ప్రభాత శ్లోకః
కరాగ్రే వసతే లక్ష్మీః కరమధ్యే సరస్వతీ ।
కరమూలే స్థితా గౌరీ ప్రభాతే కరదర్శనమ్ ॥
[పాఠభేదః - కరమూలే తు గోవిన్దః ప్రభాతే కరదర్శనమ్ ॥]
ప్రభాత భూమి శ్లోకః
సముద్ర వసనే దేవీ పర్వత స్తన మణ్డలే ।
విష్ణుపత్ని నమస్తుభ్యమ్, పాదస్పర్శ-ఙ్క్షమస్వమే ॥
సూర్యోదయ శ్లోకః
బ్రహ్మస్వరూప ముదయే మధ్యాహ్నేతు మహేశ్వరమ్ ।
సాహ-న్ధ్యాయేత్సదా విష్ణు-న్త్రిమూర్తి-ఞ్చ దివాకరమ్ ॥
స్నాన శ్లోకః
గఙ్గే చ యమునే చైవ గోదావరీ సరస్వతీ
నర్మదే సిన్ధు కావేరీ జలేస్మిన్ సన్నిధి-ఙ్కురు ॥
నమస్కార శ్లోకః
త్వమేవ మాతా చ పితా త్వమేవ, త్వమేవ బన్ధుశ్చ సఖా త్వమేవ ।
త్వమేవ విద్యా ద్రవిణ-న్త్వమేవ, త్వమేవ సర్వ-మ్మమ దేవదేవ ॥
భస్మ ధారణ శ్లోకః
శ్రీకర-ఞ్చ పవిత్ర-ఞ్చ శోక నివారణమ్ ।
లోకే వశీకర-మ్పుంసా-మ్భస్మ-న్త్ర్యైలోక్య పావనమ్ ॥
భోజన పూర్వ శ్లోకాః
బ్రహ్మార్పణ-మ్బ్రహ్మ హవిః బ్రహ్మాగ్నౌ బ్రహ్మణాహుతమ్ ।
బ్రహ్మైవ తేన గన్తవ్య-మ్బ్రహ్మ కర్మ సమాధినః ॥
అహం-వైఁశ్వానరో భూత్వా ప్రాణినా-న్దేహమాశ్రితః ।
ప్రాణాపాన సమాయుక్తః పచామ్యన్న-ఞ్చతుర్విధమ్ ॥
అన్నపూర్ణే సదా పూర్ణే శఙ్కరప్రాణవల్లభే ।
జ్ఞానవైరాగ్య సిద్ధ్యర్థ-మ్భిక్షా-న్దేహి చ పార్వతి ॥
త్వదీయం-వఁస్తు గోవిన్ద తుభ్యమేవ సమర్పయే ।
గృహాణ సుముఖో భూత్వా ప్రసీద పరమేశ్వర ॥
భోజనానన్తర శ్లోకః
అగస్త్యం-వైఁనతేయ-ఞ్చ శమీ-ఞ్చ బడబాలనమ్ ।
ఆహార పరిణామార్థం స్మరామి చ వృకోదరమ్ ॥
సన్ధ్యా దీప దర్శన శ్లోకః
దీపజ్యోతిః పర-మ్బ్రహ్మ దీపజ్యోతిర్జనార్దనః ।
దీపో హరతు మే పాప-న్దీపజ్యోతిర్నమో-ఽస్తుతే ॥
శుభ-ఙ్కరోతి కల్యాణం ఆరోగ్య-న్ధనసమ్పదః ।
శత్రు-బుద్ధి-వినాశాయ దీపజ్యోతిర్నమో-ఽస్తుతే ॥
నిద్రా/శయన శ్లోకః
రామం స్కన్దం హనుమన్తం-వైఁనతేయం-వృఁకోదరమ్ ।
శయనే య-స్స్మరేన్నిత్య-న్దుస్వప్న-స్తస్యనశ్యతి ॥
అపరాధ క్షమాపణ స్తోత్రం
అపరాధ సహస్రాణి, క్రియన్తే-ఽహర్నిశ-మ్మయా ।
దాసో-ఽయమితి మా-మ్మత్వా, క్షమస్వ పరమేశ్వర ॥
కరచరణ కృతం-వాఁ కర్మ వాక్కాయజం-వాఁ
శ్రవణ నయనజం-వాఁ మానసం-వాఁపరాధమ్ ।
విహిత మవిహితం-వాఁ సర్వమేత-త్క్షమస్వ
శివ శివ కరుణాబ్ధే శ్రీ మహాదేవ శమ్భో ॥
కాయేన వాచా మనసేన్ద్రియైర్వా
బుద్ధ్యాత్మనా వా ప్రకృతే-స్స్వభావాత్ ।
కరోమి యద్యత్సకల-మ్పరస్మై
నారాయణాయేతి సమర్పయామి ॥
దేవతా స్తోత్రాః
కార్య ప్రారమ్భ స్తోత్రాః
శుక్లా-మ్బరధరం-విఁష్ణుం శశివర్ణ-ఞ్చతుర్భుజమ్ ।
ప్రసన్నవదన-న్ధ్యాయే-థ్సర్వ విఘ్నోపశాన్తయే ॥
యస్యద్విరద వక్త్రాద్యాః పారిషద్యాః పరశ్శతమ్ ।
విఘ్న-న్నిఘ్నన్తు సతతం-విఁష్వక్సేన-న్తమాశ్రయే ॥
గణేశ స్తోత్రం
వక్రతుణ్డ మహాకాయ సూర్యకోటి సమప్రభః ।
నిర్విఘ్న-ఙ్కురు మే దేవ సర్వ కార్యేషు సర్వదా ॥
అగజానన పద్మార్క-ఙ్గజానన మహర్నిశమ్ ।
అనేకదన్-త-మ్భక్తానామ్-ఏకదన్త-ముపాస్మహే ॥
విష్ణు స్తోత్రం
శాన్తాకార-మ్భుజగశయన-మ్పద్మనాభం సురేశం
విశ్వాధార-ఙ్గగన సదృశ-మ్మేఘవర్ణం శుభాఙ్గమ్ ।
లక్ష్మీకాన్త-ఙ్కమలనయనం-యోఁగిహృద్ధ్యానగమ్యం
వన్దే విష్ణు-మ్భవభయహరం సర్వలోకైకనాథమ్ ॥
గాయత్రి మన్త్రం
ఓ-మ్భూర్భువ॒స్సువః॒ । తథ్స॑వి॒తుర్వరే᳚ణ్యం॒ ।
భర్గో॑ దే॒వస్య॑ ధీమహి । ధియో॒ యో నః॑ ప్రచోదయా᳚త్ ॥
శివ స్తోత్రం
త్ర్య॑మ్బకం-యఁజామహే సుగ॒న్ధి-మ్పు॑ష్టి॒వర్ధ॑నమ్ ।
ఉ॒ర్వా॒రు॒కమి॑వ॒ బన్ధ॑నా-న్మృత్యో॑ర్-ముక్షీయ॒ మా-ఽమృతా᳚త్ ॥
వన్దే శమ్భుముమాపతిం సురగురుం-వఁన్దే జగత్కారణం
వన్దే పన్నగభూషణం శశిధరం-వఁన్దే పశూనా-మ్పతిమ్ ।
వన్దే సూర్యశశాఙ్క వహ్నినయనం-వఁన్దే ముకున్దప్రియం
వన్దే భక్తజనాశ్రయ-ఞ్చ వరదం-వఁన్దే శివం శఙ్కరమ్ ॥
సుబ్రహ్మణ్య స్తోత్రం
శక్తిహస్తం-విఁరూపాక్షం శిఖివాహం షడాననం
దారుణం రిపురోగఘ్న-మ్భావయే కుక్కుట ధ్వజమ్ ।
స్కన్దం షణ్ముఖ-న్దేవం శివతేజ-ఞ్చతుర్భుజం
కుమారం స్వామినాధ-న్త-ఙ్కార్తికేయ-న్నమామ్యహమ్ ॥
గురు శ్లోకః
గురుర్బ్రహ్మ గురుర్విష్ణుః గురుర్దేవో మహేశ్వరః ।
గురు-స్సాక్షా-త్పరబ్రహ్మ తస్మై శ్రీ గురవే నమః ॥
