(தை. ஆ. 8-1-1)
ௐ ஸ॒ஹ நா॑வவது । ஸ॒ஹ நௌ॑ புநக்து । ஸ॒ஹ வீ॒ர்ய॑-ங்கரவாவஹை । தே॒ஜ॒ஸ்விநா॒வதீ॑தமஸ்து॒ மா வி॑த்விஷா॒வஹை᳚ । ௐ ஶாந்தி॒-ஶ்ஶாந்தி॒-ஶ்ஶாந்திஃ॑ ॥
ப்ர॒ஹ்ம॒விதா᳚ப்நோதி॒ பரம்᳚ । ததே॒ஷா-ऽப்யு॑க்தா । ஸ॒த்ய-ஞ்ஜ்ஞா॒நம॑ந॒ந்த-ம்ப்ரஹ்ம॑ । யோ வேத॒ நிஹி॑த॒-ங்குஹா॑யா-ம்பர॒மே வ்யோ॑மந்ந் । ஸோ᳚-ऽஶ்நு॒தே ஸர்வா॒ந்காமா᳚ந்த்ஸ॒ஹ । ப்ரஹ்ம॑ணா விப॒ஶ்சிதேதி॑ ॥ தஸ்மா॒த்வா ஏ॒தஸ்மா॑தா॒த்மந॑ ஆகா॒ஶஸ்ஸம்பூ॑தஃ । ஆ॒கா॒ஶாத்வா॒யுஃ । வா॒யோர॒க்நிஃ । அ॒க்நேராபஃ॑ । அ॒த்ப்யஃ ப்ரு'॑தி॒வீ । ப்ரு'॒தி॒வ்யா ஓஷ॑தயஃ । ஓஷ॑தீ॒ப்யோ-ऽந்நம்᳚ । அந்நா॒த்புரு॑ஷஃ । ஸ வா ஏஷ புருஷோ-ऽந்ந॑ரஸ॒மயஃ । தஸ்யேத॑மேவ॒ ஶிரஃ । அய-ந்தக்ஷி॑ணஃ ப॒க்ஷஃ । அயமுத்த॑ரஃ ப॒க்ஷஃ । அயமாத்மா᳚ । இத-ம்புச்ச॑-ம்ப்ரதி॒ஷ்டா । ததப்யேஷ ஶ்லோ॑கோ ப॒வதி ॥ 1 ॥
இதி ப்ரதமோ-ऽநுவாகஃ ॥
அந்நா॒த்வை ப்ர॒ஜாஃ ப்ர॒ஜாய॑ந்தே । யாஃ காஶ்ச॑ ப்ரு'தி॒வீக் ஶ்ரி॒தாஃ । அதோ॒ அந்நே॑நை॒வ ஜீ॑வந்தி । அதை॑ந॒தபி॑ யந்த்யந்த॒தஃ । அந்ந॒க்ம்॒ ஹி பூ॒தாநா॒-ஞ்ஜ்யேஷ்டம்᳚ । தஸ்மா᳚த்ஸர்வௌஷ॒தமு॑ச்யதே । ஸர்வம்॒-வைँ தே-ऽந்ந॑மாப்நுவந்தி । யே-ऽந்ந॒-ம்ப்ரஹ்மோ॒பாஸ॑தே । அந்ந॒க்ம்॒ ஹி பூ॒தாநா॒-ஞ்ஜ்யேஷ்டம்᳚ । தஸ்மா᳚த்ஸர்வௌஷ॒தமு॑ச்யதே । அந்நா᳚த்பூ॒தாநி॒ ஜாய॑ந்தே । ஜாதா॒ந்யந்நே॑ந வர்தந்தே । அத்யதே-ऽத்தி ச॑ பூதா॒நி । தஸ்மாதந்ந-ந்ததுச்ய॑த இ॒தி । தஸ்மாத்வா ஏதஸ்மாதந்ந॑ரஸ॒மயாத் । அந்யோ-ऽந்தர ஆத்மா᳚ ப்ராண॒மயஃ । தேநை॑ஷ பூ॒ர்ணஃ । ஸ வா ஏஷ புருஷவி॑த ஏ॒வ । தஸ்ய புரு॑ஷவி॒ததாம் । அந்வய॑-ம்புருஷ॒விதஃ । தஸ்ய ப்ராண॑ ஏவ॒ ஶிரஃ । வ்யாநோ தக்ஷி॑ணஃ ப॒க்ஷஃ । அபாந உத்த॑ரஃ ப॒க்ஷஃ । ஆகா॑ஶ ஆ॒த்மா । ப்ரு'திவீ புச்ச॑-ம்ப்ரதி॒ஷ்டா । ததப்யேஷ ஶ்லோ॑கோ ப॒வதி ॥ 1 ॥
இதி த்விதீயோ-ऽநுவாகஃ ॥
ப்ரா॒ண-ந்தே॒வா அநு॒ப்ராண॑ந்தி । ம॒நு॒ஷ்யாஃ᳚ ப॒ஶவ॑ஶ்ச॒ யே । ப்ரா॒ணோ ஹி பூ॒தாநா॒மாயுஃ॑ । தஸ்மா᳚த்ஸர்வாயு॒ஷமு॑ச்யதே । ஸர்வ॑மே॒வ த॒ ஆயு॑ர்யந்தி । யே ப்ரா॒ண-ம்ப்ரஹ்மோ॒பாஸ॑தே । ப்ராணோ ஹி பூதா॑நாமா॒யுஃ । தஸ்மாத்ஸர்வாயுஷமுச்ய॑த இ॒தி । தஸ்யைஷ ஏவ ஶாரீ॑ர ஆ॒த்மா । யஃ॑ பூர்வ॒ஸ்ய । தஸ்மாத்வா ஏதஸ்மா᳚த்ப்ராண॒மயாத் । அந்யோ-ऽந்தர ஆத்மா॑ மநோ॒மயஃ । தேநை॑ஷ பூ॒ர்ணஃ । ஸ வா ஏஷ புருஷவி॑த ஏ॒வ । தஸ்ய புரு॑ஷவி॒ததாம் । அந்வய॑-ம்புருஷ॒விதஃ । தஸ்ய யஜு॑ரேவ॒ ஶிரஃ । ரு'க்தக்ஷி॑ணஃ ப॒க்ஷஃ । ஸாமோத்த॑ரஃ ப॒க்ஷஃ । ஆதே॑ஶ ஆ॒த்மா । அதர்வாங்கிரஸஃ புச்ச॑-ம்ப்ரதி॒ஷ்டா । ததப்யேஷ ஶ்லோ॑கோ ப॒வதி ॥ 1 ॥
இதி த்ரு'தீயோ-ऽநுவாகஃ ॥
யதோ॒ வாசோ॒ நிவ॑ர்தந்தே । அப்ரா᳚ப்ய॒ மந॑ஸா ஸ॒ஹ । ஆநந்த-ம்ப்ரஹ்ம॑ணோ வி॒த்வாந் । ந பிபேதி கதா॑சநே॒தி । தஸ்யைஷ ஏவ ஶாரீ॑ர ஆ॒த்மா । யஃ॑ பூர்வ॒ஸ்ய । தஸ்மாத்வா ஏதஸ்மா᳚ந்மநோ॒மயாத் । அந்யோ-ऽந்தர ஆத்மா வி॑ஜ்ஞாந॒மயஃ । தேநை॑ஷ பூ॒ர்ணஃ । ஸ வா ஏஷ புருஷவி॑த ஏ॒வ । தஸ்ய புரு॑ஷவி॒ததாம் । அந்வய॑-ம்புருஷ॒விதஃ । தஸ்ய ஶ்ர॑த்தைவ॒ ஶிரஃ । ரு'த-ந்தக்ஷி॑ணஃ ப॒க்ஷஃ । ஸத்யமுத்த॑ரஃ ப॒க்ஷஃ । யோ॑க ஆ॒த்மா । மஹஃ புச்ச॑-ம்ப்ரதி॒ஷ்டா । ததப்யேஷ ஶ்லோ॑கோ ப॒வதி ॥ 1 ॥
இதி சதுர்தோ-ऽநுவாகஃ ॥
வி॒ஜ்ஞாநம்॑-யँ॒ஜ்ஞ-ந்த॑நுதே । கர்மா॑ணி தநு॒தே-ऽபி॑ ச । வி॒ஜ்ஞாந॑-ந்தே॒வாஸ்ஸர்வே᳚ । ப்ரஹ்ம॒ ஜ்யேஷ்ட॒முபா॑ஸதே । வி॒ஜ்ஞாந॒-ம்ப்ரஹ்ம॒ சேத்வேத॑ । தஸ்மா॒ச்சேந்ந ப்ர॒மாத்ய॑தி । ஶ॒ரீரே॑ பாப்ம॑நோ ஹி॒த்வா । ஸர்வாந்காமாந்த்ஸமஶ்நு॑த இ॒தி । தஸ்யைஷ ஏவ ஶாரீ॑ர ஆ॒த்மா । யஃ॑ பூர்வ॒ஸ்ய । தஸ்மாத்வா ஏதஸ்மாத்வி॑ஜ்ஞாந॒மயாத் । அந்யோ-ऽந்தர ஆத்மா॑-ऽऽநந்த॒மயஃ । தேநை॑ஷ பூ॒ர்ணஃ । ஸ வா ஏஷ புருஷவி॑த ஏ॒வ । தஸ்ய புரு॑ஷவி॒ததாம் । அந்வய॑-ம்புருஷ॒விதஃ । தஸ்ய ப்ரிய॑மேவ॒ ஶிரஃ । மோதோ தக்ஷி॑ணஃ ப॒க்ஷஃ । ப்ரமோத உத்த॑ரஃ ப॒க்ஷஃ । ஆந॑ந்த ஆ॒த்மா । ப்ரஹ்ம புச்ச॑-ம்ப்ரதி॒ஷ்டா । ததப்யேஷ ஶ்லோ॑கோ ப॒வதி ॥ 1 ॥
இதி பஞ்சமோ-ऽநுவாகஃ ॥
