Narayaniyam Dashakam 43 — Bengali Script

Meaning —

ত্বামেকদা গুরুমরুত্পুরনাথ বোঢুং
গাঢাধিরূঢগরিমাণমপারযন্তী ।
মাতা নিধায শযনে কিমিদং বতেতি
ধ্যাযন্ত্যচেষ্টত গৃহেষু নিবিষ্টশঙ্কা ॥1॥

tvāmekadā gurumarutpuranātha voḍhuṃ
gāḍhādhirūḍhagarimāṇamapārayantī |
mātā nidhāya śayane kimidaṃ bateti
dhyāyantyaceṣṭata gṛheṣu niviṣṭaśaṅkā ||1||

Verse 2

তাবদ্বিদূরমুপকর্ণিতঘোরঘোষ-
ব্যাজৃম্ভিপাংসুপটলীপরিপূরিতাশঃ ।
বাত্যাবপুস্স কিল দৈত্যবরস্তৃণাব-
র্তাখ্যো জহার জনমানসহারিণং ত্বাম্ ॥2॥

tāvadvidūramupakarṇitaghoraghoṣa-
vyājṛmbhipāṃsupaṭalīparipūritāśaḥ |
vātyāvapussa kila daityavarastṛṇāva-
rtākhyo jahāra janamānasahāriṇaṃ tvām ||2||

Verse 3

উদ্দামপাংসুতিমিরাহতদৃষ্টিপাতে
দ্রষ্টুং কিমপ্যকুশলে পশুপাললোকে ।
হা বালকস্য কিমিতি ত্বদুপান্তমাপ্তা
মাতা ভবন্তমবিলোক্য ভৃশং রুরোদ ॥3॥

uddāmapāṃsutimirāhatadṛṣṭipāte
draṣṭuṃ kimapyakuśale paśupālaloke |
hā bālakasya kimiti tvadupāntamāptā
mātā bhavantamavilokya bhṛśaṃ ruroda ||3||

Verse 4

তাবত্ স দানববরোঽপি চ দীনমূর্তি-
র্ভাবত্কভারপরিধারণলূনবেগঃ ।
সঙ্কোচমাপ তদনু ক্ষতপাংসুঘোষে
ঘোষে ব্যতাযত ভবজ্জননীনিনাদঃ ॥4॥

tāvat sa dānavavaro'pi ca dīnamūrti-
rbhāvatkabhāraparidhāraṇalūnavegaḥ |
saṅkocamāpa tadanu kṣatapāṃsughoṣe
ghoṣe vyatāyata bhavajjananīninādaḥ ||4||

Verse 5

রোদোপকর্ণনবশাদুপগম্য গেহং
ক্রন্দত্সু নন্দমুখগোপকুলেষু দীনঃ ।
ত্বাং দানবস্ত্বখিলমুক্তিকরং মুমুক্ষু-
স্ত্বয্যপ্রমুঞ্চতি পপাত বিযত্প্রদেশাত্ ॥5॥

rodopakarṇanavaśādupagamya gehaṃ
krandatsu nandamukhagopakuleṣu dīnaḥ |
tvāṃ dānavastvakhilamuktikaraṃ mumukṣu-
stvayyapramuñcati papāta viyatpradeśāt ||5||

Verse 6

রোদাকুলাস্তদনু গোপগণা বহিষ্ঠ-
পাষাণপৃষ্ঠভুবি দেহমতিস্থবিষ্ঠম্ ।
প্রৈক্ষন্ত হন্ত নিপতন্তমমুষ্য বক্ষ-
স্যক্ষীণমেব চ ভবন্তমলং হসন্তম্ ॥6॥

rodākulāstadanu gopagaṇā bahiṣṭha-
pāṣāṇapṛṣṭhabhuvi dehamatisthaviṣṭham |
praikṣanta hanta nipatantamamuṣya vakṣa-
syakṣīṇameva ca bhavantamalaṃ hasantam ||6||

Verse 7

গ্রাবপ্রপাতপরিপিষ্টগরিষ্ঠদেহ-
ভ্রষ্টাসুদুষ্টদনুজোপরি ধৃষ্টহাসম্ ।
আঘ্নানমম্বুজকরেণ ভবন্তমেত্য
গোপা দধুর্গিরিবরাদিব নীলরত্নম্ ॥7॥

grāvaprapātaparipiṣṭagariṣṭhadeha-
bhraṣṭāsuduṣṭadanujopari dhṛṣṭahāsam |
āghnānamambujakareṇa bhavantametya
gopā dadhurgirivarādiva nīlaratnam ||7||

