Shri Bagalamukhi Stotram - 2 — Telugu Script

Meaning —

అస్య శ్రీబగలాముఖీమహామన్త్రస్య
నారదో భగవాన్ ఋషిః
అతిజగతీఛన్దః
శ్రీ బగలాముఖీ దేవతా
లాం బీజం ఇం శక్తిః
లం కీలకం-మమ దూరస్థానాం సమీపస్థానాం గతి మతి వాక్త్సమ్భనార్థే జపే వినియోగః
ఓం హ్రీం అఙ్గుష్ఠాభ్యాం నమః
బగలాముఖీ తర్జనీభ్యాం నమః
సర్వదుష్టానాం మధ్యమాభ్యాం నమః
వాచం ముఖం పదం స్తమ్భయ అనామికాభ్యాం నమః
జిహ్వాం కీలయ బుద్ధిం వినాశయ కనిష్ఠికాభ్యాం నమః
హ్రీం ఓం స్వాహా కరతలకరపృష్టాభ్యాం నమః
ఓం హ్రీం హృదయాయ నమః
బగలాముఖీ శిరసే స్వాహా
సర్వదుష్టానాం శిఖాయై వషత్
వాచం ముఖం పదం స్తమ్భయ కవచా హుం
జిహ్వాం కీలయ బుద్ధిం వినాశయ నేత్రత్రయాయ వౌషట్
హ్రీం ఓం స్వాహా అస్త్రాయ ఫట్
భూర్భువస్సువరోమితి దిగ్బన్ధః ।
ధ్యానమ్ ।
పీతామ్బరాం త్రిణేత్రాం చ ద్విభుజాం దహనోజ్వలామ్ ।
శిలాపర్వతహస్తాం చ రిపుకమ్పాం మహోత్కటామ్ ॥ 1 ॥

asya śrībagalāmukhīmahāmantrasya
nārado bhagavān ṛṣiḥ
atijagatīchandaḥ
śrī bagalāmukhī devatā
lāṃ bījaṃ iṃ śaktiḥ
laṃ kīlakaṃ-mama dūrasthānāṃ samīpasthānāṃ gati mati vāktsambhanārthe jape viniyogaḥ
oṃ hrīṃ aṅguṣṭhābhyāṃ namaḥ
bagalāmukhī tarjanībhyāṃ namaḥ
sarvaduṣṭānāṃ madhyamābhyāṃ namaḥ
vācaṃ mukhaṃ padaṃ stambhaya anāmikābhyāṃ namaḥ
jihvāṃ kīlaya buddhiṃ vināśaya kaniṣṭhikābhyāṃ namaḥ
hrīṃ oṃ svāhā karatalakarapṛṣṭābhyāṃ namaḥ
oṃ hrīṃ hṛdayāya namaḥ
bagalāmukhī śirase svāhā
sarvaduṣṭānāṃ śikhāyai vaṣat
vācaṃ mukhaṃ padaṃ stambhaya kavacā huṃ
jihvāṃ kīlaya buddhiṃ vināśaya netratrayāya vauṣaṭ
hrīṃ oṃ svāhā astrāya phaṭ
bhūrbhuvassuvaromiti digbandhaḥ |
dhyānam |
pītāmbarāṃ triṇetrāṃ ca dvibhujāṃ dahanojvalām |
śilāparvatahastāṃ ca ripukampāṃ mahotkaṭām || 1 ||

Verse 2

గమ్భీరాం చ మదోన్మత్తాం స్వర్ణకాన్తిసమప్రభామ్ ।
వైరినిర్దలనార్థాయ స్మరేత్తాం బగలాముఖీమ్ ॥ 2 ॥

gambhīrāṃ ca madonmattāṃ svarṇakāntisamaprabhām |
vairinirdalanārthāya smarettāṃ bagalāmukhīm || 2 ||

Verse 3

చతుర్భుజాం త్రిణయనాం కమలాసనసంస్థితామ్ ।
దక్షిణే ముద్గరం పాశం వామే జిహ్వాం చ వజ్రకమ్ ॥ 3 ॥

caturbhujāṃ triṇayanāṃ kamalāsanasaṃsthitām |
dakṣiṇe mudgaraṃ pāśaṃ vāme jihvāṃ ca vajrakam || 3 ||

Verse 4

పీతామ్బరధరాం సాన్ద్రాం దృఢపీనయోధరామ్ ।
వైరివాక్త్సమ్భినీం దేవీం స్మరామి బగలాముఖీమ్ ॥ 4 ॥

pītāmbaradharāṃ sāndrāṃ dṛḍhapīnayodharām |
vairivāktsambhinīṃ devīṃ smarāmi bagalāmukhīm || 4 ||

