Shri Shanmukha Shatkam — Sinhala Script

ගිරිතනයාසුත ගාඞ්ගපයෝදිත ගන්ධසුවාසිත බාලතනෝ

ගුණගණභූෂණ කෝමලභාෂණ ක්රෞඤ්චවිදාරණ කුන්දතනෝ .

ගජමුඛසෝදර දුර්ජයදානවසඞ්ඝවිනාශක දිව්යතනෝ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 1 ..

ප්රතිගිරිසංස්ථිත භක්තහෘදිස්ථිත පුත්රධනප්රද රම්යතනෝ

භවභයමෝචක භාග්යවිධායක භූසුතවාර සුපූජ්යතනෝ .

බහුභුජශෝභිත බන්ධවිමෝචක බෝධඵලප්රද බෝධතනෝ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 2 ..

ශමධනමානිත මෞනිහෘදාලය මෝක්ෂකෘදාලය මුග්ධතනෝ

ශතමඛපාලක ශඞ්කරතෝෂක ශඞ්ඛසුවාදක ශක්තිතනෝ .

දශශතමන්මථ සන්නිභසුන්දර කුණ්ඩලමණ්ඩිත කර්ණවිභෝ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 3 ..

ගුහ තරුණාරුණචේලපරිෂ්කෘත තාරකමාරක මාරතනෝ

ජලනිධිතීරසුශෝභිවරාලය ශඞ්කරසන්නුත දේවගුරෝ .

විහිතමහාධ්වරසාමනිමන්ත්රිත සෞම්යහෘදන්තර සෝමතනෝ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 4 ..

ලවලිකයා සහ කේලිකලාපර දේවසුතාර්පිත මාල්යතනෝ

ගුරුපදසංස්ථිත ශඞ්කරදර්ශිත තත්ත්වමයප්රණවාර්ථවිභෝ .

විධිහරිපූජිත බ්රහ්මසුතාර්පිත භාග්යසුපූරක යෝගිතනෝ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 5 ..

කලිජනපාලන කඤ්ජසුලෝචන කුක්කුටකේතන කේලිතනෝ

කෘතබලිපාලන බර්හිණවාහන ඵාලවිලෝචනශම්භුතනෝ .

ශරවණසම්භව ශත්රුනිබර්හණ චන්ද්රසමානන ශර්මතනෝ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 6 ..

සුඛදමනන්තපදාන්විත රාමසුදීක්ෂිත සත්කවිපද්යමිදං

ශරවණ සම්භව තෝෂදමිෂ්ටදමෂ්ටසුසිද්ධිදමාර්තිහරම් .

පඨති ශෘණෝති ච භක්තියුතෝ යදි භාග්යසමෘද්ධිමථෝ ලභතේ

ජය ජය හේ ගුහ ෂණ්මුඛ සුන්දර දේහි රතිං තව පාදයුගේ .. 7 ..

ඉති ශ්රීඅනන්තරාමදීක්ෂිත කෘතං ෂණ්මුඛ ෂට්කම් ..

