2.8 - Kamyapashuyajyanuvakya Brahmanam - Krishna Yajurveda Taittiriya Brahmana Pathah - Pivonnam Rayivridhah

ॐ

2.8 - 𑌕𑌾𑌮𑍍𑌯𑌪𑌶𑍁𑌯𑌾𑌜𑍍𑌯𑌾𑌨𑍁𑌵𑌾𑌕𑍍𑌯𑌾 𑌬𑍍𑌰𑌾𑌹𑍍𑌮𑌣𑌮𑍍 - 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣 𑌪𑌾𑌠𑌃 - 𑌪𑍀𑌵𑍋𑌨𑍍𑌨𑌾𑌂 𑌰𑌯𑌿𑌵𑍃𑌧𑌃

Krishna Vedic Grantha

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌅𑌷𑍍𑌟𑌮𑌃 𑌪𑍍𑌰𑌪𑌾𑌠𑌕𑌃 - 𑌕𑌾𑌮𑍍𑌯𑌪𑌶𑍁𑌯𑌾𑌜𑍍𑌯𑌾𑌨𑍁𑌵𑌾𑌕𑍍𑌯𑌾 𑌬𑍍𑌰𑌾𑌹𑍍𑌮𑌣𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌵𑌾𑌯𑌵𑍍𑌯𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌪𑍀𑌵𑍋᳚𑌨𑍍𑌨𑌾𑌗𑍍𑌂 𑌰𑌯𑌿॒𑌵𑍃𑌧𑌃॑ 𑌸𑍁𑌮𑍇॒𑌧𑌾𑌃 । 𑌶𑍍𑌵𑍇॒𑌤-𑌸𑍍𑌸𑌿॑𑌷𑌕𑍍𑌤𑌿 𑌨𑌿॒𑌯𑍁𑌤𑌾॑𑌮𑌭𑌿॒𑌶𑍍𑌰𑍀𑌃 । 𑌤𑍇 𑌵𑌾॒𑌯𑌵𑍇॒ 𑌸𑌮॑𑌨𑌸𑍋॒ 𑌵𑌿𑌤॑𑌸𑍍𑌥𑍁𑌃 । 𑌵𑌿𑌶𑍍𑌵𑍇𑌨𑍍𑌨𑌰𑌃॑ 𑌸𑍍𑌵𑌪॒𑌤𑍍𑌯𑌾𑌨𑌿॑ 𑌚𑌕𑍍𑌰𑍁𑌃 ॥ 𑌰𑌾॒𑌯𑍇-𑌽𑌨𑍁 𑌯-𑌞𑍍𑌜॒𑌜𑍍𑌞𑌤𑍂॒ 𑌰𑍋𑌦॑𑌸𑍀 𑌉॒𑌭𑍇 । 𑌰𑌾॒𑌯𑍇 𑌦𑍇॒𑌵𑍀 𑌧𑌿॒𑌷𑌣𑌾॑ 𑌧𑌾𑌤𑌿 𑌦𑍇॒𑌵𑌮𑍍 । 𑌅𑌧𑌾॑ 𑌵𑌾॒𑌯𑍁-𑌨𑍍𑌨𑌿॒𑌯𑍁𑌤𑌃॑ 𑌸𑌶𑍍𑌚𑌤॒ 𑌸𑍍𑌵𑌾𑌃 । 𑌉॒𑌤 𑌶𑍍𑌵𑍇॒𑌤𑌂-𑌵𑌁𑌸𑍁॑𑌧𑌿𑌤𑌿-𑌨𑍍𑌨𑌿𑌰𑍇॒𑌕𑍇 ॥ 𑌆 𑌵𑌾॑𑌯𑍋 𑌭𑍂𑌷 𑌶𑍁𑌚𑌿𑌪𑌾॒ 𑌉𑌪॑ 𑌨-𑌸𑍍𑌸॒𑌹𑌸𑍍𑌰॑-𑌨𑍍𑌤𑍇 𑌨𑌿॒𑌯𑍁𑌤𑍋॑ 𑌵𑌿𑌶𑍍𑌵𑌵𑌾𑌰 । 𑌉𑌪𑍋॑ 𑌤𑍇॒ 𑌅𑌨𑍍𑌧𑍋॒ 𑌮𑌦𑍍𑌯॑𑌮𑌯𑌾𑌮𑌿॒ 𑌯𑌸𑍍𑌯॑ 𑌦𑍇𑌵 𑌦𑌧𑌿॒𑌷𑍇 𑌪𑍂᳚𑌰𑍍𑌵॒𑌪𑍇𑌯᳚𑌮𑍍 ॥ 𑌪𑍍𑌰 𑌯𑌾𑌭𑌿॒𑌰𑍍𑌯𑌾𑌸𑌿॑ 𑌦𑌾॒𑌶𑍍𑌵𑌾𑌗𑍍𑌂 𑌸𑌮𑌚𑍍𑌛𑌾॑ 𑌨𑌿॒𑌯𑍁𑌦𑍍𑌭𑌿॑-𑌰𑍍𑌵𑌾𑌯𑌵𑌿॒𑌷𑍍𑌟𑌯𑍇॑ 𑌦𑍁𑌰𑍋॒𑌣𑍇 । 𑌨𑌿 𑌨𑍋॑ 𑌰॒𑌯𑌿𑌗𑍍𑌂 𑌸𑍁॒𑌭𑍋𑌜॑𑌸𑌂-𑌯𑍁𑌁𑌵𑍇॒𑌹 𑌨𑌿 𑌵𑍀॒𑌰𑌵॒-𑌦𑍍𑌗𑌵𑍍𑌯॒𑌮𑌶𑍍𑌵𑌿॑𑌯-𑌞𑍍𑌚॒ 𑌰𑌾𑌧𑌃॑ ॥॥ 𑌪𑍍𑌰 𑌵𑌾॒𑌯𑍁𑌮𑌚𑍍𑌛𑌾॑ 𑌬𑍃𑌹॒𑌤𑍀 𑌮॑𑌨𑍀॒𑌷𑌾 ॥ 1 ॥

𑌬𑍃॒𑌹𑌦𑍍𑌰॑𑌯𑌿𑌂-𑌵𑌿𑌁॒𑌶𑍍𑌵𑌵𑌾॑𑌰𑌾𑌗𑍍𑌂 𑌰𑌥॒𑌪𑍍𑌰𑌾𑌮𑍍 । 𑌦𑍍𑌯𑍁॒𑌤𑌦𑍍𑌯𑌾॑𑌮𑌾 𑌨𑌿॒𑌯𑍁𑌤𑌃॒ 𑌪𑌤𑍍𑌯॑𑌮𑌾𑌨𑌃 । 𑌕॒𑌵𑌿𑌃 𑌕॒𑌵𑌿𑌮𑌿॑𑌯𑌕𑍍𑌷𑌸𑌿 𑌪𑍍𑌰𑌯𑌜𑍍𑌯𑍋 ॥ 𑌆 𑌨𑍋॑ 𑌨𑌿॒𑌯𑍁𑌦𑍍𑌭𑌿𑌃॑ 𑌶॒𑌤𑌿𑌨𑍀॑𑌭𑌿-𑌰𑌦𑍍𑌧𑍍𑌵॒𑌰𑌮𑍍 । 𑌸॒𑌹॒𑌸𑍍𑌰𑌿𑌣𑍀॑𑌭𑌿॒𑌰𑍁𑌪॑ 𑌯𑌾𑌹𑌿 𑌯॒𑌜𑍍𑌞𑌮𑍍 । 𑌵𑌾𑌯𑍋॑ 𑌅॒𑌸𑍍𑌮𑌿𑌨𑍍. 𑌹॒𑌵𑌿𑌷𑌿॑ 𑌮𑌾𑌦𑌯𑌸𑍍𑌵 । 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 𑌪𑍍𑌰𑌜𑌾॑𑌪𑌤𑍇॒ 𑌨 𑌤𑍍𑌵𑌦𑍇॒𑌤𑌾𑌨𑍍𑌯॒𑌨𑍍𑌯𑌃 । 𑌵𑌿𑌶𑍍𑌵𑌾॑ 𑌜𑌾॒𑌤𑌾𑌨𑌿॒ 𑌪𑌰𑌿॒ 𑌤𑌾 𑌬॑𑌭𑍂𑌵 । 𑌯-𑌤𑍍𑌕𑌾॑𑌮𑌾𑌸𑍍𑌤𑍇 𑌜𑍁𑌹𑍁॒𑌮𑌸𑍍𑌤𑌨𑍍𑌨𑍋॑ 𑌅𑌸𑍍𑌤𑍁 ॥ 2 ॥

𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ 𑌰॒𑌯𑍀॒𑌣𑌾-𑌮𑍍𑌪𑌤𑌿𑌂॑-𑌯𑌁𑌜॒𑌤-𑌮𑍍𑌬𑍃॒𑌹𑌨𑍍𑌤᳚𑌮𑍍 । 𑌅॒𑌸𑍍𑌮𑌿𑌨𑍍𑌭𑌰𑍇॒ 𑌨𑍃𑌤॑𑌮𑌂॒-𑌵𑌾𑌁𑌜॑𑌸𑌾𑌤𑍗 । 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰𑌥𑌮॒𑌜𑌾𑌮𑍃॒𑌤𑌸𑍍𑌯॑ । 𑌯𑌜𑌾॑𑌮 𑌦𑍇॒𑌵𑌮𑌧𑌿॑ 𑌨𑍋 𑌬𑍍𑌰𑌵𑍀𑌤𑍁 ॥ 𑌪𑍍𑌰𑌜𑌾॑𑌪𑌤𑍇॒ 𑌤𑍍𑌵-𑌨𑍍𑌨𑌿॑𑌧𑌿॒𑌪𑌾𑌃 𑌪𑍁॑𑌰𑌾॒𑌣𑌃 । 𑌦𑍇॒𑌵𑌾𑌨𑌾᳚-𑌮𑍍𑌪𑌿॒𑌤𑌾 𑌜॑𑌨𑌿॒𑌤𑌾 𑌪𑍍𑌰॒𑌜𑌾𑌨𑌾᳚𑌮𑍍 । 𑌪𑌤𑌿॒-𑌰𑍍𑌵𑌿𑌶𑍍𑌵॑𑌸𑍍𑌯॒ 𑌜𑌗॑𑌤𑌃 𑌪𑌰॒𑌸𑍍𑌪𑌾𑌃 । 𑌹॒𑌵𑌿𑌰𑍍𑌨𑍋॑ 𑌦𑍇𑌵 𑌵𑌿𑌹॒𑌵𑍇 𑌜𑍁॑𑌷𑌸𑍍𑌵 ॥ 𑌤𑌵𑍇॒𑌮𑍇 𑌲𑍋॒𑌕𑌾𑌃 𑌪𑍍𑌰॒𑌦𑌿𑌶𑍋॒ 𑌦𑌿𑌶॑𑌶𑍍𑌚 ॥ 3 ॥

𑌪॒𑌰𑌾॒𑌵𑌤𑍋॑ 𑌨𑌿॒𑌵𑌤॑ 𑌉॒𑌦𑍍𑌵𑌤॑𑌶𑍍𑌚 । 𑌪𑍍𑌰𑌜𑌾॑𑌪𑌤𑍇 𑌵𑌿𑌶𑍍𑌵॒𑌸𑍃𑌜𑍍𑌜𑍀॒𑌵𑌧॑𑌨𑍍𑌯 𑌇॒𑌦-𑌨𑍍𑌨𑍋॑ 𑌦𑍇𑌵 । 𑌪𑍍𑌰𑌤𑌿॑𑌹𑌰𑍍𑌯 𑌹॒𑌵𑍍𑌯𑌮𑍍 ॥ 𑌪𑍍𑌰॒𑌜𑌾𑌪॑𑌤𑌿-𑌮𑍍𑌪𑍍𑌰𑌥॒𑌮𑌂-𑌯𑌁॒𑌜𑍍𑌞𑌿𑌯𑌾॑𑌨𑌾𑌮𑍍 । 𑌦𑍇॒𑌵𑌾𑌨𑌾॒𑌮𑌗𑍍𑌰𑍇॑ 𑌯𑌜॒𑌤𑌂-𑌯𑌁॑𑌜𑌦𑍍𑌧𑍍𑌵𑌮𑍍 । 𑌸 𑌨𑍋॑ 𑌦𑌦𑌾𑌤𑍁॒ 𑌦𑍍𑌰𑌵𑌿॑𑌣𑌗𑍍𑌂 𑌸𑍁॒𑌵𑍀𑌰𑍍𑌯᳚𑌮𑍍 । 𑌰𑌾॒𑌯𑌸𑍍𑌪𑍋𑌷𑌂॒-𑌵𑌿𑌁𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 ॥ 𑌯𑍋 𑌰𑌾॒𑌯 𑌈𑌶𑍇॑ 𑌶𑌤𑌦𑌾॒𑌯 𑌉॒𑌕𑍍𑌥𑍍𑌯𑌃॑ । 𑌯𑌃 𑌪॑𑌶𑍂॒𑌨𑌾𑌗𑍍𑌂 𑌰॑𑌕𑍍𑌷𑌿॒𑌤𑌾 𑌵𑌿𑌷𑍍𑌠𑌿॑𑌤𑌾𑌨𑌾𑌮𑍍 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ ॥ 4 ॥

𑌸॒𑌹𑌸𑍍𑌰॑𑌧𑌾𑌮𑌾 𑌜𑍁𑌷𑌤𑌾𑌗𑍍𑌂 𑌹॒𑌵𑌿𑌰𑍍𑌨𑌃॑ ॥ 𑌸𑍋𑌮𑌾॑𑌪𑍂𑌷𑌣𑌾॒ 𑌜𑌨॑𑌨𑌾 𑌰𑌯𑍀॒𑌣𑌾-𑌞𑍍𑌜𑌨॑𑌨𑌾 𑌦𑌿॒𑌵𑍋 𑌜𑌨॑𑌨𑌾 𑌪𑍃𑌥𑌿॒𑌵𑍍𑌯𑌾𑌃 । 𑌜𑌾॒𑌤𑍗 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑍗 𑌦𑍇॒𑌵𑌾 𑌅॑𑌕𑍃𑌣𑍍𑌵𑌨𑍍𑌨॒𑌮𑍃𑌤॑𑌸𑍍𑌯॒ 𑌨𑌾𑌭𑌿᳚𑌮𑍍 ॥ 𑌇॒𑌮𑍗 𑌦𑍇॒𑌵𑍗 𑌜𑌾𑌯॑𑌮𑌾𑌨𑍗 𑌜𑍁𑌷𑌨𑍍𑌤𑍇॒𑌮𑍗 𑌤𑌮𑌾𑌗𑍍𑌂॑𑌸𑌿 𑌗𑍂𑌹𑌤𑌾॒𑌮𑌜𑍁॑𑌷𑍍𑌟𑌾 । 𑌆॒𑌭𑍍𑌯𑌾𑌮𑌿𑌨𑍍𑌦𑍍𑌰𑌃॑ 𑌪॒𑌕𑍍𑌵𑌮𑌾॒𑌮𑌾𑌸𑍍𑌵॒𑌨𑍍𑌤-𑌸𑍍𑌸𑍋॑𑌮𑌾𑌪𑍂॒𑌷𑌭𑍍𑌯𑌾᳚-𑌞𑍍𑌜𑌨𑌦𑍁॒𑌸𑍍𑌰𑌿𑌯𑌾॑𑌸𑍁 ॥ ॥ 𑌸𑍋𑌮𑌾॑𑌪𑍂𑌷𑌣𑌾॒ 𑌰𑌜॑𑌸𑍋 𑌵𑌿॒𑌮𑌾𑌨᳚𑌮𑍍 । 𑌸॒𑌪𑍍𑌤𑌚॑𑌕𑍍𑌰॒𑌗𑍍𑌂॒ 𑌰𑌥॒𑌮𑌵𑌿॑𑌶𑍍𑌵𑌮𑌿𑌨𑍍𑌵𑌮𑍍 । 𑌵𑌿॒𑌷𑍂॒𑌵𑍃𑌤॒-𑌮𑍍𑌮𑌨॑𑌸𑌾 𑌯𑍁॒𑌜𑍍𑌯𑌮𑌾॑𑌨𑌮𑍍 । 𑌤-𑌞𑍍𑌜𑌿॑𑌨𑍍𑌵𑌥𑍋 𑌵𑍃𑌷𑌣𑌾॒ 𑌪𑌞𑍍𑌚॑𑌰𑌶𑍍𑌮𑌿𑌮𑍍 ॥ 𑌦𑌿॒𑌵𑍍𑌯॑𑌨𑍍𑌯-𑌸𑍍𑌸𑌦॑𑌨-𑌞𑍍𑌚॒𑌕𑍍𑌰 𑌉॒𑌚𑍍𑌚𑌾 । 𑌪𑍃॒𑌥𑌿॒𑌵𑍍𑌯𑌾𑌮॒𑌨𑍍𑌯𑍋 𑌅𑌦𑍍𑌧𑍍𑌯॒𑌨𑍍𑌤𑌰𑌿॑𑌕𑍍𑌷𑍇 । 𑌤𑌾𑌵॒𑌸𑍍𑌮𑌭𑍍𑌯॑-𑌮𑍍𑌪𑍁𑌰𑍁॒𑌵𑌾𑌰॑-𑌮𑍍𑌪𑍁𑌰𑍁॒𑌕𑍍𑌷𑍁𑌮𑍍 । 𑌰𑌾॒𑌯𑌸𑍍𑌪𑍋𑌷𑌂॒-𑌵𑌿𑌁𑌷𑍍𑌯॑𑌤𑌾॒-𑌨𑍍𑌨𑌾𑌭𑌿॑𑌮॒𑌸𑍍𑌮𑍇 ॥ 5 ॥

𑌧𑌿𑌯॑-𑌮𑍍𑌪𑍂॒𑌷𑌾 𑌜𑌿॑𑌨𑍍𑌵𑌤𑍁 𑌵𑌿𑌶𑍍𑌵𑌮𑌿॒𑌨𑍍𑌵𑌃 । 𑌰॒𑌯𑌿𑌗𑍍𑌂 𑌸𑍋𑌮𑍋॑ 𑌰𑌯𑌿॒𑌪𑌤𑌿॑-𑌰𑍍𑌦𑌧𑌾𑌤𑍁 । 𑌅𑌵॑𑌤𑍁 𑌦𑍇॒𑌵𑍍𑌯𑌦𑌿॑𑌤𑌿𑌰-𑌨॒𑌰𑍍𑌵𑌾 । 𑌬𑍃॒𑌹-𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥ 𑌵𑌿𑌶𑍍𑌵𑌾᳚𑌨𑍍𑌯॒𑌨𑍍𑌯𑍋 𑌭𑍁𑌵॑𑌨𑌾 𑌜॒𑌜𑌾𑌨॑ । 𑌵𑌿𑌶𑍍𑌵॑𑌮॒𑌨𑍍𑌯𑍋 𑌅॑𑌭𑌿॒𑌚𑌕𑍍𑌷𑌾॑𑌣 𑌏𑌤𑌿 । 𑌸𑍋𑌮𑌾॑𑌪𑍂𑌷𑌣𑌾॒-𑌵𑌵॑𑌤॒-𑌨𑍍𑌧𑌿𑌯॑-𑌮𑍍𑌮𑍇 । 𑌯𑍁॒𑌵𑌭𑍍𑌯𑌾𑌂॒-𑌵𑌿𑌁𑌶𑍍𑌵𑌾𑌃॒ 𑌪𑍃𑌤॑𑌨𑌾 𑌜𑌯𑍇𑌮 ॥ 𑌉𑌦𑍁॑𑌤𑍍𑌤॒𑌮𑌂-𑌵𑌁॑𑌰𑍁𑌣॒ 𑌪𑌾𑌶॑𑌮॒𑌸𑍍𑌮𑌦𑌵𑌾॑-𑌽𑌧॒𑌮𑌂-𑌵𑌿𑌁𑌮॑𑌧𑍍𑌯॒𑌮𑌗𑍍𑌗𑍍 𑌶𑍍𑌰॑𑌥𑌾𑌯 । 𑌅𑌥𑌾॑ 𑌵॒𑌯𑌮𑌾॑𑌦𑌿𑌤𑍍𑌯 𑌵𑍍𑌰॒𑌤𑍇 𑌤𑌵𑌾-𑌽𑌨𑌾॑𑌗𑌸𑍋॒ 𑌅𑌦𑌿॑𑌤𑌯𑍇 𑌸𑍍𑌯𑌾𑌮 𑌅𑌸𑍍𑌤॑𑌭𑍍𑌨𑌾॒𑌦𑍍𑌯𑌾𑌮𑍃॑𑌷॒𑌭𑍋 𑌅॒𑌨𑍍𑌤𑌰𑌿॑𑌕𑍍𑌷॒𑌮𑌮𑌿॑𑌮𑍀𑌤 𑌵𑌰𑌿॒𑌮𑌾𑌣॑-𑌮𑍍𑌪𑍃𑌥𑌿॒𑌵𑍍𑌯𑌾 𑌆-𑌽𑌸𑍀॑𑌦॒-𑌦𑍍𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌸॒𑌮𑍍𑌰𑌾-𑌡𑍍𑌵𑌿𑌶𑍍𑌵𑍇𑌤𑍍𑌤𑌾𑌨𑌿॒ 𑌵𑌰𑍁॑𑌣𑌸𑍍𑌯 𑌵𑍍𑌰॒𑌤𑌾𑌨𑌿॑ ॥ । 𑌯-𑌤𑍍𑌕𑌿𑌞𑍍𑌚𑍇॒𑌦𑌂-𑌵𑌁॑𑌰𑍁𑌣॒ 𑌦𑍈𑌵𑍍𑌯𑍇॒ 𑌜𑌨𑍇॑-𑌽𑌭𑌿𑌦𑍍𑌰𑍋॒𑌹-𑌮𑍍𑌮॑𑌨𑍁॒𑌷𑍍𑌯𑌾᳚𑌶𑍍𑌚𑌰𑌾॑𑌮𑌸𑌿 । 𑌅𑌚𑌿॑𑌤𑍍𑌤𑍀॒𑌯-𑌤𑍍𑌤𑌵॒ 𑌧𑌰𑍍𑌮𑌾॑ 𑌯𑍁𑌯𑍋𑌪𑌿॒𑌮 𑌮𑌾 𑌨॒𑌸𑍍𑌤𑌸𑍍𑌮𑌾॒ 𑌦𑍇𑌨॑𑌸𑍋 𑌦𑍇𑌵 𑌰𑍀𑌰𑌿𑌷𑌃 ॥ 𑌕𑌿॒𑌤॒𑌵𑌾𑌸𑍋॒ 𑌯𑌦𑍍𑌰𑌿॑ 𑌰𑌿॒𑌪𑍁𑌰𑍍𑌨 𑌦𑍀॒𑌵𑌿 𑌯𑌦𑍍𑌵𑌾॑ 𑌘𑌾 𑌸॒𑌤𑍍𑌯 𑌮𑍁॒𑌤𑌯𑌨𑍍𑌨 𑌵𑌿॒𑌦𑍍𑌮 । 𑌸𑌰𑍍𑌵𑌾॒ 𑌤𑌾 𑌵𑌿𑌷𑍍𑌯॑ 𑌶𑌿𑌥𑌿॒𑌰𑍇𑌵॑ 𑌦𑍇॒𑌵𑌾𑌥𑌾॑ 𑌤𑍇 𑌸𑍍𑌯𑌾𑌮 𑌵𑌰𑍁𑌣 𑌪𑍍𑌰𑌿॒𑌯𑌾𑌸𑌃॑ ॥( ) । 𑌅𑌵॑ 𑌤𑍇॒ 𑌹𑍇𑌡𑍋॑ 𑌵𑌰𑍁𑌣॒ 𑌨𑌮𑍋॑𑌭𑌿॒𑌰𑌵॑ 𑌯॒𑌜𑍍𑌞𑍇𑌭𑌿॑𑌰𑍀𑌮𑌹𑍇 𑌹॒𑌵𑌿𑌰𑍍𑌭𑌿𑌃॑ । 𑌕𑍍𑌷𑌯॑𑌨𑍍𑌨॒𑌸𑍍𑌮𑌭𑍍𑌯॑𑌮𑌸𑍁𑌰 𑌪𑍍𑌰𑌚𑍇𑌤𑍋॒ 𑌰𑌾𑌜॒𑌨𑍍𑌨𑍇𑌨𑌾𑌗𑍍𑌂॑𑌸𑌿 𑌶𑌿𑌶𑍍𑌰𑌥𑌃 𑌕𑍃॒𑌤𑌾𑌨𑌿॑ ॥, 𑌤𑌤𑍍𑌤𑍍𑌵𑌾॑ 𑌯𑌾𑌮𑌿॒ 𑌬𑍍𑌰𑌹𑍍𑌮॑𑌣𑌾॒ 𑌵𑌨𑍍𑌦॑𑌮𑌾𑌨॒𑌸𑍍𑌤𑌦𑌾 𑌶𑌾᳚𑌸𑍍𑌤𑍇॒ 𑌯𑌜॑𑌮𑌾𑌨𑍋 𑌹॒𑌵𑌿𑌰𑍍𑌭𑌿𑌃॑ । 𑌅𑌹𑍇॑𑌡𑌮𑌾𑌨𑍋 𑌵𑌰𑍁𑌣𑍇॒𑌹 𑌬𑍋॒𑌧𑍍𑌯𑍁𑌰𑍁॑𑌶𑌗𑍍𑌂𑌸॒ 𑌮𑌾 𑌨॒ 𑌆𑌯𑍁𑌃॒ 𑌪𑍍𑌰𑌮𑍋॑𑌷𑍀𑌃 ॥ ॥ 𑌆॒𑌦𑌿॒𑌤𑍍𑌯𑌾𑌨𑌾॒𑌮𑌵॑𑌸𑌾॒ 𑌨𑍂𑌤॑𑌨𑍇𑌨 𑌸𑌕𑍍𑌷𑍀॒𑌮𑌹𑌿॒ 𑌶𑌰𑍍𑌮॑𑌣𑌾॒ 𑌶𑌨𑍍𑌤॑𑌮𑍇𑌨 । 𑌅॒𑌨𑌾॒𑌗𑌾॒𑌸𑍍𑌤𑍍𑌵𑍇 𑌅॑𑌦𑌿𑌤𑌿॒𑌤𑍍𑌵𑍇 𑌤𑍁॒𑌰𑌾𑌸॑ 𑌇॒𑌮𑌂-𑌯𑌁॒𑌜𑍍𑌞-𑌨𑍍𑌦॑𑌧𑌤𑍁॒ 𑌶𑍍𑌰𑍋𑌷॑𑌮𑌾𑌣𑌾𑌃 ॥, 𑌨 𑌦॑𑌕𑍍𑌷𑌿॒𑌣𑌾 𑌵𑌿𑌚𑌿॑𑌕𑌿𑌤𑍇॒ 𑌨 𑌸॒𑌵𑍍𑌯𑌾 𑌨 𑌪𑍍𑌰𑌾॒𑌚𑍀𑌨॑𑌮𑌾𑌦𑌿𑌤𑍍𑌯𑌾॒ 𑌨𑍋𑌤 𑌪॒𑌶𑍍𑌚𑌾 । 𑌪𑌾॒𑌕𑍍𑌯𑌾॑ 𑌚𑌿𑌦𑍍𑌵𑌸𑌵𑍋 𑌧𑍀॒𑌰𑍍𑌯𑌾॑ 𑌚𑌿--𑌦𑍍𑌯𑍁॒𑌷𑍍𑌮𑌾𑌨𑍀॑𑌤𑍋॒ 𑌅𑌭॑𑌯॒-𑌞𑍍𑌜𑍍𑌯𑍋𑌤𑌿॑𑌰𑌶𑍍𑌯𑌾𑌮𑍍 ॥ । 𑌧𑌾॒𑌰𑌯॑𑌨𑍍𑌤 𑌆𑌦𑌿॒𑌤𑍍𑌯𑌾𑌸𑍋॒ 𑌜𑌗॒𑌥𑍍𑌸𑍍𑌥𑌾 𑌦𑍇॒𑌵𑌾 𑌵𑌿𑌶𑍍𑌵॑𑌸𑍍𑌯॒ 𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌃 । 𑌦𑍀॒𑌰𑍍𑌘𑌾𑌧𑌿॑𑌯𑍋॒ 𑌰𑌕𑍍𑌷॑𑌮𑌾𑌣𑌾 𑌅𑌸𑍁॒𑌰𑍍𑌯॑𑌮𑍃॒𑌤𑌾𑌵𑌾॑𑌨॒-𑌶𑍍𑌚𑌯॑𑌮𑌾𑌨𑌾 𑌋॒𑌣𑌾𑌨𑌿॑ ॥, 𑌤𑌿॒𑌸𑍍𑌰𑍋 𑌭𑍂𑌮𑍀᳚𑌰𑍍𑌧𑌾𑌰𑌯॒-𑌨𑍍𑌤𑍍𑌰𑍀𑌗𑍍𑌂 𑌰𑍁॒𑌤 𑌦𑍍𑌯𑍂-𑌨𑍍𑌤𑍍𑌰𑍀𑌣𑌿॑ 𑌵𑍍𑌰॒𑌤𑌾 𑌵𑌿॒𑌦𑌥𑍇॑ 𑌅॒𑌨𑍍𑌤𑌰𑍇॑𑌷𑌾𑌮𑍍 । 𑌋॒𑌤𑍇𑌨𑌾॑-𑌽𑌽𑌦𑌿𑌤𑍍𑌯𑌾॒ 𑌮𑌹𑌿॑ 𑌵𑍋 𑌮𑌹𑌿॒𑌤𑍍𑌵-𑌨𑍍𑌤𑌦॑𑌰𑍍𑌯𑌮𑌨𑍍 𑌵𑌰𑍁𑌣 𑌮𑌿𑌤𑍍𑌰॒ 𑌚𑌾𑌰𑍁॑ ॥ । 𑌯॒𑌜𑍍𑌞𑍋 𑌦𑍇॒𑌵𑌾𑌨𑌾॒-𑌮𑍍𑌪𑍍𑌰𑌤𑍍𑌯𑍇॑𑌤𑌿 𑌸𑍁॒𑌮𑍍𑌨𑌮𑌾𑌦𑌿॑𑌤𑍍𑌯𑌾𑌸𑍋॒ 𑌭𑌵॑𑌤𑌾 𑌮𑍃𑌡॒𑌯𑌨𑍍𑌤𑌃॑ । 𑌆 𑌵𑍋॒-𑌽𑌰𑍍𑌵𑌾𑌚𑍀॑ 𑌸𑍁𑌮॒𑌤𑌿 𑌰𑍍𑌵॑𑌵𑍃𑌤𑍍𑌯𑌾𑌦॒𑌗𑍍𑌂॒ 𑌹𑍋𑌶𑍍𑌚𑌿॒𑌦𑍍𑌯𑌾 𑌵॑𑌰𑌿𑌵𑍋॒𑌵𑌿𑌤𑍍𑌤॒𑌰𑌾-𑌽𑌸॑𑌤𑍍 ॥ 𑌶𑍁𑌚𑌿॑𑌰॒𑌪-𑌸𑍍𑌸𑍂॒𑌯𑌵॑𑌸𑌾॒ 𑌅𑌦॑𑌬𑍍𑌧॒ 𑌉𑌪॑ 𑌕𑍍𑌷𑍇𑌤𑌿 𑌵𑍃॒𑌦𑍍𑌧𑌵॑𑌯𑌾-𑌸𑍍𑌸𑍁॒𑌵𑍀𑌰𑌃॑ । 𑌨𑌕𑌿॒𑌷𑍍𑌟-𑌙𑍍𑌘𑍍𑌨॒𑌨𑍍𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌦𑍍𑌯 𑌆॑𑌦𑌿॒𑌤𑍍𑌯𑌾𑌨𑌾॒-𑌮𑍍𑌭𑌵॑𑌤𑌿॒ 𑌪𑍍𑌰𑌣𑍀॑𑌤𑍗 ॥ ॥ 6 ॥

(𑌮॒𑌨𑍀॒𑌷𑌾-𑌽𑌸𑍍𑌤𑍁॑-𑌚॒-𑌰𑍍𑌤-𑌸𑍍𑌯𑌾॒𑌸𑍍𑌮𑍇-𑌕𑌿॑𑌤॒𑌵𑌾𑌸॑ 𑌶𑍍𑌚॒𑌤𑍍𑌵𑌾𑌰𑌿॑ 𑌚 ) (𑌅. 1)

𑌅𑌨𑍁𑌵𑌾𑌕𑌂 2 - 𑌵𑌶𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌤𑍇 𑌶𑍁॒𑌕𑍍𑌰𑌾𑌸॒-𑌶𑍍𑌶𑍁𑌚॑𑌯𑍋 𑌰𑌶𑍍𑌮𑌿॒𑌵𑌨𑍍𑌤𑌃॑ । 𑌸𑍀𑌦॑𑌨𑍍𑌨𑌾𑌦𑌿॒𑌤𑍍𑌯𑌾 𑌅𑌧𑌿॑ 𑌬॒𑌰॒𑌃𑌇𑌷𑌿॑ 𑌪𑍍𑌰𑌿॒𑌯𑍇 । 𑌕𑌾𑌮𑍇॑𑌨 𑌦𑍇॒𑌵𑌾-𑌸𑍍𑌸॒𑌰𑌥॑-𑌨𑍍𑌦𑌿॒𑌵𑍋 𑌨𑌃॑ । 𑌆𑌯𑌾᳚𑌨𑍍𑌤𑍁 𑌯॒𑌜𑍍𑌞𑌮𑍁𑌪॑ 𑌨𑍋 𑌜𑍁𑌷𑌾॒𑌣𑌾𑌃 ॥ 𑌤𑍇 𑌸𑍂॒𑌨𑌵𑍋॒ 𑌅𑌦𑌿॑𑌤𑍇𑌃 𑌪𑍀𑌵॒𑌸𑌾𑌮𑌿𑌷᳚𑌮𑍍 । 𑌘𑍃॒𑌤-𑌮𑍍𑌪𑌿𑌨𑍍𑌵॒𑌤𑍍-𑌪𑍍𑌰𑌤𑌿॑𑌹𑌰𑍍𑌯𑌨𑍍𑌨𑍃𑌤𑍇॒𑌜𑌾𑌃 । 𑌪𑍍𑌰 𑌯॒𑌜𑍍𑌞𑌿𑌯𑌾॒ 𑌯𑌜॑𑌮𑌾𑌨𑌾𑌯 𑌯𑍇𑌮𑍁𑌰𑍇 । 𑌆॒𑌦𑌿॒𑌤𑍍𑌯𑌾𑌃 𑌕𑌾𑌮॑-𑌮𑍍𑌪𑌿𑌤𑍁॒𑌮𑌨𑍍𑌤॑𑌮॒𑌸𑍍𑌮𑍇 ॥ 𑌆 𑌨𑌃॑ 𑌪𑍁॒𑌤𑍍𑌰𑌾 𑌅𑌦𑌿॑𑌤𑍇𑌰𑍍𑌯𑌾𑌨𑍍𑌤𑍁 𑌯॒𑌜𑍍𑌞𑌮𑍍 । 𑌆॒𑌦𑌿॒𑌤𑍍𑌯𑌾𑌸𑌃॑ 𑌪॒𑌥𑌿𑌭𑌿॑-𑌰𑍍𑌦𑍇𑌵॒𑌯𑌾𑌨𑍈𑌃᳚ ॥ 7 ॥

𑌅॒𑌸𑍍𑌮𑍇 𑌕𑌾𑌮॑-𑌨𑍍𑌦𑌾॒𑌶𑍁𑌷𑍇॑ 𑌸॒𑌨𑍍𑌨𑌮॑𑌨𑍍𑌤𑌃 । 𑌪𑍁॒𑌰𑍋॒𑌡𑌾𑌶॑-𑌙𑍍𑌘𑍃॒𑌤𑌵॑𑌨𑍍𑌤-𑌞𑍍𑌜𑍁𑌷𑌨𑍍𑌤𑌾𑌮𑍍 ॥ 𑌸𑍍𑌕॒𑌭𑌾॒𑌯𑌤॒ 𑌨𑌿𑌰𑍍-𑌋॑𑌤𑌿॒𑌗𑍍𑌂॒ 𑌸𑍇𑌧॒𑌤𑌾𑌮॑𑌤𑌿𑌮𑍍 । 𑌪𑍍𑌰 𑌰॒𑌶𑍍𑌮𑌿𑌭𑌿॒-𑌰𑍍𑌯𑌤॑𑌮𑌾𑌨𑌾 𑌅𑌮𑍃𑌦𑍍𑌧𑍍𑌰𑌾𑌃 । 𑌆𑌦𑌿॑𑌤𑍍𑌯𑌾𑌃॒ 𑌕𑌾𑌮॒ 𑌪𑍍𑌰𑌯॑𑌤𑌾𑌂॒-𑌵𑌁𑌷॑𑌟𑍍𑌕𑍃𑌤𑌿𑌮𑍍 । 𑌜𑍁॒𑌷𑌦𑍍𑌧𑍍𑌵॑-𑌨𑍍𑌨𑍋 𑌹॒𑌵𑍍𑌯𑌦𑌾॑𑌤𑌿𑌂-𑌯𑌁𑌜𑌤𑍍𑌰𑌾𑌃 ॥ 𑌆॒𑌦𑌿॒𑌤𑍍𑌯𑌾𑌨𑍍-𑌕𑌾𑌮॒𑌮𑌵॑𑌸𑍇 𑌹𑍁𑌵𑍇𑌮 । 𑌯𑍇 𑌭𑍂॒𑌤𑌾𑌨𑌿॑ 𑌜॒𑌨𑌯॑𑌨𑍍𑌤𑍋 𑌵𑌿𑌚𑌿॒𑌖𑍍𑌯𑍁𑌃 । 𑌸𑍀𑌦॑𑌨𑍍𑌤𑍁 𑌪𑍁॒𑌤𑍍𑌰𑌾 𑌅𑌦𑌿॑𑌤𑍇𑌰𑍁॒𑌪𑌸𑍍𑌥᳚𑌮𑍍 । 𑌸𑍍𑌤𑍀॒𑌰𑍍𑌣-𑌮𑍍𑌬॒𑌰॒𑌃𑌇𑌰𑍍𑌹॑𑌵𑌿॒𑌰𑌦𑍍𑌯𑌾॑𑌯 𑌦𑍇॒𑌵𑌾𑌃 ॥ 8 ॥

𑌸𑍍𑌤𑍀॒𑌰𑍍𑌣-𑌮𑍍𑌬॒𑌰॒𑌃𑌇-𑌸𑍍𑌸𑍀॑𑌦𑌤𑌾 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 । 𑌧𑍍𑌰𑌾॒𑌜𑌾-𑌸𑍍𑌸𑍇𑌧॑𑌨𑍍𑌤𑍋॒ 𑌅𑌮॑𑌤𑌿-𑌨𑍍𑌦𑍁॒𑌰𑍇𑌵𑌾᳚𑌮𑍍 । 𑌅॒𑌸𑍍𑌮𑌭𑍍𑌯॑-𑌮𑍍𑌪𑍁𑌤𑍍𑌰𑌾 𑌅𑌦𑌿𑌤𑍇𑌃॒ 𑌪𑍍𑌰𑌯𑌗𑍍𑌂॑𑌸𑌤 । 𑌆𑌦𑌿॑𑌤𑍍𑌯𑌾𑌃॒ 𑌕𑌾𑌮॑ 𑌹॒𑌵𑌿𑌷𑍋॑ 𑌜𑍁𑌷𑌾॒𑌣𑌾𑌃 ॥ 𑌅𑌗𑍍𑌨𑍇॒ 𑌨𑌯॑ 𑌸𑍁॒𑌪𑌥𑌾॑ 𑌰𑌾॒𑌯𑍇 𑌅॒𑌸𑍍𑌮𑌾𑌨𑍍 । 𑌵𑌿𑌶𑍍𑌵𑌾॑𑌨𑌿 𑌦𑍇𑌵 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾𑌨𑍍 । 𑌯𑍁॒𑌯𑍋॒𑌦𑍍𑌧𑍍𑌯॑𑌸𑍍𑌮-𑌜𑍍𑌜𑍁॑𑌹𑍁𑌰𑌾॒𑌣𑌮𑍇𑌨𑌃॑ । 𑌭𑍂𑌯𑌿॑𑌷𑍍𑌠𑌾-𑌨𑍍𑌤𑍇॒ 𑌨𑌮॑ 𑌉𑌕𑍍𑌤𑌿𑌂-𑌵𑌿𑌁𑌧𑍇𑌮 ॥ 𑌪𑍍𑌰𑌵𑌃॑ 𑌶𑍁॒𑌕𑍍𑌰𑌾𑌯॑ 𑌭𑌾॒𑌨𑌵𑍇॑ 𑌭𑌰𑌦𑍍𑌧𑍍𑌵𑌮𑍍 । 𑌹॒𑌵𑍍𑌯-𑌮𑍍𑌮॒𑌤𑌿-𑌞𑍍𑌚𑌾॒𑌗𑍍𑌨𑌯𑍇॒ 𑌸𑍁𑌪𑍂॑𑌤𑌮𑍍 ॥ 9 ॥

𑌯𑍋 𑌦𑍈𑌵𑍍𑌯𑌾॑𑌨𑌿॒ 𑌮𑌾𑌨𑍁॑𑌷𑌾 𑌜॒𑌨𑍂𑌗𑍍𑌂𑌷𑌿॑ । 𑌅॒𑌨𑍍𑌤-𑌰𑍍𑌵𑌿𑌶𑍍𑌵𑌾॑𑌨𑌿 𑌵𑌿॒𑌦𑍍𑌮𑌨𑌾॒ 𑌜𑌿𑌗𑌾॑𑌤𑌿 ॥ 𑌅𑌚𑍍𑌛𑌾॒ 𑌗𑌿𑌰𑍋॑ 𑌮॒𑌤𑌯𑍋॑ 𑌦𑍇𑌵॒𑌯𑌨𑍍𑌤𑍀𑌃᳚ । 𑌅॒𑌗𑍍𑌨𑌿𑌂-𑌯𑌁॑𑌨𑍍𑌤𑌿॒ 𑌦𑍍𑌰𑌵𑌿॑𑌣॒-𑌮𑍍𑌭𑌿𑌕𑍍𑌷॑𑌮𑌾𑌣𑌾𑌃 । 𑌸𑍁॒𑌸॒𑌦𑍃𑌂𑌶𑌗𑍍𑌂॑ 𑌸𑍁॒𑌪𑍍𑌰𑌤𑍀॑𑌕॒𑌗𑍍𑌗𑍍॒ 𑌸𑍍𑌵𑌞𑍍𑌚᳚𑌮𑍍 । 𑌹॒𑌵𑍍𑌯॒𑌵𑌾𑌹॑𑌮𑌰॒𑌤𑌿-𑌮𑍍𑌮𑌾𑌨𑍁॑𑌷𑌾𑌣𑌾𑌮𑍍 ॥ 𑌅𑌗𑍍𑌨𑍇॒ 𑌤𑍍𑌵𑌮॒𑌸𑍍𑌮-𑌦𑍍𑌯𑍁॑𑌯𑍋॒𑌦𑍍𑌧𑍍𑌯𑌮𑍀॑𑌵𑌾𑌃 । 𑌅𑌨॑𑌗𑍍𑌨𑌿𑌤𑍍𑌰𑌾 𑌅॒𑌭𑍍𑌯॑𑌮𑌨𑍍𑌤 𑌕𑍃॒𑌷𑍍𑌟𑍀𑌃 । 𑌪𑍁𑌨॑𑌰॒𑌸𑍍𑌮𑌭𑍍𑌯𑌗𑍍𑌂॑ 𑌸𑍁𑌵𑌿॒𑌤𑌾𑌯॑ 𑌦𑍇𑌵 । 𑌕𑍍𑌷𑌾𑌂-𑌵𑌿𑌁𑌶𑍍𑌵𑍇॑𑌭𑌿𑌰॒𑌜𑌰𑍇॑𑌭𑌿-𑌰𑍍𑌯𑌜𑌤𑍍𑌰 ॥ 10 ॥

𑌅𑌗𑍍𑌨𑍇॒ 𑌤𑍍𑌵-𑌮𑍍𑌪𑌾॑𑌰𑌯𑌾॒ 𑌨𑌵𑍍𑌯𑍋॑ 𑌅॒𑌸𑍍𑌮𑌾𑌨𑍍 । 𑌸𑍍𑌵॒𑌸𑍍𑌤𑌿𑌭𑌿॒𑌰𑌤𑌿॑ 𑌦𑍁॒𑌰𑍍𑌗𑌾𑌣𑌿॒ 𑌵𑌿𑌶𑍍𑌵𑌾᳚ । 𑌪𑍂𑌶𑍍𑌚॑ 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑌾 𑌨॑ 𑌉॒𑌰𑍍𑌵𑍀 । 𑌭𑌵𑌾॑ 𑌤𑍋॒𑌕𑌾𑌯॒ 𑌤𑌨॑𑌯𑌾𑌯॒ 𑌶𑌂-𑌯𑍋𑌃 𑌁॥ 𑌪𑍍𑌰 𑌕𑌾॑𑌰𑌵𑍋 𑌮𑌨॒𑌨𑌾 𑌵॒𑌚𑍍𑌯𑌮𑌾॑𑌨𑌾𑌃 । 𑌦𑍇॒𑌵॒𑌦𑍍𑌰𑍀𑌚𑍀᳚-𑌨𑍍𑌨𑌯𑌥 𑌦𑍇𑌵॒𑌯𑌨𑍍𑌤𑌃॑ । 𑌦॒𑌕𑍍𑌷𑌿॒𑌣𑌾॒𑌵𑌾𑌡𑍍-𑌵𑌾॒𑌜𑌿𑌨𑍀॒ 𑌪𑍍𑌰𑌾𑌚𑍍𑌯𑍇॑𑌤𑌿 । 𑌹॒𑌵𑌿𑌰𑍍𑌭𑌰॑𑌨𑍍𑌤𑍍𑌯॒𑌗𑍍𑌨𑌯𑍇॑ 𑌘𑍃॒𑌤𑌾𑌚𑍀᳚ ॥ 𑌇𑌨𑍍𑌦𑍍𑌰॒-𑌨𑍍𑌨𑌰𑍋॑ 𑌨𑍇॒𑌮𑌧𑌿॑𑌤𑌾 𑌹𑌵𑌨𑍍𑌤𑍇॒ 𑌯𑌤𑍍𑌪𑌾𑌰𑍍𑌯𑌾॑ 𑌯𑍁॒𑌨𑌜॑𑌤𑍇॒ 𑌧𑌿𑌯॒𑌸𑍍𑌤𑌾𑌃 । 𑌶𑍂𑌰𑍋॒ 𑌨𑍃𑌷𑌾॑𑌤𑌾॒ 𑌶𑌵॑𑌸𑌶𑍍𑌚𑌕𑌾॒𑌨 𑌆 𑌗𑍋𑌮॑𑌤𑌿 𑌵𑍍𑌰॒𑌜𑍇 𑌭॑𑌜𑌾॒ 𑌤𑍍𑌵𑌨𑍍𑌨𑌃॑ ॥ 𑌯𑍁॒𑌜𑍇 𑌰𑌥॑-𑌙𑍍𑌗॒𑌵𑍇𑌷॑𑌣॒𑌗𑍍𑌂॒ 𑌹𑌰𑌿॑𑌭𑍍𑌯𑌾𑌮𑍍 । 𑌉𑌪॒ 𑌬𑍍𑌰𑌹𑍍𑌮𑌾॑𑌣𑌿 𑌜𑍁𑌜𑍁𑌷𑌾॒𑌣-𑌮॑𑌸𑍍𑌥𑍁𑌃 । 𑌵𑌿𑌬𑌾॑𑌧𑌿𑌷𑍍𑌟𑌾॒𑌸𑍍𑌯 𑌰𑍋𑌦॑𑌸𑍀 𑌮𑌹𑌿॒𑌤𑍍𑌵𑌾 । 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌾𑌣𑍍𑌯॑𑌪𑍍𑌰॒𑌤𑍀 𑌜॑𑌘॒𑌨𑍍𑌵𑌾𑌨𑍍 ॥ ॥ 𑌜॒𑌗𑍃॒𑌭𑍍𑌣𑌾 𑌤𑍇॒ 𑌦𑌕𑍍𑌷𑌿॑𑌣𑌾𑌮𑌿𑌨𑍍𑌦𑍍𑌰॒ 𑌹𑌸𑍍𑌤᳚𑌮𑍍 ॥ 11 ॥

