2.8 - Kamyapashuyajyanuvakya Brahmanam - Krishna Yajurveda Taittiriya Brahmana Pathah - Pivonnam Rayivridhah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌅𑌷𑍍𑌟𑌮𑌃 𑌪𑍍𑌰𑌪𑌾𑌠𑌕𑌃 - 𑌕𑌾𑌮𑍍𑌯𑌪𑌶𑍁𑌯𑌾𑌜𑍍𑌯𑌾𑌨𑍁𑌵𑌾𑌕𑍍𑌯𑌾 𑌬𑍍𑌰𑌾𑌹𑍍𑌮𑌣𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌵𑌾𑌯𑌵𑍍𑌯𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌪𑍀𑌵𑍋᳚𑌨𑍍𑌨𑌾𑌗𑍍𑌂 𑌰𑌯𑌿॒𑌵𑍃𑌧𑌃॑ 𑌸𑍁𑌮𑍇॒𑌧𑌾𑌃 । 𑌶𑍍𑌵𑍇॒𑌤-𑌸𑍍𑌸𑌿॑𑌷𑌕𑍍𑌤𑌿 𑌨𑌿॒𑌯𑍁𑌤𑌾॑𑌮𑌭𑌿॒𑌶𑍍𑌰𑍀𑌃 । 𑌤𑍇 𑌵𑌾॒𑌯𑌵𑍇॒ 𑌸𑌮॑𑌨𑌸𑍋॒ 𑌵𑌿𑌤॑𑌸𑍍𑌥𑍁𑌃 । 𑌵𑌿𑌶𑍍𑌵𑍇𑌨𑍍𑌨𑌰𑌃॑ 𑌸𑍍𑌵𑌪॒𑌤𑍍𑌯𑌾𑌨𑌿॑ 𑌚𑌕𑍍𑌰𑍁𑌃 ॥ 𑌰𑌾॒𑌯𑍇-𑌽𑌨𑍁 𑌯-𑌞𑍍𑌜॒𑌜𑍍𑌞𑌤𑍂॒ 𑌰𑍋𑌦॑𑌸𑍀 𑌉॒𑌭𑍇 । 𑌰𑌾॒𑌯𑍇 𑌦𑍇॒𑌵𑍀 𑌧𑌿॒𑌷𑌣𑌾॑ 𑌧𑌾𑌤𑌿 𑌦𑍇॒𑌵𑌮𑍍 । 𑌅𑌧𑌾॑ 𑌵𑌾॒𑌯𑍁-𑌨𑍍𑌨𑌿॒𑌯𑍁𑌤𑌃॑ 𑌸𑌶𑍍𑌚𑌤॒ 𑌸𑍍𑌵𑌾𑌃 । 𑌉॒𑌤 𑌶𑍍𑌵𑍇॒𑌤𑌂-𑌵𑌁𑌸𑍁॑𑌧𑌿𑌤𑌿-𑌨𑍍𑌨𑌿𑌰𑍇॒𑌕𑍇 ॥ 𑌆 𑌵𑌾॑𑌯𑍋 𑌭𑍂𑌷 𑌶𑍁𑌚𑌿𑌪𑌾॒ 𑌉𑌪॑ 𑌨-𑌸𑍍𑌸॒𑌹𑌸𑍍𑌰॑-𑌨𑍍𑌤𑍇 𑌨𑌿॒𑌯𑍁𑌤𑍋॑ 𑌵𑌿𑌶𑍍𑌵𑌵𑌾𑌰 । 𑌉𑌪𑍋॑ 𑌤𑍇॒ 𑌅𑌨𑍍𑌧𑍋॒ 𑌮𑌦𑍍𑌯॑𑌮𑌯𑌾𑌮𑌿॒ 𑌯𑌸𑍍𑌯॑ 𑌦𑍇𑌵 𑌦𑌧𑌿॒𑌷𑍇 𑌪𑍂᳚𑌰𑍍𑌵॒𑌪𑍇𑌯᳚𑌮𑍍 ॥ 𑌪𑍍𑌰 𑌯𑌾𑌭𑌿॒𑌰𑍍𑌯𑌾𑌸𑌿॑ 𑌦𑌾॒𑌶𑍍𑌵𑌾𑌗𑍍𑌂 𑌸𑌮𑌚𑍍𑌛𑌾॑ 𑌨𑌿॒𑌯𑍁𑌦𑍍𑌭𑌿॑-𑌰𑍍𑌵𑌾𑌯𑌵𑌿॒𑌷𑍍𑌟𑌯𑍇॑ 𑌦𑍁𑌰𑍋॒𑌣𑍇 । 𑌨𑌿 𑌨𑍋॑ 𑌰॒𑌯𑌿𑌗𑍍𑌂 𑌸𑍁॒𑌭𑍋𑌜॑𑌸𑌂-𑌯𑍁𑌁𑌵𑍇॒𑌹 𑌨𑌿 𑌵𑍀॒𑌰𑌵॒-𑌦𑍍𑌗𑌵𑍍𑌯॒𑌮𑌶𑍍𑌵𑌿॑𑌯-𑌞𑍍𑌚॒ 𑌰𑌾𑌧𑌃॑ ॥॥ 𑌪𑍍𑌰 𑌵𑌾॒𑌯𑍁𑌮𑌚𑍍𑌛𑌾॑ 𑌬𑍃𑌹॒𑌤𑍀 𑌮॑𑌨𑍀॒𑌷𑌾 ॥ 1 ॥

𑌬𑍃॒𑌹𑌦𑍍𑌰॑𑌯𑌿𑌂-𑌵𑌿𑌁॒𑌶𑍍𑌵𑌵𑌾॑𑌰𑌾𑌗𑍍𑌂 𑌰𑌥॒𑌪𑍍𑌰𑌾𑌮𑍍 । 𑌦𑍍𑌯𑍁॒𑌤𑌦𑍍𑌯𑌾॑𑌮𑌾 𑌨𑌿॒𑌯𑍁𑌤𑌃॒ 𑌪𑌤𑍍𑌯॑𑌮𑌾𑌨𑌃 । 𑌕॒𑌵𑌿𑌃 𑌕॒𑌵𑌿𑌮𑌿॑𑌯𑌕𑍍𑌷𑌸𑌿 𑌪𑍍𑌰𑌯𑌜𑍍𑌯𑍋 ॥ 𑌆 𑌨𑍋॑ 𑌨𑌿॒𑌯𑍁𑌦𑍍𑌭𑌿𑌃॑ 𑌶॒𑌤𑌿𑌨𑍀॑𑌭𑌿-𑌰𑌦𑍍𑌧𑍍𑌵॒𑌰𑌮𑍍 । 𑌸॒𑌹॒𑌸𑍍𑌰𑌿𑌣𑍀॑𑌭𑌿॒𑌰𑍁𑌪॑ 𑌯𑌾𑌹𑌿 𑌯॒𑌜𑍍𑌞𑌮𑍍 । 𑌵𑌾𑌯𑍋॑ 𑌅॒𑌸𑍍𑌮𑌿𑌨𑍍. 𑌹॒𑌵𑌿𑌷𑌿॑ 𑌮𑌾𑌦𑌯𑌸𑍍𑌵 । 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 𑌪𑍍𑌰𑌜𑌾॑𑌪𑌤𑍇॒ 𑌨 𑌤𑍍𑌵𑌦𑍇॒𑌤𑌾𑌨𑍍𑌯॒𑌨𑍍𑌯𑌃 । 𑌵𑌿𑌶𑍍𑌵𑌾॑ 𑌜𑌾॒𑌤𑌾𑌨𑌿॒ 𑌪𑌰𑌿॒ 𑌤𑌾 𑌬॑𑌭𑍂𑌵 । 𑌯-𑌤𑍍𑌕𑌾॑𑌮𑌾𑌸𑍍𑌤𑍇 𑌜𑍁𑌹𑍁॒𑌮𑌸𑍍𑌤𑌨𑍍𑌨𑍋॑ 𑌅𑌸𑍍𑌤𑍁 ॥ 2 ॥

𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑌰॒𑌯𑍀॒𑌣𑌾-𑌮𑍍𑌪𑌤𑌿𑌂॑-𑌯𑌁𑌜॒𑌤-𑌮𑍍𑌬𑍃॒𑌹𑌨𑍍𑌤᳚𑌮𑍍 । 𑌅॒𑌸𑍍𑌮𑌿𑌨𑍍𑌭𑌰𑍇॒ 𑌨𑍃𑌤॑𑌮𑌂॒-𑌵𑌾𑌁𑌜॑𑌸𑌾𑌤𑍗 । 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰𑌥𑌮॒𑌜𑌾𑌮𑍃॒𑌤𑌸𑍍𑌯॑ । 𑌯𑌜𑌾॑𑌮 𑌦𑍇॒𑌵𑌮𑌧𑌿॑ 𑌨𑍋 𑌬𑍍𑌰𑌵𑍀𑌤𑍁 ॥ 𑌪𑍍𑌰𑌜𑌾॑𑌪𑌤𑍇॒ 𑌤𑍍𑌵-𑌨𑍍𑌨𑌿॑𑌧𑌿॒𑌪𑌾𑌃 𑌪𑍁॑𑌰𑌾॒𑌣𑌃 । 𑌦𑍇॒𑌵𑌾𑌨𑌾᳚-𑌮𑍍𑌪𑌿॒𑌤𑌾 𑌜॑𑌨𑌿॒𑌤𑌾 𑌪𑍍𑌰॒𑌜𑌾𑌨𑌾᳚𑌮𑍍 । 𑌪𑌤𑌿॒-𑌰𑍍𑌵𑌿𑌶𑍍𑌵॑𑌸𑍍𑌯॒ 𑌜𑌗॑𑌤𑌃 𑌪𑌰॒𑌸𑍍𑌪𑌾𑌃 । 𑌹॒𑌵𑌿𑌰𑍍𑌨𑍋॑ 𑌦𑍇𑌵 𑌵𑌿𑌹॒𑌵𑍇 𑌜𑍁॑𑌷𑌸𑍍𑌵 ॥ 𑌤𑌵𑍇॒𑌮𑍇 𑌲𑍋॒𑌕𑌾𑌃 𑌪𑍍𑌰॒𑌦𑌿𑌶𑍋॒ 𑌦𑌿𑌶॑𑌶𑍍𑌚 ॥ 3 ॥

𑌪॒𑌰𑌾॒𑌵𑌤𑍋॑ 𑌨𑌿॒𑌵𑌤॑ 𑌉॒𑌦𑍍𑌵𑌤॑𑌶𑍍𑌚 । 𑌪𑍍𑌰𑌜𑌾॑𑌪𑌤𑍇 𑌵𑌿𑌶𑍍𑌵॒𑌸𑍃𑌜𑍍𑌜𑍀॒𑌵𑌧॑𑌨𑍍𑌯 𑌇॒𑌦-𑌨𑍍𑌨𑍋॑ 𑌦𑍇𑌵 । 𑌪𑍍𑌰𑌤𑌿॑𑌹𑌰𑍍𑌯 𑌹॒𑌵𑍍𑌯𑌮𑍍 ॥ 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰𑌥॒𑌮𑌂-𑌯𑌁॒𑌜𑍍𑌞𑌿𑌯𑌾॑𑌨𑌾𑌮𑍍 । 𑌦𑍇॒𑌵𑌾𑌨𑌾॒𑌮𑌗𑍍𑌰𑍇॑ 𑌯𑌜॒𑌤𑌂-𑌯𑌁॑𑌜𑌦𑍍𑌧𑍍𑌵𑌮𑍍 । 𑌸 𑌨𑍋॑ 𑌦𑌦𑌾𑌤𑍁॒ 𑌦𑍍𑌰𑌵𑌿॑𑌣𑌗𑍍𑌂 𑌸𑍁॒𑌵𑍀𑌰𑍍𑌯᳚𑌮𑍍 । 𑌰𑌾॒𑌯𑌸𑍍𑌪𑍋𑌷𑌂॒-𑌵𑌿𑌁𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 ॥ 𑌯𑍋 𑌰𑌾॒𑌯 𑌈𑌶𑍇॑ 𑌶𑌤𑌦𑌾॒𑌯 𑌉॒𑌕𑍍𑌥𑍍𑌯𑌃॑ । 𑌯𑌃 𑌪॑𑌶𑍂॒𑌨𑌾𑌗𑍍𑌂 𑌰॑𑌕𑍍𑌷𑌿॒𑌤𑌾 𑌵𑌿𑌷𑍍𑌠𑌿॑𑌤𑌾𑌨𑌾𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ ॥ 4 ॥

𑌸॒𑌹𑌸𑍍𑌰॑𑌧𑌾𑌮𑌾 𑌜𑍁𑌷𑌤𑌾𑌗𑍍𑌂 𑌹॒𑌵𑌿𑌰𑍍𑌨𑌃॑ ॥ 𑌸𑍋𑌮𑌾॑𑌪𑍂𑌷𑌣𑌾॒ 𑌜𑌨॑𑌨𑌾 𑌰𑌯𑍀॒𑌣𑌾-𑌞𑍍𑌜𑌨॑𑌨𑌾 𑌦𑌿॒𑌵𑍋 𑌜𑌨॑𑌨𑌾 𑌪𑍃𑌥𑌿॒𑌵𑍍𑌯𑌾𑌃 । 𑌜𑌾॒𑌤𑍗 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑍗 𑌦𑍇॒𑌵𑌾 𑌅॑𑌕𑍃𑌣𑍍𑌵𑌨𑍍𑌨॒𑌮𑍃𑌤॑𑌸𑍍𑌯॒ 𑌨𑌾𑌭𑌿᳚𑌮𑍍 ॥ 𑌇॒𑌮𑍗 𑌦𑍇॒𑌵𑍗 𑌜𑌾𑌯॑𑌮𑌾𑌨𑍗 𑌜𑍁𑌷𑌨𑍍𑌤𑍇॒𑌮𑍗 𑌤𑌮𑌾𑌗𑍍𑌂॑𑌸𑌿 𑌗𑍂𑌹𑌤𑌾॒𑌮𑌜𑍁॑𑌷𑍍𑌟𑌾 । 𑌆॒𑌭𑍍𑌯𑌾𑌮𑌿𑌨𑍍𑌦𑍍𑌰𑌃॑ 𑌪॒𑌕𑍍𑌵𑌮𑌾॒𑌮𑌾𑌸𑍍𑌵॒𑌨𑍍𑌤-𑌸𑍍𑌸𑍋॑𑌮𑌾𑌪𑍂॒𑌷𑌭𑍍𑌯𑌾᳚-𑌞𑍍𑌜𑌨𑌦𑍁॒𑌸𑍍𑌰𑌿𑌯𑌾॑𑌸𑍁 ॥ ॥ 𑌸𑍋𑌮𑌾॑𑌪𑍂𑌷𑌣𑌾॒ 𑌰𑌜॑𑌸𑍋 𑌵𑌿॒𑌮𑌾𑌨᳚𑌮𑍍 । 𑌸॒𑌪𑍍𑌤𑌚॑𑌕𑍍𑌰॒𑌗𑍍𑌂॒ 𑌰𑌥॒𑌮𑌵𑌿॑𑌶𑍍𑌵𑌮𑌿𑌨𑍍𑌵𑌮𑍍 । 𑌵𑌿॒𑌷𑍂॒𑌵𑍃𑌤॒-𑌮𑍍𑌮𑌨॑𑌸𑌾 𑌯𑍁॒𑌜𑍍𑌯𑌮𑌾॑𑌨𑌮𑍍 । 𑌤-𑌞𑍍𑌜𑌿॑𑌨𑍍𑌵𑌥𑍋 𑌵𑍃𑌷𑌣𑌾॒ 𑌪𑌞𑍍𑌚॑𑌰𑌶𑍍𑌮𑌿𑌮𑍍 ॥ 𑌦𑌿॒𑌵𑍍𑌯॑𑌨𑍍𑌯-𑌸𑍍𑌸𑌦॑𑌨-𑌞𑍍𑌚॒𑌕𑍍𑌰 𑌉॒𑌚𑍍𑌚𑌾 । 𑌪𑍃॒𑌥𑌿॒𑌵𑍍𑌯𑌾𑌮॒𑌨𑍍𑌯𑍋 𑌅𑌦𑍍𑌧𑍍𑌯॒𑌨𑍍𑌤𑌰𑌿॑𑌕𑍍𑌷𑍇 । 𑌤𑌾𑌵॒𑌸𑍍𑌮𑌭𑍍𑌯॑-𑌮𑍍𑌪𑍁𑌰𑍁॒𑌵𑌾𑌰॑-𑌮𑍍𑌪𑍁𑌰𑍁॒𑌕𑍍𑌷𑍁𑌮𑍍 । 𑌰𑌾॒𑌯𑌸𑍍𑌪𑍋𑌷𑌂॒-𑌵𑌿𑌁𑌷𑍍𑌯॑𑌤𑌾॒-𑌨𑍍𑌨𑌾𑌭𑌿॑𑌮॒𑌸𑍍𑌮𑍇 ॥ 5 ॥

𑌧𑌿𑌯॑-𑌮𑍍𑌪𑍂॒𑌷𑌾 𑌜𑌿॑𑌨𑍍𑌵𑌤𑍁 𑌵𑌿𑌶𑍍𑌵𑌮𑌿॒𑌨𑍍𑌵𑌃 । 𑌰॒𑌯𑌿𑌗𑍍𑌂 𑌸𑍋𑌮𑍋॑ 𑌰𑌯𑌿॒𑌪𑌤𑌿॑-𑌰𑍍𑌦𑌧𑌾𑌤𑍁 । 𑌅𑌵॑𑌤𑍁 𑌦𑍇॒𑌵𑍍𑌯𑌦𑌿॑𑌤𑌿𑌰-𑌨॒𑌰𑍍𑌵𑌾 । 𑌬𑍃॒𑌹-𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥ 𑌵𑌿𑌶𑍍𑌵𑌾᳚𑌨𑍍𑌯॒𑌨𑍍𑌯𑍋 𑌭𑍁𑌵॑𑌨𑌾 𑌜॒𑌜𑌾𑌨॑ । 𑌵𑌿𑌶𑍍𑌵॑𑌮॒𑌨𑍍𑌯𑍋 𑌅॑𑌭𑌿॒𑌚𑌕𑍍𑌷𑌾॑𑌣 𑌏𑌤𑌿 । 𑌸𑍋𑌮𑌾॑𑌪𑍂𑌷𑌣𑌾॒-𑌵𑌵॑𑌤॒-𑌨𑍍𑌧𑌿𑌯॑-𑌮𑍍𑌮𑍇 । 𑌯𑍁॒𑌵𑌭𑍍𑌯𑌾𑌂॒-𑌵𑌿𑌁𑌶𑍍𑌵𑌾𑌃॒ 𑌪𑍃𑌤॑𑌨𑌾 𑌜𑌯𑍇𑌮 ॥ 𑌉𑌦𑍁॑𑌤𑍍𑌤॒𑌮𑌂-𑌵𑌁॑𑌰𑍁𑌣॒ 𑌪𑌾𑌶॑𑌮॒𑌸𑍍𑌮𑌦𑌵𑌾॑-𑌽𑌧॒𑌮𑌂-𑌵𑌿𑌁𑌮॑𑌧𑍍𑌯॒𑌮𑌗𑍍𑌗𑍍 𑌶𑍍𑌰॑𑌥𑌾𑌯 । 𑌅𑌥𑌾॑ 𑌵॒𑌯𑌮𑌾॑𑌦𑌿𑌤𑍍𑌯 𑌵𑍍𑌰॒𑌤𑍇 𑌤𑌵𑌾-𑌽𑌨𑌾॑𑌗𑌸𑍋॒ 𑌅𑌦𑌿॑𑌤𑌯𑍇 𑌸𑍍𑌯𑌾𑌮 𑌅𑌸𑍍𑌤॑𑌭𑍍𑌨𑌾॒𑌦𑍍𑌯𑌾𑌮𑍃॑𑌷॒𑌭𑍋 𑌅॒𑌨𑍍𑌤𑌰𑌿॑𑌕𑍍𑌷॒𑌮𑌮𑌿॑𑌮𑍀𑌤 𑌵𑌰𑌿॒𑌮𑌾𑌣॑-𑌮𑍍𑌪𑍃𑌥𑌿॒𑌵𑍍𑌯𑌾 𑌆-𑌽𑌸𑍀॑𑌦॒-𑌦𑍍𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌸॒𑌮𑍍𑌰𑌾-𑌡𑍍𑌵𑌿𑌶𑍍𑌵𑍇𑌤𑍍𑌤𑌾𑌨𑌿॒ 𑌵𑌰𑍁॑𑌣𑌸𑍍𑌯 𑌵𑍍𑌰॒𑌤𑌾𑌨𑌿॑ ॥ । 𑌯-𑌤𑍍𑌕𑌿𑌞𑍍𑌚𑍇॒𑌦𑌂-𑌵𑌁॑𑌰𑍁𑌣॒ 𑌦𑍈𑌵𑍍𑌯𑍇॒ 𑌜𑌨𑍇॑-𑌽𑌭𑌿𑌦𑍍𑌰𑍋॒𑌹-𑌮𑍍𑌮॑𑌨𑍁॒𑌷𑍍𑌯𑌾᳚𑌶𑍍𑌚𑌰𑌾॑𑌮𑌸𑌿 । 𑌅𑌚𑌿॑𑌤𑍍𑌤𑍀॒𑌯-𑌤𑍍𑌤𑌵॒ 𑌧𑌰𑍍𑌮𑌾॑ 𑌯𑍁𑌯𑍋𑌪𑌿॒𑌮 𑌮𑌾 𑌨॒𑌸𑍍𑌤𑌸𑍍𑌮𑌾॒ 𑌦𑍇𑌨॑𑌸𑍋 𑌦𑍇𑌵 𑌰𑍀𑌰𑌿𑌷𑌃 ॥ 𑌕𑌿॒𑌤॒𑌵𑌾𑌸𑍋॒ 𑌯𑌦𑍍𑌰𑌿॑ 𑌰𑌿॒𑌪𑍁𑌰𑍍𑌨 𑌦𑍀॒𑌵𑌿 𑌯𑌦𑍍𑌵𑌾॑ 𑌘𑌾 𑌸॒𑌤𑍍𑌯 𑌮𑍁॒𑌤𑌯𑌨𑍍𑌨 𑌵𑌿॒𑌦𑍍𑌮 । 𑌸𑌰𑍍𑌵𑌾॒ 𑌤𑌾 𑌵𑌿𑌷𑍍𑌯॑ 𑌶𑌿𑌥𑌿॒𑌰𑍇𑌵॑ 𑌦𑍇॒𑌵𑌾𑌥𑌾॑ 𑌤𑍇 𑌸𑍍𑌯𑌾𑌮 𑌵𑌰𑍁𑌣 𑌪𑍍𑌰𑌿॒𑌯𑌾𑌸𑌃॑ ॥( ) । 𑌅𑌵॑ 𑌤𑍇॒ 𑌹𑍇𑌡𑍋॑ 𑌵𑌰𑍁𑌣॒ 𑌨𑌮𑍋॑𑌭𑌿॒𑌰𑌵॑ 𑌯॒𑌜𑍍𑌞𑍇𑌭𑌿॑𑌰𑍀𑌮𑌹𑍇 𑌹॒𑌵𑌿𑌰𑍍𑌭𑌿𑌃॑ । 𑌕𑍍𑌷𑌯॑𑌨𑍍𑌨॒𑌸𑍍𑌮𑌭𑍍𑌯॑𑌮𑌸𑍁𑌰 𑌪𑍍𑌰𑌚𑍇𑌤𑍋॒ 𑌰𑌾𑌜॒𑌨𑍍𑌨𑍇𑌨𑌾𑌗𑍍𑌂॑𑌸𑌿 𑌶𑌿𑌶𑍍𑌰𑌥𑌃 𑌕𑍃॒𑌤𑌾𑌨𑌿॑ ॥, 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌧𑍍𑌯𑍁𑌰𑍁॑𑌶𑌗𑍍𑌂𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ ॥ 𑌆॒𑌦𑌿॒𑌤𑍍𑌯𑌾𑌨𑌾॒𑌮𑌵॑𑌸𑌾॒ 𑌨𑍂𑌤॑𑌨𑍇𑌨 𑌸𑌕𑍍𑌷𑍀॒𑌮𑌹𑌿॒ 𑌶𑌰𑍍𑌮॑𑌣𑌾॒ 𑌶𑌨𑍍𑌤॑𑌮𑍇𑌨 । 𑌅॒𑌨𑌾॒𑌗𑌾॒𑌸𑍍𑌤𑍍𑌵𑍇 𑌅॑𑌦𑌿𑌤𑌿॒𑌤𑍍𑌵𑍇 𑌤𑍁॒𑌰𑌾𑌸॑ 𑌇॒𑌮𑌂-𑌯𑌁॒𑌜𑍍𑌞-𑌨𑍍𑌦॑𑌧𑌤𑍁॒ 𑌶𑍍𑌰𑍋𑌷॑𑌮𑌾𑌣𑌾𑌃 ॥, 𑌨 𑌦॑𑌕𑍍𑌷𑌿॒𑌣𑌾 𑌵𑌿𑌚𑌿॑𑌕𑌿𑌤𑍇॒ 𑌨 𑌸॒𑌵𑍍𑌯𑌾 𑌨 𑌪𑍍𑌰𑌾॒𑌚𑍀𑌨॑𑌮𑌾𑌦𑌿𑌤𑍍𑌯𑌾॒ 𑌨𑍋𑌤 𑌪॒𑌶𑍍𑌚𑌾 । 𑌪𑌾॒𑌕𑍍𑌯𑌾॑ 𑌚𑌿𑌦𑍍𑌵𑌸𑌵𑍋 𑌧𑍀॒𑌰𑍍𑌯𑌾॑ 𑌚𑌿--𑌦𑍍𑌯𑍁॒𑌷𑍍𑌮𑌾𑌨𑍀॑𑌤𑍋॒ 𑌅𑌭॑𑌯॒-𑌞𑍍𑌜𑍍𑌯𑍋𑌤𑌿॑𑌰𑌶𑍍𑌯𑌾𑌮𑍍 ॥ । 𑌧𑌾॒𑌰𑌯॑𑌨𑍍𑌤 𑌆𑌦𑌿॒𑌤𑍍𑌯𑌾𑌸𑍋॒ 𑌜𑌗॒𑌥𑍍𑌸𑍍𑌥𑌾 𑌦𑍇॒𑌵𑌾 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 । 𑌦𑍀॒𑌰𑍍𑌘𑌾𑌧𑌿॑𑌯𑍋॒ 𑌰𑌕𑍍𑌷॑𑌮𑌾𑌣𑌾 𑌅𑌸𑍁॒𑌰𑍍𑌯॑𑌮𑍃॒𑌤𑌾𑌵𑌾॑𑌨॒-𑌶𑍍𑌚𑌯॑𑌮𑌾𑌨𑌾 𑌋॒𑌣𑌾𑌨𑌿॑ ॥, 𑌤𑌿॒𑌸𑍍𑌰𑍋 𑌭𑍂𑌮𑍀᳚𑌰𑍍𑌧𑌾𑌰𑌯॒-𑌨𑍍𑌤𑍍𑌰𑍀𑌗𑍍𑌂 𑌰𑍁॒𑌤 𑌦𑍍𑌯𑍂-𑌨𑍍𑌤𑍍𑌰𑍀𑌣𑌿॑ 𑌵𑍍𑌰॒𑌤𑌾 𑌵𑌿॒𑌦𑌥𑍇॑ 𑌅॒𑌨𑍍𑌤𑌰𑍇॑𑌷𑌾𑌮𑍍 । 𑌋॒𑌤𑍇𑌨𑌾॑-𑌽𑌽𑌦𑌿𑌤𑍍𑌯𑌾॒ 𑌮𑌹𑌿॑ 𑌵𑍋 𑌮𑌹𑌿॒𑌤𑍍𑌵-𑌨𑍍𑌤𑌦॑𑌰𑍍𑌯𑌮𑌨𑍍 𑌵𑌰𑍁𑌣 𑌮𑌿𑌤𑍍𑌰॒ 𑌚𑌾𑌰𑍁॑ ॥ । 𑌯॒𑌜𑍍𑌞𑍋 𑌦𑍇॒𑌵𑌾𑌨𑌾॒-𑌮𑍍𑌪𑍍𑌰𑌤𑍍𑌯𑍇॑𑌤𑌿 𑌸𑍁॒𑌮𑍍𑌨𑌮𑌾𑌦𑌿॑𑌤𑍍𑌯𑌾𑌸𑍋॒ 𑌭𑌵॑𑌤𑌾 𑌮𑍃𑌡॒𑌯𑌨𑍍𑌤𑌃॑ । 𑌆 𑌵𑍋॒-𑌽𑌰𑍍𑌵𑌾𑌚𑍀॑ 𑌸𑍁𑌮॒𑌤𑌿 𑌰𑍍𑌵॑𑌵𑍃𑌤𑍍𑌯𑌾𑌦॒𑌗𑍍𑌂॒ 𑌹𑍋𑌶𑍍𑌚𑌿॒𑌦𑍍𑌯𑌾 𑌵॑𑌰𑌿𑌵𑍋॒𑌵𑌿𑌤𑍍𑌤॒𑌰𑌾-𑌽𑌸॑𑌤𑍍 ॥ 𑌶𑍁𑌚𑌿॑𑌰॒𑌪-𑌸𑍍𑌸𑍂॒𑌯𑌵॑𑌸𑌾॒ 𑌅𑌦॑𑌬𑍍𑌧॒ 𑌉𑌪॑ 𑌕𑍍𑌷𑍇𑌤𑌿 𑌵𑍃॒𑌦𑍍𑌧𑌵॑𑌯𑌾-𑌸𑍍𑌸𑍁॒𑌵𑍀𑌰𑌃॑ । 𑌨𑌕𑌿॒𑌷𑍍𑌟-𑌙𑍍𑌘𑍍𑌨॒𑌨𑍍𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌦𑍍𑌯 𑌆॑𑌦𑌿॒𑌤𑍍𑌯𑌾𑌨𑌾॒-𑌮𑍍𑌭𑌵॑𑌤𑌿॒ 𑌪𑍍𑌰𑌣𑍀॑𑌤𑍗 ॥ ॥ 6 ॥

(𑌮॒𑌨𑍀॒𑌷𑌾-𑌽𑌸𑍍𑌤𑍁॑-𑌚॒-𑌰𑍍𑌤-𑌸𑍍𑌯𑌾॒𑌸𑍍𑌮𑍇-𑌕𑌿॑𑌤॒𑌵𑌾𑌸॑ 𑌶𑍍𑌚॒𑌤𑍍𑌵𑌾𑌰𑌿॑ 𑌚 ) (𑌅. 1)

𑌅𑌨𑍁𑌵𑌾𑌕𑌂 2 - 𑌵𑌶𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌤𑍇 𑌶𑍁॒𑌕𑍍𑌰𑌾𑌸॒-𑌶𑍍𑌶𑍁𑌚॑𑌯𑍋 𑌰𑌶𑍍𑌮𑌿॒𑌵𑌨𑍍𑌤𑌃॑ । 𑌸𑍀𑌦॑𑌨𑍍𑌨𑌾𑌦𑌿॒𑌤𑍍𑌯𑌾 𑌅𑌧𑌿॑ 𑌬॒𑌰॒𑌃𑌇𑌷𑌿॑ 𑌪𑍍𑌰𑌿॒𑌯𑍇 । 𑌕𑌾𑌮𑍇॑𑌨 𑌦𑍇॒𑌵𑌾-𑌸𑍍𑌸॒𑌰𑌥॑-𑌨𑍍𑌦𑌿॒𑌵𑍋 𑌨𑌃॑ । 𑌆𑌯𑌾᳚𑌨𑍍𑌤𑍁 𑌯॒𑌜𑍍𑌞𑌮𑍁𑌪॑ 𑌨𑍋 𑌜𑍁𑌷𑌾॒𑌣𑌾𑌃 ॥ 𑌤𑍇 𑌸𑍂॒𑌨𑌵𑍋॒ 𑌅𑌦𑌿॑𑌤𑍇𑌃 𑌪𑍀𑌵॒𑌸𑌾𑌮𑌿𑌷᳚𑌮𑍍 । 𑌘𑍃॒𑌤-𑌮𑍍𑌪𑌿𑌨𑍍𑌵॒𑌤𑍍-𑌪𑍍𑌰𑌤𑌿॑𑌹𑌰𑍍𑌯𑌨𑍍𑌨𑍃𑌤𑍇॒𑌜𑌾𑌃 । 𑌪𑍍𑌰 𑌯॒𑌜𑍍𑌞𑌿𑌯𑌾॒ 𑌯𑌜॑𑌮𑌾𑌨𑌾𑌯 𑌯𑍇𑌮𑍁𑌰𑍇 । 𑌆॒𑌦𑌿॒𑌤𑍍𑌯𑌾𑌃 𑌕𑌾𑌮॑-𑌮𑍍𑌪𑌿𑌤𑍁॒𑌮𑌨𑍍𑌤॑𑌮॒𑌸𑍍𑌮𑍇 ॥ 𑌆 𑌨𑌃॑ 𑌪𑍁॒𑌤𑍍𑌰𑌾 𑌅𑌦𑌿॑𑌤𑍇𑌰𑍍𑌯𑌾𑌨𑍍𑌤𑍁 𑌯॒𑌜𑍍𑌞𑌮𑍍 । 𑌆॒𑌦𑌿॒𑌤𑍍𑌯𑌾𑌸𑌃॑ 𑌪॒𑌥𑌿𑌭𑌿॑-𑌰𑍍𑌦𑍇𑌵॒𑌯𑌾𑌨𑍈𑌃᳚ ॥ 7 ॥

𑌅॒𑌸𑍍𑌮𑍇 𑌕𑌾𑌮॑-𑌨𑍍𑌦𑌾॒𑌶𑍁𑌷𑍇॑ 𑌸॒𑌨𑍍𑌨𑌮॑𑌨𑍍𑌤𑌃 । 𑌪𑍁॒𑌰𑍋॒𑌡𑌾𑌶॑-𑌙𑍍𑌘𑍃॒𑌤𑌵॑𑌨𑍍𑌤-𑌞𑍍𑌜𑍁𑌷𑌨𑍍𑌤𑌾𑌮𑍍 ॥ 𑌸𑍍𑌕॒𑌭𑌾॒𑌯𑌤॒ 𑌨𑌿𑌰𑍍-𑌋॑𑌤𑌿॒𑌗𑍍𑌂॒ 𑌸𑍇𑌧॒𑌤𑌾𑌮॑𑌤𑌿𑌮𑍍 । 𑌪𑍍𑌰 𑌰॒𑌶𑍍𑌮𑌿𑌭𑌿॒-𑌰𑍍𑌯𑌤॑𑌮𑌾𑌨𑌾 𑌅𑌮𑍃𑌦𑍍𑌧𑍍𑌰𑌾𑌃 । 𑌆𑌦𑌿॑𑌤𑍍𑌯𑌾𑌃॒ 𑌕𑌾𑌮॒ 𑌪𑍍𑌰𑌯॑𑌤𑌾𑌂॒-𑌵𑌁𑌷॑𑌟𑍍𑌕𑍃𑌤𑌿𑌮𑍍 । 𑌜𑍁॒𑌷𑌦𑍍𑌧𑍍𑌵॑-𑌨𑍍𑌨𑍋 𑌹॒𑌵𑍍𑌯𑌦𑌾॑𑌤𑌿𑌂-𑌯𑌁𑌜𑌤𑍍𑌰𑌾𑌃 ॥ 𑌆॒𑌦𑌿॒𑌤𑍍𑌯𑌾𑌨𑍍-𑌕𑌾𑌮॒𑌮𑌵॑𑌸𑍇 𑌹𑍁𑌵𑍇𑌮 । 𑌯𑍇 𑌭𑍂॒𑌤𑌾𑌨𑌿॑ 𑌜॒𑌨𑌯॑𑌨𑍍𑌤𑍋 𑌵𑌿𑌚𑌿॒𑌖𑍍𑌯𑍁𑌃 । 𑌸𑍀𑌦॑𑌨𑍍𑌤𑍁 𑌪𑍁॒𑌤𑍍𑌰𑌾 𑌅𑌦𑌿॑𑌤𑍇𑌰𑍁॒𑌪𑌸𑍍𑌥᳚𑌮𑍍 । 𑌸𑍍𑌤𑍀॒𑌰𑍍𑌣-𑌮𑍍𑌬॒𑌰॒𑌃𑌇𑌰𑍍𑌹॑𑌵𑌿॒𑌰𑌦𑍍𑌯𑌾॑𑌯 𑌦𑍇॒𑌵𑌾𑌃 ॥ 8 ॥

𑌸𑍍𑌤𑍀॒𑌰𑍍𑌣-𑌮𑍍𑌬॒𑌰॒𑌃𑌇-𑌸𑍍𑌸𑍀॑𑌦𑌤𑌾 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 । 𑌧𑍍𑌰𑌾॒𑌜𑌾-𑌸𑍍𑌸𑍇𑌧॑𑌨𑍍𑌤𑍋॒ 𑌅𑌮॑𑌤𑌿-𑌨𑍍𑌦𑍁॒𑌰𑍇𑌵𑌾᳚𑌮𑍍 । 𑌅॒𑌸𑍍𑌮𑌭𑍍𑌯॑-𑌮𑍍𑌪𑍁𑌤𑍍𑌰𑌾 𑌅𑌦𑌿𑌤𑍇𑌃॒ 𑌪𑍍𑌰𑌯𑌗𑍍𑌂॑𑌸𑌤 । 𑌆𑌦𑌿॑𑌤𑍍𑌯𑌾𑌃॒ 𑌕𑌾𑌮॑ 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑌾𑌃 ॥ 𑌅𑌗𑍍𑌨𑍇॒ 𑌨𑌯॑ 𑌸𑍁॒𑌪𑌥𑌾॑ 𑌰𑌾॒𑌯𑍇 𑌅॒𑌸𑍍𑌮𑌾𑌨𑍍 । 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌯𑍁॒𑌯𑍋॒𑌦𑍍𑌧𑍍𑌯॑𑌸𑍍𑌮-𑌜𑍍𑌜𑍁॑𑌹𑍁𑌰𑌾॒𑌣𑌮𑍇𑌨𑌃॑ । 𑌭𑍂𑌯𑌿॑𑌷𑍍𑌠𑌾-𑌨𑍍𑌤𑍇॒ 𑌨𑌮॑ 𑌉𑌕𑍍𑌤𑌿𑌂-𑌵𑌿𑌁𑌧𑍇𑌮 ॥ 𑌪𑍍𑌰𑌵𑌃॑ 𑌶𑍁॒𑌕𑍍𑌰𑌾𑌯॑ 𑌭𑌾॒𑌨𑌵𑍇॑ 𑌭𑌰𑌦𑍍𑌧𑍍𑌵𑌮𑍍 । 𑌹॒𑌵𑍍𑌯-𑌮𑍍𑌮॒𑌤𑌿-𑌞𑍍𑌚𑌾॒𑌗𑍍𑌨𑌯𑍇॒ 𑌸𑍁𑌪𑍂॑𑌤𑌮𑍍 ॥ 9 ॥

𑌯𑍋 𑌦𑍈𑌵𑍍𑌯𑌾॑𑌨𑌿॒ 𑌮𑌾𑌨𑍁॑𑌷𑌾 𑌜॒𑌨𑍂𑌗𑍍𑌂𑌷𑌿॑ । 𑌅॒𑌨𑍍𑌤-𑌰𑍍𑌵𑌿𑌶𑍍𑌵𑌾॑𑌨𑌿 𑌵𑌿॒𑌦𑍍𑌮𑌨𑌾॒ 𑌜𑌿𑌗𑌾॑𑌤𑌿 ॥ 𑌅𑌚𑍍𑌛𑌾॒ 𑌗𑌿𑌰𑍋॑ 𑌮॒𑌤𑌯𑍋॑ 𑌦𑍇𑌵॒𑌯𑌨𑍍𑌤𑍀𑌃᳚ । 𑌅॒𑌗𑍍𑌨𑌿𑌂-𑌯𑌁॑𑌨𑍍𑌤𑌿॒ 𑌦𑍍𑌰𑌵𑌿॑𑌣॒-𑌮𑍍𑌭𑌿𑌕𑍍𑌷॑𑌮𑌾𑌣𑌾𑌃 । 𑌸𑍁॒𑌸॒𑌦𑍃𑌂𑌶𑌗𑍍𑌂॑ 𑌸𑍁॒𑌪𑍍𑌰𑌤𑍀॑𑌕॒𑌗𑍍𑌗𑍍॒ 𑌸𑍍𑌵𑌞𑍍𑌚᳚𑌮𑍍 । 𑌹॒𑌵𑍍𑌯॒𑌵𑌾𑌹॑𑌮𑌰॒𑌤𑌿-𑌮𑍍𑌮𑌾𑌨𑍁॑𑌷𑌾𑌣𑌾𑌮𑍍 ॥ 𑌅𑌗𑍍𑌨𑍇॒ 𑌤𑍍𑌵𑌮॒𑌸𑍍𑌮-𑌦𑍍𑌯𑍁॑𑌯𑍋॒𑌦𑍍𑌧𑍍𑌯𑌮𑍀॑𑌵𑌾𑌃 । 𑌅𑌨॑𑌗𑍍𑌨𑌿𑌤𑍍𑌰𑌾 𑌅॒𑌭𑍍𑌯॑𑌮𑌨𑍍𑌤 𑌕𑍃॒𑌷𑍍𑌟𑍀𑌃 । 𑌪𑍁𑌨॑𑌰॒𑌸𑍍𑌮𑌭𑍍𑌯𑌗𑍍𑌂॑ 𑌸𑍁𑌵𑌿॒𑌤𑌾𑌯॑ 𑌦𑍇𑌵 । 𑌕𑍍𑌷𑌾𑌂-𑌵𑌿𑌁𑌶𑍍𑌵𑍇॑𑌭𑌿𑌰॒𑌜𑌰𑍇॑𑌭𑌿-𑌰𑍍𑌯𑌜𑌤𑍍𑌰 ॥ 10 ॥

𑌅𑌗𑍍𑌨𑍇॒ 𑌤𑍍𑌵-𑌮𑍍𑌪𑌾॑𑌰𑌯𑌾॒ 𑌨𑌵𑍍𑌯𑍋॑ 𑌅॒𑌸𑍍𑌮𑌾𑌨𑍍 । 𑌸𑍍𑌵॒𑌸𑍍𑌤𑌿𑌭𑌿॒𑌰𑌤𑌿॑ 𑌦𑍁॒𑌰𑍍𑌗𑌾𑌣𑌿॒ 𑌵𑌿𑌶𑍍𑌵𑌾᳚ । 𑌪𑍂𑌶𑍍𑌚॑ 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑌾 𑌨॑ 𑌉॒𑌰𑍍𑌵𑍀 । 𑌭𑌵𑌾॑ 𑌤𑍋॒𑌕𑌾𑌯॒ 𑌤𑌨॑𑌯𑌾𑌯॒ 𑌶𑌂-𑌯𑍋𑌃 𑌁॥ 𑌪𑍍𑌰 𑌕𑌾॑𑌰𑌵𑍋 𑌮𑌨॒𑌨𑌾 𑌵॒𑌚𑍍𑌯𑌮𑌾॑𑌨𑌾𑌃 । 𑌦𑍇॒𑌵॒𑌦𑍍𑌰𑍀𑌚𑍀᳚-𑌨𑍍𑌨𑌯𑌥 𑌦𑍇𑌵॒𑌯𑌨𑍍𑌤𑌃॑ । 𑌦॒𑌕𑍍𑌷𑌿॒𑌣𑌾॒𑌵𑌾𑌡𑍍-𑌵𑌾॒𑌜𑌿𑌨𑍀॒ 𑌪𑍍𑌰𑌾𑌚𑍍𑌯𑍇॑𑌤𑌿 । 𑌹॒𑌵𑌿𑌰𑍍𑌭𑌰॑𑌨𑍍𑌤𑍍𑌯॒𑌗𑍍𑌨𑌯𑍇॑ 𑌘𑍃॒𑌤𑌾𑌚𑍀᳚ ॥ 𑌇𑌨𑍍𑌦𑍍𑌰॒-𑌨𑍍𑌨𑌰𑍋॑ 𑌨𑍇॒𑌮𑌧𑌿॑𑌤𑌾 𑌹𑌵𑌨𑍍𑌤𑍇॒ 𑌯𑌤𑍍𑌪𑌾𑌰𑍍𑌯𑌾॑ 𑌯𑍁॒𑌨𑌜॑𑌤𑍇॒ 𑌧𑌿𑌯॒𑌸𑍍𑌤𑌾𑌃 । 𑌶𑍂𑌰𑍋॒ 𑌨𑍃𑌷𑌾॑𑌤𑌾॒ 𑌶𑌵॑𑌸𑌶𑍍𑌚𑌕𑌾॒𑌨 𑌆 𑌗𑍋𑌮॑𑌤𑌿 𑌵𑍍𑌰॒𑌜𑍇 𑌭॑𑌜𑌾॒ 𑌤𑍍𑌵𑌨𑍍𑌨𑌃॑ ॥ 𑌯𑍁॒𑌜𑍇 𑌰𑌥॑-𑌙𑍍𑌗॒𑌵𑍇𑌷॑𑌣॒𑌗𑍍𑌂॒ 𑌹𑌰𑌿॑𑌭𑍍𑌯𑌾𑌮𑍍 । 𑌉𑌪॒ 𑌬𑍍𑌰𑌹𑍍𑌮𑌾॑𑌣𑌿 𑌜𑍁𑌜𑍁𑌷𑌾॒𑌣-𑌮॑𑌸𑍍𑌥𑍁𑌃 । 𑌵𑌿𑌬𑌾॑𑌧𑌿𑌷𑍍𑌟𑌾॒𑌸𑍍𑌯 𑌰𑍋𑌦॑𑌸𑍀 𑌮𑌹𑌿॒𑌤𑍍𑌵𑌾 । 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌣𑍍𑌯॑𑌪𑍍𑌰॒𑌤𑍀 𑌜॑𑌘॒𑌨𑍍𑌵𑌾𑌨𑍍 ॥ ॥ 𑌜॒𑌗𑍃॒𑌭𑍍𑌣𑌾 𑌤𑍇॒ 𑌦𑌕𑍍𑌷𑌿॑𑌣𑌾𑌮𑌿𑌨𑍍𑌦𑍍𑌰॒ 𑌹𑌸𑍍𑌤᳚𑌮𑍍 ॥ 11 ॥

𑌵॒𑌸𑍂॒𑌯𑌵𑍋॑ 𑌵𑌸𑍁𑌪𑌤𑍇॒ 𑌵𑌸𑍂॑𑌨𑌾𑌮𑍍 । 𑌵𑌿॒𑌦𑍍𑌮𑌾 𑌹𑌿 𑌤𑍍𑌵𑌾॒ 𑌗𑍋𑌪॑𑌤𑌿𑌗𑍍𑌂 𑌶𑍂𑌰॒ 𑌗𑍋𑌨𑌾᳚𑌮𑍍 । 𑌅॒𑌸𑍍𑌮𑌭𑍍𑌯॑-𑌞𑍍𑌚𑌿॒𑌤𑍍𑌰𑌂-𑌵𑍃𑌁𑌷॑𑌣𑌗𑍍𑌂 𑌰॒𑌯𑌿-𑌨𑍍𑌦𑌾𑌃᳚ ॥ 𑌤𑌵𑍇॒𑌦𑌂-𑌵𑌿𑌁𑌶𑍍𑌵॑𑌮॒𑌭𑌿𑌤𑌃॑ 𑌪𑌶॒𑌵𑍍𑌯᳚𑌮𑍍 । 𑌯-𑌤𑍍𑌪𑌶𑍍𑌯॑𑌸𑌿॒ 𑌚𑌕𑍍𑌷॑𑌸𑌾॒ 𑌸𑍂𑌰𑍍𑌯॑𑌸𑍍𑌯 । 𑌗𑌵𑌾॑𑌮𑌸𑌿॒ 𑌗𑍋𑌪॑𑌤𑌿॒𑌰𑍇𑌕॑ 𑌇𑌨𑍍𑌦𑍍𑌰 । 𑌭॒𑌕𑍍𑌷𑍀॒𑌮𑌹𑌿॑ 𑌤𑍇॒ 𑌪𑍍𑌰𑌯॑𑌤𑌸𑍍𑌯॒ 𑌵𑌸𑍍𑌵𑌃॑ ॥ 𑌸𑌮𑌿॑𑌨𑍍𑌦𑍍𑌰 𑌣𑍋॒ 𑌮𑌨॑𑌸𑌾 𑌨𑍇𑌷𑌿॒ 𑌗𑍋𑌭𑌿𑌃॑ । 𑌸𑌗𑍍𑌂 𑌸𑍂॒𑌰𑌿𑌭𑌿॑-𑌰𑍍𑌮𑌘𑌵॒𑌨𑍍-𑌥𑍍𑌸𑌗𑍍𑌗𑍍 𑌸𑍍𑌵॒𑌸𑍍𑌤𑍍𑌯𑌾 । 𑌸-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌕𑍃॑𑌤𑌂॒-𑌯𑌁𑌦𑌸𑍍𑌤𑌿॑ ॥ 12 ॥

𑌸-𑌨𑍍𑌦𑍇॒𑌵𑌾𑌨𑌾𑌗𑍍𑌂॑ 𑌸𑍁𑌮॒𑌤𑍍𑌯𑌾 𑌯॒𑌜𑍍𑌞𑌿𑌯𑌾॑𑌨𑌾𑌮𑍍 ॥ 𑌆॒𑌰𑌾𑌚𑍍𑌛𑌤𑍍𑌰𑍁॒-𑌮𑌪॑𑌬𑌾𑌧𑌸𑍍𑌵 𑌦𑍂॒𑌰𑌮𑍍 । 𑌉॒𑌗𑍍𑌰𑍋 𑌯-𑌶𑍍𑌶𑌮𑍍𑌬𑌃॑ 𑌪𑍁𑌰𑍁𑌹𑍂𑌤॒ 𑌤𑍇𑌨॑ । 𑌅॒𑌸𑍍𑌮𑍇 𑌧𑍇॑𑌹𑌿॒ 𑌯𑌵॑𑌮॒𑌦𑍍𑌗𑍋𑌮॑𑌦𑌿𑌨𑍍𑌦𑍍𑌰 । 𑌕𑍃॒𑌧𑍀 𑌧𑌿𑌯॑-𑌞𑍍𑌜𑌰𑌿॒𑌤𑍍𑌰𑍇 𑌵𑌾𑌜॑𑌰𑌤𑍍𑌨𑌾𑌮𑍍 ॥ 𑌆𑌵𑍇॒𑌧𑌸॒-𑌨𑍍𑌨𑍀𑌲॑𑌪𑍃𑌷𑍍𑌠-𑌮𑍍𑌬𑍃॒𑌹𑌨𑍍𑌤᳚𑌮𑍍 । 𑌬𑍃𑌹॒𑌸𑍍𑌪𑌤𑌿॒𑌗𑍍𑌂॒ 𑌸𑌦॑𑌨𑍇 𑌸𑌾𑌦𑌯𑌧𑍍𑌵𑌮𑍍 । 𑌸𑌾॒𑌦𑌦𑍍𑌯𑍋॑𑌨𑌿॒-𑌨𑍍𑌦𑌮॒ 𑌆𑌦𑍀॑𑌦𑌿॒𑌵𑌾𑌗𑍍𑌂𑌸᳚𑌮𑍍 । 𑌹𑌿𑌰॑𑌣𑍍𑌯𑌵𑌰𑍍𑌣𑌮𑌰𑍁॒𑌷𑌗𑍍𑌂 𑌸॑𑌪𑍇𑌮 ॥ 𑌸 𑌹𑌿 𑌶𑍁𑌚𑌿𑌃॑ ॥ 𑌬𑍃𑌹॒𑌸𑍍𑌪𑌤𑌿𑌃॑ 𑌪𑍍𑌰𑌥॒𑌮-𑌞𑍍𑌜𑌾𑌯॑𑌮𑌾𑌨𑌃 । 𑌮॒𑌹𑍋 𑌜𑍍𑌯𑍋𑌤𑌿॑𑌷𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸॒𑌪𑍍𑌤𑌾𑌸𑍍𑌯॑𑌸𑍍𑌤𑍁𑌵𑌿𑌜𑌾॒𑌤𑍋 𑌰𑌵𑍇॑𑌣 । 𑌵𑌿 𑌸॒𑌪𑍍𑌤𑌰॑𑌶𑍍𑌮𑌿𑌰𑌧𑌮॒𑌤𑍍𑌤𑌮𑌾𑌗𑍍𑌂॑𑌸𑌿 ॥ 13 ॥

𑌬𑍃𑌹॒𑌸𑍍𑌪𑌤𑌿॒-𑌸𑍍𑌸𑌮॑𑌜𑌯॒-𑌦𑍍𑌵𑌸𑍂॑𑌨𑌿 । 𑌮॒𑌹𑍋 𑌵𑍍𑌰॒𑌜𑌾-𑌨𑍍𑌗𑍋𑌮॑𑌤𑍋 𑌦𑍇॒𑌵 𑌏॒𑌷𑌃 । 𑌅॒𑌪-𑌸𑍍𑌸𑌿𑌷𑌾॑𑌸॒𑌨𑍍-𑌥𑍍𑌸𑍁𑌵॒𑌰 𑌪𑍍𑌰॑𑌤𑍀𑌤𑍍𑌤𑌃 । 𑌬𑍃𑌹॒𑌸𑍍𑌪𑌤𑌿॒𑌰॒𑌃𑌅𑌨𑍍𑌤𑍍𑌯॒𑌮𑌿𑌤𑍍𑌰॑-𑌮॒𑌰𑍍𑌕𑍈𑌃 ॥ 𑌬𑍃𑌹॑𑌸𑍍𑌪𑌤𑍇॒ 𑌪𑌰𑌿॑ 𑌦𑍀𑌯𑌾॒ 𑌰𑌥𑍇॑𑌨 𑌰𑌕𑍍𑌷𑍋॒𑌹𑌾 𑌽𑌮𑌿𑌤𑍍𑌰𑌾𑌗𑍍𑌂॑ 𑌅𑌪॒ 𑌬𑌾𑌧॑𑌮𑌾𑌨𑌃 । 𑌪𑍍𑌰॒𑌭॒𑌞𑍍𑌜𑌨𑍍-𑌥𑍍𑌸𑍇𑌨𑌾𑌃᳚ 𑌪𑍍𑌰𑌮𑍃॒𑌣𑍋 𑌯𑍁॒𑌧𑌾 𑌜𑌯॑𑌨𑍍𑌨॒𑌸𑍍𑌮𑌾𑌕॑-𑌮𑍇𑌧𑍍𑌯𑌵𑌿॒𑌤𑌾 𑌰𑌥𑌾॑𑌨𑌾𑌮𑍍 ॥ 𑌏॒𑌵𑌾 𑌪𑌿॒𑌤𑍍𑌰𑍇 𑌵𑌿॒𑌶𑍍𑌵𑌦𑍇॑𑌵𑌾𑌯॒ 𑌵𑍃𑌷𑍍𑌣𑍇॑ 𑌯॒𑌜𑍍𑌞𑍈𑌰𑍍𑌵𑌿॑𑌧𑍇𑌮॒ 𑌨𑌮॑𑌸𑌾 𑌹॒𑌵𑌿𑌰𑍍𑌭𑌿𑌃॑ । 𑌬𑍃𑌹॑𑌸𑍍𑌪𑌤𑍇 𑌸𑍁𑌪𑍍𑌰॒𑌜𑌾 𑌵𑍀॒𑌰𑌵॑𑌨𑍍𑌤𑍋 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ ॥ 𑌆 𑌨𑍋॑ 𑌦𑌿॒𑌵𑍋 𑌬𑍃॑𑌹॒𑌤𑌃 𑌪𑌰𑍍𑌵॑𑌤𑌾॒𑌦𑌾 𑌸𑌰॑𑌸𑍍𑌵𑌤𑍀 𑌯𑌜॒𑌤𑌾 𑌗॑𑌨𑍍𑌤𑍁 𑌯॒𑌜𑍍𑌞𑌮𑍍 । 𑌹𑌵॑-𑌨𑍍𑌦𑍇॒𑌵𑍀 𑌜𑍁॑𑌜𑍁𑌷𑌾॒𑌣𑌾 𑌘𑍃॒𑌤𑌾𑌚𑍀॑ 𑌶॒𑌗𑍍𑌮𑌾-𑌨𑍍𑌨𑍋॒ 𑌵𑌾𑌚॑𑌮𑍁𑌶॒𑌤𑍀 𑌶𑍃॑𑌣𑍋𑌤𑍁 ॥𑌪𑌾𑌵𑍀॑𑌰𑌵𑍀 𑌕॒𑌨𑍍𑌯𑌾॑ 𑌚𑌿॒𑌤𑍍𑌰𑌾𑌯𑍁॒-𑌸𑍍𑌸𑌰॑𑌸𑍍𑌵𑌤𑍀 𑌵𑍀॒𑌰𑌪॑𑌤𑍍𑌨𑍀॒ 𑌧𑌿𑌯॑-𑌨𑍍𑌧𑌾𑌤𑍍 । 𑌗𑍍𑌨𑌾𑌭𑌿॒𑌰𑌚𑍍𑌛𑌿॑𑌦𑍍𑌰𑌗𑍍𑌂 𑌶𑌰॒𑌣𑌗𑍍𑌂 𑌸॒𑌜𑍋𑌷𑌾॑ 𑌦𑍁𑌰𑌾॒𑌧𑌰𑍍𑌷॑-𑌙𑍍𑌗𑍃𑌣॒𑌤𑍇 𑌶𑌰𑍍𑌮॑ 𑌯𑌗𑍍𑌂𑌸𑌤𑍍 ॥ । 𑌇॒𑌮𑌾 𑌜𑍁𑌹𑍍𑌵𑌾॑𑌨𑌾 𑌯𑍁॒𑌷𑍍𑌮𑌦𑌾 𑌨𑌮𑍋॑𑌭𑌿𑌃 । 𑌪𑍍𑌰𑌤𑌿॒ 𑌸𑍍𑌤𑍋𑌮𑌗𑍍𑌂॑ 𑌸𑌰𑌸𑍍𑌵𑌤𑌿 𑌜𑍁𑌷𑌸𑍍𑌵 । 𑌤𑌵॒ 𑌶𑌰𑍍𑌮॑-𑌨𑍍𑌪𑍍𑌰𑌿॒𑌯𑌤॑𑌮𑍇॒ 𑌦𑌧𑌾॑𑌨𑌾𑌃 । 𑌉𑌪॑𑌸𑍍𑌥𑍇𑌯𑌾𑌮 𑌶𑌰॒𑌣-𑌨𑍍𑌨 𑌵𑍃॒𑌕𑍍𑌷𑌮𑍍 ॥ 𑌯𑌸𑍍𑌤𑍇॒ 𑌸𑍍𑌤𑌨॑𑌶𑍍𑌶𑌶॒𑌯 𑌇𑌤𑍍𑌯𑌾॑𑌹 । 𑌸𑍍𑌤𑍗𑌤𑍍𑌯𑍇॒𑌵𑍈𑌨𑌾᳚𑌮𑍍 । 𑌉𑌸𑍍𑌰॑ 𑌘॒𑌰𑍍𑌮𑌗𑍍𑌂 𑌶𑌿॒𑌗𑍍𑌂॒𑌷𑍋𑌸𑍍𑌰॑ 𑌘॒𑌰𑍍𑌮-𑌮𑍍𑌪𑌾॑𑌹𑌿 𑌘॒𑌰𑍍𑌮𑌾𑌯॑ 𑌶𑌿॒𑌗𑍍𑌂॒𑌷𑍇𑌤𑍍𑌯𑌾॑𑌹 । 𑌯𑌥𑌾᳚ 𑌬𑍍𑌰𑍂॒𑌯𑌾𑌦॒𑌮𑍁𑌷𑍍𑌮𑍈॑ 𑌦𑍇॒𑌹𑍀𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌬𑍃𑌹॒𑌸𑍍𑌪𑌤𑌿॒𑌸𑍍𑌤𑍍𑌵𑍋𑌪॑ 𑌸𑍀𑌦॒𑌤𑍍𑌵𑌿𑌤𑍍𑌯𑌾॑𑌹 । । 𑌸𑌰॑𑌸𑍍𑌵𑌤𑍍𑌯॒𑌭𑌿 𑌨𑍋॑ 𑌨𑍇𑌷𑌿॒ 𑌵𑌸𑍍𑌯𑌃॑ । 𑌮𑌾 𑌪॑𑌸𑍍𑌫𑌰𑍀𑌃॒ 𑌪𑌯॑𑌸𑌾॒ 𑌮𑌾 𑌨॒ 𑌆 𑌧॑𑌕𑍍 । 𑌜𑍁॒𑌷𑌸𑍍𑌵॑ 𑌨-𑌸𑍍𑌸॒𑌖𑍍𑌯𑌾॑ 𑌵𑍇॒𑌶𑍍𑌯𑌾॑ 𑌚 । 𑌮𑌾 𑌤𑍍𑌵𑌤𑍍𑌕𑍍𑌷𑍇𑌤𑍍𑌰𑌾॒-𑌣𑍍𑌯𑌰॑𑌣𑌾𑌨𑌿 𑌗𑌨𑍍𑌮 ॥ ॥ 𑌇॒𑌯𑌗𑍍𑌂 𑌶𑍁𑌷𑍍𑌮𑍇॑𑌭𑌿𑌰𑍍𑌬𑌿𑌸॒𑌖𑌾 𑌇॑𑌵𑌾𑌰𑍁𑌜𑌤𑍍 । 𑌸𑌾𑌨𑍁॑ 𑌗𑌿𑌰𑍀॒𑌣𑌾-𑌨𑍍𑌤॑𑌵𑌿॒𑌷𑍇𑌭𑌿॑𑌰𑍂॒𑌰𑍍𑌮𑌿𑌭𑌿𑌃॑ । 𑌪𑌾॒𑌰𑌾॒𑌵॒𑌦॒𑌘𑍍𑌨𑍀𑌮𑌵॑𑌸𑍇 𑌸𑍁𑌵𑍃॒𑌕𑍍𑌤𑌿𑌭𑌿𑌃॑ । 𑌸𑌰॑𑌸𑍍𑌵𑌤𑍀॒-𑌮𑌾𑌵𑌿॑𑌵𑌾𑌸𑍇𑌮 𑌧𑍀॒𑌤𑌿𑌭𑌿𑌃॑ ॥ 14 ॥