Verse 5

హేమకుణ్డలభూషాఙ్గీం శీతచన్ద్రార్ధశేఖరీమ్ ।
పీతభూషణభూషాఢ్యాం స్వర్ణసింహాసనేస్థితామ్ ॥ 5 ॥

hemakuṇḍalabhūṣāṅgīṃ śītacandrārdhaśekharīm |
pītabhūṣaṇabhūṣāḍhyāṃ svarṇasiṃhāsanesthitām || 5 ||

Verse 6

త్రిశూలధారిణీమమ్బాం సర్వసౌభాగ్యదాయినీమ్ ।
సర్వశృఙ్గారవేషాఢ్యాం భజేత్తాం బగలాముఖీమ్ ॥ 6 ॥

triśūladhāriṇīmambāṃ sarvasaubhāgyadāyinīm |
sarvaśṛṅgāraveṣāḍhyāṃ bhajettāṃ bagalāmukhīm || 6 ||

Verse 7

మధ్యే సుధాబ్ధిమణిమణ్టప రత్న వేద్యాం
సింహాసనోపరిగతాం పరిపీతవర్ణామ్ ।
పీతామ్బరాభరణమాల్యవిభూషితాఙ్గీం
దేవీం నమామి ధృత ముద్గరవైరి జిహ్వామ్ ॥ 7 ॥

madhye sudhābdhimaṇimaṇṭapa ratna vedyāṃ
siṃhāsanoparigatāṃ paripītavarṇām |
pītāmbarābharaṇamālyavibhūṣitāṅgīṃ
devīṃ namāmi dhṛta mudgaravairi jihvām || 7 ||

Verse 8

చలత్కనకకుణ్డలోల్లసితచారుగణ్డస్థలాం
లసత్కనకచమ్పక ద్యుతిమదర్ధేన్దు బిమ్బాఞ్చితామ్ ।
సదాహితవిపక్షకాం దలితవైరి జిహ్వాఞ్చలాం
నమామి బగలాముఖీం ధీమతాం వాఙ్మనస్స్తమ్భినీమ్ ॥ 8 ॥

calatkanakakuṇḍalollasitacārugaṇḍasthalāṃ
lasatkanakacampaka dyutimadardhendu bimbāñcitām |
sadāhitavipakṣakāṃ dalitavairi jihvāñcalāṃ
namāmi bagalāmukhīṃ dhīmatāṃ vāṅmanasstambhinīm || 8 ||

Verse 9

పీయూషో దధిమధ్యచారు విలసద్రత్నోజ్వలే మణ్టపే
యాసింహాసన మౌలిపాతితరిపు ప్రేతాసనాధ్యాసినీమ్ ।
స్వర్ణాభాం కరపీడితారిరశనాం భ్రామ్యద్గదాం బిభ్రతీం
యస్త్వాం పశ్యతి తస్య యాన్తి విలయం సద్యోహి సర్వాపదః ॥ 9 ॥

pīyūṣo dadhimadhyacāru vilasadratnojvale maṇṭape
yāsiṃhāsana maulipātitaripu pretāsanādhyāsinīm |
svarṇābhāṃ karapīḍitāriraśanāṃ bhrāmyadgadāṃ bibhratīṃ
yastvāṃ paśyati tasya yānti vilayaṃ sadyohi sarvāpadaḥ || 9 ||

Verse 10

దేవి త్వచ్చరణామ్బుజార్చనకృతే యః పీతపుష్పాఞ్జలిం
ముద్రాం వామకరే నిధాయ చ పునర్మన్త్రీ మనోజ్ఞాక్షరీమ్ ।
పీఠధ్యానపరోపి కుమ్భకవశాద్బీజం స్మరేత్ప్రార్థితం
తస్యా మిత్రచయస్య సంసది ముఖ స్తమ్భో భవేత్తత్క్షణాత్ ॥ 10 ॥

devi tvaccaraṇāmbujārcanakṛte yaḥ pītapuṣpāñjaliṃ
mudrāṃ vāmakare nidhāya ca punarmantrī manojñākṣarīm |
pīṭhadhyānaparopi kumbhakavaśādbījaṃ smaretprārthitaṃ
tasyā mitracayasya saṃsadi mukha stambho bhavettatkṣaṇāt || 10 ||

Verse 11

(ఓం హ్రీం బగలాముఖి సర్వదుష్టానాం వాచం ముఖం పదం స్తమ్భయ జిహ్వాం కీలయ బుద్ధిం వినాశయ హ్రీం ఓం స్వాహా)
మన్త్రస్తావదయం విపక్షదలనే స్తోత్రం పవిత్రం చ తే
యన్త్రంవాదిని యన్త్రిణం త్రిజగతాం జైత్రం స చిత్రం చ తత్ ।
శ్రీమాతర్బగలేతి నామ లలితం యస్యాస్తి జన్తోర్ముఖే
తన్నామస్మరణేన వాగ్భవముఖ స్తమ్భోభవేత్తత్క్షణాత్ ॥ 11 ॥