அஸ॑ந்நே॒வ ஸ॑ பவதி । அஸ॒த்ப்ரஹ்மேதி॒ வேத॒ சேத் । அஸ்தி ப்ரஹ்மேதி॑ சேத்வே॒த । ஸந்தமேந-ந்ததோ வி॑துரி॒தி । தஸ்யைஷ ஏவ ஶாரீ॑ர ஆ॒த்மா । யஃ॑ பூர்வ॒ஸ்ய । அதாதோ॑-ऽநுப்ர॒ஶ்நாஃ । உ॒தாவி॒த்வாந॒மும்-லோँ॒க-ம்ப்ரேத்ய॑ । கஶ்ச॒ந க॑ச்ச॒தீ(3) । ஆஹோ॑ வி॒த்வாந॒மும்-லோँ॒க-ம்ப்ரேத்ய॑ । கஶ்சி॒த்ஸம॑ஶ்நு॒தா(3) உ॒ । ஸோ॑-ऽகாமயத । ப॒ஹுஸ்யா॒-ம்ப்ரஜா॑யே॒யேதி॑ । ஸ தபோ॑-ऽதப்யத । ஸ தப॑ஸ்த॒ப்த்வா । இ॒தக்ம் ஸர்வ॑மஸ்ரு'ஜத । யதி॒த-ங்கிஞ்ச॑ । தத்ஸ்ரு'॒ஷ்ட்வா । ததே॒வாநு॒ப்ராவி॑ஶத் । தத॑நு ப்ர॒விஶ்ய॑ । ஸச்ச॒ த்யச்சா॑பவத் । நி॒ருக்த॒-ஞ்சாநி॑ருக்த-ஞ்ச । நி॒லய॑ந॒-ஞ்சாநி॑லயந-ஞ்ச । வி॒ஜ்ஞாந॒-ஞ்சாவி॑ஜ்ஞாந-ஞ்ச । ஸத்ய-ஞ்சாந்ரு'த-ஞ்ச ஸ॑த்யம॒பவத் । யதி॑த-ங்கி॒ஞ்ச । தத்ஸத்யமி॑த்யாச॒க்ஷதே । ததப்யேஷ ஶ்லோ॑கோ ப॒வதி ॥ 1 ॥
இதி ஷஷ்டோ-ऽநுவாகஃ ॥
அஸ॒த்வா இ॒தமக்ர॑ ஆஸீத் । ததோ॒ வை ஸத॑ஜாயத । ததாத்மாநக்க் ஸ்வய॑மகு॒ருத । தஸ்மாத்தத்ஸுக்ரு'தமுச்ய॑த இ॒தி । யத்வை॑ தத்ஸு॒க்ரு'தம் । ர॑ஸோ வை॒ ஸஃ । ரஸக்க் ஹ்யேவாயம்-லँப்த்வா-ऽऽந॑ந்தீ ப॒வதி । கோ ஹ்யேவாந்யா᳚த்கஃ ப்ரா॒ண்யாத் । யதேஷ ஆகாஶ ஆந॑ந்தோ ந॒ ஸ்யாத் । ஏஷ ஹ்யேவா-ऽऽந॑ந்தயா॒தி । ய॒தா ஹ்யே॑வைஷ॒ ஏதஸ்மிந்நத்ரு'ஶ்யே-ऽநாத்ம்யே-ऽநிருக்தே-ऽநிலயநே-ऽபயம்
ப்ரதி॑ஷ்டாம்-விँ॒ந்ததே । அத ஸோ-ऽபய-ங்க॑தோ ப॒வதி । ய॒தா ஹ்யே॑வைஷ॒ ஏதஸ்மிந்நுதரமந்த॑ர-ங்கு॒ருதே । அத தஸ்ய ப॑ய-ம்ப॒வதி । தத்த்வேவ பயம்-விँதுஷோ-ऽம॑ந்வாந॒ஸ்ய । ததப்யேஷ ஶ்லோ॑கோ ப॒வதி ॥ 1 ॥
இதி ஸப்தமோ-ऽநுவாகஃ ॥
பீ॒ஷா-ऽஸ்மா॒த்வாதஃ॑ பவதே । பீ॒ஷோதே॑தி॒ ஸூர்யஃ॑ । பீஷா-ऽஸ்மாதக்நி॑ஶ்சேந்த்ர॒ஶ்ச । ம்ரு'த்யுர்தாவதி பஞ்ச॑ம இ॒தி । ஸைஷா-ऽऽநந்தஸ்ய மீமாக்ம்॑ஸா ப॒வதி । யுவா ஸ்யாத்ஸாதுயு॑வா-ऽத்யா॒யகஃ । ஆஶிஷ்டோ த்ரு'டிஷ்டோ॑ பலி॒ஷ்டஃ । தஸ்யேய-ம்ப்ரு'திவீ ஸர்வா வித்தஸ்ய॑ பூர்ணா॒ ஸ்யாத் । ஸ ஏகோ மாநுஷ॑ ஆந॒ந்தஃ । தே யே ஶத-ம்மாநுஷா॑ ஆந॒ந்தாஃ ॥ 1 ॥
ஸ ஏகோ மநுஷ்யகந்தர்வாணா॑மாந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ம்மநுஷ்யகந்தர்வாணா॑மாந॒ந்தாஃ । ஸ ஏகோ தேவகந்தர்வாணா॑மாந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ந்தேவகந்தர்வாணா॑மாந॒ந்தாஃ । ஸ ஏகஃ பித்ரு'ணா-ஞ்சிரலோகலோகாநா॑மாந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ம்பித்ரு'ணா-ஞ்சிரலோகலோகாநா॑மாந॒ந்தாஃ । ஸ ஏக ஆஜாநஜாநா-ந்தேவாநா॑மாந॒ந்தஃ ॥ 2 ॥
ஶ்ரோத்ரியஸ்ய சாகாம॑ஹத॒ஸ்ய । தே யே ஶதமாஜாநஜாநா-ந்தேவாநா॑மாந॒ந்தாஃ । ஸ ஏகஃ கர்மதேவாநா-ந்தேவாநா॑மாந॒ந்தஃ । யே கர்மணா தேவாந॑பிய॒ந்தி । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ங்கர்மதேவாநா-ந்தேவாநா॑மாந॒ந்தாஃ । ஸ ஏகோ தேவாநா॑மாந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ந்தேவாநா॑மாந॒ந்தாஃ । ஸ ஏக இந்த்ர॑ஸ்யா-ऽऽந॒ந்தஃ ॥ 3 ॥
ஶ்ரோத்ரியஸ்ய சாகாம॑ஹத॒ஸ்ய । தே யே ஶதமிந்த்ர॑ஸ்யா-ऽऽந॒ந்தாஃ । ஸ ஏகோ ப்ரு'ஹஸ்பதே॑ராந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ம்ப்ரு'ஹஸ்பதே॑ராந॒ந்தாஃ । ஸ ஏகஃ ப்ரஜாபதே॑ராந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய । தே யே ஶத-ம்ப்ரஜாபதே॑ராந॒ந்தாஃ । ஸ ஏகோ ப்ரஹ்மண॑ ஆந॒ந்தஃ । ஶ்ரோத்ரியஸ்ய சாகாம॑ஹத॒ஸ்ய ॥ 4 ॥
ஸ யஶ்சா॑ய-ம்பு॒ருஷே । யஶ்சாஸா॑வாதி॒த்யே । ஸ ஏகஃ॑ । ஸ ய॑ ஏவம்॒விँத் । அஸ்மால்லோ॑காத்ப்ரே॒த்ய । ஏதமந்நமயமாத்மாநமுப॑ஸங்க்ரா॒மதி । ஏத-ம்ப்ராணமயமாத்மாநமுப॑ஸங்க்ரா॒மதி । ஏத-ம்மநோமயமாத்மாநமுப॑ஸங்க்ரா॒மதி । ஏதம்-விँஜ்ஞாநமயமாத்மாநமுப॑ஸங்க்ரா॒மதி । ஏதமாநந்தமயமாத்மாநமுப॑ஸங்க்ரா॒மதி । ததப்யேஷ ஶ்லோ॑கோ ப॒வதி ॥ 5 ॥
இத்யஷ்டமோ-ऽநுவாகஃ ॥
யதோ॒ வாசோ॒ நிவ॑ர்தந்தே । அப்ரா᳚ப்ய॒ மந॑ஸா ஸ॒ஹ । ஆநந்த-ம்ப்ரஹ்ம॑ணோ வி॒த்வாந் । ந பிபேதி குத॑ஶ்சநே॒தி । ஏதக்ம் ஹ வாவ॑ ந த॒பதி । கிமஹக்ம் ஸாது॑ நாக॒ரவம் । கிமஹ-ம்பாபமகர॑வமி॒தி । ஸ ய ஏவம்-விँத்வாநேதே ஆத்மா॑நக்க் ஸ்ப்ரு'॒ணுதே । உ॒பே ஹ்யே॑வைஷ॒ ஏதே ஆத்மா॑நக்க் ஸ்ப்ரு'॒ணுதே । ய ஏ॒வம்-வேँத॑ । இத்யு॑ப॒நிஷ॑த் ॥ 1 ॥
இதி நவமோ-ऽநுவாகஃ ॥
ௐ ஸ॒ஹ நா॑வவது । ஸ॒ஹ நௌ॑ புநக்து । ஸ॒ஹ வீ॒ர்ய॑-ங்கரவாவஹை । தே॒ஜ॒ஸ்விநா॒வதீ॑தமஸ்து॒ மா வி॑த்விஷா॒வஹை᳚ । ௐ ஶாந்தி॒-ஶ்ஶாந்தி॒-ஶ்ஶாந்திஃ॑ ॥
॥ ஹரிஃ॑ ஓம் ॥
॥ ஶ்ரீ க்ரு'ஷ்ணார்பணமஸ்து ॥
Roman (IAST) Transliteration
