Shri Anjaneya Navaratna Mala Stotram — Oriya Script

ମାଣିକ୍ଯଂ –

ତତୋ ରାଵଣନୀତାଯାଃ ସୀତାଯାଃ ଶତ୍ରୁକର୍ଶନଃ ।

ଇଯେଷ ପଦମନ୍ଵେଷ୍ଟୁଂ ଚାରଣାଚରିତେ ପଥି ॥ 1 ॥

ମୁତ୍ଯଂ –

ଯସ୍ଯ ତ୍ଵେତାନି ଚତ୍ଵାରି ଵାନରେନ୍ଦ୍ର ଯଥା ତଵ ।

ସ୍ମୃତିର୍ମତିର୍ଧୃତିର୍ଦାକ୍ଷ୍ଯଂ ସ କର୍ମସୁ ନ ସୀଦତି ॥ 2 ॥

ପ୍ରଵାଲଂ –

ଅନିର୍ଵେଦଃ ଶ୍ରିଯୋ ମୂଲଂ ଅନିର୍ଵେଦଃ ପରଂ ସୁଖମ୍ ।

ଅନିର୍ଵେଦୋ ହି ସତତଂ ସର୍ଵାର୍ଥେଷୁ ପ୍ରଵର୍ତକଃ ॥ 3 ॥

ମରକତଂ –

ନମୋଽସ୍ତୁ ରାମାଯ ସଲକ୍ଷ୍ମଣାଯ

ଦେଵ୍ଯୈ ଚ ତସ୍ଯୈ ଜନକାତ୍ମଜାଯୈ ।

ନମୋଽସ୍ତୁ ରୁଦ୍ରେନ୍ଦ୍ରଯମାନିଲେଭ୍ଯଃ

ନମୋଽସ୍ତୁ ଚନ୍ଦ୍ରାର୍କମରୁଦ୍ଗଣେଭ୍ଯଃ ॥ 4 ॥

ପୁଷ୍ଯରାଗଂ –

ପ୍ରିଯାନ୍ନ ସମ୍ଭଵେଦ୍ଦୁଃଖଂ ଅପ୍ରିଯାଦଧିକଂ ଭଯମ୍ ।

ତାଭ୍ଯାଂ ହି ଯେ ଵିଯୁଜ୍ଯନ୍ତେ ନମସ୍ତେଷାଂ ମହାତ୍ମନାମ୍ ॥ 5 ॥

ହୀରକଂ –

ରାମଃ କମଲପତ୍ରାକ୍ଷଃ ସର୍ଵସତ୍ତ୍ଵମନୋହରଃ ।

ରୂପଦାକ୍ଷିଣ୍ଯସମ୍ପନ୍ନଃ ପ୍ରସୂତୋ ଜନକାତ୍ମଜେ ॥ 6 ॥

ଇନ୍ଦ୍ରନୀଲଂ –

ଜଯତ୍ଯତିବଲୋ ରାମୋ ଲକ୍ଷ୍ମଣଶ୍ଚ ମହାବଲଃ ।

ରାଜା ଜଯତି ସୁଗ୍ରୀଵୋ ରାଘଵେଣାଭିପାଲିତଃ ।

ଦାସୋଽହଂ କୋସଲେନ୍ଦ୍ରସ୍ଯ ରାମସ୍ଯାକ୍ଲିଷ୍ଟକର୍ମଣଃ ।

ହନୁମାନ୍ ଶତ୍ରୁସୈନ୍ଯାନାଂ ନିହନ୍ତା ମାରୁତାତ୍ମଜଃ ॥ 7 ॥

ଗୋମେଧିକଂ –

ଯଦ୍ଯସ୍ତି ପତିଶୁଶ୍ରୂଷା ଯଦ୍ଯସ୍ତି ଚରିତଂ ତପଃ ।

ଯଦି ଵାସ୍ତ୍ଯେକପତ୍ନୀତ୍ଵଂ ଶୀତୋ ଭଵ ହନୂମତଃ ॥ 8 ॥

ଵୈଡୂର୍ଯଂ –

ନିଵୃତ୍ତଵନଵାସଂ ତଂ ତ୍ଵଯା ସାର୍ଧମରିନ୍ଦମମ୍ ।

ଅଭିଷିକ୍ତମଯୋଧ୍ଯାଯାଂ କ୍ଷିପ୍ରଂ ଦ୍ରକ୍ଷ୍ଯସି ରାଘଵମ୍ ॥ 9 ॥

ଇତି ଶ୍ରୀ ଆଞ୍ଜନେଯ ନଵରତ୍ନମାଲା ସ୍ତୋତ୍ରମ୍ ।

Roman (IAST) Transliteration

māṇikyaṃ –

tato rāvaṇanītāyāḥ sītāyāḥ śatrukarśanaḥ |

iyeṣa padamanveṣṭuṃ cāraṇācarite pathi || 1 ||

mutyaṃ –

yasya tvetāni catvāri vānarendra yathā tava |

smṛtirmatirdhṛtirdākṣyaṃ sa karmasu na sīdati || 2 ||

pravālaṃ –

anirvedaḥ śriyo mūlaṃ anirvedaḥ paraṃ sukham |

anirvedo hi satataṃ sarvārtheṣu pravartakaḥ || 3 ||

marakataṃ –

namo'stu rāmāya salakṣmaṇāya

devyai ca tasyai janakātmajāyai |

namo'stu rudrendrayamānilebhyaḥ

namo'stu candrārkamarudgaṇebhyaḥ || 4 ||

puṣyarāgaṃ –

priyānna sambhavedduḥkhaṃ apriyādadhikaṃ bhayam |

