Shri Shanmukha Shatkam — Tamil Script

கிரிதநயாஸுத காங்கபயோதித கந்தஸுவாஸித பாலதநோ

குணகணபூஷண கோமலபாஷண க்ரௌஞ்சவிதாரண குந்ததநோ ।

கஜமுகஸோதர துர்ஜயதாநவஸங்கவிநாஶக திவ்யதநோ

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 1 ॥

ப்ரதிகிரிஸம்ஸ்தித பக்தஹ்ரு'திஸ்தித புத்ரதநப்ரத ரம்யதநோ

பவபயமோசக பாக்யவிதாயக பூஸுதவார ஸுபூஜ்யதநோ ।

பஹுபுஜஶோபித பந்தவிமோசக போதபலப்ரத போததநோ

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 2 ॥

ஶமதநமாநித மௌநிஹ்ரு'தாலய மோக்ஷக்ரு'தாலய முக்ததநோ

ஶதமகபாலக ஶங்கரதோஷக ஶங்கஸுவாதக ஶக்திதநோ ।

தஶஶதமந்மத ஸந்நிபஸுந்தர குண்டலமண்டித கர்ணவிபோ

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 3 ॥

குஹ தருணாருணசேலபரிஷ்க்ரு'த தாரகமாரக மாரதநோ

ஜலநிதிதீரஸுஶோபிவராலய ஶங்கரஸந்நுத தேவகுரோ ।

விஹிதமஹாத்வரஸாமநிமந்த்ரித ஸௌம்யஹ்ரு'தந்தர ஸோமதநோ

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 4 ॥

லவலிகயா ஸஹ கேலிகலாபர தேவஸுதார்பித மால்யதநோ

குருபதஸம்ஸ்தித ஶங்கரதர்ஶித தத்த்வமயப்ரணவார்தவிபோ ।

விதிஹரிபூஜித ப்ரஹ்மஸுதார்பித பாக்யஸுபூரக யோகிதநோ

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 5 ॥

கலிஜநபாலந கஞ்ஜஸுலோசந குக்குடகேதந கேலிதநோ

க்ரு'தபலிபாலந பர்ஹிணவாஹந பாலவிலோசநஶம்புதநோ ।

ஶரவணஸம்பவ ஶத்ருநிபர்ஹண சந்த்ரஸமாநந ஶர்மதநோ

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 6 ॥

ஸுகதமநந்தபதாந்வித ராமஸுதீக்ஷித ஸத்கவிபத்யமிதம்

ஶரவண ஸம்பவ தோஷதமிஷ்டதமஷ்டஸுஸித்திதமார்திஹரம் ।

படதி ஶ்ரு'ணோதி ச பக்தியுதோ யதி பாக்யஸம்ரு'த்திமதோ லபதே

ஜய ஜய ஹே குஹ ஷண்முக ஸுந்தர தேஹி ரதிம் தவ பாதயுகே ॥ 7 ॥

இதி ஶ்ரீஅநந்தராமதீக்ஷித க்ரு'தம் ஷண்முக ஷட்கம் ॥

Roman (IAST) Transliteration

giritanayāsuta gāṅgapayodita gandhasuvāsita bālatano

guṇagaṇabhūṣaṇa komalabhāṣaṇa krauñcavidāraṇa kundatano |

gajamukhasodara durjayadānavasaṅghavināśaka divyatano

jaya jaya he guha ṣaṇmukha sundara dehi ratiṃ tava pādayuge || 1 ||

pratigirisaṃsthita bhaktahṛdisthita putradhanaprada ramyatano

bhavabhayamocaka bhāgyavidhāyaka bhūsutavāra supūjyatano |

bahubhujaśobhita bandhavimocaka bodhaphalaprada bodhatano

jaya jaya he guha ṣaṇmukha sundara dehi ratiṃ tava pādayuge || 2 ||

śamadhanamānita maunihṛdālaya mokṣakṛdālaya mugdhatano

śatamakhapālaka śaṅkaratoṣaka śaṅkhasuvādaka śaktitano |

daśaśatamanmatha sannibhasundara kuṇḍalamaṇḍita karṇavibho

jaya jaya he guha ṣaṇmukha sundara dehi ratiṃ tava pādayuge || 3 ||

guha taruṇāruṇacelapariṣkṛta tārakamāraka māratano

jalanidhitīrasuśobhivarālaya śaṅkarasannuta devaguro |