(𑌦𑍇॒𑌵॒𑌯𑌾𑌨𑍈᳚--𑌰𑍍 𑌦𑍇॒𑌵𑌾𑌃 - 𑌸𑍁𑌪𑍂॑𑌤𑌂𑌯𑌁𑌜𑌤𑍍𑌰॒-𑌹𑌸𑍍𑌤॒-𑌮𑌸𑍍𑌤𑌿॒-𑌤𑌮𑌾𑌗𑍍॑-𑌸𑍍𑌯𑍂॒𑌰𑍍𑌮𑌿𑌭𑌿॒-𑌰𑍍𑌦𑍍𑌵𑍇 𑌚॑) (𑌅. 2)

𑌅𑌨𑍁𑌵𑌾𑌕𑌂 3 - 𑌸𑍗𑌮𑍍𑌯𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌸𑍋𑌮𑍋॑ 𑌧𑍇॒𑌨𑍁𑌗𑍍𑌂 𑌸𑍋𑌮𑍋॒ 𑌅𑌰𑍍𑌵॑𑌨𑍍𑌤𑌮𑌾॒𑌶𑍁𑌮𑍍 । 𑌸𑍋𑌮𑍋॑ 𑌵𑍀॒𑌰-𑌙𑍍𑌕॑𑌰𑍍𑌮॒𑌣𑍍𑌯॑-𑌨𑍍𑌦𑌦𑌾𑌤𑍁 । 𑌸𑌾॒𑌦॒𑌨𑍍𑌯𑌂॑-𑌵𑌿𑌁𑌦॒𑌥𑍍𑌯𑌗𑍍𑌂॑ 𑌸॒𑌭𑍇𑌯᳚𑌮𑍍 । 𑌪𑌿॒𑌤𑍁॒-𑌶𑍍𑌶𑍍𑌰𑌵॑𑌣𑌂॒-𑌯𑍋𑌁 𑌦𑌦𑌾॑𑌶𑌦𑌸𑍍𑌮𑍈 ॥ 𑌅𑌷𑌾॑𑌢𑌂-𑌯𑍁𑌁॒𑌥𑍍𑌸𑍁 𑌪𑍃𑌤॑𑌨𑌾𑌸𑍁॒ 𑌪𑌪𑍍𑌰𑌿᳚𑌮𑍍 । 𑌸𑍁॒𑌵॒𑌰𑍍॒𑌷𑌾𑌮॒𑌫𑍍𑌸𑍍𑌵𑌾𑌂-𑌵𑍃𑌁॒𑌜𑌨॑𑌸𑍍𑌯 𑌗𑍋॒𑌪𑌾𑌮𑍍 । 𑌭॒𑌰𑍇॒𑌷𑍁॒𑌜𑌾𑌗𑍍𑌂 𑌸𑍁॑𑌕𑍍𑌷𑌿॒𑌤𑌿𑌗𑍍𑌂 𑌸𑍁॒𑌶𑍍𑌰𑌵॑𑌸𑌮𑍍 । 𑌜𑌯॑𑌨𑍍𑌤॒-𑌨𑍍𑌤𑍍𑌵𑌾𑌮𑌨𑍁॑ 𑌮𑌦𑍇𑌮 𑌸𑍋𑌮 ॥ 𑌤𑍍𑌵𑌗𑍍𑌂 𑌸𑍋॑𑌮॒ 𑌕𑍍𑌰𑌤𑍁॑𑌭𑌿𑌃 ॥ 𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌹॒𑌵𑌿𑌷𑌾॒ 𑌯𑌜॑𑌨𑍍𑌤𑌿॒ 𑌤𑌾 𑌤𑍇॒ 𑌵𑌿𑌶𑍍𑌵𑌾॑ 𑌪𑌰𑌿॒𑌭𑍂𑌰॑𑌸𑍍𑌤𑍁 𑌯॒𑌜𑍍𑌞-𑌙𑍍𑌗॑𑌯॒𑌸𑍍𑌫𑌾𑌨𑌃॑ 𑌪𑍍𑌰॒𑌤𑌰॑𑌣-𑌸𑍍𑌸𑍁॒𑌵𑍀𑌰𑍋-𑌽𑌵𑍀॑𑌰𑌹𑌾॒ 𑌪𑍍𑌰𑌚॑𑌰𑌾 𑌸𑍋𑌮॒ 𑌦𑍁𑌰𑍍𑌯𑌾॒𑌨॥ 𑌤𑍍𑌵𑌮𑌿॒𑌮𑌾 𑌓𑌷॑𑌧𑍀-𑌸𑍍𑌸𑍋𑌮॒ 𑌵𑌿𑌶𑍍𑌵𑌾𑌃᳚ । 𑌤𑍍𑌵𑌮॒𑌪𑍋 𑌅॑𑌜𑌨𑌯॒𑌸𑍍𑌤𑍍𑌵-𑌙𑍍𑌗𑌾𑌃 । 𑌤𑍍𑌵𑌮𑌾𑌤॑𑌤𑌨𑍍𑌥𑍋॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷𑌮𑍍 । 𑌤𑍍𑌵-𑌞𑍍𑌜𑍍𑌯𑍋𑌤𑌿॑𑌷𑌾॒ 𑌵𑌿𑌤𑌮𑍋॑ 𑌵𑌵𑌰𑍍𑌥 ॥ 15 ॥

𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌦𑌿॒𑌵𑌿 𑌯𑌾 𑌪𑍃॑𑌥𑌿॒𑌵𑍍𑌯𑌾𑌮𑍍 । 𑌯𑌾 𑌪𑌰𑍍𑌵॑𑌤𑍇॒𑌷𑍍𑌵𑍋𑌷॑𑌧𑍀𑌷𑍍𑌵॒𑌫𑍍𑌸𑍁 । 𑌤𑍇𑌭𑌿॑𑌰𑍍𑌨𑍋॒ 𑌵𑌿𑌶𑍍𑌵𑍈᳚-𑌸𑍍𑌸𑍁॒𑌮𑌨𑌾॒ 𑌅𑌹𑍇॑𑌡𑌨𑍍𑌨𑍍 । 𑌰𑌾𑌜𑌨𑍍᳚-𑌥𑍍𑌸𑍋𑌮॒ 𑌪𑍍𑌰𑌤𑌿॑ 𑌹॒𑌵𑍍𑌯𑌾 𑌗𑍃॑𑌭𑌾𑌯 ॥ 𑌵𑌿𑌷𑍍𑌣𑍋॒𑌰𑍍𑌨𑍁𑌕𑌂॑-𑌵𑍀𑌁॒𑌰𑍍𑌯𑌾॑𑌣𑌿॒ 𑌪𑍍𑌰 𑌵𑍋॑𑌚𑌂॒-𑌯𑌃 𑌁𑌪𑌾𑌰𑍍𑌥𑌿॑𑌵𑌾𑌨𑌿 𑌵𑌿𑌮॒𑌮𑍇 𑌰𑌜𑌾𑌗𑍍𑌂॑𑌸𑌿॒ 𑌯𑍋 𑌅𑌸𑍍𑌕॑𑌭𑌾𑌯॒𑌦𑍁𑌤𑍍𑌤॑𑌰𑌗𑍍𑌂 𑌸॒𑌧𑌸𑍍𑌥𑌂॑-𑌵𑌿𑌁𑌚𑌕𑍍𑌰𑌮𑌾॒𑌣 𑌸𑍍𑌤𑍍𑌰𑍇॒𑌧𑍋𑌰𑍁॑𑌗𑌾॒𑌯𑍋 𑌵𑌿𑌷𑍍𑌣𑍋॑ 𑌰॒𑌰𑌾𑌟॑𑌮𑌸𑌿॒ 𑌵𑌿𑌷𑍍𑌣𑍋𑌃᳚ 𑌪𑍃॒𑌷𑍍𑌠𑌮॑𑌸𑌿॒ 𑌵𑌿𑌷𑍍𑌣𑍋॒-𑌶𑍍𑌶𑍍𑌨𑍍𑌯𑌪𑍍𑌤𑍍𑌰𑍇᳚ 𑌸𑍍𑌥𑍋॒ 𑌵𑌿𑌷𑍍𑌣𑍋॒-𑌸𑍍𑌸𑍍𑌯𑍂𑌰॑𑌸𑌿॒ 𑌵𑌿𑌷𑍍𑌣𑍋᳚-𑌰𑍍𑌧𑍍𑌰𑍁॒𑌵𑌮॑𑌸𑌿 𑌵𑍈𑌷𑍍𑌣॒𑌵𑌮॑𑌸𑌿॒ 𑌵𑌿𑌷𑍍𑌣॑𑌵𑍇 𑌤𑍍𑌵𑌾 ॥ 𑌤𑌦॑𑌸𑍍𑌯 𑌪𑍍𑌰𑌿॒𑌯𑌮॒𑌭𑌿 𑌪𑌾𑌥𑍋॑ 𑌅𑌶𑍍𑌯𑌾𑌮𑍍 । 𑌨𑌰𑍋॒ 𑌯𑌤𑍍𑌰॑ 𑌦𑍇𑌵॒𑌯𑌵𑍋॒ 𑌮𑌦॑𑌨𑍍𑌤𑌿 । 𑌉॒𑌰𑍁॒𑌕𑍍𑌰॒𑌮𑌸𑍍𑌯॒ 𑌸 𑌹𑌿 𑌬𑌨𑍍𑌧𑍁॑𑌰𑌿॒𑌤𑍍𑌥𑌾 । 𑌵𑌿𑌷𑍍𑌣𑍋𑌃᳚ 𑌪॒𑌦𑍇 𑌪॑𑌰॒𑌮𑍇 𑌮𑌧𑍍𑌵॒ 𑌉𑌥𑍍𑌸𑌃॑ ॥ । 𑌪𑍍𑌰𑌤-𑌦𑍍𑌵𑌿𑌷𑍍𑌣𑍁𑌃॑ 𑌸𑍍𑌤𑌵𑌤𑍇 𑌵𑍀॒𑌰𑍍𑌯𑌾॑𑌯 । 𑌮𑍃॒𑌗𑍋 𑌨 𑌭𑍀॒𑌮𑌃 𑌕𑍁॑𑌚॒𑌰𑍋 𑌗𑌿॑𑌰𑌿॒𑌷𑍍𑌠𑌾𑌃 । 𑌯𑌸𑍍𑌯𑍋॒𑌰𑍁𑌷𑍁॑ 𑌤𑍍𑌰𑌿॒𑌷𑍁 𑌵𑌿॒𑌕𑍍𑌰𑌮॑𑌣𑍇𑌷𑍁 । 𑌅𑌧𑌿॑𑌕𑍍𑌷𑌿॒𑌯𑌨𑍍𑌤𑌿॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ ॥ ॥ 𑌪॒𑌰𑍋 𑌮𑌾𑌤𑍍𑌰॑𑌯𑌾 𑌤॒𑌨𑍁𑌵𑌾॑ 𑌵𑍃𑌧𑌾𑌨 । 𑌨 𑌤𑍇॑ 𑌮𑌹𑌿॒𑌤𑍍𑌵-𑌮𑌨𑍍𑌵॑𑌶𑍍𑌨𑍁𑌵𑌨𑍍𑌤𑌿 । 𑌉॒𑌭𑍇 𑌤𑍇॑ 𑌵𑌿𑌦𑍍𑌮॒ 𑌰𑌜॑𑌸𑍀 𑌪𑍃𑌥𑌿॒𑌵𑍍𑌯𑌾 𑌵𑌿𑌷𑍍𑌣𑍋॑ 𑌦𑍇𑌵॒ 𑌤𑍍𑌵𑌮𑍍 । 𑌪॒𑌰॒𑌮𑌸𑍍𑌯॑ 𑌵𑌿𑌥𑍍𑌸𑍇 ॥ 16 ॥

𑌵𑌿𑌚॑𑌕𑍍𑌰𑌮𑍇 𑌪𑍃𑌥𑌿॒𑌵𑍀𑌮𑍇॒𑌷 𑌏॒𑌤𑌾𑌮𑍍 । 𑌕𑍍𑌷𑍇𑌤𑍍𑌰𑌾॑𑌯॒ 𑌵𑌿𑌷𑍍𑌣𑍁॒-𑌰𑍍𑌮𑌨𑍁॑𑌷𑍇 𑌦𑌶॒𑌸𑍍𑌯𑌨𑍍𑌨𑍍 । 𑌧𑍍𑌰𑍁॒𑌵𑌾𑌸𑍋॑ 𑌅𑌸𑍍𑌯 𑌕𑍀॒𑌰𑌯𑍋॒ 𑌜𑌨𑌾॑𑌸𑌃 । 𑌉॒𑌰𑍁॒𑌕𑍍𑌷𑌿॒𑌤𑌿𑌗𑍍𑌂 𑌸𑍁॒𑌜𑌨𑌿॑𑌮𑌾 𑌚𑌕𑌾𑌰 ॥ 𑌤𑍍𑌰𑌿𑌰𑍍𑌦𑍇॒𑌵𑌃 𑌪𑍃॑𑌥𑌿॒𑌵𑍀𑌮𑍇॒𑌷 𑌏॒𑌤𑌾𑌮𑍍 । 𑌵𑌿𑌚॑𑌕𑍍𑌰𑌮𑍇 𑌶॒𑌤𑌰𑍍𑌚॑𑌸-𑌮𑍍𑌮𑌹𑌿॒𑌤𑍍𑌵𑌾 । 𑌪𑍍𑌰 𑌵𑌿𑌷𑍍𑌣𑍁॑-𑌰𑌸𑍍𑌤𑍁 𑌤॒𑌵𑌸॒𑌸𑍍𑌤 𑌵𑍀॑𑌯𑌾𑌨𑍍 । 𑌤𑍍𑌵𑍇॒𑌷𑌗𑍍𑌗𑍍 𑌹𑍍𑌯॑𑌸𑍍𑌯॒ 𑌸𑍍𑌥𑌵𑌿॑𑌰𑌸𑍍𑌯॒ 𑌨𑌾𑌮॑ ॥ ॥ 𑌆 𑌤𑍇॑ 𑌮॒𑌹 𑌇॑𑌨𑍍𑌦𑍍𑌰𑍋॒𑌤𑍍𑌯𑍁॑𑌗𑍍𑌰॒ 𑌸𑌮॑𑌨𑍍𑌯𑌵𑍋॒ 𑌯-𑌥𑍍𑌸॒𑌮𑌰॑𑌨𑍍𑌤॒ 𑌸𑍇𑌨𑌾𑌃᳚ । 𑌪𑌤𑌾॑𑌤𑌿 𑌦𑌿॒𑌦𑍍𑌯𑍁𑌨𑍍𑌨𑌰𑍍𑌯॑𑌸𑍍𑌯 𑌬𑌾𑌹𑍁॒𑌵𑍋𑌰𑍍𑌮𑌾 𑌤𑍇॒ 𑌮𑌨𑍋॑ 𑌵𑌿𑌷𑍍𑌵॒𑌦𑍍𑌰𑌿𑌯॒𑌗𑍍𑌵𑌿 𑌚𑌾॑𑌰𑍀𑌤𑍍 ॥ 𑌯𑍋 𑌜𑌾॒𑌤 𑌏॒𑌵 𑌪𑍍𑌰॑𑌥॒𑌮𑍋 𑌮𑌨॑𑌸𑍍𑌵𑌾-𑌨𑍍𑌦𑍇॒𑌵𑍋 𑌦𑍇॒𑌵𑌾𑌨𑍍 𑌕𑍍𑌰𑌤𑍁॑𑌨𑌾 𑌪॒𑌰𑍍𑌯𑌭𑍂॑𑌷𑌤𑍍 । 𑌯𑌸𑍍𑌯॒ 𑌶𑍁𑌷𑍍𑌮𑌾॒𑌦𑍍𑌰𑍋𑌦॑𑌸𑍀॒ 𑌅𑌭𑍍𑌯॑𑌸𑍇𑌤𑌾-𑌨𑍍𑌨𑍃॒𑌮𑍍𑌣𑌸𑍍𑌯॑ 𑌮॒𑌹𑍍𑌨𑌾 𑌸 𑌜॑𑌨𑌾𑌸॒ 𑌇𑌨𑍍𑌦𑍍𑌰𑌃॑ ॥ । 𑌅॒𑌭𑌿 𑌗𑍋॒𑌤𑍍𑌰𑌾𑌣𑌿॒ 𑌸𑌹॑𑌸𑌾॒ 𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑍋 𑌵𑍀॒𑌰-𑌶𑍍𑌶॒𑌤𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ । 𑌦𑍁॒𑌶𑍍𑌚𑍍𑌯॒𑌵॒𑌨𑌃 𑌪𑍃॑𑌤𑌨𑌾॒𑌷𑌾𑌡॑ 𑌯𑍁॒𑌧𑍍𑌯𑍋᳚-𑌸𑍍𑌮𑌾𑌕॒𑌗𑍍𑌂॒ 𑌸𑍇𑌨𑌾॑ 𑌅𑌵𑌤𑍁॒ 𑌪𑍍𑌰 𑌯𑍁॒𑌥𑍍𑌸𑍁 ॥ ॥ 𑌆𑌭𑌿॒-𑌸𑍍𑌸𑍍𑌪𑍃𑌧𑍋॑ 𑌮𑌿𑌥॒𑌤𑍀- 𑌰𑌰𑌿॑𑌷𑌣𑍍𑌯𑌨𑍍𑌨𑍍 । 𑌅॒𑌮𑌿𑌤𑍍𑌰॑𑌸𑍍𑌯 𑌵𑍍𑌯𑌥𑌯𑌾 𑌮॒𑌨𑍍𑌯𑍁𑌮𑌿॑𑌨𑍍𑌦𑍍𑌰 । 𑌆𑌭𑌿॒𑌰𑍍𑌵𑌿𑌶𑍍𑌵𑌾॑ 𑌅𑌭𑌿॒𑌯𑍁𑌜𑍋॒ 𑌵𑌿𑌷𑍂॑𑌚𑍀𑌃 । 𑌆𑌰𑍍𑌯𑌾॑𑌯॒ 𑌵𑌿𑌶𑍋-𑌽𑌵॑𑌤𑌾𑌰𑍀॒𑌰𑍍𑌦𑌾𑌸𑍀𑌃᳚ ॥ 𑌅॒𑌯𑌗𑍍𑌂 𑌶𑍃॑𑌣𑍍𑌵𑍇॒ 𑌅𑌧॒ 𑌜𑌯॑𑌨𑍍𑌨𑍁॒𑌤 𑌘𑍍𑌨𑌨𑍍𑌨𑍍 । 𑌅॒𑌯𑌮𑍁॒𑌤 𑌪𑍍𑌰𑌕𑍃॑𑌣𑍁𑌤𑍇 𑌯𑍁॒𑌧𑌾 𑌗𑌾𑌃 । 𑌯॒𑌦𑌾 𑌸॒𑌤𑍍𑌯-𑌙𑍍𑌕𑍃॑𑌣𑍁॒𑌤𑍇 𑌮॒𑌨𑍍𑌯𑍁𑌮𑌿𑌨𑍍𑌦𑍍𑌰𑌃॑ ॥ 17 ॥

𑌵𑌿𑌶𑍍𑌵॑-𑌨𑍍𑌦𑍃॒𑌢-𑌮𑍍𑌭॑𑌯𑌤॒ 𑌏𑌜॑𑌦𑌸𑍍𑌮𑌾𑌤𑍍 ॥ 𑌅𑌨𑍁॑ 𑌸𑍍𑌵॒𑌧𑌾-𑌮॑𑌕𑍍𑌷𑌰॒𑌨𑍍𑌨𑌾𑌪𑍋॑ 𑌅𑌸𑍍𑌯 । 𑌅𑌵॑𑌰𑍍𑌧𑌤॒ 𑌮𑌦𑍍𑌧𑍍𑌯॒ 𑌆 𑌨𑌾॒𑌵𑍍𑌯𑌾॑𑌨𑌾𑌮𑍍 । 𑌸॒𑌦𑍍𑌧𑍍𑌰𑍀॒𑌚𑍀𑌨𑍇॑𑌨॒ 𑌮𑌨॑𑌸𑌾॒ 𑌤𑌮𑌿॑𑌨𑍍𑌦𑍍𑌰॒ 𑌓𑌜𑌿॑𑌷𑍍𑌠𑍇𑌨 । 𑌹𑌨𑍍𑌮॑𑌨𑌾-𑌽𑌹𑌨𑍍𑌨॒𑌭𑌿𑌦𑍍𑌯𑍂𑌨𑍍 ॥ 𑌮॒𑌰𑍁𑌤𑍍𑌵॑𑌨𑍍𑌤𑌂-𑌵𑍃𑌁𑌷॒𑌭𑌂-𑌵𑌾𑌁॑𑌵𑍃𑌧𑌾॒𑌨𑌮𑍍 । 𑌅𑌕॑𑌵𑌾𑌰𑌿-𑌨𑍍𑌦𑌿॒𑌵𑍍𑌯𑌗𑍍𑌂 𑌶𑌾॒𑌸𑌮𑌿𑌨𑍍𑌦𑍍𑌰᳚𑌮𑍍 । 𑌵𑌿॒𑌶𑍍𑌵𑌾॒𑌸𑌾𑌹॒𑌮𑌵॑𑌸𑍇॒ 𑌨𑍂𑌤॑𑌨𑌾𑌯 । 𑌉॒𑌗𑍍𑌰𑌗𑍍𑌂 𑌸॑𑌹𑍋॒𑌦𑌾𑌮𑌿॒𑌹 𑌤𑌗𑍍𑌂 𑌹𑍁॑𑌵𑍇𑌮 ॥ 𑌜𑌨𑌿॑𑌷𑍍𑌠𑌾 𑌉॒𑌗𑍍𑌰-𑌸𑍍𑌸𑌹॑𑌸𑍇 𑌤𑍁॒𑌰𑌾𑌯॑ ॥ 18 ॥

𑌮॒𑌨𑍍𑌦𑍍𑌰 𑌓𑌜𑌿॑𑌷𑍍𑌠𑍋 𑌬𑌹𑍁॒𑌲𑌾𑌭𑌿॑𑌮𑌾𑌨𑌃 । 𑌅𑌵॑𑌰𑍍𑌧॒𑌨𑍍𑌨𑌿𑌨𑍍𑌦𑍍𑌰॑-𑌮𑍍𑌮॒𑌰𑍁𑌤॑𑌶𑍍𑌚𑌿॒𑌦𑌤𑍍𑌰॑ । 𑌮𑌾॒𑌤𑌾 𑌯-𑌦𑍍𑌵𑍀॒𑌰-𑌨𑍍𑌦॒𑌧𑌨॒𑌦𑍍𑌧𑌨𑌿॑𑌷𑍍𑌠𑌾 ॥ 𑌕𑍍𑌵॑ 𑌸𑍍𑌯𑌾 𑌵𑍋॑ 𑌮𑌰𑍁𑌤-𑌸𑍍𑌸𑍍𑌵॒𑌧𑌾-𑌽𑌽𑌸𑍀᳚𑌤𑍍 । 𑌯-𑌨𑍍𑌮𑌾𑌮𑍇𑌕𑌗𑍍𑌂॑ 𑌸॒𑌮𑌧॑𑌤𑍍𑌤𑌾𑌹𑌿॒𑌹𑌤𑍍𑌯𑍇᳚ । 𑌅॒𑌹𑌗𑍍𑌗𑍍 𑌹𑍍𑌯𑍁॑𑌗𑍍𑌰𑌸𑍍𑌤॑𑌵𑌿॒𑌷-𑌸𑍍𑌤𑍁𑌵𑌿॑𑌷𑍍𑌮𑌾𑌨𑍍 । 𑌵𑌿𑌶𑍍𑌵॑𑌸𑍍𑌯॒ 𑌶𑌤𑍍𑌰𑍋॒𑌰𑌨॑𑌮𑌂-𑌵𑌁𑌧॒𑌸𑍍𑌨𑍈𑌃 ॥ 𑌵𑍃॒𑌤𑍍𑌰𑌸𑍍𑌯॑ 𑌤𑍍𑌵𑌾 𑌶𑍍𑌵॒𑌸𑌥𑌾॒𑌦𑍀𑌷॑𑌮𑌾𑌣𑌾𑌃 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌅॑𑌜𑌹𑍁॒𑌰𑍍𑌯𑍇 𑌸𑌖𑌾॑𑌯𑌃 । 𑌮॒𑌰𑍁𑌦𑍍𑌭𑌿॑𑌰𑌿𑌨𑍍𑌦𑍍𑌰 𑌸॒𑌖𑍍𑌯-𑌨𑍍𑌤𑍇॑ 𑌅𑌸𑍍𑌤𑍁 ॥ 19 ॥

𑌅𑌥𑍇॒𑌮𑌾 𑌵𑌿𑌶𑍍𑌵𑌾𑌃॒ 𑌪𑍃𑌤॑𑌨𑌾 𑌜𑌯𑌾𑌸𑌿 ॥ 𑌵𑌧𑍀𑌂᳚-𑌵𑍃𑌁॒𑌤𑍍𑌰-𑌮𑍍𑌮॑𑌰𑍁𑌤 𑌇𑌨𑍍𑌦𑍍𑌰𑌿॒𑌯𑍇𑌣॑ । 𑌸𑍍𑌵𑍇𑌨॒ 𑌭𑌾𑌮𑍇॑𑌨 𑌤𑌵𑌿॒𑌷𑍋 𑌬॑𑌭𑍂॒𑌵𑌾𑌨𑍍 । 𑌅॒𑌹𑌮𑍇॒𑌤𑌾 𑌮𑌨॑𑌵𑍇 𑌵𑌿॒𑌶𑍍𑌵𑌶𑍍𑌚॑𑌨𑍍𑌦𑍍𑌰𑌾𑌃 । 𑌸𑍁॒𑌗𑌾 𑌅॒𑌪𑌶𑍍𑌚॑𑌕𑌰॒ 𑌵𑌜𑍍𑌰॑𑌬𑌾𑌹𑍁𑌃 ॥ 𑌸 𑌯𑍋 𑌵𑍃𑌷𑌾॒ 𑌵𑍃𑌷𑍍𑌣𑌿॑𑌯𑍇𑌭𑌿॒-𑌸𑍍𑌸𑌮𑍋॑𑌕𑌾𑌃 । 𑌮॒𑌹𑍋 𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌶𑍍𑌚॑ 𑌸॒𑌮𑍍𑌰𑌾𑌟𑍍 । 𑌸॒𑌤𑍀॒𑌨𑌸॑𑌤𑍍𑌤𑍍𑌵𑌾॒ 𑌹𑌵𑍍𑌯𑍋॒ 𑌭𑌰𑍇॑𑌷𑍁 । 𑌮॒𑌰𑍁𑌤𑍍𑌵𑌾᳚𑌨𑍍𑌨𑍋 𑌭𑌵॒𑌤𑍍𑌵𑌿𑌨𑍍𑌦𑍍𑌰॑ 𑌊॒𑌤𑍀 ॥ 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌤𑌰-𑌦𑍍𑌵𑍃𑌤𑍍𑌰॒𑌤𑍂𑌰𑍍𑌯𑍇᳚ ॥ 20 ॥

𑌅॒𑌨𑌾॒𑌧𑍃॒𑌷𑍍𑌯𑍋 𑌮॒𑌘𑌵𑌾॒ 𑌶𑍂𑌰॒ 𑌇𑌨𑍍𑌦𑍍𑌰𑌃॑ । 𑌅𑌨𑍍𑌵𑍇॑𑌨𑌂॒-𑌵𑌿𑌁𑌶𑍋॑ 𑌅𑌮𑌦𑌨𑍍𑌤 𑌪𑍂॒𑌰𑍍𑌵𑍀𑌃 । 𑌅॒𑌯𑌗𑍍𑌂 𑌰𑌾𑌜𑌾॒ 𑌜𑌗॑𑌤𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 ॥ 𑌸 𑌏॒𑌵 𑌵𑍀॒𑌰-𑌸𑍍𑌸 𑌉॑ 𑌵𑍀॒𑌰𑍍𑌯𑌾॑𑌵𑌾𑌨𑍍 । 𑌸 𑌏॑𑌕𑌰𑌾॒𑌜𑍋 𑌜𑌗॑𑌤𑌃 𑌪𑌰॒𑌸𑍍𑌪𑌾𑌃 । 𑌯॒𑌦𑌾 𑌵𑍃॒𑌤𑍍𑌰𑌮𑌤॑𑌰॒𑌚𑍍𑌛𑍂𑌰॒ 𑌇𑌨𑍍𑌦𑍍𑌰𑌃॑ । 𑌅𑌥𑌾॑ 𑌭𑌵𑌦𑍍𑌦𑌮𑌿॒𑌤𑌾-𑌽𑌭𑌿𑌕𑍍𑌰॑𑌤𑍂𑌨𑌾𑌮𑍍 ॥ 𑌇𑌨𑍍𑌦𑍍𑌰𑍋॑ 𑌯॒𑌜𑍍𑌞𑌂-𑌵𑌁॒𑌰𑍍𑌧𑌯॑𑌨𑍍 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁𑌷𑌤𑌾𑌗𑍍𑌂 𑌹॒𑌵𑌿𑌰𑍍𑌨𑌃॑ । 𑌵𑍃॒𑌤𑍍𑌰-𑌨𑍍𑌤𑍀॒𑌰𑍍𑌤𑍍𑌵𑌾 𑌦𑌾॑𑌨॒𑌵𑌂-𑌵𑌁𑌜𑍍𑌰॑𑌬𑌾𑌹𑍁𑌃 ॥ 21 ॥

𑌦𑌿𑌶𑍋॑-𑌽𑌦𑍃𑌗𑍍𑌂 𑌹𑌦𑍍𑌦𑍃𑌗𑍍𑌂𑌹𑌿॒𑌤𑌾 𑌦𑍃𑌗𑍍𑌂𑌹॑𑌣𑍇𑌨 ॥ 𑌇॒𑌮𑌂-𑌯𑌁॒𑌜𑍍𑌞𑌂-𑌵𑌁॒𑌰𑍍𑌧𑌯॑𑌨𑍍 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌪𑍁॒𑌰𑍋॒𑌡𑌾𑌶॒-𑌮𑍍𑌪𑍍𑌰𑌤𑌿॑𑌗𑍃𑌭𑍍𑌣𑌾॒𑌤𑍍𑌵𑌿𑌨𑍍𑌦𑍍𑌰𑌃॑ । 𑌯॒𑌦𑌾 𑌵𑍃॒𑌤𑍍𑌰𑌮𑌤॑𑌰॒𑌚𑍍𑌛𑍂𑌰॒ 𑌇𑌨𑍍𑌦𑍍𑌰𑌃॑ । 𑌅𑌥𑍈॑𑌕𑌰𑌾॒𑌜𑍋 𑌅॑𑌭𑌵॒𑌜𑍍𑌜𑌨𑌾॑𑌨𑌾𑌮𑍍 ॥ 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌞𑍍𑌛॑𑌮𑍍𑌬𑌰॒𑌹𑌤𑍍𑌯॑ 𑌆𑌵𑌤𑍍 । 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌨𑌾॑- 𑌮𑌭𑌵-𑌤𑍍𑌪𑍁𑌰𑍋॒𑌗𑌾𑌃 । 𑌇𑌨𑍍𑌦𑍍𑌰𑍋॑ 𑌯॒𑌜𑍍𑌞𑍇 𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨𑌃 । 𑌵𑍃॒𑌤𑍍𑌰॒𑌤𑍂𑌰𑍍𑌣𑍋॒ 𑌅𑌭॑𑌯॒𑌗𑍍𑌂॒ 𑌶𑌰𑍍𑌮॑ 𑌯𑌗𑍍𑌂𑌸𑌤𑍍 ॥ 𑌯-𑌸𑍍𑌸॒𑌪𑍍𑌤 𑌸𑌿𑌨𑍍𑌧𑍂॒𑌗𑍍𑌂॒ 𑌰𑌦॑𑌧𑌾𑌤𑍍-𑌪𑍃𑌥𑌿॒𑌵𑍍𑌯𑌾𑌮𑍍 । 𑌯-𑌸𑍍𑌸॒𑌪𑍍𑌤 𑌲𑍋॒𑌕𑌾𑌨𑌕𑍃॑𑌣𑍋॒-𑌦𑍍𑌦𑌿𑌶॑𑌶𑍍𑌚 । 𑌇𑌨𑍍𑌦𑍍𑌰𑍋॑ 𑌹॒𑌵𑌿𑌷𑍍𑌮𑌾॒𑌨𑍍-𑌥𑍍𑌸𑌗॑𑌣𑍋 𑌮॒𑌰𑍁𑌦𑍍𑌭𑌿𑌃॑ । 𑌵𑍃॒𑌤𑍍𑌰॒𑌤𑍂𑌰𑍍𑌣𑍋॑ 𑌯॒𑌜𑍍𑌞𑌮𑌿॒𑌹𑍋𑌪॑𑌯𑌾𑌸𑌤𑍍 ॥ 22 ॥

(𑌵॒𑌵॒𑌰𑍍𑌥॒ - 𑌵𑌿॒𑌥𑍍𑌸॒ - 𑌇𑌨𑍍𑌦𑍍𑌰॑ - 𑌸𑍍𑌤𑍁॒𑌰𑌾 - 𑌯𑌾᳚𑌸𑍍𑌤𑍁॒ - 𑌵𑍃𑌤𑍍𑌰॒𑌤𑍂𑌰𑍍𑌯𑍇॒ - 𑌵𑌜𑍍𑌰॑𑌬𑌾𑌹𑍁𑌃 - 𑌪𑍃𑌥𑌿॒𑌵𑍍𑌯𑌾-𑌨𑍍𑌤𑍍𑌰𑍀𑌣𑌿॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 - 𑌅𑌭𑌿𑌮𑌾𑌤𑌿𑌹𑍈𑌨𑍍𑌦𑍍𑌰𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌇𑌨𑍍𑌦𑍍𑌰॒-𑌸𑍍𑌤𑌰॑𑌸𑍍𑌵𑌾-𑌨𑌭𑌿𑌮𑌾𑌤𑌿॒𑌹𑍋𑌗𑍍𑌰𑌃 । 𑌹𑌿𑌰॑𑌣𑍍𑌯𑌵𑌾𑌶𑍀-𑌰𑌿𑌷𑌿॒𑌰-𑌸𑍍𑌸𑍁॑𑌵॒𑌰॒.𑌷𑌾𑌃 । 𑌤𑌸𑍍𑌯॑ 𑌵॒𑌯𑌗𑍍𑌂 𑌸𑍁॑𑌮॒𑌤𑍗 𑌯॒𑌜𑍍𑌞𑌿𑌯॑𑌸𑍍𑌯 । 𑌅𑌪𑌿॑ 𑌭॒𑌦𑍍𑌰𑍇 𑌸𑍗॑𑌮𑌨॒𑌸𑍇 𑌸𑍍𑌯𑌾॑𑌮 ॥ 𑌹𑌿𑌰॑𑌣𑍍𑌯𑌵𑌰𑍍𑌣𑍋॒ 𑌅𑌭॑𑌯-𑌙𑍍𑌕𑍃𑌣𑍋𑌤𑍁 । 𑌅॒𑌭𑌿॒𑌮𑌾॒𑌤𑌿॒𑌹𑍇𑌨𑍍𑌦𑍍𑌰𑌃॒ 𑌪𑍃𑌤॑𑌨𑌾𑌸𑍁 𑌜𑌿॒𑌷𑍍𑌣𑍁𑌃 । 𑌸 𑌨॒-𑌶𑍍𑌶𑌰𑍍𑌮॑ 𑌤𑍍𑌰𑌿॒𑌵𑌰𑍂॑𑌥𑌂॒-𑌵𑌿𑌁𑌯𑌗𑍍𑌂॑𑌸𑌤𑍍 । 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 𑌇𑌨𑍍𑌦𑍍𑌰𑌗𑍍𑌗𑍍॑ 𑌸𑍍𑌤𑍁𑌹𑌿 𑌵॒𑌜𑍍𑌰𑌿𑌣॒𑌗𑍍𑌗𑍍॒ 𑌸𑍍𑌤𑍋𑌮॑𑌪𑍃𑌷𑍍𑌠𑌮𑍍 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁𑌷𑌤𑌾𑌗𑍍𑌂 𑌹॒𑌵𑌿𑌰𑍍𑌨𑌃॑ ॥ 23 ॥

𑌹॒𑌤𑍍𑌵𑌾-𑌽𑌭𑌿𑌮𑌾॑𑌤𑍀𑌃॒ 𑌪𑍃𑌤॑𑌨𑌾॒-𑌸𑍍𑌸𑌹॑𑌸𑍍𑌵𑌾𑌨𑍍 । 𑌅𑌥𑌾𑌭𑌯॑-𑌙𑍍𑌕𑍃𑌣𑍁𑌹𑌿 𑌵𑌿॒𑌶𑍍𑌵𑌤𑍋॑ 𑌨𑌃 ॥ 𑌸𑍍𑌤𑍁॒𑌹𑌿 𑌶𑍂𑌰𑌂॑-𑌵𑌁॒𑌜𑍍𑌰𑌿𑌣॒-𑌮𑌪𑍍𑌰॑𑌤𑍀𑌤𑌮𑍍 (𑌮𑌪𑍍𑌰॑𑌤𑍀𑌤𑍍𑌤𑌮𑍍) । 𑌅॒𑌭𑌿॒𑌮𑌾॒𑌤𑌿॒𑌹𑌨॑-𑌮𑍍𑌪𑍁𑌰𑍁𑌹𑍂॒𑌤𑌮𑌿𑌨𑍍𑌦𑍍𑌰᳚𑌮𑍍 । 𑌯 𑌏𑌕॒ 𑌇𑌚𑍍𑌛॒𑌤𑌪॑𑌤𑌿॒𑌰𑍍𑌜𑌨𑍇॑𑌷𑍁 । 𑌤𑌸𑍍𑌮𑌾॒ 𑌇𑌨𑍍𑌦𑍍𑌰𑌾॑𑌯 𑌹॒𑌵𑌿𑌰𑌾𑌜𑍁॑𑌹𑍋𑌤 ॥ 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌨𑌾॑𑌮𑌧𑌿॒𑌪𑌾𑌃 𑌪𑍁॒𑌰𑍋𑌹𑌿॑𑌤𑌃 । 𑌦𑌿॒𑌶𑌾-𑌮𑍍𑌪𑌤𑌿॑𑌰𑌭𑌵-𑌦𑍍𑌵𑌾॒𑌜𑌿𑌨𑍀॑𑌵𑌾𑌨𑍍 । 𑌅॒𑌭𑌿॒𑌮𑌾॒𑌤𑌿॒𑌹𑌾 𑌤॑𑌵𑌿॒𑌷𑌸𑍍𑌤𑍁𑌵𑌿॑𑌷𑍍𑌮𑌾𑌨𑍍 । 𑌅॒𑌸𑍍𑌮𑌭𑍍𑌯॑-𑌞𑍍𑌚𑌿॒𑌤𑍍𑌰𑌂-𑌵𑍃𑌁𑌷॑𑌣𑌗𑍍𑌂 𑌰॒𑌯𑌿-𑌨𑍍𑌦𑌾᳚𑌤𑍍 ॥ 24 ॥

𑌯 𑌇॒𑌮𑍇 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮॑𑌹𑌿॒𑌤𑍍𑌵𑌾 । 𑌬𑌲𑍇॒𑌨𑌾𑌦𑍃𑌗𑍍𑌂॑𑌹𑌦𑌭𑌿𑌮𑌾𑌤𑌿॒𑌹𑍇𑌨𑍍𑌦𑍍𑌰𑌃॑ । 𑌸 𑌨𑍋॑ 𑌹॒𑌵𑌿𑌃 𑌪𑍍𑌰𑌤𑌿॑𑌗𑍃𑌭𑍍𑌣𑌾𑌤𑍁 𑌰𑌾॒𑌤𑌯𑍇᳚ । 𑌦𑍇॒𑌵𑌾𑌨𑌾᳚-𑌨𑍍𑌦𑍇॒𑌵𑍋 𑌨𑌿॑𑌧𑌿॒𑌪𑌾 𑌨𑍋॑ 𑌅𑌵𑍍𑌯𑌾𑌤𑍍 ॥ 𑌅𑌨॑𑌵𑌸𑍍𑌤𑍇॒ 𑌰𑌥॒𑌮𑌶𑍍𑌵𑌾॑𑌯 𑌤𑌕𑍍𑌷॒𑌨𑍍-𑌤𑍍𑌵𑌷𑍍𑌟𑌾॒ 𑌵𑌜𑍍𑌰॑-𑌮𑍍𑌪𑍁𑌰𑍁𑌹𑍂𑌤 𑌦𑍍𑌯𑍁॒𑌮𑌨𑍍𑌤᳚𑌮𑍍 । 𑌬𑍍𑌰॒𑌹𑍍𑌮𑌾𑌣॒ 𑌇𑌨𑍍𑌦𑍍𑌰॑-𑌮𑍍𑌮॒𑌹𑌯॑𑌨𑍍𑌤𑍋 𑌅॒𑌰𑍍𑌕𑍈𑌰𑌵॑𑌰𑍍𑌧𑌯॒𑌨𑍍𑌨𑌹॑𑌯𑍇॒ 𑌹𑌨𑍍𑌤॒ 𑌵𑌾 𑌉॑ ॥ 𑌵𑍃𑌷𑍍𑌣𑍇॒ 𑌯-𑌤𑍍𑌤𑍇॒ 𑌵𑍃𑌷॑𑌣𑍋 𑌅॒𑌰𑍍𑌕𑌮𑌰𑍍𑌚𑌾॒𑌨𑌿𑌨𑍍𑌦𑍍𑌰॒ 𑌗𑍍𑌰𑌾𑌵𑌾॑𑌣𑍋॒ 𑌅𑌦𑌿॑𑌤𑌿-𑌸𑍍𑌸॒𑌜𑍋𑌷𑌾𑌃᳚ । 𑌅॒𑌨॒𑌶𑍍𑌵𑌾𑌸𑍋॒ 𑌯𑍇 𑌪॒𑌵𑌯𑍋॑-𑌽𑌰॒𑌥𑌾 𑌇𑌨𑍍𑌦𑍍𑌰𑍇॑𑌷𑌿𑌤𑌾 𑌅॒𑌭𑍍𑌯𑌵॑𑌰𑍍𑌤𑌨𑍍𑌤॒ 𑌦𑌸𑍍𑌯𑍂𑌨𑍍॑ ॥ । 𑌇𑌨𑍍𑌦𑍍𑌰॑𑌸𑍍𑌯॒ 𑌨𑍁 𑌵𑍀॒𑌰𑍍𑌯𑌾॑𑌣𑌿॒ 𑌪𑍍𑌰𑌵𑍋॑𑌚𑌮𑍍 । 𑌯𑌾𑌨𑌿॑ 𑌚॒𑌕𑌾𑌰॑ 𑌪𑍍𑌰𑌥॒𑌮𑌾𑌨𑌿॑ 𑌵॒𑌜𑍍𑌰𑍀 ॥ 𑌅𑌹॒-𑌨𑍍𑌨𑌹𑌿॒𑌮𑌨𑍍𑌵॒𑌪𑌸𑍍𑌤॑𑌤𑌰𑍍𑌦 । 𑌪𑍍𑌰 𑌵॒𑌕𑍍𑌷𑌣𑌾॑ 𑌅𑌭𑌿𑌨॒-𑌤𑍍𑌪𑌰𑍍𑌵॑𑌤𑌾𑌨𑌾𑌮𑍍 ॥ ॥ 𑌇𑌨𑍍𑌦𑍍𑌰𑍋॑ 𑌯𑌾॒𑌤𑍋-𑌽𑌵॑𑌸𑌿𑌤𑌸𑍍𑌯॒ 𑌰𑌾𑌜𑌾᳚ । 𑌶𑌮॑𑌸𑍍𑌯 𑌚 𑌶𑍃॒𑌙𑍍𑌗𑌿𑌣𑍋॒ 𑌵𑌜𑍍𑌰॑𑌬𑌾𑌹𑍁𑌃 । 𑌸𑍇𑌦𑍁॒ 𑌰𑌾𑌜𑌾᳚ 𑌕𑍍𑌷𑍇𑌤𑌿 𑌚𑌰𑍍𑌷𑌣𑍀॒𑌨𑌾𑌮𑍍 । 𑌅॒𑌰𑌾𑌨𑍍𑌨 𑌨𑍇॒𑌮𑌿𑌃 𑌪𑌰𑌿॒𑌤𑌾 𑌬॑𑌭𑍂𑌵 ॥ 25 ॥

𑌅॒𑌭𑌿 𑌸𑌿॒𑌦𑍍𑌧𑍍𑌮𑍋 𑌅॑𑌜𑌿𑌗𑌾𑌦𑌸𑍍𑌯॒ 𑌶𑌤𑍍𑌰𑍂𑌨𑍍॑ । 𑌵𑌿 𑌤𑌿॒𑌗𑍍𑌮𑍇𑌨॑ 𑌵𑍃𑌷॒𑌭𑍇𑌣𑌾॒ 𑌪𑍁𑌰𑍋॑-𑌽𑌭𑍇𑌤𑍍 । 𑌸𑌂-𑌵𑌁𑌜𑍍𑌰𑍇॑𑌣𑌾𑌸𑍃𑌜-𑌦𑍍𑌵𑍃॒𑌤𑍍𑌰𑌮𑌿𑌨𑍍𑌦𑍍𑌰𑌃॑ । 𑌪𑍍𑌰 𑌸𑍍𑌵𑌾-𑌮𑍍𑌮॒𑌤𑌿𑌮॑𑌤𑌿𑌰॒𑌚𑍍𑌛𑌾𑌶॑𑌦𑌾𑌨𑌃 ॥ 𑌵𑌿𑌷𑍍𑌣𑍁॑-𑌨𑍍𑌦𑍇॒𑌵𑌂-𑌵𑌁𑌰𑍁॑𑌣𑌮𑍂॒𑌤𑌯𑍇॒ 𑌭𑌗᳚𑌮𑍍 । 𑌮𑍇𑌦॑𑌸𑌾 𑌦𑍇॒𑌵𑌾 𑌵॒𑌪𑌯𑌾॑ 𑌯𑌜𑌦𑍍𑌧𑍍𑌵𑌮𑍍 । 𑌤𑌾 𑌨𑍋॑ 𑌯॒𑌜𑍍𑌞𑌮𑌾𑌗॑𑌤𑌂-𑌵𑌿𑌁॒𑌶𑍍𑌵𑌧𑍇॑𑌨𑌾 । 𑌪𑍍𑌰॒𑌜𑌾𑌵॑𑌦॒𑌸𑍍𑌮𑍇 𑌦𑍍𑌰𑌵𑌿॑𑌣𑍇॒𑌹 𑌧॑𑌤𑍍𑌤𑌮𑍍 ॥ 𑌮𑍇𑌦॑𑌸𑌾 𑌦𑍇॒𑌵𑌾 𑌵॒𑌪𑌯𑌾॑ 𑌯𑌜𑌦𑍍𑌧𑍍𑌵𑌮𑍍 । 𑌵𑌿𑌷𑍍𑌣𑍁॑-𑌞𑍍𑌚 𑌦𑍇॒𑌵𑌂-𑌵𑌁𑌰𑍁॑𑌣-𑌞𑍍𑌚 𑌰𑌾॒𑌤𑌿𑌮𑍍 ॥ 26 ॥

𑌤𑌾 𑌨𑍋॒ 𑌅𑌮𑍀॑𑌵𑌾 𑌅𑌪॒𑌬𑌾𑌧॑𑌮𑌾𑌨𑍗 । 𑌇॒𑌮𑌂-𑌯𑌁॒𑌜𑍍𑌞-𑌞𑍍𑌜𑍁॒𑌷𑌮𑌾॑𑌣𑌾॒𑌵𑍁𑌪𑍇𑌤᳚𑌮𑍍 ॥ 𑌵𑌿𑌷𑍍𑌣𑍂॑𑌵𑌰𑍁𑌣𑌾 𑌯𑍁॒𑌵𑌮॑𑌦𑍍𑌧𑍍𑌵॒𑌰𑌾𑌯॑ 𑌨𑌃 । 𑌵𑌿॒𑌶𑍇 𑌜𑌨𑌾॑𑌯॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛𑌤𑌮𑍍 । 𑌦𑍀॒𑌰𑍍𑌘𑌪𑍍𑌰॑𑌯𑌜𑍍𑌯𑍂 𑌹॒𑌵𑌿𑌷𑌾॑ 𑌵𑍃𑌧𑌾॒𑌨𑌾 । 𑌜𑍍𑌯𑍋𑌤𑌿॒𑌷𑌾-𑌽𑌰𑌾॑𑌤𑍀𑌰𑍍𑌦𑌹𑌤॒-𑌨𑍍𑌤𑌮𑌾𑌗𑍍𑌂॑𑌸𑌿 ॥ 𑌯𑌯𑍋॒𑌰𑍋𑌜॑𑌸𑌾 𑌸𑍍𑌕𑌭𑌿॒𑌤𑌾 𑌰𑌜𑌾𑌗𑍍𑌂॑𑌸𑌿 । 𑌵𑍀॒𑌰𑍍𑌯𑍇॑𑌭𑌿-𑌰𑍍𑌵𑍀॒𑌰𑌤॑𑌮𑌾॒ 𑌶𑌵𑌿॑𑌷𑍍𑌠𑌾 । 𑌯𑌾 𑌪𑌤𑍍𑌯𑍇॑𑌤𑍇॒ 𑌅𑌪𑍍𑌰॑𑌤𑍀𑌤𑍍𑌤𑌾॒ 𑌸𑌹𑍋॑𑌭𑌿𑌃 । 𑌵𑌿𑌷𑍍𑌣𑍂॑ 𑌅𑌗॒𑌨𑍍𑌵𑌰𑍁॑𑌣𑌾 𑌪𑍂॒𑌰𑍍𑌵𑌹𑍂॑𑌤𑍗 ॥ 27 ॥

𑌵𑌿𑌷𑍍𑌣𑍂॑𑌵𑌰𑍁𑌣𑌾 𑌵𑌭𑌿𑌶𑌸𑍍𑌤𑌿॒𑌪𑌾 𑌵𑌾᳚𑌮𑍍 । 𑌦𑍇॒𑌵𑌾 𑌯॑𑌜𑌨𑍍𑌤 𑌹॒𑌵𑌿𑌷𑌾॑ 𑌘𑍃॒𑌤𑍇𑌨॑ । 𑌅𑌪𑌾𑌮𑍀॑𑌵𑌾𑌗𑍍𑌂 𑌸𑍇𑌧𑌤𑌗𑍍𑌂 𑌰॒𑌕𑍍𑌷𑌸॑𑌶𑍍𑌚 । 𑌅𑌥𑌾॑ 𑌧𑌤𑍍𑌤𑌂॒-𑌯𑌁𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ 𑌅॒𑌗𑍍𑌂॒𑌹𑍋॒𑌮𑍁𑌚𑌾॑ 𑌵𑍃𑌷॒𑌭𑌾 𑌸𑍁॒𑌪𑍍𑌰𑌤𑍂᳚𑌰𑍍𑌤𑍀 । 𑌦𑍇॒𑌵𑌾𑌨𑌾᳚-𑌨𑍍𑌦𑍇॒𑌵𑌤॑𑌮𑌾॒ 𑌶𑌚𑌿॑𑌷𑍍𑌠𑌾 । 𑌵𑌿𑌷𑍍𑌣𑍂॑𑌵𑌰𑍁𑌣𑌾॒ 𑌪𑍍𑌰𑌤𑌿॑𑌹𑌰𑍍𑌯𑌤-𑌨𑍍𑌨𑌃 । 𑌇॒𑌦-𑌨𑍍𑌨𑌰𑌾॒ 𑌪𑍍𑌰𑌯॑𑌤𑌮𑍂॒𑌤𑌯𑍇॑ 𑌹॒𑌵𑌿𑌃 ॥ 𑌮॒𑌹𑍀 𑌨𑍁 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌇॒𑌹 𑌜𑍍𑌯𑍇𑌷𑍍𑌠𑍇᳚ । 𑌰𑍁॒𑌚𑌾 𑌭॑𑌵𑌤𑌾𑌗𑍍𑌂 𑌶𑍁॒𑌚𑌯॑𑌦𑍍𑌭𑌿-𑌰॒𑌰𑍍𑌕𑍈𑌃 ॥ 28 ॥

𑌯𑌥𑍍𑌸𑍀𑌂॒-𑌵𑌁𑌰𑌿॑𑌷𑍍𑌠𑍇 𑌬𑍃𑌹॒𑌤𑍀 𑌵𑌿॑𑌮𑌿॒𑌨𑍍𑌵𑌨𑍍𑌨𑍍 । 𑌨𑍃॒𑌵𑌦𑍍𑌭𑍍𑌯𑍋॒-𑌽𑌕𑍍𑌷𑌾 𑌪॑𑌪𑍍𑌰𑌥𑌾॒𑌨𑍇𑌭𑌿॒𑌰𑍇𑌵𑍈𑌃᳚ ॥ 𑌪𑍍𑌰 𑌪𑍂᳚𑌰𑍍𑌵॒𑌜𑍇 𑌪𑌿॒𑌤𑌰𑌾॒ 𑌨𑌵𑍍𑌯॑𑌸𑍀𑌭𑌿𑌃 । 𑌗𑍀॒𑌰𑍍𑌭𑌿𑌃 𑌕𑍃॑𑌣𑍁𑌦𑍍𑌧𑍍𑌵॒𑌗𑍍𑌂॒ 𑌸𑌦॑𑌨𑍇 𑌋॒𑌤𑌸𑍍𑌯॑ । 𑌆 𑌨𑍋᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌦𑍈𑌵𑍍𑌯𑍇॑𑌨 । 𑌜𑌨𑍇॑𑌨 𑌯𑌾𑌤॒-𑌮𑍍𑌮𑌹𑌿॑ 𑌵𑌾𑌂॒-𑌵𑌁𑌰𑍂॑𑌥𑌮𑍍 ॥ 𑌸 𑌇𑌥𑍍𑌸𑍍𑌵𑌪𑌾॒ 𑌭𑍁𑌵॑𑌨𑍇𑌷𑍍𑌵𑌾𑌸 । 𑌯 𑌇॒𑌮𑍇 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜॒𑌜𑌾𑌨॑ । 𑌉॒𑌰𑍍𑌵𑍀 𑌗॑𑌭𑍀॒𑌰𑍇 𑌰𑌜॑𑌸𑍀 𑌸𑍁॒𑌮𑍇𑌕𑍇᳚ । 𑌅॒𑌵॒𑌗𑍍𑌂॒𑌶𑍇 𑌧𑍀𑌰॒-𑌶𑍍𑌶𑌚𑍍𑌯𑌾॒ 𑌸𑌮𑍈॑𑌰𑌤𑍍 ॥ 29 ॥

𑌭𑍂𑌰𑌿॒-𑌨𑍍𑌦𑍍𑌵𑍇 𑌅𑌚॑𑌰𑌨𑍍𑌤𑍀॒ 𑌚𑌰॑𑌨𑍍𑌤𑌮𑍍 । 𑌪॒𑌦𑍍𑌵𑌨𑍍𑌤॒-𑌙𑍍𑌗𑌰𑍍𑌭॑𑌮॒𑌪𑌦𑍀॑ 𑌦𑌧𑌾𑌤𑍇 । 𑌨𑌿𑌤𑍍𑌯॒-𑌨𑍍𑌨 𑌸𑍂॒𑌨𑍁-𑌮𑍍𑌪𑌿॒𑌤𑍍𑌰𑍋𑌰𑍁॒𑌪𑌸𑍍𑌥𑍇᳚ । 𑌤-𑌮𑍍𑌪𑌿॑𑌪𑍃𑌤𑌗𑍍𑌂 𑌰𑍋𑌦𑌸𑍀 𑌸𑌤𑍍𑌯॒𑌵𑌾𑌚᳚𑌮𑍍 ॥ 𑌇॒𑌦-𑌨𑍍𑌦𑍍𑌯𑌾॑𑌵𑌾𑌪𑍃𑌥𑌿𑌵𑍀 𑌸॒𑌤𑍍𑌯𑌮॑𑌸𑍍𑌤𑍁 । 𑌪𑌿𑌤॒-𑌰𑍍𑌮𑌾𑌤॒-𑌰𑍍𑌯𑌦𑌿॒𑌹𑍋𑌪॑𑌬𑍍𑌰𑍁॒𑌵𑍇 𑌵𑌾᳚𑌮𑍍 । 𑌭𑍂॒𑌤-𑌨𑍍𑌦𑍇॒𑌵𑌾𑌨𑌾॑𑌮𑌵॒𑌮𑍇 𑌅𑌵𑍋॑𑌭𑌿𑌃 । 𑌵𑌿𑌦𑍍𑌯𑌾𑌮𑍇॒𑌷𑌂-𑌵𑍃𑌁॒𑌜𑌨॑-𑌞𑍍𑌜𑍀॒𑌰𑌦𑌾॑𑌨𑍁𑌮𑍍 ॥ 𑌉॒𑌰𑍍𑌵𑍀 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑍇 𑌦𑍂॒𑌰𑍇 𑌅॑𑌨𑍍𑌤𑍇 । 𑌉𑌪॑𑌬𑍍𑌰𑍁𑌵𑍇॒ 𑌨𑌮॑𑌸𑌾 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 । 𑌦𑌧𑌾॑𑌤𑍇॒ 𑌯𑍇 𑌸𑍁॒𑌭𑌗𑍇॑ 𑌸𑍁॒𑌪𑍍𑌰𑌤𑍂᳚𑌰𑍍𑌤𑍀 । 𑌦𑍍𑌯𑌾𑌵𑌾॒ 𑌰𑌕𑍍𑌷॑𑌤-𑌮𑍍𑌪𑍃𑌥𑌿॒𑌵𑍀 𑌨𑍋॒ 𑌅𑌭𑍍𑌵𑌾᳚𑌤𑍍 ॥ 𑌯𑌾 𑌜𑌾॒𑌤𑌾 𑌓𑌷॑𑌧𑌯𑍋 𑌦𑍇॒𑌵𑍇𑌭𑍍𑌯॑𑌸𑍍𑌤𑍍𑌰𑌿𑌯𑍁॒𑌗-𑌮𑍍𑌪𑍁॒𑌰𑌾 । 𑌮𑌨𑍍𑌦𑌾॑𑌮𑌿 𑌬॒𑌭𑍍𑌰𑍂𑌣𑌾॑𑌮॒𑌹𑌗𑍍𑌂 𑌶॒𑌤-𑌨𑍍𑌧𑌾𑌮𑌾॑𑌨𑌿 𑌸॒𑌪𑍍𑌤 𑌚॑ ॥, 𑌅𑌤𑌿॒ 𑌵𑌿𑌶𑍍𑌵𑌾𑌃᳚ 𑌪𑌰𑌿॒𑌷𑍍𑌠𑌾-𑌸𑍍𑌸𑍍𑌤𑍇॒𑌨 𑌇॑𑌵 𑌵𑍍𑌰॒𑌜𑌮॑𑌕𑍍𑌰𑌮𑍁𑌃 । 𑌓𑌷॑𑌧𑌯𑌃॒ 𑌪𑍍𑌰𑌾𑌚𑍁॑𑌚𑍍𑌯𑌵𑍁॒ 𑌰𑍍𑌯-𑌤𑍍𑌕𑌿-𑌞𑍍𑌚॑ 𑌤॒𑌨𑍁𑌵𑌾॒𑌗𑍍𑌂॒ 𑌰𑌪𑌃॑ ॥ । 𑌯𑌾 𑌓𑌷॑𑌧𑌯॒-𑌸𑍍𑌸𑍋𑌮॑𑌰𑌾𑌜𑍍𑌞𑍀𑌃॒ 𑌪𑍍𑌰𑌵𑌿॑𑌷𑍍𑌟𑌾𑌃 𑌪𑍃𑌥𑌿॒𑌵𑍀𑌮𑌨𑍁॑ । 𑌤𑌾𑌸𑌾॒-𑌨𑍍𑌤𑍍𑌵𑌮॑𑌸𑍍𑌯𑍁𑌤𑍍𑌤॒𑌮𑌾 𑌪𑍍𑌰𑌣𑍋॑ 𑌜𑍀॒𑌵𑌾𑌤॑-𑌵𑍇𑌸𑍁𑌵 ॥ 𑌅॒𑌶𑍍𑌵𑌾॒𑌵॒𑌤𑍀𑌗𑍍𑌂 𑌸𑍋॑𑌮𑌵॒𑌤𑍀 𑌮𑍂॒𑌰𑍍𑌜𑌯॑𑌨𑍍𑌤𑍀॒ 𑌮𑍁𑌦𑍋॑𑌜𑌸𑌮𑍍 । 𑌆 𑌵𑌿॑𑌥𑍍𑌸𑌿॒ 𑌸𑌰𑍍𑌵𑌾॒ 𑌓𑌷॑𑌧𑍀𑌰॒𑌸𑍍𑌮𑌾 𑌅॑𑌰𑌿॒𑌷𑍍𑌟𑌤𑌾॑𑌤𑌯𑍇 ॥ । 𑌓𑌷॑𑌧𑍀॒𑌰𑌿𑌤𑌿॑ 𑌮𑌾𑌤𑌰॒-𑌸𑍍𑌤𑌦𑍍𑌵𑍋॑ 𑌦𑍇𑌵𑍀॒-𑌰𑍁𑌪॑ 𑌬𑍍𑌰𑍁𑌵𑍇 । 𑌰𑌪𑌾𑌗𑍍𑌂॑𑌸𑌿 𑌵𑌿𑌘𑍍𑌨॒𑌤𑍀𑌰𑌿॑𑌤॒ 𑌰𑌪॑𑌶𑍍𑌚𑌾॒𑌤𑌯॑𑌮𑌾𑌨𑌾𑌃 ॥ 𑌅॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮॑𑌵-𑌤𑍍𑌵॒𑌨𑍍𑌯𑌾-𑌽𑌨𑍍𑌯𑌸𑍍𑌯𑌾॒ 𑌉𑌪𑌾॑𑌵𑌤 । 𑌤𑌾-𑌸𑍍𑌸𑌰𑍍𑌵𑌾॒ 𑌓𑌷॑𑌧𑌯-𑌸𑍍𑌸𑌂𑌵𑌿𑌁𑌦𑌾॒𑌨𑌾 𑌇॒𑌦-𑌮𑍍𑌮𑍇॒ 𑌪𑍍𑌰𑌾𑌵॑𑌤𑌾॒ 𑌵𑌚𑌃॑ ॥ ॥ 30 ॥

