(වා॒ම॒දේවා॒ය න॑මඃ – ස්නානං)
ඉත්යාදි නිර්මාල්යං-විँසෘජ්යේත්යන්ත-ම්ප්රතිවාර-ඞ්කුර්යාත් ..
.. පඤ්චාමෘතස්නානම් ..
අථ (පඤ්චාමෘත ස්නානං) පඤ්චාමෘතදේවතාභ්යෝ නමඃ .
ධ්යානාවාහනාදි ෂෝඩශෝපචාරපූජාස්සමර්පයාමි .
භවානීශඞ්කරමුද්දිශ්ය භවානීශඞ්කර ප්රීත්යර්ථ-ම්පඤ්චාමෘතස්නාන-ඞ්කරිෂ්යාමඃ .
ක්ෂීරං
ආප්යා॑යස්ව॒ සමේ॑තු තේ වි॒ශ්වත॑ස්සෝම॒ වෘෂ්ණි॑යම් .
භවා॒ වාජ॑ස්ය සඞ්ග॒ථේ ..
ශ්රී භවානීශඞ්කරාස්වාමිනේ නමඃ, ක්ෂීරේණ ස්නපයාමි .
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . ක්ෂීරස්නානානන්තරං ශුද්ධෝදක ස්නානං සමර්පයාමි .
දධි
ද॒ධි॒ක්රාව්ණ්ණෝ॑ අකාරිෂ-ඤ්ජි॒ෂ්ණෝරශ්ව॑ස්ය වා॒ජිනඃ॑ .
සු॒රභි නෝ॒ මුඛා॑ කර॒ත්ප්රණ॒ ආයූග්ං॑ෂි තාරිෂත් ..
ශ්රී භවානීශඞ්කරාස්වාමිනේ නමඃ . දධ්නා ස්නපයාමි .
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . දධිස්නානානන්තරං ශුද්ධෝදක ස්නානං සමර්පයාමි .
ආජ්යං
ශු॒ක්රම॑සි॒ ජ්යෝති॑රසි॒ තේජෝ॑සි දේ॒වෝව॑ස්සවි॒තෝත්පු॑නා॒-
ත්වච්ඡි॑ද්රේණ ප॒විත්රේ॑ණ॒ වසෝ॒ස්සූර්ය॑ස්ය ර॒ශ්මිභිඃ॑ .
ශ්රී භවානීශඞ්කරාස්වාමිනේ නමඃ . ආජ්යේන ස්නපයාමි .
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . ආජ්ය ස්නානානන්තරං ශුද්ධෝදක ස්නානං සමර්පයාමි .
මධු
මධු॒වාතා॑ ඍතාය॒තේ මධු॑ක්ෂරන්ති॒ සින්ධ॑වඃ .
මාධ්වී᳚ර්න-ස්ස॒න්ත්වෝෂ॑ධීඃ .
මධු॒ නක්ත॑මු॒තෝෂ॑සි॒ මධු॑ම॒ත්පාර්ථි॑ව॒ග්ං॒ රජඃ॑ .
මධු॒ද්යෞර॑ස්තු නඃ පි॒තා .
මධු॑මාන්නෝ॒ වන॒ස්පති॒ර්මධු॑මාග්ං අස්තු॒ සූර්යඃ॑ .
මාධ්වී॒ර්ගාවෝ॑ භවන්තු නඃ .
ශ්රී භවානීශඞ්කරාස්වාමිනේ නමඃ . මධුනා ස්නපයාමි .
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . මධුස්නානානන්තරං ශුද්ධෝදක ස්නානං සමර්පයාමි .
ශර්කර
ස්වා॒දුඃ ප॑වස්ව දි॒ව්යාය॒ ජන්ම॑නේ .
ස්වා॒දුරින්ද්රා॑ය සු॒හවී॑තු॒ නාම්නේ᳚ .
ස්වා॒දුර්මි॒ත්රාය॒ වරු॑ණාය වා॒යවේ॒ .
බෘහ॒ස්පත॑යේ॒ මධු॑මා॒ග්ං අදා᳚භ්යඃ .
ශ්රී භවානීශඞ්කරාස්වාමිනේ නමඃ . ශර්කරයා ස්නපයාමි .
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . ශර්කර ස්නානානන්තරං ශුද්ධෝදක ස්නානං සමර්පයාමි .
ශ්රී භවානීශඞ්කරාස්වාමිනේ නමඃ . පඤ්චාමෘත ස්නානං සමර්පයාමි .
ශඞ්ඛෝදකං
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . ශඞ්ඛෝදකේන ස්නපයාමි ..
ඵලෝදකං
යාඃ ඵ॒ලිනී॒ර්යා අ॑ඵ॒ලා අ॑පු॒ෂ්පායාශ්ච॑ පු॒ෂ්පිණීඃ᳚ .
බෘහ॒ස්පති॑ ප්රසූතා॒ස්තානෝ॑ මුඤ්ච॒න්ත්වග්ං හ॑සඃ ..
ශ්රී භවානීශඞ්කරාස්වාමිනේ නමඃ . ඵලෝදකේන ස්නපයාමි .
ගන්ධෝදකං
ග॒න්ධ॒ද්වා॒රා-න්දු॑රාධ॒ර්ෂා॒-න්නි॒ත්යපු॑ෂ්ටා-ඞ්කරී॒ෂිණී᳚ම් .
ඊ॒ශ්වරී॑ග්ං සර්ව॑භූතා॒නා॒-න්තාමි॒හෝප॑හ්වයේ॒ ශ්රියම් ..
ශ්රී භවානීශඞ්කරාස්වාමිනේ නමඃ . ගන්ධෝදකේන ස්නපයාමි .
පුෂ්පෝදකං
යෝ॑-(අ)පා-ම්පුෂ්පං॒-වේँද॑ .
පුෂ්ප॑වා-න්ප්ර॒ජාවා॑-න්පශු॒මා-න්භ॑වති .
ච॒න්ද්රමා॒ වා අ॒පා-ම්පුෂ්ප॑ම් .
පුෂ්ප॑වා-න්ප්ර॒ජාවා॑-න්පශු॒මා-න්භ॑වති .
ශ්රී භවානීශඞ්කරාස්වාමිනේ නමඃ . පුෂ්පෝදකේන ස්නපයාමි .
අක්ෂතෝදකං
ආය॑නේ තේ ප॒රාය॑ණේ॒ දූර්වා॑ රෝහන්තු පු॒ෂ්පිණීඃ॑ .
හ්ර॒දාශ්ච॑ පු॒ණ්ඩරී॑කාණි සමු॒ද්රස්ය॑ ගෘ॒හා ඉ॒මේ .
ශ්රී භවානීශඞ්කරාස්වාමිනේ නමඃ . අක්ෂතෝදකේන ස්නපයාමි .
සුවර්ණෝදකං
තථ්සු॒වර්ණ॒ග්ං॒ හිර॑ණ්යමභවත් .
තථ්සු॒වර්ණ॑ස්ය॒ හිර॑ණ්යස්ය॒ජන්ම॑ .
ය ඒ॒වග්ං සු॒වර්ණ॑ස්ය॒ හිර॑ණ්යස්ය॒ ජන්ම॒වේ॑ද .
සු॒වර්ණ॑ ආ॒ත්මනා॑ භවති .
ශ්රී භවානීශඞ්කරාස්වාමිනේ නමඃ . සුවර්ණෝදකේන ස්නපයාමි .
රුද්රාක්ෂෝදකං
ත්ර්ය॑ම්බකං-යँජාමහේ සුග॒න්ධි-ම්පු॑ෂ්ටි॒ වර්ධ॑නම් .
උ॒ර්වා॒රු॒කමි॑ව॒ බන්ධ॑නාන්මෘ॒ත්යෝර්මු॑ක්ෂීය॒ මා-(අ)මෘතා᳚ත් ..
ශ්රී භවානීශඞ්කරාස්වාමිනේ නමඃ . රුද්රාක්ෂෝදකේන ස්නපයාමි .
භස්මෝදකං
මා නෝ॑ ම॒හාන්ත॑මු॒ත මා නෝ॑ අර්භ॒කං
මා න॒ උක්ෂ॑න්තමු॒ත මා න॑ උක්ෂි॒තම් .
මා නෝ॑-(අ)වධීඃ පි॒තර॒-ම්මෝත මා॒තරං॑
ප්රි॒යා මා න॑ස්ත॒නුවෝ॑ රුද්ර රීරිෂඃ .
ශ්රී භවානීශඞ්කරාස්වාමිනේ නමඃ . භස්මෝදකේන ස්නපයාමි .
බිල්වෝදකං
මා න॑ස්තෝ॒කේ තන॑යේ॒ මා න॒ ආයු॑ෂි॒
මා නෝ॒ ගෝෂු॒ මා නෝ॒ අශ්වේ॑ෂු රීරිෂඃ .
වී॒රාන්මා නෝ॑ රුද්ර භාමි॒තෝ-(අ)ව॑ධීර්හ॒විෂ්ම॑න්තෝ॒
නම॑සා විධේම තේ .
ශ්රී භවානීශඞ්කරාස්වාමිනේ නමඃ . බිල්වෝදකේන ස්නපයාමි .
දූර්වෝදකං
කාණ්ඩා॑ත්කාණ්ඩාත්ප්ර॒රෝහ॑න්ති පරු॑ෂඃ පරුෂඃ॒ පරි॑ .
ඒ॒වානෝ॑ දූර්වේ॒ ප්රත॑නු ස॒හස්රේ॑ණ ශ॒තේන॑ ච ..
ශ්රී භවානීශඞ්කරාස්වාමිනේ නමඃ . දූර්වෝදකේන ස්නපයාමි .
අථ මලාපකර්ෂණ ස්නානම් .
හිර॑ණ්යවර්ණා॒ශ්ශුච॑යඃ පාව॒කා
යාසු॑ ජා॒තඃ ක॒ශ්යපෝ॒ යාස්වින්ද්රඃ॑ .
අ॒ග්නිං-යාँ ගර්භ॑-න්දධි॒රේ විරූ॑පා॒ස්තා
න॒ ආප॒ශ්ශග්ග් ස්යෝ॒නා භ॑වන්තු ..
