യാമുനാര്യസുധാമ്ഭോധിമവഗാഹ്യ യഥാമതി ।
ആദായ ഭക്തിയോഗാഖ്യം രത്നം സന്ദര്ശയാമ്യഹമ് ॥
സ്വാധീന ത്രിവിധചേതനാചേതനസ്വരൂപസ്ഥിതി പ്രവൃത്തിഭേദം, ക്ലേശ കര്മാദ്യശേഷദോഷാസംസ്പൃഷ്ടം, സ്വാഭാവികാനവധികാതിശയ ജ്ഞാനബലൈശ്വര്യവീര്യശക്തിതേജഃ പ്രഭൃത്യസങ്ഖ്യേയ കല്യാണഗുണഗണൌഘ മഹാര്ണവം, പരമപുരുഷം, ഭഗവന്തം, നാരായണം, സ്വാമിത്വേന സുഹൃത്വേന ഗുരുത്വേന ച പരിഗൃഹ്യ ഐകാന്തികാത്യന്തിക തത്പാദാമ്ബുജദ്വയ പരിചര്യൈകമനോരഥഃ, തത്പ്രാപ്തയേ ച തത്പാദാമ്ബുജദ്വയ പ്രപത്തേരന്യന്ന മേ കല്പകോടിസഹസ്രേണാപി സാധനമസ്തീതി മന്വാനഃ, തസ്യൈവ ഭഗവതോ നാരായണസ്യ അഖിലസത്ത്വദയൈകസാഗരസ്യ അനാലോചിത ഗുണഗുണാഖണ്ഡ ജനാനുകൂലാമര്യാദ ശീലവതഃ, സ്വാഭാവികാനവധികാതിശയ ഗുണവത്തയാ ദേവതിര്യങ്മനുഷ്യാദ്യഖിലജന ഹൃദയാനന്ദനസ്യ ആശ്രിതവാത്സല്യൈകജലധേഃ ഭക്തജനസംശ്ലേഷൈകഭോഗസ്യ നിത്യജ്ഞാനക്രിയൈശ്വര്യാദി ഭോഗസാമഗ്രീസമൃദ്ധസ്യ, മഹാവിഭൂതേഃ, ശ്രീമച്ചരണാരവിന്ദയുഗലം അനന്യാത്മസഞ്ജീവനേന തദ്ഗതസര്വഭാവേന ശരണമനുവ്രജേത് । തതശ്ച പ്രത്യഹമാത്മോജ്ജീവനായൈവമനുസ്മരേത് । ചതുര്ദശഭുവനാത്മകം അണ്ഡം, ദശഗുണിതോത്തരം ച ആവരണസപ്തകം, സമസ്തം കാര്യകാരണ(ജാത)മതീത്യ, വര്തമാനേ പരമവ്യോമശബ്ദാഭിധേയേ, ബ്രഹ്മാദീനാം വാങ്മനസാഽഗോചരേ, ശ്രീമതി വൈകുണ്ഠേ ദിവ്യലോകേ, സനകവിധിശിവാദിഭിരപി അചിന്ത്യസ്വഭാവൈശ്വര്യൈഃ, നിത്യസിദ്ധൈരനന്തൈര്ഭഗവദാനുകൂല്യൈക ഭോഗൈര്ദിവ്യപുരുഷൈഃ മഹാത്മഭിഃ ആപൂരിതേ, തേഷാമപി ഇയത്പരിമാണം, ഇയദൈശ്വര്യം, ഈദൃശസ്വഭാവമിതി പരിച്ഛേത്തുമയോഗ്യേ, ദിവ്യാവരണശതസഹസ്രാവൃതേ, ദിവ്യകല്പകതരൂപശോഭിതേ, ദിവ്യോദ്യാന ശതസഹസ്രകോടിഭിരാവൃതേ, അതിപ്രമാണേ ദിവ്യായതനേ, കസ്മിംശ്ചിദ്വിചിത്ര ദിവ്യരത്നമയ ദിവ്യാസ്ഥാനമണ്ഡപേ, ദിവ്യരത്നസ്തമ്ഭ ശതസഹസ്രകോടിഭിരുപശോഭിതേ,
ദിവ്യനാനാരത്നകൃതസ്ഥല വിചിത്രിതേ, ദിവ്യാലങ്കാരാലങ്കൃതേ, പരിതഃ പതിതൈഃ പതമാനൈഃ പാദപസ്ഥൈശ്ച നാനാഗന്ധവര്ണൈര്ദിവ്യപുഷ്പൈഃ ശോഭമാനൈര്ദിവ്യപുഷ്പോപവനൈരുപശോഭിതേ, സങ്കീര്ണപാരിജാതാദി കല്പദ്രുമോപശോഭിതൈഃ, അസങ്കീര്ണൈശ്ച കൈശ്ചിദന്തസ്സ്ഥപുഷ്പരത്നാദിനിര്മിത ദിവ്യലീലാമണ്ഡപ ശതസഹസ്രോപശോഭിതൈഃ, സര്വദാഽനുഭൂയമാനൈരപ്യപൂര്വവദാശ്ചര്യമാവഹദ്ഭിഃ ക്രീഡാശൈല ശതസഹസ്രൈരലങ്കൃതൈഃ, കൈശ്ചിന്നാരായണദിവ്യലീലാഽസാധാരണൈഃ, കൈശ്ചിത്പദ്മവനാലയാ ദിവ്യലീലാഽസാധാരണൈഃ, സാധാരണൈശ്ച കൈശ്ചിത് ശുകശാരികാമയൂരകോകിലാദിഭിഃ കോമലകൂജിതൈരാകുലൈഃ, ദിവ്യോദ്യാന ശതസഹസ്രൈരാവൃതേ, മണിമുക്താപ്രവാല കൃതസോപാനൈഃ, ദിവ്യാമലാമൃതരസോദകൈഃ, ദിവ്യാണ്ഡജവരൈഃ, അതിരമണീയദര്ശനൈഃ അതിമനോഹരമധുരസ്വരൈഃ ആകുലൈഃ, അന്തസ്ഥ മുക്താമയ ദിവ്യക്രീഡാസ്ഥാനോപശോഭിതൈഃ ദിവ്യസൌഗന്ധികവാപീശതസഹസ്രൈഃ, ദിവ്യരാജഹംസാവലീവിരാജിതൈരാവൃതേ, നിരസ്താതിശയാനന്ദൈകരസതയാ ചാനന്ത്യാച്ച പ്രവിഷ്ടാനുന്മാദയദ്ഭിഃ ക്രീഡോദ്ദേശൈര്വിരാജിതേ, തത്ര തത്ര കൃത ദിവ്യപുഷ്പപര്യങ്കോപശോഭിതേ, നാനാപുഷ്പാസവാസ്വാദ മത്തഭൃങ്ഗാവലീഭിഃ ഉദ്ഗീയമാന ദിവ്യഗാന്ധര്വേണാപൂരിതേ, ചന്ദനാഗരുകര്പൂര ദിവ്യപുഷ്പാവഗാഹി മന്ദാനിലാസേവ്യമാനേ, മധ്യേ പുഷ്പസഞ്ചയ വിചിത്രിതേ, മഹതി ദിവ്യയോഗപര്യങ്കേ അനന്തഭോഗിനി, ശ്രീമദ്വൈകുണ്ഠൈശ്വര്യാദി ദിവ്യലോകം ആത്മകാന്ത്യാ വിശ്വമാപ്യായയന്ത്യാ ശേഷ ശേഷാശനാദി സര്വപരിജനം ഭഗവതസ്തത്തദവസ്ഥോചിത പരിചര്യായാം ആജ്ഞാപയന്ത്യാ, ശീലരൂപഗുണ വിലാസാദിഭിഃ ആത്മാനുരൂപയാ ശ്രിയാ സഹാസീനം, പ്രത്യഗ്രോന്മീലിത സരസിജസദൃശ നയനയുഗലം, സ്വച്ഛനീലജീമൂതസങ്കാശം, അത്യുജ്ജ്വലപീതവാസസം, സ്വയാ പ്രഭയാഽതിനിര്മലയാ അതിശീതലയാ അതികോമലയാ സ്വച്ഛമാണിക്യാഭയാ കൃത്സ്നം ജഗദ്ഭാസയന്തം,
