Shri Bagalamukhi Stotram - 2 — Malayalam Script

Meaning —

അസ്യ ശ്രീബഗലാമുഖീമഹാമന്ത്രസ്യ
നാരദോ ഭഗവാന് ഋഷിഃ
അതിജഗതീഛന്ദഃ
ശ്രീ ബഗലാമുഖീ ദേവതാ
ലാം ബീജം ഇം ശക്തിഃ
ലം കീലകം-മമ ദൂരസ്ഥാനാം സമീപസ്ഥാനാം ഗതി മതി വാക്ത്സമ്ഭനാര്ഥേ ജപേ വിനിയോഗഃ
ഓം ഹ്രീം അങ്ഗുഷ്ഠാഭ്യാം നമഃ
ബഗലാമുഖീ തര്ജനീഭ്യാം നമഃ
സര്വദുഷ്ടാനാം മധ്യമാഭ്യാം നമഃ
വാചം മുഖം പദം സ്തമ്ഭയ അനാമികാഭ്യാം നമഃ
ജിഹ്വാം കീലയ ബുദ്ധിം വിനാശയ കനിഷ്ഠികാഭ്യാം നമഃ
ഹ്രീം ഓം സ്വാഹാ കരതലകരപൃഷ്ടാഭ്യാം നമഃ
ഓം ഹ്രീം ഹൃദയായ നമഃ
ബഗലാമുഖീ ശിരസേ സ്വാഹാ
സര്വദുഷ്ടാനാം ശിഖായൈ വഷത്
വാചം മുഖം പദം സ്തമ്ഭയ കവചാ ഹും
ജിഹ്വാം കീലയ ബുദ്ധിം വിനാശയ നേത്രത്രയായ വൌഷട്
ഹ്രീം ഓം സ്വാഹാ അസ്ത്രായ ഫട്
ഭൂര്ഭുവസ്സുവരോമിതി ദിഗ്ബന്ധഃ ।
ധ്യാനമ് ।
പീതാമ്ബരാം ത്രിണേത്രാം ച ദ്വിഭുജാം ദഹനോജ്വലാമ് ।
ശിലാപര്വതഹസ്താം ച രിപുകമ്പാം മഹോത്കടാമ് ॥ 1 ॥

asya śrībagalāmukhīmahāmantrasya
nārado bhagavān ṛṣiḥ
atijagatīchandaḥ
śrī bagalāmukhī devatā
lāṃ bījaṃ iṃ śaktiḥ
laṃ kīlakaṃ-mama dūrasthānāṃ samīpasthānāṃ gati mati vāktsambhanārthe jape viniyogaḥ
oṃ hrīṃ aṅguṣṭhābhyāṃ namaḥ
bagalāmukhī tarjanībhyāṃ namaḥ
sarvaduṣṭānāṃ madhyamābhyāṃ namaḥ
vācaṃ mukhaṃ padaṃ stambhaya anāmikābhyāṃ namaḥ
jihvāṃ kīlaya buddhiṃ vināśaya kaniṣṭhikābhyāṃ namaḥ
hrīṃ oṃ svāhā karatalakarapṛṣṭābhyāṃ namaḥ
oṃ hrīṃ hṛdayāya namaḥ
bagalāmukhī śirase svāhā
sarvaduṣṭānāṃ śikhāyai vaṣat
vācaṃ mukhaṃ padaṃ stambhaya kavacā huṃ
jihvāṃ kīlaya buddhiṃ vināśaya netratrayāya vauṣaṭ
hrīṃ oṃ svāhā astrāya phaṭ
bhūrbhuvassuvaromiti digbandhaḥ |
dhyānam |
pītāmbarāṃ triṇetrāṃ ca dvibhujāṃ dahanojvalām |
śilāparvatahastāṃ ca ripukampāṃ mahotkaṭām || 1 ||

Verse 2

ഗമ്ഭീരാം ച മദോന്മത്താം സ്വര്ണകാന്തിസമപ്രഭാമ് ।
വൈരിനിര്ദലനാര്ഥായ സ്മരേത്താം ബഗലാമുഖീമ് ॥ 2 ॥

gambhīrāṃ ca madonmattāṃ svarṇakāntisamaprabhām |
vairinirdalanārthāya smarettāṃ bagalāmukhīm || 2 ||

Verse 3

ചതുര്ഭുജാം ത്രിണയനാം കമലാസനസംസ്ഥിതാമ് ।
ദക്ഷിണേ മുദ്ഗരം പാശം വാമേ ജിഹ്വാം ച വജ്രകമ് ॥ 3 ॥

caturbhujāṃ triṇayanāṃ kamalāsanasaṃsthitām |
dakṣiṇe mudgaraṃ pāśaṃ vāme jihvāṃ ca vajrakam || 3 ||

Verse 4

പീതാമ്ബരധരാം സാന്ദ്രാം ദൃഢപീനയോധരാമ് ।
വൈരിവാക്ത്സമ്ഭിനീം ദേവീം സ്മരാമി ബഗലാമുഖീമ് ॥ 4 ॥

pītāmbaradharāṃ sāndrāṃ dṛḍhapīnayodharām |
vairivāktsambhinīṃ devīṃ smarāmi bagalāmukhīm || 4 ||