హనుమ స్తోత్రాః
మనోజవ-మ్మారుత తుల్యవేగ-ఞ్జితేన్ద్రియ-మ్బుద్ధిమతాం-వఁరిష్టమ్ ।
వాతాత్మజం-వాఁనరయూధ ముఖ్యం శ్రీరామదూతం శిరసా నమామి ॥
బుద్ధిర్బలం-యఁశోధైర్య-న్నిర్భయత్వమరోగతా ।
అజాడ్యం-వాఁక్పటుత్వ-ఞ్చ హనుమస్స్మరణా-ద్భవేత్ ॥
జయత్యతి బలో రామో లక్ష్మణస్య మహాబలః ।
రాజా జయతి సుగ్రీవో రాఘవేణాభి పాలితః ॥
దాసో-ఽహ-ఙ్కోసలేన్ద్రస్య రామస్యాక్లిష్ట కర్మణః ।
హనుమాన్ శత్రుసైన్యానా-న్నిహన్తా మారుతాత్మజః ॥
శ్రీరామ స్తోత్రాం
శ్రీ రామ రామ రామేతి రమే రామే మనోరమే
సహస్రనామ తత్తుల్యం రామ నామ వరాననే
శ్రీ రామచన్ద్ర-శ్శ్రితపారిజాత-స్సమస్త కల్యాణ గుణాభిరామః ।
సీతాముఖామ్భోరుహా-చఞ్చరీకో నిరన్తర-మ్మఙ్గలమాతనోతు ॥
శ్రీకృష్ణ స్తోత్రం
మన్దారమూలే మదనాభిరామం
బిమ్బాధరాపూరిత వేణునాదమ్ ।
గోగోప గోపీజన మధ్యసంస్థం
గోప-మ్భజే గోకుల పూర్ణచన్ద్రమ్ ॥
గరుడ స్వామి స్తోత్రం
కుఙ్కుమాఙ్కితవర్ణాయ కున్దేన్దు ధవలాయ చ ।
విష్ణు వాహ నమస్తుభ్య-మ్పక్షిరాజాయ తే నమః ॥
దక్షిణామూర్తి స్తోత్రం
గురవే సర్వలోకానా-మ్భిషజే భవరోగిణామ్ ।
నిధయే సర్వ విద్యానాం శ్రీ దక్షిణామూర్తయే నమ ॥
సరస్వతీ శ్లోకః
సరస్వతీ నమస్తుభ్యం-వఁరదే కామరూపిణీ ।
విద్యారమ్భ-ఙ్కరిష్యామి సిద్ధిర్భవతు మే సదా ॥
యా కున్దేన్దు తుషార హార ధవలా, యా శుభ్ర వస్త్రావృతా [వస్త్రాన్వితా] ।
యా వీణా వరదణ్డ మణ్డిత కరా, యా శ్వేత పద్మాసనా ।
యా బ్రహ్మాచ్యుత శఙ్కర ప్రభృతిభిర్-దేవై-స్సదా పూజితా ।
సా మా-మ్పాతు సరస్వతీ భగవతీ నిశ్శేషజాడ్యాపహా ॥
లక్ష్మీ శ్లోకః
లక్ష్మీ-ఙ్క్షీరసముద్ర రాజ తనయాం శ్రీరఙ్గ ధామేశ్వరీమ్ ।
దాసీభూత సమస్త దేవ వనితాం-లోఁకైక దీపాఙ్కురామ్ ।
శ్రీమన్మన్ధ కటాక్ష లబ్ధ విభవ బ్రహ్మేన్ద్ర గఙ్గాధరామ్ ।
త్వా-న్త్రైలోక్యకుటుమ్బినీం సరసిజాం-వఁన్దే ముకున్దప్రియామ్ ॥
దుర్గా దేవీ స్తోత్రం
సర్వ స్వరూపే సర్వేశే సర్వ శక్తి సమన్వితే ।
భయేభ్యస్త్రాహి నో దేవి దుర్గేదేవి నమోస్తుతే ॥
త్రిపురసున్దరీ స్తోత్రం
ఓఙ్కార పఞ్జర శుకీం ఉపనిషదుద్యాన కేలి కలకణ్ఠీమ్ ।
ఆగమ విపిన మయూరీం ఆర్యాం అన్తర్విభావయేద్గౌరీమ్ ॥
దేవీ శ్లోకః
సర్వ మఙ్గల మాఙ్గల్యే శివే సర్వార్థ సాధికే ।
శరణ్యే త్ర్యమ్బకే దేవి నారాయణి నమోస్తుతే ॥
వేఙ్కటేశ్వర శ్లోకః
శ్రియః కాన్తాయ కల్యాణనిధయే నిధయే-ఽర్థినామ్ ।
శ్రీ వేఙ్కట నివాసాయ శ్రీనివాసాయ మఙ్గలమ్ ॥
బౌద్ధ ప్రార్థన
బుద్ధం శరణ-ఙ్గచ్ఛామి
ధర్మం శరణ-ఙ్గచ్ఛామి
సఙ్ఘం శరణ-ఙ్గచ్ఛామి
శాన్తి మన్త్రం
అసతోమా సద్గమయా ।
తమసోమా జ్యోతిర్గమయా ।
మృత్యోర్మా అమృతఙ్గమయా ।
ఓం శాన్తి-శ్శాన్తి-శ్శాన్తిః
సర్వే భవన్తు సుఖిన-స్సర్వే సన్తు నిరామయాః ।
సర్వే భద్రాణి పశ్యన్తు మా కశ్చిద్దుఃఖ భాగ్భవేత్ ॥
ఓం శాన్తి-శ్శాన్తి-శ్శాన్తిః
ఓం సర్వేషాం స్వస్తిర్భవతు,
సర్వేషాం శాన్తిర్భవతు ।
సర్వేషా-మ్పూర్ణ-మ్భవతు,
సర్వేషా-మ్మఙ్గల-మ్భవతు ।
ఓం శాన్తి-శ్శాన్తి-శ్శాన్తిః
ఓం స॒హ నా॑వవతు । స॒హ నౌ॑ భునక్తు । స॒హ వీ॒ర్య॑-ఙ్కరవావహై ।
తే॒జ॒స్వినా॒వధీ॑తమస్తు॒ మా వి॑ద్విషా॒వహై᳚ ।
ఓం శాన్తి॒-శ్శాన్తి॒-శ్శాన్తిః॑ ॥
స్వస్తి మన్త్రాః
స్వస్తి ప్రజాభ్యః పరిపాలయన్తాం
న్యాయేన మార్గేణ మహీ-మ్మహీశాః ।
గోబ్రాహ్మణేభ్య-శ్శుభమస్తు నిత్యం
లోకా-స్సమస్తా-స్సుఖినో భవన్తు ॥
కాలే వర్షతు పర్జన్యః పృథివీ సస్యశాలినీ ।
దేశోయ-ఙ్క్షోభరహితో బ్రాహ్మణాస్సన్తు నిర్భయాః ॥
విశేష మన్త్రాః
పఞ్చాక్షరీ మన్త్రం - ఓ-న్నమశ్శివాయ
అష్టాక్షరీ మన్త్రం - ఓ-న్నమో నారాయణాయ
ద్వాదశాక్షరీ మన్త్రం - ఓ-న్నమో భగవతే వాసుదేవాయ
Roman (IAST) Transliteration
prabhāta ślokaḥ
karāgre vasate lakṣmīḥ karamadhye sarasvatī |
karamūle sthitā gaurī prabhāte karadarśanam ||
[pāṭhabhedaḥ - karamūle tu govindaḥ prabhāte karadarśanam ||]
prabhāta bhūmi ślokaḥ
samudra vasane devī parvata stana maṇḍale |
viṣṇupatni namastubhyam, pādasparśa-ṅkṣamasvame ||