(𑌹॒𑌵𑌿𑌰𑍍𑌨𑍋॑ - 𑌦𑌾-𑌦𑍍- 𑌬𑌭𑍂𑌵 - 𑌰𑌾॒𑌤𑌿𑌂 - 𑌪𑍂॒𑌰𑍍𑌵𑌹𑍂॑𑌤𑌾 - 𑌵॒𑌰𑍍𑌕𑍈 - 𑌰𑍈॑𑌰 - 𑌦॒𑌸𑍍𑌮𑌿-𑌨𑍍𑌪𑌞𑍍𑌚 𑌚) (𑌅. 4)

𑌅𑌨𑍁𑌵𑌾𑌕𑌂 5 - 𑌐𑌨𑍍𑌦𑍍𑌰𑌾𑌗𑍍𑌨𑌪𑌶𑍍𑌵𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌶𑍁𑌚𑌿॒-𑌨𑍍𑌨𑍁 𑌸𑍍𑌤𑍋𑌮॒-𑌨𑍍𑌨𑌵॑𑌜𑌾𑌤-𑌮॒𑌦𑍍𑌯𑍇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌜𑍁॒𑌷𑍇𑌥𑌾᳚𑌮𑍍 । 𑌉॒𑌭𑌾 𑌹𑌿 𑌵𑌾𑌗𑍍𑌂॑ 𑌸𑍁॒𑌹𑌵𑌾॒ 𑌜𑍋𑌹॑𑌵𑍀𑌮𑌿॒ 𑌤𑌾 𑌵𑌾𑌜𑌗𑍍𑌂॑ 𑌸॒𑌦𑍍𑌯 𑌉॑𑌶॒𑌤𑍇 𑌧𑍇𑌷𑍍𑌠𑌾᳚ ॥, 𑌶𑍍𑌨𑌥॑-𑌦𑍍𑌵𑍃॒𑌤𑍍𑌰𑌮𑍁॒𑌤 𑌸॑𑌨𑍋𑌤𑌿॒ 𑌵𑌾𑌜॒𑌮𑌿𑌨𑍍𑌦𑍍𑌰𑌾॒ 𑌯𑍋 𑌅॒𑌗𑍍𑌨𑍀 𑌸𑌹𑍁॑𑌰𑍀 𑌸𑌪॒𑌰𑍍𑌯𑌾𑌤𑍍 । 𑌇॒𑌰॒𑌜𑍍𑌯𑌨𑍍𑌤𑌾॑ 𑌵𑌸॒𑌵𑍍𑌯॑𑌸𑍍𑌯॒ 𑌭𑍂𑌰𑍇॒-𑌸𑍍𑌸𑌹॑𑌸𑍍𑌤𑌮𑌾॒ 𑌸𑌹॑𑌸𑌾 𑌵𑌾𑌜॒𑌯𑌨𑍍𑌤𑌾᳚ ॥ । 𑌉॒𑌭𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌗𑍍𑌨𑍀 𑌆𑌹𑍁॒𑌵𑌧𑍍𑌯𑌾॑ 𑌉॒𑌭𑌾 𑌰𑌾𑌧॑𑌸-𑌸𑍍𑌸॒𑌹 𑌮𑌾॑𑌦॒𑌯𑌧𑍍𑌯𑍈᳚ । 𑌉॒𑌭𑌾 𑌦𑌾॒𑌤𑌾𑌰𑌾॑𑌵𑌿॒𑌷𑌾𑌗𑍍𑌂 𑌰॑𑌯𑍀॒𑌣𑌾𑌮𑍁॒𑌭𑌾 𑌵𑌾𑌜॑𑌸𑍍𑌯 𑌸𑌾॒𑌤𑌯𑍇॑ 𑌹𑍁𑌵𑍇 𑌵𑌾𑌮𑍍 ॥,𑌪𑍍𑌰 𑌚॑𑌰𑍍𑌷॒𑌣𑌿𑌭𑍍𑌯𑌃॑ 𑌪𑍃𑌤𑌨𑌾॒ 𑌹𑌵𑍇॑𑌷𑍁॒ 𑌪𑍍𑌰 𑌪𑍃॑𑌥𑌿॒𑌵𑍍𑌯𑌾 𑌰𑌿॑𑌰𑌿𑌚𑌾𑌥𑍇 𑌦𑌿॒𑌵𑌶𑍍𑌚॑ । 𑌪𑍍𑌰 𑌸𑌿𑌨𑍍𑌧𑍁॑𑌭𑍍𑌯𑌃॒ 𑌪𑍍𑌰𑌗𑌿॒𑌰𑌿𑌭𑍍𑌯𑍋॑ 𑌮𑌹𑌿॒𑌤𑍍𑌵𑌾 𑌪𑍍𑌰𑍇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌵𑌿𑌶𑍍𑌵𑌾॒ 𑌭𑍁𑌵॒𑌨𑌾-𑌽𑌤𑍍𑌯॒𑌨𑍍𑌯𑌾 ॥ । 𑌆 𑌵𑍃॑𑌤𑍍𑌰𑌹𑌣𑌾 𑌵𑍃𑌤𑍍𑌰॒𑌹𑌭𑌿॒-𑌶𑍍𑌶𑍁𑌷𑍍𑌮𑍈𑌃᳚ । 𑌇𑌨𑍍𑌦𑍍𑌰॑ 𑌯𑌾॒𑌤-𑌨𑍍𑌨𑌮𑍋॑𑌭𑌿𑌰𑌗𑍍𑌨𑍇 𑌅॒𑌰𑍍𑌵𑌾𑌕𑍍 । 𑌯𑍁॒𑌵𑌗𑍍𑌂 𑌰𑌾𑌧𑍋॑𑌭𑌿॒𑌰𑌕॑𑌵𑍇𑌭𑌿𑌰𑌿𑌨𑍍𑌦𑍍𑌰 । 𑌅𑌗𑍍𑌨𑍇॑ 𑌅॒𑌸𑍍𑌮𑍇 𑌭॑𑌵𑌤𑌮𑍁𑌤𑍍𑌤॒𑌮𑍇𑌭𑌿𑌃॑ ॥ 𑌗𑍀॒𑌰𑍍𑌭𑌿-𑌰𑍍𑌵𑌿𑌪𑍍𑌰𑌃॒ 𑌪𑍍𑌰𑌮॑𑌤𑌿𑌮𑌿॒𑌚𑍍𑌛𑌮𑌾॑𑌨𑌃 । 𑌈॒॑ 𑌰॒𑌯𑌿𑌂-𑌯𑌁॒𑌶𑌸॑-𑌮𑍍𑌪𑍂𑌰𑍍𑌵॒𑌭𑌾𑌜᳚𑌮𑍍 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌸𑍁𑌵𑌜𑍍𑌰𑌾 । 𑌪𑍍𑌰𑌣𑍋॒ 𑌨𑌵𑍍𑌯𑍇॑𑌭𑌿𑌸𑍍𑌤𑌿𑌰𑌤-𑌨𑍍𑌦𑍇॒𑌷𑍍𑌣𑍈𑌃 ॥ ॥ 𑌬𑍍𑌰𑌹𑍍𑌮॑𑌣𑌸𑍍𑌪𑌤𑍇॒ 𑌤𑍍𑌵𑌮॒𑌸𑍍𑌯 𑌯॒𑌨𑍍𑌤𑌾 । 𑌸𑍂॒𑌕𑍍𑌤𑌸𑍍𑌯॑ 𑌬𑍋𑌧𑌿॒ 𑌤𑌨॑𑌯-𑌞𑍍𑌚 𑌜𑌿𑌨𑍍𑌵 । 𑌵𑌿𑌶𑍍𑌵॒-𑌨𑍍𑌤-𑌦𑍍𑌭॒𑌦𑍍𑌰𑌂-𑌯𑌁𑌦॒𑌵𑌨𑍍𑌤𑌿॑ 𑌦𑍇॒𑌵𑌾𑌃 । 𑌬𑍃॒𑌹𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥ 𑌸 𑌈𑌗𑍍𑌂॑ 𑌸॒𑌤𑍍𑌯𑍇𑌭𑌿॒-𑌸𑍍𑌸𑌖𑌿॑𑌭𑌿-𑌶𑍍𑌶𑍁॒𑌚𑌦𑍍𑌭𑌿𑌃॑ । 𑌗𑍋𑌧𑌾॑𑌯𑌸𑌂॒𑌵𑌿𑌁 𑌧॑𑌨॒𑌸𑍈𑌰॑𑌤𑌰𑍍𑌦𑌤𑍍 । 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॒-𑌰𑍍𑌵𑍃𑌷॑𑌭𑌿𑌰𑍍𑌵॒𑌰𑌾𑌹𑍈𑌃᳚ ॥ 31 ॥

𑌘॒𑌰𑍍𑌮𑌸𑍍𑌵𑍇॑𑌦𑍇𑌭𑌿॒-𑌰𑍍𑌦𑍍𑌰𑌵𑌿॑𑌣𑌂॒-𑌵𑍍𑌯𑌾𑌁॑𑌨𑌟𑍍 ॥ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑍇॑-𑌰𑌭𑌵𑌦𑍍𑌯𑌥𑌾 𑌵॒𑌶𑌮𑍍 । 𑌸॒𑌤𑍍𑌯𑍋 𑌮॒𑌨𑍍𑌯𑍁𑌰𑍍𑌮𑌹𑌿॒ 𑌕𑌰𑍍𑌮𑌾॑ 𑌕𑌰𑌿𑌷𑍍𑌯॒𑌤𑌃 । 𑌯𑍋 𑌗𑌾 𑌉॒𑌦𑌾𑌜॒𑌥𑍍𑌸 𑌦𑌿॒𑌵𑍇 𑌵𑌿 𑌚𑌾॑𑌭𑌜𑌤𑍍 । 𑌮॒𑌹𑍀𑌵॑ 𑌰𑍀॒𑌤𑌿-𑌶𑍍𑌶𑌵॑𑌸𑌾 𑌸𑌰॒-𑌤𑍍𑌪𑍃𑌥॑𑌕𑍍 ॥ 𑌇𑌨𑍍𑌧𑌾॑𑌨𑍋 𑌅॒𑌗𑍍𑌨𑌿𑌂-𑌵𑌁॑𑌨𑌵𑌦𑍍𑌵𑌨𑍁𑌷𑍍𑌯॒𑌤𑌃 । 𑌕𑍃॒𑌤𑌬𑍍𑌰॑𑌹𑍍𑌮𑌾 𑌶𑍂𑌶𑍁𑌵-𑌦𑍍𑌰𑌾॒𑌤𑌹॑𑌵𑍍𑌯॒ 𑌇𑌤𑍍 । 𑌜𑌾॒𑌤𑍇𑌨॑ 𑌜𑌾॒𑌤𑌮𑌤𑌿॒ 𑌸𑍃-𑌤𑍍𑌪𑍍𑌰𑌸𑍃𑌗𑍍𑌂॑𑌸𑌤𑍇 । 𑌯𑌂-𑌯𑌁𑌂॒-𑌯𑍁𑌁𑌜॑-𑌙𑍍𑌕𑍃𑌣𑍁॒𑌤𑍇 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿𑌃॑ ॥ 𑌬𑍍𑌰𑌹𑍍𑌮॑𑌣𑌸𑍍𑌪𑌤𑍇 𑌸𑍁॒𑌯𑌮॑𑌸𑍍𑌯 𑌵𑌿॒𑌶𑍍𑌵𑌹𑌾᳚ ॥ 32 ॥

𑌰𑌾॒𑌯-𑌸𑍍𑌸𑍍𑌯𑌾॑𑌮 𑌰॒𑌥𑍍𑌯𑍋॑ 𑌵𑌿𑌵॑𑌸𑍍𑌵𑌤𑌃 । 𑌵𑍀॒𑌰𑍇𑌷𑍁॑ 𑌵𑍀॒𑌰𑌾𑌗𑍍𑌂 𑌉𑌪॑𑌪𑍃𑌙𑍍𑌗𑍍𑌧𑌿 𑌨॒𑌸𑍍𑌤𑍍𑌵𑌮𑍍 । 𑌯𑌦𑍀𑌶𑌾॑𑌨𑍋॒ 𑌬𑍍𑌰𑌹𑍍𑌮॑𑌣𑌾॒ 𑌵𑍇𑌷𑌿॑ 𑌮𑍇॒ 𑌹𑌵᳚𑌮𑍍 ॥ 𑌸 𑌇𑌜𑍍𑌜𑌨𑍇॑𑌨॒ 𑌸 𑌵𑌿॒𑌶𑌾 𑌸 𑌜𑌨𑍍𑌮॑𑌨𑌾 । 𑌸 𑌪𑍁॒𑌤𑍍𑌰𑍈𑌰𑍍𑌵𑌾𑌜॑-𑌮𑍍𑌭𑌰𑌤𑍇॒ 𑌧𑌨𑌾॒ 𑌨𑍃𑌭𑌿𑌃॑ । 𑌦𑍇॒𑌵𑌾𑌨𑌾𑌂॒-𑌯𑌃 𑌁𑌪𑌿॒𑌤𑌰॑𑌮𑌾॒𑌵𑌿𑌵𑌾॑𑌸𑌤𑌿 । 𑌶𑍍𑌰॒𑌦𑍍𑌧𑌾𑌮॑𑌨𑌾 𑌹॒𑌵𑌿𑌷𑌾॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿᳚𑌮𑍍 ॥ 𑌯𑌾𑌸𑍍𑌤𑍇॑ 𑌪𑍂𑌷॒𑌨𑍍𑌨𑌾𑌵𑍋॑ 𑌅॒𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 । 𑌹𑌿॒𑌰॒𑌣𑍍𑌯𑌯𑍀॑𑌰॒𑌨𑍍𑌤𑌰𑌿॑𑌕𑍍𑌷𑍇॒ 𑌚𑌰॑𑌨𑍍𑌤𑌿 । 𑌯𑌾𑌭𑌿॑𑌰𑍍𑌯𑌾𑌸𑌿 𑌦𑍂॒𑌤𑍍𑌯𑌾𑌗𑍍𑌂 𑌸𑍂𑌰𑍍𑌯॑𑌸𑍍𑌯 । 𑌕𑌾𑌮𑍇॑𑌨 𑌕𑍃॒𑌤-𑌶𑍍𑌶𑍍𑌰𑌵॑ 𑌇॒𑌚𑍍𑌛𑌮𑌾॑𑌨𑌃 ॥ । 𑌶𑍁॒𑌕𑍍𑌰-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌯॑𑌜॒𑌤-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍗𑌰𑌿॑𑌵𑌾𑌸𑌿 । 𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌸𑌿 𑌸𑍍𑌵𑌧𑌾𑌵𑍋 𑌭॒𑌦𑍍𑌰𑌾 𑌤𑍇॑ 𑌪𑍂𑌷𑌨𑍍𑌨𑌿॒𑌹 𑌰𑌾॒𑌤𑌿𑌰॑𑌸𑍍𑌤𑍁 ॥, 𑌪𑍂॒𑌷𑍇𑌮𑌾 𑌆𑌶𑌾॒ 𑌅𑌨𑍁॑𑌵𑍇𑌦॒ 𑌸𑌰𑍍𑌵𑌾᳚-𑌸𑍍𑌸𑍋 𑌅॒𑌸𑍍𑌮𑌾𑌗𑍍𑌂 𑌅𑌭॑𑌯𑌤𑌮𑍇𑌨 𑌨𑍇𑌷𑌤𑍍 । 𑌸𑍍𑌵॒𑌸𑍍𑌤𑌿॒𑌦𑌾 𑌅𑌘𑍃॑𑌣𑌿॒-𑌸𑍍𑌸𑌰𑍍𑌵॑𑌵𑍀𑌰𑌃 । 𑌅𑌪𑍍𑌰॑𑌯𑍁𑌚𑍍𑌛-𑌨𑍍𑌪𑍁॒𑌰 𑌏॑𑌤𑍁॒ 𑌪𑍍𑌰𑌜𑌾॒𑌨𑌨𑍍𑌨𑍍 ॥ ॥ 𑌪𑍍𑌰𑌪॑𑌥𑍇 𑌪॒𑌥𑌾𑌮॑𑌜𑌨𑌿𑌷𑍍𑌟 𑌪𑍂॒𑌷𑌾 ॥ 33 ॥

𑌪𑍍𑌰𑌪॑𑌥𑍇 𑌦𑌿॒𑌵𑌃 𑌪𑍍𑌰𑌪॑𑌥𑍇 𑌪𑍃𑌥𑌿॒𑌵𑍍𑌯𑌾𑌃 । 𑌉॒𑌭𑍇 𑌅॒𑌭𑌿 𑌪𑍍𑌰𑌿॒𑌯𑌤॑𑌮𑍇 𑌸॒𑌧𑌸𑍍𑌥𑍇᳚ । 𑌆 𑌚॒ 𑌪𑌰𑌾॑ 𑌚 𑌚𑌰𑌤𑌿 𑌪𑍍𑌰𑌜𑌾॒𑌨𑌨𑍍𑌨𑍍 ॥ 𑌪𑍂॒𑌷𑌾 𑌸𑍁॒𑌬𑌨𑍍𑌧𑍁॑𑌰𑍍𑌦𑌿॒𑌵 𑌆 𑌪𑍃॑𑌥𑌿॒𑌵𑍍𑌯𑌾𑌃 । 𑌇॒𑌡𑌸𑍍𑌪𑌤𑌿॑-𑌰𑍍𑌮॒𑌘𑌵𑌾॑ 𑌦॒𑌸𑍍𑌮𑌵॑𑌰𑍍𑌚𑌾𑌃 । 𑌤-𑌨𑍍𑌦𑍇॒𑌵𑌾𑌸𑍋॒ 𑌅𑌦॑𑌦𑍁-𑌸𑍍𑌸𑍂॒𑌰𑍍𑌯𑌾𑌯𑍈᳚ । 𑌕𑌾𑌮𑍇॑𑌨 𑌕𑍃॒𑌤-𑌨𑍍𑌤॒𑌵𑌸॒𑌗𑍍𑌗𑍍॒ 𑌸𑍍𑌵𑌞𑍍𑌚᳚𑌮𑍍 ॥ 𑌅॒𑌜𑌾𑌶𑍍𑌵𑌃॑ 𑌪𑌶𑍁॒𑌪𑌾 𑌵𑌾𑌜॑𑌵𑌸𑍍𑌤𑍍𑌯𑌃 । 𑌧𑌿॒𑌯॒𑌜𑌿॒𑌨𑍍𑌨𑍍𑌵𑍋 𑌵𑌿𑌶𑍍𑌵𑍇॒ 𑌭𑍁𑌵॑𑌨𑍇॒ 𑌅𑌰𑍍𑌪𑌿॑𑌤𑌃 । 𑌅𑌷𑍍𑌟𑍍𑌰𑌾᳚-𑌮𑍍𑌪𑍂॒𑌷𑌾 𑌶𑌿॑𑌥𑌿॒𑌰𑌾𑌮𑍁॒𑌦𑍍𑌵𑌰𑍀॑𑌵𑍃𑌜𑌤𑍍 ॥ 34 ॥

𑌸॒𑌚𑌙𑍍𑌕𑍍𑌷𑌾॑𑌣𑍋॒ 𑌭𑍁𑌵॑𑌨𑌾 𑌦𑍇॒𑌵 𑌈॑𑌯𑌤𑍇 ॥ 𑌶𑍁𑌚𑍀॑ 𑌵𑍋 𑌹॒𑌵𑍍𑌯𑌾 𑌮॑𑌰𑍁𑌤॒-𑌶𑍍𑌶𑍁𑌚𑍀॑𑌨𑌾𑌮𑍍 । 𑌶𑍁𑌚𑌿𑌗𑍍𑌂॑ 𑌹𑌿𑌨𑍋𑌮𑍍𑌯𑌦𑍍𑌧𑍍𑌵॒𑌰𑌗𑍍𑌂 𑌶𑍁𑌚𑌿॑𑌭𑍍𑌯𑌃 । 𑌋॒𑌤𑍇𑌨॑ 𑌸॒𑌤𑍍𑌯𑌮𑍃𑌤॒𑌸𑌾𑌪॑ 𑌆𑌯𑌨𑍍𑌨𑍍 । 𑌶𑍁𑌚𑌿॑𑌜𑌨𑍍𑌮𑌾𑌨॒-𑌶𑍍𑌶𑍁𑌚॑𑌯𑌃 𑌪𑌾𑌵॒𑌕𑌾𑌃 ॥ 𑌪𑍍𑌰 𑌚𑌿॒𑌤𑍍𑌰𑌮॒𑌰𑍍𑌕-𑌙𑍍𑌗𑍃॑𑌣॒𑌤𑍇 𑌤𑍁॒𑌰𑌾𑌯॑ । 𑌮𑌾𑌰𑍁॑𑌤𑌾𑌯॒ 𑌸𑍍𑌵𑌤॑𑌵𑌸𑍇 𑌭𑌰𑌦𑍍𑌧𑍍𑌵𑌮𑍍 । 𑌯𑍇 𑌸𑌹𑌾𑌗𑍍𑌂॑𑌸𑌿॒ 𑌸𑌹॑𑌸𑌾॒ 𑌸𑌹॑𑌨𑍍𑌤𑍇 । 𑌰𑍇𑌜॑𑌤𑍇 𑌅𑌗𑍍𑌨𑍇 𑌪𑍃𑌥𑌿॒𑌵𑍀 𑌮॒𑌖𑍇𑌭𑍍𑌯𑌃॑ ॥ 𑌅𑌗𑍍𑌂𑌸𑍇॒𑌷𑍍𑌵𑌾 𑌮॑𑌰𑍁𑌤𑌃 𑌖𑌾॒𑌦𑌯𑍋॑ 𑌵𑌃 ॥ 35 ॥

𑌵𑌕𑍍𑌷𑌃॑𑌸𑍁 𑌰𑍁॒𑌕𑍍𑌮𑌾 𑌉𑌪॑𑌶𑌿𑌶𑍍𑌰𑌿𑌯𑌾॒𑌣𑌾𑌃 । 𑌵𑌿 𑌵𑌿॒𑌦𑍍𑌯𑍁𑌤𑍋॒ 𑌨 𑌵𑍃॒𑌷𑍍𑌟𑌿𑌭𑍀॑ 𑌰𑍁𑌚𑌾॒𑌨𑌾𑌃 । 𑌅𑌨𑍁॑ 𑌸𑍍𑌵॒𑌧𑌾𑌮𑌾𑌯𑍁॑𑌧𑍈॒-𑌰𑍍𑌯𑌚𑍍𑌛॑𑌮𑌾𑌨𑌾𑌃 ॥ 𑌯𑌾 𑌵॒-𑌶𑍍𑌶𑌰𑍍𑌮॑ 𑌶𑌶𑌮𑌾॒𑌨𑌾𑌯॒ 𑌸𑌨𑍍𑌤𑌿॑ । 𑌤𑍍𑌰𑌿॒𑌧𑌾𑌤𑍂॑𑌨𑌿 𑌦𑌾॒𑌶𑍁𑌷𑍇॑ 𑌯𑌚𑍍𑌛॒𑌤𑌾𑌧𑌿॑ । 𑌅॒𑌸𑍍𑌮𑌭𑍍𑌯॒-𑌨𑍍𑌤𑌾𑌨𑌿॑ 𑌮𑌰𑍁𑌤𑍋॒ 𑌵𑌿𑌯॑𑌨𑍍𑌤 । 𑌰॒𑌯𑌿-𑌨𑍍𑌨𑍋॑ 𑌧𑌤𑍍𑌤 𑌵𑍃𑌷𑌣-𑌸𑍍𑌸𑍁॒𑌵𑍀𑌰᳚𑌮𑍍 ॥ 𑌇॒𑌮𑍇 𑌤𑍁॒𑌰-𑌮𑍍𑌮॒𑌰𑍁𑌤𑍋॑ 𑌰𑌾𑌮𑌯𑌨𑍍𑌤𑌿 । 𑌇॒𑌮𑍇 𑌸॒𑌹-𑌸𑍍𑌸𑌹॑𑌸॒ 𑌆𑌨॑𑌮𑌨𑍍𑌤𑌿 । 𑌇॒𑌮𑍇 𑌶𑌗𑍍𑌂𑌸𑌂॑-𑌵𑌁𑌨𑍁𑌷𑍍𑌯॒𑌤𑍋 𑌨𑌿𑌪𑌾᳚𑌨𑍍𑌤𑌿 ॥ 36 ॥

𑌗𑍁॒𑌰𑍁𑌦𑍍𑌵𑍇𑌷𑍋॒ 𑌅𑌰॑𑌰𑍁𑌷𑍇 𑌦𑌧𑌨𑍍𑌤𑌿 ॥ 𑌅॒𑌰𑌾 𑌇॒𑌵𑍇𑌦𑌚॑𑌰𑌮𑌾॒ 𑌅𑌹𑍇॑𑌵 । 𑌪𑍍𑌰 𑌪𑍍𑌰॑𑌜𑌾𑌯𑌨𑍍𑌤𑍇॒ 𑌅𑌕॑𑌵𑌾॒ 𑌮𑌹𑍋॑𑌭𑌿𑌃 । 𑌪𑍃𑌶𑍍𑌨𑍇𑌃᳚ 𑌪𑍁॒𑌤𑍍𑌰𑌾 𑌉॑𑌪॒𑌮𑌾𑌸𑍋॒ 𑌰𑌭𑌿॑𑌷𑍍𑌠𑌾𑌃 । 𑌸𑍍𑌵𑌯𑌾॑ 𑌮॒𑌤𑍍𑌯𑌾 𑌮॒𑌰𑍁𑌤॒-𑌸𑍍𑌸𑌮𑍍𑌮𑌿॑𑌮𑌿𑌕𑍍𑌷𑍁𑌃 ॥ 𑌅𑌨𑍁॑ 𑌤𑍇 𑌦𑌾𑌯𑌿 𑌮॒𑌹 𑌇॑𑌨𑍍𑌦𑍍𑌰𑌿॒𑌯𑌾𑌯॑ । 𑌸॒𑌤𑍍𑌰𑌾 𑌤𑍇॒ 𑌵𑌿𑌶𑍍𑌵॒𑌮𑌨𑍁॑ 𑌵𑍃𑌤𑍍𑌰॒𑌹𑌤𑍍𑌯𑍇᳚ । 𑌅𑌨𑍁॑ 𑌕𑍍𑌷॒𑌤𑍍𑌰𑌮𑌨𑍁॒ 𑌸𑌹𑍋॑ 𑌯𑌜𑌤𑍍𑌰 । 𑌇𑌨𑍍𑌦𑍍𑌰॑ 𑌦𑍇॒𑌵𑍇𑌭𑌿॒𑌰𑌨𑍁॑ 𑌤𑍇 𑌨𑍃॒𑌷𑌹𑍍𑌯𑍇᳚ ॥ 𑌯 𑌇𑌨𑍍𑌦𑍍𑌰॒ 𑌶𑍁𑌷𑍍𑌮𑍋॑ 𑌮𑌘𑌵𑌨𑍍𑌤𑍇॒ 𑌅𑌸𑍍𑌤𑌿॑ ॥ 37 ॥

𑌶𑌿𑌕𑍍𑌷𑌾॒ 𑌸𑌖𑌿॑𑌭𑍍𑌯𑌃 𑌪𑍁𑌰𑍁𑌹𑍂𑌤॒ 𑌨𑍃𑌭𑍍𑌯𑌃॑ । 𑌤𑍍𑌵𑌗𑍍𑌂 𑌹𑌿 𑌦𑍃॒𑌢𑌾 𑌮॑𑌘𑌵॒𑌨𑍍 𑌵𑌿𑌚𑍇॑𑌤𑌾𑌃 । 𑌅𑌪𑌾॑𑌵𑍃𑌧𑌿॒ 𑌪𑌰𑌿॑𑌵𑍃𑌤𑌿॒-𑌨𑍍𑌨 𑌰𑌾𑌧𑌃॑ ॥ 𑌇𑌨𑍍𑌦𑍍𑌰𑍋॒ 𑌰𑌾𑌜𑌾॒ 𑌜𑌗॑𑌤𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 । 𑌅𑌧𑌿॒𑌕𑍍𑌷𑌮𑌿॒ 𑌵𑌿𑌷𑍁॑𑌰𑍂𑌪𑌂॒-𑌯𑌁𑌦𑌸𑍍𑌤𑌿॑ । 𑌤𑌤𑍋॑ 𑌦𑌦𑌾𑌤𑍁 𑌦𑌾॒𑌶𑍁𑌷𑍇॒ 𑌵𑌸𑍂॑𑌨𑌿 । 𑌚𑍋𑌦॒𑌦𑍍𑌰𑌾𑌧॒ 𑌉𑌪॑𑌸𑍍𑌤𑍁𑌤𑌶𑍍𑌚𑌿𑌦॒𑌰𑍍𑌵𑌾𑌕𑍍 ॥ 𑌤𑌮𑍁॑ 𑌷𑍍𑌟𑍁𑌹𑌿॒ 𑌯𑍋 𑌅॒𑌭𑌿𑌭𑍂᳚𑌤𑍍𑌯𑍋𑌜𑌾𑌃 । 𑌵॒𑌨𑍍𑌵𑌨𑍍𑌨𑌵𑌾॑𑌤𑌃 𑌪𑍁𑌰𑍁𑌹𑍂॒𑌤 𑌇𑌨𑍍𑌦𑍍𑌰𑌃॑ । 𑌅𑌷𑌾॑𑌢𑌮𑍁॒𑌗𑍍𑌰𑌗𑍍𑌂 𑌸𑌹॑𑌮𑌾𑌨𑌮𑌾॒𑌭𑌿𑌃 ॥ 38 ॥

𑌗𑍀॒𑌰𑍍𑌭𑌿𑌰𑍍𑌵॑𑌰𑍍𑌧 𑌵𑍃𑌷॒𑌭-𑌞𑍍𑌚॑𑌰𑍍𑌷𑌣𑍀॒𑌨𑌾𑌮𑍍 ॥ 𑌸𑍍𑌥𑍂॒𑌰𑌸𑍍𑌯॑ 𑌰𑌾॒𑌯𑍋 𑌬𑍃॑𑌹॒𑌤𑍋 𑌯 𑌈𑌶𑍇᳚ । 𑌤𑌮𑍁॑ 𑌷𑍍𑌟𑌵𑌾𑌮 𑌵𑌿॒𑌦𑌥𑍇॒𑌷𑍍𑌵𑌿𑌨𑍍𑌦𑍍𑌰᳚𑌮𑍍 । 𑌯𑍋 𑌵𑌾॒𑌯𑍁𑌨𑌾॒ 𑌜𑌯॑𑌤𑌿॒ 𑌗𑍋𑌮॑𑌤𑍀𑌷𑍁 । 𑌪𑍍𑌰 𑌧𑍃॑𑌷𑍍𑌣𑍁॒𑌯𑌾 𑌨॑𑌯𑌤𑌿॒ 𑌵𑌸𑍍𑌯𑍋॒ 𑌅𑌚𑍍𑌛॑ ॥ 𑌆 𑌤𑍇॒ 𑌶𑍁𑌷𑍍𑌮𑍋॑ 𑌵𑍃𑌷॒𑌭 𑌏𑌤𑍁॑ 𑌪॒𑌶𑍍𑌚𑌾𑌤𑍍 । 𑌓𑌤𑍍𑌤॒𑌰𑌾𑌦॑𑌧॒𑌰𑌾𑌗𑌾 𑌪𑍁॒𑌰𑌸𑍍𑌤𑌾᳚𑌤𑍍 । 𑌆 𑌵𑌿॒𑌶𑍍𑌵𑌤𑍋॑ 𑌅॒𑌭𑌿 𑌸𑌮𑍇᳚𑌤𑍍𑌵॒𑌰𑍍𑌵𑌾𑌮𑍍 । 𑌇𑌨𑍍𑌦𑍍𑌰॑ 𑌦𑍍𑌯𑍁॒𑌮𑍍𑌨𑌗𑍍𑌂 𑌸𑍁𑌵॑𑌰𑍍𑌵𑌦𑍍𑌧𑍇𑌹𑍍𑌯॒𑌸𑍍𑌮𑍇 ॥ 39 ॥

(𑌵॒𑌰𑌾𑌹𑍈᳚--𑌰𑍍 𑌵𑌿॒𑌶𑍍𑌵𑌹𑌾॑ - 𑌽𑌜𑌨𑌿𑌷𑍍𑌟 𑌪𑍂॒𑌷𑍋 - 𑌦𑍍𑌵𑌰𑍀॑𑌵𑍃𑌜𑌤𑍍 - 𑌖𑌾॒𑌦𑌯𑍋॑ 𑌵𑌃 - 𑌪𑌾॒𑌨𑍍 - 𑌤𑍍𑌯𑌸𑍍𑌤 - 𑌯𑌾॒𑌭𑌿--𑌰𑍍 + 𑌨𑌵॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 - 𑌸𑌾𑌵𑌿𑌤𑍍𑌰𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌆 𑌦𑍇॒𑌵𑍋 𑌯𑌾॑𑌤𑍁 𑌸𑌵𑌿॒𑌤𑌾 𑌸𑍁॒𑌰𑌤𑍍𑌨𑌃॑ । 𑌅॒𑌨𑍍𑌤॒𑌰𑌿॒𑌕𑍍𑌷॒𑌪𑍍𑌰𑌾 𑌵𑌹॑𑌮𑌾𑌨𑍋॒ 𑌅𑌶𑍍𑌵𑍈𑌃᳚ । 𑌹𑌸𑍍𑌤𑍇॒ 𑌦𑌧𑌾॑𑌨𑍋॒ 𑌨𑌰𑍍𑌯𑌾॑ 𑌪𑍁॒𑌰𑍂𑌣𑌿॑ । 𑌨𑌿॒𑌵𑍇॒𑌶𑌯॑𑌨𑍍 𑌚 𑌪𑍍𑌰𑌸𑍁॒𑌵𑌨𑍍 𑌚॒ 𑌭𑍂𑌮॑ ॥ 𑌅॒𑌭𑍀𑌵𑍃॑𑌤॒-𑌙𑍍𑌕𑍃𑌶॑𑌨𑍈-𑌰𑍍𑌵𑌿॒𑌶𑍍𑌵𑌰𑍂॑𑌪𑌮𑍍 ।

𑌹𑌿𑌰॑𑌣𑍍𑌯𑌶𑌮𑍍𑌯𑌂-𑌯𑌁𑌜॒𑌤𑍋 𑌬𑍃॒𑌹𑌨𑍍𑌤᳚𑌮𑍍 । 𑌆𑌸𑍍𑌥𑌾॒-𑌦𑍍𑌰𑌥𑌗𑍍𑌂॑ 𑌸𑌵𑌿॒𑌤𑌾 𑌚𑌿॒𑌤𑍍𑌰𑌭𑌾॑𑌨𑍁𑌃 । 𑌕𑍃॒𑌷𑍍𑌣𑌾 𑌰𑌜𑌾𑌗𑍍𑌂॑𑌸𑌿॒ 𑌤𑌵𑌿॑𑌷𑍀॒-𑌨𑍍𑌦𑌧𑌾॑𑌨𑌃 ॥ 𑌸𑌘𑌾॑ 𑌨𑍋 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌸॒𑌵𑌾𑌯॑ । 𑌆𑌸𑌾॑𑌵𑌿𑌷॒-𑌦𑍍𑌵𑌸𑍁॑𑌪𑌤𑌿॒-𑌰𑍍𑌵𑌸𑍂॑𑌨𑌿 ॥ 40 ॥

𑌵𑌿॒𑌶𑍍𑌰𑌯॑𑌮𑌾𑌣𑍋॒ 𑌅𑌮॑𑌤𑌿𑌮𑍁𑌰𑍂॒𑌚𑍀𑌮𑍍 । 𑌮॒𑌰𑍍𑌤॒𑌭𑍋𑌜॑𑌨॒𑌮𑌧॑ 𑌰𑌾𑌸𑌤𑍇 𑌨 ॥ 𑌵𑌿 𑌜𑌨𑌾᳚𑌞𑍍𑌛𑍍𑌯𑌾॒𑌵𑌾-𑌶𑍍𑌶𑌿॑𑌤𑌿॒𑌪𑌾𑌦𑍋॑ 𑌅𑌖𑍍𑌯𑌨𑍍𑌨𑍍 । 𑌰𑌥॒𑌗𑍍𑌂॒ 𑌹𑌿𑌰॑𑌣𑍍𑌯 𑌪𑍍𑌰 𑌉𑌗𑌂॒-𑌵𑌁𑌹॑𑌨𑍍𑌤𑌃 । 𑌶𑌶𑍍𑌵॒-𑌦𑍍𑌦𑌿𑌶𑌃॑ 𑌸𑌵𑌿॒𑌤𑍁-𑌰𑍍𑌦𑍈𑌵𑍍𑌯॑𑌸𑍍𑌯 । 𑌉॒𑌪𑌸𑍍𑌥𑍇॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌤𑌸𑍍𑌥𑍁𑌃 ॥ 𑌵𑌿 𑌸𑍁॑𑌪॒𑌰𑍍𑌣𑍋 𑌅॒𑌨𑍍𑌤𑌰𑌿॑𑌕𑍍𑌷𑌾𑌣𑍍𑌯𑌖𑍍𑌯𑌤𑍍 । 𑌗॒𑌭𑍀॒𑌰𑌵𑍇॑𑌪𑌾॒ 𑌅𑌸𑍁॑𑌰-𑌸𑍍𑌸𑍁𑌨𑍀॒𑌥𑌃 । 𑌕𑍍𑌵𑍇॑𑌦𑌾𑌨𑍀॒𑌗𑍍𑌂॒ 𑌸𑍂𑌰𑍍𑌯𑌃॒ 𑌕𑌶𑍍𑌚𑌿॑𑌕𑍇𑌤 । 𑌕॒𑌤॒𑌮𑌾-𑌨𑍍𑌦𑍍𑌯𑌾𑌗𑍍𑌂 𑌰॒𑌶𑍍𑌮𑌿𑌰॒𑌸𑍍𑌯𑌾𑌤॑𑌤𑌾𑌨 ॥ 41 ॥

𑌭𑌗॒-𑌨𑍍𑌧𑌿𑌯𑌂॑-𑌵𑌾𑌁॒𑌜𑌯॑𑌨𑍍𑌤𑌃॒ 𑌪𑍁𑌰॑𑌨𑍍𑌧𑌿𑌮𑍍 । 𑌨𑌰𑌾॒𑌶𑌗𑍍𑌂𑌸𑍋॒ 𑌗𑍍𑌨𑌾𑌸𑍍𑌪𑌤𑌿॑𑌰𑍍𑌨𑍋 𑌅𑌵𑍍𑌯𑌾𑌤𑍍 । 𑌆-𑌽𑌯𑍇 𑌵𑌾॒𑌮𑌸𑍍𑌯॑ 𑌸𑌙𑍍𑌗॒𑌥𑍇 𑌰॑𑌯𑍀॒𑌣𑌾𑌮𑍍 । 𑌪𑍍𑌰𑌿॒𑌯𑌾 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸𑍍𑌯𑌾॑𑌮 ॥ 𑌆 𑌨𑍋॒ 𑌵𑌿𑌶𑍍𑌵𑍇॒ 𑌅𑌸𑍍𑌕𑍍𑌰𑌾॑ 𑌗𑌮𑌨𑍍𑌤𑍁 𑌦𑍇॒𑌵𑌾𑌃 । 𑌮𑌿॒𑌤𑍍𑌰𑍋 𑌅॑𑌰𑍍𑌯॒𑌮𑌾 𑌵𑌰𑍁॑𑌣-𑌸𑍍𑌸॒𑌜𑍋𑌷𑌾𑌃᳚ । 𑌭𑍁𑌵॒𑌨𑍍॒. 𑌯𑌥𑌾॑ 𑌨𑍋॒ 𑌵𑌿𑌶𑍍𑌵𑍇॑ 𑌵𑍃॒𑌧𑌾𑌸𑌃॑ । 𑌕𑌰᳚𑌨𑍍-𑌥𑍍𑌸𑍁॒𑌷𑌹𑌾॑ 𑌵𑌿𑌥𑍁॒𑌰-𑌨𑍍𑌨 𑌶𑌵𑌃॑ ॥ 𑌶-𑌨𑍍𑌨𑍋॑ 𑌦𑍇॒𑌵𑌾 𑌵𑌿॒𑌶𑍍𑌵𑌦𑍇॑𑌵𑌾 𑌭𑌵𑌨𑍍𑌤𑍁 । 𑌶𑌗𑍍𑌂 𑌸𑌰॑𑌸𑍍𑌵𑌤𑍀 𑌸॒𑌹 𑌧𑍀॒𑌭𑌿𑌰॑𑌸𑍍𑌤𑍁 ॥ 42 ॥

𑌶𑌮॑𑌭𑌿॒𑌷𑌾𑌚॒-𑌶𑍍𑌶𑌮𑍁॑ 𑌰𑌾𑌤𑌿॒𑌷𑌾𑌚𑌃॑ । 𑌶-𑌨𑍍𑌨𑍋॑ 𑌦𑌿॒𑌵𑍍𑌯𑌾𑌃 𑌪𑌾𑌰𑍍𑌥𑌿॑𑌵𑌾॒-𑌶𑍍𑌶-𑌨𑍍𑌨𑍋॒ 𑌅𑌪𑍍𑌯𑌾𑌃᳚ ॥ 𑌯𑍇 𑌸॑𑌵𑌿॒𑌤𑍁-𑌸𑍍𑌸॒𑌤𑍍𑌯𑌸॑𑌵𑌸𑍍𑌯॒ 𑌵𑌿𑌶𑍍𑌵𑍇᳚ । 𑌮𑌿॒𑌤𑍍𑌰𑌸𑍍𑌯॑ 𑌵𑍍𑌰॒𑌤𑍇 𑌵𑌰𑍁॑𑌣𑌸𑍍𑌯 𑌦𑍇॒𑌵𑌾𑌃 । 𑌤𑍇 𑌸𑍗𑌭॑𑌗𑌂-𑌵𑍀𑌁॒𑌰𑌵॒𑌦𑍍𑌗𑍋𑌮॒𑌦𑌪𑍍𑌨𑌃॑ । 𑌦𑌧𑌾॑𑌤𑌨॒ 𑌦𑍍𑌰𑌵𑌿॑𑌣-𑌞𑍍𑌚𑌿॒𑌤𑍍𑌰𑌮॒𑌸𑍍𑌮𑍇 ॥ 𑌅𑌗𑍍𑌨𑍇॑ 𑌯𑌾॒𑌹𑌿 𑌦𑍂॒𑌤𑍍𑌯𑌂॑-𑌵𑌾𑌁𑌰𑌿॑𑌷𑍇𑌣𑍍𑌯𑌃 । 𑌦𑍇॒𑌵𑌾𑌂 𑌅𑌚𑍍𑌛𑌾᳚ 𑌬𑍍𑌰𑌹𑍍𑌮॒𑌕𑍃𑌤𑌾॑ 𑌗॒𑌣𑍇𑌨॑ । 𑌸𑌰॑𑌸𑍍𑌵𑌤𑍀-𑌮𑍍𑌮॒𑌰𑍁𑌤𑍋॑ 𑌅॒𑌶𑍍𑌵𑌿𑌨𑌾-𑌽॒𑌪𑌃 । 𑌯॒𑌕𑍍𑌷𑌿॒ 𑌦𑍇॒𑌵𑌾-𑌨𑍍𑌰॑𑌤𑍍𑌨॒𑌧𑍇𑌯𑌾॑𑌯॒ 𑌵𑌿𑌶𑍍𑌵𑌾𑌨𑍍॑ ॥ 43 ॥

𑌦𑍍𑌯𑍗𑌃 𑌪𑌿॑𑌤𑌃॒ 𑌪𑍃𑌥𑌿॑𑌵𑌿॒ 𑌮𑌾𑌤॒𑌰𑌦𑍍𑌧𑍍𑌰𑍁॑𑌕𑍍 । 𑌅𑌗𑍍𑌨𑍇᳚ 𑌭𑍍𑌰𑌾𑌤𑌰𑍍𑌵𑌸𑌵𑍋 𑌮𑍃॒𑌡𑌤𑌾॑ 𑌨𑌃 । 𑌵𑌿𑌶𑍍𑌵॑ 𑌆𑌦𑌿𑌤𑍍𑌯𑌾 𑌆𑌦𑌿𑌤𑍇 𑌸॒𑌜𑍋𑌷𑌾𑌃᳚ । 𑌅॒𑌸𑍍𑌮𑌭𑍍𑌯॒𑌗𑍍𑌂॒ 𑌶𑌰𑍍𑌮॑ 𑌬𑌹𑍁॒𑌲𑌂-𑌵𑌿𑌁𑌯॑𑌨𑍍𑌤 ॥ 𑌵𑌿𑌶𑍍𑌵𑍇॑ 𑌦𑍇𑌵𑌾-𑌶𑍍𑌶𑍃𑌣𑍁॒𑌤𑍇𑌮𑌗𑍍𑌂 𑌹𑌵॑-𑌮𑍍𑌮𑍇 । 𑌯𑍇 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌯 𑌉𑌪॒ 𑌦𑍍𑌯𑌵𑌿॒ 𑌷𑍍𑌠 । 𑌯𑍇 𑌅॑𑌗𑍍𑌨𑌿𑌜𑌿॒𑌹𑍍𑌵𑌾 𑌉॒𑌤 𑌵𑌾॒ 𑌯𑌜॑𑌤𑍍𑌰𑌾𑌃 । 𑌆॒𑌸-𑌦𑍍𑌯𑌾॒𑌸𑍍𑌮𑌿-𑌨𑍍𑌬॒𑌰𑍍॒𑌹𑌿𑌷𑌿॑ 𑌮𑌾𑌦𑌯𑌦𑍍𑌧𑍍𑌵𑌮𑍍 ॥ 𑌆 𑌵𑌾᳚-𑌮𑍍𑌮𑌿𑌤𑍍𑌰𑌾𑌵𑌰𑍁𑌣𑌾 𑌹॒𑌵𑍍𑌯𑌜𑍁॑𑌷𑍍𑌟𑌿𑌮𑍍 । 𑌨𑌮॑𑌸𑌾 𑌦𑍇𑌵𑌾॒ 𑌵𑌵॑𑌸𑌾-𑌽𑌽𑌵𑌵𑍃𑌤𑍍𑌯𑌾𑌮𑍍 ॥ 44 ॥

𑌅॒𑌸𑍍𑌮𑌾𑌕॒-𑌮𑍍𑌬𑍍𑌰𑌹𑍍𑌮॒ 𑌪𑍃𑌤॑𑌨𑌾𑌸𑍁 𑌸𑌹𑍍𑌯𑌾 𑌅॒𑌸𑍍𑌮𑌾𑌕᳚𑌮𑍍 । 𑌵𑍃॒𑌷𑍍𑌟𑌿-𑌰𑍍𑌦𑌿॒𑌵𑍍𑌯𑌾 𑌸𑍁॑𑌪𑌾॒𑌰𑌾 ॥ 𑌯𑍁॒𑌵𑌂-𑌵𑌁𑌸𑍍𑌤𑍍𑌰𑌾॑𑌣𑌿 𑌪𑍀𑌵॒𑌸𑌾 𑌵॑𑌸𑌾𑌥𑍇 । 𑌯𑍁॒𑌵𑍋𑌰𑌚𑍍𑌛𑌿॑𑌦𑍍𑌰𑌾॒ 𑌮𑌨𑍍𑌤॑𑌵𑍋 𑌹॒ 𑌸𑌰𑍍𑌗𑌾𑌃᳚ । 𑌅𑌵𑌾॑𑌤𑌿𑌰𑌤॒𑌮𑌨𑍃॑𑌤𑌾𑌨𑌿॒ 𑌵𑌿𑌶𑍍𑌵𑌾᳚ । 𑌋॒𑌤𑍇𑌨॑ 𑌮𑌿𑌤𑍍𑌰𑌾𑌵𑌰𑍁𑌣𑌾 𑌸𑌚𑍇𑌥𑍇 ॥ 𑌤𑌥𑍍𑌸𑍁 𑌵𑌾᳚-𑌮𑍍𑌮𑌿𑌤𑍍𑌰𑌾𑌵𑌰𑍁𑌣𑌾 𑌮𑌹𑌿॒𑌤𑍍𑌵𑌮𑍍 । 𑌈॒𑌰𑍍𑌮𑌾 𑌤॒𑌸𑍍𑌥𑍁𑌷𑍀॒𑌰𑌹॑𑌭𑌿-𑌰𑍍𑌦𑍁𑌦𑍁𑌹𑍍𑌰𑍇 । 𑌵𑌿𑌶𑍍𑌵𑌾𑌃᳚ 𑌪𑌿𑌨𑍍𑌵𑌥॒ 𑌸𑍍𑌵𑌸॑𑌰𑌸𑍍𑌯॒ 𑌧𑍇𑌨𑌾𑌃᳚ । 𑌅𑌨𑍁॑ 𑌵𑌾॒𑌮𑍇𑌕𑌃॑ 𑌪॒𑌵𑌿𑌰𑌾𑌵॑𑌵𑌰𑍍𑌤𑌿 ॥ 45 ॥

𑌯𑌦𑍍𑌬𑌗𑍍𑌂𑌹𑌿॑𑌷𑍍𑌠॒-𑌨𑍍𑌨𑌾𑌤𑌿॒𑌵𑌿𑌦𑍇॑ 𑌸𑍁𑌦𑌾𑌨𑍂 । 𑌅𑌚𑍍𑌛𑌿॑𑌦𑍍𑌰॒𑌗𑍍𑌂॒ 𑌶𑌰𑍍𑌮॒ 𑌭𑍁𑌵॑𑌨𑌸𑍍𑌯 𑌗𑍋𑌪𑌾 । 𑌤𑌤𑍋॑ 𑌨𑍋 𑌮𑌿𑌤𑍍𑌰𑌾𑌵𑌰𑍁𑌣𑌾-𑌵𑌵𑍀𑌷𑍍𑌟𑌮𑍍 । 𑌸𑌿𑌷𑌾॑𑌸𑌨𑍍𑌤𑍋 𑌜𑍀𑌗𑌿॒𑌵𑌾𑌗𑍍𑌂𑌸𑌃॑ 𑌸𑍍𑌯𑌾𑌮 ॥ 𑌆 𑌨𑍋॑ 𑌮𑌿𑌤𑍍𑌰𑌾𑌵𑌰𑍁𑌣𑌾 𑌹॒𑌵𑍍𑌯𑌦𑌾॑𑌤𑌿𑌮𑍍 । 𑌘𑍃॒𑌤𑍈-𑌰𑍍𑌗𑌵𑍍𑌯𑍂॑𑌤𑌿𑌮𑍁𑌕𑍍𑌷𑌤॒𑌮𑌿𑌡𑌾॑𑌭𑌿𑌃 । 𑌪𑍍𑌰𑌤𑌿॑ 𑌵𑌾॒𑌮𑌤𑍍𑌰॒ 𑌵𑌰॒𑌮𑌾 𑌜𑌨𑌾॑𑌯 । 𑌪𑍃॒𑌣𑍀॒𑌤𑌮𑍁॒𑌦𑍍𑌗𑍋 𑌦𑌿॒𑌵𑍍𑌯𑌸𑍍𑌯॒ 𑌚𑌾𑌰𑍋𑌃᳚ ॥ 𑌪𑍍𑌰 𑌬𑌾॒𑌹𑌵𑌾॑ 𑌸𑌿𑌸𑍃𑌤-𑌞𑍍𑌜𑍀॒𑌵𑌸𑍇॑ 𑌨𑌃 । 𑌆 𑌨𑍋॒ 𑌗𑌵𑍍𑌯𑍂॑𑌤𑌿𑌮𑍁𑌕𑍍𑌷𑌤-𑌙𑍍𑌘𑍃॒𑌤𑍇𑌨॑ ॥ 46 ॥

𑌆 𑌨𑍋॒ 𑌜𑌨𑍇᳚ 𑌶𑍍𑌰𑌵𑌯𑌤𑌂-𑌯𑍁𑌁𑌵𑌾𑌨𑌾 । 𑌶𑍍𑌰𑍁॒𑌤-𑌮𑍍𑌮𑍇॑ 𑌮𑌿𑌤𑍍𑌰𑌾𑌵𑌰𑍁𑌣𑌾॒ 𑌹𑌵𑍇॒𑌮𑌾 ॥ 𑌇॒𑌮𑌾 𑌰𑍁॒𑌦𑍍𑌰𑌾𑌯॑ 𑌸𑍍𑌥𑌿॒𑌰𑌧॑𑌨𑍍𑌵𑌨𑍇॒ 𑌗𑌿𑌰𑌃॑ । 𑌕𑍍𑌷𑌿॒𑌪𑍍𑌰𑍇𑌷॑𑌵𑍇 𑌦𑍇॒𑌵𑌾𑌯॑ 𑌸𑍍𑌵॒𑌧𑌾𑌮𑍍𑌨𑍇᳚ । 𑌅𑌷𑌾॑𑌢𑌾𑌯॒ 𑌸𑌹॑𑌮𑌾𑌨𑌾𑌯 𑌮𑍀॒𑌢𑍁𑌷𑍇᳚ । 𑌤𑌿॒𑌗𑍍𑌮𑌾𑌯𑍁॑𑌧𑌾𑌯 𑌭𑌰𑌤𑌾 𑌶𑍃॒𑌣𑍋𑌤॑𑌨 ॥ 𑌤𑍍𑌵𑌾 𑌦॑𑌤𑍍𑌤𑍇𑌭𑍀 𑌰𑍁𑌦𑍍𑌰॒ 𑌶𑌨𑍍𑌤॑𑌮𑍇𑌭𑌿𑌃 । 𑌶॒𑌤𑌗𑍍𑌂 𑌹𑌿𑌮𑌾॑ 𑌅𑌶𑍀𑌯 𑌭𑍇𑌷॒𑌜𑍇𑌭𑌿𑌃॑ । 𑌵𑍍𑌯॑𑌸𑍍𑌮𑌦𑍍𑌦𑍍𑌵𑍇𑌷𑍋॑ 𑌵𑌿𑌤॒𑌰𑌂-𑌵𑍍𑌯𑌁𑌗𑍍𑌂𑌹𑌃॑ । 𑌵𑍍𑌯𑌮𑍀॑𑌵𑌾𑌗𑍍 𑌶𑍍𑌚𑌾𑌤𑌯𑌸𑍍𑌵𑌾॒ 𑌵𑌿𑌷𑍂॑𑌚𑍀𑌃 ॥ 47 ॥