𑌵॒𑌸𑍂॒𑌯𑌵𑍋॑ 𑌵𑌸𑍁𑌪𑌤𑍇॒ 𑌵𑌸𑍂॑𑌨𑌾𑌮𑍍 । 𑌵𑌿॒𑌦𑍍𑌮𑌾 𑌹𑌿 𑌤𑍍𑌵𑌾॒ 𑌗𑍋𑌪॑𑌤𑌿𑌗𑍍𑌂 𑌶𑍂𑌰॒ 𑌗𑍋𑌨𑌾᳚𑌮𑍍 । 𑌅॒𑌸𑍍𑌮𑌭𑍍𑌯॑-𑌞𑍍𑌚𑌿॒𑌤𑍍𑌰𑌂-𑌵𑍃𑌁𑌷॑𑌣𑌗𑍍𑌂 𑌰॒𑌯𑌿-𑌨𑍍𑌦𑌾𑌃᳚ ॥ 𑌤𑌵𑍇॒𑌦𑌂-𑌵𑌿𑌁𑌶𑍍𑌵॑𑌮॒𑌭𑌿𑌤𑌃॑ 𑌪𑌶॒𑌵𑍍𑌯᳚𑌮𑍍 । 𑌯-𑌤𑍍𑌪𑌶𑍍𑌯॑𑌸𑌿॒ 𑌚𑌕𑍍𑌷॑𑌸𑌾॒ 𑌸𑍂𑌰𑍍𑌯॑𑌸𑍍𑌯 । 𑌗𑌵𑌾॑𑌮𑌸𑌿॒ 𑌗𑍋𑌪॑𑌤𑌿॒𑌰𑍇𑌕॑ 𑌇𑌨𑍍𑌦𑍍𑌰 । 𑌭॒𑌕𑍍𑌷𑍀॒𑌮𑌹𑌿॑ 𑌤𑍇॒ 𑌪𑍍𑌰𑌯॑𑌤𑌸𑍍𑌯॒ 𑌵𑌸𑍍𑌵𑌃॑ ॥ 𑌸𑌮𑌿॑𑌨𑍍𑌦𑍍𑌰 𑌣𑍋॒ 𑌮𑌨॑𑌸𑌾 𑌨𑍇𑌷𑌿॒ 𑌗𑍋𑌭𑌿𑌃॑ । 𑌸𑌗𑍍𑌂 𑌸𑍂॒𑌰𑌿𑌭𑌿॑-𑌰𑍍𑌮𑌘𑌵॒𑌨𑍍-𑌥𑍍𑌸𑌗𑍍𑌗𑍍 𑌸𑍍𑌵॒𑌸𑍍𑌤𑍍𑌯𑌾 । 𑌸-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌕𑍃॑𑌤𑌂॒-𑌯𑌁𑌦𑌸𑍍𑌤𑌿॑ ॥ 12 ॥

𑌸-𑌨𑍍𑌦𑍇॒𑌵𑌾𑌨𑌾𑌗𑍍𑌂॑ 𑌸𑍁𑌮॒𑌤𑍍𑌯𑌾 𑌯॒𑌜𑍍𑌞𑌿𑌯𑌾॑𑌨𑌾𑌮𑍍 ॥ 𑌆॒𑌰𑌾𑌚𑍍𑌛𑌤𑍍𑌰𑍁॒-𑌮𑌪॑𑌬𑌾𑌧𑌸𑍍𑌵 𑌦𑍂॒𑌰𑌮𑍍 । 𑌉॒𑌗𑍍𑌰𑍋 𑌯-𑌶𑍍𑌶𑌮𑍍𑌬𑌃॑ 𑌪𑍁𑌰𑍁𑌹𑍂𑌤॒ 𑌤𑍇𑌨॑ । 𑌅॒𑌸𑍍𑌮𑍇 𑌧𑍇॑𑌹𑌿॒ 𑌯𑌵॑𑌮॒𑌦𑍍𑌗𑍋𑌮॑𑌦𑌿𑌨𑍍𑌦𑍍𑌰 । 𑌕𑍃॒𑌧𑍀 𑌧𑌿𑌯॑-𑌞𑍍𑌜𑌰𑌿॒𑌤𑍍𑌰𑍇 𑌵𑌾𑌜॑𑌰𑌤𑍍𑌨𑌾𑌮𑍍 ॥ 𑌆𑌵𑍇॒𑌧𑌸॒-𑌨𑍍𑌨𑍀𑌲॑𑌪𑍃𑌷𑍍𑌠-𑌮𑍍𑌬𑍃॒𑌹𑌨𑍍𑌤᳚𑌮𑍍 । 𑌬𑍃𑌹॒𑌸𑍍𑌪𑌤𑌿॒𑌗𑍍𑌂॒ 𑌸𑌦॑𑌨𑍇 𑌸𑌾𑌦𑌯𑌧𑍍𑌵𑌮𑍍 । 𑌸𑌾॒𑌦𑌦𑍍𑌯𑍋॑𑌨𑌿॒-𑌨𑍍𑌦𑌮॒ 𑌆𑌦𑍀॑𑌦𑌿॒𑌵𑌾𑌗𑍍𑌂𑌸᳚𑌮𑍍 । 𑌹𑌿𑌰॑𑌣𑍍𑌯𑌵𑌰𑍍𑌣𑌮𑌰𑍁॒𑌷𑌗𑍍𑌂 𑌸॑𑌪𑍇𑌮 ॥ 𑌸 𑌹𑌿 𑌶𑍁𑌚𑌿𑌃॑ ॥ 𑌬𑍃𑌹॒𑌸𑍍𑌪𑌤𑌿𑌃॑ 𑌪𑍍𑌰𑌥॒𑌮-𑌞𑍍𑌜𑌾𑌯॑𑌮𑌾𑌨𑌃 । 𑌮॒𑌹𑍋 𑌜𑍍𑌯𑍋𑌤𑌿॑𑌷𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸॒𑌪𑍍𑌤𑌾𑌸𑍍𑌯॑𑌸𑍍𑌤𑍁𑌵𑌿𑌜𑌾॒𑌤𑍋 𑌰𑌵𑍇॑𑌣 । 𑌵𑌿 𑌸॒𑌪𑍍𑌤𑌰॑𑌶𑍍𑌮𑌿𑌰𑌧𑌮॒𑌤𑍍𑌤𑌮𑌾𑌗𑍍𑌂॑𑌸𑌿 ॥ 13 ॥

𑌬𑍃𑌹॒𑌸𑍍𑌪𑌤𑌿॒-𑌸𑍍𑌸𑌮॑𑌜𑌯॒-𑌦𑍍𑌵𑌸𑍂॑𑌨𑌿 । 𑌮॒𑌹𑍋 𑌵𑍍𑌰॒𑌜𑌾-𑌨𑍍𑌗𑍋𑌮॑𑌤𑍋 𑌦𑍇॒𑌵 𑌏॒𑌷𑌃 । 𑌅॒𑌪-𑌸𑍍𑌸𑌿𑌷𑌾॑𑌸॒𑌨𑍍-𑌥𑍍𑌸𑍁𑌵॒𑌰 𑌪𑍍𑌰॑𑌤𑍀𑌤𑍍𑌤𑌃 । 𑌬𑍃𑌹॒𑌸𑍍𑌪𑌤𑌿॒𑌰॒𑌃𑌅𑌨𑍍𑌤𑍍𑌯॒𑌮𑌿𑌤𑍍𑌰॑-𑌮॒𑌰𑍍𑌕𑍈𑌃 ॥ 𑌬𑍃𑌹॑𑌸𑍍𑌪𑌤𑍇॒ 𑌪𑌰𑌿॑ 𑌦𑍀𑌯𑌾॒ 𑌰𑌥𑍇॑𑌨 𑌰𑌕𑍍𑌷𑍋॒𑌹𑌾 𑌽𑌮𑌿𑌤𑍍𑌰𑌾𑌗𑍍𑌂॑ 𑌅𑌪॒ 𑌬𑌾𑌧॑𑌮𑌾𑌨𑌃 । 𑌪𑍍𑌰॒𑌭॒𑌞𑍍𑌜𑌨𑍍-𑌥𑍍𑌸𑍇𑌨𑌾𑌃᳚ 𑌪𑍍𑌰𑌮𑍃॒𑌣𑍋 𑌯𑍁॒𑌧𑌾 𑌜𑌯॑𑌨𑍍𑌨॒𑌸𑍍𑌮𑌾𑌕॑-𑌮𑍇𑌧𑍍𑌯𑌵𑌿॒𑌤𑌾 𑌰𑌥𑌾॑𑌨𑌾𑌮𑍍 ॥ 𑌏॒𑌵𑌾 𑌪𑌿॒𑌤𑍍𑌰𑍇 𑌵𑌿॒𑌶𑍍𑌵𑌦𑍇॑𑌵𑌾𑌯॒ 𑌵𑍃𑌷𑍍𑌣𑍇॑ 𑌯॒𑌜𑍍𑌞𑍈𑌰𑍍𑌵𑌿॑𑌧𑍇𑌮॒ 𑌨𑌮॑𑌸𑌾 𑌹॒𑌵𑌿𑌰𑍍𑌭𑌿𑌃॑ । 𑌬𑍃𑌹॑𑌸𑍍𑌪𑌤𑍇 𑌸𑍁𑌪𑍍𑌰॒𑌜𑌾 𑌵𑍀॒𑌰𑌵॑𑌨𑍍𑌤𑍋 𑌵॒𑌯𑌗𑍍𑌗𑍍 𑌸𑍍𑌯𑌾॑𑌮॒ 𑌪𑌤॑𑌯𑍋 𑌰𑌯𑍀॒𑌣𑌾𑌮𑍍 ॥ ॥ 𑌆 𑌨𑍋॑ 𑌦𑌿॒𑌵𑍋 𑌬𑍃॑𑌹॒𑌤𑌃 𑌪𑌰𑍍𑌵॑𑌤𑌾॒𑌦𑌾 𑌸𑌰॑𑌸𑍍𑌵𑌤𑍀 𑌯𑌜॒𑌤𑌾 𑌗॑𑌨𑍍𑌤𑍁 𑌯॒𑌜𑍍𑌞𑌮𑍍 । 𑌹𑌵॑-𑌨𑍍𑌦𑍇॒𑌵𑍀 𑌜𑍁॑𑌜𑍁𑌷𑌾॒𑌣𑌾 𑌘𑍃॒𑌤𑌾𑌚𑍀॑ 𑌶॒𑌗𑍍𑌮𑌾-𑌨𑍍𑌨𑍋॒ 𑌵𑌾𑌚॑𑌮𑍁𑌶॒𑌤𑍀 𑌶𑍃॑𑌣𑍋𑌤𑍁 ॥𑌪𑌾𑌵𑍀॑𑌰𑌵𑍀 𑌕॒𑌨𑍍𑌯𑌾॑ 𑌚𑌿॒𑌤𑍍𑌰𑌾𑌯𑍁॒-𑌸𑍍𑌸𑌰॑𑌸𑍍𑌵𑌤𑍀 𑌵𑍀॒𑌰𑌪॑𑌤𑍍𑌨𑍀॒ 𑌧𑌿𑌯॑-𑌨𑍍𑌧𑌾𑌤𑍍 । 𑌗𑍍𑌨𑌾𑌭𑌿॒𑌰𑌚𑍍𑌛𑌿॑𑌦𑍍𑌰𑌗𑍍𑌂 𑌶𑌰॒𑌣𑌗𑍍𑌂 𑌸॒𑌜𑍋𑌷𑌾॑ 𑌦𑍁𑌰𑌾॒𑌧𑌰𑍍𑌷॑-𑌙𑍍𑌗𑍃𑌣॒𑌤𑍇 𑌶𑌰𑍍𑌮॑ 𑌯𑌗𑍍𑌂𑌸𑌤𑍍 ॥ । 𑌇॒𑌮𑌾 𑌜𑍁𑌹𑍍𑌵𑌾॑𑌨𑌾 𑌯𑍁॒𑌷𑍍𑌮𑌦𑌾 𑌨𑌮𑍋॑𑌭𑌿𑌃 । 𑌪𑍍𑌰𑌤𑌿॒ 𑌸𑍍𑌤𑍋𑌮𑌗𑍍𑌂॑ 𑌸𑌰𑌸𑍍𑌵𑌤𑌿 𑌜𑍁𑌷𑌸𑍍𑌵 । 𑌤𑌵॒ 𑌶𑌰𑍍𑌮॑-𑌨𑍍𑌪𑍍𑌰𑌿॒𑌯𑌤॑𑌮𑍇॒ 𑌦𑌧𑌾॑𑌨𑌾𑌃 । 𑌉𑌪॑𑌸𑍍𑌥𑍇𑌯𑌾𑌮 𑌶𑌰॒𑌣-𑌨𑍍𑌨 𑌵𑍃॒𑌕𑍍𑌷𑌮𑍍 ॥ 𑌯𑌸𑍍𑌤𑍇॒ 𑌸𑍍𑌤𑌨॑𑌶𑍍𑌶𑌶॒𑌯 𑌇𑌤𑍍𑌯𑌾॑𑌹 । 𑌸𑍍𑌤𑍗𑌤𑍍𑌯𑍇॒𑌵𑍈𑌨𑌾᳚𑌮𑍍 । 𑌉𑌸𑍍𑌰॑ 𑌘॒𑌰𑍍𑌮𑌗𑍍𑌂 𑌶𑌿॒𑌗𑍍𑌂॒𑌷𑍋𑌸𑍍𑌰॑ 𑌘॒𑌰𑍍𑌮-𑌮𑍍𑌪𑌾॑𑌹𑌿 𑌘॒𑌰𑍍𑌮𑌾𑌯॑ 𑌶𑌿॒𑌗𑍍𑌂॒𑌷𑍇𑌤𑍍𑌯𑌾॑𑌹 । 𑌯𑌥𑌾᳚ 𑌬𑍍𑌰𑍂॒𑌯𑌾𑌦॒𑌮𑍁𑌷𑍍𑌮𑍈॑ 𑌦𑍇॒𑌹𑍀𑌤𑌿॑ । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌬𑍃𑌹॒𑌸𑍍𑌪𑌤𑌿॒𑌸𑍍𑌤𑍍𑌵𑍋𑌪॑ 𑌸𑍀𑌦॒𑌤𑍍𑌵𑌿𑌤𑍍𑌯𑌾॑𑌹 । । 𑌸𑌰॑𑌸𑍍𑌵𑌤𑍍𑌯॒𑌭𑌿 𑌨𑍋॑ 𑌨𑍇𑌷𑌿॒ 𑌵𑌸𑍍𑌯𑌃॑ । 𑌮𑌾 𑌪॑𑌸𑍍𑌫𑌰𑍀𑌃॒ 𑌪𑌯॑𑌸𑌾॒ 𑌮𑌾 𑌨॒ 𑌆 𑌧॑𑌕𑍍 । 𑌜𑍁॒𑌷𑌸𑍍𑌵॑ 𑌨-𑌸𑍍𑌸॒𑌖𑍍𑌯𑌾॑ 𑌵𑍇॒𑌶𑍍𑌯𑌾॑ 𑌚 । 𑌮𑌾 𑌤𑍍𑌵𑌤𑍍𑌕𑍍𑌷𑍇𑌤𑍍𑌰𑌾॒-𑌣𑍍𑌯𑌰॑𑌣𑌾𑌨𑌿 𑌗𑌨𑍍𑌮 ॥ ॥ 𑌇॒𑌯𑌗𑍍𑌂 𑌶𑍁𑌷𑍍𑌮𑍇॑𑌭𑌿𑌰𑍍𑌬𑌿𑌸॒𑌖𑌾 𑌇॑𑌵𑌾𑌰𑍁𑌜𑌤𑍍 । 𑌸𑌾𑌨𑍁॑ 𑌗𑌿𑌰𑍀॒𑌣𑌾-𑌨𑍍𑌤॑𑌵𑌿॒𑌷𑍇𑌭𑌿॑𑌰𑍂॒𑌰𑍍𑌮𑌿𑌭𑌿𑌃॑ । 𑌪𑌾॒𑌰𑌾॒𑌵॒𑌦॒𑌘𑍍𑌨𑍀𑌮𑌵॑𑌸𑍇 𑌸𑍁𑌵𑍃॒𑌕𑍍𑌤𑌿𑌭𑌿𑌃॑ । 𑌸𑌰॑𑌸𑍍𑌵𑌤𑍀॒-𑌮𑌾𑌵𑌿॑𑌵𑌾𑌸𑍇𑌮 𑌧𑍀॒𑌤𑌿𑌭𑌿𑌃॑ ॥ 14 ॥

(𑌦𑍇॒𑌵॒𑌯𑌾𑌨𑍈᳚--𑌰𑍍 𑌦𑍇॒𑌵𑌾𑌃 - 𑌸𑍁𑌪𑍂॑𑌤𑌂𑌯𑌁𑌜𑌤𑍍𑌰॒-𑌹𑌸𑍍𑌤॒-𑌮𑌸𑍍𑌤𑌿॒-𑌤𑌮𑌾𑌗𑍍॑-𑌸𑍍𑌯𑍂॒𑌰𑍍𑌮𑌿𑌭𑌿॒-𑌰𑍍𑌦𑍍𑌵𑍇 𑌚॑) (𑌅. 2)

𑌅𑌨𑍁𑌵𑌾𑌕𑌂 3 - 𑌸𑍗𑌮𑍍𑌯𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌸𑍋𑌮𑍋॑ 𑌧𑍇॒𑌨𑍁𑌗𑍍𑌂 𑌸𑍋𑌮𑍋॒ 𑌅𑌰𑍍𑌵॑𑌨𑍍𑌤𑌮𑌾॒𑌶𑍁𑌮𑍍 । 𑌸𑍋𑌮𑍋॑ 𑌵𑍀॒𑌰-𑌙𑍍𑌕॑𑌰𑍍𑌮॒𑌣𑍍𑌯॑-𑌨𑍍𑌦𑌦𑌾𑌤𑍁 । 𑌸𑌾॒𑌦॒𑌨𑍍𑌯𑌂॑-𑌵𑌿𑌁𑌦॒𑌥𑍍𑌯𑌗𑍍𑌂॑ 𑌸॒𑌭𑍇𑌯᳚𑌮𑍍 । 𑌪𑌿॒𑌤𑍁॒-𑌶𑍍𑌶𑍍𑌰𑌵॑𑌣𑌂॒-𑌯𑍋𑌁 𑌦𑌦𑌾॑𑌶𑌦𑌸𑍍𑌮𑍈 ॥ 𑌅𑌷𑌾॑𑌢𑌂-𑌯𑍁𑌁॒𑌥𑍍𑌸𑍁 𑌪𑍃𑌤॑𑌨𑌾𑌸𑍁॒ 𑌪𑌪𑍍𑌰𑌿᳚𑌮𑍍 । 𑌸𑍁॒𑌵॒𑌰𑍍॒𑌷𑌾𑌮॒𑌫𑍍𑌸𑍍𑌵𑌾𑌂-𑌵𑍃𑌁॒𑌜𑌨॑𑌸𑍍𑌯 𑌗𑍋॒𑌪𑌾𑌮𑍍 । 𑌭॒𑌰𑍇॒𑌷𑍁॒𑌜𑌾𑌗𑍍𑌂 𑌸𑍁॑𑌕𑍍𑌷𑌿॒𑌤𑌿𑌗𑍍𑌂 𑌸𑍁॒𑌶𑍍𑌰𑌵॑𑌸𑌮𑍍 । 𑌜𑌯॑𑌨𑍍𑌤॒-𑌨𑍍𑌤𑍍𑌵𑌾𑌮𑌨𑍁॑ 𑌮𑌦𑍇𑌮 𑌸𑍋𑌮 ॥ 𑌤𑍍𑌵𑌗𑍍𑌂 𑌸𑍋॑𑌮॒ 𑌕𑍍𑌰𑌤𑍁॑𑌭𑌿𑌃 ॥ 𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌹॒𑌵𑌿𑌷𑌾॒ 𑌯𑌜॑𑌨𑍍𑌤𑌿॒ 𑌤𑌾 𑌤𑍇॒ 𑌵𑌿𑌶𑍍𑌵𑌾॑ 𑌪𑌰𑌿॒𑌭𑍂𑌰॑𑌸𑍍𑌤𑍁 𑌯॒𑌜𑍍𑌞-𑌙𑍍𑌗॑𑌯॒𑌸𑍍𑌫𑌾𑌨𑌃॑ 𑌪𑍍𑌰॒𑌤𑌰॑𑌣-𑌸𑍍𑌸𑍁॒𑌵𑍀𑌰𑍋-𑌽𑌵𑍀॑𑌰𑌹𑌾॒ 𑌪𑍍𑌰𑌚॑𑌰𑌾 𑌸𑍋𑌮॒ 𑌦𑍁𑌰𑍍𑌯𑌾॒𑌨॥ 𑌤𑍍𑌵𑌮𑌿॒𑌮𑌾 𑌓𑌷॑𑌧𑍀-𑌸𑍍𑌸𑍋𑌮॒ 𑌵𑌿𑌶𑍍𑌵𑌾𑌃᳚ । 𑌤𑍍𑌵𑌮॒𑌪𑍋 𑌅॑𑌜𑌨𑌯॒𑌸𑍍𑌤𑍍𑌵-𑌙𑍍𑌗𑌾𑌃 । 𑌤𑍍𑌵𑌮𑌾𑌤॑𑌤𑌨𑍍𑌥𑍋॒𑌰𑍍𑌵॑𑌨𑍍𑌤𑌰𑌿॑𑌕𑍍𑌷𑌮𑍍 । 𑌤𑍍𑌵-𑌞𑍍𑌜𑍍𑌯𑍋𑌤𑌿॑𑌷𑌾॒ 𑌵𑌿𑌤𑌮𑍋॑ 𑌵𑌵𑌰𑍍𑌥 ॥ 15 ॥

𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌦𑌿॒𑌵𑌿 𑌯𑌾 𑌪𑍃॑𑌥𑌿॒𑌵𑍍𑌯𑌾𑌮𑍍 । 𑌯𑌾 𑌪𑌰𑍍𑌵॑𑌤𑍇॒𑌷𑍍𑌵𑍋𑌷॑𑌧𑍀𑌷𑍍𑌵॒𑌫𑍍𑌸𑍁 । 𑌤𑍇𑌭𑌿॑𑌰𑍍𑌨𑍋॒ 𑌵𑌿𑌶𑍍𑌵𑍈᳚-𑌸𑍍𑌸𑍁॒𑌮𑌨𑌾॒ 𑌅𑌹𑍇॑𑌡𑌨𑍍𑌨𑍍 । 𑌰𑌾𑌜𑌨𑍍᳚-𑌥𑍍𑌸𑍋𑌮॒ 𑌪𑍍𑌰𑌤𑌿॑ 𑌹॒𑌵𑍍𑌯𑌾 𑌗𑍃॑𑌭𑌾𑌯 ॥ 𑌵𑌿𑌷𑍍𑌣𑍋॒𑌰𑍍𑌨𑍁𑌕𑌂॑-𑌵𑍀𑌁॒𑌰𑍍𑌯𑌾॑𑌣𑌿॒ 𑌪𑍍𑌰 𑌵𑍋॑𑌚𑌂॒-𑌯𑌃 𑌁𑌪𑌾𑌰𑍍𑌥𑌿॑𑌵𑌾𑌨𑌿 𑌵𑌿𑌮॒𑌮𑍇 𑌰𑌜𑌾𑌗𑍍𑌂॑𑌸𑌿॒ 𑌯𑍋 𑌅𑌸𑍍𑌕॑𑌭𑌾𑌯॒𑌦𑍁𑌤𑍍𑌤॑𑌰𑌗𑍍𑌂 𑌸॒𑌧𑌸𑍍𑌥𑌂॑-𑌵𑌿𑌁𑌚𑌕𑍍𑌰𑌮𑌾॒𑌣 𑌸𑍍𑌤𑍍𑌰𑍇॒𑌧𑍋𑌰𑍁॑𑌗𑌾॒𑌯𑍋 𑌵𑌿𑌷𑍍𑌣𑍋॑ 𑌰॒𑌰𑌾𑌟॑𑌮𑌸𑌿॒ 𑌵𑌿𑌷𑍍𑌣𑍋𑌃᳚ 𑌪𑍃॒𑌷𑍍𑌠𑌮॑𑌸𑌿॒ 𑌵𑌿𑌷𑍍𑌣𑍋॒-𑌶𑍍𑌶𑍍𑌨𑍍𑌯𑌪𑍍𑌤𑍍𑌰𑍇᳚ 𑌸𑍍𑌥𑍋॒ 𑌵𑌿𑌷𑍍𑌣𑍋॒-𑌸𑍍𑌸𑍍𑌯𑍂𑌰॑𑌸𑌿॒ 𑌵𑌿𑌷𑍍𑌣𑍋᳚-𑌰𑍍𑌧𑍍𑌰𑍁॒𑌵𑌮॑𑌸𑌿 𑌵𑍈𑌷𑍍𑌣॒𑌵𑌮॑𑌸𑌿॒ 𑌵𑌿𑌷𑍍𑌣॑𑌵𑍇 𑌤𑍍𑌵𑌾 ॥ 𑌤𑌦॑𑌸𑍍𑌯 𑌪𑍍𑌰𑌿॒𑌯𑌮॒𑌭𑌿 𑌪𑌾𑌥𑍋॑ 𑌅𑌶𑍍𑌯𑌾𑌮𑍍 । 𑌨𑌰𑍋॒ 𑌯𑌤𑍍𑌰॑ 𑌦𑍇𑌵॒𑌯𑌵𑍋॒ 𑌮𑌦॑𑌨𑍍𑌤𑌿 । 𑌉॒𑌰𑍁॒𑌕𑍍𑌰॒𑌮𑌸𑍍𑌯॒ 𑌸 𑌹𑌿 𑌬𑌨𑍍𑌧𑍁॑𑌰𑌿॒𑌤𑍍𑌥𑌾 । 𑌵𑌿𑌷𑍍𑌣𑍋𑌃᳚ 𑌪॒𑌦𑍇 𑌪॑𑌰॒𑌮𑍇 𑌮𑌧𑍍𑌵॒ 𑌉𑌥𑍍𑌸𑌃॑ ॥ । 𑌪𑍍𑌰𑌤-𑌦𑍍𑌵𑌿𑌷𑍍𑌣𑍁𑌃॑ 𑌸𑍍𑌤𑌵𑌤𑍇 𑌵𑍀॒𑌰𑍍𑌯𑌾॑𑌯 । 𑌮𑍃॒𑌗𑍋 𑌨 𑌭𑍀॒𑌮𑌃 𑌕𑍁॑𑌚॒𑌰𑍋 𑌗𑌿॑𑌰𑌿॒𑌷𑍍𑌠𑌾𑌃 । 𑌯𑌸𑍍𑌯𑍋॒𑌰𑍁𑌷𑍁॑ 𑌤𑍍𑌰𑌿॒𑌷𑍁 𑌵𑌿॒𑌕𑍍𑌰𑌮॑𑌣𑍇𑌷𑍁 । 𑌅𑌧𑌿॑𑌕𑍍𑌷𑌿॒𑌯𑌨𑍍𑌤𑌿॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ ॥ ॥ 𑌪॒𑌰𑍋 𑌮𑌾𑌤𑍍𑌰॑𑌯𑌾 𑌤॒𑌨𑍁𑌵𑌾॑ 𑌵𑍃𑌧𑌾𑌨 । 𑌨 𑌤𑍇॑ 𑌮𑌹𑌿॒𑌤𑍍𑌵-𑌮𑌨𑍍𑌵॑𑌶𑍍𑌨𑍁𑌵𑌨𑍍𑌤𑌿 । 𑌉॒𑌭𑍇 𑌤𑍇॑ 𑌵𑌿𑌦𑍍𑌮॒ 𑌰𑌜॑𑌸𑍀 𑌪𑍃𑌥𑌿॒𑌵𑍍𑌯𑌾 𑌵𑌿𑌷𑍍𑌣𑍋॑ 𑌦𑍇𑌵॒ 𑌤𑍍𑌵𑌮𑍍 । 𑌪॒𑌰॒𑌮𑌸𑍍𑌯॑ 𑌵𑌿𑌥𑍍𑌸𑍇 ॥ 16 ॥

𑌵𑌿𑌚॑𑌕𑍍𑌰𑌮𑍇 𑌪𑍃𑌥𑌿॒𑌵𑍀𑌮𑍇॒𑌷 𑌏॒𑌤𑌾𑌮𑍍 । 𑌕𑍍𑌷𑍇𑌤𑍍𑌰𑌾॑𑌯॒ 𑌵𑌿𑌷𑍍𑌣𑍁॒-𑌰𑍍𑌮𑌨𑍁॑𑌷𑍇 𑌦𑌶॒𑌸𑍍𑌯𑌨𑍍𑌨𑍍 । 𑌧𑍍𑌰𑍁॒𑌵𑌾𑌸𑍋॑ 𑌅𑌸𑍍𑌯 𑌕𑍀॒𑌰𑌯𑍋॒ 𑌜𑌨𑌾॑𑌸𑌃 । 𑌉॒𑌰𑍁॒𑌕𑍍𑌷𑌿॒𑌤𑌿𑌗𑍍𑌂 𑌸𑍁॒𑌜𑌨𑌿॑𑌮𑌾 𑌚𑌕𑌾𑌰 ॥ 𑌤𑍍𑌰𑌿𑌰𑍍𑌦𑍇॒𑌵𑌃 𑌪𑍃॑𑌥𑌿॒𑌵𑍀𑌮𑍇॒𑌷 𑌏॒𑌤𑌾𑌮𑍍 । 𑌵𑌿𑌚॑𑌕𑍍𑌰𑌮𑍇 𑌶॒𑌤𑌰𑍍𑌚॑𑌸-𑌮𑍍𑌮𑌹𑌿॒𑌤𑍍𑌵𑌾 । 𑌪𑍍𑌰 𑌵𑌿𑌷𑍍𑌣𑍁॑-𑌰𑌸𑍍𑌤𑍁 𑌤॒𑌵𑌸॒𑌸𑍍𑌤 𑌵𑍀॑𑌯𑌾𑌨𑍍 । 𑌤𑍍𑌵𑍇॒𑌷𑌗𑍍𑌗𑍍 𑌹𑍍𑌯॑𑌸𑍍𑌯॒ 𑌸𑍍𑌥𑌵𑌿॑𑌰𑌸𑍍𑌯॒ 𑌨𑌾𑌮॑ ॥ ॥ 𑌆 𑌤𑍇॑ 𑌮॒𑌹 𑌇॑𑌨𑍍𑌦𑍍𑌰𑍋॒𑌤𑍍𑌯𑍁॑𑌗𑍍𑌰॒ 𑌸𑌮॑𑌨𑍍𑌯𑌵𑍋॒ 𑌯-𑌥𑍍𑌸॒𑌮𑌰॑𑌨𑍍𑌤॒ 𑌸𑍇𑌨𑌾𑌃᳚ । 𑌪𑌤𑌾॑𑌤𑌿 𑌦𑌿॒𑌦𑍍𑌯𑍁𑌨𑍍𑌨𑌰𑍍𑌯॑𑌸𑍍𑌯 𑌬𑌾𑌹𑍁॒𑌵𑍋𑌰𑍍𑌮𑌾 𑌤𑍇॒ 𑌮𑌨𑍋॑ 𑌵𑌿𑌷𑍍𑌵॒𑌦𑍍𑌰𑌿𑌯॒𑌗𑍍𑌵𑌿 𑌚𑌾॑𑌰𑍀𑌤𑍍 ॥ 𑌯𑍋 𑌜𑌾॒𑌤 𑌏॒𑌵 𑌪𑍍𑌰॑𑌥॒𑌮𑍋 𑌮𑌨॑𑌸𑍍𑌵𑌾-𑌨𑍍𑌦𑍇॒𑌵𑍋 𑌦𑍇॒𑌵𑌾𑌨𑍍 𑌕𑍍𑌰𑌤𑍁॑𑌨𑌾 𑌪॒𑌰𑍍𑌯𑌭𑍂॑𑌷𑌤𑍍 । 𑌯𑌸𑍍𑌯॒ 𑌶𑍁𑌷𑍍𑌮𑌾॒𑌦𑍍𑌰𑍋𑌦॑𑌸𑍀॒ 𑌅𑌭𑍍𑌯॑𑌸𑍇𑌤𑌾-𑌨𑍍𑌨𑍃॒𑌮𑍍𑌣𑌸𑍍𑌯॑ 𑌮॒𑌹𑍍𑌨𑌾 𑌸 𑌜॑𑌨𑌾𑌸॒ 𑌇𑌨𑍍𑌦𑍍𑌰𑌃॑ ॥ । 𑌅॒𑌭𑌿 𑌗𑍋॒𑌤𑍍𑌰𑌾𑌣𑌿॒ 𑌸𑌹॑𑌸𑌾॒ 𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑍋 𑌵𑍀॒𑌰-𑌶𑍍𑌶॒𑌤𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ । 𑌦𑍁॒𑌶𑍍𑌚𑍍𑌯॒𑌵॒𑌨𑌃 𑌪𑍃॑𑌤𑌨𑌾॒𑌷𑌾𑌡॑ 𑌯𑍁॒𑌧𑍍𑌯𑍋᳚-𑌸𑍍𑌮𑌾𑌕॒𑌗𑍍𑌂॒ 𑌸𑍇𑌨𑌾॑ 𑌅𑌵𑌤𑍁॒ 𑌪𑍍𑌰 𑌯𑍁॒𑌥𑍍𑌸𑍁 ॥ ॥ 𑌆𑌭𑌿॒-𑌸𑍍𑌸𑍍𑌪𑍃𑌧𑍋॑ 𑌮𑌿𑌥॒𑌤𑍀- 𑌰𑌰𑌿॑𑌷𑌣𑍍𑌯𑌨𑍍𑌨𑍍 । 𑌅॒𑌮𑌿𑌤𑍍𑌰॑𑌸𑍍𑌯 𑌵𑍍𑌯𑌥𑌯𑌾 𑌮॒𑌨𑍍𑌯𑍁𑌮𑌿॑𑌨𑍍𑌦𑍍𑌰 । 𑌆𑌭𑌿॒𑌰𑍍𑌵𑌿𑌶𑍍𑌵𑌾॑ 𑌅𑌭𑌿॒𑌯𑍁𑌜𑍋॒ 𑌵𑌿𑌷𑍂॑𑌚𑍀𑌃 । 𑌆𑌰𑍍𑌯𑌾॑𑌯॒ 𑌵𑌿𑌶𑍋-𑌽𑌵॑𑌤𑌾𑌰𑍀॒𑌰𑍍𑌦𑌾𑌸𑍀𑌃᳚ ॥ 𑌅॒𑌯𑌗𑍍𑌂 𑌶𑍃॑𑌣𑍍𑌵𑍇॒ 𑌅𑌧॒ 𑌜𑌯॑𑌨𑍍𑌨𑍁॒𑌤 𑌘𑍍𑌨𑌨𑍍𑌨𑍍 । 𑌅॒𑌯𑌮𑍁॒𑌤 𑌪𑍍𑌰𑌕𑍃॑𑌣𑍁𑌤𑍇 𑌯𑍁॒𑌧𑌾 𑌗𑌾𑌃 । 𑌯॒𑌦𑌾 𑌸॒𑌤𑍍𑌯-𑌙𑍍𑌕𑍃॑𑌣𑍁॒𑌤𑍇 𑌮॒𑌨𑍍𑌯𑍁𑌮𑌿𑌨𑍍𑌦𑍍𑌰𑌃॑ ॥ 17 ॥

𑌵𑌿𑌶𑍍𑌵॑-𑌨𑍍𑌦𑍃॒𑌢-𑌮𑍍𑌭॑𑌯𑌤॒ 𑌏𑌜॑𑌦𑌸𑍍𑌮𑌾𑌤𑍍 ॥ 𑌅𑌨𑍁॑ 𑌸𑍍𑌵॒𑌧𑌾-𑌮॑𑌕𑍍𑌷𑌰॒𑌨𑍍𑌨𑌾𑌪𑍋॑ 𑌅𑌸𑍍𑌯 । 𑌅𑌵॑𑌰𑍍𑌧𑌤॒ 𑌮𑌦𑍍𑌧𑍍𑌯॒ 𑌆 𑌨𑌾॒𑌵𑍍𑌯𑌾॑𑌨𑌾𑌮𑍍 । 𑌸॒𑌦𑍍𑌧𑍍𑌰𑍀॒𑌚𑍀𑌨𑍇॑𑌨॒ 𑌮𑌨॑𑌸𑌾॒ 𑌤𑌮𑌿॑𑌨𑍍𑌦𑍍𑌰॒ 𑌓𑌜𑌿॑𑌷𑍍𑌠𑍇𑌨 । 𑌹𑌨𑍍𑌮॑𑌨𑌾-𑌽𑌹𑌨𑍍𑌨॒𑌭𑌿𑌦𑍍𑌯𑍂𑌨𑍍 ॥ 𑌮॒𑌰𑍁𑌤𑍍𑌵॑𑌨𑍍𑌤𑌂-𑌵𑍃𑌁𑌷॒𑌭𑌂-𑌵𑌾𑌁॑𑌵𑍃𑌧𑌾॒𑌨𑌮𑍍 । 𑌅𑌕॑𑌵𑌾𑌰𑌿-𑌨𑍍𑌦𑌿॒𑌵𑍍𑌯𑌗𑍍𑌂 𑌶𑌾॒𑌸𑌮𑌿𑌨𑍍𑌦𑍍𑌰᳚𑌮𑍍 । 𑌵𑌿॒𑌶𑍍𑌵𑌾॒𑌸𑌾𑌹॒𑌮𑌵॑𑌸𑍇॒ 𑌨𑍂𑌤॑𑌨𑌾𑌯 । 𑌉॒𑌗𑍍𑌰𑌗𑍍𑌂 𑌸॑𑌹𑍋॒𑌦𑌾𑌮𑌿॒𑌹 𑌤𑌗𑍍𑌂 𑌹𑍁॑𑌵𑍇𑌮 ॥ 𑌜𑌨𑌿॑𑌷𑍍𑌠𑌾 𑌉॒𑌗𑍍𑌰-𑌸𑍍𑌸𑌹॑𑌸𑍇 𑌤𑍁॒𑌰𑌾𑌯॑ ॥ 18 ॥

𑌮॒𑌨𑍍𑌦𑍍𑌰 𑌓𑌜𑌿॑𑌷𑍍𑌠𑍋 𑌬𑌹𑍁॒𑌲𑌾𑌭𑌿॑𑌮𑌾𑌨𑌃 । 𑌅𑌵॑𑌰𑍍𑌧॒𑌨𑍍𑌨𑌿𑌨𑍍𑌦𑍍𑌰॑-𑌮𑍍𑌮॒𑌰𑍁𑌤॑𑌶𑍍𑌚𑌿॒𑌦𑌤𑍍𑌰॑ । 𑌮𑌾॒𑌤𑌾 𑌯-𑌦𑍍𑌵𑍀॒𑌰-𑌨𑍍𑌦॒𑌧𑌨॒𑌦𑍍𑌧𑌨𑌿॑𑌷𑍍𑌠𑌾 ॥ 𑌕𑍍𑌵॑ 𑌸𑍍𑌯𑌾 𑌵𑍋॑ 𑌮𑌰𑍁𑌤-𑌸𑍍𑌸𑍍𑌵॒𑌧𑌾-𑌽𑌽𑌸𑍀᳚𑌤𑍍 । 𑌯-𑌨𑍍𑌮𑌾𑌮𑍇𑌕𑌗𑍍𑌂॑ 𑌸॒𑌮𑌧॑𑌤𑍍𑌤𑌾𑌹𑌿॒𑌹𑌤𑍍𑌯𑍇᳚ । 𑌅॒𑌹𑌗𑍍𑌗𑍍 𑌹𑍍𑌯𑍁॑𑌗𑍍𑌰𑌸𑍍𑌤॑𑌵𑌿॒𑌷-𑌸𑍍𑌤𑍁𑌵𑌿॑𑌷𑍍𑌮𑌾𑌨𑍍 । 𑌵𑌿𑌶𑍍𑌵॑𑌸𑍍𑌯॒ 𑌶𑌤𑍍𑌰𑍋॒𑌰𑌨॑𑌮𑌂-𑌵𑌁𑌧॒𑌸𑍍𑌨𑍈𑌃 ॥ 𑌵𑍃॒𑌤𑍍𑌰𑌸𑍍𑌯॑ 𑌤𑍍𑌵𑌾 𑌶𑍍𑌵॒𑌸𑌥𑌾॒𑌦𑍀𑌷॑𑌮𑌾𑌣𑌾𑌃 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌅॑𑌜𑌹𑍁॒𑌰𑍍𑌯𑍇 𑌸𑌖𑌾॑𑌯𑌃 । 𑌮॒𑌰𑍁𑌦𑍍𑌭𑌿॑𑌰𑌿𑌨𑍍𑌦𑍍𑌰 𑌸॒𑌖𑍍𑌯-𑌨𑍍𑌤𑍇॑ 𑌅𑌸𑍍𑌤𑍁 ॥ 19 ॥

𑌅𑌥𑍇॒𑌮𑌾 𑌵𑌿𑌶𑍍𑌵𑌾𑌃॒ 𑌪𑍃𑌤॑𑌨𑌾 𑌜𑌯𑌾𑌸𑌿 ॥ 𑌵𑌧𑍀𑌂᳚-𑌵𑍃𑌁॒𑌤𑍍𑌰-𑌮𑍍𑌮॑𑌰𑍁𑌤 𑌇𑌨𑍍𑌦𑍍𑌰𑌿॒𑌯𑍇𑌣॑ । 𑌸𑍍𑌵𑍇𑌨॒ 𑌭𑌾𑌮𑍇॑𑌨 𑌤𑌵𑌿॒𑌷𑍋 𑌬॑𑌭𑍂॒𑌵𑌾𑌨𑍍 । 𑌅॒𑌹𑌮𑍇॒𑌤𑌾 𑌮𑌨॑𑌵𑍇 𑌵𑌿॒𑌶𑍍𑌵𑌶𑍍𑌚॑𑌨𑍍𑌦𑍍𑌰𑌾𑌃 । 𑌸𑍁॒𑌗𑌾 𑌅॒𑌪𑌶𑍍𑌚॑𑌕𑌰॒ 𑌵𑌜𑍍𑌰॑𑌬𑌾𑌹𑍁𑌃 ॥ 𑌸 𑌯𑍋 𑌵𑍃𑌷𑌾॒ 𑌵𑍃𑌷𑍍𑌣𑌿॑𑌯𑍇𑌭𑌿॒-𑌸𑍍𑌸𑌮𑍋॑𑌕𑌾𑌃 । 𑌮॒𑌹𑍋 𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌶𑍍𑌚॑ 𑌸॒𑌮𑍍𑌰𑌾𑌟𑍍 । 𑌸॒𑌤𑍀॒𑌨𑌸॑𑌤𑍍𑌤𑍍𑌵𑌾॒ 𑌹𑌵𑍍𑌯𑍋॒ 𑌭𑌰𑍇॑𑌷𑍁 । 𑌮॒𑌰𑍁𑌤𑍍𑌵𑌾᳚𑌨𑍍𑌨𑍋 𑌭𑌵॒𑌤𑍍𑌵𑌿𑌨𑍍𑌦𑍍𑌰॑ 𑌊॒𑌤𑍀 ॥ 𑌇𑌨𑍍𑌦𑍍𑌰𑍋॑ 𑌵𑍃॒𑌤𑍍𑌰𑌮॑𑌤𑌰-𑌦𑍍𑌵𑍃𑌤𑍍𑌰॒𑌤𑍂𑌰𑍍𑌯𑍇᳚ ॥ 20 ॥

𑌅॒𑌨𑌾॒𑌧𑍃॒𑌷𑍍𑌯𑍋 𑌮॒𑌘𑌵𑌾॒ 𑌶𑍂𑌰॒ 𑌇𑌨𑍍𑌦𑍍𑌰𑌃॑ । 𑌅𑌨𑍍𑌵𑍇॑𑌨𑌂॒-𑌵𑌿𑌁𑌶𑍋॑ 𑌅𑌮𑌦𑌨𑍍𑌤 𑌪𑍂॒𑌰𑍍𑌵𑍀𑌃 । 𑌅॒𑌯𑌗𑍍𑌂 𑌰𑌾𑌜𑌾॒ 𑌜𑌗॑𑌤𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 ॥ 𑌸 𑌏॒𑌵 𑌵𑍀॒𑌰-𑌸𑍍𑌸 𑌉॑ 𑌵𑍀॒𑌰𑍍𑌯𑌾॑𑌵𑌾𑌨𑍍 । 𑌸 𑌏॑𑌕𑌰𑌾॒𑌜𑍋 𑌜𑌗॑𑌤𑌃 𑌪𑌰॒𑌸𑍍𑌪𑌾𑌃 । 𑌯॒𑌦𑌾 𑌵𑍃॒𑌤𑍍𑌰𑌮𑌤॑𑌰॒𑌚𑍍𑌛𑍂𑌰॒ 𑌇𑌨𑍍𑌦𑍍𑌰𑌃॑ । 𑌅𑌥𑌾॑ 𑌭𑌵𑌦𑍍𑌦𑌮𑌿॒𑌤𑌾-𑌽𑌭𑌿𑌕𑍍𑌰॑𑌤𑍂𑌨𑌾𑌮𑍍 ॥ 𑌇𑌨𑍍𑌦𑍍𑌰𑍋॑ 𑌯॒𑌜𑍍𑌞𑌂-𑌵𑌁॒𑌰𑍍𑌧𑌯॑𑌨𑍍 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁𑌷𑌤𑌾𑌗𑍍𑌂 𑌹॒𑌵𑌿𑌰𑍍𑌨𑌃॑ । 𑌵𑍃॒𑌤𑍍𑌰-𑌨𑍍𑌤𑍀॒𑌰𑍍𑌤𑍍𑌵𑌾 𑌦𑌾॑𑌨॒𑌵𑌂-𑌵𑌁𑌜𑍍𑌰॑𑌬𑌾𑌹𑍁𑌃 ॥ 21 ॥

𑌦𑌿𑌶𑍋॑-𑌽𑌦𑍃𑌗𑍍𑌂 𑌹𑌦𑍍𑌦𑍃𑌗𑍍𑌂𑌹𑌿॒𑌤𑌾 𑌦𑍃𑌗𑍍𑌂𑌹॑𑌣𑍇𑌨 ॥ 𑌇॒𑌮𑌂-𑌯𑌁॒𑌜𑍍𑌞𑌂-𑌵𑌁॒𑌰𑍍𑌧𑌯॑𑌨𑍍 𑌵𑌿॒𑌶𑍍𑌵𑌵𑍇॑𑌦𑌾𑌃 । 𑌪𑍁॒𑌰𑍋॒𑌡𑌾𑌶॒-𑌮𑍍𑌪𑍍𑌰𑌤𑌿॑𑌗𑍃𑌭𑍍𑌣𑌾॒𑌤𑍍𑌵𑌿𑌨𑍍𑌦𑍍𑌰𑌃॑ । 𑌯॒𑌦𑌾 𑌵𑍃॒𑌤𑍍𑌰𑌮𑌤॑𑌰॒𑌚𑍍𑌛𑍂𑌰॒ 𑌇𑌨𑍍𑌦𑍍𑌰𑌃॑ । 𑌅𑌥𑍈॑𑌕𑌰𑌾॒𑌜𑍋 𑌅॑𑌭𑌵॒𑌜𑍍𑌜𑌨𑌾॑𑌨𑌾𑌮𑍍 ॥ 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌞𑍍𑌛॑𑌮𑍍𑌬𑌰॒𑌹𑌤𑍍𑌯॑ 𑌆𑌵𑌤𑍍 । 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌨𑌾॑- 𑌮𑌭𑌵-𑌤𑍍𑌪𑍁𑌰𑍋॒𑌗𑌾𑌃 । 𑌇𑌨𑍍𑌦𑍍𑌰𑍋॑ 𑌯॒𑌜𑍍𑌞𑍇 𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨𑌃 । 𑌵𑍃॒𑌤𑍍𑌰॒𑌤𑍂𑌰𑍍𑌣𑍋॒ 𑌅𑌭॑𑌯॒𑌗𑍍𑌂॒ 𑌶𑌰𑍍𑌮॑ 𑌯𑌗𑍍𑌂𑌸𑌤𑍍 ॥ 𑌯-𑌸𑍍𑌸॒𑌪𑍍𑌤 𑌸𑌿𑌨𑍍𑌧𑍂॒𑌗𑍍𑌂॒ 𑌰𑌦॑𑌧𑌾𑌤𑍍-𑌪𑍃𑌥𑌿॒𑌵𑍍𑌯𑌾𑌮𑍍 । 𑌯-𑌸𑍍𑌸॒𑌪𑍍𑌤 𑌲𑍋॒𑌕𑌾𑌨𑌕𑍃॑𑌣𑍋॒-𑌦𑍍𑌦𑌿𑌶॑𑌶𑍍𑌚 । 𑌇𑌨𑍍𑌦𑍍𑌰𑍋॑ 𑌹॒𑌵𑌿𑌷𑍍𑌮𑌾॒𑌨𑍍-𑌥𑍍𑌸𑌗॑𑌣𑍋 𑌮॒𑌰𑍁𑌦𑍍𑌭𑌿𑌃॑ । 𑌵𑍃॒𑌤𑍍𑌰॒𑌤𑍂𑌰𑍍𑌣𑍋॑ 𑌯॒𑌜𑍍𑌞𑌮𑌿॒𑌹𑍋𑌪॑𑌯𑌾𑌸𑌤𑍍 ॥ 22 ॥