sūryodaya ślokaḥ
brahmasvarūpa mudaye madhyāhnetu maheśvaram |
sāha-ndhyāyetsadā viṣṇu-ntrimūrti-ñca divākaram ||
snāna ślokaḥ
gaṅge ca yamune caiva godāvarī sarasvatī
narmade sindhu kāverī jalesmin sannidhi-ṅkuru ||
namaskāra ślokaḥ
tvameva mātā ca pitā tvameva, tvameva bandhuśca sakhā tvameva |
tvameva vidyā draviṇa-ntvameva, tvameva sarva-mmama devadeva ||
bhasma dhāraṇa ślokaḥ
śrīkara-ñca pavitra-ñca śoka nivāraṇam |
loke vaśīkara-mpuṃsā-mbhasma-ntryailokya pāvanam ||
bhojana pūrva ślokāḥ
brahmārpaṇa-mbrahma haviḥ brahmāgnau brahmaṇāhutam |
brahmaiva tena gantavya-mbrahma karma samādhinaḥ ||
ahaṃ-vai~śvānaro bhūtvā prāṇinā-ndehamāśritaḥ |
prāṇāpāna samāyuktaḥ pacāmyanna-ñcaturvidham ||
annapūrṇe sadā pūrṇe śaṅkaraprāṇavallabhe |
jñānavairāgya siddhyartha-mbhikṣā-ndehi ca pārvati ||
tvadīyaṃ-va~stu govinda tubhyameva samarpaye |
gṛhāṇa sumukho bhūtvā prasīda parameśvara ||
bhojanānantara ślokaḥ
agastyaṃ-vai~nateya-ñca śamī-ñca baḍabālanam |
āhāra pariṇāmārthaṃ smarāmi ca vṛkodaram ||
sandhyā dīpa darśana ślokaḥ
dīpajyotiḥ para-mbrahma dīpajyotirjanārdanaḥ |
dīpo haratu me pāpa-ndīpajyotirnamo-'stute ||
śubha-ṅkaroti kalyāṇaṃ ārogya-ndhanasampadaḥ |
śatru-buddhi-vināśāya dīpajyotirnamo-'stute ||
nidrā/śayana ślokaḥ
rāmaṃ skandaṃ hanumantaṃ-vai~nateyaṃ-vṛ~kodaram |
śayane ya-ssmarennitya-ndusvapna-stasyanaśyati ||
aparādha kṣamāpaṇa stotraṃ
aparādha sahasrāṇi, kriyante-'harniśa-mmayā |
dāso-'yamiti mā-mmatvā, kṣamasva parameśvara ||
karacaraṇa kṛtaṃ-vā~ karma vākkāyajaṃ-vā~
śravaṇa nayanajaṃ-vā~ mānasaṃ-vā~parādham |
vihita mavihitaṃ-vā~ sarvameta-tkṣamasva
śiva śiva karuṇābdhe śrī mahādeva śambho ||
kāyena vācā manasendriyairvā
buddhyātmanā vā prakṛte-ssvabhāvāt |
karomi yadyatsakala-mparasmai
nārāyaṇāyeti samarpayāmi ||
devatā stotrāḥ
kārya prārambha stotrāḥ
śuklā-mbaradharaṃ-vi~ṣṇuṃ śaśivarṇa-ñcaturbhujam |
prasannavadana-ndhyāye-thsarva vighnopaśāntaye ||
yasyadvirada vaktrādyāḥ pāriṣadyāḥ paraśśatam |
vighna-nnighnantu satataṃ-vi~ṣvaksena-ntamāśraye ||
gaṇeśa stotraṃ
vakratuṇḍa mahākāya sūryakoṭi samaprabhaḥ |
nirvighna-ṅkuru me deva sarva kāryeṣu sarvadā ||
agajānana padmārka-ṅgajānana maharniśam |
anekadan-ta-mbhaktānām-ekadanta-mupāsmahe ||
viṣṇu stotraṃ
śāntākāra-mbhujagaśayana-mpadmanābhaṃ sureśaṃ
viśvādhāra-ṅgagana sadṛśa-mmeghavarṇaṃ śubhāṅgam |
lakṣmīkānta-ṅkamalanayanaṃ-yo~gihṛddhyānagamyaṃ
vande viṣṇu-mbhavabhayaharaṃ sarvalokaikanātham ||
gāyatri mantraṃ
o-mbhūrbhuva॒ssuvaḥ॒ | tathsa̭vi॒turvare᳚ṇyaṃ॒ |
bhargo̭ de॒vasya̭ dhīmahi | dhiyo॒ yo naḥ̭ pracodayā᳚t ||
śiva stotraṃ
trya̭mbakaṃ-ya~jāmahe suga॒ndhi-mpṷṣṭi॒vardha̭nam |
u॒rvā॒ru॒kami̭va॒ bandha̭nā-nmṛtyo̭r-mukṣīya॒ mā-'mṛtā᳚t ||
vande śambhumumāpatiṃ suraguruṃ-va~nde jagatkāraṇaṃ
vande pannagabhūṣaṇaṃ śaśidharaṃ-va~nde paśūnā-mpatim |
vande sūryaśaśāṅka vahninayanaṃ-va~nde mukundapriyaṃ
vande bhaktajanāśraya-ñca varadaṃ-va~nde śivaṃ śaṅkaram ||
subrahmaṇya stotraṃ
śaktihastaṃ-vi~rūpākṣaṃ śikhivāhaṃ ṣaḍānanaṃ
dāruṇaṃ ripurogaghna-mbhāvaye kukkuṭa dhvajam |
skandaṃ ṣaṇmukha-ndevaṃ śivateja-ñcaturbhujaṃ
kumāraṃ svāminādha-nta-ṅkārtikeya-nnamāmyaham ||
guru ślokaḥ
gururbrahma gururviṣṇuḥ gururdevo maheśvaraḥ |