(oṃ hrīṃ bagalāmukhi sarvaduṣṭānāṃ vācaṃ mukhaṃ padaṃ stambhaya jihvāṃ kīlaya buddhiṃ vināśaya hrīṃ oṃ svāhā)
mantrastāvadayaṃ vipakṣadalane stotraṃ pavitraṃ ca te
yantraṃvādini yantriṇaṃ trijagatāṃ jaitraṃ sa citraṃ ca tat |
śrīmātarbagaleti nāma lalitaṃ yasyāsti jantormukhe
tannāmasmaraṇena vāgbhavamukha stambhobhavettatkṣaṇāt || 11 ||

Verse 12

దుష్టస్తమ్భనముగ్రవిఘ్నశమనం దారిద్ర్యవిద్రావణం
భూభృత్త్సమ్భనకారణం మృగదృశాం చేతస్సమాకర్షణమ్ ।
సౌభాగ్యైకనికేతనం మమ దృశాం కారుణ్యపూర్ణేక్షణే
మృత్యోర్మారణమావిరస్తు పురతో మాతస్త్వదీయం వపుః ॥ 12 ॥

duṣṭastambhanamugravighnaśamanaṃ dāridryavidrāvaṇaṃ
bhūbhṛttsambhanakāraṇaṃ mṛgadṛśāṃ cetassamākarṣaṇam |
saubhāgyaikaniketanaṃ mama dṛśāṃ kāruṇyapūrṇekṣaṇe
mṛtyormāraṇamāvirastu purato mātastvadīyaṃ vapuḥ || 12 ||

Verse 13

సఙ్ఖ్యాగ్రే చోరదణ్డ ప్రహరణసమయే బన్ధనే వైరిమధ్యే
విద్యావాదే వివాదే ప్రకటితనృపతౌ యుద్ధకాలే నిశాయామ్ ।
వశ్యే చ స్తమ్భనే వా రిపువధసమయే ప్రాణబాధే రణే వా
గచ్ఛన్తీష్టం త్రికాలం తవ పఠనమిదం కారయేదాశు ధీరః ॥ 13 ॥

saṅkhyāgre coradaṇḍa praharaṇasamaye bandhane vairimadhye
vidyāvāde vivāde prakaṭitanṛpatau yuddhakāle niśāyām |
vaśye ca stambhane vā ripuvadhasamaye prāṇabādhe raṇe vā
gacchantīṣṭaṃ trikālaṃ tava paṭhanamidaṃ kārayedāśu dhīraḥ || 13 ||

Verse 14

మాతర్భఞ్జయ మద్విపక్షవదనం జిహ్వాం చ సఙ్కీలయ
బ్రాహ్మీం ముద్రయ ముద్రయాశుధిషణామఙ్ఘ్ర్యోర్గతిం స్తమ్భయ ।
శత్రూన్ చూర్ణయ చూర్ణయాశు గదయా గౌరాఙ్గి పీతామ్బరే
విఘ్నౌఘం బగలే హర ప్రతిదినం కౌమారి వామేక్షణే ॥ 14 ॥

mātarbhañjaya madvipakṣavadanaṃ jihvāṃ ca saṅkīlaya
brāhmīṃ mudraya mudrayāśudhiṣaṇāmaṅghryorgatiṃ stambhaya |
śatrūn cūrṇaya cūrṇayāśu gadayā gaurāṅgi pītāmbare
vighnaughaṃ bagale hara pratidinaṃ kaumāri vāmekṣaṇe || 14 ||

Verse 15

మాతర్భైరవి భద్రకాలి విజయే వారాహి విశ్వాశ్రయే
శ్రీనిత్యే బగలే మహేశి సమయే రామే సురామే రమే ।
మాతఙ్గి త్రిపురే పరాత్పరతరే స్వర్గాపవర్గప్రదే
వన్దేహం శరణాగతోస్మికృపయా విశ్వేశ్వరీ త్రాహి మామ్ ॥ 15 ॥

mātarbhairavi bhadrakāli vijaye vārāhi viśvāśraye
śrīnitye bagale maheśi samaye rāme surāme rame |
mātaṅgi tripure parātparatare svargāpavargaprade
vandehaṃ śaraṇāgatosmikṛpayā viśveśvarī trāhi mām || 15 ||

Verse 16

త్వం విద్యా పరమా త్రిలోకజననీ వ్యోషాననం ఛేదినీ
యోషాకర్షణకారిణీ చ సుమహాబన్ధైకసమ్భేదినీ ।
దుష్టోచ్చాటనకారిణీ రిపుమనస్సన్దోహసన్దాయినీ
జిహ్వాకీలనభైరవీ విజయతే బ్రహ్మాస్త్రసారాయణీ ॥ 16 ॥

tvaṃ vidyā paramā trilokajananī vyoṣānanaṃ chedinī
yoṣākarṣaṇakāriṇī ca sumahābandhaikasambhedinī |
duṣṭoccāṭanakāriṇī ripumanassandohasandāyinī
jihvākīlanabhairavī vijayate brahmāstrasārāyaṇī || 16 ||

