभ्य॑मदिते मह॒ ओखा-न्द॑धातु॒ हस्त॑योः ॥ उ॒खा-ङ्क॑रोतु॒ शक्त्या॑ बा॒हुभ्या॒-मदि॑तिर्धि॒या । मा॒ता पु॒त्रं-यँथो॒पस्थे॒ सा-ऽग्नि-म्बि॑भर्तु॒ गर्भ॒ आ ॥ म॒खस्य॒ शिरो॑-ऽसि य॒ज्ञस्य॑ प॒दे स्थः॑ । वस॑वस्त्वा कृण्वन्तु गाय॒त्रेण॒ छन्द॑सा ऽङ्गिर॒स्व-त्पृ॑थि॒व्य॑सि रु॒द्रास्त्वा॑ कृण्वन्तु॒ त्रैष्टु॑भेन॒ छन्द॑सा ऽङ्गिर॒स्वद॒न्तरि॑क्षम- [-ऽङ्गिर॒स्वद॒न्तरि॑क्षमसि, आ॒दि॒त्यास्त्वा॑] 20

-स्यादि॒त्यास्त्वा॑ कृण्वन्तु॒ जाग॑तेन॒ छन्द॑सा-ऽङ्गिर॒स्व-द्द्यौर॑सि॒ विश्वे᳚ त्वा दे॒वा वै᳚श्वान॒राः कृ॑ण्व॒न्त्वानु॑ष्टुभेन॒ छन्द॑सा-ऽङ्गिर॒स्व-द्दिशो॑-ऽसि ध्रु॒वा-ऽसि॑ धा॒रया॒ मयि॑ प्र॒जाग्ं रा॒यस्पोष॑-ङ्गौप॒त्यग्ं सु॒वीर्यग्ं॑ सजा॒तान्. यज॑माना॒या-ऽदि॑त्यै॒ रास्ना॒-ऽस्य दि॑तिस्ते॒ बिल॑-ङ्गृह्णातु॒ पाङ्क्ते॑न॒ छन्द॑सा ऽङ्गिर॒स्वत् ॥ कृ॒त्वाय॒ सा म॒हीमु॒खा-म्मृ॒न्मयीं॒-योँनि॑म॒ग्नये᳚ । ता-म्पु॒त्रेभ्य॒-स्स-म्प्रा य॑च्छ॒ददि॑ति-श्श्र॒पया॒निति॑ ॥ 21 ॥

(मि॒त्रः - क॑रो - त्व॒न्तरि॑क्षमसि॒ - प्र - च॒त्वारि॑ च) (अ. 5)

वस॑वस्त्वा धूपयन्तु गाय॒त्रेण॒ छन्द॑सा-ऽङ्गिर॒स्व-द्रु॒द्रास्त्वा॑ धूपयन्तु॒ त्रैष्टु॑भेन॒ छन्द॑सा-ऽङ्गिर॒स्व-दा॑दि॒त्यास्त्वा॑ धूपयन्तु॒ जाग॑तेन॒ छन्द॑सा-ऽङ्गिर॒स्वद्- विश्वे᳚ त्वा दे॒वा वै᳚श्वान॒रा धू॑पय॒न्त्वानु॑ष्टुभेन॒ छन्द॑सा-ऽङ्गिर॒स्व-दिन्द्र॑स्त्वा धूपयत्वङ्गिर॒स्व--द्विष्णु॑स्त्वा धूपयत्वङ्गिर॒स्व-द्वरु॑णस्त्वा धूपयत्वङ्गिर॒स्व-ददि॑तिस्त्वा दे॒वी वि॒श्वदे᳚व्यावती पृथि॒व्या-स्स॒धस्थे᳚-ऽङ्गिर॒स्व-त्ख॑नत्ववट दे॒वाना᳚-न्त्वा॒ पत्नी᳚- [पत्नीः᳚, दे॒वी-र्वि॒श्वदे᳚व्यावतीः] 22