Verse 5

ഹേമകുണ്ഡലഭൂഷാങ്ഗീം ശീതചന്ദ്രാര്ധശേഖരീമ് ।
പീതഭൂഷണഭൂഷാഢ്യാം സ്വര്ണസിംഹാസനേസ്ഥിതാമ് ॥ 5 ॥

hemakuṇḍalabhūṣāṅgīṃ śītacandrārdhaśekharīm |
pītabhūṣaṇabhūṣāḍhyāṃ svarṇasiṃhāsanesthitām || 5 ||

Verse 6

ത്രിശൂലധാരിണീമമ്ബാം സര്വസൌഭാഗ്യദായിനീമ് ।
സര്വശൃങ്ഗാരവേഷാഢ്യാം ഭജേത്താം ബഗലാമുഖീമ് ॥ 6 ॥

triśūladhāriṇīmambāṃ sarvasaubhāgyadāyinīm |
sarvaśṛṅgāraveṣāḍhyāṃ bhajettāṃ bagalāmukhīm || 6 ||

Verse 7

മധ്യേ സുധാബ്ധിമണിമണ്ടപ രത്ന വേദ്യാം
സിംഹാസനോപരിഗതാം പരിപീതവര്ണാമ് ।
പീതാമ്ബരാഭരണമാല്യവിഭൂഷിതാങ്ഗീം
ദേവീം നമാമി ധൃത മുദ്ഗരവൈരി ജിഹ്വാമ് ॥ 7 ॥

madhye sudhābdhimaṇimaṇṭapa ratna vedyāṃ
siṃhāsanoparigatāṃ paripītavarṇām |
pītāmbarābharaṇamālyavibhūṣitāṅgīṃ
devīṃ namāmi dhṛta mudgaravairi jihvām || 7 ||

Verse 8

ചലത്കനകകുണ്ഡലോല്ലസിതചാരുഗണ്ഡസ്ഥലാം
ലസത്കനകചമ്പക ദ്യുതിമദര്ധേന്ദു ബിമ്ബാഞ്ചിതാമ് ।
സദാഹിതവിപക്ഷകാം ദലിതവൈരി ജിഹ്വാഞ്ചലാം
നമാമി ബഗലാമുഖീം ധീമതാം വാങ്മനസ്സ്തമ്ഭിനീമ് ॥ 8 ॥

calatkanakakuṇḍalollasitacārugaṇḍasthalāṃ
lasatkanakacampaka dyutimadardhendu bimbāñcitām |
sadāhitavipakṣakāṃ dalitavairi jihvāñcalāṃ
namāmi bagalāmukhīṃ dhīmatāṃ vāṅmanasstambhinīm || 8 ||

Verse 9

പീയൂഷോ ദധിമധ്യചാരു വിലസദ്രത്നോജ്വലേ മണ്ടപേ
യാസിംഹാസന മൌലിപാതിതരിപു പ്രേതാസനാധ്യാസിനീമ് ।
സ്വര്ണാഭാം കരപീഡിതാരിരശനാം ഭ്രാമ്യദ്ഗദാം ബിഭ്രതീം
യസ്ത്വാം പശ്യതി തസ്യ യാന്തി വിലയം സദ്യോഹി സര്വാപദഃ ॥ 9 ॥

pīyūṣo dadhimadhyacāru vilasadratnojvale maṇṭape
yāsiṃhāsana maulipātitaripu pretāsanādhyāsinīm |
svarṇābhāṃ karapīḍitāriraśanāṃ bhrāmyadgadāṃ bibhratīṃ
yastvāṃ paśyati tasya yānti vilayaṃ sadyohi sarvāpadaḥ || 9 ||

Verse 10

ദേവി ത്വച്ചരണാമ്ബുജാര്ചനകൃതേ യഃ പീതപുഷ്പാഞ്ജലിം
മുദ്രാം വാമകരേ നിധായ ച പുനര്മന്ത്രീ മനോജ്ഞാക്ഷരീമ് ।
പീഠധ്യാനപരോപി കുമ്ഭകവശാദ്ബീജം സ്മരേത്പ്രാര്ഥിതം
തസ്യാ മിത്രചയസ്യ സംസദി മുഖ സ്തമ്ഭോ ഭവേത്തത്ക്ഷണാത് ॥ 10 ॥

devi tvaccaraṇāmbujārcanakṛte yaḥ pītapuṣpāñjaliṃ
mudrāṃ vāmakare nidhāya ca punarmantrī manojñākṣarīm |
pīṭhadhyānaparopi kumbhakavaśādbījaṃ smaretprārthitaṃ
tasyā mitracayasya saṃsadi mukha stambho bhavettatkṣaṇāt || 10 ||

Verse 11

(ഓം ഹ്രീം ബഗലാമുഖി സര്വദുഷ്ടാനാം വാചം മുഖം പദം സ്തമ്ഭയ ജിഹ്വാം കീലയ ബുദ്ധിം വിനാശയ ഹ്രീം ഓം സ്വാഹാ)
മന്ത്രസ്താവദയം വിപക്ഷദലനേ സ്തോത്രം പവിത്രം ച തേ
യന്ത്രംവാദിനി യന്ത്രിണം ത്രിജഗതാം ജൈത്രം സ ചിത്രം ച തത് ।
ശ്രീമാതര്ബഗലേതി നാമ ലലിതം യസ്യാസ്തി ജന്തോര്മുഖേ
തന്നാമസ്മരണേന വാഗ്ഭവമുഖ സ്തമ്ഭോഭവേത്തത്ക്ഷണാത് ॥ 11 ॥