යාසා॒ග්ං॒ රාජා॒ වරු॑ණෝ॒ යාති॒ මධ්යේ॑
සත්යානෘ॒තේ අ॑ව॒පශ්ය॒ඤ්ජනා॑නාම් .
ම॒ධු॒ශ්චුත॒ශ්ශුච॑යෝ॒ යාඃ පා॑ව॒කාස්තා
න॒ ආප॒ශ්ශග්ග් ස්යෝ॒නා භ॑වන්තු ..
යාසා॑-න්දේ॒වා දි॒වි කෘ॒ණ්වන්ති॑ භ॒ක්ෂං
යා අ॒න්තරි॑ක්ෂේ බහු॒ධා භව॑න්ති .
යාඃ පෘ॑ථි॒වී-ම්පය॑සෝ॒න්දන්ති॑ ශු॒ක්රාස්තා
න॒ ආප॒ශ්ශග්ග් ස්යෝ॒නා භ॑වන්තු ..
ශි॒වේන॑ මා॒ චක්ෂු॑ෂා පශ්යතාපශ්ශි॒වයා॑
ත॒නුවෝප॑ ස්පෘශත॒ ත්වච॑-ම්මේ .
සර්වාග්ං॑ අ॒ග්නීග්ං ර॑ඵ්සු॒ෂදෝ॑ හුවේ වෝ॒ මයි॒
වර්චෝ॒ බල॒මෝජෝ॒ නිධ॑ත්ත ..
(අ.වේ., කාණ්ඩ-3, සූක්තං-13)
යද॒ද-ස්ස॑ම්ප්රය॒තීරහා॒වන॑දතා හ॒තේ .
තස්මා॒දා න॒ද්යෝ॑ නාම॑ ස්ථ॒ තා වෝ॒ නාමා॑නි සින්ධවඃ .. 1
යත්ප්රේෂි॑තා॒ වරු॑ණේ॒නතාශ්ශීභ॑ග්ං ස॒මව॑ල්ගත .
තදා॑ප්නෝ॒දින්ද්රෝ॑ වෝ ය॒තීස්තස්මා॒දාපෝ॒ අනු॑ස්ථන .. 2
ආ॒ප॒කා॒මග්ග්ං ස්යන්ද॑මානා॒ අවී॑වරත වෝ॒ හි ක॑ම් .
ඉන්ද්රෝ॑ ව॒ශ්ශක්ති॑භිර්දේවී॒ස්තස්මා॒ද්වාර්ණාම॑ වෝ හි॒තම් .. 3
ඒකෝ॑ වෝ දේ॒වෝ අප්ය॑තිෂ්ඨ॒ථ්ස්යන්ද॑මානා යථාව॒ශම් .
උදා॑නිෂුර්ම॒හීරිති॒ තස්මා॑දුද॒කමු॑ච්යතේ .. 4
ආපෝ॑ භ॒ද්රා ඝෘ॒තමිදාප॑ ආනුර॒ග්නීෂෝමෞ॑ බිභ්ර॒ත්යාප॒ ඉත්තාඃ .
තී॒ව්රෝ රසෝ॑ මධු॒පෘචාං॑ අ॒ර॒ඞ්ග॒ම ආ මා॑ ප්රා॒ණේන॑ ස॒හ වර්ච॑සාගන්න් .. 5
ආදිත්ප॑ශ්යාම්යු॒ත වා॑ ශෘණෝ॒ම්යා මා॒ ඝෝෂෝ॑ ගච්ඡති॒ වාඞ්ම॑ ආසාම් .
මන්යේ॑ භේජා॒නෝ අ॒මෘත॑ස්ය॒ තර්හි॒ හිර॑ණ්යවර්ණා॒ අතෘ॑පං-යँ॒දා වඃ॑ .. 6
ආපෝ॒ හිෂ්ඨා ම॑යෝ॒භුව॒ස්තා න॑ ඌ॒ර්ජේ ද॑ධාතන .
ම॒හේරණා॑ය॒ චක්ෂ॑සේ .
යෝ වඃ॑ ශි॒වත॑මෝ රස॒ස්තස්ය॑ භාජයතේ॒ හ නඃ॑ .
උ॒ශ॒තීරි॑ව මා॒ත॑රඃ .
තස්මා॒ අර॑ඞ්ගමාමවෝ॒ යස්ය॒ ක්ෂයා॑ය॒ ජින්ව॑ථ .
ආපෝ॑ ජ॒නය॑ථා ච නඃ .
ශ්රී භවානීශඞ්කරාස්වාමිනේ නමඃ . ශුද්ධෝදකේන ස්නපයාමි .
[ දි॒විශ්ර॑යස්වා॒න්තරි॑ක්ෂේයතස්ව පෘථි॒ව්යාසම්භ॑ව බ්රහ්මවර්ච॒සම॑සි බ්රහ්මවර්ච॒සාය॑ත්වා . අ॒පා-ඞ්ග්රහා॑න්ගෘහ්ණාත්යේ॒තද්වාප රා॑ජ॒සූයං॒-යँදේ॒තේග්රහා॑ස්ස॒වෝ॑-(අ)ග්නිර්ව॑රුණස॒වෝ රා॑ජ॒සූය॑මග්නිස॒වශ්චිත්ය॒ස්තාභ්යා॑මේ॒ව සූ॑ය॒තේ-(අ)ථෝ॑ උ॒භාවේ॒වලෝ॒කාව॒භිජ॑යති॒ යශ්ච॑ රාජ॒සූයේ॑නේජා॒නස්ය॒ යශ්චා॑ග්නි॒චිත॒ ආපෝ॑ භව॒න්ත්යාපෝ॒ වා අ॒ග්නේර්භ්රාතෘ॑ව්යා॒ යද॒පෝ॑-(අ)ග්නේර॒ධස්තා॑දුප॒දධා॑ති॒ භ්රාතෘ॑ව්යාභිභූත්යෛ॒ භව॑ත්යා॒ත්මනා॒පරා॑-(අ)ස්ය॒භ්රාතෘ॑ව්යෝ භවත්ය॒මෘතං॒-වාँ ආප॒ස්තස්මා॑ද॒ද්භිරව॑තාන්තම॒භිෂි॑ඤ්චන්ති॒ නාර්ති॒මාර්ඡ॑ති॒සර්ව॒මායු॑රේති ..
]
පව॑මාන॒ස්සුව॒ර්ජනඃ॑ . ප॒විත්රේ॑ණ॒ විච॑ර්ෂණිඃ .
යඃ පෝතා॒ ස පු॑නාතු මා . පු॒නන්තු॑ මා දේවජ॒නාඃ .
පු॒නන්තු॒ මන॑වෝ ධි॒යා . පු॒නන්තු॒ විශ්ව॑ ආ॒යවඃ॑ .
ජාත॑වේදඃ ප॒විත්ර॑වත් . ප॒විත්රේ॑ණ පුනාහි මා .
ශු॒ක්රේණ॑ දේව॒දීද්ය॑ත් . අග්නේ॒ ක්රත්වා॒ ක්රතූ॒ග්ං॒ රනු॑ .
යත්තේ॑ ප॒විත්ර॑ම॒ර්චිෂි॑ . අග්නේ॒ විත॑තමන්ත॒රා .
බ්රහ්ම॒ තේන॑ පුනීමහේ . උ॒භාභ්යා᳚-න්දේවසවිතඃ .
ප॒විත්රේ॑ණ ස॒වේන॑ ච . ඉ॒ද-ම්බ්රහ්ම॑ පුනීමහේ .
වෛ॒ශ්ව॒දේ॒වී පු॑න॒තී දේ॒ව්යාගා᳚ත් .
යස්යෛ॑ බ॒හ්වීස්ත॒නුවෝ॑ වී॒තපෘ॑ෂ්ඨාඃ .
තයා॒ මද॑න්ත-ස්සධ॒මාද්යේ॑ෂු .
ව॒යග්ග් ස්යා॑ම॒ පත॑යෝ රයී॒ණාම් .
වෛ॒ශ්වා॒න॒රෝ ර॒ශ්මිභි॑ර්මා පුනාතු .
වාතඃ॑ ප්රා॒ණේනේ॑ෂි॒රෝ ම॑යෝ॒ භූඃ .
ද්යාවා॑පෘථි॒වී පය॑සා॒ පයෝ॑භිඃ .
ඍ॒තාව॑රී ය॒ජ්ඤියේ॑ මා පුනීතාම් ..
බෘ॒හද්භි॑ස්සවිත॒ස්තෘභිඃ॑ . වර්ෂි॑ෂ්ඨෛර්දේව॒මන්ම॑භිඃ .
අග්නේ॒ දක්ෂෛඃ᳚ පුනාහි මා . යේන॑ දේ॒වා අපු॑නත .
යේනාපෝ॑ දි॒ව්යඞ්කශඃ॑ . තේන॑ දි॒ව්යේන॒ බ්රහ්ම॑ණා .
ඉ॒ද-ම්බ්රහ්ම॑ පුනීමහේ . යඃ පා॑වමා॒නීර॒ද්ධ්යේති॑ .
ඍෂි॑භි॒ස්සම්භෘ॑ත॒ග්ං॒ රසම්॑ . සර්ව॒ග්ං॒ ස පූ॒තම॑ශ්නාති .
ස්ව॒දි॒ත-ම්මා॑ත॒රිශ්ව॑නා . පා॒ව॒මා॒නීර්යෝ අ॒ධ්යේති॑ .
ඍෂි॑භි॒ස්සම්භෘ॑ත॒ග්ං॒ රසම්᳚ . තස්මෛ॒ සර॑ස්වතී දුහේ .
ක්ෂී॒රග්ං ස॒ර්පිර්මධූ॑ද॒කම් ..
පා॒ව॒මා॒නීස්ස්ව॒ස්ත්යය॑නීඃ . සු॒දුඝා॒හි පය॑ස්වතීඃ .
ඍෂි॑භි॒ස්සම්භෘ॑තෝ॒ රසඃ॑ . බ්රා॒හ්ම॒ණේෂ්ව॒මෘතග්ං॑ හි॒තම් .
පා॒ව॒මා॒නීර්දි॑ශන්තු නඃ . ඉ॒මං-ලෝँ॒කමථෝ॑ අ॒මුම් .