𑌅𑌰𑍍𑌹॑𑌨𑍍𑌬𑌿𑌭𑌰𑍍𑌷𑌿॒ 𑌸𑌾𑌯॑𑌕𑌾𑌨𑌿॒ 𑌧𑌨𑍍𑌵॑ । 𑌅𑌰𑍍𑌹॑𑌨𑍍𑌨𑌿॒𑌷𑍍𑌕𑌂-𑌯𑌁॑𑌜॒𑌤𑌂-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌅𑌰𑍍𑌹॑𑌨𑍍𑌨𑌿॒𑌦𑌨𑍍𑌦॑𑌯𑌸𑍇॒ 𑌵𑌿𑌶𑍍𑌵॒𑌮𑌬𑍍𑌭𑍁॑𑌵𑌮𑍍 । 𑌨 𑌵𑌾 𑌓𑌜𑍀॑𑌯𑍋 𑌰𑍁𑌦𑍍𑌰॒ 𑌤𑍍𑌵𑌦॑𑌸𑍍𑌤𑌿 ॥, 𑌮𑌾 𑌨॑𑌸𑍍𑌤𑍋॒𑌕𑍇 𑌤𑌨॑𑌯𑍇॒ 𑌮𑌾 𑌨॒ 𑌆𑌯𑍁॑𑌷𑌿॒ 𑌮𑌾 𑌨𑍋॒ 𑌗𑍋𑌷𑍁॒ 𑌮𑌾 𑌨𑍋॒ 𑌅𑌶𑍍𑌵𑍇॑𑌷𑍁 𑌰𑍀𑌰𑌿𑌷𑌃 । 𑌵𑍀॒𑌰𑌾-𑌨𑍍𑌮𑌾𑌨𑍋॑ 𑌰𑍁𑌦𑍍𑌰 𑌭𑌾𑌮𑌿॒𑌤𑍋 𑌵॑𑌧𑍀𑌰𑍍𑌹॒𑌵𑌿𑌷𑍍𑌮॑𑌨𑍍𑌤𑍋॒ 𑌨𑌮॑𑌸𑌾 𑌵𑌿𑌧𑍇𑌮 𑌤𑍇 ॥॥ 𑌆 𑌤𑍇॑ 𑌪𑌿𑌤𑌰𑍍𑌮𑌰𑍁𑌤𑌾𑌗𑍍𑌂 𑌸𑍁॒𑌮𑍍𑌨𑌮𑍇॑𑌤𑍁 । 𑌮𑌾 𑌨॒-𑌸𑍍𑌸𑍂𑌰𑍍𑌯॑𑌸𑍍𑌯 𑌸॒𑌦𑍃𑌂𑌶𑍋॑ 𑌯𑍁𑌯𑍋𑌥𑌾𑌃 । 𑌅॒𑌭𑌿 𑌨𑍋॑ 𑌵𑍀॒𑌰𑍋 𑌅𑌰𑍍𑌵॑𑌤𑌿 𑌕𑍍𑌷𑌮𑍇𑌤 । 𑌪𑍍𑌰𑌜𑌾॑𑌯𑍇𑌮𑌹𑌿 𑌰𑍁𑌦𑍍𑌰 𑌪𑍍𑌰॒𑌜𑌾𑌭𑌿𑌃॑ ॥ 𑌏॒𑌵𑌾 𑌬॑𑌭𑍍𑌰𑍋 𑌵𑍃𑌷𑌭 𑌚𑍇𑌕𑌿𑌤𑌾𑌨 । 𑌯𑌥𑌾॑ 𑌦𑍇𑌵॒ 𑌨 𑌹𑍃॑𑌣𑍀॒𑌷𑍇 𑌨 𑌹𑌗𑍍𑌂𑌸𑌿॑ । 𑌹𑌾॒𑌵॒𑌨॒𑌶𑍍𑌰𑍂𑌰𑍍𑌨𑍋॑ 𑌰𑍁𑌦𑍍𑌰𑍇॒𑌹 𑌬𑍋॑𑌧𑌿 । 𑌬𑍃॒𑌹𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥ 𑌪𑌰𑌿॑𑌣𑍋 𑌰𑍁॒𑌦𑍍𑌰𑌸𑍍𑌯॑ 𑌹𑍇॒𑌤𑌿 𑌰𑍍𑌵𑍃॑𑌣𑌕𑍍𑌤𑍁॒ 𑌪𑌰𑌿॑𑌤𑍍𑌵𑍇॒𑌷𑌸𑍍𑌯॑ 𑌦𑍁𑌰𑍍𑌮॒𑌤𑌿𑌰॑𑌘𑌾॒𑌯𑍋𑌃 । 𑌅𑌵॑ 𑌸𑍍𑌥𑌿॒𑌰𑌾 𑌮॒𑌘𑌵॑𑌦𑍍𑌭𑍍𑌯-𑌸𑍍𑌤𑌨𑍁𑌷𑍍𑌵॒ 𑌮𑍀𑌢𑍍𑌵॑𑌸𑍍𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌮𑍃𑌡𑌯 ॥, 𑌸𑍍𑌤𑍁॒𑌹𑌿 𑌶𑍍𑌰𑍁॒𑌤-𑌙𑍍𑌗॑𑌰𑍍𑌤॒𑌸𑌦𑌂॒-𑌯𑍁𑌁𑌵𑌾॑𑌨-𑌮𑍍𑌮𑍃॒𑌗-𑌨𑍍𑌨 𑌭𑍀॒𑌮-𑌮𑍁॑𑌪𑌹॒𑌤𑍍𑌨𑍁-𑌮𑍁॒𑌗𑍍𑌰𑌮𑍍 । 𑌮𑍃॒𑌡𑌾 𑌜॑𑌰𑌿॒𑌤𑍍𑌰𑍇 𑌰𑍁॑𑌦𑍍𑌰॒ 𑌸𑍍𑌤𑌵𑌾॑𑌨𑍋 𑌅॒𑌨𑍍𑌯𑌨𑍍𑌤𑍇॑ 𑌅॒𑌸𑍍𑌮𑌨𑍍𑌨𑌿𑌵॑𑌪𑌨𑍍𑌤𑍁॒ 𑌸𑍇𑌨𑌾𑌃᳚ ॥ । 𑌮𑍀𑌢𑍁॑𑌷𑍍𑌟𑌮॒ 𑌶𑌿𑌵॑𑌤𑌮 𑌶𑌿॒𑌵𑍋 𑌨𑌃॑ 𑌸𑍁॒𑌮𑌨𑌾॑ 𑌭𑌵 ।𑌪॒𑌰॒𑌮𑍇 𑌵𑍃॒𑌕𑍍𑌷 𑌆𑌯𑍁॑𑌧-𑌨𑍍𑌨𑌿॒𑌧𑌾𑌯॒ 𑌕𑍃𑌤𑍍𑌤𑌿𑌂॒-𑌵𑌁𑌸𑌾॑𑌨॒ 𑌆𑌚॑𑌰॒ 𑌪𑌿𑌨𑌾॑𑌕॒𑌮𑍍𑌬𑌿𑌭𑍍𑌰॒𑌦𑌾𑌗॑𑌹𑌿 ॥ 𑌅𑌰𑍍𑌹॑𑌨𑍍𑌬𑌿𑌭𑌰𑍍𑌷𑌿॒ 𑌸𑌾𑌯॑𑌕𑌾𑌨𑌿॒ 𑌧𑌨𑍍𑌵॑ । 𑌅𑌰𑍍𑌹॑𑌨𑍍𑌨𑌿॒𑌷𑍍𑌕𑌂-𑌯𑌁॑𑌜॒𑌤𑌂-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌅𑌰𑍍𑌹॑𑌨𑍍𑌨𑌿॒𑌦𑌨𑍍𑌦॑𑌯𑌸𑍇॒ 𑌵𑌿𑌶𑍍𑌵॒𑌮𑌬𑍍𑌭𑍁॑𑌵𑌮𑍍 । 𑌨 𑌵𑌾 𑌓𑌜𑍀॑𑌯𑍋 𑌰𑍁𑌦𑍍𑌰॒ 𑌤𑍍𑌵𑌦॑𑌸𑍍𑌤𑌿 ॥। 𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰𑍋 𑌅𑌸𑍁॑𑌰𑍋 𑌮॒𑌹𑍋 𑌦𑌿॒𑌵𑌸𑍍𑌤𑍍𑌵𑌗𑍍𑌂 𑌶𑌰𑍍𑌧𑍋॒ 𑌮𑌾𑌰𑍁॑𑌤-𑌮𑍍𑌪𑍃॒𑌕𑍍𑌷 𑌈॑𑌶𑌿𑌷𑍇 । 𑌤𑍍𑌵𑌂-𑌵𑌾𑌁𑌤𑍈॑𑌰𑌰𑍁॒𑌣𑍈𑌰𑍍𑌯𑌾॑𑌸𑌿 𑌶𑌙𑍍𑌗॒𑌯𑌸𑍍𑌤𑍍𑌵-𑌮𑍍𑌪𑍂॒𑌷𑌾 𑌵𑌿॑𑌧॒𑌤𑌃 𑌪𑌾॑𑌸𑌿॒ 𑌨𑍁𑌤𑍍𑌮𑌨𑌾᳚ ॥, 𑌆 𑌵𑍋॒ 𑌰𑌾𑌜𑌾॑𑌨𑌮𑌧𑍍𑌵॒𑌰𑌸𑍍𑌯॑ 𑌰𑍁॒𑌦𑍍𑌰𑌗𑍍𑌂 𑌹𑍋𑌤𑌾॑𑌰𑌗𑍍𑌂 𑌸𑌤𑍍𑌯॒𑌯𑌜॒𑌗𑍍𑌂॒ 𑌰𑍋𑌦॑𑌸𑍍𑌯𑍋𑌃 । 𑌅॒𑌗𑍍𑌨𑌿-𑌮𑍍𑌪𑍁॒𑌰𑌾 𑌤॑𑌨𑌯𑌿॒𑌤𑍍𑌨𑍋 𑌰॒𑌚𑌿𑌤𑍍𑌤𑌾॒-𑌦𑍍𑌧𑌿𑌰॑𑌣𑍍𑌯𑌰𑍂𑌪॒𑌮𑌵॑𑌸𑍇 𑌕𑍃𑌣𑍁𑌧𑍍𑌵𑌮𑍍 ॥ ॥ 48 ॥

(𑌵𑌸𑍂॑𑌨𑌿 - 𑌤𑌤𑌾 - 𑌨𑌾𑌸𑍍𑌤𑍁॒ - 𑌵𑌿𑌶𑍍𑌵𑌾𑌨𑍍॑.-𑌵𑌵𑍃𑌤𑍍𑌯𑌾𑌂𑌵𑌁𑌵𑌰𑍍𑌤𑌿-𑌘𑍃॒𑌤𑍇𑌨॒-𑌵𑌿𑌷𑍂॑𑌚𑍀𑌃-𑌶𑍍𑌰𑍁॒𑌤-𑌨𑍍𑌦𑍍𑌵𑍇 𑌚॑) (𑌅. 6)

𑌅𑌨𑍁𑌵𑌾𑌕𑌂 7 - 𑌸𑍗𑌰𑍍𑌯𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌸𑍂𑌰𑍍𑌯𑍋॑ 𑌦𑍇॒𑌵𑍀𑌮𑍁॒𑌷𑌸॒𑌗𑍍𑌂 𑌰𑍋𑌚॑𑌮𑌾𑌨𑌾॒ 𑌮𑌰𑍍𑌯𑌃॑ । 𑌨 𑌯𑍋𑌷𑌾॑𑌮॒𑌭𑍍𑌯𑍇॑𑌤𑌿 𑌪॒𑌶𑍍𑌚𑌾𑌤𑍍 । 𑌯𑌤𑍍𑌰𑌾॒ 𑌨𑌰𑍋॑ 𑌦𑍇𑌵॒𑌯𑌨𑍍𑌤𑍋॑ 𑌯𑍁॒𑌗𑌾𑌨𑌿॑ । 𑌵𑌿॒𑌤॒𑌨𑍍𑌵𑌤𑍇॒ 𑌪𑍍𑌰𑌤𑌿॑ 𑌭॒𑌦𑍍𑌰𑌾𑌯॑ 𑌭॒𑌦𑍍𑌰𑌮𑍍 ॥ 𑌭॒𑌦𑍍𑌰𑌾 𑌅𑌶𑍍𑌵𑌾॑ 𑌹॒𑌰𑌿𑌤॒-𑌸𑍍𑌸𑍂𑌰𑍍𑌯॑𑌸𑍍𑌯 । 𑌚𑌿॒𑌤𑍍𑌰𑌾 𑌏𑌦॑𑌗𑍍𑌵𑌾 𑌅𑌨𑍁॒𑌮𑌾𑌦𑍍𑌯𑌾॑𑌸𑌃 । 𑌨॒𑌮॒𑌸𑍍𑌯𑌨𑍍𑌤𑍋॑ 𑌦𑌿॒𑌵 𑌆 𑌪𑍃॒𑌷𑍍𑌠𑌮॑𑌸𑍍𑌥𑍁𑌃 ।

𑌪𑌰𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌯॑𑌨𑍍𑌤𑌿 𑌸॒𑌦𑍍𑌯𑌃 ॥ 𑌤-𑌥𑍍𑌸𑍂𑌰𑍍𑌯॑𑌸𑍍𑌯 𑌦𑍇𑌵॒𑌤𑍍𑌵-𑌨𑍍𑌤-𑌨𑍍𑌮॑𑌹𑌿॒𑌤𑍍𑌵𑌮𑍍 । 𑌮॒𑌦𑍍𑌧𑍍𑌯𑌾 𑌕𑌰𑍍𑌤𑍋॒-𑌰𑍍𑌵𑌿𑌤॑𑌤॒𑌗𑍍𑌂॒ 𑌸𑌞𑍍𑌜॑𑌭𑌾𑌰 ॥ 49 ॥

𑌯॒𑌦𑍇𑌦𑌯𑍁॑𑌕𑍍𑌤 𑌹॒𑌰𑌿𑌤𑌃॑ 𑌸॒𑌧𑌸𑍍𑌥𑌾᳚𑌤𑍍 । 𑌆𑌦𑍍𑌰𑌾𑌤𑍍𑌰𑍀॒ 𑌵𑌾𑌸॑𑌸𑍍𑌤𑌨𑍁𑌤𑍇 𑌸𑌿॒𑌮𑌸𑍍𑌮𑍈᳚ ॥ 𑌤-𑌨𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾𑌭𑌿॒𑌚𑌕𑍍𑌷𑍇᳚ । 𑌸𑍂𑌰𑍍𑌯𑍋॑ 𑌰𑍂॒𑌪-𑌙𑍍𑌕𑍃॑𑌣𑍁𑌤𑍇॒ 𑌦𑍍𑌯𑍋𑌰𑍁॒𑌪𑌸𑍍𑌥𑍇᳚ । 𑌅॒𑌨॒𑌨𑍍𑌤𑌮॒𑌨𑍍𑌯-𑌦𑍍𑌰𑍁𑌶॑𑌦𑌸𑍍𑌯॒ 𑌪𑌾𑌜𑌃॑ । 𑌕𑍃॒𑌷𑍍𑌣𑌮॒𑌨𑍍𑌯𑌦𑍍𑌧॒𑌰𑌿𑌤॒-𑌸𑍍𑌸𑌮𑍍𑌭॑𑌰𑌨𑍍𑌤𑌿 ॥ 𑌅॒𑌦𑍍𑌯𑌾 𑌦𑍇॑𑌵𑌾॒ 𑌉𑌦𑌿॑𑌤𑌾॒ 𑌸𑍂𑌰𑍍𑌯॑𑌸𑍍𑌯 । 𑌨𑌿𑌰𑌗𑍍𑌂𑌹॑𑌸𑌃 𑌪𑌿𑌪𑍃॒𑌤𑌾𑌨𑍍𑌨𑌿𑌰॑𑌵॒𑌦𑍍𑌯𑌾𑌤𑍍 । 𑌤𑌨𑍍𑌨𑍋॑ 𑌮𑌿॒𑌤𑍍𑌰𑍋 𑌵𑌰𑍁॑𑌣𑍋 𑌮𑌾𑌮𑌹𑌨𑍍𑌤𑌾𑌮𑍍 । 𑌅𑌦𑌿॑𑌤𑌿॒-𑌸𑍍𑌸𑌿𑌨𑍍𑌧𑍁𑌃॑ 𑌪𑍃𑌥𑌿॒𑌵𑍀 𑌉॒𑌤 𑌦𑍍𑌯𑍗𑌃 ॥ 50 ॥

𑌦𑌿॒𑌵𑍋 𑌰𑍁॒𑌕𑍍𑌮 𑌉॑𑌰𑍁॒𑌚𑌕𑍍𑌷𑌾॒ 𑌉𑌦𑍇॑𑌤𑌿 । 𑌦𑍂॒𑌰𑍇 𑌅॑𑌰𑍍𑌥𑌸𑍍𑌤॒𑌰𑌣𑌿॒-𑌰𑍍𑌭𑍍𑌰𑌾𑌜॑𑌮𑌾𑌨𑌃 । 𑌨𑍂॒𑌨-𑌞𑍍𑌜𑌨𑌾॒-𑌸𑍍𑌸𑍂𑌰𑍍𑌯𑍇॑𑌣॒ 𑌪𑍍𑌰𑌸𑍂॑𑌤𑌾𑌃 । 𑌆𑌯𑌨𑍍𑌨𑌰𑍍𑌥𑌾॑𑌨𑌿 𑌕𑍃॒𑌣𑌵॒𑌨𑍍𑌨𑌪𑌾𑌗𑍍𑌂॑𑌸𑌿 ॥ 𑌶-𑌨𑍍𑌨𑍋॑ 𑌭𑌵॒ 𑌚𑌕𑍍𑌷॑𑌸𑌾॒ 𑌶-𑌨𑍍𑌨𑍋॒ 𑌅𑌹𑍍𑌨𑌾᳚ । 𑌶-𑌮𑍍𑌭𑌾॒𑌨𑍁𑌨𑌾॒ 𑌶𑌗𑍍𑌂 𑌹𑌿॒𑌮𑌾 𑌶-𑌙𑍍𑌘𑍃॒𑌣𑍇𑌨॑ । 𑌯𑌥𑌾॒ 𑌶𑌮॒𑌸𑍍𑌮𑍈 𑌶𑌮𑌸॑-𑌦𑍍𑌦𑍁𑌰𑍋॒𑌣𑍇 । 𑌤-𑌥𑍍𑌸𑍂᳚𑌰𑍍𑌯॒ 𑌦𑍍𑌰𑌵𑌿॑𑌣-𑌨𑍍𑌧𑍇॒𑌹𑌿 𑌚𑌿॒𑌤𑍍𑌰𑌮𑍍 ॥ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕𑌮𑍍 । 𑌚𑌕𑍍𑌷𑍁॑𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒𑌗𑍍𑌨𑍇𑌃 ॥ 51 ॥

𑌆-𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑𑌶𑍍𑌚 ॥ 𑌤𑍍𑌵𑌷𑍍𑌟𑌾॒ 𑌦𑌧॒𑌦𑌿𑌨𑍍𑌦𑍍𑌰𑌾॑𑌯॒ 𑌶𑍁𑌷𑍍𑌮᳚𑌮𑍍 । 𑌅𑌪𑌾॒𑌕𑍋-𑌽𑌚𑌿॑𑌷𑍍𑌟𑍁𑌰𑍍𑌯॒𑌶𑌸𑍇॑ 𑌪𑍁॒𑌰𑍂𑌣𑌿॑ । 𑌵𑍃𑌷𑌾॒ 𑌯𑌜॒𑌨𑍍 𑌵𑍃𑌷॑𑌣॒-𑌮𑍍𑌭𑍂𑌰𑌿॑𑌰𑍇𑌤𑌾𑌃 । 𑌮𑍂॒𑌰𑍍𑌧𑌨𑍍. 𑌯॒𑌜𑍍𑌞𑌸𑍍𑌯॒ 𑌸𑌮॑𑌨𑌕𑍍𑌤𑍁 𑌦𑍇॒𑌵𑌾𑌨𑍍 ॥, 𑌤𑌨𑍍𑌨॑𑌸𑍍𑌤𑍁॒𑌰𑍀𑌪॒𑌮𑌧॑ 𑌪𑍋𑌷𑌯𑌿॒𑌤𑍍𑌨𑍁 𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌿 𑌰॑𑌰𑌾॒𑌣-𑌸𑍍𑌸𑍍𑌯॑𑌸𑍍𑌵 । 𑌯𑌤𑍋॑ 𑌵𑍀॒𑌰𑌃 𑌕॑𑌰𑍍𑌮॒𑌣𑍍𑌯𑌃॑ 𑌸𑍁॒𑌦𑌕𑍍𑌷𑍋॑ 𑌯𑍁॒𑌕𑍍𑌤𑌗𑍍𑌰𑌾॑𑌵𑌾॒ 𑌜𑌾𑌯॑𑌤𑍇 𑌦𑍇॒𑌵𑌕𑌾॑𑌮𑌃 ॥ । 𑌤𑍍𑌵𑌷𑍍𑌟𑌾॑ 𑌵𑍀॒𑌰-𑌨𑍍𑌦𑍇॒𑌵𑌕𑌾॑𑌮-𑌞𑍍𑌜𑌜𑌾𑌨॒ 𑌤𑍍𑌵𑌷𑍍𑌟𑍁॒𑌰𑌰𑍍𑌵𑌾॑ 𑌜𑌾𑌯𑌤 𑌆॒𑌶𑍁𑌰𑌶𑍍𑌵𑌃॑ । 𑌤𑍍𑌵𑌷𑍍𑌟𑍇॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨-𑌞𑍍𑌜𑌜𑌾𑌨 𑌬॒𑌹𑍋𑌃 𑌕॒𑌰𑍍𑌤𑌾𑌰॑𑌮𑌿॒𑌹 𑌯॑𑌕𑍍𑌷𑌿 𑌹𑍋𑌤𑌃 ॥ 𑌪𑌿॒𑌶𑌙𑍍𑌗॑𑌰𑍂𑌪-𑌸𑍍𑌸𑍁॒𑌭𑌰𑍋॑ 𑌵𑌯𑍋॒𑌧𑌾-𑌶𑍍𑌶𑍍𑌰𑍁॒𑌷𑍍𑌟𑍀 𑌵𑍀॒𑌰𑍋 𑌜𑌾॑𑌯𑌤𑍇 𑌦𑍇॒𑌵𑌕𑌾॑𑌮𑌃 । 𑌪𑍍𑌰॒𑌜𑌾-𑌨𑍍𑌤𑍍𑌵𑌷𑍍𑌟𑌾॒ 𑌵𑌿𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 𑌅𑌥𑌾॑ 𑌦𑍇॒𑌵𑌾𑌨𑌾॒𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ ॥ ॥ 𑌦𑌶𑍇॒𑌮-𑌨𑍍𑌤𑍍𑌵𑌷𑍍𑌟𑍁॑𑌰𑍍𑌜𑌨𑌯𑌨𑍍𑌤॒ 𑌗𑌰𑍍𑌭᳚𑌮𑍍 । 𑌅𑌤॑𑌨𑍍𑌦𑍍𑌰𑌾𑌸𑍋 𑌯𑍁𑌵॒𑌤𑌯𑍋॒ 𑌬𑌿𑌭॑𑌰𑍍𑌤𑍍𑌰𑌮𑍍 । 𑌤𑌿॒𑌗𑍍𑌮𑌾𑌨𑍀॑𑌕॒𑌗𑍍𑌗𑍍॒ 𑌸𑍍𑌵𑌯॑𑌶𑌸॒-𑌞𑍍𑌜𑌨𑍇॑𑌷𑍁 । 𑌵𑌿॒𑌰𑍋𑌚॑𑌮𑌾𑌨॒-𑌮𑍍𑌪𑌰𑌿॑𑌷𑍀-𑌨𑍍𑌨𑌯𑌨𑍍𑌤𑌿 ॥ 𑌆𑌵𑌿𑌷𑍍𑌟𑍍𑌯𑍋॑ 𑌵𑌰𑍍𑌧𑌤𑍇॒ 𑌚𑌾𑌰𑍁॑𑌰𑌾𑌸𑍁 । 𑌜𑌿॒𑌹𑍍𑌮𑌾𑌨𑌾॑𑌮𑍂॒𑌰𑍍𑌧𑍍𑌵-𑌸𑍍𑌸𑍍𑌵𑌯॑𑌶𑌾 𑌉॒𑌪𑌸𑍍𑌥𑍇᳚ ॥ 52 ॥

𑌉॒𑌭𑍇 𑌤𑍍𑌵𑌷𑍍𑌟𑍁॑𑌰𑍍𑌬𑌿𑌭𑍍𑌯𑌤𑍁॒-𑌰𑍍𑌜𑌾𑌯॑𑌮𑌾𑌨𑌾𑌤𑍍 । 𑌪𑍍𑌰॒𑌤𑍀𑌚𑍀॑ 𑌸𑌿॒𑌗𑍍𑌂॒𑌹-𑌮𑍍𑌪𑍍𑌰𑌤𑌿॑𑌜𑍋𑌷𑌯𑍇𑌤𑍇 ॥ 𑌮𑌿॒𑌤𑍍𑌰𑍋 𑌜𑌨𑌾𑌨𑍍॑ 𑌯𑌾𑌤𑌯𑌤𑌿 𑌪𑍍𑌰𑌜𑌾॒𑌨-𑌨𑍍𑌮𑌿॒𑌤𑍍𑌰𑍋 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 । 𑌮𑌿॒𑌤𑍍𑌰𑌃 𑌕𑍃॒𑌷𑍍𑌟𑍀𑌰𑌨𑌿॑𑌮𑌿𑌷𑌾॒-𑌽𑌭𑌿 𑌚॑𑌷𑍍𑌟𑍇 𑌸॒𑌤𑍍𑌯𑌾𑌯॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॑-𑌦𑍍𑌵𑌿𑌧𑍇𑌮 ॥, 𑌪𑍍𑌰 𑌸 𑌮𑌿॑𑌤𑍍𑌰॒ 𑌮𑌰𑍍𑌤𑍋॑ 𑌅𑌸𑍍𑌤𑍁॒ 𑌪𑍍𑌰𑌯॑𑌸𑍍𑌵𑌾॒𑌨𑍍 𑌯𑌸𑍍𑌤॑ 𑌆𑌦𑌿𑌤𑍍𑌯॒ 𑌶𑌿𑌕𑍍𑌷॑𑌤𑌿 𑌵𑍍𑌰॒𑌤𑍇𑌨॑ । 𑌨 𑌹॑𑌨𑍍𑌯𑌤𑍇॒ 𑌨 𑌜𑍀॑𑌯𑌤𑍇॒ 𑌤𑍍𑌵𑍋𑌤𑍋॒ 𑌨𑍈𑌨॒𑌮𑌗𑍍𑌂𑌹𑍋॑ 𑌅𑌶𑍍𑌨𑍋॒𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌤𑍍 ॥ ॥ 𑌅॒𑌯-𑌮𑍍𑌮𑌿॒𑌤𑍍𑌰𑍋 𑌨॑𑌮॒𑌸𑍍𑌯𑌃॑ 𑌸𑍁॒𑌶𑍇𑌵𑌃॑ । 𑌰𑌾𑌜𑌾॑ 𑌸𑍁𑌕𑍍𑌷॒𑌤𑍍𑌰𑍋 𑌅॑𑌜𑌨𑌿𑌷𑍍𑌟 𑌵𑍇॒𑌧𑌾𑌃 । 𑌤𑌸𑍍𑌯॑ 𑌵॒𑌯𑌗𑍍𑌂 𑌸𑍁॑𑌮॒𑌤𑍗 𑌯॒𑌜𑍍𑌞𑌿𑌯॑𑌸𑍍𑌯 । 𑌅𑌪𑌿॑ 𑌭॒𑌦𑍍𑌰𑍇 𑌸𑍗॑𑌮𑌨॒𑌸𑍇 𑌸𑍍𑌯𑌾॑𑌮 ॥ 𑌅॒𑌨॒𑌮𑍀॒𑌵𑌾𑌸॒ 𑌇𑌡॑𑌯𑌾॒ 𑌮𑌦॑𑌨𑍍𑌤𑌃 । 𑌮𑌿॒𑌤𑌜𑍍𑌮॑𑌵𑍋॒ 𑌵𑌰𑌿॑𑌮॒𑌨𑍍𑌨𑌾 𑌪𑍃॑𑌥𑌿॒𑌵𑍍𑌯𑌾𑌃 । 𑌆॒𑌦𑌿॒𑌤𑍍𑌯𑌸𑍍𑌯॑ 𑌵𑍍𑌰॒𑌤𑌮𑍁॑𑌪॒𑌕𑍍𑌷𑍍𑌯𑌨𑍍𑌤𑌃॑ ॥ 53 ॥

𑌵॒𑌯-𑌮𑍍𑌮𑌿॒𑌤𑍍𑌰𑌸𑍍𑌯॑ 𑌸𑍁𑌮॒𑌤𑍗 𑌸𑍍𑌯𑌾॑𑌮 ॥ 𑌮𑌿॒𑌤𑍍𑌰-𑌨𑍍𑌨 𑌈𑌗𑍍𑌂 𑌶𑌿𑌮𑍍𑌯𑌾॒ 𑌗𑍋𑌷𑍁॑ 𑌗॒𑌵𑍍𑌯𑌵॑𑌤𑍍 । 𑌸𑍍𑌵𑌾॒𑌧𑌿𑌯𑍋॑ 𑌵𑌿॒𑌦𑌥𑍇॑ 𑌅॒𑌫𑍍𑌸𑍍𑌵𑌜𑍀॑𑌜𑌨𑌨𑍍𑌨𑍍 । 𑌅𑌰𑍇॑𑌜𑌯𑌤𑌾॒𑌗𑍍𑌂॒ 𑌰𑍋𑌦॑𑌸𑍀॒ 𑌪𑌾𑌜॑𑌸𑌾 𑌗𑌿॒𑌰𑌾 । 𑌪𑍍𑌰𑌤𑌿॑ 𑌪𑍍𑌰𑌿॒𑌯𑌂-𑌯𑌁॑𑌜॒𑌤-𑌞𑍍𑌜॒𑌨𑍁𑌷𑌾॒𑌮𑌵𑌃॑ ॥ 𑌮॒𑌹𑌾𑌗𑍍𑌂 𑌆॑𑌦𑌿॒𑌤𑍍𑌯𑍋 𑌨𑌮॑𑌸𑍋𑌪॒𑌸𑌦𑍍𑌯𑌃॑ । 𑌯𑌾॒𑌤॒𑌯𑌜𑍍𑌜॑𑌨𑍋 𑌗𑍃𑌣॒𑌤𑍇 𑌸𑍁॒𑌶𑍇𑌵𑌃॑ । 𑌤𑌸𑍍𑌮𑌾॑ 𑌏॒𑌤-𑌤𑍍𑌪𑌨𑍍𑌯॑𑌤𑌮𑌾𑌯॒ 𑌜𑍁𑌷𑍍𑌟᳚𑌮𑍍 । 𑌅॒𑌗𑍍𑌨𑍗 𑌮𑌿॒𑌤𑍍𑌰𑌾𑌯॑ 𑌹॒𑌵𑌿𑌰𑌾𑌜𑍁॑𑌹𑍋𑌤 ॥ 𑌆𑌵𑌾॒𑌗𑍍𑌂॒ 𑌰𑌥𑍋॒ 𑌰𑍋𑌦॑𑌸𑍀 𑌬𑌦𑍍𑌬𑌧𑌾॒𑌨𑌃 ॥ 54 ॥

𑌹𑌿॒𑌰॒𑌣𑍍𑌯𑌯𑍋॒ 𑌵𑍃𑌷॑𑌭𑌿𑌰𑍍𑌯𑌾॒𑌤𑍍𑌵𑌶𑍍𑌵𑍈𑌃᳚ । 𑌘𑍃॒𑌤𑌵॑𑌰𑍍𑌤𑌨𑌿𑌃 𑌪॒𑌵𑌿𑌭𑍀॑ 𑌰𑍁𑌚𑌾॒𑌨𑌃 । 𑌇॒𑌷𑌾𑌂-𑌵𑍋𑌁॒𑌢𑌾 𑌨𑍃॒𑌪𑌤𑌿॑𑌰𑍍𑌵𑌾॒𑌜𑌿𑌨𑍀॑𑌵𑌾𑌨𑍍 ॥ 𑌸 𑌪॑𑌪𑍍𑌰𑌥𑌾॒𑌨𑍋 𑌅॒𑌭𑌿 𑌪𑌞𑍍𑌚॒ 𑌭𑍂𑌮॑ । 𑌤𑍍𑌰𑌿॒𑌵॒𑌨𑍍𑌧𑍁॒𑌰𑍋 𑌮𑌨॒𑌸𑌾-𑌽𑌽𑌯𑌾॑𑌤𑍁 𑌯𑍁॒𑌕𑍍𑌤𑌃 । 𑌵𑌿𑌶𑍋॒ 𑌯𑍇𑌨॒ 𑌗𑌚𑍍𑌛॑𑌥𑍋 𑌦𑍇𑌵॒𑌯𑌨𑍍𑌤𑍀𑌃᳚ । 𑌕𑍁𑌤𑍍𑌰𑌾॑ 𑌚𑌿॒𑌦𑍍𑌯𑌾𑌮॑𑌮𑌶𑍍𑌵𑌿𑌨𑌾॒ 𑌦𑌧𑌾॑𑌨𑌾 ॥ 𑌸𑍍𑌵𑌶𑍍𑌵𑌾॑ 𑌯॒𑌶𑌸𑌾-𑌽𑌽𑌯𑌾॑𑌤𑌮॒𑌰𑍍𑌵𑌾𑌕𑍍 । 𑌦𑌸𑍍𑌰𑌾॑ 𑌨𑌿॒𑌧𑌿-𑌮𑍍𑌮𑌧𑍁॑𑌮𑌨𑍍𑌤-𑌮𑍍𑌪𑌿𑌬𑌾𑌥𑌃 । 𑌵𑌿 𑌵𑌾॒𑌗𑍍𑌂॒ 𑌰𑌥𑍋॑ 𑌵॒𑌦𑍍𑌧𑍍𑌵𑌾॑ 𑌯𑌾𑌦॑𑌮𑌾𑌨𑌃 ॥ 55 ॥

𑌅𑌨𑍍𑌤𑌾᳚-𑌨𑍍𑌦𑌿॒𑌵𑍋 𑌬𑌾॑𑌧𑌤𑍇 𑌵𑌰𑍍𑌤॒𑌨𑌿𑌭𑍍𑌯𑌾᳚𑌮𑍍 ॥ 𑌯𑍁॒𑌵𑍋-𑌶𑍍𑌶𑍍𑌰𑌿𑌯॒-𑌮𑍍𑌪𑌰𑌿॒ 𑌯𑍋𑌷𑌾॑ 𑌵𑍃𑌣𑍀𑌤 । 𑌸𑍂𑌰𑍋॑ 𑌦𑍁𑌹𑌿॒𑌤𑌾 𑌪𑌰𑌿॑𑌤𑌕𑍍𑌮𑌿𑌯𑌾𑌯𑌾𑌮𑍍 । 𑌯-𑌦𑍍𑌦𑍇॑𑌵॒𑌯𑌨𑍍𑌤॒𑌮𑌵॑𑌥॒-𑌶𑍍𑌶𑌚𑍀॑𑌭𑌿𑌃 । 𑌪𑌰𑌿॑𑌘𑍍𑌰॒𑌗𑍍𑌂॒𑌸 𑌵𑌾॒-𑌮𑍍𑌮𑌨𑌾॑ 𑌵𑌾𑌂॒-𑌵𑌁𑌯𑍋॑ 𑌗𑌾𑌮𑍍 ॥ 𑌯𑍋 𑌹॒ 𑌸𑍍𑌯 𑌵𑌾𑌗𑍍𑌂॑ 𑌰𑌥𑌿𑌰𑌾॒ 𑌵𑌸𑍍𑌤॑ 𑌉॒𑌸𑍍𑌰𑌾𑌃 । 𑌰𑌥𑍋॑ 𑌯𑍁𑌜𑌾॒𑌨𑌃 𑌪॑𑌰𑌿॒𑌯𑌾𑌤𑌿॑ 𑌵॒𑌰𑍍𑌤𑌿𑌃 । 𑌤𑍇𑌨॑ 𑌨॒-𑌶𑍍𑌶𑌂-𑌯𑍋𑌁𑌰𑍁॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍗 । 𑌨𑍍𑌯॑𑌶𑍍𑌵𑌿𑌨𑌾 𑌵𑌹𑌤𑌂-𑌯𑌁॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 ॥ 𑌯𑍁॒𑌵-𑌮𑍍𑌭𑍁॒𑌜𑍍𑌯𑍁𑌮𑌵॑𑌵𑌿𑌦𑍍𑌧𑌗𑍍𑌂 𑌸𑌮𑍁॒𑌦𑍍𑌰𑍇 ॥ 56 ॥

𑌉𑌦𑍂॑𑌹𑌥𑍁॒𑌰𑌰𑍍𑌣॑𑌸𑍋॒ 𑌅𑌸𑍍𑌰𑌿॑𑌧𑌾𑌨𑍈𑌃 । 𑌪॒𑌤॒𑌤𑍍𑌰𑌿𑌭𑌿॑-𑌰𑌶𑍍𑌰॒𑌮𑍈-𑌰॑𑌵𑍍𑌯॒𑌥𑌿𑌭𑌿𑌃॑ । 𑌦॒𑌗𑍍𑌂॒𑌸𑌨𑌾॑𑌭𑌿𑌰𑌶𑍍𑌵𑌿𑌨𑌾 𑌪𑌾॒𑌰𑌯॑𑌨𑍍𑌤𑌾 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌯𑍋 𑌅॒𑌦𑍍𑌯 𑌵𑌾᳚𑌮𑍍 । 𑌇॒𑌦𑌂-𑌵𑌁𑌚𑌃॑ 𑌸𑌪॒𑌰𑍍𑌯𑌤𑌿॑ । 𑌤𑌸𑍍𑌮𑍈॑ 𑌧𑌤𑍍𑌤𑌗𑍍𑌂 𑌸𑍁॒𑌵𑍀𑌰𑍍𑌯᳚𑌮𑍍 । 𑌗𑌵𑌾॒-𑌮𑍍𑌪𑍋𑌷॒𑌗𑍍𑌗𑍍॒ 𑌸𑍍𑌵𑌶𑍍𑌵𑌿॑𑌯𑌮𑍍 ॥ 𑌯𑍋 𑌅॒𑌗𑍍𑌨𑍀𑌷𑍋𑌮𑌾॑ 𑌹॒𑌵𑌿𑌷𑌾॑ 𑌸𑌪॒𑌰𑍍𑌯𑌾𑌤𑍍 । 𑌦𑍇॒𑌵॒𑌦𑍍𑌰𑍀𑌚𑌾॒ 𑌮𑌨॑𑌸𑌾॒ 𑌯𑍋 𑌘𑍃॒𑌤𑍇𑌨॑ । 𑌤𑌸𑍍𑌯॑ 𑌵𑍍𑌰॒𑌤𑌗𑍍𑌂 𑌰॑𑌕𑍍𑌷𑌤-𑌮𑍍𑌪𑌾॒𑌤𑌮𑌗𑍍𑌂𑌹॑𑌸𑌃 ॥ 57 ॥

𑌵𑌿॒𑌶𑍇 𑌜𑌨𑌾॑𑌯॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛𑌤𑌮𑍍 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌯 𑌆𑌹𑍁॑𑌤𑌿𑌮𑍍 । 𑌯𑍋 𑌵𑌾॒-𑌨𑍍𑌦𑌾𑌶𑌾᳚𑌦𑍍𑌧॒𑌵𑌿𑌷𑍍𑌕𑍃॑𑌤𑌿𑌮𑍍 । 𑌸 𑌪𑍍𑌰॒𑌜𑌯𑌾॑ 𑌸𑍁॒𑌵𑍀𑌰𑍍𑌯᳚𑌮𑍍 । 𑌵𑌿𑌶𑍍𑌵॒𑌮𑌾𑌯𑍁॒-𑌰𑍍𑌵𑍍𑌯॑𑌶𑍍𑌨𑌵𑌤𑍍 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌚𑍇𑌤𑌿॒ 𑌤-𑌦𑍍𑌵𑍀॒𑌰𑍍𑌯𑌂॑-𑌵𑌾𑌁𑌮𑍍 । 𑌯𑌦𑌮𑍁॑𑌷𑍍𑌣𑍀𑌤𑌮𑌵॒𑌸-𑌮𑍍𑌪॒𑌣𑌿-𑌙𑍍𑌗𑍋𑌃 । 𑌅𑌵𑌾॑𑌤𑌿𑌰𑌤॒-𑌮𑍍𑌪𑍍𑌰𑌥॑𑌯𑌸𑍍𑌯॒ 𑌶𑍇𑌷𑌃॑ । 𑌅𑌵𑌿॑𑌨𑍍𑌦𑌤॒-𑌞𑍍𑌜𑍍𑌯𑍋𑌤𑌿॒𑌰𑍇𑌕॑-𑌮𑍍𑌬॒𑌹𑍁𑌭𑍍𑌯𑌃॑ ॥ 𑌅𑌗𑍍𑌨𑍀॑𑌷𑍋𑌮𑌾 𑌵𑌿॒𑌮𑌗𑍍𑌂 𑌸𑍁 𑌮𑍇॑ 𑌶𑍃𑌣𑍁॒𑌤𑌂-𑌵𑍃𑌁॑𑌷𑌣𑌾॒ 𑌹𑌵᳚𑌮𑍍 । 𑌪𑍍𑌰𑌤𑌿॑ 𑌸𑍂॒𑌕𑍍𑌤𑌾𑌨𑌿॑ 𑌹𑌰𑍍𑌯𑌤॒-𑌮𑍍𑌭𑌵॑𑌤-𑌨𑍍𑌦𑌾॒𑌶𑍁𑌷𑍇॒ 𑌮𑌯𑌃॑ ॥ 𑌅𑌗𑍍𑌨𑍀॑𑌷𑍋𑌮𑌾 𑌹॒𑌵𑌿𑌷𑌃॒ 𑌪𑍍𑌰𑌸𑍍𑌥𑌿॑𑌤𑌸𑍍𑌯 𑌵𑍀॒𑌤𑌗𑍍𑌂𑌹𑌰𑍍𑌯॑𑌤𑌂-𑌵𑍃𑌁𑌷𑌣𑌾 𑌜𑍁॒𑌷𑍇𑌥𑌾᳚𑌮𑍍 । 𑌸𑍁॒𑌶𑌰𑍍𑌮𑌾॑𑌣𑌾॒ 𑌸𑍍𑌵𑌵॑𑌸𑌾॒ 𑌹𑌿 𑌭𑍂॒𑌤𑌮𑌥𑌾॑ 𑌧𑌤𑍍𑌤𑌂॒-𑌯𑌁𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ ॥ 58 ॥

(𑌜॒𑌭𑌾॒𑌰॒ - 𑌦𑍍𑌯𑍗 - 𑌰॒𑌗𑍍𑌨𑍇 - 𑌰𑍁॒𑌪𑌸𑍍𑌥॑ - 𑌉𑌪॒𑌕𑍍𑌷𑍍𑌯𑌨𑍍𑌤𑍋॑ - 𑌬𑌦𑍍𑌬𑌧𑌾॒𑌨𑍋-𑌯𑌾𑌦॑𑌮𑌾𑌨𑌃 - 𑌸𑌮𑍁॒𑌦𑍍𑌰𑍇 - 𑌽𑌗𑍍𑌂𑌹॑𑌸𑌃॒ - 𑌪𑍍𑌰𑌸𑍍𑌥𑌿॑𑌤𑌸𑍍𑌯) (𑌅. 7)

𑌅𑌨𑍁𑌵𑌾𑌕𑌂 8 - 𑌵𑍇𑌹𑌦𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌅॒𑌹𑌮॑𑌸𑍍𑌮𑌿 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ । 𑌪𑍂𑌰𑍍𑌵॑-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌅॒𑌮𑍃𑌤॑𑌸𑍍𑌯॒ 𑌨𑌾𑌭𑌿𑌃॑ । 𑌯𑍋 𑌮𑌾॒ 𑌦𑌦𑌾॑𑌤𑌿॒ 𑌸 𑌇𑌦𑍇॒𑌵 𑌮𑌾 𑌵𑌾𑌃᳚ । 𑌅॒𑌹-𑌮𑌨𑍍𑌨॒-𑌮𑌨𑍍𑌨॑-𑌮॒𑌦𑌨𑍍𑌤॑𑌮𑌦𑍍𑌮𑌿 ॥ 𑌪𑍂𑌰𑍍𑌵॑-𑌮॒𑌗𑍍𑌨𑍇𑌰𑌪𑌿॑ 𑌦𑌹॒𑌤𑍍𑌯𑌨𑍍𑌨᳚𑌮𑍍 । 𑌯॒𑌤𑍍𑌤𑍗 𑌹𑌾॑-𑌽𑌽𑌸𑌾𑌤𑍇 𑌅𑌹𑌮𑍁𑌤𑍍𑌤॒𑌰𑍇𑌷𑍁॑ । 𑌵𑍍𑌯𑌾𑌤𑍍𑌤॑𑌮𑌸𑍍𑌯 𑌪॒𑌶𑌵𑌃॑ 𑌸𑍁॒𑌜𑌮𑍍𑌭᳚𑌮𑍍 । 𑌪𑌶𑍍𑌯॑𑌨𑍍𑌤𑌿॒ 𑌧𑍀𑌰𑌾𑌃॒ 𑌪𑍍𑌰𑌚॑𑌰𑌨𑍍𑌤𑌿॒ 𑌪𑌾𑌕𑌾𑌃᳚ ॥ 𑌜𑌹𑌾᳚𑌮𑍍𑌯॒𑌨𑍍𑌯-𑌨𑍍𑌨 𑌜॑𑌹𑌾𑌮𑍍𑌯॒𑌨𑍍𑌯𑌮𑍍 । 𑌅॒𑌹𑌮𑌨𑍍𑌨𑌂॒-𑌵𑌁𑌶॒𑌮𑌿𑌚𑍍𑌚॑𑌰𑌾𑌮𑌿 ॥ 59 ॥

𑌸॒𑌮𑌾॒𑌨𑌮𑌰𑍍𑌥॒-𑌮𑍍𑌪𑌰𑍍𑌯𑍇॑𑌮𑌿 𑌭𑍁॒𑌞𑍍𑌜𑌤𑍍 । 𑌕𑍋 𑌮𑌾𑌮𑌨𑍍𑌨॑-𑌮𑍍𑌮𑌨𑍁॒𑌷𑍍𑌯𑍋॑ 𑌦𑌯𑍇𑌤 ॥ 𑌪𑌰𑌾॑𑌕𑍇॒ 𑌅𑌨𑍍𑌨॒-𑌨𑍍𑌨𑌿𑌹𑌿॑𑌤𑌂-𑌲𑍋𑌁॒𑌕 𑌏॒𑌤𑌤𑍍 । 𑌵𑌿𑌶𑍍𑌵𑍈᳚-𑌰𑍍𑌦𑍇॒𑌵𑍈𑌃 𑌪𑌿॒𑌤𑍃𑌭𑌿॑-𑌰𑍍𑌗𑍁॒𑌪𑍍𑌤𑌮𑌨𑍍𑌨᳚𑌮𑍍 । 𑌯𑌦॒𑌦𑍍𑌯𑌤𑍇॑ 𑌲𑍁॒𑌪𑍍𑌯𑌤𑍇॒ 𑌯-𑌤𑍍𑌪॑𑌰𑍋॒𑌪𑍍𑌯𑌤𑍇᳚ । 𑌶॒𑌤॒𑌤॒𑌮𑍀 𑌸𑌾 𑌤॒𑌨𑍂𑌰𑍍𑌮𑍇॑ 𑌬𑌭𑍂𑌵 ॥ 𑌮॒𑌹𑌾𑌨𑍍𑌤𑍗॑ 𑌚॒𑌰𑍂 𑌸॑𑌕𑍃-𑌦𑍍𑌦𑍁॒𑌗𑍍𑌧𑍇𑌨॑ 𑌪𑌪𑍍𑌰𑍗 । 𑌦𑌿𑌵॑𑌞𑍍𑌚॒ 𑌪𑍃𑌶𑍍𑌞𑌿॑ 𑌪𑍃𑌥𑌿॒𑌵𑍀-𑌞𑍍𑌚॑ 𑌸𑌾॒𑌕𑌮𑍍 । 𑌤-𑌥𑍍𑌸॒𑌮𑍍𑌪𑌿𑌬॑𑌨𑍍𑌤𑍋॒ 𑌨 𑌮𑌿॑𑌨𑌨𑍍𑌤𑌿 𑌵𑍇॒𑌧𑌸𑌃॑ । 𑌨𑍈𑌤-𑌦𑍍𑌭𑍂𑌯𑍋॒ 𑌭𑌵॑𑌤𑌿॒ 𑌨𑍋 𑌕𑌨𑍀॑𑌯𑌃 ॥ 60 ॥

𑌅𑌨𑍍𑌨॑-𑌮𑍍𑌪𑍍𑌰𑌾॒𑌣-𑌮𑌨𑍍𑌨॑-𑌮𑌪𑌾॒𑌨-𑌮𑌾॑𑌹𑍁𑌃 । 𑌅𑌨𑍍𑌨॑-𑌮𑍍𑌮𑍃॒𑌤𑍍𑌯𑍁-𑌨𑍍𑌤𑌮𑍁॑ 𑌜𑍀॒𑌵𑌾𑌤𑍁॑𑌮𑌾𑌹𑍁𑌃 । 𑌅𑌨𑍍𑌨॑-𑌮𑍍𑌬𑍍𑌰॒𑌹𑍍𑌮𑌾𑌣𑍋॑ 𑌜॒𑌰𑌸𑌂॑-𑌵𑌁𑌦𑌨𑍍𑌤𑌿 । 𑌅𑌨𑍍𑌨॑𑌮𑌾𑌹𑍁𑌃 𑌪𑍍𑌰॒𑌜𑌨॑𑌨-𑌮𑍍𑌪𑍍𑌰॒𑌜𑌾𑌨𑌾᳚𑌮𑍍 ॥ 𑌮𑍋𑌘॒𑌮𑌨𑍍𑌨𑌂॑-𑌵𑌿𑌁𑌨𑍍𑌦𑌤𑍇॒ 𑌅𑌪𑍍𑌰॑𑌚𑍇𑌤𑌾𑌃 । 𑌸॒𑌤𑍍𑌯-𑌮𑍍𑌬𑍍𑌰॑𑌵𑍀𑌮𑌿 𑌵॒𑌧 𑌇𑌥𑍍𑌸 𑌤𑌸𑍍𑌯॑ । 𑌨𑌾𑌰𑍍𑌯॒𑌮𑌣॒-𑌮𑍍𑌪𑍁𑌷𑍍𑌯॑𑌤𑌿॒ 𑌨𑍋 𑌸𑌖𑌾॑𑌯𑌮𑍍 । 𑌕𑍇𑌵॑𑌲𑌾𑌘𑍋 𑌭𑌵𑌤𑌿 𑌕𑍇𑌵𑌲𑌾॒𑌦𑍀 ॥ 𑌅॒𑌹-𑌮𑍍𑌮𑍇॒𑌘-𑌸𑍍𑌸𑍍𑌤॒𑌨𑌯॒𑌨𑍍. 𑌵𑌰𑍍𑌷॑𑌨𑍍𑌨𑌸𑍍𑌮𑌿 । 𑌮𑌾𑌮॑𑌦𑌨𑍍𑌤𑍍𑌯॒𑌹𑌮॑𑌦𑍍𑌮𑍍𑌯॒𑌨𑍍𑌯𑌾𑌨𑍍 ॥ 61 ॥

𑌅॒𑌹𑌗𑍍𑌂 𑌸𑌦॒𑌮𑍃𑌤𑍋॑ 𑌭𑌵𑌾𑌮𑌿 । 𑌮𑌦𑌾॑𑌦𑌿॒𑌤𑍍𑌯𑌾 𑌅𑌧𑌿॒ 𑌸𑌰𑍍𑌵𑍇॑ 𑌤𑌪𑌨𑍍𑌤𑌿 ॥ 𑌸𑌾 𑌨𑍋॑ 𑌮॒𑌨𑍍𑌦𑍍𑌰𑍇𑌷॒𑌮𑍂𑌰𑍍𑌜॒-𑌨𑍍𑌦𑍁𑌹𑌾॑𑌨𑌾 । 𑌧𑍇॒𑌨𑍁𑌰𑍍𑌵𑌾𑌗॒𑌸𑍍𑌮𑌾𑌨𑍁𑌪॒ 𑌸𑍁𑌷𑍍𑌟𑍁॒𑌤𑍈𑌤𑍁॑ ॥, 𑌯-𑌦𑍍𑌵𑌾𑌗𑍍𑌵𑌦॑𑌨𑍍𑌤𑍍𑌯-𑌵𑌿𑌚𑍇𑌤॒𑌨𑌾𑌨𑌿॑ । 𑌰𑌾𑌷𑍍𑌟𑍍𑌰𑍀॑ 𑌦𑍇॒𑌵𑌾𑌨𑌾᳚-𑌨𑍍𑌨𑌿𑌷॒𑌸𑌾𑌦॑ 𑌮॒𑌨𑍍𑌦𑍍𑌰𑌾 । 𑌚𑌤॑𑌸𑍍𑌰॒ 𑌊𑌰𑍍𑌜॑-𑌨𑍍𑌦𑍁𑌦𑍁𑌹𑍇॒ 𑌪𑌯𑌾𑌗𑍍𑌂॑𑌸𑌿 । 𑌕𑍍𑌵॑ 𑌸𑍍𑌵𑌿 𑌦𑌸𑍍𑌯𑌾𑌃 𑌪𑌰॒𑌮-𑌞𑍍𑌜॑𑌗𑌾𑌮 ॥ ॥ 𑌅॒𑌨॒𑌨𑍍𑌤𑌾-𑌮𑌨𑍍𑌤𑌾॒𑌦𑌧𑌿॒ 𑌨𑌿𑌰𑍍𑌮𑌿॑𑌤𑌾-𑌮𑍍𑌮॒𑌹𑍀𑌮𑍍 । 𑌯𑌸𑍍𑌯𑌾᳚-𑌨𑍍𑌦𑍇॒𑌵𑌾 𑌅॑𑌦𑌧𑍁॒-𑌰𑍍𑌭𑍋𑌜॑𑌨𑌾𑌨𑌿 । 𑌏𑌕𑌾᳚𑌕𑍍𑌷𑌰𑌾-𑌨𑍍𑌦𑍍𑌵𑌿॒𑌪𑌦𑌾॒𑌗𑍍𑌂॒ 𑌷𑌟𑍍𑌪॑𑌦𑌾𑌞𑍍𑌚 । 𑌵𑌾𑌚॑-𑌨𑍍𑌦𑍇॒𑌵𑌾 𑌉𑌪॑𑌜𑍀𑌵𑌨𑍍𑌤𑌿॒ 𑌵𑌿𑌶𑍍𑌵𑍇᳚ ॥ 𑌵𑌾𑌚॑-𑌨𑍍𑌦𑍇॒𑌵𑌾 𑌉𑌪॑𑌜𑍀𑌵𑌨𑍍𑌤𑌿॒ 𑌵𑌿𑌶𑍍𑌵𑍇᳚ । 𑌵𑌾𑌚॑-𑌙𑍍𑌗𑌨𑍍𑌧॒𑌰𑍍𑌵𑌾𑌃 𑌪॒𑌶𑌵𑍋॑ 𑌮𑌨𑍁॒𑌷𑍍𑌯𑌾𑌃᳚ । 𑌵𑌾॒𑌚𑍀𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾॒𑌨𑍍𑌯𑌰𑍍𑌪𑌿॑𑌤𑌾 ॥ 62 ॥

𑌸𑌾 𑌨𑍋॒ 𑌹𑌵॑-𑌞𑍍𑌜𑍁𑌷𑌤𑌾॒-𑌮𑌿𑌨𑍍𑌦𑍍𑌰॑𑌪𑌤𑍍𑌨𑍀 ॥ 𑌵𑌾𑌗॒𑌕𑍍𑌷𑌰॑-𑌮𑍍𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ । 𑌵𑍇𑌦𑌾॑𑌨𑌾-𑌮𑍍𑌮𑌾॒𑌤𑌾-𑌽𑌮𑍃𑌤॑𑌸𑍍𑌯॒ 𑌨𑌾𑌭𑌿𑌃॑ । 𑌸𑌾 𑌨𑍋॑ 𑌜𑍁𑌷𑌾॒𑌣𑍋𑌪॑ 𑌯॒𑌜𑍍𑌞𑌮𑌾𑌗𑌾᳚𑌤𑍍 । 𑌅𑌵॑𑌨𑍍𑌤𑍀 𑌦𑍇॒𑌵𑍀 𑌸𑍁॒𑌹𑌵𑌾॑ 𑌮𑍇 𑌅𑌸𑍍𑌤𑍁 ॥ 𑌯𑌾 𑌮𑍃𑌷॑𑌯𑍋 𑌮𑌨𑍍𑌤𑍍𑌰॒𑌕𑍃𑌤𑍋॑ 𑌮𑌨𑍀॒𑌷𑌿𑌣𑌃॑ । 𑌅॒𑌨𑍍𑌵𑍈𑌚𑍍𑌛॑-𑌨𑍍𑌦𑍇॒𑌵𑌾-𑌸𑍍𑌤𑌪॑𑌸𑌾॒ 𑌶𑍍𑌰𑌮𑍇॑𑌣 । 𑌤𑌾-𑌨𑍍𑌦𑍇॒𑌵𑍀𑌂-𑌵𑌾𑌁𑌚𑌗𑍍𑌂॑ 𑌹॒𑌵𑌿𑌷𑌾॑ 𑌯𑌜𑌾𑌮𑌹𑍇 । 𑌸𑌾 𑌨𑍋॑ 𑌦𑌧𑌾𑌤𑍁 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 ॥ 𑌚॒𑌤𑍍𑌵𑌾𑌰𑌿॒ 𑌵𑌾-𑌕𑍍𑌪𑌰𑌿॑𑌮𑌿𑌤𑌾 𑌪॒𑌦𑌾𑌨𑌿॑ ॥ 63 ॥

𑌤𑌾𑌨𑌿॑ 𑌵𑌿𑌦𑍁-𑌰𑍍𑌬𑍍𑌰𑌾𑌹𑍍𑌮॒𑌣𑌾 𑌯𑍇 𑌮॑𑌨𑍀॒𑌷𑌿𑌣𑌃॑ । 𑌗𑍁𑌹𑌾॒ 𑌤𑍍𑌰𑍀𑌣𑌿॒ 𑌨𑌿𑌹𑌿॑𑌤𑌾॒ 𑌨𑍇𑌙𑍍𑌗॑𑌯𑌨𑍍𑌤𑌿 । 𑌤𑍁॒𑌰𑍀𑌯𑌂॑-𑌵𑌾𑌁॒𑌚𑍋 𑌮॑𑌨𑍁॒𑌷𑍍𑌯𑌾॑ 𑌵𑌦𑌨𑍍𑌤𑌿 ॥ 𑌶𑍍𑌰॒𑌦𑍍𑌧𑌯𑌾॒-𑌽𑌗𑍍𑌨𑌿-𑌸𑍍𑌸𑌮𑌿॑𑌦𑍍𑌧𑍍𑌯𑌤𑍇 । 𑌶𑍍𑌰॒𑌦𑍍𑌧𑌯𑌾॑ 𑌵𑌿𑌨𑍍𑌦𑌤𑍇 𑌹॒𑌵𑌿𑌃 । 𑌶𑍍𑌰॒𑌦𑍍𑌧𑌾-𑌮𑍍𑌭𑌗॑𑌸𑍍𑌯 𑌮𑍂॒𑌰𑍍𑌧𑌨𑌿॑ । 𑌵𑌚॒𑌸𑌾 𑌽𑌽𑌵𑍇॑𑌦𑌯𑌾𑌮𑌸𑌿 ॥ 𑌪𑍍𑌰𑌿॒𑌯𑌗𑍍𑌗𑍍 𑌶𑍍𑌰॑𑌦𑍍𑌧𑍇॒ 𑌦𑌦॑𑌤𑌃 । 𑌪𑍍𑌰𑌿॒𑌯𑌗𑍍𑌗𑍍 𑌶𑍍𑌰॑𑌦𑍍𑌧𑍇॒ 𑌦𑌿𑌦𑌾॑𑌸𑌤𑌃 । 𑌪𑍍𑌰𑌿॒𑌯-𑌮𑍍𑌭𑍋॒𑌜𑍇𑌷𑍁॒ 𑌯𑌜𑍍𑌵॑𑌸𑍁 ॥ 64 ॥

𑌇॒𑌦-𑌮𑍍𑌮॑ 𑌉𑌦𑌿॒𑌤-𑌙𑍍𑌕𑍃॑𑌧𑌿 ॥ 𑌯𑌥𑌾॑ 𑌦𑍇॒𑌵𑌾 𑌅𑌸𑍁॑𑌰𑍇𑌷𑍁 । 𑌶𑍍𑌰॒𑌦𑍍𑌧𑌾-𑌮𑍁॒𑌗𑍍𑌰𑍇𑌷𑍁॑ 𑌚𑌕𑍍𑌰𑌿॒𑌰𑍇 । 𑌏॒𑌵-𑌮𑍍𑌭𑍋॒𑌜𑍇𑌷𑍁॒ 𑌯𑌜𑍍𑌵॑𑌸𑍁 । 𑌅॒𑌸𑍍𑌮𑌾𑌕॑-𑌮𑍁𑌦𑌿॒𑌤-𑌙𑍍𑌕𑍃॑𑌧𑌿 ॥ 𑌶𑍍𑌰॒𑌦𑍍𑌧𑌾-𑌨𑍍𑌦𑍇॑𑌵𑌾॒ 𑌯𑌜॑𑌮𑌾𑌨𑌾𑌃 । 𑌵𑌾॒𑌯𑍁𑌗𑍋॑𑌪𑌾॒ 𑌉𑌪𑌾॑𑌸𑌤𑍇 । 𑌶𑍍𑌰॒𑌦𑍍𑌧𑌾𑌗𑍍𑌂 𑌹𑍃॑𑌦॒𑌯𑍍𑌯॑𑌯𑌾-𑌽𑌽𑌕𑍂᳚𑌤𑍍𑌯𑌾 । 𑌶𑍍𑌰॒𑌦𑍍𑌧𑌯𑌾॑ 𑌹𑍂𑌯𑌤𑍇 𑌹॒𑌵𑌿𑌃 ॥ 𑌶𑍍𑌰॒𑌦𑍍𑌧𑌾-𑌮𑍍𑌪𑍍𑌰𑌾॒𑌤𑌰𑍍-𑌹॑𑌵𑌾𑌮𑌹𑍇 ॥ 65 ॥

𑌶𑍍𑌰॒𑌦𑍍𑌧𑌾-𑌮𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨॒-𑌮𑍍𑌪𑌰𑌿॑ । 𑌶𑍍𑌰॒𑌦𑍍𑌧𑌾𑌗𑍍𑌂 𑌸𑍂𑌰𑍍𑌯॑𑌸𑍍𑌯 𑌨𑌿॒𑌮𑍍𑌰𑍁𑌚𑌿॑ । 𑌶𑍍𑌰𑌦𑍍𑌧𑍇॒ 𑌶𑍍𑌰𑌦𑍍𑌧𑌾॑𑌪𑌯𑍇॒𑌹 𑌮𑌾᳚ ॥ 𑌶𑍍𑌰॒𑌦𑍍𑌧𑌾 𑌦𑍇॒𑌵𑌾-𑌨𑌧𑌿॑𑌵𑌸𑍍𑌤𑍇 । 𑌶𑍍𑌰॒𑌦𑍍𑌧𑌾 𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌶𑍍𑌰॒𑌦𑍍𑌧𑌾-𑌙𑍍𑌕𑌾𑌮॑𑌸𑍍𑌯 𑌮𑌾॒𑌤𑌰᳚𑌮𑍍 । 𑌹॒𑌵𑌿𑌷𑌾॑ 𑌵𑌰𑍍𑌧𑌯𑌾𑌮𑌸𑌿 ॥ 𑌬𑍍𑌰𑌹𑍍𑌮॑𑌜𑌜𑍍𑌞𑌾॒𑌨-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿 𑌸𑍀॑𑌮॒𑌤-𑌸𑍍𑌸𑍁॒𑌰𑍁𑌚𑍋॑ 𑌵𑍇॒𑌨 𑌆॑𑌵𑌃 । 𑌸 𑌬𑍁॒𑌦𑍍𑌧𑍍𑌨𑌿𑌯𑌾॑ 𑌉𑌪॒𑌮𑌾 𑌅॑𑌸𑍍𑌯 𑌵𑌿॒𑌷𑍍𑌠𑌾𑌃 ॥ 66 ॥