(tai. ā. 8-1-1)
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai | te॒ja॒svinā॒vadhī̭tamastu॒ mā vi̭dviṣā॒vahai᳚ | oṃ śānti॒-śśānti॒-śśāntiḥ̭ ||
bra॒hma॒vidā᳚pnoti॒ param᳚ | tade॒ṣā-'bhyṷktā | sa॒tya-ñjñā॒nama̭na॒nta-mbrahma̭ | yo veda॒ nihi̭ta॒-ṅguhā̭yā-mpara॒me vyo̭mann | so᳚-'śnu॒te sarvā॒nkāmā᳚nthsa॒ha | brahma̭ṇā vipa॒ściteti̭ || tasmā॒dvā e॒tasmā̭dā॒tmana̭ ākā॒śassambhṷ̄taḥ | ā॒kā॒śādvā॒yuḥ | vā॒yora॒gniḥ | a॒gnerāpaḥ̭ | a॒dbhyaḥ pṛ̭thi॒vī | pṛ॒thi॒vyā oṣa̭dhayaḥ | oṣa̭dhī॒bhyo-'nnam᳚ | annā॒tpurṷṣaḥ | sa vā eṣa puruṣo-'nna̭rasa॒mayaḥ | tasyeda̭meva॒ śiraḥ | aya-ndakṣi̭ṇaḥ pa॒kṣaḥ | ayamutta̭raḥ pa॒kṣaḥ | ayamātmā᳚ | ida-mpuccha̭-mprati॒ṣṭhā | tadapyeṣa ślo̭ko bha॒vati || 1 ||
iti prathamo-'nuvākaḥ ||
annā॒dvai pra॒jāḥ pra॒jāya̭nte | yāḥ kāśca̭ pṛthi॒vīg śri॒tāḥ | atho॒ annḙnai॒va jī̭vanti | athai̭na॒dapi̭ yantyanta॒taḥ | anna॒gṃ॒ hi bhū॒tānā॒-ñjyeṣṭham᳚ | tasmā᳚thsarvauṣa॒dhamṷcyate | sarvaṃ॒-vai~ te-'nna̭māpnuvanti | ye-'nna॒-mbrahmo॒pāsa̭te | anna॒gṃ॒ hi bhū॒tānā॒-ñjyeṣṭham᳚ | tasmā᳚thsarvauṣa॒dhamṷcyate | annā᳚dbhū॒tāni॒ jāya̭nte | jātā॒nyannḙna vardhante | adyate-'tti ca̭ bhūtā॒ni | tasmādanna-ntaducya̭ta i॒ti | tasmādvā etasmādanna̭rasa॒mayāt | anyo-'ntara ātmā᳚ prāṇa॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya prāṇa̭ eva॒ śiraḥ | vyāno dakṣi̭ṇaḥ pa॒kṣaḥ | apāna utta̭raḥ pa॒kṣaḥ | ākā̭śa ā॒tmā | pṛthivī puccha̭-mprati॒ṣṭhā | tadapyeṣa ślo̭ko bha॒vati || 1 ||
iti dvitīyo-'nuvākaḥ ||
prā॒ṇa-nde॒vā anu॒prāṇa̭nti | ma॒nu॒ṣyāḥ᳚ pa॒śava̭śca॒ ye | prā॒ṇo hi bhū॒tānā॒māyuḥ̭ | tasmā᳚thsarvāyu॒ṣamṷcyate | sarva̭me॒va ta॒ āyṷryanti | ye prā॒ṇa-mbrahmo॒pāsa̭te | prāṇo hi bhūtā̭nāmā॒yuḥ | tasmāthsarvāyuṣamucya̭ta i॒ti | tasyaiṣa eva śārī̭ra ā॒tmā | yaḥ̭ pūrva॒sya | tasmādvā etasmā᳚tprāṇa॒mayāt | anyo-'ntara ātmā̭ mano॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya yajṷreva॒ śiraḥ | ṛgdakṣi̭ṇaḥ pa॒kṣaḥ | sāmotta̭raḥ pa॒kṣaḥ | ādḙśa ā॒tmā | atharvāṅgirasaḥ puccha̭-mprati॒ṣṭhā | tadapyeṣa ślo̭ko bha॒vati || 1 ||
iti tṛtīyo-'nuvākaḥ ||
yato॒ vāco॒ niva̭rtante | aprā᳚pya॒ mana̭sā sa॒ha | ānanda-mbrahma̭ṇo vi॒dvān | na bibheti kadā̭cane॒ti | tasyaiṣa eva śārī̭ra ā॒tmā | yaḥ̭ pūrva॒sya | tasmādvā etasmā᳚nmano॒mayāt | anyo-'ntara ātmā vi̭jñāna॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya śra̭ddhaiva॒ śiraḥ | ṛta-ndakṣi̭ṇaḥ pa॒kṣaḥ | satyamutta̭raḥ pa॒kṣaḥ | yo̭ga ā॒tmā | mahaḥ puccha̭-mprati॒ṣṭhā | tadapyeṣa ślo̭ko bha॒vati || 1 ||
iti caturtho-'nuvākaḥ ||
vi॒jñānaṃ̭-ya~॒jña-nta̭nute | karmā̭ṇi tanu॒te-'pi̭ ca | vi॒jñāna̭-nde॒vāssarve᳚ | brahma॒ jyeṣṭha॒mupā̭sate | vi॒jñāna॒-mbrahma॒ cedveda̭ | tasmā॒ccenna pra॒mādya̭ti | śa॒rīrḙ pāpma̭no hi॒tvā | sarvānkāmānthsamaśnṷta i॒ti | tasyaiṣa eva śārī̭ra ā॒tmā | yaḥ̭ pūrva॒sya | tasmādvā etasmādvi̭jñāna॒mayāt | anyo-'ntara ātmā̭-''nanda॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya priya̭meva॒ śiraḥ | modo dakṣi̭ṇaḥ pa॒kṣaḥ | pramoda utta̭raḥ pa॒kṣaḥ | āna̭nda ā॒tmā | brahma puccha̭-mprati॒ṣṭhā | tadapyeṣa ślo̭ko bha॒vati || 1 ||
iti pañcamo-'nuvākaḥ ||