അചിന്ത്യദിവ്യാദ്ഭുത നിത്യയൌവന സ്വഭാവലാവണ്യമയാമൃതസാഗരം, അതിസൌകുമാര്യാദി ഈഷത് പ്രസ്വിന്നവദാലക്ഷ്യമാണ ലലാടഫലക ദിവ്യാലകാവലീവിരാജിതം, പ്രബുദ്ധമുഗ്ധാമ്ബുജ ചാരുലോചനം, സവിഭ്രമഭ്രൂലതം, ഉജ്ജ്വലാധരം, ശുചിസ്മിതം, കോമലഗണ്ഡം, ഉന്നസം, ഉദഗ്രപീനാംസ വിലമ്ബികുണ്ഡലാലകാവലീ ബന്ധുര കമ്ബുകന്ധരം, പ്രിയാവതംസോത്പല കര്ണഭൂഷണശ്ലഥാലകാബന്ധ വിമര്ദശംസിഭിഃ ചതുര്ഭിരാജാനുവിലമ്ബിഭിര്ഭുജൈര്വിരാജിതം, അതികോമല ദിവ്യരേഖാലങ്കൃതാതാമ്രകരതലം, ദിവ്യാങ്ഗുലീയകവിരാജിതം, അതികോമല ദിവ്യനഖാവലീവിരാജിതം, അതിരക്താങ്ഗുലീഭിരലങ്കൃതം, തത്ക്ഷണോന്മീലിത പുണ്ഡരീക സദൃശചരണയുഗലം, അതിമനോഹര കിരീടമകുട ചൂഡാവതംസ മകരകുണ്ഡല ഗ്രൈവേയക ഹാര കേയൂര കടക ശ്രീവത്സ കൌസ്തുഭ മുക്താദാമോദരബന്ധന പീതാമ്ബര കാഞ്ചീഗുണ നൂപുരാദിഭിരത്യന്ത സുഖസ്പര്ശൈഃ ദിവ്യഗന്ധൈര്ഭൂഷണൈര്ഭൂഷിതം, ശ്രീമത്യാ വൈജയന്ത്യാ വനമാലയാ വിരാജിതം, ശങ്ഖചക്രഗദാഽസി ശാര്ങ്ഗാദി ദിവ്യായുധൈഃ സേവ്യമാനം, സ്വസങ്കല്പമാത്രാവക്ലുപ്ത ജഗജ്ജന്മസ്ഥിതിധ്വംസാദികേ ശ്രീമതി വിഷ്വക്സേനേ ന്യസ്ത സമസ്താത്മൈശ്വര്യം, വൈനതേയാദിഭിഃ സ്വഭാവതോ നിരസ്ത സമസ്ത സാംസാരിക സ്വഭാവൈഃ ഭഗവത്പരിചര്യാകരണ യോഗ്യൈര്ഭഗവത്പരിചര്യൈകഭോഗൈ-ര്നിത്യസിദ്ധൈരനന്തൈഃ യഥാ യോഗം സേവ്യമാനം, ആത്മഭോഗേന അനനുസംഹിതപരാദികാല ദിവ്യാമല കോമലാവലോകനേന വിശ്വമാഹ്ലാദയന്തം, ഈഷദുന്മീലിത മുഖാമ്ബുജോദരവിനിര്ഗതേന ദിവ്യാനനാരവിന്ദ ശോഭാജനനേന ദിവ്യഗാമ്ഭീര്യൌദാര്യ സൌന്ദര്യ മാധുര്യാദ്യനവധിക ഗുണഗണവിഭൂഷിതേന, അതിമനോഹര ദിവ്യഭാവഗര്ഭേണ ദിവ്യലീലാഽഽലാപാമൃതേന അഖിലജന ഹൃദയാന്തരാണ്യാപൂരയന്തം ഭഗവന്തം നാരായണം ധ്യാനയോഗേന ദൃഷ്ട്വാ, തതോ ഭഗവതോ നിത്യസ്വാമ്യമാത്മനോ നിത്യദാസ്യം ച യഥാവസ്ഥിതമനുസന്ധായ, കദാഽഹം ഭഗവന്തം നാരായണം, മമ കുലനാഥം, മമ കുലദൈവതം, മമ കുലധനം, മമ ഭോഗ്യം, മമ മാതരം, മമ പിതരം, മമ സര്വം സാക്ഷാത്കരവാണി ചക്ഷുഷാ ।
കദാഽഹം ഭഗവത്പാദാമ്ബുജദ്വയം ശിരസാ സങ്ഗ്രഹീഷ്യാമി । കദാഽഹം ഭഗവത്പാദാമ്ബുജദ്വയ പരിചര്യാഽഽശയാ നിരസ്തസമസ്തേതര ഭോഗാശഃ, അപഗത സമസ്ത സാംസാരികസ്വഭാവഃ തത്പാദാമ്ബുജദ്വയം പ്രവേക്ഷ്യാമി । കദാഽഹം ഭഗവത്പാദാമ്ബുജദ്വയ പരിചര്യാകരണയോഗ്യ-സ്തദേകഭോഗസ്തത്പാദൌ പരിചരിഷ്യാമി । കദാ മാം ഭഗവാന് സ്വകീയയാ അതിശീതലയാ ദൃശാ അവലോക്യ, സ്നിഗ്ധഗമ്ഭീരമധുരയാ ഗിരാ പരിചര്യായാം ആജ്ഞാപയിഷ്യതി, ഇതി ഭഗവത്പരിചര്യായാമാശാം വര്ധയിത്വാ തയൈവാഽശയാ തത്പ്രസാദോപബൃംഹിതയാ ഭഗവന്തമുപേത്യ, ദൂരാദേവ ഭഗവന്തം ശേഷഭോഗേ ശ്രിയാ സഹാസീനം വൈനതേയാദിഭിഃ സേവ്യമാനം, സമസ്തപരിവാരായ ശ്രീമതേ നാരായണായ നമഃ, ഇതി പ്രണമ്യ ഉത്ഥായോത്ഥായ പുനഃ പുനഃ പ്രണമ്യ അത്യന്ത സാധ്വസവിനയാവനതോ ഭൂത്വാ, ഭഗവത്പാരിഷദഗണനായകൈര്ദ്വാരപാലൈഃ കൃപയാ സ്നേഹഗര്ഭയാ ദൃശാഽവലോകിതഃ സമ്യഗഭിവന്ദിതൈസ്തൈസ്തൈരേവാനുമതോ ഭഗവന്തമുപേത്യ, ശ്രീമതാ മൂലമന്ത്രേണ മാമൈകാന്തികാത്യന്തിക പരിചര്യാകരണായ പരിഗൃഹ്ണീഷ്വ ഇതി യാചമാനഃ പ്രണമ്യാത്മാനം ഭഗവതേ നിവേദയേത് ।
തതോ ഭഗവതാ സ്വയമേവാത്മസഞ്ജീവനേന അമര്യാദശീലവതാ അതിപ്രേമാന്വിതേന അവലോകനേനാവലോക്യ സര്വദേശ സര്വകാല സര്വാവസ്ഥോചിതാത്യന്തശേഷഭാവായ സ്വീകൃതോഽനുജ്ഞാതശ്ച അത്യന്തസാധ്വസവിനയാവനതഃ കിങ്കുര്വാണഃ കൃതാഞ്ജലിപുടോ ഭഗവന്തമുപാസീത । തതശ്ചാനുഭൂയമാന ഭാവവിശേഷഃ നിരതിശയപ്രീത്യാഽന്യത്കിഞ്ചിത്കര്തും ദ്രഷ്ടും സ്മര്തുമശക്തഃ പുനരപി ശേഷഭാവമേവ യാചമാനോ ഭഗവന്തമേവാവിച്ഛിന്നസ്രോതോരൂപേണാവലോകനേന അവലോകയന്നാസീത । തതോ ഭഗവതാ സ്വയമേവാത്മസഞ്ജീവനേനാവലോകനേനാവലോക്യ സസ്മിതമാഹൂയ സമസ്തക്ലേശാപഹം നിരതിശയസുഖാവഹമാത്മീയം, ശ്രീമത്പാദാരവിന്ദയുഗലം ശിരസി കൃതം ധ്യാത്വാ, അമൃതസാഗരാന്തര്നിമഗ്നസര്വാവയവഃ സുഖമാസീത ।
ലക്ഷ്മീപതേര്യതിപതേശ്ച ദയൈകധാമ്നോഃ
യോഽസൌ പുരാ സമജനിഷ്ട ജഗദ്ധിതാര്ഥമ് ।
പ്രാപ്യം പ്രകാശയതു നഃ പരമം രഹസ്യം
സംവാദ ഏഷ ശരണാഗതി മന്ത്രസാരഃ ॥
ഇതി ശ്രീഭഗവദ്രാമാനുജവിരചിതേ ശ്രീവൈകുണ്ഠഗദ്യമ് ।
Roman (IAST) Transliteration
yāmunāryasudhāmbhodhimavagāhya yathāmati |
ādāya bhaktiyogākhyaṃ ratnaṃ sandarśayāmyaham ||