vihitamahādhvarasāmanimantrita saumyahṛdantara somatano

jaya jaya he guha ṣaṇmukha sundara dehi ratiṃ tava pādayuge || 4 ||

lavalikayā saha kelikalāpara devasutārpita mālyatano

gurupadasaṃsthita śaṅkaradarśita tattvamayapraṇavārthavibho |

vidhiharipūjita brahmasutārpita bhāgyasupūraka yogitano

jaya jaya he guha ṣaṇmukha sundara dehi ratiṃ tava pādayuge || 5 ||

kalijanapālana kañjasulocana kukkuṭaketana kelitano

kṛtabalipālana barhiṇavāhana phālavilocanaśambhutano |

śaravaṇasambhava śatrunibarhaṇa candrasamānana śarmatano

jaya jaya he guha ṣaṇmukha sundara dehi ratiṃ tava pādayuge || 6 ||

sukhadamanantapadānvita rāmasudīkṣita satkavipadyamidaṃ

śaravaṇa sambhava toṣadamiṣṭadamaṣṭasusiddhidamārtiharam |

paṭhati śṛṇoti ca bhaktiyuto yadi bhāgyasamṛddhimatho labhate

jaya jaya he guha ṣaṇmukha sundara dehi ratiṃ tava pādayuge || 7 ||

iti śrīanantarāmadīkṣita kṛtaṃ ṣaṇmukha ṣaṭkam ||

Sanskrit — Devanagari (original)

गिरितनयासुत गाङ्गपयोदित गन्धसुवासित बालतनो

गुणगणभूषण कोमलभाषण क्रौञ्चविदारण कुन्दतनो ।

गजमुखसोदर दुर्जयदानवसङ्घविनाशक दिव्यतनो

जय जय हे गुह षण्मुख सुन्दर देहि रतिं तव पादयुगे ॥ 1 ॥

प्रतिगिरिसंस्थित भक्तहृदिस्थित पुत्रधनप्रद रम्यतनो

भवभयमोचक भाग्यविधायक भूसुतवार सुपूज्यतनो ।

बहुभुजशोभित बन्धविमोचक बोधफलप्रद बोधतनो

जय जय हे गुह षण्मुख सुन्दर देहि रतिं तव पादयुगे ॥ 2 ॥

शमधनमानित मौनिहृदालय मोक्षकृदालय मुग्धतनो

शतमखपालक शङ्करतोषक शङ्खसुवादक शक्तितनो ।

दशशतमन्मथ सन्निभसुन्दर कुण्डलमण्डित कर्णविभो

जय जय हे गुह षण्मुख सुन्दर देहि रतिं तव पादयुगे ॥ 3 ॥

गुह तरुणारुणचेलपरिष्कृत तारकमारक मारतनो

जलनिधितीरसुशोभिवरालय शङ्करसन्नुत देवगुरो ।

विहितमहाध्वरसामनिमन्त्रित सौम्यहृदन्तर सोमतनो

जय जय हे गुह षण्मुख सुन्दर देहि रतिं तव पादयुगे ॥ 4 ॥

लवलिकया सह केलिकलापर देवसुतार्पित माल्यतनो

गुरुपदसंस्थित शङ्करदर्शित तत्त्वमयप्रणवार्थविभो ।

विधिहरिपूजित ब्रह्मसुतार्पित भाग्यसुपूरक योगितनो

जय जय हे गुह षण्मुख सुन्दर देहि रतिं तव पादयुगे ॥ 5 ॥

कलिजनपालन कञ्जसुलोचन कुक्कुटकेतन केलितनो

कृतबलिपालन बर्हिणवाहन फालविलोचनशम्भुतनो ।

शरवणसम्भव शत्रुनिबर्हण चन्द्रसमानन शर्मतनो

जय जय हे गुह षण्मुख सुन्दर देहि रतिं तव पादयुगे ॥ 6 ॥

सुखदमनन्तपदान्वित रामसुदीक्षित सत्कविपद्यमिदं

शरवण सम्भव तोषदमिष्टदमष्टसुसिद्धिदमार्तिहरम् ।

पठति शृणोति च भक्तियुतो यदि भाग्यसमृद्धिमथो लभते

जय जय हे गुह षण्मुख सुन्दर देहि रतिं तव पादयुगे ॥ 7 ॥

इति श्रीअनन्तरामदीक्षित कृतं षण्मुख षट्कम् ॥