(𑌵॒𑌵॒𑌰𑍍𑌥॒ - 𑌵𑌿॒𑌥𑍍𑌸॒ - 𑌇𑌨𑍍𑌦𑍍𑌰॑ - 𑌸𑍍𑌤𑍁॒𑌰𑌾 - 𑌯𑌾᳚𑌸𑍍𑌤𑍁॒ - 𑌵𑍃𑌤𑍍𑌰॒𑌤𑍂𑌰𑍍𑌯𑍇॒ - 𑌵𑌜𑍍𑌰॑𑌬𑌾𑌹𑍁𑌃 - 𑌪𑍃𑌥𑌿॒𑌵𑍍𑌯𑌾-𑌨𑍍𑌤𑍍𑌰𑍀𑌣𑌿॑ 𑌚) (𑌅. 3)

𑌅𑌨𑍁𑌵𑌾𑌕𑌂 4 - 𑌅𑌭𑌿𑌮𑌾𑌤𑌿𑌹𑍈𑌨𑍍𑌦𑍍𑌰𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌇𑌨𑍍𑌦𑍍𑌰॒-𑌸𑍍𑌤𑌰॑𑌸𑍍𑌵𑌾-𑌨𑌭𑌿𑌮𑌾𑌤𑌿॒𑌹𑍋𑌗𑍍𑌰𑌃 । 𑌹𑌿𑌰॑𑌣𑍍𑌯𑌵𑌾𑌶𑍀-𑌰𑌿𑌷𑌿॒𑌰-𑌸𑍍𑌸𑍁॑𑌵॒𑌰॒.𑌷𑌾𑌃 । 𑌤𑌸𑍍𑌯॑ 𑌵॒𑌯𑌗𑍍𑌂 𑌸𑍁॑𑌮॒𑌤𑍗 𑌯॒𑌜𑍍𑌞𑌿𑌯॑𑌸𑍍𑌯 । 𑌅𑌪𑌿॑ 𑌭॒𑌦𑍍𑌰𑍇 𑌸𑍗॑𑌮𑌨॒𑌸𑍇 𑌸𑍍𑌯𑌾॑𑌮 ॥ 𑌹𑌿𑌰॑𑌣𑍍𑌯𑌵𑌰𑍍𑌣𑍋॒ 𑌅𑌭॑𑌯-𑌙𑍍𑌕𑍃𑌣𑍋𑌤𑍁 । 𑌅॒𑌭𑌿॒𑌮𑌾॒𑌤𑌿॒𑌹𑍇𑌨𑍍𑌦𑍍𑌰𑌃॒ 𑌪𑍃𑌤॑𑌨𑌾𑌸𑍁 𑌜𑌿॒𑌷𑍍𑌣𑍁𑌃 । 𑌸 𑌨॒-𑌶𑍍𑌶𑌰𑍍𑌮॑ 𑌤𑍍𑌰𑌿॒𑌵𑌰𑍂॑𑌥𑌂॒-𑌵𑌿𑌁𑌯𑌗𑍍𑌂॑𑌸𑌤𑍍 । 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 𑌇𑌨𑍍𑌦𑍍𑌰𑌗𑍍𑌗𑍍॑ 𑌸𑍍𑌤𑍁𑌹𑌿 𑌵॒𑌜𑍍𑌰𑌿𑌣॒𑌗𑍍𑌗𑍍॒ 𑌸𑍍𑌤𑍋𑌮॑𑌪𑍃𑌷𑍍𑌠𑌮𑍍 । 𑌪𑍁॒𑌰𑍋॒𑌡𑌾𑌶॑𑌸𑍍𑌯 𑌜𑍁𑌷𑌤𑌾𑌗𑍍𑌂 𑌹॒𑌵𑌿𑌰𑍍𑌨𑌃॑ ॥ 23 ॥

𑌹॒𑌤𑍍𑌵𑌾-𑌽𑌭𑌿𑌮𑌾॑𑌤𑍀𑌃॒ 𑌪𑍃𑌤॑𑌨𑌾॒-𑌸𑍍𑌸𑌹॑𑌸𑍍𑌵𑌾𑌨𑍍 । 𑌅𑌥𑌾𑌭𑌯॑-𑌙𑍍𑌕𑍃𑌣𑍁𑌹𑌿 𑌵𑌿॒𑌶𑍍𑌵𑌤𑍋॑ 𑌨𑌃 ॥ 𑌸𑍍𑌤𑍁॒𑌹𑌿 𑌶𑍂𑌰𑌂॑-𑌵𑌁॒𑌜𑍍𑌰𑌿𑌣॒-𑌮𑌪𑍍𑌰॑𑌤𑍀𑌤𑌮𑍍 (𑌮𑌪𑍍𑌰॑𑌤𑍀𑌤𑍍𑌤𑌮𑍍) । 𑌅॒𑌭𑌿॒𑌮𑌾॒𑌤𑌿॒𑌹𑌨॑-𑌮𑍍𑌪𑍁𑌰𑍁𑌹𑍂॒𑌤𑌮𑌿𑌨𑍍𑌦𑍍𑌰᳚𑌮𑍍 । 𑌯 𑌏𑌕॒ 𑌇𑌚𑍍𑌛॒𑌤𑌪॑𑌤𑌿॒𑌰𑍍𑌜𑌨𑍇॑𑌷𑍁 । 𑌤𑌸𑍍𑌮𑌾॒ 𑌇𑌨𑍍𑌦𑍍𑌰𑌾॑𑌯 𑌹॒𑌵𑌿𑌰𑌾𑌜𑍁॑𑌹𑍋𑌤 ॥ 𑌇𑌨𑍍𑌦𑍍𑌰𑍋॑ 𑌦𑍇॒𑌵𑌾𑌨𑌾॑𑌮𑌧𑌿॒𑌪𑌾𑌃 𑌪𑍁॒𑌰𑍋𑌹𑌿॑𑌤𑌃 । 𑌦𑌿॒𑌶𑌾-𑌮𑍍𑌪𑌤𑌿॑𑌰𑌭𑌵-𑌦𑍍𑌵𑌾॒𑌜𑌿𑌨𑍀॑𑌵𑌾𑌨𑍍 । 𑌅॒𑌭𑌿॒𑌮𑌾॒𑌤𑌿॒𑌹𑌾 𑌤॑𑌵𑌿॒𑌷𑌸𑍍𑌤𑍁𑌵𑌿॑𑌷𑍍𑌮𑌾𑌨𑍍 । 𑌅॒𑌸𑍍𑌮𑌭𑍍𑌯॑-𑌞𑍍𑌚𑌿॒𑌤𑍍𑌰𑌂-𑌵𑍃𑌁𑌷॑𑌣𑌗𑍍𑌂 𑌰॒𑌯𑌿-𑌨𑍍𑌦𑌾᳚𑌤𑍍 ॥ 24 ॥

𑌯 𑌇॒𑌮𑍇 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌮॑𑌹𑌿॒𑌤𑍍𑌵𑌾 । 𑌬𑌲𑍇॒𑌨𑌾𑌦𑍃𑌗𑍍𑌂॑𑌹𑌦𑌭𑌿𑌮𑌾𑌤𑌿॒𑌹𑍇𑌨𑍍𑌦𑍍𑌰𑌃॑ । 𑌸 𑌨𑍋॑ 𑌹॒𑌵𑌿𑌃 𑌪𑍍𑌰𑌤𑌿॑𑌗𑍃𑌭𑍍𑌣𑌾𑌤𑍁 𑌰𑌾॒𑌤𑌯𑍇᳚ । 𑌦𑍇॒𑌵𑌾𑌨𑌾᳚-𑌨𑍍𑌦𑍇॒𑌵𑍋 𑌨𑌿॑𑌧𑌿॒𑌪𑌾 𑌨𑍋॑ 𑌅𑌵𑍍𑌯𑌾𑌤𑍍 ॥ 𑌅𑌨॑𑌵𑌸𑍍𑌤𑍇॒ 𑌰𑌥॒𑌮𑌶𑍍𑌵𑌾॑𑌯 𑌤𑌕𑍍𑌷॒𑌨𑍍-𑌤𑍍𑌵𑌷𑍍𑌟𑌾॒ 𑌵𑌜𑍍𑌰॑-𑌮𑍍𑌪𑍁𑌰𑍁𑌹𑍂𑌤 𑌦𑍍𑌯𑍁॒𑌮𑌨𑍍𑌤᳚𑌮𑍍 । 𑌬𑍍𑌰॒𑌹𑍍𑌮𑌾𑌣॒ 𑌇𑌨𑍍𑌦𑍍𑌰॑-𑌮𑍍𑌮॒𑌹𑌯॑𑌨𑍍𑌤𑍋 𑌅॒𑌰𑍍𑌕𑍈𑌰𑌵॑𑌰𑍍𑌧𑌯॒𑌨𑍍𑌨𑌹॑𑌯𑍇॒ 𑌹𑌨𑍍𑌤॒ 𑌵𑌾 𑌉॑ ॥ 𑌵𑍃𑌷𑍍𑌣𑍇॒ 𑌯-𑌤𑍍𑌤𑍇॒ 𑌵𑍃𑌷॑𑌣𑍋 𑌅॒𑌰𑍍𑌕𑌮𑌰𑍍𑌚𑌾॒𑌨𑌿𑌨𑍍𑌦𑍍𑌰॒ 𑌗𑍍𑌰𑌾𑌵𑌾॑𑌣𑍋॒ 𑌅𑌦𑌿॑𑌤𑌿-𑌸𑍍𑌸॒𑌜𑍋𑌷𑌾𑌃᳚ । 𑌅॒𑌨॒𑌶𑍍𑌵𑌾𑌸𑍋॒ 𑌯𑍇 𑌪॒𑌵𑌯𑍋॑-𑌽𑌰॒𑌥𑌾 𑌇𑌨𑍍𑌦𑍍𑌰𑍇॑𑌷𑌿𑌤𑌾 𑌅॒𑌭𑍍𑌯𑌵॑𑌰𑍍𑌤𑌨𑍍𑌤॒ 𑌦𑌸𑍍𑌯𑍂𑌨𑍍॑ ॥ । 𑌇𑌨𑍍𑌦𑍍𑌰॑𑌸𑍍𑌯॒ 𑌨𑍁 𑌵𑍀॒𑌰𑍍𑌯𑌾॑𑌣𑌿॒ 𑌪𑍍𑌰𑌵𑍋॑𑌚𑌮𑍍 । 𑌯𑌾𑌨𑌿॑ 𑌚॒𑌕𑌾𑌰॑ 𑌪𑍍𑌰𑌥॒𑌮𑌾𑌨𑌿॑ 𑌵॒𑌜𑍍𑌰𑍀 ॥ 𑌅𑌹॒-𑌨𑍍𑌨𑌹𑌿॒𑌮𑌨𑍍𑌵॒𑌪𑌸𑍍𑌤॑𑌤𑌰𑍍𑌦 । 𑌪𑍍𑌰 𑌵॒𑌕𑍍𑌷𑌣𑌾॑ 𑌅𑌭𑌿𑌨॒-𑌤𑍍𑌪𑌰𑍍𑌵॑𑌤𑌾𑌨𑌾𑌮𑍍 ॥ ॥ 𑌇𑌨𑍍𑌦𑍍𑌰𑍋॑ 𑌯𑌾॒𑌤𑍋-𑌽𑌵॑𑌸𑌿𑌤𑌸𑍍𑌯॒ 𑌰𑌾𑌜𑌾᳚ । 𑌶𑌮॑𑌸𑍍𑌯 𑌚 𑌶𑍃॒𑌙𑍍𑌗𑌿𑌣𑍋॒ 𑌵𑌜𑍍𑌰॑𑌬𑌾𑌹𑍁𑌃 । 𑌸𑍇𑌦𑍁॒ 𑌰𑌾𑌜𑌾᳚ 𑌕𑍍𑌷𑍇𑌤𑌿 𑌚𑌰𑍍𑌷𑌣𑍀॒𑌨𑌾𑌮𑍍 । 𑌅॒𑌰𑌾𑌨𑍍𑌨 𑌨𑍇॒𑌮𑌿𑌃 𑌪𑌰𑌿॒𑌤𑌾 𑌬॑𑌭𑍂𑌵 ॥ 25 ॥

𑌅॒𑌭𑌿 𑌸𑌿॒𑌦𑍍𑌧𑍍𑌮𑍋 𑌅॑𑌜𑌿𑌗𑌾𑌦𑌸𑍍𑌯॒ 𑌶𑌤𑍍𑌰𑍂𑌨𑍍॑ । 𑌵𑌿 𑌤𑌿॒𑌗𑍍𑌮𑍇𑌨॑ 𑌵𑍃𑌷॒𑌭𑍇𑌣𑌾॒ 𑌪𑍁𑌰𑍋॑-𑌽𑌭𑍇𑌤𑍍 । 𑌸𑌂-𑌵𑌁𑌜𑍍𑌰𑍇॑𑌣𑌾𑌸𑍃𑌜-𑌦𑍍𑌵𑍃॒𑌤𑍍𑌰𑌮𑌿𑌨𑍍𑌦𑍍𑌰𑌃॑ । 𑌪𑍍𑌰 𑌸𑍍𑌵𑌾-𑌮𑍍𑌮॒𑌤𑌿𑌮॑𑌤𑌿𑌰॒𑌚𑍍𑌛𑌾𑌶॑𑌦𑌾𑌨𑌃 ॥ 𑌵𑌿𑌷𑍍𑌣𑍁॑-𑌨𑍍𑌦𑍇॒𑌵𑌂-𑌵𑌁𑌰𑍁॑𑌣𑌮𑍂॒𑌤𑌯𑍇॒ 𑌭𑌗᳚𑌮𑍍 । 𑌮𑍇𑌦॑𑌸𑌾 𑌦𑍇॒𑌵𑌾 𑌵॒𑌪𑌯𑌾॑ 𑌯𑌜𑌦𑍍𑌧𑍍𑌵𑌮𑍍 । 𑌤𑌾 𑌨𑍋॑ 𑌯॒𑌜𑍍𑌞𑌮𑌾𑌗॑𑌤𑌂-𑌵𑌿𑌁॒𑌶𑍍𑌵𑌧𑍇॑𑌨𑌾 । 𑌪𑍍𑌰॒𑌜𑌾𑌵॑𑌦॒𑌸𑍍𑌮𑍇 𑌦𑍍𑌰𑌵𑌿॑𑌣𑍇॒𑌹 𑌧॑𑌤𑍍𑌤𑌮𑍍 ॥ 𑌮𑍇𑌦॑𑌸𑌾 𑌦𑍇॒𑌵𑌾 𑌵॒𑌪𑌯𑌾॑ 𑌯𑌜𑌦𑍍𑌧𑍍𑌵𑌮𑍍 । 𑌵𑌿𑌷𑍍𑌣𑍁॑-𑌞𑍍𑌚 𑌦𑍇॒𑌵𑌂-𑌵𑌁𑌰𑍁॑𑌣-𑌞𑍍𑌚 𑌰𑌾॒𑌤𑌿𑌮𑍍 ॥ 26 ॥

𑌤𑌾 𑌨𑍋॒ 𑌅𑌮𑍀॑𑌵𑌾 𑌅𑌪॒𑌬𑌾𑌧॑𑌮𑌾𑌨𑍗 । 𑌇॒𑌮𑌂-𑌯𑌁॒𑌜𑍍𑌞-𑌞𑍍𑌜𑍁॒𑌷𑌮𑌾॑𑌣𑌾॒𑌵𑍁𑌪𑍇𑌤᳚𑌮𑍍 ॥ 𑌵𑌿𑌷𑍍𑌣𑍂॑𑌵𑌰𑍁𑌣𑌾 𑌯𑍁॒𑌵𑌮॑𑌦𑍍𑌧𑍍𑌵॒𑌰𑌾𑌯॑ 𑌨𑌃 । 𑌵𑌿॒𑌶𑍇 𑌜𑌨𑌾॑𑌯॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛𑌤𑌮𑍍 । 𑌦𑍀॒𑌰𑍍𑌘𑌪𑍍𑌰॑𑌯𑌜𑍍𑌯𑍂 𑌹॒𑌵𑌿𑌷𑌾॑ 𑌵𑍃𑌧𑌾॒𑌨𑌾 । 𑌜𑍍𑌯𑍋𑌤𑌿॒𑌷𑌾-𑌽𑌰𑌾॑𑌤𑍀𑌰𑍍𑌦𑌹𑌤॒-𑌨𑍍𑌤𑌮𑌾𑌗𑍍𑌂॑𑌸𑌿 ॥ 𑌯𑌯𑍋॒𑌰𑍋𑌜॑𑌸𑌾 𑌸𑍍𑌕𑌭𑌿॒𑌤𑌾 𑌰𑌜𑌾𑌗𑍍𑌂॑𑌸𑌿 । 𑌵𑍀॒𑌰𑍍𑌯𑍇॑𑌭𑌿-𑌰𑍍𑌵𑍀॒𑌰𑌤॑𑌮𑌾॒ 𑌶𑌵𑌿॑𑌷𑍍𑌠𑌾 । 𑌯𑌾 𑌪𑌤𑍍𑌯𑍇॑𑌤𑍇॒ 𑌅𑌪𑍍𑌰॑𑌤𑍀𑌤𑍍𑌤𑌾॒ 𑌸𑌹𑍋॑𑌭𑌿𑌃 । 𑌵𑌿𑌷𑍍𑌣𑍂॑ 𑌅𑌗॒𑌨𑍍𑌵𑌰𑍁॑𑌣𑌾 𑌪𑍂॒𑌰𑍍𑌵𑌹𑍂॑𑌤𑍗 ॥ 27 ॥

𑌵𑌿𑌷𑍍𑌣𑍂॑𑌵𑌰𑍁𑌣𑌾 𑌵𑌭𑌿𑌶𑌸𑍍𑌤𑌿॒𑌪𑌾 𑌵𑌾᳚𑌮𑍍 । 𑌦𑍇॒𑌵𑌾 𑌯॑𑌜𑌨𑍍𑌤 𑌹॒𑌵𑌿𑌷𑌾॑ 𑌘𑍃॒𑌤𑍇𑌨॑ । 𑌅𑌪𑌾𑌮𑍀॑𑌵𑌾𑌗𑍍𑌂 𑌸𑍇𑌧𑌤𑌗𑍍𑌂 𑌰॒𑌕𑍍𑌷𑌸॑𑌶𑍍𑌚 । 𑌅𑌥𑌾॑ 𑌧𑌤𑍍𑌤𑌂॒-𑌯𑌁𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ 𑌅॒𑌗𑍍𑌂॒𑌹𑍋॒𑌮𑍁𑌚𑌾॑ 𑌵𑍃𑌷॒𑌭𑌾 𑌸𑍁॒𑌪𑍍𑌰𑌤𑍂᳚𑌰𑍍𑌤𑍀 । 𑌦𑍇॒𑌵𑌾𑌨𑌾᳚-𑌨𑍍𑌦𑍇॒𑌵𑌤॑𑌮𑌾॒ 𑌶𑌚𑌿॑𑌷𑍍𑌠𑌾 । 𑌵𑌿𑌷𑍍𑌣𑍂॑𑌵𑌰𑍁𑌣𑌾॒ 𑌪𑍍𑌰𑌤𑌿॑𑌹𑌰𑍍𑌯𑌤-𑌨𑍍𑌨𑌃 । 𑌇॒𑌦-𑌨𑍍𑌨𑌰𑌾॒ 𑌪𑍍𑌰𑌯॑𑌤𑌮𑍂॒𑌤𑌯𑍇॑ 𑌹॒𑌵𑌿𑌃 ॥ 𑌮॒𑌹𑍀 𑌨𑍁 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌇॒𑌹 𑌜𑍍𑌯𑍇𑌷𑍍𑌠𑍇᳚ । 𑌰𑍁॒𑌚𑌾 𑌭॑𑌵𑌤𑌾𑌗𑍍𑌂 𑌶𑍁॒𑌚𑌯॑𑌦𑍍𑌭𑌿-𑌰॒𑌰𑍍𑌕𑍈𑌃 ॥ 28 ॥

𑌯𑌥𑍍𑌸𑍀𑌂॒-𑌵𑌁𑌰𑌿॑𑌷𑍍𑌠𑍇 𑌬𑍃𑌹॒𑌤𑍀 𑌵𑌿॑𑌮𑌿॒𑌨𑍍𑌵𑌨𑍍𑌨𑍍 । 𑌨𑍃॒𑌵𑌦𑍍𑌭𑍍𑌯𑍋॒-𑌽𑌕𑍍𑌷𑌾 𑌪॑𑌪𑍍𑌰𑌥𑌾॒𑌨𑍇𑌭𑌿॒𑌰𑍇𑌵𑍈𑌃᳚ ॥ 𑌪𑍍𑌰 𑌪𑍂᳚𑌰𑍍𑌵॒𑌜𑍇 𑌪𑌿॒𑌤𑌰𑌾॒ 𑌨𑌵𑍍𑌯॑𑌸𑍀𑌭𑌿𑌃 । 𑌗𑍀॒𑌰𑍍𑌭𑌿𑌃 𑌕𑍃॑𑌣𑍁𑌦𑍍𑌧𑍍𑌵॒𑌗𑍍𑌂॒ 𑌸𑌦॑𑌨𑍇 𑌋॒𑌤𑌸𑍍𑌯॑ । 𑌆 𑌨𑍋᳚ 𑌦𑍍𑌯𑌾𑌵𑌾𑌪𑍃𑌥𑌿𑌵𑍀॒ 𑌦𑍈𑌵𑍍𑌯𑍇॑𑌨 । 𑌜𑌨𑍇॑𑌨 𑌯𑌾𑌤॒-𑌮𑍍𑌮𑌹𑌿॑ 𑌵𑌾𑌂॒-𑌵𑌁𑌰𑍂॑𑌥𑌮𑍍 ॥ 𑌸 𑌇𑌥𑍍𑌸𑍍𑌵𑌪𑌾॒ 𑌭𑍁𑌵॑𑌨𑍇𑌷𑍍𑌵𑌾𑌸 । 𑌯 𑌇॒𑌮𑍇 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜॒𑌜𑌾𑌨॑ । 𑌉॒𑌰𑍍𑌵𑍀 𑌗॑𑌭𑍀॒𑌰𑍇 𑌰𑌜॑𑌸𑍀 𑌸𑍁॒𑌮𑍇𑌕𑍇᳚ । 𑌅॒𑌵॒𑌗𑍍𑌂॒𑌶𑍇 𑌧𑍀𑌰॒-𑌶𑍍𑌶𑌚𑍍𑌯𑌾॒ 𑌸𑌮𑍈॑𑌰𑌤𑍍 ॥ 29 ॥

𑌭𑍂𑌰𑌿॒-𑌨𑍍𑌦𑍍𑌵𑍇 𑌅𑌚॑𑌰𑌨𑍍𑌤𑍀॒ 𑌚𑌰॑𑌨𑍍𑌤𑌮𑍍 । 𑌪॒𑌦𑍍𑌵𑌨𑍍𑌤॒-𑌙𑍍𑌗𑌰𑍍𑌭॑𑌮॒𑌪𑌦𑍀॑ 𑌦𑌧𑌾𑌤𑍇 । 𑌨𑌿𑌤𑍍𑌯॒-𑌨𑍍𑌨 𑌸𑍂॒𑌨𑍁-𑌮𑍍𑌪𑌿॒𑌤𑍍𑌰𑍋𑌰𑍁॒𑌪𑌸𑍍𑌥𑍇᳚ । 𑌤-𑌮𑍍𑌪𑌿॑𑌪𑍃𑌤𑌗𑍍𑌂 𑌰𑍋𑌦𑌸𑍀 𑌸𑌤𑍍𑌯॒𑌵𑌾𑌚᳚𑌮𑍍 ॥ 𑌇॒𑌦-𑌨𑍍𑌦𑍍𑌯𑌾॑𑌵𑌾𑌪𑍃𑌥𑌿𑌵𑍀 𑌸॒𑌤𑍍𑌯𑌮॑𑌸𑍍𑌤𑍁 । 𑌪𑌿𑌤॒-𑌰𑍍𑌮𑌾𑌤॒-𑌰𑍍𑌯𑌦𑌿॒𑌹𑍋𑌪॑𑌬𑍍𑌰𑍁॒𑌵𑍇 𑌵𑌾᳚𑌮𑍍 । 𑌭𑍂॒𑌤-𑌨𑍍𑌦𑍇॒𑌵𑌾𑌨𑌾॑𑌮𑌵॒𑌮𑍇 𑌅𑌵𑍋॑𑌭𑌿𑌃 । 𑌵𑌿𑌦𑍍𑌯𑌾𑌮𑍇॒𑌷𑌂-𑌵𑍃𑌁॒𑌜𑌨॑-𑌞𑍍𑌜𑍀॒𑌰𑌦𑌾॑𑌨𑍁𑌮𑍍 ॥ 𑌉॒𑌰𑍍𑌵𑍀 𑌪𑍃॒𑌥𑍍𑌵𑍀 𑌬॑𑌹𑍁॒𑌲𑍇 𑌦𑍂॒𑌰𑍇 𑌅॑𑌨𑍍𑌤𑍇 । 𑌉𑌪॑𑌬𑍍𑌰𑍁𑌵𑍇॒ 𑌨𑌮॑𑌸𑌾 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 । 𑌦𑌧𑌾॑𑌤𑍇॒ 𑌯𑍇 𑌸𑍁॒𑌭𑌗𑍇॑ 𑌸𑍁॒𑌪𑍍𑌰𑌤𑍂᳚𑌰𑍍𑌤𑍀 । 𑌦𑍍𑌯𑌾𑌵𑌾॒ 𑌰𑌕𑍍𑌷॑𑌤-𑌮𑍍𑌪𑍃𑌥𑌿॒𑌵𑍀 𑌨𑍋॒ 𑌅𑌭𑍍𑌵𑌾᳚𑌤𑍍 ॥ 𑌯𑌾 𑌜𑌾॒𑌤𑌾 𑌓𑌷॑𑌧𑌯𑍋 𑌦𑍇॒𑌵𑍇𑌭𑍍𑌯॑𑌸𑍍𑌤𑍍𑌰𑌿𑌯𑍁॒𑌗-𑌮𑍍𑌪𑍁॒𑌰𑌾 । 𑌮𑌨𑍍𑌦𑌾॑𑌮𑌿 𑌬॒𑌭𑍍𑌰𑍂𑌣𑌾॑𑌮॒𑌹𑌗𑍍𑌂 𑌶॒𑌤-𑌨𑍍𑌧𑌾𑌮𑌾॑𑌨𑌿 𑌸॒𑌪𑍍𑌤 𑌚॑ ॥, 𑌅𑌤𑌿॒ 𑌵𑌿𑌶𑍍𑌵𑌾𑌃᳚ 𑌪𑌰𑌿॒𑌷𑍍𑌠𑌾-𑌸𑍍𑌸𑍍𑌤𑍇॒𑌨 𑌇॑𑌵 𑌵𑍍𑌰॒𑌜𑌮॑𑌕𑍍𑌰𑌮𑍁𑌃 । 𑌓𑌷॑𑌧𑌯𑌃॒ 𑌪𑍍𑌰𑌾𑌚𑍁॑𑌚𑍍𑌯𑌵𑍁॒ 𑌰𑍍𑌯-𑌤𑍍𑌕𑌿-𑌞𑍍𑌚॑ 𑌤॒𑌨𑍁𑌵𑌾॒𑌗𑍍𑌂॒ 𑌰𑌪𑌃॑ ॥ । 𑌯𑌾 𑌓𑌷॑𑌧𑌯॒-𑌸𑍍𑌸𑍋𑌮॑𑌰𑌾𑌜𑍍𑌞𑍀𑌃॒ 𑌪𑍍𑌰𑌵𑌿॑𑌷𑍍𑌟𑌾𑌃 𑌪𑍃𑌥𑌿॒𑌵𑍀𑌮𑌨𑍁॑ । 𑌤𑌾𑌸𑌾॒-𑌨𑍍𑌤𑍍𑌵𑌮॑𑌸𑍍𑌯𑍁𑌤𑍍𑌤॒𑌮𑌾 𑌪𑍍𑌰𑌣𑍋॑ 𑌜𑍀॒𑌵𑌾𑌤॑-𑌵𑍇𑌸𑍁𑌵 ॥ 𑌅॒𑌶𑍍𑌵𑌾॒𑌵॒𑌤𑍀𑌗𑍍𑌂 𑌸𑍋॑𑌮𑌵॒𑌤𑍀 𑌮𑍂॒𑌰𑍍𑌜𑌯॑𑌨𑍍𑌤𑍀॒ 𑌮𑍁𑌦𑍋॑𑌜𑌸𑌮𑍍 । 𑌆 𑌵𑌿॑𑌥𑍍𑌸𑌿॒ 𑌸𑌰𑍍𑌵𑌾॒ 𑌓𑌷॑𑌧𑍀𑌰॒𑌸𑍍𑌮𑌾 𑌅॑𑌰𑌿॒𑌷𑍍𑌟𑌤𑌾॑𑌤𑌯𑍇 ॥ । 𑌓𑌷॑𑌧𑍀॒𑌰𑌿𑌤𑌿॑ 𑌮𑌾𑌤𑌰॒-𑌸𑍍𑌤𑌦𑍍𑌵𑍋॑ 𑌦𑍇𑌵𑍀॒-𑌰𑍁𑌪॑ 𑌬𑍍𑌰𑍁𑌵𑍇 । 𑌰𑌪𑌾𑌗𑍍𑌂॑𑌸𑌿 𑌵𑌿𑌘𑍍𑌨॒𑌤𑍀𑌰𑌿॑𑌤॒ 𑌰𑌪॑𑌶𑍍𑌚𑌾॒𑌤𑌯॑𑌮𑌾𑌨𑌾𑌃 ॥ 𑌅॒𑌨𑍍𑌯𑌾 𑌵𑍋॑ 𑌅॒𑌨𑍍𑌯𑌾𑌮॑𑌵-𑌤𑍍𑌵॒𑌨𑍍𑌯𑌾-𑌽𑌨𑍍𑌯𑌸𑍍𑌯𑌾॒ 𑌉𑌪𑌾॑𑌵𑌤 । 𑌤𑌾-𑌸𑍍𑌸𑌰𑍍𑌵𑌾॒ 𑌓𑌷॑𑌧𑌯-𑌸𑍍𑌸𑌂𑌵𑌿𑌁𑌦𑌾॒𑌨𑌾 𑌇॒𑌦-𑌮𑍍𑌮𑍇॒ 𑌪𑍍𑌰𑌾𑌵॑𑌤𑌾॒ 𑌵𑌚𑌃॑ ॥ ॥ 30 ॥

(𑌹॒𑌵𑌿𑌰𑍍𑌨𑍋॑ - 𑌦𑌾-𑌦𑍍- 𑌬𑌭𑍂𑌵 - 𑌰𑌾॒𑌤𑌿𑌂 - 𑌪𑍂॒𑌰𑍍𑌵𑌹𑍂॑𑌤𑌾 - 𑌵॒𑌰𑍍𑌕𑍈 - 𑌰𑍈॑𑌰 - 𑌦॒𑌸𑍍𑌮𑌿-𑌨𑍍𑌪𑌞𑍍𑌚 𑌚) (𑌅. 4)

𑌅𑌨𑍁𑌵𑌾𑌕𑌂 5 - 𑌐𑌨𑍍𑌦𑍍𑌰𑌾𑌗𑍍𑌨𑌪𑌶𑍍𑌵𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌶𑍁𑌚𑌿॒-𑌨𑍍𑌨𑍁 𑌸𑍍𑌤𑍋𑌮॒-𑌨𑍍𑌨𑌵॑𑌜𑌾𑌤-𑌮॒𑌦𑍍𑌯𑍇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌜𑍁॒𑌷𑍇𑌥𑌾᳚𑌮𑍍 । 𑌉॒𑌭𑌾 𑌹𑌿 𑌵𑌾𑌗𑍍𑌂॑ 𑌸𑍁॒𑌹𑌵𑌾॒ 𑌜𑍋𑌹॑𑌵𑍀𑌮𑌿॒ 𑌤𑌾 𑌵𑌾𑌜𑌗𑍍𑌂॑ 𑌸॒𑌦𑍍𑌯 𑌉॑𑌶॒𑌤𑍇 𑌧𑍇𑌷𑍍𑌠𑌾᳚ ॥, 𑌶𑍍𑌨𑌥॑-𑌦𑍍𑌵𑍃॒𑌤𑍍𑌰𑌮𑍁॒𑌤 𑌸॑𑌨𑍋𑌤𑌿॒ 𑌵𑌾𑌜॒𑌮𑌿𑌨𑍍𑌦𑍍𑌰𑌾॒ 𑌯𑍋 𑌅॒𑌗𑍍𑌨𑍀 𑌸𑌹𑍁॑𑌰𑍀 𑌸𑌪॒𑌰𑍍𑌯𑌾𑌤𑍍 । 𑌇॒𑌰॒𑌜𑍍𑌯𑌨𑍍𑌤𑌾॑ 𑌵𑌸॒𑌵𑍍𑌯॑𑌸𑍍𑌯॒ 𑌭𑍂𑌰𑍇॒-𑌸𑍍𑌸𑌹॑𑌸𑍍𑌤𑌮𑌾॒ 𑌸𑌹॑𑌸𑌾 𑌵𑌾𑌜॒𑌯𑌨𑍍𑌤𑌾᳚ ॥ । 𑌉॒𑌭𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌗𑍍𑌨𑍀 𑌆𑌹𑍁॒𑌵𑌧𑍍𑌯𑌾॑ 𑌉॒𑌭𑌾 𑌰𑌾𑌧॑𑌸-𑌸𑍍𑌸॒𑌹 𑌮𑌾॑𑌦॒𑌯𑌧𑍍𑌯𑍈᳚ । 𑌉॒𑌭𑌾 𑌦𑌾॒𑌤𑌾𑌰𑌾॑𑌵𑌿॒𑌷𑌾𑌗𑍍𑌂 𑌰॑𑌯𑍀॒𑌣𑌾𑌮𑍁॒𑌭𑌾 𑌵𑌾𑌜॑𑌸𑍍𑌯 𑌸𑌾॒𑌤𑌯𑍇॑ 𑌹𑍁𑌵𑍇 𑌵𑌾𑌮𑍍 ॥,𑌪𑍍𑌰 𑌚॑𑌰𑍍𑌷॒𑌣𑌿𑌭𑍍𑌯𑌃॑ 𑌪𑍃𑌤𑌨𑌾॒ 𑌹𑌵𑍇॑𑌷𑍁॒ 𑌪𑍍𑌰 𑌪𑍃॑𑌥𑌿॒𑌵𑍍𑌯𑌾 𑌰𑌿॑𑌰𑌿𑌚𑌾𑌥𑍇 𑌦𑌿॒𑌵𑌶𑍍𑌚॑ । 𑌪𑍍𑌰 𑌸𑌿𑌨𑍍𑌧𑍁॑𑌭𑍍𑌯𑌃॒ 𑌪𑍍𑌰𑌗𑌿॒𑌰𑌿𑌭𑍍𑌯𑍋॑ 𑌮𑌹𑌿॒𑌤𑍍𑌵𑌾 𑌪𑍍𑌰𑍇𑌨𑍍𑌦𑍍𑌰𑌾᳚𑌗𑍍𑌨𑍀॒ 𑌵𑌿𑌶𑍍𑌵𑌾॒ 𑌭𑍁𑌵॒𑌨𑌾-𑌽𑌤𑍍𑌯॒𑌨𑍍𑌯𑌾 ॥ । 𑌆 𑌵𑍃॑𑌤𑍍𑌰𑌹𑌣𑌾 𑌵𑍃𑌤𑍍𑌰॒𑌹𑌭𑌿॒-𑌶𑍍𑌶𑍁𑌷𑍍𑌮𑍈𑌃᳚ । 𑌇𑌨𑍍𑌦𑍍𑌰॑ 𑌯𑌾॒𑌤-𑌨𑍍𑌨𑌮𑍋॑𑌭𑌿𑌰𑌗𑍍𑌨𑍇 𑌅॒𑌰𑍍𑌵𑌾𑌕𑍍 । 𑌯𑍁॒𑌵𑌗𑍍𑌂 𑌰𑌾𑌧𑍋॑𑌭𑌿॒𑌰𑌕॑𑌵𑍇𑌭𑌿𑌰𑌿𑌨𑍍𑌦𑍍𑌰 । 𑌅𑌗𑍍𑌨𑍇॑ 𑌅॒𑌸𑍍𑌮𑍇 𑌭॑𑌵𑌤𑌮𑍁𑌤𑍍𑌤॒𑌮𑍇𑌭𑌿𑌃॑ ॥ 𑌗𑍀॒𑌰𑍍𑌭𑌿-𑌰𑍍𑌵𑌿𑌪𑍍𑌰𑌃॒ 𑌪𑍍𑌰𑌮॑𑌤𑌿𑌮𑌿॒𑌚𑍍𑌛𑌮𑌾॑𑌨𑌃 । 𑌈॒॑ 𑌰॒𑌯𑌿𑌂-𑌯𑌁॒𑌶𑌸॑-𑌮𑍍𑌪𑍂𑌰𑍍𑌵॒𑌭𑌾𑌜᳚𑌮𑍍 । 𑌇𑌨𑍍𑌦𑍍𑌰𑌾᳚𑌗𑍍𑌨𑍀 𑌵𑍃𑌤𑍍𑌰𑌹𑌣𑌾 𑌸𑍁𑌵𑌜𑍍𑌰𑌾 । 𑌪𑍍𑌰𑌣𑍋॒ 𑌨𑌵𑍍𑌯𑍇॑𑌭𑌿𑌸𑍍𑌤𑌿𑌰𑌤-𑌨𑍍𑌦𑍇॒𑌷𑍍𑌣𑍈𑌃 ॥ ॥ 𑌬𑍍𑌰𑌹𑍍𑌮॑𑌣𑌸𑍍𑌪𑌤𑍇॒ 𑌤𑍍𑌵𑌮॒𑌸𑍍𑌯 𑌯॒𑌨𑍍𑌤𑌾 । 𑌸𑍂॒𑌕𑍍𑌤𑌸𑍍𑌯॑ 𑌬𑍋𑌧𑌿॒ 𑌤𑌨॑𑌯-𑌞𑍍𑌚 𑌜𑌿𑌨𑍍𑌵 । 𑌵𑌿𑌶𑍍𑌵॒-𑌨𑍍𑌤-𑌦𑍍𑌭॒𑌦𑍍𑌰𑌂-𑌯𑌁𑌦॒𑌵𑌨𑍍𑌤𑌿॑ 𑌦𑍇॒𑌵𑌾𑌃 । 𑌬𑍃॒𑌹𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥ 𑌸 𑌈𑌗𑍍𑌂॑ 𑌸॒𑌤𑍍𑌯𑍇𑌭𑌿॒-𑌸𑍍𑌸𑌖𑌿॑𑌭𑌿-𑌶𑍍𑌶𑍁॒𑌚𑌦𑍍𑌭𑌿𑌃॑ । 𑌗𑍋𑌧𑌾॑𑌯𑌸𑌂॒𑌵𑌿𑌁 𑌧॑𑌨॒𑌸𑍈𑌰॑𑌤𑌰𑍍𑌦𑌤𑍍 । 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॒-𑌰𑍍𑌵𑍃𑌷॑𑌭𑌿𑌰𑍍𑌵॒𑌰𑌾𑌹𑍈𑌃᳚ ॥ 31 ॥

𑌘॒𑌰𑍍𑌮𑌸𑍍𑌵𑍇॑𑌦𑍇𑌭𑌿॒-𑌰𑍍𑌦𑍍𑌰𑌵𑌿॑𑌣𑌂॒-𑌵𑍍𑌯𑌾𑌁॑𑌨𑌟𑍍 ॥ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑍇॑-𑌰𑌭𑌵𑌦𑍍𑌯𑌥𑌾 𑌵॒𑌶𑌮𑍍 । 𑌸॒𑌤𑍍𑌯𑍋 𑌮॒𑌨𑍍𑌯𑍁𑌰𑍍𑌮𑌹𑌿॒ 𑌕𑌰𑍍𑌮𑌾॑ 𑌕𑌰𑌿𑌷𑍍𑌯॒𑌤𑌃 । 𑌯𑍋 𑌗𑌾 𑌉॒𑌦𑌾𑌜॒𑌥𑍍𑌸 𑌦𑌿॒𑌵𑍇 𑌵𑌿 𑌚𑌾॑𑌭𑌜𑌤𑍍 । 𑌮॒𑌹𑍀𑌵॑ 𑌰𑍀॒𑌤𑌿-𑌶𑍍𑌶𑌵॑𑌸𑌾 𑌸𑌰॒-𑌤𑍍𑌪𑍃𑌥॑𑌕𑍍 ॥ 𑌇𑌨𑍍𑌧𑌾॑𑌨𑍋 𑌅॒𑌗𑍍𑌨𑌿𑌂-𑌵𑌁॑𑌨𑌵𑌦𑍍𑌵𑌨𑍁𑌷𑍍𑌯॒𑌤𑌃 । 𑌕𑍃॒𑌤𑌬𑍍𑌰॑𑌹𑍍𑌮𑌾 𑌶𑍂𑌶𑍁𑌵-𑌦𑍍𑌰𑌾॒𑌤𑌹॑𑌵𑍍𑌯॒ 𑌇𑌤𑍍 । 𑌜𑌾॒𑌤𑍇𑌨॑ 𑌜𑌾॒𑌤𑌮𑌤𑌿॒ 𑌸𑍃-𑌤𑍍𑌪𑍍𑌰𑌸𑍃𑌗𑍍𑌂॑𑌸𑌤𑍇 । 𑌯𑌂-𑌯𑌁𑌂॒-𑌯𑍁𑌁𑌜॑-𑌙𑍍𑌕𑍃𑌣𑍁॒𑌤𑍇 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿𑌃॑ ॥ 𑌬𑍍𑌰𑌹𑍍𑌮॑𑌣𑌸𑍍𑌪𑌤𑍇 𑌸𑍁॒𑌯𑌮॑𑌸𑍍𑌯 𑌵𑌿॒𑌶𑍍𑌵𑌹𑌾᳚ ॥ 32 ॥

𑌰𑌾॒𑌯-𑌸𑍍𑌸𑍍𑌯𑌾॑𑌮 𑌰॒𑌥𑍍𑌯𑍋॑ 𑌵𑌿𑌵॑𑌸𑍍𑌵𑌤𑌃 । 𑌵𑍀॒𑌰𑍇𑌷𑍁॑ 𑌵𑍀॒𑌰𑌾𑌗𑍍𑌂 𑌉𑌪॑𑌪𑍃𑌙𑍍𑌗𑍍𑌧𑌿 𑌨॒𑌸𑍍𑌤𑍍𑌵𑌮𑍍 । 𑌯𑌦𑍀𑌶𑌾॑𑌨𑍋॒ 𑌬𑍍𑌰𑌹𑍍𑌮॑𑌣𑌾॒ 𑌵𑍇𑌷𑌿॑ 𑌮𑍇॒ 𑌹𑌵᳚𑌮𑍍 ॥ 𑌸 𑌇𑌜𑍍𑌜𑌨𑍇॑𑌨॒ 𑌸 𑌵𑌿॒𑌶𑌾 𑌸 𑌜𑌨𑍍𑌮॑𑌨𑌾 । 𑌸 𑌪𑍁॒𑌤𑍍𑌰𑍈𑌰𑍍𑌵𑌾𑌜॑-𑌮𑍍𑌭𑌰𑌤𑍇॒ 𑌧𑌨𑌾॒ 𑌨𑍃𑌭𑌿𑌃॑ । 𑌦𑍇॒𑌵𑌾𑌨𑌾𑌂॒-𑌯𑌃 𑌁𑌪𑌿॒𑌤𑌰॑𑌮𑌾॒𑌵𑌿𑌵𑌾॑𑌸𑌤𑌿 । 𑌶𑍍𑌰॒𑌦𑍍𑌧𑌾𑌮॑𑌨𑌾 𑌹॒𑌵𑌿𑌷𑌾॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿᳚𑌮𑍍 ॥ 𑌯𑌾𑌸𑍍𑌤𑍇॑ 𑌪𑍂𑌷॒𑌨𑍍𑌨𑌾𑌵𑍋॑ 𑌅॒𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 । 𑌹𑌿॒𑌰॒𑌣𑍍𑌯𑌯𑍀॑𑌰॒𑌨𑍍𑌤𑌰𑌿॑𑌕𑍍𑌷𑍇॒ 𑌚𑌰॑𑌨𑍍𑌤𑌿 । 𑌯𑌾𑌭𑌿॑𑌰𑍍𑌯𑌾𑌸𑌿 𑌦𑍂॒𑌤𑍍𑌯𑌾𑌗𑍍𑌂 𑌸𑍂𑌰𑍍𑌯॑𑌸𑍍𑌯 । 𑌕𑌾𑌮𑍇॑𑌨 𑌕𑍃॒𑌤-𑌶𑍍𑌶𑍍𑌰𑌵॑ 𑌇॒𑌚𑍍𑌛𑌮𑌾॑𑌨𑌃 ॥ । 𑌶𑍁॒𑌕𑍍𑌰-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌯॑𑌜॒𑌤-𑌨𑍍𑌤𑍇॑ 𑌅॒𑌨𑍍𑌯𑌦𑍍𑌵𑌿𑌷𑍁॑𑌰𑍂𑌪𑍇॒ 𑌅𑌹॑𑌨𑍀॒ 𑌦𑍍𑌯𑍗𑌰𑌿॑𑌵𑌾𑌸𑌿 । 𑌵𑌿𑌶𑍍𑌵𑌾॒ 𑌹𑌿 𑌮𑌾॒𑌯𑌾 𑌅𑌵॑𑌸𑌿 𑌸𑍍𑌵𑌧𑌾𑌵𑍋 𑌭॒𑌦𑍍𑌰𑌾 𑌤𑍇॑ 𑌪𑍂𑌷𑌨𑍍𑌨𑌿॒𑌹 𑌰𑌾॒𑌤𑌿𑌰॑𑌸𑍍𑌤𑍁 ॥, 𑌪𑍂॒𑌷𑍇𑌮𑌾 𑌆𑌶𑌾॒ 𑌅𑌨𑍁॑𑌵𑍇𑌦॒ 𑌸𑌰𑍍𑌵𑌾᳚-𑌸𑍍𑌸𑍋 𑌅॒𑌸𑍍𑌮𑌾𑌗𑍍𑌂 𑌅𑌭॑𑌯𑌤𑌮𑍇𑌨 𑌨𑍇𑌷𑌤𑍍 । 𑌸𑍍𑌵॒𑌸𑍍𑌤𑌿॒𑌦𑌾 𑌅𑌘𑍃॑𑌣𑌿॒-𑌸𑍍𑌸𑌰𑍍𑌵॑𑌵𑍀𑌰𑌃 । 𑌅𑌪𑍍𑌰॑𑌯𑍁𑌚𑍍𑌛-𑌨𑍍𑌪𑍁॒𑌰 𑌏॑𑌤𑍁॒ 𑌪𑍍𑌰𑌜𑌾॒𑌨𑌨𑍍𑌨𑍍 ॥ ॥ 𑌪𑍍𑌰𑌪॑𑌥𑍇 𑌪॒𑌥𑌾𑌮॑𑌜𑌨𑌿𑌷𑍍𑌟 𑌪𑍂॒𑌷𑌾 ॥ 33 ॥

𑌪𑍍𑌰𑌪॑𑌥𑍇 𑌦𑌿॒𑌵𑌃 𑌪𑍍𑌰𑌪॑𑌥𑍇 𑌪𑍃𑌥𑌿॒𑌵𑍍𑌯𑌾𑌃 । 𑌉॒𑌭𑍇 𑌅॒𑌭𑌿 𑌪𑍍𑌰𑌿॒𑌯𑌤॑𑌮𑍇 𑌸॒𑌧𑌸𑍍𑌥𑍇᳚ । 𑌆 𑌚॒ 𑌪𑌰𑌾॑ 𑌚 𑌚𑌰𑌤𑌿 𑌪𑍍𑌰𑌜𑌾॒𑌨𑌨𑍍𑌨𑍍 ॥ 𑌪𑍂॒𑌷𑌾 𑌸𑍁॒𑌬𑌨𑍍𑌧𑍁॑𑌰𑍍𑌦𑌿॒𑌵 𑌆 𑌪𑍃॑𑌥𑌿॒𑌵𑍍𑌯𑌾𑌃 । 𑌇॒𑌡𑌸𑍍𑌪𑌤𑌿॑-𑌰𑍍𑌮॒𑌘𑌵𑌾॑ 𑌦॒𑌸𑍍𑌮𑌵॑𑌰𑍍𑌚𑌾𑌃 । 𑌤-𑌨𑍍𑌦𑍇॒𑌵𑌾𑌸𑍋॒ 𑌅𑌦॑𑌦𑍁-𑌸𑍍𑌸𑍂॒𑌰𑍍𑌯𑌾𑌯𑍈᳚ । 𑌕𑌾𑌮𑍇॑𑌨 𑌕𑍃॒𑌤-𑌨𑍍𑌤॒𑌵𑌸॒𑌗𑍍𑌗𑍍॒ 𑌸𑍍𑌵𑌞𑍍𑌚᳚𑌮𑍍 ॥ 𑌅॒𑌜𑌾𑌶𑍍𑌵𑌃॑ 𑌪𑌶𑍁॒𑌪𑌾 𑌵𑌾𑌜॑𑌵𑌸𑍍𑌤𑍍𑌯𑌃 । 𑌧𑌿॒𑌯॒𑌜𑌿॒𑌨𑍍𑌨𑍍𑌵𑍋 𑌵𑌿𑌶𑍍𑌵𑍇॒ 𑌭𑍁𑌵॑𑌨𑍇॒ 𑌅𑌰𑍍𑌪𑌿॑𑌤𑌃 । 𑌅𑌷𑍍𑌟𑍍𑌰𑌾᳚-𑌮𑍍𑌪𑍂॒𑌷𑌾 𑌶𑌿॑𑌥𑌿॒𑌰𑌾𑌮𑍁॒𑌦𑍍𑌵𑌰𑍀॑𑌵𑍃𑌜𑌤𑍍 ॥ 34 ॥