svādhīna trividhacetanācetanasvarūpasthiti pravṛttibhedaṃ, kleśa karmādyaśeṣadoṣāsaṃspṛṣṭaṃ, svābhāvikānavadhikātiśaya jñānabalaiśvaryavīryaśaktitejaḥ prabhṛtyasaṅkhyeya kalyāṇaguṇagaṇaugha mahārṇavaṃ, paramapuruṣaṃ, bhagavantaṃ, nārāyaṇaṃ, svāmitvena suhṛtvena gurutvena ca parigṛhya aikāntikātyantika tatpādāmbujadvaya paricaryaikamanorathaḥ, tatprāptaye ca tatpādāmbujadvaya prapatteranyanna me kalpakoṭisahasreṇāpi sādhanamastīti manvānaḥ, tasyaiva bhagavato nārāyaṇasya akhilasattvadayaikasāgarasya anālocita guṇaguṇākhaṇḍa janānukūlāmaryāda śīlavataḥ, svābhāvikānavadhikātiśaya guṇavattayā devatiryaṅmanuṣyādyakhilajana hṛdayānandanasya āśritavātsalyaikajaladheḥ bhaktajanasaṃśleṣaikabhogasya nityajñānakriyaiśvaryādi bhogasāmagrīsamṛddhasya, mahāvibhūteḥ, śrīmaccaraṇāravindayugalaṃ ananyātmasañjīvanena tadgatasarvabhāvena śaraṇamanuvrajet | tataśca pratyahamātmojjīvanāyaivamanusmaret | caturdaśabhuvanātmakaṃ aṇḍaṃ, daśaguṇitottaraṃ ca āvaraṇasaptakaṃ, samastaṃ kāryakāraṇa(jāta)matītya, vartamāne paramavyomaśabdābhidheye, brahmādīnāṃ vāṅmanasā'gocare, śrīmati vaikuṇṭhe divyaloke, sanakavidhiśivādibhirapi acintyasvabhāvaiśvaryaiḥ, nityasiddhairanantairbhagavadānukūlyaika bhogairdivyapuruṣaiḥ mahātmabhiḥ āpūrite, teṣāmapi iyatparimāṇaṃ, iyadaiśvaryaṃ, īdṛśasvabhāvamiti paricchettumayogye, divyāvaraṇaśatasahasrāvṛte, divyakalpakatarūpaśobhite, divyodyāna śatasahasrakoṭibhirāvṛte, atipramāṇe divyāyatane, kasmiṃścidvicitra divyaratnamaya divyāsthānamaṇḍape, divyaratnastambha śatasahasrakoṭibhirupaśobhite,
divyanānāratnakṛtasthala vicitrite, divyālaṅkārālaṅkṛte, paritaḥ patitaiḥ patamānaiḥ pādapasthaiśca nānāgandhavarṇairdivyapuṣpaiḥ śobhamānairdivyapuṣpopavanairupaśobhite, saṅkīrṇapārijātādi kalpadrumopaśobhitaiḥ, asaṅkīrṇaiśca kaiścidantassthapuṣparatnādinirmita divyalīlāmaṇḍapa śatasahasropaśobhitaiḥ, sarvadā'nubhūyamānairapyapūrvavadāścaryamāvahadbhiḥ krīḍāśaila śatasahasrairalaṅkṛtaiḥ, kaiścinnārāyaṇadivyalīlā'sādhāraṇaiḥ, kaiścitpadmavanālayā divyalīlā'sādhāraṇaiḥ, sādhāraṇaiśca kaiścit śukaśārikāmayūrakokilādibhiḥ komalakūjitairākulaiḥ, divyodyāna śatasahasrairāvṛte, maṇimuktāpravāla kṛtasopānaiḥ, divyāmalāmṛtarasodakaiḥ, divyāṇḍajavaraiḥ, atiramaṇīyadarśanaiḥ atimanoharamadhurasvaraiḥ ākulaiḥ, antastha muktāmaya divyakrīḍāsthānopaśobhitaiḥ divyasaugandhikavāpīśatasahasraiḥ, divyarājahaṃsāvalīvirājitairāvṛte, nirastātiśayānandaikarasatayā cānantyācca praviṣṭānunmādayadbhiḥ krīḍoddeśairvirājite, tatra tatra kṛta divyapuṣpaparyaṅkopaśobhite, nānāpuṣpāsavāsvāda mattabhṛṅgāvalībhiḥ udgīyamāna divyagāndharveṇāpūrite, candanāgarukarpūra divyapuṣpāvagāhi mandānilāsevyamāne, madhye puṣpasañcaya vicitrite, mahati divyayogaparyaṅke anantabhogini, śrīmadvaikuṇṭhaiśvaryādi divyalokaṃ ātmakāntyā viśvamāpyāyayantyā śeṣa śeṣāśanādi sarvaparijanaṃ bhagavatastattadavasthocita paricaryāyāṃ ājñāpayantyā, śīlarūpaguṇa vilāsādibhiḥ ātmānurūpayā śriyā sahāsīnaṃ, pratyagronmīlita sarasijasadṛśa nayanayugalaṃ, svacchanīlajīmūtasaṅkāśaṃ, atyujjvalapītavāsasaṃ, svayā prabhayā'tinirmalayā atiśītalayā atikomalayā svacchamāṇikyābhayā kṛtsnaṃ jagadbhāsayantaṃ,