𑌸॒𑌤𑌶𑍍𑌚॒ 𑌯𑍋𑌨𑌿॒-𑌮𑌸॑𑌤𑌶𑍍𑌚॒ 𑌵𑌿𑌵𑌃॑ ॥ 𑌪𑌿॒𑌤𑌾 𑌵𑌿॒𑌰𑌾𑌜𑌾॑𑌮𑍃𑌷॒𑌭𑍋 𑌰॑𑌯𑍀॒𑌣𑌾𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷𑌂-𑌵𑌿𑌁॒𑌶𑍍𑌵𑌰𑍂॑𑌪॒ 𑌆𑌵𑌿॑𑌵𑍇𑌶 । 𑌤𑌮॒𑌰𑍍𑌕𑍈-𑌰॒𑌭𑍍𑌯॑𑌰𑍍𑌚𑌨𑍍𑌤𑌿 𑌵॒𑌥𑍍𑌸𑌮𑍍 । 𑌬𑍍𑌰𑌹𑍍𑌮॒ 𑌸𑌨𑍍𑌤॒-𑌮𑍍𑌬𑍍𑌰𑌹𑍍𑌮॑𑌣𑌾 𑌵॒𑌰𑍍𑌧𑌯॑𑌨𑍍𑌤𑌃 ॥ 𑌬𑍍𑌰𑌹𑍍𑌮॑ 𑌦𑍇॒𑌵𑌾𑌨॑𑌜𑌨𑌯𑌤𑍍 । 𑌬𑍍𑌰𑌹𑍍𑌮॒ 𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌬𑍍𑌰𑌹𑍍𑌮॑𑌣𑌃, 𑌕𑍍𑌷॒𑌤𑍍𑌰-𑌨𑍍𑌨𑌿𑌰𑍍𑌮𑌿॑𑌤𑌮𑍍 । 𑌬𑍍𑌰𑌹𑍍𑌮॑ 𑌬𑍍𑌰𑌾𑌹𑍍𑌮॒𑌣 𑌆॒𑌤𑍍𑌮𑌨𑌾᳚ ॥ 𑌅॒𑌨𑍍𑌤𑌰॑𑌸𑍍𑌮𑌿-𑌨𑍍𑌨𑌿॒𑌮𑍇 𑌲𑍋॒𑌕𑌾𑌃 ॥ 67 ॥

𑌅॒𑌨𑍍𑌤-𑌰𑍍𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌬𑍍𑌰𑌹𑍍𑌮𑍈॒𑌵 𑌭𑍂॒𑌤𑌾𑌨𑌾॒-𑌞𑍍𑌜𑍍𑌯𑍇𑌷𑍍𑌠᳚𑌮𑍍 । 𑌤𑍇𑌨॒ 𑌕𑍋॑-𑌽𑌰𑍍𑌹𑌤𑌿॒ 𑌸𑍍𑌪𑌰𑍍𑌧𑌿॑𑌤𑍁𑌮𑍍 ॥ 𑌬𑍍𑌰𑌹𑍍𑌮॑-𑌨𑍍𑌦𑍇॒𑌵𑌾-𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍 । 𑌬𑍍𑌰𑌹𑍍𑌮॑𑌨𑍍𑌨𑌿𑌨𑍍𑌦𑍍𑌰 𑌪𑍍𑌰𑌜𑌾𑌪॒𑌤𑍀 । 𑌬𑍍𑌰𑌹𑍍𑌮॑𑌨𑍍. 𑌹॒ 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ । 𑌨𑌾॒𑌵𑍀 𑌵𑌾॒𑌨𑍍𑌤-𑌸𑍍𑌸॒𑌮𑌾𑌹𑌿॑𑌤𑌾 ॥ 𑌚𑌤॑𑌸𑍍𑌰॒ 𑌆𑌶𑌾𑌃॒ 𑌪𑍍𑌰𑌚॑𑌰𑌨𑍍𑌤𑍍𑌵॒-𑌗𑍍𑌨𑌯𑌃॑ । 𑌇॒𑌮𑌨𑍍𑌨𑍋॑ 𑌯॒𑌜𑍍𑌞-𑌨𑍍𑌨॑𑌯𑌤𑍁 𑌪𑍍𑌰𑌜𑌾॒𑌨𑌨𑍍𑌨𑍍 । 𑌘𑍃॒𑌤-𑌮𑍍𑌪𑌿𑌨𑍍𑌵॑𑌨𑍍𑌨॒𑌜𑌰𑌗𑍍𑌂॑ 𑌸𑍁॒𑌵𑍀𑌰᳚𑌮𑍍 ॥ 68 ॥

𑌬𑍍𑌰𑌹𑍍𑌮॑ 𑌸॒𑌮𑌿-𑌦𑍍𑌭॑𑌵॒𑌤𑍍𑌯𑌾𑌹𑍁॑𑌤𑍀𑌨𑌾𑌮𑍍 ॥ 𑌆 𑌗𑌾𑌵𑍋॑ 𑌅𑌗𑍍𑌮𑌨𑍍𑌨𑍁॒𑌤 𑌭॒𑌦𑍍𑌰𑌮॑𑌕𑍍𑌰𑌨𑍍𑌨𑍍 । 𑌸𑍀𑌦॑𑌨𑍍𑌤𑍁 𑌗𑍋॒𑌷𑍍𑌠𑍇 𑌰॒𑌣𑌯॑𑌨𑍍𑌤𑍍𑌵॒𑌸𑍍𑌮𑍇 । 𑌪𑍍𑌰॒𑌜𑌾𑌵॑𑌤𑍀𑌃 𑌪𑍁𑌰𑍁॒𑌰𑍂𑌪𑌾॑ 𑌇॒𑌹 𑌸𑍍𑌯𑍁𑌃 । 𑌇𑌨𑍍𑌦𑍍𑌰𑌾॑𑌯 𑌪𑍂॒𑌰𑍍𑌵𑍀 𑌰𑍁॒𑌷𑌸𑍋॒ 𑌦𑍁𑌹𑌾॑𑌨𑌾𑌃 ॥ 𑌇𑌨𑍍𑌦𑍍𑌰𑍋॒ 𑌯𑌜𑍍𑌵॑𑌨𑍇 𑌪𑍃𑌣॒𑌤𑍇 𑌚॑ 𑌶𑌿𑌕𑍍𑌷𑌤𑌿 । 𑌉𑌪𑍇𑌦𑍍𑌦॑𑌦𑌾𑌤𑌿॒ 𑌨 𑌸𑍍𑌵-𑌮𑍍𑌮𑍁॑𑌷𑌾𑌯𑌤𑌿 । 𑌭𑍂𑌯𑍋॑ 𑌭𑍂𑌯𑍋 𑌰॒𑌯𑌿𑌮𑌿𑌦॑𑌸𑍍𑌯 𑌵॒𑌰𑍍𑌧𑌯𑌨𑍍𑌨𑍍॑ । 𑌅𑌭𑌿॑𑌨𑍍𑌨𑍇 𑌖𑌿॒𑌲𑍍𑌲𑍇 𑌨𑌿𑌦॑𑌧𑌾𑌤𑌿 𑌦𑍇𑌵॒𑌯𑍁𑌮𑍍 ॥ 𑌨 𑌤𑌾 𑌨॑𑌶𑌨𑍍𑌤𑌿॒ 𑌨 𑌦॑𑌭𑌾𑌤𑌿॒ 𑌤𑌸𑍍𑌕॑𑌰𑌃 । 𑌨𑍈𑌨𑌾॑ 𑌅𑌮𑌿॒𑌤𑍍𑌰𑍋 𑌵𑍍𑌯𑌥𑌿॒𑌰𑌾𑌦॑𑌧𑌰𑍍𑌷𑌤𑌿 । 𑌦𑍇॒𑌵𑌾𑌗𑍍𑌶𑍍𑌚॒ 𑌯𑌾𑌭𑌿॒-𑌰𑍍𑌯𑌜॑𑌤𑍇॒ 𑌦𑌦𑌾॑𑌤𑌿 𑌚 । 𑌜𑍍𑌯𑍋𑌗𑌿𑌤𑍍𑌤𑌾𑌭𑌿𑌃॑ 𑌸𑌚𑌤𑍇॒ 𑌗𑍋𑌪॑𑌤𑌿-𑌸𑍍𑌸॒𑌹 ॥, 𑌨 𑌤𑌾 𑌅𑌰𑍍𑌵𑌾॑ 𑌰𑍇॒𑌣𑍁𑌕॑𑌕𑌾𑌟𑍋 𑌅𑌶𑍍𑌨𑍁𑌤𑍇 । 𑌨 𑌸𑌗𑍍𑌗𑍍॑ 𑌸𑍍𑌕𑍃𑌤॒𑌤𑍍𑌰-𑌮𑍁𑌪॑𑌯𑌨𑍍𑌤𑌿॒ 𑌤𑌾 𑌅॒𑌭𑌿 । 𑌉॒𑌰𑍁॒𑌗𑌾॒𑌯𑌮𑌭॑𑌯॒-𑌨𑍍𑌤𑌸𑍍𑌯॒ 𑌤𑌾 𑌅𑌨𑍁॑ । 𑌗𑌾𑌵𑍋॒ 𑌮𑌰𑍍𑌤𑍍𑌯॑𑌸𑍍𑌯॒ 𑌵𑌿𑌚॑𑌰𑌨𑍍𑌤𑌿॒ 𑌯𑌜𑍍𑌵॑𑌨𑌃 ॥ ॥ 69 ॥

𑌗𑌾𑌵𑍋॒ 𑌭𑌗𑍋॒ 𑌗𑌾𑌵॒ 𑌇𑌨𑍍𑌦𑍍𑌰𑍋॑ 𑌮𑍇 𑌅𑌚𑍍𑌛𑌾𑌤𑍍 । 𑌗𑌾𑌵॒-𑌸𑍍𑌸𑍋𑌮॑𑌸𑍍𑌯 𑌪𑍍𑌰𑌥॒𑌮𑌸𑍍𑌯॑ 𑌭॒𑌕𑍍𑌷𑌃 । 𑌇॒𑌮𑌾 𑌯𑌾 𑌗𑌾𑌵॒-𑌸𑍍𑌸𑌜॑𑌨𑌾𑌸॒ 𑌇𑌨𑍍𑌦𑍍𑌰𑌃॑ । 𑌇॒𑌚𑍍𑌛𑌾𑌮𑍀𑌦𑍍𑌧𑍃॒𑌦𑌾 𑌮𑌨॑𑌸𑌾 𑌚𑌿॒𑌦𑌿𑌨𑍍𑌦𑍍𑌰᳚𑌮𑍍 ॥ 𑌯𑍂॒𑌯-𑌙𑍍𑌗𑌾॑𑌵𑍋 𑌮𑍇𑌦𑌯𑌥𑌾 𑌕𑍃॒𑌶-𑌞𑍍𑌚𑌿॑𑌤𑍍 । 𑌅॒𑌶𑍍𑌲𑍀॒𑌲-𑌞𑍍𑌚𑌿॑-𑌤𑍍𑌕𑍃𑌣𑍁𑌥𑌾 𑌸𑍁॒𑌪𑍍𑌰𑌤𑍀॑𑌕𑌮𑍍 । 𑌭॒𑌦𑍍𑌰-𑌙𑍍𑌗𑍃॒𑌹-𑌙𑍍𑌕𑍃॑𑌣𑍁𑌥 𑌭𑌦𑍍𑌰𑌵𑌾𑌚𑌃 । 𑌬𑍃॒𑌹𑌦𑍍𑌵𑍋॒ 𑌵𑌯॑ 𑌉𑌚𑍍𑌯𑌤𑍇 𑌸॒𑌭𑌾𑌸𑍁॑ ॥ 𑌪𑍍𑌰॒𑌜𑌾𑌵॑𑌤𑍀-𑌸𑍍𑌸𑍂॒𑌯𑌵॑𑌸𑌗𑍍𑌂 𑌰𑌿॒𑌶𑌨𑍍𑌤𑍀𑌃᳚ (𑌰𑍁॒𑌶𑌨𑍍𑌤𑍀𑌃᳚) । 𑌶𑍁॒𑌦𑍍𑌧𑌾 𑌅॒𑌪-𑌸𑍍𑌸𑍁॑𑌪𑍍𑌰𑌪𑌾॒𑌣𑍇 𑌪𑌿𑌬॑𑌨𑍍𑌤𑍀𑌃 । 𑌮𑌾 𑌵𑌃॑ 𑌸𑍍𑌤𑍇॒𑌨 𑌈॑𑌶𑌤॒ 𑌮𑌾-𑌽𑌘𑌶𑌗𑍍𑌂॑𑌸𑌃 । 𑌪𑌰𑌿॑𑌵𑍋 𑌹𑍇॒𑌤𑍀 𑌰𑍁॒𑌦𑍍𑌰𑌸𑍍𑌯॑ 𑌵𑍃𑌞𑍍𑌜𑍍𑌯𑌾𑌤𑍍 ॥ 𑌉𑌪𑍇॒𑌦-𑌮𑍁॑𑌪॒𑌪𑌰𑍍𑌚॑𑌨𑌮𑍍 । 𑌆॒𑌸𑍁 𑌗𑍋𑌷𑍂𑌪॑𑌪𑍃𑌚𑍍𑌯𑌤𑌾𑌮𑍍 । 𑌉𑌪॑𑌰𑍍𑌷॒𑌭𑌸𑍍𑌯॒ 𑌰𑍇𑌤॑𑌸𑌿 । 𑌉𑌪𑍇᳚𑌨𑍍𑌦𑍍𑌰॒ 𑌤𑌵॑ 𑌵𑍀॒𑌰𑍍𑌯𑍇᳚ ॥ 70 ॥

(𑌚॒𑌰𑌾॒𑌮𑌿॒ - 𑌕𑌨𑍀॑𑌯𑍋॒ - 𑌽𑌨𑍍𑌯𑌾 - 𑌨𑌰𑍍𑌪𑌿॑𑌤𑌾 - 𑌪॒𑌦𑌾𑌨𑌿॒ - 𑌯𑌜𑍍𑌵॑𑌸𑍁 - 𑌹𑌵𑌾𑌮𑌹𑍇 - 𑌵𑌿॒𑌷𑍍𑌠𑌾 - 𑌲𑍋॒𑌕𑌾𑌃 - 𑌸𑍁॒𑌵𑍀𑌰॒ - 𑌮𑌰𑍍𑌵𑌾॒ - 𑌪𑌿𑌬॑𑌨𑍍𑌤𑍀॒-𑌷𑍍𑌷𑌟𑍍𑌚॑) (𑌅. 8)

𑌅𑌨𑍁𑌵𑌾𑌕𑌂 9 - 𑌶𑍁𑌕𑍍𑌲𑌕𑍃𑌷𑍍𑌣𑌪𑌶𑍍𑌵𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌤𑌾 𑌸𑍂᳚𑌰𑍍𑌯𑌾 𑌚𑌨𑍍𑌦𑍍𑌰॒𑌮𑌸𑌾॑ 𑌵𑌿𑌶𑍍𑌵॒𑌭𑍃𑌤𑍍𑌤॑𑌮𑌾 𑌮॒𑌹𑌤𑍍 । 𑌤𑍇𑌜𑍋॒ 𑌵𑌸𑍁॑𑌮-𑌦𑍍𑌰𑌾𑌜𑌤𑍋 𑌦𑌿॒𑌵𑌿 । 𑌸𑌾𑌮𑌾᳚𑌤𑍍𑌮𑌾𑌨𑌾 𑌚𑌰𑌤-𑌸𑍍𑌸𑌾𑌮𑌚𑌾॒𑌰𑌿𑌣𑌾᳚ । 𑌯𑌯𑍋᳚𑌰𑍍𑌵𑍍𑌰॒𑌤-𑌨𑍍𑌨 𑌮॒𑌮𑍇 𑌜𑌾𑌤𑍁॑ 𑌦𑍇॒𑌵𑌯𑍋𑌃᳚ ॥ 𑌉॒𑌭𑌾𑌵𑌨𑍍𑌤𑍗॒ 𑌪𑌰𑌿॑𑌯𑌾𑌤॒ 𑌅𑌰𑍍𑌮𑍍𑌯𑌾᳚ । 𑌦𑌿॒𑌵𑍋 𑌨 𑌰॒𑌶𑍍𑌮𑍀𑌗𑍍 𑌸𑍍𑌤॑𑌨𑍁॒𑌤𑍋-𑌵𑍍𑌯॑𑌰𑍍𑌣॒𑌵𑍇 । 𑌉॒𑌭𑌾 𑌭𑍁॑𑌵॒𑌨𑍍𑌤𑍀 𑌭𑍁𑌵॑𑌨𑌾 𑌕॒𑌵𑌿𑌕𑍍𑌰॑𑌤𑍂 । 𑌸𑍂𑌰𑍍𑌯𑌾॒ 𑌨 𑌚॒𑌨𑍍𑌦𑍍𑌰𑌾 𑌚॑𑌰𑌤𑍋 𑌹॒𑌤𑌾𑌮॑𑌤𑍀 ॥ 𑌪𑌤𑍀᳚ 𑌦𑍍𑌯𑍁॒𑌮-𑌦𑍍𑌵𑌿॑𑌶𑍍𑌵॒𑌵𑌿𑌦𑌾॑ 𑌉॒𑌭𑌾 𑌦𑌿॒𑌵𑌃 । 𑌸𑍂𑌰𑍍𑌯𑌾॑ 𑌉॒𑌭𑌾 𑌚॒𑌨𑍍𑌦𑍍𑌰𑌮॑𑌸𑌾 𑌵𑌿𑌚𑌕𑍍𑌷॒𑌣𑌾 ॥ 71 ॥

𑌵𑌿॒𑌶𑍍𑌵𑌵𑌾॑𑌰𑌾 𑌵𑌰𑌿𑌵𑍋॒𑌭𑌾 𑌵𑌰𑍇᳚𑌣𑍍𑌯𑌾 । 𑌤𑌾 𑌨𑍋॑-𑌽𑌵𑌤-𑌮𑍍𑌮𑌤𑌿॒𑌮𑌨𑍍𑌤𑌾॒ 𑌮𑌹𑌿॑𑌵𑍍𑌰𑌤𑌾 ॥ 𑌵𑌿॒𑌶𑍍𑌵॒𑌵𑌪॑𑌰𑍀 𑌪𑍍𑌰॒𑌤𑌰॑𑌣𑌾 𑌤𑌰॒𑌨𑍍𑌤𑌾 । 𑌸𑍁॒𑌵॒𑌰𑍍𑌵𑌿𑌦𑌾॑ 𑌦𑍃॒𑌶𑌯𑍇॒ 𑌭𑍂𑌰𑌿॑𑌰𑌶𑍍𑌮𑍀 । 𑌸𑍂𑌰𑍍𑌯𑌾॒ 𑌹𑌿 𑌚॒𑌨𑍍𑌦𑍍𑌰𑌾 𑌵𑌸𑍁॑𑌤𑍍𑌵𑍇॒𑌷-𑌦॑𑌰𑍍𑌶𑌤𑌾 । 𑌮॒𑌨॒𑌸𑍍𑌵𑌿𑌨𑍋॒𑌭𑌾-𑌽𑌨𑍁॑ 𑌚𑌰॒𑌤𑍋 𑌨𑍁॒ 𑌸-𑌨𑍍𑌦𑌿𑌵᳚𑌮𑍍 ॥ 𑌅॒𑌸𑍍𑌯 𑌶𑍍𑌰𑌵𑍋॑ 𑌨॒𑌦𑍍𑌯𑌃॑ 𑌸॒𑌪𑍍𑌤 𑌬𑌿॑𑌭𑍍𑌰𑌤𑌿 । 𑌦𑍍𑌯𑌾𑌵𑌾॒ 𑌕𑍍𑌷𑌾𑌮𑌾॑ 𑌪𑍃𑌥𑌿॒𑌵𑍀 𑌦॑𑌰𑍍𑌶॒𑌤𑌂-𑌵𑌁𑌪𑍁𑌃॑ । 𑌅॒𑌸𑍍𑌮𑍇 𑌸𑍂᳚𑌰𑍍𑌯𑌾 𑌚𑌨𑍍𑌦𑍍𑌰॒𑌮𑌸𑌾॑-𑌽𑌭𑌿॒𑌚𑌕𑍍𑌷𑍇᳚ । 𑌶𑍍𑌰॒𑌦𑍍𑌧𑍇 𑌕𑌮𑌿॑𑌨𑍍𑌦𑍍𑌰 𑌚𑌰𑌤𑍋 𑌵𑌿𑌚𑌰𑍍𑌤𑍁॒𑌰𑌮𑍍 ॥ 72 ॥

𑌪𑍂॒𑌰𑍍𑌵𑌾॒𑌪॒𑌰-𑌞𑍍𑌚॑𑌰𑌤𑍋 𑌮𑌾॒𑌯 𑌯𑍈॒𑌤𑍗 । 𑌶𑌿𑌶𑍂॒ 𑌕𑍍𑌰𑍀𑌡॑𑌨𑍍𑌤𑍗॒ 𑌪𑌰𑌿॑𑌯𑌾𑌤𑍋 𑌅𑌦𑍍𑌧𑍍𑌵॒𑌰𑌮𑍍 । 𑌵𑌿𑌶𑍍𑌵𑌾᳚𑌨𑍍𑌯॒𑌨𑍍𑌯𑍋 𑌭𑍁𑌵॑𑌨𑌾 𑌽𑌭𑌿॒𑌚𑌷𑍍𑌟𑍇᳚ । 𑌋॒𑌤𑍂𑌨॒𑌨𑍍𑌯𑍋 𑌵𑌿॒𑌦𑌧॑𑌜𑍍𑌜𑌾𑌯𑌤𑍇॒ 𑌪𑍁𑌨𑌃॑ ॥ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒-𑌶𑍍𑌶𑍁𑌚॑𑌯𑌃 𑌪𑌾𑌵॒𑌕𑌾 𑌯𑌾𑌸𑍁॑ 𑌜𑌾॒𑌤𑌃 𑌕॒𑌶𑍍𑌯𑌪𑍋॒ 𑌯𑌾𑌸𑍍𑌵𑌿𑌨𑍍𑌦𑍍𑌰𑌃॑ । 𑌅॒𑌗𑍍𑌨𑌿𑌂-𑌯𑌾𑌁 𑌗𑌰𑍍𑌭॑-𑌨𑍍𑌦𑌧𑌿॒𑌰𑍇 𑌵𑌿𑌰𑍂॑𑌪𑌾॒𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥,

𑌯𑌾𑌸𑌾॒𑌗𑍍𑌂॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌯𑌾𑌤𑌿॒ 𑌮𑌧𑍍𑌯𑍇॑ 𑌸𑌤𑍍𑌯𑌾𑌨𑍃॒𑌤𑍇 𑌅॑𑌵॒𑌪𑌶𑍍𑌯॒𑌨𑍍 𑌜𑌨𑌾॑𑌨𑌾𑌮𑍍 । 𑌮॒𑌧𑍁॒𑌶𑍍𑌚𑍁𑌤॒-𑌶𑍍𑌶𑍁𑌚॑𑌯𑍋॒ 𑌯𑌾𑌃 𑌪𑌾॑𑌵॒𑌕𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ । 𑌯𑌾𑌸𑌾᳚-𑌨𑍍𑌦𑍇॒𑌵𑌾 𑌦𑌿॒𑌵𑌿 𑌕𑍃॒𑌣𑍍𑌵𑌨𑍍𑌤𑌿॑ 𑌭॒𑌕𑍍𑌷𑌂-𑌯𑌾𑌁 𑌅॒𑌨𑍍𑌤𑌰𑌿॑𑌕𑍍𑌷𑍇 𑌬𑌹𑍁॒𑌧𑌾 𑌭𑌵॑𑌨𑍍𑌤𑌿 । 𑌯𑌾𑌃 𑌪𑍃॑𑌥𑌿॒𑌵𑍀-𑌮𑍍𑌪𑌯॑𑌸𑍋॒𑌨𑍍𑌦𑌨𑍍𑌤𑌿॑𑌶𑍁॒𑌕𑍍𑌰𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥, 𑌶𑌿॒𑌵𑍇𑌨॑ 𑌮𑌾॒ 𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌾-𑌽𑌽𑌪-𑌶𑍍𑌶𑌿॒𑌵𑌯𑌾॑ 𑌤॒𑌨𑍁𑌵𑍋𑌪॑ 𑌸𑍍𑌪𑍃𑌶𑌤॒ 𑌤𑍍𑌵𑌚॑-𑌮𑍍𑌮𑍇 । 𑌸𑌰𑍍𑌵𑌾𑌗𑍍𑌂॑ 𑌅॒𑌗𑍍𑌨𑍀𑌗𑍍𑌂 𑌰॑𑌫𑍍𑌸𑍁॒𑌷𑌦𑍋॑ 𑌹𑍁𑌵𑍇 𑌵𑍋॒ 𑌮𑌯𑌿॒ 𑌵𑌰𑍍𑌚𑍋॒ 𑌬𑌲॒𑌮𑍋𑌜𑍋॒ 𑌨𑌿 𑌧॑𑌤𑍍𑌤 ॥ । 𑌆𑌪𑍋॑ 𑌭॒𑌦𑍍𑌰𑌾 𑌘𑍃॒𑌤𑌮𑌿𑌦𑌾𑌪॑ 𑌆𑌸𑍁𑌰॒𑌗𑍍𑌨𑍀-𑌷𑍋𑌮𑍗॑ 𑌬𑌿𑌭𑍍𑌰॒𑌤𑍍𑌯𑌾𑌪॒ 𑌇-𑌤𑍍𑌤𑌾𑌃 । 𑌤𑍀॒𑌵𑍍𑌰𑍋 𑌰𑌸𑍋॑ 𑌮𑌧𑍁॒𑌪𑍃𑌚𑌾॑ -𑌮𑌰𑌙𑍍𑌗॒𑌮 𑌆 𑌮𑌾᳚ 𑌪𑍍𑌰𑌾॒𑌣𑍇𑌨॑ 𑌸॒𑌹 𑌵𑌰𑍍𑌚॑𑌸𑌾 𑌗𑌨𑍍𑌨𑍍 ॥, 𑌆𑌦𑌿-𑌤𑍍𑌪॑𑌶𑍍𑌯𑌾𑌮𑍍𑌯𑍁॒𑌤 𑌵𑌾॑ 𑌶𑍃𑌣𑍋॒𑌮𑍍𑌯𑌾 𑌮𑌾॒ 𑌘𑍋𑌷𑍋॑ 𑌗𑌚𑍍𑌛𑌤𑌿॒ 𑌵𑌾𑌨𑍍𑌨॑ 𑌆𑌸𑌾𑌮𑍍 । 𑌮𑌨𑍍𑌯𑍇॑ 𑌭𑍇𑌜𑌾॒𑌨𑍋 𑌅॒𑌮𑍃𑌤॑𑌸𑍍𑌯॒ 𑌤𑌰𑍍𑌹𑌿॒ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒ 𑌅𑌤𑍃॑𑌪𑌂-𑌯𑌁॒𑌦𑌾 𑌵𑌃॑ ॥ ॥ 𑌨𑌾𑌸॑𑌦𑌾𑌸𑍀॒𑌨𑍍𑌨𑍋 𑌸𑌦𑌾॑𑌸𑍀-𑌤𑍍𑌤॒𑌦𑌾𑌨𑍀᳚𑌮𑍍 । 𑌨𑌾𑌸𑍀॒-𑌦𑍍𑌰𑌜𑍋॒ 𑌨𑍋 𑌵𑍍𑌯𑍋॑𑌮𑌾𑌪॒𑌰𑍋 𑌯𑌤𑍍 । 𑌕𑌿𑌮𑌾𑌵॑𑌰𑍀𑌵𑌃॒ 𑌕𑍁𑌹॒ 𑌕𑌸𑍍𑌯॒ 𑌶𑌰𑍍𑌮𑌨𑍍𑌨𑍍॑ ॥ 73 ॥

𑌅𑌮𑍍𑌭𑌃॒ 𑌕𑌿𑌮𑌾॑𑌸𑍀॒-𑌦𑍍𑌗𑌹॑𑌨-𑌙𑍍𑌗𑌭𑍀॒𑌰𑌮𑍍 ॥ 𑌨 𑌮𑍃॒𑌤𑍍𑌯𑍁𑌰॒𑌮𑍃𑌤॒-𑌨𑍍𑌤𑌰𑍍𑌹𑌿॒ 𑌨 । 𑌰𑌾𑌤𑍍𑌰𑌿॑𑌯𑌾॒ 𑌅𑌹𑍍𑌨॑ 𑌆𑌸𑍀-𑌤𑍍𑌪𑍍𑌰𑌕𑍇॒𑌤𑌃 । 𑌆𑌨𑍀॑𑌦𑌵𑌾॒𑌤𑌗𑍍𑌗𑍍 𑌸𑍍𑌵॒𑌧𑌯𑌾॒ 𑌤𑌦𑍇𑌕᳚𑌮𑍍 । 𑌤𑌸𑍍𑌮𑌾᳚-𑌦𑍍𑌧𑌾॒𑌨𑍍𑌯-𑌨𑍍𑌨 𑌪॒𑌰𑌃 (𑌪॒𑌰𑌂) 𑌕𑌿𑌞𑍍𑌚॒ 𑌨𑌾𑌸॑ ॥ 𑌤𑌮॑ 𑌆𑌸𑍀॒-𑌤𑍍𑌤𑌮॑𑌸𑌾 𑌗𑍂॒𑌢𑌮𑌗𑍍𑌰𑍇᳚ 𑌪𑍍𑌰𑌕𑍇॒𑌤𑌮𑍍 । 𑌸॒𑌲𑌿॒𑌲𑌗𑍍𑌂 𑌸𑌰𑍍𑌵॑𑌮𑌾 𑌇॒𑌦𑌮𑍍 । 𑌤𑍁॒𑌚𑍍𑌛𑍇 𑌨𑌾॒𑌭𑍍𑌵𑌪𑌿॑𑌹𑌿𑌤Q𑌂-𑌯𑌁𑌦𑌾𑌸𑍀᳚𑌤𑍍 । 𑌤𑌮॑𑌸॒ 𑌸𑍍𑌤𑌨𑍍𑌮॑𑌹𑌿॒𑌨𑌾 𑌜𑌾॑𑌯॒𑌤𑍈𑌕᳚𑌮𑍍 ॥ 𑌕𑌾𑌮॒𑌸𑍍𑌤𑌦𑌗𑍍𑌰𑍇॒ 𑌸𑌮॑𑌵𑌰𑍍𑌤॒𑌤𑌾𑌧𑌿॑ ॥ 74 ॥

𑌮𑌨॑𑌸𑍋॒ 𑌰𑍇𑌤𑌃॑ 𑌪𑍍𑌰𑌥॒𑌮𑌂-𑌯𑌁𑌦𑌾𑌸𑍀᳚𑌤𑍍 । 𑌸॒ 𑌤𑍋 𑌬𑌨𑍍𑌧𑍁॒𑌮𑌸॑𑌤𑌿॒ 𑌨𑌿𑌰॑𑌵𑌿𑌨𑍍𑌦𑌨𑍍𑌨𑍍 (𑌨𑌿𑌰॑𑌵𑌿𑌦𑌨𑍍𑌨𑍍) । 𑌹𑍃॒𑌦𑌿 𑌪𑍍𑌰॒𑌤𑍀𑌷𑍍𑌯𑌾॑ 𑌕॒𑌵𑌯𑍋॑ 𑌮𑌨𑍀॒𑌷𑌾 ॥ 𑌤𑌿॒𑌰॒𑌶𑍍𑌚𑍀𑌨𑍋॒ 𑌵𑌿𑌤॑𑌤𑍋 𑌰॒𑌶𑍍𑌮𑌿𑌰𑍇॑𑌷𑌾𑌮𑍍 । 𑌅॒𑌧-𑌸𑍍𑌸𑍍𑌵𑌿॑𑌦𑌾॒𑌸𑍀(3) 𑌦𑍁॒𑌪𑌰𑌿॑ 𑌸𑍍𑌵𑌿𑌦𑌾𑌸𑍀(3)𑌤𑍍 । 𑌰𑍇॒𑌤𑍋॒𑌧𑌾 𑌆॑𑌸-𑌨𑍍𑌮𑌹𑌿॒𑌮𑌾𑌨॑ 𑌆𑌸𑌨𑍍𑌨𑍍 । 𑌸𑍍𑌵॒𑌧𑌾 𑌅॒𑌵𑌸𑍍𑌤𑌾॒-𑌤𑍍𑌪𑍍𑌰𑌯॑𑌤𑌿𑌃 𑌪॒𑌰𑌸𑍍𑌤𑌾᳚𑌤𑍍 ॥ 𑌕𑍋 𑌅॒𑌦𑍍𑌧𑌾 𑌵𑍇॑𑌦॒ 𑌕 𑌇॒𑌹 𑌪𑍍𑌰𑌵𑍋॑𑌚𑌤𑍍 । 𑌕𑍁𑌤॒ 𑌆𑌜𑌾॑𑌤𑌾॒ 𑌕𑍁𑌤॑ 𑌇॒𑌯𑌂-𑌵𑌿𑌁𑌸𑍃॑𑌷𑍍𑌟𑌿𑌃 । 𑌅॒𑌰𑍍𑌵𑌾𑌗𑍍𑌦𑍇॒𑌵𑌾 𑌅॒𑌸𑍍𑌯 𑌵𑌿॒𑌸𑌰𑍍𑌜॑𑌨𑌾𑌯 ॥ 75 ॥

𑌅𑌥𑌾॒ 𑌕𑍋 𑌵𑍇॑𑌦॒ 𑌯𑌤॑ 𑌆𑌬॒𑌭𑍂𑌵॑ ॥ 𑌇॒𑌯𑌂-𑌵𑌿𑌁𑌸𑍃॑𑌷𑍍𑌟𑌿॒-𑌰𑍍𑌯𑌤॑ 𑌆𑌬॒𑌭𑍂𑌵॑ । 𑌯𑌦𑌿॑ 𑌵𑌾 𑌦॒𑌧𑍇 𑌯𑌦𑌿॑ 𑌵𑌾॒ 𑌨 । 𑌯𑍋 𑌅॒𑌸𑍍𑌯𑌾𑌦𑍍𑌧𑍍𑌯॑𑌕𑍍𑌷𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸𑍋 𑌅॒𑌙𑍍𑌗 𑌵𑍇॑𑌦॒ 𑌯𑌦𑌿॑ 𑌵𑌾॒ 𑌨 𑌵𑍇𑌦॑ ॥ 𑌕𑌿𑌗𑍍𑌗𑍍𑌸𑍍𑌵𑌿॒𑌦𑍍𑌵𑌨॒-𑌙𑍍𑌕 𑌉॒ 𑌸 𑌵𑍃॒𑌕𑍍𑌷 𑌆॑𑌸𑍀𑌤𑍍 । 𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 । 𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾 𑌪𑍃॒𑌚𑍍𑌛𑌤𑍇𑌦𑍁॒ 𑌤𑌤𑍍 । 𑌯𑌦॒𑌦𑍍𑌧𑍍𑌯𑌤𑌿॑𑌷𑍍𑌠॒-𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍𑌨𑍍॑ ॥ 𑌬𑍍𑌰𑌹𑍍𑌮॒ 𑌵𑌨॒-𑌮𑍍𑌬𑍍𑌰𑌹𑍍𑌮॒ 𑌸 𑌵𑍃॒𑌕𑍍𑌷 𑌆॑𑌸𑍀𑌤𑍍 ॥ 76 ॥

𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 । 𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾॒ 𑌵𑌿𑌬𑍍𑌰॑𑌵𑍀𑌮𑌿 𑌵𑌃 । 𑌬𑍍𑌰𑌹𑍍𑌮𑌾॒𑌦𑍍𑌧𑍍𑌯𑌤𑌿॑𑌷𑍍𑌠॒-𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍𑌨𑍍॑ ॥ 𑌪𑍍𑌰𑌾॒𑌤𑌰॒𑌗𑍍𑌨𑌿-𑌮𑍍𑌪𑍍𑌰𑌾॒𑌤𑌰𑌿𑌨𑍍𑌦𑍍𑌰𑌗𑍍𑌂॑ 𑌹𑌵𑌾𑌮𑌹𑍇 । 𑌪𑍍𑌰𑌾॒𑌤 𑌰𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑌾 𑌪𑍍𑌰𑌾॒𑌤𑌰॒𑌶𑍍𑌵𑌿𑌨𑌾᳚ । 𑌪𑍍𑌰𑌾॒𑌤 𑌰𑍍𑌭𑌗॑-𑌮𑍍𑌪𑍂॒𑌷𑌣॒-𑌮𑍍𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿᳚𑌮𑍍 । 𑌪𑍍𑌰𑌾॒𑌤𑌸𑍍𑌸𑍋𑌮॑𑌮𑍁॒𑌤 𑌰𑍁॒𑌦𑍍𑌰𑌗𑍍𑌂 𑌹𑍁॑𑌵𑍇𑌮 ॥ 𑌪𑍍𑌰𑌾॒𑌤॒𑌰𑍍𑌜𑌿𑌤॒-𑌮𑍍𑌭𑌗॑𑌮𑍁॒𑌗𑍍𑌰𑌗𑍍𑌂 𑌹𑍁॑𑌵𑍇𑌮 । 𑌵॒𑌯-𑌮𑍍𑌪𑍁॒𑌤𑍍𑌰𑌮𑌦𑌿॑𑌤𑍇॒𑌰𑍍𑌯𑍋 𑌵𑌿॑𑌧॒𑌰𑍍𑌤𑌾 । 𑌆॒𑌦𑍍𑌧𑍍𑌰𑌶𑍍𑌚𑌿॒𑌦𑍍𑌯-𑌮𑍍𑌮𑌨𑍍𑌯॑𑌮𑌾𑌨-𑌸𑍍𑌤𑍁॒𑌰𑌶𑍍𑌚𑌿॑𑌤𑍍 ॥ 77 ॥

𑌰𑌾𑌜𑌾॑ 𑌚𑌿॒𑌦𑍍𑌯-𑌮𑍍𑌭𑌗॑-𑌮𑍍𑌭॒𑌕𑍍𑌷𑍀𑌤𑍍𑌯𑌾𑌹॑ ॥ 𑌭𑌗॒ 𑌪𑍍𑌰𑌣𑍇॑𑌤॒𑌰𑍍𑌭𑌗॒ 𑌸𑌤𑍍𑌯॑𑌰𑌾𑌧𑌃 । 𑌭𑌗𑍇॒𑌮𑌾-𑌨𑍍𑌧𑌿𑌯॒𑌮𑍁𑌦॑𑌵॒ 𑌦𑌦॑𑌨𑍍𑌨𑌃 । 𑌭𑌗॒ 𑌪𑍍𑌰𑌣𑍋॑ 𑌜𑌨𑌯॒ 𑌗𑍋𑌭𑌿॒𑌰𑌶𑍍𑌵𑍈𑌃᳚ । 𑌭𑌗॒ 𑌪𑍍𑌰𑌨𑍃𑌭𑌿॑-𑌰𑍍𑌨𑍃॒𑌵𑌨𑍍𑌤𑌃॑ 𑌸𑍍𑌯𑌾𑌮 । 𑌉॒𑌤𑍇𑌦𑌾𑌨𑍀॒-𑌮𑍍𑌭𑌗॑𑌵𑌨𑍍𑌤-𑌸𑍍𑌸𑍍𑌯𑌾𑌮 ॥ 𑌉॒𑌤 𑌪𑍍𑌰𑌪𑌿॒𑌤𑍍𑌵 𑌉॒𑌤 𑌮𑌦𑍍𑌧𑍍𑌯𑍇॒ 𑌅𑌹𑍍𑌨𑌾᳚𑌮𑍍 । 𑌉॒𑌤𑍋𑌦𑌿॑𑌤𑌾 𑌮𑌘𑌵॒𑌨𑍍-𑌥𑍍𑌸𑍂𑌰𑍍𑌯॑𑌸𑍍𑌯 । 𑌵॒𑌯-𑌨𑍍𑌦𑍇॒𑌵𑌾𑌨𑌾𑌗𑍍𑌂॑ 𑌸𑍁𑌮॒𑌤𑍗 𑌸𑍍𑌯𑌾॑𑌮 ॥ 𑌭𑌗॑ 𑌏॒𑌵 𑌭𑌗॑𑌵𑌾𑌗𑍍𑌂 𑌅𑌸𑍍𑌤𑍁 𑌦𑍇𑌵𑌾𑌃 ॥ 78 ॥

𑌤𑍇𑌨॑ 𑌵॒𑌯-𑌮𑍍𑌭𑌗॑𑌵𑌨𑍍𑌤-𑌸𑍍𑌸𑍍𑌯𑌾𑌮 । 𑌤-𑌨𑍍𑌤𑍍𑌵𑌾॑ 𑌭𑌗॒ 𑌸𑌰𑍍𑌵॒ 𑌇𑌜𑍍𑌜𑍋॑𑌹𑌵𑍀𑌮𑌿 । 𑌸 𑌨𑍋॑ 𑌭𑌗 𑌪𑍁𑌰 𑌏॒𑌤𑌾 𑌭॑𑌵𑍇॒𑌹 ॥ 𑌸𑌮॑𑌦𑍍𑌧𑍍𑌵॒𑌰𑌾𑌯𑍋॒𑌷𑌸𑍋॑ 𑌨𑌮𑌨𑍍𑌤 । 𑌦॒𑌧𑌿॒𑌕𑍍𑌰𑌾𑌵𑍇॑𑌵॒ 𑌶𑍁𑌚॑𑌯𑍇 𑌪॒𑌦𑌾𑌯॑ । 𑌅॒𑌰𑍍𑌵𑌾॒𑌚𑍀॒𑌨𑌂-𑌵𑌁॑𑌸𑍁॒𑌵𑌿𑌦॒-𑌮𑍍𑌭𑌗॑𑌨𑍍𑌨𑌃 । 𑌰𑌥॑𑌮𑌿॒𑌵𑌾𑌶𑍍𑌵𑌾॑ 𑌵𑌾॒𑌜𑌿𑌨॒ 𑌆𑌵॑𑌹𑌨𑍍𑌤𑍁 ॥ 𑌅𑌶𑍍𑌵𑌾॑𑌵𑌤𑍀॒-𑌰𑍍𑌗𑍋𑌮॑𑌤𑍀-𑌰𑍍𑌨 𑌉॒𑌷𑌾𑌸𑌃॑ । 𑌵𑍀॒𑌰𑌵॑𑌤𑍀॒-𑌸𑍍𑌸𑌦॑𑌮𑍁𑌚𑍍𑌛𑌨𑍍𑌤𑍁 𑌭॒𑌦𑍍𑌰𑌾𑌃 । 𑌘𑍃॒𑌤-𑌨𑍍𑌦𑍁𑌹𑌾॑𑌨𑌾 𑌵𑌿॒𑌶𑍍𑌵𑌤𑌃॒ 𑌪𑍍𑌰𑌪𑍀॑𑌨𑌾𑌃 । 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 79 ॥

(𑌵𑌿॒𑌚॒𑌕𑍍𑌷॒𑌣𑌾 - 𑌵𑌿॑𑌚𑌰𑍍𑌤𑍁॒𑌰𑌗𑍍𑌂 - 𑌶𑌰𑍍𑌮॒ - 𑌨𑍍𑌨𑌧𑌿॑ - 𑌵𑌿॒𑌸𑌰𑍍𑌜॑𑌨𑌾𑌯॒ - 𑌬𑍍𑌰𑌹𑍍𑌮॒ 𑌵𑌨॒-𑌮𑍍𑌬𑍍𑌰𑌹𑍍𑌮॒ 𑌸 𑌵𑍃॒𑌕𑍍𑌷 𑌆॑𑌸𑍀𑌤𑍍- 𑌤𑍁॒𑌰𑌶𑍍𑌚𑌿॑-𑌦𑍍- 𑌦𑍇𑌵𑌾𑌃॒ - 𑌪𑍍𑌰𑌪𑍀॑𑌨𑌾॒ 𑌏𑌕॑-𑌞𑍍𑌚) (𑌅. 9)

(𑌪𑍀𑌵𑍋᳚-𑌽𑌨𑍍𑌨𑌾॒ - 𑌮𑌗𑍍𑌨𑍇॒ 𑌤𑍍𑌵-𑌮𑍍𑌪𑌾॑𑌰 - 𑌯𑌾𑌨𑌾𑌘𑍃॒𑌷𑍍𑌯𑌃 - 𑌶𑍁𑌚𑌿॒-𑌨𑍍𑌨𑍁 𑌸𑍍𑌤𑍋𑌮𑌂॑ - 𑌁𑌵𑌿॒𑌶𑍍𑌰𑌯॑𑌮𑌾𑌣𑍋 - 𑌦𑌿॒𑌵𑍋 𑌰𑍁॒𑌕𑍍𑌮𑍋 - 𑌽𑌨𑍍𑌨॑-𑌮𑍍𑌪𑍍𑌰𑌾॒𑌣𑌂 - 𑌤𑌾 𑌸𑍂᳚𑌰𑍍𑌯𑌾𑌚𑌨𑍍𑌦𑍍𑌰॒𑌮𑌸𑌾॒ 𑌨𑌵॑𑌸𑌪𑍍𑌤𑌤𑌿𑌃)

(𑌪𑍀𑌵𑍋᳚𑌨𑍍𑌨𑌾 - 𑌁𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑𑌨𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌅𑌷𑍍𑌟𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑌂 𑌸𑌮𑌾𑌪𑍍𑌤𑌮𑍍 ॥

Roman (IAST) Transliteration

kṛṣṇa yajurvedīya taittirīya brāhmaṇe dvitīyāṣṭake aṣṭamaḥ prapāṭhakaḥ - kāmyapaśuyājyānuvākyā brāhmaṇam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - vāyavyādipaśūnāṃ sūktāni

pīvo᳚nnāgṃ rayi॒vṛdhaḥ̭ sume॒dhāḥ | śve॒ta-ssi̭ṣakti ni॒yutā̭mabhi॒śrīḥ | te vā॒yave॒ sama̭naso॒ vita̭sthuḥ | viśvennaraḥ̭ svapa॒tyāni̭ cakruḥ || rā॒ye-'nu ya-ñja॒jñatū॒ roda̭sī u॒bhe | rā॒ye de॒vī dhi॒ṣaṇā̭ dhāti de॒vam | adhā̭ vā॒yu-nni॒yutaḥ̭ saścata॒ svāḥ | u॒ta śve॒taṃ-va~sṷdhiti-nnire॒ke || ā vā̭yo bhūṣa śucipā॒ upa̭ na-ssa॒hasra̭-nte ni॒yuto̭ viśvavāra | upo̭ te॒ andho॒ madya̭mayāmi॒ yasya̭ deva dadhi॒ṣe pū᳚rva॒peya᳚m || pra yābhi॒ryāsi̭ dā॒śvāgṃ samacchā̭ ni॒yudbhi̭-rvāyavi॒ṣṭayḙ duro॒ṇe | ni no̭ ra॒yigṃ su॒bhoja̭saṃ-yu~ve॒ha ni vī॒rava॒-dgavya॒maśvi̭ya-ñca॒ rādhaḥ̭ |||| pra vā॒yumacchā̭ bṛha॒tī ma̭nī॒ṣā || 1 ||

bṛ॒hadra̭yiṃ-vi~॒śvavā̭rāgṃ ratha॒prām | dyu॒tadyā̭mā ni॒yutaḥ॒ patya̭mānaḥ | ka॒viḥ ka॒vimi̭yakṣasi prayajyo || ā no̭ ni॒yudbhiḥ̭ śa॒tinī̭bhi-raddhva॒ram | sa॒ha॒sriṇī̭bhi॒rupa̭ yāhi ya॒jñam | vāyo̭ a॒smin. ha॒viṣi̭ mādayasva | yū॒ya-mpā̭ta sva॒stibhi॒-ssadā̭ naḥ || prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva | ya-tkā̭māste juhu॒mastanno̭ astu || 2 ||

va॒yagg syā̭ma॒ pata̭yo rayī॒ṇām || ra॒yī॒ṇā-mpatiṃ̭-ya~ja॒ta-mbṛ॒hanta᳚m | a॒sminbhare॒ nṛta̭maṃ॒-vā~ja̭sātau | pra॒jāpa̭ti-mprathama॒jāmṛ॒tasya̭ | yajā̭ma de॒vamadhi̭ no bravītu || prajā̭pate॒ tva-nni̭dhi॒pāḥ pṷrā॒ṇaḥ | de॒vānā᳚-mpi॒tā ja̭ni॒tā pra॒jānā᳚m | pati॒-rviśva̭sya॒ jaga̭taḥ para॒spāḥ | ha॒virno̭ deva viha॒ve jṷṣasva || tave॒me lo॒kāḥ pra॒diśo॒ diśa̭śca || 3 ||

pa॒rā॒vato̭ ni॒vata̭ u॒dvata̭śca | prajā̭pate viśva॒sṛjjī॒vadha̭nya i॒da-nno̭ deva | prati̭harya ha॒vyam || pra॒jāpa̭ti-mpratha॒maṃ-ya~॒jñiyā̭nām | de॒vānā॒magrḙ yaja॒taṃ-ya~̭jaddhvam | sa no̭ dadātu॒ dravi̭ṇagṃ su॒vīrya᳚m | rā॒yaspoṣaṃ॒-vi~ṣya̭tu॒ nābhi̭ma॒sme || yo rā॒ya īśḙ śatadā॒ya u॒kthyaḥ̭ | yaḥ pa̭śū॒nāgṃ ra̭kṣi॒tā viṣṭhi̭tānām | pra॒jāpa̭tiḥ prathama॒jā ṛ॒tasya̭ || 4 ||

sa॒hasra̭dhāmā juṣatāgṃ ha॒virnaḥ̭ || somā̭pūṣaṇā॒ jana̭nā rayī॒ṇā-ñjana̭nā di॒vo jana̭nā pṛthi॒vyāḥ | jā॒tau viśva̭sya॒ bhuva̭nasya go॒pau de॒vā a̭kṛṇvanna॒mṛta̭sya॒ nābhi᳚m || i॒mau de॒vau jāya̭mānau juṣante॒mau tamāgṃ̭si gūhatā॒majṷṣṭā | ā॒bhyāmindraḥ̭ pa॒kvamā॒māsva॒nta-sso̭māpū॒ṣabhyā᳚-ñjanadu॒sriyā̭su || || somā̭pūṣaṇā॒ raja̭so vi॒māna᳚m | sa॒ptaca̭kra॒gṃ॒ ratha॒mavi̭śvaminvam | vi॒ṣū॒vṛta॒-mmana̭sā yu॒jyamā̭nam | ta-ñji̭nvatho vṛṣaṇā॒ pañca̭raśmim || di॒vya̭nya-ssada̭na-ñca॒kra u॒ccā | pṛ॒thi॒vyāma॒nyo addhya॒ntari̭kṣe | tāva॒smabhya̭-mpuru॒vāra̭-mpuru॒kṣum | rā॒yaspoṣaṃ॒-vi~ṣya̭tā॒-nnābhi̭ma॒sme || 5 ||

dhiya̭-mpū॒ṣā ji̭nvatu viśvami॒nvaḥ | ra॒yigṃ somo̭ rayi॒pati̭-rdadhātu | ava̭tu de॒vyadi̭tira-na॒rvā | bṛ॒ha-dva̭dema vi॒dathḙ su॒vīrāḥ᳚ || viśvā᳚nya॒nyo bhuva̭nā ja॒jāna̭ | viśva̭ma॒nyo a̭bhi॒cakṣā̭ṇa eti | somā̭pūṣaṇā॒-vava̭ta॒-ndhiya̭-mme | yu॒vabhyāṃ॒-vi~śvāḥ॒ pṛta̭nā jayema || udṷtta॒maṃ-va~̭ruṇa॒ pāśa̭ma॒smadavā̭-'dha॒maṃ-vi~ma̭dhya॒magg śra̭thāya | athā̭ va॒yamā̭ditya vra॒te tavā-'nā̭gaso॒ adi̭taye syāma asta̭bhnā॒dyāmṛ̭ṣa॒bho a॒ntari̭kṣa॒mami̭mīta vari॒māṇa̭-mpṛthi॒vyā ā-'sī̭da॒-dviśvā॒ bhuva̭nāni sa॒mrā-ḍviśvettāni॒ varṷṇasya vra॒tāni̭ || | ya-tkiñce॒daṃ-va~̭ruṇa॒ daivye॒ janḙ-'bhidro॒ha-mma̭nu॒ṣyā᳚ścarā̭masi | aci̭ttī॒ya-ttava॒ dharmā̭ yuyopi॒ma mā na॒stasmā॒ dena̭so deva rīriṣaḥ || ki॒ta॒vāso॒ yadri̭ ri॒purna dī॒vi yadvā̭ ghā sa॒tya mu॒tayanna vi॒dma | sarvā॒ tā viṣya̭ śithi॒reva̭ de॒vāthā̭ te syāma varuṇa pri॒yāsaḥ̭ ||( ) | ava̭ te॒ heḍo̭ varuṇa॒ namo̭bhi॒rava̭ ya॒jñebhi̭rīmahe ha॒virbhiḥ̭ | kṣaya̭nna॒smabhya̭masura praceto॒ rāja॒nnenāgṃ̭si śiśrathaḥ kṛ॒tāni̭ ||, tattvā̭ yāmi॒ brahma̭ṇā॒ vanda̭māna॒stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || || ā॒di॒tyānā॒mava̭sā॒ nūta̭nena sakṣī॒mahi॒ śarma̭ṇā॒ śanta̭mena | a॒nā॒gā॒stve a̭diti॒tve tu॒rāsa̭ i॒maṃ-ya~॒jña-nda̭dhatu॒ śroṣa̭māṇāḥ ||, na da̭kṣi॒ṇā vici̭kite॒ na sa॒vyā na prā॒cīna̭mādityā॒ nota pa॒ścā | pā॒kyā̭ cidvasavo dhī॒ryā̭ ci--dyu॒ṣmānī̭to॒ abha̭ya॒-ñjyoti̭raśyām || | dhā॒raya̭nta ādi॒tyāso॒ jaga॒thsthā de॒vā viśva̭sya॒ bhuva̭nasya go॒pāḥ | dī॒rghādhi̭yo॒ rakṣa̭māṇā asu॒rya̭mṛ॒tāvā̭na॒-ścaya̭mānā ṛ॒ṇāni̭ ||, ti॒sro bhūmī᳚rdhāraya॒-ntrīgṃ ru॒ta dyū-ntrīṇi̭ vra॒tā vi॒dathḙ a॒ntarḙṣām | ṛ॒tenā̭-''dityā॒ mahi̭ vo mahi॒tva-ntada̭ryaman varuṇa mitra॒ cārṷ || | ya॒jño de॒vānā॒-mpratyḙti su॒mnamādi̭tyāso॒ bhava̭tā mṛḍa॒yantaḥ̭ | ā vo॒-'rvācī̭ suma॒ti rva̭vṛtyāda॒gṃ॒ hości॒dyā va̭rivo॒vitta॒rā-'sa̭t || śuci̭ra॒pa-ssū॒yava̭sā॒ ada̭bdha॒ upa̭ kṣeti vṛ॒ddhava̭yā-ssu॒vīraḥ̭ | naki॒ṣṭa-ṅghna॒ntyanti̭to॒ na dū॒rādya ā̭di॒tyānā॒-mbhava̭ti॒ praṇī̭tau || || 6 ||

(ma॒nī॒ṣā-'stṷ-ca॒-rta-syā॒sme-ki̭ta॒vāsa̭ śca॒tvāri̭ ca ) (a. 1)

anuvākaṃ 2 - vaśādīnāṃ sūktāni

te śu॒krāsa॒-śśuca̭yo raśmi॒vantaḥ̭ | sīda̭nnādi॒tyā adhi̭ ba॒ra॒ḥiṣi̭ pri॒ye | kāmḙna de॒vā-ssa॒ratha̭-ndi॒vo naḥ̭ | āyā᳚ntu ya॒jñamupa̭ no juṣā॒ṇāḥ || te sū॒navo॒ adi̭teḥ pīva॒sāmiṣa᳚m | ghṛ॒ta-mpinva॒t-prati̭haryannṛte॒jāḥ | pra ya॒jñiyā॒ yaja̭mānāya yemure | ā॒di॒tyāḥ kāma̭-mpitu॒manta̭ma॒sme || ā naḥ̭ pu॒trā adi̭teryāntu ya॒jñam | ā॒di॒tyāsaḥ̭ pa॒thibhi̭-rdeva॒yānaiḥ᳚ || 7 ||

a॒sme kāma̭-ndā॒śuṣḙ sa॒nnama̭ntaḥ | pu॒ro॒ḍāśa̭-ṅghṛ॒tava̭nta-ñjuṣantām || ska॒bhā॒yata॒ nir-ṛ̭ti॒gṃ॒ sedha॒tāma̭tim | pra ra॒śmibhi॒-ryata̭mānā amṛddhrāḥ | ādi̭tyāḥ॒ kāma॒ praya̭tāṃ॒-va~ṣa̭ṭkṛtim | ju॒ṣaddhva̭-nno ha॒vyadā̭tiṃ-ya~jatrāḥ || ā॒di॒tyān-kāma॒mava̭se huvema | ye bhū॒tāni̭ ja॒naya̭nto vici॒khyuḥ | sīda̭ntu pu॒trā adi̭teru॒pastha᳚m | stī॒rṇa-mba॒ra॒ḥirha̭vi॒radyā̭ya de॒vāḥ || 8 ||

stī॒rṇa-mba॒ra॒ḥi-ssī̭datā ya॒jñe a॒sminn | dhrā॒jā-ssedha̭nto॒ ama̭ti-ndu॒revā᳚m | a॒smabhya̭-mputrā aditeḥ॒ prayagṃ̭sata | ādi̭tyāḥ॒ kāma̭ ha॒viṣo̭ juṣā॒ṇāḥ || agne॒ naya̭ su॒pathā̭ rā॒ye a॒smān | viśvā̭ni deva va॒yunā̭ni vi॒dvān | yu॒yo॒ddhya̭sma-jjṷhurā॒ṇamenaḥ̭ | bhūyi̭ṣṭhā-nte॒ nama̭ uktiṃ-vi~dhema || pravaḥ̭ śu॒krāya̭ bhā॒navḙ bharaddhvam | ha॒vya-mma॒ti-ñcā॒gnaye॒ supṷ̄tam || 9 ||

yo daivyā̭ni॒ mānṷṣā ja॒nūgṃṣi̭ | a॒nta-rviśvā̭ni vi॒dmanā॒ jigā̭ti || acchā॒ giro̭ ma॒tayo̭ deva॒yantīḥ᳚ | a॒gniṃ-ya~̭nti॒ dravi̭ṇa॒-mbhikṣa̭māṇāḥ | su॒sa॒dṛṃśagṃ̭ su॒pratī̭ka॒gg॒ svañca᳚m | ha॒vya॒vāha̭mara॒ti-mmānṷṣāṇām || agne॒ tvama॒sma-dyṷyo॒ddhyamī̭vāḥ | ana̭gnitrā a॒bhya̭manta kṛ॒ṣṭīḥ | puna̭ra॒smabhyagṃ̭ suvi॒tāya̭ deva | kṣāṃ-vi~śvḙbhira॒jarḙbhi-ryajatra || 10 ||

agne॒ tva-mpā̭rayā॒ navyo̭ a॒smān | sva॒stibhi॒rati̭ du॒rgāṇi॒ viśvā᳚ | pūśca̭ pṛ॒thvī ba̭hu॒lā na̭ u॒rvī | bhavā̭ to॒kāya॒ tana̭yāya॒ śaṃ-yoḥ ~|| pra kā̭ravo mana॒nā va॒cyamā̭nāḥ | de॒va॒drīcī᳚-nnayatha deva॒yantaḥ̭ | da॒kṣi॒ṇā॒vāḍ-vā॒jinī॒ prācyḙti | ha॒virbhara̭ntya॒gnayḙ ghṛ॒tācī᳚ || indra॒-nnaro̭ ne॒madhi̭tā havante॒ yatpāryā̭ yu॒naja̭te॒ dhiya॒stāḥ | śūro॒ nṛṣā̭tā॒ śava̭saścakā॒na ā goma̭ti vra॒je bha̭jā॒ tvannaḥ̭ || yu॒je ratha̭-ṅga॒veṣa̭ṇa॒gṃ॒ hari̭bhyām | upa॒ brahmā̭ṇi jujuṣā॒ṇa-ma̭sthuḥ | vibā̭dhiṣṭā॒sya roda̭sī mahi॒tvā | indro̭ vṛ॒trāṇya̭pra॒tī ja̭gha॒nvān || || ja॒gṛ॒bhṇā te॒ dakṣi̭ṇāmindra॒ hasta᳚m || 11 ||

va॒sū॒yavo̭ vasupate॒ vasṷ̄nām | vi॒dmā hi tvā॒ gopa̭tigṃ śūra॒ gonā᳚m | a॒smabhya̭-ñci॒traṃ-vṛ~ṣa̭ṇagṃ ra॒yi-ndāḥ᳚ || tave॒daṃ-vi~śva̭ma॒bhitaḥ̭ paśa॒vya᳚m | ya-tpaśya̭si॒ cakṣa̭sā॒ sūrya̭sya | gavā̭masi॒ gopa̭ti॒reka̭ indra | bha॒kṣī॒mahi̭ te॒ praya̭tasya॒ vasvaḥ̭ || sami̭ndra ṇo॒ mana̭sā neṣi॒ gobhiḥ̭ | sagṃ sū॒ribhi̭-rmaghava॒n-thsagg sva॒styā | sa-mbrahma̭ṇā de॒vakṛ̭taṃ॒-ya~dasti̭ || 12 ||

sa-nde॒vānāgṃ̭ suma॒tyā ya॒jñiyā̭nām || ā॒rācchatru॒-mapa̭bādhasva dū॒ram | u॒gro ya-śśambaḥ̭ puruhūta॒ tena̭ | a॒sme dhḙhi॒ yava̭ma॒dgoma̭dindra | kṛ॒dhī dhiya̭-ñjari॒tre vāja̭ratnām || āve॒dhasa॒-nnīla̭pṛṣṭha-mbṛ॒hanta᳚m | bṛha॒spati॒gṃ॒ sada̭ne sādayadhvam | sā॒dadyo̭ni॒-ndama॒ ādī̭di॒vāgṃsa᳚m | hira̭ṇyavarṇamaru॒ṣagṃ sa̭pema || sa hi śuciḥ̭ || bṛha॒spatiḥ̭ pratha॒ma-ñjāya̭mānaḥ | ma॒ho jyoti̭ṣaḥ para॒me vyo̭mann | sa॒ptāsya̭stuvijā॒to ravḙṇa | vi sa॒ptara̭śmiradhama॒ttamāgṃ̭si || 13 ||

bṛha॒spati॒-ssama̭jaya॒-dvasṷ̄ni | ma॒ho vra॒jā-ngoma̭to de॒va e॒ṣaḥ | a॒pa-ssiṣā̭sa॒n-thsuva॒ra pra̭tīttaḥ | bṛha॒spati॒ra॒ḥantya॒mitra̭-ma॒rkaiḥ || bṛha̭spate॒ pari̭ dīyā॒ rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-medhyavi॒tā rathā̭nām || e॒vā pi॒tre vi॒śvadḙvāya॒ vṛṣṇḙ ya॒jñairvi̭dhema॒ nama̭sā ha॒virbhiḥ̭ | bṛha̭spate supra॒jā vī॒rava̭nto va॒yagg syā̭ma॒ pata̭yo rayī॒ṇām || || ā no̭ di॒vo bṛ̭ha॒taḥ parva̭tā॒dā sara̭svatī yaja॒tā ga̭ntu ya॒jñam | hava̭-nde॒vī jṷjuṣā॒ṇā ghṛ॒tācī̭ śa॒gmā-nno॒ vāca̭muśa॒tī śṛ̭ṇotu ||pāvī̭ravī ka॒nyā̭ ci॒trāyu॒-ssara̭svatī vī॒rapa̭tnī॒ dhiya̭-ndhāt | gnābhi॒racchi̭dragṃ śara॒ṇagṃ sa॒joṣā̭ durā॒dharṣa̭-ṅgṛṇa॒te śarma̭ yagṃsat || | i॒mā juhvā̭nā yu॒ṣmadā namo̭bhiḥ | prati॒ stomagṃ̭ sarasvati juṣasva | tava॒ śarma̭-npri॒yata̭me॒ dadhā̭nāḥ | upa̭stheyāma śara॒ṇa-nna vṛ॒kṣam || yaste॒ stana̭śśaśa॒ya ityā̭ha | stautye॒vainā᳚m | usra̭ gha॒rmagṃ śi॒gṃ॒ṣosra̭ gha॒rma-mpā̭hi gha॒rmāya̭ śi॒gṃ॒ṣetyā̭ha | yathā᳚ brū॒yāda॒muṣmai̭ de॒hīti̭ | tā॒dṛge॒va tat | bṛha॒spati॒stvopa̭ sīda॒tvityā̭ha | | sara̭svatya॒bhi no̭ neṣi॒ vasyaḥ̭ | mā pa̭spharīḥ॒ paya̭sā॒ mā na॒ ā dha̭k | ju॒ṣasva̭ na-ssa॒khyā̭ ve॒śyā̭ ca | mā tvatkṣetrā॒-ṇyara̭ṇāni ganma || || i॒yagṃ śuṣmḙbhirbisa॒khā i̭vārujat | sānṷ girī॒ṇā-nta̭vi॒ṣebhi̭rū॒rmibhiḥ̭ | pā॒rā॒va॒da॒ghnīmava̭se suvṛ॒ktibhiḥ̭ | sara̭svatī॒-māvi̭vāsema dhī॒tibhiḥ̭ || 14 ||