𑌸॒𑌚𑌙𑍍𑌕𑍍𑌷𑌾॑𑌣𑍋॒ 𑌭𑍁𑌵॑𑌨𑌾 𑌦𑍇॒𑌵 𑌈॑𑌯𑌤𑍇 ॥ 𑌶𑍁𑌚𑍀॑ 𑌵𑍋 𑌹॒𑌵𑍍𑌯𑌾 𑌮॑𑌰𑍁𑌤॒-𑌶𑍍𑌶𑍁𑌚𑍀॑𑌨𑌾𑌮𑍍 । 𑌶𑍁𑌚𑌿𑌗𑍍𑌂॑ 𑌹𑌿𑌨𑍋𑌮𑍍𑌯𑌦𑍍𑌧𑍍𑌵॒𑌰𑌗𑍍𑌂 𑌶𑍁𑌚𑌿॑𑌭𑍍𑌯𑌃 । 𑌋॒𑌤𑍇𑌨॑ 𑌸॒𑌤𑍍𑌯𑌮𑍃𑌤॒𑌸𑌾𑌪॑ 𑌆𑌯𑌨𑍍𑌨𑍍 । 𑌶𑍁𑌚𑌿॑𑌜𑌨𑍍𑌮𑌾𑌨॒-𑌶𑍍𑌶𑍁𑌚॑𑌯𑌃 𑌪𑌾𑌵॒𑌕𑌾𑌃 ॥ 𑌪𑍍𑌰 𑌚𑌿॒𑌤𑍍𑌰𑌮॒𑌰𑍍𑌕-𑌙𑍍𑌗𑍃॑𑌣॒𑌤𑍇 𑌤𑍁॒𑌰𑌾𑌯॑ । 𑌮𑌾𑌰𑍁॑𑌤𑌾𑌯॒ 𑌸𑍍𑌵𑌤॑𑌵𑌸𑍇 𑌭𑌰𑌦𑍍𑌧𑍍𑌵𑌮𑍍 । 𑌯𑍇 𑌸𑌹𑌾𑌗𑍍𑌂॑𑌸𑌿॒ 𑌸𑌹॑𑌸𑌾॒ 𑌸𑌹॑𑌨𑍍𑌤𑍇 । 𑌰𑍇𑌜॑𑌤𑍇 𑌅𑌗𑍍𑌨𑍇 𑌪𑍃𑌥𑌿॒𑌵𑍀 𑌮॒𑌖𑍇𑌭𑍍𑌯𑌃॑ ॥ 𑌅𑌗𑍍𑌂𑌸𑍇॒𑌷𑍍𑌵𑌾 𑌮॑𑌰𑍁𑌤𑌃 𑌖𑌾॒𑌦𑌯𑍋॑ 𑌵𑌃 ॥ 35 ॥

𑌵𑌕𑍍𑌷𑌃॑𑌸𑍁 𑌰𑍁॒𑌕𑍍𑌮𑌾 𑌉𑌪॑𑌶𑌿𑌶𑍍𑌰𑌿𑌯𑌾॒𑌣𑌾𑌃 । 𑌵𑌿 𑌵𑌿॒𑌦𑍍𑌯𑍁𑌤𑍋॒ 𑌨 𑌵𑍃॒𑌷𑍍𑌟𑌿𑌭𑍀॑ 𑌰𑍁𑌚𑌾॒𑌨𑌾𑌃 । 𑌅𑌨𑍁॑ 𑌸𑍍𑌵॒𑌧𑌾𑌮𑌾𑌯𑍁॑𑌧𑍈॒-𑌰𑍍𑌯𑌚𑍍𑌛॑𑌮𑌾𑌨𑌾𑌃 ॥ 𑌯𑌾 𑌵॒-𑌶𑍍𑌶𑌰𑍍𑌮॑ 𑌶𑌶𑌮𑌾॒𑌨𑌾𑌯॒ 𑌸𑌨𑍍𑌤𑌿॑ । 𑌤𑍍𑌰𑌿॒𑌧𑌾𑌤𑍂॑𑌨𑌿 𑌦𑌾॒𑌶𑍁𑌷𑍇॑ 𑌯𑌚𑍍𑌛॒𑌤𑌾𑌧𑌿॑ । 𑌅॒𑌸𑍍𑌮𑌭𑍍𑌯॒-𑌨𑍍𑌤𑌾𑌨𑌿॑ 𑌮𑌰𑍁𑌤𑍋॒ 𑌵𑌿𑌯॑𑌨𑍍𑌤 । 𑌰॒𑌯𑌿-𑌨𑍍𑌨𑍋॑ 𑌧𑌤𑍍𑌤 𑌵𑍃𑌷𑌣-𑌸𑍍𑌸𑍁॒𑌵𑍀𑌰᳚𑌮𑍍 ॥ 𑌇॒𑌮𑍇 𑌤𑍁॒𑌰-𑌮𑍍𑌮॒𑌰𑍁𑌤𑍋॑ 𑌰𑌾𑌮𑌯𑌨𑍍𑌤𑌿 । 𑌇॒𑌮𑍇 𑌸॒𑌹-𑌸𑍍𑌸𑌹॑𑌸॒ 𑌆𑌨॑𑌮𑌨𑍍𑌤𑌿 । 𑌇॒𑌮𑍇 𑌶𑌗𑍍𑌂𑌸𑌂॑-𑌵𑌁𑌨𑍁𑌷𑍍𑌯॒𑌤𑍋 𑌨𑌿𑌪𑌾᳚𑌨𑍍𑌤𑌿 ॥ 36 ॥

𑌗𑍁॒𑌰𑍁𑌦𑍍𑌵𑍇𑌷𑍋॒ 𑌅𑌰॑𑌰𑍁𑌷𑍇 𑌦𑌧𑌨𑍍𑌤𑌿 ॥ 𑌅॒𑌰𑌾 𑌇॒𑌵𑍇𑌦𑌚॑𑌰𑌮𑌾॒ 𑌅𑌹𑍇॑𑌵 । 𑌪𑍍𑌰 𑌪𑍍𑌰॑𑌜𑌾𑌯𑌨𑍍𑌤𑍇॒ 𑌅𑌕॑𑌵𑌾॒ 𑌮𑌹𑍋॑𑌭𑌿𑌃 । 𑌪𑍃𑌶𑍍𑌨𑍇𑌃᳚ 𑌪𑍁॒𑌤𑍍𑌰𑌾 𑌉॑𑌪॒𑌮𑌾𑌸𑍋॒ 𑌰𑌭𑌿॑𑌷𑍍𑌠𑌾𑌃 । 𑌸𑍍𑌵𑌯𑌾॑ 𑌮॒𑌤𑍍𑌯𑌾 𑌮॒𑌰𑍁𑌤॒-𑌸𑍍𑌸𑌮𑍍𑌮𑌿॑𑌮𑌿𑌕𑍍𑌷𑍁𑌃 ॥ 𑌅𑌨𑍁॑ 𑌤𑍇 𑌦𑌾𑌯𑌿 𑌮॒𑌹 𑌇॑𑌨𑍍𑌦𑍍𑌰𑌿॒𑌯𑌾𑌯॑ । 𑌸॒𑌤𑍍𑌰𑌾 𑌤𑍇॒ 𑌵𑌿𑌶𑍍𑌵॒𑌮𑌨𑍁॑ 𑌵𑍃𑌤𑍍𑌰॒𑌹𑌤𑍍𑌯𑍇᳚ । 𑌅𑌨𑍁॑ 𑌕𑍍𑌷॒𑌤𑍍𑌰𑌮𑌨𑍁॒ 𑌸𑌹𑍋॑ 𑌯𑌜𑌤𑍍𑌰 । 𑌇𑌨𑍍𑌦𑍍𑌰॑ 𑌦𑍇॒𑌵𑍇𑌭𑌿॒𑌰𑌨𑍁॑ 𑌤𑍇 𑌨𑍃॒𑌷𑌹𑍍𑌯𑍇᳚ ॥ 𑌯 𑌇𑌨𑍍𑌦𑍍𑌰॒ 𑌶𑍁𑌷𑍍𑌮𑍋॑ 𑌮𑌘𑌵𑌨𑍍𑌤𑍇॒ 𑌅𑌸𑍍𑌤𑌿॑ ॥ 37 ॥

𑌶𑌿𑌕𑍍𑌷𑌾॒ 𑌸𑌖𑌿॑𑌭𑍍𑌯𑌃 𑌪𑍁𑌰𑍁𑌹𑍂𑌤॒ 𑌨𑍃𑌭𑍍𑌯𑌃॑ । 𑌤𑍍𑌵𑌗𑍍𑌂 𑌹𑌿 𑌦𑍃॒𑌢𑌾 𑌮॑𑌘𑌵॒𑌨𑍍 𑌵𑌿𑌚𑍇॑𑌤𑌾𑌃 । 𑌅𑌪𑌾॑𑌵𑍃𑌧𑌿॒ 𑌪𑌰𑌿॑𑌵𑍃𑌤𑌿॒-𑌨𑍍𑌨 𑌰𑌾𑌧𑌃॑ ॥ 𑌇𑌨𑍍𑌦𑍍𑌰𑍋॒ 𑌰𑌾𑌜𑌾॒ 𑌜𑌗॑𑌤𑌶𑍍𑌚𑌰𑍍𑌷𑌣𑍀॒𑌨𑌾𑌮𑍍 । 𑌅𑌧𑌿॒𑌕𑍍𑌷𑌮𑌿॒ 𑌵𑌿𑌷𑍁॑𑌰𑍂𑌪𑌂॒-𑌯𑌁𑌦𑌸𑍍𑌤𑌿॑ । 𑌤𑌤𑍋॑ 𑌦𑌦𑌾𑌤𑍁 𑌦𑌾॒𑌶𑍁𑌷𑍇॒ 𑌵𑌸𑍂॑𑌨𑌿 । 𑌚𑍋𑌦॒𑌦𑍍𑌰𑌾𑌧॒ 𑌉𑌪॑𑌸𑍍𑌤𑍁𑌤𑌶𑍍𑌚𑌿𑌦॒𑌰𑍍𑌵𑌾𑌕𑍍 ॥ 𑌤𑌮𑍁॑ 𑌷𑍍𑌟𑍁𑌹𑌿॒ 𑌯𑍋 𑌅॒𑌭𑌿𑌭𑍂᳚𑌤𑍍𑌯𑍋𑌜𑌾𑌃 । 𑌵॒𑌨𑍍𑌵𑌨𑍍𑌨𑌵𑌾॑𑌤𑌃 𑌪𑍁𑌰𑍁𑌹𑍂॒𑌤 𑌇𑌨𑍍𑌦𑍍𑌰𑌃॑ । 𑌅𑌷𑌾॑𑌢𑌮𑍁॒𑌗𑍍𑌰𑌗𑍍𑌂 𑌸𑌹॑𑌮𑌾𑌨𑌮𑌾॒𑌭𑌿𑌃 ॥ 38 ॥

𑌗𑍀॒𑌰𑍍𑌭𑌿𑌰𑍍𑌵॑𑌰𑍍𑌧 𑌵𑍃𑌷॒𑌭-𑌞𑍍𑌚॑𑌰𑍍𑌷𑌣𑍀॒𑌨𑌾𑌮𑍍 ॥ 𑌸𑍍𑌥𑍂॒𑌰𑌸𑍍𑌯॑ 𑌰𑌾॒𑌯𑍋 𑌬𑍃॑𑌹॒𑌤𑍋 𑌯 𑌈𑌶𑍇᳚ । 𑌤𑌮𑍁॑ 𑌷𑍍𑌟𑌵𑌾𑌮 𑌵𑌿॒𑌦𑌥𑍇॒𑌷𑍍𑌵𑌿𑌨𑍍𑌦𑍍𑌰᳚𑌮𑍍 । 𑌯𑍋 𑌵𑌾॒𑌯𑍁𑌨𑌾॒ 𑌜𑌯॑𑌤𑌿॒ 𑌗𑍋𑌮॑𑌤𑍀𑌷𑍁 । 𑌪𑍍𑌰 𑌧𑍃॑𑌷𑍍𑌣𑍁॒𑌯𑌾 𑌨॑𑌯𑌤𑌿॒ 𑌵𑌸𑍍𑌯𑍋॒ 𑌅𑌚𑍍𑌛॑ ॥ 𑌆 𑌤𑍇॒ 𑌶𑍁𑌷𑍍𑌮𑍋॑ 𑌵𑍃𑌷॒𑌭 𑌏𑌤𑍁॑ 𑌪॒𑌶𑍍𑌚𑌾𑌤𑍍 । 𑌓𑌤𑍍𑌤॒𑌰𑌾𑌦॑𑌧॒𑌰𑌾𑌗𑌾 𑌪𑍁॒𑌰𑌸𑍍𑌤𑌾᳚𑌤𑍍 । 𑌆 𑌵𑌿॒𑌶𑍍𑌵𑌤𑍋॑ 𑌅॒𑌭𑌿 𑌸𑌮𑍇᳚𑌤𑍍𑌵॒𑌰𑍍𑌵𑌾𑌮𑍍 । 𑌇𑌨𑍍𑌦𑍍𑌰॑ 𑌦𑍍𑌯𑍁॒𑌮𑍍𑌨𑌗𑍍𑌂 𑌸𑍁𑌵॑𑌰𑍍𑌵𑌦𑍍𑌧𑍇𑌹𑍍𑌯॒𑌸𑍍𑌮𑍇 ॥ 39 ॥

(𑌵॒𑌰𑌾𑌹𑍈᳚--𑌰𑍍 𑌵𑌿॒𑌶𑍍𑌵𑌹𑌾॑ - 𑌽𑌜𑌨𑌿𑌷𑍍𑌟 𑌪𑍂॒𑌷𑍋 - 𑌦𑍍𑌵𑌰𑍀॑𑌵𑍃𑌜𑌤𑍍 - 𑌖𑌾॒𑌦𑌯𑍋॑ 𑌵𑌃 - 𑌪𑌾॒𑌨𑍍 - 𑌤𑍍𑌯𑌸𑍍𑌤 - 𑌯𑌾॒𑌭𑌿--𑌰𑍍 + 𑌨𑌵॑ 𑌚) (𑌅. 5)

𑌅𑌨𑍁𑌵𑌾𑌕𑌂 6 - 𑌸𑌾𑌵𑌿𑌤𑍍𑌰𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌆 𑌦𑍇॒𑌵𑍋 𑌯𑌾॑𑌤𑍁 𑌸𑌵𑌿॒𑌤𑌾 𑌸𑍁॒𑌰𑌤𑍍𑌨𑌃॑ । 𑌅॒𑌨𑍍𑌤॒𑌰𑌿॒𑌕𑍍𑌷॒𑌪𑍍𑌰𑌾 𑌵𑌹॑𑌮𑌾𑌨𑍋॒ 𑌅𑌶𑍍𑌵𑍈𑌃᳚ । 𑌹𑌸𑍍𑌤𑍇॒ 𑌦𑌧𑌾॑𑌨𑍋॒ 𑌨𑌰𑍍𑌯𑌾॑ 𑌪𑍁॒𑌰𑍂𑌣𑌿॑ । 𑌨𑌿॒𑌵𑍇॒𑌶𑌯॑𑌨𑍍 𑌚 𑌪𑍍𑌰𑌸𑍁॒𑌵𑌨𑍍 𑌚॒ 𑌭𑍂𑌮॑ ॥ 𑌅॒𑌭𑍀𑌵𑍃॑𑌤॒-𑌙𑍍𑌕𑍃𑌶॑𑌨𑍈-𑌰𑍍𑌵𑌿॒𑌶𑍍𑌵𑌰𑍂॑𑌪𑌮𑍍 ।

𑌹𑌿𑌰॑𑌣𑍍𑌯𑌶𑌮𑍍𑌯𑌂-𑌯𑌁𑌜॒𑌤𑍋 𑌬𑍃॒𑌹𑌨𑍍𑌤᳚𑌮𑍍 । 𑌆𑌸𑍍𑌥𑌾॒-𑌦𑍍𑌰𑌥𑌗𑍍𑌂॑ 𑌸𑌵𑌿॒𑌤𑌾 𑌚𑌿॒𑌤𑍍𑌰𑌭𑌾॑𑌨𑍁𑌃 । 𑌕𑍃॒𑌷𑍍𑌣𑌾 𑌰𑌜𑌾𑌗𑍍𑌂॑𑌸𑌿॒ 𑌤𑌵𑌿॑𑌷𑍀॒-𑌨𑍍𑌦𑌧𑌾॑𑌨𑌃 ॥ 𑌸𑌘𑌾॑ 𑌨𑍋 𑌦𑍇॒𑌵-𑌸𑍍𑌸॑𑌵𑌿॒𑌤𑌾 𑌸॒𑌵𑌾𑌯॑ । 𑌆𑌸𑌾॑𑌵𑌿𑌷॒-𑌦𑍍𑌵𑌸𑍁॑𑌪𑌤𑌿॒-𑌰𑍍𑌵𑌸𑍂॑𑌨𑌿 ॥ 40 ॥

𑌵𑌿॒𑌶𑍍𑌰𑌯॑𑌮𑌾𑌣𑍋॒ 𑌅𑌮॑𑌤𑌿𑌮𑍁𑌰𑍂॒𑌚𑍀𑌮𑍍 । 𑌮॒𑌰𑍍𑌤॒𑌭𑍋𑌜॑𑌨॒𑌮𑌧॑ 𑌰𑌾𑌸𑌤𑍇 𑌨 ॥ 𑌵𑌿 𑌜𑌨𑌾᳚𑌞𑍍𑌛𑍍𑌯𑌾॒𑌵𑌾-𑌶𑍍𑌶𑌿॑𑌤𑌿॒𑌪𑌾𑌦𑍋॑ 𑌅𑌖𑍍𑌯𑌨𑍍𑌨𑍍 । 𑌰𑌥॒𑌗𑍍𑌂॒ 𑌹𑌿𑌰॑𑌣𑍍𑌯 𑌪𑍍𑌰 𑌉𑌗𑌂॒-𑌵𑌁𑌹॑𑌨𑍍𑌤𑌃 । 𑌶𑌶𑍍𑌵॒-𑌦𑍍𑌦𑌿𑌶𑌃॑ 𑌸𑌵𑌿॒𑌤𑍁-𑌰𑍍𑌦𑍈𑌵𑍍𑌯॑𑌸𑍍𑌯 । 𑌉॒𑌪𑌸𑍍𑌥𑍇॒ 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌤𑌸𑍍𑌥𑍁𑌃 ॥ 𑌵𑌿 𑌸𑍁॑𑌪॒𑌰𑍍𑌣𑍋 𑌅॒𑌨𑍍𑌤𑌰𑌿॑𑌕𑍍𑌷𑌾𑌣𑍍𑌯𑌖𑍍𑌯𑌤𑍍 । 𑌗॒𑌭𑍀॒𑌰𑌵𑍇॑𑌪𑌾॒ 𑌅𑌸𑍁॑𑌰-𑌸𑍍𑌸𑍁𑌨𑍀॒𑌥𑌃 । 𑌕𑍍𑌵𑍇॑𑌦𑌾𑌨𑍀॒𑌗𑍍𑌂॒ 𑌸𑍂𑌰𑍍𑌯𑌃॒ 𑌕𑌶𑍍𑌚𑌿॑𑌕𑍇𑌤 । 𑌕॒𑌤॒𑌮𑌾-𑌨𑍍𑌦𑍍𑌯𑌾𑌗𑍍𑌂 𑌰॒𑌶𑍍𑌮𑌿𑌰॒𑌸𑍍𑌯𑌾𑌤॑𑌤𑌾𑌨 ॥ 41 ॥

𑌭𑌗॒-𑌨𑍍𑌧𑌿𑌯𑌂॑-𑌵𑌾𑌁॒𑌜𑌯॑𑌨𑍍𑌤𑌃॒ 𑌪𑍁𑌰॑𑌨𑍍𑌧𑌿𑌮𑍍 । 𑌨𑌰𑌾॒𑌶𑌗𑍍𑌂𑌸𑍋॒ 𑌗𑍍𑌨𑌾𑌸𑍍𑌪𑌤𑌿॑𑌰𑍍𑌨𑍋 𑌅𑌵𑍍𑌯𑌾𑌤𑍍 । 𑌆-𑌽𑌯𑍇 𑌵𑌾॒𑌮𑌸𑍍𑌯॑ 𑌸𑌙𑍍𑌗॒𑌥𑍇 𑌰॑𑌯𑍀॒𑌣𑌾𑌮𑍍 । 𑌪𑍍𑌰𑌿॒𑌯𑌾 𑌦𑍇॒𑌵𑌸𑍍𑌯॑ 𑌸𑌵𑌿॒𑌤𑍁-𑌸𑍍𑌸𑍍𑌯𑌾॑𑌮 ॥ 𑌆 𑌨𑍋॒ 𑌵𑌿𑌶𑍍𑌵𑍇॒ 𑌅𑌸𑍍𑌕𑍍𑌰𑌾॑ 𑌗𑌮𑌨𑍍𑌤𑍁 𑌦𑍇॒𑌵𑌾𑌃 । 𑌮𑌿॒𑌤𑍍𑌰𑍋 𑌅॑𑌰𑍍𑌯॒𑌮𑌾 𑌵𑌰𑍁॑𑌣-𑌸𑍍𑌸॒𑌜𑍋𑌷𑌾𑌃᳚ । 𑌭𑍁𑌵॒𑌨𑍍॒. 𑌯𑌥𑌾॑ 𑌨𑍋॒ 𑌵𑌿𑌶𑍍𑌵𑍇॑ 𑌵𑍃॒𑌧𑌾𑌸𑌃॑ । 𑌕𑌰᳚𑌨𑍍-𑌥𑍍𑌸𑍁॒𑌷𑌹𑌾॑ 𑌵𑌿𑌥𑍁॒𑌰-𑌨𑍍𑌨 𑌶𑌵𑌃॑ ॥ 𑌶-𑌨𑍍𑌨𑍋॑ 𑌦𑍇॒𑌵𑌾 𑌵𑌿॒𑌶𑍍𑌵𑌦𑍇॑𑌵𑌾 𑌭𑌵𑌨𑍍𑌤𑍁 । 𑌶𑌗𑍍𑌂 𑌸𑌰॑𑌸𑍍𑌵𑌤𑍀 𑌸॒𑌹 𑌧𑍀॒𑌭𑌿𑌰॑𑌸𑍍𑌤𑍁 ॥ 42 ॥

𑌶𑌮॑𑌭𑌿॒𑌷𑌾𑌚॒-𑌶𑍍𑌶𑌮𑍁॑ 𑌰𑌾𑌤𑌿॒𑌷𑌾𑌚𑌃॑ । 𑌶-𑌨𑍍𑌨𑍋॑ 𑌦𑌿॒𑌵𑍍𑌯𑌾𑌃 𑌪𑌾𑌰𑍍𑌥𑌿॑𑌵𑌾॒-𑌶𑍍𑌶-𑌨𑍍𑌨𑍋॒ 𑌅𑌪𑍍𑌯𑌾𑌃᳚ ॥ 𑌯𑍇 𑌸॑𑌵𑌿॒𑌤𑍁-𑌸𑍍𑌸॒𑌤𑍍𑌯𑌸॑𑌵𑌸𑍍𑌯॒ 𑌵𑌿𑌶𑍍𑌵𑍇᳚ । 𑌮𑌿॒𑌤𑍍𑌰𑌸𑍍𑌯॑ 𑌵𑍍𑌰॒𑌤𑍇 𑌵𑌰𑍁॑𑌣𑌸𑍍𑌯 𑌦𑍇॒𑌵𑌾𑌃 । 𑌤𑍇 𑌸𑍗𑌭॑𑌗𑌂-𑌵𑍀𑌁॒𑌰𑌵॒𑌦𑍍𑌗𑍋𑌮॒𑌦𑌪𑍍𑌨𑌃॑ । 𑌦𑌧𑌾॑𑌤𑌨॒ 𑌦𑍍𑌰𑌵𑌿॑𑌣-𑌞𑍍𑌚𑌿॒𑌤𑍍𑌰𑌮॒𑌸𑍍𑌮𑍇 ॥ 𑌅𑌗𑍍𑌨𑍇॑ 𑌯𑌾॒𑌹𑌿 𑌦𑍂॒𑌤𑍍𑌯𑌂॑-𑌵𑌾𑌁𑌰𑌿॑𑌷𑍇𑌣𑍍𑌯𑌃 । 𑌦𑍇॒𑌵𑌾𑌂 𑌅𑌚𑍍𑌛𑌾᳚ 𑌬𑍍𑌰𑌹𑍍𑌮॒𑌕𑍃𑌤𑌾॑ 𑌗॒𑌣𑍇𑌨॑ । 𑌸𑌰॑𑌸𑍍𑌵𑌤𑍀-𑌮𑍍𑌮॒𑌰𑍁𑌤𑍋॑ 𑌅॒𑌶𑍍𑌵𑌿𑌨𑌾-𑌽॒𑌪𑌃 । 𑌯॒𑌕𑍍𑌷𑌿॒ 𑌦𑍇॒𑌵𑌾-𑌨𑍍𑌰॑𑌤𑍍𑌨॒𑌧𑍇𑌯𑌾॑𑌯॒ 𑌵𑌿𑌶𑍍𑌵𑌾𑌨𑍍॑ ॥ 43 ॥

𑌦𑍍𑌯𑍗𑌃 𑌪𑌿॑𑌤𑌃॒ 𑌪𑍃𑌥𑌿॑𑌵𑌿॒ 𑌮𑌾𑌤॒𑌰𑌦𑍍𑌧𑍍𑌰𑍁॑𑌕𑍍 । 𑌅𑌗𑍍𑌨𑍇᳚ 𑌭𑍍𑌰𑌾𑌤𑌰𑍍𑌵𑌸𑌵𑍋 𑌮𑍃॒𑌡𑌤𑌾॑ 𑌨𑌃 । 𑌵𑌿𑌶𑍍𑌵॑ 𑌆𑌦𑌿𑌤𑍍𑌯𑌾 𑌆𑌦𑌿𑌤𑍇 𑌸॒𑌜𑍋𑌷𑌾𑌃᳚ । 𑌅॒𑌸𑍍𑌮𑌭𑍍𑌯॒𑌗𑍍𑌂॒ 𑌶𑌰𑍍𑌮॑ 𑌬𑌹𑍁॒𑌲𑌂-𑌵𑌿𑌁𑌯॑𑌨𑍍𑌤 ॥ 𑌵𑌿𑌶𑍍𑌵𑍇॑ 𑌦𑍇𑌵𑌾-𑌶𑍍𑌶𑍃𑌣𑍁॒𑌤𑍇𑌮𑌗𑍍𑌂 𑌹𑌵॑-𑌮𑍍𑌮𑍇 । 𑌯𑍇 𑌅॒𑌨𑍍𑌤𑌰𑌿॑𑌕𑍍𑌷𑍇॒ 𑌯 𑌉𑌪॒ 𑌦𑍍𑌯𑌵𑌿॒ 𑌷𑍍𑌠 । 𑌯𑍇 𑌅॑𑌗𑍍𑌨𑌿𑌜𑌿॒𑌹𑍍𑌵𑌾 𑌉॒𑌤 𑌵𑌾॒ 𑌯𑌜॑𑌤𑍍𑌰𑌾𑌃 । 𑌆॒𑌸-𑌦𑍍𑌯𑌾॒𑌸𑍍𑌮𑌿-𑌨𑍍𑌬॒𑌰𑍍॒𑌹𑌿𑌷𑌿॑ 𑌮𑌾𑌦𑌯𑌦𑍍𑌧𑍍𑌵𑌮𑍍 ॥ 𑌆 𑌵𑌾᳚-𑌮𑍍𑌮𑌿𑌤𑍍𑌰𑌾𑌵𑌰𑍁𑌣𑌾 𑌹॒𑌵𑍍𑌯𑌜𑍁॑𑌷𑍍𑌟𑌿𑌮𑍍 । 𑌨𑌮॑𑌸𑌾 𑌦𑍇𑌵𑌾॒ 𑌵𑌵॑𑌸𑌾-𑌽𑌽𑌵𑌵𑍃𑌤𑍍𑌯𑌾𑌮𑍍 ॥ 44 ॥

𑌅॒𑌸𑍍𑌮𑌾𑌕॒-𑌮𑍍𑌬𑍍𑌰𑌹𑍍𑌮॒ 𑌪𑍃𑌤॑𑌨𑌾𑌸𑍁 𑌸𑌹𑍍𑌯𑌾 𑌅॒𑌸𑍍𑌮𑌾𑌕᳚𑌮𑍍 । 𑌵𑍃॒𑌷𑍍𑌟𑌿-𑌰𑍍𑌦𑌿॒𑌵𑍍𑌯𑌾 𑌸𑍁॑𑌪𑌾॒𑌰𑌾 ॥ 𑌯𑍁॒𑌵𑌂-𑌵𑌁𑌸𑍍𑌤𑍍𑌰𑌾॑𑌣𑌿 𑌪𑍀𑌵॒𑌸𑌾 𑌵॑𑌸𑌾𑌥𑍇 । 𑌯𑍁॒𑌵𑍋𑌰𑌚𑍍𑌛𑌿॑𑌦𑍍𑌰𑌾॒ 𑌮𑌨𑍍𑌤॑𑌵𑍋 𑌹॒ 𑌸𑌰𑍍𑌗𑌾𑌃᳚ । 𑌅𑌵𑌾॑𑌤𑌿𑌰𑌤॒𑌮𑌨𑍃॑𑌤𑌾𑌨𑌿॒ 𑌵𑌿𑌶𑍍𑌵𑌾᳚ । 𑌋॒𑌤𑍇𑌨॑ 𑌮𑌿𑌤𑍍𑌰𑌾𑌵𑌰𑍁𑌣𑌾 𑌸𑌚𑍇𑌥𑍇 ॥ 𑌤𑌥𑍍𑌸𑍁 𑌵𑌾᳚-𑌮𑍍𑌮𑌿𑌤𑍍𑌰𑌾𑌵𑌰𑍁𑌣𑌾 𑌮𑌹𑌿॒𑌤𑍍𑌵𑌮𑍍 । 𑌈॒𑌰𑍍𑌮𑌾 𑌤॒𑌸𑍍𑌥𑍁𑌷𑍀॒𑌰𑌹॑𑌭𑌿-𑌰𑍍𑌦𑍁𑌦𑍁𑌹𑍍𑌰𑍇 । 𑌵𑌿𑌶𑍍𑌵𑌾𑌃᳚ 𑌪𑌿𑌨𑍍𑌵𑌥॒ 𑌸𑍍𑌵𑌸॑𑌰𑌸𑍍𑌯॒ 𑌧𑍇𑌨𑌾𑌃᳚ । 𑌅𑌨𑍁॑ 𑌵𑌾॒𑌮𑍇𑌕𑌃॑ 𑌪॒𑌵𑌿𑌰𑌾𑌵॑𑌵𑌰𑍍𑌤𑌿 ॥ 45 ॥

𑌯𑌦𑍍𑌬𑌗𑍍𑌂𑌹𑌿॑𑌷𑍍𑌠॒-𑌨𑍍𑌨𑌾𑌤𑌿॒𑌵𑌿𑌦𑍇॑ 𑌸𑍁𑌦𑌾𑌨𑍂 । 𑌅𑌚𑍍𑌛𑌿॑𑌦𑍍𑌰॒𑌗𑍍𑌂॒ 𑌶𑌰𑍍𑌮॒ 𑌭𑍁𑌵॑𑌨𑌸𑍍𑌯 𑌗𑍋𑌪𑌾 । 𑌤𑌤𑍋॑ 𑌨𑍋 𑌮𑌿𑌤𑍍𑌰𑌾𑌵𑌰𑍁𑌣𑌾-𑌵𑌵𑍀𑌷𑍍𑌟𑌮𑍍 । 𑌸𑌿𑌷𑌾॑𑌸𑌨𑍍𑌤𑍋 𑌜𑍀𑌗𑌿॒𑌵𑌾𑌗𑍍𑌂𑌸𑌃॑ 𑌸𑍍𑌯𑌾𑌮 ॥ 𑌆 𑌨𑍋॑ 𑌮𑌿𑌤𑍍𑌰𑌾𑌵𑌰𑍁𑌣𑌾 𑌹॒𑌵𑍍𑌯𑌦𑌾॑𑌤𑌿𑌮𑍍 । 𑌘𑍃॒𑌤𑍈-𑌰𑍍𑌗𑌵𑍍𑌯𑍂॑𑌤𑌿𑌮𑍁𑌕𑍍𑌷𑌤॒𑌮𑌿𑌡𑌾॑𑌭𑌿𑌃 । 𑌪𑍍𑌰𑌤𑌿॑ 𑌵𑌾॒𑌮𑌤𑍍𑌰॒ 𑌵𑌰॒𑌮𑌾 𑌜𑌨𑌾॑𑌯 । 𑌪𑍃॒𑌣𑍀॒𑌤𑌮𑍁॒𑌦𑍍𑌗𑍋 𑌦𑌿॒𑌵𑍍𑌯𑌸𑍍𑌯॒ 𑌚𑌾𑌰𑍋𑌃᳚ ॥ 𑌪𑍍𑌰 𑌬𑌾॒𑌹𑌵𑌾॑ 𑌸𑌿𑌸𑍃𑌤-𑌞𑍍𑌜𑍀॒𑌵𑌸𑍇॑ 𑌨𑌃 । 𑌆 𑌨𑍋॒ 𑌗𑌵𑍍𑌯𑍂॑𑌤𑌿𑌮𑍁𑌕𑍍𑌷𑌤-𑌙𑍍𑌘𑍃॒𑌤𑍇𑌨॑ ॥ 46 ॥

𑌆 𑌨𑍋॒ 𑌜𑌨𑍇᳚ 𑌶𑍍𑌰𑌵𑌯𑌤𑌂-𑌯𑍁𑌁𑌵𑌾𑌨𑌾 । 𑌶𑍍𑌰𑍁॒𑌤-𑌮𑍍𑌮𑍇॑ 𑌮𑌿𑌤𑍍𑌰𑌾𑌵𑌰𑍁𑌣𑌾॒ 𑌹𑌵𑍇॒𑌮𑌾 ॥ 𑌇॒𑌮𑌾 𑌰𑍁॒𑌦𑍍𑌰𑌾𑌯॑ 𑌸𑍍𑌥𑌿॒𑌰𑌧॑𑌨𑍍𑌵𑌨𑍇॒ 𑌗𑌿𑌰𑌃॑ । 𑌕𑍍𑌷𑌿॒𑌪𑍍𑌰𑍇𑌷॑𑌵𑍇 𑌦𑍇॒𑌵𑌾𑌯॑ 𑌸𑍍𑌵॒𑌧𑌾𑌮𑍍𑌨𑍇᳚ । 𑌅𑌷𑌾॑𑌢𑌾𑌯॒ 𑌸𑌹॑𑌮𑌾𑌨𑌾𑌯 𑌮𑍀॒𑌢𑍁𑌷𑍇᳚ । 𑌤𑌿॒𑌗𑍍𑌮𑌾𑌯𑍁॑𑌧𑌾𑌯 𑌭𑌰𑌤𑌾 𑌶𑍃॒𑌣𑍋𑌤॑𑌨 ॥ 𑌤𑍍𑌵𑌾 𑌦॑𑌤𑍍𑌤𑍇𑌭𑍀 𑌰𑍁𑌦𑍍𑌰॒ 𑌶𑌨𑍍𑌤॑𑌮𑍇𑌭𑌿𑌃 । 𑌶॒𑌤𑌗𑍍𑌂 𑌹𑌿𑌮𑌾॑ 𑌅𑌶𑍀𑌯 𑌭𑍇𑌷॒𑌜𑍇𑌭𑌿𑌃॑ । 𑌵𑍍𑌯॑𑌸𑍍𑌮𑌦𑍍𑌦𑍍𑌵𑍇𑌷𑍋॑ 𑌵𑌿𑌤॒𑌰𑌂-𑌵𑍍𑌯𑌁𑌗𑍍𑌂𑌹𑌃॑ । 𑌵𑍍𑌯𑌮𑍀॑𑌵𑌾𑌗𑍍 𑌶𑍍𑌚𑌾𑌤𑌯𑌸𑍍𑌵𑌾॒ 𑌵𑌿𑌷𑍂॑𑌚𑍀𑌃 ॥ 47 ॥

𑌅𑌰𑍍𑌹॑𑌨𑍍𑌬𑌿𑌭𑌰𑍍𑌷𑌿॒ 𑌸𑌾𑌯॑𑌕𑌾𑌨𑌿॒ 𑌧𑌨𑍍𑌵॑ । 𑌅𑌰𑍍𑌹॑𑌨𑍍𑌨𑌿॒𑌷𑍍𑌕𑌂-𑌯𑌁॑𑌜॒𑌤𑌂-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌅𑌰𑍍𑌹॑𑌨𑍍𑌨𑌿॒𑌦𑌨𑍍𑌦॑𑌯𑌸𑍇॒ 𑌵𑌿𑌶𑍍𑌵॒𑌮𑌬𑍍𑌭𑍁॑𑌵𑌮𑍍 । 𑌨 𑌵𑌾 𑌓𑌜𑍀॑𑌯𑍋 𑌰𑍁𑌦𑍍𑌰॒ 𑌤𑍍𑌵𑌦॑𑌸𑍍𑌤𑌿 ॥, 𑌮𑌾 𑌨॑𑌸𑍍𑌤𑍋॒𑌕𑍇 𑌤𑌨॑𑌯𑍇॒ 𑌮𑌾 𑌨॒ 𑌆𑌯𑍁॑𑌷𑌿॒ 𑌮𑌾 𑌨𑍋॒ 𑌗𑍋𑌷𑍁॒ 𑌮𑌾 𑌨𑍋॒ 𑌅𑌶𑍍𑌵𑍇॑𑌷𑍁 𑌰𑍀𑌰𑌿𑌷𑌃 । 𑌵𑍀॒𑌰𑌾-𑌨𑍍𑌮𑌾𑌨𑍋॑ 𑌰𑍁𑌦𑍍𑌰 𑌭𑌾𑌮𑌿॒𑌤𑍋 𑌵॑𑌧𑍀𑌰𑍍𑌹॒𑌵𑌿𑌷𑍍𑌮॑𑌨𑍍𑌤𑍋॒ 𑌨𑌮॑𑌸𑌾 𑌵𑌿𑌧𑍇𑌮 𑌤𑍇 ॥॥ 𑌆 𑌤𑍇॑ 𑌪𑌿𑌤𑌰𑍍𑌮𑌰𑍁𑌤𑌾𑌗𑍍𑌂 𑌸𑍁॒𑌮𑍍𑌨𑌮𑍇॑𑌤𑍁 । 𑌮𑌾 𑌨॒-𑌸𑍍𑌸𑍂𑌰𑍍𑌯॑𑌸𑍍𑌯 𑌸॒𑌦𑍃𑌂𑌶𑍋॑ 𑌯𑍁𑌯𑍋𑌥𑌾𑌃 । 𑌅॒𑌭𑌿 𑌨𑍋॑ 𑌵𑍀॒𑌰𑍋 𑌅𑌰𑍍𑌵॑𑌤𑌿 𑌕𑍍𑌷𑌮𑍇𑌤 । 𑌪𑍍𑌰𑌜𑌾॑𑌯𑍇𑌮𑌹𑌿 𑌰𑍁𑌦𑍍𑌰 𑌪𑍍𑌰॒𑌜𑌾𑌭𑌿𑌃॑ ॥ 𑌏॒𑌵𑌾 𑌬॑𑌭𑍍𑌰𑍋 𑌵𑍃𑌷𑌭 𑌚𑍇𑌕𑌿𑌤𑌾𑌨 । 𑌯𑌥𑌾॑ 𑌦𑍇𑌵॒ 𑌨 𑌹𑍃॑𑌣𑍀॒𑌷𑍇 𑌨 𑌹𑌗𑍍𑌂𑌸𑌿॑ । 𑌹𑌾॒𑌵॒𑌨॒𑌶𑍍𑌰𑍂𑌰𑍍𑌨𑍋॑ 𑌰𑍁𑌦𑍍𑌰𑍇॒𑌹 𑌬𑍋॑𑌧𑌿 । 𑌬𑍃॒𑌹𑌦𑍍𑌵॑𑌦𑍇𑌮 𑌵𑌿॒𑌦𑌥𑍇॑ 𑌸𑍁॒𑌵𑍀𑌰𑌾𑌃᳚ ॥ 𑌪𑌰𑌿॑𑌣𑍋 𑌰𑍁॒𑌦𑍍𑌰𑌸𑍍𑌯॑ 𑌹𑍇॒𑌤𑌿 𑌰𑍍𑌵𑍃॑𑌣𑌕𑍍𑌤𑍁॒ 𑌪𑌰𑌿॑𑌤𑍍𑌵𑍇॒𑌷𑌸𑍍𑌯॑ 𑌦𑍁𑌰𑍍𑌮॒𑌤𑌿𑌰॑𑌘𑌾॒𑌯𑍋𑌃 । 𑌅𑌵॑ 𑌸𑍍𑌥𑌿॒𑌰𑌾 𑌮॒𑌘𑌵॑𑌦𑍍𑌭𑍍𑌯-𑌸𑍍𑌤𑌨𑍁𑌷𑍍𑌵॒ 𑌮𑍀𑌢𑍍𑌵॑𑌸𑍍𑌤𑍋॒𑌕𑌾𑌯॒ 𑌤𑌨॑𑌯𑌾𑌯 𑌮𑍃𑌡𑌯 ॥, 𑌸𑍍𑌤𑍁॒𑌹𑌿 𑌶𑍍𑌰𑍁॒𑌤-𑌙𑍍𑌗॑𑌰𑍍𑌤॒𑌸𑌦𑌂॒-𑌯𑍁𑌁𑌵𑌾॑𑌨-𑌮𑍍𑌮𑍃॒𑌗-𑌨𑍍𑌨 𑌭𑍀॒𑌮-𑌮𑍁॑𑌪𑌹॒𑌤𑍍𑌨𑍁-𑌮𑍁॒𑌗𑍍𑌰𑌮𑍍 । 𑌮𑍃॒𑌡𑌾 𑌜॑𑌰𑌿॒𑌤𑍍𑌰𑍇 𑌰𑍁॑𑌦𑍍𑌰॒ 𑌸𑍍𑌤𑌵𑌾॑𑌨𑍋 𑌅॒𑌨𑍍𑌯𑌨𑍍𑌤𑍇॑ 𑌅॒𑌸𑍍𑌮𑌨𑍍𑌨𑌿𑌵॑𑌪𑌨𑍍𑌤𑍁॒ 𑌸𑍇𑌨𑌾𑌃᳚ ॥ । 𑌮𑍀𑌢𑍁॑𑌷𑍍𑌟𑌮॒ 𑌶𑌿𑌵॑𑌤𑌮 𑌶𑌿॒𑌵𑍋 𑌨𑌃॑ 𑌸𑍁॒𑌮𑌨𑌾॑ 𑌭𑌵 ।𑌪॒𑌰॒𑌮𑍇 𑌵𑍃॒𑌕𑍍𑌷 𑌆𑌯𑍁॑𑌧-𑌨𑍍𑌨𑌿॒𑌧𑌾𑌯॒ 𑌕𑍃𑌤𑍍𑌤𑌿𑌂॒-𑌵𑌁𑌸𑌾॑𑌨॒ 𑌆𑌚॑𑌰॒ 𑌪𑌿𑌨𑌾॑𑌕॒𑌮𑍍𑌬𑌿𑌭𑍍𑌰॒𑌦𑌾𑌗॑𑌹𑌿 ॥ 𑌅𑌰𑍍𑌹॑𑌨𑍍𑌬𑌿𑌭𑌰𑍍𑌷𑌿॒ 𑌸𑌾𑌯॑𑌕𑌾𑌨𑌿॒ 𑌧𑌨𑍍𑌵॑ । 𑌅𑌰𑍍𑌹॑𑌨𑍍𑌨𑌿॒𑌷𑍍𑌕𑌂-𑌯𑌁॑𑌜॒𑌤𑌂-𑌵𑌿𑌁॒𑌶𑍍𑌵𑌰𑍂॑𑌪𑌮𑍍 । 𑌅𑌰𑍍𑌹॑𑌨𑍍𑌨𑌿॒𑌦𑌨𑍍𑌦॑𑌯𑌸𑍇॒ 𑌵𑌿𑌶𑍍𑌵॒𑌮𑌬𑍍𑌭𑍁॑𑌵𑌮𑍍 । 𑌨 𑌵𑌾 𑌓𑌜𑍀॑𑌯𑍋 𑌰𑍁𑌦𑍍𑌰॒ 𑌤𑍍𑌵𑌦॑𑌸𑍍𑌤𑌿 ॥। 𑌤𑍍𑌵𑌮॑𑌗𑍍𑌨𑍇 𑌰𑍁॒𑌦𑍍𑌰𑍋 𑌅𑌸𑍁॑𑌰𑍋 𑌮॒𑌹𑍋 𑌦𑌿॒𑌵𑌸𑍍𑌤𑍍𑌵𑌗𑍍𑌂 𑌶𑌰𑍍𑌧𑍋॒ 𑌮𑌾𑌰𑍁॑𑌤-𑌮𑍍𑌪𑍃॒𑌕𑍍𑌷 𑌈॑𑌶𑌿𑌷𑍇 । 𑌤𑍍𑌵𑌂-𑌵𑌾𑌁𑌤𑍈॑𑌰𑌰𑍁॒𑌣𑍈𑌰𑍍𑌯𑌾॑𑌸𑌿 𑌶𑌙𑍍𑌗॒𑌯𑌸𑍍𑌤𑍍𑌵-𑌮𑍍𑌪𑍂॒𑌷𑌾 𑌵𑌿॑𑌧॒𑌤𑌃 𑌪𑌾॑𑌸𑌿॒ 𑌨𑍁𑌤𑍍𑌮𑌨𑌾᳚ ॥, 𑌆 𑌵𑍋॒ 𑌰𑌾𑌜𑌾॑𑌨𑌮𑌧𑍍𑌵॒𑌰𑌸𑍍𑌯॑ 𑌰𑍁॒𑌦𑍍𑌰𑌗𑍍𑌂 𑌹𑍋𑌤𑌾॑𑌰𑌗𑍍𑌂 𑌸𑌤𑍍𑌯॒𑌯𑌜॒𑌗𑍍𑌂॒ 𑌰𑍋𑌦॑𑌸𑍍𑌯𑍋𑌃 । 𑌅॒𑌗𑍍𑌨𑌿-𑌮𑍍𑌪𑍁॒𑌰𑌾 𑌤॑𑌨𑌯𑌿॒𑌤𑍍𑌨𑍋 𑌰॒𑌚𑌿𑌤𑍍𑌤𑌾॒-𑌦𑍍𑌧𑌿𑌰॑𑌣𑍍𑌯𑌰𑍂𑌪॒𑌮𑌵॑𑌸𑍇 𑌕𑍃𑌣𑍁𑌧𑍍𑌵𑌮𑍍 ॥ ॥ 48 ॥

(𑌵𑌸𑍂॑𑌨𑌿 - 𑌤𑌤𑌾 - 𑌨𑌾𑌸𑍍𑌤𑍁॒ - 𑌵𑌿𑌶𑍍𑌵𑌾𑌨𑍍॑.-𑌵𑌵𑍃𑌤𑍍𑌯𑌾𑌂𑌵𑌁𑌵𑌰𑍍𑌤𑌿-𑌘𑍃॒𑌤𑍇𑌨॒-𑌵𑌿𑌷𑍂॑𑌚𑍀𑌃-𑌶𑍍𑌰𑍁॒𑌤-𑌨𑍍𑌦𑍍𑌵𑍇 𑌚॑) (𑌅. 6)