කාමා॒න්ථ්සම॑ර්ධයන්තු නඃ . දේ॒වීර්දේ॒වෛස්ස॒මාභෘ॑තාඃ .
පා॒ව॒මා॒නීස්ස්ව॒ස්ත්යය॑නීඃ . සු॒දුඝා॒හි ඝෘ॑ත॒ශ්චුතඃ॑ .
ඍෂි॑භි॒ස්සම්භෘ॑තෝ॒ රසඃ॑ . බ්රා॒හ්ම॒ණේෂ්ව॒මෘතග්ං॑ හි॒තම් .
යේන॑ දේ॒වාඃ ප॒විත්රේ॑ණ . ආ॒ත්මාන॑-ම්පු॒නතේ॒ සදා᳚ .
තේන॑ ස॒හස්ර॑ධාරේණ . පා॒ව॒මා॒න්යඃ පු॑නන්තු මා .
ප්රා॒ජා॒ප॒ත්ය-ම්ප॒විත්රම්᳚ . ශ॒තෝද්යා॑මග්ං හිර॒ණ්මයම්᳚ .
තේන॑ බ්රහ්ම॒ විදෝ॑ ව॒යම් . පූ॒ත-ම්බ්රහ්ම॑ පුනීමහේ .
ඉන්ද්ර॑ස්සුනී॒තී ස॒හමා॑ පුනාතු . සෝම॑ස්ස්ව॒ස්ත්යා වරු॑ණස්ස॒මීච්යා᳚ .
ය॒මෝ රාජා᳚ ප්රමෘ॒ණාභිඃ॑ පුනාතු මා . ජා॒තවේ॑දා මෝ॒ර්ජය॑න්ත්යා පුනාතු .
ආපෝ॒ වා ඉ॒දග්ං සර්වං॒-විँශ්වා॑ භූ॒තාන්යාපඃ॑ ප්රා॒ණා වා ආපඃ॑
ප॒ශව॒ ආපෝ-(අ)න්න॒මාපෝ-(අ)මෘ॑ත॒මාපඃ॑ ස॒ම්රාඩාපෝ॑ වි॒රාඩාපඃ॑
ස්ව॒රාඩාප॒ශ්ඡන්දා॒ග්ං॒ස්යාපෝ॒ ජ්යෝතී॒ග්ං॒ෂ්යාපෝ॒
යජූ॒ග්ං॒ෂ්යාප॑ස්ස॒ත්යමාප॒ස්සර්වා॑ දේ॒වතා॒ ආපෝ॒
භූර්භුව॒ස්සුව॒රාප॒ ඕම් ..
අ॒පඃ ප්රණ॑යති . ශ්ර॒ද්ධාවා ආපඃ॑ .
ශ්ර॒ද්ධාමේ॒වාරභ්ය॑ ප්ර॒ණීය॒ ප්රච॑රති .
අ॒පඃ ප්රණ॑යති . ය॒ජ්ඤෝ වාඅ ආපඃ॑ .
ය॒ජ්ඤමේ॒වාරභ්ය॑ ප්ර॒ණීය॒ ප්රච॑රති
අ॒පඃ ප්රණ॑යති . ව॒ජ්රෝ වා ආපඃ॑ .
වජ්ර॑මේ॒ව භ්රාතෘ॑ව්යේභ්යඃ ප්රහෘත්ය॑ ප්ර॒ණීය॒ ප්රච॑රති .
අ॒පඃ ප්රණ॑යති . ආපෝ॒ වෛ ර॑ක්ෂෝ॒ඝ්නීඃ .
රක්ෂ॑සා॒මප॑හත්යෛ .
අ॒පඃ ප්රණ॑යති . ආපෝ॒ වෛ දේ॒වානා॑-ම්ප්රි॒යන්ධාම॑ .
දේ॒වානා॑මේ॒ව ප්රි॒යන්ධාම॑ ප්ර॒ණීය॒ ප්රච॑රති .
අ॒පඃ ප්රණ॑යති . ආපෝ॒ වෛ සර්වා॑ දේ॒වතාඃ॑ .
දේ॒වතා॑ ඒ॒වාරභ්ය॑ ප්ර॒ණීය॒ ප්රච॑රති .
(ආපෝ॒වෛශා॒න්තාඃ . ශා॒න්තාභි॑රේ॒වාස්ය॑ ශුචග්ං॑ශමයති ..)
ශ්රී භවානීශඞ්කරාස්වාමිනේ නමඃ . මලාපකර්ෂණස්නානං සමර්පයාමි .
Roman (IAST) Transliteration
(vā॒ma॒devā॒ya na̭maḥ – snānaṃ)
ityādi nirmālyaṃ-vi~sṛjyetyanta-mprativāra-ṅkuryāt ||
|| pañcāmṛtasnānam ||
atha (pañcāmṛta snānaṃ) pañcāmṛtadevatābhyo namaḥ |
dhyānāvāhanādi ṣoḍaśopacārapūjāssamarpayāmi |
bhavānīśaṅkaramuddiśya bhavānīśaṅkara prītyartha-mpañcāmṛtasnāna-ṅkariṣyāmaḥ |
kṣīraṃ
āpyā̭yasva॒ samḙtu te vi॒śvata̭ssoma॒ vṛṣṇi̭yam |
bhavā॒ vāja̭sya saṅga॒the ||
śrī bhavānīśaṅkarāsvāmine namaḥ, kṣīreṇa snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | kṣīrasnānānantaraṃ śuddhodaka snānaṃ samarpayāmi |
dadhi
da॒dhi॒krāvṇṇo̭ akāriṣa-ñji॒ṣṇoraśva̭sya vā॒jinaḥ̭ |
su॒rabhi no॒ mukhā̭ kara॒tpraṇa॒ āyūgṃ̭ṣi tāriṣat ||
śrī bhavānīśaṅkarāsvāmine namaḥ | dadhnā snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | dadhisnānānantaraṃ śuddhodaka snānaṃ samarpayāmi |
ājyaṃ
śu॒krama̭si॒ jyoti̭rasi॒ tejo̭si de॒vova̭ssavi॒totpṷnā॒-
tvacchi̭dreṇa pa॒vitrḙṇa॒ vaso॒ssūrya̭sya ra॒śmibhiḥ̭ |
śrī bhavānīśaṅkarāsvāmine namaḥ | ājyena snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | ājya snānānantaraṃ śuddhodaka snānaṃ samarpayāmi |
madhu
madhu॒vātā̭ ṛtāya॒te madhṷkṣaranti॒ sindha̭vaḥ |
mādhvī᳚rna-ssa॒ntvoṣa̭dhīḥ |
madhu॒ nakta̭mu॒toṣa̭si॒ madhṷma॒tpārthi̭va॒gṃ॒ rajaḥ̭ |
madhu॒dyaura̭stu naḥ pi॒tā |
madhṷmānno॒ vana॒spati॒rmadhṷmāgṃ astu॒ sūryaḥ̭ |
mādhvī॒rgāvo̭ bhavantu naḥ |
śrī bhavānīśaṅkarāsvāmine namaḥ | madhunā snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | madhusnānānantaraṃ śuddhodaka snānaṃ samarpayāmi |
śarkara
svā॒duḥ pa̭vasva di॒vyāya॒ janma̭ne |
svā॒durindrā̭ya su॒havī̭tu॒ nāmne᳚ |
svā॒durmi॒trāya॒ varṷṇāya vā॒yave॒ |
bṛha॒spata̭ye॒ madhṷmā॒gṃ adā᳚bhyaḥ |
śrī bhavānīśaṅkarāsvāmine namaḥ | śarkarayā snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | śarkara snānānantaraṃ śuddhodaka snānaṃ samarpayāmi |
śrī bhavānīśaṅkarāsvāmine namaḥ | pañcāmṛta snānaṃ samarpayāmi |
śaṅkhodakaṃ
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | śaṅkhodakena snapayāmi ||
phalodakaṃ
yāḥ pha॒linī॒ryā a̭pha॒lā a̭pu॒ṣpāyāśca̭ pu॒ṣpiṇīḥ᳚ |
bṛha॒spati̭ prasūtā॒stāno̭ muñca॒ntvagṃ ha̭saḥ ||
śrī bhavānīśaṅkarāsvāmine namaḥ | phalodakena snapayāmi |
gandhodakaṃ
ga॒ndha॒dvā॒rā-ndṷrādha॒rṣā॒-nni॒tyapṷṣṭā-ṅkarī॒ṣiṇī᳚m |
ī॒śvarī̭gṃ sarva̭bhūtā॒nā॒-ntāmi॒hopa̭hvaye॒ śriyam ||
śrī bhavānīśaṅkarāsvāmine namaḥ | gandhodakena snapayāmi |
puṣpodakaṃ
yo̭-'pā-mpuṣpaṃ॒-ve~da̭ |
puṣpa̭vā-npra॒jāvā̭-npaśu॒mā-nbha̭vati |
ca॒ndramā॒ vā a॒pā-mpuṣpa̭m |
puṣpa̭vā-npra॒jāvā̭-npaśu॒mā-nbha̭vati |
śrī bhavānīśaṅkarāsvāmine namaḥ | puṣpodakena snapayāmi |
akṣatodakaṃ
āya̭ne te pa॒rāya̭ṇe॒ dūrvā̭ rohantu pu॒ṣpiṇīḥ̭ |
hra॒dāśca̭ pu॒ṇḍarī̭kāṇi samu॒drasya̭ gṛ॒hā i॒me |
śrī bhavānīśaṅkarāsvāmine namaḥ | akṣatodakena snapayāmi |
suvarṇodakaṃ
tathsu॒varṇa॒gṃ॒ hira̭ṇyamabhavat |
tathsu॒varṇa̭sya॒ hira̭ṇyasya॒janma̭ |
ya e॒vagṃ su॒varṇa̭sya॒ hira̭ṇyasya॒ janma॒vḙda |
su॒varṇa̭ ā॒tmanā̭ bhavati |
śrī bhavānīśaṅkarāsvāmine namaḥ | suvarṇodakena snapayāmi |
rudrākṣodakaṃ
trya̭mbakaṃ-ya~jāmahe suga॒ndhi-mpṷṣṭi॒ vardha̭nam |
u॒rvā॒ru॒kami̭va॒ bandha̭nānmṛ॒tyormṷkṣīya॒ mā-'mṛtā᳚t ||
śrī bhavānīśaṅkarāsvāmine namaḥ | rudrākṣodakena snapayāmi |
