Shri Martanda Stotram — Latin Script

Meaning —

gāḍhāndhakāraharaṇāya jagaddhitāya
jyotirmayāya parameśvaralocanāya |
mandehadaityabhujagarvavibhañjanāya
sūryāya tīvrakiraṇāya namo namaste || 1 ||

Verse 2

chāyāpriyāya maṇikuṇḍalamaṇḍitāya
surottamāya sarasīruhabāndhavāya |
sauvarṇaratnamakuṭāya vikartanāya
sūryāya tīvrakiraṇāya namo namaste || 2 ||

Verse 3

sañjñāvadhūhṛdayapaṅkajaṣaṭpadāya
gaurīśapaṅkajabhavācyutavigrahāya |
lokekṣaṇāya tapanāya divākarāya
sūryāya tīvrakiraṇāya namo namaste || 3 ||

Verse 4

saptāśvabaddhaśakaṭāya grahādhipāya
raktāmbarāya śaraṇāgatavatsalāya |
jāmbūnadāmbujakarāya dineśvarāya
sūryāya tīvrakiraṇāya namo namaste || 4 ||

Verse 5

āmnāyabhārabharaṇāya jalapradāya
toyāpahāya karuṇāmṛtasāgarāya |
nārāyaṇāya vividhāmaravanditāya
sūryāya tīvrakiraṇāya namo namaste || 5 ||

iti śrī mārtāṇḍa stotram ||

Sanskrit — Devanagari (original)

गाढान्धकारहरणाय जगद्धिताय

ज्योतिर्मयाय परमेश्वरलोचनाय ।

मन्देहदैत्यभुजगर्वविभञ्जनाय

सूर्याय तीव्रकिरणाय नमो नमस्ते ॥ 1 ॥

छायाप्रियाय मणिकुण्डलमण्डिताय

सुरोत्तमाय सरसीरुहबान्धवाय ।

सौवर्णरत्नमकुटाय विकर्तनाय

सूर्याय तीव्रकिरणाय नमो नमस्ते ॥ 2 ॥

सञ्ज्ञावधूहृदयपङ्कजषट्पदाय

गौरीशपङ्कजभवाच्युतविग्रहाय ।

लोकेक्षणाय तपनाय दिवाकराय

सूर्याय तीव्रकिरणाय नमो नमस्ते ॥ 3 ॥

सप्ताश्वबद्धशकटाय ग्रहाधिपाय

रक्ताम्बराय शरणागतवत्सलाय ।

जाम्बूनदाम्बुजकराय दिनेश्वराय

सूर्याय तीव्रकिरणाय नमो नमस्ते ॥ 4 ॥

आम्नायभारभरणाय जलप्रदाय

तोयापहाय करुणामृतसागराय ।

नारायणाय विविधामरवन्दिताय

सूर्याय तीव्रकिरणाय नमो नमस्ते ॥ 5 ॥

इति श्री मार्ताण्ड स्तोत्रम् ॥