𑌅𑌨𑍁𑌵𑌾𑌕𑌂 7 - 𑌸𑍗𑌰𑍍𑌯𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌸𑍂𑌰𑍍𑌯𑍋॑ 𑌦𑍇॒𑌵𑍀𑌮𑍁॒𑌷𑌸॒𑌗𑍍𑌂 𑌰𑍋𑌚॑𑌮𑌾𑌨𑌾॒ 𑌮𑌰𑍍𑌯𑌃॑ । 𑌨 𑌯𑍋𑌷𑌾॑𑌮॒𑌭𑍍𑌯𑍇॑𑌤𑌿 𑌪॒𑌶𑍍𑌚𑌾𑌤𑍍 । 𑌯𑌤𑍍𑌰𑌾॒ 𑌨𑌰𑍋॑ 𑌦𑍇𑌵॒𑌯𑌨𑍍𑌤𑍋॑ 𑌯𑍁॒𑌗𑌾𑌨𑌿॑ । 𑌵𑌿॒𑌤॒𑌨𑍍𑌵𑌤𑍇॒ 𑌪𑍍𑌰𑌤𑌿॑ 𑌭॒𑌦𑍍𑌰𑌾𑌯॑ 𑌭॒𑌦𑍍𑌰𑌮𑍍 ॥ 𑌭॒𑌦𑍍𑌰𑌾 𑌅𑌶𑍍𑌵𑌾॑ 𑌹॒𑌰𑌿𑌤॒-𑌸𑍍𑌸𑍂𑌰𑍍𑌯॑𑌸𑍍𑌯 । 𑌚𑌿॒𑌤𑍍𑌰𑌾 𑌏𑌦॑𑌗𑍍𑌵𑌾 𑌅𑌨𑍁॒𑌮𑌾𑌦𑍍𑌯𑌾॑𑌸𑌃 । 𑌨॒𑌮॒𑌸𑍍𑌯𑌨𑍍𑌤𑍋॑ 𑌦𑌿॒𑌵 𑌆 𑌪𑍃॒𑌷𑍍𑌠𑌮॑𑌸𑍍𑌥𑍁𑌃 ।

𑌪𑌰𑌿॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌯॑𑌨𑍍𑌤𑌿 𑌸॒𑌦𑍍𑌯𑌃 ॥ 𑌤-𑌥𑍍𑌸𑍂𑌰𑍍𑌯॑𑌸𑍍𑌯 𑌦𑍇𑌵॒𑌤𑍍𑌵-𑌨𑍍𑌤-𑌨𑍍𑌮॑𑌹𑌿॒𑌤𑍍𑌵𑌮𑍍 । 𑌮॒𑌦𑍍𑌧𑍍𑌯𑌾 𑌕𑌰𑍍𑌤𑍋॒-𑌰𑍍𑌵𑌿𑌤॑𑌤॒𑌗𑍍𑌂॒ 𑌸𑌞𑍍𑌜॑𑌭𑌾𑌰 ॥ 49 ॥

𑌯॒𑌦𑍇𑌦𑌯𑍁॑𑌕𑍍𑌤 𑌹॒𑌰𑌿𑌤𑌃॑ 𑌸॒𑌧𑌸𑍍𑌥𑌾᳚𑌤𑍍 । 𑌆𑌦𑍍𑌰𑌾𑌤𑍍𑌰𑍀॒ 𑌵𑌾𑌸॑𑌸𑍍𑌤𑌨𑍁𑌤𑍇 𑌸𑌿॒𑌮𑌸𑍍𑌮𑍈᳚ ॥ 𑌤-𑌨𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾𑌭𑌿॒𑌚𑌕𑍍𑌷𑍇᳚ । 𑌸𑍂𑌰𑍍𑌯𑍋॑ 𑌰𑍂॒𑌪-𑌙𑍍𑌕𑍃॑𑌣𑍁𑌤𑍇॒ 𑌦𑍍𑌯𑍋𑌰𑍁॒𑌪𑌸𑍍𑌥𑍇᳚ । 𑌅॒𑌨॒𑌨𑍍𑌤𑌮॒𑌨𑍍𑌯-𑌦𑍍𑌰𑍁𑌶॑𑌦𑌸𑍍𑌯॒ 𑌪𑌾𑌜𑌃॑ । 𑌕𑍃॒𑌷𑍍𑌣𑌮॒𑌨𑍍𑌯𑌦𑍍𑌧॒𑌰𑌿𑌤॒-𑌸𑍍𑌸𑌮𑍍𑌭॑𑌰𑌨𑍍𑌤𑌿 ॥ 𑌅॒𑌦𑍍𑌯𑌾 𑌦𑍇॑𑌵𑌾॒ 𑌉𑌦𑌿॑𑌤𑌾॒ 𑌸𑍂𑌰𑍍𑌯॑𑌸𑍍𑌯 । 𑌨𑌿𑌰𑌗𑍍𑌂𑌹॑𑌸𑌃 𑌪𑌿𑌪𑍃॒𑌤𑌾𑌨𑍍𑌨𑌿𑌰॑𑌵॒𑌦𑍍𑌯𑌾𑌤𑍍 । 𑌤𑌨𑍍𑌨𑍋॑ 𑌮𑌿॒𑌤𑍍𑌰𑍋 𑌵𑌰𑍁॑𑌣𑍋 𑌮𑌾𑌮𑌹𑌨𑍍𑌤𑌾𑌮𑍍 । 𑌅𑌦𑌿॑𑌤𑌿॒-𑌸𑍍𑌸𑌿𑌨𑍍𑌧𑍁𑌃॑ 𑌪𑍃𑌥𑌿॒𑌵𑍀 𑌉॒𑌤 𑌦𑍍𑌯𑍗𑌃 ॥ 50 ॥

𑌦𑌿॒𑌵𑍋 𑌰𑍁॒𑌕𑍍𑌮 𑌉॑𑌰𑍁॒𑌚𑌕𑍍𑌷𑌾॒ 𑌉𑌦𑍇॑𑌤𑌿 । 𑌦𑍂॒𑌰𑍇 𑌅॑𑌰𑍍𑌥𑌸𑍍𑌤॒𑌰𑌣𑌿॒-𑌰𑍍𑌭𑍍𑌰𑌾𑌜॑𑌮𑌾𑌨𑌃 । 𑌨𑍂॒𑌨-𑌞𑍍𑌜𑌨𑌾॒-𑌸𑍍𑌸𑍂𑌰𑍍𑌯𑍇॑𑌣॒ 𑌪𑍍𑌰𑌸𑍂॑𑌤𑌾𑌃 । 𑌆𑌯𑌨𑍍𑌨𑌰𑍍𑌥𑌾॑𑌨𑌿 𑌕𑍃॒𑌣𑌵॒𑌨𑍍𑌨𑌪𑌾𑌗𑍍𑌂॑𑌸𑌿 ॥ 𑌶-𑌨𑍍𑌨𑍋॑ 𑌭𑌵॒ 𑌚𑌕𑍍𑌷॑𑌸𑌾॒ 𑌶-𑌨𑍍𑌨𑍋॒ 𑌅𑌹𑍍𑌨𑌾᳚ । 𑌶-𑌮𑍍𑌭𑌾॒𑌨𑍁𑌨𑌾॒ 𑌶𑌗𑍍𑌂 𑌹𑌿॒𑌮𑌾 𑌶-𑌙𑍍𑌘𑍃॒𑌣𑍇𑌨॑ । 𑌯𑌥𑌾॒ 𑌶𑌮॒𑌸𑍍𑌮𑍈 𑌶𑌮𑌸॑-𑌦𑍍𑌦𑍁𑌰𑍋॒𑌣𑍇 । 𑌤-𑌥𑍍𑌸𑍂᳚𑌰𑍍𑌯॒ 𑌦𑍍𑌰𑌵𑌿॑𑌣-𑌨𑍍𑌧𑍇॒𑌹𑌿 𑌚𑌿॒𑌤𑍍𑌰𑌮𑍍 ॥ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒-𑌮𑍁𑌦॑𑌗𑌾॒𑌦𑌨𑍀॑𑌕𑌮𑍍 । 𑌚𑌕𑍍𑌷𑍁॑𑌰𑍍𑌮𑌿॒𑌤𑍍𑌰𑌸𑍍𑌯॒ 𑌵𑌰𑍁॑𑌣𑌸𑍍𑌯𑌾॒𑌗𑍍𑌨𑍇𑌃 ॥ 51 ॥

𑌆-𑌽𑌪𑍍𑌰𑌾॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌸𑍂𑌰𑍍𑌯॑ 𑌆॒𑌤𑍍𑌮𑌾 𑌜𑌗॑𑌤𑌸𑍍𑌤॒𑌸𑍍𑌥𑍁𑌷॑𑌶𑍍𑌚 ॥ 𑌤𑍍𑌵𑌷𑍍𑌟𑌾॒ 𑌦𑌧॒𑌦𑌿𑌨𑍍𑌦𑍍𑌰𑌾॑𑌯॒ 𑌶𑍁𑌷𑍍𑌮᳚𑌮𑍍 । 𑌅𑌪𑌾॒𑌕𑍋-𑌽𑌚𑌿॑𑌷𑍍𑌟𑍁𑌰𑍍𑌯॒𑌶𑌸𑍇॑ 𑌪𑍁॒𑌰𑍂𑌣𑌿॑ । 𑌵𑍃𑌷𑌾॒ 𑌯𑌜॒𑌨𑍍 𑌵𑍃𑌷॑𑌣॒-𑌮𑍍𑌭𑍂𑌰𑌿॑𑌰𑍇𑌤𑌾𑌃 । 𑌮𑍂॒𑌰𑍍𑌧𑌨𑍍. 𑌯॒𑌜𑍍𑌞𑌸𑍍𑌯॒ 𑌸𑌮॑𑌨𑌕𑍍𑌤𑍁 𑌦𑍇॒𑌵𑌾𑌨𑍍 ॥, 𑌤𑌨𑍍𑌨॑𑌸𑍍𑌤𑍁॒𑌰𑍀𑌪॒𑌮𑌧॑ 𑌪𑍋𑌷𑌯𑌿॒𑌤𑍍𑌨𑍁 𑌦𑍇𑌵॑ 𑌤𑍍𑌵𑌷𑍍𑌟॒𑌰𑍍𑌵𑌿 𑌰॑𑌰𑌾॒𑌣-𑌸𑍍𑌸𑍍𑌯॑𑌸𑍍𑌵 । 𑌯𑌤𑍋॑ 𑌵𑍀॒𑌰𑌃 𑌕॑𑌰𑍍𑌮॒𑌣𑍍𑌯𑌃॑ 𑌸𑍁॒𑌦𑌕𑍍𑌷𑍋॑ 𑌯𑍁॒𑌕𑍍𑌤𑌗𑍍𑌰𑌾॑𑌵𑌾॒ 𑌜𑌾𑌯॑𑌤𑍇 𑌦𑍇॒𑌵𑌕𑌾॑𑌮𑌃 ॥ । 𑌤𑍍𑌵𑌷𑍍𑌟𑌾॑ 𑌵𑍀॒𑌰-𑌨𑍍𑌦𑍇॒𑌵𑌕𑌾॑𑌮-𑌞𑍍𑌜𑌜𑌾𑌨॒ 𑌤𑍍𑌵𑌷𑍍𑌟𑍁॒𑌰𑌰𑍍𑌵𑌾॑ 𑌜𑌾𑌯𑌤 𑌆॒𑌶𑍁𑌰𑌶𑍍𑌵𑌃॑ । 𑌤𑍍𑌵𑌷𑍍𑌟𑍇॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨-𑌞𑍍𑌜𑌜𑌾𑌨 𑌬॒𑌹𑍋𑌃 𑌕॒𑌰𑍍𑌤𑌾𑌰॑𑌮𑌿॒𑌹 𑌯॑𑌕𑍍𑌷𑌿 𑌹𑍋𑌤𑌃 ॥ 𑌪𑌿॒𑌶𑌙𑍍𑌗॑𑌰𑍂𑌪-𑌸𑍍𑌸𑍁॒𑌭𑌰𑍋॑ 𑌵𑌯𑍋॒𑌧𑌾-𑌶𑍍𑌶𑍍𑌰𑍁॒𑌷𑍍𑌟𑍀 𑌵𑍀॒𑌰𑍋 𑌜𑌾॑𑌯𑌤𑍇 𑌦𑍇॒𑌵𑌕𑌾॑𑌮𑌃 । 𑌪𑍍𑌰॒𑌜𑌾-𑌨𑍍𑌤𑍍𑌵𑌷𑍍𑌟𑌾॒ 𑌵𑌿𑌷𑍍𑌯॑𑌤𑍁॒ 𑌨𑌾𑌭𑌿॑𑌮॒𑌸𑍍𑌮𑍇 𑌅𑌥𑌾॑ 𑌦𑍇॒𑌵𑌾𑌨𑌾॒𑌮𑌪𑍍𑌯𑍇॑𑌤𑍁॒ 𑌪𑌾𑌥𑌃॑ ॥ ॥ 𑌦𑌶𑍇॒𑌮-𑌨𑍍𑌤𑍍𑌵𑌷𑍍𑌟𑍁॑𑌰𑍍𑌜𑌨𑌯𑌨𑍍𑌤॒ 𑌗𑌰𑍍𑌭᳚𑌮𑍍 । 𑌅𑌤॑𑌨𑍍𑌦𑍍𑌰𑌾𑌸𑍋 𑌯𑍁𑌵॒𑌤𑌯𑍋॒ 𑌬𑌿𑌭॑𑌰𑍍𑌤𑍍𑌰𑌮𑍍 । 𑌤𑌿॒𑌗𑍍𑌮𑌾𑌨𑍀॑𑌕॒𑌗𑍍𑌗𑍍॒ 𑌸𑍍𑌵𑌯॑𑌶𑌸॒-𑌞𑍍𑌜𑌨𑍇॑𑌷𑍁 । 𑌵𑌿॒𑌰𑍋𑌚॑𑌮𑌾𑌨॒-𑌮𑍍𑌪𑌰𑌿॑𑌷𑍀-𑌨𑍍𑌨𑌯𑌨𑍍𑌤𑌿 ॥ 𑌆𑌵𑌿𑌷𑍍𑌟𑍍𑌯𑍋॑ 𑌵𑌰𑍍𑌧𑌤𑍇॒ 𑌚𑌾𑌰𑍁॑𑌰𑌾𑌸𑍁 । 𑌜𑌿॒𑌹𑍍𑌮𑌾𑌨𑌾॑𑌮𑍂॒𑌰𑍍𑌧𑍍𑌵-𑌸𑍍𑌸𑍍𑌵𑌯॑𑌶𑌾 𑌉॒𑌪𑌸𑍍𑌥𑍇᳚ ॥ 52 ॥

𑌉॒𑌭𑍇 𑌤𑍍𑌵𑌷𑍍𑌟𑍁॑𑌰𑍍𑌬𑌿𑌭𑍍𑌯𑌤𑍁॒-𑌰𑍍𑌜𑌾𑌯॑𑌮𑌾𑌨𑌾𑌤𑍍 । 𑌪𑍍𑌰॒𑌤𑍀𑌚𑍀॑ 𑌸𑌿॒𑌗𑍍𑌂॒𑌹-𑌮𑍍𑌪𑍍𑌰𑌤𑌿॑𑌜𑍋𑌷𑌯𑍇𑌤𑍇 ॥ 𑌮𑌿॒𑌤𑍍𑌰𑍋 𑌜𑌨𑌾𑌨𑍍॑ 𑌯𑌾𑌤𑌯𑌤𑌿 𑌪𑍍𑌰𑌜𑌾॒𑌨-𑌨𑍍𑌮𑌿॒𑌤𑍍𑌰𑍋 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 । 𑌮𑌿॒𑌤𑍍𑌰𑌃 𑌕𑍃॒𑌷𑍍𑌟𑍀𑌰𑌨𑌿॑𑌮𑌿𑌷𑌾॒-𑌽𑌭𑌿 𑌚॑𑌷𑍍𑌟𑍇 𑌸॒𑌤𑍍𑌯𑌾𑌯॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॑-𑌦𑍍𑌵𑌿𑌧𑍇𑌮 ॥, 𑌪𑍍𑌰 𑌸 𑌮𑌿॑𑌤𑍍𑌰॒ 𑌮𑌰𑍍𑌤𑍋॑ 𑌅𑌸𑍍𑌤𑍁॒ 𑌪𑍍𑌰𑌯॑𑌸𑍍𑌵𑌾॒𑌨𑍍 𑌯𑌸𑍍𑌤॑ 𑌆𑌦𑌿𑌤𑍍𑌯॒ 𑌶𑌿𑌕𑍍𑌷॑𑌤𑌿 𑌵𑍍𑌰॒𑌤𑍇𑌨॑ । 𑌨 𑌹॑𑌨𑍍𑌯𑌤𑍇॒ 𑌨 𑌜𑍀॑𑌯𑌤𑍇॒ 𑌤𑍍𑌵𑍋𑌤𑍋॒ 𑌨𑍈𑌨॒𑌮𑌗𑍍𑌂𑌹𑍋॑ 𑌅𑌶𑍍𑌨𑍋॒𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌤𑍍 ॥ ॥ 𑌅॒𑌯-𑌮𑍍𑌮𑌿॒𑌤𑍍𑌰𑍋 𑌨॑𑌮॒𑌸𑍍𑌯𑌃॑ 𑌸𑍁॒𑌶𑍇𑌵𑌃॑ । 𑌰𑌾𑌜𑌾॑ 𑌸𑍁𑌕𑍍𑌷॒𑌤𑍍𑌰𑍋 𑌅॑𑌜𑌨𑌿𑌷𑍍𑌟 𑌵𑍇॒𑌧𑌾𑌃 । 𑌤𑌸𑍍𑌯॑ 𑌵॒𑌯𑌗𑍍𑌂 𑌸𑍁॑𑌮॒𑌤𑍗 𑌯॒𑌜𑍍𑌞𑌿𑌯॑𑌸𑍍𑌯 । 𑌅𑌪𑌿॑ 𑌭॒𑌦𑍍𑌰𑍇 𑌸𑍗॑𑌮𑌨॒𑌸𑍇 𑌸𑍍𑌯𑌾॑𑌮 ॥ 𑌅॒𑌨॒𑌮𑍀॒𑌵𑌾𑌸॒ 𑌇𑌡॑𑌯𑌾॒ 𑌮𑌦॑𑌨𑍍𑌤𑌃 । 𑌮𑌿॒𑌤𑌜𑍍𑌮॑𑌵𑍋॒ 𑌵𑌰𑌿॑𑌮॒𑌨𑍍𑌨𑌾 𑌪𑍃॑𑌥𑌿॒𑌵𑍍𑌯𑌾𑌃 । 𑌆॒𑌦𑌿॒𑌤𑍍𑌯𑌸𑍍𑌯॑ 𑌵𑍍𑌰॒𑌤𑌮𑍁॑𑌪॒𑌕𑍍𑌷𑍍𑌯𑌨𑍍𑌤𑌃॑ ॥ 53 ॥

𑌵॒𑌯-𑌮𑍍𑌮𑌿॒𑌤𑍍𑌰𑌸𑍍𑌯॑ 𑌸𑍁𑌮॒𑌤𑍗 𑌸𑍍𑌯𑌾॑𑌮 ॥ 𑌮𑌿॒𑌤𑍍𑌰-𑌨𑍍𑌨 𑌈𑌗𑍍𑌂 𑌶𑌿𑌮𑍍𑌯𑌾॒ 𑌗𑍋𑌷𑍁॑ 𑌗॒𑌵𑍍𑌯𑌵॑𑌤𑍍 । 𑌸𑍍𑌵𑌾॒𑌧𑌿𑌯𑍋॑ 𑌵𑌿॒𑌦𑌥𑍇॑ 𑌅॒𑌫𑍍𑌸𑍍𑌵𑌜𑍀॑𑌜𑌨𑌨𑍍𑌨𑍍 । 𑌅𑌰𑍇॑𑌜𑌯𑌤𑌾॒𑌗𑍍𑌂॒ 𑌰𑍋𑌦॑𑌸𑍀॒ 𑌪𑌾𑌜॑𑌸𑌾 𑌗𑌿॒𑌰𑌾 । 𑌪𑍍𑌰𑌤𑌿॑ 𑌪𑍍𑌰𑌿॒𑌯𑌂-𑌯𑌁॑𑌜॒𑌤-𑌞𑍍𑌜॒𑌨𑍁𑌷𑌾॒𑌮𑌵𑌃॑ ॥ 𑌮॒𑌹𑌾𑌗𑍍𑌂 𑌆॑𑌦𑌿॒𑌤𑍍𑌯𑍋 𑌨𑌮॑𑌸𑍋𑌪॒𑌸𑌦𑍍𑌯𑌃॑ । 𑌯𑌾॒𑌤॒𑌯𑌜𑍍𑌜॑𑌨𑍋 𑌗𑍃𑌣॒𑌤𑍇 𑌸𑍁॒𑌶𑍇𑌵𑌃॑ । 𑌤𑌸𑍍𑌮𑌾॑ 𑌏॒𑌤-𑌤𑍍𑌪𑌨𑍍𑌯॑𑌤𑌮𑌾𑌯॒ 𑌜𑍁𑌷𑍍𑌟᳚𑌮𑍍 । 𑌅॒𑌗𑍍𑌨𑍗 𑌮𑌿॒𑌤𑍍𑌰𑌾𑌯॑ 𑌹॒𑌵𑌿𑌰𑌾𑌜𑍁॑𑌹𑍋𑌤 ॥ 𑌆𑌵𑌾॒𑌗𑍍𑌂॒ 𑌰𑌥𑍋॒ 𑌰𑍋𑌦॑𑌸𑍀 𑌬𑌦𑍍𑌬𑌧𑌾॒𑌨𑌃 ॥ 54 ॥

𑌹𑌿॒𑌰॒𑌣𑍍𑌯𑌯𑍋॒ 𑌵𑍃𑌷॑𑌭𑌿𑌰𑍍𑌯𑌾॒𑌤𑍍𑌵𑌶𑍍𑌵𑍈𑌃᳚ । 𑌘𑍃॒𑌤𑌵॑𑌰𑍍𑌤𑌨𑌿𑌃 𑌪॒𑌵𑌿𑌭𑍀॑ 𑌰𑍁𑌚𑌾॒𑌨𑌃 । 𑌇॒𑌷𑌾𑌂-𑌵𑍋𑌁॒𑌢𑌾 𑌨𑍃॒𑌪𑌤𑌿॑𑌰𑍍𑌵𑌾॒𑌜𑌿𑌨𑍀॑𑌵𑌾𑌨𑍍 ॥ 𑌸 𑌪॑𑌪𑍍𑌰𑌥𑌾॒𑌨𑍋 𑌅॒𑌭𑌿 𑌪𑌞𑍍𑌚॒ 𑌭𑍂𑌮॑ । 𑌤𑍍𑌰𑌿॒𑌵॒𑌨𑍍𑌧𑍁॒𑌰𑍋 𑌮𑌨॒𑌸𑌾-𑌽𑌽𑌯𑌾॑𑌤𑍁 𑌯𑍁॒𑌕𑍍𑌤𑌃 । 𑌵𑌿𑌶𑍋॒ 𑌯𑍇𑌨॒ 𑌗𑌚𑍍𑌛॑𑌥𑍋 𑌦𑍇𑌵॒𑌯𑌨𑍍𑌤𑍀𑌃᳚ । 𑌕𑍁𑌤𑍍𑌰𑌾॑ 𑌚𑌿॒𑌦𑍍𑌯𑌾𑌮॑𑌮𑌶𑍍𑌵𑌿𑌨𑌾॒ 𑌦𑌧𑌾॑𑌨𑌾 ॥ 𑌸𑍍𑌵𑌶𑍍𑌵𑌾॑ 𑌯॒𑌶𑌸𑌾-𑌽𑌽𑌯𑌾॑𑌤𑌮॒𑌰𑍍𑌵𑌾𑌕𑍍 । 𑌦𑌸𑍍𑌰𑌾॑ 𑌨𑌿॒𑌧𑌿-𑌮𑍍𑌮𑌧𑍁॑𑌮𑌨𑍍𑌤-𑌮𑍍𑌪𑌿𑌬𑌾𑌥𑌃 । 𑌵𑌿 𑌵𑌾॒𑌗𑍍𑌂॒ 𑌰𑌥𑍋॑ 𑌵॒𑌦𑍍𑌧𑍍𑌵𑌾॑ 𑌯𑌾𑌦॑𑌮𑌾𑌨𑌃 ॥ 55 ॥

𑌅𑌨𑍍𑌤𑌾᳚-𑌨𑍍𑌦𑌿॒𑌵𑍋 𑌬𑌾॑𑌧𑌤𑍇 𑌵𑌰𑍍𑌤॒𑌨𑌿𑌭𑍍𑌯𑌾᳚𑌮𑍍 ॥ 𑌯𑍁॒𑌵𑍋-𑌶𑍍𑌶𑍍𑌰𑌿𑌯॒-𑌮𑍍𑌪𑌰𑌿॒ 𑌯𑍋𑌷𑌾॑ 𑌵𑍃𑌣𑍀𑌤 । 𑌸𑍂𑌰𑍋॑ 𑌦𑍁𑌹𑌿॒𑌤𑌾 𑌪𑌰𑌿॑𑌤𑌕𑍍𑌮𑌿𑌯𑌾𑌯𑌾𑌮𑍍 । 𑌯-𑌦𑍍𑌦𑍇॑𑌵॒𑌯𑌨𑍍𑌤॒𑌮𑌵॑𑌥॒-𑌶𑍍𑌶𑌚𑍀॑𑌭𑌿𑌃 । 𑌪𑌰𑌿॑𑌘𑍍𑌰॒𑌗𑍍𑌂॒𑌸 𑌵𑌾॒-𑌮𑍍𑌮𑌨𑌾॑ 𑌵𑌾𑌂॒-𑌵𑌁𑌯𑍋॑ 𑌗𑌾𑌮𑍍 ॥ 𑌯𑍋 𑌹॒ 𑌸𑍍𑌯 𑌵𑌾𑌗𑍍𑌂॑ 𑌰𑌥𑌿𑌰𑌾॒ 𑌵𑌸𑍍𑌤॑ 𑌉॒𑌸𑍍𑌰𑌾𑌃 । 𑌰𑌥𑍋॑ 𑌯𑍁𑌜𑌾॒𑌨𑌃 𑌪॑𑌰𑌿॒𑌯𑌾𑌤𑌿॑ 𑌵॒𑌰𑍍𑌤𑌿𑌃 । 𑌤𑍇𑌨॑ 𑌨॒-𑌶𑍍𑌶𑌂-𑌯𑍋𑌁𑌰𑍁॒𑌷𑌸𑍋॒ 𑌵𑍍𑌯𑍁॑𑌷𑍍𑌟𑍗 । 𑌨𑍍𑌯॑𑌶𑍍𑌵𑌿𑌨𑌾 𑌵𑌹𑌤𑌂-𑌯𑌁॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑍍 ॥ 𑌯𑍁॒𑌵-𑌮𑍍𑌭𑍁॒𑌜𑍍𑌯𑍁𑌮𑌵॑𑌵𑌿𑌦𑍍𑌧𑌗𑍍𑌂 𑌸𑌮𑍁॒𑌦𑍍𑌰𑍇 ॥ 56 ॥

𑌉𑌦𑍂॑𑌹𑌥𑍁॒𑌰𑌰𑍍𑌣॑𑌸𑍋॒ 𑌅𑌸𑍍𑌰𑌿॑𑌧𑌾𑌨𑍈𑌃 । 𑌪॒𑌤॒𑌤𑍍𑌰𑌿𑌭𑌿॑-𑌰𑌶𑍍𑌰॒𑌮𑍈-𑌰॑𑌵𑍍𑌯॒𑌥𑌿𑌭𑌿𑌃॑ । 𑌦॒𑌗𑍍𑌂॒𑌸𑌨𑌾॑𑌭𑌿𑌰𑌶𑍍𑌵𑌿𑌨𑌾 𑌪𑌾॒𑌰𑌯॑𑌨𑍍𑌤𑌾 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌯𑍋 𑌅॒𑌦𑍍𑌯 𑌵𑌾᳚𑌮𑍍 । 𑌇॒𑌦𑌂-𑌵𑌁𑌚𑌃॑ 𑌸𑌪॒𑌰𑍍𑌯𑌤𑌿॑ । 𑌤𑌸𑍍𑌮𑍈॑ 𑌧𑌤𑍍𑌤𑌗𑍍𑌂 𑌸𑍁॒𑌵𑍀𑌰𑍍𑌯᳚𑌮𑍍 । 𑌗𑌵𑌾॒-𑌮𑍍𑌪𑍋𑌷॒𑌗𑍍𑌗𑍍॒ 𑌸𑍍𑌵𑌶𑍍𑌵𑌿॑𑌯𑌮𑍍 ॥ 𑌯𑍋 𑌅॒𑌗𑍍𑌨𑍀𑌷𑍋𑌮𑌾॑ 𑌹॒𑌵𑌿𑌷𑌾॑ 𑌸𑌪॒𑌰𑍍𑌯𑌾𑌤𑍍 । 𑌦𑍇॒𑌵॒𑌦𑍍𑌰𑍀𑌚𑌾॒ 𑌮𑌨॑𑌸𑌾॒ 𑌯𑍋 𑌘𑍃॒𑌤𑍇𑌨॑ । 𑌤𑌸𑍍𑌯॑ 𑌵𑍍𑌰॒𑌤𑌗𑍍𑌂 𑌰॑𑌕𑍍𑌷𑌤-𑌮𑍍𑌪𑌾॒𑌤𑌮𑌗𑍍𑌂𑌹॑𑌸𑌃 ॥ 57 ॥

𑌵𑌿॒𑌶𑍇 𑌜𑌨𑌾॑𑌯॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛𑌤𑌮𑍍 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌯 𑌆𑌹𑍁॑𑌤𑌿𑌮𑍍 । 𑌯𑍋 𑌵𑌾॒-𑌨𑍍𑌦𑌾𑌶𑌾᳚𑌦𑍍𑌧॒𑌵𑌿𑌷𑍍𑌕𑍃॑𑌤𑌿𑌮𑍍 । 𑌸 𑌪𑍍𑌰॒𑌜𑌯𑌾॑ 𑌸𑍁॒𑌵𑍀𑌰𑍍𑌯᳚𑌮𑍍 । 𑌵𑌿𑌶𑍍𑌵॒𑌮𑌾𑌯𑍁॒-𑌰𑍍𑌵𑍍𑌯॑𑌶𑍍𑌨𑌵𑌤𑍍 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌚𑍇𑌤𑌿॒ 𑌤-𑌦𑍍𑌵𑍀॒𑌰𑍍𑌯𑌂॑-𑌵𑌾𑌁𑌮𑍍 । 𑌯𑌦𑌮𑍁॑𑌷𑍍𑌣𑍀𑌤𑌮𑌵॒𑌸-𑌮𑍍𑌪॒𑌣𑌿-𑌙𑍍𑌗𑍋𑌃 । 𑌅𑌵𑌾॑𑌤𑌿𑌰𑌤॒-𑌮𑍍𑌪𑍍𑌰𑌥॑𑌯𑌸𑍍𑌯॒ 𑌶𑍇𑌷𑌃॑ । 𑌅𑌵𑌿॑𑌨𑍍𑌦𑌤॒-𑌞𑍍𑌜𑍍𑌯𑍋𑌤𑌿॒𑌰𑍇𑌕॑-𑌮𑍍𑌬॒𑌹𑍁𑌭𑍍𑌯𑌃॑ ॥ 𑌅𑌗𑍍𑌨𑍀॑𑌷𑍋𑌮𑌾 𑌵𑌿॒𑌮𑌗𑍍𑌂 𑌸𑍁 𑌮𑍇॑ 𑌶𑍃𑌣𑍁॒𑌤𑌂-𑌵𑍃𑌁॑𑌷𑌣𑌾॒ 𑌹𑌵᳚𑌮𑍍 । 𑌪𑍍𑌰𑌤𑌿॑ 𑌸𑍂॒𑌕𑍍𑌤𑌾𑌨𑌿॑ 𑌹𑌰𑍍𑌯𑌤॒-𑌮𑍍𑌭𑌵॑𑌤-𑌨𑍍𑌦𑌾॒𑌶𑍁𑌷𑍇॒ 𑌮𑌯𑌃॑ ॥ 𑌅𑌗𑍍𑌨𑍀॑𑌷𑍋𑌮𑌾 𑌹॒𑌵𑌿𑌷𑌃॒ 𑌪𑍍𑌰𑌸𑍍𑌥𑌿॑𑌤𑌸𑍍𑌯 𑌵𑍀॒𑌤𑌗𑍍𑌂𑌹𑌰𑍍𑌯॑𑌤𑌂-𑌵𑍃𑌁𑌷𑌣𑌾 𑌜𑍁॒𑌷𑍇𑌥𑌾᳚𑌮𑍍 । 𑌸𑍁॒𑌶𑌰𑍍𑌮𑌾॑𑌣𑌾॒ 𑌸𑍍𑌵𑌵॑𑌸𑌾॒ 𑌹𑌿 𑌭𑍂॒𑌤𑌮𑌥𑌾॑ 𑌧𑌤𑍍𑌤𑌂॒-𑌯𑌁𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ ॥ 58 ॥

(𑌜॒𑌭𑌾॒𑌰॒ - 𑌦𑍍𑌯𑍗 - 𑌰॒𑌗𑍍𑌨𑍇 - 𑌰𑍁॒𑌪𑌸𑍍𑌥॑ - 𑌉𑌪॒𑌕𑍍𑌷𑍍𑌯𑌨𑍍𑌤𑍋॑ - 𑌬𑌦𑍍𑌬𑌧𑌾॒𑌨𑍋-𑌯𑌾𑌦॑𑌮𑌾𑌨𑌃 - 𑌸𑌮𑍁॒𑌦𑍍𑌰𑍇 - 𑌽𑌗𑍍𑌂𑌹॑𑌸𑌃॒ - 𑌪𑍍𑌰𑌸𑍍𑌥𑌿॑𑌤𑌸𑍍𑌯) (𑌅. 7)

𑌅𑌨𑍁𑌵𑌾𑌕𑌂 8 - 𑌵𑍇𑌹𑌦𑌾𑌦𑌿𑌪𑌶𑍂𑌨𑌾𑌂 𑌸𑍂𑌕𑍍𑌤𑌾𑌨𑌿

𑌅॒𑌹𑌮॑𑌸𑍍𑌮𑌿 𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ । 𑌪𑍂𑌰𑍍𑌵॑-𑌨𑍍𑌦𑍇॒𑌵𑍇𑌭𑍍𑌯𑍋॑ 𑌅॒𑌮𑍃𑌤॑𑌸𑍍𑌯॒ 𑌨𑌾𑌭𑌿𑌃॑ । 𑌯𑍋 𑌮𑌾॒ 𑌦𑌦𑌾॑𑌤𑌿॒ 𑌸 𑌇𑌦𑍇॒𑌵 𑌮𑌾 𑌵𑌾𑌃᳚ । 𑌅॒𑌹-𑌮𑌨𑍍𑌨॒-𑌮𑌨𑍍𑌨॑-𑌮॒𑌦𑌨𑍍𑌤॑𑌮𑌦𑍍𑌮𑌿 ॥ 𑌪𑍂𑌰𑍍𑌵॑-𑌮॒𑌗𑍍𑌨𑍇𑌰𑌪𑌿॑ 𑌦𑌹॒𑌤𑍍𑌯𑌨𑍍𑌨᳚𑌮𑍍 । 𑌯॒𑌤𑍍𑌤𑍗 𑌹𑌾॑-𑌽𑌽𑌸𑌾𑌤𑍇 𑌅𑌹𑌮𑍁𑌤𑍍𑌤॒𑌰𑍇𑌷𑍁॑ । 𑌵𑍍𑌯𑌾𑌤𑍍𑌤॑𑌮𑌸𑍍𑌯 𑌪॒𑌶𑌵𑌃॑ 𑌸𑍁॒𑌜𑌮𑍍𑌭᳚𑌮𑍍 । 𑌪𑌶𑍍𑌯॑𑌨𑍍𑌤𑌿॒ 𑌧𑍀𑌰𑌾𑌃॒ 𑌪𑍍𑌰𑌚॑𑌰𑌨𑍍𑌤𑌿॒ 𑌪𑌾𑌕𑌾𑌃᳚ ॥ 𑌜𑌹𑌾᳚𑌮𑍍𑌯॒𑌨𑍍𑌯-𑌨𑍍𑌨 𑌜॑𑌹𑌾𑌮𑍍𑌯॒𑌨𑍍𑌯𑌮𑍍 । 𑌅॒𑌹𑌮𑌨𑍍𑌨𑌂॒-𑌵𑌁𑌶॒𑌮𑌿𑌚𑍍𑌚॑𑌰𑌾𑌮𑌿 ॥ 59 ॥

𑌸॒𑌮𑌾॒𑌨𑌮𑌰𑍍𑌥॒-𑌮𑍍𑌪𑌰𑍍𑌯𑍇॑𑌮𑌿 𑌭𑍁॒𑌞𑍍𑌜𑌤𑍍 । 𑌕𑍋 𑌮𑌾𑌮𑌨𑍍𑌨॑-𑌮𑍍𑌮𑌨𑍁॒𑌷𑍍𑌯𑍋॑ 𑌦𑌯𑍇𑌤 ॥ 𑌪𑌰𑌾॑𑌕𑍇॒ 𑌅𑌨𑍍𑌨॒-𑌨𑍍𑌨𑌿𑌹𑌿॑𑌤𑌂-𑌲𑍋𑌁॒𑌕 𑌏॒𑌤𑌤𑍍 । 𑌵𑌿𑌶𑍍𑌵𑍈᳚-𑌰𑍍𑌦𑍇॒𑌵𑍈𑌃 𑌪𑌿॒𑌤𑍃𑌭𑌿॑-𑌰𑍍𑌗𑍁॒𑌪𑍍𑌤𑌮𑌨𑍍𑌨᳚𑌮𑍍 । 𑌯𑌦॒𑌦𑍍𑌯𑌤𑍇॑ 𑌲𑍁॒𑌪𑍍𑌯𑌤𑍇॒ 𑌯-𑌤𑍍𑌪॑𑌰𑍋॒𑌪𑍍𑌯𑌤𑍇᳚ । 𑌶॒𑌤॒𑌤॒𑌮𑍀 𑌸𑌾 𑌤॒𑌨𑍂𑌰𑍍𑌮𑍇॑ 𑌬𑌭𑍂𑌵 ॥ 𑌮॒𑌹𑌾𑌨𑍍𑌤𑍗॑ 𑌚॒𑌰𑍂 𑌸॑𑌕𑍃-𑌦𑍍𑌦𑍁॒𑌗𑍍𑌧𑍇𑌨॑ 𑌪𑌪𑍍𑌰𑍗 । 𑌦𑌿𑌵॑𑌞𑍍𑌚॒ 𑌪𑍃𑌶𑍍𑌞𑌿॑ 𑌪𑍃𑌥𑌿॒𑌵𑍀-𑌞𑍍𑌚॑ 𑌸𑌾॒𑌕𑌮𑍍 । 𑌤-𑌥𑍍𑌸॒𑌮𑍍𑌪𑌿𑌬॑𑌨𑍍𑌤𑍋॒ 𑌨 𑌮𑌿॑𑌨𑌨𑍍𑌤𑌿 𑌵𑍇॒𑌧𑌸𑌃॑ । 𑌨𑍈𑌤-𑌦𑍍𑌭𑍂𑌯𑍋॒ 𑌭𑌵॑𑌤𑌿॒ 𑌨𑍋 𑌕𑌨𑍀॑𑌯𑌃 ॥ 60 ॥

𑌅𑌨𑍍𑌨॑-𑌮𑍍𑌪𑍍𑌰𑌾॒𑌣-𑌮𑌨𑍍𑌨॑-𑌮𑌪𑌾॒𑌨-𑌮𑌾॑𑌹𑍁𑌃 । 𑌅𑌨𑍍𑌨॑-𑌮𑍍𑌮𑍃॒𑌤𑍍𑌯𑍁-𑌨𑍍𑌤𑌮𑍁॑ 𑌜𑍀॒𑌵𑌾𑌤𑍁॑𑌮𑌾𑌹𑍁𑌃 । 𑌅𑌨𑍍𑌨॑-𑌮𑍍𑌬𑍍𑌰॒𑌹𑍍𑌮𑌾𑌣𑍋॑ 𑌜॒𑌰𑌸𑌂॑-𑌵𑌁𑌦𑌨𑍍𑌤𑌿 । 𑌅𑌨𑍍𑌨॑𑌮𑌾𑌹𑍁𑌃 𑌪𑍍𑌰॒𑌜𑌨॑𑌨-𑌮𑍍𑌪𑍍𑌰॒𑌜𑌾𑌨𑌾᳚𑌮𑍍 ॥ 𑌮𑍋𑌘॒𑌮𑌨𑍍𑌨𑌂॑-𑌵𑌿𑌁𑌨𑍍𑌦𑌤𑍇॒ 𑌅𑌪𑍍𑌰॑𑌚𑍇𑌤𑌾𑌃 । 𑌸॒𑌤𑍍𑌯-𑌮𑍍𑌬𑍍𑌰॑𑌵𑍀𑌮𑌿 𑌵॒𑌧 𑌇𑌥𑍍𑌸 𑌤𑌸𑍍𑌯॑ । 𑌨𑌾𑌰𑍍𑌯॒𑌮𑌣॒-𑌮𑍍𑌪𑍁𑌷𑍍𑌯॑𑌤𑌿॒ 𑌨𑍋 𑌸𑌖𑌾॑𑌯𑌮𑍍 । 𑌕𑍇𑌵॑𑌲𑌾𑌘𑍋 𑌭𑌵𑌤𑌿 𑌕𑍇𑌵𑌲𑌾॒𑌦𑍀 ॥ 𑌅॒𑌹-𑌮𑍍𑌮𑍇॒𑌘-𑌸𑍍𑌸𑍍𑌤॒𑌨𑌯॒𑌨𑍍. 𑌵𑌰𑍍𑌷॑𑌨𑍍𑌨𑌸𑍍𑌮𑌿 । 𑌮𑌾𑌮॑𑌦𑌨𑍍𑌤𑍍𑌯॒𑌹𑌮॑𑌦𑍍𑌮𑍍𑌯॒𑌨𑍍𑌯𑌾𑌨𑍍 ॥ 61 ॥

𑌅॒𑌹𑌗𑍍𑌂 𑌸𑌦॒𑌮𑍃𑌤𑍋॑ 𑌭𑌵𑌾𑌮𑌿 । 𑌮𑌦𑌾॑𑌦𑌿॒𑌤𑍍𑌯𑌾 𑌅𑌧𑌿॒ 𑌸𑌰𑍍𑌵𑍇॑ 𑌤𑌪𑌨𑍍𑌤𑌿 ॥ 𑌸𑌾 𑌨𑍋॑ 𑌮॒𑌨𑍍𑌦𑍍𑌰𑍇𑌷॒𑌮𑍂𑌰𑍍𑌜॒-𑌨𑍍𑌦𑍁𑌹𑌾॑𑌨𑌾 । 𑌧𑍇॒𑌨𑍁𑌰𑍍𑌵𑌾𑌗॒𑌸𑍍𑌮𑌾𑌨𑍁𑌪॒ 𑌸𑍁𑌷𑍍𑌟𑍁॒𑌤𑍈𑌤𑍁॑ ॥, 𑌯-𑌦𑍍𑌵𑌾𑌗𑍍𑌵𑌦॑𑌨𑍍𑌤𑍍𑌯-𑌵𑌿𑌚𑍇𑌤॒𑌨𑌾𑌨𑌿॑ । 𑌰𑌾𑌷𑍍𑌟𑍍𑌰𑍀॑ 𑌦𑍇॒𑌵𑌾𑌨𑌾᳚-𑌨𑍍𑌨𑌿𑌷॒𑌸𑌾𑌦॑ 𑌮॒𑌨𑍍𑌦𑍍𑌰𑌾 । 𑌚𑌤॑𑌸𑍍𑌰॒ 𑌊𑌰𑍍𑌜॑-𑌨𑍍𑌦𑍁𑌦𑍁𑌹𑍇॒ 𑌪𑌯𑌾𑌗𑍍𑌂॑𑌸𑌿 । 𑌕𑍍𑌵॑ 𑌸𑍍𑌵𑌿 𑌦𑌸𑍍𑌯𑌾𑌃 𑌪𑌰॒𑌮-𑌞𑍍𑌜॑𑌗𑌾𑌮 ॥ ॥ 𑌅॒𑌨॒𑌨𑍍𑌤𑌾-𑌮𑌨𑍍𑌤𑌾॒𑌦𑌧𑌿॒ 𑌨𑌿𑌰𑍍𑌮𑌿॑𑌤𑌾-𑌮𑍍𑌮॒𑌹𑍀𑌮𑍍 । 𑌯𑌸𑍍𑌯𑌾᳚-𑌨𑍍𑌦𑍇॒𑌵𑌾 𑌅॑𑌦𑌧𑍁॒-𑌰𑍍𑌭𑍋𑌜॑𑌨𑌾𑌨𑌿 । 𑌏𑌕𑌾᳚𑌕𑍍𑌷𑌰𑌾-𑌨𑍍𑌦𑍍𑌵𑌿॒𑌪𑌦𑌾॒𑌗𑍍𑌂॒ 𑌷𑌟𑍍𑌪॑𑌦𑌾𑌞𑍍𑌚 । 𑌵𑌾𑌚॑-𑌨𑍍𑌦𑍇॒𑌵𑌾 𑌉𑌪॑𑌜𑍀𑌵𑌨𑍍𑌤𑌿॒ 𑌵𑌿𑌶𑍍𑌵𑍇᳚ ॥ 𑌵𑌾𑌚॑-𑌨𑍍𑌦𑍇॒𑌵𑌾 𑌉𑌪॑𑌜𑍀𑌵𑌨𑍍𑌤𑌿॒ 𑌵𑌿𑌶𑍍𑌵𑍇᳚ । 𑌵𑌾𑌚॑-𑌙𑍍𑌗𑌨𑍍𑌧॒𑌰𑍍𑌵𑌾𑌃 𑌪॒𑌶𑌵𑍋॑ 𑌮𑌨𑍁॒𑌷𑍍𑌯𑌾𑌃᳚ । 𑌵𑌾॒𑌚𑍀𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾॒𑌨𑍍𑌯𑌰𑍍𑌪𑌿॑𑌤𑌾 ॥ 62 ॥

𑌸𑌾 𑌨𑍋॒ 𑌹𑌵॑-𑌞𑍍𑌜𑍁𑌷𑌤𑌾॒-𑌮𑌿𑌨𑍍𑌦𑍍𑌰॑𑌪𑌤𑍍𑌨𑍀 ॥ 𑌵𑌾𑌗॒𑌕𑍍𑌷𑌰॑-𑌮𑍍𑌪𑍍𑌰𑌥𑌮॒𑌜𑌾 𑌋॒𑌤𑌸𑍍𑌯॑ । 𑌵𑍇𑌦𑌾॑𑌨𑌾-𑌮𑍍𑌮𑌾॒𑌤𑌾-𑌽𑌮𑍃𑌤॑𑌸𑍍𑌯॒ 𑌨𑌾𑌭𑌿𑌃॑ । 𑌸𑌾 𑌨𑍋॑ 𑌜𑍁𑌷𑌾॒𑌣𑍋𑌪॑ 𑌯॒𑌜𑍍𑌞𑌮𑌾𑌗𑌾᳚𑌤𑍍 । 𑌅𑌵॑𑌨𑍍𑌤𑍀 𑌦𑍇॒𑌵𑍀 𑌸𑍁॒𑌹𑌵𑌾॑ 𑌮𑍇 𑌅𑌸𑍍𑌤𑍁 ॥ 𑌯𑌾 𑌮𑍃𑌷॑𑌯𑍋 𑌮𑌨𑍍𑌤𑍍𑌰॒𑌕𑍃𑌤𑍋॑ 𑌮𑌨𑍀॒𑌷𑌿𑌣𑌃॑ । 𑌅॒𑌨𑍍𑌵𑍈𑌚𑍍𑌛॑-𑌨𑍍𑌦𑍇॒𑌵𑌾-𑌸𑍍𑌤𑌪॑𑌸𑌾॒ 𑌶𑍍𑌰𑌮𑍇॑𑌣 । 𑌤𑌾-𑌨𑍍𑌦𑍇॒𑌵𑍀𑌂-𑌵𑌾𑌁𑌚𑌗𑍍𑌂॑ 𑌹॒𑌵𑌿𑌷𑌾॑ 𑌯𑌜𑌾𑌮𑌹𑍇 । 𑌸𑌾 𑌨𑍋॑ 𑌦𑌧𑌾𑌤𑍁 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 ॥ 𑌚॒𑌤𑍍𑌵𑌾𑌰𑌿॒ 𑌵𑌾-𑌕𑍍𑌪𑌰𑌿॑𑌮𑌿𑌤𑌾 𑌪॒𑌦𑌾𑌨𑌿॑ ॥ 63 ॥