bhasmodakaṃ
mā no̭ ma॒hānta̭mu॒ta mā no̭ arbha॒kaṃ
mā na॒ ukṣa̭ntamu॒ta mā na̭ ukṣi॒tam |
mā no̭-'vadhīḥ pi॒tara॒-mmota mā॒taraṃ̭
pri॒yā mā na̭sta॒nuvo̭ rudra rīriṣaḥ |
śrī bhavānīśaṅkarāsvāmine namaḥ | bhasmodakena snapayāmi |
bilvodakaṃ
mā na̭sto॒ke tana̭ye॒ mā na॒ āyṷṣi॒
mā no॒ goṣu॒ mā no॒ aśvḙṣu rīriṣaḥ |
vī॒rānmā no̭ rudra bhāmi॒to-'va̭dhīrha॒viṣma̭nto॒
nama̭sā vidhema te |
śrī bhavānīśaṅkarāsvāmine namaḥ | bilvodakena snapayāmi |
dūrvodakaṃ
kāṇḍā̭tkāṇḍātpra॒roha̭nti parṷṣaḥ paruṣaḥ॒ pari̭ |
e॒vāno̭ dūrve॒ prata̭nu sa॒hasrḙṇa śa॒tena̭ ca ||
śrī bhavānīśaṅkarāsvāmine namaḥ | dūrvodakena snapayāmi |
atha malāpakarṣaṇa snānam |
hira̭ṇyavarṇā॒śśuca̭yaḥ pāva॒kā
yāsṷ jā॒taḥ ka॒śyapo॒ yāsvindraḥ̭ |
a॒gniṃ-yā~ garbha̭-ndadhi॒re virṷ̄pā॒stā
na॒ āpa॒śśagg syo॒nā bha̭vantu ||
yāsā॒gṃ॒ rājā॒ varṷṇo॒ yāti॒ madhyḙ
satyānṛ॒te a̭va॒paśya॒ñjanā̭nām |
ma॒dhu॒ścuta॒śśuca̭yo॒ yāḥ pā̭va॒kāstā
na॒ āpa॒śśagg syo॒nā bha̭vantu ||
yāsā̭-nde॒vā di॒vi kṛ॒ṇvanti̭ bha॒kṣaṃ
yā a॒ntari̭kṣe bahu॒dhā bhava̭nti |
yāḥ pṛ̭thi॒vī-mpaya̭so॒ndanti̭ śu॒krāstā
na॒ āpa॒śśagg syo॒nā bha̭vantu ||
śi॒vena̭ mā॒ cakṣṷṣā paśyatāpaśśi॒vayā̭
ta॒nuvopa̭ spṛśata॒ tvaca̭-mme |
sarvāgṃ̭ a॒gnīgṃ ra̭phsu॒ṣado̭ huve vo॒ mayi॒
varco॒ bala॒mojo॒ nidha̭tta ||
(a.ve., kāṇḍa-3, sūktaṃ-13)
yada॒da-ssa̭mpraya॒tīrahā॒vana̭datā ha॒te |
tasmā॒dā na॒dyo̭ nāma̭ stha॒ tā vo॒ nāmā̭ni sindhavaḥ || 1
yatpreṣi̭tā॒ varṷṇe॒natāśśībha̭gṃ sa॒mava̭lgata |
tadā̭pno॒dindro̭ vo ya॒tīstasmā॒dāpo॒ anṷsthana || 2
ā॒pa॒kā॒maggṃ syanda̭mānā॒ avī̭varata vo॒ hi ka̭m |
indro̭ va॒śśakti̭bhirdevī॒stasmā॒dvārṇāma̭ vo hi॒tam || 3
eko̭ vo de॒vo apya̭tiṣṭha॒thsyanda̭mānā yathāva॒śam |
udā̭niṣurma॒hīriti॒ tasmā̭duda॒kamṷcyate || 4
āpo̭ bha॒drā ghṛ॒tamidāpa̭ ānura॒gnīṣomaṷ bibhra॒tyāpa॒ ittāḥ |
tī॒vro raso̭ madhu॒pṛcāṃ̭ a॒ra॒ṅga॒ma ā mā̭ prā॒ṇena̭ sa॒ha varca̭sāgann || 5
āditpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vāṅma̭ āsām |
manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || 6
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | śuddhodakena snapayāmi |
[ di॒viśra̭yasvā॒ntari̭kṣeyatasva pṛthi॒vyāsambha̭va brahmavarca॒sama̭si brahmavarca॒sāya̭tvā | a॒pā-ṅgrahā̭ngṛhṇātye॒tadvāpa rā̭ja॒sūyaṃ॒-ya~de॒tegrahā̭ssa॒vo̭-'gnirva̭ruṇasa॒vo rā̭ja॒sūya̭magnisa॒vaścitya॒stābhyā̭me॒va sṷ̄ya॒te-'tho̭ u॒bhāve॒valo॒kāva॒bhija̭yati॒ yaśca̭ rāja॒sūyḙnejā॒nasya॒ yaścā̭gni॒cita॒ āpo̭ bhava॒ntyāpo॒ vā a॒gnerbhrātṛ̭vyā॒ yada॒po̭-'gnera॒dhastā̭dupa॒dadhā̭ti॒ bhrātṛ̭vyābhibhūtyai॒ bhava̭tyā॒tmanā॒parā̭-'sya॒bhrātṛ̭vyo bhavatya॒mṛtaṃ॒-vā~ āpa॒stasmā̭da॒dbhirava̭tāntama॒bhiṣi̭ñcanti॒ nārti॒mārcha̭ti॒sarva॒māyṷreti ||
]
pava̭māna॒ssuva॒rjanaḥ̭ | pa॒vitrḙṇa॒ vica̭rṣaṇiḥ |
yaḥ potā॒ sa pṷnātu mā | pu॒nantṷ mā devaja॒nāḥ |
pu॒nantu॒ mana̭vo dhi॒yā | pu॒nantu॒ viśva̭ ā॒yavaḥ̭ |
jāta̭vedaḥ pa॒vitra̭vat | pa॒vitrḙṇa punāhi mā |
śu॒kreṇa̭ deva॒dīdya̭t | agne॒ kratvā॒ kratū॒gṃ॒ ranṷ |
yattḙ pa॒vitra̭ma॒rciṣi̭ | agne॒ vita̭tamanta॒rā |
brahma॒ tena̭ punīmahe | u॒bhābhyā᳚-ndevasavitaḥ |
pa॒vitrḙṇa sa॒vena̭ ca | i॒da-mbrahma̭ punīmahe |
vai॒śva॒de॒vī pṷna॒tī de॒vyāgā᳚t |
yasyai̭ ba॒hvīsta॒nuvo̭ vī॒tapṛ̭ṣṭhāḥ |
tayā॒ mada̭nta-ssadha॒mādyḙṣu |
va॒yagg syā̭ma॒ pata̭yo rayī॒ṇām |
vai॒śvā॒na॒ro ra॒śmibhi̭rmā punātu |
vātaḥ̭ prā॒ṇenḙṣi॒ro ma̭yo॒ bhūḥ |
dyāvā̭pṛthi॒vī paya̭sā॒ payo̭bhiḥ |
ṛ॒tāva̭rī ya॒jñiyḙ mā punītām ||
bṛ॒hadbhi̭ssavita॒stṛbhiḥ̭ | varṣi̭ṣṭhairdeva॒manma̭bhiḥ |
agne॒ dakṣaiḥ᳚ punāhi mā | yena̭ de॒vā apṷnata |
yenāpo̭ di॒vyaṅkaśaḥ̭ | tena̭ di॒vyena॒ brahma̭ṇā |
i॒da-mbrahma̭ punīmahe | yaḥ pā̭vamā॒nīra॒ddhyeti̭ |
ṛṣi̭bhi॒ssambhṛ̭ta॒gṃ॒ rasam̭ | sarva॒gṃ॒ sa pū॒tama̭śnāti |
sva॒di॒ta-mmā̭ta॒riśva̭nā | pā॒va॒mā॒nīryo a॒dhyeti̭ |
ṛṣi̭bhi॒ssambhṛ̭ta॒gṃ॒ rasam᳚ | tasmai॒ sara̭svatī duhe |
kṣī॒ragṃ sa॒rpirmadhṷ̄da॒kam ||
pā॒va॒mā॒nīssva॒styaya̭nīḥ | su॒dughā॒hi paya̭svatīḥ |
ṛṣi̭bhi॒ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam |
pā॒va॒mā॒nīrdi̭śantu naḥ | i॒maṃ-lo~॒kamatho̭ a॒mum |
kāmā॒nthsama̭rdhayantu naḥ | de॒vīrde॒vaissa॒mābhṛ̭tāḥ |
pā॒va॒mā॒nīssva॒styaya̭nīḥ | su॒dughā॒hi ghṛ̭ta॒ścutaḥ̭ |
ṛṣi̭bhi॒ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam |
yena̭ de॒vāḥ pa॒vitrḙṇa | ā॒tmāna̭-mpu॒nate॒ sadā᳚ |
tena̭ sa॒hasra̭dhāreṇa | pā॒va॒mā॒nyaḥ pṷnantu mā |
prā॒jā॒pa॒tya-mpa॒vitram᳚ | śa॒todyā̭magṃ hira॒ṇmayam᳚ |
tena̭ brahma॒ vido̭ va॒yam | pū॒ta-mbrahma̭ punīmahe |
indra̭ssunī॒tī sa॒hamā̭ punātu | soma̭ssva॒styā varṷṇassa॒mīcyā᳚ |
ya॒mo rājā᳚ pramṛ॒ṇābhiḥ̭ punātu mā | jā॒tavḙdā mo॒rjaya̭ntyā punātu |