-र्दे॒वी-र्वि॒श्वदे᳚व्यावतीः पृथि॒व्या-स्स॒धस्थे᳚-ऽङ्गिर॒स्व-द्द॑धतूखे धि॒षणा᳚स्त्वा दे॒वीर्वि॒श्वदे᳚व्यावतीः पृथि॒व्या-स्स॒धस्थे᳚-ऽङ्गिर॒स्व-द॒भीन्ध॑तामुखे॒ ग्नास्त्वा॑ दे॒वीर्वि॒श्वदे᳚व्यावतीः पृथि॒व्या-स्स॒धस्थे᳚-ऽङ्गिर॒स्व-च्छ्र॑पयन्तूखे॒ वरू᳚त्रयो॒ जन॑यस्त्वा दे॒वीर्वि॒श्वदे᳚व्यावतीः पृथि॒व्या-स्स॒धस्थे᳚-ऽङ्गिर॒स्व-त्प॑चन्तूखे । मित्रै॒तामु॒खा-म्प॑चै॒षा मा भे॑दि । ए॒ता-न्ते॒ परि॑ ददा॒म्यभि॑त्त्यै ॥ अ॒भीमा- [अ॒भीमाम्, म॒हि॒ना दिव॑-म्मि॒त्रो] 23

-म्म॑हि॒ना दिव॑-म्मि॒त्रो ब॑भूव स॒प्रथाः᳚ । उ॒त श्रव॑सा पृथि॒वीम् ॥ मि॒त्रस्य॑ चर्षणी॒धृत॒-श्श्रवो॑ दे॒वस्य॑ सान॒सिम् । द्यु॒म्न-ञ्चि॒त्रश्र॑वस्तमम् ॥ दे॒वस्त्वा॑ सवि॒तोद्व॑पतु सुपा॒णि-स्स्व॑ङ्गु॒रिः । सु॒बा॒हुरु॒त शक्त्या᳚ ॥ अप॑द्यमाना पृथि॒व्याशा॒ दिश॒ आ पृ॑ण । उत्ति॑ष्ठ बृह॒ती भ॑वो॒र्ध्वा ति॑ष्ठ ध्रु॒वा त्वम् ॥ वस॑व॒स्त्वा ऽऽच्छृ॑न्दन्तु गाय॒त्रेण॒ छन्द॑सा-ऽङ्गिर॒स्व-द्रु॒द्रास्त्वा-ऽऽ च्छृ॑न्दन्तु॒ त्रैष्टु॑भेन॒ छन्द॑सा-ऽङ्गिर॒स्व-दा॑दि॒त्यास्त्वा ऽऽच्छृ॑न्दन्तु॒ जाग॑तेन॒ छन्द॑सा-ऽङ्गिर॒स्व-द्विश्वे᳚ त्वा दे॒वा वै᳚श्वान॒रा आ च्छृ॑न्द॒न्त्वानु॑ष्टुभेन॒ छन्द॑सा-ऽङ्गिर॒स्वत् ॥ 24 ॥

(पत्नी॑ - रि॒माग्ं - रु॒द्रास्त्वा-ऽऽ च्छृ॑न्द॒न्त्वे - का॒न्न विग्ं॑श॒तिश्च॑) (अ. 6)

समा᳚स्त्वा-ऽग्न ऋ॒तवो॑ वर्धयन्तु संवँथ्स॒रा ऋष॑यो॒ यानि॑ स॒त्या । स-न्दि॒व्येन॑ दीदिहि रोच॒नेन॒ विश्वा॒ आ भा॑हि प्र॒दिशः॑ पृथि॒व्याः ॥ स-ञ्चे॒द्ध्यस्वा᳚-ऽग्ने॒ प्र च॑ बोधयैन॒मुच्च॑ तिष्ठ मह॒ते सौभ॑गाय । मा च॑ रिषदुपस॒त्ता ते॑ अग्ने ब्र॒ह्माण॑स्ते य॒शसः॑ सन्तु॒ मा-ऽन्ये ॥ त्वाम॑ग्ने वृणते ब्राह्म॒णा इ॒मे शि॒वो अ॑ग्ने [ ] 25