(oṃ hrīṃ bagalāmukhi sarvaduṣṭānāṃ vācaṃ mukhaṃ padaṃ stambhaya jihvāṃ kīlaya buddhiṃ vināśaya hrīṃ oṃ svāhā)
mantrastāvadayaṃ vipakṣadalane stotraṃ pavitraṃ ca te
yantraṃvādini yantriṇaṃ trijagatāṃ jaitraṃ sa citraṃ ca tat |
śrīmātarbagaleti nāma lalitaṃ yasyāsti jantormukhe
tannāmasmaraṇena vāgbhavamukha stambhobhavettatkṣaṇāt || 11 ||

Verse 12

ദുഷ്ടസ്തമ്ഭനമുഗ്രവിഘ്നശമനം ദാരിദ്ര്യവിദ്രാവണം
ഭൂഭൃത്ത്സമ്ഭനകാരണം മൃഗദൃശാം ചേതസ്സമാകര്ഷണമ് ।
സൌഭാഗ്യൈകനികേതനം മമ ദൃശാം കാരുണ്യപൂര്ണേക്ഷണേ
മൃത്യോര്മാരണമാവിരസ്തു പുരതോ മാതസ്ത്വദീയം വപുഃ ॥ 12 ॥

duṣṭastambhanamugravighnaśamanaṃ dāridryavidrāvaṇaṃ
bhūbhṛttsambhanakāraṇaṃ mṛgadṛśāṃ cetassamākarṣaṇam |
saubhāgyaikaniketanaṃ mama dṛśāṃ kāruṇyapūrṇekṣaṇe
mṛtyormāraṇamāvirastu purato mātastvadīyaṃ vapuḥ || 12 ||

Verse 13

സങ്ഖ്യാഗ്രേ ചോരദണ്ഡ പ്രഹരണസമയേ ബന്ധനേ വൈരിമധ്യേ
വിദ്യാവാദേ വിവാദേ പ്രകടിതനൃപതൌ യുദ്ധകാലേ നിശായാമ് ।
വശ്യേ ച സ്തമ്ഭനേ വാ രിപുവധസമയേ പ്രാണബാധേ രണേ വാ
ഗച്ഛന്തീഷ്ടം ത്രികാലം തവ പഠനമിദം കാരയേദാശു ധീരഃ ॥ 13 ॥

saṅkhyāgre coradaṇḍa praharaṇasamaye bandhane vairimadhye
vidyāvāde vivāde prakaṭitanṛpatau yuddhakāle niśāyām |
vaśye ca stambhane vā ripuvadhasamaye prāṇabādhe raṇe vā
gacchantīṣṭaṃ trikālaṃ tava paṭhanamidaṃ kārayedāśu dhīraḥ || 13 ||

Verse 14

മാതര്ഭഞ്ജയ മദ്വിപക്ഷവദനം ജിഹ്വാം ച സങ്കീലയ
ബ്രാഹ്മീം മുദ്രയ മുദ്രയാശുധിഷണാമങ്ഘ്ര്യോര്ഗതിം സ്തമ്ഭയ ।
ശത്രൂന് ചൂര്ണയ ചൂര്ണയാശു ഗദയാ ഗൌരാങ്ഗി പീതാമ്ബരേ
വിഘ്നൌഘം ബഗലേ ഹര പ്രതിദിനം കൌമാരി വാമേക്ഷണേ ॥ 14 ॥

mātarbhañjaya madvipakṣavadanaṃ jihvāṃ ca saṅkīlaya
brāhmīṃ mudraya mudrayāśudhiṣaṇāmaṅghryorgatiṃ stambhaya |
śatrūn cūrṇaya cūrṇayāśu gadayā gaurāṅgi pītāmbare
vighnaughaṃ bagale hara pratidinaṃ kaumāri vāmekṣaṇe || 14 ||

Verse 15

മാതര്ഭൈരവി ഭദ്രകാലി വിജയേ വാരാഹി വിശ്വാശ്രയേ
ശ്രീനിത്യേ ബഗലേ മഹേശി സമയേ രാമേ സുരാമേ രമേ ।
മാതങ്ഗി ത്രിപുരേ പരാത്പരതരേ സ്വര്ഗാപവര്ഗപ്രദേ
വന്ദേഹം ശരണാഗതോസ്മികൃപയാ വിശ്വേശ്വരീ ത്രാഹി മാമ് ॥ 15 ॥

mātarbhairavi bhadrakāli vijaye vārāhi viśvāśraye
śrīnitye bagale maheśi samaye rāme surāme rame |
mātaṅgi tripure parātparatare svargāpavargaprade
vandehaṃ śaraṇāgatosmikṛpayā viśveśvarī trāhi mām || 15 ||