asa̭nne॒va sa̭ bhavati | asa॒dbrahmeti॒ veda॒ cet | asti brahmeti̭ cedve॒da | santamena-ntato vi̭duri॒ti | tasyaiṣa eva śārī̭ra ā॒tmā | yaḥ̭ pūrva॒sya | athāto̭-'nupra॒śnāḥ | u॒tāvi॒dvāna॒muṃ-lo~॒ka-mpretya̭ | kaśca॒na ga̭ccha॒tī(3) | āho̭ vi॒dvāna॒muṃ-lo~॒ka-mpretya̭ | kaści॒thsama̭śnu॒tā(3) u॒ | so̭-'kāmayata | ba॒husyā॒-mprajā̭ye॒yeti̭ | sa tapo̭-'tapyata | sa tapa̭sta॒ptvā | i॒dagṃ sarva̭masṛjata | yadi॒da-ṅkiñca̭ | tathsṛ॒ṣṭvā | tade॒vānu॒prāvi̭śat | tada̭nu pra॒viśya̭ | sacca॒ tyaccā̭bhavat | ni॒rukta॒-ñcāni̭rukta-ñca | ni॒laya̭na॒-ñcāni̭layana-ñca | vi॒jñāna॒-ñcāvi̭jñāna-ñca | satya-ñcānṛta-ñca sa̭tyama॒bhavat | yadi̭da-ṅki॒ñca | tatsatyami̭tyāca॒kṣate | tadapyeṣa ślo̭ko bha॒vati || 1 ||
iti ṣaṣṭho-'nuvākaḥ ||
asa॒dvā i॒damagra̭ āsīt | tato॒ vai sada̭jāyata | tadātmānagg svaya̭maku॒ruta | tasmāttathsukṛtamucya̭ta i॒ti | yadvai̭ tathsu॒kṛtam | ra̭so vai॒ saḥ | rasagg hyevāyaṃ-la~bdhvā-''na̭ndī bha॒vati | ko hyevānyā᳚tkaḥ prā॒ṇyāt | yadeṣa ākāśa āna̭ndo na॒ syāt | eṣa hyevā-''na̭ndayā॒ti | ya॒dā hyḙvaiṣa॒ etasminnadṛśye-'nātmye-'nirukte-'nilayane-'bhayaṃ
prati̭ṣṭhāṃ-vi~॒ndate | atha so-'bhaya-ṅga̭to bha॒vati | ya॒dā hyḙvaiṣa॒ etasminnudaramanta̭ra-ṅku॒rute | atha tasya bha̭ya-mbha॒vati | tattveva bhayaṃ-vi~duṣo-'ma̭nvāna॒sya | tadapyeṣa ślo̭ko bha॒vati || 1 ||
iti saptamo-'nuvākaḥ ||
bhī॒ṣā-'smā॒dvātaḥ̭ pavate | bhī॒ṣodḙti॒ sūryaḥ̭ | bhīṣā-'smādagni̭ścendra॒śca | mṛtyurdhāvati pañca̭ma i॒ti | saiṣā-''nandasya mīmāgṃ̭sā bha॒vati | yuvā syāthsādhuyṷvā-'dhyā॒yakaḥ | āśiṣṭho dṛḍhiṣṭho̭ bali॒ṣṭhaḥ | tasyeya-mpṛthivī sarvā vittasya̭ pūrṇā॒ syāt | sa eko mānuṣa̭ āna॒ndaḥ | te ye śata-mmānuṣā̭ āna॒ndāḥ || 1 ||
sa eko manuṣyagandharvāṇā̭māna॒ndaḥ | śrotriyasya cākāma̭hata॒sya | te ye śata-mmanuṣyagandharvāṇā̭māna॒ndāḥ | sa eko devagandharvāṇā̭māna॒ndaḥ | śrotriyasya cākāma̭hata॒sya | te ye śata-ndevagandharvāṇā̭māna॒ndāḥ | sa ekaḥ pitṛṇā-ñciralokalokānā̭māna॒ndaḥ | śrotriyasya cākāma̭hata॒sya | te ye śata-mpitṛṇā-ñciralokalokānā̭māna॒ndāḥ | sa eka ājānajānā-ndevānā̭māna॒ndaḥ || 2 ||
śrotriyasya cākāma̭hata॒sya | te ye śatamājānajānā-ndevānā̭māna॒ndāḥ | sa ekaḥ karmadevānā-ndevānā̭māna॒ndaḥ | ye karmaṇā devāna̭piya॒nti | śrotriyasya cākāma̭hata॒sya | te ye śata-ṅkarmadevānā-ndevānā̭māna॒ndāḥ | sa eko devānā̭māna॒ndaḥ | śrotriyasya cākāma̭hata॒sya | te ye śata-ndevānā̭māna॒ndāḥ | sa eka indra̭syā-''na॒ndaḥ || 3 ||
śrotriyasya cākāma̭hata॒sya | te ye śatamindra̭syā-''na॒ndāḥ | sa eko bṛhaspatḙrāna॒ndaḥ | śrotriyasya cākāma̭hata॒sya | te ye śata-mbṛhaspatḙrāna॒ndāḥ | sa ekaḥ prajāpatḙrāna॒ndaḥ | śrotriyasya cākāma̭hata॒sya | te ye śata-mprajāpatḙrāna॒ndāḥ | sa eko brahmaṇa̭ āna॒ndaḥ | śrotriyasya cākāma̭hata॒sya || 4 ||
sa yaścā̭ya-mpu॒ruṣe | yaścāsā̭vādi॒tye | sa ekaḥ̭ | sa ya̭ evaṃ॒vi~t | asmāllo̭kātpre॒tya | etamannamayamātmānamupa̭saṅkrā॒mati | eta-mprāṇamayamātmānamupa̭saṅkrā॒mati | eta-mmanomayamātmānamupa̭saṅkrā॒mati | etaṃ-vi~jñānamayamātmānamupa̭saṅkrā॒mati | etamānandamayamātmānamupa̭saṅkrā॒mati | tadapyeṣa ślo̭ko bha॒vati || 5 ||
ityaṣṭamo-'nuvākaḥ ||
yato॒ vāco॒ niva̭rtante | aprā᳚pya॒ mana̭sā sa॒ha | ānanda-mbrahma̭ṇo vi॒dvān | na bibheti kuta̭ścane॒ti | etagṃ ha vāva̭ na ta॒pati | kimahagṃ sādhṷ nāka॒ravam | kimaha-mpāpamakara̭vami॒ti | sa ya evaṃ-vi~dvānete ātmā̭nagg spṛ॒ṇute | u॒bhe hyḙvaiṣa॒ ete ātmā̭nagg spṛ॒ṇute | ya e॒vaṃ-ve~da̭ | ityṷpa॒niṣa̭t || 1 ||
iti navamo-'nuvākaḥ ||
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai | te॒ja॒svinā॒vadhī̭tamastu॒ mā vi̭dviṣā॒vahai᳚ | oṃ śānti॒-śśānti॒-śśāntiḥ̭ ||
|| hariḥ̭ om ||