guru-ssākṣā-tparabrahma tasmai śrī gurave namaḥ ||
hanuma stotrāḥ
manojava-mmāruta tulyavega-ñjitendriya-mbuddhimatāṃ-va~riṣṭam |
vātātmajaṃ-vā~narayūdha mukhyaṃ śrīrāmadūtaṃ śirasā namāmi ||
buddhirbalaṃ-ya~śodhairya-nnirbhayatvamarogatā |
ajāḍyaṃ-vā~kpaṭutva-ñca hanumassmaraṇā-dbhavet ||
jayatyati balo rāmo lakṣmaṇasya mahābalaḥ |
rājā jayati sugrīvo rāghaveṇābhi pālitaḥ ||
dāso-'ha-ṅkosalendrasya rāmasyākliṣṭa karmaṇaḥ |
hanumān śatrusainyānā-nnihantā mārutātmajaḥ ||
śrīrāma stotrāṃ
śrī rāma rāma rāmeti rame rāme manorame
sahasranāma tattulyaṃ rāma nāma varānane
śrī rāmacandra-śśritapārijāta-ssamasta kalyāṇa guṇābhirāmaḥ |
sītāmukhāmbhoruhā-cañcarīko nirantara-mmaṅgalamātanotu ||
śrīkṛṣṇa stotraṃ
mandāramūle madanābhirāmaṃ
bimbādharāpūrita veṇunādam |
gogopa gopījana madhyasaṃsthaṃ
gopa-mbhaje gokula pūrṇacandram ||
garuḍa svāmi stotraṃ
kuṅkumāṅkitavarṇāya kundendu dhavalāya ca |
viṣṇu vāha namastubhya-mpakṣirājāya te namaḥ ||
dakṣiṇāmūrti stotraṃ
gurave sarvalokānā-mbhiṣaje bhavarogiṇām |
nidhaye sarva vidyānāṃ śrī dakṣiṇāmūrtaye nama ||
sarasvatī ślokaḥ
sarasvatī namastubhyaṃ-va~rade kāmarūpiṇī |
vidyārambha-ṅkariṣyāmi siddhirbhavatu me sadā ||
yā kundendu tuṣāra hāra dhavalā, yā śubhra vastrāvṛtā [vastrānvitā] |
yā vīṇā varadaṇḍa maṇḍita karā, yā śveta padmāsanā |
yā brahmācyuta śaṅkara prabhṛtibhir-devai-ssadā pūjitā |
sā mā-mpātu sarasvatī bhagavatī niśśeṣajāḍyāpahā ||
lakṣmī ślokaḥ
lakṣmī-ṅkṣīrasamudra rāja tanayāṃ śrīraṅga dhāmeśvarīm |
dāsībhūta samasta deva vanitāṃ-lo~kaika dīpāṅkurām |
śrīmanmandha kaṭākṣa labdha vibhava brahmendra gaṅgādharām |
tvā-ntrailokyakuṭumbinīṃ sarasijāṃ-va~nde mukundapriyām ||
durgā devī stotraṃ
sarva svarūpe sarveśe sarva śakti samanvite |
bhayebhyastrāhi no devi durgedevi namostute ||
tripurasundarī stotraṃ
oṅkāra pañjara śukīṃ upaniṣadudyāna keli kalakaṇṭhīm |
āgama vipina mayūrīṃ āryāṃ antarvibhāvayedgaurīm ||
devī ślokaḥ
sarva maṅgala māṅgalye śive sarvārtha sādhike |
śaraṇye tryambake devi nārāyaṇi namostute ||
veṅkaṭeśvara ślokaḥ
śriyaḥ kāntāya kalyāṇanidhaye nidhaye-'rthinām |
śrī veṅkaṭa nivāsāya śrīnivāsāya maṅgalam ||
bauddha prārthana
buddhaṃ śaraṇa-ṅgacchāmi
dharmaṃ śaraṇa-ṅgacchāmi
saṅghaṃ śaraṇa-ṅgacchāmi
śānti mantraṃ
asatomā sadgamayā |
tamasomā jyotirgamayā |
mṛtyormā amṛtaṅgamayā |
oṃ śānti-śśānti-śśāntiḥ
sarve bhavantu sukhina-ssarve santu nirāmayāḥ |
sarve bhadrāṇi paśyantu mā kaścidduḥkha bhāgbhavet ||
oṃ śānti-śśānti-śśāntiḥ
oṃ sarveṣāṃ svastirbhavatu,
sarveṣāṃ śāntirbhavatu |
sarveṣā-mpūrṇa-mbhavatu,
sarveṣā-mmaṅgala-mbhavatu |
oṃ śānti-śśānti-śśāntiḥ
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |
te॒ja॒svinā॒vadhī̭tamastu॒ mā vi̭dviṣā॒vahai᳚ |
oṃ śānti॒-śśānti॒-śśāntiḥ̭ ||
svasti mantrāḥ
svasti prajābhyaḥ paripālayantāṃ
nyāyena mārgeṇa mahī-mmahīśāḥ |
gobrāhmaṇebhya-śśubhamastu nityaṃ
lokā-ssamastā-ssukhino bhavantu ||
kāle varṣatu parjanyaḥ pṛthivī sasyaśālinī |
deśoya-ṅkṣobharahito brāhmaṇāssantu nirbhayāḥ ||
viśeṣa mantrāḥ
pañcākṣarī mantraṃ - o-nnamaśśivāya
aṣṭākṣarī mantraṃ - o-nnamo nārāyaṇāya
dvādaśākṣarī mantraṃ - o-nnamo bhagavate vāsudevāya
Sanskrit — Devanagari (original)
प्रभात श्लोकः
