sarveśaṃ parameśaṃ śrīpārvatīśaṃ vande'haṃ viśveśaṃ śrīpannageśam |
Verse 1
śrīsāmbaṃ śambhuṃ śivaṃ trailokyapūjyaṃ vande'haṃ trainetraṃ śrīkaṇṭhamīśam || 1||
bhasmāmbaradharamīśaṃ surapārijātaṃ bilvārcitapadayugalaṃ somaṃ someśam |
Verse 2
jagadālayapariśobhitadevaṃ paramātmaṃ vande'haṃ śivaśaṅkaramīśaṃ deveśam || 2||
kailāsapriyavāsaṃ karuṇākaramīśaṃ kātyāyanīvilasitapriyavāmabhāgam |
Verse 3
praṇavārcitamātmārcitaṃ saṃsevitarūpaṃ vande'haṃ śivaśaṅkaramīśaṃ deveśam || 3||
manmathanijamadadahanaṃ dākṣāyanīśaṃ nirguṇaguṇasambharitaṃ kaivalyapuruṣam |
Verse 4
bhaktānugrahavigrahamānandajaikaṃ vande'haṃ śivaśaṅkaramīśaṃ deveśam || 4||
suragaṅgāsamplāvitapāvananijaśikharaṃ samabhūṣitaśaśibimbaṃ jaṭādharaṃ devam |
Verse 5
niratojjvaladāvānalanayanaphālabhāgaṃ vande'haṃ śivaśaṅkaramīśaṃ deveśam || 5||
śaśisūryanetradvayamārādhyapuruṣaṃ surakinnarapannagamayamīśaṃ saṅkāśam |
Verse 6
śaravaṇabhavasampūjitanijapādapadmaṃ vande'haṃ śivaśaṅkaramīśaṃ deveśam || 6||
śrīśailapuravāsaṃ īśaṃ mallīśaṃ śrīkālahastīśaṃ svarṇamukhīvāsam |
Verse 7
kāñcīpuramīśaṃ śrīkāmākṣītejaṃ vande'haṃ śivaśaṅkaramīśaṃ deveśam || 7||
tripurāntakamīśaṃ aruṇācaleśaṃ dakṣiṇāmūrtiṃ guruṃ lokapūjyam |
Verse 8
cidambarapuravāsaṃ pañcaliṅgamūrtiṃ vande'haṃ śivaśaṅkaramīśaṃ deveśam || 8||
jyotirmayaśubhaliṅgaṃ saṅkhyātrayanāṭyaṃ trayīvedyamādyaṃ pañcānanamīśam |
Verse 9
vedādbhutagātraṃ vedārṇavajanitaṃ vedāgraṃ viśvāgraṃ śrīviśvanātham || 9||
Sanskrit — Devanagari (original)
सर्वेशं परमेशं श्रीपार्वतीशं वन्देऽहं विश्वेशं श्रीपन्नगेशम् ।
श्रीसाम्बं शम्भुं शिवं त्रैलोक्यपूज्यं वन्देऽहं त्रैनेत्रं श्रीकण्ठमीशम् ॥ 1॥
भस्माम्बरधरमीशं सुरपारिजातं बिल्वार्चितपदयुगलं सोमं सोमेशम् ।
जगदालयपरिशोभितदेवं परमात्मं वन्देऽहं शिवशङ्करमीशं देवेशम् ॥ 2॥
कैलासप्रियवासं करुणाकरमीशं कात्यायनीविलसितप्रियवामभागम् ।
प्रणवार्चितमात्मार्चितं संसेवितरूपं वन्देऽहं शिवशङ्करमीशं देवेशम् ॥ 3॥
मन्मथनिजमददहनं दाक्षायनीशं निर्गुणगुणसम्भरितं कैवल्यपुरुषम् ।
भक्तानुग्रहविग्रहमानन्दजैकं वन्देऽहं शिवशङ्करमीशं देवेशम् ॥ 4॥
सुरगङ्गासम्प्लावितपावननिजशिखरं समभूषितशशिबिम्बं जटाधरं देवम् ।
निरतोज्ज्वलदावानलनयनफालभागं वन्देऽहं शिवशङ्करमीशं देवेशम् ॥ 5॥
शशिसूर्यनेत्रद्वयमाराध्यपुरुषं सुरकिन्नरपन्नगमयमीशं सङ्काशम् ।
शरवणभवसम्पूजितनिजपादपद्मं वन्देऽहं शिवशङ्करमीशं देवेशम् ॥ 6॥
श्रीशैलपुरवासं ईशं मल्लीशं श्रीकालहस्तीशं स्वर्णमुखीवासम् ।
काञ्चीपुरमीशं श्रीकामाक्षीतेजं वन्देऽहं शिवशङ्करमीशं देवेशम् ॥ 7॥
त्रिपुरान्तकमीशं अरुणाचलेशं दक्षिणामूर्तिं गुरुं लोकपूज्यम् ।
चिदम्बरपुरवासं पञ्चलिङ्गमूर्तिं वन्देऽहं शिवशङ्करमीशं देवेशम् ॥ 8॥
ज्योतिर्मयशुभलिङ्गं सङ्ख्यात्रयनाट्यं त्रयीवेद्यमाद्यं पञ्चाननमीशम् ।
वेदाद्भुतगात्रं वेदार्णवजनितं वेदाग्रं विश्वाग्रं श्रीविश्वनाथम् ॥ 9॥