Narayaniyam Dashakam 80 — Bengali Script

Meaning —

সত্রাজিতস্ত্বমথ লুব্ধবদর্কলব্ধং
দিব্যং স্যমন্তকমণিং ভগবন্নযাচীঃ ।
তত্কারণং বহুবিধং মম ভাতি নূনং
তস্যাত্মজাং ত্বযি রতাং ছলতো বিবোঢুম্ ॥1॥

satrājitastvamatha lubdhavadarkalabdhaṃ
divyaṃ syamantakamaṇiṃ bhagavannayācīḥ |
tatkāraṇaṃ bahuvidhaṃ mama bhāti nūnaṃ
tasyātmajāṃ tvayi ratāṃ chalato vivoḍhum ||1||

Verse 2

অদত্তং তং তুভ্যং মণিবরমনেনাল্পমনসা
প্রসেনস্তদ্ভ্রাতা গলভুবি বহন্ প্রাপ মৃগযাম্ ।
অহন্নেনং সিংহো মণিমহসি মাংসভ্রমবশাত্
কপীন্দ্রস্তং হত্বা মণিমপি চ বালায দদিবান্ ॥2॥

adattaṃ taṃ tubhyaṃ maṇivaramanenālpamanasā
prasenastadbhrātā galabhuvi vahan prāpa mṛgayām |
ahannenaṃ siṃho maṇimahasi māṃsabhramavaśāt
kapīndrastaṃ hatvā maṇimapi ca bālāya dadivān ||2||

Verse 3

শশংসুঃ সত্রাজিদ্গিরমনু জনাস্ত্বাং মণিহরং
জনানাং পীযূষং ভবতি গুণিনাং দোষকণিকা ।
ততঃ সর্বজ্ঞোঽপি স্বজনসহিতো মার্গণপরঃ
প্রসেনং তং দৃষ্ট্বা হরিমপি গতোঽভূঃ কপিগুহাম্ ॥3॥

śaśaṃsuḥ satrājidgiramanu janāstvāṃ maṇiharaṃ
janānāṃ pīyūṣaṃ bhavati guṇināṃ doṣakaṇikā |
tataḥ sarvajño'pi svajanasahito mārgaṇaparaḥ
prasenaṃ taṃ dṛṣṭvā harimapi gato'bhūḥ kapiguhām ||3||

Verse 4

ভবন্তমবিতর্কযন্নতিবযাঃ স্বযং জাম্ববান্
মুকুন্দশরণং হি মাং ক ইহ রোদ্ধুমিত্যালপন্ ।
বিভো রঘুপতে হরে জয জযেত্যলং মুষ্টিভি-
শ্চিরং তব সমর্চনং ব্যধিত ভক্তচূডামণিঃ ॥4॥

bhavantamavitarkayannativayāḥ svayaṃ jāmbavān
mukundaśaraṇaṃ hi māṃ ka iha roddhumityālapan |
vibho raghupate hare jaya jayetyalaṃ muṣṭibhi-
ściraṃ tava samarcanaṃ vyadhita bhaktacūḍāmaṇiḥ ||4||

Verse 5

বুধ্বাঽথ তেন দত্তাং নবরমণীং বরমণিং চ পরিগৃহ্ণন্ ।
অনুগৃহ্ণন্নমুমাগাঃ সপদি চ সত্রাজিতে মণিং প্রাদাঃ ॥5॥

budhvā'tha tena dattāṃ navaramaṇīṃ varamaṇiṃ ca parigṛhṇan |
anugṛhṇannamumāgāḥ sapadi ca satrājite maṇiṃ prādāḥ ||5||

Verse 6

তদনু স খলু ব্রীলালোলো বিলোলবিলোচনাং
দুহিতরমহো ধীমান্ ভামাং গিরৈব পরার্পিতাম্ ।
অদিত মণিনা তুভ্যং লভ্যং সমেত্য ভবানপি
প্রমুদিতমনাস্তস্যৈবাদান্মণিং গহনাশযঃ ॥6॥

tadanu sa khalu brīlālolo vilolavilocanāṃ
duhitaramaho dhīmān bhāmāṃ giraiva parārpitām |
adita maṇinā tubhyaṃ labhyaṃ sametya bhavānapi
pramuditamanāstasyaivādānmaṇiṃ gahanāśayaḥ ||6||

Verse 7

ব্রীলাকুলাং রমযতি ত্বযি সত্যভামাং
কৌন্তেযদাহকথযাথ কুরূন্ প্রযাতে ।
হী গান্দিনেযকৃতবর্মগিরা নিপাত্য
সত্রাজিতং শতধনুর্মণিমাজহার ॥7॥

vrīlākulāṃ ramayati tvayi satyabhāmāṃ
kaunteyadāhakathayātha kurūn prayāte |
hī gāndineyakṛtavarmagirā nipātya
satrājitaṃ śatadhanurmaṇimājahāra ||7||

Verse 8

শোকাত্ কুরূনুপগতামবলোক্য কান্তাং
হত্বা দ্রুতং শতধনুং সমহর্ষযস্তাম্ ।
রত্নে সশঙ্ক ইব মৈথিলগেহমেত্য
রামো গদাং সমশিশিক্ষত ধার্তরাষ্ট্রম্ ॥8॥

śokāt kurūnupagatāmavalokya kāntāṃ
hatvā drutaṃ śatadhanuṃ samaharṣayastām |
ratne saśaṅka iva maithilagehametya
rāmo gadāṃ samaśiśikṣata dhārtarāṣṭram ||8||