सं॒-वँर॑णे भवा नः । स॒प॒त्न॒हा नो॑ अभिमाति॒जिच्च॒ स्वे गये॑ जागृ॒ह्य प्र॑युच्छन्न् ॥ इ॒हैवाग्ने॒ अधि॑ धारया र॒यि-म्मा त्वा॒ निक्र॑-न्पूर्व॒चितो॑ निका॒रिणः॑ । क्ष॒त्रम॑ग्ने सु॒यम॑मस्तु॒ तुभ्य॑मुपस॒त्ता व॑र्धता-न्ते॒ अनि॑ष्टृतः ॥ क्ष॒त्रेणा᳚-ऽग्ने॒ स्वायु॒-स्सग्ं र॑भस्व मि॒त्रेणा᳚-ऽग्ने मित्र॒धेये॑ यतस्व । स॒जा॒ताना᳚-म्मद्ध्यम॒स्था ए॑धि॒ राज्ञा॑मग्ने विह॒व्यो॑ दीदिही॒ह ॥ अति॒ [अति॑, निहो॒ अति॒ स्रिधो] 26

निहो॒ अति॒ स्रिधो ऽत्यचि॑त्ति॒-मत्यरा॑तिमग्ने । विश्वा॒ ह्य॑ग्ने दुरि॒ता सह॒स्वाथा॒स्मभ्यग्ं॑ स॒हवी॑राग्ं र॒यिन्दाः᳚ ॥ अ॒ना॒धृ॒ष्यो जा॒तव॑दा॒ अनि॑ष्टृतो वि॒राड॑ग्ने क्षत्र॒भृ-द्दी॑दिही॒ह । विश्वा॒ आशाः᳚ प्रमु॒ञ्च-न्मानु॑षीर्भि॒य-श्शि॒वाभि॑र॒द्य परि॑ पाहि नो वृ॒धे ॥ बृह॑स्पते सवितर्बो॒धयै॑न॒ग्ं॒ सग्ंशि॑त-ञ्चिथ्स-न्त॒राग्ं सग्ं शि॑शाधि । व॒र्धयै॑न-म्मह॒ते सौभ॑गाय॒ [सौभ॑गाय, विश्व॑ एन॒मनु॑ मदन्तु दे॒वाः ।] 27

विश्व॑ एन॒मनु॑ मदन्तु दे॒वाः ॥ अ॒मु॒त्र॒भूया॒दध॒ यद्य॒मस्य॒ बृह॑स्पते अ॒भिश॑स्ते॒र मु॑ञ्चः । प्रत्यौ॑हता-म॒श्विना॑ मृ॒त्युम॑स्मा-द्दे॒वाना॑-मग्ने भि॒षजा॒ शची॑भिः ॥ उद्व॒य-न्तम॑स॒स्परि॒ पश्य॑न्तो॒ ज्योति॒रुत्त॑रम् । दे॒व-न्दे॑व॒त्रा सूर्य॒मग॑न्म॒ ज्योति॑रुत्त॒मम् ॥ 28 ॥

(इ॒मे शि॒वो अ॒ग्ने - ऽति॒ - सौभ॑गाय॒ - चतु॑स्त्रिग्ंशच्च) (अ. 7)

ऊ॒र्ध्वा अ॑स्य स॒मिधो॑ भवन्त्यू॒र्ध्वा शु॒क्रा शो॒चीग्ष्य॒ग्नेः । द्यु॒मत्त॑मा सु॒प्रती॑कस्य सू॒नोः ॥ तनू॒नपा॒दसु॑रो वि॒श्ववे॑दा दे॒वो दे॒वेषु॑ दे॒वः । प॒थ आ-ऽन॑क्ति॒ मद्ध्वा॑ घृ॒तेन॑ ॥ मद्ध्वा॑ य॒ज्ञ-न्न॑क्षसे प्रीणा॒नो नरा॒शग्ंसो॑ अग्ने । सु॒कृद्दे॒व-स्स॑वि॒ता वि॒श्ववा॑रः ॥ अच्छा॒यमे॑ति॒ शव॑सा घृ॒तेने॑डा॒नो वह्नि॒र्नम॑सा । अ॒ग्निग्ग् स्रुचो॑ अद्ध्व॒रेषु॑ प्र॒यथ्सु॑ ॥ स य॑क्षदस्य महि॒मान॑म॒ग्ने-स्स [महि॒मान॑म॒ग्ने-स्सः, ई॒ म॒न्द्रासु॑ प्र॒यसः॑ ।] 29