(de॒va॒yānai᳚--r de॒vāḥ - supṷ̄taṃya~jatra॒-hasta॒-masti॒-tamāg̭-syū॒rmibhi॒-rdve ca̭) (a. 2)

anuvākaṃ 3 - saumyādīnāṃ sūktāni

somo̭ dhe॒nugṃ somo॒ arva̭ntamā॒śum | somo̭ vī॒ra-ṅka̭rma॒ṇya̭-ndadātu | sā॒da॒nyaṃ̭-vi~da॒thyagṃ̭ sa॒bheya᳚m | pi॒tu॒-śśrava̭ṇaṃ॒-yo~ dadā̭śadasmai || aṣā̭ḍhaṃ-yu~॒thsu pṛta̭nāsu॒ papri᳚m | su॒va॒r॒ṣāma॒phsvāṃ-vṛ~॒jana̭sya go॒pām | bha॒re॒ṣu॒jāgṃ sṷkṣi॒tigṃ su॒śrava̭sam | jaya̭nta॒-ntvāmanṷ madema soma || tvagṃ so̭ma॒ kratṷbhiḥ || yā te॒ dhāmā̭ni ha॒viṣā॒ yaja̭nti॒ tā te॒ viśvā̭ pari॒bhūra̭stu ya॒jña-ṅga̭ya॒sphānaḥ̭ pra॒tara̭ṇa-ssu॒vīro-'vī̭rahā॒ praca̭rā soma॒ duryā॒na|| tvami॒mā oṣa̭dhī-ssoma॒ viśvāḥ᳚ | tvama॒po a̭janaya॒stva-ṅgāḥ | tvamāta̭tantho॒rva̭ntari̭kṣam | tva-ñjyoti̭ṣā॒ vitamo̭ vavartha || 15 ||

yā te॒ dhāmā̭ni di॒vi yā pṛ̭thi॒vyām | yā parva̭te॒ṣvoṣa̭dhīṣva॒phsu | tebhi̭rno॒ viśvai᳚-ssu॒manā॒ ahḙḍann | rājan᳚-thsoma॒ prati̭ ha॒vyā gṛ̭bhāya || viṣṇo॒rnukaṃ̭-vī~॒ryā̭ṇi॒ pra vo̭caṃ॒-yaḥ ~pārthi̭vāni vima॒me rajāgṃ̭si॒ yo aska̭bhāya॒dutta̭ragṃ sa॒dhasthaṃ̭-vi~cakramā॒ṇa stre॒dhorṷgā॒yo viṣṇo̭ ra॒rāṭa̭masi॒ viṣṇoḥ᳚ pṛ॒ṣṭhama̭si॒ viṣṇo॒-śśnyaptre᳚ stho॒ viṣṇo॒-ssyūra̭si॒ viṣṇo᳚-rdhru॒vama̭si vaiṣṇa॒vama̭si॒ viṣṇa̭ve tvā || tada̭sya pri॒yama॒bhi pātho̭ aśyām | naro॒ yatra̭ deva॒yavo॒ mada̭nti | u॒ru॒kra॒masya॒ sa hi bandhṷri॒tthā | viṣṇoḥ᳚ pa॒de pa̭ra॒me madhva॒ uthsaḥ̭ || | prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || || pa॒ro mātra̭yā ta॒nuvā̭ vṛdhāna | na tḙ mahi॒tva-manva̭śnuvanti | u॒bhe tḙ vidma॒ raja̭sī pṛthi॒vyā viṣṇo̭ deva॒ tvam | pa॒ra॒masya̭ vithse || 16 ||

vica̭krame pṛthi॒vīme॒ṣa e॒tām | kṣetrā̭ya॒ viṣṇu॒-rmanṷṣe daśa॒syann | dhru॒vāso̭ asya kī॒rayo॒ janā̭saḥ | u॒ru॒kṣi॒tigṃ su॒jani̭mā cakāra || trirde॒vaḥ pṛ̭thi॒vīme॒ṣa e॒tām | vica̭krame śa॒tarca̭sa-mmahi॒tvā | pra viṣṇṷ-rastu ta॒vasa॒sta vī̭yān | tve॒ṣagg hya̭sya॒ sthavi̭rasya॒ nāma̭ || || ā tḙ ma॒ha i̭ndro॒tyṷgra॒ sama̭nyavo॒ ya-thsa॒mara̭nta॒ senāḥ᳚ | patā̭ti di॒dyunnarya̭sya bāhu॒vormā te॒ mano̭ viṣva॒driya॒gvi cā̭rīt || yo jā॒ta e॒va pra̭tha॒mo mana̭svā-nde॒vo de॒vān kratṷnā pa॒ryabhṷ̄ṣat | yasya॒ śuṣmā॒droda̭sī॒ abhya̭setā-nnṛ॒mṇasya̭ ma॒hnā sa ja̭nāsa॒ indraḥ̭ || | a॒bhi go॒trāṇi॒ saha̭sā॒ gāha̭māno-'dā॒yo vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒dhyo᳚-smāka॒gṃ॒ senā̭ avatu॒ pra yu॒thsu || || ābhi॒-sspṛdho̭ mitha॒tī- rari̭ṣaṇyann | a॒mitra̭sya vyathayā ma॒nyumi̭ndra | ābhi॒rviśvā̭ abhi॒yujo॒ viṣṷ̄cīḥ | āryā̭ya॒ viśo-'va̭tārī॒rdāsīḥ᳚ || a॒yagṃ śṛ̭ṇve॒ adha॒ jaya̭nnu॒ta ghnann | a॒yamu॒ta prakṛ̭ṇute yu॒dhā gāḥ | ya॒dā sa॒tya-ṅkṛ̭ṇu॒te ma॒nyumindraḥ̭ || 17 ||

viśva̭-ndṛ॒ḍha-mbha̭yata॒ eja̭dasmāt || anṷ sva॒dhā-ma̭kṣara॒nnāpo̭ asya | ava̭rdhata॒ maddhya॒ ā nā॒vyā̭nām | sa॒ddhrī॒cīnḙna॒ mana̭sā॒ tami̭ndra॒ oji̭ṣṭhena | hanma̭nā-'hanna॒bhidyūn || ma॒rutva̭ntaṃ-vṛ~ṣa॒bhaṃ-vā~̭vṛdhā॒nam | aka̭vāri-ndi॒vyagṃ śā॒samindra᳚m | vi॒śvā॒sāha॒mava̭se॒ nūta̭nāya | u॒gragṃ sa̭ho॒dāmi॒ha tagṃ hṷvema || jani̭ṣṭhā u॒gra-ssaha̭se tu॒rāya̭ || 18 ||

ma॒ndra oji̭ṣṭho bahu॒lābhi̭mānaḥ | ava̭rdha॒nnindra̭-mma॒ruta̭ści॒datra̭ | mā॒tā ya-dvī॒ra-nda॒dhana॒ddhani̭ṣṭhā || kva̭ syā vo̭ maruta-ssva॒dhā-''sī᳚t | ya-nmāmekagṃ̭ sa॒madha̭ttāhi॒hatye᳚ | a॒hagg hyṷgrasta̭vi॒ṣa-stuvi̭ṣmān | viśva̭sya॒ śatro॒rana̭maṃ-va~dha॒snaiḥ || vṛ॒trasya̭ tvā śva॒sathā॒dīṣa̭māṇāḥ | viśvḙ de॒vā a̭jahu॒rye sakhā̭yaḥ | ma॒rudbhi̭rindra sa॒khya-ntḙ astu || 19 ||

athe॒mā viśvāḥ॒ pṛta̭nā jayāsi || vadhīṃ᳚-vṛ~॒tra-mma̭ruta indri॒yeṇa̭ | svena॒ bhāmḙna tavi॒ṣo ba̭bhū॒vān | a॒hame॒tā mana̭ve vi॒śvaśca̭ndrāḥ | su॒gā a॒paśca̭kara॒ vajra̭bāhuḥ || sa yo vṛṣā॒ vṛṣṇi̭yebhi॒-ssamo̭kāḥ | ma॒ho di॒vaḥ pṛ̭thi॒vyāśca̭ sa॒mrāṭ | sa॒tī॒nasa̭ttvā॒ havyo॒ bharḙṣu | ma॒rutvā᳚nno bhava॒tvindra̭ ū॒tī || indro̭ vṛ॒trama̭tara-dvṛtra॒tūrye᳚ || 20 ||

a॒nā॒dhṛ॒ṣyo ma॒ghavā॒ śūra॒ indraḥ̭ | anvḙnaṃ॒-vi~śo̭ amadanta pū॒rvīḥ | a॒yagṃ rājā॒ jaga̭taścarṣaṇī॒nām || sa e॒va vī॒ra-ssa ṷ vī॒ryā̭vān | sa ḙkarā॒jo jaga̭taḥ para॒spāḥ | ya॒dā vṛ॒tramata̭ra॒cchūra॒ indraḥ̭ | athā̭ bhavaddami॒tā-'bhikra̭tūnām || indro̭ ya॒jñaṃ-va~॒rdhaya̭n vi॒śvavḙdāḥ | pu॒ro॒ḍāśa̭sya juṣatāgṃ ha॒virnaḥ̭ | vṛ॒tra-ntī॒rtvā dā̭na॒vaṃ-va~jra̭bāhuḥ || 21 ||

diśo̭-'dṛgṃ haddṛgṃhi॒tā dṛgṃha̭ṇena || i॒maṃ-ya~॒jñaṃ-va~॒rdhaya̭n vi॒śvavḙdāḥ | pu॒ro॒ḍāśa॒-mprati̭gṛbhṇā॒tvindraḥ̭ | ya॒dā vṛ॒tramata̭ra॒cchūra॒ indraḥ̭ | athai̭karā॒jo a̭bhava॒jjanā̭nām || indro̭ de॒vāñcha̭mbara॒hatya̭ āvat | indro̭ de॒vānā̭- mabhava-tpuro॒gāḥ | indro̭ ya॒jñe ha॒viṣā̭ vāvṛdhā॒naḥ | vṛ॒tra॒tūrṇo॒ abha̭ya॒gṃ॒ śarma̭ yagṃsat || ya-ssa॒pta sindhū॒gṃ॒ rada̭dhāt-pṛthi॒vyām | ya-ssa॒pta lo॒kānakṛ̭ṇo॒-ddiśa̭śca | indro̭ ha॒viṣmā॒n-thsaga̭ṇo ma॒rudbhiḥ̭ | vṛ॒tra॒tūrṇo̭ ya॒jñami॒hopa̭yāsat || 22 ||

(va॒va॒rtha॒ - vi॒thsa॒ - indra̭ - stu॒rā - yā᳚stu॒ - vṛtra॒tūrye॒ - vajra̭bāhuḥ - pṛthi॒vyā-ntrīṇi̭ ca) (a. 3)

anuvākaṃ 4 - abhimātihaindrādipaśūnāṃ sūktāni

indra॒-stara̭svā-nabhimāti॒hograḥ | hira̭ṇyavāśī-riṣi॒ra-ssṷva॒ra॒.ṣāḥ | tasya̭ va॒yagṃ sṷma॒tau ya॒jñiya̭sya | api̭ bha॒dre saṷmana॒se syā̭ma || hira̭ṇyavarṇo॒ abha̭ya-ṅkṛṇotu | a॒bhi॒mā॒ti॒hendraḥ॒ pṛta̭nāsu ji॒ṣṇuḥ | sa na॒-śśarma̭ tri॒varṷ̄thaṃ॒-vi~yagṃ̭sat | yū॒ya-mpā̭ta sva॒stibhi॒-ssadā̭ naḥ || indragg̭ stuhi va॒jriṇa॒gg॒ stoma̭pṛṣṭham | pu॒ro॒ḍāśa̭sya juṣatāgṃ ha॒virnaḥ̭ || 23 ||

ha॒tvā-'bhimā̭tīḥ॒ pṛta̭nā॒-ssaha̭svān | athābhaya̭-ṅkṛṇuhi vi॒śvato̭ naḥ || stu॒hi śūraṃ̭-va~॒jriṇa॒-mapra̭tītam (mapra̭tīttam) | a॒bhi॒mā॒ti॒hana̭-mpuruhū॒tamindra᳚m | ya eka॒ iccha॒tapa̭ti॒rjanḙṣu | tasmā॒ indrā̭ya ha॒virājṷhota || indro̭ de॒vānā̭madhi॒pāḥ pu॒rohi̭taḥ | di॒śā-mpati̭rabhava-dvā॒jinī̭vān | a॒bhi॒mā॒ti॒hā ta̭vi॒ṣastuvi̭ṣmān | a॒smabhya̭-ñci॒traṃ-vṛ~ṣa̭ṇagṃ ra॒yi-ndā᳚t || 24 ||

ya i॒me dyāvā̭pṛthi॒vī ma̭hi॒tvā | bale॒nādṛgṃ̭hadabhimāti॒hendraḥ̭ | sa no̭ ha॒viḥ prati̭gṛbhṇātu rā॒taye᳚ | de॒vānā᳚-nde॒vo ni̭dhi॒pā no̭ avyāt || ana̭vaste॒ ratha॒maśvā̭ya takṣa॒n-tvaṣṭā॒ vajra̭-mpuruhūta dyu॒manta᳚m | bra॒hmāṇa॒ indra̭-mma॒haya̭nto a॒rkairava̭rdhaya॒nnaha̭ye॒ hanta॒ vā ṷ || vṛṣṇe॒ ya-tte॒ vṛṣa̭ṇo a॒rkamarcā॒nindra॒ grāvā̭ṇo॒ adi̭ti-ssa॒joṣāḥ᳚ | a॒na॒śvāso॒ ye pa॒vayo̭-'ra॒thā indrḙṣitā a॒bhyava̭rtanta॒ dasyūṋ || | indra̭sya॒ nu vī॒ryā̭ṇi॒ pravo̭cam | yāni̭ ca॒kāra̭ pratha॒māni̭ va॒jrī || aha॒-nnahi॒manva॒pasta̭tarda | pra va॒kṣaṇā̭ abhina॒-tparva̭tānām || || indro̭ yā॒to-'va̭sitasya॒ rājā᳚ | śama̭sya ca śṛ॒ṅgiṇo॒ vajra̭bāhuḥ | sedu॒ rājā᳚ kṣeti carṣaṇī॒nām | a॒rānna ne॒miḥ pari॒tā ba̭bhūva || 25 ||

a॒bhi si॒ddhmo a̭jigādasya॒ śatrūṋ | vi ti॒gmena̭ vṛṣa॒bheṇā॒ puro̭-'bhet | saṃ-va~jrḙṇāsṛja-dvṛ॒tramindraḥ̭ | pra svā-mma॒tima̭tira॒cchāśa̭dānaḥ || viṣṇṷ-nde॒vaṃ-va~rṷṇamū॒taye॒ bhaga᳚m | meda̭sā de॒vā va॒payā̭ yajaddhvam | tā no̭ ya॒jñamāga̭taṃ-vi~॒śvadhḙnā | pra॒jāva̭da॒sme dravi̭ṇe॒ha dha̭ttam || meda̭sā de॒vā va॒payā̭ yajaddhvam | viṣṇṷ-ñca de॒vaṃ-va~rṷṇa-ñca rā॒tim || 26 ||

tā no॒ amī̭vā apa॒bādha̭mānau | i॒maṃ-ya~॒jña-ñju॒ṣamā̭ṇā॒vupeta᳚m || viṣṇṷ̄varuṇā yu॒vama̭ddhva॒rāya̭ naḥ | vi॒śe janā̭ya॒ mahi॒ śarma̭ yacchatam | dī॒rghapra̭yajyū ha॒viṣā̭ vṛdhā॒nā | jyoti॒ṣā-'rā̭tīrdahata॒-ntamāgṃ̭si || yayo॒roja̭sā skabhi॒tā rajāgṃ̭si | vī॒ryḙbhi-rvī॒rata̭mā॒ śavi̭ṣṭhā | yā patyḙte॒ apra̭tīttā॒ saho̭bhiḥ | viṣṇṷ̄ aga॒nvarṷṇā pū॒rvahṷ̄tau || 27 ||

viṣṇṷ̄varuṇā vabhiśasti॒pā vā᳚m | de॒vā ya̭janta ha॒viṣā̭ ghṛ॒tena̭ | apāmī̭vāgṃ sedhatagṃ ra॒kṣasa̭śca | athā̭ dhattaṃ॒-ya~ja̭mānāya॒ śaṃ-yoḥ ~|| a॒gṃ॒ho॒mucā̭ vṛṣa॒bhā su॒pratū᳚rtī | de॒vānā᳚-nde॒vata̭mā॒ śaci̭ṣṭhā | viṣṇṷ̄varuṇā॒ prati̭haryata-nnaḥ | i॒da-nnarā॒ praya̭tamū॒tayḙ ha॒viḥ || ma॒hī nu dyāvā̭pṛthi॒vī i॒ha jyeṣṭhe᳚ | ru॒cā bha̭vatāgṃ śu॒caya̭dbhi-ra॒rkaiḥ || 28 ||

yathsīṃ॒-va~ri̭ṣṭhe bṛha॒tī vi̭mi॒nvann | nṛ॒vadbhyo॒-'kṣā pa̭prathā॒nebhi॒revaiḥ᳚ || pra pū᳚rva॒je pi॒tarā॒ navya̭sībhiḥ | gī॒rbhiḥ kṛ̭ṇuddhva॒gṃ॒ sada̭ne ṛ॒tasya̭ | ā no᳚ dyāvāpṛthivī॒ daivyḙna | janḙna yāta॒-mmahi̭ vāṃ॒-va~rṷ̄tham || sa ithsvapā॒ bhuva̭neṣvāsa | ya i॒me dyāvā̭pṛthi॒vī ja॒jāna̭ | u॒rvī ga̭bhī॒re raja̭sī su॒meke᳚ | a॒va॒gṃ॒śe dhīra॒-śśacyā॒ samai̭rat || 29 ||

bhūri॒-ndve aca̭rantī॒ cara̭ntam | pa॒dvanta॒-ṅgarbha̭ma॒padī̭ dadhāte | nitya॒-nna sū॒nu-mpi॒troru॒pasthe᳚ | ta-mpi̭pṛtagṃ rodasī satya॒vāca᳚m || i॒da-ndyā̭vāpṛthivī sa॒tyama̭stu | pita॒-rmāta॒-ryadi॒hopa̭bru॒ve vā᳚m | bhū॒ta-nde॒vānā̭mava॒me avo̭bhiḥ | vidyāme॒ṣaṃ-vṛ~॒jana̭-ñjī॒radā̭num || u॒rvī pṛ॒thvī ba̭hu॒le dū॒re a̭nte | upa̭bruve॒ nama̭sā ya॒jñe a॒sminn | dadhā̭te॒ ye su॒bhagḙ su॒pratū᳚rtī | dyāvā॒ rakṣa̭ta-mpṛthi॒vī no॒ abhvā᳚t || yā jā॒tā oṣa̭dhayo de॒vebhya̭striyu॒ga-mpu॒rā | mandā̭mi ba॒bhrūṇā̭ma॒hagṃ śa॒ta-ndhāmā̭ni sa॒pta ca̭ ||, ati॒ viśvāḥ᳚ pari॒ṣṭhā-sste॒na i̭va vra॒jama̭kramuḥ | oṣa̭dhayaḥ॒ prācṷcyavu॒ rya-tki-ñca̭ ta॒nuvā॒gṃ॒ rapaḥ̭ || | yā oṣa̭dhaya॒-ssoma̭rājñīḥ॒ pravi̭ṣṭāḥ pṛthi॒vīmanṷ | tāsā॒-ntvama̭syutta॒mā praṇo̭ jī॒vāta̭-vesuva || a॒śvā॒va॒tīgṃ so̭mava॒tī mū॒rjaya̭ntī॒ mudo̭jasam | ā vi̭thsi॒ sarvā॒ oṣa̭dhīra॒smā a̭ri॒ṣṭatā̭taye || | oṣa̭dhī॒riti̭ mātara॒-stadvo̭ devī॒-rupa̭ bruve | rapāgṃ̭si vighna॒tīri̭ta॒ rapa̭ścā॒taya̭mānāḥ || a॒nyā vo̭ a॒nyāma̭va-tva॒nyā-'nyasyā॒ upā̭vata | tā-ssarvā॒ oṣa̭dhaya-ssaṃvi~dā॒nā i॒da-mme॒ prāva̭tā॒ vacaḥ̭ || || 30 ||

(ha॒virno̭ - dā-d- babhūva - rā॒tiṃ - pū॒rvahṷ̄tā - va॒rkai - rai̭ra - da॒smi-npañca ca) (a. 4)

anuvākaṃ 5 - aindrāgnapaśvādīnāṃ sūktāni

śuci॒-nnu stoma॒-nnava̭jāta-ma॒dyendrā᳚gnī vṛtrahaṇā ju॒ṣethā᳚m | u॒bhā hi vāgṃ̭ su॒havā॒ joha̭vīmi॒ tā vājagṃ̭ sa॒dya ṷśa॒te dheṣṭhā᳚ ||, śnatha̭-dvṛ॒tramu॒ta sa̭noti॒ vāja॒mindrā॒ yo a॒gnī sahṷrī sapa॒ryāt | i॒ra॒jyantā̭ vasa॒vya̭sya॒ bhūre॒-ssaha̭stamā॒ saha̭sā vāja॒yantā᳚ || | u॒bhā vā̭mindrāgnī āhu॒vadhyā̭ u॒bhā rādha̭sa-ssa॒ha mā̭da॒yadhyai᳚ | u॒bhā dā॒tārā̭vi॒ṣāgṃ ra̭yī॒ṇāmu॒bhā vāja̭sya sā॒tayḙ huve vām ||,pra ca̭rṣa॒ṇibhyaḥ̭ pṛtanā॒ havḙṣu॒ pra pṛ̭thi॒vyā ri̭ricāthe di॒vaśca̭ | pra sindhṷbhyaḥ॒ pragi॒ribhyo̭ mahi॒tvā prendrā᳚gnī॒ viśvā॒ bhuva॒nā-'tya॒nyā || | ā vṛ̭trahaṇā vṛtra॒habhi॒-śśuṣmaiḥ᳚ | indra̭ yā॒ta-nnamo̭bhiragne a॒rvāk | yu॒vagṃ rādho̭bhi॒raka̭vebhirindra | agnḙ a॒sme bha̭vatamutta॒mebhiḥ̭ || gī॒rbhi-rvipraḥ॒ prama̭timi॒cchamā̭naḥ | ī॒̭ ra॒yiṃ-ya~॒śasa̭-mpūrva॒bhāja᳚m | indrā᳚gnī vṛtrahaṇā suvajrā | praṇo॒ navyḙbhistirata-nde॒ṣṇaiḥ || || brahma̭ṇaspate॒ tvama॒sya ya॒ntā | sū॒ktasya̭ bodhi॒ tana̭ya-ñca jinva | viśva॒-nta-dbha॒draṃ-ya~da॒vanti̭ de॒vāḥ | bṛ॒hadva̭dema vi॒dathḙ su॒vīrāḥ᳚ || sa īgṃ̭ sa॒tyebhi॒-ssakhi̭bhi-śśu॒cadbhiḥ̭ | godhā̭yasaṃ॒vi~ dha̭na॒saira̭tardat | brahma̭ṇa॒spati॒-rvṛṣa̭bhirva॒rāhaiḥ᳚ || 31 ||

gha॒rmasvḙdebhi॒-rdravi̭ṇaṃ॒-vyā~̭naṭ || brahma̭ṇa॒spatḙ-rabhavadyathā va॒śam | sa॒tyo ma॒nyurmahi॒ karmā̭ kariṣya॒taḥ | yo gā u॒dāja॒thsa di॒ve vi cā̭bhajat | ma॒hīva̭ rī॒ti-śśava̭sā sara॒-tpṛtha̭k || indhā̭no a॒gniṃ-va~̭navadvanuṣya॒taḥ | kṛ॒tabra̭hmā śūśuva-drā॒taha̭vya॒ it | jā॒tena̭ jā॒tamati॒ sṛ-tprasṛgṃ̭sate | yaṃ-ya~ṃ॒-yu~ja̭-ṅkṛṇu॒te brahma̭ṇa॒spatiḥ̭ || brahma̭ṇaspate su॒yama̭sya vi॒śvahā᳚ || 32 ||

rā॒ya-ssyā̭ma ra॒thyo̭ viva̭svataḥ | vī॒reṣṷ vī॒rāgṃ upa̭pṛṅgdhi na॒stvam | yadīśā̭no॒ brahma̭ṇā॒ veṣi̭ me॒ hava᳚m || sa ijjanḙna॒ sa vi॒śā sa janma̭nā | sa pu॒trairvāja̭-mbharate॒ dhanā॒ nṛbhiḥ̭ | de॒vānāṃ॒-yaḥ ~pi॒tara̭mā॒vivā̭sati | śra॒ddhāma̭nā ha॒viṣā॒ brahma̭ṇa॒spati᳚m || yāstḙ pūṣa॒nnāvo̭ a॒nta-ssa̭mu॒dre | hi॒ra॒ṇyayī̭ra॒ntari̭kṣe॒ cara̭nti | yābhi̭ryāsi dū॒tyāgṃ sūrya̭sya | kāmḙna kṛ॒ta-śśrava̭ i॒cchamā̭naḥ || | śu॒kra-ntḙ a॒nyadya̭ja॒ta-ntḙ a॒nyadviṣṷrūpe॒ aha̭nī॒ dyauri̭vāsi | viśvā॒ hi mā॒yā ava̭si svadhāvo bha॒drā tḙ pūṣanni॒ha rā॒tira̭stu ||, pū॒ṣemā āśā॒ anṷveda॒ sarvā᳚-sso a॒smāgṃ abha̭yatamena neṣat | sva॒sti॒dā aghṛ̭ṇi॒-ssarva̭vīraḥ | apra̭yuccha-npu॒ra ḙtu॒ prajā॒nann || || prapa̭the pa॒thāma̭janiṣṭa pū॒ṣā || 33 ||

prapa̭the di॒vaḥ prapa̭the pṛthi॒vyāḥ | u॒bhe a॒bhi pri॒yata̭me sa॒dhasthe᳚ | ā ca॒ parā̭ ca carati prajā॒nann || pū॒ṣā su॒bandhṷrdi॒va ā pṛ̭thi॒vyāḥ | i॒ḍaspati̭-rma॒ghavā̭ da॒smava̭rcāḥ | ta-nde॒vāso॒ ada̭du-ssū॒ryāyai᳚ | kāmḙna kṛ॒ta-nta॒vasa॒gg॒ svañca᳚m || a॒jāśvaḥ̭ paśu॒pā vāja̭vastyaḥ | dhi॒ya॒ji॒nnvo viśve॒ bhuva̭ne॒ arpi̭taḥ | aṣṭrā᳚-mpū॒ṣā śi̭thi॒rāmu॒dvarī̭vṛjat || 34 ||

sa॒caṅkṣā̭ṇo॒ bhuva̭nā de॒va ī̭yate || śucī̭ vo ha॒vyā ma̭ruta॒-śśucī̭nām | śucigṃ̭ hinomyaddhva॒ragṃ śuci̭bhyaḥ | ṛ॒tena̭ sa॒tyamṛta॒sāpa̭ āyann | śuci̭janmāna॒-śśuca̭yaḥ pāva॒kāḥ || pra ci॒trama॒rka-ṅgṛ̭ṇa॒te tu॒rāya̭ | mārṷtāya॒ svata̭vase bharaddhvam | ye sahāgṃ̭si॒ saha̭sā॒ saha̭nte | reja̭te agne pṛthi॒vī ma॒khebhyaḥ̭ || agṃse॒ṣvā ma̭rutaḥ khā॒dayo̭ vaḥ || 35 ||

vakṣaḥ̭su ru॒kmā upa̭śiśriyā॒ṇāḥ | vi vi॒dyuto॒ na vṛ॒ṣṭibhī̭ rucā॒nāḥ | anṷ sva॒dhāmāyṷdhai॒-ryaccha̭mānāḥ || yā va॒-śśarma̭ śaśamā॒nāya॒ santi̭ | tri॒dhātṷ̄ni dā॒śuṣḙ yaccha॒tādhi̭ | a॒smabhya॒-ntāni̭ maruto॒ viya̭nta | ra॒yi-nno̭ dhatta vṛṣaṇa-ssu॒vīra᳚m || i॒me tu॒ra-mma॒ruto̭ rāmayanti | i॒me sa॒ha-ssaha̭sa॒ āna̭manti | i॒me śagṃsaṃ̭-va~nuṣya॒to nipā᳚nti || 36 ||

gu॒rudveṣo॒ ara̭ruṣe dadhanti || a॒rā i॒vedaca̭ramā॒ ahḙva | pra pra̭jāyante॒ aka̭vā॒ maho̭bhiḥ | pṛśneḥ᳚ pu॒trā ṷpa॒māso॒ rabhi̭ṣṭhāḥ | svayā̭ ma॒tyā ma॒ruta॒-ssammi̭mikṣuḥ || anṷ te dāyi ma॒ha i̭ndri॒yāya̭ | sa॒trā te॒ viśva॒manṷ vṛtra॒hatye᳚ | anṷ kṣa॒tramanu॒ saho̭ yajatra | indra̭ de॒vebhi॒ranṷ te nṛ॒ṣahye᳚ || ya indra॒ śuṣmo̭ maghavante॒ asti̭ || 37 ||

śikṣā॒ sakhi̭bhyaḥ puruhūta॒ nṛbhyaḥ̭ | tvagṃ hi dṛ॒ḍhā ma̭ghava॒n vicḙtāḥ | apā̭vṛdhi॒ pari̭vṛti॒-nna rādhaḥ̭ || indro॒ rājā॒ jaga̭taścarṣaṇī॒nām | adhi॒kṣami॒ viṣṷrūpaṃ॒-ya~dasti̭ | tato̭ dadātu dā॒śuṣe॒ vasṷ̄ni | coda॒drādha॒ upa̭stutaścida॒rvāk || tamṷ ṣṭuhi॒ yo a॒bhibhū᳚tyojāḥ | va॒nvannavā̭taḥ puruhū॒ta indraḥ̭ | aṣā̭ḍhamu॒gragṃ saha̭mānamā॒bhiḥ || 38 ||

gī॒rbhirva̭rdha vṛṣa॒bha-ñca̭rṣaṇī॒nām || sthū॒rasya̭ rā॒yo bṛ̭ha॒to ya īśe᳚ | tamṷ ṣṭavāma vi॒dathe॒ṣvindra᳚m | yo vā॒yunā॒ jaya̭ti॒ goma̭tīṣu | pra dhṛ̭ṣṇu॒yā na̭yati॒ vasyo॒ accha̭ || ā te॒ śuṣmo̭ vṛṣa॒bha etṷ pa॒ścāt | otta॒rāda̭dha॒rāgā pu॒rastā᳚t | ā vi॒śvato̭ a॒bhi same᳚tva॒rvām | indra̭ dyu॒mnagṃ suva̭rvaddhehya॒sme || 39 ||

(va॒rāhai᳚--r vi॒śvahā̭ - 'janiṣṭa pū॒ṣo - dvarī̭vṛjat - khā॒dayo̭ vaḥ - pā॒n - tyasta - yā॒bhi--r + nava̭ ca) (a. 5)

anuvākaṃ 6 - sāvitrādipaśūnāṃ sūktāni

ā de॒vo yā̭tu savi॒tā su॒ratnaḥ̭ | a॒nta॒ri॒kṣa॒prā vaha̭māno॒ aśvaiḥ᳚ | haste॒ dadhā̭no॒ naryā̭ pu॒rūṇi̭ | ni॒ve॒śaya̭n ca prasu॒van ca॒ bhūma̭ || a॒bhīvṛ̭ta॒-ṅkṛśa̭nai-rvi॒śvarṷ̄pam |

hira̭ṇyaśamyaṃ-ya~ja॒to bṛ॒hanta᳚m | āsthā॒-drathagṃ̭ savi॒tā ci॒trabhā̭nuḥ | kṛ॒ṣṇā rajāgṃ̭si॒ tavi̭ṣī॒-ndadhā̭naḥ || saghā̭ no de॒va-ssa̭vi॒tā sa॒vāya̭ | āsā̭viṣa॒-dvasṷpati॒-rvasṷ̄ni || 40 ||

vi॒śraya̭māṇo॒ ama̭timurū॒cīm | ma॒rta॒bhoja̭na॒madha̭ rāsate na || vi janā᳚ñchyā॒vā-śśi̭ti॒pādo̭ akhyann | ratha॒gṃ॒ hira̭ṇya pra ugaṃ॒-va~ha̭ntaḥ | śaśva॒-ddiśaḥ̭ savi॒tu-rdaivya̭sya | u॒pasthe॒ viśvā॒ bhuva̭nāni tasthuḥ || vi sṷpa॒rṇo a॒ntari̭kṣāṇyakhyat | ga॒bhī॒ravḙpā॒ asṷra-ssunī॒thaḥ | kvḙdānī॒gṃ॒ sūryaḥ॒ kaści̭keta | ka॒ta॒mā-ndyāgṃ ra॒śmira॒syāta̭tāna || 41 ||

bhaga॒-ndhiyaṃ̭-vā~॒jaya̭ntaḥ॒ pura̭ndhim | narā॒śagṃso॒ gnāspati̭rno avyāt | ā-'ye vā॒masya̭ saṅga॒the ra̭yī॒ṇām | pri॒yā de॒vasya̭ savi॒tu-ssyā̭ma || ā no॒ viśve॒ askrā̭ gamantu de॒vāḥ | mi॒tro a̭rya॒mā varṷṇa-ssa॒joṣāḥ᳚ | bhuva॒n॒. yathā̭ no॒ viśvḙ vṛ॒dhāsaḥ̭ | kara᳚n-thsu॒ṣahā̭ vithu॒ra-nna śavaḥ̭ || śa-nno̭ de॒vā vi॒śvadḙvā bhavantu | śagṃ sara̭svatī sa॒ha dhī॒bhira̭stu || 42 ||

śama̭bhi॒ṣāca॒-śśamṷ rāti॒ṣācaḥ̭ | śa-nno̭ di॒vyāḥ pārthi̭vā॒-śśa-nno॒ apyāḥ᳚ || ye sa̭vi॒tu-ssa॒tyasa̭vasya॒ viśve᳚ | mi॒trasya̭ vra॒te varṷṇasya de॒vāḥ | te saubha̭gaṃ-vī~॒rava॒dgoma॒dapnaḥ̭ | dadhā̭tana॒ dravi̭ṇa-ñci॒trama॒sme || agnḙ yā॒hi dū॒tyaṃ̭-vā~ri̭ṣeṇyaḥ | de॒vāṃ acchā᳚ brahma॒kṛtā̭ ga॒ṇena̭ | sara̭svatī-mma॒ruto̭ a॒śvinā-'॒paḥ | ya॒kṣi॒ de॒vā-nra̭tna॒dheyā̭ya॒ viśvāṋ || 43 ||

dyauḥ pi̭taḥ॒ pṛthi̭vi॒ māta॒raddhrṷk | agne᳚ bhrātarvasavo mṛ॒ḍatā̭ naḥ | viśva̭ ādityā ādite sa॒joṣāḥ᳚ | a॒smabhya॒gṃ॒ śarma̭ bahu॒laṃ-vi~ya̭nta || viśvḙ devā-śśṛṇu॒temagṃ hava̭-mme | ye a॒ntari̭kṣe॒ ya upa॒ dyavi॒ ṣṭha | ye a̭gniji॒hvā u॒ta vā॒ yaja̭trāḥ | ā॒sa-dyā॒smi-nba॒r॒hiṣi̭ mādayaddhvam || ā vā᳚-mmitrāvaruṇā ha॒vyajṷṣṭim | nama̭sā devā॒ vava̭sā-''vavṛtyām || 44 ||

a॒smāka॒-mbrahma॒ pṛta̭nāsu sahyā a॒smāka᳚m | vṛ॒ṣṭi-rdi॒vyā sṷpā॒rā || yu॒vaṃ-va~strā̭ṇi pīva॒sā va̭sāthe | yu॒voracchi̭drā॒ manta̭vo ha॒ sargāḥ᳚ | avā̭tirata॒manṛ̭tāni॒ viśvā᳚ | ṛ॒tena̭ mitrāvaruṇā sacethe || tathsu vā᳚-mmitrāvaruṇā mahi॒tvam | ī॒rmā ta॒sthuṣī॒raha̭bhi-rduduhre | viśvāḥ᳚ pinvatha॒ svasa̭rasya॒ dhenāḥ᳚ | anṷ vā॒mekaḥ̭ pa॒virāva̭varti || 45 ||

yadbagṃhi̭ṣṭha॒-nnāti॒vidḙ sudānū | acchi̭dra॒gṃ॒ śarma॒ bhuva̭nasya gopā | tato̭ no mitrāvaruṇā-vavīṣṭam | siṣā̭santo jīgi॒vāgṃsaḥ̭ syāma || ā no̭ mitrāvaruṇā ha॒vyadā̭tim | ghṛ॒tai-rgavyṷ̄timukṣata॒miḍā̭bhiḥ | prati̭ vā॒matra॒ vara॒mā janā̭ya | pṛ॒ṇī॒tamu॒dgo di॒vyasya॒ cāroḥ᳚ || pra bā॒havā̭ sisṛta-ñjī॒vasḙ naḥ | ā no॒ gavyṷ̄timukṣata-ṅghṛ॒tena̭ || 46 ||

ā no॒ jane᳚ śravayataṃ-yu~vānā | śru॒ta-mmḙ mitrāvaruṇā॒ have॒mā || i॒mā ru॒drāya̭ sthi॒radha̭nvane॒ giraḥ̭ | kṣi॒preṣa̭ve de॒vāya̭ sva॒dhāmne᳚ | aṣā̭ḍhāya॒ saha̭mānāya mī॒ḍhuṣe᳚ | ti॒gmāyṷdhāya bharatā śṛ॒ṇota̭na || tvā da̭ttebhī rudra॒ śanta̭mebhiḥ | śa॒tagṃ himā̭ aśīya bheṣa॒jebhiḥ̭ | vya̭smaddveṣo̭ vita॒raṃ-vya~gṃhaḥ̭ | vyamī̭vāg ścātayasvā॒ viṣṷ̄cīḥ || 47 ||

arha̭nbibharṣi॒ sāya̭kāni॒ dhanva̭ | arha̭nni॒ṣkaṃ-ya~̭ja॒taṃ-vi~॒śvarṷ̄pam | arha̭nni॒danda̭yase॒ viśva॒mabbhṷvam | na vā ojī̭yo rudra॒ tvada̭sti ||, mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā no॒ aśvḙṣu rīriṣaḥ | vī॒rā-nmāno̭ rudra bhāmi॒to va̭dhīrha॒viṣma̭nto॒ nama̭sā vidhema te |||| ā tḙ pitarmarutāgṃ su॒mnamḙtu | mā na॒-ssūrya̭sya sa॒dṛṃśo̭ yuyothāḥ | a॒bhi no̭ vī॒ro arva̭ti kṣameta | prajā̭yemahi rudra pra॒jābhiḥ̭ || e॒vā ba̭bhro vṛṣabha cekitāna | yathā̭ deva॒ na hṛ̭ṇī॒ṣe na hagṃsi̭ | hā॒va॒na॒śrūrno̭ rudre॒ha bo̭dhi | bṛ॒hadva̭dema vi॒dathḙ su॒vīrāḥ᳚ || pari̭ṇo ru॒drasya̭ he॒ti rvṛ̭ṇaktu॒ pari̭tve॒ṣasya̭ durma॒tira̭ghā॒yoḥ | ava̭ sthi॒rā ma॒ghava̭dbhya-stanuṣva॒ mīḍhva̭sto॒kāya॒ tana̭yāya mṛḍaya ||, stu॒hi śru॒ta-ṅga̭rta॒sadaṃ॒-yu~vā̭na-mmṛ॒ga-nna bhī॒ma-mṷpaha॒tnu-mu॒gram | mṛ॒ḍā ja̭ri॒tre rṷdra॒ stavā̭no a॒nyantḙ a॒smanniva̭pantu॒ senāḥ᳚ || | mīḍhṷṣṭama॒ śiva̭tama śi॒vo naḥ̭ su॒manā̭ bhava |pa॒ra॒me vṛ॒kṣa āyṷdha-nni॒dhāya॒ kṛttiṃ॒-va~sā̭na॒ āca̭ra॒ pinā̭ka॒mbibhra॒dāga̭hi || arha̭nbibharṣi॒ sāya̭kāni॒ dhanva̭ | arha̭nni॒ṣkaṃ-ya~̭ja॒taṃ-vi~॒śvarṷ̄pam | arha̭nni॒danda̭yase॒ viśva॒mabbhṷvam | na vā ojī̭yo rudra॒ tvada̭sti ||| tvama̭gne ru॒dro asṷro ma॒ho di॒vastvagṃ śardho॒ mārṷta-mpṛ॒kṣa ī̭śiṣe | tvaṃ-vā~tai̭raru॒ṇairyā̭si śaṅga॒yastva-mpū॒ṣā vi̭dha॒taḥ pā̭si॒ nutmanā᳚ ||, ā vo॒ rājā̭namadhva॒rasya̭ ru॒dragṃ hotā̭ragṃ satya॒yaja॒gṃ॒ roda̭syoḥ | a॒gni-mpu॒rā ta̭nayi॒tno ra॒cittā॒-ddhira̭ṇyarūpa॒mava̭se kṛṇudhvam || || 48 ||

(vasṷ̄ni - tatā - nāstu॒ - viśvāṋ.-vavṛtyāṃva~varti-ghṛ॒tena॒-viṣṷ̄cīḥ-śru॒ta-ndve ca̭) (a. 6)

anuvākaṃ 7 - sauryādipaśūnāṃ sūktāni

sūryo̭ de॒vīmu॒ṣasa॒gṃ roca̭mānā॒ maryaḥ̭ | na yoṣā̭ma॒bhyḙti pa॒ścāt | yatrā॒ naro̭ deva॒yanto̭ yu॒gāni̭ | vi॒ta॒nvate॒ prati̭ bha॒drāya̭ bha॒dram || bha॒drā aśvā̭ ha॒rita॒-ssūrya̭sya | ci॒trā eda̭gvā anu॒mādyā̭saḥ | na॒ma॒syanto̭ di॒va ā pṛ॒ṣṭhama̭sthuḥ |

pari॒ dyāvā̭pṛthi॒vī ya̭nti sa॒dyaḥ || ta-thsūrya̭sya deva॒tva-nta-nma̭hi॒tvam | ma॒ddhyā karto॒-rvita̭ta॒gṃ॒ sañja̭bhāra || 49 ||

ya॒dedayṷkta ha॒ritaḥ̭ sa॒dhasthā᳚t | ādrātrī॒ vāsa̭stanute si॒masmai᳚ || ta-nmi॒trasya॒ varṷṇasyābhi॒cakṣe᳚ | sūryo̭ rū॒pa-ṅkṛ̭ṇute॒ dyoru॒pasthe᳚ | a॒na॒ntama॒nya-druśa̭dasya॒ pājaḥ̭ | kṛ॒ṣṇama॒nyaddha॒rita॒-ssambha̭ranti || a॒dyā dḙvā॒ udi̭tā॒ sūrya̭sya | niragṃha̭saḥ pipṛ॒tānnira̭va॒dyāt | tanno̭ mi॒tro varṷṇo māmahantām | adi̭ti॒-ssindhuḥ̭ pṛthi॒vī u॒ta dyauḥ || 50 ||

di॒vo ru॒kma ṷru॒cakṣā॒ udḙti | dū॒re a̭rthasta॒raṇi॒-rbhrāja̭mānaḥ | nū॒na-ñjanā॒-ssūryḙṇa॒ prasṷ̄tāḥ | āyannarthā̭ni kṛ॒ṇava॒nnapāgṃ̭si || śa-nno̭ bhava॒ cakṣa̭sā॒ śa-nno॒ ahnā᳚ | śa-mbhā॒nunā॒ śagṃ hi॒mā śa-ṅghṛ॒ṇena̭ | yathā॒ śama॒smai śamasa̭-dduro॒ṇe | ta-thsū᳚rya॒ dravi̭ṇa-ndhe॒hi ci॒tram || ci॒tra-nde॒vānā॒-muda̭gā॒danī̭kam | cakṣṷrmi॒trasya॒ varṷṇasyā॒gneḥ || 51 ||

ā-'prā॒ dyāvā̭pṛthi॒vī a॒ntari̭kṣam | sūrya̭ ā॒tmā jaga̭tasta॒sthuṣa̭śca || tvaṣṭā॒ dadha॒dindrā̭ya॒ śuṣma᳚m | apā॒ko-'ci̭ṣṭurya॒śasḙ pu॒rūṇi̭ | vṛṣā॒ yaja॒n vṛṣa̭ṇa॒-mbhūri̭retāḥ | mū॒rdhan. ya॒jñasya॒ sama̭naktu de॒vān ||, tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || | tvaṣṭā̭ vī॒ra-nde॒vakā̭ma-ñjajāna॒ tvaṣṭu॒rarvā̭ jāyata ā॒śuraśvaḥ̭ | tvaṣṭe॒daṃ-vi~śva॒-mbhuva̭na-ñjajāna ba॒hoḥ ka॒rtāra̭mi॒ha ya̭kṣi hotaḥ || pi॒śaṅga̭rūpa-ssu॒bharo̭ vayo॒dhā-śśru॒ṣṭī vī॒ro jā̭yate de॒vakā̭maḥ | pra॒jā-ntvaṣṭā॒ viṣya̭tu॒ nābhi̭ma॒sme athā̭ de॒vānā॒mapyḙtu॒ pāthaḥ̭ || || daśe॒ma-ntvaṣṭṷrjanayanta॒ garbha᳚m | ata̭ndrāso yuva॒tayo॒ bibha̭rtram | ti॒gmānī̭ka॒gg॒ svaya̭śasa॒-ñjanḙṣu | vi॒roca̭māna॒-mpari̭ṣī-nnayanti || āviṣṭyo̭ vardhate॒ cārṷrāsu | ji॒hmānā̭mū॒rdhva-ssvaya̭śā u॒pasthe᳚ || 52 ||

u॒bhe tvaṣṭṷrbibhyatu॒-rjāya̭mānāt | pra॒tīcī̭ si॒gṃ॒ha-mprati̭joṣayete || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema ||, pra sa mi̭tra॒ marto̭ astu॒ praya̭svā॒n yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśno॒tyanti̭to॒ na dū॒rāt || || a॒ya-mmi॒tro na̭ma॒syaḥ̭ su॒śevaḥ̭ | rājā̭ sukṣa॒tro a̭janiṣṭa ve॒dhāḥ | tasya̭ va॒yagṃ sṷma॒tau ya॒jñiya̭sya | api̭ bha॒dre saṷmana॒se syā̭ma || a॒na॒mī॒vāsa॒ iḍa̭yā॒ mada̭ntaḥ | mi॒tajma̭vo॒ vari̭ma॒nnā pṛ̭thi॒vyāḥ | ā॒di॒tyasya̭ vra॒tamṷpa॒kṣyantaḥ̭ || 53 ||

va॒ya-mmi॒trasya̭ suma॒tau syā̭ma || mi॒tra-nna īgṃ śimyā॒ goṣṷ ga॒vyava̭t | svā॒dhiyo̭ vi॒dathḙ a॒phsvajī̭janann | arḙjayatā॒gṃ॒ roda̭sī॒ pāja̭sā gi॒rā | prati̭ pri॒yaṃ-ya~̭ja॒ta-ñja॒nuṣā॒mavaḥ̭ || ma॒hāgṃ ā̭di॒tyo nama̭sopa॒sadyaḥ̭ | yā॒ta॒yajja̭no gṛṇa॒te su॒śevaḥ̭ | tasmā̭ e॒ta-tpanya̭tamāya॒ juṣṭa᳚m | a॒gnau mi॒trāya̭ ha॒virājṷhota || āvā॒gṃ॒ ratho॒ roda̭sī badbadhā॒naḥ || 54 ||

hi॒ra॒ṇyayo॒ vṛṣa̭bhiryā॒tvaśvaiḥ᳚ | ghṛ॒tava̭rtaniḥ pa॒vibhī̭ rucā॒naḥ | i॒ṣāṃ-vo~॒ḍhā nṛ॒pati̭rvā॒jinī̭vān || sa pa̭prathā॒no a॒bhi pañca॒ bhūma̭ | tri॒va॒ndhu॒ro mana॒sā-''yā̭tu yu॒ktaḥ | viśo॒ yena॒ gaccha̭tho deva॒yantīḥ᳚ | kutrā̭ ci॒dyāma̭maśvinā॒ dadhā̭nā || svaśvā̭ ya॒śasā-''yā̭tama॒rvāk | dasrā̭ ni॒dhi-mmadhṷmanta-mpibāthaḥ | vi vā॒gṃ॒ ratho̭ va॒ddhvā̭ yāda̭mānaḥ || 55 ||

antā᳚-ndi॒vo bā̭dhate varta॒nibhyā᳚m || yu॒vo-śśriya॒-mpari॒ yoṣā̭ vṛṇīta | sūro̭ duhi॒tā pari̭takmiyāyām | ya-ddḙva॒yanta॒mava̭tha॒-śśacī̭bhiḥ | pari̭ghra॒gṃ॒sa vā॒-mmanā̭ vāṃ॒-va~yo̭ gām || yo ha॒ sya vāgṃ̭ rathirā॒ vasta̭ u॒srāḥ | ratho̭ yujā॒naḥ pa̭ri॒yāti̭ va॒rtiḥ | tena̭ na॒-śśaṃ-yo~ru॒ṣaso॒ vyṷṣṭau | nya̭śvinā vahataṃ-ya~॒jñe a॒sminn || yu॒va-mbhu॒jyumava̭viddhagṃ samu॒dre || 56 ||

udṷ̄hathu॒rarṇa̭so॒ asri̭dhānaiḥ | pa॒ta॒tribhi̭-raśra॒mai-ra̭vya॒thibhiḥ̭ | da॒gṃ॒sanā̭bhiraśvinā pā॒raya̭ntā || agnī̭ṣomā॒ yo a॒dya vā᳚m | i॒daṃ-va~caḥ̭ sapa॒ryati̭ | tasmai̭ dhattagṃ su॒vīrya᳚m | gavā॒-mpoṣa॒gg॒ svaśvi̭yam || yo a॒gnīṣomā̭ ha॒viṣā̭ sapa॒ryāt | de॒va॒drīcā॒ mana̭sā॒ yo ghṛ॒tena̭ | tasya̭ vra॒tagṃ ra̭kṣata-mpā॒tamagṃha̭saḥ || 57 ||

vi॒śe janā̭ya॒ mahi॒ śarma̭ yacchatam || agnī̭ṣomā॒ ya āhṷtim | yo vā॒-ndāśā᳚ddha॒viṣkṛ̭tim | sa pra॒jayā̭ su॒vīrya᳚m | viśva॒māyu॒-rvya̭śnavat || agnī̭ṣomā॒ ceti॒ ta-dvī॒ryaṃ̭-vā~m | yadamṷṣṇītamava॒sa-mpa॒ṇi-ṅgoḥ | avā̭tirata॒-mpratha̭yasya॒ śeṣaḥ̭ | avi̭ndata॒-ñjyoti॒reka̭-mba॒hubhyaḥ̭ || agnī̭ṣomā vi॒magṃ su mḙ śṛṇu॒taṃ-vṛ~̭ṣaṇā॒ hava᳚m | prati̭ sū॒ktāni̭ haryata॒-mbhava̭ta-ndā॒śuṣe॒ mayaḥ̭ || agnī̭ṣomā ha॒viṣaḥ॒ prasthi̭tasya vī॒tagṃharya̭taṃ-vṛ~ṣaṇā ju॒ṣethā᳚m | su॒śarmā̭ṇā॒ svava̭sā॒ hi bhū॒tamathā̭ dhattaṃ॒-ya~ja̭mānāya॒ śaṃ-yoḥ ~|| || 58 ||

(ja॒bhā॒ra॒ - dyau - ra॒gne - ru॒pastha̭ - upa॒kṣyanto̭ - badbadhā॒no-yāda̭mānaḥ - samu॒dre - 'gṃha̭saḥ॒ - prasthi̭tasya) (a. 7)

anuvākaṃ 8 - vehadādipaśūnāṃ sūktāni

a॒hama̭smi prathama॒jā ṛ॒tasya̭ | pūrva̭-nde॒vebhyo̭ a॒mṛta̭sya॒ nābhiḥ̭ | yo mā॒ dadā̭ti॒ sa ide॒va mā vāḥ᳚ | a॒ha-manna॒-manna̭-ma॒danta̭madmi || pūrva̭-ma॒gnerapi̭ daha॒tyanna᳚m | ya॒ttau hā̭-''sāte ahamutta॒reṣṷ | vyātta̭masya pa॒śavaḥ̭ su॒jambha᳚m | paśya̭nti॒ dhīrāḥ॒ praca̭ranti॒ pākāḥ᳚ || jahā᳚mya॒nya-nna ja̭hāmya॒nyam | a॒hamannaṃ॒-va~śa॒micca̭rāmi || 59 ||

sa॒mā॒namartha॒-mparyḙmi bhu॒ñjat | ko māmanna̭-mmanu॒ṣyo̭ dayeta || parā̭ke॒ anna॒-nnihi̭taṃ-lo~॒ka e॒tat | viśvai᳚-rde॒vaiḥ pi॒tṛbhi̭-rgu॒ptamanna᳚m | yada॒dyatḙ lu॒pyate॒ ya-tpa̭ro॒pyate᳚ | śa॒ta॒ta॒mī sā ta॒nūrmḙ babhūva || ma॒hāntaṷ ca॒rū sa̭kṛ-ddu॒gdhena̭ paprau | diva̭ñca॒ pṛśñi̭ pṛthi॒vī-ñca̭ sā॒kam | ta-thsa॒mpiba̭nto॒ na mi̭nanti ve॒dhasaḥ̭ | naita-dbhūyo॒ bhava̭ti॒ no kanī̭yaḥ || 60 ||

anna̭-mprā॒ṇa-manna̭-mapā॒na-mā̭huḥ | anna̭-mmṛ॒tyu-ntamṷ jī॒vātṷmāhuḥ | anna̭-mbra॒hmāṇo̭ ja॒rasaṃ̭-va~danti | anna̭māhuḥ pra॒jana̭na-mpra॒jānā᳚m || mogha॒mannaṃ̭-vi~ndate॒ apra̭cetāḥ | sa॒tya-mbra̭vīmi va॒dha ithsa tasya̭ | nārya॒maṇa॒-mpuṣya̭ti॒ no sakhā̭yam | keva̭lāgho bhavati kevalā॒dī || a॒ha-mme॒gha-ssta॒naya॒n. varṣa̭nnasmi | māma̭dantya॒hama̭dmya॒nyān || 61 ||

a॒hagṃ sada॒mṛto̭ bhavāmi | madā̭di॒tyā adhi॒ sarvḙ tapanti || sā no̭ ma॒ndreṣa॒mūrja॒-nduhā̭nā | dhe॒nurvāga॒smānupa॒ suṣṭu॒taitṷ ||, ya-dvāgvada̭ntya-viceta॒nāni̭ | rāṣṭrī̭ de॒vānā᳚-nniṣa॒sāda̭ ma॒ndrā | cata̭sra॒ ūrja̭-nduduhe॒ payāgṃ̭si | kva̭ svi dasyāḥ para॒ma-ñja̭gāma || || a॒na॒ntā-mantā॒dadhi॒ nirmi̭tā-mma॒hīm | yasyā᳚-nde॒vā a̭dadhu॒-rbhoja̭nāni | ekā᳚kṣarā-ndvi॒padā॒gṃ॒ ṣaṭpa̭dāñca | vāca̭-nde॒vā upa̭jīvanti॒ viśve᳚ || vāca̭-nde॒vā upa̭jīvanti॒ viśve᳚ | vāca̭-ṅgandha॒rvāḥ pa॒śavo̭ manu॒ṣyāḥ᳚ | vā॒cīmā viśvā॒ bhuva̭nā॒nyarpi̭tā || 62 ||

sā no॒ hava̭-ñjuṣatā॒-mindra̭patnī || vāga॒kṣara̭-mprathama॒jā ṛ॒tasya̭ | vedā̭nā-mmā॒tā-'mṛta̭sya॒ nābhiḥ̭ | sā no̭ juṣā॒ṇopa̭ ya॒jñamāgā᳚t | ava̭ntī de॒vī su॒havā̭ me astu || yā mṛṣa̭yo mantra॒kṛto̭ manī॒ṣiṇaḥ̭ | a॒nvaiccha̭-nde॒vā-stapa̭sā॒ śramḙṇa | tā-nde॒vīṃ-vā~cagṃ̭ ha॒viṣā̭ yajāmahe | sā no̭ dadhātu sukṛ॒tasya̭ lo॒ke || ca॒tvāri॒ vā-kpari̭mitā pa॒dāni̭ || 63 ||

tāni̭ vidu-rbrāhma॒ṇā ye ma̭nī॒ṣiṇaḥ̭ | guhā॒ trīṇi॒ nihi̭tā॒ neṅga̭yanti | tu॒rīyaṃ̭-vā~॒co ma̭nu॒ṣyā̭ vadanti || śra॒ddhayā॒-'gni-ssami̭ddhyate | śra॒ddhayā̭ vindate ha॒viḥ | śra॒ddhā-mbhaga̭sya mū॒rdhani̭ | vaca॒sā ''vḙdayāmasi || pri॒yagg śra̭ddhe॒ dada̭taḥ | pri॒yagg śra̭ddhe॒ didā̭sataḥ | pri॒ya-mbho॒jeṣu॒ yajva̭su || 64 ||

i॒da-mma̭ udi॒ta-ṅkṛ̭dhi || yathā̭ de॒vā asṷreṣu | śra॒ddhā-mu॒greṣṷ cakri॒re | e॒va-mbho॒jeṣu॒ yajva̭su | a॒smāka̭-mudi॒ta-ṅkṛ̭dhi || śra॒ddhā-ndḙvā॒ yaja̭mānāḥ | vā॒yugo̭pā॒ upā̭sate | śra॒ddhāgṃ hṛ̭da॒yya̭yā-''kū᳚tyā | śra॒ddhayā̭ hūyate ha॒viḥ || śra॒ddhā-mprā॒tar-ha̭vāmahe || 65 ||