acintyadivyādbhuta nityayauvana svabhāvalāvaṇyamayāmṛtasāgaraṃ, atisaukumāryādi īṣat prasvinnavadālakṣyamāṇa lalāṭaphalaka divyālakāvalīvirājitaṃ, prabuddhamugdhāmbuja cārulocanaṃ, savibhramabhrūlataṃ, ujjvalādharaṃ, śucismitaṃ, komalagaṇḍaṃ, unnasaṃ, udagrapīnāṃsa vilambikuṇḍalālakāvalī bandhura kambukandharaṃ, priyāvataṃsotpala karṇabhūṣaṇaślathālakābandha vimardaśaṃsibhiḥ caturbhirājānuvilambibhirbhujairvirājitaṃ, atikomala divyarekhālaṅkṛtātāmrakaratalaṃ, divyāṅgulīyakavirājitaṃ, atikomala divyanakhāvalīvirājitaṃ, atiraktāṅgulībhiralaṅkṛtaṃ, tatkṣaṇonmīlita puṇḍarīka sadṛśacaraṇayugalaṃ, atimanohara kirīṭamakuṭa cūḍāvataṃsa makarakuṇḍala graiveyaka hāra keyūra kaṭaka śrīvatsa kaustubha muktādāmodarabandhana pītāmbara kāñcīguṇa nūpurādibhiratyanta sukhasparśaiḥ divyagandhairbhūṣaṇairbhūṣitaṃ, śrīmatyā vaijayantyā vanamālayā virājitaṃ, śaṅkhacakragadā'si śārṅgādi divyāyudhaiḥ sevyamānaṃ, svasaṅkalpamātrāvaklupta jagajjanmasthitidhvaṃsādike śrīmati viṣvaksene nyasta samastātmaiśvaryaṃ, vainateyādibhiḥ svabhāvato nirasta samasta sāṃsārika svabhāvaiḥ bhagavatparicaryākaraṇa yogyairbhagavatparicaryaikabhogai-rnityasiddhairanantaiḥ yathā yogaṃ sevyamānaṃ, ātmabhogena ananusaṃhitaparādikāla divyāmala komalāvalokanena viśvamāhlādayantaṃ, īṣadunmīlita mukhāmbujodaravinirgatena divyānanāravinda śobhājananena divyagāmbhīryaudārya saundarya mādhuryādyanavadhika guṇagaṇavibhūṣitena, atimanohara divyabhāvagarbheṇa divyalīlā''lāpāmṛtena akhilajana hṛdayāntarāṇyāpūrayantaṃ bhagavantaṃ nārāyaṇaṃ dhyānayogena dṛṣṭvā, tato bhagavato nityasvāmyamātmano nityadāsyaṃ ca yathāvasthitamanusandhāya, kadā'haṃ bhagavantaṃ nārāyaṇaṃ, mama kulanāthaṃ, mama kuladaivataṃ, mama kuladhanaṃ, mama bhogyaṃ, mama mātaraṃ, mama pitaraṃ, mama sarvaṃ sākṣātkaravāṇi cakṣuṣā |
kadā'haṃ bhagavatpādāmbujadvayaṃ śirasā saṅgrahīṣyāmi | kadā'haṃ bhagavatpādāmbujadvaya paricaryā''śayā nirastasamastetara bhogāśaḥ, apagata samasta sāṃsārikasvabhāvaḥ tatpādāmbujadvayaṃ pravekṣyāmi | kadā'haṃ bhagavatpādāmbujadvaya paricaryākaraṇayogya-stadekabhogastatpādau paricariṣyāmi | kadā māṃ bhagavān svakīyayā atiśītalayā dṛśā avalokya, snigdhagambhīramadhurayā girā paricaryāyāṃ ājñāpayiṣyati, iti bhagavatparicaryāyāmāśāṃ vardhayitvā tayaivā'śayā tatprasādopabṛṃhitayā bhagavantamupetya, dūrādeva bhagavantaṃ śeṣabhoge śriyā sahāsīnaṃ vainateyādibhiḥ sevyamānaṃ, samastaparivārāya śrīmate nārāyaṇāya namaḥ, iti praṇamya utthāyotthāya punaḥ punaḥ praṇamya atyanta sādhvasavinayāvanato bhūtvā, bhagavatpāriṣadagaṇanāyakairdvārapālaiḥ kṛpayā snehagarbhayā dṛśā'valokitaḥ samyagabhivanditaistaistairevānumato bhagavantamupetya, śrīmatā mūlamantreṇa māmaikāntikātyantika paricaryākaraṇāya parigṛhṇīṣva iti yācamānaḥ praṇamyātmānaṃ bhagavate nivedayet |
tato bhagavatā svayamevātmasañjīvanena amaryādaśīlavatā atipremānvitena avalokanenāvalokya sarvadeśa sarvakāla sarvāvasthocitātyantaśeṣabhāvāya svīkṛto'nujñātaśca atyantasādhvasavinayāvanataḥ kiṅkurvāṇaḥ kṛtāñjalipuṭo bhagavantamupāsīta | tataścānubhūyamāna bhāvaviśeṣaḥ niratiśayaprītyā'nyatkiñcitkartuṃ draṣṭuṃ smartumaśaktaḥ punarapi śeṣabhāvameva yācamāno bhagavantamevāvicchinnasrotorūpeṇāvalokanena avalokayannāsīta | tato bhagavatā svayamevātmasañjīvanenāvalokanenāvalokya sasmitamāhūya samastakleśāpahaṃ niratiśayasukhāvahamātmīyaṃ, śrīmatpādāravindayugalaṃ śirasi kṛtaṃ dhyātvā, amṛtasāgarāntarnimagnasarvāvayavaḥ sukhamāsīta |
lakṣmīpateryatipateśca dayaikadhāmnoḥ
yo'sau purā samajaniṣṭa jagaddhitārtham |
prāpyaṃ prakāśayatu naḥ paramaṃ rahasyaṃ
saṃvāda eṣa śaraṇāgati mantrasāraḥ ||
iti śrībhagavadrāmānujaviracite śrīvaikuṇṭhagadyam |
Sanskrit — Devanagari (original)