Verse 16

ത്വം വിദ്യാ പരമാ ത്രിലോകജനനീ വ്യോഷാനനം ഛേദിനീ
യോഷാകര്ഷണകാരിണീ ച സുമഹാബന്ധൈകസമ്ഭേദിനീ ।
ദുഷ്ടോച്ചാടനകാരിണീ രിപുമനസ്സന്ദോഹസന്ദായിനീ
ജിഹ്വാകീലനഭൈരവീ വിജയതേ ബ്രഹ്മാസ്ത്രസാരായണീ ॥ 16 ॥

tvaṃ vidyā paramā trilokajananī vyoṣānanaṃ chedinī
yoṣākarṣaṇakāriṇī ca sumahābandhaikasambhedinī |
duṣṭoccāṭanakāriṇī ripumanassandohasandāyinī
jihvākīlanabhairavī vijayate brahmāstrasārāyaṇī || 16 ||

Verse 17

യഃ കൃതം ജപസങ്ഖ്യാനാം ചിന്തിതം പരമേശ്വരീ ।
ശത്രൂണാം ബുദ്ധിനാശായ ഗൃഹാണ മദനുഗ്രഹാത് ॥ 17 ॥

yaḥ kṛtaṃ japasaṅkhyānāṃ cintitaṃ parameśvarī |
śatrūṇāṃ buddhināśāya gṛhāṇa madanugrahāt || 17 ||

Verse 18

വൈഡൂര്യഹാരപരിശോഭിതഹേമമാലാം
മധ്യേതിപീന കുചയോര്ധൃതപീതവസ്ത്രാമ് ।
വ്യാഘ്രാധിരൂഢ പരിപൂരിത രത്നശോഭാം
നിത്യം സ്മരാമി ബഗലാം രിപുവക്ത്ര കീലാമ് ॥ 18 ॥

vaiḍūryahārapariśobhitahemamālāṃ
madhyetipīna kucayordhṛtapītavastrām |
vyāghrādhirūḍha paripūrita ratnaśobhāṃ
nityaṃ smarāmi bagalāṃ ripuvaktra kīlām || 18 ||

Verse 19

ഏകാഗ്ര മാനസോ ഭൂത്വാ സ്തോഷ്യത്യമ്ബാം സുശോഭനാമ് ।
രജന്യാ രചിതാം മാലാം കരേ ധൃത്വാ ജപേച്ഛുചിഃ ॥ 19 ॥

ekāgra mānaso bhūtvā stoṣyatyambāṃ suśobhanām |
rajanyā racitāṃ mālāṃ kare dhṛtvā japecchuciḥ || 19 ||

Verse 20

വാമേ പാണൌ തു പാശം ച തസ്യാധസ്താദ്ധൃഢം ശുഭമ് ।
ദക്ഷേ കരേഽക്ഷസൂത്രം ച അധഃപദ്മം ച ധാരിണീമ് ॥ 20 ॥

vāme pāṇau tu pāśaṃ ca tasyādhastāddhṛḍhaṃ śubham |
dakṣe kare'kṣasūtraṃ ca adhaḥpadmaṃ ca dhāriṇīm || 20 ||

Verse 21

ചാമുണ്ഡേ ചണ്ഡികോഷ്ട്രേ ഹുതവഹദയിതേ ശ്യാമലേ ശ്രീഭുജങ്ഗീ
ദുര്ഗേ പ്രത്യങ്ഗിരാദ്യേ മുരരിപുഭഗിനീ ഭാര്ഗവീവാമനേത്രേ ।
നാനാരൂപപ്രഭേദേ സ്ഥിതിലയജനനം പാലയദ്ഭര്ഗഹൃദ്യേ
വിശ്വാദ്യേ വിശ്വജൈത്രീ ത്രിപുരഃ ബഗലേ വിശ്വവന്ദ്യേ ത്വമേകാ ॥ 21 ॥

cāmuṇḍe caṇḍikoṣṭre hutavahadayite śyāmale śrībhujaṅgī
durge pratyaṅgirādye muraripubhaginī bhārgavīvāmanetre |
nānārūpaprabhede sthitilayajananaṃ pālayadbhargahṛdye
viśvādye viśvajaitrī tripuraḥ bagale viśvavandye tvamekā || 21 ||

Verse 22

ചക്രം ഖഡ്ഗം മുസലമഭയം ദക്ഷിണാഭിശ്ച ദോര്ഭിഃ
ശങ്ഖം ഖേടം ഹലമപി ച ഗദാം ബിഭ്രതീം വാമദോര്ഭിഃ ।
സിംഹാരൂഢാമയുഗനയനാം ശ്യാമലാം കഞ്ജവക്ത്രാം
വന്ദേ ദേവീം സകലവരദാം പഞ്ചമീം മാതൃമധ്യാമ് ॥ 22 ॥

cakraṃ khaḍgaṃ musalamabhayaṃ dakṣiṇābhiśca dorbhiḥ
śaṅkhaṃ kheṭaṃ halamapi ca gadāṃ bibhratīṃ vāmadorbhiḥ |
siṃhārūḍhāmayuganayanāṃ śyāmalāṃ kañjavaktrāṃ
vande devīṃ sakalavaradāṃ pañcamīṃ mātṛmadhyām || 22 ||