tābhyāṃ hi ye viyujyante namasteṣāṃ mahātmanām || 5 ||

hīrakaṃ –

rāmaḥ kamalapatrākṣaḥ sarvasattvamanoharaḥ |

rūpadākṣiṇyasampannaḥ prasūto janakātmaje || 6 ||

indranīlaṃ –

jayatyatibalo rāmo lakṣmaṇaśca mahābalaḥ |

rājā jayati sugrīvo rāghaveṇābhipālitaḥ |

dāso'haṃ kosalendrasya rāmasyākliṣṭakarmaṇaḥ |

hanumān śatrusainyānāṃ nihantā mārutātmajaḥ || 7 ||

gomedhikaṃ –

yadyasti patiśuśrūṣā yadyasti caritaṃ tapaḥ |

yadi vāstyekapatnītvaṃ śīto bhava hanūmataḥ || 8 ||

vaiḍūryaṃ –

nivṛttavanavāsaṃ taṃ tvayā sārdhamarindamam |

abhiṣiktamayodhyāyāṃ kṣipraṃ drakṣyasi rāghavam || 9 ||

iti śrī āñjaneya navaratnamālā stotram |

Sanskrit — Devanagari (original)

माणिक्यं –

ततो रावणनीतायाः सीतायाः शत्रुकर्शनः ।

इयेष पदमन्वेष्टुं चारणाचरिते पथि ॥ 1 ॥

मुत्यं –

यस्य त्वेतानि चत्वारि वानरेन्द्र यथा तव ।

स्मृतिर्मतिर्धृतिर्दाक्ष्यं स कर्मसु न सीदति ॥ 2 ॥

प्रवालं –

अनिर्वेदः श्रियो मूलं अनिर्वेदः परं सुखम् ।

अनिर्वेदो हि सततं सर्वार्थेषु प्रवर्तकः ॥ 3 ॥

मरकतं –

नमोऽस्तु रामाय सलक्ष्मणाय

देव्यै च तस्यै जनकात्मजायै ।

नमोऽस्तु रुद्रेन्द्रयमानिलेभ्यः

नमोऽस्तु चन्द्रार्कमरुद्गणेभ्यः ॥ 4 ॥

पुष्यरागं –

प्रियान्न सम्भवेद्दुःखं अप्रियादधिकं भयम् ।

ताभ्यां हि ये वियुज्यन्ते नमस्तेषां महात्मनाम् ॥ 5 ॥

हीरकं –

रामः कमलपत्राक्षः सर्वसत्त्वमनोहरः ।

रूपदाक्षिण्यसम्पन्नः प्रसूतो जनकात्मजे ॥ 6 ॥

इन्द्रनीलं –

जयत्यतिबलो रामो लक्ष्मणश्च महाबलः ।

राजा जयति सुग्रीवो राघवेणाभिपालितः ।

दासोऽहं कोसलेन्द्रस्य रामस्याक्लिष्टकर्मणः ।

हनुमान् शत्रुसैन्यानां निहन्ता मारुतात्मजः ॥ 7 ॥

गोमेधिकं –

यद्यस्ति पतिशुश्रूषा यद्यस्ति चरितं तपः ।

यदि वास्त्येकपत्नीत्वं शीतो भव हनूमतः ॥ 8 ॥

वैडूर्यं –

निवृत्तवनवासं तं त्वया सार्धमरिन्दमम् ।

अभिषिक्तमयोध्यायां क्षिप्रं द्रक्ष्यसि राघवम् ॥ 9 ॥

इति श्री आञ्जनेय नवरत्नमाला स्तोत्रम् ।