ई॑ म॒न्द्रासु॑ प्र॒यसः॑ । वसु॒श्चेति॑ष्ठो वसु॒धात॑मश्च ॥ द्वारो॑ दे॒वीरन्व॑स्य॒ विश्वे᳚ व्र॒ता द॑दन्ते अ॒ग्नेः । उ॒रु॒व्यच॑सो॒ धाम्ना॒ पत्य॑मानाः ॥ ते अ॑स्य॒ योष॑णे दि॒व्ये न योना॑वु॒षासा॒नक्ता᳚ । इ॒मं-यँ॒ज्ञम॑वता मद्ध्व॒र-न्नः॑ ॥ दैव्या॑ होतारावू॒र्ध्व-म॑द्ध्व॒र-न्नो॒-ऽग्नेर्जि॒ह्वाम॒भि गृ॑णीतम् । कृ॒णु॒त-न्न॒-स्स्वि॑ष्टिम् ॥ ति॒स्रो दे॒वीर्ब॒र्॒हिरेदग्ं स॑द॒न्त्विडा॒ सर॑स्वती॒ [सर॑स्वती, भार॑ती ।] 30

भार॑ती । म॒ही गृ॑णा॒ना ॥ तन्न॑स्तु॒रीप॒मद्भु॑त-म्पुरु॒क्षु त्वष्टा॑ सु॒वीर᳚म् । रा॒यस्पोषं॒-विँ ष्य॑तु॒ नाभि॑म॒स्मे ॥ वन॑स्प॒ते-ऽव॑ सृजा॒ ररा॑ण॒स्त्मना॑ दे॒वेषु॑ । अ॒ग्निर्ह॒व्यग्ं श॑मि॒ता सू॑दयाति ॥ अग्ने॒ स्वाहा॑ कृणुहि जातवेद॒ इन्द्रा॑य ह॒व्यम् । विश्वे॑ दे॒वा ह॒विरि॒द-ञ्जु॑षन्ताम् ॥ हि॒र॒ण्य॒ग॒र्भ-स्सम॑वर्त॒ताग्रे॑ भू॒तस्य॑ जा॒तः पति॒रेक॑ आसीत् । स दा॑धार पृथि॒वी-न्द्या- [पृथि॒वी-न्द्याम्, उ॒तेमा-ङ्कस्मै॑] 31

-मु॒तेमा-ङ्कस्मै॑ दे॒वाय॑ ह॒विषा॑ विधेम ॥ यः प्रा॑ण॒तो नि॑मिष॒तो म॑हि॒त्वैक॒ इद्राजा॒ जग॑तो ब॒भूव॑ । य ईशे॑ अ॒स्य द्वि॒पद॒श्चतु॑ष्पदः॒ कस्मै॑ दे॒वाय॑ ह॒विषा॑ विधेम ॥ य आ᳚त्म॒दा ब॑ल॒दा यस्य॒ विश्व॑ उ॒पास॑ते प्र॒शिषं॒-यँस्य॑ दे॒वाः । यस्य॑ छा॒या-ऽमृतं॒-यँस्य॑ मृ॒त्युः कस्मै॑ दे॒वाय॑ ह॒विषा॑ विधेम ॥ यस्ये॒मे हि॒मव॑न्तो महि॒त्वा यस्य॑ समु॒द्रग्ं र॒सया॑ स॒हा- [स॒ह, आ॒हुः ।] 32

-ऽऽहुः । यस्ये॒माः प्र॒दिशो॒ यस्य॑ बा॒हू कस्मै॑ दे॒वाय॑ ह॒विषा॑ विधेम ॥ य-ङ्क्रन्द॑सी॒ अव॑सा तस्तभा॒ने अ॒भ्यैक्षे॑ता॒-म्मन॑सा॒ रेज॑माने । यत्राधि॒ सूर॒ उदि॑तौ॒ व्येति॒ कस्मै॑ दे॒वाय॑ ह॒विषा॑ विधेम ॥ येन॒ द्यौरु॒ग्रा पृ॑थि॒वी च॑ दृ॒ढे येन॒ सु॒वः॑ स्तभि॒तं-येँन॒ नाकः॑ । यो अ॒न्तरि॑क्षे॒ रज॑सो वि॒मानQःकस्मै॑ दे॒वाय॑ ह॒विषा॑ विधेम ॥ आपो॑ ह॒ यन्म॑ह॒ती र्विश्व॒- [यन्म॑ह॒ती र्विश्व᳚म्, अय॒-न्दक्ष॒-न्दधा॑ना] 33