śra॒ddhā-mma॒ddhyandi̭na॒-mpari̭ | śra॒ddhāgṃ sūrya̭sya ni॒mruci̭ | śraddhe॒ śraddhā̭paye॒ha mā᳚ || śra॒ddhā de॒vā-nadhi̭vaste | śra॒ddhā viśva̭mi॒da-ñjaga̭t | śra॒ddhā-ṅkāma̭sya mā॒tara᳚m | ha॒viṣā̭ vardhayāmasi || brahma̭jajñā॒na-mpra̭tha॒ma-mpu॒rastā᳚t | vi sī̭ma॒ta-ssu॒ruco̭ ve॒na ā̭vaḥ | sa bu॒ddhniyā̭ upa॒mā a̭sya vi॒ṣṭhāḥ || 66 ||

sa॒taśca॒ yoni॒-masa̭taśca॒ vivaḥ̭ || pi॒tā vi॒rājā̭mṛṣa॒bho ra̭yī॒ṇām | a॒ntari̭kṣaṃ-vi~॒śvarṷ̄pa॒ āvi̭veśa | tama॒rkai-ra॒bhya̭rcanti va॒thsam | brahma॒ santa॒-mbrahma̭ṇā va॒rdhaya̭ntaḥ || brahma̭ de॒vāna̭janayat | brahma॒ viśva̭mi॒da-ñjaga̭t | brahma̭ṇaḥ, kṣa॒tra-nnirmi̭tam | brahma̭ brāhma॒ṇa ā॒tmanā᳚ || a॒ntara̭smi-nni॒me lo॒kāḥ || 67 ||

a॒nta-rviśva̭mi॒da-ñjaga̭t | brahmai॒va bhū॒tānā॒-ñjyeṣṭha᳚m | tena॒ ko̭-'rhati॒ spardhi̭tum || brahma̭-nde॒vā-straya̭strigṃśat | brahma̭nnindra prajāpa॒tī | brahma̭n. ha॒ viśvā̭ bhū॒tāni̭ | nā॒vī vā॒nta-ssa॒māhi̭tā || cata̭sra॒ āśāḥ॒ praca̭rantva॒-gnayaḥ̭ | i॒manno̭ ya॒jña-nna̭yatu prajā॒nann | ghṛ॒ta-mpinva̭nna॒jaragṃ̭ su॒vīra᳚m || 68 ||

brahma̭ sa॒mi-dbha̭va॒tyāhṷtīnām || ā gāvo̭ agmannu॒ta bha॒drama̭krann | sīda̭ntu go॒ṣṭhe ra॒ṇaya̭ntva॒sme | pra॒jāva̭tīḥ puru॒rūpā̭ i॒ha syuḥ | indrā̭ya pū॒rvī ru॒ṣaso॒ duhā̭nāḥ || indro॒ yajva̭ne pṛṇa॒te ca̭ śikṣati | upedda̭dāti॒ na sva-mmṷṣāyati | bhūyo̭ bhūyo ra॒yimida̭sya va॒rdhayanṋ | abhi̭nne khi॒lle nida̭dhāti deva॒yum || na tā na̭śanti॒ na da̭bhāti॒ taska̭raḥ | nainā̭ ami॒tro vyathi॒rāda̭dharṣati | de॒vāgśca॒ yābhi॒-ryaja̭te॒ dadā̭ti ca | jyogittābhiḥ̭ sacate॒ gopa̭ti-ssa॒ha ||, na tā arvā̭ re॒ṇuka̭kāṭo aśnute | na sagg̭ skṛta॒tra-mupa̭yanti॒ tā a॒bhi | u॒ru॒gā॒yamabha̭ya॒-ntasya॒ tā anṷ | gāvo॒ martya̭sya॒ vica̭ranti॒ yajva̭naḥ || || 69 ||

gāvo॒ bhago॒ gāva॒ indro̭ me acchāt | gāva॒-ssoma̭sya pratha॒masya̭ bha॒kṣaḥ | i॒mā yā gāva॒-ssaja̭nāsa॒ indraḥ̭ | i॒cchāmīddhṛ॒dā mana̭sā ci॒dindra᳚m || yū॒ya-ṅgā̭vo medayathā kṛ॒śa-ñci̭t | a॒ślī॒la-ñci̭-tkṛṇuthā su॒pratī̭kam | bha॒dra-ṅgṛ॒ha-ṅkṛ̭ṇutha bhadravācaḥ | bṛ॒hadvo॒ vaya̭ ucyate sa॒bhāsṷ || pra॒jāva̭tī-ssū॒yava̭sagṃ ri॒śantīḥ᳚ (ru॒śantīḥ᳚) | śu॒ddhā a॒pa-ssṷprapā॒ṇe piba̭ntīḥ | mā vaḥ̭ ste॒na ī̭śata॒ mā-'ghaśagṃ̭saḥ | pari̭vo he॒tī ru॒drasya̭ vṛñjyāt || upe॒da-mṷpa॒parca̭nam | ā॒su goṣūpa̭pṛcyatām | upa̭rṣa॒bhasya॒ reta̭si | upe᳚ndra॒ tava̭ vī॒rye᳚ || 70 ||

(ca॒rā॒mi॒ - kanī̭yo॒ - 'nyā - narpi̭tā - pa॒dāni॒ - yajva̭su - havāmahe - vi॒ṣṭhā - lo॒kāḥ - su॒vīra॒ - marvā॒ - piba̭ntī॒-ṣṣaṭca̭) (a. 8)

anuvākaṃ 9 - śuklakṛṣṇapaśvādīnāṃ sūktāni

tā sū᳚ryā candra॒masā̭ viśva॒bhṛtta̭mā ma॒hat | tejo॒ vasṷma-drājato di॒vi | sāmā᳚tmānā carata-ssāmacā॒riṇā᳚ | yayo᳚rvra॒ta-nna ma॒me jātṷ de॒vayoḥ᳚ || u॒bhāvantau॒ pari̭yāta॒ armyā᳚ | di॒vo na ra॒śmīg sta̭nu॒to-vya̭rṇa॒ve | u॒bhā bhṷva॒ntī bhuva̭nā ka॒vikra̭tū | sūryā॒ na ca॒ndrā ca̭rato ha॒tāma̭tī || patī᳚ dyu॒ma-dvi̭śva॒vidā̭ u॒bhā di॒vaḥ | sūryā̭ u॒bhā ca॒ndrama̭sā vicakṣa॒ṇā || 71 ||

vi॒śvavā̭rā varivo॒bhā vare᳚ṇyā | tā no̭-'vata-mmati॒mantā॒ mahi̭vratā || vi॒śva॒vapa̭rī pra॒tara̭ṇā tara॒ntā | su॒va॒rvidā̭ dṛ॒śaye॒ bhūri̭raśmī | sūryā॒ hi ca॒ndrā vasṷtve॒ṣa-da̭rśatā | ma॒na॒svino॒bhā-'nṷ cara॒to nu॒ sa-ndiva᳚m || a॒sya śravo̭ na॒dyaḥ̭ sa॒pta bi̭bhrati | dyāvā॒ kṣāmā̭ pṛthi॒vī da̭rśa॒taṃ-va~puḥ̭ | a॒sme sū᳚ryā candra॒masā̭-'bhi॒cakṣe᳚ | śra॒ddhe kami̭ndra carato vicartu॒ram || 72 ||

pū॒rvā॒pa॒ra-ñca̭rato mā॒ya yai॒tau | śiśū॒ krīḍa̭ntau॒ pari̭yāto addhva॒ram | viśvā᳚nya॒nyo bhuva̭nā 'bhi॒caṣṭe᳚ | ṛ॒tūna॒nyo vi॒dadha̭jjāyate॒ punaḥ̭ || hira̭ṇyavarṇā॒-śśuca̭yaḥ pāva॒kā yāsṷ jā॒taḥ ka॒śyapo॒ yāsvindraḥ̭ | a॒gniṃ-yā~ garbha̭-ndadhi॒re virṷ̄pā॒stā na॒ āpa॒-śśagg syo॒nā bha̭vantu ||,

yāsā॒gṃ॒ rājā॒ varṷṇo॒ yāti॒ madhyḙ satyānṛ॒te a̭va॒paśya॒n janā̭nām | ma॒dhu॒ścuta॒-śśuca̭yo॒ yāḥ pā̭va॒kāstā na॒ āpa॒-śśagg syo॒nā bha̭vantu || | yāsā᳚-nde॒vā di॒vi kṛ॒ṇvanti̭ bha॒kṣaṃ-yā~ a॒ntari̭kṣe bahu॒dhā bhava̭nti | yāḥ pṛ̭thi॒vī-mpaya̭so॒ndanti̭śu॒krāstā na॒ āpa॒-śśagg syo॒nā bha̭vantu ||, śi॒vena̭ mā॒ cakṣṷṣā paśyatā-''pa-śśi॒vayā̭ ta॒nuvopa̭ spṛśata॒ tvaca̭-mme | sarvāgṃ̭ a॒gnīgṃ ra̭phsu॒ṣado̭ huve vo॒ mayi॒ varco॒ bala॒mojo॒ ni dha̭tta || | āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭ -maraṅga॒ma ā mā᳚ prā॒ṇena̭ sa॒ha varca̭sā gann ||, ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || || nāsa̭dāsī॒nno sadā̭sī-tta॒dānī᳚m | nāsī॒-drajo॒ no vyo̭māpa॒ro yat | kimāva̭rīvaḥ॒ kuha॒ kasya॒ śarmanṋ || 73 ||

ambhaḥ॒ kimā̭sī॒-dgaha̭na-ṅgabhī॒ram || na mṛ॒tyura॒mṛta॒-ntarhi॒ na | rātri̭yā॒ ahna̭ āsī-tprake॒taḥ | ānī̭davā॒tagg sva॒dhayā॒ tadeka᳚m | tasmā᳚-ddhā॒nya-nna pa॒raḥ (pa॒raṃ) kiñca॒ nāsa̭ || tama̭ āsī॒-ttama̭sā gū॒ḍhamagre᳚ prake॒tam | sa॒li॒lagṃ sarva̭mā i॒dam | tu॒cche nā॒bhvapi̭hitaQṃ-ya~dāsī᳚t | tama̭sa॒ stanma̭hi॒nā jā̭ya॒taika᳚m || kāma॒stadagre॒ sama̭varta॒tādhi̭ || 74 ||

mana̭so॒ retaḥ̭ pratha॒maṃ-ya~dāsī᳚t | sa॒ to bandhu॒masa̭ti॒ nira̭vindann (nira̭vidann) | hṛ॒di pra॒tīṣyā̭ ka॒vayo̭ manī॒ṣā || ti॒ra॒ścīno॒ vita̭to ra॒śmirḙṣām | a॒dha-ssvi̭dā॒sī(3) du॒pari̭ svidāsī(3)t | re॒to॒dhā ā̭sa-nmahi॒māna̭ āsann | sva॒dhā a॒vastā॒-tpraya̭tiḥ pa॒rastā᳚t || ko a॒ddhā vḙda॒ ka i॒ha pravo̭cat | kuta॒ ājā̭tā॒ kuta̭ i॒yaṃ-vi~sṛ̭ṣṭiḥ | a॒rvāgde॒vā a॒sya vi॒sarja̭nāya || 75 ||

athā॒ ko vḙda॒ yata̭ āba॒bhūva̭ || i॒yaṃ-vi~sṛ̭ṣṭi॒-ryata̭ āba॒bhūva̭ | yadi̭ vā da॒dhe yadi̭ vā॒ na | yo a॒syāddhya̭kṣaḥ para॒me vyo̭mann | so a॒ṅga vḙda॒ yadi̭ vā॒ na veda̭ || kiggsvi॒dvana॒-ṅka u॒ sa vṛ॒kṣa ā̭sīt | yato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā pṛ॒cchatedu॒ tat | yada॒ddhyati̭ṣṭha॒-dbhuva̭nāni dhā॒rayanṋ || brahma॒ vana॒-mbrahma॒ sa vṛ॒kṣa ā̭sīt || 76 ||

yato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā॒ vibra̭vīmi vaḥ | brahmā॒ddhyati̭ṣṭha॒-dbhuva̭nāni dhā॒rayanṋ || prā॒tara॒gni-mprā॒tarindragṃ̭ havāmahe | prā॒ta rmi॒trāvarṷṇā prā॒tara॒śvinā᳚ | prā॒ta rbhaga̭-mpū॒ṣaṇa॒-mbrahma̭ṇa॒spati᳚m | prā॒tassoma̭mu॒ta ru॒dragṃ hṷvema || prā॒ta॒rjita॒-mbhaga̭mu॒gragṃ hṷvema | va॒ya-mpu॒tramadi̭te॒ryo vi̭dha॒rtā | ā॒ddhraści॒dya-mmanya̭māna-stu॒raści̭t || 77 ||

rājā̭ ci॒dya-mbhaga̭-mbha॒kṣītyāha̭ || bhaga॒ praṇḙta॒rbhaga॒ satya̭rādhaḥ | bhage॒mā-ndhiya॒muda̭va॒ dada̭nnaḥ | bhaga॒ praṇo̭ janaya॒ gobhi॒raśvaiḥ᳚ | bhaga॒ pranṛbhi̭-rnṛ॒vantaḥ̭ syāma | u॒tedānī॒-mbhaga̭vanta-ssyāma || u॒ta prapi॒tva u॒ta maddhye॒ ahnā᳚m | u॒todi̭tā maghava॒n-thsūrya̭sya | va॒ya-nde॒vānāgṃ̭ suma॒tau syā̭ma || bhaga̭ e॒va bhaga̭vāgṃ astu devāḥ || 78 ||

tena̭ va॒ya-mbhaga̭vanta-ssyāma | ta-ntvā̭ bhaga॒ sarva॒ ijjo̭havīmi | sa no̭ bhaga pura e॒tā bha̭ve॒ha || sama̭ddhva॒rāyo॒ṣaso̭ namanta | da॒dhi॒krāvḙva॒ śuca̭ye pa॒dāya̭ | a॒rvā॒cī॒naṃ-va~̭su॒vida॒-mbhaga̭nnaḥ | ratha̭mi॒vāśvā̭ vā॒jina॒ āva̭hantu || aśvā̭vatī॒-rgoma̭tī-rna u॒ṣāsaḥ̭ | vī॒rava̭tī॒-ssada̭mucchantu bha॒drāḥ | ghṛ॒ta-nduhā̭nā vi॒śvataḥ॒ prapī̭nāḥ | yū॒ya-mpā̭ta sva॒stibhi॒-ssadā̭ naḥ || 79 ||

(vi॒ca॒kṣa॒ṇā - vi̭cartu॒ragṃ - śarma॒ - nnadhi̭ - vi॒sarja̭nāya॒ - brahma॒ vana॒-mbrahma॒ sa vṛ॒kṣa ā̭sīt- tu॒raści̭-d- devāḥ॒ - prapī̭nā॒ eka̭-ñca) (a. 9)

(pīvo᳚-'nnā॒ - magne॒ tva-mpā̭ra - yānāghṛ॒ṣyaḥ - śuci॒-nnu stomaṃ̭ - ~vi॒śraya̭māṇo - di॒vo ru॒kmo - 'nna̭-mprā॒ṇaṃ - tā sū᳚ryācandra॒masā॒ nava̭saptatiḥ)

(pīvo᳚nnā - ~yū॒ya-mpā̭ta sva॒stibhi॒-ssadā̭naḥ)

|| hariḥ̭ om ||

|| kṛṣṇa yajurvedīya taittirīya brāhmaṇe dvitīyāṣṭake aṣṭamaḥ prapāṭhaka-ssamāptaḥ ||

|| kṛṣṇa yajurvedīya taittirīya brāhmaṇe dvitīyāṣṭakaṃ samāptam ||

Sanskrit — Devanagari (original)

कृष्ण यजुर्वेदीय तैत्तिरीय ब्राह्मणे द्वितीयाष्टके अष्टमः प्रपाठकः - काम्यपशुयाज्यानुवाक्या ब्राह्मणम्

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

अनुवाकं 1 - वायव्यादिपशूनां सूक्तानि

पीवो᳚न्नाग्ं रयि॒वृधः॑ सुमे॒धाः । श्वे॒त-स्सि॑षक्ति नि॒युता॑मभि॒श्रीः । ते वा॒यवे॒ सम॑नसो॒ वित॑स्थुः । विश्वेन्नरः॑ स्वप॒त्यानि॑ चक्रुः ॥ रा॒ये-ऽनु य-ञ्ज॒ज्ञतू॒ रोद॑सी उ॒भे । रा॒ये दे॒वी धि॒षणा॑ धाति दे॒वम् । अधा॑ वा॒यु-न्नि॒युतः॑ सश्चत॒ स्वाः । उ॒त श्वे॒तं-वँसु॑धिति-न्निरे॒के ॥ आ वा॑यो भूष शुचिपा॒ उप॑ न-स्स॒हस्र॑-न्ते नि॒युतो॑ विश्ववार । उपो॑ ते॒ अन्धो॒ मद्य॑मयामि॒ यस्य॑ देव दधि॒षे पू᳚र्व॒पेय᳚म् ॥ प्र याभि॒र्यासि॑ दा॒श्वाग्ं समच्छा॑ नि॒युद्भि॑-र्वायवि॒ष्टये॑ दुरो॒णे । नि नो॑ र॒यिग्ं सु॒भोज॑सं-युँवे॒ह नि वी॒रव॒-द्गव्य॒मश्वि॑य-ञ्च॒ राधः॑ ॥॥ प्र वा॒युमच्छा॑ बृह॒ती म॑नी॒षा ॥ 1 ॥

बृ॒हद्र॑यिं-विँ॒श्ववा॑राग्ं रथ॒प्राम् । द्यु॒तद्या॑मा नि॒युतः॒ पत्य॑मानः । क॒विः क॒विमि॑यक्षसि प्रयज्यो ॥ आ नो॑ नि॒युद्भिः॑ श॒तिनी॑भि-रद्ध्व॒रम् । स॒ह॒स्रिणी॑भि॒रुप॑ याहि य॒ज्ञम् । वायो॑ अ॒स्मिन्. ह॒विषि॑ मादयस्व । यू॒य-म्पा॑त स्व॒स्तिभि॒-स्सदा॑ नः ॥ प्रजा॑पते॒ न त्वदे॒तान्य॒न्यः । विश्वा॑ जा॒तानि॒ परि॒ ता ब॑भूव । य-त्का॑मास्ते जुहु॒मस्तन्नो॑ अस्तु ॥ 2 ॥

व॒यग्ग् स्या॑म॒ पत॑यो रयी॒णाम् ॥ र॒यी॒णा-म्पतिं॑-यँज॒त-म्बृ॒हन्त᳚म् । अ॒स्मिन्भरे॒ नृत॑मं॒-वाँज॑सातौ । प्र॒जाप॑ति-म्प्रथम॒जामृ॒तस्य॑ । यजा॑म दे॒वमधि॑ नो ब्रवीतु ॥ प्रजा॑पते॒ त्व-न्नि॑धि॒पाः पु॑रा॒णः । दे॒वाना᳚-म्पि॒ता ज॑नि॒ता प्र॒जाना᳚म् । पति॒-र्विश्व॑स्य॒ जग॑तः पर॒स्पाः । ह॒विर्नो॑ देव विह॒वे जु॑षस्व ॥ तवे॒मे लो॒काः प्र॒दिशो॒ दिश॑श्च ॥ 3 ॥

प॒रा॒वतो॑ नि॒वत॑ उ॒द्वत॑श्च । प्रजा॑पते विश्व॒सृज्जी॒वध॑न्य इ॒द-न्नो॑ देव । प्रति॑हर्य ह॒व्यम् ॥ प्र॒जाप॑ति-म्प्रथ॒मं-यँ॒ज्ञिया॑नाम् । दे॒वाना॒मग्रे॑ यज॒तं-यँ॑जद्ध्वम् । स नो॑ ददातु॒ द्रवि॑णग्ं सु॒वीर्य᳚म् । रा॒यस्पोषं॒-विँष्य॑तु॒ नाभि॑म॒स्मे ॥ यो रा॒य ईशे॑ शतदा॒य उ॒क्थ्यः॑ । यः प॑शू॒नाग्ं र॑क्षि॒ता विष्ठि॑तानाम् । प्र॒जाप॑तिः प्रथम॒जा ऋ॒तस्य॑ ॥ 4 ॥

स॒हस्र॑धामा जुषताग्ं ह॒विर्नः॑ ॥ सोमा॑पूषणा॒ जन॑ना रयी॒णा-ञ्जन॑ना दि॒वो जन॑ना पृथि॒व्याः । जा॒तौ विश्व॑स्य॒ भुव॑नस्य गो॒पौ दे॒वा अ॑कृण्वन्न॒मृत॑स्य॒ नाभि᳚म् ॥ इ॒मौ दे॒वौ जाय॑मानौ जुषन्ते॒मौ तमाग्ं॑सि गूहता॒मजु॑ष्टा । आ॒भ्यामिन्द्रः॑ प॒क्वमा॒मास्व॒न्त-स्सो॑मापू॒षभ्या᳚-ञ्जनदु॒स्रिया॑सु ॥ ॥ सोमा॑पूषणा॒ रज॑सो वि॒मान᳚म् । स॒प्तच॑क्र॒ग्ं॒ रथ॒मवि॑श्वमिन्वम् । वि॒षू॒वृत॒-म्मन॑सा यु॒ज्यमा॑नम् । त-ञ्जि॑न्वथो वृषणा॒ पञ्च॑रश्मिम् ॥ दि॒व्य॑न्य-स्सद॑न-ञ्च॒क्र उ॒च्चा । पृ॒थि॒व्याम॒न्यो अद्ध्य॒न्तरि॑क्षे । ताव॒स्मभ्य॑-म्पुरु॒वार॑-म्पुरु॒क्षुम् । रा॒यस्पोषं॒-विँष्य॑ता॒-न्नाभि॑म॒स्मे ॥ 5 ॥

धिय॑-म्पू॒षा जि॑न्वतु विश्वमि॒न्वः । र॒यिग्ं सोमो॑ रयि॒पति॑-र्दधातु । अव॑तु दे॒व्यदि॑तिर-न॒र्वा । बृ॒ह-द्व॑देम वि॒दथे॑ सु॒वीराः᳚ ॥ विश्वा᳚न्य॒न्यो भुव॑ना ज॒जान॑ । विश्व॑म॒न्यो अ॑भि॒चक्षा॑ण एति । सोमा॑पूषणा॒-वव॑त॒-न्धिय॑-म्मे । यु॒वभ्यां॒-विँश्वाः॒ पृत॑ना जयेम ॥ उदु॑त्त॒मं-वँ॑रुण॒ पाश॑म॒स्मदवा॑-ऽध॒मं-विँम॑ध्य॒मग्ग् श्र॑थाय । अथा॑ व॒यमा॑दित्य व्र॒ते तवा-ऽना॑गसो॒ अदि॑तये स्याम अस्त॑भ्ना॒द्यामृ॑ष॒भो अ॒न्तरि॑क्ष॒ममि॑मीत वरि॒माण॑-म्पृथि॒व्या आ-ऽसी॑द॒-द्विश्वा॒ भुव॑नानि स॒म्रा-ड्विश्वेत्तानि॒ वरु॑णस्य व्र॒तानि॑ ॥ । य-त्किञ्चे॒दं-वँ॑रुण॒ दैव्ये॒ जने॑-ऽभिद्रो॒ह-म्म॑नु॒ष्या᳚श्चरा॑मसि । अचि॑त्ती॒य-त्तव॒ धर्मा॑ युयोपि॒म मा न॒स्तस्मा॒ देन॑सो देव रीरिषः ॥ कि॒त॒वासो॒ यद्रि॑ रि॒पुर्न दी॒वि यद्वा॑ घा स॒त्य मु॒तयन्न वि॒द्म । सर्वा॒ ता विष्य॑ शिथि॒रेव॑ दे॒वाथा॑ ते स्याम वरुण प्रि॒यासः॑ ॥( ) । अव॑ ते॒ हेडो॑ वरुण॒ नमो॑भि॒रव॑ य॒ज्ञेभि॑रीमहे ह॒विर्भिः॑ । क्षय॑न्न॒स्मभ्य॑मसुर प्रचेतो॒ राज॒न्नेनाग्ं॑सि शिश्रथः कृ॒तानि॑ ॥, तत्त्वा॑ यामि॒ ब्रह्म॑णा॒ वन्द॑मान॒स्तदा शा᳚स्ते॒ यज॑मानो ह॒विर्भिः॑ । अहे॑डमानो वरुणे॒ह बो॒ध्युरु॑शग्ंस॒ मा न॒ आयुः॒ प्रमो॑षीः ॥ ॥ आ॒दि॒त्याना॒मव॑सा॒ नूत॑नेन सक्षी॒महि॒ शर्म॑णा॒ शन्त॑मेन । अ॒ना॒गा॒स्त्वे अ॑दिति॒त्वे तु॒रास॑ इ॒मं-यँ॒ज्ञ-न्द॑धतु॒ श्रोष॑माणाः ॥, न द॑क्षि॒णा विचि॑किते॒ न स॒व्या न प्रा॒चीन॑मादित्या॒ नोत प॒श्चा । पा॒क्या॑ चिद्वसवो धी॒र्या॑ चि--द्यु॒ष्मानी॑तो॒ अभ॑य॒-ञ्ज्योति॑रश्याम् ॥ । धा॒रय॑न्त आदि॒त्यासो॒ जग॒थ्स्था दे॒वा विश्व॑स्य॒ भुव॑नस्य गो॒पाः । दी॒र्घाधि॑यो॒ रक्ष॑माणा असु॒र्य॑मृ॒तावा॑न॒-श्चय॑माना ऋ॒णानि॑ ॥, ति॒स्रो भूमी᳚र्धारय॒-न्त्रीग्ं रु॒त द्यू-न्त्रीणि॑ व्र॒ता वि॒दथे॑ अ॒न्तरे॑षाम् । ऋ॒तेना॑-ऽऽदित्या॒ महि॑ वो महि॒त्व-न्तद॑र्यमन् वरुण मित्र॒ चारु॑ ॥ । य॒ज्ञो दे॒वाना॒-म्प्रत्ये॑ति सु॒म्नमादि॑त्यासो॒ भव॑ता मृड॒यन्तः॑ । आ वो॒-ऽर्वाची॑ सुम॒ति र्व॑वृत्याद॒ग्ं॒ होश्चि॒द्या व॑रिवो॒वित्त॒रा-ऽस॑त् ॥ शुचि॑र॒प-स्सू॒यव॑सा॒ अद॑ब्ध॒ उप॑ क्षेति वृ॒द्धव॑या-स्सु॒वीरः॑ । नकि॒ष्ट-ङ्घ्न॒न्त्यन्ति॑तो॒ न दू॒राद्य आ॑दि॒त्याना॒-म्भव॑ति॒ प्रणी॑तौ ॥ ॥ 6 ॥

(म॒नी॒षा-ऽस्तु॑-च॒-र्त-स्या॒स्मे-कि॑त॒वास॑ श्च॒त्वारि॑ च ) (अ. 1)

अनुवाकं 2 - वशादीनां सूक्तानि

ते शु॒क्रास॒-श्शुच॑यो रश्मि॒वन्तः॑ । सीद॑न्नादि॒त्या अधि॑ ब॒र॒ःइषि॑ प्रि॒ये । कामे॑न दे॒वा-स्स॒रथ॑-न्दि॒वो नः॑ । आया᳚न्तु य॒ज्ञमुप॑ नो जुषा॒णाः ॥ ते सू॒नवो॒ अदि॑तेः पीव॒सामिष᳚म् । घृ॒त-म्पिन्व॒त्-प्रति॑हर्यन्नृते॒जाः । प्र य॒ज्ञिया॒ यज॑मानाय येमुरे । आ॒दि॒त्याः काम॑-म्पितु॒मन्त॑म॒स्मे ॥ आ नः॑ पु॒त्रा अदि॑तेर्यान्तु य॒ज्ञम् । आ॒दि॒त्यासः॑ प॒थिभि॑-र्देव॒यानैः᳚ ॥ 7 ॥

अ॒स्मे काम॑-न्दा॒शुषे॑ स॒न्नम॑न्तः । पु॒रो॒डाश॑-ङ्घृ॒तव॑न्त-ञ्जुषन्ताम् ॥ स्क॒भा॒यत॒ निर्-ऋ॑ति॒ग्ं॒ सेध॒ताम॑तिम् । प्र र॒श्मिभि॒-र्यत॑माना अमृद्ध्राः । आदि॑त्याः॒ काम॒ प्रय॑तां॒-वँष॑ट्कृतिम् । जु॒षद्ध्व॑-न्नो ह॒व्यदा॑तिं-यँजत्राः ॥ आ॒दि॒त्यान्-काम॒मव॑से हुवेम । ये भू॒तानि॑ ज॒नय॑न्तो विचि॒ख्युः । सीद॑न्तु पु॒त्रा अदि॑तेरु॒पस्थ᳚म् । स्ती॒र्ण-म्ब॒र॒ःइर्ह॑वि॒रद्या॑य दे॒वाः ॥ 8 ॥

स्ती॒र्ण-म्ब॒र॒ःइ-स्सी॑दता य॒ज्ञे अ॒स्मिन्न् । ध्रा॒जा-स्सेध॑न्तो॒ अम॑ति-न्दु॒रेवा᳚म् । अ॒स्मभ्य॑-म्पुत्रा अदितेः॒ प्रयग्ं॑सत । आदि॑त्याः॒ काम॑ ह॒विषो॑ जुषा॒णाः ॥ अग्ने॒ नय॑ सु॒पथा॑ रा॒ये अ॒स्मान् । विश्वा॑नि देव व॒युना॑नि वि॒द्वान् । यु॒यो॒द्ध्य॑स्म-ज्जु॑हुरा॒णमेनः॑ । भूयि॑ष्ठा-न्ते॒ नम॑ उक्तिं-विँधेम ॥ प्रवः॑ शु॒क्राय॑ भा॒नवे॑ भरद्ध्वम् । ह॒व्य-म्म॒ति-ञ्चा॒ग्नये॒ सुपू॑तम् ॥ 9 ॥

यो दैव्या॑नि॒ मानु॑षा ज॒नूग्ंषि॑ । अ॒न्त-र्विश्वा॑नि वि॒द्मना॒ जिगा॑ति ॥ अच्छा॒ गिरो॑ म॒तयो॑ देव॒यन्तीः᳚ । अ॒ग्निं-यँ॑न्ति॒ द्रवि॑ण॒-म्भिक्ष॑माणाः । सु॒स॒दृंशग्ं॑ सु॒प्रती॑क॒ग्ग्॒ स्वञ्च᳚म् । ह॒व्य॒वाह॑मर॒ति-म्मानु॑षाणाम् ॥ अग्ने॒ त्वम॒स्म-द्यु॑यो॒द्ध्यमी॑वाः । अन॑ग्नित्रा अ॒भ्य॑मन्त कृ॒ष्टीः । पुन॑र॒स्मभ्यग्ं॑ सुवि॒ताय॑ देव । क्षां-विँश्वे॑भिर॒जरे॑भि-र्यजत्र ॥ 10 ॥

अग्ने॒ त्व-म्पा॑रया॒ नव्यो॑ अ॒स्मान् । स्व॒स्तिभि॒रति॑ दु॒र्गाणि॒ विश्वा᳚ । पूश्च॑ पृ॒थ्वी ब॑हु॒ला न॑ उ॒र्वी । भवा॑ तो॒काय॒ तन॑याय॒ शं-योः ँ॥ प्र का॑रवो मन॒ना व॒च्यमा॑नाः । दे॒व॒द्रीची᳚-न्नयथ देव॒यन्तः॑ । द॒क्षि॒णा॒वाड्-वा॒जिनी॒ प्राच्ये॑ति । ह॒विर्भर॑न्त्य॒ग्नये॑ घृ॒ताची᳚ ॥ इन्द्र॒-न्नरो॑ ने॒मधि॑ता हवन्ते॒ यत्पार्या॑ यु॒नज॑ते॒ धिय॒स्ताः । शूरो॒ नृषा॑ता॒ शव॑सश्चका॒न आ गोम॑ति व्र॒जे भ॑जा॒ त्वन्नः॑ ॥ यु॒जे रथ॑-ङ्ग॒वेष॑ण॒ग्ं॒ हरि॑भ्याम् । उप॒ ब्रह्मा॑णि जुजुषा॒ण-म॑स्थुः । विबा॑धिष्टा॒स्य रोद॑सी महि॒त्वा । इन्द्रो॑ वृ॒त्राण्य॑प्र॒ती ज॑घ॒न्वान् ॥ ॥ ज॒गृ॒भ्णा ते॒ दक्षि॑णामिन्द्र॒ हस्त᳚म् ॥ 11 ॥

व॒सू॒यवो॑ वसुपते॒ वसू॑नाम् । वि॒द्मा हि त्वा॒ गोप॑तिग्ं शूर॒ गोना᳚म् । अ॒स्मभ्य॑-ञ्चि॒त्रं-वृँष॑णग्ं र॒यि-न्दाः᳚ ॥ तवे॒दं-विँश्व॑म॒भितः॑ पश॒व्य᳚म् । य-त्पश्य॑सि॒ चक्ष॑सा॒ सूर्य॑स्य । गवा॑मसि॒ गोप॑ति॒रेक॑ इन्द्र । भ॒क्षी॒महि॑ ते॒ प्रय॑तस्य॒ वस्वः॑ ॥ समि॑न्द्र णो॒ मन॑सा नेषि॒ गोभिः॑ । सग्ं सू॒रिभि॑-र्मघव॒न्-थ्सग्ग् स्व॒स्त्या । स-म्ब्रह्म॑णा दे॒वकृ॑तं॒-यँदस्ति॑ ॥ 12 ॥

स-न्दे॒वानाग्ं॑ सुम॒त्या य॒ज्ञिया॑नाम् ॥ आ॒राच्छत्रु॒-मप॑बाधस्व दू॒रम् । उ॒ग्रो य-श्शम्बः॑ पुरुहूत॒ तेन॑ । अ॒स्मे धे॑हि॒ यव॑म॒द्गोम॑दिन्द्र । कृ॒धी धिय॑-ञ्जरि॒त्रे वाज॑रत्नाम् ॥ आवे॒धस॒-न्नील॑पृष्ठ-म्बृ॒हन्त᳚म् । बृह॒स्पति॒ग्ं॒ सद॑ने सादयध्वम् । सा॒दद्यो॑नि॒-न्दम॒ आदी॑दि॒वाग्ंस᳚म् । हिर॑ण्यवर्णमरु॒षग्ं स॑पेम ॥ स हि शुचिः॑ ॥ बृह॒स्पतिः॑ प्रथ॒म-ञ्जाय॑मानः । म॒हो ज्योति॑षः पर॒मे व्यो॑मन्न् । स॒प्तास्य॑स्तुविजा॒तो रवे॑ण । वि स॒प्तर॑श्मिरधम॒त्तमाग्ं॑सि ॥ 13 ॥

बृह॒स्पति॒-स्सम॑जय॒-द्वसू॑नि । म॒हो व्र॒जा-न्गोम॑तो दे॒व ए॒षः । अ॒प-स्सिषा॑स॒न्-थ्सुव॒र प्र॑तीत्तः । बृह॒स्पति॒र॒ःअन्त्य॒मित्र॑-म॒र्कैः ॥ बृह॑स्पते॒ परि॑ दीया॒ रथे॑न रक्षो॒हा ऽमित्राग्ं॑ अप॒ बाध॑मानः । प्र॒भ॒ञ्जन्-थ्सेनाः᳚ प्रमृ॒णो यु॒धा जय॑न्न॒स्माक॑-मेध्यवि॒ता रथा॑नाम् ॥ ए॒वा पि॒त्रे वि॒श्वदे॑वाय॒ वृष्णे॑ य॒ज्ञैर्वि॑धेम॒ नम॑सा ह॒विर्भिः॑ । बृह॑स्पते सुप्र॒जा वी॒रव॑न्तो व॒यग्ग् स्या॑म॒ पत॑यो रयी॒णाम् ॥ ॥ आ नो॑ दि॒वो बृ॑ह॒तः पर्व॑ता॒दा सर॑स्वती यज॒ता ग॑न्तु य॒ज्ञम् । हव॑-न्दे॒वी जु॑जुषा॒णा घृ॒ताची॑ श॒ग्मा-न्नो॒ वाच॑मुश॒ती शृ॑णोतु ॥पावी॑रवी क॒न्या॑ चि॒त्रायु॒-स्सर॑स्वती वी॒रप॑त्नी॒ धिय॑-न्धात् । ग्नाभि॒रच्छि॑द्रग्ं शर॒णग्ं स॒जोषा॑ दुरा॒धर्ष॑-ङ्गृण॒ते शर्म॑ यग्ंसत् ॥ । इ॒मा जुह्वा॑ना यु॒ष्मदा नमो॑भिः । प्रति॒ स्तोमग्ं॑ सरस्वति जुषस्व । तव॒ शर्म॑-न्प्रि॒यत॑मे॒ दधा॑नाः । उप॑स्थेयाम शर॒ण-न्न वृ॒क्षम् ॥ यस्ते॒ स्तन॑श्शश॒य इत्या॑ह । स्तौत्ये॒वैना᳚म् । उस्र॑ घ॒र्मग्ं शि॒ग्ं॒षोस्र॑ घ॒र्म-म्पा॑हि घ॒र्माय॑ शि॒ग्ं॒षेत्या॑ह । यथा᳚ ब्रू॒याद॒मुष्मै॑ दे॒हीति॑ । ता॒दृगे॒व तत् । बृह॒स्पति॒स्त्वोप॑ सीद॒त्वित्या॑ह । । सर॑स्वत्य॒भि नो॑ नेषि॒ वस्यः॑ । मा प॑स्फरीः॒ पय॑सा॒ मा न॒ आ ध॑क् । जु॒षस्व॑ न-स्स॒ख्या॑ वे॒श्या॑ च । मा त्वत्क्षेत्रा॒-ण्यर॑णानि गन्म ॥ ॥ इ॒यग्ं शुष्मे॑भिर्बिस॒खा इ॑वारुजत् । सानु॑ गिरी॒णा-न्त॑वि॒षेभि॑रू॒र्मिभिः॑ । पा॒रा॒व॒द॒घ्नीमव॑से सुवृ॒क्तिभिः॑ । सर॑स्वती॒-मावि॑वासेम धी॒तिभिः॑ ॥ 14 ॥

(दे॒व॒यानै᳚--र् दे॒वाः - सुपू॑तंयँजत्र॒-हस्त॒-मस्ति॒-तमाग्॑-स्यू॒र्मिभि॒-र्द्वे च॑) (अ. 2)

अनुवाकं 3 - सौम्यादीनां सूक्तानि

सोमो॑ धे॒नुग्ं सोमो॒ अर्व॑न्तमा॒शुम् । सोमो॑ वी॒र-ङ्क॑र्म॒ण्य॑-न्ददातु । सा॒द॒न्यं॑-विँद॒थ्यग्ं॑ स॒भेय᳚म् । पि॒तु॒-श्श्रव॑णं॒-योँ ददा॑शदस्मै ॥ अषा॑ढं-युँ॒थ्सु पृत॑नासु॒ पप्रि᳚म् । सु॒व॒र्॒षाम॒फ्स्वां-वृँ॒जन॑स्य गो॒पाम् । भ॒रे॒षु॒जाग्ं सु॑क्षि॒तिग्ं सु॒श्रव॑सम् । जय॑न्त॒-न्त्वामनु॑ मदेम सोम ॥ त्वग्ं सो॑म॒ क्रतु॑भिः ॥ या ते॒ धामा॑नि ह॒विषा॒ यज॑न्ति॒ ता ते॒ विश्वा॑ परि॒भूर॑स्तु य॒ज्ञ-ङ्ग॑य॒स्फानः॑ प्र॒तर॑ण-स्सु॒वीरो-ऽवी॑रहा॒ प्रच॑रा सोम॒ दुर्या॒न॥ त्वमि॒मा ओष॑धी-स्सोम॒ विश्वाः᳚ । त्वम॒पो अ॑जनय॒स्त्व-ङ्गाः । त्वमात॑तन्थो॒र्व॑न्तरि॑क्षम् । त्व-ञ्ज्योति॑षा॒ वितमो॑ ववर्थ ॥ 15 ॥

या ते॒ धामा॑नि दि॒वि या पृ॑थि॒व्याम् । या पर्व॑ते॒ष्वोष॑धीष्व॒फ्सु । तेभि॑र्नो॒ विश्वै᳚-स्सु॒मना॒ अहे॑डन्न् । राजन्᳚-थ्सोम॒ प्रति॑ ह॒व्या गृ॑भाय ॥ विष्णो॒र्नुकं॑-वीँ॒र्या॑णि॒ प्र वो॑चं॒-यः ँपार्थि॑वानि विम॒मे रजाग्ं॑सि॒ यो अस्क॑भाय॒दुत्त॑रग्ं स॒धस्थं॑-विँचक्रमा॒ण स्त्रे॒धोरु॑गा॒यो विष्णो॑ र॒राट॑मसि॒ विष्णोः᳚ पृ॒ष्ठम॑सि॒ विष्णो॒-श्श्न्यप्त्रे᳚ स्थो॒ विष्णो॒-स्स्यूर॑सि॒ विष्णो᳚-र्ध्रु॒वम॑सि वैष्ण॒वम॑सि॒ विष्ण॑वे त्वा ॥ तद॑स्य प्रि॒यम॒भि पाथो॑ अश्याम् । नरो॒ यत्र॑ देव॒यवो॒ मद॑न्ति । उ॒रु॒क्र॒मस्य॒ स हि बन्धु॑रि॒त्था । विष्णोः᳚ प॒दे प॑र॒मे मध्व॒ उथ्सः॑ ॥ । प्रत-द्विष्णुः॑ स्तवते वी॒र्या॑य । मृ॒गो न भी॒मः कु॑च॒रो गि॑रि॒ष्ठाः । यस्यो॒रुषु॑ त्रि॒षु वि॒क्रम॑णेषु । अधि॑क्षि॒यन्ति॒ भुव॑नानि॒ विश्वा᳚ ॥ ॥ प॒रो मात्र॑या त॒नुवा॑ वृधान । न ते॑ महि॒त्व-मन्व॑श्नुवन्ति । उ॒भे ते॑ विद्म॒ रज॑सी पृथि॒व्या विष्णो॑ देव॒ त्वम् । प॒र॒मस्य॑ विथ्से ॥ 16 ॥

विच॑क्रमे पृथि॒वीमे॒ष ए॒ताम् । क्षेत्रा॑य॒ विष्णु॒-र्मनु॑षे दश॒स्यन्न् । ध्रु॒वासो॑ अस्य की॒रयो॒ जना॑सः । उ॒रु॒क्षि॒तिग्ं सु॒जनि॑मा चकार ॥ त्रिर्दे॒वः पृ॑थि॒वीमे॒ष ए॒ताम् । विच॑क्रमे श॒तर्च॑स-म्महि॒त्वा । प्र विष्णु॑-रस्तु त॒वस॒स्त वी॑यान् । त्वे॒षग्ग् ह्य॑स्य॒ स्थवि॑रस्य॒ नाम॑ ॥ ॥ आ ते॑ म॒ह इ॑न्द्रो॒त्यु॑ग्र॒ सम॑न्यवो॒ य-थ्स॒मर॑न्त॒ सेनाः᳚ । पता॑ति दि॒द्युन्नर्य॑स्य बाहु॒वोर्मा ते॒ मनो॑ विष्व॒द्रिय॒ग्वि चा॑रीत् ॥ यो जा॒त ए॒व प्र॑थ॒मो मन॑स्वा-न्दे॒वो दे॒वान् क्रतु॑ना प॒र्यभू॑षत् । यस्य॒ शुष्मा॒द्रोद॑सी॒ अभ्य॑सेता-न्नृ॒म्णस्य॑ म॒ह्ना स ज॑नास॒ इन्द्रः॑ ॥ । अ॒भि गो॒त्राणि॒ सह॑सा॒ गाह॑मानो-ऽदा॒यो वी॒र-श्श॒तम॑न्यु॒रिन्द्रः॑ । दु॒श्च्य॒व॒नः पृ॑तना॒षाड॑ यु॒ध्यो᳚-स्माक॒ग्ं॒ सेना॑ अवतु॒ प्र यु॒थ्सु ॥ ॥ आभि॒-स्स्पृधो॑ मिथ॒ती- ररि॑षण्यन्न् । अ॒मित्र॑स्य व्यथया म॒न्युमि॑न्द्र । आभि॒र्विश्वा॑ अभि॒युजो॒ विषू॑चीः । आर्या॑य॒ विशो-ऽव॑तारी॒र्दासीः᳚ ॥ अ॒यग्ं शृ॑ण्वे॒ अध॒ जय॑न्नु॒त घ्नन्न् । अ॒यमु॒त प्रकृ॑णुते यु॒धा गाः । य॒दा स॒त्य-ङ्कृ॑णु॒ते म॒न्युमिन्द्रः॑ ॥ 17 ॥

विश्व॑-न्दृ॒ढ-म्भ॑यत॒ एज॑दस्मात् ॥ अनु॑ स्व॒धा-म॑क्षर॒न्नापो॑ अस्य । अव॑र्धत॒ मद्ध्य॒ आ ना॒व्या॑नाम् । स॒द्ध्री॒चीने॑न॒ मन॑सा॒ तमि॑न्द्र॒ ओजि॑ष्ठेन । हन्म॑ना-ऽहन्न॒भिद्यून् ॥ म॒रुत्व॑न्तं-वृँष॒भं-वाँ॑वृधा॒नम् । अक॑वारि-न्दि॒व्यग्ं शा॒समिन्द्र᳚म् । वि॒श्वा॒साह॒मव॑से॒ नूत॑नाय । उ॒ग्रग्ं स॑हो॒दामि॒ह तग्ं हु॑वेम ॥ जनि॑ष्ठा उ॒ग्र-स्सह॑से तु॒राय॑ ॥ 18 ॥

म॒न्द्र ओजि॑ष्ठो बहु॒लाभि॑मानः । अव॑र्ध॒न्निन्द्र॑-म्म॒रुत॑श्चि॒दत्र॑ । मा॒ता य-द्वी॒र-न्द॒धन॒द्धनि॑ष्ठा ॥ क्व॑ स्या वो॑ मरुत-स्स्व॒धा-ऽऽसी᳚त् । य-न्मामेकग्ं॑ स॒मध॑त्ताहि॒हत्ये᳚ । अ॒हग्ग् ह्यु॑ग्रस्त॑वि॒ष-स्तुवि॑ष्मान् । विश्व॑स्य॒ शत्रो॒रन॑मं-वँध॒स्नैः ॥ वृ॒त्रस्य॑ त्वा श्व॒सथा॒दीष॑माणाः । विश्वे॑ दे॒वा अ॑जहु॒र्ये सखा॑यः । म॒रुद्भि॑रिन्द्र स॒ख्य-न्ते॑ अस्तु ॥ 19 ॥

अथे॒मा विश्वाः॒ पृत॑ना जयासि ॥ वधीं᳚-वृँ॒त्र-म्म॑रुत इन्द्रि॒येण॑ । स्वेन॒ भामे॑न तवि॒षो ब॑भू॒वान् । अ॒हमे॒ता मन॑वे वि॒श्वश्च॑न्द्राः । सु॒गा अ॒पश्च॑कर॒ वज्र॑बाहुः ॥ स यो वृषा॒ वृष्णि॑येभि॒-स्समो॑काः । म॒हो दि॒वः पृ॑थि॒व्याश्च॑ स॒म्राट् । स॒ती॒नस॑त्त्वा॒ हव्यो॒ भरे॑षु । म॒रुत्वा᳚न्नो भव॒त्विन्द्र॑ ऊ॒ती ॥ इन्द्रो॑ वृ॒त्रम॑तर-द्वृत्र॒तूर्ये᳚ ॥ 20 ॥

अ॒ना॒धृ॒ष्यो म॒घवा॒ शूर॒ इन्द्रः॑ । अन्वे॑नं॒-विँशो॑ अमदन्त पू॒र्वीः । अ॒यग्ं राजा॒ जग॑तश्चर्षणी॒नाम् ॥ स ए॒व वी॒र-स्स उ॑ वी॒र्या॑वान् । स ए॑करा॒जो जग॑तः पर॒स्पाः । य॒दा वृ॒त्रमत॑र॒च्छूर॒ इन्द्रः॑ । अथा॑ भवद्दमि॒ता-ऽभिक्र॑तूनाम् ॥ इन्द्रो॑ य॒ज्ञं-वँ॒र्धय॑न् वि॒श्ववे॑दाः । पु॒रो॒डाश॑स्य जुषताग्ं ह॒विर्नः॑ । वृ॒त्र-न्ती॒र्त्वा दा॑न॒वं-वँज्र॑बाहुः ॥ 21 ॥

दिशो॑-ऽदृग्ं हद्दृग्ंहि॒ता दृग्ंह॑णेन ॥ इ॒मं-यँ॒ज्ञं-वँ॒र्धय॑न् वि॒श्ववे॑दाः । पु॒रो॒डाश॒-म्प्रति॑गृभ्णा॒त्विन्द्रः॑ । य॒दा वृ॒त्रमत॑र॒च्छूर॒ इन्द्रः॑ । अथै॑करा॒जो अ॑भव॒ज्जना॑नाम् ॥ इन्द्रो॑ दे॒वाञ्छ॑म्बर॒हत्य॑ आवत् । इन्द्रो॑ दे॒वाना॑- मभव-त्पुरो॒गाः । इन्द्रो॑ य॒ज्ञे ह॒विषा॑ वावृधा॒नः । वृ॒त्र॒तूर्णो॒ अभ॑य॒ग्ं॒ शर्म॑ यग्ंसत् ॥ य-स्स॒प्त सिन्धू॒ग्ं॒ रद॑धात्-पृथि॒व्याम् । य-स्स॒प्त लो॒कानकृ॑णो॒-द्दिश॑श्च । इन्द्रो॑ ह॒विष्मा॒न्-थ्सग॑णो म॒रुद्भिः॑ । वृ॒त्र॒तूर्णो॑ य॒ज्ञमि॒होप॑यासत् ॥ 22 ॥

(व॒व॒र्थ॒ - वि॒थ्स॒ - इन्द्र॑ - स्तु॒रा - या᳚स्तु॒ - वृत्र॒तूर्ये॒ - वज्र॑बाहुः - पृथि॒व्या-न्त्रीणि॑ च) (अ. 3)

अनुवाकं 4 - अभिमातिहैन्द्रादिपशूनां सूक्तानि

इन्द्र॒-स्तर॑स्वा-नभिमाति॒होग्रः । हिर॑ण्यवाशी-रिषि॒र-स्सु॑व॒र॒.षाः । तस्य॑ व॒यग्ं सु॑म॒तौ य॒ज्ञिय॑स्य । अपि॑ भ॒द्रे सौ॑मन॒से स्या॑म ॥ हिर॑ण्यवर्णो॒ अभ॑य-ङ्कृणोतु । अ॒भि॒मा॒ति॒हेन्द्रः॒ पृत॑नासु जि॒ष्णुः । स न॒-श्शर्म॑ त्रि॒वरू॑थं॒-विँयग्ं॑सत् । यू॒य-म्पा॑त स्व॒स्तिभि॒-स्सदा॑ नः ॥ इन्द्रग्ग्॑ स्तुहि व॒ज्रिण॒ग्ग्॒ स्तोम॑पृष्ठम् । पु॒रो॒डाश॑स्य जुषताग्ं ह॒विर्नः॑ ॥ 23 ॥

ह॒त्वा-ऽभिमा॑तीः॒ पृत॑ना॒-स्सह॑स्वान् । अथाभय॑-ङ्कृणुहि वि॒श्वतो॑ नः ॥ स्तु॒हि शूरं॑-वँ॒ज्रिण॒-मप्र॑तीतम् (मप्र॑तीत्तम्) । अ॒भि॒मा॒ति॒हन॑-म्पुरुहू॒तमिन्द्र᳚म् । य एक॒ इच्छ॒तप॑ति॒र्जने॑षु । तस्मा॒ इन्द्रा॑य ह॒विराजु॑होत ॥ इन्द्रो॑ दे॒वाना॑मधि॒पाः पु॒रोहि॑तः । दि॒शा-म्पति॑रभव-द्वा॒जिनी॑वान् । अ॒भि॒मा॒ति॒हा त॑वि॒षस्तुवि॑ष्मान् । अ॒स्मभ्य॑-ञ्चि॒त्रं-वृँष॑णग्ं र॒यि-न्दा᳚त् ॥ 24 ॥

य इ॒मे द्यावा॑पृथि॒वी म॑हि॒त्वा । बले॒नादृग्ं॑हदभिमाति॒हेन्द्रः॑ । स नो॑ ह॒विः प्रति॑गृभ्णातु रा॒तये᳚ । दे॒वाना᳚-न्दे॒वो नि॑धि॒पा नो॑ अव्यात् ॥ अन॑वस्ते॒ रथ॒मश्वा॑य तक्ष॒न्-त्वष्टा॒ वज्र॑-म्पुरुहूत द्यु॒मन्त᳚म् । ब्र॒ह्माण॒ इन्द्र॑-म्म॒हय॑न्तो अ॒र्कैरव॑र्धय॒न्नह॑ये॒ हन्त॒ वा उ॑ ॥ वृष्णे॒ य-त्ते॒ वृष॑णो अ॒र्कमर्चा॒निन्द्र॒ ग्रावा॑णो॒ अदि॑ति-स्स॒जोषाः᳚ । अ॒न॒श्वासो॒ ये प॒वयो॑-ऽर॒था इन्द्रे॑षिता अ॒भ्यव॑र्तन्त॒ दस्यून्॑ ॥ । इन्द्र॑स्य॒ नु वी॒र्या॑णि॒ प्रवो॑चम् । यानि॑ च॒कार॑ प्रथ॒मानि॑ व॒ज्री ॥ अह॒-न्नहि॒मन्व॒पस्त॑तर्द । प्र व॒क्षणा॑ अभिन॒-त्पर्व॑तानाम् ॥ ॥ इन्द्रो॑ या॒तो-ऽव॑सितस्य॒ राजा᳚ । शम॑स्य च शृ॒ङ्गिणो॒ वज्र॑बाहुः । सेदु॒ राजा᳚ क्षेति चर्षणी॒नाम् । अ॒रान्न ने॒मिः परि॒ता ब॑भूव ॥ 25 ॥

अ॒भि सि॒द्ध्मो अ॑जिगादस्य॒ शत्रून्॑ । वि ति॒ग्मेन॑ वृष॒भेणा॒ पुरो॑-ऽभेत् । सं-वँज्रे॑णासृज-द्वृ॒त्रमिन्द्रः॑ । प्र स्वा-म्म॒तिम॑तिर॒च्छाश॑दानः ॥ विष्णु॑-न्दे॒वं-वँरु॑णमू॒तये॒ भग᳚म् । मेद॑सा दे॒वा व॒पया॑ यजद्ध्वम् । ता नो॑ य॒ज्ञमाग॑तं-विँ॒श्वधे॑ना । प्र॒जाव॑द॒स्मे द्रवि॑णे॒ह ध॑त्तम् ॥ मेद॑सा दे॒वा व॒पया॑ यजद्ध्वम् । विष्णु॑-ञ्च दे॒वं-वँरु॑ण-ञ्च रा॒तिम् ॥ 26 ॥

ता नो॒ अमी॑वा अप॒बाध॑मानौ । इ॒मं-यँ॒ज्ञ-ञ्जु॒षमा॑णा॒वुपेत᳚म् ॥ विष्णू॑वरुणा यु॒वम॑द्ध्व॒राय॑ नः । वि॒शे जना॑य॒ महि॒ शर्म॑ यच्छतम् । दी॒र्घप्र॑यज्यू ह॒विषा॑ वृधा॒ना । ज्योति॒षा-ऽरा॑तीर्दहत॒-न्तमाग्ं॑सि ॥ ययो॒रोज॑सा स्कभि॒ता रजाग्ं॑सि । वी॒र्ये॑भि-र्वी॒रत॑मा॒ शवि॑ष्ठा । या पत्ये॑ते॒ अप्र॑तीत्ता॒ सहो॑भिः । विष्णू॑ अग॒न्वरु॑णा पू॒र्वहू॑तौ ॥ 27 ॥

विष्णू॑वरुणा वभिशस्ति॒पा वा᳚म् । दे॒वा य॑जन्त ह॒विषा॑ घृ॒तेन॑ । अपामी॑वाग्ं सेधतग्ं र॒क्षस॑श्च । अथा॑ धत्तं॒-यँज॑मानाय॒ शं-योः ँ॥ अ॒ग्ं॒हो॒मुचा॑ वृष॒भा सु॒प्रतू᳚र्ती । दे॒वाना᳚-न्दे॒वत॑मा॒ शचि॑ष्ठा । विष्णू॑वरुणा॒ प्रति॑हर्यत-न्नः । इ॒द-न्नरा॒ प्रय॑तमू॒तये॑ ह॒विः ॥ म॒ही नु द्यावा॑पृथि॒वी इ॒ह ज्येष्ठे᳚ । रु॒चा भ॑वताग्ं शु॒चय॑द्भि-र॒र्कैः ॥ 28 ॥

यथ्सीं॒-वँरि॑ष्ठे बृह॒ती वि॑मि॒न्वन्न् । नृ॒वद्भ्यो॒-ऽक्षा प॑प्रथा॒नेभि॒रेवैः᳚ ॥ प्र पू᳚र्व॒जे पि॒तरा॒ नव्य॑सीभिः । गी॒र्भिः कृ॑णुद्ध्व॒ग्ं॒ सद॑ने ऋ॒तस्य॑ । आ नो᳚ द्यावापृथिवी॒ दैव्ये॑न । जने॑न यात॒-म्महि॑ वां॒-वँरू॑थम् ॥ स इथ्स्वपा॒ भुव॑नेष्वास । य इ॒मे द्यावा॑पृथि॒वी ज॒जान॑ । उ॒र्वी ग॑भी॒रे रज॑सी सु॒मेके᳚ । अ॒व॒ग्ं॒शे धीर॒-श्शच्या॒ समै॑रत् ॥ 29 ॥

भूरि॒-न्द्वे अच॑रन्ती॒ चर॑न्तम् । प॒द्वन्त॒-ङ्गर्भ॑म॒पदी॑ दधाते । नित्य॒-न्न सू॒नु-म्पि॒त्रोरु॒पस्थे᳚ । त-म्पि॑पृतग्ं रोदसी सत्य॒वाच᳚म् ॥ इ॒द-न्द्या॑वापृथिवी स॒त्यम॑स्तु । पित॒-र्मात॒-र्यदि॒होप॑ब्रु॒वे वा᳚म् । भू॒त-न्दे॒वाना॑मव॒मे अवो॑भिः । विद्यामे॒षं-वृँ॒जन॑-ञ्जी॒रदा॑नुम् ॥ उ॒र्वी पृ॒थ्वी ब॑हु॒ले दू॒रे अ॑न्ते । उप॑ब्रुवे॒ नम॑सा य॒ज्ञे अ॒स्मिन्न् । दधा॑ते॒ ये सु॒भगे॑ सु॒प्रतू᳚र्ती । द्यावा॒ रक्ष॑त-म्पृथि॒वी नो॒ अभ्वा᳚त् ॥ या जा॒ता ओष॑धयो दे॒वेभ्य॑स्त्रियु॒ग-म्पु॒रा । मन्दा॑मि ब॒भ्रूणा॑म॒हग्ं श॒त-न्धामा॑नि स॒प्त च॑ ॥, अति॒ विश्वाः᳚ परि॒ष्ठा-स्स्ते॒न इ॑व व्र॒जम॑क्रमुः । ओष॑धयः॒ प्राचु॑च्यवु॒ र्य-त्कि-ञ्च॑ त॒नुवा॒ग्ं॒ रपः॑ ॥ । या ओष॑धय॒-स्सोम॑राज्ञीः॒ प्रवि॑ष्टाः पृथि॒वीमनु॑ । तासा॒-न्त्वम॑स्युत्त॒मा प्रणो॑ जी॒वात॑-वेसुव ॥ अ॒श्वा॒व॒तीग्ं सो॑मव॒ती मू॒र्जय॑न्ती॒ मुदो॑जसम् । आ वि॑थ्सि॒ सर्वा॒ ओष॑धीर॒स्मा अ॑रि॒ष्टता॑तये ॥ । ओष॑धी॒रिति॑ मातर॒-स्तद्वो॑ देवी॒-रुप॑ ब्रुवे । रपाग्ं॑सि विघ्न॒तीरि॑त॒ रप॑श्चा॒तय॑मानाः ॥ अ॒न्या वो॑ अ॒न्याम॑व-त्व॒न्या-ऽन्यस्या॒ उपा॑वत । ता-स्सर्वा॒ ओष॑धय-स्संविँदा॒ना इ॒द-म्मे॒ प्राव॑ता॒ वचः॑ ॥ ॥ 30 ॥