āpo॒ vā i॒dagṃ sarvaṃ॒-vi~śvā̭ bhū॒tānyāpaḥ̭ prā॒ṇā vā āpaḥ̭
pa॒śava॒ āpo-'nna॒māpo-'mṛ̭ta॒māpaḥ̭ sa॒mrāḍāpo̭ vi॒rāḍāpaḥ̭
sva॒rāḍāpa॒śchandā॒gṃ॒syāpo॒ jyotī॒gṃ॒ṣyāpo॒
yajū॒gṃ॒ṣyāpa̭ssa॒tyamāpa॒ssarvā̭ de॒vatā॒ āpo॒
bhūrbhuva॒ssuva॒rāpa॒ om ||
a॒paḥ praṇa̭yati | śra॒ddhāvā āpaḥ̭ |
śra॒ddhāme॒vārabhya̭ pra॒ṇīya॒ praca̭rati |
a॒paḥ praṇa̭yati | ya॒jño vāa āpaḥ̭ |
ya॒jñame॒vārabhya̭ pra॒ṇīya॒ praca̭rati
a॒paḥ praṇa̭yati | va॒jro vā āpaḥ̭ |
vajra̭me॒va bhrātṛ̭vyebhyaḥ prahṛtya̭ pra॒ṇīya॒ praca̭rati |
a॒paḥ praṇa̭yati | āpo॒ vai ra̭kṣo॒ghnīḥ |
rakṣa̭sā॒mapa̭hatyai |
a॒paḥ praṇa̭yati | āpo॒ vai de॒vānā̭-mpri॒yandhāma̭ |
de॒vānā̭me॒va pri॒yandhāma̭ pra॒ṇīya॒ praca̭rati |
a॒paḥ praṇa̭yati | āpo॒ vai sarvā̭ de॒vatāḥ̭ |
de॒vatā̭ e॒vārabhya̭ pra॒ṇīya॒ praca̭rati |
(āpo॒vaiśā॒ntāḥ | śā॒ntābhi̭re॒vāsya̭ śucagṃ̭śamayati ||)
śrī bhavānīśaṅkarāsvāmine namaḥ | malāpakarṣaṇasnānaṃ samarpayāmi |
Sanskrit — Devanagari (original)
(वा॒म॒देवा॒य न॑मः – स्नानं)
इत्यादि निर्माल्यं-विँसृज्येत्यन्त-म्प्रतिवार-ङ्कुर्यात् ॥
॥ पञ्चामृतस्नानम् ॥
अथ (पञ्चामृत स्नानं) पञ्चामृतदेवताभ्यो नमः ।
ध्यानावाहनादि षोडशोपचारपूजास्समर्पयामि ।
भवानीशङ्करमुद्दिश्य भवानीशङ्कर प्रीत्यर्थ-म्पञ्चामृतस्नान-ङ्करिष्यामः ।
क्षीरं
आप्या॑यस्व॒ समे॑तु ते वि॒श्वत॑स्सोम॒ वृष्णि॑यम् ।
भवा॒ वाज॑स्य सङ्ग॒थे ॥
श्री भवानीशङ्करास्वामिने नमः, क्षीरेण स्नपयामि ।
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । क्षीरस्नानानन्तरं शुद्धोदक स्नानं समर्पयामि ।
दधि
द॒धि॒क्राव्ण्णो॑ अकारिष-ञ्जि॒ष्णोरश्व॑स्य वा॒जिनः॑ ।
सु॒रभि नो॒ मुखा॑ कर॒त्प्रण॒ आयूग्ं॑षि तारिषत् ॥
श्री भवानीशङ्करास्वामिने नमः । दध्ना स्नपयामि ।
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । दधिस्नानानन्तरं शुद्धोदक स्नानं समर्पयामि ।
आज्यं
शु॒क्रम॑सि॒ ज्योति॑रसि॒ तेजो॑सि दे॒वोव॑स्सवि॒तोत्पु॑ना॒-
त्वच्छि॑द्रेण प॒वित्रे॑ण॒ वसो॒स्सूर्य॑स्य र॒श्मिभिः॑ ।
श्री भवानीशङ्करास्वामिने नमः । आज्येन स्नपयामि ।
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । आज्य स्नानानन्तरं शुद्धोदक स्नानं समर्पयामि ।
मधु
मधु॒वाता॑ ऋताय॒ते मधु॑क्षरन्ति॒ सिन्ध॑वः ।
माध्वी᳚र्न-स्स॒न्त्वोष॑धीः ।
मधु॒ नक्त॑मु॒तोष॑सि॒ मधु॑म॒त्पार्थि॑व॒ग्ं॒ रजः॑ ।
मधु॒द्यौर॑स्तु नः पि॒ता ।
मधु॑मान्नो॒ वन॒स्पति॒र्मधु॑माग्ं अस्तु॒ सूर्यः॑ ।
माध्वी॒र्गावो॑ भवन्तु नः ।
श्री भवानीशङ्करास्वामिने नमः । मधुना स्नपयामि ।
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । मधुस्नानानन्तरं शुद्धोदक स्नानं समर्पयामि ।
शर्कर
स्वा॒दुः प॑वस्व दि॒व्याय॒ जन्म॑ने ।
स्वा॒दुरिन्द्रा॑य सु॒हवी॑तु॒ नाम्ने᳚ ।
स्वा॒दुर्मि॒त्राय॒ वरु॑णाय वा॒यवे॒ ।
बृह॒स्पत॑ये॒ मधु॑मा॒ग्ं अदा᳚भ्यः ।
श्री भवानीशङ्करास्वामिने नमः । शर्करया स्नपयामि ।
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । शर्कर स्नानानन्तरं शुद्धोदक स्नानं समर्पयामि ।
श्री भवानीशङ्करास्वामिने नमः । पञ्चामृत स्नानं समर्पयामि ।
शङ्खोदकं
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । शङ्खोदकेन स्नपयामि ॥
फलोदकं
याः फ॒लिनी॒र्या अ॑फ॒ला अ॑पु॒ष्पायाश्च॑ पु॒ष्पिणीः᳚ ।
बृह॒स्पति॑ प्रसूता॒स्तानो॑ मुञ्च॒न्त्वग्ं ह॑सः ॥
श्री भवानीशङ्करास्वामिने नमः । फलोदकेन स्नपयामि ।
गन्धोदकं
ग॒न्ध॒द्वा॒रा-न्दु॑राध॒र्षा॒-न्नि॒त्यपु॑ष्टा-ङ्करी॒षिणी᳚म् ।
ई॒श्वरी॑ग्ं सर्व॑भूता॒ना॒-न्तामि॒होप॑ह्वये॒ श्रियम् ॥
श्री भवानीशङ्करास्वामिने नमः । गन्धोदकेन स्नपयामि ।
पुष्पोदकं
यो॑-ऽपा-म्पुष्पं॒-वेँद॑ ।
पुष्प॑वा-न्प्र॒जावा॑-न्पशु॒मा-न्भ॑वति ।
च॒न्द्रमा॒ वा अ॒पा-म्पुष्प॑म् ।
पुष्प॑वा-न्प्र॒जावा॑-न्पशु॒मा-न्भ॑वति ।
श्री भवानीशङ्करास्वामिने नमः । पुष्पोदकेन स्नपयामि ।
अक्षतोदकं
आय॑ने ते प॒राय॑णे॒ दूर्वा॑ रोहन्तु पु॒ष्पिणीः॑ ।
ह्र॒दाश्च॑ पु॒ण्डरी॑काणि समु॒द्रस्य॑ गृ॒हा इ॒मे ।
श्री भवानीशङ्करास्वामिने नमः । अक्षतोदकेन स्नपयामि ।
सुवर्णोदकं
तथ्सु॒वर्ण॒ग्ं॒ हिर॑ण्यमभवत् ।
तथ्सु॒वर्ण॑स्य॒ हिर॑ण्यस्य॒जन्म॑ ।
य ए॒वग्ं सु॒वर्ण॑स्य॒ हिर॑ण्यस्य॒ जन्म॒वे॑द ।
सु॒वर्ण॑ आ॒त्मना॑ भवति ।
श्री भवानीशङ्करास्वामिने नमः । सुवर्णोदकेन स्नपयामि ।
रुद्राक्षोदकं
त्र्य॑म्बकं-यँजामहे सुग॒न्धि-म्पु॑ष्टि॒ वर्ध॑नम् ।
उ॒र्वा॒रु॒कमि॑व॒ बन्ध॑नान्मृ॒त्योर्मु॑क्षीय॒ मा-ऽमृता᳚त् ॥
श्री भवानीशङ्करास्वामिने नमः । रुद्राक्षोदकेन स्नपयामि ।
भस्मोदकं
मा नो॑ म॒हान्त॑मु॒त मा नो॑ अर्भ॒कं
मा न॒ उक्ष॑न्तमु॒त मा न॑ उक्षि॒तम् ।
मा नो॑-ऽवधीः पि॒तर॒-म्मोत मा॒तरं॑
प्रि॒या मा न॑स्त॒नुवो॑ रुद्र रीरिषः ।
श्री भवानीशङ्करास्वामिने नमः । भस्मोदकेन स्नपयामि ।
बिल्वोदकं
मा न॑स्तो॒के तन॑ये॒ मा न॒ आयु॑षि॒
मा नो॒ गोषु॒ मा नो॒ अश्वे॑षु रीरिषः ।
वी॒रान्मा नो॑ रुद्र भामि॒तो-ऽव॑धीर्ह॒विष्म॑न्तो॒
नम॑सा विधेम ते ।
श्री भवानीशङ्करास्वामिने नमः । बिल्वोदकेन स्नपयामि ।
दूर्वोदकं
काण्डा॑त्काण्डात्प्र॒रोह॑न्ति परु॑षः परुषः॒ परि॑ ।
ए॒वानो॑ दूर्वे॒ प्रत॑नु स॒हस्रे॑ण श॒तेन॑ च ॥
श्री भवानीशङ्करास्वामिने नमः । दूर्वोदकेन स्नपयामि ।
