Shri Anjaneya Navaratna Mala Stotram — Kannada Script

ಮಾಣಿಕ್ಯಂ –

ತತೋ ರಾವಣನೀತಾಯಾಃ ಸೀತಾಯಾಃ ಶತ್ರುಕರ್ಶನಃ ।

ಇಯೇಷ ಪದಮನ್ವೇಷ್ಟುಂ ಚಾರಣಾಚರಿತೇ ಪಥಿ ॥ 1 ॥

ಮುತ್ಯಂ –

ಯಸ್ಯ ತ್ವೇತಾನಿ ಚತ್ವಾರಿ ವಾನರೇನ್ದ್ರ ಯಥಾ ತವ ।

ಸ್ಮೃತಿರ್ಮತಿರ್ಧೃತಿರ್ದಾಕ್ಷ್ಯಂ ಸ ಕರ್ಮಸು ನ ಸೀದತಿ ॥ 2 ॥

ಪ್ರವಾಲಂ –

ಅನಿರ್ವೇದಃ ಶ್ರಿಯೋ ಮೂಲಂ ಅನಿರ್ವೇದಃ ಪರಂ ಸುಖಮ್ ।

ಅನಿರ್ವೇದೋ ಹಿ ಸತತಂ ಸರ್ವಾರ್ಥೇಷು ಪ್ರವರ್ತಕಃ ॥ 3 ॥

ಮರಕತಂ –

ನಮೋಽಸ್ತು ರಾಮಾಯ ಸಲಕ್ಷ್ಮಣಾಯ

ದೇವ್ಯೈ ಚ ತಸ್ಯೈ ಜನಕಾತ್ಮಜಾಯೈ ।

ನಮೋಽಸ್ತು ರುದ್ರೇನ್ದ್ರಯಮಾನಿಲೇಭ್ಯಃ

ನಮೋಽಸ್ತು ಚನ್ದ್ರಾರ್ಕಮರುದ್ಗಣೇಭ್ಯಃ ॥ 4 ॥

ಪುಷ್ಯರಾಗಂ –

ಪ್ರಿಯಾನ್ನ ಸಮ್ಭವೇದ್ದುಃಖಂ ಅಪ್ರಿಯಾದಧಿಕಂ ಭಯಮ್ ।

ತಾಭ್ಯಾಂ ಹಿ ಯೇ ವಿಯುಜ್ಯನ್ತೇ ನಮಸ್ತೇಷಾಂ ಮಹಾತ್ಮನಾಮ್ ॥ 5 ॥

ಹೀರಕಂ –

ರಾಮಃ ಕಮಲಪತ್ರಾಕ್ಷಃ ಸರ್ವಸತ್ತ್ವಮನೋಹರಃ ।

ರೂಪದಾಕ್ಷಿಣ್ಯಸಮ್ಪನ್ನಃ ಪ್ರಸೂತೋ ಜನಕಾತ್ಮಜೇ ॥ 6 ॥

ಇನ್ದ್ರನೀಲಂ –

ಜಯತ್ಯತಿಬಲೋ ರಾಮೋ ಲಕ್ಷ್ಮಣಶ್ಚ ಮಹಾಬಲಃ ।

ರಾಜಾ ಜಯತಿ ಸುಗ್ರೀವೋ ರಾಘವೇಣಾಭಿಪಾಲಿತಃ ।

ದಾಸೋಽಹಂ ಕೋಸಲೇನ್ದ್ರಸ್ಯ ರಾಮಸ್ಯಾಕ್ಲಿಷ್ಟಕರ್ಮಣಃ ।

ಹನುಮಾನ್ ಶತ್ರುಸೈನ್ಯಾನಾಂ ನಿಹನ್ತಾ ಮಾರುತಾತ್ಮಜಃ ॥ 7 ॥

ಗೋಮೇಧಿಕಂ –

ಯದ್ಯಸ್ತಿ ಪತಿಶುಶ್ರೂಷಾ ಯದ್ಯಸ್ತಿ ಚರಿತಂ ತಪಃ ।

ಯದಿ ವಾಸ್ತ್ಯೇಕಪತ್ನೀತ್ವಂ ಶೀತೋ ಭವ ಹನೂಮತಃ ॥ 8 ॥

ವೈಡೂರ್ಯಂ –

ನಿವೃತ್ತವನವಾಸಂ ತಂ ತ್ವಯಾ ಸಾರ್ಧಮರಿನ್ದಮಮ್ ।

ಅಭಿಷಿಕ್ತಮಯೋಧ್ಯಾಯಾಂ ಕ್ಷಿಪ್ರಂ ದ್ರಕ್ಷ್ಯಸಿ ರಾಘವಮ್ ॥ 9 ॥

ಇತಿ ಶ್ರೀ ಆಞ್ಜನೇಯ ನವರತ್ನಮಾಲಾ ಸ್ತೋತ್ರಮ್ ।

Roman (IAST) Transliteration

māṇikyaṃ –

tato rāvaṇanītāyāḥ sītāyāḥ śatrukarśanaḥ |

iyeṣa padamanveṣṭuṃ cāraṇācarite pathi || 1 ||

mutyaṃ –

yasya tvetāni catvāri vānarendra yathā tava |

smṛtirmatirdhṛtirdākṣyaṃ sa karmasu na sīdati || 2 ||

pravālaṃ –

anirvedaḥ śriyo mūlaṃ anirvedaḥ paraṃ sukham |

anirvedo hi satataṃ sarvārtheṣu pravartakaḥ || 3 ||

marakataṃ –

namo'stu rāmāya salakṣmaṇāya

devyai ca tasyai janakātmajāyai |

namo'stu rudrendrayamānilebhyaḥ

namo'stu candrārkamarudgaṇebhyaḥ || 4 ||

puṣyarāgaṃ –

priyānna sambhavedduḥkhaṃ apriyādadhikaṃ bhayam |