(ह॒विर्नो॑ - दा-द्- बभूव - रा॒तिं - पू॒र्वहू॑ता - व॒र्कै - रै॑र - द॒स्मि-न्पञ्च च) (अ. 4)

अनुवाकं 5 - ऐन्द्राग्नपश्वादीनां सूक्तानि

शुचि॒-न्नु स्तोम॒-न्नव॑जात-म॒द्येन्द्रा᳚ग्नी वृत्रहणा जु॒षेथा᳚म् । उ॒भा हि वाग्ं॑ सु॒हवा॒ जोह॑वीमि॒ ता वाजग्ं॑ स॒द्य उ॑श॒ते धेष्ठा᳚ ॥, श्नथ॑-द्वृ॒त्रमु॒त स॑नोति॒ वाज॒मिन्द्रा॒ यो अ॒ग्नी सहु॑री सप॒र्यात् । इ॒र॒ज्यन्ता॑ वस॒व्य॑स्य॒ भूरे॒-स्सह॑स्तमा॒ सह॑सा वाज॒यन्ता᳚ ॥ । उ॒भा वा॑मिन्द्राग्नी आहु॒वध्या॑ उ॒भा राध॑स-स्स॒ह मा॑द॒यध्यै᳚ । उ॒भा दा॒तारा॑वि॒षाग्ं र॑यी॒णामु॒भा वाज॑स्य सा॒तये॑ हुवे वाम् ॥,प्र च॑र्ष॒णिभ्यः॑ पृतना॒ हवे॑षु॒ प्र पृ॑थि॒व्या रि॑रिचाथे दि॒वश्च॑ । प्र सिन्धु॑भ्यः॒ प्रगि॒रिभ्यो॑ महि॒त्वा प्रेन्द्रा᳚ग्नी॒ विश्वा॒ भुव॒ना-ऽत्य॒न्या ॥ । आ वृ॑त्रहणा वृत्र॒हभि॒-श्शुष्मैः᳚ । इन्द्र॑ या॒त-न्नमो॑भिरग्ने अ॒र्वाक् । यु॒वग्ं राधो॑भि॒रक॑वेभिरिन्द्र । अग्ने॑ अ॒स्मे भ॑वतमुत्त॒मेभिः॑ ॥ गी॒र्भि-र्विप्रः॒ प्रम॑तिमि॒च्छमा॑नः । ई॒॑ र॒यिं-यँ॒शस॑-म्पूर्व॒भाज᳚म् । इन्द्रा᳚ग्नी वृत्रहणा सुवज्रा । प्रणो॒ नव्ये॑भिस्तिरत-न्दे॒ष्णैः ॥ ॥ ब्रह्म॑णस्पते॒ त्वम॒स्य य॒न्ता । सू॒क्तस्य॑ बोधि॒ तन॑य-ञ्च जिन्व । विश्व॒-न्त-द्भ॒द्रं-यँद॒वन्ति॑ दे॒वाः । बृ॒हद्व॑देम वि॒दथे॑ सु॒वीराः᳚ ॥ स ईग्ं॑ स॒त्येभि॒-स्सखि॑भि-श्शु॒चद्भिः॑ । गोधा॑यसं॒विँ ध॑न॒सैर॑तर्दत् । ब्रह्म॑ण॒स्पति॒-र्वृष॑भिर्व॒राहैः᳚ ॥ 31 ॥

घ॒र्मस्वे॑देभि॒-र्द्रवि॑णं॒-व्याँ॑नट् ॥ ब्रह्म॑ण॒स्पते॑-रभवद्यथा व॒शम् । स॒त्यो म॒न्युर्महि॒ कर्मा॑ करिष्य॒तः । यो गा उ॒दाज॒थ्स दि॒वे वि चा॑भजत् । म॒हीव॑ री॒ति-श्शव॑सा सर॒-त्पृथ॑क् ॥ इन्धा॑नो अ॒ग्निं-वँ॑नवद्वनुष्य॒तः । कृ॒तब्र॑ह्मा शूशुव-द्रा॒तह॑व्य॒ इत् । जा॒तेन॑ जा॒तमति॒ सृ-त्प्रसृग्ं॑सते । यं-यँं॒-युँज॑-ङ्कृणु॒ते ब्रह्म॑ण॒स्पतिः॑ ॥ ब्रह्म॑णस्पते सु॒यम॑स्य वि॒श्वहा᳚ ॥ 32 ॥

रा॒य-स्स्या॑म र॒थ्यो॑ विव॑स्वतः । वी॒रेषु॑ वी॒राग्ं उप॑पृङ्ग्धि न॒स्त्वम् । यदीशा॑नो॒ ब्रह्म॑णा॒ वेषि॑ मे॒ हव᳚म् ॥ स इज्जने॑न॒ स वि॒शा स जन्म॑ना । स पु॒त्रैर्वाज॑-म्भरते॒ धना॒ नृभिः॑ । दे॒वानां॒-यः ँपि॒तर॑मा॒विवा॑सति । श्र॒द्धाम॑ना ह॒विषा॒ ब्रह्म॑ण॒स्पति᳚म् ॥ यास्ते॑ पूष॒न्नावो॑ अ॒न्त-स्स॑मु॒द्रे । हि॒र॒ण्ययी॑र॒न्तरि॑क्षे॒ चर॑न्ति । याभि॑र्यासि दू॒त्याग्ं सूर्य॑स्य । कामे॑न कृ॒त-श्श्रव॑ इ॒च्छमा॑नः ॥ । शु॒क्र-न्ते॑ अ॒न्यद्य॑ज॒त-न्ते॑ अ॒न्यद्विषु॑रूपे॒ अह॑नी॒ द्यौरि॑वासि । विश्वा॒ हि मा॒या अव॑सि स्वधावो भ॒द्रा ते॑ पूषन्नि॒ह रा॒तिर॑स्तु ॥, पू॒षेमा आशा॒ अनु॑वेद॒ सर्वा᳚-स्सो अ॒स्माग्ं अभ॑यतमेन नेषत् । स्व॒स्ति॒दा अघृ॑णि॒-स्सर्व॑वीरः । अप्र॑युच्छ-न्पु॒र ए॑तु॒ प्रजा॒नन्न् ॥ ॥ प्रप॑थे प॒थाम॑जनिष्ट पू॒षा ॥ 33 ॥

प्रप॑थे दि॒वः प्रप॑थे पृथि॒व्याः । उ॒भे अ॒भि प्रि॒यत॑मे स॒धस्थे᳚ । आ च॒ परा॑ च चरति प्रजा॒नन्न् ॥ पू॒षा सु॒बन्धु॑र्दि॒व आ पृ॑थि॒व्याः । इ॒डस्पति॑-र्म॒घवा॑ द॒स्मव॑र्चाः । त-न्दे॒वासो॒ अद॑दु-स्सू॒र्यायै᳚ । कामे॑न कृ॒त-न्त॒वस॒ग्ग्॒ स्वञ्च᳚म् ॥ अ॒जाश्वः॑ पशु॒पा वाज॑वस्त्यः । धि॒य॒जि॒न्न्वो विश्वे॒ भुव॑ने॒ अर्पि॑तः । अष्ट्रा᳚-म्पू॒षा शि॑थि॒रामु॒द्वरी॑वृजत् ॥ 34 ॥

स॒चङ्क्षा॑णो॒ भुव॑ना दे॒व ई॑यते ॥ शुची॑ वो ह॒व्या म॑रुत॒-श्शुची॑नाम् । शुचिग्ं॑ हिनोम्यद्ध्व॒रग्ं शुचि॑भ्यः । ऋ॒तेन॑ स॒त्यमृत॒साप॑ आयन्न् । शुचि॑जन्मान॒-श्शुच॑यः पाव॒काः ॥ प्र चि॒त्रम॒र्क-ङ्गृ॑ण॒ते तु॒राय॑ । मारु॑ताय॒ स्वत॑वसे भरद्ध्वम् । ये सहाग्ं॑सि॒ सह॑सा॒ सह॑न्ते । रेज॑ते अग्ने पृथि॒वी म॒खेभ्यः॑ ॥ अग्ंसे॒ष्वा म॑रुतः खा॒दयो॑ वः ॥ 35 ॥

वक्षः॑सु रु॒क्मा उप॑शिश्रिया॒णाः । वि वि॒द्युतो॒ न वृ॒ष्टिभी॑ रुचा॒नाः । अनु॑ स्व॒धामायु॑धै॒-र्यच्छ॑मानाः ॥ या व॒-श्शर्म॑ शशमा॒नाय॒ सन्ति॑ । त्रि॒धातू॑नि दा॒शुषे॑ यच्छ॒ताधि॑ । अ॒स्मभ्य॒-न्तानि॑ मरुतो॒ विय॑न्त । र॒यि-न्नो॑ धत्त वृषण-स्सु॒वीर᳚म् ॥ इ॒मे तु॒र-म्म॒रुतो॑ रामयन्ति । इ॒मे स॒ह-स्सह॑स॒ आन॑मन्ति । इ॒मे शग्ंसं॑-वँनुष्य॒तो निपा᳚न्ति ॥ 36 ॥

गु॒रुद्वेषो॒ अर॑रुषे दधन्ति ॥ अ॒रा इ॒वेदच॑रमा॒ अहे॑व । प्र प्र॑जायन्ते॒ अक॑वा॒ महो॑भिः । पृश्नेः᳚ पु॒त्रा उ॑प॒मासो॒ रभि॑ष्ठाः । स्वया॑ म॒त्या म॒रुत॒-स्सम्मि॑मिक्षुः ॥ अनु॑ ते दायि म॒ह इ॑न्द्रि॒याय॑ । स॒त्रा ते॒ विश्व॒मनु॑ वृत्र॒हत्ये᳚ । अनु॑ क्ष॒त्रमनु॒ सहो॑ यजत्र । इन्द्र॑ दे॒वेभि॒रनु॑ ते नृ॒षह्ये᳚ ॥ य इन्द्र॒ शुष्मो॑ मघवन्ते॒ अस्ति॑ ॥ 37 ॥

शिक्षा॒ सखि॑भ्यः पुरुहूत॒ नृभ्यः॑ । त्वग्ं हि दृ॒ढा म॑घव॒न् विचे॑ताः । अपा॑वृधि॒ परि॑वृति॒-न्न राधः॑ ॥ इन्द्रो॒ राजा॒ जग॑तश्चर्षणी॒नाम् । अधि॒क्षमि॒ विषु॑रूपं॒-यँदस्ति॑ । ततो॑ ददातु दा॒शुषे॒ वसू॑नि । चोद॒द्राध॒ उप॑स्तुतश्चिद॒र्वाक् ॥ तमु॑ ष्टुहि॒ यो अ॒भिभू᳚त्योजाः । व॒न्वन्नवा॑तः पुरुहू॒त इन्द्रः॑ । अषा॑ढमु॒ग्रग्ं सह॑मानमा॒भिः ॥ 38 ॥

गी॒र्भिर्व॑र्ध वृष॒भ-ञ्च॑र्षणी॒नाम् ॥ स्थू॒रस्य॑ रा॒यो बृ॑ह॒तो य ईशे᳚ । तमु॑ ष्टवाम वि॒दथे॒ष्विन्द्र᳚म् । यो वा॒युना॒ जय॑ति॒ गोम॑तीषु । प्र धृ॑ष्णु॒या न॑यति॒ वस्यो॒ अच्छ॑ ॥ आ ते॒ शुष्मो॑ वृष॒भ एतु॑ प॒श्चात् । ओत्त॒राद॑ध॒रागा पु॒रस्ता᳚त् । आ वि॒श्वतो॑ अ॒भि समे᳚त्व॒र्वाम् । इन्द्र॑ द्यु॒म्नग्ं सुव॑र्वद्धेह्य॒स्मे ॥ 39 ॥

(व॒राहै᳚--र् वि॒श्वहा॑ - ऽजनिष्ट पू॒षो - द्वरी॑वृजत् - खा॒दयो॑ वः - पा॒न् - त्यस्त - या॒भि--र् + नव॑ च) (अ. 5)

अनुवाकं 6 - सावित्रादिपशूनां सूक्तानि

आ दे॒वो या॑तु सवि॒ता सु॒रत्नः॑ । अ॒न्त॒रि॒क्ष॒प्रा वह॑मानो॒ अश्वैः᳚ । हस्ते॒ दधा॑नो॒ नर्या॑ पु॒रूणि॑ । नि॒वे॒शय॑न् च प्रसु॒वन् च॒ भूम॑ ॥ अ॒भीवृ॑त॒-ङ्कृश॑नै-र्वि॒श्वरू॑पम् ।

हिर॑ण्यशम्यं-यँज॒तो बृ॒हन्त᳚म् । आस्था॒-द्रथग्ं॑ सवि॒ता चि॒त्रभा॑नुः । कृ॒ष्णा रजाग्ं॑सि॒ तवि॑षी॒-न्दधा॑नः ॥ सघा॑ नो दे॒व-स्स॑वि॒ता स॒वाय॑ । आसा॑विष॒-द्वसु॑पति॒-र्वसू॑नि ॥ 40 ॥

वि॒श्रय॑माणो॒ अम॑तिमुरू॒चीम् । म॒र्त॒भोज॑न॒मध॑ रासते न ॥ वि जना᳚ञ्छ्या॒वा-श्शि॑ति॒पादो॑ अख्यन्न् । रथ॒ग्ं॒ हिर॑ण्य प्र उगं॒-वँह॑न्तः । शश्व॒-द्दिशः॑ सवि॒तु-र्दैव्य॑स्य । उ॒पस्थे॒ विश्वा॒ भुव॑नानि तस्थुः ॥ वि सु॑प॒र्णो अ॒न्तरि॑क्षाण्यख्यत् । ग॒भी॒रवे॑पा॒ असु॑र-स्सुनी॒थः । क्वे॑दानी॒ग्ं॒ सूर्यः॒ कश्चि॑केत । क॒त॒मा-न्द्याग्ं र॒श्मिर॒स्यात॑तान ॥ 41 ॥

भग॒-न्धियं॑-वाँ॒जय॑न्तः॒ पुर॑न्धिम् । नरा॒शग्ंसो॒ ग्नास्पति॑र्नो अव्यात् । आ-ऽये वा॒मस्य॑ सङ्ग॒थे र॑यी॒णाम् । प्रि॒या दे॒वस्य॑ सवि॒तु-स्स्या॑म ॥ आ नो॒ विश्वे॒ अस्क्रा॑ गमन्तु दे॒वाः । मि॒त्रो अ॑र्य॒मा वरु॑ण-स्स॒जोषाः᳚ । भुव॒न्॒. यथा॑ नो॒ विश्वे॑ वृ॒धासः॑ । कर᳚न्-थ्सु॒षहा॑ विथु॒र-न्न शवः॑ ॥ श-न्नो॑ दे॒वा वि॒श्वदे॑वा भवन्तु । शग्ं सर॑स्वती स॒ह धी॒भिर॑स्तु ॥ 42 ॥

शम॑भि॒षाच॒-श्शमु॑ राति॒षाचः॑ । श-न्नो॑ दि॒व्याः पार्थि॑वा॒-श्श-न्नो॒ अप्याः᳚ ॥ ये स॑वि॒तु-स्स॒त्यस॑वस्य॒ विश्वे᳚ । मि॒त्रस्य॑ व्र॒ते वरु॑णस्य दे॒वाः । ते सौभ॑गं-वीँ॒रव॒द्गोम॒दप्नः॑ । दधा॑तन॒ द्रवि॑ण-ञ्चि॒त्रम॒स्मे ॥ अग्ने॑ या॒हि दू॒त्यं॑-वाँरि॑षेण्यः । दे॒वां अच्छा᳚ ब्रह्म॒कृता॑ ग॒णेन॑ । सर॑स्वती-म्म॒रुतो॑ अ॒श्विना-ऽ॒पः । य॒क्षि॒ दे॒वा-न्र॑त्न॒धेया॑य॒ विश्वान्॑ ॥ 43 ॥

द्यौः पि॑तः॒ पृथि॑वि॒ मात॒रद्ध्रु॑क् । अग्ने᳚ भ्रातर्वसवो मृ॒डता॑ नः । विश्व॑ आदित्या आदिते स॒जोषाः᳚ । अ॒स्मभ्य॒ग्ं॒ शर्म॑ बहु॒लं-विँय॑न्त ॥ विश्वे॑ देवा-श्शृणु॒तेमग्ं हव॑-म्मे । ये अ॒न्तरि॑क्षे॒ य उप॒ द्यवि॒ ष्ठ । ये अ॑ग्निजि॒ह्वा उ॒त वा॒ यज॑त्राः । आ॒स-द्या॒स्मि-न्ब॒र्॒हिषि॑ मादयद्ध्वम् ॥ आ वा᳚-म्मित्रावरुणा ह॒व्यजु॑ष्टिम् । नम॑सा देवा॒ वव॑सा-ऽऽववृत्याम् ॥ 44 ॥

अ॒स्माक॒-म्ब्रह्म॒ पृत॑नासु सह्या अ॒स्माक᳚म् । वृ॒ष्टि-र्दि॒व्या सु॑पा॒रा ॥ यु॒वं-वँस्त्रा॑णि पीव॒सा व॑साथे । यु॒वोरच्छि॑द्रा॒ मन्त॑वो ह॒ सर्गाः᳚ । अवा॑तिरत॒मनृ॑तानि॒ विश्वा᳚ । ऋ॒तेन॑ मित्रावरुणा सचेथे ॥ तथ्सु वा᳚-म्मित्रावरुणा महि॒त्वम् । ई॒र्मा त॒स्थुषी॒रह॑भि-र्दुदुह्रे । विश्वाः᳚ पिन्वथ॒ स्वस॑रस्य॒ धेनाः᳚ । अनु॑ वा॒मेकः॑ प॒विराव॑वर्ति ॥ 45 ॥

यद्बग्ंहि॑ष्ठ॒-न्नाति॒विदे॑ सुदानू । अच्छि॑द्र॒ग्ं॒ शर्म॒ भुव॑नस्य गोपा । ततो॑ नो मित्रावरुणा-ववीष्टम् । सिषा॑सन्तो जीगि॒वाग्ंसः॑ स्याम ॥ आ नो॑ मित्रावरुणा ह॒व्यदा॑तिम् । घृ॒तै-र्गव्यू॑तिमुक्षत॒मिडा॑भिः । प्रति॑ वा॒मत्र॒ वर॒मा जना॑य । पृ॒णी॒तमु॒द्गो दि॒व्यस्य॒ चारोः᳚ ॥ प्र बा॒हवा॑ सिसृत-ञ्जी॒वसे॑ नः । आ नो॒ गव्यू॑तिमुक्षत-ङ्घृ॒तेन॑ ॥ 46 ॥

आ नो॒ जने᳚ श्रवयतं-युँवाना । श्रु॒त-म्मे॑ मित्रावरुणा॒ हवे॒मा ॥ इ॒मा रु॒द्राय॑ स्थि॒रध॑न्वने॒ गिरः॑ । क्षि॒प्रेष॑वे दे॒वाय॑ स्व॒धाम्ने᳚ । अषा॑ढाय॒ सह॑मानाय मी॒ढुषे᳚ । ति॒ग्मायु॑धाय भरता शृ॒णोत॑न ॥ त्वा द॑त्तेभी रुद्र॒ शन्त॑मेभिः । श॒तग्ं हिमा॑ अशीय भेष॒जेभिः॑ । व्य॑स्मद्द्वेषो॑ वित॒रं-व्यँग्ंहः॑ । व्यमी॑वाग् श्चातयस्वा॒ विषू॑चीः ॥ 47 ॥

अर्ह॑न्बिभर्षि॒ साय॑कानि॒ धन्व॑ । अर्ह॑न्नि॒ष्कं-यँ॑ज॒तं-विँ॒श्वरू॑पम् । अर्ह॑न्नि॒दन्द॑यसे॒ विश्व॒मब्भु॑वम् । न वा ओजी॑यो रुद्र॒ त्वद॑स्ति ॥, मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा नो॒ अश्वे॑षु रीरिषः । वी॒रा-न्मानो॑ रुद्र भामि॒तो व॑धीर्ह॒विष्म॑न्तो॒ नम॑सा विधेम ते ॥॥ आ ते॑ पितर्मरुताग्ं सु॒म्नमे॑तु । मा न॒-स्सूर्य॑स्य स॒दृंशो॑ युयोथाः । अ॒भि नो॑ वी॒रो अर्व॑ति क्षमेत । प्रजा॑येमहि रुद्र प्र॒जाभिः॑ ॥ ए॒वा ब॑भ्रो वृषभ चेकितान । यथा॑ देव॒ न हृ॑णी॒षे न हग्ंसि॑ । हा॒व॒न॒श्रूर्नो॑ रुद्रे॒ह बो॑धि । बृ॒हद्व॑देम वि॒दथे॑ सु॒वीराः᳚ ॥ परि॑णो रु॒द्रस्य॑ हे॒ति र्वृ॑णक्तु॒ परि॑त्वे॒षस्य॑ दुर्म॒तिर॑घा॒योः । अव॑ स्थि॒रा म॒घव॑द्भ्य-स्तनुष्व॒ मीढ्व॑स्तो॒काय॒ तन॑याय मृडय ॥, स्तु॒हि श्रु॒त-ङ्ग॑र्त॒सदं॒-युँवा॑न-म्मृ॒ग-न्न भी॒म-मु॑पह॒त्नु-मु॒ग्रम् । मृ॒डा ज॑रि॒त्रे रु॑द्र॒ स्तवा॑नो अ॒न्यन्ते॑ अ॒स्मन्निव॑पन्तु॒ सेनाः᳚ ॥ । मीढु॑ष्टम॒ शिव॑तम शि॒वो नः॑ सु॒मना॑ भव ।प॒र॒मे वृ॒क्ष आयु॑ध-न्नि॒धाय॒ कृत्तिं॒-वँसा॑न॒ आच॑र॒ पिना॑क॒म्बिभ्र॒दाग॑हि ॥ अर्ह॑न्बिभर्षि॒ साय॑कानि॒ धन्व॑ । अर्ह॑न्नि॒ष्कं-यँ॑ज॒तं-विँ॒श्वरू॑पम् । अर्ह॑न्नि॒दन्द॑यसे॒ विश्व॒मब्भु॑वम् । न वा ओजी॑यो रुद्र॒ त्वद॑स्ति ॥। त्वम॑ग्ने रु॒द्रो असु॑रो म॒हो दि॒वस्त्वग्ं शर्धो॒ मारु॑त-म्पृ॒क्ष ई॑शिषे । त्वं-वाँतै॑ररु॒णैर्या॑सि शङ्ग॒यस्त्व-म्पू॒षा वि॑ध॒तः पा॑सि॒ नुत्मना᳚ ॥, आ वो॒ राजा॑नमध्व॒रस्य॑ रु॒द्रग्ं होता॑रग्ं सत्य॒यज॒ग्ं॒ रोद॑स्योः । अ॒ग्नि-म्पु॒रा त॑नयि॒त्नो र॒चित्ता॒-द्धिर॑ण्यरूप॒मव॑से कृणुध्वम् ॥ ॥ 48 ॥

(वसू॑नि - तता - नास्तु॒ - विश्वान्॑.-ववृत्यांवँवर्ति-घृ॒तेन॒-विषू॑चीः-श्रु॒त-न्द्वे च॑) (अ. 6)

अनुवाकं 7 - सौर्यादिपशूनां सूक्तानि

सूर्यो॑ दे॒वीमु॒षस॒ग्ं रोच॑माना॒ मर्यः॑ । न योषा॑म॒भ्ये॑ति प॒श्चात् । यत्रा॒ नरो॑ देव॒यन्तो॑ यु॒गानि॑ । वि॒त॒न्वते॒ प्रति॑ भ॒द्राय॑ भ॒द्रम् ॥ भ॒द्रा अश्वा॑ ह॒रित॒-स्सूर्य॑स्य । चि॒त्रा एद॑ग्वा अनु॒माद्या॑सः । न॒म॒स्यन्तो॑ दि॒व आ पृ॒ष्ठम॑स्थुः ।

परि॒ द्यावा॑पृथि॒वी य॑न्ति स॒द्यः ॥ त-थ्सूर्य॑स्य देव॒त्व-न्त-न्म॑हि॒त्वम् । म॒द्ध्या कर्तो॒-र्वित॑त॒ग्ं॒ सञ्ज॑भार ॥ 49 ॥

य॒देदयु॑क्त ह॒रितः॑ स॒धस्था᳚त् । आद्रात्री॒ वास॑स्तनुते सि॒मस्मै᳚ ॥ त-न्मि॒त्रस्य॒ वरु॑णस्याभि॒चक्षे᳚ । सूर्यो॑ रू॒प-ङ्कृ॑णुते॒ द्योरु॒पस्थे᳚ । अ॒न॒न्तम॒न्य-द्रुश॑दस्य॒ पाजः॑ । कृ॒ष्णम॒न्यद्ध॒रित॒-स्सम्भ॑रन्ति ॥ अ॒द्या दे॑वा॒ उदि॑ता॒ सूर्य॑स्य । निरग्ंह॑सः पिपृ॒तान्निर॑व॒द्यात् । तन्नो॑ मि॒त्रो वरु॑णो मामहन्ताम् । अदि॑ति॒-स्सिन्धुः॑ पृथि॒वी उ॒त द्यौः ॥ 50 ॥

दि॒वो रु॒क्म उ॑रु॒चक्षा॒ उदे॑ति । दू॒रे अ॑र्थस्त॒रणि॒-र्भ्राज॑मानः । नू॒न-ञ्जना॒-स्सूर्ये॑ण॒ प्रसू॑ताः । आयन्नर्था॑नि कृ॒णव॒न्नपाग्ं॑सि ॥ श-न्नो॑ भव॒ चक्ष॑सा॒ श-न्नो॒ अह्ना᳚ । श-म्भा॒नुना॒ शग्ं हि॒मा श-ङ्घृ॒णेन॑ । यथा॒ शम॒स्मै शमस॑-द्दुरो॒णे । त-थ्सू᳚र्य॒ द्रवि॑ण-न्धे॒हि चि॒त्रम् ॥ चि॒त्र-न्दे॒वाना॒-मुद॑गा॒दनी॑कम् । चक्षु॑र्मि॒त्रस्य॒ वरु॑णस्या॒ग्नेः ॥ 51 ॥

आ-ऽप्रा॒ द्यावा॑पृथि॒वी अ॒न्तरि॑क्षम् । सूर्य॑ आ॒त्मा जग॑तस्त॒स्थुष॑श्च ॥ त्वष्टा॒ दध॒दिन्द्रा॑य॒ शुष्म᳚म् । अपा॒को-ऽचि॑ष्टुर्य॒शसे॑ पु॒रूणि॑ । वृषा॒ यज॒न् वृष॑ण॒-म्भूरि॑रेताः । मू॒र्धन्. य॒ज्ञस्य॒ सम॑नक्तु दे॒वान् ॥, तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒ण-स्स्य॑स्व । यतो॑ वी॒रः क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥ । त्वष्टा॑ वी॒र-न्दे॒वका॑म-ञ्जजान॒ त्वष्टु॒रर्वा॑ जायत आ॒शुरश्वः॑ । त्वष्टे॒दं-विँश्व॒-म्भुव॑न-ञ्जजान ब॒होः क॒र्तार॑मि॒ह य॑क्षि होतः ॥ पि॒शङ्ग॑रूप-स्सु॒भरो॑ वयो॒धा-श्श्रु॒ष्टी वी॒रो जा॑यते दे॒वका॑मः । प्र॒जा-न्त्वष्टा॒ विष्य॑तु॒ नाभि॑म॒स्मे अथा॑ दे॒वाना॒मप्ये॑तु॒ पाथः॑ ॥ ॥ दशे॒म-न्त्वष्टु॑र्जनयन्त॒ गर्भ᳚म् । अत॑न्द्रासो युव॒तयो॒ बिभ॑र्त्रम् । ति॒ग्मानी॑क॒ग्ग्॒ स्वय॑शस॒-ञ्जने॑षु । वि॒रोच॑मान॒-म्परि॑षी-न्नयन्ति ॥ आविष्ट्यो॑ वर्धते॒ चारु॑रासु । जि॒ह्माना॑मू॒र्ध्व-स्स्वय॑शा उ॒पस्थे᳚ ॥ 52 ॥

उ॒भे त्वष्टु॑र्बिभ्यतु॒-र्जाय॑मानात् । प्र॒तीची॑ सि॒ग्ं॒ह-म्प्रति॑जोषयेते ॥ मि॒त्रो जनान्॑ यातयति प्रजा॒न-न्मि॒त्रो दा॑धार पृथि॒वीमु॒त द्याम् । मि॒त्रः कृ॒ष्टीरनि॑मिषा॒-ऽभि च॑ष्टे स॒त्याय॑ ह॒व्य-ङ्घृ॒तव॑-द्विधेम ॥, प्र स मि॑त्र॒ मर्तो॑ अस्तु॒ प्रय॑स्वा॒न् यस्त॑ आदित्य॒ शिक्ष॑ति व्र॒तेन॑ । न ह॑न्यते॒ न जी॑यते॒ त्वोतो॒ नैन॒मग्ंहो॑ अश्नो॒त्यन्ति॑तो॒ न दू॒रात् ॥ ॥ अ॒य-म्मि॒त्रो न॑म॒स्यः॑ सु॒शेवः॑ । राजा॑ सुक्ष॒त्रो अ॑जनिष्ट वे॒धाः । तस्य॑ व॒यग्ं सु॑म॒तौ य॒ज्ञिय॑स्य । अपि॑ भ॒द्रे सौ॑मन॒से स्या॑म ॥ अ॒न॒मी॒वास॒ इड॑या॒ मद॑न्तः । मि॒तज्म॑वो॒ वरि॑म॒न्ना पृ॑थि॒व्याः । आ॒दि॒त्यस्य॑ व्र॒तमु॑प॒क्ष्यन्तः॑ ॥ 53 ॥

व॒य-म्मि॒त्रस्य॑ सुम॒तौ स्या॑म ॥ मि॒त्र-न्न ईग्ं शिम्या॒ गोषु॑ ग॒व्यव॑त् । स्वा॒धियो॑ वि॒दथे॑ अ॒फ्स्वजी॑जनन्न् । अरे॑जयता॒ग्ं॒ रोद॑सी॒ पाज॑सा गि॒रा । प्रति॑ प्रि॒यं-यँ॑ज॒त-ञ्ज॒नुषा॒मवः॑ ॥ म॒हाग्ं आ॑दि॒त्यो नम॑सोप॒सद्यः॑ । या॒त॒यज्ज॑नो गृण॒ते सु॒शेवः॑ । तस्मा॑ ए॒त-त्पन्य॑तमाय॒ जुष्ट᳚म् । अ॒ग्नौ मि॒त्राय॑ ह॒विराजु॑होत ॥ आवा॒ग्ं॒ रथो॒ रोद॑सी बद्बधा॒नः ॥ 54 ॥

हि॒र॒ण्ययो॒ वृष॑भिर्या॒त्वश्वैः᳚ । घृ॒तव॑र्तनिः प॒विभी॑ रुचा॒नः । इ॒षां-वोँ॒ढा नृ॒पति॑र्वा॒जिनी॑वान् ॥ स प॑प्रथा॒नो अ॒भि पञ्च॒ भूम॑ । त्रि॒व॒न्धु॒रो मन॒सा-ऽऽया॑तु यु॒क्तः । विशो॒ येन॒ गच्छ॑थो देव॒यन्तीः᳚ । कुत्रा॑ चि॒द्याम॑मश्विना॒ दधा॑ना ॥ स्वश्वा॑ य॒शसा-ऽऽया॑तम॒र्वाक् । दस्रा॑ नि॒धि-म्मधु॑मन्त-म्पिबाथः । वि वा॒ग्ं॒ रथो॑ व॒द्ध्वा॑ याद॑मानः ॥ 55 ॥

अन्ता᳚-न्दि॒वो बा॑धते वर्त॒निभ्या᳚म् ॥ यु॒वो-श्श्रिय॒-म्परि॒ योषा॑ वृणीत । सूरो॑ दुहि॒ता परि॑तक्मियायाम् । य-द्दे॑व॒यन्त॒मव॑थ॒-श्शची॑भिः । परि॑घ्र॒ग्ं॒स वा॒-म्मना॑ वां॒-वँयो॑ गाम् ॥ यो ह॒ स्य वाग्ं॑ रथिरा॒ वस्त॑ उ॒स्राः । रथो॑ युजा॒नः प॑रि॒याति॑ व॒र्तिः । तेन॑ न॒-श्शं-योँरु॒षसो॒ व्यु॑ष्टौ । न्य॑श्विना वहतं-यँ॒ज्ञे अ॒स्मिन्न् ॥ यु॒व-म्भु॒ज्युमव॑विद्धग्ं समु॒द्रे ॥ 56 ॥

उदू॑हथु॒रर्ण॑सो॒ अस्रि॑धानैः । प॒त॒त्रिभि॑-रश्र॒मै-र॑व्य॒थिभिः॑ । द॒ग्ं॒सना॑भिरश्विना पा॒रय॑न्ता ॥ अग्नी॑षोमा॒ यो अ॒द्य वा᳚म् । इ॒दं-वँचः॑ सप॒र्यति॑ । तस्मै॑ धत्तग्ं सु॒वीर्य᳚म् । गवा॒-म्पोष॒ग्ग्॒ स्वश्वि॑यम् ॥ यो अ॒ग्नीषोमा॑ ह॒विषा॑ सप॒र्यात् । दे॒व॒द्रीचा॒ मन॑सा॒ यो घृ॒तेन॑ । तस्य॑ व्र॒तग्ं र॑क्षत-म्पा॒तमग्ंह॑सः ॥ 57 ॥

वि॒शे जना॑य॒ महि॒ शर्म॑ यच्छतम् ॥ अग्नी॑षोमा॒ य आहु॑तिम् । यो वा॒-न्दाशा᳚द्ध॒विष्कृ॑तिम् । स प्र॒जया॑ सु॒वीर्य᳚म् । विश्व॒मायु॒-र्व्य॑श्नवत् ॥ अग्नी॑षोमा॒ चेति॒ त-द्वी॒र्यं॑-वाँम् । यदमु॑ष्णीतमव॒स-म्प॒णि-ङ्गोः । अवा॑तिरत॒-म्प्रथ॑यस्य॒ शेषः॑ । अवि॑न्दत॒-ञ्ज्योति॒रेक॑-म्ब॒हुभ्यः॑ ॥ अग्नी॑षोमा वि॒मग्ं सु मे॑ शृणु॒तं-वृँ॑षणा॒ हव᳚म् । प्रति॑ सू॒क्तानि॑ हर्यत॒-म्भव॑त-न्दा॒शुषे॒ मयः॑ ॥ अग्नी॑षोमा ह॒विषः॒ प्रस्थि॑तस्य वी॒तग्ंहर्य॑तं-वृँषणा जु॒षेथा᳚म् । सु॒शर्मा॑णा॒ स्वव॑सा॒ हि भू॒तमथा॑ धत्तं॒-यँज॑मानाय॒ शं-योः ँ॥ ॥ 58 ॥

(ज॒भा॒र॒ - द्यौ - र॒ग्ने - रु॒पस्थ॑ - उप॒क्ष्यन्तो॑ - बद्बधा॒नो-याद॑मानः - समु॒द्रे - ऽग्ंह॑सः॒ - प्रस्थि॑तस्य) (अ. 7)

अनुवाकं 8 - वेहदादिपशूनां सूक्तानि

अ॒हम॑स्मि प्रथम॒जा ऋ॒तस्य॑ । पूर्व॑-न्दे॒वेभ्यो॑ अ॒मृत॑स्य॒ नाभिः॑ । यो मा॒ ददा॑ति॒ स इदे॒व मा वाः᳚ । अ॒ह-मन्न॒-मन्न॑-म॒दन्त॑मद्मि ॥ पूर्व॑-म॒ग्नेरपि॑ दह॒त्यन्न᳚म् । य॒त्तौ हा॑-ऽऽसाते अहमुत्त॒रेषु॑ । व्यात्त॑मस्य प॒शवः॑ सु॒जम्भ᳚म् । पश्य॑न्ति॒ धीराः॒ प्रच॑रन्ति॒ पाकाः᳚ ॥ जहा᳚म्य॒न्य-न्न ज॑हाम्य॒न्यम् । अ॒हमन्नं॒-वँश॒मिच्च॑रामि ॥ 59 ॥

स॒मा॒नमर्थ॒-म्पर्ये॑मि भु॒ञ्जत् । को मामन्न॑-म्मनु॒ष्यो॑ दयेत ॥ परा॑के॒ अन्न॒-न्निहि॑तं-लोँ॒क ए॒तत् । विश्वै᳚-र्दे॒वैः पि॒तृभि॑-र्गु॒प्तमन्न᳚म् । यद॒द्यते॑ लु॒प्यते॒ य-त्प॑रो॒प्यते᳚ । श॒त॒त॒मी सा त॒नूर्मे॑ बभूव ॥ म॒हान्तौ॑ च॒रू स॑कृ-द्दु॒ग्धेन॑ पप्रौ । दिव॑ञ्च॒ पृश्ञि॑ पृथि॒वी-ञ्च॑ सा॒कम् । त-थ्स॒म्पिब॑न्तो॒ न मि॑नन्ति वे॒धसः॑ । नैत-द्भूयो॒ भव॑ति॒ नो कनी॑यः ॥ 60 ॥

अन्न॑-म्प्रा॒ण-मन्न॑-मपा॒न-मा॑हुः । अन्न॑-म्मृ॒त्यु-न्तमु॑ जी॒वातु॑माहुः । अन्न॑-म्ब्र॒ह्माणो॑ ज॒रसं॑-वँदन्ति । अन्न॑माहुः प्र॒जन॑न-म्प्र॒जाना᳚म् ॥ मोघ॒मन्नं॑-विँन्दते॒ अप्र॑चेताः । स॒त्य-म्ब्र॑वीमि व॒ध इथ्स तस्य॑ । नार्य॒मण॒-म्पुष्य॑ति॒ नो सखा॑यम् । केव॑लाघो भवति केवला॒दी ॥ अ॒ह-म्मे॒घ-स्स्त॒नय॒न्. वर्ष॑न्नस्मि । माम॑दन्त्य॒हम॑द्म्य॒न्यान् ॥ 61 ॥

अ॒हग्ं सद॒मृतो॑ भवामि । मदा॑दि॒त्या अधि॒ सर्वे॑ तपन्ति ॥ सा नो॑ म॒न्द्रेष॒मूर्ज॒-न्दुहा॑ना । धे॒नुर्वाग॒स्मानुप॒ सुष्टु॒तैतु॑ ॥, य-द्वाग्वद॑न्त्य-विचेत॒नानि॑ । राष्ट्री॑ दे॒वाना᳚-न्निष॒साद॑ म॒न्द्रा । चत॑स्र॒ ऊर्ज॑-न्दुदुहे॒ पयाग्ं॑सि । क्व॑ स्वि दस्याः पर॒म-ञ्ज॑गाम ॥ ॥ अ॒न॒न्ता-मन्ता॒दधि॒ निर्मि॑ता-म्म॒हीम् । यस्या᳚-न्दे॒वा अ॑दधु॒-र्भोज॑नानि । एका᳚क्षरा-न्द्वि॒पदा॒ग्ं॒ षट्प॑दाञ्च । वाच॑-न्दे॒वा उप॑जीवन्ति॒ विश्वे᳚ ॥ वाच॑-न्दे॒वा उप॑जीवन्ति॒ विश्वे᳚ । वाच॑-ङ्गन्ध॒र्वाः प॒शवो॑ मनु॒ष्याः᳚ । वा॒चीमा विश्वा॒ भुव॑ना॒न्यर्पि॑ता ॥ 62 ॥

सा नो॒ हव॑-ञ्जुषता॒-मिन्द्र॑पत्नी ॥ वाग॒क्षर॑-म्प्रथम॒जा ऋ॒तस्य॑ । वेदा॑ना-म्मा॒ता-ऽमृत॑स्य॒ नाभिः॑ । सा नो॑ जुषा॒णोप॑ य॒ज्ञमागा᳚त् । अव॑न्ती दे॒वी सु॒हवा॑ मे अस्तु ॥ या मृष॑यो मन्त्र॒कृतो॑ मनी॒षिणः॑ । अ॒न्वैच्छ॑-न्दे॒वा-स्तप॑सा॒ श्रमे॑ण । ता-न्दे॒वीं-वाँचग्ं॑ ह॒विषा॑ यजामहे । सा नो॑ दधातु सुकृ॒तस्य॑ लो॒के ॥ च॒त्वारि॒ वा-क्परि॑मिता प॒दानि॑ ॥ 63 ॥

तानि॑ विदु-र्ब्राह्म॒णा ये म॑नी॒षिणः॑ । गुहा॒ त्रीणि॒ निहि॑ता॒ नेङ्ग॑यन्ति । तु॒रीयं॑-वाँ॒चो म॑नु॒ष्या॑ वदन्ति ॥ श्र॒द्धया॒-ऽग्नि-स्समि॑द्ध्यते । श्र॒द्धया॑ विन्दते ह॒विः । श्र॒द्धा-म्भग॑स्य मू॒र्धनि॑ । वच॒सा ऽऽवे॑दयामसि ॥ प्रि॒यग्ग् श्र॑द्धे॒ दद॑तः । प्रि॒यग्ग् श्र॑द्धे॒ दिदा॑सतः । प्रि॒य-म्भो॒जेषु॒ यज्व॑सु ॥ 64 ॥

इ॒द-म्म॑ उदि॒त-ङ्कृ॑धि ॥ यथा॑ दे॒वा असु॑रेषु । श्र॒द्धा-मु॒ग्रेषु॑ चक्रि॒रे । ए॒व-म्भो॒जेषु॒ यज्व॑सु । अ॒स्माक॑-मुदि॒त-ङ्कृ॑धि ॥ श्र॒द्धा-न्दे॑वा॒ यज॑मानाः । वा॒युगो॑पा॒ उपा॑सते । श्र॒द्धाग्ं हृ॑द॒य्य॑या-ऽऽकू᳚त्या । श्र॒द्धया॑ हूयते ह॒विः ॥ श्र॒द्धा-म्प्रा॒तर्-ह॑वामहे ॥ 65 ॥

श्र॒द्धा-म्म॒द्ध्यन्दि॑न॒-म्परि॑ । श्र॒द्धाग्ं सूर्य॑स्य नि॒म्रुचि॑ । श्रद्धे॒ श्रद्धा॑पये॒ह मा᳚ ॥ श्र॒द्धा दे॒वा-नधि॑वस्ते । श्र॒द्धा विश्व॑मि॒द-ञ्जग॑त् । श्र॒द्धा-ङ्काम॑स्य मा॒तर᳚म् । ह॒विषा॑ वर्धयामसि ॥ ब्रह्म॑जज्ञा॒न-म्प्र॑थ॒म-म्पु॒रस्ता᳚त् । वि सी॑म॒त-स्सु॒रुचो॑ वे॒न आ॑वः । स बु॒द्ध्निया॑ उप॒मा अ॑स्य वि॒ष्ठाः ॥ 66 ॥

स॒तश्च॒ योनि॒-मस॑तश्च॒ विवः॑ ॥ पि॒ता वि॒राजा॑मृष॒भो र॑यी॒णाम् । अ॒न्तरि॑क्षं-विँ॒श्वरू॑प॒ आवि॑वेश । तम॒र्कै-र॒भ्य॑र्चन्ति व॒थ्सम् । ब्रह्म॒ सन्त॒-म्ब्रह्म॑णा व॒र्धय॑न्तः ॥ ब्रह्म॑ दे॒वान॑जनयत् । ब्रह्म॒ विश्व॑मि॒द-ञ्जग॑त् । ब्रह्म॑णः, क्ष॒त्र-न्निर्मि॑तम् । ब्रह्म॑ ब्राह्म॒ण आ॒त्मना᳚ ॥ अ॒न्तर॑स्मि-न्नि॒मे लो॒काः ॥ 67 ॥

अ॒न्त-र्विश्व॑मि॒द-ञ्जग॑त् । ब्रह्मै॒व भू॒ताना॒-ञ्ज्येष्ठ᳚म् । तेन॒ को॑-ऽर्हति॒ स्पर्धि॑तुम् ॥ ब्रह्म॑-न्दे॒वा-स्त्रय॑स्त्रिग्ंशत् । ब्रह्म॑न्निन्द्र प्रजाप॒ती । ब्रह्म॑न्. ह॒ विश्वा॑ भू॒तानि॑ । ना॒वी वा॒न्त-स्स॒माहि॑ता ॥ चत॑स्र॒ आशाः॒ प्रच॑रन्त्व॒-ग्नयः॑ । इ॒मन्नो॑ य॒ज्ञ-न्न॑यतु प्रजा॒नन्न् । घृ॒त-म्पिन्व॑न्न॒जरग्ं॑ सु॒वीर᳚म् ॥ 68 ॥

ब्रह्म॑ स॒मि-द्भ॑व॒त्याहु॑तीनाम् ॥ आ गावो॑ अग्मन्नु॒त भ॒द्रम॑क्रन्न् । सीद॑न्तु गो॒ष्ठे र॒णय॑न्त्व॒स्मे । प्र॒जाव॑तीः पुरु॒रूपा॑ इ॒ह स्युः । इन्द्रा॑य पू॒र्वी रु॒षसो॒ दुहा॑नाः ॥ इन्द्रो॒ यज्व॑ने पृण॒ते च॑ शिक्षति । उपेद्द॑दाति॒ न स्व-म्मु॑षायति । भूयो॑ भूयो र॒यिमिद॑स्य व॒र्धयन्न्॑ । अभि॑न्ने खि॒ल्ले निद॑धाति देव॒युम् ॥ न ता न॑शन्ति॒ न द॑भाति॒ तस्क॑रः । नैना॑ अमि॒त्रो व्यथि॒राद॑धर्षति । दे॒वाग्श्च॒ याभि॒-र्यज॑ते॒ ददा॑ति च । ज्योगित्ताभिः॑ सचते॒ गोप॑ति-स्स॒ह ॥, न ता अर्वा॑ रे॒णुक॑काटो अश्नुते । न सग्ग्॑ स्कृत॒त्र-मुप॑यन्ति॒ ता अ॒भि । उ॒रु॒गा॒यमभ॑य॒-न्तस्य॒ ता अनु॑ । गावो॒ मर्त्य॑स्य॒ विच॑रन्ति॒ यज्व॑नः ॥ ॥ 69 ॥

गावो॒ भगो॒ गाव॒ इन्द्रो॑ मे अच्छात् । गाव॒-स्सोम॑स्य प्रथ॒मस्य॑ भ॒क्षः । इ॒मा या गाव॒-स्सज॑नास॒ इन्द्रः॑ । इ॒च्छामीद्धृ॒दा मन॑सा चि॒दिन्द्र᳚म् ॥ यू॒य-ङ्गा॑वो मेदयथा कृ॒श-ञ्चि॑त् । अ॒श्ली॒ल-ञ्चि॑-त्कृणुथा सु॒प्रती॑कम् । भ॒द्र-ङ्गृ॒ह-ङ्कृ॑णुथ भद्रवाचः । बृ॒हद्वो॒ वय॑ उच्यते स॒भासु॑ ॥ प्र॒जाव॑ती-स्सू॒यव॑सग्ं रि॒शन्तीः᳚ (रु॒शन्तीः᳚) । शु॒द्धा अ॒प-स्सु॑प्रपा॒णे पिब॑न्तीः । मा वः॑ स्ते॒न ई॑शत॒ मा-ऽघशग्ं॑सः । परि॑वो हे॒ती रु॒द्रस्य॑ वृञ्ज्यात् ॥ उपे॒द-मु॑प॒पर्च॑नम् । आ॒सु गोषूप॑पृच्यताम् । उप॑र्ष॒भस्य॒ रेत॑सि । उपे᳚न्द्र॒ तव॑ वी॒र्ये᳚ ॥ 70 ॥

(च॒रा॒मि॒ - कनी॑यो॒ - ऽन्या - नर्पि॑ता - प॒दानि॒ - यज्व॑सु - हवामहे - वि॒ष्ठा - लो॒काः - सु॒वीर॒ - मर्वा॒ - पिब॑न्ती॒-ष्षट्च॑) (अ. 8)

अनुवाकं 9 - शुक्लकृष्णपश्वादीनां सूक्तानि

ता सू᳚र्या चन्द्र॒मसा॑ विश्व॒भृत्त॑मा म॒हत् । तेजो॒ वसु॑म-द्राजतो दि॒वि । सामा᳚त्माना चरत-स्सामचा॒रिणा᳚ । ययो᳚र्व्र॒त-न्न म॒मे जातु॑ दे॒वयोः᳚ ॥ उ॒भावन्तौ॒ परि॑यात॒ अर्म्या᳚ । दि॒वो न र॒श्मीग् स्त॑नु॒तो-व्य॑र्ण॒वे । उ॒भा भु॑व॒न्ती भुव॑ना क॒विक्र॑तू । सूर्या॒ न च॒न्द्रा च॑रतो ह॒ताम॑ती ॥ पती᳚ द्यु॒म-द्वि॑श्व॒विदा॑ उ॒भा दि॒वः । सूर्या॑ उ॒भा च॒न्द्रम॑सा विचक्ष॒णा ॥ 71 ॥

वि॒श्ववा॑रा वरिवो॒भा वरे᳚ण्या । ता नो॑-ऽवत-म्मति॒मन्ता॒ महि॑व्रता ॥ वि॒श्व॒वप॑री प्र॒तर॑णा तर॒न्ता । सु॒व॒र्विदा॑ दृ॒शये॒ भूरि॑रश्मी । सूर्या॒ हि च॒न्द्रा वसु॑त्वे॒ष-द॑र्शता । म॒न॒स्विनो॒भा-ऽनु॑ चर॒तो नु॒ स-न्दिव᳚म् ॥ अ॒स्य श्रवो॑ न॒द्यः॑ स॒प्त बि॑भ्रति । द्यावा॒ क्षामा॑ पृथि॒वी द॑र्श॒तं-वँपुः॑ । अ॒स्मे सू᳚र्या चन्द्र॒मसा॑-ऽभि॒चक्षे᳚ । श्र॒द्धे कमि॑न्द्र चरतो विचर्तु॒रम् ॥ 72 ॥

पू॒र्वा॒प॒र-ञ्च॑रतो मा॒य यै॒तौ । शिशू॒ क्रीड॑न्तौ॒ परि॑यातो अद्ध्व॒रम् । विश्वा᳚न्य॒न्यो भुव॑ना ऽभि॒चष्टे᳚ । ऋ॒तून॒न्यो वि॒दध॑ज्जायते॒ पुनः॑ ॥ हिर॑ण्यवर्णा॒-श्शुच॑यः पाव॒का यासु॑ जा॒तः क॒श्यपो॒ यास्विन्द्रः॑ । अ॒ग्निं-याँ गर्भ॑-न्दधि॒रे विरू॑पा॒स्ता न॒ आप॒-श्शग्ग् स्यो॒ना भ॑वन्तु ॥,

यासा॒ग्ं॒ राजा॒ वरु॑णो॒ याति॒ मध्ये॑ सत्यानृ॒ते अ॑व॒पश्य॒न् जना॑नाम् । म॒धु॒श्चुत॒-श्शुच॑यो॒ याः पा॑व॒कास्ता न॒ आप॒-श्शग्ग् स्यो॒ना भ॑वन्तु ॥ । यासा᳚-न्दे॒वा दि॒वि कृ॒ण्वन्ति॑ भ॒क्षं-याँ अ॒न्तरि॑क्षे बहु॒धा भव॑न्ति । याः पृ॑थि॒वी-म्पय॑सो॒न्दन्ति॑शु॒क्रास्ता न॒ आप॒-श्शग्ग् स्यो॒ना भ॑वन्तु ॥, शि॒वेन॑ मा॒ चक्षु॑षा पश्यता-ऽऽप-श्शि॒वया॑ त॒नुवोप॑ स्पृशत॒ त्वच॑-म्मे । सर्वाग्ं॑ अ॒ग्नीग्ं र॑फ्सु॒षदो॑ हुवे वो॒ मयि॒ वर्चो॒ बल॒मोजो॒ नि ध॑त्त ॥ । आपो॑ भ॒द्रा घृ॒तमिदाप॑ आसुर॒ग्नी-षोमौ॑ बिभ्र॒त्याप॒ इ-त्ताः । ती॒व्रो रसो॑ मधु॒पृचा॑ -मरङ्ग॒म आ मा᳚ प्रा॒णेन॑ स॒ह वर्च॑सा गन्न् ॥, आदि-त्प॑श्याम्यु॒त वा॑ शृणो॒म्या मा॒ घोषो॑ गच्छति॒ वान्न॑ आसाम् । मन्ये॑ भेजा॒नो अ॒मृत॑स्य॒ तर्हि॒ हिर॑ण्यवर्णा॒ अतृ॑पं-यँ॒दा वः॑ ॥ ॥ नास॑दासी॒न्नो सदा॑सी-त्त॒दानी᳚म् । नासी॒-द्रजो॒ नो व्यो॑माप॒रो यत् । किमाव॑रीवः॒ कुह॒ कस्य॒ शर्मन्न्॑ ॥ 73 ॥

अम्भः॒ किमा॑सी॒-द्गह॑न-ङ्गभी॒रम् ॥ न मृ॒त्युर॒मृत॒-न्तर्हि॒ न । रात्रि॑या॒ अह्न॑ आसी-त्प्रके॒तः । आनी॑दवा॒तग्ग् स्व॒धया॒ तदेक᳚म् । तस्मा᳚-द्धा॒न्य-न्न प॒रः (प॒रं) किञ्च॒ नास॑ ॥ तम॑ आसी॒-त्तम॑सा गू॒ढमग्रे᳚ प्रके॒तम् । स॒लि॒लग्ं सर्व॑मा इ॒दम् । तु॒च्छे ना॒भ्वपि॑हितQं-यँदासी᳚त् । तम॑स॒ स्तन्म॑हि॒ना जा॑य॒तैक᳚म् ॥ काम॒स्तदग्रे॒ सम॑वर्त॒ताधि॑ ॥ 74 ॥

मन॑सो॒ रेतः॑ प्रथ॒मं-यँदासी᳚त् । स॒ तो बन्धु॒मस॑ति॒ निर॑विन्दन्न् (निर॑विदन्न्) । हृ॒दि प्र॒तीष्या॑ क॒वयो॑ मनी॒षा ॥ ति॒र॒श्चीनो॒ वित॑तो र॒श्मिरे॑षाम् । अ॒ध-स्स्वि॑दा॒सी(3) दु॒परि॑ स्विदासी(3)त् । रे॒तो॒धा आ॑स-न्महि॒मान॑ आसन्न् । स्व॒धा अ॒वस्ता॒-त्प्रय॑तिः प॒रस्ता᳚त् ॥ को अ॒द्धा वे॑द॒ क इ॒ह प्रवो॑चत् । कुत॒ आजा॑ता॒ कुत॑ इ॒यं-विँसृ॑ष्टिः । अ॒र्वाग्दे॒वा अ॒स्य वि॒सर्ज॑नाय ॥ 75 ॥

अथा॒ को वे॑द॒ यत॑ आब॒भूव॑ ॥ इ॒यं-विँसृ॑ष्टि॒-र्यत॑ आब॒भूव॑ । यदि॑ वा द॒धे यदि॑ वा॒ न । यो अ॒स्याद्ध्य॑क्षः पर॒मे व्यो॑मन्न् । सो अ॒ङ्ग वे॑द॒ यदि॑ वा॒ न वेद॑ ॥ किग्ग्स्वि॒द्वन॒-ङ्क उ॒ स वृ॒क्ष आ॑सीत् । यतो॒ द्यावा॑पृथि॒वी नि॑ष्टत॒क्षुः । मनी॑षिणो॒ मन॑सा पृ॒च्छतेदु॒ तत् । यद॒द्ध्यति॑ष्ठ॒-द्भुव॑नानि धा॒रयन्न्॑ ॥ ब्रह्म॒ वन॒-म्ब्रह्म॒ स वृ॒क्ष आ॑सीत् ॥ 76 ॥

यतो॒ द्यावा॑पृथि॒वी नि॑ष्टत॒क्षुः । मनी॑षिणो॒ मन॑सा॒ विब्र॑वीमि वः । ब्रह्मा॒द्ध्यति॑ष्ठ॒-द्भुव॑नानि धा॒रयन्न्॑ ॥ प्रा॒तर॒ग्नि-म्प्रा॒तरिन्द्रग्ं॑ हवामहे । प्रा॒त र्मि॒त्रावरु॑णा प्रा॒तर॒श्विना᳚ । प्रा॒त र्भग॑-म्पू॒षण॒-म्ब्रह्म॑ण॒स्पति᳚म् । प्रा॒तस्सोम॑मु॒त रु॒द्रग्ं हु॑वेम ॥ प्रा॒त॒र्जित॒-म्भग॑मु॒ग्रग्ं हु॑वेम । व॒य-म्पु॒त्रमदि॑ते॒र्यो वि॑ध॒र्ता । आ॒द्ध्रश्चि॒द्य-म्मन्य॑मान-स्तु॒रश्चि॑त् ॥ 77 ॥

राजा॑ चि॒द्य-म्भग॑-म्भ॒क्षीत्याह॑ ॥ भग॒ प्रणे॑त॒र्भग॒ सत्य॑राधः । भगे॒मा-न्धिय॒मुद॑व॒ दद॑न्नः । भग॒ प्रणो॑ जनय॒ गोभि॒रश्वैः᳚ । भग॒ प्रनृभि॑-र्नृ॒वन्तः॑ स्याम । उ॒तेदानी॒-म्भग॑वन्त-स्स्याम ॥ उ॒त प्रपि॒त्व उ॒त मद्ध्ये॒ अह्ना᳚म् । उ॒तोदि॑ता मघव॒न्-थ्सूर्य॑स्य । व॒य-न्दे॒वानाग्ं॑ सुम॒तौ स्या॑म ॥ भग॑ ए॒व भग॑वाग्ं अस्तु देवाः ॥ 78 ॥

तेन॑ व॒य-म्भग॑वन्त-स्स्याम । त-न्त्वा॑ भग॒ सर्व॒ इज्जो॑हवीमि । स नो॑ भग पुर ए॒ता भ॑वे॒ह ॥ सम॑द्ध्व॒रायो॒षसो॑ नमन्त । द॒धि॒क्रावे॑व॒ शुच॑ये प॒दाय॑ । अ॒र्वा॒ची॒नं-वँ॑सु॒विद॒-म्भग॑न्नः । रथ॑मि॒वाश्वा॑ वा॒जिन॒ आव॑हन्तु ॥ अश्वा॑वती॒-र्गोम॑ती-र्न उ॒षासः॑ । वी॒रव॑ती॒-स्सद॑मुच्छन्तु भ॒द्राः । घृ॒त-न्दुहा॑ना वि॒श्वतः॒ प्रपी॑नाः । यू॒य-म्पा॑त स्व॒स्तिभि॒-स्सदा॑ नः ॥ 79 ॥

(वि॒च॒क्ष॒णा - वि॑चर्तु॒रग्ं - शर्म॒ - न्नधि॑ - वि॒सर्ज॑नाय॒ - ब्रह्म॒ वन॒-म्ब्रह्म॒ स वृ॒क्ष आ॑सीत्- तु॒रश्चि॑-द्- देवाः॒ - प्रपी॑ना॒ एक॑-ञ्च) (अ. 9)

(पीवो᳚-ऽन्ना॒ - मग्ने॒ त्व-म्पा॑र - यानाघृ॒ष्यः - शुचि॒-न्नु स्तोमं॑ - ँवि॒श्रय॑माणो - दि॒वो रु॒क्मो - ऽन्न॑-म्प्रा॒णं - ता सू᳚र्याचन्द्र॒मसा॒ नव॑सप्ततिः)

(पीवो᳚न्ना - ँयू॒य-म्पा॑त स्व॒स्तिभि॒-स्सदा॑नः)

॥ हरिः॑ ओम् ॥

॥ कृष्ण यजुर्वेदीय तैत्तिरीय ब्राह्मणे द्वितीयाष्टके अष्टमः प्रपाठक-स्समाप्तः ॥

॥ कृष्ण यजुर्वेदीय तैत्तिरीय ब्राह्मणे द्वितीयाष्टकं समाप्तम् ॥