|| śrī kṛṣṇārpaṇamastu ||
Sanskrit — Devanagari (original)
(तै. आ. 8-1-1)
ॐ स॒ह ना॑ववतु । स॒ह नौ॑ भुनक्तु । स॒ह वी॒र्य॑-ङ्करवावहै । ते॒ज॒स्विना॒वधी॑तमस्तु॒ मा वि॑द्विषा॒वहै᳚ । ॐ शान्ति॒-श्शान्ति॒-श्शान्तिः॑ ॥
ब्र॒ह्म॒विदा᳚प्नोति॒ परम्᳚ । तदे॒षा-ऽभ्यु॑क्ता । स॒त्य-ञ्ज्ञा॒नम॑न॒न्त-म्ब्रह्म॑ । यो वेद॒ निहि॑त॒-ङ्गुहा॑या-म्पर॒मे व्यो॑मन्न् । सो᳚-ऽश्नु॒ते सर्वा॒न्कामा᳚न्थ्स॒ह । ब्रह्म॑णा विप॒श्चितेति॑ ॥ तस्मा॒द्वा ए॒तस्मा॑दा॒त्मन॑ आका॒शस्सम्भू॑तः । आ॒का॒शाद्वा॒युः । वा॒योर॒ग्निः । अ॒ग्नेरापः॑ । अ॒द्भ्यः पृ॑थि॒वी । पृ॒थि॒व्या ओष॑धयः । ओष॑धी॒भ्यो-ऽन्नम्᳚ । अन्ना॒त्पुरु॑षः । स वा एष पुरुषो-ऽन्न॑रस॒मयः । तस्येद॑मेव॒ शिरः । अय-न्दक्षि॑णः प॒क्षः । अयमुत्त॑रः प॒क्षः । अयमात्मा᳚ । इद-म्पुच्छ॑-म्प्रति॒ष्ठा । तदप्येष श्लो॑को भ॒वति ॥ 1 ॥
इति प्रथमो-ऽनुवाकः ॥
अन्ना॒द्वै प्र॒जाः प्र॒जाय॑न्ते । याः काश्च॑ पृथि॒वीग् श्रि॒ताः । अथो॒ अन्ने॑नै॒व जी॑वन्ति । अथै॑न॒दपि॑ यन्त्यन्त॒तः । अन्न॒ग्ं॒ हि भू॒ताना॒-ञ्ज्येष्ठम्᳚ । तस्मा᳚थ्सर्वौष॒धमु॑च्यते । सर्वं॒-वैँ ते-ऽन्न॑माप्नुवन्ति । ये-ऽन्न॒-म्ब्रह्मो॒पास॑ते । अन्न॒ग्ं॒ हि भू॒ताना॒-ञ्ज्येष्ठम्᳚ । तस्मा᳚थ्सर्वौष॒धमु॑च्यते । अन्ना᳚द्भू॒तानि॒ जाय॑न्ते । जाता॒न्यन्ने॑न वर्धन्ते । अद्यते-ऽत्ति च॑ भूता॒नि । तस्मादन्न-न्तदुच्य॑त इ॒ति । तस्माद्वा एतस्मादन्न॑रस॒मयात् । अन्यो-ऽन्तर आत्मा᳚ प्राण॒मयः । तेनै॑ष पू॒र्णः । स वा एष पुरुषवि॑ध ए॒व । तस्य पुरु॑षवि॒धताम् । अन्वय॑-म्पुरुष॒विधः । तस्य प्राण॑ एव॒ शिरः । व्यानो दक्षि॑णः प॒क्षः । अपान उत्त॑रः प॒क्षः । आका॑श आ॒त्मा । पृथिवी पुच्छ॑-म्प्रति॒ष्ठा । तदप्येष श्लो॑को भ॒वति ॥ 1 ॥
इति द्वितीयो-ऽनुवाकः ॥
प्रा॒ण-न्दे॒वा अनु॒प्राण॑न्ति । म॒नु॒ष्याः᳚ प॒शव॑श्च॒ ये । प्रा॒णो हि भू॒ताना॒मायुः॑ । तस्मा᳚थ्सर्वायु॒षमु॑च्यते । सर्व॑मे॒व त॒ आयु॑र्यन्ति । ये प्रा॒ण-म्ब्रह्मो॒पास॑ते । प्राणो हि भूता॑नामा॒युः । तस्माथ्सर्वायुषमुच्य॑त इ॒ति । तस्यैष एव शारी॑र आ॒त्मा । यः॑ पूर्व॒स्य । तस्माद्वा एतस्मा᳚त्प्राण॒मयात् । अन्यो-ऽन्तर आत्मा॑ मनो॒मयः । तेनै॑ष पू॒र्णः । स वा एष पुरुषवि॑ध ए॒व । तस्य पुरु॑षवि॒धताम् । अन्वय॑-म्पुरुष॒विधः । तस्य यजु॑रेव॒ शिरः । ऋग्दक्षि॑णः प॒क्षः । सामोत्त॑रः प॒क्षः । आदे॑श आ॒त्मा । अथर्वाङ्गिरसः पुच्छ॑-म्प्रति॒ष्ठा । तदप्येष श्लो॑को भ॒वति ॥ 1 ॥
इति तृतीयो-ऽनुवाकः ॥
यतो॒ वाचो॒ निव॑र्तन्ते । अप्रा᳚प्य॒ मन॑सा स॒ह । आनन्द-म्ब्रह्म॑णो वि॒द्वान् । न बिभेति कदा॑चने॒ति । तस्यैष एव शारी॑र आ॒त्मा । यः॑ पूर्व॒स्य । तस्माद्वा एतस्मा᳚न्मनो॒मयात् । अन्यो-ऽन्तर आत्मा वि॑ज्ञान॒मयः । तेनै॑ष पू॒र्णः । स वा एष पुरुषवि॑ध ए॒व । तस्य पुरु॑षवि॒धताम् । अन्वय॑-म्पुरुष॒विधः । तस्य श्र॑द्धैव॒ शिरः । ऋत-न्दक्षि॑णः प॒क्षः । सत्यमुत्त॑रः प॒क्षः । यो॑ग आ॒त्मा । महः पुच्छ॑-म्प्रति॒ष्ठा । तदप्येष श्लो॑को भ॒वति ॥ 1 ॥
इति चतुर्थो-ऽनुवाकः ॥
वि॒ज्ञानं॑-यँ॒ज्ञ-न्त॑नुते । कर्मा॑णि तनु॒ते-ऽपि॑ च । वि॒ज्ञान॑-न्दे॒वास्सर्वे᳚ । ब्रह्म॒ ज्येष्ठ॒मुपा॑सते । वि॒ज्ञान॒-म्ब्रह्म॒ चेद्वेद॑ । तस्मा॒च्चेन्न प्र॒माद्य॑ति । श॒रीरे॑ पाप्म॑नो हि॒त्वा । सर्वान्कामान्थ्समश्नु॑त इ॒ति । तस्यैष एव शारी॑र आ॒त्मा । यः॑ पूर्व॒स्य । तस्माद्वा एतस्माद्वि॑ज्ञान॒मयात् । अन्यो-ऽन्तर आत्मा॑-ऽऽनन्द॒मयः । तेनै॑ष पू॒र्णः । स वा एष पुरुषवि॑ध ए॒व । तस्य पुरु॑षवि॒धताम् । अन्वय॑-म्पुरुष॒विधः । तस्य प्रिय॑मेव॒ शिरः । मोदो दक्षि॑णः प॒क्षः । प्रमोद उत्त॑रः प॒क्षः । आन॑न्द आ॒त्मा । ब्रह्म पुच्छ॑-म्प्रति॒ष्ठा । तदप्येष श्लो॑को भ॒वति ॥ 1 ॥
इति पञ्चमो-ऽनुवाकः ॥