यामुनार्यसुधाम्भोधिमवगाह्य यथामति ।
आदाय भक्तियोगाख्यं रत्नं सन्दर्शयाम्यहम् ॥
स्वाधीन त्रिविधचेतनाचेतनस्वरूपस्थिति प्रवृत्तिभेदं, क्लेश कर्माद्यशेषदोषासंस्पृष्टं, स्वाभाविकानवधिकातिशय ज्ञानबलैश्वर्यवीर्यशक्तितेजः प्रभृत्यसङ्ख्येय कल्याणगुणगणौघ महार्णवं, परमपुरुषं, भगवन्तं, नारायणं, स्वामित्वेन सुहृत्वेन गुरुत्वेन च परिगृह्य ऐकान्तिकात्यन्तिक तत्पादाम्बुजद्वय परिचर्यैकमनोरथः, तत्प्राप्तये च तत्पादाम्बुजद्वय प्रपत्तेरन्यन्न मे कल्पकोटिसहस्रेणापि साधनमस्तीति मन्वानः, तस्यैव भगवतो नारायणस्य अखिलसत्त्वदयैकसागरस्य अनालोचित गुणगुणाखण्ड जनानुकूलामर्याद शीलवतः, स्वाभाविकानवधिकातिशय गुणवत्तया देवतिर्यङ्मनुष्याद्यखिलजन हृदयानन्दनस्य आश्रितवात्सल्यैकजलधेः भक्तजनसंश्लेषैकभोगस्य नित्यज्ञानक्रियैश्वर्यादि भोगसामग्रीसमृद्धस्य, महाविभूतेः, श्रीमच्चरणारविन्दयुगलं अनन्यात्मसञ्जीवनेन तद्गतसर्वभावेन शरणमनुव्रजेत् । ततश्च प्रत्यहमात्मोज्जीवनायैवमनुस्मरेत् । चतुर्दशभुवनात्मकं अण्डं, दशगुणितोत्तरं च आवरणसप्तकं, समस्तं कार्यकारण(जात)मतीत्य, वर्तमाने परमव्योमशब्दाभिधेये, ब्रह्मादीनां वाङ्मनसाऽगोचरे, श्रीमति वैकुण्ठे दिव्यलोके, सनकविधिशिवादिभिरपि अचिन्त्यस्वभावैश्वर्यैः, नित्यसिद्धैरनन्तैर्भगवदानुकूल्यैक भोगैर्दिव्यपुरुषैः महात्मभिः आपूरिते, तेषामपि इयत्परिमाणं, इयदैश्वर्यं, ईदृशस्वभावमिति परिच्छेत्तुमयोग्ये, दिव्यावरणशतसहस्रावृते, दिव्यकल्पकतरूपशोभिते, दिव्योद्यान शतसहस्रकोटिभिरावृते, अतिप्रमाणे दिव्यायतने, कस्मिंश्चिद्विचित्र दिव्यरत्नमय दिव्यास्थानमण्डपे, दिव्यरत्नस्तम्भ शतसहस्रकोटिभिरुपशोभिते,
दिव्यनानारत्नकृतस्थल विचित्रिते, दिव्यालङ्कारालङ्कृते, परितः पतितैः पतमानैः पादपस्थैश्च नानागन्धवर्णैर्दिव्यपुष्पैः शोभमानैर्दिव्यपुष्पोपवनैरुपशोभिते, सङ्कीर्णपारिजातादि कल्पद्रुमोपशोभितैः, असङ्कीर्णैश्च कैश्चिदन्तस्स्थपुष्परत्नादिनिर्मित दिव्यलीलामण्डप शतसहस्रोपशोभितैः, सर्वदाऽनुभूयमानैरप्यपूर्ववदाश्चर्यमावहद्भिः क्रीडाशैल शतसहस्रैरलङ्कृतैः, कैश्चिन्नारायणदिव्यलीलाऽसाधारणैः, कैश्चित्पद्मवनालया दिव्यलीलाऽसाधारणैः, साधारणैश्च कैश्चित् शुकशारिकामयूरकोकिलादिभिः कोमलकूजितैराकुलैः, दिव्योद्यान शतसहस्रैरावृते, मणिमुक्ताप्रवाल कृतसोपानैः, दिव्यामलामृतरसोदकैः, दिव्याण्डजवरैः, अतिरमणीयदर्शनैः अतिमनोहरमधुरस्वरैः आकुलैः, अन्तस्थ मुक्तामय दिव्यक्रीडास्थानोपशोभितैः दिव्यसौगन्धिकवापीशतसहस्रैः, दिव्यराजहंसावलीविराजितैरावृते, निरस्तातिशयानन्दैकरसतया चानन्त्याच्च प्रविष्टानुन्मादयद्भिः क्रीडोद्देशैर्विराजिते, तत्र तत्र कृत दिव्यपुष्पपर्यङ्कोपशोभिते, नानापुष्पासवास्वाद मत्तभृङ्गावलीभिः उद्गीयमान दिव्यगान्धर्वेणापूरिते, चन्दनागरुकर्पूर दिव्यपुष्पावगाहि मन्दानिलासेव्यमाने, मध्ये पुष्पसञ्चय विचित्रिते, महति दिव्ययोगपर्यङ्के अनन्तभोगिनि, श्रीमद्वैकुण्ठैश्वर्यादि दिव्यलोकं आत्मकान्त्या विश्वमाप्याययन्त्या शेष शेषाशनादि सर्वपरिजनं भगवतस्तत्तदवस्थोचित परिचर्यायां आज्ञापयन्त्या, शीलरूपगुण विलासादिभिः आत्मानुरूपया श्रिया सहासीनं, प्रत्यग्रोन्मीलित सरसिजसदृश नयनयुगलं, स्वच्छनीलजीमूतसङ्काशं, अत्युज्ज्वलपीतवाससं, स्वया प्रभयाऽतिनिर्मलया अतिशीतलया अतिकोमलया स्वच्छमाणिक्याभया कृत्स्नं जगद्भासयन्तं,