Verse 17

యః కృతం జపసఙ్ఖ్యానాం చిన్తితం పరమేశ్వరీ ।
శత్రూణాం బుద్ధినాశాయ గృహాణ మదనుగ్రహాత్ ॥ 17 ॥

yaḥ kṛtaṃ japasaṅkhyānāṃ cintitaṃ parameśvarī |
śatrūṇāṃ buddhināśāya gṛhāṇa madanugrahāt || 17 ||

Verse 18

వైడూర్యహారపరిశోభితహేమమాలాం
మధ్యేతిపీన కుచయోర్ధృతపీతవస్త్రామ్ ।
వ్యాఘ్రాధిరూఢ పరిపూరిత రత్నశోభాం
నిత్యం స్మరామి బగలాం రిపువక్త్ర కీలామ్ ॥ 18 ॥

vaiḍūryahārapariśobhitahemamālāṃ
madhyetipīna kucayordhṛtapītavastrām |
vyāghrādhirūḍha paripūrita ratnaśobhāṃ
nityaṃ smarāmi bagalāṃ ripuvaktra kīlām || 18 ||

Verse 19

ఏకాగ్ర మానసో భూత్వా స్తోష్యత్యమ్బాం సుశోభనామ్ ।
రజన్యా రచితాం మాలాం కరే ధృత్వా జపేచ్ఛుచిః ॥ 19 ॥

ekāgra mānaso bhūtvā stoṣyatyambāṃ suśobhanām |
rajanyā racitāṃ mālāṃ kare dhṛtvā japecchuciḥ || 19 ||

Verse 20

వామే పాణౌ తు పాశం చ తస్యాధస్తాద్ధృఢం శుభమ్ ।
దక్షే కరేఽక్షసూత్రం చ అధఃపద్మం చ ధారిణీమ్ ॥ 20 ॥

vāme pāṇau tu pāśaṃ ca tasyādhastāddhṛḍhaṃ śubham |
dakṣe kare'kṣasūtraṃ ca adhaḥpadmaṃ ca dhāriṇīm || 20 ||

Verse 21

చాముణ్డే చణ్డికోష్ట్రే హుతవహదయితే శ్యామలే శ్రీభుజఙ్గీ
దుర్గే ప్రత్యఙ్గిరాద్యే మురరిపుభగినీ భార్గవీవామనేత్రే ।
నానారూపప్రభేదే స్థితిలయజననం పాలయద్భర్గహృద్యే
విశ్వాద్యే విశ్వజైత్రీ త్రిపురః బగలే విశ్వవన్ద్యే త్వమేకా ॥ 21 ॥

cāmuṇḍe caṇḍikoṣṭre hutavahadayite śyāmale śrībhujaṅgī
durge pratyaṅgirādye muraripubhaginī bhārgavīvāmanetre |
nānārūpaprabhede sthitilayajananaṃ pālayadbhargahṛdye
viśvādye viśvajaitrī tripuraḥ bagale viśvavandye tvamekā || 21 ||

Verse 22

చక్రం ఖడ్గం ముసలమభయం దక్షిణాభిశ్చ దోర్భిః
శఙ్ఖం ఖేటం హలమపి చ గదాం బిభ్రతీం వామదోర్భిః ।
సింహారూఢామయుగనయనాం శ్యామలాం కఞ్జవక్త్రాం
వన్దే దేవీం సకలవరదాం పఞ్చమీం మాతృమధ్యామ్ ॥ 22 ॥

cakraṃ khaḍgaṃ musalamabhayaṃ dakṣiṇābhiśca dorbhiḥ
śaṅkhaṃ kheṭaṃ halamapi ca gadāṃ bibhratīṃ vāmadorbhiḥ |
siṃhārūḍhāmayuganayanāṃ śyāmalāṃ kañjavaktrāṃ
vande devīṃ sakalavaradāṃ pañcamīṃ mātṛmadhyām || 22 ||

Verse 23

ద్వాత్రింశదాయుతయుతైశ్చతురష్టహస్తై-
రష్టోత్తరైశ్శతకరైశ్చ సహస్రహస్తైః ।
సర్వాయుధైరయుత బాహుభిరన్వితాం తాం
దేవీం భజామి బగలాం రసనాగ్రహస్తామ్ ॥ 23 ॥

dvātriṃśadāyutayutaiścaturaṣṭahastai-
raṣṭottaraiśśatakaraiśca sahasrahastaiḥ |
sarvāyudhairayuta bāhubhiranvitāṃ tāṃ
devīṃ bhajāmi bagalāṃ rasanāgrahastām || 23 ||