Verse 9

অক্রূর এষ ভগবন্ ভবদিচ্ছযৈব
সত্রাজিতঃ কুচরিতস্য যুযোজ হিংসাম্ ।
অক্রূরতো মণিমনাহৃতবান্ পুনস্ত্বং
তস্যৈব ভূতিমুপধাতুমিতি ব্রুবন্তি ॥9॥

akrūra eṣa bhagavan bhavadicchayaiva
satrājitaḥ kucaritasya yuyoja hiṃsām |
akrūrato maṇimanāhṛtavān punastvaṃ
tasyaiva bhūtimupadhātumiti bruvanti ||9||

Verse 10

ভক্তস্ত্বযি স্থিরতরঃ স হি গান্দিনেয-
স্তস্যৈব কাপথমতিঃ কথমীশ জাতা ।
বিজ্ঞানবান্ প্রশমবানহমিত্যুদীর্ণং
গর্বং ধ্রুবং শমযিতুং ভবতা কৃতৈব ॥10॥

bhaktastvayi sthirataraḥ sa hi gāndineya-
stasyaiva kāpathamatiḥ kathamīśa jātā |
vijñānavān praśamavānahamityudīrṇaṃ
garvaṃ dhruvaṃ śamayituṃ bhavatā kṛtaiva ||10||

Verse 11

যাতং ভযেন কৃতবর্মযুতং পুনস্ত-
মাহূয তদ্বিনিহিতং চ মণিং প্রকাশ্য ।
তত্রৈব সুব্রতধরে বিনিধায তুষ্যন্
ভামাকুচান্তশযনঃ পবনেশ পাযাঃ ॥11॥

yātaṃ bhayena kṛtavarmayutaṃ punasta-
māhūya tadvinihitaṃ ca maṇiṃ prakāśya |
tatraiva suvratadhare vinidhāya tuṣyan
bhāmākucāntaśayanaḥ pavaneśa pāyāḥ ||11||

Sanskrit — Devanagari (original)

सत्राजितस्त्वमथ लुब्धवदर्कलब्धं

दिव्यं स्यमन्तकमणिं भगवन्नयाचीः ।

तत्कारणं बहुविधं मम भाति नूनं

तस्यात्मजां त्वयि रतां छलतो विवोढुम् ॥1॥

अदत्तं तं तुभ्यं मणिवरमनेनाल्पमनसा

प्रसेनस्तद्भ्राता गलभुवि वहन् प्राप मृगयाम् ।

अहन्नेनं सिंहो मणिमहसि मांसभ्रमवशात्

कपीन्द्रस्तं हत्वा मणिमपि च बालाय ददिवान् ॥2॥

शशंसुः सत्राजिद्गिरमनु जनास्त्वां मणिहरं

जनानां पीयूषं भवति गुणिनां दोषकणिका ।

ततः सर्वज्ञोऽपि स्वजनसहितो मार्गणपरः

प्रसेनं तं दृष्ट्वा हरिमपि गतोऽभूः कपिगुहाम् ॥3॥

भवन्तमवितर्कयन्नतिवयाः स्वयं जाम्बवान्

मुकुन्दशरणं हि मां क इह रोद्धुमित्यालपन् ।

विभो रघुपते हरे जय जयेत्यलं मुष्टिभि-

श्चिरं तव समर्चनं व्यधित भक्तचूडामणिः ॥4॥

बुध्वाऽथ तेन दत्तां नवरमणीं वरमणिं च परिगृह्णन् ।

अनुगृह्णन्नमुमागाः सपदि च सत्राजिते मणिं प्रादाः ॥5॥

तदनु स खलु ब्रीलालोलो विलोलविलोचनां

दुहितरमहो धीमान् भामां गिरैव परार्पिताम् ।

अदित मणिना तुभ्यं लभ्यं समेत्य भवानपि

प्रमुदितमनास्तस्यैवादान्मणिं गहनाशयः ॥6॥

व्रीलाकुलां रमयति त्वयि सत्यभामां

कौन्तेयदाहकथयाथ कुरून् प्रयाते ।

ही गान्दिनेयकृतवर्मगिरा निपात्य

सत्राजितं शतधनुर्मणिमाजहार ॥7॥

शोकात् कुरूनुपगतामवलोक्य कान्तां

हत्वा द्रुतं शतधनुं समहर्षयस्ताम् ।

रत्ने सशङ्क इव मैथिलगेहमेत्य

रामो गदां समशिशिक्षत धार्तराष्ट्रम् ॥8॥

अक्रूर एष भगवन् भवदिच्छयैव

सत्राजितः कुचरितस्य युयोज हिंसाम् ।

अक्रूरतो मणिमनाहृतवान् पुनस्त्वं

तस्यैव भूतिमुपधातुमिति ब्रुवन्ति ॥9॥

भक्तस्त्वयि स्थिरतरः स हि गान्दिनेय-

स्तस्यैव कापथमतिः कथमीश जाता ।

विज्ञानवान् प्रशमवानहमित्युदीर्णं

गर्वं ध्रुवं शमयितुं भवता कृतैव ॥10॥

यातं भयेन कृतवर्मयुतं पुनस्त-

माहूय तद्विनिहितं च मणिं प्रकाश्य ।

तत्रैव सुव्रतधरे विनिधाय तुष्यन्

भामाकुचान्तशयनः पवनेश पायाः ॥11॥

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

নারাযণীযং দশক 80 - স্যমন্তকোপাখ্যানম্