Verse 8

একৈকমাশু পরিগৃহ্য নিকামনন্দ-
ন্নন্দাদিগোপপরিরব্ধবিচুম্বিতাঙ্গম্ ।
আদাতুকামপরিশঙ্কিতগোপনারী-
হস্তাম্বুজপ্রপতিতং প্রণুমো ভবন্তম্ ॥8॥

ekaikamāśu parigṛhya nikāmananda-
nnandādigopaparirabdhavicumbitāṅgam |
ādātukāmapariśaṅkitagopanārī-
hastāmbujaprapatitaṃ praṇumo bhavantam ||8||

Verse 9

ভূযোঽপি কিন্নু কৃণুমঃ প্রণতার্তিহারী
গোবিন্দ এব পরিপালযতাত্ সুতং নঃ ।
ইত্যাদি মাতরপিতৃপ্রমুখৈস্তদানীং
সম্প্রার্থিতস্ত্বদবনায বিভো ত্বমেব ॥9॥

bhūyo'pi kinnu kṛṇumaḥ praṇatārtihārī
govinda eva paripālayatāt sutaṃ naḥ |
ityādi mātarapitṛpramukhaistadānīṃ
samprārthitastvadavanāya vibho tvameva ||9||

Verse 10

বাতাত্মকং দনুজমেবমযি প্রধূন্বন্
বাতোদ্ভবান্ মম গদান্ কিমু নো ধুনোষি ।
কিং বা করোমি পুনরপ্যনিলালযেশ
নিশ্শেষরোগশমনং মুহুরর্থযে ত্বাম্ ॥10॥

vātātmakaṃ danujamevamayi pradhūnvan
vātodbhavān mama gadān kimu no dhunoṣi |
kiṃ vā karomi punarapyanilālayeśa
niśśeṣarogaśamanaṃ muhurarthaye tvām ||10||

Sanskrit — Devanagari (original)

त्वामेकदा गुरुमरुत्पुरनाथ वोढुं

गाढाधिरूढगरिमाणमपारयन्ती ।

माता निधाय शयने किमिदं बतेति

ध्यायन्त्यचेष्टत गृहेषु निविष्टशङ्का ॥1॥

तावद्विदूरमुपकर्णितघोरघोष-

व्याजृम्भिपांसुपटलीपरिपूरिताशः ।

वात्यावपुस्स किल दैत्यवरस्तृणाव-

र्ताख्यो जहार जनमानसहारिणं त्वाम् ॥2॥

उद्दामपांसुतिमिराहतदृष्टिपाते

द्रष्टुं किमप्यकुशले पशुपाललोके ।

हा बालकस्य किमिति त्वदुपान्तमाप्ता

माता भवन्तमविलोक्य भृशं रुरोद ॥3॥

तावत् स दानववरोऽपि च दीनमूर्ति-

र्भावत्कभारपरिधारणलूनवेगः ।

सङ्कोचमाप तदनु क्षतपांसुघोषे

घोषे व्यतायत भवज्जननीनिनादः ॥4॥

रोदोपकर्णनवशादुपगम्य गेहं

क्रन्दत्सु नन्दमुखगोपकुलेषु दीनः ।

त्वां दानवस्त्वखिलमुक्तिकरं मुमुक्षु-

स्त्वय्यप्रमुञ्चति पपात वियत्प्रदेशात् ॥5॥

रोदाकुलास्तदनु गोपगणा बहिष्ठ-

पाषाणपृष्ठभुवि देहमतिस्थविष्ठम् ।

प्रैक्षन्त हन्त निपतन्तममुष्य वक्ष-

स्यक्षीणमेव च भवन्तमलं हसन्तम् ॥6॥

ग्रावप्रपातपरिपिष्टगरिष्ठदेह-

भ्रष्टासुदुष्टदनुजोपरि धृष्टहासम् ।

आघ्नानमम्बुजकरेण भवन्तमेत्य

गोपा दधुर्गिरिवरादिव नीलरत्नम् ॥7॥

एकैकमाशु परिगृह्य निकामनन्द-

न्नन्दादिगोपपरिरब्धविचुम्बिताङ्गम् ।

आदातुकामपरिशङ्कितगोपनारी-

हस्ताम्बुजप्रपतितं प्रणुमो भवन्तम् ॥8॥

भूयोऽपि किन्नु कृणुमः प्रणतार्तिहारी

गोविन्द एव परिपालयतात् सुतं नः ।

इत्यादि मातरपितृप्रमुखैस्तदानीं

सम्प्रार्थितस्त्वदवनाय विभो त्वमेव ॥9॥

वातात्मकं दनुजमेवमयि प्रधून्वन्

वातोद्भवान् मम गदान् किमु नो धुनोषि ।

किं वा करोमि पुनरप्यनिलालयेश

निश्शेषरोगशमनं मुहुरर्थये त्वाम् ॥10॥

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

নারাযণীযং দশক 43 - তৃণাবর্তবধম্