अथ मलापकर्षण स्नानम् ।
हिर॑ण्यवर्णा॒श्शुच॑यः पाव॒का
यासु॑ जा॒तः क॒श्यपो॒ यास्विन्द्रः॑ ।
अ॒ग्निं-याँ गर्भ॑-न्दधि॒रे विरू॑पा॒स्ता
न॒ आप॒श्शग्ग् स्यो॒ना भ॑वन्तु ॥
यासा॒ग्ं॒ राजा॒ वरु॑णो॒ याति॒ मध्ये॑
सत्यानृ॒ते अ॑व॒पश्य॒ञ्जना॑नाम् ।
म॒धु॒श्चुत॒श्शुच॑यो॒ याः पा॑व॒कास्ता
न॒ आप॒श्शग्ग् स्यो॒ना भ॑वन्तु ॥
यासा॑-न्दे॒वा दि॒वि कृ॒ण्वन्ति॑ भ॒क्षं
या अ॒न्तरि॑क्षे बहु॒धा भव॑न्ति ।
याः पृ॑थि॒वी-म्पय॑सो॒न्दन्ति॑ शु॒क्रास्ता
न॒ आप॒श्शग्ग् स्यो॒ना भ॑वन्तु ॥
शि॒वेन॑ मा॒ चक्षु॑षा पश्यतापश्शि॒वया॑
त॒नुवोप॑ स्पृशत॒ त्वच॑-म्मे ।
सर्वाग्ं॑ अ॒ग्नीग्ं र॑फ्सु॒षदो॑ हुवे वो॒ मयि॒
वर्चो॒ बल॒मोजो॒ निध॑त्त ॥
(अ.वे., काण्ड-3, सूक्तं-13)
यद॒द-स्स॑म्प्रय॒तीरहा॒वन॑दता ह॒ते ।
तस्मा॒दा न॒द्यो॑ नाम॑ स्थ॒ ता वो॒ नामा॑नि सिन्धवः ॥ 1
यत्प्रेषि॑ता॒ वरु॑णे॒नताश्शीभ॑ग्ं स॒मव॑ल्गत ।
तदा॑प्नो॒दिन्द्रो॑ वो य॒तीस्तस्मा॒दापो॒ अनु॑स्थन ॥ 2
आ॒प॒का॒मग्ग्ं स्यन्द॑माना॒ अवी॑वरत वो॒ हि क॑म् ।
इन्द्रो॑ व॒श्शक्ति॑भिर्देवी॒स्तस्मा॒द्वार्णाम॑ वो हि॒तम् ॥ 3
एको॑ वो दे॒वो अप्य॑तिष्ठ॒थ्स्यन्द॑माना यथाव॒शम् ।
उदा॑निषुर्म॒हीरिति॒ तस्मा॑दुद॒कमु॑च्यते ॥ 4
आपो॑ भ॒द्रा घृ॒तमिदाप॑ आनुर॒ग्नीषोमौ॑ बिभ्र॒त्याप॒ इत्ताः ।
ती॒व्रो रसो॑ मधु॒पृचां॑ अ॒र॒ङ्ग॒म आ मा॑ प्रा॒णेन॑ स॒ह वर्च॑सागन्न् ॥ 5
आदित्प॑श्याम्यु॒त वा॑ शृणो॒म्या मा॒ घोषो॑ गच्छति॒ वाङ्म॑ आसाम् ।
मन्ये॑ भेजा॒नो अ॒मृत॑स्य॒ तर्हि॒ हिर॑ण्यवर्णा॒ अतृ॑पं-यँ॒दा वः॑ ॥ 6
आपो॒ हिष्ठा म॑यो॒भुव॒स्ता न॑ ऊ॒र्जे द॑धातन ।
म॒हेरणा॑य॒ चक्ष॑से ।
यो वः॑ शि॒वत॑मो रस॒स्तस्य॑ भाजयते॒ ह नः॑ ।
उ॒श॒तीरि॑व मा॒त॑रः ।
तस्मा॒ अर॑ङ्गमामवो॒ यस्य॒ क्षया॑य॒ जिन्व॑थ ।
आपो॑ ज॒नय॑था च नः ।
श्री भवानीशङ्करास्वामिने नमः । शुद्धोदकेन स्नपयामि ।
[ दि॒विश्र॑यस्वा॒न्तरि॑क्षेयतस्व पृथि॒व्यासम्भ॑व ब्रह्मवर्च॒सम॑सि ब्रह्मवर्च॒साय॑त्वा । अ॒पा-ङ्ग्रहा॑न्गृह्णात्ये॒तद्वाप रा॑ज॒सूयं॒-यँदे॒तेग्रहा॑स्स॒वो॑-ऽग्निर्व॑रुणस॒वो रा॑ज॒सूय॑मग्निस॒वश्चित्य॒स्ताभ्या॑मे॒व सू॑य॒ते-ऽथो॑ उ॒भावे॒वलो॒काव॒भिज॑यति॒ यश्च॑ राज॒सूये॑नेजा॒नस्य॒ यश्चा॑ग्नि॒चित॒ आपो॑ भव॒न्त्यापो॒ वा अ॒ग्नेर्भ्रातृ॑व्या॒ यद॒पो॑-ऽग्नेर॒धस्ता॑दुप॒दधा॑ति॒ भ्रातृ॑व्याभिभूत्यै॒ भव॑त्या॒त्मना॒परा॑-ऽस्य॒भ्रातृ॑व्यो भवत्य॒मृतं॒-वाँ आप॒स्तस्मा॑द॒द्भिरव॑तान्तम॒भिषि॑ञ्चन्ति॒ नार्ति॒मार्छ॑ति॒सर्व॒मायु॑रेति ॥
]
पव॑मान॒स्सुव॒र्जनः॑ । प॒वित्रे॑ण॒ विच॑र्षणिः ।
यः पोता॒ स पु॑नातु मा । पु॒नन्तु॑ मा देवज॒नाः ।
पु॒नन्तु॒ मन॑वो धि॒या । पु॒नन्तु॒ विश्व॑ आ॒यवः॑ ।
जात॑वेदः प॒वित्र॑वत् । प॒वित्रे॑ण पुनाहि मा ।
शु॒क्रेण॑ देव॒दीद्य॑त् । अग्ने॒ क्रत्वा॒ क्रतू॒ग्ं॒ रनु॑ ।
यत्ते॑ प॒वित्र॑म॒र्चिषि॑ । अग्ने॒ वित॑तमन्त॒रा ।
ब्रह्म॒ तेन॑ पुनीमहे । उ॒भाभ्या᳚-न्देवसवितः ।
प॒वित्रे॑ण स॒वेन॑ च । इ॒द-म्ब्रह्म॑ पुनीमहे ।
वै॒श्व॒दे॒वी पु॑न॒ती दे॒व्यागा᳚त् ।
यस्यै॑ ब॒ह्वीस्त॒नुवो॑ वी॒तपृ॑ष्ठाः ।
तया॒ मद॑न्त-स्सध॒माद्ये॑षु ।
व॒यग्ग् स्या॑म॒ पत॑यो रयी॒णाम् ।
वै॒श्वा॒न॒रो र॒श्मिभि॑र्मा पुनातु ।
वातः॑ प्रा॒णेने॑षि॒रो म॑यो॒ भूः ।
द्यावा॑पृथि॒वी पय॑सा॒ पयो॑भिः ।
ऋ॒ताव॑री य॒ज्ञिये॑ मा पुनीताम् ॥
बृ॒हद्भि॑स्सवित॒स्तृभिः॑ । वर्षि॑ष्ठैर्देव॒मन्म॑भिः ।
अग्ने॒ दक्षैः᳚ पुनाहि मा । येन॑ दे॒वा अपु॑नत ।
येनापो॑ दि॒व्यङ्कशः॑ । तेन॑ दि॒व्येन॒ ब्रह्म॑णा ।
इ॒द-म्ब्रह्म॑ पुनीमहे । यः पा॑वमा॒नीर॒द्ध्येति॑ ।
ऋषि॑भि॒स्सम्भृ॑त॒ग्ं॒ रसम्॑ । सर्व॒ग्ं॒ स पू॒तम॑श्नाति ।
स्व॒दि॒त-म्मा॑त॒रिश्व॑ना । पा॒व॒मा॒नीर्यो अ॒ध्येति॑ ।
ऋषि॑भि॒स्सम्भृ॑त॒ग्ं॒ रसम्᳚ । तस्मै॒ सर॑स्वती दुहे ।
क्षी॒रग्ं स॒र्पिर्मधू॑द॒कम् ॥
पा॒व॒मा॒नीस्स्व॒स्त्यय॑नीः । सु॒दुघा॒हि पय॑स्वतीः ।
ऋषि॑भि॒स्सम्भृ॑तो॒ रसः॑ । ब्रा॒ह्म॒णेष्व॒मृतग्ं॑ हि॒तम् ।
पा॒व॒मा॒नीर्दि॑शन्तु नः । इ॒मं-लोँ॒कमथो॑ अ॒मुम् ।
कामा॒न्थ्सम॑र्धयन्तु नः । दे॒वीर्दे॒वैस्स॒माभृ॑ताः ।
पा॒व॒मा॒नीस्स्व॒स्त्यय॑नीः । सु॒दुघा॒हि घृ॑त॒श्चुतः॑ ।
ऋषि॑भि॒स्सम्भृ॑तो॒ रसः॑ । ब्रा॒ह्म॒णेष्व॒मृतग्ं॑ हि॒तम् ।
येन॑ दे॒वाः प॒वित्रे॑ण । आ॒त्मान॑-म्पु॒नते॒ सदा᳚ ।
तेन॑ स॒हस्र॑धारेण । पा॒व॒मा॒न्यः पु॑नन्तु मा ।
प्रा॒जा॒प॒त्य-म्प॒वित्रम्᳚ । श॒तोद्या॑मग्ं हिर॒ण्मयम्᳚ ।
तेन॑ ब्रह्म॒ विदो॑ व॒यम् । पू॒त-म्ब्रह्म॑ पुनीमहे ।
इन्द्र॑स्सुनी॒ती स॒हमा॑ पुनातु । सोम॑स्स्व॒स्त्या वरु॑णस्स॒मीच्या᳚ ।
य॒मो राजा᳚ प्रमृ॒णाभिः॑ पुनातु मा । जा॒तवे॑दा मो॒र्जय॑न्त्या पुनातु ।
आपो॒ वा इ॒दग्ं सर्वं॒-विँश्वा॑ भू॒तान्यापः॑ प्रा॒णा वा आपः॑
प॒शव॒ आपो-ऽन्न॒मापो-ऽमृ॑त॒मापः॑ स॒म्राडापो॑ वि॒राडापः॑
स्व॒राडाप॒श्छन्दा॒ग्ं॒स्यापो॒ ज्योती॒ग्ं॒ष्यापो॒
यजू॒ग्ं॒ष्याप॑स्स॒त्यमाप॒स्सर्वा॑ दे॒वता॒ आपो॒
भूर्भुव॒स्सुव॒राप॒ ओम् ॥
अ॒पः प्रण॑यति । श्र॒द्धावा आपः॑ ।
श्र॒द्धामे॒वारभ्य॑ प्र॒णीय॒ प्रच॑रति ।
अ॒पः प्रण॑यति । य॒ज्ञो वाअ आपः॑ ।
य॒ज्ञमे॒वारभ्य॑ प्र॒णीय॒ प्रच॑रति
अ॒पः प्रण॑यति । व॒ज्रो वा आपः॑ ।
वज्र॑मे॒व भ्रातृ॑व्येभ्यः प्रहृत्य॑ प्र॒णीय॒ प्रच॑रति ।
अ॒पः प्रण॑यति । आपो॒ वै र॑क्षो॒घ्नीः ।
रक्ष॑सा॒मप॑हत्यै ।
अ॒पः प्रण॑यति । आपो॒ वै दे॒वाना॑-म्प्रि॒यन्धाम॑ ।
दे॒वाना॑मे॒व प्रि॒यन्धाम॑ प्र॒णीय॒ प्रच॑रति ।