𑌤𑌾𑌨𑌿॑ 𑌵𑌿𑌦𑍁-𑌰𑍍𑌬𑍍𑌰𑌾𑌹𑍍𑌮॒𑌣𑌾 𑌯𑍇 𑌮॑𑌨𑍀॒𑌷𑌿𑌣𑌃॑ । 𑌗𑍁𑌹𑌾॒ 𑌤𑍍𑌰𑍀𑌣𑌿॒ 𑌨𑌿𑌹𑌿॑𑌤𑌾॒ 𑌨𑍇𑌙𑍍𑌗॑𑌯𑌨𑍍𑌤𑌿 । 𑌤𑍁॒𑌰𑍀𑌯𑌂॑-𑌵𑌾𑌁॒𑌚𑍋 𑌮॑𑌨𑍁॒𑌷𑍍𑌯𑌾॑ 𑌵𑌦𑌨𑍍𑌤𑌿 ॥ 𑌶𑍍𑌰॒𑌦𑍍𑌧𑌯𑌾॒-𑌽𑌗𑍍𑌨𑌿-𑌸𑍍𑌸𑌮𑌿॑𑌦𑍍𑌧𑍍𑌯𑌤𑍇 । 𑌶𑍍𑌰॒𑌦𑍍𑌧𑌯𑌾॑ 𑌵𑌿𑌨𑍍𑌦𑌤𑍇 𑌹॒𑌵𑌿𑌃 । 𑌶𑍍𑌰॒𑌦𑍍𑌧𑌾-𑌮𑍍𑌭𑌗॑𑌸𑍍𑌯 𑌮𑍂॒𑌰𑍍𑌧𑌨𑌿॑ । 𑌵𑌚॒𑌸𑌾 𑌽𑌽𑌵𑍇॑𑌦𑌯𑌾𑌮𑌸𑌿 ॥ 𑌪𑍍𑌰𑌿॒𑌯𑌗𑍍𑌗𑍍 𑌶𑍍𑌰॑𑌦𑍍𑌧𑍇॒ 𑌦𑌦॑𑌤𑌃 । 𑌪𑍍𑌰𑌿॒𑌯𑌗𑍍𑌗𑍍 𑌶𑍍𑌰॑𑌦𑍍𑌧𑍇॒ 𑌦𑌿𑌦𑌾॑𑌸𑌤𑌃 । 𑌪𑍍𑌰𑌿॒𑌯-𑌮𑍍𑌭𑍋॒𑌜𑍇𑌷𑍁॒ 𑌯𑌜𑍍𑌵॑𑌸𑍁 ॥ 64 ॥

𑌇॒𑌦-𑌮𑍍𑌮॑ 𑌉𑌦𑌿॒𑌤-𑌙𑍍𑌕𑍃॑𑌧𑌿 ॥ 𑌯𑌥𑌾॑ 𑌦𑍇॒𑌵𑌾 𑌅𑌸𑍁॑𑌰𑍇𑌷𑍁 । 𑌶𑍍𑌰॒𑌦𑍍𑌧𑌾-𑌮𑍁॒𑌗𑍍𑌰𑍇𑌷𑍁॑ 𑌚𑌕𑍍𑌰𑌿॒𑌰𑍇 । 𑌏॒𑌵-𑌮𑍍𑌭𑍋॒𑌜𑍇𑌷𑍁॒ 𑌯𑌜𑍍𑌵॑𑌸𑍁 । 𑌅॒𑌸𑍍𑌮𑌾𑌕॑-𑌮𑍁𑌦𑌿॒𑌤-𑌙𑍍𑌕𑍃॑𑌧𑌿 ॥ 𑌶𑍍𑌰॒𑌦𑍍𑌧𑌾-𑌨𑍍𑌦𑍇॑𑌵𑌾॒ 𑌯𑌜॑𑌮𑌾𑌨𑌾𑌃 । 𑌵𑌾॒𑌯𑍁𑌗𑍋॑𑌪𑌾॒ 𑌉𑌪𑌾॑𑌸𑌤𑍇 । 𑌶𑍍𑌰॒𑌦𑍍𑌧𑌾𑌗𑍍𑌂 𑌹𑍃॑𑌦॒𑌯𑍍𑌯॑𑌯𑌾-𑌽𑌽𑌕𑍂᳚𑌤𑍍𑌯𑌾 । 𑌶𑍍𑌰॒𑌦𑍍𑌧𑌯𑌾॑ 𑌹𑍂𑌯𑌤𑍇 𑌹॒𑌵𑌿𑌃 ॥ 𑌶𑍍𑌰॒𑌦𑍍𑌧𑌾-𑌮𑍍𑌪𑍍𑌰𑌾॒𑌤𑌰𑍍-𑌹॑𑌵𑌾𑌮𑌹𑍇 ॥ 65 ॥

𑌶𑍍𑌰॒𑌦𑍍𑌧𑌾-𑌮𑍍𑌮॒𑌦𑍍𑌧𑍍𑌯𑌨𑍍𑌦𑌿॑𑌨॒-𑌮𑍍𑌪𑌰𑌿॑ । 𑌶𑍍𑌰॒𑌦𑍍𑌧𑌾𑌗𑍍𑌂 𑌸𑍂𑌰𑍍𑌯॑𑌸𑍍𑌯 𑌨𑌿॒𑌮𑍍𑌰𑍁𑌚𑌿॑ । 𑌶𑍍𑌰𑌦𑍍𑌧𑍇॒ 𑌶𑍍𑌰𑌦𑍍𑌧𑌾॑𑌪𑌯𑍇॒𑌹 𑌮𑌾᳚ ॥ 𑌶𑍍𑌰॒𑌦𑍍𑌧𑌾 𑌦𑍇॒𑌵𑌾-𑌨𑌧𑌿॑𑌵𑌸𑍍𑌤𑍇 । 𑌶𑍍𑌰॒𑌦𑍍𑌧𑌾 𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌶𑍍𑌰॒𑌦𑍍𑌧𑌾-𑌙𑍍𑌕𑌾𑌮॑𑌸𑍍𑌯 𑌮𑌾॒𑌤𑌰᳚𑌮𑍍 । 𑌹॒𑌵𑌿𑌷𑌾॑ 𑌵𑌰𑍍𑌧𑌯𑌾𑌮𑌸𑌿 ॥ 𑌬𑍍𑌰𑌹𑍍𑌮॑𑌜𑌜𑍍𑌞𑌾॒𑌨-𑌮𑍍𑌪𑍍𑌰॑𑌥॒𑌮-𑌮𑍍𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿 𑌸𑍀॑𑌮॒𑌤-𑌸𑍍𑌸𑍁॒𑌰𑍁𑌚𑍋॑ 𑌵𑍇॒𑌨 𑌆॑𑌵𑌃 । 𑌸 𑌬𑍁॒𑌦𑍍𑌧𑍍𑌨𑌿𑌯𑌾॑ 𑌉𑌪॒𑌮𑌾 𑌅॑𑌸𑍍𑌯 𑌵𑌿॒𑌷𑍍𑌠𑌾𑌃 ॥ 66 ॥

𑌸॒𑌤𑌶𑍍𑌚॒ 𑌯𑍋𑌨𑌿॒-𑌮𑌸॑𑌤𑌶𑍍𑌚॒ 𑌵𑌿𑌵𑌃॑ ॥ 𑌪𑌿॒𑌤𑌾 𑌵𑌿॒𑌰𑌾𑌜𑌾॑𑌮𑍃𑌷॒𑌭𑍋 𑌰॑𑌯𑍀॒𑌣𑌾𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷𑌂-𑌵𑌿𑌁॒𑌶𑍍𑌵𑌰𑍂॑𑌪॒ 𑌆𑌵𑌿॑𑌵𑍇𑌶 । 𑌤𑌮॒𑌰𑍍𑌕𑍈-𑌰॒𑌭𑍍𑌯॑𑌰𑍍𑌚𑌨𑍍𑌤𑌿 𑌵॒𑌥𑍍𑌸𑌮𑍍 । 𑌬𑍍𑌰𑌹𑍍𑌮॒ 𑌸𑌨𑍍𑌤॒-𑌮𑍍𑌬𑍍𑌰𑌹𑍍𑌮॑𑌣𑌾 𑌵॒𑌰𑍍𑌧𑌯॑𑌨𑍍𑌤𑌃 ॥ 𑌬𑍍𑌰𑌹𑍍𑌮॑ 𑌦𑍇॒𑌵𑌾𑌨॑𑌜𑌨𑌯𑌤𑍍 । 𑌬𑍍𑌰𑌹𑍍𑌮॒ 𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌬𑍍𑌰𑌹𑍍𑌮॑𑌣𑌃, 𑌕𑍍𑌷॒𑌤𑍍𑌰-𑌨𑍍𑌨𑌿𑌰𑍍𑌮𑌿॑𑌤𑌮𑍍 । 𑌬𑍍𑌰𑌹𑍍𑌮॑ 𑌬𑍍𑌰𑌾𑌹𑍍𑌮॒𑌣 𑌆॒𑌤𑍍𑌮𑌨𑌾᳚ ॥ 𑌅॒𑌨𑍍𑌤𑌰॑𑌸𑍍𑌮𑌿-𑌨𑍍𑌨𑌿॒𑌮𑍇 𑌲𑍋॒𑌕𑌾𑌃 ॥ 67 ॥

𑌅॒𑌨𑍍𑌤-𑌰𑍍𑌵𑌿𑌶𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌬𑍍𑌰𑌹𑍍𑌮𑍈॒𑌵 𑌭𑍂॒𑌤𑌾𑌨𑌾॒-𑌞𑍍𑌜𑍍𑌯𑍇𑌷𑍍𑌠᳚𑌮𑍍 । 𑌤𑍇𑌨॒ 𑌕𑍋॑-𑌽𑌰𑍍𑌹𑌤𑌿॒ 𑌸𑍍𑌪𑌰𑍍𑌧𑌿॑𑌤𑍁𑌮𑍍 ॥ 𑌬𑍍𑌰𑌹𑍍𑌮॑-𑌨𑍍𑌦𑍇॒𑌵𑌾-𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍 । 𑌬𑍍𑌰𑌹𑍍𑌮॑𑌨𑍍𑌨𑌿𑌨𑍍𑌦𑍍𑌰 𑌪𑍍𑌰𑌜𑌾𑌪॒𑌤𑍀 । 𑌬𑍍𑌰𑌹𑍍𑌮॑𑌨𑍍. 𑌹॒ 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ । 𑌨𑌾॒𑌵𑍀 𑌵𑌾॒𑌨𑍍𑌤-𑌸𑍍𑌸॒𑌮𑌾𑌹𑌿॑𑌤𑌾 ॥ 𑌚𑌤॑𑌸𑍍𑌰॒ 𑌆𑌶𑌾𑌃॒ 𑌪𑍍𑌰𑌚॑𑌰𑌨𑍍𑌤𑍍𑌵॒-𑌗𑍍𑌨𑌯𑌃॑ । 𑌇॒𑌮𑌨𑍍𑌨𑍋॑ 𑌯॒𑌜𑍍𑌞-𑌨𑍍𑌨॑𑌯𑌤𑍁 𑌪𑍍𑌰𑌜𑌾॒𑌨𑌨𑍍𑌨𑍍 । 𑌘𑍃॒𑌤-𑌮𑍍𑌪𑌿𑌨𑍍𑌵॑𑌨𑍍𑌨॒𑌜𑌰𑌗𑍍𑌂॑ 𑌸𑍁॒𑌵𑍀𑌰᳚𑌮𑍍 ॥ 68 ॥

𑌬𑍍𑌰𑌹𑍍𑌮॑ 𑌸॒𑌮𑌿-𑌦𑍍𑌭॑𑌵॒𑌤𑍍𑌯𑌾𑌹𑍁॑𑌤𑍀𑌨𑌾𑌮𑍍 ॥ 𑌆 𑌗𑌾𑌵𑍋॑ 𑌅𑌗𑍍𑌮𑌨𑍍𑌨𑍁॒𑌤 𑌭॒𑌦𑍍𑌰𑌮॑𑌕𑍍𑌰𑌨𑍍𑌨𑍍 । 𑌸𑍀𑌦॑𑌨𑍍𑌤𑍁 𑌗𑍋॒𑌷𑍍𑌠𑍇 𑌰॒𑌣𑌯॑𑌨𑍍𑌤𑍍𑌵॒𑌸𑍍𑌮𑍇 । 𑌪𑍍𑌰॒𑌜𑌾𑌵॑𑌤𑍀𑌃 𑌪𑍁𑌰𑍁॒𑌰𑍂𑌪𑌾॑ 𑌇॒𑌹 𑌸𑍍𑌯𑍁𑌃 । 𑌇𑌨𑍍𑌦𑍍𑌰𑌾॑𑌯 𑌪𑍂॒𑌰𑍍𑌵𑍀 𑌰𑍁॒𑌷𑌸𑍋॒ 𑌦𑍁𑌹𑌾॑𑌨𑌾𑌃 ॥ 𑌇𑌨𑍍𑌦𑍍𑌰𑍋॒ 𑌯𑌜𑍍𑌵॑𑌨𑍇 𑌪𑍃𑌣॒𑌤𑍇 𑌚॑ 𑌶𑌿𑌕𑍍𑌷𑌤𑌿 । 𑌉𑌪𑍇𑌦𑍍𑌦॑𑌦𑌾𑌤𑌿॒ 𑌨 𑌸𑍍𑌵-𑌮𑍍𑌮𑍁॑𑌷𑌾𑌯𑌤𑌿 । 𑌭𑍂𑌯𑍋॑ 𑌭𑍂𑌯𑍋 𑌰॒𑌯𑌿𑌮𑌿𑌦॑𑌸𑍍𑌯 𑌵॒𑌰𑍍𑌧𑌯𑌨𑍍𑌨𑍍॑ । 𑌅𑌭𑌿॑𑌨𑍍𑌨𑍇 𑌖𑌿॒𑌲𑍍𑌲𑍇 𑌨𑌿𑌦॑𑌧𑌾𑌤𑌿 𑌦𑍇𑌵॒𑌯𑍁𑌮𑍍 ॥ 𑌨 𑌤𑌾 𑌨॑𑌶𑌨𑍍𑌤𑌿॒ 𑌨 𑌦॑𑌭𑌾𑌤𑌿॒ 𑌤𑌸𑍍𑌕॑𑌰𑌃 । 𑌨𑍈𑌨𑌾॑ 𑌅𑌮𑌿॒𑌤𑍍𑌰𑍋 𑌵𑍍𑌯𑌥𑌿॒𑌰𑌾𑌦॑𑌧𑌰𑍍𑌷𑌤𑌿 । 𑌦𑍇॒𑌵𑌾𑌗𑍍𑌶𑍍𑌚॒ 𑌯𑌾𑌭𑌿॒-𑌰𑍍𑌯𑌜॑𑌤𑍇॒ 𑌦𑌦𑌾॑𑌤𑌿 𑌚 । 𑌜𑍍𑌯𑍋𑌗𑌿𑌤𑍍𑌤𑌾𑌭𑌿𑌃॑ 𑌸𑌚𑌤𑍇॒ 𑌗𑍋𑌪॑𑌤𑌿-𑌸𑍍𑌸॒𑌹 ॥, 𑌨 𑌤𑌾 𑌅𑌰𑍍𑌵𑌾॑ 𑌰𑍇॒𑌣𑍁𑌕॑𑌕𑌾𑌟𑍋 𑌅𑌶𑍍𑌨𑍁𑌤𑍇 । 𑌨 𑌸𑌗𑍍𑌗𑍍॑ 𑌸𑍍𑌕𑍃𑌤॒𑌤𑍍𑌰-𑌮𑍁𑌪॑𑌯𑌨𑍍𑌤𑌿॒ 𑌤𑌾 𑌅॒𑌭𑌿 । 𑌉॒𑌰𑍁॒𑌗𑌾॒𑌯𑌮𑌭॑𑌯॒-𑌨𑍍𑌤𑌸𑍍𑌯॒ 𑌤𑌾 𑌅𑌨𑍁॑ । 𑌗𑌾𑌵𑍋॒ 𑌮𑌰𑍍𑌤𑍍𑌯॑𑌸𑍍𑌯॒ 𑌵𑌿𑌚॑𑌰𑌨𑍍𑌤𑌿॒ 𑌯𑌜𑍍𑌵॑𑌨𑌃 ॥ ॥ 69 ॥

𑌗𑌾𑌵𑍋॒ 𑌭𑌗𑍋॒ 𑌗𑌾𑌵॒ 𑌇𑌨𑍍𑌦𑍍𑌰𑍋॑ 𑌮𑍇 𑌅𑌚𑍍𑌛𑌾𑌤𑍍 । 𑌗𑌾𑌵॒-𑌸𑍍𑌸𑍋𑌮॑𑌸𑍍𑌯 𑌪𑍍𑌰𑌥॒𑌮𑌸𑍍𑌯॑ 𑌭॒𑌕𑍍𑌷𑌃 । 𑌇॒𑌮𑌾 𑌯𑌾 𑌗𑌾𑌵॒-𑌸𑍍𑌸𑌜॑𑌨𑌾𑌸॒ 𑌇𑌨𑍍𑌦𑍍𑌰𑌃॑ । 𑌇॒𑌚𑍍𑌛𑌾𑌮𑍀𑌦𑍍𑌧𑍃॒𑌦𑌾 𑌮𑌨॑𑌸𑌾 𑌚𑌿॒𑌦𑌿𑌨𑍍𑌦𑍍𑌰᳚𑌮𑍍 ॥ 𑌯𑍂॒𑌯-𑌙𑍍𑌗𑌾॑𑌵𑍋 𑌮𑍇𑌦𑌯𑌥𑌾 𑌕𑍃॒𑌶-𑌞𑍍𑌚𑌿॑𑌤𑍍 । 𑌅॒𑌶𑍍𑌲𑍀॒𑌲-𑌞𑍍𑌚𑌿॑-𑌤𑍍𑌕𑍃𑌣𑍁𑌥𑌾 𑌸𑍁॒𑌪𑍍𑌰𑌤𑍀॑𑌕𑌮𑍍 । 𑌭॒𑌦𑍍𑌰-𑌙𑍍𑌗𑍃॒𑌹-𑌙𑍍𑌕𑍃॑𑌣𑍁𑌥 𑌭𑌦𑍍𑌰𑌵𑌾𑌚𑌃 । 𑌬𑍃॒𑌹𑌦𑍍𑌵𑍋॒ 𑌵𑌯॑ 𑌉𑌚𑍍𑌯𑌤𑍇 𑌸॒𑌭𑌾𑌸𑍁॑ ॥ 𑌪𑍍𑌰॒𑌜𑌾𑌵॑𑌤𑍀-𑌸𑍍𑌸𑍂॒𑌯𑌵॑𑌸𑌗𑍍𑌂 𑌰𑌿॒𑌶𑌨𑍍𑌤𑍀𑌃᳚ (𑌰𑍁॒𑌶𑌨𑍍𑌤𑍀𑌃᳚) । 𑌶𑍁॒𑌦𑍍𑌧𑌾 𑌅॒𑌪-𑌸𑍍𑌸𑍁॑𑌪𑍍𑌰𑌪𑌾॒𑌣𑍇 𑌪𑌿𑌬॑𑌨𑍍𑌤𑍀𑌃 । 𑌮𑌾 𑌵𑌃॑ 𑌸𑍍𑌤𑍇॒𑌨 𑌈॑𑌶𑌤॒ 𑌮𑌾-𑌽𑌘𑌶𑌗𑍍𑌂॑𑌸𑌃 । 𑌪𑌰𑌿॑𑌵𑍋 𑌹𑍇॒𑌤𑍀 𑌰𑍁॒𑌦𑍍𑌰𑌸𑍍𑌯॑ 𑌵𑍃𑌞𑍍𑌜𑍍𑌯𑌾𑌤𑍍 ॥ 𑌉𑌪𑍇॒𑌦-𑌮𑍁॑𑌪॒𑌪𑌰𑍍𑌚॑𑌨𑌮𑍍 । 𑌆॒𑌸𑍁 𑌗𑍋𑌷𑍂𑌪॑𑌪𑍃𑌚𑍍𑌯𑌤𑌾𑌮𑍍 । 𑌉𑌪॑𑌰𑍍𑌷॒𑌭𑌸𑍍𑌯॒ 𑌰𑍇𑌤॑𑌸𑌿 । 𑌉𑌪𑍇᳚𑌨𑍍𑌦𑍍𑌰॒ 𑌤𑌵॑ 𑌵𑍀॒𑌰𑍍𑌯𑍇᳚ ॥ 70 ॥

(𑌚॒𑌰𑌾॒𑌮𑌿॒ - 𑌕𑌨𑍀॑𑌯𑍋॒ - 𑌽𑌨𑍍𑌯𑌾 - 𑌨𑌰𑍍𑌪𑌿॑𑌤𑌾 - 𑌪॒𑌦𑌾𑌨𑌿॒ - 𑌯𑌜𑍍𑌵॑𑌸𑍁 - 𑌹𑌵𑌾𑌮𑌹𑍇 - 𑌵𑌿॒𑌷𑍍𑌠𑌾 - 𑌲𑍋॒𑌕𑌾𑌃 - 𑌸𑍁॒𑌵𑍀𑌰॒ - 𑌮𑌰𑍍𑌵𑌾॒ - 𑌪𑌿𑌬॑𑌨𑍍𑌤𑍀॒-𑌷𑍍𑌷𑌟𑍍𑌚॑) (𑌅. 8)

𑌅𑌨𑍁𑌵𑌾𑌕𑌂 9 - 𑌶𑍁𑌕𑍍𑌲𑌕𑍃𑌷𑍍𑌣𑌪𑌶𑍍𑌵𑌾𑌦𑍀𑌨𑌾𑌂 𑌸𑍂𑌕𑍍𑌤𑌾𑌨𑌿

𑌤𑌾 𑌸𑍂᳚𑌰𑍍𑌯𑌾 𑌚𑌨𑍍𑌦𑍍𑌰॒𑌮𑌸𑌾॑ 𑌵𑌿𑌶𑍍𑌵॒𑌭𑍃𑌤𑍍𑌤॑𑌮𑌾 𑌮॒𑌹𑌤𑍍 । 𑌤𑍇𑌜𑍋॒ 𑌵𑌸𑍁॑𑌮-𑌦𑍍𑌰𑌾𑌜𑌤𑍋 𑌦𑌿॒𑌵𑌿 । 𑌸𑌾𑌮𑌾᳚𑌤𑍍𑌮𑌾𑌨𑌾 𑌚𑌰𑌤-𑌸𑍍𑌸𑌾𑌮𑌚𑌾॒𑌰𑌿𑌣𑌾᳚ । 𑌯𑌯𑍋᳚𑌰𑍍𑌵𑍍𑌰॒𑌤-𑌨𑍍𑌨 𑌮॒𑌮𑍇 𑌜𑌾𑌤𑍁॑ 𑌦𑍇॒𑌵𑌯𑍋𑌃᳚ ॥ 𑌉॒𑌭𑌾𑌵𑌨𑍍𑌤𑍗॒ 𑌪𑌰𑌿॑𑌯𑌾𑌤॒ 𑌅𑌰𑍍𑌮𑍍𑌯𑌾᳚ । 𑌦𑌿॒𑌵𑍋 𑌨 𑌰॒𑌶𑍍𑌮𑍀𑌗𑍍 𑌸𑍍𑌤॑𑌨𑍁॒𑌤𑍋-𑌵𑍍𑌯॑𑌰𑍍𑌣॒𑌵𑍇 । 𑌉॒𑌭𑌾 𑌭𑍁॑𑌵॒𑌨𑍍𑌤𑍀 𑌭𑍁𑌵॑𑌨𑌾 𑌕॒𑌵𑌿𑌕𑍍𑌰॑𑌤𑍂 । 𑌸𑍂𑌰𑍍𑌯𑌾॒ 𑌨 𑌚॒𑌨𑍍𑌦𑍍𑌰𑌾 𑌚॑𑌰𑌤𑍋 𑌹॒𑌤𑌾𑌮॑𑌤𑍀 ॥ 𑌪𑌤𑍀᳚ 𑌦𑍍𑌯𑍁॒𑌮-𑌦𑍍𑌵𑌿॑𑌶𑍍𑌵॒𑌵𑌿𑌦𑌾॑ 𑌉॒𑌭𑌾 𑌦𑌿॒𑌵𑌃 । 𑌸𑍂𑌰𑍍𑌯𑌾॑ 𑌉॒𑌭𑌾 𑌚॒𑌨𑍍𑌦𑍍𑌰𑌮॑𑌸𑌾 𑌵𑌿𑌚𑌕𑍍𑌷॒𑌣𑌾 ॥ 71 ॥

𑌵𑌿॒𑌶𑍍𑌵𑌵𑌾॑𑌰𑌾 𑌵𑌰𑌿𑌵𑍋॒𑌭𑌾 𑌵𑌰𑍇᳚𑌣𑍍𑌯𑌾 । 𑌤𑌾 𑌨𑍋॑-𑌽𑌵𑌤-𑌮𑍍𑌮𑌤𑌿॒𑌮𑌨𑍍𑌤𑌾॒ 𑌮𑌹𑌿॑𑌵𑍍𑌰𑌤𑌾 ॥ 𑌵𑌿॒𑌶𑍍𑌵॒𑌵𑌪॑𑌰𑍀 𑌪𑍍𑌰॒𑌤𑌰॑𑌣𑌾 𑌤𑌰॒𑌨𑍍𑌤𑌾 । 𑌸𑍁॒𑌵॒𑌰𑍍𑌵𑌿𑌦𑌾॑ 𑌦𑍃॒𑌶𑌯𑍇॒ 𑌭𑍂𑌰𑌿॑𑌰𑌶𑍍𑌮𑍀 । 𑌸𑍂𑌰𑍍𑌯𑌾॒ 𑌹𑌿 𑌚॒𑌨𑍍𑌦𑍍𑌰𑌾 𑌵𑌸𑍁॑𑌤𑍍𑌵𑍇॒𑌷-𑌦॑𑌰𑍍𑌶𑌤𑌾 । 𑌮॒𑌨॒𑌸𑍍𑌵𑌿𑌨𑍋॒𑌭𑌾-𑌽𑌨𑍁॑ 𑌚𑌰॒𑌤𑍋 𑌨𑍁॒ 𑌸-𑌨𑍍𑌦𑌿𑌵᳚𑌮𑍍 ॥ 𑌅॒𑌸𑍍𑌯 𑌶𑍍𑌰𑌵𑍋॑ 𑌨॒𑌦𑍍𑌯𑌃॑ 𑌸॒𑌪𑍍𑌤 𑌬𑌿॑𑌭𑍍𑌰𑌤𑌿 । 𑌦𑍍𑌯𑌾𑌵𑌾॒ 𑌕𑍍𑌷𑌾𑌮𑌾॑ 𑌪𑍃𑌥𑌿॒𑌵𑍀 𑌦॑𑌰𑍍𑌶॒𑌤𑌂-𑌵𑌁𑌪𑍁𑌃॑ । 𑌅॒𑌸𑍍𑌮𑍇 𑌸𑍂᳚𑌰𑍍𑌯𑌾 𑌚𑌨𑍍𑌦𑍍𑌰॒𑌮𑌸𑌾॑-𑌽𑌭𑌿॒𑌚𑌕𑍍𑌷𑍇᳚ । 𑌶𑍍𑌰॒𑌦𑍍𑌧𑍇 𑌕𑌮𑌿॑𑌨𑍍𑌦𑍍𑌰 𑌚𑌰𑌤𑍋 𑌵𑌿𑌚𑌰𑍍𑌤𑍁॒𑌰𑌮𑍍 ॥ 72 ॥

𑌪𑍂॒𑌰𑍍𑌵𑌾॒𑌪॒𑌰-𑌞𑍍𑌚॑𑌰𑌤𑍋 𑌮𑌾॒𑌯 𑌯𑍈॒𑌤𑍗 । 𑌶𑌿𑌶𑍂॒ 𑌕𑍍𑌰𑍀𑌡॑𑌨𑍍𑌤𑍗॒ 𑌪𑌰𑌿॑𑌯𑌾𑌤𑍋 𑌅𑌦𑍍𑌧𑍍𑌵॒𑌰𑌮𑍍 । 𑌵𑌿𑌶𑍍𑌵𑌾᳚𑌨𑍍𑌯॒𑌨𑍍𑌯𑍋 𑌭𑍁𑌵॑𑌨𑌾 𑌽𑌭𑌿॒𑌚𑌷𑍍𑌟𑍇᳚ । 𑌋॒𑌤𑍂𑌨॒𑌨𑍍𑌯𑍋 𑌵𑌿॒𑌦𑌧॑𑌜𑍍𑌜𑌾𑌯𑌤𑍇॒ 𑌪𑍁𑌨𑌃॑ ॥ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒-𑌶𑍍𑌶𑍁𑌚॑𑌯𑌃 𑌪𑌾𑌵॒𑌕𑌾 𑌯𑌾𑌸𑍁॑ 𑌜𑌾॒𑌤𑌃 𑌕॒𑌶𑍍𑌯𑌪𑍋॒ 𑌯𑌾𑌸𑍍𑌵𑌿𑌨𑍍𑌦𑍍𑌰𑌃॑ । 𑌅॒𑌗𑍍𑌨𑌿𑌂-𑌯𑌾𑌁 𑌗𑌰𑍍𑌭॑-𑌨𑍍𑌦𑌧𑌿॒𑌰𑍇 𑌵𑌿𑌰𑍂॑𑌪𑌾॒𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥,

𑌯𑌾𑌸𑌾॒𑌗𑍍𑌂॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌯𑌾𑌤𑌿॒ 𑌮𑌧𑍍𑌯𑍇॑ 𑌸𑌤𑍍𑌯𑌾𑌨𑍃॒𑌤𑍇 𑌅॑𑌵॒𑌪𑌶𑍍𑌯॒𑌨𑍍 𑌜𑌨𑌾॑𑌨𑌾𑌮𑍍 । 𑌮॒𑌧𑍁॒𑌶𑍍𑌚𑍁𑌤॒-𑌶𑍍𑌶𑍁𑌚॑𑌯𑍋॒ 𑌯𑌾𑌃 𑌪𑌾॑𑌵॒𑌕𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ । 𑌯𑌾𑌸𑌾᳚-𑌨𑍍𑌦𑍇॒𑌵𑌾 𑌦𑌿॒𑌵𑌿 𑌕𑍃॒𑌣𑍍𑌵𑌨𑍍𑌤𑌿॑ 𑌭॒𑌕𑍍𑌷𑌂-𑌯𑌾𑌁 𑌅॒𑌨𑍍𑌤𑌰𑌿॑𑌕𑍍𑌷𑍇 𑌬𑌹𑍁॒𑌧𑌾 𑌭𑌵॑𑌨𑍍𑌤𑌿 । 𑌯𑌾𑌃 𑌪𑍃॑𑌥𑌿॒𑌵𑍀-𑌮𑍍𑌪𑌯॑𑌸𑍋॒𑌨𑍍𑌦𑌨𑍍𑌤𑌿॑𑌶𑍁॒𑌕𑍍𑌰𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥, 𑌶𑌿॒𑌵𑍇𑌨॑ 𑌮𑌾॒ 𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌾-𑌽𑌽𑌪-𑌶𑍍𑌶𑌿॒𑌵𑌯𑌾॑ 𑌤॒𑌨𑍁𑌵𑍋𑌪॑ 𑌸𑍍𑌪𑍃𑌶𑌤॒ 𑌤𑍍𑌵𑌚॑-𑌮𑍍𑌮𑍇 । 𑌸𑌰𑍍𑌵𑌾𑌗𑍍𑌂॑ 𑌅॒𑌗𑍍𑌨𑍀𑌗𑍍𑌂 𑌰॑𑌫𑍍𑌸𑍁॒𑌷𑌦𑍋॑ 𑌹𑍁𑌵𑍇 𑌵𑍋॒ 𑌮𑌯𑌿॒ 𑌵𑌰𑍍𑌚𑍋॒ 𑌬𑌲॒𑌮𑍋𑌜𑍋॒ 𑌨𑌿 𑌧॑𑌤𑍍𑌤 ॥ । 𑌆𑌪𑍋॑ 𑌭॒𑌦𑍍𑌰𑌾 𑌘𑍃॒𑌤𑌮𑌿𑌦𑌾𑌪॑ 𑌆𑌸𑍁𑌰॒𑌗𑍍𑌨𑍀-𑌷𑍋𑌮𑍗॑ 𑌬𑌿𑌭𑍍𑌰॒𑌤𑍍𑌯𑌾𑌪॒ 𑌇-𑌤𑍍𑌤𑌾𑌃 । 𑌤𑍀॒𑌵𑍍𑌰𑍋 𑌰𑌸𑍋॑ 𑌮𑌧𑍁॒𑌪𑍃𑌚𑌾॑ -𑌮𑌰𑌙𑍍𑌗॒𑌮 𑌆 𑌮𑌾᳚ 𑌪𑍍𑌰𑌾॒𑌣𑍇𑌨॑ 𑌸॒𑌹 𑌵𑌰𑍍𑌚॑𑌸𑌾 𑌗𑌨𑍍𑌨𑍍 ॥, 𑌆𑌦𑌿-𑌤𑍍𑌪॑𑌶𑍍𑌯𑌾𑌮𑍍𑌯𑍁॒𑌤 𑌵𑌾॑ 𑌶𑍃𑌣𑍋॒𑌮𑍍𑌯𑌾 𑌮𑌾॒ 𑌘𑍋𑌷𑍋॑ 𑌗𑌚𑍍𑌛𑌤𑌿॒ 𑌵𑌾𑌨𑍍𑌨॑ 𑌆𑌸𑌾𑌮𑍍 । 𑌮𑌨𑍍𑌯𑍇॑ 𑌭𑍇𑌜𑌾॒𑌨𑍋 𑌅॒𑌮𑍃𑌤॑𑌸𑍍𑌯॒ 𑌤𑌰𑍍𑌹𑌿॒ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒ 𑌅𑌤𑍃॑𑌪𑌂-𑌯𑌁॒𑌦𑌾 𑌵𑌃॑ ॥ ॥ 𑌨𑌾𑌸॑𑌦𑌾𑌸𑍀॒𑌨𑍍𑌨𑍋 𑌸𑌦𑌾॑𑌸𑍀-𑌤𑍍𑌤॒𑌦𑌾𑌨𑍀᳚𑌮𑍍 । 𑌨𑌾𑌸𑍀॒-𑌦𑍍𑌰𑌜𑍋॒ 𑌨𑍋 𑌵𑍍𑌯𑍋॑𑌮𑌾𑌪॒𑌰𑍋 𑌯𑌤𑍍 । 𑌕𑌿𑌮𑌾𑌵॑𑌰𑍀𑌵𑌃॒ 𑌕𑍁𑌹॒ 𑌕𑌸𑍍𑌯॒ 𑌶𑌰𑍍𑌮𑌨𑍍𑌨𑍍॑ ॥ 73 ॥

𑌅𑌮𑍍𑌭𑌃॒ 𑌕𑌿𑌮𑌾॑𑌸𑍀॒-𑌦𑍍𑌗𑌹॑𑌨-𑌙𑍍𑌗𑌭𑍀॒𑌰𑌮𑍍 ॥ 𑌨 𑌮𑍃॒𑌤𑍍𑌯𑍁𑌰॒𑌮𑍃𑌤॒-𑌨𑍍𑌤𑌰𑍍𑌹𑌿॒ 𑌨 । 𑌰𑌾𑌤𑍍𑌰𑌿॑𑌯𑌾॒ 𑌅𑌹𑍍𑌨॑ 𑌆𑌸𑍀-𑌤𑍍𑌪𑍍𑌰𑌕𑍇॒𑌤𑌃 । 𑌆𑌨𑍀॑𑌦𑌵𑌾॒𑌤𑌗𑍍𑌗𑍍 𑌸𑍍𑌵॒𑌧𑌯𑌾॒ 𑌤𑌦𑍇𑌕᳚𑌮𑍍 । 𑌤𑌸𑍍𑌮𑌾᳚-𑌦𑍍𑌧𑌾॒𑌨𑍍𑌯-𑌨𑍍𑌨 𑌪॒𑌰𑌃 (𑌪॒𑌰𑌂) 𑌕𑌿𑌞𑍍𑌚॒ 𑌨𑌾𑌸॑ ॥ 𑌤𑌮॑ 𑌆𑌸𑍀॒-𑌤𑍍𑌤𑌮॑𑌸𑌾 𑌗𑍂॒𑌢𑌮𑌗𑍍𑌰𑍇᳚ 𑌪𑍍𑌰𑌕𑍇॒𑌤𑌮𑍍 । 𑌸॒𑌲𑌿॒𑌲𑌗𑍍𑌂 𑌸𑌰𑍍𑌵॑𑌮𑌾 𑌇॒𑌦𑌮𑍍 । 𑌤𑍁॒𑌚𑍍𑌛𑍇 𑌨𑌾॒𑌭𑍍𑌵𑌪𑌿॑𑌹𑌿𑌤Q𑌂-𑌯𑌁𑌦𑌾𑌸𑍀᳚𑌤𑍍 । 𑌤𑌮॑𑌸॒ 𑌸𑍍𑌤𑌨𑍍𑌮॑𑌹𑌿॒𑌨𑌾 𑌜𑌾॑𑌯॒𑌤𑍈𑌕᳚𑌮𑍍 ॥ 𑌕𑌾𑌮॒𑌸𑍍𑌤𑌦𑌗𑍍𑌰𑍇॒ 𑌸𑌮॑𑌵𑌰𑍍𑌤॒𑌤𑌾𑌧𑌿॑ ॥ 74 ॥

𑌮𑌨॑𑌸𑍋॒ 𑌰𑍇𑌤𑌃॑ 𑌪𑍍𑌰𑌥॒𑌮𑌂-𑌯𑌁𑌦𑌾𑌸𑍀᳚𑌤𑍍 । 𑌸॒ 𑌤𑍋 𑌬𑌨𑍍𑌧𑍁॒𑌮𑌸॑𑌤𑌿॒ 𑌨𑌿𑌰॑𑌵𑌿𑌨𑍍𑌦𑌨𑍍𑌨𑍍 (𑌨𑌿𑌰॑𑌵𑌿𑌦𑌨𑍍𑌨𑍍) । 𑌹𑍃॒𑌦𑌿 𑌪𑍍𑌰॒𑌤𑍀𑌷𑍍𑌯𑌾॑ 𑌕॒𑌵𑌯𑍋॑ 𑌮𑌨𑍀॒𑌷𑌾 ॥ 𑌤𑌿॒𑌰॒𑌶𑍍𑌚𑍀𑌨𑍋॒ 𑌵𑌿𑌤॑𑌤𑍋 𑌰॒𑌶𑍍𑌮𑌿𑌰𑍇॑𑌷𑌾𑌮𑍍 । 𑌅॒𑌧-𑌸𑍍𑌸𑍍𑌵𑌿॑𑌦𑌾॒𑌸𑍀(3) 𑌦𑍁॒𑌪𑌰𑌿॑ 𑌸𑍍𑌵𑌿𑌦𑌾𑌸𑍀(3)𑌤𑍍 । 𑌰𑍇॒𑌤𑍋॒𑌧𑌾 𑌆॑𑌸-𑌨𑍍𑌮𑌹𑌿॒𑌮𑌾𑌨॑ 𑌆𑌸𑌨𑍍𑌨𑍍 । 𑌸𑍍𑌵॒𑌧𑌾 𑌅॒𑌵𑌸𑍍𑌤𑌾॒-𑌤𑍍𑌪𑍍𑌰𑌯॑𑌤𑌿𑌃 𑌪॒𑌰𑌸𑍍𑌤𑌾᳚𑌤𑍍 ॥ 𑌕𑍋 𑌅॒𑌦𑍍𑌧𑌾 𑌵𑍇॑𑌦॒ 𑌕 𑌇॒𑌹 𑌪𑍍𑌰𑌵𑍋॑𑌚𑌤𑍍 । 𑌕𑍁𑌤॒ 𑌆𑌜𑌾॑𑌤𑌾॒ 𑌕𑍁𑌤॑ 𑌇॒𑌯𑌂-𑌵𑌿𑌁𑌸𑍃॑𑌷𑍍𑌟𑌿𑌃 । 𑌅॒𑌰𑍍𑌵𑌾𑌗𑍍𑌦𑍇॒𑌵𑌾 𑌅॒𑌸𑍍𑌯 𑌵𑌿॒𑌸𑌰𑍍𑌜॑𑌨𑌾𑌯 ॥ 75 ॥

𑌅𑌥𑌾॒ 𑌕𑍋 𑌵𑍇॑𑌦॒ 𑌯𑌤॑ 𑌆𑌬॒𑌭𑍂𑌵॑ ॥ 𑌇॒𑌯𑌂-𑌵𑌿𑌁𑌸𑍃॑𑌷𑍍𑌟𑌿॒-𑌰𑍍𑌯𑌤॑ 𑌆𑌬॒𑌭𑍂𑌵॑ । 𑌯𑌦𑌿॑ 𑌵𑌾 𑌦॒𑌧𑍇 𑌯𑌦𑌿॑ 𑌵𑌾॒ 𑌨 । 𑌯𑍋 𑌅॒𑌸𑍍𑌯𑌾𑌦𑍍𑌧𑍍𑌯॑𑌕𑍍𑌷𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸𑍋 𑌅॒𑌙𑍍𑌗 𑌵𑍇॑𑌦॒ 𑌯𑌦𑌿॑ 𑌵𑌾॒ 𑌨 𑌵𑍇𑌦॑ ॥ 𑌕𑌿𑌗𑍍𑌗𑍍𑌸𑍍𑌵𑌿॒𑌦𑍍𑌵𑌨॒-𑌙𑍍𑌕 𑌉॒ 𑌸 𑌵𑍃॒𑌕𑍍𑌷 𑌆॑𑌸𑍀𑌤𑍍 । 𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 । 𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾 𑌪𑍃॒𑌚𑍍𑌛𑌤𑍇𑌦𑍁॒ 𑌤𑌤𑍍 । 𑌯𑌦॒𑌦𑍍𑌧𑍍𑌯𑌤𑌿॑𑌷𑍍𑌠॒-𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍𑌨𑍍॑ ॥ 𑌬𑍍𑌰𑌹𑍍𑌮॒ 𑌵𑌨॒-𑌮𑍍𑌬𑍍𑌰𑌹𑍍𑌮॒ 𑌸 𑌵𑍃॒𑌕𑍍𑌷 𑌆॑𑌸𑍀𑌤𑍍 ॥ 76 ॥

𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 । 𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾॒ 𑌵𑌿𑌬𑍍𑌰॑𑌵𑍀𑌮𑌿 𑌵𑌃 । 𑌬𑍍𑌰𑌹𑍍𑌮𑌾॒𑌦𑍍𑌧𑍍𑌯𑌤𑌿॑𑌷𑍍𑌠॒-𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍𑌨𑍍॑ ॥ 𑌪𑍍𑌰𑌾॒𑌤𑌰॒𑌗𑍍𑌨𑌿-𑌮𑍍𑌪𑍍𑌰𑌾॒𑌤𑌰𑌿𑌨𑍍𑌦𑍍𑌰𑌗𑍍𑌂॑ 𑌹𑌵𑌾𑌮𑌹𑍇 । 𑌪𑍍𑌰𑌾॒𑌤 𑌰𑍍𑌮𑌿॒𑌤𑍍𑌰𑌾𑌵𑌰𑍁॑𑌣𑌾 𑌪𑍍𑌰𑌾॒𑌤𑌰॒𑌶𑍍𑌵𑌿𑌨𑌾᳚ । 𑌪𑍍𑌰𑌾॒𑌤 𑌰𑍍𑌭𑌗॑-𑌮𑍍𑌪𑍂॒𑌷𑌣॒-𑌮𑍍𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿᳚𑌮𑍍 । 𑌪𑍍𑌰𑌾॒𑌤𑌸𑍍𑌸𑍋𑌮॑𑌮𑍁॒𑌤 𑌰𑍁॒𑌦𑍍𑌰𑌗𑍍𑌂 𑌹𑍁॑𑌵𑍇𑌮 ॥ 𑌪𑍍𑌰𑌾॒𑌤॒𑌰𑍍𑌜𑌿𑌤॒-𑌮𑍍𑌭𑌗॑𑌮𑍁॒𑌗𑍍𑌰𑌗𑍍𑌂 𑌹𑍁॑𑌵𑍇𑌮 । 𑌵॒𑌯-𑌮𑍍𑌪𑍁॒𑌤𑍍𑌰𑌮𑌦𑌿॑𑌤𑍇॒𑌰𑍍𑌯𑍋 𑌵𑌿॑𑌧॒𑌰𑍍𑌤𑌾 । 𑌆॒𑌦𑍍𑌧𑍍𑌰𑌶𑍍𑌚𑌿॒𑌦𑍍𑌯-𑌮𑍍𑌮𑌨𑍍𑌯॑𑌮𑌾𑌨-𑌸𑍍𑌤𑍁॒𑌰𑌶𑍍𑌚𑌿॑𑌤𑍍 ॥ 77 ॥

𑌰𑌾𑌜𑌾॑ 𑌚𑌿॒𑌦𑍍𑌯-𑌮𑍍𑌭𑌗॑-𑌮𑍍𑌭॒𑌕𑍍𑌷𑍀𑌤𑍍𑌯𑌾𑌹॑ ॥ 𑌭𑌗॒ 𑌪𑍍𑌰𑌣𑍇॑𑌤॒𑌰𑍍𑌭𑌗॒ 𑌸𑌤𑍍𑌯॑𑌰𑌾𑌧𑌃 । 𑌭𑌗𑍇॒𑌮𑌾-𑌨𑍍𑌧𑌿𑌯॒𑌮𑍁𑌦॑𑌵॒ 𑌦𑌦॑𑌨𑍍𑌨𑌃 । 𑌭𑌗॒ 𑌪𑍍𑌰𑌣𑍋॑ 𑌜𑌨𑌯॒ 𑌗𑍋𑌭𑌿॒𑌰𑌶𑍍𑌵𑍈𑌃᳚ । 𑌭𑌗॒ 𑌪𑍍𑌰𑌨𑍃𑌭𑌿॑-𑌰𑍍𑌨𑍃॒𑌵𑌨𑍍𑌤𑌃॑ 𑌸𑍍𑌯𑌾𑌮 । 𑌉॒𑌤𑍇𑌦𑌾𑌨𑍀॒-𑌮𑍍𑌭𑌗॑𑌵𑌨𑍍𑌤-𑌸𑍍𑌸𑍍𑌯𑌾𑌮 ॥ 𑌉॒𑌤 𑌪𑍍𑌰𑌪𑌿॒𑌤𑍍𑌵 𑌉॒𑌤 𑌮𑌦𑍍𑌧𑍍𑌯𑍇॒ 𑌅𑌹𑍍𑌨𑌾᳚𑌮𑍍 । 𑌉॒𑌤𑍋𑌦𑌿॑𑌤𑌾 𑌮𑌘𑌵॒𑌨𑍍-𑌥𑍍𑌸𑍂𑌰𑍍𑌯॑𑌸𑍍𑌯 । 𑌵॒𑌯-𑌨𑍍𑌦𑍇॒𑌵𑌾𑌨𑌾𑌗𑍍𑌂॑ 𑌸𑍁𑌮॒𑌤𑍗 𑌸𑍍𑌯𑌾॑𑌮 ॥ 𑌭𑌗॑ 𑌏॒𑌵 𑌭𑌗॑𑌵𑌾𑌗𑍍𑌂 𑌅𑌸𑍍𑌤𑍁 𑌦𑍇𑌵𑌾𑌃 ॥ 78 ॥

𑌤𑍇𑌨॑ 𑌵॒𑌯-𑌮𑍍𑌭𑌗॑𑌵𑌨𑍍𑌤-𑌸𑍍𑌸𑍍𑌯𑌾𑌮 । 𑌤-𑌨𑍍𑌤𑍍𑌵𑌾॑ 𑌭𑌗॒ 𑌸𑌰𑍍𑌵॒ 𑌇𑌜𑍍𑌜𑍋॑𑌹𑌵𑍀𑌮𑌿 । 𑌸 𑌨𑍋॑ 𑌭𑌗 𑌪𑍁𑌰 𑌏॒𑌤𑌾 𑌭॑𑌵𑍇॒𑌹 ॥ 𑌸𑌮॑𑌦𑍍𑌧𑍍𑌵॒𑌰𑌾𑌯𑍋॒𑌷𑌸𑍋॑ 𑌨𑌮𑌨𑍍𑌤 । 𑌦॒𑌧𑌿॒𑌕𑍍𑌰𑌾𑌵𑍇॑𑌵॒ 𑌶𑍁𑌚॑𑌯𑍇 𑌪॒𑌦𑌾𑌯॑ । 𑌅॒𑌰𑍍𑌵𑌾॒𑌚𑍀॒𑌨𑌂-𑌵𑌁॑𑌸𑍁॒𑌵𑌿𑌦॒-𑌮𑍍𑌭𑌗॑𑌨𑍍𑌨𑌃 । 𑌰𑌥॑𑌮𑌿॒𑌵𑌾𑌶𑍍𑌵𑌾॑ 𑌵𑌾॒𑌜𑌿𑌨॒ 𑌆𑌵॑𑌹𑌨𑍍𑌤𑍁 ॥ 𑌅𑌶𑍍𑌵𑌾॑𑌵𑌤𑍀॒-𑌰𑍍𑌗𑍋𑌮॑𑌤𑍀-𑌰𑍍𑌨 𑌉॒𑌷𑌾𑌸𑌃॑ । 𑌵𑍀॒𑌰𑌵॑𑌤𑍀॒-𑌸𑍍𑌸𑌦॑𑌮𑍁𑌚𑍍𑌛𑌨𑍍𑌤𑍁 𑌭॒𑌦𑍍𑌰𑌾𑌃 । 𑌘𑍃॒𑌤-𑌨𑍍𑌦𑍁𑌹𑌾॑𑌨𑌾 𑌵𑌿॒𑌶𑍍𑌵𑌤𑌃॒ 𑌪𑍍𑌰𑌪𑍀॑𑌨𑌾𑌃 । 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑ 𑌨𑌃 ॥ 79 ॥