अस॑न्ने॒व स॑ भवति । अस॒द्ब्रह्मेति॒ वेद॒ चेत् । अस्ति ब्रह्मेति॑ चेद्वे॒द । सन्तमेन-न्ततो वि॑दुरि॒ति । तस्यैष एव शारी॑र आ॒त्मा । यः॑ पूर्व॒स्य । अथातो॑-ऽनुप्र॒श्नाः । उ॒तावि॒द्वान॒मुं-लोँ॒क-म्प्रेत्य॑ । कश्च॒न ग॑च्छ॒ती(3) । आहो॑ वि॒द्वान॒मुं-लोँ॒क-म्प्रेत्य॑ । कश्चि॒थ्सम॑श्नु॒ता(3) उ॒ । सो॑-ऽकामयत । ब॒हुस्या॒-म्प्रजा॑ये॒येति॑ । स तपो॑-ऽतप्यत । स तप॑स्त॒प्त्वा । इ॒दग्ं सर्व॑मसृजत । यदि॒द-ङ्किञ्च॑ । तथ्सृ॒ष्ट्वा । तदे॒वानु॒प्रावि॑शत् । तद॑नु प्र॒विश्य॑ । सच्च॒ त्यच्चा॑भवत् । नि॒रुक्त॒-ञ्चानि॑रुक्त-ञ्च । नि॒लय॑न॒-ञ्चानि॑लयन-ञ्च । वि॒ज्ञान॒-ञ्चावि॑ज्ञान-ञ्च । सत्य-ञ्चानृत-ञ्च स॑त्यम॒भवत् । यदि॑द-ङ्कि॒ञ्च । तत्सत्यमि॑त्याच॒क्षते । तदप्येष श्लो॑को भ॒वति ॥ 1 ॥
इति षष्ठो-ऽनुवाकः ॥
अस॒द्वा इ॒दमग्र॑ आसीत् । ततो॒ वै सद॑जायत । तदात्मानग्ग् स्वय॑मकु॒रुत । तस्मात्तथ्सुकृतमुच्य॑त इ॒ति । यद्वै॑ तथ्सु॒कृतम् । र॑सो वै॒ सः । रसग्ग् ह्येवायं-लँब्ध्वा-ऽऽन॑न्दी भ॒वति । को ह्येवान्या᳚त्कः प्रा॒ण्यात् । यदेष आकाश आन॑न्दो न॒ स्यात् । एष ह्येवा-ऽऽन॑न्दया॒ति । य॒दा ह्ये॑वैष॒ एतस्मिन्नदृश्ये-ऽनात्म्ये-ऽनिरुक्ते-ऽनिलयने-ऽभयं
प्रति॑ष्ठां-विँ॒न्दते । अथ सो-ऽभय-ङ्ग॑तो भ॒वति । य॒दा ह्ये॑वैष॒ एतस्मिन्नुदरमन्त॑र-ङ्कु॒रुते । अथ तस्य भ॑य-म्भ॒वति । तत्त्वेव भयं-विँदुषो-ऽम॑न्वान॒स्य । तदप्येष श्लो॑को भ॒वति ॥ 1 ॥
इति सप्तमो-ऽनुवाकः ॥
भी॒षा-ऽस्मा॒द्वातः॑ पवते । भी॒षोदे॑ति॒ सूर्यः॑ । भीषा-ऽस्मादग्नि॑श्चेन्द्र॒श्च । मृत्युर्धावति पञ्च॑म इ॒ति । सैषा-ऽऽनन्दस्य मीमाग्ं॑सा भ॒वति । युवा स्याथ्साधुयु॑वा-ऽध्या॒यकः । आशिष्ठो दृढिष्ठो॑ बलि॒ष्ठः । तस्येय-म्पृथिवी सर्वा वित्तस्य॑ पूर्णा॒ स्यात् । स एको मानुष॑ आन॒न्दः । ते ये शत-म्मानुषा॑ आन॒न्दाः ॥ 1 ॥
स एको मनुष्यगन्धर्वाणा॑मान॒न्दः । श्रोत्रियस्य चाकाम॑हत॒स्य । ते ये शत-म्मनुष्यगन्धर्वाणा॑मान॒न्दाः । स एको देवगन्धर्वाणा॑मान॒न्दः । श्रोत्रियस्य चाकाम॑हत॒स्य । ते ये शत-न्देवगन्धर्वाणा॑मान॒न्दाः । स एकः पितृणा-ञ्चिरलोकलोकाना॑मान॒न्दः । श्रोत्रियस्य चाकाम॑हत॒स्य । ते ये शत-म्पितृणा-ञ्चिरलोकलोकाना॑मान॒न्दाः । स एक आजानजाना-न्देवाना॑मान॒न्दः ॥ 2 ॥
श्रोत्रियस्य चाकाम॑हत॒स्य । ते ये शतमाजानजाना-न्देवाना॑मान॒न्दाः । स एकः कर्मदेवाना-न्देवाना॑मान॒न्दः । ये कर्मणा देवान॑पिय॒न्ति । श्रोत्रियस्य चाकाम॑हत॒स्य । ते ये शत-ङ्कर्मदेवाना-न्देवाना॑मान॒न्दाः । स एको देवाना॑मान॒न्दः । श्रोत्रियस्य चाकाम॑हत॒स्य । ते ये शत-न्देवाना॑मान॒न्दाः । स एक इन्द्र॑स्या-ऽऽन॒न्दः ॥ 3 ॥
श्रोत्रियस्य चाकाम॑हत॒स्य । ते ये शतमिन्द्र॑स्या-ऽऽन॒न्दाः । स एको बृहस्पते॑रान॒न्दः । श्रोत्रियस्य चाकाम॑हत॒स्य । ते ये शत-म्बृहस्पते॑रान॒न्दाः । स एकः प्रजापते॑रान॒न्दः । श्रोत्रियस्य चाकाम॑हत॒स्य । ते ये शत-म्प्रजापते॑रान॒न्दाः । स एको ब्रह्मण॑ आन॒न्दः । श्रोत्रियस्य चाकाम॑हत॒स्य ॥ 4 ॥
स यश्चा॑य-म्पु॒रुषे । यश्चासा॑वादि॒त्ये । स एकः॑ । स य॑ एवं॒विँत् । अस्माल्लो॑कात्प्रे॒त्य । एतमन्नमयमात्मानमुप॑सङ्क्रा॒मति । एत-म्प्राणमयमात्मानमुप॑सङ्क्रा॒मति । एत-म्मनोमयमात्मानमुप॑सङ्क्रा॒मति । एतं-विँज्ञानमयमात्मानमुप॑सङ्क्रा॒मति । एतमानन्दमयमात्मानमुप॑सङ्क्रा॒मति । तदप्येष श्लो॑को भ॒वति ॥ 5 ॥
इत्यष्टमो-ऽनुवाकः ॥
यतो॒ वाचो॒ निव॑र्तन्ते । अप्रा᳚प्य॒ मन॑सा स॒ह । आनन्द-म्ब्रह्म॑णो वि॒द्वान् । न बिभेति कुत॑श्चने॒ति । एतग्ं ह वाव॑ न त॒पति । किमहग्ं साधु॑ नाक॒रवम् । किमह-म्पापमकर॑वमि॒ति । स य एवं-विँद्वानेते आत्मा॑नग्ग् स्पृ॒णुते । उ॒भे ह्ये॑वैष॒ एते आत्मा॑नग्ग् स्पृ॒णुते । य ए॒वं-वेँद॑ । इत्यु॑प॒निष॑त् ॥ 1 ॥
इति नवमो-ऽनुवाकः ॥
ॐ स॒ह ना॑ववतु । स॒ह नौ॑ भुनक्तु । स॒ह वी॒र्य॑-ङ्करवावहै । ते॒ज॒स्विना॒वधी॑तमस्तु॒ मा वि॑द्विषा॒वहै᳚ । ॐ शान्ति॒-श्शान्ति॒-श्शान्तिः॑ ॥
॥ हरिः॑ ओम् ॥
॥ श्री कृष्णार्पणमस्तु ॥
(tai. ā. 8-1-1)
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai | te॒ja॒svinā॒vadhī̭tamastu॒ mā vi̭dviṣā॒vahai᳚ | oṃ śānti॒-śśānti॒-śśāntiḥ̭ ||