Verse 24

సర్వతశ్శుభకరాం ద్విభుజాం తాం
కమ్బుహేమ నవకుణ్డల కర్ణామ్ ।
శత్రునిర్దలనకారణకోపాం
చిన్తయామి బగలాం హృదయాబ్జే ॥ 24 ॥

sarvataśśubhakarāṃ dvibhujāṃ tāṃ
kambuhema navakuṇḍala karṇām |
śatrunirdalanakāraṇakopāṃ
cintayāmi bagalāṃ hṛdayābje || 24 ||

Verse 25

జిహ్వాగ్రమాదాయ కరేణ దేవీం
వామేన శత్రూన్ పరిపీడయన్తీమ్ ।
గదాభిఘాతేన చ దక్షిణేన
పీతామ్బరాఢ్యాం ద్విభుజాం నమామి ॥ 25 ॥

jihvāgramādāya kareṇa devīṃ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṃ dvibhujāṃ namāmi || 25 ||

Verse 26

వన్దే వారిజలోచనాం వసుకరాం పీతామ్బరాడమ్బరాం
పీతామ్భోరుహసంస్థితాం త్రినయనాం పీతాఙ్గరాగోజ్జ్వలామ్ ।
శబ్దబ్రహ్మమయీం మహాకవిజయీం త్రైలోక్యసమ్మోహనీం
విద్యుత్కోటి నిభాం ప్రసన్న బగలాం ప్రత్యర్థివాక్త్సమ్భినీమ్ ॥ 26 ॥

vande vārijalocanāṃ vasukarāṃ pītāmbarāḍambarāṃ
pītāmbhoruhasaṃsthitāṃ trinayanāṃ pītāṅgarāgojjvalām |
śabdabrahmamayīṃ mahākavijayīṃ trailokyasammohanīṃ
vidyutkoṭi nibhāṃ prasanna bagalāṃ pratyarthivāktsambhinīm || 26 ||

Verse 27

దుఃఖేన వా యది సుఖేన చ వా త్వదీయం
స్తుత్వాఽథ నామబగలే సముపైతి వశ్యమ్ ।
నిశ్చిత్య శత్రుమబలం విజయం త్వదఙ్ఘ్రి
పద్మార్చకస్య భవతీతి కిమత్ర చిత్రమ్ ॥ 27 ॥

duḥkhena vā yadi sukhena ca vā tvadīyaṃ
stutvā'tha nāmabagale samupaiti vaśyam |
niścitya śatrumabalaṃ vijayaṃ tvadaṅghri
padmārcakasya bhavatīti kimatra citram || 27 ||

Verse 28

విమోహితజగత్త్రయాం వశగతావనవల్లభాం
భజామి బగలాముఖీం భవసుఖైకసన్ధాయినీమ్ ।
గేహం నాతతి గర్వితః ప్రణమతి స్త్రీసఙ్గమో మోక్షతి
ద్వేషీ మిత్రతి పాపకృత్సుకృతతి క్ష్మావల్లభోధావతి ॥ 28 ॥

vimohitajagattrayāṃ vaśagatāvanavallabhāṃ
bhajāmi bagalāmukhīṃ bhavasukhaikasandhāyinīm |
gehaṃ nātati garvitaḥ praṇamati strīsaṅgamo mokṣati
dveṣī mitrati pāpakṛtsukṛtati kṣmāvallabhodhāvati || 28 ||

Verse 29

మృత్యుర్వైధృతిదూషణం సుగుణతి త్వత్పాదసంసేవనాత్
త్వాం వన్దే భవభీతిభఞ్జనకరీం గౌరీం గిరీశప్రియామ్ ।
నిత్యం యస్తు మనోహరం స్తవమిదం దివ్యం పఠేత్సాదరం
ధృత్వా యన్త్రమిదం తథైవ సమరే బాహ్వోః కరే వా గలే ॥ 29 ॥

mṛtyurvaidhṛtidūṣaṇaṃ suguṇati tvatpādasaṃsevanāt
tvāṃ vande bhavabhītibhañjanakarīṃ gaurīṃ girīśapriyām |
nityaṃ yastu manoharaṃ stavamidaṃ divyaṃ paṭhetsādaraṃ
dhṛtvā yantramidaṃ tathaiva samare bāhvoḥ kare vā gale || 29 ||

Verse 30

రాజానో వరయోషితోథకరిణస్సర్వామృగేన్ద్రా వశాః
స్తోత్రైర్యాన్తి విమోహితా రిపుగణా లక్ష్మీః స్థిరా సిద్ధయః ।
నిర్నిద్రే బగలే సముద్రనిలయే రౌద్ర్యాది వాఙ్ముద్రికే
భద్రే రుద్రమనోహరే త్రిభువనత్రాణే దరిద్రాపహే ॥ 30 ॥

rājāno varayoṣitothakariṇassarvāmṛgendrā vaśāḥ
stotrairyānti vimohitā ripugaṇā lakṣmīḥ sthirā siddhayaḥ |
nirnidre bagale samudranilaye raudryādi vāṅmudrike
bhadre rudramanohare tribhuvanatrāṇe daridrāpahe || 30 ||