Verse 23

ദ്വാത്രിംശദായുതയുതൈശ്ചതുരഷ്ടഹസ്തൈ-
രഷ്ടോത്തരൈശ്ശതകരൈശ്ച സഹസ്രഹസ്തൈഃ ।
സര്വായുധൈരയുത ബാഹുഭിരന്വിതാം താം
ദേവീം ഭജാമി ബഗലാം രസനാഗ്രഹസ്താമ് ॥ 23 ॥

dvātriṃśadāyutayutaiścaturaṣṭahastai-
raṣṭottaraiśśatakaraiśca sahasrahastaiḥ |
sarvāyudhairayuta bāhubhiranvitāṃ tāṃ
devīṃ bhajāmi bagalāṃ rasanāgrahastām || 23 ||

Verse 24

സര്വതശ്ശുഭകരാം ദ്വിഭുജാം താം
കമ്ബുഹേമ നവകുണ്ഡല കര്ണാമ് ।
ശത്രുനിര്ദലനകാരണകോപാം
ചിന്തയാമി ബഗലാം ഹൃദയാബ്ജേ ॥ 24 ॥

sarvataśśubhakarāṃ dvibhujāṃ tāṃ
kambuhema navakuṇḍala karṇām |
śatrunirdalanakāraṇakopāṃ
cintayāmi bagalāṃ hṛdayābje || 24 ||

Verse 25

ജിഹ്വാഗ്രമാദായ കരേണ ദേവീം
വാമേന ശത്രൂന് പരിപീഡയന്തീമ് ।
ഗദാഭിഘാതേന ച ദക്ഷിണേന
പീതാമ്ബരാഢ്യാം ദ്വിഭുജാം നമാമി ॥ 25 ॥

jihvāgramādāya kareṇa devīṃ
vāmena śatrūn paripīḍayantīm |
gadābhighātena ca dakṣiṇena
pītāmbarāḍhyāṃ dvibhujāṃ namāmi || 25 ||

Verse 26

വന്ദേ വാരിജലോചനാം വസുകരാം പീതാമ്ബരാഡമ്ബരാം
പീതാമ്ഭോരുഹസംസ്ഥിതാം ത്രിനയനാം പീതാങ്ഗരാഗോജ്ജ്വലാമ് ।
ശബ്ദബ്രഹ്മമയീം മഹാകവിജയീം ത്രൈലോക്യസമ്മോഹനീം
വിദ്യുത്കോടി നിഭാം പ്രസന്ന ബഗലാം പ്രത്യര്ഥിവാക്ത്സമ്ഭിനീമ് ॥ 26 ॥

vande vārijalocanāṃ vasukarāṃ pītāmbarāḍambarāṃ
pītāmbhoruhasaṃsthitāṃ trinayanāṃ pītāṅgarāgojjvalām |
śabdabrahmamayīṃ mahākavijayīṃ trailokyasammohanīṃ
vidyutkoṭi nibhāṃ prasanna bagalāṃ pratyarthivāktsambhinīm || 26 ||

Verse 27

ദുഃഖേന വാ യദി സുഖേന ച വാ ത്വദീയം
സ്തുത്വാഽഥ നാമബഗലേ സമുപൈതി വശ്യമ് ।
നിശ്ചിത്യ ശത്രുമബലം വിജയം ത്വദങ്ഘ്രി
പദ്മാര്ചകസ്യ ഭവതീതി കിമത്ര ചിത്രമ് ॥ 27 ॥

duḥkhena vā yadi sukhena ca vā tvadīyaṃ
stutvā'tha nāmabagale samupaiti vaśyam |
niścitya śatrumabalaṃ vijayaṃ tvadaṅghri
padmārcakasya bhavatīti kimatra citram || 27 ||

Verse 28

വിമോഹിതജഗത്ത്രയാം വശഗതാവനവല്ലഭാം
ഭജാമി ബഗലാമുഖീം ഭവസുഖൈകസന്ധായിനീമ് ।
ഗേഹം നാതതി ഗര്വിതഃ പ്രണമതി സ്ത്രീസങ്ഗമോ മോക്ഷതി
ദ്വേഷീ മിത്രതി പാപകൃത്സുകൃതതി ക്ഷ്മാവല്ലഭോധാവതി ॥ 28 ॥

vimohitajagattrayāṃ vaśagatāvanavallabhāṃ
bhajāmi bagalāmukhīṃ bhavasukhaikasandhāyinīm |
gehaṃ nātati garvitaḥ praṇamati strīsaṅgamo mokṣati
dveṣī mitrati pāpakṛtsukṛtati kṣmāvallabhodhāvati || 28 ||

Verse 29

മൃത്യുര്വൈധൃതിദൂഷണം സുഗുണതി ത്വത്പാദസംസേവനാത്
ത്വാം വന്ദേ ഭവഭീതിഭഞ്ജനകരീം ഗൌരീം ഗിരീശപ്രിയാമ് ।
നിത്യം യസ്തു മനോഹരം സ്തവമിദം ദിവ്യം പഠേത്സാദരം
ധൃത്വാ യന്ത്രമിദം തഥൈവ സമരേ ബാഹ്വോഃ കരേ വാ ഗലേ ॥ 29 ॥

mṛtyurvaidhṛtidūṣaṇaṃ suguṇati tvatpādasaṃsevanāt
tvāṃ vande bhavabhītibhañjanakarīṃ gaurīṃ girīśapriyām |
nityaṃ yastu manoharaṃ stavamidaṃ divyaṃ paṭhetsādaraṃ
dhṛtvā yantramidaṃ tathaiva samare bāhvoḥ kare vā gale || 29 ||