अ॒पः प्रण॑यति । आपो॒ वै सर्वा॑ दे॒वताः॑ ।
दे॒वता॑ ए॒वारभ्य॑ प्र॒णीय॒ प्रच॑रति ।
(आपो॒वैशा॒न्ताः । शा॒न्ताभि॑रे॒वास्य॑ शुचग्ं॑शमयति ॥)
श्री भवानीशङ्करास्वामिने नमः । मलापकर्षणस्नानं समर्पयामि ।
(vā॒ma॒devā॒ya na̭maḥ – snānaṃ)
ityādi nirmālyaṃ-vi~sṛjyetyanta-mprativāra-ṅkuryāt ||
|| pañcāmṛtasnānam ||
atha (pañcāmṛta snānaṃ) pañcāmṛtadevatābhyo namaḥ |
dhyānāvāhanādi ṣoḍaśopacārapūjāssamarpayāmi |
bhavānīśaṅkaramuddiśya bhavānīśaṅkara prītyartha-mpañcāmṛtasnāna-ṅkariṣyāmaḥ |
kṣīraṃ
āpyā̭yasva॒ samḙtu te vi॒śvata̭ssoma॒ vṛṣṇi̭yam |
bhavā॒ vāja̭sya saṅga॒the ||
śrī bhavānīśaṅkarāsvāmine namaḥ, kṣīreṇa snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | kṣīrasnānānantaraṃ śuddhodaka snānaṃ samarpayāmi |
dadhi
da॒dhi॒krāvṇṇo̭ akāriṣa-ñji॒ṣṇoraśva̭sya vā॒jinaḥ̭ |
su॒rabhi no॒ mukhā̭ kara॒tpraṇa॒ āyūgṃ̭ṣi tāriṣat ||
śrī bhavānīśaṅkarāsvāmine namaḥ | dadhnā snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | dadhisnānānantaraṃ śuddhodaka snānaṃ samarpayāmi |
ājyaṃ
śu॒krama̭si॒ jyoti̭rasi॒ tejo̭si de॒vova̭ssavi॒totpṷnā॒-
tvacchi̭dreṇa pa॒vitrḙṇa॒ vaso॒ssūrya̭sya ra॒śmibhiḥ̭ |
śrī bhavānīśaṅkarāsvāmine namaḥ | ājyena snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | ājya snānānantaraṃ śuddhodaka snānaṃ samarpayāmi |
madhu
madhu॒vātā̭ ṛtāya॒te madhṷkṣaranti॒ sindha̭vaḥ |
mādhvī᳚rna-ssa॒ntvoṣa̭dhīḥ |
madhu॒ nakta̭mu॒toṣa̭si॒ madhṷma॒tpārthi̭va॒gṃ॒ rajaḥ̭ |
madhu॒dyaura̭stu naḥ pi॒tā |
madhṷmānno॒ vana॒spati॒rmadhṷmāgṃ astu॒ sūryaḥ̭ |
mādhvī॒rgāvo̭ bhavantu naḥ |
śrī bhavānīśaṅkarāsvāmine namaḥ | madhunā snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | madhusnānānantaraṃ śuddhodaka snānaṃ samarpayāmi |
śarkara
svā॒duḥ pa̭vasva di॒vyāya॒ janma̭ne |
svā॒durindrā̭ya su॒havī̭tu॒ nāmne᳚ |
svā॒durmi॒trāya॒ varṷṇāya vā॒yave॒ |
bṛha॒spata̭ye॒ madhṷmā॒gṃ adā᳚bhyaḥ |
śrī bhavānīśaṅkarāsvāmine namaḥ | śarkarayā snapayāmi |
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | śarkara snānānantaraṃ śuddhodaka snānaṃ samarpayāmi |
śrī bhavānīśaṅkarāsvāmine namaḥ | pañcāmṛta snānaṃ samarpayāmi |
śaṅkhodakaṃ
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | śaṅkhodakena snapayāmi ||
phalodakaṃ
yāḥ pha॒linī॒ryā a̭pha॒lā a̭pu॒ṣpāyāśca̭ pu॒ṣpiṇīḥ᳚ |
bṛha॒spati̭ prasūtā॒stāno̭ muñca॒ntvagṃ ha̭saḥ ||
śrī bhavānīśaṅkarāsvāmine namaḥ | phalodakena snapayāmi |
gandhodakaṃ
ga॒ndha॒dvā॒rā-ndṷrādha॒rṣā॒-nni॒tyapṷṣṭā-ṅkarī॒ṣiṇī᳚m |
ī॒śvarī̭gṃ sarva̭bhūtā॒nā॒-ntāmi॒hopa̭hvaye॒ śriyam ||
śrī bhavānīśaṅkarāsvāmine namaḥ | gandhodakena snapayāmi |
puṣpodakaṃ
yo̭-'pā-mpuṣpaṃ॒-ve~da̭ |
puṣpa̭vā-npra॒jāvā̭-npaśu॒mā-nbha̭vati |
ca॒ndramā॒ vā a॒pā-mpuṣpa̭m |
puṣpa̭vā-npra॒jāvā̭-npaśu॒mā-nbha̭vati |
śrī bhavānīśaṅkarāsvāmine namaḥ | puṣpodakena snapayāmi |
akṣatodakaṃ
āya̭ne te pa॒rāya̭ṇe॒ dūrvā̭ rohantu pu॒ṣpiṇīḥ̭ |
hra॒dāśca̭ pu॒ṇḍarī̭kāṇi samu॒drasya̭ gṛ॒hā i॒me |
śrī bhavānīśaṅkarāsvāmine namaḥ | akṣatodakena snapayāmi |
suvarṇodakaṃ
tathsu॒varṇa॒gṃ॒ hira̭ṇyamabhavat |
tathsu॒varṇa̭sya॒ hira̭ṇyasya॒janma̭ |
ya e॒vagṃ su॒varṇa̭sya॒ hira̭ṇyasya॒ janma॒vḙda |
su॒varṇa̭ ā॒tmanā̭ bhavati |
śrī bhavānīśaṅkarāsvāmine namaḥ | suvarṇodakena snapayāmi |
rudrākṣodakaṃ
trya̭mbakaṃ-ya~jāmahe suga॒ndhi-mpṷṣṭi॒ vardha̭nam |
u॒rvā॒ru॒kami̭va॒ bandha̭nānmṛ॒tyormṷkṣīya॒ mā-'mṛtā᳚t ||
śrī bhavānīśaṅkarāsvāmine namaḥ | rudrākṣodakena snapayāmi |
bhasmodakaṃ
mā no̭ ma॒hānta̭mu॒ta mā no̭ arbha॒kaṃ
mā na॒ ukṣa̭ntamu॒ta mā na̭ ukṣi॒tam |
mā no̭-'vadhīḥ pi॒tara॒-mmota mā॒taraṃ̭
pri॒yā mā na̭sta॒nuvo̭ rudra rīriṣaḥ |
śrī bhavānīśaṅkarāsvāmine namaḥ | bhasmodakena snapayāmi |
bilvodakaṃ
mā na̭sto॒ke tana̭ye॒ mā na॒ āyṷṣi॒
mā no॒ goṣu॒ mā no॒ aśvḙṣu rīriṣaḥ |
vī॒rānmā no̭ rudra bhāmi॒to-'va̭dhīrha॒viṣma̭nto॒
nama̭sā vidhema te |
śrī bhavānīśaṅkarāsvāmine namaḥ | bilvodakena snapayāmi |
dūrvodakaṃ
kāṇḍā̭tkāṇḍātpra॒roha̭nti parṷṣaḥ paruṣaḥ॒ pari̭ |
e॒vāno̭ dūrve॒ prata̭nu sa॒hasrḙṇa śa॒tena̭ ca ||
śrī bhavānīśaṅkarāsvāmine namaḥ | dūrvodakena snapayāmi |
atha malāpakarṣaṇa snānam |
hira̭ṇyavarṇā॒śśuca̭yaḥ pāva॒kā
yāsṷ jā॒taḥ ka॒śyapo॒ yāsvindraḥ̭ |
a॒gniṃ-yā~ garbha̭-ndadhi॒re virṷ̄pā॒stā
na॒ āpa॒śśagg syo॒nā bha̭vantu ||
yāsā॒gṃ॒ rājā॒ varṷṇo॒ yāti॒ madhyḙ
satyānṛ॒te a̭va॒paśya॒ñjanā̭nām |
ma॒dhu॒ścuta॒śśuca̭yo॒ yāḥ pā̭va॒kāstā
na॒ āpa॒śśagg syo॒nā bha̭vantu ||
yāsā̭-nde॒vā di॒vi kṛ॒ṇvanti̭ bha॒kṣaṃ
yā a॒ntari̭kṣe bahu॒dhā bhava̭nti |
yāḥ pṛ̭thi॒vī-mpaya̭so॒ndanti̭ śu॒krāstā
na॒ āpa॒śśagg syo॒nā bha̭vantu ||
śi॒vena̭ mā॒ cakṣṷṣā paśyatāpaśśi॒vayā̭
ta॒nuvopa̭ spṛśata॒ tvaca̭-mme |