Verse 31

సద్రత్నాకర భూమిగోజ్వల కరీ నిస్తన్ద్రి చాన్ద్రాననే
నీహారాద్రిసుతే నిసర్గసరలే విద్యే సురాద్యే నమః ।
దేవీ తస్య నిరామయాత్మజముఖాన్యాయూంషి దద్యాదిదం
యే నిత్యం ప్రజపన్తి భక్తి భరితాస్తేభ్యస్స్తవం నిశ్చితమ్ ॥ 31 ॥

sadratnākara bhūmigojvala karī nistandri cāndrānane
nīhārādrisute nisargasarale vidye surādye namaḥ |
devī tasya nirāmayātmajamukhānyāyūṃṣi dadyādidaṃ
ye nityaṃ prajapanti bhakti bharitāstebhyasstavaṃ niścitam || 31 ||

Verse 32

నూనం శ్రేయో వశ్యమారోగ్యతాం చ ప్రాప్తస్సర్వం భూతలే సాధకస్తు ।
భక్త్యా నిత్యం స్తోత్రమేతత్పఠన్వై విద్యాం కీర్తిం వంశవృద్ధిం చ విన్దేత్ ॥ 32 ॥

nūnaṃ śreyo vaśyamārogyatāṃ ca prāptassarvaṃ bhūtale sādhakastu |
bhaktyā nityaṃ stotrametatpaṭhanvai vidyāṃ kīrtiṃ vaṃśavṛddhiṃ ca vindet || 32 ||

ఇతి శ్రీరుద్రయామలే శ్రీబగలాముఖీస్తోత్రమ్ ॥

Sanskrit — Devanagari (original)