bra॒hma॒vidā᳚pnoti॒ param᳚ | tade॒ṣā-'bhyṷktā | sa॒tya-ñjñā॒nama̭na॒nta-mbrahma̭ | yo veda॒ nihi̭ta॒-ṅguhā̭yā-mpara॒me vyo̭mann | so᳚-'śnu॒te sarvā॒nkāmā᳚nthsa॒ha | brahma̭ṇā vipa॒ściteti̭ || tasmā॒dvā e॒tasmā̭dā॒tmana̭ ākā॒śassambhṷ̄taḥ | ā॒kā॒śādvā॒yuḥ | vā॒yora॒gniḥ | a॒gnerāpaḥ̭ | a॒dbhyaḥ pṛ̭thi॒vī | pṛ॒thi॒vyā oṣa̭dhayaḥ | oṣa̭dhī॒bhyo-'nnam᳚ | annā॒tpurṷṣaḥ | sa vā eṣa puruṣo-'nna̭rasa॒mayaḥ | tasyeda̭meva॒ śiraḥ | aya-ndakṣi̭ṇaḥ pa॒kṣaḥ | ayamutta̭raḥ pa॒kṣaḥ | ayamātmā᳚ | ida-mpuccha̭-mprati॒ṣṭhā | tadapyeṣa ślo̭ko bha॒vati || 1 ||
iti prathamo-'nuvākaḥ ||
annā॒dvai pra॒jāḥ pra॒jāya̭nte | yāḥ kāśca̭ pṛthi॒vīg śri॒tāḥ | atho॒ annḙnai॒va jī̭vanti | athai̭na॒dapi̭ yantyanta॒taḥ | anna॒gṃ॒ hi bhū॒tānā॒-ñjyeṣṭham᳚ | tasmā᳚thsarvauṣa॒dhamṷcyate | sarvaṃ॒-vai~ te-'nna̭māpnuvanti | ye-'nna॒-mbrahmo॒pāsa̭te | anna॒gṃ॒ hi bhū॒tānā॒-ñjyeṣṭham᳚ | tasmā᳚thsarvauṣa॒dhamṷcyate | annā᳚dbhū॒tāni॒ jāya̭nte | jātā॒nyannḙna vardhante | adyate-'tti ca̭ bhūtā॒ni | tasmādanna-ntaducya̭ta i॒ti | tasmādvā etasmādanna̭rasa॒mayāt | anyo-'ntara ātmā᳚ prāṇa॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya prāṇa̭ eva॒ śiraḥ | vyāno dakṣi̭ṇaḥ pa॒kṣaḥ | apāna utta̭raḥ pa॒kṣaḥ | ākā̭śa ā॒tmā | pṛthivī puccha̭-mprati॒ṣṭhā | tadapyeṣa ślo̭ko bha॒vati || 1 ||
iti dvitīyo-'nuvākaḥ ||
prā॒ṇa-nde॒vā anu॒prāṇa̭nti | ma॒nu॒ṣyāḥ᳚ pa॒śava̭śca॒ ye | prā॒ṇo hi bhū॒tānā॒māyuḥ̭ | tasmā᳚thsarvāyu॒ṣamṷcyate | sarva̭me॒va ta॒ āyṷryanti | ye prā॒ṇa-mbrahmo॒pāsa̭te | prāṇo hi bhūtā̭nāmā॒yuḥ | tasmāthsarvāyuṣamucya̭ta i॒ti | tasyaiṣa eva śārī̭ra ā॒tmā | yaḥ̭ pūrva॒sya | tasmādvā etasmā᳚tprāṇa॒mayāt | anyo-'ntara ātmā̭ mano॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya yajṷreva॒ śiraḥ | ṛgdakṣi̭ṇaḥ pa॒kṣaḥ | sāmotta̭raḥ pa॒kṣaḥ | ādḙśa ā॒tmā | atharvāṅgirasaḥ puccha̭-mprati॒ṣṭhā | tadapyeṣa ślo̭ko bha॒vati || 1 ||
iti tṛtīyo-'nuvākaḥ ||
yato॒ vāco॒ niva̭rtante | aprā᳚pya॒ mana̭sā sa॒ha | ānanda-mbrahma̭ṇo vi॒dvān | na bibheti kadā̭cane॒ti | tasyaiṣa eva śārī̭ra ā॒tmā | yaḥ̭ pūrva॒sya | tasmādvā etasmā᳚nmano॒mayāt | anyo-'ntara ātmā vi̭jñāna॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya śra̭ddhaiva॒ śiraḥ | ṛta-ndakṣi̭ṇaḥ pa॒kṣaḥ | satyamutta̭raḥ pa॒kṣaḥ | yo̭ga ā॒tmā | mahaḥ puccha̭-mprati॒ṣṭhā | tadapyeṣa ślo̭ko bha॒vati || 1 ||
iti caturtho-'nuvākaḥ ||
vi॒jñānaṃ̭-ya~॒jña-nta̭nute | karmā̭ṇi tanu॒te-'pi̭ ca | vi॒jñāna̭-nde॒vāssarve᳚ | brahma॒ jyeṣṭha॒mupā̭sate | vi॒jñāna॒-mbrahma॒ cedveda̭ | tasmā॒ccenna pra॒mādya̭ti | śa॒rīrḙ pāpma̭no hi॒tvā | sarvānkāmānthsamaśnṷta i॒ti | tasyaiṣa eva śārī̭ra ā॒tmā | yaḥ̭ pūrva॒sya | tasmādvā etasmādvi̭jñāna॒mayāt | anyo-'ntara ātmā̭-''nanda॒mayaḥ | tenai̭ṣa pū॒rṇaḥ | sa vā eṣa puruṣavi̭dha e॒va | tasya purṷṣavi॒dhatām | anvaya̭-mpuruṣa॒vidhaḥ | tasya priya̭meva॒ śiraḥ | modo dakṣi̭ṇaḥ pa॒kṣaḥ | pramoda utta̭raḥ pa॒kṣaḥ | āna̭nda ā॒tmā | brahma puccha̭-mprati॒ṣṭhā | tadapyeṣa ślo̭ko bha॒vati || 1 ||
iti pañcamo-'nuvākaḥ ||