कराग्रे वसते लक्ष्मीः करमध्ये सरस्वती ।
करमूले स्थिता गौरी प्रभाते करदर्शनम् ॥
[पाठभेदः - करमूले तु गोविन्दः प्रभाते करदर्शनम् ॥]
प्रभात भूमि श्लोकः
समुद्र वसने देवी पर्वत स्तन मण्डले ।
विष्णुपत्नि नमस्तुभ्यम्, पादस्पर्श-ङ्क्षमस्वमे ॥
सूर्योदय श्लोकः
ब्रह्मस्वरूप मुदये मध्याह्नेतु महेश्वरम् ।
साह-न्ध्यायेत्सदा विष्णु-न्त्रिमूर्ति-ञ्च दिवाकरम् ॥
स्नान श्लोकः
गङ्गे च यमुने चैव गोदावरी सरस्वती
नर्मदे सिन्धु कावेरी जलेस्मिन् सन्निधि-ङ्कुरु ॥
नमस्कार श्लोकः
त्वमेव माता च पिता त्वमेव, त्वमेव बन्धुश्च सखा त्वमेव ।
त्वमेव विद्या द्रविण-न्त्वमेव, त्वमेव सर्व-म्मम देवदेव ॥
भस्म धारण श्लोकः
श्रीकर-ञ्च पवित्र-ञ्च शोक निवारणम् ।
लोके वशीकर-म्पुंसा-म्भस्म-न्त्र्यैलोक्य पावनम् ॥
भोजन पूर्व श्लोकाः
ब्रह्मार्पण-म्ब्रह्म हविः ब्रह्माग्नौ ब्रह्मणाहुतम् ।
ब्रह्मैव तेन गन्तव्य-म्ब्रह्म कर्म समाधिनः ॥
अहं-वैँश्वानरो भूत्वा प्राणिना-न्देहमाश्रितः ।
प्राणापान समायुक्तः पचाम्यन्न-ञ्चतुर्विधम् ॥
अन्नपूर्णे सदा पूर्णे शङ्करप्राणवल्लभे ।
ज्ञानवैराग्य सिद्ध्यर्थ-म्भिक्षा-न्देहि च पार्वति ॥
त्वदीयं-वँस्तु गोविन्द तुभ्यमेव समर्पये ।
गृहाण सुमुखो भूत्वा प्रसीद परमेश्वर ॥
भोजनानन्तर श्लोकः
अगस्त्यं-वैँनतेय-ञ्च शमी-ञ्च बडबालनम् ।
आहार परिणामार्थं स्मरामि च वृकोदरम् ॥
सन्ध्या दीप दर्शन श्लोकः
दीपज्योतिः पर-म्ब्रह्म दीपज्योतिर्जनार्दनः ।
दीपो हरतु मे पाप-न्दीपज्योतिर्नमो-ऽस्तुते ॥
शुभ-ङ्करोति कल्याणं आरोग्य-न्धनसम्पदः ।
शत्रु-बुद्धि-विनाशाय दीपज्योतिर्नमो-ऽस्तुते ॥
निद्रा/शयन श्लोकः
रामं स्कन्दं हनुमन्तं-वैँनतेयं-वृँकोदरम् ।
शयने य-स्स्मरेन्नित्य-न्दुस्वप्न-स्तस्यनश्यति ॥
अपराध क्षमापण स्तोत्रं
अपराध सहस्राणि, क्रियन्ते-ऽहर्निश-म्मया ।
दासो-ऽयमिति मा-म्मत्वा, क्षमस्व परमेश्वर ॥
करचरण कृतं-वाँ कर्म वाक्कायजं-वाँ
श्रवण नयनजं-वाँ मानसं-वाँपराधम् ।
विहित मविहितं-वाँ सर्वमेत-त्क्षमस्व
शिव शिव करुणाब्धे श्री महादेव शम्भो ॥
कायेन वाचा मनसेन्द्रियैर्वा
बुद्ध्यात्मना वा प्रकृते-स्स्वभावात् ।
करोमि यद्यत्सकल-म्परस्मै
नारायणायेति समर्पयामि ॥
देवता स्तोत्राः
कार्य प्रारम्भ स्तोत्राः
शुक्ला-म्बरधरं-विँष्णुं शशिवर्ण-ञ्चतुर्भुजम् ।
प्रसन्नवदन-न्ध्याये-थ्सर्व विघ्नोपशान्तये ॥
यस्यद्विरद वक्त्राद्याः पारिषद्याः परश्शतम् ।
विघ्न-न्निघ्नन्तु सततं-विँष्वक्सेन-न्तमाश्रये ॥
गणेश स्तोत्रं
वक्रतुण्ड महाकाय सूर्यकोटि समप्रभः ।
निर्विघ्न-ङ्कुरु मे देव सर्व कार्येषु सर्वदा ॥
अगजानन पद्मार्क-ङ्गजानन महर्निशम् ।
अनेकदन्-त-म्भक्तानाम्-एकदन्त-मुपास्महे ॥
विष्णु स्तोत्रं
शान्ताकार-म्भुजगशयन-म्पद्मनाभं सुरेशं
विश्वाधार-ङ्गगन सदृश-म्मेघवर्णं शुभाङ्गम् ।
लक्ष्मीकान्त-ङ्कमलनयनं-योँगिहृद्ध्यानगम्यं
वन्दे विष्णु-म्भवभयहरं सर्वलोकैकनाथम् ॥
गायत्रि मन्त्रं
ओ-म्भूर्भुव॒स्सुवः॒ । तथ्स॑वि॒तुर्वरे᳚ण्यं॒ ।
भर्गो॑ दे॒वस्य॑ धीमहि । धियो॒ यो नः॑ प्रचोदया᳚त् ॥
शिव स्तोत्रं
त्र्य॑म्बकं-यँजामहे सुग॒न्धि-म्पु॑ष्टि॒वर्ध॑नम् ।
उ॒र्वा॒रु॒कमि॑व॒ बन्ध॑ना-न्मृत्यो॑र्-मुक्षीय॒ मा-ऽमृता᳚त् ॥
वन्दे शम्भुमुमापतिं सुरगुरुं-वँन्दे जगत्कारणं
वन्दे पन्नगभूषणं शशिधरं-वँन्दे पशूना-म्पतिम् ।
वन्दे सूर्यशशाङ्क वह्निनयनं-वँन्दे मुकुन्दप्रियं
वन्दे भक्तजनाश्रय-ञ्च वरदं-वँन्दे शिवं शङ्करम् ॥
सुब्रह्मण्य स्तोत्रं
शक्तिहस्तं-विँरूपाक्षं शिखिवाहं षडाननं
दारुणं रिपुरोगघ्न-म्भावये कुक्कुट ध्वजम् ।
स्कन्दं षण्मुख-न्देवं शिवतेज-ञ्चतुर्भुजं
कुमारं स्वामिनाध-न्त-ङ्कार्तिकेय-न्नमाम्यहम् ॥
गुरु श्लोकः
गुरुर्ब्रह्म गुरुर्विष्णुः गुरुर्देवो महेश्वरः ।
गुरु-स्साक्षा-त्परब्रह्म तस्मै श्री गुरवे नमः ॥
हनुम स्तोत्राः