अस्य श्रीबगलामुखीमहामन्त्रस्य

नारदो भगवान् ऋषिः

अतिजगतीछन्दः

श्री बगलामुखी देवता

लां बीजं इं शक्तिः

लं कीलकं-मम दूरस्थानां समीपस्थानां गति मति वाक्त्सम्भनार्थे जपे विनियोगः

ॐ ह्रीं अङ्गुष्ठाभ्यां नमः

बगलामुखी तर्जनीभ्यां नमः

सर्वदुष्टानां मध्यमाभ्यां नमः

वाचं मुखं पदं स्तम्भय अनामिकाभ्यां नमः

जिह्वां कीलय बुद्धिं विनाशय कनिष्ठिकाभ्यां नमः

ह्रीं ॐ स्वाहा करतलकरपृष्टाभ्यां नमः

ॐ ह्रीं हृदयाय नमः

बगलामुखी शिरसे स्वाहा

सर्वदुष्टानां शिखायै वषत्

वाचं मुखं पदं स्तम्भय कवचा हुं

जिह्वां कीलय बुद्धिं विनाशय नेत्रत्रयाय वौषट्

ह्रीं ॐ स्वाहा अस्त्राय फट्

भूर्भुवस्सुवरोमिति दिग्बन्धः ।

ध्यानम् ।

पीताम्बरां त्रिणेत्रां च द्विभुजां दहनोज्वलाम् ।

शिलापर्वतहस्तां च रिपुकम्पां महोत्कटाम् ॥ 1 ॥

गम्भीरां च मदोन्मत्तां स्वर्णकान्तिसमप्रभाम् ।

वैरिनिर्दलनार्थाय स्मरेत्तां बगलामुखीम् ॥ 2 ॥

चतुर्भुजां त्रिणयनां कमलासनसंस्थिताम् ।

दक्षिणे मुद्गरं पाशं वामे जिह्वां च वज्रकम् ॥ 3 ॥

पीताम्बरधरां सान्द्रां दृढपीनयोधराम् ।

वैरिवाक्त्सम्भिनीं देवीं स्मरामि बगलामुखीम् ॥ 4 ॥

हेमकुण्डलभूषाङ्गीं शीतचन्द्रार्धशेखरीम् ।

पीतभूषणभूषाढ्यां स्वर्णसिंहासनेस्थिताम् ॥ 5 ॥

त्रिशूलधारिणीमम्बां सर्वसौभाग्यदायिनीम् ।

सर्वशृङ्गारवेषाढ्यां भजेत्तां बगलामुखीम् ॥ 6 ॥

मध्ये सुधाब्धिमणिमण्टप रत्न वेद्यां

सिंहासनोपरिगतां परिपीतवर्णाम् ।

पीताम्बराभरणमाल्यविभूषिताङ्गीं

देवीं नमामि धृत मुद्गरवैरि जिह्वाम् ॥ 7 ॥

चलत्कनककुण्डलोल्लसितचारुगण्डस्थलां

लसत्कनकचम्पक द्युतिमदर्धेन्दु बिम्बाञ्चिताम् ।

सदाहितविपक्षकां दलितवैरि जिह्वाञ्चलां

नमामि बगलामुखीं धीमतां वाङ्मनस्स्तम्भिनीम् ॥ 8 ॥

पीयूषो दधिमध्यचारु विलसद्रत्नोज्वले मण्टपे

यासिंहासन मौलिपातितरिपु प्रेतासनाध्यासिनीम् ।

स्वर्णाभां करपीडितारिरशनां भ्राम्यद्गदां बिभ्रतीं

यस्त्वां पश्यति तस्य यान्ति विलयं सद्योहि सर्वापदः ॥ 9 ॥

देवि त्वच्चरणाम्बुजार्चनकृते यः पीतपुष्पाञ्जलिं

मुद्रां वामकरे निधाय च पुनर्मन्त्री मनोज्ञाक्षरीम् ।

पीठध्यानपरोपि कुम्भकवशाद्बीजं स्मरेत्प्रार्थितं

तस्या मित्रचयस्य संसदि मुख स्तम्भो भवेत्तत्क्षणात् ॥ 10 ॥

(ॐ ह्रीं बगलामुखि सर्वदुष्टानां वाचं मुखं पदं स्तम्भय जिह्वां कीलय बुद्धिं विनाशय ह्रीं ॐ स्वाहा)