sarvāgṃ̭ a॒gnīgṃ ra̭phsu॒ṣado̭ huve vo॒ mayi॒
varco॒ bala॒mojo॒ nidha̭tta ||
(a.ve., kāṇḍa-3, sūktaṃ-13)
yada॒da-ssa̭mpraya॒tīrahā॒vana̭datā ha॒te |
tasmā॒dā na॒dyo̭ nāma̭ stha॒ tā vo॒ nāmā̭ni sindhavaḥ || 1
yatpreṣi̭tā॒ varṷṇe॒natāśśībha̭gṃ sa॒mava̭lgata |
tadā̭pno॒dindro̭ vo ya॒tīstasmā॒dāpo॒ anṷsthana || 2
ā॒pa॒kā॒maggṃ syanda̭mānā॒ avī̭varata vo॒ hi ka̭m |
indro̭ va॒śśakti̭bhirdevī॒stasmā॒dvārṇāma̭ vo hi॒tam || 3
eko̭ vo de॒vo apya̭tiṣṭha॒thsyanda̭mānā yathāva॒śam |
udā̭niṣurma॒hīriti॒ tasmā̭duda॒kamṷcyate || 4
āpo̭ bha॒drā ghṛ॒tamidāpa̭ ānura॒gnīṣomaṷ bibhra॒tyāpa॒ ittāḥ |
tī॒vro raso̭ madhu॒pṛcāṃ̭ a॒ra॒ṅga॒ma ā mā̭ prā॒ṇena̭ sa॒ha varca̭sāgann || 5
āditpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vāṅma̭ āsām |
manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || 6
āpo॒ hiṣṭhā ma̭yo॒bhuva॒stā na̭ ū॒rje da̭dhātana |
ma॒heraṇā̭ya॒ cakṣa̭se |
yo vaḥ̭ śi॒vata̭mo rasa॒stasya̭ bhājayate॒ ha naḥ̭ |
u॒śa॒tīri̭va mā॒ta̭raḥ |
tasmā॒ ara̭ṅgamāmavo॒ yasya॒ kṣayā̭ya॒ jinva̭tha |
āpo̭ ja॒naya̭thā ca naḥ |
śrī bhavānīśaṅkarāsvāmine namaḥ | śuddhodakena snapayāmi |
[ di॒viśra̭yasvā॒ntari̭kṣeyatasva pṛthi॒vyāsambha̭va brahmavarca॒sama̭si brahmavarca॒sāya̭tvā | a॒pā-ṅgrahā̭ngṛhṇātye॒tadvāpa rā̭ja॒sūyaṃ॒-ya~de॒tegrahā̭ssa॒vo̭-'gnirva̭ruṇasa॒vo rā̭ja॒sūya̭magnisa॒vaścitya॒stābhyā̭me॒va sṷ̄ya॒te-'tho̭ u॒bhāve॒valo॒kāva॒bhija̭yati॒ yaśca̭ rāja॒sūyḙnejā॒nasya॒ yaścā̭gni॒cita॒ āpo̭ bhava॒ntyāpo॒ vā a॒gnerbhrātṛ̭vyā॒ yada॒po̭-'gnera॒dhastā̭dupa॒dadhā̭ti॒ bhrātṛ̭vyābhibhūtyai॒ bhava̭tyā॒tmanā॒parā̭-'sya॒bhrātṛ̭vyo bhavatya॒mṛtaṃ॒-vā~ āpa॒stasmā̭da॒dbhirava̭tāntama॒bhiṣi̭ñcanti॒ nārti॒mārcha̭ti॒sarva॒māyṷreti ||
]
pava̭māna॒ssuva॒rjanaḥ̭ | pa॒vitrḙṇa॒ vica̭rṣaṇiḥ |
yaḥ potā॒ sa pṷnātu mā | pu॒nantṷ mā devaja॒nāḥ |
pu॒nantu॒ mana̭vo dhi॒yā | pu॒nantu॒ viśva̭ ā॒yavaḥ̭ |
jāta̭vedaḥ pa॒vitra̭vat | pa॒vitrḙṇa punāhi mā |
śu॒kreṇa̭ deva॒dīdya̭t | agne॒ kratvā॒ kratū॒gṃ॒ ranṷ |
yattḙ pa॒vitra̭ma॒rciṣi̭ | agne॒ vita̭tamanta॒rā |
brahma॒ tena̭ punīmahe | u॒bhābhyā᳚-ndevasavitaḥ |
pa॒vitrḙṇa sa॒vena̭ ca | i॒da-mbrahma̭ punīmahe |
vai॒śva॒de॒vī pṷna॒tī de॒vyāgā᳚t |
yasyai̭ ba॒hvīsta॒nuvo̭ vī॒tapṛ̭ṣṭhāḥ |
tayā॒ mada̭nta-ssadha॒mādyḙṣu |
va॒yagg syā̭ma॒ pata̭yo rayī॒ṇām |
vai॒śvā॒na॒ro ra॒śmibhi̭rmā punātu |
vātaḥ̭ prā॒ṇenḙṣi॒ro ma̭yo॒ bhūḥ |
dyāvā̭pṛthi॒vī paya̭sā॒ payo̭bhiḥ |
ṛ॒tāva̭rī ya॒jñiyḙ mā punītām ||
bṛ॒hadbhi̭ssavita॒stṛbhiḥ̭ | varṣi̭ṣṭhairdeva॒manma̭bhiḥ |
agne॒ dakṣaiḥ᳚ punāhi mā | yena̭ de॒vā apṷnata |
yenāpo̭ di॒vyaṅkaśaḥ̭ | tena̭ di॒vyena॒ brahma̭ṇā |
i॒da-mbrahma̭ punīmahe | yaḥ pā̭vamā॒nīra॒ddhyeti̭ |
ṛṣi̭bhi॒ssambhṛ̭ta॒gṃ॒ rasam̭ | sarva॒gṃ॒ sa pū॒tama̭śnāti |
sva॒di॒ta-mmā̭ta॒riśva̭nā | pā॒va॒mā॒nīryo a॒dhyeti̭ |
ṛṣi̭bhi॒ssambhṛ̭ta॒gṃ॒ rasam᳚ | tasmai॒ sara̭svatī duhe |
kṣī॒ragṃ sa॒rpirmadhṷ̄da॒kam ||
pā॒va॒mā॒nīssva॒styaya̭nīḥ | su॒dughā॒hi paya̭svatīḥ |
ṛṣi̭bhi॒ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam |
pā॒va॒mā॒nīrdi̭śantu naḥ | i॒maṃ-lo~॒kamatho̭ a॒mum |
kāmā॒nthsama̭rdhayantu naḥ | de॒vīrde॒vaissa॒mābhṛ̭tāḥ |
pā॒va॒mā॒nīssva॒styaya̭nīḥ | su॒dughā॒hi ghṛ̭ta॒ścutaḥ̭ |
ṛṣi̭bhi॒ssambhṛ̭to॒ rasaḥ̭ | brā॒hma॒ṇeṣva॒mṛtagṃ̭ hi॒tam |
yena̭ de॒vāḥ pa॒vitrḙṇa | ā॒tmāna̭-mpu॒nate॒ sadā᳚ |
tena̭ sa॒hasra̭dhāreṇa | pā॒va॒mā॒nyaḥ pṷnantu mā |
prā॒jā॒pa॒tya-mpa॒vitram᳚ | śa॒todyā̭magṃ hira॒ṇmayam᳚ |
tena̭ brahma॒ vido̭ va॒yam | pū॒ta-mbrahma̭ punīmahe |
indra̭ssunī॒tī sa॒hamā̭ punātu | soma̭ssva॒styā varṷṇassa॒mīcyā᳚ |
ya॒mo rājā᳚ pramṛ॒ṇābhiḥ̭ punātu mā | jā॒tavḙdā mo॒rjaya̭ntyā punātu |
āpo॒ vā i॒dagṃ sarvaṃ॒-vi~śvā̭ bhū॒tānyāpaḥ̭ prā॒ṇā vā āpaḥ̭
pa॒śava॒ āpo-'nna॒māpo-'mṛ̭ta॒māpaḥ̭ sa॒mrāḍāpo̭ vi॒rāḍāpaḥ̭
sva॒rāḍāpa॒śchandā॒gṃ॒syāpo॒ jyotī॒gṃ॒ṣyāpo॒
yajū॒gṃ॒ṣyāpa̭ssa॒tyamāpa॒ssarvā̭ de॒vatā॒ āpo॒
bhūrbhuva॒ssuva॒rāpa॒ om ||
a॒paḥ praṇa̭yati | śra॒ddhāvā āpaḥ̭ |
śra॒ddhāme॒vārabhya̭ pra॒ṇīya॒ praca̭rati |
a॒paḥ praṇa̭yati | ya॒jño vāa āpaḥ̭ |
ya॒jñame॒vārabhya̭ pra॒ṇīya॒ praca̭rati
a॒paḥ praṇa̭yati | va॒jro vā āpaḥ̭ |
vajra̭me॒va bhrātṛ̭vyebhyaḥ prahṛtya̭ pra॒ṇīya॒ praca̭rati |
a॒paḥ praṇa̭yati | āpo॒ vai ra̭kṣo॒ghnīḥ |
rakṣa̭sā॒mapa̭hatyai |
a॒paḥ praṇa̭yati | āpo॒ vai de॒vānā̭-mpri॒yandhāma̭ |
de॒vānā̭me॒va pri॒yandhāma̭ pra॒ṇīya॒ praca̭rati |
a॒paḥ praṇa̭yati | āpo॒ vai sarvā̭ de॒vatāḥ̭ |
de॒vatā̭ e॒vārabhya̭ pra॒ṇīya॒ praca̭rati |
(āpo॒vaiśā॒ntāḥ | śā॒ntābhi̭re॒vāsya̭ śucagṃ̭śamayati ||)
śrī bhavānīśaṅkarāsvāmine namaḥ | malāpakarṣaṇasnānaṃ samarpayāmi |
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.