मनोजव-म्मारुत तुल्यवेग-ञ्जितेन्द्रिय-म्बुद्धिमतां-वँरिष्टम् ।
वातात्मजं-वाँनरयूध मुख्यं श्रीरामदूतं शिरसा नमामि ॥
बुद्धिर्बलं-यँशोधैर्य-न्निर्भयत्वमरोगता ।
अजाड्यं-वाँक्पटुत्व-ञ्च हनुमस्स्मरणा-द्भवेत् ॥
जयत्यति बलो रामो लक्ष्मणस्य महाबलः ।
राजा जयति सुग्रीवो राघवेणाभि पालितः ॥
दासो-ऽह-ङ्कोसलेन्द्रस्य रामस्याक्लिष्ट कर्मणः ।
हनुमान् शत्रुसैन्याना-न्निहन्ता मारुतात्मजः ॥
श्रीराम स्तोत्रां
श्री राम राम रामेति रमे रामे मनोरमे
सहस्रनाम तत्तुल्यं राम नाम वरानने
श्री रामचन्द्र-श्श्रितपारिजात-स्समस्त कल्याण गुणाभिरामः ।
सीतामुखाम्भोरुहा-चञ्चरीको निरन्तर-म्मङ्गलमातनोतु ॥
श्रीकृष्ण स्तोत्रं
मन्दारमूले मदनाभिरामं
बिम्बाधरापूरित वेणुनादम् ।
गोगोप गोपीजन मध्यसंस्थं
गोप-म्भजे गोकुल पूर्णचन्द्रम् ॥
गरुड स्वामि स्तोत्रं
कुङ्कुमाङ्कितवर्णाय कुन्देन्दु धवलाय च ।
विष्णु वाह नमस्तुभ्य-म्पक्षिराजाय ते नमः ॥
दक्षिणामूर्ति स्तोत्रं
गुरवे सर्वलोकाना-म्भिषजे भवरोगिणाम् ।
निधये सर्व विद्यानां श्री दक्षिणामूर्तये नम ॥
सरस्वती श्लोकः
सरस्वती नमस्तुभ्यं-वँरदे कामरूपिणी ।
विद्यारम्भ-ङ्करिष्यामि सिद्धिर्भवतु मे सदा ॥
या कुन्देन्दु तुषार हार धवला, या शुभ्र वस्त्रावृता [वस्त्रान्विता] ।
या वीणा वरदण्ड मण्डित करा, या श्वेत पद्मासना ।
या ब्रह्माच्युत शङ्कर प्रभृतिभिर्-देवै-स्सदा पूजिता ।
सा मा-म्पातु सरस्वती भगवती निश्शेषजाड्यापहा ॥
लक्ष्मी श्लोकः
लक्ष्मी-ङ्क्षीरसमुद्र राज तनयां श्रीरङ्ग धामेश्वरीम् ।
दासीभूत समस्त देव वनितां-लोँकैक दीपाङ्कुराम् ।
श्रीमन्मन्ध कटाक्ष लब्ध विभव ब्रह्मेन्द्र गङ्गाधराम् ।
त्वा-न्त्रैलोक्यकुटुम्बिनीं सरसिजां-वँन्दे मुकुन्दप्रियाम् ॥
दुर्गा देवी स्तोत्रं
सर्व स्वरूपे सर्वेशे सर्व शक्ति समन्विते ।
भयेभ्यस्त्राहि नो देवि दुर्गेदेवि नमोस्तुते ॥
त्रिपुरसुन्दरी स्तोत्रं
ओङ्कार पञ्जर शुकीं उपनिषदुद्यान केलि कलकण्ठीम् ।
आगम विपिन मयूरीं आर्यां अन्तर्विभावयेद्गौरीम् ॥
देवी श्लोकः
सर्व मङ्गल माङ्गल्ये शिवे सर्वार्थ साधिके ।
शरण्ये त्र्यम्बके देवि नारायणि नमोस्तुते ॥
वेङ्कटेश्वर श्लोकः
श्रियः कान्ताय कल्याणनिधये निधये-ऽर्थिनाम् ।
श्री वेङ्कट निवासाय श्रीनिवासाय मङ्गलम् ॥
बौद्ध प्रार्थन
बुद्धं शरण-ङ्गच्छामि
धर्मं शरण-ङ्गच्छामि
सङ्घं शरण-ङ्गच्छामि
शान्ति मन्त्रं
असतोमा सद्गमया ।
तमसोमा ज्योतिर्गमया ।
मृत्योर्मा अमृतङ्गमया ।
ॐ शान्ति-श्शान्ति-श्शान्तिः
सर्वे भवन्तु सुखिन-स्सर्वे सन्तु निरामयाः ।
सर्वे भद्राणि पश्यन्तु मा कश्चिद्दुःख भाग्भवेत् ॥
ॐ शान्ति-श्शान्ति-श्शान्तिः
ॐ सर्वेषां स्वस्तिर्भवतु,
सर्वेषां शान्तिर्भवतु ।
सर्वेषा-म्पूर्ण-म्भवतु,
सर्वेषा-म्मङ्गल-म्भवतु ।
ॐ शान्ति-श्शान्ति-श्शान्तिः
ॐ स॒ह ना॑ववतु । स॒ह नौ॑ भुनक्तु । स॒ह वी॒र्य॑-ङ्करवावहै ।
ते॒ज॒स्विना॒वधी॑तमस्तु॒ मा वि॑द्विषा॒वहै᳚ ।
ॐ शान्ति॒-श्शान्ति॒-श्शान्तिः॑ ॥
स्वस्ति मन्त्राः
स्वस्ति प्रजाभ्यः परिपालयन्तां
न्यायेन मार्गेण मही-म्महीशाः ।
गोब्राह्मणेभ्य-श्शुभमस्तु नित्यं
लोका-स्समस्ता-स्सुखिनो भवन्तु ॥
काले वर्षतु पर्जन्यः पृथिवी सस्यशालिनी ।
देशोय-ङ्क्षोभरहितो ब्राह्मणास्सन्तु निर्भयाः ॥
विशेष मन्त्राः
पञ्चाक्षरी मन्त्रं - ओ-न्नमश्शिवाय
अष्टाक्षरी मन्त्रं - ओ-न्नमो नारायणाय
द्वादशाक्षरी मन्त्रं - ओ-न्नमो भगवते वासुदेवाय
prabhāta ślokaḥ
karāgre vasate lakṣmīḥ karamadhye sarasvatī |
karamūle sthitā gaurī prabhāte karadarśanam ||
[pāṭhabhedaḥ - karamūle tu govindaḥ prabhāte karadarśanam ||]
prabhāta bhūmi ślokaḥ
samudra vasane devī parvata stana maṇḍale |
viṣṇupatni namastubhyam, pādasparśa-ṅkṣamasvame ||
sūryodaya ślokaḥ
brahmasvarūpa mudaye madhyāhnetu maheśvaram |