मन्त्रस्तावदयं विपक्षदलने स्तोत्रं पवित्रं च ते

यन्त्रंवादिनि यन्त्रिणं त्रिजगतां जैत्रं स चित्रं च तत् ।

श्रीमातर्बगलेति नाम ललितं यस्यास्ति जन्तोर्मुखे

तन्नामस्मरणेन वाग्भवमुख स्तम्भोभवेत्तत्क्षणात् ॥ 11 ॥

दुष्टस्तम्भनमुग्रविघ्नशमनं दारिद्र्यविद्रावणं

भूभृत्त्सम्भनकारणं मृगदृशां चेतस्समाकर्षणम् ।

सौभाग्यैकनिकेतनं मम दृशां कारुण्यपूर्णेक्षणे

मृत्योर्मारणमाविरस्तु पुरतो मातस्त्वदीयं वपुः ॥ 12 ॥

सङ्ख्याग्रे चोरदण्ड प्रहरणसमये बन्धने वैरिमध्ये

विद्यावादे विवादे प्रकटितनृपतौ युद्धकाले निशायाम् ।

वश्ये च स्तम्भने वा रिपुवधसमये प्राणबाधे रणे वा

गच्छन्तीष्टं त्रिकालं तव पठनमिदं कारयेदाशु धीरः ॥ 13 ॥

मातर्भञ्जय मद्विपक्षवदनं जिह्वां च सङ्कीलय

ब्राह्मीं मुद्रय मुद्रयाशुधिषणामङ्घ्र्योर्गतिं स्तम्भय ।

शत्रून् चूर्णय चूर्णयाशु गदया गौराङ्गि पीताम्बरे

विघ्नौघं बगले हर प्रतिदिनं कौमारि वामेक्षणे ॥ 14 ॥

मातर्भैरवि भद्रकालि विजये वाराहि विश्वाश्रये

श्रीनित्ये बगले महेशि समये रामे सुरामे रमे ।

मातङ्गि त्रिपुरे परात्परतरे स्वर्गापवर्गप्रदे

वन्देहं शरणागतोस्मिकृपया विश्वेश्वरी त्राहि माम् ॥ 15 ॥

त्वं विद्या परमा त्रिलोकजननी व्योषाननं छेदिनी

योषाकर्षणकारिणी च सुमहाबन्धैकसम्भेदिनी ।

दुष्टोच्चाटनकारिणी रिपुमनस्सन्दोहसन्दायिनी

जिह्वाकीलनभैरवी विजयते ब्रह्मास्त्रसारायणी ॥ 16 ॥

यः कृतं जपसङ्ख्यानां चिन्तितं परमेश्वरी ।

शत्रूणां बुद्धिनाशाय गृहाण मदनुग्रहात् ॥ 17 ॥

वैडूर्यहारपरिशोभितहेममालां

मध्येतिपीन कुचयोर्धृतपीतवस्त्राम् ।

व्याघ्राधिरूढ परिपूरित रत्नशोभां

नित्यं स्मरामि बगलां रिपुवक्त्र कीलाम् ॥ 18 ॥

एकाग्र मानसो भूत्वा स्तोष्यत्यम्बां सुशोभनाम् ।

रजन्या रचितां मालां करे धृत्वा जपेच्छुचिः ॥ 19 ॥

वामे पाणौ तु पाशं च तस्याधस्ताद्धृढं शुभम् ।

दक्षे करेऽक्षसूत्रं च अधःपद्मं च धारिणीम् ॥ 20 ॥

चामुण्डे चण्डिकोष्ट्रे हुतवहदयिते श्यामले श्रीभुजङ्गी

दुर्गे प्रत्यङ्गिराद्ये मुररिपुभगिनी भार्गवीवामनेत्रे ।

नानारूपप्रभेदे स्थितिलयजननं पालयद्भर्गहृद्ये

विश्वाद्ये विश्वजैत्री त्रिपुरः बगले विश्ववन्द्ये त्वमेका ॥ 21 ॥

चक्रं खड्गं मुसलमभयं दक्षिणाभिश्च दोर्भिः

शङ्खं खेटं हलमपि च गदां बिभ्रतीं वामदोर्भिः ।

सिंहारूढामयुगनयनां श्यामलां कञ्जवक्त्रां

वन्दे देवीं सकलवरदां पञ्चमीं मातृमध्याम् ॥ 22 ॥

द्वात्रिंशदायुतयुतैश्चतुरष्टहस्तै-

रष्टोत्तरैश्शतकरैश्च सहस्रहस्तैः ।

सर्वायुधैरयुत बाहुभिरन्वितां तां

देवीं भजामि बगलां रसनाग्रहस्ताम् ॥ 23 ॥

सर्वतश्शुभकरां द्विभुजां तां

कम्बुहेम नवकुण्डल कर्णाम् ।

शत्रुनिर्दलनकारणकोपां

चिन्तयामि बगलां हृदयाब्जे ॥ 24 ॥

जिह्वाग्रमादाय करेण देवीं

वामेन शत्रून् परिपीडयन्तीम् ।

गदाभिघातेन च दक्षिणेन

पीताम्बराढ्यां द्विभुजां नमामि ॥ 25 ॥

वन्दे वारिजलोचनां वसुकरां पीताम्बराडम्बरां

पीताम्भोरुहसंस्थितां त्रिनयनां पीताङ्गरागोज्ज्वलाम् ।

शब्दब्रह्ममयीं महाकविजयीं त्रैलोक्यसम्मोहनीं

विद्युत्कोटि निभां प्रसन्न बगलां प्रत्यर्थिवाक्त्सम्भिनीम् ॥ 26 ॥

दुःखेन वा यदि सुखेन च वा त्वदीयं

स्तुत्वाऽथ नामबगले समुपैति वश्यम् ।

निश्चित्य शत्रुमबलं विजयं त्वदङ्घ्रि

पद्मार्चकस्य भवतीति किमत्र चित्रम् ॥ 27 ॥

विमोहितजगत्त्रयां वशगतावनवल्लभां

भजामि बगलामुखीं भवसुखैकसन्धायिनीम् ।

गेहं नातति गर्वितः प्रणमति स्त्रीसङ्गमो मोक्षति

द्वेषी मित्रति पापकृत्सुकृतति क्ष्मावल्लभोधावति ॥ 28 ॥

मृत्युर्वैधृतिदूषणं सुगुणति त्वत्पादसंसेवनात्

त्वां वन्दे भवभीतिभञ्जनकरीं गौरीं गिरीशप्रियाम् ।

नित्यं यस्तु मनोहरं स्तवमिदं दिव्यं पठेत्सादरं

धृत्वा यन्त्रमिदं तथैव समरे बाह्वोः करे वा गले ॥ 29 ॥

राजानो वरयोषितोथकरिणस्सर्वामृगेन्द्रा वशाः

स्तोत्रैर्यान्ति विमोहिता रिपुगणा लक्ष्मीः स्थिरा सिद्धयः ।

निर्निद्रे बगले समुद्रनिलये रौद्र्यादि वाङ्मुद्रिके

भद्रे रुद्रमनोहरे त्रिभुवनत्राणे दरिद्रापहे ॥ 30 ॥

सद्रत्नाकर भूमिगोज्वल करी निस्तन्द्रि चान्द्रानने

नीहाराद्रिसुते निसर्गसरले विद्ये सुराद्ये नमः ।

देवी तस्य निरामयात्मजमुखान्यायूंषि दद्यादिदं

ये नित्यं प्रजपन्ति भक्ति भरितास्तेभ्यस्स्तवं निश्चितम् ॥ 31 ॥

नूनं श्रेयो वश्यमारोग्यतां च प्राप्तस्सर्वं भूतले साधकस्तु ।

भक्त्या नित्यं स्तोत्रमेतत्पठन्वै विद्यां कीर्तिं वंशवृद्धिं च विन्देत् ॥ 32 ॥

इति श्रीरुद्रयामले श्रीबगलामुखीस्तोत्रम् ॥

🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

శ్రీ బగలాముఖీ స్తోత్రమ్ - 2