अचिन्त्यदिव्याद्भुत नित्ययौवन स्वभावलावण्यमयामृतसागरं, अतिसौकुमार्यादि ईषत् प्रस्विन्नवदालक्ष्यमाण ललाटफलक दिव्यालकावलीविराजितं, प्रबुद्धमुग्धाम्बुज चारुलोचनं, सविभ्रमभ्रूलतं, उज्ज्वलाधरं, शुचिस्मितं, कोमलगण्डं, उन्नसं, उदग्रपीनांस विलम्बिकुण्डलालकावली बन्धुर कम्बुकन्धरं, प्रियावतंसोत्पल कर्णभूषणश्लथालकाबन्ध विमर्दशंसिभिः चतुर्भिराजानुविलम्बिभिर्भुजैर्विराजितं, अतिकोमल दिव्यरेखालङ्कृताताम्रकरतलं, दिव्याङ्गुलीयकविराजितं, अतिकोमल दिव्यनखावलीविराजितं, अतिरक्ताङ्गुलीभिरलङ्कृतं, तत्क्षणोन्मीलित पुण्डरीक सदृशचरणयुगलं, अतिमनोहर किरीटमकुट चूडावतंस मकरकुण्डल ग्रैवेयक हार केयूर कटक श्रीवत्स कौस्तुभ मुक्तादामोदरबन्धन पीताम्बर काञ्चीगुण नूपुरादिभिरत्यन्त सुखस्पर्शैः दिव्यगन्धैर्भूषणैर्भूषितं, श्रीमत्या वैजयन्त्या वनमालया विराजितं, शङ्खचक्रगदाऽसि शार्ङ्गादि दिव्यायुधैः सेव्यमानं, स्वसङ्कल्पमात्रावक्लुप्त जगज्जन्मस्थितिध्वंसादिके श्रीमति विष्वक्सेने न्यस्त समस्तात्मैश्वर्यं, वैनतेयादिभिः स्वभावतो निरस्त समस्त सांसारिक स्वभावैः भगवत्परिचर्याकरण योग्यैर्भगवत्परिचर्यैकभोगै-र्नित्यसिद्धैरनन्तैः यथा योगं सेव्यमानं, आत्मभोगेन अननुसंहितपरादिकाल दिव्यामल कोमलावलोकनेन विश्वमाह्लादयन्तं, ईषदुन्मीलित मुखाम्बुजोदरविनिर्गतेन दिव्याननारविन्द शोभाजननेन दिव्यगाम्भीर्यौदार्य सौन्दर्य माधुर्याद्यनवधिक गुणगणविभूषितेन, अतिमनोहर दिव्यभावगर्भेण दिव्यलीलाऽऽलापामृतेन अखिलजन हृदयान्तराण्यापूरयन्तं भगवन्तं नारायणं ध्यानयोगेन दृष्ट्वा, ततो भगवतो नित्यस्वाम्यमात्मनो नित्यदास्यं च यथावस्थितमनुसन्धाय, कदाऽहं भगवन्तं नारायणं, मम कुलनाथं, मम कुलदैवतं, मम कुलधनं, मम भोग्यं, मम मातरं, मम पितरं, मम सर्वं साक्षात्करवाणि चक्षुषा ।
कदाऽहं भगवत्पादाम्बुजद्वयं शिरसा सङ्ग्रहीष्यामि । कदाऽहं भगवत्पादाम्बुजद्वय परिचर्याऽऽशया निरस्तसमस्तेतर भोगाशः, अपगत समस्त सांसारिकस्वभावः तत्पादाम्बुजद्वयं प्रवेक्ष्यामि । कदाऽहं भगवत्पादाम्बुजद्वय परिचर्याकरणयोग्य-स्तदेकभोगस्तत्पादौ परिचरिष्यामि । कदा मां भगवान् स्वकीयया अतिशीतलया दृशा अवलोक्य, स्निग्धगम्भीरमधुरया गिरा परिचर्यायां आज्ञापयिष्यति, इति भगवत्परिचर्यायामाशां वर्धयित्वा तयैवाऽशया तत्प्रसादोपबृंहितया भगवन्तमुपेत्य, दूरादेव भगवन्तं शेषभोगे श्रिया सहासीनं वैनतेयादिभिः सेव्यमानं, समस्तपरिवाराय श्रीमते नारायणाय नमः, इति प्रणम्य उत्थायोत्थाय पुनः पुनः प्रणम्य अत्यन्त साध्वसविनयावनतो भूत्वा, भगवत्पारिषदगणनायकैर्द्वारपालैः कृपया स्नेहगर्भया दृशाऽवलोकितः सम्यगभिवन्दितैस्तैस्तैरेवानुमतो भगवन्तमुपेत्य, श्रीमता मूलमन्त्रेण मामैकान्तिकात्यन्तिक परिचर्याकरणाय परिगृह्णीष्व इति याचमानः प्रणम्यात्मानं भगवते निवेदयेत् ।
ततो भगवता स्वयमेवात्मसञ्जीवनेन अमर्यादशीलवता अतिप्रेमान्वितेन अवलोकनेनावलोक्य सर्वदेश सर्वकाल सर्वावस्थोचितात्यन्तशेषभावाय स्वीकृतोऽनुज्ञातश्च अत्यन्तसाध्वसविनयावनतः किङ्कुर्वाणः कृताञ्जलिपुटो भगवन्तमुपासीत । ततश्चानुभूयमान भावविशेषः निरतिशयप्रीत्याऽन्यत्किञ्चित्कर्तुं द्रष्टुं स्मर्तुमशक्तः पुनरपि शेषभावमेव याचमानो भगवन्तमेवाविच्छिन्नस्रोतोरूपेणावलोकनेन अवलोकयन्नासीत । ततो भगवता स्वयमेवात्मसञ्जीवनेनावलोकनेनावलोक्य सस्मितमाहूय समस्तक्लेशापहं निरतिशयसुखावहमात्मीयं, श्रीमत्पादारविन्दयुगलं शिरसि कृतं ध्यात्वा, अमृतसागरान्तर्निमग्नसर्वावयवः सुखमासीत ।
लक्ष्मीपतेर्यतिपतेश्च दयैकधाम्नोः
योऽसौ पुरा समजनिष्ट जगद्धितार्थम् ।
प्राप्यं प्रकाशयतु नः परमं रहस्यं
संवाद एष शरणागति मन्त्रसारः ॥
इति श्रीभगवद्रामानुजविरचिते श्रीवैकुण्ठगद्यम् ।
yāmunāryasudhāmbhodhimavagāhya yathāmati |
ādāya bhaktiyogākhyaṃ ratnaṃ sandarśayāmyaham ||