Verse 30

രാജാനോ വരയോഷിതോഥകരിണസ്സര്വാമൃഗേന്ദ്രാ വശാഃ
സ്തോത്രൈര്യാന്തി വിമോഹിതാ രിപുഗണാ ലക്ഷ്മീഃ സ്ഥിരാ സിദ്ധയഃ ।
നിര്നിദ്രേ ബഗലേ സമുദ്രനിലയേ രൌദ്ര്യാദി വാങ്മുദ്രികേ
ഭദ്രേ രുദ്രമനോഹരേ ത്രിഭുവനത്രാണേ ദരിദ്രാപഹേ ॥ 30 ॥

rājāno varayoṣitothakariṇassarvāmṛgendrā vaśāḥ
stotrairyānti vimohitā ripugaṇā lakṣmīḥ sthirā siddhayaḥ |
nirnidre bagale samudranilaye raudryādi vāṅmudrike
bhadre rudramanohare tribhuvanatrāṇe daridrāpahe || 30 ||

Verse 31

സദ്രത്നാകര ഭൂമിഗോജ്വല കരീ നിസ്തന്ദ്രി ചാന്ദ്രാനനേ
നീഹാരാദ്രിസുതേ നിസര്ഗസരലേ വിദ്യേ സുരാദ്യേ നമഃ ।
ദേവീ തസ്യ നിരാമയാത്മജമുഖാന്യായൂംഷി ദദ്യാദിദം
യേ നിത്യം പ്രജപന്തി ഭക്തി ഭരിതാസ്തേഭ്യസ്സ്തവം നിശ്ചിതമ് ॥ 31 ॥

sadratnākara bhūmigojvala karī nistandri cāndrānane
nīhārādrisute nisargasarale vidye surādye namaḥ |
devī tasya nirāmayātmajamukhānyāyūṃṣi dadyādidaṃ
ye nityaṃ prajapanti bhakti bharitāstebhyasstavaṃ niścitam || 31 ||

Verse 32

നൂനം ശ്രേയോ വശ്യമാരോഗ്യതാം ച പ്രാപ്തസ്സര്വം ഭൂതലേ സാധകസ്തു ।
ഭക്ത്യാ നിത്യം സ്തോത്രമേതത്പഠന്വൈ വിദ്യാം കീര്തിം വംശവൃദ്ധിം ച വിന്ദേത് ॥ 32 ॥

nūnaṃ śreyo vaśyamārogyatāṃ ca prāptassarvaṃ bhūtale sādhakastu |
bhaktyā nityaṃ stotrametatpaṭhanvai vidyāṃ kīrtiṃ vaṃśavṛddhiṃ ca vindet || 32 ||

ഇതി ശ്രീരുദ്രയാമലേ ശ്രീബഗലാമുഖീസ്തോത്രമ് ॥

Sanskrit — Devanagari (original)