(𑌵𑌿॒𑌚॒𑌕𑍍𑌷॒𑌣𑌾 - 𑌵𑌿॑𑌚𑌰𑍍𑌤𑍁॒𑌰𑌗𑍍𑌂 - 𑌶𑌰𑍍𑌮॒ - 𑌨𑍍𑌨𑌧𑌿॑ - 𑌵𑌿॒𑌸𑌰𑍍𑌜॑𑌨𑌾𑌯॒ - 𑌬𑍍𑌰𑌹𑍍𑌮॒ 𑌵𑌨॒-𑌮𑍍𑌬𑍍𑌰𑌹𑍍𑌮॒ 𑌸 𑌵𑍃॒𑌕𑍍𑌷 𑌆॑𑌸𑍀𑌤𑍍- 𑌤𑍁॒𑌰𑌶𑍍𑌚𑌿॑-𑌦𑍍- 𑌦𑍇𑌵𑌾𑌃॒ - 𑌪𑍍𑌰𑌪𑍀॑𑌨𑌾॒ 𑌏𑌕॑-𑌞𑍍𑌚) (𑌅. 9)

(𑌪𑍀𑌵𑍋᳚-𑌽𑌨𑍍𑌨𑌾॒ - 𑌮𑌗𑍍𑌨𑍇॒ 𑌤𑍍𑌵-𑌮𑍍𑌪𑌾॑𑌰 - 𑌯𑌾𑌨𑌾𑌘𑍃॒𑌷𑍍𑌯𑌃 - 𑌶𑍁𑌚𑌿॒-𑌨𑍍𑌨𑍁 𑌸𑍍𑌤𑍋𑌮𑌂॑ - 𑌁𑌵𑌿॒𑌶𑍍𑌰𑌯॑𑌮𑌾𑌣𑍋 - 𑌦𑌿॒𑌵𑍋 𑌰𑍁॒𑌕𑍍𑌮𑍋 - 𑌽𑌨𑍍𑌨॑-𑌮𑍍𑌪𑍍𑌰𑌾॒𑌣𑌂 - 𑌤𑌾 𑌸𑍂᳚𑌰𑍍𑌯𑌾𑌚𑌨𑍍𑌦𑍍𑌰॒𑌮𑌸𑌾॒ 𑌨𑌵॑𑌸𑌪𑍍𑌤𑌤𑌿𑌃)

(𑌪𑍀𑌵𑍋᳚𑌨𑍍𑌨𑌾 - 𑌁𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑𑌨𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑍇 𑌅𑌷𑍍𑌟𑌮𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌦𑍍𑌵𑌿𑌤𑍀𑌯𑌾𑌷𑍍𑌟𑌕𑌂 𑌸𑌮𑌾𑌪𑍍𑌤𑌮𑍍 ॥

Roman (IAST) Transliteration

kṛṣṇa yajurvedīya taittirīya brāhmaṇe dvitīyāṣṭake aṣṭamaḥ prapāṭhakaḥ - kāmyapaśuyājyānuvākyā brāhmaṇam

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

anuvākaṃ 1 - vāyavyādipaśūnāṃ sūktāni

pīvo᳚nnāgṃ rayi॒vṛdhaḥ̭ sume॒dhāḥ | śve॒ta-ssi̭ṣakti ni॒yutā̭mabhi॒śrīḥ | te vā॒yave॒ sama̭naso॒ vita̭sthuḥ | viśvennaraḥ̭ svapa॒tyāni̭ cakruḥ || rā॒ye-'nu ya-ñja॒jñatū॒ roda̭sī u॒bhe | rā॒ye de॒vī dhi॒ṣaṇā̭ dhāti de॒vam | adhā̭ vā॒yu-nni॒yutaḥ̭ saścata॒ svāḥ | u॒ta śve॒taṃ-va~sṷdhiti-nnire॒ke || ā vā̭yo bhūṣa śucipā॒ upa̭ na-ssa॒hasra̭-nte ni॒yuto̭ viśvavāra | upo̭ te॒ andho॒ madya̭mayāmi॒ yasya̭ deva dadhi॒ṣe pū᳚rva॒peya᳚m || pra yābhi॒ryāsi̭ dā॒śvāgṃ samacchā̭ ni॒yudbhi̭-rvāyavi॒ṣṭayḙ duro॒ṇe | ni no̭ ra॒yigṃ su॒bhoja̭saṃ-yu~ve॒ha ni vī॒rava॒-dgavya॒maśvi̭ya-ñca॒ rādhaḥ̭ |||| pra vā॒yumacchā̭ bṛha॒tī ma̭nī॒ṣā || 1 ||

bṛ॒hadra̭yiṃ-vi~॒śvavā̭rāgṃ ratha॒prām | dyu॒tadyā̭mā ni॒yutaḥ॒ patya̭mānaḥ | ka॒viḥ ka॒vimi̭yakṣasi prayajyo || ā no̭ ni॒yudbhiḥ̭ śa॒tinī̭bhi-raddhva॒ram | sa॒ha॒sriṇī̭bhi॒rupa̭ yāhi ya॒jñam | vāyo̭ a॒smin. ha॒viṣi̭ mādayasva | yū॒ya-mpā̭ta sva॒stibhi॒-ssadā̭ naḥ || prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva | ya-tkā̭māste juhu॒mastanno̭ astu || 2 ||

va॒yagg syā̭ma॒ pata̭yo rayī॒ṇām || ra॒yī॒ṇā-mpatiṃ̭-ya~ja॒ta-mbṛ॒hanta᳚m | a॒sminbhare॒ nṛta̭maṃ॒-vā~ja̭sātau | pra॒jāpa̭ti-mprathama॒jāmṛ॒tasya̭ | yajā̭ma de॒vamadhi̭ no bravītu || prajā̭pate॒ tva-nni̭dhi॒pāḥ pṷrā॒ṇaḥ | de॒vānā᳚-mpi॒tā ja̭ni॒tā pra॒jānā᳚m | pati॒-rviśva̭sya॒ jaga̭taḥ para॒spāḥ | ha॒virno̭ deva viha॒ve jṷṣasva || tave॒me lo॒kāḥ pra॒diśo॒ diśa̭śca || 3 ||

pa॒rā॒vato̭ ni॒vata̭ u॒dvata̭śca | prajā̭pate viśva॒sṛjjī॒vadha̭nya i॒da-nno̭ deva | prati̭harya ha॒vyam || pra॒jāpa̭ti-mpratha॒maṃ-ya~॒jñiyā̭nām | de॒vānā॒magrḙ yaja॒taṃ-ya~̭jaddhvam | sa no̭ dadātu॒ dravi̭ṇagṃ su॒vīrya᳚m | rā॒yaspoṣaṃ॒-vi~ṣya̭tu॒ nābhi̭ma॒sme || yo rā॒ya īśḙ śatadā॒ya u॒kthyaḥ̭ | yaḥ pa̭śū॒nāgṃ ra̭kṣi॒tā viṣṭhi̭tānām | pra॒jāpa̭tiḥ prathama॒jā ṛ॒tasya̭ || 4 ||

sa॒hasra̭dhāmā juṣatāgṃ ha॒virnaḥ̭ || somā̭pūṣaṇā॒ jana̭nā rayī॒ṇā-ñjana̭nā di॒vo jana̭nā pṛthi॒vyāḥ | jā॒tau viśva̭sya॒ bhuva̭nasya go॒pau de॒vā a̭kṛṇvanna॒mṛta̭sya॒ nābhi᳚m || i॒mau de॒vau jāya̭mānau juṣante॒mau tamāgṃ̭si gūhatā॒majṷṣṭā | ā॒bhyāmindraḥ̭ pa॒kvamā॒māsva॒nta-sso̭māpū॒ṣabhyā᳚-ñjanadu॒sriyā̭su || || somā̭pūṣaṇā॒ raja̭so vi॒māna᳚m | sa॒ptaca̭kra॒gṃ॒ ratha॒mavi̭śvaminvam | vi॒ṣū॒vṛta॒-mmana̭sā yu॒jyamā̭nam | ta-ñji̭nvatho vṛṣaṇā॒ pañca̭raśmim || di॒vya̭nya-ssada̭na-ñca॒kra u॒ccā | pṛ॒thi॒vyāma॒nyo addhya॒ntari̭kṣe | tāva॒smabhya̭-mpuru॒vāra̭-mpuru॒kṣum | rā॒yaspoṣaṃ॒-vi~ṣya̭tā॒-nnābhi̭ma॒sme || 5 ||

dhiya̭-mpū॒ṣā ji̭nvatu viśvami॒nvaḥ | ra॒yigṃ somo̭ rayi॒pati̭-rdadhātu | ava̭tu de॒vyadi̭tira-na॒rvā | bṛ॒ha-dva̭dema vi॒dathḙ su॒vīrāḥ᳚ || viśvā᳚nya॒nyo bhuva̭nā ja॒jāna̭ | viśva̭ma॒nyo a̭bhi॒cakṣā̭ṇa eti | somā̭pūṣaṇā॒-vava̭ta॒-ndhiya̭-mme | yu॒vabhyāṃ॒-vi~śvāḥ॒ pṛta̭nā jayema || udṷtta॒maṃ-va~̭ruṇa॒ pāśa̭ma॒smadavā̭-'dha॒maṃ-vi~ma̭dhya॒magg śra̭thāya | athā̭ va॒yamā̭ditya vra॒te tavā-'nā̭gaso॒ adi̭taye syāma asta̭bhnā॒dyāmṛ̭ṣa॒bho a॒ntari̭kṣa॒mami̭mīta vari॒māṇa̭-mpṛthi॒vyā ā-'sī̭da॒-dviśvā॒ bhuva̭nāni sa॒mrā-ḍviśvettāni॒ varṷṇasya vra॒tāni̭ || | ya-tkiñce॒daṃ-va~̭ruṇa॒ daivye॒ janḙ-'bhidro॒ha-mma̭nu॒ṣyā᳚ścarā̭masi | aci̭ttī॒ya-ttava॒ dharmā̭ yuyopi॒ma mā na॒stasmā॒ dena̭so deva rīriṣaḥ || ki॒ta॒vāso॒ yadri̭ ri॒purna dī॒vi yadvā̭ ghā sa॒tya mu॒tayanna vi॒dma | sarvā॒ tā viṣya̭ śithi॒reva̭ de॒vāthā̭ te syāma varuṇa pri॒yāsaḥ̭ ||( ) | ava̭ te॒ heḍo̭ varuṇa॒ namo̭bhi॒rava̭ ya॒jñebhi̭rīmahe ha॒virbhiḥ̭ | kṣaya̭nna॒smabhya̭masura praceto॒ rāja॒nnenāgṃ̭si śiśrathaḥ kṛ॒tāni̭ ||, tattvā̭ yāmi॒ brahma̭ṇā॒ vanda̭māna॒stadā śā᳚ste॒ yaja̭māno ha॒virbhiḥ̭ | ahḙḍamāno varuṇe॒ha bo॒dhyurṷśagṃsa॒ mā na॒ āyuḥ॒ pramo̭ṣīḥ || || ā॒di॒tyānā॒mava̭sā॒ nūta̭nena sakṣī॒mahi॒ śarma̭ṇā॒ śanta̭mena | a॒nā॒gā॒stve a̭diti॒tve tu॒rāsa̭ i॒maṃ-ya~॒jña-nda̭dhatu॒ śroṣa̭māṇāḥ ||, na da̭kṣi॒ṇā vici̭kite॒ na sa॒vyā na prā॒cīna̭mādityā॒ nota pa॒ścā | pā॒kyā̭ cidvasavo dhī॒ryā̭ ci--dyu॒ṣmānī̭to॒ abha̭ya॒-ñjyoti̭raśyām || | dhā॒raya̭nta ādi॒tyāso॒ jaga॒thsthā de॒vā viśva̭sya॒ bhuva̭nasya go॒pāḥ | dī॒rghādhi̭yo॒ rakṣa̭māṇā asu॒rya̭mṛ॒tāvā̭na॒-ścaya̭mānā ṛ॒ṇāni̭ ||, ti॒sro bhūmī᳚rdhāraya॒-ntrīgṃ ru॒ta dyū-ntrīṇi̭ vra॒tā vi॒dathḙ a॒ntarḙṣām | ṛ॒tenā̭-''dityā॒ mahi̭ vo mahi॒tva-ntada̭ryaman varuṇa mitra॒ cārṷ || | ya॒jño de॒vānā॒-mpratyḙti su॒mnamādi̭tyāso॒ bhava̭tā mṛḍa॒yantaḥ̭ | ā vo॒-'rvācī̭ suma॒ti rva̭vṛtyāda॒gṃ॒ hości॒dyā va̭rivo॒vitta॒rā-'sa̭t || śuci̭ra॒pa-ssū॒yava̭sā॒ ada̭bdha॒ upa̭ kṣeti vṛ॒ddhava̭yā-ssu॒vīraḥ̭ | naki॒ṣṭa-ṅghna॒ntyanti̭to॒ na dū॒rādya ā̭di॒tyānā॒-mbhava̭ti॒ praṇī̭tau || || 6 ||

(ma॒nī॒ṣā-'stṷ-ca॒-rta-syā॒sme-ki̭ta॒vāsa̭ śca॒tvāri̭ ca ) (a. 1)

anuvākaṃ 2 - vaśādīnāṃ sūktāni

te śu॒krāsa॒-śśuca̭yo raśmi॒vantaḥ̭ | sīda̭nnādi॒tyā adhi̭ ba॒ra॒ḥiṣi̭ pri॒ye | kāmḙna de॒vā-ssa॒ratha̭-ndi॒vo naḥ̭ | āyā᳚ntu ya॒jñamupa̭ no juṣā॒ṇāḥ || te sū॒navo॒ adi̭teḥ pīva॒sāmiṣa᳚m | ghṛ॒ta-mpinva॒t-prati̭haryannṛte॒jāḥ | pra ya॒jñiyā॒ yaja̭mānāya yemure | ā॒di॒tyāḥ kāma̭-mpitu॒manta̭ma॒sme || ā naḥ̭ pu॒trā adi̭teryāntu ya॒jñam | ā॒di॒tyāsaḥ̭ pa॒thibhi̭-rdeva॒yānaiḥ᳚ || 7 ||

a॒sme kāma̭-ndā॒śuṣḙ sa॒nnama̭ntaḥ | pu॒ro॒ḍāśa̭-ṅghṛ॒tava̭nta-ñjuṣantām || ska॒bhā॒yata॒ nir-ṛ̭ti॒gṃ॒ sedha॒tāma̭tim | pra ra॒śmibhi॒-ryata̭mānā amṛddhrāḥ | ādi̭tyāḥ॒ kāma॒ praya̭tāṃ॒-va~ṣa̭ṭkṛtim | ju॒ṣaddhva̭-nno ha॒vyadā̭tiṃ-ya~jatrāḥ || ā॒di॒tyān-kāma॒mava̭se huvema | ye bhū॒tāni̭ ja॒naya̭nto vici॒khyuḥ | sīda̭ntu pu॒trā adi̭teru॒pastha᳚m | stī॒rṇa-mba॒ra॒ḥirha̭vi॒radyā̭ya de॒vāḥ || 8 ||

stī॒rṇa-mba॒ra॒ḥi-ssī̭datā ya॒jñe a॒sminn | dhrā॒jā-ssedha̭nto॒ ama̭ti-ndu॒revā᳚m | a॒smabhya̭-mputrā aditeḥ॒ prayagṃ̭sata | ādi̭tyāḥ॒ kāma̭ ha॒viṣo̭ juṣā॒ṇāḥ || agne॒ naya̭ su॒pathā̭ rā॒ye a॒smān | viśvā̭ni deva va॒yunā̭ni vi॒dvān | yu॒yo॒ddhya̭sma-jjṷhurā॒ṇamenaḥ̭ | bhūyi̭ṣṭhā-nte॒ nama̭ uktiṃ-vi~dhema || pravaḥ̭ śu॒krāya̭ bhā॒navḙ bharaddhvam | ha॒vya-mma॒ti-ñcā॒gnaye॒ supṷ̄tam || 9 ||

yo daivyā̭ni॒ mānṷṣā ja॒nūgṃṣi̭ | a॒nta-rviśvā̭ni vi॒dmanā॒ jigā̭ti || acchā॒ giro̭ ma॒tayo̭ deva॒yantīḥ᳚ | a॒gniṃ-ya~̭nti॒ dravi̭ṇa॒-mbhikṣa̭māṇāḥ | su॒sa॒dṛṃśagṃ̭ su॒pratī̭ka॒gg॒ svañca᳚m | ha॒vya॒vāha̭mara॒ti-mmānṷṣāṇām || agne॒ tvama॒sma-dyṷyo॒ddhyamī̭vāḥ | ana̭gnitrā a॒bhya̭manta kṛ॒ṣṭīḥ | puna̭ra॒smabhyagṃ̭ suvi॒tāya̭ deva | kṣāṃ-vi~śvḙbhira॒jarḙbhi-ryajatra || 10 ||

agne॒ tva-mpā̭rayā॒ navyo̭ a॒smān | sva॒stibhi॒rati̭ du॒rgāṇi॒ viśvā᳚ | pūśca̭ pṛ॒thvī ba̭hu॒lā na̭ u॒rvī | bhavā̭ to॒kāya॒ tana̭yāya॒ śaṃ-yoḥ ~|| pra kā̭ravo mana॒nā va॒cyamā̭nāḥ | de॒va॒drīcī᳚-nnayatha deva॒yantaḥ̭ | da॒kṣi॒ṇā॒vāḍ-vā॒jinī॒ prācyḙti | ha॒virbhara̭ntya॒gnayḙ ghṛ॒tācī᳚ || indra॒-nnaro̭ ne॒madhi̭tā havante॒ yatpāryā̭ yu॒naja̭te॒ dhiya॒stāḥ | śūro॒ nṛṣā̭tā॒ śava̭saścakā॒na ā goma̭ti vra॒je bha̭jā॒ tvannaḥ̭ || yu॒je ratha̭-ṅga॒veṣa̭ṇa॒gṃ॒ hari̭bhyām | upa॒ brahmā̭ṇi jujuṣā॒ṇa-ma̭sthuḥ | vibā̭dhiṣṭā॒sya roda̭sī mahi॒tvā | indro̭ vṛ॒trāṇya̭pra॒tī ja̭gha॒nvān || || ja॒gṛ॒bhṇā te॒ dakṣi̭ṇāmindra॒ hasta᳚m || 11 ||

va॒sū॒yavo̭ vasupate॒ vasṷ̄nām | vi॒dmā hi tvā॒ gopa̭tigṃ śūra॒ gonā᳚m | a॒smabhya̭-ñci॒traṃ-vṛ~ṣa̭ṇagṃ ra॒yi-ndāḥ᳚ || tave॒daṃ-vi~śva̭ma॒bhitaḥ̭ paśa॒vya᳚m | ya-tpaśya̭si॒ cakṣa̭sā॒ sūrya̭sya | gavā̭masi॒ gopa̭ti॒reka̭ indra | bha॒kṣī॒mahi̭ te॒ praya̭tasya॒ vasvaḥ̭ || sami̭ndra ṇo॒ mana̭sā neṣi॒ gobhiḥ̭ | sagṃ sū॒ribhi̭-rmaghava॒n-thsagg sva॒styā | sa-mbrahma̭ṇā de॒vakṛ̭taṃ॒-ya~dasti̭ || 12 ||

sa-nde॒vānāgṃ̭ suma॒tyā ya॒jñiyā̭nām || ā॒rācchatru॒-mapa̭bādhasva dū॒ram | u॒gro ya-śśambaḥ̭ puruhūta॒ tena̭ | a॒sme dhḙhi॒ yava̭ma॒dgoma̭dindra | kṛ॒dhī dhiya̭-ñjari॒tre vāja̭ratnām || āve॒dhasa॒-nnīla̭pṛṣṭha-mbṛ॒hanta᳚m | bṛha॒spati॒gṃ॒ sada̭ne sādayadhvam | sā॒dadyo̭ni॒-ndama॒ ādī̭di॒vāgṃsa᳚m | hira̭ṇyavarṇamaru॒ṣagṃ sa̭pema || sa hi śuciḥ̭ || bṛha॒spatiḥ̭ pratha॒ma-ñjāya̭mānaḥ | ma॒ho jyoti̭ṣaḥ para॒me vyo̭mann | sa॒ptāsya̭stuvijā॒to ravḙṇa | vi sa॒ptara̭śmiradhama॒ttamāgṃ̭si || 13 ||

bṛha॒spati॒-ssama̭jaya॒-dvasṷ̄ni | ma॒ho vra॒jā-ngoma̭to de॒va e॒ṣaḥ | a॒pa-ssiṣā̭sa॒n-thsuva॒ra pra̭tīttaḥ | bṛha॒spati॒ra॒ḥantya॒mitra̭-ma॒rkaiḥ || bṛha̭spate॒ pari̭ dīyā॒ rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-medhyavi॒tā rathā̭nām || e॒vā pi॒tre vi॒śvadḙvāya॒ vṛṣṇḙ ya॒jñairvi̭dhema॒ nama̭sā ha॒virbhiḥ̭ | bṛha̭spate supra॒jā vī॒rava̭nto va॒yagg syā̭ma॒ pata̭yo rayī॒ṇām || || ā no̭ di॒vo bṛ̭ha॒taḥ parva̭tā॒dā sara̭svatī yaja॒tā ga̭ntu ya॒jñam | hava̭-nde॒vī jṷjuṣā॒ṇā ghṛ॒tācī̭ śa॒gmā-nno॒ vāca̭muśa॒tī śṛ̭ṇotu ||pāvī̭ravī ka॒nyā̭ ci॒trāyu॒-ssara̭svatī vī॒rapa̭tnī॒ dhiya̭-ndhāt | gnābhi॒racchi̭dragṃ śara॒ṇagṃ sa॒joṣā̭ durā॒dharṣa̭-ṅgṛṇa॒te śarma̭ yagṃsat || | i॒mā juhvā̭nā yu॒ṣmadā namo̭bhiḥ | prati॒ stomagṃ̭ sarasvati juṣasva | tava॒ śarma̭-npri॒yata̭me॒ dadhā̭nāḥ | upa̭stheyāma śara॒ṇa-nna vṛ॒kṣam || yaste॒ stana̭śśaśa॒ya ityā̭ha | stautye॒vainā᳚m | usra̭ gha॒rmagṃ śi॒gṃ॒ṣosra̭ gha॒rma-mpā̭hi gha॒rmāya̭ śi॒gṃ॒ṣetyā̭ha | yathā᳚ brū॒yāda॒muṣmai̭ de॒hīti̭ | tā॒dṛge॒va tat | bṛha॒spati॒stvopa̭ sīda॒tvityā̭ha | | sara̭svatya॒bhi no̭ neṣi॒ vasyaḥ̭ | mā pa̭spharīḥ॒ paya̭sā॒ mā na॒ ā dha̭k | ju॒ṣasva̭ na-ssa॒khyā̭ ve॒śyā̭ ca | mā tvatkṣetrā॒-ṇyara̭ṇāni ganma || || i॒yagṃ śuṣmḙbhirbisa॒khā i̭vārujat | sānṷ girī॒ṇā-nta̭vi॒ṣebhi̭rū॒rmibhiḥ̭ | pā॒rā॒va॒da॒ghnīmava̭se suvṛ॒ktibhiḥ̭ | sara̭svatī॒-māvi̭vāsema dhī॒tibhiḥ̭ || 14 ||

(de॒va॒yānai᳚--r de॒vāḥ - supṷ̄taṃya~jatra॒-hasta॒-masti॒-tamāg̭-syū॒rmibhi॒-rdve ca̭) (a. 2)

anuvākaṃ 3 - saumyādīnāṃ sūktāni

somo̭ dhe॒nugṃ somo॒ arva̭ntamā॒śum | somo̭ vī॒ra-ṅka̭rma॒ṇya̭-ndadātu | sā॒da॒nyaṃ̭-vi~da॒thyagṃ̭ sa॒bheya᳚m | pi॒tu॒-śśrava̭ṇaṃ॒-yo~ dadā̭śadasmai || aṣā̭ḍhaṃ-yu~॒thsu pṛta̭nāsu॒ papri᳚m | su॒va॒r॒ṣāma॒phsvāṃ-vṛ~॒jana̭sya go॒pām | bha॒re॒ṣu॒jāgṃ sṷkṣi॒tigṃ su॒śrava̭sam | jaya̭nta॒-ntvāmanṷ madema soma || tvagṃ so̭ma॒ kratṷbhiḥ || yā te॒ dhāmā̭ni ha॒viṣā॒ yaja̭nti॒ tā te॒ viśvā̭ pari॒bhūra̭stu ya॒jña-ṅga̭ya॒sphānaḥ̭ pra॒tara̭ṇa-ssu॒vīro-'vī̭rahā॒ praca̭rā soma॒ duryā॒na|| tvami॒mā oṣa̭dhī-ssoma॒ viśvāḥ᳚ | tvama॒po a̭janaya॒stva-ṅgāḥ | tvamāta̭tantho॒rva̭ntari̭kṣam | tva-ñjyoti̭ṣā॒ vitamo̭ vavartha || 15 ||

yā te॒ dhāmā̭ni di॒vi yā pṛ̭thi॒vyām | yā parva̭te॒ṣvoṣa̭dhīṣva॒phsu | tebhi̭rno॒ viśvai᳚-ssu॒manā॒ ahḙḍann | rājan᳚-thsoma॒ prati̭ ha॒vyā gṛ̭bhāya || viṣṇo॒rnukaṃ̭-vī~॒ryā̭ṇi॒ pra vo̭caṃ॒-yaḥ ~pārthi̭vāni vima॒me rajāgṃ̭si॒ yo aska̭bhāya॒dutta̭ragṃ sa॒dhasthaṃ̭-vi~cakramā॒ṇa stre॒dhorṷgā॒yo viṣṇo̭ ra॒rāṭa̭masi॒ viṣṇoḥ᳚ pṛ॒ṣṭhama̭si॒ viṣṇo॒-śśnyaptre᳚ stho॒ viṣṇo॒-ssyūra̭si॒ viṣṇo᳚-rdhru॒vama̭si vaiṣṇa॒vama̭si॒ viṣṇa̭ve tvā || tada̭sya pri॒yama॒bhi pātho̭ aśyām | naro॒ yatra̭ deva॒yavo॒ mada̭nti | u॒ru॒kra॒masya॒ sa hi bandhṷri॒tthā | viṣṇoḥ᳚ pa॒de pa̭ra॒me madhva॒ uthsaḥ̭ || | prata-dviṣṇuḥ̭ stavate vī॒ryā̭ya | mṛ॒go na bhī॒maḥ kṷca॒ro gi̭ri॒ṣṭhāḥ | yasyo॒ruṣṷ tri॒ṣu vi॒krama̭ṇeṣu | adhi̭kṣi॒yanti॒ bhuva̭nāni॒ viśvā᳚ || || pa॒ro mātra̭yā ta॒nuvā̭ vṛdhāna | na tḙ mahi॒tva-manva̭śnuvanti | u॒bhe tḙ vidma॒ raja̭sī pṛthi॒vyā viṣṇo̭ deva॒ tvam | pa॒ra॒masya̭ vithse || 16 ||

vica̭krame pṛthi॒vīme॒ṣa e॒tām | kṣetrā̭ya॒ viṣṇu॒-rmanṷṣe daśa॒syann | dhru॒vāso̭ asya kī॒rayo॒ janā̭saḥ | u॒ru॒kṣi॒tigṃ su॒jani̭mā cakāra || trirde॒vaḥ pṛ̭thi॒vīme॒ṣa e॒tām | vica̭krame śa॒tarca̭sa-mmahi॒tvā | pra viṣṇṷ-rastu ta॒vasa॒sta vī̭yān | tve॒ṣagg hya̭sya॒ sthavi̭rasya॒ nāma̭ || || ā tḙ ma॒ha i̭ndro॒tyṷgra॒ sama̭nyavo॒ ya-thsa॒mara̭nta॒ senāḥ᳚ | patā̭ti di॒dyunnarya̭sya bāhu॒vormā te॒ mano̭ viṣva॒driya॒gvi cā̭rīt || yo jā॒ta e॒va pra̭tha॒mo mana̭svā-nde॒vo de॒vān kratṷnā pa॒ryabhṷ̄ṣat | yasya॒ śuṣmā॒droda̭sī॒ abhya̭setā-nnṛ॒mṇasya̭ ma॒hnā sa ja̭nāsa॒ indraḥ̭ || | a॒bhi go॒trāṇi॒ saha̭sā॒ gāha̭māno-'dā॒yo vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒dhyo᳚-smāka॒gṃ॒ senā̭ avatu॒ pra yu॒thsu || || ābhi॒-sspṛdho̭ mitha॒tī- rari̭ṣaṇyann | a॒mitra̭sya vyathayā ma॒nyumi̭ndra | ābhi॒rviśvā̭ abhi॒yujo॒ viṣṷ̄cīḥ | āryā̭ya॒ viśo-'va̭tārī॒rdāsīḥ᳚ || a॒yagṃ śṛ̭ṇve॒ adha॒ jaya̭nnu॒ta ghnann | a॒yamu॒ta prakṛ̭ṇute yu॒dhā gāḥ | ya॒dā sa॒tya-ṅkṛ̭ṇu॒te ma॒nyumindraḥ̭ || 17 ||

viśva̭-ndṛ॒ḍha-mbha̭yata॒ eja̭dasmāt || anṷ sva॒dhā-ma̭kṣara॒nnāpo̭ asya | ava̭rdhata॒ maddhya॒ ā nā॒vyā̭nām | sa॒ddhrī॒cīnḙna॒ mana̭sā॒ tami̭ndra॒ oji̭ṣṭhena | hanma̭nā-'hanna॒bhidyūn || ma॒rutva̭ntaṃ-vṛ~ṣa॒bhaṃ-vā~̭vṛdhā॒nam | aka̭vāri-ndi॒vyagṃ śā॒samindra᳚m | vi॒śvā॒sāha॒mava̭se॒ nūta̭nāya | u॒gragṃ sa̭ho॒dāmi॒ha tagṃ hṷvema || jani̭ṣṭhā u॒gra-ssaha̭se tu॒rāya̭ || 18 ||

ma॒ndra oji̭ṣṭho bahu॒lābhi̭mānaḥ | ava̭rdha॒nnindra̭-mma॒ruta̭ści॒datra̭ | mā॒tā ya-dvī॒ra-nda॒dhana॒ddhani̭ṣṭhā || kva̭ syā vo̭ maruta-ssva॒dhā-''sī᳚t | ya-nmāmekagṃ̭ sa॒madha̭ttāhi॒hatye᳚ | a॒hagg hyṷgrasta̭vi॒ṣa-stuvi̭ṣmān | viśva̭sya॒ śatro॒rana̭maṃ-va~dha॒snaiḥ || vṛ॒trasya̭ tvā śva॒sathā॒dīṣa̭māṇāḥ | viśvḙ de॒vā a̭jahu॒rye sakhā̭yaḥ | ma॒rudbhi̭rindra sa॒khya-ntḙ astu || 19 ||

athe॒mā viśvāḥ॒ pṛta̭nā jayāsi || vadhīṃ᳚-vṛ~॒tra-mma̭ruta indri॒yeṇa̭ | svena॒ bhāmḙna tavi॒ṣo ba̭bhū॒vān | a॒hame॒tā mana̭ve vi॒śvaśca̭ndrāḥ | su॒gā a॒paśca̭kara॒ vajra̭bāhuḥ || sa yo vṛṣā॒ vṛṣṇi̭yebhi॒-ssamo̭kāḥ | ma॒ho di॒vaḥ pṛ̭thi॒vyāśca̭ sa॒mrāṭ | sa॒tī॒nasa̭ttvā॒ havyo॒ bharḙṣu | ma॒rutvā᳚nno bhava॒tvindra̭ ū॒tī || indro̭ vṛ॒trama̭tara-dvṛtra॒tūrye᳚ || 20 ||

a॒nā॒dhṛ॒ṣyo ma॒ghavā॒ śūra॒ indraḥ̭ | anvḙnaṃ॒-vi~śo̭ amadanta pū॒rvīḥ | a॒yagṃ rājā॒ jaga̭taścarṣaṇī॒nām || sa e॒va vī॒ra-ssa ṷ vī॒ryā̭vān | sa ḙkarā॒jo jaga̭taḥ para॒spāḥ | ya॒dā vṛ॒tramata̭ra॒cchūra॒ indraḥ̭ | athā̭ bhavaddami॒tā-'bhikra̭tūnām || indro̭ ya॒jñaṃ-va~॒rdhaya̭n vi॒śvavḙdāḥ | pu॒ro॒ḍāśa̭sya juṣatāgṃ ha॒virnaḥ̭ | vṛ॒tra-ntī॒rtvā dā̭na॒vaṃ-va~jra̭bāhuḥ || 21 ||

diśo̭-'dṛgṃ haddṛgṃhi॒tā dṛgṃha̭ṇena || i॒maṃ-ya~॒jñaṃ-va~॒rdhaya̭n vi॒śvavḙdāḥ | pu॒ro॒ḍāśa॒-mprati̭gṛbhṇā॒tvindraḥ̭ | ya॒dā vṛ॒tramata̭ra॒cchūra॒ indraḥ̭ | athai̭karā॒jo a̭bhava॒jjanā̭nām || indro̭ de॒vāñcha̭mbara॒hatya̭ āvat | indro̭ de॒vānā̭- mabhava-tpuro॒gāḥ | indro̭ ya॒jñe ha॒viṣā̭ vāvṛdhā॒naḥ | vṛ॒tra॒tūrṇo॒ abha̭ya॒gṃ॒ śarma̭ yagṃsat || ya-ssa॒pta sindhū॒gṃ॒ rada̭dhāt-pṛthi॒vyām | ya-ssa॒pta lo॒kānakṛ̭ṇo॒-ddiśa̭śca | indro̭ ha॒viṣmā॒n-thsaga̭ṇo ma॒rudbhiḥ̭ | vṛ॒tra॒tūrṇo̭ ya॒jñami॒hopa̭yāsat || 22 ||

(va॒va॒rtha॒ - vi॒thsa॒ - indra̭ - stu॒rā - yā᳚stu॒ - vṛtra॒tūrye॒ - vajra̭bāhuḥ - pṛthi॒vyā-ntrīṇi̭ ca) (a. 3)

anuvākaṃ 4 - abhimātihaindrādipaśūnāṃ sūktāni

indra॒-stara̭svā-nabhimāti॒hograḥ | hira̭ṇyavāśī-riṣi॒ra-ssṷva॒ra॒.ṣāḥ | tasya̭ va॒yagṃ sṷma॒tau ya॒jñiya̭sya | api̭ bha॒dre saṷmana॒se syā̭ma || hira̭ṇyavarṇo॒ abha̭ya-ṅkṛṇotu | a॒bhi॒mā॒ti॒hendraḥ॒ pṛta̭nāsu ji॒ṣṇuḥ | sa na॒-śśarma̭ tri॒varṷ̄thaṃ॒-vi~yagṃ̭sat | yū॒ya-mpā̭ta sva॒stibhi॒-ssadā̭ naḥ || indragg̭ stuhi va॒jriṇa॒gg॒ stoma̭pṛṣṭham | pu॒ro॒ḍāśa̭sya juṣatāgṃ ha॒virnaḥ̭ || 23 ||

ha॒tvā-'bhimā̭tīḥ॒ pṛta̭nā॒-ssaha̭svān | athābhaya̭-ṅkṛṇuhi vi॒śvato̭ naḥ || stu॒hi śūraṃ̭-va~॒jriṇa॒-mapra̭tītam (mapra̭tīttam) | a॒bhi॒mā॒ti॒hana̭-mpuruhū॒tamindra᳚m | ya eka॒ iccha॒tapa̭ti॒rjanḙṣu | tasmā॒ indrā̭ya ha॒virājṷhota || indro̭ de॒vānā̭madhi॒pāḥ pu॒rohi̭taḥ | di॒śā-mpati̭rabhava-dvā॒jinī̭vān | a॒bhi॒mā॒ti॒hā ta̭vi॒ṣastuvi̭ṣmān | a॒smabhya̭-ñci॒traṃ-vṛ~ṣa̭ṇagṃ ra॒yi-ndā᳚t || 24 ||

ya i॒me dyāvā̭pṛthi॒vī ma̭hi॒tvā | bale॒nādṛgṃ̭hadabhimāti॒hendraḥ̭ | sa no̭ ha॒viḥ prati̭gṛbhṇātu rā॒taye᳚ | de॒vānā᳚-nde॒vo ni̭dhi॒pā no̭ avyāt || ana̭vaste॒ ratha॒maśvā̭ya takṣa॒n-tvaṣṭā॒ vajra̭-mpuruhūta dyu॒manta᳚m | bra॒hmāṇa॒ indra̭-mma॒haya̭nto a॒rkairava̭rdhaya॒nnaha̭ye॒ hanta॒ vā ṷ || vṛṣṇe॒ ya-tte॒ vṛṣa̭ṇo a॒rkamarcā॒nindra॒ grāvā̭ṇo॒ adi̭ti-ssa॒joṣāḥ᳚ | a॒na॒śvāso॒ ye pa॒vayo̭-'ra॒thā indrḙṣitā a॒bhyava̭rtanta॒ dasyūṋ || | indra̭sya॒ nu vī॒ryā̭ṇi॒ pravo̭cam | yāni̭ ca॒kāra̭ pratha॒māni̭ va॒jrī || aha॒-nnahi॒manva॒pasta̭tarda | pra va॒kṣaṇā̭ abhina॒-tparva̭tānām || || indro̭ yā॒to-'va̭sitasya॒ rājā᳚ | śama̭sya ca śṛ॒ṅgiṇo॒ vajra̭bāhuḥ | sedu॒ rājā᳚ kṣeti carṣaṇī॒nām | a॒rānna ne॒miḥ pari॒tā ba̭bhūva || 25 ||

a॒bhi si॒ddhmo a̭jigādasya॒ śatrūṋ | vi ti॒gmena̭ vṛṣa॒bheṇā॒ puro̭-'bhet | saṃ-va~jrḙṇāsṛja-dvṛ॒tramindraḥ̭ | pra svā-mma॒tima̭tira॒cchāśa̭dānaḥ || viṣṇṷ-nde॒vaṃ-va~rṷṇamū॒taye॒ bhaga᳚m | meda̭sā de॒vā va॒payā̭ yajaddhvam | tā no̭ ya॒jñamāga̭taṃ-vi~॒śvadhḙnā | pra॒jāva̭da॒sme dravi̭ṇe॒ha dha̭ttam || meda̭sā de॒vā va॒payā̭ yajaddhvam | viṣṇṷ-ñca de॒vaṃ-va~rṷṇa-ñca rā॒tim || 26 ||

tā no॒ amī̭vā apa॒bādha̭mānau | i॒maṃ-ya~॒jña-ñju॒ṣamā̭ṇā॒vupeta᳚m || viṣṇṷ̄varuṇā yu॒vama̭ddhva॒rāya̭ naḥ | vi॒śe janā̭ya॒ mahi॒ śarma̭ yacchatam | dī॒rghapra̭yajyū ha॒viṣā̭ vṛdhā॒nā | jyoti॒ṣā-'rā̭tīrdahata॒-ntamāgṃ̭si || yayo॒roja̭sā skabhi॒tā rajāgṃ̭si | vī॒ryḙbhi-rvī॒rata̭mā॒ śavi̭ṣṭhā | yā patyḙte॒ apra̭tīttā॒ saho̭bhiḥ | viṣṇṷ̄ aga॒nvarṷṇā pū॒rvahṷ̄tau || 27 ||

viṣṇṷ̄varuṇā vabhiśasti॒pā vā᳚m | de॒vā ya̭janta ha॒viṣā̭ ghṛ॒tena̭ | apāmī̭vāgṃ sedhatagṃ ra॒kṣasa̭śca | athā̭ dhattaṃ॒-ya~ja̭mānāya॒ śaṃ-yoḥ ~|| a॒gṃ॒ho॒mucā̭ vṛṣa॒bhā su॒pratū᳚rtī | de॒vānā᳚-nde॒vata̭mā॒ śaci̭ṣṭhā | viṣṇṷ̄varuṇā॒ prati̭haryata-nnaḥ | i॒da-nnarā॒ praya̭tamū॒tayḙ ha॒viḥ || ma॒hī nu dyāvā̭pṛthi॒vī i॒ha jyeṣṭhe᳚ | ru॒cā bha̭vatāgṃ śu॒caya̭dbhi-ra॒rkaiḥ || 28 ||

yathsīṃ॒-va~ri̭ṣṭhe bṛha॒tī vi̭mi॒nvann | nṛ॒vadbhyo॒-'kṣā pa̭prathā॒nebhi॒revaiḥ᳚ || pra pū᳚rva॒je pi॒tarā॒ navya̭sībhiḥ | gī॒rbhiḥ kṛ̭ṇuddhva॒gṃ॒ sada̭ne ṛ॒tasya̭ | ā no᳚ dyāvāpṛthivī॒ daivyḙna | janḙna yāta॒-mmahi̭ vāṃ॒-va~rṷ̄tham || sa ithsvapā॒ bhuva̭neṣvāsa | ya i॒me dyāvā̭pṛthi॒vī ja॒jāna̭ | u॒rvī ga̭bhī॒re raja̭sī su॒meke᳚ | a॒va॒gṃ॒śe dhīra॒-śśacyā॒ samai̭rat || 29 ||

bhūri॒-ndve aca̭rantī॒ cara̭ntam | pa॒dvanta॒-ṅgarbha̭ma॒padī̭ dadhāte | nitya॒-nna sū॒nu-mpi॒troru॒pasthe᳚ | ta-mpi̭pṛtagṃ rodasī satya॒vāca᳚m || i॒da-ndyā̭vāpṛthivī sa॒tyama̭stu | pita॒-rmāta॒-ryadi॒hopa̭bru॒ve vā᳚m | bhū॒ta-nde॒vānā̭mava॒me avo̭bhiḥ | vidyāme॒ṣaṃ-vṛ~॒jana̭-ñjī॒radā̭num || u॒rvī pṛ॒thvī ba̭hu॒le dū॒re a̭nte | upa̭bruve॒ nama̭sā ya॒jñe a॒sminn | dadhā̭te॒ ye su॒bhagḙ su॒pratū᳚rtī | dyāvā॒ rakṣa̭ta-mpṛthi॒vī no॒ abhvā᳚t || yā jā॒tā oṣa̭dhayo de॒vebhya̭striyu॒ga-mpu॒rā | mandā̭mi ba॒bhrūṇā̭ma॒hagṃ śa॒ta-ndhāmā̭ni sa॒pta ca̭ ||, ati॒ viśvāḥ᳚ pari॒ṣṭhā-sste॒na i̭va vra॒jama̭kramuḥ | oṣa̭dhayaḥ॒ prācṷcyavu॒ rya-tki-ñca̭ ta॒nuvā॒gṃ॒ rapaḥ̭ || | yā oṣa̭dhaya॒-ssoma̭rājñīḥ॒ pravi̭ṣṭāḥ pṛthi॒vīmanṷ | tāsā॒-ntvama̭syutta॒mā praṇo̭ jī॒vāta̭-vesuva || a॒śvā॒va॒tīgṃ so̭mava॒tī mū॒rjaya̭ntī॒ mudo̭jasam | ā vi̭thsi॒ sarvā॒ oṣa̭dhīra॒smā a̭ri॒ṣṭatā̭taye || | oṣa̭dhī॒riti̭ mātara॒-stadvo̭ devī॒-rupa̭ bruve | rapāgṃ̭si vighna॒tīri̭ta॒ rapa̭ścā॒taya̭mānāḥ || a॒nyā vo̭ a॒nyāma̭va-tva॒nyā-'nyasyā॒ upā̭vata | tā-ssarvā॒ oṣa̭dhaya-ssaṃvi~dā॒nā i॒da-mme॒ prāva̭tā॒ vacaḥ̭ || || 30 ||

(ha॒virno̭ - dā-d- babhūva - rā॒tiṃ - pū॒rvahṷ̄tā - va॒rkai - rai̭ra - da॒smi-npañca ca) (a. 4)

anuvākaṃ 5 - aindrāgnapaśvādīnāṃ sūktāni

śuci॒-nnu stoma॒-nnava̭jāta-ma॒dyendrā᳚gnī vṛtrahaṇā ju॒ṣethā᳚m | u॒bhā hi vāgṃ̭ su॒havā॒ joha̭vīmi॒ tā vājagṃ̭ sa॒dya ṷśa॒te dheṣṭhā᳚ ||, śnatha̭-dvṛ॒tramu॒ta sa̭noti॒ vāja॒mindrā॒ yo a॒gnī sahṷrī sapa॒ryāt | i॒ra॒jyantā̭ vasa॒vya̭sya॒ bhūre॒-ssaha̭stamā॒ saha̭sā vāja॒yantā᳚ || | u॒bhā vā̭mindrāgnī āhu॒vadhyā̭ u॒bhā rādha̭sa-ssa॒ha mā̭da॒yadhyai᳚ | u॒bhā dā॒tārā̭vi॒ṣāgṃ ra̭yī॒ṇāmu॒bhā vāja̭sya sā॒tayḙ huve vām ||,pra ca̭rṣa॒ṇibhyaḥ̭ pṛtanā॒ havḙṣu॒ pra pṛ̭thi॒vyā ri̭ricāthe di॒vaśca̭ | pra sindhṷbhyaḥ॒ pragi॒ribhyo̭ mahi॒tvā prendrā᳚gnī॒ viśvā॒ bhuva॒nā-'tya॒nyā || | ā vṛ̭trahaṇā vṛtra॒habhi॒-śśuṣmaiḥ᳚ | indra̭ yā॒ta-nnamo̭bhiragne a॒rvāk | yu॒vagṃ rādho̭bhi॒raka̭vebhirindra | agnḙ a॒sme bha̭vatamutta॒mebhiḥ̭ || gī॒rbhi-rvipraḥ॒ prama̭timi॒cchamā̭naḥ | ī॒̭ ra॒yiṃ-ya~॒śasa̭-mpūrva॒bhāja᳚m | indrā᳚gnī vṛtrahaṇā suvajrā | praṇo॒ navyḙbhistirata-nde॒ṣṇaiḥ || || brahma̭ṇaspate॒ tvama॒sya ya॒ntā | sū॒ktasya̭ bodhi॒ tana̭ya-ñca jinva | viśva॒-nta-dbha॒draṃ-ya~da॒vanti̭ de॒vāḥ | bṛ॒hadva̭dema vi॒dathḙ su॒vīrāḥ᳚ || sa īgṃ̭ sa॒tyebhi॒-ssakhi̭bhi-śśu॒cadbhiḥ̭ | godhā̭yasaṃ॒vi~ dha̭na॒saira̭tardat | brahma̭ṇa॒spati॒-rvṛṣa̭bhirva॒rāhaiḥ᳚ || 31 ||

gha॒rmasvḙdebhi॒-rdravi̭ṇaṃ॒-vyā~̭naṭ || brahma̭ṇa॒spatḙ-rabhavadyathā va॒śam | sa॒tyo ma॒nyurmahi॒ karmā̭ kariṣya॒taḥ | yo gā u॒dāja॒thsa di॒ve vi cā̭bhajat | ma॒hīva̭ rī॒ti-śśava̭sā sara॒-tpṛtha̭k || indhā̭no a॒gniṃ-va~̭navadvanuṣya॒taḥ | kṛ॒tabra̭hmā śūśuva-drā॒taha̭vya॒ it | jā॒tena̭ jā॒tamati॒ sṛ-tprasṛgṃ̭sate | yaṃ-ya~ṃ॒-yu~ja̭-ṅkṛṇu॒te brahma̭ṇa॒spatiḥ̭ || brahma̭ṇaspate su॒yama̭sya vi॒śvahā᳚ || 32 ||

rā॒ya-ssyā̭ma ra॒thyo̭ viva̭svataḥ | vī॒reṣṷ vī॒rāgṃ upa̭pṛṅgdhi na॒stvam | yadīśā̭no॒ brahma̭ṇā॒ veṣi̭ me॒ hava᳚m || sa ijjanḙna॒ sa vi॒śā sa janma̭nā | sa pu॒trairvāja̭-mbharate॒ dhanā॒ nṛbhiḥ̭ | de॒vānāṃ॒-yaḥ ~pi॒tara̭mā॒vivā̭sati | śra॒ddhāma̭nā ha॒viṣā॒ brahma̭ṇa॒spati᳚m || yāstḙ pūṣa॒nnāvo̭ a॒nta-ssa̭mu॒dre | hi॒ra॒ṇyayī̭ra॒ntari̭kṣe॒ cara̭nti | yābhi̭ryāsi dū॒tyāgṃ sūrya̭sya | kāmḙna kṛ॒ta-śśrava̭ i॒cchamā̭naḥ || | śu॒kra-ntḙ a॒nyadya̭ja॒ta-ntḙ a॒nyadviṣṷrūpe॒ aha̭nī॒ dyauri̭vāsi | viśvā॒ hi mā॒yā ava̭si svadhāvo bha॒drā tḙ pūṣanni॒ha rā॒tira̭stu ||, pū॒ṣemā āśā॒ anṷveda॒ sarvā᳚-sso a॒smāgṃ abha̭yatamena neṣat | sva॒sti॒dā aghṛ̭ṇi॒-ssarva̭vīraḥ | apra̭yuccha-npu॒ra ḙtu॒ prajā॒nann || || prapa̭the pa॒thāma̭janiṣṭa pū॒ṣā || 33 ||

prapa̭the di॒vaḥ prapa̭the pṛthi॒vyāḥ | u॒bhe a॒bhi pri॒yata̭me sa॒dhasthe᳚ | ā ca॒ parā̭ ca carati prajā॒nann || pū॒ṣā su॒bandhṷrdi॒va ā pṛ̭thi॒vyāḥ | i॒ḍaspati̭-rma॒ghavā̭ da॒smava̭rcāḥ | ta-nde॒vāso॒ ada̭du-ssū॒ryāyai᳚ | kāmḙna kṛ॒ta-nta॒vasa॒gg॒ svañca᳚m || a॒jāśvaḥ̭ paśu॒pā vāja̭vastyaḥ | dhi॒ya॒ji॒nnvo viśve॒ bhuva̭ne॒ arpi̭taḥ | aṣṭrā᳚-mpū॒ṣā śi̭thi॒rāmu॒dvarī̭vṛjat || 34 ||

sa॒caṅkṣā̭ṇo॒ bhuva̭nā de॒va ī̭yate || śucī̭ vo ha॒vyā ma̭ruta॒-śśucī̭nām | śucigṃ̭ hinomyaddhva॒ragṃ śuci̭bhyaḥ | ṛ॒tena̭ sa॒tyamṛta॒sāpa̭ āyann | śuci̭janmāna॒-śśuca̭yaḥ pāva॒kāḥ || pra ci॒trama॒rka-ṅgṛ̭ṇa॒te tu॒rāya̭ | mārṷtāya॒ svata̭vase bharaddhvam | ye sahāgṃ̭si॒ saha̭sā॒ saha̭nte | reja̭te agne pṛthi॒vī ma॒khebhyaḥ̭ || agṃse॒ṣvā ma̭rutaḥ khā॒dayo̭ vaḥ || 35 ||

vakṣaḥ̭su ru॒kmā upa̭śiśriyā॒ṇāḥ | vi vi॒dyuto॒ na vṛ॒ṣṭibhī̭ rucā॒nāḥ | anṷ sva॒dhāmāyṷdhai॒-ryaccha̭mānāḥ || yā va॒-śśarma̭ śaśamā॒nāya॒ santi̭ | tri॒dhātṷ̄ni dā॒śuṣḙ yaccha॒tādhi̭ | a॒smabhya॒-ntāni̭ maruto॒ viya̭nta | ra॒yi-nno̭ dhatta vṛṣaṇa-ssu॒vīra᳚m || i॒me tu॒ra-mma॒ruto̭ rāmayanti | i॒me sa॒ha-ssaha̭sa॒ āna̭manti | i॒me śagṃsaṃ̭-va~nuṣya॒to nipā᳚nti || 36 ||

gu॒rudveṣo॒ ara̭ruṣe dadhanti || a॒rā i॒vedaca̭ramā॒ ahḙva | pra pra̭jāyante॒ aka̭vā॒ maho̭bhiḥ | pṛśneḥ᳚ pu॒trā ṷpa॒māso॒ rabhi̭ṣṭhāḥ | svayā̭ ma॒tyā ma॒ruta॒-ssammi̭mikṣuḥ || anṷ te dāyi ma॒ha i̭ndri॒yāya̭ | sa॒trā te॒ viśva॒manṷ vṛtra॒hatye᳚ | anṷ kṣa॒tramanu॒ saho̭ yajatra | indra̭ de॒vebhi॒ranṷ te nṛ॒ṣahye᳚ || ya indra॒ śuṣmo̭ maghavante॒ asti̭ || 37 ||