-माय॒-न्दक्ष॒-न्दधा॑ना ज॒नय॑न्तीर॒ग्निम् । ततो॑ दे॒वाना॒-न्निर॑वर्त॒तासु॒रेकः॒ कस्मै॑ दे॒वाय॑ ह॒विषा॑ विधेम ॥ यश्चि॒दापो॑ महि॒ना प॒र्यप॑श्य॒-द्दक्ष॒-न्दधा॑ना ज॒नय॑न्तीर॒ग्निम् । यो दे॒वेष्वधि॑ दे॒व एक॒ आसी॒-त्कस्मै॑ दे॒वाय॑ ह॒विषा॑ विधेम ॥ 34 ॥

(अ॒ग्ने-स्स - सर॑स्वती॒ - द्याग्ं - स॒ह - विश्वं॒ - चतु॑स्त्रिग्ंशच्च) (अ. 8)

(ऊ॒र्ध्वा - यः प्रा॑ण॒तो - य आ᳚त्म॒दा - यस्ये॒मे - यङ्क्रन्द॑सी॒ - येन॒ द्यौ- रापो॑ ह॒ यत् - ततो॑ दे॒वानां॒ - ँयश्चि॒दापो॒ - यो दे॒वेषु॒ - नव॑ )

आकू॑तिम॒ग्नि-म्प्र॒युज॒ग्ग्॒ स्वाहा॒ मनो॑ मे॒धाम॒ग्नि-म्प्र॒युज॒ग्ग्॒ स्वाहा॑ चि॒त्तं-विँज्ञा॑तम॒ग्नि-म्प्र॒युज॒ग्ग्॒ स्वाहा॑ वा॒चो विधृ॑तिम॒ग्नि-म्प्र॒युज॒ग्ग्॒ स्वाहा᳚ प्र॒जाप॑तये॒ मन॑वे॒ स्वाहा॒-ऽग्नये॑ वैश्वान॒राय॒ स्वाहा॒ विश्वे॑ दे॒वस्य॑ ने॒तुर्मर्तो॑ वृणीत स॒ख्यं-विँश्वे॑ रा॒य इ॑षुद्ध्यसि द्यु॒म्नं-वृँ॑णीत पु॒ष्यसे॒ स्वाहा॒ मा सु भि॑त्था॒ मा सु रि॑षो॒ दृग्ंह॑स्व वी॒डय॑स्व॒ सु । अम्ब॑ धृष्णु वी॒रय॑स्वा॒- [वी॒रय॑स्व, अ॒ग्निश्चे॒द-ङ्क॑रिष्यथः ।] 35

-ऽग्निश्चे॒द-ङ्क॑रिष्यथः ॥ दृग्ंह॑स्व देवि पृथिवि स्व॒स्तय॑ आसु॒री मा॒या स्व॒धया॑ कृ॒ता-ऽसि॑ । जुष्ट॑-न्दे॒वाना॑मि॒दम॑स्तु ह॒व्यमरि॑ष्टा॒ त्वमुदि॑हि य॒ज्ञे अ॒स्मिन्न् ॥ मित्रै॒तामु॒खा-न्त॑पै॒षा मा भे॑दि । ए॒ता-न्ते॒ परि॑ ददा॒म्यभि॑त्त्यै ॥ द्र्व॑न्न-स्स॒र्पिरा॑सुतिः प्र॒त्नो होता॒ वरे᳚ण्यः । सह॑सस्पु॒त्रो अद्भु॑तः ॥ पर॑स्या॒ अधि॑ सं॒वँतो-ऽव॑राग्ं अ॒भ्या [अ॒भ्या, त॒र॒ ।] 36