tābhyāṃ hi ye viyujyante namasteṣāṃ mahātmanām || 5 ||

hīrakaṃ –

rāmaḥ kamalapatrākṣaḥ sarvasattvamanoharaḥ |

rūpadākṣiṇyasampannaḥ prasūto janakātmaje || 6 ||

indranīlaṃ –

jayatyatibalo rāmo lakṣmaṇaśca mahābalaḥ |

rājā jayati sugrīvo rāghaveṇābhipālitaḥ |

dāso'haṃ kosalendrasya rāmasyākliṣṭakarmaṇaḥ |

hanumān śatrusainyānāṃ nihantā mārutātmajaḥ || 7 ||

gomedhikaṃ –

yadyasti patiśuśrūṣā yadyasti caritaṃ tapaḥ |

yadi vāstyekapatnītvaṃ śīto bhava hanūmataḥ || 8 ||

vaiḍūryaṃ –

nivṛttavanavāsaṃ taṃ tvayā sārdhamarindamam |

abhiṣiktamayodhyāyāṃ kṣipraṃ drakṣyasi rāghavam || 9 ||

iti śrī āñjaneya navaratnamālā stotram |

Sanskrit — Devanagari (original)

माणिक्यं –

ततो रावणनीतायाः सीतायाः शत्रुकर्शनः ।

इयेष पदमन्वेष्टुं चारणाचरिते पथि ॥ 1 ॥

मुत्यं –

यस्य त्वेतानि चत्वारि वानरेन्द्र यथा तव ।

स्मृतिर्मतिर्धृतिर्दाक्ष्यं स कर्मसु न सीदति ॥ 2 ॥

प्रवालं –

अनिर्वेदः श्रियो मूलं अनिर्वेदः परं सुखम् ।

अनिर्वेदो हि सततं सर्वार्थेषु प्रवर्तकः ॥ 3 ॥

मरकतं –

नमोऽस्तु रामाय सलक्ष्मणाय

देव्यै च तस्यै जनकात्मजायै ।

नमोऽस्तु रुद्रेन्द्रयमानिलेभ्यः

नमोऽस्तु चन्द्रार्कमरुद्गणेभ्यः ॥ 4 ॥

पुष्यरागं –

प्रियान्न सम्भवेद्दुःखं अप्रियादधिकं भयम् ।

ताभ्यां हि ये वियुज्यन्ते नमस्तेषां महात्मनाम् ॥ 5 ॥

हीरकं –

रामः कमलपत्राक्षः सर्वसत्त्वमनोहरः ।

रूपदाक्षिण्यसम्पन्नः प्रसूतो जनकात्मजे ॥ 6 ॥

इन्द्रनीलं –

जयत्यतिबलो रामो लक्ष्मणश्च महाबलः ।

राजा जयति सुग्रीवो राघवेणाभिपालितः ।

दासोऽहं कोसलेन्द्रस्य रामस्याक्लिष्टकर्मणः ।

हनुमान् शत्रुसैन्यानां निहन्ता मारुतात्मजः ॥ 7 ॥

गोमेधिकं –

यद्यस्ति पतिशुश्रूषा यद्यस्ति चरितं तपः ।

यदि वास्त्येकपत्नीत्वं शीतो भव हनूमतः ॥ 8 ॥

वैडूर्यं –

निवृत्तवनवासं तं त्वया सार्धमरिन्दमम् ।

अभिषिक्तमयोध्यायां क्षिप्रं द्रक्ष्यसि राघवम् ॥ 9 ॥

इति श्री आञ्जनेय नवरत्नमाला स्तोत्रम् ।