अस्य श्रीबगलामुखीमहामन्त्रस्य

नारदो भगवान् ऋषिः

अतिजगतीछन्दः

श्री बगलामुखी देवता

लां बीजं इं शक्तिः

लं कीलकं-मम दूरस्थानां समीपस्थानां गति मति वाक्त्सम्भनार्थे जपे विनियोगः

ॐ ह्रीं अङ्गुष्ठाभ्यां नमः

बगलामुखी तर्जनीभ्यां नमः

सर्वदुष्टानां मध्यमाभ्यां नमः

वाचं मुखं पदं स्तम्भय अनामिकाभ्यां नमः

जिह्वां कीलय बुद्धिं विनाशय कनिष्ठिकाभ्यां नमः

ह्रीं ॐ स्वाहा करतलकरपृष्टाभ्यां नमः

ॐ ह्रीं हृदयाय नमः

बगलामुखी शिरसे स्वाहा

सर्वदुष्टानां शिखायै वषत्

वाचं मुखं पदं स्तम्भय कवचा हुं

जिह्वां कीलय बुद्धिं विनाशय नेत्रत्रयाय वौषट्

ह्रीं ॐ स्वाहा अस्त्राय फट्

भूर्भुवस्सुवरोमिति दिग्बन्धः ।

ध्यानम् ।

पीताम्बरां त्रिणेत्रां च द्विभुजां दहनोज्वलाम् ।

शिलापर्वतहस्तां च रिपुकम्पां महोत्कटाम् ॥ 1 ॥

गम्भीरां च मदोन्मत्तां स्वर्णकान्तिसमप्रभाम् ।

वैरिनिर्दलनार्थाय स्मरेत्तां बगलामुखीम् ॥ 2 ॥

चतुर्भुजां त्रिणयनां कमलासनसंस्थिताम् ।

दक्षिणे मुद्गरं पाशं वामे जिह्वां च वज्रकम् ॥ 3 ॥

पीताम्बरधरां सान्द्रां दृढपीनयोधराम् ।

वैरिवाक्त्सम्भिनीं देवीं स्मरामि बगलामुखीम् ॥ 4 ॥

हेमकुण्डलभूषाङ्गीं शीतचन्द्रार्धशेखरीम् ।

पीतभूषणभूषाढ्यां स्वर्णसिंहासनेस्थिताम् ॥ 5 ॥

त्रिशूलधारिणीमम्बां सर्वसौभाग्यदायिनीम् ।

सर्वशृङ्गारवेषाढ्यां भजेत्तां बगलामुखीम् ॥ 6 ॥

मध्ये सुधाब्धिमणिमण्टप रत्न वेद्यां

सिंहासनोपरिगतां परिपीतवर्णाम् ।

पीताम्बराभरणमाल्यविभूषिताङ्गीं

देवीं नमामि धृत मुद्गरवैरि जिह्वाम् ॥ 7 ॥

चलत्कनककुण्डलोल्लसितचारुगण्डस्थलां

लसत्कनकचम्पक द्युतिमदर्धेन्दु बिम्बाञ्चिताम् ।

सदाहितविपक्षकां दलितवैरि जिह्वाञ्चलां

नमामि बगलामुखीं धीमतां वाङ्मनस्स्तम्भिनीम् ॥ 8 ॥

पीयूषो दधिमध्यचारु विलसद्रत्नोज्वले मण्टपे

यासिंहासन मौलिपातितरिपु प्रेतासनाध्यासिनीम् ।

स्वर्णाभां करपीडितारिरशनां भ्राम्यद्गदां बिभ्रतीं

यस्त्वां पश्यति तस्य यान्ति विलयं सद्योहि सर्वापदः ॥ 9 ॥

देवि त्वच्चरणाम्बुजार्चनकृते यः पीतपुष्पाञ्जलिं

मुद्रां वामकरे निधाय च पुनर्मन्त्री मनोज्ञाक्षरीम् ।

पीठध्यानपरोपि कुम्भकवशाद्बीजं स्मरेत्प्रार्थितं

तस्या मित्रचयस्य संसदि मुख स्तम्भो भवेत्तत्क्षणात् ॥ 10 ॥

(ॐ ह्रीं बगलामुखि सर्वदुष्टानां वाचं मुखं पदं स्तम्भय जिह्वां कीलय बुद्धिं विनाशय ह्रीं ॐ स्वाहा)