त॑र । यत्रा॒हमस्मि॒ ताग्ं अ॑व ॥ प॒र॒मस्याः᳚ परा॒वतो॑ रो॒हिद॑श्व इ॒हा-ऽग॑हि । पु॒री॒ष्यः॑ पुरुप्रि॒यो-ऽग्ने॒ त्व-न्त॑रा॒ मृधः॑ ॥ सीद॒ त्व-म्मा॒तुर॒स्या उ॒पस्थे॒ विश्वा᳚न्यग्ने व॒युना॑नि वि॒द्वान् । मैना॑म॒र्चिषा॒ मा तप॑सा॒-ऽभि शू॑शुचो॒-ऽन्तर॑स्याग्ं शु॒क्र ज्यो॑ति॒र्वि भा॑हि ॥ अ॒न्तर॑ग्ने रु॒चा त्वमु॒खायै॒ सद॑ने॒ स्वे । तस्या॒स्त्वग्ं हर॑सा॒ तप॒न् जात॑वेद-श्शि॒वो भ॑व ॥ शि॒वो भू॒त्वा मह्य॑म॒ग्ने-ऽथो॑ सीद शि॒वस्त्वम् । शि॒वाः कृ॒त्वा दिश॒-स्सर्वा॒-स्स्वां-योँनि॑मि॒हा-ऽऽस॑दः ॥ 37 ॥

(वी॒रय॒स्वा - ऽऽ - तप॑न् - विग्ंश॒तिश्च॑) (अ. 9)

यद॑ग्ने॒ यानि॒ कानि॒ चा-ऽऽते॒ दारू॑णि द॒द्ध्मसि॑ । तद॑स्तु॒ तुभ्य॒मि-द्घृ॒त-न्तज्जु॑षस्व यविष्ठ्य ॥ यदत्त्यु॑प॒जिह्वि॑का॒ यद्व॒म्रो अ॑ति॒सर्प॑ति । सर्व॒-न्तद॑स्तु ते घृ॒त-न्तज्जु॑षस्व यविष्ठ्य ॥ रात्रिग्ं॑ रात्रि॒मप्र॑याव॒-म्भर॒न्तो-ऽश्वा॑येव॒ तिष्ठ॑ते घा॒सम॑स्मै । रा॒यस्पोषे॑ण॒ समि॒षा मद॒न्तो-ऽग्ने॒ मा ते॒ प्रति॑वेशा रिषाम ॥ नाभा॑ [नाभा᳚, पृ॒थि॒व्या-स्स॑मिधा॒न-] 38

पृथि॒व्या-स्स॑मिधा॒न-म॒ग्निग्ं रा॒यस्पोषा॑य बृह॒ते ह॑वामहे । इ॒र॒म्म॒द-म्बृ॒हदु॑क्थं॒-यँज॑त्र॒-ञ्जेता॑रम॒ग्नि-म्पृत॑नासु सास॒हिम् ॥ या-स्सेना॑ अ॒भीत्व॑रीरा-व्या॒धिनी॒-रुग॑णा उ॒त । ये स्ते॒ना ये च॒ तस्क॑रा॒स्ताग्स्ते॑ अ॒ग्ने-ऽपि॑ दधाम्या॒स्ये᳚ ॥ दग्ग्ष्ट्रा᳚भ्या-म्म॒लिम्लू॒न् जम्भ्यै॒-स्तस्क॑राग्ं उ॒त । हनू᳚भ्याग् स्ते॒नान्-भ॑गव॒स्ताग्-स्त्व-ङ्खा॑द॒ सुखा॑दितान् ॥ ये जने॑षु म॒लिम्ल॑व-स्स्ते॒नास॒-स्तस्क॑रा॒ वने᳚ । ये [ ] 39

कक्षे᳚ष्वघा॒ यव॒स्ताग्स्ते॑ दधामि॒ जम्भ॑योः ॥ यो अ॒स्मभ्य॑मराती॒या-द्यश्च॑ नो॒ द्वेष॑ते॒ जनः॑ । निन्दा॒द्यो अ॒स्मा-न्दिफ्सा᳚च्च॒ सर्व॒-न्त-म्म॑स्म॒सा कु॑रु ॥ सग्ंशि॑त-म्मे॒ ब्रह्म॒ सग्ंशि॑तं-वीँ॒र्य॑-म्बल᳚म् । सग्ंशि॑त-ङ्क्ष॒त्र-ञ्जि॒ष्णु यस्या॒-ऽहमस्मि॑ पु॒रोहि॑तः ॥ उदे॑षा-म्बा॒हू अ॑तिर॒मुद्वर्च॒ उदू॒ बल᳚म् । क्षि॒णोमि॒ ब्रह्म॑णा॒-ऽमित्रा॒नुन्न॑यामि॒ [-ऽमित्रा॒-नुन्न॑यामि, स्वाग्ं अ॒हम् ।] 40