sāha-ndhyāyetsadā viṣṇu-ntrimūrti-ñca divākaram ||
snāna ślokaḥ
gaṅge ca yamune caiva godāvarī sarasvatī
narmade sindhu kāverī jalesmin sannidhi-ṅkuru ||
namaskāra ślokaḥ
tvameva mātā ca pitā tvameva, tvameva bandhuśca sakhā tvameva |
tvameva vidyā draviṇa-ntvameva, tvameva sarva-mmama devadeva ||
bhasma dhāraṇa ślokaḥ
śrīkara-ñca pavitra-ñca śoka nivāraṇam |
loke vaśīkara-mpuṃsā-mbhasma-ntryailokya pāvanam ||
bhojana pūrva ślokāḥ
brahmārpaṇa-mbrahma haviḥ brahmāgnau brahmaṇāhutam |
brahmaiva tena gantavya-mbrahma karma samādhinaḥ ||
ahaṃ-vai~śvānaro bhūtvā prāṇinā-ndehamāśritaḥ |
prāṇāpāna samāyuktaḥ pacāmyanna-ñcaturvidham ||
annapūrṇe sadā pūrṇe śaṅkaraprāṇavallabhe |
jñānavairāgya siddhyartha-mbhikṣā-ndehi ca pārvati ||
tvadīyaṃ-va~stu govinda tubhyameva samarpaye |
gṛhāṇa sumukho bhūtvā prasīda parameśvara ||
bhojanānantara ślokaḥ
agastyaṃ-vai~nateya-ñca śamī-ñca baḍabālanam |
āhāra pariṇāmārthaṃ smarāmi ca vṛkodaram ||
sandhyā dīpa darśana ślokaḥ
dīpajyotiḥ para-mbrahma dīpajyotirjanārdanaḥ |
dīpo haratu me pāpa-ndīpajyotirnamo-'stute ||
śubha-ṅkaroti kalyāṇaṃ ārogya-ndhanasampadaḥ |
śatru-buddhi-vināśāya dīpajyotirnamo-'stute ||
nidrā/śayana ślokaḥ
rāmaṃ skandaṃ hanumantaṃ-vai~nateyaṃ-vṛ~kodaram |
śayane ya-ssmarennitya-ndusvapna-stasyanaśyati ||
aparādha kṣamāpaṇa stotraṃ
aparādha sahasrāṇi, kriyante-'harniśa-mmayā |
dāso-'yamiti mā-mmatvā, kṣamasva parameśvara ||
karacaraṇa kṛtaṃ-vā~ karma vākkāyajaṃ-vā~
śravaṇa nayanajaṃ-vā~ mānasaṃ-vā~parādham |
vihita mavihitaṃ-vā~ sarvameta-tkṣamasva
śiva śiva karuṇābdhe śrī mahādeva śambho ||
kāyena vācā manasendriyairvā
buddhyātmanā vā prakṛte-ssvabhāvāt |
karomi yadyatsakala-mparasmai
nārāyaṇāyeti samarpayāmi ||
devatā stotrāḥ
kārya prārambha stotrāḥ
śuklā-mbaradharaṃ-vi~ṣṇuṃ śaśivarṇa-ñcaturbhujam |
prasannavadana-ndhyāye-thsarva vighnopaśāntaye ||
yasyadvirada vaktrādyāḥ pāriṣadyāḥ paraśśatam |
vighna-nnighnantu satataṃ-vi~ṣvaksena-ntamāśraye ||
gaṇeśa stotraṃ
vakratuṇḍa mahākāya sūryakoṭi samaprabhaḥ |
nirvighna-ṅkuru me deva sarva kāryeṣu sarvadā ||
agajānana padmārka-ṅgajānana maharniśam |
anekadan-ta-mbhaktānām-ekadanta-mupāsmahe ||
viṣṇu stotraṃ
śāntākāra-mbhujagaśayana-mpadmanābhaṃ sureśaṃ
viśvādhāra-ṅgagana sadṛśa-mmeghavarṇaṃ śubhāṅgam |
lakṣmīkānta-ṅkamalanayanaṃ-yo~gihṛddhyānagamyaṃ
vande viṣṇu-mbhavabhayaharaṃ sarvalokaikanātham ||
gāyatri mantraṃ
o-mbhūrbhuva॒ssuvaḥ॒ | tathsa̭vi॒turvare᳚ṇyaṃ॒ |
bhargo̭ de॒vasya̭ dhīmahi | dhiyo॒ yo naḥ̭ pracodayā᳚t ||
śiva stotraṃ
trya̭mbakaṃ-ya~jāmahe suga॒ndhi-mpṷṣṭi॒vardha̭nam |
u॒rvā॒ru॒kami̭va॒ bandha̭nā-nmṛtyo̭r-mukṣīya॒ mā-'mṛtā᳚t ||
vande śambhumumāpatiṃ suraguruṃ-va~nde jagatkāraṇaṃ
vande pannagabhūṣaṇaṃ śaśidharaṃ-va~nde paśūnā-mpatim |
vande sūryaśaśāṅka vahninayanaṃ-va~nde mukundapriyaṃ
vande bhaktajanāśraya-ñca varadaṃ-va~nde śivaṃ śaṅkaram ||
subrahmaṇya stotraṃ
śaktihastaṃ-vi~rūpākṣaṃ śikhivāhaṃ ṣaḍānanaṃ
dāruṇaṃ ripurogaghna-mbhāvaye kukkuṭa dhvajam |
skandaṃ ṣaṇmukha-ndevaṃ śivateja-ñcaturbhujaṃ
kumāraṃ svāminādha-nta-ṅkārtikeya-nnamāmyaham ||
guru ślokaḥ
gururbrahma gururviṣṇuḥ gururdevo maheśvaraḥ |
guru-ssākṣā-tparabrahma tasmai śrī gurave namaḥ ||