मन्त्रस्तावदयं विपक्षदलने स्तोत्रं पवित्रं च ते

यन्त्रंवादिनि यन्त्रिणं त्रिजगतां जैत्रं स चित्रं च तत् ।

श्रीमातर्बगलेति नाम ललितं यस्यास्ति जन्तोर्मुखे

तन्नामस्मरणेन वाग्भवमुख स्तम्भोभवेत्तत्क्षणात् ॥ 11 ॥

दुष्टस्तम्भनमुग्रविघ्नशमनं दारिद्र्यविद्रावणं

भूभृत्त्सम्भनकारणं मृगदृशां चेतस्समाकर्षणम् ।

सौभाग्यैकनिकेतनं मम दृशां कारुण्यपूर्णेक्षणे

मृत्योर्मारणमाविरस्तु पुरतो मातस्त्वदीयं वपुः ॥ 12 ॥

सङ्ख्याग्रे चोरदण्ड प्रहरणसमये बन्धने वैरिमध्ये

विद्यावादे विवादे प्रकटितनृपतौ युद्धकाले निशायाम् ।

वश्ये च स्तम्भने वा रिपुवधसमये प्राणबाधे रणे वा

गच्छन्तीष्टं त्रिकालं तव पठनमिदं कारयेदाशु धीरः ॥ 13 ॥

मातर्भञ्जय मद्विपक्षवदनं जिह्वां च सङ्कीलय

ब्राह्मीं मुद्रय मुद्रयाशुधिषणामङ्घ्र्योर्गतिं स्तम्भय ।

शत्रून् चूर्णय चूर्णयाशु गदया गौराङ्गि पीताम्बरे

विघ्नौघं बगले हर प्रतिदिनं कौमारि वामेक्षणे ॥ 14 ॥

मातर्भैरवि भद्रकालि विजये वाराहि विश्वाश्रये

श्रीनित्ये बगले महेशि समये रामे सुरामे रमे ।

मातङ्गि त्रिपुरे परात्परतरे स्वर्गापवर्गप्रदे

वन्देहं शरणागतोस्मिकृपया विश्वेश्वरी त्राहि माम् ॥ 15 ॥

त्वं विद्या परमा त्रिलोकजननी व्योषाननं छेदिनी

योषाकर्षणकारिणी च सुमहाबन्धैकसम्भेदिनी ।

दुष्टोच्चाटनकारिणी रिपुमनस्सन्दोहसन्दायिनी

जिह्वाकीलनभैरवी विजयते ब्रह्मास्त्रसारायणी ॥ 16 ॥

यः कृतं जपसङ्ख्यानां चिन्तितं परमेश्वरी ।

शत्रूणां बुद्धिनाशाय गृहाण मदनुग्रहात् ॥ 17 ॥

वैडूर्यहारपरिशोभितहेममालां

मध्येतिपीन कुचयोर्धृतपीतवस्त्राम् ।

व्याघ्राधिरूढ परिपूरित रत्नशोभां

नित्यं स्मरामि बगलां रिपुवक्त्र कीलाम् ॥ 18 ॥

एकाग्र मानसो भूत्वा स्तोष्यत्यम्बां सुशोभनाम् ।

रजन्या रचितां मालां करे धृत्वा जपेच्छुचिः ॥ 19 ॥

वामे पाणौ तु पाशं च तस्याधस्ताद्धृढं शुभम् ।

दक्षे करेऽक्षसूत्रं च अधःपद्मं च धारिणीम् ॥ 20 ॥

चामुण्डे चण्डिकोष्ट्रे हुतवहदयिते श्यामले श्रीभुजङ्गी

दुर्गे प्रत्यङ्गिराद्ये मुररिपुभगिनी भार्गवीवामनेत्रे ।

नानारूपप्रभेदे स्थितिलयजननं पालयद्भर्गहृद्ये

विश्वाद्ये विश्वजैत्री त्रिपुरः बगले विश्ववन्द्ये त्वमेका ॥ 21 ॥

चक्रं खड्गं मुसलमभयं दक्षिणाभिश्च दोर्भिः

शङ्खं खेटं हलमपि च गदां बिभ्रतीं वामदोर्भिः ।

सिंहारूढामयुगनयनां श्यामलां कञ्जवक्त्रां

वन्दे देवीं सकलवरदां पञ्चमीं मातृमध्याम् ॥ 22 ॥

द्वात्रिंशदायुतयुतैश्चतुरष्टहस्तै-

रष्टोत्तरैश्शतकरैश्च सहस्रहस्तैः ।

सर्वायुधैरयुत बाहुभिरन्वितां तां

देवीं भजामि बगलां रसनाग्रहस्ताम् ॥ 23 ॥

सर्वतश्शुभकरां द्विभुजां तां

कम्बुहेम नवकुण्डल कर्णाम् ।

शत्रुनिर्दलनकारणकोपां

चिन्तयामि बगलां हृदयाब्जे ॥ 24 ॥

जिह्वाग्रमादाय करेण देवीं

वामेन शत्रून् परिपीडयन्तीम् ।

गदाभिघातेन च दक्षिणेन

पीताम्बराढ्यां द्विभुजां नमामि ॥ 25 ॥

वन्दे वारिजलोचनां वसुकरां पीताम्बराडम्बरां

पीताम्भोरुहसंस्थितां त्रिनयनां पीताङ्गरागोज्ज्वलाम् ।

शब्दब्रह्ममयीं महाकविजयीं त्रैलोक्यसम्मोहनीं

विद्युत्कोटि निभां प्रसन्न बगलां प्रत्यर्थिवाक्त्सम्भिनीम् ॥ 26 ॥

दुःखेन वा यदि सुखेन च वा त्वदीयं

स्तुत्वाऽथ नामबगले समुपैति वश्यम् ।

निश्चित्य शत्रुमबलं विजयं त्वदङ्घ्रि

पद्मार्चकस्य भवतीति किमत्र चित्रम् ॥ 27 ॥

विमोहितजगत्त्रयां वशगतावनवल्लभां

भजामि बगलामुखीं भवसुखैकसन्धायिनीम् ।

गेहं नातति गर्वितः प्रणमति स्त्रीसङ्गमो मोक्षति

द्वेषी मित्रति पापकृत्सुकृतति क्ष्मावल्लभोधावति ॥ 28 ॥

मृत्युर्वैधृतिदूषणं सुगुणति त्वत्पादसंसेवनात्

त्वां वन्दे भवभीतिभञ्जनकरीं गौरीं गिरीशप्रियाम् ।

नित्यं यस्तु मनोहरं स्तवमिदं दिव्यं पठेत्सादरं

धृत्वा यन्त्रमिदं तथैव समरे बाह्वोः करे वा गले ॥ 29 ॥

राजानो वरयोषितोथकरिणस्सर्वामृगेन्द्रा वशाः

स्तोत्रैर्यान्ति विमोहिता रिपुगणा लक्ष्मीः स्थिरा सिद्धयः ।

निर्निद्रे बगले समुद्रनिलये रौद्र्यादि वाङ्मुद्रिके

भद्रे रुद्रमनोहरे त्रिभुवनत्राणे दरिद्रापहे ॥ 30 ॥

सद्रत्नाकर भूमिगोज्वल करी निस्तन्द्रि चान्द्रानने

नीहाराद्रिसुते निसर्गसरले विद्ये सुराद्ये नमः ।

देवी तस्य निरामयात्मजमुखान्यायूंषि दद्यादिदं

ये नित्यं प्रजपन्ति भक्ति भरितास्तेभ्यस्स्तवं निश्चितम् ॥ 31 ॥

नूनं श्रेयो वश्यमारोग्यतां च प्राप्तस्सर्वं भूतले साधकस्तु ।

भक्त्या नित्यं स्तोत्रमेतत्पठन्वै विद्यां कीर्तिं वंशवृद्धिं च विन्देत् ॥ 32 ॥

इति श्रीरुद्रयामले श्रीबगलामुखीस्तोत्रम् ॥

🕉️ This is the original Sanskrit rendered in Malayalam script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ശ്രീ ബഗലാമുഖീ സ്തോത്രമ് - 2