स्वाग्ं अ॒हम् ॥ दृ॒शा॒नो रु॒क्म उ॒र्व्या व्य॑द्यौद्दु॒र्मर्ष॒मायुः॑ श्रि॒ये रु॑चा॒नः । अ॒ग्निर॒मृतो॑ अभव॒द्वयो॑-भि॒र्यदे॑न॒-न्द्यौरज॑नय-थ्सु॒रेताः᳚ ॥ विश्वा॑ रू॒पाणि॒ प्रति॑ मुञ्चते क॒विः प्रा-ऽसा॑वीद्भ॒द्र-न्द्वि॒पदे॒ चतु॑ष्पदे । वि नाक॑मख्य-थ्सवि॒ता वरे॒ण्यो-ऽनु॑ प्र॒याण॑मु॒षसो॒ वि॑राजति ॥ नक्तो॒षासा॒ सम॑नसा॒ विरू॑पे धा॒पये॑ते॒ शिशु॒मेकग्ं॑ समी॒ची । द्यावा॒ क्षामा॑ रु॒क्मो [रु॒क्मः, अ॒न्तर्वि भा॑ति] 41

अ॒न्तर्वि भा॑ति दे॒वा अ॒ग्नि-न्धा॑रय-न्द्रविणो॒दाः ॥ सु॒प॒र्णो॑-ऽसि ग॒रुत्मा᳚-न्त्रि॒वृत्ते॒ शिरो॑ गाय॒त्र-ञ्चक्षु॒-स्स्तोम॑ आ॒त्मा साम॑ ते त॒नूर्वा॑मदे॒व्य-म्बृ॑ह-द्रथन्त॒रे प॒क्षौ य॑ज्ञाय॒ज्ञिय॒-म्पुच्छ॒-ञ्छन्दा॒ग्॒स्यङ्गा॑नि॒ धिष्णि॑या-श्श॒फा यजूग्ं॑षि॒ नाम॑ ॥ सु॒प॒र्णो॑-ऽसि ग॒रुत्मा॒-न्दिव॑-ङ्गच्छ॒ सुवः॑ पत ॥ 42 ॥

(नाभा॒ - वने॒ ये - न॑यामि॒ - क्षामा॑ रु॒क्मो᳚ - ऽष्टात्रिग्ं॑शच्च) (अ. 10)

अग्ने॒ यं-यँ॒ज्ञम॑द्ध्व॒रं-विँ॒श्वतः॑ परि॒भूरसि॑ । स इद्दे॒वेषु॑ गच्छति ॥ सोम॒ यास्ते॑ मयो॒भुव॑ ऊ॒तय॒-स्सन्ति॑ दा॒शुषे᳚ । ताभि॑र्नो-ऽवि॒ता भ॑व ॥ अ॒ग्निर्मू॒र्धा भुवः॑ ॥ त्वन्नः॑ सोम॒ , या ते॒ धामा॑नि ॥ त-थ्स॑वि॒तुर्वरे᳚ण्य॒-म्भर्गो॑ दे॒वस्य॑ धीमहि । धियो॒ यो नः॑ प्रचो॒दया᳚त् ॥ अचि॑त्ती॒ यच्च॑कृ॒मा दैव्ये॒ जने॑ दी॒नैर्दक्षैः॒ प्रभू॑ती पूरुष॒त्वता᳚ । 43