svādhīna trividhacetanācetanasvarūpasthiti pravṛttibhedaṃ, kleśa karmādyaśeṣadoṣāsaṃspṛṣṭaṃ, svābhāvikānavadhikātiśaya jñānabalaiśvaryavīryaśaktitejaḥ prabhṛtyasaṅkhyeya kalyāṇaguṇagaṇaugha mahārṇavaṃ, paramapuruṣaṃ, bhagavantaṃ, nārāyaṇaṃ, svāmitvena suhṛtvena gurutvena ca parigṛhya aikāntikātyantika tatpādāmbujadvaya paricaryaikamanorathaḥ, tatprāptaye ca tatpādāmbujadvaya prapatteranyanna me kalpakoṭisahasreṇāpi sādhanamastīti manvānaḥ, tasyaiva bhagavato nārāyaṇasya akhilasattvadayaikasāgarasya anālocita guṇaguṇākhaṇḍa janānukūlāmaryāda śīlavataḥ, svābhāvikānavadhikātiśaya guṇavattayā devatiryaṅmanuṣyādyakhilajana hṛdayānandanasya āśritavātsalyaikajaladheḥ bhaktajanasaṃśleṣaikabhogasya nityajñānakriyaiśvaryādi bhogasāmagrīsamṛddhasya, mahāvibhūteḥ, śrīmaccaraṇāravindayugalaṃ ananyātmasañjīvanena tadgatasarvabhāvena śaraṇamanuvrajet | tataśca pratyahamātmojjīvanāyaivamanusmaret | caturdaśabhuvanātmakaṃ aṇḍaṃ, daśaguṇitottaraṃ ca āvaraṇasaptakaṃ, samastaṃ kāryakāraṇa(jāta)matītya, vartamāne paramavyomaśabdābhidheye, brahmādīnāṃ vāṅmanasā'gocare, śrīmati vaikuṇṭhe divyaloke, sanakavidhiśivādibhirapi acintyasvabhāvaiśvaryaiḥ, nityasiddhairanantairbhagavadānukūlyaika bhogairdivyapuruṣaiḥ mahātmabhiḥ āpūrite, teṣāmapi iyatparimāṇaṃ, iyadaiśvaryaṃ, īdṛśasvabhāvamiti paricchettumayogye, divyāvaraṇaśatasahasrāvṛte, divyakalpakatarūpaśobhite, divyodyāna śatasahasrakoṭibhirāvṛte, atipramāṇe divyāyatane, kasmiṃścidvicitra divyaratnamaya divyāsthānamaṇḍape, divyaratnastambha śatasahasrakoṭibhirupaśobhite,
divyanānāratnakṛtasthala vicitrite, divyālaṅkārālaṅkṛte, paritaḥ patitaiḥ patamānaiḥ pādapasthaiśca nānāgandhavarṇairdivyapuṣpaiḥ śobhamānairdivyapuṣpopavanairupaśobhite, saṅkīrṇapārijātādi kalpadrumopaśobhitaiḥ, asaṅkīrṇaiśca kaiścidantassthapuṣparatnādinirmita divyalīlāmaṇḍapa śatasahasropaśobhitaiḥ, sarvadā'nubhūyamānairapyapūrvavadāścaryamāvahadbhiḥ krīḍāśaila śatasahasrairalaṅkṛtaiḥ, kaiścinnārāyaṇadivyalīlā'sādhāraṇaiḥ, kaiścitpadmavanālayā divyalīlā'sādhāraṇaiḥ, sādhāraṇaiśca kaiścit śukaśārikāmayūrakokilādibhiḥ komalakūjitairākulaiḥ, divyodyāna śatasahasrairāvṛte, maṇimuktāpravāla kṛtasopānaiḥ, divyāmalāmṛtarasodakaiḥ, divyāṇḍajavaraiḥ, atiramaṇīyadarśanaiḥ atimanoharamadhurasvaraiḥ ākulaiḥ, antastha muktāmaya divyakrīḍāsthānopaśobhitaiḥ divyasaugandhikavāpīśatasahasraiḥ, divyarājahaṃsāvalīvirājitairāvṛte, nirastātiśayānandaikarasatayā cānantyācca praviṣṭānunmādayadbhiḥ krīḍoddeśairvirājite, tatra tatra kṛta divyapuṣpaparyaṅkopaśobhite, nānāpuṣpāsavāsvāda mattabhṛṅgāvalībhiḥ udgīyamāna divyagāndharveṇāpūrite, candanāgarukarpūra divyapuṣpāvagāhi mandānilāsevyamāne, madhye puṣpasañcaya vicitrite, mahati divyayogaparyaṅke anantabhogini, śrīmadvaikuṇṭhaiśvaryādi divyalokaṃ ātmakāntyā viśvamāpyāyayantyā śeṣa śeṣāśanādi sarvaparijanaṃ bhagavatastattadavasthocita paricaryāyāṃ ājñāpayantyā, śīlarūpaguṇa vilāsādibhiḥ ātmānurūpayā śriyā sahāsīnaṃ, pratyagronmīlita sarasijasadṛśa nayanayugalaṃ, svacchanīlajīmūtasaṅkāśaṃ, atyujjvalapītavāsasaṃ, svayā prabhayā'tinirmalayā atiśītalayā atikomalayā svacchamāṇikyābhayā kṛtsnaṃ jagadbhāsayantaṃ,