śikṣā॒ sakhi̭bhyaḥ puruhūta॒ nṛbhyaḥ̭ | tvagṃ hi dṛ॒ḍhā ma̭ghava॒n vicḙtāḥ | apā̭vṛdhi॒ pari̭vṛti॒-nna rādhaḥ̭ || indro॒ rājā॒ jaga̭taścarṣaṇī॒nām | adhi॒kṣami॒ viṣṷrūpaṃ॒-ya~dasti̭ | tato̭ dadātu dā॒śuṣe॒ vasṷ̄ni | coda॒drādha॒ upa̭stutaścida॒rvāk || tamṷ ṣṭuhi॒ yo a॒bhibhū᳚tyojāḥ | va॒nvannavā̭taḥ puruhū॒ta indraḥ̭ | aṣā̭ḍhamu॒gragṃ saha̭mānamā॒bhiḥ || 38 ||

gī॒rbhirva̭rdha vṛṣa॒bha-ñca̭rṣaṇī॒nām || sthū॒rasya̭ rā॒yo bṛ̭ha॒to ya īśe᳚ | tamṷ ṣṭavāma vi॒dathe॒ṣvindra᳚m | yo vā॒yunā॒ jaya̭ti॒ goma̭tīṣu | pra dhṛ̭ṣṇu॒yā na̭yati॒ vasyo॒ accha̭ || ā te॒ śuṣmo̭ vṛṣa॒bha etṷ pa॒ścāt | otta॒rāda̭dha॒rāgā pu॒rastā᳚t | ā vi॒śvato̭ a॒bhi same᳚tva॒rvām | indra̭ dyu॒mnagṃ suva̭rvaddhehya॒sme || 39 ||

(va॒rāhai᳚--r vi॒śvahā̭ - 'janiṣṭa pū॒ṣo - dvarī̭vṛjat - khā॒dayo̭ vaḥ - pā॒n - tyasta - yā॒bhi--r + nava̭ ca) (a. 5)

anuvākaṃ 6 - sāvitrādipaśūnāṃ sūktāni

ā de॒vo yā̭tu savi॒tā su॒ratnaḥ̭ | a॒nta॒ri॒kṣa॒prā vaha̭māno॒ aśvaiḥ᳚ | haste॒ dadhā̭no॒ naryā̭ pu॒rūṇi̭ | ni॒ve॒śaya̭n ca prasu॒van ca॒ bhūma̭ || a॒bhīvṛ̭ta॒-ṅkṛśa̭nai-rvi॒śvarṷ̄pam |

hira̭ṇyaśamyaṃ-ya~ja॒to bṛ॒hanta᳚m | āsthā॒-drathagṃ̭ savi॒tā ci॒trabhā̭nuḥ | kṛ॒ṣṇā rajāgṃ̭si॒ tavi̭ṣī॒-ndadhā̭naḥ || saghā̭ no de॒va-ssa̭vi॒tā sa॒vāya̭ | āsā̭viṣa॒-dvasṷpati॒-rvasṷ̄ni || 40 ||

vi॒śraya̭māṇo॒ ama̭timurū॒cīm | ma॒rta॒bhoja̭na॒madha̭ rāsate na || vi janā᳚ñchyā॒vā-śśi̭ti॒pādo̭ akhyann | ratha॒gṃ॒ hira̭ṇya pra ugaṃ॒-va~ha̭ntaḥ | śaśva॒-ddiśaḥ̭ savi॒tu-rdaivya̭sya | u॒pasthe॒ viśvā॒ bhuva̭nāni tasthuḥ || vi sṷpa॒rṇo a॒ntari̭kṣāṇyakhyat | ga॒bhī॒ravḙpā॒ asṷra-ssunī॒thaḥ | kvḙdānī॒gṃ॒ sūryaḥ॒ kaści̭keta | ka॒ta॒mā-ndyāgṃ ra॒śmira॒syāta̭tāna || 41 ||

bhaga॒-ndhiyaṃ̭-vā~॒jaya̭ntaḥ॒ pura̭ndhim | narā॒śagṃso॒ gnāspati̭rno avyāt | ā-'ye vā॒masya̭ saṅga॒the ra̭yī॒ṇām | pri॒yā de॒vasya̭ savi॒tu-ssyā̭ma || ā no॒ viśve॒ askrā̭ gamantu de॒vāḥ | mi॒tro a̭rya॒mā varṷṇa-ssa॒joṣāḥ᳚ | bhuva॒n॒. yathā̭ no॒ viśvḙ vṛ॒dhāsaḥ̭ | kara᳚n-thsu॒ṣahā̭ vithu॒ra-nna śavaḥ̭ || śa-nno̭ de॒vā vi॒śvadḙvā bhavantu | śagṃ sara̭svatī sa॒ha dhī॒bhira̭stu || 42 ||

śama̭bhi॒ṣāca॒-śśamṷ rāti॒ṣācaḥ̭ | śa-nno̭ di॒vyāḥ pārthi̭vā॒-śśa-nno॒ apyāḥ᳚ || ye sa̭vi॒tu-ssa॒tyasa̭vasya॒ viśve᳚ | mi॒trasya̭ vra॒te varṷṇasya de॒vāḥ | te saubha̭gaṃ-vī~॒rava॒dgoma॒dapnaḥ̭ | dadhā̭tana॒ dravi̭ṇa-ñci॒trama॒sme || agnḙ yā॒hi dū॒tyaṃ̭-vā~ri̭ṣeṇyaḥ | de॒vāṃ acchā᳚ brahma॒kṛtā̭ ga॒ṇena̭ | sara̭svatī-mma॒ruto̭ a॒śvinā-'॒paḥ | ya॒kṣi॒ de॒vā-nra̭tna॒dheyā̭ya॒ viśvāṋ || 43 ||

dyauḥ pi̭taḥ॒ pṛthi̭vi॒ māta॒raddhrṷk | agne᳚ bhrātarvasavo mṛ॒ḍatā̭ naḥ | viśva̭ ādityā ādite sa॒joṣāḥ᳚ | a॒smabhya॒gṃ॒ śarma̭ bahu॒laṃ-vi~ya̭nta || viśvḙ devā-śśṛṇu॒temagṃ hava̭-mme | ye a॒ntari̭kṣe॒ ya upa॒ dyavi॒ ṣṭha | ye a̭gniji॒hvā u॒ta vā॒ yaja̭trāḥ | ā॒sa-dyā॒smi-nba॒r॒hiṣi̭ mādayaddhvam || ā vā᳚-mmitrāvaruṇā ha॒vyajṷṣṭim | nama̭sā devā॒ vava̭sā-''vavṛtyām || 44 ||

a॒smāka॒-mbrahma॒ pṛta̭nāsu sahyā a॒smāka᳚m | vṛ॒ṣṭi-rdi॒vyā sṷpā॒rā || yu॒vaṃ-va~strā̭ṇi pīva॒sā va̭sāthe | yu॒voracchi̭drā॒ manta̭vo ha॒ sargāḥ᳚ | avā̭tirata॒manṛ̭tāni॒ viśvā᳚ | ṛ॒tena̭ mitrāvaruṇā sacethe || tathsu vā᳚-mmitrāvaruṇā mahi॒tvam | ī॒rmā ta॒sthuṣī॒raha̭bhi-rduduhre | viśvāḥ᳚ pinvatha॒ svasa̭rasya॒ dhenāḥ᳚ | anṷ vā॒mekaḥ̭ pa॒virāva̭varti || 45 ||

yadbagṃhi̭ṣṭha॒-nnāti॒vidḙ sudānū | acchi̭dra॒gṃ॒ śarma॒ bhuva̭nasya gopā | tato̭ no mitrāvaruṇā-vavīṣṭam | siṣā̭santo jīgi॒vāgṃsaḥ̭ syāma || ā no̭ mitrāvaruṇā ha॒vyadā̭tim | ghṛ॒tai-rgavyṷ̄timukṣata॒miḍā̭bhiḥ | prati̭ vā॒matra॒ vara॒mā janā̭ya | pṛ॒ṇī॒tamu॒dgo di॒vyasya॒ cāroḥ᳚ || pra bā॒havā̭ sisṛta-ñjī॒vasḙ naḥ | ā no॒ gavyṷ̄timukṣata-ṅghṛ॒tena̭ || 46 ||

ā no॒ jane᳚ śravayataṃ-yu~vānā | śru॒ta-mmḙ mitrāvaruṇā॒ have॒mā || i॒mā ru॒drāya̭ sthi॒radha̭nvane॒ giraḥ̭ | kṣi॒preṣa̭ve de॒vāya̭ sva॒dhāmne᳚ | aṣā̭ḍhāya॒ saha̭mānāya mī॒ḍhuṣe᳚ | ti॒gmāyṷdhāya bharatā śṛ॒ṇota̭na || tvā da̭ttebhī rudra॒ śanta̭mebhiḥ | śa॒tagṃ himā̭ aśīya bheṣa॒jebhiḥ̭ | vya̭smaddveṣo̭ vita॒raṃ-vya~gṃhaḥ̭ | vyamī̭vāg ścātayasvā॒ viṣṷ̄cīḥ || 47 ||

arha̭nbibharṣi॒ sāya̭kāni॒ dhanva̭ | arha̭nni॒ṣkaṃ-ya~̭ja॒taṃ-vi~॒śvarṷ̄pam | arha̭nni॒danda̭yase॒ viśva॒mabbhṷvam | na vā ojī̭yo rudra॒ tvada̭sti ||, mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā no॒ aśvḙṣu rīriṣaḥ | vī॒rā-nmāno̭ rudra bhāmi॒to va̭dhīrha॒viṣma̭nto॒ nama̭sā vidhema te |||| ā tḙ pitarmarutāgṃ su॒mnamḙtu | mā na॒-ssūrya̭sya sa॒dṛṃśo̭ yuyothāḥ | a॒bhi no̭ vī॒ro arva̭ti kṣameta | prajā̭yemahi rudra pra॒jābhiḥ̭ || e॒vā ba̭bhro vṛṣabha cekitāna | yathā̭ deva॒ na hṛ̭ṇī॒ṣe na hagṃsi̭ | hā॒va॒na॒śrūrno̭ rudre॒ha bo̭dhi | bṛ॒hadva̭dema vi॒dathḙ su॒vīrāḥ᳚ || pari̭ṇo ru॒drasya̭ he॒ti rvṛ̭ṇaktu॒ pari̭tve॒ṣasya̭ durma॒tira̭ghā॒yoḥ | ava̭ sthi॒rā ma॒ghava̭dbhya-stanuṣva॒ mīḍhva̭sto॒kāya॒ tana̭yāya mṛḍaya ||, stu॒hi śru॒ta-ṅga̭rta॒sadaṃ॒-yu~vā̭na-mmṛ॒ga-nna bhī॒ma-mṷpaha॒tnu-mu॒gram | mṛ॒ḍā ja̭ri॒tre rṷdra॒ stavā̭no a॒nyantḙ a॒smanniva̭pantu॒ senāḥ᳚ || | mīḍhṷṣṭama॒ śiva̭tama śi॒vo naḥ̭ su॒manā̭ bhava |pa॒ra॒me vṛ॒kṣa āyṷdha-nni॒dhāya॒ kṛttiṃ॒-va~sā̭na॒ āca̭ra॒ pinā̭ka॒mbibhra॒dāga̭hi || arha̭nbibharṣi॒ sāya̭kāni॒ dhanva̭ | arha̭nni॒ṣkaṃ-ya~̭ja॒taṃ-vi~॒śvarṷ̄pam | arha̭nni॒danda̭yase॒ viśva॒mabbhṷvam | na vā ojī̭yo rudra॒ tvada̭sti ||| tvama̭gne ru॒dro asṷro ma॒ho di॒vastvagṃ śardho॒ mārṷta-mpṛ॒kṣa ī̭śiṣe | tvaṃ-vā~tai̭raru॒ṇairyā̭si śaṅga॒yastva-mpū॒ṣā vi̭dha॒taḥ pā̭si॒ nutmanā᳚ ||, ā vo॒ rājā̭namadhva॒rasya̭ ru॒dragṃ hotā̭ragṃ satya॒yaja॒gṃ॒ roda̭syoḥ | a॒gni-mpu॒rā ta̭nayi॒tno ra॒cittā॒-ddhira̭ṇyarūpa॒mava̭se kṛṇudhvam || || 48 ||

(vasṷ̄ni - tatā - nāstu॒ - viśvāṋ.-vavṛtyāṃva~varti-ghṛ॒tena॒-viṣṷ̄cīḥ-śru॒ta-ndve ca̭) (a. 6)

anuvākaṃ 7 - sauryādipaśūnāṃ sūktāni

sūryo̭ de॒vīmu॒ṣasa॒gṃ roca̭mānā॒ maryaḥ̭ | na yoṣā̭ma॒bhyḙti pa॒ścāt | yatrā॒ naro̭ deva॒yanto̭ yu॒gāni̭ | vi॒ta॒nvate॒ prati̭ bha॒drāya̭ bha॒dram || bha॒drā aśvā̭ ha॒rita॒-ssūrya̭sya | ci॒trā eda̭gvā anu॒mādyā̭saḥ | na॒ma॒syanto̭ di॒va ā pṛ॒ṣṭhama̭sthuḥ |

pari॒ dyāvā̭pṛthi॒vī ya̭nti sa॒dyaḥ || ta-thsūrya̭sya deva॒tva-nta-nma̭hi॒tvam | ma॒ddhyā karto॒-rvita̭ta॒gṃ॒ sañja̭bhāra || 49 ||

ya॒dedayṷkta ha॒ritaḥ̭ sa॒dhasthā᳚t | ādrātrī॒ vāsa̭stanute si॒masmai᳚ || ta-nmi॒trasya॒ varṷṇasyābhi॒cakṣe᳚ | sūryo̭ rū॒pa-ṅkṛ̭ṇute॒ dyoru॒pasthe᳚ | a॒na॒ntama॒nya-druśa̭dasya॒ pājaḥ̭ | kṛ॒ṣṇama॒nyaddha॒rita॒-ssambha̭ranti || a॒dyā dḙvā॒ udi̭tā॒ sūrya̭sya | niragṃha̭saḥ pipṛ॒tānnira̭va॒dyāt | tanno̭ mi॒tro varṷṇo māmahantām | adi̭ti॒-ssindhuḥ̭ pṛthi॒vī u॒ta dyauḥ || 50 ||

di॒vo ru॒kma ṷru॒cakṣā॒ udḙti | dū॒re a̭rthasta॒raṇi॒-rbhrāja̭mānaḥ | nū॒na-ñjanā॒-ssūryḙṇa॒ prasṷ̄tāḥ | āyannarthā̭ni kṛ॒ṇava॒nnapāgṃ̭si || śa-nno̭ bhava॒ cakṣa̭sā॒ śa-nno॒ ahnā᳚ | śa-mbhā॒nunā॒ śagṃ hi॒mā śa-ṅghṛ॒ṇena̭ | yathā॒ śama॒smai śamasa̭-dduro॒ṇe | ta-thsū᳚rya॒ dravi̭ṇa-ndhe॒hi ci॒tram || ci॒tra-nde॒vānā॒-muda̭gā॒danī̭kam | cakṣṷrmi॒trasya॒ varṷṇasyā॒gneḥ || 51 ||

ā-'prā॒ dyāvā̭pṛthi॒vī a॒ntari̭kṣam | sūrya̭ ā॒tmā jaga̭tasta॒sthuṣa̭śca || tvaṣṭā॒ dadha॒dindrā̭ya॒ śuṣma᳚m | apā॒ko-'ci̭ṣṭurya॒śasḙ pu॒rūṇi̭ | vṛṣā॒ yaja॒n vṛṣa̭ṇa॒-mbhūri̭retāḥ | mū॒rdhan. ya॒jñasya॒ sama̭naktu de॒vān ||, tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || | tvaṣṭā̭ vī॒ra-nde॒vakā̭ma-ñjajāna॒ tvaṣṭu॒rarvā̭ jāyata ā॒śuraśvaḥ̭ | tvaṣṭe॒daṃ-vi~śva॒-mbhuva̭na-ñjajāna ba॒hoḥ ka॒rtāra̭mi॒ha ya̭kṣi hotaḥ || pi॒śaṅga̭rūpa-ssu॒bharo̭ vayo॒dhā-śśru॒ṣṭī vī॒ro jā̭yate de॒vakā̭maḥ | pra॒jā-ntvaṣṭā॒ viṣya̭tu॒ nābhi̭ma॒sme athā̭ de॒vānā॒mapyḙtu॒ pāthaḥ̭ || || daśe॒ma-ntvaṣṭṷrjanayanta॒ garbha᳚m | ata̭ndrāso yuva॒tayo॒ bibha̭rtram | ti॒gmānī̭ka॒gg॒ svaya̭śasa॒-ñjanḙṣu | vi॒roca̭māna॒-mpari̭ṣī-nnayanti || āviṣṭyo̭ vardhate॒ cārṷrāsu | ji॒hmānā̭mū॒rdhva-ssvaya̭śā u॒pasthe᳚ || 52 ||

u॒bhe tvaṣṭṷrbibhyatu॒-rjāya̭mānāt | pra॒tīcī̭ si॒gṃ॒ha-mprati̭joṣayete || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema ||, pra sa mi̭tra॒ marto̭ astu॒ praya̭svā॒n yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśno॒tyanti̭to॒ na dū॒rāt || || a॒ya-mmi॒tro na̭ma॒syaḥ̭ su॒śevaḥ̭ | rājā̭ sukṣa॒tro a̭janiṣṭa ve॒dhāḥ | tasya̭ va॒yagṃ sṷma॒tau ya॒jñiya̭sya | api̭ bha॒dre saṷmana॒se syā̭ma || a॒na॒mī॒vāsa॒ iḍa̭yā॒ mada̭ntaḥ | mi॒tajma̭vo॒ vari̭ma॒nnā pṛ̭thi॒vyāḥ | ā॒di॒tyasya̭ vra॒tamṷpa॒kṣyantaḥ̭ || 53 ||

va॒ya-mmi॒trasya̭ suma॒tau syā̭ma || mi॒tra-nna īgṃ śimyā॒ goṣṷ ga॒vyava̭t | svā॒dhiyo̭ vi॒dathḙ a॒phsvajī̭janann | arḙjayatā॒gṃ॒ roda̭sī॒ pāja̭sā gi॒rā | prati̭ pri॒yaṃ-ya~̭ja॒ta-ñja॒nuṣā॒mavaḥ̭ || ma॒hāgṃ ā̭di॒tyo nama̭sopa॒sadyaḥ̭ | yā॒ta॒yajja̭no gṛṇa॒te su॒śevaḥ̭ | tasmā̭ e॒ta-tpanya̭tamāya॒ juṣṭa᳚m | a॒gnau mi॒trāya̭ ha॒virājṷhota || āvā॒gṃ॒ ratho॒ roda̭sī badbadhā॒naḥ || 54 ||

hi॒ra॒ṇyayo॒ vṛṣa̭bhiryā॒tvaśvaiḥ᳚ | ghṛ॒tava̭rtaniḥ pa॒vibhī̭ rucā॒naḥ | i॒ṣāṃ-vo~॒ḍhā nṛ॒pati̭rvā॒jinī̭vān || sa pa̭prathā॒no a॒bhi pañca॒ bhūma̭ | tri॒va॒ndhu॒ro mana॒sā-''yā̭tu yu॒ktaḥ | viśo॒ yena॒ gaccha̭tho deva॒yantīḥ᳚ | kutrā̭ ci॒dyāma̭maśvinā॒ dadhā̭nā || svaśvā̭ ya॒śasā-''yā̭tama॒rvāk | dasrā̭ ni॒dhi-mmadhṷmanta-mpibāthaḥ | vi vā॒gṃ॒ ratho̭ va॒ddhvā̭ yāda̭mānaḥ || 55 ||

antā᳚-ndi॒vo bā̭dhate varta॒nibhyā᳚m || yu॒vo-śśriya॒-mpari॒ yoṣā̭ vṛṇīta | sūro̭ duhi॒tā pari̭takmiyāyām | ya-ddḙva॒yanta॒mava̭tha॒-śśacī̭bhiḥ | pari̭ghra॒gṃ॒sa vā॒-mmanā̭ vāṃ॒-va~yo̭ gām || yo ha॒ sya vāgṃ̭ rathirā॒ vasta̭ u॒srāḥ | ratho̭ yujā॒naḥ pa̭ri॒yāti̭ va॒rtiḥ | tena̭ na॒-śśaṃ-yo~ru॒ṣaso॒ vyṷṣṭau | nya̭śvinā vahataṃ-ya~॒jñe a॒sminn || yu॒va-mbhu॒jyumava̭viddhagṃ samu॒dre || 56 ||

udṷ̄hathu॒rarṇa̭so॒ asri̭dhānaiḥ | pa॒ta॒tribhi̭-raśra॒mai-ra̭vya॒thibhiḥ̭ | da॒gṃ॒sanā̭bhiraśvinā pā॒raya̭ntā || agnī̭ṣomā॒ yo a॒dya vā᳚m | i॒daṃ-va~caḥ̭ sapa॒ryati̭ | tasmai̭ dhattagṃ su॒vīrya᳚m | gavā॒-mpoṣa॒gg॒ svaśvi̭yam || yo a॒gnīṣomā̭ ha॒viṣā̭ sapa॒ryāt | de॒va॒drīcā॒ mana̭sā॒ yo ghṛ॒tena̭ | tasya̭ vra॒tagṃ ra̭kṣata-mpā॒tamagṃha̭saḥ || 57 ||

vi॒śe janā̭ya॒ mahi॒ śarma̭ yacchatam || agnī̭ṣomā॒ ya āhṷtim | yo vā॒-ndāśā᳚ddha॒viṣkṛ̭tim | sa pra॒jayā̭ su॒vīrya᳚m | viśva॒māyu॒-rvya̭śnavat || agnī̭ṣomā॒ ceti॒ ta-dvī॒ryaṃ̭-vā~m | yadamṷṣṇītamava॒sa-mpa॒ṇi-ṅgoḥ | avā̭tirata॒-mpratha̭yasya॒ śeṣaḥ̭ | avi̭ndata॒-ñjyoti॒reka̭-mba॒hubhyaḥ̭ || agnī̭ṣomā vi॒magṃ su mḙ śṛṇu॒taṃ-vṛ~̭ṣaṇā॒ hava᳚m | prati̭ sū॒ktāni̭ haryata॒-mbhava̭ta-ndā॒śuṣe॒ mayaḥ̭ || agnī̭ṣomā ha॒viṣaḥ॒ prasthi̭tasya vī॒tagṃharya̭taṃ-vṛ~ṣaṇā ju॒ṣethā᳚m | su॒śarmā̭ṇā॒ svava̭sā॒ hi bhū॒tamathā̭ dhattaṃ॒-ya~ja̭mānāya॒ śaṃ-yoḥ ~|| || 58 ||

(ja॒bhā॒ra॒ - dyau - ra॒gne - ru॒pastha̭ - upa॒kṣyanto̭ - badbadhā॒no-yāda̭mānaḥ - samu॒dre - 'gṃha̭saḥ॒ - prasthi̭tasya) (a. 7)

anuvākaṃ 8 - vehadādipaśūnāṃ sūktāni

a॒hama̭smi prathama॒jā ṛ॒tasya̭ | pūrva̭-nde॒vebhyo̭ a॒mṛta̭sya॒ nābhiḥ̭ | yo mā॒ dadā̭ti॒ sa ide॒va mā vāḥ᳚ | a॒ha-manna॒-manna̭-ma॒danta̭madmi || pūrva̭-ma॒gnerapi̭ daha॒tyanna᳚m | ya॒ttau hā̭-''sāte ahamutta॒reṣṷ | vyātta̭masya pa॒śavaḥ̭ su॒jambha᳚m | paśya̭nti॒ dhīrāḥ॒ praca̭ranti॒ pākāḥ᳚ || jahā᳚mya॒nya-nna ja̭hāmya॒nyam | a॒hamannaṃ॒-va~śa॒micca̭rāmi || 59 ||

sa॒mā॒namartha॒-mparyḙmi bhu॒ñjat | ko māmanna̭-mmanu॒ṣyo̭ dayeta || parā̭ke॒ anna॒-nnihi̭taṃ-lo~॒ka e॒tat | viśvai᳚-rde॒vaiḥ pi॒tṛbhi̭-rgu॒ptamanna᳚m | yada॒dyatḙ lu॒pyate॒ ya-tpa̭ro॒pyate᳚ | śa॒ta॒ta॒mī sā ta॒nūrmḙ babhūva || ma॒hāntaṷ ca॒rū sa̭kṛ-ddu॒gdhena̭ paprau | diva̭ñca॒ pṛśñi̭ pṛthi॒vī-ñca̭ sā॒kam | ta-thsa॒mpiba̭nto॒ na mi̭nanti ve॒dhasaḥ̭ | naita-dbhūyo॒ bhava̭ti॒ no kanī̭yaḥ || 60 ||

anna̭-mprā॒ṇa-manna̭-mapā॒na-mā̭huḥ | anna̭-mmṛ॒tyu-ntamṷ jī॒vātṷmāhuḥ | anna̭-mbra॒hmāṇo̭ ja॒rasaṃ̭-va~danti | anna̭māhuḥ pra॒jana̭na-mpra॒jānā᳚m || mogha॒mannaṃ̭-vi~ndate॒ apra̭cetāḥ | sa॒tya-mbra̭vīmi va॒dha ithsa tasya̭ | nārya॒maṇa॒-mpuṣya̭ti॒ no sakhā̭yam | keva̭lāgho bhavati kevalā॒dī || a॒ha-mme॒gha-ssta॒naya॒n. varṣa̭nnasmi | māma̭dantya॒hama̭dmya॒nyān || 61 ||

a॒hagṃ sada॒mṛto̭ bhavāmi | madā̭di॒tyā adhi॒ sarvḙ tapanti || sā no̭ ma॒ndreṣa॒mūrja॒-nduhā̭nā | dhe॒nurvāga॒smānupa॒ suṣṭu॒taitṷ ||, ya-dvāgvada̭ntya-viceta॒nāni̭ | rāṣṭrī̭ de॒vānā᳚-nniṣa॒sāda̭ ma॒ndrā | cata̭sra॒ ūrja̭-nduduhe॒ payāgṃ̭si | kva̭ svi dasyāḥ para॒ma-ñja̭gāma || || a॒na॒ntā-mantā॒dadhi॒ nirmi̭tā-mma॒hīm | yasyā᳚-nde॒vā a̭dadhu॒-rbhoja̭nāni | ekā᳚kṣarā-ndvi॒padā॒gṃ॒ ṣaṭpa̭dāñca | vāca̭-nde॒vā upa̭jīvanti॒ viśve᳚ || vāca̭-nde॒vā upa̭jīvanti॒ viśve᳚ | vāca̭-ṅgandha॒rvāḥ pa॒śavo̭ manu॒ṣyāḥ᳚ | vā॒cīmā viśvā॒ bhuva̭nā॒nyarpi̭tā || 62 ||

sā no॒ hava̭-ñjuṣatā॒-mindra̭patnī || vāga॒kṣara̭-mprathama॒jā ṛ॒tasya̭ | vedā̭nā-mmā॒tā-'mṛta̭sya॒ nābhiḥ̭ | sā no̭ juṣā॒ṇopa̭ ya॒jñamāgā᳚t | ava̭ntī de॒vī su॒havā̭ me astu || yā mṛṣa̭yo mantra॒kṛto̭ manī॒ṣiṇaḥ̭ | a॒nvaiccha̭-nde॒vā-stapa̭sā॒ śramḙṇa | tā-nde॒vīṃ-vā~cagṃ̭ ha॒viṣā̭ yajāmahe | sā no̭ dadhātu sukṛ॒tasya̭ lo॒ke || ca॒tvāri॒ vā-kpari̭mitā pa॒dāni̭ || 63 ||

tāni̭ vidu-rbrāhma॒ṇā ye ma̭nī॒ṣiṇaḥ̭ | guhā॒ trīṇi॒ nihi̭tā॒ neṅga̭yanti | tu॒rīyaṃ̭-vā~॒co ma̭nu॒ṣyā̭ vadanti || śra॒ddhayā॒-'gni-ssami̭ddhyate | śra॒ddhayā̭ vindate ha॒viḥ | śra॒ddhā-mbhaga̭sya mū॒rdhani̭ | vaca॒sā ''vḙdayāmasi || pri॒yagg śra̭ddhe॒ dada̭taḥ | pri॒yagg śra̭ddhe॒ didā̭sataḥ | pri॒ya-mbho॒jeṣu॒ yajva̭su || 64 ||

i॒da-mma̭ udi॒ta-ṅkṛ̭dhi || yathā̭ de॒vā asṷreṣu | śra॒ddhā-mu॒greṣṷ cakri॒re | e॒va-mbho॒jeṣu॒ yajva̭su | a॒smāka̭-mudi॒ta-ṅkṛ̭dhi || śra॒ddhā-ndḙvā॒ yaja̭mānāḥ | vā॒yugo̭pā॒ upā̭sate | śra॒ddhāgṃ hṛ̭da॒yya̭yā-''kū᳚tyā | śra॒ddhayā̭ hūyate ha॒viḥ || śra॒ddhā-mprā॒tar-ha̭vāmahe || 65 ||

śra॒ddhā-mma॒ddhyandi̭na॒-mpari̭ | śra॒ddhāgṃ sūrya̭sya ni॒mruci̭ | śraddhe॒ śraddhā̭paye॒ha mā᳚ || śra॒ddhā de॒vā-nadhi̭vaste | śra॒ddhā viśva̭mi॒da-ñjaga̭t | śra॒ddhā-ṅkāma̭sya mā॒tara᳚m | ha॒viṣā̭ vardhayāmasi || brahma̭jajñā॒na-mpra̭tha॒ma-mpu॒rastā᳚t | vi sī̭ma॒ta-ssu॒ruco̭ ve॒na ā̭vaḥ | sa bu॒ddhniyā̭ upa॒mā a̭sya vi॒ṣṭhāḥ || 66 ||

sa॒taśca॒ yoni॒-masa̭taśca॒ vivaḥ̭ || pi॒tā vi॒rājā̭mṛṣa॒bho ra̭yī॒ṇām | a॒ntari̭kṣaṃ-vi~॒śvarṷ̄pa॒ āvi̭veśa | tama॒rkai-ra॒bhya̭rcanti va॒thsam | brahma॒ santa॒-mbrahma̭ṇā va॒rdhaya̭ntaḥ || brahma̭ de॒vāna̭janayat | brahma॒ viśva̭mi॒da-ñjaga̭t | brahma̭ṇaḥ, kṣa॒tra-nnirmi̭tam | brahma̭ brāhma॒ṇa ā॒tmanā᳚ || a॒ntara̭smi-nni॒me lo॒kāḥ || 67 ||

a॒nta-rviśva̭mi॒da-ñjaga̭t | brahmai॒va bhū॒tānā॒-ñjyeṣṭha᳚m | tena॒ ko̭-'rhati॒ spardhi̭tum || brahma̭-nde॒vā-straya̭strigṃśat | brahma̭nnindra prajāpa॒tī | brahma̭n. ha॒ viśvā̭ bhū॒tāni̭ | nā॒vī vā॒nta-ssa॒māhi̭tā || cata̭sra॒ āśāḥ॒ praca̭rantva॒-gnayaḥ̭ | i॒manno̭ ya॒jña-nna̭yatu prajā॒nann | ghṛ॒ta-mpinva̭nna॒jaragṃ̭ su॒vīra᳚m || 68 ||

brahma̭ sa॒mi-dbha̭va॒tyāhṷtīnām || ā gāvo̭ agmannu॒ta bha॒drama̭krann | sīda̭ntu go॒ṣṭhe ra॒ṇaya̭ntva॒sme | pra॒jāva̭tīḥ puru॒rūpā̭ i॒ha syuḥ | indrā̭ya pū॒rvī ru॒ṣaso॒ duhā̭nāḥ || indro॒ yajva̭ne pṛṇa॒te ca̭ śikṣati | upedda̭dāti॒ na sva-mmṷṣāyati | bhūyo̭ bhūyo ra॒yimida̭sya va॒rdhayanṋ | abhi̭nne khi॒lle nida̭dhāti deva॒yum || na tā na̭śanti॒ na da̭bhāti॒ taska̭raḥ | nainā̭ ami॒tro vyathi॒rāda̭dharṣati | de॒vāgśca॒ yābhi॒-ryaja̭te॒ dadā̭ti ca | jyogittābhiḥ̭ sacate॒ gopa̭ti-ssa॒ha ||, na tā arvā̭ re॒ṇuka̭kāṭo aśnute | na sagg̭ skṛta॒tra-mupa̭yanti॒ tā a॒bhi | u॒ru॒gā॒yamabha̭ya॒-ntasya॒ tā anṷ | gāvo॒ martya̭sya॒ vica̭ranti॒ yajva̭naḥ || || 69 ||

gāvo॒ bhago॒ gāva॒ indro̭ me acchāt | gāva॒-ssoma̭sya pratha॒masya̭ bha॒kṣaḥ | i॒mā yā gāva॒-ssaja̭nāsa॒ indraḥ̭ | i॒cchāmīddhṛ॒dā mana̭sā ci॒dindra᳚m || yū॒ya-ṅgā̭vo medayathā kṛ॒śa-ñci̭t | a॒ślī॒la-ñci̭-tkṛṇuthā su॒pratī̭kam | bha॒dra-ṅgṛ॒ha-ṅkṛ̭ṇutha bhadravācaḥ | bṛ॒hadvo॒ vaya̭ ucyate sa॒bhāsṷ || pra॒jāva̭tī-ssū॒yava̭sagṃ ri॒śantīḥ᳚ (ru॒śantīḥ᳚) | śu॒ddhā a॒pa-ssṷprapā॒ṇe piba̭ntīḥ | mā vaḥ̭ ste॒na ī̭śata॒ mā-'ghaśagṃ̭saḥ | pari̭vo he॒tī ru॒drasya̭ vṛñjyāt || upe॒da-mṷpa॒parca̭nam | ā॒su goṣūpa̭pṛcyatām | upa̭rṣa॒bhasya॒ reta̭si | upe᳚ndra॒ tava̭ vī॒rye᳚ || 70 ||

(ca॒rā॒mi॒ - kanī̭yo॒ - 'nyā - narpi̭tā - pa॒dāni॒ - yajva̭su - havāmahe - vi॒ṣṭhā - lo॒kāḥ - su॒vīra॒ - marvā॒ - piba̭ntī॒-ṣṣaṭca̭) (a. 8)

anuvākaṃ 9 - śuklakṛṣṇapaśvādīnāṃ sūktāni

tā sū᳚ryā candra॒masā̭ viśva॒bhṛtta̭mā ma॒hat | tejo॒ vasṷma-drājato di॒vi | sāmā᳚tmānā carata-ssāmacā॒riṇā᳚ | yayo᳚rvra॒ta-nna ma॒me jātṷ de॒vayoḥ᳚ || u॒bhāvantau॒ pari̭yāta॒ armyā᳚ | di॒vo na ra॒śmīg sta̭nu॒to-vya̭rṇa॒ve | u॒bhā bhṷva॒ntī bhuva̭nā ka॒vikra̭tū | sūryā॒ na ca॒ndrā ca̭rato ha॒tāma̭tī || patī᳚ dyu॒ma-dvi̭śva॒vidā̭ u॒bhā di॒vaḥ | sūryā̭ u॒bhā ca॒ndrama̭sā vicakṣa॒ṇā || 71 ||

vi॒śvavā̭rā varivo॒bhā vare᳚ṇyā | tā no̭-'vata-mmati॒mantā॒ mahi̭vratā || vi॒śva॒vapa̭rī pra॒tara̭ṇā tara॒ntā | su॒va॒rvidā̭ dṛ॒śaye॒ bhūri̭raśmī | sūryā॒ hi ca॒ndrā vasṷtve॒ṣa-da̭rśatā | ma॒na॒svino॒bhā-'nṷ cara॒to nu॒ sa-ndiva᳚m || a॒sya śravo̭ na॒dyaḥ̭ sa॒pta bi̭bhrati | dyāvā॒ kṣāmā̭ pṛthi॒vī da̭rśa॒taṃ-va~puḥ̭ | a॒sme sū᳚ryā candra॒masā̭-'bhi॒cakṣe᳚ | śra॒ddhe kami̭ndra carato vicartu॒ram || 72 ||

pū॒rvā॒pa॒ra-ñca̭rato mā॒ya yai॒tau | śiśū॒ krīḍa̭ntau॒ pari̭yāto addhva॒ram | viśvā᳚nya॒nyo bhuva̭nā 'bhi॒caṣṭe᳚ | ṛ॒tūna॒nyo vi॒dadha̭jjāyate॒ punaḥ̭ || hira̭ṇyavarṇā॒-śśuca̭yaḥ pāva॒kā yāsṷ jā॒taḥ ka॒śyapo॒ yāsvindraḥ̭ | a॒gniṃ-yā~ garbha̭-ndadhi॒re virṷ̄pā॒stā na॒ āpa॒-śśagg syo॒nā bha̭vantu ||,

yāsā॒gṃ॒ rājā॒ varṷṇo॒ yāti॒ madhyḙ satyānṛ॒te a̭va॒paśya॒n janā̭nām | ma॒dhu॒ścuta॒-śśuca̭yo॒ yāḥ pā̭va॒kāstā na॒ āpa॒-śśagg syo॒nā bha̭vantu || | yāsā᳚-nde॒vā di॒vi kṛ॒ṇvanti̭ bha॒kṣaṃ-yā~ a॒ntari̭kṣe bahu॒dhā bhava̭nti | yāḥ pṛ̭thi॒vī-mpaya̭so॒ndanti̭śu॒krāstā na॒ āpa॒-śśagg syo॒nā bha̭vantu ||, śi॒vena̭ mā॒ cakṣṷṣā paśyatā-''pa-śśi॒vayā̭ ta॒nuvopa̭ spṛśata॒ tvaca̭-mme | sarvāgṃ̭ a॒gnīgṃ ra̭phsu॒ṣado̭ huve vo॒ mayi॒ varco॒ bala॒mojo॒ ni dha̭tta || | āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭ -maraṅga॒ma ā mā᳚ prā॒ṇena̭ sa॒ha varca̭sā gann ||, ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || || nāsa̭dāsī॒nno sadā̭sī-tta॒dānī᳚m | nāsī॒-drajo॒ no vyo̭māpa॒ro yat | kimāva̭rīvaḥ॒ kuha॒ kasya॒ śarmanṋ || 73 ||

ambhaḥ॒ kimā̭sī॒-dgaha̭na-ṅgabhī॒ram || na mṛ॒tyura॒mṛta॒-ntarhi॒ na | rātri̭yā॒ ahna̭ āsī-tprake॒taḥ | ānī̭davā॒tagg sva॒dhayā॒ tadeka᳚m | tasmā᳚-ddhā॒nya-nna pa॒raḥ (pa॒raṃ) kiñca॒ nāsa̭ || tama̭ āsī॒-ttama̭sā gū॒ḍhamagre᳚ prake॒tam | sa॒li॒lagṃ sarva̭mā i॒dam | tu॒cche nā॒bhvapi̭hitaQṃ-ya~dāsī᳚t | tama̭sa॒ stanma̭hi॒nā jā̭ya॒taika᳚m || kāma॒stadagre॒ sama̭varta॒tādhi̭ || 74 ||

mana̭so॒ retaḥ̭ pratha॒maṃ-ya~dāsī᳚t | sa॒ to bandhu॒masa̭ti॒ nira̭vindann (nira̭vidann) | hṛ॒di pra॒tīṣyā̭ ka॒vayo̭ manī॒ṣā || ti॒ra॒ścīno॒ vita̭to ra॒śmirḙṣām | a॒dha-ssvi̭dā॒sī(3) du॒pari̭ svidāsī(3)t | re॒to॒dhā ā̭sa-nmahi॒māna̭ āsann | sva॒dhā a॒vastā॒-tpraya̭tiḥ pa॒rastā᳚t || ko a॒ddhā vḙda॒ ka i॒ha pravo̭cat | kuta॒ ājā̭tā॒ kuta̭ i॒yaṃ-vi~sṛ̭ṣṭiḥ | a॒rvāgde॒vā a॒sya vi॒sarja̭nāya || 75 ||

athā॒ ko vḙda॒ yata̭ āba॒bhūva̭ || i॒yaṃ-vi~sṛ̭ṣṭi॒-ryata̭ āba॒bhūva̭ | yadi̭ vā da॒dhe yadi̭ vā॒ na | yo a॒syāddhya̭kṣaḥ para॒me vyo̭mann | so a॒ṅga vḙda॒ yadi̭ vā॒ na veda̭ || kiggsvi॒dvana॒-ṅka u॒ sa vṛ॒kṣa ā̭sīt | yato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā pṛ॒cchatedu॒ tat | yada॒ddhyati̭ṣṭha॒-dbhuva̭nāni dhā॒rayanṋ || brahma॒ vana॒-mbrahma॒ sa vṛ॒kṣa ā̭sīt || 76 ||

yato॒ dyāvā̭pṛthi॒vī ni̭ṣṭata॒kṣuḥ | manī̭ṣiṇo॒ mana̭sā॒ vibra̭vīmi vaḥ | brahmā॒ddhyati̭ṣṭha॒-dbhuva̭nāni dhā॒rayanṋ || prā॒tara॒gni-mprā॒tarindragṃ̭ havāmahe | prā॒ta rmi॒trāvarṷṇā prā॒tara॒śvinā᳚ | prā॒ta rbhaga̭-mpū॒ṣaṇa॒-mbrahma̭ṇa॒spati᳚m | prā॒tassoma̭mu॒ta ru॒dragṃ hṷvema || prā॒ta॒rjita॒-mbhaga̭mu॒gragṃ hṷvema | va॒ya-mpu॒tramadi̭te॒ryo vi̭dha॒rtā | ā॒ddhraści॒dya-mmanya̭māna-stu॒raści̭t || 77 ||

rājā̭ ci॒dya-mbhaga̭-mbha॒kṣītyāha̭ || bhaga॒ praṇḙta॒rbhaga॒ satya̭rādhaḥ | bhage॒mā-ndhiya॒muda̭va॒ dada̭nnaḥ | bhaga॒ praṇo̭ janaya॒ gobhi॒raśvaiḥ᳚ | bhaga॒ pranṛbhi̭-rnṛ॒vantaḥ̭ syāma | u॒tedānī॒-mbhaga̭vanta-ssyāma || u॒ta prapi॒tva u॒ta maddhye॒ ahnā᳚m | u॒todi̭tā maghava॒n-thsūrya̭sya | va॒ya-nde॒vānāgṃ̭ suma॒tau syā̭ma || bhaga̭ e॒va bhaga̭vāgṃ astu devāḥ || 78 ||

tena̭ va॒ya-mbhaga̭vanta-ssyāma | ta-ntvā̭ bhaga॒ sarva॒ ijjo̭havīmi | sa no̭ bhaga pura e॒tā bha̭ve॒ha || sama̭ddhva॒rāyo॒ṣaso̭ namanta | da॒dhi॒krāvḙva॒ śuca̭ye pa॒dāya̭ | a॒rvā॒cī॒naṃ-va~̭su॒vida॒-mbhaga̭nnaḥ | ratha̭mi॒vāśvā̭ vā॒jina॒ āva̭hantu || aśvā̭vatī॒-rgoma̭tī-rna u॒ṣāsaḥ̭ | vī॒rava̭tī॒-ssada̭mucchantu bha॒drāḥ | ghṛ॒ta-nduhā̭nā vi॒śvataḥ॒ prapī̭nāḥ | yū॒ya-mpā̭ta sva॒stibhi॒-ssadā̭ naḥ || 79 ||

(vi॒ca॒kṣa॒ṇā - vi̭cartu॒ragṃ - śarma॒ - nnadhi̭ - vi॒sarja̭nāya॒ - brahma॒ vana॒-mbrahma॒ sa vṛ॒kṣa ā̭sīt- tu॒raści̭-d- devāḥ॒ - prapī̭nā॒ eka̭-ñca) (a. 9)

(pīvo᳚-'nnā॒ - magne॒ tva-mpā̭ra - yānāghṛ॒ṣyaḥ - śuci॒-nnu stomaṃ̭ - ~vi॒śraya̭māṇo - di॒vo ru॒kmo - 'nna̭-mprā॒ṇaṃ - tā sū᳚ryācandra॒masā॒ nava̭saptatiḥ)

(pīvo᳚nnā - ~yū॒ya-mpā̭ta sva॒stibhi॒-ssadā̭naḥ)

|| hariḥ̭ om ||

|| kṛṣṇa yajurvedīya taittirīya brāhmaṇe dvitīyāṣṭake aṣṭamaḥ prapāṭhaka-ssamāptaḥ ||

|| kṛṣṇa yajurvedīya taittirīya brāhmaṇe dvitīyāṣṭakaṃ samāptam ||