asa̭nne॒va sa̭ bhavati | asa॒dbrahmeti॒ veda॒ cet | asti brahmeti̭ cedve॒da | santamena-ntato vi̭duri॒ti | tasyaiṣa eva śārī̭ra ā॒tmā | yaḥ̭ pūrva॒sya | athāto̭-'nupra॒śnāḥ | u॒tāvi॒dvāna॒muṃ-lo~॒ka-mpretya̭ | kaśca॒na ga̭ccha॒tī(3) | āho̭ vi॒dvāna॒muṃ-lo~॒ka-mpretya̭ | kaści॒thsama̭śnu॒tā(3) u॒ | so̭-'kāmayata | ba॒husyā॒-mprajā̭ye॒yeti̭ | sa tapo̭-'tapyata | sa tapa̭sta॒ptvā | i॒dagṃ sarva̭masṛjata | yadi॒da-ṅkiñca̭ | tathsṛ॒ṣṭvā | tade॒vānu॒prāvi̭śat | tada̭nu pra॒viśya̭ | sacca॒ tyaccā̭bhavat | ni॒rukta॒-ñcāni̭rukta-ñca | ni॒laya̭na॒-ñcāni̭layana-ñca | vi॒jñāna॒-ñcāvi̭jñāna-ñca | satya-ñcānṛta-ñca sa̭tyama॒bhavat | yadi̭da-ṅki॒ñca | tatsatyami̭tyāca॒kṣate | tadapyeṣa ślo̭ko bha॒vati || 1 ||
iti ṣaṣṭho-'nuvākaḥ ||
asa॒dvā i॒damagra̭ āsīt | tato॒ vai sada̭jāyata | tadātmānagg svaya̭maku॒ruta | tasmāttathsukṛtamucya̭ta i॒ti | yadvai̭ tathsu॒kṛtam | ra̭so vai॒ saḥ | rasagg hyevāyaṃ-la~bdhvā-''na̭ndī bha॒vati | ko hyevānyā᳚tkaḥ prā॒ṇyāt | yadeṣa ākāśa āna̭ndo na॒ syāt | eṣa hyevā-''na̭ndayā॒ti | ya॒dā hyḙvaiṣa॒ etasminnadṛśye-'nātmye-'nirukte-'nilayane-'bhayaṃ
prati̭ṣṭhāṃ-vi~॒ndate | atha so-'bhaya-ṅga̭to bha॒vati | ya॒dā hyḙvaiṣa॒ etasminnudaramanta̭ra-ṅku॒rute | atha tasya bha̭ya-mbha॒vati | tattveva bhayaṃ-vi~duṣo-'ma̭nvāna॒sya | tadapyeṣa ślo̭ko bha॒vati || 1 ||
iti saptamo-'nuvākaḥ ||
bhī॒ṣā-'smā॒dvātaḥ̭ pavate | bhī॒ṣodḙti॒ sūryaḥ̭ | bhīṣā-'smādagni̭ścendra॒śca | mṛtyurdhāvati pañca̭ma i॒ti | saiṣā-''nandasya mīmāgṃ̭sā bha॒vati | yuvā syāthsādhuyṷvā-'dhyā॒yakaḥ | āśiṣṭho dṛḍhiṣṭho̭ bali॒ṣṭhaḥ | tasyeya-mpṛthivī sarvā vittasya̭ pūrṇā॒ syāt | sa eko mānuṣa̭ āna॒ndaḥ | te ye śata-mmānuṣā̭ āna॒ndāḥ || 1 ||
sa eko manuṣyagandharvāṇā̭māna॒ndaḥ | śrotriyasya cākāma̭hata॒sya | te ye śata-mmanuṣyagandharvāṇā̭māna॒ndāḥ | sa eko devagandharvāṇā̭māna॒ndaḥ | śrotriyasya cākāma̭hata॒sya | te ye śata-ndevagandharvāṇā̭māna॒ndāḥ | sa ekaḥ pitṛṇā-ñciralokalokānā̭māna॒ndaḥ | śrotriyasya cākāma̭hata॒sya | te ye śata-mpitṛṇā-ñciralokalokānā̭māna॒ndāḥ | sa eka ājānajānā-ndevānā̭māna॒ndaḥ || 2 ||
śrotriyasya cākāma̭hata॒sya | te ye śatamājānajānā-ndevānā̭māna॒ndāḥ | sa ekaḥ karmadevānā-ndevānā̭māna॒ndaḥ | ye karmaṇā devāna̭piya॒nti | śrotriyasya cākāma̭hata॒sya | te ye śata-ṅkarmadevānā-ndevānā̭māna॒ndāḥ | sa eko devānā̭māna॒ndaḥ | śrotriyasya cākāma̭hata॒sya | te ye śata-ndevānā̭māna॒ndāḥ | sa eka indra̭syā-''na॒ndaḥ || 3 ||
śrotriyasya cākāma̭hata॒sya | te ye śatamindra̭syā-''na॒ndāḥ | sa eko bṛhaspatḙrāna॒ndaḥ | śrotriyasya cākāma̭hata॒sya | te ye śata-mbṛhaspatḙrāna॒ndāḥ | sa ekaḥ prajāpatḙrāna॒ndaḥ | śrotriyasya cākāma̭hata॒sya | te ye śata-mprajāpatḙrāna॒ndāḥ | sa eko brahmaṇa̭ āna॒ndaḥ | śrotriyasya cākāma̭hata॒sya || 4 ||
sa yaścā̭ya-mpu॒ruṣe | yaścāsā̭vādi॒tye | sa ekaḥ̭ | sa ya̭ evaṃ॒vi~t | asmāllo̭kātpre॒tya | etamannamayamātmānamupa̭saṅkrā॒mati | eta-mprāṇamayamātmānamupa̭saṅkrā॒mati | eta-mmanomayamātmānamupa̭saṅkrā॒mati | etaṃ-vi~jñānamayamātmānamupa̭saṅkrā॒mati | etamānandamayamātmānamupa̭saṅkrā॒mati | tadapyeṣa ślo̭ko bha॒vati || 5 ||
ityaṣṭamo-'nuvākaḥ ||
yato॒ vāco॒ niva̭rtante | aprā᳚pya॒ mana̭sā sa॒ha | ānanda-mbrahma̭ṇo vi॒dvān | na bibheti kuta̭ścane॒ti | etagṃ ha vāva̭ na ta॒pati | kimahagṃ sādhṷ nāka॒ravam | kimaha-mpāpamakara̭vami॒ti | sa ya evaṃ-vi~dvānete ātmā̭nagg spṛ॒ṇute | u॒bhe hyḙvaiṣa॒ ete ātmā̭nagg spṛ॒ṇute | ya e॒vaṃ-ve~da̭ | ityṷpa॒niṣa̭t || 1 ||
iti navamo-'nuvākaḥ ||
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai | te॒ja॒svinā॒vadhī̭tamastu॒ mā vi̭dviṣā॒vahai᳚ | oṃ śānti॒-śśānti॒-śśāntiḥ̭ ||
|| hariḥ̭ om ||
|| śrī kṛṣṇārpaṇamastu ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.