acintyadivyādbhuta nityayauvana svabhāvalāvaṇyamayāmṛtasāgaraṃ, atisaukumāryādi īṣat prasvinnavadālakṣyamāṇa lalāṭaphalaka divyālakāvalīvirājitaṃ, prabuddhamugdhāmbuja cārulocanaṃ, savibhramabhrūlataṃ, ujjvalādharaṃ, śucismitaṃ, komalagaṇḍaṃ, unnasaṃ, udagrapīnāṃsa vilambikuṇḍalālakāvalī bandhura kambukandharaṃ, priyāvataṃsotpala karṇabhūṣaṇaślathālakābandha vimardaśaṃsibhiḥ caturbhirājānuvilambibhirbhujairvirājitaṃ, atikomala divyarekhālaṅkṛtātāmrakaratalaṃ, divyāṅgulīyakavirājitaṃ, atikomala divyanakhāvalīvirājitaṃ, atiraktāṅgulībhiralaṅkṛtaṃ, tatkṣaṇonmīlita puṇḍarīka sadṛśacaraṇayugalaṃ, atimanohara kirīṭamakuṭa cūḍāvataṃsa makarakuṇḍala graiveyaka hāra keyūra kaṭaka śrīvatsa kaustubha muktādāmodarabandhana pītāmbara kāñcīguṇa nūpurādibhiratyanta sukhasparśaiḥ divyagandhairbhūṣaṇairbhūṣitaṃ, śrīmatyā vaijayantyā vanamālayā virājitaṃ, śaṅkhacakragadā'si śārṅgādi divyāyudhaiḥ sevyamānaṃ, svasaṅkalpamātrāvaklupta jagajjanmasthitidhvaṃsādike śrīmati viṣvaksene nyasta samastātmaiśvaryaṃ, vainateyādibhiḥ svabhāvato nirasta samasta sāṃsārika svabhāvaiḥ bhagavatparicaryākaraṇa yogyairbhagavatparicaryaikabhogai-rnityasiddhairanantaiḥ yathā yogaṃ sevyamānaṃ, ātmabhogena ananusaṃhitaparādikāla divyāmala komalāvalokanena viśvamāhlādayantaṃ, īṣadunmīlita mukhāmbujodaravinirgatena divyānanāravinda śobhājananena divyagāmbhīryaudārya saundarya mādhuryādyanavadhika guṇagaṇavibhūṣitena, atimanohara divyabhāvagarbheṇa divyalīlā''lāpāmṛtena akhilajana hṛdayāntarāṇyāpūrayantaṃ bhagavantaṃ nārāyaṇaṃ dhyānayogena dṛṣṭvā, tato bhagavato nityasvāmyamātmano nityadāsyaṃ ca yathāvasthitamanusandhāya, kadā'haṃ bhagavantaṃ nārāyaṇaṃ, mama kulanāthaṃ, mama kuladaivataṃ, mama kuladhanaṃ, mama bhogyaṃ, mama mātaraṃ, mama pitaraṃ, mama sarvaṃ sākṣātkaravāṇi cakṣuṣā |
kadā'haṃ bhagavatpādāmbujadvayaṃ śirasā saṅgrahīṣyāmi | kadā'haṃ bhagavatpādāmbujadvaya paricaryā''śayā nirastasamastetara bhogāśaḥ, apagata samasta sāṃsārikasvabhāvaḥ tatpādāmbujadvayaṃ pravekṣyāmi | kadā'haṃ bhagavatpādāmbujadvaya paricaryākaraṇayogya-stadekabhogastatpādau paricariṣyāmi | kadā māṃ bhagavān svakīyayā atiśītalayā dṛśā avalokya, snigdhagambhīramadhurayā girā paricaryāyāṃ ājñāpayiṣyati, iti bhagavatparicaryāyāmāśāṃ vardhayitvā tayaivā'śayā tatprasādopabṛṃhitayā bhagavantamupetya, dūrādeva bhagavantaṃ śeṣabhoge śriyā sahāsīnaṃ vainateyādibhiḥ sevyamānaṃ, samastaparivārāya śrīmate nārāyaṇāya namaḥ, iti praṇamya utthāyotthāya punaḥ punaḥ praṇamya atyanta sādhvasavinayāvanato bhūtvā, bhagavatpāriṣadagaṇanāyakairdvārapālaiḥ kṛpayā snehagarbhayā dṛśā'valokitaḥ samyagabhivanditaistaistairevānumato bhagavantamupetya, śrīmatā mūlamantreṇa māmaikāntikātyantika paricaryākaraṇāya parigṛhṇīṣva iti yācamānaḥ praṇamyātmānaṃ bhagavate nivedayet |
tato bhagavatā svayamevātmasañjīvanena amaryādaśīlavatā atipremānvitena avalokanenāvalokya sarvadeśa sarvakāla sarvāvasthocitātyantaśeṣabhāvāya svīkṛto'nujñātaśca atyantasādhvasavinayāvanataḥ kiṅkurvāṇaḥ kṛtāñjalipuṭo bhagavantamupāsīta | tataścānubhūyamāna bhāvaviśeṣaḥ niratiśayaprītyā'nyatkiñcitkartuṃ draṣṭuṃ smartumaśaktaḥ punarapi śeṣabhāvameva yācamāno bhagavantamevāvicchinnasrotorūpeṇāvalokanena avalokayannāsīta | tato bhagavatā svayamevātmasañjīvanenāvalokanenāvalokya sasmitamāhūya samastakleśāpahaṃ niratiśayasukhāvahamātmīyaṃ, śrīmatpādāravindayugalaṃ śirasi kṛtaṃ dhyātvā, amṛtasāgarāntarnimagnasarvāvayavaḥ sukhamāsīta |
lakṣmīpateryatipateśca dayaikadhāmnoḥ
yo'sau purā samajaniṣṭa jagaddhitārtham |
prāpyaṃ prakāśayatu naḥ paramaṃ rahasyaṃ
saṃvāda eṣa śaraṇāgati mantrasāraḥ ||
iti śrībhagavadrāmānujaviracite śrīvaikuṇṭhagadyam |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.