दे॒वेषु॑ च सवित॒र्मानु॑षेषु च॒ त्वन्नो॒ अत्र॑ सुवता॒दना॑गसः ॥ चो॒द॒यि॒त्री सू॒नृता॑ना॒-ञ्चेत॑न्ती सुमती॒नाम् । य॒ज्ञ-न्द॑धे॒ सर॑स्वती ॥ पावी॑रवी क॒न्या॑ चि॒त्रायु॒-स्सर॑स्वती वी॒रप॑त्नी॒ धिय॑-न्धात् । ग्नाभि॒रच्छि॑द्रग्ं शर॒णग्ं स॒जोषा॑ दुरा॒धर्ष॑-ङ्गृण॒ते शर्म॑ यग्ंसत् ॥ पू॒षा गा अन्वे॑तु नः पू॒षा र॑क्ष॒त्वर्व॑तः । पू॒षा वाजग्ं॑ सनोतु नः ॥ शु॒क्र-न्ते॑ अ॒न्यद्य॑ज॒त-न्ते॑ अ॒न्य- [अ॒न्यत्, विषु॑रूपे॒ अह॑नी॒ द्यौरि॑वासि ।] 44

-द्विषु॑रूपे॒ अह॑नी॒ द्यौरि॑वासि । विश्वा॒ हि मा॒या अव॑सि स्वधावो भ॒द्रा ते॑ पूषन्नि॒ह रा॒तिर॑स्तु ॥ ते॑-ऽवर्धन्त॒ स्वत॑वसो महित्व॒ना ऽऽनाक॑-न्त॒स्थुरु॒रु च॑क्रिरे॒ सदः॑ । विष्णु॒ र्यद्धा-ऽऽव॒-द्वृष॑ण-म्मद॒च्युतं॒-वँयो॒ न सी॑द॒न्नधि॑ ब॒र्॒हिषि॑ प्रि॒ये ॥ प्रचि॒त्रम॒र्क-ङ्गृ॑ण॒ते तु॒राय॒ मारु॑ताय॒ स्वत॑वसे भरद्ध्वम् । ये सहाग्ं॑सि॒ सह॑सा॒ सह॑न्ते॒ [सह॑न्ते, रेज॑ते अग्ने पृथि॒वी म॒खेभ्यः॑ ।] 45

रेज॑ते अग्ने पृथि॒वी म॒खेभ्यः॑ ॥ विश्वे॑ दे॒वा विश्वे॑ देवाः ॥ द्यावा॑ नः पृथि॒वी इ॒मग्ं सि॒द्ध्रम॒द्य दि॑वि॒स्पृश᳚म् । य॒ज्ञ-न्दे॒वेषु॒ यच्छताम् ॥ प्र पू᳚र्व॒जे पि॒तरा॒ नव्य॑सीभिर्गी॒र्भिः कृ॑णुद्ध्व॒ग्ं॒ सद॑ने ऋ॒तस्य॑ । आ नो᳚ द्यावापृथिवी॒ दैव्ये॑न॒ जने॑न यात॒-म्महि॑ वां॒-वँरू॑थम् ॥ अ॒ग्निग्ग् स्तोमे॑न बोधय समिधा॒नो अम॑र्त्यम् । ह॒व्या दे॒वेषु॑ नो दधत् ॥ स ह॑व्य॒वाडम॑र्त्य उ॒शिग्दू॒तश्चनो॑हितः । अ॒ग्निर्धि॒या समृ॑ण्वति ॥ शन्नो॑ भवन्तु॒, वाजे॑वाजे ॥ 46 ॥

(पु॒रु॒ष॒त्वता॑ - यज॒तन्ते॑ अ॒न्यथ् - सह॑न्ते॒ - चनो॑हितो॒ - ऽष्टौ च॑ ) (अ. 11)

(यु॒ञ्जा॒न - इ॒माम॑गृभ्णन् - दे॒वस्य॒ - सन्ते॒ - वि पाज॑सा॒ - वस॑वस्त्वा॒ - समा᳚स्त्वो॒ - र्ध्वा - अ॒स्याकू॑तिं॒ - ँयद॑ग्ने॒ यान् - यग्ने॒ यं-यँ॒ज्ञ - मेका॑दश)

(यु॒ञ्जा॒नो - वर्म॑ च स्थ - आदि॒त्यस्त्वा॒ - भार॑ती॒ - स्वाग्ं अ॒हग्ं - षट्च॑त्वारिग्ंशत् )

(यु॒ञ्जा॒नो, वाजे॑वाजे)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-ञ्चतुर्थ काण्डे प्रथमः प्रश्न-स्समाप्तः ॥