Roman (IAST) Transliteration

giritanayāsuta gāṅgapayodita gandhasuvāsita bālatano

guṇagaṇabhūṣaṇa komalabhāṣaṇa krauñcavidāraṇa kundatano |

gajamukhasodara durjayadānavasaṅghavināśaka divyatano

jaya jaya he guha ṣaṇmukha sundara dehi ratiṃ tava pādayuge || 1 ||

pratigirisaṃsthita bhaktahṛdisthita putradhanaprada ramyatano

bhavabhayamocaka bhāgyavidhāyaka bhūsutavāra supūjyatano |

bahubhujaśobhita bandhavimocaka bodhaphalaprada bodhatano

jaya jaya he guha ṣaṇmukha sundara dehi ratiṃ tava pādayuge || 2 ||

śamadhanamānita maunihṛdālaya mokṣakṛdālaya mugdhatano

śatamakhapālaka śaṅkaratoṣaka śaṅkhasuvādaka śaktitano |

daśaśatamanmatha sannibhasundara kuṇḍalamaṇḍita karṇavibho

jaya jaya he guha ṣaṇmukha sundara dehi ratiṃ tava pādayuge || 3 ||

guha taruṇāruṇacelapariṣkṛta tārakamāraka māratano

jalanidhitīrasuśobhivarālaya śaṅkarasannuta devaguro |

vihitamahādhvarasāmanimantrita saumyahṛdantara somatano

jaya jaya he guha ṣaṇmukha sundara dehi ratiṃ tava pādayuge || 4 ||

lavalikayā saha kelikalāpara devasutārpita mālyatano

gurupadasaṃsthita śaṅkaradarśita tattvamayapraṇavārthavibho |

vidhiharipūjita brahmasutārpita bhāgyasupūraka yogitano

jaya jaya he guha ṣaṇmukha sundara dehi ratiṃ tava pādayuge || 5 ||

kalijanapālana kañjasulocana kukkuṭaketana kelitano

kṛtabalipālana barhiṇavāhana phālavilocanaśambhutano |

śaravaṇasambhava śatrunibarhaṇa candrasamānana śarmatano

jaya jaya he guha ṣaṇmukha sundara dehi ratiṃ tava pādayuge || 6 ||

sukhadamanantapadānvita rāmasudīkṣita satkavipadyamidaṃ

śaravaṇa sambhava toṣadamiṣṭadamaṣṭasusiddhidamārtiharam |

paṭhati śṛṇoti ca bhaktiyuto yadi bhāgyasamṛddhimatho labhate

jaya jaya he guha ṣaṇmukha sundara dehi ratiṃ tava pādayuge || 7 ||

iti śrīanantarāmadīkṣita kṛtaṃ ṣaṇmukha ṣaṭkam ||

Sanskrit — Devanagari (original)

गिरितनयासुत गाङ्गपयोदित गन्धसुवासित बालतनो

गुणगणभूषण कोमलभाषण क्रौञ्चविदारण कुन्दतनो ।

गजमुखसोदर दुर्जयदानवसङ्घविनाशक दिव्यतनो

जय जय हे गुह षण्मुख सुन्दर देहि रतिं तव पादयुगे ॥ 1 ॥

प्रतिगिरिसंस्थित भक्तहृदिस्थित पुत्रधनप्रद रम्यतनो

भवभयमोचक भाग्यविधायक भूसुतवार सुपूज्यतनो ।

बहुभुजशोभित बन्धविमोचक बोधफलप्रद बोधतनो

जय जय हे गुह षण्मुख सुन्दर देहि रतिं तव पादयुगे ॥ 2 ॥

शमधनमानित मौनिहृदालय मोक्षकृदालय मुग्धतनो

शतमखपालक शङ्करतोषक शङ्खसुवादक शक्तितनो ।

दशशतमन्मथ सन्निभसुन्दर कुण्डलमण्डित कर्णविभो

जय जय हे गुह षण्मुख सुन्दर देहि रतिं तव पादयुगे ॥ 3 ॥

गुह तरुणारुणचेलपरिष्कृत तारकमारक मारतनो

जलनिधितीरसुशोभिवरालय शङ्करसन्नुत देवगुरो ।

विहितमहाध्वरसामनिमन्त्रित सौम्यहृदन्तर सोमतनो

जय जय हे गुह षण्मुख सुन्दर देहि रतिं तव पादयुगे ॥ 4 ॥

लवलिकया सह केलिकलापर देवसुतार्पित माल्यतनो

गुरुपदसंस्थित शङ्करदर्शित तत्त्वमयप्रणवार्थविभो ।

विधिहरिपूजित ब्रह्मसुतार्पित भाग्यसुपूरक योगितनो

जय जय हे गुह षण्मुख सुन्दर देहि रतिं तव पादयुगे ॥ 5 ॥

कलिजनपालन कञ्जसुलोचन कुक्कुटकेतन केलितनो

कृतबलिपालन बर्हिणवाहन फालविलोचनशम्भुतनो ।

शरवणसम्भव शत्रुनिबर्हण चन्द्रसमानन शर्मतनो

जय जय हे गुह षण्मुख सुन्दर देहि रतिं तव पादयुगे ॥ 6 ॥

सुखदमनन्तपदान्वित रामसुदीक्षित सत्कविपद्यमिदं

शरवण सम्भव तोषदमिष्टदमष्टसुसिद्धिदमार्तिहरम् ।

पठति शृणोति च भक्तियुतो यदि भाग्यसमृद्धिमथो लभते

जय जय हे गुह षण्मुख सुन्दर देहि रतिं तव पादयुगे ॥ 7 ॥

इति श्रीअनन्तरामदीक्षित कृतं षण्मुख षट्कम् ॥