hanuma stotrāḥ
manojava-mmāruta tulyavega-ñjitendriya-mbuddhimatāṃ-va~riṣṭam |
vātātmajaṃ-vā~narayūdha mukhyaṃ śrīrāmadūtaṃ śirasā namāmi ||
buddhirbalaṃ-ya~śodhairya-nnirbhayatvamarogatā |
ajāḍyaṃ-vā~kpaṭutva-ñca hanumassmaraṇā-dbhavet ||
jayatyati balo rāmo lakṣmaṇasya mahābalaḥ |
rājā jayati sugrīvo rāghaveṇābhi pālitaḥ ||
dāso-'ha-ṅkosalendrasya rāmasyākliṣṭa karmaṇaḥ |
hanumān śatrusainyānā-nnihantā mārutātmajaḥ ||
śrīrāma stotrāṃ
śrī rāma rāma rāmeti rame rāme manorame
sahasranāma tattulyaṃ rāma nāma varānane
śrī rāmacandra-śśritapārijāta-ssamasta kalyāṇa guṇābhirāmaḥ |
sītāmukhāmbhoruhā-cañcarīko nirantara-mmaṅgalamātanotu ||
śrīkṛṣṇa stotraṃ
mandāramūle madanābhirāmaṃ
bimbādharāpūrita veṇunādam |
gogopa gopījana madhyasaṃsthaṃ
gopa-mbhaje gokula pūrṇacandram ||
garuḍa svāmi stotraṃ
kuṅkumāṅkitavarṇāya kundendu dhavalāya ca |
viṣṇu vāha namastubhya-mpakṣirājāya te namaḥ ||
dakṣiṇāmūrti stotraṃ
gurave sarvalokānā-mbhiṣaje bhavarogiṇām |
nidhaye sarva vidyānāṃ śrī dakṣiṇāmūrtaye nama ||
sarasvatī ślokaḥ
sarasvatī namastubhyaṃ-va~rade kāmarūpiṇī |
vidyārambha-ṅkariṣyāmi siddhirbhavatu me sadā ||
yā kundendu tuṣāra hāra dhavalā, yā śubhra vastrāvṛtā [vastrānvitā] |
yā vīṇā varadaṇḍa maṇḍita karā, yā śveta padmāsanā |
yā brahmācyuta śaṅkara prabhṛtibhir-devai-ssadā pūjitā |
sā mā-mpātu sarasvatī bhagavatī niśśeṣajāḍyāpahā ||
lakṣmī ślokaḥ
lakṣmī-ṅkṣīrasamudra rāja tanayāṃ śrīraṅga dhāmeśvarīm |
dāsībhūta samasta deva vanitāṃ-lo~kaika dīpāṅkurām |
śrīmanmandha kaṭākṣa labdha vibhava brahmendra gaṅgādharām |
tvā-ntrailokyakuṭumbinīṃ sarasijāṃ-va~nde mukundapriyām ||
durgā devī stotraṃ
sarva svarūpe sarveśe sarva śakti samanvite |
bhayebhyastrāhi no devi durgedevi namostute ||
tripurasundarī stotraṃ
oṅkāra pañjara śukīṃ upaniṣadudyāna keli kalakaṇṭhīm |
āgama vipina mayūrīṃ āryāṃ antarvibhāvayedgaurīm ||
devī ślokaḥ
sarva maṅgala māṅgalye śive sarvārtha sādhike |
śaraṇye tryambake devi nārāyaṇi namostute ||
veṅkaṭeśvara ślokaḥ
śriyaḥ kāntāya kalyāṇanidhaye nidhaye-'rthinām |
śrī veṅkaṭa nivāsāya śrīnivāsāya maṅgalam ||
bauddha prārthana
buddhaṃ śaraṇa-ṅgacchāmi
dharmaṃ śaraṇa-ṅgacchāmi
saṅghaṃ śaraṇa-ṅgacchāmi
śānti mantraṃ
asatomā sadgamayā |
tamasomā jyotirgamayā |
mṛtyormā amṛtaṅgamayā |
oṃ śānti-śśānti-śśāntiḥ
sarve bhavantu sukhina-ssarve santu nirāmayāḥ |
sarve bhadrāṇi paśyantu mā kaścidduḥkha bhāgbhavet ||
oṃ śānti-śśānti-śśāntiḥ
oṃ sarveṣāṃ svastirbhavatu,
sarveṣāṃ śāntirbhavatu |
sarveṣā-mpūrṇa-mbhavatu,
sarveṣā-mmaṅgala-mbhavatu |
oṃ śānti-śśānti-śśāntiḥ
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |
te॒ja॒svinā॒vadhī̭tamastu॒ mā vi̭dviṣā॒vahai᳚ |
oṃ śānti॒-śśānti॒-śśāntiḥ̭ ||
svasti mantrāḥ
svasti prajābhyaḥ paripālayantāṃ
nyāyena mārgeṇa mahī-mmahīśāḥ |
gobrāhmaṇebhya-śśubhamastu nityaṃ
lokā-ssamastā-ssukhino bhavantu ||
kāle varṣatu parjanyaḥ pṛthivī sasyaśālinī |
deśoya-ṅkṣobharahito brāhmaṇāssantu nirbhayāḥ ||
viśeṣa mantrāḥ
pañcākṣarī mantraṃ - o-nnamaśśivāya
aṣṭākṣarī mantraṃ - o-nnamo nārāyaṇāya
dvādaśākṣarī mantraṃ - o-nnamo bhagavate vāsudevāya
🕉️ This is the original Sanskrit rendered in Telugu script.
Pronunciation is identical to the Sanskrit Devanagari version.